Coffee Break

ഹൊയ്സാലീശ്വര ക്ഷേത്രം

noreply@blogger.com (The Editors Catalogue) — Wed, 02 Nov 2016 18:26:00 +0000

ഹലേബിഡു ഹൊയ്സലേശ്വര - കേദാരേശ്വരക്ഷേത്രം :

ഹളെബീടുവില്‍ ഹൊയ്സാലീശ്വര ക്ഷേത്രം , അതിനോട് ചേര്‍ന്ന ആര്‍ക്കിയോളജി വകുപ്പിന്റെ മ്യൂസിയം , ശ്രീ വീരനാരായണ ക്ഷേത്രം, പുരാതന ജൈന ക്ഷേത്രം തുടങ്ങിയവയാണ് മുഖ്യ ആകര്‍ഷണങ്ങള്‍. ദ്വാരസമുദ്ര എന്നൊരു പഴയ പേരും ഹാലെബീടുവിനുണ്ട് .ശിവനാണ് ഇവിടുത്തെ പ്രധാന പ്രതിഷ്ഠ. കൂടെ ഹൊയ്സലേശ്വര, ശാന്താളേശ്വര പ്രതിഷ്ഠകളും മറ്റു ഉപദേവതകളും.

ദ്രാവിഡ വാസ്തുവിദ്യ ശൈലിയില്‍ നിര്‍മ്മിക്കപ്പെട്ട സ്തൂപാകൃതിയില്‍ ഉള്ള അമ്പലങ്ങള്‍ ആണ് ഏറെയും.മതപരവും പ്രാദേശികവുമായ കൊടുക്കല്‍ വാങ്ങലുകള്‍ നിരവധി കാണാന്‍ സാധിക്കുന്നുണ്ട് ഇവിടെ .അതിസൂക്ഷ്മമായ കൊത്തുപണിക്കു പേരുകേട്ടവയാണ് ഹൊയ്സാല ശില്പങ്ങൾ.പ്രധാനമായും ബുദ്ധ -ജൈന-ഹിന്ദു ആരാധനാലയങ്ങള്‍ ആണ് നിര്‍മ്മിതികള്‍. കരിങ്കല്‍ തൂണുകള്‍ , കൊത്തുപണികള്‍ മിക്കതും ജൈന ക്ഷേത്രങ്ങളുടെതുമായി സാമ്യമുണ്ട്‌ .

ദ്വാരപാലകരുടെ രൂപം പോലും അതിസൂക്ഷ്മമായാണ് കൊത്തിവെച്ചിരിക്കുന്നത്.വലിപ്പമേറിയ ശില്പങ്ങളെക്കാളുപരി ഓരോന്നും വളരെ ഡീട്ടെയില്‍ ആയിട്ടാണ് കൊത്തിയിരിക്കുന്നത്.രണ്ടു ദ്വാരപാലകര്‍ ഉണ്ട് .ഇവര്‍ യഥാക്രമം സൂര്യഭഗവാന്റെ ഭാര്യമാരായ ഉഷ , ഛായയുമാണ് .

സാലഭഞ്ജിക

അമ്പലത്തിനുള്ളിലെ കൊത്തുപണികള്‍ :

ക്ഷേത്രത്തിനകത്തെ വലിയ ഹാളില്‍ ചുറ്റും കൊത്തുപണികള്‍ നിറഞ്ഞ കരിങ്കല്‍ തൂണുകള്‍ , ഉപദേവതാ സങ്കല്പങ്ങള്‍, ഭാരത നാട്യം കളിക്കുവാന്‍ വേണ്ടി നിര്‍മ്മിച്ച വിശാലമായ നൃത്ത മണ്ഡപം. ചുറ്റമ്പല മതിലില്‍ രാമായണ -മഹാഭാരത കഥാ സന്ദര്‍ഭങ്ങള്‍ , ദേവീ ദേവന്മാര്‍ ,ഉപദേവതകള്‍ ,ദ്വാരപാലകര്‍,സീതാ-രാമ പരിണയം, അപൂര്‍വങ്ങള്‍ ആയ പാലാഴി മഥനം , നര്‍ത്തകര്‍,ആന . കുതിര , യുദ്ധ സന്ദര്‍ഭങ്ങള്‍ തുടങ്ങിയവയും നിരവധി ഉണ്ട്. ഇപ്പോഴും പൂജയും വിലക്ക് വയ്ക്കലുമുള്ള അമ്പലങ്ങള്‍ ആണ് ഇവ.

ശില്പങ്ങള്‍ കൊത്തിയ മേല്‍ക്കൂര

കരിങ്കല്‍ തൂണുകള്‍ -ഈ തൂണിലെ റിഫ്ലെക്ഷന് ഒരു പ്രത്യേകതയുണ്ട്.നമ്മള്‍ അഭിമുഖമായി നില്‍ക്കുമ്പോള്‍ മുകളിലെ പകുതിയില്‍ കണ്ണാടിയില്‍ കാണും പോലെ നേരെയും താഴത്തെ പകുതിയില്‍ അതിന്റെ നേരെ ഓപ്പോസിറ്റ് ആയിട്ടുമാണ് കാണുന്നത് .ഇത്തരത്തിലുള്ള നിരവധി കല്‍ത്തൂണുകള്‍ ഈ ക്ഷേത്രത്തിലും ജൈന ക്ഷേത്രങ്ങളിലും കാണാം .

കുതിരപ്പുറത്തെറിയ യോദ്ധാക്കള്‍

ശില്പങ്ങള്‍ കൊത്തിയ ക്ഷേത്രചുവരുകള്‍

പുരാണ കഥാസന്ദര്‍ഭങ്ങള്‍ :ഈ ചിത്രത്തില്‍ ഭൂത-പ്രേതങ്ങളും കൊത്തിവെച്ചിരിക്കുന്നു

ശില്പചാരുതകള്‍

ഹൊയ്സാല നിര്‍മ്മിതികളില്‍ ഏറെയും കാണാന്‍ സാധിക്കുന്ന ഒരു അപൂര്‍വയിനം ജീവി (അങ്ങനെ തന്നെ പറയേണ്ടി വരും ) ആണ് മക്കാറ.പന്നിയുടെ ശരീരം, മയിലിന്റെ വാല്, സിംഹത്തിന്റെ കാല്, മുതലയുടെ വായ, ആനയുടെ നാക്ക്, കുരങ്ങന്റെ കണ്ണുകള്‍, മുയലിന്റെ ചെവി, എന്നിങ്ങനെ 7 ജന്തുക്കളുടെ ശരീരഭാഗങ്ങള്‍ ചേര്‍ന്ന വിചിത്രയിനം ജീവിയെ ശില്പങ്ങള്‍ക്കിടയില്‍ അനവധി കാണാം .

ആനയുമായി മല്‍പ്പിടുത്തം നടത്തുന്ന ഭീമന്‍.മഹാഭാരത കഥകളുടെ ഒരു ആവിഷ്കരണം.

ശിവ-പാര്‍വതിമാര്‍ -ഭാരം ക്രമീകരിക്കുന്നതിന് വേണ്ടി പാര്‍വതിയുടെ ഇരിപ്പിടം ഉയര്‍ത്തി പണിതിരിക്കുന്നു.

നര്‍ത്തകര്‍
നിരവധി വാദ്യോപകരണങ്ങള്‍ ഉപയോഗിക്കുന്നവര്‍, നര്‍ത്തകര്‍ തുടങ്ങിയവരുടെ ശില്പങ്ങള്‍

മഹിഷാസുര മര്‍ദ്ദിനീ ശില്‍പം

ശില്പങ്ങള്‍ കൊത്തിയ ക്ഷേത്രചുവരുകള്‍ .നടരാജന്‍ , ഹിരണ്യ ക്ഷിപുവിനെ കൊന്നു കുടല്‍മാല പുറത്തെടുക്കുന്ന നരസിംഹാവതാരം തുടങ്ങിയവ കാണാം .

അനന്ത ശയനം :മഹാവിശുവിന്റെ അനന്തശയനം .അരികില്‍ ലക്ഷ്മീ ദേവി , ബ്രഹ്മാവ്‌ തുടങ്ങിയവര്‍ .

പ്രഹ്ലാദനെ ,ഹിരണ്യ കശിപു പാമ്പുകളെ വിട്ടു ദ്രോഹിക്കുന്ന രംഗം .

രാമ-രാവണ യുദ്ധ രംഗങ്ങള്‍ :രാവണന്‍ , വാനരര്‍ തുടങ്ങിയവര്‍ ചിത്രത്തില്‍ .

ഹോയ്സാലീശ്വര ക്ഷേത്രം

ശില്പങ്ങള്‍ കൊത്തിയ ക്ഷേത്രചുവരുകള്‍ ശംഘ-ചക്ര ഗദാധാരിയായ മഹാവിഷ്ണു .

ശില്പങ്ങള്‍ കൊത്തിയ ക്ഷേത്രചുവരുകള്‍

ശില്പങ്ങള്‍ കൊത്തിയ ക്ഷേത്രചുവരുകള്‍ :ബ്രഹ്മ, വിഷ്ണു , മഹേശ്വര ദേവീ പ്രതിമകള്‍

യുദ്ധ രംഗങ്ങള്‍

ശില്പങ്ങള്‍ കൊത്തിയ ക്ഷേത്രചുവരുകള്‍

മഹാഭാരത യുദ്ധ രംഗങ്ങള്‍ : ചക്രവ്യൂഹതിലകപ്പെട്ട അഭിമന്യൂ .

