شخابيط

تلقى عملك

noreply@blogger.com (Anonymous) — Sun, 22 Nov 2015 11:04:00 +0000

يحكيو على راجل جنّان يخدم في الجنينة متاع السلطان، نهار الحال شتاء يلقي شجرة متاع خوخ فيها خوخة، غلة من غير وقت، في كبر كعبة البرقدان خد بخد سبحان الخلاّق فيما يخلق، السلطان يحوّس في الجنينة و يتفرج، مشى هاك الجنان يجري قالو: يا سيدي إيجا شوف هالخلقة، مشي معاه السلطان يشوف في هالخوخة العجيبة، قالو: رد بالك عليها، و كيف تطيب قصها و جيبهالي ..
سي الجنان مشي يجري جاب حصيرة ، فرشها تحت الشجرة و قعد يعس ليل مع نهار، و عينو ما تتنحاش من هاك كعبة الخوخ حتى عشاه و الفطور يجيبوهملو غادي تحت شجر ..
نهار يجي نسر يحط على هاك الشجرة، و يكسر الأفراع متاعها و يفسد كعبة الخوخ يغفصها مشى الجنان يجري للسلطان، يا سيدي راهو هاو ما صار و ما صار .. قام السلطان و مشى معاه للجنينة شاف الشجرة كيفاش مكسرة، قال السلطان : يلقى عملو ! ، قعد الجنان حاير في أمرو، شنوا نسر يجي يكسر شجرة، يلقي عملو ؟ علاه هو ابن أدم باش يلقى عملو ؟ و قعد يضحك على السلطان : الله الله، نسر يلقي عملو، هذا سلطان أخر زمان ربّي يبقي علينا نعمة القعل >> قال الجنّان و هو يضحك ..هيا تعدات مدة و الجنان باقي يخدم في هاك الجنينة، نهار يسمع في حس و تصرفيق جاء يجري، يلقي هاك النسر فوق شجرة، و حنش كبير أكحل متمكن بيه يبلع فيه ( و النسر يصرفق في جوانحو و يفركس باش يمنع ) والحنش يبلع فيه بالشوية بالشوية، حتى أكلو الكل و هال الحنش تسرسب و فمّا حفرة دخلها في الأرض ..
تعجب هاك الجنّان، و مشى يجري للسلطان حكالو القصة، قالو يا سيدي الحنش بلع النسر و كلاه، قال السلطان : يلقى عملو ! ، قعد باهت هاك الجنّان و قال في نفسو : شنوا هذا ؟ نسر يلقى عملو؟ حنش يلقى عملو؟ ياخي شنيا صنعتو الحنش ؟ ماهو يبدى يصطاد فين يلقى هايشة يأكلها .. زاد السلطان نقص في نظر الجنان و قال ربي يبقي علينا نعمة العقل و كهو ..
هيا تعدات أيام، مشات النازلة من بالو، نهار هو يخدم شادد المسحة و ضربة من الضربات تجي في اللحم، جاء يشوف يلقى نفسو : هاك الضربه جات في الغار متاع الحنش، و الحنش تقص في إثنين .. و مشى يجري للسلطان و قالو شوف الحنش مات ، قال السلطان : شكون قتلو ؟ قال الجنان : أنا يا سيدي نخدم في الجنينة و ضربة من الضربات جات في الحفرة متاعو و قسمتو في إثنين .. قال السلطان : تلقى عملك ..
قال الجنان وحدو : الله الله لا على الدنيا السلام خرّف هالسلطان شنو أنا نقتل الحنش نلقى عملي ؟ و مشى و هو يضحك على هاك السلطان ..
قعد أيام فين يتفكر كلام السلطان يقوم يضحك، بعد مدة مشات النازلة من بالو، نهار زوجة السلطان حبت تتفسح في الجنينة هي و بناتها ، جاء باش حامبه ( قائد الحراس ) و نبّه على الجنان باش يخرج من الجنينة بعد نصف ساعة ، خرجوا الناس الكل من الجنينة و لكن هاك الجنان نسى و قاعد متكّي تحت شجرة و فجأة يسمع في كلام البنات و لعب و ضحك و جري ، عرف الي زوجة السلطان و الحريم جاو، اءش باش يعمل ؟ أش باش يعمل ! بحذاه شجرة عالية تشعبط فيها و طلع تخبى في أغصانها، سعدك و المسعودين هاك الشجرة جات تحت الجابية قد قد ( حوض السباحة ) هيا يا سيدي ولات هاك البنات و الجواري في الحوض عوم و تشلبيق و بخّان بالماء و عياط و صياح و لعب، يخي واحدة من البنات هزت رأسها صدفة تشوف في سي وخينا راكش فوق الشجرة كأنه في الصف الأول في التياترو يتفرج قامت الصيحة، جاو العسكر يجريو، اش ثمة ؟ لا باس ؟ قالت لهم : شوفو هاك الكلب بن الكلب الي مخبي في الشجره يتفرج فينا، هبطوه، عطاوه طريحة نباش القبور، و هزوه رماوه في الحبس، هاو في الليل السلطان حكات لو مرتو ، على الصباح مشى للمحكمة ، الحكم الأول قال : هزو هاك الجنان إشنقوه ..
مشات الطامة و العامة، لبسوه القشابية عملولو ما يلزم للعرايس ( للمشانيق ) هزوه للمشنقة، في العاده الي ماش يقتلوه يشهيوه، قالولو : تشتهي حاجه ؟ قال نحب توقفوني قدام السلطان نقولو كلمة واحدة، هيا يا سييد هزوه للسلطان وقف قدامو قالو : يا سيدي، حكمت علي بالمشنقة ؟
قال السلطان : إي نعم ! ، قال الجنان : تلقى عملك يا سيدي !
قال السلطان : شنوا ؟ شنوا هالكلام ؟
قالو : النسر كسر الخوخة قلت يلقى عملو، كلاه الحنش، قلت يلقى عملو ، قتلت أنا الحنش قلت لي : تلقى عملك، توا حكمت على بالموت ، تلقى عملك حتى إنت مالا يا سيدي !
قال السلطان : سيبوه ، إذهب من قدامي .. و هكاكا منع سي وخينا ..

جابتلك بالك

noreply@blogger.com (Anonymous) — Sun, 22 Nov 2015 10:59:00 +0000

قالك فمّا راجل ماتت زوجته و تركت وليّد صغير، كانت أمّه لاهية بيه و كيف ما يقولوا ساهرة عليه ليالي و بايعة النوم غالي و الوليّد ماشاء الله عليه، نظيف و شباب، لكن وقت ماتت أمّه، الولد ضاع، الجوع و الشر و الوسخ ( حاشاكم ) عامل فيه.
هيّا سي الراجل قال لازمني نعرّس من جديد منها نلقى مرأة تتلاهالي و تردّ بالها على ولدي و منها أا ما نقعدش وحدي هجّال، هيّا يا سيدي مختصر الكلام الراجل عرّس بمرأة و أصبح عروس..
لكن زوجته كانت تكره هاك الوليد الصغير و تبخر بريحتو، و خاصة وقت جابت 2 صغار، كانت تتلاهى بيهم، توكلهم و تلبسهم و تغسللهم و في الليل تتفقدهم و تغطيهم على البرد، لكن الولد كان مسكين لا تدور بيه و لا تتفقدو و كانت فالحة كانت تخدّم فيه، جيبلي، أعمل كذا و جيب كذا..
نهار المرأة فدّت و قالت ما يساعدنيش يُقعد هالولد هذا في الدار، لازم نعملو عملة يهمل و ما عادش يرجع للدار. قعدت تخمم تخمم أش باش تعمل..
نهار قالتلو إيجا يا طفل، إسمعني هاو دينار و إمشي جيبلي " بالك " .. الولد مازال صغير و ما يعرفش مليح و عقلو مازال صغير إعتقد أنو " بالك " هذا قضية أو حاجة .. قالها لله يباركو و خرج الصغير..
هيّا وصل للعطّار الأول قالو أعطيني " بالك " ، العطّار بدأ يضحك و قال لا لا ما عنديش إمشي شوف أحد أخر يا وليدي.. هيّا مشى للعطار الأخر و نفس الشيء.. الوليّد الحانوت يلّي يدخلو و يقولو أعطيني " بالك " يبدأ يضحك و يقولو لا ما عنديش إمشي شوف أحد أخر.. و سي الولد تعب و دارها من حانوت لحانوت و من زنقة لزنقة و من حومة لحومة.. حفات ساقيه و تعب و لكن خايف ما ينجمش يرجع للدار من غير ما يجيب أش قاتلو زوجة أبوه..
حتى عشّات العشية و الدنيا بدات تظلام.. و الصغير مازال يدور و يسأل.. حتى وصل لزنقة يشوف في أولاد صغار يلعبوا، و يسمع فيهم يقولوا " بالك " "ردّ بالك " و يجروا يهربوا و يعاودوا يصيحوا " بالك" بالك " ..
قال أخيرا لقيت " بالك " و مشالهم قُرب منهم يلقاهم ملمومين و يخزروا للأرض و فمّا حاجة تمشي و هازة حاجة الفوق و هوما يقولو " بالك تمسّها " " بالك هاني قريبة منك ردّ بالك ".. قال هذه هيّ " بالك " و قالهم نعطيكم دينار و تعطوهالي ؟ في هاك الوقت دينار يجيب شبعة حلوى و قطانيا و شكلاطة.. قالولوا باهي و حاطوهالو في كاغط و قالولا هاك و ردّ بالك..
مشى هاك الوليّد يجري فرحان روّح للدار، يلقى زوجة أبوه، قالها هاو لقيتلك " بالك " خوذ ..
المرأة أخذت الكاغط من عند الولد و ما فيبالهاش يلّي فيه " عقرب " و هيّ حلاتو و هاك العقرب تقولها هاو متاعك، لسعتها لسعة جابتها مطيشة، قام الصياح، جاء الراجل يجري، ما وصل إلا ما ماتت المرأة ..
و كيف ما قال سي البشير باباي من إخوانّا في أكودة : " جِبتلك بالك و بفلوسك شريتهالك، فاعل الخير يعيش متهنّي و فاعل الشر يموت هالك " ..

بنت السلطان و المكتوب

noreply@blogger.com (Anonymous) — Sun, 22 Nov 2015 10:57:00 +0000

يحكيو على سلطان، و ما سلطان إلا الله، عندو بنتو إلا هي، هاك الطفلة كبرت و صار وقت زواجها، لكن ما خطبها حتى أحد و ما خزرلها حتى أحد، حتى حار السلطان و قال لا أمراء و لا أولاد وزراء و لا أولاد أعيان و لا أولاد تجّار تقول ما يعرفوش يلّي عندي طفلة ماشاء الله عليها .. و قال حتى من الوزير متاعي ماعندوش أولاد العزّا و إلا نلزمو بيها لواحد من أولاده ..
نهار قال السلطان للوزير : يا وزير دبّر عليا أش نعمل بنتي كبرت و كل أندادها متزوجين و أنا ما حب حتى أحد يجي يخطبني فيها ؟
قال الوزير : يا سيدي السلطان تي ما تخافش أكيد مكتوبها مازال .. قال السلطان : تي يزّي من خرايف العزايز قالو مكتوب متاعك ..
هيا يا سيدي كل يوم وي، السلطان يجبد الحكاية للوزير ، الوزير يقول يا سيدي مكتوبها مازال ماجاش .. حتى هاك السلطان بدأ يرجعلو شاهد العقل و يصدق في الوزير و نهار قال : يا وزير هيا باش نمشي نفتش نبحث على مكتوب بنتي .. الوزير حار و قال : كيفاه يا سيدي هو يجي منّو واحد يمشي يلوّج على مكتوب ؟
لكن سلطان كي يقول كلمة ماعادش فيها، و ركبو على الخيل و شدّو الثنية .. ماشين ماشين سايرين على الأرض غايرين .. حتى لين وصلو لتحت جبل يشوفو في راجل عجوز لحيتو فوق صدرو كيف سبايك الفضة و في إىدو قلم و عندو أوراق يقص الورقة و يكتب فوقها كلمتين و يقول هذا مكتوب فلانة بنت فلان و بينفخ عليها إيطيرها، و ياخذ ورقة أخرى و نفس الشيء و يقول هذا مكتوب فلانة بنت فلان و ينفخ عليها إيطيرها ..
وقف السلطان و قال للوزير : إمشي إسألو على مكتوب بنتي قولو فلانة بنت السلطان الفلاني .. هبط الوزير من فوق الحصان و مشى لهاك الراجل العجوز و قالو بربي مكتوب فلانة بنت السلطان الفلاني ؟
هز الشايب راسو الفوق للجبل و قالو ريت هاك المرأة العربية يلّي تجمع في الحطب هاذيكا باش تولد و يلّي باش تولدو باش ياخذ بنت السلطان ..
رجع الوزير للسلطان و قالو يا سيدي راهو قال هاك المرأة يلي تجمع في الحطب باش تولد و ولدها باش يتزوج بنتك، حمارت عينين السلطان و عرق الغضب نزل بين عينيه و قال شنوا أنا السلطان الفلاني و ما أدراك بنتي ياخذها ولد مرأة عربية تجمع في الحطب في الجبل ؟ قال الوزير : يا سيدي مكتوب، قال السلطان يا وزير امشي أخلط عليها هاك المرأة و قصولها رأسها باش تموت و نرتاح من هالمصيبة يلّي باش تجيبو و باش ياخذ بنتي و أخلط عليا و إنطلق السلطان في إتجاه القصر، و أمر السلاطين طاعة و هاك الوزير طلع للجبل و وصل للمرأة لقاها تجمع في الحطب يجد السيف متاعو و يضربها ضربة يقصلها رأسها ماتت، بعد ما مشى الوزير شوي و منها قال الوزير بينو و بين نفسو الله غالب السلطان حكم و أنا ما نجمش نرفض و قال هالمسكينة يلي ماتت من غير ذنب على الأقل ندفنها باش ما تاكلهاش الذئاب و الضباع في الجبل، و ولّي دوّر حصان متاعو و رجعلها و هو وصل حذاها و نحّى البرنوس متاعو باش يلفّها فيه مثل الكفن و يلقى ولد صغير تحتها يبكي، قدرة ربّي في هاك الغصرة متاع الموت المرأة حضر ربّي و الملائكة و هاك الصغير خرج من المرأة، قال الوزير سبحانك يا ربّي ما أعظم شانك، و حفر قبر دفن فيه هاك المرأة و لفّ هاك الوليّد تحت ذراعه و ركب على الحصان و إنطلق في إتجاه المدينة، و روّح للدار متاعو و دخل للمرأة متاعو ( هي زوجتو ما تجيبش صغار ) و قال الوزير : يا مرا صيح و قول يا رسول الله، قاتلو كيفاه ؟ قالها بسرعة أطلع فوق الفرش و صيح و نادى للخدّام و قالهم إمشو جيبو القابلة زوجتي باش تولد، و حط بالسرقة هاك الوليد الصغير بجنب زوجته و قامت المتفرحات و الناس الكل جات سبحان الخالق بعد سنين زوجة الوزير ولدت و أنجبت صغير، و الحديث على لسان الكبير و الصغير ..سمع السلطان بعث نادى للوزير، و قال : شنوا يا وزير بالحق زوجتك ولدت ؟ ما سمعناش بيها حبلة ؟ قال الوزير : إي نعم يا سيدي قدرة ربّي عظيمة بعد ما قريب نيأسو من أنه باش إيولي عندنا صغير و لكن في المدة الأخيرة كرشها بدات تكبر لين هاي ولدت و ما يصعب على ربّي شيء ..
و مختصر الكلام يا أصحابي، قعد هاك الوزير قعد يربي في الوليّد و حتى لين إحبى و إدبى و شد على الحيط و إمشى و كبر و جابلو المدّب للدار و قرى و حتى لين ولّى راجل بلغ العشرين سنة، و نهار السلطان شاف ولد الوزير قال تبارك الله ربّي أش يخلق طفل سمح الخليقة و شباب و قال السلطان نادولي الوزير، هيا جاء الوزير و قال السلطان هيا جيبو العدول و قال هيا إكتبو زداق ولد الوزير على بنتي .. و يا سيدي ليلتها ما باتو كان عروس و عروسة و متفرحات في القصر و في البلاد الكل ..
وقتها تلفت الوزير للسلطان و قالو يا سيدي مكتوب .. قال السلطان شنوا مكتوب ؟ قال الوزير تتذكرش هاك المرأة العربية يلي قال عليها الشايب و إنت قوتلي أقتلها و راهو صار هكا و هكا و حكالو بتفاصيل الحكاية الكل ..
و هاك السلطان قعد باهت و قال الوزير : المكتوب على الجبين لازم إيجي نهار و تشوفو العين ..
وفات الحكاية ان شاء الله تكون عجبتكم

يا قاتل الروح

noreply@blogger.com (Anonymous) — Sun, 22 Nov 2015 10:49:00 +0000

قالك في قديم الزمان فمّا راجل يعيش هو و زوجته في كوخ في القرية، الحال شتاء و برد و أمطار، عشيّة ملقاوش حطب باش إيشعلوا الكانون و يدّفوا على البرد، قالت المرأة يا راجل إمشي أخطف روحك للغابة تلقاش شوي حطب قبل ما إيطيح الليل، قالها الله يبارك، خرج و هزّ فوق كتافو الفأس و قصد ربّي للغابة .. هاو يمشي هاو يمشي .. و الغابة خالية كان البرس و الريح يصرفق على يمين و يسار، و كان أصوات الشجر يحرك فيها الريح.. حتى تلفّت الراجل على جهة يشوف في شجرة عنب طالعة بين الشجر سبحان الخالق، شجرة عنب في قلب الشتاء و فيها عناقيد عنب سبحان الخالق، إنودكم و لا إنشهيكم.. هيّا مشى للشجرة تاع العنب و نحّى منها عنقود و حطّه في ساك من كاغط و قال هذا نروّح بيه للمرأة تفرح بيه و فيسع جمع شوي حطب و روّح للدار ..
هيا وصل للدار، قالها يا مرى شوف أش لقيت عنقود عنب في فصل الشتاء، قاتلو سبحان ربي أش يخلق، قاتلو يا راجل أش قولك تهزو هدية للسلطان، أتو يكافيك بعض الدنانير نصرفوهم في هالشتاء و تتحسن وضعيتنا شوي..
قالها الله يبارك ولله فكرة باهية .
أيا من حينو هز أك عنقود العنب في الساك الكاغط " معناها ما ينجمش حتى حد يشوف أش فما وسط الساك خاطرو من كاغط " و مشى للقصر طول، لقى الحرّاس قالولوا مرحبا يا بابا تفضل شكاية و إلا هدية ؟ قالهم عندي هدية لمولانا السلطان، هيّا مختصر الكلام شاوروا عليه، حتى دخل للسلطان، يلقاه قاعهد و جنبو الحاشية و الوزراء و الكُتّاب و السيّاف ..
قال السلطان : إتفضل يا بابا ..
قال الراجل : يا سيدي السلطان ماني اليوم خرجت للغابة نجمع في شوي حطب، نلقى شجرة عنب من غير فصل، و لقيت فيها هالعنقود متاع العنب و قولت مولانا السلطان يستحق هالهدية و مدّ الساك من كاغط للسلطان ..
السلطان دخل إيديو للساك يحس في حاجة غريبة، قال متأكد هذا عنب ؟؟ قال الراجل اي بطبيعة يا مولاي السلطان، قال السلطان : يا ولدي بالك و انت جاي في الثنية واحد بدلك الساك ؟ قال الراجل يا سيدي من وقت نحيت عنقود العنب للخطة هذه و الساك في إيدي !
قال السلطان ايجا شد الساك و خرج انتي عنقود العنب ! ، الراجل أخذ الساك و دخل إيدو للداخل و حس حاجة غريبة، وجهو صفار و تقلب و خرج ايديو يلقى رأس إنسان مقصوص في وسط الساك، أه شنوا هذا !! تفجع و مشى وجه الدنيا و جاء وجه الأخرة، صفار، إحمار، قال ولله عنب وين مشى ؟ و شكون حطلي هالرأس متاع ابن أدم ؟
السلطان قال جيب الحق يا ولدي خير ما نقوصلك راسك، و هاك الراجل يحلف و يتحلف ولله ما نعرف، ولله ما نعرفش كيفاه جاء للساك في بالي عنقود عنب، ولله يا سيدي السلطان ..
أمر السلطان الحرّاس شدوا الراجل و كلاوه بالضرب و يقولول ڨر ڨر مين هالرأس متاع الإنسان ؟ والراجل داخ من الضرب و الفجعة، و رماو فوقو الماء فاق و عاودوا بداو يضربو فيه و قال السلطان هيا قول الحقيقة ما كانش باش بعديك للمشنقة الأن، و هاك الراجل كل مرة يوخذ رأس الانسان المقصوص و يثبت فيه و يعاود يدوخ و يفيقوه و ياكلوه بالضرب و يعاود يدوخ .. حتى لين صاح باهي باهي هاني باش نحكيلكم بعد ما قعد يثبت في رأس المقصوص بالباهي .. قال السلطان يلا أحكي ..قال الراجل : كان الكذب ينجي، الصدق أنجى و أنجى، يا سيدي السلطان أنا عندي أرض صغيرة كل عام نزرع فيها شوي قمح و إلا شعير و إلا فارينة.. فمّا نهار جاري يلي عنده أرض لاسقة لأرضي تنازعت أنا واياه و مشينا للقاضي حكُم لصالح جاري و أخذلي قداه من ميترو من أرضي و أعطاها للجاري، أنا حقدت عليه و نقمت عليه، يخّي نهار و أنا نمشي وسط الغابة لقيت ولد جاري يلعب وحدو، طفل صغير، قولت هذه الفرصة باش نأخذ من بثأري، و شديتو و قوتلو باش نوقتلك الأن، قالي هاك الولد الصغير " ماني نشكي بيك " قوتلو تي أنا باش نوقتلك الأن و حتى حد ماهو باش يعرف، قالي الولد الصغير " أنا نشكي بيك للملك الكبير و الملك الكبير يقول بيك للملك الصغير و هو يأخذلي حقي منك " .. و لكن أنا ما فهمتش كلامو و ترميت عليه قتلتو و حفرتلو و دفنتو وسط الغابة و من غير ما نعرف بعد سنوآآات في نفس البلاسة يلي دفنت فيها الطفل الصغير طلعت هالشجرة العنب و أنا توا وين تذكرت ..
قال السلطان " سيّاف قصلو راسو هالكلب " .. وفات الحكاية و يا قاتل الروح وين تروح ..

زوز فرسان عابرين

noreply@blogger.com (Anonymous) — Sun, 22 Nov 2015 10:45:00 +0000

فما زوز فرسان عابرين سبيل، في الزمان السابق لا كان فمّا كراهب و لا طيارات، راكبين على الخيل زوز أصحاب نهار كامل و هوما سايرين على الأرض غايرين، مع غروب الشمس يشوفو في بيت شعر " خيمة " على بعيد، في الوقت هذاكا ما كان حتى أحد يبات البرّة لأن الإنسان إذا منع من السرّاق و القطعيّة ما يمنعش من الهوايش الذئاب و الأفاعي ..
هيا مشاو للبيت هاذيكا، و من بعيد يشوفو في حركة كبيرة خدّام و حركة، بيت شعر متاع ناس مباسيط زرابي و حرير و ريحة عنبر هيا وصلوا قالو ضياف ربي، قالولهم مرحبا بيكم تفضلوا، و زوز خدّام شد كل واحد حصان نحالو سرجو و حطلو الماء و العلفة و دخلو الزوز رجال للبيت الشعر غسلو ايديهم و شربوا الماء و خادم جايب لبن بارد و خادم جايب منشفة و يشوفوا في زوز خدّام أخرين خرجوا كبش و تكّوه يذبحوا فيه فهمو يلي هذاكا للعشاء، و جاء الليل حضر العشاء و تحطت الطاولة كسكي باللحم تشوف بعينك تشبع ..
لكن قام واحد من الزوز فرسان و قال للخدّام : تي وينو مولى الدار ؟ ما ينجمش يجي يتعشى معانا ؟ قالولهم سيدنا ماينجمش ..
هيا تعشو هاك الزوز فرسان و تحمدوا ربي و شكروه و حضرت سينية التاي شربوا و ساهرين يحكيو .. هيا جاء وقت النوم قالوا الزوز فرسان : تي وينو مولى بيت الشعر ما ينجمش يجي يقعد حذانا شوي و نشكروه على فضلو و حسن ضيافتو ؟
قالوا الخدّام : سيدنا ما ينجمش يجي .. هيا ولّاو هاك الزوز فرسان رقدوا، قامو الصباح يلقاو فطاير و زبدة و عسل و زيت و فطور سلاطين حاضر كلاو و شبعوا و طلعو من الخيمة و جاو باش يركبو على الكيل متاعهم، قالوا : تي ما نجموش نشوفو صاحب الخيمة و نشكروه على حسن الضيافة ؟ قالوا الخدام سيدنا ما ينجمش أما تو نقولولو ما يهمكمش ..هيا ركبوا هاك الزوز فرسان على الخيل و قصدوا ربي نهار كامل من بر لبر و هوما سايرين فوق الأرض غايرين، حتى لين عشّات العشية و يشوفو من بعيد في خيمة جاية فوق الجبل .. قالوا الليلة نباتوا هنا هيا وصلوا للخيمة يلقاو الريق يصرفق فيها و الرقع تحسب تغلط و خرجت مرأة عجوزة قالت يا مرحبا بيكم أولادي، قالولها ضياف ربي، قالتلهم مرحبا تفضلوا و ربط كل واحد الحصان متاعو في جذع شجرة و مدتلهم الماء غسلوا إيديهم و بردّوا حالتهم، و دخلوا الداخل، هوما هاكاكا و جاء هالراجل العجوز يشوف في زوز فرسان مربوطة قال يا مرأة لشكون هالخيل ؟ قالت : ضياف زوز رجال ، قالها هالنهار السعيد و دخل يجري يا مرحبا بأولادي و يسأل و يسلّم، و جاب معاه شوي " خبيزة " ( نبتة إيطيبوها الناس القلالة يلّي ما عندهمش خضرة ) و قال للعجوزة هيا يا مرأة طيب العشاء بهالخبيزة قالت يا راجل تى حتى الزيت ما عنديش، قالها تي طيب بركا بالموجود كان جاء عندي راني ذبحتلهم، هيا بدات لعزوزة إتىب في طرف دقيق متاع شعير و شوي خبيزة و الشايب دخل حذا الزوز فرسان و يحكى معاهم و من أنو بر ؟ و أش جابكم لهالبر ؟ و تعرفو سي فلان ؟ و سي فلان ؟ و حديث يجبد حديث حتى لين حضر العشاء، تحطت الطاولة و بدأو يأكلوا كسكي شعير و بالخبيزة يجرح الڨرجومة ولكن الزوز فرسان يأكلوا و عاملين كيففف و حديث هاك الشايب منسيهم في الخبيزة و كسكسي الشعير و هوما شايخين و عاملين جو، و بعس حمدوا ربي و شكروه و قالها يا مرأة هات التاي ، قاتلوا يا حسرة على التاي تي عندي حفنة صغيرة ما إتطيبش كاس، قالها تي طيب وكان ما جاش بنين يجي باهي، و عملت التاي و شربو و يحكيو و يضحكو و هاك الشايب يحكيلهم على صغره و على مغامراته و هوما عاملين ستة و ستين كيف و جاء وقت النوم رقدوا .. و في الصباح وقت قاموا هاك الشايب و لعزوزة ما عندهم حتى شيء باش يفطروه للزوز فرسان حسبوا رواحهم مساكن ما يعرفوش يلي العباد تفطر الصباح و الزوز فرسان زادة حسبو رواحم موش متعودين يفطروا ،هيا يا سيدي بقاوهم على خير و قالولهم بالله زورونا و تشكروا فضلهم ...
بعد ما مشاو شوية قام واحد من الزوز فرسان و قال :
" خبّيزة من عند باشر و هذاكا حد النعيمة و لا كبش من عند كاشر لا يعرف للناس قيمة " ..

الغول و ال 7 صغار

noreply@blogger.com (Anonymous) — Sun, 22 Nov 2015 10:40:00 +0000

قالك يا سيدي في قديم الزمان، فمّا راجل عندو 7 صغار ماشالله، و أمهم ماتت، قعد أبوهم يخدم عليهم، باش يصرف عليهم و يربيهم، و ساكن في دار تحت الجبل بعاد عّلى الناس، هيّا يا سيدي ديما يجمع في الحطب و يبيع في السوق، لكن نهار شيء ماعادش لاحق على قضيات لأولادو و هو كيف ما قولنا عندو 7 صغار، ولّى قالهم باش نمشي لوسط المدينة نخدم شهر تقريبا و ندبر فلوس و تو نرجع، و شرالهم كل شيء ماكلة، و ماء، و كل شيء..
من غدوة الصباح قصد ربي أبوهم مشى للمدينة، قعدوا الأولاد السبعة وحدهم، قام أخوهم الكبير عمرو كيف مانقولو 16 سنة و حضر لأخواتو ال 6 الفطور و كلاو و حمدو ربي و قعدوا في الدار، هيّا هوما عندهم قطوسة صغيرة، تلعب في الدار درا كيفاه جات في الكوجينة و طلعت الفوق و بالت ( حاشاكم ) على الوڨيدة ( أعراف الوقيد ) ، مع العشية جاو الإخوة السبعة باش يحضروا العشاء، يلقاو الوقيدة فاسدة و مبلولة و تلفت ماعادش تشعل .. حاروا أش باش يعملو و الدنيا بدات تضلام، ولّى طلع واحد من الإخوة فوق السطح متاع الدار قال نشوفش دار و إلا أحد مشعل نار.. هاو يخزر يخزر .. حتى شاف نار تشعل في الجبل الفوق.. هبط يجري قال لإخوة متاعو، هاني شوفت نار في الجبل، خليني نمشي نجيب منها ولعة و نجي.. و قالهم استنوني..مشى هال الوليّد يتبع في مصدر النار، من واد لواد، و هاو طالعّ طالع وسط الجبل حتى وصل لمصدر النار وسط كهف في الجبل يلقى " غول " يطيب في عشاه، تفجع و خاف و لكن ما لقى ما يعمل قالو أعطيني باش نجم نشعل النار و نطيب عشاء إخوتي.. قال الغول : علاه أبوك و أمك وين ؟ قال هاك الطفل راو أمي توفات و بابا مشى يخدم في المدينة و نحنا 7 إخوة صغار وحدنا في الدار..
الغول قال هذه فرصة ما تضيعش، هيّا قال الغول : إسمعني ما نعطيك النار إلا على شرط واحد !
قال الطفل : شنوا الشرط ؟
قال الغول : لازم نجرحك من إيدك ( و هو الغول بلعاني حب يجرح الوليّد باش وقت يروح يبدى الدم يقطر منّو و هو بعد يتبع قطرات الدم و يعرف الأولاد وين دارهم، ) ...
الطفل الصغير الله غالب لقى روحو مجبور على هالشيء و ما فيبالوش يلي الغول يحب يتبعو .. و قالو باهي..
ولّى هاك الغول جرح الطفل من إيدو جرح كبير و أعطاه النار، و جرى هال الطفل يبكي و الدم يقطر من إيدو و شاد النار و مرّوّح يجري للدار، و الدم يقطر.. لكن فمّا عصفور يتبع في هال الولد و يغطي في قطرات الدم بجناحاتو يغطي فيهم بالتراب..
الغول قام حب يتبع قطرات الدم مالقى حتى شيء.. حار الغول و تغشش و قال زعما كيفاه ! و وينو الدم.. و مالقى كيفاه ولّى قعد و ما عرفش الثنية متاع دار الأولاد السبعة..
هّيا يا سيدي من غدوة العشية، الأولاد حاجتهم بالنارباش يطيبو عشاهم، ولى خرج طفل اءخر و مشى للمكان متاع الغول وسط الجبل و نفس الشيء شرط عليه يجرحو و بالفعل الغول جرح هاك الطفل و قعد الدم يقطر ثنية كاملة و كالعادة جاء العصفور و بدأ يغطي في قطرات الدم..
في الصباح، هاك العصفور جاع، مشى للدار متاع السبعة إخوة لقاهم حاطين شوي خبز في الشباك متاع الدار، جاء هاك العصفور و بدأ يأكل من الخبز، و لكن ما يفيق كان بفردة الشلاكة تجيه طايرة و ضربوه هاك الإخوة السبعة و هوما ما فيبالهومش يلي هاك العصفور أنقذهم من الغول، وبداو ينشو فيه و يجروا وراه و يسبو فيه و هاك العصفور ما منع منهم كان بالروح !!
تغشش هاك العصفور و قال ولله ما نوريهم كيفاه ! يبدى أنا منعتهم من الغول و هوما على طرف خبز قريب لا قتلوني .. و طار يجري للقطرات الدام و عرّى عليهم التراب و خلاهم مكشوفين ...
خرج الغول قال خلي نتبع الدم، يلقاه، بدأ يمشي يمشي و يتبع في قطرات الدم.. حتى وصل الغول للدار متاع الأولاد الصغار، استنى لحد ما طاح الليل و الأولاد رقودا و دخل عليهم.. أكل الغول صغير الليلة الأولى،و رجع الليلة الثانية و أكل طفل أخر، ولى كل ليلة يجي يأكل طفل.. حتى قعد طفل الصغير فقط، خرج من الدار و تخبى فوق السطح، جاء الغول لوّج لوّج.. شيء مالقاهوش... و من غدوة زادة رجع الغول لوّج لوّج شيء مالقاش.هيّا هال الطفل مسكين قاعد في السطح و الجوع باش يقتلو و البرد و الخوف.. حتى يشوف في خيال جاي من بعيد.. قال هذا الغول زادة رجع.. لكن لقاه أبوه جاء من المدينة... هيّا هبط يجري و عنّّق أبوه و بدأ يبكي و حكالو الحكاية الكل... هاك الأب بكى على أولاده و قال ولله ما نوريه هالغول.. جاء قدام باب الدار و حفر حفرة كبيررررة و غارقة و جاب فيها الحطب و حط فيه الوقود و خلاه هاكاكا و غطّاها باللوح الخفيف.. يلي يعفس فوقها يطيح و قال لإبنه أقعد في الدار الداخل و الباب محلول بحيث يلي يخزر من بعيد يشوف الولد داخل الدار..
هيا هال الغول جاع و قتلو الشر قال خلي نزيد نرجع بالك نلقى الطفل السابع.. هو وصل للدار و يشوف في الباب محلول و الطفل الداخل في الدار، قال أخير لقيتو و هو جاء داخل للدار و يعفس فوق الحفرة و إطيح بيه ... جاء الغول وسط الحفرة الغارقة و كلها حطب و وقود.. و جاء الأب و إبنه فوق يتفرجو في الغول وسط الحفرة .. قام الأب و عطى لإبنه الصغير عرف وقيد و قالو شعل و أرميه فوقو.. هاك الطفل الصغير شعل العرف متاع الوقيد و رماه وسط الحفرة شعععععلت النار و هاك الغول تحرق و مات.. وهكا وفات الحكاية..

كيد النساء كيدين

noreply@blogger.com (Anonymous) — Sun, 22 Nov 2015 10:34:00 +0000

يحكيو على راجل تاجر متزوج، راجل مبسوط عندو كل خير و خمير، أما ربي موش عاطيه على قد قلبو زوجته طلعت موش ناس ملاح، موش بن أصل، ماقاعدتلو كان على هاك الرزق و تتمنى يموت و تورثه و ربي ما رزقهمش أولاد ولات خايفة نهار يلي يموت تقعد هي هاكاكا و تخرج ايدها على راسها ..
قاتلو اسمع يا راجلي نحنا ما جبناش صغار و نهار يلي تموت داركم و أهلك ايقلقوني على الرزق، إكتبلي رزقك ؟ لا حشمت و لا قالت بعد طول عمر و لا قدر الله .. هيا يا سيدي قعدت كل نهار و هي تعاودلو في نفس الحكاية، حتى قال نهار تي أنا أش باش نخسر خلي نكتبلها و نرتاح و مشى جاب العدول و كتبلها الرزق الكل ؛ الدار و الهنشير و الحانوت و السانية الفلانية ..
مع العشية روّح سي وخينا للدار، يلقى الباب مسكر، دق الباب، قالت شكون و أش تحب ؟ قالها : شنوا شكون تي راجلك أنا ! قاتلو : امشي على روحك ما تكسب معايا حتى شيء و الدار متاعي أنا ، قالها عجايب يا بنتي العن الشيطان و قاتلو لا و هانو الحاكم بيناتنا كان عندك حق معايا، قالها نمشيو للحاكم ..رمات سفساريها على راسها و مشاو للمحكمة و أول ما دخلت بدات تصيح و تبكي و تقول يا سيدي راني وليّة و ما عندي حتى أحد راو هالراجل هامل و يدخل يضرب و يخرج يضرب و لا يصرف عليا و لا حتى شيء و الأن جاي إيقول الدار متاعو و الرزق متاعو ، قاتلو : يا سيدي الحاكم طلقني منو ..
قال القاضي : كيفاه يا راجل ؟
قال الراجل : يا سيدي موش صحيح الرزق الكل متاعي ..
قال الحاكم : يا ولدي الرزق الكل مكتوب بإسمها و الشرع يحكم بالظاهر ، هيا طلقها و إلا تدخل الحبس .
مسكين ما عندو ما يعمل طلقها و خرج، و جاء تحت حيط وقعد و حط يد على خدو و قعد إيخمم على كيد الناس و حيلهم و على هبالو يلى يعطي الأمان للمرأة ..
هو قاهد و تعدّى راجل كبير من مشايخ البلاد كان يعرف المرحوم أبوه أيام زمان، قالو : يا ولد سي فلان شبيك في هالحالة ؟ قالو يا بابا راهو هكا ما جرى و ما جرى و الحاكم حكم عليا نطلقها و نسلم في كل شيء، و أنا ما نجمش نلوم عليه القاضي خاطر أنا عمالي ربي بصيرتي و كتبت كل ما نملك لمرتي و الشرع يحكم بالظاهر، يا بابا دبر عليا كيفاه نفهم القاضي يلي أنا مظلوم ؟
خمم الرجل العجوز خمم خمم و قال : يا ولدي هاذي نازلة نساء و ما ينجموها الا النساء، إمشي لزوجة الحاكم يلي هكم في القضية و أحكيلها الحكاية هي تعاونك .هيا مشى سي وخينا و قابل زوجة القاضي و بدأ يبكي من القهر و حكالها بالباء و التاء .. بعد ما كمل الحكاية ، قاتلو امشي جيبلي 4 دلّاعات و إشريلي 4 حوتات .. و قاتلو أطلع لبيت العلي " السطح " و أقعد غادي و إسمع أش باشي يصير .. وجبدت هاك الـ 4 دلاعات و قعرتهم و كل دلاعة دخلت فيها حوتة و عاودت رجعت غطاء الدلاعة، هيا جاء القاضي من الخدمة قاتلو يا سيدي درا شكون جاب 4 دلاعات و قال هدية، قال هات السكينة نشقو دلاعة للفطور، هو شق الدلاعة و يلقى فيها حوتة، إستغرب من أمرو و نفس الحكاية بالنسبة للدلاعة الثانية، الثالثة .. بقى متعجب و قال شنوا هالغريبة و قال يا مرا طيبلنا كسكسي بالحوت و هو خرج و هي طيبت كسكي بالحوت و خباتو في البيت و طيبت مقرونة و جاء وقت العشاء تحطت الطاولة و فوقها مقرونة، قال شنوا هذا ؟ قاتلو هانو كسكي بالحوت، قالها هذا كسكي بالحوت ؟ قاتلو شبيك يا راجل هبلت هانو كسكي بالحوت ! قالها أنا هبلت ؟ شنوا قلة الحياء هاني باش نمشي انادي أبوك تو يتفاهم معاك ، هو خرج و هي تجري تجيب الكسكي بالحوت و تحطو فوق الطاولة و تخبّي المقرونة . هيا جاء القاضي و أب زوجته، من وقت دخل الشايب بدا يسب يلي ما تحشمش أحنا يخرج علينا هذا ؟ قاتلو : يا بابا وراسك مظلومة هانو كسكي بالحوت و هو يقولي مقرونة، خزر أبوها قال تي هاو كسكي بالحوت شنوا توا يا راجل بنتي ؟ معقول هكا ؟ عيب عليك ..
قال : ولله توا كان مقرونة . قال هيا مش مشكل و خرج ايوصل فيه لباب الدار و هي فيسع ترجع صحن المقرونة و تخبي صحن الكسكي بالحوت ..
رجع قال المقرونة رجعت وينو الكسكي ؟؟ قاتلو هذاكا شنوا موش كسكي ؟ بدأ يصيح يا مرا راك باش تهبلني توا هذا كسكي ! تي هاي مقرونة ... بداو كلمة بكلمة و هي في ايدها وليد ترضع فيه و قالت تي أش بيني و بينك و خرجت تجري بيه لوسط الدار و هي عندها مخدة في حضنها مغطيتها كأنو وليّد صغير و ترمي هاك المخدة في قاع الفسقية .. مسكين قالو أوووه مشى فيبالو ولدو هبل و خرج يجري جاب أبوها و إخوتها و قالهم ولدي راهي رماتو في الفسقية .. دخلو يلقاو المرأة شادة ولدها ترضع فيه و صحن الكسكي فوق الطاولة، قالو تي موش قولت رمات الوليد في الفسقية ؟ و هي قامت و بدات تبكي و قالت يابابا يزيني منو ماني كبدتك راو هالراجل هبل هانو الكسكي بالحوت و هو يقول مقرونة و هاو صغيري في حضني و هو يقول رميتو في الفسقية ..
قالو خسارة هالراجل هبل و شدوه كتفوه بالحبل ربطوه في الحيط و بات هاك الليلة في وسط الدار و هي خرجت طاولة فوقها كسكي بالحوت و نادت للسي وخيّنا يلي في بيت السطح و قاعد يتفرج في عجب ربي و قاتلو أكل صحة و بالشفاء و بعد ما كمل العشاء خرجاتو من الدار و قاتلو برى على روحك الأن نهار يلي تسمع بيه رجع للمحكمة امشيلو ..
من غدوة الصباح جاو بوها و إخوتها يطلو عليه قالهم البارح بعد ا خرجتو جاء راجل و تعشى كسكي بالحوت في داري، قالو مسكين تو هاذي حكاية جديدة طالع بيها .. كل نهار طالع بحكاية ..
قعد شهر مربوط و لين قال توا هاذم موش مصدقيني هات خلي نعمل روحي كنت مهبول بالحق و بريت .. من غدوة جاو يطلو عليه قالهم علاه رابطيني ؟ قالولو ماك مريض ؟ قالهم لا بريت .. قالولو موش قولت مرتك رمات الولد في الفسقية و حكاية الكسكي و المقرونة و الراجل يل جاء يتعشى في دارك ؟ قال لا موش صحيح مرتي عاقلة .. قالو هيا الحمدلله هاو برى و رجعلو عقلو ..
من غدوة رجع للمحكمة ، على الصباح سمع بيه سي وخينا جاه يجري يا سيدي القاضي راو مرتي كتبتلها رزق الكل و دارت عليا ، قال جيبوها ! جات ، قال كتفوها و قال هيا قول الحق و إلا خيرلك ؟ قال إضربوها بالعصا و عطاوها فلقة نباش القبور حتى قالت يا سيدي صحيح راو رزقو و حكات كل الحكاية .. و حكم القاضي بأن الراجل يرجعلو رزقو الكلووو و المرأة بقات مطلقة ..
وفات الحكاية انشالله تكون عجبتكم

بلاد العميان

noreply@blogger.com (Anonymous) — Sun, 22 Nov 2015 10:28:00 +0000

يحكيو في قديم الزمان، على بلاد جاية تحت
الجبل إسمها بلاد العميان، قالك كان ناسها زواولة ومايعرفو شيء يعني عايشين على الفلاحة والصيد وبيع الحطب.. لا فيهم قاري ولا متعلم، لا يعرفو تلافز ولا كراهب، مساكن ماشافو شيء على هاذاكا قالو بلاد العميان. برا يا زمان وايجا يا زمان، فما راجل حطّاب ويخدم على عايلتو مرتو وولدو اسمو «محمد»
نهار قال ولدي محمد هاو ولى كبير علاش ما نبعثوش يولي يخدم مع جيش الباي في المدينة ويعاوني ويهز معايا لقفة أنا كبرت ومعاش فيا والحطب قسملي كتافي.
هيا يا سيدي مختصر لكلام، هذاكا يلي حصل وولى «محمد» يخدم في الجيش متاع الباي، وتعدات الايام ..
«محمد» بحكم أنو شاب خدّام والسمع والطاعة حبو القايد وهزو للقصر يخدم وهناك اتعرف على بنت الباي «شهرزاد» بعد ما شافها وشافاتو وعجبها وعجباتو.. بإختصار.
لكن هاذيكا شهرزاد بنت الباي وما أدراك وهو؟ ولد الحطاب؟ ومنين؟ من بلاد العميان؟ حار سي «محمد» وتعب وليل ونهار وهو يخمم في بنت الباي وولّى يتعمد يخدم بعد وقت عمله باش يشوفها أكثر وولى نهار السبت والاحد ما يروحش لأهله لبلادو ويقعد باش يشوفها ويملي عينيه بها. وهي زادة كان عاجبها الطفل ولكن ما تعرف عليه شيء. وقعد «محمد» على هاك الحال اشهر.
نرجعو للحطاب استطى ولدو قال شبيه ما جانيش وزيد أمو مؤضت وقالت ولدي وين شبيه ماعادش جاي. هيا ركب سي الحطاب من غدوا على بهيمة حاشاكم وقصد ربي للقصر متاع الباي، هيا ياسيدي كيف وصل قدام القصر وهو مسكين حطاب حوايجو مقطعة وعرقو يصب بالصدفة خرجت بنت الباي ومعاها الباي وبعض الخدم على أساس انها ماشية للسوق ومعاها باش يحرسها «محمد» وبعض الجيش، وجات العين في العين، وقال سي الباي لمحمد شكون هالكلب يلي واقف قدام قصر الباي بهالبهيم؟ إمشي قلو يبعد ويمشي قدام الجامع كان ناوي يطلب، وفي هالموقف «محمد» ما عرف أش يعمل؟ يقولو هاذاكا بابا؟
وفي المقابل سي الحطاب ما سمعش كلام الباي، وفرح كيف شاف ولدو وهبط على اساس باش يسلم عليه، لكن «محمد» استعاب من بوه وقال والله شهرزاد لاعاد تتلفتلي كان تعرف يلي هذاكا بابا، وقام «محمد» ولا حشم ولا قال بابا ويدز بوه ويقولو ما سمعتش كلام الباي؟ كان ناوي تطلب امشي للجامع؟ والوالد حاير وباهت ما فهم شيء وتكتلو عليه الجيش وطيشوه بعيد من القصر.
البو هبل، روح على ساقيه للبلاد، وحكى لزوجتو أم محمد ومرض مسكين وشد الفراش، وولات مرتو تخدم تبيع في الصوف باش تعيش هيا وراجلها.
«محمد» عماتو الدنيا، ونسى بوه وأمو، وصار في الحب والهوى شارد، وتوطدت علاقتو ببنت الباي ولاّو يتقابلو ويسهرو ويتحدثو وسي الباي رقّاه ولى قايد ضربة وحدة!! وبلغ للباي يلي بنتو شهرزاد ومحمد يحبو بعضهم وديما يتقابلو ويحكيو بساعات..
نهار قام الصباح سي الباي من النوم مفزوع شاف في المنام بنتو شهرزاد داير بيها حنش راسو راس ابن ادم ويلسع فيها وهي تضحك زيد ثبت في راس بن ادم لقاه راس ووجه «محمد» ، استغرب سي الباي ومن غدوا نفس المنام تعاودلو ومن بعد غدوا، حتى نادى حكيم القصر وقالو فسرلي هالشيء يلي نرا فيه.
قالو يا سيدي ما فهمت هالمنام، لكن توا نلوج على تفسير ليه في ظرف يومين .
وقالو امشي ما تجيني كان ومعاك كل المعلومات عن«محمد» أهلو وأصلو ومفصلو.. وأمر السلاطين طاعة وخرج الحكيم يلوّج ويسأل من مكان لمكان.. شيء يلي يقولو تعرفش فلان يقولو لا منعرفوش. وهو في الثنية مروّح الحكيم عرضو راجل من هيئتو تقول مهبول مسكين يسخف ويبكي القلوب، وقف عليه، قال الحكيم : لاباس يا راجل أشبيك؟ جاوبو : أنا تولدت أعمى حبيت ولدي يعيش يشوف، لكنو حتى هو طلع أعمى.. قال الحكيم : شنوا هالكلام فهمني؟ شنو تولدت أعمى وشنوا ولدك تولد يشوف ولكن الأن ولّى أعمى؟
هالراجل طلع بو «محمد» ! وزاد قال للحكيم : أنا ولدي تولد في بلاد العميان الفقر والحال على قدها، صرفت عليه وحبيتو يطلع راجل ويعيش في خير، بعثتو يخدم عند الباي لكن نهار يلي مشيتلو ضربني وطردني من قدام القصر.. ووقتها فهم الحكيم الحكاية وطول مشى للباي وحكالو الحكاية من الأول للأخر..
الباي من وقتو عرق الغضب طلعلو ونادى لـ «محمد» وقالو يلي ما تسواش تنكر في بوك وتستعار بيه بعد ما ربّاك وردك راجل.. وشهرزاد ما صدقتش يلي ترى فيه واستعاذت من الشيطان وقالت الحمدلله يلي أضاء بصيرة بابا في المنام ومنعني منو، ومن وقتو نادى الباي هزوه للمشنقة ..
لكن المشنوق ديما عندو طلب، قالو الباي شنوا تطلب قبل ما تموت؟ قال «محمد» ناديلي على بابا..
أمر الباي مشاو الخيالة بالوقت جابو أبوه ووقف قدامو وقالو يا بابا سامحني يلي فيه طبّة ما تتخبى، توا عرفت علاه سماوها بلاد العميان، يلي يتولد ويحمد ربي على الحال يلي هو فيه يعيش في خير وبالقناعة يا رب ليك الحمد، ولكن يلي يحب يطلع لفوق ويعلى على أصلو مصيرو المشنقة.. ووقتها قال الأب يا سيدي الباي سامحو ولدي وغلط ونشالله يكونلو درس ما ينساشو.. وقتها قال الباي : صحة ليك شفع فيك بوك.. ومن هنا جاء المثل الشعبي : ناديت خالي خلاني، ناديت عمّي عماني، ناديت بابا شق البحور وجاني..

دفع الله ما كان أعظم

noreply@blogger.com (Anonymous) — Sun, 22 Nov 2015 10:21:00 +0000

قالك على سلطان، عندو وزير كيف كل السلاطين، لكن سي السلطان هذا يكره الوزير متاعو وما يحبوش وهذا موش عجب الملوك يكرهو الوزراء متاعهم، في العشرة تلقى ستة سبعة ملوك يكرهو وزر متاعهم، خاطر صاحب النصيحخ ديما مكروه، الوزير يبدا ديما في جنب سيدو ونهار كلو ينصح فيه وأعمل هكا وأعمل هكا، فما ملك كيف يسمه كلام هكا يرجعلو شاهد العقل ولكن فما سلاطين يحس أن الوزير متاعو ديما واقفلو كي الشوكة في الحلق..
هيا عاد قولنا يلي سي السلطان يكره الوزير متاعو، حتى ولى كل كلمة يقولها الوزير ما تعجبوش، هيا يا سيدي نهار السلطان عندو حصان يعز عليه من جياد الخيل، من هاك يلي يقولو يعلفّوه من الجلجلان ويشربوه من الزهر، هاك الحصان هذاكا مرض، وبدات الطبّا ماشية جاية وهاك السلطان عرق الغضب بين عينيه وقال يلي ايجي ويقولي الحصان مات نلعبلو براسو بالسيف..
قدّر ربي وهاك الحصان مات، أشكون باش يمشي يخبر السلطان ؟ باش سايس قال أنا لا، الحجّاب كل واحد هرب من شيرة، الطبّا هربو، باش حانبه قال خاطيني... سي الوزير قال أنا نخبرو والموت والحياة بيد ربّي. دخل عليه وقف، عطى كار السلطنة وقالو يا سيدي الحصان ! قال السلطان ما تقوليش مات !!! قال الوزير يا سيدي من فمك موش من فمي.. وبدا هاك السلطان أه حصاني أه أش باش نعمل.. قالو الوزير يا سيدي دفع الله ما كان أعظم! وانشالله راسك حي وتجيب ما خير منو!
قال السلطان : عجايب يا وزير تقلي دفع الله ما كان أعظم؟ هو فما مصيبة أعظم من هاذي؟ وقعد هاك السلطان غاضب على وزيرو..
هيا يا سيدي تعدات مدة وتنسات هالحكاية،وفي نهار مرضت بنت السلطان، ماتت.. حزن عليها حزن شديد والسريا لبست الأسود ومن غدو الدفينة، السلطان واقف والملوك جاية تعزّي والأعيان تجري والناس ملمومة أرمي الغربال يركح، وكيف جاء طريق الوزير باش يعزّي السلطان متاعو؛ كبّ عليه وباسلو إيدو وقالو يا سيدي دفع الله ما كان أعظم..
كحالت الدنيا بين عينين السلطان، عجايب... يقولي دفع الله ما كان أعظم زادة؟ فمّا ما أعظم من هاذي؟ زعما يقولوها لوكان ماتت مرتو، هذا أكيد شامت فيا وولى يخزر للوزير كأن يخزر لسفج حاشاكم.. وأمر باش حانبه قالو هز أرمي عليا الوزير في الحبس.. وأمر السلاطين طاعة هاذاكا يلي حصل والوزير دخل الحبس وشكى أمرو لله وسكت..
بعد مدّة نقولو 3 أشهر، قامت خصومة بين السلطان والمملكة يلي بجنبو على الحدود يلّي بيناتهم، كل حد شد صحيح عزموا على الحرب، ونادى السلطان الوزير وأفرج عليه وقالو عاوني في الحرب وكأن شيء ما صار..
وبدات الاستعدادات للحرب وحضرو المحلة والجيش، هيا تقابلو الجيوش ونهار الفوق ونهار اللوطا وما كملت الجمعة كان ما فنى جيش السلطان الكل، ما قعد منو حتى جندي، حزنت البلاد، وتوقفت كل حركة، الناس ماشية الحيط الحيط والسريا كأنها دار ميّت، واذا بيه جاي سي الوزير دخل قدّم ووخّر وعطى كار السلطنة وقال يا سيدي السلطان وسّع بالك وولد المرا غالب ومغلوب ودفع الله ما كان أعظم..
اه ؟ هاذيا عظمت عليه أكثر من كل شيء سي السلطان، وأكثر من الهزيمة وظلامت الدنيا في عينيه وعزم باش يقتل هالوزير وماعادش يرا خليقتو..
عيّط لباش حانبه وقالو برا جيبيلي أفعى يلي فيها قابل تقتل 100 رجل في لسعة واحدة، قالو حاضر يا سيدي وفي ظرف جمعة جاء ومعاه جنس هامة ضربتها ما فيها دواء، كيف يلي ايسمويها داڨرجة في جهة قفصة والهماما..
هيا يا سيدي البيت يلي يقعد فيها السلطان، فيها مرفع داير على ثلاث حيوط، وفما نقولو فاجو أو مزهرية فارغة من تحف محطوطة فوق المرفع، رمى وسطها الأفعى وحط معاها ورقة مطوية... ونادى للوزيرجاء الوزير، صباح الخير يا سيدي، قالو أقعد يا وزير، وبداو يحكيو في شؤون المملكة، ومنها قالو السلطان : يا وزير ريت هاك المزهرية هاذيكا فيها فيها ورقة "مكتوب" توا تلقى فيها المكتوب.. قام سي الوزير وهو قصير، طلع على الكرسي وطلع عليه باش يلحق المرفع، ولكن سي الوزير راجل كبير والصحة على قدها، يترهوج ويجي طايح مفروش على القاعة، وساقو مسكين تكسرت، وقام هاك السلطان قال أه نشالله لاباس يا وزير.. قال الوزير على مراد الله، هذاكا اش كاتب، دفع الله ما كان أعظم..
وقتها السلطان رجعلو شاهد العقل، فطن يلي هو كان غالط وقال الله الله عليك يا وزير الزمان، اليوم فهمت الJكمة من الجملة يلي ديما تقول فيها " دفع الله ما كان أعظم " اليوم يا وزير الله دفع عنك ما كان أعظم، خاطر كان وصلت لهاك المزهرية ودخلت ايديك فيها راك الأن في عداد الموتى، وقالو سامحني يا وزير وعلالو في قدور
وولى هاك الوزير وين نحطك يا طبق الورد كلمة لا ترد...
ان شاء الله تكون عجبتكم وبربي تفاعلو مع الحكاية بتعليق اذا عجبتكم شكرا للجميع...

ساعة من ساعاتو تِغني

noreply@blogger.com (Anonymous) — Sun, 22 Nov 2015 10:04:00 +0000

يحكيوا في قديم الزمان، على واحد خبّاز، الخبّاز شنوا راس مالو في هاك الزمان ؟ كاري الكوشة، وعندو مخبزين و الا ثلاثة، وساعة ساعة حمل حطب، ويطيّب للناس في خبزهم بالكراء .
هاك الخبّاز كان فقير حال، يهز ساق تغرق ساق، لا دار، لا مرأة، لا صغار، النهار بطولو يخدم في الكوشة و في الليل يبات يرقد في الكوشة. و هاك الخبّاز عندو طفل صانع يخدم معاه و كيفو زاده هو ما عندو حد في هالدنيا، و الخبّاز و الصانع حاطين الروس على بعضهم .
كل نهار كيف يجيوا يرميوا الخبز، الصانع يستعوذ من الشيطان، على خاطر البلاطه اللي يسدو بيها بيت النار ثقيلة عليه و يقول : يا عرفي أش خص لو كان هذي وزنها ذهب ؟
عرفو يعطيه بسطاكة على راسو و يقولو : ما طلبتش حفنة ذهب و إلا حفنتين ؟ تحب وزن البلاطة ذهب ؟!
يقوللو: يا عرفي يلي يطلب ربي يطلب بالكمال. رحمتو واسعة، ومخازنو ملايا، و ساعة من ساعاتو تِغني، أشكون قال لك يلي نحنا باش نقعدوا ديمة في ها الهانة الفقر و الميزيريا ؟ بالك يجي نهار و تتفرهد الاحوال. كل نهار فين يعاود هالكلام ياكل اصطاكة من عند عرفو .
يا سيدي هاك الخبّاز ما تعداتش امورو مليح قدّر عليه ربي فلس، سلّم في الكوشة وباع المخيبزات، وطرف الحصيرة اللي عندو، والحطب يلي تبقالو و قال: إذا ما واتاتكش بلاد بدّل بأختها ولو كان حجرها زمرد وياقوت . هاك الصانع، يا عرفي كيفاش تمشي علي؟ لشكون تخليني؟ قال لو: وليدي فيها مدبّر حكيم، ويلي يخلق ما يضيّع، وعلى كل حال ماك ديما تقول : ساعة من ساعاتو تِغني، لعل يجيبك ربي في ساعة سعيدة. خلالو كيف ما نقولو زوز فرنك باش يدبر راسو حتى ينوب عليه ربي بخدمة، وشد الثنية ..
قعد هاك الولد وحدويدور من سوق لسوق، و يفصّل في النهوجات ويخيّط في الزناقي. وفاتلو هاك زوز فرنك، وقف في باب البلاد يستنى ثماشي ما يجي حد يخدمو. النهار الاول، الثاني، الثالث، نهار هو واقف وها الراجل وقف عليه قال : تخدم يا ولدي ؟
قالو : بين يديك يا بابا . قالو: تبعني . بدا الراجل ماشي و هو في جرتو، شقوا باب سويقة، المدينة، وصلو كيف ما نقولو لبطحة رمضان بي، دخلوا لزنقة.
وقف الراجل قدام دار ( باب كبير بالقمجة، ظاهرة دار أكابر) جبد المفتاح حل، قالو أدخل يا ولدي، دار متاع أكابر جليز و مرمر و رخام و أبناك وزرابي مدقوقة في الحيوط، بيوت تقول سرايا متاع قصر. هيا وصلوا لوسط الدار: خصّة تفيع بالماء، و بيوت متناظرين وسط دار طاولة منصوبة. قال الراجل: ايجى يا ولدي افطر الساعة حط لو الفطور، فطر، شبع، تحمد وتشكر، قال لو: ايا توه يا ولدي : خرجو لوسط الدار، ثمة بلاطة، قاللو: هزها. هزها تحتها مطمور، بلاطة اخرى لغادي منها قال لو: هز هذيكا زادة، هزها : المطمور الأولاني مليان، و الثاني فارغ. المليان، مليان بالذهب و اللويز للفم كيما يعطينا و يعطيكم من رزق الحلال الطيب ! قالو حتى حد ما يعرف بهالمطمور كان إنت رد بالك تعاود لحد . جابلو شكارة نخالة صبّها بحذاه و قاللو : إجبد من ثمة، و إمسح بالنخالة، و أرمي في هاك الفارغ حتى يتعبى، وفطورك وعشاك وفرشك هوني، ونهار يلي تكمل نعطيك يلي يرضيك.
توكل بالله الولد يخدم النهار الكل و هو قاعد في القاعة وحالل ساقيه، يطلع بالقفة و يصب قدامو ( لويز أخضر مخزز) يمسح و يحك الكعبة يلي تنظاف وتولي تبرق بريق، يشيّعها في المطمور الاخر و الدار مسكرة و الراجل ساعة ساعة إيجي يطل عليه، والفطور والعشاء ثميكة، حتى وفات الخدمة، حاسبو و زاد أحسن لو، ومشى على نفسو.
بدى يقسط في هاك الفليسات و يدبّر في راسو، مرة يحمل حميلة، ومرة يجيبو تاجر يكنسلو الحانوت، ومرة واحد يقضيه قضية، بره يا زمان، وايجا يا زمان، نهار سمع في الدلال يدلل على دار، قال دار في الحومة الفلانية. جاء ينشد قالوا لو : هذي دار سي فلان مات وما خلى حد, سي فلان يلّي خدم عندو ( متاع المطمور المعبي بالذهب ) : باش تتباع لبيت المال. ماشين الناس مع الدلال باش يقلبوا ويتفرجوا من بيت لبيت، تخلّف هو في بيت، خرجوا الناس قعد ثمه،. باب الدار تسكر، وهو خرج يجري لهاك المطمور، هز البلاطه يلقاه بأمانتو. باللويز للفم يخطف الانظار. عبى مكاتبو. الباب مسكر ما ينجمش يخرج، قعد بات، من غدويكا رجع الدلال جايب ناس اخرينا يقلبوا في الدار، دخل هو في وسط الناس. قال الدلال باب ربي، بداوا الناس يتزايدوا، تقدم هاو يزيد معاهم طاح عليه السوم. جبد الفلوس ودفع و خذا المفاتح، وخرج مع الدلال، قيّد الدلاّل عند العدول : صبحت الدار ملكو و رزقو و حلالو. مشى للسوق، شرى سبعه و الا ثمانية خزنات من هاك الحديد يلي ما يتحلوا الا بالسكريتو، ومسامرهم قد عظمة الدجاجة عباهم بهاك اللويز و الذهب و سكر، حل دارو وجاب الخدام. شرى حانوت في سوق الربع وعمرو بالسلعة. الناس تبيع بمائة، وهو يبيع بخمسين ( من عند ربي ) تشهر في هاك البلاد، ولى سي فلان الفلاني، خطب طفلة من أكبر كبيرها و تزوج ولات دارو مقصودة، وعرمة تجيها الكيالة.
نهار جاء طالب على باب الدار: يا كريم متاع الله. قاعد في الروشن هو و العروسة يسمع في الصوت، عقلو ! عقل صوت عرفو. اه قال: عرفي حط بيه الزمان حتى ولى يطلب؟ زعمة هو؟ خرج يشوف فيه : يلقاه هو .
لكن عرفو ما عرفوش، قالو اتفضل يا بابا ادخل. حطولو الفطور، فطر، شبع، جا قايم باش يمشي على نفسو قاللو: اقعد ضيف ربي .
يجبدها ثميكة ثلاثه أيام: الماكلة منو، والرقاد عليه. و مولى الدار يفطر فيه ويعشي فيه معاه. نهار ثالث يوم بدا يحكي على الخبّاز، وعلى صانعو، وعلى البلاطة اللي وزنها ذهب و وعلى الخبّاز كيفاش يصطك للصانع .
قاللو: يا سيدي إنت منين تعرف ها الكوشة ؟ ياخي كنت ترمي عندهم في الخبز؟ قال لو: لا.
قاللو على خاطر الخبّاز اللي تحكي عليه هو أنا. حط بي الزمان، وهاني وليت نطلب. وبدا يبكي. قال لو: و الصانع هو أنا! قال هاك العرف : انت ؟
أنا ! ترمى في رقبتو وبدا يبوس ويبكي. قال لو: شفتني يا عرفي كيف كنت تعطيني بالصطاكة وتقولي: ما تطلبش شئ يلي ما تطولوش، و أنا نقولك يلي يطلب على ربي يطلب بالكمال، وساعه من ساعاتو تغني، ايا اقعد عندي و الدار دارك، و انت بابا من البارح موش من اليوم. وقعد بحذاه هاك الشايب، وعاشوا متهنين، وفي الغايه والنهاية و ساعة من ساعاتو تِغني .

