Shreepad shreevallabh

noreply@blogger.com (Anonymous) — Tue, 22 Oct 2013 10:45:00 -0700

मानवी शरीर व त्यामधील कोश

मनुष्याचे शरीर हे विविध भागांनी बनलेले आहे व जगभरातील विविध उपचार पद्धतीनी ह्यावर सखोल संशोधन केलेले आहे. हिंदू तत्वज्ञान तसेच आयुर्वेद उपचार पद्धतीनुसार मानवी शरीर हे कोशांनी बनलेले असून हे पंचकोश तीन प्रकारच्या शरीरांमध्ये विभागलेले आहेत. ह्या पाच कोशान्व्यातिरिक्त अधिक दोन कोश आहेत जे आत्म्याचे आवरण समजले जातात.

हि तीन प्रकारची शरीरे खालीलप्रमाणे आहेत:

स्थूल शरीर : जे शरीर आपल्याला साध्या डोळ्यांनी दिसते, व पाच महाभूतानि - पृथ्वी, आकाश, वायू, पाणी व अग्नी बनलेले असते त्याला स्थूल शरीर असे म्हणतात. साधारणपणे हे सहा प्रकारच्या बदलांमधून जाते - जन्म, विकास, निर्वाह, वृद्धी, पतन व मृत्यू.

स्थूल शरीराचे पोषण हे स्थूल पदार्थ जसे अन्न, पाणी, हवा ह्या द्वारे केले जाते, व ज्याचा पुरवठा अन्नमय कोशातून केला जातो. मृत्यू नंतर ह्या शरीराचे विघटन होऊन पंचा तत्व मूळ तत्वांमध्ये लय पावतात.

सूक्ष्म अथवा लिंग शरीर : बुद्धी व मन ह्यांचा निवास असलेले सूक्ष्म शरीर हे प्राणमय, ज्ञानमय तसेच विज्ञानमय कोशांचे बनलेले असते. स्थूल शरीरात असलेल्या अन्नमय कोशावर प्राणमय कोशाचे अधिपत्य असते. स्थूल शरीराकडून काम करून घेण्यासाठी प्राणमय शरीर त्यात असलेल्या चक्र, कुंडलिनी, ७२,००० नाडया ह्यांचा वापर करते. शरीरभर पसरलेल्या ह्या नाड्यांमधून प्राण शक्ती फिरत असते व शरीराला चैतन्य पुरविते.

अक्युपंक्चर, रेकी व मेगनेटो-थेरेपी ह्या प्राण कोशावर केंद्रित असून मुख्यत्वे प्राण शक्ती सशक्त करण्याचे काम करतात.

सूक्ष्म शरीरात असलेला दुसरा कोश म्हणजेच मनोमय कोश हा मानस म्हणजेच मनाशी असलेल्या क्रियांवर केंद्रित असतो. ज्ञानेंद्रिय - नाक, कान, डोळे, जीभ व त्वचा - व मानस ह्यांचे बनलेले मन हे ह्या पाच इंद्रियांनी दिलेले संदेश तसेच मानसाचे संदेश समजून घेते व बुद्धी पर्यंत पोहोचविते आणि त्या प्रमाणे बुद्धी निर्णय घेते. अन्नमय व प्राणमय कोशावर अधिपत्य गाजविणारा हा कोश विज्ञानमय व आनंदमय कोशांकडून सूचना घेतो.

अरोमा, संगीत, रंग, तसेच होमेओपथिक उपचार पद्धतीने ह्या कोशाला प्रभावित करू शकतात.

विज्ञानमय कोश हा आपल्यातील इच्छाशक्ती व अतींद्रिय शक्ती नियंत्रित करतो. माणसाने मिळविलेले ज्ञान व माहिती ह्यांची साठवणूक ह्या कोशात केली जाते. स्वः त्वाचे अस्थित्व राखणे, मन व बुद्धीवरील अंकुश ठेवणे तसेच विवेकबुद्धीने बनलेला हा कोश प्राणमय व मनोमय कोशांपेक्षा सरस मनाला जातो ह्याचे कारण म्हणजे जर मन ताब्यात असेल तरच मोक्ष प्राप्ती होते. एखाद्या उत्तम गुरूप्रमाणे हा कोश चांगल्या वाईटाची पारख करतो व बुद्धीला प्रलोभनांपासून दूर ठेऊन मोक्षाची वाट दाखवितो.

