مطوري التدخين الالكتروني

التدخين الألكتروني و مرضى السكر

noreply@blogger.com (Anonymous) — Tue, 27 Sep 2016 06:10:00 -0700

من المعروف على نطاق واسع أن تدخين سجائر التبغ يشكل خطرا على الصحة بشكل عام .. وعلى صحة مرضى السكر المدخنون ومع ذلك، هناك فوائد من السجائر الإلكترونية لمرضى السكر.

لفترات طويلة عرف الأطباء أن التدخين العادى يضر مرضى السكر وذلك لاحتواءه على اكثر من 4000 مادة كيميائية ، إلى أن قام احد الأطباء بدراسة عينة من دم الأنسان مريض السكر والتي كشفت عن إرتفاع كبير جدا في مستوى الهيموجلوبين C1A ( مقياس السيطرة على نسبة السكر فى الدم ) فالمستوى العادي هو 4.5 إلى 6 في المئة ، وقد أظهرت الدراسة أن النيكوتين تسبب فى رفع مستوى C1A إلى 34 في المئة بالنسبة لمدخن مريض السكر.

الآن أصبحنا نعلم ان ارتفاع نسبة النيكوتين فى الدم تؤثر على مريض السكري المدخن و تجعل مستويات السكر فى الدم أعلي مما يجعل السيطرة على هذا المرض صعبة ، وقد يمكن - لا قدر الله - ان تحدث مضاعفات خطيرة مثل العمى أو الاصابة بنوبة قلبية او السكتة الدماغية أو تلف الاعصاب ، فمريض السكر المدخن أكثر عرضة لأمراض القلب عن المدخن الذي لا يعاني من مرض السكر.

إن بعض الاطباء قد يحذر مريض السكر من استخدام السجائر الألكترونية والسبب في كونه أحد أنظمة توصيل النيكوتين عن طريق محلول مختلط من النيكوتين و البروبلين جلايكول و الجلسرين النباتي والمواد المنكهة المتنوعة ، ولكن كثير لا يعلمون أن هذا المحلول المختلط .. يمكن أن يتواجد بدون نيكوتين نهائياً على عكس التدخين العادى الذي يحتوي على جرعات كبيرة من النيكوتين بالاضافة إلى ما يقرب من 4000 مادة كيميائية اخرى مضرة .. مما يجعل التدخين العادى لمريض السكر .. شبه قاتل .

التدخين الألكتروني يعبر عن محاكاه للعادة التي طالما استمر عليها مريض السكر لفترة طويلة من استخدام الايدي والفم و نفث الدخان ولكن بكميات ضئيلة من النيكوتين او بدونها.

ففائدة التدخين الالكتروني لمريض السكر هو انه لا يزال يتلقي نفس القدر من الارتياح النفسي والمتعة المعتاد عليها من سيجارة التبغ ولكن دون التعامل مع المخاطر نفسها التي تأتي مع سجائر التبغ .. ويمكن لمريض السكر أن يستخدم التدخين الالكتروني ولكن مع اختيار نسب ضئيلة من النيكوتين او بدونه.

الروابط

https://www.adwdiabetes.com/articles/diabetes-and-e-cigs-benefits-and-risks

https://www.diabetes.co.uk/ecigs-vaping-and-diabetes.html

http://guidetovaping.com/2013/05/28/the-benefits-of-electronic-cigarettes-for-diabetics/

عملية التعتيق لليكويد

noreply@blogger.com (Anonymous) — Mon, 26 Sep 2016 03:03:00 -0700

التعتيق : هو عملية تسمح لمزج و تجانس النكهات لتقديم أفضل طعم ممكن.

كيف يتم التعتيق ؟

أفضل طريقة للتعتيق هو أن يترك الليكويد في درجة حرارة الغرفة، وفي مكان مظلم ، وهذا يقلل من فاقد أو اكسدة كمية النيكوتين أو تغيير لون الليكويد في بعض الأحيان وكثير من الليكويد يغير لونه مع مرور الوقت حتى وان كان بدون نيكوتين ( تأثيرات تفاعل الفليفور مع باقي العناصر من جلسرين وبروبلين )

طرق التعتيق :

هناك العديد من الطرق يحاول البعض استخدامها لتسريع عملية التعتيق مثل :

1- حمام الماء الساخن : وضع الخليط ( الليكويد بعد الخلط ) في حمام ماء ساخن لفترة 20 دقيقة مع الاستمرار فى الرج أو الخلط .

2- استخدام الميكروويف تحت درجة حرارة 40 درجة.

3- جهاز الالترا سونيك

قد تكون هناك بعض الحقيقة في هذه الطرق ، ولكن ، عامل الوقت هو أفضل طريقة . فإذا قررت أن تستخدم احد وسائل التدفئة السابقة .. يفضل عدم إضافة النيكوتين قبل القيام بذلك و يفضل وضعه بعد الانتهاء من التدفئة ، لأن استخدام احد الوسائل السابقة قد يؤدي لتكسير روابط النيكوتين وزيادة كثافته ويتركز أسفل الخليط أو يتم تبخره.

أفضل عملية تعتيق هي استخدام العبوات الزجاجية المغلقة تماما ووضعها فى مكان مظلم ودرجة حرارة الغرفة لفترة من الزمن تتراوح بين ال15 : 21 يوما

وذلك بالنسبة لنا القائمين بالوطن العربي ، حيث أن افضل طريقة تعتيق تستخدم فى كبرى شركات تصنيع الليكويد في أمريكا والعالم .. تستخدم البراميل الخشبية و تتراوح مدة التعتيق إلى شهران .

اسطورة الفورمالدهيد ... في الفيب

noreply@blogger.com (Anonymous) — Sun, 25 Sep 2016 06:26:00 -0700

بحث أولي جديد مقدم يوم 3 مارس 2016 في المؤتمر السنوي لجمعية ابحاث النيكوتين والتبغ في شيكاغو، إلينوي، ومن المؤكد أن تؤجج الجدل الدائر بشأن الأضرار الفعلية للسجائر الالكترونية.

وتزعم الدراسة أن وجدت أنه حتى الاستخدام المكثف للسجائر الإلكترونية، أي ما يعادل تقريبا 350 نفث في اليوم، سوف يترك فورمالديهايد قليلا، وبقياس ما تعرض إليه البحث من ثلاثة منتجات Vaping إلى عدة معايير السلامة، بما في ذلك واحد مصمم من قبل منظمة الصحة العالمية (WHO)، اتضح أن لم تصل نسبة الفورمالدهيد إلى حد كبير. بالمقارنة مع سيجارة التبغ التقليدية، وهو مصدر متاح بسهولة من الفورمالديهايد، وجدوا أن مستوى التعرض السجائر الإلكترونية كان أكثر من 10 مرات أقل مما يدل السلامة النسبية.

"إن نتائج هذه الدراسة تظهر أنه حتى الاستخدام المكثف لهذه المنتجات لا تزال النتائج الوحيدة في التعرض الفورمالديهايد اليومي الذي هو أقل من سدس من التعرض لاستنشاق الهواء في الأماكن المغلقة التي تتوافق مع معايير جودة الهواء لمنظمة الصحة العالمية،"

الطبيبة ساندرا Costigan قالت في بيانها.

تم تمويل هذه الدراسة والتي أجرتها شركة التبغ البريطانية الأميركية (BAT)، في عام 2013 باعتبارها "شركة التبغ الدولية الأولى لإطلاق السجائر الإلكترونية، Vype، في المملكة المتحدة." في عام 2014، فإنه وضعت اثنين من المنتجات السيجارة الإلكترونية إضافية، وVype eStick وVype ، و بجانب بعض المستقلين والتي فضحت فى نهاية المطاف تهليل شركات التبغ والدراسات الممولة من جانبها فإن حتى السجائر المنخفضة القطران او التي تحتوي على صفر نيكوتين لم تقلل في معدلات الوفيات حتى عند التبديل بينها وبين السجائر عالية القطران والنيكوتين التي كانت عليها فى الماضي.

ما تم نشره فى مجلة نيو أنجلاند جورنال اوف ميديسين العام الماضي بأن الاستخدام المكثف للسجائر الالكترونية بتعث مستويات عالية من الفورمالدهيد مقارنة بالسجائر العادية و انها يمكن بشكل تدريجي أن تؤدي لخطر الاصابة بالسرطان أعلى 15 مرة من السجائر التقليدية.

وبطبيعة الحال كانت هذه مؤامرة على التدخين الالكترني فإن الفورمالدهيد ينتج عن حرق السكريات الطبيعية الموجودة فى التبغ فضلا عن السكريات المضافة والجلسرين المضاف لتحسين طعم السجائر ، في حين أن التدخين الالكتروني ينتج بشكل عام عن التحلل الحراري للجلسرين والبروبلين جليكول ، فضلاً عن احتراق السجائر العادية ينتج عنها الفورمالدهيد بشكل غازي و هو اخطر عند استنشاقه على اجسامنا ، ولكن ما زال الغموض في تحديد معايير الفورمالدهيد الناتج عن التدخين الالكتروني ، فجميع النتائج توصلت إلى الفورمالدهيد عند مستويات الفولت العالي ، وإن قلة من المستهلكين فقط تقوم بهذا ولا تظهر مستوياته عن انخفاض الفولتية فتكون ضئيلة للغاية.

المصدر: الفورمالديهايد من مختلف أشكال السجائر الالكترونية شكل مقارنة بالهواء - منظمة الصحة العالمية. المؤتمر السنوي لجمعية ابحاث النيكوتين والتبغ. 2016.

http://www.medicaldaily.com/formaldehyde-e-cigarettes...

اوتينج مدينة نصر يوم 24/9/2016

noreply@blogger.com (Anonymous) — Sun, 25 Sep 2016 02:30:00 -0700

كان الاوتينج يضم عدد كبير من السادة الاعضاء الافاضل .. و قد قام الاستاذ محمد بالي بشرح برنامج Juice me up في طريقة تصنيع الليكويد .. و قام بعمل ليكويد كلون لـ mother's Milk وتم توزيعه على الحضور

إليكم الصور

دليل المبتدئين فى عمل الليكويد DIY

noreply@blogger.com (Anonymous) — Thu, 22 Sep 2016 06:13:00 -0700

واحدة من اهم عيوب الفيب ، هي تكلفة الليكويد .. لو كنت بتشتري ليكويد و على الاقل بتشرب تانكين فى اليوم يعنى هتحتاج 10 مللي تقريبا فى اليوم ، ولو كنت من محبي الليكويد الجاهز او البريميوم يبقى هيتخرب بيتك.

ما تقلقش .. حل الموضوع ده إنك تعمل الليكويد بنفسك ، و دي هواية انتشرت بسرعة فى العالم كله .. لأنها فعلا سهلة و كمان موفرة جدا .. ده غير انك حقيقي هتبقى فى قمة سعادتك لما تشرب حاجة انت اللى طابخها و تعجبك و تعجب صحابك .

ابسط الأمور هي انك بتخلط اربع عناصر مكونة و رئيسية في الليكويد و دى عبارة عن جلسرين نباتى VG و بروبلين جليكول PG ونيكوتين و فليفور ومش شرط تحتاجهم كلهم .. ماهو ممكن مثلا تحتاج تعمل ليكويد زيرو نيكوتين و بالتالي مش هتحتاج نيكوتين فى الخلط والموضوع سهل جدا مش معقد ولا محتاج كيميائي يعنى ولا معمل .. لو حضرتك بتعرف تسلق بيض .. يبقى اكيد هتقدر تعمل الليكويد :D

إيه بقى اللى هتحتاجه عشان تعمل الليكويد ؟

- البروبيلين غليكول - والمعروف باسم PG.. وتأكد انها USP يعنى معدة طبقا لشروط منظمة العقاقير الامريكية .

- الجليسرين النباتي - أو VG ودي الجزء الأكبر فى الليكويد واللى برضه لازم تتأكد انها USP .

- النيكوتين - وده اللى هتحتاجه عشان يعمل نفس التأثير على دماغك من السيجارة والشيشة. وده بقى هتبقى مضطر تجربه بنفسك وتقيس تأثيره عليك لما تشتريه من اى تاجر وعندنا فى مصر بيتباع فى كميات صغيرة 30 مل جرب فيهم براحتك .. احسن من دول تانية كتير عشان تجرب بتبقى مضطر تشتري 100 مل على اقل تقدير.

- النكهات المركزة أو الفليفورات - ودي اللى بتدي الطعم اللى في الليكويد .. ودي بتكون حسب ميولك انت وانت اللى بتختارها حسب الريسبي ( الخلطة) اللى ناوي تطبخها. وممكن تشتريها كنكهة فردية ( سينجل فليفور ) او ممكن تشتري خلطات جاهزة لمجموعة نكهات مع بعض ( فليفور شوتس ) .

خلاف كدة .. هتحتاج بعض الادوات التانية عشان تخلط فيها المكونات اللى فاتت مثلا هتحتاج :

- أزايز التخزين - ودي بتفضل تكون ازايز من نوع PET احجام 100 مل ولو قدرت تجيبها ازاز .. يبقى احسن بكتير .. التعتيق فى الازاز بيكون افضل من ازايز الPET .

- سرنجات – هتحتاج شوية سرنجات من الصيدلية كدة .. مقاس 50 مل هتجيب منها واحدة .. و مقاس 10 مل هتجيب منها حوالي 5 مثلا ومقاس 3 مل هتجيب منها واحد للنيكوتين .

