கவியின் குரல்

இந்திய சுதந்திர நாள் மற்றும் பள்ளி கலைத் திருவிழா விழா 2026.....

2026-08-17T11:01:52.482+05:30

இந்திய சுதந்திர நாள் மற்றும் பள்ளி கலைத் திருவிழா விழா..... ஊத்தங்கரை ஒன்றியம் ஜோதிநகர் Airport ஊராட்சி ஒன்றிய நடுநிலைப் பள்ளியில் இன்று (15.08.2026) *இந்திய சுதந்திர நாள் மற்றும் பள்ளி கலைத் திருவிழா விழா* நடைபெற்றது. முன்னதாக பள்ளி இறை வணக்கக் கூட்டத்தில் மூவர்ண தேசியக் கொடியை பள்ளித் தலைமை ஆசிரியர் திரு செ. இராஜேந்திரன் அவர்கள் ஏற்றி வைத்தார். பின்னர் பள்ளித் தலைமை ஆசிரியர் தலைமையில் நடைபெற்ற விழாவில் உதவி ஆசிரியர் பூ. இராம்குமார் அனைவரையும் வரவேற்றார். உதவி ஆசிரியர்கள் சோ. சிவகுருநாதன், கோ. ஆனந்தன், பயாஸ்பாஷா, ரா. ஜீவா, கணினி பயிற்றுநர் ச. மரகதம், சிறப்பு அழைப்பாளர்கள் கார்த்திகேயன், இரமேஷ், கணேசன் ஆகியோர் வாழ்த்துரை வழங்கினர். பின்னர் பேச்சு, பாடல், வில்லுப்பாட்டு, கதை கூறுதல், உள்ளிட்ட பல்வேறு வகையான போட்டிகளில் முதலிடம் பெற்ற மாணவர்கள் தமது திறமைகளை வெளிப்படுத்தினர். தொடர்ந்து 1 முதல் 8 வரையிலான மாணவர்களின் கண்கவர் கலை நிகழ்ச்சிகள் நடைபெற்றது. தொடர்ந்து போட்டி நிகழ்வுகளில் பங்கேற்ற அனைத்து மாணவர்களும் பரிசுகள் வழங்கப்பட்டது. இறுதியில் அனைத்து மாணவர்கள் மற்றும் நிகழ்வில் பங்கேற்ற அனைத்து பெற்றோர்கள், பொதுமக்கள் அனைவர்க்கும் இனிப்பு மற்றும் அசைவ உணவு ஆசிரியர்கள் சார்பில் வழங்கப்பட்டது.

மாவட்டக் கல்வி அலுவலர் (தொடக்கக் கல்வி) பள்ளிப் பார்வை.....

2026-07-29T16:30:22.267+05:30

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலை பள்ளியை கிருஷ்ணகிரி மாவட்டக் கல்வி அலுவலர் (தொடக்கக் கல்வி) திரு சௌந்தர்ராஜன் அவர்கள் இன்று பார்வையிட்டார். பார்வையின் போது மாணவர்களின் கற்றல் திறன் குறித்து ஆய்வு செய்தார். மேலும் சுற்றுபுற சுகாதாரம், ஆசிரியர்/மாணவர் உறவு குறித்தும் ஆசிரியர்களோடு கலந்துரையாடினார். தொடர்ந்து பள்ளியில் நடைபெற்று வரும் மாணவர்கள் திறன் மேம்பாட்டிற்கான NMMS தேர்வு விழிப்புணர்வு, கலைத்திருவிழா, மன்றப் போட்டிகள், பாடம் சாரா செயல்பாடுகளான சாரணர் இயக்கம், இளைஞர் செஞ்சிலுவைச் சங்கம், சுற்றுச் சூழல் மன்றச் செயல்பாடுகள் ஆகியவற்றை பற்றி கேட்டறிந்து பாராட்டு தெரிவித்தார். தொடர்ந்து பள்ளி காலை உணவு, மதிய உணவுத் திட்ட செயல்பாடுகள் ஆகியவற்றையும் ஆய்வு செய்தார். உடன் ஊத்தங்கரை வட்டாரக் கல்வி அலுவலர்கள் திருமதி சாந்தி, திரு பழனிச்சாமி ஆகியோர் வந்து மாணவர்களை ஆய்வு செய்தனர். \

u003Cdiv class=\"separator\" style=\"clear: both;\">\u003Ca href=\"https://blogger.googleusercontent.com/img/b/R29vZ2xl/AVvXsEjgrfoJB7zN6KcYotYwKf_wh0q67US99zqmynjdEZTtZVf2t5lRTOHTvB4_kqxEduVwr5e3XzzcjRsrA_9t3EtEtoFel7rglN3AnIUsH_txv-hj8LFJxMFlrmyqOphwVyiBC0nsyCbii2FmSZ6s8npYr7civ9VJNwq_AbqRmopJxvbtw4GhtQ1faEfxhzI/s4096/1002228540.jpg\" style=\"display: block; padding: 1em 0; text-align: center; \">\u003Cimg alt=\"\" border=\"0\" width=\"320\" data-original-height=\"2304\" data-original-width=\"4096\" src=\"https://blogger.googleusercontent.com/img/b/R29vZ2xl/AVvXsEjgrfoJB7zN6KcYotYwKf_wh0q67US99zqmynjdEZTtZVf2t5lRTOHTvB4_kqxEduVwr5e3XzzcjRsrA_9t3EtEtoFel7rglN3AnIUsH_txv-hj8LFJxMFlrmyqOphwVyiBC0nsyCbii2FmSZ6s8npYr7civ9VJNwq_AbqRmopJxvbtw4GhtQ1faEfxhzI/s320/1002228540.jpg\"/>\u003C/a>\u003C/div>

அறிவியல் தமிழ்த் தந்தை மணவை முஸ்தபா பிறந்த நாள் விழா...

2026-06-15T20:41:04.299+05:30

ஜோதிநகர் ஊராட்சி ஒன்றிய நடுநிலைப் பள்ளியில் இன்று 15.06.2026 அறிவியல் தமிழின் முன்னோடி, அறிவியல் தமிழின் தந்தை ஐயா மணவை முஸ்தபா அவர்களின் பிறந்த நாள் விழா நடைபெற்றது. பள்ளித் தலைமை ஆசிரியர் திரு செ. இராஜேந்திரன் அவர்கள் தலைமையில் நடந்த நிகழ்வில் உதவி ஆசிரியர்கள் சோ. சிவகுருநாதன், பூ. இராம்குமார், ரா. ஜீவா, கணினிப் பயிற்றுநர் ச. மரகதம் ஆகியோரும் மாணவர்களும் கலந்துக் கொண்டனர். தலைமை ஆசிரியர் தமது உரையில் மணவை முஸ்தபா அவர்களின் வாழ்க்கை வரலாறு, தமிழில் அறிவியல் கருத்துக்களை வெளிப்படுத்திய அவரின் திறன், அவர் தமிழில் உருவாக்கித் தந்த முதல் சிறுவர் கலைக்களஞ்சியம், மற்றும் அவரின் தமிழ்ப்பணி, அவர் எழுதிய நூல்கள், தமிழ் நாடு அரசு மற்றும் பிற துறைகள் அவர்க்கு வழங்கிய விருதுகள், ஆகியவை பற்றியும், அவரின் பிறந்த நாளை பள்ளிகளில் கொண்டாட வேண்டியதன் அவசியம் குறித்தும் விரிவாக விளக்கினார்.