حكاية ﺍﻟﻬﺒﺎﻝ ﻭﺣﻠﺔ

noreply@blogger.com (Anonymous) — Tue, 03 Mar 2015 15:25:00 +0000

ﺍﻟﻴﻮﻡ ﺑﺎﺵ ﻧﺤﻜﻴﻠﻜﻢ ﺣﻜﺎﻳﺔ ﻣﻦﺳﻜﺎﻧﺪﻳﻨﺎﻓﻴﺎ ﻣﺎ ﺃﺑﻌﺪ ﻫﺎﻙ ﺍﻟﺒﻼﺩ ﻋﻠﻰﺗﻮﻧﺲ ﻭﻣﻊ ﺫﻟﻚ ﺍﻟﺤﻜﺎﻳﺎﺕ ﺗﺸﺒﻪﻟﺒﻌﻀﻬﺎﻳﺤﻜﻴﻮ ﻋﻠﻰ ﻭﺍﺣﺪ ﺧﻤﺎﺱ, ﻫﻮ ﻳﺤﺮﺙﻓﻲ ﺍﻟﻬﻨﺸﻴﺮ ﻣﺘﻊ ﻋﺮﻓﻮ ﻭﺳﻜﺔﺍﻟﻤﺤﺮﺍﺙ ﻭﺣﻠﺖ ﻓﻲ ﺣﺎﺟﺔ. ﺟﺒﺪ ﺍﻟﺘﺮﺍﺏﻋﺮﻯ ﻋﻠﻴﻬﺎ ﻳﻠﻘﺎﻫﺎ ﻭﺫﻥ ﻗُﻠَّﻪ .ﺯﺍﺩ ﺣﻔﺮﺧﺮﺝ ﻫﺎﻙ ﺍﻟﻘﻠﺔ ﻳﻠﻘﺎﻫﺎ ﻣﺠﺒﺴﺔ ﺣﻠﻬﺎﻟﻘﺎﻫﺎ ﻣﻠﻴﺎﻧﺔ ﻟﻠﻔﻢ ﺑﺎﻟﻠﻠﻮﻳﺰ (ﻛﻴﻤﺎﻳﻌﻄﻴﻨﺎ ﻭﻳﻌﻄﻴﻜﻢ ﻣﻦ ﺭﺯﻕ ﺍﻟﺤﻼﻝﺍﻟﻄﻴﺐ ) ﺗﻔﺠﻊ ﺑﺪﻯ ﻳﺨﺰﺭ ﻉ ﺍﻟﻴﻤﻴﻦ ﻭﻉﺍﻟﻴﺴﺎﺭ ﻋﺎﻭﺩ ﻏﻄﺎﻫﺎ ﺑﺎﻟﺘﺮﺍﺏ, ﻭﻗﻌﺪﻳﺤﺮﺙ ﻋﻠﻰ ﻧﻔﺴﻮ.ﺣﺘﻰ ﻋﺸﺎﺕ ﺍﻟﻌﺸﻴﺔ ﻭ ﻇﻼﻣﺖ ﺍﻟﺪﻧﻴﺎﻋﺎﻭﺩ ﺧﺮﺟﻬﺎ ﻭﺭﻣﺎﻫﺎ ﻋﻠﻰ ﺍﻟﺒﻐﻞﻭﺭَﻭَّﺡ ﻟﺪﺍﺭﻭ . ﻗﺒﻞ ﻣﺎ ﻳﺪﺧﻞ , ﺣْﻔَﺮْﻟْﻬﺎﺗﺤﺖ ﺍﻟﺤﻴﻂ ﻭﺧﺒﺎﻫﺎ. ﻭﺩﺧﻞ ﻟﻠﺪﺍﺭ,ﻧﺎﻭﻱ ﻣﺎ ﻳﻘﻮﻝ ﻟﺤﺪ (ﻃﻌﻤﻮ ﺭﺑﻲ ﻭﻫﺬﺍﺭﺯﻕ ﻣﺎﺗﺖ ﺍﻣّﺎﻟﻴﻪ , ﻟﻜﻦ ﻭﺍﺫﺍ ﻛﺎﻥﻳﺴﻤﻌﻮ ﺑﻴﻪ ﻳﻔﻮﻛﻮﻫﻮﻟﻮ ). ﻗﺎﻝ ﻣﺎﻧﻈﻬﺮﺵ ﻋﻠﻰ ﻧﻔﺴﻲ ﺣﺘﻰ ﺗﺘﻌﺪﻯﻣُﺪﻩ, ﻭﻓﻴﻬﺎ ﻣﺪﺑﺮ ﺣﻜﻴﻢ . ..ﻟﻜﻦ ﻣﺮﺗﻮ ﻋﺰﻳﺰﺓ ﻋﻠﻴﻪ, ﻭﺷﺮﻳﻜﺔﻋﻤﺮﻭ , ﻣﺎ ﻳﻨﺠﻤﺶ ﻳﺨﺒﻲ ﻋﻠﻴﻬﺎ ﻗﺎﻝﻟﻬﺎ:- ﻳﺎ ﻣﺮﺍ ﺍﺳﺘﻐﻨﻴﻨﺎ , ﺭﺍﻧﻲ ﻛﻨﺖ ﻧﺤﺮﺙﻟﻘﻴﺖ ﻗﻠﻪ ﻣﻠﻴﺎﻧﺔ ﺑﺎﻟﻠﻮﻳﺰ. ﺍﺳﻜﺖ ﻣﺎﺗﻘﻮﻟﺶ ﺗﻮﻩ ﻧﺰﻳﺪﻭ ﺷﻬﺮﻳﻦ ﻭﺍﻻ ﺛﻼﺛﺔﻣﻦ ﺯﻣﺎﻥ ﻭﻧﻤﺸﻴﻮ ﻟﺒﻼﺩ ﺍﺧﺮﻯ ﺍﻟﻠﻲﻣﺎ ﻳﻌﺮﻓﻨﺎ ﻓﻴﻬﺎ ﺣﺪ.ﺍﻟﻤﺮﺍ ... ﻛﻴﻒ ﺗﻘﻮﻟﻠﻬﺎ ﻣﺎ ﺗﻘﻮﻟﺶ ﻣﺎﻭﻛﺎﻳﻨﻚ ﻗﻠﺘﻠﻬﺎ ﺧﺒﺮ ﺗﻬﺒﻄﻬﺎ ﻓﻲ ﺍﻟﺠﺮﺍﻳﺪﻭﻓﻲ ﺍﻻﺫﺍﻋﺔ ﻣﺎ ﺗﺨﻠﻲ ﺣﺪ ﻣﺎﺗﺨﺒﺮﻭﺵ , ﻋﻠﻰ ﺍﻟﺼﺒﺎﺡ ﺩﻗﺖ ﻋﻠﻰﺟﺎﺭﺗﻬﺎ ﻗﺎﻟﺘﻠﻬﺎ:ﺗﻲ ﻣﺎ ﺳﻤﻌﺘﺶ؟؟ ﻣﻮ ﺭﺍﺟﻠﻲ ﻟﻘﺎ ﻛﻨﺰﻓﻲ ﺍﻟﻬﻨﺸﻴﺮ ﻣﺘﻊ ﻋﺮﻓﻮ . ﺃﻣﺎ ﻭﺧﻴﺘﻲﺑﺮﺍﺱ ﺍﻟﺠﺎﻩ ﻣﺎ ﺗﻘﻮﻝ ﻟﺤﺪ .,ﻭﻗﺎﻟﺖ ﻟﻠﺠﺎﺭﺓ ﻟﺨﺮﻯ ﻭﻟﻠﺠﺎﺭﺓ ﻟﺨﺮﻯﻭﻛﻞ ﻭﺣﺪﺓ ﺗﻘﻮﻟﻠﻬﺎ ﻣﺎ ﺗﻘﻮﻟﺶ, ﻭﻛﻞﻭﺣﺪﻩ ﺗﻘﻮﻝ ..

ﺣﺘﻰ ﻭﺻﻞ ﺍﻟﺨﺒﺮﻟﻤﻮﻟﻰ ﺍﻟﻬﻨﺸﻴﺮ, ﺭﻛﺐ ﻋﻠﻰ ﺣﺼﺎﻧﻮﻭﺟﺎ ﻟﻠﻜﻮﺥ ﻣﺘﻊ ﺍﻟﺨﻤﺎﺱ ﻳﻠﻘﻰ ﺍﻟﻤﺮﺍ:- ﺗﻲ ﻛﻴﻔﺎﺵ ﻫﺎ ﺍﻟﻜﻨﺰ؟؟ﻗﺎﻟﺘﻠﻮ:- ﻣﺎﻭ ﺭﺍﺟﻠﻲ ﻫﻮ ﻳﺤﺮﺙ ﻟﻘﺎ ﻗﻠﻪﻣﻠﻴﺎﻧﻪ ﺑﺎﻟﻠﻮﻳﺰ, ﻭﺧﺒﺎﻫﺎ ﻭﻗﺎﻟﻠﻲ ﻣﺎﺗﻘﻮﻟﺶ , ﺑﺮﺑﻲ ﺍﻧﺖ ﻣﺎ ﺗﻘﻮﻟﺶ.- ﻣﻠﻴﺢ ﻭﻳﻦ ﺧﺒﺎﻫﺎ؟؟؟؟- ﻣﺎ ﻧﻌﺮﻓﺶ!!!!!ﻣﺸﻰ ﻋﻠﻰ ﻧﻔﺴﻮ, ﻓﻲ ﺍﻟﻠﻴﻞ ﺟﺎﺍﻟﺮﺍﺟﻞ ﻓﻲ ﺍﻟﻠﻴﻞ ﻗﺎﻟﺘﻠﻮ, ﻣﺎﻭ ﻋﺮﻓﻚﻛﺎﻥ ﻫﻮﻧﻲ ﻭﻧﺸﺪﻧﻲ ﻋﺎﻟﻜﻨﺰ ﻣﺎﻧﺠﻤﺘﺶ ﻧﻜﺬﺏ ﻋﻠﻴﻪ ﻭﻗﺘﻠﻮ.ﻗﺎﻟﻠﻬﺎ:- ﺍﻳﺎ ﺍﻟﻠﻲ ﻋﻤﻠﺖ ﻣﺒﺮﻭﻙ !!!!!..ﺗﻌﺸﻰ ﻋﻠﻰ ﻧﻔﺴﻮ ﻭﺭﻗﺪﻭ . ﺍﻟﻠﻴﻞﺍﻟﻜﻞ ﻭﻫﻮ ﻳﺨﻤﻢ, ﻋﺎﻟﻔﺠﺮ ﻗﺎﻡ, ﺟﺒﺪﺍﻟﻘﻠﻪ ﻭﺭﻣﺎﻫﺎ ﻋﻠﻰ ﺍﻟﻜﺮﻳﻄﺔ ﻭﻗﺎﻟﻠﻬﺎﺃﻳﺎ ﻗﻮﻡ ..ﻗﺎﻟﺘﻠﻮ : ﻟﻮﻳﻦ؟؟؟ﻗﺎﻟﻠﻬﺎ : ﻧﻤﺸﻴﻮ ﻧﻌﺪﻳﻮ ﻧﻬﺎﺭ ﻓﻲﺍﻟﺒﻼﺩ. ﺃﺣﻨﺎ ﺗﻮﺍ ﻋﻨﺪﻧﺎ ﻭﻟﻴﻨﺎ ﻏﻨﻴﺔﻭﻣﺒﺎﺳﻴﻂ ,ﻫﻴﺎ ﻧﻬﺒﻄﻮﺍ ﻟﻠﺒﻼﺩ ...ﻋﻼﺵ ﻣﺎ ﻧﺮﻭﻗﻮﺵ ﻭﻣﺎﻧﺘﺸﺨﻠﻌﻮﺵ؟؟؟؟ﺭﻛﺒﻮ ﻭﻫﺒﻄﻮ ﻟﻠﺒﻼﺩ. ﺧﻼﻫﺎ ﻗﺎﻋﺪﺓ ﻓﻲﺍﻟﻜﺮﻳﻄﺔ ﻭﻫﺰ ﻫﺎﻙ ﺍﻟﻘﻠﻪ ﻭﻣﺸﻰﺣﻔﺮﻟﻬﺎ ﻓﻲ ﺑﻘﻌﻪ ﺍﺧﺮﻯ ﻭﺭﺩﻣﻬﺎ ﺑﻌﺪﻣﺎ ﻫﺰ ﻣﻨﻬﺎ ﻛﻌﻴﺒﺔ ﻟﻮﻳﺰ ﻭﺭﺟﻊ ﻟﻤﺮﺗﻮ.ﺃﻳﺎ ﺍﺩﺍﻫﺎ ﻟﻤﻄﻌﻢ , ﺻﺮّﻑ ﻫﺎﻙ ﺍﻟﻠﻮﻳﺰﺓﻭﻗﺎﻝ: ﺟﻴﺒﻮﻟﻨﺎ ﺗﻮﺓ ﺍﻟﻔﻄﻮﺭ ﺃﺣﺴﻦ ﻣﺎﻋﻨﺪﻛﻢ ﻣﻦ ﻣﺎﻛﻠﺔ ﻭﺷﺮﺍﺏ.ﺟﺎﺑﻮﻟﻬﻢ ﺍﻟﺨﻴﺮﺍﺕ ﺍﻟﺴﺒﻌﺔ ﻛﻼﺕﻭﺷﺮﺑﺖ: ﻫﻴﺎ ﻧﺮﻭﺣﻮ .ﺯﺍﺩ ﺧﺬﺍ ﺧﺒﺰﺓ ﺭﻣﺎﻫﺎ ﻓﻲ ﺍﻟﻤﺨﻠﻰﻣﺘﺎﻋﻮ ﻭﺭﻛﺐ ﻭﺭﻛﺒﻬﺎ ﻭﺭﺍﻩ ﻓﻲﺍﻟﻜﺮﻳﻄﺔ ﻭﺷﺪ ﺍﻟﺜﻨﻴﺔ

ﻟﺨﻄﻮﻩ ﻣﺘﻊ ﺍﻟﻜﺮﻳﻄﻪ ﺟﺎﺑﺘﻠﻬﺎ ﺍﻟﻨﻮﻡ ,ﻟﻮﺍﺕ ﻋﻨﻜﻮﺷﻬﺎ ﻭﺭﻗﺪﺕ, ﻭﻫﻮ ﺷﺪﻫﺎﻙ ﺍﻟﺨﺒﺰﻩ ﻭﺑﺪﺍ ﻳﻘﺺ ﻓﻴﻬﺎ ﻃﺮﻳﻔﺎﺕﻃﺮﻳﻔﺎﺕ . ﺭﻗﺪﺕ ﻳﺠﻲ ﺭﺑﻊ ﺳﺎﻋﺔ,ﻭﺭﻣﻰ ﻋﻠﻴﻬﺎ ﻛِﺴﺮﻩ ﺧﺒﺰ, ﻓﺎﻗﺖﻣﻠﻌﻮﻃﻪ, ﻟﻘﺎﺕ ﻃﺮﻑ ﺧﺒﺰ ﻋﻠﻰ ﻭﺟﻬﺎ,ﺭﺟﻌﺖ ﻟﻨﻮﻣﻬﺎ, ﺯﺍﺩﻫﺎ ﻛِﺴﺮﻩ ﺍﺧﺮﻯﻓﺎﻗﺖ ﻭﻗﺎﻟﺘﻠﻮ : ﺷﻨﻮﻩ ﻫﺎﺫﺍ؟؟؟ﻗﺎﻟﻠﻬﺎ : ﺃﺭﻗﺪ ﺃﺭﻗﺪ ﺍﻟﻤﻄﺮ ﺗﺼﺐﺑﺎﻟﺨﺒﺰ. ﻭﺑﺎﻗﻲ ﺷﺎﺩّﻳﻦ ﺍﻟﺜﻨﻴﻪ ﺣﺘﻰﻭﺻﻠﻮ ﻟﻠﻬﻨﺸﻴﺮ ﻣﺘﻊ ﺍﻟﻤﻌﻠﻢ ﻭﺗﻌﺪﺍﻭﻗﺪﺍﻡ ﺍﻟﻜﻮﺭﻱ. ﻳﺴﻤﻌﻮ ﻓﻲ ﺑﻬﻴﻢ( ﺣﺎﺷﺎﻛﻢ ) ﻳﻨﻬﻖ, ﻓﺎﻗﺖ ﻗﺎﻟﺘﻠﻮ : ﺷﻨﻮﻩﻫﺎﺫﺍ؟؟؟؟ﻗﺎﻟﻠﻬﺎ: ﺃﻧﺎ ﻣﺎ ﺣﺒﻴﺘﺶ ﻧﺤﻜﻴﻠﻚ, ﻣﻦﻫﺎﻙ ﺍﻟﻨﻬﺎﺭ, ﺃﻣﺎ ﻫﺎﻙ ﻓﻄﻨﺖ ﺑﺎﻟﻨﺎﺯﻟﻪ,ﻋﺮﻓﻲ ﻣﺎﻫﻮ ﺗﺴﻠﻒ ﻓﻠﻮﺱ ﻣﻦ ﻋﻨﺪﺍﻟﺸﻴﻄﺎﻥ ﻛﻴﻒ ﺟﺎ ﺍﻟﻤﻴﺠﺎﻝ ﻣﺎﺧﻠﺼﻮﺵ ﻗﻌﺪ ﺍﻟﺸﻴﻄﺎﻥ ﻛﻞ ﻟﻴﻠﻪ ﻳﺠﻲﻳﺒﺪﻯ ﻳﻀﺮﺏ ﻓﻴﻪ ﻭﻫﻮ ﻳﺼﻴﺢ , ﻫﺎﻙﺗﺴﻤﻊ ﻓﻲ ﺍﻟﺼﻴﺎﺡ ﻣﺘﺎﻋﻮ.ﻭﻫﻲ ﻣﻜﻮﺧﺮﻩ ﺑﺎﻟﻨﻮﻡ ﻭﺍﻟﺸﺮﺍﺏ ﻣﺎﻓﺮﺯﺗﺸﻲ ﺑﻴﻦ ﻧﻬﻴﻖ ﺍﻟﺤﻤﺎﺭ ﻭﺻﻴﺎﺡﺑﻨﺎﺩﻡ.ﺃﻳﺎ ﻭﺻﻠﻮ ﻟﻠﺪﺍﺭ, ﻗﺎﻟﻠﻬﺎ: ﺃﻳﺎ ﺃﺩﺧﻞﻓﻴﺴﻊ ﻭﺗﺨﺒﻰ ﻓﻲ ﺍﻟﺪﺍﻣﻮﺱ .ﻗﺎﻟﺘﻠﻮ : ﺁﺵ ﺛﻤﻪ؟؟؟ﻗﺎﻟﻠﻬﺎ : ﻣﻠﻠﻲ ﺃﺣﻨﺎ ﻓﻲ ﺍﻟﺒﻼﺩ ﺳﻤﻌﺖﻭﻣﺎ ﺣﺒﻴﺘﺶ ﻧﺨﻮﻓﻚ , ﻗﻠﺖ ﺣﺘﻰ ﻧﻮﺻﻠﻮﻟﻠﺪﺍﺭ ﻭﻧﺤﻜﻴﻠﻚ , ﻋﺴﻜﺮ ﺍﻟﻌﺪﻭ ﺑﺎﺵﻳﻐﻮﺭﻭ ﻋﻠﻰ ﺍﻟﺒﻼﺩ . ﺗﺨﺒﻰ ﺍﻧﺖ ﻭﺳﻜﺮﺍﻟﺒﺎﺏ ﻣﻠﻴﺢ, ﻭﺧﻠﻴﻨﻲ ﺃﻧﺎ ﺃﺗﻮ ﻧﻬﺰﺍﻟﻤﻜﺤﻠﺔ ﻭﻧﻄﻠﻊ ﻟﻠﺴﻄﺢ ﻭﺍﻥ ﺷﺎﺀﺍﻟﻠﻪﺭﺑﻲ ﻳﻨﺼﺮﻧﻲ ﻋﻠﻴﻬﻢ .ﺩﺧﻠﺖ ﻫﻲ ﺗﺨﺒﺎﺕ ﻭﻏﻤﺖ ﻋﻠﻰ ﺭﺍﺳﻬﺎﻭﺭﻗﺪﺕ .ﻭﻗﻌﺪ ﻫﻮ ﺍﻟﺒﺮﺍ , ﻣﺮﻩ ﻳﺸﺪ ﺍﻟﻤﻜﺤﻠﺔﻭﻳﻀﺮﺏ ﻭﺟﻪ, ﻭﻣﺮﻩ ﻳﺮﻣﻲ ﺣﺠﺮﺓﻋﺎﻟﺴﻄﺢ, ﻭﺍﻟﻠﻴﻞ ﺍﻟﻜﻞ ﻭﻫﻮ ﻋﺎﻣﻞﻫﺮﺟﺔ ﻭﻗﻴﺎﻣﻪ ﻗﺎﻳﻤﻪ .ﺍﻟﻔﺠﺮ ﺩﻕ ﻋﻠﻴﻬﺎ ﻭﻗﺎﻟﻠﻬﺎ : ﺃﻳﺎ ﺣﻞ.ﺃﻓﺮﺡ ﻗﺘﻠﺖ ﻣﻨﻬﻢ ﻳﺠﻲ ﻣﻴﺘﻴﻦ ﻭﻟﻘﺎﻭﺍﻟﻨﺎﺯﻟﻪ ﻣﺎ ﻓﻴﻬﺎﺵ ﻓﺎﻳﺪﻩ ﻭﻫﺰﻭﺍﻟﻤﻮﺗﻰ ﻣﺘﻌﻬﻢ ﻭﻫﺮﺑﻮ ﻭﻧﺠﻴﻨﺎ ﻭﻧﺠﻴﻨﺎﺍﻟﺒﻼﺩ.

ﻗﺎﻟﺘﻠﻮ : ﺣﺘﻰ ﺍﻧﺎ ﺍﻟﻠﻴﻞ ﺍﻟﻜﻞ ﻭﺍﻧﺎ ﻣﺎﺑﻴﻦ ﻧﻮﻣﻴﻦ ﻧﺴﻤﻊ ﻓﻲ ﻗﻌﻘﺔ ﺍﻟﺴﻼﺡ .ﻃﻠﻊ ﺍﻟﻨﻬﺎﺭ, ﺧﻠﻂ ﺍﻟﻤﻌﻠﻢ ﺭﺍﻛﺐ ﻋﻠﻰﺣﺼﺎﻧﻮ ﻗﺎﻝ: ﻗﺒﻞ ﻛﻞ ﺷﻲ, ﻭﻳﻨﻮﺍﻟﻜﻨﺰ؟- ﺃﻣﺎ ﻛﻨﺰ؟؟؟- ﺍﻟﻠﻲ ﻟﻘﻴﺘﻮ ﻣﺮﺩﻭﻡ ﻓﻲ ﺍﻟﻬﻨﺸﻴﺮ!!!- ﺍﻧﺎ؟؟؟؟؟!!!- ﺍﻳﻪ ﻧﻌﻢ ﺍﻧﺖ ﻣﺎﻟﻪ ﺍﻧﺎ!!!!- ﺍﻧﺎ ﻣﺎ ﻓﻲ ﻋﻠﻤﻴﺶ !!!- ﻫﺎﻭ ﻣﺮﺗﻚ ... ﺍﻳﺠﺎ ﻟﻬﻮﻧﻲﻗﺎﻟﺖ ﺍﻟﻠﻲ ﺍﻧﺖ ﻟﻘﻴﺖ ﻗﻠﻪ ﻣﻠﻴﺎﻧﻪﺑﺎﻟﻠﻮﻳﺰ .- ﻋﻤﺮﻱ ﻣﺎ ﺳﻤﻌﺖ ﺑﻬﺎ ﺍﻟﻬﺪﺭﻩ, ﺗﺮﺍﻩﻗﻮﻟﻠﻬﺎ ﻭﻗﺘﺎﺵ ﻟﻘﻴﺘﻬﺎ ﺍﻟﻘﻠﻪ؟؟؟؟ﻗﺎﻟﻠﻬﺎ: ﻭﻗﺘﺎﺵ؟؟ﻗﺎﻟﺘﻠﻮ: ﻛﻴﻒ ﺍﻟﻴﻮﻡ ﻟﻘﻰ ﺍﻟﻜﻨﺰﻣﺎﻟﻐﺪﻭﻩ ﺻﺒﺖ ﺍﻟﻤﻄﺮ ﺑﺎﻟﺨﺒﺰ .- ﺁﺷﻨﻴﻪ؟ ﺁﻣﺎ ﺧﺒﺰ ﻫﺬﺍ ﻭﻗﺘﺎﺵ؟- ﻣﺎﻭ ﻟﻴﻠﺔ ﺍﻟﻠﻲ ﺟﻴﺶ ﺍﻟﻌﺪﻭ ﻏﺎﺭﻋﺎﻟﺒﻼﺩ ﻭﺗﻨﺼﺮﻧﺎ ﻋﻠﻴﻪ.- ﺁﺷﻨﻮﻩ ﻫﺎﻟﻬﺒﺎﻝ؟ ﻭﻗﺘﺎﺵ ﺟﻴﺶﺍﻟﻌﺪﻭ ﻏﺎﺭ ﻋﻠﻰ ﺍﻟﺒﻼﺩ؟- ﻋﺠﺎﻳﺐ!!! ﻣﻮﺵ ﻟﻴﻠﺔ ﺍﻟﻠﻲﺍﻟﺸﻴﻄﺎﻥ ﻳﻀﺮﺏ ﻓﻴﻚ ﻭﺍﻧﺖ ﺗﻨﻬﻖ ﻛﻴﻒﺍﻟﺒﻬﻴﻢ !!!!ﻗﺎﻝ : ﻭﻭﻭﻭﻭﻩ ﻋﻠﻴﺎ ﻭﻭﻭﻭﻩ !!!!!ﻗﺎﻟﻠﻮ ﺍﻟﺨﻤﺎﺱ: ﻋﺎﺩ ﺍﻧﺖ ﻳﺎ ﻋﺮﻓﻲﺗﺎﺧﺬ ﻋﻠﻴﻬﺎ؟؟ ﻣﺎ ﻓﻲ ﻋﻠﻤﻜﺶ ﺍﻟﻠﻲﻧﺎﻗﺼﻪ ﻋﻘﻞ؟؟؟ﻣﺸﻰ ﺍﻟﺮﺍﺟﻞ ﻋﻠﻰ ﺭﻭﺣﻮ ....ﻭﻫﻮ ﺯﺍﺩ ﺷﻬﻴﺮ ﻭﻻّ ﺷﻬﻴﺮﻳﻦ ﻭﻫﺰﺷﻼّﻗﺎﺗﻮ ﻭﻣﻼّﻗﺎﺗﻮ ﻭﺭﻛﺐ ﻣﺮﺗﻮ ﻓﻲﺍﻟﻜﺮﻳﻄﻪ ﻭﺷﺪﻭ ﺍﻟﺜﻨﻴﻪ . ﻭﻣﺸﺎﻭ ﻟﺒﻼﺩﻣﺎ ﻳﻌﺮﻓﻬﻢ ﻓﻴﻬﺎ ﺣﺪ. ﻭﺑﺪﺍ ﻳﺼﺮﻑﻭﻳﺸﺮﻱ ﻓﻲ ﺍﻟﺪﻳﺎﺭ ﻭﺍﻟﺤﻮﺍﻧﺖ ﻭﻭﻻّﺷﺎﻫﺒﻨﺪﺭ ﺍﻟﺘﺠﺎﺭ

حكاية ﻣﺎ ﻓﻴﻬﻤﺶ ﺃﻣﺎﻥ

noreply@blogger.com (Anonymous) — Tue, 03 Mar 2015 15:23:00 +0000

ﺭﺩﻳﺘﻮﺷﻲ ﺑﺎﻟﻜﻢ ؟ ﻓﻴﻦ ﺗﺤﻜﻲ ﺍﻣﺮﺍﻋﻠﻲ ﺭﺍﺟﻞ ﻋﻤﻞ ﻋﻤﻠﻪ ﻓﺎﺳﺪﺓ ﺗﻘﻮﻝ:ﺍﻟﺮﺟﺎﻝ ﻣﺎ ﻓﻴﻬﻤﺶ ﺃﻣﺎﻥ، ﻣﺎ ﻳﺘﺎﻣﻨﻮﺵﻭ ﺍﺫﺍ ﻛﺎﻥ ﺗﺤﻜﻲ ﻟﻬﺎ ﻋﻠﻲ ﺍﻣﺮﺍ ﻛﻴﻔﻬﺎﺧﺎﻧﺖ ﺭﺍﺟﻠﻬﺎ ﻭ ﺍﻻ ﻋﻤﻠﺖ ﻣﻌﺎﻩﺍﻟﻌﻤﺎﻳﻞ ﺍﻟﻲ ﻣﺎ ﺗﺘﺤﻜﺎﺵ ﻋﻤﺮﻫﺎ ﻣﺎﺗﻘﻮﻝ ﺍﻟﻨﺴﺎﺀ ﻣﺎ ﻳﺘﺎﻣﻨﻮﺵﺍﻟﻤﻠﻴﺢ ﻭ ﺍﻟﺪﻭﻧﻲ ﻓﻲ ﺍﻟﺮﺟﺎﻝ ﻭﺍﻟﻨﺴﺎﺀ ، ﺁﻣﺎ ﺍﻟﻨﺴﺎﺀ ﻣﺎ ﻳﺸﻮﻓﻮﺍ ﺍﻻﺩﻭﺍﻧﺔ ﺍﻟﺮﺟﺎﻝ ﻭ ﺍﻟﺮﺟﺎﻝ ﺯﺍﺩﻩ ﻣﺎﻳﺸﻮﻓﻮﺍ ﺍﻻ ﺩﻭﺍﻧﺔ ﺍﻟﻨﺴﺎﺀﻫﺎﻙ ﺍﻟﻨﻬﺎﺭ ﻓﻲ ﺍﻟﺪﺍﺭ ﺣﻜﺎﻭﻟﻨﺎ ﻋﻠﻲﺭﺍﺟﻞ ( ﻣﺒﺴﻮﻁ ﻭ ﻓﻲ ﺧﻴﺮ ﻛﺒﻴﺮ)ﻟﻜﻦ ﻣﺮﺗﻮ ﻣﺎ ﺗﻀﻨﺎﺵ ، ﻗﻌﺪﺕ ﻋﻨﺪﻭﺧﻤﺴﻪ ﻭ ﺍﻻ ﺳﺘﻪ ﺳﻨﻴﻦ ﻭ ﻣﺎ ﻇﻬﺮﻋﻠﻴﻬﺎ ﺷﻲﺀﺧﺎﻓﺖ ﻻ ﻳﻤﺸﻲ ﻳﺎﺧﺬ ﻋﻠﻴﻬﺎ ﺍﻣﺮﺍ ﻭ ﺍﻻﻳﻄﻠﻘﻬﺎ ﻭ ﻳﺎﺧﺬ ﻏﻴﺮﻫﺎ ، ﻭ ﺗﺨﺮﺝ ﻳﺪﻫﺎﻋﻠﻲ ﺭﺍﺳﻬﺎ ﻣﻦ ﻫﺎﻙ ﺍﻟﺮﺯﻳﻖﻃﺒﺨﺖ ﺍﻟﺮّﺍﻱ ﻫﻲ ﻭ ﺃﻣﻬﺎ ﺍﺗﻔﻘﻮ ﻣﻊﻗﺎﺑﻠﻪ ﺗﺸﻮﻑ ﻟﻬﻢ ﺻﻐﻴﺮ . ﺑﻌﺪ ﺑﺄﻳﺎﻡﻗﺎﻟﺖ ﻟﻬﻢ : ﻫﺎﻭ ﺛﻤﻪ ﻭﺍﺣﺪﻩ ﺣﺒﻠﻪ ﻭﻣﺎﺫﺍ ﺑﻴﻬﺎ ﺗﺴﻠﻢ ﻓﻲ ﺻﻐﻴﺮﻫﺎﻣﻦ ﻧﻬﺎﺭﺗﻬﺎ ﺍﻟﻤﺮﺍ ﻭﻻﺕ ( ﺣﺎﺷﺎ ﻣﻦﻳﻌﺪﻱ ) ﺗﺘﻘﻴﺎ ﻭ ﺧﻼﻳﻘﻬﺎ ﺩﺍﻳﺮﻩ ﻭﻭﺟﻬﺎﺍﺻﻔﺎﺭ . ﺭﺍﺟﻠﻬﺎ :ﺁﺵ ﺑﻴﻚ ﻳﺎ ﺑﻨﺘﻲ ؟ﻗﺎﻟﺖ ﻟﻮ: ﺍﻟﻈﺎﻫﺮﻩ ﻭﺣﻢﻓﺮﺡ ﺍﻟﺮﺍﺟﻞ ﻭ ﺗﺨﻠﺨﻞ ﻭ ﻭﻟﻲ ﻟﻚﻳﺠﺮﻱ ﻭ ﻳﻄﻴﺢ ﻭ ﺍﻟﻨﻬﺎﺭ ﻟﻜﻞ ﻭ ﻫﻮﻭﻳﻦ ﻧﺤﻄﻚ ﻳﺎ ﻃﺒﻖ ﺍﻟﻮﺭﺩ ﻭ ﻫﻲ ﻛﻞﻧﻬﺎﺭ ﺗﺰﻳﺪ ﺷﻮﻟﻴﻘﻪ ﻭ ﺗﻜﺒﺮ ﻓﻲﻛﺮﺷﻬﺎ . ﺍﻟﺤﺒﻠﻪ ﻓﻲ ﺍﻟﺮﺍﺑﻊ ، ﻭﻫﻲﻓﻲ ﺍﻟﺮﺍﺑﻊ، ﺍﻟﺤﺒﻠﻪ ﻓﻲ ﺍﻟﺨﺎﻣﺲ ﻭﻫﻲ ﻓﻲ ﺍﻟﺨﺎﻣﺲ .. ﻛﻞ ﻧﻬﺎﺭ ﺗﺰﻳﺪﺣﺎﺟﻪ، ﻭ ﺍﻟﺮﺍﺟﻞ ﻣﺎ ﻓﻲ ﻋﻠﻤﻮ ﺑﺸﻲﺀﻭ ﻣﺎ ﻓﺎﻃﻦ ﺑﺸﻲﺀ ( ﻭ ﻣﺎﻋﻨﺪﻭ ﺣﺪ ﻻﺍﻣﻮ ، ﻻ ﺃﺧﺘﻮ . ﻭﺣﻴﺪ ﻻ ﻭﺍﻟﻲ ﻻﺗﺎﻟﻲ ) ﺣﺘﻲ ﻭﻻﺕ ﻛﺮﺷﻬﺎ

ﻛﻴﻒ ﺍﻟﺘﻨﻴﻦﻗﺪﺍﻣﻬﺎ، ﺩﺧﻠﺖ ﻓﻲ ﺍﻷﺷﻬﺮ ﺍﻟﻜﺒﺎﺭ ...ﻛﻴﻒ ﺍﻻﺧﺮﻱ ﺍﻟﻲ ﺑﺎﻟﻤﻨﺠﺪ

ﻧﻬﺎﺭ ﻋﺸﻴﺔ ﻣﻐﺎﺭﺏ ، ﺍﻟﺮﺍﺟﻞ ﺩﺧﻞﻟﻠﺪﺍﺭ ﻭ ﻣﻨﻬﺎ ﺧﺮﺝ ﺗﻔﻜﺮ ﻗﻀﻴﻪ، ﺭﺟﻊﻣﺎ ﻓﻄﻨﺘﺶ ﺑﻴﻪ ﻣﺮﺗﻮ ( ﺍﻟﺒﻴﺖ ﺍﻟﻲ ﻫﻮﻓﻴﻬﺎ ﻣﻘﺎﺑﻠﻪ ﺍﻟﺴﻘﻴﻔﻪ ) ﻳﺸﻮﻑ ﻓﻲﻧﺴﻴﺒﻮ ( ﺧﻮ ﻣﺮﺗﻮ ) ﺩﺯ ﺍﻟﺒﺎﺏ ﻭﺩﺧﻞ، ﻓﻴﺴﻊ ﻗﺎﻝ ﻟﻬﺎ: ﺍﻟﻤﺮﺍ ﻭﻟﺪﺕ ،ﺍﻃﻠﻊ ﻟﻠﻔﺮﺵ، ﻭ ﺧﺮﺝ ﻳﺠﺮﻱ ﻟﺴﻘﻴﻔﻪ،ﻭ ﻗﻒ ﻓﻲ ﺍﻟﺒﺎﺏ ... ﺩﺧﻞ ﺧﺮﺝ ﻋﺎﻭﺩﺩﺧﻞ ﻭ ﻣﻨﻬﺎ ﺍﺗﺪﺯ ﺍﻟﺒﺎﺏ ﻣﺮﺓ ﺃﺧﺮﻱ ﻭﺩﺧﻠﺖ ﺃﻣﻬﺎ ﻭ ﻣﻌﺎﻫﺎ ﺍﻣﺮﺍ ﺃﺧﺮﻱ( ﺍﻟﻘﺎﺑﻠﻪ) ﻫﺎﺯﺓ ﺣﺎﺟﺔ ﺗﺤﺘﻬﺎﺃﻣﻬﺎ ﻣﻦ ﻭﺳﻂ ﺍﻟﺪﺍﺭ ﺻﺎﺣﺖ : ﻳﺎ ﺭﺳﻮﻝﺍﻟﻠﻪ . ﻭ ﺩﺧﻠﻮ ﻟﻠﺒﻴﺖ ... ﻗﺎﻣﺖﺍﻻﺧﺮﻱ ﺍﻟﺼﻴﺤﻪ ، ﻓﻬﻢ ﺍﻟﺮﺍﺟﻞ ﺷﻨﻴﻪﺍﻟﻨﺎﺯﻟﻪ . ﻧﻘﺰ ﻟﻠﺴﻘﻴﻔﻪ ﻭ ﻋﻤﻞ ﻧﻔﺴﻮﺣﻞ ﺍﻟﺒﺎﺏ ﻭ ﺩﺧﻞ ﺁﺵ ﺑﻴﻜﻢ ﻻﺑﺎﺱ؟ﺧﺮﺟﺖ ﻟﻮ ﺍﻟﻌﺰﻭﺯﻩ ﺍﻗﻌﺪ ﺍﻗﻌﺪ ، ﻣﺎﺗﺪﺧﻠﺶ ﻣﺮﺗﻚ ﺑﺎﻟﺤﺲ ، ﺍﻳﺎ ﻗﺎﻡﺍﻟﺰﻏﺎﺭﻳﻂ ، ﺁﺷﻨﻮﻩ ؟ ﻗﺎﻟﻮ : ﻭﻟﻴﺪﺩﺧﻞ ﺑﺎﺳﻬﺎ ﻣﻦ ﺑﻴﻦ ﻋﻴﻨﻴﻬﺎ ﻭ ﺧﺮﺝﻣﺎﺵ ﻳﻘﻀﻲ ﻣﺎ ﻳﻠﺰﻡﻏﺎﺏ ﺳﻮﻳﻌﻪ ﻣﻦ ﺯﻣﺎﻥ ﻭ ﻣﺎ ﻓﻄﻨﻮﺍﺑﻴﻪ ﺍﻻ ﺩﺍﺧﻞ ﻭ ﻣﻌﺎﻩ ﺯﻭﺯ ﺑﻮﻟﻴﺴﻴﻪ ﻭﻛﻮﻣﻴﺴﺎﺭ ﻭ ﻃﺒﻴﺐ ﻗﻠِّﺐ ﺍﻟﻨﺎﻓﺴﻪ ،ﻟﻘﺎﻫﺎ ﻋﻤﺮﻫﺎ ﻣﺎ ﺣﺒﻠﺖ ﻭ ﻣﺎ ﻭﻟﺪﺕ ﻭﻣﺎ ﺗﻌﺮﻑ ﻫﺎ ﺍﻟﻨﺎﺯﻟﻪ . ﺍﻟﺼﻐﻴﺮ ﺗﻬﺰﻟﻠﺴﺒﻴﻄﺎﺭ ﻭ ﺍﻟﺠﻤّﻴﻌﻪ ( ﻫﻮﻣﺎ ﻭﻗﺎﺑﻠﺘﻬﻢ ) ﻣﺸﺎﻭ ﻓﻲ ﺍﻟﺴﻼﺳﻞﺃﻧﺎ ﻛﻤﻠﺖ ﻫﺎ ﺍﻟﺤﻜﺎﻳﻪ ﻭ ﺍﻟﻤﺮﺍ ﻗﺎﻟﺖ :ﺍﻟﺮﺟﺎﻝ ﻣﺎ ﻓﻴﻬﻤﺶ ﺁﻣﺎﻥﻋﺠﺎﻳﺐ ﺑﺎﻟﻠﻪ، ﻳﺒﺪﺍ ﻗﺪ ﻣﺎ ﻋﻤﻠﺖ ﺍﻟﻤﺮﺍﺍﻷﻭﻟﻲ ﻭ ﺍﻟﺜﺎﻧﻴﺔ ﻭ ﺍﻟﺜﺎﻟﺜﺔ ( ﻋﺎﻣﻠﻴﻦﻋﻠﻴﻪ ﻛﻤﺒﻲ ﻫﻲ ﻭ ﺃﻣﻬﺎ ﻭ ﺍﻟﻘﺎﺑﻠﻪ )ﻭ ﻣﺎ ﻇﻬﺮ ﻛﺎﻥ ﻫﻮ ﻣﺎﻓﻴﻬﻤﺶ ﺁﻣﺎﻥ؟ﺍﻟﺜﻼﺛﻪ ﺍﻟﻨﺴﺎﺀ ﻣﺎ ﻓﻴﻬﻤﺶ ﺍﻣﺎﻥ ﺃﻣﺎﻫﻮ ﻋﺎﺭﻙ ﻋﻠﻲ ﻧﻔﺴﻮ ، ﻭ ﻣﺎ ﺣﺒﺶﻳﺨﻠﻴﻬﻢ ﻳﻌﺪﻳﻮﻫﺎ ﻋﻠﻴﻪ ، ﻭ ﻳﺪﺧﻠﻮ ﻋﻠﻴﻪﺍﻟﺒﺮﺍﻧﻲ ﻳﻮﺭﺛﻮ

ﻧﺤﻜﻲ ﻟﻜﻢ ﺣﻜﺎﻳﻪ . ﺛﻤﻪ ﺭﺍﺟﻞ ( ﻫﺬﻱﺯﺍﺩﺓ ﻭﻗﻌﺖ ﻫﺎ ﺍﻟﻨﻬﺎﺭﻳﻦ ﺑﺮﻙ ) ﻫﺎﻙﺍﻟﺮﺍﺟﻞ ﻣﺎﺕ ﻭ ﺧﻠﻲ ﺍﻣﺮﺍ ﻭ ﺯﻭﺯﻭﻟﻴﺪﺍﺕﺍﻟﻤﺮﺍ ﻋﺪﺍﺕ ﺍﻟﻔﺮﻭﻗﺎﺕ ﻭ ﺍﻟﺰﻳﺎﺭﻩ ﻭﺳﻠﻤﺖ ﻓﻲ ﺍﻟﻮﻟﻴﺪﺍﺕ ﻟﺴﻠﻔﻬﺎ ( ﺧﻮﺭﺍﺟﻠﻬﺎ ) ﻭ ﻃﺎﺭﺕﻣﺸﺎﺕ ﻟﻨﺎﺑﻞ ﻭ ﺍﻻ ﺳﻮﺳﻪ ﻭ ﺍﻻ ﻗﺎﺑﺲ( ﻣﺎﻋﻠﻴﻨﺎﺵ ﻓﻴﻬﺎ ) ﺗﻌﺪﻱ ﺍﻟﻌﺎﻡﺍﻻﻭﻝ ، ﺍﻟﺜﺎﻧﻲ، ﺍﻟﺜﺎﻟﺚ ، ﺍﻟﺴﺎﺑﻊ،ﺍﻟﺜﺎﻣﻦ ، ﺣﻂ ﺑﻴﻬﺎ ﺍﻟﺰﻣﺎﻥ ﺭﻭﺣﺖﻧﻬﺎﺭ ﺳﻠﻔﻬﺎ ﺩﺧﻞ ﻟﻠﺪﺍﺭ ﻗﺎﻟﺖ ﻟﻮﻣﺮﺗﻮ َﻣﺮْﺓ ﺧﻮﻙ ﺭﺍﻫﻲ ﺟﺎﺕ ﻗﺒﻴﻠﻪ ﻭﺗﺴﻠﻢ ﻋﻠﻴﻚ، ﻗﺎﻝ ﺁﺷﻨﻴﻪ؟ ﺁﺵ ﺟﺎﻳﻪﺗﻌﻤﻞ ﻫﻮﻧﻴﻪ؟ ﺳﺎﻗﻬﺎ ﻣﺎ ﻋﺪﺗﺶ ﻧﺤﺒﻬﺎﺗﺤﻄﻬﺎ ﻓﻲ ﻫﺎ ﺍﻟﺪﺍﺭ . ﻣﻦ ﻏﺪﻭﻳﻜﻪﻗﺎﻟﺖ ﻟﻮ ﺭﺍﻫﻲ ﺟﺎﺕ ﺍﻟﻴﻮﻡ ﺯﺍﺩﻩ .ﻧﻘﻮﻝ ﻟﻚ ﺍﻟﺤﻖ ﺣﺸﻤﺖ ﻣﺎ ﻧﺠﻤﺘﺶﻧﻄﺮﺩﻫﺎ، ﻣﺎﻫﻲ ﺍﻻ َﻣﺮْﺓ ﺧﻮﻙ ﻋﻠﻲﻛﻞ ﺣﺎﻝ . ﻭﻭﻟﻴﺪﺍﺗﻬﺎ ﻣﺤﺴﻮﺏ ﻳﺘﺎﻣﻲﺗﺸﻢ ﻋﻠﻴﻬﻢ ﺭﻳﺤﺔ ﺭﺍﺟﻠﻬﺎ . ﻗﺎﻝ ﻟﻬﺎﻋﻠﻲ ﻛﻞ ﺣﺎﻝ ﻣﺎ ﻧﺤﺒﺶ ﻧﺸﻮﻓﻬﺎﻭﻻﺕ ﺍﻟﻤﺮﺍ ﺗﻘﺮﻳﺐ ﻛﻞ ﻧﻬﺎﺭ ﺗﺠﻲﺀ .ﻣﺮﻩ ﺗﻔﻄﺮ ﻣﺮﻩ ﺗﺘﻌﺸﻲ ، ﻟﻴﻠﻪ ﻭﺧﺮﺕﻗﺎﻟﺖ ﻟﻬﺎ ﺍﻗﻌﺪ ﺑﺎﺕﻛﻴﻒ ﺟﺎﺀ ﻫﻮ ﻗﺎﻟﺖ ﻟﻮ ﻧﻘﻮﻝ ﻟﻚ ﺣﺎﺟﻪﻭ ﻣﺎ ﺗﺘﻐﺸﺸﺸﻲ ﻋﻠﻲ : ﻣﺮﺓ ﺧﻮﻙﺑﺎﻳﺘﻪ ﺍﻟﻠﻴﻠﻪ ﺑﺤﺬﺍﻧﺎﺗﻐﺸﺶ ﻋﻴّﻂ ( ﺍﻟﻤﺮﺍ ﺗﻐﻠﺐ ) ﺳﻜﺖﻟﻜﻦ ﻣﺎ ﻗﺎﺑﻠﻬﺎﺵﻭﻻﺕ ﺳﺎﻋﻪ ﺳﺎﻋﻪ ﺗﺒﺎﺕ ، ﻭﻟﻲﻳﻘﺎﺑﻠﻬﺎ . ﻭ ﻻﻭ ﻳﻘﻌﺪﻭ ﻓﺮﺩ ﻣﺎﻳﺪﻩ ...ﻭﻻﺕ ﺑﺎﻳﺘﻪ ﺻﺎﺑﺤﻪ ﻓﻲ ﺍﻟﺪﺍﺭﻧﻬﺎﺭ ﻣﻦ ﺍﻟﻨﻬﺎﺭﺍﺕ ﺍﻟﻤﺮﺍ ﻣﺸﺎﺕ ﺿﻴﻔﻪﻋﻨﺪ ﺃﺧﺘﻬﺎ، ﻫﺰﻫﺎ ﻣﻦ ﺍﻟﺼﺒﺎﺡ ،ﺍﻟﻌﺸﻴﻪﺟﺎ ﻳﺪﻕ ﻋﻠﻴﻬﺎ ﻓﻲ ﺩﺍﺭ ﺃﺧﺘﻬﺎ ﻣﺪﻟﻬﺎﻃﻠﻘﺘﻬﺎ ﻣﻦ ﺍﻟﺒﺎﺏﺁﺵ ﻭﻗﻊ؟ ﺍﻟﺮﺍﺟﻞ ﺭﺩ َﻣﺮْﺓ ﺧﻮﻩ ﺍﻟﻲﻣﺎﻛﺎﻧﺶ ﻳﺤﺐ ﻳﺴﻤﻊ ﺑﻴﻬﺎ ﺣﺘﻲﺑﺎﻟﺴﻤﻊ ﻭ ﻃﻠﻖ ﻣﺮﺗﻮ ﻗﺪ ﻣﺎ ﻋﻤﻠﺖﻣﻌﺎﻫﺎ ﻟﻤﻠﻴﺢ ﻭ ﺭﺑﺎﺕ ﻟﻬﺎ ﺍﻭﻻﺩﻫﺎ ،ﻭﻭﻛﻠﺘﻬﺎ ﻭ ﺷﺮﺑﺘﻬﺎ ﻭ ﻣﺎ ﺣﺒﺘﺶﺗﻄﺮﺩﻫﺎ ﻭ ﻋﺎﺭﻛﺖ ﻋﻠﻴﻬﺎ ﻭ ﻟﺤﻠﺤﺖ.ﺑﺎﺵ ﻛﺎﻓﺎﺗﻬﺎ؟ﻃﻴﺸﺘﻬﺎ ﻭ ﺻﺒﺤﺖ ﻓﻲ ﺑﻴﺘﻬﺎ. ﻭﺍﻷﺧﺮﻱ ﺧﺮﺟﺖ ﺑﻴﺪﻫﺎ ﻋﻠﻲ ﺭﺍﺳﻬﺎﺁﺷﻜﻮﻥ ﻫﻮﻧﻲ ﺍﻟﻲ ﻣﺎ ﻳﺘﺎﻣﻨﺶ؟ﺍﻟﺮﺍﺟﻞ ﻭ ﺍﻻ ﺍﻟﻤﺮﺍ ؟ﺍﻟﺠﻤﻞ ﻗﺎﻟﻮﻟﻮ: ﺁﻣﺎ ﺧﻴﺮ ﺍﻟﺼﻌﺪﻩ ﻭ ﺍﻻﺍﻟﺤﺪﺭﻩ ؟ ﻗﺎﻝ ﻟﻌﻨﺔ ﺍﻟﻠﻪ ﻋﻠﻴﻬﻢﺍﻻﺛﻨﻴﻦ

حكاية ﻳﺎ ﺣﺎﻓﺮ ﺣﻔﺮﺓ ﺍﻟﺴﻮﺀ

noreply@blogger.com (Anonymous) — Tue, 03 Mar 2015 15:21:00 +0000

ﻗﺎﻝ ﻟﻚ ﺍﻟﻠﻲ ﻳﺤﻔﺮ ﺣﻔﺮﺓ ﺍﻟﺴﻮﺀ ﻣﺎﻳﺤﻔﺮ ﺍﻻ ﻗﻴﺎﺳﻮ - ﻳﺪﻭﺭ ﺍﻟﻬﻢ ﻭ ﻣﺎﻳﺮﺟﻊ ﺍﻻ ﻟﺮﺍﺳﻮﻳﺤﻜﻴﻮ ﻋﻠﻲ ﺳﻠﻄﺎﻥ - ﻛﺎﻥ ﺧﺎﻳﻒ ﺭﺑﻲﻭ ﻳﻘﺪﺭ ﺍﻫﻞ ﺍﻟﻌﻠﻢ ﻭ ﻳﻌﻈﻢ ﺭﺟﺎﻝﺍﻟﺪﻳﻦ ﺻﻼﻱ ﺣﺎﻓﻆ ﻛﻼﻡ ﺭﺑﻲ ﻟﻜﻦﻳﺸﻮﻑ ﻓﻲ ﺍﻟﺮﻋﻴﺔ ﻣﺘﺎﻋﻮ ﻣﻮﺵﻗﺎﻳﻤﻴﻦ ﺑﻔﺮﺍﻳﺾ ﺩﻳﻨﻬﻢ ﻭ ﺍﻟﺠﻮﺍﻣﻊﻓﺎﺭﻏﻪ ﺗﻄﻤﺒﺮ ، ﻗﻌﺪ ﻳﺨﻤﻢ ﻛﻴﻔﺎﺵﻳﻌﻤﻞ ﻣﻌﺎﻫﻢ ﺑﺎﺵ ﻳﺮﺩﻫﻢ ﻟﻠﻄﺮﻳﻖﺍﻟﻤﺴﺘﻘﻴﻢ .. ﻗﺎﻝ : ﻣﻦ ﺍﺭﻛﺎﻥ ﺍﻟﺪﻳﻦﺍﻟﻨﻈﺎﻓﺔ ﻭ ﺍﻟﻄﻬﺮ، ﻫﺎ ﺍﻟﻨﺎﺱ ﻻﻳﻌﺮﻓﻮﺍ ﻻ ﻳﻐﺴﻠﻮﺍ ﻻ ﻳﻨﻈﻔﻮﺍ ﺃﺑﺪﺍﻧﻬﻢﻟﺒﺮﻳﻤﺔ ﻓﻴﻬﻢ ﻟﺤﻤﻮﺍ ﻳﺘﻘﺮﻗﺶﺑﺎﻟﺴﻜﻴﻨﺔ، ﻫﺎﺕ ﻗﺒﻞ ﻛﻞ ﺷﻲﺀ ﻧﻌﻠﻤﻬﻢﺍﻟﻨﻈﺎﻓﺔ ﻭ ﺍﻟﻨﻈﺎﻓﺔ ﺗﻮﺻﻞ ﻟﻠﻮﺿﻮﺀﻟﻠﺼﻼﺓﻗﺎﻝ ﻧﻌﻤﻞ ﺣﻤﺎﻡ، ﻭ ﺍﻟﻲ ﻳﺠﻲﺀ ﻳﻐﺴﻞﺑﻼﺵﻛﻔﻦ ﺑﻼ ﻓﻠﻮﺱ، ﻛﻞ ﻧﻔﺲ ﺫﺍﻳﻘﺔﺍﻟﻤﻮﺕ. ﻭ ﺍﻟﺤﺎﻛﻢ ﺍﻟﻌﺎﻗﻞ ﻛﻴﻒ ﻳﺤﺐﻳﺮﻏﺐ ﺍﻟﻨﺎﺱ ﻓﻲ ﺣﺎﺟﺔ ﻳﻌﻤﻠﻬﺎﻟﻬﻢ ﻓﻲﺍﻷﻭﻝ ﺑﻼﺵﺟﺎﺏ ﺍﻟﺒﻨﺎﻱ ﺑﻨﻲ ﻟﻮ ﺣﻤﺎﻡ ﻫﺎﻳﻞ،ﺭﻛﺒﻮﺍ ﺍﻟﺒﻴﺒﺎﻥ ﻭ ﺍﻟﺸﺒﺎﺑﻚ . ﺟﺎﺏﺍﻟﺪﻫﺎﻥ ﺷﻬﺮﻳﻦ ﻭﻫﻮ ﻳﺪﻫﻦ - ﻋﻤﻞﺍﻟﻔﻴﻠﻴﺘﻮﺍﺕ ﻭ ﺍﻟﻘﺮﻧﻴﺰﺓ .. ﻣﺤﺎﺑﺲﺍﻟﻨﻮﺍﺭ ﺻﻴﺪ ﻣﺮﺑﻮﻁ ﻓﻲ ﻧﺨﻠﺔ ﺯﻭﺯﺣﻤﺎﻣﺎﺕ ﻭ ﺑﻴﻨﺎﺗﻬﻢ ﺧﻤﺴﺔ . ﺭﻛﺐﺍﻟﻜﻮﺍﺗﺮﻭﺍﺕ ﺳﻴﺪﻧﺎ ﻋﻠﻲ ﻭ ﺍﻟﺤﺴﻦ ﻭﺍﻟﺤﺴﻴﻦ - ﺑﺎﺳﻢ ﺍﻟﻠﻪ ﺍﻟﺮﺣﻤﺎﻥ ﺍﻟﺮﺣﻴﻤﻦﻓﺎﺯ ﻣﻦ ﻇﻔﺮ ﺑﺎﻟﺪﻳﻦ - ﺧﺮﺝ ﺍﻟﺤﻤﺎﻡﻛﻴﻒ ﺍﻟﻌﺮﻭﺳﻪﺧﺮﺝ ﺍﻟﺒﺮﺍﺡ ﻳﺪﻭﺭ ﻓﻲ ﺍﻟﺒﻼﺩ ﺍﻟﻨﻈﺎﻓﺔﻣﻦ ﺍﻻﻳﻤﺎﻥ ﻭ ﺍﻟﻐﺴﻴﻞ ﺑﻼﺵ ﻓﻲﺣﻤﺎﻡ ﺍﻟﺴﻠﻄﺎﻥﻭ ﺟﺎﺏ ﺍﻟﺒﻨﺎﻱ ﺣﻄﻮ ﻓﻲ ﺍﻟﺤﻤﺎﻡ ﻭﻋﻤﻞ ﻟﻮ ﺷﻬﺮﻳﺔ ﻭ ﻭﻟﻲ ﻫﺎﻙ ﺍﻟﺤﻤﺎﻡﺑﺎﻟﺒﻌﺒﻮﺹ ﺩﻕ ﺑﻼ ﺣﻖ ﺃﺷﻜﻮﻥ ﺍﻟﻲﻳﻠﺤﻘﻠﻮ ﺍﻟﻄﺮﻳﻖ ﻭ ﻳﺪﺧﻞ ﻳﻌﻤﻞ ﻃﻴﺎﺏ

ﻭ ﺷﻴﺦ ﻗﺎﻋﺪ ﻓﻲ ﺍﻟﻤﺤﺮﺱ ﻳﻌﻠﻢ ﻓﻲﺍﻟﻨﺎﺱ ﻓﻲ ﺍﻟﻮﺿﻮﺀ ﻭ ﺍﻟﺼﻼﺓ ﻭ ﻫﺎﻙﺍﻟﺒﻨﺎﻱ ﻋﺎﻣﻞ ﻟﺴﻴﻦ ﻳﻐﺰﻝ ﻟﺤﺮﻳﺮﺳﻴﺪﻱ ﺳﻴﺪﻱ ﻭ ﺍﻟﻨﻬﺎﺭ ﻟﻜﻞ ﻭ ﻫﻮﻳﺠﺮﻱ ﻭ ﻳﻄﻴﺢ ﻫﺬﺍ ﻳﻤﺪﻟﻮ ﺍﻟﺒﺸﺎﻛﺮﻫﺬﺍ ﻳﺪﻭﺭﻭﺍ ﺍﻟﻘﺒﻘﺎﺏ ﻫﺬﺍ ﻳﺠﻴﺒﻠﻮﺷﺮﺑﻴﺔ ﻣﺎﺀ ﺣﺘﻲ ﺣﺒﻮﻩ ﺍﻟﻨﺎﺱ ﻭ ﻭﻻﻩﻳﺤﺴﻨﻮﻟﻮ ﻭ ﻟﻲ ﻳﻘﺒﺾ ﻓﻴﻬﻢ ﺟﻮﺍﻧﺐ ﻭﻛﻞ ﻳﻮﻡ ﻋﻠﻲ ﻗﺴﻢ ﺟﺪﻳﺪ ﻭ ﺗﻨﻔﻨﻔﺖﺃﺣﻮﺍﻟﻮ ﻭ ﺍﻟﺸﻬﺮﻳﺔ ﻣﺘﻊ ﺍﻟﺴﻠﻄﺎﻥﻫﺬﻳﻜﺔ ﻛﻞ ﺷﻬﺮ ﻳﺨﻠﻴﻬﺎ ﻋﻠﻲ ﺟﻬﺔ ﻣﺎﻳﺠﺒﺪﻫﺎﺵﺣﺴﺪﻭ ﺳﻲ ﺍﻟﺪﻫﺎﻥ ﻗﺎﻝ : ﻫﻮ ﺑﻨﻲ ﻭﺍﻧﺎ ﺩﻫﻨﺖ ﻋﻼﺵ ﺣﻄﻮ ﻫﻮ ﻓﻲ ﺍﻟﺤﻤﺎﻡﻭﻣﻮﺵ ﺃﻧﺎ ﻭ ﻓﻲ ﻋﻮﺽ ﺍﻟﻲ ﻫﻮ ﻗﺎﻋﺪﻳﺼﻮﺭ ﻓﻲ ﺍﻟﻤﻴﺎﺕ ﻭ ﺍﻷﻟﻮﻑ ﻭ ﻳﻜﻨﺰﻋﻼﺵ ﻣﻮﺵ ﺃﻧﺎ. ﻟﻜﻦ ﻫﺎﻭ ﻧﺮﺑﻂ ﻫﺎﻟﻮﻃﻠﻊ ﻟﻠﺴﻠﻄﺎﻥ ﻗﺎﻝ : ﻳﺎ ﺳﻴﺪﻱ ﺍﻧﺖﺗﻜﺮﻣﺖ ﻋﻠﻲ ﺍﻟﺮﻋﻴﺔ ﻭ ﺗﻔﻀﻠﺖ ﻋﻠﻴﻬﺎﻭ ﻋﻤﻠﺖ ﺣﻤﺎﻡ ﻭ ﺍﻟﻐﺴﻴﻞ ﺑﻼﺵ ﻭ ﻫﺎﺍﻟﺮﺍﺟﻞ ﺍﻟﻲ ﺣﻄﻴﺘﻮ ﻓﻲ ﺍﻟﺤﻤﺎﻡ ﺭﺍﻫﻮﻳﺪﻓﻊ ﻓﻲ ﺍﻟﻨﺎﺱ ، ﺍﻟﻄﻴﺎﺏ ﺑﻘﺪﺍﺵ ﻭﺍﻟﻤﻄﻬﺮﺓ ﺑﻘﺪﺍﺵ، ﻭ ﺍﻟﻨﺎﺱ ﻳﺎﺳﻴﺪﻱﺭﺍﻫﻢ ﻗﺎﻋﺪﻳﻦ ﻳﺘﻀﺠﺮﻭ ﻣﻨﻮ ﻭ ﻧﺰﻳﺪﻙﺯﻳﺎﺩﺓ ، ﺛﻤﻪ ﻧﺎﺱ ﻣﻦ ﻫﺎﻙ ﺍﻟﻤﺸﻮﺷﻴﻦﻳﻘﻮﻟﻮﺍ ﺍﻟﻲ ﻫﻮ ﻣﻮﺵ ﻗﺎﻋﺪ ﻳﻌﻤﻞﻓﻴﻪ ﻣﻦ ﺭﺍﺳﻮ ، ﺍﻟﻔﻠﻮﺱ ﻗﺎﻋﺪ ﻳﺤﺎﺳﺐﺑﻴﻬﻢ ﻓﻲ ﺍﻟﺴﻠﻄﺎﻥ ، ﻭ ﺗﻮﻩ ﻣﻦ ﻓﻢﺷﻜﻮﻥ ﺗﺴﻤﻌﻬﺎ ﺍﻟﺴﻠﻄﺎﻥ ﻭﻟﻲﺣﻤﺎﻣﺠﻲﻗﺎﻝ : ﺷﻨﻮﻩ؟ ﻭﻟﺪ ﺍﻟﻜﻠﺐ، ﺍﻧﺎﺣﻤﺎﻣﺠﻲ؟-ﻭﻻﺗﺮﻭﻱ ﻓﻲ ﺍﻟﻨﺎﺯﻟﻪ ﻻ ﺑﺤﺚ ﻻ ﺳﻤﻊﻣﻦ ﺍﻟﻤﺘﻬﻮﻡ ﻗﺎﻝ: ﻭﺯﻳﺮ ، ﻫﺰ ﺍﻟﺒﻨﺎﻱﺣﻄﻮ ﻓﻲ ﺷﻜﺎﺭﻩ ﻭ ﺍﺭﻣﻴﻪ ﻓﻲ ﺍﻟﺒﺤﺮ،ﻭﺑﺮﻩ ﺍﻧﺖ ﻳﺎ ﺩﻫﺎﻥ ﺍﻗﻌﺪ ﻓﻲ ﺑﻘﻌﺘﻮﻓﻲ ﺍﻟﺤﻤﺎﻡﺍﻟﻮﺯﻳﺮ ﺟﺎ ﺑﺎﺵ ﻳﺘﻜﻠﻢ ﺧﺎﻑ ﻋﻠﻲﻧﻔﺴﻮ ﻣﺎﺵ ﻳﻘﻮﻝ ﻟﻮ ﻳﺎ ﺳﻴﺪﻱ ﺑﺎﻟﻚﻫﺎﻟﺮﺍﺟﻞ ﻳﻜﺬﺏ ، ﺑﺎﻟﻚ ﺑﻨﺎﺗﻬﻤﺶﺃﻏﺮﺍﺽ؟ ﺍﺳﺘﺨﺒﺮ ﻭ ﺍﺑﺤﺚ ﻭﺣﺘﻲﻳﺸﻬﺪﻭﺍ ﻟﻚ ﺍﻟﻨﺎﺱ ؟ ﻟﻜﻦ ﺷﺎﻑﺍﻟﺴﻠﻄﺎﻥ ﻣﻐﺸﺶ ﻭ ﺷﻼﻏﻤﻮ ﺗﺘﻨﻤﺒﺮ ﻭﺷﻌﺮﻭ ﻣﻔﻴﺶ ﺳﻜﺖ