- قطارات للتعبئة و تخص الاستخدام : حاول كدة تشترى 10 قطارات كفاية فى الاول عشان تقدر تعبي فيهم ليكويد و تستخدمه بعد التعتيق والخلط .

- هتحتاج كمان اجندة و قلم و تسجل خطواتك اللى هتعملها واحدة واحدة .. عشان لو حبيت رجعلها وتعملها تانى .. او لو حبيت تعدل حاجة عليها ..

نمشي بقى خطوة خطوة:

الخطوة الأولي : هتحتاج لوصفة ونسب :

يعنى مثلا لو عاجبك ليكويد معين وليكن Mustard Milk يبقى حضرتك هتجيب الوصفة بتاعتها ازاى يتعملو بيتكون من ايه مثلا هتلاقيها كالتالي :-

· Strawberry (TPA) 6%

· Vanilla Bean Ice Cream (TPA) 6%

حضرتك بتلاقي ديما السطر في الوصفة عبارة عن 3 حاجات جنب بعض .. الاول اسم النكهة ( فراولة مثلا في السطر الاول ) جنبها كلمة TPA وده اختصار اسم الشركة المصنعة The Perfumer's Apprentice وبعدين النسبة من الفليفور المئوية .. يعنى مكتوب 6% يبقى حضرتك هتاخد منها 6 مل عشان تعمل ليكويد 100 مل

الخطوة التانية : خد قرارك :

محتاجك تاخد القرار انك هتعمل الليكويد بنسبة كام VG لكام PG اغلب التانكات الجديدة كنفس شيشة بتستخدم نسب عالية من الجلسرين VG عشان يبقى الليكويد تقيل شوية و ما يعملش تسريب او Leak من التانك ولو عاوز تحس بثروت هيت جامدة فى الزور ( حرقة بسيطة يعنى زى السيجارة) ممكن تزود نسبة الPG شوية و تخليها 60 جلسرين و 40 بروبلين.

الخطوة التالتة : حدد دماغك ؟؟

كل واحد مننا مختلف فى شربه للسجاير و على مدار كام سنة .. يبقى حضرتك اللى هتقرر هتحط كام نيكوتين يناسبك .. لكن لو محتاج النصيحة .. بما انك مبتدأ يبقى تعمل النيكوتين بتاعك تركيز 4.5 فى الاول .. وما رضتش اقولك 6 عشان في ناس هاجمتنى وقالت كتير :D :D :D رغم انى واحد من الناس بدأت بنيكوتين 9 :D :D :D :D

الخطوة الرابعة : القياس :

محتاج تعرب النسب المظبوطة للقياس لو حاسس انك هتتلغبط و مش عارف هتحط كام جلسرين و كام بروبلين والنيكوتين اهو انت اللى هتحدده و النسب بتاعة النكهات ( الفليفور) موجودة فى الريسبي.

فيه مواقع كتير و برامج على الموبايل تقدر تحللك الموضوع ده زي e-liquid-recipes.com و EjuiceMeUpو Vapor Calc. لكن الفكرة باختصار بتعتمد على ان حضرتك تعرف قاعدة النيكوتين والفليفور و هيتم خصمها من البروبلين ولا الجلسرين.؟

ببساطة حاول فى الاول تستخدم نيكوتين يكون قاعدته PG و ديما النكهات بتكون على قاعدة بروبلين أو ماء .. فى كلا الحالتين نعتبرها على بروبلين .

بعد كدة بقى تبدأ على بركة الله تخلط الطبخة حسب المقادير المناسبة ليك .. وليكن هتعمل الليكويد بنسبة 70 جلسرين : 30 بروبلين :

يبقى هتحط 70 مل جلسرين وعليهم 4.5 نيكوتين و الفليفور اللى فى الوصفة اللى فاتت كانت 6 مل فراولة و6 مل فانيلا بين ايس كريم .. وتجمعهم و تطرحهم من ال100 يطلع الباقي البروبلين اللى هتحطه على الخلطة :D

نيجي بقى للخلط

اول حاجة توفر مكان نضيف و مناسب و صحي مافيش فيه حيوانات أليفة او اطفال .. اغسل ايديك يا باشا .. والبس جوانتى مطاط ( عشان هتستعمل نيكوتين و ده يعتبر سم )

تجيب بقى برطمان او بيكر ازاز .. وتحط جانبك السرنجات وازايز العناصر الاربعة ..

1- تمسك السرنجة ال50 سم .. و تعاير بيها الجلسرين .. هتاخد ال50 كلهم اول مرة و تحطهم فى البيكر .. بعد كدة تاخد كمان 20 مل بالسرنجة و ارجع حطهم تانى فى البيكر.. و كدة تبقى حطيت 70 مل جلسرين.

2- تمسك بقى السرنجة ال3 سم .. وتحط بيها 3 سم نيكوتين و تعيد تانى تاخد 1.5 سم نيكوتين فوق الجلسرين اللى فى البيكر.

3- تمسك سرنجة 10 سم للنكهة الاولى ( الفراولة) وتعاير بيها 6 مل من الفراولة و تحطهم على الخليط فى البيكر و تركن السرنجة دى خلاص ما تستخدمهاش تانى لحد ما تغسلها.

4- تمسك سرنجة تانية 10 سم للنكهة التانية ( فانيلا بين ايس كريم) وتاخد بيها برضه 6 سم و تحطهم على الخليط اللى فى البيكر و تركن السرنجة.

5- تيجي هنا و تحسب بقى .. هو البيكر بقى فيه كام من ال100 مل ؟؟؟؟ نحسب 70 جلسرين + 4.5 نيكوتين+ 6 فراولة + 6 فانيلا بين ايس كريم = 86.5 مل .. فاضلهم كام عشان يبقوا 100 ..؟؟ فاضل 13.5 مل .. خدهم بسرنجة بقى من ازازة البروبلين و حطهم على الخليط. و بكدة معاك 100 مل من الكاسترد ميلك تتهني بيهم يا باشا . :D

طب بعد ما عملنا الخليط ده بقى .. كدة خلاص ولا هنعمل ايه تانى ؟؟؟

دي بقى مرحلة المزج .... لازم تمزج الخليط ده كويس جدا .. ممكن ناس تستخدم مضرب الكابتشينو او القهوة و تمزج بيهم الخليط ده .. او ممكن تقفل الازازة بغطاها و تفضل ترج فيها لحد ما تعكر ولونها يبقى ابيض زى اللبن .. او مائل للإصفرار شوية.

طب وبعد الرج والمزج ده ؟

بس خلاص .. اقفل ازازتك .. حطها فى مكان ضلمة وفي درجة حرارة الغرفة واقفل عليها فترة كدة من 3 اسابيع لشهر .. عشان المزيج ده يعشق فى بعضه و يتمزج النكهات فيه كويس مع بعضها. وافتكر ان كل اما نسبة الجلسرين زادت .. كل ما تاخد وقت اكتر فى التعتيق (الاستيب).

اكتب كل اللى انت عملته بالتاريخ فى الاجندة .. عشان تعرف عملته امتى و امتى هتفتح الازازة و تجربه.

حاول ديما .. تخلي بالك ان الحرارة واشعة الشمس المباشرة ممكن تبوظ الليكويد وتخليه ما ينفعش تشربه .. فلو قفلت عليها فى مرحلة التعتيق فى مكان ضلمة اتأكد انه حرارته كويسة مش مكان الحرارة فيه مرتفعة.

بعد شهر يا باشا .. طلع الازازة .. اعمل تست ب1 مل فى التانك .. واشرب وشوف الطعم .. ساعتها صور نفسك سيلفي عشان نشوف تعبيرات وشك .. مبسوط من الطعم .. والا قرفان منه .. وهابي فيب :D :D :D

حلول لمشكلة الرذاذ و طرقعة الوك في الفيب

noreply@blogger.com (Anonymous) — Thu, 22 Sep 2016 03:30:00 -0700

كتبه : أحمد غزي

لما بندوس فاير والكويل بيبخر الليكويد ساعات بيبقى في صوت عنيف و طرقعة جامدة.. طرقعة يعني ليكويد بيطير وهو سخن.. يعني رذاذ مولع.. لو التانك بتاعك مافيش في تصميمه ايه حاجة تمنعه هيوصل زي الرصاص للسانك وزورك ويسيب احساس مؤلم ممكن قوي يقلب بقرحة تعكنن عليك كذا يوم او خرم في شفتك او لغلوغ حضرتك البرئ.

اختلفت الاساطير في سبب الطرقعة والرذاذ وبعيدا عن الفتي والاساطير السبب الرئيسي ليها انه في ليكويد زيادة عن اللزوم فوق او بين لفات الكويل مش بيـتبخر بالسرعة الكافية بس بيغلي وتحته على مسافة اقرب من معمعة الكويل ليكويد اتبخر بس محبوس وعايز ينطلق فبيطير وياخد في سكته اللي بيغلي ولسه ماتبخرش ويجي زي الصاروخ على زورك.. نسيبنا بأه من هري كتير ونمسك في دا.. ليكويد زيادة على الكويل يعني طرقعة ورذاذ.. ممكن تكون محظوظ واتجاه الرذاذ مايكونش في اتجاه النفس لكن في النقطة دي في ناس كتير جدا حظهم منيل بنيلة كتير جدا (سواء الناس او النيلة الاتنين كتير)..

السؤال بأه ايه اللي بيخلي ليكويد زيادة يتجمع على الكويل ويجيبلنا العكننة دي عشان نعالجه.

نفهم اكتر

ناخد الموضوع على شقين.. في كويلات جاهزة وفي كويلات بتتعمل على ريبلد RBA.. الاتنين سببهم ومشكلتهم واحدة.. الوك.. مش الكويل.

الليكويد بيتجمع على الكويل في مكان من اتنين يا اما بين لفات الكويل لو فيها مسافات (زي سبيسد كويل او تويستد) والوك بتغرقه يا اما في "جيب هوا" او “Air Pocket” ودا عبارة عن فجوة صغيرة قوي قوي بين القطن و واحدة او اكتر من لفات الكويل. الجيب او الفجوة مش هتعرف تشوفها بعينك لكنها كافيه لتحويش قطرة ليكويد وبالسلامة انت كدا تعال يوم التلات خد الاشعة.. عرفت بأه بنقولك شد اطراف الكويل اللي بتلفه على المفك ببنسه او كماشة ليه قبل ما تركبه.. عشان لفاته تبأه مشدودة على نفس القطر مش واحدة واسعة وواحدة ضيقة والقطن يمشي بفراغات فيهم.. وعرفت بأه ليه الكويل الرأسي Vertical Coil ملك الرذاذ.. عشان عمر القطن اللي حواليه من برا ما بيكون محكم زي قطنة مدفوسة من جواه.

كانو بيقولوك اعلى بالوات ودا بيساعد في تبخير اللي كان بيغلي بدل ما يطرقع بس ممكن يكون مستوى الوات المناسب مش اللي انت تحبه.. وكانو بيقلولك وطي الوات عشان التبخير يحصل ببطء عشان مايقلبش بغليان وفرقعة سريعة بس ممكن الوات المناسب يكون قليل على كلاود وفلافور انت عايزها. دا غير انك لو كويل جاهز يقولك مالكش حل غير كويل جديد ويمشي و يسيبك تلعب مع الاسد ولو بتعمل ريبلد يقولك غير الوك ويمشي ويسيبك تلعب مع مرات الاسد لحد الاسد مايخلص لعب مع زميلك ويجيلك.

هنقول حلول "مجربة" وفعالة للي معاه كويل جاهز واللي بيعمل ريبلد.. ممكن حل واحد يكفيك او ممكن تعمل كل اللي يناسبك.

الحلول

نحط الهدف الاول.. الغاء الرذاذ او على الاقل منعه من الوصول ليك.. سواء بكويل تحته وك مابتغرقوش ليكويد ومافهاش جيوب هوا تحوش ليكويد برا القطن او بشكل تاني يراعي الناس اللي معاهم كويل جاهز مايقدرش يلعب فيه قوي.

حل #1.. "الشيزوفرينا" .. للجاهز والريبلد

لو مش عايز او مش قادر تعدل الوك.. الشيزوفرينا هي الحل.. زمان قلنا القطن له شخصية وهو مبلول وشخصية وهو ناشف.. احنا هنجيبله شيزوفرينا..

هنبله ينفش وبعدين ننشفه وبعدين نبله ينفش تاني لو لسه فيه نفش.. حاجة بتاعة عشر دقايق عشان كويل هتعيش بيه اسبوع او اتنين.. ازاي يعني وضح اكتر.. ماشي.

وانت في العادة بتركب كويل جديد بتشربه ليكويد قبل ماتقفل عشان القطن مايتحرقش.. كتير جدا احنا بنشبع القطن بزيادة ودا بيغرق الكويل مهما بخرنا بيفضل غرقان لان الوك اول باول بتعوض حتى لو كان التعويض بزيادة.. اول حاجة اربط مسمار السنتر بن كويس في التانك من تحت وبعدين اربط الكويل هيد او قطعة الريبلد في التانك كويس عشان اي عدم احكام بيسيب خلخـلة و فراغ في جسم التانك وضغطه وبيسبب تعويم ليكويد للكويل بسبب خلخلة الضغط.. تاني خطوة اقفل فتحات الليكويد لو التانك فيه اوبشن كدا ولو مفهوش اقلبه لتحت بحيث تعزل الفتحات عن الليكويد وبالتالي "تجفف منابع الوك".. وفيب شويتين كدا على وات هادي 15 لـ 18 بالكتير والوك مش طايلة ليكويد لحد ماتنشف والبخار يقل وابدا بالراحة خد سحبات خفيفة عشان انت بتقرب من دراي هت.. في بأه دراي هت بتبقى خفيفة يدوب تحس "بريحة شياط خفيفة قوي.. قوي" وفي دراي هت بتعمل حمل خارج الرحم.. اللي عايز التانية هو حر بس احنا هنا عايزين الاولانية ودي من سحب خفيف متواصل لحد ما الوك تنشف وتحس بشياط خفيف قوي قوي..

