DeepS ගේ ලෝකය | My world as it is

සාරිය

noreply@blogger.com (Deepika Priyadarshani) — Wed, 23 Nov 2011 16:15:00 +0000

ඩෙනිම , ටී ෂර්ට් එක සහ රබර් සෙරෙප්පු කුට්ටමට නිවාඩු ලැබිණි.

දැන් ජාතික ඇඳුම සාරිය යැ.

වෙනදා නම් 8 ට ආරම්භ වෙන දේශනයට යාම සඳහා මා අවදි වෙන්නේ 7.15 පමණය. මුණ කට සෝදා තියන දෙයක් ගිල දමා ඩෙනිමක් ඇඳගෙන අහුවෙන ටී ෂර්ට් එකක් ඊට උඩින් දමාගෙන ගෙදරින් පිට වෙන්නේ 7.45 ටය. ෆුට් බෝඩ් එකේ හෝ එල්ලී ගොස් ගලහා හන්දියෙන් බැස ඉතිරි ටික වල ගොඩැලි සහිත ෂෝට් කට් වලින් දමා කෙසේ හෝ 8.15 පමණ දේශන ශාලාවට සැපත් වෙමි. දැන් 7.15 වෙනතුරු නිදා ගැනීමට නොහැකිය.

සාරිය වූ කලී ජරා ඇඳුමකි. මා වැනි බිළින්දන්ගේ නිදාගන්නා කාලයට හෙනහුරා ගැසූ භුතයෙකි. විශ්ව විද්‍යාලයට යා යුත්තේ 8 වුවත් දැන් 5.30 අවදි විය යුතුය. අඩුම ගානේ 6 ට වත් සාරි ඇඳීමේ ව්‍යාපෘතිය දියත් කළ යුතුය.

සාරිය නමා පොටවල් සෑදිය යුතුය. අතේ පොට යන තුරු නැමුවත් ඒ පොටවල් කෙලින් හිටින්නේ නැත. බැරිම තැන කටු සීයක් විතර ගසා පොටවල් ටික සාදා ගෙන ඉස්තිරික්කය රත් කොට දෙන්නම් වැඩක් කියා සාරිය උඩින් තැබුවෙමි. සාරියක් පිච්චීමට ගතවන්නේ තත්පර කීයක්ද යන ගැටලුවට නිවැරදි පිළිතුර මා සොයා ගත්තේ එදාය. සාරිය විතරක් ඉස්තිරික්ක ගත කළාට වැඩක් නැත. හැට්ටයද, සායද ඉස්තිරික්ක කළ යුතුය. මේ විකාර ගැන කියන්නට ඇත්තේ මළ සමයන් සාරි ඇඳන් යනවා කියාය. සරසවි සිසුවියෙක්ව සිටි කාලයේ ජීවිතේට ඇඳුමක් මැද්දේ නැති මට මේවා මැජික් යැ. ඩෙනිමට මල් තියා වදින්නට සිතෙන්නේ දැන්ය.

පොටවල් සාදා ගත් පසු ආරම්භ වන්නේ යුද්ධයේ දෙවැනි කොටසය, එනම් මානුෂික මෙහෙයුමය. එයට මානුෂික මෙහෙයුම යැයි කියන්නේ යුද්ධයේ ඉතිරි කොටස සඳහා මනුස්සයන් කිහිප දෙනෙක් අවශ්‍ය නිසාය.

කාපුවා උගුරෙන් ඉහළට එන තරමට තද කළ පටියක් ඉණ වටේ බැඳේ. ඒ පටියේ සාරිය පැටලේ. සාරිය කකුලේ පැටලේ. මම වැටේ. සාරිය කැඩේ. පළවෙනි දිනයේ දින චරියාව මෙසේ වූ හෙයින් තත්වය analyse කර බැලුවෙමි. දැන් ඉණ වටා කටු ගසමි. කටු ඇනී ඇනී දවසම ගත කරමි. ඩෙනිමක් නම් කඩෙන් ගත හැකිය. ඕනෑ සරීරයකට ගැලපෙන ඕනෑ සයිස් ඩෙනිමක්, ටී ෂර්ට් එකක් කඩෙන් සොයා ගත හැක. නමුත් මා සිතා සිටියේ සාරී ඔක්කොම එක සයිස් කියාය. ඒ නිසා දුටු සැනින් හිත ගිය සාරියක් මිලදී ගත්තෙමි. දහ දුක් විඳ හැට්ටයත් මහා ගත්තෙමි. එක්තරා දිනක උදේ පාන්දර ඒ සාරිය ඇඳීමට පටන් ගත්තෙමි. කාලා හමාරය, සාරිය කොටය. ඒ අස්සේ සාරිය මැදින් නූල් ගැලවිලාය. මම උස නිසා උසට ගැලපෙන සාරි තෝරා ගත යුතු බව එදා අපේ නැන්දා කීවාය. මලා යැ. මීට පස්සේ සාරී ගන්න විට උස බැලිය යුතුය. කඩේ එක කොණක සිට අනික් කොන දක්වා සාරිය එළා එහි නූල් ගැලවී ඇත්දැයි බැලිය යුතුය. twitter භාෂාවෙන් කියනවා නම් #NoteToSelf යැ.

සාරි හැට්ට මසා ගැනීමද සංසාරේ එපා වෙන වැඩකි. මිනුම් දිය යුතුය, සල්ලිත් දිය යුතුය. නමුත් මේ වන තුරු මගේ හිතට අල්ලන එක හැට්ටයක් වත් මසා ගැනීමට නොහැකි විය. ඒ නිසා සැමටම රැකවරණය දෙන කඩේ හැට්ටයක් ගත්තෙමි. වැඩේ ලෙසිය, රේඩි මේඩ් යැ. නමුත් එය ලිස්සා වැටේ. සාරියේ පොට අල්ලා හැට්ට කට්ටක් ගැසූ විට හැට්ටය අත දිගේ රූරා වැටේ. ඇඩෙනවා යැ. කඳුළු එනවාය.

එක තැනකට කට්ටක් ගසා අනිත් තැන හදන විට තවත් තැනකින් රැළි ඇද වේ. රැළි ටික එක ගානට හදන විට පොට දිග මදිය, එසේ නැත්නම් දිග වැඩිය. කට්ටක් ගැසීමට අමාරුවෙන් පොටවල් ටික අල්ලා ගත් නමුත් කට්ට ගැසූ විට සාරිය රැළි ගැසී ඇකිලී යයි. එවිට මතක් වෙන්නේ සාරිය සොයාගත් කෙනාගේ මාමා ය.

සාරිය වූ කලී ජරා ඇඳුමකි. කාලය නිකරුණේ වැය කරවන වදකාරී ඇඳුමකි.

කෙසේ හෝ රෙද්ද පටලවා ගෙන ගෙදරින් එළියට බැසීමට සුදානම් වෙද්දී දෙවියන් සිහිවෙන්නේ සාරිය පෑගීම නිසා වැටීමට යෑම නිසාය. සාරි පොට කරට දමා ගත යුතුය. එක අතකින් බස් එකට සල්ලි ගත යුතුය, අනිත් අතින් සාරිය ඔසවා ගත යුතුය. පොඩ්ඩක් උස අඩියක් ඇති සෙරෙප්පු දෙකක් දැමිය යුතුය. නැතහොත් දවස අවසානයේ සාරිය ඌරු කොටුවක දොර රෙද්දක් සේ දිස්වනු නියතය. අමතක වුණාය, කෑම, බීම, පොත්, පැන්සල් සහිත බෑගයද කරට දාගත යුතුය. මේ බෑගයද එක කරකට පමණක් බර දැනෙන hand bag යන ජාතියේ එකක් නිසා කරත් රිදෙන්නේය. කරන්නට දෙයක් නැත, කුම්බලා කෑවා නම් විදවපිය බළලෝ ලු යැ . ඔය අස්සේ වැස්සා නම් ලොවෙත් නැත ලොවි ගහෙත් නැත මේ ලෝකෙත් නැත. බසයට නැගීම මී ළඟ යුද්ධය යැ. එක අතකින් සාරියය, අනිත් අතේ බසයට සල්ලිය, එසේ නැත්තම් කුඩය යැ. බස් එකට නගින විට අල්ලා ගැනීමට දැන් අතක් නැත. පිරිමි වාසනාවන්තය කියා සිතෙන්නේ මේ වෙලාවටය. බසයට නැගගත්තත් උඩ පොල්ලේ එල්ලී යෑමට හැකියාවක් නැත. සාරියක් හෝ ඔසරියක් ඇඳ බස් එකේ මැද පොල්ලේ එල්ලී වැඩට යන කාන්තා පාර්ශවය මේ ගැන දන්නවා ඇතැයි සිතමි. බස් එකේ යෑම සේම බැසීමද බයානකය. වෙලාවකට මම බස් එකෙන් පිටය, සාරි පොට බස් එක ඇතුළේය. වෙලාවකට පොට එළියේය, මම ඇතුළේය. එක දවසක් මම එළියේය, සාරි පොට බස් එකේ දොරේය, කොන්දොස්තර සාරි පොට උඩය. දුෂ්කර ක්‍රියා කර බසයෙන් පොළවට මාරු වී සාරිය දෙස බැලූ විට බොහෝ දිනවල තරු පෙනෙන්නේය.

සාරි පොට ගෙදරින් එන විට තිබු තැන නැත.

සාරියේ යට හරියේ සපත්තු පොලිෂ් පහරවල්ය.

සාරියේ රැළි ටික පිලිවලකට නැත.

බස් එකෙන් බැස ගත්තද වෙනදා සේ දැන් මීටර් සීය දිවීමට නොහැකිය. අඩි උස සෙරෙප්පු මළ වදයක් යැ.ගල් වල පැටලේ, වලවල් වල වැටේ, පැය කිහිපයක් ඒවා දාගෙන සිටින විට කොන්දත් රිදෙන්නේය. දුකට හේතුව සාරියය. දුක නැති කරන මාර්ගය වැටී තිබෙන්නේ ඩෙනිම් මාවත හරහා ටී ෂර්ට් දක්වාය. නමුත් එය මේ දිනවල වසා ඇති පාරක් ය.

ඩෙනිම් මාවතේ යනවිට කරාඹු, මුදු, මාල කිසිවක් අවශ්‍ය නැත. කැමති නම් කොණ්ඩය නොපීරා වුවද ගෙයින් පිට යා හැකිය. නමුත් සාරියක්/ ඔසරියක් අඳින්නේ නම් කරාඹු දැමිය යුතුය, මාලයක් දැමිය යුතුය, පිළිවෙලකට කොණ්ඩය පීරිය යුතුය. රත්තරන් වලට ඇති අකමැත්ත නිසා සාරියට ගැලපෙන පාට වලින් මාල , වළලු සෙවීමද කළ යුතුය. ඒවාද අස්ප ගණන්ය. වෙනත් වචනයකින් කියනවා නම් සාරිය මහම මහා වදයකි.

ඔය මොනවා කිව්වත් සාරිය/ ඔසරිය අපේ රටේ වැඩ කරන කාන්තාවගේ ජාතික ඇඳුමය. එය සංවර ඇඳුමකි, හොඳ තැනකට යනවිට ඇඳගෙන යා යුතු ඇඳුමකි. පිටත් පේනවා නම්, බඩත් පේනවා නම්, කොන්දත් පේනවා නම්, කරත් පේනවා නම් සාරිය/ ඔසරිය සංවර ඇඳුමක් වන්නේ කෙසේද යන්න කවුරුවත් කතා නොකරන මාතෘකාවකි. හිරට ඩෙනිමක් අඳින විට කෑ ගසන තාත්තලා, ඔවුන්ගේ දුවලා සාරියක්/ ඔසරියක් අඳින විට කවදා වත් බනින්නේ නැත. ඒ ලංකාවේ හැටිය. ඕවා ගැන දුක් වී වැඩක් නැත.

ඩෙනිම, ටී ෂර්ට් එක සහ රබර් සෙරෙප්පු වලට ජය වේවා ය!

She had gone to the same school

noreply@blogger.com (Deepika Priyadarshani) — Thu, 13 Oct 2011 16:48:00 +0000

Today I delivered a lecture to the inmates of a rehabilitation center. Most of the inmates there were either raped or sexually abused. During the question time, one of the girls asked about the schools that I have attended. When I told them about the schools, the girl who posed the question smiled, pointed towards her friend and said "මෙයා ගිහින් තියෙන්නෙත් ඒ ඉස්කෝලෙට" [she had gone to the same school]. The smile and the eyes said, "you see, you are correct. Deeps is educated in the same school as yours"

I turned my head a little to see a sight that I would never forget. I frankly do not remember her name, but I remember her face. She had been in the same school with me, probably in the same class because the face was so familiar.

The moment was shocking for me due to two reasons.

We have started our lives in the same place but today we are so different.
I was delivering a lecture to a classmate of mine. My presence there was meant to be an inspiration, help or a guidance for the girls to overcome their problems. Instead, I probably would have created a fire inside my classmate-inmate :(

I did not want to talk to her because I thought it would make her sad. I did not want to make her feel small in front of me, therefore, I pretended that I did not recognize her. But in hearts, we both knew that we were once class mates.

I still do not know her story and I will never try to find it out. This blog post is just to immortalize a shocking moment of my entire life.

Rape, sexual abuse, violence are too common to talk about. But the girls who go through such experience are most of the times silent and we never know what do they have hidden inside.

The behavior and the attitude of the most of the girls reminded me of my life after the O/L exam. I have done the exam and was waiting till the A/L classes start. That was a time I enjoyed doing a little bit of everything.

These girls are also doing a little bit of everything : cooking, making cards, learning life skills etc. But the difference between my O/L time and their life is that they do not have a hope to cling on to. They do not have an A/L class to wait for. Some girls are already rejected from their families and some are afraid to go back to the society. The memories of the violence they experienced come back even with a very small stimuli. It truly is a hard life.

Ok, I will never say bad about my relations. I should be happy to have them around even if they are annoying! Well that is a #NoteToSelf

I have one wish to make before I sleep today : may all the people in this world respect each other!

That will reduce the number of classmates who meet at rehabilitation centers as inmates and guest lecturers.

රේල් පාර දිගේ 5 - අංක 8 බිම් ගෙය සිට ඉහළ කෝට්ටේ දක්වා

noreply@blogger.com (Deepika Priyadarshani) — Mon, 03 Oct 2011 00:30:00 +0000

රේල් පාර දිගේ කතා මාලාවේ අනෙක් කොටස් ඔබ කියවා නැති නම් පහත සබැඳුම් ඔස්සේ ඒවාට යොමු විය හැකියි.

රේල් පාර දිගේ 1 - ගමනට සුදානම

රේල් පාර දිගේ 2 - කඩුගන්නාව සිට සිංහ කට දක්වා

රේල් පාර දිගේ 3 - සිංහ කට සිට බලන දක්වා

රේල් පාර දිගේ 4 - බලන සිට අංක 8 බිම් ගෙය දක්වා

අංක 8 බිම්ගෙය ඉදිරිපසදී සමුහ ඡායාරූපයකට මුහුණ දුන් අපි ඉතා කෙටි කාලයකින් එය තරණය කළා.

අංක 8 බිම් ගෙයට ඇතුල්වීම

මෙම බිම් ගෙය අඩි 243 කින් යුතු බිම් ගෙයක්. අප ඇතුල් වූ බිම් ගෙයි කට ආරුක්කු හැඩයක් ගත්තත් අපි පිට වුණේ හතරැස් හැඩයක් ඇති බිම් ගෙයකින්. ගමන පුරාවට මා දුටු හතරැස් හැඩයක් ඇති එකම බිම් ගෙය මෙයයි.

අංක 8 - පිටවීම

අංක අට බිම් ගෙයින් පසු අප පසු කළේ දෙබුක්කාවක් මැදින් වැටී තිබුණු රේල් පාර. කොළ පැහැයෙන් පිරුණු එම ප්‍රදේශය සිතටත් ගතටත් ගෙන දුන්නේ විවේක සුවයක්.

හරිත පරිසරය

මෙම ප්‍රදේශය පසු කිරීමෙන් අනතුරුව අපට හමු වුණේ ඉතාම සුන්දර ප්‍රදේශයක්. වචනවලට වඩා පින්තූර බලවත් නිසා පින්තූර කිහිපයක් ඉදිරිපත් කරන්නම්.

බතලේගල කන්ද

පහල තිබූ කුඹුරු

බතලේගල තවත් ඇසකින්

රේල් පීලී අතර තිබූ කුඩා මලක්

උතුවන් කන්ද

රේල් පාරේ ජීවිත

අපට රේල් පාර දිගේ ඇවිදීම චාරිකාවක් පමණක් වුනත් මේ ප්‍රදේශයේ ජනතාවට නම් එය එදිනෙදා ජීවිතයේ තවත් කොටසක්. Sensational rock යැයි හඳුන්වන මෙම ප්‍රදේශයේදීත් අපිට දුම්රියක් මුණ ගැසුණා.

ෆොටෝ ගන්නට මහන්සිය

මේ දුම්රිය අප පසු කරගෙන යනතුරු මා සිටියේ කළුගලට හේත්තු වීගෙනයි. දුම්රිය අප පසු වී ගිය පසු මගේ ටී ෂර්ට් එක පුරා මගියෙකුගේ කෙළ විසිරී තිබුණා. කවුරු හෝ වුමනාවෙන්ම කෙළ ගසන්නට ඇති, නො එසේ නම් පිටත නොබලා මගියෙකු ගැසූ කෙළ පහරක් මගේ ටී ෂර්ට් එක මතට පතිත වන්නට ඇති. කෙසේ වෙතත් ඒ සිද්ධියට අදාළ කරුණු දෙකක් ඔබ සමඟ බෙදා ගන්නට සිතුණා.

කිසිම වාහනයක යද්දී පිටතට කෙළ ගැසීම නොකරන්න. වාහනයේ වේගය සහ සුළං නිසා වාහනයෙන් දුර සිටින කෙනෙකුගේ ඇඟේ ඔබේ කෙළ පහර පතිත විය හැකියි. නො එසේ නම් වාහනයේ පසු පස වීදුරුවක්‌ අසල සිටින කෙනෙක්ට ඔබගේ කෙළ පහර වදයක් විය හැකියි.

මෙවන් ගමනයක් යන විට අමතර ටී ෂර්ට් එකක් වැනි දෙයක් රැගෙන යන්න.

ඉහත ප්‍රදේශය ආවරණය කරන ඉන්දරේගේ panorama පින්තූරය පහතින් බලාගන්න පුළුවන්. ඡායාරූප 22 භාවිත කර නිර්මාණය කර ඇති මෙම ඡායාරූපය විශාල කර නැරඹීම සඳහා මෙම සබැඳිය භාවිතා කරන්න.

sensational rock අවට panorama දර්ශනය

Sensational rock පසු කර ඉදිරියට යන විට අලගල්ල කන්ද තේජස්වී ලෙස අප ඉදිරියේ දර්ශනය වුණා.

අලගල්ල

අලගල්ල කන්ද පසුබිමේ අප මීළඟට පසු කරන බිම් ගෙවල් දෙක පෙනුණේ මේ විදියට.

අංක 7 සහ 6 බිම් ගෙවල්

අංක 7 සහිත මෙහි දැක්වෙන බිම්ගෙය අඩි 133 ක් දිගයි. එය තුලින් පෙනෙන අංක 6 දරණ බිම් ගෙය අඩි 104 ක් දිගයි.

7 සිට 6 දෙස බැලීම

එම බිම් ගෙවල් පසු කළ සැණින් අපට නැවතත් හමු වුණේ ගල් දෙබොක්කාවක්. විශාල ගස උපයෝගී කරගෙන දෙබුක්කාවේ එක් පසක සිට අනෙක් පසට පනින වඳුරු රංචු මෙවන් ස්ථාන වල සාමාන්‍ය දසුනක් .

කඳු කපාගෙන ඉදිරියට

කලින් ලිපියක හමු වුන වෙරළුගොල්ල දුම්රිය නැවතුම ආකාරයේ තවත් කුඩා දුම්රිය නැවතුම් පොළක් වන මා කෙහෙල්වල අපට මීළඟට හමුවූ මාර්ග සලකුණයි. උඩරට සිට පැමිණි දුම්රිය මා කෙහෙල්වලදී නවත්වා නැවත තම ආඩම්බර ගමන ආරම්භ කළේ මේ විදියට.

ආඩම්බර ගමන

මා කෙහෙල්වල පසු කිරීමෙන් අනතුරුව අලුතෙන් යෙදු කොන්ක්‍රීට් සිල්පර සහිත රේල් පාර අපට හමු වුණා.

අලුත් පාර

ඉහත රූපයේ පෙනෙන වංගුව පසු කළ විට තවත් අපූරු ස්ථානයක් අපට මුණ ගැසුණා. එක් පසකින් විශාල ප්‍රදේශයක විසිරී තිබූ තැන්නත්, අනිත් පසින් තිබූ කන්දත් අපූරු පරිසරයක් මැව්වේ මේ විදියට.

කන්ද-රේල් පාර-බෑවුම-තැනිතලාව-කන්ද

මෙම ස්ථානයේදී අපට හමුවූ දුම්රියේ රෝදත් කාසි උඩින් කැරකුණා.

කාසි යටකරගෙන කැරකෙන රෝද

මෙන්න සාක්ෂි.

රේල් පීල්ලේ කාසි සලකුණු

අපගේ ගමනාන්තය වන ඉහළ කෝට්ටේ දුම්රිය ස්ථානයට මෙතැන සිට ඉතා ටික දුරක් තිබූ නිසා අවසාන කණ්ඩායම් ඡායාරූපය මෙතැනදී ගනු ලැබුවා.

අපි

මෙතැන පසු කර විනාඩි පහක පමණ ගමනකින් පසුව සිග්නල් කණු අපිට ආචාර කළා. රේල් පාර දෙකට බෙදී වෙන් වුණේ අපටත් එකිනෙකාගෙන් වෙන් වන්නට කාලය හරි බව සංකේතවත් කරමින්.

වෙන් වන්නට කාලයයි

දවසේ චාරිකාව නිමා කරමින් ප.ව. 4.00 ට පමණ අපි ඉහළ කෝට්ටේ දුම්රිය ස්ථානයට ළඟා වුණා.

ඉහළ කෝට්ටේ

කඩුගන්නාවේ සිට ඉහළ කෝට්ටේ දක්වා දුර කිලෝමීටර 9.04 ක් පමණ. කඩුගන්නාවට සාපේක්ෂව ඉහළ කෝට්ටේ අඩි 600 පමණ පහළින් පිහිටා තිබෙන දුම්රිය ස්ථානයක්.

දවසක් තිස්සේ කඩුගන්නාව සිට ඉහළ කෝට්ටේ දක්වා රේල් පාර දිගේ ඇවිදපු ඒ ගමන අමතක නොවන මතකයන් රැසක් අපගේ හදවත් තුළ තැන්පත් කළ අපූරු චාරිකාවක්......... සයිබරයේ ඇති කරගත් මිතු දම් වැඩි දියුණු කරගැනීමට ලැබුණු අගනා අවස්ථාවක්.....දවසේ මතක සටහන් ගැන අප කතා කරමින් සිටියා. එක් වරම අපේ කට හඬවල් අබිභවා දුම්රියක් කතා කළා.

එන්න මාත් එක්ක කොළඹ යන්න

දුම්රිය ගණනාවක් අපව පසු කරගෙන යන ආකාරය කැමරා වල සටහන් වුනත් මේ දුම්රිය අපේ කණ්ඩායම පසු කරගෙන යන ආකාරය කාගේවත් කැමරාවක සටහන් වුණේ නැහැ. කොළඹ යන පිරිස සමඟ මාත් මේ දුම්රියට ගොඩවී රඹුක්කන දක්වා පැමිණියා. රඹුක්කනින් නැවත මහනුවර දුම්රියක නැගී මා නිවස බලා පැමිණෙන විට බිම් කළුවර වැටී පැය කිහිපයක් ගතවී ගොසින්. ගතට වෙහෙසක් දැනුනත් හිත පිරුණු තවත් එක් දවසක් නිමා වුණේ ඒ විදියට.