ﻋﻨﺪ ﺍﻻﻭﻝ ﻓﺮﻕ ﺍﻟﺤﻜﻢ، ﺭﻭﺡ ﺍﻟﻮﺯﻳﺮﻟﺪﺍﺭﻭ ﺑﻌﺚ ﺟﺎﺏ ﺍﻟﺒﻨﺎﻱ ﻗﺎﻝ ﻟﻮ: ﻳﺎﻭﻟﺪﻱ ﺳﻴﺪﻧﺎ ﺭﺍﻫﻮ ﺁﺫﻧﻲ ﺑﺎﺵ ﻧﺒﺤﺮﻙﻋﻼﺵ ﻳﺎ ﺳﻴﺪﻱ ﻗﺎﻟﻮ ﺁﺵ ﻋﻤﻠﺖ ﻣﻦﻋﻴﺐ ؟ﻗﺎﻟﻮ : ﻧﻌﺮﻑ ﺍﻟﻲ ﺍﻧﺖ ﻣﻈﻠﻮﻡ ﻭﺍﻟﺪﻫﺎﻥ ﺣﺎﺳﺪﻙ، ﻭ ﻧﻨﺠﻢ ﻣﺎ ﻧﻔﺬﺵﺍﻟﺤﻜﻢ ﻟﻜﻦ ﻋﻠﻲ ﺷﺮﻁ ﺍﻗﻌﺪ ﻋﻨﺪﻱﻫﻮﻧﻴﺔ ﻓﻲ ﺍﻟﺪﺍﺭ ﻻ ﺗﺨﺮﺝ ﻻ ﺗﻮﺻﻞﻟﻠﺒﺎﺏ ﻻ ﺗﻄﻞ ﻣﻦ ﺷﺒﺎﻙ ﺣﺘﻲ ﺁﺵﻳﻌﻤﻞ ﺭﺑﻲ ﻋﻠﻲ ﺧﺎﻃﺮ ﺍﺫﺍ ﻛﺎﻥﻳﺸﻮﻓﻚ ﺑﻌﺾ ﺍﻟﺤﺪ ﻭ ﻳﺨﺒﺮ ﺍﻟﺴﻠﻄﺎﻥﺭﺍﻫﻮ ﺭﺍﺳﻲ ﻳﻠﻌﺐ ﺑﻴﻦ ﺳﺎﻗﻴﺎ ، ﻭﺍﻧﺎﻋﻤﻠﺖ ﻣﻌﺎﻙ ﺍﻟﻤﻠﻴﺢ ﻣﺎ ﺗﻜﺎﻓﻴﻨﻴﺶﺑﺎﻟﺪﻭﻧﻲﻗﺎﻟﻮ : ﻳﺎ ﺳﻴﺪﻱ ﺍﻟﻲ ﻋﻤﻠﺖ ﻣﺒﺮﻭﻙ ،ﺍﻟﻮﺯﻳﺮ ﻋﻨﺪﻭ ﺑﻴﺖ ﻓﻲ ﺍﻟﺠﻨﻴﻨﺔ( ﺍﻟﺠﻨﻴﻨﺔ ﺩﺍﻳﺮ ﺑﻴﻬﺎ ﺳﻮﺭ ) ﺣﻄﻮﻓﻴﻬﺎ ، ﻭ ﻃﻠﻊ ﻟﻠﺴﻠﻄﺎﻥ ﻗﺎﻝ: ﻧﻔﺬﺕﺍﻟﺤﻜﻢ ﺍﻟﻤﻄﺎﻉ ﻭ ﺭﺑﻲ ﻳﺒﻘﻲ ﺳﻴﺪﻧﺎﻭ ﺳﻲ ﺍﻟﺪﻫﺎﻥ ﻣﺸﻲ ﺗﻨﺼﺐ ﻓﻲﺍﻟﺤﻤﺎﻡ، ﻭﻭﻗﺘﻬﺎ ﻭﻟﻲ ﻏﺪﻳﻜﺔ ﺍﻟﺪﻓﻮﻉﺑﺎﻟﻤﻨﺠﺪ ، ﻓﻲ ﻋﻮﺽ ﺍﻟﻲ ﻛﺎﻧﻮﺍ ﺍﻟﻨﺎﺱﻟﺠﻮﻧﺘﻬﻢ ﻳﻌﻄﻴﻮﺍ ﺍﻻﺣﺴﺎﻥ ﻭﻭﺍﺣﺪﻳﻌﻄﻲ ﻭﺍﺭﺑﻌﺔ ﺧﻤﺴﺔ ﻣﺎ ﻳﻌﻄﻴﻮﺵﻭﻟﻲ ﺍﻟﺤﻤﺎﻡ ﺑﺎﻟﻄﺮﻳﻔﺔ ﻭ ﺍﻟﺪﻓﻮﻉﺑﺎﻟﻤﺴﺒﻖﺑﺮﻩ ﻳﺎ ﺯﻣﺎﻥ ﻭﻳﺠﻲ ﻳﺎﺯﻣﺎﻥ ﻧﻬﺎﺭﺍﻟﺴﻠﻄﺎﻥ ( ﻋﻨﺪﻭ ﺑﺎﺑﻮﺭﻳﻨﻮ ﻣﺘﻊ ﻧﺰﻫﺔ)ﺧﺮﺝ ﻳﺘﻔﺴﺢ ﻓﻲ ﺍﻟﺒﺤﺮ .. ﻫﻮ ﻗﺎﻋﺪ ﻋﻠﻲﺍﻟﻜﻮﻳﻄﺮﻩ ﻭ ﻣﺪﻟﺪﻝ ﻳﺪﻭ ﻓﻲ ﺍﻟﻤﺎﺀ ﻭﺗﻤﻠﺺ ﺍﻟﺨﺎﺗﻢ ﻣﻦ ﺻﺒﻌﻮ ﻃﺎﺡ ﻓﻲﺍﻟﺒﺤﺮ، ﺧﺎﺗﻢ ﻃﺎﺡ ﻓﻲ ﺍﻟﻐﺮﻳﻖﻣﺎﺯﺍﻟﺸﻲ ﺍﻟﻮﺍﺣﺪ ﻳﺨﻤﻢ ﻋﻠﻴﻪ ؟؟ ﺃﻳﺎﺭﺑﻲ ﻳﺨﻠﻒﺍﻟﺒﺤﺮﻳﺔ ﻣﺘﺎﻉ ﺍﻟﺴﻠﻄﺎﻥ ﻓﻲ ﻫﺎﻙﺍﻟﺒﺎﺑﻮﺭﻳﻨﻮ ﻳﺼﻄﺎﺩﻭ ﻓﻲ ﺍﻟﺤﻮﺕ، ﺑﺮﺯﻭﻧﻬﺎﺭﺗﻬﺎﻛﻴﻒ ﺭﻭﺡ ﻟﻠﺴﺮﺍﻳﺔ ﻭ ﻫﺒﻄﻮﺍ ﻫﺎﻙﺍﻟﺤﻮﺕ ﻗﺎﻝ : ﻫﺰﻭﺍ ﺑﺎﻱ ﻟﺪﺍﺭ ﻓﻼﻥ ﻭﺑﺎﻱ ﻟﺪﺍﺭ ﻓﻼﻥ ( ﻣﻨﻬﻢ ﺑﺎﻱ ﻟﺪﺍﺭﻟﻮﺯﻳﺮ ) ﺍﻟﻮﺯﻳﺮ ﻗﺎﻋﺪ ﻓﻲ ﺩﺍﺭﻭ ﻭﺟﺎﺑﻮﺍ ﻛﻴﻒ ﻣﺎ ﺗﻘﻮﻝ ﺍﻧﺖ ﻛﻨﺴﺘﺮﻭﺑﺎﻟﺤﻮﺕ ﻗﺎﻟﻮ : ﻫﺎﺫﻳﺔ ﻣﻦ ﻋﻨﺪ ﺳﻴﺪﻧﺎ،ﻋﻴﻂ ﻟﻠﻄﺒﺎﺧﺔ ﻗﺎﻟﻠﻬﺎ ﻫﺰ ﻫﺎﻟﺤﻮﺕ ﻟﻜﻦﻓﺒﻞ ﻣﺎ ﺗﻬﺰ ﺍﻟﻜﻨﺴﺘﺮﻭ ﺍﺧﺘﺎﺭ ﻣﻨﻮﺣﻮﺗﺔ ﺑﺎﻫﻴﺔ ﻗﺎﻝ ﻟﻬﺎ ﻫﺰﻫﺎ ﻫﺎﺫﻱﻟﻬﺎﻙ ﺍﻟﺒﻨﺎﻱ ، ﻣﺴﻜﻴﻦ ﻗﻠﻮ ﻳﺪﺑﺮ ﺭﺍﺳﻮﻓﻴﻬﺎ ، ﻳﺸﻮﻱ ﻭ ﺍﻻ ﻳﻌﻤﻞ ﻛﻴﻒ ﻣﺎﻳﺤﺐ

ﻫﺰﺕ ﻫﺎﻙ ﺍﻟﺤﻮﺗﺔ ﻟﻠﺒﻨﺎﻱ، ﺣﻜﻬﺎ ﻓﻲﺍﻟﻤﺎﺀ ﺷﺪ ﻗﺸﺮﻫﺎ، ﻫﻮ ﺷﻘﻬﺎ ﻭ ﺟﺒﺪﺍﻟﻔﺮﺕ ﻣﺘﺎﻋﻬﺎ ﻭ ﻳﻠﻘﻲ ﻓﻲ ﻭﺳﻄﻬﺎﺧﺎﺗﻢ ﺧﺰﺭﻟﻮ ﺛﺒﺖ ﻓﻴﻪ ﻣﻠﻴﺢ ﻳﻠﻘﺎﻩ ﺧﺎﺗﻢﺍﻟﺴﻠﻄﺎﻥ ( ﺧﺎﺗﻢ ﺍﻟﺴﻠﻄﺎﻥ ﻣﺎ ﻳﻐﺒﺎﺵﻓﻴﻪ) ﺍﻟﺴﻠﻄﺎﻥ ﻣﺴﺘﺎﻧﺲ ﻛﻞ ﻧﻬﺎﺭﺟﻤﻌﺔ ﻳﺠﻲﺀ ﻟﻠﺤﻤﺎﻡ ﻭ ﻗﺒﻞ ﻣﺎ ﻳﺪﺧﻞﻳﻐﺴﻞ ﻳﺨﻠﻲ ﻋﻨﺪﻭ ﺍﺳﻄﻮﺷﻮ ﻭﺳﻠﺴﻠﺔ ﻭ ﻣﻨﻘﺎﻟﺔ ﻭ ﺧﺎﺗﻤﻮ ﺭﻣﻲﺍﻟﺨﺎﺗﻢ ﻓﻲ ﻣﻜﺘﻮﺑﻮ ﻭ ﻗﺎﻡ ﻣﺸﻲﻟﻠﻮﺯﻳﺮ، ﻗﺎﻟﻮ : ﺳﻴﺪﻱ ﻧﺤﺒﻚ ﺗﻘﺎﺑﻞ ﺑﻲﺍﻟﺴﻠﻄﺎﻥﺍﺷﻨﻴﻪ؟ ﻗﺎﻟﻮ ﻫﺬﺍ ﻛﻔﻮﻳﺎ؟ ﻋﻠﻲ ﺧﺎﻃﺮﻋﺼﻴﺖ ﺍﻣﺮﻭ ﻭ ﺧﺒﻴﺘﻚ ﻭ ﻋﺘﻘﺘﻚ ﻣﻦﺍﻟﻤﻮﺕ؟ ﺗﺤﺒﻮ ﺍﻟﻴﻮﻡ ﻳﺒﺨﺮ ﺑﻠﺤﻤﻲ؟ﻫﻜﻪ؟ ﺍﺗﻖ ﺷﺮ ﻣﻦ ﺃﺣﺴﻨﺖ ﺍﻟﻴﻪﻗﺎﻟﻮ : ﻳﺎ ﺳﻴﺪﻱ ﺍﻧﺖ ﺁﺵ ﻋﻠﻴﻚ؟ ﻛﻴﻒﻳﺴﺄﻟﻚ ﻗﻮﻝ ﺍﻟﻲ ﺍﻧﺖ ﻧﻔﺬﺕ ﺍﻣﺮﻭﻭﺭﻣﻴﺘﻨﻲ ﻓﻲ ﺍﻟﺒﺤﺮ - ﻭ ﺧﻠﻴﻨﻲ ﻧﺪﺑﺮﺭﺍﺳﻲﻗﺎﻟﻮ: ﺍﻧﺨﻤﻢ، ﺑﺎﺕ ﺍﻟﻠﻴﻞ ﻟﻜﻞ ﺍﻟﻨﻮﻡ ﻣﺎﻛﺤﻠﺶ ﻋﻴﻨﻴﻪ ﻓﻲ ﺍﻟﺼﺒﺎﺡ ﻗﺎﻝ ﻭﻳﻦﺗﺮﺳﻲ ﺑﺮﺓ ﺍﺳﻼﻡ ، ﺍﻳﺎ ﻣﻌﺎﻳﺎ ﻭﺻﻠﻮﻟﻠﺴﺮﺍﻳﺔ ﺧﺮﺝ ﺍﻟﺴﻠﻄﺎﻥ ﻟﻠﻤﺤﻜﻤﺔ ﺩﺧﻞﺍﻟﻮﺯﻳﺮ ﺍﻟﺪﺍﻳﺮﻩ، ﺍﻟﻔﺮﻛﺎﻭﺍﺕ، ﺗﺼﻔﻔﻮﻋﻠﻲ ﺍﻟﻴﻤﻴﻦ ﻭ ﻋﻠﻲ ﺍﻟﻴﺴﺎﺭ، ﺟﺎ ﺑﺎﺵﺣﺎﻣﺒﺔ ﺣﻞ ﺍﻟﺒﺎﺏ ﻋﻠﻲ ﻓﺮﺩﺗﻴﻦ ﻭ ﻗﺎﻝ:ﺳﻴﺪﻱ ﺣﺎﺿﺮ ﻳﺎ ﺷﻜﺎﻳﺔ ﻭ ﺳﻲ ﺍﻟﺒﻨﺎﻱﺩﺍﺧﻞ ﻫﻮ ﺍﻻﻭﻝ، ﻗﺪﻡ ﻭ ﺧﺮ ﻋﻄﻲﻛﺎﺭ ﺍﻟﺴﻠﻄﻨﺔ، ﺍﻟﺴﻠﻄﺎﻥ ﻏﺰﺭﻟﻮ ﻗﺎﻝ :ﺁﻩ ﻫﺪﺍ ﻣﻮﺵ ﺍﻟﺒﻨﺎﻱ؟ ﻭﺯﻳﺮ ﻣﻮﺵﺁﺫﻧﺘﻚ ﺑﺎﺵ ﺗﺤﻄﻮ ﻓﻲ ﺷﻜﺎﺭﺓ ﻭﺗﺮﻣﻴﻪ ﻓﻲ ﺍﻟﺒﺤﺮ؟ﻗﺎﻟﻮ : ﻳﺎ ﺳﻴﺪﻱ ﺍﻣﺮﻙ ﻣﻄﺎﻉ ﻭ ﻣﺎﻧﺨﺎﻟﻔﺶ ﻋﻠﻴﻪ ﺣﻄﻴﺘﻮ ﻓﻲ ﺷﻜﺎﺭﺓ ﻭﺧﻴﻄﺖ ﻋﻠﻴﻪ ﻭ ﺯﺩﺕ ﺭﺑﻄﺖ ﻓﻴﻬﺎ ﺣﺠﺮﻩﻭ ﺟﻴﺖ ﻟﻐﺮﻳﻖ ﺍﻟﺒﺤﺮ ﻭﺭﻣﻴﺘﻮ ﻣﺎﻧﻌﺮﻓﺶ ﻛﻴﻔﺎﺵ ﺍﻟﻴﻮﻡ ﻫﺎﻭ ﺣﻲ ﻗﺪﺍﻣﻨﺎﻗﺎﻟﻮ: ﻛﻴﻔﺎﺵ ﻳﺎ ﻭﻟﺪﻱ؟ ﺍﺣﻜﻲ ﻟﻲﻗﺼﺘﻚ، ﻭﻳﻦ ﻛﻨﺖ؟ﻗﺎﻟﻮ: ﻳﺎ ﺳﻴﺪﻱ ﺟﺒﺖ ﻟﻚ ﺍﻟﺴﻼﻡ ﻣﻦﺧﻮﻙ ﺳﻠﻄﺎﻥ ﺍﻟﺒﺤﺮﻗﺎﻝ ﻟﻮ : ﺷﻨﻮﻩ ؟ ﻫﻮ ﺛﻤﻪ ﺳﻠﻄﺎﻥ ﻓﻲﺍﻟﺒﺤﺮ ؟ﻗﺎﻟﻮ: ﺍﻱ ﻧﻌﻢ ﻳﺎ ﺳﻴﺪﻱ، ﺳﻴﺪﻱﺍﻟﻮﺯﻳﺮ ﺣﻄﻨﻲ ﻓﻲ ﺷﻜﺎﺭﻩ ﻭ ﺧﻴﻂ ﻋﻠﻲﻭﺯﺍﺩ ﺛﻘﻠﻨﻲ ﺑﺤﺠﺮﻩ ( ﺍﻟﻠﻪ ﻳﺠﺎﺯﻳﻪﺧﻴﺮ ) ﻭ ﺭﻣﺎﻧﻲ ﻓﻲ ﺍﻟﺒﺤﺮ ﻏﻄﺴﺖ،ﺳﻌﺪﻙ ﻭ ﺍﻟﻤﺴﻌﻮﺩﻳﻦ ﺟﻴﺖ ﻗﺪ ﻗﺪﻗﺪﺍﻡ ﺍﻟﺴﺮﺍﻳﺔ ﻣﺘﺎﻉ ﺳﻠﻄﺎﻥ ﺍﻟﺒﺤﺮ،ﺷﺪﻭﻧﻲ ﺍﻟﻌﺴﻜﺮ ﺁﻩ ﻫﺬﺍ ﺑﺮﺍﻧﻲ؟ ﻫﺬﺍﻣﻨﻴﻦ ﺟﺎ؟ ﺩﺧﻠﻮﻧﻲ ﻟﻠﺴﻠﻄﺎﻥ ﻗﺎﻝ ﻟﻲﻛﻴﻒ ﺳﺒﺘﻚ؟ ﺣﻜﻴﺖ ﻟﻮ ﻗﻠﺖ ﻟﻮ ﺍﻟﻲﺃﻧﺎ ﺻﻨﻌﺘﻲ ﺑﻨﺎﻱ ﻭ ﺣﻜﻴﺖ ﻣﻦ ﺍﻟﺠﻤﻠﺔﺣﺘﻲ ﻋﻠﻲ ﺍﻟﺤﻤﺎﻡ ﺍﻟﻲ ﺑﻨﻴﺖ ﻫﻮﻟﻚ ﻳﺎﺧﻲ ﺷﺪ ﻓﻲ ﻣﺎ ﺳﻴﺐ ﻗﺎﻝ ﻟﻲ ﺍﺑﻨﻲﻟﻲ ﺣﻤﺎﻡ ﻛﻴﻒ ﺍﻟﻲ ﺑﻨﻴﺘﻮ ﻟﺴﻠﻄﺎﻥﺍﻟﺒﺮ ﻭ ﻫﺎﺫﻱ ﺍﻟﻤﺪﺓ ﻟﻜﻞ ﻭﺍﻧﺎ ﻧﺒﻨﻲ ﻭﻣﺎ ﻛﻤﻞ ﺍﻟﺤﻤﺎﻡ ﺍﻻ ﺍﻟﺒﺎﺭﺡ ﺑﺮﻙ .

ﺍﻟﻴﻮﻡﻋﻠﻲ ﺍﻟﻔﺠﺮ ﻗﺎﻝ ﻟﻲ ﺗﻮﺓ ﻣﺎﺵ ﻧﺮﺟﻌﻚﻟﻠﺒﺮ ﻭ ﺳﻠﻢ ﻋﻠﻲ ﺧﻮﻳﺎ ﺍﻟﺴﻠﻄﺎﻥﻭﻗﻮﻝ ﻟﻮ ﻳﻌﻤﻞ ﻣﺰﻳﺔ ﻳﺒﻌﺚ ﻟﻲﺍﻟﺪﻫﺎﻥ ﺍﻟﻲ ﺩﻫﻦ ﻟﻮ ﺍﻟﺤﻤﺎﻡ ﻣﺘﺎﻋﻮ،ﻭﻫﺎﻭ ﺍﻻﻣﺎﺭﻩ، ﻭ ﻋﻄﺎﻧﻲ ﻳﺎ ﺳﻴﺪﻱ ﻫﺎﺍﻟﺨﺎﺗﻢ ﻗﺎﻝ ﻟﻲ ﺍﺩﻱ ﻫﻮﻟﻮﻣﺪ ﻟﻮ ﺍﻟﺨﺎﺗﻢ ﺧﺰﺭﻟﻮ ﺍﻟﺴﻠﻄﺎﻥ ﻟﻘﺎﻩﺧﺎﺗﻤﻮ ﺍﻟﻲ ﻃﺎﺡ ﻟﻮ ﺍﻟﺒﺎﺭﺡ ﻓﻲ ﺍﻟﺒﺤﺮﻣﺎ ﻋﺎﺩﺵ ﺛﻤﺔ ﺷﻚ ﻓﻲ ﺍﻟﻨﺎﺯﻟﻪﻗﺎﻝ :ﻋﻨﺪﻳﺶ ﺣﺪ، ﺍﻳﺎ ﺍﺑﻌﺜﻮ ﺟﻴﺒﻮﺍﺍﻟﺪﻫﺎﻥ ﺑﺮﻩ ﻳﺎ ﺑﺎﺵ ﺣﺎﻣﺒﻪ ﻗﻮﻝﻟﻠﺮﺍﻳﺲ ﻳﺤﻀﺮ ﺍﻟﺒﺎﺑﻮﺭﻳﻨﻮ ﻭ ﻳﺴﺘﻨﺎﻧﻲﻭ ﺟﻴﺒﻮ ﺍﻟﺪﻫﺎﻥ ﻣﻘﺎﺑﻠﻪ ﻟﻠﺤﺮﺱ ،ﻓﻴﺴﻊ ﺑﺎﺵ ﻣﻨﺨﻠﻴﻮﺵ ﺧﻮﻳﺎ ﺳﻠﻄﺎﻥﺍﻟﺒﺤﺮ ﻳﺴﺘﻨﻲ، ﻫﻮ ﺍﺣﺘﺎﺝ ﻟﻲ ﻭﻗﺼﺪﻧﻲ ﻣﺎ ﻧﻌﻄﻠﻮﺵﺣﻀﺮﺕ ﺍﻟﻜﺮﻭﺳﺔ ﻣﻘﺎﺑﻠﻪ ﺍﻟﺤﺮﺱﻃﻠﻌﻮﺍ ﻟﻠﺒﺎﺑﻮﺭﻳﻨﻮ، ﺍﻟﺪﻫﺎﻥ ﻣﺸﻲ ﻟﻮﺑﺎﺵ ﺣﺎﻣﺒﻪ ﺟﺎﺑﻮ ﺯﺍﺩﻩ ﻟﻠﻤﺮﺳﻲ ﺭﻛﺐﻟﻜﻦ ﺍﻟﺴﻠﻄﺎﻥ ﻭﺩﺍﻳﺮﺗﻮ ﻭﻭﺧﻴﻨﺎ ﺳﻲﺍﻟﺒﻨﺎﻱ ﻭﺍﻗﻒ ﻓﻬﻢ ﺍﻟﻀﺮﺑﻪ ﻣﻨﻴﻦ ﺟﺎﺗﻮﻗﺎﻟﻮ ﺍﻟﺴﻠﻄﺎﻥ : ﻳﺎ ﻭﻟﺪﻱ ﻃﻠﺐ ﻋﻠﻴﻚﺳﻠﻄﺎﻥ ﺍﻟﺒﺤﺮ، ﺍﻟﺒﻨﺎﻱ ﻣﺸﻲ ﺑﻨﻲ ﻟﻮﺣﻤﺎﻡ ﻳﺎﺧﻲ ﻫﻮ ﺑﻌﺚ ﻟﻲ ، ﻗﺎﻝ ﻳﺤﺐﻧﺒﻌﺜﻠﻮ ﺍﻟﺪﻫﺎﻥ ﻣﺘﺎﻋﻲ ﺍﻣﺎﻟﻪ ﻫﺎﻭﻛﻪﺳﻠﻢ ﻋﻠﻴﻪ ﻭ ﻧﺤﺒﻚ ﺗﻬﻨﻴﻨﻲ ﻭ ﺗﺨﺪﻡ ﻟﻮﺧﺪﻣﺔ ﻓﻲ ﻃﺮﻳﻘﻬﺎ، ﺗﻤﺸﻴﺸﻲﺗﺤﺸﻤﻨﻲ ﻣﻌﺎﻩ؟ﺍﻟﺪﻫﻦ ﻓﻬﻢ ﺍﻟﻨﺎﺯﻟﻪ، ﻭ ﻋﺮﻑ ﺍﻟﻲﺻﺎﺣﺒﻮ ﺍﻟﺒﻨﺎﻱ ﻫﻮ ﺍﻟﻲ ﺭﺑﻄﻬﺎﻟﻮ( ﻭﺍﻟﻤﺴﻠﻔﻪ ﻓﻲ ﻟﻐﻨﻢ ﻣﺮﺩﻭﺩﻩ) ﻟﻜﻦ ﺁﺵﻣﺎﺵ ﻳﻘﻮﻝ؟ ﻗﻌﺪ ﻳﺨﻤﻢ ﻓﻲ ﺣﻴﻠﺔﺑﺎﺵ ﻳﻤﻨﻊ ﻭ ﻣﻨﻬﺎ ﻗﺎﻝ ﻟﻮ : ﺣﺎﺿﺮ ﻳﺎﺳﻴﺪﻱ ﻭ ﺃﻣﺮ ﺍﻟﺴﻼﻃﻴﻦ ﻃﺎﻋﺔ ﻭ ﻛﻮﻥﻣﺘﻬﻨﻲ ﺍﻟﻬﻨﺎﺀ ﺍﻟﺘﺎﻡ ﻟﻜﻦ ﺃﻧﺎ ﺗﻮﺓﻣﺎﺷﻲ .. ﺳﺎﻣﺤﻨﻲ ﻧﻤﺸﻲ ﻧﺠﻴﺐﺍﻟﻤﺎﻋﻮﻥ ﻣﺘﺎﻋﻲ ﻭﻧﺠﻲﻗﺎﻡ ﺍﻟﺒﻨﺎﻱ ﻗﺎﻝ: ﻣﺎﻋﻮﻥ؟ ﻫﻮ ﺧﺼﻴﺺﻓﻲ ﺍﻟﻤﺎﻋﻮﻥ ؟ ﺍﻟﺪﻫﻦ ﻋﻨﺪﻭ ﻋﻠﻲ ﻛﻞﻟﻮﻥ ﻭ ﺍﻟﺸﻴﺖ ﻣﻦ ﺍﻟﺸﻴﺖ ﺍﻟﻜﺒﺎﺭﻣﺘﻊﺍﻟﺘﺒﻴﻴﺾ ﻟﺸﻴﺖ ﺑﻮ ﺛﻼﺛﻪ ﺷﻌﺮﺍﺕ،ﺍﻟﻘﺮﻳﻨﺰﻩ ﺷﻴﺖ، ﺍﻟﻔﻴﻠﻴﺘﻮﺍﺕ ﻛﻞ ﺷﻲﻋﻨﺪﻭ ﺑﺎﻟﺒﺮﺷﺖ، ﻻ ﺃﻧﺎ ﻛﻴﻒ ﻣﺸﻴﺖﻧﺒﻨﻲ ﻟﻮ ﻣﺎﻭ ﻟﻘﻴﺖ ﺍﻟﻤﺎﻋﻮﻥ ﻟﻜﻞﻋﻨﺪﻭ ﻗﺎﻝ ﺍﻟﺴﻠﻄﺎﻥ ﺃﻳﺎ ﻣﻮﺵ ﻻﺯﻡﺑﻌﺪ ﺍﻟﻠﻲ ﻫﺎﻭ ﻗﺎﻟﻚ ﻛﻞ ﺷﻲﺀ ﻋﺘﺪﻭ،ﺃﻱ ﺍﻟﺸﻜﺎﺭﺓﺟﺎﺑﻮ ﺍﻟﺸﻜﺎﺭﺓ ﻗﺎﻝ ﺍﻟﺒﻨﺎﻱ ﻫﺎﺕ ﺃﻧﺎﻧﺤﻄﻮ ﻓﻴﻬﺎ ﻭ ﻧﺨﻴﻂ ﻋﻠﻴﻪ ﺑﻴﺪﻱ ( ﺍﻧﺎﻧﻌﺮﻑ ﻛﻴﻔﺎﺵ ) ﻭ ﺩﺧﻠﻮ ﻓﻲ ﺍﻟﺸﻜﺎﺭﻩﻭ ﺧﻴﻂ ﻋﻠﻴﻪ ﺧﻴﺎﻃﺘﻴﻦ ﻭ ﺭﺑﻂ ﻓﻴﻬﺎﺣﺠﺮﻩ ﻭ ﻣﻨﻬﺎ ﻗﺎﻝ ﻫﺪﻱ ﺷﻮﻳﺔﺛﻤﺎﺷﻲ ﺣﺠﺮﺓ ﺍﺧﺮﻱ، ﺭﺑﻂ ﺣﺠﺮﺗﻴﻦﻭﻫﺰﻭ ﻫﻮ ﺑﻴﺪﻭ ﻭﺭﻣﺎﻩ ﻓﻲ ﺍﻟﺒﺤﺮ ﻭﻗﺎﻝ ﻟﻮ ﺍﻳﺎ ﺑﺮﻩ ﻓﻲ ﺍﻻﻣﺎﻥ ﻭ ﺳﻠﻢ ﻟﻲﻋﻠﻲ ﺍﻟﺴﻠﻄﺎﻥ ﻭ ﺑﻮﺱ ﻟﻲ ﻳﺪﻭ( ﺭﺍﻫﻮ ﺧﻴﺮﻭ ﻓﻲ ﻛﺮﺷﻲ ) ﻭ ﺑﺮﺍﺱﺧﻮﻳﺎ ﻣﺎ ﺗﺤﺸﻤﻨﻴﺶ ﻣﻌﺎﻩﻭ ﻳﺎﺣﺎﻓﺮ ﺣﻔﺮﺓ ﺍﻟﺴﻮ ﻣﺎ ﺗﺤﻔﺮ ﺍﻻﻗﻴﺎﺳﻚ

حكاية ﺍﻟﺴﻠﻄﺎﻥ ﻭ 4 ﺳُﺮَّﺍﻕ

noreply@blogger.com (Anonymous) — Tue, 03 Mar 2015 15:20:00 +0000

ﻓﻲ ﻗﺪﻳﻢ ﺍﻟﺰﻣﺎﻥ ﻛﺎﻥ ﻓﻤّﺎ ﺳﻠﻄﺎﻥ ﻛﻴﻒ ﺟﻤﻴﻊ ﺍﻟﺴﻼﻃﻴﻦ ﻣﻐﺮﻭﻡﺑﺎﻟﻤﺼﻴﺪ، ﺑﻌﺪ ﻗﺪﺍﻩ ﻳﺨﺮﺝ ﻫﻮ ﻭ ﺍﻟﻮﺯﻳﺮ ﻣﺘﺎﻋﻮ ﻭ ﺟﻨﻮﺩ ﻭ ﻳﺼﻄﺎﺩﻓﻲ ﺍﻟﻐﺎﺑﺔ . ﻧﻬﺎﺭ ﻛﻴﻒ ﺍﻟﻌﺎﺩﺓ ﺧﺮﺝ ﻫﻮ ﻭ ﺍﻟﻮﺯﻳﺮ ﻭ ﺷﻮﻱ ﺟﻨﻮﺩ،ﺩﺧﻠﻮﺍ ﺍﻟﻐﺎﺑﺔ ﻭ ﺑﺪﺃﻭ ﻓﻲ ﺍﻟﺼﻴﺪ، ﻟﺤﺪ ﻣﺎ ﺗﻔﺮﻗﻮﺍ، ﻛﻞ ﻭﺍﺣﺪ ﺷﺪﺛﻨﻴﺔ ﻓﻲ ﺟﺮّﺓ ﺍﻟﻐﺰﻻﻥ، ﺳﻲ ﺍﻟﺴﻠﻄﺎﻥ ﻣﻦ ﻏﻴﺮ ﻣﺎ ﻳﻔﻴﻖ ﻳﻠﻘﻰﺭﻭﺣﻪ ﻭﺣﻴﺪ ﻓﻲ ﺍﻟﻐﺎﺑﺔ ﻭ ﺍﻟﺠﺒﺎﻝ، ﻭ ﻓﻲ ﻟﺤﻈﺔ ﺑﺪﺃﺕ ﺍﻟﻤﻄﺮﺗﺼﺐ، ﻣﻄﺮ ﻗﻮﻭﻭﻳﺔ ﻭ ﻗﺎﻡ ﺍﻟﺮﻳﺢ ﻭ ﺍﻟﺒﺮﻕ ﻣﻦ ﻓﻮﻕ، ﻭ ﺍﻟﺴﻠﻄﺎﻥﻋﻠﻰ ﺍﻟﺤﺼﺎﻥ ﻣﺘﺎﻋﻮ ﻳﻠﻮّﺝ ﻋﻠﻰ ﻣﻜﺎﻥ ﻳﺘﺨﺒّﻰ ﻓﻴﻪ ﻟﺤﺪ ﻣﺎ ﺗﻘﺺﺍﻟﻤﻄﺮ، ﻫﻴّﺎ ﻳﺎ ﺳﻴﺪﻱ ﺷﺎﻑ ﻛﻬﻒ ﻭﺳﻂ ﺍﻟﺠﺒﻞ، ﻃﻠﻊ ﺑﺎﻟﺤﺼﺎﻥﻣﺘﺎﻋﻪ ﻭ ﺩﺧﻞ ﻟﻠﻜﻬﻒ، ﺩﻧﻴﺎ ﻇﻼﻡ ﻭﺳﻂ ﺍﻟﻜﻬﻒ ﻡ ﻳﺸﻮﻑ ﻓﻲﺷﻲﺀ ..ﻟﻜﻦ ﺷﺎﻑ ﺣﺎﺟﺔ ﻭﺳﻂ ﺍﻟﻜﻬﻒ، ﺯﺍﺩ ﺛﺒﺖ ﻣﻠﻴﺢ ﻳﺸﻮﻑ ﻓﻲ 4ﺭﺟﺎﻝ ﺭﺍﻗﺪﻳﻦ ﻭﺳﻂ ﺍﻟﻜﻬﻒ، ﻗﺎﻝ ﻓﺎﺵ ﻳﻌﻤﻠﻮﺍ ﻫﺎﺫﻫﻢ ﻫﻨﺎ ؟ ﻭﻛﻴﻔﺎﻩ ﻣﺎ ﻗﺎﻣﻮﺵ ﻣﻦ ﺻﻮﺕ ﺍﻟﺮﻋﺪ ﻭ ﺍﻟﺒﺮﻕ ﻭ ﺍﻟﺮﻳﺢ ﻭ ﺍﻟﻤﻄﺮ ..ﺇﺳﺘﻐﺮﺏ ﻭ ﻗﺎﻝ ﻳﺎ ﻧﺎﻳﻤﻴﻦ ! ﻳﺎ ﻧﺎﻳﻤﻴﻦ ! ..ﻫﻴّﺎ ﻓﺎﻕ ﺍﻟﺮﺍﺟﻞ ﺍﻷﻭﻝ ﻳﺤﻚ ﻓﻲ ﻋﻴﻮﻧﻪ ﻣﻦ ﺍﻟﻨﻮﻡ ﻭ ﻗﻌﺪ ﻳﺨﺰﺭﻟﻠﺴﻠﻄﺎﻥ، ﻟﻜﻦ ﻣﺎ ﻋﺮﻓﺶ ﻳﻠّﻲ ﻫﺬﺍ ﺳﻠﻄﺎﻥ، ﻗﻌﺪ ﻳﺨﺰﺭ .. ﻳﺨﺰﺭ ..ﻭ ﺍﻟﺴﻠﻄﺎﻥ ﻭﺍﻗﻒ ﻳﺨﺰﺭ ﺯﺍﺩﺓ .ﻗﺎﻝ ﺍﻟﺮﺍﺟﻞ : ﺗﻌﺮﻑ ؟ ﻛﻨﺖ ﻧﺤﻠﻢ ! ﻓﻴﻘﺘﻨﻲ ﻣﻦ ﺍﻟﻤﻨﺎﻡ .ﻗﺎﻝ ﺍﻟﺴﻠﻄﺎﻥ : ﺍﻥ ﺷﺎﺀ ﺍﻟﻠﻪ ﺧﻴﺮ !ﻗﺎﻝ ﺍﻟﺮﺍﺟﻞ : ﻛﻨﺖ ﻧﺤﻠﻢ ﺇﻟﻠﻲ ﺃﻧﺎ ﻻﺑﺲ ﻗﻔﻄﺎﻥ ' ﻗﻤﻴﺺ ' ﻛﻴﻒﻳﻠّﻲ ﻋﻨﺪﻙ ﺑﺎﻟﻀﺒﻂ!!! ﻭ ﺃﻧﺎ ﺣﻠﻤﻲ ﻣﺎ ﻳﻜﺬﺑﻨﻴﺶ !!ﻭ ﻣﺸﻰ ﻟﻠﺴﻠﻄﺎﻥ ﻭ ﻧﺤﺎﻟﻮ ﺍﻟﻘﻔﻄﺎﻥ ﻣﺘﺎﻋﻮ ﻭ ﻟﺒﺴﻮ ﻫﻮ .ﻓﻲ ﻧﻔﺲ ﺍﻟﻮﻗﺖ ﻗﺎﻡ ﺍﻟﺮﺍﺟﻞ ﺍﻟﺜﺎﻧﻲ ﻣﻦ ﺍﻟﻨﻮﻡ ﻭ ﻗﺎﻝ :ﻳﺎ ﺟﻤﺎﻋﺔ ﺗﻌﺮﻓﻮ ﺗﻮﺍ ﻛﻨﺖ ﻧﺤﻠﻢ ﺇﻧﻲ ﻻﺑﺲ ﺗﺎﺝ ﻣﻦ ﺫﻫﺐ ﻭ ﻓﻴﻪﻳﺎﻗﻮﺗﺔ ﻛﺒﻴﺮﺓ ﻛﻴﻒ ﻫﺬﺍﻛﺎ ﻳﻠّﻲ ﻋﻨﺪﻙ ! ﻭ ﺃﺷﺎﺭ ﺑﺈﺻﺒﻌﻪ ﻟﻠﺴﻠﻄﺎﻥ ﻭﻗﺎﻝ ﺃﻧﺎ ﻣﻨﺎﻣﻲ ﻣﺎ ﻳﻜﺬﺑﻨﻴﺶ !ﻭ ﻣﺸﻰ ﻭ ﻧﺤﻰ ﺍﻟﺘﺎﺝ ﻣﻦ ﻓﻮﻕ ﺭﺃﺱ ﺍﻟﺴﻠﻄﺎﻥ ﻭ ﻟﺒﺴﻮ ﻫﻮ .ﻭﺯﺍﺩﺓ ﻓﺎﻕ ﺍﻟﺮﺍﺟﻞ ﺍﻟﺜﺎﻟﺚ ﻭ ﻗﺎﻝ : ﺃﻧﺎ ﺯﺍﺩﺓ ﻛﻨﺖ ﻧﺤﻠﻢ ﺇﻧﻲ ﻋﻨﺪﻱﺣﺼﺎﻥ ﻣﻦ ﺍﻟﻌﺎﺩﻳﺎﺕ، ﺍﻟﺴﺎﺑﻘﺎﺕ .. ﻭ ﻣﺸﻰ ﻟﺤﺼﺎﻥ ﺍﻟﺴﻠﻄﺎﻥ ﻭﻗﺎﻝ ﻛﻴﻒ ﻫﺬﺍ ﺑﺎﻟﻀﺒﻂ ﻭﻗﺎﻝ ﺃﻧﺎ ﺣﻠﻤﻲ ﻣﺎﻳﻜﺬﺑﻨﻴﺶ ﺃﺧﺬﻩ .ﺯﺍﺩ ﻓﺎﻕ ﺍﻟﺮﺍﺟﻞ ﺍﻷﺧﻴﺮ ﻟﻜﻦ ﻣﺎ ﻟﻘﻰ ﺷﻲﺀ ! ﻗﺎﻝ ﺷﻨﻮ ﻭ ﺃﻧﺎ ﺃﺵﺑﺎﺵ ﻧﺄﺧﺬ ! ﻭ ﺷﺎﻑ ﺳﻠﺴﻠﺔ ﻓﻲ ﺭﻗﺒﺔ ﺍﻟﺴﻠﻄﺎﻥ ﻭ ﺃﺧﺬﻫﺎ ﻣﻨﻪ ﻭﺟﺎﺀ ﻳﺸﻮﻑ ﻓﻴﻬﺎ ﻳﻠﻘﻰ ﻓﻴﻬﺎ ' ﺯﻣﺎﺭﺓ ' ﻗﺎﻝ ﺷﻨﻮﺍ ﻫﺬﺍ ﻭ ﺃﻧﺎ ﻣﺸﻰﻓﻲ ﺑﺎﻟﻲ ﻓﻴﻬﺎ ﺳﺎﻋﺔ ﻣﻦ ﺫﻫﺐ ! ﻣﻼ ﺯﻫﺮ ﻋﻨﺪﻱ

ﻭ ﺣﻂ ﺍﻟﺰﻣّﺎﺭﺓ ﻓﻲ ﻓﻤﻮ ﻭ ﻧﻔﺦ ﺯﻣﺮ ﺑﺎﻟﻘﻮﻭﻭﻱ .. ﻗﺎﻝ ﺍﻩ ﺑﺎﻫﻴﺔﻫﺎﺫﻱ ﻫﻬﻪ ﻭ ﺯﺍﺩ ﺯﻣﺮ ﺑﺎﻟﻘﻮﻭﻱ .. ﻭ ﺍﻟﺼﻮﺕ ﺩﻭّﻯ ﺑﻴﻦ ﺍﻟﻮﺩﻳﺎﻥ ﻭﺍﻟﺠﺒﻞ ، ﻭ ﺍﻟﺠﻨﻮﺩ ﻣﺘﻊ ﺍﻟﺴﻠﻄﺎﻥ ﺳﻤﻌﻮ ﺻﻮﺕ ﺍﻟﺰﻣﺎﺭﺓ ﻋﺮﻓﻮﻩﺍﻟﺴﻠﻄﺎﻥ ﻣﺘﺎﻋﻬﻢ ! ﺑﺴﺮﻋﺔ ﻋﻠﻰ ﻛﻞ ﻓﺎﺭﺱ ﻋﻠﻰ ﺣﺼﺎﻥ ﻣﺘﺎﻋﻮﻣﺸﻰ ﻟﻤﺼﺪﺭ ﺍﻟﺼﻮﺕ ﻭ ﻣﻌﺎﻫﻢ ﺍﻟﻮﺯﻳﺮ ﻣﺘﺎﻋﻢ ﺣﺘﻰ ﻭﺻﻠﻮﺍ ﺍﻟﻜﻞﻟﻠﻜﻬﻒ ﻭ ﻫﺒﻄﻮﺍ ﺍﻟﻜﻞ ﻭ ﻛﻞ ﻭﺍﺣﺪ ﻓﻲ ﺇﻳﺪﻩ ﺍﻟﺴﻴﻒ ﻣﺘﺎﻋﻪ ..ﻗﺎﻡ ﺍﻟﺴﻠﻄﺎﻥ ﻭ ﻗﺎﻝ ﻟﻠــ 4 ﺭﺟﺎﻝ :ﺗﻌﺮﻓﻮﺍ ؟ ﺣﺘﻰ ﺃﻧﺎ ﻛﻨﺖ ﻧﺤﻠﻢ ﻳﺎ ﺟﻤﺎﻋﺔ ! ﻭ ﻧﺸﻮﻑ ﻓﻴﻜﻢ ﺍﻟﻜﻞﻣﻌﻠﻘﻴﻦ ﻓﻲ ﺣﺒﻞ ﺍﻟﻤﺸﻨﻘﺔ ﻭ ﺃﻧﺎ ﺯﺍﺩﺓ ﺣﻠﻤﻲ ﻣﺎ ﻳﻜﺬﺑﻨﻴﺶ .. ﻭ ﺃﻣﺮﺍﻟﺴﻠﻄﺎﻥ ﻟﺠﻨﻮﺩﻩ ﺷﺪﻭﺍ ﺍﻟﺴﺮﺍﻕ ﺍﻷﺭﺑﻌﺔ ﻭ ﺷﻨﻘﻮﻫﻢ ﺍﻟﻜﻞ ..ﻭﻓﺎﺕ ﺍﻟﺤﻜﺎﻳﺔ .. ﺇﻥ ﺷﺎﺀ ﺍﻟﻠﻪ ﺗﻜﻮﻥ ﻋﺠﺒﺘﻜﻢ ..

حكاية ﻋﻴﺸﺔ ﺭﺍﺟﻞ

noreply@blogger.com (Anonymous) — Tue, 03 Mar 2015 15:19:00 +0000

ﻫﺎﻙ ﺍﻟﻌﺎﻡ ﺃﺳﺘﺎﺫﻧﺎ ﻓﻲ ﺍﻟﺼﺎﺩﻗﻴﺔ( ﺍﻟﻠﻪ ﻳﺮﺣﻤﻮ ) ﺍﻟﺸﻴﺦ ﺳﻴﺪﻱ ﺣﻤﻴﺪﻩﺍﻟﻨﻴﻔﺮ (ﺑﻮ ﺍﻟﺸﻴﺦ ﺳﻴﺪﻱ ﺍﻟﺒﺸﻴﺮ ﻭﺍﻟﺸﻴﺦ ﺳﻴﺪﻱ ﺍﺑﺮﺍﻫﻴﻢ ) ﺣﻜﻲ ﻟﻨﺎﺣﻜﺎﻳﺔ ﻋﻴﺸﺔ ﺭﺍﺟﻞﺍﺷﻨﻴﺔ ﻋﻴﺸﺔ ﺭﺍﺟﻞ ؟ ﺍﻟﻤﺮﺍ ﺍﻟﻲﻳﻘﻮﻟﻮ ﻣﺴﺘﺮﺟﻠﺔ . ﺍﻟﻨﺴﺎﺀ ﻣﺎﻫﻢ ﻳﺒﺪﺍﻭﻓﻲ ﺍﻟﺪﺍﺭ ﻭ ﻫﻲ ﻣﺎ ﺗﻘﻌﺪﺵ ﻓﻲﺍﻟﺪﺍﺭ. ﻛﻴﻒ ﻫﺎﻙ ﺍﻟﺠﺮﻳﺪﻳﻪ ﺍﻟﻲ ﻛﺎﻧﺖﺗﺪﻭﺭ ﻓﻲ ﺗﻮﻧﺲ ( ﺍﻟﻴﻮﻡ ﻳﺠﻲ ﺛﻼﺛﺔﻭﺍﻻ ﺃﺭﺑﻌﺔ ﺳﻨﻴﻦ ﺑﺮﻙ ﻣﺎ ﻋﺪﺗﺶﻧﺸﻮﻓﻬﺎ ﻳﻤﻜﻦ ﻣﺎﺗﺖ ) ﻛﺎﻧﺖ ﺗﺒﺪﺍ ﺗﺪﻭﺭﻓﻲ ﺍﻟﺸﺎﺭﻉ ﻻﺑﺴﻪ ﻗﺒﻘﺎﺏ ﻭﺟِﺒّﺔ ﻭﻓﻮﻃﻪ ( ﺑﻼ ﺳﻔﺴﺎﺭﻱ ) ﺗﺒﺪﺍ ﺗﻤﻴﻞ ﻭﺗﺴﺘﻌﺪﻝ (ﻛﺎﻧﻬﺎ ﻓﻲ ﺍﻟﺪﺍﺭ) ﺗﻤﺸﻲﻟﺪﻳﺎﺭ ﺍﻷﻛﺎﺑﺮ ﺍﻟﻜﻞ ( ﻭﻫﺎﻫﻲ ﻓﻲ ﺩﺍﺭﺳﻲ ﻓﻼﻥ، ﻫﺎﻫﻲ ﻓﻲ ﺩﺍﺭ ﺳﻲﻓﻠﺘﺎﻥ)ﺗﻌﺮﻑ ﻛﻞ ﻭﺍﺣﺪ ﺁﺷﻜﻮﻧﻮ ﺑﻮﻩ ﻭﺍﺷﻜﻮﻧﻮ ﺧﻮﻩ ﻭﻭﻟﺪ ﻋﻤّﻮ ﻭﻭﻟﺪ ﺧﺎﻟﺘﻮ ،ﺗﻮﻗّﻔﻮ ﻓﻲ ﺍﻟﺸﺎﺭﻉ ﺗﻨﺸﺪﻭ ﻋﻠﻲ ﺃﻣّﻮﺁﺵ ﺻﺎﺑﺖ ﻧﻔﺴﻬﺎ ﻭ ﻣﺮﺗﻮ ﻭﻟﺪﺗﺸﻲ ﻭﺃﺧﺘﻮ ﺗﺤﻠّﺶ ﻣﻜﺘﻮﺑﻬﺎ؟ ﺗﻘﻌﺪ ﻓﻲﺍﻟﻘﻬﻮﺓ ﻛﻴﻒ ﺍﻟﺮﺟﺎﻝ ، ﺗﺮﻛﺐ ﻓﻲﺍﻟﻄﺮﻣﻔﺎﻱ ﺑﻼﺵ ﺍﻟﺨﻼﺻﺔ ﻣﻴﻜﻠﻤﻮﻫﺎﺵﻭ ﺇﺫﺍ ﻛﺎﻥ ﻭﺍﺣﺪ ﺟﺪﻳﺪ ﻣﺎ ﻳﻌﺮﻓﻬﺎﺵ ﻭﻳﻌﻴﻂ ﻟﻬﺎ ﺍﻟﺒﻮﻟﻴﺲ، ﺍﻟﺒﻮﻟﻴﺲ ﻳﻘﻮﻟﻮ :ﻋﺎﺩ ﻫﺬﻳﻜﺔ ﺗﺨﻠّﺺ !! ﻫﺎﺫﻱ ﻛﻴﻒ ﻣﺎﻛﺎﻧﺖ ﻋﻴﺸﺔ ﺭﺍﺟﻞ ﺍﻟﻠﻲ ﺣﻜﻲ ﻟﻨﺎﻋﻠﻴﻬﺎ ﺍﻟﺸﻴﺦ، ﺍﻟﻠﻪ ﻳﺮﺣﻤﻮ.ﻛﻴﻒ ﻣﺎ ﻛﺎﻧﺖ ( ﺍﻟﻴﻮﻡ ﻳﺠﻲ ﺛﻼﺛﻴﻦﺳﻨﺔ) ﻓﻲ ﺍﻟﻨﻔﻴﻀﺔ ﺃﻣﻚ ﺳﺎﻟﻤﻪﺍﻟﻬﻤﺎﻣﻴﻪ، ﺗﺒﺪﺍ ﻗﺎﻋﺪﻩ ﻓﻲ ﻗﻬﻮﺓ( ﻟَﻠْﺠِﺮْﻳﺎﻥ ) ﻫﻲ ﻭ ﺍﻟﺮﺟﺎﻝ ﻭ ﺗﺤﻜﻲ ﻭﺗﺎﺧﺬ ﻛﻠﻤﺔ ﻭ ﺗﻌﻄﻲ ﻛﻠﻤﺔ ) . ﻭ ﻛﻴﻒﺷﻴﺮﻭﺑﻪ ﻓﻲ ﺟﻤّﺎﻝ ﺍﻟّﻲ ﺗﺒﺪﺍ ﺗﺪﻭﺭﻓﻲ ﺍﻟﺸﺎﺭﻉ ﻭ ﺗﻘﻌﺪ ﻓﻲ ﺍﻟﻘﻬﻮﺓ ﻣﻊﺍﻟﺮﺟﺎﻝ ﻭ ﺗﺘﻜﻠﻢ ﻳﺎﺳﺮ ( ﺩﻳﻤﺔﻟﺴﺎﻧﻬﺎﺧﺪّﺍﻡ )

ﻧﺮﺟﻌﻮﺍ ﻟﻌﻴﺸﺔ ﺭﺍﺟﻞ . ﻗﻠﻨﺎ ﺍﻟﻨﻬﺎﺭﺍﻟﻜﻞﻭﻫﻲ ﻓﻲ ﺍﻟﺸﺎﺭﻉ ﻭ ﻣﻦ ﻗﻬﻮﻩﻟﻘﻬﻮﻩ . ﻭﻛﺬﻟﻚ ﻓﻲ ﺍﻟﻴﻞ ﺗﺴﻬﺮ ﻓﻲﺍﻟﻘﻬﻮﻩ ( ﻫﺬﺍﻳﺔ ﻛﻴﻒ ﻣﺎ ﻧﻘﻮﻟﻮ ﻓﻲﺯﻣﺎﻥ ﺣﻤﻮﺩﺓ ﺑﺎﺷﺎ ) . ﺍﻟﻘﻬﺎﻭﻱﺯﻣﺎﻧﺘﻬﺎ ﻳﺒﺪﺍ ﺛﻤّﺔ ﺍﻟﻔﺪﺍﻭﻱ، ﻳﺤﻜﻲ ﻓﻲﻗﺼﺔ ﺭﺍﺱ ﺍﻟﻐﻮﻝ ﻭﺍﻻ ﻓﻲ ﺍﻟﻌﻨﺘﺮﻳﻪ .ﻋﻘﺎﺏ ﺍﻟﻠﻴﻞ ﻳﻘﻮﻡ ﻳﺮﻭﺡ، ﺛﻤﺔ ﺍﻟﻲﻳﺰﻳﺪﻭ ﻳﺴﻬﺮﻭﺍ . ﻛﺎﻧﺖ ﻫﻲ ﺗﺴﻬﺮ ﻓﻲﺷﻮﻛﺔ ﺣﻤّﺎﻡ ﺍﻟﺮﻣﻴﻤﻲ ﻓﻲ ﻗﻬﻮﺓﺳﻴﺪﺍﻧﻪ ـﻟﻴﻠﺔ ﻣﻦ ﺍﻟﻠﻴﺎﻟﻲ ﺍﻟﻔﺪﺍﻭﻱ ﺣﻜﻲ ﺣﻜﺎﻳﻪﻣﺮﻋﺒﺔ (ﺟﻨﻮﺩ ﻭ ﺃﻏﻮﺍﻝ ﻭ ﺃﻫﻮﺍﻝ ﻭﺧﻮﻑ ﻭ ﻋﻔﺎﺭﺕ ) ﺑﻌﺪ ﻣﺎ ﻣﺸﻲ ﻋﻠﻲﻧﻔﺴﻮ ﻗﻌﺪﻭﺍ ﺍﻟﺠﻤﺎﻋﺔ ﻳﺘﻔﻜﺮﻭﺍ ﻓﻲﺍﻟﻠﻲ ﻛﺎﻥ ﻳﺤﻜﻲ ﻓﻴﻪ، ﻭ ﻫﺬﺍ ﺁﺵﻳﻘﻮﻝ ﻭ ﻫﺬﺍ ﺍﺵ ﻳﻘﻮﻝ ﻭ ﻭﺍﺣﺪﻣﻔﺠﻮﻉ ﻭ ﻭﺍﺣﺪ ﺧﺎﻳﻒ، ﻭ ﻭﺍﺣﺪ ﻗﺎﻝﺃﻧﺎ ﻣﻨﺨﺎﻓﺶ،ﻗﺎﻟﺖ ﺃﻣﻚ ﻋﻴﺸﺔ ﺭﺍﺟﻞ: ﺑﺮﺑّﻲ ﺍﺷﻨﻮﻩﺍﻟّﻲ ﺛﻤّﺔ ﻓﻲ ﺍﻟﺪّﻧﻴﺎ ﻳﺨﻮّﻑ؟ ﺁﻧﺎﻣﺮﻳﺘﺶﻗﺎﻟﻮﻟﻬﺎ :ﻋﺠﺎﻳﺐ؟ ﻋﻤﺮﻙ ﻣﺎ ﺧﻔﺖ ﻣﻦﺣﺎﺟﺔ ﺍﻧﺖ؟ﻗﺎﻟﺖ: ﻋﻤﺮﻱ ﻣﺎ ﺧﻔﺖ ﻣﻦ ﺷﻲﺀﻫﺬﺍ ﺻﺪّﻕ، ﻫﺬﺍ ﻛﺬّﺏ ﺣﺘّﻲ ﻗﺎﻟﻮﻧﺨﺎﻃﺮﻭﻫﺎ. ﻗﺎﻟﺖ : ﺣﺎﺿﺮ ﺑﺎﺵ،ﺍﺷﻨﻮﺓ؟ﺑﺪﺍﻭ ﻳﻔﺮﻛﺴﻮﺍ ﻋﻼﺵ ﻣﺎﺵﻳﺨﺎﻃﺮﻭﻫﺎ؟ ﺣﺘﻲ ﻗﺎﻝ ﻭﺍﺣﺪ : ﺍﻟﺨِﺮﺑﺔﺍﻟﻠﻴﻠﺔ ﺑﺎﻳﺘﻴﻦ ﻓﻴﻬﺎ ﺳﺘﻪﺍﺷﻨﻴﻪ ﻫﺎﺫﻱ ﺍﻟﺨﺮﺑﺔ؟ ﻛﺎﻧﺖ ﺯﻣﺎﻧﺘﻬﺎﺍﻟﻤﺸﻨﻘﻪ ﻣﻨﺼﻮﺑﺔ ﻓﻲ ﺑﺎﺏ ﺳﻮﻳﻘﺔ .ﻳﺸﻨﻘﻮ ﺍﻟﻮﺍﺣﺪ (ﻗﺪﺍﻡ ﺍﻟﻨﺎﺱ) ﻭﻳﺨﻠﻴﻮﻩ ﻣﻌﻠﻖ، ﻛﻴﻒ ﺗﻌﺸﻲ ﻟﻌﺸﻴﺔﻳﻬﺒﻄﻮﻩ ﻭ ﻳﺤﻄﻮﻩ . ﻛﻨﺖ ﻣﻌﺼﺮﺓﻗﺪﻳﻤﺔ ( ﻳﻤﻜﻦ ﺗﺜﺒﺖ ﻋﻠﻲ ﺯﻣﺎﻥﺍﻟﺮﻭﻣﺎﻥ) ﺧﺎﺭﺑﻪ ﻣﺎ ﻳﻌﺮﻓﻮﺵ ﺣﺘﻲﺍﺷﻜﻮﻥ ﻣﻮﺍﻟﻴﻬﺎ (ﻭﻳﻦ ﺗﻮّﺓ ﻫﺎﻙﺍﻟﺤﻮﺍﻧﺖ ﻣﺘﻊ ﻧﺠﺎﺭﺓ ﺍﻟﺰﺑّﻮﺯ ) ﺍﻳﺎ ﻳﺎﺳﻴﺪﻱ ﻓﻴﻦ ﻗﻬﻮﺓ ﺍﻟﺒﻮﺳﻄﻪﻫﺎﻙ ﺍﻟﺨﺮﺑﺔ ﻣﺎﺯﺍﻝ ﻓﻴﻬﺎ ﺑﺎﺏ ﻳﺤﻠﻮﺍﻟﺒﺎﺏ ﻳﺪﺧﻠﻮﺍ ﻫﺎﻙ ﺍﻟﻤﺸﻨﻮﻕ ﻳﺮﺩّﻭﻋﻠﻴﻪ ﺍﻟﺒﺎﺏ ﻳﺒﻴﺘﻮﻩ ﺛﻤّﻴﻜﺔ . ﻣﻦ ﻏﺪﻭﻳﻜﻪﻳﺠﻴﻮﺍ ﻳﻬﺰّﻭﻩ ﻳﺪﻓﻨﻮﻩ

