شباب الحريه 2011

مصر المنحوسة

2011-07-27T13:47:00.000-07:00

لا أدرى من أين تكون البداية تحديدا لإنى منذ فترة وأنا أريد أنا اخرج هذا المقال إلى النور ولكنى لا أستطيع ..وهناك ما يدور بداخلى من صراعات كثيرة ورؤى عديدة ووجهات نظر أود أن أطرحها للنقاش لنصل معا إلى أرضية ترشدنا جميعا إلى الطريق الصواب إن أمكن إن شاء الله

شوية سعة صدر بقى

هو إحنا فعلا كشعب مصر ..شعب عظيم ؟؟!! – هى فعلا مصر ..محروسة ؟؟!! انا وإنتوا كمان عارفين إننا شعب زى الفل وشعب طيب وجدع وشهم ..إلخ ..وده مش إخلاص مننا بس ..- ده تكريم من ربنا إللى ذكر مصر فى القرآن أكثر من مرة والنبى (ص) الذى كان له فى مصر نسبا وصهرا ...وإحنا دايما عارفين الكلام ده – لكن إللى عايز أتكلم فيه دلوقتى ...إنى حقيقى نفس أفرح ...الفرحة وحشتنى ..نفس مصر كلها تفرح بإنجاز حلو كده مايكونش كروى ولا رياضى ولا معنوى ونفرح فرحة كاملة ...ليه دايما فرحتنا منقوصة ...الشعب العظيم وشعب البطولات وشعب الإنجازات ومصر المحروسة بقالها كتير أوى ..منحوسة ..تعالوا كده نراجع مع بعض ومحدش يتضايق إنه هيلاقى نظرية المؤامرة مسيطرة على كلامى شوية ..ده راجع لإنى فعلا قلقان من إللى بيجرى حوالينا ..ده غير إن لسة منتهى من قراءة كتاب مصطفى محمود بعنوان الإسلام السياسى والمعركة القادمة ..ونظرية المؤامرة المتفشية بين سطور هذا الكتاب الرائع التى تحاك لمصر وللعرب وللمسلمين وفى كتب أخرى لمصطفى محمود هى ليست بنظرية مؤامرة ولكن هو واقع حقيقى نعيشه يوما بيوم لكننا ندفن رؤوسنا دوما فى الرمل كى لا نعرف عنه ولا نصدقه ..

المهم – تعالوا كده نشوف مايسمى بالعصر الحديث – إللى أصبحنا فيه دولة منحوسة بدلا من كونها محروسة ..على فكرة انا مش مذاكر تاريخ أوى ولا قريت كتير عن الثوارات المصرية ..بس يلا بينا هنفكر بعض ..هى ثورة عرابى قامت على ظلم الخديوى مش كده ؟؟ ..وإيه إللى حصل ؟؟ توجت بالإحتلال الإنجليزى لمصر ..صح ؟

وثورة 19 قامت ليه أساسا ...مش ضد الإحتلال البريطانى ..وعشان الوحدة الوطنية ورفض الأحكام العرفية وكده كان فى إنجازات أكيد ..هتشوفوها هنا ..ولكن برضو خلصنا وإحنا ما زلنا محتلين ...وثورة 52 بقى التى تعد من الصفحات المشرقة ليست فى تاريخ مصر بس ولكنها ألهمت ثوار العالم أجمع مثل غاندى وجيفارا وكاسترو وحررت ليس مصر فقط ولكن ساهمت فى تحرير العديد من البلدان المستعمرة ...وشالت الملك ومشت الإنجليز ..وبعد كده؟؟ ...طار نجيب وجه ناصر وألاف المعتقلين وجه اليهود و100 ألف جندى مصرى ماتوا قبل ما يفكروا يرفعوا سلاحهم وظلت الفرحة منقوصة ..هو إحنا مش مكتوب لنا نفرح يعنى ؟؟!!