காவலூர் வைனு பாப்பு வானாய்வகத்தை பார்வையிட்ட ஜோதிநகர் பள்ளி மாணவர்கள்...

2026-04-19T13:59:00.002+05:30

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளி மாணவர்கள் ஜவ்வாது மலை, காவலூரில் அமைந்துள்ள வைனு பாப்பு வானாய்வகத்தைப் பார்வையிட்டனர். ஆசியாவில் அமைந்துள்ள 3வது முக்கிய வானாய்வகம் இது. 1986 முதல் செயல்பட்டுவரும் இந்த வானியல் ஆய்வகத்தில் 2.34 மீட்டர் விட்டமுடைய தொலைநோக்கி உள்ளது. இதன்மூலம் வானியலில் நிகழும் அன்றாட மாற்றங்களை பார்வையிட்டு ஆய்வுகள் மேற்கொள்ளப்படுகிறது. இதன் பல்வேறு செயல்பாடுகளையும், ஆய்வுகளின் முக்கியத்துவத்தையும் அறிவியலாளர் திருமதி மது மிகச் சிறப்பாக எமது மாணவர்களுக்கு விளக்கினார், தொடர்ந்து தொலைநோக்கி மூலம் வானில் காணும் வெள்ளி மற்றும் வியாழன் ஆகிய கோள்களையும், வியாழன் கோளைச் சுற்றி வரும் வளையம் மற்றும் 94 நிலவுகளில் 4 நிலவுகளையும் தெளிவாக பார்வையிட சிறப்பு கவனம் செலுத்தி மாணவர்களுக்கு காட்டினர். பள்ளித் தலைமை ஆசிரியர் திரு செ. இராஜேந்திரன் அவர்கள் தலைமையில் கல்விச் சுற்றுலாவாகச் சென்ற மாணவர்கள் முன்னதாக திருப்பத்தூரில் அமைந்துள்ள 1000 ஆண்டுகளுக்கு மேல் பழமையான ஸ்ரீ பிரம்மேஸ்வரர் கோயில், ஸ்ரீ கஜேந்திர வரதராஜ பெருமாள் கோயில் ஆகியவற்றையும், முக்கிய சுற்றுலாத் தளமான சிறுவர்களைக் கவரும் ஜலகாம்பாறை வனத்துறையின் சுற்றுச் சூழல் பூங்கா, முருகன் கோயில் ஆகியவற்றையும் பார்வையிட்டனர். ஆன்மீகம் மற்றும் அறிவியல், சுற்றுச் சூழல் இடங்களைப் பார்வையிட்டு பரவசமடைந்த மாணவர்கள் மிகுந்த மகிழ்ச்சியை வெளிப்படுத்தினர். உதவி ஆசிரியர்கள் கோ. ஆனந்தன், பூ. இராம்குமார், கனிணிப் பயிற்றுநர் ச. மரகதம் ஆகியோர் மாணவர்களை ஒருங்கிணைத்து வழிநடத்தினர்.

கல்வியாண்டு இறுதிநாள் விழா மற்றும் எட்டாம் வகுப்பு நிறைவு செய்த மாணவர்களுக்கான பாராட்டுவிழா....

2026-04-17T11:42:00.000+05:30

2025 - 26 கல்வியாண்டு நிறைவு நாள் விழா மற்றும் எட்டாம் வகுப்பு நிறைவு செய்த மாணவர்களுக்கு பாராட்டு விழா..... ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளியில் இன்று, *2025 - 26 கல்வியாண்டு நிறைவு நாள் விழா மற்றும் எட்டாம் வகுப்பு நிறைவு செய்த மாணவர்களுக்கு பாராட்டு விழா* நடைபெற்றது. பள்ளித் தலைமை ஆசிரியர் திரு செ. இராஜேந்திரன் தலைமையில் நடைபெற்ற இவ்விழாவில், பள்ளி உதவி ஆசிரியர்கள் சோ. சிவகுருநாதன், கோ. ஆனந்தன், பூ. இராம்குமார், மா.யோகலட்சுமி, ரா. ஜீவா, கணினி பயிற்றுநர் ச. மரகதம் மற்றும் அனைத்து மாணவர்களும் கலந்துக்கொண்டனர். நிகழ்வில் எட்டாம் வகுப்பு மாணவர்கள் தமது பள்ளி அனுபவங்களை பகிர்ந்துக்கொண்டனர். தலைமை ஆசிரியர் உள்ளிட்ட உதவி ஆசிரியர்கள் அனைவரும் இப்பள்ளியில் எட்டாம் வகுப்பு நிறைவு செய்து செல்லும் மாணவர்களுக்கு வாழ்த்துகளையும் நல்ல அறிவுரைகளையும் கூறினர். நிகழ்வில் *எட்டாம் வகுப்பு நிறைவு செய்த மாணவர்களுக்கும், இப்பள்ளியில் 3 ஆண்டுகள் தற்காலிக அறிவியல் பட்டதாரி ஆசிரியராகப் பணியாற்றி தற்போது விடுவித்துச் செல்லும் திருமதி மா. யோகலட்சுமி அவர்களை பாராட்டியும் நினைவுப் பரிசு* வழங்கப்பட்டது. பின்னர் அனைத்து மாணவர்களுக்கும் பள்ளி ஆசிரியர்களின் பங்களிப்பில் இனிப்பு, அசைவ உணவு மற்றும் ஐஸ்கிரீம் உள்ளிட்டவை வழங்கப்பட்டது....

நாற்பெரும் விழா....

2026-04-10T18:36:00.003+05:30

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளியில் இன்று (27.03.2026) *பள்ளி ஆண்டு விழா, எட்டாம் வகுப்பு மாணவர்களுக்கான பட்டமளிப்பு விழா, 2026-27 கல்வி ஆண்டிற்கான மாணவர் சேர்க்கை விழா, கல்வி சீர் வழங்கும் விழா* உள்ளிட்ட *நாற்பெரும் விழா* நடைபெற்றது. பள்ளித் தலைமை ஆசிரியர் திரு செ. இராஜேந்திரன் தலைமையில் நடைபெற்ற இவ்விழாவில், ஊத்தங்கரை வட்டார வளமைய ஆசிரியப் பயிற்றுநர் க. சண்முகம், வட்டார கணக்காளர் திருப்பதி, பள்ளி மேலாண்மைக் குழு தலைவர் க. புவனேஸ்வரி, பெற்றோர் ஆசிரியர் கழகத் தலைவர் பெ. மகாலட்சுமி, திருப்பத்தூர் டி.எம். மணி, இரா. தம்பாகிருஷ்ணன், க. வாசு, நடன இயக்குநர் சந்திரன், பள்ளி உதவி ஆசிரியர்கள் சோ. சிவகுருநாதன், கோ. ஆனந்தன், பூ. இராம்குமார், மா. யோகலட்சுமி, ரா. ஜீவா, கணினி பயிற்றுநர் ச. மரகதம் மற்றும் மணிகண்டன், அருள்தாஸ் உள்ளிட்ட ஏராளமான பெற்றோர்களும், பொது மக்களும் கலந்துக்கொண்டனர்.

src="https://blogger.googleusercontent.com/img/b/R29vZ2xl/AVvXsEhDNTn1DI3Ivpzb1LqiqyGWlSZg5JOegTDC5ie3t3MOkU74j1HiPsdEHzY1kwVhRUqS3_xdEkHnQTa128oxkiCf3XQhTF7Zqqi9ruyVagMrBfb8oqkUP96YN-hvJyWWb_EM3TW9N1FDOnfb4v1TAHdhVklLDcucyxYMQNYt0NyFcxNCrORGuJ_le_8HvVk/s400/1001716654.jpg"/>

77 வது இந்திய குடியரசு நாள் விழா....

