தமிழ் மலர் TAMILMALAR

தினமலரில் முல்லைப்பெரியாறு தீர்வு வெளியாகியுள்ளது.

2012-01-25T08:40:00.000+05:30

முழு பூசணிக்காயை எவ்வளவு நாள் தான் சோற்றில் மறைக்க முடியும் என்ற பழமொழிக்கு ஏற்ப தினமலரில் தமிழ்மலரின் முல்லைப்பெரியாறு தீர்வு வெளியாகி உள்ளது.

புதிய அணைக்கு மாற்றாக புதிய காழ்வாய்கள் வெட்டி தமிழகத்துக்கு தண்ணீர் கொண்டுவரும் திட்டத்தை தமிழ்மலரில் தொடர்ந்து எழுதிவருகிறோம்.

தமிழகத்தின் ஐந்து மாவட்ட விவசாயிகள் சங்க தலைவர் கம்பம் அப்பாசு மற்றும் கேரள முல்லைப்பெரியாறு போராட்டக்குழு தலைவர் சி.பி.ரோய் ஆகியோர் இந்த திட்டத்தை ஏற்றுக்கொண்டனர். அவர்கள் பேட்டி அடங்கிய சி.டியை வெளியிட்டிருந்தோம்.

கேரள ஊடகங்கள் செய்திகளை வெளியிட்டிருந்தன. தமிழக ஊடகங்கள் கண்டுகொள்ளவில்லை. தினத்தந்தியில் மட்டும் சிறு செய்தி வந்திருந்தது. தி இந்து ஆங்கில பத்திரிக்கை இரண்டுமுறை விரிவான செய்திகளை வெளியிட்டிருந்தது.

தினமலர் பத்திரிக்கைக்கு இப்போது ஏனொ சிறு நல்ல புத்தி வந்துள்ளது. புதிய அணை வேண்டாம் என்ற செய்தியை வெளியிட்டுள்ளது.

தினமலர் செய்தி :-

புதிய அணை தேவையில்லை

போராட்டக் குழு முன்னாள் தலைவர் அறிவிப்பு

கோட்டயம்: "முல்லைப் பெரியாறில் புதிய அணை கட்டுவதை விட, அங்கு புதிய சுரங்கக் கால்வாய் அமைத்து, அணை நீர்மட்டத்தைக் குறைக்கலாம்' என, முல்லைப் பெரியாறு போராட்டக் குழுவின் முன்னாள் தலைவர் சி.பி.ராய் தெரிவித்தார்.

முல்லைப் பெரியாறு பிரச்னையில் தற்போதுள்ள அணைக்குப் பதிலாக, அங்கு புதிய அணை அமைப்போம் என, கேரள அரசு பிடிவாதமாக இருந்து வருகிறது. இந்நிலையில், இப்பிரச்னையை எவ்வாறு தீர்க்கலாம் என்பது குறித்து, முல்லைப் பெரியாறு போராட்டக் குழு முன்னாள் தலைவர் சி.பி.ராய் கூறியதாவது:

முல்லைப் பெரியாறு அணையை இடிப்பது அல்லது தற்போதுள்ள அணையில் இருந்து 1,300 அடி தூரத்தில் புதிய அணை கட்டுவது எல்லாம் தேவையற்றது. அதற்குப் பதிலாக, தற்போதுள்ள அணையின் நீர்மட்டத்தைக் குறைத்தாலே, அணைக்கு பாதுகாப்பு கிடைத்து விடும். அதற்காக, தற்போதுள்ள அணையில் 104 அடி சுரங்கக் கால்வாய்க்குப் பதிலாக, 50 அடி உயரத்தில், புதிய சுரங்க கால்வாய் அமைத்து, அதன் மூலம் நீரை தமிழகத்திற்கு திறந்து விட வேண்டும். இதனால், அணையின் நீர்மட்டம் 100 அடியாகவே இருக்கும். அதற்கு மேல் நீர்மட்டம் உயர்ந்தாலும், தானாகவே சுரங்க கால்வாய் வழியாக வெளியேறி விடும்.

அணையின் நீர்மட்டத்தைக் குறைக்க, ஏற்கனவே தமிழக அரசு ஒப்புக் கொண்டு உயர்மட்ட குழுவிடம் தெரிவித்துள்ளது. எனவே, புதிய சுரங்க கால்வாய் அமைக்க தமிழ்நாடு எதிர்ப்பு தெரிவிக்க வாய்ப்பில்லை. மேலும், இது தமிழக விவசாயிகளுக்கு மகிழ்ச்சியையும் தரும்.

இவ்விஷயத்தில் கேரள அரசு, அனைத்துக் கட்சி கூட்டத்தைக் கூட்டி விவாதித்து முடிவெடுக்க வேண்டும். பின்னர், இவ்விஷயத்தை நீதிபதி கே.டி.தாமசிடம் அளிக்க வேண்டும். முல்லைப் பெரியாறு பிரச்னையை கேரள அரசு ஆயுதமாக கருதக் கூடாது. அதற்கு பதிலாக, பொதுமக்களின் பாதுகாப்பை உறுதி செய்ய முயல வேண்டும். இவ்வாறு, சி.பி.ராய் செய்தியாளர்களிடம் தெரிவித்தார்.

இவர், இதே கருத்தை தனியார் தொலைக்காட்சி நிறுவனத்திற்கு அளித்த பேட்டியிலும் தெரிவித்திருந்தார். இதையடுத்து தான், அவரை போராட்டக் குழு தலைவர் பதவியில் இருந்து நீக்கினர் என்பது குறிப்பிடத்தக்கது.

தமிழ்மலர் செய்தி :- http://tamilmalarnews.blogspot.com/2011/12/blog-post_2967.html

கேரள அரசுக்கு விரிவான திட்ட அறிக்கையை கொடுத்துள்ளோம். தமிழக அரசும் இப்போது இந்த திட்டத்தில் கூடுதல் கவனம் செலுத்த துவங்கியுள்ளது.

சி.சி.எல் கேரளா கலாதிமாறன் ரகசிய உத்தரவு

2012-01-23T10:19:00.001+05:30

சி.சி.எல் கிரிக்கெட் முடியும் வரை முல்லைப்பெரியாறு பிரச்சனையை பெரிதுபடுத்த வேண்டாம் என கலாதிமாறன் செய்தியாளர்களுக்கு உத்தரவிட்டுள்ளார்.

சி.சி.எல் எனப்படும் சினிமா நடிகர்கள் பங்குபெரும் கிரிக்கெட் போட்டி நடத்தப்படுகிறது. இதன் முக்கிய பங்குதாரராக சன்டிவி நெட்வொர்க் தலைவர் கலாதிமாறன் உள்ளார். போட்டிகள் அனைத்தும் சன், சூரியா, உதயா, போன்ற இவரது சேனல்கள் நேரடி ஒளிபரப்பு செய்கின்றன.

இந்த ஆண்டு முல்லைப்பெரியாறு பிரச்சனை வெடித்தவுடன் என்ன ªச்ய்வது என்று தெரியவில்லை. சென்னை, கேரளா அணிகள் மோதும் போட்டியை சென்னை அல்லது கொச்சியில் நடத்தினால் மட்டுமே பார்வையாளர்கள் வருவார்கள். ஆனால் இந்த முறை வேறு வழியில்லாமல் ஆந்திராவில் நடத்தினார்கள். 100 பார்வையாளர்கள் கூட இல்லாததால் ஆட்டம் ஆடும் பெண்கள் கூட சோர்ந்து போனார்கள்.

இந்நிலையில் வரும் 28ம் தேதி கேரள&பெங்கால் அணிகள் மோதும் போட்டி சென்னையில் நடக்க இருக்கிறது. இந்த போட்டிக்காக கேரள நடிகர்கள் அணி சென்னை வர உள்ளது. இந்த நேரத்தில் முல்லைப்பெரியாறு பிரச்சனை பூதகரமாக்கப் பட்டுவிடக்கூடாது என்பதில் சன் குழுமம் முனைப்புடன் செயல்படுகிறது. இதற்காக தினகரன், சூரியன் எஃப் எம், சன் டிவி உட்பட செய்தியாளர்களுக்கு புது உத்தரவு வந்துள்ளது. சி.சி.எல் போட்டி முடியும் வரை முல்லைப்பெரியாறு பிரச்சனை பெரிதுபடுத்த வேண்டாம் என கூறப்பட்டுள்ளது.

அதே போல பாசமலர் நக்கீரனுக்கும் வேண்டுகோள் விடுக்கப்பட்டுள்ளது. நேற்று வரை கொதிக்கும் தண்ணீரில் கொல்லப்பட்ட தமிழன் என்று செய்தி வெளியிட்ட நக்கீரன், இப்போது கேரள சென்னை அணிகள் மோதிய படங்களை எக்சுகுளூசீவ் படங்களாக வெளியிட்டுள்ளது.

கேரள நடிகைகள் நடிக்ககூடாது என விரட்டியடித்தனர். மலையாள விளம்பரங்களில் நடிக்கும் நடிகைகளின் படங்களை போட்டு எச்சரித்தனர். இப்போது அணி அணியாய் நடிகர்கள் கேரள செல்கிறார்கள். இதில் எல்லாம் உங்கள் தமிழ் உணர்வு விதிவிலக்கா? அல்லது தமிழ்பற்று நடிகைகளுக்கு மாட்டும் தானா? நடிகர்களுக்கு இல்லையா? இதில் கூட உங்கள் ஆணாதிக்கம் தானே தெரிகிறது.

கலாநிதிமாறனுக்கும், நக்கீரன் கோபாலுக்கும், தினமலர் மகேசுக்கும் வியாபாரத்துக்காக முல்லைப்பெரியாறு, தமிழ்பற்று இவைகளை ஓதுகிறார்கள். இதை புறிந்துகொள்ள முடியாத அப்பாவி மக்கள் தங்களுக்குள் அடித்துக்கொள்கிறார்கள்.

ஈழப்போர் உச்சகட்டத்தின் போது குழந்தைகளையாவது மீட்க குரல்கொடுங்கள் என்று கெஞ்சியபோது மவுனம் சாதித்த அப்துல்கலாம் இப்போது சாமாதனாம் நிலைநாட்ட இலங்கை சென்றுள்ளார். சத்தியமா சொல்ரேங்க அப்துல்கலாம் இப்ப பணத்துக்காக மட்டும் இலங்கை போகலை தமிழர்களின் வாழ்வுரிமையை நிலைநாட்ட சென்றுள்ளார்.

என் பாட்டி பாணியில் வயிர்எரிந்து சொல்கிறேன் ஈழக்குழந்தைகளின் ஆன்மா அப்துல்கலாமை சும்மா விடாது. போலிகளின் முகத்திரை நிச்சயம் ஒருநாள் கிழியும். அன்றாவது அவன் அயோக்கியன் என்பதை இந்த உலகம் நம்பட்டும்.

கேரளா அரசின் ரகசிய தகவல் சேகரிப்பு

2012-01-22T09:07:00.000+05:30

முல்லைப்பெரியாறு அணையில் தரை மட்டத்தில் இருந்து 34, 50, 84 அடிகளில் சுரங்கம் அமைத்து பெரியாற்று நீரை தமிழகம் முழுமையாக பயன்படுத்த முடியும். இந்த எளிமையான தீர்வை வலியுறுத்தி தொடர்ந்து முயற்சிகள் மேற்கொண்டு வருகிறோம்.

முதற்கட்டமாக இருமாநில போராட்ட குழுவினரிடம் இந்த திட்டத்தை விளக்கினோம். திட்டத்தின் கூர்மையை புரிந்து கொண்ட தலைவர்கள் ஏற்றுக்கொண்டார்கள்.

தமிழகத்தின் ஐந்து மாவட்ட பெரியாறு வைகை நீர்பாசன விவசாயிகள் சங்கத்தின் தலைவர் கம்பம் அப்பாசு இரட்டிப்பு மகிழ்ச்சியுடன் திட்டத்தை வரவேற்றார். அவரது பேட்டியை தமிழ்மலர் இணைய தளத்தில் ஒளிப்பரப்பினோம். தொடர்ந்து கேரளாவின் இந்தியாவிசன், ரிப்போர்ட்டர், ஏசியா நெட் உட்பட செய்தி சேனல்கள் ஒளிபரப்பின.

கேரளாவில் முல்லைப்பெரியாறு பாதுகாப்பு குழு தலைவர் சி.பி.ரோய் திட்டத்தை ஆதரித்து தீர்மானம் கொண்டு வந்தார். அதை கேரள முதல்வர், இந்திய பிரதமர் ஆகியோருக்ரு அனுப்பி வைத்தார். இதனால் தலைவர் பதவியில் இருந்து வெளியேற்றப்பட்டார். கேரளாவில் பெரும் பரபரப்பை ஏற்படுத்திய இந்த நிகழ்வின்போது கேரள அரசு மிகவும் மவுனம் சாதித்தது.

கேரளாவில் தமிழகத்துக்கு ஆதரவான குரல் ஒலித்ததை தமிழக ஊடகங்கள் பெயருக்கு கூட கண்டுகொள்ளவில்லை.

மனம் தளராமல் தொடர்ந்து எங்கள் முயற்சி பாதையில் பயனித்தோம்.

கேரள எழுத்தாளர்களின் ஆதரவை திரட்டினோம். திட்டத்தை புரிந்துகொண்ட அத்தனைபேரும் முழுமையான ஆதரவை தெரிவித்தனர். சி.ஆர்.நீலகண்டன், சிவிச்சந்திரன், லதா, நாயர் உட்பட பல பிரபல எழுத்தாளர்களும் ஆதரவு குரல் தந்தனர்.

முல்லைப்பெரியாறு பிரச்சனையில் அதிகமாக பேசப்பட்ட கேரளாவின் முன்னாள் நீர்வளத்துறை அமைச்சர் பிரேசமசந்திரனை சந்தித்து பேசினோம். திட்டத்தின் கூ;ர்மையை புரிந்துகொண்ட அவர் சில சந்தேகங்களை முன்வைத்தார். தேக்கடி சுற்றுலாமையம் காணாமல் போய்விடும் என்பது தான் அவரது சந்தேகம். அந்த சந்தேகத்தை போக்கும் விதமாக ஊட்டி, கொடைக்கானல், ஏற்காடு, ஏலகிரி, மூணாறு போன்ற இடங்களை குறிப்பிட்டோம்.

உண்மையை புரிந்துகொண்ட அவர் இந்த திட்டத்தை கேரள அரசு பரிசீலிக்கலாம் என்று தெரிவித்துள்ளார். மேலும் ஜனவரி 24 தேதியில் நடக்கும் உச்சநீதிமன்ற உயர்மட்ட குழு பரிசீலனைக்கு பின்னர் முழுமையான ஆதரவு பிரச்சாரத்தை மேற்கொள்வதாகவும் தெரிவித்துள்ளார்.

இந்நிலையில் திட்டத்தின் தீவிரத்தை புரிந்துகொண்ட கேரள அரசு எங்களிடம் முழுமையான திட்ட மாதிரி வடிவத்தை தயாரித்து தர கோரியுள்ளது.

பாதி கிணறு தாண்டிவிட்ட மகிழ்ச்சில் அடுத்து தமிழகம் பக்கம் எங்கள் திட்டத்தை திருப்பி உள்ளோம்.

எளிதில் உணர்ச்சிவசப்படும் தமிழக மக்களுக்கு எப்படி புரியவைப்பது என்று தெரியவில்லை.

"தினமலம்' செய்தியை யாரும், "சீரியசாக' எடுத்துக் கொள்ள மாட்டார்கள்

2012-01-19T07:56:00.000+05:30

அடிப்படையற்ற, ரசனையற்ற, யோக்கியமற்ற செய்திகளை வெளியிடும், "தினமலம்' கருத்துத்தாளை (வியூஸ்பேப்பர்), அணுசக்திக்கு எதிரான மக்கள் இயக்கம் கண்டிக்கிறது. கொள்கையற்ற, ஒழுக்கமற்ற, பத்திரிகை தர்மம் அற்ற இந்த மஞ்சள் பத்திரிகை, தமிழ் மக்களின் உரிமைக்கும், மதிப்புக்கும் எதிராக செயல்படுகிறது.

"அணுஉலை எதிர்ப்பாளர்களுக்கு வெளிநாட்டுப் பணம் வந்தது எப்படி?' என்ற தலைப்பில், இந்த, உபயோகமற்ற, கருத்துத்தாள், செய்தி வெளியிட்டுள்ளது. அதில், எங்களுடன் தொடர்பு வைத்துள்ள சில கிறிஸ்துவ தன்னார்வத் தொண்டு நிறுவனங்களுக்கு, அமெரிக்காவிலிருந்து, 54 கோடி ரூபாய் நிதி உதவி வந்துள்ளதாகக் கூறியுள்ளது. இந்த, மூளையற்ற, முதுகெலும்பற்ற, "வியூஸ்பேப்பர்' அசிங்கமான, அபத்தமான கண்டுபிடிப்புகளுக்கு ஆதாரம் எதுவும் தரவில்லை. அறிவுள்ள, பண்புள்ள எவரும், இந்த, நாற்றமெடுக்கும் பத்திரிகை செய்தியை, "சீரியசாக' எடுத்துக் கொள்ள மாட்டார்கள்.

எங்கள் இயக்கத்தின், மூன்று முக்கிய இயக்கவாதிகளின் வீட்டு முகவரி, வீட்டு தொலைபேசி எண், மொபைல் எண், இ-மெயில் முகவரி ஆகியவற்றை, 2011, நவம்பர் 24ம் தேதி, இந்தப் பத்திரிகை, முதல் பக்கத்தில் செய்தியாக வெளியிட்டது. இதன் மூலம், இயக்கத்தின் உறுப்பினர்களையும், அவர்கள் வீட்டு உறுப்பினர்களையும் தொந்தரவு செய்து, மிரட்டுவதற்காக தன் வாசகர்களைத் தூண்டிவிட்டுள்ளது.

