ಸ್ವ ರ ಚಿ ತ ಅಂಕಣ

ವಿದಾಯ ಗೀತೆ

2020-12-04T04:29:00.004-08:00

ಕಳೆದು ಹೋದ ದಿನಗಳೆಂದೂ ಮತ್ತೆ ಮರಳವು
ನಿನ್ನ ಪಯಣ ಬೇರೆ ಕಡೆಗೆ, ನಮಗೆ ದಿಕ್ಕು ಕಾಣವು
ಮಾಡಲಾರೆ ನಿನಗೆಮುಂದೆ ನಾವೇನೂ ಸಹಾಯ
ಹೆತ್ತು ಹೊತ್ತು ಸಾಕಿ ಸಲಹಿದ ಜೀವಕಿದೋ ವಿದಾಯ…

ನೀನು ಮಗಳು, ಮಡದಿ, ಅಮ್ಮ, ಅತ್ತೆಯಾಗಿಯೂ,
ಮೊಮ್ಮಕ್ಕಳ ಜೊತೆಗೆ ಆಡಿ ಅಜ್ಜಿಯಾದೆಯೋ?
ಮರಳಿ ಬಂದ ಅಲೆಯು ನಿನ್ನ ಕೊಂಡುಹೋಯಿತು
ಅಕ್ಷರಗಳು ಬೀಳದೀಗ ತೆರೆಯು ಅಳಿಸಿತು...

ಮಾತೆ ಹೃದಯ ಮಾತನಳಿಸಿ ಕಲ್ಲಾಯಿತೇ
ನಿನ್ನ ನಾಳೆ ನಮ್ಮ ಜೊತೆಗೆ ಸುಳ್ಳಾಯಿತೇ?
ಇರಲಿ ಬಿಡು ಹುಟ್ಟು ಸಾವು ಎಲ್ಲ ನಿಶ್ಚಯ
ನಮಗಿಲ್ಲ ನಿನ್ನ ಮೇಲೆ ಎನೂ ಸಂಶಯ!

ಜನನಿ ಜನ್ಮಭೂಮಿಶ್ಚ ಸ್ವರ್ಗದಪಿ ಗರೀಯಸಿ!
ನಾವು ಕಳೆದ ಸ್ವರ್ಗವು ನಿನಗೆ ದೊರಕಲಿ!
ನಿನ್ನ ನೆನಪೇ ಶಕ್ತಿಯು, ಅದುವೇ ನಮಗೆ ಸ್ವರ್ಗವು,
ನೆನೆಯಬಲ್ಲೆ ನಿತ್ಯ ಅದನು ಎಂದೂ ಅಮರವು…

ಮಲೆಗಿಳಿ/Blue-winged parakeet - Male / | Kollamogaru, Sullia | 03Sep16

2016-09-06T07:22:00.003-07:00

What a colourful species and a gem of our Western Ghat! Lucky to sight 6+ of these feeding in a riverside of a dense forest area. The blue-winged parakeet, also known as the Malabar parakeet (Psittacula columboides) is a species of parakeet endemic to the Western Ghats of southern India. Adult Male has Red beak, however Adult Female has black beak to distinguish.