विविध प्रकारच्या उपचार पद्धती जसे अरोमा थेरीपी , साउंड, रंग थेरीपीज चा ह्या कोशाला फायदा होतो.

कारण शरीर : आनंदमय कोश हा कारण शरीराचा विभाग मनाला जातो. कारण शरीराची सर्वाधिक गरज हि मनः शांती असते कारण हे शरीर हे आत्म्याचे मंदिर मानले जाते. एखादे मंदिर जर शांत व प्रसन्न असेल तर त्यात परमेश्वराचा निवास असतो असे मानले जाते. त्याच प्रमाणे आत्मा हा उन्नत स्थितीत असतो जर हे कारण शरीर शांत व प्रसन्न असते. आनंदमय कोश हा उच्च चेतेनेचे द्वार असते. मानवाची अध्यात्मिक प्रगती, परमेश्वराचा ध्यास, पुढील जन्मातील अध्यात्मिक स्थिती हि ह्या कोशाच्या विकासावर अवलंबून असते.

पूर्व जन्मीचा हिशोब, पूर्व सुकृत व दुष्कृत कर्म हि ह्या शरीरात साठविली जातात. मोह मायेचे आकर्षण, वासना, ऐहिक सुखांची लालसा ह्या गोष्टी आनंदमय कोश किती प्रगत आहे ह्यावर ठरतात.

कारण शरीरात असलेले चित्त आणि सत कोश हे क्रमशः आत्मा व परमात्मा एक समान असणे व आत्मा हाच परमात्मा आहे हि जाणीव करून देण्याचे काम करतात. सत कोशाची उन्नत अवस्था म्हणजेच मोक्ष प्राप्ती होय.

स्थूल शरीर : अन्नमय कोश
सूक्ष्म अथवा लिंग शरीर : प्राणमय, ज्ञानमय तसेच विज्ञानमय कोश
कारण शरीर : आनंदमय, चित्त व सत कोश

श्रीपाद श्रीवल्लभ अनुग्रह प्राप्तीरस्तु

noreply@blogger.com (Anonymous) — Sat, 14 Sep 2013 01:23:00 -0700

ज्ञान योग

योगशास्त्राची एक शाखा ज्ञान योग असून हि तुम्ही मिळविलेल्या ज्ञानाद्वारे प्रथम स्वतःची ओळख व ब्रम्हांडामधिल परमसत्याची जाणीव तसेच अनुभूती करून देते. सर्व योग शाखेतील हा सर्वात प्रमुख मानला जातो याचे कारण म्हणजे हा सत्व परीक्षा घेणारा मार्ग असून हा साधकाला ज्ञानातून अनुभूती व अनुभूतीतून ज्ञान देतो व त्या ज्ञानातून पुढील अनुभव घेत साधक मोक्षापर्यंत पोहोचतो. आज भारतात हिमालयापासून ते रामेश्वर मधील कित्येक आश्रमांमध्ये, गुरुकुलांमध्ये ज्ञान दिले जाते जे ज्ञान योगातील चार पमुख तत्वांचा आधार घेते जेणेकरून साधक सत्व परीक्षण, साधना करण्याचे मार्गदर्शन व बोध घेऊन अध्यात्मिक वाटचाल सुरु करतो.

मानवाचे ऐहिक सुखांमध्ये अडकून पडण्याचे प्रमुख कारण हे मोह आणि मायेबद्दल असलेले आकर्षण. परब्रह्म हे अंतिम सत्य असून माया हा भ्रम आहे. सत्य आणि भ्रम यातील संभ्रम दूर करून आत्म्याला ब्रह्म रूपाशी एकरूप करणारा ज्ञान योग हा मार्ग अनेक ऋषी, मुनी व तपस्वी हजारो वर्षांपासून चालवीत आहेत.

