Socialist Circle_سوشلسٽ سٿ

بُک ریویو,امیرکن مارکسزم:مصنف : مارک لیون Book Review: American Marxism,Mark R Levin

2021-08-09T06:19:00.006-07:00

بُک ریویو (Book Review)
امیرکن مارکسزم (American Marxism)
مصنف : مارک لیون (Mark R Levin)

2009 میں"آزادی اور ظلمت (Liberty and Tyranny) " کے بعد مارک لیون (Mark R Levin) کی یہ دوسری اہم تصنیف ہے۔یہ کتاب امیریکا کے سیاسی، سماجی اور معاشی خدوخال کو دیکھ کر امیریکا میں مارکسی نظریہ کی اہمیت اور اثر پہ تحریر کی گئی ہے۔یہ مارکسی نقطہ نظر پہ کتنی پوری اترتی ہے وہ تو مارکسی دانشور اور سیاستدان ئی بتا سکتے ہیں۔ بعد مارک لیون (Mark R Levin) امیریکن میڈیا اور دانشورانہ حلقوں میں بہت مقبول شخصیت ہے۔ یہ سابقہ امیریکی صدر رونالڈ ریگن کے ساتھ اسٹاف اٹارنی کے طور پر بھی کام کر چکے ہیں۔

اپنی حالیہ مشہور کتاب " امیرکن مارکسزم (American Marxism) میں وہ لکھتے ہیں کے "مارکسی نظریہ اس وقت امیریکا میں بہت وسیع پیمانے میں اپنے اثرات چھوڑ چکا ہے۔اب مارکسزم امیریکا کے اسکولوں، صحافت، کارپوریشنز، ہالی ووڈ فلم انڈسٹری اور ڈیموکریٹک پارٹی میں بھی اپنی جڑیں مضبوط کت چکی ہے۔لیون اپنی کتاب میں لکھتے ہیں کے مارکسی نظریہ اب دانشوروں، اسکالرز اور اداروں پھیل چکا ہے اور وہ اب انقلاب کی رہنمائی میں لگے ہیں۔

یہ کتاب ہمارے یہاں کے قومی ، جمہوری اور سوشلسٹ تحریکوں سے جڑے سیاسی کارکنوں اور رہنمائوں کے لیئے بہت اہم دستاویز ہے۔جس سے جدید دنیا میں ماکسی نظریات کی فتح کا پرچم دیکھ کر اپنی تحریکوں کو بھی بڑے زور و شور سے جدوجہد تیز کر سکتے ہیں۔

یہ کتاب امیرکن آن لائیں ڈیجیٹل بزنس کمپنی ایمازون (Amazon) نے شایع کیا ہے۔اس کتاب کو آپ ایمازون سے آن لائین خرید سکتے ہیں۔لنک نیچے کتاب کی تصویر میں موجود ہے۔ اس کتاب کی قیمت 16 ڈالر ہے۔اور پاکستانی روپیوں میں یہ تقریبن 2600 سے کچھ زیادہ روپیہ بنتے ہیں۔

ہونٹوں پر چھالے اور ہرپیس وائرس ترجمہ و تلخیص: قدیر قریشی Article by Qadeer Qureshi Pimples and Herpes virus on Lips

2021-08-07T08:47:00.006-07:00

ہونٹوں پر چھالے اور ہرپیس وائرس
(Pimples and Herpes virus on Lips)

ترجمہ و تلخیص: قدیر قریشی

معمولی نزلہ زکام کے بعد ہونٹوں پر چھالے پڑ جانا ایک عام شکایت ہے۔ ان چھالوں کو cold sores کہا جاتا ہے اور یہ ہرپیس وائرس HSV-1 کی وجہ سے بنتے ہیں۔ یہ چھالے ہونٹوں کے علاوہ چہرے، ناک، یا گالوں پر بھی بن سکتے ہیں۔

جب یہ وائرس پہلی بار جسم میں داخل ہوتا ہے تو مریض کو بخار تو محسوس ہوتا ہے لیکن اس وقت منہ پر چھالے نہیں بنتے۔ ہمارے جسم کا مدافعتی نظام اس وائرس کے خلاف جنگ کے دوران جسم میں اینٹی باڈیز پیدا کرتا ہے جو اس وائرس کو جسم سے ختم کرنے کی کوشش کرتے ہیں۔ لیکن یہ وائرس ہمارے جسم کے اعصابی نظام یعنی nerve cells میں چھپ جاتا ہے اور یوں اینٹی باڈیز سے اوجھل ہو جاتا ہے۔ چنانچہ ہمارا مدافعتی نظام اس وائرس کو جسم سے مکمل طور پر ختم نہیں کر پاتا۔

مختلف لوگوں میں ان چھالوں کے نکلنے کا امکان مختلف ہوتا ہے۔ کچھ لوگ ایسے بھی ہیں جن کے جسم میں یہ وائرس موجود ہوتا ہے لیکن انہیں کبھی چھالے نہیں نکلتے۔ زیادہ تر لوگوں میں یہ وائرس غیر فعال رہتا ہے۔ لیکن اگر سالوں بعد بھی کسی وجہ سے اس وائرس کو اپنی کاپیاں بنانے کا موقع مل جائے تو یہ چھالے نمودار ہو سکتے ہیں۔

جب یہ وائرس فعال ہو جائے تو نرووز میں سے جلد تک پہنچ کر اپنی کاپیاں بنانے لگتا ہے جس کا نتیجہ یہ چھالے ہوتے ہیں۔ ہمیں یہ علم نہیں ہے کہ یہ وائرس فعال کیوں ہو جاتا ہے لیکن سٹریس یا جسم میں ہارمونز کی تبدیلی ان کے فعال ہونے کا باعث بن سکتی ہے۔

عام طور پر ہمارا مدافعتی نظام اس وائرس کو کاپیاں بنانے سے روکے رکھتا ہے اس لیے یہ چھالے ہر وقت نہیں بنتے۔ لیکن اگر کسی وجہ سے ہمارا مدافعتی نظام کسی اور بیماری کے خلاف جنگ کر رہا ہو تو اس وائرس کو اپنی کاپیاں بنانے کا موقع مل جاتا ہے۔ اس کے علاوہ موسم میں اچانک تبدیلی سے بھی یہ وائرس فعال ہو جاتا ہے۔ چھالے بنانے کے بعد یہ وائرس دوبارہ خاموش ہو جاتا ہے اور حسب معمول ہمارے اعصاب کے خلیوں میں چھپ جاتا ہے۔فی الحال اس وائرس کے خلاف کوئی دوا موجود نہیں ہے۔ اگر یہ وائرس جسم میں ایک دفعہ داخل ہو جائے تو تمام عمر جسم میں موجود رہتا ہے۔ اس وائرس کی وجہ سے چھالے ممکن ہے عمر میں دو تین دفعہ ہی نکلیں لیکن یہ بھی ممکن ہے کہ سال میں کئی دفعہ نکل آئیں جس وقت ہمارے چہرے پر چھالے بن رہے ہوتے ہیں اس وقت یہ وائرس آسانی سے کسی دوسرے کو لگ سکتا ہے۔ جب چھالے(Pimples) نہ بن رہے ہوں اس وقت اس وائرس(Herpes virus) کے کسی اور کو لگنے کا امکان کم ہوتا ہے اگرچہ اس حالت میں بھی یہ وائرس دوسروں کو لگ سکتا ہے۔ اکثر اوقات ہمیں خود یہ معلوم نہیں ہوتا کہ ہرپیس وائرس ہمارے جسم میں سرائیت کر چکا ہے۔ اس لیے یہ وائرس خاموشی سے ایک شخص سے دوسرے شخص میں منتقل ہوتا رہتا ہے۔

اگر کسی شخص کے جسم میں یہ وائرس موجود ہو تو ایسے شخص کو چھونے سے یہ وائرس دوسروں کو لگ سکتا ہے۔ چنانچہ بوسہ بازی سے، ایک دوسرے کو چھونے سے، یا محض ایک دوسرے کے برتن میں کھانا کھانے سے یہ وائرس دوسروں میں پھیل سکتا ہے۔ اکثر لوگوں کو یہ وائرس بچپن میں ہی لگ جاتا ہے۔ ایک اندازے کے مطابق دنیا کے 67 فیصد لوگوں کے جسم میں یہ وائرس موجود ہے۔

اس وائرس کی دو قسمیں ہیں- HSV1 وہ قسم ہے جس سے منہ پر چھالے نکلتے ہیں جبکہ HSV2 وہ قسم ہے جو جنسی تعلقات سے پھیلتا ہے اور جس سے جنسی اعضا پر چھالے بننے لگتے ہیں۔

ہونٹوں پر چھالے اور ہرپیس وائرس ترجمہ و تلخیص: قدیر قریشی Article by Qadeer Qureshi Pimples and Herpes virus on Lips

سب کچھ بہتا ہے اس سے کیا مراد ہے؟ تحریر: غلام مصطفی( جی ایم) ?Article by Ghulam Mustfa(G.M) what is meant by Everything flows

2021-08-07T07:04:00.005-07:00

سب کچھ بہتا ہے اس سے کیا مراد ہے؟
?"what is meant by " Everything flows

تحریر: غلام مصطفی( جی ایم)

ہریکلیٹس (Heraclitus) (بی سی 480۔540)ایک یونانی فطرتی فلسفہ دان تھا۔ہریکلیٹس بھی تھالیس، ان اگزیمنڈر ، انگزیمینیز ، کی طرح یہ یقین رکھتا تھا کہ پوری کائنات ایک بنیادی شے سے وجود میں آئی ہے لیکن وہ شے نا ہی پانی ، ایپرون اور ہوا ہے بلکہ وہ بنیادی شے ""آگ"" ہے۔ہریکلیٹس کہتا تھا کہ روح آگ اور پانی کے ملاپ سے بنا ہوا ہے۔ جو انسان اچھے ہیں ان کا روح آگ سے بنا ہوا ہے اور جوکہ نیچ اور برے انسان ہیں ان کا روح پانی سے بنا ہوا ہے اور اکثر انسانوں کا روح آگ اور پانی کے درمیان سے بنا ہوا ہے۔

ہریکلیٹس آگ کی مثال کچھ اس طرح دیا کرتا تھا۔

"" All things are into Change of fire and fire for all things , just like goods for gold and gold for goods""

جس کا مطلب ہے کہ جس طرح آپ مارکیٹ میں جاکر سونا دے کر کوئی اور چیز خرید سکتے ہیں اسی طرح ہی آگ بھی دوسری چیزوں میں تبدیل ہوسکتا ہے۔ہریکلیٹس یقین رکھتا تھا کہ پوری کائنات کچھ بنیادی اصول وقوانین کے مطابق چل رہی ہے۔ جسے وہ ""logos""کہا کرتا تھا۔لوگو (logos) یونانی لفظ ہیں جس کے بہت سارے مختلف معنی ہیں لیکن یہاں ہریکلیٹس کا اس سے مراد ""Reason"" اصول و قوانین تھا اور وہ کہا کرتا تھا۔

""This logos holds always but human always prove, unable to understand""

یہ لوگو (اصول و قوانین) پوری کائنات میں قائم ہے مگر انسان کی سوچ اسے سمجھ نہیں پاتی ہے۔

جس طرح Parmenides کا یقین تھا کہ پوری کائنات مستقل(constant ) ہے اور اس میں کوئی تبدیلی نہیں ہو رہی ہے۔اسی طرح ہریکلیٹس کا بھی یقین تھا کہ پوری کائنات مستقل تبدیلی کی حالت میں ہے۔

ہر یکلٹس کہا کرتا تھا کہ

"Everything flows "

سب کچھ بہتا ہے۔

اس سے ہریکلیٹس کا مراد یہ تھا کہ جس طرح دریا میں پانی بہتا ہے اور تبدیل ہوتا رہتا ہے یعنی ایک پانی کے جگہ دوسرا پانی لیتا ہے پیچھے والا پانی آگے چلا جاتا ہے اور آگے والا پانی اس سے آگے چلا جاتا ہے اسی طرح پوری کائنات میں بھی تبدیلیاں رونما ہوتی رہتی ہیں۔آسان الفاظ میں یوں کہ دریا تو ایک ہے لیکن اس کے اندر لگاتار پانی تبدیل ہوتا رہتا ہے۔اسی طرح پوری کائنات میں جو بھی چیزیں ہیں بظاہر تو ان میں کوئی تبدیلی نظر نہیں آتی ہے لیکن ان میں تبدیلی ہوتی رہتی ہے اور یہ تبدیلی مستقل ہو رہی ہوتی ہے۔

سب کچھ بہتا ہے اس سے کیا مراد ہے؟ تحریر: غلام مصطفی( جی ایم) ?Article by Ghulam Mustfa(G.M) what is meant by Everything flows

چار لڑیوں والا ڈی این اے ترجمہ و تلخیص: قدیر قریشی Article by Qadeer Qureshi Four Strands DNA

2021-08-06T07:22:00.006-07:00

چار لڑیوں والا ڈی این اے
(Four Strands DNA)

ترجمہ و تلخیص: قدیر قریشی

سائنس دانوں نے انسانی خلیوں میں ڈی این اے(DNA) کی ایک ایسی شکل دریافت کی ہے جس میں دو کے بجائے چار لڑیاں (Four strands) ہیں۔ اس نئی دریافت سے کینسر کو جلد ڈیٹیکٹ کرنا ممکن ہو جائے گا۔ عام طور پر ڈی این اے دو لڑیوں پر مشتمل ہوتا ہے اور اس کی شکل double helix کی سی ہوتی ہے۔ لیکن ٹیسٹ ٹیوبز میں بعض اوقات ڈی این اے کی کچھ غیرمعمولی شکلیں بھی دیکھنے کو ملتی ہیں۔ البتہ زندہ خلیوں میں ڈی این اے ہمیشہ دو لڑیوں کی صورت میں ہی پایا گیا ہے۔

لیکن اب سائنس دانوں نے ایک ایسی ایڈوانسڈ probe ڈیزائن کی ہے جو خلیوں میں ڈی این اے کی چار لڑیوں والی شکل الگ سے ڈیٹیکٹ کر سکتی ہے۔ یہ ایک کیمیائی پروب ہے جو چار لڑیوں والے ڈی این اے کی موجودگی میں روشنی خارج کرنے لگتی ہے۔ یہ پروب زندہ خلیوں میں موجود چار لڑیوں والے ڈی این اے کے دوسرے مالیکیولز سے تعاملات کو سٹڈی کرنے میں بھی مدد دیتی ہے۔

اس پروب سے کی گئی سٹڈیز سے معلوم ہوا ہے کہ چار لڑیوں والے ڈی این اے مالیکیولز کینسر زدہ خلیوں میں بکثرت پائے جاتے ہیں۔ اس وجہ سے سائنس دانوں کو شک ہے کہ اس قسم کا ڈی این اے کینسر کے پھیلنے میں معاون ہو سکتا ہے۔ اس پروب سے یہ معلوم ہوا ہے کہ کچھ پروٹینز ان چار لڑیوں والے ڈی این اے کو کھول کر ان سے تعامل کر سکتی ہیں۔ سائنس دانوں نے کچھ ایسے مالیکیولز بھی دریافت کر لیے ہیں جو ان چار لڑیوں والے ڈی این اے سے کیمیائی بانڈ بنا سکتے ہیں۔ اس طرح اب یہ ممکن ہو گیا ہے کہ ان مالیکیولز کو استعمال کر کے ایسی دوائیں ڈیزائن کی جائیں جو ان چار لڑیوں والے ڈی این اے پر حملہ کر کے انہیں ناکارہ کر سکیں۔

ڈی این اے کے درست کام کرنے کے لیے اس مالیکیول کا درست شکل میں ہونا از حد ضروری ہے۔ اگر ڈی این اے مالیکیول کی شکل تبدیل ہو جائے تو اس سے ہونے والے تمام تعاملات کے نتائج بھی تبدیل ہو جاتے ہیں۔ گویا ڈی این اے کو پڑھنے، اس کی کاپی بنانے، اور اس کی انفارمیشن استعمال کر کے پروٹین بنانے کے پراسیس میں غلطیاں ہونے لگتی ہیں۔

سائنس دانوں کا دعویٰ ہے کہ چار لڑیوں والے ڈی این اے مالیکیولز کئی بیماریوں کا باعث بن سکتے ہیں لیکن ابھی تک ایسے ڈی این اے مالیکیولز کو زندہ خلیوں میں تلاش کرنا ممکن نہیں تھا۔ سائنس دانوں نے دریافت کیا ہے کہ اگر خلیوں میں helicase نامی پروٹینز کو ختم کر دیا جائے تو چار لڑیوں والے ڈی این اے مالیکیول زیادہ بننے لگتے ہیں۔اس سے سائنس دانوں نے یہ نتیجہ اخذ کیا کہ helicase پروٹین کی موجودگی چار لڑیوں والے ڈی این اے مالیکیول کے بننے میں مانع ہوتی ہے۔ چنانچہ اب سائنس دان اس پروٹین پر مشتمل ایسے مالیکیولز ڈیزائن کرنے کی کوشش کر رہے ہیں جنہیں کینسر کے خلاف دوا کے طور پر استعمال کیا جا سکے۔

ایک اور حالیہ سٹڈی میں انکشاف ہوا ہے کہ چار لڑیوں والے ڈی این اے کی تعداد میں اضافہ pyridostatin نامی مالیکیول کی زیادتی کی وجہ سے بھی ہو سکتا ہے۔ یہ وہی مالیکیول ہے جو انسان کے جسم میں موجود کئی قسم کے کینسر کے خلیوں کو بڑھنے سے روکتا ہے۔ یہ مالیکیول ڈی این اے کے ان حصوں کو نقصان پہنچاتا ہے جو خلیوں کی کاپیاں بنانے کے پراسیس میں استعمال ہوتے ہیں جس سے کینسر کے خلیوں کی تقسیم میں خلل پڑ جاتا ہے۔ اس ضمن میں ابھی مزید تحقیق کی ضرورت ہے تاکہ ان پیچیدہ پراسیسز کو بہتر طور پر سمجھا جا سکے جو کینسر کا باعث بنتے ہیں۔ اگر ان پراسیسز کو سمجھنا ممکن ہو جائے تو کئی قسمی کے کینسرز کا علاج تلاش کرنا آسان ہو جائے گا۔

چار لڑیوں والا ڈی این اے ترجمہ و تلخیص: قدیر قریشی Article by Qadeer Qureshi Four Strands DNA

یونانی طب سائنس کا بانی کون ہے؟ تحریر: غلام مصطفٰے (جی۔ایم) Article by Ghulam Mustfa (G.M) ?Who is the Founder of Greek Medical Science

2021-08-06T01:39:00.006-07:00

یونانی طب سائنس کا بانی کون ہے؟
(?Who is the Founder of Greek Medical Science)

تحریر: غلام مصطفٰے (جی۔ایم)

آج سے تقریباً 2600 سال پہلے کی بات ہے۔ جب پورا یونان مذہب پرستی کے اندھیروں میں غرق تھا اور بیماریوں کو خدا کی طرف سے عذاب سمجھا جاتا تھا اور مذہبی رہنما لوگوں کو یہ بتایا کرتے تھے کہ انسان اپنے گناہوں کی وجہ سے بیمار ہوتے ہیں۔

تب لوگ صحت یاب ہونے کیلیے گڑگڑا کر اپنے گناہوں کی معافی مانگا کرتے تھے ، دعائیں کرتے تھے اور اپنے خداؤں کوخوش کرنے کے لیے طرح طرح کی قربانیاں دیتے تھے۔

ان تمام چیزوں سے مذہبی پیشوا پوری طرح فائدہ اٹھایا کرتے تھے۔

460 قبل از مسیح کو یونان میں ایک چراغ کی ولادت ہوئی۔جس نے اپنے علم کی شمع سے ناصرف یونان کو بلکہ پوری دنیا کو روشن کردیا۔

جس کو بقراط (Hippocrates ) کے نام سے جانا جاتا ہے۔

وہ پہلے فلسفہ دان ، دانشور اور طبیب تھے ،جنہو نے جدید طب کی بنیاد رکھی اور طب کی روایت کو مذہب کی روایت سے جدا کردیا۔

بقراط نے ہی Greek Medical Science کی بنیاد رکھی اور ان کو" The father of Medicine " کا لقب بھی دیا گیاہے۔

بقراط کے مطابق :

انسانوں کی جسمانی اور ذھنی صحت کا تعلق قوانین فطرت اور صحت کے اصولوں سے ہے ،مذہب اور اخلاقیات سے نہیں لہذا گناہوں کی معافی مانگنے اور دعائیں کرنے کے بجاۓ صحت کے اصولوں پر عمل کرکے خد کو بیماریوں سے بچایا جائے۔

بقراط نے صحت مند زندگی کیلیے چار اصول بناۓ تھے۔

1۔ روزانہ ورزش کریں ( بقراط سیر کرنے کو بہترین ورزش سمجھتے تھے)

2۔ ہر روز وافر مقدار میں پانی پئیں

3۔ گہری نیند سوئیں

4۔ متوازن غذا کھائیں۔

بقراط امپیڈوکلس کے نظریہ "Four Roots" سے متاثر ہوکر

اپنا نظریہ ""Hippocratus Four Temperaments"" پیش کیا۔

جس کے مطابق

انسانی جسم میں چار قسم کے مائعات پاۓ جاتے ہیں۔جو انسان کے مزاج کا تعین کرتے ہیں ۔یہ مائعات جسم میں خاص تناسب سے پاۓ جاتے ہیں۔ اگر یہ مخصوص تناسب قائم رہے تو فرد کا کردار نارمل رہتا ہے۔ لیکن جب یہ تناسب بگڑ جاۓ تو ذھنی امراض پیدا ہوتے ہیں۔

1. phlegmatic Bile (Water) ""سست مزاج""

بلغمی رطوبت کی زیادتی کی وجہ سے انسان سست کاہل اور کام چور ہوجاتا ہے۔

2. choleric. (Black Bile _Earth) " تیزمزاج"

جس شخص میں زرد رنگ کی رطوبت زیادہ مقدار میں ھوگی ۔ جوشیلاپن اور غصیلاپن اس کی شخصی خصوصیات ھوں گی۔

3. sanguine (Blood Bile _Air) ""خوش مزاج""

اس مزاج کا حامل شخص بڑا خوش مزاج ہوتا ہے۔ انسانی جسم میں خون کی زیادتی کی وجہ سے ایسا مزاج پیدا ہوجاتا ہے۔

4. melancholic(Yellow bile _Fire) افسردہ مزاج""

افسردہ مزاج ،شخص کے جسم میں سیاہ رنگ کی رطبوت کی مقدار زیادتی کی وجہ سےہوتی ہے۔ ایسا انسان خاموش طبع سینجدہ ہوتا ہے۔

یونانی طب سائنس کا بانی کون ہے؟ تحریر: غلام مصطفٰے (جی۔ایم) Article by Ghulam Mustfa (G.M) ?Who is the Founder of Greek Medical Science

ثقلی لہریں (گریوٹیشنل ویوز) تحریر: ضیار قیرمان Article by Ziaar Qairman What are gravitational waves

2021-08-06T01:18:00.003-07:00

ثقلی لہریں (گریوٹیشنل ویوز)
(What are gravitational waves)

تحریر: ضیار قیرمان

تصور کریں ایک تالاب ہے جس کے پانی میں کوئی ہلچل نہیں ہو رہی ۔ پانی نہایت آرام و سکون سے تالاب میں موجود ہے پھر اچانک تالاب میں ایک فٹبال گرتا ہے اس فٹبال کی وجہ سے تالاب میں ہلچل ہونے لگتی ہے ۔ جہاں فٹبال گرا تھا وہاں سے ہلچل دائروی شکل میں ایک محدود رفتار سے باہر کی طرف پھیلتی جائے گئی ۔ جو بھی پانی میں ہلچل ہوئی اور خلل پانی میں پھیلا یہ لہروں کی آسان مثال ہے ۔ لہریں ایک محدود رفتار پر حرکت کرتی ہیں ۔ کچھ لہریں ایسی ہوتی ہیں جن کی رفتار کم ہوتی ہے اور کچھ کی رفتار زیادہ سے زیادہ جو ممکن ہوسکتی ہے اسی رفتار پر سفر کرتی ہیں ۔ اسے c کی رفتار کہتے ہیں ۔ اس رفتار پر روشنی سفر کرتی ہے نیز ثقلی لہریں بھی اسی رفتار پر سفر کرتی ہیں ۔ یعنی فی سیکنڈ تین لاکھ کلومیٹر کی رفتار ۔

