!! மனிதன் - எதை நோக்கி !!

மறக்க முடியாத மனிதர்கள் – தமிழருவி மணியன்

noreply@blogger.com (kingofnature) — Thu, 13 Dec 2012 12:01:00 +0530

அறிவார்ந்தவர்களும், தன்னலம் துறந்தவர்களும், தேச நலனில் நாட்டமுள்ளவர்களும், தொண்டு மனம் கொண்டவர்களும் மட்டுமே ஒரு கால கட்டத்தில அரசியல் உலகில் ஆர்வத்துடன் அடியெடுத்து வைத்தனர்.

தியாகம், தன்னல மறுப்பு சேவை மனப்பான்மை, எளிமை, அடக்கம் ஆகியவை காந்திய உகத்தில் பொது வாழ்வின் அடிப்படைப் பண்புகளாய் போற்றப்பட்டன.

தம்மிடம் இருப்பதை இழப்பதற்காகவே அன்று அரியல் உலகில் ஒவ்வொருவரும் அடியெடுத்து வைத்தனர். இன்று சகல தளங்களிலும் சமூகத்தைச் சுரண்டிக் கொடுப்பதற்காகவே பல பேர் அரசியல் வேடம் புனைந்து பொய் முகத்துடன் போலித் தலைவர்களாக வலர் வருகின்றனர்.

எல்லா அழுக்குகளையும், அகற்றுவதற்காகவே கண்டுபிடிக்கப்பட்ட அரசியல் அமைப்பே இன்று சுத்தப்படுத்த முடியாதபடி அடர்த்தியாய் அழுக்கேறிக் கிடக்கிறது.

சமூக பிரக்ஞை உள்ள இளைஞர்கள் இனியும் மௌனப் பார்வையாளர்களாக இருப்பது நம் நாட்டிற்கு நல்லதல்ல. அடிமை இந்தியாவில் ஆயுதம் தேவைப்படிருக்கலாம். சுதந்திர இந்தியாவில் காந்தியவழியில் அறப்போர் மூலம் ஆயிரம் மாற்றங்களை நாம்நினைத்தால் அரங்கேற்ற முடியும். இந்த மேலான உணர்வைத் தூண்டுவதுதான் இந்த நூலின் நோக்கம்.

- தமிழருவி மணியன்

விவசாயிகளுக்கு தக்க சமயத்தில் உதவும் நண்பன் ''சௌசௌ''

noreply@blogger.com (kingofnature) — Fri, 30 Dec 2011 18:04:00 +0530

ஏலக்காய், மிளகு, வாழை, கொய்மலர் என்று இடத்துக்கு ஏற்ப மலைப்பிரதேசங்களில் பயிரிடப்பட்டாலும், பெரும்பாலான மலைத்தோட்ட விவசாயிகளுக்கு தக்க சமயத்தில் உதவும் நண்பனாக இருப்பது 'சௌசௌ' காய்தான்.

ஒரு ஏக்கர் நிலமும், தண்ணீர் வசதியும் இருந்தால் நடவு செய்த நான்காவது மாதத்திலிருந்து வாரம்தோறும் வருமானம் பார்க்கலாம். நோய் தாக்குதல் அதிகம் இருக்காது என்பதோடு, மலைத்தோட்டப் பயிர்களில் அதிக பராமரிப்பு தேவைப்படாத ஒன்றாக இருப்பதாலும் முக்கியப் பயிராக விளங்குகிறது சௌசௌ.

திண்டுக்கல்லை சுற்றியுள்ள மலைப்பகுதிகளான சிறுமலை, பண்ணைக்காடு, தாண்டிகுடி, ஆடலூர், பகுதிகளில் அதிகளவில் பயிர் செய்யப்படுகிறது.

சௌசௌ காயைப் பொறுத்தவரை ஒவ்வொரு மலைப்பகுதியிலும் ஒவ்வொரு பருவத்தில் நடுவார்கள். சமவெளி பகுதியைப் போல இங்கே உழவு செய்யமுடியாது. நிலத்தில் இருக்கும் புதர்களை நீக்கிவிட்டு, 15 அடிக்கு 15 அடி இடைவெளியில் இரண்டடி ஆழ, அகலத்தில் குழி எடுத்து, பத்து நாளைக்கு ஆறப்போட வேண்டும். ஒரு ஏக்கருக்கு கிட்டத்தட்ட 200 குழிகள் வரும். குழி எடுப்பதற்கு ஐந்து நாட்களுக்கு முன்பாகவே விதைக்கான காய்களை கொடியிலிருந்து காய்களை எடுத்து பதியம் போட்டு வைக்க வேண்டும். முற்றிய காய்களை பறித்து, மேடான இடத்தில் பாத்தி அமைத்து, மண்ணைப்போட்டு மூடிவிட்டால் இதுதான் பதியம். நான்காவது நாள் முறை விட்டுவிடும். பத்து நாட்களுக்குள் வசதிக்கு ஏற்றாற்போல அவற்றை எடுத்து நடவு செய்யலாம்.

காயை உரிய நேரத்தில் அறுவடை செய்யாமல் கொடியிலேயே விட்டுவிட்டால் சில தினங்களில் தானாக முளைப்புத் தோன்றும். அவற்றை அப்படியே எடுத்தும் நடவு செய்யலாம். குழிக்கு நான்கு காய்கள் வீதம் நடவேண்டியிருக்கும். ஆனால், பதியம் போடும்போது, மூன்று காய்களை நடவு செய்தாலே போதும். அத்துடன் முளைப்புத் திறனும் அதிகமாக இருக்கும்.

தோண்டி வைத்த குழி நன்கு ஆறிய பின், ஐந்து கிலோ வீதம் எருவைப் போட்டு, பிறகு விதைக்காயை போட்டு மூடி தண்ணீர் விடவேண்டும். மூன்று நாட்களுகொரு தடவை தண்ணீர் அவசியம். நடவு செய்த ஐந்தாவது நாளில் முளைவிடும். பத்து நாளில் கொடி தரையில் படர ஆரம்பிக்கும். குச்சிகளை ஊன்றி கொடியை அதில் ஏற்றி விடவேண்டும். அதன் பிறகு பந்தலை போட்டு வைத்தால், கிட்டத்தட்ட எழுபத்தைந்தாவது நாளில் பந்தலைத் தொட்டுவிடும் ( ஒரு தடவை பந்தல் போட்டால், ஐந்து வருடங்களுக்கு தொடர்ந்து சாகுபடி செய்யலாம்.)

கொடி தழைய தொடங்கியதும் அதன் அடிப்பாகத்தை சுற்றி நான்கு அடிக்கு சதுர பாத்தி எடுக்க வேண்டும். பந்தல் முழுக்க கொடி படரும் காலம் வரை இரண்டு களை எடுக்க வேண்டும். நடவு செய்த 45 நாட்களுக்கு பிறகு மாதம் ஒரு தடவை வீதம் மூன்று மாதங்களுக்கு 200 கிராம் வீதம் யூரியாவை குழிகளில் வைக்க வேண்டும். 4 வது மாதத்தில் அரை கிலோ கலப்பு உரம் வைக்க வேண்டும், அதைத் தொடர்ந்து 21 நாளைக்கு ஒரு தடவை 200 கிராம் யூரியா கொடுக்க வேண்டும்.

நடவு செய்த 100 வது நாளில் பூக்கத் தொடங்கி 120 வது நாளில் காய் அறுவடைக்கு வந்துவிடும். அன்று தொடங்கி எட்டு மாதங்களுக்கு வாரம் ஒரு முறை காய் பறிக்கலாம். மொத்தம் ஒரு வருட சாகுபடி. பறிப்புத்தொடங்கிய முதல் நாலு மாதங்களை விட அடுத்த நான்கு மாதங்களில் விளைச்சல் கொஞ்சம் குறையும்.

ஒரு பறிப்புக்கு ஒரு ஏக்கரிலிருந்து சராசரியாக 40 சிப்பம் வரைக்கும் எடுக்கலாம். சிப்பம் குறைந்தபட்சம் 80 ரூபாயில் இருந்து அதிகபட்சம் 350 ரூபாய் வரை போகும். சராசரி விலை ரூ.175 கிலோ கணக்கில் சொன்னால் 4 ரூபாய் முதல் 12 ரூபாய் வரை விற்பனை ஆகும். மொத்த மகசூல் 27 டன். செலவெல்லாம் போக ஆண்டுக்கு ஒரு லட்ச ரூபாய் வரை ஒரு ஏக்கரிலிருந்து லாபம் பார்க்க முடியும்.

குடும்ப பொருளாதாரத்தை உயர்த்த பெண்களுக்கான தொழில்கள்!!

noreply@blogger.com (kingofnature) — Wed, 14 Dec 2011 18:25:00 +0530

வீட்டு வேலைகளில் இருந்து விண்வெளிக்கு செல்லும் வேலை வரை இன்று பெண்கள் இல்லாத துறைகளே கிடையாது என்றாகி விட்டது. ஆண்களுக்கு நிகராக பெண்களும் அனைத்து தொழில்களையும் செய்து வருகின்றனர். ஓடியாடி செய்யும் தொழில்களை விட ஒரு இடத்தில் அமர்ந்து செய்யக் கூடிய தொழில்கள் பெண்களுக்கு மிகவும் ஏற்றதாகும்.

பெண்கள் என்னென்ன வேலைகளை செய்யலாம் என்று தெரிந்து கொள்வோம். அதற்கு முன்பாக பெண்கள் சுய தொழில் தொடங்கும்போது நமது தொழிலுக்கான உற்பத்தி பொருளை முதலில் தேர்ந்தெடுக்க வேண்டும். தொழிலகம் அமைக்க வேண்டிய இடம், தொழில் நடத்தும் முறை, தொழிலகத்தை பதிவு செய்தல், நிதி உதவி, உரிமம், மின் இணைப்பு, நீர் வசதி, எந்திரங்கள் மற்றும் தளவாட சாமான்கள் வாங்குதல், திறமையான பணியாளர்களை அமர்த்துதல் என ஒவ்வொன்றையும் அக்கறையுடன் கவனிக்க வேண்டும்.

இனி பெண்களுக்கான தொழில்களை பற்றி பார்ப்போம்.

உணவு பொருட்கள்:

பெண்கள் தாங்களாகவே ஊறுகாய் தயாரிக்கலாம். இதே போல ரொட்டி, ஜாம், மிட்டாய், சிப்ஸ், கேக் சேமியா, அப்பளம், சாம்பார் பொடி, குச்சி ஐஸ், தேங்காய் பப்ஸ், சீவல் ஆகியவற்றை தயாரிக்கும் தொழில்களையும் பெண்கள் குறைந்த முதலீட்டில் செய்யலாம்.

வீட்டு உபயோக பொருட்கள்:

பெண்கள் சோப்பு தயாரிக்கும் தொழில் செய்யலாம். இதேபோல வெள்ளை பினாயில், பல்பொடி, கிளீனிங் பவுடர், ஆயுர் வேதிக் பல்பொடி, வாசனை பத்தி, மற்றும் குடை, பாய், பிளாஸ்டிக் பை, வயர் கூடை, கயிறு தயாரிக்கும் தொழில் ஆகியவற்றையும் பெண்கள் செய்யலாம்.

ஸ்டேசனரி பொருட்கள்:

பென்சில், சாக்பீஸ், பால்பென் ரீபிள், மை, நோட்டு லேமினேஷன், காகிதம், நைலான் பிரஷ், எழுது அட்டை, பைல் ஆகியவற்றை தயாரிக்கும் தொழில்களையும் பெண்கள் தயாரிக்கலாம்.

