சித்தார்த் தாஸ்

புத்தாண்டு

2020-01-01T20:41:00.002-08:00

#Happy_New_Year_2020
#May_all_beings_be_happy

தென்னிந்திய பெளத்த விஹாரில் புத்த வந்தனா சுத்தாக்களோடு ஆரம்பமானது புத்தாண்டு இரவு...

சென்னை புத்த தம்ம சங்க தலைவர் பெளத்த ஜீவா அப்பாவோட இறுக்கமான அரவணைப்பிலும் வாழ்த்திலும் புத்தாண்டு பிறந்தது...

மரியாதைக்குரிய பெளத்த அறவணடிகள் போதி தம்ம தேரோ அவர்களுடன் நிலாதம்மா சங்கத்து உறுப்பினர்களோடு பெளத்த வாழ்வியல் கலந்துரையாடல் நடைபெற்றது...

பகுஜன் சமாஜ் கட்சியின் தமிழகதலைவர் ஆம்ஸ்ட்ராங் அண்ணாவிடமிருந்து புத்தாண்டு வாழ்த்தும் இனிப்பும் பாபாசாகேப் டைரியும் கிடைத்தது...

கோரேகான் வெற்றி தினத்தை சென்னை பாபாசாகேப் மணிமண்டத்தில் கொண்டாடுவோம்...

#ஜெய்_பீம் #நமோ_புத்தாய

- சித்து

பஞ்ச சீலம்

2020-01-01T20:36:00.001-08:00

நீயா நானாவில் வருட ஜோதிடம் சொல்பவர்கள் ஒருபக்கம் சினிமாக்காரர்கள் ஒருபக்கம் பேசினார்கள்…

கோபிநாத் கேட்கிறார் யாருக்கு ஜோதிடம் தேவைப்படாதென்று?

ஒரு பெண் ஜோதிடர் சொன்னார் “பஞ்சமா தீமைகள்” செய்யாதவருக்கு ஜோதிடம் தேவைப்படாது.

அதாவது பஞ்சமா தீமைகள் என்று அவர்கள் சொல்ல வருவது

உயிர்வதை செய்யக்கூடாது, திருடக்கூடாது, பிழையுறும் காம செயல் செய்யக்கூடாது, பொய் பேசக்கூடாது,போதையை உண்டாக்கக் கூடியவற்றை எடுத்துக் கொள்ளக் கூடாது.

இதையேத்தானேடா 2500 வருடத்திற்கே முன்பே சொல்லிச் சென்றார் அரஹந்தர் புத்தர்…

பல பிரச்சனைகளின் ஆரம்பமே இந்த ஐந்திலிருந்து ஆரம்பிக்கிறது என்பதாலேயே புத்தரை பின்பற்றுபவர்கள் பஞ்சசீலம் என்று இவையை செய்ய மாட்டோமென அவர் முன் உறுதியேற்கின்றனர்.

#ஜெய்_பீம்
#நமோ_புத்தாய

தோழன் விழிவேந்தன்

2014-12-12T10:03:00.000-08:00

வாழ்த்த விருப்பமில்லை..

நடு இரவில் முதல் தொலைபேசி

அழைப்பில் குரலால்

வாழ்த்த விருப்பமிவில்லை..

காலையிலே உந்தன் வீட்டின்

அருகே கட் அவுட் வைத்து

வாழ்த்த விருப்பமிவில்லை..

முகநூலில் ஹாப்பி பர்ட்த்டே

என்று ஸ்டேடஸ் போட்டு

வாழ்த்த விருப்பமிவில்லை..

ஒரு கேக் வாங்கி உன்னை

ஆச்சரியப்படுத்தி வெட்ட சொல்லி

வாழ்த்த விருப்பமிவில்லை..

என் தோழிகளிடம் உனக்கு

பிறந்த நாள் வாழ்த்து சொல்ல சொல்லி

வாழ்த்த விருப்பமிவில்லை..

வாழ்த்த வயதில்லை வணங்குகிறேன்

என்று எல்லாருக்கும் தெரிந்த வசனம் சொல்லி

வாழ்த்த விருப்பமிவில்லை..

பிறகு எப்படி வாழ்த்துவேன்.???????????????

அதான் சொல்லிட்டேனே உன் பிறந்த நாளுக்கு

எனக்கு வாழ்த்த விருப்பமில்லை..

வாழ்த்து சொல்லிக்கொள்ள

சம்பிரதாயமான உறவா நம்முடையது????

இல்லையே..!!!!!!!!!!!!!

பாத்திருக்கிங்களா..???

கோபப்படத் தெரியாத கோபக்காரனை

ஒரு புரட்சியாளனை பாத்திருக்கிங்களா.?

கம்யூனிசமும் திராவிடமும் தலித்தியமும்

தமிழ் தேசியமும் பேசுகிற ஒரு மனிதனை பாத்திருக்கிங்களா..??

பொருளாதாரத்தை சம்பாதிக்காவிட்டாலும் பொறுமையை

சம்பாதித்து வைத்திருப்பவனை பாத்திருக்கிங்களா...???

கம்யூனிச கட்டுடைப்புகளை கட்டவிழ்த்து

விளக்குகிற வித்தை கற்றவன் அவன்!

எந்த இசம் பேசினால் கம்யூனிசத்திற்கு

ஈடு இணை இல்லை என்பான் அவன்!!

பொது உடைமை சிந்தனை தவிர உலகில்

சிறந்த சிந்தனை இல்லை என்பான் அவன்!!!

மக்களுக்கான ஜனநாயகத்தையும்

தேசத்திற்கான அதிகாரத்தையும் பெற

அமைப்பாய் இயங்கும் தோழமைகளுடன்

சேர்ந்து இயங்கும் எனதருமை தோழன்தான் அவன்!!!!

யாரென்று தெரிகிறதா அவன் விழிவேந்தன் தான் என்று புரிகிறதா..????

ஓர் ஆசை

ஏழு வருட நட்பில் ஒரு முறை கூட சண்டை வராமல்

பார்த்துக் கொண்டவன் அவன்!

மிஸ் அண்டர்ஸ்டாண்டிங்கா அப்படின்னா

என்று கேட்க வைத்தவன் அவன்!

நட்புக்குள் பெண்ணால், பணத்தால், பதவி உயர்வால் சண்டை

வருமாமே???

புஜ்ஜிமாவாலும் செல்லம்மாவாலும் நமக்குள்

சண்டை வரவில்லை

(அபி..???????)

எந்தன் உணவுக்கான தொகை உந்தன்

பையிலிருந்தே வருகிறது

உந்தன் தேநீருக்கான தொகை எந்தன்

கைகளிலிருந்தே வருகிறது

பிறகெப்படி, பணம் நமக்குள்

சண்டையை உண்டு செய்யும்...

நீ எனக்கு அசோசியேட்டாக இருந்தாலும்

எனக்கு நீ அப்ரண்டீசாக வேலைபார்த்தாலும்

மகிழ்வுடனேயே ஏற்றுக்கொள்கிறோம்

பிறகெப்படி பதவி உயர்வால் – நமக்குள்

சண்டை வரும்..?

எனக்கு ஒரு ஆசை

எனக்கும் உனக்கும் சண்டை வர வேண்டும்

அது என்ன காரணத்திற்கு என்று எனக்கு தெரிந்து கொள்ள வேண்டும்..!

(கட்சியா...????)

பிறந்த நாள் வாழ்த்து

உனக்காய் உந்தன் பிறந்த நாளுக்காய்

ஏதேதோ புதுசாய் செய்து

உன்னை கவர்ந்து விடவும்

உந்தன் மேல் நான் எவ்வளவு

பாசம் வைத்திருக்கிறேன் பார்

என்று நிரூபிக்கவும் ஏதேதோ

மெனக்கிடல்களில் முயன்றேன்

பிறகு விட்டு விட்டேன்

அப்படி செய்து தான் நான் உன்னை

கவர வேண்டுமா என்ன..????

போடா டேய்......

இயக்குனர் விழி

படப்பிடிப்பு தளத்தில் எல்லாரும் பரபரப்புடன் இயங்குவார்கள்

ஒருவன் மட்டும் சுறுசுறுப்புடன் இயங்குவான்

ஒருநாள் படம்பிடித்தவற்றை பார்த்துக்கொண்டிருந்த போது

புரொடெக்சன் மேனேஜர் தம்பி தப்பு

நான் இயக்குனரிடம் சொல்வேன் என்று மிரட்டிச் சென்றார்

பாவம் காலையில் அந்த புரொடெக்சன் மேனேஜரே

காணாமல் போனார்

நான் + நீ

நான் எங்கெல்ஸா எனக்கு தெரியாது –ஆனால்

எனக்கெப்போதும் நீ தான் மார்க்ஸ்

நீ துரியோதனனா எனக்கு தெரியாது- ஆனால்

உனக்கு என்றென்றும் நான் தான் கர்ணன்

(நம்மிருவரை தவிர யாராலும்

புரிந்துகொள்ள முடியாத

வரிகள் இவை...)

வாழ்த்துக்கள்

என் செல்லத்துக்கு

பிரியமுள்ள அண்ணனுக்கு

மானமிகு தோழனுக்கு

மரியாதைக்குரிய காம்ரேட்டுக்கு

இனி வரும் காலம் உனக்கு

வசந்தத்தின் இடிமுழக்கமாய்

வாழ்நாளெல்லாம் வசந்த காலமே!!!

வாழ்க! வாழ்க!! வாழ்கவே!!!

நிழல் இதழ் தயார்

2013-03-29T05:50:00.006-07:00

நிழல் ஏப்ரல் மே 2013

இந்த இதழில்

கேமரா வாங்க வேண்டுகோள்

விருது பெற்ற படங்கள் :
லிங்கன்:விடுதலையின் அதிகார வடிவம்
அமூர்:காதலின் கருணை வடிவம்
விஸ்வரூபம்:விடுவாசத்தின் கலை வடிவம்
பியட்டா:உடலின் பொருளியல் வடிவம் -ஜமாலன்

வாஸ்கோடகாமா எக்ஸ்பிரஸ் - சைமன் ஜார்ஜ்

நவீன இந்திய சினிமா -விட்டல்ராவின் புதிய தொடர்

கலகக்கார கலைஞர்கள் 2 - ஜாபர் பனாஹி - நெய்வேலி பாரதிகுமார்

நினைவு தோணியில் ஆதிமூலம் - திருநாவுக்கரசு

திரைக்கதை வடிவம் - மணி

தமிழ்திரையில் நகைச்சுவை நடிக நடிகைகளின் பங்களிப்பு:23-
கொத்தமங்கலம் -திருநின்றவூர் சந்தானகிருஷ்ணன்

திரைக்கதைக்கான பயிற்சி சிறுகதை: செவ்வாழை -அண்ணாதுரை
திரைக்கதை வடிவம் -சைமன் ஜார்ஜ்

28வதுகுறும்பட பயிற்சி பட்டறை அனுபவ பகிர்வு - ஷஹான் நூர்

உழைப்பாளி தம்பி

2013-03-02T09:39:00.002-08:00

கோவையில் நிழல்-பதியம் இணைந்து நடத்திய குறும்பட பயிற்சி பட்டறை ஒருங்கிணைப்பாளர்களில் நானும் ஒருவன், என்னுடன் இணைந்து பணியாற்றிய தோழனைப் பற்றி.... என் வரி..