ده كل قتلى عصر مبارك ماحصلوش عدد ال100 ألف ..والقومية العربية إللى زى ما قال مصطفى محمود إتحققت على الورق بس وطار ناصر وطارت القومية وطار الإستقلال وخسرنا الجلد والسقط فى مرحلة بها من الغموض إلى الآن ما بها ..وجاء الخليفة ..بطل الحرب والسلام ..الرئيس السادات الذى أيضا حقق العبور العظيم وقبل ما نلحق نفرح برضو أٌعقب بإتفاقية السلام.. سبب ما نعانيه إلى الآن ..التى يقول عنها خبراء القانون الدولى أنها أكبر إنجاز سياسى فى العصر الحديث ...لصالح إسرائيل ...والتى تسببت فى رفع يد مصر من المواجهة لتترك العرب والعروبة جسدا مسجى لتعبث بها يد أمريكا وإسرائيل ..وده طبعا غير الإنفتاح المفتوح المنفتح وما أدراك ما الإنفتاح ..وسرعان برضو ما طار السادات وسابلنا إنفتاحه وطارت معاه ذكرياته بحلوها ومرها وجاء الموكوس مع حفاوة الكلام عن الضربة الجوية ضربة فى قلبه البعيد الذى أكمل مسيرة الإنفتاح والتطبيع وجعل من مصر حقلا لتجارب البذور المسرطنة ويدخل هذا الوطن وهذا الشعب مرحلة جديدة من حرقة الدم وإنجازات مبارك مفيش داعى لسردها يعنى ...ونبى قولولى ..دى تبقى بلد

محروسة ؟؟؟ ولا منحوسة ؟؟؟

إيه يامصر ..إيه يا أم الطيبين ..إللى حكموا فى الزمان ده يبقوا مين ...دين أبوهم ..إسمه إيه

حد يعرف فيكوا دين ...

كل أتباعوا لصوص أو.... قوادين ...

في المعاصي مولودين ...في الكراسي مأبدين...

في التفاهه معدودين ... في السفاهه مفرودين ...

عالبلاهه مسنودين ...للشراهه مجندين ...

عالقرف متعودين ... عالشرف متمردين...

عالوطن متنمردين ... بالخيانه موحدين

اللي يعرف دين كده يقولي عليه ؟؟؟

دين أبوهم أسمه أيه ؟؟؟

جمال بخيت

المنســـ26 ــــ 7 ــــ 2011 ـــــى

سياسه التنديد والشجب

2010-06-06T04:47:00.000-07:00

موقف زعيم

في عام 1964 اي في ايام عبد الناصر احرق الطلاب الكنغوليون المكتبه الامريكيه في القاهره احتجاجا علي عمليه نظمتها الولايات

المتحده الامريكيه وقع هذا الحادث المؤسف رغم احتياطات الشرطه المصريه وعندما بلغ الرئيس الامريكي ( جونسون) انباء ما حدث

ارسل الي سفيره في القاهره يطلب منه ابلاغ السلطات المصريه بتقديم اعتذار رسمي عما حدث ودفع التعويضات الازمه لكن ناصر

رفض الطلبين معا واكتفي بما اعلنه (محمود رياض) وزير الخارجيه وقتها من ..عدم رغبه مصر في تدهور العلاقه مع الولايات المتحده

وان حرق المكتبه كان حادثا مؤلما لنا الا ان ما جاء به الطلبه الكنغوليون كان ردا عادلا لما ارتكبته امريكا في حق بلادهم

ولم يمض شهر حتي وقع حادث اخر, وهو ان(جون ميتشوم) احد اكبر مصنعي البترول في تكساس واحد المقربين من جونسون ,