2026-01-26T12:52:04.052+05:30

77 வது இந்திய குடியரசு நாள் விழா....

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளியில் இன்று (26.01.2026) *77வது இந்திய குடியரசு நாள் விழா* நடைபெற்றது.

முன்னதாக காலை இறைவணக்கக் கூட்டத்தில், பள்ளித் தலைமை ஆசிரியர் செ. இராஜேந்திரன் அவர்கள் மூவர்ண தேசியக் கொடியை ஏற்றி வைத்தார்.

பின்னர் பள்ளித் தலைமை ஆசிரியர் செ. இராஜேந்திரன் தலைமையில் நடைபெற்ற விழாவில் உதவி ஆசிரியர் சோ. சிவகுருநாதன் அனைவரையும் வரவேற்றார்.
உதவி ஆசிரியர்கள் கோ. ஆனந்தன், மா. யோகலட்சுமி, ரா. ஜீவா, கணினி பயிற்றுநர் ச. மரகதம் ஆகியோர் வாழ்த்துரை வழங்கினர்.
பின்னர் தமிழ் மற்றும் ஆங்கில பேச்சு, கவிதைப் போட்டிகளில் வெற்றி பெற்ற மாணவர்கள் தத்தம் திறன்களை வெளிப்படுத்தினர்.
தொடர்ந்து சிறப்புரை ஆற்றிய பள்ளித் தலைமை ஆசிரியர் *குடியரசு நன்னாளின் சிறப்புகளை எடுத்துக்கூறி, இந்நாள் கொண்டாடப்படுவதன் அவசியம் இந்திய குடி மக்களின் கடமைகளையும் உரிமைகளையும் விரிவாக எடுத்துக் கூறினார்.* தொடர்ந்து
நிகழ்வில் மாணவர்களுக்கான பரிசுப் பொருட்களை வழங்கிய திருப்பத்தூர் மாவட்டப் பிரதிநிதி திரு இரவி அவர்களுக்கும் இனிப்புகள் வழங்கிய சென்னப்பநாய்க்கனூர் மகேஸ் அவர்களுக்கும் நன்றி கூறினார்.

அடுத்து பல்வேறு இலக்கிய மற்றும் விளையாட்டுப் போட்டிகளில் வெற்றி பெற்ற மாணவர்களுக்கு பரிசுகள் வழங்கப்பட்டது.
இறுதியில் உதவி ஆசிரியர் பூ. இராம்குமார் அனைவருக்கும் நன்றி கூறினார்.

Ei_eThDDTdUU4P2y88K-L9uMYmpMHVhjlm2xRjDzmjKpudlan8c_sp9K4AnhNcYiA6rQVwiN7ZpygYWMWjNKtNg1wxNC844NUC0Ty-xH41pZX2qkLqdRFn2zs-zG4cZoe5TFMtwjNK854olILoTEz4VcvKhNqO5ewfZzlkAqbiDfP4r4GFXo9a0p3HBeKc" imageanchor="1" style="margin-left: 1em; margin-right: 1em;">

ஜோதிநகர் பள்ளியில் பொங்கல் விழா 2026....

2026-01-13T17:01:23.714+05:30

இன்று ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளியில் சமத்துவப் பொங்கல் விழா நடைபெற்றது. முன்னதாக பள்ளி இறைவணக்கக் கூட்டத்தில் புகையில்லா போகி உறுதிமொழி மேற்கொள்ளப்பட்டது. பின்னர் பல வண்ணக் கோலங்கலால் நிறைந்த பள்ளி வளாகத்தில், புதிய பாணைகளில் பொங்கல் செய்யப்பட்டது. தொடர்ந்து உலகைக் காக்கும் சூரியக் கடவுளுக்கு பொங்கல் படையல் இட்டு வழிபாடு செய்யப்பட்டது. பின்னர் அனைத்து மாணவர்களுக்கும் இனிப்புப் பொங்கல் உணவாக வழங்கப்பட்டது. நிகழ்வில் வண்ணத்துப் பூச்சிகளாய் பலவண்ண ஆடைகளில் மாணவர்களும், ஆசிரியர்களும் கலந்துக்கொண்டனர்.

பாரதியார் பிறந்த நாள் விழா 2025.....

2025-12-11T14:37:00.000+05:30

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளியில் இன்று (11.12.2025) பாரதியார் பிறந்த நாள் விழா நடைபெற்றது. முன்னதாக பள்ளி இறை வணக்கக் கட்டத்தில் பாரதியார் படத்திற்கு மலர் மாலை அணிவித்து மரியாதை செலுத்தப்பட்டது. பின்னர் பள்ளித் தலைமை ஆசிரியர் திரு செ. இராஜேந்திரன் அவர்கள் தலைமையில் நடைபெற்ற விழாவில் உதவி ஆசிரியர் சோ. சிவகுருநாதன் அனைவரையும் வரவேற்றார். தொடர்ந்து தலைமை ஆசிரியர் செ. இராஜேந்திரன் தமது தலைமை உரையில் பாரதியாரின் வாழ்க்கை, அவரின் பணிகள் ஆகியவை பற்று விரிவாக பேசினார். பின்னர் ஒன்றிய அளவில் நடைபெற்ற கலைத் திருவிழா மற்றும் வானவில் மன்றப் போட்டிகளில் கலந்துக் கொண்டு சிறப்பிடம் பெற்ற மாணவர்களுக்கு சான்றிதழ்கள் வழங்கப்பட்டது. நிகழ்வில் உதவி ஆசிரியர்கள் மா. யோகலட்சுமி, ரா. ஜீவா, கணினி பயிற்றுநர் ச. மரகதம் மற்றும் மாணவர்கள் கலந்துக்கொண்டனர்.

மாற்றுத் திறனாளிகள் நாள் உறுதிமொழி 2025 ....

2025-12-03T20:15:45.897+05:30

கிருஷ்ணகிரி மாவட்டம், ஊத்தங்கரை ஒன்றியம், ஜோதிநகர் ஊராட்சி ஒன்றிய நடுநிலைப்பள்ளியில் இன்று 03.12.2025 உலக மாற்றுத் திறனாளிகள் நாள் உறுதிமொழி எடுக்கப்பட்டது.

முன்னாதாக பள்ளி காலை இறை வணக்கக் கூட்டத்தில் பள்ளித் தலைமை ஆசிரியர் செ. இராஜேந்திரன் அவர்கள் உலக மாற்றுத் திறனாளிகள் நாளான இன்று மாற்றுத் திறனாளிகள் குறித்த விழிப்புணர்வு மற்றும் அவர்களை சமூகத்தோடு ஒன்றி வாழச் செய்வதன் அவசியம் குறித்தும் விளக்கினார்.

பின்னர் ஒற்றுமையை வளர்ப்போம் என்ற தலைப்பில் உறுதிமொழி மேற்கொள்ளப்பட்டது.