ஒரு மனிதன்
இருபது வயதே இன்னும்
நிறைவுறாத இளைஞன்
65 பேரில் ஆரம்பித்து
15பேர் அதிகமாக
மொத்தம் 80 பேருக்கும் சேர்த்து
ஒருவனின் உழைப்பு
மின்சாரம் துண்டித்தால்
ஓட்டை ஜெரேட்டரை ஓடவைத்து
ஓடி ஓடி உணவு பரிமாறி
குடிக்க தண்ணீர்
சூடான தேநீர்
உணவு எல்லாம் உபசரித்து
தீர்ந்தால் உடனடியாய்
தயார் செய்து
ஓயாமல்
சளைக்காமல்
அவ்வபோது ஒளிப்பதிவும்
செய்து கொண்டு
என்னையும், எங்களையும் கவனித்துக்கொண்ட
என் உடன் பிறவா அன்புத் தம்பி

என்னால் பாரி என்றும்
எங்களால் விஜி என்றும்
அழைக்கப்படும்
எங்களின் கலைத் தந்தை
’நிழல்’ திருநாவுக்கரசு அய்யா பெற்றெடுத்த
இரண்டாவது தவப்புதல்வன்

உந்தன் கடின உழைப்புக்குத்
தலைவணங்குகிறேன்டா
தம்பி...

குருவுக்கு சீடர்கள் எடுத்த விழா - ரமேஷ் சார் பணி ஓய்வு விழா

2012-03-17T03:33:00.006-07:00

முன்னாள் முதல்வருக்கு இந்நாள் முதல்வர் சிறப்பு செய்கிறார். அருகில் கணேஷ் அண்ணா

…”ஆசிரியர் பணியே அறப்பணி அதற்கே என்னை அர்ப்பணி” என தன்னுடைய வாழ்நாளில் இருபத்து ஐந்து வருடம் குருவாக இருந்து பல சிஷ்யர்களை உருவாக்கிய திரைப்படக்கல்லூரியின் முன்னாள் முதல்வர் படப்பதனிடுதல் துறையின் தலைவர் திரு.ரமேஷ் சார் அவர்கள் 29.0202012 அன்று பணி ஓய்வு பெற்றார்.

அவரிடம் படித்த மாணவர்கள் சார்பாக ஒரு விழா ஏற்பாடு செய்யப்பட்டு இருந்தது சென்னை கோடம்பாக்கத்தில் உள்ள பிரதாப் ப்ளாசா என்ற இடத்தில் நடைபெற்றது.

பத்திரிக்கையில எழுத ஆரம்பிச்சாலும் ஆரம்பிச்சேன் எந்த செய்தியாக இருந்தாலும் பத்திரிக்கை பாணியிலேயே செய்தி எழுத வருகிறது. இந்த பாணி, இந்த செய்திக்கு தவறு. ஏன்னா எங்க ரமேஷ் சாருக்கு எங்க சீனியர் அண்ணன்களும் என் நண்பர்களும் ஜூனியர் தம்பிகளும் சேர்ந்து ஒரு விழா எடுத்து இருந்தோம்.

எப்போதும் போலான சம்பிரதாயமான விழாவாக இல்லாம எது மாதிரியும் இல்லாத புது மாதிரியான விழாவாக கொண்டாடப்பட வேண்டும் என ஆரம்பித்தார் கணேஷ் அண்ணா .

விட்டல் சார், மற்றும் பழைய மாணவர்கள் நரசிம்மன் மற்றும் லோகேஷ் ஆகியோருக்கு மவுன அஞ்சலியுடன் விழா துவங்கியது.

கணேஷ் அண்ணா தான் நிகழ்ச்சியை தொகுத்து வழங்கினார். இப்ப பிரசாத் லேப்ல டிஐ கலரிஸ்ட். சூப்பராக பேசுனாரு கல்யாணம் ஆனவருன்னு சொல்ல முடியாது இளமை ஊஞ்சல் ஆடும். இவர் பேசுனதை பார்த்த போது தான் தோணுச்சு ஒழுங்க இவர் டிவி காம்பயரிங் போகலாமேன்னு .ம்ம்ம்ம் அது அவர் முடிவு பண்ணனும். நான் காலேஜ் படிக்கும் போது பிரசாத் லேப் விசிட்டிங் போனேன். கூப்பிட்டு வச்சு கேள்வி கேட்டே கொன்னுட்டார். நல்ல வேலை இங்க எதுவும் கேள்வி கேட்காமல் விட்டார்.

நிகழ்ச்சியை தொடர்வோம்…

பிரம்மாண்டமான கேக் வெட்டி விழாவினை தொடங்கினோம்..

ஒவ்வொரு மாணவர்களாக வந்து ரமேஷ் சாருக்கும் அவர்களுக்குமான பந்தத்தை பற்றி விளக்கினார்கள். எல்லோரும் சொன்னது ரமேஷ் சார் ரொம்ப நேரம் கிளாஸ் எடுப்பது பற்றியும் , பிலிம் லைக் க பேபி என்றும், போ நாய் போ என கரகர குரலில் சொல்வது பற்றியும் விளக்கி தீர்த்தனர். ( கலாய்ச்சாங்களாமாம் ).

நான் சார்கிட்ட படிக்கும் போது ஒரு புக் வாங்கிட்டு வந்தேன். அப்ப அதை திருப்பி கொடுக்கவே இல்லை. ஆனால் இப்ப தரேன் என்று ஐந்து வருடங்களுக்கு பிறகு கொடுத்தார் ரஞ்சித்.

இண்டஸ்ட்ரியில் ஜெயித்த மாணவர்கள் பலரின் வருகை ஜெயிக்க துடிக்கும் வருங்கால மாணவர்களுக்கு வழிகாட்டியாக இருந்தது. அப்படி வந்து இருந்த அண்ணன்கள் திருமதி செல்வம், தென்றல் ஆகிய தொலைக்காட்சி தொடரின் ஒளிப்பதிவாளர் மாட்ஸ், சங்கர் - தூர்தர்ஷன் கேமராமேன், பாலமுருகன் - 15 வருடங்களுக்கும் மேலாக ஐதராபாத் பிரசாத் லேபில் கிரேடர், தற்சமயம் ஜெமினி டி.ஐ கலரிஸ்ட், சுப்புராம் – ஜெமினி லேப்பிப் கிரேடர். அழகிய மணவாளன் ஆயுள் ரேகை, தேநீர்விடுதி ஆகிய திரைப்படங்களின் ஒளிப்பதிவாளர் ஆகியோரின் வருகை விழாவினை வேறொரு தளத்துக்கு எடுத்து சென்று சிறப்பித்தது.

மாணவர்கள் ரமேஷ் சார் பற்றி பேசியதை விட ஆசிரியர்கள் பேசியது தான் ஹைலைட் ஆஃப் த ஃபங்சன். சீனு சார் என எங்களால் செல்லமாக அழைக்கப்படுன் சீனிவாசன் சார் அவர்கள் ரமேஷ் சாரோட எம்ஏ படித்தது பற்றி சொன்னார்.

விழா நாடை பெற்ற இடம்

எல்லாரும் லாட்ஜ் எடுத்து படித்தார்களாம். திடீரென ரமேஷ் சார் நான் வீட்டுக்கு போறேன்னு கிளம்பிட்டாருன்னா எல்லாரும் தூங்கிடுவாங்களாம் . போய் திரும்பி கொஞ்ச நேரத்துல ரமேஷ் சார் திரும்பி வந்தாராம் என்னப்பான்னு கேட்டதற்கு எங்க வீட்ல கரண்ட் இல்ல அதான் வந்துட்டேன் என்றாராம். அந்த அளவுக்கு படிப்பின் மீது ஆர்வமானவர். எக்ஸாம் ஹாலில் சின்சியராக படித்ததை எழுதியது ரமேஷ் சார் மட்டும் தானாம் மற்ற எல்லாரும் பிட் அடித்தார்களாம். சுவாரசியமான தகவல் தான். திடீரென பாணா காத்தாடி இயக்குனர் பத்ரி சார் வந்து இருந்தார். ரமேஷ் சாரின் பழைய நண்பர் ஃபிலிம் சென்ட்டரில் உடன் வேலை பார்த்த ஜெயக்குமார் சார் வந்து இருந்தார்.

ஐதராபாத் டெலிசினி கலரிஸ்ட்டாக உள்ள s.k. பாபு நினைவுப்பரிசு அனுப்பி இருந்தார்.

குதிரை - தங்க செயின் நினைவு பரிசாய்

மாணவர்கள் சார்பாக ஓடுவது போல உள்ள குதிரை நினைவுப்பரிசாக வழங்கப்பட்டது. சார் எப்போதும் சினிமாவில் ஓடிக்கிட்டே இருக்க வேண்டும் என்பதன் அர்த்தத்தை தான் அது குறிப்பதாக சொல்லி கொடுத்தோம்.

பிலிமில் இருந்து வெள்ளி எடுக்கலாம்னு சொல்லிக்கொடுத்தவருக்கு தங்கத்தினால் ஒரு செயின் நினைவுப்பரிசாக அணியப்பட்டது.

நிகழ்ச்சியை தொகுத்து வழங்குன அண்ணன் கணேஷ் ஆங்காங்கே பஞ்ச் பலவற்றை அள்ளி தெளித்தார்.

ஆசிரியராக இல்லாமல் இருந்தால் சைக்கார்டிஸ்டாக போய் இருப்பார் சார் அந்த அளவுக்கு மனித மனங்களை உணர்ந்தவர் .

குருவுக்கே உதாரணமாக துரோணச்சாரியாரை தான் சொல்வாங்க ஆனால் அந்த துரோணரே இப்போ இருந்து இருந்தால் உங்களிடம் பாடம் படிக்கலாம்ன்னு ஆசைப்பட்டு இருப்பார்.

