AKS

Dil Zinda-o-Baidar Agar Ho To

noreply@blogger.com (Nawaqif Rehnuma) — Sun, 17 Nov 2013 11:15:00 +0000

Dil Zinda-o-Baidar Agar Ho To Batadreej
Bande Ko Atta Karte Hain Chashme-e-Nigran Aur

Ahwal-o-Maqamat Pe Mouqoof Hai Sub Kuch
Har Lehza Hai Salik Ka Zaman Aur Makan Aur

Alfaz-o-Maani Mein Tafawat Nahin Lekin
Mullah Ki Azan Aur, Mujahid Ki Azan Aur

Parwaz Hai Dono Ki Issi Aik Faza Mein
Kargas Ka Jahan Aur Hai, Shaheen Ka Jahan Aur…..

Allama Iqbal

Tu nahi to main rahaa nahi..

noreply@blogger.com (Nawaqif Rehnuma) — Mon, 28 Oct 2013 18:08:00 +0000

Dil ki rehguzar par, duusra naksh-e-paa nahi,
Chaahat ke ufaaq par, chehra tere sivaa nahi.

Mitti ke jism ko shayad, hai duuri ka ehsaas,
Par dil ko dikhe hai tu, kahaaN-kahaaN nahi.

Tanhaai kheNchtii rahii, mehfiloN ke jaanib,
Bin sanam magar, koi mausiki ka samaa nahi.

SaaNseN, Zindagi, Savaab, sab vaara tujhpar,
Ke ik jo tuu hai mera, to kya mujhe mila nahi?

Khafaa tere laboN se, teri nazroN ko bosa hai,
Ik sili hayaa se, duusre ne kya kuch kaha nahi!

Tu justaju nahi, khwahish nahi, na khuda hai,
Naakhuda hai mera, tu nahi to maiN rahaa nahi.

Tu shariq-e-hayaat nahi, wajuhat-e-hayaat hai,
Ibtida, IntehaaN aur Hashr ka, hume pata nahi.

Ham ragoN meiN daudne ke kayal haiN naadaan
Ik katra bhi mujhme tere naam ke baghair bahaa nahi...

Kabhi yun bhi to ho

noreply@blogger.com (Nawaqif Rehnuma) — Wed, 16 Oct 2013 18:34:00 +0000

Kabhi yun bhi to ho
dariyaa ka saahil ho
poorey chaand ki raat ho
aur tum aao
kabhi yun bhi to ho
pariyon ki mehfil ho
koi tumhaari baat ho
aur tum aao
kabhi yun bhi to ho
ye narm mulaayam thandi hawaayen
jab ghar se tumhare guzrein
tumhaari Khushbu churayen
mere ghar le aayen
kabhi yun bhi to ho
sooni har manzil ho
koi na mere saath ho
aur tum aao
kabhi yun bhi to ho
ye baadal aisaa Toot ke barsey
mere dil ki tarah milne ko
tumhaaraa dil bhi tarse
tum niklo ghar se
kabhi yun bhi to ho
tanhaai ho, dil ho
boondein ho, barsaat ho
aur tum aao
kabhi yun bhi to ho......

Agar Sehra Se Guzro.....

noreply@blogger.com (Nawaqif Rehnuma) — Thu, 25 Jul 2013 18:50:00 +0000

Agar Sehra Se Guzro Toh Mere Sahir Se Keh Dena
Tumhari Besabab Doori Mujhe Aksar Rulati Hai
Musafir Aaj Tak Chup Hai Ki Uske Haath Mein Tumne
Jo Apna Haath Rakha Tha Woh Abtak Yaad Karta Hai
Ke Sadiyon Ki Musafat Ne Mere Pairon Se Bandhi Hai
Thakan Ab Ke Baras Itni Ki Apni Doobti Nafzon Se
Mai Khauff Mein Rehti Hoon
Na Jaane Kab Kahan Pe Umr Ki Yeh Dor Kat Jaye
Mai Apne Aur Tumhare Beech Ke Inn Faaslo Ko
Chand Saanson Ki Kami Se Haar Na Jaoon
Bisat-e-Jaan Pe Pehli Dooriyon Ke Bhoj Ko Lekar
Yunhi Chup Chap Mar Na Jaoon....