روشنی بذات خود کیا ہے؟

الیکٹرومیگنیٹک ویو ۔

الیکٹرومیگنیٹزم نظریے کے مطابق جب کوئی برقی ذرہ اسراع کرتا ہے تو وہ الیکٹرومیگنیٹک ریڈی ایشن خارج کرتا ہے اسی اشعاع کو ہم عام زبان میں روشنی کہتے ہیں ۔ اسی طرح آئن سٹائن کے نظریہ عمومی اضافیت کے مطابق جب کوئی ضخیم کمیت والا جسم اسراع کرتا ہے تو وہ ثقلی لہریں خارج کرتا ہے ۔ شروع شروع میں آئن سٹائن نے کچھ وقت کے لیے ان لہروں پر اپنے شکوک کا اظہار کیا، اُنھیں لگا ایسی لہروں کا ہونا ممکن نہیں ۔ یہ شک وقتی تھا جس کے بعد اُنھیں ظاہر سی بات ہے یقین ہوگیا کہ یہ لہریں موجود ہوسکتی ہیں ۔ آئنسٹائن اچھے سے سمجھتے تھے کہ ثقلی لہریں کو دریافت کرنا خاصا مشکل ہوگا ۔ کیوں کہ کشش ثقل خود بہت ہی کمزور ہے ۔ اور ایسا ہی ہے ۔ ثقلی لہروں کو دریافت کرنا سچ میں بہت محال تھا ۔ بہت محنتوں اور کاوشوں کے بعد اسے دریافت کیا گیا ۔ آئنسٹائن کے مطابق کشش ثقل مکان زمان (سپیس ٹائم) کی جیومیٹری ہے ۔ مکان زمان مادہ-انرجی سے خمیدہ ہوتا ہے ۔ یہ خمیدگی ہم ایک قوت کی شکل میں دیکھتے ہیں ۔ ایسے ہی آئن سٹائن کا نظریہ بتاتا ہے کہ مکان زمان کی جیومیٹری پر صرف مادہ-انرجی ہی اثرات نہیں ڈالتے بلکہ کوئی شے کیسے گھوم رہے ہی یہ بھی اثر ڈالتی ہے ۔ جیسے ہماری زمین ہے یہ مکان زمکان کو خمیدہ کرتی ہے اسی طرح اسکا گھماؤ (روٹیشن) اپنے ساتھ انرشل فریمز بھی کھینچتا ہے، لپیٹتا ہے ، اسکی تصدیق گریوٹی پروب بی سے ہوچکی ہے اور اس پر تفصیل کبھی پھر سہی ۔ مگر یہاں اس بات کا ذکر کرنا اس لیے ضروری تھا تاکہ ہم جان سکیں مکان زمان میں جو بدلاؤ ہوتے ہیں یہ صرف مادے-انرجی پر ہی منحصر نہیں بلکہ کوئی شے گھومتی کیسے اور کتنی ہے اس کے باعث بھی مکان زمان (سپیس ٹائم) میں بدلاؤ ہوتا ہے ۔ ہم مشاہدات اور تجربات سے جانتے ہیں اگر دو نیوٹران ستارے ہیں جو ایک دوسرے کے گرد حرکت کر رہے ہوں وہ کچھ الگ طرح سے مکان زمان میں تبدیلیاں کریں گے ۔ تو سوال ہے وہ کیسی تبدیلیاں کریں گے ؟

جیسے جیسے یہ نیوٹران ستارے ایک دوسرے کے گرد حرکت کریں گے یہ تھوڑی تھوڑی کر کے توانائی (انرجی) کھوتے رہیں گے اور لمحہ بہ لمحہ دونوں قریب ہوتے جائیں گے ساتھ ہی ساتھ ان کی رفتار میں لمحہ بہ لمحہ اضافہ ہوگا ۔ ظاہر سی بات ہے کہ اینگولر مومنٹم جب محفوظ (کنزرو) ہے اور فاصلہ کم ہو رہا ہے تب ان دونوں کی رفتار بڑھے ہی گی ۔ ایسا تجربات میں بھی آسانی سے دیکھا جا سکتا ہے ۔ ٹھیک ہے جیسے جیسے یہ توانائی کھو رہے ہوتے ہیں ویسے ویسے ان کا مدار بھی چھوٹا ہوتا ہے اور یہ مزید قریب آتے جاتے ہیں اور ایسے ہی ان حرکت مزید تیز ہوتی ہے اور ایسے ہی ان کی توانائی مزید کم ہوتی رہتی ہے اور انکی رفتار تیز اور پھر ایک وقت آتا ہے کہ یہ ٹکرا کر ایک بلیک ہول بن جاتے ہیں یا پھر ایک بڑا نیوٹران ستارہ بن جاتے ہیں ۔ اس تصادم کے نتیجے میں بہت زیادہ توانائی خارج ہوتی ہے اور جب دو نیوٹران ستاروں کا تصادم ہوتا ہے تو ایک آگ کا گولا تشکیل ہوتا ہے جو ایسے واقعہ کی آخری چھاپ ہوتی اس آگ کے گولے میں نیوکلیئر تعاملات بھی ہوتے ہیں جن کی وجہ سے بھاری عناصر بنتے ہیں ۔ بھاری عناصر جیسے سونا، بزمتھ، تھوریم، یورینیم وغیرہ اور اسی کے ساتھ بہت زیادہ توانائی کی حامل ثقلی لہریں بھی پیدا ہوتی ہیں ۔ یہاں پر دو سوال ابھرتے ہیں ۔ جو توانائی دو نیوٹران کھو دیتے ہیں اور اسی وجہ سے قریب قریب آتے ہیں وہ توانائی جاتی کدھر ہے ؟ وہ توانائی ثقلی لہروں میں ہوتی ہے ۔ دوسرا سوال یہ ہوسکتا ہے کہ نیوٹران ستاروں کے تصادم سے جو بھاری عناصر بنتے ہیں ان میں سونے کی مقدار کم سے کم کتنی ہوگی؟

چند زمینی کمیتوں کے برابر سونا بنتا ہے اور یہ بہت زیادہ ہے ۔غالبا اگست دو ہزار سترہ میں ایسے ہی واقعہ کو دریافت کیا گیا جس میں دو نیوٹران ستارے ایک دوسرے سے ٹکراتے ہیں اور ثقلی لہریں پیدا کرنے کے ساتھ ساتھ بھاری عناصر بھی پیدا کرتے ہیں ۔ اس سے پہلے سنہ دو ہزار پندرہ میں ثقلی لہریں دریافت کر لیں گئیں تھیں ۔ پہلی مرتبہ جب ثقلی لہریں دریافت کی گئیں تھیں وہ دو بلیک ہولز کے تصادم سے دریافت ہوئیں تھیں ۔ یہ بلیک ہول نیوٹران ستاروں کی طرح ہی ایک دوسرے کے گرد حرکت کر رہے تھے اور توانائی کھو رہے تھے پھر ان کی حرکت میں اضافہ ہوتا گیا اور یہ مزید توانائی کھونے لگے اسی طرح یہ قریب آ کر مل گئے ۔ جب دو بلیک ہولز آپس میں ٹکرا کر ایک بڑا بلیک ہول بناتے ہیں تب یہ اپنے اس حادثے کا اعلان وہ مکان زمان کی جیومیٹری میں بگاڑ (ڈسٹارٹ) پیدا کر کے کرتے ہیں ۔ جو ہمیں ثقلی لہروں کی صورت میں ملتا ہے ۔ اس تصادم سے جو بھی انرجی ثقلی لہروں کی صورت میں خارج ہوتی ہے وہ ہم یوں معلوم کرسکتے ہیں ۔

ΔE = GMM/2a

یہاں 2a دو بلیک ہولز کے ایونٹ ہورائزن کی علیحدگی دوری پر ظاہر کرتی ہے ۔ جب اسے مزید حل کیا جائے تو توانائی جو خارج ہوتی ہے وہ تقریباً

~ 10^48 J

یہ توانائی بہت زیادہ ہے ۔

یہاں یہ واضح رہے کہ بلیک ہولز کے تصادموں سے کوئی روشنی خارج نہیں ہوتی ۔ جب کہ نیوٹران نیوٹران ستاروں کے تصادم سے روشنی بھی خارج ہوتی ہے ۔ تو اب شاید ایک ہی چیز اس پوسٹ میں باقی رہ گئی ہے ۔

ثقلی لہریں کیا ہیں؟

ثقلی لہریں(Gravitational Waves) مکان زمان میں ہلچل اور مکان زمان کی اپنی خاصیت (property) ہے ۔ یہ (ثقلی لہریں) ہلچل یا خلل مکان زمان میں ہی سفر کرتا ہے ۔ ان لہروں میں بہت زیادہ توانائی موجود ہوتی ہے ۔ اور اس وجہ سے ہی ہم دور دراز ہونے والے تصادموں کو جان پاتے ہیں ۔ جب ہم ثقلی لہریں ڈیٹکٹ کر لیتے ہیں تو ان سے، اُن ستاروں یا بلیک ہولوں ، نیوٹران ستاروں کی کمیت معلوم کر سکتے ہیں جن کا تصادم ہوا ہو ۔ نہ صرف یہ بلکہ یہ واقعہ کتنے فاصلے پر ہوا ہے یہ بھی جان سکتے ہیں ۔ ثقلی لہریں چوں کہ لہریں ہی ہیں انرجی رکھنے کے ساتھ یہ فریکوئنسی بھی رکھتی ہیں ۔ فریکوئنسی کو آواز میں بدل کر بھی واقعہ کے آخری لمحات کو سن سکتے ہیں ۔ ثقلی لہروں نے فلکیات کے لیے ایک نیا دروازہ کھولا ہے ۔ اس دروازے سے ہم کائنات کے متعلق بہت کچھ جان سکتے ہیں ۔ ایک وقت تھا معلومات کا زیادہ انحصار روشنی پر کیا جاتا تھا مگر اب ثقلی لہروں سے بھی ہم بہت جان پاتے ہیں رہی بات بلیک ہول تصادموں کی تو جب تصادم ہوجاتا ہے اور ایک بڑا بلیک ہول بن جاتا ہے اس کے بعد ہمیں ثقلی لہریں نہیں مل پاتی شو ختم ہوجاتا ہے اور یہ پوسٹ بھی!

ثقلی لہریں (گریوٹیشنل ویوز) تحریر: ضیار قیرمان Article by Ziaar Qairman What are gravitational waves

جیمز ویب دوربین ترجمہ و تلخیص: قدیر قریشی Article by Qadeer Qureshi James Webb Telescope

2021-08-05T00:32:00.009-07:00

جیمز ویب دوربین
(James Webb Telescope)

ترجمہ و تلخیص: قدیر قریشی

سنہ 1608 سائنس کی تاریخ کا ایک اہم سال تھا۔ اس سال ایک ولندیزی (Dutch) عینک بنانے والے نے دوربین ایجاد کی۔ شروع شروع میں دوربین کو محض تفریح کے لیے استعمال کیا جاتا تھا یا پھر بحری قزاق اسے دور سے آتے بحری جہازوں کو دیکھنے کے لیے استعمال کرتے تھے۔ فلکیات میں اس کا کوئی عمل دخل نہیں تھا۔ گیلیلیو وہ پہلے سائنس دان تھے جنہوں نے دور بین کا رخ آسمان کی طرف کیا اور یوں فلکیات کی سائنس کے سنہری دور کا آغاز ہوا۔

اس کے بعد چار سو سال تک زمین پر کئی بڑی بڑی دوربینیں نصب کی گئیں جن سے فلکی اجسام کے تفصیلی مشاہدات کیے گئے۔ پھر 1990 میں فلکیات کی سائنس میں ایک نیا انقلاب آیا جب ہبل دوربین کو لانچ کیا گیا۔ ہبل دنیا کی پہلی دوربین تھی جو زمین کے گرد گھومتی ہے اور خلا میں کام کرتی ہے۔ اس دوربین نے خلا سے (یعنی زمین کے کرہ ہوائی سے باہر نکل کر) فلکی اجسام کا مشاہدہ کیا اور یوں کئی ایسے مظاہر کا مشاہدہ ممکن ہوا جن کا زمین سے مشاہدہ ناممکن تھا۔

ہبل کو کام کرتے ہوئے تیس سال سے بھی زیادہ کا عرصہ ہو چکا ہے۔ اسے ابھی تک تاریخ کی کامیاب ترین سپیس ٹیلی سکوپ ہونے کا اعزاز حاصل ہے۔ لیکن اب ہبل دوربین بوڑھی ہو رہی ہے اور اگلے چند سالوں میں شاید اسے ڈی کمیشن کرنا پڑے۔ اس لیے اب ہمیں ایک نئی سپیس دوربین کی ضرورت ہے جو ہبل سے زیادہ جدید اور ایڈوانسڈ ٹیکنالوجی استعمال کرے۔ اس اگلی دوربین کا نام جیمز ویب دوربین (James Webb Telescope)ہے۔ یہ دوربین ہبل سے کس طرح سے مختلف ہے؟ آئیے دیکھتے ہیں۔

ہم جانتے ہیں کہ ہبل دوربین کا نام مشہور ماہر فلکیات جیمز ہبل کے نام پر رکھا گیا تھا جنہوں نے اپنے مشاہدات سے پہلی بار ملکی وے کہکشاں کے علاوہ کسی دوسری کہکشاں کا مشاہدہ کیا اور یہ دریافت کیا کہ ہماری کائنات پھیل رہی ہے۔ اس سے پہلے سائنس دانوں کو یقین تھا کہ ہماری ملکی وے کہکشاں ہی کل کائنات ہے اور کائنات جامد ہے۔ اس کے برعکس جیمز ویب دوربین کا نام ایک اور ماہر فلکیات جیمز ویب کے نام پر رکھا گیا ہے جو 1961 سے 1968 تک ناسا کے ایڈمنسٹریٹر تھے۔ اپالو مشن کو کامیاب بنانے میں ان کا بہت بڑا کنٹریبیوشن تھا۔

جب ہبل دور بین پر کام شروع ہوا تو اندازہ یہ تھا کہ اس پر لگ بھگ تیس چالیس کروڑ ڈالر خرچ ہوں گے۔ لیکن جیسے جیسے اس پراجیکٹ پر کام ہوتا رہا اس کی لاگت میں بھی اضافہ ہوتا رہا اور ہبل کو لانچ کرنے پر کل پانچ ارب ڈالر خرچ ہوئے۔ جیمز ویب دوربین کے ڈیزائن کی کہانی بھی کچھ ایسی ہی ہے۔ جب جیمز ویب دوربین کے ڈیزائن کا آغاز کیا گیا اس وقت اندازہ تھا کہ اس پر لگ بھک ایک ارب ڈالر خرچ ہوں گے۔ لیکن اب تک اس پر نو ارب ڈالر سے زیادہ رقم خرچ ہو چکی ہے۔

اگرچہ ہبل دوربین بھی سپیس ٹیلی سکوپس میں بہت بڑی تھی، لیکن جیمز ویب دوربین کا سائز ہبل سے بھی کہیں بڑا ہے۔ ہبل دوربین ایک بس کے سائز کی تھی جب کہ جیمز ویب دوربین کا سائز بوئنگ 737 کے سائز کے نصف کے قریب ہے۔ جیمز ویب دوربین کے شیشے کا قطر ہبل دوربین کے شییشے کے قطر سے پانچ گنا زیادہ ہے اور اس کے گرد ایک شیلڈ ہے جو اسے سورج کی شعاعوں سے محفوظ رکھتی ہے۔ اس سن شیلڈ کا سائز ٹینس کے کورٹ کے برابر ہے۔

ہبل اور جیمز ویب دوربینوں میں سب سے بڑا فرق ان کے سینسرز کا ہے جو برقی مقناطیسی سپیکٹرم کے مختلف حصوں کو ڈیٹیکٹ کرتے ہیں۔ ہم برقی مقناطیس سپیکٹرم کا بہت چھوٹا سا حصہ دیکھ پاتے ہیں جسے ویزیبل سپیکٹرم کہا جاتا ہے۔ لیکن برقی مقناطسی سپیکٹرم میں ایکس ریز، گیما ریز، الٹرا وائلٹ ریز بھی ہوتی ہیں جن کی فریکوینسی روشنی کی فریکوینسی سے زیادہ ہوتی ہے جبکہ انفرا ریڈ اور ریڈیو ویوز کی فریکوینسی روشنی سے کم ہوتی ہے۔ دور دراز کی کہکشاؤں کے مشاہدے کے لیے ویزیبل سپیکٹرم سے کہیں زیادہ انفارمیشن انفرا ریڈ اور ریڈیو ویو کی فریکوینسیز میں پائی جاتی ہے۔ ہبل دوربین کے زیادہ تر ڈیٹیکٹرز الٹراوئلٹ اور ویزیبل سپیکٹرم کو ڈیٹیکٹ کرتے ہیں جبکہ جیمز ویب دوربین کے ڈیٹیکٹرز کو انفرا ریڈ اور ریڈیو فریکوینسیز کو ڈیٹیکٹ کرنے کے لیے ڈیزائن کیا گیا ہے جو ہبل دوربین ڈیٹیکٹ نہیں کر پاتی۔اس لیے جیمز ویب دوربین سے ہم ایسی کہکشاؤں اور مظاہر کو بھی دیکھ پائیں گے جو ہم سے 13 ارب نوری سال یا اس سے بھی زیادہ دور ہیں۔

اس کے علاوہ ان دونوں دوربینوں میں یہ بھی فرق ہے کہ ہبل دوربین زمین کے قریب ہی یعنی 570 کلومیٹر بلند مدار میں ہے جبکہ جیمز ویب کا مدار زمین سے بہت دور ہو گا۔ جسے L1 پوائنٹ کہا جاتا ہے اور جو زمین سے 15 لاکھ کلومیٹر دور ہے۔ اس مقام پر سورج، زمین، اور چاند کی روشنی نہیں پہنچ پاتی کیونکہ یہ مقام زمین کی اس سمت پر ہے جو سورج سے مخالف سمت میں ہوتا ہے یعنی جہاں ہمیشہ زمین کا سایہ رہتا ہے۔ اس لیے ہبل کے ڈیٹیکٹرز کو منفی 220 سینٹی گریڈ پر رکھنا ممکن ہو گا۔ یہ درجہ حرارت ہبل کے درجہ حرارت سے 15 گنا کم ہے۔ جیمز ویب دوربین کا زمین سے فاصلہ اس قدر زیادہ ہو گا کہ اس پر مرمت کا کوئی بھی مشن بھیجنا ممکن نہیں ہو گا۔ اس لیے جیمز ویب دوربین میں کسی بھی خرابی کو دور کرنا ممکن نہیں ہو گا۔

ہبل دوربین کا مقصد کائنات کے نت نئے مظاہر کو دریافت کرنا تھا اور ہبل دوربین اپنے مشن میں بے انتہا کامیاب رہی۔ ہبل نے بے شمار دم دار ستارے، شہابیے، نیبولا اور شمسی سیاروں کے کئی نئے چاند دریافت کیے۔ ہبل کی بدولت ہمیں یہ معلوم ہوا کہ کہکشائیں، ستارے، اور سیارے کیسے تشکیل پاتے ہیں۔لیکن جیمز ویب دوربین کا مقصد خود کائنات کی تشکیل کو سمجھنا ہے۔ اس سے ہمیں یہ معلوم ہو پائے گا کہ کائنات کی پہلی چند کہکشائیں کیسے تشکیل پائیں۔ اس کے علاوہ امید ہے کہ جیمز ویب دوربین سے غیر شمسی سیاروں کی براہِ راست شبیہہ بنانا ممکن ہو سکے گا۔ یہ تو وقت ہی بتائے گا کہ جیمز ویب کس قدر کامیاب دوربین رہے گی لیکن اگر اس نے درست طور پر کام کیا تو فلکیات اور کاسمالوجی میں جیمز ویب دوربین ایک اور انقلابی قدم ثابت ہو گی۔

جیمز ویب دوربین ترجمہ و تلخیص: قدیر قریشی Article by Qadeer Qureshi James Webb Telescope

اٹامک نظریہ کا موجد کون تھا؟ تحریر: غلام مصطفٰے (جی۔ایم) ?Article by Ghulam Mustfa (G.M) Who was the Founder of Atomic Theory

2021-08-05T00:10:00.010-07:00

اٹامک نظریہ کا موجد کون تھا؟
(?Who was the Founder of Atomic Theory)

تحریر: غلام مصطفٰے (جی۔ایم)

ڈیموکریٹس (بی سیDemocritus 460-370 ) ایک یونانی فطرتی فلسفہ دان تھا ۔پہلے کے فلسفہ دانوں کی طرح ڈیموکریٹس کا بھی یہ یقین تھا کہ پوری کائنات کچھ بنیادی چیزوں سے وجود میں آئی ہے۔اور ان بنیادی چیزوں کے حوالے سے اس نے اپنا نظریہ پیش کیا جسے "The Atomic Theory"کہتے ہیں۔

اس نظریہ کے مطابق

پوری کائنات بے شمار مختلف رنگ و سائز کے ناقابل دید چھوٹے چھوٹے ذروں سے ملکر بنا ہوا ہے ۔

جسے وہ Atoms کہتا تھا۔جو کہ ایک یونانی لفظ ہے جس کا مطلب ناقابل تقسیم ذرہ (Un-cuttable) ہے۔

ایٹم (Atom)کی تعاریف کچھ اس طرح کی گئی کہ اگر ہم سیب کو آدھا کاٹیں اور اس آدھے مزید کاٹیں اور اُس کے آدھے کو مزید کاٹیں ،اس طرح کاٹتے کاٹتے ہم ایک ایسے ذرے تک پہنچ جائیں گے جو ناقابل تقسیم اور دید ہوگا ۔اُسی ذرے کو ایٹم کہتے ہیں۔

ڈیموکریٹس کا یقین تھا کہ ایٹم ہمیشہ سے ہیں اور ہمیشہ رینگے ۔ایٹموں کے مختلف اقسام و سائز ہیں اور ان کو ملا کر رکھنے والا کوئی قوت کارماں نہیں ہے بلکہ ایٹم اِس طرح سے بنے ہیں جسے کہ کوئی سانچا کسی دوسرے سانچے میں فٹ ہوجاۓ۔جس طرح ایک چھوٹا پائپ کسی دوسرے بڑے پائپ میں فکس ہوتا ہے بالکل اِسی طرح ایٹم بھی ایسے ہی ایک دوسرے کے سانچوں میں فکس ہوکر مضبوطی سے جڑ جاتے ہیں۔جس سے ہمیں اپنے اردگرد مختلف چیزیں دیکھنے کو ملتی ہیں۔اور ان کے جڑنے والے جگاہوں کو Hooks اور Barbs کہتے ہیں۔

اور مزید انہونے کہا کہ

جاندار یا چیزیں مرنے یا ختم ہونے کے بعد واپس ایٹم میں تبدیل ہوجاتے ہیں اور وہ ایٹم کسی اور جاندار یا چیزوں میں پھر سے جڑ جاتے ہیں اور اِسی طرح یہ سائیکل چلتا رہتا ہے۔

جوکہ ڈیموکریٹس مادے کو مانتاتھا اِسی لیے اِسے مادیت پرست ""Materialist""بھی کہتے ہیں۔

اٹامک نظریہ کا موجد کون تھا؟ تحریر: غلام مصطفٰے (جی۔ایم) ?Article by Ghulam Mustfa (G.M) Who was the Founder of Atomic Theory

سرمایہ داری اور کورونا :قاتل انسانیت تحریر: حسن کاشر Article by Hassan Kashir Capitalism and Covid-19: Killers of Humanity

2021-08-04T23:48:00.003-07:00

سرمایہ داری اور کورونا :قاتل انسانیت
(Capitalism and Covid-19: Killers of Humanity)