كان قد بعث بطائرته من لبيا الي الاردن دون انتستكمل تراخيصها بطيرانها في الاجواء المصريه ,اضطرت السلطات المصريه من ارسال طائره مقاتله ميج لاعتراضها وتوجيه الاوامر الايها باهبوط ,الا ان طائره-ميتشوم-تجاهلت الانذار ووبالتالي تابعت سيرها ,ولخوف السلطات المصريه وتوجسها وتقديرا منها لوجوب احترام اجواء وطنها اعطت الامر للمقاتله الميج باسقاط الطائره فورا وتمت العمليه بنجاح وسقطت الطائره في مستنقع الملاحات بالاسكندريه,وقتل قائدها ورجل كان معه, وللمره الثانيه ينزعج الرئيس جونسون ويبعث برساله الي ناصر يقول فيها :(الولا تحرقون المكتبه ثم تسقطون طائره واحد من اقرب اصدقائيوتريدون اننعطيكم قمحا),ثم طالب جونسون ببدء التحقيق في الامر ,ولكن ناصر رفض ,واعلن (محمود فوزي) نائب رئيس الوزراء انذاك,عدم مسؤليه مصر عن الحادث لان قائد الطائره لم يلتزم بتعليمات السلطات المصريه ,وان السلطات المصريه استعملت حقها المشروع وقامت بواجبها نحو امن البلاد لذلك لايسعها اي احتجاج من احد .هذا موقف من مواقف الزعيم عبد الناصر الذي جعل المصري معتز بكيانه ووطنيته ويفخر انه مصري

(كناامه فاعل في جمله لها محل من الاعراب ام الان اصبحنا امه مفعولابها في جملا لا محل لها من الاعراب)

تســــــــــــــاؤلات ياســــــــــــادة

2010-04-25T02:10:00.000-07:00

إذا كان رب البيت بالدف طالعٌ ..... فشيمة أهل البيت كلهم راقصون

عبارة أرددها كلما لا أستطيع متابعة أو فهم أو عدم الرد على شىء ما

ففى ظل نظام سياسى حكومى حاكم ومش حاكم فاسد وفاشل وغبى ومتعجرف وحمار يتصف بالتخاذل والعمالة والخيانة والغش والسرقة والتدنيس والتدليس ويعشق الذل والمهانة وعبارت الشجب والتنديد ولا يستطيع عمل شىء إلا الكلام وحتى الكلام نفسه لا يكون مقنع بأى حال من الأحوال هذا وماخفى كان أعظم .

وفى ظل آلة إعلام مأمورة ومأجورة إلا ما رحم ربى سواء إن كانت مقروءة أو مسموعة أو مرئية .آلة إعلام منتاش فاهم منها اى حاجة فى أى حتة ولا عارف مين صح ولا مين إللى غلط ولا عارف مين بتاع ربنا ومين بتاع الحكومة ومين بتاع الشعب ومين بتاع إسرائيل ومين بتاع أمريكا ومين بتاع البتاع بتاع البتاع بتوع البتوع إللى عملوا كل البتاتيع إللى أنا وإنت مش فاهمين منها أى بتاع

الواحد والله مبقاش عارف يصدق إيه ولا يآمن بإيه

طبعا

لا إله إلا الله .. سيدنا محمد رسول الله بها نحيا وبها نموت وبها نلقى الله – اللهم ثبتنا على دينك .... ده شىء مفروغ منه . بس إللى أقصده