தோற்றம், கம்பீரம், எளிமை, போன்றவற்றில் காமராசருடன் ஒத்து போறிங்கன்னு சாரோட தலையை குறி வைத்து பேசினார்.

உலகமே சச்சினின் 100வது சதத்தை எதிர்பார்க்கிறது ( இப்பதான் அடிச்சு புட்டாரே நூறாவது 100 ) அதை அவர் நிறைவேற்றி விட்டார். .

ஆனால் நாங்கள் உங்களுடைய 100 வது பிறந்தநாளை இதேபோல் சிறப்பாக கொண்டாடவேண்டும் என எதிர்பார்க்கிறோம். நிறைவேற்றுங்க சார்..

சொல்லிகொடுத்த புத்தகங்கள்

எக்ஸ்போசர் புக் படிக்க சொன்னீங்க - கேரியர்க்கு எக்ஸ்போசர் கிடைத்தது.

டாமினிக் கேஸ் புக் படிக்க சொன்னீங்க - எங்களை யாரும் டாமினேட் பண்ணமுடியல.

பேசிக் போட்டோகிராபி புக் படிக்க சொன்னீங்க - எங்க பேஸ்மெண்ட் ஸ்ட்ராங் ஆச்சு.

போட்டோகிராஃபி தியரி ஃபார் த மோஷன் பிக்சர் கேமரமேன் புக் படிக்க சொன்னீங்க - கேமராமேன்களிடம் போட்டோகிராஃபி பற்றி தியரியா பேச முடிஞ்சது.

அனைத்து மாணவர்களுடன்

கலர்-ன்னா என்னன்னு சொல்லி கொடுத்தீங்க- இன்னைக்கு கலரிஸ்ட்டா இருக்கேன்.

கடைசி வரை என்னை பேச கூப்பிடவே இல்லை. கடைசியாக கவிஞர் தாஸ் என்றார். என் இந்த கொலை வெறி என மனசுக்குள்ள நினைத்துகொண்டு ஒரே விசயத்தை தான் சொன்னேன் கிராமத்துல இருந்து சென்னை வந்த ஒரு பையனுக்கு சீட் கொடுத்திங்க சார் உங்க பேரை காப்பாத்துவேன் என்று சிம்பிளாக முடித்தேன்.

முத்து அண்ணா நன்றியுரையில் குறிப்பிட்டது

விழா எங்கு நடத்தலாம் என்று பல யோசனை. இறுதியில் கோடம்பாக்கத்தில் நடத்த முடிவு செய்தோம். ஏன்னா

நாம் தரமணியில் இருந்து வந்து கோடம்பாக்கத்தில்தான் வெற்றிபெற்றவர்கள் என்று பலத்த கர ஒலியில் விழா முடிந்தது.

விழா நாயகன் ரமேஷ் சார் பேசியது :

இனிமேல் தினமும் காலையில் எட்டு மணிக்கு எங்க கிளம்புறதுன்னு

இந்த புண்ணியரை திரைப்படக்கல்லூரிக்கு தத்து கொடுத்த அவரின் இணையருடன்

தான் தெரியல. இந்த விழாவையும் ஏற்பாடு செய்த உங்களையும் நான் என்றென்றும் மறக்க மாட்டேன். மேலும் படப்பதனிடல் துறையில் உள்ள அனைவரையும் பற்றி தன் மனதில் உள்ளதை கொட்டி தீர்த்தார்.

பேச வார்த்தைகள் இல்லாமல் முடித்தார்.

மதிய உணவு மகத்தாய் உள்ளே போனது…

விழாவுக்கு தற்போதைய முதல்வர் மரியாதைக்குரிய எங்கள் அமைதியின் சிகரம் ஸ்ரீதர் சார் இன்னும் பலர் வருகை புரிந்து சிறப்பித்து இருந்தனர்.

மாணவர்கள் எல்லாரும் கொஞ்ச நேரம் கிளாஸ் எடுங்க சார் என்று கேட்ட போது மறுத்த அவர் கேள்வி கேட்க ஆரம்பித்தார். தொழில்நுட்பத்தில் ஆரம்பித்து எங்கெங்கோ போய் நின்றது.

முடித்துக்கொள்ளலாமே என யாரோ கத்தியதை எல்லாரும் ஏற்றுக்கொண்டதை போல கலைந்து சென்றோம்.

ரமேஷ் சார் கனத்த மனத்துடன் வீடு சென்றார். நாங்கள் பிரிய முடியாமல் பிரிந்து வந்தோம்…

-தாஸ்..,

குழந்தைகள் கலைக்களஞ்சியம் குறுந்தகடு வெளியீடு

2012-03-09T00:59:00.000-08:00

சென்னை மாநிலக் கல்வி அமைச்சராகத் திகழ்ந்த திரு தி.சு.அவினாசிலிங்கம் செட்டியார் அவர்களால் அனைத்து அறிவுத்துறைகளிலும் தமிழ் வளர்ச்சி காணவேண்டும் என்ற தலையாயநோக்கத்தோடு 1946-ஆம் ஆண்டில் தமிழ் வளர்ச்சிக் கழகம்தோற்றுவிக்கப்பெற்றது. இந்திய மொ ழிகளில் 10 தொகுதிகளைக்கொண்ட விரிவான கலைக் களஞ்சியம் தமிழில் தான் முதன்முதலாக வந்தது என்பது பெருமைப்படத்தக்க செய்தியாகும்.இதைத் தமிழ் வளர்ச்சிக் கழகத்தின் ஓர் ஒப்பு உயர்வற்றஆக்கபூர்வமான தமிழ்த் தொண்டாகக் கருதலாம். இவற்றிற்கு 2240அறிஞர்கள் பங்களிப்புச் செய்திருக்கின்றனர்.

'கலைக்களஞ்சியம்' என்னும் பொருள் (Encylopedia) பொதிந்தசொல்லைத் தமிழகத்திற்கு வழங்கிய பெருமையும் தமிழ் வளர்ச்சிக்கழகத்திற்கே உரியதாகும். இச்சொல் தமிழ் வழக்கிலும் வேரூன்றிநிலைத்துவிட்டது.

பொதுக் கலைக்களஞ்சியத்தைத் தமிழில் முதல் பதிப்பாகத் திறம்படவெளியிட்டுச் சிறந்த அனுபவம் பெற்ற தமிழ் வளர்ச்சிக் கழகம், 1968-இல் குழந்தைகளுக்கெனத் தனியே அழகிய வண்ணப்படங்களுடனும் விளக்கப்படங்களுடனும் கூடிய சிறந்ததொருகுழந்தைகள் கலைக்களஞ்சியத்தைப் பத்துத் தொகுதிகளில் முதல்பதிப்பாக வெளியிட்டது. 1968-இல் தொடங்கப்பட்ட குழந்தைகள்கலைக் களஞ்சிய முதல் பதிப்புப் பணி மத்திய, மாநில அரசுகளின்நிதியுதவியுடன் 1976-இல் திறம்பட நிறைவேறியது. குழந்தைகள்கலைக் களஞ்சியம் முதற் பதிப்பிற்கும் திரு. ம. ப.பெரியசாமித்தூரன் அவர்களே தலைமைப் பதிப்பாசிரியராகவிளங்கினார். குழந்தைகள் கலைக்களஞ்சியம் முதல் பதிப்பின்மாதிரிப் படிவம் ஒன்றை 22-03-1965-இல் தமிழ் வளர்ச்சிக் கழகம்வெளியிட்டது.

குழந்தைகள் கலைக்களஞ்சிய சிறப்புகள்:

· சிறுவர்களுக்குப் படிக்கும் ஆர்வத்தைத் தூண்டி அவர்தம்பொது அறிவையும், அறிவியல் அறிவையும் வளர்க்கும்நேர்த்தியான அறிவுக் கருவூலம்.

· இக்களஞ்சியம் பல்வேறு அழகிய வண்ணப்படங்களும்,விளக்கப் படங்களும் நிறைந்து சிறந்து விளங்குவது.

· இதன் உள்ளடக்கம் எளிய, இனிய தமிழ் நடையில்,பல்துறை அறிவு பற்றிய சிறுசிறு கட்டுரைகளாக அமைந்துள்ளது.

· அகரவரிசையில் அமைந்த 10 தொகுதிகளைக் கொண்டது;ஒவ்வொரு தொகுதியும் 96 பக்கங்களைக் கொண்டது.

· பெயர் அளவில் குழந்தைகள் கலைக் களஞ்சியம்என்றாலும் பள்ளி-கல்லூரி மாணவர்கள், பொதுமக்கள் மற்றும்யாவரும் படித்துப் பயன்பெறும் வகையில் தரம்மிக்கதாகஉருவாக்கப்பட்டுள்ளது.

· எல்லாத் துறைகளிலும் மக்களுக்குத் தெரிய வேண்டியஇன்றியமையாப் பொருள் பற்றிய கட்டுரைகள் இதில் இடம்பெற்றுள்ளன.

· இந்திய மொழிகளில் முதலில் தோன்றிய சிறப்பானதொருகுழந்தைகள் கலைக் களஞ்சியம் இதுவேயாகும்.

· எல்லா நூலகங்களிலும் இன்றியமையாது இடம்பெறவேண்டியது இக்களஞ்சியம். இக்களஞ்சியத்தின் ஒவ்வொருதொகுதியும் ஓர் அறிவுக் கருவூலம்.

குழந்தைகள் கலைக்களஞ்சியம் மிகவும் நேர்த்தியாகஅமைந்திருந்ததால் அதற்குப் பொதுமக்களிடமும், மாணவர்களிடமும் சீரிய வரவேற்பிருந்தது. அன்றையதமிழ்நாடுஅரசு குழந்தைகள் கலைக்களஞ்சியத்தின் திருந்தியஇரண்டாம் பதிப்பின் மறு பதிப்பைத் தமிழ்நாடு பாடநூல் நிறுவனத்தின் வழி வெளியிட்டு, 10,000 படிகள் சிறுவர்கரும்பலகைத் திட்டத்திற்கும், முதியோர் கல்வித் திட்டத்திற்கும் பயன்படுத்த ஏற்பாடு செய்தது. இதை தொடர்ந்து இரு பதிப்புகள் வந்தன.