Jo kisi say bhi khafa na ho

noreply@blogger.com (Nawaqif Rehnuma) — Fri, 19 Jul 2013 20:30:00 +0000

Jo kisi say bhi khafa na ho,
Mujhey us khuda ki talash hai.
Jisay ker k dil ko dukh na ho,
Mujhey us gunah ki talash hai,
Bina Humsafar k kab talak,
Koi musafaton main laga rahay.
Jahan koi kisi say juda na ho,
Mujhey us raah ki talash hay.
Mujhey daikh ker jo aik nazar,
Meray saray dard samajh sakay.
Jo is qadar ho Chara-e-gar,
Mujhey us nigaah ki talaash hay.

wo musafir-e-shab-e-zeest hun...

noreply@blogger.com (Nawaqif Rehnuma) — Thu, 27 Jun 2013 05:59:00 +0000

jisse naaz sheesha-e-dil pe hai, usse shayad iss ki khabar nahi
ke ye patharon ka dayaar hai, yahaan koi aayeina'gar nahi

wo musafir-e-shab-e-zeest hon, ke kisi ki mujh pe nazar nahi
mere raaste ki sahar to hai, mere raaste mein sahar nahi

mere saath saath ravaan to hai, koi saya sa kisi yaad ka
hai wohi shareek-e- safar mera, jo mera shareek-e-safar nahi

gham-e-dil tera gham-e-dil sahi, issey kar tu nazr-e-gham-e-jahan
wo charaagh koi charaagh hai, jo charaagh-e-raah-e-guzar nahi

ye shamim-e-ishq ki be-dili, ye hayat-e-fan ki udaasiyaan
mere shehr-e-gham mein hai kon si, wo gali jo khaak basar nahi

main kisi ke husn ki dilkashi, jo bayaan karoun to bhi kis tarah
ke nazar ke paas zabaan nahi, to zabaan ke paas nazar nahi

ye dayaar-e-ghaflat-e-shauq hai, na hamare saath chale koi
ke guzar rahein hain wahaan se hum, jahan khud hamara guzar nahi

na hii ghuncha-e-dil khila, na mili hayaat ko roshani
ye sehar to aur kisi ki hai, ye sehar hamari sehar nahi.....i

Wafaon Ki Talash Mein

noreply@blogger.com (Nawaqif Rehnuma) — Wed, 26 Jun 2013 15:45:00 +0000

Wafaon Ki Talash Mein,
Sadaon Ki Talash Mein,
Samundar Dekhe Dariya Dekhe,
Jungle Dekhe Sehra Dekhe,
Nahi Koi Mil Saka,
Jo TasQeen-E-Dil-O-Jaan Hota,
Mehekta Hua Armaan Hota,
Meri Dhadkano Mein Wo Basta,
Mere Jeene Ka Saaman Hota,
Meri Rooh Ka Wo Chain Hota,
Meri Zindagi Ka Unwaan Hota,
Wafaon Ki Talash Mein,
Zindagi Dar-Ba-Dar Bhatki,
Sukoon Ek Ek Pal Ko Tarsi,
Kabhi Door Khalaon Mein Khoyi,
Kabhi Samundar Ki Gehraiyon Mein Uljhi,
Aur Phir,
Wafaon Ki Talash Mein,
Bas Ek Samar Hi Haath Aaya,
Is Bhari Duniya Mein,
Wafa Ka Koi Wajood Nahi,
Pattharon Ke Hai Jism Saare,
In Mein Ehsaas Maujood Nahi,
Wafa FaQt Jis Ka Kaam Hai,
Maut Uska Naam Hai…

kuchh aise ghaao bhii hote hain

noreply@blogger.com (Nawaqif Rehnuma) — Wed, 26 Jun 2013 15:41:00 +0000

kuchh aise ghaao bhii hote hain
jinhen zaKhmii aap nahiin dhote
bin roye huye aaNsuon kii tarah
siine men chhupaa ke rakhate hain
aur saarii umr nahiin rote........

niinden bhii muhaiyaa hotii hain
sapane bhii duur nahiin hote
kyuuN phir bhii jaagate rahate hain
kyuuN saarii raat nahiin sote........

ab kis se kahen ai jaan-e-vafaa
ye ahal-e-vafaa kis aag men jalate rahate hain
kyuuN bujh ke raakh nahiin hote........