കൈലാസം കൈകളിലേന്തി അമ്മാനമാടുന്ന രാവണന്‍ .ഭാരക്കൂടുതല്‍ കാരണം കാല്‍ അല്‍പ്പം മടക്കി വെച്ചിരിക്കുന്നത് പോലും ഡീട്ടെയില്‍ ആയി കൊത്തിയിരിക്കുന്നു .

വൃഷഭ വാഹന സമേതരായ ശിവ-പാര്‍വതിമാര്‍

നര്‍ത്തകര്‍ ,

നിരവധി വാദ്യോപകരണങ്ങള്‍ ഉപയോഗിക്കുന്നവര്‍, നര്‍ത്തകര്‍ തുടങ്ങിയവരുടെ ശില്പങ്ങള്‍

ഒറ്റക്കല്ലില്‍ പണിത നന്ദിശില്‍പം

എത്തിച്ചേരല്‍ :ബേലൂര്‍ നിന്നും ഹാസനില്‍ നിന്നും എത്തിച്ചേരാവുന്നതാണ് .

ബേലൂര്‍ :35 min (16.7 km) via NH73
Hassan : 54 min (40.3 km) via SH 21

ചെന്നകേശവ ക്ഷേത്രം -ബേലൂര്‍

noreply@blogger.com (The Editors Catalogue) — Wed, 02 Nov 2016 18:14:00 +0000

സ്ഥലം : ബേലൂര്‍
ഹൊയ്സാല സാമ്രാജ്യത്തിന്‍റെ തലസ്ഥാനമായിരുന്നു വേളാപുരി എന്നറിയപ്പെട്ടിരുന്ന ബേളൂര്‍.

ചരിത്രം : 1117ലുണ്ടായ തലക്കാട് യുദ്ധത്തില്‍ ചോളന്മാരെ തോല്‍പ്പിച്ചതിന്റെ സന്തോഷസൂചകമായി ഹൊയ്സാല ചക്രവര്‍ത്തിയായ വിഷ്ണുവര്‍ദ്ധന്‍ ആണ് ചെന്നകേശവ അഥവാ സുന്ദരനായ കേശവന്‍ എന്നര്‍ത്ഥം വരുന്ന അതി മനോഹരമായ ഈ ക്ഷേത്രം പണിയിച്ചത്. ജൈന മതത്തില്‍ നിന്ന് ഹിന്ദു മതത്തിലേക്ക് മാറിയതുകൊണ്ട് ജൈന ക്ഷേത്രത്തില്‍ കാണുന്നത് പോലെയുള്ള തൂണുകള്‍ ഒക്കെ ഇവിടെയും കാണാം ..64 മൂലകളും 4 പ്രവേശനകവാടങ്ങളും 48 തൂണുകളുമായി ശില്പ ഭംഗി നിറഞ്ഞതാണ് ക്ഷേത്രം. ടോപ്‌ വ്യൂവില്‍ ഒരു നക്ഷത്രം പോലെ ആയിരിക്കും ഈ ക്ഷേത്രം .

തറയുടെ താഴെ നിന്ന് മുകളിലേക്കുള്ള കൊത്തുപണികള്‍ക്ക് ഒരു സ്ട്രക്ചര്‍ ഉണ്ട് . ഏറ്റവും അടിയില്‍ ശക്തരായ ആനകള്‍, അതിന് മുകളില്‍ ധൈര്യത്തെ കാണിക്കാനായി സിംഹങ്ങള്‍, പിന്നെ വേഗതയുടെ പര്യായമായി കുതിരകള്‍, സൌന്ദര്യം കാണിക്കാനായി വള്ളിപ്പടര്‍പ്പുകള്‍,പൂക്കള്‍.

താന്‍ യുദ്ധത്തില്‍ മരിച്ചു പോയാല്‍ വിവാഹം കഴിക്കുന്ന സ്ത്രീ വിധവയായി കഴിയേണ്ടി വരുമെന്ന കാരണത്താല്‍ വിവാഹമേ വേണ്ടെന്നു വെച്ച വിഷ്ണു വര്‍ദ്ധനെ , അദ്ദേഹത്തിന്റെ അമ്മ അതീവ സുന്ദരിയും നര്‍ത്തകിയുമായ ശന്തളാദേവിയെ കണ്ടു ഇഷ്ടപ്പെട്ട് , മകന് അനുരൂപയായ വധു ഇവള്‍ തന്നെയെന്നു നിശ്ചയിച്ചു .അവര്‍ക്ക് കൊട്ടാരത്തില്‍ നൃത്തം ചെയ്യാനുള്ള അവസരവും കൊടുത്തു .നൃത്തം കണ്ടു മോഹിച്ച വിഷ്ണു വര്‍ദ്ധന്‍ അവരെ വിവാഹം ചെയ്യുകയും ചെയ്തു എന്നാണു വാമൊഴി.
ശന്തളാദേവിയാണ് ചെന്ന കേസവ ക്ഷേത്രത്തിനു സമീപം കപ്പേ ചെന്നിഗരായ ക്ഷേത്രം സൗമ്യനായകി, രംഗനായകി, ശ്രീദേവി, ഭൂദേവി ക്ഷേത്രങ്ങള്‍ പണിയിച്ചത്‌ .

കരിങ്കല്ലില്‍ പണിതീര്‍ത്ത ഈ ക്ഷേത്രത്തിന്റെ മുറ്റത്ത്‌ 42 അടിയും 15 ടണ്‍ ഭാരവുമുള്ള‍ ഒറ്റക്കല്ലിലുള്ള ഗ്രാവിറ്റിപില്ലര്‍ മറ്റൊരു അത്ഭുതമായി നില കൊള്ളുകയാണ്. ഈ സ്തംഭത്തിന്റെ 3 മൂലകള്‍‍ മാത്രമേ തറയില്‍ ഉറപ്പിച്ച് നിര്‍ത്തിയിട്ടുള്ളൂ. ഭൂചലനം നേരത്തെ അറിയാന്‍ കഴിയുമെന്നൊക്കെ പറയുന്നു.

ഹൊയ്സാല രാജ്യത്തിന്റെ രാജകീയ മുദ്രയാണിത്. ഹൊയ്സാല രാജ വംശത്തിലെ ആദ്യത്തെ രാജാവായ സാല സിംഹവുമായി യുദ്ധം ചെയ്യുന്ന ശില്‍പം. തന്‍റെ ഗുരുവായ സുദത്തമുനിയെ ആക്രമിക്കാന്‍ വന്ന സിംഹത്തെ സാല പൊരുതി കീഴ്പ്പെടുത്തിയ സംഭവത്തിന്‍റെ ഓര്‍മ്മയ്ക്കായാണ് വിഷ്ണുവര്‍ധന്‍ ഈ രൂപം രാജമുദ്രയായി ഉപയോഗിക്കാന്‍ തുടങ്ങിയത്.

കണ്ണാടിയുമായി നില്‍ക്കുന്ന സുന്ദരീരൂപം ബേലൂര്‍ ക്ഷേത്രത്തിലെ പ്രധാന കാഴ്ചകളിലൊന്നാണ്. ക്ഷേത്രത്തിന്റെ മേല്‍ക്കൂരയ്ക്ക് താഴെയായിട്ടാണ് ഈ രൂപം കൊത്തിവച്ചിരിക്കുന്നത്. ഇതിനൊപ്പം തന്നെ പാടുകയും നൃത്തം ചെയ്യുകയും ചെയ്യുന്ന ഒട്ടേറെ രൂപങ്ങള്‍ ക്ഷേത്രച്ചുവരുകളില്‍ കൊത്തിവച്ചിട്ടുണ്ട്. രാജാവായിരുന്ന വിഷ്ണുവര്‍ധനന്റെ ഭാര്യയായിരുന്ന ശാന്തളദേവിയുടെ സൗന്ദര്യമാണ് ഈ ശില്‍പങ്ങളുടെയും അടിസ്ഥാനമെന്നാണ് കരുതപ്പെടുന്നത്. ചെന്നകേശവ ക്ഷേത്രത്തിന് പുറത്ത് ഇത്തരത്തിലുള്ള 38 സ്ത്രീരൂപങ്ങളുണ്ട്, ശിലാബാലികമാര്‍ എന്നാണ് ഇവയെ വിശേഷിപ്പിക്കുന്നത്. ക്ഷേത്രത്തിനകത്തുമുണ്ട് ഇത്തരം രൂപങ്ങള്‍.

കൊടിമരത്തിന് താഴെ വിഷ്ണുവിന്റെ വാഹനമായ ഗരുഡന്‍

വെളിയിലുള്ള കൊത്തുപണികളില്‍ പ്രധാനം മേല്‍ക്കൂരയുടെ കീഴിലായി അണിനിരക്കുന്ന ദര്‍പ്പണസുന്ദരി,ശുകഭാഷിണി,ബസന്ദക്രീഡ, കീരാവാണി,കേശശൃഗാരം, മയൂരശിഖ, കുറവഞ്ചി നര്‍ത്തകി, അശ്വകേശി, പാദാംഗുലി, ഗാനമജ്ഞിറ, തില്ലാന, തൃഭംഗിനര്‍ത്തന,കാപാലഭൈരവി,വേണുഗോപാല,ഗായകി, നാട്യസുന്ദരി,രുദ്രവീണ, കുടിലകുന്തള, വനറാണി, വികടനര്‍ത്തന,ചന്ദ്രിക, രുന്ദ്രിക,മോഹിക, രേണുക , ജയനിഷാദ, ഭസ്മമോഹിനി, വിഷകന്യക,അദ്ധ്യാപിക, ശകുനശാരദ, നര്‍ത്തകി, നാഗവീണസുന്ദരി,ഗര്‍വ്വിഷ്ട,നാട്യശാന്തള,സമദുരഭാഷിണി, കേശശൃംഗാരം, ഗന്ധര്‍വ്വ കന്യക, എന്നിങ്ങനെയുള്ള 38 ‘ശിലാബാലിക‘മാരാണ്. ഇതുകൂടാതെ 4 ശിലാബാലികമാര്‍ ക്ഷേത്രത്തിന് അകത്തുമുണ്ട്.