Small Green Bee-Eater

2015-01-16T05:48:00.001-08:00

Malabar Trogon - Family | Sullia | 19Dec14

2015-01-16T05:47:00.005-08:00

Chestnut-headed bee-eater | Sullia | 22Dec14

2015-01-16T05:45:00.001-08:00

Drongo-cuckoo | 28Dec14 | Sullia

2015-01-16T05:44:00.002-08:00

ನಿನ್ನೆ ನಿನ್ನೆಗೆ, ಇಂದು ಇಂದಿಗೆ, ಇರಲಿ ನಾಳೆಯು ನಾಳೆಗೆ - ಕುವೆಂಪು

2015-01-16T05:43:00.002-08:00

Grey Wagtail

2015-01-16T05:42:00.002-08:00

ಬೆಳಗ್ಗೆ ಎದ್ದು ಪ್ರತಿದಿನ ಮೊದಲು ನಾಲ್ಕು ತೆಂಗಿನಮರ ನೋಡಿದರೆ ಆ ದಿನ ಶುಭಕರವಾಗಿರುತ್ತದೆ ಎಂಬುದು ಹಿರಿಯರ ನುಡಿ. ಆದಕ್ಕೋಸ್ಕರವೇ ಏನೋ, ಮನೆಸುತ್ತ ಸ್ವಲ್ಪ ಜಾಗವಿದ್ದರೂ ಮಲೆನಾಡಲ್ಲಿ ತೆಂಗಿನಗಿಡಗಳು ಗರಿಗೆದರಿ ನಿಂತಿರುತ್ತವೆ. ಪಟ್ಟಣದ ನೆಲಬಿಟ್ಟು ನಿಂತ ಮನೆಗಳಿಗೆ ಇದು ಅಪಾರ್ಥವೆನಿಸಿದರೂ, ಹಳ್ಳಿಗರಿಗಂತೂ ಇದು ಬಹುಬೇಗ ಮನದಟ್ಟಾದೀತು. ಮೊದಮೊದಲು ನನಗೂ ತೆಂಗಿನಮರದಲ್ಲಿ ಬರಿಯ ಮಡಲು, ಒಣಗಿದ ತೆಂಗಿನಕಾಯಿ, ಬೊಂಡಗಳಷ್ಟೇ ಕಾಣುತ್ತಿದ್ದವು, ಇತ್ತೀಚೆಗೆ ಮರವ ತುಸು ದಿಟ್ಟಿಸಿ ಸೂಕ್ಷ್ಮವಾಗಿ ನೋಡುವ ಕಾರಣದಿಂದಲೋ ಎನೋ ಒಮ್ಮೊಮ್ಮೆ ಮರಕುಟಿಗ, ಪಿಂಗಾರದ ಮಧುವನ್ನೂ ಬಿಡದೆ ಹೀರುವ ಸೂರಕ್ಕಿಗಳು, ಮಡಲೊಡಲ ಭಕ್ಷಿಸುವ ಕೀಟಗಳನ್ನು ಹಿಡಿದು ತಿನ್ನುವ ಚಿತ್ರಪಕ್ಷಿಗಳು, ನೊಣಹಿಡುಕಗಳು- ಏನು ಒಂದೇ ಎರಡೇ! ಅಳಿಲಂತೂ ಮರದಿಂದ ಮರಕ್ಕೆ ಜಿಗಿಯುತ್ತಾ, ಕೆಳಗೆ ಬೆಕ್ಕು ಕಂಡರೆ ಚುಕ್-ಚುಕ್ ಅಂತ ಅರಚುವುದು, ಇವೆಲ್ಲಾ ಈಗ ದೈನಂದಿನ ಚಟುವಟಿಕೆಯಾಗಿ ಹೋಗಿದೆ. ಮಲೆನಾಡ ಚಳಿಯಲ್ಲಿ ಒಂದು ಮುಂಜಾನೆ ಹೀಗೆ ಮರವ ದಿಟ್ಟಿಸಿ ನೋಡುತ್ತಾ ಚಾ ಹೀರುತ್ತಿರುವಾಗ, ಒಣಗಿಸಲು ಅಂಗಳದಲ್ಲಿ ಹಾಕಿದ ಅಡಿಕೆಗಳ ಮಧ್ಯೆ ಎನೋ ಬಾಲವನ್ನು ಅಲ್ಲಾಡಿಸುತ್ತಾ ಕುಪ್ಪಳಿಸುತ್ತಾ ಅಡಿಕೆಗಳ ಸೆರೆಯಲ್ಲಿರುವ ಜೇಡದಂತಹ ಕೀಟಗಳನ್ನು ಹಿಡಿದು ತಿನ್ನುವ ಈ ಬೂದು ಸಿಪಿಲೆ ಕಾಣಸಿಕ್ಕಿತು. ಮಲೆನಾಡಿಗೆ ಚಳಿಗಾಲದಲ್ಲಿ ಬರುವ ವಲಸೆ ಹಕ್ಕಿಗಳಲ್ಲಿ ಇವೂ ಒಂದು.