Tumhein yaad ho k na yaad ho

noreply@blogger.com (Nawaqif Rehnuma) — Sat, 22 Jun 2013 16:50:00 +0000

Wo jo hum mai tum mai qarar tha,tumhein yaad ho k na yaad ho
Wohi wada yani nibah ka,tumhein yaad ho k na yaad ho

Wo jo lutf mujh pe thay peshtar,wo karam k tha meray haal per
Mujhe sab hai yaad zara zara,tumhein yaad ho k na yaad ho

Wo naye gilay wo shikayatein,wo mazay mazay ki hikayatein
Wo her aik baat per roothna,tumhein yaad ho k na yaad ho

Kabhi baithay sab mai jo rubaru,to isharaton se hi guftagoo
Wo bayan shoq ka bermala,tumhein yaad ho k na yaad ho

Huwe ittefaq se gar baham,to wafa jatanay ko dam ba dam
Gila-e-mamlat-e-aqraba,tumhein yaad ho k na yaad ho

Koi baat aisi agar huwi,jo tumharay ji ko buri lagi
To bayan se pehlay hi bhoolna,tumhein yaad ho k na yaad ho

Kabhi hum mai tum mai bhi chah thi,kabhi hum ko tum se bhi raah thi
Kabhi hum bhi tum bhi thay aashna,tumhein yaad ho k na yaad ho

Suno zikr hai kai saal ka,k kia ek aap ne wada tha
So nibhahnay ka to zikr kia,tumhein yaad ho k na yaad ho

Jissay aap gintay thay aashna,jissay aap kehtay thay ba wafa
Mai wohi hoon Momin-e-mubtala,tumhein yaad ho k na yaad ho....

Ye barishein bhi tum si hain....

noreply@blogger.com (Nawaqif Rehnuma) — Wed, 19 Jun 2013 18:08:00 +0000

Ye barishein bhi tum si hain
jo baras gayi tu bahar hain
jo tehar gayi tu qarar hain
kabhi aa gayi yunhi besabab
kabhi chaa gayi yunhi roz-o-shab
kabhi shor hain, kabhi chup si hain
ye barishein bhi tum si hain

kisi yaad main, kisi raat ko
aik dabi huwi si rakh ko
kabhi yun huwa k bujha dea
kabhi khud se khud ko jala dea
kahin boond boond main gum si hain
ye barishein bhi tum si hain.............

Koi Baat Nahi

noreply@blogger.com (Nawaqif Rehnuma) — Tue, 18 Jun 2013 09:40:00 +0000

Yaad Ki Rah Guzar Jis Pe Issi Sorat Se
Muddatein Beet Gaye Hain Tumhein Chaltey Chaltey
Khattam Ho Jaye To Do Char Qadam Aur Chalo

Morr Parta Hai Jahan Dasht-e-faramoshi Ka
Jis Se Agey Na Koi Mein Hoon Na Koi Tum Ho
Saans Thamein Hain Nigahein K Najaney Kis Dum
Tum Palat Aao, Guzar Jao, Ya Murr Ker Dekho

Garcheh Waqif Hain Nigahein K Ye Sab Dhoka Hia
Ger Kahin Tum Se Hum Agoosh Hoi Phir Se Nazar
Phoot Nikley Gi Wahan Aur Koi Rah Guzar
Phir Ussi Tarhaan Jahan Ho Ga Muqabil Paiham
Saaya-e-zulf Ka Aur Jumbish-e-bazoo Ka Safar

Dosri Baat Bhi Jhooti Hai K Dil Janta Hai
Yahan Koi Morr, Koi Dashr, Koi Ghaat Nahi
Jis K Pardey Mein Mera Mah-e-raavan Doob Sakey

Tum Se Chalti Rahey Ye Raah Yunhi Acha Hai
Tum Ne Murr Ker Bhi Na Dekha Tou Koi Baat Nahi...