බ්ලොග් ලිපි පහක් පුරාවට චාරිකාව සමඟ රැදී සිටි ඔබට සහ එයට සහභාගී වූ සහ සංවිධානය කළ සැමට ස්තුතියි.

ඉන්දරේගේ පින්තුරේට කණියාගෙන් හැඩ වැඩක්

රේල් පාර දිගේ 4 - බලන සිට අංක 8 බිම් ගෙය දක්වා

noreply@blogger.com (Deepika Priyadarshani) — Sun, 02 Oct 2011 17:14:00 +0000

රේල් පාර දිගේ කතා මාලාවේ අනෙක් කොටස් ඔබ කියවා නැති නම් පහත සබැඳුම් ඔස්සේ ඒවාට යොමු විය හැකියි.

රේල් පාර දිගේ 1 - ගමනට සුදානම

රේල් පාර දිගේ 2 - කඩුගන්නාව සිට සිංහ කට දක්වා

රේල් පාර දිගේ 3 - සිංහ කට සිට බලන දක්වා

පසුගිය ලිපියේදී අප නැවතුනේ බලන දුම්රිය ස්ථානයේ.

බලනේදී

බලන දුම්රිය ස්ථානයේදී ගිමන් නිවාගත් අපට එහි දුම්රිය ස්ථානාධිපතිතුමාගෙන් අපූරු තෑග්ගක් ලැබුණා. කට්ටිය දැකලා තියනවද මේ විදිය හම් වලින් හදපු ලොකු රවුමක් වගේ දෙයක් හැම දුම්රිය ස්ථානයක් හා සෑම දුම්රියක් අතරම හුවමාරු වෙනවා?

ටැබ්ලට් හුවමාරුව

වේගයෙන් ඉදිරියට ඇදෙන දුම්රියට ලබාදීමට සහ ලබා ගැනීමේ පහසුව උදෙසා විශාල රවුමක් ලෙස සකසා ඇති මුත් මෙහි ඇති කුඩා සාක්කුව වැනි කොටසේ ඇතුල් කර ඇත්තේ කාසියක් වැනි කුඩා ලෝහමය පතුරක්. දුම්රියෙන් ලබා ගන්නා එම ටැබ්ලට් එක හෙවත් ලෝහ පතුරු කැබැල්ල කෙලින්ම නතර වෙන්නේ මෙන්න මෙතැන. ලංකාවට දුම්රිය හඳුන්වා දුන් කාලයේ සිට තාමත් නිවැරදිව ක්‍රියාත්මක වන මේ යන්ත්‍ර නිසා උඩරට මාර්ගයේ සිග්නල් නිසා වන අනතුරු ඉතාමත් අඩු බව දුම්රිය ස්ථානයේ සේවකයින්ගෙන් අපට දැන ගැනීමට ලැබුණා.

ටැබ්ලට් යන්ත්‍රය

දුම්රිය ස්ථානාධිපතිතුමාගෙන් අපට ලැබුණු තෑග්ග තමා මෙම යන්ත්‍රය ක්‍රියා කරවන ආකාරය පිලිබඳ දැනුම. එක් දුම්රියකින් ලබාගන්න ටැබ්ලට් එක මෙම යන්ත්‍රයට ඇතුල් කළ පසු යන්ත්‍රය මගින් ඉබේම අනෙක් දුම්රියට එම ස්ථානයට පැමිණීම සදහා සිග්නල් ලබා දෙනවා. දුම්රිය දෙකක් එක වෙලාවට එකම මාර්ගයේ ගමන් කිරීම ටැබ්ලට් නිසා වැළකෙනවා. සිග්නල් ක්‍රියාත්මක වුවත් ඒවා සොයා බැලීම සඳහා දුරකථනයක්ද යන්ත්‍රය සඳහා සම්බන්ධ කර තිබෙනවා. මෙම දුරකථන ජාලය වයර් හරහා සම්බන්ධ වන දුම්රිය දෙපාර්තමේන්තුවටම අයත් එකක්. දුම්රිය ස්ථානාධිපතිතුමා ගුරු මුෂ්ටියකින් තොරව කියා දුන් ඒ කරුණු අපේ කණ්ඩායම අසා සිටියේ මෙහෙමයි.

ටැබ්ලට් වැඩ කරන්නේ මෙහෙමයි

බලන දුම්රිය ස්ථානයේ දී වැසිකිළි පහසුකම් අවශ්‍ය නම් ඒ පිළිබඳව දුම්රිය ස්ථානාධිපතිතුමාට දැනුම දී වැසිකිළියේ යතුර ඉල්ලාගන්න. දුම්රිය ස්ථානයේ වැසිකිළියක් තිබුනත් අප ගිය දිනයේදී වැසිකිළි යතුරු දමා වසා තිබූ බැවින් අප ඔහුගෙන් යතුරු ඉල්ලාගෙන වැසිකිළි භාවිතා කළා. බලන දුම්රිය ස්ථානයේ පැය භාගයක් පමණ ගත කර අපි නැවත ගමන ආරම්භ කළා.

බලන දුම්රිය ස්ථානයේ සිට විනාඩි 5 - 10 ඉදිරියට ගමන් කරන විට අපිට දැකගන්නට ලැබුණේ තවත් ඉතිහාසමය වටිනාකමක් ඇති ස්ථානයක්.

මේ මොකක්ද මේ?

බැලූ බැල්මට තවත් එක් අත් හැර දැමු දුම්රිය පෙට්ටියක් සහ පැල්පතක් දෙස පෙනුනත් මීට වසර ගණනාවකට එපිටින් මෙම පැල්පත ඉදිරියේ දුම්රිය නැවැත්වූ බව ඔබ පිළිගන්නවාද?

පැරණි බලන දුම්රිය ස්ථානය

ඔව්, මේ පැරණි බලන දුම්රිය ස්ථානයයි. ඇස්බැස්ටෝස් සෙවිලිකර සුදු හුණු පිරියම් කර තිබූ මෙම දුම්රිය ස්ථානය අද අව්වෙන් වැස්සෙන් පීඩා විදිමින් පාළුවෙන් සිටියාට එදා මෙම මෙතැනින් කී දෙනෙක් දුම්රියට නගින්නට ඇත්ද? ගොඩනැගිල්ලේ දෙපස "BALANA" ලෙස ලියැවුණු අකුරු අමාරුවෙන් අපට කියැවීමට හැකි වුණා. අතීතයේ උරුමයන් ලෙස මෙවන් ගොඩනැගිලි ආරක්ෂා කළ යුතු වුනත් කිසිම ආරක්ෂක ක්‍රියාමාර්ගයක් මේ සම්බන්ධව නොගෙන ඇති බව පින්තූරය නැරඹීමෙන් ඔබටත් පැහැදිලි වෙන්නට ඇති. ඒ අසලම දිරා යෑමට ලක්ව ඇති දුම්රිය පෙට්ටියක් අපට දක්නට ලැබුණා.

පුංචි පැලේ ගෙවිලිය

මෙය සමහර විට පීලී පැනීම නිසා ඉවත දැමූ දුම්රිය මැදිරියක් විය හැකියි. ඒ කෙසේ වුවත් මෙවන් දුම්රිය මැදිරි දිරායාමට නොදී ඒවාගෙන් කිසියම් ප්‍රයෝජනයක් ගන්නේ නම් ඉතා වැදගත්. දුම්රිය මැදිරියට අමතරව ඉවත දමා තිබූ රේල් පීලී විශාල ප්‍රමාණයක් ද අපට දැකගන්නට ලැබුණා. ඒවා උණු කර නැවත ප්‍රයෝජනයට ගත හැකි වුවත් එසේ නොකරන්නේ මන්ද යනු අපට ඇති වූ ගැටළුවක්. කණ්ඩායමේ සමහරු පැවසුවේ එම රේල් පීලී කොළඹට රැගෙන යාම සඳහා විශාල වියදමක් වැය වන බැවින් ඒවා එසේ රේල් පාර අයිනේ දමා ඇති බවයි. හේතුව කුමක් වුවත් රාජ්‍ය දේපල කිසි ප්‍රයෝජනයක් නොගෙන දිරා යන බවට ඇසින් දුටු සාක්ෂි ලෙස එම දසුන් අපගේ සිත් වල නොමැකී පවතීවි.

පැරණි බලන දුම්රිය ස්ථානයට පසුව අපට හමුවූ වැදගත් ස්ථානය අංක 8 දරණ බිම් ගෙයයි. මාතලේ බලා යන දුම්රිය එතැනට ලඟා වීමට පැයක පමණ කාලයක් තිබූ නිසා අප එම බිම් ගෙය පෙනෙන තෙක් මානයේ සිට දිවා ආහාරය ගත්තා.

දිවා ආහාරය

පාන්, බිස්කට් සහ චිලී පේස්ට් සහිත දිවා ආහාරය නිමා කර මාතලේ දුම්රිය එනතුරු අප මග බලා සිටියා. ටික වෙලාවකින් මාතලේ දුම්රිය අප පසු කර ගියේ මෙහෙමයි.

අපි යනවා අපේ ගමන මාතලේ

දුම්රිය අප පසු කළ වහාම කණ්ඩායම් සාමාජිකයන් බොහෝ දෙනෙක් රේල් පාර අවට යමක් සොයන්නට පටන් ගත්තා.

මොනවද මේ හොයන්නේ?

මෙන්න ඔවුන් සෙවූ දෑ.

තැළුණු කාසි

දුම්රිය පීල්ල උඩ කාසි තබා ඒවා තලා ගැනීම නීති විරෝධියි. නමුත් අපි මේ කාසි ගමනේ සමරුවක් ලෙස සුරක්ෂිතව තබා ගත්තා. සියලු දෙනා තම තමන්ගේ කාසි සොයා ගැනීමෙන් පසුව අපි නැවත ගමන ආරම්භ කළා. බිම් ගෙය අසලටම පැමිණි අපට දැනුනා එම ස්ථානය කණ්ඩායමේ පින්තුරයක් ගැනීමට සුදුසු ස්ථානයක් බව. ඉන්දරේගේ ත්‍රිපාදයේ අධාරයෙන් කණ්ඩායමේ සියලු දෙනා පින්තුරයට පෙනී සිටියා.

මේ දක්වා බ්ලොග් ලිපි හරහා ගමනට සහභාගී වූ ඔබට අපේ කණ්ඩායම හඳුන්වා දෙන්නට මේ හොඳම වෙලාවයි.

පසු පස පේලියේ වම් අත පැත්තේ සිට:

නිල් පාට ටි ෂර්ට් එකක් ඇඳගෙන ඉන්නේ ඉන්දරේ නොහොත් ප්‍රවීන් ඉන්ද්‍රනාම. ඔහු මේ චාරිකාවේදී ගත් පින්තූර බොහොමයක් මා මෙම ලිපි පෙළෙහි අන්තර්ගත කර තිබෙනවා. ඉන්දරේගේ රේල් පාරේ පින්තූර මුණු පොතේ මෙන්න මෙතැන ගබඩා කර තිබෙනවා.

ඉන්දරේ ළඟ ඉන්නේ නිරෝෂන්, මගේ සහෝදරයා.

දුඹුරු පැහැයට හුරු කමිසය 16 +

තැඹිලි පාට ටී ෂර්ට් එක ඇඳගෙන ඉන්නේ තවත් නිරෝෂන් කෙනෙක්. සයිබරයේ ඔහුගේ අන්වර්ථ නාමය අ හිංසක සිංහයා. නිරෝෂන් ගේ මුණු පොතේ පින්තූර මෙතැනින් සහ මෙතැනින් බලන්න පුළුවන්. ඔහුගේ පින්තුරත් මෙම ලිපි පෙලේ ඇතුළත් වී තිබුණා.

සිංහයාට දකුණු පසින් ඉන්නේ අන්සතු දිනපොත

කළු පැහැති ටී ෂර්ට් එක කනිගේ යහළුවෙක්, සම්පත්.

කණ්ඩායම

පිටිපස පෝලිමේ දකුණු පස කොණේ ඉන්නේ සොරෝගේ ලට පට. ඔහුගේ ඇල්බමයෙන් ගත් පින්තූර කිහිපයක් මෙම ලිපි පෙළ සඳහා මා ඇතුල් කළා.

ඉදිරි පස පෝලිමේ වම් අත පැත්තෙන් සිටින්නේ ප්‍රභාත් දර්ශන. ඔහු අගනා ඇල්බමයක් මුණු පොතේ තිබෙනවා, එයින් ගත් පින්තූර බොහොමයක් මෙම ලිපි පෙලෙදී ඔබ දකින්නට ඇති.

ඉන්පසු සිටින්නේ සිහින

දීපානි අක්කා තුන් වැනියට. ඇගේ මුහුණු පොතේ පින්තූර ගොන්නෙනුත් මා මේ ලිපිය සඳහා පින්තූර තෝරාගත්තා.

දීපානි අක්කාට දකුණෙන් සිටින්නේ මම

මට දකුණෙන් සිටින්නේ කෝච්චි බ්ලොගය ලියන ගෙහාන්. ඔහුගේ මුණු පොතේ ඇල්බමයත් මේ ලිපිය සඳහා පින්තූර සැපයු එක් මුලාශ්‍රයක්.

ඉදිරිපස පෝලිමේ දකුණු පැත්තේ කොණේ රතු සහ නිල් ටී ෂර්ට් එකක් ඇදගෙන ඉන්නේ කණියා. ඔහුගේ මුණු පොතේ පින්තූර එකතුවෙනුත් පින්තූර කිහිපයක් මා මේ ලිපි පෙළ සඳහා භාවිතා කළා.

රේල් පාර දිගේ ලිපි පෙළ සඳහා තමන්ගේ පින්තූර භාවිතා කිරීම සඳහා අවසර ලබා දුන් ඔබ සැමට ස්තුතියි. මීළඟ ලිපියෙන් ඉහළ කෝට්ටේ දක්වා ගමන සමගින් හමුවෙමු.

රේල් පාර දිගේ 3 - සිංහ කට සිට බලන දක්වා

noreply@blogger.com (Deepika Priyadarshani) — Sat, 01 Oct 2011 15:55:00 +0000

කඩුගන්නාව සිට ඉහල කෝට්ටේ දක්වා පයින් ගිය ගමනේ කොටස් දෙකක් පසුගිය දිනවල පළවුනා. ගමනට සුදානම් වීම සහ කඩුගන්නාවේ සිට සිංහ කට දක්වා ගමන ගැන ඔබ කියවන්නට ඇති. සිංහ කටේ සිට ඉදිරියට ගමන ගැනයි අද ලිපිය.

සිංහ කටට ඒ නම වැටී ඇත්තේ ඈත සිට බලනවිට සිංහ කටක් ලෙස එම ගල දෙබුක්කාව දර්ශනය වීමයි. සිංහ කටෙන් මදක් ඉදිරියට ගිය විට අපට හමුවෙනවා අංක 10 දරන අඩි 56 ක දිගකින් යුතු බිම් ගෙය. මෙයට යොදා ඇති අන්වර්ථ නාමය අලි පස්ස නොහොත් elephant back යන්නයි. අලියෙකුගේ පසුපස කකුලක් ආකාරය බෑවුම දෙසට ඇති බිම් ගෙයි බිත්තිය දර්ශනය වීම එලෙස අන්වර්ථ නාමයක් ලැබීමට හේතුවයි.

බිම් ගෙයට ඇතුල්වීම = අලියාගේ බඩ යටින් රිංගීම

මෙන්න සමීප පින්තුරයක්. මෙම බිම් ගෙවල් ඇතුලත ගල් බෝර සලකුණු තවමත් පෙනෙන්නට තියෙන්නේ එදා දුම්රිය කම්කරුවන්ගේ වෙහෙස මහන්සියේ සලකුණු වගේ. අවාසනාවකට එක් කැමරාවක වත් එම ගල් බෝර සලකුණු සටහන් වෙලා තිබුනේ නැහැ.

අලි පස්ස

අලි පස්ස ඔස්සේ එන කෝච්චියක් දිස් වෙන්නේ මෙහෙමයි.

අලි පස්ස අස්සෙන් කෝච්චියක්

අප සිංහ කටට ළඟාවන වන විට තිබු මීදුම් පටලය මේ වනවිට අතුරුදහන් වෙලා. ඒ නිසා අපට හැකි වුනා පින්තුර කිහිපයක් ගන්න මේ අවට. අලි පස්ස අස්සෙන් ඉදිරියට ගොස් පසුපස බැලු විට අපට පෙනුනේ මේ වගේ දර්ශනයක්.

කොළඹ සිට පැමිණෙන විට අලි පස්ස

මේ වන විට වැස්ස පායා තිබුනත් කූඩැල්ලන්ගෙන් එල්ල වූ ප්‍රහාර නම් අඩු වුනේ නැහැ. අපේ කණ්ඩායමේ සමහරුන් අත් කකුල් වල සබන් තවරාගෙන ගමනේ මීළඟ කොටසට සුදානම් වුණේ අලි පස්ස පසු කලාට පසුවයි.

තව ටික දුරක් ඉදිරියට යන විට අපේ ගමනේ තවත් වැදගත් ස්ථානයක් වන අඩි 622 දිග 9A බිම් ගෙය පෙනෙන්න ගත්තා.

9A බිම් ගෙය

මෙම බිම් ගෙයට 9 A කියා නම වැටීම පිටුපස ඇත්තේ අපූරු කතාවක්. ආදි කාලයේ දුම්රිය පාර නිර්මාණය කරන විට මෙම ස්ථානයේ බිම් ගෙයක් තිබී නැහැ. ඒ වෙනුවට දුම්රිය ගමන් කර ඇත්තේ බිම් ගෙයට වම් පසින්. නමුත් පසු කාලයක ගල විද මෙම ස්ථානයේ බිම් ගෙයක් නිර්මාණය කර තිබෙනවා. මෙම නව බිම් ගෙය නම් කිරීම පිලිබඳ වූ ගැටලුව විසඳාගෙන තිබෙන්නේ 9 A ලෙස එය බවුතීස්ම කිරීමෙන්. ඒ අනුව නුවර දෙස සිට යනවිට හමුවන බිම් ගෙවල් අනුපිලිවෙල 10, 9 A, 9 බවට පත් වෙනවා. මෙම බිම් ගෙය තරමක් දිගින් යුක්ත වීම නිසා අපි බිම් ගෙය තුලට නොයා මද වෙලාවක් මෙතැන නතර වුණා. වෙහෙස නිවා ගැනීමෙන් අනතුරුව අපි නැවතත් ගමන ආරම්භ කළා.

ෆොටෝ කෙරුවාව

මෙම බිම් ගෙය ඇතුළත ඉතාමත් කළුවරයි. දිග වැඩි නිසා ගම් වැසියන් භාවිතා කරන හුළු අතු අපට දැකගන්න පුළුවන් වුණා බිම් ගෙයට ඇතුල් වෙන සහ පිට වෙන අන්තයන් වල. මේ හුළු අතු භාවිතා කිරීමට අපට හැකියාව තිබුනත් පුරුද්දක් නැති නම් හුළු අතු භාවිතා කිරීමෙන් වැළකීම නුවණට හුරුයි. බිම් ගෙය ඇතුලතදී අප මදකට සියලුම විදුලි පන්දම් නිවා බැලුවා. තමන්ට මිලි මීටරයක්‌ ලඟින් සිටින පුද්ගලයාවත් නොපෙනෙන ඒ තිත්ත කළුවර මට නම් කවදාවත් අමතක වෙන්නේ නැහැ. එවන් කලුවරක් ජීවිතයේ ප්‍රථම වතාවට මම අත් වින්දේ 9 A බිම් ගෙය ඇතුළදී.

ආලෝකය සොයා

බිම් ගෙයක් ඇතුළත ගමන් කල යුතු ආකාරය කලින් ලිපියක සඳහන් කල නිසා නැවත ඒ තොරතුරු මෙහි ඉදිරිපත් කරන්නේ නැහැ. නමුත් පැවසිය යුත්තක් තිබෙනවා. ගමන යෑමට කලින් දුම්රිය කාල සටහන් පිළිබඳව අවබෝධයකින් යා යුතුයි. මෙවන් බිම් ගෙයක් තුලදී දුම්රියක් මුණ ගැසීම ඉතා භයංකාර සහ අනතුරුදායක සිදුවීමක්. අපේ කණ්ඩායමේ කිහිප දෙනෙක් එවන් අත් දැකීමක් ලබා ගෙන තිබුනා. ඒ ගැන ලියැවුණු බ්ලොග් ලිපියට මෙතනින් යොමු වෙන්නට පුළුවන්.

9 A බිම් ගෙයින් පිටතට පැමිණ පසු පස බැලූ විට අපට තවත් අපූරු දසුනක් දකින්නට ලැබුණා.

රේල් පාර උඩින් යන පීල්ල

මේ පීල්ල මෙම ස්ථානයට යොදා ඇත්තේ දුම්රිය උඩට වැටෙන වතුර දුම්රිය මාර්ගයෙන් ඉවතට යොමු කිරීමට විය හැකියි. එම බිම් ගෙය පසු කර මද දුරක් යනවිට අපට බතලේගල කන්ද ඈතින් දර්ශනය වුණා.

බතලේගල

වටාපිටාවේ සුන්දර දර්ශන නරඹමින් පැමිණෙන අපට වෙරළුගොල්ල නැවතුමේදී තවත් දුම්රියක් මුණ ගැසුණා. ඒ පිංකි මැණිකේ (කෝච්චියාට අනුව). රෝස පැහැය නිසා මෙම දුම්රියට පිංකි මැණිකේ කිව්වත් මෙයාගේ රාජකාරිය නම් ලෙහෙසි පහසු එකක් නෙවේ. සති අන්තයේදී නුවර දෙසට පැමිණෙන ජනතාවට මෙයා ලොකු සහයක් දක්වනවා.

පිංකි මැණිකේ

වෙරළුගොල්ල වැනි කුඩා දුම්රිය නැවතුම් මෙම පළාතේ ජනතාවට නම් බස් නැවතුම් වගේ. බස් නැවතුම් වල ටිකට් ගන්නට කවුන්ටරයක් නැත්තා සේම මෙවන් කුඩා දුම්රිය නැවතුම් වලද ටිකට් ගැනීමට පහසුකමක් නැහැ. මෙම දුම්රිය නැවතුම් භාවිතා කරන පුද්ගලයින් සමහර විට දුම්රිය වාර ප්‍රවේශ පත්‍ර භාවිතා කරනවා ඇති. නො එසේ නම් කෙටි දුර දුම්රිය වලදී දුම්රිය ඇතුළේදී ටිකට් ගැනීමට පහසුමක් ඇති. එසේම මෙම ගම් වලට ඇති එකම ප්‍රවාහන මාධ්‍යය දුම්රියයි.

වෙරළුගොල්ල නාම පුවරුව

වෙරළුගොල්ල පසු කර ටික වෙලාවකින් ගමනේ හමුවන දිගම බිම් ගෙය අපට දර්ශනය වුණා. අංක 9 දරණ මොරගොල්ල බිම් ගෙය ලෙස මෙම බිම් ගෙය හඳුන්වනවා. දිග අඩි 1049 ක්. ගමනේදී හමුවූ තේජවන්ත බිම් ගෙය ලෙසත් මෙය හඳුන්වන්න පුළුවන්. තනි කළු ගලක් හාරා නිර්මාණය කළ මෙම බිම් ගෙය සැබවින්ම අපූරු නිර්මාණයක්.