كدا القطنة نشفت سيبها ناشفة خمس دقايق وافتح فتحات الليكود او اعدل التانك واسحب سحبتين هوا من غير فاير (سحبتين مش اتـنين تسونامي عشان ماتغرقش الوك).. دا عشان الوك ترجع تشرب ليكويد بس المرة دي هتشربها بمقاسها وسرعتها هي مش بمقاس ايدك اللي كانت بتليفها وانت بتركبها اول مرة.. دا غير ان القطن اتبل ونشف واتبل تاني هيخليه يحاول ينفش اكتر ولو فيه جيب هوا فرصتك كبيرة انه يتقفل تلقائيا مع النفش.. انا مجرب دي وشغالة تمام.. .ساعات بيفضل طرقعة خفيفة بس الرذاذ بيقل جدا جدا اذا مانتهاش اصلا ولو ماظبطتش اول مرة كررها هتظبط. لو مش ظابطة يبقى عيب الوك او مقاسها او فيها خرم اوزون مش جيب هوا وعايزة حل تاني خالص.. عرفت ليه بيقولولك استحملها شوية لو الكويل جديد وهي تتحل.. عشان التانك اما بيفضى الوك بتنشف وانت ترجع تعبي تاني.. القطن حصله شيزوفرينا وانت مش واخد بالك.

حل #2.. "فلتر المش".. للجاهز والريبلد

لو عايز حل سريع من غير اي تعديل في اي حاجة او لو مستمتع بالطرقعة بس مش عايز الرذاذ استخدم Stainless Steel Mesh 500 or 400 تحت الدرب تيب.. المش دي عاملة زي الشبكة وبتلعب دور الفلتر في مشكلتنا.. قص حته صغيره على مقاس الفتحة اللي تحت الدريب تب ورقدها فيها وركب عليها الدريب تب.. فعالة وتشتغل زي الالف هتعديلك هوا مرتاح مش هتاثرعلى كلاود ولا فلافور لكن هتصطاد اي رذاذ طاير عايز ياخدك غرز في زورك.. بس المهم تكون فتحاتها مش ضيقة قوي تقتل النفس ولا واسعة قوي تعدي الرذاذ.. مقاس 500 او 400 او اللي يريحك.. بتتباع عند بعض التجار في الجروب ورخيصة جدا وانت مش هتحتاج تغيرها او تجيبها كل شوية يادوب هتنضفها بس وتركبها تاني.

حل #3.. "طخ الوك".. لبتوع الريبلد فقط

حل المشكلة من الجذور هو تغيير الوك... الوك اللي تتسبب في جيوب هوا او تغرق الليكويد هي وك نحيفة او قطنها قليل مالوش ممانعة بيتشرب ليكويد ويوصله بسرعة زيادة عن اللزوم.. او على الاقل قطنها مابيملاش مركزه ويسيب جيب هوا فارغ بينه وبين الكويل (عينك مش هتشوفه).. زود عرض القطن.. القطنة تدخل جو الكويل بشدة بس زيادة حبه عن المعتاد.. او يادوب يادوب تبقى خلاص هتتحشر بس ماتحشرهاش عشان ماتضغطش القطن وتبقى عالجت الرذاذ وتقع في مشكلة دراي هت بانك قفلت ممرات الليكويد في القطن جوا الكويل.. محتاج تدرب نفسك على قطنة اعرض سنة تملا مكانها وماتسيبش جيب هوا وسمكها يلعب ضد زيادة سرعة تغريق الليكويد وبالتالي يمنع الرذاذ.

حل #4.. بونص Bonus

الليكويد اللي فيه جلسرين قليل زي 50/50 مثلا دا بيكون سلس وانسيابي بيتزحلق جوا القطن ويوصل بسرعة و أحد الاسباب الغير مشهورة اللي تعمل غرقان ورذاذ.. غير لليكويد يكون فيه جلسرين اعلى زي 70 او اكتر عشان دا هيكون بطئ التدفق ومش هيغرق الكويل ولا يعمل رذاذ.. او استخدمه بس مع الحل رقم 3 عشان القطن هيعوق الفيضان بتاعه.

انت كدا فهمت الرذاذ بيحصل ليه.. ولو التانك مش بيحميك ومش عايز تغيره يبقى انت غاوي او ماكنتش تعرف حلول و أديك عرفت كذا حل مجربين وفعالين محتاج تجربهم لحد ماتلاقي اللي يناسبك من اجل زور ولغلوغ افضل..

ومهما حصل اوعى في يوم تنسى.. لغلوغك امانة..(حضن مطارات)

تقرير منظمة الصحة العامة بإنجلترا حول مساعدة التدخين الالكتروني فى الاقلاع عن التدخين

noreply@blogger.com (Anonymous) — Thu, 22 Sep 2016 03:12:00 -0700

إن معدلات التدخين في انجلترا تتجه للانخفاض على المدى الطويل. ومع ذلك، لا يزال تعاطي التبغ واحدة من التحديات الرئيسية للصحة العامة في البلاد .

خلال السنوات الأخيرة، أرتفعت شعبية السجائر الإلكترونية لتصبح المساعد الأول في الإقلاع عن التدخين الذي يستخدمه المدخنون.

وقد اجتذبت هذه الظاهرة التي يقودها المستهلك نفسه جدلا كبيرا داخل جمهور الصحة وخارجها، والنتيجة ما زالت مؤسفة نظراً لحالة الارتباك المجتمعي والرأي العام المنقسم بين مؤيد ومعارض ، وكان الانقسام يدول حول المخاطر النسبية من النيكوتين والسجائر الالكترونية وتدخين التبغ.

تلعب الصحة العامة إنجلترا (PHE) دورا رئيسيا في تعبئة قاعدة الأدلة لحماية الصحة العامة والحد من عدم المساواة. رداً على عدم اليقين وكان الجدل المرتبط بالسجائر الإلكترونية قائم على قاعدة أدلة صحيحة . في عامنا الأول فوضنا استعراض أدلة مستقلة عن قيادة باحثون بريطانيون البروفيسور جون Britton ، والبروفيسور ليندا Bauld.

نشر التقرير في مايو عام 2014 ، ليتزامن مع ندوة وطنية لدينا على السجائر الإلكترونية و التبغ الحد من الضرر، بجانب تقارير معهد أبحاث السرطان في المملكة المتحدة بشأن السجائر الالكترونية في المملكة المتحدة ، وقد تناول المنتدى مناقشة الأبحاث الجديدة والناتجة عن التطوير والمعرفة والفهم، وتعزيز التعاون بين الباحثين المهتمين في هذا الموضوع، هذا وقد أحدث مراجعة شاملة بالدليل لما وصل إليه التدخين الالكتروني منذ تاريخه . وبتكليف من البروفيسور آن ماكنيل والبروفيسور بيتر هايك، وملخصه الآن هو قاعدة القرائن الدولية الكبيرة على أن السجائر الألكترونية توفر أساساً متيناً في وضع السياسات والممارسات الصحية .. و نحن الآن نقوم بإعداد تقرير مجمع للوائح جديدة بشأن تداول السجائر الألكترونية ليتم عرضه في مايو 2016 في المملكة المتحدة تحت منتجات التبغ ، وتوجيه الاتحاد الأوروبي المنفتح ( قيد التشاور حالياً).

النتائج الرئيسية للاستعراض الأدلة

ويورد التقرير تفاصيل الزيادة المطردة في استخدام السجائر الإلكترونية في إنجلترا خلال السنوات الأخيرة (الشكل 1). وقد اتخذت هذه الزيادة في سياق الاستمرار على المدى البعيد بانخفاض معدل انتشار التدخين بين البالغين (الشكل 2) والشباب (الشكل 3).

وقد أصبحت السجائر الألكترونية الوسيلة رقم واحد فى الاستخدام بهدف الإقلاع عن التدخين بين الشباب الكبار والبالغين (الشكل 4)

وكانت النتائج أن السجائر الإلكترونية يمكن أن تكون أكثر فعالية في مساعدة الناس على الإقلاع عن التدخين. عكس اعداد المدخنين الزائرين لمكاتب خدمات الإقلاع عن التدخين المحلية عبر إنجلترا ، فالسجائر الإلكترونية مع دعم الخبراء لها ، لديها معدلات عالية من النجاح (الشكل 5).

وبموجب التنظيم الحالي لمنتجات السجائر الإلكترونية بشكل فردي ، تختلف إلى حد كبير من حيث الجودة والمواصفات. ونحن ليس لدينا أية بيانات حول السلامة في الاستخدام على المدى الطويل ، ومع ذلك، فإن أفضل تقدير حالي من قبل الخبراء أن استخدام السجائر الإلكترونية لا تمثل سوى جزء من مخاطر التدخين العادي (الشكل 6).

السلامة وتصور المخاطر

ومن المهم أن يتم تزويد الجمهور بمعلومات متوازنة على مخاطر السجائر الإلكترونية، فأن المدخنين يحتاجون لفهم الفوائد المحتملة للتبديل ، وغير المدخنين يحتاجون لفهم المخاطر التي تناول السجائر الإلكترونية قد يترتب عليه ، والسجائر الإلكترونية لا تشكل أي خطر لحدوث تسمم بالنيكوتين لو تم استخدامها على النحو المنشود ، ويجب على مستخدمي السجائر الإلكترونية وضع السوائل الإلكترونية بعيداً عن الأطفال ومزودة بغطاء حماية للأطفال .

وقد أنهى البروفيسور جون بريتون مراجعته عام 2014 لـ PHE، والتي أظهرت أن التدخين الألكتروني لا يكون صحي وآمن 100% حتى وأن كانت معظم أو اغلب مكونات اتلدخين العادى غائبة فى التدخين الألكتروني وأن مكونات السائل الالكتروني تشكل خطراً محدود ، ولكنها صالحة ، فعلى أفضل تقدير حالي أن استخدام السجائر الألكترونية أقل ضرراً من التدخين العادي بحوالي 95%. على صحة المدخن.

السجائر الإلكترونية تطلق مستويات ضئيلة من النيكوتين في الهواء المحيط مع عدم وجود المخاطر على صحة المارة إذا تم التدخين فى الأماكن العامة.

الآثار المترتبة على أدلة السياسات والممارسات:

واستنادا إلى نتائج استعراض الأدلة أيضا ينصح PHE ما يلي:

· السجائر الإلكترونية لديها القدرة على مساعدة المدخنين على الإقلاع عن التدخين، والأدلة تشير أنها تحمل جزء من مخاطر التدخين ولكنها ليست خطر حر

· السجائر الإلكترونية ستستخدم على نطاق واسع في المستقبل ، وذلك للحد من التدخين فى المجتمعات الأكثر حرماناً نظراً لإنخفاض تكاليفها ، حيث ارتقى التدخين، ونريد أن نرى هذه الإمكانات تتحقق بالكامل

· هناك فرصة كبيرة محتملة لمساعدة السجائر الإلكترونية في التصدي لارتفاع معدلات التدخين بين الذين يعانون من مشاكل الصحة العقلية، لا سيما في سياق إنشاء وحدات للصحة النفسية خالية من التدخين.

· إمكانية السجائر الإلكترونية للمساعدة في تحسين الصحة العامة تعتمد على إلى أي مدى يمكن أن تكون بمثابة الطريق للخروج من التدخين لبلاد الثمانية مليون يتعاطون التبغ، دون أن تكون طريقا الى التدخين للأطفال وغير المدخنين. بتنظيمها بطرق مناسبة .

· توفير الخدمات المحلية للتوقف عن التدخين ، مع أفضل فرصة للإقلاع عنه بنجاح، ونحن نريد أن نرى الانخراط بنشاط المدخنين الذين يريدون الإقلاع بمساعدة من السجائر الإلكترونية.

· نريد أن نرى جميع المهنيين بالرعاية الصحية والاجتماعية بتقديم مشورة دقيقة بشأن نسبية المخاطر للتدخين واستخدام السجائر الإلكترونية، وتوفير طرق الإحالة الفعالة في خدمات الإقلاع عن التدخين.

· أفضل شيء للمدخنين للمحافظة على صحتهم هو الإقلاع عن التدخين تماما واستقلالهم عنها من أجل الخير. وتلتزم PHE بضمان وجود العديد من الأدوات الفعالة لمساعدتهم في الاقلاع عن التدخين ، كما نشجع المدخنين الذين يريدون استخدام السجائر الإلكترونية كوسيلة للمساعدة في الإقلاع عن التدخين للحصول على دعم من الخدمات المحلية للتوقف عن التدخين.

· سيتم بشكل مستمر الوصول لأحدث الأدلة في تطوير التبغ كخطة مراقبة لانجلترا ، بهدف تعظيم إمكانيات السجائر الإلكترونية كطريق للخروج من التدخين .