Thori tumhare aur thori mere paas..

noreply@blogger.com (Nawaqif Rehnuma) — Thu, 13 Jun 2013 08:47:00 +0000

kabhi pyas hai kabhi kuchh paane k aas hai zindgi
ek pal ka naam khushi hai to agle hi pal udas hai zindgi

kabhi zakhm hai to kabhi marham
kabhi dushman hai to kabhi sanam

anbujh abujh paheli kabhi
kabhi dost ,saheli kabhi
kabhi gumshuda hai to kabhi dil k paas zindgi

kabhi bas ek safar ka naam hai ..
kabhi bas ek thori si tallash zindgi

kabhi bemaksad , bewaja , u hi
aur kabhi sabse khas hai zindgi

kabhi bas ek lamha hai zindgi
to kabhi umr bhar ki pyas zindgi

kabhi chubhti hui hasi hai
to kabhi ansuo mein ghuli mithas zindgi

kabhi ek chhuan to kabhi ek ehassas zindgi
kuchh bhi nahi hai aur sab tere paas zindgi

fir bhi udas ho tum aur main bhi khush nahi
kyuki thori tumhare aur thori mere paas hai zindgi ......

Koi tumse pooche kaun hoon main....

noreply@blogger.com (Nawaqif Rehnuma) — Wed, 12 Jun 2013 19:26:00 +0000

Koi tumse pooche kaun hoon main,
Tum keh dena koi khaas nahi.

Ek dost hai kaccha pakka sa,
Ek jhooth hai aadha saccha sa.
jazbaat ko dhake ek parda bas,
Ek bahana hai accha sa.

Jeevan ka ek aisa saathi hai,
Jo door ho ke pass nahin.

Koi tumse pooche kaun hoon main,
Tum keh dena koi khaas nahi.

Hawa ka ek suhana jhonkha hai,
Kabhi nazuk toh kabhi tufaano sa.
Sakal dekh kar jo nazrein jhuka le,
Kabhi apna toh kabhi begaano sa.

Zindgi ka ek aisa humsafar,
Jo samandar hai, par dil ko pyaas nahi.

Koi tumse pooche kaun hoon main,
Tum keh dena koi khaas nahi.

Ek saathi jo ankahi kuch baatein keh jaata hai,
Yaadon me jiska ek dhundhla chehra reh jaata hai.
Yuh toh uske na hone ka kuch gham nahi,
Par kabhi-kabhi aankho se ansu ban ke beh jaata hai.

Yuh rehta toh mere tassavur me hai,
Par in aankho ko uski talaash nahi.

Koi tumse pooche kaun hoon main,
Tum keh dena koi khaas nahin……..

RS Bhati

Kabhi tu ne bhi socha hai

noreply@blogger.com (Nawaqif Rehnuma) — Mon, 10 Jun 2013 06:31:00 +0000

Kabhi tu ne bhi socha hai k ye pyaas hai to kyun hai?
Tujhy Paa k bhi mera dil jo udaas hai to kyun hai?

Mujhy kyun aziz tarr hai ye dhua’n dhua’n sa mosam
Ye hawa-e-shaam-e-hijraa’n mujhy raas hai tou kyun hai?

Tujhy Kho k sochta hun, Meray daman-e-talab mein
Koi Khuwab hai to kyun hai, koi aas hai tou kyun hai?

Mein ujjar k bhi hoon tera, tou bicharr k bhi hai mera
Ye yaqeen hai to kyun hai, ye qayaas hai to kyun hai?

Mery tan-bar’hana dushman isi gham mein ghul rahy hain
K mery badan pe saalam, ye libaas hai to kyun hai?