මොරගල්ල බිම් ගෙය

මොරගල්ල බිම් ගෙය ඇතුලතදී ගත් මෙම පින්තූරය බිම් ගෙය තුළ ඇති ආලෝක තත්වය ගැන ඔබට අදහසක් ලබා දේවි.

කට්ට කරුවල

බිම් ගෙයි අනික් කෙළවර අපට පෙනුණේ මෙහෙමයි.

මොරගල්ල බිම් ගෙය

අප ඇතුළු වූ කෙළවර කළු ගල හෑරීමෙන් සෑදු කුහරයක් ලෙස දිස් වුවත් මෙම කෙළවර සිමෙන්ති ආරුක්කුවක් යොදා ශක්තිමත් කර තිබුණා. සිමෙන්ති ආරුක්කුවේ සඳහන් වී තිබූ ආකාරයට එය නිර්මාණය වී තිබෙන්නේ 1990 දී.

1990 සිට 2011 දක්වා

බිම් ගෙය දෙපස බිත්ති කඩා වැටීමේ තර්ජනයකට මුහුණ දුන් නිසා දුම්රිය දෙපාර්තමේන්තුවට මෙවැනි පියවරක් ගැනීමට සිදු වූ බව දැනගන්නට ලැබුණා.

මෙම බිම් ගෙය පසු කිරීමෙන් අනතුරව ක්‍රීම් ක්‍රැකර් සාදයක් පවත්වන්නට ඒක මතික තීරණයක්!

පොඩි බඩගින්නට සුපිරි!

මොරගල්ල පසු කර බලන දුම්රිය ස්ථානය පෙනෙන තෙක් මානයෙදී අපට හමුවුණා උඩරට මැණිකේ. අපේ කණ්ඩායමේ අය එම දුම්රියේ පින්තුර ගන්නා ආකාරය වෙනත් කැමරාවක සටහන් වුණේ මෙහෙමයි.

පින්තූර ගැනීමේ කලාව

කතාවෙන් කතාවෙන් අපි බලනටත් ඇවිත්.

බලන

බලන දුම්රිය ස්ථානය පිහිටා තිබෙන්නේ මුහුදු මට්ටමේ සිට අඩි 1005 උසින්. අපි ගමන ආරම්භ කළ කඩුගන්නාව දුම්රිය ස්ථානයේ පිහිටීම මුහුදු මට්ටමින් අඩි 1690 ක්. දුම්රිය ස්ථාන දෙක අතර ඇති දුර කිලෝ මීටර 4.51 ක්.

අඩි 685 ක බෑවුමක් බසිමින් අපව කඩුගන්නාවේ සිට බලන දක්වා රැගෙන ආවේ මෙන්න මෙයාලා.

ඇවිද්ද පය දහස් වටී

බලන සිට ඉහළ කෝට්ටේ අංක 8 බිම් ගෙය දක්වා චාරිකාවෙන් නැවත හමු වෙමු!

මීළඟ ලිපි

රේල් පාර දිගේ 4 - බලන සිට අංක 8 බිම් ගෙය දක්වා
රේල් පාර දිගේ 5 - අංක 8 බිම් ගෙය සිට ඉහළ කෝට්ටේ දක්වා

බ්ලොගර් අඩවියට අලුත් පෙනුමක් - Dynamic Views for Blogger

noreply@blogger.com (Deepika Priyadarshani) — Wed, 28 Sep 2011 06:27:00 +0000

කලකට ඉහතදී බ්ලොගර් බ්ලොග් අඩවිය වෙනස් ක්‍රම පහකට දර්ශනය කර ගන්නා ආකාරය ඔබට මෙම අඩවියෙන් දැනගන්නට ලැබුණා.

අද ලිපිය එම views පිළිබද අලුත්ම තොරතුරු ඔබට දැනුම් දීමටයි. ගූගල් ආයතනය අද සිට එම view වලින් එකක් අපගේ බ්ලොගර් අඩවියේ default view ලෙස සකසා ගැනීමට අවස්ථාව ලබා දී තිබෙනවා. Ajax, CSS සහ HTML 5 තාක්ෂණ උපයොගී කරගෙන නිර්මාණය කර ඇති මෙම බ්ලොග් view නිසා ලිපි වෙත පාඨකයාගේ අවධානය යොමු වීම වැඩි වෙන්නට ඇති අවස්ථාව ඉතාමත් ඉහළයි. කලින් හදුන්වා දී තිබු view පහ වෙනුවට තවත් view දෙකක් අලුත් view ගොන්නට එකතු වී තිබෙනවා. ඒ ගැන වැඩි දුර විස්තර මෙම වීඩියෝවෙන් දැක ගන්න පුළුවන්.

ඔබට විඩියෝව නැරඹීම අපහසු නම් පහත පින්තුරය වෙනත් එකක tab එකක විවෘත කරගෙන බලන්න.

කොහොමද මෙම වලින් එකක් මගේ බ්ලොග් අඩවියෙ default view ලෙස සකසා ගන්නේ?

බ්ලොගර් Dashboard වෙත ගොස් Template තොරගන්න. Template මෙනුවෙන් ඔබ කැමති view එක default ලෙස සකසා ගන්න. කැමති නම් customize භාවිතා කර view එක වෙනස් කරගන්න පුළුවන්.

මට බලන්න ඕනේ මේවාගේ live preview එකක්

මෙම බ්ලොග් ලිපිය close කර අඩවියේ home page වෙත යන්න. ඉන්පසු ඔබේ වම් අත පැත්තේ ඉහළින් ඇති බොත්තම් භාවිත කර අනෙක් view වලින් මෙම බ්ලොග් අඩවිය පෙනෙන ආකාරය බලන්න පුළුවන්. මගේ බ්ලොග් අඩවිය සදහා මා භාවිත කර ඇත්තේ Magazine view එකයි. ලංකාවේ සියලු දෙනා update වු බ්‍රව්සර් භාවිතා නොකරන නිසා ද, සියලුදෙනා සතුව හොඳ වේගයක් සහිත අන්තර්ජාල සබඳතා නොමැති නිසාද, බැනර්, විජට් වැනි දේවලට සහය නොදක්වන නිසාද Dynamic View ඉවත් කළෙමි. බ්ලොගය Dynamic View සහිතව කියවීමට ඔබ කැමති නම් මෙම සබැඳිය භාවිතා කළහැක.

ඔබේ බ්ලොග් අඩවිය මෙම view වලින් බැලීමට මෙහි ඇති preview tool භාවිතා කරන්න. නැතහොත් මෙම ලිපියේ දක්වා ඇති පරිදි බ්ලොග් ලිපිනයේ අගට /view යන්න එකතු කරන්න

වැඩි දුර කියවීම්

http://goo.gl/WO3g9

මේ සම්බන්ධයෙන් බ්ලොගර් වෙත ඔබගේ අදහස් දැක්වීමට

http://goo.gl/XSHNf

Facebook wall පුරවන අනවශ්‍ය application block කරමු.

noreply@blogger.com (Deepika Priyadarshani) — Sun, 25 Sep 2011 04:29:00 +0000

Facebook platform මත ක්‍රියා කරන ක්‍රීඩා සහ විවිධ application විශාල ප්‍රමාණයක් මේ වන විට තිබෙනවා. මේවායින් සමහර application නිසා ඔබගේ wall එක පිරී යනවා. එවැනි කරදර කාරී application ඔබගේ profile එකේ නැති වුනත් ඔබගේ මිතුරු මිතුරියන් ඒවා භාවිත කරනවා නම් ඔබගේ home page එකත් ඒ application වලට අදාළ wall post වලින් පිරෙන්න පුළුවන්. ඒවගේම සමහර application ඔබගේ තොරතුරු වල ආරක්ෂාවට තර්ජනයක්.

කොහොමද application block කරන්නේ?

ඔබගේ wall එකේ application එකක් හරහා publish වූ wall post එකක් පෙන්වන්නේ පහත ආකාරයට. එහි wall post එක යටින් via යන වචනයට පසුව අදාළ application එකේ page එකේ ලින්ක් එක පළවෙනවා. එය විවෘත කරගන්න.

application wall post

page එකේ වම් පස පහළින් block application යන්න තෝරා ok කරන්න.

blocking a Facebook application

application block කළාම මොකද වෙන්නේ?

අදාළ application එක හරහා එන notification, requests සහ wall posts දර්ශනය නොවේ.

ඔබගේ තොරතුරු පිටට යා හැකි එක් ආකාරයක් අවහිර වීම නිසා Facebook ආරක්ෂාව වැඩි වේ.

ප.ලි. මේ දක්වා මා විසින් බ්ලොක් කර ඇති application ලැයිස්තුව

On using the subscribe button in Facebook

noreply@blogger.com (Deepika Priyadarshani) — Mon, 19 Sep 2011 13:31:00 +0000

Facebook has finally introduced the subscribe button. For me, it is a copy of G+ circles. The theory of the G+ circles is that anyone one could add you to their circles but you do not have to add them back. Until you add a person to your circle, they will only see your public updates in their newsfeed. Facebook subscribe button works on the same principle.

What is the good side?

You can give your fans a chance to engage with your personal Facebook profile.

Prevents you from going through the hassle of maintaining a page for your fans.

You can have the people you trust in the friend list and let all those friends who can only see a limited version of your profile be your subscribes.

Would be a great tool to remove the clutter in your friend list. (no need to add all these people you meet at the hospital queue as friends)

If used correctly, it can be used as a tool to market yourself.

What is the bad side?

The status that we share can be totally harmless. But sometimes, crazy friends make the post go wild with crazy comments and you no longer can keep your mouth shut. So you also join the fun.This sometimes ends up with personal jokes, and might go to the extent of using bad language. All these personal jokes and your language will be tolerated by your friends and there will be no misunderstandings. But for an outsider, the comments may look obscene. In another words, comments can create a black mark on your personality.

This makes us share more information to the public. We should be careful not to breech the privacy of ourselves and of our friends.

One thing is obvious: people make their status public because they want engagement from the public. But it does not mean that people want to add all their subscribers as friends. (Well, there can be people who "want" to do so too) If they wanted to do so, people will make their whole profile public. Unless the person you subscribe has a full public profile, please do not add them as friends.

Some might use this feature to advertise their blogs/forums etc as the subscribers can comment on the posts that are made public.

Why I'm happy?

I no longer have to add all the unknown people to one friend list and restrict that particular friend list from seeing my very personal stuff on Facebook.

I do not add people that I do not know to Facebook. However, I get many friend requests each day. One day, I messaged few of these unknown people who have added me as a friend. These are some of their answers.

My question was:

Just noticed that you have sent me a friend request. Do I know you?

Some said :

sorry...i don't want to be friend with you...

Neva! Jst wanna be ya frend. No worries if u ignor. Bye.

If u don't know you just have to ignore. it's nothing. just do it

and others had resons like:

ah I dont tink so , I'm a friend of ***** bro..and I'm fan of all your photography society .also u put a 'like' on my comment once & we have several mutual friends ...so I send a request..just wanted to friend with u all :))

not really bt i like 2 know u

Well now, all of them have a solution and I'm really glad Facebook introduced the subscribe button.

විභාගය

noreply@blogger.com (Deepika Priyadarshani) — Wed, 14 Sep 2011 13:17:00 +0000

ආසම විෂයත් එපා කරවන මහා බලගතු මන්තරය,

වාරයක් තිස්සේ කරන්නට සිතා සිටි දේ නැවත මතක් වෙන කාලය,

විකාර හීන පේන රාත්‍රිය,

වේගයෙන් ගතවන මාසය,

විභාගය!

රේල් පාර දිගේ 2 - කඩුගන්නාව සිට සිංහ කට දක්වා

noreply@blogger.com (Deepika Priyadarshani) — Mon, 12 Sep 2011 06:13:00 +0000

රේල් පාර දිගේ පළවෙනි කොටස හැමෝම කියවන්න ඇති කියලා හිතනවා. අපේ ගමනේ දෙවැනි කොටස ගැන එහෙම නැත්තම් කඩුගන්නාව සිට සිංහ කට දක්වා ගමන ගැන කියන්න තමා මේ ලිපිය වෙන් වෙන්නේ.

කොළඹින් උදේ 5.55 ට පිටත් වෙන පොඩි මැණිකේ එදා කඩුගන්නාවට එනකොට 9.00 විතර වෙන්න ඇති. කොළඹින් ආපු කට්ටියට බඩගිනියි කියලා කඩුගන්නාව නගරයේ අවන්හලකට ගියා ගියාමයි පැයකට විතර එලියට ආවේ නැහැ. ඒ අතරේ දිස්නේ දිදී පායලා තිබ්බ සූර්ය දිවිය රාජයා වලාකුළු අතරේ හැංගිලා අඩන්න ගත්තේ අපේ කට්ටියත් අඩවමින්.

[ සැමගේ හිත සුව පිණිස පින්තූර හොරකමේ ගියෙමි. විශාල කර බැලීම සඳහා පින්තූරය වෙනත් ටැබ් එකක විවෘත කරගන්න. පින්තූර අයිති කරුවන්ට පිං! ]

කඩුගන්නාව දුම්රියපොළ දෙස හැරී බැලුවෙමු

සමහරු වැස්සට තෙමෙන්න බයේ අලුත් කුඩත් ගත්තලු. මෙන්න බලන්න අලුත් කුඩ වල ලස්සන.

අළුත් කුඩ ටික එක තැනක

කුඩ කියනකොට අපේ දීපානි අක්කගේ බලු කුඩේ අමතක නොකර කොහොමද? මෙන්න දීපානි අක්කා featuring බලු කුඩය.

මෙතන මොනවද වෙන්නේ?

වැස්සේ කුඩ ඉහලන් අපි ගමන පටන් ගන්නකොට සොරෝ මිසිං. කවුදෝ කිව්වා අස්පයා හොයන්න ගිහින් කියලා. සොරෝ එනකන් අපි නැවතුනේ ගැජට් එකක් ළඟ.

කවදා දැකපු ගැජට් ද මෙව්වා

ගැජට් එක ඇවිල්ලා කෝච්චි වල සිග්නල් වලට සම්බන්ධ දෙයක්.

මෙහෙම එකක් දැක්කේ පළවෙනි වතාවට

මේකේ පැත්තකින් තිබුණා දැති රෝද ගොඩක් එක්ක දැක්කම පිස්සු හැදෙන තව ගැජට් එකක්. මේවා පාවිච්චි කරලා සිග්නල් දාන්නේ කොහොමද කියලා අපේ කෝච්චි බ්ලොග් එකේ ලිපියක් යාවි ළඟදීම.

කෝච්චි යන්නේ අපි කියන විදියට

එතන තියන වැඩ නරඹමින් ඉන්න අතරේ සොරෝ කොහේදෝ ඉඳං කඩා පාත් වුන නිසා අපි ආයෙත් ගමනේ යා. ඔන්න එතකොට පෙනුනා ඩෝසන් කුළුණ. මේක ගැන නම් නොදන්නා කෙනෙක් නෑනේ.කොළඹ නුවර පාර හදපු ඉංජිනේරු ගොයියා තමා ඩෝසන්. එයා මැලේරියාව හැදිලා මේ හරියේදී අවසන් හුස්ම පිටකරලා තියෙන්නේ. එයාව සිහි වෙන්න හදපු කුළුණ දැන් ඩෝසන් කුළුණ ලෙසට මෙන්න මේ විදියට කොළඹ නුවර පාර අයිනේ දැකගන්න පුළුවන්.

ඩෝසන් කුළුණ

ඩෝසන් කුළුණ පහු කරගෙන ටික දුරක් යනකොට අපිට පේනවා අලගල්ල කන්ද. මීදුමෙන් වැහිලා හරිම ලස්සනයි.

අලගල්ල මීදුමින් වැසී

වැස්සේ තෙමි තෙමී ඉස්සරහටම ගමන් කරනකොට අපිට ඈතින් පේනවා අඩි 85ක් දිග අංක 11 බිම්ගෙය.

අංක 11 බිම් ගෙය

ඈතින් මෙහෙම පෙනුනට ළඟට යනකොට හොඳටම වැස්ස. ඒක නිසා අපි මේ බිම් ගෙය ඇතුලේ නතර වුනා වැස්ස පායනතුරු.

වැස්සේම බිම් ගෙවල් අතරින්

ඒ අතරතුර අපිට කෝච්චියාගෙන් වැදගත් උපදෙස් ලැබුණා බිම් ගෙයක් ඇතුලේ ඉන්නකොට කෝච්චියක් ආවොත් මොකද කරන්නේ කියලා. ඒ විතරක් නෙවේ අපි පොඩි පෙරහුරුවකුත් කළා.

බිම් ගෙය ඇතුලේදී කෝච්චියක් ආවොත්? - පෙරහුරුව

කෝච්චියාගේම වචනයෙන් කියනවා නම් කතාව මෙහෙමයි.

"බිංගෙයක් ඇතුලෙදි දුම්රියක් මුණගැහෙන එක හරිම අපූරු,ත්‍රාසජනක ඒ වගේම භයංකාර අත්දැකීමක්. බොහොමදෙනෙක් අනතුරට පත්වෙන්නෙ ඒ වගේ වෙලාවක අනවශ්‍ය විදියට කලබල වීමෙන්.

දුම්රියක් සාමාන්‍යෙයන් බිම්ගෙයකට ඇතුල් වෙන්න කලින් නලාව නාදකරනවා. කවුරුහරි ඇතුලෙ ඉන්නවනම් එයාට අනතුරු අඟවන්න. එහෙම වෙලාවට කරන්න තියෙන්නෙ කල්පනාවෙන් මාර්ගයේ අයිනටම වෙලා පුලුවන්නම් හැකිතරම් පහත් වෙලා හෝ බිත්තිය අයිනටම වෙලා දුම්රිය යනතුරු ඉවසීමෙන් සිටීම.මේ කොහොම වුනත් බිම්ගෙයක් තුල දුම්රියක් ගමන්කරන විට රැඳී සිටීම කිසිසේත්ම නොකලයුතු දෙයක්. එය ක්‍රම කිහිපයක් නිසා මරණිය වනවා.

කෙලින්ම හෝ ඇඳුමක් පැටලීම නිසා ඔබ දුම්රියේ ගැටීමට පුලුවන්

ඉන්ධන දහනයෙන් පිටවන කාබන්මොනොක්සයිඩ් විශ වීමෙන් මරණයට පත්වන්න ඉඩක් තිබෙනවා

බිම්ගෙවල් තුල වෙසෙන ඇතැම් විසකුරු සතුන්(විශෙෂයෙන් බිම්ගෙවල් වල අඳුරු බිත්ති අතර හෝ අහුමුලුවල) මගින් ඔබට අනතුරු වන්නට පුලුවන්

ඇතැම් නොහික්මුණු මගීන්ගේ පාපහරක් ආදියෙන් ඔබ බියවී අනතුරක් වන්නටත් පුලුවන්.

ඒ නිසා මෙවන් ගමන් වලදී අතිශයින් ප්‍රවේශම් සහගත වියයුතුයි. බිංගෙයක් තුලය පිවිසීමට පෙර දුම්රියක් ඒ තුල හමුනොවේයැයි තහවුරු කරගැනීම ඉතා වැදගත්. විශේෂයෙන් දිගින් වැඩි බිම්ගෙවල් තුලදි.

සැබැවින්ම රේල් හයික් යනු ඉතා හොඳ සිහියෙන් සහ අවධානයෙන් සිදුකල යුත්තක්. රේල් හයික් යනු පික්නික් හෝ විනෝද ගමන් නොවේ. පුංචි අතපසුවීමක් මහා ඛේදවාචකයකින් අවසන් වන්නට පුලුවන් නිසා ප්‍රවේශම ඉතා වැදගත්!!!"

මේ දේවල් වලට අමතරව අපි මේ පෙරහුරුවේදී තව බොහෝ දේවල් ඉගෙන ගත්තා.

බිම් ගෙවල් ඇතුළේදී කිසිම විටක දෙතුන් දෙනා එක පොදියට ගමන් කිරීම නොකළ යුත්තක්. හේතුව තමා හදිස්සියේ වත් දුම්රියක් පැමිණියහොත් හැමෝම එක පාර රේල් පාරෙන් අයින් වෙන්න ගිහින් අනතුරක් වෙන්න ඉඩ කඩ පැවතීම.

බිම් ගෙයක් ඇතුළතදී එකිනෙකා පිටිපස ගමන් කල යුතුයි. එසේම දෙදෙනෙක් අතර සැලකිය යුතු පරතරයක් තබා ගත යුතුයි.එවිට කෝච්චියක් හදිසියේ මතු වුණොත් අයින් වෙන්න ඉඩ තියෙනවා.

අනිවාර්යෙන් හොඳ ආලෝකයක් ඇති විදුලි පන්දමක් ඔබ සතුව තිබිය යුතුයි.

මේ පාඩම් ඉගෙන ගන්නා අතරතුර කට්ටිය ෆොටෝ ගන්නත් අමතක කලේ නැහැ.

ටෝච් එකක් ගෙනියන්න කියන්නේ මෙන්න මේ නිසා

ලස්සන මීවන ශාක ගොන්නක් අපිට දැකගන්න ලැබුණා මේ බිම් ගෙය ඇතුලෙදි.

අංක 11 ඇතුලේ මීවන

මේ බිම් ගෙයින් පිටවෙලා අපි වැස්සේම ගමන් ආරම්භ කරනවා.

වැස්සේම ඉදිරියට

වැස්සේ රේල් පාරේ ගමන් කරන එක නම් අනතුරුදායක දෙයක්. ලිස්සන්න පුළුවන්. ඒ වගේම කූඩැල්ලන්ගෙන් දැඩි ප්‍රහාර එල්ල වෙනවා. ඒක නිසා සපත්තු සහ මේස් අනිවාර්යෙන් පළදින්න. සපත්තු පළදින්න කලින් අත් කකුල් වල සබන් ගාගෙන යන්න පුළුවන් නම් තවත් හොඳයි.

ඒ වගේම ඇවිදිනකොට වැස්ස වෙලාවට නම් සිල්පර උඩ ඇවිදින එක ආරක්ෂිතයි. බිමින් ඇවිද්දොත් අර ත්‍රස්තවාදීන් ගෙන් බේරෙන්න බැහැ. හැබැයි රේල් පාර මැදින් නම් ඇවිදින්න එපා. එකිනෙකා පිටි පස්සේ රේල් පාරේ සිල්පර කොටන් අයිනෙන් අඩිය තියමින් ඇවිදින්න. මේ වෙනකොට මීදුම නිසා ඉදිරියට අඩි 50 ක්‌ වත් අපිට පෙනුනේ නැහැ. ඉස්සරහින් කෝච්චියක් ආවොත් පෙනෙන්නේ ළඟටම ආවට පස්සේ.

කොහොමද මීදුම?

මීදුම කපාගෙන ඉදිරියට ඇදෙන අපේ කණ්ඩායමට මීළඟට දකින්න ලැබෙන්නේ සිංහ කට.

මීදුම අතරින් සිංහ කට

මෙතනට සුද්දා සිංහ කට නැතිනම් Lion's Mouth කියලා කිව්වේ ඇයි කියලා හිතාගන්න පුළුවන් නෙව කට්ටියට. මෙතන අපි නැවතිලා කාලා බීලා විවේක ගත්තා.

සිංහ කටේ විවේකයෙන්

කාලා බීලා හිටියා විතරක් නම් මදෑ. කට්ටිය හරි හරියට පින්තුරත් ගත්තා.

සිංහ කට ඉදිරියේ සිල්පර කොටන් මත

මේ මම. ඈතින් පෙන්නේ වැලමිටි වංගුව. කොළඹ නුවර පාරේ වැලමිටි වංගුව. දන්නවනේ හැමෝම.