Grey Wagtail | Sullia | 30Dec14

Plum-headed Parakeet

2015-01-16T05:41:00.000-08:00

ಆಕಾಶದೆತ್ತರದಲ್ಲೇ ಕಿರಿಚುತ್ತಾ ವೇಗವಾಗಿ ಓಡಾಡುವ ಈ ಕೆಂದೆಲೆ ಗಿಳಿಗಳನ್ನ ಚಿತ್ರಿಸುವುದು ನನ್ನಿಂದ ಬಹಳ ಕಷ್ಟ ಎಂದು ಕೈಕಟ್ಟಿ ಕುಳಿತುಕೊಳ್ಳುತ್ತಿದ್ದೆ. ಬಹಳಷ್ಟು ಸಲ ಅವುಗಳ ಕೂಗು ಕೇಳಿಸಿದರೂ ಕ್ಯಾಮರ ಹೊರತೆಗೆಯುತ್ತಿರಲಿಲ್ಲ. ಈ ಸಲ ಮಳೆಗೆ ಮುರಿದು ಬಿದ್ದ ಕೆಲವು ಅಡಿಕೆಮರಗಳನ್ನು ಹಾಗೇ ಕಡಿಯದೆ ಬಿಟ್ಟಕಾರಣ ಇವನ್ನೆಲ್ಲ ಹತ್ತಿರದಿಂದ ನೋಡಿ ಚಿತ್ರೀಕರಿಸುವ ಕನಸು ನನಸಾಯಿತು. ಮಕ್ಮಲ್ ನೆತ್ತಿಯ ಮರಗುಬ್ಬಿಗಳು, ಚಿಟ್ಟುಗಿಳಿಗಳು, ಕೆಂದೆಲೆ ಗಿಳಿಗಳು, ಮರಕುಟಿಗಗಳು ಹೀಗೆ ಬಹಳಷ್ಟು ಹಕ್ಕಿಗಳು ಒಣ ಅಡಿಕೆಮರವನ್ನು ಪರೀಕ್ಷಿಸದೆ ಬಿಡವು. ಗೂಡುಕಟ್ಟಲೂ ಇದು ಪ್ರಶಸ್ತ ಕಾಲ ಮತ್ತು ತಾಣವಾದುದರಿಂದ ಇವುಗಳ ಮದ್ಯೆ ತಂಟೆ, ಜಗಳ ಎಲ್ಲ ನೋಡಲು ಸಾಧ್ಯವಾಯಿತು.

Plum-headed Parakeet | Sullia | 21Dec14

Small Green Bee-eater

2015-01-16T05:39:00.003-08:00

'ತಾಳಿದವನು ಬಾಳಿಯಾನು' ಎಂಬ ಮಾತು ಅಕ್ಷರಶ: ಸತ್ಯವಾದುದು ಹಕ್ಕಿಗಳ ಛಾಯಾಗ್ರಹಣದಲ್ಲಿ. ತಾಳ್ಮೆಯೊಂದೇ ಇಲ್ಲಿ ನಿಜವಾದ ಮಿತ್ರ ಮತ್ತು ಅದುವೇ ಶೃಂಗಾರ. ಹಕ್ಕಿಗಳೊಂದಿಗೆ ಒಂದಾಗಿ, ಮೌನಿಯಾಗಿ, ಅಂತರ್ಮುಖಿಯಾಗಿ, ಅವರ ಪರಿಸರದಲ್ಲಿ ಬೆರೆತು, ಕಾದು ಕುಳಿತರೆ ಹಕ್ಕಿಗಳನ್ನು ನೈಜರೂಪದಲ್ಲಿ ನೋಡಬಹುದು. ಈ ಪರಿಸರದೊಳು ಒಂದಾಗುವ ಅಂತರ್ಧಾನ ಪ್ರಕ್ರಿಯೆ ಕಡಿಮೆಯೆಂದರೂ 5 ನಿಮಿಷಗಳು ಬೇಕು. ಮತ್ತಿನ ಕ್ಷಣ-ಕ್ಷಣವೂ ಅತ್ಯಧ್ಭುತ! ಈ ಚಿತ್ರ ಅದರ ಫಲ! ಈ ಕಳ್ಳಿಪೀರಗಳು ಯಾವ ದುಂಬಿ, ಚಿಟ್ಟೆಯನ್ನೂ ಬಿಡಲಾರವು. ವಿಶೇಷವೆಂದರೆ, ಇವು ಎಲ್ಲಿಂದ ಹಾರುವುವೋ, ಅಲ್ಲೇ ಬಂದು ಕೂತು ಬೇಟೆಯ ನಿಧಾನವಾಗಿ ತಿನ್ನುವವು. ಯಾವ ವೈರಿಗೂ, ಇವುಗಳ ಕೈಯಲ್ಲಿ ಸಾವು ಬರಬಾರದು. ಕುಕ್ಕಿ ಕುಕ್ಕಿ ನಿಧಾನಕೆ ಕೊಂದು ಗಾಳಿಯಲ್ಲಿ ಒಮ್ಮೆ ತುತ್ತನ್ನು ಹಾರಿಸಿ ನುಂಗುವವು. ಇಲ್ಲಿ ಚಿಟ್ಟೆಯೊಂದನ್ನು ಕೊಲ್ಲುವ ಸನ್ನಿವೇಶದಲ್ಲಿ ಚಿಟ್ಟೆಯ ರೆಕ್ಕೆ ಧೂಳಾಗಿ ಹಾರುವುದನ್ನು ಗಮನಿಸಬಹುದು!