ﻋﺎﺩ ﻭﺍﺣﺪ ﻗﺎﻝ ﺍﻟﻠﻴﻠﺔ ﺛﻤّﺔ ﺳﺘّﺔ ﺑﺎﻳﺘﻴﻦﻓﻲ ﺍﻟﺨﺮﺑﺔـ ﺳﺘّﺔ ﺗﺸﻨﻘﻮ ﻧﻬﺎﺭﺗﻬﺎ ﻭﻋﻨﺪ ﺍﻟﻤﻐﺮﺏ ﻫﺒﻄﻮﻫﻢ ﺣﻄﻮﻫﻢ ﻓﻲﺍﻟﺨﺮﺑﺔ (ﺣﺘﻲ ﻟﻐﺪﻭﻩ ﺍﻳﺎ ( ﻗﺎﻝ ﻟﻬﺎ)ﺗﻤﺸﻲ ﻟﻬﻢ؟ﻗﺎﻟﺖ :ﻧﻤﺸﻲ -ﺗﺤﻞ ﺍﻟﺒﺎﺏ ﺗﺪﺧﻞ، ﺗﺎﻗﻒ ﻋﻠﻴﻬﻢ، ﻭﺗﺮﺟﻊ -ﻗﺎﻟﺖ: ﺇﻱ ﻧﻌﻢ -ﻗﺎﻟﻮ: ﺗﻲ ﻣﺎﻙ ﺗﻜﺬﺏ، ﺍﻧﺖ ﺗﻨﺠّﻢ؟-ﻗﺎﻟﺖ: ﺟﺮﺑﻮﻧﻲ -ﻗﺎﻟﻮ : ﻳﻤﻜﻦ ﺗﺤﻞ ﺍﻟﺒﺎﺏ ﻭ ﺗﺎﻗﻒ ﻭﺭﺍﻩﻭ ﻣﻨﻬﺎ ﺗﺨﺮﺝ ﺗﺠﺮﻱ ﻭ ﺗﻘﻮﻝ : ﺩﺧﻠﺖ ﻭﻭﻗﻔﺖ ﻋﻠﻴﻬﻢﻗﺎﻟﺖ : ﻻ ، ﻧﺪﺧﻞ ﻋﻠﻴﻬﻢ -ﻟﻜﻦ ﺷﻨﻴﻪ ﺍﻷﻣﺎﺭﻩ ﺍﻟﻲ ﺍﻧﺖ ﺩﺧﻠﺖﻋﻠﻴﻬﻢ؟ -ﻗﺎﻟﺖ: ﺍﻋﻄﻴﻮﻧﻲ ﺣﺎﺟﺔ ﻧﺤﻄﻬﺎﺑﺤﺬﺍﻫﻢ -ﻗﺎﻝ ﻭﺍﺣﺪ : ﻣﺎﻙ ﺗﺮﻣﻴﻬﺎ ﻣﻦ ﺑﻌﻴﺪ ﻭﺗﻬﺮﺏ -ﺍﻣﺎﻟﻪ ﺁﺵ ﻧﻌﻤﻠﻮ؟ -ﻣﻨﻬﺎ ﻭﺍﺣﺪ ﻃﻠﻊ ﺑﻔﻜﺮﺓ . ﻗﺎﻝ : ﺍﻧﻄﻴﺒﻮﻃﻨﺠﺮﻩ ﺣْﺴُﻮْ، ﻭ ﺗﺪﺧﻞ ﺍﻧﺖ ﺑﻬﺎﻙﺍﻟﻄﻨﺠﺮﻩ ﻓﻲ ﻳﺪﻙ ﻭ ﻛﻞ ﻭﺍﺣﺪ ﻣﻦﻫﺎﻙ ﺍﻟﻤﻮﺗﻲ ﺗﺤﻠّﻮ ﻓﻤّﻮ ﻭﺗﺤﻄﻠﻮﻣﻐﺮﻓﻪ ﺣﺴﻮْ ﻳﺴﺨﺎﻳﻞ ﺻﻌّﺐ ﻋﻠﻴﻬﺎﻳﺎﺳﺮ .( ﻭﻫﺎﺫﻱ ﺷﻜﻮﻩ ﻳﻘﺪﺭ ﻋﻠﻴﻬﺎ ﻓﻲﻫﺎﻙ ﺍﻟﻈﻠﻤﻪ؟ ﻭ ﻭﺍﺣﺪ ﻣﺸﻨﻮﻕ ﻭﻣﻮﺵﺣﺘّﻲ ﻣﻴّﺖ ﻣﻮﺕ ﺭﺑّﻲ ﺭﺍﻫﻲ ﺍﻟﻌﺒﺎﺑﺚﺩﺍﻳﺮﺓ ﺑﻴﻪ، ﻭ ﺗﻘﺮﺑﻠﻮ ﺯﺍﺩﻩ ﻭ ﺗﺤﻞﻓﻤّﻮ ﻭ ﺗﺤﻄﻠﻮ ﻣﻐﺮﻓﺔ ﺣﺴﻮ) ﻫﺎﺫﻱﻋﻤﺮﻫﺎ ﻣﺎ ﺗﺘﺼﻮّﺭ ﻓﻲ ﺍﻟﻌﻘﻞ، ﻟﻜﻦﻫﻲ ﻗﺎﻟﺖ ﻧﻤﺸﻲﻗﺎﻟﻮﺍ : ﺃﻳﺎ ﺍﻟﺤﺴﻮ ﺇﻣﺎﻟﻪﻫﻲ ﺩﺍﺭﻫﺎ ﻗﺮﻳﺒﺔ، ﻗﺎﻟﺖ: ﺍﺳﺘﻨﺎﻭﻧﻲﺭﺑﻊ ﺳﺎﻋﺔ ﻧﺤﺮﻭﺩ ﻃﺮﻑ ﺣﺴﻮ ، ﻳﺎﺧﻲﺷﻨﻮﻩ ﺑﻮﻩ؟ ﻭﻗﺎﻣﺖ ﻣﺸﺎﺕﻭ ﻗﻌﺪﻭ ﻫﻮﻣﺎ : ﺯﻋﻤﺔ ﺗﺨﺎﻑ؟؟ ﺑﺎﻟﻚﻣﺸﺎﺕ ﻟﺪﺍﺭﻫﺎ ، ﺗﻮﺓ ﺗﻐﻢ ﻋﻠﻲ ﺭﺍﺳﻬﺎﻭ ﺗﺮﻗﺪ ﻭ ﺗﻨﻔّﺨﻨﺎ؟ ﻗﺎﻝ ﻭﺍﺣﺪ: ﻻﻗﻠﺒﻬﺎ ﻗﻮﻱ، ﻫﺎﺫﻱ ﻋﺠﻮﺯﺓ ﺟﻬﻨﻢ ﻻﺯﻡﺗﺠﻲﻭﺍﺣﺪ ﻣﻨﻬﻢ ﻣﻜﺴﺮ ﺫﻧﺎﻳﺐ، ﻭﺍﺣﺪ ﺑﺎﻳﻊﺑﺮﺍﺳﻮ ﻣﺎ ﻳﻌﺮﻓﺶ ﺍﻟﺨﻮﻑ ﻛﻴﻔﻨﻬﻮ( ﺩﺍﺭﻫﺎ ﺷﻠﻴﻠﺔ ﻭ ﻣﻠﻴﻠﺔ ) ﻗﺎﻝ : ﺃﻧﺎﺍﻟﻠﻴﻠﻪ، ﺇﻻّ ﻣﺎ ﻧﻌﻤﻞ ﻟﻬﺎ ﻋﻤﻠﺔ ﺗﺘﻨﺴﺦﻓﻲ ﺍﻟﻜﺘﺐﻭﺍﻟﺮﺍﺟﻞ ( ﺣﻘﻴﻘﺔ ﺭﺍﺳﻮ ﺻﺤﻴﺢ ﻭ ﻣﺎﻳﺨﺎﻓﺶ ) ﻗﺎﻝ ﻟﻬﻢ : ﺃﻧﺎ ﻣﺎﺵ ﻧﻤﺸﻲﻗﺒﻠﻬﺎ ﻧﻘﻌﺪ ﻓﻲ ﻭﺳﻂ ﺍﻟﻤﻮﺗﻲ ﻭ ﻭﻗﺖﺍﻟﻲ ﺗﺠﻲ ﻧﻘﻮﻡ ﻟﻬﺎ ﻭ ﻧﻔﺠﻌﻬﺎ

ﻭﻗﺎﻡ ﻣﺸﻲ، ﺩﺯ ﺍﻟﺒﺎﺏ، ﺩﺧﻞ ﻟﻠﺨﺮﺑﺔ،ﻣﺸﻲ ﻟﻠﺒﻴﺖ ﺍﻟﻲ ﻓﻴﻬﺎ ﺍﻟﻤﻮﺗﻲﻣﻤﺪﻭﺩﻳﻦ ﺟﺎ ﻓﻲ ﻭﺳﻄﻬﻢ ﻭ ﺗﻤﺪ.ﺑﻌﺪ ﺣﺼﺔ ﺧﻠﻄﺖ ﻫﻲ ﻓﻲ ﻳﺪﻫﺎ ﻗﻔﺔﻓﻴﻬﺎ ﻃﻨﺠﺮﻩ ﺑﺎﻟﺤﺴﻮ ﻭ ﻣﻐﺮﻓﻪ ﺍﻳﺎ(ﻗﺎﻟﺖ ﻟﻬﻢ) ﻫﺎﻧﻲ ﻣﺎﺷﻴﻪ ﻛﻞ ﻭﺍﺣﺪﻧﺤﻄﻠﻮ ﻣﻐﺮﻓﺔ ﺣﺴﻮ ﻓﻲ ﻓﻤﻮ، ﻭﻏﺪﻭﻩ ﺍﻟﺼﺒﺎﺡ ﺍﻣﺸﻴﻮ ﻗﻠّﺒﻮ ، ﻛﺎﻥﻟﻘﻴﺘﻮ ﺍﻓﺎﻣﻬﻢ ﻓﺎﺭﻏﻴﻦ ﺭﺑﺤﺘﻮ ﻭﻛﺎﻥ ﻛﻞﻭﺍﺣﺪ ﻓﻤﻮ ﻣﻠﻴﺎﻥ ﺑﺎﻟﺤﺴﻮ ﻭﺭﺍﺱ ﺍﻟﺠﺎﻩﻣﺎ ﻧﻜﻤﻞ ﻧﻬﺎﺭﻱ ﺍﻻ ﺑﺘﻘﺮﻳﻄﻪ ﺟﺪﻳﺪﺓﻋﻠﻲ ﺭﺍﺳﻲ ﻋﻠﻲ ﺧﺎﻃﺮﻫﻢ ﻣﺨﺎﻃﺮﻳﻨﻬﺎﺑﺘﻘﺮﻳﻄﺔ ﻳﺸﺮﻳﻮﻫﺎﻟﻬﺎ ﻭﻗﺎﻣﺖ ﺩﻭﻗﻪﺩﻭﻗﻪ ( ﻭﻫﻮﻣﺎ ﻓﻲ ﺟﺮﺗﻬﺎ ) ﻣﻦ ﺑﻌﻴﺪﺩﺯﺕ ﺑﺎﺏ ﺍﻟﻤﻌﺼﺮﺓ ﺩﺧﻠﺖ ﻭ (ﻓﻨﺎﺭ )ﻓﻲ ﻳﺪﻫﺎ ﻋﻄﺎﻭﻫﻮﻟﻬﺎ ﺧﺎﻃﺮ ﺯﻣﺎﻧﺘﻬﺎ ﻻﺛﻤﺔ ﺿﻮﺀ ﻓﻲ ﺍﻟﻨﻬﻮﺟﺎﺕ ﻻ ﺷﻲﺀ ﻭﺣﺘﻲ ﻭﻗﺖ ﺍﻟﻲ ﺗﺪﺧﻞ ﻇﻠﻤﻪ ، ﺣﺘﻲﺍﻟﻤﻮﺗﻲ ﻣﺘﺸﻮﻓﻬﻤﺶ ﺍﻟﺒﻴﺖ ﺍﻟﻲﻳﺤﻄﻮ ﻓﻴﻪ ﺍﻟﻤﻮﺗﻲ ( ﻭﻗﺘﻬﺎ ﺷﻜﻮﻥ ﻣﺎﻳﻌﺮﻓﻬﺎﺵ ) ؟ ﻣﺸﺎﺗﻠﻬﺎ ﻣﻘﺎﺑﻠﺔ ﻭ ﻫﻲﺗﺘﻜﻠﻢ ﻭﺣﺪﻫﺎ ﻭ ﺗِﺘَّﻜﻤِﺮ ﻭﻳﻨﻬﻮﻣﻪﻫﺎﻟﻌُﻴّﺎﻕ؟ ﻭﻟﻴﺪﺍﺗﻲ ﻟﻮ ﻛﺎﻥ ﻣﺎ ﻋﻤﻠﺘﻮﺭﺍﻫﻮ ﻣﺎ ﻳﺠﺮﻱ ﻟﻜﻢ ﻫﻜﺔ، ﻟﻮﺍﻩﻣﻮﺻﻠﻴﻦ ﻧﻔﺴﻜﻢ؟ ﺣﺘﻲ ﺭﺳﺎﺕ ﻟﻜﻢﺑﺎﻟﻤﺸﻨﻘﻪ ﻭ ﺍﻟﺸﻮﻫﻪ ﻭ ﺍﻟﻔﻀﻴﺤﻪ، ﻳﺎﺭﺑﻲ ﺍﻟﻠﻄﻒﻭﺟﺎﺕ ﻟﻠﻮﻻﻧﻲ، ﺣﻄﺖ ﺍﻟﻄﻨﺠﺮﺓ ﺑﺤﺬﺍﻫﺎﻭ ﺍﻟﻔﻨﺎﺭ ﻋﻨﺪ ﺭﺍﺳﻮ ﺟﺎﺕ ﺑﺎﺵ ﺗﺤﻠﻮﻓﻤﻮ ﻟﻘﺎﺕ ﺳﻨﻴﻪ ﻣﻜﺰﺯﻳﻦ (ﻫﻮ ﺍﻟﻤﻴﺖﻓﻤﻮ ﻳﺘﺤﻞ؟ ) ﻗﺎﻟﺖ : ﺣﺘﻲ ﺃﻧﺎ ﺯﺍﺩﻩ،ﻧﺴﻴﺖ ﺍﻟﻲ ﺍﻟﻤﻴﺖ ﻓﻤﻮ ﻣﺎ ﻳﺘﺤﻠﺶ،ﻋﻠﻲ ﻛﻞ ﺣﺎﻝ ﻛﻞ ﻭﺍﺣﺪ ﻧﺤﻠﻮ ﺷﻔﺎﻳﻔﻪﻭ ﻧﺼﺒﻠﻮ ﻣﻐﺮﻓﻪ ﻣﻜﺎﻧﺶ ﺍﻟﺘﻘﺮﻳﻄﺔﻭﺍﻟﻠﻪ ﻣﺎ ﻧﺸﻮﻓﻬﺎ ﻭ ﻋﺒﺎﺕ ﻣﻐﺮﻓﺔ ﻭﺻﺒﺘﻬﺎﻟﻮ ﻭ ﻧﻘﻠﺖ ﻟﻠﺜﺎﻧﻲ، ﻫﻲ ﻃﺒﺴﺖﻋﻠﻴﻪ ﻭ ﻭﺧﻴﻨﺎ ( ﻣﻤﺪﻭﺩ ﻓﻲ ﺍﻟﻮﺳﻂ )ﻫﺰ ﺭﺍﺳﻮ ﻭﻗﺎﻝ ﻟﻬﺎ : ﻭﺍﻧﺎ؟

ﺩﻭﺍﺕ ﻫﺎﻙ ﺍﻟﻜﻠﻤﺔ ﻫﺬﻳﻜﺔ ﻓﻲ ﻇﻼﻡﺍﻟﻠﻴﻞ، ﻭ ﻣﻌﺼﺮﺓ ﻓﺎﺭﻏﺔ ﻭ ﺩﻣﺲﺍﻟﺼﺪﻱ ﻣﺘﺎﻋﻬﺎ ﻗﻮﻱ ﻭ ﺍﻟﻴﻞ ﺳﻤّﺎﻉﻳﺴﺨﺎﻳﻠﻬﺎ ﻣﺎﺵ ﺗﺘﻔﺠﻊ ﺗﻄﻴﺢ ﻣﺎ ﻓﻲﻋﻴﻨﻬﺎ ﺑﻠﺔ ﻳﺎﺧﻲ ﻻ ﺗﻔﺠﻌﺖ ﻻ ﺷﻲﺀﺍﻣﺎ ﻗﺎﻟﺘﻠﻮ: ﺍﺳﺘﻨﻲ ﺣﺘﻲ ﻳﺠﻲﺀﻃﺮﻳﻘﻚ !! ﻣﺎ ﺗﻌﺮﻓﺶ ﺗﺼﺒﺮ ( ﺍﻟﻠﻄﻒﻳﺎ ﺭﺑﻲ ) ﻫﺎﻫﻴﻜﻪ ﺍﻟﺰﺭﺑﺔ ﻣﺘﺎﻋﻚﻭﺻﻠﺘﻚ ﻟﻠﻤﺸﻨﻘﻪﻭﺣﻄﺖ ﻣﻐﺮﻓﻪ ﻟﻠﺜﺎﻧﻲ ﻭ ﻟﻠﺜﺎﻟﺚ ﻭﺍﻟﺮﺍﺑﻊ ﻭ ﺍﻟﺨﺎﻣﺲ ﻭ ﺍﻟﺴﺎﺩﺱ ﻭﺍﻟﺴﺎﺑﻊ ﻗﺎﻟﺖ : ﺁﻩ ﻫﻢ ﻗﺎﻟﻮﻟﻲ ﺳﺘﻪ ﺗﻲﻫﺎﻫﻢ ﺳﺒﻌﺔ ﺍﻳﺎ ﻛﻤﻠﺖ ﻭ ﺧﺮﺟﺖ، ﻟﻘﺎﺕﺍﻟﺠﻤﺎﻋﺔ ﻭﺍﻗﻔﻴﻦ ﺗﺤﺖ ﺣﻴﻂﻛﻴﻒ ﺷﺎﻓﻮﻫﺎ ﺗﻔﺠﻌﻮـﻗﺎﻟﺖ ﻟﻬﻢ : ﺳﺒﻌﻪ ﺭﺍﻫﻢ ﻣﻮﺵ ﺳﺘﻪ، ﻳﺎﻏﺸﺎﺷﻴﻦ -ﻛﻴﻔﺎﺵ ﻳﺎ ﻋﻴﺸﻪ؟-ﻗﺎﻟﺖ : ﻭﺭﺍﺱ ﺍﻟﺠﺎﻩ ﺳﺒﻌﻪﺳﺒﻌﻪ؟ -ﺍﻳﻪ ﺳﺒﻌﻪ ﻭﻭﺣﻴّﺪ ﻣﻨﻬﻢ ﻋﺎﻣﻞ ﺭﻭﺣﻮﻗْﺒﻴِّﺢْ، ﻗﺎﻟﻲ: ﻭﺍﻧﺎ؟ ﻗﺘﻠﻮ : ﺍﺻﺒﺮ ﺣﺘﻲﻳﺠﻲﺀ ﻃﺮﻳﻘﻚ ﻭﺍﻟﻠﻪ ﻣﺎ ﻋﻄﻴﺘﻮ ﺍﻻﻛﻴﻒ ﺟﺎ ﻃﺮﻳﻘﻮ ، ﻻ ﻫﻮ ﺧﻴﺮ ﻣﻨﻬﻢ؟ﻗﺎﻟﻮﻟﻬﺎ : ﺻﺤّﺔ ﻟﻴﻚ، ﺍﻟﺘﻘﺮﻳﻄﻪ ﺭﺑﺤﺘﻬﺎ،ﻏﺪﻭﺓ ﺗﻜﻮﻥ ﻋﻨﺪﻙ ، ﻟﻜﻦ ﻭﻳﻨﻮ ﻓﻼﻥﺍﺷﺒﻴﻪ ﻳﺎﺧﻲ ﻣﺨﺮﺟﺶ؟ﻗﺎﻟﺖ : ﺁﻣﺎ ﻓﻼﻥ؟ -ﻗﺎﻟﻮﻟﻬﺎ: ﺍﻟﺴﺎﺑﻊ -ﻗﺎﻟﺖ : ﺑﺮﺑﻲ ﺗﺪّﻛﻜﻮ، ﻣﻴﺖ ﻣﺎﺯﺍﻝ ﻣﺎﺵﻳﺨﺮﺟﻠﻜﻢ -ﻗﺎﻟﻮ : ﻳﻨﺪﺭﻱ ﺁﺵ ﻭﻗﻌﻠﻮ ﻫﺬﺍﻳﻪ؟ ﺍﻳﺎﻧﺪﺧﻠﻮ ﻧﺸﻮﻓﻮﺍ -ﺩﺧﻠﻮﺍ ﺑﻔﻨﺎﺭﻫﻢ ﻳﻠﻘﺎﻭﻫﻢ ﺳﺒﻌﻪﻣﻤﺪﻭﺩﻳﻦ ﻭ ﺻﺎﺣﺒﻬﻢ ﻓﻲ ﺍﻟﻮﺳﻂﺍﻟﻌﻴﻨﻴﻦ ﻣﺤﻠﻮﻟﻪ ﻣﺰَﻋّﺰﻩ ﻭ ﺍﻟﻮﺟﻪﺃﺻﻔﺮ ( ﻭﺟﻬﻮ ﻣﻴﺖ) ﻃﺒﺴﻮ ﻋﻠﻴﻪﻣﺴّﻮﻩ، ﻟﻘﺎﻭﻩ ﺑﺎﺭﺩ ﺳﻜﻪ، ﻣﻴﺖ ﻛﺎﻥﻣﺎﺵ ﻳﻔﺠﻌﻬﺎ ﻳﺎﺧﻲ ﻛﻴﻒ ﻗﺎﻝ ﻟﻬﺎ:ﻭﺍﻧﺎ، ﻭ ﻗﺎﻟﺘﻠﻮ: ﺍﺻﺒﺮ، ﺗﻔﺠﻊ ﻫﻮ ﻭﺷﻬﻖ ﺷﻬﻘﻪ ﻭﺍﺣﺪﻩ ﻃﻠﻌﺖ ﺭﻭﺣﻮ

حكاية " ﺍﻟﺨﻤﺎﺱ ﻭ ﺍﻟﻤﺮﺃﺓ"

noreply@blogger.com (Anonymous) — Tue, 03 Mar 2015 15:17:00 +0000

ﻗﺎﻟﻚ ﻳﺎ ﺳﻴﺪﻱ ﻓﻤّﺎ ﺭﺍﺟﻞ ﺧﻤﺎﺱ ﻳﺨﺪﻡ ﻓﻲ ﺃﺭﺽ ﻓﻼّﺡ، ﻧﻬﺎﺭ ﻛﻴﻒﺍﻟﻌﺎﺩﺓ ﻳﺤﺮﺙ ﻓﻲ ﺍﻷﺭﺽ ﻭ ﻳﺴﻘﻲ ﻓﻲ ﺍﻟﺸﺠﺮ، ﻓﺠﺄﺓ ﻫﺰ ﻋﻴﻨﻮﻳﻠﻘﻰ ﻣﺮﺃﺓ ﺷﺎﻗﺔ ﺍﻟﺴﺎﻧﻴﺔ، ﻭﻗﻒ، ﺧﺰﺭ، ﻗﺎﻝ ﺍﻟﺴﻼﻡ ﻳﺎ ﺫﺍﺕﺍﻟﺤﺴﻦ ﻭ ﺍﻟﺠﻤﺎﻝ، ﻗﺎﻟﺖ ﻭ ﻋﻠﻴﻜﻢ ﺍﻟﺴﻼﻡ، ﻗﺎﻟﻬﺎ ﻓﺎﺵ ﺗﻌﻤﻞﻫﻮﻧﻲ، ﻗﺎﻟﺖ ﺍﻟﻤﺮﺃﺓ ﺃﻧﺎ ﻭﺣﻴﺪﺓ ﻣﺎ ﻫﻨﺪﻱ ﺣﺘﻰ ﺃﺣﺪ ﻓﻲ ﺍﻟﺪﻧﻴﺎ،ﻗﺎﻝ ﺍﻟﺨﻤﺎﺱ ﺑﻴﻨﻮ ﻭ ﺑﻴﻦ ﺭﻭﺣﻮ ﺃﻧﺎ ﻋﺎﺯﺏ ﻭ ﺍﻟﻤﺮﺃﺓ ﻫﺎﺫﻱ ﺟﻤﺎﻝ ﻭﺣُﺴﻦ ﻣﺎﻓﻤﺎﺵ ﻛﻴﻔﻬﻢ ﻓﻲ ﻫﺎﻟﻤﺪﻳﻨﺔ، ﻗﺎﻝ ﺍﻟﺨﻤﺎﺱ : ﻳﺎ ﺑﻨﺖ ﺍﻟﻨﺎﺱﺃﺵ ﻗﻮﻟﻚ ﻛﺎﻥ ﺗﻠﻘﻰ ﺭﺍﺟﻞ ﻳﺼﻮﻧﻚ ﻭ ﻳﺤﻤﻴﻚ ﻭ ﻳﻌﻴﺸﻚ ﻓﻲ ﺧﻴﺮ،ﺃﺵ ﻗﻮﻟﻚ ﻧﻌﺮّﺱ ﺑﻴﻚ ؟ ﻗﺎﻟﺖ ﺍﻟﻤﺮﺃﺓ ﺍﻟﻠﻪ ﻳﺒﺎﺭﻙ ..ﺭﻣّﻰ ﺍﻟﻤﺤﺮﺍﺙ ﻭ ﺍﻟﻔﺄﺱ ﻣﻦ ﺇﻳﺪﻳﻪ ﻭ ﺭﻛﺐ ﻋﻠﻰ ﺍﻟﺤﺼﺎﻥ ﻭ ﺭﻛﺒﻬﺎﻣﻌﺎﻩ، ﻭ ﻗﺎﻟﻬﺎ ﻧﻤﺸﻲ ﻧﻘﻮﻝ ﻟﻌﺮﻓﻲ ﺍﻟﻔﻼﺡ ﻳﻠّﻲ ﺃﻧﺎ ﺑﺎﺵ ﻧﻌﺮﺱ ﻭﺑﺎﺵ ﻧﺄﺧﺬ ﺃﻳﺎﻣﺎﺕ ﺭﺍﺣﺔ، ﻫﻴﺎ ﻳﺎ ﺳﻴﺪﻱ ﻭﺻﻞ ﻟﺪﺍﺭ ﺍﻟﻔﻼﺡ، ﻫﺒﻂ ﻣﻦﻓﻮﻕ ﺍﻟﺤﺼﺎﻥ ﻭ ﻭﺩﻕ ﺍﻟﺒﺎﺏ، ﺧﺮﺝ ﺍﻟﻔﻼﺡ ﻭ ﻗﺎﻝ : ﻻﺑﺎﺱ ﻣﺎﻫﻮ ؟ﺷﺒﻴﻚ ﺟﻴﺖ ﻭ ﺧﻠﻴﺖ ﺧﺪﻣﺘﻚ ؟ﻗﺎﻝ ﺍﻟﺨﻤﺎﺱ : ﻳﺎ ﺳﻴﺪﻱ ﺃﻧﺎ ﻗﺮﺭﺕ ﺑﺎﺵ ﻧﻌﺮﺱ ﻭ ﻻﺯﻣﻨﻲ ﻧﺮﺗﺎﺡﺃﻳﺎﻣﺎﺕ ﻫﺎﻭ ﺟﻴﺖ ﺑﺎﺵ ﻧﻘﻮﻟﻚ ﺑﺎﺵ ﻳﺒﺪﺍ ﻓﻲ ﺑﺎﻟﻚﻗﺎﻝ ﺍﻟﻔﻼﺡ ﻭ ﻫﻮ ﻳﻀﺤﻚ : ﻫﺎﻫﺎﻫﺎﻫﺎ ﺑﺎﺵ ﺗﻌﺮﺱ ﻭ ﺷﻜﻮﻥ ﻫﺬﻩﻳﻠّﻲ ﺑﺎﺵ ﺗﺮﺿﻰ ﺑﻴﻚ ؟ﻗﺎﻝ ﺍﻟﺨﻤﺎﺱ : ﻫﺎﺫ ﻳﻠّﻲ ﻓﻮﻕ ﺍﻟﺤﺼﺎﻥ

ﺗﻠﻔﺖ ﺍﻟﻔﻼﺡ ﺑﺎﺵ ﻳﺸﻮﻓﻬﺎ، ﺷﻬﻖ، ﻗﺎﻝ ﻫﺬﻩ ﻣﻼﺋﻜﺔ ﺃﻭ ﺟﺎﻥ، ﻗﺎﻝﻓﻲ ﻧﻔﺴﻪ ﻫﺬﻩ ﺗﺼﻠﺢ ﻟﻴّﺎ ﺃﻧﺎ ﻧﻌﺮﺱ ﺑﻴﻬﺎ ﺧﻴﺮ، ﻭ ﻗﺎﻝ ﻟﻠﺨﻤﺎﺱ :ﺩﻗﻴﻘﺔ ﻳﺎ ﺧﻤﺎﺱ ﺧﻠﻴﻨﻲ ﻧﺤﻜﻲ ﺃﻧﺎ ﻭ ﻳﺎﻫﺎ ﺷﻮﻱ ﻭ ﻧﻌﺮﻑ ﺃﺻﻠﻬﺎﺧﺎﻃﺮ ﺇﻧﺘﻲ ﻛﻴﻒ ﺧﻮﻳﺎ ﻭ ﻣﻨﺮﺿﺎﻛﺶ ﺗﺄﺧﺬ ﻣﺮﺃﺓ ﻣﺎ ﺗﺼﻠﺤﺶ ﺑﻴﻚﻭ ﺩﺧﻞ ﻟﻠﺪﺍﺭ ﺍﻟﻔﻼﺡ ﻭ ﻣﻌﺎﻩ ﺍﻟﻤﺮﺃﺓ، ﻭ ﻗﺎﻟﻠﻬﺎ : ﻫﻞ ﺃﻧﺘﻲ ﺑﺎﻟﺤﻖﻣﻮﺍﻓﻘﺔ ﺑﺎﺵ ﺗﺄﺧﺬ ﺧﻤﺎﺱ ؟ ﺗﻲ ﺭﺍﻫﻮ ﺧﻤﺎﺱ ﻭ ﻳﺨﺪﻡ ﻋﻨﺪﻱ ﻭ ﺃﻧﺎﻗﺎﺩﺭ ﻧﻌﻴّﺸﻚ ﻓﻲ ﺧﻴﺮ ﻭ ﺭﺍﻫﻮ ﻋﻨﺪﻱ ﺃﺭﺍﺿﻲ ﻭ ﺳﻮﺍﻧﻲ ﻭ ﻛﻞﺷﻲﺀ .. ﺃﺵ ﻗﻮﻟﻚ ﻧﻌﺮﺱ ﺑﻴﻚ ﺃﻧﺎ ؟ﻗﺎﻟﺖ ﺍﻟﻤﺮﺃﺓ : ﺍﻟﻠﻪ ﻳﺒﺎﺭﻙ ﻣﻮﺍﻓﻘﺔ

ﻭ ﺧﺮﺝ ﺳﻲ ﺍﻟﻔﻼﺡ ﻭ ﻗﺎﻝ ﻟﻠﺨﻤﺎﺱ : ﺇﺫﻫﺐ ﻣﻦ ﻗﺪﺍﻣﻲ ﻭ ﺇﻧﺴﺎﻫﺎﺣﻜﺎﻳﺔ ﺍﻟﺰﻭﺍﺝ ﻭ ﺍﻟﻤﺮﺃﺓ ﺭﺍﻧﻴﺄﻧﺎ ﺳﻴﺪﻙ ﺑﺎﺵ ﻧﻌﺮﺱ ﺑﻴﻬﺎ، ﻫﻴّﺎ ﺇﻣﺸﻲﺇﺫﻫﺐ ﻣﺎﻋﺎﺩﺵ ﻧﺤﺐ ﻧﺸﻮﻑ ﻭﺟﻬﻚ ..ﻣﺸﻰ ﺳﻲ ﺍﻟﺨﻤﺎﺱ ﻭ ﻳﻨﺪﺏ ﻋﻠﻰ ﺳﻌﺪﻩ ﺍﻷﺣﺮﻑ ﻭ ﻗﺎﻝ ﻣﺤﺴﻮﺏﺃﻧﺎ ﺑﺎﺵ ﻧﺴﻜﺘﻠﻮ ﻫﺎﻟﻔﻼﺡ ﻭ ﻧﺘﺮﻛﻪ ﻳﻔﻜﻠﻲ ﺯﻭﺟﺘﻲ، ﻭ ﻗﺎﻝ ﻧﻤﺸﻲﻟﻠﺸﻴــــﺦ ﻣﺘﺎﻉ ﺍﻟﻘﺮﻳﺔ ﻧﺸﻜﻴﻠﻮ .. ﻭ ﻣﺸﻰ ﻃﻮﻝ ﻟﺪﺍﺭ ﺳﻴﺪﻱﺍﻟﺸﻴﺦ ﻭ ﺣﻜﺎﻟﻮ ﺍﻟﺤﻜﺎﻳﺔ، ﺍﻟﺸﻴﺦ ﻳﺒﻌﺚ ﺭﺍﺟﻞ ﻭ ﻗﺎﻟﻪ ﻗﻮﻝ ﻟﻠﻔﻼﺡﺇﻳﺠﻴﻨﻲ ﺍﻷﻥ ﻫﻮ ﻭ ﺍﻟﻤﺮﺃﺓ ﻣﺎﻛﺎﻧﺶ ﻭﻟﻠﻪ ﺍﻟﻌﻄﻈﻴﻢ ﻧﺸﻜﻲ ﺑﻴﻪ ﻭ ﻣﻦﻏﺪﻭﺓ ﻳﺼﺒﺢ ﻓﻲ ﺍﻟﺤﺒﺲ ..ﻫﻴّﺎ ﻣﺨﺘﺼﺮ ﺍﻟﺤﺪﻳﺚ ﺟﺎﺀ ﺍﻟﻔﻼﺡ ﻭ ﻣﻌﺎﻩ ﺍﻟﻤﺮﺃﺓ، ﻭ ﺩﺧﻞ ﻟﺪﺍﺭﺍﻟﺸﻴﺦ ﻳﻠﻘﻰ " ﺍﻟﺸﻴــــﺦ " ﻭ ﺍﻟﺨﻤﺎﺱ ..ﺍﻟﺸﻴﺦ ﺃﻭﻝ ﻣﺎ ﺷﺎﻑ ﺍﻟﻤﺮﺃﺓ ﺣﺘﻰ ﻫﻮ ﻋﻤﺎﺕ ﻋﻴﻮﻧﻮ ﻭ ﻗﺎﻝ ﺷﻨﻴﺎﻫﺬﻩ ! ﺣﻮﺭﻳﺔ ﻣﻦ ﺍﻟﺠﻨﺔ! ﻭ ﻗﺎﻝ ﺧﻠﻴﻨﻲ ﻧﻌﺮﻑ ﻭﺟﻬﺔ ﻧﻈﺮ ﺍﻟﻤﺮﺃﺓﻓﻲ ﺍﻟﻘﻀﻴﺔ ﻭ ﻃﻠﺐ ﻣﻦ ﺍﻟﺨﻤﺎﺱ ﻭ ﺍﻟﻔﻼﺡ ﻳﺴﺘﻨﺎﻭﻩ ﺍﻟﺒﺮّﺓ، ﻭﻗﻌﺪﻫﻮ ﻭ ﺍﻟﻤﺮﺃﺓ ﺩﺍﺧﻞ ﺍﻟﺪﺍﺭ ﻭ ﻗﺎﻟﻬﺎ : ﻳﺎ ﺫﺍﺕ ﺍﻟﺤﺴﻦ ﻭ ﺍﻟﺠﻤﺎﻝ ﺃﻧﺎﺍﻟﺸﻴﺦ ﺭﺍﻫﻲ ﻛﻠﻤﺘﻲ ﻫﻲّ ﻳﻠّﻲ ﺗﻤﺸﻲ ﻓﻲ ﺍﻟﻘﺮﻳﺔ، ﻭ ﺍﻟﻔﻼﺡ ﺭﺍﺟﻠﻚﺃﻧﺎ ﻧﺤﻜﻢ ﻓﻴﻪ، ﺃﺧﻄﺎﻙ ﻣﻨﻪ ﻭ ﻋﺮّﺳﻲ ﺑﻴّﺎ ﺃﻧﺎ، ﻗﺎﻟﺖ ﺍﻟﻤﺮﺃﺓ ﺍﻟﻠﻪﻳﺒﺎﺭﻙ ﻳﺎ ﺳﻴﺪﻱ ﺍﻟﺸﻴﺦ ﻣﻮﺍﻓﻘﺔ،

ﻭ ﻃﻠﻊ ﺳﻲ ﺍﻟﺸﻴﺦ ﻭ ﻗﺎﻝﻟﻠﻔﻼﺡ : ﻫﻴّﺎ ﺍﺫﻫﺐ ﻣﻦ ﻗﺪﺍﻣﻲ ﺍﻟﻤﺮﺃﺓ ﺑﺎﺵ ﻧﻌﺮﺱ ﺑﻴﻬﺎ ﺃﻧﺎ ﻭ ﺭﺍﻙﺗﺤﺘﺞ ﺑﺎﻟﻠّﺎﺯﻣﺔ ﻣﺎ ﻧﺸﻜﻲ ﺑﻴﻚ ﻭ ﻧﺒﻴّﻌﻚ ﻓﻲ ﺃﻣﻼﻛﻚ ﻫﻴﺎ ﺇﺫﻫﺐ ﻣﻦﻗﺪﺍﻣﻲ ﻭ ﺇﻧﺖ ﺯﺍﺩﺓ ﻳﺎ ﺧﻤﺎﺱ ﻣﺎﻋﺎﺩﺵ ﻧﺤﺐ ﻧﺸﻮﻑ ﻭﺟﻮﻫﻜﻢ ..ﺳﻲ ﺍﻟﺨﻤﺎﺱ ﺑﺪﺃ ﻣﺘﺸﻤﺖ ﻓﻲ ﺍﻟﻔﻼﺡ ﻭﻳﻘﻮﻝ ﻟﻴﻪ ﺭﻳﺖ ﻛﻴﻔﺎﻩﻓﻜﻬﺎﻟﻚ ﻛﻴﻒ ﻣﺎ ﻓﻜﻴﺘﻬﺎﻟﻲ، ﻭ ﻗﺎﻝ ﺍﻟﻔﺎﻟﺢ ﻣﺤﺴﻮﺏ ﺣﺘﻰ ﺃﻧﺎ ﺑﺎﺵﻧﺴﻜﺖ ﻟﻴﻪ ﻣﺎﻫﻮ ﻧﻤﺸﻲ ﻟﻞ ' ڨـــــﺎﻳﺪ ' ﻫﻮ ﻳﻠّﻲ ﻳﺤﻜﻢ ﻓﻲﺍﻟﺸﻴﻮﺥ ﺍﻟﻜﻞ، ﻭ ﻣﻦ ﺣﻴﻨﻮ ﻣﺸﻰ ﻟﺪﺍﺭ ﺍﻟڨﺎﻳﺪ ﻭ ﻳﺘﺒﻊ ﻓﻴﻪ ﺍﻟﺨﻤﺎﺱﻣﻦ ﺗﺎﻟﻲ، ﻫﻴّﺎ ﻭﺻﻞ ﺍﻟﻔﻼﺡ ﺇﺳﺘﺌﺬﻥ ﻗﺎﻟﻮﻟﻮ ﺃﺩﺧﻞ ﻭ ﻗﺎﻝ ﻟﻠﻐﺎﻳﺪﺍﻟﺤﻜﺎﻳﺔ ﻛﻴﻔﺎﻩ ﺍﻟﺸﻯﺦ ﻓﻜﻠّﻮ ﺯﻭﺟﺘﻪ ﺑﻌﺪ ﻣﺎ ﻭﻓﻘﺖ ﺗﻌﺮﺱ ﺑﻴﻪ، ﻗﺎﻝﺍﻟڨـــﺎﻳﺪ : ﺍﻟﺸﻴﺦ ﻳﻌﻤﻞ ﻫﻜﺬﺍ !! ﺟﻴﺒﻮﻫﻮﻟﻲ ﺍﻷﻥ ﻭﻟﻠﻪ ﻣﺎ ﻧﻮﺭﻳﻪﻛﻴﻔﺎﻩ ..ﻫﻴّﺎ ﺟﺎﺀ ﺍﻟﺸﻴﺦ ﻭ ﻣﻌﺎﻩ ﺍﻟﻤﺮﺃﺓ، ﺳﻲ ﻭﺧﻴﻨﺎ ﺍﻟڨﺎﻳﺪ ﺯﺍﺩﺓ ﻫﻮ ﺷﺎﻑﺍﻟﻤﺮﺃﺓ ﺑﺪﺍﺕ ﺭﻳﻘﺘﻮ ﺳﺎﻳﻠﺔ، ﻭ ﺿﺮﺏ ﺇﻳﺪﻩ ﻋﻠﻰ ﺧﺪّﻩ ﻭ ﻗﻌﺪ ﻳﺘﻔﺮﺝﻓﻲ ﺍﻟﺤﺴﻦ ﻭ ﺍﻟﺠﻤﺎﻝ، ﻭ ﻗﺎﻝ ﺍﺳﺘﻨﺎﻧﻲ ﻳﺎ ﺷﻴﺦ ﻓﻲ ﺧﺎﺭﺝ ﺍﻟﺪﺍﺭﻧﺤﺐ ﻧﻌﺮﻑ ﺭﺃﻱ ﺍﻟﻤﺮﺃﺓ ﻓﻲ ﺍﻟﻘﻀﻴﺔ ﻣﺘﺎﻋﻜﻢ،

ﻫﻴّﺎ ﺍﻟﺸﻴﺦ ﺧﺮﺝ ﻭﺳﻲ ﺍﻟڨﺎﻳﺪ ﻗﻌﺪ ﻳﺘﻔﺮﺝ ﻓﻲ ﺍﻟﺠﻤﺎﻝ ﻭ ﺍﻟﺤﺴﻦ ﻭ ﻗﺎﻟﻬﺎ ﻳﺎ ﻣﺮﺃﺓﺍﻟﺸﻴﺦ ﺃﺫﺍﻛﺎ ﻗﺎﺩﺭ ﻧﺤﺸﻴﻪ ﻓﻲ ﺍﻟﺤﺒﺲ ﻣﻦ ﻏﺪﻭﺓ ﻭ ﺃﻧﺎ ﺭﺍﻧﻲ "ﺍﻟڨـــﺎﻳﺪ ' ﻧﺤﻜﻢ ﻓﻲ 100 ﺷﻴّﺦ ﻣﺜﻠﻪ، ﺃﺧﻄﺎﻙ ﻣﻨﻪ ﻭ ﻧﻌﺮﺱ ﺑﻴﻚﺃﻧﺎ ﺃﺵ ﺭﺃﻳﻚ ؟ﻗﺎﻟﺖ ﺍﻟﻤﺮﺃﺓ : ﺍﻟﻠﻪ ﻳﺒﺎﺭﻙ ﻣﻮﺍﻓﻘﺔ ﻳﺎ ﺳﻴﺪﻱ ﺍﻟڨﺎﻳﺪ ..ﺧﺮﺝ ﺍﻟڨﺎﻳﺪ ﻭ ﻗﺎﻝ ﻟﻠﺸﻴﺦ : ﺍﺫﻫﺐ ﻣﻦ ﻗﺪﺍﻣﻲ ﺍﻟﻤﺮﺃﺓ ﺑﺎﺵ ﻧﻌﺮﺱﺑﻴﻬﺎ ﺃﻧﺎ ﻭ ﻫﻲ ﻣﻮﺍﻓﻘﺔﻗﺎﻝ ﺍﻟﺸﻴﺦ : ﻟﻜﻦ ﻳﺎ ﺳﻴﺪﻱ ﺭﺍﻫﻲ ﻭﺍﻓﻘﺖ ﺗﻌﺮﺱ ﺑﻴﺎ ﺃﻧﺎ ﻗﺒﻠﻚﻗﺎﻝ ﺍﻟڨﺎﻳﺪ : ﻻ ﻭﺍﻓﻘﺖ ﻭ ﻻ ﺣﺘﻰ ﺷﻲﺀ ﺃﺧﻄﺎﻙ ﻣﻦ ﻫﺎﻟﺘﻔﺎﻫﺎﺕ ﻭﺇﺫﻫﺐ ﻣﻦ ﻗﺪﺍﻣﻲ ﻣﻌﺎﺩﺵ ﻧﺤﺐ ﻧﺸﻮﻓﻚ ﻭ ﺇﻻ ﻭﻟﻠﻪ ﻣﺎ ﻧﺪﺧﻠﻚﻟﻠﺤﺒﺲ ﻭ ﻧﺸﻤﺖ ﻓﻴﻚ ﺍﻷﻋﺪﺍﺀ ..ﻣﺸﻰ ﺳﻲ ﺍﻟﺸﻴﺦ ﻳﺘﺤﺼﺮ ﻭ ﻳﻘﻮﻝ ﺻﺤﺔ ﻟﻴﻪ ﻧﺤﺎﻫﺎﻟﻲ ﻭ ﻳﺸﻮﻑﻓﻲ ﺍﻟﺨﻤﺎﺱ ﻭ ﺍﻟﻔﻼﺡ ﻳﻀﺤﻜﻮ ﻣﻦ ﺑﻌﻴﺪ، ﻭﻗﺎﻝ ﺍﻟﺸﻴﺦ ﻣﺤﺴﻮﺏ ﺃﻧﺎﺑﺎﺵ ﻧﺴﻜﺖ ﻟﻬﺎﻟڨﺎﻳﺪ ! ﻏﺪﻭﺓ ﻣﺎ ﻧﻤﺸﻲ ﻟﻠﻮﺯﻳﺮ ﻓﻲ ﺍﻟﻤﺪﻳﻨﺔ ﻭﻧﺸﻜﻴﻠﻮ

ﻣﺨﺘﺼﺮ ﺍﻟﻜﻼﻡ ﻣﻦ ﻏﺪﻭﺓ ﻣﺸﻰ ﺍﻟﺸﻴــــﺦ ﻟﻠﻤﺪﻳﻨﺔ ﻭ ﻣﻌﺎﻩ ﺳﻲﺍﻟﺨﻤﺎﺱ ﻭ ﺍﻟﻔﻼﺡ ﻳﺘﺒﻌﻮﺍ ﻓﻴﻪ.. ﻭﺻﻞ ﺳﻲ ﺍﻟﺸﻴﺦ ﻭ ﺷﺎﻭﺭﻭ ﻋﻠﻴﻪ ﻭﻗﺎﻟﻮﻟﻮﺍ ﻫﻴّﺎ ﺃﺩﺧﻞ ﺍﻟﻮﺯﻳﺮ ﻳﺴﺘﻨﻰ ﻓﻴﻚ .. ﺩﺧﻞ ﻭ ﻣﺨﺘﺼﺮ ﺍﻟﺤﺪﻳﺚﻗﺎﻝ ﻟﻠﻮﺯﻳﺮ ﻳﻠّﻲ ﺍﻟڨﺎﻳﺪ ﻓﻜّﻠﻮ ﺯﻭﺟﺘﻪ، ﻭ ﺃﻣﺮ ﺍﻟﻮﺯﻳﺮ ﺍﻟﺤﺮﺍﺱ ﻗﺎﻝ :ﺇﻣﺸﻮﺍ ﺟﻴﺒﻮﻟﻮ ﺍﻟڨﺎﻳﺪ ﺍﻟﻔﻼﻧﻲ ﻫﻮ ﻭ ﺍﻟﻤﺮﺃﺓ ﻣﺘﺎﻋﻪ ..ﻫﻴّﺎ ﻓﻲ ﺳﺎﻋﺔ ﻭﺻﻞ ﺍﻟڨﺎﻳﺪ ﻭ ﻣﻌﺎﻩ ﺍﻟﺰﻭﺟﺔ، ﺩﺧﻠﺖ ﺍﻟﻤﺮﺃﺓ ﺍﻷﻭﻟﻰﻟﻤﻜﺘﺐ ﺍﻟﻮﺯﻳﺮ ﺷﺎﻓﻬﺎ ﺳﻲ ﺍﻟﻮﺯﻳﺮ ﻗﺎﻝ ﺃﺷﻨﻮﺍ ﻫﺬﺍ ﻓﻤّﺎ ﻧﺴﺎﺀ ﺑﻬﺬﺍﺍﻟﺠﻤﺎﻝ ﻓﻲ ﺍﻟﺪﻧﻴﺎ !!!! ﺳﺒﺤﺎﻥ ﺍﻟﺨﺎﻟﻖ !!! ﻭ ﻗﺎﻟﻬﺎ ﻳﺎ ﻣﺮﺃﺓ ﺃﻧﺎﺭﺍﻧﻲ ﻭﺯﻳﺮ ﻭ ﺷﺄﻧﻲ ﻋﺎﻟﻲ، ﻧﺤﻜﻢ ﺗﺤﺖ ﺍﻟﺴﻠﻄﺎﻥ ﻃﻮﻝ ﻭ ﻫﺎﻟڨﺎﻳﺪﺭﺍﺟﻠﻚ ﺇﻧّﺠﻢ ﻧﻜﺴﺮﻭ ﻣﻦ ﺧﺪﻣﺘﻪ ﻭ ﻳﺼﺒﺢ ﺑﻄّﺎﻝ ﺃﻭ ﻧﻨﻔﻴﻪ ﻣﻦ ﺍﻟﺒﻼﺩ،ﺃﺵ ﻗﻮﻟﻚ ﺗﻌﺮﺱ ﺑﻴّﺎ ﺃﻧﺎ ؟ﻗﺎﻟﺖ ﺍﻟﻤﺮﺃﺓ : ﺍﻟﻠﻪ ﻳﺒﺎﺭﻙ ﻳﺎ ﺳﻴﺪﻱ ﺍﻟﻮﺯﻳﺮ ﺃﻧﺎ ﻣﻮﺍﻓﻘﺔ ..ﻭ ﺩﺧﻞ ﺳﻲ ﺍﻟڨﺎﻳﺪ ﻭ ﻗﺎﻝ ﺍﻟﻮﺯﻳﺮ : ﺇﺳﻤﻊ ﻳﺎ ڨﺎﻳﺪ ﺃﻧﺎ ﺭﺍﻧﻲ ﻗﺎﺩﺭﻧﺪﺧﻠﻚ ﻟﻠﺤﺒﺲ ﺃﻭ ﻧﻨﻔﻴﻚ ﻣﻦ ﻫﺎﻟﺒﻼﺩ ﻣﻌﺎﺩﺵ ﻧﺤﺐ ﻧﺸﻮﻑ ﻭﺟﻬﻚ ﻭﺇﻧﺴﻰ ﺣﻜﺎﻳﺔ ﻫﺎﻟﻤﺮﺃﺓ ! ﻓﻬﻤﺘﻨﻲ ؟!!! ﻫﻴﺎ ﺇﺫﻫﺐ ﻣﻦ ﻗﺪﺍﻣﻲ ..ﺧﺮﺝ ﺳﻲ ﺍﻟڨﺎﻳﺪ ﻧﺎﺩﻡ ﻭ ﺍﻟﻐﻞ ﻭ ﺍﻟﻨﻘﻤﺔ ﻓﻲ ﻋﻴﻮﻧﻪ ﻭ ﺯﺍﺩﺓ ﺷﺎﻑﺍﻟﺨﻤﺎﺱ ﻭ ﺍﻟﻔﻼﺡ ﻭﺍﻟﺸﻴﺦ ﻳﻀﺤﻜﻮﺍ، ﻗﺎﻝ ﻣﺤﺴﻮﺏ ﺣﺘﻰ ﺃﻧﺎ ﺑﺎﺵﻧﺴﻜﺘﻠﻮ ﻫﺎﻟﻮﺯﻳﺮ ﺗﻲ ﻣﺎﻫﻮ ﻓﻤّﺎ ﺍﻟﺴﻠﻄﺎﻥ ﻓﻮﻗﻮ ﻭ ﻳﺤﻜﻢ ﻓﻴﻪ .. ﻭﻣﺸﻰ ﻟﻠﻘﺼﺮ ﻭ ﻛﺎﻟﻌﺎﺩﺓ ﺳﻲ ﺍﻟﺨﻤﺎﺱ ﻭ ﺍﻟﻔﻼﺡ ﻭ ﺍﻟﺸﻴﺦ ﻳﺘﺒﻌﻮﺍﻓﻴﻪ ﻣﻦ ﺗﺎﻟﻲ .. ﺷﺎﻭﺭ ﺍﻟﺤﺮﺍﺱ، ﻫﻴّﺎ ﻭﺍﻓﻖ ﺍﻟﺴﻠﻄﺎﻥ ﻭ ﻗﺎﻝ ﺧﻠﻴﻪﻳﺪﺧﻞ

ﺩﺧﻞ ﺍﻟڨﺎﻳﺪ ﻭ ﻗﺎﻝ ﻟﻠﺴﻠﻄﺎﻥ ﺍﻟﺤﻜﺎﻳﺔ ﺍﻟﻜﻞ ﻛﻴﻔﺎﻩ ﺍﻟﻮﺯﻳﺮ ﻓﻜّﻠﻮﺯﻭﺟﺘﻪ ..ﻗﺎﻝ ﺍﻟﺴﻠﻄﺎﻥ : ﺍﻟﻮﺯﻳﺮ ﻣﺘﺎﻋﻲ ﻳﺘﺼﺮﻑ ﻫﻜﺬﺍ !! ﻭ ﺃﻣﺮ ﺍﻟﺤﺮﺍﺱﻗﺎﻟﻬﻢ ﺟﻴﺒﻮﻟﻲ ﺍﻟﻮﺯﻳﺮ ﻭ ﺍﻟﻤﺮﺃﺓ ﺍﻷﻥ .. ﻭ ﺃﻣﺮ ﺍﻟﺴﻼﻃﻴﻦ ﻃﺎﻋﺔ ﻓﻲ10 ﺩﻗﺎﺋﻖ ﺟﺎﺀ ﺍﻟﻮﺯﻳﺮ ﻭ ﻣﻌﺎﻩ ﺍﻟﻤﺮﺃﺓ .. ﺳﻲ ﺍﻟﺴﻠﻄﺎﻥ ﺷﺎﻑﺍﻟﻤﺮﺃﺓ ﻗﺎﻝ ﻳﺎ ﺍﻟﻠﻪ ! ﻫﺬﻩ ﺣﻮﺭﻳﺔ ﻣﻦ ﺍﻟﺠﻨّﺔ، ﻫﺬﻩ ﺃﺟﻤﻞ ﺍﻟﺠﻮﺍﺭﻱﻋﻨﺪﻱ ﻣﺎ ﺗﺠﻴﺶ ﻓﻲ ﻇﻔﺮ ﻣﻦ ﺃﻇﻔﺎﺭ ﺍﻟﻤﺮﺃﺓ ﻫﺬﻩ ﻭ ﻗﺎﻝ ﻟﻠﻤﺮﺃﺓ ﺃﻧﺎﺍﻟﺴﻠﻄﺎﻥ ﺃﻧﺎ ﻧﺤﻜﻢ ﻓﻲ ﻫﺎﻟﺒﻼﺩ ﻭ ﺍﻟﻮﺯﻳﺮ ﻗﺎﺩﺭ ﻧﺤﻜﻢ ﻋﻠﻴﻪ ﺑﺤﺒﻞﺍﻟﻤﺸﻨﻘﺔ ﺍﻷﻥ ! ﺃﺵ ﻗﻮﻟﻚ ﺗﻌﺮﺱ ﺑﻴّﺎ ﺭﺍﻧﻲ ﺳﻠﻄﺎﻥ !ﺍﻟﻤﺮﺃﺓ ﻗﺎﻟﺖ : ﺍﻟﻠﻪ ﻳﺒﺎﺭﻙ ﻳﺎ ﺳﻴﺪﻱ ﺍﻟﺴﻠﻄﺎﻥ ..ﺍﻟﺴﻠﻄﺎﻥ ﻗﺎﻝ ﻟﻠﻮﺯﻳﺮ ﻫﻴّﺎ ﺇﻣﺸﻲ ﻣﻦ ﻗﺪﺍﻣﻲ ﻣﺎﻛﺎﻧﺶ ﻭﻟﻠﻪ ﻣﺎ ﻧﺤﻜﻢﻋﻠﻴﻚ ﺑﺎﻟﺸﻨﻖ ﺃﻭ ﻧﻜﺴﺮﻙ ﻣﻦ ﺧﺪﻣﺘﻚ ﻭ ﻧﺪﺧﻠﻚ ﻟﻠﺤﺒﺲ ...ﺳﻲ ﺍﻟﻮﺯﻳﺮ ﺧﺮﺝ ﻳﺒﻜﻲ ﻣﻦ ﺍﻟﻘﻬﺮﺓ ﻭ ﻳﻠﻘﻰ ﺍﻟﺨﻤﺎﺱ ﻭ ﺍﻟﻔﻼﺡ ﻭﺍﻟﺸﻴﺦ ﻭ ﺍﻟڨﺎﻳﺪ ﻳﺘﻔﺮﺟﻮﺍ ﻓﻴﻪ ﻭ ﻳﻀﺤﻜﻮ ﻋﻠﻴﻪ ﺷﻤﺎﺗﻪ .. ﻗﺎﻝ ﺍﻟﻮﺯﻳﺮﺗﻲ ﻣﺎﻫﻮ ﻓﻤّﺎ ' ﺍﻟﻤﺠﻠﺲ ﺍﻷﻋﻠﻰ ' ﻫﻮ ﻳﻠّﻲ ﻳﺤﻜﻢ ﻓﻲ ﺍﻟﺴﻠﻄﺎﻥﻭﻗﺖ ﻳﻐﻠﻂ .. ﻭ ﻣﺸﻰ ﻟﻠﻤﺠﻠﺲ ﻳﻠﻘﻰ ﺷﻴﺦ ﺍﻟﻤﺠﻠﺲ ﻭ ﺣﻜﺎﻟﻮﺍﺍﻟﺤﻜﺎﻳﺔ . ؛ ﺷﻴﺦ ﺍﻟﻤﺠﻠﺲ ﺍﻷﻋﻠﻰ ﻗﺎﻝ ﺟﻴﺒﻮﻟﻲ ﺍﻟﺴﻠﻄﺎﻥ

ﻫﻴّﺎ ﺍﻟﺴﻠﻄﺎﻥ ﺩﺧﻞ ﻟﻠﻤﺠﻠﺲ ﻭ ﻳﻠﻘﻰ ﺍﻟﻮﺯﻳﺮ ﻳﺴﺘﻨﻰ ﻭ ﻣﻌﺎﻩ ﺷﻴﺦﺍﻟﻤﺠﻠﺲ ﻭ ﻓﺠﺄﺓ ﻳﺪﺧﻞ ﺍﻟﻘﺎﻳﺪ ﻭ ﺍﻟﺸﻴﺦ ﺍﻟﺘﺮﺍﺏ ﻭ ﺍﻟﻔﻼﺡ ﻭ ﺍﻟﺨﻤﺎﺱﻭ ﻗﺎﻟﻮﺍ ﻳﺎ ﺳﻴﺪﻱ ﺃﻧﺼﻔﻨﺎ ﺑﺎﻟﺤﻜﻢ ...ﻫﻴّﺎ ﺳﻲ ﺷﻴﺦ ﺍﻟﻤﺠﻠﺲ ﺍﻷﻋﻠﻰ ﺳﻤﻊ ﻛﻞ ﻭﺍﺣﺪ ﻭﺣﺪﻩ ﺍﻟﻤﺮﺃﺓ،ﺍﻟﺨﻤﺎﺱ، ﺍﻟﻔﻼﺡ، ﺍﻟﺸﻴﺦ، ﺍﻟڨﺎﻳﺪ، ﺍﻟﻮﺯﻳﺮ، ﺍﻟﺴﻠﻄﺎﻥ .. ﻭ ﻗﺎﻝﻏﺪﻭﺓ ﺍﻟﺼﺒﺎﺡ ﻧﺘﻼﻗﻮﺍ ﺍﻟﻨﺎﺱ ﺍﻟﻜﻞ ﻓﻲ ﺳﺎﺣﺔ ﺍﻟﺒﻼﺩ ﺍﻟﻜﺒﺮﻯ ﺑﺎﺵﻧﺤﻜﻢ ﻓﻲ ﺍﻟﻘﻀﻴﺔ ..ﻣﻦ ﻏﺪﻭﺓ ﺳﻲ ﺷﻴﺦ ﺍﻟﻤﺠﻠﺲ ﺃﻣﺮ ﺍﻟﺨﻤﺎﺱ، ﺍﻟﻔﻼﺡ، ﺍﻟﺸﻴﺦ،ﺍﻟڨﺎﻳﺪ، ﺍﻟﻮﺯﻳﺮﻭ ﺍﻟﺴﻠﻄﺎﻥ ﺑﺎﺵ ﻳﺎﻗﻔﻮﺍ ﻋﻠﻰ ﺧﻂ ﻣﺴﺘﻘﻴﻢ ﺑﺠﻨﺐﺑﻌﻀﻬﻢ ﻭ ﺃﻣﺮ ﺍﻟﻤﺮﺃﺓ ﺑﺎﺵ ﺗﺎﻗﻒ ﻋﻠﻰ ﺑﻌﺪ 200 ﻣﺘﺮ ﻋﻠﻴﻬﻢ ﻭ ﻗﺎﻝﺷﻴﺦ ﺍﻟﻤﺠﻠﺲ ﺍﻷﻋﻠﻰ ﻳﻠّﻲ ﺑﺎﺵ ﻳﺠﺮﻱ ﻭ ﻳﻮﺻﻞ ﺍﻷﻭﻝ ﻫﻮ ﻳﻠّﻲ ﺑﺎﺵﻳﻌﺮﺱ ..ﻭ ﻟﻜﻦ ﺳﻲ ﺷﻴﺦ ﺍﻟﻤﺠﻠﺲ ﻣﺎ ﻗﺎﻝ ﻟﺤﺘﻰ ﺃﺣﺪ ﻳﻠّﻲ ﻫﻮ ﺣﻔﺮ ﺧﻨﺪﻕﻓﻲ ﻭﺳﻂ ﻣﺴﺎﺭ ﺍﻟﺴﺒﺎﻕ، ﻭ ﻓﻲ ﺍﻟﺤﻴﻦ ﻗﺎﻝ : ﺇﺳﺘﻌﺪﻭﺍ،ﺇﻧﻄﻠﻘﻮﺍ.. ﻭ ﺑﺪﺃﻭ ﺍﻟﻜﻞ ﻳﺠﺮﻭﺍ ﺑﺴﺮﻋﺔ ﺷﻜﻮﻥ ﻳﻮﺻﻞ ﻟﻠﻤﺮﺃﺓ ﺍﻷﻭﻝﻭ ﻟﻜﻦ ﻛﻞ ﻭﺍﺣﺪ ﻳﻮﺻﻞ ﻟﻠﺨﻨﺪﻕ ﻳﺠﻲ ﻏﺎﺭﻕ ﻭﺳﻄﻮ ﻳﻄﻴﺢ .. ﺍﻟﻜﻞﺍﻟﺨﻤﺎﺱ ﻭ ﺍﻟﻔﻼﺡ ﻭ ﺍﻟﺸﻴﺦ ﺍﻟﺘﺮﺍﺏ ﻭ ﺍﻟڨﺎﻳﺪ ﻭ ﺍﻟﻮﺯﻳﺮ ﻭ ﺍﻟﺴﻠﻄﺎﻥﺍﻟﻜﺎﻝ ﻃﺎﺣﻮﺍ ﻭﺳﻂ ﺍﻟﺨﻨﺪﻕ ﻭ ﺣﺘﻰ ﺃﺣﺪ ﻣﺎ ﻭﺻﻞ ﻟﻠﻤﺮﺃﺓ .. ﻭ ﺟﺎﺀﺳﻲ ﺷﻴﺦ ﺍﻟﻤﺠﻠﺲ ﺍﻷﻋﻠﻰ ﻭ ﻗﺎﻝ : " ﻣﺎ ﻏﺮّﻩ ﻳﻐﺮّﻩ ﺍﻟﺒﻴﻦ، ﺃﻫﻞﺍﻟﻌﻘﻮﻝ ﺭﺗﺎﺣﺖ، ﻣﺎﺫﺍ ﻫﺰّﺕ ﻣﻦ ﻭﺯﺭﺓ ﻭ ﺳﻼﻃﻴﻦ، ﺳﻴﺴﺎﻥ ﺑﺎﻟﺠﻴﺮﺧﺎﺧﺖ، ﻭﻳﻨﻮ ﺍﻷﻭﻝ ﻭﻳﻨﻮ ﺍﻟﺜﺎﻧﻲ ﺍﻟﻜﻠﻬﺎ ﻓﻲ ﻫﺎﻭﻳﺔ ﺭﺍﺣﺖ .. " .ﻭ ﺍﻟﺤﻜﺎﻳﺔ ﻫﺬﻩ ﺭﺍﻫﻲ ﻣﻮﺵ ﻋﻠﻰ ﻣﺮﺃﺓ ﻭ ﻟﻜﻦ ﻋﻠﻰ " ﺍﻟﺪﻧﻴﺎ " ﻳﻠّﻲﻣﺎ ﻳﺸﺒﻊ ﻣﻨﻬﺎ ﺣﺘﻰ ﺃﺣﺪ، ﻻ ﻣﻦ ﻛﺒﺮ ﺷﺄﻧﻪ ﻭ ﻻ ﻣﻦ ﻗﻞّ، ﺍﻟﻜﻞﺗﺠﺮﻱ ﻋﻠﻰ ﺍﻟﺪﻧﻴﺎ