මීදුම සහ deeps

පිස්සෝ තුන් දෙනෙක්.

පුළුවන්ද අඳුර ගන්න?

මෙතන නම් හැමෝම ඉන්නවද කොහෙද ගත්ත කෙනා හැර.

සිංහ කට ඇතුළේ

ඔන්න ඔහොම විවේක සුවයෙන් කාලය ගත කරනකොට තමා මෙන්න මෙයා අලි පස්ස ඇතුළෙන් එබිකම් කරන්නේ.

අලියෙක්ගෙ පස්ස අස්සෙන් කෝච්චියක්

අලි පස්ස අස්සෙන් ආපු කෝච්චිය අපිව පහු කරගෙන යනවා හූවක් තියාගෙනම. ගොඩක් දුම්රිය රියදුරන් අපි දැක්කම නලාව ශබ්ද කළා. බැරි වෙලාවත් එකෙක් අහුවුනොත් කාට කියන්නද.

ටටා බායි අපි යනවා අපේ ගමන පාඩුවේ

එයා සිංහ කට පහු කරගෙන උඩරට පැත්තට යනකොට අපි ආපහු පාරට බැස්සා අලි පස්ස බලන්න යන්න.

සිංහ කට ඔස්සේ උඩ රට බලා

මීළඟ ලිපියෙන් අලි පස්ස බලන්න යමු.

මීළඟ ලිපි

රේල් පාර දිගේ 3 - සිංහ කට සිට බලන දක්වා
රේල් පාර දිගේ 4 - බලන සිට අංක 8 බිම් ගෙය දක්වා
රේල් පාර දිගේ 5 - අංක 8 බිම් ගෙය සිට ඉහළ කෝට්ටේ දක්වා

ආදරය

noreply@blogger.com (Deepika Priyadarshani) — Sat, 10 Sep 2011 05:13:00 +0000

හිත් රිදවාගෙන,

බැණුම් අසාගෙන,

සතියක් කතා නොකර හිටියත්,

"තරහද?"

කියා ඇසූ සැණින් නිමා වන රණ්ඩුව.

රේල් පාර දිගේ 1 - ගමනට සුදානම

noreply@blogger.com (Deepika Priyadarshani) — Tue, 06 Sep 2011 13:56:00 +0000

මේ කතාව පටන් ගන්නේ කෝච්චි බ්ලොගේට මම දාපු ප්‍රතිචාරයකින්. රේල් හයික් එකක් යන්න කැමතියි කියපු නිසා කෝච්චියා මට ආරාධනාවක් කළා ඊළඟ රේල් හයික් එකට සහභාගී වෙන්න. අපේ ගෙවල් ළඟම නිසා මාත් ඒක පයින් කැමති වුණා.

මොකක්ද මේ රේල් හයික් එකක් කියන්නේ?

ගමනාරම්භය (සොරෝ ගේ පින්තූරයකි)

සරලවම කියනවා නම් රේල් පාර දිගේ අවට සුන්දරත්වය නරඹමින් ඇවිදීම. සමහරුන්ට හිතෙන්න පුළුවන් මේකෙන් ඇති වැඩේ මොකක්ද කියලා. මම මේ ගැන කිව්ව ගමන් එක්කෙනක් හිනා වුණා සුන්දරත්වය බලන්න නම් කෝච්චියේ රවුමක් ගියා නම් ඉවරයිනේ කියලා. ඒ වුණාට කෝච්චියේ යන එකයි, ඒ පාරේම පයින් යන එකෙයි තියෙන්නේ ලොකු වෙනසක්.

අපේ ගමනේ විස්තර කෙටියෙන්

අවට පරිසරය

දිනය :- 2011 සැප්තැම්බර් 03

කලාපය :- කඩුගන්නාව දුම්රිය ස්ථානය - ඉහල කෝට්ටේ දුම්රිය ස්ථානය (කිලෝමීටර 9.04ක් පමණ)

කාල කළමනාකරණය :- කොළඹින් උදේ 5.55ට පිටත් වන පොඩිමැණිකේ දුම්රියෙන් ගොස් උදෑසන 8.30ට පමණ කඩුගන්නාව වෙත ලඟාවීමටත් ආපසු සවස 4.30 ට ඉහල කෝට්ටෙන් දුම්රියට ගොඩවී කොටුවට පැමිණිමට පුළුවන්, මහනුවර ප්‍රදේශයෙන් පැමිණෙන්නේ නම් උදෑසන 8.30 පමණ කඩුගන්නාව දුම්රිය ස්ථානයට පැමිණ ඉහල කෝට්ටෙන් හවස 2.46ට හෝ 6.45ට පිටවන දුම්රියෙන් නුවර දෙසට පැමිණිය හැකියි. එසේ නොමැති නම් සවස 4.30 ට ඉහල කෝට්ටෙන් දුම්රියට ගොඩවී වල් පල් කියවමින් රඹුක්කනට පැමිණ රඹුක්කනින් සවස 6.20 ට මහනුවර බලා ධාවනය වෙන දුම්රියට ගොඩ ගොඩ වෙන්න පුළුවන්.

සැළකිය යුතු දේවල්

ත්‍රස්තවාදී ප්‍රහාර

ඡායාරූප ගැනීමට බලාපොරොත්තු වන්නේ නම් සුදුසු කැමරා ආම්පන්න සහ ඒවා සුරක්ෂිතව තබාගැනීමේ උපක්‍රම ඔබ විසින් සපයාගන්න. ඇතැම් විට වැසිපොද වලට මුහුණ දීමට සිදුවීමට ඉඩ තිබේ.

ඔබගේ ආරක්ෂාව සඳහා සපත්තු පැළඳිම වඩාත් යහපත්ය. මාර්ගය දෙපස සහ බිම්ගෙවල් තුල සර්පයන් ආදී සතුන් ගැවසීමට ඉඩ ඇත.

ජංගම දුරකථනයක් අවශ්‍ය වේ.

බිංගෙවල් තුලින් යාමට ඇති නිසා ප්‍රමාණවත් එලිය සහිත ටෝච් එකක් රැගෙන ආ යුතුය.

කුඩයක්/ වැහි කබායක් ගෙන ඒම සුදුසුයි

කූඩැල්ලන්ගෙන් දැඩි ප්‍රහාර එල්ලවිය හැකි බැවින් සබන්, ලුණු වැනි දේවල් රැගෙන යන්න.

අමතර ටී - ෂර්ට් එකක් කැමති නම්. නොහිතන දේවල් සිදු වීමට ඉඩ ඇත.

ජංගම දුරකථනයක් ළඟ තබා ගැනීම ආරක්ෂාවට සුදුසුය.

ගමනට පෙර ඔබ පසු කරන දුම්රිය ස්ථාන දැනුවත් කර ඔවුන්ගෙන් අවසර ලබා ගන්න.

මෙම කලාපයේ වැදගත්කම

ශ්‍රී ලංකා දුම්රිය මාර්ග පද්ධතියේ ඉතා අලංකාර කොටසකි.

දුම්රිය මගෙහි සීග්‍ර නැග්මක් සහිත කලාපයකි.

Elephant Back හරහා ඉදිරියට ඇදෙන කෝච්චිය

දුම්රිය මාර්ගයේ විශේෂ ස්ථාන කිහිපයක් මෙම දුම්රිය ස්ථාන දෙක අතර පිහිටා ඇත. (Ex:- Sensation Rock, Elephant Back, Lion’s Mouth)

දුම්රිය පිලිබඳ රසික මෙන්ම ඡායාරූප ශිල්පීන්ගේ පාරාදීසයකි.

පහසුවෙන් ළඟාවිය හැක.

බිම්ගෙවල් කිහිපයක් තරණය කිරීමට සිදුවේ.

කඩුගන්නාව-බලන

අඩි 85ක් දිග අංක 11 දරණ බිම්ගෙය.

අඩි 58ක් දිග අංක 10 දරණබිම්ගෙය.

අඩි 622ක් දිග අංක 9A දරණ බිම්ගෙය.

අඩි 1049ක් දිග අංක 09 දරණ මොරගල්ල බිම්ගෙය.

බලන-ඉහල කෝට්ටේ

අඩි 243ක් දිග අංක 08 බිම්ගෙය.

අඩි 133ක් දිග අංක 07 බිම්ගෙය.

අඩි 104ක් දිග අංක 06 බිම්ගෙය.

මේ මගේ ජීවිතයේ පළවෙනි හයික් එක. බ්ලොග් අවකාශයේත් ඉන්න පුළුවන් ජීවිතේට හයික් එකක් ගිහිල්ලා නැති අය. එයාලට උදව්වටත් එක්ක A-Z මේ ගමන ගැන ලියන්න හිතාගෙන ඉන්නේ. මීළඟ ලිපියෙන් හමුවෙමු!

රේල් පාරේ දිගේ සුන්දරත්වය

මීළඟ ලිපි

රේල් පාර දිගේ 2 - කඩුගන්නාව සිට සිංහ කට දක්වා

රේල් පාර දිගේ 3 - සිංහ කට සිට බලන දක්වා

රේල් පාර දිගේ 4 - බලන සිට අංක 8 බිම් ගෙය දක්වා

රේල් පාර දිගේ 5 - අංක 8 බිම් ගෙය සිට ඉහළ කෝට්ටේ දක්වා

විභාග අස්සේ හිතෙන විකාර - බුද්ධි පරීක්ෂණ

noreply@blogger.com (Deepika Priyadarshani) — Wed, 31 Aug 2011 12:00:00 +0000

සරසවියේ අවසන් විභාගය හොඳටම ළඟ නිසා මේ දවස් වල එක එක හීන පේනවා. විකාර දේවල් හිතෙනවා. එහෙම හිතුනු විකාරයක් තමා මේකත්.

විකාරේ මේකයි. දැන් ඔන්න උපාධිය ඉවර කරලා අපි යනවනේ රස්සා හොයන්න. ඔය සමහර රස්සා තියනවා උපාධියක් තියන ඕනේ කෙනෙක්ට ඉල්ලන්න පුළුවන්. ඒක කලා වුනත්, ඉංජිනේරු වුනත්, කෘෂිකර්ම වුනත් ඔක්කොම සලකන්නේ එක මට්ටමෙන්. උදාහරණයක් විදියට බැංකුවල කළමනාකාර රැකියා, තව ආණ්ඩුවේ දිසාපති වගේ තනතුරු. අපේ මාමා කියන විදියට ආදී කාලේ කලා විෂයන් විශ්ව විද්‍යාලයට ඇතුල් කලේ ආණ්ඩුවේ පරිපාලන කටයුතු වලට ඒ කලා උපාධිකාරයෝ ටික දාගන්න අදහසින්ලු. සුද්දා එහෙම හිතුවේ මිනිස්සු ගැන දන්න අය සහ මානුෂීය හදවත් තියන අය මිනිස්සු පාලනය කරන තනතුරු වල ඉන්න අවශ්‍ය නිසාලු. සුද්දට අනුව කලා විෂයන් හදාරන අය තුල මානුෂීය හැගීම් වැඩිලු. මිනිසාගේ සැඟවුණු සිතුම් පැතුම් එයාලට තේරුම ගන්න පහසුයිලු. "ලු" ප්‍රත්‍ය එකතු කළේ මාත් ඔය කතාව අහලා තියෙන්නේ "ලු" ප්‍රත්‍ය එක්ක නිසා.

හරි ඒ කාලේ එහෙමයි කියමුකෝ.

දැන් කාලේ කොහොමද?

ඉංජිනේරු උපාධි ගහපු අය ඉන්නවා දිසාපතිලා වෙලා, ගණිතය විශේෂ උපාධි කරන අය ඉන්නවා බැංකු වල, කෘෂිකර්මය උපාධි තියන අය ඉන්නවා ප්ලාස්ටික් කම්පැනි වල ලොක්කෝ වෙලා. හරි, දක්ෂතාවය තියන නිසා ඒ වගේ තැන්වලට අදාළ අය ගියා කියමු.

දැන් කොහොමද ගොඩක් ආයතන වල ලොකු ලොකු පුටුවලට කස්ටිය ගන්නේ?

එකක් ඉන්ටවීව්, ඒ ගැන ලිව්වා කියලා හීනෙන් වගේ මතකයි. අනික් එක තරඟ විභාග. ඔය තරඟ විභාග කියන්නේ ඉතින් කලා විෂයන් හදාරණ අයට මැජික් වගේ ගොඩක් වෙලාවට. ඇයි අනේ ගොඩක් වෙලාවට පටන් ගත්ත වෙලාවේ ඉඳං ඉවර වෙනකන් ගණන්නේ. උසස් පෙළ සිට විශ්ව විද්‍යාලය දක්වා සාහිත්‍ය විචාර ලියලා එක පාරට ඔය වගේ විභාගෙකට ලිව්වම හොඳ ගණන් ඉතින්. අන්තිමට ඉතින් රස්සාව යන්නේ ගණිතය උසස් පෙලට කරලා, විශ්ව විද්යාලෙත් ඒවම කරන අය.

අනිත් ප්‍රශ්නේ තමා ඔය විදිය විභාගයකින් විතරක් පුලුවන්ද දක්ෂයෙක් හොයාගන්න? රස්සාවට තෝරාගැනීමේ පළවෙනි පියවර විභාගයක් නම් එතනින් ගොඩක් දක්ෂයෝ හැලෙන්න පුළුවන්.

දැන් එක එක්කෙනාට ප්‍රශ්න මතුවේවි....එහෙම ඇතිවෙන ප්‍රශ්න සහ ඒවාට මගේ පිළිතුරු මෙන්න.

ගණන් ඕනේ හැම තැනටම - ඔව් ඕනේ තමා, එත් ගණන් විතරක් පාදක කරගෙන කස්ටිය තෝරන එක පොඩ්ඩක් අවුල් නේද? අනික විවිධාකාර විෂයන් ඉගෙන ගත්ත අය ලියන විභාගයක් නම් ගණිතය ඉගෙන ගත්තු අයට මේ විදිය විභාග ගොඩක් වාසියි. මම අහලා තියන විදියට නම් ගොඩක් විභාග වල වැඩි ප්‍රතිශතයක් තියෙන්නේ ගණිතය ආශ්‍රිත ප්‍රශ්ණ.

කලා විෂයන් ඉගෙනගත්තා කියලා ගණන් බැරි වෙන්න විදියක් නැහැ. ඒ වගේ පේපර් වල තියෙන්නේ බුද්ධි පරීක්ෂණ මිසක් ගණන් නෙවෙයි - කතාව ඇත්ත, එත් ඉතින්, තියන වෙලාවත් එක්ක අමාරුයිනේ ඉක්මනට ගණන් හදන්න. කොටින්ම කිව්වොත් ඉලක්කම් එක්ක ඔට්ටු වෙන්න කලා විෂයන් කරන ගොඩක් දෙනෙකුට සාමාන්‍ය වෙලාවට වඩා වැඩි වෙලාවක් යනවා. උසස් පෙළ ඉඳලා විශ්ව විද්‍යාල ජීවිතය අවසන් වෙනතුරු ගණිතය, ජීව විද්‍යාව වගේ විෂයන් එක්ක ගැටුණු කෙනෙක්ට කවියක විචාරයක් ලියන්න කිව්වොත් විනාඩි 10 කින්, කීදෙනෙක් ලියාවිද?

හොඳ වැඩේ කලා විෂයන් ඉගෙන ගත්තට - පුළුවන් දේනේ කරන්නේ ඉතින්, ලංකාවේ හැමෝම ඉංජිනේරුවෝ වුණොත්, එයාලා නිර්මාණය කරන රොබෝට්ටා මාකට් කරන්නේ කවුද?

ඕක ඇවිල්ලා තරගය - තරගය තමා, එත් ඉතිං ඕනෙම උපාධියක්‌ තියනවා නම් ඉල්ලන්න පුළුවන් කියන රැකියාවලට මොකටද ඉන්ජිනේරුවෝයි, විද්‍යා උපාධි කාරයොයි ඉල්ලන්නේ? අපරාදෙනේ ආණ්ඩුව එයාලා වෙනුවෙන් වියදම් කරපු සල්ලි සහ එයාලා අවුරුදු ගානක් මහන්සිවෙලා ඉගෙන ගත්ත දේවල්.

දැන්වීම: මේවා විභාගය අවසන් වනතුරු ඔලුවට එන විකාර බැව් කරුණාකර සලකන්න.

අනේ මගේ කොම්පියුටරේ ඔන් වෙන්නේ නැහැ! මොකද්ද මම කරන්න ඕනේ?

noreply@blogger.com (Deepika Priyadarshani) — Sun, 28 Aug 2011 07:20:00 +0000

මම දන්නවද මොනවා කරන්නද කියලා?
මම දන්නේ නැහැ එයා ඉන්ස්ටෝල් කරපු වැඩසටහන්.
තව කොම්පියුටරේ වර්ගය, මෙහෙයුම් පද්ධතිය ඒවා දන්නෙත් නැහැ.
ඉතිං මං කොහොමද කියන්නේ මොකක්ද කරන්න ඕනේ කියලා?
අනික ඉතිං පොඩි පොඩි වැඩ ටිකක් දන්නවා වුණාට මම මීටරයක්‌ නෙවෙයි.
දන්න ටික දන්නෙත් ගූගල් ළඟ ඉන්නකොට විතරයි.

"ගිය සතියේ ඔයා ඇවිල්ල මොනවද මොනවද කරේ , ඊට පස්සේ තමා මේක ඔන් වෙන්නේ නැත්තේ!"
"මම ඇවිල්ලා software update කරලා දුන්නට පස්සේ ඔයා මොකුත් කරේම නැද්ද?"
"නෑ"
"ඈ! එතකොට කොහෙන්ද මේ චුරුස්‌ බුරුස්‌ ගාන බල්ලෙක් මවුස් පොයින්ටරේට ආවේ?"
"දන්නේ නෑ , අද උදේ බලනකොට ඊතලේ බල්ලෙක් වෙලා, හලී ෂෝයි බව්වා නේද මෙයා? මේ බලන්න කුචු කවනකොට ලජ්ජාවෙන් හිනා වෙනවත් එක්ක"

ඉතිං,
මම දන්නවද මොනවා කරන්නද කියලා?

Facebook chat එකේදී..

"මගේ මැෂිම ස්ලෝ වෙලා, මොනවද කරන්න ඕනේ?"
"අනේ මන්දා හිතාගන්න බැහැ, බලන්නේ නැතුව කියන්න බැහැ"
මට හදිස්සි වැඩක් කරගන්න ඕනේ, මගේ වර්ඩ් වැඩ කරන්නේ නැහැ, වර්ඩ් ලෝඩ් වෙන්නෙත් නැති ගානට ස්ලෝ වෙලා"
"අහ්හ්, වර්ඩ් ද ප්‍රශ්නේ? වර්ඩ් වෙනුවට එහෙනම් දැනට Google Docs පාවිච්චි කරපු. පස්සේ බලමු අරක හදාගන්න"
"මොකක්ද Google Docs කියන්නේ?"
"Google Docs කියන්නේ .......... බ්ලාහ් බ්ලාහ් බ්ලාහ් "

"ඒ ඔයා නම් මාරයි, ගොඩක් දේවල් දන්නවා, කොහොමද ඔච්චර දේවල් දන්නේ?"
"මම කියවනවා, අලුත් දේවල් ගැන නිතරම හොයනවා, අලුත් ටෙක් දේවල් වලට කැමති අය එක්ක ඒවා කතා කරනවා. යාලුවන්ට ඇතිවෙන තාක්ෂණික ගැටළු විසඳලා දෙනවා. මම හරිම කැමැත්තෙන් එහෙම දේවල් කරන්නේ. මට ඇතිවෙන ප්‍රශ්ණ මම ම විසඳගන්නවා, බැරිම වුනොත් විතරයි කාගෙන් හරි උදව්වක් ඉල්ලන්නේ. කාලයක් යනකොට ඉතිං ඒක පුරුද්දක් වෙනවා......"

යටි හිත: මේවා අහලවත් මෙයාලා හැදේවිනේ. තමන්ගේ ගැටළුවක් තමන් විසඳගන්න කොට ගොඩක් දේවල් ඉගෙන ගන්න පුළුවන්. ඒක කවදා මෙයාලා ඉගෙන ගනීද?

ඊළඟ දවසේ...

"මගේ කොම්පියුටරෙන් දුම් පිටවෙනවා, ඇතුලේ කවුරු හරි සිගරට් බොනවද දන්නේ නැහැ. පොඩ්ඩක් ගලවලා බලන්නකෝ!"

"එක අතකට මෙහෙම අය නැත්තම් computer repair කරලා, hard disk format කරලා සල්ලි හොයන අයට මොකද වෙන්නේ?
ඔන්න ඔහේ ඕනේ එකක්...
මේ මැෂිමත් ගලවලා බලමු, කවුද දන්නේ ඇතුලේ කවුරු හරි සිගරට් බොනවද කියලා,
මම එහෙම දෙයක් මීට කලින් දැකලත් නැහැ, අලුත් අත්දැකීමක් වෙයි මේකත්,
ගලවන ගමන් මෙයාටත් කියල දෙන්න බැරි යෑ"

"ගන්නකෝ බලන්න ඉස්කුරුප්පු නියනක් එහෙනම්"
"මෙන්න නියන, මං ගියා, හදලා ඉවර වෙලා කතා කරන්න හොඳේ ?"

ප. ලි. මේ ලිපිය ලියන්න හිතුනේ, මෙන්න මේක කියෙවට පස්සේ.

අපේ ඉංග්‍රීසි සහ Zoe Kai Psyché

noreply@blogger.com (Deepika Priyadarshani) — Tue, 23 Aug 2011 12:00:00 +0000

ඉංග්‍රීසි කියන මාතෘකාව මේ බ්ලොග් අඩවියට නුපුරුදු එකක් නම් නෙවෙයි. මුල ඉඳලා අනං මනං ලෝකය කියවපු අයට මතක ඇති ඉංග්‍රීසියෙන් ලියවුනු මේ ලිපිය. ඉන්පසු මෑතකදී ලියවුනා සහනිගේ ඉංග්‍රීසි ගැන. ඉංග්‍රීසි ඉගෙන ගැනීම,එහි වැදගත් කම සහ ඉංග්‍රීසි නිසා අපේ සමාජය හිතන පතන විදිය වෙනස් වුන ආකාරය ගැන ඒ ලිපි වලින් සුළු වශයෙන් අවධානයට ලක් වුණා. ඉංග්‍රීසි ගැන තවත් ලිපියක් ලියන්න හේතු පාදක වුනේ රෝම සාහිත්‍යයේ එන ජුවෙනල් ගේ Satires හි තිබෙන එක්තරා සටහනක්.

ජුවෙනල් ඔහුගේ Satires ලියන කාලයේ ග්‍රීක සංස්කෘතියේ සහ භාෂාවේ බලපෑම රෝමයට තදින්ම දැනුනා, හරියට දැන් අපිට ඉංග්‍රීසියේ රස්නය තදින්ම දැනෙනවා වගේ. ඉතිං ජුවෙනල් ග්‍රීක භාෂාව සහ සංස්කෘතිය පස්සේ යන රෝම වරුන් උපහාසයට ලක් කරන්න ඔහුගේ Satires, එහෙම නැත්තම් උපහාසාත්මක සාහිත්‍ය නිර්මාණ භාවිත කළා. Satires හි එක තැනක ජුවෙනල් කියනවා මෙහෙම.