துணி வகைகள்:

பெண்கள், குழந்தைகளுக்கான உடைகள் தயாரிக்கலாம். டைலரிங் தொழில் செய்யலாம். துணியில் ஸ்கிரீன் பிரிண்டிங், எம்ப்ராய்டரி, பித்தான், ஊக்கு, தலைமுடி கிளிப், ரப்பர் பேண்ட் ஆகியவை தயாரிக்கலாம்.

இந்த தொழில்களை செய்ய ஆலோசனை பெறவும், இதுபோன்ற தேவைகளுக்காக மத்திய - மாநில அரசுகள் தொழில் அமைச்சகம் மூலம் பயிற்சியும் வழங்கி வருகிறது. எனவே நம்பிக்கை இருந்தால் பெண்களே... நீங்களும் தொழில் செய்து வாழ்க்கையில் முன்னேறலாம்..

தேனீ வளர்ப்பு!! (bees make)

noreply@blogger.com (kingofnature) — Sat, 10 Dec 2011 14:54:00 +0530

தேனில் (honey) சுவை அதிகமாக இருப்பதோடு, அதில் பல்வேறு மருத்துவ குணங்களும் உள்ளன. உடல் பருமனை குறைக்க, மெலிந்து இருப்பவர்கள் குண்டாக, குரல் வளம் சிறக்க, நோய் நொடி அண்டாமல் இருக்க என தேனில் (honey) இருந்து கிடைக்கும் பயன்களை கணக்கிட முடியாது. இதனால் தேனின் விலையும் மற்ற பொருட்களின் விலையை விட சற்று அதிகம்தான். இந்த தேனீயை (bees) வளர்த்து விவசாயிகள் அதிக லாபம் பெறலாம்.

விவசாயிகள் மட்டுமல்லாது மாணவர்கள் (students), இளைஞர்கள் (youth), சுயதவிக்குழுக்கள், ஓய்வு பெற்றவர்கள் என அனைவரும் தேனீ வளர்ப்பில் ஈடுபடலாம்.

இதற்கு தேனெடுக்கும் கருவி, புகைப்பான், முகமூடி தலைக்கவசம், கத்தி, ஸ்டாண்ட், கையுறைகள் போன்றவைதான் உபகரணங்கள். தேன் பெட்டிகளை மரத்தில்தான் செய்யவேண்டும். குறிப்பாக புன்னை மரத்தில் செய்வது மிகவும் நல்லது.

மரத்தில் தேனீக்கள் வட்ட வடிவிலும், பலாப்பழம் போல நீள்வட்ட வடிவிலும் அடை வைக்கும். அடையில் உள்ள கூட்டு அறைகள் அறுங்கோண வடிவில் செய்யப்பட்டிருக்கும். தேன் வழிந்துவிடாதபடி, சற்று மேல்நோக்கி இருக்கும். காலனி பிரிக்கும் போது நாமே நெடிமேடாக அடை வடிவமைப்பை பயன்படுத்தலாம். அதன்மூலம் தேனீக்கள் (honey bees) விரைவாக கூடு மற்றும் அடை வைக்கும். தேன் கூட்டில் ஒரு ராணித்தேனீ, பல ஆயிரம் பணித் தேனீக்கள், ஆண் தேனீக்கள் என மூன்று பிரிவுகள் இருக்கும். மூன்றுக்குமே தனித்தனி வேலைகள் உள்ளன.

வாரத்திற்கு ஒரு முறை தேன் (honey) கூட்டை திறந்து பார்க்க வேண்டும். இதன்மூலம் தேன் சேகரமாகி உள்ளதை அறிந்துகொள்ள உதவும். முடிந்தால் தினமும் ஒன்பது மணிக்கு மேல் கவனித்து வரவும். மழை மற்றும் மூடுபனி நேரங்களில் கூட்டைத் திறக்கக்கூடாது. மழைக் காலங்களில் மாலை 6 மணிக்கு மேல் சர்க்கரை, குளுகோஸ் கலந்த தண்ணீரை தேனீக்கு உணவாக தேங்காய் மூடியில் கலக்கி வைக்க வேண்டும். எறும்பு, பல்லி, சிலந்தி போன்றவை தேனீக்களின் எதிரி, எனவே அவை தாக்காதபடி பெட்டிகள் பாதுகாக்கப்பட வேண்டும். இவ்வாறு செய்வதன் மூலம் தேனீ வளர்ப்பில் அதிக லாபம் கிடைத்து வளர்ப்பவர்கள் வாழ்க்கையும் இனிக்கும்.

தமிழக ஐயப்ப பக்தர்களுக்கு கேரளத்தில் ஆபத்து ஏற்பட்டால் தொடர்பு கொள்ள தொலைபேசி எண்கள்

noreply@blogger.com (kingofnature) — Wed, 7 Dec 2011 10:58:00 +0530

சென்னை: சபரிமலைக்கு செல்லும் தமிழகத்தைச் சேர்ந்த ஐயப்ப பக்தர்களுக்கு அங்கு ஏதாவது பிரச்சினை ஏற்பட்டால் தொடர்பு கொண்டு உதவி கோருவதற்கு வசதியாக தொலைபேசி எண்களை தமிழக காவல்துறை அறிவித்துள்ளது.

இதற்காக எல்லையில் தனி கட்டுப்பாட்டு அறையை காவல்துறை திறந்துள்ளது. அதன்படி கேரளா செல்லும் ஐயப்ப பக்தர்கள் தங்களுக்கு ஏதாவது பிரச்சினை ஏற்பட்டால், 094474 74009 மற்றும் 04869 224252 ஆகிய எண்களில் தொடர்பு கொண்டு உதவி கோரலாம் எனத் தெரிவிக்கப்பட்டுள்ளது.

எந்தப் பாதை வழியாக செல்லலாம்?

தற்போது முல்லைப் பெரியாறு பிரச்சினை தொடர்பாக ஏற்பட்ட பதட்டத்தால் குமுளி வழியாக வாகனங்கள் அனுமதிக்கப்படவில்லை.

இதனால், நெல்லை மாவட்டம் செங்கோட்டை வழியாகவும், குமரி மாவட்டம் வழியாகவும், கோவை மாவட்டம் வழியாகவும் வாகனங்கள் செல்லலாம் என காவல்துறை தெரிவித்துள்ளது.

போடிமெட்டு பகுதி வழியாகவும் முன்னர் வாகனங்கள் சென்று கொண்டிருந்தன. ஆனால் அது தற்போது நின்று விட்டது.

பிளேட்டோவின் பொன் மொழிகள் - plato

noreply@blogger.com (kingofnature) — Sat, 3 Dec 2011 17:29:00 +0530

"ஒரு நாட்டு மக்களிடையே ஒற்றுமை நிலவவேண்டுமாயின் அந்நாடு மிகப் பெரியதாகவோ மிகச் சிறியதாகவோ இருத்தல் கூடாது. அந்நாடு ஓர் அளவுக்கு உட்பட்டதாக இருக்கவேண்டும். அப்போதுதான் அந்நாட்டில் அமைதியும் மனநிறைவும் அரசோச்சுவதைக் காணலாம்."

"நல்ல பண்புகளைப் பெறுவதிலும் பிறர்க்குப் புகட்டுவதிலும் ஆர்வம் காட்டுவோர் தொகை பெருக வேண்டும். நுகர்வான்ந பிறரைத் துன்புறுத்தும் அளவிற்குத் துன்பப்படுவான். ஆதலால் தீய பண்புகளை வளரவிடாமல் நல்ல பண்புகளை வளர விடுதலே நல்லது."

"துன்பம் என்பது எல்லோர் வாழ்க்கையிலும் வந்து போகும் ஒன்றுதான். எனவே, துன்பம் உண்டாகும்போது நாம் மன அமைதியைக் கெடுத்துக்கொள்ளக் கூடாது. நாம் அப்பொழுதுதான் பொறுமையை மேற்கொள்ள வேண்டும். பொறுமையில்லாமலும் அமைதி இல்லாமலும், உணர்ச்சி வயப்பட்டு நடப்பதால் பெறக்கூடிய பயன் ஒன்றுமே இல்லை. இந்த மனநிலையே இன்பம் வந்தபோதும் இருக்க வேண்டும்."

"பிறர் நமக்கு இழைத்த இன்னல்களுக்காக அவர்களைக் கடுமையாகத் தண்டியாமல் விடுதலும், மனிதர் இயல்பாகச் செய்யும் தவறுகளைப் பொறுப்பதும், நமக்கு இழைக்கப்பட்ட இன்னல்களை மறந்து நன்மைகளை மட்டும் எண்ணுவதும் பெருந்தன்மையாகும்."

nokia 5230 second hand sale (Price: Rs.4250)

noreply@blogger.com (kingofnature) — Tue, 29 Nov 2011 16:00:00 +0530

(Contact No: 7358852472)

Mobile Phone Model: Nokia 5230

Nokia 5230 is one among the newly launched handsets by nokia and is somewhat a cheaper version of nokia 5800 xpressmusic. It has a colorful touch screen with bright optimized display for media, photos, videos, movies and browsing on the 3.2” inch widescreen.

Nokia 5230 Features & Specifications:

	Network
Technology / Frequency Bands	GSM : 850/900/1800/1900 MHz UMTS : 850/900/1800/1900 MHz
	Battery
Type	Li – Ion
Capacity	1320 mAh
Standby	432 hours UMTS: 456 hours
Talktime	420 mins UMTS: 258 mins
	Built
Dimensions	111×51.7×14.5/15.5mm mm
Weight	113 g
Antenna Type	Internal
Form Factor	bar
Colors	White/Red, White/Dark Silver , White/Pink,White/Yellow,White/Blue,Black/Red, Black/Dark Silver
Dedicated Keys	camera, volume, power, send & end
QWERTY	yes
Touch Screen	yes
Stylus	yes
Music Keys	yes
	Display
Size	360×640 pixels
Type	color : TFT
Colors	16000000 colors
Secondary Display	no
	Camera / Imaging / Video
Camera	Yes 2.0 Megapixel
Resolution	1600×1200 pixels
Image Formats	EXIF / JPEG
Zoom	yes 3x
Flash	no
Video Recording	yes Resolution :640×480 30 fps
Video Formats	MPEG-4 / 3GPP H.263
Features	Auto Exposure, Exposure Compensation, Full Screen Viewfinder, Self Timer, Sequence Mode
Secondary Camera	no
	Connectivity
Bluetooth	Yes , version 2.0 + EDR
Irda	No
Wlan/Wi-fi	No
Pc Sync	yes
SyncML	yes
USB	yes
GPS	yes
	Data
Data Modes	GPRS / EDGE (EGPRS) / WCDMA (UMTS) / HSCSD / CSD / HSDPA 3.6
GPRS	Yes
EDGE	Yes
3G	Yes
HSDPA	yes
Internet Browsing	WAP 2.0 , OSS browser , HTML over TCP/IP,Web Runtime 1.1,XHTML over TCP/IP
	Media
Audio Playback	Yes
Audio Formats	AAC / AAC+ / eAAC+ / MP3 / MP4 / M4A / WMA / AMR / WAV / XMF / WB-AMR / NB-AMR / Real Audio / Midi Tones / True Tones
Video Playback	Yes
Video Formats	RealVideo / MPEG-4 / 3GPP H.263 / H.264/AVC
Ringtones	mp3, aac, 64-tone polyphonic (64 built-in tones)
FM Radio	Yes
Streaming	yes
3.5mm Headphone Jack	yes
	Memory
Inbuilt	70 MB
Memory Slot	Yes microSD/TransFlash Hot Swappable Expandable Upto : 16GB
USB Mass Storage	yes
PhoneBook	Capacity : Unlimited , Photo Caller
	Messaging
SMS	Yes
EMS	yes
MMS	Yes
Email	Yes Protocols : IMAP, POP, SMTP Attachments :Yes
Predictive Text Input	T9
Instant Messaging	yes
	Calling / Voice
Voice Recording	yes
Voice Dial	yes
Voice Commands	yes
Vibration	yes
Speaker	yes
	Software
Operating System	Symbian / S60
Platform	S60 5th Edition
Java	MIDP 2.1
Flash Lite	yes Flash Lite 3.0
Games	yes

HTC HD 2 for second hand sale (Price: Rs.18000)

noreply@blogger.com (kingofnature) — Tue, 29 Nov 2011 15:12:00 +0530

(Contact No:- 7358852472)
HTC HD2 offers powerful and amazing mobile experience with 4.3″ inch Display, 1 GHz Snapdragon processor and Windows 6.5 professional edition @ premium price.