ज्ञान योगातील चार प्रमुख तत्वे खालील प्रमाणे आहेत:

१. विवेक : प्रत्येकामधे जागृत चेतना असते जी मानवाला चांगले अथवा वाईट ह्यातील पारख सांगत असते. योग्य व अयोग्य ह्याची बोच सतत आपल्या विचारांमध्ये असते परंतु ती मोहापायी दुर्लक्षित केली जाते. अविद्येचे निराकरण करून सात्विक ज्ञान संपादन करून दिली जाणारी शक्ती म्हणजेच विवेक. सद्बुध्धी निर्माण करून सत्सद्विवेक बुद्धीला चालना देणे हि ज्ञान योगाची पहिली पायरी.
२. वैराग्य : ज्ञान योगी हे जाणून असतो कि हि सर्व सुख हि असत्य व क्षणिक आहेत तर आत्मा हा चिरंजीव आहे. ब्रम्हचा अंश आहे. वैराग्य म्हणजे मनापासून, स्वेच्छेने ऐहिक सुख संपत्ती पासून फारकत घेतलेली फ़ारकत.

३. षष्ठ संपत्ती : सहा गोष्टी ज्या साधकाची संपत्ती मानली जातात:

       ३.१ सम : मनातील विचारांवरचे नियंत्रण. दुर्विचार, नकारत्मक विचार, अविचार इ. वर विजय मिळवून    मनात शांती निर्माण होणे.

       ३.२ दम : शरीरात असलेली पाच इंद्रिये-स्पर्श, चव घेणे, वास घेणे, दृष्टी व ऐकणे - ह्या पंचेद्रीयामुळे निर्माण झलेल्या आसक्तीवरील विजय.

       ३.३ उपरती: ऐहिक गोष्टींमध्ये अडकलेल्या इच्छा वरील विजय.

       ३.४ तितिक्षा: कितीही अडथळे आले, मोह वाटला तरी मन अचल करणे, मनोबल वाढविणे, नियंत्रित करणे.

      ३.५ श्रद्धा : गुरु आणि पवित्र ग्रंथांमधील शिकवणीचे मनापासून, सतत आचरण करणे.

      ३.६ समाधान : मनात ठरविलेल्या ध्येयावर लक्ष्य केंद्रित करणे. सतत परमात्म्याचे मनन व चिंतन करणे.

४. मुमुक्षत्व : आत्मज्ञानाने ब्राह्मरुपाशी एकरूप होण्याचा अविरत ध्यास असलेला साधक मुमुक्षु म्हणून ओळखला जातो.

जेव्हा साधक परमात्म्याचे रूप ओळखू लागतो तेव्हा त्याला संपूर्ण विश्वाबद्दल अपर प्रेम व करुणा वाटू लागते . परमेश्वर हे एकाच अंतिम सत्य असून बाकी सर्व मोह माया आहे म्हणून ईश्वराशी अद्वैत साधून मिळालेला आनंद हाच खरा आनंद आहे हे जाणणारा खरा ज्ञानयोगी असतो.

श्रीपाद श्रीवल्लभ अनुग्रह प्रप्तिरस्तु.

noreply@blogger.com (Anonymous) — Sat, 7 Sep 2013 10:54:00 -0700

बीज मंत्र

बीज म्हणजे निर्मिती करण्याची शक्ती असलेले साधन व बीज मंत्र म्हणजे विश्व शक्ती निर्माण करण्याची क्षमता असणारी अक्षरे जी सूत्र बध्धतेने उच्चारल्यास त्या त्या बीजातून मिळणारी शक्ती. ह्या अक्षरांच्या नादातून मानसिक परिवर्तन होऊ लागते व बीज मंत्रात असलेली सुप्तशक्ती जागृत होते. तंत्र शक्तीपेक्षा मंत्रशक्ती अधिक लवकर फळ देऊ शकते कारण मंत्र जप हा कुठेही कसाही केला, जागृत अथवा सुप्त अवस्थेत केला तरी त्या नादामुळे उत्पन्न झालेली शक्ती हि साधकाला मिळ्ते. ह्या ब्रह्मांडात अनेक प्रकारच्या शक्ती अनादी काळापासून आहेत व त्या शक्ती आपल्या सर्वांमध्ये सुप्त अवस्थेत असतात. प्रत्येक बीजाक्षर हे त्या शक्तीला जागृत करणारी चावी आहे. एखादया मंत्रात अक्षरे ज्या क्रमाने रचली आहेत त्या प्रमाणे तो मंत्र तारक अथवा मारक किंवा चांगल्या अथवा वाईट विचारांची निर्मिती करू शकतो. ह्याच कारणाने मंत्रदीक्षा हि चांगल्या गुरूकडूनच घेतली जाते.