Kabhi pooch us k dil se k ye khush mizaaj shayar
Apni shayari mein jo udaas hai to kyun hai?

Tera kis ne dil bujhaya, Mery ‘Aitbaar Sajid’
Ye charagh-e-hijr ab tak, teray paas hai to kyun hai ?

Humsafar

noreply@blogger.com (Nawaqif Rehnuma) — Mon, 10 Jun 2013 06:29:00 +0000

Ye nahi k saray jahan mein humsafar hi nahi mila
Sabhi ‘Aitbar’ k sath thy, koi mo’tabar hi nahi mila

Meri nabz choo k to dekhta k shikasta dil ki sadaa hai kia
Mera la-ilaaj marz na tha, koi chara gar hi nahi mila

Kabhi sheher chaan liye gaye, kahi’n khaimay taan liye gaye
Jisay dekhta tha mein khuwab mein, mujhy wo nagar hi nahi mila

Mujhy wo makee’n hi nahi milay jinhain meri zaat se pyar ho
Jisy apna ghar mein samajh saku’n, mujhy aisa ghar hi nahi mila

Raha muztarib mera shauq bhi mera sajda karny ka zauq bhi
Mujhy sang-e-rah to boht milay, Tera sang-e-dar hi nahi mila

Sabhi apny apny giroh k, gham-aarzu ka shikar thy
Kisay mein dikhata ye zakhm-e-dil, koi deeda war hi nahi mila

Aaj shab mein jag raha tha

noreply@blogger.com (Nawaqif Rehnuma) — Sun, 02 Jun 2013 20:40:00 +0000

Aaj shab mein jag raha tha
Sehan mein betha soch raha tha
Itney mein chupkey sey
Chand meray pas aa betha
Aur kehnay laga
Ik bar chali jaye to
Ye zindagi laut key nahi aati
Ye keh ker wo
Kahin door badal’on ki oot mein
chup gaya
Aur mein ney hawa’on key hath \
ye sandesa bheja
Mujhey ik bar aa key mil jao
Ye zindagi
Laut ker nahi ati
Usey kehna........!

unknown

Main insaan hun

noreply@blogger.com (Nawaqif Rehnuma) — Thu, 25 Apr 2013 14:25:00 +0000

main insaan hun...
kabhi hansti hun..
main kabhi roti hun..
kabhi jeetun bhi main dil se..
toh kabhi sabko main khoti hun..

haan main insaan hun..
kabhi sapno ki duniya mein rehti hun..
kabhi yaadein main sanjoti hun..
kabhi sajti hun khayaalon mein..
kabhi kabhi darpan se bhi darti hun..

haan main insaan hun..
kabhi saahil pe rehti hun..
kabhi dariya mein behti hun..
kabhi toofan se khelun...
kabhi sadaayein bhi sehti hun..

haan main insaan hun..
kuch khwaahish bhi bunti hun..
kuch ummeedein bhi karti hun..
kabhi paheli hun unsuljhi..
kabhi uljhan se akharti hun..

haan main insaan hun..
kabhi socha bhi karti hun..
main aisa kyun karti hun..
kyun ek jaisi nahi har dam..
main yun badla kyun karti hun..

haan main insaan hun...
bas aarzu ab yeh karti hun..
insaaniyat ki zaat pe hi marti hun..
bas reh jaun main insaan hi...
gar gairat insaan ki main rakhti hun..

haan main ik insaan hun...
haan main ik insaan hun..

lovely charan

Tumhari Yaad Ka Mausam

noreply@blogger.com (Nawaqif Rehnuma) — Mon, 24 Sep 2012 18:18:00 +0000

koi mausam ho dil meN hai tumhaari yaad ka mausam
ke badla hi nahiN janaaN tumhaare baad ka mausam

nahiN to aazma kar dekh lo, kaise badalta hai
tumhaare muskraane se dil-e-nashaad ka mausam

kahiN se uss haseeB aawaaz ki khushbu pukaare gi
to uss ke saath badle ga dil-e-barbaad ka mausam

qafas ke baam-o-dar meN roshani si aayi jaati hai
chaman meN aa geya shaayed lab-e-aazaad ka mausam

mere shahr-e-parishaaN maiN teri be chaand raatoN meN
buhat hi yaad karta hooN teri buniyaad ka mausam

na koi gham khizaaN ka, na khawahish hai bahaaroN ke
hamaare saath hai amjad kissi ke yaad ka mausam...