തൂണുകളില്‍ ഏറ്റവും ആകര്‍ഷണമായത് ദശാവതാരം കൊത്തിയ പില്ലര്‍ തന്നെയാണ്. കല്ലുകൊണ്ടുതന്നെയുണ്ടാക്കിയ ബെയറിങ്ങുകളില്‍ കറങ്ങുന്ന രീതിയിലാണ് ദശാവതാരപില്ലര്‍ നിര്‍മ്മിച്ചിരിക്കുന്നത്. പക്ഷെ സുരക്ഷാകാരണങ്ങളാല്‍ ഇപ്പോള്‍ അത് കറക്കാന്‍ അനുവദിക്കാറില്ല.

വസുദേവ തീര്‍ത്ഥം (കല്യാണി)

ദൈനംദിന പൂജകള്‍ക്കായി വെള്ളമെടുക്കുന്നതിനായി ഉപയോഗിക്കുന്നു .കൊത്തുപണികള്‍ നിറഞ്ഞ ഒരു ചെറിയ കോവില്‍ അടുത്ത് .

ഹിരണ്യ കശിപുവിനെ വധിച്ചു മടിയില്‍ കിടത്തി കുടല്‍ മാല വലിച്ചു പുറത്തെടുക്കുന്ന നരസിംഹാവതാരം .

വരാഹി .

മഹാവിഷ്ണുവിന്റെ ദ്വാരപാലകരായിരുന്ന ജയ-വിജയന്മാര്‍ നാരദനെ വിഷുവിനെ കാണാന്‍ കടത്തി വിട്ടില്ലെന്ന കാരണത്താല്‍ ശപിച്ചു അസുരന്മാരാക്കി .അപ്രകാരം ഹിരണ്യാക്ഷനും ഹിരണ്യകശിപുവുമായി ജനിച്ച അവരില്‍ ഹിരണ്യാക്ഷന്‍

ഒരിക്കല്‍ ഭൂമിയെ കടലിന്റെ അടിത്തട്ടില്‍ ഒളിപ്പിച്ചു വെച്ചു. ഒപ്പം ശക്തിയായി തിരമാലകളില്‍ അടിച്ചു ശല്യമുണ്ടാക്കി കൊണ്ടിരുന്നു. ദേവന്മാരുടെ അപേക്ഷ കൈക്കൊണ്ടു മഹാവിഷ്ണു വരാഹവേഷം കൈക്കൊണ്ട് സമുദ്രഭാഗത്ത് എത്തി. വിഷ്ണുവിനെ കണ്ടു ഭയചകിതനായ ഹിരണ്യാക്ഷൻ ഭൂലോകത്തെ കയ്യിലേന്തി പാതാളത്തിലേയ്ക്ക് പലായനം ചെയ്തു. വരാഹവേഷം പൂണ്ട മഹാവിഷ്ണു പാതാളത്തില്‍ ചെന്ന് ഹിരണ്യാക്ഷനെ വധിച്ച് ഭൂലോകത്തെ വീണ്ടെടുത്തു എന്നുമാണ് ഐതിഹ്യം.

മഹിഷാസുര മര്‍ദ്ദനം : മഹിഷം അഥവാ പോത്തിനെ ചവിട്ടി പിടിച്ചു കൊണ്ട് മഹിഷാസുരനെ ശൂലം കൊണ്ട് വധിക്കുന്ന ദുര്‍ഗ്ഗാ ദേവി .

വാമനാവതാരം

ദേവേന്ദ്രന്‍ ഐരാവതത്തിന്റെ പുറത്തിരുന്നു യുദ്ധം ചെയ്യുന്നത് .

മുകളിലെ ശില്പത്തില്‍ വിവിധതരം ഗോപുര മാതൃകകള്‍ .

ഓടക്കുഴല്‍ വായിക്കുന്ന ശ്രീകൃഷ്ണന്‍ , ഒപ്പം ഗോക്കള്‍ , ഗോപസ്ത്രീകള്‍

ഉലൂപി -അര്‍ജ്ജുനന്റെ ഭാര്യയുമായ നാഗ രാജകുമാരി .

"ഗംഗാനദിയിൽച്ചാടികൗരവ്യ

നാഗപുത്രി ഉലൂപിയാൾ

മണലൂരപുരത്തേക്ക്

ചിത്രാംഗദ ഗമിച്ചുതേ"-മഹാഭാരതം .

സാധാരണ ക്ഷേത്രങ്ങളില്‍ തിരുവെങ്കിടാചലപതിയെ കാണാറില്ല. ഉപഗോപുരങ്ങളില്‍ ഒന്നില്‍ നിന്നും.

മഹാബലി ,വാമനന്‍ ശില്പങ്ങള്‍.

ജൈന ശിലാ ശാസനങ്ങള്‍ പോലെ ക്ഷേത്രത്തിനുള്ളിലെ ശിലാ ശാസനം.ധ്യാനരൂപത്തില്‍ ഇരിക്കുന്നത് ജൈന തീര്‍ഥങ്കരന്മാരില്‍ ആരെങ്കിലും ആണോ എന്നറിയില്ല .

വീര നാരായണ ക്ഷേത്രം Veera Narayana Temple Halebeedu

noreply@blogger.com (The Editors Catalogue) — Wed, 02 Nov 2016 11:13:00 +0000

ഐതിഹ്യം : ബലെവാടി

വീര നാരായണ ക്ഷേത്രം സ്ഥിതി ചെയ്യുന്നത് മഹാഭാരതത്തില്‍ ഭീമന്‍ ബകാസുരനെ കൊന്നു ഒരു ഗ്രാമത്തെ രക്ഷിച്ച കഥ പറയുന്ന ബലെവാടി എന്ന ഈ ഗ്രാമത്തെ കുറിച്ചാണ് എന്ന് വിശ്വസിക്കപ്പെടുന്നു.

ചരിത്രം :

ഹൊയ്സാല നിര്‍മ്മിതിയിലെ ഏറ്റവും വലിയ ക്ഷേത്രങ്ങളിൽ ഒന്നാണ് എഡി 1117ല്‍ ഹൊയ്‌സാല രാജാവയ ഭിട്ടിദേവന്‍ പണികഴിപ്പിച്ച ഈ ക്ഷേത്രം . ജൈനമതക്കാരനായിരുന്ന ഇദ്ദേഹം വൈഷ്ണവ സന്യാസിയായിരുന്ന ശ്രീ രാമാനുജാചാര്യന്റെ സ്വാധീനത്തെത്തുടര്‍ന്ന വൈഷ്ണവനായി മാറുകയും വിഷ്ണുവര്‍ദ്ധനന്‍ എന്ന് പേര് സ്വകരിക്കുകയും ചെയ്യുകയായിരുന്നു.

വാസ്തുശൈലി :

ചാലൂക്യ, ഹൊയ്‌സാല, വിജയനഗര എന്നീ ശൈലികളിലുള്ള വാസ്തുവിദ്യയുടെ സമന്വയമാണ് വീരനാരായണ ക്ഷേത്രത്തില്‍ കാണാന്‍ കഴിയുക. വിജയനഗര ശൈലിയിലുള്ള രംഗമണ്ഡപമാണ് ക്ഷേത്രത്തിലുള്ളത്. അതേസമയം ക്ഷേത്രത്തിലെ ഗരുഡസ്തംഭം ഹൊയ്‌സാല രീതിയിലുള്ളതാണ്. ഒപ്പം ഉള്‍ഭാഗത്തുള്ള മണ്ഡപം, ശ്രീകോവില്‍, പ്രധാന ഗോപുരം എന്നിവയെല്ലാം ചാലൂക്യ രീതിിയലുള്ളതാണ്.ജൈന -ഹിന്ദു മത കൊടുക്കല്‍ വാങ്ങലുകള്‍ ശില്പ ചാരുതകളില്‍ ഏറെയും കാണാം .

ശ്രീ വീര നാരായണ ക്ഷേത്രത്തിന്റെ കവാടം

കൊത്തുപണികള്‍ നിറഞ്ഞ മേല്‍ക്കൂര

കവാടത്തിലെ ഗജവീരന്മാര്‍.നിരവധി ഗജ പ്രതിമകള്‍ ആണ് ക്ഷേത്രം നിറയെ.

കരിങ്കല്‍ തൂണുകള്‍ -ഈ തൂണിലെ റിഫ്ലെക്ഷന് ഒരു പ്രത്യേകതയുണ്ട്.

നമ്മള്‍ അഭിമുഖമായി നില്‍ക്കുമ്പോള്‍ മുകളിലെ പകുതിയില്‍ കണ്ണാടിയില്‍ കാണും പോലെ നേരെയും താഴത്തെ പകുതിയില്‍ അതിന്റെ നേരെ ഓപ്പോസിറ്റ് ആയിട്ടുമാണ് കാണുന്നത് .

ഇത്തരത്തിലുള്ള നിരവധി കല്‍ത്തൂണുകള്‍ ഹോയ്സാലെശ്വര ക്ഷേത്രത്തിലും ജൈന ക്ഷേത്രങ്ങളിലും കാണാം .