تحریر: حسن کاشر

عالمی بحران نے جہاں انسانی سماج کو ایک پر انتشار کیفیت میں دھکیل دیا ہے وہیں اس بحران سے خود سرمایہ داری نظام (Capitalism)کی تاریخی متروکیت نمایاں ہو کر سامنے آئی ہے ۔سرمایہ داری کی تاریخی نااہلی جس انداز سے اب واضح ہوئی اس کی مثال شاید ماضی میں نہیں ملتی۔ جہاں ایک طرف ذلت ،اذیت ،بھوک ،افلاس اور ذہنی امراض ہیں تو دوسری جانب بڑے بڑے محل ،امارات کے مینار ہیں ۔آج ہمیں تاریخ کی بدترین عدم مساوات نظر آتی ہے۔ یہ بات بڑے یقین سے کہی جا سکتی ہے کہ کرہ ارض پر شاید ہی کوئی ایسا انسان ہو جو کرونا وائرس کی وجہ سے پیدا ہونے والی معاشی صورتحال سے متاثر نہ ہوا ہو۔ ترقی یافتہ ممالک سے لے کر ترقی پذیر قوموں تک سب متاثر ہوئی ہیں۔ پوری دنیا معاشی ،سماجی،سیاسی اور جمہوری بحران کا شکار رہی جس کی وجہ عالمی سطح پر پھیلنے والی وبا کووڈ انیس تھی۔ اس وقت تک بھی دنیا کا بڑا حصہ کورونا وائرس(Covid-19) کا شکار ہے ۔جس نے ہمارے سیاسی ،سماجی ،نفسياتی اور معاشی ڈھانچوں کو ہلا کر رکھ دیا ہے اور خاص طور پر صحت کے ڈھانچوں کو بری طرح بے نقاب کیا۔بورژوا دانشوروں کا ہر نظریہ ان کے تاریخی طور پر متروک نظام کو چلانے میں ناکام ہو رہا ہے ۔پاکستان کے معاشی مسائل میں بھی تیزی سے اضافہ ہوا ہے اور اب اس کا شمار ان ممالک میں ہوتا ہے جو معاشی دیوالیہ پن کے راستے پر گامزن ہیں۔ اور ایسے میں پھر معیشت بحالی کے دعوے بھی کیے جا رہے ہیں ۔بحالی کا مطلب تو یہ ہونا چاہیے کہ لوگوں کے حالات زندگی میں کچھ بہتری آ سکے لیکن اس استحصالی نظام میں دیکھا جا سکتا ہے کہ عام طبقے پر مسلسل معاشی جارحيت جاری ہے۔ مہنگائی آسمان سے باتیں کر رہی ہے،آمدنی میں کمی اور خوراک کی بڑھتی قیمتوں نے کروڑوں افراد کو صحت مند غذا سے دور کر دیا بجلی اور پیٹرول کی قیمتوں میں ہر مہینے اضافہ کیا جا رہا ہے ،جی ڈی پی گروتھ نہ ہونے کے برابر ہے، پاکستان میں خط غربت 40 فیصد ہو گئی۔ عالمی ادارے مزید اضافے کا عندیہ دے رہے ہیں ۔اس ریکارڈ توڑ مہنگائی ،بیروزگاری اور افلاس نے عام طبقے کے افراد کی زندگيوں کو ایک عذاب مسلسل بنا دیا ہے۔ پاکستانی معیشت کی جو حالت ہے اس پر شوروغل تو بہت ہے لیکن کوئی حل اس نظام کے بورژوا دانشوروں کے پاس نہیں ہے۔ کرونا کی وبا نے جہاں ایک طرف سرمایہ داری کی تاریخی نااہلی کو واضح کیا ہے وہاں اسے تاریخ کے بدترین معاشی بحران میں دھکیل دیا ہے ۔ہر طرف معیشتیں سکڑاو سے دو چار ہیں جس سے عالمی سطح پر بیروزگاری کئی دہائیوں کی بلند ترین سطح پر پہنچ گئی ہے ۔پاکستانی معیشت کس حد تک متاثر ہوئی اور کورونا کے علاوہ دیگر عوامل نے پاکستان کی معاشی حالت پر کیا اثرات چھوڑے آئیے جاننے کی کوشش کرتے ہیں۔ پاکستانی معیشت جو پہلے ہی گہری گراوٹ کا شکار تھی اس بحران کو کووڈ نے ذیادہ شدید کر دیا ہے اور بحران کے دوران معیشتوں میں نتائج اکثر و بیشتر حکومتی اہداف سے بہت مختلف ثابت ہوتے ہیں۔ گزشتہ مالی سال کے دوران معیشت کی تقریبا 4 فیصد شرح نمو کو ہی دیکھیں ۔یہ حکومتی اندازوں سے زیادہ رہی۔ حکومت کے پہلے تین سالوں کے دوران معیشت کی حقيقی شرح نمو مجموعی طور پر منفی 1-2 فیصد رہی ہے۔ ہر سال معیشت اوسطا 0.4 فیصد سکڑتی گئی۔یعنی معیشت پہلی مرتبہ 38 فیصد سکڑ گئی ہے۔دوسری جانب ملک میں مہنگائی کی شرح 11 فیصد رہی ۔پچھلے سال کے دوران مالیاتی خسارہ جی ڈی پی کے 6.5 فیصد سے بڑھ کر 9.1 فیصد تک پہنچ چکا ہے۔پاکستان جیسے ممالک اپنی کمزور معاشی حالت کی وجہ سے عالمی مالیاتی اداروں کے زیر اثر رہتے ہیں۔ آئی ایم ایف کی طرف سے بجلی کی قیمتیں بڑھانے کا شدید دباؤ ہے۔ اسی طرح خورد و نوش اشیا کی قیمتوں میں بھی اضافہ دیکھا گیا ہے۔ پاکستان کے عام محنت کش طبقے سے تعلق رکھنے والے افراد کو ٹیکس کے ساتھ ساتھ باالواسطہ محصولات کے مد میں ماہانہ آمدن میں سے کٹوتی کا بھی سامنا ہے۔ حکومتی قرضہ ان دو سالوں کے دوران 124 ہزار ارب سے بڑھ کر 135 ہزار ارب ہو چکا ہے۔ قرضوں پر سود کی ادائیگیوں کی مد میں 3 ہزار ارب روپے سے زائد سالانہ خرچ کیے جا رہے ہیں۔ قرضوں اور دفاع کے اخراجات پر بچٹ کا 70 سے 80 فیصد ہڑپ کر جانے کے بعد خساروں کا تمام بوجھ مہنگائی کے زریعے غریب عوام پر ڈال دیا جاتا ہے ۔دوسری جانب صحت پر حکومتی اخراجات جی ڈی پی کے صرف 1.2 فیصد کے مساوی ہیں اور یہی حالات تعلیمی شعبے کے ہیں۔ اس ملک کے روایتی حکمرانوں کے پاس متبادل کوئی نظریہ ،پروگرام یا کوئی لائحہ عمل ہے۔ جو بھوک ،افلاس ،بیروزگاری ،بیماری ،اور مہنگائی سے محنت کشوں کو نجات دلا سکے ان کا جواب واضح طور پر نفی میں آئیگا۔ آج عالمی سرمایہ دارانہ بحران اس کرہ ارض کے ہر خطے کو بھیانک انداز میں برباد کرتا جا رہا ہے ۔پوری انسانی نسلوں کی محنت سے ترقی پانے والے ذرائع پیداوار کی ملکیت اس چھوٹی سی اقلیت کے ہاتھوں اس طرح مرتکز ہو چکی ہے اکثریت میں نسل انسانی کو دیکھا جائے تو وہ غربت میں سسک رہی ہے۔ اور دو وقت کے کھانے سے بھی محروم ہے دنیا کے کروڑوں مزدوروں کو بیروزگاری کی جہنم میں دھکیل دیا ہے۔ مارکس کہتا ہے بورژوا تسلط کا تختہ پرولتاریہ ہی الٹ سکتا ہے ۔سرمایہ داری کا جائزہ لیا جائےتو واضح طور پر معلوم ہوتا ہے کہ سرمایہ داری ہمیں بربادی ،انتشار ،دکھوں ،اور محرومی کے سوا کچھ اور دیتے ہوئے نظر نہیں آتی ۔اس لیئے محنت کشوں ،کسانوں ، اور نوجوانوں کو طبقاتی اتحاد کے نتیجے میں سرمایہ داری کے خلاف ایک فیصلہ کن لڑائی لڑتے ہوئےسوشلسٹ انقلاب کے ذریعے ایک سوشلسٹ انسان دوست سماج کی بنیاد رکھنا ہو گی۔ جہاں تمام ذرائع پیداوار پر پرولتاریہ کا کنٹرول ہو اور پیداوار کا مقصد منافع کا حصول نہیں بلکہ انسانی ضرورتوں کی تکمیل ہو۔ اس کے لیئے محنت کش طبقے کو اس نظامِ زر کو اکھاڑ پھینکنا ہو گا اور ایک سوشلسٹ سماج تخليق کرنا ہو گا۔

سرمایہ داری اور کورونا :قاتل انسانیت تحریر: حسن کاشر Article by Hassan Kashir Capitalism and Covid-19: Killers of Humanity

ٹوائیلٹ فلش اور مائیکرو ڈراپس ترجمہ و تلخیص: قدیر قریشی Article by Qadeer Qureshi Toilet Flush and Micro drops

2021-08-04T00:17:00.005-07:00

ٹوائیلٹ فلش اور مائیکرو ڈراپس
(Toilet Flush and Micro drops)

ترجمہ و تلخیص: قدیر قریشی

اس وقت ہم ایک خطرناک پینڈیمک سے گذر رہے ہیں۔ ہمیں ہر روز وائرس سے بچنے کے طریقے سکھائے جاتے ہیں مثلاً ماسک پہننا، ہاتھ بار بار دھونا، سوشل ڈسنٹنسنگ وغیرہ۔ اس کی وجہ صاف ظاہر ہے۔ جب کوئی شخص چھینکتا ہے یا کھانستا ہے تو اس کے ناک اور منہ سے لعاب بہت چھوٹے چھوٹے قطروں یعنی مائیکرو ڈراپس کی صورت میں خارج ہوتا ہے۔ یہ قطرے اس قدر چھوٹے ہوتے ہیں کہ ہم انہیں دیکھ نہیں سکتے لیکن یہ کئی منٹ تک فضا میں معلق رہ سکتے ہیں اور ان میں وائرس موجود ہو سکتا ہے۔اگر یہ مائیکرو ڈراپس سانس کے ذریعے کسی دوسرے شخص کے جسم میں داخل ہو جائیں تو اسے بھی بیمار کر سکتے ہیں۔

لیکن کبھی آپ نے غور کیا کہ کہیں بھی پانی پریشر سے خارج ہو تو وہاں اسی قسم کے مائیکرو ڈراپس بنیں گے؟ مثال کے طور پر اگر آپ کے واش روم میں فلش سسٹم ہے تو آپ جب حوائج سے فارغ ہو کر ٹوائیلٹ فلش کرتے ہیں تو پانی بہت زیادہ پریشر سے ٹوائیلٹ میں جاتا ہے اور غلاظت کو بہا لے جاتا ہے۔ لیکن اس پراسیس میں کثیر تعداد میں مائیکروڈراپس ہوا میں بکھر جاتے ہیں جو کئی منٹ تک فضا میں معلق رہ سکتے ہیں۔ اگر ان میں جراثیم یا وائرس موجود ہوں تو وہ واش روم میں موجود افراد کے سانس کے ساتھ جسم میں داخل ہو کر انہیں بیمار کر سکتے ہیں۔ چونکہ یہ ڈراپس کئی منٹ تک ہوا میں معلق رہ سکتے ہیں اس لیے اگر آپ واش روم جاتے ہیں تو آپ سے پہلے واش روم جانے والے افراد کے جسم میں موجود بیکٹیریا یا وائرس ان معلق قطروں کے ذریعے آپ تک پہنچ سکتے ہیں۔

سائنس دانوں نے ٹوائیلٹ کے فلش کے نتیجے میں فضا میں بکھرنے والے مائیکرو ڈراپس کی تعداد کو بہتر طور پر سمجھنے کے لیے ہائی سپیڈ کیمروں اور الٹرا وائلٹ روشنی کی مدد سے ٹوائیلٹ فلش کی (Toilet Flush)ویڈیو بنائیں اور پھر اڑنے والے قطروں(Drops) کو سٹڈی کیا۔ ان قطروں میں غلاظت اور کئی قسم کے وائرس اور بیکٹیریا شامل ہو سکتے ہیں۔ اسی طرح بعض اوقات مرد حضرات ٹوائیلٹ میں کھڑے ہو کر پیشاب کرتے ہیں۔ ایسا کرنے سے بھی کثیر تعداد میں مائیکرو ڈراپس ٹوائیلٹ سے ہر طرف اڑتے ہیں اور کپڑوں پر آن گرتے ہیں

کئی واش رومز میں ٹوائیلٹ اور واش بیسن ساتھ ساتھ ہوتے ہیں۔ لوگوں نے اپنے صابن، ٹوتھ برش، شیونگ کا سامان، پرفیوم، میک اپ کا سامان وغیرہ بھی واش بیسن کے ساتھ ہی رکھا ہوتا ہے۔ ٹوائیلٹ سے مائیکرو ڈراپس اڑ کر ان تمام چیزوں پر پڑتے ہیں اور انسان کو بیمار کر سکتے ہیں۔

ان مائیکروڈراپس سے بچنا بہت آسان ہے۔اگر ہم یہ عادت بنا لیں کہ فلش کرنے سے پہلے ٹوائیلٹ کا ڈھکن بند کر دیں گے تو یہ مائیکروڈراپس ٹوائیلٹ کے باؤل کے اندر ہی رہیں گے۔ اگر چند منٹ تک ڈھکن کو بند ہی رکھا جائے تو یہ ڈراپس آہستہ آہستہ ٹوائیلٹ کے باؤل میں ہی بیٹھ جائیں گے اور آپ کے کپڑوں پر یا واش روم میں موجود دوسری اشیا پر نہیں گریں گے۔ اس کے علاوہ مرد حضرات کھڑے ہو کر پیشاب کرنے کی عادت ترک کر دیں اور ٹوائیلٹ پر بیٹھ کر پیشاب کریں تو بھی مائیکروڈراپس ٹوائیلٹ باؤل سے باہر نہیں گریں گے۔ فارغ ہونے کہ بعد ٹوائیلٹ کا ڈھکن بن کر فلش چلا دیجیے۔

واش بیسن میں ہاتھ منہ دھوتے وقت بھی اسی طرح سے چھینٹے اڑ کر ادھر ادھر بکھرتے ہیں۔ اس لیے واش روم میں موجود اپنے استعمال کی تمام اشیا کو ڈھانپ کر رکھیے۔ خاص طور پر دانتوں کے برش، شیونگ کا سامان اور میک اپ کا سامان کبھی کھلا مت رکھیے۔

ٹوائیلٹ فلش اور مائیکرو ڈراپس ترجمہ و تلخیص: قدیر قریشی Article by Qadeer Qureshi Toilet Flush and Micro drops

مفکروں کو مفکرِ پاکستان کی فکر تحریر :آفتاب سکندر Article by Aftab Sekander Thinkers are thoughtful about Thinker of Pakistan

2021-08-04T00:00:00.003-07:00

مفکروں کو مفکرِ پاکستان کی فکر
(Thinkers are thoughtful about Thinker of Pakistan)

تحریر :آفتاب سکندر

میرا قلم منصف ہے مصنف کا عقائد نہیں حقائق لکھتا ہے۔ میرا لکھا گیا ایک ایک حرف معاشرتی درد کی عکاسی کرتا ہے۔ میں نے ابلاغِ سائنس کی طرف قدم بڑھائے تو مجھے نظر آیا کہ یہاں تو شخصیت پرستی کے بُت اور مینار کھڑے ہیں۔ مجھ میں اک تڑپ سی اُٹھتی ہے کہ بُت شکن بنوں بُت پرست نہ بنوں میرا قلم بُت شکن ہے بُت پرست نہیں۔ اُس کے حق سے غرض ہے تمھارے یقین سے نہیں۔

خطہ برِصغیر کے سب سے بڑے شاعر علامہ اقبال تھے۔ اُن کے بعد کوئی بڑا شاعر پیدا نہیں ہوسکتا۔ یہ کہنا اپنے آپ میں ایک بہت بڑا جرم بلکہ کفر ہے۔ معاذاللہ اللہ تبارک و تعالیٰ کی ذات اُن سے بڑا شاعر پیدا نہیں کرسکتی کیا؟

اُن کی شاعری قرآن مجید فرقان حمید کتابِ کریم کلامِ عظیم کا ترجمہ ہے۔ یہ جملہ اکثر و بیشتر سننے میں آتا ہے۔ حیرت کی بات ہے پورے قرآن میں کہیں بھی ملکہ الزبتھ کی قصیدہ گوئی نہیں ملتی۔ حالانکہ اُن کے کلام میں ملکہ الزبتھ کی قصیدہ گوئی شامل ہے۔

ہمارے ہاں یہ روایت مشہور ہے دو کو چار بنانا، چار کو سولہ بنادینا۔ یہ روایت عمومی روایت ہے۔ ہم نے شخصیت پرستی کے بُت کھڑے کر رکھے ہیں اور ان بتوں کے خلاف ایک لفظ سننا بھی ہمیں گوارہ نہیں۔

جس نے سائنس کی تعلیم ہی حاصل نہیں کی. ایف اے، بی اے کیا. اُس کے پاس سائنس کا کونسا علم ہونا ہے مگر ہم ہیں کہ جامعات میں باقاعدہ پروگرام منعقد کروا رہے ہیں۔ کانفرنسیں کررہے ہیں۔ تقاریب کا اہتمام کررہے ہیں کس بات کے موضوع پر۔ اقبالیات کی سائنس کے موضوع پر۔ اقبال سائنس دان تھے بالکل نہیں۔ قطعی نہیں۔

پھر کس منہ سے اُس کو سائنس دان ثابت کرنے کی کاوشیں جاری و ساری ہیں۔ کیوں اقبالیات کی سائنس کا رونا رویا گیا۔ وہ شاعر تھے۔ مفکر(Thinker) تھے۔ سائنس دان کب سے ہوگئے۔

اُن کو سائنس دان ثابت کرنے کی سعی کرنا سائنس کی تعلیم و تعلم کے ساتھ ظلم و زیادتی کرنے کے مترادف ہے۔

علامہ اقبال صاحب اپنی تصنیف" Reconstruction of religious thoughts in Islam "میں صفحہ نمبر 37 پر کچھ اس طرح سے گویا ہوئے ہیں کہ

"Scientific materialism has ended in a revolt against the matter. The concept of the matter has received the greatest blow from the hand of Einstein"

اب ڈاکٹر علامہ محمد اقبال صاحب فرما رہے ہیں کہ آئین شٹائین نے تردید کی مادہ کی۔ غالباً بلکہ قوی امکان ہے کہ وہ مشہورِ زمانہ مساوات

E=mc^2

کی تفہیم کو مادہ کی نفی سمجھ رہے ہیں۔ حالانکہ

E=mc2

مشہورِ زمانہ مساوات کا اصل مطلب یہی ہے کہ مادہ کو توانائی میں تبدیل کیا جاسکتا ہے۔ اس کلیہ کے تحت کمیت کو ہم توانائی میں تبدیل کرتے ہیں۔ اس کی سب سے بڑی مثال ایٹم بم کی تشکیل میں مادہ کی جوہری توانائی میں تبدیلی ہے۔

جوہری عملِ انشقاق اور جوہری عملِ ایتلاف میں یہی کچھ ہوتا ہے۔

پوزیٹران اور الیکٹران کے تعامل سے فوٹان حاصل ہوتا ہے۔جس سے (annihilation of matter) بولتے ہیں۔ اس کے علاوہ mass defect and binding energy یہ دو عوامل بھی اس کی مثال ہیں۔

توانائی کو مادہ میں تبدیل کیا جاسکتا ہے۔ کچھ عرصہ ادارہ میکس پلانکس کے ایک طبعیات دان نے یہ تصور پیش کیا کہ فوٹانز کو تعامل کے نتیجے میں ذرات اور ضد ذرات (Particles and anti particles) تشکیل پاسکتے ہیں۔ اس کے لئے تصوراتی تجربہ کیا جس میں الیکٹرانز میں لیزر کی وساطت سے اسراع (acceleration) پیدا کر کے ان کی رفتار روشنی کے رفتار کے برابر لائی جاتی اور ان کے ٹکراؤ سے روشنی کی شعاع پیدا کی جا سکتی ہے۔ یہ بھی ممکن ہے گو کہ یہ تصوراتی تجربہ تھا۔

تو علامہ اقبال صاحب جنہوں نے ایف اے، بی اے کیا تھا انہوں نے تو سائنس نہیں پڑھی پھر اُن کو کس نے یہ حق دیا ہے کہ وہ جید ترین سائنس دانوں کے متعلق رائے قائم کرتے پھریں۔

"زندہ رود" کتاب ہے جس میں ڈاکٹر علامہ محمد اقبال صاحب کے صاحبزادے ڈاکٹر جاوید اقبال نے علامہ اقبال صاحب کی بات لکھی ہے کہ وہ آئن شٹائین کی اضافیت کے متعلق لکھتے ہیں کہ یہ تو ہم لوگوں نے صدیوں پہلے ایجاد کر رکھا ہے تو جناب ہمارے علامہ اقبال صاحب کی ہی دریافت کردہ روایت ہے جس پر ہماری قوم چل رہی ہے جو نئی چیز دیکھی کہہ دیا کہ ہمارے اجداد کی ایجاد کردہ یا دریافت کردہ ہے۔

یہ ایک ایسا مسئلہ ہے معمہ ہے جس پر حیف و گریہ زاری کے عالم میں غرق ہونے کے سوا کچھ نہیں کیا جاسکتا۔ ہماری قومی سوچ کا میلان کیا ہے اس پر ہم سوائے افسوس کہ کچھ نہیں کرسکتے۔ جامعات میں تقریبات کس منہ سے منعقد کی گئیں۔ محض یہ ثابت کرنے کے لئے کہ اقبالیات سائنس ہے حد ہوگئی ہے۔ ہم خود حیران ہیں کہ یہ ہو کیا رہا ہے ہم کر کیا رہے ہیں۔ ہمیں بہت سنجیدگی سے فراغدلی کا مظاہرہ کرتے ہوئے اس متعلق سوچنے کی ضرورت ہے۔ ہمارے ہاں حر حرکیات کے دوسرے قانون سے ناواقف سائنس دان ہیں۔ کبھی ہمارے ہاں صدیوں پہلے رد شدہ نظریات لکھنے والے کے مطابق زمین ساکن ہے۔ آخر مسئلہ کیا ہے۔ ہمارا سب سے بڑا مسئلہ یہی ہے کہ ہم بحیثیت قوم مَن حیث القوم ایسے معاملات کو الجھانے کی کاوش کرتے ہیں۔

مفکروں کو مفکرِ پاکستان کی فکر تحریر :آفتاب سکندر Article by Aftab Sekander Thinkers are thoughtful about Thinker of Pakistan

ہگز بوزون ترجمہ و تلخیص: قدیر قریشی Article by Qadeer Qureshi Higgs Boson God Particle

2021-08-03T23:21:00.008-07:00

ہگز بوزون
(Higgs Boson)

ترجمہ و تلخیص: قدیر قریشی

جب ہم کائنات پر نظر ڈالتے ہیں تو ہمیں ہر طرف کہکشائیں، ستارے، سیارے، شہابیے وغیرہ نظر آتے ہیں۔ اگر ہم ان سب اجسام کا تجزیہ کریں تو ہمیں معلوم ہوتا ہے کہ کائنات میں ہر مادی چیز کچھ بنیادی پارٹیکلز سے مل کر بنی ہے۔ یہ پارٹیکلز اس قدر چھوٹے ہیں کہ انہیں دنیا کہ بہترین خوردبین سے بھی نہیں دیکھا جا سکتا۔

سنہ 1896 میں پہلا بنیادی پارٹیکل الیکٹران دریافت کیا گیا۔ آج ہم دو سو سے زیادہ سب اٹامک پارٹیکلز کے بارے میں جانتے ہیں۔ ان میں سب سے آخر میں جو پارٹیکل دریافت ہوا اس کا نام ہگز بوزون ہے۔ اس پارٹیکل کو دریافت کرنے پر 14 ارب ڈالر صرف ہوئے۔ اسے عام میڈیا میں گاڈ پارٹیکل کا نام دیا گیا جس کی وجہ سے لوگوں کے ذہنوں میں اس پارٹیکل کے بارے میں بہت سے غیر ضروری شہبات پیدا ہونے لگے ہیں اور سائنس سے لاعلم کچھ حضرات اس پارٹیکل کا ناطہ مذہبی تصورات سے جوڑنے لگے ہیں۔ تو آئیے دیکھتے ہیں کہ ہگز بوزون کیا ہے۔

بنیادی فورسز اور ان کے ذرات:

کائنات میں چار بنیادی فورسز ہیں جو ایک ایٹم سے لے کر کہکشاؤں کے کلسٹرز تک کائنات کی ہر چیز کی توجیہہ پیش کرتی ہیں۔

1۔ کشش ثقل جو شمسی سیاروں کو سورج کے گرد گھومنے پر مجبور کرتی ہے۔ کشش ثقل کا بنیادی ذرہ مفروضاتی ہے جسے گریویٹان کہا جاتا ہے۔ یہ ذرہ فی الحال دریافت نہیں ہو پایا