இதை எதிர்த்து, பிரெஸ் கவுன்சில் ஆப் இந்தியா, தமிழ்நாடு மாநில மனித உரிமை கமிஷன் மற்றும் தேசிய மனித உரிமை கமிஷன் ஆகியவற்றிடம், இயக்கத்தின் சார்பில் புகார் கொடுத்து, இந்த நாளிதழ் செய்திகளை தினமும், "எடிட்' செய்து, அச்சிட்டு, வெளியிடுவோர் மீது, சட்டபூர்வ நடவடிக்கை எடுக்க வலியுறுத்தப்பட்டது.

இப்போது, இந்த நாளிதழ், புகழ் பெற்ற கிறிஸ்துவ தன்னார்வத் தொண்டு நிறுவனங்களின் பெயரை வெளியிட்டு, மேலும் விஷத்தைக் கக்கி, வாந்தி எடுத்துள்ளது. இயக்கத்தின் ஒருங்கிணைப்பாளரின் இ-மெயில் முகவரியையும் வெளியிட்டுள்ளது. வெட்கமற்ற, சர்ச்சைக்குரிய, இந்த பத்திரிகை நிறுவனம், மனசாட்சி இன்றி, வேறு சிலரின் தூண்டுதல் பேரிலும், லாப நோக்கத்திலும் செயல்படுகிறது. தமிழ் மக்களின் உணர்வுகளையும், நம்பிக்கைகளையும், உரிமைகளையும் அவமதிக்கும் இந்த, "தினமலத்தை' நாங்கள் கண்டிக்கிறோம்.

கிறிஸ்துவர்கள், அவர்களின் இயக்கங்கள், மற்ற சிறுபான்மை மதத்தினரின் நலனுக்கு எதிராகச் செயல்படும், இந்த, "தினமலத்தின்' எதேச்சாதிகாரப் போக்கையும் நாங்கள் கண்டிக்கிறோம். அணுசக்தி போன்ற அபாயகரமான, ஆபத்து விளைவிக்கக் கூடிய இந்த பத்திரிகையின் வெளியீடுகளை, தமிழ் மக்கள் அனைவரும் புறக்கணிக்குமாறு கோருகிறோம்.

- போராட்டக் குழு, அணுசக்திக்கு எதிரான மக்கள் இயக்கம்

தமிழ் பெண்களின் கற்பு காவல் தெய்வத்துக்கு அடி

2012-01-07T20:44:00.001+05:30

நான் தான் தமிழ் பெண்களின் ‘‘கற்பு காவல் தெய்வம்’’ என்று நடிகைகளின் பாவாடைக்கு அடியில் கேமராவோடு சுற்றிய மாமாவுக்கு சரியான அடி விழுந்துள்ளது.

தமிழ்நாட்டில் எங்கெல்லாம் பலான சம்பவங்கள் நடக்கிறதோ அங்கெல்லாம் தவறாது இருக்கும் பத்திரிக்கை நக்கீரன். இவர்களுடையே வேலையே எந்த நடிகை எங்க போகிறாள், அது தமிழன் கூடவா, மலையாளி கூடவா, சிங்களன் கூடவா என்று விளக்கு பிடிப்பது தான்.

அதிமுகவினரின் கோபத்திற்கு காரணம்

கற்பு என்ற ஒற்றை சொல் அடிபட்டால் போதும் அந்த செய்தி விலாவாரியாக வர்ணனையுடன் நக்கீரனில் இருக்கும். ஏனென்றால் தமிழினத்தின் கற்பை முழுமையாக குத்தகைக்கு எடுத்திருக்கிறார்கள். அதற்கு எதிராக யார் நடந்தாலும் விடமாட்டார்கள்.

வாரம் ஒரு நடிகையின் கற்பு நக்கீரனின் காவல் வட்டத்திற்குள் வரும். எதுவும் கிடைக்காத வாரத்தில் நடிகைகளின் பாவாடைக்கு அடியில் படுத்திருப்பார்கள். அதுவும் இல்லை என்றால் வெளிநாட்டுக்கு செல்லும் நடிகை கருணா குழுவுக்கு தூது போகிறாள் என்பார்கள்.

ஒரு நடிகை நேரடியாகவே கேட்டார் என் உடலை நான் காட்டி சம்பாதிப்பதை விட என்னை காட்டி அதிகமாக சம்பாதித்தவன் மாமா நக்கீரன் தான் என்று. இது நூறு சதவீதம் உண்மை.

ஈழத்தில் கொத்துக்கொத்தாக மக்கள் மடிந்த போது அதில் கூட வியாபார யுக்தியை கையாண்ட கருமம்பிடித்த பத்திரிக்கை தான் நக்கீரன்.

இப்படிப்பட்ட கற்பு காவல் தெய்வத்தின்
பத்திரிக்கையில்
இந்த மாதிரி படங்கள் வெளிவரும்.

தமிழ் தமிழ் என்று தமிழை காக்க ஒருவர் வாழ்கிறார். தமிழ் நடிகைகளின் கற்பை காக்கவே வாழ்வை அர்ப்பணித்துள்ளார் இந்த நக்கீரன்.

நக்கீரன் போன்ற சிவப்பு இதழியல் நடத்தும் பத்திரிக்கைகள் பத்திரிக்கை உலகுக்கே ஒரு பெரும் அவமானம். அதிமுக கோபம் ஒட்டுமொத்த நக்கீரனுக்கு எதிரானதாக அமையட்டும்.

நக்கீரன் என்ற உன்னத புலவனின் பெயரில் ஒரு மாமா பத்திரிக்கை தமிழுக்கே ஒரு கரும்புள்ளி தான்.

நீ யோக்கியன் என்றால் எந்த நடிகையின் படத்தையும் போடாமல் ஒரு வாராம் பத்திரிக்கையை வெளியிடு. கற்பு என்பது ஊரானுக்கு மட்டுமல்ல உனக்கும் தான். உன் குடும்பத்துக்கும் தான் என்பதை நக்கீரன் கோபால் ஒருநாளாவது சிந்திக்கட்டும்.

முல்லைப்பெரியாறு அணைக்கு சிறுவாணி ஒப்பந்தமா?

2012-01-05T11:29:00.000+05:30

முல்லைப்பெரியாற்றில் புதிய ஆணை கட்டினால் அதை பராமரிப்பது யார்? என்ற நீதிபதி ஆனந்தின் கேள்வி கேரளாவை மகிழ்ச்சி உச்சாணியில் நிறுத்தி உள்ளது.

புதிய அணையின் உரிமை முழுக்கமுழுக்க கேரளாவுக்கு தான். ஆனால் பராமரிப்பு பணியை கேரளா-தமிழகம்-மத்தியஅரசு ஆகியவை இணைந்து செயல்படுத்த தயார் என கூறியுள்ளார் கேரள முதலமைச்சர். இதே கருத்தையே உச்சநீதிமன்றத்திலும் தாக்கல் செய்ய உள்ளனர்.

புதிய அணை குறித்த தமிழகத்தின் பதிலில் தான் இருக்கிறது கேரள கனவுக்கான பிடிப்பு. புதிய அணை பராமரிப்பு குறித்த நீதிபதி ஆனந்தின் கேள்விக்கு தமிழகம் ஒரு வாரத்தில் பதில் சொல்ல வேண்டிய கட்டாயத்தில் உள்ளது. தற்போதைய அணை பலமாக உள்ள நிலையில் புதிய அணை என்ற பேச்சுக்கே இடமில்லை என்பதை தமிழக வழக்கறிஞர் உடனடியாக தெரிவித்தார். ஆனால் இது குறித்து அரசின் நிலைபாட்டை தெரிந்து அறிவிக்கும்படி கூறியுள்ளது உயர்மட்ட குழு. இது தான் கேரள மகிழ்ச்சியின் காரணம்.

சிறுவாணி அணை போன்ற ஒரு ஒப்பந்தத்தை ஏற்க தாயர் என்றுள்ளது கேரளா. ஆனால் சிறுவாணிக்கும் பெரியாற்றுக்கும் பெயரிலேயே வேறுபாடு உள்ளது என்பதை தமிழக&கேரள அரசுகள் கவனிக்க வேண்டும்.

சிறுவாணி அணை என்பது குடிநீருக்காக மட்டும் கட்டப்பட்ட ஒரு சிற்றணை. இங்கிருந்து கோவை மாநகராட்சி பம்பு &குழாய் வாயிலாக மிகச்சிறிய அளிவில் மட்டுமே தண்ணீரை எடுக்க முடியும்.

இந்த அணை ஒப்பந்தப்படி சிறவாணி அணையின் முழு உரிமை கேரளாவுக்கு உரியது. அணை பராமரிப்பு, பாதுகாப்பு, நீர்மட்டம் நிர்ணயித்தல், சுற்றுலா அனுமதி என அத்தனை உரிமையும் கேரளாவுக்கே உள்ளது. இந்த அணையில் இருந்து தமிழகம் தண்ணீரை குடிநீர் தேவைக்காக மட்டும் எடுத்துக்கொள்ள வேண்டும். இதற்கு விலைநிர்ணயமும் இருக்கிறது. மேலும் பராமரிப்பு செலவாக ஆண்டுதோறும் கேரளா கோடிக்கணக்கில் வாங்கிக்கொள்கிறது. சிறுவாணி அணைநீரால் கேரளாவிலும் தமிழ்நாட்டிலும் ஒரு ஏக்கர் கூட விவசாம் செய்யபடுவதில்லை.

ஆனால் பெரியாறு என்பது நேர் தழைகீழானது. சிறுவாணியை காட்டிலும் பலமடங்கு பெரியது பெரியாறு. குடிநீர், விவசாயம், மின்உற்பத்தி என பல்முறை பயன்பாடுகள் பெரியாறு அணையால் சாத்தியப்படுகிறது. தற்போது இதன் உரிமை, பராமரிப்பு நீர்பயன்பாடு அனைத்தும் தமிழகத்தின் கையில் உள்ளது. தமிழகம் எப்போது வேண்டுமானாலும் நீரை தேவைக்கு ஏற்ப எடுத்துக்கொள்ளும் வசதி உள்ளது.

ஆனால் கேரளா வலியுறுத்தும் சிறுவாணி மாதிரி ஒப்பந்தத்தில் கட்டப்படும் புதிய பெரியாறு அணையில் தமிழகத்துக்கு எந்தத உரிமையும் இருக்காது. சிறுவாணியில் எப்படி தண்ணீரை பணம் கொடுத்து வாங்கப்படுகிறதோ அதே நிலை பெரியாறு அணையிலும் ஏற்படும். 16 டி.எம்.சி தண்ணீருக்கு வாடிக்கையாளர் உரிமை மட்டும் என்ற பரிதாப நிலைக்கு தமிழகம் தள்ளப்படும்.

சிறுவாணி என்பது ஒரு மாநகராட்சி மக்களின் குடிநீர் தேவைக்காக மட்டும் உள்ள ஒரு சிற்றணை. இந்த அணையின் ஒப்பந்த மாதிரியை 5 மாவட்ட மக்களின் குடிநீர், விவசாயம், மின்தேவையை பூர்த்தி செய்யும் பெரியாறு அணையோடு எந்த விதத்திலும் ஒப்பிட முடியாது.

மேலும் ஆயுள் காலம் முழுவதும் உரிமை உள்ள ஒரு அணையை தமிழகம் ஏன் விட்டுக்கொடுக்க வேண்டும்? 999 குத்தகை ஒப்பந்தம் அணைக்கு அல்ல அணையின் நீர்பிடிப்பு இடத்துக்கு தான் என்பதை கேரளா தெளிவு படுத்திக்கொள்ளட்டும்.

எந்த நிலையிலும் தற்போதைய அணையை இழப்பது தமிழகத்துக்கு மிகப்பெரிய ஈடு செய்யமுடியாத இழப்பாகவே இருக்கும். பென்னிக்குயிக்கை குல தெய்வமாக வழிபடும் மக்கள் இந்த இழப்புக்கு எந்தவிதத்திலும் தயாராக மாட்டார்கள் என்றே நம்புகிறேன்.

இறதியாக சிறுவாணி அணைக்கு அருகில் நதிக்கரையில் வசிப்பவர் என்ற பெருமையோடு ஒன்றை சொல்லிக்கொள்கிறேன்.

சிறுவாணி அணைக்கு உரிமையாளர் கேரளாவாக இருந்தாலும், கட்டுமானத்தின் போது கூலி ஆட்களுக்கு தமிழகம் இலவசமாக தந்த அரிசியை மூட்டைகளாக அடிக்கினால் அது சிறுவாணி அணையை விட உயரமாக வரும். இதற்காக வாழ்நாள் முழுவதும் நாங்கள் தமிழகத்துக்கு கடமை பட்டுள்ளளோம் என்றார் ஒரு மலையாள கூலித்தொழிலாளி. அடித்தட்டு மக்களிடம் உள்ள இந்த உயரிய எண்ணம் அரசியல்வாதிகளிடமும் ஊடகங்களிடமும் இல்லையே ?

முல்லைப்பெரியாறு தமிழகம் தோற்றுவிடுமா?

2012-01-03T08:14:00.000+05:30

முல்லைப்பெரியாறு பிரச்சனையில் நேற்றைய தினம் தமிழகத்துக்கு ஒரு எச்சரிக்கை தினமாக அமைந்துள்ளது. கேரளாவுக்கு ஒரு படி முன்னேற்றத்தின் தெம்பு கிடைத்துள்ளது.

புதிய அணை கட்டி அதை இருமாநில அரசுகளும் பராமரித்துக்கொள்ளுமா? என்ற நீதிபதி ஆனந்தின் கேள்வி தான் இப்போது தமிழகத்தை முள்முனையில் நிறுத்தியுள்ளது.

இந்த தருணத்தில் தமிழகம் தனது உரிமையை எந்தவிதத்திலும் இழந்துவிடக்கூடாது. புதிய அணை கட்டிக்கொள்ளலாம் என்ற சம்மதம் தெரிவித்தாலே தமிழகத்தின் முழு உரிமையும் ஒட்டுமொத்தமாக பரிக்கப்பட்டுவிடும்.

இப்போது இன்னும் 884 ஆண்டுகளுக்கு முல்லைப்பெரியாறு தமிழகத்தின் முழு பராமரிப்பில் இருக்கிறது. தண்ணீர் திறந்துவிடும் சாவியும் தமிழகத்திடம் தான் இருக்கிறது. புதிய அணையில் இது தமிழகத்துக்கு சாத்தியப்படாது. மேலும் ஒரு காவிரிப்பிரச்சனைக்கு தமிழகம் தள்ளப்படும்.

கம்பம் அப்பாசு

காவிரிப்பிரச்சனையில் தண்ணீரை பகிர்ந்து அளிக்கும் அதிகாரம் கர்நாடகா கையில் உள்ளது, அணையும் கர்நாடகா கட்டுப்பாட்டில் உள்ளது. அதனால் தமிழகத்தால் ஏமாந்து நிற்பதை தவிர வேறு எதுவும் செய்ய முடியவில்லை. ஆனால் முல்லைப்பெரியாற்றில் அணை கட்டுப்பாடு தற்போது நமது கையில் உள்ளது. இதை ஒருபோதும் இழந்துவிடக்கூடாது.

சுண்ணாம்புகல்லால் கட்டப்பட்ட அணை பலவீனமாக உள்ளது. இதனால் அணைக்கு கீழ்பகுதியில் உள்ள மக்கள் பயப்பீதியில் உள்ளனர் என்ற கேரளாவின் வாதத்தை ஏற்றுக்கொள்ளலாம். இதற்கு கேரளா கூறுவது போல அணையை டீகமிசன் செய்யவேண்டும் என்பதை மனிதாபிமான அடிப்படையில் தமிழகம் செவிசாய்க்கலாம். ஆனால் அதற்காக புதிய அணை கட்டி புதிய ஒப்பந்தம் போடவேண்டும் என்ற கேரளாவின் கோரிக்கையை ஒருபோதும் ஏற்றுக்கொள்ள முடியாது. அதை ஏற்றுக்கொண்டால் மிகப்பெரிய இழப்பு தமிழகத்துக்கு தான்.

ஒரு அணையை டீகமிசன் செய்வது என்றால் கேரளாவின் கனவு போல அணையை உடைப்பது அல்ல. அணையின் பயன்பாட்டை படிப்படியாக குறைத்துக்கொள்வது. இதற்கான மாற்று ஏற்பாடுகளை தமிழகம் 5 ஆண்டுகளுக்கு முன்பே துவங்கி விட்டது.

வைகை அருகே ராயப்பட்டி என்ற இடத்தில் 4 டி.எம்.சி கொள்ளளவு கொண்ட புதிய அணையை தமிழகம் தயார்படுத்தி உள்ளது. மலை உச்சியில் முல்லைப்பெரியாறு அணையில் தேக்க வேண்டிய கூடுதல் தண்ணீரை நேரடியாக கீழே கொண்டுவந்து ராயப்பட்டியில் தமிழகம் தேக்கிக்கொள்ளும். இதனால் முல்லைப்பெரியாறு அணையில் 110 அடிக்கும் குறைவாக தண்ணீரை நிலைநிறுத்தலாம். எவ்வளவு தண்ணீரை நிலைநிறுத்தலாம் என்பதை தாராளமாக கேரளாவே முடிவு செய்யலாம். அணையே இல்லாமலும் பெரியாற்றை தமிழகத்துக்கு திருப்பிக்கொண்டுவரும் வழிமுறைகளையும் தமிழகம் தயார்நிலையில் வைத்துள்ளது.

இதற்கு தற்போது உள்ள 104 அடி சுரங்கத்தை வெறும் 34, அல்லது 50 அடியாக தாழ்த்தினால் போதுமானதாகும்.