HTC HD2 Features:

4.3-inch pixel-packed WVGA (480×800) display
Spacious Touch Keyboard
In-Car navigation system
Ultrathin
Cutomise Home screen with animated background and applications
Ultimate multimedia performance
Unique Business Features

HTC HD2 Technical Specification:

HSPA/WCDMA: 900/2100 MHz
GSM: 850/950/1800/1900 MHz
Qualcomm 1GHz Snapdragon™ processor
RAM: 448 MB / ROM: 512 MB
Windows Mobile 6.5 Professional
4.3″ inch (480 X 800) WVGA Capacitive TouchScreen
5 megapixel camera with AutoFocus and Dual LED flashlight
GPS with Digital Compass
Wi-Fi: IEEE 802.11 b/g (works as Wi-Fi Router)
Bluetooth® 2.1 with Enhanced Data Rate
Stereo FM Radio
3.5 mm stereo audio jack
Opera Browser
1230 mAh Rechargeable Lithium-ion battery
Weight: 157 grams with battery

கோகோ (cocoa) பயிரிட்டால் செல்வம் கொழிக்கும்

noreply@blogger.com (kingofnature) — Sat, 26 Nov 2011 18:00:00 +0530

சாக்லெட் (chocolate) தயாரிக்க பயன்படும் முக்கிய மூலப்பொருள் கோகோ (cocoa) ஆகும். உலக அளவில் கோகோ உற்பத்தியில் முன்னிலையில் உள்ள காகா, ஐவரி கோஸ்ட் போன்ற நாடுகளில் தற்போது உற்பத்தி குறைந்துள்ளது. எனவே சர்வதேச அளவில் கோகோவுக்கு பற்றாக்குறை அதிகரித்து வருகிறது.

சில ஆண்டுகளுக்கு முன் தமிழ்நாட்டில் 2,030 ஹெக்டேர் பரப்பளவில் கோகோ பயிரிடப்பட்டு வந்தது. இது தற்போது 6,000 ஹெக்டேராக அதிகரித்துள்ளது என்பது குறிப்பிடத்ததக்கது. அடுத்த ஓரிரு ஆண்டுகளில் இது மேலும் 2,000 ஹெக்டேர் அதிகரிக்கும் என இத்துறையைச் சேர்ந்தவர்கள் தெரிவித்துள்ளனர்.

தமிழகத்தில், தற்போது இதன் சாகுபடிக்கு விவசாயிகள் அதிக முக்கியத்துவம் அளித்து வருகின்றனர். நீர்ப்பாசன வசதி உள்ள தென்னந் தோப்புகளில் கோகோவை (cocoa) ஊடுபயிராக பயிர் செய்து வருவாய் ஈட்டலாம். தற்போது தமிழகத்தில் கோயம்புத்தூர், திண்டுக்கல், நாமக்கல், கன்னியாகுமரி உள்ளிட்ட பல மாவட்டங்களில் கோகோ ஊடுபயிராக பயிர் செய்யப்படுகிறது.

சென்ற ஆண்டில் ஒரு கிலோ கோகோ விலை ரூ.110 - ஆக இருந்தது. தற்போது இதன் விலை ரூ.120 - ஆக உயர்ந்துள்ளது. நம் நாட்டில், சாக்லேட் (chocolate) தயாரிப்பில் காட்பரி (cadbury), கேம்ப்கோ (campco), லோட்டஸ், லோட்டி (lotte chocolate) போன்ற நிறுவனங்கள் முன்னிலை வகிக்கின்றன. இந்நிறுவனங்கள் தென் மாநிலங்களிலிருந்து அதிகளவில் கோகோவை கொள்முதல் செய்து வருகின்றன.

கோகோ பயிர் (cocoa plant) வெப்பமான பகுதியில்தான் நன்கு வளரும், என்றாலும் தகுந்த நீர்ப்பாசன வசதி தேவை. இந்தியாவில் கேரளா, கர்நாடகா, ஆந்திரா மற்றும் தமிழ்நாடு ஆகிய மாநிலங்களில் கோகோ (cocoa) அதிக அளவில் சாகுபடி செய்யப்படுகிறது. எனினும் சர்வதேச உற்பத்தியுடன் ஒப்பிடும்போது நம் நாட்டில் கோகோ (cocoa) உற்பத்தி மிகவும் குறைவாகவே உள்ளது.

கோகோவை பலதரப்பட்ட நிலங்களிலும் பயிர் செய்யலாம். எனினும் களிமண் நிலம், சதுப்பு நிலம் மற்றும் மணற்பாங்கான பகுதிகள் இதற்கு ஏற்றவையல்ல. கோகோ பயிருக்கு ஈரப்பதம் அதிகம் தேவைப்படும். எனினும் தோட்டத்தில் தண்ணீர் தேங்கி நிற்கலாகாது. தென்னை மரங்களைப் போல் கடற்கரையில் இது வளராது. தென்னந்தோப்புகளில் ஊடுபயிராக இதனை வளர்க்கலாம் என்றாலும், தனிப்பயிராகவும் வளர்க்கப்படக் கூடியது. வேறு ஒரு பயிருடன் கலப்பு பயிராகவும் சாகுபடி செய்யலாம்.

கோகோ பயிருக்கு (cocoa tree) ஆண்டுக்கு சராசரியாக 1,250 - 1,30 ம.மீ. மழை தேவைப்படும். இது 1,500 - 2,000 மி.மீ ஆக இருப்பின் மிகவும் வரவேற்க்கத்தக்கது.

பயிர் செழித்து வளர்வதற்கான வெப்பநிலை சுமார் 25டிகிரி செல்சியஸ் ஆகும். வெப்பநிலை 10 டிகிரி செல்சியசுக்கு குறைவாக உள்ள பகுதிகளில் கோகோ பயிரிட முடியாது. அதாவது, ஆண்டு சராசரி வெப்ப அளவு 21 டிகிரி செல்சியசுக்கு குறைவாக உள்ள பகுதிகள் இதன் சாகுபடிக்கு உகந்தவை அல்ல.

அரசு சார்ந்த பல அமைப்புகளும், சில தனியார் நிறுவனங்களும் கோகோ உற்பத்தி மற்றும் பயன்பாட்டை மேம்படுத்தும் வகையில் பல்வேறு நடவடிக்கைகளை மேற்கொண்டு வருகின்றன. இதுதொடர்பாக விவசாயிகளுக்கு ஊக்கமளிக்கும் திட்டங்களும் அறிமுகப்படுத்தப்பட்டுள்ளன.

எனவே, கோகோ (cocoa) பயிரிட்டால் விவசாயிகள் வாழ்வில் செல்வம் கொழிக்கும் என்பதில் ஐயமில்லை.

வாஸ்து தரும் தொழில் வளர்ச்சி

noreply@blogger.com (kingofnature) — Fri, 25 Nov 2011 18:10:00 +0530

தொழிற்சாலையானாலும், கடையானாலும் அவற்றை தொடங்குவதற்கு முன்பு ஓரளவுக்கு அறிவியல் பூர்வமான வாஸ்து சாஸ்திரத்தை கடைபிடிக்க வேண்டும். அவ்வாறு கடைபிடித்தால் வெற்றி கிட்டும் என்பது அனுபவசாலிகள் கருத்து. எனவே தொழில் தொடங்குவதற்கான நிலத்தை தேர்வு செய்யும்போது அந்த நிலம் மேற்கு, தெற்குபுறம் நிலமட்டம் உயரமாகவும், கிழக்குபுற நிலமட்டம் சற்று தாழ்வாகவும் இருக்குமாறு பார்த்துக்கொள்ள வேண்டும். மேலும் நாம் தேர்ந்தெடுக்கும் நிலம் சதுரமாகவோ, செவ்வகமாகவோ, எந்தவித குறைபாடுகளோ இல்லாதவாறு இருக்க வேண்டும்.

தொழிற்சாலை கட்டுவதற்கு முன்பு அந்த இடத்தின் வடகிழக்கு மூலையில் பெரிய அளவில் நிலமட்டத்துக்கு கீழாக ஒரு தொட்டியை ஏற்படுத்த வேண்டும். கட்டிடத்தின் புறஅளவுகள் ''குழிகணக்கு'' வாயிலாக தேர்வு செய்து எப்படிப்பட்ட யோகத்தை கொடுக்கிறது என்றும், எந்த நட்சத்திரத்தில் அந்த பறப்பளவு வந்துள்ளது என்பதை பொறுத்தே அந்த தொழிற்சாலையின் வளர்ச்சியை நிர்ணயம் செய்யமுடியும்.

மேலும் தொழிற்சாலையின் மெயின் வாயில் தொழிலின் தன்மைக்கு தகுந்தாற்போல் மாறுபடும். ஆனால் எல்லா தொழிலுக்கும் ஒரு குறிப்பிட்ட குழிகணக்கு பறப்பளவும் ஒத்துவராது. தொழிற்சாலைக்கு தேவையான மின்சார வசதியை தென்கிழக்கு மூலையில் நிர்மானித்துக்கொள்ளலாம். ஆனால் மேற்கு, தென்மேற்கு திசையில் கண்டிப்பாக அமைக்கக் கூடாது. தயாரிக்கப்படும் பொருட்கள் அனைத்தையும் வடமேற்கு மூலையில் சேகரித்து வைக்கும்போது, அந்த பொருட்கள் வெகு சீக்கிரம் விற்பனையாகும். இதுபோன்ற வாஸ்துகளை உரிய நிபுணர்களிடம் கேட்டு தெரிந்து கொள்ள வேண்டும்.

வீட்டுத்தோட்டம் அமைக்கலாம் வாங்க!!

noreply@blogger.com (kingofnature) — Thu, 24 Nov 2011 18:03:00 +0530

வீட்டில் தோட்டம் அமைத்தால் வாழ்வு வளமாகும். தோட்டம் அமைக்க தொழு உரம், ஆற்று மணல் மற்றம் வீட்டுமண் மூன்றும் 1:1:1 விகிதத்தில் இருக்க வேண்டும்.

மரங்களுக்கு குப்பைகளை போடுவது நல்லது என்பது பலரது தவறான அபிப்பிராயம். குப்பைகளை தோட்டம் அமைக்கிறபோது பாத்திகட்டி, அதை நான்காக, எட்டாக, பதினாறாக பிரித்துக்கொள்ளவும். கடைசி இரண்டு பங்கில் பப்பாளி, தவசிக்கீஐ (மல்ட்டி வைட்டமின் கீரை), கறிவேற்பிலை, எலுமிச்சை போன்றவற்றை வைக்கலாம். அடுத்து ஒரு பாத்தியில் தக்காளி, வெண்டை, கத்திரி போடலாம். வெண்டை, பூசணி போன்றவற்றை விதையாக விதைக்கலாம். தக்காளி, கத்திரி, மிளகாய் போன்றவற்றை நாற்றுகளாக வாங்கி நடலாம். எப்போதும் செடிகளுக்கு இயற்கை உரம் போடுவது மண்ணுக்கும், நமக்கும் பாதுகாப்பு.