2۔برقی مقناطیسی قوت جو الیکٹریکل چارج کے آپسی تعاملات متعین کرتی ہے۔ اس کا بنیادی ذرہ فوٹان ہے۔

3۔ویک فورس (Weak force) جو ایٹموں کی تابکاری کا باعث بنتی ہے۔ اس کے بنیادی ذرات W اور Z بوزون ہیں۔

4۔سٹرانگ فورس (Strong force) جو ایٹم کے مرکزے میں پروٹانز کو اکٹھا رکھتی ہے۔ اس کا بنیادی ذرہ گلووون (gluon) ہے۔

فزکس کا بنیادی نظریہ جو ان تمام ذرات کو انتہائی خوبصورتی سے بیان کرتا ہے اسے فزکس کا سٹینڈرڈ ماڈل کہا جاتا ہے۔

ہگز فیلڈ:

1960 کی دہائی میں فزکس کو ایک اہم مسئلے کا سامنا تھا جس کا حل ہمارے پاس نہیں تھا، اور وہ مسئلہ یہ تھا کہ بنیادی پارٹیکلز کا ماس کیونکر بنتا ہے۔ اس مسئلے کا حل پیٹر ہگز اور پانچ دوسرے سائنس دانوں نے پیش گیا۔ ان کے مفروضے کے مطابق کائنات میں ہر جگہ ایک فیلڈ موجود ہے جسے ہگز فیلڈ کہا جاتا ہے۔

اس فیلڈ کی مثال آپ یوں سمجھیے: فرض کیجیے کہ آپ ایک سڑک پر چل رہے ہیں۔ آپ آسانی سے ادھر ادھر پھر سکتے ہیں اور آپ کو ایسا کرنے میں کوئی مزاحمت محسوس نہیں ہوتی۔ اب آپ تصور کیجیے کہ آپ کسی گہرے تالاب یعنی سوئمنگ پول میں پیدل چل رہے ہیں۔ آپ کو کیا محسوس ہو گا؟ آپ کو اپنے جسم پر پانی کی مزاحمت محسوس ہو گی جس کی وجہ سے آپ کے چلنے کی رفتار بہت کم ہو جائے گی۔

ہگز فیلڈ بھی بنیادی پارٹیکلز کی حرکت کے خلاف اسی طرح مزاحمت پیش کرتا ہے۔ جب کچھ بنیادی ذرات ہگز فیلڈ کی موجودگی میں حرکت کرتے ہیں تو ہگز فیلڈ کی مزاحمت کی وجہ سے ان کی رفتار سست ہو جاتی ہے اور انہیں حرکت کے لیے قوت صرف کرنا پڑتی ہے۔ کسی بھی ذرے کا ہگز فیلڈ سے تعامل جس قدر زیادہ ہوتا ہے اسی قدر اسے زیادہ مزاحمت محسوس ہوتی ہے۔ اس مزاحمت کو ہم اس پارٹیکل کے ماس کے طور پر محسوس کرتے ہیں۔ کچھ بنیادی ذرات مثلاً فوٹانز اس فیلڈ کے ساتھ بالکل تعامل نہیں کرتے اس لیے ان کا ماس صفر ہوتا ہے۔

ہگز بوزون(Higgs Boson):

کوانٹم فزکس کا بنیادی اصول یہ ہے کہ اگر کائنات میں کوئی فیلڈ موجود ہے تو اس فیلڈ میں کسی بھی قسم کی تبدیلی یعنی ایکسائٹیشن کوانٹائزڈ ہو گی اور اس سے منسلک کوئی بنیادی ذرہ ہو گا۔ ہگز فیلڈ کی ایکسائیٹیشن کے ساتھ بھی ایک بنیادی ذرہ منسلک ہے جسے ہگز بوزون(Higgs Boson) کہا جاتا ہے۔

اس کی مثال ہم یوں سمجھنے کی کوشش کرتے ہیں۔ فرض کیجیے آپ کے پاس پانی سے بھرا ایک گلاس ہے۔ اس گلاس میں پانی ساکن ہے۔ اگر آپ اس گلاس میں تیزی سے برف کا ایک ٹکڑا ڈالیں تو کیا ہو گا؟ پانی چھلکنے لگے گا۔ اسی طرح اگر ہگز فیلڈ میں باہر سے انرجی داخل کی جائے تو اس انرجی سے ہگز فیلڈ بھی چھلکنے لگتا ہے۔ ہگز فیلڈ میں اس چھلکنے کے مظہر کو ہگز بوزون کہا جاتا ہے۔

ہگز فیلڈ میں اس قدر توانائی پیدا کرنا آسان نہیں ہے جس سے ہگز بوزون پیدا ہوں۔ہمیں ہگز بوزون کو دریافت کرنے میں پچاس برس لگے اور یہ سٹینڈرڈ ماڈل کا آخری ذرہ تھا جو 2012 تک دریافت نہیں ہو پایا تھا۔

گاڈ پارٹیکل(God Particle)؟

کچھ لوگ ہگز فیلڈ کو گاڈ پارٹیکل بھی کہتے ہیں۔ جانتے ہیں کیوں؟ نوبیل انعام یافتہ فزسسٹ لیون لیڈرمین کئی دہائیوں تک ہگز بوزون کی تلاش کرتے رہے لیکن ناکام رہے۔ انہوں نے ریٹائر ہونے کے بعد ہگز بوزون کی تلاش کی اپنی کوششوں پر ایک کتاب لکھی جس کا نام The God particle رکھا۔ اس کتاب کے دیباچے میں انہوں نے لکھا کہ وہ اپنی کتاب کا نام The Goddamn Particle رکھنا چاہتے تھے کیونکہ اس ذرے نے انہیں کئی دہائیوں تک مایوس کیے رکھا اور ان کی تمام عمر کی محنت اکارت گئی۔ وہ ریٹائر ہونے تک ہگز بوزون کو دریافت نہیں کر پائے۔ لیکن کتاب کے پبلشر نے کہا کہ یہ لفظ کچھ معیوب ہے اور سائنس کی کتاب کے لیے مناسب نہیں ہے۔اس لیے انہوں نے کتاب کا نام بدل کر The God Particle رکھ دیا۔اس طرح ہگز بوزون کا نام پاپولر میڈیا میں گاڈ پارٹیکل پڑ گیا۔ چنانچہ جب 2012 میں ہگز بوزون دریافت ہوا تو کئی اخباروں کی سرخیاں تھیں 'گاڈ پارٹیکل کو دریافت کر لیا گیا'۔ لیکن ہگز بوزون کا کسی مذہبی تصور سے کوئی تعلق نہیں ہے۔

کچھ لوگ شاید یہ سمجھتے ہوں کہ پارٹیکل فزکس کا مقصد صرف ہگز بوزون کو دریافت کرنا تھا۔ لیکن ہگز بوزون کی دریافت فزکس کی تاریخ میں ایک نیا باب ہے جس سے کئی نئی دریافتوں کا راستہ ہموار ہو گیا ہے۔ اب تک سوئٹزرلینڈ کی لیبارٹری لارج ہیڈران کولائیڈر LHC میں ہگز بوزون کے کئی نئے تعاملات دریافت ہو چکے ہیں اور مستقبل میں جب LHC کی طاقت مزید بڑھائی جائے گی تو اس کولائیڈر سے ہگز فیلڈ سے متعلق مزید نئی دریافتیں متوقع ہیں۔

ہگز بوزون ترجمہ و تلخیص: قدیر قریشی Article by Qadeer Qureshi Higgs Boson God Particle

چنگاری تحریر: اکرم مصرانی Article by Akram Misrani Sparking Chingaari

2021-08-03T10:50:00.010-07:00

"چنگاری "
(Sparking)

تحریر: اکرم مصرانی

آج مناواں لاہور میں اسٹیل میں ایک مزدور اپنی روزی روٹی کے لیے محنت کے دوران مزدوروں کے لیے ہیلتھ اور سیفٹی کی عدم سہولیات کی وجہ سے بھٹی میں گر کر اپنی زندگی گنوا بیٹھا۔ جس کی لاش آگ میں جل کر راکھ ہوگئی! اس سرمایہ دارنہ نظام پر چلنے والی ریاست میں اس قسم کا واقعہ پہلا اور آخری نہیں ہے۔ ملوں اور فیکٹریوں مزدور طبقے کی جسمانی ساخت دیکھ کر اس سرمایہ دارانہ نظام کا وحشی چہرا ظاہر ہوتا ہے۔ اگر تیسری دنیا کے ممالک میں مزدوروں کی صحت کا تجزیہ کیا جاۓ تو صحت کی صورتحال انتہائی تشویک ناک ہے۔ مزدوروں کام کرنے والی جگہوں پر صاف پانی سے لیکر صاف ہوا اور ڈریس تک میسر نہیں نہ ہی سیفٹی کا کوئی سامان وغیرہ میسر ہے جو کسی حادثے کے وقت بچاٶ کے لیے کام آسکے! مزید براں مزدوروں سے اور ٹائم کرنے پر مجبور کرکے ان کو غلام ہونے کا احساس دلیا جاتا ہے۔ سرمایہ دار مزدور سے سخت سےسخت کام لیتا ہے۔ کام کے دوران انکی انگلیوں سے لیکر پیٹھ اور چہرا کئی جسمانی کمزوریوں اور بیماریوں کا شکار ہوجاتا ہے بس انکو اتنی اجرت دی جاتی ہے کہ وہ اگلے دن زندہ ہوں اور کام کرنے کے قابل ہوں۔ مگر دوسری طرف سرمایہ دار شرح منافع حاصل کرتا رہتا ہے۔اوراسکےساتھ ساتھ اسکو اور اسکے خاندان کی تمام ضروریات پوری ہوتی ہیں۔ مزدور کے سماجی اور معاشی حالات کے مطابق مزدور اپنے ساتھ ایک پورا خاندان بھی پالتا ہے۔اسکے لیے مزدور کو دن اور رات ایک کرکے محنت اور مشقت کرنی پڑتی ہے۔ مگر بدلے میں اسکے ساتھ یا اسکے گھر کسی فرد پر مصیبت اور قیامت برپا ہوتی رہتی ہے! کبھی مشین میں مزدور کا ہاتھ کٹ جاتا ہے تو کبھی کسی بٹھی میں گر کر اسکا جسم جل جاتا ہے اور کبھی اسکے گھر کا کوئی فرد بوکھ ا ور بیماری سے تڑپ تڑپ کر مرجاتا ہے۔ اس قسم کی مصیبت اور قیامت مزدور کو بطور طبقہ اجتماعی طاقت اور اپنے دشمن یعنی سرمایہ دار کے خلاف بغاوت کا شعور دلاتی ہے۔ پھر یہ بغاوت ایک انقلابی چنگاری کا روپ دھارتی ہے۔جس میں مزدور ہر قسم کی تعصبانہ تفریق اور طبقاتی تفریق کوجلانے کی سوچ رکھتا ہے۔اور آخر میں یہ چنگاری(Sparking) سرمایہ دارنہ نظام کو ہی جلا کر راکھ کردیتی ہے۔

چنگاری تحریر: اکرم مصرانی Article by Akram Misrani Sparking Chingaari

مریخ پر پرسی ویرنس کی لینڈنگ ترجمہ و تلخیص: قدیر قریشی Article by Qadeer Qureshi Landing of Perseverance on Mars

2021-08-03T08:03:00.004-07:00

مریخ پر پرسی ویرنس کی لینڈنگ
(Landing of Perseverance on Mars)

ترجمہ و تلخیص: قدیر قریشی

کچھ عرصے پہلے ناسا کا ایک نیا روور (rover) مریخ کی سطح پر اترا۔ اس روور کا نام پرسی ویرنس (Perseverance) ہے۔ اسے 30 جولائی 2020 کو زمین سے لانچ کیا گیا تھا اور یہ یہ لینڈر 18 فروری 2021 کو مریخ کی سطح پر اترا ہے۔ اس مشن کو کورونا وائرس کی پینڈیمک کے دوران لانچ کیا گیا جب ناسا کے اکثر ملازمین لاک ڈاؤن کی وجہ سے گھر سے کام کر رہے تھے اور صرف انتہائی ضروری عملے کو لانچ سائٹ پر جانے کی اجازت تھی۔اس کے باوجود یہ مشن پلان کے مطابق لانچ ہوا۔

اس روور کے مریخ پر لینڈ کرنے کی سیکوینس انتہائی پیچیدہ ہے جسے مکمل ہونے میں سات منٹ لگیں تھے۔اس سیکوینس کوseven minutes of terror)سات ہببت ناک منٹ) کا نام دیا گیا ہے کیونکہ ان سات منٹوں میں نہ تو اس سے کوئی سگنل آئے گا اور نہ ہی اسے زمین سے کنٹرول کیا جا سکے گا۔ انجینیئرز سات منٹ تک دم سادھے اس کے اترنے کے سگنل کا انتظار کریں گے۔

لینڈنگ کی سیکوینس:

مریخ کی سطح سے سو کلومیٹر کے فاصلے پر اس لینڈر کا کیپسول بیس ہزار کلومیٹر فی گھنٹہ کی رفتار سے مریخ کی طرف بڑھ رہا ہو گا اور اسے مریخ کے کرہ ہوائی کی ہوا کی رگڑ کا احساس ہونے لگے گا جس سے اس کی رفتار کم ہونے لگے گی۔ یہاں سے مریخ کی سطح تک پہنچنے میں اسے کل سات منٹ لگیں گے جس کے دوران اسے اپنی رفتار کو کم کر کے 3.6 کلومیٹر فی گھنٹہ تک کرنا ہو گی۔ اگر سطح سے ٹکرانے وقت اس کی رفتار اس مقررہ رفتار سے زیادہ ہوئی تو یہ روور مریخ کی سطح سے ٹکرا کر پاش پاش ہو سکتا ہے۔

مریخ کی سطح کے قریب پہنچے پہنچتے جب اس کی رفتار 1200 کلومیٹر فی گھنٹہ ہو گی تو اس کیپسول کے پیراشوٹ کھل جائیں گے جو اس کی رفتار کو کم کر کے 360 کلومیٹر فی گھنٹہ تک کر دیں گے۔ اس وقت اس کی مریخ سے بلند دو کلومیٹر کے لگ بھگ ہو گی۔ اس وقت اس کیپسول سے روور اور اس کی کرین الگ ہو جائیں گے اور کرین میں لگے آٹھ راکٹ اس کی رفتار مزید کم کر دیں گے۔ کیپسول اڑ کر کہیں دور جا گرے گا جب کہ کمپیوٹر اب کرین کو کنٹرول کریں گے۔ جب یہ کرین سطح سے محض چند میٹر کی بلندی پر ہو گی تو یہ کریں فضا میں معلق ہو جائے گی اور رسیوں کے ذریعے روور کو مریخ کی سطح پر اتارے گی۔ جیسے ہی یہ روور مریخ کی سطح سے ٹکرائے گا اس کا خودکار نظام ان رسیوں کو کاٹ دے گا اور کرین اڑ کر اس سے دور چلی جائے گی تاکہ کرین روور سے دور جا کر گرے اور اس کے گرنے سے روور کو کوئی نقصان پہنچنے کا اندیشہ نہ ہو۔

یہ تمام کا تمام کنٹرول روور کے کمپیوٹرز کریں گے۔اس لینڈنگ کو زمین سے کنٹرول کرنا ممکن نہیں ہے۔ اس وقت مریخ جس پوزیشن پر ہو گا وہاں زمین سے کوئی بھی سگنل پہنچانے میں پونے بارہ منٹ درکار ہوں گے۔ اس وجہ سے اس سات منٹ کی سیکونس کو زمین سے کنٹرول کرنا ممکن ہی نہیں ہے۔

اترنے کے بعد کئی دن تک اس روور کے تفصیلی ٹیسٹ کیے جائیں گے تاکہ اس بات کو یقینی بنایا جا سکے کہ اس کے تمام سسٹمز درست طور پر کام کر رہے ہیں۔ اس کے بعد اس کے مشن کا آغاز کیا جائے گا۔

تاریخ کا پہلا غیر زمینی ہیلی کاپٹر:

اس روور کے ساتھ ایک ہیلی کاپٹر بھی مریخ پر بھیجا گیا ہے جس کا نام Ingenuity ہے۔ یہ انسانی تاریخ میں پہلا موقع ہو گا کہ زمین کے علاوہ کسی فلکی جسم پر ہیلی کاپٹر اڑایا جائے گا۔ یہ ہیلی کاپٹر شمسی توانائی سے چلے گا اور مریخ کی سطح کا بلندی سے معائنہ کرے گا۔ اس ہیلی کاپٹر کا مقصد یہ معلوم کرنا ہے کہ مستقبل کے مشنز میں روور کے ساتھ ساتھ ہیلی کاپٹر بھی سائنسی ڈیٹا اکٹھا کرنے کے لیے استعمال کیے جا سکیں گے یا نہیں۔ اس مشن میں اس ہیلی کاپٹر کا مقصد صرف سائنس دانوں کو مریخ کی مقامی سطح کا bird’s eye view فراہم کرنا ہے تاکہ سائنس دان یہ فیصلہ کر سکیں کہ اس روور کو کس راستے سے اور کہاں کہاں تحقیق کے لیے بھیجا جائے۔ اس ہیلی کاپٹر کے پر (یعنی روٹر) ایک منٹ میں 2400 دفعہ گھومیں گے۔ چونکہ مریخ کا کرہ ہوائی انتہائی لطیف ہے اور اس کی کثافت زمین کے کرہ ہوائی کی کثافت کے ایک فیصد سے بھی کم ہے۔ اس لیے مریخ کی ہوا میں لفٹ پیدا کرنے کے لیے ہیلی کاپٹر کے بلیڈز کو انتہائی تیزی سے گھومنا ہو گا۔

اس ہیلی کاپٹر پر سولر پینل بھی نصب ہیں جو اس کی بیٹری کو چارج کریں گے۔ جب اس ہیلی کاپٹر کی بیٹری کو چارج کی ضرورت ہو گی تو یہ ہیلی کاپٹر خود بخود روور کے پاس آ کر لینڈ کرے گا اور سورج کی دھوپ سے اپنی بیٹری کے چارج ہونے کا انتظار کرے گا۔ اس کے علاوہ سورج غروب ہونے سے کافی پہلے یہ ہیلی کاپٹر لینڈ کر کے اپنی بیٹری کو چارچ کرے گا تاکہ رات بھر اپنے پرزوں کو گرم رکھ سکے اور انتہائی سردی کے اثرات سے بچا سکے۔روور کے کیمروں سے اس ہیلی کاپٹر کا معائنہ کرنا بھی ممکن ہو گا تاکہ اگر ہیلی کاپٹر میں کوئی ظاہری نقص نظر آئے تو زمین پر موجود سائنس دانوں کو اس کی خبر رہے۔

مریخ پر ڈرلنگ:

اس روور کے سائنسی آلات میں ایک ڈرل مشین بھی شامل ہے جو ایک خود کار بازو پر نصب ہے۔ اس مشین سے مریخ کی چٹانوں میں سوراخ کر کے ان کے سیمپلز اکٹھے کیے جائیں گے اور ان کے اجزا کا تجزیہ کیا جائے گا۔ روور کے نیچے ایک مکمل اور خود کار کیمیکل لیبارٹری موجود ہے جہاں ان سیمپلز پر تحقیق کی جائے گی۔

اس وقت مریخ کی سطح پر ناسا کا ایک روور Opportunity پہلے سے موجود ہے جو دیکھنے میں Perseverance سے بہت ملتا جلتا ہے۔ اپرچونیٹی پر بھی ایک ڈرل مشین نصب ہے لیکن وہ مریخ کی سطح پر زیادہ گہرے سوراخ بنانے میں ناکام رہی ہے۔ اس لیے Perseverance پر ایک بہتر ڈرل مشین نصب ہے جس کے بارے میں سائنس دانوں کو امید ہے کہ یہ بہتر طور پر کام کرے گی۔

تو آپ اپنے کیلنڈرز پر 18 فروری کی تاریخ نوٹ کر لیجیے۔ اس دن ناسا Perseverance کی لینڈنگ کی لائیو کوریج فراہم کرے گا۔

مریخ پر پرسی ویرنس کی لینڈنگ ترجمہ و تلخیص: قدیر قریشی Article by Qadeer Qureshi Landing of Perseverance on Mars

تاریخی کھجوریں ترجمہ و تلخیص: قدیر قریشی Article by Qadeer Qureshi Historical Palm dates

2021-08-03T07:08:00.006-07:00

تاریخی کھجوریں
(Historical Palm dates)

ترجمہ و تلخیص: قدیر قریشی

آج سے دو ہزار سال پہلے فلسطین کے ان علاقوں میں بہت سے کھجور(Palm dates) کے درخت تھے جو اب اسرائیل میں شامل ہیں۔ لیکن اب ان علاقوں میں کھجور کے درخت ناپید ہو چکے ہیں۔ ہمیں یہ علم نہیں ہے کہ ان علاقوں میں کھجوریں ناپید کیوں ہو گئیں کیونکہ یہ علاقہ کھجوروں کی پیداوار کے لیے انتہائی موزوں ہے۔ کچھ ماہرین کا خیال ہے کہ دو ہزار سال پہلے جب رومن فوجوں نے اس علاقے پر قبضہ کیا تو فوجیوں نے لوٹ مار کی اور کھجور کے تمام درختوں کو جلا کر ضائع کر دیا۔ کچھ اور ماہرین کا خیال ہے کہ چودہویں صدی عیسوی کے لگ بھگ جب یہاں مملوک خاندان کی حکومت تھی یہاں کئی دہائیوں تک خشک سالی رہی اور کھجوروں کے تمام درخت ضائع ہو گئے۔ اس علاقے میں کھجور کے درخت کب معدوم ہوئے اس بارے میں ماہرین میں اختلاف ہے لیکن یہ بہرحال طے ہے کہ پچھلے کئی سو سالوں (اور شاید ڈیڑھ دو ہزار سالوں) سے اس علاقے میں کھجوریں پیدا نہیں ہو رہیں۔ اسرائیل نے 1948 اور 1967 کی جنگوں میں فلسطین کے جن علاقوں پر قبضہ کیا وہاں آبپاشی کا نظام قائم کیا اور امریکہ سے کھجوروں کے بیج منگوا کر کھجوروں کی کاشت کا آغاز کیا۔ اب اسرائیل میں کھجوریں وافر مقدار میں پیدا ہو رہی ہیں اگرچہ یہ تمام نسلیں اس علاقے کی اوریجنل نسلیں نہیں ہیں۔

1960 میں اسرائیل کے مختلف تاریخی کھنڈرات کی کھدائی کے دوران ماہرین کو دو ہزار سال پرانے گھر ملے جن میں اور بہت سی چیزوں کے علاوہ ایک جار میں کھجوروں کی بہت سی گٹھلیاں بھی ملیں۔ کاربن ڈیٹنگ سے یہ معلوم ہوا کہ یہ گٹھلیاں 1800 سے 2200 سال پرانی ہیں۔ ماہریں نے ان گٹھلیوں کو ایک عجائب گھر میں سنبھال کر رکھ لیا جہاں یہ گٹھلیاں چار دہائیوں تک ایک سربمہر ڈبے میں محفوظ رہیں۔

2005 میں پودوں کی ایک ماہر ڈاکٹر سارہ سالون پرانے بیجوں پر تحقیق کر رہی تھیں۔ انہیں ان دو ہزار پرانے بیجوں کا علم ہوا تو انہوں نے عجائب گھر سے درخواست کی کہ انہیں کھجوروں کے کچھ بیج دیے جائیں جن سے وہ پودے اگانے کی کوشش کریں گیں۔عجائب گھر کے حکام نے ان کی درخواست کو ایک نوجوان سائنس دان کی حد سے زیادہ بڑھی ہوئی خود اعتمادی یعنی اوور کانفیڈنس قرار دیا اور ان کی درخواست نظر انداز کر دی۔ ان کے نزدیک دو ہزار سال پرانے بیجوں میں ڈی این اے ضائع ہو چکا ہوتا ہے اس لیے ان گٹھلیوں سے پودوں کے اگنے کا امکان صفر تھا۔ تاہم ڈاکٹر سالون نے ہمت نہیں ہاری اور مسلسل ان بیجوں کو حاصل کرنے کی کوشش کرتی رہیں۔ آخر کار عجائب گھر کے حکام نے ان کی درخواست منظور کر لی اور کھجوروں کی دو ہزار سال پرانی گٹھلیوں میں سے 34 گٹھلیاں ان کے حوالے کر دیں۔