இந்த திட்டத்தை கேரளாவில் பலரும் ஏற்றுக்கொள்கிறார்கள். இந்தியாவிசன், ரிப்போர்ட்டர், மாத்ருபூமி, மாத்யமம் போன்ற பத்திரிக்கைகளும் முழுமையாக ஆதரவு தெரிவித்துள்ளன. கேரள படைப்பாளிகள் சங்கமும் ஆதரவளித்துள்ளது. 3 எம்.எல்.ஏக்கள் ஆதரவளித்துள்ளனர். தமிழகத்தில் 5 மாவட்ட பெரியாறு நீர்பாசன விவசாயிகள் சங்க தலைவர் கம்பம் அப்பாசு முழுமையான ஆதரவை தெரிவித்துள்ளார்.

மக்களிடையே மட்டும் எட்டியுள்ள இந்த திட்டத்தை தமிழக ஊடகங்களிடமும், கேரள தமிழக அரசிடமும் கொண்டு சேர்க்கும் எங்கள் முயற்சி தொடர்கிறது.

புதிய அணையை விட புதிய காழ்வாய் என்ற எளிமையான திட்டத்துக்கு கேரள தமிழக அரசுகள் முன்வர வேண்டும். இன்றல்ல என்றானாலும் அது தான் நிரந்தர தீர்வு.

கேரள போராட்டக்குழு தலைவர் வெளியேற்றப்பட்டார்.

2011-12-27T09:33:00.000+05:30

முல்லைப்பெரியாற்றில் புதிய அணை தேவை இல்லை, இருமாநில மக்களுக்கும் பயன்தரும் எளிமையான தீர்வுகள் இருக்கிறது. அதை தொடர்ந்து வலியுறுத்தி வருகிறோம்.

கடந்த சனிக்கிழமை (24.12.2011) கொச்சியில் நடந்த கேரள எழுத்தாளர்கள் மாநாட்டில் இந்த தீர்வை விளக்கினோம். பலத்த கர ஒலியுடன் அனைவரும் ஒருமனதாக ஏற்றுக்கொண்டார்கள்.

பிரபல எழுத்தாளர்கள் திரு. சிவிசந்திரன், திரு. சி.ஆர் நீலகண்டன், முனைவர் லதா, உட்பட பலரும் திட்டத்தை வரவேற்றுப் பேசினார்கள். புதிய அணை வேண்டாம் என்பதை முல்லைப்பெரியாறு பேராட்டக்குழு தனது 6ம் ஆண்டு துவக்க நாளில் அறிவிக்க வேண்டும் என்று திர்மானம் நிறைவேறியது.

இடுக்கி சப்பாத்துவில் போராட்டத்தின் 6ம் ஆண்டு துவக்க நாளில் எங்களை பேச அழைத்தார்கள்.

25.12.2011 கிறித்துமசு தினத்தன்று 5ம் ஆண்டு நிறைவு நாள் நிகழ்ச்சி நடந்தது.

// ஒரு போராட்டம் தீர்வை நோக்கியதாக இருக்க வேண்டும். பிரச்சனையே பிரச்சனைக்கு தீர்வாகாது. புதிய அணை கட்ட வேண்டும் என்ற உங்கள் கோரிக்கைக்கான கதவுகள் அடைக்கப்பட்டுவிட்டது. ஆனால் ஒரு கதவு அடைக்கப்பட்டதும், 9 கதவுகள் திறந்துள்ளன. புதிய அணை தேவை இல்லை. அதே நேரத்தில் தற்போதைய அணையின் பயன்பாட்டை குறைக்க தமிழகம் முன்வந்துள்ளது. இந்த வாய்ப்பை பயன்படுத்தி உங்கள் போராட்ட வெற்றியை உறுதி செய்யுங்கள். ஒரு போராட்டத்தின் வீரியத்துக்கு அதன் முழக்கம் முக்கிய பங்கு வகிக்கிறது. புதிய டேம்(அணை) புதிய கரார்(ஒப்பந்தம்) என்ற உங்கள் முழக்கத்தை மாற்றுங்கள். பிரச்சனை ஒரு வாரத்தில் தீரும் என்பதை வலியுறுத்தி பேசினேன்.//

தொடர்ந்து இதை பலரும் வலிறுத்தினார்கள். ஆனால் அங்கிருந்த சிலரால் அதை ஏற்றுக்கொள்ள முடியவில்லை. புதிய அணை ஒன்று தான் தீர்வு, 999 ஒப்பந்தத்தை மாற்றியே தீரவேண்டும் என முழக்கங்கள் எழுப்ப ஆரம்பித்தார்கள். இதனால் பதட்டம் ஏற்பட துவங்கியது. சிலர் செருப்புகளை எறிந்தார்கள்.

உடனடியாக போராட்ட குழு தலைவர் சி.பி ரோய், எழுத்தாளர் நீலகண்டன் உள்ளிட்டோர் எங்களை மீட்டு பத்திரமாக கோவைக்கு அனுப்பி வைத்தார்கள்.

தொடர்ந்து அப்போதே இந்தியாவிசன் செய்தி சேனலில் இந்த நிகழ்வு ஒளிபரப்பானது. புதிய அணை வேண்டாம் என்று போராட்டக்குழு தலைவர் உறுதிபட தெரிவித்தார். இதை கேட்டதும் சிலர் ரோய் அவர்களை தாக்கினார்கள்.

ஆனாலும் திரு. ரோய் தனது முடிவில் மாற்றம் இல்லை. இலக்கு இல்லாத போராட்டத்திற்கு தலைமை தாங்க நான் தயாரில்லை என்பதை கூறினார். இதை அங்குள்ள மக்கள் ஏற்றுக்கொண்டார்கள். ஆனால் ஒருசிலர் மட்டும் கலவரத்தை தூண்டிக்கொண்டிருந்தனர். வேறு வழியில்லாமல் அங்குள்ள மக்களின் நியாயமான குரலின் சத்தம் அடங்கிப்போனது.

திரு.ரோய் அவர்கள் தமிழகத்துடன் சேர்ந்து கேரளாவுக்கு எதிராக சதித்திட்டம் தீட்டியுள்ளார் என்று குற்றம் சாட்டினார்கள். 5 ஆண்டுகளுக்கு முன்பு தனிமனிதனாக போராட்டத்தை துவங்கிய திரு.ரோய் நேற்று தனிமனிதனாகவே வெளியேற்றப்பட்டார்.

போராட்டக்குழுவில் இருந்து துரோகி பட்டம் கட்டி வெளியேற்றப்பட்டது குறித்து ரோயிடம் மீடியாக்கள் கேட்டன.

அவரின் பதில் உண்மையில் கண்கலங்க வைத்தது.

// 5 ஆண்டுகளுக்கு முன்பு இந்த போராட்டத்தை நான் தான் துவங்கி வைத்தேன். இன்று வரை தலைவர் பொறுப்பில் இருந்து போராட்டத்தை அமைதி வழியில் நேர்வழியில் நடத்தி வந்துள்ளேன். மக்களின் உயிர்பாதுகாப்பு ஒன்று தான் முக்கியம். அதை தமிழகம் முழுமையாக ஏற்றுக்கொள்ளும்போது நாமும் அதை ஏற்க வேண்டும்.

உயிர்பாதுகாப்பு என்ற போர்வையில் அரசியல் விளையாட்டுகளுக்கும் வியாபாரத்துக்கும் இடம் கொடுக்க கூடாது. புதிய அணை தேவை இல்லை என்பதை நான் இன்று உணர்ந்துகொண்டேன். இந்த உணர்வு இடுக்கியில் உள்ள ஒவ்வொரு மக்களுக்கும் படிப்படியாக வரும். அப்போது ஒட்டுமொத்த கேரள மக்களும் புதிய அணை வேண்டாம் என்று முழங்குவார்கள். அன்று அதை அரசியல்வாதிகள் ஏற்றுகொள்ளத்தான் வேண்டும்.//

இவ்வாறு திரு ரோய் கூறினார்.

திரு ரோய், மற்றும் திரு கம்பம் அப்பாசு ஆகியோர் பேசிய சிடியை முழுமையாக ஒளிபரப்பி சுமூகதீர்வை தொடர்ந்து வலியுறுத்திவரும் இந்தியாவிசன் செய்தி சேனலுக்கு நன்றிகளை தெரிவித்துக்கொள்கிறோம்.

சுமூக தீர்வு வரும் வரை எங்கள் முயற்சி தொடரும்.

சீமான், வைகோ தீக்குளிக்க முயற்சி

2011-12-22T10:14:00.001+05:30

நக்கீரன், விகடன், குமுதம் போன்ற வார இதழ்களை படிக்கவே முடிவில்லை. எப்படி இவர்கள் பார்வையில் மட்டும் கேரளாவில் தமிழர்கள் அடிவாக்குகிறார்கள் என்று தெரியவில்லை.

கேரளாவில் ஒரு கோடி தமிழர்கள் இருக்கிறோம். இன்று வரை முல்லைப்பெரியாறுக்காக யாரும் யாரையும் அடிக்கவில்லை என்பது தமிழ்தாயின் மீது சத்தியம். தனிப்பட்ட வைராக்கியத்துக்காக ஒரு சிலர் போடும் ஆட்டத்தை பெரிதுபடுத்தி குளிர் காய்கின்றன பத்திரிக்கைகள்.

கேரள தமிழர்களுக்காக தயவு செய்து தமிழக தமிழர்கள் நீலிக்கண்ணீர் வடிக்க வேண்டாம். தமிழகத்தை விட கேரளாவில் நாங்கள் மிகமிக பாதுகாப்பாக இருக்கிறோம்.

சில உதாரணங்களை சொல்கிறேன்.

தனிநாடு ஒவ்வொரு தமிழனின் பிறப்புரிமை என்ற வாசகத்தை எனது வீட்டிலும், வாகனத்திலும் எழுதி வைத்துள்ளேன். அதை பார்க்கும் போதெல்லாம் தமிழக போலீசாருக்கும் மக்களுக்கும் பதட்டம் பற்றிக்கொள்ளும். எதுக்கு இப்படி எழுதியிருக்கிறீங்க, கைது பண்ணீடுவாங்க என்று பலரும் சொல்வார்கள். அவர்களுக்கு நான் தரும் ஒற்றை பதில்

‘நான் கேரள தமிழன். எனக்கு கருத்து சுதந்திரம் இருக்கு’ இந்த பதிலுக்கு தமிழக காவல்துறையின் உயர் அதிகாரி உட்பட பலரும் தலைவணக்கம் தந்திருக்கிறார்கள்.

கேரளாவில் முழுமையான கருத்து சுதந்திரம் இருக்கிறது. ஈழம் ஊச்சகட்ட போர் நடந்துகொண்டிருக்கும்போது மேதகு பிரபாகரன் படத்தை கண்டாலே தமிழக காவல்துறையினர் பிடிங்கி கிழித்து விடுவார்கள். படம் வைத்திருப்பவரை தமிழ் தீவிரவாதி என்ற பட்டம் குத்தி வட்டம் போட்டு பின்தொடர்வார்கள்.

ஆனால் கேரளாவில் திருவனந்தபுரத்தில் நடந்த சர்வதேச குறும்பட விழாவில் ஈழம் குறித்த மூன்று குறும்படங்களை வெளியிட்டார்கள்.

இன்று வரை மேதகு பிரபாகரன் படம் பொறித்த ஆடைகளை கேரள தமிழர்கள் கம்பீரமாக அணித்து நடக்கிறோம். அந்த படத்தை பார்த்து தலைவணக்கம் செலுத்திய மலையாளிகள் பலர்.

கேரளாவில் வண்டிபெரியாறு, ஏலப்பாறை, கட்டப்பனை, ஆலுவா, கொச்சி உட்பட பகுதிகளில் காமராசர் சிலைகள் இன்றளவும் கம்பீரமாக இருக்கின்றன. ஆனால் கோவை, ஈரோடு உட்பட பல பகுதிகளில் காமராசர் சிலைக்கு சாக்கு போட்டு மூடி போலீசார் பாதுகாப்பு இருக்கின்றனர். ஒரு சிலைக்கே பாதுகாப்பு கொடுக்க முடியாத நீங்கள் கேரள தமிழர்களின் பாதுகாப்பு பற்றி ஏன் குடித்து விட்டு ஆடுகிறீர்கள்.

முல்லைப்பெரியாறுக்காக தமிழகத்தின் போராட்டம் 100% நியாயமானது. ஆனால் அதற்காக இன உணர்வை தூண்டிவிட்டு கலவரம், தீக்குளிப்புகளை அரங்கேற்றுவது ஈனபுத்தி அல்லாமல் வேறு என்ன?

சீமானும், வைகோவும், கொளத்துர் மணியும் தீக்குளிக்கட்டும், அதை விட்டுவிட்டு அப்பாவி மக்களை தூண்டிவிட்டு தீக்குளிக்க வைப்பதை எப்படி ஏற்றுக்கொள்ள முடியும்?

உடனே யாரும் பொங்க வேண்டாம். சீமானும் வைகோவும் தீக்குளிக்க முயன்றால் அதையும் படம்பிடித்து பத்துநாள் செய்தியாக்க ஊடகங்கள் தயாராக இருக்கின்றன. தினமலர் மட்டும் தீவிரவாதி தீக்குளித்தான் என்று எழுதும் அவ்வளவு தான் வித்தியாசம்.

தமிழர்கர்களே கேரள தமிழக உறவு என்பது மலையாளி தமிழன் என்ற இன உறவோடு நின்றுவிடுவதில்லை. இது 50 லட்சம் கணவன்&மனைவி இரத்த உறவு.

தமிழகத்தில் உள்ள மலையாளிகளை அடித்துவிரட்டு என்ற உங்கள் போராட்டத்தின் அர்த்தம் என்ன? இந்த 50 லட்சம் குடும்பங்களை பிரித்து சின்னாபின்னமாக்குவதா?, 50 லட்சம் தம்பதிகளை விவாகரத்து செய்து விடலாமா?,

தயவு செய்து கொஞ்சமாவது அடிப்படையில் யோசியுங்கள்.

முல்லைப்பெரியாறு போராட்டம் நியாயமானது, ஆனால் அதில் இனவெறியை திணிப்பவர்கள் யாராக இருந்தாலும் அவர்களை செருப்பால் அடிக்க வேண்டும்.

தமிழக்தில் ஒரு கலவரம் நடந்தால் அது இருபிரிவினர் மோதல் என்று செய்தியாகிறது. ஆனால் இப்போது மட்டும் மலையாளி தமிழனை தாக்குகிறான், தமிழனை மலையாளி தக்குகிறான் என்று செய்திகள் அனல் பறக்கிறது. இத்தகு ஊடகங்களின் செய்தியை நம்பும் மெத்த படித்தவர்களை என்னவென்று சொல்வது?

இந்து நாளிதழில் முல்லைப்பெரியாறு தீர்வு வெளியாகியுள்ளது

2011-12-21T16:26:00.002+05:30

முல்லைப்பெரியாறு அணை பிரச்சனை குறித்த நிரந்தர தீர்வை தமிழ்மலரில் எழுதிவந்தோம். இந்த திட்டத்தை இருமாநில போராட்டக்குழுவினரிடம் கொண்டு சேர்திருந்தோம்.

இது தொடர்பான செய்திகளை வெளியிட பல்வேறு முயற்சிகள் மேற்கொண்டும் ஊடகங்கள் முன்வரவில்லை. மாத்தியமம், மங்களம், மாத்ருபூமி ஆகிய மலையாள பத்திரிக்கைள் மட்டுமே வெளியிட்டு இருந்தன. ஆனால் அவை தொடர்ந்து வலியுறுத்தப்படவில்லை.

கோவை, பாலக்காடு, இடுக்கி என 5 முறை பத்திரிக்கையாளர் சந்திப்பு நடத்தியிருந்தோம். பலன் ஏதுமில்லை. இந்நிலையில் இடுக்கி மாவட்டம் சப்பாத்துவில் நேற்று மீண்டும் ஒரு முறை பத்திரிக்கையாளர் சந்திப்பு நடத்தினோம். இதன் பயனாக தி இந்து ஆங்கில நாளிதழ் செய்தியை வெளியிட்டுள்ளது.

அந்த செய்தி:-

The Mullaperiyar Agitation Council has suggested that a new tunnel from a height of 50 ft from the Mullaperiyar reservoir will ensure water to Tamil Nadu while ensuring the security of the people living in the downstream areas.

“This will promise more water from the dam to Tamil Nadu’’ C.P.Roy, chairman of the council said and added that this was a proposal accepted by the Ainthumavatta Periyar Vaigai Passana Association, (an organisation of farmers), president K.M. Abass.

He said that the agitation was not against the people of Tamil Nadu, and while giving more water from the existing dam, the dead water storage could be reduced and it will address the fears of the people.

He said that if the dead water stored in the dam is reduced and the opening of the tunnel is changed near to the dam the security threat is addressed while it will provide more water to Tamil Nadu.

He said that the farmers in Theni, Madurai, Dindigul,Sivaganga and Ramanathapuram depended on the water from the Mullaperiyar dam and they will get more water while the water from the Mullaperiyar dam is stored at the New Vaigai dam and Rayapetti dam. He said that the existing dam could ensure enough water to Tamil Nadu while keeping the dead water storage level below 104 ft and changing the opening of the tunnel.

By this, the maximum capacity of 136 ft can be reduced to 100 ft.

He said that while keeping the water level at 100 ft, more water from the existing dam to Tamil Nadu, is ensured. If the water level in the reservoir is reduced, the threat due to the reservoir-induced tremors could also be less, he said.

இது தொடர்பான சுட்டி:- http://www.thehindu.com/news/states/kerala/article2729061.ece

தமிழ் ஊடகங்கள் இது தொடர்பான செய்திகளை வெளியிட முன்வர வேண்டும் என தொடர்ந்து வலியுறுத்தி வருகிறோம்.