إن أنا وإنت مبقناش فاهمين ..أمريكا دى دولة حلوة ولا كخة وأوباما ده راجل جدع ولا بيحور علينا وحماس دى فعلا عايزة تحرر القدس ولا ماشية بدماغ ناس تانية وعايزة تزود البلة طين وقناة الجزيرة دى قناة بنت حلال يعنى ولا زى ما بيقول النظام عندنا دى بتسوء سمعة مصر ومصر دى أمى ولا يغلط فى أمى شوف بقى الواحد ممكن يعمل فيه إيه ...وجماعة الإخوان المسلمين دول جماعة محظورة ولا ناس شرفاء ولا بيتعاونوا مع الحكومة من تحت لتحت وفى بين قيادتهم وبين الحكومة خطط عمل ومشاريع وحوارت إحنا وإللى بيتبعوا نهج الإخوان من الطلبة والشباب منعرفش حاجة عنها ومتعرفش كمان مصر فى سياستها تجاه فلسطين عندها حق وتحيا مصر وطظ فى فلسطين ولا لأ تحيا الوحدة العربية والقدس إسلامية ولا صوت يعلو فوق صوت المعركة ...ولا إيران – إيراااااان – إيران دى بقى عايزة شغل بعد الظهر الواحد بقى محتار مش عارف هما مسلمين ولا كفرة وولاد ستين فى تلاتين ... واحد زى الشيخ القرضاوى معترف بيهم والشاعر عبد الرحمن يوسف إبنه بيقول فى حسن نصرالله شعر وناس تقولك أصل صلاح الدين الأيوبى كان شيعى وناس تانيين خالص يطلعوا يقولوا لأ دول كفرة وصلاح الدين الأيوبى مالوش دعوة بيهم دول تطاولو على الصحابة ..ومنتاش عارف جمال مبارك هيترشح للإنتخابات ولا لأ ومين أحمد عز ده وعايز مننا إيه ومبارك هيكمل معانا ويفضل قاطع نفس إللى خلفونا وفاقع مرارتنا ولا ناوى يورينا جمال خطوته وحلو كده بارك الله فى ما رزق ...والبرادعى ده راجل تمام ولا زى إخواته والله هو بيقول كلام زى الفل بس فى عهده كرئيس لهيئة الطاقة الأمريكان دخلو العراق وشكلهم مش خارجين منها تانى ...وعمر البشير ده راجل حلو ولا إبن تييييييت زى بقية الرؤساء العرب أدام الله عزهم وأطال الله فى بقائهم وربنا اعلم بإللى فى النية والزعيم القذافى ده ملك ملوك إفريقيا بمناسبة إيه إن شاء الله وجمال عبد الناصر ده رجل تمام ورجل الأمة العربية الأول ولما هو كده عمل إيه مع حسن البنا وسيد قطب ونكسة 67 دى حصلت إزاااااى والسادات ده رجل الحرب والسلام ولا بايع ناسه وراجل حشاش وكييف وتطبيعى كبير والناس العمال المصريين إللى بيعملوا إضرابات كل يوم متضررين انا عارف إنهم متضررين ومحدش يقدر يخرج المصرى من بيته إلا لما يقول جااااااااى ويكون خلاص فاض بيه بس الجرايد الوحشة بتقول عليهم على لسان نواب الشعب إنهم قابضين من بره طب فين ونبى القبض إللى قبضوه ده ...وإللى حصل بينا وبين الجزائر ده هيـــــــــه ده حاجة تحير هما فعلا وحشيـــــــن ولا العيب فينا ولا هى فتنة وإتزرعت ولازم ناخد بالنا منها وهل فعلا هناك ما يسمى بالإعلام الأحمر والإعلام الأبيض والقنوات إللى عمالة تضارب فى بعضيتها دى والبرامج ومين الصح ومين الغلط فى قضية مرتضى منصور وأحمد شوبير وبرنامج البيت بيتك إللى بقى إسمه مصر النهاردة هو بيتنا فعلا وبيوصل صوتنا للمسؤلين ولا خلاص بقى برنامج النظام الأول إللى من خلاله بيوصل سمومه للشعب وهشام طلعت ده حرض فعلا على قتل سوزان تميم ولا لأ ده راجل كوبارة وتمام وغيره وغيره وغيره وغيره قضايا كتير وإحنا عايشين ولا فاهمين

تقرا فى جرايد المعارضة تشوف غيره تماما فى جرايد إخوانا البعدا تسمع غيره تماما على لسان نواب الشعب تشاهد نقيض كل ذلك فى البرامج الإخبارية المختلفة والواحد مبقاش

فاااااااااهم حااااااااااجة خااااااااااالص

وأى حاجة بقت تقولها الحكومة الإنطباع رقم واحد إللى بيوصلك إنهم كدابين حتى لو كانوا صادقين لإنه خلاص مبقاش فى ثقة كله غش وكدب وعدم أمانة لا فى كتابة ولا نشر ولا بث وكله بقى بيعمل لحساب نفسه تحت إسم حرية رأى وحرية تعبير وحرية فكر الواحد والله بقى خايف فى يوم من الأيام يشك فى أهله