काही सामान्यपणे वापरली जाणारी बीजाक्षरे पुढीलप्रमाणे आहेत.

1. ॐ : अ उ म ह्या अक्षरांनी बनलेले हे बीजाक्षर संपूर्ण विश्वात असलेल्या सर्व शक्तींशी एकरूप होण्याची ओढ निर्माण करते. विश्व निर्मिती होत असताना पहिला नाद हा ॐ कार होता व ह्याच्या सतत उच्चाराने विश्वाशी तसेच विश्व निर्माण करणाऱ्या परमेश्वराशी एकरूप होण्याची इच्छा निर्माण होते.

2. हौं : शिव शक्ती जागृत करणारे हे बीजाक्षर आकाश तत्वाशी निगडीत आहे. ह्याचा उच्चार घशातून केला जातो. आकाश तत्वाशी संबंधित आजार बरे करण्याची शक्ती ह्या बीजाक्षरात आहे.

3. ह्रीं : महामाया अथवा भुवनेश्वरी शक्ती निर्माण करणारे हे अक्षर ह+र+ई +बिंदू पासून तयार झालेली असून ती शिव+प्रकृती+महामाया+दुखः दूर करण्याची शक्ती दर्शवतात.महामाया हि बलवर्धक शक्ती आहे असे श्रीपाद श्रीवल्लभ चारीत्रामृतात सांगितले आहे.

4. क्लीं : का+ल + ई +म + बिंदू म्हणजेच कामदेव जो भौतिक इच्छाचा अधिपती + इंद्र जो स्वर्गासुखांचा अधिपती + समाधान + सुख अथवा दुखः आणणारा. सर्व भौतिक सुखांवर विजय मिळवणे अथवा त्यांच्या अधिन होणे हे ह्या बीज अक्षराचा कसा वापर मंत्रात केला जातो त्यावर असते.

5. श्रीं : श+र +ई+बिंदू हे महालक्ष्मी + संपत्ती + समाधान + दुखः नाश करणारे बीजाक्षर आहे. पैसा, भौतिक सौख्य , दारिद्र्य व चिंता दूर करणे तसेच सुंदर पत्नी व विवाह सौख्य देणारे हे अक्षर आहे.

6. ऐं : हे सरस्वती देवीचे बीजाक्षर आहे जे विद्या, ज्ञान, आकलन शक्ती इ. संबंधित अडचणी दूर करते.

7. गं : गणपती शक्ती जागृत करणारे हे बीजाक्षर विद्या, सन्मान, सुख, आरोग्य इ. मिळवण्यात येणारी विघ्न दूर करून एक सौरक्षक कवच निर्माण करते.

8. दूं : द+ उ + बिंदू म्हणजेच दुर्गा देवी जी ह्या ब्रह्मांडाची निर्मिती करणारी + संरक्षण + प्रार्थना. विश्वकल्याण करण्याची भावना जागविणारे हे बीजाक्षर दुर्गा शक्तीची कृपा मिळवून देते. शक्ती, बल, शत्रूंचा विनाश, जटील समस्यांचा विनाश हि शक्ती करते व सुख, आरोग्य व विवेक जागृत करते.

9. क्रीं : काली माता अथवा कालीशक्ती जागृत करणारे हे अक्षर दुष्ट शक्तींपासून संरक्षण देते.

10. हूं : शिवशक्ती ची जाणीव करणारे हे बीजाक्षर अत्यंत दुर्धर रोगांपासून सुटका करते तसेच मोक्ष, अमरत्व व सर्व सामर्थ्य प्राप्त करण्यास मदत करते.