வரும் சனிக்கிழமை(24.12.2011) கொச்சியில் கேரள எழுத்தாளர்கள் மாநாடு நடக்கிறது. இதில் முல்லைப்பெரியாறு குறித்த தீர்வை தீர்மானமாக வலியுறுத்தி வெளியிட சம்மதம் தெரிவித்துள்ளனர்.

அன்றைய தினம் கேரள முதல்வர் உம்மன்சாண்டியிடம் திரு.ரோய்&கம்பம் அப்பாசு ஆகியோர் தீர்வை ஏற்றுக்கொள்ளும் பேச்சு அடங்கிய சி.டியை அளிக்க இருக்கிறோம்.

கேரள முதல்வர் வாயால் இந்த கோரிக்கை விரைவில் வெளிவரும் என்று நம்புகிறோம். அதற்கான முழு முயற்சியில் ஈடுபட்டுள்ளோம்

இந்து நாளிதழில் முல்லைப்பெரியாறு தீர்வு வெளியாகியுள்ளது

2011-12-20T09:17:00.001+05:30

By this, the maximum capacity of 136 ft can be reduced to 100 ft.

இது தொடர்பான சுட்டி:- http://www.thehindu.com/news/states/kerala/article2729061.ece

கூடம்குளம் முல்லைப்பெரியாறு ஒரே தீர்வு

2011-12-19T10:42:00.001+05:30

தினமலர் சன்டிவி, நக்கீரன் போன்ற ஊடகங்களுக்கு கூத்தடித்து கும்மாளம் அடிக்க இந்த இரண்டு விசயங்கள் கிடைத்து விட்டது. ஆனால் தென்மாவட்ட மக்களுக்கு உயிர்/உயிர் ஆதாரம் இரண்டும் கொலைநடுங்க வைத்திருக்கிறது.

கூடங்குளம், முல்லைப்பெரியாறு பிரச்சனைகள் மற்ற மாவட்ட மக்களுக்கு ஒரு பொழுதுபோக்கு செய்தி, சிலருக்கு குடித்துவிட்டு கடங்காரன் கடையில் கல் எறிய கிடைத்த வரப்பிரசாதம். அந்த கயவர்களை பற்றி எழுதி நேரத்தை வீணடிப்பதை விட நல்ல விசயத்தையே எழுதுவோம்...

முல்லைப்பெரியாறில் தற்போது உள்ளதை விட ஆழத்தில் கூடுதலாக குழாய்கள் அமைத்து தமிழகத்துக்கு தண்ணீர் கொண்டு வரும் திட்டத்தை பற்றி தொடர்ந்து எழுதி வருகிறோம்.

இந்த திட்டம் எங்கள் திட்டம் அல்ல. 1889ல் தென் மாவட்ட மக்களுக்கு தண்ணீர் கடவுளாக அவதாரம் எடுத்த பென்னி குயிக் அவர்களின் கனவு திட்டம்.

அந்த திட்டத்தை செயல்படுத்த வேண்டும் என்று கம்பம் தேனி, மதுரை இராமநாதபுரம் சிவகங்கை மாவட்ட மக்கள் ஆண்டாண்டு காலம் போராடி வருகிறார்கள். அனால் எந்த ஊடகங்களும் அதை கண்டு கொள்வது இல்லை. காரணம் அதைபற்றி எழுதினால் பிரச்சனை ஏதும் வெடிக்காதே,

கூடுதல் குழாய்கள் மூலம் தண்ணீரை கூடலூர் பகுதிக்கு கொண்டு வருதல் முல்லைபெரியாறு பிரச்சனைக்கு நிரந்தர தீர்வாக இருக்கும். இந்த திட்டம் கூடங்குளம் பிரச்சனைக்கும் தீர்வை தரும் என்பது கூடுதல் மகிழ்ச்சி.

தற்போது முல்லைப்பெரியாறு அணையில் இருந்து 104 அடியில் அதிகபட்சமாக 2000 கன அடி தண்ணீரை தமிழகம் எடுத்து வருகிறது. இதோடு புதிதாக 50 அடி ஆழத்தில் கூடுதலாக ஒரு சுரங்கம் அமைத்து தண்ணீரை தமிழகம் எடுக்கலாம். இதனால் கேரள மக்களின் பயத்தை போக்கி அவர்களின் பாதுகாப்பை முழுமையாக உறுதிபடுத்த முடியும்.

கூடுதலாக தமிழகம் எடுக்கும் தண்ணீரை கொண்டு கூடலூர், கம்பம், ராயப்பட்டி புதிய வைகை அணை போன்ற பகுதிகளில் 10.டி.எம்.சி வரை தண்ணீரை தேக்கலம். இவற்றில் இருந்து 1 முதல் 10 மெகாவாட் மின் உற்பத்தி பெறக்கூடிய 20க்கும் மேற்பட்ட நீர் மின் நிலையங்களை ஏற்படுத்த முடியும்.

தற்போது முல்லை பெரியாற்று நீரில் நான்கு குழாய்கள் வழி 140 மெகா வாட் மின்சாரம் பெறப்படுகிறது. கூடுதலாக 4 குழாய்கள் அமைப்பதன் மூலம் இதை இரட்டிப்பாக்க முடியும். மேலும் தற்போதைய நவீன மேம்பட்ட கய்ப்ரீட் தொழில்நுட்பத்தில் ஒரே குழாயில் மூன்றுக்கும் மேற்பட்ட இடங்களில் மின்உற்பத்தி மேற்கொள்ள முடியும்.

இந்த திட்டங்கள் மூலம் குறைந்த பட்சம் 600 மெகாவாட் வரை மின் உற்பத்தி செய்யமுடியும். கூடங்குளத்தில் ஒரு அணு உலை மூலம் 1000 மெகாவாட் திட்டமிடப்பட்டுள்ளது. இதை யூரேனியம், மத்திய அரசு, ரசியா, கதிர்வீச்சு என்ற எந்த செலவும் இல்லாமல் முல்லைப்பெரியாற்றில்

இயற்கையாகவே எடுக்கலாமே.

தற்போது 5 லட்சம் ஏக்கர் திட்டத்தில் இருந்தாலும் வெரும் ஒரு லட்சம் ஏக்கர் மட்டுமே நீர்பாசனம் பெருகிறது. ஆனால் புதிய திட்டம் செயல்படுத்தப்பட்டால் 15 லட்சம் ஏக்கர் விளைநிலங்களுக்கு ஆண்டு முழுவதும் நீர்பாசணம் அளிக்க முடியும்.

தமிழகத்தின் தென் மாவட்டங்கள் பொன்னு விளையும் பூமியாகும். தமிழகத்தின் மின்தேவையையும் மத்திய அரசு உதவி இன்றி சுயமாகவே பூர்த்தி செய்ய முடியும்.

இத்தனை நல்ல விசயங்கள் இருக்கும்போது அதை பற்றி விவாதிக்காமல் மலையாளியை அடித்து விரட்டு, தமிழனை அடித்து விரட்டு என இருமாநில ஊடகங்களும் ஆட்டம் போட்டு வருகின்றன.

இவர்கள் ஆட்டம் அடங்க மீண்டும் ஒரு செயலட்சுமியோ, புவனேசுவரியோ வரவேண்டும். இல்லாவிட்டால் ஏதாவது ஒரு நடிகை எதையாவது செய்ய வேண்டும். அப்போது இந்த கருமம் பிடித்த மீடியாக்கள் அந்த பக்கம் ஒடிவீடும்.

பின்னர் இருமாநில மக்களும் சுமூகமாக பேசி தீர்த்துக்கொள்ளலாம் அந்த நன்னாள் சீக்கிரம் வர மனதுக்குள் வேண்டிக்கொள்வோம்....

முதுகெலும்பு இல்லாத சில தமிழர்கள்

2011-12-17T20:13:00.000+05:30

மிகவும் கேவலத்துடன் இந்த பதிவை எழுதுகிறேன். சில தமிழக தமிழர்கள் இந்த அளவுக்கு கீழ்தரமாக போனது தமிழர் வரலாற்றில் ஒரு கரும்புள்ளியாகும் என்பதில் ஐயமில்லை.

வீரம் பற்றி பேசும் தமிழர்களில் இப்படியும் சில கோழைகள் இருக்கிறார்கள் என்பதை பாருங்கள்.

1. முல்லைப்பெரியாறு பிரச்சனையில் மலையாளிகளின் கடைகளையும், பத்திரிக்கை அலுவலகங்களையும் அடித்து நொறுக்குபவர்களுக்கு சென்னையில் உள்ள சூரியா டிவி அலுவலகத்தின் மீது ஒரு கல் வீசும் தைரியம் இருக்கிறதா?

2. மலையாளிகளின் கடை விளம்பர பேனர்களை கிளித்து எறியும் வீராசூரர்களுக்கு தினமலர், தினகரன், தினத்தந்தி உட்பட பத்திரிக்கைகளில் வெளிவரும் மலையாளிகள் விளம்பரங்களை கிழித்து எறியும் தைரியம் உண்டா?, தொலைகாட்சிகளில் ஆலுகாசு, கல்யாண், முத்தூட் விளம்பரங்களை வெளியிடக்கூடாது என்று சொல்லவாவாது தைரியம் இருக்கிறதா?

3. முல்லைப்பெரியாற்றில் புதிய அணை கட்டவேண்டும் என்று தீர்மானம் நிறைவேற்றிய கேரள அதிமுக மற்றும் திமுகவை கலைக்க சொல்லும் தைரியம் இருக்கிறதா?

4.ஒன்றும் அறியாத அப்பாவிகள் பயணிக்கும் பேருந்துகள் மீது கல்வீசுபவர்களுக்கு பெரும் பணக்காரர்கள் செல்லும் சொகுசு கார்கள், விமானங்களை தடுத்து நிறுத்தும் தைரியம் இருக்கிறதா?

5. கேப்டன் டி.வி நிருபர் ஒருவர் சொல்கிறார் மலையாளிகளை எல்லாம் அடித்து விரட்டிவிட்டால் முல்லைப்பெரியாறு பிரச்சனை தீர்ந்து விடுமாம். அட அடி முட்டாள்களே இதை தானே கர்நாடகாவில் செய்கிறார்கள். காவிரிப்பிரச்சனையில் அங்குள்ள தமிழர்களை அடிக்கும்போது மட்டும் உங்களுக்கு வலிக்கிறதோ?

6. தினகரன் தினமலர் தினத்தந்தி உட்பட பத்திரிக்கைகளுக்கு கேரளாவில் 1 லட்சம் பிரதிகள் விற்பனை ஆகிறது. இந்த பத்திரிக்கைகள் கேரளாவுக்கு அனுப்பக்கூடாது என்று சொல்ல தைரியம் இருக்கிறதா? கேரளாவில் இருந்து விளம்பரங்கள் வாங்கக்கூடாது என்று சொல்ல தைரியம் இருக்கிறதா?

அன்பர்களே கேரளாவுக்கும் தமிழகத்துக்குமான உறவு முல்லைப்பெரியாறு மட்டுமல்ல என்பதை நினைவில் கொள்ளுங்கள். கேரளாவுக்கும் தமிழகத்துக்கும் 34,500 ஒப்பந்தங்கள் உள்ளன. இதில் 34499 ஒப்பந்தங்கள் சுமூகமாக உள்ளன. இது உலகில் வேறு எந்த இரு அரசாங்கத்திற்கும் இடையேயும் இல்லாத மிகப்பெரிய ஒற்றுமை.

கேரளாவில் 2 தமிழ் எம்.எல்.ஏக்கள் உள்ளார்கள். பஞ்சாயத்து தலைவர்கள் உட்பட 5015 உள்ளாட்சி பிரதிநிதிகள் உள்ளனர்.

கேரளாவில் மாவட்ட ஆட்சியர் அலுவலகம் முதல் சட்டசபை வரை தமிழில் பெயர்பலகை வைத்துள்ளார்கள். தமிழில் அரசு ஆவணங்கள் உள்ளன. பத்திரப்பதிவு முதல் பிறப்பு&இறப்பு சான்றிதழ் வரை தமிழில் உள்ளது. தமிழ் கல்லூரிகள், பள்ளிகள் உள்ளன.

தமிழகத்துக்கு வெளியே அதிக தமிழர்கள் வாழும் பகுதியாக கேரளா உள்ளது. எனவே சில முட்டாள் தமிழர்களே!, கேரளா என்றால் மலையாளிகள் மட்டும் தான் என்ற உங்கள் குருட்டு புத்தியை கொஞ்சம் மாற்றிக்கொள்ளுங்கள்.

முல்லைப்பெரியாறு பிரச்சனையை ஒரு வியாபாரமாக ஊடகங்கள் கையில் எடுத்துள்ளன. அதற்கு கூழைகும்பிடு போடும் பேடி தமிழர்களே எதார்த்தத்தை கொஞ்சம் புரிந்துகொள்ளுங்கள்.

புதிய அணை வேண்டாம் என்று தீர்மானம் நிறைவேற்றி சுமூக தீர்வை வலியுறுத்தி வரும் சம்மந்தப்பட்ட இடுக்கி, தேனி மாவட்ட விவசாயிகள் சொல்வதை கொஞ்சமாவது காதுகொடுத்து கேளுங்கள்.

மீடியாக்கள் அடுத்த பெரிய பிரச்சனை வந்தால் அங்கே போய்விடும். இப்போது கல் எரியும் தியாகிகள் எல்லாம் அப்போது மீடியாக்களுக்கு தமிழ்தீவிரவாதிகளாக தெரிவீர்கள் என்பதை மட்டும் நினைவில் வைத்துக்கொள்ளுங்கள்.

முல்லைபெரியாறு புதிய அணை வேண்டாம் கேரள அறிவிப்பு

2011-12-12T22:35:00.000+05:30

முல்லைப்பெரியாரில் புதிய அணை வேண்டாம் என கேரள போராட்டக்குழு அறிவித்துள்ளது. கடந்த 30 ஆண்டுகளாக போராட்டம் நடத்திவரும் முல்லைப்பெரியாறு பாதுகாப்பு அமைப்பின் தலைவர் திரு.ரோய், இதை அறிவித்துள்ளார்.

இடுக்கி மாவட்டம் சப்பாத்துவில் போராட்ட பந்தலில் நடந்த பத்திரிக்கையாளர் சந்திப்பில் இது குறித்து அதிகாரப்பூர்வமாக அறிவிக்கப்பட்டது.

தற்போது தமிழகம் தண்ணீர் எடுக்கும் கால்வாய் மற்றும் சுரங்கங்களின் ஆழத்தை கூட்டி , அல்லது புதிய சுரங்கங்கள் வெட்டி தமிழகம் முழுமையாக தண்ணீரை எடுக்கலாம். இதன் மூலம் தற்போது உள்ள அணையை சமாதான சின்னமாக நிலைநிறுத்தலாம். புதிய அணை தேவை இல்லை. இந்த திட்டத்தை நாங்கள் முழுமையாக வரவேற்கிறோம் என்று திரு ரோய் பேட்டியில் அறிவித்துள்ளார்.

தாழ்வாக புதிய சுரங்கங்கள் வெட்டி தமிழகம் தண்ணீர் எடுக்கும் திட்டத்தை தமிழ்நாடு போராட்டக்குழ தலைவர் திரு. கம்பம் அப்பாசு அவர்களும் வரவேற்று உள்ளார்.

திரு பென்னிகுயிக் டைரிக்குரிப்பில் உள்ள கூடுதல் கால்வாய்கள் வெட்டும் திட்டத்தை தமிழ்மலரில் எழுதி இருந்தோம். இது தொடர்பாக திரு. கம்பம் அப்பாசு, திரு ரோய் ஆகியோரை சந்தித்து பேசினோம்.

இருவரும் இரட்டிப்பு மகிழ்ச்சியுடன் வரவேற்றனர். இருவரும் ஒரே தீர்வை வலியுறுத்தும் பேட்டி அடங்கிய சி.டியை தமிழ்மலர் ஆசிரியர் திருமதி.உமாமகேசுவரி திரு ரோய் அவர்களிடம் அளித்தார்.

இடுக்கி சப்பாத்துவில் இன்று மாலை இந்த நிகழ்வு நடந்தது. போராட்ட பந்தலில் பட்டினி போராட்டம் நடத்திவரும் அத்தனை பேரும் மகிழ்ச்சி பொங்க சி.டியை பெற்றுக்கொண்டர். திரு.கம்பம் அப்பாசு அவர்களின் பேட்டிக்கு பலத்த கர ஒலி எழுப்பி மலையாளி தமிழர் இனபேதம் இன்றி அத்தனை மக்களும் மகிழ்ச்சியை வெளிப்படுத்தினர்.

பின்னர் நடந்த பத்திரிக்கையாளர் சந்திப்பில் திரு.ரோய் இது வரலாற்று முக்கியத்தும் வாய்ந்த நிகழ்வு என குறிப்பிட்டனர். பல ஆண்டுகள் தொடரும் எங்கள் போராட்டத்திற்கு தமிழகத்தில் இருந்த வந்த இந்த ஆதரவு குரலை மகிழ்ச்சி பொங்க வரவேற்கிறோம் என்றனர்.

இன்று இரவு 8.30 க்கு நடந்த இந்த சந்திப்பு நாளை கேரளாவின் அனைத்து ஊடகங்களிலும் வெளியாகும் என்று நம்புகிறோம்.

தமிழக ஊடகங்கள் கண்டுகொள்ளாவிட்டாலும் பரவாயில்லை. இன்னும் உரக்க சொல்வோம்...

திரு.ரோய் (கேரள போரட்டகுழு தலைவர்) : 09447200707

திரு கம்பம் அப்பாசு (தமிழக போராட்ட குழு தலைவர்) : 9597844100

தமிழ்மலர் : 9787678939]

எப்போது வேண்டுமானாலும் சந்தேகம் தீர்க்கலாம்.