നൃത്ത മണ്ഡപത്തിനു മുകളിലെ മറ്റൊരു ശില്പ വിസ്മയം .

വീരനാരായണ ക്ഷേത്രത്തിന്റെ ചുവരുകളില്‍ വിഷ്ണു, ശിവന്‍, ബ്രഹ്മാവ്, ഭൈരവന്‍, പാര്‍വ്വതി, ഗണപതി,,സരസ്വതി,മഹിഷാസുരമര്‍ദ്ദിനി തുടങ്ങി 59ല്‍പ്പരം ശില്‍പ്പങ്ങളുണ്ട്.

ബേലൂര്‍ നിന്നും ഹലെബീടുവില്‍ നിന്നും എത്തിച്ചേരാം .

മാപ്പ് :https://goo.gl/d94fcR

സമയം : ആര്‍ക്കിയോളജി വകുപ്പിന്റെ കീഴില്‍ ആണ് അമ്പലം . വൈകീട്ട് അഞ്ചു മണിയ്ക്ക് മുന്‍പ് എങ്കിലും എത്തിചേരുന്നതാണ് അഭികാമ്യം .പടം എടുക്കുന്നതിനും മറ്റും .
ഫോട്ടോഗ്രഫി : അനുവദനീയമാണ് .പ്രത്യേകിച്ച് ഫീ ഒന്നും ഇല്ല .
ഭക്ഷണം : അടുത്തൊന്നും രേസ്റൊരെന്റ്റ് കള്‍ ഇല്ല .ഒന്നുകില്‍ ബേലൂര്‍ അല്ലെങ്കില്‍ ചിക്മന്ഗ്ലൂര്‍ പോകണം .

Hoysaleeswara Temple

noreply@blogger.com (The Editors Catalogue) — Wed, 02 Nov 2016 08:01:00 +0000

Halebeedu

noreply@blogger.com (The Editors Catalogue) — Wed, 02 Nov 2016 08:00:00 +0000

യുദ്ധ രംഗങ്ങള്‍

Hoysala Temple Halebeedu

noreply@blogger.com (The Editors Catalogue) — Wed, 02 Nov 2016 07:29:00 +0000

Hoysala Temple Halebeedu

noreply@blogger.com (The Editors Catalogue) — Wed, 02 Nov 2016 07:26:00 +0000

Halebeedu

noreply@blogger.com (The Editors Catalogue) — Wed, 02 Nov 2016 07:25:00 +0000

സാലഭഞ്ജിക

ഹൊയ്സാല രാജവംശത്തിന്റെ തിരുശേഷിപ്പുകള്‍

noreply@blogger.com (The Editors Catalogue) — Wed, 02 Nov 2016 06:41:00 +0000

ഹൊയ്സാല രാജവംശത്തിന്റെ തിരുശേഷിപ്പുകള്‍

Day 1:
1. Bangalore( 0km) -6.30 am
Breakfast : Swathi, Highway
2.Halebeedu (236 km) -11 am
3. Hoysaleshwara Temple (0km)
4. Sri Veeranarayana TempleBelavadi
5. Halebeedu Basadi Digambar Jain Temples
6. Hirekolale lake (50km)
7. Stay at Hassan(70 km)
Total : 375 KM

Day 2 :
1. Hotel ( 0km) -8.30 am
Breakfast : From Hotel
2. Shettihalli Church (20 km) -9 am
3. Doddagaddavalli Temple (36km)-10am
4. Chennakeshava Temple (24.3km)-10.30am
5 Bangalore (3 hr)
Total : 328 KM

ഹൊയ്സള സാമ്രാജ്യം (കന്നഡ: ಹೊಯ್ಸಳ ಸಾಮ್ರಾಜ್ಯ) (ഉച്ചാരണം: [hojsəɭə saːmraːdʒjə])

ഹൊയ്സള ,കർണ്ണാടക സംസ്ഥാനത്തിൽ 10 - 14 നൂറ്റാണ്ടുകൾക്ക് ഇടയ്ക്കാണ് ബേലൂര്‍ തലസ്ഥാനമായി ഹൊയ്സള സാമ്രാജ്യം നിലനിന്നത്. പിന്നീട് തലസ്ഥാനം ഹളെബീഡുവിലേക്ക് മാറി.കര്‍ണാടകയും ആന്ധ്രയും തമിഴ്നാടും ഉള്‍പ്പെടുന്ന വലിയൊരു സാമ്രാജ്യം. ഒരേ സമയം ശൈവ-വിഷ്ണു -ക്ഷേത്രങ്ങള്‍ ഹൊയ്സാല നിര്‍മ്മ്തികളില്‍ ഉണ്ട് .

ഹളെബീടു അഥവാ "തകര്‍ന്ന നഗരം "

ദ്രാവിഡ വാസ്തുവിദ്യ ശൈലിയില്‍ നിര്‍മ്മിക്കപ്പെട്ട സ്തൂപാകൃതിയില്‍ ഉള്ള അമ്പലങ്ങള്‍ ആണ് ഏറെയും.മതപരവും പ്രാദേശികവുമായ കൊടുക്കല്‍ വാങ്ങലുകള്‍ നിരവധി കാണാന്‍ സാധിക്കുന്നുണ്ട് ഇവിടെ .അതിസൂക്ഷ്മമായ കൊത്തുപണിക്കു പേരുകേട്ടവയാണ് ഹൊയ്സാല ശില്പങ്ങൾ.പ്രധാനമായും ബുദ്ധ -ജൈന-ഹിന്ദു ആരാധനാലയങ്ങള്‍ ആണ് നിര്‍മ്മിതികള്‍.

ഹൊയ്സാല ക്ഷേത്രം :

ഹളെബീടു വില്‍ ഹൊയ്സാലീശ്വര ക്ഷേത്രം , അതിനോട് ചേര്‍ന്ന ആര്‍ക്കിയോളജി വകുപ്പിന്റെ മ്യൂസിയം ശ്രീ വീരനാരായണ ക്ഷേത്രം,പുരാതന ജൈന ക്ഷേത്രം തുടങ്ങിയവയാണ് ആകര്‍ഷണങ്ങള്‍. ദ്വാരസമുദ്ര എന്നൊരു പഴയ പേരും ഹാലെബീടുവിനുണ്ട് .

ദ്വാരപാലകരുടെ രൂപം പോലും അതിസൂക്ഷ്മമായാണ് കൊത്തിവെച്ചിരിക്കുന്നത്.വലിപ്പമേറിയ ശില്പങ്ങളെക്കാളുപരി ഓരോന്നും വളരെ ഡീട്ടെയില്‍ ആയിട്ടാണ് കൊത്തിയിരിക്കുന്നത്.കൂടുതലും രാമായണ -മഹാഭാരത കഥാ സന്ദര്‍ഭങ്ങള്‍ , ദേവീ ദേവന്മാര്‍ ,ഉപദേവതകള്‍ ,ദ്വാരപാലകര്‍,സീതാ-രാമ പരിണയം, അപൂര്‍വങ്ങള്‍ ആയ പാലാഴി മഥനം , നര്‍ത്തകര്‍, തുടങ്ങിയവയും ഉണ്ട്. ഇപ്പോഴും പൂജയും വിലക്ക് വയ്ക്കലുമുള്ള അമ്പലങ്ങള്‍ ആണ് ഇവ.

സാലഭഞ്ജിക

അമ്പലത്തിനുള്ളിലെ കൊത്തുപണികള്‍

ശില്പങ്ങള്‍ കൊത്തിയ മേല്‍ക്കൂര

കുതിരപ്പുറത്തെറിയ യോദ്ധാക്കള്‍

ശില്പങ്ങള്‍ കൊത്തിയ ക്ഷേത്രചുവരുകള്‍

ശില്പചാരുതകള്‍

ദേവീ ദേവന്മാര്‍

നര്‍ത്തകര്‍

ശില്പങ്ങള്‍ കൊത്തിയ ക്ഷേത്രചുവരുകള്‍

അനന്ത ശയനം

പ്രഹ്ലാദനെ ,ഹിരണ്യ കശിപു പാമ്പുകളെ വിട്ടു ദ്രോഹിക്കുന്ന രംഗം .

രാമ-രാവണ യുദ്ധ രംഗങ്ങള്‍

ഹോയ്സാലീശ്വര ക്ഷേത്രം

ശില്പങ്ങള്‍ കൊത്തിയ ക്ഷേത്രചുവരുകള്‍

യുദ്ധ രംഗങ്ങള്‍

ശില്പങ്ങള്‍ കൊത്തിയ ക്ഷേത്രചുവരുകള്‍

യുദ്ധ രംഗങ്ങള്‍

ശിവ-പാര്‍വതിമാര്‍

നന്തി

Artist: Dasoja of Balligrama

Period: Hoysala period

Date: first quarter of the 12th century

Culture: India (Karnataka, probably Belur)

Medium: Stone

Dimensions: H. 56 1/2 in. (143.5 cm); W. 28 in. (71.1 cm)

Classification: Sculpture

Credit Line: Rogers Fund, 1918

Accession Number: 18.41

കടപ്പാട് / നോട്ട്സ്

http://www.metmuseum.org/toah/works-of-art/18.41/
https://ml.wikipedia.org/

നന്മ മരം

noreply@blogger.com (The Editors Catalogue) — Thu, 10 Apr 2014 10:22:00 +0000

ഇയാളിലെ നമ്മളെ ഒന്നോര്‍ത്തു നോക്കിക്കേ ..