"Our Provincial dollies ape Athenian fashion, it's smart
To chatter away in Greek - though what should make them blush
Is their slipshod Latin. All their emotions - fear,
Anger, happiness, anxiety, every inmost
Secret thought - find expression in Greek"
අපිට තේරෙන සිංහලෙන් කියනවා නම් ;

"අපේ ගම් වල ඉන්න කෙල්ලොත් දැන් ඇතන්ස් නගරයේ විලාසිතා කරන්න පටන් අරගෙන. ග්‍රීක් වලින් කතා කරන එක ලොකු ආඩම්බරයට කාරණයක් වෙලා. ඒ වුනාට ලතින් කතා කරගන්න බැරි එකට තමා ඒ ගොල්ලෝ ලජ්ජා වෙන්න ඕනේ. දැන් එයාලගේ හැම සිතුවිල්ලක්ම ;බය තරහ , සතුට, සාංකාව සහ කියන්න බැරි හැඟීම් පවා ග්‍රීක භාෂාවෙන් එළියට එනවා"
ඇතන්ස් කියන්නේ ග්‍රීසියේ ප්‍රධාන නගරයක්, ලතින් කියන්නේ රෝම වැසියන්ගේ මව් භාෂාව. මේ කතාවේ ලතින් කියන තැනට ඉංග්‍රීසි කියලා දාලා ඇතන්ස් වෙනුවට වෙන කොහෙහරි බටහිර නගරයක නමක් දැම්මොත්?

අවුරුදු දෙදහස් ගණනකට කලින් ජුවෙනල් ලියපු දේවල් අදටත් වලංගු බව හිතනකොට හරිම පුදුමයි. ඉංග්‍රීසි (හෝ වෙනත් විදේශීය භාෂා) නිසා සංස්කෘතිය සදාචාරය නැති වෙලා යනවා කියලා එදත් කියලා තියනවා, අදත් එහෙමයි, හෙටත් එහෙමයි කියලා කියලා කතාව නතර කරන්න පුළුවන්. සමහරු කියන්න පුළුවන් ශිෂ්ටාචාරයක් ඉදිරියට යෑමට නම් වෙනසක් අවශ්‍යයි කියලා. සංස්කෘතිය කෙසේ වෙතත් මේ පාඨය ඇතුලේ තව ලස්සන කතාවක් තියනවා.

"වැරදි වැරදි ලතින් කතා කරනකොට මේ කියන රෝම වරුන්ගේ මුණු රතු වෙන්නේ නෑලු"

දැන් එන්න ලංකාවට. කීයෙන් කී දෙනාද හරියට සිංහල දන්නේ? මම මේ ලියන ලිපියෙත් මම නොදන්නා වැරදි ඇති සිය ගානක්. නමුත් මම එවා ගැන හිතන්නේ නැතිව ලියනවා. වැරදි ව්‍යාකරණ සහිතව සිංහල ලිව්වා කියලා කාගේවත් මුණ රතු වෙන්නේ නම් නැති වේවි. අද කාලේ මාධ්‍ය ආයතන වලිනුත් වැරදි සිංහල ඇහෙනකොට අපි ගැන වැඩ වෙන්නේ මොකටද? නමුත් ගැටලුව මතුවන්නේ වැරදි සිංහල භාවිතා කිරීමට අපට ලැජ්ජාවක් ඇති නොවීම තුලයි. ඉංග්‍රීසි ව්‍යාකරණ වැරදීම ලැජ්ජාවක් ලෙස දුටුවත් සිංහල වැරදීම අද බොහෝ දෙනා ගණන් ගන්නෙවත් නැති තරම්. මේ තත්වයට හේතුව ලෙස මා දකින්නේ අපි සිංහල සහ ඉංග්‍රීසි භාෂා ඉගෙන ගන්න ආකාරය එකිනෙකට වෙනස් වීමයි.

අපි සිංහල ඉගෙන ගන්නේ කතා කරන එවා ඇහිලා, කියවලා සහ කතා කරලා මිසක් ව්‍යාකරණ ගැන මුලින් ඉගෙන ගෙන නෙවෙයි. නමුත් ඉංග්‍රීසි ඉගෙන ගන්න විදිය මීට වඩා වෙනස්.

ඉස්සෙල්ලම ඉගෙන ගන්න ඕනේ අකුරු ලියන විදිය. බල්ලා, පුසා, ගහ , මල කියලා ලියන්න පුරුදු වෙනවා ඊළඟට. ඊට පස්සේ ඉගෙන ගන්නවා tenses ටික. ඒ නීති වලින් පිට ඉංග්‍රීසි ලියන්න කියන්න බැහැ. නීතියෙන් පිට ගියොත් ඉංග්‍රීසි වැරදියි කියලා ඔන්න අපේ මොළයට යනවා පණිවිඩයක්. එතන ඉදන් ඒ රාමුව අපිව පාලනය කරනවා. නමුත් කාටවත් මතකද අපි ගොත ගහ ගහ සිංහල කතා කරනකොට අම්මලා මෙහෙම කිව්වා කියලා.

"පුතේ අපි කියලා පටන් ගත්තොත් යමු කියලා තමා ඉවර කරන්න ඕනේ, නැත්තම් වැරදියි "

භාෂාවට අවශ්‍ය විදියට අපේ ශරීරය තුල සිංහලය වර්ධනය වුනත් ඉංග්‍රීසිය අපේ මොළය ඇතුලට යන්නේ තවත් එක නීති වලින් පිරුණ විෂයක් විදියට විතරයි. එක නීතියක් කැඩුන ගමන් ස්නායු හරහා අපිට පණිවිඩයක් එනවා "ඔන්න grammar වැරදියි. verb එකට s එකක් එකතු කරන්න." කියලා. ඔය පණිවිඩේ ඇතුලෙම හැංගිලා තියනවා "මම වැරදියි " කියන හැඟීම. ඔන්න දැන් මුණ රතු වෙනවා, දාඩිය දානවා, කකුල් වෙව්ලනවා, අරයා මට හිනාවෙයිද? , සර් බනිද ?ලෙඩ ගොඩයි. අපි ඔය නීති දන්නේ නැති නම්? එහෙම නැත්තම් නීති යෙන් පිට ගියොත් වැරදියි කියන මතය අපේ ඔලුවේ නැත්තම්?

අන්න එදාට අපිත් කිසි ලැජ්ජාවක් නැතිව වැරදි වැරදි ඉංග්‍රීසි කතා කරාවි. වැරදි වැරදි කතා කරන ඉංග්‍රීසි අහගෙන ඉඳලා කවුරුවත් හිනා වෙන්නෙත් නැති වේවි.

ඉතිං කොහොමද සිංහල ඉගෙන ගන්න විදියටම ඉංග්‍රීසිත් ඉගෙන ගන්නේ. මුලින්ම කියන්න ඕනේ බහුතරයකට මේක අමාරු වැඩක්. මොකද දැනටත් අපේ රටේ ගෙවල් වල පාවිච්චි කරන්නේ සිංහල භාෂාව. ළමයින්ට ඉංග්‍රීසි උගන්වන්න කියලා දෙමව්පියන් ඉංග්‍රීසියෙන් කතා කරන එක ප්‍රශ්නෙට විසඳුමක් වෙන්නේ නැහැ කවදාවත්ම. තව ව්‍යාකරණ ඉගෙන ගන්න එක නැවත්වීමත් උත්තරයක්‌ නෙවේ.

මට හිතෙනවා අපි ඉංග්‍රීසි උගන්වන විදිය පොඩ්ඩක් වෙනස් කලොත් හොඳයි කියලා. ඒ කියන්නේ ව්‍යාකරණ ගැන දෙවනුව සහ භාෂාව භාවිතය ගැන පළමුව සිතන විදියේ ක්‍රමයක්. අපි කතා කරනවා නම්, කියවනවා නම්, ලියනවා නම් භාෂාවේ ව්‍යාකරණ සහ වාක්‍ය විදි පිළිබඳව අදහසක් අපේ මනස තුල ඉබේම තැන්පත් වේවි. භාෂාව ටික කලක් මේ විදියට භාවිතා කරනකොට ඔන්න අපිට පුළුවන් ව්‍යාකරණ සහ භාෂා නීති වලට එන්න. වැරදි හදන්න ලේසියි, ඒ වගේම ගැඹුරු ව්‍යාකරණ තේරුම් ගන්නත් පහසුයි. හේතුව තමා අපි දැන් භාෂාව භාවිත කරන නිසා අපිට නොදැනීම ගැඹුරු ව්‍යාකරණ අපේ මනසේ තැන්පත් වීම. මතකද අපි සිංහල ව්‍යාකරණ ගැන හරියට ඉගෙන ගත්තේ සාමාන්‍ය පෙළ කාලේ කියලා. දැන් නම් ඒ තත්වය වෙනස් ද දන්නේ නැහැ හැබැයි.

ලොකු ලොකු ව්‍යාකරණ පාවිච්චි කරලා ලස්සන සිංහල වාක්‍ය ලියන්න දරුවන් පොළඹවන දෙමව්පියන් අද හරි අඩුයි. ඒ වුනාට හතර පහේ ඉන්න දරුවට ඉංග්‍රීසියේ ගැඹුරුම ව්‍යාකරණය කියලා දෙන්න මහන්සි වෙන දෙමව්පියන් නම් අප අතරේ ඕනෙවටත් වඩා ඇති. ඉංග්‍රීසි අමුතු භාෂාවක් නිසා මුල ඉඳලම හරියට ව්‍යාකරණ ඉගෙන ගන්න අවශ්‍යයි කියලා හිතන අයත් ඉන්න පුළුවන්. නමුත් මුල ඉඳලා ව්‍යාකරණයට විතරක් මුලිකත්වය දීලා ඉංග්‍රීසි ඉගෙන ගත්තම වෙන්නේ අර රාමුවෙන් පොඩ්ඩක් එළියට ආවොත් ලොකු ලැජ්ජාවක් සහ බයක් ඇති වීම. එහෙම නැත්තම් නීති වලට යටත් වෙලා ඉගෙන ගන්න තියන තවත් විද්‍යාවක් බවට ඉංග්‍රීසි පත් වීම. අද කාලේ Spoken English කියලා බෝඩ් කෑලි එල්ලගෙන ඉන්න ගොඩක් පන්තිවලත් වැඩ පටන් ගන්නේ ව්‍යාකරණ වලින්. ළමයි කතා කරන්න කලින් ව්‍යාකරණ ගැන හිතනවා නම් භාෂාවකින් සිදුවිය යුතු මුලිකම කාර්යය වත් ඉටු වෙන්නේ නැහැ.

සන්නිවේදනයෙන් එපිටට ගිය කාර්යයන් සඳහා භාෂාව භාවිත කිරීමේ ආරම්භය මෙතැන වන්නට පුළුවන් ; නීතියට ලස්සනට ඉංග්‍රීසි කතා කරන්නේ ඉහල පැලැන්තියයි, ඉංග්‍රීසි ව්‍යාකරණ වරදවා කතා කරන්නේ ගැමියා යි. මේ විදියට ආරම්භ වෙන සමාජ බෙදීම් බොහෝ දුර යන්නට පිළිවන්. මෙවන් තත්වයක් තුල සිංහලයෙන් ටැබූ යැයි කියා හංවඩු ගැසූ මාතෘකා වුවද ඉංග්‍රීසියෙන් එළි පිට කතා කිරීමට සමාජය පෙළබෙන්නට ඇති ඉඩ වැඩියි. සිංහලයේ කුණු හරුප ඉංග්‍රීසියෙන් කිවූ විට ඇඟට නොදැනීම එක හේතුවක් වන්නට පුළුවන්. ටැබූ මාතෘකා වුවද ඉංග්‍රීසියෙන් කතා කල විට වැදගත් කමක් ඇති බැව් සමහරුන් සිතාගෙන සිටීම තවත් හේතුවක්. ඉංග්‍රීසිත්, සිංහලත් භාෂා දෙකක් පමණක්ම නම් එකම අදහස අපට දෙවිදියට දැනේනේ ඇයි? ඒ අපි තාමත් ඉංග්‍රීසිය එක්තරා විෂයක් ලෙස පමණක් දැකීම නිසාද ? එහෙම නැත්තම් අපි තාමත් ඉංග්‍රීසි නිවැරදිව ඉගෙන නොගැනීම / භාවිත නොකිරීම නිසාද ?

භාෂාවක් භාවිත කරන ගමන් ඉගෙනීම සහ විලාසිතාවට භාෂාවක් ඉගෙනීම නිසා වෙන ඇබැද්දි ගැන ජුවෙනල් කියන්නේ මෙහෙම ;

"when you are well over eighty,
And go around in public using phrases as Zoe Kai Psyché - 'My life , my soul!' - real bedroom language,
It's most unbecoming"
ග්‍රීක භාෂාවෙන් Zoe Kai Psyché කියන්නේ මගේ ජීවිතය , මගේ ආත්මය වගේ තේරුමක්. මේ වාක්‍ය ඛණ්ඩය භාවිතා වෙන්නේ ග්‍රීක ආගමික වතාවත් වලදී බොහොම ගරු සරු ඇතිව. අසන්නන් වාලේ ග්‍රීක බස ඉගෙන ගත් රෝම පුරවැසියෙක් හිතනවා මේ වාක්‍ය කාණ්ඩය ඔහුගේ හිත ගිය තැනැත්තියට තම කැමැත්ත දැන් වීමට භාවිතා කරන්න. Zoe Kai Psyché මහා හඬින් කියමින් නගරය පුරා කාන්තාවන් පසු පස ඇවිදින මහලු රෝම ජාතිකයෙක් දකින ග්‍රීක ජාතිකයෙකුට මොනවා සිතෙවිද? ඔහු අනිවාර්යෙන් සිනහ වේවි, නැතහොත් පුදුම වේවි රෝමන්කරු Zoe Kai Psyché භාවිත කරන ආකාරය ගැන.

නමුත් රෝමන්කරු දිගටම Zoe Kai Psyché කියමින් වීදි පුරා දිව යාවි. දුවන අතර තුර කැඩුණු ලතින් වලින් ආඩම්බරයෙන් කතා කරාවි. වැරදෙන ග්‍රීක බස ගැන ලැජ්ජා වේවි...

අප සිංහල ඉගෙන ගත්තේ කාගෙවත් බලපෑමකට නොවේ. අප සිංහල ව්‍යාකරණ ඉගෙන ගත්තේ විභාගය සමත් වීමට මිස භාෂාව නිවැරදිව භාවිතා කිරීමට නොවේ. සරලව ප්‍රකාශ කරන්නේ නම්, බොහෝ ලාංකිකයින් සිංහල ඉගෙන ගෙන නැත, අනාගතයේ ඉගෙන ගන්නේ ද නැත. සිංහල යනු ශ්‍රී ලාංකීය ජන ජීවිතය තුලින් අපට ඉබේම ලැබෙන ත්‍යාගයක් පමණි. ඉබේම ලැබෙන ත්‍යාගයක් නිසා අප එහි දිග පළල මනින්නේ නැත. වැරදුනාට හිතා වෙන්නේද නැත. ව්‍යාකරණ දන්නේද නැත. නමුත් කෙසේ හෝ කියන්නට අවශ්‍ය දේ කියාගන්නට හැකියාව ඇත. ඉංග්‍රීසි භාෂාවත් එසේ විය යුතුය. භාවිතය තුලින් ඉගෙන ගත යුතුය.

Facebook login approvals disable වුනොත් ආපහු enable කරන්නේ මෙහෙමයි

noreply@blogger.com (Deepika Priyadarshani) — Wed, 17 Aug 2011 00:30:00 +0000

සමාවෙන්න මේ දවස් වල දිගටම Facebook ගැන ලිපි දානවට. එත් ඉතිං Facebook අපිට කරන දේවල් නිසා ලියන්නම වෙනවා.

අද කතාව මගේ යාලුවෙක්ට වුන දෙයක්. එයාගේ ගැටලුව මේකයි.

"මම Facebook login approvals enable කරලා තිබ්බේ. ඊයේ වැරදිලා මගේ අතින් ඒක disable වුණා. දැන් ආයේ මට ඒක enable කරන්න බෑ"

Facebook login approvals කියන්නේ අපි හඳුනා නොගත් පරිගණකයකින් හෝ වෙන කිසියම් උපකරණයක් භාවිත කරලා අපේ මුණු පොතට ඇතුල් වෙන්න කවුරු හරි උත්සහ කලොත් අපේ ජංගම දුරකතනයට කෙටි පණිවිඩයක් එවන සේවාවක්. ඒ කෙටි පණිවිඩයේ සඳහන් රහස්‍ය සංකේතය අදාළ උපකරණයට ඇතුල් කලොත් විතරයි අපේ facebook ගිණුමට log වෙන්න පුළුවන්. තාම මේක enable කරලා නැත්තම් මෙතනට ගිහින් enable කරන්න. Facebook ආරක්ෂාව සඳහා මෙය ඉතාම වැදගත් සේවාවක්.

දැන් ආයෙත් යාළුවගේ ප්‍රශ්නෙට.

මේ සේවාව enable කරන්න කියලා අපි කිව්ව ගමන් Facebook පහත දැක්වෙන ආකාරයේ pop-up window එකක් පෙන්වනවා. අපේ දුරකතනයට එන රහස්‍ය කේතය එතනට ඇතුල් කලාම හරි.

1 රූපය

රහස්‍ය සංකේතය හරි නම් ඊට පස්සේ මෙන්න මේ විදිය pop-up එකක් පෙන්නවා.

2 රූපය

ඕක close කළාම හරි නම් පෙන්නන්න ඕනේ මේ විදියට

3 රූපය

නමුත් මගේ යාළුවගේ පෙන්නේ මෙහෙම

4 රූපය

දෙපාරක් තුන් පාරක් නෙවේ දහ පාරක් කලත් මෙහෙමයි. ජාලේ පොඩ්ඩක් කරක් ගහනකොට හොයාගන්න පුළුවන් වුණා විසඳුම. කරන්න ඕනේ මෙහෙමයි.

2 වැනි රූපයට ආවම එකේ තියන close බොත්තම ඔබන්නේ නැතිව ඒ වෙලාවේ address bar එකේ තියන ලිපිනය copy කරගෙන වෙනත් tab එකකට paste කරන්න.

5 රූපය

copy කරගත්ත address එක වෙන tab එකක open කළාම මේ විදියට පෙනේවි.

6 රූපය

දැන් වැඩේ හරි. කලින් tab එක, ඒ කිව්වේ අපි address එක කොපි කරගත්ත tab එක (5 රූපය) close කරලා දාන්න.

ඔබේ වම් අත පැත්තේ තියන security settings උඩ දැන් click කරන්න. එතකොට පෙනේවි මේ විදියට.

7 රූපය

Login approvals re-enable වෙලා. අනේ මන්දා ළඟකදී ඉඳලා Facebook පිස්සු නටනවා වැඩියි, මොනවා වේගන එනවද මන්දා.

ඔබේ දුරකතනයේ contacts Facebook එකේද?

noreply@blogger.com (Deepika Priyadarshani) — Sat, 13 Aug 2011 02:03:00 +0000

මම සාමාන්‍යයෙන් සති දෙක තුනකට වතාවක් Facebook settings පරීක්ෂා කරලා බලනවා. හේතුව තමා නිතරම Facebook තුල අපිට ලබාදෙන security සහ වෙනත් option අඩු වැඩි වීම. ඔහොම බලනකොට ඒක දවසක් මෙන්න friends ලා අස්සේ මගේ මුළු phone contact list එකේම දුරකථන අංක තියනවා. මට හිතාගන්න බැරි වුනා එහෙම වුනේ කොහොමද කියලා. හිතාගෙන හිතාගෙන යනකොට මතක් වුනා Facebook මගේ contact list එක හොරකම් කරපු විදිය.

දවසක් මම ජංගම දුරකථනයට install කරගත්තා මගේ දුරකතනයේ contact list එකේම අදාළ පුදගලයින්ගේ Facebook profile pictures බලාගන්න පුළුවන් application එකක්. ටික කාලයක් භාවිතා කලාට පස්සේ එපා වුන නිසා application එක අයින් කළා. මම හිතන විදියට ඒ application එක නිසා මගේ phone contacts Facebook එක්ක sync වෙලා. නමුත් ඒ application එක install කරනකොට නම් Facebook මගෙන් අවසර ඉල්ලුවේ නැහැ මගේ contacts එයාලගේ server වල ගබඩා කරගන්න. ඒ විදියට හෝ වෙනත් විදියකට සමහර විට ඔයාලගේ phone contact list එකත් Facebook එකේ ගබඩා වෙලා තියෙන්න පුළුවන්.

----------කොහොමද බලන්නේ මගේ contact list එකත් Facebook එකේද කියලා?----------

Facebook ගිණුමට log වෙන්න

වම් පැත්තේ ඇති මෙනුවෙන් Friends තෝරා Manage Friends ක්ලික් කරන්න

Friends -&amp;amp;amp;gt; Manage Friends

ඉන්පසු contacts තෝරාගන්න

contacts යටතේ තිබෙන දුරකතන අංක දෙස පරීක්ෂාවෙන් බලන්න. බොහෝ විට ඔබේ contacts වල තියෙන්න පුළුවන් ජාති තුනක contacts. එකින් එක බලමු.

profile picture එකක් නැති, නමක් (බොහෝ විට ඔබගේ ජංගම දුරකතනයේ contact list හි ඇති නමක්) සහ දුරකථන අංකයක් සහිත contact

බොහෝ විට ඔබගේ ජංගම දුරකතනයේ සිට Facebook සහ sync වූ contact එකක් විය හැකියි.

profile picture එකක් සහිත/ රහිත , profile link එකක් සහිත නමක් සහ දුරකථන අංක.

ඔබගේ මිතුරු ලැයිස්තුවේ දැනට සිටිනා මිතුරෙකුගේ හෝ මිතුරියකුගේ දුරකථන අංකය ඔහුගේ හෝ ඇයගේ privacy settings නිසා ඔබට පෙන්වයි

profile picture එකක් සහිත/ රහිත , profile link එකක් සහිත නමක්, දුරකථන අංක සහ "add friend" බොත්තම

ඔබගේ phone contact list හි සිටින නමුත් Facebook හි ඔබගේ මිතුරෙක් හෝ මිතුරියක්‌ නොවන පුද්ගලයෙක්.

සටහන : මේවාට අමතරව දුරකථන අංකයක් සහ invite බොත්තමක් සහිත contacts ද සමහරුන්ට දර්ශනය වෙනවලු. invite බොත්තම භාවිතා කරලා අදාළ දුරකථනයට SMS එකක් යවන්න පුළුවන් Facebook එකට එන්න කියලා. වෙන වචන වලින් කියනවා නම් SMS invitation එකක් යවන්න පුළුවන්.

Invite via SMS

----------මගේ contact list එකෙත් ඔය කියන ජාති හතරේම contacts තියනවා. දැන් මොකද කරන්නේ?----------

profile picture එකක් නැති, නමක් (බොහෝ විට ඔබගේ ජංගම දුරකතනයේ contact list හි ඇති නමක්) සහ දුරකථන අංකයක් සහිත contact

මේවා delete කරලා දාන්න contact එකට ඉදිරියෙන් ඇති කුඩා කතිර සලකුණ භාවිතා කරන්න.

profile picture එකක් සහිත/ රහිත , profile link එකක් සහිත නමක් සහ දුරකථන අංක.

මේවා තිබුනට කමක් නැහැ. අදාළ පුද්ගලයාගේ privacy settings නිසා තමා ඔබට මේ අංක පෙන්වන්නේ

profile picture එකක් සහිත/ රහිත , profile link එකක් සහිත නමක්, දුරකථන අංක සහ "add friend" බොත්තම

කැමති නම් "add friend" කරන්න පුළුවන්. මේ විදියට පෙන්වන්නේ ඔ‍බගේ ජංගම දුරකථන contact list එකේ සිටින පුද්ගලයින්.

දුරකථන අංකයක් සහ invite බොත්තමක් සහිත contacts

මේවා delete කරලා දාන්න contact එකට ඉදිරියෙන් ඇති කුඩා කතිර සලකුණ භාවිතා කරන්න.