பெண்கள் மானபாங்கம்-உண்மையில் நடப்பது என்ன?

2011-12-12T11:15:00.000+05:30

முல்லைப்பெரியாறு பிரச்சனையில் ஊடங்கள் நினைத்ததை சாதித்து விட்டன. தமிழர் மலையாளி பிரச்சனையை கிளப்பி கொஞ்சம் காசுபார்த்து விட்டன. அதற்கு சால்ரா போட இங்கு வலைப்பதிவர்களும் வரிந்துகட்டிக்கொண்டுள்ளது தான் உச்சகட்ட வேதனை.

குமுளியில் பெண்களை மானபாங்கப்படுத்தியதாக கூறும் சம்பவ இடத்திற்கு நேரடியாக சென்று விசாரித்தேன். தமிழக ஊடகங்கள் ஊதி பெரிதுபடுத்தியது போல அப்படி ஒரு சம்பவம் நடக்கவில்லை என்பது மட்டும் உண்மை.

கடந்த வாரம் கூடலூரில் ஒரு இளைஞர் சுயமாக தீக்குளித்தார். ஆனால் தமிழக ஐயப்பசாமி மீது தீ வைத்து விட்டார்கள் என்ற புரலி தமிழகம் முழுவதம் பரவியது. தமிழக போலீசாரின் கடுமையான எச்சரிக்கையை தொடர்ந்து அந்த விடயத்தை ஊடகங்கள் கைவிட்டன. அடுத்து எந்த பிரச்சனையை கையில் எடுத்தால் தமிழக மக்கள் கொந்தளிப்பார்கள் என்பது ஊடகங்களுக்கு தெரியாமல் இல்லை. அதை செய்து சாதித்துவிட்டார்கள்.

ஒரு வருடத்திற்கு முன்பு வேலூரை சேர்ந்த ஒரு இளைஞன் திருச்சூர் ரயிலில் ஒரு கல்லூரி பெண்னை கழ்பழித்து கொலை செய்த செய்தியை படித்திருப்பீர்கள். அப்போது கேரள மக்கள் யாரும் அதை தமிழர்கள் செய்ததாக பார்க்கவில்லை. கேரளாவில் உள்ள தமிழர்களையும் தாக்கவில்லை. தனிப்பட்ட ஒரு கொடூரன் செய்ததாக தான் பார்த்தார்கள். 6 மாதங்களில் வழக்கு முடிக்கப்பட்டு அவனுக்கு தூக்கு தண்டனை விதிக்கப்பட்டுள்ளது.

இதே போல குமுளியில் தமிழ் பெண்களை மானபாங்கப்படுத்தியதாக சொல்லும் கயவர்களை அடையாளம் காட்டி நீதிமன்றத்தில் நிறுத்தியிருக்கலாம். ஆனால் தமிழர்&மலையாளிகள் கலவரத்தைதூண்டி வேடிக்கை பார்க்கின்றன ஊடகங்கள்.

நக்கீரன் தினமலர் போன்ற பத்திரிக்கைகள் திடீர் என தமிழக மக்களின் நம்பிக்கைக்குறிய ஊடகங்களானது எப்படி என்று தெரியவில்லை.

தமிழக போராட்டக்குழுவும், கேரள போராட்டக்குழுவும் ஒரு தீர்வை முன்வைக்கிறார்கள். அதை வெளியிட்டு பிரச்சனை தீர்க்க ஊடகங்கள் முன்வரவில்லை. இதை கேட்க முதுகெலும்பு இல்லாதவர்கள் தான் இன்று மலையாளி தமிழர் பிரச்சனைக்காக வக்காலத்து வாங்குகின்றனர்.

சிலரின் சுயநலத்திற்காக பல அப்பாவிகளின் வாழ்க்கையில் விளையாடும் ஊடகங்கள் நாசமாக போகட்டும் என்று சபிப்பதை தவிர வேறு என்ன சொல்ல?

இன்று கேரளாவிலும் தமிழகத்திலும் மாறி மாறி அரசியல்வாதிகள் உண்ணாவிரத நாடகம் நடத்துகிறார்கள். ஆனால் கடந்த 10 நாட்களாக வேலைக்கு செல்ல முடியாமல் பட்டினி கிடக்கும் தோட்ட தொழிலாளர்களின் வேதனை யாருக்காவது தெரியுமா? தினமும் வேலைக்கு சென்றால் மட்டுமே உணவு உண்ண முடியும் என்ற நிலையில் உள்ள அடித்தட்டு மக்களை பட்டினி போட்டு கொல்வது தான் உங்கள் போராட்டமா?

உணர்ச்சிவசப்பட்டு எழுதுபவர்களுக்கு உண்மையை புரிந்துகொண்டு ஏற்றுக்கொள்ளும் பக்குவமும் வேண்டும். அது எத்தனை பேருக்கு இருக்கிறது?

மேதகு பிரபாகரன் அவர்களுக்கு ஒரு கீரல் விழுந்தாலும் தமிழகத்தில் ரத்த ஆறு ஓடும் என்றார் வைகோ. என்ன நடந்தது? இன்று முல்லைபெரியாறு பிரச்சனையில் தமிழகத்தில் எரிமலை வெடிக்கும் என்கிறார் வைகோ. உணர்ச்சிகளை தூண்டி விடுவது எளிது. ஆனால் அதில் அடிபட்டு சாவது அடித்தட்டு மக்கள் என்பதை மட்டும் நினைவில் கொள்ளுங்கள்.

எரிமலையும் வெடிக்காது ஒரு ஈரவெங்காயமும் நடக்காது. தமிழகத்தில் மலையாளிகளை அடிப்பீர்கள், கேரளாவில் தமிழர்களை அடிப்பார்கள். பிரச்சனை முற்றினால் ரொம்பரொம்ப நடுநிலையான இந்திய ராணுவம் எல்லையில் குவிக்கப்படும். அப்போதும் எல்லையில் உள்ள தமிழர்கள் தான் சுட்டுக்கொல்லப்படுவார்கள். பிரச்சனையை தூண்டிவிடுபவர்களுக்கு ஒரு கிரல் கூட விழாது. 6 மாதம் எல்லை முழுவதும் 144 தடை உத்தரவு இருக்கும். குழந்தைக்கு பால்வாங்ககூட வெளியில் இறங்க முடியாமல் பட்டினி கிடந்து சாவோம் . அது அல்லாமல் வேறு என்ன நடக்கும் என்று நினைக்கிறீர்கள்?

இன்னும் எழுதுங்கள், உங்கள் ஆசை தீர பிரச்சனையை தூண்டி தூண்டி எழுதுங்கள். எங்கள் குழந்தைகளின் கண்ணீர் மட்டும் உங்களை எளிதில் விட்டுவிடாது என்பதை மட்டும் நினைவில் வைத்து எழுதுங்கள்.

ஊடகங்களின் செய்தியை பக்கத்துக்கு பக்கம் பகிர்ந்து கொள்ளும் வலைபதிவர்கள் பிரச்சனைக்கான தீர்வை முன்வைக்கும் பதிவை பகிந்துகொள்ள தயாரா?

உண்மையில் சமாதானத்தை விரும்பும் நல்ல உள்ளம் கொண்டவர்கள்

முல்லைப்பெரியாறு முயற்சிக்கு முழு வெற்றி

இந்த பதிவை பகிர்ந்துகொள்ளுங்கள்

ஊடகங்கள் முகத்தில் கரிபூசும் காணொளி - முல்லைப்பெரியாறு

2011-12-09T19:05:00.000+05:30

இந்த காணொளியில் பேசுவது தமிழ்நாடு பெரியாறு நீர்பாசன விவசாயிகள் சங்கத்தின் தலைவர் திரு. கம்பம் அப்பாசு அவர்கள்

அடுத்த காணொளியில் பேசுவது கேரள முல்லைபெரியாறு அணை பாதுகாப்பு போராட்டக்குழ தலைவர் திரு. சி.செ. ரோய் அவர்கள

இருவரும் சொல்வது :-

திரு. சி.செ.ரோய் கேரள போராட்டக்குழு தலைவர் : ( இவர்தான் முதன்முதலாக முல்லைப்பெரியாறு பிரச்சனை தொடர்பாக கேரள உயர்நீதிமன்றத்தில் வழக்கு தொடர்ந்தவர்)

தற்போது தமிழகம் தண்ணீர் எடுக்கும் கால்வாய்களின் ஆழத்தை கூட்டி அல்லது புதிய கால்வாய் வெட்டி கூடுதலான தண்ணீரை தமிழகம் எடுத்து செல்ல வேண்டும். இதனால் அணையின் பயன்பாடு இல்லாமலும் தமிழகம் தண்ணீரை எடுத்து செல்ல முடியும். தண்ணீரை பாதுகாப்பாக எடுத்து செல்லவேண்டிய பொருப்பை தமிழகம் ஏற்கவும், தண்ணீரை முழுமையாக கொடுக்கும் தார்மீகத்தை கேரள கடைபிடிக்கவும் செய்வது தான் எங்களுடைய தீர்வு.

திரு. கம்பம் அப்பாசு தமிழக போராட்டக்குழு தலைவர் ( இவர்தான் தமிழக உயர்நீதிமன்றத்தில் வழக்கு தொடர்ந்தவர்.)

முல்லைபெரியாறு அணையில் கூடுதாலான தண்ணீரை தேக்குவது கேரள மக்களுக்கு அச்சத்தை தருகிறது. இதற்கு மாற்றாக தாழ்வான கால்வாய்களை அமைத்து தமிழகம் 34 அடியில் இருந்து தண்ணீரை எடுக்கும் திட்டத்தை நாங்கள் முழுமையாக வரவேற்கிறோம். இதற்கு கேரள அரசும் கேரள மக்களும் சம்மதம் தருவார்களானால் அதை தமிழக அரசும் தமிழக மக்களும் முழு மனதாக ஏற்றுக்கொள்வார்கள். இந்த திட்டம் எங்களுக்கு ழுழு திருப்தி.

இந்த திட்டம் தான் திரு. பென்னிகுயிக் அவர்களினவ் கனவு திட்டம் அப்போது நிதி இல்லாததால் அதை அவரால் செயல்படுத்த முடியவில்லை. இதை திரு.பென்னிக்குயிக் தமது டைரி குறிப்புகளில் எழுதியுள்ளார். இந்த டைரி திரு.கம்பம் அப்பாசு அவர்களிடம் உள்ளது.

சக வலைபதிவர்களே இந்த முயற்சிக்கு தமிழக கேரள ஊடகங்கள் ஒத்துழைப்பது இல்லை. தமிழக கேரள அரசியல்வாதிகள் கூட ஏற்றுக்கொள்கிறார்கள். ஆனால் ஊடகங்களுக்கு மட்டும் பிரச்சனை தீர்வதில் விருப்பம் இல்லை. இந்த இருவரின் பேட்டியை ஒளிபரப்ப எந்த ஊடகமும் தயாரில்லை. எந்த பத்திரிக்கையும் தயாரில்லை. கேரளாவின் ஒரு சில பத்திரிக்கைகள் மட்டுமே வெளியிட்டுள்ளன.

அடுத்த இரண்டு வாரங்களில் கேரள தமிழக போராட்டக்குழுக்கள் சந்தித்து பேசி சுமூக முடிவை உச்சநீதிமன்றத்தில் அறிவிக்க உள்ளன என்பதை மகிழ்ச்சியுடன் தெரிவித்துக்கொள்கிறேன்.

தேனி உண்ணாவிரதப்பந்தலில் திரு.கொள்த்தூர் மணி, திரு.கம்பம் அப்பாசு, திரு. வைகோ, திருவிசயகுமார், திரு.கு.ராமகிருசுணன் உள்ளிட்டோர்.

திரு. வைகோ, திரு.கொளத்தூர் மணி, திரு.விசயகுமார்(தமிழக பொதுப்பணித்துறை ஓய்வுபெற்ற பொறியாளர்கள் சார்பில் முல்லைப்பெரியாறு காணொளியில் பேசுபவர்). ஆகியோர் இது தொடர்பாக இரண்டு நாட்களுக்கு பின்னர் பேசுவதாக கூறியுள்ளனர்.

எங்களது இந்த முயற்சிக்கு கேரளாவின் பிரபல எழுத்தாளர் சி.ஆர்.நீலகண்டன் அவர்களும் தமது ஆதரவை தெரிவித்துள்ளார்.

நன்றி.

மேலும் இது தொடர்பான சந்தேகங்களுக்கு 9787678939.

முல்லைப்பெரியாறு முயற்சிக்கு முழு வெற்றி

2011-12-09T12:07:00.000+05:30

அடுத்த காணொளியில் பேசுவது கேரள முல்லைபெரியாறு அணை பாதுகாப்பு போராட்டக்குழ தலைவர் திரு. சி.செ. ரோய் அவர்கள்

இருவரும் சொல்வது :-

திரு. சி.செ.ரோய் கேரள போராட்டக்குழு தலைவர் :( இவர்தான் முதன்முதலாக முல்லைப்பெரியாறு பிரச்சனை தொடர்பாக கேரள உயர்நீதிமன்றத்தில் வழக்கு தொடர்ந்தவர்)

திரு. கம்பம் அப்பாசு தமிழக போராட்டக்குழு தலைவர் ( இவர்தான் தமிழக உயர்நீதிமன்றத்தில் வழக்கு தொ£டர்ந்தவர்.)

நன்றி.

மேலும் இது தொடர்பான சந்தேகங்களுக்கு 9787678939.

திரு.வைகோவை சந்திக்கப்போகிறேன்

2011-12-07T13:54:00.000+05:30

முல்லைபெரியாறு பிரச்சனையில் ஒரு கேரள தமிழனாக திரு வைகோ அவர்களை சந்தித்து பேசப்போகிறேன். நாளை தேனியில் நடக்கும் உண்ணாவிரத போராட்டத்தில் சில கோரிக்கைகளை முன்வைக்க இருக்கிறேன்.

முல்லைபெரியாறு பிரச்சனைக்கான தீர்வை எளிமையாக சுருக்கமாக ஒரு பக்க கடிதமாக தயார் படுத்தியுள்ளேன்.

ஒரு கேரள தமிழனின் எதார்த்த கோரிக்கை என்ற தலைப்பில் இந்த கடிதத்தை தமிழக அரசியல் கட்சி தலைவர்களுக்கு எழுதியுள்ளேன்.

முல்லைபெரியாறு அணை பலமுடன் உள்ளது. அதன் முழு உரிமையும் தமிழகத்துக்கு தான் என்ற கருத்தில் எள் அளவும் மாற்றம் இல்லை. ஆனால் ஒரு எதார்த்த தமிழனாக இந்த கோரிக்கைகளை முன் வைக்கிறேன்.

அணை நிலநடுக்கப்படுகியில் உள்ளது. அடிக்கடி லோசான நிலநடுக்கம் ஏற்படுகிறது என்பது உண்மை. ஒவ்வொரு மழையின் போதும், ஒவ்வொரு நில அதிர்வின் போதும், மரண பயத்தில் உறைந்துபோகின்றனர் ஒரு லட்சம் மக்கள். போதாகுறைக்கு ஊடகங்களின் பீதி கூட்டலின் உச்சம் வேறு. அணு அணுவாக செத்துமடியும் இந்த உயிர்களின் மரண கூக்குரலை தயவு செய்து காது கொடுத்துக் கேளுங்கள்.

அணையை உடைக்கவோ, புதிய அணை கட்டவோ வலியுறுத்தவில்லை. தயவு செய்து அணையின் பயன்பாட்டை குறைத்துக்கொள்ளுங்கள் என்று தானே சொல்கிறோம். இதில் என்ன தவறு கண்டீர்கள்?

முல்லைபெரியாறு அணையின் பயன்பாடு இல்லாமலே தமிழகம் தாராளமாக தண்ணீர் எடுத்துச்செல்லக்கூடிய வாய்ப்புகள் இருக்கிறது. இப்படி இருக்கும்போது எதற்காக பிரச்சனையையே தீர்வாக வலியுறுத்தி வருகிறீர்கள்? ஒரு பிரச்சனைக்கு அதன் மாற்றுவழி ஒன்று தானே உண்மையான தீர்வு.

கிழக்கு இந்திய கம்பெனியால் முதன் முதலில் பரிசீலிக்கப்பட்ட திட்டம், பென்னிகுயிக் விரும்பிய திட்டம் இது ‘‘கூடுதல் கால்வாய்கள் மூலம் தண்ணீரை நேரடியாக தமிழகத்துக்கு கொண்டு வருதல்’’. பென்னிகுயிக்கிடம் நிதி இல்லாமல் தான் இந்த திட்டம் கைவிடப்பட்டதே தவிர வாய்ப்பு இல்லாமல் அல்ல. இந்த திட்டம் தமிழக விவசாயிகளுக்கு மிகப்பெரிய வரபிரசாதமாக அமையும். கேரள மக்களின் தலைக்கு மேல் உள்ள மரண பயத்திற்கு முழுமையான ஆறுதலை தரும்.

இந்த திட்டத்தை ஏன் பரிசீலித்து செயல்படுத்தக்கூடாது?

இதனால் தமிழக விவசாயிகளுக்கு கடுகளவேனும் இழப்பு உண்டா? சுமூகமான தீர்வுகள் இருக்கும்போது ஏன் தமிழர்கள் வீண்பிடிவாதம் பிடிக்க வேண்டும். முல்லைப்பெரியாறு அணை என்றும் தமிழர்களுடையது தான். ஆனால் தயவு செய்து மனிதாபிமான அடிப்படையிலாவது கேரள போராட்டக்குழுவின் கோரிக்கையை பரிசீலியுங்கள்.

இந்த கோரிக்கையில் 1% மேனும் தவறு இருந்தால் சுட்டிக்காட்டுங்கள் உங்கள் கருத்தை முழுமையாக ஏற்றுக்கொள்கிறேன்.