அடுக்குமாடி குடியிருப்பில் இருப்பவர்கள் பூக்காத, குறைந்த ஒளிதேவைப்படுகிற இலைகளே அழகு சேர்க்கும் செடிகளை வளர்க்கலாம். பிலோடென்ட்ரான், பெப்பரோமியா, அரேபியா, மணிபிளான்ட், இந்தியன் ரப்பர் பிளான்ட் போன்றவை இந்த ரகம். வீட்டிற்குள் வளர்கிற செடிகளுக்கு தண்ணீரை அளந்துவிட வேண்டும். இர்ண்டு செட் செடிகளை வைத்திருந்து ஒரு செட் வீட்டின் வெளியேயும், இன்னொரு செட் வீட்டிற்குள்ளேயும் இருக்கட்டும். வாரத்துக்கு ஒருமுறை உள்ளே உள்ளவற்றை வெளியேயும், வெளியே உள்ளவற்றை உள்ளேயும் மாற்றி வைக்கலாம். வீட்டினுள் வளர்கிற செடிகளின் இலைகள் பழுப்பு நிறமாக இருந்தால் தண்ணீர் அதிகம் என்றோ அல்லது ஒளி குறைவோ என்று அர்த்தம்.

செடிகளுக்கு மருந்தோ, உரமோ அவை வெளியில் இருக்கும்போதுதான் அடிக்க வேண்டும். காற்றை சுத்தப்படுத்தும் பெரணி செடிகளை வீட்டினுள் வைக்கலாம். ஓரளவுக்கு சுமாராக வளர்ந்த இந்த ஒரு செடி 25 அடி சதுர அடி காற்றை சுத்தப்படுத்தும் சக்தி கொண்டது. பால்கனியில் செடிகள் வளர்க்க வேண்டுமானால் 50 சதவிகித வெயிலாவது இருக்க வேண்டும். கிழக்கு மற்றும் மேற்கு நோக்கிய பால்கனியாக இருப்பது நல்லது. ரோஜா வளர்க்க எல்லோருக்கும் ஆசை. ஆனால் நம் ஊர் சீதோஷ்ணத்துக்கு நாட்டு ரோஜாதான் வளரும். உயர்ரக ரோஜாக்கள் என்றால் அதை வாங்கும் நர்சரியில் இருந்து சரியான உயரமும், ரோஸ் மிக்சரும் வாங்கி உபயோகிக்க வேண்டும். மீன் கழுவிய தண்ணீர் விடலாம். இது கிடைக்காதவர்கள் பிஷ்மீல் அல்லது போன்மீல் என்றே உரக்கடையில் கிடைக்கும். அதை உபயோகிக்கலாம். சர்க்கரை சேர்க்காத டீத்தூள் போடலாம்.

என்ன நண்பர்களே பதிவு பிடித்திருந்தால் உங்கள் கருத்துக்களை தெரிவிக்கவும்.

புதுத் தொழிலுக்கு பயிற்சி அவசியம்

noreply@blogger.com (kingofnature) — Wed, 23 Nov 2011 18:17:00 +0530

புதிதாக தொழில் தொடங்குபவர்களுக்கு அவ்வப்போது பயிற்சி தேவைப்படுகிறது. இந்த பயிற்சிகள் அவரை புத்துணர்ச்சி கொள்ளச் செய்து, அவர்களுக்கு புதிய ஊக்கத்தை அளிக்கும்.

ஒருவர் புதிதாக தொழில் தொடங்க விரும்பினால், அதற்குமுன் அந்த துறையில் வெற்றி பெற்ற அல்லது நிபுணத்துவம் பெற்றவரிடம் பயிற்சி பெறுவதன் மூலம், தனது நிறுவனத்தில் பணிபுரியும் மற்றவர்களுக்கும் அந்த பயிற்சியை அளிக்கலாம். இதன் மூலம் தனது நிறுவனத்தை அவர் நல்லமுறையில் நடத்தி வெற்றிபெற முடியும்.

பொதுவாக ஒரு தொழில் என்பது பல துறைகளை உள்ளடக்கியது. ஒரு தொழில் முனைவோரால் அனைத்து துறைகளிலும் வல்லமை பெறமுடியாவிட்டாலும், அவற்றை ஓரளவாவது அறிந்துகொள்ள வேண்டும். உதாரணமாக தொழில் நுட்பத்தில் சிறந்து விளங்கும் ஒருவர், வரவு-செலவு மற்றும் தனிக்கை, கணக்கு வழக்குகள் பற்றியும் ஓரளவாகவேனும் தெரிந்துகொள்ள வேண்டும்.

இதேபோன்று ஒரு தொழில் முனைவோர் நிதி நிர்வாகியாக இருந்தால் மட்டும் போதாது, தொழில் நுட்பங்கள் பற்றியும் கொஞ்சம் தெரிந்து வைத்துஇருக்க வேண்டும்.

தெரியாத துறைகளை பற்றி நாம் அறிந்து கொள்வதற்கு பயிற்சி மிகவும் அவசியம். மேலும் இதுபற்றி நன்கு அறிந்துகொள்ள தேவையான ஆலோசகர்களை வைத்துக்கொள்ளலாம். முடிவு எடுக்க முடியாத சிக்கலான சூழலில் இந்த ஆலோசகர்கள் நமக்கு உரிய ஆலோசனைகளை தருவார்கள்.

இந்த ஆலோசகர்கள் பிற நிறுவனங்கள் எப்படிப்பட்ட நடைமுறைகளை பின்பற்றி வெற்றிகண்டன என்பதை கற்றறிந்து, தொழில் முறைவோரின் சூழலுக்கு ஏற்ப தேவையான மாற்றங்களை செய்வார்கள்.

எவ்வளவுதான் திறமைமிக்க ஆலோசகர்கள் அருகில் இருந்தாலும் தொழில் தொடங்குபவர்கள், ஓரளவேனும் பயிற்சி பெற்று இருக்க வேண்டும்.

தென்னை தரும் தொழில்கள்

noreply@blogger.com (kingofnature) — Fri, 21 Oct 2011 18:30:00 +0530

தென்னை மரங்கள் வளர்ப்பில் கேரள மாநிலம் முதல் இடத்தை பெற்றுள்ளது. தொன்னையின் மூலமாக பல்வேறு பொருட்களை நாம் தயாரிக்கலாம். தேங்காய், இளநீர் ஆகியவற்றில் இருந்து பல புதிய பொருட்களை பெறமுடியும். அதன் மூலம் புதிய தொழில் வாய்ப்புகளையும் உருவாக்கமுடியும்.

நாட்டுக்கு அன்னிய செலாவணியை ஈட்டித்திரும் வகையில் பல புதிய தொழில் நுட்பங்களை தென்னை வளர்ச்சி வாரியம் கண்டுபிடித்து உள்ளது.

தேங்காய் தண்ணீரின் பயன்கள்:-

கேரளாவில் தேங்காய் தொடர்பான தொழிலின்போது சுமார் 25 கோடி லிட்டர் தேங்காய் தண்ணீர் வீணாகிறது.

தேங்காய் தண்ணீரில் 5.4 சதவீதம் திடப்பொருளும், 2.0 சதவீதம் சர்க்கரையும், 0.5 சதவீதம் தாதுஉப்பும், தலா 0.1 சதவீதம் புரதம் மற்றும் கொழுப்பும் உள்ளது. வீணாக்கப்படும் தேங்காய் தண்ணீரை சேமித்து பல்வேறு வகையில் பதப்படுத்தி இளநீரில் இருக்கும் தன்மையை மாற்றி கண்ணாடி பாட்டில்கள், பாலிதீன் பைகளில் அடைந்து விற்பனை முறைபற்றியும் அதுபற்றிய தொழில் நுட்பத்தையும் திருவனந்தபுரத்தில் இருந்து இயங்கும் தேங்காய் பொருள் ஆராய்ச்சிக்கூடம் கண்டுபிடித்து உள்ளது.

இன்று ஊறுகாய் மற்றும் பல்வேறு உணவுப் பொருட்களை பதப்படுத்துவதற்கு அசிட்டிக் ஆசிட் என்ற அமிலத்தை கொண்டு தயாரிக்கப்பட்ட வினிகரையே பெரும்பாலும் பயன்படுத்துகிறார்கள். இதற்கு மாறாக தேங்காய் தண்ணீரில் இருந்து தயாரிக்கப்படுகிற வினிகர் இயற்கை தன்மையுடன் இருப்பதால் இத்தகைய வினிகருக்கு மேலைநாடுகளில் நல்ல வரேற்பு இருக்கிறது. உள்நாட்டிலும் வளமான எதிர்காலம் உள்ளது.

தேங்காய் தண்ணீரில் சர்க்கரை மற்றும் அசிட்டிக் அமிலம் ஆகியவற்றை கலந்து அன்னாசிப்பழ சக்கையையும் சேர்த்து வளர்ப்பு முறையில் ஜெல்லி தயாரிக்கலாம்.

இதை கண்ணாடி ஜாடிகளில் 2 அல்லது 3 வாரங்கள் வைத்திருந்து வளர்த்து அதன் பிறகு பல்வேறு முறைகளில் பக்குவப்படுத்தி துண்டுகளாக்கி விற்பனை செய்யலாம். இந்த ஜெல்லி பனை நுங்குபோல் ஒருவித குளிர்ச்சியும், மென்மையான சுவையையும் உடைய தின்பண்டமாகும். இதேபோல் பர்பி, அல்வா போன்றவற்றையும் தயாரிக்க முடியும்.

தேங்காய் பால் பவுடர் :-

இன்றைய உணவு தயாரிப்பில் தேங்காயின் பங்கு அளப்பரியது. இன்றைய வேகமான உலகில் சமையலுக்கு தேங்காய் பால் எடுப்பது என்பது நேரம் எடுக்கும் வேலையாக இருக்கிறது.

இதுபோன்றவர்களுக்கு தேங்காய் பாலை பிழிந்து அதனை பக்குவப்படுத்தி பவுடராக டின்களிலும், பாலிதீன் பைகளிலும் அடைத்து விற்பனை செய்யப்படுகிறது.

என்ன நண்பர்களே! தேங்காயில் இருந்து இவ்வளவு பொருட்களை தயாரிக்க முடியுமா என்று எண்ணுகிறீர்களா, இதுமட்டுமல்ல இன்னும் ஏராளமான தின்பண்டங்களையும், தேங்காய் ஓட்டில் இருந்து பல்வேறு கலைப்பொருட்களையும் உற்பத்தி செய்து லாபம் சம்பாதிக்க முடியும்.