الخطوات المقبلة لـ PHE

تطمح PHE لوجود جيل خال من التبغ بحلول عام 2025 ،ونحن نعتقد السجائر الإلكترونية لديها القدرة على وضع نهاية لإستخدام التبغ. ومع الفرصة تأتي المخاطر، والنهج الناجح أن نكون على يقظة في إدارة هذه المخاطر، وفي حين تواجد سوق مزدهر ومبتكر من الأدوات والمنتجات التي يريدها المدخنين لمساعدتهم على الإقلاع عن التدخين . وإنه من أكتوبر من هذا العام، ستعد لوائح جديدة تحظر بيع السجائر الإلكترونية لدون الـ 18 سنة والشراء من قبل البالغين فقط ، والحكومة تتشاور الآن على مجموعة من القواعد التي سيتم عرضها على الاتحاد الأوروبي في مايو 2016

نص التقرير الأصلي

الفرق بين الـ Contact Coil بين الـ Spaced Coil

noreply@blogger.com (Anonymous) — Wed, 21 Sep 2016 02:11:00 -0700

كتبه : Ahmed Ghozzy
Contact Coil

هو كويل بتكون لفاته متلاصقة تماما.. بنلفه بحيث تكون لفاته قريبة قدر الامكان وبعد مانركبه بنعمله دراي برن (باور من غير قطن) لحد ما يسخن وبعدين نضمه على بعضه بتويزيرز او ملقاط عشان تتلاصق لفاته تماما.

Spaced Coil

هو كويل بتكون لفاته متباعدة وبينها مسافات او فراغات.. سواء وسعت الفراغات او ضاقت (ودا بيعمل فرق) لكن اداء الكويل العام بيكون في نفس الخط.

جرى العرف عند ناس كتير (ودا مش صحيح) بتسمية الكونتاكت كويل بمايكرو كويل.. ودا من سوء التفاهمات اللي بتحصل كتير.. هنتكلم بعدين عن الماكرو والمايكرو والنانو كويل (ودا تحديدا وبعيدا عن شكل الكويل شئ بيحكمه قطر الكويل اللي اتلف عليه.. مش شكله).

نفهم اكـتر:

======

من خصائص اداء الكونتاكت كويل انه ذو كفائة حرارية عالية.. بيحتاج وقت قليل جدا عشان يسخن بالكامل ويحمر على وات اقل بكتير من اللي يحتاجه سبيسد كويل.. دا بالنسبة ليك كفبـير معناه ان النفس وكمية الدخان والفلافور اللي ممكن تحصل عليها ممكن تحصل عليها من سحبة قصيرة في الوقت لان الكويل سخن ووصل لقمة اداءه في وقت صغير.. دا بسبب ان اللفات المتلاصقة كل واحدة بتسخن بتساعد اللي جنبها تسخن اسرع وهكذا فالكويل كله بيسخن اسرع ويديك اداء شبه فوري واحيانا حضرتك ممكن تفرفر في ايده لو مش فاهم البيلد اللي انت عامله.

من البديهي والمتوقع ان الكونتاكت كويل يديك نفس سخن لانه كل ما طالت السحبة كل ما الكويل سخن اكتر واكتر.. من مميزاته المعروفة انه بيطلع كلاود كبيرة وكل ماصغرت مقاومته كل ما بقى بيسخن اسرع اكتر واكتر ويطلع نفس اسخن وكلاود اكبر.

بيفرق بأه من تانك للتاني اذا كنت هتحس بفلافور ولا لا في وسط الزحمة دي لان الكويلات السخنة دي بنستخدمها في العادة في تانكات ليها ايرفلو واسع عشان يساعد في تبريدها عشان ماتحرقش القطن.. ومن خصائص لسانك الربانية انه "الى حد ما" بيتاثر سلبا بالحرارة العالية وممكن يقل احساسه بالفلافور.. ومن خصائص لسانك برضه انه مابيقدرش يتدوق كويس اذا كان جاف وعطشان ومش رطب ودي حاجات كلها بتتوفر مع تانك ليه ايرفلو واسع (عشان كدا بنقولك اشرب مايه كتير عشان تعوض الجفاف اللي بينتج من خامات الفيب واحيانا في موضوعنا هنا من حرارته).

يعني كخلاصة بالنسبة للفليفور في كونتاكت كويل بيسخن بسرعة خصوصا لو كان سب-اوم مع تانك بيديك كمية هوا كبيرة فانت موفر للسانك بيئة من الحرارة والجفاف ماتساعدش قوي على التذوق وعشان كدا احساس الفلافور هنا ممكن "نوعا ما" يكون ضعيف.. بس في حاجة بتسبح عكس التيار دا.. الحرارة العالية اللي بتضعف تذوقك هي نفسها المسؤول الاول عن تكسير واخراج الفلافور من الليكويد يعني من الناحية التانية هي بتساعد في اصدار فلافور اكتر في البخار لكن النقطة المفصلية هنا هل لسانك هيحس بيها في بيئة سخنة جافة من الهوا (ايرفلو واسع) ولا لا و دا يفرق من قدرة واحد للتاني على التذوق وممكن بالعكس تكون نقطة تفضيل عند البعض ويحبها كدا. بسبب قدرة الكويل دا على السخونة بسرعة في العادة هو مايقدرش يستحمل وات عالي قوي ممكن اخرك معاه 25-30 وات اذا مافيش اعصار هوا يبرده يا هيتحرق يا هيحرق القطن وزورك معاه في نوع من انواع الفعل الفاضح اللي هتكون انت وزورك ولوزك لو لسه عندك لوز ضحية مباشرة ليه.

من الناحية التانية عندك السبيسد كويل.. لفاته متباعدة يعني اللي بتسخن الاول مابتقدرش تساعد اختها قوي فكله بيسخن براحته وعشان كدا اداؤه الحراري اقل من الكونتاكت كويل.. بس ليه اداء مختلف ومميزاته.. بسبب ان اللفات بعيد عن بعض فهي بتغطي مساحة اتصال اكبر مع القطن وبالتالي بتتعامل مع مساحة فيها ليكويد اكتر وتديك فليفور احسن.. مش بس عشان المساحة لا.. بسبب وجوت فراغات بين اللفات فكل لفة بتسخن البخار اللي طالع من القطن اللي تحتها "بيلاقي مخرج" يوصلك منه ودا في النهاية اداء للطعم احسن على عكس الكونتاكت كويل اللي في الغالب (وكل ما تم اتقان تلاصق اللفات) البخار مابيلاقيش مكان يخرج منه بسهولة وبيتقتل معاه جزء من الفلافور. بسبب الاداء الحراري البطئ للسبييد كويل فهو عمليا بيقدر يستحمل وات اعلى وخصوصا لو فيه قطن سميك متشبع ليكويد ممكن يوصل بيك 50 عادي (ماتجربش الا لو انت فاهم بتعمل ايه.. لوزك ياحبيبي).. لكن في المقابل كمية الكلاود اضعف واقل كثافة بس الفلافور احسن خصوصا لو كان على حاجة فيها ايرفلو ضيق يساعد على التهوية "الدافئة" اللي هي بيئة حلوة لاصدار الفلافور. في ناس بتحب السبيسد كويل عشان بيدي نفس ابرد وفلافور احلى.. بس العنصر المنسي في المعادلة دايما هو التانك.. عشان كدا ممكن تلاقي فروق شخصية بين واحد والتاني من غير ماحد ياخد باله ان الطرف الغائب في المعادلة هو التانك وتصميم الايرفلو والتشيمني اللي بيلعبوا دور كبير واضافي في سخونة او برودة النفس والفلافور.

انت دلوقت فهمت اول عنصر بيتحكم في الكلاود والسخونة والفلافور.. الكويل وطريقة عمله.. مع المرات الجاية ان شاء الله هتعرف عناصر تانية زي الويك وتصميم التانك ونوع الليكويد ومع الوقت هتقدر ترسم خط واضح بتوليفة من كويل و ويك وتانك وليكويد يتفقوا في اداء واحد ويدولك الحرارة او البرودة اللي تحبها والكلاود او الفلافور اللي انت عايزه.

تعريفات الفيب للمبتدئين Vape abbreviations for new vapors

noreply@blogger.com (Anonymous) — Mon, 19 Sep 2016 04:02:00 -0700

كتبه : اسامة المصري
=============================
Vaper او Vape:
هو اسم يطلق علي عمليه التدخين الالكتروني زي ما نقول ده بشرب سجاير يبقى
smoker
------------
Atomiser / Atomizer/
Cartomizers:
المبخر او التانك وهي اجزاء معدنيه او بلاستكيه او الكترونيه لتحويل السائل الالكتروني الي بخار بداخلها
----------------------
Wire:
kanthal
السلك الموصل للتيار الكربي داخل التانك المعروف بالكويل قبل افه او جدله و هو عادتا من الكانتال و حديثا تم تصنيعه بخامات اخري مثل الاستالس ستيل و النيكل كروم و التياتينيم و لاكن الاساس هو الكانتال
------------------------
Coil RBA:
او الملف وهو سلك الكنتال او النيكل كروم الي بتلف عدد لفات معينه علي السليكا او القطن او الفتيل او الويك
وده طبعا موضوع تاني وطبعا عدد لفاته والمقاومه وكده ده موضوع يطول شرحهو لاكن يقوم الفيبر بتصنيعه و تجميعه بنفسه و هو الافضل في عالم الفيب من ال الكويل الجاهز
------------
++Dual Coil :
هة اثنين كويل علي نفس القاعده
------------------------
twisted coil & clapton coil :
هو عمليه جدل الكانتال كا ضفيره الشعر لتحزيله اللي سخان لتكبير السطح الحراري للكويل مما يقلل من فرص احتراق القطن او الويك و يقوي عمليه حرق االيكويد فيزيد من قوه الطعم
----------------------------
Replacement Coil inside tank – occ :
الكويل الجاهز... عباره عن سلك ملفوف بداخله قطن مفلف بغلاف معدني للمبتدئين ... و عادتا يتلف سريعا و هو يستخدم لحين تعلم بناء الكويل
------------------------------------
RDA:
Replacement coil inside dripper tank
----------------------------------
Wick:
وهو قطعه القطن الي بيتلف عليه الكنتال او النيكل كروم و يقوم بامتصاص و رفع السوائل الي الكويل
------------------------------------
Dry burn /Burning coil:
الضغط علي زرار التشغيل في المود الي ان يشتغل الكويل لتجربته او تنظيفه فبل وضع الويك
هو الحرق الناشف لتجفيف الملف او عند الاستخدام لاول مره
-----------------------------------
Skull Chimney:
الشيمني موجوده في كل التانكات و هي فتحه دخول الليكويد من التانك الي الويك و منها الي الويك
------------------------------------
Air Flow:
فتحه دخول الهواء بالتانك
موجوده في كل التانكات
-------------------------------------
Tank cartridge:
وهنا المقصود بيها لجزء الاسطواني الي بيكون فيه السائل وده عاده بيكون بلاستك او زجاج او معدني
-------------------------------------
Disposable E-Cigarette:
وهي السيجاره الي بتترمي بعد ما نستخدمها ودي من بديات السجائر الالكترونيه ولا ينصح بيها حاليا
------------------------------------
Dripper:
الترجمه الحرفيه الغمر او التغريق .. او بالعميه التنقيط وده بتنقط علي الملف بالسائل وتشرب
وليه اتوميزرات مخصوصه تحمل نفس الاسم
Dripper tank
------------------------------
Drip tips/Mouthpiece:
هو المبسم بتاع السيجاره الالكترونيه
و مكانه اعلي التانك و فيه منه متحرك
------------------------------------
Center bin :
هو المسمار اسفل وسط قاعده التانك و هو المسؤل عن نقل الكهرباء الموجبه لقاعده الكويلات و معزول برنج فيبر عن القاعده بتاعت التانك نفسها التي تحمل الكرباء السلبه و هو مسمار للرجلاش لكي يلامس قاعدته في المود للنجاح التوصيل حيث تختلف المسافات في كل قاعده توصيل التيار كل مود عن الاخر لذلك فهو مسمار
---------------------------
E-liquid:
هو السائل الالكتروني عموما
-----------------------------------
Electronic Cigarette Starter Kits:
يعني السيجاره الالكترونيه كامله تانك و مود و شاحن ولبطاريه..و عادتا بتكون كويل جاهز داخلي
------------
Mod:
هيه كلمه تعتبر عاميه انجليزيه ممكن نفهمها او نفسرها علي انها عده او جهاز زي ما بنقول علي الموبايل كده يعني زي ما تقول عايز اشتري عده جديده
هو جهاز به بطاريه و لوحه التحكم الكهربائيه و ازرار التشغيل و السائد انه بيركب التانك اعلاه
------------------------
Modder:
ودي معنها الي بيحب يبني المودات بنفسه
--------------------------------
Ohm:
او الاوم وهي وحده قياس المقاومه في الملف
-------------------------------
Puff:
نفخه او شفطه ..ودي بنستخدمها كتير ...مثلا في بعض المودات في عداد يقولك انت شفطت منها كام شفطه
----------------------------------
Resistance:
يعني مقاومه ..ودي المقصود بيها مقاومه الملف وبتتقاس بالاوم وكل ما عطنا مقاومه قليله كل ما كان البخار اكتر
-------------------------
Smoke-juice:
اسم تاني للسائل الالكتروني
---------------------------
PG Propylene Glycol
هو سائل عديم اللون ويستخدم في اغلب انواع السوائل الالكترونيه
----------------------------------
VG vegetable glycerin:
اختصار للجلسرين
هو سائل عديم اللون ثقيل ويستخدم في اغلب انواع السوائل الالكترونيه و هو سبب الدخان الكثير ال
cloud
-------------------------
Milligrams(mg)/Nicotine Level:
ملليغرام (ملغم) - يستخدم لقياس كمية النيكوتين في المليلتر
------------------------------------------------
Nicotine Level/Strength/Nic:
هو كميه النكوتين الموجوده في السائل وبتكون مكتوبه علي زجاجه السائل وعادة ما تقاس عليه ب ملغ / مل .. واختصار لكلمه نكوتين
----------------------------
Nicotine type:
قاعده التصنيع
VG او
PG
لا اختلافات تذكر
-------------------
DIY:
اختصار ل
Do it yourself –homemade E liquid
يعني السائل الي بتعمله بنفسك الليكويد
------------------------------------------------
Steeping:
تعتيق الليكويد بعد تركيب مكوناته و يستمر لمده ٢ اسبوع الي ٤ اسبوع
------------
Clone:
تقليد ..ليكويد او اجهزه او تانكات
------------
Flavor:
نكهات قاعده تصنيعها ال
PG
و تضاف بنسبب محدده للبيز لاكساب الليكويد اطعمه مختلفه
----------------------------------------------------
Maximum VG:
جلسريين يفوق ال 80 % من المكونات و دي يفضلها محبي الفيب كلاود
------------------------------------------------
Throat Hit:
خبطه الدخان في الصدر و هو نفس الشعور الذي ينتج عن استخدام السيجارة العاديه
وهي تحدث بسبب النيكوتين
--------------------------------
Pain throat hit:
ينتج من ارتفاع ال حرق الزور
PG في الليكويد
كان الليكويد في بدايات الفيب يصنع ب
PG عالي النسبه
------------------------------------
Dry hit:
حينما لا يصل السائل بشكل سليم الي الويك .. فتحترق القطنه و ينتج عنها بخار سئ الطعم جدا
------------
Mouth to lung hit:
الناس اللي بتفضل نفس الفيب مشابه لنفس السيجاره العاديه
دي بتحتاج تانكات معينه زي الكيفون
------------------------
Lung hit:
الناس اللي بتفضل نفس الفيب مشابه لنفس الشيشه العاديه
ودي السائده و معظم التانكات العاديه و الدريبرز
------------------------
temperature control:
التكنولوجيا الحديثه في المودات التي تمنع حدوث الدراي هيت
-----------------------------------------
High drain Battery :
نوعيه البطاريات المستخدمه تحديدا للفيب
------------------------
Mechanical mod
مود مفهاش اجزاء الكترونيه
الفولت ثابت. الوات بيتغير بتغير مقاومة الكويل
-----------------------------
PV
يعني العده الشخصيه ليا
------------------------------
Sub-Ohm:
هو ملف تقل مقاومته عن 1 اوم
------------
Leaking:
هو سقوط الليكويد من فتحه الايرفلو خارج التانك نتيجه عدم ظبط الويك داخل التانك
------------
Steeping:
تعتيق الليكويد لمدد من اسبوع اللي ثلاثه حتي شهر في مكان جاف مظلم و بالتدفئه سواء بجعاز الالتراسونك او بالمياه الساخنه لمدد ساعه ٣ مرات و ذلك لاظهار جمال الطعم و تجانس السوائل داخل الليكويد
------------------------------------
Breathing:
هو تهويه الليكويد اثناء عمليه الاستيبنج و بالتحديد في نهايتها قبل الستخدام ب 12 ساعه
------------------------------------
Analog Cigarettes
ويستخدم المصطلح للاشاره الي الطراز القديم من السجائر الاليكترونيه
------------------------------------
Watt:
وحده قياس القدره الكهربيه الخارجه من البطاريه لتسخين الكويل
كلما زادت يزيد الدخان و يجب الحزر فيها لانها بالاستخدام الخاطئ تحرق الويك
التحكم فيها عن طريق المود و تاثيرها المباشر داخل التانك