ڈاکٹر سالون نے ان 34 گٹھلیوں کو صاف کرنے کے بعد انہیں نیم گرم پانی اور مائع کھاد میں بھگویا اور پھر انہیں گملوں میں بو دیا۔ چند ہی ہفتوں میں ان میں سے چھ گٹھلیوں سے ننھے منے پودے نکلنے لگے۔ ڈاکٹر سالون نے ان پودوں کو زمین میں ٹرانسپلانٹ کر دیا اور اب یہ پودے مکمل درخت بن چکے ہیں۔

کھجور کے درخت میں نر اور مادہ الگ الگ ہوتے ہیں۔ نر درخت پولن پیدا کرتے ہیں اور مادہ درخت پر پھول کھلتے ہیں۔ جب مادہ درخت کے پھول نر پودوں کے پولن سے فرٹیلائز ہوتے ہیں تو ان مادہ درختوں پر کھجوریں بنتی ہیں۔ اتفاق سے ڈاکٹر سالون کے اس تجربے میں کھجور کے تمام درخت نر تھے جو پولن تو پیدا کر رہے تھے لیکن اسی نسل کا کوئی مادہ درخت موجود نہیں تھا جو اس نسل کی کھجوریں بھی پیدا کر پاتا۔

خوش قسمتی سے چند برس بعد ڈاکٹر سالون کے اسرائیل کے کچھ دوسرے پرانے کھنڈرات سے دریافت ہونے والے کھجوروں کے بیج بھی مل گئے جن میں سے کچھ بیج بار آور تھے اور ان سے وہ کھجوروں کے مزید درخت اگانے میں کامیاب ہو گئیں۔ پچھلے سال ان درختوں میں پہلی بار پھول آئے یعنی یہ مادہ درخت تھے۔ گویا دو ہزار سالوں میں پہلی دفعہ ایسا ہوا کہ اس نسل کے نر اور مادہ درخت بیک وقت کھجوروں کی اگلی نسل پیدا کرنے کے لیے تیار تھے۔ ڈاکٹر سالون نے انتہائی احتیاط سے ان نر درختوں کا پولن حاصل کیا اور ان مادہ درختوں کے پھولوں کو فرٹیلائز کیا۔ اس احتیاط کی ضرورت اس لیے تھی کہ وہ نہیں چاہتی تھیں کہ یہ پھول کسی اور نسل کی کھجور کے درخت کے پولن سے فرٹیلائز ہوں۔

ان کا یہ تجربہ کامیاب رہا اور پچھلے سال ستمبر میں اس درخت میں کھجوریں لگ گئیں۔ چونکہ یہ اس درخت کی پہلی فصل تھی اس لیے صرف ایک سو کے قریب کھجوریں ہی پیدا ہو سکیں۔ لیکن یہ ایک انتہائی اہم سنگ میل تھا کہ پودے کی ایک نوع جو کئی صدیوں پہلے دنیا سے معدوم ہو چکی تھی اس نوع کے پودے اب نہ صرف اگ رہے ہیں بلکہ پھل بھی پیدا کر رہے ہیں۔ اب ان نئے بیجوں سے بہت سے نئے درخت پیدا کیے جا سکتے ہیں اور ان دو ہزار سال پرانی کھجوروں کی نسل کو بحال کیا جا سکتا ہے۔

بہت سے ماہرین اس نسل کی کھجور کی بحالی کو ایک معجزہ قرار دے رہے ہیں۔اگرچہ بیجوں میں ماحول کو سینس کرنے کی قابلیت ہوتی ہے یعنی جب تک اگلی نسل پیدا کرنے کے لیے ماحول سازگار نہ ہو تب تک بیج ڈارمنٹ (خوابیدہ، غیرفعال) رہتے ہیں یعنی اس وقت تک بیج نہیں پھوٹتے۔ اکثر بیج کئی سال تک ڈارمنٹ رہنے کے بعد بھی بوئے جائیں تو پھوٹ پڑتے ہیں اور ان سے پودے اگنے لگتے ہیں۔لیکن وقت گذرنے کے ساتھ ساتھ بیجوں میں موجود جینیاتی مواد ناکارہ ہونے لگتا ہے اور ان بیجوں سے پودے بننے کا امکان کم ہونے لگتا ہے۔ اکثر بیج دس بیس سال کے بعد پھوٹنے کے قابل نہیں رہتے۔ بہت کم بیج ایسے ہوتے ہیں جو صدیوں تک ڈارمنٹ رہنے کے بعد بھی پھوٹنے کے قابل ہوتے ہیں۔ دو ہزار سال پرانے بیجوں کا ڈارمنٹ رہنا اور ضائع نہ ہونا ایک انہونی بات سمجھی جاتی ہے۔

ماہرین کا خیال ہے کہ کھجوروں کے یہ بیج اس وجہ سے ضائع نہیں ہوئے کہ جس ماحول میں یہ بیج سٹور کیے گئے تھے اس میں نہ تو روشنی کی پہنچ تھی اور نہ ہی نمی کی۔ اس وجہ سے ان بیجوں کا ڈی این اے ڈی گریڈ نہیں ہوا۔ روشنی اور خصوصاً الٹرا وائلٹ شعاعوں سے بیجوں کا ڈی این اے ٹوٹ پھوٹ کا شکار ہو جاتا ہے اور اگر بیجوں میں نمی موجود ہو تو ان بیجوں کے پھوٹ پڑنے کا امکان زیادہ ہو جاتا ہے یعنی پھر بیج بہت عرصے تک محفوظ نہیں رہ پاتے۔ فلسطین کے ریگستانوں میں نمی بہت کم ہوتی ہے جس وجہ سے وہاں یہ بیج دو ہزار سال تک محفوظ رہ پائے۔

ڈاکٹر سالون کے ان تجربات کے طفیل اب ہم یہ امید کر سکتے ہیں کہ چند سال بعد فلسطین کی یہ تاریخی کھجوریں دنیا بھر میں میسر ہوں گی اور ہم کھجور کی اس نوع سے لطف اندوز ہو پائیں گے جو ہزاروں سال سے معدوم ہو چکی تھی۔

تاریخی کھجوریں ترجمہ و تلخیص: قدیر قریشی Article by Qadeer Qureshi Historical Palm dates

سائنسی طریق کار تحریر: غلام مصطفٰی(جی.ایم) Article by Ghulam Mustfa (G.M) Scientific Methodology

2021-08-03T01:34:00.009-07:00

سائنسی طریق کار
(Scientific Methodology)

تحریر: غلام مصطفٰی(جی.ایم)

سائنس (Science)ایک باقاعدہ اور منظم علم ہے اور سانئس نہ صرف علم ہے بلکہ علوم حاصل کرنے کا منظم طریقہ(Methodology) بھی سکھاتی ہے۔ سائنس کی بدولت نئی نئی ایجادات سامنے آئیں۔ جن سے انسان کیلیے سہولتیں فراھم ہوئیں۔ سائنسی ترقی سے بھوک وافلاس ختم کرنے میں مدد ملی اور انسانی زندگی پُر آسائش ہوگئی۔ سانئسی ایجادات سے سفر کی سہولتیں میسر آئیں۔ انسانی رہائش اور پہناوے میں فرق آیا۔ انسانی خوراک میں فرق آیا۔سائنسی کی ترقی کی بدولت انسان کو نت نئی معلومات میسر آئیں۔ مشینوں اور مشینی ایجادات نے کام کرنا آسان بنایا اور کم وقت میں زیادہ کام کرنا ممکن ہوا۔ جہاں سائنس نے اتنا کچھ دیا اور آئندہ بھی سائنسی ایجادات انسان کو بڑا کچھ دے گی۔اب سائنس اس قدر ترقی کرچکی ہے کہ ہر ملک میں مختلف قسم کی تجربہ گاہیں موجود ہیں۔ جہاں باقاعدہ تربیت یافتہ لوگ مسلسل تحقیق میں مصروف ہیں۔انسان قدرت کی پیدا کردہ ہر چیز اور اس دنیا میں ہونے والے ہر واقعہ کو سجھنے کی سر توڑ کوشش کررہا ہےاور لاتعداد تحقیقات اور مختلف ایجادات ہورہی ہیں لیکن ان تمام میں ایک چیز مشترک ہے اور اسے "سائنسی طریق کار"کہتے ہیں۔ سائنس کو دوسرے علوم سے ممتاز کرنے والی سب سے اہم خاصیت اسکا طریق کار ہے۔

مختصراً

سائنسی طریقہ کار وہ منظم طریقہ ہے جس کے ذریعہ سے کائناتی مسائل حل کیے جاتے ہیں۔

سائنسی طریقہ کار درج ذیل مراحل پر مشتمل ہے۔

(1)مشاہدہ

حواس خمسہ یا کسی آلہ یا آلات کے ذریعے سے قدرتی مظہر یا شے کے بارے میں معلومات اکٹھا کرنے کو مشاہدہ کہتے ہیں۔ مثلاً

پانی کیا ہے؟پانی اپنے اندر بہت سی چیزیں حل کرلیتاہے جس سے اس کا رنگ اور ذائقہ مختلف ہوجاتاہے۔اگر پانی کو حرارت دی جائے تو یہ ابل کر بخارات میں تبدیل ہوجاتا ہے اور اگر پانی کو ٹھنڈا کیا جائے تو وہ برف میں تبدیل ہوجاتا ہے۔ غرض یکہ پانی کے متعلق اس طرح کی کئی معلومات آسانی سے مل سکتی ہیں. چونکہ حواس خمسہ دھوکہ کھا سکتے ہیں۔

اس لیے مختلف آلات بنائے گئے ہیں تاکہ مشاہدہ بہتر اور صحیح ہو۔ مثلاً خفیف آواز یا دل کی دھڑکنوں سننے کیلیے سٹیتھوسکوپ استعمال کیا جاتا ہے۔

کسی چھوٹی چیز یا جراثیم کو دیکھنے کیلیے مائیکروسکوپ (خوردبین) استعمال کی جاتی ہے۔

حرارت کی صحیح پیمائش تھرمامیٹر سے کی جاتی ہے۔

کسی چیز کا وزن کو معلوم کرنے کیلیے ترازو استعمال کیاجاتاہے۔

جب قدرتی شےاور مظاہر کا احتیاط سے مشاہدہ کیا جاتا ہےتو جو معلومات حاصل ہوتی ہیں۔ انہیں "حقائق"کہتے ہیں یہ حقائق سائنسی علم کی پہلی بنیاد ہوتے ہیں۔

(2)مفروضہ

مشاہدات سے حاصل ہونے والے معلومات کے بنیاد پر فرضی وجوہات بنانے کو مفروضہ کہتے ہیں۔ مثلاً

پانی کا برف میں تبدیل ہونے کی وجہ ٹھنڈ ہے۔

پانی کا بخارات میں تبدیل ہونے کی وجہ گرمی ہے۔

(3)پیش گوئی

مفروضہ کی بنیاد پر منطقی نتائج بتانے کو "پیش گوئی" کہتے ہیں۔

یا

کسی چیز کو عملی طور پر کرنے سے پہلے نتائج بتانے کو "پیش گوئی" کہتے ہیں۔ مثلاً

اگر ہم پانی کو ٹھنڈا کرینگے تو وہ لازمً برف میں تبدیل ہوگا۔

اگر ہم پانی کو گرم کرینگے تو وہ لازمً بخارات میں تبدیل ہوگا۔

(4)تجربہ

وہ عملی طریقہ جس میں طے شدہ مخصوص حالات میں سامان اور آلات کے ذریعے سے مفروضے اور پیش گوئیوں کو پرکھا جاتا ہے۔ مثلاً

پانی کو گیس پر رکھ کر گرم کیا جاتا ہے کہ وہ بخارات میں تبدیل ہورہا ہےیا نہیں۔

پانی کو ریفریجیٹر میں میں رکھ کر دیکھا جاتا ہے کہ وہ برف بن رہا ہے یا نہیں۔

اگرنتائج مفروضے اور پیش گوئیوں کی تصدیق کریں تو یہ مزید آزمائش کیلیے اگلے مرحلے میں چلاجاتا ہے اور اگر نتائج اور پیش گوئیوں کے الٹ ملیں تو ازسرے نو نئے مفروضے قائم کرنے پڑتے ہیں۔

(5)نظریہ

طےشدہ مخصوص حالات میں مسلسل تجربات کے ذریعے سے مفروضے اور پیش گوئیوں کی تصدیق ہونے پر وہ "نظریہ" کہلاتا ہے۔ مثلاً

مسلسل تجربات کے ذریعے ثابت ہو گیا ہے کہ جب بھی پانی کو ٹھنڈا کیا جائے وہ برف بن جائے گا اور جب اسے گرم کیا جائے تو وہ بخارات میں تبدیل ہو جائے گا۔ اب یہ ایک نظریہ بن چکا ہے۔

نوٹ:سائنسی نظریات کبھی بھی آخری تصور نہیں کیے جاتے ہیں. جب کوئی ایسامشاہدہ یا نیا تجرباتی نتیجہ اخذ ہوتا ہے جو مقبول نظریہ کی نفی کرتا ہو تو اس نظریے کو معمولی ردوبدل کے ساتھ نئے حاصل شدہ مشاہدے یا نتیجے سے ہم آھنگ کرنے کی کوشش کی کی جاتی ہے۔

(6)سائنسی قانون

تجربات کی روشنی میں تصدیق شدہ نظریہ جو متفقہ طور پر سانئسدانوں میں مقبولیت حاصل کرلے تو اسے "سائنسی قانون" کہتے ہیں۔

یہی طریقہ وہ تعویز اور جادو ہے جس کے ذریعے سے آج سائنس نے اتنی ترقی کی اور کائناتی مسئلوں کو حل کیے ہیں۔

سائنسی طریق کار تحریر: غلام مصطفٰی(جی.ایم) Article by Ghulam Mustfa (G.M) Scientific Methodology

ذرات عدم سے وجود میں نہیں آتے! تحریر: ضیار قیرمان Article by Ziaar Qairman Particles are not born from nothing

2021-08-03T00:53:00.003-07:00

ذرات عدم سے وجود میں نہیں آتے!
(Particles are not born from nothing)

تحریر: ضیار قیرمان

بہت عرصے پہلے کی بات ہے میرے ہاتھ لارینس کراؤس کی ایک کتاب لگی ۔ اس میں مصنف صاحب کہتے ہیں کہ جدید سائنس ہمیں بتاتی ہے کہ ذرات عدم سے وجود میں آتے اور جاتے ہیں بالکل ایسے ہی کائنات عدم سے وجود میں بغیر کسی وجہ کے آگئی ۔یہ پڑھ کر میں کافی مایوس ہوا اور کتاب کو مکمل پڑھے بغیر ہی رکھ دیا پھر اس کے بعد اسے ہاتھ نہیں لگایا ۔ کیوں کہ مصنف جو کہہ رہے تھے وہ غلط تھا اور ان کی بات کوئی سائنسی فیکٹ بھی نہ تھی ۔ ایسے خیال پیش کرنا ملحدین کی مجبوری ہے جسے چند لوگ سائنس بنا کر پھیلا رہے ہوتے ہیں ۔ یہی بات فیس بک پر لوگ اتنے یقین سے کہتے ہیں کہ لگتا ہے کہ یہ ایک سائنسی فیکٹ ہے ان میں ایک نام قدیر قریشی صاحب کا ہے ۔

پر ان کی یہ بات جیسا کہ پہلے کہا ہے درست نہیں ہے ۔ اس کی بہت سی وجوہات دی جاسکتی ہیں مگر ہم چند ہی درج کریں گے ۔

اول

ذرات(Particles) عدم (nothing) سے وجود میں نہیں آتے ۔ ہوتا یہ ہے کہ کونٹم فیلڈز میں ارتعاش (وائبریشن) ہوتی ہے جس وجہ سے ذرات نمودار ہوتے ہیں اس بات کو شین کیرول نے بہت ہی خوبصورتی سے لکھا ہے ان کی کتاب کا نام نیچے دیا گیا ہے ۔

پڑھیے:۔

The idea that matter particles are discrete vibrations in fermionic fields helps explain features of the real world that would otherwise be puzzling, such as how particles can be created and destroyed..........It’s not that new particles are magically created out of nothing; it’s that the vibrations in the neutron field are gradually transferred to the proton, electron, and antineutrino fields.

وہ بھی یہی کہہ رہے کہ ذرات بذریعہ جادو "عدم" (nothing) سے وجود میں نہیں آتے بلکہ کونٹم فیلڈز میں ارتعاش سے نمودار ہوتے ہیں ۔

دوم

یہ بات ہم پہلے ہی جان چکے ہیں کہ ذرات عدم سے وجود میں نہیں آتے ۔ ” اس لیے یہ کہنا بھی غلط کہ ہے کہ کائنات بھی ایسے ہی بغیر کسی کاز کے عدم سے وجود میں آسکتی ہے کیوں کہ ذرات بھی تو آجاتے ہیں “ ۔ اور یہ ایک کھوکھلی منطق ہے اس کو ہم کائنات کی ابتداء پر بھی لاگو نہیں کر سکتے ۔ کیوں کہ بگ بینگ سے پہلے نہ تو سپیس تھی نہ ٹائم تھا نہ ہی کونٹم فیلڈز وغیرہ بلکہ ابتداء ہی بگ بینگ سے ہوئی ۔

سوم

جتنے بھی قوانین طبیعیات ہیں یہ بگ بینگ کے وقت ٹوٹ جاتے ہیں ۔ اس بات سے کونٹم فزکس کو بھی کوئی چھوٹ نہیں ۔ سب سے بڑا مسلہ سپیس ٹائم کی کونٹائزیشن کا ہے ۔ آئن سٹائن کے نظریے عمومی اضافیت میں سپیس ٹائم مسلسل (Continuous) ہے ۔ اور ابھی تک موجودہ طبیعیات میں سپیس ٹائم کو کونٹائز ہی نہیں کیا جاسکا البتہٰ سائنس دان لوپ کونٹم گریوٹی جیسے نظریات اور تھیوری آف ایوری تھنگ وغیرہ کو بنانے میں لگے ہوئے ہیں ۔

” لہذا یہ کہنا کائنات کا عدم (Nothing) سے وجود میں آنے کا مسلہ کونٹم فزکس حل کر دیتا ہے بالکل ہی غلط بات ہے “۔

بھئی جب کونٹم فزکس بگ بینگ کے وقت جاتی ہی ٹوٹ ہے تو حل کیا خاک کرتی ہے ؟ کم از کم اتنی بدیانتی تو نہ برتیں ۔ ایسی غلط بیانی نہ کی جائے تو سائنس کے لیے ہی بہتر ہے ۔ ہوسکتا ہے ایسی غلط بیانی کر کے آپ کو فائدہ ملتا ہو پر سائنس کو اس سے کچھ بھی نہیں ملتا ۔ الٹا نقصان ہمارے بچوں کا ہے جن میں تجسس ذرا برابر نہیں پنپے گا ۔ الٹا وہ غلط تصورات کو سچ مانے ہوئے ہوں گے جن کا نہ تو کوئی ثبوت ہے نہ ہی کوئی سائنسی بنیاد صرف الحادی چربہ ہے جو محض جھوٹی تسلی کے سوا کچھ بھی نہیں ۔

اب رہا سوال کائنات کیسے وجود میں آئی اس کا سیدھا جواب فی الحال سائنس کے پاس نہیں ہے ۔ جتنے بھی ثابت شدہ نظریات ہیں چاہے وہ آئن سٹائن کا نظریہ عمومی اضافیت ہو چاہے وہ کونٹم فزکس ہو یہ بگ بینگ پر دم توڑ جاتے ہیں ٹوٹ جاتے ہیں ۔ ہو سکتا ہے مستقبل میں ایسا کوئی نظریہ ہو جو یہ جواب دے سکے پر فی الحال کوئی نہیں ۔

کتاب کا نام :۔

THE PARTICLE AT THE END OF THE UNIVERSE By Sean Carroll

ذرات عدم سے وجود میں نہیں آتے! تحریر: ضیار قیرمان Article by Ziaar Qairman Particles are not born from nothing

سائنس اور سائنسدان تحریر: غلام مصطفٰی (جی. ایم) Article by Ghulam Mustfa (G.M) Science and Scientists

2021-08-03T00:33:00.006-07:00

سائنس اور سائنسدان
(Science and Scientists)

تحریر: غلام مصطفٰی (جی. ایم)

سائنس کیا ہے؟

کیا یہ ایک مضمون ہے یا ایک مذہب ہے یا کوئی عقیدہ ہے اور یہ کب وجود میں آیا؟ کیا یہ کسی انسان کی ایجاد ہے یا خدا کے طرف سے آیا ہوا کوئی معجزا ہے اور سائنسدان کون ہیں؟

ان تمام سوالات کے جوابات انسان کے اپنے ہی اندر موجود ہیں، سائنس کوئی خارجی شے نہیں ہے جس کو حاصل کیا جائے اور نہ ہی یہ انسانوں کی کوئی تخلیق ہے اور نہ ہی اس کے وجود کی کوئی ابتدا اور نہ کوئی اختتام ہے بلکہ سائنس ہی کی وجہ سے کائنات سمیت انسان وجود میں آئے۔ جب نہ تھا کچھ تو سائنس تھا اور اب سب کچھ ہے تو سائنس ہے اور آگے جو کچھ بھی ہو گا سائنس کے اصولوں و قوانین کے مطابق ہی ہوگا کیونکہ سائنس ان اصولوں و قوانین کا مجموعہ ہے جو خد خدا نے تخلیق کیے ہیں۔ یہ خدا کے علوم میں سے ایک علم ہے اور خدا نے اسی علم کے بنیاد پر اس کائنات کو تخلیق کیا ہے چونکہ سائنس ایک علم ہے اور علم کا تعلق خدا سے ہے اس لیے ہم کہ سکتے ہیں کہ علم کائنات کے وجود سے پہلے موجود تھا اور اس کے بعد بھی رہے گا۔ جب انسان وجود میں آیا تو اس وقت انسانی عقل و شعور اتنا پختہ نہ تھا کے وہ کائنات کے اصولوں اور قوانین کو سمجھ سکے۔ ہزاروں سال قبل انسان کےلیے اس کے گردونواح کی قدرتی اشیا اور قدرتی مظاہر نہ صرف ایک عجوبہ تھے بلکہ ان میں سے کئی ایک سے وہ نہات خوفزدہ بھی تھا, یہی وجہ ہے کہ ہزاروں قدرتی اشیا کو دیوتا مانا جاتا تھا اور ان کے باقائدہ سے پرستش کیا جاتا تھا۔وقت گزرنے کے ساتھ ساتھ انسان کی قوت فکر بڑھی، وہ ان قدرتی مظاہر میں غوروفکر کرتا اور اس کا مفصل مطالعہ کرنے کے قابل ہو گیا، اس نے سوچنا شروع کردیا کہ یہ قدرتی مظاہر کیوں ہوتے ہیں؟ اس کی شدت جستجو اس حد تک بڑھی کہ اس نے ان قدرتی مظاہر کی وجوہات بیان کرنے کےلیے من گھڑت خیالات پیش کیے لیکن ایسا کب تک چلتا۔ رفتہ رفتہ سوال پیدا ہوا کہ ان خیالات کو پرکھنے کےلیے عملی ذرائع ہونے چاہییں۔ اس سوال نے تجربات اور تجربہ گاہوں کو جنم دیا اور بالآخر متفقہ طور پر طے پایا کہ صحیح خیالات وہی ہیں جو تجربات کی کسوٹی پر پورا اتریں, یوں انسان خدا کے اصولوں و قوانین کو سمجھنے لگا اور یہاں سے لفظ سائنس وجود میں آیا جوکہ ایک لاطینی زبان کا لفظ ہے جس کے معنی ""جاننے"" کے ہے۔

سائنس ایک علم ہے اور مزید علوم حاصل کرنے کا ایک ذریعہ بھی ہے۔

مختصراً

سائنس(Science) وہ علم ہے جو کائنات میں مشاہدات،غوروفکر اور تجربات کرنے سے حاصل ہوتا ہے۔

ہروہ شخص سائنسدان (Scientist)ہے جو کائنات میں موجود قدرتی اشیا اور قدرتی مظاہر کے پیچھے موجود ان اصولوں وقوانین کو جاننے کی کوشش کرے جن کی وجہ سے یہ کائنات چل رہاہے۔

سائنس اور سائنسدان تحریر: غلام مصطفٰی (جی. ایم) Article by Ghulam Mustfa (G.M) Science and Scientists

اہرام مصر ترجمہ و تلخیص: قدیر قریشی Article by Qadeer Qureshi Pyramids of Egypt

2021-08-03T00:12:00.003-07:00

اہرام مصر
(Pyramids of Egypt)