நிகழ்வில் பள்ளி ஆசிரியர்கள் சோ. சிவகுருநாதன், பூ. இராம்குமார், மா. யோகலட்சுமி, ரா. ஜீவா, ச. மரகதம் ஆகியோரும், மாணவர்களும் பங்கேற்றனர்.

குழந்தைகள் நாள் விழா - 2025

2025-11-14T21:44:00.001+05:30

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளியில் இன்று (14.11.2025) குழந்தைகள் நாள் விழா சிறப்பாக நடைபெற்றது. முன்னதாக காலை பள்ளி இறை வணக்கக் கூட்டத்தில் மூவர்ண தேசியக் கொடியை ஏற்றி வைத்த பின்னர், பள்ளியின் தலைமை ஆசிரியர் செ.இராஜேந்திரன் அவர்கள் இன்றைய நாளின் சிறப்பு மற்றும் பண்டித ஜவஹர்லால் நேரு அவர்களின் வாழ்க்கை வரலாறு ஆகியவை பற்றி எடுத்துக் கூறினார். பின்னர் பள்ளித் தலைமை ஆசிரியர் தலைமையில் நடைபெற்ற விழாவில் உதவி ஆசிரியர் பூ. இராம்குமார் அனைவரையும் வரவேற்றார். உதவி ஆசிரியர்கள் கோ. ஆனந்தன், மா. யோகலட்சுமி, இரா. ஜீவா, கணினி பயிற்றுநர் ச. மரகதம் ஆகியோர் வாழ்த்துரை வழங்கினர். பள்ளித் தலைமை ஆசிரியர் தனது தலைமை உரையில் குழந்தைகள் நாளான இன்று அனைவரும் மகிழ்வோடு இருப்பது போல் வாழ்நாள் முழுமையும் மகிழ்வோடு இருந்து, ஜவகர்லால் நேருவின் தியாகத்தை போல நாமும் செயலாற்ற வேண்டும் எனக்கேட்டுக்கொண்டார். பின்னர் மாணவர்கள் தமிழ் ஆங்கில பேச்சு, கவிதை, பாடல்கள், ஓவியம், கட்டுரைகள் மூலம் தமது திறன்களை வெளிப்படுத்தினர். தொடர்ந்து மாணவர்களின் கலை நிகழ்ச்சிகள் நடைபெற்றன. இறுதியாக பள்ளிக்கு ஒலிவாங்கி மற்றும் ஒலிபெருக்கி வழங்கிய திருப்பத்தூர் மாவட்டப் பிரதிநிதி திரு டி.எம். இரவி மாணவர்களுக்கு வாழ்த்து கூறினார். பல்வேறு வகையான போட்டிகளில் வெற்றி பெற்ற மாணவர்களுக்கு பரிசுகள் வழங்கப்பட்டது. அனைவருக்கும் இனிப்புகள் வழங்கப்பட்டு விழா நிறைவு பெற்றது. இறுதியில் பள்ளி உதவி ஆசிரியர் சோ. சிவகுருநாதன் அனைவருக்கும் நன்றி கூறினார்.

வித்யாபூஷன் விருது....

2025-09-14T08:43:00.001+05:30

இன்று கோவை ஸ்ரீ சக்தி பொறியியல் கல்லூரியில் நடைபெற்ற ஆசிரியர் நாள் விழாவில் ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளித் தலைமை ஆசிரியர் திரு செ. இராஜேந்திரன் அவர்களுக்கு, அவரின் சிறப்பான கல்விப் பணியை பாராட்டி *சக்தி வித்யாபூஷன்* எனும் விருது வழங்கி சிறப்பிக்கப்பட்டது. இந்நிகழ்வில் அண்ணா பல்கலைக்கழக முன்னாள் துணைவேந்தர் முனைவர் பாலகுருசாமி, எழுத்தாளர் மரபின் மைந்தன் முத்தையா, கல்லூரித் தலைவர் தர்மலிங்கம், முதல்வர் ஜெயபிரகாஷ், தாளாளர் கார்த்திகேயன் உள்ளிட்ட பலரும் கலந்துக் கொண்டனர்.

முப்பெரும் விழா.....

2025-09-08T17:35:00.001+05:30

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளியில் இன்று 08.09.2025 ஆசிரியர் நாள் விழா, உலக எழுத்தறிவு நாள் விழா, இலக்கியப் போட்டிகளில் ஒன்றிய அளவில் வெற்றி பெற்ற மாணவர்களுக்கான பரிசளிப்பு விழா உள்ளிட்ட முப்பெரும் விழா நடைபெற்றது.

பள்ளித் தலைமை ஆசிரியர் செ. இராஜேந்திரன் அவர்கள

தலைமையில் நடைபெற்ற இவ்விழாவில் முன்னதாக உதவி ஆசிரியர் சோ. சிவகுருநாதன் அனைவரையும் வரவேற்றார். உதவி ஆசிரியர்கள் கோ. ஆனந்தன், மா.யோகலட்சுமி, இரா. ஜீவா, கணினி பயிற்றுநர் ச. மரகதம் ஆகியோர் வாழ்த்துரை வழங்கினர்.

பள்ளித் தலைமை ஆசிரியர் தமது சிறப்புரையில், ஒரு ஆசிரியராக தமது வாழ்க்கையைத் துவங்கி, இந்தியாவின் முதல் துணைக் குடியரசுத் தலைவராகவும் இரண்டாவது குடியரசுத் தலைவராகவும் பதவி வகித்த டாக்டர் இராதாகிருஷ்ணன் அவர்களின் பிறந்த நாளான செப்டம்பர் 5 ஆம் நாள் இந்திய அளவில் ஆசிரியர் நாளாகக் கொண்டாடப்படுகிறது எனவும், அக்டோபர் 5ஆம் நாள் உலக ஆசிரியர் நாளாக கொண்டாடப்படுகிறது எனவும் கூறி, இந்நாட்கள் கொண்டாடப்படுவதன் அவசியம் மற்றும் எப்போதுமே தன்னிடம் படிக்கும் மாணவனை உயர்த்திப் பார்த்து மகிழ்வடையும் ஆசானுக்கு செய்யும் நன்றி விழாவாகும் எனவும் கூறினார்.

பின்னர் உலக அளவில் கல்லாமையை இல்லாமை ஆக்கிடவும், எழுத்தறிவு தொடர்பான விழிப்புணர்வு உலக அளவில் ஏற்படுத்திடவும் யுனெஸ்கோ 1966ல் முன்னெடுத்து, 1967 முதல் செப்டம்பர் 8ம் நாளை உலக எழுத்தறிவு நாளாக கொண்டாடப்படுகிறது என்பது குறித்தும் விளக்கினார்.

தொடர்ந்து ஊத்தங்கரை ஒன்றிய அளவில் நடைபெற்ற தமிழ், ஆங்கில மொழி இலக்கியப் போட்டிகளில் வெற்று பெற்று மாவட்ட அளவிலான போட்டிகளில் பங்கேற்க தேர்வு பெற்றுள்ள மாணவர்கள் செ. குமுதா, ஜெ. பிரித்திகா, ப. துவாரகா, ம. குரு உள்ளிட்ட மாணவர்களுக்கு பரிசுகள் வழங்கப்பட்டன.