ريفيو تانك sub tank mini

noreply@blogger.com (Anonymous) — Sun, 18 Sep 2016 02:26:00 -0700

كتبه العضو : أحمد عبد الرحمن جودة

اول تانك في حياتي subtank mini
دا اول تانك ليا وكان احسن واشهر تانك في السوق لما دخلت الفيب الكلام دا كان في شهر يناير اللي فات
مميزاته
1- البيلد بتاعه سهل نوعا ما طبعا فشلت فشل السنين في الاول اني اعمل بيلد وكان بيحصل حاجه من 2 اما اول ما احط الليكويد واقفل التانك الاقي الليكويد هرب من الاير فلو او دراي هيتس مستمر
2- إستهلاك الليكويد : موفر جدا في الليكويد
3- بيشتغل كويلات جاهزه و rba ودا اكتر تانك ليه انواع كويلات جاهزه كتير جدا
العيوب
1- الاير فلو تلات مستويات من الاير فلو بس للاسف كنيجرتيك نسيت تعمل مستوي المغلق ودا مستوي مهم جدا لان في حاله انه حصل ليكنج عليك كده هاتلاقي الليكويد كله وقع الا لو لحقت قلبت التانك
2- الفليفور عليه ضايع لو بتشرب علي الصب تانك واليكويد عجبك جرب تشرب علي تانك تاني نفس الليكويد اراهنك فرق السما والارض
3- طريقه اعاده ملئ التانك الصراحه انا شايفها سخيفه جدا انك كل لما تعوز تملي التانك تفك وتقلب تملي التانك وتقفله بعد كده تعدله مقارنه ب lemo 2 اللي كان موجود ع الساحه ساعتها كان side fill
4- البيلد ديك بتاعته ضيقه جدا جدا واخرك في البيلد عليه بسلك 26

ايام الجروب القديم في الاواخر كده كانت الدنيا مولعه بين بعض التجار واليوزر عشان الاسعار وساعتها التجار كانو جايبين كميه كبيره من التوب تانك (النسخه المعدله من الصب تانك ) وكان بيتباع ب 550 واي مبتدئ كان يدخل كان بيتعمله من البحر طحينه وان التوب تانك دا احلى وأجمد تانك للمبتدئين وكان الزبون للاسف بيلبس لانه كان بيدي الثقه مش في محلها انا ساعتها دخلت عملت بوست اسمه التوب تانك ووهم الاستارتر كيت كنت بتكلم فيه ان ازاي تدفع 550 في تانك تعبان ولما تيجي تبيعه ميجبش 200 جنيه في اقل من شهر قيس علي دا التوب بوكس والصب بوكس والدريب بوكس واخوهم الجديد دلواقتي البيكو والبيكو ميجا انا الصراحه غير مؤمن تماما باي حاجه تقع تحت اسم ستارتركيت

السجائر الإلكترونية ساعدت الكثيرين على ترك التدخين

noreply@blogger.com (Anonymous) — Thu, 15 Sep 2016 06:42:00 -0700

ذكر باحثون في بريطانيا أن السجائر الإلكترونية ساعدت الكثيرين على الإقلاع عن التدخين، مما ساهم في ارتفاع شعبيتها في بريطانيا وزيادة أعداد من تركوا التبغ تماما.

وبحث تقرير نشرته بريتش ميديكال جورنال في توجهات الإقلاع عن التدخين وسبل دعم هذه الرغبات في إنجلترا في الفترة من 2006 حتى 2015.

ويبدو أن السجائر الإلكترونية لم يكن لها أي تأثير على عدد من الأشخاص الذين حاولوا الإقلاع عن التدخين، ولكن الكثير استطاع تدبر الأمر والتوقف بالفعل.

يقول كاتبو الدراسة إن استنشاق البخار من سائل السجائر الإلكترونية قد يكون ساعد حوالي 18 ألف شخص إضافي للإقلاع عن التدخين في إنجلترا، عام 2015.

ويقول فريق من جامعة كوليدج في لندن ومعهد أبحاث السرطان في بريطانيا، إنها دراسة وصفية، وبالتالي لا يمكن أن يثبت السبب المباشر والتأثير.

وقال أحد الخبراء في التدخين يبدو أن السجائر الإلكترونية "شاركت بفاعلية" في هذا التوجه.

ولكن العاملين في مجال الصحة يقولون إن الطريقة الأكثر فعالية للإقلاع عن التدخين تعتمد على وصفات الأدوية والدعم المهني الذي تقدمه خدمات الإقلاع عن التدخين بهيئة خدمات الصحة الوطنية.

ولا تقدم خدمات الصحة العامة السجائر الإلكترونية على نطاق واسع حتى الآن.

تزايد الشعبية

وارتفعت مبيعات السجائر الإلكترونية بشكل مطرد منذ طرحها للبيع في بريطانيا عام 2007، ويستخدمها ما يقرب من ثلاثة ملايين شخص حاليا.

وحلت محل اللصقات وعلكة النيكوتين، في السنوات القليلة الماضية، لتصبح الخيار الأكثر شعبية للمساعدة على الإقلاع عن التدخين في إنجلترا.

ودرس بحث بريتش ميديكال جورنال بيانات من دراسة أدوات التدخين في الفترة من 2006 حتى عام 2015.

كما أخذت الدراسة بيانات من دائرة وقف التدخين في خدمات الصحة الوطنية.

خلال فترة الدراسة، حدد أكثر من ثمانية ملايين شخص مواعيد للإقلاع عن التدخين.

نجاح المحاولات

وارتفع عدد المدخنين الذين نجحوا في التوقف عن التدخين بنسبة تقل عن 1 بالمئة لكل زيادة بنسبة 1 بالمئة في عدد المدخنين الذين يستخدمون السجائر الإلكترونية.

وقال روبرت ويست، قائد فريق البحث "لا يبدو أن هناك ارتباطا بين الانتشار المتزايد للسجائر الإلكترونية في إنجلترا والتغير الظاهر في محاولات التوقف عن التدخين".

وأضاف "ومع ذلك، هناك ارتباط بين الزيادة في استخدام السجائر الإلكترونية وارتفاع معدلات نجاح محاولات الإقلاع".

وكتب جون بريتون، مدير مركز دراسات التبغ والكحول في جامعة نوتنغهام في بريتش ميديكال جورنال، إن هذه النتائج ترجح أن استخدام السجائر الإلكترونية يمكن أن يسهم في هبوط معدلات التدخين.

وتراجعت معدلات التدخين بنسبة 1بالمئة مابين 2014 و 2015.

وقالت البروفيسور ليندا بولد من معهد أبحاث السرطان في بريطانيا: "إن الجمهور البريطاني يختار استخدام السجائر الإلكترونية. وهذا خيار إيجابي، وعلينا الترويج له."

وتقول هيئة الصحة العام بإنجلترا إن السجائر الإلكترونية أقل ضررا بنسبة 95 بالمئة الصحة مقارنة بالسجائر العادية، وعندما يكون هناك دعم من دائرة خدمات الإقلاع عن التدخين، فغنه يساعد معظم المدخنين في الإقلاع عن التبغ تماما.

المصدر : جريدة BBC بالعربي

إتعلم فيب : إعرف اكتر عن شركة E-Volv الأمريكية

noreply@blogger.com (Anonymous) — Thu, 15 Sep 2016 06:22:00 -0700

بقلم : المهندس : علاء حسين

هنبتدي نعمل سلسلة جديدة...
تاريخ كل شركة في مجال ال e-cig بدأت ازاي ووصلت لفين....
وفي الكومنتات هنتكلم عن أعطال كل مود خاص بالشركة دي وصيانتها ومميزاتها عن غيرها ..

النهارده هنبدأ بأكبر شركة وأقدمهم.

Evolv

ايفولف شركة أمريكية متخصصة في مجال تصنيع التشيب المخصص للسجائر الاليكترونية...
بدأت طرح أول منتج لها في السوق بإسم (the darwin).... سنة 2010 مود متغير الوات (up to 12.7)... وده كان الكيت الوحيد الكامل من Evolv (from A to Z)....
وبعدها اقتصرت علي تصنيع التشيب فقط وبيعه للشركات التانية وهم يقومو بتقفيله وبيعه.....
بعد الداروين كيت بدأت ايفولف بعمل سلسة تشيب جديدة اسمها DNA
DNA 12w DNA 20 w DNA 30w....

كذلك عملت تشيب باسم kick 1 و kick 2 وكان بيركب للميكانيكال يحوله regulated mod...

Kick 1(10w).....kick 2 (15 w)..

وفيه ريفيو عن الkick تشيب لريب تريبر كان مركبه علي ميكانيكال سيجللي سنة 2012....

بعد سلسلة ال DNA اللي استمرت فيها ايفولف عملت طفرة في مجال ال ecig بتكنولوجي جديد وهو (temperature.. control)....

التكنولوجي دي بدأت في التشيب DNA 40 سنة 2014 وبعدها تم تقليد التكنولوجي دي من جانب الشركات المنافسة بإضافات أخري....
استمرت ايفولف بطرح التشيب DNA 40 لمدة سنة كاملة وبدأت العملاء تشتكي من ضعف الباور في التشيب مقارنة بالمودات الأخري للمنافسين اللي وصلت 120 وات...
ده غير إن ال مود غير قابل للتحديث لذلك تأثرت مبيعاتها بعد فترة....
في سنة 2015 بدأت Evolv بإنتاج الوحش الكاسر

DNA 200....

تكنولوجي جديدة وسمارت تشيب وسوفت وير جبار ملوش منافس حتي هذه اللحظة...
تم تصميم برنامج Escribe للتعامل مع التشيب وضبط إعداداته وتحديثاته لذلك التشيب ده مينفعش يفهمه غير ال advanced users....