حكاية "ﻋﺰّ ﻧﻔﺴﻚ ﺗﺼﻴﺒﻬﺎ "

noreply@blogger.com (Anonymous) — Tue, 03 Mar 2015 15:13:00 +0000

ﻳﺤﻜﻴﻮ ﻋﻠﻰ ﻭﺍﺣﺪ ﺣﻄﺎﺏ ﻣﻜﺴﺒﻮ ﻓﺮﺩ ﻭﻟﺪ، ﻛﺒﺮ ﻃﻠﻌﻮ ﻟﻠﻜﺘﺎﺏ ﻭ ﻛﻞﺻﺒﺎﺡ ﻳﻬﺰ ﻓﺎﺱ ﻭ ﻳﻄﻠﻊ ﻟﻠﻐﺎﺑﺔ، ﻧﻬﺎﺭ ﻟﻜﻞ ﻭ ﻫﻮ ﻳﺨﺪﻡ… ﻳﻬﺒﻂﺣﻤﻴّﻞ ﺍﻟﺤﻄﺐ ﻟﻠﺒﻼﺩ ﻳﺒﻴﻌﻮ ﻳﺼﺮﻑ ﻋﻠﻰ ﻋﺸﺎﻩ ﻭ ﺍﻟﺒﻘﻴّﺔ ﻳﻌﻄﻴﻬﻢﻟﻠﻤﺪّﺏ.ﻳﻘﻠّﻮ : ﻳﺎ ﺳﻴﺪﻱ ﺍﻟﻤﺪّﺏ، ﻭﻟﺪﻱ ﺭﺍﻧﻲ ﺻﺪّﻗﺘﻮ ﻋﻠﻰ ﺍﻟﻘﺮﺁﻥ ﻭ ﻋﻠﻰﺍﻟﻌﻠﻢ.ﻭ ﺍﻟﻤﺪّﺏ ﻣﻐﺮﻭﻡ ﺑﻬﺬﺍﻙ ﺍﻟﻮﻟﺪ ﻭ ﻣﺠﺘﻬﺪ ﻓﻴﻪ ﺍﻛﺜﺮ ﻣﻦ ﺍﻟﻮﻻﺩﺍﻻﺧﺮﻳﻦ، ﻭ ﺍﻟﻮﻟﺪ ﺣﺘّﻰ ﻫﻮ ﻣﻮﺵ ﻣﺨﻠّﻲ ﻣﻦ ﺭﻭﺣﻮ . ﺣﻔﻆ ﺍﻟﻘﻠﻢﺍﻻﻭﻝ، ﺍﻟﻘﻠﻢ ﺍﻟﺜﺎﻧﻲ، ﺍﻟﻘﻠﻢ ﺍﻟﺜّﺎﻟﺚ … ﻭ ﻭﻟّﻰ ﻳﻘﺮّﻱ ﻣﻊ ﺍﻟﻤﺪّﺏ . ﺍﻳّﺎﻣﺎﺕ ﺑﻮﻩ، ﻭ ﻣﺪﻳﺪﻩ ﻛﻤّﻠﺖ ﺍﻣُّﻮ . ﻣﺎ ﻋﻨﺪﻭ ﻣﺎ ﻳﻌﻤﻞ ﻓﻲ ﻫﺬﻛﺎ ﺍﻟﺒﻼﺩﻭ ﻻ ﻋﻨﺪﻭ ﻓﻴﻬﺎ ﻻ ﺍﻫﻞ ﻻ ﻣّﺎﻟﻲ … ﻣﺸﻰ ﺑﺎﻉ ﺍﻟﺪّﺍﺭ ﻭ ﺑﻘّﻰ ﺳﻴﺪﻭﺍﻟﻤﺪّﺏ ﺑﺨﻴﺮ ﻭ ﺷﺪّ ﺍﺛﻨﻴّﺔ ﺍﻟﺴّﻔﺮ. ﺍﻟﻨّﻬﺎﺭ ﺍﻟﻜُﻞ ﻭ ﻫﻮ ﻳﺴﻴﺮ، ﻃﺎﺡﺍﻟﻠّﻴﻞ، ﺟﻰ ﺗﺤﺖ ﺷﺠﺮﺓ ﻭ ﺭﻗﺪ. ﻓﻲ ﻣﻨﺎﻣﻮ، ﻭﻗﻒ ﻋﻠﻴﻪ ﺭﺍﺟﻞﻛﺒﻴﺮ ﻟﺤﻴﺘﻮ ﻃﻮﻳﻠﺔ ﻫﺎﺑﻄﺔ ﻛِﺴْﺒﺎﻳﻚ ﺍﻟﻔﻀّﻪ ﻋﻠﻰ ﺻﺪﺭﻭ ﻭ ﻻﺑﺲْ ﺍﻟﻜُﻠّﻮﻓﻲ ﺍﻻﺑﻴﺾ

ﻗﺎﻟﻮ : ﻋﺰّ ﻧﻔﺴﻚ ﺗﺼﻴﺒﻬﺎ. ﺍﻟﻠّﻴﻠﻪ ﺍﻟﺜّﺎﻧﻴﺔ ﻭﻗﻒ ﻋﻠﻴﻪ ﺯﺍﺩﺍ ﻭ ﻗﺎﻟﻮﻧﻔﺲ ﺍﻟﻜﻠﻤﺔ، ﺍﻟﻠّﻴﻠﺔ ﺍﻟﺜّﺎﻟﺜﻪ ﻛﻴﻒ ﻛﻴﻒ. ﺍﻳّﺎ ﻋﻠﻴﻪ ﻭ ﻋﻠﻰ ﺑﻼﺩ، ﻛﺮﻯﺑﻴﺖ ﻓﻲ ﻓﻨﺪﻕ، ﺣﻂْ ﺣْﻮﻳﺠﺎﺗﻮ، ﻭ ﺧﺮﺝ ﻳﺪﻭﺭ ﻭ ﻳﺨﻤّﻢْ ﺍﺵ ﺑﺎﺵﻳﺨﺪﻡ. ﻋﻨﺪﻭ ﺷﻮﻱّ ﻓﻠﻮﺱ ﺍﻟّﻲ ﺑﺎﻉ ﺑﻬﺎ ﺍﻟﺪّﺍﺭ ﻭ ﻳﻠﻮّﺝ ﻓﻲ ﺧﺪﻣﺔﺑﺎﺵ ﻳﻌﻴﺶ … ﻳﺘﻔﻜّﺮ ﻓﻲ ﺍﻟﺨﺮﺍﻳﻒ، ﺍﻟِّﻲ ﻳﻘﻮﻝ ﺧﺪﻡ ﻓﻲ ﺍﻟﻤﺮﻣّﻪ، ﻭﺍﻟِّﻲ ﻳﺤﻤﺶ ﻓﻲ ﺍﻟﻨّﺎﺭ ﻓﻲ ﺣﺎﻧﻮﺕ ﻓﻄﺎﻳﺮﻱ ﻭ ﺍﻟِّﻲ ﺧﺪﻡ ﺻﺎﻧﻊﻗﻬﻮﺍﺟﻲ. ﻭﻗﻒ ﻋﻠﻰ ﺍﻣْﺮﻣَّﻪْ ﻭ ﺗﺬﻛّﺮ ﻫﺎﻙ ﺍﻟﺮّﺍﺟﻞ ﺍﻟﻜﺒﻴﺮ ﺍﻟِّﻲ ﻭﻗﻒﻋﻠﻴﻪ ﻓﻲ ﺍﻟﻤﻨﺎﻡ ﺍﻟِّﻲ ﻗﺎﻟﻮ ﻋﺰّ ﻧﻔﺴﻚ ﺗﺼﻴﺒﻬﺎ، ﺯﺍﺩ ﻋﻠﻰ ﻗﺪّﺍﻡ،ﻳﺎﻗﻒ ﻋﻠﻰ ﻗﻬﻮﺓ ﻳﻘﻮﻝ ﻧﺨﺪﻡ ﻫﻮﻧﻲ ﻳﺘﺬﻛّﺮ ﻫﺎﻙ ﺍﻟﺸّﺎﻳﺐْ، ﺯﺍﺩﺍﻟﻘﺪّﺍﻡ ﺷْﻮﻳّﻪ، ﻳﻠﻘﻰ ﺣﺎﻧﻮﺕ ﻓﻄﺎﻳﺮﻱ، ﻛﻴﻒ ﻛﻴﻒ … ﻗْﻌﺪْ ﺍﻳﺪﻭﺭﻓﻲ ﺍﻟﺒﻼﺩ ﻭ ﻳﺨﻤّﻢْ ﻭ ﻳﻔﺮﻛﺲْ.ﻫﺎﻭْ ﺷﺎﻑ ﻭﺍﺣﺪ ﻳﺴﻮﻕ ﻓﻲ ﺑﻬﻴﻢ ﻋﻠﻴﻪ ﺷﻮﺍﺭﻱ ﻭ ﺍﺭﺑﻌﺔ ﻗﻼﻝﺑﺎﻟﻤﺎﺀ ﻭ ﻣﻨﻬﺎ ﺷﺎﻑ ﻭﺍﺣﺪ ﺍﺧﺮ ﻭ ﻭﺍﺣﺪ ﺍﺧﺮ … ﻭﻗﻒ ﻋﻠﻰ ﻭﺍﺣﺪﻳﺴﺄﻟﻮﻗﺎﻟﻮ : ﺑﺎﻟﻠّﻪ ﺳﺎﻣﺤﻨﻲ ﺑﺮﺑّﻲ ﻫﺎﻟﺒﻼﺩ ﺷﺒﻴﻬﺎ ﻓﻴﻬﺎ ﺍﻟﻨّﻘّﺎﻟﺔ ﻳﺎﺳﺮ؟،ﻗﺎﻟّﻮ : ﻣﺎﻭْ ﻋﻠﻰ ﺧﺎﻃﺮ ﻫﺎﻟﺒﻼﺩ ﻣﺎ ﻓﻴﻬﺎﺵ ﻣﺎﺀ ، ﻳﺠﻴﺒﻮ ﺍﻟﻤﺎﺀ ﻣﻦﺍﻟﺒﺮّﺍ ﺑﺎﻟﻜﺮﺍﺀ .ﻗﺎﻝ ﻫﺬﻱ ﻫﻲ ﺍﻟﺨﺪﻣﺔ ﺍﻟّﻲ ﺗﺼﻠﺢ ﺑﻲّ. ﻟﻜﻦ ﺑﺎﺵ ﻳﺨﺪﻣﻬﺎ ﻫﻮ ﻣﻮﺵﻣﺘﻴﺴّﺮ: ﻋﺰّ ﻧﻔﺴﻚ ﺗﺼﻴﺒﻬﺎ. ﺍﻣﺸﻰ ﺍﻟﻰ ﺳﻮﻕ ﺍﻟﺰّﻭﺍﻳﻞ ﺷﺮﻯ ﺑﻬﻴﻢ،ﺑﺮﺩﻋﺔ، ﺷﻮﺍﺭﻱ ﻭ ﻗﻼﻝ ﻭ ﺭﻭّﺡ ﺑﻴﻬﻢ ﻟﻠﻔﻨﺪﻕ،ﻗﺎﻝ ﻟﻠﻔﻨﺎﺩﻗﻲ ﺑﺎﻟﻠّﻪ ﻓﻤّﺎﺷﻲ ﺷْﻜﻮﻥ ﻳﺤﺐّ ﻳﺨﺪﻡ؟ﻗﺎﻟّﻮ : ﻓﻤّﺎ ﻋﻼﺵ ﻣﺎ ﻓﻤّﺎﺵ … ﻋﻴّﻂ ﺍﻟﻮﺍﺣﺪ ﻳﺠﻴﻮﻙ ﻣﺎﺋﺔ.ﻭ ﺧﺮﺝ ﺩﻗﻴﻘﺔ ﻣﻦ ﺍﻟﺰّﻣﺎﻥ ﻭ ﺭﺟﻌﻠﻮ ﻭ ﺟﺎﺑﻠﻮ ﻭﺍﺣﺪ ﻗﺎﻟّﻮ ﻫﺎﻭ ﻳﺤﺐﻳﺨﺪﻡ … ﺗﻔﺎﻫﻤﻮ ﺛﻠﺜﻴﻦ ﺑﺜﻠﺚ … ﺑﺎﻱْ ﻟﻠﺮّﺍﺟﻞ ﻭ ﺑﺎﻱْ ﻟﻴﻪ ﻫﻮ ﻭ ﺑﺎﻱْﻟﻠﺒﻬﻴﻢ ﻭ ﺷﻮﺍﺭﻱ ﻭ ﺍﻟﻘﻼﻝ. ﻣﻦ ﻏﺪﻭﺓ ﺯﺍﺩ ﺷﺮﻯ ﺑﻬﻴﻢ ﻭﺍﺣﺪ ﺁﺧﺮ ﻭﻭﺍﺣﺪ ﺁﺧﺮ … ﻭﻟّﺎﺕ ﺻﺎﻣﻴّﻪ ﺛﻼﺛﻪ ﺭﺟﺎﻝ ﻳﺨﺪﻣﻮ ﻭ ﻫﻮ ﻗﺎﻋﺪ ﻭ ﻛﻞﻋﺸﻴّﺔ ﻳﺠِﻮ ﻳﺤﺎﺳﺒﻮﻩ ﻭ ﻫﻮ ﻣﺴﺘﺤﻔﻆ ﻋﻠﻰ ﺭﺯﻗﻮ … ﺍﻟﻤﺎﻛﻠﺔ ﻣﺎ ﺣﻈﺮﻭ ﺍﻟﻠِّﺒﺎﺱ ﻣﺎ ﺳﺘﺮ.

ﺯﺍﺩ ﻟﻢْ ﺷﻮﻳّﻪ ﻓﻠﻮﺱ ﺯﺍﺩ ﺑﻬﻴﻢ ﺁﺧﺮ ﺣﺘّﻰ ﻭﻟّﺎﻭﺑﻌﺪ ﻣﺪّﺓ ﺛﻤﺎﻧﻴﻪ ﻭﻟّﺎ ﻋﺸﺮﻩ ﺯﻭﺍﻳﻞ ﺭﺟﺎﻝ ﻳﺨﺪﻣﻮ ﻋﻠﻴﻬﻢ . ﺑﻌﺪ ﻣﺪّﺓﺗﻠﻤّﺖ ﻋﻨﺪﻭ ﺍﻟﻔﻠﻮﺱ ﻟﻘﻰ ﺩﻟّﺎﻝ ﻳﺪﻟّﻞ ﻋﻠﻰ ﺩﺍﺭ، ﻣﺸﻰ ﻗﻠّﺒﻬﺎ ﻣﻊﻧﺎﺱ … ﺯﺍﺩ ﻓﻴﻬﺎ… ﺷﺮﺍﻫﺎ ﻭ ﺳﻜﻦ ﻓﻴﻬﺎ ﻭ ﺑﺪﻯ ﺑﺸﻮﻳّﻪ ﺑﺸﻮﻳّﻪﻳﻘﺸﻘﺶ ﻛﻞّ ﻣﺮّﺓ ﻳﺸﺮﻱ ﺣﺎﺟﻪ ﻭ ﻳﺮﺑّﻲ ﻓﻲ ﺍﻟﻌﺶ . ﺍﻟﺪّﺍﺭ ﺍﻟّﻲﺑﺠﻨﺒﻮ ﻣﻮﻻﻫﺎ ﺗﻮﻓّﻰ …ﺗﺤﻄﺖ ﻟﻠﺒﻴﻊ … ﺯﺍﺩ ﻓﻴﻬﺎ، ﺷﺮﺍﻫﺎ ﻭ ﺩﺧّﻠﻬﺎ ﻭﻭﻟّﺎﺕ ﺩﺍﺭ ﻭ ﻋﻠﻴﻬﺎ ﺍﻟﻜﻼﻡ

ﻧﻬﺎﺭ ﻣﺸﻰ ﻟﻠﺤﻤّﺎﻡ ﻟﺒﺲْﻝ ﻟﺒﺴﻪ ﻣﻬﻤّﻤﻪ ( ﻛﻤﺎ ﻧﻘﻮﻟﻮ ﺟﺒّﺔﺧﻤﺮﻱ ﻭ ﻛﺸﻄﻪ ﻣﻄﺮﻭﺯﺓ ) ﻭ ﻣﻦﺣﻴﻨﻮ ﺩﺧﻞ ﻟﻠﻤﻘﺼﻮﺭﺓ …ﻟﻘﻰ ﺟﻤﺎﻋﺔﺗﺠّﺎﺭ ﻗﺎﻋﺪﻳﻦ، ﺳﻼﻡ ﻋﻠﻴﻜﻢ ﻭ ﻋﻠﻴﻜﻢﺍﻟﺴّﻼﻡ، ﻭ ﺟﺎﺀ ﻗﻌﺪْ ﺑﺤﺬﺍﻫﻢ ﻭ ﻣﻌﺎﻫﻢﺍﻣﻴﻦ ﺍﻟﺘّﺠﺎﺭ … ﻭ ﻫﻮ ﻻ ﻳﻌﺮﻓﻬﻢ، ﻭﻫﻮﻣﺎ ﻻ ﻳّﻌﺮْﻓﻮﻩ. ﻣﺎ ﻫﻮ ﻣﺨﺎﻟﻂ ﺣﺪﻓﻲ ﻫﺬِﻛﻪْ ﺍ ﻟﺒﻼﺩ. ﺟﺎﺑﻮ ﻛﻞ ﻭﺍﺣﺪﻃﻴّﺎﺏ، ﻫﻮ ﺟﺎﺏ ﺯُﻭﺯ ﻃﻴّﺎﺑﻪ… ﻗﻌﺪﻭﺑﺎﻫﺘﻴﻦ ﻓﻲ ﻫﺬﺍ ﺍﻟﺸّﺎﺏ ﺍﺵ ﻳﻜﻮﻥ.ﻏﺴﻞ، ﺧﺮﺝ، ﺗﺒﺮّﺩ ﻓﻲ ﺍﻟﻤﺼﻮﺭﺓ،ﻭﻗﻒ ﻗﺪّﺍﻡ ﺍﻟﺼّﻨﺪﻭﻕ، ﺭﻣﻰ ﺍﻟﻠّﻮﻳﺰﻟﻠﺤﻤّﺎﻣﺠﻲ ﻭ ﺟﺎﺀ ﺧﺎﺭﺝﻗﺎﻟّﻮ: ﺍﺳْﺘﻨّﻰ ﺍﺳﺘﻨّﻰ ﻳﺎ ﺳﻴﺪﻱ ﻧﺮﺟّﻌﻠﻚﺍﻟﺒﺎﻗﻲ ﻣﺘﺎﻋﻚ… ﻗﺎﻟُّﻮ: ﺧﻠِّﻲ ﻋﻨﺪﻙﺑﺎﺵ ﺗﻠﻘﺎﻫﻢ . ﻭﺧﺮﺝ .ﺍﻣﻴﻦ ﺍﻟﺘّﺠﺎﺭ ﻗﺎﻝ: ﺍﻟّﻲ ﻳﺮﻣﻲ ﺍﻟﻠّﻮﻳﺰ ﻭﻣﺎ ﺣﺎﺟﺘﻮﺵ ﺑﺎﻟﺒﻘّﻴﺔ ﻻﺯﻡ ﻣﺎ ﻳﻜﻮﻥﻭﻟﺪ ّﻧﺎﺱ ﻛﺒﺎﺭ.ﻟﺒﺲ ﺻﺒّﺎﻃﻮ ﻭ ﺧﺮﺝ ﻓﻲ ﺟﺮﺗّﻮ ﻗﺎﻟﻮ :ﺳﺎﻣﺤﻨﻲ ﻳﺎ ﺳﻴﺪﻱ ﻧﺘﺸﺮﻓّﻮ ﺑﻚ ﻭﻣﺮﺣﺒﺎ ﺑﻚ ﻭ ﺯﺍﺭﺗﻨﺎ ﺍﻟﺒﺮﻛﻪ.ﻗﺎﻟﻮ : ﺍﻧﺖ ﻣﺤﻞ ﻛﻞ ﺑﺮﻛﻪﻗﺎﻟﻮ: ﺗﺘﻔﻀّﻞ ﺑﺤﺬﺍﻳﺎ ﺷﻮﻳّﺔ ﻓﻲﺍﻟﺤﺎﻧﻮﺕ ﻧﺠﻴﺒﻠﻚ ﻗﻬﻴﻮﺓ .ﻗﺎﻟﻮ: ﺍﻻﻩ ﻳﺒﺎﺭﻙﻭﺻﻠﻮ ﻟﻠﺤﺎﻧﻮﺕ ﻗﻌﺪﻭ، ﺟﺎﺑﻠﻮ ﻗﻬﻮﺓ،ﺑﺪﺍﻭ ﻳﺘﺤﺪﺛﻮ…ﻭ ﻣﻴﻬﺎ ﻗﺎﻟﻮ: ﺑﻠﻠّﻪ ﺳﺎﻣﺤﻨﻲ ﺳﻴﺪﻱ،ﺷﻜﻮﻥ ﺳﻴﺎﺩﺗﻚ

ﻗﺎﻟﻮ: ﻛﺎﻥ ﻧﻘﻠّﻚ ﺷﻜﻮﻥ ﺳﻴﺎﺩﺗﻲ ﺗﻮﻳﺼﻴﺮ ﺷﻮﺷﺮﺓ ﻓﻲ ﺍﻟﺒﻼﺩ.ﻗﺎﻝ ﻫﺬﺍ ﻣﺎ ﻳﻜﻮﻥ ﻛﺎﻥ ﻭﻟﺪ ﺍﻟﺴّﻠﻄﺎﻥ.ﻳﺎ ﺳﻴﺪﻱ ﻗﺎﻟﻮ : ﺷﺎﻫﻲ ﻋﻠﻴﻚ ﺣﻮﻳﺠﺔ .ﻗﺎﻟﻮ: ﺷﻨﻴّﺔ .ﻗﺎﻟﻮ : ﺗﺸﺮّﻓﻴﻨﻲ ﺗﻔﻄﺮ ﺑﺤﺬﺍﻳﺎ ﻓﻲﺍﻟﺪّﺍﺭ .ﻗﺎﻟﻮ : ﺍﻟﻠّﻪ ﻳﺒﺎﺭﻙ.ﻗﺎﻟﻮ: ﺗﺴﺎﻣﺤﻨﻲ ﺗﻘﻌﺪ ﻓﻲ ﺍﻟﺤﺎﻧﻮﺕﺣﺘّﻰ ﻟﻴﻦ ﻧﺠﻴﻚ…ﻭ ﺧﺮﺝ ﺍﻣﻴﻦ ﺍﻟﺘّﺠﺎﺭ ﻭ ﻣﺸﻰ ﻳﺸﺮﻱﻗﻀﻴّﺔ ﺑﺎﻫﻴﺔ ﻭ ﻃﻠﺐ ﻣﻦ ﻣﺮﺗﻮ ﺑﺎﺵﻃﻴّﺒﻠﻮ ﻓﻄﻮﺭ ﻣﺘﺎﻉ ﺳﻼﻃﻴﻦ ﻣﻦ ﻳﺪﻳﻬﺎﺍﻟﻤﻼﺡ… ﻭ ﺭﺟﻊ ﻗﻌﺪ ﺑﺤﺬﺍﻩ… ﺍﻳّﺎ ﻋﻨﺪﺍﻟﻠﻮّﻝ ﻣﺸﺎﻭ ﻓﻄْﺮﻭ ﻭ ﻣﺒﻌﺪ ﺍﻟﻔﻄﻮﺭﺟﺎﺕ ﺍﻟﻘﻬﻮﺓ… ﻗﻌﺪﻭ ﻳﺘﺤﺪﺛﻮﻭ ﻣﻨﻬﺎ ﻗﺎﻟﻮ: ﻳﺎ ﺳﻴﺪﻱ ﺑﺎﺵ ﻧﻌﺮﺽﻋﻠﻴﻚ ﺣﺎﺟﺔ ﻭ ﻣﺎ ﺗﺮﺩّﺵ ﻋﻠﻲّﻗﺎﻟﻮ: ﺷﻴّﻪ؛ﻗﺎﻟﻮ ﻋﻨﺪﻱ ﺑﻨﺘﻲ ﻋﺰﻳﺰﺓ ﻋﻠﻲّ ﻭﺧﻄﺒﻮﻧﻲ ﻓﻴﻬﺎ ﻧﺎﺱ ﻛﺒﺎﺭ ﻭ ﻣﺎ ﺣﺒّﻴﺘﺶﻧﻌﻄﻴﻬﺎ، ﻧﺤﺐ ﻧﻌﻄﻴﻬﺎ ﻟﻴﻚ ﺍﻧﺖِ…ﻗﺎﻟﻮ: ﺍﺷﺒﻴﻪ ﻣﺒﺮﻭﻛﺔ…ﻗﺎﻟﻮ : ﻛﻞّ ﺷﻲﺀ ﺣﺎﺿﺮ، ﺟﻬﺎﺯﻫﺎ ﺍﻟﻜﻞﺣﺎﺿﺮ… ﻭ ﻣﻮﺵ ﻻﺯﻡ ﺗﻘﻌﺪﻭﺗﺴﺘﻨّﺎﻭ … ﻗﺎﻝ ﺧﻠّﻲ ﻧﻠﻤّﻮ ﺗﻮّﻩ ﺧﻴﺮ ﻣﺎﻳﺒﺪّﻝ ﻓﻜﺮﻭ… ﻭ ﻓﻲ ﺍﻟﺤﻴﻦ ﺣﻀﺮﺕﺍﻟﻌﻮّﺍﺩﺓ ﻭ ﻗﺎﻣﺖ ﺍﻟﺰﻏﺎﺭﻳﺪ

ﻳﺠْﺒﺪﻫﺎ ﺳﻲ ﺍﻻﻣﻴﻦ ﺟﻤﻌﺔ ﺍﻟﺤﺎﻧﻮﺕﺍﻣْﺘﺎﻋﻮ ﻣﺎ ﺍﻣْﺸﺎﻟﻬﺎﺵ ﺑﺎﻟﻜﻞ ﻭ ﻫﻮﺍﻟﻨّﻬﺎﺭ ﺍﻟﻜﻞ ﻳﻌﺸﻖ ﻓﻲ ﻧﺴﻴﺒﻮ ﻭﻳﺤﻤﺪ ﻓﻲ ﺭﺑّﻲ ﻭ ﻳﺠﺮﻱ ﻭ ﻳﻄﻴﺢ ﻭﻳﻘﻮﻝ ﻳﻌﻄﻴﻨﻲ ﺍﻟﺼّﺤﺔﻫﺎﻭ ﺍﻟﻮﺯﻳﺮ ﻣﺴﺘﺎﻧﺲ ﻛﻞ ﻳﻮﻡ ﻳﻬﺒﻂﻣﻦ ﺍﻟﺴّﺮﺍﻳﺎ ﻳﻤﺸﻲ ﺍﻟﻰ ﺩﺍﺭﻭ…ﺣﺎﻧﻮﺕﺍﻣﻴﻦ ﺍﻟﺘّﺠﺎﺭ ﻓﻲ ﺛﻨﻴّﺘﻮ ﻓﻲ ﺍﻟﺴّﻮﻕ،ﻛﻞ ﻳﻮﻡ ﻳﺘﻌﺪّﻯ ﻳﻘﻌﺪ ﺑﺤﺬﺍﻩ ﺷﻮﻳّﺔ…ﻧﻬﺎﺭ، ﺍﺛﻨﻴﻦ، ﺛﻼﺛﻪ … ﺟﻤﻌﺔ ﻛﻞ ﻧﻬﺎﺭﻳﺘﻌﺪّﻯ ﻳﻠﻘﻰ ﺍﻟﺤﺎﻧﻮﺕ ﻣﺴﻜﺮّﺓ… ﻧﺸﺪﺍﻟﺘّﺠﺎﺭ ﻗﺎﻟﻮﻟﻮ ﻳﺎ ﺳﻴﺪﻱ ﺍﻟﻮﺯﻳﺮ ﺭﺍﻫﻮﺗﻘﺮﻳﺐ ﺟﻤﻌﺔ ﻣﺎ ﺟﺎﺵ… ﻣﺎ ﺗﺎﻕ ﺻﺒﺮﻣﺸﺎﻟﻮ ﻟﻠﺪّﺍﺭ، ﺩﻕْ ﺍﻟﺒﺎﺏ،ﺧﺮﺟﻠﻮ: ﻳﺎ ﺳﻴﺪﻱ ﺯﺍﺭﺗﻨﺎ ﺍﻟﺒﺮﻛﺔ،ﺗﻔﻀﻞ …ﻗﺎﻟّﻮ ﺍﻟﻮﺯﻳﺮ: ﺗﻨﺠّﻢ ﺗﻔﺴّﺮﻟﻲ ﻭﻳﻨﻚﺟﻤﻌﺔ ﻛﺎﻣﻠﺔ؟ﻗﺎﻟّﻮ : ﺍﺳﻜﺖ ﻣﺎﻭْ ﻭﻟﺪ ﺍﻟﺴّﻠﻄﺎﻥ ﺿﻴﻒﻋﻨﺪﻱ ﻭ ﺍﻋﻄِﺘﻮ ﺑﻨﺘﻲ،ﻗﺎﻟﻮ: ﻋﺠﺎﺋﺐ ﻭﻟﺪ ﻣﻮﻻﻧﺎ ﺍﻟﺴّﻠﻄﺎﻥﻫﻮﻧﻲ ﻭ ﺍﻧﺎ ﻣﺎ ﻓﻲ ﺑﺎﻟﻴﺶ ﻭ ﻣﺎﻧﻀﻴْﻔﻮﺵ، ﻣﺎﻻ ﺑﺎﻻﻳﻤﺎﻥ ﺍﻟﻴﻮﻣﺎ ﻣﺎﻳﻔﻄﺮ ﻛﺎﻥ ﻋﻨﺪﻱ ﻓﻲ ﺩﺍﺭﻱ…ﻫﺰّﻭ ﻭ ﺿﻴّﻔﻮ ﻭ ﻋﻄﺎﻩ ﺑﻨﺘﻮ ﻭ ﻗﻌﺪﺳﻲ ﺍﻟﻮﺯﻳﺮ ﺛﻼﺛﺔ ﺍﻳّﺎﻡ ﻣﺎ ﺧﺮﺟﺶ ﻣﻦﺍﻟﺪّﺍﺭ ..ﺍﻟﻤﻠﻚ، ﺍﻟﻮﺯﻳﺮ ﺍﻣﺘﺎﻋﻮ ﻏﺎﺏ ﻋﻠﻴﻪ ﺛﻼﺛﺔﺍﻳّﺎﻡ… ﺑﻌﺜﻠﻮ، ﺟﺎﻩ…ﻗﺎﻟﻮ : ﺷﺒﻴﻚ ﻳﺎ ﺳﻲ ﺍﻟﺸّﺒﺎﺏ .ﻗﺎﻟﻮ: ﻣﺎﻫﻮ ﻭﻟﺪ ﺍﻟﺴّﻠﻄﺎﻥ ﻋﻨﺪﻱ ﻭﻋﻄﻴﺘﻮ ﺍﻟﺒﻨﻴّﺔ.ﻗﺎﻟﻮ: ﻋﺠﺎﺋﺐ ﻭ ﻣﺎ ﺗﻘﻠّﻴﺶ ﻭﻟﺪﺍﻟﺴّﻠﻄﺎﻥ ﺑﻴﺪﻭ ﻓﻲ ﺑﻼﺩﻱ ﻭ ﺍﻧﺎ ﻣﺎﻓﻲ ﻋﻠﻤﻴﺶ ﺑﻪ ! ﺍﻳّﺎ ﺍﺭﺑﻄﻮ ﺍﻟﻜﺮّﻭﺳﺔ…ﺭﺑﻄﻮﻟﻮ ﺍﻟﻜﺮّﻭﺳﺔ، ﺧﺮﺝ، ﻣﺸﺎﻟﻮ ﻭﻫﺰّﻭ ﻣﻌﺎﻩ ﺍﻟﻰ ﺍﻟﺴّﺮﺍﻳﺎ ﻭ ﺿﻴﻔﻮﺍﻟﻀّﻴﺎﻓﺔ ﺍﻟّﻲ ﺗﻠﻴﻖ ﺑﺎﻭﻻﺩ ﺍﻟﺴّﻼﻃﻴﻦ ﻭﺯﺍﺩ ﺍﻋﻄﺎﻩ ﺑﻨﺘﻮ. ﻭ ﻣﺎ ﻛﻔﺎﻫﺶ ﻋﻄﺎﻩﺑﻨﺘﻮ ﻭ ﻟّﺎ ﻧﻬﺎﺭ ﻫﻮ ﻳﺤﻜﻢ ﻭ ﻧﻬﺎﺭﻧﺴﻴﺒﻮ ﻳﺤﻜﻢ ﻭ ﺳﻲ ﻭﻟﺪ ﺍﻟﺴّﻠﻄﺎﻥ ﺍﺵﻳﺎ ﺫﺑّﺎﻧﺔ ﻣﺎ ﻓﻤّﺎ ﻓﻲ ﺍﻟﺪّﻧﻴﺎ ﻛﺎﻥ ﺍﻧﺎ

ﺍﻳّﺎ ﺣﺒﻠﻮ ﺍﻟﺜﻼﺙ ﻋﺮﺍﻳﺲ ﻭ ﺟﺎﺑﻮ ﺛﻤﻼﺛﺔﺍﻭﻻﺩ ﻭﻟّﺎﻭ ﻳﺨﺮﺟﻮ ﻳﻠﻌﺒﻮ ﻓﻲ ﺍﻟﺠﻨﻴﻨﺔﻋﺎﻣﻠﻴﻦ ﻭﺍﺣﺪ ﺑﻬﻴﻢ، ﻭﺍﺣﺪ ﺭﺍﻛﺐ ﻋﻠﻴﻪﻭ ﻻﺧﺮ ﺷﺎﺩﺩ ﺍﻟﻨﺒﻮﺫﻩ . ﺷﺎﻓﺘﻬﻢ ﺑﻨﺖﺍﻟﻤﻠﻚﻗﺎﻟﺖ: ﺍﻭﻻﺩ ﺍﻟﻤﻠﻮﻙ ﻭﺍﻟﺴّﻼﻃﻴﻦ ﻣﺎﻳﻠﻌﺒﻮﺵ ﺍﻟﻠّﻌﺐ ﻫﺎﺫﺍ، ﻳﻠﻌﺐ ﺍﻧﺎ ﻣﻠﻚ،ﺍﻧﺎ ﺳﻠﻄﺎﻥ… ﻋﻨﺪ ﺍﻻﻭّﻝ ﻛﻴﻒ ﺟﺎﺀﺭﺍﺟﻠﻬﺎ ﻣﻦ ﺍﻟﻤﺤﻜﻤﺔ ﻫﻮ ﺩﺧﻞ ﻟﻠﺒﻴﺖ ﻭﻫﻲ ﺳﻜْﺮﺕ ﻋﻠﻴﻪﻭ ﻗﺎﻟﺘﻠﻮ: ﺗﻮْ ﺗﺤﻜﻴﻠﻲ ﺍﺷﻨﻲّ ﺣﻜﺎﻳﺘﻚﻭ ﺍﻻّ ﻧﻠﻮﻳﻠﻚ ﺭﺍﺳﻚ… ﺍﻧﺖ ﻭﻟﺪ ﻣﻮﻻﻧﺎﺍﻟﺴّﻠﻄﺎﻥ؟ﻗﺎﻟﻠﻬﺎ: ﺍﻧﺎ ﻋﻤﺮﻱ ﻣﺎ ﻗﺘﻠﻚ ﺍﻧﺎ ﻭﻟﺪﺳﻠﻄﺎﻥ، ﺍﻧﺎ ﻭﻟﺪ ﺣﻄّﺎﺏ ﻭ ﺍﻟﺴّﻴﺮﺓ ﻓﻴﻬﺎﻭ ﻓﻴﻬﺎ…ﻗﺎﻟﺘﻠﻮ : ﻋﻠﻴﻚ ﺍﻻﻣﺎﻥ ﻣﺎﻙ ﺍﻟّﺎ ﺍﺑﻮﻭﻟﺪﻱ.ﺍﻟﻤﻠﻚ ﺑﻌﺚ ﺟﻮﺍﺏ ﻟﻠﺴّﻠﻄﺎﻥ ﻗﺎﻟﻮ ﻭﻟﺪﺳﻴﺪﻧﺎ ﺭﺍﻫﻮ ﺿﻴﻒ ﻋﻨﺪﻱ ﻭ ﻧﺴﺎﻩﺍﻟﺜّﻼﺛﺔ ﺟﺎﺑﻮﺍ ﻭﻟﻴﺪﺍﺕ ﻭ ﺗﻬﻨّﻰ ﻋﻠﻴﻪ…ﻭ ﻛﺎﻥ ﺳﻴﺪﻧﺎ ﻳﻌﻤﻞ ﻣﺰﻳّﺔ ﻳﺰﻳﺪ ﻳﺨﻠّﻴﻪﺣﺬﺍﻧﺎ ﺷﻮﻳّﺔ .ﻗﺎﻝ ﺍﻟﺴّﻠﻄﺎﻥ ﺍﻧﺎ ﻋﻨﺪﻱ ﻭﻟﺪ ﻭ ﻣﺎﻓﻴﺒﺎﻟﻴﺶ ﺑﻴﻪ؟ ﺟﻴﺒﻮﻟﻲ ﺍﻟﻮﺯﻳﺮ، ﺟﺎﺀﺍﻟﻮﺯﻳﺮ، ﻳﺎ ﻭﺯﻳﺮ ﺍﻧﺎ ﻋﻨﺪﻱ ﺍﻭﻻﺩ؟ﻗﺎﻟﻮ : ﺭﺑّﻲ ﻫﻮ ﺍﻟّﻲ ﻳﻌﻠﻢ، ﺍﻧﺖ ﺧﺬﻳﺖﻭ ﻃﻠّﻘﺖ، ﺑﺎﻟﻚ ﻭﺍﺣﺪﺓ ﻣﻨﻬﻢ ﻭﻟﺪﺕ ﻭﺍﻧﺖ ﻣﺎ ﻓﻲ ﻋﻠﻤﻜﺶ ﺑﻪ .ﻗﺎﻟﻮ: ﻫﺎﻭ ﺍﻟﻤﻠﻚ ﺍﻟﻔﻼﻧﻲ ﻗﺎﻝ ﺍﻟّﻲﻭﻟﺪﻱ ﺑﺤﺬﺍﻩ ﻭ ﺑﻤﺮﺗﻮ ﻭﻭﻟﺪﻭ… ﺑﺎﻟﻚﻫﺬﺍ ﻳﻜﺬﺏ؟ﻗﺎﻟﻮ : ﺳﻴﺪﻧﺎ ﻋﻠﻤﻲ ﻋﻠﻤﻚﻗﺎﻟﻮ : ﺍﻳّﺎ ﺗﻌﺮﻓﺸﻲ ﻛﻴﻔﺎﺵ … ﺍﺭﻛﺐ ﻭﺑﺮّﺍ ﺍﻟﻰ ﻫﺬﻩ ﺍﻟﺒﻼﺩ ﻭ ﺷﻮﻑ ﺍﻟّﻲﻗﺎﻟﻚ ﻋﻠﻴﻪ… ﻛﺎﻧﻮ ﺧﻠﻴﻘﺔ ﻣﺴﻮّﺩﺓ ﻭﻣﺎ ﻫﻮّﺍﺵ ﻭﻟﺪ ﺳﻼﻃﻴﻦ ﺍﻟﺸّﻜﺎﺭﺓ ﻭﺍﻟﺒﺤﺮ ﻣﺎ ﺗﺸﺎﻭﺭﻧﻴﺶ… ﻭ ﻛﺎﻥ ﻟﻘﻴﺘﻮﻭﻟﺪ ﻣﻠﻮﻙ ﻭ ﺻﺎﺣﺐ ﻣﻨﻄﻖ ﻭ ﻳﺸﺒﻬﻠﻲﺟﻴﺒﻮ ﻣﻌﺎﻙ . ﺍﻳّﺎ ﺭﻛﺐ ﺍﻟﻮﺯﻳﺮ، ﻭﺻﻞﻟﻠﺒﻼﺩ، ﻗﺒّﻠﻮﻩ،

ﺎﻟﻠﻬﻢ: ﻧﺤﺐ ﻧﻘﺎﺑﻞ ﻭﻟﺪ ﺍﻟﺴّﻠﻄﺎﻥ.ﻗﺎﺑﻠﻮ ﺑﻌﻀﻬﻢ، ﻟﻘﺎﻩ ﺧﻠﻴﻘﺔ ﻭ ﻣﻈﻬﺮ ﻭﺷﺒﺎﺏ ﻭ ﺿﺨﺎﻣﺔ ، ﻭ ﺷﻮﻑ ﺍﻟﻌﺠﺐ،ﻇﻬﺮﻟﻮ ﻳﺨﻄﻒ ﺷﺒﻴﺔ ﻣﻦ ﺍﻟﺴّﻠﻄﺎﻥ…ﺯﺍﺩ ﻭﻟّﻰ ﻫﺰّﻭ ﻣﻌﺎﻩ ﻫﻮ ﻭ ﻧْﺴﺎﻩﺍﻟﺜﻼﺛﺔ ﻭ ﺍﻭﻻﺩﻫﻢ ﻟﻠﺴّﻠﻄﺎﻥ… ﻓﺮﺣﻮﺍﺑﻴﻬﻢ… ﻭ ﻭﻟّﻰ ﺍﻟﺴّﻠﻄﺎﻥ ﻳﺤﻜﻢ ﻧﻬﺎﺭ ﻭﻫﻮ ﻳﺤﻜﻢ ﻧﻬﺎﺭ… ﻟﻴﻦ ﻧﻬﺎﺭ ﻣﺎﺕﺍﻟﺴّﻠﻄﺎﻥ ﻭ ﻭﻟﺪ ﺍﻟﺤﻄّﺐ ﺿﺮﺏ ﻋﻠﻴﻪﺍﻟﻔﺮﺩ ﺍﻟﻠّﻪ ﻳﻨﺼﺮ ﻣﻦ ﺻﺒﺢ ﻭ ﻋﺰﻧﻔﺴﻚ ﺗﺼﻴﺒﻬﺎ

ﺣﻜﺎﻳﺔ " ﺍﻟﺤﻄّﺎﺏ ﻭ ﺍﻟﺤﻨﺶ "

noreply@blogger.com (Anonymous) — Tue, 03 Mar 2015 15:10:00 +0000

ﻳﺤﻜﻴﻮ ﻓﻲ ﻗﺪﻳﻢ ﺍﻟﺰﻣﺎﻥ ﻛﺎﻥ ﻓﻤّﺎ ﺭﺍﺟﻞ ﺣﻄّﺎﺏ، ﻛﻞ ﺻﺒﺎﺡ ﻳﻬﺰﺍﻟﺒﻬﻴﻢ ﻣﺘﺎﻋﻮ ﻭ ﺍﻟﻔﺄﺱ ﻭ ﻳﻤﺸﻲ ﻟﻠﻐﺎﺑﺔ، ﻳﺠﻤﻊ ﺣِﻤﻞ ﺣﻄﺐ ﻭ ﻳﻬﺒﻂﺑﻴﻪ ﺍﻟﻌﺸﻴّﺔ ﻟﻠﻤﺪﻳﻨﺔ ﻳﺒﻴﻌﻮ ﻭ ﺍﻟﻔﻠﻮﺱ ﻳﻠّﻲ ﻳﺪﺑﺮﻫﻢ ﻳﻘﻀﻲ ﺑﻴﻬﻢﻗﻀﻴﺎﺕ ﻟﻠﻌﺎﺋﻠﺔ، ﻫﺎﺫﻳﻜﺎ ﺍﻟﻌﺎﺩﺓ ﻛﻞ ﻳﻮﻡ .ﻓﻤّﺎ ﻧﻬﺎﺭ ﻭ ﻫﻮ ﻳﺠﻤﻊ ﻓﻲ ﺍﻟﺤﺘﺐ ﻓﻲ ﻭﺳﻂ ﺍﻟﻐﺎﺑﺔ، ﺧﺮﺟﻠﻮ " ﺣﻨﺶ" ﻳﻌﻨﻲ " ﺛﻌﺒﺎﻥ " ﻛﺒﻴﺮﺭ، ﻗﻮﻟﻨﺎ ﺧﺮﺟﻠﻮ ﺣﻨﺶ ﻣﻦ ﺗﺤﺖ ﺷﺠﺮﺓﻛﺒﻴﺮﺓ ﻓﻲ ﻓﻤّﻮ ﻛﻌﺒﺔ ﻟﻮﻳﺰ ﻭ ﺭﻣﺎﻫﺎ ﻟﻠﺤﻄّﺎﺏ ﻭ ﺩﺧﻞ ﺭﺟﻊ ﻟﻠﺤﻔﺮﺓﻣﺘﺎﻋﻮ ﺗﺤﺖ ﺍﻟﺸﺠﺮﺓ ..ﺳﻲ ﺍﻟﺤﻄّﺎﺏ، ﻫﺰ ﻛﻌﺒﺔ ﺍﻟﻠﻮﻳﺰ، ﺷﺎﻓﻬﺎ، ﻗﻠّﺒﻬﺎ، ﻭﺣﻄّﻬﺎ ﻓﻲ ﺟﻴﺒﻮﻭ ﺳﺎﻕ ﺍﻟﺒﻬﻴﻢ ﻭ ﻫﺒﻂ ﻟﻠﻤﺪﻳﻨﺔ ﻛﺎﻟﻌﺎﺩﺓ ﺑﺎﻉ ﺍﻟﺤﻄﺐ ﻭ ﺭﻭّﺡ ﻟﻠﺪﻭﻳﺮﺓﻣﺘﺎﻋﻮ، ﻫﻴّﺎ ﻓﻲ ﺍﻟﻠﻴﻞ ﺷﺪ ﻛﻌﺒﺔ ﺍﻟﻠﻮﻳﺰ ﻭ ﺣﻄّﻬﺎ ﻓﻲ ﺻﻨﺪﻭﻕ ﻗﺪﻳﻢﻓﻲ ﺍﻟﺨﺰﺍﻧﺔ ﻣﺘﺎﻉ ﺍﻟﺪﺍﺭ ﻭ ﺭﻗﺪ

ﻣﻦ ﻏﺪﻭﺓ، ﻛﺎﻟﻌﺎﺩﺓ، ﺭﺟﻊ ﻟﻠﻐﺎﺑﺔ، ﻧﻬﺎﺭ ﻛﺎﻣﻞ ﻳﺠﻤﻊ ﻓﻲ ﺍﻟﺤﻄﺐ ﻭﻳﺤﻂ ﻓﻴﻪ ﻓﻮﻕ ﺍﻟﺒﻬﻴﻢ، ﻭ ﺑﺼﺪﻓﺔ ﺗﻌﺪّﻯ ﻣﻦ ﺣﺬﺍ ﺍﻟﺸﺠﺮﺓ ﻣﺘﺎﻉ ﺃﻣﺲﻳﻠّﻲ ﻃﻠﻌﻠﻮ ﻣﻨﻬﺎ ﺍﻟﺤﻨﺶ .. ﻭ ﻫﻮ ﻭﺍﻗﻒ ﻳﺘﻔﺮﺝ ﻭ ﻳﺨﺮﺟﻠﻮ ﺍﻟﺤﻨﺶ ﻭﻓﻲ ﻓﻤّﻮ ﻛﻌﺒﺔ ﻟﻮﻳﺰ ﺗﻠﻤﻊ ﻋﻠﻰ ﺃﺷﻌﺔ ﺍﻟﺸﻤﺲ ﻭ ﺭﻣﺎﻫﺎﻟﻮ ﻛﺎﻟﻌﺎﺩﺓﻭ ﺭﺟﻊ ﺍﻟﺤﻨﺶ ﻟﻠﻤﻐﺎﺭﺓ ﻣﺘﺎﻋﻮ، ﻓﺮﺡ ﺳﻲ ﺍﻟﺤﻄﺎﺏ ﻭ ﺳﺎﻕ ﺍﻟﺒﻬﻴﻢﻭ ﺭﻭﺡ ﺑﺎﻉ ﺍﻟﺤﻄﺐ .؛ ﻭ ﻓﻲ ﺍﻟﻠﻴﻞ ﻗﺎﻝ ﻳﺎ ﻣﺮﺍ ﻛﺎﻥ ﻧﺤﻜﻴﻠﻚ ﺃﺵﺻﺎﺭﻟﻲ ﺃﻣﺲ ﻭ ﻟﻴﻮﻡ ﻓﻲ ﺍﻟﻐﺎﺑﺔ ﻣﺎ ﺗﺼﺪﻗﺶ !ﻗﺎﻟﺖ ﺯﻭﺟﺘﻪ : ﺇﻥ ﺷﺎﺀ ﺍﻟﻠﻪ ﺧﻴﺮ ﺃﺵ ﻓﻤّﺎ ﻳﺎ ﺭﺍﺟﻞ ؟ﻗﺎﻟﻬﺎ : ﺃﻣﺲ ﻭ ﺃﻧﺎ ﻧﺠﻤﻊ ﻓﻲ ﺍﻟﺤﺘﺐ ﺧﺮﺟﻠﻲ ﺣﻨﺶ ﻛﺒﻴﺮ ﺃﻭﻝ ﻣﺮﺓﻧﺸﻮﻑ ﺣﻨﺶ ﻓﻲ ﺍﻟﻜﺒﺮ ﻫﺎﺫﺍﻛﺎ .. ﻭ ﻓﻲ ﻓﻤّﻮ ﻛﻌﺒﺔ ﻟﻮﻳﺰ ﺭﻣﺎﻫﺎﻟﻲﻭ ﺩﺧﻞ ﻟﻠﺤﻔﺮﺓ ﻣﺘﺎﻋﻮ، ﻭ ﺍﻟﻴﻮﻡ ﻧﻔﺲ ﺍﻟﺸﻲﺀ ﻋﺎﻭﺩ ﺧﺮﺟﻠﻲ ﺍﻟﺤﻨﺶﻭ ﺭﻣﺎﻟﻲ ﻛﻌﺒﺔ ﻟﻮﻳﺰ.. ﻗﺎﻟﻬﺎ ﺃﺳﻜﺖ ﻳﺎ ﻣﺮﺃﺓ ﻣﺎ ﺗﻘﻮﻝ ﻟﺤﺘﻰ ﺃﺣﺪﻛﺎﻥ ﻛﺘﺐ ﺭﺑﻲ ﻧﻮﻟﻴّﻮ ﺃﻏﻨﻴﺎﺀ ﻫﺎﻭ ﺭﺑﻲ ﺭﺯﻗﻨﺎ .. ﻗﺎﻟﻬﺎ ﺑﺎﺵ ﻧﻮﻟﻴّﻮﺃﻏﻨﻴﺎﺀ ﻛﺎﻥ ﻫﺎﻟﺤﻨﺶ ﺷﺪ ﻓﻲ ﺍﻟﻌﺎﺩﺓ ﻣﺘﺎﻋﻮ ﻭ ﻛﻞ ﻧﻬﺎﺭ ﻳﺮﻣﻴﻠﻲﻛﻌﺒﺔ ﻟﻮﻳﺰ ..ﻗﺎﺗﻠﻮ ﻣﺮّﺗﻮ : ﺍﻟﻠﻪ ﻻ ﻳﻘﻄﻌﻠﻨﺎ ﻋﻮﺍﻳﺪ ﺍﻥ ﺷﺎﺀ ﺍﻟﻠﻪ

ﻭ ﻣﻦ ﻏﺪﻭﺓ ﺭﺟﻊ ﺍﻟﺤﻄّﺎﺏ ﻟﻮﺳﻂ ﺍﻟﻐﺎﺑﺔ، ﻭ ﻛﻴﻒ ﺍﻟﻌﺎﺩﺓ ﺧﺮﺟﻠﻮﺍﻟﺤﻨﺶ ﻭ ﺭﻣﺎﻟﻮ ﻛﻌﺒﺔ ﻟﻮﻳﺰ، ﻭ ﻣﻦ ﺑﻌﺪ ﻏﺪﻭﺓ ﻛﻴﻒ ﻛﻴﻒ .. ﻭ ﺍﻟﻨﻬﺎﺭﻳﻠّﻲ ﺑﻌﺪﻭ ﻛﻴﻒ ﻛﻴﻒ .. ﻫﻴّﺎ ﻛﻞ ﻧﻬﺎﺭ ﻭﻟّﻰ ﺳﻲ ﺍﻟﺤﻄّﺎﺏ ﻳﺮﻭﺡﺑﺤﻤﻞ ﺍﻟﺤﻄّﺐ ﻳﺒﻴﻌﻮ ﻭ ﻓﻲ ﺍﻟﻠﻴﻞ ﺍﻙ ﻛﻌﺒﺔ ﺍﻟﻠﻮﻳﺰ ﻳﺨﺒﻴﻬﺎ ﻓﻲﺍﻟﺼﻨﺪﻭﻕ ..ﻓﻤّﺎ ﻧﻬﺎﺭ ﻗﺪّﺭ ﺭﺑﻲ ﺍﻟﻌﺎﻟﻲ، ﻭ ﻣﺮﺽ ﺳﻲ ﺍﻟﺤﻄّﺎﺏ .. ﺷﺪ ﺍﻟﻔﺮﺍﺵﻣﺎ ﻳﻨﺠﻤﺶ ﻳﻘﻮﻡ، ﻭ ﻫﻮ ﻋﻨﺪﻭ ﻭﻟﺪﻩ ﻧﻘﻮﻟﻮ ﻋﻤﺮﻭ 30 ﺳﻨﺔ، ﻗﺎﻟﻮ ﻳﺎﻭﻟﺪﻱ ﺃﻧﺎ ﻣﺮﻳﺾ ﻣﺎ ﻓﻴّﺎﺵ ﺟﻬﺪ ﺇﻧّﻲ ﻧﻤﺸﻲ ﻧﺠﻤﻊ ﺍﻟﺤﻄﺐ، ﺇﻣﺸﻲﺇﻧﺖ ﻟﻮﺳﻂ ﺍﻟﻐﺎﺑﺔ ﺇﺟﻤﻊ ﻣﺎ ﻗﺪﺭﺕ ﻋﻠﻴﻪ ﻣﻦ ﺍﻟﺤﺘﺐ ﻭ ﻛﻴﻒ ﺗﺠﻲﻣﺮﻭّﺡ ﺇﻳﺠﺎ ﻭﺳﻂ ﺃﻙ ﺍﻟﻮﺍﺩ ﺍﻟﻮﺍﺳﻊ ﻳﻠّﻲ ﻓﻴﻪ ﺷﺠﺮﺓ ﺧّﺮّﻭﺏ ﺧﺒﻴﺮﺓﺗﺤﺘﻬﺎ ﺗﻮّ ﻳﺨﺮﺟﻠﻚ ﺣﻨﺶ ﻳﺮﻣﻴﻠﻚ ﻛﻌﺒﺔ ﻟﻮﻳﺰ، ﻫﺰّﻫﺎ ﻭ ﺇﻳﺠﺎ ﻣﺎ ﺗﻌﻤﻞﺣﺘﻰ ﺷﻲﺀ ﺃﺧﺮ

ﻫﻴّﺎ ﻣﺸﻰ ﺍﻟﻮﻟﺪ ﻟﻠﻐﺎﺑﺔ ﻛﻴﻒ ﻣﺎ ﻗﺎﻟﻮ ﺃﺑﻮﻩ، ﻭﺻﻞ ﺑﺪﺃ ﻳﺠﻤﻊ ﻓﻲﺍﻟﺤﻄﺐ، ﻭﻗﺖ ﻛﻤّﻞ ﻣﺸﻰ ﻟﻠﺸﺠﺮﺓ ﻳﻠّﻲ ﻗﺎﻟﻮ ﻋﻠﻴﻬﺎ ﺃﺑﻮﻩ، ﺧﺮﺟﻠﻮﺍﻟﺤﻨﺶ ﻭ ﺭﻣﺎﻟﻮ ﻛﻌﺒﺔ ﻟﻮﻳﺰ ﻭ ﻋﺎﻭﺩ ﺩﺧﻞ ﺍﻟﺤﻨﺶ ﻟﻠﺤﻔﺮﺓ ﻣﺘﺎﻋﻮ،ﻫﻴّﺎ ﺭﻭﺡ ﺍﻟﻮﻟﺪ، ﻣﺸﻰ ﺑﺎﻉ ﺍﻟﺤﺘﺐ ﻭ ﺑﻌﺪ ﺭﻭّﺡ ﻟﻠﺪﺍﺭ ﻭ ﻋﻄﻰ ﻛﻌﺒﺔﺍﻟﻠﻮﻳﺰ ﻷﺑﻮﻩ ..ﻣﻦ ﻏﺪﻭﺓ ﺯﺍﺩﺓ ﺍﻟﻮﻟﺪ ﺭﺟﻊ ﻟﻠﻐﺎﺑﺔ، ﻟــﻜﻦ !! ﺛﻨﻴﺔ ﻛﺎﻣﻠﺔ ﻭ ﻫﻮﻳﺨﻤﻢ ﻭ ﻳﻘﻮﻝ ﺯﻋﻤﺎ ﺃﺵ ﻓﻤّﺎ ؟ ﻳﻄﻠﻌﺶ ﻓﻤّﺎ ﻛﻨﺰ ﻛﺒﻴﺮ ﻓﻲ ﺍﻟﺤﻔﺮﺓﻣﺘﺎﻉ ﺍﻟﺤﻨﺶ؟ ﺯﻋﻤﺎ ﻣﻮﺵ ﻛﺎﻥ ﻧﻬﺰ ﺍﻟﻜﻨﺰ ﺍﻟﻜﻞ ﺧﻴﺮ ﻣﻦ ﺃﻥ ﻛﻞﻧﻬﺎﺭ ﻛﻌﺒﺔ ﻟﻮﻳﺰ ! ﻭ ﺑﺎﺑﺎ ﻛﻴﻔﺎﻩ ﺭﺍﺿﻲ ﺑﻬﺎﻟﺮﻭﻳّﻖ ؟ ﺣﺎﺻﻴﻠﻮﻫﺎﻟﺸﻴّﺎﺏ ﻧﺎﺱ ﻻ ﺗﻔﻬﻢ ﻻ ﺗﻌﺮﻑ ﺷﻲﺀ، ﺗﻮ ﻧﻮﺭﻳﻪ ﻛﻴﻔﺎﻩ ﻧﺴﺘﻐﻨﺎﻭﻓﻲ ﻧﻬﺎﺭ ﻭﺍﺣﺪ

ﻫﻴّﺎ ﻭﺻﻞ ﻟﻠﻐﺎﺑﺔ ﺍﻟﻄﻔﻞ، ﺟﻤﻊ ﺍﻟﺤﻄﺐ، ﻭ ﻛﻴﻒ ﻭﺻﻞ ﻟﻠﺸﺠﺮﺓﻣﺘﺎﻉ ﺍﻟﺨﺮﻭﺏ ﻃﻠﻌﻠﻮ ﺍﻟﺤﻨﺶ ﻭ ﺭﻣﺎﻟﻮ ﻛﻌﺒﺔ ﻟﻮﻳﺰ، ﻭ ﺳﻲ ﺍﻟﻄﻔﻞ ﻣﺎﻳﻜﻮﻧﺶ ﻣﻦ ﺍﻟﻌﺎﻛﺴﻴﻦ ﻭ ﻳﻬﺰ ﺍﻟﻔﺄﺱ ﺍﻟﻔﻮﻭﻭﻕ ﻭ ﻳﻘﻮﻟﻮ ﺑﻴﻪ ﺍﻟﻌﺮﺏﺭﺣﻠﺖ .. ﻳﻬﺒﻂ ﻋﻠﻰ ﺍﻟﺤﻨﺶ ﺑﻀﺮﺑﺔ ﻗﻮﻭﻭﻳّﺔ ﺟﺎﺑﻮ ﻣﻘﺴﻮﻡ ﻋﻠﻰﺇﺛﻨﻴﻦ.. ﻛﻞ ﻃﺮﻑ ﻳﻔﺮﻓﺖ ﻋﻠﻰ ﺟﻬﺔ، ﻟﻜﻦ ﺍﻟﺤﻨﺶ ﻣﺎﻫﻮ ﻛﻴﻒﻳﺘﻘﺺ ﻣﻦ ﺍﻷﺧﺮ ﻣﺘﺎﻋﻮ ﻣﺎ ﻳﻤﻮﺗﺶ، ﻳﺠﻲ ﻋﻤﻚ ﺍﻟﺤﻨﺶ ﻣﻮﺍﺟﻪ ﺳﺎﻕﺍﻟﻄﻔﻞ ﻭ ﻳﻨﻔﺦ ﻋﻠﻴﻪ ﻧﻔﺨﺔ ﻟﺴﻌﻮ ﺟﺎﺑﻮ ﻣﻄﻴّﺶ ﻣﺎﺕ ﺍﻟﻄﻔﻞ ..ﻫﻴّﺎ ﻭﻗﻒ ﺍﻟﺒﻬﻴﻢ، ﻭﻗﻒ، ﻭﻗﻒ، ﺣﺘﻰ ﻋﺸﺎ ﺕ ﺍﻟﻌﺸﻴﺔ ﻭﻟّﻰﺑﺎﻟﺨﻄﻮﺓ ﺑﺎﻟﺨﻄﻮﺓ ﻋﺮﻑ ﺍﻟﺜﻨﻴﺔ ﻣﺘﺎﻉ ﺍﻟﺪﺍﺭ ﺭﻭّﺡ ﻣﻊ ﺍﻟﻤﻐﺮﺏﻟﻠﺪﺍﺭ

ﺤﻴّﺮﺕ ﺃﻡ ﺍﻟﻮﻟﺪ، ﺗﺤﻴّﺮ ﺍﻟﺤﻄّﺎﺏ، ﺯﻋﻤﺎ ﻭﻟﺪﻱ ﺷﺒﻴﻪ؟ ﺯﻋﻤﺎ ﺃﺵﺟﺮﺍﻟﻮ؟ ﻋﺪّﺍﻭﻫﺎ ﻟﻴﻠﺔ ﻛﺎﻣﻠﺔ ﻣﺸﻮﻳﻴﻦ ﻭ ﺍﻟﻠﻪ ﻻ ﻳﺸﻮﻱ ﻛﺒﻴﺪﺓ ﺃﺣﺪ،ﻟﻜﻦ ﺍﻟﺪﻧﻴﺎ ﻇﻼﻡ ﻭ ﻣﺎﻳﻨﺠﻤﻮﺵ ﻳﺨﺮﺟﻮﺍ ﻟﻠﻐﺎﺑﺔ ﻳﺒﺤﺜﻮﺍ ﻋﻦ ﺍﻟﻮﻟﺪ،ﺍﻟﻐﺎﺑﺔ ﻛﻠﻬﺎ ﻫﻮﺍﻳﺶ ﻭ ﺫﻳﻮﺑﺎ ﻭ ﻣﺎ ﻳﻨﺠﻢ ﺣﺘﻰ ﺃﺣﺪ ﻳﺪﺧﻠﻬﺎ ﻓﻲﺍﻟﻠﻴﻞ..ﻫﻴّﺎ ﻃﻠﻊ ﺍﻟﺼﺒﺎﺡ، ﺧﺒﺮﻭﺍ ﻭﻻﺩ ﺍﻟﻤﺪﻳﻨﺔ، ﻭ ﺗﻨﺸﺮ ﺍﻟﺨﺒﺮ ﻗﺎﻟﻚ ﺃﺵﻗﺎﻝ ؟ ﻭﻟﺪ ﺍﻟﺤﺘّﺎﺏ ﺧﺮﺝ ﻟﻠﻐﺎﺑﺔ ﻳﺠﻤﻊ ﻓﻲ ﺍﻟﺤﻄﺐ ﻋﻮﺽ ﺃﺑﻮﻩﺍﻟﻤﺮﻳﺾ ﻳﺨّﻲ ﻣﺎ ﺭﻭّﺣﺶ !! ﻟﻴﻠﺔ ﻛﺎﻣﻠﺔ !! ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻘﺪﺭﺍﻟﺨﻴﺮ ..ﻫﻴّﺎ ﺧﺮﺟﻮﺍ ﺍﻟﺮﺟﺎﻝ ﻭ ﺍﻷﻭﻟﺪ ﻳﺒﺤﺜﻮ ﻋﻨﻪ ﻭﺳﻂ ﺍﻟﻐﺎﺑﺔ، ﻛﻞ ﻣﻤﺠﻤﻮﻋﺔﻓﻲ ﺟﻬﺔ ﻣﻦ ﺍﻟﻐﺎﺑﺔ، ﺣﺘﻰ ﻭﺟﺪﻭﻩ ﻣﻄﻴّﺶ ﻣﻴّﺖ ﻭ ﻣﻠﺴﻮﻉ " ﻣﻠﺬﻭﻍ" ﺑﺤﺬﺍﻩ ﻓﺄﺱ ﻭ ﺫﻳﻞ ﺍﻟﺤﻨﺶ .. ﺭﻭﺣﻮ ﺑﻴﻪ ﻟﻠﺪﺍﺭ .. ﻫﻴّﺎ ﻣﺨﺘﺼﺮﺍﻟﺤﺪﻳﺚ ﻗﺎﻣﺖ ﺟﻨﺎﺯﺓ ﻭ ﻛﻞ ﺷﻲﺀ ..ﺍﻟﺤﻄّﺎﺏ ﻓﻬﻢ ﺃﺵ ﺻﺎﺭ، ﻳﻠّﻲ ﺍﻟﻮﻟﺪ ﻏﻠﻂ ﻭ ﺩﺍﺭ ﺑﻴﻪ ﺍﻟﺸﻴﻄﺎﻥ ﻭ ﺣﺐﻳﻘﺘﻞ ﺍﻟﺤﻨﺶ ﻭ ﻳﺄﺧﺬ ﺍﻟﻜﻨﺰ ﻣﺮّﺓ ﻭﺍﺣﺪﺓ .. ﺑﻜﻰ ﺍﻟﻤﺴﻜﻴﻦ ﻫﻮ ﻭﺍﻟﻌﺠﻮﺯﺓ ..ﺑﻌﺪ ﻣﺪﺓ ﺻﺎﺭ ﺍﻟﺤﻄّﺎﺏ ﺑﺨﻴﺮ ﻋﺎﻓﺎﻩ ﺍﻟﻠﻪ ﻣﻦ ﺍﻟﻤﺮﺽ، ﻫﻴّﺎ ﻫﺰ ﺍﻟﺒﻬﻴﻢﻭ ﺍﻟﻔﺄﺱ ﻭﻣﺸﻰ ﻟﻠﻐﺎﺑﺔ .. ﺧﻄﻮﺓ ﺧﻄﻮﺓ .. ﺣﺘﻰ ﻭﺻﻞ ﻟﻠﺸﺠﺮﺓﻣﺘﺎﻉ ﺍﻟﺤﻨﺶ ..ﻫﻮ ﻭﺻﻞ ﻭ ﻟﻜﻦ ﺍﻟﺤﻄّﺎﺏ ﻭﺻﻞ ﻟﻠﺸﺠﺮﺓ ﻭ ﺍﻟﺤﻨﺶ ﻃﻠﻌﻠﻮ ﻣﺘﻐﺸﺶﻭ ﻋﻴﻨﻴﻪ ﻧﺎﺭ ﻭ ﻗﺎﻟﻮ : ﺃﺣﺒﺲ ﻏﺎﺩﻱ ﻣﺎ ﺗﻘﺪﻣﺶ ! ﺇﺧﺪﻡ ﻓﻲ ﺃﻱﺑﻘﻌﺔ ﻟﻜﻦ ﻫﺎﻟﻤﻜﺎﻥ ﻫﺬﺍ ﻣﺎ ﻋﺎﺩﺵ ﺗﺠﻴﻪ ﺃﺑﺪﺍ !! ﻻ ﻳﺠﺮﺍﻟﻚ ﻛﻴﻒﻭﻟﺪﻙ !!ﻗﺎﻝ ﺍﻟﺤﻄّﺎﺏ : ﻟﻜﻦ ﺃﻧﺎ ﺃﺵ ﻋﻤﻠﺖ ؟ ﻗﺎﻝ ﺍﻟﺤﻨﺶ : ﻋﻤﻠﺖ ﻋﻤﺎﻳﻞ

ﻗﺎﻝ ﺍﻟﺤﻄّﺎﺏ : ﺃﻧﺎ ﺭﺍﻧﻲ ﺭﺍﺟﻞ ﻛﺒﻴﺮ ﻭ ﺑﻌﻘﻠﻲ ﻳﺴﺘﺤﻴﻞ ﻧﻐﻠﻂ ﻏﻠﻄﺔﻭﻟﺪﻱ، ﻣﺎ ﻧﻌﻤﻠﺶ ﻛﻴﻒ ﻭﻟﺪﻱ ﺃﺑﺪﺍ ! ﻭﻟﺪﻱ ﺻﻐﻴﺮ ﻃﺎﻳﺶ ﻭ ﺃﻧﺎﺭﺍﺟﻞ ﻛﺒﻴﺮ ﻭ ﺷﺎﻳﺐ ﻣﺎﻳﺨﺮﺟﺶ ﻋﻠﻴﺎ ﺍﻧﺖ ﺗﻨﻔﻌﻨﻲ ﻭ ﺃﻥ ﻧﻘﺘﻠﻚ !ﺍﻟﻠﻪ ﺧﻴﺮ ﻋﺎﺩ ! ﻋﻠﻰ ﺍﻟﺪﻧﻴﺎ ﺍﻟﺴﻼﻡ ﻛﺎﻥ ﻧﻌﻤﻞ ﻫﺎﻟﻌﻤﻠﺔ ..ﻗﺎﻝ ﺍﻟﺤﻨﺶ : ﻧﻌﺮﻑ ﻫﺬﺍ ﺍﻟﻜﻞ .. ﻭ ﻋﻤﺮﻱ ﻣﺎ ﺭﻳﺖ ﻣﻨﻚ ﻣﻀﺮﺓﺍﻟﺤﻖ ﻭ ﻟﻜﻦ ﺃﺵ ﻳﻔﻴﺪ ؟ ﺑﺎﺵ ﻧﻘﻌﺪﻭﺍ ﺃﻧﺘﻲ ﻭﻳﻦ ﺗﺸﻮﻓﻨﻲ ﺗﺘﺬﻛﺮﻭﻟﺪﻙ ﻭ ﺃﻧﺎ ﻭﻳﻦ ﻧﺸﻮﻓﻚ ﻧﺘﺬﻛﺮ ﺫﻳﻠﻲ ﻳﻠّﻲ ﻗﺼّﻮ ﻭﻟﺪﻙ .. ﻭ ﻟﺒﺪﻳﺠﻲ ﻧﻬﺎﺭ ﻭ ﻳﻐﻠﻂ ﻭﺍﺣﺪ ﻣﻨّﺎ .. ﻫﻴّﺎ ﺇﻣﺸﻲ ﻋﻠﻰ ﺣﺎﻟﻚ ..ﻭﻓﺎﺕ ﺍﻟﺤﻜﺎﻳﺔ ..ﺍﻥ ﺷﺎﺀ ﺍﻟﻠﻪ ﺗﻜﻮﻥ ﻋﺠﺒﺘﻜﻢ .