மரவள்ளிக்கிழங்கும், ஜவ்வரிசி தொழிலும்

noreply@blogger.com (kingofnature) — Thu, 20 Oct 2011 18:30:00 +0530

தமிழ்நாட்டின் வேறுபல மாவட்டங்களுக்கு இல்லாத பல தனி சிறப்புகள் சேலம் மாவட்டத்துக்கு உண்டு. அத்தகைய சிறப்புகளில் சேலம் மாவட்டத்துக்கு பெருமை சேர்க்கும் ஜவ்வரிசி தொழிலும் பக்கத்து மாவட்டமான நாமக்கல் மாவட்டத்தின் ஒரு பகுதியில் 1 லட்சம் பேருக்கும் அதிகமானோருக்கு இந்த ஜவ்வரிசி தொழில்தான் வாழ்வின் ஆதாரமாக விளங்கி வருகிறது. அதற்கு காரணம் இந்த மாவட்டத்தின் மண்வளம்தான். இங்குள்ள மண்வளத்தால் சேலம் மாவட்டம் மற்றும் பக்கத்து மாவட்டங்களின் சில பகுதிகளில் மரவள்ளிக்கிழங்கு சாகுபடி பிரதான விவசாயமாக நடந்து வருகிறது.

மரவள்ளிக்கிழங்கு விவசாயத்தால் விவசாயிகள் மட்டுமல்ல அந்த கிழங்கில் இருந்து ஸ்டார்ச் (கிழங்கு மாவு), ஜவ்வரிசி, திப்பி ஆகியவற்றை உற்பத்தி செய்யும் தொழில் சேலம், நாமக்கல் மாவட்டங்களில் அதிகளவிலும் மற்ற ஈரோடு, திருவண்ணாமலை, கரூர் மாவட்டங்களிலும் நடைபெற்றுவருகிறது.

இந்த தொழிலில் சேகோ ஆலையை நடத்தும் ஆலை அதிபர்கள் மற்றும் அதில் பணியாற்றும் தொழிலாளர்கள் என சுமார் 1 லட்சத்து 50 ஆயிரம்பேர் ஈடுபட்டு உள்ளனர். ஆண்டுமுழுவதும் சீசனாக இருப்பினும், நவம்பர் மாதம் தொடங்கி அடுத்த ஆண்டு மார்ச் மாதம் வரை மரவள்ளிக்கிழங்கு பயிர் அதிக அளவிலான சீசனாக உள்ளது. மரவள்ளிக்கிழங்கிலிருந்து தயாரிக்கப்படும் ஜவ்வரிசியின் பயன்பாடு தமிழ்நாட்டில் குறைவாகவே உள்ளது.

ஜவ்வரிசியானது தமிழ்நாட்டில் தீபாவளி, பொங்கல் போன்ற பண்டிகை நேரத்திலும், திருமணம், பிறந்தநாள் போன்ற விசேஷ விழாக்காலங்களில் தயாரிக்கப்படும் பாயசம் உள்ளிட்ட சிறப்பு உணவுகளில் மட்டுமே பயன்படுத்தப்பட்டு வருகிறது. அது தவிர சிலர் ஜவ்வரிசியை பயன்படுத்தி வத்தல் தயாரித்து பயன்படுத்தி வருகிறார்கள். ஆனால் வட மாநிலங்களான மராட்டியம், மேற்குவங்காளம், குஜராத், உத்திரபிரதேசம், மத்திய பிரதேசம், ராஜஸ்தான் போன்ற மாநிலங்களில் ஜவ்வரிசி முக்கிய உணவு பொருளாக பயன்படுத்தப்பட்டு வருகிறது. அங்கு ஜவ்வரிசியைக் கொண்டு கிச்சடி (உப்புமா), வடை, பாதாம்கீர் போன்று ஜவ்வரிசி கீர், அப்பளம், வத்தல் போன்ற பல்வேறு விதமான உணவுப்பொருட்கள் தயாரிக்கப்பட்டு பயன்படுத்தப்பட்டு வருகின்றன. மரவள்ளிக்கிழங்கில் இருந்து ஜவ்வரிசி மட்டுமே தயாரிக்கப்படவில்லை. அதனை விட மிக முக்கியமான பொருளாக ஸ்டார்ச் தயாரிக்கப்படுகிறது. இந்த பணிகளில் 370 சேகோ ஆலைகள் ஈடுபட்டு வருகின்றனர். இந்த ஆலைகள் மூலம் வருடத்துக்கு 23 லட்சம் மூட்டை ஜவ்வரிசியும் அது தவிர ஸ்டார்ச் மாவு, திப்பி போன்றவையும் தயாரிக்கப்படுகின்றன. சேலம் மாவட்டம் தவிர ஆந்திர மாநிலம் சாமல்கோட் பகுதியில் சேகோ ஆலைகள் செயல்பட்டு வருகின்றன. ஆனால், அங்கு ஆண்டு ஒன்றுக்கு 3 லட்சம் மூட்டை ஜவ்வரிசி மட்டுமே தயாரிக்கப்படுகிறது என்பது குறிப்பிடத்தக்கது. அதனால் இந்த தொழில் சேலம் மாவட்டத்துக்கு கிடைத்த வரப்பிரசாதம் என்றே சொல்லலாம்.

மாத்திரையாகும் கிழங்குமாவு (ஸ்டார்ச்) :-

இதில் கிழங்குமாவின் பயன்பாடு என்பது மிக மிக முக்கியமான ஒன்றாக விளங்குகிறது. மருத்துவ துறையில் மாத்திரைகள் தயாரிக்கப் பயன்படும் மூலப்பொருட்களில் ஒன்றாக பயன்படுத்தப்படுகிறது. மேலும் கிழங்கு மாவில் இருந்துதான் குளூக்கோஸ் தயாரிக்கப்படுகிறது. அது தவிர உயிர்காக்கும் மருந்து பொருளை கிழங்கு மாவுடன் கலந்து அதனை மாத்திரைகளாக தயாரித்து, விற்பனைக்கு வருகின்றன. மருத்துவத்துக்கு பயன்படுவதால் இந்தியாவின் மிக முக்கியமான மருந்து தயாரிப்பு நிறுவனங்கள் சேலம் மாவட்டத்தில் இருந்து மூட்டை, மூட்டையாக கிழங்கு மாவினை கொள்முதல் செய்கிறார்கள்.

அதுதவிர பிஸ்கட் தயாரிப்பிலும் இந்த கிழங்குமாவு மூலப்பொருள் போன்று பயன்படுத்தப்பட்டு வருகிறது. கிழங்கு மாவில் பசைத்தன்மை அதிகம் இருப்பதால் ஜவுளி உற்பத்தி துறையில் இது மிகமுக்கிய பங்காற்றி வருகிறது.

ஈமுவின் (emu) உணவுப் பழக்கமும், வளர்ச்சி நிலைகளும்

noreply@blogger.com (kingofnature) — Tue, 18 Oct 2011 18:30:00 +0530

ஈமு வெஜிடேரியன் (சைவம்) வகையைச் சேர்ந்தது. காய்கள், பழங்கள், கீரைகள் உணவாக உட்கொள்ளும். சிறு மற்றும் குறுந்தானியங்களையும், முளைகட்டிய தானியங்களையும் உட்கொள்ளும், பப்பாளிப்பழம், வெள்ளரிப்பழம், தக்காளிப்பழம், புடலங்காய், மாங்காய் மற்றும் முட்டைக்கோஸ், காலிப்ளவர் ஆகியவற்றை விரும்பி உண்ணும். கீரைகளில் அகத்திக்கீரை, முருங்கைகீரை இவற்றை விரும்பி சாப்பிடும். இவை எல்லாவற்றையும் உணவாக உண்டாலும் புற்களை சாப்பிடாது. மனிதர்களைப் போல ஈமுவிற்கு உள்ள நல்ல குணம். அழுகின பொருட்களை திரும்பிக்கூட பார்க்காது.

பொருளாதார ரீதியாக வளர்க்கப்படும் மற்ற விலங்கினங்களில் தரும் பயன்களை ஒப்பிடும்போது 95 சதவீதம் முழு பயனையும் கொடுக்கும் தன்மை ஈமுவிற்கு மட்டுமே உண்டு. வருங்காலத்தில், சிறப்பான பொருளாதார முன்னேற்றம் தரும் முன்னணி கால்நடை வளர்ப்பாக இருப்பது ஈமு என்றால் அதற்கு மிகையில்லை. இதனை ஈமு கொடுக்கும் பலன்களை பார்த்தாலே தெரியும்.

ஈமு கோழியின் இறைச்சி மற்ற இறைச்சிகளை விட சுவையில் தனித்தன்மை வாய்ந்தது. ஆடு, மாடு போன்ற கால்நடைகள்தான் சிகப்பு மாமிசம் கொடுக்கவல்லது. அதேபோல் பறவை இனங்களில் சிகப்பு மாமிசம் கொடுக்கும் ஒரே பறவை இனம் ஈமுதான்.

ஈமு சிகப்பு மாமிசம் வகை இறைச்சி கொடுப்பதால், வெளிநாட்டில் நல்ல வரவேற்பை பெற்றுள்ளது. இதன் இறைச்சி அதிகருசியுடனும், மிருதுவான தன்மையுடனும், அதிக எலும்புகள் இல்லாத சதையுடனும் இருக்கும். அதே வேளையில் நார்த்தன்மை இல்லாமலும் இருக்கும். 40 முதல் 45 கிலோ உயிர் எடை இருக்கும் கோழியிலிருந்து 20 முதல் 25 கிலோ இறைச்சி வரை கிடைக்கும்.

ஆடு, மாடு, கோழி இவற்றின் இறைச்சிகளை ஒப்பிடும் போது, ஈமு இறைச்சியில் புரத சத்து அதிகம் உள்ளது.

மற்ற இறைச்சியினை ஒப்பிடும் போது, ஈமு இறைச்சியில் கொலஸ்ட்ரால், அதாவது கொழுப்பு சத்து மிக குறைவே. இதனாலேயே, அமெரிக்க இருதய நோய் மருத்துவ நிபுணர்குழு இருதய நோயாளிகள், ரத்தக்கொதிப்பு உள்ளவர்கள், இருதய மாற்றுப்பாதை சிகிச்சை மேற்கொண்டவர்கள், ஈமு இறைச்சியினை சாப்பிட சிபாரிசு செய்துள்ளனர்.

மேலும் சர்க்கரை வியாதி உள்ளவர்கள், வயதானவர்கள், நோயில் இருந்து மீண்டவர்கள், ஆரோக்கியத்தினை திரும்ப பெற ஈமு இறைச்சி ஏற்றது என கூறியுள்ளார்கள்.

இத்தகு சிறப்புகளை உணர்ந்து கொண்ட நம் பகுதியினரும், தற்போது ஈமு இறைச்சியினை விரும்பி உண்ண தொடங்கியுள்ளனர்.

லாப நோக்கில் ஈமு வளர்ப்பு (emu koli)

noreply@blogger.com (kingofnature) — Mon, 17 Oct 2011 18:17:00 +0530

தற்போது ஈமு(emu) வளர்ப்பானது பலரால் மேற்கொள்ளப்பட்டு வரும் சிறந்த தொழிலாக இருக்கிறது. இந்த நோக்கம் எல்லாம் ஈமுவின் மூலம் பொருளாதார தன்னிறைவினை நாம் அடைந்துவிட வேண்டும் என்பதுதான். இந்த நோக்கத்தில்தான் ஈமு பண்ணைகளை அமைக்கின்றனர். இவ்வாறு எண்ணம்கொண்டவர்களுக்கும், புதியதாக ஈமு பண்ணை (emu form)அமைக்க வேண்டும் என நினைப்பவர்களுக்கும் ஈமுவினை பற்றி சில தகவல்களை பார்ப்போம்.

முதலில் பண்ணை (emu form) வைக்க குஞ்சுகளை எவ்வாறு தேர்வு செய்வது என்பதை பார்ப்போம்....