بالله عليكم لو فى أى حد فاهم أى حاجة فى اى حاجة يفهمنى

هياخد ثواب والله

أنا برضو أخوكم ومشغول ومش فاضى أشوف كل ده بنفسى والحمد لله أوى إن الواحد عارف هو مين وإبن مين وأشهد ألا إله إلا الله وأن سيدنا محمد رسول الله وكفى بها من نعمة

المنســـــ19ــــ4ـــــ2010ـــــى

مبروك لمصر

2010-02-01T05:32:00.000-08:00

مليووووووووووون مبروك لمصر والشعب المصرى من اصغر واحد الى اكبر واحد وبجد
مهما عملنا لهذا المنتخب المحترم مش هنقدر نوفيهم حقهم وان شاء الله ربنا يكرمهم ويوصلوا
كاس العالم 2014 باذن الله

2009-12-31T14:35:00.000-08:00

شباب مصر 2010

عام جديد علي مصر ............... لو حد سأل نفسه عمل اي في 2009 ....اسأل نفسك دلوقتي عملت اي ...لنفسك

..لاهلك....لبلدك.....................انا بس حبيت افكرك وافكر نفسي ان السنه خلصت ودخلين علي سنه جديده بحسابات جديده واتمني انها تكون سنه
جديده مش زي كل سنه ..تكون نقطه تحول ............ولكن كلها امنيات تتحول الي سرااااااااااب!!!!

2009-12-30T23:06:00.000-08:00

تكمله لملحمه شتائم مجلس الشعب :

مجلس الشعب امس كان يناقش قضيه بناء السور الفولاذي علي حدود مصر الشرقيه ............ففوجئو بالنائب بدر الدين القاضي (لواء

شرطه سابق) بانه اثناء الادلاء بكلماته الرفيعه المستوي وهو يتكلم علي الفلسطنين وحماس فقال

.(الفلسطنين علي رسنا من فوق......... ~~انما حماس ولاد الوسخه~~)....عندما اعترض نواب (الخوان) علي السباب فسبلهم هم كمان الدين

وطبعا جرت العاده ان اي سباب في مجلس الشعب يشطبهه سرور من مضبطه الاجتماع ولان من حضر المجلس من المحترمين فقلم

نواب الاخوان بالاشتباك اللفظي من نواء الوطني واصبحت (غرزه) ...........حيث سب نشأت القصاص (حزب وطني)

عضو من الاخوان وقال له (انا اشرف منك ~~يا ابن الكلب~~)..............حتي ان حديد عز لم يستطع ان يفض الاشتباك

...................ومصر بخير طول ما فيها ناس مثقفين بشتموا في بعض ...................والي الامام يا مصر

للاسف ده كان تاني موضوع وحش واتمني اناسمع عن موضوع حلو لييعث في وجداني التفائل............

اول موضوع

2009-12-29T04:49:00.000-08:00

كنت اتمني ان اول موضوع اكتبه يكون موضوع لذيذ ولكن الظروف تحتم عليه ان اكتب الحلو والوحش...............

علشان كده هنبدء بالموضوع الوحش..... يبتدي الموضوع وانا بفتح الجرنان بتاع النهارده لاتلك يا سيدي... بافونت العريض .. ان خير اللهم اجعلو خير ان ..

وزير الماليه الاستاذ المحترم المتعلم المهلبيه .. وهو اعد في مجلس الشعب. وبيتكلم في لجنه الخطه والموازنه الي المفروض حاضرها

ناس محترمين... قال:(الحكومه مسؤله عن تعويض الاهالي )لحد هنا وكويس.............وكمل وقال:(ولازم اجيب المالك واطلع

..............................................الي خلفوه)وياريتو ما قال

والنتيجه ان عدد من اعضاء البرلمان..(الي هم اكيد مش تبع الحكومه) طالبوا باقاله الوزير المحترم.................