ذكاء Evolv إنها عملت ال DNA 200 chip بإمكانية إنه يشتغل علي بطاريتين ( boxer mod )....أو 3 بطاريات زي (reuleaux أو triade mod)....أو حتي بطاريات lipo زي (vapor shark وhcigar)...وغيرهم....

في الربع الثاني من 2016 أنتجت Evolv DNA 75 ولكن السبق كان لشركة Yihi اللي تم انتاجه في الربع الاخير من 2015....

آخر إنتاج ل Evolv كان DNA 250 من حوالي شهر وتستمر Evolv في السبق دايما المختلف عن أي تشيب آخر.....

منتظر مناقشاتكم في الكومنتات وهكتبلكم الأعطال للتشيبات الخاصة بايفولف في بوست تاني بإذن الله

رسالة لكل مبتدأ في الفيب

noreply@blogger.com (Anonymous) — Thu, 15 Sep 2016 06:10:00 -0700

كتبها : الاستاذ / ياسر عطية

عزيزى المبتدئ اللى لسه واصل الجروب نورتنا :)

مفيش اسهل من علبه سجاير وتطلع سيجاره والولاعه .
او رجل على رجل وعندك حجر شيشه هنا .
طب دى مش حلوه الطعم مش عاجبنى .
ارمى هيا بكام كلها على بعضها بكتيره 30ج مش قضيه !!! هيا اسهل سم ممكن يسمم حياتك كلها بمنتهى السهوله وببلاش .

طب هو انا هقدر ابطل السجاير بالفيب . اه ده الناس كتير بتشكر اهوه وبطلت يبقى قشطه ياله اشترى . !!!!!!!!!!!!!!!
ما ابص كده على الجروبات وهيا ساعه ولا اتنين هتشوف الاتى :
التانك الفشيخ ده تنين التنانين المجنحه عربيه بطاطا معديه ياريس هتبقى مدخنه مصنع طوب يا كبير ب 400-500-600
المود الحنكولو المجرم ده بقى حاجه كده محصلت بــــ 1000 - 1500- 2000
وكله كوم بقى صوره الليكويد اياه مع المود اياه مع البوست اياه .
اوعى الليكويد الهنتريش المرعب وعليه قسم بالله ما فى احلى من كده !!!!!!
ده ب 50 وده ب 100 وده ب 800

تروح جايب من الاخر هو انا لسه هقرى يا عم بلا وجع دماغ
اديها بوست هو البتاعه دى بكام وفين وازاى وهوبا تلاقى عروض الانبوكس ومليون من هيخدمك لوجهه الله يا جدع السما هتمطر عليك خدمات وشرح . يوم اتنين تلاته

تروح جارى شارى . وممكن تتدبس وتشرى بالغالى او تلبس حاجه مضروبه عادى جدا .
حصلت معايا وربنا وفى اول يوم ليا فى الفيب عادى يعنى :)

يوم ولا اتنين مش عارف ده ايه وبيشتغل ازاى ومش مرتاح
وتبدأ مشاكل عاديه جدا حلولها سهله جدا لو قريت وفهمت
المود بيخلص البطاريه بسرعه والتانك بيجيب فى ليكويد وبيوقع والدنيا هايصه .
لا ويجيلك بقى واحد اصدقاءك المدخنين مديلك السؤال الرسمى لكل واحد اتشاف بيفيب
(( يا عم دى بتجيب مايه على الرئه )) 💦💦💦💦💦💦
اجرى يا مجدي ارمى يا وله .

ونلاقى بوست نازل :

مود الحنكولو المجرم والتنك الفيشخ مع الكثير من الليكويد المتبرشم للبيع استخدام 3 ايام . وبيع وبخساره

طب مانت خسرت فلوس !؟ فعليا معرفتش حاجه عن الفيب والتجربه من اولها لاخرها غلط وانت المستبب فى ده .

واهم شئ انك ضيعت فرصه حقيقيه انك تبطل بيها التبغ عموما وتلحق صحتك .

ليه تتسرع ؟؟؟؟
طب ايه الحل ؟
* تفضل تقلب فى الجروب وتقرى كتير واى معلومه مش فاهمها النهارده بكره هتنفع جدا . فى ناس كتير سألت زيك. لما يبقى فى شئ ملقتش له اجابه . انزل ببوست هتلاقى الناس بتساعدك وبتشرح .

*تدخل اللينك دى فيها ملفات الجروب وفيها معلومات كتير قوى على الاقل اسبوع لما تكون خلصت اللى فيها . www.facebook.com/groups/202076750189516/files

*عمونا يوتيوب ومستر جوجل دول ملهومش حل فيهم معلومات كتيييييييييييييير عن الفيب . اتعب شويه صحتك فعليا بالدنيا .

*شوف مين اقرب حد ليك او اوتنج او حد ممكن يعلمك ويفهمك وجرب اكتر من تانك واكتر من مود .

عملت الحاجات دى ودى هتاخد من اسبوع لاتنين . اشترى والف هنا عليك وفرت مالك وصحتك .

كل ده بقى مش فارق معاك . وعايز تدخل التجربه بصدرك ومش هتتعب نفسك تفهم.
والله الفيب مش ايييييييييييييييييييه هيييييييييييييه هووووو هيييييييييييييه ياولا 💂💂💂💂💂

طريقة عمل الليكويد باستخدام الفليفور شوتس

noreply@blogger.com (Anonymous) — Thu, 15 Sep 2016 05:52:00 -0700

ظاهرة وحصلت فى مصر .. نوع من انواع التسهيل على المبتدأين .. وإجتهاد من تجار الفليفورز أنهم يوفروا على المبتدأ طريقة سهلة فى عمل الليكويد بنفسه .. وكمان يقدر يوفر في إنه يشتري ليكويد من البريميوم المصري أو الامريكي المتداول في السوق ،واللى ممكن يكون مكلف عليه شوية فى الفترة الإولى بعد ما جاب مود و تانك بالشيء الفلاني ..
يعنى ايه مدرسة جديدة وإيه اللى وفروا تجار الفليفورز ؟؟
المدرسة الجديدة هي اسلوب مستحدث فى عمل الداي للمبتدأين او اللى مش عندهم وقت إنهم يجربوا أو اللى خايفين يفشلوا من التجارب و يطلع معاهم ليكويد طعمه غير مستصاغ فى الاول ... واللى وفروا تجار الفليفورز هو بيز جاهز للخلط المباشر ( سائل ليكويد بدون طعم مكون من بروبلين وجلسرين و نيكوتين مختلف التركيز و النسب عشان تختار المناسب ليك ) و كمان فليفور شوتس و دى عبارة عن ريسبيهات جاهزة عبارة عن وصفات متداولة و مجربة جاهزة برضه للخلط على طول .
طريقة عمل الليكويد فى المدرسة الجديدة ..
عندك طريقتين ... نقولهم بسرعة
الطريقة الإولى :
- حضرتك تجيب بيز جاهز ( جلسرين وبروبلين و نيكوتين ) متخلط جاهز وتشتريه الل120 ملل في حدود 60 او 70 جنيه و ال200 ملل فى حدود 100 جنيه ... وكمان تشتري فليفور شوتس على طول 15 مللى بحوالي 70 أو 80 جنيه .
- تيجي بقى و تجيب البيكر ال250 مللى اللى قولنا عليه قبل كدة و تبدأ عمل الداي بتاعك فيه حسب الشوتس اللى انت اشتريتها و عجبتك ..
- لو كانت شوتس توباكو .. يبقي حضرتك هتجيب ال15 مللى فليفور شوتس دى و تحطها على طول على 85 ملل بيز وترجهم كويس جدا لحد ما لونهم يعكر او يبيض .. و تسيبهم يرتاحوا فى مكان مظلم 15 يوم و كدة يبقى معاك ليكويد داى من عمايل ايديك توباكو 100 مللى جاهزين تمنهم لا يتعدى ال120 جنيه.
- لو كانت بقى الشوتس دى فواكه او تشيز كيك او مازرميلك او أو بي .. او الحاجات اللى فيها مخبوزات او كريمات ... يبق حضرتك هتجيب الفليفور شوتس ال15 ملل دول و تحطهم على 60 ملل بيز بس و ترجهم تمام و تسيبهم يتعتقوا فى مكان مظلم حوالي 3 اسابيع وبكدة يكون معاك 75 ملل ليكويد داى من عمايل ايديك تمنهم لا يتعدى ال120 جنيه.
الطريقة التانية :
- حضرتك تحضر البيز زى المدرسة القديمة بالظبط ... تجيب انت الجلسرين والبروبلين والنيكوتين و تعمل المناسب ليك ... تعمل حسابك ديما انك تعمل بيز مكون من جلسرين وبروبلين فقط و يكون بنسبة 90 جلسرين : 10 بروبلين .. و يتم خلطهم الكامل لحد ما اللون يبيض و تسيبهم بعد كدة يرتاحوا يوم .
- بعد اليوم ده انت جهزت البيز بدون نيكوتين خالص ... تجيب بقى الفليفور شوتس .. 15 مللى و تخلطهم .. لو كانت توباكو تبقى على 82 ملل بيز بدون نيكوتين ... وان كانت فواكه او مخبوزات او كريمات تحطهم على 57 ملل بيز بدون نيكوتين.
- التوباكو ياخد تعتيق 11 يوم وبعدها يتم اضافة النيكوتين وترج الازازة كويس وتتقفل تانى الازازة و تكمل 4 ايام كمان .
- لو كان الشوتس فواكه او مخبوزات او كريمات و لبن و زبديات .. يبقى تدخل تعتيق حوالي 17 يوم وبعدين تفتح الازازة و تضيف النيكوتين فى اليوم ال18 و ترجها كويس و تتقفل تانى و تكمل كمان 4 ايام ..
مرحلة التنفس لليكويد :
في نفس المكان المظلم اللى حضرتك عملت فيه الاستيب .. و بعد المدة اللى قولنا عليها .. بتفتح غطا الازازة قبل الاستخدام فى التانك بتاع حضرتك مدة من 5 ساعات لحد يومين .
طب نحدد ازاى ؟؟
التوباكو و القهوة والمنتول والكراميل من الفليفورات اللى ما بتحتجش تنفس كتير و ممكن بضع ساعات يخلوها تمام .. بس الفواكه بتحتاج وقت طويل ممكن 12 ساعة لحد يوم كامل ... ما عدا الشوتس اللى فيها موز .. لازم على الاقل يوم ونص إلى يومين... أما الكريمات والزبديات والالبان والمخبوزات ممكن تاخد 12 ساعة و يبقى تمام اوى على كدة.
مشكلة المدرسة دى من وجهة نظري .. انك بتستخدم كمية كبيرة من الفليفور داخل الليكويد ... وفي بعض الشوتس ممكن تحس ان صدرك طابق عليك ... او وجعك .. ده خلاف ان الشوتس اللى اشتريتها و جربتها .. لو بعد التعتيق و جيت تستخدمها و ماعجبتكش .. بتكون خسرت كمية ليكويد كبيرة اقل حاجة 75 ملل .. و تمنهم 120 جنيه مثلا .. ومش طايق تشربهم و مش عاجبينك فمضطر ترميهم و تخسر تمنهم .
ان شاء الله .. نحاول نعمل مقارنة المرة الجاية بين المدرستين .. واتمنى حد يعمل بوست يسأل فيه عن الريسبيهات ( الخلطات) اللى جربها الاعضاء و عجبتهم .. يشاركوا بيها فى الكومنتات .. عشان السادة الجدد يستفيدوا منها و يسجلوها و يجربوها فى المستقبل

السجائر الالكترونية أقل ضرر من التدخين العادى بنسبة 95%

noreply@blogger.com (Anonymous) — Thu, 15 Sep 2016 05:31:00 -0700

مقال تم نشره فى وزارة الصحة بإنجلترا على الموقع الالكتروني الخاص بها
ترجمة المقال :

السجائر الإلكترونية أقل ضررا على الصحة بشكل ملحوظ من التبغ ولديها القدرة على مساعدة المدخنين على الإقلاع عن التدخين.

وتشمل النتائج الرئيسية للاستعراض:

· أفضل تقدير حالي هو أن السجائر الإلكترونية هي حوالي 95٪ أقل ضررا من التدخين

· ما يقرب من نصف السكان (44.8٪) لا يدركون السجائر الإلكترونية هي الى حد أقل ضررا من التدخين

· لا يوجد دليل حتى الآن على أن السجائر الإلكترونية تعتبر تخوفاً من تحول المراهقين أو غير المدخنين للتدخين .

استعراض، بتكليف من وزارة الصحة البريطانية ، بقيادة البروفيسور آن ماكنيل (كينجز كوليدج لندن)، والبروفيسور بيتر هايك (جامعة الملكة ماري في لندن)، يشير إلى أن السجائر الإلكترونية قد تساهم في انخفاض معدلات التدخين بين البالغين والشباب. عقب ما نشرته الوزارة عن الآثار المترتبة لأدلة السياسات والممارسات.

وباستعراض شامل أن ما يقرب من جميع 2.6 مليون من البالغين استخدموا السجائر الإلكترونية في بريطانيا وهم مدخنين سابقين وحاليين أو معظمهم أستخدم تلك الأجهزة لمساعدتهم على الإقلاع عن التدخين أو لمنعهم العودة إلى السجائر. كما يوفر الاطمئنان إلى أن عدد قليل جدا من الكبار والشباب الذين لم يدخنوا قط أصبحوا مستخدمي السجائر الإلكترونية بشكل منتظم (أقل من 1٪ في كل مجموعة).