கண் பார்வை சரியாக உள்ளதா என அறிந்து தேர்ந்தெடுக்க வேண்டும். பார்வை குறைபாடு இருக்குமேயானால் கொடுக்கும் தீவனத்தை சரியாக எடுக்க முடியாமல் போகலாம். அதோடு கூட்டமாக வளரும் நிலையில் மற்ற ஈமுக்களை பார்த்து ஒதுங்கி போகவும், தடுப்பு பொருளில் மோதி இறப்பு உண்டாகாமலும் இருக்க பார்வை மிகவும் அவசியம். அதனால் ஈமு வாங்கும் போதே பார்வை திறனை சோதித்து வாங்க வேண்டும்.

மனிதர்களை போலவே ஈமுவிற்கு காது கேட்கும் திறன் மிகவும் அவசியம். ஏனென்றால் இனச்சேர்க்கை காலத்தில் ஆண் ஈமு எழுப்பும் ஓசையையும், பெண் ஈமு எழுப்பும் ஓசையையும் பிரித்து அறிந்தால்தான் இனச்சேர்க்கை மேற்கொள்ள முடியும். காது கேட்கும் திறன் குறைந்து இருந்தால் குஞ்சுகளின் உற்பத்தி பாதிக்கப்படும்.

ஈமுவின் அலகு ஒழுங்காக இருக்க வேண்டும். இரு கன்னங்களும் சரியான அளவில் ஒன்றை விலகி இருக்காமல் இரண்டு கன்னங்களும் சமமாக இருக்க வேண்டும். கன்னத்தில் ஏற்றத்தாழ்வு இருந்தால் தனக்கு தேவையான தீவனத்தை எடுத்துக்கொள்ளாமல் போக வாய்ப்பு உள்ளது. தீவனம் குறைந்தால் ஈமுவின் வளர்ச்சியும் குறையும். மேலும் தீவனம் அதிகம் வீணாகும்.

ஈமுவின் கால்கள் நொண்டி, நொண்டி நடக்காமலும், நடக்கும் போது இரு கால்களின் முட்டிகள் மோதாமலும், இரு கால்களுக்கும் இடையே சரியான இடைவெளியுடனும் இருக்க வேண்டும். மேலும், கால்களில் வளைவுகள் இல்லாமல் இருப்பது அவசியம்.

வளர்க்க குஞ்சு வாங்கும் போது 3 மாதம் வயதானவற்றை பார்த்து வாங்க வேண்டும். இதை அறிந்து கொள்ள வாங்கும் குஞ்சுகளில் வெள்ளை கோடுகள் மறையும் தருவாயில் இருக்க வேண்டும். அதோடு வாங்கும் அனைத்து குஞ்சுகளின் உயரம் வேறுபாடு இல்லாமல் பார்த்துக்கொள்ள வேண்டும்.

மற்ற பண்ணை வளர்ப்பு விலங்கினங்களில் இருந்து ஈமு பண்ணை முற்றிலும் வேறுபட்டு இருக்க காரணம்....

1. ஈமுவின் ஆயுட்காலம் அதிகமாக இருப்பதால் ஒருமுறை ஈமு வாங்கி வளர்த்தால் தொடர்ந்து 20 ஆண்டு வரை வருமானம் பெற முடியும்.

2. பண்ணை பராமரிப்பிற்கென்று அதிகசெலவு செய்ய தேவையில்லை.

3. பண்ணையை பராமரிப்பது எளிது.

4. ஈமு பண்ணையின் மூலம் அதில லாபம் கிடைக்கும்.

5. நன்கு பழகும் தன்மையுள்ள சாதுவான பறவை இதனால் மனிதர்களுக்கு எந்த தொந்தரவும் இருக்காது.

6. ஈமு, எரு 250 கிராம் அளவில் தென்னைக்கு இட்டால் நல்ல மகசூல் கிடைக்கும்.

7. பண்ணையில் உள்ள மற்ற விலங்கினங்களோடு சேர்ந்து வாழும்.

8. ஈமு பண்ணை கொட்டகை கட்ட அதிக செலவு தேவையில்லை.

9. எல்லா நேரமும், எல்லா நாட்களும் பண்ணையில் இருக்க வேண்டும் என்பதில்லை. வேறு வேலையாக 2-3 நாட்கள் வெளியில் சென்று வரலாம். இதனால் ஈமு கோழிக்கு எவ்விதமான பாதிப்பும் ஏற்படாது.

10. ஈமுவை அதிக அளவில் நோய்கள் தாக்காது. ஜீரண கோளாறு, சளி ஆகியவை ஏற்படும் போது கை வைத்தியம் செய்தால் போதுமானது.

11. குழந்தைகளும், வயதானவர்களும் கூட பண்ணைக்கு சென்று பயம் இல்லாமல் வேலை செய்யலாம்.

12. எல்லாவிதமான தட்ப வெப்ப நிலையிலும் ஈமுவை வளர்க்கலாம், துர்வாசனை வராது. இதனால் அருகில் உள்ளவர்களுக்கு எந்தவிதமான தொந்தரவும் இல்லை.

சிறுதொழில் தொடங்கினால் வெற்றி நிச்சயம்

noreply@blogger.com (kingofnature) — Sat, 15 Oct 2011 18:30:00 +0530

சம்பளத்துக்காக பணியாற்றுபவரை விட சுயதொழில் செய்பவர்கள்தான் தங்கள் வாழ்க்கையில் சிறப்பான முன்னேற்றம் அடைவதுடன், சுதந்திரமாகவும் வாழ்கின்றனர். ஆதலால்தான் பள்ளி, கல்லூரியில் படிக்கும் மாணவர்களிடம் படிப்புக்கு பின்னர் எந்த வேலைக்கு செல்லப்போகிறீர்கள் என்று கேட்டால் சுயமாக தொழில் தொடங்கி முன்னேறுவதுதான் எங்களுடைய குறிக்கோள் என்பர். சோம்பேறிகளுக்குதான் படிகள் தடைகளாகத் தெரியும். திறமைசாலிக்கோ தடைகளும் படிகளாக மாறும். ஒரு செயலை விடாமுயற்சியுடன் நாம் செய்யும் போது வெற்றி நிச்சயம். ஆதலால்தான் முயற்ச்சி திருவினையாக்கும் என்றார்கள் நம் முன்னோர்கள். இன்றைய இளைஞர்களில் பலர் விவசாய பணிகளில் தொழிற்சாலைகளில் வியர்வை சிந்தி, உழைக்கும் எண்ணம் மாறி, கம்ப்யூட்டர் முன்பு தவம் கிடக்கும் பணிகளைதான் விரும்புகின்றனர்.

தொழில் தொடங்கி 10 பேருக்கு வேலை கொடுக்கும் வாய்ப்பு, வசதிகள் இருந்த போதிலும், அவர்கள் ஏதாவது சிறு தொழில் தொடங்காமல் அலுவலக பணிகளை எதிர்பார்த்துக்கொண்டு இருப்பதால்தான் சாதாரண வேலைக்குகூட இன்று அதிக அளவில் போட்டி நிலவுகிறது. இதனால்தான் வேலை கிடைப்பது என்பது குதிரை கொம்பாகிவிட்டது. இந்த சூழ்நிலையை மாற்ற நினைத்தால் ஜெயிக்க ஆயிரம் வாய்ப்புகள் உங்கள் கண் முன்தெரியும். ஆம் சுயதொழில் தொடங்கியும் சாதிக்கலாம்.

நிதி நெருக்கடி, போட்டியாளர்களின் விலைக்குறைப்பு, தொழிலாளர் பிரச்சினை, கச்சாப்பொருட்கள் தட்டுப்பாடு, இயந்திர கோளாறு, திடீர் விற்பனை சரிவு என்பது போன்ற பல்வேறு பிரச்சினைகள் அடுக்கடுக்காக உருவாகலாம். தொழில்கள் என்றால் இடர்கள் இல்லாமல் இருப்பதில்லை அனைத்தையும் சமாளிக்கும் ஆற்றல் தொழில்புரிபவர்களுக்கு அவசியம் தேவை. ஆரம்பத்தில் சிறிய முதலீட்டுடன் தொடங்கிய பின்பு அந்த தொழிலில் உள்ள நெளிவு சுழிவுகளை நன்கு அறிந்து தொழில் சார்ந்த அனுபவர்களை வளர்த்துக்கொள்ள வேண்டும். இந்த முதற்கட்ட பரீட்சையில் நீங்கள் சிறப்பாக செயல்பட்டு தொழிலில் கைபிடித்தம் இல்லாமல் லாபம் பார்த்துவிட்டால், நிர்வாகத்திறமை வந்துவிட்டது என்று அர்த்தம். பின்னர் காலத்திற்கு தகுந்தபடி உங்கள் தொழிலின் வளர்ச்சியை அபிவிருத்தி செய்து கொள்ளலாம். தொழிலில் சாதிக்க வேண்டுமானால், அடிக்கடி சந்தை நிலவரங்களை கண்காணிக்க வேண்டும். தொழிலில் இலக்கை நிர்ணயித்துக்கொண்டு செயல்படும் போது இடையூறுகள் அதிகமாக வரும். அந்த சமயத்தில் மன உறுதியுடன், சமாளிக்கும் மனப்பக்குவமும் வேண்டும்.

பொறுப்புணர்வு, வியாபார உத்தி, விற்பனை முன்னேற்றம், வாடிக்கையாளர்களிடமும் சுமூக உறவு, முடிவெடுக்கும் தன்மை, நெருக்கடியான சூழ்நிலைகளிலும் சிறப்பாக செயல்படும் தன்மை போன்ற பண்புகள் உங்களை சிறந்த தொழில் அதிபராக மாற்றும். சிறு தொழில் என எண்ணாமல் கடினப்பட்டு, விடாமுயற்சியுடன் உழைத்தால் வெற்றி நமதே.

அலங்கார மீன்கள் விற்பனையில் பணம் குவிக்கலாம்..

noreply@blogger.com (kingofnature) — Wed, 28 Sep 2011 17:57:00 +0530

மீன் என்றவுடன் அசைவ பிரியர்களுக்கு வாயில் உமிழ்நீர் சுரந்துவிடும். ஆனால், மீன் உணவுக்கு மட்டும் பயன்படும் பொருள் இல்லை. வீடு மற்றும் அலுவலக வரவேற்பு அறைகளை அலங்கரிக்கவும் மீன்கள் பயன்படுகிறது.

ஆம், இதற்காகவே பல்வேறு வகையான வண்ண மீன்கள் உள்ளன. இதில் பலராலும் விரும்பப்படும் தங்க மீன் வகைகளில் மட்டும் 500 வகைகள் உள்ளனவாம். சாதாரண மீனின் விலை குறைந்தபட்சம் 5 ரூபாயில் இருந்து தொடங்குகிறது. அதிக பட்சமாக அதன் வகைக்கு ஏற்ப 65 ஆயிரம் ரூபாய் வரை விலை நிர்ணயிக்கப்பட்டுள்ளது.

வசதி படைத்தவர்கள்தான் மீன் தொட்டி வைத்திருப்பார்கள் என்பது போய், தற்போது நடுத்தர மக்கள்தான் அதிகம் வாங்குகிறார்கள். அதற்கேற்றாற்போல் தொட்டியின் விலையும் 100 ரூபாய் முதல் ஆரம்பமாகிறது. உள் அலங்காரத்துக்கு என்று ஸ்பெஷலாக மர வேலைபாடுகளுடன் கூடிய ஸ்டாண்ட் சேர்ந்த கலைநயமிக்க தொட்டிகள் 10 அயிரம் ரூபாய் வரை விற்கப்படுகிறது. இது போன்ற மீன் தொட்டிகளை பெரிய ஓட்டல், ஆஸ்பத்திரிகளில் வைக்கிறார்கள். ஒரண்டா கோல்டு, சிங்கதலை கோல்டு, ரெட் கேப் கோல்டு, பேர்ல் ஸ்கேல் கோல்டு, ரூயிங் கோல்டு போன்ற மீன் வகைகளை பெரும்பாலானோர் விரும்புகிறார்கள்.