குழந்தைகள் கலைக்களஞ்சியத்தின் பத்துத்தொகுதிகளின் உள்ளடக்க விவரங்கள்பின்வருமாறு:

தொகுதி ஒன்று:

அ முதல் இந்தியா வரை

திருந்திய இரண்டாம் பதிப்பு 1982

பதிப்பாசிரியர்: திரு.ம.ப.பெரியசாமித்தூரன்

தொகுதி இரண்டு:

இந்து மதம் முதல் ஔவையார் வரை

திருந்திய இரண்டாம் பதிப்பு 1983

பதிப்பாசிரியர்: திரு.ம.ப.பெரியசாமித்தூரன்

தொகுதி மூன்று:

கக்கரி முதல் கும்மி கோட்டம் வரை

திருந்திய இரண்டாம் பதிப்பு 1984

பதிப்பாசிரியர்:திரு.ம.ப.பெரியசாமித்தூரன்

தொகுதி நான்கு:

குயில் முதல் டார்ஜீலிங் வரை

திருந்திய இரண்டாம் பதிப்பு 1985

பதிப்பாசிரியர்: திரு.ம.ப.பெரியசாமித்தூரன்

தொகுதி ஐந்து:

டால்ட்டன் முதல் நாணயங்கள் வரை

திருந்திய இரண்டாம் பதிப்பு 1986

பதிப்பாசிரியர்: திரு.ம.ப.பெரியசாமித்தூரன்

தொகுதி ஆறு:

நாய் முதல் பிரிட்டன் வரை

திருந்திய இரண்டாம் பதிப்பு 1986

பதிப்பாசிரியர்: திரு.ம.ப.பெரியசாமித்தூரன்

தொகுதி ஏழு:

பிரீஸ்ட்லி ஜோசப் முதல் மலை ஏற்றம் வரை

திருந்திய இரண்டாம் பதிப்பு 1987

பதிப்பாசிரியர்: திரு.ம.ப.பெரியசாமித்தூரன்

தொகுதி எட்டு:

மழை முதல் லியனார்டோ-டா-வீன்சி வரை

திருந்திய இரண்டாம் பதிப்பு 1987

பதிப்பாசிரியர்: திரு.ம.ப.பெரியசாமித்தூரன்

தொகுதி ஒன்பது:

லிவிங்ஸ்ட்டன், டேவிட் முதல் வைரஸ் வரை

திருந்திய இரண்டாம் பதிப்பு 1988

பதிப்பாசிரியர்: திரு.ம.ப.பெரியசாமித்தூரன்

தொகுதி பத்து:

வௌவால் முதல் ஹௌரா வரை

திருந்திய இரண்டாம் பதிப்பு 1988

பதிப்பாசிரியர்: திரு.ம.ப.பெரியசாமித்தூரன்

தற்பொழுது தமிழ் வளர்ச்சிக் கழகம், குழந்தைகள்கலைக்களஞ்சியம் 10 தொகுதிகளையும் பொதுமக்கள் அனைவரும்வாங்கிப் பயன்பெறும் வகையில் குறைந்த விலையில் குறுந்தகடு(டிவிடி) வடிவில் வெளியிட்டுள்ளது. இந்த குறுந்தகட்டின் அதிகாரபூர்வ விற்பனையாளராக சாஃப்ப்டவியூ பதிப்பகத்தை தமிழ் வளர்ச்சிக்கழகம் நியமித்துள்ளது. குறுந்தகட்டின் விலை ரூ.300/=. கிடைக்குமிடம்; சாஃப்ப்டவியூ பதிப்பகம், 118.நெல்சன் மாணிக்கம் சாலை, சென்னை-29 தொலைபேசி : 23741053, 9940666188

நீங்களும் வெல்லலாம் ஒரு கோடி

2012-03-05T03:05:00.000-08:00

கோன் பனேகா குரோரிபதி கரகர குரலில் அமிதாபட்சன் ஆரம்பித்து வைத்தார். ஷாருக்கான் தொடர்ந்தார், தமிழில் சரத்குமார் முயன்றார். இப்ப சூர்யா... திரை உலகில் நல்ல நிலையில் போய்கொண்டு இருக்கும் சூர்யா சின்ன திரைக்குள் ஏன் நுழைந்தாரோ...? என கேட்க வைக்கிறது இந்த நிகழ்ச்சி.. பல நாடுகளில் வெற்றிகரமாக போன நிகழ்ச்சி தமிழ்நாட்டில் தோல்வியாகிப்போகும் போல..

சின்ன புள்ளை தனமாக இருக்கே எனும் வடிவேலுவின் கிண்டலை போலவேஇருக்கிறது சூர்யாவின் கேள்வியும். என்னதான் புரோகிராம் புரொடியூசர், குவிஸ் புரோகிராமுக்கான கேள்வி தயாரிப்பாளர்கள் கூட்டு முயற்சி, குழு ஒத்துழைப்பு என கேள்விகள் தயாரானாலும் சில மொக்கை கேள்விகளை படிப்பறிவு இல்லாத மக்கள் கூட கைகொட்டி சிரிக்கும் அளவுக்கு இருக்கிறது. கொடுத்த கேள்விகளை அப்படியே ஏன் கேட்கிறார் சூர்யா, இவ்வளவுக்கும் லயோலா கல்லூரியில் படித்தவர் அவருக்கே தெரிய வேண்டாமா...? இதெல்லாம் சின்ன புள்ள தனமாக இருக்கிறது என்று...

நிகழ்ச்சி தொகுப்பாளராக புதிய களம் இறங்கி இருக்கிறார் என்பது சில சமயம் சூர்யா தடுமாறுகிற போதே தெரிந்து விடுகிறது. அனுபவம் இல்லாமல் இருக்கிறார். மேலும், கலந்துகொள்பவர்களின் குடும்பத்தை பற்றியெல்லாம் கேள்வி கேட்கிறார். ஏங்க....?

சின்ன பிள்ளை தனமான கேள்விகள் :

1. 2012 இல் வந்த இந்த திரைப்படத்தின் தலைப்பை பூர்த்தி செய்க.-----------சொதப்புவது எப்படி ?
A)நட்பில் B)வாழ்க்கையில் C)காதலில் D)உறவில்

2. திருமணமானவர்கள் கொண்டாடும் முதல் தீபாவளியை எப்படி அழைப்பார்கள்?
A)கை தீபாவளி B)கால் தீபாவளி C)தலை தீபாவளி D) மூக்கு தீபாவளி
3. நீங்கள் செய்வதை அப்படியே இன்னொருவர் செய்தால் அதை எப்படி அழைப்பார்கள்?
A)கொசு அடிச்சான் காப்பி B)ஈ அடிச்சான் காப்பி C)நாய் அடிச்சான் காப்பி D)பேய் அடிச்சான் காப்பி
4. (கோ படத்தின் "என்னமோ ஏதோ" பாடல் ஒலிக்கிறது.) கேள்வி இது தான்.நீங்கள் கேட்ட இந்த பாடல் இடம்பெற்ற திரைப்படம் எது?
A)போக்கிரி B)மஜா C)கோ D)எந்திரன்
5. டிசம்பர் 2011 இல் தமிழகத்தை மிகவும் பாதித்த புயல் எது ?
A)பிஜ்லி B)தானே C)அக்னி

மக்கள் அனுப்பும் எஸ் எம் எஸ் தான் இதற்கு எல்லாம் காசாக பயன்படுகிறது..
அறிவாளிகளுக்கான புரோகிராமா...? அறிவு ஜீவித்தனமான புரோகிராமா சிந்திச்சு செயல்படுங்கள் மக்களே...

இனியும் எஸ்.எம்.எஸ் அனுப்புவிங்க....?????

பிரியமுள்ள பிரபாகரனும் அன்புள்ள கண்ணாவும்

2012-02-20T23:45:00.002-08:00

சரியா சொல்லணும்னா ஆறாவது படிக்கும் போது நாங்க பார்த்துக்கிட்டது, நான் அஞ்சாவது தொடக்கபள்ளியில படிச்சுட்டு மேல்நிலைப்பள்ளியில சேர்ந்த போது. சும்மா பள்ளி நண்பர்கள் தான் செக்சனாக பிரித்தாலும் நாங்க ஒரே கிளாசுல தான் இருந்தோம். கம்பெனி கிளாஸ்…

சாதாரணமாக கிளாஸ்மெட்ஸ் தான். லைட்டா மூவ் ஆகிகிட்டு இருந்த எங்க பிரண்ட்சிப் செகண்ட் கியர் லெவலுக்கு ஆனது பத்தாவது படிக்கும் போது. நாங்க ஒரே கிளாஸ் ஆனோம். நானும் கண்ணாவும் சுமார், பிரபாகரன் பிரில்லியண்ட் பாய்.. ஆனால் எனக்கும் பிரபாவுக்கும் கை எழுத்து அழகாக இருக்கும் . கண்ணா எழுதிட்டு மறுபடியும் படிக்க சொன்னா அவனாலேயே படிக்க முடியாது.

பத்தாவதுல பிரபா ஐநூறுக்கு ஐம்பது கம்மி, மேக்ஸ்ல நூறு வேற.. நான் நானுரை முக்கி தொட்டேன். கண்ணா கொஞ்ச எட்டியே நின்னான். பட் பாஸ். பதினொன்னு வேற ஸ்கூல் சேரணும் பிரிய போறோம் அப்படின்னு பீலிங்க்ஸ் எல்லாம் பெருசா ஒன்னும் பண்ணல…

எப்படின்னு புரியல என்ன மாயமோ தெரியல மூனு பேருமே ஒரே ஸ்கூலில் ஒரே மேக்ஸ் குரூப். இப்பதாங்க எங்க நட்பு டாப் கியர். எங்க வீட்ல என்ன பங்சன் என்றாலும் பிரபாவும் கண்ணாவும் பிரசண்ட். நான் மோஸ்லி அவங்க வீட்டு விசேசத்துக்கு ஆப்சண்ட் ஆக மாட்டேன்னு நினைக்கிறேன்.

பிளஸ்டூவுல தாங்க அந்த துயரம் நிகழ்ந்தது. பிரபாவோட அப்பா உடம்பு சரியில்லாம இருந்து இறந்துபோய்ட்டார். கிளாசே சோகத்துல மூழ்குச்சு, சரி துக்கம் விசாரிக்கலாம்னு கிளம்புனா பஸ்சே போகாத ஊருக்கு தூக்கிட்டு போய்ட்டாங்க இறுதி சடங்குக்கு. என்ன செய்ய கையாளாகாத தனமாக இருந்தாச்சு. பிரபா வந்தா அவனுக்கு எப்படி ஆறுதல் சொல்றதுன்னு தெரியல. மூணு நாளுக்கு அப்புறம் கிளாசுக்கு வந்தான். எங்க கூட படிச்ச கோபாலு தான் முதலில் துக்கம் விசாரிச்சான். நான் அதை பற்றி எதுவுமே கேக்கலை. அதை தான் என் பிரபாவும் விரும்பினான் போல. அவனும் அதை பெருசா எதுவும் எடுத்துக்கல..