திரு. வைகோ அவர்களே, திரு.நெடுமாறன் அவர்களே, திரு கொளத்தூர் மணி அவர்களே இந்த கடிதத்திற்கு உங்களிடம் இருந்து ஆறுதலான பதில் கிடைக்கும் என எதிர்பார்க்கிறேன்.

அன்புடன் அயல்மாநில உறவாய்

ஒரு கேரள தமிழன்.

முல்லைபெரியாறு : மீடியா ஆட்டம் அடக்க புதிய வைகைஅணை

2011-12-06T21:15:00.000+05:30

முல்லைபெரியாறு பிரச்சனையில் கேரள தமிழக மக்கள் அமைதிகாக்கிறார்கள். ஆனால் சிறு சிறு கும்பல்களை தூண்டி விட்டு வேடிக்கை காட்டி வருகிறது இருமாநில மீடியாக்கள்

ஆனால் சத்தம் இல்லாமல் சமரச பேச்சுக்கு தயாராகிவிட்டார்கள் இருமாநில போராட்ட குழுவினரும்.

கேரளாவில் போராடும் முல்லை பெரியாறு பாதுகாப்பு போராட்டகுழுவினர் எளிமையான ஒரு தீர்வை முன்வைத்தார்கள். அந்த தீர்வை நாங்கள் நூற்றாண்டுகளாக எதிர்பார்த்திருக்கிறோம் என்று இரட்டிப்பு மகிழ்ச்சியை தெரிவித்துள்ளனர் தமிழக போராட்ட குழுவினர்.

முல்லைபெரியாறு அணையில் இருந்து தமிழகம் தண்ணீர் எடுக்கும் பகுதியில் மேலும் கூடுதலாக இரு சுரங்கபாதைகளை ஏற்படுத்துதல். இந்த சுரங்கபாதைகள் மூலம் முழுமையாக தமிழகத்திற்கு தண்ணீரை கொண்டு வருதல் அதாவது (அணையில் நீரை தேக்காமல் நேரடியாக தண்ணீரை தமிழகத்துக்கு கொண்டு வருதல்).

இந்த திட்டம் தான் விரைவில் தீர்வாக அமைய இருக்கிறது.

இதற்காக மதுரை வைகை அணை அருகே புதிய வைகை என்ற பெயரில் 4 டி.எம்.சி தண்ணீரை தேக்கும் அணையை கட்டி முடித்து விட்டார்கள் தமிழக விவசாயிகள்.

இந்த திட்டத்தை தமிழகம் முதலில் முன்வைத்தால் கேரள அரசியல்வாதிகள் ஏற்றுக்கொள்ள மாட்டார்கள். எனவே கேரள போராட்ட குழுவே முன்வைக்கும்படி வலியுறுத்தப்பட்டுள்ளது. தலைக்குமேல் இருக்கும் உயிர்பயத்தை போக்க வந்த கடவுளாக இந்த திட்டத்தை கேரள போராட்ட குழு காண்கிறது.

கேரள போராட்ட குழுவை பொருத்தவரை கேரளாவின் புதிய அணை திட்டத்தை எதிர்க்கிறார்கள். ஆனால் கேரள மீடியாக்கள் இதை வெளியிடுவதில்லை. அதே போல தமிழக விவசாயிகள் கூடுதல் கால்வாய் திட்டத்தை வரபிரசாதமாக நினைக்கிறார்கள். ஆனால் தமிழக மீடியாக்களுக்கு இது பிடிக்கவில்லை.

பிரச்சனைக்கு சுமூக தீர்வு இருக்கும்போது இருமாநில மீடியாக்களும் போடும் ஆட்டம் விரைவில் அடங்க இருக்கிறது. இதற்கான முழு முயற்சியில் ஈடுபட்டுள்ளேன்.

தமிழக கேரள போராட்டக்குழுவினர் சந்தித்துபேசும் சூழலை ஏற்படுத்தியுள்ளேன்.

நாளை கம்பத்தில் நடக்கும் வைகோ உண்ணாவிரத பந்தலில் இது குறித்து பேச உள்ளேன். தமிழர்கள் பச்சைகொடி காட்டி விட்டால் அடுத்த இரண்டு மணி நேரத்தில் கேரள போராட்டக்குழுவை தமிழகத்துக்கு அழைத்துவந்து பேச்சுவார்த்தை நடத்த திட்டமிடப்பட்டுள்ளது.

நல்லதே நடக்கும் என்று நம்புகிறேன்.

தமிழக தமிழர்கள் இரக்க குணம் அற்றவர்களா?

2011-12-06T08:09:00.000+05:30

தமிழர்கள் உலகம் முழுவதும் பல பிரச்சனைகளுக்காக பல்வேறு பட்டினி போராட்டங்களை நடத்தி வருகின்றனர். ஆனால் இன்று தமிழனை நோக்கி ஒரு பட்டினி போராட்டம் போராட்ட நடக்கிறது. அந்த பட்டினி பாராட்டத்தை அங்கீகரிக்க வேண்டாம் குறைந்தபட்சம் காதுகொடுத்தாவது கேட்க வேண்டாமா? காதுகொடுத்து கூட கேட்க மறுக்கும் மனித தன்மையற்றவனா தமிழன்?

உண்மையில் முல்லைப்பெரியாறு அணை பலமுடன் உள்ளதா பலவீனமாக உள்ளதா அது இரண்டாம் பட்சம். ஆனால் அணைக்கு கீழ்பகுதியில் உள்ள 70 லட்சம் மக்கள் மரணபயத்தில் இருக்கிறார்களே? இவர்கள் மரண பயத்திற்கு தமிழக மக்கள் இன்று வரை மதிப்பளிக்காதது ஏன்?

முல்லைப்பெரியாறு போராட்ட குழுவினரின் போராட்டத்திலும் கோரிக்கையிலும் முழுமையான நியாயம் இருக்கிறது. அது ஏன் தமிழர்களுக்கு புரியவில்லை?

வழவழவென கட்டுரையை நீட்டவில்லை சுருங்க சொல்கிறேன்.

முல்லைபெரியாறு அணை பாதுகாப்பு அற்றது என போராடும் கேரள குழுவினர் ஒரு எளிமையான தீர்வை முன்வைத்து கடந்த 6 ஆண்டுகளாக போராடுகின்றனர்.

அணையை உடைக்கவோ புதிய அணை கட்டவோ நாங்கள் சொல்லவில்லை. அணையின் பயன்பாட்டை படிப்படியாக குறைத்துக்கொள்ளுங்கள் என்று தான் சொல்கிறோம். இதில் என்ன தவறு இருக்கிறது என்று தெரியவில்லை.

தமிழகம் தற்போது நீர் எடுக்கும் பகுதியில் ஏற்கனவே பென்னி குயிக் மற்றும் எம்.சி.ஆர் காலத்தில் பரிசீலிக்கப்பட்ட மாற்று தீர்வுகளை செயல்படுத்த தயாராக வேண்டும்.

தற்போது உள்ள சுரங்கபாதைகளை போல கூடுதலாக மேலும் 2 சுரங்கப்பாதைகள் அமைப்பதன் மூலம் பிரதான அணைக்கான அழுத்தத்தை குறைக்க முடியும். தமிழகத்துக்கும் முழுமையாக தண்ணீரை எடுத்து செல்ல முடியும். இதற்கு கூடுதல் நிதி செலவுகளோ, ஒப்பந்தத்தை மாற்ற வேண்டிய அவசியமும் இல்லை.

இந்த திட்டத்தைதான் நிரந்தர தீர்வாக கேரள போராட்ட குழுவினர் வலியுறுத்துகின்றனர். இதை தமிழக விவசாயிகளும் ஏற்றுக்கொள்கின்றனர்.

இது குறித்து பெரியாறு நீர்பாசன போராட்டக்குழு தலைவர் கம்பம் அப்பாசு அவர்களை சந்தித்து பேசினேன். இந்த திட்டம் தமிழர்களுக்கு மிகப்பெரிய வரப்பிரசாதம் என்றார். இந்த திட்டம் கிழக்கு இந்திய கம்பெனி ஆட்சிக்காலத்திலேயே பரிசீலிக்கப்பட்டுள்ளது என்பதற்கான ஆதாரங்களை கூறினார்.

கேரள போராட்ட குழுவும் , தமிழக போராட்ட குழுவும் ஏற்றுக்கொள்கிறார்கள். ஆனால் தமிழக & கேரள ஊடகங்களும், அரசியல்வாதிகளும் மட்டும் ஏற்றுக்கொள்வது இல்லை.

எதனால் இவர்கள் ஏற்றுக்கொள்வது இல்லை? முல்லைபெரியாறு இவர்களுக்கு ஒரு வியாபாரம். கொழுத்த லாபம் தரும் இந்த வியாபாரத்தை விட்டுக்கொடுக்க அவர்களுக்கு விருப்பம் இல்லை.

இது தொடர்பாக கோவை பத்திரிக்கையாளர் மன்றம், பாலக்காடு பத்திரிக்கையாளர் மன்றம், கோவை&பாலக்காடு மாவட்ட ஆட்சியர்களுக்கு விளக்கம் அளித்தேன். தீர்வை ஏற்றுக்கொண்டார்கள். ஆனால் அவர்களது மேலிடம் அதை பிரசுரிக்க விரும்பவில்லை என்கிறார்கள்.

கூடங்குளம் மக்களின் மரண பயத்திற்கு மதிப்பளிக்கும் திரு வைகோ, திரு. நெடுமாறன், திரு. கொளத்தூர் மணி, திரு. கு ராமகிருசுணன் போன்ற தலைவர்கள் கேரள தமிழர்களின் மரண பயத்தை காதுகொடுத்து கூட கேட்காதது தான் உச்ச கட்ட வேதனை.

இறுதி முயற்சியாக நாளை திரு வைகோ, திரு. நெடுமாறன், திரு. கொளத்தூர் மணி, திரு. கு ராமகிருசுணன் ஆகியோரை சந்தித்து பேசுகிறேன். அவர்கள் புரிந்துகொண்டார்கள் என்றால் நிச்சயம் சுமூக தீர்வுக்கான கதவுகள் திறக்கப்படும் என்று நம்புகிறேன்.

முல்லைபெரியாறு: தமிழக அரசுக்கு பரிந்துரை

2011-11-29T21:20:00.004+05:30

முல்லைப்பெரியாறு அணை பிரச்சனைக்கான எளிமையான தீர்வுகளை கோவை பத்திரிக்கையாளர்களுக்கு இன்று விளக்கம் அளித்தோம்.

கோவை பத்திரிக்கையாளர் மன்றத்தில் மதியம் 2.30 மணிக்கு பத்திரிக்கையாளர் சந்திப்பு நடந்தது. எனது கணவரும் பத்திரிக்கையாளருமான ஆனந்த்துடன் இந்த பத்திரிக்கையாளர் சந்திப்பை நடத்தினேன்.

தினமலர், தினதந்தி, தினகரன், தினமணி போன்ற தமிழ்பத்திரிக்கை நிருபர்கள் வரவில்லை. சன் டிவி, கேப்டன் டிவி, டெக்கன் கிரானிக்கல், எ.என்.ஐ, உட்பட ஒரு சில பத்திரிக்கையாளர்களே நட்பு ரீதியாக வந்திருந்தார்கள்.

பின்னர் மாலை 5 மணி அளவில் கோவை மாவட்ட ஆட்சியரை சந்தித்து மனு அளித்தோம். இந்த தீர்வுகள் குறித்த முகாந்திர ஆய்வுகளை செய்ய தமிழக அரசுக்கு பரிந்துரை செய்யும்படி கேட்டுக்கொண்டோம். உளவுத்துறை அதிகாரிகள் மூலம் உடனடியாக தமிழக முதல்வர் செயலலிதாவின் பார்வைக்கும் கொண்டு செல்லவும் ஏற்பாடு செய்துள்ளோம்.

இதன் தொடர்ச்சியாக நாளை பாலக்காடு மாவட்ட பத்திரிக்கையாளர்களை சந்தித்து விளக்க உள்ளோம். பாலக்காடு மாவட்ட ஆட்சியரிடமும் மனு அளிக்க திட்டமிட்டுள்ளோம்.

பாலக்காடு பத்திரிக்கையாளர் மன்றத்தில் நடைபெரும் கூட்டத்தில் தமிழக மூத்த பொரியாளர்கள் தயாரித்த 40 நிமிட குறும்படத்தை வெளியிட்டு காட்ட உள்ளோம்.

இதுகுறித்த கூடுதல் தகவல்கள் இருந்தால் அனுப்பி வையுங்கள். மேலதிக ஆலோசனைகளையும் பகிர்ந்து கொள்ளுங்கள்.

வலைபதிவர்களுக்கு ஒரு அவசர அழைப்பு

2011-11-29T09:19:00.000+05:30

முல்லைபெரியாறு பிரச்சனை தொடர்பாக ஒரு பத்திரிக்கையாளர் சந்திப்பு நடத்த திட்டமிட்டுள்ளோம். கோவை பத்திரிக்கையாளர் சங்கத்தில் இது குறித்து விளக்கம் அளிக்கிறோம்.

முல்லைபெரியாறு பிரச்சனை குறித்து இந்த வலைபதிவில் எழுதிவந்தோம். பலர் நல்ல ஆலோசனைகளை பகிர்ந்துகொண்டீர்கள். மிக்க நன்றி. தற்போது முல்லை பெரியாறு பிரச்சனை உச்ச கட்டத்தை அடைந்துள்ள நிலையில் வலைப்பதிவில் எழுதிய தீர்வுகளை தமிழக அரசுக்கு பரிந்துரை செய்ய திட்டமிட்டுள்ளேன்.

முல்லைபெரியாறு பிரச்சனை குறித்த பத்திரிக்கையாளர் சந்திப்பு இன்று மதியம் 2 மணிக்கு கோவை பத்திரிக்கையாளர் மன்றத்தில் நடக்கிறது.

பத்திரிக்கையாளர் சந்திப்புக்கு பின்னர் கோவை மாவட்ட ஆட்சியரிடம் இதுகுறித்த கட்டுரைகளை தமிழக அரசுக்கு பரிந்துரை செய்யும் படி மனுவாக அளிக்க உள்ளோம்.

பத்திரிக்கையாளர் சந்திப்பு சுருக்கத்தை தந்துள்ளேன். மாற்று கருத்துக்கள் ஆலோசனைகள் இருந்தால் உடனியாக தெரியப்படுத்துங்கள்.

முல்லை பெரியாறு : தமிழகம் மாற்றை யோசிக்க வேண்டும்

எம்.சி.ஆர் காலத்தில் பரிசீலிக்கப்பட்ட தீர்வுக்கு ஏன் புத்துயிர் அளிக்க கூடாது?

முல்லைபெரியாறு பிரச்சனை உச்சகட்டத்தை அடைந்துள்ள இந்த நிலையில் தமிழகம் கட்டாயம் மாற்றை யோசித்தாக வேண்டும். அதற்கான சிறு முயற்சி தான் இந்த பத்திரிக்கையாளர் சந்திப்பு

ஒரு பக்கம் 70 லட்சம் மக்களின் மரண பயம், மறுபக்கம் 70 லட்சம் மக்களின் உயிர் ஆதார பிரச்சனை. இந்த இரண்டுமே அரசியல் விளையாட்டுகளில் சிக்காமல் ஒரு முழுமையான தீர்வை நோக்கி செல்ல வேண்டும்.

தமிழகத்துக்கு இது உயிர் ஆதார பிரச்சனை. கேரளாவுக்கு இது உயிர் போகும் பிரச்சனை.

இது அரசியல்வாதிகளுக்கு இடையேயான பிரச்சனையோ, ஆவணங்களின் அடிப்படையில் போராடும் அட்டைக்கத்தி சண்டையோ அல்ல. தமிழனுக்கும் மலையாளிக்கும் உள்ள இனப்போராட்டமோ, ஈகோ பிரச்சனையோ அல்ல.

இயற்கைக்கும் மனிதகுலத்திற்கும் எதிரான போராட்டம். இயற்கையோடு அளவோடுதான் எதிர்த்து நிற்க வேண்டும். அளவுக்கு மீறிய ஆற்றலோடு வரும் இயற்கையிடம் வளைந்து கொடுத்துத்தான் போகவேண்டும். இல்லாவிட்டால் அழிவு மனிதனுக்குத்தான்.

அரசியலை கடத்து முல்லைபெரியாறு அணை போராட்ட குழுவினர் சில தீர்வுகளை முன் வைக்கின்றனர். இதை ஏன் தமிழக அரசு பரிசீலிக்க கூடாது.

1. தற்போது உள்ளதை விட தாழ்வாக சில கால்வாய்கள் வெட்டி அதிகப்படியான தண்ணீரை தமிழகம் கீழ்பகுதிக்கு எடுத்து வரலாம். இவ்வாறு கூடுதலாக வரும் தண்ணீரை வைகை அணையில் சேமிக்கலாம். அல்லது கூடலூர் பகுதியில் புதிய அணை கட்டலாம்.

2. ஒரே அணையாக வைத்து தண்ணீர் எடுப்பதை தவிர்த்து, கூஃபர் எனப்படும் சிற்றணைகளாக பிரித்து கூட தண்ணீரை தமிழகம் எடுத்துச்செல்ல முடியும். இதனால் தற்போதைய அணை இல்லாமலும் தண்ணீர் தமிழகத்துக்கு முழுமையாக கிடைக்கும்.

3. பெரியாறு அணைகட்டில் இருந்து உட்புறமாக 12 மீட்டர் தொலைவில் தமிழக எல்லை( புதிய மாநில எல்லைகள் வரையறை படி) உள்ளது. இந்த பகுதியில் தமிழகம் புதிய அணை கட்டலாம். இந்த அணை கட்டுவதன் மூலம் தமிழகம் கேரளாவுக்கு எவ்வித பணமும் தர வேண்டியது இல்லை. ஒப்பந்தங்களும் தேவை இல்லை. இது முழுக்க முழுக்க தமிழகத்தில் இருக்கும் தமிழகத்துக்கு சொந்தமான அணையாக இருக்கும்.