ﺣﻜﺎﻳﺔ ﺍﻟﺮﺍﺟﻞ ﺍﻟﻤﺸﺤﺎﺡ ﻭ ﺍﻟﺬﻫﺐ

noreply@blogger.com (Anonymous) — Tue, 03 Mar 2015 15:08:00 +0000

ﻓﻲ ﻗﺪﻳﻢ ﺍﻟﺰﻣﺎﻥ ﻛﺎﻥ ﻓﻤّﺎ ﺭﺍﺟﻞ ﺗﺎﺟﺮ ﻋﻨﺪﻩ، ﺭﺯﻗﻪ ﺭﺑﻲ ﻣﻦ ﻛﻞﺍﻟﺨﻴﺮﺍﺕ، ﻛﻞ ﻧﻬﺎﺭ ﻓﻲ ﻣﻜﺎﻥ، ﻧﻬﺎﺭ ﻓﻲ ﺍﻟﺠﻨﻮﺏ ﻳﺸﺮﻱ ﻭ ﻳﺒﻴﻊ ﻓﻲﺍﻟﺪڨﻠﺔ، ﻧﻬﺎﺭ ﻓﻲ ﺟﻬﺔ ﺍﻟﺴﺎﺣﻞ، ﻧﻬﺎﺭ ﻓﻲ ﺍﻟﺸﻤﺎﻝ.. ﻭ ﻛﻞ ﻧﻬﺎﺭﻳﺮﺯﻗﻪ ﺭﺑﻲ ﺑﺮﺷﺎ ﻓﻠﻮﺱ ﻭ ﺧﻴﺮﺍﺕ، ﻟﻜﻦ ﻫﺬﺍ ﺍﻟﺘﺎﺟﺮ ﻣﻌﺮﻭﻑﺑﺎﻟﺒﺨﻞ، ﻳﺎﺳﺮ ﺑﺨﻴﻞ، ﻣﺸﺤﺎﺡ، ﻳﺮﺿﻰ ﻳﺒﺎﺕ ﺟﻴﻌﺎﻥ ﻭ ﻣﻴﺼﺮﻓﺶﺣﺘﻰ ﻓﺮﻧﻚ، ﻛﻞ ﻧﻬﺎﺭ ﻳﺒﺪﺃ ﻳﻄﻠﺐ ﻓﻲ ﺭﺑﻲ ﻳﻠﻘﺎﺵ ﻭﺍﺣﺪ ﻳﺄﻛﻞﻳﻘﻮﻝ ﻟﻪ ﻫﻴّﺎ ﺑﺈﺳﻢ ﻟﻠﻪ..ﺃﻳّﺎ ﻳﺎ ﺳﻴﺪﻱ ﻧﻬﺎﺭ ﺩﺧﻞ ﻟﻤﺪﻳﻨﺔ، ﺟﻴﻌﺎﻥ، ﻣﻠﻘﺎﺵ ﻣﺎ ﻳﺄﻛﻞ، ﻣﺠﺒﻮﺭﻭﻟّﻰ ﺩﺧﻞ ﺇﻳﺪﻩ ﻟﻤﻜﺘﻮﺑﻪ ﻭ ﺧﺮﺝ ﻣﻠﻴﻤﺎﺕ ﻣﺸﻰ ﺇﺷﺘﺮﻯ ﻧﺼﻒﺧﺒﺰﺓ، ﻭ ﺭﺃﺱ ﻓﻠﻔﻞ ﻭ ﺭﺃﺱ ﺑﺼﻞ، ﺟﺎﺀ ﻓﻲ ﺗﺮﻛﻴﻨﺔ ﻭ ﺑﺪﺃ ﻳﺄﻛﻞ .ﻫﻮ ﻗﺎﻋﺪ ﻳﺄﻛﻞ ﻭ ﻳﺸﻮﻑ ﻓﻲ ﺭﺍﺟﻞ ﻛﺒﻴﺮ ﺷﻴﺦ ﻣﻦ ﺑﻌﻴﺪ ﺟﺎﻱ، ﺣﺘﻰﻭﺻﻞ ﺑﺤﺬﺍﻩ، ﺳﻲ ﻭﺧﻴّﻨﺎ ﻗﺎﻝ ﻓﻲ ﻧﻔﺴﻪ ﻫﺬﺍ ﺟﺎﻱ ﻳﺤﺐ ﻳﺄﻛﻞﻣﻌﺎﻳﺎ، ﻭﻟّﻰ ﺩﺍﺭ ﻭ ﻋﻄﺎﻩ ﺑﻈﻬﺮﻩ، ﻣﻌﻨﺎﻫﺎ ﺗﻌﺪّﻯ ﻓﻲ ﺣﺎﻟﻚ، ﻟﻜﻦﺍﻟﺸﻴﺦ ﻳﻠّﻲ ﺟﺎﺀ ﻗﺎﻝ ﺍﻟﺴﻼﻡ ﻋﻠﻴﻜﻢ !ﻗﺎﻝ ﺳﻲ ﺍﻟﺘﺎﺟﺮ ﺍﻟﻤﺸﺤﺎﺡ : ﻻ ﺳﻼﻡ ﻋﻠﻰ ﻃﻌﺎﻡ . ﻟﻜﻦ ﻫﺎﻟﺸﻴﺦﺩﺍﺭ ﻭ ﺗﺮﻣﻰ ﻓﻲ ﺍﻟﻘﺎﻋﺔ ﻭ ﻣﺪّ ﺇﻳﺪﻩ ﻭ ﺑﺪﺃ ﻳﺄﻛﻞ ﻣﻌﺎﻩ، ﻗﺎﻝﺍﻟﻤﺸﺤﺎﺡ : ﻻﺑﺎﺱ ؟ﻗﺎﻝ ﺍﻟﺸﻴﺦ : ﺿﻴﻒ ﺭﺑّﻲ .ﺳﻲ ﺍﻟﻤﺸﺤﺎﺡ ﻗﻌﺪ ﺑﺎﻫﺖ ﻭ ﻳﺨﺰﺭ ﻟﻠﺮﺍﺟﻞ، ﺷﺎﻳﺐ، ﻛﺒﻴﺮ ﻟﺤﻴﺘﻮﺑﻴﻀﺎﺀ ﻫﺎﺑﻄﺔ ﻋﻠﻰ ﺻﺪﺭﻩ، ﻭ ﻛﻠﻪ ﻻﺑﺲ ﻓﻲ ﺍﻷﺑﻴﺾ .ﻭ ﻗﺎﻝ ﺍﻟﻤﺸﺤﺎﺡ : ﻛﻴﻔﺎﻩ ﺿﻴﻒ ﺭﺑّﻲ ؟ ﻭ ﺇﺫﺍ ﻛﺎﻥ ﻫﺎﻟﻄﻌﺎﻡ ﻣﺎﻳﻜﻔﻴﻨﻴﺶ ﺃﻧﺎ، ﺑﺎﺵ ﺗﺰﻳﺪ ﺗﺄﻛﻞ ﻣﻌﺎﻳﺎ ؟ﻗﺎﻝ ﺍﻟﺸﻴﺦ : ﺍﻩ ﻻ ﻋﺎﺩ ﻃﻌﺎﻡ ﺍﻟﻮﺍﺣﺪ ﻳﻜﻔﻲ ﺍﻹﺛﻨﻴﻦ . ﻭ ﻗﺎﻟﻪ ﻳﺎﻭﻟﺪﻱ ﻛﺒّﺮ ﻗﻠﺒﻚ ﺭﺍﻫﻮ ﺭﺑﻲ ﻋﻨﺪﻭ ﻳﺎﺳﺮ ﻭ ﻣﺨﺎﺯﻧﻪ ﻣﻠﻴﺎﻧﺔ .ﻫﻴّﺎ ﻳﺎ ﺳﻴﺪﻱ ﻣﺎ ﻛﻤّﻞ ﻛﻼﻣﻬﻢ ﻻ ﻣﺎ ﻭﻓﻰ ﺍﻟﻄﻌﺎﻡ

ﻗﺎﻡ ﺍﻟﺸﻴﺦ ﻭ ﺷﺎﻑ ﻟﻠﺠﻤﺎﻝ ﻣﺘﺎﻉ ﺍﻟﺘﺎﺟﺮ، 80 ﺟﻤﻞ ﻣﺮﺑﻮﻃﻴﻦ ﻭﻛﻠﻬﻢ ﻓﻮﻗﻬﻢ ﺳﻠﻌﺔ، ﻧﻘﻮﻟﻮ ﺩڨﻠﺔ ﺟﺎﻳﺒﻬﺎ ﻣﻦ ﺗﻮﺯﺭ ﺃﻭ ڨﺒﻠﻲ ، ﻭﻗﺎﻝ ﻫّﻴﺎ ﺃﺵ ﻗﻮﻟﻚ ﺗﻌﻄﻴﻨﻲ 78 ﺟﻤﻞ ﻭ ﺗﺄﺧﺬ ﺇﻧﺖ 2 ﺟﻤﺎﻝﻓﻮﻗﻬﻢ ﺷﻮﺍﺭﻱ ﺫﻫﺐ ﻭ ﺃﻟﻤﺎﺱ ﻭ ﻳﺎﻗﻮﺕ ..ﻗﺎﻡ ﺳﻲ ﺍﻟﺘﺎﺟﺮ ﺍﻟﻤﺸﺤﺎﺡ، ﺑﻌﺪ ﻣﺎ ﺣﺴﺒﻬﺎ ﻓﻲ ﻣﺨﻪ، ﻗﺎﻝ ﺃﻧﺎﻧﻌﻄﻴﻪ 78 ﺟﻤﻞ ﻭ ﻧﺄﺧﺬ 2 ﺟﻤﺎﻝ ﺣﻤﻠﻬﻢ ﺫﻫﺐ، ﻧﻮﻟّﻲ ﻏﻨﻲ ﻭﻧﻌﻴﺶ ﻛﻴﻒ ﺍﻟﻤﻠﻮﻙ، ﻗﺎﻟﻪ ﻣﻠﻴﺢ ﻳﺎ ﺑﺎﺑﺎ ﻣﺘﻔﺎﻫﻤﻴﻦ ! . ﻗﺎﻝ ﺍﻟﺸﻴﺦ :ﻣﻠﻴﺢ ﻫﻴﺎ ﺗﺒﻌﻨّﻲ ..ﻣﺸﻰ ﺍﻟﺸﻴﺦ ﻣﻦ ﻗﺪﺍﻡ ﻭ ﺍﻟﺘﺎﺟﺮ ﺍﻟﻤﺸﺤﺎﺡ ﻳﺘﺒﻊ ﻓﻴﻪ ﻭ ﻳﻘﻮﺩ ﻓﻲﺍﻟﺠﻤﺎﻝ ﻭﺭﺍﺀﻩ .. ﺣﺘﻰ ﻭﺻﻠﻮﺍ ﻟﺠﺒﻞ ﻓﻲ ﻣﻜﺎﻥ ﺧﺎﻟﻲ. ﻗﺎﻡ ﺍﻟﺸﻴّﺦﻭ ﺑﺪﺃ ﻳﺘﻤﺘﻢ ﻭ ﻳﺮﻣﻲ ﻓﻲ ﺍﻟﺒﺨﻮﺭ ﻭ ﻳﻌﺰّﻡ، ﺣﺘﻰ ﺇﻧﺸﻖ ﺍﻟﺠﺒﻞ ﻭﺗﺤﻞ ﺑﺎﺏ، ﻗﺎﻟﻪ ﻫﻴّﺎ ﺃﺩﺧﻞ ﺇﻣﻸ ﺷﻮﺍﺭﻱ ﺍﻟــ 80 ﺟﻤﻞ ﺑﺎﻟﺬﻫﺐ ﻭﻛﻴﻒ ﻣﺎ ﺗﻔﺎﻫﻤﻨﺎ ﺃﻧﺎ ﻧﺄﺧﺬ 78 ﺟﻤﻞ ﻭ ﺇﻧﺖ 2 ﺟﻤﺎﻝ، ﻗﺎﻟﻪ ﻣﻠﻴﺢ ﻭﺩﺧﻞ ﺳﻲ ﻭﺧﻴّﻨﺎ ﻣﻦ ﺣﻴﻨﻮ ﻭ ﺑﺪﺃ ﻳﻌﺒﻲ ﻭ ﻳﻤﻸ ﻓﻲ ﺷﻮﺍﺭﻱ ﺍﻟﺠﻤﺎﻝ( ﺷﻮﺍﺭﻱ ﻣﻌﻨﺎﻫﺎ ﻛﻴﻒ ﺍﻟﻘﻔﻒ ' ﺟﻤﻊ ﻗﻔّﺔ ' )، ﺑﻌﺪ ﺳﺎﻋﺔ ﻣﻦﺍﻟﺰﻣﺎﻥ ﻋﺒّﻰ ﺍﻟﺘﺎﺟﺮ ﺍﻝ 80 ﺟﻤﻞ ﺑﺎﻟﺬﻫﺐ ﻭ ﺍﻟﻴﺎﻗﻮﺕ ﻭ ﺍﻻﻟﻤﺎﺱ .ﻗﺎﻝ ﺍﻟﺸﻴﺦ ﻟﻠﺘﺎﺟﺮ ﻋﺎﻭﺩ ﺃﺩﺧﻞ ﻟﻠﺪﺍﺧﻞ ﻓﻤّﺎ ﺑﺎﺏ ﺻﻐﻴﺮ ﺃﺩﺧﻞ ﻣﻨﻪﺳﻮﻑ ﺗﻠﻘﻰ ﺯﻭﺯ ﺃﺧﺸﺎﺏ ﺻﻐﺎﺭ ﻟﻮﻧﻬﻢ ﺭﻣﺎﺩﻱ ﺟﻴﺒﻬﻢ، ﻗﺎﻟﻪ ﻣﻠﻴﺢ ﻭﻋﻤﻞ ﻛﻴﻒ ﻣﺎ ﻗﺎﻟﻪ .ﻫﻴّﺎ ﻗﺎﻝ ﺍﻟﺸﻴﺦ ﻟﻠﺘﺎﺟﺮ ﺧﻮﺫ ﺍﻝ 2 ﺟﻤﺎﻝ ﻭ ﺃﻗﺼﺪ ﺭﺑﻲ

ﻣﺸﻰ ﺍﻟﺘﺎﺟﺮ ﻭ ﻟﻜﻦ ﺑﻌﺪ ﻣﺎ ﺑﻌﺪ ﻣﺴﺎﻓﺔ، ﻗﺎﻝ ﻭﻟﻠﻪ ﺣﺮﺍﻡ ﻛﻴﻔﺎﻩ ﺃﻧﺎﻧﺄﺧﺬ 2 ﺟﻤﺎﻝ ﻭ ﻫﻮ 78 ﺟﻤﻞ ! ﻗﺎﻝ ﻻﺯﻡ ﻧﺮﺟﻌﻠﻪ ﻧﻘﻮﻟﻪ ﻳﺰﻳﺪﻧﻲﺣﺘﻰ 2 ﺟﻤﺎﻝ . ﻭ ﺭﺟﻊ ﻋﻠﻰ ﺛﻨﻴﺘﻮ ﻳﺼﻴﺢ ﻳﺎ ﺑﺎﺑﺎ ﺍﻟﺸﻴﺦ ﻳﺎ ﺑﺎﺑﺎﺍﻟﺸﻯﺦ، ﺣﺘﻰ ﻟﻘﺎﻩ ﻣﺎﺯﺍﻝ ﻭﺍﻗﻒ ﻓﻲ ﻧﻔﺲ ﺍﻟﻤﻜﺎﻥ؟، ﻗﺎﻝ ﺍﻟﺸﻴﺦﻣﺎﻫﻮ ﻻﺑﺎﺱ ﺃﺷﺒﻴﻚ ﺭﺟﻌﺖ ﻳﺎ ﻭﻟﺪﻱ؟ﻗﺎﻝ ﺍﻟﺘﺎﺟﺮ ﺍﻟﻤﺸﺤﺎﺡ ﺗﻨﺠﻢ ﺗﺰﻳﺪﻧﻲ 2 ﺟﻤﺎﻝ؟ ﻗﺎﻝ ﺍﻟﺸﻴﺦ ﺍﻟﻠﻪﻳﺒﺎﺭﻙ ﺧﻮﺫ . ﻭﻟّﻰ ﺍﻟﺘﺎﺟﺮ ﻋﻨﺪﻩ 4 ﺟﻤﺎﻝ ﻭ ﻣﺸﻰ ﻋﻠﻰ ﺭﻭﺣﻪ .ﻟﻜﻦ ﺃﻳﻀﺎ ﺑﻌﺪ ﻣﺎ ﺑﻌﺪ ﺷﻮﻱ ﻗﺎﻝ ﻭﻟﻠﻪ ﻫﺎﻟﺸﻴﺦ ﻇﺎﻫﺮ ﻓﻴﻪ ﻛﺮﻳﻢﻛﺎﻥ ﻧﺰﻳﺪ ﻧﻘﻮﻟﻪ ﻧﻘﺴﻤﻮ 40 ﺟﻤﻞ ﻟﻴﺎ ﻭ 40 ﻟﻴﻪ ﻣﺎ ﻳﻘﻮﻟﺶ ﻻ . ﻭﺭﺟﻊ ﻣﻦ ﺟﺪﻳﺪ ﺍﻟﺘﺎﺟﺮ ﻳﺠﺮﻱ ﻳﺎ ﺑﺎﺑﺎ ﺍﻟﺸﻴﺦ ﻳﺎ ﺑﺎﺑﺎ ﺍﻟﺸﻴﺦ، ﺣﺘﻰ ﻟﻘﺎﻩﻣﺎﺯﺍﻝ ﻭﺍﻗﻒ ﻳﺴﺘﻨﻰ ﻗﺎﻝ ﺍﻟﺸﻴﺦ : ﺃﺷﺒﻴﻚ ﻋﺎﻭﺩﺕ ﺭﺟﻌﺖ ﺃﺵﺗﺤﺐ ؟؟ﻗﺎﻝ ﺍﻟﺘﺎﺟﺮ ﺍﻟﻤﺸﺤﺎﺡ ﻭ ﺗﻜﻠﻤﺖ ﻋﻠﻰ ﻓﻤﻪ ﺍﻟﺸﺤﺔ ﻭ ﺍﻟﺒﺨﻞ ﻭﺍﻟﻄﻤﻊ : ﺃﺵ ﻗﻮﻟﻚ ﻛﺎﻥ ﺃﻧﺎ ﻧﺄﺧﺬ 40 ﺟﻤﻞ ﻭ ﻧﺖ 40 ﺟﻤﻞ . ﻗﺎﻝﺍﻟﺸﻴﺦ ﺍﻟﻠﻪ ﻳﺒﺎﺭﻙ . ! ﻭ ﺃﺧﺬ ﺍﻟﺘﺎﺟﺮ 40 ﺟﻤﻞ ﻓﻮﻗﻬﻢ ﺷﻮﺍﺭﻱﺫﻫﺐ ﻭ ﻳﺎﻗﻮﺕ .. ﻟﻜﻦ ﺯﺍﺩﺓ ﺑﻌﺪ ﻣﺎ ﺑﻌﺪ ﻗﺎﻝ ﻻ ﻧﺮﺟﻊ ﻳﺰﻳﺪﻧﻲ؛ ﻭﻛﻴﻒ ﺍﻟﻌﺎﺩﺓ ﺭﺟﻊ ﻳﻨﺎﺩﻱ ﻭ ﻳﺼﻴﺢ ﻳﺎ ﺳﻴﺪﻱ ﺍﻟﺸﻴﺦ ﻳﺎ ﺳﻴﺪﻱﺍﻟﺸﻴﺦ، ﻟﺤﺪ ﻣﺎ ﻟﻘﺎﻩ ﻣﺎﺯﺍﻝ ﻭﺍﻗﻒ، ﻗﺎﻝ ﻳﺎ ﺳﻴﺪﻱ ﺍﻟﺸﻴﺦ ﺇﻧﺖﺗﺒﺎﺭﻙ ﺍﻟﻠﻪ ﻋﻠﻴﻚ ﻗُﻠﺖ ﻛﻠﻤﺘﻴﻦ ﺗﺤﻞ ﺍﻟﺠﺒﻞ ﻭ ﻟﻘﻴﺖ ﺍﻟﺬﻫﺐ، ﻣﻌﻨﺎﻫﺎﺗﻨﺠﻢ ﻣﺮﺓ ﺃﺧﺮﻯ ﺗﻌﺎﻭﺩ ﻧﻔﺲ ﺍﻟﺸﻲﺀ ﻭ ﺗﻠﻘﻰ ﻛﻞ ﺍﻟﺨﻴﺮﺍﺕ ﻭﺍﻟﺬﻫﻮﺑﺎﺕ ﻭ ﺍﻟﻴﺎﻗﻮﺕ، ﻗﺎﻟﻪ ﺃﻋﻄﻴﻨﻲ ﺃﻧﺎ 80 ﺟﻤﻞ !ﻗﺎﻝ ﺍﻟﺸﻴﺦ ﺍﻟﻠﻪ ﻳﺒﺎﺭﻙ ﺧﻮﺫ ﺍﻟــ 80 ﺟﻤﻞ .ﻗﺎﻝ ﺍﻟﺘﺎﺟﺮ ﺑﺎﺭﻙ ﺍﻟﻠﻪ ﻓﻴﻚ ﻳﺎ ﺑﺎﺑﺎ ﻭ ﺭﻳﻘﺘﻮ ﺗﻘﻄﺮ ﻃﻤﻊ ﻭ ﺟﻬﺶ .ﻗﺎﻝ ﺍﻟﺸﻴﺦ ﻫﻴﺎ ﺃﻗﺼﺪ ﺭﺑﻲ ﻳﺎ ﻭﻟﺪﻱ ﻫﺎﻙ ﺧﺬﻳﺖ ﺍﻟــ 80 ﺟﻤﻞ !ﺇﻣﺸﻲ ﻋﻠﻰ ﺭﻭﺣﻚ .ﻗﺎﻝ ﺍﻟﺘﺎﺟﺮ ﺍﻟﻤﺸﺤﺎﺡ : ﺑﺮﺑﻲ ﻳﺎ ﺑﺎﺑﺎ ﺃﻙ ﺯﻭﺯ ﺃﺧﺸﺎﺏ ﻳﻠّﻲ ﻟﻮﻧﻬﻢﺭﻣﺎﺩﻱ ﻗﻮﺗﻠﻲ ﺟﻴﺒﻬﻢ ﻭ ﻧﺨﺰﺭﻟﻚ ﺣﻄﻴﺘﻬﻢ ﻓﻲ ﺟﻴﺒﻚ، ﻣﺘﺎﻉ ﺷﻨﻮﺍﺃﻛﻴﺪ ﻣﻬﻤﻴﻦ ﺑﺮﺷﺎ .ﻗﺎﻝ ﺍﻟﺸﻴﺦ : ﻫﺎﺫﻭﻛﻤﺎ ﺳﺮﻫﻢ ﻛﺒﻴﺮ ﻳﺎ ﻭﻟﺪﻱ، ﻗﺎﻟﻪ ﻗﻄﻌﺔ ﺍﻟﺨﺸﺐﺍﻷﻭﻟﻰ ﻫﺬﺍ ﻭﻗﺖ ﺗﻜﺤﻞ ﺑﻴﻪ ﻋﻴﻨﻚ ﺗﺸﻮﻑ ﻛﻨﻮﺯ ﺍﻟﺪﻧﻴﺎ ﺍﻟﻜﻞ ، ﻗﺎﻝﺍﻟﺘﺎﺟﺮ ﺍﻟﻤﺸﺤﺎﺡ ﻫﺎﺕ ﻳﺎ ﺑﺎﺑﺎ ﺧﻠﻴﻨﻲ ﻧﺠﺮﺏ، ﻗﺎﻟﻪ ﺍﻟﻠﻪ ﻳﺒﺎﺭﻙ، ﻛﺤّﻞﺳﻲ ﺍﻟﺘﺎﺟﺮ ﻋﻴﻮﻧﻪ ﺏ ﻗﻄﻌﺔ ﺍﻟﺨﺸﺐ ﺍﻷﻭﻟﻰ ﻗﺎﻝ ﺁﺍﻩ ﺍﻩ ﺷﻨﻮﺍ ﻫﺬﺍﺍﻩ ﺫﻫﺐ ﻓﻲ ﻛﻞ ﻣﻜﺎﻥ ﺍﻩ ﻳﺎ ﺑﺎﺑﺎ ﻭ ﺍﻟﻌﻮﺩ ﺍﻟﺜﺎﻧﻲ ﻣﺘﺎﻉ ﺷﻨﻮﺍ ؟ﺃﻛﻴﺪ ﺍﻧﻄﻠﻌﻮ ﺑﻴﻪ ﺍﻟﻜﻨﻮﺯ ﻫﺎﺫﻡ،ﻗﺎﻝ ﺍﻟﺸﻴﺦ ﻻ ﺃﺧﻄﺎﻙ ﻣﻨﻪ ﻭ ﺑﺮّﺍ ﻳﺎ ﻭﻟﺪﻱ ﺇﻗﺼﺪ ﺭﺑﻲ ﻫﺎﻧﻮ ﻋﻨﺪﻙ80 ﺟﻤﻞ ﻛﻠﻬﻢ ﺫﻫﺐ ﺗﻌﻴﺶ ﺑﻴﻬﻢ ﻛﻴﻒ ﺍﻟﺴﻼﻃﻴﻨﻮ ﺍﻟﻤﻠﻮﻙ ﻃﻮﻝﺣﻴﺎﺗﻚ، ﺭﺍﻫﻮ ﻗﻄﻌﺔ ﺍﻟﺨﺸﺐ ﺍﻟﺜﺎﻧﻴﺔ ﻓﻴﻬﺎ ﺣﻜﻤﺔ ﻛﺒﻴﺮﺓ ﺭﺍﻫﻮ ﻛﺎﻥﺗﻌﻤﻞ ﻣﻨﻬﺎ ﺗﻌﻤﻰ ﻣﺎﻋﺎﺩﺵ ﺗﺸﻮﻑ ! ﺃﺧﻄﺎﻙ ﻣﻨﻬﺎ .

ﻗﻞ ﺍﻟﺘﺎﺟﺮ ﺗﻲ ﻻ ﻳﺰﻱ ﻣﻦ ﺍﻟﺨﺮﺍﻓﺎﺕ ﻗﺎﻝ ﺣﻜﻤﺔ ، ﺗﻲ ﺃﻧﺎ ﺣﻜﻴﻢ، ﻭﻫﺰ ﻗﻄﻌﺔ ﺍﻟﺨﺸﺐ ﺍﻟﺜﺎﻧﻴﺔ ﻭ ﻋﻤﻞ ﺑﻴﻬﺎ ﻋﻠﻰ ﻋﻴﻮﻧﻪ، ﻭ ﻓﻲ ﺣﻴﻨﻮﺻﺎﺡ ﻳﺎ ﺑﺎﺑﺎ ﻭﻳﻨﻚ ؟ ﻳﺎ ﺑﺎﺑﺎ ﺃﻩ ﻋﻴﻮﻧﻲ !! ﻣﻌﺎﺩﺵ ﻧﺸﻮﻑ ﻓﻲ ﺷﻲﺀﻭ ﺑﺪﺃ ﻳﺎﻗﻒ ﻭ ﻳﻄﻴﺢ ﻗﻮﻕ ﺍﻟﺤﺠﺮ ﻭ ﻳﺘﻤﺮﻣﺪ ﻋﻠﻰ ﺍﻟﺮﻣﻞ ﻭ ﻳﺼﻴﺢﻭﻳﺒﻜﻲ .. ﻣﻌﺎﺩﺵ ﻳﺸﻮﻑﻗﺎﻝ ﺍﻟﺸﻴﺦ ﺭﻳﺖ ﻛﻴﻒ ﻗﺘﻠﻚ ﺭﺍﻙ ﺗﻌﻤﻰ ﻣﺎ ﺣﺒﻴﺘﺶ ﺗﺴﻤﻌﻨﻲ، ﺍﻟﻌﻴﻦﻣﺎ ﻳﻤﻠﻴﻬﺎ ﻛﺎﻥ ﺍﻟﺘﺮﺍﺏ ﻭ ﻫﺬﻩ ﻋﺎﻗﺒﺔ ﻃﻤﻌﻚ ﻭ ﺍﻟﺸﺢ ﻣﺘﺎﻋﻚ .ﻭﻓﺎﺕ ﺍﻟﺤﻜﺎﻳﺔ،

حﻜﺎﻳﺔ " ﺍﻟﻨﻤﺮ ﻭ ﺳﻴﺪﻱ ﺇﺑﻦ ﺃﺩﻡ "

noreply@blogger.com (Anonymous) — Tue, 03 Mar 2015 13:56:00 +0000

ﻗﺎﻟﻚ ﻳﺎ ﺳﻴﺪﻱ ﻫﺎﻟﺤﻜﺎﻳﺔ ﻣﻦ ﺍﻟﻬﻨﺪ، ﻓﻤّﺎ ﺭﺍﺟﻞ ﻓﻼﺡ ﺍﻟﺤﻴﻮﺍﻧﺎﺕﺍﻟﻜﻞ ﻳﻠّﻲ ﻳﻤﻠﻜﻬﻢ ﻣﻦ ﺃﻏﻨﺎﻡ ﻭ ﺩﺟﺎﺝ ﻭ ﺑﻘﺮ.. ﻛﻼﻫﻢ ﺍﻟﻜﻞ ﺍﻟﻨﻤﺮ،ﻛﻞ ﻳﻮﻡ ﺗﻨﻘﺺ ﺣﺎﺟﺔ ﺣﺘﻰ ﻗﻌﺪ ﻣﻦ ﻏﻴﺮ ﺣﺘﻰ ﺣﺎﺟﺔ . ﺍﻟﺮﺍﺟﻞﻣﺴﻜﻴﻦ ﺗﻌﺮّﻯ ﺭﺃﺳﻪ .ﻧﻬﺎﺭ ﻗﺎﻡ ﻋﻤﻞ ﻓﺦ ﻣﻦ ﺣﺪﻳﺪ ﻭ ﻭﺿﻊ ﻓﻴﻪ ' ﻋﻠﻮﺵ ' ﻭ ﻓﻲ ﺍﻟﻠﻴﻞﺟﺎﺀ ﺍﻟﻨﻤﺮ ﺩﺧﻞ ﻟﻠﻔﺦ ﺗﺴﻜﺮ ﻋﻠﻴﻪ ﻗﻌﺪ ﺍﻟﺪﺍﺧﻞ ...ﻃﻠﻊ ﺍﻟﻨﻬﺎﺭ ﻣﺸﻰ ﺳﻲ ﺍﻟﻔﻼﺡ ﻳﺸﻮﻑ ﻓﻲ ﺍﻟﻔﺦ ﻳﻠﻘﻰ ﺳﻲ ﺍﻟﻨﻤﺮﻣﺤﺒﻮﺱ ﻭﺳﻂ ﺍﻟﻘﻔﺺ ﻳﺼﻴﺢ، ﻗﺎﻝ ﺍﻟﻔﻼﺡ ﺇﻳَّـــــــﺎﻩ ﺧﻠّﻲ ﻣﺎ ﻟﻴﻚﻣﺎ ﺗﻘﻌﺪ ﻭﺳﻂ ﺍﻟﻘﻔﺺ ﻟﺤﺪ ﻣﺎ ﺗﻤﻮﺕ ﻣﻦ ﺍﻟﺠﻮﻉ ﻋﻠﻰ ﻋﻤﺎﻳﻠﻚ ، ﻭﺑﺎﻟﻔﻌﻞ ﻣﺸﻰ ﺍﻟﻔﻼﺡ ﺭﻭّﺡ ﻟﻠﺪﺍﺭ

ﻫﻴّﺎ ﻳﺎ ﺳﻴﺪﻱ ﺍﻟﻨﻤﺮ ﻗﻌﺪ ﻣﺤﺒﻮﺱ ﻭﺳﻂ ﺍﻟﻘﻔﺺ، ﺍﻟﻨﻬﺎﺭ ﺍﻷﻭﻝ،ﺍﻟﻨﻬﺎﺭ ﺍﻟﺜﺎﻧﻲ، ﺍﻟﻨﻬﺎﺭ ﺍﻟﺜﺎﻟﺚ، ﻣﻦ ﺍﻷﻭﻝ ﻳﺰﻫﺮ ﻭ ﻳﺼﻴﺢ ﻭ ﻟﻜﻦ ﻣﺎﺟﺎﺀ ﺍﻟﻨﻬﺎﺭ ﺍﻟﺜﺎﻟﺚ ﺣﺘﻰ ﺃﺻﺒﻰ ﻳﻌﻮّﻱ ﻣﺜﻞ ﺍﻟﻘﻄﻮﺱ ﻣﻦ ﺍﻟﺠﻮﻉ ﻭﺍﻟﻌﻄﺶ .. 3 ﺃﻳﺎﻡ ﻣﺤﺒﻮﺱ ﻭﺳﻂ ﺍﻟﻘﻔﺺ، ﺣﺘﻰ ﺻﺪﻓﺔ ﻛﻤّﺎ ﺭﺍﺟﻞﺣﻄّﺎﺏ ﻛﺎﻥ ﻳﺠﻤﻊ ﻓﻲ ﺍﻟﺤﻄﺐ ﻭﺳﻂ ﺍﻟﻐﺎﺑﺔ ﻭ ﻣﺮﻭّﺡ ﺷﺎﻑ ﺍﻟﻘﻔﺺﻭ ﺍﻟﻨﻤﺮ ﻣﺤﺒﻮﺱ ﻭﺳﻂ ﺍﻟﻘﻔﺺ ﺣﺎﻝ ﻓﻤّﻪ ﻭ ﻋﻴﻮﻧﻪ ﻳﺤﻞ ﻓﻴﻬﻢﺑﺎﻟﺴﺴﻴﻒ .. ﻗﺎﻝ ﺍﻟﺤﻄﺎﺏ : ﺃﺵ ﻭﻗﻌﻠﻚ ﻳﺎ ﻋﻢ ﺍﻟﻨﻤﺮ ؟ﻗﺎﻝ ﺍﻟﻨﻤﺮ : ﺣﺼُﻠﺖ ﻣﺜﻞ ﺍﻟﻀﺒﻊ ﻧﻠﻘﻰ ﻋﻠﻮﺵ ﻭﺳﻂ ﺍﻟﻘﻔﺺ ﺃﻧﺎﺩﺧﻠﺖ ﺑﺎﺵ ﻧﺄﻛﻠﻪ ﻭ ﺍﻟﻘﻔﺺ ﺗﻐﻠﻖ ﻋﻠﻴّﺎ ﺍﻷﻥ ﻋﻨﺪﻱ 3 ﺃﻳﺎﻡ ﻭ ﺃﻧﺎﻣﺤﺒﻮﺱ ﻭﺳﻂ ﺍﻟﻘﻔﺺ .ﻗﺎﻝ ﺍﻟﺤﻄﺎﺏ : ﻫﻴّﺎ ﺃﺵ ﻗﻮﻟﻚ ﻛﺎﻥ ﻧﺤﻠﻚ ﺍﻟﺒﺎﺏ ﻭ ﺗﺨﺮﺝ ؟ﻗﺎﻝ ﺍﻟﻨﻤﺮ : ﻭﻗﺖ ﺗﺤﻞ ﺍﻟﺒﺎﺏ ﻣﺎﻧﻲ ﻧﺨﺮﺝ !!ﻗﺎﻝ ﺍﻟﺤﻄﺎﺏ : ﺳﺎﻣﺤﻨﻲ ﻳﺎ ﻋﻢ ﺍﻟﻨﻤﺮ ﻟﻜﻦ ﺇﻧﺘﻮﻣﺎ ﺍﻟﻨﻤﻮﺭ ﻣﻌﺮﻭﻓﻴﻦﺑﺤﺎﺟﺔ " ﻗﻠّﺔ ﺍﻟﻤﻌﺮﻭﻑ " ﻭ ﺑﺎﻟﻐﺪﺭ ، ﺇﻳﻘﻮﻟﻮ ﻳﻠّﻲ ﺍﻟﻨﻤﺮ ﻏﺪﺍﺭ ﻭ ﻣﺎﻳﺸﻮﻓﺶ ﺑﺎﻟﺨﻴﺮ .ﻗﺎﻝ ﺍﻟﻨﻤﺮ : ﺃﺧﻄﺎﻙ ﻳﺎ ﺧﻮﻳﺎ ﺇﺑﻦ ﺃﺩﻡ ﻣﺎ ﺗﺴﻤﻌﺶ ﻫﺎﻟﻜﻼﻡ ! ﺍﻟﻨﻤﺮﺷﻬﻢ ﻭ ﻣﺎ ﻛﻴﻔﻪ ﺣﺘﻰ ﺣﺪّ .ﻫﻴّﺎ ﻳﺎ ﺳﻴﺪﻱ ﻗﻌﺪ ﺍﻟﻨﻤﺮ ﻳﻘﻨﻊ ﻓﻴﻪ ﺣﺘﻰ ﺇﻗﺘﻨﻊ ﺳﻲ ﺇﺑﻦ ﺃﺩﻡ ﻭ ﻓﺘﺢﺍﻟﺒﺎﺏ ﻋﻠﻰ ﺍﻟﻨﻤﺮ . ﺧﺮﺝ ﺍﻟﻨﻤﺮ ﻣﻦ ﺍﻟﻘﻔﺺ ﻭ ﺑﺪﺃ ﻳﺘﺜﺎﻭﺏ ﻭ ﻳﺪﻭﺭ ﻭﻳﺘﻠﻔﺖ ﻳﻤﻴﻦ ﻭ ﻳﺴﺎﺭ ﻭ ﻗﺎﻝ " ﺃﻧﺎ ﺟﻴﻌـــــــــﺎﻥ "ﻗﺎﻝ ﺍﻟﺤﻄﺎﺏ : ﺃﻱ ﻧﻌﻢ ﻋﻨﺪﻙ ﺍﻟﺤﻖ ﺣﺘﻰ ﺇﻧﺖ ﻳﺎ ﺳﻲ ﺍﻟﻨﻤﺮ 3 ﺃﻳﺎﻡﻣﺤﺒﻮﺱ ﻟﻠﺠﻮﻉ ﻓﻲ ﺍﻟﻘﻔﺺ ﺇﻣﺸﻲ ﺷﻮﻑ ﺍﻷﻥ ﺗﻠﻘﺎﺵ ﻏﺰﺍﻝ ﺃﻭﺃﺭﻧﺐ ﺃﻭ ﺃﻱ ﺣﺎﺟﺔ ﺃﻛﻠﻬﺎ ﻭ ﺇﺷﺒﻊ ﻋﻠﻰ ﺭﻭﺣﻚﻗﺎﻝ ﺍﻟﻨﻤﺮ : ﺃﻧﺎ ﺗﺎﻋﺐ ﻭ ﺑﺎﺵ ﻧﻤﻮﺕ ﻣﻦ ﺍﻟﺸﺮ ﻭ ﺭﺍﻧﻲ ﻣﻌﺎﺩﺵ ﻧﺠّﻢﻧﺼﺒﺮ ﺑﺎﺵ ﻧﺄﻛﻠﻚ !!ﻗﺎﻝ ﺍﻟﺤﻄﺎﺏ : ﺃﻩ ﻳﺎ ﻋﻢ ﺍﻟﻨﻤﺮ ﺃﺵ ﻛﻨﺖ ﺗﻘﻮﻝ ﻗﺒﻞ ﻣﺎ ﻧﺨﺮﺟﻚ ﻣﻦﺍﻟﻘﻔﺺ ﻣﻮﺵ ﻭﻋﺪﺗﻨﻲ ﻭ ﺃﻋﻄﻴﺘﻨﻲ ﻛﻠﻤﺔ ﺷﺮﻑ ؟!!ﻗﺎﻝ ﺍﻟﻨﻤﺮ : ﺃﺧﻄﺎﻙ ﺑﻠﻰ ﺗﻔﺎﻫﺎﺕ ﻗﺎﻝ ﺷﺮﻑ !!ﻗﺎﻡ ﺳﻲ ﺍﻟﺤﺘﺎﺏ ﻳﺘﺮﺟّﻰ ﻓﻲ ﺍﻟﻨﻤﺮ ﻭ ﻳﺘﺸﺤﺖ ، ﻭ ﻗﻌﺪ ﺍﻟﺤﻄﺎﺏﻳﻠﻮّﺝ ﻋﻠﻰ ﺣﻴﻠﺔ " ﺧﺪﻋﺔ " ﺑﺎﺵ ﻳﻤﻨﻊ ﻣﻦ ﻫﺎﻟﻤﺼﻴﺒﺔ ﻭ ﻗﺎﻝ : ﻳﺎﺳﻲ ﺍﻟﻨﻤﺮ ﻗﺒﻞ ﻣﺎ ﺗﺎﻛﻠﻨﻲ ﻫﻴّﺎ ﻧﺸﻮﻓﻮ ﺷﻜﻮﻥ ﻳﺤﻜﻢ ﺑﻴﻨﺎﺗﻨﺎ ؟ﻧﺤﻜﻤﻮ ﺑﻴﻨﺎﺗﻨﺎ 6 ﻣﺨﻠﻮﻗﺎﺕ ﻳﻠّﻲ ﻗﻮﻟﻮﻩ ﻫﻮﻣﺎ ﻛﺎﻫﻮ .ﻗﺎﻝ ﺍﻟﻨﻤﺮ ﻣﻠﻴﺢ ﻣﺸﺎﺕ ﻣﻌﺎﻙ .ﻭ ﻣﺸﻰ ﺍﻟﻨﻤﺮﻭ ﺍﻟﺤﻄﺎﺏ ﺑﺠﻨﺐ ﺑﻌﻀﻬﻢ ﺣﺘﻰ ﻋﺮﺿﻬﻢ ﻣﻦ ﺍﻷﻭﻝﺇﻟﻰ ﺷﺠﺮﺓ تﻴﻦ ' ﻛﺮﻣﻮﺱ .

ﻗﺎﻝ ﺍﻟﺤﻄﺎﺏ : ﻳﺎ ﺷﺠﺮﺓ ﺍﻟتﻴﻦ ﻳﻠّﻲ ﺫﻛﺮﻙ ﺍﻟﻠﻪ ﻓﻲ ﺍﻟﻘﺮﺃﻥ ﺃﻧﺎ ﺭﺍﻧﻲ ﻣﺎﺷﻲ ﻋﻠﻰ ﺭﻭﺣﻲ ﻧﻠﻘﻰ ﺍﻟﻨﻤﺮ ﻫﺬﺍ ﻭﺳﻂ ﻗﻔﺺ ﻓﺘﺤﺖ ﻋﻠﻴﻪ ﺍﻟﻘﻔﺺ ﻭ ﺑﻌﺪ ﻣﺎ ﺧﺮﺝ ﻳﺤﺐ ﻳﺄﻛﻠﻨﻲ ﻭ ﻫﺬﺍ ﻏﺪﺭ ﺃﺵ ﺗﺤﻜﻢ ﺑﻴﻨﻨﺎ ؟ ﻗﺎﻟﺖ ﺷﺠﺮﺓ ﺍﻟﻄﻴﻦ : ﺇﺑﻦ ﺃﺩﻡ ﺻﺎﺣﺐ ﺷﺮ، ﺷﻮﻓﻮ ﺃﻏﺼﺎﻧﻲ ﻛﻴﻔﺎﻩ ﻣﻜﺴﺮﺓ ! ﻣﻜﺴﺮﻫﺎ ﺍﺑﻦ ﺃﺩﻡ ! ﻛﻮﻝ ﻳﺎ ﻋﻢ ﺍﻟﻨﻤﺮ ﺻﺤﺔ ﻟﻴﻚ ! ﻗﺎﻝ ﺍﻟﺤﻄﺎﺏ : ﺑﺎﻫﻲ ﻫﻴّﺎ ﻧﺸﻮﻓﻮ ﺃﺣﺪ ﺃﺧﺮ ﻳﺤﻜﻢ ﺑﻴﻨﻨﺎ . ﻭ ﺑﺎﻟﻔﻌﻞ ﺯﺍﺩ ﻗﺪّﻣﻮﺍ ﺍﻟﻘﺪﺍﻡ ﻋﺮﺿﻬﻢ ﺟﻤﻞ ﻭ ﺣﻜﺎﻟﻮ ﺍﻟﺤﻄﺎﺏ ﻧﻔﺲ ﺍﻟﺤﻜﺎﻳﺔ . ﻗﺎﻝ ﺍﻟﺤﻄﺎﺏ : ﺭﻳﺘﻮ ﻫﺎﻟﻌﺮﻕ ﻳﻠّﻲ ﻳﺠﺮﻱ ﻋﻠﻰ ﻭﺟﻬﻲ ﻭ ﻟﺤﻤﻲ ؟ ﻫﺬﺍﻛﺎ ﺧﺎﻃﺮ ﻛﻨﺖ ﻫﺎﺭﺏ ﻣﻦ ﺍﺑﻦ ﺃﺩﻡ، ﻭﻗﺖ ﻳﻠّﻲ ﻛﻨﺖ ﺻﻐﻴﺮ ﻧﺤﻤﻞ ﺍﻷﺛﻘﺎﻝ ﻭ ﻭﻗﺖ ﻛﺒﺮﺕ ﺃﺻﺒﺢ ﻳﻀﺮﺏ ﻓﻴّﺎ ﻭ ﺍﻟﻴﻮﻡ ﻳﺤﺐ ﻳﺬﺑﺤﻨﻲ ! ﻛﻮﻝ ﻳﺎ ﻋﻢ ﺍﻟﻨﻤﺮ ﺻﺤﺔ ﻭ ﺑﺎﻟﺸﻔﺎﺀ ﻟﻴﻚ . ﻗﺎﻝ ﺍﻟﺤﻄﺎﺏ ﻻ ﻣﺎ ﻋﺠﺒﻨﻴﺶ ﺍﻟﺤﻜﻢ . ﻫﻴّﺎ ﻧﺰﻳﺪ ﻧﺸﻮﻓﻮ ﺃﺣﺪ ﺃﺧﺮ . ﺣﺘﻰ ﻋﺮﺿﻬﻢ " ﺛﻮﺭ " ﺣﻜﺎﻟﻮ ﺍﻟﺤﻜﺎﻳﺔ ﻗﺎﻝ ﺍﻟﺜﻮﺭ : ﺃﻧﺎ ﻫﺮﺑﺖ ﻣﻦ ﺑﺎﺏ ﺍﻟﺒﻮﺗﻮﺍﺭ ﻭ ﺍﻟﺠﺰﺍﺭ ﻳﺠﺮﻱ ﻭﺭﺍﺋﻲ ﺑﺎﻟﺴﻜﻴﻦ ﻳﺤﺐ ﻳﺬﺑﺤﻨﻲ ﻛﻮﻝ ﻳﺎ ﻋﻢ ﺍﻟﻨﻤﺮ ﺻﺤﺔ ﻟﻴﻚ ﻭ ﺑﺎﻟﺸﻔﺎﺀ . ﻗﺎﻝ ﺍﻟﺤﻄﺎﺏ ﺯﺍﺩﺓ ﻻ ﺧﻠﻴﻨﺎ ﻧﺸﻮﻓﻮ ﺃﺣﺪ ﺃﺧﺮ ﺣﺘﻰ ﻟﻘﺎﻭ " ﻧﺴـــــﺮ " ﺑﻌﺪ ﻣﺎ ﺣﻜﺎﻟﻮ ﺍﻟﺤﻜﺎﻳﺔ ﻗﺎﻝ ﺍﻟﻨﺴﺮ ﺃﻧﺎ ﻧﺴﻜﻦ ﻓﻲ ﻗﻤﻢ ﺍﻟﺠﺒﺎﻝ ﻭ ﻟﻜﻦ ﺳﻲ ﺍﺑﻦ ﺃﺩﻡ ﻳﻄﻠﻌﻠﻲ ﻟﻮﻳﻦ ﻧﺴﻜﻦ ﻭ ﻳﻬﺰﻟﻲ ﺻﻐﺎﺭﻱ ﻭ ﻳﺨﻠﻴﻨﻲ ﺑﻮﺟﻴﻌﺘﻲ !! ﻛﻮﻝ ﻳﺎ ﻋﻢ ﺍﻟﻨﻤﺮ ﺻﺤﺔ ﻟﻴﻚ . ﻭ ﻛﻴﻒ ﺍﻟﻌﺎﺩﺓ ﻗﺎﻝ ﺍﻟﺤﻄﺎﺏ ﻻ ﻣﻌﺠﺒﻨﻴﺶ ﺍﻟﺤﻜﻢ ﻭ ﻛﺬﻟﻚ ﻋﺮﺿﻬﻢ ﺗﻤﺴﺎﺡ ﻋﻠﻰ ﺣﺎﻓﺔ ﺍﻟﻨﻬﺮ ﻭ ﻗﺎﻝ ﺍﻟﺘﻤﺴﺎﺡ ﻛﻮﻝ ﻳﺎ ﻋﻢ ﺍﻟﻨﻤﺮ ﺃﻧﺎ ﺍﺑﻦ ﺃﺩﻡ ﻳﻘﺘﻞ ﻓﻴّﺎ ﻭ ﻳﺼﻨﻊ ﻣﻦ ﺍﻟﺠﻠﺪ ﻣﺘﺎﻋﻲ ﻣﻼﺑﺲ ﻭ ﺣﻮﻳﺎﺝ ﻛﻮﻝ ﺻﺤﺔ ﻟﻴﻚ . ﻗﺎﻝ ﺍﻟﺤﻄﺎﺏ ﻻ ﻣﻌﺠﺒﻨﻴﺶ ! ﻫﻴﺎ ﺍﻷﻥ ﻗﻌﺪ ﺣﻜﻢ ﻭﺍﺣﺪ . ﻫﻮﻣﺎ ﺗﻔﺎﻫﻤﻮ ﻋﻠﻰ 6 ﺃﺣﻜﺎﻡ ﻭ ﺷﻮﻓﻨﺎ ﺷﺠﺮﺓ ﺍﻟتﻴﻦ ﻭ ﺍﻟﺠﻤﻞ ﻭ ﺍﻟﺜﻮﺭ ﻭ ﺍﻟﻨﺴﺮ ﻭ ﺍﻟﺘﻤﺴﺎﺡ ﻫﺎﺫﻡ ﺍﻟـــ 5 ﺣﻜﻤﻮﺍ ﺿﺪ ﺍﺑﻦ ﺃﺩﻡ ﻭ ﻣﺎﺯﺍﻝ ﺣﻜﻢ ﻭﺍﺣﺪ

ﻳﻤﺸﻲ ﺳﻲ ﺍﻟﻨﻤﺮ ﻭ ﺍﺑﻦ ﺃﺩﻡ ﺣﺘﻰ ﻋﺮﺿﻬﻢ " ﺫﺋﺐ " ﺣﻜﺎﻟﻮ ﺍﻟﺤﻜﺎﻳﺔﺑﺎﻟﺘﻔﺎﺻﻴﻞ .ﻗﺎﻝ ﺍﻟﺬﺋﺐ : ﻻ ﻣﻔﻬﻤﺘﺶ ﻋﺎﻭﺩﻭﻟﻲ !ﺯﺍﺩﺓ ﺣﻜﺎﻭﻟﻮ ﺍﻟﺤﻜﺎﻳﺔ ﻣﺮﺓ ﺛﺎﻧﻴﺔ . ﻗﺎﻝ ﺍﻟﺬﺋﺐ : ﻻ ﺑﺎﻗﻲ ﻣﺎﻓﻬﻤﺘﺶ ﻛﻴﻔﺎﻩ ، ﻧﺤﺐ ﻧﻌﺮﻑ ﻛﻴﻔﺎﻩ ﺳﺎﺭﺕ ﺍﻟﺤﻜﺎﻳﺔ ﺑﺎﺵ ﻧﺤﻜﻢ ﻋﻠﻰﺃﺳﺎﺱ ﺍﻟﻌﺪﻝ ﻭ ﺍﻹﻧﺼﺎﻑ ! ﻗﺎﻝ ﻭﻳﻦ ﺳﺎﺭﺕ ﻫﺎﻟﺤﻜﺎﻳﺔ ؟ﻣﺸﻰ ﺍﺑﻦ ﺃﺩﻡ ﻭ ﺍﻟﻨﻤﺮ ﻭ ﻣﻌﺎﻫﻢ ﺍﻟﺬﺋﺐ ﺣﺘﻰ ﻭﺻﻠﻮ ﻟﻠﻤﻜﺎﻥ ﻳﻠّﻲﻓﻴﻪ ﺍﻟﻘﻔﺺ . ﻗﺎﻝ ﺍﻟﺬﺋﺐ : ﻛﻴﻔﺎﻩ ﻣﻦ ﺍﻷﻭﻝ ؟ ﻗﺎﻝ ﺍﻟﺤﻄﺎﺏ ﺍﻟﻨﻤﺮﻛﺎﻥ ﻣﺤﺒﻮﺱ ﻓﻲ ﺍﻟﻘﻔﺺ ﻭ ﺃﻧﺎ ﺟﻴﺖ .ﻗﺎﻝ ﺍﻟﺬﺋﺐ ﻳﺎ ﻋﻢ ﺍﻟﻨﻤﺮ ﻭﺭﻳﻨﻲ ﻛﻴﻔﺎﻩ ﻛﻨﺖ ﻓﻲ ﺍﻟﻘﻔﺺ ؟ﺳﻲ ﺍﻟﻨﻤﺮ ﺩﺧﻞ ﻟﻠﻘﻔﺺ ﻭ ﻗﺎﻝ ﻛﻨﺖ ﻣﻬﺒﻮﺱ ﻫﻨﺎ ﻳﺎ ﺳﻲ ﺍﻟﺬﺋﺐ .ﻗﺎﻝ ﺍﻟﺬﺋﺐ ﻗﺎﻝ ﻹﺑﻦ ﺃﺩﻡ ﻳﺎ ﺣﻄﺎﺏ ﻭ ﺍﻟﺒﺎﺏ ﻣﺘﺎﻉ ﺍﻟﻘﻔﺺ ﻛﻴﻔﺎﻩﻛﺎﻥ ﻣﺴﻜﺮ ﻭ ﺍﻻ ﻣﺤﻠﻮﻝ ﻭﺭﻳﻨﻲ ﻛﻴﻔﺎﻩ ؟ﻣﺸﻰ ﺳﻲ ﺍﻟﺤﺘﺎﺏ ﻭ ﺳﻜّﺮ ﺍﻟﺒﺎﺏ ﻣﺘﺎﻉ ﺍﻟﻘﻔﺺ ﻭ ﺍﻟﻨﻤﺮ ﺑﺪﺍﺧﻠﻪ ﻭﻗﺎﻝ ﻛﻴﻒ ﻫﻜّﺎ ﻛﺎﻥ ﺍﻟﺒﺎﺏ ﻳﺎ ﻋﻢ ﺍﻟﻨﻤﺮ !ﻗﺎﻝ ﺍﻟﺬﺋﺐ ﻫﻬﻬﻬﻬﻪ ﻳﻬﺎ ﺃﺵ ﺗﺤﺐ ﺃﺧﺮ ﺇﻣﺸﻲ ﻋﻠﻰ ﺭﻭﺣﻚ ﺍﻷﻥ !!ﻭ ﻗﻌﺪ ﺍﻟﻨﻤﺮ ﻣﺤﺒﻮﺱ ﻣﻦ ﺟﺪﻳﺪ ﻓﻲ ﺍﻟﻘﻔﺺ ...ﻓﺮﺡ ﺍﻟﺤﻄﺎﺏ ﻭ ﻟﻜﻦ ﻗﺎﻝ ﻟﻠﺬﺋﺐ : ﺑﺮﺑــــﻲ ﻳﺎ ﻋﻢ ﺍﻟﺬﺋﺐ ﻋﻼﻩﺟﻴﺖ ﻣﻌﺎﻳﺎ ؟ ﻛﻞ ﺍﻟﺤﻴﻮﺍﻧﺎﺕ ﻭ ﺍﻟﻤﺨﻠﻮﻗﺎﺕ ﺃﺣﻜﺎﻣﻬﻢ ﻛﺎﻧﺖ ﺿﺪﻱﻛﺎﻥ ﺇﻧﺖ ﺟﻴﺖ ﻣﻌﺎﻳﺎ ؟ﻗﺎﻝ ﺍﻟﺬﺋﺐ : ﻋﻠﻰ ﺧﺎﻃﺮﻧﺎ ﺍﻹﺛﻨﻴﻦ ﻛﻴﻒ ﻛﻴﻒ ﻣﺎﻧﺎﺵ ﻧﺎﺱ ﻣﻼﺡ ..ﻭﻓﺎﺕ ﺍﻟﺤﻜﺎﻳﺔ # ﺍﻥ ﺷﺎﺀ ﺍﻟﻠﻪ ﺗﻜﻮﻥ ﻋﺠﺒﺘﻜﻢ