நாங்க ப்ளஸ்டூ படிக்கும் போது டூர் போட்டோம் , நாங்களா கிளம்புனோம் . ராமேஸ்வரம் ட்ரெயினுல . நான் பிரபா கண்ணா கோவாலு சாரி கோபாலு.. கோபால் என்ன பேசுறானேன்னு பல சமயம் எங்களுக்கு புரியாது. அவ்ளோ பாஸ்ட்டா பேசுவான். அவனை பிரபா அளவுக்கு யாராலையும் ஓட்ட முடியாது.

மறக்க முடியாத பயணம் ஏன்னா நாங்க நாளு பேரும் முதன் முறையா ட்ரெயினுல போறோம். செம எக்ஸ்பீரியன்ஸ். செலவு எல்லாம் தட் தட் மேன் சிஸ்டம் தான். அவங்க அவங்க செலவை அங்களே பார்த்துக்கிறனும். அதுக்கு மேல யாராவது அவங்களுக்கு பதிலா செலவு பண்ணுனா கொடுத்துடனும். தி கிரேட் ஜெண்டில்மேன் அக்ரிமெண்ட். ராமேஸ்வரம் போட்டோஸ் இப்பவும் எங்கிட்ட இருக்கு. ட்ரெயினுக்கு வெளியில காலை நீட்டிக்கிட்டு வந்த போது காலில் முள் கீறி பொல பொலன்னு ரத்தம் ஊத்திடுச்சு. இதை பார்த்த பிரபாவும் கண்ணாவும் துடிச்சு போய்ட்டாங்க அப்படின்னு மட்டும் நினைக்காதிங்க இதை வாசிக்கும் நல்ல உள்ளமே, செமத்தியா சிரிச்சாய்ங்க ஏண்டா காலை வெளியில் நீட்டிக்கிட்டு வந்தன்னு…

ப்ளஸ் ஒன், பிளஸ் டூ நாங்க படிச்சது மாதிரி கொடுமை வேற எந்த ஸ்டூடண்டுக்கும் வரக்கூடாது. செல்ஃப் பைனான்ஸ் ஸ்கூல் . அன்னைக்கு காலையில போனாத்தான் வாத்தியார் யார்ன்னு எங்களுக்கே தெரியும்,. மாறிக்கிட்டே இருந்தாங்க. இதுல பிஎட் டிரெயினிங் எல்லாம் எங்களை வச்சு தான் சில வாத்தியார் டெஸ்டிங்கே , இதை என் ஆசிரியர்கள் சிலர் படிக்க கூடும் அதனால அவர்களின் நலன் கருதி இதை தொடரவில்லை.

ஒரு வழியா மள்ளுக்கட்டி படிச்சு முடிச்சோம். ப்ள்ஸ் டூ ரிசல்ட் நான் அடிச்சு புடிச்சு பாஸ், பிரபா அடிக்காம புடிக்காம 900 தொட்டான். அய்யோ கண்ணாவுக்கு ஒன்னுல போச்சு, கவலைபடாத கண்ணா அப்படின்னு ஆறுதல் சொன்னா டேய் நீ எல்லாம் பாஸ் ஆகிட்ட நான் எப்படிடா பெயிலாப் போனேன்னு என்னை பார்த்து கண்ணா கேட்டான். எம்புட்டு பாசக்கார நண்பன் பாத்திங்களா…

அட்டெம்ட் எழுதுன கண்ணா டோட்டல் என்னை விட அதிகம். டிப்ளோமோ டைரக்ட் செகண்ட் இயர் சேர்ந்தான். பிரபா இன்ஜினியர். நான் ஆட்ஸ் காலேஜ் பிஎஸ்சி பிசிக்ஸ் . அதையே ஆள் எல்லாம் வச்சு தான் வாங்குனேன். இது வரைக்கும் யாருக்கும் தெரியாத உண்மையை படிக்கிற உங்களுக்கு மட்டும் சொல்லி இருக்கேன்.

தோழர் குருசாமி மயில்வாகனன் என் வாழ்க்கையில மறக்க முடியாத, மறக்க கூடாத நபர். சென்னையில போய் படிங்க தோழான்னு சொன்னாரு. ஏன்னா அவங்க பையன் அங்க படிச்சுக்கிட்டு இருந்தார். பஸ்ட் இயர் டிஸ்கண்டினியூ .

திரைப்படக்கல்லூரி எந்த வித ரெக்கமண்டேசனும் இல்லாம என்னை ஏற்றுக்கொண்டது. அய்யயோ இவய்ங்க ரெண்டு பேரையும் விட்டு விட்டு என் சுய புராணத்துக்கு வந்துட்டேன்னா . சாரிங்க…

படிச்சு முடிச்சுட்டோம்னு வச்சுக்கங்க நான் ரெண்டு மூணு இடத்துல கிடைக்கிற வேலை எல்லாம் பார்த்து இப்ப எழுதுற இந்த சமயம் நான் ஊடக கல்லூரியில் பயிற்றுனர். தமிழ்சினிமா.காம் இணையத்தின் சப் எடிட்டர்.

பிரபா கோயம்புத்தூருல ஒரு கம்பெனியில வேலை, பத்தாயிரம் சம்பளம் தொடும். கண்ணா பெங்களூரில் பதினைந்தை தொடுதுங்க என்ன கொடுமை சார் இது.

கண்ணாவை பற்றிய ஒரு பிளாஸ்பேக். ஐஞ்சு ரூபா கொண்டு வந்து எங்கிட்ட தான் முதலில் காட்டுவான். நான் தான் ஐடியா கொடுப்பேன். ஐம்பது பைசாவுக்கு அப்பளம் வாங்கிட்டு மீதி நாளு ரூபா ஐம்பது பைசாவை பத்திரமா வச்சு இருடான்னு குடுத்தா. சாயங்காலம் வீட்டுக்கு போகும் போது காசை எடுடா எதாவது வாங்கலாம்னு சொன்னா தொலைச்சு இருப்பான். அம்புட்டு சேப்டி சிங் இன்னைக்கு பதினைஞ்சு.

என்னை கண்ணா மாப்பிள்ளையின்னு தான் கூப்பிடுவான். நானும் தான். நாங்க ரெண்டு பேரும் பிரபாவை எலின்னு கூப்பிடுவோம். எதுக்கு வச்சோம்னு தெரியல. அப்படியே நீடித்து போனது. பிரபா எங்க ரெண்டு பேரையும் பேரு சொல்லிதான் கூப்பிடுவான்.

தென்மாவட்டங்களில் ஜாதி பிரச்சனை இன்னும் இருக்குது. இதை சொல்ல எனக்கு வருத்தமாக இருந்தாலும் பதிவு செய்தே ஆகணும்னு என்கிற என்னோட ஆதங்கம் இதை டைப் பண்ண வைக்கிது. நாங்க மூணு பேரும் வெவ்வேற ஜாதி ( என் கண்ணாவும் பிரபாவும் படிச்சா சிரிப்பாங்க –தப்பா எடுத்துக்க மாட்டாய்ங்க என்கிற நம்பிக்கை தான்).

இதை எழுதுறதுக்காக இங்க பதிவு செய்கிறேனே தவிர எங்களுக்குள்ள எங்கயுமே பதிஞ்சது இல்லை. ஒரு துளி கூட பார்த்தது இல்லை. அவங்க வீட்டுலயும் யாரும் கேட்டது இல்லை, எங்க வீட்டுலயும் எதுவும் கேட்க மாட்டாங்க.

என் தங்கச்சி கேட்ட வார்த்தை இவ்வளவு வருடமாக பிரியாத நட்பு ஒரு வேலை எந்த காரணத்துனால அண்ணா பிரியும்னு.. எனக்கு பதில் சொல்ல தெரியல. ஏன்னா அப்படி ஒரு சூழ்நிலை எங்களுக்குள்ள வராது.

பணம் தான் சின்ன வயசுல இருந்தே தட் தட் மேன் சிஸ்டம். என்னை காதல் தேவதை எட்டி பார்த்து சென்றால், அவ்விருவரின் அருகிலேயே வரவில்லை.

சென்னைக்கு என் ரூமுக்கே வந்து போய் இருக்காங்க என் கண்ணாவும் பிரபாவும். இப்ப எல்லாம் போன்ல கான்பிரஸ்ல பேசுறோம்.

கடைசிய எப்ப உட்கார்ந்து பேசுனோம்னு நினைவு இல்லை. பார்த்தது கண்ணாவோட அண்ணா கல்யாணத்துல…

நான் சென்னை, கண்ணா பெங்களூர், பிரபாகரன் கோயம்புத்தூர் எப்படியும் ஒரு விசேஷ தினத்தில் எங்க ஊருல சந்திப்போம். அது நல்ல தினமாக அமையனும்.

நண்பான்னு ரொம்ப நாளைக்கு பிறகு பார்த்தா கட்டி பிடிக்கிறது எல்லாம் இல்லை. ஜஸ்ட் ஒன் ஸ்மை அவ்ளோ தான்.

we are friends

ரொம்ப நாளா ஒரு டூர் பிளான் பண்ணி இருக்கோம்.

போய்ட்டு வந்து சொல்றேன்….!!!!!!!!!!!!!!!!!!!!!!!!!!!

பிகாசோ ஓவியங்கள்

2012-02-20T23:20:00.001-08:00

பிகாசோ வரைந்த ஓவியங்களின் தொகுப்பு கருத்தகிளி வலைப்பக்கத்தில் தொகுத்துள்ளேன்...

பிகாசோ ஓவியங்கள்

உடும்பன் விமர்சனம்

2012-02-18T02:11:00.000-08:00

உடும்பனில் டச்சான விஷயங்கள்

கம்பெனி லோகோவில், அமெரிக்காவில் இருந்து ஒரு கழுகு, (அமெரிக்க தேசிய பறவை) கிளம்பி ஈரானில் பாலைவனத்தில் ஒரு கோழி குஞ்சை கவ்வி பின் இந்தியாவின் நுழைந்து மயிலை (இந்தியாவின் தேசிய பறைவை) கவ்வ வர ஒரு வீரன் ஓடி வந்து கழுகை கொல்ல அதன் ரத்தத்தில் இருந்து மாடா்ன் சினிமா லோகோ வருகிறது.

தேங்ஸ் கார்டு முடிந்த உடன் “போலி ஜனநாயகம் திருடா்களை உருவாக்குகிறது.” என்று டைட்டில் வந்து சினிமா ஆரம்பிக்கிறது.

தமிழ் சினிமாவில் முதல் முறையாக ”மாவோ” லெனின் தலைவா்கள் பேசுகிறார்கள்.