സ്കൂളില്‍ പഠിക്കുമ്പോ ഫുഡ്‌ കൊണ്ട് വരാന്‍ പറ്റാത്ത കുട്ടോള്‍ക്ക് ആരുമാരിയാണ്ട് പൊതി കൊട്നു കൊടുക്കുമ്പോ ..അല്ലെങ്കില്‍ വഴീല്‍ നിന്നു നനഞ്ഞ കുഞ്ഞിപ്പൂച്ചയെ അമ്മ കാണാതെ വീട്ടില്‍ കൊണ്ടുവരുമ്പോള്‍ ..

വഴീലെ കണ്ണുകാണാ അപ്പൂപ്പനെ റോഡിന്റെ അപ്പുറത്തെത്തിക്കുമ്പോ ..അല്ലേല്‍ ഒറ്റയ്ക്ക് റോഡിലേക്കും നോക്കി നില്‍ക്കണ അമ്മൂമ്മേടെ അടുത്ത് ചുമ്മാ വര്‍ത്താനം പറഞ്ഞു നടന്നു പോവുമ്പോ ..എവിടുന്നേലും പെറുക്കിയ ചാമ്പക്കേം ഉപ്പും കൊടുക്കുമ്പോ ..ചിലപ്പോഴൊക്കെ അവര്ടെ ഒപ്പം ചിരട്ടയപ്പം ഒക്കെയുണ്ടാക്കി പാവേടെലോക്കെ തേച്ച് അമ്മേടെ മുന്നില്‍ വന്ന് നോക്കണ നോട്ടങ്ങള്‍ .. ഇനീം ..അങ്ങനെയങ്ങനെ ഒരുപാട് ...

കണ്ടല്‍ക്കാട്

noreply@blogger.com (The Editors Catalogue) — Thu, 03 Apr 2014 09:34:00 +0000

കണ്ടല്‍ക്കാട് .

കായലോരം ..
പലതരം ചെറുമീനുകള്‍ ,വിവിധ നിറങ്ങളിലുള്ള ഞണ്ടുകള്‍ , ഒച്ചുകള്‍ ,പക്ഷികള്‍ ..ജൈവ വൈവിധ്യം തന്നെ

ഓര്മ

noreply@blogger.com (The Editors Catalogue) — Thu, 03 Apr 2014 09:26:00 +0000

ഇക്കാലമത്രയും ചിന്തയിലോ എന്തിന് ഒരു സ്വപ്നത്തിലോര്‍മയായിട്ടു കൂടി കടന്നു വന്നിരുന്നില്ലാത്ത ഒരാള്‍ ഒരുപാടു കാലത്തിനു ശേഷം വിളിച്ചു .കണ്ടു ..സംസാരിച്ചു ...
ഒരുമിച്ചു നടക്കുന്ന വഴികളില്‍ തമ്മിലൊന്നും പറയാനുണ്ടായിരുന്നില്ല .എനിക്കും ....അവനും ....ഞങ്ങളിരുവരും തമ്മില്‍ പരസപരം സംസാരിച്ചു കൊണ്ടേയിരുന്നു .. വാക്കുകളില്ലാതെ ഹൃദയങ്ങള്‍ സംവദിക്കുന്ന ഒന്നിലേക്ക് ഞങ്ങള്‍ നടന്നു കയറുകയായിരുന്നു .

മുന്പ് എന്നും കാണുമായിരുന്നെങ്കിലും പറഞ്ഞു തീരാത്ത വിശേഷങ്ങളുടെ ഒരു തുരുത്തായിരുന്നു ഞങ്ങളുടെ വൈകുന്നേരങ്ങള്‍ .. കാലം ഞങ്ങള്‍ക്കിടയില്‍ കാത്തുവെച്ച വിടവിന് എല്ലായ്പ്പോഴും ഒരു കൌതുകമുണ്ടായിരുന്നു .കൃത്യം ഏഴു ദിവസം , അല്ലെങ്കില്‍ ഏഴു മാസം അതുമല്ലെങ്കില്‍ ഏഴു വര്ഷം .. അവനെ ആദ്യമായി കണ്ടത് ഇതുപോലെ ഒരു വൈകുന്നേരം .. ആ ദിവസം എനിക്കൊര്മയില്‍ അത്രയോന്നുമില്ലയിരുന്നെങ്കിലും അവനതു കൃത്യമായി ഓര്‍മയുണ്ട് .. എന്റെയലസന്‍ ചുരുളന്‍ മുടി നീളം വരെ ... അടുത്തു പരിചയമുള്ളവര്‍ പോലും കണ്ടുപിടിക്കാത്ത; ഉണ്ടോ ഇല്ലയോയെന്നു സംശയിക്കുംവിധമുള്ള കുഞ്ഞു നുണക്കുഴി വരെ ഇത്രയും വര്‍ഷങ്ങള്‍ക്കിപ്പുറം അവനോര്‍ത്തു വെച്ചിരുന്നു ..
വിസ്മയങ്ങളായിരുന്നു അവന്റെ ഓരോ വരവും .. ഇത്തവണവയും .
എന്റെയോര്‍മയില്‍ അവ്യകതമായ് മാത്രം ആദ്യത്തെ കാഴ്ചയ്ക്ക് ശേഷം രണ്ടാമത്തെ വരവിലാണ് അവനെ എന്റെ മനസ്സളവുകള്‍ക്കുള്ളില്‍ കൃത്യമായി വരച്ചിടാനായത് .ആദ്യത്തെ കാഴ്ചയിലെ അവന്‍ തന്നെയായിരുന്നു പിന്നെത്തെതും .ഹൃദയത്തിനു എന്തോ കഴിവുണ്ടായിരുന്നിരിക്കണം ..കേവലം ഒരു മിനിറ്റ് മാത്രം മുന്നില്‍ വന്നു മാഞ്ഞു പോയ ഒരാളെ ഏഴു വര്‍ഷങ്ങള്‍ക്കിപ്പുറം ഇത്രമേല്‍ കൃത്യമായി ഓര്‍ത്തെടുക്കാന്‍ ..സ്വതേ ഇത്തരം ഓര്‍ത്തെടുക്കല്‍ യജ്ഞത്തില്‍ പരാജിതയാവാറാണ് ഞാന്‍ .എന്നിട്ടും ..
റയില്‍വേ സ്റ്റേഷന്‍ ...
യാത്ര തിരിക്കുമ്പോള്‍ മുതല്‍ മെസ്സേജുകളില്‍ വഴികളും കാഴ്ചകളും തമ്മില്‍ കണ്ടാല്‍ തിരിച്ചറിയുമോ എന്നുള്ള എന്റെയാവലാതികളും നിറഞ്ഞു നിന്നിരുന്നു ,എന്തെന്നില്ലാത്ത ഒരാകാംക്ഷയും .

പതിവിലും നേരത്തെ എന്നെക്കാത്ത് അവനുണ്ടായിരിക്കും എന്നെനിക്കറിയാമായിരുന്നു .ഓര്‍ക്കാപ്പുറത്തുള്ള ഒരു കോളില്‍ അവനു പുറത്തേയ്ക്ക് പോകേണ്ടി വന്നു ..ഒന്നാം പ്ലാട്ഫോര്മിലെയ്ക്ക് പടിയിറങ്ങും മുന്നേതന്നെ ചിതറിക്കിടക്കുന്ന ആള്‍ക്കൂട്ടങ്ങള്‍ക്കിടയില്‍ ഞാനവനെ തിരയുന്നുണ്ടായിരുന്നു .എന്റെ മനസ്സില്‍ ഞാന്‍ തന്നെ വരചെടുത്ത രൂപത്തോട് താദാത്മ്യം പ്രാപിക്കുംവിധം തന്നെ ഞാനവനെ കണ്ടു ..എങ്ങനെ തിരിച്ചറിഞ്ഞു എന്നെനിക്കിപ്പോഴും അറിയില്ല ..
ആ നിമിഷം പക്ഷെ ജീവിതത്തിലിന്നോളം എത്ര സൌഹൃദങ്ങളെ പുതുതായ് കണ്ട നിമിഷത്തോളം വലുതായിരുന്നു ..ഒരൊറ്റ നിമിഷം കൊണ്ട് പ്ലാട്ഫോരം എനിക്ക് വേറേതോ എന്നാല്‍ എനിക്ക് ചിര പരിചിതമായ മറ്റേതോ സ്ഥലമായി തോന്നി .എനിക്കും അവനും പരിചയമുള്ള ഒരു സ്ഥലം .ഉള്ളില്‍ നിന്ന് തെറ്റാലിയില്‍ നിന്നെന്ന വണ്ണം ഹൃദയം മുന്നോട്ട് കുതിക്കുന്നത് ഞാനറിയുന്നുണ്ട്.ഉള്ളിലെ വേലിയേറ്റങ്ങള്‍ അവനറിയാതിരിക്കാന്‍ പരമാവധി ഞാന്‍ ശ്രമിക്കുണ്ടായിരുന്നു .എന്നോട് തന്നെ കലഹിക്കുണ്ടായിരുന്നു ..ഏറെക്കുറെ ഞാന്‍ വിജയിച്ചുവെന്നുതന്നെ സ്വയം തോന്നി .

സൌഹൃദങ്ങള്‍ക്ക് കാലം എന്തുമാത്രം പുതുമയില്‍ പൊതിഞ്ഞ നിര്‍വൃതികളാണ് പകരുന്നത് ..!

കാരക്ക

noreply@blogger.com (The Editors Catalogue) — Thu, 03 Apr 2014 09:24:00 +0000

കൊച്ചിക്കാരുടെ കാരക്ക .. (മലബാറുകാര്‍ ക്ഷമിക്കുക ;) )

വേറെന്തേലും പേരുണ്ടോന്നു നുമ്മക്കറിഞ്ഞൂട .. !!
മരത്തില്‍ നിന്നു പറിച്ചെടുത്തത് ..ഫ്രഷ്‌ .ഫ്രം ചെറായി .