حكاية اللغز

noreply@blogger.com (Anonymous) — Tue, 03 Mar 2015 13:52:00 +0000

ﻳﺤﻜﻴﻮ ﻋﻠﻰ ﻓﺎﺭﺱ ﻋﻈﻴﻢ، ﻭ ﺍﻟﻌﻈﻴﻢ ﺭﺑّﻲ، ﺭﺯﻗﻮ ﺭﺑّﻲ ﺑﻮﻟﻴّﺪ ﻭﺍﺣﺪ.ﻫﺎﻙ ﺍﻟﻮﻟﻴّﺪ ﻛﺒّﺮﻭ ﻭ ﺭﺑّﺎﻩ ﺃﺣﺴﻦ ﺗﺮﺑﻴﺔ.ﺻﺎﺭ ﻋﻤﺮﻭ ﻋﺸﺮﻳﻦ ﺳﻨﺔ، ﻧﻬﺎﺭ ﻋﻴّﻄﻠﻮ ﻭ ﻗﻌّﺪﻭ ﺑﺤﺬﺍﻩ ﻭﻗﻠّﻮ ": ﻭﻟﺪﻱ ﺇﻧﺘﻲ ﻭﻟّﻴﺖ ﺭﺍﺟﻞ ﻭ ﺍﻷﺟﺪﺭ ﺃﻧّﻚ، ﻛﻲ ﻳﺎﺧﺬ ﺭﺑّﻲﺃﻣﺎﻧﺘﻪ، ﺗﺸﺪّ ﺑﻼﺻﺔ ﺑﻮﻙ ﻭ ﺗﺘﻌﻠّﻢ ﻣﻨّﻮ ﺍﻟﻔﺮﻭﺳﻴّﺔ ". ﻗﻠّﻮ "ﺑﺎﺑﺎ ﺭﺑّﻲﻳﻄﻮّﻟﻠﻨﺎ ﻓﻲ ﻋﻤﺮﻙ ." ﻗﺎﻟّﻮ": ﺇﺱﻣﻊ ﻭﻟﺪﻱ، ﺁﻧﺎ ﻣﺎﺵ ﻧﻌﻄﻴﻚ 3ﺃﻟﻐﺎﺯ، ﺇﺫﺍ ﻃﻠّﻌﺖ ﺣﻠّﻬﻢ ﻓﻲ 5 ﺃﻳّﺎﻡ، ﻧﻌﻠّﻤﻚ ﺍﻟﻔﺮﻭﺳﻴّﺔ، ﻭ ﺗﻮﻟّﻲﻛﻴﻔﻲ ﻓﻲ ﻭﺳﻂ ﺍﻟﺮﺟﺎﻝ، ﻭ ﺇﺫﺍ ﻣﺎ ﺗﻄﻠّﻌﻬﻤﺶ ﻧﻨﻮّﺽ ﻋﻠﻴﻚﺑﺎﻟﻜﺮﺗﻮﺵﻭ ﺍﻟﻐﺰ ﻫﻮّ :ﺃﺣﻠﻰ ﻣﻦ ﺁﺵ؟ﻭ ﺃﻣﺮّ ﻣﻦ ﺁﺵ؟ﻭ ﺃﺧﻒّ ﻣﻦ ﺁﺵ؟"ﻫﺎﻙ ﺍﻟﻮﻟﻴّﺪ ﺗﻀﺮﺏ ﺟﺎ ﻳﺪﻭﺭ، ﻣﺎ ﻋﺮﻑ ﺷﻴﻌﻤﻞ، ﺍﺳﺘﺄﺫﻥ ﺑﻮﻩ ﻭﻣﺸﺎ ﻳﻌﺪّﻱ ﻫﺎﻙ ﺍﻟﻨﻬﻴّﺮﺍﺕ ﺑﺤﺬﺍ ﺧﺎﻟﻮ. ﻭﺻﻞ ﻟﺪﺍﺭ ﺧﺎﻟﻮ ﻭﺟﻬﻮﺃﺻﻔﺮ، ﺧﺎﻟﻮ ﺗﻔﺠﻊ ﻋﻠﻴﻪ، ﻗﺎﻟّﻮ ": ﻳﺎ ﻭﻟﻴﺪﻱ ﻻﺑﺎﺱ؟ ﺷﻴﺒﻚﻣﻔﺠﻮﻉ؟ ." ﺣﻜﺎﻟﻮ ﻟﺤﻜﺎﻳﺔ ﻣﺎﻟﻠﻮّﻝ ﻟﻠﺘﺎﻟﻲ ﻭ ﻫﻮّ ﻳﺮﻋﺶ .ﻋﻠﻰ ﻛﻠﻤﺔ " ﻳﺎ ﺧﺎﻟﻲ ﺭﺍﻧﻲ ﻣﻌﺮﻓﺘﺶ ﺍﻟﺤﻞّ " ﻃﺮﺷﻖ ﺧﺎﻟﻮ ﺑﺎﻟﻀﺤﻚﻭ ﻗﺎﻟّﻮ ": ﻣﺎ ﺗﺨﺎﻓﺶ ﻭﻟﻴﺪﻱ، ﺍﻟﺤﻞّ ﻋﻨﺪﻱ، ﻭ ﺇﻧﺖ ﺿﻴﻒ ﻋﻨﺪ ﺧﺎﻟﻚﻫﺎﻟﺨﻤﺴﺔ ﺃﻳّﺎﻡ.ﺍﻟﻮﻟﻴّﺪ ﻓﺮﺡ، ﻋﺪّﺍﻫﺎ ﺧﻤﺴﺔ ﺃﻳﺎﻡ ﻳﻀﺤﻚ ﻭ ﻳﻠﻌﺐ، ﻭﺍﻛﻞ ﺷﺎﺭﺏ ﻣﺎﻓﻲ ﺑﺎﻟﻮ ﺑﺸﻲّ.ﺻﺎﺭﻭﺵ ﻫﺎﻙ ﺍﻟﺨﻤﺴﺔ ﺃﻳّﺎﻡ؟ ﺷﺪّ ﺍﻟﺮﺣﺎﻝ ﻭ ﻭﺩّﻉ ﺧﺎﻟﻮ ﻭ ﻃﻠﺐ ﻣﻨّﻮﺍﻟﺤﻞّ.ﻗﺎﻟّﻮ "ﻭﻟﻴﺪﻱ ﺃﺣﻠﻰ ﻣﻦ ﺁﺵ؟ ﻓﻤّﺎﺵ ﻣﺎ ﺃﺣﻠﻰ ﻣﺎﻟﻌﺴﻞ؟ " ﻗﺎﻟّﻮ" ﻻ"" ﻭ ﺃﻣﺮّ ﻣﻦ ﺁﺵ؟ ﻓﻤّﺎﺵ ﻣﺎ ﺃﻣﺮّ ﻣﺎﻟﺤﻨﻈﻞ؟" ﻗﻠّﻮ " ﻻ"" ﻭ ﺃﺧﻒّ ﻣﻦ ﺁﺵ؟ ﻓﻤّﺎﺵ ﻣﺎ ﺃﺧﻒّ ﻣﺎﻟﺒﻮﻣﺔ ﺍﻟﺴّﻜّﻮﻣﺔ؟" ﻗﺎﻟّﻮ " ﻻ،ﺑﺎﺭﻙ ﺍﻟﻠﻪ ﻓﻴﻚ ﻳﺎ ﺧﺎﻟﻲ ﺭﺍﻙ ﻧﺠّﻴﺘﻨﻲ ﻣﺎﻟﻤﻮﺕ "" ﺑﺮّﺓ ﻭﻟﻴﺪﻱ ﻓﻲ ﺃﻣﺎﻥ ﺍﻟﻠﻪ ﻭ ﺳﻠﻤﻠﻲ ﻋﻠﻰ ﺃﻣﻚ، ﻭ ﺑﻮﻙ "ﺭﺟﻊ ﻫﺎﻙ ﺍﻟﻮﻟﻴّﺪ ﻓﺮﺣﺎﻥ، ﻳﺤﻠﻢ ﻛﻴﻔﺎﺵ ﻣﺎﺵ ﻳﻮﻟّﻲ ﻓﺎﺭﺱ ﻛﺒﻴﺮ ﻛﻲﺑﻮﻩ.ﻭﺻﻞ ﻟﻠﺪّﺷﺮﺓ ﻟﻘﺎ ﺃﻣّﻮ ﺗﺴﺘﻨّﺎ ﻓﻴﻪ ﻭ ﻣﺘﺨﺒّﻴﺔ ( ﻗﻠﺐ ﺍﻷﻡّ ﺩﻳﻤﺎ ﺧﺎﻳﻔﺔﻋﻠﻰ ﺻﻐﺎﺭﻫﺎ ).ﻗﺎﺗﻠﻮ ":ﺁﻩ؟ ﻟﻘﻴﺘﺸﻲ ﺍﻟﺤﻞّ؟ "ﻗﺎﻟّﻬﺎ ": ﺗﻲ ﺳﺎﻫﻠﺔ ﻳﺎﻣّﻲ.. ﺃﺣﻠﻰ ﻣﻦ ﺁﺵ؟ ﻣﺎﺃﺣﻼﺵ ﻣﺎﻟﻌﺴﻞ، ﻭﺃﻣﺮّ ﻣﻦ ﺁﺵ؟ ﻣﺎ ﺃﻣﺮّﺵ ﻣﺎﻟﺤﻨﻈﻞ؟ ﻭ ﺃﺧﻒّ ﻣﻦ ﺁﺵ؟ ﻣﺎ ﺃﺧﻔّﺶﻣﺎﻟﺒﻮﻣﺔ ﺍﻟﺴّﻜّﻮﻣﺔ ".ﺗﻨﻬّﺪﺕ ﻫﺎﻙ ﺍﻷﻡ ﺍﻟﻤﺴﻜﻴﻨﺔ ﻭ ﻗﺎﺗﻠﻮ:" ﻭﻟﻴﺪﻱ ﺇﻧﺖ ﻣﺎﺷﻲ ﻟﻠﻜﺮﺗﻮﺵ ﺑﺴﺎﻗﻴﻚ "" ﻭ ﻟﻴﺪﻱ ﺁﻧﻲ ﻣﺎﺵ ﻧﻘﻠّﻚ ﺍﻟﺤﻞّ ﻭ ﻣﺎ ﺗﻘﻮﻟﺶ ﻟﺒﻮﻙ ﺇﻟّﻲ ﺁﻧﺎ ﻗﺘﻠﻚ "" ﺃﺣﻠﻰ ﻣﻦ ﺁﺵ؟: ﻣﺎ ﺃﺣﻼﺵ ﻣﻦ ﺍﻟﻀﻨﺎ ﻋﻠﻰ ﺍﻷﻓﺮﺍﺵ "" ﺃﻣﺮّ ﻣﻦ ﺁﺵ؟ ﻣﺎ ﺃﻣﺮّﺵ ﻣﻦ ﺃﻧّﻮ ﻳﺠﻴﻚ ﺿﻴﻒ ﻭ ﻣﺎ ﺗﻠﻘﺎﺵ"" ﻭ ﺃﺧﻒّ ﻣﻦ ﺁﺵ؟ ﻣﺎ ﺃﺧﻔّﺶ ﻣﺎﻷﺭﻣﺎﺵ "ﻣﻦ ﺣﻴﻨﻮ، ﺑﺎﺱ ﺍﻟﺮﺍﺟﻞ ﺭﺍﺱ ﺃﻣّﻮ، ﻭ ﻣﺸﺎ ﻟْﺒﻮﻩ، ﻭ ﻗﺎﻟّﻮ ﻋﺎﻟﺤﻞّ،ﺑﺎﺵ ﺣﺐّ ﺭﺑّﻲ ﺃﻧّﻮ ﻫﺎﻙ ﺍﻟﻮﻟﻴّﺪ ﻳﺒﺎﺭﻛﻠﻮ ﻓﻴﻪ، ﻭﻳﺘﻌﻠّﻢ ﺍﻟﻔﺮﻭﺳﻴﺔ ﻣﻦﺑﻌﺪﻩ.

حكاية" ﺳﻌﺪﻙ ﻳﺎ ﻓﺎﻋﻞ ﺍﻟﺨﻴﺮ "

noreply@blogger.com (Anonymous) — Tue, 03 Mar 2015 13:51:00 +0000

ﻳﺤﻜﻴﻮ ﻋﻠﻰ ﺗﺎﺟﺮ، ﻛﻴﻤﺎ ﻧﻘﻮﻟﻮ ﻋﻨﺪﻭ ﺣﺎﻧﻮﺕ ﻓﻲ ﺳﻮﻕ ﺍﻟﻮﺳﻄﻰ،ﻭﻟّﻰ ﻛﺒﻴﺮ، ﻣﺮﺽ، ﻗﺪّﺭ ﻋﻠﻴﻪ ﺭﺑّﻲ ﺗﻀﺮ ﻣﻦ ﻋﻴﻨﻴﻪ، ﻣﺎﻋﺎﺩﺵ ﻳﻨﺠﻢ ﻻﻳﺨﺪﻡ ﻭ ﻻ ﻳﺒﻴﻊ ﻭ ﻻ ﻳﺸﺮﻱ، ﺣﺘﻰ ﺍﻟﺨﺮﻭﺝ ﻣﻦ ﺍﻟﺪﺍﺭ ﻣﻌﺎﺩﺵﻳﻨﺠّﻢ .. ﻋﻨﺪﻭ ﻭﻟﺪﻭ ﺇﺳﻤﻮ " ﻋﻠﻲ " ﻭﻟّﻰ ﺭﺍﺟﻞ، ﻧﺎﺩﺍﻩ ﻗﺎﻟﻮ : ﻳﺎﻭﻟﺪﻱ، ﻳﺎ ﻋﻠﻲ ﺃﻧﺎ ﻫﺎﻙ ﺗﺸﻮﻑ ﻓﻴّﺎ ﻓﻘﺪﺕ ﻧﻈﺮﻱ ﻭ ﻣﺎﻋﺎﺩﺵ ﻗﺎﺩﺭﻋﻠﻰ ﺍﻟﺨﺪﻣﺔ، ﻫﺎﻙ ﻭﻟﻴﺪﻱ ﻣﻔﺘﺎﺡ ﺍﻟﺤﺎﻧﻮﺕ ﺇﻣﺸﻲ ﺇﺧﺪﻡ ﻓﻲﺑﻼﺻﺘﻲ ﻭ ﻧﻮﺻﻴﻚ ﻋﻴﺶ ﺑﺎﻟﻘﺪﺭ ﻣﻊ ﺍﻟﺘﺠّﺎﺭ ﻭ ﻧﻮﺻﻴﻞ ﺍﻟﺤﺸﻤﺔ ﻭﺍﻟﻜﻼﻡ ﺍﻟﺰﻳﻦ ﻭ ﺃﻋﻤﻞ ﺍﻟﻤﻌﺮﻭﻑ ﻣﻊ ﺍﻟﻨﺎﺱ، ﺭﺍﻫﻮ ﺃﻋﻤﻞ ﺍﻟﺨﻴﺮ ﻣﺎﺗﻠﻘﻰ ﺇﻻ ﺍﻟﺨﻴﺮ .. ﺑﺮّﻯ ﻭﻟﻴﺪﻱ ﺭﺑّﻲ ﻳﺼﻠﺢ ﺣﺎﻟﻚ ﻭ ﺭﺍﻧﻲ ﺭﺍﺿﻲﻋﻠﻴﻚ..ﺇﻣﺸﻰ ﺍﻟﻮﻟﺪ ﺣﻞ ﺣﺎﻧﻮﺕ ﺃﺑﻮﻩ ﻭ ﻗﺎﻋﺪ ﻳﺒﻴﻊ ﻭ ﻳﺸﺮﻱ ..ﻧﻬﺎﺭ ﻭ ﻫﻮ ﻣﺎﺷﻲ ﻟﻠﺤﺎﻧﻮﺕ ﻓﻲ ﺍﻟﺜﻨﻴﺔ، ﻋﺮﺿﺎﺗﻮ " ﺩﻓﻴﻨﺔ " ﺃﻭﺟﻨﺎﺯﺓ، ﻫﻴّﺎ ﻋﻄﻰ ﻛﺘﻔﻮ ﻟﻠﻨﻌﺶ ﻭ ﻫﺰّ ﻣﻌﺎﻫﻢ ﻭ ﻭﻗﻔﻮﺍ ﻗﺪّﺍﻡ ﺟﺎﻣﻊﺍﻟﺰﻳﺘﻮﻧﺔ، ﻋﺰّﻯ ﻣﻌﺎﻫﻢ ﻭ ﻭﻗﺖ ﺟﺎﺀ ﻣﺎﺷﻲ ﻳﺴﻤﻊ ﻓﻲ ﺍﻟﺼﻴﺎﺡ ﻭﺗﻠﻔّﺖ ﻳﻠﻘﻰ ﺭﺍﺟﻞ ﺟﺎﺀ ﻗﺪّﺍﻡ ﺍﻟﻨﻌﺶ ﻭ ﻗﺎﻟﻬﻢ ﺍﻟﺮﺍﺟﻞ ﺍﻟﻤﻴﺖ ﻫﺬﺍﻧﺴﺎﻟﻮ 100 ﺩﻳﻨﺎﺭ ﻣﺎ ﻳﺘﺤﺮﻙ ﺍﻟﻨﻌﺶ ﺇﻻ ﻣﺎ ﺗﺨﻠﺼﻮﻧﻲ ﻓﻲﻓﻠﻮﺳﻲ.. ﺍﻟﻨﺎﺱ ﺣﺎﺭﺕ ﻭ ﻭﺍﺣﺪ ﻳﻘﻮﻝ ﻫﺬﺍ ﻣﺎ ﻳﺠﻴﺶ ﻣﻨﻮ، ﻭ ﺍﺣﺪﻳﻘﻮﻝ ﻣﺎﻋﺎﺩﺵ ﺧﻴﺮ ﻓﻲ ﺍﻟﺪﻧﻴﺎ ﻭ ﻭﺍﺣﺪ ﻳﻘﻮﻝ ﺳﻴﺪﻱ ﺍﻟﻨﺒﻲ ﻛﺎﻥﻳﻠّﻲ ﻳﻤﻮﺕ ﻭ ﻳﺨﻠﻲ ﻋﻠﻴﻪ ﺍﻟﺪﻳﻦ ﻣﺎ ﻳﺼﻠﻴﺶ ﻋﻠﻴﻪ .. ﻭ ﻛﻞ ﻭﺍﺣﺪ ﺃﺵﻳﻘﻮﻝ ..

ﺳﻲ ﻋﻠﻲ ﻗﺎﻋﺪ ﻳﺘﻔﺮﺝ ﻭ ﻗﺎﻝ ﺗﻲ ﺃﻧﺎ ﺑﺎﺑﺎ ﻣﻮﺻﻴّﻨﻲ ﻋﻠﻰ ﻓﻌﻞ ﺍﻟﺨﻴﺮﺯﻋﻤﺎ ﻧﻠﻘﻰ ﻓﺮﺻﺔ ﺃﺧﺮﻯ ﺧﻴﺮ ﻣﻦ ﻫﺬﻩ، ﻭ ﺟﺎﺀ ﻟﻠﺮﺍﺟﻞ ﻭ ﻗﺎﻟﻮ ﺇﻳﺠﺎﻣﻌﺎﻳﺎ ﻟﻠﺤﺎﻧﻮﺕ ﻧﺨﻠﺼﻚ، ﻣﺸﻰ ﻣﻌﺎﻩ، ﺣﻞ ﺍﻟﺤﺎﻧﻮﺕ ﻭ ﻋﻄﺎﻩ 100ﺩﻳﻨﺎﺭ ﻛﺎﻣﻠﺔ ﻭ ﺍﻟﺮﺍﺟﻞ ﻣﺴﻰ ﻋﻠﻰ ﺭﻭﺣﻮ ..ﻣﻦ ﻏﺪﻭﺓ ﻋﻠﻰ ﺍﻟﺼﺒﺎﺡ، ﻗﺎﻡ ﻋﻠﻲ ﻭ ﻣﺎﺷﻲ ﻟﻠﺤﺎﻧﻮﺕ ﻛﻴﻒ ﻋﺎﺩﺗﻮ،ﻧﻬﺎﺭ ﺷﺘﺎﺀ ﻭ ﺑﺮﺩ، ﻳﺸﻮﻑ ﻓﻲ ﺭﺍﺟﻞ ﻣﺘﻜّﻲ ﻋﻠﻰ ﺍﻟﺤﻴﻂ ﺭﺍﻗﺪ ﻓﻲﺍﻟﻘﺎﻋﺔ ﻭ ﺣﺎﺷﻲ ﺭﺃﺳﻪ ﺑﻴﻦ ﺭﻛﺎﻳﺒﻮ ﻭﺣﻮﺍﻳﺠﻮ ﻣﻘﻄﻌﺔ ﻭ ﻳﺮﻋﺶ ﻣﻦﺍﻟﺒﺮﺩ.. ﻋﻠﻲ ﻻﺑﺲ ﺯﻭﺯ ﺑﺮﺍﻧﺲ ﻫﻴﺎ ﻧﺤﻰ ﺑﺮﻧﻮﺱ ﻭ ﻏﻄّﻰ ﺑﻴﻪﺍﻟﺮﺍﺟﻞ ﻭ ﻗﺎﻟﻮ ﻫﻴّﺎ ﻗﻮﻡ ﺇﻣﺸﻲ ﻣﻌﺎﻳﺎ، ﻣﺸﻰ ﺑﻴﻪ ﻟﻠﺤﻤﺎﻡ ﻭ ﻭﺻّﻰﻋﻠﻴﻪ ﺍﻟﻄﻴّﺎﺏ ﻭ ﻣﺸﻰ ﻳﺠﺮﻱ ﻟﻠﺪﺍﺭ، ﺟﺎﺑﻠﻮ ﻛﺴﻮﺓ ﻣﻦ ﻛﺴﺎﻭﻳﻪ ﻭﻋﻄﺎﻫﺎﻟﻮ ﻭ ﻫﺰّﻭ ﻣﻌﺎﻩ ﻟﻠﺤﺎﻧﻮﺕ ﻭ ﺟﺎﺑﻠﻮ ﻓﻄﻮﺭ ﻭ ﻋﻨﺪ ﻣﻨﺘﺼﻒﺍﻟﻨﻬﺎﺭ ﻗﺎﻡ ﺳﻜﺮ ﺍﻟﺤﺎﻧﻮﺕ ﻭ ﻗﺎﻝ ﻋﻠﻲ ﻟﻠﺮﺍﺟﻞ ﻳﻠّﻲ ﺍﺳﻤﻮ ﻋﺒﺪﻟﻠﻪﻗﺎﻟﻮ ﻫﻴّﺎ ﺍﻣﺸﻲ ﻣﻌﺎﻳﺎ ﻟﻠﺪﺍﺭ، ﻭ ﻣﺸﻰ ﻣﻌﺎﻩ ﻭ ﻓﻄﺮﻭﺍ ﻣﻊ ﺑﻌﻀﻬﻢ،ﻭ ﻗﺖ ﺟﺎﻭ ﺧﺎﺭﺟﻴﻦ ﻗﺎﻝ ﻳﺎ ﺃﻟﻲ ﺑﺮﺑﻲ ﻓﺮّﻍ ﺍﻟﺒﻴﺖ ﺍﻟﻔﻼﻧﻴﺔ ﻭ ﺣﻂﻓﻴﻬﺎ ﻓﺮﺵ ﻭ ﻛﻞ ﻣﺎﻻﺯﻡ ﻭ ﻣﻊ ﺍﻟﻌﺸﻴﺔ ﺷﻌﻞ ﺍﻟﻜﺎﻧﻮﻥ ﻭ ﺑﺨﺮﻫﺎﺑﺸﻮﻱ ﺑﺨﻮﺭ ﺧﻠّﻲ ﺗﺪﻓﻰ ﻣﻠﻴﺢ، ﻫﺎﺫﻱ ﻣﻦ ﺍﻟﻴﻮﻡ ﺑﻴﺖ ﺧﻮﻳﺎﻋﺒﺪﻟﻠﻪ ..ﻭ ﺧﺮﺟﻮﺍ ﻭﻣﺸﺎﻭ ﻟﻠﺤﺎﻧﻮﺕ، ﻭ ﻭﻟّﻮﺍ ﻳﺒﻴﻌﻮﺍ ﻭ ﻳﺸﺮﻭﺍ ﻣﻊ ﺑﻌﻀﻬﻢ ﻭﻳﺨﺮﺟﻮﺍ ﻣﻊ ﺑﻌﻀﻬﻢ .. ﻫﻴّﺎ ﻳﺎ ﺳﻴﺪﻱ ﻭﻟّﺎﻭ ﻛﻴﻒ ﺍﻹﺧﻮﺓ.. ﺇﺫﺍ ﻛﺎﻥﻋﻠﻲ ﺍﺷﺘﺮﻯ ﺻﺒّﺎﻁ ﻳﺸﺮﻱ ﻟﻌﺒﺪﻟﻠﻪ ﻣﻌﺎﻩ، ﻭ ﺍﺫﺍ ﺇﺷﺘﺮﻯ ﺳﻮﺭﻳﺔﻳﺸﺮﻳﻠﻮ ﺳﻮﺭﻳﺔ .. ﻫﻴﺎ ﻳﺎ ﺳﻴﻴﺪ ﻋﺎﻳﺸﻴﻦ ﻛﻴﻒ ﺍﻹﺧﻮﺓ .ﺑﺮّﻯ ﻳﺎ ﺯﻣﺎﻥ ﻭ ﺇﻳﺠﺎ ﻳﺎ ﺯﻣﺎﻥ، ﺟﺎﺀ ﻋﺎﻡ ﺻﻌﻴﺐ ﺷﻮﻱ ﻭ ﻭﻟّﻰ ﻛﺴﺎﺩﻓﻲ ﺍﻟﺴﻮﻕ، ﻧﻬﺎﺭ ﻗﺎﻝ ﻋﺒﺪﻟﻠﻪ ﻳﺎ ﻋﻠﻲ ﻳﺎ ﺧﻮﻳﺎ ﺗﻲ ﻋﻼﻩ ﻣﺎﺗﺸﺎﻭﺭﺵﺃﺑﻮﻙ ﻭ ﻧﻤﺸﻮﺍ ﻧﺘﺎﺟﺮﻭﺍ ﻓﻲ ﺑﻼﺩ ﺃﺧﺮﻯ ﻟﻌﻞ ﺍﻟﻠﻪ ﻳﻔﺘﺤﻬﺎ ﻓﻲﻭﺟﻮﻫﻨﺎ، ﻗﺎﻝ ﺍﻳﻪ ﺷﺒﻴﻪ ﻭ ﻣﺸﻰ ﺳﻲ ﻋﻠﻲ ﺷﺎﻭﺭ ﺃﺑﻮﻩ ﻭ ﻗﺎﻝ ﺍﻳﻪﺃﻗﺼﺪﻭﺍ ﺭﺑّﻲ

ﻣﻦ ﻏﺪﻭﺓ ﺭﻛﺒﻮ ﻓﻲ ﻣﺮﻛﺐ ﻭ ﻫﺰّﻭﺍ ﻣﻌﺎﻫﻢ ﺍﻟﺴﻠﻌﺔ، ﻭ ﻭﺻﻠﻮﺍﻟﻤﺪﻳﻨﺔ ﺑﻌﻴﺪﺓ، ﻛﺮﻭﺍ ﺣﺎﻧﻮﺕ ﻭ ﻧﺼﺒﻮﺍ ﺍﻟﺴﻠﻌﺔ ﻭ ﺷﺎﺩ ﺍﻟﺨﺒﺮ ﻓﻲﺍﻟﻤﺪﻳﻨﺔ ﺯﻭﺯ ﺗﺠّﺎﺭ ﻣﻦ ﺗﻮﻧﺲ ﺟﺎﺑﻮﺍ ﻛﻞ ﻣﺎ ﻳﺤﺐ ﺍﻟﺨﺎﻃﺮ ﻭ ﺗﺸﺘﻬﻲﺍﻟﻌﻴﻦ، ﻳﺎ ﺳﻴﺪﻱ ﺍﻟﻨﺎﺱ ﺍﻟﻜﻞ ﻭﻟّﺎﺕ ﻋﻠﻴﻬﻢ ﺑﺎﻟﺼﻒ .. ﻭ ﻫﻮﻣﺎﻳﺒﻴﻌﻮﺍ ﻭﻳﻘﺒﻀﻮﺍ ﻓﻲ ﺍﻟﻤﺎﻝ ..ﻧﻬﺎﺭ ﺳﻲ ﻋﺒﺪﻟﻠﻪ ﺧﺮﺝ ﻳﺪﻭﺭ ﻓﻲ ﺍﻟﺒﻼﺩ، ﻳﺸﻮﻑ ﻓﻲ ﺯﻭﺯ ﻛﻼﺏﻭﺍﺣﺪ ﺃﻛﺤﻞ ﻭ ﻭﺍﺣﺪ ﺃﺑﻴﺾ، ﻗﻌﺪ ﻳﺴﻤﻊ ﻓﻴﻬﻢ ﻭﻫﻮ ﻳﻔﻬﻢ ﻓﻲ ﻟﻐﺔﺍﻟﻜﻼﺏ ﺃﺗﻮ ﺑﻌﺪ ﺗﻌﺮﻓﻮ ﻋﻼﻩ، ﻳﺴﻤﻊ ﻓﻲ ﺍﻟﻜﻠﺐ ﺍﻷﺑﻴﺾ ﻗﺎﻝ ﻟﻠﻜﻠﺐﺍﻷﺳﻮﺩ " ﺍﻟﺒﻼﺩ ﺑﺎﺵ ﺗﻮﻓﻰ ﻣﻦ ﺍﻟﻌﺒﺎﺩ، ﻭ ﺍﻟﺴﻠﻄﺎﻥ ﺑﺎﻗﻲ ﻳﺬﺑﺢ ﻭﻳﺸﻨﻖ ﻓﻲ ﺍﻟﻌﺎﺑﺪ ﻋﻠﻰ ﺧﺎﻃﺮ ﺇﺑﻨﺘﻪ ﺍﻟﻤﺮﻳﻀﺔ " ، ﻗﺎﻝ ﺍﻟﻜﻠﺐ ﺍﻷﺑﻴﺾﻟﻠﻜﻠﺐ ﺍﻷﺳﻮﺩ : ﻋﺎﺩ ﻣﺎﻫﻮ ﺩﻭﺍﺋﻬﺎ ﻋﻨﺪﻙ ﺇﻧﺖ ﻭ ﻓﻲ ﻟﺤﻤﻚ ﻛﺎﻥﺗﺄﻛﻞ ﻣﻨﻮ ﺑﻨﺖ ﺍﻟﺴﻠﻄﺎﻥ ﺗﺼﺒﺢ ﻻﺑﺎﺱ ﻭ ﻛﺬﻟﻚ ﻟﺤﻤﻚ ﻳﺮﺩ ﺍﻟﻨﻈﺮﻛﺎﻥ ﺗﺮﺿﻰ ﺧﻠّﻲ ﻳﻘﺘﻠﻮﻙ ؟ ﻗﺎﻝ ﺍﻟﻜﻠﺐ ﺍﻷﺳﻮﺩ : ﺑﺮّﻯ ﻳﻬﺪﻳﻚ ﺭﺑﻲﻣﺎ ﻟﻘﻴﺖ ﻣﺎ ﺗﻮﺩﻧﻲ ﻛﺎﻥ ﺑﺎﻟﻤﻮﺕ ؟ ﻫﺬﻩ ﺩﺑﺎﺭﺓ ﺍﻟﻔﺎﺭ ﻋﻠﻰ ﻣﻮﻟﻰﺍﻟﺪﺍﺭ .ﺳﻲ ﻋﺒﺪﻟﻠﻪ ﺑﻌﺪ ﻣﺎ ﺳﻤﻌﻬﻢ ﺣﺴﺐ ﺭﻭﺣﻮ ﻣﺎ ﻓﻲ ﻋﻠﻤﻮ ﺑﺤﺘﻰﺷﻲﺀ، ﻭ ﺩﺧﻞ ﻟﻠﻔﻨﺎﺩﻗﻲ ﻣﻮﻟﻰ ﺍﻟﺰﻭﺯ ﻛﻼﺏ ﻭ ﻗﺎﻟﻮ : ﻳﺎ ﺑﺎﺑﺎ ﺃﺣﻨﺎﺯﻭﺯ ﺗﺠّﺎﺭ ﻣﻦ ﺗﻮﻧﺲ ﻭ ﺣﺎﺟﺘﻨﺎ ﺑﻜﻠﺐ ﻣﻦ ﻫﺎﻟﺰﻭﺯ ﻛﻼﺏ ﻳﻠّﻲﻣﺮﺑﻮﻃﻴﻦ ﻗﺪّﺍﻡ ﺍﻟﻔﻨﺪﻕ ﻭ ﻧﻌﻄﻮﻙ ﺧﻘﻚ ﻓﻠﻮﺱ، ﻗﺎﻝ ﺍﻟﻔﻨﺎﺩﻗﻲ :ﺗﻲ ﻫﺰ ﺑﻼﺵ ﺍﻟﻠﻪ ﺧﻴﺮ ﻋﺎﺩ، ﺃﺧﻄﺎﺭ ﻣﻨﻬﻢ ﻭﺍﺣﺪ ﻭ ﺍﻣﺸﻲ ﻫﺰ ﺑﻼﺵ،ﻗﺎﻟﻮ ﻻ ﻣﺎﻳﺠﻴﺶ ﻣﻨﻮ ﻭ ﻋﻄﺎﻩ ﻛﻴﻒ ﻣﺎﻧﻘﻮﻟﻮ 20 ﺩﻳﻨﺎﺭ ﻭ ﺃﺧﺬﺍﻟﻜﻠﺐ ﺍﻷﺳﻮﺩ ﻭ ﻛﻴﻒ ﻃﺎﺡ ﺍﻟﻠﻴﻞ ﻫﺒﻂ ﻋﻠﻴﻪ ﺫﺑﺤﻮ ﻭ ﻗﺺ ﺷﻮﻱ ﻣﻦﺍﻟﻠﺤﻢ ﻭ ﻃﻴﺒﻮ ﻭ ﺍﻟﺼﺒﺎﺡ ﺗﻨﻜﺮ ﻭ ﻟﺒﺲ ﻗﻔﻄﺎﻥ ﻭ ﻋﻤﻞ ﻟﺤﻴﺔ ﻭ ﻫﺒﻂﻳﺪﻭﺭ ﻗﺪّﺍﻡ ﺍﻟﺴﺮﺍﻳﺎ ﻣﺘﺎﻉ ﺍﻟﻘﺼﺮ ﻭ ﺑﺪﺃ ﻳﺼﻴﺢ ﺍﻟﻄﺒﻴﺐ ﻳﻠّﻲ ﻳﻌﺎﻟﺞ ﻛﻞﺷﻲﺀ .. ﺳﻤﻌﻮﺍ ﺍﻟﺤﺮّﺍﺱ ﻃﻠﻌﻮﺍ ﻗﺎﻟﻮ ﻟﻠﺴﻠﻄﺎﻥ، ﻗﺎﻝ ﺟﻴﺒﻮﻩ !!ﻃﻠﻌﻮﻩ ﻟﻠﺴﻠﻄﺎﻥ ، ﻗﺎﻝ ﺍﻟﺴﻠﻄﺎﻥ ﺍﺳﻤﻊ ﻳﺎ ﻭﻟﺪﻱ ﺑﺮﺷﺎ ﻋﺰّﺍﻣﺔ ﻭﻛﺘّﺎﺏ ﻭ ﻃﺒّﻰ .. ﺟﺒﺘﻬﻢ ﻹﺑﻨﺘﻲ ﻭ ﺗﻜﺸﻔّﻮﺍ ﻋﻠﻴﻬﺎ ﻭﺍ ﺩﺍﻭّﻭﻫﺎﺵ..ﺭﺍﻱ ﻧﺸﺮﻁ ﻋﻠﻴﻚ ﺍﺫﺍ ﻛﺎﻥ ﺑﺮﺍﺕ ﺑﻨﺘﻲ ﺭﺍﻧﻲ ﻧﻌﺮﺳﻠﻚ ﺑﻴﻬﺎ ﻭ ﺇﺫﺍﻛﺎﻥ ﻣﺎ ﺑﺮﺍﺗﺶ ﺭﺍﻧﻲ ﻧﺸﻨﻘﻚ..ﻗﺎﻝ ﺍﻟﻠﻪ ﻳﺒﺎﺭﻙ ﻣﻮﺍﻓﻖ ..

ﺩﺧﻞ ﻋﺒﺪﻟﻠﻪ ﻭ ﻋﻄﺎﻫﺎ ﺷﻮﻱ ﻟﺤﻢ ﻣﻦ ﻣﺘﺎﻉ ﺍﻟﻜﻠﺐ ، ﻛﻼﺕ ﻭ ﺷﺮﺑﺖﺷﺮﺑﺔ ﻣﺎﺀ ﻭ ﻣﻦ ﺣﻴﻨﻬﺎ ﺻﺎﺣﺖ ﺃﻩ ﺷﻨﻮﺍ ﻫﺎﻟﻈﻼﻡ ﻳﻠّﻲ ﻛﻨﺖ ﻓﻴﻪﻭﻳﻨﻮ ﺑﺎﺑﺎ .. ﺟﺎﺀ ﺍﻟﺴﻠﻄﺎﻥ ﺗﺮﻣﺎﺕ ﻓﻲ ﻋﻨﻘﻮ ﺗﺒﻮﺱ ﻭ ﺗﻌﻨّﻖ ..ﻗﺎﻝ ﺍﻟﺴﻠﻄﺎﻥ : ﻳﺎ ﺭﺍﺟﻞ ﺍﻧﺖ ﺩﺍﻭﻳﺘﻠﻲ ﺇﺑﻨﺘﻲ ﻭ ﺑﺎﺵ ﻧﻌﻄﻴﻚ ﺇﺑﻨﺘﻲﻭ ﺷﻄﺮ ﻓﻲ ﻣﺤﻜﻤﺘﻲ ..ﻗﺎﻝ ﻋﺒﺪﻟﻠﻪ : ﺇﻫﺪﻯ ! ﻻ ﺑﻨﺘﻚ ﻭ ﻻ ﺷﻄﺮ ﻓﻲ ﻣﺤﻜﻤﺘﻚ ! ﻣﻮﺵ ﺃﻧﺎﺍﻟﻄﺒﻴﺐ ! ﺃﻧﺎ ﺭﺍﻧﻲ ﻧﺨﺪﻡ ﻋﻨﺪﻭ ﻭ ﻫﻮ ﺃﺣﻖ ﺑﺎﻟﻤﻜﺎﻓﺄﺓ ﺧﺎﻃﺮ ﻫﻮﺑﻌﺜﻨﻲ ﻭﻋﻄﺎﻧﻲ ﺍﻟﺪﺍﻭﺀ ..ﻭ ﻣﺸﻰ ﺇﻟﻰ ﻋﻠﻲ ﻳﻠﻘﺎﻩ ﻓﻲ ﺍﻟﺤﺎﻧﻮﺕ ﻳﺒﻴﻊ ﻭ ﻳﺸﺮﻱ ﻭ ﻗﺎﻝ : ﺗﻲﻭﻳﻨﻚ ﻳﺎ ﺧﻮﻳﺎ ﻋﺒﺪﻟﻠﻪ ﻭ ﺷﺒﻴﻚ ﻋﺎﻣﻞ ﻓﻲ ﺭﻭﺣﻚ ﻫﻜّﺎ ﺷﻨﻮﺍ ﻫﺎﻟﻠﺤﻴﺔﻭ ﺍﻟﻘﻔﻄﺎﻥ ﻭﻟﻴﺖ ﺷﻴﺦ ﻭ ﻣﺎ ﻓﻴﺒﺎﻟﻴﺶ .. ﺗﻲ ﺇﻳﺠﺎ ﻫﺎﻱ ﺻﺤﻦﻣﻘﺮﻭﻧﺔ ﺳﺨﻮﻥ ﻳﺴﺘﻨﻰ ﻓﻴﻚ ﻣﺎ ﺣﺒﻴﺘﺶ ﻧﺄﻛﻞ ﻗﻮﻟﺖ ﻧﺴﺘﻨﺎﻙ ﺗﺠﻲﻭﻧﻔﻄﺮﻭﺍ ﻣﻊ ﺑﻌﻀﻨﺎ ..ﻗﺎﻟﻮ ﻫﻴّﺎ ﻣﻌﺎﻳﺎ ﻭ ﻣﺸﻰ ﺑﻴﻪ ﻟﻠﻘﺼﺮ ﻭ ﻳﺎ ﺳﻴﺪﻱ ﻣﺨﺘﺼﺮ ﺍﻟﻜﻼﻡﻋﺮّﺱ ﻋﻠﻲ ﺑﺒﻨﺖ ﺍﻟﺴﻠﻄﺎﻥ ﻭ ﻗﺎﻝ ﻋﻠﻲ ﻋﻨﺪﻱ ﺷﺮﻁ ﺍﻟﻌﺮﺱ ﻫﻮﻧﻲﻭ ﻟﻜﻦ ﺍﻟﺪﺧﻮﻝ ﻧﺤﺒﻮ ﻓﻲ ﺑﻼﺩﻱ ﺣﺬﺍ ﺑﺎﺑﺎ، ﻫﻴّﺎ ﻭﺍﻓﻖ ﺍﻟﺴﻠﻄﺎﻥ، ﻭﺭﻛﺐ ﺳﻲ ﻋﺒﺪﻟﻠﻪ ﺑﺸّﺎﺭ ﻭ ﻫﺰ ﻣﻌﺎﻩ ﺍﻟﻘﺎﻓﻠﺔ ﻭ ﻛﻞ ﺷﻲﺀ ﻭ ﻓﻲﺍﻟﻠﻴﻞ ﻛﻴﻒ ﺟﺎﺀ ﺍﻟﺮﺍﺟﻞ ﺃﺑﻮ ﻋﻠﻲ ﺑﺎﺵ ﻳﺮﻗﺪ، ﻗﺎﻝ ﻋﺒﺪﻟﻠﻪ : ﻳﺎ ﺑﺎﺑﺎﺭﺍﻧﻲ ﺟﺒﺘﻠﻚ ﺩﻭﺍﺀ ﻣﻦ ﺑﺮ ﺍﻟﺸﺮﻕ، ﻭ ﻋﻄﺎﻩ ﺷﻮﻱ ﻣﻦ ﺍﻟﻠﺤﻢ ﻣﺘﺎﻉﺍﻟﻜﻠﺐ ﺍﻷﺳﻮﺩ ﻭ ﺯﺍﺩﻭ ﺍﻟﻠﻴﻠﺔ ﺍﻟﺜﺎﻧﻴﺔ ﺷﻮﻱ ﻭ ﺍﻟﻠﻴﻠﺔ ﺍﻟﺜﺎﻟﺘﺔ ﺷﻮﻱ ..ﺣﺘﻰ ﺳﻲ ﺍﻟﺸﺎﻳﺐ ﺑﺪﺃ ﻳﻨﻈﺮ ﺑﺎﻟﺸﻮﻱ ﺑﺎﻟﺸﻮﻱ، ﻭ ﻗﺎﻣﺖ ﺍﻟﺰﻋﺎﺭﻳﺖﻭ ﺍﻟﺸﺎﻳﺐ ﺧﺮﺝ ﻳﺪﻭﺭ ﻓﻲ ﺍﻟﺸﺎﺭﻉ ﻭ ﺍﻟﻨﺎﺱ ﺗﻬﻨّﻲ ﻓﻴﻪ، ﻭ ﺻﻞ ﺳﻲﻋﻠﻲ ﻭ ﻣﻌﺎﻩ ﺍﻟﻌﺮﻭﺳﺔ ﻭ ﺻﺎﺭﻭﺍ ﻋﺎﻳﺸﻴﻦ ﻓﻲ ﺧﻴﺮ ﻭ ﻧﻌﻤﺔ ﻭﺍﻟﺤﻤﺪﻟﻠﻪ ..ﻫﻴّﺎ ﻳﺎ ﺳﻴﺪﻱ ﺟﺎﺀ ﻧﻬﺎﺭ ﺟﻤﻌﺔ، ﻗﺎﻝ ﻋﺒﺪﻟﻠﻪ ﻟــ ﻋﻠﻲ : ﻳﺎ ﺧﻮﻳﺎ ﺭﺩﺑﺎﻟﻚ ﺗﻨﺴﻰ ﻭﺻﺎﻳﺔ ﺍﺑﻮﻙ ﻗﺎﻟﻚ ﺩﻳﻤﺎ ﺃﻋﻤﻞ ﺍﻟﺨﻴﺮ، ﻫﻴّﺎ ﻧﻤﺸﻮﺍﻟﻠﺠﺒﺎﻧﺔ ﻧﺘﺼﺪﻗﻮﺍ ﻋﻠﻰ ﺍﻟﻤﻮﺗﻰ ؟ﻗﺎﻝ ﻋﻠﻲ : ﺍﻟﻠﻪ ﻳﺒﺎﺭﻙ ﻳﺎ ﺃﺧﻮﻳﺎ .

ﻫﻴّﺎ ﻫﺰّﻭﺍ ﻣﻌﺎﻫﻢ ﺻﻨﺪﻭﻕ ﺧﺒﺰ ﻭ ﻛﺮﻣﻮﺱ ﻭ ﻳﻔﺮﻗﻮﺍ ﻓﻴﻪ ﻋﻠﻰ ﺍﻟﻨﺎﺱﻓﻲ ﺍﻟﺠﺒّﺎﻧﺔ، ﻭ ﺻﺪﻗﻮﺍ ﻋﻠﻰ ﺍﻟﻘﻼﻟﺔ ﻭ ﺍﻟﻤﺴﺎﻛﻴﻦ ، ﻫﻴّﺎ ﺑﺎﻟﺼﺪﻓﺔﻟﻘﺎﻭ ﻗﺒﺮ ﻣﺤﻠﻮﻝ، ﻣﺤﻔﻮﺭ ﻭ ﺣﺎﺿﺮ ﻭ ﻟﻜﻦ ﻣﺎﺯﺍﻝ ﻣﺎﺟﺎﺑﻮﺵ ﺍﻟﻤﻴﺖﺩﻓﻨﻮﻩ، ﻗﺎﻝ ﻋﺒﺪﻟﻠﻪ : ﻳﺎ ﺷﻮﻑ ﻛﻴﻔﺎﻩ ﻫﺎﻟﻘﺒﺮ، ﺃﻧﺎ ﻣﺎﺫﺍ ﺑﻴﺎ ﻧﺪﺧﻞ ﻭﻧﺮﻗﺪ ﻓﻴﻪ ﻭ ﻧﻘﻴﺲ ﻧﻔﺴﻲ ﻋﻠﻰ ﺍﻟﻘﺒﺮﻗﺎﻝ ﻋﻠﻲ : ﺗﻲ ﻋﻼﻩ ﺷﺒﻴﻚ ﻫﺒﻠﺖ ؟ﻗﺎﻝ ﻋﺒﺪﻟﻠﻪ ﻻ ﻻ ﻧﺤﺐ ﻧﺸﻮﻑ ..ﻭ ﻫﺒﻂ ﻋﺒﺪﻟﻠﻪ ﻭﺳﻂ ﺍﻟﻘﺒﺮ ﻭ ﺗﻤﺪ ﻓﻴﻪ ﻭ ﺭﻗﺪ ﻭ ﻋﻠﻲ ﻭﺍﻗﻒ ﻣﻦﺍﻟﺨﺎﺭﺝ ﻳﺨﺰﺭﻟﻮ ﻭ ﻗﺎﻝ ﻋﺒﺪﻟﻠﻪ : ﻳﺎ ﻋﻠﻲ ﺗﺘﺬﻛﺮﺵ ﻫﺎﻙ ﺍﻟﻨﻬﺎﺭ ﻳﻠّﻲﻋﺮﺿﺎﺗﻚ ﻓﻴﻪ ﺟﻨﺎﺯﺓ ﻓﻲ ﻫﺎﻙ ﺍﻟﻨﻬﺎﺭ ﺍﻟﻔﻠﺘﺎﻧﻲ ﻭ ﻭﻳﻦ ﻗﺎﻡ ﺭﺍﺟﻞ ﻭﻋﺮّﺽ ﻟﻠﺠﻨﺎﺯﺓ ﻭ ﻗﺎﻝ ﺍﻟﺮﺍﺟﻞ ﺍﻟﻤﻴﺖ ﻧﺴﺎﻟﻮ 100 ﺩﻳﻨﺎﺭ ﻭ ﺇﻧﺖﻭﻗﺘﻬﺎ ﺧﻠﺼﺘﻮ ﻓﻲ ﺍﻟﻔﻠﻮﺱ ؟ﻗﺎﻝ ﻋﻠﻲ : ﻧﻌﻢ ﻧﺘﺬﻛﺮﻗﺎﻝ ﻋﺒﺪﻟﻠﻪ : ﺃﺑﻮﻙ ﻗﺎﻟﻚ ﺃﻋﻤﻞ ﺍﻟﺨﻴﺮ ﺗﻠﻘﻰ ﺍﻟﺨﻴﺮ ! ﺃﻧﺎ ﻫﻮ ﻫﺎﻙﺍﻟﻤﻴّﺖ ﻳﻠّﻲ ﻓﻲ ﺍﻟﺠﻨﺎﺯﺓ، ﺭﺑّﻲ ﺳﺒﺤﺎﻧﻮ ﺣﺐ ﻳﺠﺎﺯﻳﻚ ﻋﻠﻰ ﺍﻳﺪﻱ ﺃﻧﺎﻭ ﻟﻘﻴﺘﻨﻲ ﺇﻧﺖ ﻓﻲ ﺍﻟﺸﺎﺭﻉ ﻣﻮﺵ ﻻﺑﺲ ﺣﺘﻰ ﺷﻲﺀ ﻭ ﺳﺘﺮﺗﻨﻲ ﻭﺳﻜﻨّﺘﻨﻲ ﻣﻌﺎﻙ ﻓﻲ ﺍﻟﺪﺍﺭ، ﻭ ﻋﻤﻠﺖ ﻣﻌﺎﻳﺎ ﻛﺎﻥ ﺍﻟﻤﻌﺮﻭﻑ، ﻭ ﻫﺎﻧﻲﺍﻷﻥ ﻛﻤﻠّﺖ ﻗﻀﻴﺘﻲ ﻭ ﻣﻬﻤﺘﻲ ﻭ ﺧﻠﻴﺘﻚ ﻓﻲ ﺧﻴﺎﺭ ﺍﻟﺨﻴﺮ ﻭ ﻣﻌﺮﺱﺑﺒﻨﺖ ﺍﻟﺴﻠﻄﺎﻥ ﻭ ﻋﻨﺪﻙ ﺍﻟﻨﺼﻒ ﻓﻲ ﻣﺤﻜﻤﺘﻮ ﻭ ﺑﻌﺪ ﻭﻓﺎﺕ ﺍﻟﺴﻠﻄﺎﻥﺍﻧﺖ ﺑﺎﺵ ﺗﺼﻴﺮ ﺳﻠﻄﺎﻥ، ﺃﺑﻮﻙ ﻭﻟّﻰ ﻳﻨﻈﺮ ﺑﻌﺪ ﻣﺎ ﻓﻘﻊ ﺍﻟﺒﺼﺮ، ﻫﻴّﺎﻓﻲ ﺍﻷﻣﺎﻥ ﺍﻷﻥ .. ﻭ ﺗﻐﻢ ﺍﻟﺘﺮﺍﺏ ﻋﻠﻰ ﺍﻟﻘﺒﺮ ﻭ ﻗﻌﺪ ﺳﻲ ﻋﻠﻲ ﻳﺒﻜﻲﻋﻠﻰ ﺃﺧﻮﻩ ..ﻭﻓﺎﺕ ﺍﻟﺤﻜﺎﻳﺔ ﻭ ﺳﻌﺪﻙ ﻳﺎ ﻓﺎﻋﻞ ﺍﻟﺨﻴﺮ

حكاﻳﺔ " ﺍﻟﺤﺎﺝ ﻭ ﺍﻟﺬﻫﺐ "

noreply@blogger.com (Anonymous) — Tue, 03 Mar 2015 13:48:00 +0000

ﻳﺤﻜﻴﻮ ﻋﻠﻰ ﺇﻧﺴﺎﻥ ﻣﺎﺗﺖ ﺯﻭﺟﺘﻪ، ﻗﻌﺪ ﻭﺣﺪﻩ ﻻ ﻗﺮﻳﺐ ﻭ ﻻ ﺑﻌﻴﺪ،ﻭﺍﻟﺪﻳﻪ ﻣﻴّﺘﻴﻦ ﻭ ﺯﻭﺟﺘﻪ ﻣﺎ ﺗﺮﻛﺘﺶ ﺻﻐﺎﺭ. ﺍﻟﺮﺍﺟﻞ ﺧﺪّﺍﻡ، ﻻ ﻫﻤﻠﺔﻭ ﻻ ﺧﻠُﻂ ﻭ ﻻ ﻣﺼﺎﺭﻳﻒ، ﻣﻦ ﺍﻟﺨﺪﻣﺔ ﻟﻠﺪﺍﺭ ﻭ ﻣﻮﺍﺿﺐ ﻋﻠﻰ ﺻﻼﺗﻪﻭ ﻋﺒﺎﺩﺗﻪ، ﻭ ﻳﻠّﻲ ﻳﺼﻮﺭﻩ ﻣﻦ ﻣﺎﻝ ﻳﻨﺤّﻲ ﻣﻨﻮ ﻣﺼﺮﻭﻓﻪ، ﻭ ﺍﻟﺒﺎﻗﻲﻳﺼﺮﻓﻪ ﺩﻳﻨﺎﺭ ﺫﻫﺐ ﻭ ﻋﻨﺪﻭ ﺟﺮّﺓ ﺻﻐﻴﺮﺓ، ﺍﻳﺴﻘﻂ ﻓﻴﻬﺎ ﻫﺎﻙ ﺍﻟﺪﻳﻨﺎﺭﺫﻫﺐ ..ﻫﻴﺎ ﻳﺎ ﺳﻴﺪﻱ ﺟﺎﺀ ﻭﻗﺖ ﺍﻟﺤﺞ، ﺷﻮّﻕ ﺍﻟﺮﺍﺟﻞ ﻭ ﺣﺐ ﻳﻤﺸﻲ،ﺍﻟﻔﻠﻮﺱ ﻳﻠّﻲ ﻋﻨﺪﻩ ﺗﻜﻔﻴﻪ ﺑﺎﺵ ﻳﺴﺎﻓﺮ ﻭ ﻳﺼﺮﻑ ﻭ ﻳﺼﺪّﻕ، ﻭ ﻟﻜﻦﺍﻟﺠﺮّﺓ ﻳﻠّﻲ ﻓﻴﻬﺎ ﺩﻧﺎﻧﻴﺮ ﺍﻟﺬﻫﺐ ﻛﻴﻔﺎﻩ ﺑﺎﺵ ﻳﻌﻤﻞ ﻓﻴﻬﺎ، ﺑﺎﺵ ﻳﺨﻠﻴﻪﻓﻲ ﺍﻟﺪﺍﺭ ﺑﺎﻟﻚ ﻳﺴﺮﻗﻮﻩ، ﻭﻟّﻰ ﺧﻤّﻢ ﻗﺎﻝ ﻧﻬﺰ ﻧﺨﺒﻴﻪ ﻋﻨﺪ ﻭﺍﺣﺪ ﻣﻦﺍﻟﺠﻴﺮﺍﻥ، ﻟﻜﻦ ﺧﺎﻑ ﻻ ﺍﻟﺠﺎﺭ ﻳﻐﻮﺭﻟﻮ ﻋﻠﻰ ﺟﺮّﺓ ﺍﻟﺬﻫﺐ ﻭ ﻳﻨﻜﺮ ﻓﻴﻬﺎﻧﻬﺎﺭ ﺃﺧﺮ، ﻭﻟّﻰ ﻋﻤﻞ ﺣﻴﻠﺔ، ﺟﺎﺏ ﺯﻳﺖ ﻭ ﺻﺒّﻮ ﻭﺳﻂ ﺍﻟﺠﺮﺓ ﺣﺘﻰﺗﻌﺒّﺖ ﺑﺎﻟﺰﻳﺖ ﻭ ﻭﺳﻄﻬﺎ ﺩﻧﺎﻧﻴﺮ ﺍﻟﺬﻫﺐ ﻭ ﺟﺎﺏ ﺷﻮﻱ ﺟﺒﺲ ﻭ ﺳﻜﺮﺍﻟﺠﺮّﺓ، ﻭ ﻣﺸﻰ ﻟﻮﺍﺣﺪ ﻣﻦ ﺍﻟﺠﻴﺮﺍﻥ ﻭ ﻗﺎﻟﻮ ﻳﺎ ﺳﻲ ﻓﻼﻥ ﺗﻌﻤﻞ ﻋﻠﻴﺎﻣﺰﻳﺎ ﺭﺍﻧﻲ ﻣﺎﺷﻲ ﻟﻠﺤﺞ ﻭ ﻋﻨﺪﻱ ﻫﺎﻟﺠﺮّﺓ ﻣﻠﻴﺎﻧﺔ ﺯﻳﺖ ﺗﺨﺒﻴﻬﺎﻟﻲﻋﻨﺪﻙ ﺃﻣﺎﻧﺔ ﻋﻨﺪﻙ، ﻧﺨﺎﻑ ﻳﺴﺮﻗﻮﻫﺎﻟﻲ .. ﻗﺎﻟﻮ ﺍﻟﺠﺎﺭ ﻫﺎﺕﻣﻴﺴﺎﻟﺶ ﻭ ﻣﺸﻰ ﺟﺎﺑﻠﻮ ﺍﻟﺠﺮّﺓ ﻭ ﺣﻄﻬﺎ ﻓﻲ ﺍﻟﺪﺍﺭ ..ﻭ ﻫﺎﻙ ﺍﻟﺠﺎﺭ ﻗﺎﻝ ﻟﺰﻭﺟﺘﻪ ﻳﺎ ﻣﺮﺍ ﺟﺎﺭﻧﺎ ﻣﺎﺷﻲ ﻟﻠﺤﺞ ﻭ ﻫﺎﻭ ﺟﺎﺏﻫﺎﻟﺠﺮﺓ ﻓﻴﻬﺎ ﺯﻳﺖ ﻣﺴﻜﺮﺓ، ﺃﻣﺎﻧﺔ ﻗﺎﻝ، ﺧﺒﻴﻬﺎ ﻓﻲ ﺑﻴﺖ ﺍﻟﻌﻠّﻲ ..ﻭ ﻣﺸﻰ ﻛﻞ ﻭﺍﺣﺪ ﻋﻠﻰ ﺭﻭﺣﻮ

ﻫﻴّﺎ ﻳﺎﺳﻴﺪﻱ ﻫﺎﻙ ﺍﻟﺠﺎﺭ ﺩﻳﻤﺎ ﻳﺸﺮﻟﻲ ﺍﻟﺰﻳﺖ ﺑﻨﺼﻒ ﻟﺘﺮ، ﻧﻬﺎﺭ ﻣﺮﺗﻮﻧﺴﺎﺕ ﻣﺎﺣﻄﺘﺶ ﻟﻴﻪ ﺩﺑﻮﺯﺓ ﺍﻟﺰﻳﺖ ﻓﻲ ﺍﻟﻘﻔﺔ، ﻛﻴﻒ ﺟﺎﺕ ﺇﺗﻄﻴﺐﻓﻲ ﺍﻟﻔﺘﻮﺭ ﻟﻘﺎﺕ ﺍﻟﺰﻳﺖ ﻭﻓﻰ، ﻗﻌﺪﺕ ﺣﺎﻳﺮﺓ ﺃﺵ ﺑﺎﺵ ﺗﻌﻤﻞ ﻛﺎﻥﻣﺘﻄﻴﺒﺶ ﺍﻟﻔﻄﻮﺭ ﺭﺍﺟﻠﻬﺎ ﻳﻌﻤﻞ ﺣﺎﻟﺔ .. ﻫﻴﺎ ﻟﻴﻦ ﺟﺎﺀ ﻓﻲ ﺑﺎﻟﻬﺎ ﻫﺎﻙﺍﻟﺠﺮﺓ ﻣﺘﺎﻉ ﺍﻟﺮﺍﺟﻞ ﻳﻠّﻲ ﻣﺸﻰ ﻟﻠﺤﺞ، ﻗﺎﻟﺖ ﺗﻲ ﻧﺄﺧﺬ ﻣﻨﻬﺎ ﻛﺄﺱﺯﻳﺖ ﻭ ﺑﻌﺪ ﻭﻗﺖ ﻳﺸﺮﻱ ﺭﺍﺟﻠﻲ ﺗﻮ ﻧﺮﺟﻌﻬﺎ ﻭ ﻻ ﻣﻦ ﺭﻯ ﻭ ﻻ ﻣﻦﺳﻤﻊ .. ﺷﺪﺕ ﻫﺎﻙ ﺍﻟﺠﺮﺓ ﻭ ﻗﺮﻗﺸﺖ ﺍﻟﺠﺒﺲ ﺑﺴﻜﻴﻦ ﻭ ﺣﻼﺗﻮ ﻭﻟﻘّﺎﺕ ﺗﺤﺖ ﻓﻢ ﺍﻟﺠﺮّﺓ ﺻﺤﻦ ﻭ ﻫﻲ ﺑﺪﺍﺕ ﺗﺼﺐ ﻓﻲ ﺍﻟﺰﻳﺖ ﻭ ﻫﻮﻫﺒﻂ ﻣﺨﻠﻂ ﺯﻳﺖ ﻭ ﺫﻫﺐ ... ﺷﻨﻴﺎ !! ﻗﺎﻟﺖ، ﺻﺎﺭ ﻫﻮ ﻫﻜّﺎ، ﻫﻴﺎﺭﺍﺟﻠﻬﺎ ﺟﺎﺀ ﻭ ﻫﻲ ﺣﻜﺎﺗﻠﻮ ﺍﻟﺤﻜﺎﻳﺔ ﺍﻟﻜﻞ ﻭ ﺣﻄﻮ ﻗﺼﻌﺔ ﻭ ﺻﺒﻮﺍﻟﺰﻳﺖ ﻳﻠﻘﺎﻭﻩ ﺫﻫﺐ ﻳﻠﻤﻊ ﻭﺳﻂ ﺍﻟﺰﻳﺖ ..ﻫﻴّﺎ ﻣﺸﻰ ﺭﺍﺟﻠﻬﺎ ﻳﺠﺮﻱ ﺃﺧﺬ ﻳﺠﻲ 20 ﻟﺘﺮ ﺯﻳﺖ ﻭ ﻋﺎﻭﺩ ﺻﺒﻬﺎﻭﺳﻂ ﺍﻟﺠﺮﺓ ﻭ ﺳﻜﺮﻫﺎ ﺑﺎﻟﺠﺒﺲ ﻭ ﺭﺟّﻌﻬﺎ ﻛﻴﻒ ﻣﺎﻛﺎﻧﺖ، ﻭ ﺃﺧﺬﺍﻟﺬﻫﺐ، ﻭ ﻣﺴﺤﻮ ﺑﺎﻟﻨﺨﺎﻟﺔ ..ﻫﻴﺎ ﻳﺎ ﺳﻴﺪﻱ ﺭﺟﻊ ﺍﻟﺤﺎﺝ، ﻭ ﻣﻊ ﺍﻟﻌﺸﻴﺔ ﻣﺸﻰ ﻟﺠﺎﺭﻩ، ﻫﻴﺎﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ، ﻗﺮﻳﺘﻠﻨﺎ ﻓﺎﺗﺤﺔ ﻣﺎﻫﻮ ؟ ﻗﺎﻟﻮ ﺍﻱ ﻭ ﻳﺮﺣﻢﻭﻟﺪﻳﻚ ﻭ ﺟﺎﺑﻠﻮ ﺷﻮﻱ ﻟﻮﺑﺎﻥ ﻭ ﺳﺒﺢ ﻭ ﻋﻄﺮ .. ﻭ ﻗﺎﻟﻮ ﺑﺎﻟﻠﻪ ﻳﺎﺟﺎﺭﻱ ﻫﺎﻙ ﺍﻟﺠﺮﺓ ﺗﻌﻤﻞ ﻣﺰﻳﺔ ﺗﺮﺟﻌﻬﺎﻟﻲ ؟ﻗﺎﻝ ﺍﻟﺠﺎﺭ ﺍﻟﻠﻪ ﻳﺒﺎﺭﻙ ﻳﺎ ﺣﺎﺝ، ﻭ ﺩﺧﻞ ﺍﻟﺪﺍﺧﻞ ﻭ ﻣﺪﻟّﻮ ﺍﻟﺠﺮﺓ ﻭﺭﻭﺡ ﻛﻞ ﻭﺍﺣﺪ ﻟﺪﺍﺭﻩ، ﻫﺰّ ﺍﻟﺮﺍﺟﻞ ﺍﻟﺠﺮﺓ ﻟﻠﺪﺍﺭ، ﻭ ﺣﻠﻬﺎ ﺟﺎﺀﻳﺸﻮﻑ ﻳﻠﻘﺎﻩ ﺯﻳﺖ ﺃﻛﻬﻮ .. ﻗﺎﻡ ﻳﻨﺪﺏ ﻓﻴﻬﻢ ﻭ ﻗﺎﻝ ﻋﻤﻠﻬﺎ ﻓﻴﺎ !!ﻣﺸﻰ ﻟﻠﺠﺎﺭﻭ ﻳﺠﺮﻱ ﻗﺎﻟﻮ ﻳﺎ ﺧﻮﻳﺎ ﻋﻼﻩ ﺃﺵ ﻋﻤﺘﻠﻚ ! ﻭﻳﻨﻮ ﺍﻟﺬﻫﺐﻳﻠﻲ ﻭﺳﻂ ﺍﻟﺠﺮﺓ ؟ﻗﺎﻟﻮ : ﻫﻴﺎ ﺍﺣﺸﻢ ﺑﻠﻰ ﻗﺎﻟﻮ ﺫﻫﺐ ! ﻣﺶ ﻗﻮﺗﻠﻲ ﻫﺎﻱ ﺟﺮﺓ ﻣﺘﺎﻉﺯﻳﺖ ﺧﺒﻴﻬﺎ ﻋﻨﺪﻙ ؟