படத்தின் கதாநாயகியின் பெயா் ”இசைப்பிரியா” விடுதலைபுலிகளின் அமைப்பில் பாடகராகவும், பெண் போராளிகளுக்கு தலைமையேற்றும் முக்கியமாக திகழ்ந்தார். ஈழப்போரின் போது சிங்கள வெறியா்களால் அவரை பாலியில் வன்முறை செய்து கொன்றார்கள். அதை நினைவு கூறும் வகையில் படத்தில் முதல் வசனமோ ” ஐய்யோ இசைப்பிரியா என்று ஆரம்பமாகிறது.

மேலும்

தமிழ் சினிமா இணையத்தில் நான் எழுதியது...

http://www.tamilcinema.com/CINENEWS/REVIEW/2012/udumban.asp

ராஜா ரவிவர்மன் ஓவியங்கள் 100

2012-02-18T01:05:00.000-08:00

ராஜா ரவிவர்மன் வரைந்த படங்கள் மொத்த தொகுப்பாக கிடைத்தது.
என்னுடைய மற்றொரு வலைப்பக்கத்தில் தொகுத்துள்ளேன்...

மொத்த படங்கள் 100

படங்கள் உதவி :

சாப்ட்வியூ ஊடக கல்லூரி மாணவர்கள்

வினோத்
ஹரி
பிரபு

இந்த சரஸ்வதி லெட்சுமி எல்லாம் இவர் தான் வரைந்து இருக்கிறார்.
உண்மையா அப்படி எல்லாம் யாரும் இல்லை...

மேலும் படங்களுக்கு

ராஜா ரவிவர்மன் ஓவியங்கள்

நடிகையின் வாக்குமூலம் விமர்சனம் - சிபி. செந்தில்குமார் இன்ஸ்பிரேசன் - பஸ்ட் ரெவியூ

2012-02-10T03:25:00.000-08:00

ப்ளாக் எழுத ஆரம்பிச்சதிலிருந்து சுடச்சுட ஒரு படத்தோட விமர்சனம் போடனும் என்பது ஆசை. அடுத்தவங்களை பார்த்து தானே ஆசைப்படவே ஆரம்பிப்போம், இந்த ஆசை அண்ணன் சிபி. செந்தில்குமாரின் அட்ராசக்க ப்ளாக் படிக்க ஆரம்பிச்சதிலிருந்து உருவானது.

படம் ரிலீசானதும் உடனேயே நான் அவரோட ப்ளாக் தான் பார்ப்பேன். மனுசன் உடனேயே விமர்சனம் போட்டு இருப்பார். ஆனால் இந்த பதிவு போடும் முன் அவரின் பதிவு பார்த்தேன் இல்லை..

நல்ல படமோ மொக்கை படமோ அது கணக்கு இல்லை. ஆனால் முதல் விமர்சனம் நான் தான். தமிழ் மணத்திலும் இன்னும் யாரும் லிங்க் கொடுக்கல..
சுயதம்பட்டத்தை முடித்துக்கொண்டு விமர்சனத்துக்கு போய்விடலாம்.

இதில் இன்னொரு தகவல் என்னவென்றால் என் ப்ளாக்ல போடுவதற்கு முன்பே நான் சப் எடிட்டராக இருக்கும்http://tamilcinema.com ல் அப்லோடு செய்து விட்டேன்..

ஒரு நடிகையின் வாக்குமூலம்

சினிமாவில் மின்மினி பூச்சிகளாய் மின்னிக்கொண்டிருந்து மறைந்த நடிகைகளுக்கு சமர்ப்பணத்துடன் ஆரம்பமாகிற இப்படம் நடிகைகள் உள்ளத்தாலும் உடலாலும் பாதிக்கப்படுவதை சொல்ல முயற்சி செய்கிறது .

பிரபலமாகி வரும் தொலைக்காட்சி நிறுவனத்தில் மேலும் விளம்பரத்தை பெருக்க புது நிகழ்ச்சிக்காக நடக்கும் கூட்டத்தில் சீனியர் ரிப்போர்ட்டரின் ஐடியா அனைவரையும் கவர்கிறது. சினிமாவில் பிரபலமாக இருந்து பிறகு இருக்கிற இடமே தெரியாமல் போன ஒரு நடிகையின் வாழ்க்கையை வெட்ட வெளிச்சம் போடுவதே அந்த புரோகிராமின் மெய்ன் கான்செப்ட்.

தேடலில் கிடைக்கும் நடிகை தன்னைப்பற்றிய ரகசியங்களை சொல்ல முடியாமல் ஒரு டைரியை கொடுத்து விட்டு சொல்கிறார் மீத படத்தை டைரியை படிக்க விசுவல் விரிகிறது.

ஊரில் ஏற்படும் அவமானத்தைப் போக்க வறுமையில் வாடும் கூத்தாடிக் குடும்பத்தை சேந்த கிரிஜா தன் மகளை நடிகையாக்கும் சபதத்துடன் சென்னைக்கு வந்து ’’பலான பலான’’ போராட்டத்திற்கு பிறகு மகளை நடிகையாக்குகிறாள். பிரபல நடிகையான பிறகு அந்த நடிகையின் மனப்போராட்டம் தான் வாக்குமூலமாக சொல்லப்படுகிறது.

காபி சாப்பிடுவது போல் சில விசயங்கள் ஆகிவிட்ட இன்றைய காலகட்டத்தில் பணம், பிரபலம் எல்லாம் கிடைக்கும் என்றால் எதையும் செய்ய சில பெண்கள் முடிவு எடுக்கிறார்கள்.தேடி வந்த வாய்ப்புக்காக கையை விட்டு போய்விடக்கூடாது என முடிவு எடுப்பதால் மகளை ஆண்களின் இச்சைக்கு ஆளாக்குகிறாள் கிரிஜா.

அம்மாவிற்கான வேலையை விட்டு விட்டு வேறு வேலையை பார்க்கிறாள். மகளை முதன்முதலில் ஒருத்தனுடன் உள்ளே அனுப்பி விட்டு நான் பட்ட அவஸ்தை இருக்கே எனும் போது ஏண்டி அனுப்பி இப்படி பொழப்பு நடத்துறிங்கன்னு கேட்க தோணும் சினிமாவுல இதெல்லாம சாதாரணமப்பா என்று போக வேண்டி இருக்கிறது.

சில இயக்குனர்களின் ஆசைக்கு ஆமாம் சாமி போட்டு முன்னேறிவிட்ட பிறகு எந்த நடிகையும் முன்னேற்றத்துக்கு காரணமான இயக்குனரை மதிக்கிறது இல்லை எனும் சினிமா தத்துவத்தை காட்சியாக்கி இருப்பது அருமை.

முதல் படத்திலேயே சினிமாவையே விமர்சித்து சினிமா எடுக்க தைரியம் அதிகம் தான். பெண்களுக்காக எந்த பெண் இயக்குனரும் எடுக்காத படத்தை ஒரு ஆணாக இருந்து பெண்களின் உணர்வை புரிந்து படமாக்கி இருக்கும் இயக்குனர் ராஜ்கிருஷ்ணா பாராட்டுக்குரியவர். …

ஆந்திரா மாநிலத்திலிருந்து தமிழில் நடிக்க வரும் நடிகை தெலுங்கு சினிமாவுக்கே போய் இருக்கலாமே, ஒரு வேலை நெல்லூரிலிருந்து சென்னை பக்கம்னு வந்துட்டாங்கலோ..

காலாவதியான கல்யாணத்திற்கு பிறகும் நடிக்க வந்த சோனியா அகர்வால் அப்படியே அறிமுக நடிகை போல இருந்தாலும் சிரிக்கிற காட்சியிலும் உள்ளுக்குள் சோகத்துடன் இருப்பது போலவே இருக்கிறார்.

இயக்குனர் ராஜ்குமார், கோவை சரளா, நிக்கோல், மனோபாலா, கஞ்சா கருப்பு என ஆங்காங்கே தெரிந்த சினிமா முகம் இருந்தாலும் புது முகத்தினருக்கும் நடிக்க வாய்ப்பு உள்ளது. நட்புக்காக ஜித்தன் ரமேஷ் , தயாரிப்பாளரான புன்னகை பூ கீதாவும் நடித்து இருக்கிறார்.

கொஞ்சம் விட்டு இருந்தாலும் படம் அடுல்ட் ஒன்லி ஆகி இருக்கும், ஆகவில்லை அந்த வகையில் சந்தோஷமே….!!!

இன்னும் காட்டமாக விமர்சித்து இருக்கலாம். ஆனால் படம் ஓசியாக ப்ரிவியூ ஷோ பார்த்ததால் பாவம் புண்ணியத்திற்கு அஞ்சி விமர்சனம் போடப்பட்டுள்ளது.

சரவணன் மீனாட்சி - தொலைக்காட்சி தொடர் விமர்சனம்

2012-02-05T20:50:00.000-08:00

சரவணன் மீனாட்சி

விஜய் டிவி புதுமையான நிகழ்ச்சிகளின் முன்னோடி என்றே சொல்ல வேண்டும் அந்த அளவுக்கு இன்றைய பல தொலைக்காட்சி நிகழ்ச்சிகள் முதன் முதலில்விஜய் டிவி ஒளிபரப்பியதாகவே இருந்து வருகிறது. அந்த வரிசையில் ஒரு தொடர் சரவணன் மீனாட்சி .

இளைய தலைமுறையினருக்கு காதல் பிடித்தமானதொரு விசயம் தானே. இந்த தொடரில் அதற்கு தான் முக்கியத்துவம் கொடுக்கப்படுகிறது. காலங்காலமாக சீரியல் என்றாலே அழுகை எனும் விதியை மாற்றி இருக்கிறது இந்த தொடர். அதற்காக செண்டிமெண்ட் இல்லை என்றும் சொல்லி விட முடியாது. தேவைக்கு ஏற்ப சரியாக இருந்து வருகிறது.

கல்லூரி மாணவ மாணவிகள் தான் இதற்கு முன்னனி ரசிகர்களாக இருந்து வருகிறார்கள். சென்னையில் ரேடியோ மெர்ச்சியில் வேலை பார்க்கும் சரவணனுக்கும் திருநெல்வேலியில் டீச்சராக வேலை பார்க்கும் மீனாட்சிக்கும் காதல். தூரக்காதல் எப்படி சாத்தியமானது என்பது தான் கதையே..

என்னை தேடி காதல் என்ற வார்த்தை அனுப்பு எனும் சீரியல் பாடல் இளசுகளின் ரிங்டோனாக ஒளித்தது. அடுத்ததாக இப்போது சரவணன் மீனாட்சியில் வரும் ஏலேலோ ஏலேலோ அறிமுக பாடல்...