ترجمہ و تلخیص: قدیر قریشی

مصر کے اہرام (Pyramids of Egypt) کا شمار دنیا کے قدیم ترین عجائبات میں ہوتا ہے۔ گیزا کے اہرام اپنے آپ میں ایک ایسا منفرد نظارہ ہیں جس کی مثال ملنا ممکن نہیں ہے۔گیزا کے یہ تین اہرام مصر کے تین قدیم فرعون بادشاہوں کے مقبرے ہیں جن کی تعمیر آج سے لگ بھگ ساڑھے چار ہزار سال قبل ہوئی جب ہاتھیوں کے قدیم ارتقائی کزن wooly mamoth اس زمین پر موجود تھے۔ وولی میمتھ آج سے تقریباً ساڑھے تین ہزار سال پہلے، یعنی ان اہرام کی تعمیر کے تقریباً ایک ہزار سال بعد معدوم ہو گئے۔

ان میں سے خوفو کا ہرم سب سے بلند ہے جس کی اونچائی 481 فٹ ہے۔اپنی تعمیر کے چار ہزار سال بعد تک بھی یہ دنیا کی بلند ترین عمارت سمجھی جاتی تھی۔ اس عمارت کے وزن کا اندازہ تقریباً ساٹھ لاکھ ٹن ہے اور اس کا حجم 25 لاکھ مکعب فٹ سے زیادہ ہے۔ اس کی تعمیر میں 23 لاکھ پتھریلے بلاک استعمال ہوئے جن میں سے ہر بلاک کا وزن تقریباً اڑھائی ٹن ہے۔

اس ہرم کی تعمیر بیس سال میں مکمل ہوئی۔ اس کا مطلب یہ ہے کہ اس عمارت کی تعمیر کے دوراً اوسطاً ایک گھنٹے میں 12 ایسے بلاک اس عمارت تک پہنچائے جا رہے تھے اور یہ کام چوبیس گھنٹے، سارا سال چلتا رہتا تھا۔ سوال یہ ہے کہ اڑھائی ٹن وزنی بلاک اس عمارت کی جائے تعمیر تک کیسے پہنچائے جاتے تھے۔

ماہرین کو اس عمارت کے پاس سات ایسی نہروں کی باقیات ملی ہیں جن میں یہ پتھر کشتیوں پر لاد کر جائے تعمیر تک پہنچائے جاتے تھے۔ ان کشتیوں کی باقیات بھی دریافت ہو چکی ہیں جن سے ان کشتیوں کی ساخت اور اس عمارت کی تعمیر میں استعمال ہونے والے اسباب سے متعلق بہت سی معلومات حاصل ہوئی ہیں۔ اس ہرم کی تعمیر کے دوران ایسی سینکڑوں کشتیاں استعمال کی جا رہی تھیں۔ یہ کشتیاں جن نہروں میں استعمال ہوتی تھیں انہیں دریائے نیل سے ان اہرام کی جائے تعمیر تک سامان کی ترسیل کے لیے خصوصی طور پر بنایا گیا تھا۔

اگرچہ بادی النظر میں ان اہرام کی چار اطراف ہیں لیکن دراصل گیزا کے احرام کی آٹھ اطراف ہیں۔ دوسرے لفظوں میں اگر ہم اس عمارت کی چار اطراف تصور کریں تو ہر سائیڈ کے بیچوں بیچ ایک لائن نظر آئے گی جو ہر سائڈ کو دو حصوں میں تقسیم کرتی ہے جو ایک دوسرے سے ہلکا سا زاویہ بناتی ہیں۔ یہ زاویہ سامنے سے دیکھنے پر نظر نہیں آتا لیکن اگر ہرم کی کسی سائیڈ پر دھوپ ایک طرف سے پڑ رہی ہو (جیسا کہ طلوع یا غروب کی وقت ہوتا ہے) تب اس زاویے کو آسانی سے دیکھا جا سکتا ہے۔

گیزا کے تینوں اہرام برج جوزا یعنی Orion constellation کے تین ستاروں سے aligned ہیں۔اس کی وجہ غالباً یہ ہے کہ مصر کے دیوتا اوسائرس کی پیدائش کا مقام برج جوزا کے ان تین ستاروں کو ہی سمجھا جاتا تھا۔

ان عمارات کی تعمیر میں جو مصالحہ یعنی mortar استعمال ہوا وہ اس قدر مضبوط اور دیرپا تھا کہ آج ساڑھے چار ہزار سال بعد بھی قائم ہے اور اس کی مضبوطی پتھریلی چٹانوں سے بھی زیادہ ہے۔ اس عمارت کی بیرونی سطحوں پر چمکدار پتھر استعمال کیے گئے ہیں جو دھوپ کو بہت زیادہ منعکس کرتے ہیں۔ اس سے ایک تو دن میں یہ احرام دور سے چمکتے نظر آ جاتے ہیں اور دوسرے باہر صحرا کی شدید حرارت کے باوجود ان کے اندر درجہ حرارت کم و بیش ایک سا ہی رہتا ہے جو بیس ڈگری سینٹی گریڈ کے قریب ہے۔

سب سے بڑے ہرم کے مرکزی چیمبر میں بادشاہ کا تابوت موجود ہے جو گرینایٹ کی ایک ہی چٹان کو تراش کر بنایا گیا ہے۔ یہ تابوت اس قدر بڑا ہے کہ اسے ہرم کی تعمیر کے بعد عمارت کے مرکز میں لے جانا ممکن نہیں تھا۔ اس لیے ماہرین کا خیال یہ ہے کہ یہ تابوت پہلے بنایا گیا اور پھر تمام عمارت اس تابوت کے گرد کھڑی کی گئی۔

اگرچہ گیزا کے اہرام مصر کے مشہور ترین عجائبات ہیں لیکن مصر میں ایسے 140 اہرام دریافت کیے جا چکے ہیں۔ ایسے اہرام صرف مصر میں ہی نہیں پائے جاتے بلکہ دنیا کے کئی قدیم معاشروں میں ایسے اہرام تعمیر کیے گئے۔

اہرام مصر ترجمہ و تلخیص: قدیر قریشی Article by Qadeer Qureshi Pyramids of Egypt

مرد یا عورت؟ تحریر: ڈاکٹر عبیداللہ عبید ترجمہ: قدیر قریشی Article by Dr. Abdullah Abdullah Translated by Qadeer Qureshi ?Male or Female

2021-08-02T22:49:00.003-07:00

مرد یا عورت؟
(?Male or Female)

تحریر: ڈاکٹر عبیداللہ عبیداللہ

ترجمہ: قدیر قریشی

نوٹ: ڈاکٹر عبیداللہ پاکستان کے مایہ ناز پلاسٹک سرجن ہیں جو بچوں میں جنس کی تبدیلی سے پیدا ہونے والے مسائل پر کام کرتے ہیں۔ یہ آرٹیکل نہ صرف ان کے کئی دہائیوں کے تجربے کا نچوڑ ہے بلکہ اس تحریر میں وہ ذہنی تکلیف بھی صاف طور پر دیکھی جا سکتی ہے جس سے ڈاکٹر صاحب ہر اس کیس کو ہینڈل کرتے ہوئے گذرتے ہیں جس میں کسی بچی کی جنس آپریشن کے ذریعے تبدیل کی جاتی ہے۔ اس پراسیس سے گذرتی بچیوں کی ذہنی اذیت کا جس قدر اندازہ ڈاکٹر عبیداللہ صاحب کو ہے وہ بہت کم ماہرین کو ہو گا۔

آج میں بہت افسردہ ہوں۔آج میں نے پانچواں بچہ دیکھا جس کی جنس غیرمتعین تھی۔ اس بچے کو دیکھ کر میرا دل ٹوٹ گیا۔ کم علمی کس قدر نقصان دہ ہوتی ہے یہ بچے اس نقصان کا منہ بولتا ثبوت ہیں۔

پیدائش کے وقت ان تمام بچوں کے جنسی اعضاء لڑکیوں جیسے تھے۔ بعد میں ان کی ماؤں نے محسوس کیا کہ شاید ان لڑکیوں میں کچھ خامی رہ گئی ہے۔ ایسے بچوں کو مائیں انہیں کسی جنرل پریکٹیشنر، بچوں کے ڈاکٹر، سرجن، یا یورولوجسٹ (یعنی پیشاب کے امراض کا ڈاکٹر) کے پاس معائنے کے لیے لے جاتی ہیں۔ ڈاکٹر بچے کا ڈی این اے ٹیسٹ کرواتے ہیں تاکہ کروموسومز سے بچے کی جنس کا تعین ہو سکے۔ ہفتوں کے انتظار کے بعد ٹیسٹ کے نتائج معلوم ہوتے ہیں: 46XY یعی بچے کے ڈی این اے میں ایکس اور وائے کروموسومز موجود ہیں۔ ڈاکٹرز مطمئن ہو جاتے ہیں اور ماں باپ کو مبارک باد پیش کرتے ہیں 'مبارک ہو۔ آپ کا بچہ لڑکا ہے'، اور پھر یہ بچہ میرے حوالے کر دیا جاتا ہے۔

بجے کے والدین اس وقت بے انتہا سٹریس میں ہوتے ہیں۔ بچے کی غیر متعین جنس کا سٹریس، ڈاکٹر کی 'مبارک باد' کا سٹریس، بچے کا نام تبدیل کرنے کا سٹریس، بچے کا لباس اور رہن سہن تبدیل کرنے کا سٹریس۔ یہاں تک تو ٹھیک ہے، لیکن جب میں اس بچے کی طرف دیکھتا ہوں تو میرے دل میں شدید خواہش پیدا ہوتی ہے کہ کاش یہ بچہ لڑکی ہی رہتا۔

بعض اوقات ایسی بچیوں کو بلوغت سے پہلے تک یہ علم نہیں ہوتا کہ ان کی جنس باقی لڑکیوں سے مختلف ہے۔ ایک دن اچانک انہیں یہ بتایا جاتا ہے کہ وہ لڑکی نہیں ہیں۔ پھر وہ تمام تاریخ دہرائی جاتی ہے: اخباروں میں سرخیاں لگتی ہیں 'لڑکی لڑکا بن گئی'۔ اس بچی کی شخصیت پر جنس کی تبدیلی کا انتہائی گہرا اثر پڑتا ہے۔ اسے ساری عمر پردے میں رہنا سکھایا گیا تھا، صرف لڑکیوں سے کھیلنے کی تاکید کی گئی تھی۔ اب اچانک وہی بچی ایک لڑکے کی صورت میں بغیر چادر کے باہر دھکیل دی جاتی ہے۔ اس بچے کے لیے یہ کتنا تکلیف دہ تجربہ ہوتا ہے اس کا اندازہ صرف وہی لگا سکتا ہے جو خود اس پراسیس سے گذرا ہو۔

جنس متعین کرنے میں پانچ مختلف فیکٹرز عمل پیرا ہوتے ہیں۔

1۔ جنس متعین کرنے والے کروموسوم جو عام طور پر XX)لڑکی) یا XY)لڑکا) کی صورت میں ہوتے ہیں۔

2۔بچے کے بیرونی اعضا یعنی بچہ بظاہر لڑکا لگتا ہے یا لڑکی

3۔بچے کے ہارمونز اور ان کا عمل۔ بعض اوقات ہارمونز کروموسومز کے ساتھ مطابقت نہیں رکھتے۔ اسی طرح بعض اوقات درست جنسی ہارمونز تو موجود ہوتے ہیں لیکن یہ ہارمونز جنسی اعضاء پر درست طور پر کام نہیں کرتے۔

4۔والدین کا بچے کی جنس کا اعلان کرنا، بچے کا نام رکھنا، بچے کی پرورش لڑکے کے طور پر یا لڑکی کے طور پر کرنا۔

5۔بچے کی اندرونی سوچ یعنی بچہ اپنے آپ کو لڑکا(Male) تصور کرتا ہے یا لڑکی(Female)۔ کئی دفعہ جسمانی طور پر مکمل لڑکوں کو یہ محسوس ہوتا ہے کہ وہ غلط جسم میں ہیں اور انہیں لڑکی ہونا چاہیے تھا، یا جسمانی طور پر نارمل لڑکیوں کو یہ محسوس ہوتا ہے کہ وہ غلط جسم میں ہیں اور انہیں لڑکا ہونا چاہیے تھا۔

آئیے کروموسومز کے بارے میں کچھ تفصیلی گفتگو کرتے ہیں۔ حمل کے آغاز میں ہر بچے کا جسم لڑکی کی طرح کا ہوتا ہے۔ لیکن اگر بچے کے کروموسومز میں Y کروموسوم موجود ہے تو جب یہ کروموسوم فعال ہوتا ہے تو جنین میں لڑکی کے جنسی اعضا غائب ہونے لگتے ہیں اور لڑکے کے جنسی اعضا ظاہر ہونے لگتے ہیں۔ البتہ اگر Y کروموسوم میں انتہائی اہم جین SRY نہ ہو یا کسی وجہ سے یہ جین فعال نہ ہو پائے تو ایکس وائے کروموسوم ہونے کے باوجود (یعنی جینیاتی طور پر لڑکا ہونے کے باوجود) بچے کے جسم میں لڑکے کے جنسی اعضا نہیں بن پاتے اور یہ بچہ پیدائش کے وقت لڑکی ہی معلوم ہوتا ہے۔

اسی طرح اگر کسی بچے کے کروموسوم XX ہوں تو ایسا بچہ لڑکی ہوتا ہے۔ لیکن اگر حمل کے دوران کسی وجہ سے ٹیسٹوسٹیرون ہارمون (یعنی مردانہ جنسی ہارمون) زیادہ بننے لگے تو بچے کے جنسی اعضا لڑکے جیسے بن جاتے ہیں اگرچہ جینیاتی طور پر یہ لڑکی ہی ہوتی ہے۔ ایسے بچوں کی درست جنس کی فوری شناخت ضروری ہوتی ہے تاکہ ضروری سٹیرائیڈز فراہم کر کے اس سقم کو دور کیا جا سکے۔ اگر ایسے بچوں کا جلد علاج نہ کیا جائے تو ان کی موت واقع ہونے کا خطرہ ہوتا ہے۔

بعض اوقات ایسا بھی ہوتا ہے کہ بچے کے کروموسومز تو XY ہیں اور حمل کے دوران مناسب مقدار میں مردانہ جنسی ہارمونز بھی پیدا ہو رہے ہیں۔ لیکن بچے کے جنسی اعضا کے علاقے میں وہ ریسیپٹرز موجود نہیں ہوتے جو مردانہ ہارمونز کے ساتھ بائنڈ کرتے ہیں اور جنسی اعضا کو لڑکوں جیسا بناتے ہیں۔ اس وجہ سے ایسے بچے کے جنسی اعضا لڑکی جیسے ہی رہ جاتے ہیں۔

بدقسمتی سے ہمارے پدر سری معاشرے میں والدین کو لڑکے کی ہی خواہش ہوتی ہے۔ نارمل لڑکی کے مقابلے میں ہمیں ابنارمل لڑکا زیادہ قابل قبول ہوتا ہے۔ جب غیرمتعین جنس کی بچی کو ڈاکٹر کے پاس لایا جاتا ہے تو ڈاکٹر فوری طور پر ان کے کروموسوم کا ٹیسٹ کرتے ہیں۔ اگر ٹیسٹ کے رزلٹ XY ہوں تو والدین یہ سن کر خوش ہو جاتے ہیں کہ جسے وہ بیٹی سمجھ کر پالتے رہے ہیں وہ اصل میں ان کا بیٹا ہے۔ فوری طور پر اس بچی کا نام تبدیل کر کے لڑکوں والا نام رکھ دیا جاتا ہے اور اسے لڑکوں جیسے کپڑے پہنا دیے جاتے ہیں۔ کسی ڈاکٹر سے دوسری رائے لینے کی ضرورت نہیں سمجھی جاتی۔

یہ غلطی ہمارے ہاں سرجن اور بچوں کے ڈاکٹر اکثر کرتے ہیں کہ دوسرے ڈاکٹروں سے مشورہ کیے بغیر ایسی بچیوں کی سرجری کر کے ان کے خصیے کھینچ کر خصیہ دانی یعنی scrotum میں اتار دیے جاتے ہیں، یہ سوچے بغیر کہ یہ خصیے کام کریں گے یا نہیں۔ ایسے بچوں کا عضو تناسل عموماً بہت چھوٹا ہوتا ہے ۔اس لیے والدین کو کسی پلاسٹک سرجن سے مشورہ کرنے کی ہدایت کی جاتی ہے جو یہ مسئلہ حل کر دے گا۔ اور یہی وہ مقام ہے جہاں میں افسردہ ہوتا ہوں۔

کئی صورتوں میں یہ بچیاں بلوغت تک پہنچ چکی ہوتی ہیں۔ والدین عموماً ڈاکٹر سے مشورہ اس وقت کرتے ہیں جب بلوغت کا وقت آن پہنچتا ہے لیکن ان بچیوں کی چھاتیاں بڑی نہیں ہوتیں اور انہیں ماہواری نہیں شروع ہوتی۔پھر وہی کہانی دہرائی جاتی ہے یعنی کروموسوم ٹیسٹ، اس بچی کے لڑکا ہونے کا اعلان، اور پھر والدین کا جشن۔بچے کو لڑکوں والا نام دیا جاتا ہے اور مردانہ کپڑے پہنانے جاتے ہیں۔

جب ایسے بچے میرے پاس لائے جاتے ہیں اس وقت ان کی جنس تبدیل کی جا چکی ہوتی ہے۔ اکثر صورتوں میں یہ تبدیلی بچی کو لڑکوں کا سا نام دینے اور لڑکوں کے سے کپڑے پہنانے کی حد تک ہوتی ہے۔ لیکن کچھ صورتوں میں بچی کی جنس ادھوری سرجری سے جزوی طور پر تبدیل کی جا چکی ہوتی ہے اور کشتیاں جلائی جا چکی ہوتی ہیں۔ موخرالذکر صورت میں واپسی کا کوئی راستہ نہیں بچا ہوتا۔

اگر خوش قسمتی سے یہ بچے مجھے اس وقت ریفر کیے جائیں جب ان کا آپریشن نہیں ہوا ہوتا تو ہم فوری طور پر ڈاکٹروں کا ایک بورڈ بٹھاتے ہیں جن میں اینڈوکرینولوجسٹ (یعنی مختلف غدود کے ڈاکٹر)، گائنیکالوجسٹ، یورولوجسٹ، پلاسٹک سرجن، سائیکیاٹرسٹ، سائیکالوجسٹ، اور بچوں کے ڈاکٹر شامل ہوتے ہیں۔ اس بحث میں بچوں کے والدین کو بھی نمائندگی دی جاتی ہے۔ کئی والدین کی سوچ یہ ہوتی ہے کہ لڑکا، خواہ وہ کتنا ہی نامکمل کیوں نہ ہو، ایک لڑکی کی نسبت زیادہ کامیاب رہتا ہے اور اپنی حفاظت خود کر سکتا ہے۔ لیکن میرا تجربہ کچھ اور ہی کہتا ہے۔ جن بچوں کی جنس بلوغت کے وقت تبدیل کی جاتی ہے، لڑکیوں کی نسبت ان کا جنسی استحصال ہونے کا امکان زیادہ ہوتا ہے۔

اگر ہمیں پہلے سے یہ علم ہو کہ آپریشن کے بعد بچے کے جنسی اعضا نارمل نہیں ہوں گے تو ایسے بچوں کو لڑکی کی صورت میں ہی رہنے دینا ان بچوں کے لیے کہیں بہتر ہے۔ انہیں جنس کی تبدیلی کی ذہنی اور جسمانی تکلیف سے گذارنے کی کوئی ضرورت نہیں ہے۔البتہ اگر ان کے نسوانی اعضا میں کوئی نقص ہو تو سرجری سے ان نقائص کو جزوی طور پر دور کیا جا سکتا ہے۔ ایسی سرجری کے بعد یہ لڑکیاں مکمل نسوانی خصوصیات حاصل کر سکتی ہیں، شادی کر سکتی ہیں، اور اکثر بچے پیدا کرنے کے قابل ہوتی ہیں۔ البتہ ان میں سے کچھ بچے پیدا کرنے کی صلاحیت سے محروم بھی ہوتی ہیں۔ ایسی لڑکیوں کو اگر سرجری سے مرد بنانے کی کوشش کی جائے تو ان میں سے اکثریت باپ بننے کی صلاحیت سے محروم پائی جاتی ہیں۔ یہ بھی ذہن میں رکھیے کہ نارمل جوڑوں میں بھی پندرہ فیصد کے قریب جوڑے بے اولاد رہتے ہیں۔

میری تمام والدین اور ڈاکٹر حضرات سے گذارش ہے کہ اگر کسی بچی کو غیر متعین جنس کا مسئلہ درپیش ہے تو خدارا جلدبازی سے کام نہ لیجیے اور ان بچوں پر کام کرنے والے ڈاکٹروں کے مکمل بورڈ سے مشورے کے بغیر کوئی قدم اٹھانے سے گریز کیجیے۔

مرد یا عورت؟ تحریر: ڈاکٹر عبیداللہ عبید ترجمہ: قدیر قریشی Article by Dr. Abdullah Abdullah Translated by Qadeer Qureshi ?Male or Female

کینسر کی تشخیص نینو ٹیکنالوجی سے ترجمہ و تلخیص: قدیر قریشی Article by Qadeer Qureshi Identification of Cancer through Nano-Technology

2021-08-02T11:21:00.002-07:00

کینسر کی تشخیص نینو ٹیکنالوجی سے
(Identification of Cancer through Nano-Technology)

ترجمہ و تلخیص: قدیر قریشی

بیالوجی اور انجینیئرنگ کے اپسی تعاون سے اس بات کا امکان بڑھتا جا رہا ہے کہ ہم نینوٹیکنالوجی(Nano-Technology) کے استعمال سے کینسر(Cancer) کی تشخیص مرض کے آغاز میں ہی کر پائیں۔ اس کی ایک مثال سینتھیٹک بایومارکرز کا استعمال ہے۔ بایومارکرز انسان کے جسم میں ہونے والے حیاتیاتی تعاملات کی نشاندہی کر سکتے ہیں۔ سینتھیٹک بایومارکرز سائنس دانوں کے ایجاد کردہ مارکرز ہیں جنہیں نینوٹیکنالوجی کے استعمال سے ڈیزائن کیا گیا ہے۔ انسان اور دوسرے جانوروں کے جسم کے مختلف حصوں میں مختلف اور مخصوص ٹشوز ہوتے ہیں اور ان میں اگر کوئی بیماری ہو تو اس بیماری سے کچھ مخصوص کیمیائی مالیکیول پیدا ہوتے ہیں۔مثال کے طور پر ہماری جلد کے خلیے ہمارے جگر کے خلیوں سے بالکل مختلف ہوتے ہیں اور یہ دونوں ہمارے دماغ کے نیورونز سے بالکل مختلف ہیں۔ان خلیوں کے مختلف ہونے کی وجہ یہ ہے کہ جسم کے مختلف حصوں میں مختلف جینز ایکسپریس ہوتے ہیں جو مختلف پروٹینز بناتے ہیں۔یہ جینز کس طرح سے کنٹرول ہوتے ہیں یہ سمجھنا اس وقت بیالوجی کا سب سے بڑا چیلنج سمجھا جاتا ہے۔

جین ایکسپریشن کا کنٹرول بے حد پیچیدہ ہے لیکن ہم آہستہ آہستہ ان میکانزمز کو سمجھنے لگے ہیں جن سے یہ کنٹرول ممکن ہوتا ہے۔ اگر ہم کینسر کی بات کریں تو یوں سمجھ لیجیے کہ کینسر کی وجہ یہ ہوتی ہے کہ کچھ جینز جنہیں ایکسپریس نہیں ہونا چاہیے کسی وجہ سے آن ہو جاتے ہیں اور ایکسپریس ہونے لگتے ہیں۔ چنانچہ کینسر زدہ خلیوں میں کچھ ایسی پروٹینز بننے لگتی ہیں جو کینسر سیلز کو لاتعداد کاپیاں بنانے میں مدد دیتی ہیں۔ عام طور پر خلیوں میں ایک کنٹرول میکانزم ہوتا ہے جو خلیوں کی کاپیوں کی تعداد کو ایک حد سے نہیں بڑھنے دیتا۔ ہمارے ٹشوز کے نارمل خلیے نہ تو ایک حد سے زیادہ کاپیاں بناتے ہیں اور نہ ہی جسم میں ایک جگہ سے دوسری جگہ منتقل ہوتے ہیں۔ لیکن کینسر کے خلیے کچھ خاص پروٹینز بنانے لگتے ہیں جنہیں اینزائمز کہا جاتا ہے اور جو ایک قینچی کی طرح مالیکیولز کو کاٹ سکتے ہیں۔یہ اینزائمز ان جینز کو خاموش کر دیتے ہیں جو خلیوں کی کاپیاں بنانے کے عمل کو سست رفتار رکھتے ہیں اور کاپیوں کی تعداد کو ایک حد سے نہیں بڑھنے دیتے۔ ہر کینسر میں یہ اینزائمز مختلف ہوتے ہیں۔