இறுதியில் உதவி ஆசிரியர் மா. யோகலட்சுமி அனைவருக்கும நன்றி கூறினார்.

உதவி ஆசிரியர் பூ. இராம்குமார் நிகழ்ச்சிகளை ஒருங்கிணைத்தார்.

கலைத் திருவிழா 2025-26.....

2025-08-19T19:22:00.002+05:30

ஊத்தங்கரை ஒன்றியம், ஜோதிநகர் ஊராட்சி ஒன்றிய நடுநிலைப் பள்ளியில் இன்று (19.08.2025) பள்ளி அளவிலான கலைத் திருவிழா நடைபெற்றது. பள்ளித் தலைமை ஆசிரியர் செ.இராஜேந்திரன் தலைமையில் நடைபெற்ற இவ்விழாவில் முன்னதாக பள்ளி உதவி ஆசிரியர் சோ. சிவகுருநாதன் அனைவரையும் வரவேற்றார். உதவி ஆசிரியர்கள் மா. யோகலட்சுமி, மு. அனிதா, கணினி பயிற்றுநர் ச. மரகதம், பள்ளி மேலாண்மைக் குழுத் தலைவர் க. புவனேஸ்வரி, பெற்றோர் ஆசிரியர் கழகத் தலைவர் பெ. மகாலட்சுமி, மணிகண்டன் ஆகியோர் வாழ்த்துரை வழங்கினர். பள்ளித் தலைமை ஆசிரியர் தனது தலைமை உரையில் பள்ளிகளில், மாணவர்களின் தனித் திறமைகளைக் கண்டறிந்து அதை மேம்படுத்தவே கலைத் திருவிழாக்கள் நடத்தப்படுகின்றன எனக் கூறி இதில் வெற்றி பெறும் மாணவர்கள் அரசு செலவில் வெளிநாட்டுச் சுற்றுப் பயணம் உள்ளிட்ட பல பரிசுகளும், பாராட்டும் பெறலாம் எனக்கூறி வெற்றி பெற்ற மாணவர்களுக்கு வாழ்த்துகளைத் தெரிவித்தார். பின்னர் மாணவர்கள் பல்வேறு வகையான போட்டிகள் மூலம் தமது தனித் திறன்களை வெளிப்படுத்தினர். தொடர்ந்து கண்ணைக் கவரும் பல வண்ண உடைகளில் மாணவர்களின் கலைநிகழ்ச்சிகள் நடைபெற்றது. அனைத்து நிலை போட்டிகளில் வெற்றி பெற்ற மாணவர்களுக்கு பரிசுகள் வழங்கப்பட்டன. இறுதியில் உதவி ஆசிரியர் கோ. ஆனந்தன் அனைவருக்கும் நன்றி கூறினார். உதவி ஆசிரியர் பூ. இராம்குமார் நிகழ்ச்சிகளை ஒருங்கிணைத்தார்.

ஜோதிநகர் பள்ளியில் 79ஆவது இந்திய சுதந்திர நாள் விழா....

2025-08-15T20:55:00.001+05:30

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளியில் இன்று (15.08.2025) இந்திய திருநாட்டின் 79ஆவது சுதந்திர நாள் விழா சிறப்பாக கொண்டாடப்பட்டது. முன்னதாக பள்ளியில் மூவர்ண தேசியக் கொடியை பள்ளித் தலைமை ஆசிரியர் திரு. செ. இராஜேந்திரன் அவர்கள் ஏற்றி வைத்து, மாணவர்களுக்கு இந்திய சுதந்திர நாள் வாழ்த்துகளை தெரிவித்து உரையாற்றினார். தொடர்ந்து பள்ளித் தலைமை ஆசிரியர் தலைமையில் நடைபெற்ற விழாவில் உதவி ஆசிரியர் பூ. இராம்குமார் அனைவரையும் வரவேற்றார். தொடர்ந்து உதவி ஆசிரியர்கள் சோ. சிவகுருநாதன், மா. யோகலட்சுமி, மு.அனிதா, பள்ளி மேலாண்மைக் குழு தலைவர் க. புவனேஸ்வரி, கணினி பயிற்றுநர் க. மரகதம் ஆகியோர் வாழ்த்துரை வழங்கினர். பின்னர் மாணவர்கள் தமிழ் மற்றும் ஆங்கிலத்தில் பேச்சு, பாடல், கவிதை, நடனம் ஆகியவை மூலம் தமது திறமைகளை வெளிப்படுத்தினர். அதைத் தொடர்ந்து பல்வேறு வகையான நிகழ்வுகளில் பங்கேற்ற மாணவர்களுக்கு பரிசுகளும், அனைவருக்கும் இனிப்பும் வழங்கப்பட்டது. மாணவர்களுக்கான பரிசுப் பொருள்களை ஊத்தங்கரை கணேசா மரக்கடை உரிமையாளர் திரு கணேசன் வழங்கினார். விழாவில் பள்ளி மாணவர்கள், ஆசிரியர்கள், பள்ளி மேலாண்மைக் குழு உறுப்பினர்கள், பெற்றோர்கள், முன்னாள் மாணவர்கள், பொதுமக்கள் ஆகியோர் கலந்துக் கொண்டனர். இறுதியாக உதவி ஆசிரியர் கோ. ஆனந்தன் அனைவருக்கும் நன்றி கூறினார்.

கல்வி வளர்ச்சி நாள் விழா 2025.....

2025-07-15T21:47:00.001+05:30

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளியில் இன்று (15.07.2025) கல்விக்கண் கொடுத்த கர்ம வீரர் காமராசரின் பிறந்த நாள் விழா, கல்வி வளர்ச்சி நாள் விழாவாகக் கொண்டாடப்பட்டது. பள்ளித் தலைமை ஆசிரியர் செ. இராஜேந்திரன் தலைமையில் நடைபெற்ற விழாவில் முன்னதாக உதவி ஆசிரியர் பூ. இராம்குமார் அனைவரையும் வரவேற்றார். பின்னர் உதவி ஆசிரியர்கள் சோ. சிவகுருநாதன், மு. அனிதா ஆகியோர் வாழ்த்துரை வழங்கினர். தொடர்ந்து தலைமை உரையாற்றிய பள்ளித் தலைமை ஆசிரியர் செ. இராஜேந்திரன் அவர்கள், கர்ம வீரர் காமராசர் அவர்களைப் பற்றிய பல சிறப்புச் செய்திகளை பகிர்ந்துக்கொண்டார். மாணவர்கள் தமது பேச்சு, பாடல்கள் மூலம் காமராசரின் வாழ்க்கை, செயல்பாடுகள் பற்றி வெளிப்படுத்தினர். பின்னர் பேச்சு, கட்டுரை, பாடல், ஓவியம், கதை உள்ளிட்ட போட்டிகளில் வெற்றி பெற்ற மாணவர்களுக்கு பரிசுகள் வழங்கப்பட்டன. இறுதியில் உதவி ஆசிரியர் மா. யோகலட்சுமி அனைவருக்கும் நன்றி கூறினார்.