இனி வரும் எபிசோடுகளில் எல்லா சீரியல் மாதிரி ஓவரா அழு(கை)காட்சி இல்லாம இருந்தா ஹிட்......!!!!!!

நியான் நகரம்

2012-01-19T02:29:00.001-08:00

தனிமனித வாழ்வில் ஒவ்வொருவருக்கும் ஒரு ஆசை, கனவு, லட்சியம்இருந்துகொண்டே இருக்கும். சிலர் அதை அடைந்து விடுவார்கள் பலர் அதை எல்லாம் அடைவதிலேயே தன் வாழ்நாளை கழித்து விடுவார்கள்.

மனரீதியாக பல பிரச்சனைகள் இருந்தும் இந்த சமூகத்தில் தான் யார் என அடையாளம் காட்ட முயன்று வெற்றி பெற்ற ஒருவரை பற்றி மற்றொருவரால் எழுதப்பட்டுள்ள நாவல் ”நியான் நகரம்” - ஒரு உண்மையை கதையை தழுவி என்றே சொல்லப்படுகிறது. எந்த அளவுக்கு உண்மை என்பது படித்தவர்களால் உணரமுடியும்.

எங்களை எங்களுக்கே அடையாளம் காட்டிய நட்புக்கு நன்றி சொல்லி காணிக்கையாக்கப்பட்டுள்ளது நியான் நகரம் – புக்கிசை . பல மாணவர்களின் கூட்டு உழைப்பால உருவாகியுள்ளது.

இசை என்பது திரைப்படங்களுக்கு மட்டுமே உருவாகி வரும் சூழ்நிலையில் இந்த நாவலுக்காக 17 பாடல்கள் எழுதப்பட்டு இசையுடன் இந்த நாவலிலேயே இணைக்கப்பட்டுள்ளது. புதிய முயற்சியை பாராட்டியே ஆக வேண்டும்.

-தாஸ்..,

நீயா நானா - ரியாலிட்டி ஷோ

2012-01-19T02:27:00.000-08:00

விவாதம் என்றாலே பிரச்சனைக்குரியது என்று தான் அர்த்தம் அந்த பிரச்சனையை கையாள்வது தான் திறமையானவர்களை உருவாக்குகிறது. உருவாகி வருகிறார் கோபிநாத் (உருவாகி விட்டார்).

சர்வதேச நாடுகளில் ஒரு பிரச்சனையை அலசி ஆராய தொலைக்காட்சிகளில் ’டாக் ஷோ’ நடத்தப்படும் . அதை போல தமிழகத்தில் பிரச்சனைக்குரிய சம்பவங்களை, மனரீதியான போராட்டங்களை , உறவுக்குள்ளான முறிவுகளை இப்படி பல தரப்பட்ட பிரச்சனைகளை அலசி ஆராய்கிறது ”நீயா நானா” தொலைக்காட்சி நிகழ்ச்சி.

ஒரு தலைப்பை எடுத்துக்கொண்டால் அதற்கு ஆதரவானவர்களையும் அதற்கு எதிரானவர்களையும் எதிரெதிரே உட்கார வைத்து அடித்து கொள்ளாத குறையாக பேசியே சண்டை போடுவது தான் இந்த நிகழ்ச்சி. கருத்துக்களை முன் வைத்து வார்த்தையால சண்டை போடுவது என்று சொன்னால் பொருந்தும்.

இரு பக்கம் இருப்பவர்களையும் அவரவர் மனநிலைக்கு தகுந்தார் போல பேச வைத்து கூச்சல் குழப்பம் இல்லாமல் நிகழ்ச்சியை நேர்த்தியாக தொகுத்து வழங்குகிறார் கோபிநாத். இருந்தாலும் நிகழ்ச்சியில் பலரை ஒழுங்காக பேச வாய்ப்பளிக்க மறுக்கிறார் என இவர் மேல் பலர் குற்றம் சாட்டுகின்றனர். இவரின் பெயர் பல இடங்களில் நீயா நானா கோபிநாத் என்றே அழைக்கப்படுகிறது.

இந்த நிகழ்ச்சியின் இயக்குனர் ஆண்டனி. தொடர்ந்து தொலைக்காட்சிகளுக்கான அதிக விளம்பரதாரர்களை கொண்டுள்ள நிகழ்ச்சியாக ஞாயிறு தோறும் இரவு 10 மணிக்கு ஒளிபரப்பாகி வருகிறது.

- தாஸ்..,

நன்றி தமிழ்சினிமா.காம்

9 வது சென்னை திரைப்பட விழா ஆடம்பரமான ஆரம்பம்

2011-12-16T07:32:00.000-08:00

உலக சினிமாக்களை தேடி தேடி பார்க்கும் ஆர்வலர்களுக்கு வரப்பிரசாதமாக 9வது சென்னை சர்வதேச திரைப்பட விழா ஆரம்பம் ஆனது. உட்லண்ட்ஸ் தியேட்டரில் ஆரம்பித்த இதன் துவக்க விழாவிற்கு தமிழக‌ அமைச்சர் ராஜேந்திர பாலாஜி தலைமை தாங்கினார். நடிகைகள் கார்த்திகா,பிரியா ஆனந்த, தன்ஷிகா ஆகியோர் குத்து விளக்கு ஏற்றினர். இந்தி நடிகர் சேகர்கபூர் சிறப்பு விருந்தினராக கலந்து கொண்டார். நடிகர் பார்த்திபன் நிகழ்ச்சியை தமிழில் தொகுத்து வழங்கினார்.

மேலும் படிக்க‌

http://www.tamilcinema.com/CINENEWS/Hotnews/2011/dec/151211c.asp

--சென்னை சர்வதேச திரைப்படவிழாவிலிருந்து சாஃப்ட்வியூ விசுவல் கம்யூனிகேசன் மாணவர்களுடன் தாஸ்..,

பாசப்பறைவைகள்

2011-12-12T01:49:00.000-08:00

கலைஞர் தொலைக்காட்சியில் ஒளிபரப்பாகிகொண்டு இருக்கும் நிகழ்ச்சி பாசப்பறவைகள் . . . மானாட மயிலாட முடிந்ததும் கலா மாஸ்டர் இயக்கும் இந்த நிகழ்ச்சியை பற்றி தமிழ்சினிமா இணையத்தில் எழுதியதின் இணைப்பு இதில் உள்ளது.
பாசப்பறவைகள்

9வது சென்னை திரைப்பட விழா

2011-12-07T03:39:00.000-08:00

9 வது சென்னை சர்வதேச திரைப்பட விழா டிசம்பர் 14 முதல் 22 வரை நடைபெற உள்ளது.

போட்டி தேர்வு தமிழ் படங்கள் 12

இந்தியன் பனோரமா 09

வெளிநாட்டு படங்கள் 133

மொத்தம் 154 படங்கள் 44 நாடுகளில் இருந்து திரையிட இருக்கிறது...

LIST OF FILMS FOR TAMIL COMPETITION

S No	Name of the film	Director
	AADUKALAM	VETRI MAARAN
	AVAN EVAN	BALA
	AZHAGARSAMIYIN KUDHIRAI	SUSEENTHIRAN
	DEIVATHIRUMAGAL	VIJAY
	ENGAYUM EPPOTHUM	M. SARAVANAN
	KO - THE KING	K V ANAND
	MAITHAANAM	M S SHAKTHIVEL
	MURAN	RAJAN MADHAV
	THOONGAA NAGARAM	GAURAV
	VAAGAI SOODAVA	A SARGUNAM
	VARNAM	S M RAJU
	VENGAYAM	SANKAGIRI RAJKUMAR

INDIAN PANORAMA FILMS

S No	Name of the film	Director
	ABU, SON OF ADAM	SALIM AHAMED
	KARMAYOGI	V K PRAKASH
	BABU BAND BAJA	RAJESH PINJANI
	YADA YADA HI DHARMASYA	MANOJ D PILLEWAR
	PAKARNATTAM	JAYARAJ
	VIRODHI	NEELAKANTA
	LOVE YOU TO DEATH	RAFEEQ ELLIAS
	180	JAYENDRA
	PUTHRAN	JAYABHARTHI