( இந்த திட்டம் மறைந்த முன்னாள் முதல்வர் எம்.சி.ஆர் ஆட்சி காலத்தில் பரிசீலிக்கப்பட்டுள்ளது. 1979 ஆண்டுகளில் முல்லைபெரியாறு பிரச்சனை தீவிரமான போது இந்த திட்டம் முன்வைக்கப்பட்டது. இதனால் கேரளாவுக்கு வருவாய் இழப்பு ஏற்படும் என்பதால் அப்போதைய கேரள அரசு அணையை பலப்படுத்தினால் போதும் என்ற தீர்வை நோக்கி நழுவிக்கொண்டது).

பழமையான அணைக்கு மாற்று அணை கட்டவேண்டும் என்ற கோரிக்கை தீர்வைநோக்கி வந்துள்ள இந்த நிலையில், புதிய அணையை கேரள அரசு கட்டுவதை விட தமிழக அரசே தமது எல்லைக்குள் கட்டிக்கொள்வது கௌரவமானதும், நீண்டகால தண்ணீர் தேவைக்கு உறுதியான தீர்வுமாக அமையும். மேலும் அச்சத்தில் உள்ள 70 லட்சம் மக்களின் உணர்வுகளுக்கு மதிப்பளித்த மனிதநேய மாண்பும் தமிழகத்துக்கு கிடைக்கும்.

தமிழகம் அணை கட்டினால் தற்போது உள்ள முல்லைபெரியாறு அணையை உடைக்க வேண்டிய அவசியம் இல்லை. அதே நேரத்தில் முழுமையாக பயன்பாட்டை தவிர்க்க வேண்டிய நிலையும் வராது. 104 அடிக்கு கீழ்நிலையில் உள்ள தண்ணீர் பென்னி குயின் விருப்பப்படி அப்பகுதி வனவிலங்குகளுக்கு கிடைக்க செய்யலாம். அணையும் பாரம்பரிய அணையாக நீடித்து நிற்கும்.

கேரளா அணை கட்டினால் இயற்கை ரீதியாக தமிழகத்திற்கு ஒரு லிட்டர் தண்ணீர் கூட கிடைக்காது. மேலும் மீண்டும் மீண்டும் இருமாநில தண்ணீர் பிரச்சனை தொடர்கதையாகும்.

தொடர்புக்கு : 9787678939,

9715833443.

ஒரு மலையாளியின் குரல் - தமிழக அரசு யோசிக்குமா?

2011-11-28T08:27:00.000+05:30

வண்டிப்பெரியாறு பகுதியில் கடந்த 5 வருடங்களுக்கு மேல் பாதுகாப்பு கேட்டு போரடிவரும் போராட்டகுழுவில் உள்ள ஒரு மலையாளியின் குரலை தான் தற்போது கேட்டீர்கள்.

அவர்களது குரலின் தமிழ் மொழிபெயர்ப்பு :

2800 அடி உயரத்தில் உள்ள முல்லைபெரியாறு அணையில் இருந்து சிறிய பல புதிய கால்வாய்கள் வெட்டுவதன் மூலம் அணையே இல்லாமல் கூட தமிழத்துக்கு முழுவதுமான தண்ணீரை கொண்டு செல்ல முடியும். அல்லது சிறு சிறு சிற்றணைகள் மூலம் தண்ணீரை பாதுகாப்பாக எடுத்து செல்ல முடியும். தண்ணீரை பாதுகாப்பாக எடுத்துசெல்லவேண்டிய பொருப்பை தமிழகம் ஏற்கவும், தண்ணீரை கொடுக்கும் தார்மீக பொருப்பை நாங்கள் வகிக்கவும் செய்வது தான் நாங்கள் முன்வைத்து போராடும் கருத்து.

தமிழக அரசு யோசிக்குமா

கல்லணையும் பெரியாறு அணையும் ஒன்றா?

2011-11-27T07:00:00.001+05:30

இன்று கேரளாவுக்கும் தமிழகத்துக்கும் உள்ள ஒரே பகை முல்லைபெரியாறு தான்.

உண்மையில் முல்லைபெரியாறு விடயத்தில் தமிழகம் தான் கேரளாவுக்கு துரோகம் செய்கிறது. சுண்ணாம்பு கற்கலால் கட்டப்பட்ட முல்லைபெரியாறு அணை பாதுகாப்பு அற்றதாக உள்ளது என்பது உலகறிந்த விடயம்.

இதுவரை ஆய்வு செய்த 23 நிபுணர் குழுவும் முல்லைபெரியாறு அணை பாதுகாப்பு அற்றது என்பதை சொல்லியிருக்கிறார்கள். தமிழகத்துக்கு சாதகமாக சொன்ன உச்சநீதிமன்றம் கூட அணை பலப்படுத்தப்பட்டு உள்ளது, என்றுதான் சொல்லியிருக்கிறதே தவிர பாதுகாப்புடன் இருக்கிறது என்பதை சொல்லவில்லை.

இந்த விடயத்தில் தமிழகம் மனிதநேயத்துடன் நடந்துகொள்ள வேண்டும். வீண்பிடிவாதம் பிடித்துக்கொண்டு இருப்பது நமக்கு தான் இழப்பை தரும். நாம் ஏன் வீம்பு (ஈகோவை) விட்டுவிட்டு மாற்றை யோசிக்கக்கூடாது?

நமக்கு தேவை தண்ணீர். அதை தர கேரள முழுமனதுடன் சம்மதிக்கிறது. அதை எங்கு சேமிப்பது என்பதில் தான் பிரச்சனை. முல்லைபெரியாறு அணையில் கூடுதலாக தண்ணீர் சேமிப்பது கேரளாவுக்கு ஆபத்தை தரும். என்றால் சேமிப்பிடத்தை ஏன் மாற்றக்கூடாது?

1975ல் சீனாவில் 2 அணைகள் உடைந்து ஏரத்தாள 2 லட்சம் மக்கள் இறந்தார்கள். இது நடந்தது நம் கண்முன் தான். 35 ஆண்டுகள் தான் கடந்துள்ளது. நம்மைபோல தான் அணை பலமாக உள்ளது பலமாக உள்ளது என பாட்டுப்பாடிக்கொண்டு இருந்தார்கள். இறுதியில் அந்த பாட்டு 2 லட்சம் மக்களுக்கு மரண ஓலமானது. அது கூட உள்நாட்டு பிரச்சனையாக முடிந்துவிட்டது.

ஆனால் முல்லை பெரியாறு விடயத்தில் கொஞ்சம் யோசித்து பாருங்கள். அணைக்கு எதாவது சம்பவித்தால் அப்புறம் கேரளா தமிழகம் நல்லுறவு என்பதை கனவில் கூட நினைத்துப்பார்க்க வேண்டியதில்லை. ஏற்படும் இழப்பிற்கு நம்மால் என்ன பதில் சொல்ல முடியும்.

இன்று தமிழகத்தின் வாதம் இதுதான் கல்லணை. கல்லணை. கல்லணை. 1000 ஆண்டுகளுக்கு முன்பு கட்டிய கல்லணை உறுதியாக இருக்கும்போது 112 ஆண்டுகளுக்கு முன்பு கட்டிய பெரியாறு அணை உறுதியாக இருக்காதா என்பது தான் தமிழகத்தின் வாதம்.

இது தவறாதும் மடத்தனமான வாதமுமாகும்.

கல்லணையும் பெரியாறு அணையும் ஒன்றா? நீங்களே ஒப்பிட்டுப்பாருங்கள்

கல்லணை கடல் மட்டத்தில் இருந்து சுமார் 500 அடி உயரத்தில் கட்டப்பட்டுள்ளது.
பெரியாறு அணை 2890 அடி உயரத்தில் கட்டப்பட்டுள்ளது.
கல்லணையின் உயரம் 20 அடிகள்
பெரியாறு அணையின் உயரம் 177 அடிகள்.
கல்லணையில் இருந்து அவசர காலத்தில் ஒரே நேரத்தில் 3 லட்சத்திற்கும் அதிகமான கன அடி நீரை வெளியேற்ற முடியும்.
பெரியாறு அணையில் இருந்து 2000 கன அடி நீரை மட்டுமே வெளியேற்ற முடியும் அதுவும் அவரசர கதியில் வெளியேற்ற முடியாது.
கல்லணையின் கீழ்பகுதி 20 டிகிரி சரிவையுமே 20 அடி ஆழமும் கொண்டுள்ளது.
பெரியாறு அணையின் கீழ்பகுதி 90 டிகிரி சரிவும் 300 அடி ஆழ பள்ளத்தாக்கையும் கொண்டுள்ளது.
கல்லணை பகுதியில் நிலச்சரிவு, நிலநடுக்க அபாயம் இல்லை.
பெரியாற்றில் இந்த இரண்டு அபாயங்களும் உள்ளது. பலமுறை நிலநடுக்கம் உணரப்பட்டுள்ளது. 2006 ல் ஏற்பட்ட நிலநடுக்கம் ரிக்டர் அளவுகோலில் 2.1 ஆக பதிவாகியுள்ளது.
கல்லணையில் திடீர் வெள்ளப்பெருக்கு ஏற்பட வாய்ப்பில்லை. மேட்டூர், அமராவதி, பவானிசாகர் இந்த மூன்று அணைகளை வைத்தே கல்லணையின் அவசர காலத்தை கணித்து விட முடியும்.
ஆனால் பெரியாற்றில் திடீர் வெள்ளப்பெருக்கு ஏற்பட அதிக வாய்ப்பிருக்கிறது. அணை கட்டுமானத்தின் போதே அடிக்கடி வெள்ளப்பெருக்கு ஏற்பட்டு கட்டுமானம் கைவிடப்பட்டிருக்கிறது. பலத்த உயிர் சேதம் ஏற்பட்டிருக்கிறது. இறுதியில் பென்னி குயிக் தன் சொத்துக்களை விற்று சொந்த செலவில் கட்டி முடித்திருக்கிறார். கட்டும்போதே 185 இடங்களில் தடுப்பணை கட்டி, பிரதான பாதையை பேபி டேம் பக்கம் திருப்பியிருக்கிறார். பெரியாற்றில் எதை வைத்து அவசர காலத்தை கணிப்பது.
பெரியாறு அணையானது 12க்கும் மேற்பட்ட காட்டாறுகளை இணைத்து மலை உச்சியில் கட்டப்பட்ட அணை.
மலைசிகரத்தில் உள்ள காட்டாற்றின் அழுத்தம், வேகத்தை சமவெளி பகுதியில் ஓடும் நதியுடன் ஒப்பிடலாமா?
கல்லணையில் தண்ணீரை தடுத்து நிறுத்தும் மதகுகள் உள்ளன. இந்த மதகுகள் வழியாகவே நான்கு திசைகளில் தண்ணீரை பிரித்து விடக்கூடிய வசதிகள் இருக்கிறது.
ஆனால் பெரியாறு அணையில் தண்ணீரை தடுத்து வைப்பது ஒரு பகுதி, வெள்ளம் அதிகமாகும் போது திறந்து விட வேறு ஒரு பகுதி, தண்ணீரை தமிழகத்திற்கு திருப்ப ஒரு பகுதி என மூன்றாக, மூன்றும் மூன்று திசையில் இருக்கிறது.
பெரியாறு அணையில் அழுத்தம் அதிகமான பகுதியில் தண்ணீர் தடுத்து வைக்கப்பட்டுள்ளது. இதில் மதகுகள் இல்லை. அழுத்தம் கூடும்போது தண்ணீரை திறந்துவிட அணையின் இடது புறத்தில் பேபி டேம் உள்ளது. இது ஆற்றின் பிரதான பாதையைவிட மேடான இடத்தில் உள்ளது. அடுத்து தமிழகத்திற்கு தண்ணீர் எடுக்க வடக்குப்பக்கம் சுரங்கப்பாதை உள்ளது. அணையில் 104 அடி தண்ணீர் இருந்தால் மட்டுமே இங்கிருந்து தண்ணீர் கீழே வரும்.
கல்லணை என்பது தண்ணீரை பிரித்துவிடும் அணைதானே தவிர தேக்கி நிறுத்தும் அணை அல்ல. மேலும் இயற்கையான போக்கில் கட்டப்பட்ட அணை.
ஆனால் பெரியாறு அணையில் தண்ணீர் தடுத்து தேக்கப்பட்டு அணையின் மற்றொரு மூலையில் சுரங்கம் வழியாக கீழே கொடுவரப்படுகிறது. இது இயற்கைக்கு எதிராக கட்டப்பட்ட அணை.
இரு அணைகளின் அழுத்தமும், நீர் அரிப்பும் மிகஅதிக வேறுபாடு உடையது.
கரிகால் சோழனால் கட்டப்பட்ட கல்லணை என்பது தற்போது மதகுகளுக்கு கீழ் உள்ள அடிப்பகுதி. அதாவது ஒரு செக் டேம் போன்றது. அதன்மீது உள்ள பாலங்களும், மதகுகளும் சமீபத்தில் கட்டப்பட்டது.
கல்லணை தடுப்பு சுவற்றின் அகலம் அடிப்பகுதியில் இருந்து மேல் பகுதிவரை ஒரேமாதிரியாக உள்ளது.
ஆனால் பெரியாறு அணையின் தடுப்பு சுவற்றின் அடியில் அகலமான சுவரும்,மேலே வரவர கூர்மையான பகுதியாக உள்ளது. இந்த கட்டமைப்பு தான் ஆபத்தாக உள்ளதாக கேரளா கூறுகிறது.
கல்லணை ஒரு அரசாங்கத்தின் கட்டுப்பாட்டில் உள்ளது.
பெரியாறு அணை இரு அரசாங்கங்களின் கட்டுப்பாட்டில் இருக்கிறது.
கல்லணைக்கு பாதுகாப்பு பிரச்சனை இல்லை.
பெரியாறு அணைக்கு பாதுகாப்பு பிரச்சனை இருக்கிறது.
கல்லணைக்கு பாதுகாப்பு அச்சுறுத்தல் இல்லை.
பெரியாறு அணைக்கு பாதுகாப்பு அச்சுறுத்தல் இருக்கிது.
காவிரியாற்றில் கர்நாடகாவுக்கும், நமக்கும் தேவை ஒரேமாதிரியானது. குடிநீர், விவசாயம், மின்சாரம்.
ஆனால் பெரியாற்று நீர் கேரளாவுக்கு ஆபத்தானது, தமிழ்நாட்டுக்கு தேவையானது.
தண்ணீரை பெற்றே ஆக வேண்டிய கட்டாயத்தில் நாம் இருக்கிறோம்.
தண்ணீரை கொடுத்தே ஆக வேண்டிய கட்டாயத்தில் அவர்கள் இருக்கிறார்கள்.
கேரளாவின் குடிநீர், விவசாயம், மின்சாரத் தேவைகளுக்கு பெரியாறு பயன்படுவதில்லை, தேவையும் இல்லை.
பெரியாற்றின் வெள்ளப்பெருக்கால் உயிர்சேதமும், கொச்சி நகர அழிவும் பலமுறை ஏற்பட்டிருக்கிறது.
ஆனால் தமிழகத்தின் 7 மாவட்டங்களின் குடிநீர், விவசாயம்,மின்சார தேவைகளுக்கு பெரியாறு இன்றியமையாதது.
நமக்கு இது உயிர் ஆதார பிரச்சனை.கேரளாவுக்கு இது உயிர் போகும் பிரச்சனை.
கர்நாடகாவைப் போல தண்ணீர் தரமாட்டோம் என்று கேரளா ஒரு போதும் சொல்லவில்லை.
காவிரி பிரச்சனையில் தீர்வை முன்வைத்து யாரும் போராடுவதில்லை.
ஆனால் பெரியாற்று பிரச்சனையில் போராட்டக்காரர்கள் ஒரு தீர்வை முன்வைக்கிறார்கள்.

அணையின் பகுதியில், தமிழகத்தின் பக்கம், தற்போது உள்ளதைவிட தாழ்வாக சில கால்வாய்களை வெட்டவேண்டும். அதனால் அணை இல்லாமலும் தண்ணீரை கீழே கொண்டுசெல்ல முடியும். இல்லாவிட்டால் ஒரே அணையாக வைத்து தண்ணீர் எடுப்பதை தவிர்த்து, கூஃபர் எனப்படும் சிற்றணைகளாக பிரித்து கூட தண்ணீரை எடுத்துச்செல்ல முடியும். தண்ணீரை தமிழகத்திற்கு கொடுக்க வேண்டிய தார்மீக கடமை எங்களுக்கு இருக்கிறது. அதே சமயம் தண்ணீரை பாதுகாப்பாக எடுத்துச்செல்ல வேண்டிய பொறுப்பு தமிழகத்திற்கு இருக்கிறது. மேற்கூறிய தீர்வுகளுக்கு தற்போதைய ஒப்பந்தத்தை மாற்ற வேண்டிய கட்டாயம் கூட இல்லை என்ற தீர்வை அவர்கள் முன்வைக்கிறார்கள்.

இதைப்பற்றி நாம் ஏன் யோசிக்க கூடாது.

இந்த தீர்வால் தமிழகத்திற்கு செலவு குறைவும், பிரச்சனைக்கு தீர்வும், அதிக தண்ணீரும் கிடைக்க வாய்ப்புள்ளது.

இனிய உளவாக இன்னாத கூறல் கனியிருப்ப
காய் கவர்ந் தற்று

அல்லவா..