Small

Green Bee-eater | Santhekatte | 03Jan15

ಕಾಜಾಣ

2015-01-16T05:38:00.001-08:00

'ಕಾಜಾಣ'ಗಳು ಪರಾವಲಂಬಿಗಳಲ್ಲ. ಇವು ನಿರುಪದ್ರವಿಯಾಗಿದ್ದು, ಉಳಿದ ನಿರುಪದ್ರವಿ ಹಕ್ಕಿಗಳಿಗೆ ಉಪದ್ರಕೊಡುವ ಇತರೇ ಹಕ್ಕಿಯನ್ನು ಸುಮ್ಮನೆ ನೋಡುತ್ತಾ ಸಹಿಸಲಾರವು. ಹದ್ದಿನಂತಹ ದೊಡ್ಡ ಮತ್ತು ಶಕ್ತಿಯುತವಾದ ಹಕ್ಕಿಗಳನ್ನು ದಿಟ್ಟವಾಗಿ ಓಡಿಸಬಲ್ಲ ಅಸಾಮಾನ್ಯ ಹಕ್ಕಿ ಇದು. ದನ ಹುಲ್ಲುಮೇಯುವಾಗ ಹುಲ್ಲಿನೆಡೆಯಲ್ಲಿ ಸುಲಭವಾಗಿ ಕಂಡುಬರುವ ಮಿಡತೆಯಂತಹ ಕೀಟಗಳನ್ನು ತಿನ್ನುವುದಕ್ಕಾಗಿ ಇಲ್ಲಿ ದನದ ಮೇಲೆ ಕುಳಿತು ಸವಾರಿ ಮಾಡುತ್ತಿದೆ.

Velvet Fronted Nuthatch

2015-01-16T05:37:00.004-08:00

ಈ ಬಣ್ಣ-ಬಣ್ಣದ ಪುಟ್ಟ ಹಕ್ಕಿಯನ್ನು ಬಲ್ಲಿರೇನಯ್ಯ? ಗುಬ್ಬಿಗಾತ್ರದ ಈ ಹಕ್ಕಿ ಮರದ ಮೇಲೆಯೇ ಕಂಡುಬರುವುದರಿಂದ ಮರಗುಬ್ಬಿ ಎಂದು ಕರೆಯಲ್ಪಡುವುದೋ ಎನೋ? ಮರಕುಟಿಗಗಳು ಕೇವಲ ಮರ ಏರಬಲ್ಲವಷ್ಟೆ, ಆದರೆ ಈ ಮಕ್ಮಲ್ ನೆತ್ತಿಯ ಮರಗುಬ್ಬಿಗಳು ಮರದ ಮೇಲೂ ಕೆಳಗೂ ಸಾಲೀಸಾಗಿ ಏರಿಳಿದು ಮಾಡಬಲ್ಲವು. ಹುಳ-ಹುಪ್ಪಟೆ, ಜೇಡ ಇದರ ಆಹಾರ, ಹಾಗಾಗಿ ಇವು ಮರಗಳ ಪಾಲಿನ ಡಾಕ್ಟರು ಎಂದರೆ ತಪ್ಪಲ್ಲ!