----------මගේ phone එකෙන් උස්සපු contact ඔක්කොම එක පාර Facebook එකෙන් අයින් කරන්න බැරිද?----------

පුළුවන් , මෙතනට ගිහින් බලන්න.

----------මේ කතාව මට වැදගත් වෙන්නේ කොහොමද?----------

පළවෙනි දේ තමා Facebook එකේ මේ විදියට contacts තිබීමෙන් කිසිම ප්‍රයෝජනයක් නැහැ. Google හි save කරලා තියන අංක වලට නම් අඩු මුදලට call කරන්න පුළුවන්. ඇමරිකාවට නම් free call පහසුකම තියනවා. අනික Google හි ආරක්ෂාව Facebook ට සාපේක්ෂව ඉතා ඉහලයි. සමහරු Facebook එකට තමන්ගේ දුරකථන අංකය ඇතුල් කරනවා යාලුවන්ට තමන්ව contact කිරීම සඳහා සහ business වැඩ සඳහා. එහෙම අයට නම් මේ කතාව අදාළ නැහැ.

එතකොට තව කොටසක් Facebook updates, messages සහ security verification ලබා ගැනීම සඳහා තම දුරකථන අංක Facebook වෙත ලබා දෙනවා. ඔබ එසේ ලබා දුන් අංකය පෙන්විය යුත්තේ කාටද යන setting එක අනිවාර්යෙන් සකසන්න.

අනිත් දේ තමා,ඔබගේ දුරකථන අංකය ඔබගේ ළඟම මිතුරන්ට විතරක් පෙනෙන විදියට සකසා තිබුනත් ඒ මිතුරන්ගෙන් කෙනෙක්ගේ Facebook ගිණුමේ log in information වෙන කෙනෙක් අතට ගියොත් ඒ පුදගලයාට පහසුවෙන්ම පුළුවන් ඔබේ දුරකථන අංකය සොරා ගන්න. වෙන වචන වලින් කියනවා නම් අපි විතරක් අපේ ගිණුමේ ආරක්ෂාව තර කරගෙන හිටියට වැඩක් නැහැ. අපේ යාළුවොත් එයාලගේ Facebook ගිණුම් ආරක්ෂා සහිතව පවත්වාගෙන ගියහොත් තමා Facebook ආරක්ෂාකාරී තැනක් බවට පත් වෙන්නේ. හැමෝගෙම ආරක්ෂාව වෙනුවෙන් හැමෝම විමසිලිමත් නොවී බෝම්බය පිපුරුනාම පොලිසියට පැමිණිලි කරලා වැඩක් නැහැ.

Facebook සමඟ සම්බන්ධ වෙන application ජංගම දුරකථනයට install කිරීමේදී ප්‍රවේශම් වෙන්න. අපිටත් නොකියාම අපේ පුද්ගලික දත්ත Facebook සොරා ගන්නවා විය හැකියි. දැන් බොහෝ දුරකථන වල phone සහ Facebook contacts sync කිරීමේ හැකියාව තියනවා. නමුත් එම සේවා භාවිතා කිරීමේදී විමසිලිමත් වෙන්න. මීට අවුරුද්දකට කලින් iPhone භාවිතා කල කෙනෙක්ගේ අත්දැකීම කියවන්න කැමති නම් යන්න මෙතනින්.

මගේ Facebook contact list එක බලනකොට මම දැක්කා Facebook නැතිව ඇති කියලා හිතාගෙන හිටපු අයත් Facebook ඉන්නවා කියලා. ඒක වෙලා තියෙන්නේ මෙහෙමයි. මටත් හොරා Facebook මගේ phone contact list එක ඔවුන්ගේ server වල ගබඩා කරගන්නවා. ඊට පස්සේ ඒ දුරකථන අංක සමඟ ගැලපෙන profile ඔවුන්ගේ සාමාජික ලැයිස්තුවේ තියනවද කියලා හොයලා බලනවා. දුරකථන අංකයක් සහ profile එකක් ගැලපෙනවා නම් ඔවුන් මගේ contact list එකේ අදාළ අංකය සහ profile විස්තර පෙන්නනවා. අපි මෙහෙම හිතමු, කාගෙන් හරි කරදරේකින් බේරෙන්න ඔබ බොරු දුරකථන අංකයක් කාටහරි දෙනවා. කරදරෙන් බේරෙන්න අංකය දුන්නත් ඔබ හෝ ඔහු මේ ගැන වැඩි දුර හිතන්නේ නැහැ. අපි ඔහුට X කියමු. X මේ විදියට contacts sync කිරීම හෝ නොදැනුවත්ව contacts sync වීම නිසා අදාළ බොරු දුරකථන අංකය ඇත්තටම අයිති කෙනා X ගේ අතට අහුවෙන්න පුළුවන්. ඊළඟට වෙන්න පුළුවන් දේවල් කියන්න ඕනේ නැහැනේ. එහෙම නැත්තම් අපේ අත් වැරද්දක් නිසා අපේ දුරකථන අංකයේ අංකයක් හෝ දෙකක් වැරදිලා කාට හරි දීලා තියනවා නම් ?

අන්තිමට කියන්න තියෙන්නේ සැළකිලිමත් වෙන්න කියලා තමයි. ඊයේ techකතා 92 වැනි වැඩසටහනෙත් Facebook සහ Twitter security ගැන කතා කළා. අහලා බලන්න.

15 reasons to hate SMS

noreply@blogger.com (Deepika Priyadarshani) — Wed, 10 Aug 2011 14:00:00 +0000

I tweeted in the morning that I prefer email to SMS and some asked why. Here is the answer.

Email or SMS?

Typing a message and then shortening the words to make sure that the message fits into 160 characters is just sick.

No need to take pains to understand those gibberish shortened forms beause people tend to type full words in Email

No panic at the end of the month seeing that SMS is the reason for that 1957.00 LKR mobile bill. Yeah SMS is like 50cents or sth, but when we over do, it affects.

People think SMS is chat. They send one message, I reply, they ask another question. Well we can jolly well use IM for that or simply give a 1 min voice call

I hate typing in that tiny phone keyboard.

Why pay for internet/GPRS/Mobile broadband and also for sms?

Cannot attach pics/ vids or any other documents.

Email does not disturb. I check my email when I'm free (well, in this case sms is good for urgent messages as long as these messages do not turn out to be chats)

There is no "snooze" or "mark as unread" in my phone and thus I always forget to reply SMS.

There is no "report spam" button for SMS and thus have to tolerate SMS spammers.

There is no "labelling", "Filtering" or "prioritizing" available for my SMS inbox and it makes my SMS inbox a mess (yeah I'm a Gmail lover)

I always miss that important SMS but not the email.

Sending the SMS to several people means that I'm charged (sms fee) X (number of people) and if it is email, sending to one = sending to thousand people.

There is no "reply all" option for SMS. It sucks when I have to take decisions via SMS. If it is email, all the people in the thread can see what the others say. Therefore, it is easy to make a decision.

We can have better control over email where SMS is uncontrollable. In another words, there are only few options to change in SMS settings.

There can be SMS lovers and they might have 15 reasons to love SMS. If you are such a person, you are free to share your ideas. These reasons represent my taste, needs and the facilities I have.

What do you think?

Is Google going bad or are we spoiling it?

noreply@blogger.com (Deepika Priyadarshani) — Mon, 08 Aug 2011 10:28:00 +0000

For me, Google is the god. He knows everything. But lately, I have a feeling that Google is not the same God that used to exist 5 or 6 years back. The pure God that existed in those days is spoiled by money minded human beings I assume.

By the term "those days" , I meant those days where SEO was considered bad grammar. Times have changed and today, even the village grocery man is thinking of SEO. well, it is basically about getting your site displayed in search results. In another word, it is like attracting customers to your shop.

If you are a shop owner, you can do many things to get customers to your shop. If you are a clothes shop, new designs, cheap prices and lot of crowd in the shop can attract more people into the shop(cz if the shop is crowded, people think that it got good stuff). It is the same for web sites. If there are more hits to the site, site will appear on top of search results. If many have recommended that site publicly on web, Google has no second thoughts to recommend it to us.

This is totally ok if the traffic was driven to a site naturally. But I feel it is not. These days, there are many internet job sites where you are paid to do a Google search, visit a particular site and press plus one or like it on Facebook. As this kind of hits come from all around the planet, I assume that Google takes them for natural hits. The result: site shows up in the search, people visit it, but there is nothing useful in the site. We are victimized, we search and they earn from their ads.

The other reason for Google to go bad is using the social search or recommending stuff that were previously shared by our friends. Thinking negatively, there is a privacy issue and some really do not like to see what their friends have liked or plus oned in search results. If you are such a person, you better go here and disconnect all the other accounts attached to Google. And also, sign out before doing a search. It is lame, but works :P Personalizing our search results is another issue. recently, I was looking for a way to change my blog template, I searched for that and Google gave me an article from Mashable to where I visit often. The article was related a little to what I was searching for. But I think Google gave me that as the first result because I spend lot of time there each day. In another point of view, it is nice to get search results from the sites that you visit often. Reason :if you are visiting the site often, it means that you trust the site and the information presented there.

How ever, there are solutions if you do not like this kind of troubles in search engines. Go use duck duck go :)

That said, the next in the list is content duplication. I get a problem, I post it somewhere in a forum. Another person gets the same problem, he posts the problem in his forum. The hundredth person search to find out an answer for the same question and he end up looking at 99 forum posts but no clear answer. Personally, I think, if this habit stops, internet would be a better place for all. Internet is made of links and they are share-able, so why copy and paste the same content over and over again.

For this argument, some one might say that we only tend to post our problems in the help groups or forums where we actively take part in the discussions. Well, it is true, we can post our problems in the community that we like. But before, doing that, it is better to do a search to see whether you are the only person having this particular problem. If so, it is ok to post the problem in a place where you like. if not, we will be using the valuable time of people who help us in the forums. The bottom line is, it is no point for two people to spend time solving the same problem.

Web geeks play their part in this by web page optimization. If the optimization happens in a good way, it is good. But if the bloggers write about "dogs" and tag the post in the "cat" category, it is bad and it makes Google go crazy.

Do not blame me for using Google as the base for the post. I took it because I'm in love with that cute search engine with lot of white and empty space. I have seen how it grows and how people use the very growth of the Search Engine to make their ends meet. It is alright to do that. But I think we all would love to see ourselves abiding by cyber ethics.

PS: Uni apparently is functioning from today. Until the exams finish, you might not have the trouble of reading my crazy thoughts :) Till we meet, have a fun time buddies!

එන්න යන්න චිත්‍රපටියක් හදන්න - The Inside Experience

noreply@blogger.com (Deepika Priyadarshani) — Sat, 06 Aug 2011 06:15:00 +0000

අපි හැමදාම කරන්නේ කවුරු හරි හදපු ෆිල්ම් එකක් බලලා ඒකට විචාරයක් දෙන එකනේ. සමහරු කියනවා හොඳ නැහැ කියලා. සමහරු කියනවා හොඳයි කියලා. තව සමහරු කියනවා කතාව ඉවර වුන විදිය හරි නැහැ කියලා. කොහොමද චාන්ස් එකක් හම්බුනොත් දැනට හදාගෙන යන ෆිල්ම් එකක කතාව ගොඩ නගන්න ?

කතාව පටන් ගන්නේ ක්‍රිස්ටිනා කාමරයක හිර කරලා තියන දර්ශනයකින්. කාමරේ තියනවා Intel® Core™ i7 processor-powered Toshiba Satellite® P775 series ලැප්ටොප් එකක්. මේකට තව වයි ෆයි විදියට ඉන්ටනෙට් සම්බන්දතාවයක් තියනවා. ක්‍රිස්ටිනා කරන්නේ එයාගේ මුණු පොතේ පිටුවට ඇය ඉන්න තැන ෆොටෝ සහ විස්තර දාන එක. ඒවගේම ඇය තමාගේ යු ටියුබ් පිටුවට ඇය ඉන්න තැන ඉඳලා වීඩියෝ නිකුත් කරනවා.පොලිසියේ මාමලා ක්‍රිස්ටිනා ව සම්බන්ධ කරගන්නවා ස්කයිප් වලින්. එයාලා උත්සහ කරන්නේ ක්‍රිස්ටිනා ඉන්න තැන IP ලිපිනය භාවිතයෙන් සොයා ගන්න. එත් වැඩේ සාර්ථක වෙන්නේ නැහැ.

ඔන්න දැන් අපිට පුළුවන් ක්‍රිස්ටිනා ට උදව් කරන්න. අපිට පුළුවන්, යු ටියුබ්, ට්විටර් හෝ ෆේස් බුක් හරහා හිරවෙලා ඉන්න තැනින් බේරෙන්න එයාට අදහස් දෙන්න සහ එයාට තීරණ ගන්න උදව් කරන්න. අපි දෙන ටිප්ස් සහ ට්‍රික්ස් එක්ක ක්‍රිරිස්ටිනාට පුළුවන් වේවිද එයාව හිර කරලා තියන තැනින් බේරෙන්න ?

මේ චිත්රපටිය පදනම් වෙන්නේ social networking මත. ඒ වගේම තමා චිත්‍රපටිය ගොඩ නැගෙන්නේත් social networking හරහා. ඉන්ටෙල් සහ ටොෂිබා සමාගමෙන් කරන මේ ව්‍යාපෘතිය යටින් වෙළඳ ප්‍රචාරණයකුත් තියනවා. කතාව බලාගෙන යනකොට අහුවේවි වෙළඳ ප්‍රචාරණ :)

වැඩි විස්තර බලන්න මෙතනින් යන්න . පළවෙනි කොටස ඔබට පහතින් බලන්න පුළුවන්. අනෙක් කොටස් යු ටියුබ් හරහා බලන්න පුළුවන්.

ප.ලි. අවසාන කොටස හෙට නිකුත් කරන්න සුදානම් කරලලු තියෙන්නේ ;)

සහනිගේ ඉංග්‍රීසි - 3

noreply@blogger.com (Deepika Priyadarshani) — Fri, 05 Aug 2011 12:50:00 +0000

සහනිගේ කතාව අද දිගහැරෙන්නේ ඇය සහභාගී වූ විවාද තරගයෙන්. සහනි කියන්නේ කවුද කියලා ඔබට ප්‍රශ්නයක් නම්, එයාගේ කතාවේ පළවෙනි සහ දෙවැනි කොටස් කියවලා එන්න.

විවාද තරගය පැවැත්වෙන අතර තුර ප්‍රේක්ෂක පිරිස දිහා බලනකොට සහනිට පේනවා අනිත් අම්මලා තාත්තලා එකිනෙකා එක්ක සුහදව කතා කරන හැටිත්, සහනිගේ අම්මා තනිවී සිටින හැටිත්. ඒ වගේම සහනි දකිනවා ඇනිත් දෙමාපියන් ළඟ නැති සරල සහ චාම් බවක් ඇගේ මව තුලින්. මේ සියල්ල නිසා ඇයට හැගෙන්නේ තමන් අනිත් අයට වඩා වෙනස් කෙනෙක් බව. එදා විවාදය ඉවර වෙලා ගෙදර යන්න බස් නැවතුමට එන ගමන් අම්මා මෙහෙම කියනවා "එතන හිටපු අය ඔක්කොම අපිට වඩා වෙනස් අය." අම්මාගේ ඇහෙන කඳුළක් එලියට පනින්න ඔන්න මෙන්න.
ඒ ඉංග්‍රීසි උගත් , ඉහල පැලැන්තියේ රස්සා කරන අය අතරේ ඉංග්‍රීසි නොදන්නා කෙනෙක්ට මුහුන පාන්නට වෙන ගැටළු ගැන සහනි දැනගත්ත පළවෙනි වතාව. එදා සහනි තීරණයක් ගන්නවා ඉංග්‍රීසි බැරි කෙනෙක්ට කවදාවත් විහිළු කරන්නේ නැහැ කියලා. ඒ වගේම ඉංග්‍රීසි බැරි කෙනෙක් ඉදිරියේදී ඉංග්‍රීසි කතා කරලා ඔහු හෝ ඇය අනවශ්‍ය විදියට අහපසුතාවයට පත් කරන්නේ නැහැ කියන තීරණයට සහනි එදා එළබෙන්නේ දැඩි විශ්වාසයකින්. ඇය අකමැති වුනා තවත් මවකගේ ඇසින් ඉංග්‍රීසි නිසා කඳුළක් පිටවෙන දර්ශනය බලාගෙන ඉන්න. ඉංග්‍රීසි කතා කරන කාර් වලින් ගමන් බිමන් යන සමාජයට ඇතුල් වෙන්න තමන්ට තියෙන එකම අඩුව ඉංග්‍රීසි කතාව කියලා හිතාගෙන හිටපු සහනි තම අදහස වෙනස් කරනගන්නවා. ඇය දකිනවා ඉංග්‍රීසි කතා කරන පැලැන්තියට ඔවුනටම ආවේණික වුනු සංස්කෘතියක් තියන බව. මේ සංස්කෘතිය සහනි අකමැති විදියේ සංස්කෘතියක්. ඇය එතැන් සිට මහන්සි වන්නේ තමාගේ පවුල් පසුබින් ආ ගති පැවතුම් ඒ විදියටම තියාගෙන ඉංග්‍රීසි කතා කරන අයගේ සමාජයට ඇතුල් වෙන්න.

මේ වන විට සහනිට අවස්ථාව ලැබෙනවා ඉංග්‍රීසි නාට්‍ය තරඟ සඳහා පාසැල නියෝජනය කරන්න. වෙනත් පාසැල් වලින් මේ තරඟ වලට ඉදිරිපත් වුනු සිසුන්ගේ දක්ෂතා බලාගෙන ඉන්නකොට තමන් ගොඩක් පිටුපසින් කියලා සහනිට හිතෙන වාර ගණන අනන්තයි. ඔවුන් තරම් තමන්ගේ ඉංග්‍රීසි දියුණු කරගන්න බැරි බව සහනිට විවිධ හේතු නිසා තේරුම් යනවා. එකක් ඇයගේ දත් පිහිටීම. සමහර වචන ශබ්ද කිරීම ඒ නිසා ඇයට අපහසුයි. ඇය මෙවැනි අඩු පාඩු මකාගන්න බලන්නේ ඇයගේ ගති පැවතුම් වලින්. සහනිගේ හැසිරීම සහ ඇගේ ගති ගුණ නිසා සහනිට පාසලේ ඉංග්‍රීසි කතාකරන සිසුවියන්ගේ ඇසුර ලැබීමට හැකි වෙනවා. ගුරුවරියන් අනෙක් සිසුවියන්ට වඩා සහනිගේ චරිතයේ අමුත්තක් දකිනවා. ඒ අමුත්ත නිසා ගුරුවරුන් ඇයට සලකනවා. මේ සහනිගේ ජීවිතයට තවත් පාඩමක් එකතු වූ තැනක්. ඉංග්‍රීසි කතාකරන සමාජයට ඇතුල් වෙන්න අවශ්‍යයි කියලා සහනි ඒ සමාජයේ සාමාජිකාවන් අනුකරණය කළා නම් ඇයට කවදාවත් කැපී පෙනෙන්නට අවස්තාවක් ලැබෙන්නේ නැහැ. කැපී පෙනෙන්න නම්, ඉස්සරහට යන්න ඕනේ නම් තමාගේම අනන්‍යතාවක් ගොඩනගා ගැනීමේ ඇති වටිනාකම සහනි තේරුම් ගන්නේ එහෙමයි.

තාම අපි ඉන්නේ සහනිගේ 11 වසර පන්තියේ. 11 ශ්‍රේණියේදී ඉංග්‍රීසි සාහිත්‍ය විෂය සහනිගේ පාසලේ හැම සිසුවියකටම අනිවාර්යයි. මතක විදියට ඉංග්‍රීසි සාහිත්‍ය ලකුණු සිසුවියන්ගේ වාර අවසාන ලකුණු වලට එකතු කරනවා පන්තියේ කී වෙනියද කියලා හොයන්න කලින්. ඉතින් ඉංග්‍රීසි සාහිත්‍ය විෂයට පාසැල ඇතුලේ ලොකු වැදගත් කමක් ලැබුණා. විෂය වැදගත් නිසා ළමයි පුද්ගලික පන්ති වලට ගියා. සහනි පන්ති යනවා වෙනුවට පොත් කියෙව්වා. වැඩි වැඩියෙන් ප්‍රශ්ණ වලට උත්තර ලිව්වා. ඉංග්‍රීසි භාෂාවට තිබුණු දැඩි ඇල්ම නිසා සහනි දහය ශ්‍රේණියේ සිටම ප්‍රංශ භාෂාව ප්‍රගුණ කළා. ඒ ප්‍රංශ භාෂාවත් ඉංග්‍රීසි වගේම ලස්සන සහ වැදගත් භාෂාවක් බව සහනිට දැනුන නිසා.

සාමාන්‍ය පෙළ විභාගය ඉවර වුනා, ප්‍රථිපල නිකුත් වුනා. ප්‍රධාන විෂයන් 8 සහ ඉංග්‍රීසි සාහිත්‍ය විෂය ඇතුළුව A සාමාර්ථ 9 ක් අරගෙන සහනි විභාගය සමත් වෙනවා. උසස් පෙළ කඩයිම සඳහා විෂයන් තෝරාගැනීම සහනි මීළඟට මුහුණ දෙන ගැටලුව. ගුරුවරුන් , දෙමාපියන් සහ නෑදෑයන් ගේ බලවත් විරෝධතා තිබුනත් ඇය තෝරාගන්නවා උසස් පෙළ සඳහා කළා විෂයන්. ඉංග්‍රීසි ගුරුවරියක් වීමේ සිහිනය දැන් විශ්ව විද්‍යාලයක ඉංග්‍රීසි ආචාරයවරියක් වීම දක්වා වර්ධනය වෙලා. ඒ සිහිනයත් එක්ක සහනි උසස් පෙළ විභාගයට මුහුණ දෙනවා. අවුරුදු තුනකට ආසන්න කාලයක් ඉංග්‍රීසි සහ ප්‍රංශ භාෂා වලින් ඉගෙනීම් කටයුතු කළ නිසා උසස් පෙළ අවසාන වෙන කාලයේ සහනි එලොවටත් නැති මෙලොවටත් නැති චරිතයක් බවට පත් වෙලා. ඉංග්‍රීසි ඇයගේ මව් භාෂාව තරමට ඇයට දැන් සමීපයි. නමුත් සිංහල භාෂාව පිලිබඳ ඇගේ දැනුම මොට වෙලා. සිංහල පොතක් කියවන්නේ නැති තරම්. සිංහල ලිවීම ඇයට හීනයක්‌. කෙලින්ම කිව්වොත් "ඉංග්‍රීසි දන්නවා නම් ඔක්කොම හරි " කියලා හිතාගෙන ඉන්න සමාජයේ සාමාජිකාවක් බවට සහනි පත් වෙනවා.