میسیچوزیٹس انسٹیٹیوٹ آف ٹیکنالوجی کی پروفیسر ڈاکٹر سنگیتا بھاٹیا کا خیال ہے کہ اگر کینسر کے خلیوں میں بننے والے ان اینزائمز کو ڈیٹٰکٹ کیا جا سکے تو ہم کینسر کی تشخیص اس مرض کے انتہائی آغاز میں ہی کر سکتے ہیں۔ اس کام کے لیے انہوں نے ایک بہترین حل تلاش کیا ہے۔ ان کی ٹیم نینو پارٹیکلز پر ایسی پروٹینز لگاتی ہے جن کو کینسر زدہ خلیوں میں پیدا ہونے والے اینزائمز کاٹ ڈالتے ہیں۔ ان نینو پارٹیکلز کو اگر ایک صحت مند شخص کے جسم میں داخل کیا جائے تو ان پر موجود پروٹین جوں کی توں قائم رہتی ہے اور چند دنوں کے اندر اندر یہ تمام نینو پارٹیکلز جسم سے خارج ہو جاتے ہیں۔ لیکن اگر جسم میں کہیں کینسر موجود ہو تو کینسر کے خلیوں میں بننے والے ائنزائمز ان نینو پارٹیکلز پر موجود پروٹینز کے مالیکیولز کو کاٹ دیتے ہیں جس سے پروٹین کے یہ مالیکیول نینوپارٹیکلز کے الگ ہو کر خون میں گردش کرنے لگتے ہیں۔ انسان کے گردے اس پروٹین کو جسم کا فضلہ سمجھ کر جسم سے الگ کر کے پیشاب کے ذریعے جسم سے خارج کر دیتے ہیں۔ پیشاب کو ٹیسٹ کر کے ان پروٹینز کی موجودگی کو آسانی سے ڈیٹیکٹ کیا جا سکتا ہے

چنانچہ ایک آسان سے ٹیسٹ سے یہ معلوم کیا جا سکتا ہے کہ کسی شخص کے جسم میں کینسر موجود ہے یا نہیں۔ یہ ٹیسٹ انتہائی آسان ہوتا ہے جس میں کاغذ کے ایک چھوٹے سے ٹکڑے کو پیشاب میں ڈبو کر یہ دیکھا جاتا ہے کہ اس کاغذ کا رنگ تبدیل ہوتا ہے یا نہیں۔ اگر اس کا رنگ تبدیل ہو رہا ہے تو اس کا مطلب ہے کہ جسم میں کہیں کینسر موجود ہے۔ یہ ٹیکنالوجی آج کل کلینیکل ٹیسٹس کی سٹیج میں ہے اور امید ہے کہ جلد ہی اس ٹیکنالوجی کے عام استعمال کی منظوری دے دی جائے گی۔ چنانچہ امید کی جا سکتی ہے کہ چند سالوں میں یہ ٹیسٹ سالانہ طبی معائنے کا حصہ بن جائے گا جس سے کینسر کی جلد تشخیص ممکن ہو جائے گی۔ اکثر کینسر اگر جلد پکڑے جائیں تو ان کا علاج ممکن ہوتا ہے اور مریض مکمل طور پر کینسر سے پاک ہو سکتا ہے۔

کینسر کی تشخیص نینو ٹیکنالوجی سے ترجمہ و تلخیص: قدیر قریشی Article by Qadeer Qureshi Identification of Cancer through Nano-Technology

ستارے کیسے بنتے ہیں؟ تحریر: قزل انصاری ?Article by Qazal Ansari How stars are formed

2021-08-02T07:50:00.006-07:00

ستارے کیسے بنتے ہیں؟
(?How stars are formed)

تحریر: قزل انصاری

ستارے انتہائی گرم گیسوں کے بہت بڑے گولے (Blobs of Hot Gases) ہوتے ہیں۔ ان گیسوں میں ہائیڈروجن گیس اور ہِیلیم گیس (Hydrogen & Helium) سرِ فہرست ہوتی ہیں۔ یہ دونوں پوری کائنات میں کثرت سے پائی جانے والی دو بڑی گیسیں ہیں۔ کائنات میں ہائیڈروجن 75 فیصد اور ہِیلیم 24 فیصد ہے۔ باقی تمام عناصر، آکسیجن سے لے کر یورینیم تک، اس بقیہ 1 فیصد میں شامل ہیں۔ ماہرِ فلکیات کے مطابق کائنات میں موجود ستاروں کی تعداد 24^10 (1 کے ساتھ چوبیس صفر) کے لگ بھگ ہے۔ ہر کہکشاں میں اربوں ستارے ہیں اور کائنات میں اربوں کہکشائیں ہیں۔ ان دونوں کی تعداد کو ضرب دینے سے ستاروں(Stars) کی تعداد معلوم کی جاسکتی ہے۔ مثال کے طور پر اگر کائنات میں 10 کہکشائیں ہیں اور ہر کہکشاں میں ستاروں کی اوسط تعداد 100 ہے تو ظاہر سی بات ہے کہ کائنات میں ستاروں کی کل تعداد 1000 کے لگ بھگ ہوگی۔ اس میں کوئی راکٹ سائنس نہیں ہے۔ ستارے حُجم کے لحاظ سے زمین جیسے سیاروں سے لاکھوں کروڑوں گُنا بڑے ہوتے ہیں۔ ہمارے سورج کے حُجم (Volume) میں 13 لاکھ زمینیں سما سکتی ہیں۔ ستارے ماس کے لحاظ سے بھی بہت بڑے ہوتے ہیں۔ سورج کا ماس زمین کے ماس سے 333،000 گُنا زیادہ ہے۔ لیکن ہمارا سورج ایک معمولی سا ستارہ ہے۔ کائنات میں بہت سارے ایسے ستارے بھی ہیں جن میں ہمارے سورج جیسے کروڑوں اربوں ستارے سما سکتے ہیں۔

خلا میں گیسوں کے بہت بڑے بڑے بادل نما اجسام ہوتے ہیں جن کو نیبولی (Nebulae) کہتے ہیں (واحد: نیبولا). یہ یونانی زبان کا ایک لفظ ہے جو کہ دُھند یا بادل نما شے کے لئے استعمال ہوتا ہے۔ نیبولی کئی نوری سال وسیع ہوتے ہیں، لیکن ان کا ماس عموماً سورج جیسے ستارے کے ماس سے سینکڑوں گُنا ہی زیادہ ہوتا ہے۔ ایک نوری سال وہ فاصلہ ہے جو روشنی 3 لاکھ کلومیٹر فی سیکنڈ کی رفتار سے ایک زمینی سال (365 دن) میں طے کرتی ہے. ایک نوری سال میں 12^10×9.5 کلومیٹر ہوتے ہیں۔ مثال کے طور پر سورج زمین سے 8 نوری مِنٹ دُور ہے، یعنی کہ سورج کی روشنی 8 مِنٹ میں زمین تک پہنچتی ہے۔ خلا میں گیسیں ہر جگہ موجود ہیں لیکن ان کی کثافت (Density) بہت کم ہوتی ہے۔ ستاروں کے درمیان خلا (اِنٹرسٹیلر سپیس: Interstellar Space) کی کثافت 500,000 ایٹمز فی مکعب میٹر ہوتی ہے. اس کے مقابلے میں ہماری فضا کی کثافت 25^10 ایٹمز فی مکعب میٹر ہے جو کہ ستاروں کے مابین خلا کی کثافت سے 100 ارب ارب (20^10) گُنا زیادہ ہے۔ لیکن ستاروں کے درمیان خلا میں کہیں کہیں کششِ ثقل (گریوٹی) کی وجہ سے گیسوں کی کثافت نسبتاً زیادہ ہوتی ہے۔ ایسی جگہوں کو انٹرسٹیلر ڈسٹ کلاؤڈز (Interstellar Dust Cloud) یا صرف نیبولی کہتے ہیں۔ یہ نیبولی جیسے جیسے خلا میں حرکت کرتے ہیں تو اپنی کششِ ثقل کی وجہ سے مزید گیسوں کو اکٹھا کرتے ہیں، جس طرح ایک ویکیُوم کلِینر (Vacuum Cleaner) زمین پر پڑی گرد کھینچ کر اکٹھی لیتا ہے، اور اس طرح نیبولی سائز میں بڑے ہوتے جاتے ہیں۔ نیبولا کے اندر بھی کہیں کہیں گیسی مادے کی کثافت نیبولا میں موجود باقی مقامات سے نسبتاً زیادہ ہوتی ہے۔ نیبولا کے اندر ان مقامات کو گیس پاکِٹس (Gas Pockets) کہتے ہیں۔ نیبولی میں ہائیڈروجن گیس اور ہیلیم گیس کثرت سے پائی جاتی ہیں۔ اور چونکہ ستارے بھی انہیں گیسوں سے بنے ہوتے ہیں تو ستارے نیبولی (خلائی بادلوں) کے اندر ہی جنم لیتے ہیں۔ پس ایک نیبولا ستاروں کی نرسری ہوتی ہے۔

ہمارے سورج کی کثافت 1.4 گرام فی مکعب سینٹی میٹر ہے۔ اس کا مطلب یہ ہے کہ اگر آپ سورج پر سے ایک چینی کے دانے کے برابر مواد لیں تو اس کا وزن 1.4 گرام ہوگا۔ لیکن نیبولی کی کثافت اس سے بہت تھوڑی ہوتی ہے۔ تو اس کا مطلب یہ ہے کہ ستارے بنانے کے لئے ایک نیبولا کو اپنی کثافت بہت زیادہ بڑھانی پڑھتی ہے۔ کثافت بڑھانے کا مطلب یہ ہوتا ہے کہ ایک جگہ میں مادے کی مقدار کو بڑھایا جائے۔ اگر دو اجسام کا حُجم برابر ہے لیکن ایک کا ماس دوسرے سے زیادہ ہے تو اس کا مطلب یہ ہوا کہ پہلے والے جسم میں مادے کی مقدار زیادہ ہے، جبکہ حُجم دونوں اجسام کا برابر ہے۔ مثال کے طور پر اگر آپ ایک ہاتھ میں پتھر پکڑیں اور دوسرے ہاتھ میں اُسی سائز کی ایک لکڑی پکڑیں تو ظاہر سی بات ہے کہ پتھر نسبتاً بھاری محسوس ہوگا۔ پس پتھر لکڑی سے زیادہ کثیف ہے۔

اس سے پہلے کہ ہم ستارے بننے کے عمل کی طرف جائیں، فزکس کے کچھ بنیادی اُصولوں سے آشنائی لازم ہے۔ اگر آپ ان اصولوں کو سمجھ لیں گے تو آپ کے لئے آسانی ہوجائے گی۔

1۔پہلی بات تو یہ کہ اگر آپ ایک گیس کا حُجم کم کریں تو اس کا پریشر بڑھتا ہے۔پریشر بڑھنے کا مطلب یہ ہوتا ہے کہ اس گیس کے مالیکیولز اور ایٹمز کی آپس میں تصادم کی شرح بڑھ گئی ہے۔ تصادم کی شرح بڑھنے سے درجہ حرارت بڑھتا ہے، جس طرح آپ کے ہاتھ کا درجہ حرارت بڑھتا ہے اگر آپ تالیاں بجاتے رہیں۔ آپ کے ہاتھ کی کائینیٹک انرجی ہیٹ انرجی اور ساؤنڈ انرجی میں تبدیل ہوجاتی ہے۔ اسی طرح اگر ایک گیس کا حجم کم کریں تو اس کا پریشر بڑھتا ہے۔ پریشر بڑھنے سے گیس کا درجہ حرارت بڑھتا ہے. درجہ حرارت اس لئے بڑھتا ہے کیونکہ کائینیٹِک انرجی اور درجہ حرارت ایک دوسرے کے ہم متناسب ہوتے ہیں۔ مثلاً اگر آپ پانی کو رُوم ٹمپریچر (Room Temperature) میں بہت زیادہ پریشر میں رکھ دیں تو وہ اُبلنا شروع ہو جائے گا۔ اور ظاہر سی بات ہے کہ اُبلتے ہوے پانی کا درجہ حرارت زیادہ ہوتا ہے۔2۔دوسری بات یہ کہ جب ایک گیس سُکڑتی ہے، یعنی جب اس کا حُجم کم ہوتا جاتا ہے، تو اس کی کثافت بڑھتی جاتی ہے۔ اُس گیس کے ذرّات میں خلا کم ہوتا جاتا ہے۔ مثال کے طور پر پتھر پانی سے زیادہ کثیف ہے کیونکہ ایک پتھر جن ایٹمز سے مل کر بنا ہے، ان ایٹمز کی مابین پانی کے ایٹمز کے مقابلے میں کم خلا ہے۔ جیسے جیسے کثافت بڑھتی ہے، ایٹمز میں خلا کم ہوتا جاتا ہے، اور اس بات کے امکانات بڑھتے جاتے ہیں کہ ایک ایٹم دوسرے ایٹم سے ٹکرائے گا۔ سُکڑنے سے پہلے گیس کے ایٹمز دُور دُور تھے۔ ایک ایٹم کے دوسرے ایٹم سے تصادم کے امکانات نسبتاً کم تھے۔ جیسے جیسے گیس سُکڑتی ہے، یہ شرح بڑھتی جاتی ہے۔ پس اس گیس کے جسم کا درجہ حرارت بڑھتا جاتا ہے۔

3۔تیسری اہم بات یہ ہے کہ اگر ایک جسم اپنے محور کے گِرد گردش کر رہا ہو تو اس کے گردشی محوَر کے قریب جتنا زیادہ مواد اکٹھا ہوگا، اس جسم کی اپنے محور کے گِرد گُھومنے کی رفتار اتنی ہی تیز ہوتی جائے گی۔ فِزکس میں اس کو بقائے زاویائی معیارِ حرکت کا قانون کہتے ہیں (Law of Conservation of Angular Momentum). فرض کریں کہ آپ کے ہاتھ میں گیس کا ایک گولا ہے جو کہ گُھوم رہا ہے۔ یہ گیس کا گولا جس محوَر کے گِرد گُھوم رہا ہے وہ اس کے مرکز میں سے گُزرتا ہے۔ اگر یہ گیس کا گُھومتا ہُوا گولا سُکڑنا شروع ہوجائے تو اس کے ماس کی ایک زیادہ مقدار اس کے گردشی محور کے قریب آجائے گی، جس وجہ سے اس کی گُھومنے کی رفتار زیادہ ہو جائے گی. آپ نے اکثر مُشاہدہ کیا ہوگا کہ جب ایک فِگر سکیٹر (Figure Skater) گُھومنے کے دوران اپنے بازو اپنے گردشی محور کے قریب لاتی ہے تو اس کے گھومنے کی رفتار بڑھ جاتی ہے. یہاں بقائے زاویائی معیارِ حرکت کا اصول لاگو ہورہا ہے۔

4۔ہر وہ چیز جو ماس رکھتی ہے، وہ ماس رکھنے والے کسی بھی دوسرے جسم پر کششِ ثقل یعنی کہ گریوٹیشنل فورس لگاتی ہے۔ اگر ایک جسم میں تمام ایٹمز برابر ماس رکھتے ہوں اور ایک دوسرے سے مساوی فاصلے پر ہوں تو وہ ایک دوسری کی گریویٹیشنل فورس کو منسوخ کردیں گے۔ ایسے جسم میں گریوٹی کی وجہ سے ایٹمز کی حرکت صفر رہے گی۔ لیکن جب ماس کسی جگہ زیادہ ہو جائے گا، یعنی جب ماس کی تقسیم یکساں اور ہموار نہیں رہے گی تو اس جگہ گریوٹی کی قوت بڑھ جائے گی۔ اور وہ باقی تمام ماس کو آہستہ آہستہ اپنی طرف کھینچے گا۔ جس کے نتیجے میں اس جگہ ماس مزید بڑھے گا۔ اور وہ جسم اپنی ہی گریوٹی کی وجہ سے سُکڑنا شروع ہوجائے گا۔ اس طرح اس جسم کی کثافت اور درجہ حرارت بھی بڑھتا جائے گا۔ اور اگر وہ جسم گُھوم رہا تھا تو اس کے گُھومنے کی رفتار بھی بڑھتی جائے گی۔

چلیں اب ہماری بُنیاد پُختہ ہوچُکی ہے۔ نیبولی جیسے جیسے خلا میں حرکت کرتے ہیں تو مزید گیسوں کو اکٹھا کرتے ہیں جو کہ ستاروں کے مابین خلا میں موجود ہوتی ہیں۔ جس کی وجہ سے ایک نیبولا میں ماس کی تقسیم (Mass Distribution) یکساں (Uniform) نہیں رہتی۔ کسی جگہ ماس زیادہ ہوجاتا ہے اور کسی جگہ کم۔ جہاں ماس زیادہ ہوتا ہے، وہاں گریوٹی زیادہ قُوّت رکھتی ہے۔ آس پاس کی گیسیں آہستہ آہستہ اس کی طرف کِھنچی چلی آتی ہیں۔ نیبولا میں ایسے مقامات سُکڑنے لگ پڑتے ہیں۔ جس کی وجہ سے اس جگہ کی کثافت اور درجہ حرارت بڑھنا شروع ہوجاتا ہے۔ گُھومنے کی رفتار بھی بڑھتی جاتی ہے۔ ایک وقت آتا ہے کہ گیسیں اتنی گرم اور کثیف ہو جاتی ہیں کہ گیس کے اس انتہائی گرم گولے میں "نیوکلئیر فیوین" (Nuclear Fusion) شروع ہوجاتی ہے۔ اس عمل میں دو ایٹامِک نیوکلئیس فیُوز ہو کر ایک نیا اور زیادہ ماس رکھنے والا ایٹمامِک نیوکلئیس بناتے ہیں۔ اس عمل کو مُمکن بنانے کے لئے انتہا کے پریشر اور درجہ حرارت کی ضرورت ہوتی ہے، جو کہ ایک ستارے کے مرکز میں ہی ممکن ہوتا ہے۔ نیوکلئیر فیُویَن کے ذریعے ہی سب عناصر بنتے ہیں۔ اس عمل کی وجہ سے بہت زیادہ روشنی اور حرارت خارج ہوتی ہے، جس کی وجہ سے گیس کا وہ گرم گولا چمکنے لگ پڑتا ہے۔ مُبارک ہو۔ ایک نیا ستارہ جنم لے چُکا ہے۔ جیسے جیسے وقت گزدتا ہے، یہ نومولود ستارہ زیادہ شِدت سے چمکتا ہے۔

سب ستارے اسی عمل سے بنتے ہیں۔ ہمارا سورج بھی آج سے 4.6 ارب سال پہلے اسی عمل سے بنا تھا۔ اس عمل کو مکمل ہونے میں ایک کروڑ (10 ملین) سال درکار ہوتے ہیں۔ ستارے کے بننے کے بعد بقیہ مواد سے سیارے جنم لیتے ہیں۔ یہ بقیہ مواد اس نومولود ستارے کے گِرد ایک ڈِسک کی شکل میں گردش کررہا ہوتا ہے۔ چونکہ جب تک ستارے کی تخلیق کا عمل مکمل ہوتا ہے، وہ نومولود ستارہ بقائے زاویائی معیارِ حرکت کی وجہ سے تیزی سے گُھوم رہا ہوتا ہے۔ اس کے گِرد گردوغُبار اور کثیف گیسوں کی جو ڈِسک بنتی ہے وہ بھی اتنی ہی رفتار سے اس کے گِرد گردش کررہی ہوتی ہے۔ کیونکہ وہ ڈِسک اور وہ نومولود ستارہ ایک ہی گریویٹیشنل سِسٹم (Gravitational System) کا حِصّہ ہوتے ہیں۔ اس ڈِسک میں سے سیارے جنم لیتے ہیں، اُسی عمل سے جس عمل سے ستارے کی تخلیق ہوتی ہے۔ زیادہ تر ماس ستارے کی تخلیق میں استعمال ہوجاتا ہے۔ پس بقیہ ماس اس مقدار میں نہیں ہوتا جو مزید ستاروں کی تخلیق کے لئے کافی ہو. ہی وجہ ہے کہ سیارے ستاروں سے ماس اور حُجم دونوں میں خاطر خواہ چھوٹے ہوتے ہیں اور نیوکلئیر فیُویَن کا عمل شروع کرنے میں ناکام رہتے ہیں۔ جس کی وجہ سے ان کی خُود کی روشنی نہیں ہوتی۔ ہماری زمین بھی اسی عمل سے بنی تھی اور یہی وجہ ہے کہ یہ سورج کے گِرد گردش کرتی ہے۔ جب ایک ستارے میں فیوین کا عمل شروع ہوجاتا ہے تو یہ مزید سکڑتا نہیں ہے۔ کیونکہ فیُویَن کے عمل سے باہر کی جانب ایک پریشر پیدا ہوتا ہے جو کہ گریوٹی کے مُتضاد کام کرتا ہے۔

کائنات بہت بڑی ہے۔ پس پوری کائنات میں ہر سال 150 ارب اور ہر سیکنڈ 5000 نئے ستارے جنم لیتے ہیں۔

ستارے کیسے بنتے ہیں؟ تحریر: قزل انصاری ?Article by Qazal Ansari How stars are formed

سائنس، منطق اور خدا تحریر: غلام مصطفٰے (جی۔ایم) Article by Ghulam Mustfa (G.M) Science, Logic and God

2021-08-02T07:32:00.003-07:00

سائنس، منطق اور خدا
(Science, Logic and God)

تحریر: غلام مصطفٰے (جی۔ایم)

آپ سائنس کی بنیاد پر اب تک بنی ہوئی جتنی بھی تھیوریز ہیں۔انہیں اُٹھا کر بغور مطالعہ کریں۔ آپ کو اُن سے پیچیدہ اصولوں کے آسان قواعد ملیں گے۔اور اُن آسان قواعد کے ذریعے سے ہمیں مزید پیچیدہ نظاموں کے شواہد ملتے ہیں۔ اِن تمام باتوں کو مد نظر رکھ کر ،یہ کہنا غلط نہیں ہوگا کہ سائنس کے ذریعے سے ہم پیچیدہ چیزون کو آسان بناتے ہیں اور ان آسان قواعدوں کے ذریعے ہم نئے پیچیدہ نظاموں کو تلاش کرکے، آسان بنانے کی کوشش کرتے ہیں ۔ یعنی سائنس ہمیں پیچیدہ چیزوں کو آسان بنا کر تو دے سکتا ہے لیکن کسی unlimited چیز کی limitations نہیں بتا سکتا ہے۔مثلاً