Meri khaamoshi bhi...

noreply@blogger.com (Nawaqif Rehnuma) — Mon, 24 Sep 2012 18:01:00 +0000

Main khud zameen mera zarf aasmaan ka hai
K toot kar bhi mera hosla chataan ka hai

Bura na Maan mere hurf-o-lafz zehr sahi
Main kya karun k yehi zaaiqa zabaan ka hai

Meri sanjeedgi mashhoor hai zamaane mein
Meri khaamoshi bhi Pehlu mere bayaan ka hai

Har ek ghar pe musallat hai dil ki veeraani
Tamaam sheher pe saaya mere makaan ka hai

Bichhar k us se main bas es liye nahi bikhra
Wo keh gaya tha yehi waqt terey imtehaan ka hai

Asool – e – Wafaa

noreply@blogger.com (Nawaqif Rehnuma) — Tue, 26 Jun 2012 06:23:00 +0000

Mujh say gilla hain mujh pay bharosa nahi usey
Ye soch Kar hum nay bhi to roka nahi usey

Wo shaks Kabhi chand sitaron say yeh puchhey
Hay Kaon si wo raat Jab socha nahi usey

Alfaz teer ban K utartey rahey dil me
Sunty rahey chup chap hi toka nahi usey

Sagar ye asool-e-wafa nahi mohabbat hay
Hum Jaan to den gay magar dhoka nahi usey !!!

Zindagi mohabbat nahi ho sakti kabhi

noreply@blogger.com (Nawaqif Rehnuma) — Tue, 26 Jun 2012 06:18:00 +0000

Maanta hun ki zindagi bhi tadpati hai,
Par mohabbat to jeena sikhati hai,
Zindagi mohabbat nahi ho sakti kabhi,
Par mohabbat zindagi ban jaati hai.

Zindagi ko to hum jab chahen,
Maut ki oor khud le jaate hain,
Par ek baar jo kar len ishq,
Wo kahaan isko chod paate hain.

Ye duniya kitni khudgarz hai,
Ye mohabbat hume batati hai.
Zindagi mohabbat nahi ho sakti kabhi,
Par mohabbat zindagi ban jaati hai.

Mohabbat ek jaanlewa aadat hai,
Jisme hoti shikwa-shikayat hai,
Par aashiqon k liye to,
Yahi unka khuda aur yahi ibadat hai.
Wo mohabbat hi to hai doost,
Jo jeevan ko haseen banati hai.
Zindagi mohabbat nahi ho sakti kabhi,
Par mohabbat zindagi ban jaati hai.

Mohabbat hi saathi aur tanhaai hai,
Yahi hoti hansi aur yahi rulaai hai,
Isi me hote kasme wade saare,
Aur isi me hoti bewafai hai.
Wo mohabbat hi hoti hai,
Jab aankhon me koi samati hai.
Zindagi mohabbat nahi ho sakti kabhi,
Par mohabbat zindagi ban jaati hai.

Mohabbat me sab majboor hote hain,
Kabhi paas to kabhi door hote hain,
Par job hi ho jaye samana,
Wo ishq ke nashe me choor hote hain.
Jab yaaden zannat ban jaati hain,
To wo mohabbat kehlati hai,
Zindagi mohabbat nahi ho sakti kabhi,
Par mohabbat zindagi ban jaati hai.

Jab koi bediyon ko payal kar jaati hai,
Har jhalak uski,kayal kar jati hai.
Jab hota uska mehfil me aana,
Uski har ada hume bas”ghayal”kar jati hai.
Wo mohabbat ki daastan hai ki,
Har saans me kisi ki khusboo aati hai,
Zindagi mohabbat nahi ho sakti kabhi,
Par mohabbat zindagi ban jaati hai.