வசதி படைத்தவர்கள் விரும்பும் ஏஞ்சல் மீன்கள், பார்ப்பதற்கு மதிப்புடையதாக இருந்தாலும் விலை அதிகம் இல்லை. இதைத்தவிர சீன வாஸ்து மீனான புளோரா, அரவானா மீன்களுக்கு ஏக கிராக்கியாம். சிங்கப்பூரில் இருந்து வரவழைக்கப்படும் 5 இஞ்ச் அளவுள்ள சில்லி ரெட் அரவானா எனப்படும் வாஸ்து மீன் ஒன்றின் விலைமட்டும் ரூ.25,000! இத்துடன் கிரீன் ஸ்னோவொய்ட், சில்வர் பிளாக் வகை மீன்களுக்கு உண்டு. இந்த வகை மீன்களுக்கு சிங்கப்பூர் அரசால் சான்றிதழும் வழங்கப்படுகிறதாம். இந்த மீன் ஒன்றின் விலை ரூ. 1,200.

கடல் மீன்களை தொட்டியில் வளர்க்கலாமா? என்ற சந்தேகம் உள்ளதா? தாராளமாக வளர்க்கலாம். பட்டர்பிளை ஏஞ்சல், புளூரிங் ஏஞ்சல் போன்ற மீன்கள் கட்டாயமாக கடல் நீரில்தான் இருக்க வேண்டும். இல்லையென்றால் செயற்கை உப்பு கலந்த நீரில் வளர்க்கலாம். ஆனால் செயற்கை உப்பின் விலை கிலோ ஒன்றுக்கு ரூ. 120. சாதாரணமாக 3 அடி தொட்டிக்கு நீங்கள் கடல் மீன்கள் வளர்க்க ரூ. 10,000 வரை செலவாகும்.

இந்த மீன்களுக்கு என்று தனியாக உணவுகள் உள்ளன. தையோ, டோக்கியோ, ட்ராகோ போன்ற பிராண்டட் உணவு, வைட்டமின் உணவு, பதப்படுத்தப்பட்ட டிரை வார்ம்ஸ் என்று பல வகைகள் உள்ளன. காலை ஒரு முறை மாலை ஒரு முறை என்று உணவளித்தால் போதும். மீன் தொட்டியில் உள்ள தண்ணீரை 15 நாட்களுக்கு ஒரு முறை வெளியேற்றி, புதிதாக தண்ணீர் விடவேண்டும்.

இந்த அரிய வகை மீன்கள் வளர்க்கும் பழக்கம் மக்களிடையே அதிகரித்து வருவதால் இந்த தொழில் செய்து வாழ்க்கையில் முன்னேறலாம்.

Dell inspiron 1525 Laptop for sales: (second hand)

noreply@blogger.com (kingofnature) — Tue, 20 Sep 2011 17:08:00 +0530

General Features :

Color:- Red

Display Size:- 15.4 inch (39.1 cms)

Processor:- Intel Core 2 Duo,

Processor Speed:- 2.0ghz

Ram Memory:- 2gb

Hard Disk:- 160gb

Web Cam:- Yes

DVD Writer:- Yes

Bluetooth:- Yes

WIFI:- Yes

Card Reader:- Yes

Weight: 3.45 Kg

Battery Backup: 1/2 an hour only

Adapter with Carry Case:- Yes

Price: 17,500 only // Further Details Contact Siva - 9894011015

New Toshiba Satellite laptop for (opening Prize: Rs. 34,500)

noreply@blogger.com (kingofnature) — Tue, 20 Sep 2011 17:03:00 +0530

General Features :

Processor :- core i5,

Display Size:- 15.4 inches

Ram Memory:- 3gb

Hard Disk Size:- 320gb

Web Cam:- Yes

Bluetooth:- Yes

WIFI:- Yes

DVD Writer:- Yes

Adapter with Box packing:- Yes

Price: 34,500 only // Further Details Contact Siva - 9894011015

விநாயகர் சதுர்த்தி வாழ்த்துக்கள்

noreply@blogger.com (kingofnature) — Wed, 31 Aug 2011 19:30:00 +0530

விநாயகர் சதுர்த்தி பொதுவாக பிள்ளையாரின் பிறந்த நாளாக கொண்டாடப்படுகிறது. இவ்விழா ஆண்டுதோறும் ஆவணி மாதத்தில் வரும் சதுர்த்தி நாள் அன்று கொண்டாடப்படுகிறது.

இவ்விழா நாடு முழுவதும் கொண்டாப்படுகிறது. தமிழகத்தில் பல இடங்களில் விநாயகர் சிலைகள் வைக்கப்பட்டு பூஜைகள் நடத்தப்படும்.

வழிபடும் முறை:

விநாயகர் சதுர்த்தி அன்று காலை எழுந்து நீராட வேண்டும். பின் பூஜை அறையில் சுத்தமான பலகையை வைத்து அதன் மீது கோலம் போடவேண்டும். அதன் பிறகு தலைவாழை இலையை வைத்து அதன் மீது பச்சரிசியை பரப்ப வேண்டும். பிறகு புதிய களிமண் விநாயகர் சிலையை அரிசிக்கு நடுவில் வைக்க வேண்டும்.

அதன் பின் அருகம் புல், பூக்கள், வன்னி, மந்தாரை இலைகளையும் விநாயகருக்கு அர்சனை செய்ய வேண்டும்.

விநாயகருக்கு அருகில் ஒரு செம்பில் நீர் நிரப்பி அதன்மேல் மா இலை, தேங்காய் வைத்து கும்பமாக அலங்கரிக்க வேண்டும். பின் விளக்கேற்றி; சுண்டல், பழங்கள், கொழுக்கட்டை, நெய்வேத்தியம் என பல பொருட்களை வைக்க வேண்டும்.

எல்லாம் தயாரான பிறகு பிள்ளையாருக்கு அருகம்புல் மாலை சாத்திவிட்டு அதன் பிறகு எருக்கம் பூ மாலை, வன்னி மந்தாரை எல்லாம் சாத்த வேண்டும்.

பிறகு கணபதியின் மூல மந்திரமான ஓம், ஸ்ரீம் ஹ்ரீம் க்லீம் க்லெளம் கம் கணபதியே வரவரத ஸர்வஜனம்மே வஸமானய ஸ்வாஹா என்று 51 முறை மந்திரத்தை சொல்ல வேண்டும். பிறகு விநாயகர் துதிகளையும், பாடல்களையும் சொல்லிவிட்டு முடிவில் தூபம், தீபம் செய்து விநாயகரை வழிபட வேண்டும்.

இரு நாள் மட்டும் விநாயகர் சதுர்த்தி விரதம் இருக்கிறவர்கள் அன்று மாலை நிலவு வந்ததும் சந்திரனை பார்த்து விட்டு பிள்ளையாரை வணக்க வேண்டும். அப்படி செய்தால் விரதம் முழுமையாக பூர்த்தியாகும்.

ரம்ஜான் வாழ்த்துக்கள்

noreply@blogger.com (kingofnature) — Tue, 30 Aug 2011 20:30:00 +0530

உலகெங்கிலும் வன்முறைகள் ஓய்ந்து அன்பும், மகிழ்ச்சியும், சமாதானமும் தழைத்தோங்க வேண்டும் என்கிற பிரார்த்தனையோடு அனைத்து இஸ்லாமிய சகோதர, சகோதரிகளுக்கும் ரம்ஜான் வாழ்த்துக்கள்.

ரம்ஜான் (ramadan) பற்றி:

இஸ்லாமியர்கள் புனித ரமலான் மாதம் முழுவதும் நோன்பு இருப்பார்கள். மாத இறுதியில் ரம்ஜான் (ramzan festival) பண்டிகையை கொண்டாடுகிறார்கள். இஸ்லாமியர்கள் புத்தாடைகள் அணிந்து, இனிப்புகள் வழங்கி பெருநாளை கொண்டாடி வருகின்றனர்.
துபாய் (dubai) தேராவிலுள்ள ஈத்கானா மைதானத்தில் காலை 6. 20 மணிக்கு ஈத் பெருநாள் தொழுகை நடைபெறுவது வழக்கம். இந்த பெருநாள் தொழுகையில் கடல் அலைகளா? மக்கள் தலைகளா? எனும் அளவில் லட்சக்கணக்கான மக்கள் கலந்து கொள்வார்கள்.

ஏழை (poor), பணக்காரன் (rich), நாடு (country), மொழி (language) பேதமின்றி மக்கள் அனைவரும் ஒன்றாகச் சேர்ந்து அல்லாவை நினைத்து தொழுவார்கள் என்பது குறிப்பிடத்தக்கது.

வயிற்றுப் பூச்சிகளை கொல்லும் மணலிக்கீரை!

noreply@blogger.com (kingofnature) — Sat, 13 Aug 2011 18:24:00 +0530

மணலிக் கீரை சமையலுக்கு உகந்த கீரைகளுள் ஒன்று. இதனை மணல்கீரை, நாவமல்லிக்கீரை என்ற பெயர்களில் அழைக்கின்றனர். இதன் இலை தண்டு அனைத்தும் மருத்துவக் குணம் கொண்டது. நம் முன்னோர்களின் மருத்துவக் கீரைகளில் மணலிக் கீரையும் இடம்பெற்றுள்ளது. மணலிக் கீரை பூண்டு இனத்தைச் சேர்ந்தது. இது தென்னிந்தியா முழுவதும் பரவிக் காணப்படும். மேலும் பஞ்சாப், சிந்து போன்ற இடங்களிலும் பரவிக் கிடக்கிறது.
வயிற்றுப் பூச்சி நீங்க சிறுகுழந்தைகளின் வயிற்றில் கிருமித்தாக்குதல் அதிகம் இருந்தால் அவர்கள் மிகவும் சோர்ந்து பலவீனமடைந்து விடுவார்கள். ஏனென்றால் உடலுக்குத் தேவையான அனைத்து சக்திகளையும் கிருமிகள் உறிஞ்சிவிடுவதே இதற்கு காரணம். இந்த வயிற்றுப் பூச்சிகளுக்கு மருந்துகள் சாப்பிட்டாலும் முழுமையாக ஒழிந்துவிடாது. இந்த பூச்சிகளை கொல்வதற்கு மணலிக்கீரை சிறந்த மருந்தாகும். மணலிக் கீரையை நீர்விட்டு அரைத்து 70 கிராம் அளவாக எடுத்து நீரில் கலக்கி அதிகாலையில் வெறும் வயிற்றில் மூன்று நாள் அருந்தி விட்டு மறுபடியும் நான்கு நாள் இடைவெளிவிட்டு மூன்று நாட்கள் அருந்தி வந்தால் குடலில் உள்ள தட்டைப் புழுக்கள் நீங்கும்.

மலச்சிக்கல் நீங்க பொதுவாக கீரைகள் அனைத்துமே மலச்சிக்கலைப் போக்கும் தன்மை கொண்டது. மணலிக் கீரையை கிடைக்கும் காலங்களில் வாங்கி வாரம் இருமுறை பாசிப்பருப்பு கலந்து கூட்டு செய்து சாப்பிட்டு வந்தால் மலச்சிக்கல் நீங்கும். மணலிக் கீரையை பாசிப்பருப்பு சேர்த்து கலந்து கூட்டு வைத்து வாரம் இருமுறை சாப்பிட்டு வந்தால் வயிற்றுப்புண், குடல்புண், அஜீரணக் கோளாறு போன்றவை ஏற்படுவதற்கு இவை காரணமாகின்றன வயிற்றுப் பூச்சி நீங்கும்.