കുസൃതി ..! ;)

noreply@blogger.com (The Editors Catalogue) — Thu, 03 Apr 2014 09:22:00 +0000

രാവിലെ :
ആസ് യൂഷല്‍ എട്ടര ...
ബസ് ... സൈഡ് വിന്‍ഡോ സീറ്റ് ..
കൈയില്‍ "ഒതപ്പ് "
ഒരു ചെറിയ ട്രാഫിക് ബ്ലോക്ക്‌...
അരുകില്‍ നിര്‍ത്തിയിട്ട വണ്ടികളില്‍ ചില അലസ നോട്ടങ്ങള്‍
തിരഞ്ഞു കൊണ്ടിരിക്കുന്നയാള്‍ അവിടെയുണ്ടെന്നുള്ള് തണുപ്പിക്കുമൊരു തോന്നല്‍ ..
ഉള്ളില്‍ നിന്നാരോ ഓടിയിറങ്ങി
ചീറിപ്പായും വണ്ടികള്‍ക്കിടയില്‍ നിന്നു നൃത്തം വെയ്ക്കുന്നു ..
എന്നെത്തന്നെ ഞാന്‍ നോക്കി നില്‍ക്കുന്നു ..
സ്റ്റോപ്പ്‌ എത്തിയതും എല്ലാ ആളുകളും ഇറങ്ങിയതും അറിയാതെ
ഒരു ചെറിയ ചമ്മല്‍പുഞ്ചിരി ചുണ്ടില്‍ വന്നു തത്തിക്കളിച്ചു ഞാന്‍ ..പിന്നാലെ ...

" പതിവായ് ഞാൻ പാടും പാട്ടുകളുടെ ഈണത്തിൽ കുയിലായ്‌ നീ മൂളും എതിർപാട്ടിൻ താളത്തിൽ ഒരുനേരമെങ്കിലും കൊതിയോടെ കണ്ടിടാൻ... "

ഈ പാട്ടെവിടെ നിന്നു വന്നൂന്ന് ഇപ്പോഴും ഒരു ഐഡിയ യും ഇല്ലാണ്ട് ഞാനും ...!!!!

വിവരാവകാശ നിയമം

noreply@blogger.com (The Editors Catalogue) — Mon, 13 Jan 2014 11:09:00 +0000

വിവരാവകാശ നിയമം നമ്മുടെ കൈയിലെ ഏറ്റവും പവര്‍ ഫുള്‍ ആയ ആയുധം തന്നെ ഈ ജനാധിപത്യ വ്യവസ്ഥിതിയില്‍ .

വിവരവകാശത്തെ കുറിച്ചുള്ള ചില വിവരങ്ങള്‍ പ്ലസിലെ ചില സുഹൃത്തുക്കള്‍ പങ്കു വെച്ചത് ക്രോഡീകരിച്ചു ഇവിടെ ഇടുന്നു ..പിന്നെ വന്നു നോക്കുമ്പോള്‍ ഉപ്കാരമാവൂലോ ..

എന്താണ് ഈ വിവരാവകാശ നിയമം ?

രാഹുല്‍ : നമ്മളൊക്കെ ഇപ്പോ ചർച്ച ചെയ്യുന്ന ലോക്പാലിനേക്കാൾ ശക്തിയുള്ള നിയമമാണു.എന്റെ അഭിപ്രായത്തിൽ ഇന്ത്യയിൽ നിലവിലുള്ളതിൽ വെച്ച് ഏറ്റവും പ്രാധാന്യമുള്ള നിയമമാണു വിവരാവകാശ നിയമം.നമ്മളെപ്പോലുള്ളവർ ഈ വിവരാവകാശ നിയമം വേണ്ടവിധം ഉപയോഗിച്ചാൽ മാത്രം മതി ലോക്പാലിന്റെയൊന്നും ആവശ്യമില്ല്ലാതെ തന്നെ അഴിമതിയൊക്കെ തുടച്ച് നീക്കാൻ കഴിയും.സർക്കാർ നമ്മുടെ കൈയ്യിൽ തന്നിരിക്കുന്ന ഒരു ആയുധമാണു വിവരാവകാശ നിയമം.പക്ഷേ അത് നമ്മൾ വേണ്ടവിധം ഉപയോഗിക്കുന്നില്ലെന്നതാണു കഷ്ടം

കേന്ദ്ര-സംസ്ഥാന സർക്കാർ ഓഫീസുകളുടെ കൈവശമുള്ള രേഖ ഏതൊരു പൌരനും പരിശോധിക്കാൻ അവകാശം തരുന്ന നിയമമാണു വിവരാവകാശ നിയമം.(ഒഴിവാക്കപ്പെട്ട വിവരങ്ങളും ഉണ്ട്) എല്ലാ ഓഫീസുകളിലും ഒരു വിവരാവകാശ ഓഫീസർ കാണും.ഏത് ഓഫീസിൽ നിന്നാണു വിവരം അറിയേണ്ടതോ അവിടുത്തെ വിവരാവകാശ ഓഫീസറെ ഇതിനു സമീപിക്കാം.

ആര്‍ക്കു പരാതി കൊടുക്കണം ?

തൗഫി : സര്‍ക്കാര്‍ വകുപ്പുകളിലെ കാര്യങ്ങള്‍ അറിയാന്‍ പൊതുജനങ്ങള്‍ക്കുള്ള അവകാശത്തിന്റെ പൂര്‍ത്തീകരണത്തിനാണ് വിവരാകാശ നിയമം ഏര്‍പ്പെടുത്തിയിട്ടുള്ളത്. വിവരങ്ങള്‍ക്ക് എല്ലാ ഓഫീസുകളിലും പബ്ലിക് ഇന്‍ഫര്‍മേഷന്‍ ഓഫീസര്‍മാരെ നിയമിച്ചിട്ടുണ്ട്.

എങ്ങനെ കൊടുക്കാം ?

ഏതു വകുപ്പില്‍ നിന്നാണോ നമുക്ക് വിവരങ്ങള്‍ അറിയേണ്ടത് അവിടുത്തെ പബ്ലിക് ഇന്‍ഫര്‍മേഷന്‍ ഓഫീസര്‍ക്ക് ഒരു വെള്ള പേപ്പറില്‍ പത്തു രൂപ കോര്‍ട്ട് ഫീ സ്റ്റാമ്പ് പതിച്ച് ലഭിക്കേണ്ടുന്ന വിവരങ്ങള്‍ അക്കമിട്ടു ചോദിച്ച് അപേക്ഷ കൊടുത്താല്‍ മതി.

ഫീസ്‌ ഉണ്ടോ ?

നാം ആവശ്യപ്പെടുന്ന വിവരങ്ങള്‍ എത്ര പേജ് വരും എന്നതിനനുസരിച്ച് വിവരങ്ങള്‍ ലഭിക്കുന്ന സമയം ഒരു പേജിനു രണ്ടു രൂപ നിരക്കില്‍ ഫീസ്‌ നല്‍കേണ്ടി വരും.

ഫീസിളവ് ഉള്ളവര്‍ :

ദാരിദ്ര്യരേഖക്ക് താഴെയുള്ളവരുടെ അപേക്ഷകള്‍ക്ക് യാതൊരു ഫീസും നല്‍കേണ്ടതില്ല.

ഈ വിഭാഗത്തില്‍പ്പെട്ടവരാണ് അപേക്ഷിക്കുന്നത് എങ്കില്‍ ഫീസ്‌ ഒഴിവാക്കിക്കിട്ടാന്‍ അപേക്ഷ നല്‍കുന്ന സമയത്ത് BPL ആണെന്ന് തെളിയിക്കുന്നതിനുള്ള രേഖകള്‍ സമര്‍പ്പിച്ചാല്‍ മതി.

എത്ര ദിവസത്തിനുള്ളില്‍ വിവരങ്ങള്‍ ലഭ്യമാകും ?

അപേക്ഷ സമര്‍പ്പിക്കുന്ന ദിവസം മുതല്‍ മുപ്പതു ദിവസത്തിനുള്ളില്‍ മറുപടി നല്‍കണം എന്നാണു നിയമം.

സാധിച്ചില്ല എങ്കില്‍ ?

ഈ ദിവസത്തിനുള്ളില്‍ ബന്ധപ്പെട്ട ഉദ്യോഗസ്ഥന്‍ കൃത്യമായ വിവരങ്ങള്‍ നല്‍കിയില്ലെങ്കില്‍ ഒരു ദിവസത്തിനു 250 രൂപ എന്ന നിരക്കില്‍ ഉദ്യോഗസ്ഥന്‍ പിഴ നല്‍കാന്‍ ബാധ്യസ്ഥനാണ്.

തെറ്റായ വിവരങ്ങളാണ് ഉദ്യോഗസ്ഥന്‍ നല്കുന്നതെങ്കിലോ, നിശ്ചിത ദിവസത്തിനകം മറുപടി ലഭിക്കുന്നില്ലെങ്കിലോ ആദ്യം ആ ഓഫീസിലെ തന്നെ അപ്പീല്‍ അധികാരിയെ സമീപിക്കാം.

ബന്ധപ്പെട്ടവരില്‍ നിന്നും വ്യക്തമായ മറുപടി ലഭിക്കുന്നില്ലെങ്കില്‍ വിവരാവകാശ കമ്മീഷനില്‍ പരാതി സമര്‍പ്പിക്കാവുന്നതാണ്.