முல்லைப்பெரியாறு பிரச்சனையோடு, காவிரியையும், பாலாற்றையும், ஈழத்தையும் சேர்த்து முடிச்சு போட்டு, எங்கு பார்த்தாலும் தமிழர்களுக்கு தொல்லை என்று ஒரே கண்ணோட்டத்தில் பார்க்க கூடாது. நமது கண்ணோட்டத்தை முதலில் மாற்றிக்கொள்ள வேண்டும்.

இது அரசியல்வாதிகளுக்கு இடையேயான பிரச்சனையோ, ஆவணங்களின் அடிப்படையில் போராடும் அட்டைக்கத்தி சண்டையோ அல்ல. தமிழனுக்கும் மலையாளிக்கும் உள்ள இனப்போராட்டமோ ஈகோ பிரச்சனையோ அல்ல.

இயற்கைக்கும் மனிதகுலத்திற்கும் எதிரான போராட்டம். இயற்கையோடு அளவோடுதான் எதிர்த்து நிற்க வேண்டும். அளவுக்கு மீறிய ஆற்றலோடு வரும் இயற்கையிடம் வளைந்து கொடுத்துத்தான் போகவேண்டும். இல்லாவிட்டால் அழிவு மனிதனுக்குத்தான்.

அஞ்சுவது அஞ்சாமை பேதமை அஞ்சுவது

அஞ்சல் அறிவார் தொழில்

இந்த பதிவை வாசிப்பவர்கள் ஒரு முறை கூகிள் இணையத்தில் உள்ள மேப் பகுதி வழியாக அணையை பார்வையிடுங்கள். நான் சொல்வதில் உள்ள உண்மை புரியும்

முல்லைபெரியாறு:தமிழரிடம் மனசாட்சி இருக்கிறதா?

2011-11-23T07:12:00.000+05:30

முல்லை பெரியாறு விடயத்தில் தமிழகத்தின் செயல்பாடுகள் தவறானவை. கேரளாவின் கோரிக்கையில் 100% நியாயம் இருக்கிறது. முல்லை பெரியாறு அணை மற்றும் பாதிக்கப்பட்ட பகுதிக்கு சென்றுவந்த என்னால் புரிந்துகொள்ள முடிந்தது.

முல்லைபெரியாறு பிரச்சனையில் கேரளாவில் ஏதோ மலையாளிகள் எதிர்க்கிறார்கள் என்று நினைக்க வேண்டாம். முல்லைபெரியாறு அணையால் ஆபத்து என்று சொல்பவர்கள் தமிழர்கள் தான். அதுவும் அந்த அணையின் கட்டுமான பணிகளில் ஈடுபட்ட தமிழர்களின் இன்றைய தலைமுறையினர்.

முல்லை பெரியாறு அணைக்கு கீழே குடியிருப்பதும், விவசாயம் செய்வதும் தமிழர்கள் தான். 10 லட்சம் தமிழர்கள் உட்பட 40 லட்சம் மனிதர்களின் உயிர் பிரச்சனை அது.

மேற்கு தொடர்ச்சி மலையில் உற்பத்தியாகி அரபிக்கடலில் வீணாக கலக்கும் பெரியாற்றை(பெரிய+ஆறு) மதுரை ராமநாதபுரம் பகுதிகளுக்கு திருப்பும் திட்டம் தான் முல்லை பெரியாறு அணை திட்டம்.

முல்லை + பெரியாறு என்ற இரு ஆற்றுப்பகுதிகளை இணைத்து அணையாக நீரை தேக்கி மேற்கு திசையில் பாயும் நீரின் போக்கை கிழக்கு திசைக்கு திருப்புவது தான் அணையின் பிரதான நோக்கம்.

அணை இருக்கும் மலைபகுதி முக்கோண சரிவை உடையது. சரிவில் மேற்குநோக்கி பாயும் ஆற்றுநீரை தடுத்து தேக்கி நிரப்பி கிழக்குநோக்கி எதிர்திசையில் வழிய செய்யப்படுகிறது.

இயற்கைக்கு எதிராக மிகப்பெரிய போரட்டத்தில் கட்டப்படும் இந்த அணையின் ஆபத்தை அப்போதே உணராமல் இல்லை. அதை 999 ஆண்டு ஒப்பந்தபடிவத்தில் தெளிவாகவே சொல்லியுள்ளார்கள்.

பிரதான அணையின் மொத்த உயரம் 177. இதில் 162 அடி வரை தண்ணீரை தேக்கியிருக்கிறார்கள். 104 அடிக்கு கீழான தண்ணீரை எதிர்திசையில் திருப்பகூடாது. அந்த நீர் தேக்கடி பகுதியில் உள்ள வனவிலங்குகளுக்கு சொந்தமானது. 104 முதல் 152 அடிவரையிலான நீரை தமிழகம் பயன்படுத்திக்கொள்ளலாம்.

115 அடியிலிருந்து தமிழகம் தேவையான அழுத்தத்தில் நீரை எடுக்க முடியும்.

அணையின் பலத்தை பொருத்தவரை 50 ஆண்டுகள் மட்டுமே முழுமையான உறுதியிருக்கும் என்பது உலகின் பொதுவிதி.

112 ஆண்டுகளுக்கு முன்னர் சுண்ணாம்பு கலவையில் கட்டப்பட்டது அணை. இதன் மேற்பூச்சு நீர்அரிப்பு தன்மையுடையது. கற்களுக்கு இடையிலான கலைவை பகுதியில் நீர்உறிஞ்சும் தன்ம¬யும் உள்ளது. இதன் வழியாக அரிப்பும் நீர்கசிவும் உள்ளது என்பது உண்மை. நீர் கசிவின் தன்மை ஆண்டுதோறும் வழக்கத்தைவிட அதிகரித்து வருகிறது என்பதும் உண்மை.

உலகில் பயன்பாட்டில் இருக்கும் மிகப்பழமையான 4 அணைகளில் முல்லைபெரியாறு அணையும் ஒன்று. மற்ற மூன்று அணைகளிலும் நீர்தேக்கம் பாதியாக குறைக்கப்பட்டுவிட்டது. ஆபத்தான அணைகள் பட்டியலில் முல்லைபெரியாறு அணையும் உள்ளது.

முல்லை பெரியாறு அணையின் முக்கிய உடல் பகுதியின் நீர்அழுத்தம் கூர்மையாக முக்கிய அணைகட்டின் அடிப்பகுதியை நோக்கி செல்கிறது. அணையிருக்கும் நிலபகுதியும் அதே சாய்வில் சரிவாகவே அழுத்தப்படுகிறது. இப்படிப்பட்ட நிலையில் அதிகப்படியான அழுத்தத்தை அணைக்கு கொடுப்பது ஆபத்தையே தரும்.

முல்லை பெரியாறு பிரதான அணையின் பயன்பாட்டை கொஞ்சம் கொஞ்சமாக குறைத்துக்கொள்வது தான் அறிவுடமை. இதற்கு இன்றுவரை தமிழகம் மாற்றை யோசிக்காதது தான் வேதனை. ஒரு அணையால் ஆபத்து இருப்பது உறுதி செய்யப்பட்ட பிறகு மாற்றை யோசிப்பது தான் மனிதநேயம். அந்த மனிதநேயம் இன்றுவரை தமிழத்திற்கு வராதது ஏன்?

முல்லை பெரியாறு அணையில் அதிகப்படியான நீர் மேற்குநோக்கி வெளியேற்றப்பட்டால் வரும் ஆபத்தை இடுக்கி அணையை பற்றி தெரிந்துகொண்டால் புரிந்துகொள்ள முடியும்.

பெரியாற்றின் குறுக்கே மலை உச்சியில் கட்டப்பட்டுள்ளது முல்லைபெரியாறு அணை. இங்கிருந்து கசியும் நீர் வல்லகடவு, வண்டிப்பெரியார் நகரங்களை கடந்து இடுக்கி அணையை அடைகிறது. பெரியாறு அல்லாமல் பல காட்டாறுகளும் இடுக்கி அணையின் பிரதான நீர்ஆதாரங்கள். எப்போதும் நிரம்பிவழியும் இடுக்கி அணையும் மிகவும் ஆபாத்தான அணைகளில் ஒன்று தான்.

உலகில் வளைவு (ஆர்ச்) வடிவில் கட்டப்பட்ட நவீன அணை இடுக்கி அணை. மூன்று மலை இடுக்குகளில் தடுப்பணை ஏற்படுத்தி செங்குத்தாக நீர் தேக்கப்பட்டுள்ளது. வழக்கத்தை விட கூடுதால் அழுத்தம் கொடுத்தால் இடுக்கி சிறுதோணி அணை உடையும் என்பது நிபுணத்துவம்.

முல்லைபெரியாறு அணையின் வெள்ளப்பெறுக்கால் இடுக்கி அணை உடையுமானால் 40 லட்சம் மனிதர்கள் நீரில் அடித்துசெல்லப்படுவார்கள். கொச்சி என்ற அழகிய துறைமுகமே சுவடற்று போகும். ஏராளமான வனவிலங்குள் கடலில் செத்துமிதக்கும்.

இதெல்லாம் சம்பவிக்காது என்பதற்கு எந்த உத்திரவாதமும் இல்லை. அது தான் நிதர்சன உண்மை.

சரி அடுத்து தமிழகம் பக்கம் பார்வையை திருப்புவோம்.

முல்லை பெரியாறு அணையின் உதவியால் தேனி, மதுரை, ராமநாதபுரம் உட்பட 7 மாவட்டங்கள் செழிப்படைகிறது. இந்த உதவி நிறுத்தப்பட்டால் இந்த பூமி பாலைவனமாகிவிடும் என்பதும் நிதர்சன உண்மை.

இந்த பகுதிகளின் குடிநீர் உயிர் ஆதாரம் முல்லை பெரியாறு என்பதற்கு மாற்றுக்கருத்து இல்லை.

கேரள மக்களுக்கு பாதுகாப்பு வேண்டும். தமிழக மக்களுக்கு தண்ணீர் வேண்டும். இது தான் முல்லைபெரியார் பிரச்சனைக்கான முழுமையான தீர்வு.

115 அடி முதல் 136 அடி வரை நீரை தேக்குவதால் நிச்சயமாக தமிழகம் போதிய நீரை பெறமுடியும். ஆனால் அதை நீண்டநாட்களுக்கு தேவைக்கு ஏற்ப பிரித்து பயன்படுத்துவதில் சிக்கல் இருக்கிறது.

மேலும் தமிழகத்தின் முக்கிய மின்உற்பத்தி நிலையங்களில் ஒன்றான கூடலூர் மின் உற்பத்தி நிலையத்திற்கு 152 அடி வரை நீரை தேக்கினால் மட்டுமே போதிய மின்உற்பத்தி செய்ய முடியும். இங்கு தான் பிரச்சனையே இருக்கிறது.

நமக்கு தண்ணீரா? மின் உற்பத்தியா? எது பிரதானம் என்பதை பார்க்க வேண்டும்.

இதே அணை புவியல் ரிதியாக நேர் எதிர் திசையில் திரும்பி இருந்தால் நாம் ஒத்துக்கொள்வோமா?

நிச்சயம் தமிழகம் மாற்றை யோசித்தேயாகவேண்டும். இல்லாவிட்டால் கேரளாவின் துயரத்தின் மிகப்பெரிய சாபம் தமிழகத்தின் மீது நீங்கா வடுவை ஏற்படுத்தி விடும்.

அரசியலை தாண்டி கேரள மக்களின் கோரிக்கை இதுதான். அணைக்கு மாற்று அணை கட்டவேண்டும். அல்லது அணையின் அழுத்தத்தை குறைத்து நீரை தமிழகம் எடுத்து செல்ல வேண்டும்.

எதிர்பகுதியில் சில கால் வாய்களை வெட்டுவதன் மூலம் எளிதாக இந்த பிரச்சனையை தீர்க்கலாம். ஆனால் தமிழகத்தின் மின் உற்பத்தி பாதிக்கப்படும் அவ்வளவே. எதிர்திசையில் கால்வாய் வெட்டுவது முல்லைபெரியாறு அணை பிரச்சனைக்கு மிகஎளிதான தீர்வாக இருக்கும். இதற்கு அதிககால அவகாசமோ, நிதியோ தேவைப்படாது. மேலும் தமிழகத்துக்கு கூடுதலாக தண்ணீர் கிடைக்கும். கேரள மக்களும் நிம்மதியாக உறங்க முடியும். இப்படி ஏராளமான நன்மைகள் இருக்கிறது. இதை அரசியல்வாதிகள் யோசிப்பார்களா?

கர்நாடகா, ஆந்திராவை ஒப்பிடும்போது கேரளா தமிழகத்துக்கு மிகப்பெரிய தண்ணீர் கொடையளிக்கிறது. ஆந்திரா, கர்நாடகாவுக்கு தமிழகம் ஒரு டி.எம்.சி தண்ணீருக்கு 3 கோடி ரூபாய் தருகிறது. ஆனால் கேரளாவுக்கு 70 டிஎம்சி தண்ணீருக்குநிலகுத்தகையாக 40 ஆயிரம் மடடுமே தருகிறோம் என்பதை மறந்துவிடக்கூடாது. மேற்கு தொடர்ச்சி மலையில் கேரளா நோக்கி பாயும் 36 ஆறுகளை தடுத்து தமிழகம் நோக்கி திருப்பியிருக்கிறோம் என்பதை நாம் மறந்துவிடகூடாது.

கேரளா நமது நண்பன். அவர்கள் கோரிக்கையை மனிதநேயத்தோடு பார்ப்போம். நிச்சயம் தீர்வு உள்ளது.

குமரிக்காக மேற்கு தொடர்ச்சி மலையின் அத்தணை அணைகளையும் ஆறுகளையும் கேரளாவுக்கு விற்றுவிட்டு இன்று மீண்டும் உரிமைகொண்டாடுவதில் அர்த்தம் இல்லை.

வரலாற்றை கொஞ்சம் திருப்பி பாருங்கள்

காமராசரால் அனாதையாக்கப்பட்ட 50 லட்சத்திற்கும் மேற்பட்ட கேரள தமிழர்களின் குரலை ஒருநாளாவது தமிழர்கள் கேட்டதுண்டா?

50 ஆண்டுகால வரலாற்றில் ஒரு தலைவராவறு வண்டிபெரியாறு உட்பட பகுதிகளுக்கு சென்று தமிழர்கள் குறைகளை கேட்டிருக்கிறார்களா?

தமிழகம் என்பது தமிழ்நாட்டில் இருப்பவர்களுக்கு மட்டுமான பாதுகாப்பு தரும் நாடு என்றால் தயவு செய்து தமிழ் என்ற பெயரை தூக்கிவிட்டு சென்னை மாகாணம் என்றே வைத்துக்கொள்ளுங்கள். உலக தமிழர்களுக்கு ஒரு நாடாக இருக்குமானல் அதற்கு தமிழ்நாடு என்று பெயர் இருக்கட்டும்.

வண்டிபெரியார், இடுக்கி இந்த பகுதிகளில் இருக்கும் தமிழர்களின் நலனுக்காக தமிழக அரசு ஒரு துரும்பை கிள்ளியிருக்குமா?

தமிழகம் ஆழியாறு அணையில் இருந்து தண்ணீர் திறந்துவிட மறுக்கும் கொடுமை யாருக்காவது தெரியுமா? ஆழியாறு நீர் கிடைக்காமல் பாலக்காடு மாவட்டத்தில் கருகிபோகும் நெற்கதிர்களின் மரணக்குரலை எப்போதாவது தமிழகம் காதுகொடுத்து கேட்டதுண்டா?

கோவை அருகே அட்டப்பாடி என்ற ஒரு பகுதி இருக்கிறது. உலகின் தலைசிறந்த சுற்றுலா தளமாகவும் விவசாய பூமியாகவும் இருந்த மண் இன்று வீணாக போனது.

காரணம் ஒரு மேம்பாட்டு முயற்சிக்கும் தமிழகம் சம்மதிப்பதில்லை.

புவியியல் மற்றும் கலாச்சர அமைப்பில் தமிழகமாக இருந்த பகுதிகளை காமராசர் தன் சுயநலனுக்காக கேரளாவிடம் அடகுவைத்துவிட்ட கொடுமை யாருக்காவது தெரியுமா?

தமிழக அரசின் உதவி கிடைக்கும் என காத்திருந்து காத்திருந்து கண்கள் பூத்துபோன தமிழர்கள் தான் இன்று கேரளாவின் ஆதரவு கரத்தை பிடித்துள்ளனர்.

காமராசரால் அநாதையாக்கப்பட்ட இந்த தமிழர்களை இன்றும் கவுரவமாக வைத்துள்ளது கேரளா. இவர்களுக்கு தமிழ்பள்ளிகள், தமிழில் அரசு ஆவணங்கள், தமிழில் குடும்ப அட்டை, தமிழில் வாக்காளர் அடையாள அட்டை, தமிழில் பெயர்பலகைகள் என தமிழர்களின் உணர்வுகளுக்கு மதிப்பளித்தள்ளது.

ஆனால் கேரள மக்களின் உயிர் பயத்திற்கு நாம் என்ன மதிப்பளித்துள்ளோம். குறைந்தபட்சம் அவர்களின் கருத்து என்ன என்றாவது காது கொடுத்து கேட்டுள்ளோமா?

மதுரை உட்பட தென்மாவட்ட விவசாயிகளே தயவு செய்து தமிழக அரசியல்வாதிகளை நம்பாதீர்கள். நமது தொப்புள்கொடி உறவுகளின் கையில் உள்ளது முல்லைபெரியாறு தீர்ப்பு.

அவர்களை சென்று சந்தியுங்கள். அவர்கள் நிலையை பாருங்கள். அவர்களது அச்சத்தை போக்குங்கள். அவர்களுக்கு நம்பிக்கை அளியுங்கள். அவர்கள் மனது வைத்தால் முல்லைபெரியாறு என்றும் உங்களுடையது தான்.