மார்புச்சளி நீங்கும் மார்பு பகுதியில் சேர்ந்து சளி கட்டிக்கொள்வதால் தொடர்ந்து இருமல், நுரையீரல் சம்பந்தப்பட்ட நோய்கள் ஏற்படும். மணலிக் கீரையை குடிநீரில் கொடுக்க மார்புச் சளி, வயிற்றுப்புண் நீங்கும். மணலிக்கீரையை நன்கு நீர்விட்டு அலசி பின் அதனுடன் சின்னவெங்காயம், பூண்டு சேர்த்து அவித்து சாப்பிட்டு வந்தால் மார்புச்சளி நீங்கும். அல்லது மணலிக் கீரையை நிழலில் உலர்த்தி பொடியாக்கி அதனுடன் தேன் கலந்து காலையில் வெறும் வயிற்றில் சாப்பிட்டு வந்தால் மார்புச்சளி நீங்கும்.

ஞாபக சக்தியைத் தூண்ட ஞாபக மறதி மனிதன் வாழ்வை சீரழிக்கும் நோய். ஞாபக மறதிக்கு பித்த அதிகரிப்பே காரணம். மேலும் மூளைக்கு தேவையான சத்துக்கள் குறைவதால் ஞாபக மறதி உண்டாகும். இக்குறையை நீக்க மணலிக் கீரை மசியல் செய்து சாப்பிடுவது நல்லது.

ஈரல் பலப்பட ஈரல் பாதிக்கப்பட்டாலே உடலின் உறுப்புகள் அனைத்தும் பாதிக்கப்படும். இரத்தம் சீர்கெடும். கண்பார்வை கோளாறுகள் உண்டாகும். ஈரலைப் பலப்படுத்த மணலிக்கீரை கசாயம் செய்து அருந்தி வரவேண்டும்.

வெள்ளாடு வளர்ப்பு

noreply@blogger.com (kingofnature) — Wed, 27 Jul 2011 17:45:00 +0530

வெள்ளாடு ""ஏழைகளின் பசு'' என்று அழைக்கப் படுகிறது. இது மானாவாரி நிலம் சார்ந்த பண்ணையத் தொகுப்பின் முக்கிய அங்கம் ஆகும். மேட்டுப்பாங்கான நிலங்களில் பசுக்களையும், எருமைகளையும் வளர்க்க இயலாது. எனவே இத்தகைய சூழலுக்கு உகந்தது. வளர்ப்பில் குறைந்த முதலீட்டைக் கொண்டு நல்ல லாபம் பெறலாம்.

ஒரு ஆட்டுக்கு 15 சதுரடி: வளர்ந்த ஒரு ஆட்டுக்கு பதினைந்து சதுர அடி இடம் தேவைப்படும். நாம் வளர்க்க எண்ணும் ஆடுகளுக்கேற்ற அளவில் பட்டி அமைத்துக்கொள்ளலாம். செம்மறி ஆடாக இருந்தால், நைலான் வலையிலேயே பட்டி அமைக்கலாம். வெள்ளாடுகளுக்கு கம்பி வலை அல்லது சுவர் மூலமாகத்தான் அமைக்க வேண்டும். பட்டிக்குள் கிடாக்கள், குட்டிகள், சினை ஆடுகள், வளரும் ஆடுகள் என தனித்தனியாகப் பிரித்து அடைத்து வைப்பதற்காக தனித்தனிக் கொட்டகைகள் அமைக்க வேண்டும்.

தண்ணீர் கவனம்: காலை ஒன்பது மணி அளவில் ஆடுகளை மேய்ச்சலுக்கு அனுப்பிவிட்டு, கொட்டகைகளை சுத்தம் செய்துவிட வேண்டும். பதினோரு மணி அளவில் ஆடுகளுக்கு அடர் தீவனம் கொடுக்க வேண்டும். பின் கடலைப் பிண்ணாக்கு ஊறவைத்த தண்ணீர் கொடுக்க வேண்டும். தோட்டங்களில் தேங்கி நிற்கும் தண்ணீரைக் குடிக்கவிட்டால் நோய்கள் தொற்ற வாய்ப்பு இருக்கிறது. அதனால் தண்ணீர் சுத்தமாக இருக்கும்படி பார்த்துக் கொள்ள வேண்டியது அவசியம்.

வெயில் நேரத்தில் மேய்ச்சல் வேண்டாம்: வெயில் அதிகமாக அடிக்கும் மதிய நேரத்தில் ஆடுகளை மேயவிடும்போது சோர்ந்துவிடும். அந்த நேரங்களில் பட்டியில் அடைத்துவிட்டு வேலிமசால், முயல்மசால், கோ-4 மாதிரியான பசுந்தீவனங்களை நறுக்கிப்போட வேண்டும். தினமும் வேறு வேறு தீவனங்களை மாற்றி மாற்றிக்கொடுப்பது நல்லது. பகல் மூன்று மணிக்குப் பிறகு ஐந்தரை மணி வரை மேய்ச்சலுக்கு அனுப்பலாம். மூன்று மாதங்க ளுக்கு ஒருமுறை ஆடுகளுக்கு குடற்புழு நீக்கம் செய்ய வேண்டும். ஒவ்வொரு பருவத்துக்கும் போடவேண்டிய தடுப்பூசிகளைக் கட்டாயம் போட்டுவர வேண்டும்.

இரண்டு வருடத்தில் மூன்று ஈற்று எட்டு மாதத்தில் இருந்து ஒரு வருடத்திற்குள் பெட்டை ஆடுகள் பருவத்துக்கு வந்துவிடும். அந்த சமயத்தில் நல்ல தரமான கிடாக்களோடு சேர்த்துவிட வேண்டும். ஆட்டுக்கு சினைப்பருவம் ஐந்து மாதங்கள். குட்டி போட்ட இரண்டு மூன்று மாதங்களில் அடுத்த பருவத்திற்கு தயாராகிவிடும். எட்டு மாதத்திற்கு ஒருமுறை குட்டி ஈனுவதால், சராசரியாக இரண்டு வருடத்தில் மூன்று முறை குட்டி ஈனும். ஒரு ஈற்றுக்கு இரண்டு குட்டிகள் கிடைக்கும். நாற்பது நாட்கள் வரை குட்டிகளை தாய் ஆட்டிடம் பால் குடிக்கவிட்டு பிறகு பிரித்துவிட வேண்டும். அப்போதுதான் தாய் ஆடு சீக்கிரம் பருவத்திற்கு வரும்.

மனநோய் போக்கும் மங்குஸ்தான்

noreply@blogger.com (kingofnature) — Wed, 13 Jul 2011 16:31:00 +0530

பழங்களின் அரசி என்று பெருமையுடன் அழைக்கப்படும் மங்குஸ்தான் பழம் மலைப் பகுதிகளில் விளையக் கூடியவை. தென்னிந்தியாவில் மலைப் பகுதியில் தோட்டப் பயிராக வளர்க்கப்படுகிறது. இது மலேசியா, மியான்மர், இந்தோனேசியா, தாய்லாந்து ஆகிய நாடுகளில் அதிகம் விளைகிறது. தென் அமெரிக்க நாடுகள், பிலிபைன்ஸ் ஆகிய நாடுகளிலும் கிடைக்கிறது.

இதற்கு சூலம்புளி என்ற பெயரும் உண்டு இதை தென்கிழக்கு ஆசியநாடுகளில் பழங்காலத்தில் தோல், பற்களின் ஈறு நோய்களுக்கும், பல்வலி, தொற்நோய் கிருமிகளையும் (Infection), காளான்களையும் (Fungus) அழிக்க பயன்படுத்தினர்.

மங்குஸ்தான் பழத்தின் தோல் பகுதி தடிமனாக காணப்படும். பழத்தின் தோல் பகுதியை உடைத்தால் இளஞ்சிவப்பு, வெள்ளை நிறத்தில் மூன்று அல்லது நான்கு சுளைகள் இருக்கும்.

மன அழுத்தம் போக்கும்

நாட்பட்ட புண்கள், காயங்கள், காய்சல், இரத்தம் கலந்த வயிற்று போக்கு, உடல் மற்றும் மன சோர்வு, மன அழுத்தம், கவலை போன்றவைகளை குணமாக்க மங்குஸ்தான் பழம் உதவுகிறது.

வீக்கம் குறைக்கவும், புற்று நோய் எதிர்ப்பு சக்தி, வயதாவதை நிதானப்படுத்தவும், தோல்களின் சுருக்கத்தை குறைக்கவும், பாக்டீரியா & வைரஸுக்கு எதிர்ப்பாகவும் பயன்படுகிறது.

உடல் சூட்டைத் தணித்து தேகத்தை சமநிலையில் வைத்திருக்கும். வயிற்றுவலியைக் குணப்படுத்தும் தன்மை இதற்கு உண்டு.சீதபேதி இரத்தக் கழிச்சல் உள்ளவர்களுக்கு மங்குஸ்தான் பழத்தின் மேல் தோலை சுட்டு அல்லது பச்சையாக அரைத்து அதனுடன் தேன் கலந்து சாப்பிட்டு வந்தால் சீதபேதி உடனே குணமாகும்.

வாய் துர்நாற்றம் நீங்க

மங்குஸ்தான் பழத்தை நன்கு சுவைத்து சாப்பிட்டு, அல்லது அதன் தோலை காயவைத்து பொடி செய்து தேன்கலந்து சாப்பிட்டு வந்தால் வாய் துர்நாற்றம் நீங்கும். வயிற்றுப் புண், வாய்ப் புண் குணமடையும். கிருமிகளைக் கொள்ளும்.

கண் எரிச்சலைப் போக்க

கனிணியில் வேலை செய்பவர்களுக்கு பொதுவாக கண்கள் வறட்சி அடைந்து கண் எரிச்சலை உண்டாக்கும்.

இதனால் சிலர் தலைவலி, கழுத்து வலி என அவதிக்குள்ளாவார்கள். இவர்கள் மங்குஸ்தான் பழம் சாப்பிட்டு வந்தால் கண் எரிச்சல் நீங்கி, கண் நரம்புகள் புத்துணர்வு பெறும்.

சிறுநீர் நன்கு வெளியேற மங்குஸ்தான் பழம் சிறந்த மருந்தாகும்.அதுமட்டுமல்லாமல் இருமலை தடுக்கும், சூதக வலியை குணமாக்கும், தலைவலியை போக்கும்,நாவறட்சியை தணிக்கும்.

பெண்களுக்கு

மாதவிலக்கு காலங்களில் பெண்களுக்கு ஏற்படும் அதிக இரத்தப் போக்கை குறைக்க மங்குஸ்தான் பழம் உதவுகிறது. மங்குஸ்தான் பழத்தை சாப்பிட்டு வந்தால் மூலநோயால் ஏற்பட்ட பாதிப்புகள் குறையும்.

சீசன் காலங்களில் மங்குஸ்தான் பழத்தை வாங்கி சாப்பிடுவது நல்லது. அல்லது மங்குஸ்தான் பழத்தின் தோலை காய வைத்து பொடிசெய்து பாலில் கலந்து சாப்பிட்டு வந்தால் அதிக இரத்தப் போக்கு குறையும்.