(What is last digit of Natural number?(by counting

قدرتی اعداد کا آخری عدد کیا ہوگا (کنتی کے ذریعے سے) میں یہ بات دعوے کے ساتھ کہ سکتا ہو کہ اس دنیاں میں موجود کوئی بھی سائنسدان یا آنے والے دور میں کوئی سائنسدان اِس سوال کا جواب دینے سے قاصر رہے گا۔البتہ وہ کسی قابل تعاریف حد تک تو پہنچ سکتا ہے لیکن اختتام تک کبھی نہیں۔ اِس کی سب سے بڑی مثال پائی pieπ ہے ۔ جس کی آخری عدد معلوم کرنے کیلیے بہت سارے سائنسدانوں نے کوشش کی اور مشینوں کا بھی سہارا لیا گیا لیکن سب کے سب ناکام ہوۓ ۔ اِس بات سے یہ پتا چلتا ہے جولامتنائی ہے اٌسے متناہی میں نہیں لایا جاسکتا ہے۔ یہ کائنات بہت ساری لامتناہیوں سے بھری پڑی ہے اور اِس میں بے شمار چیزے لامحود ہیں۔جن کے حدود کا اندازہ نہیں لگا سکتے ہیں۔ ان تمام باتوں سے یہ اندازہ لگایا جاسکتا ہے کہ انسان ہر دور میں (یعنی مستقبل کے ادوار میں) کسی نا کسی محدودیت کاشکار رہے گا ۔وہ کبھی بھی لامحدودیت تک نہیں پہنچ سکتے ہیں۔مثلاً پہلے کے انسان اڑ نے سے محروم تھے اور آج کے انسان روشنی کے رفتار میں اڑنے سے محروم ہیں۔ اسی طرح انسان ہمیشہ ایک نئے حد تک تو پہنچ سکتے ہیں لیکن وہ لامحدود تک کبھی نہیں پہنچ سکتے ہیں۔ ان تمام منطق کو مد نظر رکھ کر یہ کہا جاسکتا ہے کہ اگر کوئی شخص یہ کہے کہ "اِس کائنات میں خدا کا وجود ہے" توشاید وہ درست ہوسکتا ہے ۔کیونکہ انسان ہمیشہ محدودیت میں رہتا ہے اور اُسے کبھی بھی مکمل طور پر لامحدودیت تک کا علم حاصل نہیں ہوسکتا ہے۔اس بناپر ہم کہ سکتے ہیں کہ خدا کو ماننے والا فائدے میں ہو سکتا ہے بانست اُس شخص کے جو خدا کے وجود سے انکار کرتا ہے۔ اِن تمام منطق کی بنیاد پر ہم یہ بھی کہ سکتے ہیں ۔ کسی بھی انسان کو یہ حق نہیں کہ وہ خدا کے وجود سے انکار کرے کیونکہ وہ اِنسان کس جواز پر خدا کے وجود سے انکار کرسکتا ہے جبکہ اُس کا علم محدود ، سوچ محدود ، شعور محدود، مشاہدہ محدود، غروفکر محدود ، اُس کا ماضی ،حال اور مستقبل محدود ہے اور وہ ایسے کائنات میں رہ رہا ہو جو لامحدودیت سے بھرا پڑا ہوا اور اُس میں علم بھی لامحدود ہے۔ اب سوال پیدا یہ ہوتا ہے کہ ایک محدود انسان لامحدود علم رکھنے کا دعوٰی کیسے کر سکتا ہے؟

سائنس، منطق اور خدا تحریر: غلام مصطفٰے (جی۔ایم) Article by Ghulam Mustfa (G.M) Science, Logic and God

سائنس کی تاریخ کا سب سے لمبا تجربہ ترجمہ و تلخیص: قدیر قریشی Article by Qadeer Qureshi The longest Experiment of the History

2021-08-02T07:07:00.003-07:00

سائنس کی تاریخ کا سب سے لمبا تجربہ
(The longest Experiment of the History)

ترجمہ و تلخیص: قدیر قریشی

آج سے لگ بھگ 140 سال پہلے امریکہ کی ریاست مشیگن میں ایک سائنسی تجربے کا آغاز ہوا جو آج بھی جاری ہے اور اس وقت دنیا کی تاریخ کا سب سے لمبا سائنسی تجربہ(The longest Expariment of the history) بن چکا ہے۔ ہر بیس سال بعد سائنس دان اس تجربے کے نتائج چیک کرتے ہیں۔ اس سال بھی اس تجربے کے نتائج کو چیک کیا گیا اور یہ اعلان کیا گیا کہ یہ تجربہ ابھی تک کامیابی سے چل رہا ہے۔

اپریل 1879 میں امریکہ سائنس دان ولیم بیل زرعی بیجوں پر تحقیق کر رہے تھے۔ انہوں نے بیس بڑی بوتلیں لیں، ان میں سے ہر ایک میں ہزاروں مختلف قسم کی جڑی بوٹیوں کے بیج ڈالے اور پھر بوتلوں کو خشک ریت سے بھر کر سربمہر کر دیا تاکہ بوتلوں میں یہ بیج پھوٹنے نہ پائیں۔ ان تمام بوتلوں کو مشیگن سٹیٹ یونیورسٹی کے کیمپس میں ایک خفیہ جگہ پر زمین میں دفنا دیا گیا۔وہ یہ جاننا چاہتے تھے کہ خود رو جڑی بوٹیوں کے بیج کتنی دیر تک بار آور رہ سکتے ہیں۔ ان کا پلان یہ تھا کہ ہر پانچ سال بعد وہ ایک بوتل نکالیں گے اور اس بوتل کے بیجوں کو اگانے کی کوشش کریں گے۔

یہ سلسلہ سنہ 1920 تک چلتا رہا اور ہر پانچ سال بعد سائنس دان ایک بوتل کھول کر ان بیجوں کو اگا کر یہ ٹیسٹ کرتے رہے کہ ان میں سے کون کون سے پودوں کے بیج اتنا عرصہ گذرنے کے بعد پھوٹنے کے قابل رہتے ہیں۔ 1920 تک ان میں سے اکثر بیج پھوٹنے کے قابل نہیں رہے تھے لیکن کچھ بیج تجربے کے آغاز کے چالیس سال گذر جانے کے باوجود بھی کامیابی سے پھوٹ رہے تھے اور پودے پیدا کر رہے تھے۔

چونکہ وقت گذرنے کے ساتھ ساتھ بار آور بیجوں کی تعداد کم ہوتی جا رہی تھی اس لیے 1920 میں سائنس دانوں نے یہ فیصلہ کیا کہ آئندہ بجائے ہر پانچ سال بعد ایک بوتل کھولنے کے، ہر بیس سال بعد ایک بوتل کھولی جائے تاکہ یہ تجربہ ایک لمبے عرصے تک جاری رہ سکے۔ چنانچہ 1920 کے بعد ہر بیس سال بعد ایک بوتل کھولی جاتی ہے۔ یونیورسٹی کے ایک پروفیسر کو اس تجربے کی ذمہ داری سونپی جاتی ہے اور صرف انہیں اور دو دوسرے افراد کو اس خفیہ جگہ کا علم ہوتا ہے جہاں یہ بوتلیں دفن ہیں۔ یہ پروفیسر ریٹائر ہونے سے پہلے یہ ذمہ داری کسی نوجوان پروفیسر کو سونپ دیتے ہیں اور یوں اس تجربے کی خفیہ جگہ کا علم سینہ بہ سینہ منتقل ہوتا رہتا ہے

آخری بار اس تجربے کی ایک بوتل سنہ 2000 میں کھولی گئی تھی۔ اس میں بہت سے بیج ایسے تھے جو پھوٹنے میں ناکام رہے۔ لیکن 120 سال گزرنے کے بعد بھی پچاس کے قریب بیج ایسے تھے جو بارآور ثابت ہوئے تھے۔ اس وقت پروفیسر فرینک ٹیلوسکی اس تجربے کے انچارج تھے جو آج بھی اس عہدے پر فائز ہیں۔

اگلی بار ایک نئی بوتل کھولنے کا وقت سنہ 2020 کا تھا لیکن کورونا وائرس کی وبا کی وجہ سے 2020 میں زیادہ تر سائنس دان لاک ڈاؤن میں گھروں سے کام کر رہے تھے اس لیے 2020 میں نئی بوتل کھولنا ممکن نہیں رہا۔ چنانچہ اب جبکہ امریکہ میں کورونا کی وبا میں کمی آئی ہے اور کچھ سائنس دانوں نے دوبارہ لیبارٹری میں کام شروع کر دیا ہے، اب اس تجربے کو آگے بڑھاتے ہوئے ایک نئی بوتل کھولنے کا فیصلہ کیا گیا۔ چونکہ ڈاکٹر ٹیلوسکی اب ریٹائرٹمینٹ کے قریب ہیں اس لیے انہوں نے تین نوجوان پروفیسرز کو اس کام کے لیے چنا اور ان کے ساتھ مل کر اس تجربے کی ایک بوتل نکالنے کا پروگرام بنایا۔

اب ایسا نہیں ہے کہ یہ بوتلیں کسی فریزر میں پڑی ہوں جہاں سے ایک بوتل نکال لی جائے۔ یہ بوتلیں ایک خفیہ جگہ پر زمین میں دبی ہوئی ہیں۔ اس نئی بوتل کے نکالنے کے بعد چونکہ اب اس تجربے میں صرف چار بوتلیں باقی رہ گئی ہیں اس لیے ان چار بوتلوں کی اہمیت اسی قدر زیادہ ہو گئی ہے اور اسی قدر اس خفیہ جگہ کو راز رکھنا زیادہ اہم ہو گیا ہے۔ اس لیے اس دفعہ بھی صرف گنے چنے افراد کو اس پلان کا علم تھا کہ یہ بوتل اس خفیہ جگہ سے کب نکالی جائے گی۔ اس جگہ کی کھدائی رات کے اندھیرے میں کی گئی تاکہ لوگوں کو اس خفیہ جگہ کا علم نہ ہو پائے۔ کچھ دیر ادھر ادھر ٹامک ٹوئیاں مارنے کے بعد سائنس دانوں کی ٹیم کو وہ جگہ مل گئی جہاں یہ بوتلیں دفن ہیں۔ چنانچہ ٹیم نے رینڈملی ایک بوتل نکال لی اور باقی چار بوتلوں کو دوبارہ زمین میں دفن کر دیا۔

اس بوتل سے نکلنے والے بیجوں کو اب زمین میں بو دیا گیا ہے۔ چند دنوں میں سائنس دانوں کو یہ علم ہو جائے گا کہ ان میں سے کنتے بیج بارآور ہیں اور کتنے ناکارہ ہو چکے ہیں۔

چونکہ ابھی اس تجربے کی چار بوتلیں باتی ہیں اس لیے یہ تجربہ کم از کم سنہ 2100 تک جاری رہے گا۔

سائنس کی تاریخ کا سب سے لمبا تجربہ ترجمہ و تلخیص: قدیر قریشی Article by Qadeer Qureshi The longest Experiment of the History

سائنسی طرز فکر تحریر: غلام مصطفٰی (جی. ایم) Article by Ghulam Mustfa (G.M) Scientific Thinking Method

2021-08-02T06:46:00.005-07:00

سائنسی طرز فکر
(Scientific Thinking Method)

تحریر: غلام مصطفٰی (جی. ایم)

تاریخ گواہ ہے کہ ہر بااثر شخصیت، قوم اور سلطنت اپنے طرزفکر(Thinking method)، عقائد اور نظریات کے بنا پر جانے اور پہچانے جاتے ہیں۔ ان تمام کا عروج اور زوال بھی اسی بنا پر ہوا ہے۔ طرزفکر سے ہی عقائد اور نظریات بنتے ہیں۔ "طرزفکر" انسان کا کسی چیز کے مطلق سوچنے اور غوروفکر کرنے کے انداز کو کہتے ہیں کہ وہ کسی چیز کو کس طرح دیکھتا ہے۔ انسانی زندگی کے ہر پہلو کیلیے مختلف طرزفکر اپنائے جاتے ہیں۔اگر ہم مذھبی پہلو کو دیکھے تو اس میں طرزفکر کی بنیاد خدا کی خوشنودی حاصل کرنا ہے کہ کسی بھی کام کو کرنے سے پہلے یہ سوچا جاتا ہے کہ کیا خدا کی رضا اس میں ہے یا نہیں؟اور اگر طرزفکر کی بنیاد ذاتیات پر ہو تو انسان ہر کام کو کرنے سے پہلے یہ سوچے گا کہ اس کام سے اس کے ذات کو فائدہ ہے یا نہیں،چاھے وہ کام جائز ہو یا نہیں، کوئی فرق نہیں پڑتا بس اپنے ذات کو فائدہ پہنچے۔طرزفکر مختلف بنیادوں پر ہوسکتی ہے مثلاً جذبات ، رنگ ونسل ، قبیلے یا قومیت،مذھب وغیرہ۔

طرزفکر کی جو بنیاد ہوگی اسی بنیاد پر دوسرے چیزوں اور کاموں کے کرنے یا ہونے کے مطلق سوچا جائے گا۔ اگر کوئی کام طرزفکر کی بنیاد پر پورا اتر رہاہو تو ٹھیک ورنہ غلط کہلائی گی۔ چاہے وہ کام حقیقی معنوں میں غلط ہی کیوں نہ ہو۔ لیکن اس طرزفکر رکھنے والے کیلیے اچھا ہوتاہے ۔ ہر طرح کے طرزفکر رکھنے والے لوگوں کیلیے دو پہلو لازمی ہوتے ہیں ۔ اگر کوئی کام ایک طرزفکر رکھنے والے کی نظر میں اچھا ہے تو دوسرے طرزفکر رکھنے والے کیلیے برا ہوگا مثلاً مسلمانوں کیلیے گائے کی قربانی باعث ثواب ہے جبکہ ہندؤں کیلیے گناہ ہے۔اگر کوئی کام کسی کیلیے اچھا ہے تو دوسرے کیلیے برا ، ایک کیلیے سچ تو دوسرے کیلیے جھوٹ ، ایک کا فائدہ تو دوسرے کا نقصان، ایک کیلیے جائز تو دوسرے کیلیے ناجائز ، کوئی مانتا ہے تو کوئی انکار کرتا ہے ۔لیکن سائنسی طرزفکر کسی ایک طبقہ کیلیے مخصوص نہیں ہوتا اور نہ ہی کوئی اس کے اصول و قوانین کو جھٹلا سکتا ہے اور یہ موضوعاتی و جذباتی نہیں ہوتا بلکہ معروضی اور منطقی ہوتا ہے۔ اس کا مطلب ہے کہ سائنسی طرزفکر رکھنے والے کسی مظہر یا شے کے مطالعے میں اپنی پسند ناپسند،اپنےجذبات، اپنےرنگ نسل،قبیلے یا قومیت کو دخل اندازی نہیں کرنے دیتے اور سائنسی طرزفکر اس یقین کے ساتھ ابتدا کرتا ہے کہ زیر مطالعہ شے یا مظہر کے وجود اور برتاؤ کی کوئی لازمی وجہ ہے۔مزید یہ کہ اس وجہ کو با قاعدہ مشاہدے اور باضابطہ تجربات سے دریافت کیا جا سکتاہے۔سائنسی طرزفکر کسی بیان کی صحت پر اس وقت تک یقین نہیں کرتا جب تک باقاعدہ مشاہدات اور تجربات اس کی تصدیق نہ کردیں۔ اور اپنے مطالعے کے نتائج کو بلاخوف و خطر دنیا کے سامنے پیش کرتے ہیں۔وہ اپنے نتائج اور نظریات کو مزید مطالعے اور تجربات کی بناء پر رد ہونے پر ہٹ دھرمی کا مظاہرہ نہیں کرتے۔وہ اپنے خیالات اور نظریات کو نئے مشاہداتی اور تجرباتی نتائج کی روشنی میں تبدیل کرنے کیلیے ہر وقت تیار رہتے ہیں۔

سائنسی طرزفکر ہی کی وجہ سے سائنس دان اپنے مطالعے اور تحقیق کا دائرہ وسیع کرنے میں کامیاب ہوئے ہیں۔ اور اسی وجہ سے ہر جدید سائنسی نظریہ پہلے نظریات کے مقابلے میں زیادہ ہمہ گیر نوعیت کا ہوتا ہے۔

سائنسی طرزفکر کو اپنانے کی وجہ سے سائنس دان کئی مسائل کا حل تلاش کرنے میں کامیاب ہوگئے ہیں۔جدید زندگی اور اس کے مسائل سے نمٹنے کیلیے سائنسی طرزفکر کا اپنانا نہ صرف ضروری بلکہ اب لازمی ہوگیاہے۔

سائنسی طرز فکر تحریر: غلام مصطفٰی (جی. ایم) Article by Ghulam Mustfa (G.M) Scientific Thinking Method

Socialist Circle_سوشلسٽ سٿ

بُک ریویو,امیرکن مارکسزم:مصنف : مارک لیون Book Review: American Marxism,Mark R Levin

بُک ریویو (Book Review)امیرکن مارکسزم (American Marxism)مصنف : مارک لیون (Mark R Levin)

ہونٹوں پر چھالے اور ہرپیس وائرس ترجمہ و تلخیص: قدیر قریشی Article by Qadeer Qureshi Pimples and Herpes virus on Lips

ہونٹوں پر چھالے اور ہرپیس وائرس(Pimples and Herpes virus on Lips)

ترجمہ و تلخیص: قدیر قریشی

سب کچھ بہتا ہے اس سے کیا مراد ہے؟ تحریر: غلام مصطفی( جی ایم) ?Article by Ghulam Mustfa(G.M) what is meant by Everything flows

سب کچھ بہتا ہے اس سے کیا مراد ہے؟?"what is meant by " Everything flows

تحریر: غلام مصطفی( جی ایم)

چار لڑیوں والا ڈی این اے ترجمہ و تلخیص: قدیر قریشی Article by Qadeer Qureshi Four Strands DNA

چار لڑیوں والا ڈی این اے(Four Strands DNA)

ترجمہ و تلخیص: قدیر قریشی

یونانی طب سائنس کا بانی کون ہے؟ تحریر: غلام مصطفٰے (جی۔ایم) Article by Ghulam Mustfa (G.M) ?Who is the Founder of Greek Medical Science

یونانی طب سائنس کا بانی کون ہے؟(?Who is the Founder of Greek Medical Science)

تحریر: غلام مصطفٰے (جی۔ایم)

ثقلی لہریں (گریوٹیشنل ویوز) تحریر: ضیار قیرمان Article by Ziaar Qairman What are gravitational waves

ثقلی لہریں (گریوٹیشنل ویوز)(What are gravitational waves)

تحریر: ضیار قیرمان

روشنی بذات خود کیا ہے؟

ثقلی لہریں کیا ہیں؟

جیمز ویب دوربین ترجمہ و تلخیص: قدیر قریشی Article by Qadeer Qureshi James Webb Telescope

جیمز ویب دوربین(James Webb Telescope)

ترجمہ و تلخیص: قدیر قریشی

اٹامک نظریہ کا موجد کون تھا؟ تحریر: غلام مصطفٰے (جی۔ایم) ?Article by Ghulam Mustfa (G.M) Who was the Founder of Atomic Theory

اٹامک نظریہ کا موجد کون تھا؟(?Who was the Founder of Atomic Theory)

تحریر: غلام مصطفٰے (جی۔ایم)

سرمایہ داری اور کورونا :قاتل انسانیت تحریر: حسن کاشر Article by Hassan Kashir Capitalism and Covid-19: Killers of Humanity

سرمایہ داری اور کورونا :قاتل انسانیت(Capitalism and Covid-19: Killers of Humanity)

تحریر: حسن کاشر

ٹوائیلٹ فلش اور مائیکرو ڈراپس ترجمہ و تلخیص: قدیر قریشی Article by Qadeer Qureshi Toilet Flush and Micro drops

ٹوائیلٹ فلش اور مائیکرو ڈراپس(Toilet Flush and Micro drops)

ترجمہ و تلخیص: قدیر قریشی

مفکروں کو مفکرِ پاکستان کی فکر تحریر :آفتاب سکندر Article by Aftab Sekander Thinkers are thoughtful about Thinker of Pakistan

مفکروں کو مفکرِ پاکستان کی فکر(Thinkers are thoughtful about Thinker of Pakistan)

تحریر :آفتاب سکندر

ہگز بوزون ترجمہ و تلخیص: قدیر قریشی Article by Qadeer Qureshi Higgs Boson God Particle

ہگز بوزون(Higgs Boson)

ترجمہ و تلخیص: قدیر قریشی

چنگاری تحریر: اکرم مصرانی Article by Akram Misrani Sparking Chingaari

"چنگاری "(Sparking)

تحریر: اکرم مصرانی

مریخ پر پرسی ویرنس کی لینڈنگ ترجمہ و تلخیص: قدیر قریشی Article by Qadeer Qureshi Landing of Perseverance on Mars

مریخ پر پرسی ویرنس کی لینڈنگ(Landing of Perseverance on Mars)

ترجمہ و تلخیص: قدیر قریشی

تاریخی کھجوریں ترجمہ و تلخیص: قدیر قریشی Article by Qadeer Qureshi Historical Palm dates

تاریخی کھجوریں(Historical Palm dates)

ترجمہ و تلخیص: قدیر قریشی

سائنسی طریق کار تحریر: غلام مصطفٰی(جی.ایم) Article by Ghulam Mustfa (G.M) Scientific Methodology

سائنسی طریق کار(Scientific Methodology)

تحریر: غلام مصطفٰی(جی.ایم)

ذرات عدم سے وجود میں نہیں آتے! تحریر: ضیار قیرمان Article by Ziaar Qairman Particles are not born from nothing

ذرات عدم سے وجود میں نہیں آتے!(Particles are not born from nothing)

تحریر: ضیار قیرمان

سائنس اور سائنسدان تحریر: غلام مصطفٰی (جی. ایم) Article by Ghulam Mustfa (G.M) Science and Scientists

سائنس اور سائنسدان(Science and Scientists)

تحریر: غلام مصطفٰی (جی. ایم)

سائنس کیا ہے؟

اہرام مصر ترجمہ و تلخیص: قدیر قریشی Article by Qadeer Qureshi Pyramids of Egypt

اہرام مصر(Pyramids of Egypt)

ترجمہ و تلخیص: قدیر قریشی

مرد یا عورت؟ تحریر: ڈاکٹر عبیداللہ عبید ترجمہ: قدیر قریشی Article by Dr. Abdullah Abdullah Translated by Qadeer Qureshi ?Male or Female

مرد یا عورت؟(?Male or Female)

تحریر: ڈاکٹر عبیداللہ عبیداللہ

ترجمہ: قدیر قریشی

کینسر کی تشخیص نینو ٹیکنالوجی سے ترجمہ و تلخیص: قدیر قریشی Article by Qadeer Qureshi Identification of Cancer through Nano-Technology

کینسر کی تشخیص نینو ٹیکنالوجی سے(Identification of Cancer through Nano-Technology)

ترجمہ و تلخیص: قدیر قریشی

ستارے کیسے بنتے ہیں؟ تحریر: قزل انصاری ?Article by Qazal Ansari How stars are formed

ستارے کیسے بنتے ہیں؟(?How stars are formed)

تحریر: قزل انصاری

سائنس، منطق اور خدا تحریر: غلام مصطفٰے (جی۔ایم) Article by Ghulam Mustfa (G.M) Science, Logic and God

سائنس، منطق اور خدا(Science, Logic and God)

تحریر: غلام مصطفٰے (جی۔ایم)

سائنس کی تاریخ کا سب سے لمبا تجربہ ترجمہ و تلخیص: قدیر قریشی Article by Qadeer Qureshi The longest Experiment of the History

سائنس کی تاریخ کا سب سے لمبا تجربہ(The longest Experiment of the History)

ترجمہ و تلخیص: قدیر قریشی

سائنسی طرز فکر تحریر: غلام مصطفٰی (جی. ایم) Article by Ghulam Mustfa (G.M) Scientific Thinking Method

سائنسی طرز فکر(Scientific Thinking Method)

تحریر: غلام مصطفٰی (جی. ایم)

بُک ریویو (Book Review)
امیرکن مارکسزم (American Marxism)
مصنف : مارک لیون (Mark R Levin)

ہونٹوں پر چھالے اور ہرپیس وائرس
(Pimples and Herpes virus on Lips)

سب کچھ بہتا ہے اس سے کیا مراد ہے؟
?"what is meant by " Everything flows

چار لڑیوں والا ڈی این اے
(Four Strands DNA)

یونانی طب سائنس کا بانی کون ہے؟
(?Who is the Founder of Greek Medical Science)

ثقلی لہریں (گریوٹیشنل ویوز)
(What are gravitational waves)

جیمز ویب دوربین
(James Webb Telescope)

اٹامک نظریہ کا موجد کون تھا؟
(?Who was the Founder of Atomic Theory)

سرمایہ داری اور کورونا :قاتل انسانیت
(Capitalism and Covid-19: Killers of Humanity)

ٹوائیلٹ فلش اور مائیکرو ڈراپس
(Toilet Flush and Micro drops)

مفکروں کو مفکرِ پاکستان کی فکر
(Thinkers are thoughtful about Thinker of Pakistan)

ہگز بوزون
(Higgs Boson)

"چنگاری "
(Sparking)

مریخ پر پرسی ویرنس کی لینڈنگ
(Landing of Perseverance on Mars)

تاریخی کھجوریں
(Historical Palm dates)

سائنسی طریق کار
(Scientific Methodology)

ذرات عدم سے وجود میں نہیں آتے!
(Particles are not born from nothing)

سائنس اور سائنسدان
(Science and Scientists)

اہرام مصر
(Pyramids of Egypt)

مرد یا عورت؟
(?Male or Female)

کینسر کی تشخیص نینو ٹیکنالوجی سے
(Identification of Cancer through Nano-Technology)

ستارے کیسے بنتے ہیں؟
(?How stars are formed)

سائنس، منطق اور خدا
(Science, Logic and God)

سائنس کی تاریخ کا سب سے لمبا تجربہ
(The longest Experiment of the History)

سائنسی طرز فکر
(Scientific Thinking Method)