ഏതെല്ലാം വിവരങ്ങള്‍ ഇതിന്റെ പരിധിയില്‍ വരുന്നില്ല ?

രഹസ്യ സ്വഭാവമുള്ള വിവരങ്ങളും ആഭ്യന്തര-സുരക്ഷിതത്വത്തെ സംബന്ധിച്ച വിവരങ്ങളും ഇതില്‍ നിന്ന് ഒഴിവാക്കപ്പെട്ടിട്ടുണ്ട്.

അപേക്ഷാ മാതൃക :

സ്വീകര്‍ത്താവ്
സംസ്ഥാന പൊതുവിവരാവകാശ ഓഫീസര്‍
(ഓഫീസിന്റെ/സ്ഥാപനത്തിന്റെ പേരും വിലാസവും)

1.   അപേക്ഷകന്റെ മുഴുവന്‍ പേര്:

2.   മേല്‍ വിലാസം:

3.ആവശ്യപ്പെടുവിവരങ്ങളുടെ വിശദാംശങ്ങള്‍
    (വിഷയത്തിന്റെ വിഭാഗം കൂടി വ്യക്തമാക്കുക)   :

4.   വിവരങ്ങളുമായി ബന്ധപ്പെട്ട വര്‍ഷം   :

5.   മറ്റ് പ്രസക്തമായ പരാമര്‍ശങ്ങള്‍ ഉണ്ടെങ്കില്‍ അവ   :

സ്ഥലം :
തീയതി :                                                       അപേക്ഷകന്റ ഒപ്പ്

ഇതാണു അപേക്ഷാ ഫോം.ഇത് പൂരിപ്പിച്ച് ഒരു പത്ത് രൂപയുടെ കോർട്ട് ഫീ സ്റ്റാമ്പും ഒട്ടിച്ച് വിവരം അറിയേണ്ട ഓഫീസിലെ വിവരാവകാശ ഓഫീസർക്ക് കൊടുത്താൽ മതി
ഇത്തരത്തിൽ അപേക്ഷ കൊടുത്ത ശേഷം അപേക്ഷ സ്വീകരിച്ചതായുള്ള രസീത് വാങ്ങാം

രേഖകൾ വേണമെങ്കിൽ ഓഫീസിൽ നിന്ന് നമ്മുക്ക് നേരിട്ട് പരിശോധിക്കുകയോ കോപ്പിചെയ്യുകയോ ചെയ്യാം.അതിനു പ്രത്യേക ഫീസുണ്ട്.സി.ഡിയിൽ കോപ്പി ചെയ്യുന്നതിനും മറ്റും.

ലിങ്ക് : https://plus.google.com/u/0/106289828989576273145/posts/EXuvzuc47J5

പങ്കെടുത്തവര്‍ : ഞാന്‍ :) , അച്യുത് ബാലകൃഷ്ണന്‍ , ജെറി ചെറിയാന്‍ ,തൗഫി ,രാഹുല്‍ ,സെജാല്‍ ,ബെസ്റ്റ്‌ ഫ്രെണ്ട് .

Donate Blood

noreply@blogger.com (The Editors Catalogue) — Mon, 13 Jan 2014 10:59:00 +0000

കൊച്ചീലെ IMA VOLUNTARY BLOOD BANK ബ്ലഡ്‌ കൊടുക്കല്‍ -വാങ്ങല്‍ സ്ഥലം വരെയൊന്നു പോയി ...

സ്ഥലം : മഹാരാജാസ് ഗ്രൌണ്ട് ലെ കല്യാണ്‍ സില്ക്സിനു അടുത്തൂടെയുള്ള സ്ഥലം , നമ്മുടെ ഷാപ്പ്‌ കറി കട കഴിഞ്ഞിട്ട് ലേശം കൂടി മുന്നോട്ട് പോയാല്‍ ലെഫ്റ്റ് സൈഡില്‍ ആണ് സംഗതി .
Ph : 04842361549

ഡേ ആന്‍ഡ്‌ നൈറ്റ്‌ സര്‍വീസ് ആണ് . എ സീ യൊക്കെ യിട്ട് നീറ്റ് ആന്‍ഡ്‌ സുന്ദരം . വൃത്തിയ്ക്കു എല്ലാം പറഞ്ഞു തരുന്ന റിസെപ്ഷന്‍ ചേച്ചി . അവിടെ പോയപ്പോള്‍ ക്ലിക്കി കൂട്ടിയതാണ് താഴെ ..

പോയത് കൊണ്ട് കൊറേ ഡൌട്ട്സ് ക്ലിയര്‍ ചെയ്യാന്‍ പറ്റി .

ഒന്ന് : ബ്ലഡ്‌ കൊടുക്കാന്‍ മിനിമം പതിനെട്ടു വയസ് പൂര്‍ത്തിയാവണം
രണ്ടു : മൂന്നു മാസത്തിലൊരിക്കല്‍ ബ്ലഡ്‌ കൊടുക്കാം
മൂന്നു : ആരോഗ്യമുള്ള ഒരാള്‍ക്ക്‌ 450 ml ബ്ലഡ്‌ കൊടുക്കാം .
നാല് : ബ്ലഡ്‌ കൊടുക്കുന്നതിനു മുന്‍പ് ഭക്ഷണം കഴിക്കാം , കഴിക്കണം .
അഞ്ചു : ഡോക്ടര്‍ നിര്‍ദേശിച്ചു ബ്ലഡ്‌ കളയാന്‍ ( ഈ ബ്ലഡ്‌ ദാനം ചെയ്യാന്‍ പറ്റില്ല ) ആണെങ്കില്‍ ഡോക്ടറുടെ കുറിപ്പും ഒരു ബാഗും കൊണ്ട് വരണം .
(ബ്ലഡ്‌ ഡോനെഷന് ഇത് ബാധകമല്ല )

ആറു : ഡോനെറ്റ് ചെയ്യപ്പെടുന്ന ബ്ലഡ്‌ 48 മണിക്കൂറിനുള്ളില്‍ നമ്മുടെ ശരീരത്തില്‍ പുനര്‍നിര്‍മ്മിക്കപ്പെടുന്നതായിരിക്കും. .

#bloodbank #kochi #blooddonation

നോ സ്മോക്കിംഗ് സീരീസ് ..

noreply@blogger.com (The Editors Catalogue) — Fri, 31 May 2013 07:29:00 +0000

നോ സ്മോക്കിംഗ് സീരീസ് ..
പുക വലിക്കണേന്റെ അടുത്തൂടി നില്ക്കാന്‍ പറ്റാത്ത ഞാന്‍ ചുമച്ചു ചുമച്ചു ദൂരേന്നു ക്ലിക്കി കൂട്ടിയ പടം ...

പുക വലിച്ചോണ്ട് " നോക്കിക്കേ ..ന്നെ കണ്ടാല്‍ ത്തിരി ബുജി ഫീല്‍ തോന്നണില്ലേ " ന്നൊക്കെ കണ്ണോണ്ട് ചോയ്ക്കണ ചേട്ടന്മാര്‍ക്കും " "ഞാനൊന്ന് പൊകചേച്ചു വരാം കൊച്ചെ ...പൊകയടിക്കണ്ട " ന്നു പറയണ കൂട്ടാര്‍ക്കും ടെഡിക്കെഷം ..

കഖഗഘങ- caligraphy

noreply@blogger.com (The Editors Catalogue) — Fri, 31 May 2013 07:27:00 +0000

കഖഗഘങ(8 photos)
ഭട്ടതിരി മാഷിനെ കണ്ടു .. കുറെ കുഞ്ഞു കുട്ടികളുടെ നടുവില്‍ .. ആ കുസൃതികളുടെ " ഈ ആന ന്നു എങ്ങനാ എഴുത്വാ " ന്നോക്കെയുള്ള ചോദ്യങ്ങള്‍ക്കിടയില്‍ മറ്റൊരു നിഷ്കളങ്കചിരിയും ചേര്‍ത്ത് വെച്ച് ചമ്രം പടിഞ്ഞിരിക്കുന്ന
മാഷ്‌ ..

അടുത്ത് തുരു തുരെ സംശയങ്ങള്‍ ചോദിച്ചും വരപ്പിച്ചും സേര എന്ന മിടുക്കിക്കുട്ടി ..പിന്നെ ഗായത്രി , കല്യാണി ..

"അതേയ് ... നേരത്തെ എഴുതിയ ആ മലയാളം ഒന്നൂടി എഴുതി തര്വോ ..? " ന്നു സൈറ

. " അതിപ്പോ .. ഓരോ തവണയും ഓരോ ഭാവം പോലെയാ ..അപ്പൊ വരണ പോലെ എഴുതും .. " "ന്നാ ഇപ്പൊ എങ്ങനാ വരണേ ..അതെഴുതിത്തര്വോ .. " ന്നായി അവള്‍ .. :)

"വീട്ടില്‍ ചെന്ന് വരച്ചു തുടങ്ങ്വോ "
"ഉം .. "
"എപ്പോ തൊടങ്ങും..? "
"നാളെ .... ! "
"നാളെയോ ...?"
"ഊഹും ..ഇന്ന് തുടങ്ങും .." മറ്റൊരു മിടുക്കന്‍ ...

പൊട്ടിച്ചിരിച്ചു മാഷ്‌ , ഉണ്ണീന്നു പലതവണ തെറ്റി വിളിച്ച രാമു ..പിന്നെ പേര് ചോയ്ക്കാന്‍ വിട്ടു പോയ മറ്റേ മാഷ്‌ .. :)

ഫോണ്ടുകളുടെയും ലിപിവ്യന്യാസങ്ങളുടെയും കാലത്തിനും മുന്നേ അക്ഷരങ്ങള്‍ കൊണ്ട് കഥയെഴുതുന്ന മാഷ്‌ ..വിസ്മയം തോന്നി ....