பள்ளி ஆண்டுவிழா - 2024-25

2025-04-10T20:29:00.001+05:30

ஊத்தங்கரை ஒன்றியம், ஜோதிநகர் ஊராட்சி ஒன்றிய நடுநிலைப் பள்ளியில் 2024 -25 கல்வி ஆண்டுக்கான "பள்ளி ஆண்டு விழா" சிறப்பாக நடைபெற்றது. பள்ளித் தலைமை ஆசிரியர் செ. இராஜேந்திரன் அவர்கள் தலைமையில் நடைபெற்ற இவ்விழாவில் பள்ளி மாணவர்களின் பேச்சு, பாடல், நடனம் போன்ற கல்வி, கலை, கலாச்சாரம் தொடர்பான பல்வேறு நிகழ்வுகள் இடம்பெற்றன. இந்நிகழ்வில் கல்வித் துறை சார்ந்த வட்டாரக் கல்வி அலுவலர்கள் ச. லோகேஷா, மு. சாந்தி, வட்டார வளமைய ஆசிரியப் பயிற்றுநர் சண்முகம், ஆகிய அலுவலர்கள், உள்ளாட்சி பிரதிநிதிகளாக முன்னாள் ஊராட்சி மன்றத் தலைவர் தி. வெங்கடேசன், முன்னாள் ஊராட்சி மன்ற உறுப்பினர் விஜயகுமாரி பிரகாஷ், ஆகியோரும் பள்ளி மேலாண்மைக் குழுத் தலைவர் க. புவனேஷ்வரி, பெற்றோர் ஆசிரியர் கழகத் தலைவர் இர. மகாலட்சுமி, கலந்துக் மணிகண்டன், சுகுணா, உள்ளிட்ட பள்ளி மேலாண்மை குழு உறுப்பினர்கள், பெற்றோகள், பொதுமக்கள், முன்னாள் மாணவர்கள் ஆகியோர் கலந்துக் கொண்டு பள்ளிக் குழந்தைகளின் திறமைகளைப் பாராட்டினர். முன்னதாக பள்ளி உதவி ஆசிரியர் பூ. இராம்குமார் அனைவரையும் வரவேற்றார். ஆசிரியர்கள் கோ. ஆனந்தன், மா. யோகலட்சுமி, மு. அனிதா, மு. அகிலா ஆகியோர் வாழ்த்துரை வழங்கினர். இறுதியில் உதவி ஆசிரியர் சோ. சிவகுநாதன் அனைவருக்கும் நன்றி கூறினார்.

இந்திய திருநாட்டின் 76ஆவது குடியரசு நாள் விழா…..

2025-01-26T12:33:00.003+05:30

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளியில் இன்று (26.01.2025) இந்தியத் திருநாட்டின் 76ஆவது குடியரசு நாள் விழா கொண்டாடப்பட்டது. முன்னாதாக பள்ளி வளாகத்தில் நடைபெற்ற இறை வணக்கக் கூட்டத்தில் பள்ளித் தலைமை ஆசிரியர் திரு செ. இராஜேந்திரன் அவர்கள் மூவர்ண தேசியக் கொடியை ஏற்றி வைத்து அனைவருக்கும் குடியரசு நாள் வாழ்த்துகள் தெரிவித்தார். பின்னர் பள்ளித் தலைமை ஆசிரியர் தலைமையில் நடைபெற்ற விழா நிகழ்வில் உதவி ஆசிரியர் சோ. சிவ வரவேற்புரை ஆற்றினார். ஆசிரியர்கள் கோ. ஆனந்தன், மா. யோகலட்சுமி, மு. அனிதா, மு. அகிலா ஆகியோர் வாழ்த்துரை வழங்கினர். தொடர்ந்து பேசிய பள்ளித் தலைமை ஆசிரியர் தனது தலைமை உரையில் குடியரசு என்பதன் பொருள், இந்திய திருநாட்டின் குடியரசு நாள் விழா கொண்டாடுவதன் அவசியம், இந்தியக் குடியரசின் மக்களாகிய நமது கடமைகளும், உரிமைகளும் குறித்து விரிவாகப் பேசினார். தொடர்ந்து மாணவர்கள் தமிழ், ஆங்கிலப் பேச்சு, கவிதை, பாடல் ஓவியம் மூலம் தமது திறமைகளை வெளிப்படுத்தினார். பின்னர் போட்டிகளில் வெற்றி பெற்ற அனைவருக்கும் பரிசுகள் வழங்கப்பட்டது. இறுதியில் உதவி ஆசிரியர் பூ. இராம்குமார் அனைவருக்கும் நன்றி கூறினார்.

ஜோதிநகர் பள்ளியில் பொங்கல் விழா - 2025

2025-01-14T21:53:00.004+05:30

ஊத்தங்கரை ஒன்றியம், ஜோதிநகர் ஊராட்சி ஒன்றிய நடுநிலைப் பள்ளியில் இன்று (13.01.2025) பொங்கல் விழா சிறப்பாகக் கொண்டாடப்பட்டது. முன்னதாக பள்ளி இறைவணக்கக் கூட்டத்தில் பள்ளித் தலைமை ஆசிரியர் திரு செ. இராஜேந்திரன் அவர்கள் தேசியக் கொடியை ஏற்றினார். பலவண்ண ஆடைகளோடு வந்திருந்த மாணவர்களுக்கு பொங்கல் வாழ்த்தை பகிர்ந்துக் கொண்டார். தொடர்ந்து வண்ணக் கோலங்களால் அலங்கரிக்கப்பட்ட பள்ளி வளாகத்தில், மாணவர்கள் மற்றும் ஆசிரியர்களால் புதுப்பாணைகளில் பொங்கல் வைக்கப்பட்டு. இயற்கைக் கடவுளான சூரியனுக்கு படையல் வைக்கப்பட்டு, மாணவர்கள் அனைவருக்கும் மதிய உணவாக வழங்கப்பட்டது. இன்றைய நிகழ்வில் சிறப்பு விருந்தினராக வட்டாரக் கல்வி அலுவலர் திரு ச. லோகேஷா அவர்கள் கலந்துக்கொண்டார். நிகழ்வில் ஆசிரியர்கள் சோ. சிவகுருநாதன், கோ. ஆனந்தன், பூ. இராம்குமார், மா. யோகலட்சுமி, மு. அகிலா, சத்துணவு அமைப்பாளர் பீமன், சமையலர் சௌந்தர்யா ஆகியோர் கலந்துக்கொண்டனர்.