11. क्ष्रो/क्ष्रौम : नरसिंह शक्ती प्रदान करणारे हे अक्षर अफाट शक्ती मिळवून त्याचा योग्य रीतीने वापर कसा करावा ह्याचा विवेक देते. ह्या शक्तीने मनुष्य श्रेष्ठत्व प्राप्त करून जनमानसात आदर मिळवून देतो.

बीजाक्षर ही शरीरातील चक्र व त्यातील सुप्तशक्ती जागृत करतात. योग्य मंत्रांचा वापर करून मानव अनेक भौतिक व अध्यात्मिक गोष्टींमध्ये सफलता मिळवू शकतो.

श्रीपाद श्रीवल्लभ अनुग्रह प्रप्तिरस्तु.

noreply@blogger.com (Anonymous) — Wed, 28 Aug 2013 10:18:00 -0700

स्वर योग

स्वर ह्या संस्कृत शब्दाचा एक अर्थ गाण्यात वापरले जाणारे ७ शब्दोच्चार असा असला तरी स्वर योगात तो श्वासातून होणारा सलग उर्जा अथवा शक्ती प्रवाह असा आहे. म्हणजेच हा योग साधनेचा असा प्रकार आहे ज्यात श्वासावर लक्ष केंद्रित करून ब्रह्मांडाशि ऊर्जेशी संबंध जोडला जोतो.

स्वर योग हि एक प्राचीन तंत्र विदया असूनही तिचा जास्त प्रसार झाला नाही ज्याचे मुख्य कारण म्हणजे तिच्यात असणाऱ्या शक्तीमुळे पाळली गेलेली गुप्तता. १०,००० वर्षांहून जुना असलेला हा साधनेचा प्रकार फक्त गुरु शिष्य परंपरेतून निवडलेले निवडक साधक, योगी तसेच काही निवडक राज घराण्यातील लोक ह्यांनाच माहित आहे.

स्वर योगात दोन मुख्य प्रकारे साधना केली जाते- १. तत्व साधना २. छायोपासना

वरील दोन्ही प्रकारात त्राटक पद्धतीचा वापर केला जोतो पण तत्व साधनेमध्ये श्वासाच्या लयीतून पंचतत्वातील प्रत्येक तत्वाची शक्ती संपादन करण्याचा प्रयत्न केला जातो. ह्यासाठी विविध यंत्र तसेच चिन्हांचा वापर केला जातो. एका काळ्या कापडावर विशिष्ट यंत्र अथवा चिन्ह काढून ते काही अंतरावर नजरे समोर लावले जाते व साधक त्यावर नजर केंद्रित करून साधना(त्राटक) करतो. तर छाया साधना हि सावलीवर लक्ष्य केंद्रित करून केली जाते. साधारणपणे सकाळी ७ ते ८ हि वेळ उत्तम समजली जाते. साधकाने सूर्याकडे पाठ करून उभे राहून पडलेल्या सावलीच्या मानेवर लक्ष्य एकाग्र करून गुरूने दिलेला मंत्र किमान १०८ वेळा जपल्यास अधिक फायदा होतो. अर्थात दोन्ही प्रकारांमध्ये सुर्य, चंद्र, ग्रह, नक्षत्र, ऋतू, वेळ, साधकाची शारीरिक व मानसिक स्थिती ह्या ईतर सर्व गोष्टींचा विचार करूनच साधना केली जाते.

मानवाचे शरीर हे पंचतत्वांनी बनलेले आहे. तसेच वातावरण हि ह्याच तत्वांनी बनलेले आहे. जर साधकाने श्वासावर योग्य पद्धतीने लक्ष्य केंद्रित केले तर तो वातावरणात असलेल्या पंच तत्वांशी संपर्क साधून शरीरातील पंच तत्वात असलेल्या सुप्त शक्ती जागृत करून त्यावर विजय मिळवू शकतो.

ह्या योगाच्या नियमित साधनेने मनुष्य रोजच्या जीवनात अचाट यश मिळवू शकतो. ह्यात प्राप्त होणाऱ्या अफाट शक्तीमुळेच ह्याचे ज्ञान मोजक्याच लोकांना दिले जाते.