Velvet Fronted Nuthatch | Sullia | Dec14

ಉಲಿಯಕ್ಕಿ

2015-01-16T05:35:00.003-08:00

ಉಲಿಯಕ್ಕಿ ಕೂರಲು ತೆನೆಬಾಗಿತು
ಉಲಿಯುತ್ತಾ ಗಾಳಿಯಲಿ ದ್ವನಿಗೂಡಿತು

ಕೂಪ-ಮಂಡೂಕ ಎನ್ನದಿರಿ, ಕಪ್ಪೆಗಳ ಪ್ರಪಂಚ ಬಹುದೊಡ್ಡದು!

2014-08-02T22:14:00.004-07:00

ನಾವು ಯಾವಾಗ ಕಪ್ಪೆಗಳ ಬಗ್ಗೆ ಆಸಕ್ತಿ ಮೂಡಿಸಿಕೊಂಡು ಈ ಸೂಕ್ಷ್ಮ ಪ್ರಪಂಚವನ್ನು ಗಮನಿಸತೊಡಗುತ್ತೇವೋ, ಅಲ್ಲಿಂದ ಪ್ರತಿ ಕಪ್ಪೆಯ ವಟಗುಟ್ಟುವಿಕೆಯೂ ಸಂಗೀತವಾಗಿ, ಅವುಗಳ ನೆಗೆತ ನಾಟ್ಯವಾಗಿ ಒಂದು ದೊಡ್ಡ ಪ್ರಪಂಚವೇ ನಮ್ಮೆದುರು ತೆರೆದುಕೊಳ್ಳುತ್ತದೆ.

ಅಂತರ್ಜಾಲ ಕೊಂಡಿ: http://www.hosadigantha.in/index.php?option=com_epaper&edition=bangalore&date=2014-08-03 (ಸಾಪ್ತಾಹಿಕ ವಿಭಾಗ)

Tickell's Blue Flycatcher(ಕೆಂಪುಕೊರಳಿನ ನೊಣಹಿಡುಕ) | 04May14 | Sullia

2014-05-05T03:41:00.002-07:00

myKavana:"ಒಂಟಿ ಮರ ನಕ್ಕಿತು..."