උසස් පෙළ අවසානයේ සහනි ඇගේ ගම් පළාතේ තිබු ආයතනයක පුස්තකාලයේ ස්වේච්චාවෙන් සේවය කිරීමට තීරණය කරනවා. පුස්තකාලයේ අධිපතිනිය ඉංග්‍රීසි ජාතික කාන්තාවක්. ඈ සමඟ වැඩ කරන කාලය ඇතුලත සහනිට අඳුරගන්න ලැබෙනවා විවිධ ජාතීන් ට අයත් පුද්ගලයින්. පාසලේදී ඇයට වර්ධනය කරගන්නට බැරි වුන ඉංග්‍රීසි කතාවේ ඉතිරි ටික සහනි මේ පුස්තකාලයේ වැඩ කරන කාලයේදී ඉගෙන ගන්නවා. දැන් සහනිගේ ඉංග්‍රීසි සිහිනය සැබෑවක් බවට පත් වෙලා. ඇය සතුටින්. දැන් සහනි බලාගෙන ඉන්නේ විශ්ව විද්‍යාල අයදුම් පත් නිකුත් වෙනකන්. නමුත් සහනිට වැළඳිලා තිබුණු ඉංග්‍රීසි පිස්සුව මේ වන විට ගොඩක් අඩු වෙලා. පාසැල් ජීවිතය පුරාවට ඉංග්‍රීසි පසු පස හඹා ගිය නිසා සහනිට මිතුරියන් රාශියක්, අත්දැකීම් රාශියක් සහ සහතික ගොන්නක් මේ වන විට ලැබී තිබුණා. නමුත් ඉංග්‍රීසි කියන්නේ නිකන්ම නිකන් භාෂාවක් කියන තිත්ත ඇත්ත තේරුම් ගන්න තරම් සහනි මෝරන්නේ උසස් පෙළ ඉවර වෙලා නිකමට වගේ පත්තර වල තියන රැකියා අයදුම්පත් කියවනකොට. සහනිට වැදගත් කියලා හිතෙන හැම රැකියාවකටම ඉංග්‍රීසි වලට වඩා වැඩි සුදුසුකම් ඉල්ලනවා. ඉංග්‍රීසි කියන්නේ රැකියාවකට යනකොට තියෙන්න ඕනේ දක්ෂතාවයක් විතරයි.

ඉංග්‍රීසි කියන්නේ අදහස් හුවමාරු කරගන්න පාවිච්චි කරන එක මාධ්‍යක් මිසක් දැනුමක් නොවන බව සහනිට ටිකෙන් ටික තේරුම් යනකොට කෝච්චිය ගිහින් ඉවරයි.

"මම උසස් පෙළට ඉංග්‍රීසි කළ නිසා දන්නේ ඉංග්‍රීසි විතරයි. නමුත් මම වෙන දෙයක් ඉංග්‍රීසි මාධ්‍යයෙන් කළා නම් ..."

සහනි එහෙම හිතුවත් එයාට කරන්න දෙයක් තිබුණේ නැහැ. පාසැල් ජීවිතය පුරා හඹාගිය ඉංග්‍රීසි හිතූ තරම් වැදගත් සිහිනයක් නොවන බව සහනිට විශ්ව විද්‍යාලයේදී තේරුම් යනවා. තම මිතුරියන් උසස් පෙළ දී ඉගෙන ගත් ඉංග්‍රීසියම වැඩි දුර හැදෑරීමට තීරණය කරනවිට සහනි තීරණය කරන්නේ භාෂාවක් ඉගෙනීමට වඩා අළුත් දැනුමක් ඉගෙන ගැනීම වඩා වැදගත් බව. ඒ නිසා ඇය ඉංග්‍රීසියෙන් ඔබ්බට විහිදී ගිය විෂය මාලාවක් විශ්ව විද්‍යාලයේදී තෝරාගන්නවා. සහනි කියන්නේ ඉංග්‍රීසි විෂයක් විදියට ඉගෙන ගත්තොත් ජීවිතේ ඉවර වෙනකන් ඉංග්‍රීසි ම විතරයි කියලා. ඇයට අවශ්‍ය ඉංග්‍රීසි දැනුම ලබාගන්නා මාධ්‍යක් ලෙස ප්‍රයෝජනයට අරගෙන වෙනත් දේවල් හදාරන්න.

තම අධ්‍යාපනය සම්බන්ධයෙන් ගැනුණු වැදගත්ම තීරණය ලෙස සහනි අදත් දකින්නේ ඒ තීරණය. මේ වනවිට සහනි අපේ පුංචි ලංකාවේ තියන ලස්සනම විශ්ව විද්‍යාලයක සිසුවියක්. අමාරුවෙන් ඉගෙන ගත්ත ඉංග්‍රීසි ඇයගේ ජීවිතය ජයගන්න තාමත් උදව් වෙනවා. ඉදිරියටත් උදව් වේවි.

සහනිගේ ඉංග්‍රීසි - 2

noreply@blogger.com (Deepika Priyadarshani) — Thu, 04 Aug 2011 09:29:00 +0000

සහනිගේ කතාවේ පළවෙනි කොටස කියවන්න බැරි වුනා නම් ඒකත් කියවලා එන්න.

දැන් සහනි අට වසරේ. මේ තුන්වෙනි වාරය. සහනිගේ ගුරුතුමියට තේරෙනවා සහනිගේ මොකක්හරි අමුතු දක්ෂතාවයක් තියනවා කියලා. ඒ වගේම සහනි මේ වෙනකොට පන්තියේ අනෙක් සිසුවියන් අතර ප්‍රසිද්ධ චරිතයක්. ඒ ඇය පන්තියේ නිළ නොලත් ඉංග්‍රීසි ගුරුතුමිය වීම නිසා. හැමදාම වගේ වාරයක් පටන් ගන්නකොට සියලුම විෂයන් වලට විෂය නායිකාවන් පත් වෙනවා. අට වසරේ තෙවැනි වාරයේ සහනිට ලැබෙනවා ඉංග්‍රීසි විෂය නායිකා තනතුර. සහනි මේ තනතුර වෙනත් කෙනෙකුට භාර දෙන්නේ නැහැ උසස් පෙළ පන්තියට එනකන් ම.

අට වසරේදී සහනි තව වැඩක් පටන් ගන්නවා. ඒ චෙස් ක්‍රීඩාව. චෙස් ක්‍රීඩාව ගැන ඇය අතින් කවියක් ලියවෙනවා. මේ කවිය පළවෙනවා පාසැලෙන් මුද්‍රණය කළ සඟරාවක.එතනින් පසු ඇය පටන් ගන්නවා ලියන්න. ඉංග්‍රීසියෙන් කියවන කෙටි කතා සහනි අතින් සිංහලයට පරිවර්තනය වෙන්නේ එහෙමයි. මේ කෙටි කතා ඇය පරිවර්තනය කරන්නේ සඟරාවකට හෝ පුවත් පතකට යැවීමේ අදහසින්. නමුත් ඒ කෙටි කතා ගොන්න මේ වෙනකන් ඇයගේ ලිපි ගොනුවක හැංගිලා තියෙන්නේ ඇයි කියන්න සහනි වත් දන්නේ නැහැ. ඇය කියන්නේ ඉංග්‍රීසි කතාවක් ඒ රසයම දැනෙන විදියට කවදාවත් සිංහලට පරිවර්තනය කරන්න බෑ කියලා. පරිවර්තනය පිස්සුවකින් වගේ කරපු සහනි ඒ නිසා තවත් ඇයගේ ඉංග්‍රීසි භාෂාව දියුණු කරගන්නේ ඇයටත් නොදැනීම.

අට වසරේදී සහනිට උගන්වන ගුරුතුමිය ඇයගේ ඉංග්‍රීසි ගුරුවරිය වීමේ හීනය වෙත ඇය තව දුරටත් යොමු කරනවා. මේ ගුරුතුමියගෙන් පැසසුමක් බලාපොරොත්තුවෙන් සහනි නොකරන දෙයක් නැහැ. ගුරුතුමියගේ පැසසුම බලාපොරොත්තුවෙන් සහනි ඉගෙන ගත්තා මිසක් ඉංග්‍රීසි දියුණු කරගැනීම පිළිබඳව සහනි එතරම් හිතුවේ නැහැ. කෙසේ වෙතත් පාසල් සිසුවෙකුගේ අධ්‍යාපනය වෙත ගුරුවරුන්ගේ බලපෑම ඇති විශාල එකක් බව පසක් කරමින් සහනි දිගින් දිගටම ගුරුවරියගේ පැසසුම් බලාපොරොත්තුවෙන් හොඳින් ඉගෙන ගත්තා. ඇයගේ ඉංග්‍රීසි ලියන පොත පන්තියේ ලස්සනම පොත. පොත පුරා පිරිලා තිබුණේ ගුරුවරියගේ පැසසුම් වදන්.

අට වසරේ අවසාන කාලය වනවිට සහනි ඉදිරිපත් වෙනවා ඉංග්‍රීසි භාෂා දින තරඟ වලට. නමුත් ජයග්‍රහණයක්‌ නම් නැහැ. මේ අතරතුර සහනිගේ ගමේ පුස්තකාලයෙන් සුදානම් කරනවා පුස්තකාල දින තරඟ. සිංහල , ඉංග්‍රීසි සහ දෙමල මාධ්‍ය තුනෙන්ම තරඟ පැවැත්වෙනවා කියලා දකින සහනි දෙවරක් නොහිතා සියලුම ඉංග්‍රීසි මාධ්‍ය තරඟ ඉසව් සඳහා ඉදිරිපත් වෙනවා. කථික තරගයට සහභාගී වෙන දිනයේ සහනි පුස්තකාලයට යන්නේ බයෙන් ගැහි ගැහි. තරඟයට සහභාගී වීමට විශාල සිසුන් සංඛ්‍යාවක් පුස්තකාලයට ඇවිත්. මුලින්ම සිංහල මාධ්‍ය තරඟ, දෙවැනියට දෙමළ මාධ්‍ය. ඉංග්‍රීසි මාධ්‍ය තරඟ ආරම්භ වන විට තරඟය පැවැත්වෙන තැන ඉන්නේ සහනි විතරයි. විනිසුරු මඩුල්ල තීරණය කරනවා නිතරගයෙන් සහනිට පළවෙනි තැන ලබා දෙන්න. ඒ වුනත් සහනිගේ කතාව අහන්න අවශ්‍යයි කියලා විනිසුරු මඩුල්ලේ එක් විනිසුරුවරයෙක් කියන නිසා සහනිට සිදුවෙනවා තම කතාව ඉදිරිපත් කරන්න.

මේ සහනි අදුරන්නේ නැති පිරිසක් ඉදිරියේ ඉංග්‍රීසියෙන් කරන පළවෙනි කතාව. බයෙන් ගැහී ගැහී කතාව කලත් සහනි හිත සන්තෝසෙන් ගෙදර එන්නේ කිසි තරඟයක් නැතිව පළවෙනි තැන දිනා ගන්න පුළුවන් වීම නිසා. අන්තර් පුස්තකාල, දිස්ත්‍රික් සහ පළාත් මට්ටමට ගියත් එතරම් තරඟ කරුවන් රැසක් නොසිටි නිසා සහනි ඒ සියළු තරඟ වලින් පළමු තුන් දෙනා අතරට ඒමට සමත් වුනා. ජයග්‍රහණයට වඩා ඉදිරිපත් වීම වැදගත් කියන ප්‍රතිපත්තිය සහනිගේ ජීවිතයට එකතු වෙන්නේ මේ තරගයෙන් පස්සේ. තරඟ කරුවන් නොසිටි නිසා ජයග්‍රහණ කළ බව සහනි දැනගෙන හිටියත් ඇය අයිති පුස්තකාලයේ සේවකයන් සහනිට සැලකුවේ ඇය රටක රාජ්ජයක් දිනු ලෙසට. එයට හේතුව එම වසරේ සියලුම ඉංග්‍රීසි මාධ්‍ය තරඟ සඳහා තරඟකරුවෙක් ඉදිරිපත් කිරීමට සහ ඒවා ජයග්‍රහණය කළ එකම පුස්තකාලය සහනිගේ පුස්තකාලය වීමයි. මේ නිසා පුස්තකාලයේ වසා තිබු පොත් අල්මාරි ඇය වෙනුවෙන් ඇරෙනවා.

පාසලේ නම් ඉංග්‍රීසි කථික තරඟ වලට සහනිගේ නම යෝජනා වෙන්නේ නැති තරම්. ඒ ඇය ඒ වන විට පාසලේ නම් දරා සිටි ඉංග්‍රීසි කථික තරඟ වලට සහභාගී වන ශිෂ්‍යාවන් තරම් ප්‍රසිද්ධ කෙනෙක් නොවීම නිසා. නමුත් ඉංග්‍රීසි විෂය නායිකාව වීම නිසා ඉංග්‍රීසි ගුරුවරුන්ට වෙන්වී තිබු ගුරු විවේකාගාරයේ කොටස ඇයට ඉතාම හුරු පුරුදු තැනක් බවට පත් වෙනවා. අට ශ්‍රේණියේදී හමුවූ ගුරුතුමිය සහනිව හදුන්වා දෙනවා පාසැලේ අනෙක් ඉංග්‍රීසි ගුරුවරුන්ට. මේ අදුනාගැනීම මත පාසැලේ ආරම්භ කරන පළවෙනි ඉංග්‍රීසි විවාද කණ්ඩායමේ සහ ඉංග්‍රීසි නිවේදිකාවන්ගේ සංගමයට බැඳීමට සහනිට අවස්තාව ලැබෙනවා. ඒ ඔස්සේ අඳුනාගත් සිසුවියන් බොහෝ දෙනෙකුගේ පවුල් පසුබිම සහනිගේ පවුල් පසුබිමට වඩා වෙනස්. මේ නිසා සහනි සමහර අවස්ථාවල තමන්ගේ ලෝකයේ තනිවෙනවා. ඇය සිතනවා ඉංග්‍රීසි නිසා සමාජය දෙකඩ වෙලා තියන විදිය ගැන. නමුත් ඇය පසුබට වෙන්නේ නැහැ. ඒ සමාජය සමඟ සහනිට එකතු වෙන්න තිබුණු එකම බාධකය වූ ඉංග්‍රීසි කතාව දියුණු කරගන්න ඇය උත්සහ දරනවා. සහනිට ගෙදරදී ඉංග්‍රීසි කතාව පුහුණු වෙන්න කවුරුවත් නැති නිසා ඇය කණ්නාඩිය ඉදිරිපසට ගොස් අංග චලන සමඟ කතා කරන්න පුරුදු වෙනවා, හිතින් මිනිස්සු මවාගෙන එයාලා එක්ක තනියම කතා කරනවා, ගෙදර හිටපු සුරතලා එක්ක ඉංග්‍රීසියෙන් කතා කරනවා. පාසලේදී ගුරුතුමිය සමඟ වැරදී වැරදී ඉංග්‍රීසියෙන් කතා කරනවා.

ටික කාලයක් යනකොට සහනිගේ ඉංගීසි කතාව දියුණු වුණා. ඇය පාසැලේ ජනප්‍රිය චරිතයක් බවට පත් වුණා. පාසැල් ඉංග්‍රීසි විවාද කණ්ඩායමේ නිත්‍ය සාමාජිකාවක් බවට සහනි පත් වුනේ නිතරගයෙන්ම. මේ වන විට සහනි තරමක් ආඩම්බරයෙන් පසු වුනේ තමන්ගේ ඉංග්‍රීසි භාෂා දැනුම පිළිබඳව. ඒ වගේම ඉංග්‍රීසි භාෂාව නිසා ඇයට පාසැලේ ලැබී තිබු තැන නිසා තවත් හොඳින් ඉංග්‍රීසි භාෂාව ප්‍රගුණ කරන්නට සහනි යොමු වුණා. ඉංග්‍රීසි දන්නවා නම් ඕනෑම දෙයක් කරගැනීමට පුළුවන් කියන අදහස සහනිගේ හිතට කා වැදී තිබුණා. සහනිට අනුව එය ඇත්තක්. ඇයට ඒ වනවිට පාසැලේ ලැබී තිබු තැනට එක් ප්‍රධාන හේතුවක් ඇගේ ඉංග්‍රීසි.

සහනිගේ දෙමව්පියන් ඇය පිළිබඳව ආඩම්බර වුණා. තමන්ට ඉංග්‍රීසි කතාව බැරි වුනත් තමන්ගේ දියණිය ඉංග්‍රීසි භාෂා තරඟ වලින්ද ජයග්‍රහණය කිරීම ඇයගේ දෙමව්පියන්ට විශාල සතුටක් ගෙනදුන්නා. දැන් සහනි 11 වසරේ. ඇය සහභාගී වූ එක් ඉංග්‍රීසි විවාද තරගයක් නැරඹීමට දෙමව්පියන්ට අවස්ථාවක් ලැබුණා. තරඟය නැරඹීමට සහනිගේ මව පැමිණෙනවා. තරගය ආරම්භ කිරීමට පෙර තරඟ කරුවන්ගේ දෙමව්පියන් එකිනෙකා සමඟ සුහද ලෙස කතා කරනවා.

තරඟය ඉංග්‍රීසි මාධ්‍යයෙන් පවත්වන එකක් නිසාදෝ එම දෙමාපියන්ද කතාකරන්නේ ඉංග්‍රීසියෙන්. පාසැලේ විවාද කණ්ඩායම භාර ගුරුතුමිය සමඟ අනෙක් දෙමාපියන් ඉංග්‍රීසියෙන් කතා කරන බව දකින සහනිගේ අම්මා ඈතට වෙලා ඉන්නවා. නමුත් තරඟය ආරම්භ කිරීමට පෙර දෙමාපියන් එක පසෙකත්, සිසුන් තවත් තැනකත් වාඩි කරවීම නිසා සහනිගේ අම්මාට සිදු වෙනවා ඉංග්‍රීසි චතුරව කතා කරන ඉහල පැලැන්තියේ රස්සා කරන දෙමාපියන් සමඟ අසුන් ගන්නට.

එදින විවාද තරඟය නිමා වන්නේ සහනිගේ ජීවිතයට අළුත් අත්දැකීමක් සහ ප්‍රතිපත්තියක් එකතු කරමින්. ඒ ප්‍රතිපත්තිය සහ අත්දැකීම ගැන මීළඟ ලිපියෙන්...

සහනිගේ ඉංග්‍රීසි

noreply@blogger.com (Deepika Priyadarshani) — Wed, 03 Aug 2011 10:15:00 +0000

අපි ඇයට සහනි කියමු. සහනි මෙලොව එළිය දකින්නේ 1988 අවුරුද්දේ. ඇයගේ පියා ආර්ථික අපහසුතා මත 4 වැනි ශ්‍රේණියෙන් පාසල් අධ්‍යාපන කටයුතු නතර කර දහඩිය මහන්සියෙන් තම දෙමාපියන් සහ සහෝදර සහෝදරියන් ජීවත් කරවූ උතුම් චරිතයක්. මව විවාහයෙන් පසු තමන්ගේ ජීවන වෘත්තීය වූ ඇගළුම් කම්හලක වැඩ බැලීමේ තනතුරින් ඉල්ලා අස්වී තම ස්වාමියාගේ වැඩ කටයුතු සහ ඔහුගේ පවුලේ සුභ සිද්ධිය පතා මහන්සි වූ අපූරු කාන්තාවක්.

සහනි මට මුණගැසෙන්නේ ශිෂ්‍යත්ව විභාගය සමත්වීමෙන් පසුව මා ඇතුලත් වූ පාසලේදී. එහිදී ඇති වූ ඒ මිතුරු දම තාමත් පවතින බව මතක් කරන්නේ සතුටින්. හිටි අඩියේ ඇයගේ කතාව ලියන්නට සිත් වූයේ මෑතක දී ඇය සමඟ කළ කතාබහක්. ඇයගේ කතාව බොහෝ දෙනෙකුට ආදර්ශයක් වීමට ඉඩ ඇති නිසා බ්ලොග් අවකාශයේ පළ කිරීමට මා ඇයගෙන් අවසර ඉල්ලා සිටියා. ඇයගෙන් අවසර ලැබුණ නිසා ඇගේ ජීවන ගමනේ එක් පැති කඩක් අද සිට කොටස් වශයෙන් මේ බ්ලොග් අඩවියේ සිට ඔබට කියවන්නට ලැබේවි.

සහනි පෙර පාසලේ සිටම ඉගෙනීමට දක්ෂතා දැක් වූ ශිෂ්‍යාවක්. කුඩා කළ ඇය නිදාගන්නේ කොට්ටය යට තමන්ගේ පොත් ගොඩ හංගාගෙන. නමුත් ඒ අළුත්, සුවඳ හමන පොත් නොවෙයි. ඇයගේ මව සහ පියාගේ සහෝදර සහෝදරියන් වසර ගණනාවකට කලින් තම අධ්‍යාපනය සඳහා භාවිතා කර ඒ වන විට ඉවත දමා තිබු පොත්. මේ පුරුද්ද නිසා සහනි පාසලේ පළමුවෙනි ශ්‍රේණියට ඇතුල් වන විට දෙවැනි ශ්‍රේණියේ පොත් පවා කියවා තේරුම ගැනීමට ඇයට හැකියාවක් තිබුණා.

පාසලේ සියලු විෂයන් සඳහා සහනි ඉතා දක්ෂ ආකාරයට ලකුණු රැස් කළා. නමුත් ඉංග්‍රීසි විෂය ඇයට නොතේරෙන, ලකුණු අඩුවෙන්ම ලැබෙන විෂයක්. මට මතක විදියට මේ 7 ශ්‍රේණියේ අවසාන කාලය. ටියුෂන් සංකල්පය සමාජයේ මුල් බැහැ ගන්නට පටන් ගත් මේ කාලයේ ඇගේ මව සහ පියා සහනි ඇතුලත් කරනවා මහනුවර ප්‍රදේශයේ තිබු එක්තරා ඉංග්‍රීසි උගන්වන ආයතනයකට.

මේ ආයතනයේදී ඇයට මුණ ගැසෙනවා විවිධාකාර චරිත. රට යෑමට කලින් ඉංග්‍රීසි දැනුම ඔප මට්ටම කරගැනීමට පන්තියට පැමිණෙන අය සහ වෙනත් පාසල් සිසුන් ඒ අතරින් විශේෂයි. ඒ සියල්ලටම වඩා ඇයට මුණ ගැසෙන ගුරුවරිය ඇයගේ සිත් ගන්නවා. මේ ගුරුවරිය තම පාසල් අධ්‍යාපනය නිම වූ සැනින් අදාළ ආයතනයේ ඉගෙනීමට පැමිණි කෙනෙක්. ඇයගේ චතුර භාෂා විලාසය සහ කම්මැලි නොවන ඉගැන්වීමේ දක්ෂතාවය සහනිට අළුත් බලාපොරොත්තුවක් ලබා දෙනවා. ඒ ඉංග්‍රීසි ගුරුවරියක් වීමට.

මේ ගුරුවරිය නිතරම ළමුන් උනන්දු කරවනවා රූපවාහිනියේ ඉංග්‍රීසි පුවත් සහ වැඩසටහන් නැරඹීමට. නමුත් සහනි ඒ සඳහා යොමු නොවෙන්නේ ඇයට ඒ වැඩසටහන් වල කියන කිසිම දෙයක් තේරුම ගැනීමට නොහැකි නිසා. කතාකරන ඉංග්‍රීසි ඇයට තේරුම ගැනීමට අපහසු කතා කරන වේගය ඇයට දරා ගැනීමට බැරි තරම් වැඩි වීම. කවදාවත් බලන්නේ නැති ඉංග්‍රීසි රූපවාහිනී වැඩසටහනක් බලන්නට සහනිට සිදුවෙන්නේ පන්තියේ ගුරුතුමිය දුන්න ගෙදර වැඩක් නිසා.