Shreepad shree vallabha anugraha praptirastu.

noreply@blogger.com (Anonymous) — Thu, 22 Aug 2013 10:18:00 -0700

सामान्यपणे हठ्योग हा सर्व योगांमधील कठीण प्रकार म्हणून ओळखला जातो. हठ ह्याचा एक अर्थ असा कि जाणीवपूर्वक अथवा प्रयत्नपूर्वक शारीरिक शुद्धीसाठी केलेली क्रिया. त्याचप्रमाणे आपल्या शरीरातील सुर्य व चंद्र (पुरुष व स्त्री) तत्वांच्या मध्ये निर्माण केलेल्या समतोलामुळे साध्य झालेली शारीरिक व मानसिक शक्ती व लवचिकता. ह्या योगासाधानेमुळे आपल्या दैनंदिन जीवनशैलीतही बदल घडून येतो.

आपल्या त्वचा, स्नायू व हाडांमध्ये शक्ती संचारकरून त्यांना ब्रह्मांडामधिल ऊर्जेशी संपर्क साधण्यास मदत करणारी हि योग क्रिया परदेशातही खूप लोकप्रिय आहे. परंतु तेथील जास्त साधक हे ह्या क्रियेकडे एक सर्वांग व्यायामाचा प्रकार ह्या दृष्टीने अधिक बघते.

हठ्योग हा स्वतःमध्ये सर्वांगीण बदल घडवूशकणारा परिपूर्ण साधनेचा प्रकार आहे जो साधकाला एक निश्चीत दिनचर्या जगण्याची सवय लावतो. ज्यामुळे साधक हा सवयीने साधनेकडे ओढला जातो व शेवटी ब्रह्म तत्वाशी जवळीक साधतो.

ह्या योगाची परिपूर्ण माहिती असणारे 'हठ्योग प्रदीपिका' हे पुस्तक स्वामी श्री स्वात्मराम ह्यांचे असून ह्या मध्ये संस्कृत मध्ये असणाऱ्या लेखांची माहिती व स्वामींचे स्वतःचे योगिक अनुभव नमूद केलेले आहेत. हठ्योगामध्ये समाविष्ट असणाऱ्या सर्व क्रिया: शरीरशुद्धी, सतकर्म, चक्र, आसनं, कुंडली शक्ती, नाडी, मुद्रा ह्यांच्याबद्दल सखोल ज्ञान दिले आहे.

स्वतः शिव शंकरांनी हे ज्ञान गुप्तपणे पार्वतीला देत असताना एका माश्याने ते ऐकले. पण शंकरांना त्या माशाची दया आली व त्यांनी त्या माशास सिद्ध पुरुष केले व अश्या रीतीने श्री मच्छिंद्र नाथ निर्माण झाले व पुढे त्यांनी हे ज्ञान आपल्या अनेक शिष्यांना दिले.

Shreepad shree vallabha anugraha praptirastu.

noreply@blogger.com (Anonymous) — Thu, 1 Aug 2013 09:30:00 -0700

राज योग:

राज योग हा सर्व योगानम्धला राजा अथवा सर्वोच्च मनाला जातो. अष्टांग योगाप्रमाणेच ह्या योगामध्ये पतांजली सूत्रातील आठ सूत्रे वापरली जातात परंतु ह्या मध्ये सर्वात जास्त भर हा ध्यान व समाधी ह्या क्रियांवर दिला जातो.

ह्या योगामध्ये मनःशक्ती चा वापर मध्यम म्हणून केला जातो. आत्मा हा मनाचा वापर करून इंद्रियांशी, तसेच बाहेरील जगाशी संपर्क साधून असतो. चित्त हे एक सरोवराप्रमाणे असते जे मनाचे प्रतिबिंब असते. सर्व गोष्टी ज्या आपण बघतो, अनुभवतो, आपल्या विचारांचे, विकारांचे तरंग ह्या सरोवरात तरंगांच्या स्वरुपात उमटतात आणि त्या प्रमाणे आपले मन प्रतिक्रिया व्यक्त करते. ह्या आत्मा आणि बाह्य जग ह्या मधील द्वंद्वामध्ये फसलेले मन हे कधी सुखी असते तर कधी निराश. कधी शांत तर कधी विचलित.