2014-04-28T02:30:00.002-07:00

ಪಟ್ಟಣದ ಮಧ್ಯದಲಿ
ಹೇಗೋ ಉಳಿದಿತ್ತು.
ಒಂಟಿಯಾಗಿತ್ತು.
ನಗುವುದನೇ ಮರೆತಿತ್ತು.
ಯಾರಿಂದು ನಗಿಸಿದರು?
ಇಲ್ಲಿ ಗಾಳಿ ಬೀಸಲಿಲ್ಲ,
ಮೋಡ ಮುಸುಕಿದೆ.
ರವಿಯೂ ಕಾಣುವುದಿಲ್ಲ.
ಬಹಳ ಸೆಖೆ-ನಗಿಸಲು
ಇಲ್ಲಿಗೆ ಮಳೆಯೂ ಬರವುದಿಲ್ಲ.
ಯಾಕೆ ನಕ್ಕಿತು ಮರವು?
ತನಗಿಂತ ಎತ್ತರದಿ
ಗಗನಚುಂಬಿಸಲು
ಹೊರಟ ಕಟ್ಟಡಗಳೇ
ನೀವು ನಗಿಸಿದಿರಾ?
ಸುತ್ತ ಕಸರಾಶಿ,
ಇದು ಹಿಂದಿನ ಸಸ್ಯಕಾಶಿ
ಬೇರ ಸೋಕುತಿದೆ ದುರ್ನಾತ ನೀರು
ಸುತ್ತ ತುಂಬಾ ಹೊಗೆ-ದೂಳು,
ಒಡಲೊಳು ಬ್ಯಾನರಿನ ಮೊಳೆ ಚೂರು!
ಯಾರು ನಗಿಸಿದರಿಲ್ಲಿ ಮರಳಿ ಮರವ?
ಮತ್ತೆ ಯೋಚಿಸಿದೆ,
ನಗಲು ಕಾರಣವೇಕೆ?
ಹೀಗೊಮ್ಮೆ,ಹಾಗೊಮ್ಮೆ
ನಗಬಾರದೇ, ಪರರ ನಗಿಸಲು?
ನಗಲಿ ಮರ ನಗಿಸಲು,
ನಾಳೆ ಮರ ಅಳಿದ ಮೇಲೆ
ನಗಿಸಲಾರಿರರು.
ಒಂಟಿಮರ ನಗುವ ಭರದಿ
ಹಾರುತಿವೆ ಕೆಲ ಹಣ್ಣೆಲೆಗಳು, ಇದು ಕುಹಕವಲ್ಲ!
ಕಾಣಿಸದೆ ನಿಮಗೆ? ನೋಡಿಬಿಡಿ ಇಂದೇ,
ನಾಳೆ ಮರವಿರದು ಇಲ್ಲಿ.
ಯಾಕೆ ನಕ್ಕಿತು ಮರವು?
ವರುಷ ಕಳೆದ ಮೇಲೆ, ಮರಳಿದೆ
ಹಕ್ಕಿಗಳ ಹಿಂಡು, ಮರದ ಹಣ್ಣಿಗೆಂದು.
ಮಾತಾಡಲಿದೆ ಅವಕೆ ತುಂಬ ವಿಷಯ.
ಮರೆತ ನಗುವ ಮತ್ತೆ ಇವು ಮೂಡಿಸಿತೇ?
ಕೊನೆಗೆ,
ಮರಬೇಡಿದೆ- ಹಕ್ಕಿಗೆ, ಹಣ್ಣತಿನ್ನಿರಿ ನೀವು,
ಮತ್ತೆ ದೂರದೂರಿಗೆ ಹೋಗಿ ಬೀಜ ಬಿತ್ತಲು!

myPod:"ಮನೆಯೊಳಗಿನ ಕಪ್ಪೆ!"

2014-03-24T21:57:00.003-07:00

Padma Shree Shobana @ Udupi

2014-01-08T20:37:00.003-08:00

ಸಂಜೆ ಬಿಸಿಲಲಿ, ನಾ ಅರಳಿ ನಿಂತರೆ

2013-08-26T00:10:00.001-07:00

myPOD:"Cattle Egret"

2013-06-03T02:21:00.000-07:00

ಬಿಳಿಹುಬ್ಬಿನ ಪಿಕಳಾರ ಹಕ್ಕಿ

2013-05-23T21:03:00.001-07:00

ನಗುವಾಗ ನಕ್ಕು ಅಳುವಾಗ ಅತ್ತು ಮುಗಿದಿತ್ತು ಅರ್ಧ ದಾರಿ, ಹೂಬಳ್ಳಿಯಿಂದ ಹೆಮ್ಮರನ ಎದೆಗೆ ಬಿಳಿ ಬಿಳಿಯ ಹಕ್ಕಿ ಹಾರಿ! - ಕೆ.ಎಸ್. ನರಸಿಂಹಸ್ವಾಮಿ ಕನಸುಗಳ ನನಸಿಗೆ ಬರುತಾವೆ ನಾಳೆಗಳು ಇನ್ನೂ ಬಾರಿ ಬಾರಿ!

Rare Records: 43 Terek Sandpipers

2012-12-21T17:13:00.003-08:00

Rare Records: Grey Plover and Great Knot

2012-12-21T17:12:00.001-08:00

Rare Records: Pintail Snipe

2012-12-21T17:10:00.002-08:00

ನಮ್ಮೂರ ಹಕ್ಕಿಗಳು

2012-11-21T05:27:00.002-08:00