Maanta hun ki zindagi bhi tadpati hai,
Par mohabbat to jeena sikhati hai,
Zindagi mohabbat nahi ho sakti kabhi,
Par mohabbat zindagi ban jaati hai....

RAJAN

Kabhi tum nay yeh socha hai?

noreply@blogger.com (Nawaqif Rehnuma) — Sat, 23 Jun 2012 16:36:00 +0000

Kabhi tum nay yeh socha hai?
Kisi ki sochati , sada see aankhoon main,
Uddasi ki khafi tehreer tum nay sab mItta dali
Dhanak sapnoon ka phir say jaal sa ek bun diya inn main

Mager jana !
Zara socho,
Ager iss bar bhi sapnay kisi nay tod dalay to,
Woh inn ki kirchayan sari ki sari,
Apni palkoon main chupa lay gee
Ager iss zindagi k bhaise main phir marg nikli to,
Galay uss ko laga lay gee

Tum aisa kion nahi kertay
Abhi say uss ko batla do
Tumhain wapis bhi jana hai ......

Tumhen jafa se na yun baz aana chahiye tha

noreply@blogger.com (Nawaqif Rehnuma) — Mon, 11 Jun 2012 02:49:00 +0000

Tumhen jafa se na yun baz aana chahiye tha
abhi kuch aur mera dil dukhana chahiye tha

tavil raat ke pehlu mein kab se soi hai
navid-e-subah tujhe jag jana chahiye tha

bahut qallaq hua hairat gazida tufan ko
ke kon dube kinhen dub jana chahiye tha

bujhe chiragon mein kitne hain jo jale hi nahi
savad-e-vaqt inhen jagamagana chahiye tha

ajab na tha ke qafas sath leke ud jate
tadapana chahiye tha phadaphadhana chahiye tha

ye meri haar ke kar-e-janan se hara magar
bichadane wale tujhe yaad aana chahiye tha

taman umr ke aasurdagi-e-vasl ke bad
firaq aakhiri dhoka tha khana chahiye tha............

Aaj Kuch Maangna Hay Tum Say

noreply@blogger.com (Nawaqif Rehnuma) — Thu, 07 Jun 2012 02:57:00 +0000

Aaj Kuch Maangna Hay Tum Say
Aaj Kuch Lena Hay Tum Say
Aaj Kuch Dena Hay Tum Ko
Aaj Kuch Kehna Hay Tum Ko
Na He Koi Khuwahish, Tamanna Na Arzoo

Bas Aik Hi Chah Hai Apni Aur Aik Hi Justaju
Ham Maangtay Hain Tum Say,
Teray Derd O Gham Wo Saarey Jo Rula Gaye Hain
Teri Neenden Uda Gaye Hain
Ham Hain Shareek E Gham Teray Pehchaan To Sahi
Ham Bhi Hain Saath Teray Tu Jaan To Sahi
Ker Bojh Apnay Dil Ka Halka Hamen Bataday
Ye Fikar Ye Udasi Kioon Hay Zara Sunaday
Laaye Hain Ham Baharain Teray Hi Waastay
Ye Rang Aur Ye Khushboo Teray Hi Waastey
Aaj Kuch Maangtay Hain Tum Say
Aaj Kuch MaangnA Hay Tum Say...............

Mera jahaan hai tu.....

noreply@blogger.com (Nawaqif Rehnuma) — Tue, 05 Jun 2012 02:57:00 +0000

Meri chahhat mere iss dil ka karar hai tu
Mera es dil ke Aine ka raaz daar hai tu

Tere siwa koi nahi hai pyara mujh ko
Mereruh air jism ka tabedar hai tu

Meri has saanse ma tu hi tu basta hai
Meri har dhadkan ka zimmedar hai tu

Meri har khushi aur gham ka sarmaya hai tu
Meri suni siyaah raaton ka charrag hai tu

Tere siwa nahi mera zamin ma sanam
Tujh ko malum nahi mera jahaan hai tu.....