LIST OF FILMS AND COUNTRIES FOR 8TH CIFF

S No	COUNTRY	FILM TITLE
1.	ALBANIA	AMNESTY
2.	ARGENTINA	LAS ACACIAS
3.	ARGENTINA/ SPAIN	NO RETURN
4.	AUSTRALIA	SLEEPING BEAUTY
5.	AUSTRIA	DAY AND NIGHT MICHAEL
6.	BANGLADESH	OPEKKHA (WAITING)
7.	BELGIUM	COME AS YOU ARE MISS MOUCHE- MISS FLY
8.	Belgium / France / Italy	KIDS WITH A BIKE
9.	BELGIUM/ ISRAEL	MAN WITHOUT A CELL PHONE
10.	Brazil- Argentina- France	HISTRIAS QUE S EXISTEM QUANDO SO LEMBRADAS
11.	BULGARIA	HDSP(Hunting Down Small Predator) LORA FROM MORNING TILL EVENING
12.	CANADA	JO FOR JONATHAN Wet LandS
13.	CHILE/SPAIN /MEXICO	PAINTING LESSONS
14.	CHINA	BLACK BLOOD CASE SENSITIVE
15.	Colombia	The Colours of the Mountains/Los colores de la montana
16.	CROATIA	THE ABANDONED
17.	CUBA/ VENEZUELA	HABANA EVA
18.	DENMARK	NOTHING's ALL BAD OUT OF BOUNDS SKY SKRABER
19.	EGYPT	678 HAWY HELIOPOLIS MESSAGES FROM THE SEA MICROPHONE THE TRAVELLER
20.	FINLAND	CALAMARI UNION I HIRED A CONTRACT KILLER LE HAVRE LENINGRAD COWBOYS GO AMRICA RIKOS JA RANGAISTUS SHADOWS IN PARADISE
21.	FRAMCE/ LUXEMBORG	TOP FLOOR LEFT WING
22.	FRANCE	17 GIRLS A BURNING DESIRE AMERICAN TRANSLATION BELOVED ENSEMBLE C'EST TROP FLESH MEMORIES HADEWIJCH HEAT WAVE HOUSE OF TOLERANCE MARIAGE A TROIS, LE MY LITTLE PRINCESS SERVICE ENTRANCE ((The Woman on the Sixth Floor) THE CONQUEST THE PRIZE THE SNOWS OF KILIMANJARO TOMBOY UN POISON VOILENT UNE EXCUTION ORDINAIRE
23.	France / Belgium / UK	LATE BLOOMERS
24.	GERMANY	ABOVE US ONLY SKY AUF DER SICHEREN SEITE BASTARD FRIENDSHIP! MAY BE BANGLADESH PINA SLEEPING SICKNESS THE DISPENSABLES THE TRUTH OF THE LIE
25.	GERMANY-AUSTRIA- ESTONIA	THE POLL DIARIES
26.	GREECE	HARISMA RED SKY TUESDAY
27.	HUNGARY	BIBLIOTHEQUE PASCAL LULL QUESTION IN DETAILS THE DAYS OF DESIRE THE LAS REPORT ON ANNA
28.	INDONESIA	THE MIRROR NEVER LIES
29.	IRAN	A SEPARATION ADAMS SON EVES DAUGHTER FAREWELL BAGHDAD LAST QUEEN OF EARTH SO CLOSE SO FAR SONG OF BIRTH TEARS OF CHILL THE WEEPING WILLOW
30.	ITALY	20 CIGARETTES BACIAMI ANCORA HABEMUS PAPAM RISTABBANNA THE FATHER & THE FOREIGNER
31.	JAPAN	CONFESSION HIMIZU LIFE BACK THEN
32.	KOREA	THE FRONT LINE
33.	MACEDONIA	PUNK'S NOT DEAD
34.	MEXICO	A STONE THROW AWAY
35.	NORWAY	A SOMWHAT GENTELMAN KING OF DEVILS ISLAND THE MOUNTAIN THE ORANGE GIRL UPPER DOG
36.	Philippines	PALAWAN FATE / BUSONG
37.	POLAND	DANCE MARATHON FLYING PIG JOANNA MADE IN POLAND MY OWN POLE THE CHRISTENING
38.	ROMANIA	MORGEN
39.	RUSSIA	ELENA FAUST PECHORIN
40.	RUSSIA- GERMANY- UKRAINE	INNOCENT SATURDAY
41.	SOUTH AFRICA	BEAUTY OTELO BURNING
42.	Spain	A THOUSAND FOOLS HAPPY NEW YEAR GRANDAMA
43.	SPAIN-FRANCE	THE MONK
44.	SWEDEN	PURE
45.	SWEDEN / POLAND	THE MILL & THE CROSS
46.	Sweden / Finland	I MISS YOU
47.	TAIWAN	A SUMMER AT GRANDPAS DAUGHTER OF THE NILE GOOD MEN,, GOOD WOMEN GOODBYE SOUTH GOODBYE
48.	TAIWAN / JAPAN	CAF LUMIERE
49.	TURKEY	SLEEPING PRINCESS THE SON
50.	UK	GHOSTED
51.	USA	RESTLESS THE LINCOLN LAWYER TREE OF LIFE
52.	USA/ Canada	WRECKED
53.	USA/ GERMANY/ CANADA	THE WHISTLEBLOWER

இந்த படங்களின் பட்டியல் சென்னை திரைப்பட விழா இணையதளத்தில் வெளியிடப்பட்டுள்ளது.

சாப்ட்வியூ மாணவர்களுடன் நான் கலந்துகொள்ள இருக்கிறேன்...!!!
மாணவர்களுக்கும் ICAF உறுப்பினருக்கும் 300 ரூபாய் நுழைவு கட்டணம்
மற்றவர்களுக்கு ரூ. 500/-

2011-12-07T01:54:00.000-08:00

புறநானூறு வீரன் பிரபாகரன்

2011-12-02T22:55:00.000-08:00

சிங்களபெண் கற்புக்கு களங்கம் கூடாது ராணுவவீரனை விடுதலை செய்த பிரபாகரன்

ஈழம் இன்று

2011-12-02T22:50:00.000-08:00

ஆனந்த விகடனில் வெளி வந்த ஈழம் இன்று என்ற கட்டுரையை தமிழ் சினிமா இணையத்தில் ஈழம் பகுதியில் போடப்பட்டுள்ளது...

ஆனந்த விகடனுக்கு நன்றி அப்படின்னு கடைசியில் போட்டாச்சு...

ஈழம் இன்று

தமிழர்களின் போராட்டம்

2011-11-30T03:36:00.000-08:00

”பெரியாறு அணையைக் காப்போம்!“ கோவாவில் தமிழக மாணவர்கள் பதிலடி போராட்டம்

கடந்த நவம்பர் 23-ஆம் தேதி முதல் கோவா மாநிலம் பனாஜியில் 42-ஆவது பன்னாட்டுத் திரைப்பட விழா நடைபெற்றுவருகிறது. பல நாடுகளிலிருந்தும், இந்தியாவின் பல மாநிலங்களிலிருந்தும் திரைப்படத் துறையினரும், மாணவர்களுமாக மொத்தம் 8ஆயிரம் பேர் பங்கேற்றுள்ளனர். இந்நிலையில் (நவம்பர் 29) மதியம் உணவு இடைவேளைக்குப் பிறகு திரைப்பட விழா நடக்கும் வளாகத்தில் கூடிய கேரளாவைச் சேர்ந்த நடிகர் ’ஒரு தலை ராகம்’ ரவீந்தர், சில பத்திரிகையாளர்கள் உள்ளிட்ட 30 பேர் ‘முல்லைப் பெரியாறு அணை இடிந்துவிடும்’ என்றும், ’புதிய அணையைக் கட்ட வேண்டும்’ என்றும் குரல் எழுப்பி ஆர்ப்பாட்டத்தில் ஈடுபட்டதோடு, வளாகத்திற்குள்ளேயே ஊர்வலம் போலவும் நடத்தினர்.

இதனைக் கண்டு வெகுண்டெழுந்த பல்வேறு திரைப்படக் கல்லூரிகளைச் சேர்ந்த தமிழ் மாணவர்கள், திரைப்படத் துறையினர் 50-க்கும் மேற்பட்டோர் உடனடியாக ஒன்றுகூடி, ”8000 ஏக்கர் விளைநிலம், 3 கோடி மக்கள் வறட்சியில் சாகும் அவலத்தைத் தடுக்க வேண்டும்”, “முல்லைப் பெரியாறு அணையைக் காக்க வேண்டும்”, “அணையைச் சிதைப்பது, இந்திய ஒற்றுமையைச் சிதைத்துவிடும்”, “அன்பிற்குரிய கேரள மக்கள், உச்ச நீதிமன்றத்தின் உத்தரவை ஏற்கவேண்டும்” “அன்பிற்குரிய கேரள மக்களே! ஏன் இந்த கொலைவெறி” என்றும் தொடர்ந்து உரக்க முழக்கம் எழுப்பி ஊர்வலம் சென்றனர்.

உடனடியான இந்த பதில் நடவடிக்கையைக் கண்டவர்கள் வியப்படைந்தனர். இரண்டு குழுவினரும் முழக்கம் எழுப்பி ஊர்வலம் சென்றதால் அங்கு சிறிதுநேரம் பதற்றம் நிலவியது.

செய்தியாளர்களிட பேசிய மாணவர்கள், “கேரள அரசு உச்சநீதிமன்றத்தின் தீர்ப்பை மதித்து உடனடியாக தன்னுடைய நடவடிக்கைகளை நிறுத்த வேண்டும். முல்லைப் பெரியாறு தமிழக மக்களின் வாழ்வாதாரம். அதனை ஒருபோதும் விட்டுத் தர முடியாது. இதற்காக தமிழக மாணவர்கள் போராடுவார்கள்” என்று தெரிவித்தனர். இந்திய, பன்னாட்டு பத்திரிகையாளர்கள், பார்வையாளர்களிடம் அவர்கள் முல்லைப் பெரியாறு அணைப் பிரச்சினை தொடர்பான உண்மை நிலைமையினை விளக்கினர்.

பிறகு அங்கு வந்த காவல்துறையினர் தமிழ் மாணவர்களைக் கலைந்து செல்லுமாறு வேண்டினர். ”கேரளப் போராட்டக் குழுவினர் கலைந்து சென்றால் தான் நாங்களும் கலைந்து செல்வோம். அவர்கள் ஒரு வேளை போராட்டம் செய்தால் தொடர்ந்து பதில் நடவடிக்கைகளில் ஈடுபடுவோம்” என்று எச்சரிக்கை விடுத்து, பின்னர் கேரள போராட்டக் குழுவினர் கலைந்து சென்றதும் தமிழ்மாணவர்களும் கலைந்து சென்றனர். இதனால் அங்கு பரபரப்பு நிலவியது

போராட்டத்தில் மாணவர்கள்

மாணவர்களின் முழக்கம்

அய்நாக்ஸ் வளாகம் - கோவா

நன்றி ; -
கோவாவிலிருந்து
பிரின்ஸ் என்னாரெசு பெரியார்

வணக்கம் லண்டன்

2011-11-29T03:56:00.000-08:00

லண்டனில் செப்டம்பர் மாதம் 25ம் தேதி மாலை 5.30 மணிக்கு நடைபெற்ற தென் இந்தியா தமிழ் சினிமா நட்சத்திரங்களின் மாபெரும் கலை நிகழ்ச்சி சன் டிவியில் 27ம் தேதி ஞாயிறு அன்று ஒளிபரப்பானது.

ராதிகா சரத்குமார் மற்றும் சரத்குமார் ஒருங்கிணைந்து வழங்கிய இந்த நிகழ்ச்சியில் பிரபல திரைப்பட நட்சத்திரங்கள் சிம்பு, பரத், ஆர்யா, லாரன்ஸ், சினேகா, ஸ்ரேயா, ரீமாசென், நமீதா, ஆண்ட்ரியா, சாந்தனு, ரகசியா, சந்தானம் மற்றும் பிரபல திரைப்பட பின்னணி பாடகர்கள் நரேஷ் ஐயர், ஹரிசரண், விஜய் பிரகாஷ், சுவி சுரேஷ் ஆகியோருடன் இன்னும் பல நட்சத்திரங்கள் கலந்துகொண்டு சிறப்பித்தனர்.

மேலும் படிக்க

தமிழ்சினிமா இணைய தளம்

பாலை விமர்சனம்

2011-11-28T01:26:00.000-08:00

பாலை திரைப்படத்தின் விமர்சனம்

தமிழர்களின் பண்டைய காலத்தை கண் முன்னே நிறுத்துகிறது என்று ஒரே வார்த்தையில் சொல்லிவிட்டால் மட்டும் போதாது அதையும் தாண்டி தமிழர்கள் மறந்த உணர்வை சுண்டி இழுக்கிறது பாலை..

மேலும் படிக்க

தமிழ்சினிமா இணையதளம்