ومع ذلك، فإن أعدادا متزايدة من الناس يعتقدون السجائر الإلكترونية هي بنفس القدر أو أكثر ضررا من التدخين (22.1٪ في عام 2015، ارتفاعا من 8.1٪ في عام 2013.

وعلى الرغم من هذا الاتجاه جميع الأدلة الحالية تؤكد أن السجائر الإلكترونية تحمل جزءاً صغيراً من مخاطر التدخين.

غير أنها تشير إلى أعلى معدلات الإقلاع الناجحة والآن ينظر بين المدخنين الذين يستخدمون السجائر الإلكترونية، وأيضا الحصول على دعم إضافي من خدمات الإقلاع عن التدخين المحلية.

وقال البروفيسور كيفين فينتون، مدير الصحة والعافية في الصحة العامة انجلترا:

يبقى التدخين القاتل الأول في انجلترا وأفضل شيء يمكن للمدخن القيام به هو تركه تماما، الآن وإلى الأبد.

السجائر الإلكترونية ليست خالية تماماً من المخاطر ولكن إذا ما قورنت بالتدخين، فأنها تحمل مجرد جزء صغير من الضرر. المشكلة هي أن المدخنين يعتقدون بشكل متزايد أنهم على الأقل ضررا وإن التدخين الالكتروني واسع الضرر، وهذا قد يؤدي لعزوف الملايين من المدخنين من الإقلاع عن التدخين. ، ويجب على خدمات الإقلاع عن التدخين المحلية تحث لدعم مستخدمي السجائر الإلكترونية في رحلتهم إلى الإقلاع عن التدخين تماما.

وقال البروفيسور آن ماكنيل، كينجز كوليدج لندن ومؤلف كتاب مستقل للمراجعة:

لا يوجد أي دليل على أن السجائر الإلكترونية تزيد معدلات التدخين في انجلترا. ولكن السجائر الإلكترونية هي أداة أخرى للإقلاع عن التدخين والمدخنين وجهة نظري أن تحاول المدخن التقليدي لمدخن إلكتروني حتي يقلع عن التدخين تماما.

السجائر الألكترونية يمكن أن تكون بديل في مجال الصحة العامة ولا سيما عن طريق الحد من التفاوتات الصحية الهائلة الناجمة عن التدخين.

وقال البروفيسور بيتر هايك، كوين ماري بجامعة لندن ومؤلف كتاب مستقل للمراجعة:

قراءتي للأدلة هي أن المدخنين التقليدين الذين يتحولون إلى التدخين الإلكتروني ، يزيلون ما يقرب من جميع مخاطر التدخين المؤثرة على صحتهم. ، فالمدخنون يختلفون في احتياجاتهم ، وأود أن ننصحهم بعدم التخلي عن السجائر الإلكترونية إذا كانوا لا يستطيعون الاقلاع مرة واحدة . وقد يستغرق بعض التجارب مع مختلف المنتجات والسوائل الإلكترونية للعثور على ضرر واحد.

وقال البروفيسور ليندا باولد، خبير أبحاث السرطان في المملكة المتحدة في الوقاية من السرطان:

المخاوف من التحول للتدخين الألكتروني بعد التدخين التقليدي تبدو طبيعية ولا يوجد أدلة واضحة يستند عليها لحظر التدخين الالكتروني ولكن الدليل الواضح الآن انها تساعد فعلا التخلي عن تدخين التبغ.

لا تزال خدمات الإقلاع عن التدخين المجانية أنجح وسيلة للناس للاقلاع ولكننا ندرك الفوائد المحتملة للسجائر الإلكترونية في مساعدة أعداد كبيرة من الناس الابتعاد عن التبغ.

معهد أبحاث السرطان في المملكة المتحدة بتمويل مزيد من الأبحاث للتعامل مع علامات الاستفهام حول هذه المنتجات بما في ذلك تأثير على المدى الطويل.

وقالت ليزا سورتيس، القائم بأعمال مدير حياة خالية من التدخين بالمنطقة الشمالية الشرقية، المنطقة الأولى تقول

على الرغم من اتخاذ خطوات كبيرة للحد من تدخين التبغ حيث لا يزال أكبر قاتل لدينا. أبقى دائما بعقل منفتح تجاه استخدام السجائر الإلكترونية كما يمكننا أن نرى الفوائد الصحية المحتملة الهائلة من التبديل.

جميع خدماتنا المحلية للاقلاع عن التدخين ترحب الآن وبشكل استباقي لأي شخص يرغب في استخدام هذه الأجهزة كجزء من الإقلاع عن التدخين وزيادة فرصهم في النجاح.

نص المقال على موقع الوزارة

شرح عمل الليكويد باستخدام موقع E-liquid-Recipes

noreply@blogger.com (Anonymous) — Thu, 15 Sep 2016 05:00:00 -0700

كتبه : الأستاذ ياسر عطية

البوست ده هدفه الوحيد انك تعمل الليكويد اللى على مزاجك بالقوى .
ومن خلال ريسبي يكون حد مجربها قبلك .
ندخل فى المهم :
1- انت يا سيدى هتروح الموقع ده وتعمل لنفسك اكونت :
e-liquid-recipes.com

بعد ما بقى عندك الاكونت . هيبقى الاختيار راجع ليك يا ريس .
لا تروح تبحث على اى ريسبي بالاسم اللى يعجبك . او كلون (نسخ) لنوع ليكويد من اللى بيتقال عليه بريريريرممم ممكن يظهرلك على فكره وتعمله بنفسك عادى :)

او تبنى بنفسك الريسبي وتدور على مكوناتها . ودى بقى ازاى :

2- تروح بقى على My flavor stash ودى مكانها موجود فى الصوره رقم 1

3- فى الصوره رقم 1 . هتلاقى حاجه اسمها Add flavor ودى تبدأ تضيف فليفورز (نكهات) على مزاجك

4- بعد اضافه الفليفورز . قدامك بقى حاجه من اتنين .
What can I make?
ودى الويب سايت هيجيبلك كل الريسبيهات المتاحه عنده اللى انت ممكن تعملها على حسب الفليفورز اللى عندك . زى الصوره رقم 2

او تروح على Search by flavor stash
ودى هتختار فليفور فليفور . والويب سايت هيجيبلك الريسبيهات اللى فيها المكونات دى .
دي هتستفيد فى معرفه الانواع اللى نقصاك علشان تكمل الريسبي .

اهم فايده بقى فى الويب سايت ده . انه بيجبلك معلومات محترمه عن كل فليفورز
يمشى مع ايه . طب طعمه ايه . ودى اعتقد مهمه لكل اللى عايز يعمل ليكويد وعايز المكونات يفهمها كويس .

طب انت متعرفش تعمل ليكويد :)
سهله
تروح اوتنج يوم الجمعه فى حديقه الطفل :)
وده هيبقى فيه من الاخر ناس جايه تعلمك كل حاجه لله فى الله . كويل ليكويد اى حاجه :)
لو فى حاجه مش واضحه انا فى الخدمه :)

السجائر الالكترونية تساعد فى الاقلاع عن التدخين

noreply@blogger.com (Anonymous) — Thu, 15 Sep 2016 04:53:00 -0700

ده مقال اتنشر فى جريدة Lincoln shire today يوم 24 اغسطس الحالي بعنوان السجائر الالكترونية تساعد المدخنين على الاقلاع عن التدخين. حبيت اشاركه معاكم

الأدلة الأخيرة من الصحة العامة انجلترا تشير إلى أن السجائر الإلكترونية أكثر امانا بنسبة 95% من تدخين التبغ ، ويمكن أن تكون مفيدة في مساعدة المدخنين على الإقلاع عن التدخين تماما.
كما ذكرت أن المدخنين الذين يتحولون إلى التدخين الالكتروني يمكن بالتالي يقلل بشكل كبير من خطر تعرضهم لسوء الصحة.
واشتركت مستشفي للخدمات الصحية والعقلية مع مصلحة المجتمع المحلي في اختبار 12 مستخدمين لمدة 12 أسبوع استخدام التدخين الالكتروني تم عرض قراءات أول اكسيد الكربون بعد اتجاههم للتدخين اللاكتروني والتي جائت منخفضة
بعد ال12 اسبوع .. اتجه 4 من مستخدمى التدخين العادى ( السجائر ) للأقلاع التام عن التدخين و ظل 8 اشخاص باستخدام الالكتروني مع التدخين العادى (السجائر) ولكن بكمية اقل من نصف ما كان عليه قبل الاختبار.
وقد أفاد مستخدمى التدخين الالكتروني محل الاختبار ان هناك تحسن واضح فى الصحة و انخفاض فى السعال واحساسهم بحاسة التذوق والرائحة افضل بجانب تنفس اسهل مما اعطاهم مزيد من الطاقة .. و افادوا ايضاً ان ابناءهم واحفادهم كان لهم دور داعم للاستمرار على هذه التجربة . ولتحسين صحتهم.
ده رابط المقال

طريقة بناء كويل الصاب تانك لمنع الليك والرازاز - الجزء الرابع

noreply@blogger.com (Anonymous) — Thu, 15 Sep 2016 04:39:00 -0700

بيقدم شرح عمل كويل الصاب تانك الاستاذ أنس فكري

لو فيه مشكلة معاك فى تانك صب تانك .. لو بيواجهك مشكلة الليك او الرزاز .. يبقى لازم تشوف الفيديو ده وحاول انك تتابع معاه خطوة بخطوة

طريقة بناء كويل الصاب تانك لمنع الليك والرازاز - الجزء الثاني

noreply@blogger.com (Anonymous) — Thu, 15 Sep 2016 04:37:00 -0700

بيقدم شرح عمل كويل الصاب تانك الاستاذ أنس فكري

لقاء المطورين شهر سبتمبر 2016

noreply@blogger.com (Anonymous) — Thu, 15 Sep 2016 04:32:00 -0700

وده اخر لقاء اتعمل لمطوري التدخين الالكتروني يوم 9 سبتمبر سنة 2016 و حضر مجموعة كبيرة من الاعضاء الجدد والقدامي وكان لقاء نادر جدا لتواجد اعضاء مر زمن طويل ولم نراهم .. وبحضور الاستاذ/ حسام حجازى .. مؤسس جروب المطورين.

جو في قمة الرقي في التعامل بين الاعضاء الجدد والقدامي و تقديم المساعدات بدون أي مصالح شخصية .. الكل بيخدم لوجه الله .. وبيساعد لهدف واحد .. انك لازم تبطل تدخين السجاير والشيشة .. واستخدام التدخين الالكتروني كوسيلة للاقلاع عن التدخين نهائياً.

وفي الجمعة التالية يوم 9 سبتمبر .. تم عمل تجمع للمطورين بأسم جمعة رد الجميل والتي كان هدفها رد الجميل للجروب و مساعدة الاعضاء القدامي للأعضاء الجدد فى طرق عمل الليكويد المنزلي وبطريقة سهلة جدا ...وقام بعمل المحاضرة الاستاذ محمد بالي

طريقة بناء كويل الصاب تانك لمنع الليك والرازاز - الجزء الثالث

noreply@blogger.com (Anonymous) — Thu, 15 Sep 2016 04:09:00 -0700

بيقدم شرح عمل كويل الصاب تانك الاستاذ أنس فكري

لقاء توزيع الهدايا فى اوتينج المطورين

noreply@blogger.com (Anonymous) — Thu, 15 Sep 2016 03:56:00 -0700

اللقاء الشهري المطورين :
بيتجمع المطورين من كل محافظات مصر في لقاء خاص جدا لمساعدة الاعضاء الجدد وبتكون فيه قدامي الفيبورز بيقدموا المساعدات فى طرق لف الكويلات وشرح اكتر عن صناعة الليكويد فى المنزل .
ده خلاف لو كنت من المدخنين ومحتاج تعرف اكتر و تسمع و تشوف اكتر و تجرب قبل ما تبدأ حياة الفيب .. يبقى لازم تبقى معانا فى اول جمعة من كل شهر في حديقة الطفل بمكرم عبيد في مدينة نصر .
والفيديو بيوضح طريقة السحب والهدايا اللى بيقدمها التجار المحترمين للأعضاء المطورين والجدد داخل اللقاء الشهري .

عمل الليكويد بطريقة السينجل فليفور

noreply@blogger.com (Anonymous) — Thu, 15 Sep 2016 01:34:00 -0700

كتير مننا ممكن يكون لسة فى أول مرحلة من الفيب ..ولسة فيه حاجات المستخدم الجديد فاكر انها طلاسم .. هنحاول النهاردة نتعلم بطريقة مبسطة ازاى تعمل السائل الالكتروني ( الليكويد) ، رغم إن الموضوع ده اتنشر اكتر من مرة من أعضاء موجودين هنا .. بس واجب التنويه مرة تانية وتالتة ورابعة.

نبدأ ونقول .. حضرتك عشان تعمل داي محتاج شوية حاجات .. إيه هى ؟؟

أدوات : هتحتاج سرنجة تغذية 50 سم – سرنجة سكر 1 سم – سرنجة بيبي أو أطفال 10 سم - بيكر 250 مللى – بيكر 500 مللى- ازايز 120 مل فارغة بغطائها لغرض الاستيب .