परंतु ह्या मनः पटलाच्या तळाशी असलेल्या आत्मा जो शांत, निश्चल आणि विरक्त असतो
त्या आत्म्याची परमात्मा बरोबर असलेली एकरूपता तेव्हाच अनुभवता येते जेव्हा आपले मन शांत असते. मनाला बाह्य विचारांपासून विचलित न होऊ देता व मनःशक्ती ने त्यावर विजय मिळवून आत्मज्ञान प्राप्त होणे ह्यालाच राज योगाचा मार्ग म्हणतात.

ह्या योगात कुठल्याच प्रकारचे मान्यतेचे अथवा गृहीतकांचे बंधन नसते. हा योग अनुभव मिळवत पुढे जाण्याची शिकवण देतो.

noreply@blogger.com (Anonymous) — Tue, 30 Jul 2013 09:53:00 -0700

अष्टांग योग:

ह्या योग प्रकारात मुख्यत्वे शारीरिक क्रियांवर भर दिला गेला आहे. तसेच हि योग साधना आठ शाखांमध्ये विभागली गेली आहे. ह्या योग साधनेत पतंजली ऋषींनी लिहिलेल्या योग सूत्रांचा आधार घेतेलेला आहे ज्या मध्ये दिनचर्या, योगासने, श्वसनक्रिया, ध्यान धारणा, एकाग्रता व वैषयिक सुखांपासून लांब राहणे ह्या गोष्टींवर भर दिला गेला आहे.

अष्टांग योगात खालील आठ अंगांचा भर योग क्रियेत दिला जातो.

१. यम: वर्तणूक
२. नियम: शारीरिक व मानसिक पावित्र्य आणि अभ्यास
३. आसन: सूत्रबद्ध शारीरिक क्रिया
४. प्राणायाम: सूत्रबद्ध श्वसनक्रिया
५. प्रत्याहार: मन आणि विकारांवर नियंत्रण
६. धारणा: एकाग्रता
७. ध्यान: आत्म्वृद्धीसाठी केलेले चिंतन
८. समाधी: मनावर मिळवलेला ताबा

ह्या सूचीतील पहिल्या ४ अंगांचा बाह्य शुद्धीकरणावर तर पुधुल चारांचा आंतरिक शुद्धीकरणावर भर दिला जातो.

noreply@blogger.com (Anonymous) — Mon, 29 Jul 2013 09:20:00 -0700

कुंडलिनी योग:

आपले शरीर हे शक्तीने संपूर्ण आहे. शक ह्या संस्कुत शब्दावरून शक्ती ह्या शब्दाची व्युत्पत्ती झाली. शक म्हणजे to be able तो. व शक्ती म्हणजे जिच्या सहाय्याने शक्य होते अशी ती अथवा आंतरिक प्रबलता जी कार्य संपन्न करू शकते अशी. तसेच कुंडलिनी म्हणजे वेतोळ्यांच्या अथवा सर्पिल आकारात असलेली .

कुंडलिनी शक्ती हि पाठीच्या मणक्याच्या तळाशी स्तिथ असून ती वेत्तोळ्यांच्या आकारात असून सुप्थावास्थेमध्ये असते. कुंडलिनी योगाचा मुख्य उद्देश हा ह्या शक्तीला जागृत करून तिचा उपयोग अध्यात्मिक उन्नतीसाठी करणे हा आहे.

असे मानले जाते कि आपल्या शरीरात तीन गाठी आहेत ज्या ह्या शक्तीला बांधून ठेवतात. पहिली जी मणक्याच्या तळाशी असते, दुसरी जी हृदयात असते आणि तिसरी जी भ्रू मध्यात असते. ह्या गाठी जश्या सुटत जातात तशी अध्यात्मिक प्रगती होते व शरीर शक्ती संपन्न होते.

हि शक्ती मिळवण्यासाठी विविध प्रकारची आसने व श्वसन प्रकार कुंडलिनी योगात सांगितलेले आहेत.

noreply@blogger.com (Anonymous) — Sun, 28 Jul 2013 09:48:00 -0700

What does spirituality mean?