சமணர் படுக்கை - மதுரை

2024-11-27T22:00:00.006+05:30

மதுரையில் இருந்து 12கி.மீ தொலைவில் மதுரை - தேனி தேசிய நெடுஞ்சாலையில் உள்ள நாகமலை புதுக்கோட்டைக்குத் தெற்கே அமைந்துள்ள ஒரு குன்று ஆகும். இது கீழக்குயில்குடி ஊராட்சியில் உள்ள கீழக்குயில்குடி என்ற கிராமத்தில் அமைந்துள்ளது. இங்கு தமிழிக் கல்வெட்டுக்களும்,சமணப் படுகைகளும், சமணச் சிற்பங்களும் காணப்படுகின்றன சமணர் மலையின் தென்மேற்கு பகுதியில் சிற்பங்களுடன் கூடிய குகை ஒன்று காணப்படுகிறது. இந்த குகையின் இடதுபுற பாறை முகப்பில் புடைப்புச்சிற்பமாக செதுக்கப்பட்டுள்ள அழகிய முக்குடை அண்ணலின் (மகாவீரர்) காதுநீண்ட உருவம் ஒரு செட்டியாரைப் போல் தோற்றமளிக்கிற காரணத்தால் செட்டிப்புடவு என அழைக்கப்படுகிறது.இச்சிற்பத்தில் மகாவீரர், இருபுறமும் சாமரம் வீசுபவர்கள் சூழ, முக்குடைக்கு மேலே வானவர்கள் பறந்துவர, அரசமரத்தின்கீழ், மூன்று சிம்மங்கள் தாங்கும் ஆசனத்தில் அமர்ந்திருக்கிறார். அதன் கீழே இச்சிற்பத்தை செய்து கொடுத்தவரைப் பற்றிய வட்டெழுத்துக் கல்வெட்டு காணப்படுகிறது. "வெண்பு நாட்டுக் குறண்டி திருக்காட்டாம்பள்ளி கனக னந்திப்ப டாரர் அபினந்தபடாரர் அவர் மாணாக்கர் அரிமண்டலப் படாரர் அபினந்தனப்படாரர் செய்வித்த திருமேனி" என்பது இக்கல்வெட்டில் குறிப்பிடப்பட்டுள்ள வட்டெழுத்து செய்தி. இதன் மூலம் குறண்டி திருக்காட்டாம்பள்ளி மாணாக்கர்களே இச்சிற்பத்தைச் செய்யக் காரணமாயிருந்துள்ளனர் என்பதை அறிய முடிகிறது.மேலும் இன்னாரது மாணாக்கர் என்று அவர்தம் ஆசிரியர் கொண்டு தனிநபர்கள் அடையாளப்படுத்தப்படுவது குறிப்பிடத்தக்கது. இயற்கையாக அமைந்த குகைத்தளமான செட்டிப்புடவின் உட்பகுதியின் மேல்புறத்தில் ஐந்து சிற்பங்கள் செதுக்கப்பட்டுள்ளன. முதலிலும் கடைசியிலும் இயக்கியர் சிற்பங்களும் நடுவிலுள்ள மூன்று சிற்பங்களில் முக்குடைக்கு கீழே அமர்ந்திருக்கும் தீர்த்தங்கரர் உருவமும் செதுக்கப்பட்டுள்ளன. முதலில் உள்ள இயக்கி சிம்மத்தின் மீதமர்ந்து யானை மேல் வரும் அசுரனை எதிர்கொள்வது போலுள்ளது. இச்சிற்பம் மாமல்லபுரத்திலுள்ள மகிஷாசுரமர்த்தினி சிற்பத்தை நினைவுபடுத்துவதாக உள்ளது. இவ்வியக்கியின் பெயர் கொற்றாகிரியா. கடைசியில் உள்ள சிற்பத்திலுள்ள இயக்கி இருசேடிப் பெண்கள் சூழ இடக்காலை மடக்கி வலதுகாலை நீட்டி ” சுகாசன “ நிலையில் அமர்ந்துள்ளார். இவ்வியக்கியின் பெயர் அம்பியா. இந்த ஐந்து சிற்பங்களின் கீழும் அவற்றை செய்து கொடுத்தவர்களின் பெயர்கள் வட்டெழுத்துகளில் பொறிக்கப்பட்டுள்ளன. ‘ ஸ்வஸ்திஸ்ரீ இப்பள்ளிவுடையகுணசேன தேவர் சட்டன் தெய்வ பலதேவர் செய்விச்ச திருமேனி ‘,’ ஸ்வஸ்திஸ்ரீ வெண்பு நாட்டுக் குறண்டித் திருக்காட்டாம்பள்ளிக் குணசேனதேவர் மாணாக்கர் வர்தமானப் பண்டிதர் மாணாக்கர் குணசேனப் பெரியடிகள் செய்வித்த திருமேனி ‘,’ ஸ்வஸ்திஸ்ரீ இப்பள்ளி ஆள்கின்ற குணசேனதேவர் சட்டன் அந்தலையான் களக்குடி தன்னைச் சார்த்தி செய்வித்த திருமேனி ‘ என்றுள்ள கல்வெட்டுக்கள்வழி மாதேவிப் பெரும்பள்ளிக்கு நெடுங்காலமாய் பொறுப்பு வகித்த குணசேனதேவர் மற்றும் அவருடைய மாணாக்கர்கள் இச்சிற்பங்களைச் செய்து கொடுத்து பாதுகாத்தனர் என்பதை அறியலாம்.

கலைஞர் நூற்றாண்டு நூலகம் - மதுரை

2024-11-25T21:52:00.003+05:30

தமிழ்நாடு முன்னாள் முதல்வர் மு.கருணாநிதியின் பிறந்த நாள் நூற்றாண்டு நினைவாக ரூபாய் 206 கோடி செலவில் மதுரை மாநகரில் நூலகம் அமைக்கத் திட்டமிட்டது. இதன் தொடர்ச்சியாக 2022ஆம் ஆண்டு பிப்ரவரி மாதம் நூலக கட்டுமானப் பணிகள் துவங்கியது. இந்நூலக கட்டுமானப் பணிகள் நிறைவடைந்த நிலையில் பொதுமக்கள் பயன்பாட்டிற்காக இந்நூலகத்தினை தமிழக முதல்வர் மு. க. ஸ்டாலின் அவர்கள் சூலை 15, 2023 அன்று திறந்துவைத்தார். இந்நூலகம் சுமார் 206 கோடி ரூபாய் செலவில் 6 தளங்களுடன் 2 லட்சத்து 13 ஆயிரம் சதுர அடி பரப்பளவில் அமைக்கப்பட்டுள்ளது. சுமார் 5 இலட்சம் புத்தகங்கள் வைக்க வசதியுடன் அமைக்கப்பட்ட இந்நூலகத்தில் தற்பொழுது 3.5 இலட்சம் புத்தகங்கள் உள்ளன. புத்தகங்கள் அனைத்தும் எண்ணிம வடிவில் வகைப்படுத்தி அடுக்கப்பட்டுள்ளன, எனவே வாசகருக்குப் புத்தகத்தின் இருப்பை அறிந்து, தேடுவது எளிதாகும்.

விஜய தசமி ஊர்வலம்...

2024-10-13T20:34:00.001+05:30

ஊத்தங்கரை காந்தி சாலையில் அமைந்து அருள் பாலிக்கும் ஸ்ரீதேவி பூதேவி சமேத ஸ்ரீ வெங்கட்ரமன சுவாமி திருக்கோயிலில் கடந்த 10 நாட்களாக நவராத்திரி உத்சவம் மிகச் சிறப்பாக நடைபெற்றது. காலை மாலை சிறப்பு அலங்காரத்தில் பக்தர்களுக்குகாட்சி அளித்த எம்பெருமான் 10 ஆம் நாள் விஜயதசமியான இன்று ஊத்தங்கரை முக்கிய சாலைகள் வழியாக நகர் வலம் வந்தார். நிகழ்வுக்கான ஏற்பாடுகளை கோயில் அறங்காவலர் குழு தலைவர் செ. இராஜேந்திரன், செயலாளர் ரவி ரெட்டியார், பொருளாளர் திலீப் சிங், தருமகர்த்தா பாலகிருஷ்ணன், சந்திரன் உள்ளிட்ட நிர்வாகக் குழுவினர் செய்து இருந்தனர். ஊத்தங்கரை மற்றும் சுற்று வட்டாரங்களில் இருந்து ஏராளமானவர்கள் வந்து சுவாமி தரிசனம் செய்தனர்.