تجيب الأدوات منين ؟

السرنجات من الصيدلية و البيكرات من شارع القصر العيني او العباسية عند بتوع المستلزمات الطبية وهتلاقي البيكر 250 مل فى حدود 10 جنيه أما ال500 مل هيبقى فى حدود 25 جنيه ، ولو مش عايز وبعيد عليك ممكن تستخدم برطمانات ازاز كبيرة فى البيت .. بس تعقمها كويس و تتأكد انها مش كارفة اى ريحة ، والازايز ممكن تلاقي ناس بتبيعها هنا او ممكن تنزل شارع الجامع الأحمر وتشتري ازايز تمن 125 مل من النوع PET الشفاف بس المشكلة ان فى الشارع ده هتجيب الازايز جملة يعنى بالمية .. وال100 ازازة من انلوع ده بالغطاء الابيض هتبقي فى حدود 45 جنيه.

نيجي بقى للمكونات:

هتحتاج تشتري 1 لتر جلسرين – 1 لتر بروبلين – 30 مل نيكوتين + الفليفور .

طبعا المكونات دى متوفرة هنا فى الجروب .. و اخواتنا فى اسكندرية ممكن تسأل في الجروب المخصص لأعضاء اسكندرية وتعرف اكتر اماكن تواجد المكونات دى.

طريقة التحضير بقى :

فيه هنا مدرستين :

1- المدرسة القديمة : ودي بتفضل تعتق الفليفور فى البيز سينجل .. يعنى تعمل ليكويد بطعم فليفور واحد بس فى ازايز مستقلة .. و تقوم بالخلط فى الاخر .

ودي تتم ازاى ؟؟؟؟

- بنعمل كمية بيز كبيرة مرة واحدة بنسبة 80 جلسرين : 17 بروبلين : 3 نيكوتين

يعنى بالبلدى كدة ...

- هات 800 مل جلسرين و حط عليهم 170 مل بروبلين وتضيف عليهم ال30 مل نيكوتين وتضربهم كويس بمضرب القهوة او الكابتشينو أو مضرب البيض أو بطريقة الرج .. لحد ما اللون الشفاف يروح و يعكر ولونه يبقى ابيض وبعد كدة تسيبه فترة 5 ايام عشان يتجانس ويتعتق كويس ، وبكدة بقى معاك بيز لتر كامل تركيز 3 نيكوتين بنسبة 80 جلسرين : 20 بروبلين.

- وقف عليك بكلم اللتر بيز .. نحسبها .. لتر جلسرين ب50 جنيه + قول لتر كمان بروبلين 60 جنيه وعليهم 30 مل نيكوتين بـ 100 جنيه يعنى الحسبة كلها 210 جنيه وفايض منها كمان 200 مل جلسرين و 830 مل بروبلين دول مكسب فايض و المللى بيز وقف ب21 قرش.

- تعالى بقى للفليفور .. اعمل حسابك كل شهر انك توفر 150 جنيه تجيب بيهم فليفورات 3 فليفور .. او خمسة .. حسب العبوة اللى فى السوق وبسعر المللى اللى اصبح منتشر 3 جنيه للمللى.

- حضرتك هتجيب بقى 90 مللى من البيز اللى عملته و تحط عليه 10 مللى ثابت من اى فليفور سينجل وتحطه فى إزازة و ترجه كويس جدا و تسيبه يتعتق فترة بين اسبوعين ل3 اسابيع . وبكدة يبقى معاك 100 ملل ليكويد جاهز بس بطعم واحد وبتركيز 70 جلسرين 30 بروبلين بعد إضافة الفليفور ,, وتكرر العملية دى مع كل فليفور على حدة .. وكل شهر تجيب فليفورات جديدة و تكمل المجموعة بتاعتك ... بعد فترة بسيطة هتلاقي عندك كمية كبيرة من الفليفورات المختلفة .. تقدر تنفذ بيها اى ريسبي ( خلطة) من على الانتر نت أو من حد من اصحابك .. ودى تبقى ازاى ؟؟؟ بتقلب النسبة المئوية اللى فى الريسبي لمللى و تاخد من كل فليفور عملته بالمللى مش بالنسبة % .. تعالى ناخد مثال ....

- Mother's Unicorn Milk

دى الريسبي بتاعتها كالتالي مثلا

Bavarian Cream (TPA) 4%

Cheesecake (Graham Crust) (TPA) 5%

Strawberry (Ripe) (TPA) 10%

Sweet Cream (TPA) 4%

Vanilla Custard (TPA) 3%

- تنفذها ازاى .... هتقلب النسبة المئوية لملل يعنى هتاخد من الاولى 4 ملل و التانية 5 ملل و التالتة 10 ملل والرابعة 4 ملل و الاخيرة 3 ملل و حطهم فى ازازة تانية و رجهم كويس وسيبهم يرتاحو و تقدر تشرب منهم من تانى يوم .. وتجرب .. لو عجبتك .. ضاعف الكميات .. طلعت وحشة .. اهو ماخسرتش حاجة دول كلهم 26 ملل ليكويد من الريسبي دى .

- وبكدة تقدر تجرب اى وقت و تعمل عدد كبير جدا من الخلطات والريسبيهات زى ما تحب .. ويبقى عندك امكانية تبدع انت و دماغك .. وتجرب كتير لحد ما توصل لحاجة حلوة ..

- اه نسيت اقولك انك لازم يكون معاك اجندة و قلم .. و تسجل ديما الخلطة اللى انت بتجربها .. عشان لو طلعت حلوة تقدر تنفذها تانى و تالت .. لكن لو خلطت بإيدك من غير كتابة .. لو عجبتك حاجة مش هتعرف بعد كدة تنفذها لأنك هتبقى نسيت الكميات اللي حطيتها و من انهى فليفور .

كيف تختار السيجارة الالكترونية المناسبة لك ؟

noreply@blogger.com (Anonymous) — Thu, 15 Sep 2016 01:26:00 -0700

المقال ده للمبتدأين و ليس محترفي الدخان والباحثين عن سحب الدخانCloud chaser

حضرتك اللى يقولك دخن إلكترونى عشان تبطل تدخين ما تقعدش معاه :)

اللى يقولك الالكترونى هايديك مزاجك بس بنضافة وتبقي كسبت صحتك .. أأقعد معاه

اللى يقولك بيجيب أمراض قل له ماكانش إنتشر في بريطانيا ولا أمريكا ولا اليابان .. وطبعا ده على أساس إن التدخين العادى بيجيب القناة التانية مثلا

اللى يقولك غالى .. قل له في عربية جاكوار وفيه عربية دايهاتسو وفيه عربية فيات .. و إنت واللى تقدر عليه

لما يقولك أبدأ إزاى .. ؟ إعزمه على القهوة .. وإبتدى الكلام

إنت بتشرب كام علبة فى اليوم ؟ و النوع اللى بتشربه إيه ؟

لو فرضنا علبة سوبر فى اليوم وده أأقل حاجة .... يبقي بنتكلم في ميزانية 300ج فى الشهر يعنى حوالى 3600ج فى السنة .. ده غير الصحة والبهدلة

قل له طيب إيه رأيك فى اللى يديك مزاجك بالمبلغ ده كل شهر وتوفر صحتك ؟

إن قال لك أجرب .. يبقي نبتدى الكلام .. حد بيجرب ببلاش لو مستعد تدفع اللى بتدفعه فى السجاير فى شهر معلومة

(المدخن العادى لو مادفعش فى الالكترونى أو كان عنده إستعداد يدفع هايستسهل شراء السجاير العادية وبالذات لو همته ضعيفة)

أول إختيار أرشحه بطارية 1100 مل أمبير مضمونة ويتم شحنها بمنفذ يو اس بي من أى شاحن موبايل

ليه التحكم ده و بكام ؟ ..

1100 مل أمبير ....... عشان ما تفصلش منك فى نص اليوم وتشتري سيجارة تكمل بيها يومك من عند البقال

بطارية بمنفذ شحن يو اس بي ..... عشان ممكن تشحنها بأى شاحن محترم عندك مش شرط الشكل الغريب و الشاحن اللي بيخرب من الكهربا بتاعتنا و ممكن تشحنه فى أى حته و فى أى مكان

طب وبعدين ....

الخطوة اللى بعد كده ... الأتومايزر

أرشح للمبتدئين و الناس العادية H2 ........ سعره ما بين 35ج وبين 120ج على حسب بتشتريه منين لأن كل الموجود متهرب و اللى بيبيع غالى ممكن يكون جايبه غالي وفى كل الأحوال إنت الكسبان ، ليه أوتومايزر صغير ؟ عشان تتحكم في استهلاكك للسائل وعشان خفيف فى الصيانة والسعر

طب و السائل ..

هانجسن / ليكوا أصلي بنكهة التوباكو بالذات للناس اللى كانت بتشرب دخان ... ده مش دعاية على فكرة أنا بتكلم على تجربة شخصية وابدأ بنكهة تبغ ونيكوتين عالى عشان ما تحسش بفرق بينه و بين السيجارة العادية

نيكوتين 12 ونيكوتين 18 ونيكوتين 24

طيب بيتكلف كام ؟ وهادفع كام ؟ و هاجيب منين ؟

التكلفة الأولية الدورية هى :

4 علب 10مل = 180ج

سخانين = 70ج

إجمالى = 250ج

التكلفة التى يتم دفعها مرة واحدة هى :

بطارية + أتومايزر H2 + جراب + علاقة + كابل يو اس بي = 400ج للدفع كاش

450ج للتقسيط على شهرين بضمان أدمن الجروب

هاتقولى كتير ..!! هاقولك معلش ده الجديد

وممكن التكلفة تقل عن كده كمان لو اشتريت البطارية لوحدها بـ 250ج وهات الأتومايزر مستخدم من حد تعرفه

وكلاهما متوفر و الحمد للـه

المهم ما ترجعش للحرق و الزبالة اللى كنا بنشربها ...

طيب واحد هايسأل بس كده هايبقي الحل كله على بعضه غالي .. قل له تعالى نحسبها

250ج فى الشهر يعنى فى السنة 3000ج

و400ج أو 450ج يبقي المجموع بالكتير 3450ج بينما علبة سوبر فى اليوم تدفع فى السنة لها 3600ج

يعنى وفرت فى السنة 150 ج ...... غير توفير صحتك وصحة ولادك أو أى حد بيقعد معاك

طبعا اللى بقوله ده يمشي على اللي بيشرب ميريت و مارلبورو ودنهل و إل إم ونكست ... بس طبعا عادة بيصرفو فى الشهر من 650ج إلى 1200ج ... و انا أعرف ناس منهم

على فكرة لسه ما خلصناش كلام ..

حضرتك نعدى أول شهر و تشتري السخانين ويبقي معاك كام ثلاث سخانات .. قوم الشهر اللي بعده تتعلم تلف الكويل وتوفر 70ج فى الشهر يعنى توفر 770ج ....

يعنى 3450-770= 2680ج سنويا يعنى التوفير بيزيد .. كده وفرت أحسن من التدخين العادى 920ج فى السنة

و الأهم من التوفير الإقتصادى توفير الصحة ليك ولمن تحب

طيب فيه ناس عجبها الموضوع وكانوا بيصرفوا أكثر من كده بكثير ... يعملوا إيه ؟

نصيحة ..

جرب أكثر من نكهة توباكو/تبغ و اشتري مجموعة كبيرة مرة واحدة ...... وده معناه توفير زيادة وكمان عشان السوق مش مضمون لأنها كلها تهريب

إشتري أوتومايزر أكبر وممكن ماتغيرش السخان خالص وتغير بس القطن كل فترة و الاقتراح كيفون لايت بلس ، هايشتغل على البطارية الإيجو أو الإيفود ما تخافش بس ما تحطش جواه سخان أقل من 1.8 أوم عشان البطارية تكمل معاك اليوم من غير شحن وعشان ما تستهلكش سائل كثير من غير لازمة

لو معاك فلوس لسه عايز تصرفها على الموضوع ده .. هات بطارية أقوى ولازم تتشحن باليو إس بي ، الإقتراح هو الآي ستيك

The Original Bunny Clone

noreply@blogger.com (Anonymous) — Thu, 15 Sep 2016 01:19:00 -0700

The O.B احدى إبداعات شركة Suicide Bunny و هي خليط من الفانيلا والكريمة الدسمة والناعمة .

لن تندم إطلاقا فى تجربتها

بطريقة السينجل فليفور :
يتم عمل 100 مللي ليكويد لكل فليفور على حدة بتركيز فليفور 10 %
ويترك للتعتيق فترة لا تقل عن شهر .
بعد التعتيق يتم وضع النسب التالية :
10 ملل من فليفور Vanilla Custard
07 ملل من فليفور Cake Butter
04 ملل من فليفور Sweet Cream
04 ملل من فليفور Bavarian Cream
يفضل أن تكون كافة الفليفورات من انتاج شركة كابيلا Capella وان لم تتوافر .. فإستخدم TFA

طريقة الفليفور شوتس :
يتم خلط الفليفورات بالكميات التالية و ذلك لعمل 100 ملل ليكويد من الأو بي فقط كالتالي
10 ملل من فليفور Vanilla Custard
07 ملل من فليفور Cake Butter
04 ملل من فليفور Sweet Cream
04 ملل من فليفور Bavarian Cream
مجموع الفليفور 25 ملل كاملين
ضيفهم على 70 ملل جلسرين + 2 ملل بروبلين ويترك شهر تعتيق .. وبعد مدة 25 يوم من التعتيق .. تفتح الزجاجة و يضاف 3 ملل نيكوتين و تغلق مرة اخرى لتكمل تعتيق 5 ايام اخرى ليكتمل الشهر .