We must have observed that while thinking in our mind we unconsciously divide ourselves as two personalities. Especially when a decision has to be taken we tell the other one that if you do this then these will be the consequences, or at times we see that one part is guiding the other one referring to that part as you did this or that which was good or not so right. When someone asks us who we are, we usually end up telling our name and our professional details. But when we are alone and think in our mind, the answer that we get is never as our name or profession or religion. Various people may get different answers but generally no one is able to tell the answer that is self satisfactory.

I feel spirituality means a quest or a curiosity to find oneself, to understand who you are, what is the purpose of your life and what are the things that makes you calm and happy from within. We all thrive for the inner peace but do not understand how to communicate with our true self.

There are various ways that guide us to get connected with within. Yoga is one of the most powerful ways that teaches us not only how to concentrate on what our subconscious mind is telling but also how helpful it is to spend some time with one self. Its a technique that nourishes our mind, health and will power.

noreply@blogger.com (Anonymous) — Sat, 27 Jul 2013 11:38:00 -0700

योग, आपण नेहमी ऐकलेला शब्द. अनेक जण अनेक प्रकारे ह्या बद्दल विचार करतात. काही जण असे समजतात कि योग म्हणजे नियमित योगासने करणे ज्यामुळे आपले शरीर सुध्रुड बनते व वजन कमी होते. परंतु योग म्हणजे केवळ आसन करणे असे नसून हि एक माणसाला मिळालेली देणगी आहे.

योग साधना हि शारीरिक, मानसिक आणि अध्यात्मिक साधना आहे जिच्यामुळे आपले शरीर, मन आणि इच्छाशक्ती विकसित होते व आपण मनोविकारांवर व इंद्रियांवर ताबा मिळवू शकतो.

योग साधनेचे प्रकार खालील प्रमाणे आहेत :

कुंडलिनी योग
अष्टांग योग
राज योग
हट योग
स्वर योग
ज्ञान योग
क्रिया योग
कर्म योग
भक्ती योग
मंत्र योग

noreply@blogger.com (Anonymous) — Fri, 26 Jul 2013 12:41:00 -0700

In Shreepad Shreeallabh chatitramrut it is mentioned that as king Kuru got divine knowledge on that island so the name of that village is Kuravpur. Does anybody know why the King kuru had been there and who gave him this knowledge. Also why it is called kurugaddi now?

noreply@blogger.com (Anonymous) — Fri, 26 Jul 2013 12:37:00 -0700

श्रीपाद श्रीवल्लभ चारीत्रामृतामध्ये असे लिहिले आहे कि कुरवपुर क्षेत्री कुरु राजाला आत्मज्ञान मिळाले व त्या बेटाचे नाव कुरवपुर पडले. कोणाला माहित आहे का कि कुरु राजा तिथे का गेला होता व हे ज्ञान त्याला कोणी दिले ?आता त्याचे नाव कुरूगद्दी कसे झाले?

Introduction

noreply@blogger.com (Anonymous) — Thu, 25 Jul 2013 04:11:00 -0700

आपल्या सर्वांच्या मनात अनेक प्रश्न असतात व त्यांची उत्तरे मिळवीत अशी अपेक्षा असते. आपण बरेच धार्मिक सण साजरे करतो, रिती रिवाज पाळतो पण बरेचदा आपल्याला त्याचे कारण माहित नसते. अशा प्रकारची माहिती मिळावी ह्या साठी तसेच श्रीपाद श्रीवाल्लाभांचे जे भक्त आहेत त्या सर्वांना आपले विचार प्रकट करता यावेत ह्या साठी हा प्रयत्न.

We have many questions and we expect genuine answers to for them from someone who is knowledgeable. We celebrate religious festivals, follow customs and traditions without knowing there true goal. . To exchange this type of information and to have a platform where devotees of Shreepad Shreevallabh this blog is created.

श्रीपाद श्रीवल्लभ अनुग्रह प्रप्तिरस्तु

noreply@blogger.com (Anonymous) — Thu, 25 Jul 2013 04:08:00 -0700

श्रीपाद श्रीवल्लभ अनुग्रह प्रप्तिरस्तु

noreply@blogger.com (Anonymous) — Thu, 25 Jul 2013 02:32:00 -0700

Shreepad shreevallabh anugraha praptirastu.