5 ரூபாய்க்கு தேநீர், யாரை அவமதிக்கிறது கல்வித் துறை..... ஆசிரியர்களையா, பெற்றோர்களையா.....

2024-07-31T21:01:00.000+05:30

அனைத்து அரசு துவக்க / நடுநிலை/ உயர்/ மேல்நிலைப் பள்ளிகளிலும் பள்ளி மேலாண்மைக்குழு மறு கட்டமைப்பு எனும் நிகழ்வு இம்மாதம் முழுவதும் நடைபெற உள்ளது. அதன் முதல் நிகழ்வு வரும் 02.08.2024 வெள்ளிக்கிழமை அன்று தமிழ்நாடு முழுமையும் அனைத்து அரசுப் பள்ளிகளிலும் பெற்றோர்கள் கலந்தாலோசனைக் கூட்டமும், தொடர்ந்து 10.08.2024, 17.08.2024, 24.08.2024, 31.08.2024 ஆகிய நாட்களில் 4 கட்டமாக பள்ளி மேலாண்மைக் குழு தலைவர் உள்ளிட்ட உறுப்பினர்களும் தேர்வு செய்வதற்கான கூட்டம் நடைபெற உள்ளது. இதற்காக தமிழ்நாடு அரசு தனியாக அரசாணையே வெளியிட்டு உள்ளது. இக்கூட்டங்களில் அனைத்து பெற்றோர்களையும் பங்கேற்கச் செய்ய வேண்டியது சம்மந்தப்பட்ட பள்ளி தலைமை ஆசிரியர்களின் தலையாயப்பணியாகும். இக்கூட்டங்களில் பங்கு பெறும் அனைத்து பெற்றோர்களுக்கும் தேநீர் வழங்கிட கல்வித்து றையால் நிதி ஒதுக்கீடு செய்யப்படுள்ளது. எவ்வளவு தெரியுமா, அனைவரையும் ஆச்சரியப்பட வைக்கும் பெருந்தொகை, ஆம் ஆளுக்கு 5 ரூபாய் வீதம் தேநீர் செலவினமாக ஒதுக்கீடு செய்யப்பட்டுள்ளது. இது ஏதோ கடந்த 10, 15 ஆண்டுகளுக்கு முன்பு போடப்பட்ட செயல்முறைக் கடிதம் அல்ல 30.07.2024ல் போடப்பட்ட கடிதம்தான். இன்றைய காலகட்டத்தில் 5 ரூபாய்க்கு எங்கே தேநீர் கிடைக்கும், ஒதுக்கீடு செய்தவர்களுக்கே இது வெளிச்சம். அவர்கள் இந்த உலகத்தில்தான் உள்ளார்களா? தெரியவில்லை. இதன் மூலம் கல்வித்துறை யாரை அவமதிக்கிறது என்பதுதான் இப்போதைய சந்தேகம். செலவினத்தை மேற்கொள்ள உள்ள பள்ளித் தலைமை ஆசிரியர்களையா? அல்லது கூட்டத்திற்கு பங்கேற்க வ்ரும் பெற்றோர்களையா.......

பள்ளி மாணவர்களின் களப் பயணம்....

2024-06-29T17:09:00.000+05:30

ஊத்தங்கரை ஒன்றியம் ஜோதிநகர் ஊராட்சி ஒன்றிய நடுநிலைப் பள்ளி மாணவர்கள் இன்று களப் பயணம் மேற்கொண்டனர். பள்ளியில் 4 முதல் 8 ம் வகுப்பு வரை படிக்கும் 50 மாணவர்கள், 5 ஆசிரியர்கள் ஊத்தங்கரையில் உள்ள முக்கிய இடங்களைப் பார்வையிட களப் பயணம் மேற்கொண்டனர். இதில் மாவட்ட கூட்டுறவு நூற்பாலை, தீயணைப்பு மற்றும் மீட்புப் பணி நிலையம், புத்தகக் கண்காட்சி, நூலகம், காவல் நிலையம் ஆகியவறைப் பார்வையிட்டு அதன் செயல்பாடுகளைக் கேட்டு அறிந்துக்கொண்டனர்.

தம்முடைய வகுப்புப் பாடங்களில் படித்த பல்வேறு செய்திகளை நேரடியாகக் கேட்டுத் தெரிந்துக் கொண்டதில் மாணவர்கள் பெரும் மகிழ்வு கொண்டனர். இதில் உடன் பள்ளித் தலைமை ஆசிரியர் செ. இராஜேந்திரன், உதவி ஆசிரியர்கள் வே. சண்முகம், பூ. இராம்குமார், மா. யோகலட்சுமி, மு. அனிதா ஆகியோர் கலந்துக்கொண்டனர்.

ஊத்தங்கரையில் புத்தகக் கண்காட்சி.....

2024-06-26T10:58:00.000+05:30

புத்தகக் கண்காட்சி துவக்கவிழா...... ஊத்தங்கரை செங்குந்தர் திருமண மண்டபத்தில் இன்று (25.06.2024) ல் நியூ செஞ்சுரி புக் ஹவுஸ் நிறுவன புத்தகக் கண்காட்சி துவங்கியது. நியூ செஞ்சுரி புக் ஹவுஸ் நிறுவனத்தின் புத்தகக் கண்காட்சி மற்றும் விற்பனை துவக்கவிழா இன்று ஊத்தங்கரை செங்குந்தர் திருமண மண்டபத்தில் நடைபெற்றது. ஊத்தங்கரை தமிழ்ச்சங்க துணைச் செயலாளரும் மூத்த கவிஞருமான இ. சாகுல் அமீது அவர்கள் தலைமையில் நடைபெற்ற விழாவில் முன்னதாக மண்டல மேலாளர் அரிமா நூருல்லா செரீப் அவர்கள் கண்காட்சியை திறந்து வைத்தார். பின்னர் திரு எஸ். முரளிதரன் அனைவரையும் வரவேற்றார். நிகழ்வில் கவி. செங்குட்டுவன், லோகநாதன் சேகர், சித. வீரமணி, பழ. வெங்கடாசலம், நா. இராமமூர்த்தி, அவ்வை சுரேஷ், எழுஞாயிறு முன்னாள் சட்டமன்ற உறுப்பினர் வே. கிருஷ்ணமூர்த்தி, கிருஷ்ணவேணி ஆகியோர் வாழ்த்துரை வழங்கினர். இறுதியில் கிளை மேலாளர் இரா. தியாகராஜன் அனைவருக்கும் நன்றி கூறினார். கண்காட்சியில் ஊத்தங்கரை கவி. செங்குட்டுவனின் நூல்கள் உள்ளிட்ட கவிதை, கட்டுரை, சுய முன்னேற்றம், சுற்றுச்சூழல் விழிப்புணர்வு, சிறுவர் நூல்கள், பெண்கள் முன்னேற்றம் உள்ளிட்ட பல ஆயிரக்கணக்கான நூல்கள் தமிழ் மற்றும் ஆங்கிலத்தில் காட்சிப்படுத்தப்பட்டுள்ளது. வழக்கமாக நகரும் ஊர்திகள் மூலமாக மட்டுமே விற்பனை செய்துவந்த இந்த நிறுவனம் தற்போது அரங்கில் காட்சிப்படுத்தி விற்பனைக்கு கொண்டு வந்திருப்பது பாராட்டுக்குறியது.