പൊടുന്നനെയെന്നോണം വാക്കുകള്‍ ഇങ്ങനെ പിറന്നുവീഴുകയാണ് വൈവിധ്യമാര്‍ന്ന അനവധി രൂപങ്ങളായ്‌... ... .......
വലിയൊരു വിസ്മയമാണ് മാഷും ആ വരകളും ..

#caligraphy #bhattathiri #kachadathapa

അകം

noreply@blogger.com (The Editors Catalogue) — Fri, 31 May 2013 07:25:00 +0000

അകം കണ്ടു .. ആകാംഷയോടെ തന്നെ ..
മലയാറ്റൂരിന്റെ യക്ഷി പണ്ടെങ്ങോ വായിച്ചത് ഓരോ താളുകളായി മുന്നിലുള്ളത് കൊണ്ട് പിന്നെയെന്ത് പിന്നെയെന്ത് എന്നൊരു ചോദ്യം ഇല്ലായിരുന്നു .. പഴയ കോളേജ് അധ്യാപകനെ അര്ചിറെക്ക്റ്റ് /വിഷ്വലൈസര്‍ / പോലെ വരക്കാരനായി മോഡേണ്‍ ആക്കി പുതിയൊരുന്മേഷം കൊണ്ട് വരാന്‍ ശ്രമിച്ചിരിക്കുന്നു . എത്രയായിട്ടും ശ്രീനി എന്നാ മാഷും കെമിസ്ട്രി ലാബും തുമ്പികളും ഇടവഴികളും രാഗിനിയുടെ വീട്ടിലെ ലൈറ്റും മാത്രമാണ് മനസ്സില്‍ ..

കാസ്റിംഗ് കൊള്ളാം .. യക്ഷിയെ ആ കുട്ടിക്ക് ( അനുവെന്നോ മറ്റോ ആണ് പേര് ) താങ്ങാന്‍ ആവുന്നതിനും അപ്പുറത്താണ് .. എങ്കിലും പുതുമുഖത്തിന്റെ പതര്ച്ചയോന്നും കൂടാതെ ഏറെക്കുറെ നന്നായി പരിശ്രമിച്ചിരിക്കുന്നു ..

ഫഹദ് എന്നത്തേയും പോലെ ഓരോ സീനും കണ്ണുകള്‍ കൊണ്ടും പാതി കരിഞ്ഞ മുഖത്തിന്റെ തീക്ഷണത കൊണ്ടും നമ്മെ വിസ്മയിപ്പിക്കുന്നു .. കുറച്ചേയുള്ളൂവെങ്കിലും താരയും (Shelly Kishore) ഒതുക്കമുള്ള അഭിനയം .ആ കുട്ടിയെ നമ്മള്‍ നേരത്തെ കണ്ടെടുക്കണമായിരുന്നു എന്ന് തോന്നി .

ക്യാമറ അതീവ ഹൃദ്യം .. കറക്കിയെടുക്കലോ ഭ്രമിപ്പിക്കലോ ഇല്ല .തെളിമയുള്ള മനസ്സില്‍ പതിയുന്ന ചിത്രങ്ങള്‍ പോലെ വാക്കുകള്‍ക്കുമപ്പുറത്തേക്ക് സംവദിക്കുന്നവ .പ്രത്യേകിച്ചും പായല്‍ നിറഞ്ഞ കുളത്തില്‍ കസവ് സാരിയുടുത്ത് വിളറിയ മഞ്ഞ മുഖത്തോടെ കിടക്കുന്ന രാഗിണി ..അവളുടെ പിന്‍നടത്തങ്ങള്‍ .. .ഇടയ്ക്ക് ഇരുളിലും വെളിച്ചത്തിനും മാറി മറയുന്ന ഭാവങ്ങള്‍ .. തുമ്പികള്‍ ..

മണലില്‍ കാല്പാടുകള്‍ക്കുമേല്‍ സ്വന്തം കാല്പാടുകള്‍ വെച്ച് അവളെ തിരഞ്ഞു നടക്കുന്ന നായകനെ പോലെ ഓരോ സീനിലും ഞാന്‍ വായനക്കാരന്റെ യക്ഷിയെ തിരയുകയായിരുന്നു . അത് കൊണ്ട് തന്നെ എനിക്കത്രയും പുസ്തകത്തോളം പൂര്‍ണമായി തോന്നിയുമില്ല ... പുതിയൊരു കണ്ണിന്റെ കാഴ്ച്ചയുടെ നവ്യാനുഭവം കൊണ്ട് അകം ഞാനെന്റെ ഹൃദയത്തില്‍ ചേര്‍ത്ത് വെയ്ക്കുന്നു .

The steps

noreply@blogger.com (The Editors Catalogue) — Fri, 31 May 2013 07:22:00 +0000

പടികയറി വരുന്തോറും മുഖങ്ങളോരോന്നും കയറിവരികയാണ് മനസിലെക്കിങ്ങനെ ...

വാക്ക് പൊട്ടിയും മിനുക്കിയും ആത്മാവ് പങ്കിട്ടും ജീവന്‍ കൊടുത്തവ ..

കരിയിലകള്‍ പുതച്ച വഴികളില്‍ എകാന്തമാം അനാഥത്തില്‍ ആഴന്നു പോകുന്നവ .

"അത് ഒരു തത്തയുടെ ജഡമായിരുന്നു ..

noreply@blogger.com (The Editors Catalogue) — Fri, 31 May 2013 07:21:00 +0000

"അത് ഒരു തത്തയുടെ ജഡമായിരുന്നു .. " -- അയ്യപ്പന്‍

ചുവരെഴുത്തുകള്‍ എക്കാലത്തെയും കലാലയത്തിന്റെ നേര്‍ക്കാഴ്ചകള്‍ ആയിരുന്നു ..ചിന്തകളുടെയും ആശയങ്ങളുടെയും കെട്ടുപിണഞ്ഞു കിടക്കുന്ന അതിരുകളില്ലാത്ത ഒന്നു ..

എനിക്കൊരിക്കലും കിട്ടാതെ പോയ ആ കാലം ..
നീളന്‍ വരാന്തകളും ഇടനാഴികളും പേരുകള്‍ തമ്മില്‍ കൂട്ടിഴുതി കുമ്മായം പൊടിഞ്ഞ ചുവരുകളും അന്യോന്യം സംസാരിച്ചിരിക്കുന്ന നിഴലുകളും .. ..പൊതിചോരിന്റെ ഗന്ധവും എല്ലാം ...'

പുഴ

noreply@blogger.com (The Editors Catalogue) — Fri, 31 May 2013 07:19:00 +0000

പുഴ ... പുഴ ..പുഴ .. :)
ഇവിടിങ്ങനെ ഒറ്റയ്ക്കിരുന്നു എന്തൊക്കെയോ എഴുതിക്കൂട്ടാന്‍ തോന്നണു ...
അല്ലേല്‍ ...നേരം വെളുത്തു ഒരു കപ്പു കട്ടനടിച്ചോണ്ട് ഇതിലെയിങ്ങനെ നടക്കാന്‍ തോന്നണു ... നിറയെ മീനോളൊക്കെ ഉണ്ടോ ആവോ ?

അവള്‍

noreply@blogger.com (The Editors Catalogue) — Fri, 31 May 2013 07:17:00 +0000

ഇതവളുടെ വീടാണ് ..
ഒരുപക്ഷേ തുറന്നിട്ടിരിക്കുന്ന ജനല്‍പ്പാളി തെല്ലു നീക്കി മുടികോതിയൊതുക്കാനെന്നമട്ടില്‍ അവളിതുവഴി വന്നേക്കാം ...
പടികയറി അവള്‍ പോയ വഴികളില്‍ നിന്നു മിടിക്കുന്ന ഹൃദയത്തോടെ പെറുക്കിയെടുത്ത കൊന്നപ്പൂക്കള്‍ എന്റെ കൈക്കുടന്നയില്‍ നിന്നു നിര്‍ന്നിമേഷയായി അവളെ നോക്കുന്നത് കണ്ടില്ലെന്നു നടിച്ചേക്കാം ..ചിലപ്പോള്‍ ... ഒരു ചെറു പുഞ്ചിരി നീര്‍ത്തി നിന്നേക്കാം ...

അകലെ

noreply@blogger.com (The Editors Catalogue) — Fri, 31 May 2013 07:14:00 +0000

അകലെ ..മരങ്ങള്‍ക്കും മേഘങ്ങള്‍ക്കും മേലെ ..
ഒരു മഴക്കീറിന്റെ ചീന്തും കൊണ്ട് ഒരു കാറ്റ് പതിയെ ഒഴുകിവരുന്നുണ്ട് ..
അവളെത്തും മുന്നേ .. ചെന്നെത്തണം എനിക്കാ കരിമിഴി നീട്ടി നോക്കിയ ആ പ്രണയത്തിന്‍ കുടയ്ക്കുള്ളില്‍ ...

Art

noreply@blogger.com (The Editors Catalogue) — Fri, 31 May 2013 07:14:00 +0000

അലസമായൊരുച്ചനേരം ..
കൈയിൽ കിട്ടിയ ഒരു വെള്ളക്കടലാസ് ..
താളുകൾ മറിഞ്ഞു മുന്നിൽ വന്നുകയറിയ ഒരു ചിത്രം ..
പതിയെ ബ്ലാക്ക്‌ ആൻഡ്‌ വൈറ്റിലേക്ക് ..