"ළමයි මේ සතියේ ලියන්න ගෙදර වැඩ නැහැ. ඔයාලට ඒ වෙනුවට තියනවා වෙන වැඩක් කරන්න. ගෙදර ගිහින් ඩිස්කවරි නාලිකාවේ (ඒ දිනවල ඩිස්කවරි නාලිකාවේ වැඩසටහන් ජාතික රුපවාහිනිය ඔස්සේ නැරඹීමට හැකියාවක් තිබුණා) ප්‍රචාරය වෙන වැඩසටහනක් බලන්න. වැඩ සටහන තිබ්බ වෙලාව, වැඩසටහනේ නම සහ ඒ වැඩසටහනෙන් ඔයාලා ඉගෙන ගත්තු දේවල් ගැන පන්තිය ඉස්සරහ ඊළඟ දවසේ විනාඩි 5 ක් කතා කරන්න ඕනේ"

මේ වන විට සහනි ඉංග්‍රීසි භාෂාව පිළිබඳව දැඩි උනන්දුවකින් කටයුතු කළ කාලයක්. පන්තියේ දෙන ගෙදර වැඩ ඇය නිම කලේ පන්තියේ අනෙක් හැමෝටම වඩා හොඳට. නමුත් මේ ටී වී ගෙදර වැඩේ ගැන නම් ඇය සතුටු වුනේ නැහැ. ඇයගේ දෙමාපියන් ඉංග්‍රීසි භාෂාව නොදැන සිටීම එක් හේතුවක්. මවට ලිවීමේ සහ කියවීමේ හැකියාව යම් තාක් දුරට තිබුනත් ඇසීමේ සහ තේරුම ගැනීමේ හැකියාව ඉතාමත් අඩු මට්ටමක තිබුන නිසා මේ ක්‍රියාකාරකම ඇයව දුකට පත් කළා.

"අනික් ළමයින්ගේ අම්මලා තාත්තලා හොඳ රස්සා කරන අය. එයාලට ඉංග්‍රීසි පුළුවන්. එයාලා අම්මලා තාත්තලාගේ උදව් අරගෙන වැඩසටහනක් ගැන හොයාගෙන ඒවි"

සහනිට හිතුනේ එහෙම. ඒ අදහස ඔලුවේ තියාගෙනම සහනි රූපවාහිනිය ඉදිරිපිට වාඩි වෙන්නේ ඩිස්කවරි නාලිකාව නැරඹීමට. ඇයට එක් වැඩසටහනක් වත් තේරෙන්නේ නැහැ. සතියක් පුරාවට මහන්සි වෙලා ඒක දවසක් ඇයට නැරඹීමට පුළුවන් වෙනවා තල්මසුන් ගැන වැඩසටහනක්. මේ වැඩසටහන පුරාවටම සැරින් සැරේ වැඩසටහනේ සාරාංශය කුඩා වීඩියෝවකින් පෙන්නනවා. කිහිපවතාවක් එකම දේ ඇසීම සහ දැකීම නිසා ඒ සාරාංශයේ සාරය සහනිගේ මනසේ තැන්පත් වෙනවා. ඇය ඊළඟ දිනයේ ඒ සාරාංශය ගැන පන්තියේදී කතාකරනවා. විනාඩි 5 ක් කතාකරන්න කාලය ලැබුනත් ඇයට කතා කරන්නට වෙන්නේ මිනිත්තු දෙකක්, තුනක් පමණයි. මෙය ඇයට ලැජ්ජාවක්. අනෙක් ළමුන් චතුර ලෙස ඉංග්‍රීසි කතා කලත් සහනිගේ කතා කිරීමේ හැකියාව තිබුණේ ඉතාමත් පහල මට්ටමක. නමුත් මේ වෙනකොට ඇයගේ උනන්දුව නිසාම ඇයගේ ඉංග්‍රීසි ලේඛන හැකියාව බොහෝ දුරට වර්ධනය වී තිබුණා. සහනි තම ලේඛන හැකියාව දියුණු කරගත්තේ අපූරු ආකාරයකට.

ලිවීමේ හැකියාව දියුණු කරගැනීමට අවශ්‍ය නම් කියවිය යුතු බව ඇයට මේ වනවිට තේරුම් ගෙන තිබුණා. සහනි පාසලේ පළමු වසරේ සිටම ගමේ පුස්තකාලයේ සාමාජිකාවක් වුවත් ඇය ඉංග්‍රීසි පොත් කියවීමට පටන් ගන්නේ 7 ශ්‍රේණියේ පටන්. ඇය ගමේ පුස්තකාලයේ පොත් කියවීමට පටන් ගන්නවා. එම පොත් කියවන විට හමුවන අළුත් වචන සහ තේරුම කුඩා පොතක සටහන් තබාගන්නවා. කතාකිරීම කෙසේ වෙතත් ඉංග්‍රීසි භාෂාවට කට හුරු කරගැනීමට අවශ්‍ය නිසා ඇය ශබ්ද නගා පොත් කියවනවා. විරුද්ධ පද සමාන පද, ස්ත්‍රී ලිංග , පුරුෂ ලිංග නාම පද කට පාඩම් කරනවා.

පාසලේ ඉංග්‍රීසි භාෂාව සඳහා රචනයක් ලිවීමට සිදු වුවහොත් ඇය භාවිතා කරන්නේ ඇයටම ආවේණික වූ ක්‍රමයක්. රචනාවේ අන්තර්ගතය ගැන ඇය හිතන්නේ දෙවැනියට. පළවෙනියට ඇය හිතන්නේ රචනාවේ භාවිතා කරන වචන පිළිබඳව. රචනාව ලියන්න ආරම්භ කිරීමට කලින් ඇය තමන්ගේ ශබ්ද කෝෂයේ පිටු පෙරලනවා අහඹු විදියට. අහම්බෙන් පෙරලෙන පිටුවෙන් අදාළ රචනාවට ඇතුල් කළ හැකි වචනයක් සොයාගන්නවා. ඒ වචනය සහ තේරුම වෙනම කොළයක ලියාගන්නවා. වචන 10 ක් 15 ක් විතර එකතු වු පසු සහනි කල්පනා කරනවා රචනාව ලිවිය යුතු ආකාරය. ඇයගේ පළවෙනි කාර්යය අර අලුතෙන් සොයාගත් වචන රචනාවට එක් කරන්නේ කෙසේද යන්න සිතා බැලීම. වචන වලට ගැලපෙන ආකාරයට රචනාව ලිවීම නිසා ඇයගේ රචනා අමුතුම ස්වාභාවයක් ගන්නවා. ඒවාගේ අළුත් වචන විශාල ගණනක් සහ අමුතු අදහස් ඇතුලත් වෙනවා. ඉංග්‍රීසි පොත් වලින් සොයාගන්නා විවිධාකාර යෙදුම් සහ වාක්‍ය විදි තමන්ගේ රචනාවලට යොදා ගැනීම නිසා සහනිගේ ඉංග්‍රීසි ලේඛණ හැකියාව ඉක්මනින් දියුණු වෙනවා.

අමුතු රචනා ලියන සහනිව 8 වසර ඉංග්‍රීසි ගුරුතුමියගේ අවධානයට යොමු වෙන්නේ මේ කාලයේදී. ඒ ගුරුතුමිය සහ ඉංග්‍රීසි නිසා සහනිගේ ජීවිතය වෙනස් වෙන්නේ සහනි කවදාවත් නොහිතපු විදියට.

කතාවේ දෙවැනි කොටස

තෙවැනි කොටස

එකම බ්ලොග් අඩවිය වෙනස් විදි කිහිපයකට බලමුද?

noreply@blogger.com (Deepika Priyadarshani) — Fri, 29 Jul 2011 10:34:00 +0000

මේක නම් බ්ලොග්ස්පොට් බ්ලොග් සඳහා පමණයි. සමහරු නම් මේ ගැන දන්නවත් ඇති. නොදන්නා අයටයි මේ කතාව.මතකනේ මම දවසක් ලිව්වා බ්ලොග් වල අනිවාර්යෙන් තියෙන්න ඕනේ මොනවද කියලා. එතැනදී ගොඩක් අය කියලා තිබ්බා ගැජට් කෑලි තිබ්බම හරි වදයක් කියලා. දැන් බ්ලොගර් වලින්ම ක්‍රමයක් තියනවා ගැජට් කෑලි නැතිව බ්ලොග් බලන්න පුළුවන්. දැනට තියනවා ක්‍රම පහක්. එකින් එක බලමු පොඩ්ඩක්.

Flipcard

පොස්ට් ටික රූප විදියට පෙන්නනවා.

පින්තූරයක් උඩට මවුස් එක ගෙනියනකොට පොස්ට් එකේ නම සහ කමෙන්ට් ගාන පේනවා

පින්තූරයක් උඩ ක්ලික් කළොත් පොස්ට් එක ඕපන් වෙනවා

ප්‍රතිචාර දැක්වීමට අවශ්‍ය නම් සාමාන්‍ය විදියට ලිපිය ලෝඩ් කරගත යුතුයි (සිංහලෙන් කියනවා නම් post a comment ක්ලික් කළාම වෙන tab එකක සාමාන්‍ය විදියට පෝස්ට් එක ලෝඩ් වෙනවා)

Mosaic

රූපයක් උඩ ක්ලික් කළොත් සම්පුර්ණ ලිපිය පෙන්නනවා

ලෝඩ් වී ඇති ලිපියට කලින් ලියවුනු ලිපි උඩිනුත්, එයට පසුව ලියවුනු ලිපි යටිනුත් පෙන්නනවා

ලිපි වලට අදාළ රූප මුල පිටුවේ පෙන්වන්නේ අහඹු ආකාරයට

ප්‍රතිචාර දැක්වීමේ ලින්ක් එක පෙනෙන්නේ නැහැ

screen rotation සඳහා සහය දක්වනවා.

Sidebar

ලිපිවල මාතෘකා, ප්‍රතිචාර ගණන සහ ලිපියේ අඩංගු වෙලා තියන පින්තුරය පැත්තකින් පෙන්නවා.

කියවන්න හිතුන ලිපියේ මාතෘකාව උඩ ක්ලික් කළාම ලිපිය පේනවා.

ප්‍රතිචාර දැක්වීමට අවශ්‍ය නම් සාමාන්‍ය විදියට ලිපිය ලෝඩ් කරගත යුතුයි (සිංහලෙන් කියනවා නම් post a comment ක්ලික් කළාම වෙන tab එකක සාමාන්‍ය විදියට පෝස්ට් එක ලෝඩ් වෙනවා)

Snapshot

පින්තුර සහිත පෝස්ට් විතරයි පෙනෙන්නේ

පින්තුරය උඩට මවුස් පොයින්ටරය ගෙන ගිය විට අදාළ ලිපියේ කුඩා කොටසක් බලාගන්න පුළුවන්

පින්තූරය උඩ ක්ලික් කලවිට සම්පුර්ණ ලිපිය කියවන්න පුළුවන්.

Timeslide

මේක පොඩ්ඩක් සංකීර්ණයි. බ්ලොග් අඩවිය පෙන්නන්නේ තීරු තුනකට

වම් තීරුව : පින්තූරයක් සහ ලිපියකින් කුඩා කොටසක්. ලිපි තෝරාගෙන ඇත්තේ අහඹු ආකාරයට. නමුත් ඒවා පෙන්වන්නේ ලියපු දිනය අනුව. ඒ කියන්නේ ළඟදී ලියපු ලිපිය පළවෙනියට සහ ගොඩ කාලෙකට කලින් ලියපු ලිපිය අන්තිමට.

මැද තීරුව : ලිපියේ මාතෘකාව සහ ලිපියෙන් කුඩා කොටසක්

දකුණු තීරුව : ලිපියේ මාතෘකාව විතරයි පෙන්නේ, මවුස් එක මාතෘකාව උඩට ගෙනියනකොට ලිපියේ කුඩා කොටසක් සහ ප්‍රතිචාර ගණන පෙන්නනවා

කොහොමද මේක අපේ බ්ලොග් අඩවියට ඇතුල් කරගන්නේ?

බ්ලොග් අඩවිය ඕනෑම කෙනෙකුට බැලිය හැකි පරිදි සකසන්න. එනම් blogger settings වල Who can view this blog යන්න anybody ලෙස තිබිය යුතුයි. වැඩිපුර විස්තර මෙතනින් බලන්න.

බ්ලොග් ෆීඩ් සකසා තිබිය යුතුයි. settings --> site feed වෙත ගොස් Allow Blog Feeds, full හෝ until jump break ලෙස සකසන්න. වැඩි විස්තර මෙතනින්

ඉන්පසු settings --> formatting හි enable dynamic views "yes" ලෙස සකසන්න

කොහොමද බ්ලොග් අඩවියක් මේ විදියට බලන්නේ?

බ්ලොග් අඩවියේ සාමාන්‍ය ලිපිනය අගට "/view" එකතු කළාම ලැබෙන ලිපිනයෙන් අපිට මේ අළුත් විදියට බ්ලොග් අඩවිය කියවන්න පුළුවන්. උදාහරණයක් විදියට http://deepsgelokaya.blogspot.com/view

ඒ ලිපිනයට ගියාම අපිට පුළුවන් තිරයේ දකුණු පස උඩින් තියන බොත්තම භාවිතා කරලා තමන්ට කැමති දර්ශන අකාරය තෝරාගන්න.

බ්ලොග් අඩවියේ නම දැක්වෙන තීරුවේ ක්ලික් කල විට ලැබෙන bar එකට වෙන ඕනෑම blogger බ්ලොග් අඩවියක ලිපිනය ඇතුල් කරලා ඒ බ්ලොග් අපිට මේ විදියට බලන්න පුළුවන්.

එහෙම නැත්තම් එක් එක් දර්ශන ආකාර අනුව වෙනම ලිපින ලබාගන්නත් පුළුවන්

Flipcard: [blogURL]/view/flipcard

උදා : http://deepsgelokaya.blogspot.com/view/flipcard

Mosaic: [blogURL]/view/mosaic

උදා : http://deepsgelokaya.blogspot.com/view/mosaic

Sidebar: [blogURL]/view/sidebar

උදා : http://deepsgelokaya.blogspot.com/view/sidebar

Snapshot: [blogURL]/view/snapshot

උදා : http://deepsgelokaya.blogspot.com/view/snapshot

Timeslide: [blogURL]/view/timeslide

උදා : http://deepsgelokaya.blogspot.com/view/timeslide

වාසි සහ අවාසි
වාසි අවාසි කියලා ඔක්කොම එකට ලියන්නේ මට වාසියි කියලා හිතෙන දෙයක් තවත් කෙනෙකුට අවාසියක් වෙන්න පුළුවන් නිසා.

පරණ බ්‍රව්සර වල ක්‍රියා නොකිරීම

ප්‍රතිචාර දැමීමට අවශ්‍ය නම් බොහෝ වෙලාවට සාමාන්‍ය ලෙස ලිපිය ලෝඩ් කිරීමට සිදුවීම

ලිපි සියල්ල එක තැන පෙන්වන නිසා කියවන්නා බොහෝ කාලයක් අඩවියේ රඳවා ගැනීමට හැකි වීම.

බ්ලොග් අඩවියට එක් කර ඇති නොයෙකුත් විජට් ආදිය නොපෙන්වීම

සරල නිමාව

බ්ලොගර් කණ්ඩායම කියන විදියට විජට් එක් කිරීමේ හැකියාව සහ මෙයින් එක් දර්ශන ක්‍රමයක් default ලෙස බ්ලොග් අඩවියේ භාවිත කිරීමට හැකියාව ඉදිරියේදී ලැබේවි. ඒ වෙනකන් අපිට පුළුවන් මේ ක්‍රමය ගැන හිතෙන දේවල් සහ තව වැඩි දියුණු කල යුතු දේවල් ගැන බ්ලොගර් වෙත දැනුම් දෙන්න. අපේ අදහසුත් එකතු වෙලා ඉදිරියේදී බ්ලොගර් තවත් ලස්සන වේවි.

භාවිතය ඔබට භාරයි

ප.ලි. කාටවත් හිතුනේ නැද්ද මේ views වල plus ගතියක් තියනවා කියලා ?

වැඩි විස්තර සඳහා

1. http://goo.gl/acfJC

2. http://goo.gl/3h71Y

DISQUS වල කමෙන්ට් දාන්නේ කොහොමද?

noreply@blogger.com (Deepika Priyadarshani) — Thu, 28 Jul 2011 00:30:00 +0000

DISQUS කියන්නේ මගේ බ්ලොගේ දාලා තියන ප්‍රතිචාර පද්ධතිය. මේක දාන්න හිතුවේ දැනට බ්ලොගර් මගින් ලබාදෙන ප්‍රතිචාර ලබා දීමේ ක්‍රමයට මම එච්චර කැමති නැති නිසා. මේකෙන් කරන්න පුළුවන් දේවල් ගැන දැනගන්න ඕනේ නම් මෙතන බලන්න.

ගැටළුව : මේ DISQUS නිසා ප්‍රතිචාර ලබාදෙන්න අමාරුයි කියලා කට්ටියක් කියලා තිබ්බා. තව සමහරු චෝදනා කරලා තිබ්බා තමන්ගේ වෙබ් අඩවියේ ලිපිනය ප්‍රතිචාරයට එකතු කරන්න බැහැ කියලා.

පිළිතුර : එහෙම කරන්න පුළුවන් වගේම ප්‍රතිචාර ලබා දෙන එක එච්චර අමාරුවක් නැහැ. සාමාන්‍ය ක්‍රමයට වඩා පොඩ්ඩක් වෙනස් එච්චරයි.

කොහොමද? : මුලින්ම ඔබට පෙනෙන්නේ මේ ආකාරයේ කොටුවක්. දක්වා ඇති සේවා වලින් ඔබ කැමති නම් log වෙන්න පුළුවන්. එහෙම නැත්තම් ප්‍රතිචාරය සටහන් කරලා post as බොත්තම ඔබන්න.

එවිට ඔබට පෙනේවි පහත ආකාරයේ පොඩි ෆෝරමයක්. එතනින් ඔබ කැමති නම් වර්ඩ්ප්රෙස් ප්‍රතිචාර කරන ආකාරයට නම, ඊ මේල් ලිපිනය සහ වෙබ් අඩවිය සදහන් කර ප්‍රතිචාරය ලබා දෙන්නට පුළුවන්. වෙබ් අඩවිය සදහන් කිරීමට අවශ්‍ය නම් link to your website සබැඳිය මත ක්ලික් කරන්න.

එවිට ඔබට ලැබෙන මෙම ෆෝරමය වර්ඩ්ප්රෙස් වලට සමානයි නේද?

බය වෙන්න එපා, මේ වැඩේ කරන්න ඕනේ එක පාරයි. මේ එහෙම දාපු ප්‍රතිචාරයක් බ්ලොග් අඩවියේ දිස් වන ආකාරය. නමට ලින්ක් වෙලා තියනවා අදාළ පුද්ගලයාගේ බ්ලොග් අඩවිය.

මේකේ මම ආසම දේ තමා ලේසියෙන්ම බ්ලොගයට ඇතුලත් කරගැනීමේ හැකියාව සහ ලේසියෙන්ම මෙනු තුලින් සැකසුම් වෙනස් කිරීමට ඇති හැකියාව. උදාහරණයකට මෙන්න මගේ ඇඩ්මින් පැනලය. කරන්න ඕනේ වෙනස් කම් කරලා සේව් කරන්න විතරයි තියෙන්නේ. කෝඩ් එඩිට් කරන්න මොකුත් නැහැ. හැබැයි කෝඩ් එක එඩිට් කරන්න ආසා අයට ඒ පහසුකමත් තියනවා. මීට අමතරව තියන පහසුකම් ඔක්කොම වගේ මෙතන තියනවා.

DISQUS admin panel

හරි දැන්, කවුද මේක පාවිච්චි කරන්නේ? ලංකාවේ නම් මට තාම අහු වුනේ

http://namalyaya.blogspot.com/

http://nirmaladahama.blogspot.com/

http://womlanka.com/

http://laktek.com/

සහ මගේ බ්ලොගේ විතරයි.

අන්තර්ජාතික මට්ටමේ නම් ගොඩක් අය භාවිතා කරනවා DISQUS. උදාහරණ විදියට TIME, Engadget, aljazeera දක්වන්න පුළුවන්.

කැමති නම් ඔබේ බ්ලොග් අඩවියටත් DISQUS එක් කරගන්න පුළුවන්. බුධාජීව මල්ලී දාගෙන ඉන්නේ මේ වගේම තවත් සේවාවක් , IntenseDebate . කැමති අයට එයත් අත්හදා බලන්න පුළුවන්.

DeepS ගේ ලෝකය | My world as it is

සාරිය

ඩෙනිම , ටී ෂර්ට් එක සහ රබර් සෙරෙප්පු කුට්ටමට නිවාඩු ලැබිණි. දැන් ජාතික ඇඳුම සාරිය යැ.

She had gone to the same school

රේල් පාර දිගේ 5 - අංක 8 බිම් ගෙය සිට ඉහළ කෝට්ටේ දක්වා

රේල් පාර දිගේ 4 - බලන සිට අංක 8 බිම් ගෙය දක්වා

රේල් පාර දිගේ 3 - සිංහ කට සිට බලන දක්වා

බ්ලොගර් අඩවියට අලුත් පෙනුමක් - Dynamic Views for Blogger

Facebook wall පුරවන අනවශ්‍ය application block කරමු.

On using the subscribe button in Facebook

විභාගය

රේල් පාර දිගේ 2 - කඩුගන්නාව සිට සිංහ කට දක්වා

සමහරු වැස්සට තෙමෙන්න බයේ අලුත් කුඩත් ගත්තලු. මෙන්න බලන්න අලුත් කුඩ වල ලස්සන.

ආදරය

හිත් රිදවාගෙන, බැණුම් අසාගෙන, සතියක් කතා නොකර හිටියත්, "තරහද?" කියා ඇසූ සැණින් නිමා වන රණ්ඩුව.

රේල් පාර දිගේ 1 - ගමනට සුදානම

මොකක්ද මේ රේල් හයික් එකක් කියන්නේ?

රේල් පාර දිගේ 3 - සිංහ කට සිට බලන දක්වාරේල් පාර දිගේ 4 - බලන සිට අංක 8 බිම් ගෙය දක්වා

රේල් පාර දිගේ 5 - අංක 8 බිම් ගෙය සිට ඉහළ කෝට්ටේ දක්වා

විභාග අස්සේ හිතෙන විකාර - බුද්ධි පරීක්ෂණ

අනේ මගේ කොම්පියුටරේ ඔන් වෙන්නේ නැහැ! මොකද්ද මම කරන්න ඕනේ?

ප. ලි. මේ ලිපිය ලියන්න හිතුනේ, මෙන්න මේක කියෙවට පස්සේ.

අපේ ඉංග්‍රීසි සහ Zoe Kai Psyché

Facebook login approvals disable වුනොත් ආපහු enable කරන්නේ මෙහෙමයි

ඔබේ දුරකතනයේ contacts Facebook එකේද?

----------මගේ contact list එකෙත් ඔය කියන ජාති හතරේම contacts තියනවා. දැන් මොකද කරන්නේ?----------

----------මගේ phone එකෙන් උස්සපු contact ඔක්කොම එක පාර Facebook එකෙන් අයින් කරන්න බැරිද?----------

----------මේ කතාව මට වැදගත් වෙන්නේ කොහොමද?----------

15 reasons to hate SMS

Is Google going bad or are we spoiling it?

එන්න යන්න චිත්‍රපටියක් හදන්න - The Inside Experience

සහනිගේ ඉංග්‍රීසි - 3

සහනිගේ ඉංග්‍රීසි - 2

සහනිගේ ඉංග්‍රීසි

එකම බ්ලොග් අඩවිය වෙනස් විදි කිහිපයකට බලමුද?

භාවිතය ඔබට භාරයි

DISQUS වල කමෙන්ට් දාන්නේ කොහොමද?

ඩෙනිම , ටී ෂර්ට් එක සහ රබර් සෙරෙප්පු කුට්ටමට නිවාඩු ලැබිණි.

දැන් ජාතික ඇඳුම සාරිය යැ.

හිත් රිදවාගෙන,

බැණුම් අසාගෙන,

සතියක් කතා නොකර හිටියත්,

"තරහද?"

කියා ඇසූ සැණින් නිමා වන රණ්ඩුව.

රේල් පාර දිගේ 3 - සිංහ කට සිට බලන දක්වා

රේල් පාර දිගේ 4 - බලන සිට අංක 8 බිම් ගෙය දක්වා