ﻭ ﻭﻻﺕ ﻋﺮﻛﺔ ﻭ ﺻﻴﺎﺡ ﻭ ﺍﻟﻨﺎﺱ ﺗﺠﻤّﻌﺖ ﺣﻮﻟﻬﻢ .. ﻟﻴﻦ ﻗﺎﻟﻮﺍ ﻧﻤﺸﻮﺍﻟﻠﺤﺎﻛﻢ، ﻫﻴﺎ ﻳﺎ ﺳﻴﺪﻱ ﻣﻦ ﻏﺪﻭﺓ ﺍﻟﺼﺒﺎﺡ ﺩﺧﻠﻮ ﻗﺪﺍﻡ ﺍﻟﺤﺎﻛﻢ، ﻗﺎﻝﻳﺎ ﺳﻴﺪﻱ ﻗﺒﻞ ﻣﺎ ﻧﻤﺸﻲ ﻟﻠﺤﺞ ﺃﻣّﻨﺖ ﻋﻨﺪ ﺟﺎﺭﻱ ﻫﺬﺍ ﺟﺮّﺓ ﻣﻠﻴﺎﻧﺔﺑﺎﻟﺬﻫﺐ، ﻭ ﺻﺒﻴﺖ ﻋﻠﻴﻪ ﺍﻟﺰﻳﺖ ﺑﺎﺵ ﻳﻤﺸﻲ ﻓﻴﺒﺎﻟﻮ ﻳﻠّﻲ ﻫﻮ ﺯﻳﺖﺻﺎﻓﻲ، ﻛﻴﻒ ﺭﺟﻌﺖ ﻣﻦ ﺍﻟﺤﺞ ﺭﺟﻌﻠﻲ ﺍﻟﺠﺮّﺓ ﻟﻜﻦ ﻓﻴﻬﺎ ﻛﺎﻥ ﺍﻟﺰﻳﺖ،ﺍﻟﺬﻫﺐ ﺃﺧﺬﻩ ..ﻗﺎﻝ ﺍﻟﺠﺎﺭ : ﻳﺎ ﺳﻴﺪﻱ ﺃﻟﻒ ﻭ ﺃﻋﻮﺫ ﺑﺎﻟﻠﻪ، ﻇﺎﻫﺮ ﻓﻴﻪ ﻛﻴﻒ ﻣﺸﻰﻟﻠﺤﺞ ﺭﺟﻊ ﻣﻤﺴﻮﺱ ﻓﻲ ﻣﺨﻮ ﺩﺭﻯ ﺷﺒﻴﻪ، ..ﺍﻟﺤﺎﻛﻢ ﻭﺣﻞ ﻣﺎ ﻟﻘﻰ ﻣﺎ ﻳﻘﻮﻝ !! ﻗﺎﻟﻮ ﻳﺎ ﺣﺎﺝ ﻋﻨﺪﻛﺶ ﺷﻬﻮﺩ ؟ﻗﺎﻟﻮ : ﻳﺎ ﺳﻴﺪﻱ ﺃﻧﺎ ﻣﺎ ﻧﺤﺐ ﺣﺘﻰ ﺃﺣﺪ ﻳﻌﺮﻑ ﻳﻠّﻲ ﻓﻤّﺎ ﺫﻫﺐ ﻓﻲﺍﻟﺠﺮّﺓ ﻭ ﻧﺠﻴﺐ ﺷﻬﻮﺩ .. !!ﻗﺎﻝ ﺍﻟﺤﺎﻛﻢ : ﻛﻴﻔﺎﻩ ﺑﺎﺵ ﻧﻌﻤﻞ ﺃﻧﺎ ؟!ﻫﻴﺎ ﻳﺎ ﺳﻴﺪﻱ ﺧﺮﺟﻮﺍ ﻛﻞ ﻭﺍﺣﺪ ﻋﻠﻰ ﺭﻭﺣﻪ، ﻭ ﻫﺎﻙ ﺍﻟﻘﻀﻴﺔ ﺻﺎﺭﺕﻋﻠﻰ ﻟﺴﺎﻥ ﻛﻞ ﻭﺍﺣﺪ ﻓﻲ ﺍﻟﻤﺪﻳﻨﺔ، ﺍﻟﻨﺎﺱ ﺍﻟﻜﻞ ﺗﺤﻜﻲ ﻋﻠﻴﻬﺎ ﻭﻭﺍﺣﺪ ﻳﻘﻮﻝ ﺣﻖ ﻭ ﺍﻷﺧﺮ ﺑﺎﻃﻞ، ﻓﻲ ﺍﻟﺤﻮﺍﻧﺖ، ﻓﻲ ﺍﻟﻘﻬﺎﻭﻱ

ﺍﻟﺤﺎﻛﻢ ﺃﻭ ﺍﻟﺴﻠﻄﺎﻥ، ﻧﻬﺎﺭ ﻗﺎﻝ ﻧﺨﺮﺝ ﻧﺘﻨﻜﺮ ﻭ ﻧﺴﻤﻊ ﺍﻟﻨﺎﺱ ﺃﺵﺗﺤﻜﻲ ﻋﻠﻰ ﻫﺎﻟﻘﻀﻴﺔ، ﻭﺻﻞ ﻟﺰﻧﻘﺔ ﺻﻐﻴﺮﺓ ﻳﺸﻮﻑ ﻓﻲ ﺃﻭﻻﺩ ﺻﻐﺎﺭﻳﻠﻌﺒﻮ، ﻳﺸﻮﻑ ﻓﻲ ﻭﺍﺣﺪ ﺣﺎﺳﺐ ﺭﻭﺣﻮ ﺳﻠﻄﺎﻥ، ﻭ ﺍﻷﺧﺮ ﺣﺮﺱ، ﻭﺍﻷﺧﺮ ﺷﻜﺎﻱ ﻭ ﺍﻷﺧﺮ ﺳﺎﺭﻕ، ﻭ ﻫﺎﻙ ﺍﻟﻄﻔﻠﻴﻠﻲ ﺣﺎﺳﺐ ﺭﻭﺣﻮﺳﻠﻄﺎﻥ ﻗﺎﻝ ﻟﻠﻄﻔﻞ ﻳﻠﻲ ﺣﺎﺳﺐ ﺭﻭﺣﻮ ﺳﺎﺭﻕ ﻭﻳﻨﻮ ﺍﻟﺬﻫﺐ ؟؟؟ﻭ ﻗﺎﻡ ﻭﺍﺣﺪ ﻣﺪّ ﻟﻠﻄﻔﻞ ﺍﻟﺼﻐﻴﺮ ﺣﺠﺮﺓ ﻋﻠﻰ ﺃﺳﺎﺱ ﻫﺎﺫﻳﻜﺎ ﺍﻟﺬﻫﺐﻭ ﻗﺎﻟﻮ ﺟﻴﺒﻮ ﺑﺮﻣﺔ، ﺣﺎﺟﺔ ﺇﻳﻄﻴﺒﻮ ﻓﻴﻬﺎ ﻛﻴﻒ ﺍﻟﻜﺎﺳﺮﻭﻧﺔ، ﻭ ﻗﺎﻝﺟﻴﺒﻮ ﺍﻟﻨﺎﺭ ﻭ ﺍﻟﻤﺎﺀ، ﺣﻂ ﺍﻟﺤﺠﺮﺓ ﻭﺳﻂ ﺍﻟﻤﺎﺀ ﺣﺘﻰ ﻳﺴﺨﻦ ، ﻃﻠﻊﺍﻟﺰﻳﺖ، ﺷﺪﻭﺍ ﻭﻟﺪ ﺍﻟﻜﻠﺐ ﺳﺎﺭﻕ ..ﺍﻟﺴﻠﻄﺎﻥ ﻣﻦ ﻫﺎﻟﻤﺸﻬﺪ ﻭ ﺍﻟﻜﻠﻤﺎﺕ ﻓﻬﻢ ﺍﻟﺤﻜﺎﻳﺔ، ﻭ ﻣﻦ ﻏﺪﻭﺓﺍﻟﺼﺒﺎﺡ ﻗﺎﻝ ﻟﻠﺤﺮﺍﺱ ﺇﻣﺸﻮ ﺍﻷﻥ ﺟﻴﺒﻮﻟﻲ ﻫﺎﻙ ﺍﻟﺤﺎﺝ ﻭ ﺍﻟﺠﺎﺭ، ﻫﻴﺎﺟﺎﻭ ﻓﻴﺴﻊ، ﻗﺎﻝ ﺍﻟﺴﻠﻄﺎﻥ ﻟﻠﺠﺎﺭ ﻳﺎ ﻭﻟﺪﻱ ﻋﻨﺪﻛﺶ ﺍﻷﻥ ﻓﻲ ﺍﻟﺪﺍﺭﻓﻠﻮﺱ، ﻗﺎﻟﻮ ﺍﻱ ﻋﻨﺪﻱ ﺑﻄﺒﻴﻌﺔ ﺃﻧﺎ ﺗﺎﺟﺮ ﻭ ﻋﻨﺪﻱ ﻓﻠﻮﺱ؛ ﻗﺎﻟﻮﻓﻴﻦ ؟ ﻗﺎﻟﻮ ﺗﺤﺖ ﺍﻟﻔﺮﺵ، ﻫﻴﺎ ﻣﺸﻰ ﺣﺮﺍﺱ ﺟﺎﺑﻮ ﺍﻟﻔﻠﻮﺱ ﻧﻘﻮﺩ،ﻗﺎﻝ ﺍﻟﺴﻠﻄﺎﻥ، ﺟﻴﺒﻮ ﺑﺮﻣﺔ ﺗﺤﺘﻬﺎ ﺍﻟﻨﺎﺭ ﺗﺸﻌﻞ، ﻭ ﺣﻄﻮ ﻓﻴﻬﺎﻫﺎﻟﻨﻘﻮﺩ ﻣﺘﺎﻉ ﺍﻟﺠﺎﺭ، ﻭ ﺧﻠﻲ ﺍﻟﻤﺎﺀ ﻳﺴﺨﻦ ..ﺍﻟﻨﺎﺱ ﺍﻟﻜﻞ ﺗﺘﻔﺮﺝ ﻭ ﺍﻟﻤﺎﺀ ﻗﺎﻋﺪ ﻳﺴﺨﻦ ﻳﺴﺨﻦ ﻭ ﻓﻴﻪ ﺷﻮﻱ ﻧﻘﻮﺩﻣﺘﺎﻉ ﺍﻟﺠﺎﺭ .. ﺍﻟﻤﺎﺀ ﺳﺨﻦ ﻋﻠﻰ ﺍﻷﺧﺮ ﻭ ﻓﻤﺎ ﻓﻘﻌﺎﺕ ﺯﻳﺖ ﻃﻠﻌﺖﺍﻟﻔﻮﻕ .. ﻓﻘﺎﻗﻴﻊ ﺍﻟﺰﻳﺖ ﺑﺪﺍﺕ ﻃﺎﻟﻌﺔ .. ﻗﺎﻝ ﺍﻟﺴﻠﻄﺎﻥ ﻫﺎﻟﻨﻘﻮﺩﻫﺬﻩ ﻣﺎﺯﺍﻝ ﻣﺸﺪﻭﺩ ﻓﻴﻬﺎ ﺍﻟﺰﻳﺖ !!ﺍﻟﻨﻘﻮﺩ ﻫﺬﻩ ﻣﺘﺎﻉ ﺍﻟﺤﺎﺝ !! ﺭﺟﻌﻠﻮ ﻓﻠﻮﺳﻮ ﻳﺎ ﺳﺎﺭﻕ ! ﻭ ﻫﻜّﺎﺭﺟﻌﺖ ﻓﻠﻮﺱ ﺍﻟﺤﺎﺝ ﺍﻟﻜﻞ ﺑﻔﻀﻞ ﺃﻭﻻﺩ ﺻﻐﺎﺭ ﻳﻠﻌﺒﻮ ﻓﻲ ﺍﻟﺸﺎﺭﻉﺍﺳﺘﻄﺎﻉ ﺍﻟﺴﻠﻄﺎﻥ ﻳﺘﻌﻠﻢ ﻣﻨﻬﻢ ﻭ ﺩﺧﻞ ﺍﻟﺠﺎﺭ ﻟﻠﺤﺒﺲ ..ﺍﻥ ﺷﺎﻟﻠﻪ ﺗﻜﻮﻥ ﻋﺠﺒﺘﻜﻢ ﺍﻟﺤﻜﺎﻳﺔ

ﺣﻜﺎﻳﺔ " ﺍﻟﺮﺯﻕ ﻭ ﺍﻟﺒﺮﻛﺔ "

noreply@blogger.com (Anonymous) — Tue, 03 Mar 2015 13:46:00 +0000

ﺍﻟﺮﺯﻕ ﻭ ﺍﻟﺒﺮﻛﺔ ﻭﻗﻌﺖ ﺑﻴﻨﺎﻳﻬﻢ ﻋﺮﻛﺔ، ﻛﻞ ﻭﺍﺣﺪ ﻳﻘﻮﻝ ﺃﻧﺎ ﺃﻓﻀﻞﻣﻦ ﺍﻷﺧﺮ . ﺍﻟﺮﺯﻕ ﻗﺎﻝ ﺃﺵ ﺧﻴﺮ ﻣﻨﻲ ﻓﻲ ﺍﻟﺪﻧﻴﺎ ؟ ﻣﺎﻝ ﻭ ﺧﻴﺮﺍﺕﻭ ﺃﻧﺎ ﻳﻠﻲ ﻧﺠﻌﻞ ﻣﻦ ﺍﺑﻦ ﺃﺩﻡ ﻭﺟﻴﻪ ﻭ ﺗﻮﻟﻲ ﻛﻠﻤﺘﻮ ﻣﺴﻤﻮﻋﺔ ﻭﺍﻟﻨﺎﺱ ﺳﻴﺪﻱ ﺳﻴﺪﻱ ﻭ ﻳﻜﻮﻥ ﺯﻳﻨﺔ ﺍﻟﻤﺤﺎﻓﻞ ﻭ ﺍﻟﻨﺎﺱ ﻳﻘﺪﺭﻭﻩ ﻭﻳﻌﻈﻤﻮﻩ ﻭ ﺣﺘﻰ ﻋﻨﺪ ﺭﺑّﻲ ﻳﺒﺪﻯ ﻣﺤﺒﻮﺏ ﺧﺎﻃﺮ ﻋﻨﺪﻭ ﺑﺎﺵ ﻳﻌﻤﻞﺍﻟﺨﻴﺮ ﻭ ﻳﻔﺮﺡ ﺍﻟﻘﻠّﻴﻞ .ﻗﺎﻟﺖ ﺍﻟﺒﺮﻛﺔ ﺑﻼ ﺑﻴﺎ ﺃﻧﺎ ﻣﺎ ﻓﻤّﺎ ﺣﺘﻰ ﺷﻲﺀ، ﻋﻤﺮﻛﺸﻲ ﺳﻤﻌﺖﻣﺮﺃﺓ ﺗﻘﻮﻝ ﻟﻮﻟﺪﻫﺎ " ﻳﺠﻌﻠﻚ ﺍﻧﺖ ﺗﺨﻠﻂ ﻭ ﺍﻟﺮﺳﻮﻝ ﻳﺒﺎﺭﻙ " ﻫﺬﻳﻜﺎﻫﻲ ﺍﻟﺒﺮﻛﺔ، ﺍﺫﺍ ﻛﺎﻥ ﺍﻟﺒﺮﻛﺔ ﻣﺎ ﻓﻤﺎﺵ ﻻ ﻳﻘﻌﺪ ﺧﻴﺮ ﻭ ﻻ ﻳﻘﻌﺪﻣﺎﻝ ..ﻗﺎﻝ ﺍﻟﺮﺯﻕ ﻳﺰّﻱ ﺑﻼ ﻛﻼﻡ ﺭﺍﻙ ﻏﺎﻟﻄﺔ ﻣﺎ ﻓﻤﺎﺵ ﻣﺎ ﺧﻴﺮ ﻣﻨﻲ .ﻫﻴﺎﻳﺎ ﺳﻴﺪﻱ ﺗﻔﺎﻫﻤﻮ ﻳﺠﺮﺑّﻮ .. ﻗﺎﻟﺖ ﺍﻟﺒﺮﻛﺔ : ﺗﻔﻀﻞ ﺇﻧﺘﻲ ﻳﺎ ﺍﻟﺮﺯﻕﻭﺭﻳﻨﻲ ﺃﺵ ﺗﻨﺠﻢ ﺗﻌﻤﻞ ؟ﻓﻤﺎ ﺭﺍﺟﻞ ﺣﻄّﺎﺏ ﻋﻨﺪﻭ 7 ﺑﻨﺎﺕ ﻛﻞ ﺻﺒﺎﺡ ﻳﻬﺰ ﺍﻟﻔﺄﺱ ﻭ ﻳﻤﺸﻲﻟﻠﻐﺎﺑﺔ ﻳﺠﻴﺐ ﻫﺎﻙ ﺣﻤﻴﻞ ﺍﻟﺤﻄﺐ ﻳﺪﺑﺮ ﻣﻨﻪ ﺭﺑﻊ ﺩﻳﻨﺎﺭ ﻭ ﻳﺸﺮﻱ ﺑﻴﻪﺩﻗﻴﻖ ﻭ ﻳﻄﻴﺒﻮﻩ ﻛﺴﻜﻲ ﻭ ﻛﻞ ﻧﻬﺎﺭ ﻣﻦ ﻏﻴﺮ ﻣﺎ ﻳﺸﺒﻌﻮﺍ ﻣﺴﺎﻛﻦ ..ﻭ ﺃﻳﺎﻡ ﺍﻟﺒﺮﺩ ﻭ ﺍﻟﻤﻄﺮ ﻭ ﺍﻟﺸﺘﺎﺀ ﻻ ﺣﻄﺐ ﻭ ﻻ ﻳﻨﺠﻢ ﻳﺨﺮﺝ ﻟﻠﻐﺎﺑﺔﻳﺒﺎﺗﻮ ﻟﻠﺠﻮﻉ ﻋﺎﺋﻠﺔ ﻛﺎﻣﻠﺔ، ﻫﻮ ﺧﺎﺭﺝ ﺍﻟﺤﻄﺎﺏ ﻋﻠﻰ ﺍﻟﺼﺒﺎﺡ ﻟﻠﻐﺎﺑﺔ ﻭﺍﻟﻔﺄﺱ ﻓﻮﻕ ﻛﺘﺎﻓﻪ ﻭ ﻳﻠﻘﻰ " ﺍﻟﺮﺯﻕ " ﻓﻲ ﺻﻮﺭﺓ ﺷﺎﺏ ﺳﻼﻃﻴﻦ،ﻗﺎﻟﻮ ﺻﺒﺎﺡ ﺍﻟﺨﻴﺮ ﻳﺎ ﺑﺎﺑﺎ ﻭﻳﻦ ﻗﺎﺻﺪ ﺭﺑﻲ ؟ ﻗﺎﻝ ﺍﻟﺤﻄﺎﺏ : ﺻﺒﺎﺡﺍﻟﺨﻴﺮ ﻳﺎ ﻭﻟﺪﻱ ﻫﺎﻧﻲ ﻗﺎﺻﺪ ﺭﺑﻲ ﻣﺎﺷﻲ ﻧﺨﺪﻡ ﻋﻠﻰ ﺭﻭﺣﻲ، ﻗﺎﻡﺍﻟﺸﺎﺏ ﻭ ﻣﺪّﻟﻮ ﻛﻴﺲ ﻓﻴﻪ 1000 ﺩﻳﻨﺎﺭ .. ﺍﻟﺤﻄﺎﺏّّ ﻃﺎﺭ ﻣﻦﺍﻟﻔﺮﺣﺔ 1000 ﺩﻳﻨﺎﺭ ﻭﻗﺘﻬﺎ ﻳﺼﺮﻓﻮﻩ ﻋﺎﻣﻴﻦ ﻛﺎﻣﻠﻴﻦ ﻭ ﻫﻮ ﻣﺤﺮﻭﻡﻣﻦ ﻛﻞ ﺷﻲﺀ ﻫﺒﻂ ﻟﻠﺴﻮﻕ ﻭ ﺷﺮﻯ ﻗﻤﺢ ﻭ ﺯﻳﺖ ﻭ ﺣﻐﻠﺔ ﻭ ﺣﻀﺮﺓﻭ ﻓﺮﻭ ﺍﻟﻌﺎﻳﻠﺔ ﺍﻟﻜﻞ ﻭ ﻗﺼﻮ ﺍﻟﻠﺤﻢ ﻭ ﻃﻴﺒﻮ ﻛﺴﻜﻲ ﻭ ﻛﻼﻭ ﻭ ﺷﺒﻌﻮﺷﺒﻌﺔ ﺑﻌﻤﺮﻫﻢ ﻣﺎ ﺷﺒﻌﻮ ﻛﻴﻔﻬﺎ، ﻭ ﻓﻲ ﺍﻟﻠﻴﻞ ﺍﻟﺤﻄﺎﺏ ﻭﻗﺖ ﺟﺎﺀﺑﺎﺵ ﻳﺮﻗﺪ ﺑﻘﻴﺔ ﺍﻟﻔﻠﻮﺱ ﻓﻤّﺎ ﺟﺮّﺓ ﻗﺪﻳﻤﺔ ﺭﻣﻰ ﻭﺳﻄﻬﺎ ﻛﻴﺲﺍﻟﻔﻠﻮﺱ ﻭ ﻣﺎ ﻗﺎﻝ ﻟﺤﺘﻰ ﺃﺣﺪ

ﻭ ﻣﻊ ﺍﻟﺼّﺒﺎﺡ ﺑﻜﺮﻱ ﻣﺘﻌﺪﻱ ﺍﻟﺮﻭﺑﺎﻓﻴﻜﻴﺎ ﻳﻠﻲ ﻳﺸﺮﻱ ﻓﻲ ﺍﻟﺤﻮﺍﻳﺞﻗﺪﻳﻤﺔ ﻳﺼﻴﺢ ﻳﻠﻲ ﻋﻨﺪﻙ ﻣﺎﻋﻮﻥ ﻗﺪﻳﻢ ﻟﻠﺒﻴﻊ .. ﻗﺎﻟﺖ ﺍﻷﻡ ﻷﺣﺪ ﺑﻨﺎﺗﻬﺎﺑﺎﻟﻠﻪ ﺧﺮﺝ ﻫﺎﻙ ﺍﻟﺠﺮﺓ ﺍﻟﻘﺪﻳﻤﺔ ﺑﻴﻌﻬﺎﻟﻮ، ﻗﻠﺒّﻬﺎ ﻭ ﻋﻄﺎﻫﻢ 1 ﻓﺮﻧﻚﻓﻴﻬﺎ ، ﻭ ﻣﻊ ﻃﻠﻮﻉ ﺍﻟﺸﻤﺲ ﻭ ﺍﻟﺤﻄﺎﺏ ﺻﺒﺢ ﺭﺍﻗﺪ ﻋﺎﺭﻑ ﻋﻨﺪﻭﺑﺮﺷﺎ ﻓﻠﻮﺱ، ﺟﺎﺀ ﻳﺸﻮﻑ ﻋﻠﻰ ﺍﻟﺠﺮﺓ ﻣﺎﻟﻘﺎﻫﺎﺵ، ﻳﺼﻴﺢ ﻭ ﻳﻀﺮﺏﻓﻲ ﺧﺪﻭﺩﻭ ﻭﻳﻨﻲ ﺍﻟﺠﺮّﺓ ؟ ﻭﻳﻨﻲ ﺍﻟﺠﺮﺓ ؟ ﻗﺎﺗﻮ ﺍﻟﻤﺮﺃﺓ ﺗﻲ ﺟﺮّﺓﻗﺪﻳﻤﺔ ﺃﺵ ﻋﻨﺪﻙ ﺗﻌﻤﻞ ﺑﻴﻬﺎ ﺗﻲ ﺍﻟﻴﻮﻡ ﺑﻌﺘﻬﺎ ﺏ 1 ﻓﺮﻧﻚ ﺍﻟﺼﺒﺎﺡ ،ﻗﺎﻟﻬﺎ ﺗﺒﻴﻊ ﻭ ﻣﺎ ﺗﺸﺎﻭﺭﻧﻴﺶ ؟ ﻗﺎﻟﻬﺎ ﻫﺎﺫﻳﻜﺎ ﺣﺎﻁ ﻓﻴﻬﺎ 1000ﺩﻳﻨﺎﺭ !!! ﻭ ﺍﻟﺤﺎﺻﻞ ﻗﺎﻝ ﺷﻨﻴﺎ ﺍﻟﻔﺎﻳﺪﺓ ﺍﻷﻥ .. ﻫﺰ ﺍﻟﻔﺄﺱ ﻣﺘﺎﻋﻮ ﻭﺧﺮﺝ ﻟﻠﻐﺎﺑﺔ ﻭ ﻳﻌﺮﺿﻮ ﺍﻟﺸﺎﺏ ﻣﺮﺓ ﺃﺧﺮﻯ، ﻗﺎﻟﻮ ﻳﺎ ﺑﺎﺑﺎ ﻭﻳﻦ ﻣﺎﺷﻲﻫﺎﻟﺼﺒﺎﺡ ﻣﻮﺵ ﻋﻄﻴﺘﻚ 1000 ﺩﻳﻨﺎﺭ ؟ ﺣﻜﺎﻟﻮ ﺍﻟﺤﻜﺎﻳﺔ ﻛﻴﻔﺎﻩﺧﺒﺎﻫﻢ ﻓﻲ ﺍﻟﺠﺮﺓ ﻭ ﺯﻭﺟﺘﻪ ﺑﺎﻋﺖ ﺍﻟﺠﺮﺓ ﻭﻟّﻰ ﻋﻄﺎﻩ 1000 ﺩﻳﻨﺎﺭﺃﺧﺮﻯ ﻭ ﺍﻟﺮﺍﺟﻞ ﻛﻴﻒ ﺍﻟﻌﺎﺩﺓ ﻓﺮﺡ ﺍﻟﺤﻄﺎﺏ ﻭ ﻫﺒﻂ ﻟﻠﺴﻮﻕ ﻭﺷﺮﻯ ﻛﻞ ﺍﻟﺨﻴﺮﺍﺕ ﻭ ﺑﻌﺪ ﻓﻲ ﺍﻟﻠﻴﻞ ﺑﻘﻴﺔ ﺍﻷﻟﻒ ﺩﻳﻨﺎﺭ ﻗﺎﻝ ﻭﻳﻦﺑﺎﺵ ﻧﺨﺒﻴﻬﻢ ﺍﻟﻤﺮﺓ ﻫﺬﻩ ؟ ﻭﻟﻰ ﻟﻘﻰ ﻛﺪﺱ ﺯﺑﻠﺔ ﺣﺎﺷﺎﻛﻢ ﺣﻂ ﻛﻴﺲﺍﻟﻔﻠﻮﺱ ﺗﺤﺘﻪ ﻭ ﺧﺒﺎﻩ ﻏﺎﺩﻱ ﻗﺎﻝ ﻟﻠﺼﺒﺎﺡ ﺗﻮ ﻧﻬﺰﻭ، ﻭ ﻟﻜﻦ ﻣﻦﻏﺪﻭﺓ ﺍﻟﺼﺒﺎﺡ ﻗﺎﻣﺖ ﻃﻔﻠﺔ ﺗﻨﻈﻒ ﻓﻲ ﺍﻟﺪﺍﺭ ﻭ ﻋﺒﺖ ﺳﺎﻙ ﺍﻟﺰﺑﻠﺔﺍﻟﻜﻞ ﻭ ﻃﻴﺸﺎﺗﻮ ﻭ ﻋﻄﺎﺗﻮ ﻟﻠﺰﺑﺎﻝ .. ﻗﺎﻡ ﺍﻟﺮﺍﺟﻞ ﻳﻠﻘﻰ ﺍﻟﺰﺑﻠﺔ ﺗﻬﺰﺕﻭ ﻗﺎﻣﺖ ﺍﻟﻘﻴﺎﻣﺔ ﻛﺎﻟﻌﺎﺩﺓ .. ﻫﻴﺎ ﻫﺰ ﻓﺄﺳﻪ ﻭ ﻃﻠﻊ ﻛﻜﻐﺎﺑﺔ ﻣﻦﺟﺪﻳﺪ ﻭ ﻣﻦ ﻏﻴﺮ ﻣﺎ ﻧﻄﻮﻟﻮ ﺑﺎﻟﻜﻼﻡ ﻳﻠﻘﻰ ﺍﻟﺸﺎﺏ ﺯﺍﺩﺓ ﻭﺍﻗﻒ ﻭﻋﻄﺎﻩ ﺃﻟﻒ ﺩﻳﻨﺎﺭ ﺃﺧﺮﻯ ﻭ ﻫﺒﻂ ﺷﺮﻯ ﻭ ﻓﺎﻟﻠﻴﻞ ﻏﺮﺑﺎﻝ ﺩﻗﻴﻖ ﺣﺸﻰﻓﻴﻪ ﺍﻟﻜﻴﺲ ﺍﻟﻔﻠﻮﺱ ﻭ ﻓﻲ ﺍﻟﻨﻬﺎﺭ ﻗﺎﻡ ﻣﺎﻟﻘﺎﺵ ﺍﻟﻐﺮﺑﺎﻝ ﻣﺘﺎﻉﺍﻟﺪﻗﻴﻖ ! ﻳﺎ ﻣﺮﺃﺓ ﻣﻮﺵ ﻛﺎﻥ ﻓﻤﺎ ﻏﺮﺑﺎﻝ ﺩﻗﻴﻖ ﻟﻬﻨﺎ ؟؟؟؟ ﻗﺎﺗﻠﻮﺑﻌﺘﻮ ﺍﻟﺼﺒﺎﺡ

ﻧﺮﺟﻌﻮ ﻟﻠﺮﺯﻕ ﻭ ﺍﻟﺒﺮﻛﺔ ، ﻗﺎﻟﺖ ﺍﻟﺒﺮﻛﺔ : ﻳﺎ ﺭﺯﻕ ﺃﻩ ﺃﺵ ﻋﻤﻠﺖ ؟ﻗﺎﻟﻬﺎ ﺍﻟﻤﺮﺓ ﺍﻷﻭﻟﻰ ﻧﻌﻄﻴﻪ 1000 ﺩﻳﻨﺎﺭ ﻭ ﺍﻟﻤﺮﺓ ﺍﻟﺜﺎﻧﻴﺔ ﺃﻟﻒﺩﻳﻨﺎﺭ ﻭ ﺍﻟﻤﺮﺓ ﺍﻟﺜﺎﻟﺔ ﺃﻟﻒ ﺩﻳﻨﺎﺭ ﻣﺸﺎﻭ ﻛﻞ ﺃﻟﻒ ﻣﺎ ﻳﻘﻀﻲ ﻣﻨﻬﺎ ﺇﻻﻗﻀﻴﺔ ﻧﻬﺎﺭ ! ﻗﺎﻟﺖ ﺍﻟﺒﺮﻛﺔ : ﻫﺎﺫﺍﻛﺎ ﻣﻦ ﻗﻠﺔ ﺍﻟﺒﺮﻛﺔ، ﺃﻗﻌﺪ ﺗﻔﺮﺝ ﻳﺎﺭﺯﻕ ..ﻗﻮﻟﻨﺎ ﺍﻟﺤﻄﺎﺏ ﺗﻌﺎﺭﻙ ﻫﻮ ﻭ ﺯﻭﺟﺘﻪ ﻋﻠﻲ ﻏﺮﺑﺎﻝ ﺍﻟﺪﻗﻴﻖ ﻳﻠﻲ ﺑﻌﺎﺗﻮﻭ ﻟﻌﻦ ﺍﻟﺸﻴﻄﺎﻥ ﻭ ﻃﻠﻊ ﻛﺎﻟﻌﺎﺩﺓ ﻟﻠﻐﺎﺑﺔ، ﻳﻠﻘﻰ ﻫﺎﻟﻤﺮﺃﺓ ﻻﺑﺴﺔﺳﻔﺴﺎﺭﻱ ﻭ ﻭﺟﻬﺎ ﻣﻨﻮّﺭ، ﻗﺎﺗﻠﻮ : ﺻﺒﺎﺡ ﺍﻟﺨﻴﺮ ﻳﺎ ﻭﻟﺪﻱ ، ﻗﺎﻟﻬﺎﻧﻬﺎﺭﻙ ﺳﻌﻴﺪ ﻳﺎ ﺃﻣﻲ ، ﻗﺎﺗﻠﻮ ﻭﻳﻦ ﻣﺎﺷﻲ ؟ ﻗﺎﻟﻬﺎ ﻣﺎﺷﻲ ﻧﺤﻄّﺐ،ﻗﺎﺗﻠﻮ : ﺗﺎﺧﺬﺵ ﻫﺎﻟﺪﻳﻨﺎﺭ ﻭ ﻓﻴﻪ ﺍﻟﺒﺮﻛﺔ ؟ﻗﺎﻟﻬﺎ ﺍﻟﻠﻪ ﻳﺒﺎﺭﻙ ﻭ ﺃﺧﺬ ﻣﻦ ﻋﻨﺪﻫﺎ 1 ﺩﻳﻨﺎﺭ ﻭ ﻣﺸﻰ ﺑﺎﺵ ﻳﻘﻀﻲ ﻭﻗﺎﻝ ﻛﻞ ﻧﻬﺎﺭ ﻟﺤﻢ ﺧﻠّﻲ ﻫﺎﻟﻤﺮﺓ ﻧﺎﺧﺬ ﺣﻮﺕ ﻭ ﺷﺮﻯ ﺣﻮﺗﺔ ﺑﺎﻫﻴﺔﻧﻮﺩﻛﻢ ﻭ ﻻ ﻧﺸﻬﻴﻜﻢ، ﻭ ﺷﻮﻱ ﺧﻀﺮﺓ ﺻﺮﻑ ﻧﺼﻒ ﺩﻳﻨﺎﺭ .. ﻓﺮﺣﻮﺑﻨﺎﺕ ﺍﻟﺤﻄﺎﺑّﻮ ﺯﻭﺟﺘﻪ ﺑﻬﺎﻙ ﺍﻟﺤﻮﺗﺔ، ﻭﺍﺣﺪﺓ ﺗﻘﺺ ﻭ ﻭﺍ ﺍﻟﺤﺪﺓ ﺗﺤﻀﺮﻭ ﻭﺍﺣﺪﺓ ﺗﻐﺴﻞ، ﻫﻮﻣﺎ ﺷﻘﻮ ﺍﻟﺤﻮﺗﺔ ﻟﻘﺎﻭ ﻓﻴﻬﺎ ﻛﻌﺒﺔ ﺑﻠﻮﺭ ، ﺭﻣﺘﻬﺎﻭﺍﺣﺪﺓ ﻣﻦ ﺍﻟﺒﻨﺎﺕ ﻭﺭﺍﺀ ﺑﺎﺏ ﺍﻟﺒﻴﺖ ﻭ ﻫﻴﺎ ﻳﺎ ﺳﻴﺪﻱ ﺗﻌﺸﻮﺍ ﺣﻤﺪﻭﺍﺭﺑﻲ ﻭ ﺷﻜﺮﻭﻩ، ﻭ ﺭﻗﺪﻭﺍ

ﻣﻊ ﻣﻨﺘﺼﻒ ﺍﻟﻠﻴﻞ ﻳﺴﻤﻌﻮ ﻓﻲ ﺍﻟﺒﺎﺏ ﻳﺪﻕ، ﻗﺎﻡ ﺍﻟﺤﻄﺎﺏ، ﺣﻞ ﺍﻟﺒﺎﺏﻳﻠﻘﻰ ﺭﺍﺟﻞ ﻣﺎ ﻳﻌﺮﻓﻮﺵ ﻗﺎﻟﻮ ﻳﺎ ﺳﻴﺪﻱ ﻳﺎﺧﻲ ﺍﻧﺖ ﻣﺎﻛﺶ ﻓﺎﻃﻦ ؟ﻣﺎﻛﺶ ﺗﺸﻮﻑ ﻓﻲ ﻫﺎﻟﻀﻮﺀ ﻭ ﺍﻟﻨﻮﺭ ﻳﻠﻲ ﻃﺎﻟﻊ ﻣﻦ ﻭﺭﺍﺀ ﺑﺎﺑﻚ ؟ﺩﺧﻞ ﺷﺎﻑ ﻳﻠﻘﻰ ﻫﺎﻙ ﻗﻄﻌﺔ ﺍﻟﺒﻠﻮﺭ ﻛﻠﻬﺎ ﻧﻮﻭﻭﺭ ﺗﺸﻌﻞ ﻗﺎﻟﻮ ﻫﺬﻩﺟﻮﻫﺮﺓ ﺛﻤﻨﻬﺎ ﻏﺎﻟﻲ ﻭ ﺟﻮﻫﺮﺓ ﻛﻴﻒ ﻫﺬﻩ ﻣﺎ ﻳﻜﺴﺒﻮﻫﺎﺵﺍﻟﺴﻼﻃﻴﻦ، ﻫﺬﻩ ﺭﺍﻫﻲ ﺗﺠﻴﺒﻠﻚ ﺍﻟﻤﻀﺮﺓ، ﻗﺎﻟﻮ ﺭﺍﻫﻮ ﺳﻮﻣﻬﺎ ﻏﺎﻟﻲ،ﻛﺎﻥ ﻧﺸﺮﻳﻬﺎ ﻣﻨﻚ ﺑﺴﻮﻣﻬﺎ ﺗﻮ ﻳﻘﻮﻟﻮ ﻫﺎﻟﺮﺍﺟﻞ ﺍﻟﻤﺎﻝ ﻣﻨﻴﻦ ﺟﺎﻩ !ﺃﻣﺎ ﻫﻴﺎ ﻧﻌﻤﻠﻮ ﺣﻴﻠﺔ ﻗﺎﻟﻮ ﺃﺗﻮ ﺃﻧﺎ ﻧﻌﻤﻞ ﺭﻭﺣﻲ ﺟﺎﻱ ﻣﻦ ﺍﻹﺳﻜﻨﺪﺭﻳﺔﻭ ﺟﺎﻳﺒﻠﻚ ﺍﻟﻮﺭﺛﺔ ﻣﺘﺎﻉ ﺧﻮﻙ ﻭ ﺍﻧﺖ ﺗﺨﺒﻴﻠﻲ ﺍﻟﺠﻮﻫﺮﺓ ﻓﻲ ﺻﻨﺪﻭﻕ ﻭﺗﻌﻄﻴﻬﺎﻟﻲ ..ﻫﻴﺎ ﻣﻦ ﻏﺪﻭﺓ ﺭﺍﺟﻞ ﻣﺼﺮﺍﻭﻱ ﻳﺪﻭﺭ ﻓﻲ ﺍﻟﻤﺪﻳﻨﺔ ﺍﻟﻌﺮﺑﻲ ﻳﻠﻮﺝ ﻋﻠﻰﻓﻼﻥ ﺍﻟﺤﻄﺎﺏ ﺟﺎﻳﺒﻠﻮ ﻭﺭﺛﺘﻪ ﻣﻦ ﻣﺼﺮ، ﻭﺻﻞ ﻟﻠﻘﻬﻮﺓ ﻗﺎﻟﻮﻟﻮ ﻫﺎﻭﻓﻼﻥ ﻳﺴﻜﻦ ﻏﺎﺩﻱ ﻭ ﺣﺴﺐ ﺭﻭﺣﻮ ﺟﺎﻳﺒﻠﻮ ﺍﻟﻮﺭﺗﺔ ﻭ ﻋﻄﺎﻩ 100ﺃﻟﻒ ﺩﻳﻨﺎﺭ ﻭ ﻫﺎﻙ ﺍﻟﺮﺍﺟﻞ ﻫﺰ ﺍﻟﺠﻮﻫﺮﺓ ..ﻭ ﻣﻦ ﻏﺪﻭﺓ ﺳﻲ ﺍﻟﺤﻄﺎﺏ ﺟﺎﺏ ﺍﻟﺒﻨﺎﻱ ﻭ ﺑﺪﺃ ﻳﻄﻠﻊ ﻓﻲ ﺍﻟﺪﺍﺭ ﻭﺷﺮﻯ ﺣﺎﻧﻮﺕ ﻓﻲ ﻭﺳﻂ ﺍﻟﻤﺪﻳﻨﺔ ﻭ ﺑﻨﺎﺗﻮ ﺍﻟﺴﺒﻌﺔ ﻋﺮﺳﻮ ﺑﻮﻟﺪﺍﻟﻘﺎﺿﻲ ﻭ ﻭﻟﺪ ﺷﻬﺒﻨﺪﺍﺭ ﺍﻟﺘﺠﺎﺭ ﻭ ﻭﻟﺪ ﺍﻟﻄﺒﻴﺐ .. ﻭ ﺳﻲ ﺍﻟﺤﻄﺎﺏﻭﻟﻰ ﺳﻲ ﻓﻼﻥ ﻣﻦ ﺃﻋﻴﺎﻥ ﺍﻟﺒﻼﺩ ..ﻭ ﺍﻟﺒﺮﻛﺔ ﻗﺎﻟﺖ ﻟﻠﺮﺯﻕ : ﺃﺵ ﻗﻮﻟﻚ ؟ ﻗﺎﻟﻬﺎ : ﺯﺍﻳﺪ ﺑﻼ ﺑﻴﻚ ﻣﺎﻧﺴﻮﺍﺵ ..ﻭﻓﺎﺕ ﺍﻟﺤﻜﺎﻳﺔ ﺍﻥ ﺷﺎﺀ ﺍﻟﻠﻪ ﺗﻜﻮﻥ ﻋﺠﺒﺘﻜﻢ ﻭ ﺍﻟﻠﻪ ﻳﺒﺎﺭﻛﻠﻢ ﻓﻲﺃﻋﻤﺎﻟﻜﻢ ﻭ ﺃﺭﺯﺍﻗﻜﻢ

ﺣﻜﺎﻳﺔ " ﻳﺎ ﻇﺎﻟﻢ ﻟﻴﻚ ﻳﻮﻡ "

noreply@blogger.com (Anonymous) — Tue, 03 Mar 2015 13:45:00 +0000

ﻳﺤﻜﻴﻮ ﻋﻠﻰ ﺳﻠﻄﺎﻥ ﻭ ﻣﺎ ﺳﻠﻄﺎﻥ ﺇﻻ ﺍﻟﻠﻪ، ﻋﻤﺮﻭ ﻣﺎ ﺷﻘّﻮ ﺍﻟﻀﻨﺎ،ﻣﺘﺤﻴّﺮ ﻭ ﻋﻴﺸﺘﻮ ﻣﻨﻜﺪﺓ ﺑﻌﺪ ﻣﻤﺎﺗﻪ ﺷﻜﻮﻥ ﺑﺎﺵ ﻳﺨﻠﻔﻮ ﻋﻠﻰﺍﻟﻜﺮﺳﻲ، ﻧﻬﺎﺭ ﺇﻳﺨﻤﻢ ﻭ ﻟﻴﻞ ﺇﻳﺨﻤﻢ، ﺣﺘﻰ ﻗﺎﻝ ﻟﻮ ﻛﺎﻥ ﻧﺄﺧﺬ ﻣﺮﺃﺓﺃﺧﺮﻯ ؟ ﻟﻜﻦ ﻗﺎﻝ ﺯﻭﺟﺘﻲ ﻫﺬﻩ ﻣﺴﻜﻴﻨﺔ ﺑﺎﺵ ﻧﻐﻴﺮﻫﺎ، ﺑﻨﺖ ﻋﻤّﻲ ﻭﺷﺮﻳﻜﺘﻲ ﻓﻲ ﻋﻤﺮﻱ ﻭ ﺗﻌﺰ ﻋﻠﻴﺎ، ﺇﻳﻄﻠﻖ ﻣﻮﺵ ﻣﻤﻜﻦ .. ﻟﻴﻞ ﺑﻄﻮﻟﻪﻭ ﻫﻮ ﺇﻳﺨﻤﻢ ..ﻫﻴﺎ ﺣﺘﻰ ﻧﺎﺩﻯ ﻟﻠﻮﺯﻳﺮ ﻭ ﻗﺎﻟﻮ ﺇﻧﺤﺒﻚ ﺗﺎﺧﺬﻟﻲ ﻣﺮﺃﺓ، ﻭ ﻧﺤﺐ ﻓﻲﺍﻟﺨﻔﺎﺀ ﻣﺎ ﻳﺴﻤﻊ ﺣﺘﻰ ﺃﺣﺪ، ﺷﻮﻓﻠﻲ ﺑﻨﺖ ﻧﺎﺱ ﻗﻼﻟﺔ، ﺭﺍﺱ ﻭﺍﻃﻲﻭ ﺣﺸﻤﺔ ﻭ ﺗﺮﺑﻴﺔ ﻭ ﺧﻠﻴﻘﺔ ﻣﻠﻴﺤﺔ ﻭ ﺃﻣﺎ ﻣﺎ ﻧﺤﺒﻬﺎﺵ ﺗﻌﺮﻓﻨﻲ ﺃﻧﺎﺷﻜﻮﻧﻲ ﺑﺎﻟﻜﻞ !ﻗﺎﻝ ﺍﻟﻮﺯﻳﺮ ﺣﺎﺿﺮ ﻳﺎ ﺳﻴﺪﻱ ﺍﻟﺴﻠﻄﺎﻥ ، ﻭ ﻣﺸﻰ ﺍﻟﻮﺯﻳﺮ ﻋﻨﺪﻭ ﺃﺧﺘﻮﻣﻦ ﺍﻟﺮﺿﺎﻋﺔ ﻫﺎﻙ ﺍﻟﻌﺎﻡ ﻋﻨﺪﻫﺎ ﺑﻨﻴﺔ ﺻﻐﻴﺮﺓ ﻭ ﺳﺎﻋﺎﺕ ﺗﺠﻴﺒﻬﺎ ﻣﻌﺎﻫﺎﻟﺪﺍﺭ ﺍﻟﻮﺯﻳﺮ، ﻃﻔﻠﺔ ﺍﻟﺘﺮﺑﻴﺔ ﻭ ﺍﻟﺰﻳﻦ ﻭ ﺍﻟﻘﻠﺐ ﺍﻟﺤﻨﻴﻦ .. ﻫﻴﺎ ﻗﺎﻟﻬﺎ ﻳﺎﻓﻼﻧﺔ ﻫﺎﻧﻲ ﻟﻘﻴﺘﻠﻚ ﺭﺍﺟﻞ ﻟﺒﻨﺘﻚ ﺗﻌﻄﻴﻬﺎﺵ ؟ ﻗﺎﺗﻠﻮ ﻳﺎ ﺳﻴﺪﻱﺍﻟﻮﺯﻳﺮ ﺃﻧﺎ ﻋﻨﺪﻱ ﻃﻔﻠﺔ ﻣﻌﺎﻙ ؟ ﻳﻠﻲ ﻋﻤﻠﺖ ﻣﺒﺮﻭﻙ .. ﻫﻴﺎ ﻣﺨﺘﺼﺮﺍﻟﺤﺪﻳﺚ ﺗﻜﺘﺐ ﺍﻟﺼﺪﺍﻕ ﻭ ﻋﺮّﺳﻮ ﻭ ﻭﻟﻰ ﺍﻟﺴﻠﻄﺎﻥ ﻛﻞ ﻟﻴﻠﺔ ﻳﺘﻨﻜﺮ ﻭﻳﻤﺸﻴﻠﻬﺎ ﻭ ﻳﻘﻮﻝ ﺧﺪﻣﺘﻮ ﻳﺎﺳﺮ ﻭ ﻫﻴﺎ ﻣﺎ ﺗﻌﺮﻓﺶ ﻳﻠﻲ ﻫﻮ ﺳﻠﻄﺎﻥ،ﻭ ﻣﺎ ﻓﻴﺒﺎﻟﻮ ﺑﺎﻟﺤﻜﺎﻳﺔ ﺇﻻ ﺍﻟﻮﺯﻳﺮ، ﻫﻴﺎ ﻳﺎ ﺳﻴﺪﻱ ﻃﻠﻊ ﻋﻠﻴﻬﺎ ﺷﻬﺮﺻﺤﻴﺢ ﻭﻟﺪﺕ ﺟﺎﺑﺖ ﻭﻟﻴّﺪ، ﺭﺑّﺎﻭ ﻫﺎﻙ ﺍﻟﺼﻐﻴﺮ، ﺣﺒﺎ ﻭ ﺩﺑﺎ ﻭ ﺷﺪ ﻓﻲﺍﻟﺤﻴﻂ ﻭ ﻣﺸﻰ، ﻫﺰﻭﻩ ﻟﻠﻜﺘّﺎﺏ

ﻭ ﻟﻜﻦ ﺯﻭﺟﺔ ﺍﻟﺴﻠﻄﺎﻥ ﺍﻷﻭﻟﻰ ﻭ ﻟﻮ ﻣﺎ ﺳﺎﻣﻌﺔ ﺑﺤﺘﻰ ﺷﻲﺀ، ﺣﺒﻠﺖﺟﺎﺑﺖ ﻭﻟﻴّﺪ .. ﻭ ﻓﺮﺣﺔ ﻭ ﺩﻧﻴﺎ ﺯﺍﻳﻄﺔ، ﺍﻟﺒﻼﺩ ﺍﻟﻜﻞ ﺗﺰﻳﻨﺖ، ﻫﻴﺎ ﻛﺒﺮﻫﺎﻙ ﺍﻟﻮﻟﻴﺪ ﻫﺬﺍﻛﺎ ﻭ ﻟﻜﻦ ﺗﺮﺑﻰ ﻛﻴﻒ ﺃﻭﻻﺩ ﺍﻟﺴﻼﻃﻴﻦ، ﻛﻠﻤﺘﻮ ﻣﺎﺗﺘﺮﺩﺵ ﻭ ﻧﺎﺱ ﺍﻟﻜﻞ ﻳﻘﻮﻟﻮﻟﻮ ﺳﻴﺪﻱ ﺳﻴﺪﻱ .. ﻭ ﻣﺎ ﻳﺤﻜﻢ ﺇﻻ ﻫﻮﻭ ﺻﻐﺮﻭ ﺍﻟﻜﻞ ﻓﻲ ﺍﻟﺰﻫﻮ ﻭ ﺍﻟﻠﻌﺐ ﻭ ﺍﻟﻤﺼﻴﺪ ..ﻭ ﻟﻜﻦ ﺍﻟﻄﻔﻞ ﺍﻷﺧﺮ ﻗﻮﻟﻨﺎ ﺩﺧﻞ ﻟﻠﻜﺘّﺎﺏ ﻣﻠﻲ ﻫﻮ ﺻﻐﻴﺮّ، ﻃﻔﻞﻗﺎﺭﻱ ﻭ ﺣﺎﻓﻆ ﻭ ﺃﺧﻼﻕ ﻭ ﺗﺮﺑﻴﺔ ﻭ ﺣﻜﻤﺔ، ﻛﺒﺮ ﻭﻟﻰ ﻣﺮﻭ ﻛﻴﻒ 20ﺳﻨﺔﺍﻟﺴﻠﻄﺎﻥ ﻗﺎﻝ ﺗﻮ ﻫﺬﺍ ﻭﻟﺪﻱ ﻭ ﻫﺬﺍ ﻭﻟﺪﻱ، ﻭ ﻫﺬﺍﻛﺎ ﺍﻟﻜﺒﻴﺮ ﻫﻮﺍﻷﺣﻖ ﻭ ﺑﺎﻟﻤﻠﻚ ﻣﻦ ﺑﻌﺪﻱ، ﺑﺎﻷﺧﺺ ﺗﺮﺑﻴﺔ ﻣﺘﺎﻋﻮ ﻣﻠﻴﺤﺔ ﻭ ﻫﺬﺍ ﻭﻟﺪﺍﻟﺴﻠﻄﺎﻧﺔ ﺍﻟﻄﻔﻞ ﺍﻟﺼﻐﻴﺮ ﻣﺎ ﺟﺎﺵ ﺣﺎﺟﺔ ﺑﺎﻫﻴﺔ ﻳﻌﺮﻑ ﻛﺎﻥ ﻳﺤﻘﺮّﺍﻟﻌﺒﺎﺩ، ﺗﻘﻌﺪ ﺍﻟﺮﻋﻴﺔ ﺗﻘﻠﻞ ﻋﻠﻴﺎ ﻓﻲ ﺍﻟﺮﺣﻤﺔ!!ﻻﺯﻡ ﻣﺎ ﻳﻮﺭﺛﻨﻲ ﻓﻲ ﺍﻟﻤﻠﻚ ﺇﻻ ﻭﻟﺪﻱ ﺍﻟﻜﺒﻴﺮ ! ﻟﻜﻦ ﻗﺎﻝ ﺗﻮ ﺣﺘﻰﺃﺣﺪ ﻣﺎ ﻳﻌﺮﻓﻮ ﻭ ﻧﻬﺎﺭ ﻳﻠﻲ ﻧﻤﻮﺕ ﺷﻜﻮﻥ ﺑﺎﺵ ﻳﺴﺘﻌﺮﻑ ﺑﻴﻪ، ﻣﺮﺽﻫﺎﻙ ﺍﻟﺴﻠﻄﺎﻥ ﻭ ﺧﺎﻳﻒ ﻭ ﺇﻳﺨﻤﻢ ﺑﺎﻟﻚ ﺇﻳﻤﻮﺕ ﻭ ﺣﺘﻰ ﺃﺣﺪ ﻣﺎ ﻳﻌﺮﻑﻳﻠﻲ ﻫﺬﺍﻛﺎ ﻭﻟﺪﻭ، ﻭ ﺣﺘﻰ ﻫﻮ ﻣﺎ ﻳﻌﺮﻓﺶ ﻋﻠﻰ ﻧﻔﺴﻪ ﻳﻠﻲ ﻫﻮ ﻭﻟﺪﺳﻠﻄﺎﻥ ....ﻣﺎ ﺻﺪﻕ ﺍﻧﻪ ﺑﺮﻯ ﺷﻮﻱ ﻗﺎﻝ ﻫﻴﺎ ﺇﺭﺑﻄﻮﻟﻲ ﺍﻟﻜﺮﻭﺳﺔ ﻭ ﺭﻛﺐ ﻭﺍﻟﻮﺯﻳﺮ ﺑﺠﻨﺒﻪ ﻭ ﻋﺴﻜﺮ ﺍﻟﺨﻴّﺎﻟﺔ ﻣﻦ ﻗﺪﺍﻡ ﻭ ﻣﻦ ﺗﺎﻟﻲ، ﺍﻟﻜﺮﻭﺳﺔﺷﻘﺖ ﺍﻟﺒﻼﺩ ﻭ ﺍﻟﻨﺎﺱ ﺗﺘﻨﺎﺷﺪ ﺯﻋﻤﺎ ﺍﻟﺴﻠﻄﺎﻥ ﻭﻳﻦ ﻣﺎﺷﻲ، ﺣﺘﻰﻭﺻﻞ ﻟﺰﻧﻘﺔ ﻗﺎﻝ ﺍﻟﺴﻠﻄﺎﻥ ﺍﺩﺧﻞ ﻟﻠﺰﻧﻘﺔ ﻫﺬﻩ، ﻫﺒﻂ ﺍﻟﺴﻠﻄﺎﻥ ﻭﻣﻌﺎﻩ ﺍﻟﻮﺯﻳﺮ ﻭ ﺍﻟﻌﺴﻜﺮ، ﺩﺯ ﺍﻟﺒﺎﺏ، ﺩﺧﻞ ، ﺍﻟﻤﺮﺃﺓ ﺗﻔﺠﻌﺖ ﺃﻩﺷﻨﻮﺍ ﻫﺬﺍ ؟؟ ﻗﺎﻟﻬﺎ ﺃﻧﺎ ﺭﺍﺟﻠﻚ ﺃﻧﺎ ﺍﻟﺴﻠﻄﺎﻥ، ﻫﻮﻣﺎ ﻫﺎﻛﺎﻛﺎ ﻭ ﺍﻟﻮﻟﺪﺟﺎﺀ، ﺩﺧﻞ ﻳﻠﻘﻰ ﺍﻟﺴﻠﻄﺎﻥ ﻗﺎﻋﺪ ﻋﻠﻰ ﻛﺮﺳﻲ ﻭﺳﻂ ﺍﻟﺪﺍﺭ، ﻗﺎﻟﺖﺃﻣﻪ ﻫﺬﺍﻛﺎ ﺃﺑﻮﻙ ﺭﺍﻫﻮ، ﻫﻴﺎ ﻣﻦ ﻏﻴﺮ ﻣﺎ ﻧﻄﻮﻟﻮ ﺍﻟﺤﺪﻳﺚ ﺣﻀﺮﺕﻛﺮﻭﺳﺔ ﺃﺧﺮﻯ ﻭ ﺭﻛﺒﺖ ﺍﻟﻤﺮﺃﺓ ﻭ ﺃﻣﻬﺎ ﻭ ﻭﻟﺪﻫﺎ ﻭ ﻭﺻﻠﺘﻬﻢ ﻟﻠﺴﺮﺍﻳﺎﻣﺘﺎﻉ ﺍﻟﻘﺼﺮ، ﺳﻤﻌﺖ ﺍﻟﻨﺎﺱ ﺍﻟﻜﻞ ﻭ ﻭﻻﺕ ﻣﺘﻔﺮﺣﺎﺕ ﻭ ﺍﻟﻮﻟﺪ ﻧﻬﺎﺭﻛﺎﻣﻞ ﺣﺬﺍ ﺃﺑﻮﻩ ﻓﻲ ﺍﻟﻘﺼﺮ، ﻛﻞ ﻧﻬﺎﺭ ﻭ ﻫﻮ ﻓﻲ ﺍﻟﻤﺤﻜﻤﺔ ﺑﺠﺎﻧﺐﺃﺑﻮﻩ ﻭ ﻛﻞ ﺇﺩﺍﺭﺓ ﻳﻤﺸﻲ ﻳﺘﻔﻘﺪﻫﺎ ﻭ ﺗﻌﻠﻢ ﻛﻴﻔﻴﺔ ﺇﺩﺍﺭﺓ ﺷﺆﻭﻥﺍﻟﻤﻤﻠﻜﺔ ﻭ ﺍﻟﺮﻋﻴﺔ ﻛﻞ ﺷﻲﺀ، ﺑﻴﻨﻤﺎ ﺃﺧﻮﻩ ﻭﻟﺪ ﺍﻟﺴﻠﻄﺎﻧﺔ ﺍﻟﺼﻐﻴﺮﻧﻬﺎﺭ ﻛﺎﻣﻞ ﻳﻠﻌﺐ ﻭ ﻻﻫﻲ ﺑﺎﻟﻤﺼﻴﺪ ﻭ ﺍﻟﺸﻴﺨﺎﺕ .

ﺣﺘﻰ ﻣﺮﺽ ﺍﻟﺴﻠﻄﺎﻥ ﻭ ﻧﺎﺩﻱ ﻟﻠﻮﺯﺭﺍﺀ ﻭ ﺍﻟﻤﺸﺎﻳﺦ ﻭ ﺍﻟﻜﺘﺒﺔ ﻭ ﻗﺎﻟﻬﻢﺑﻌﺪ ﻣﻤﺎﺗﻲ ﺭﺍﻫﻮ ﻟﺪﻱ ﻫﺬﺍ ﺍﻟﻜﺒﻴﺮ ﻫﻮ ﻳﻠﻲ ﺑﺎﺵ ﻳﻘﻌﺪ ﻋﻠﻰﺍﻟﻜﺮﺳﻲ ﻣﻦ ﺑﻌﺪﻱ، ﻭ ﻗﺎﻝ ﻟﻮﻟﺪﻭ ﻣﺎ ﻧﻮﺻﻴﻜﺶ ﻋﻠﻰ ﺃﺧﻮﻙ ﺍﻟﺼﻐﻴﺮﺣﻄﻮ ﻓﻲ ﻋﻴﻨﻴﻚ ..ﻫﻴﺎ ﻳﺎ ﺳﻴﺪﻱ ﻣﺎﺕ ﺍﻟﺴﻠﻄﺎﻥ ﻭ ﺷﺪ ﺍﻟﻮﻟﺪ ﺍﻟﻜﺒﻴﺮ ﺍﻟﺤﻜﻢ، ﻭ ﻟﻜﻦ ﻭﻟﺪﺍﻟﺬﺭﺓ ﻣﺎﻫﻮ ﺩﻳﻤﺎ ﻣﻜﺮﻭﻩ، ﺍﻟﻮﻟﺪ ﺍﻟﻜﺒﻴﺮ ﻻﻫﻲ ﺑﺄﺧﻮﻩ ﺍﻟﺼﻐﻴﺮ ﻛﻴﻒﻣﺎ ﻭﺻﺎﻩ ﺍﻟﺴﻠﻄﺎﻥ ﻭ ﻟﻜﻦ ﺍﻟﻮﻟﺪ ﺍﻟﺼﻐﻴﺮ ﻳﻜﺮﻩ ﻭ ﻳﺤﺴﺪ ﺍﻟﻮﻟﺪﺍﻟﻜﺒﻴﺮ .. ﻳﻘﻮﻝ ﺃﻧﺎ ﺣﻘﻨﻲ ﻧﺸﺪ ﺳﻠﻄﺎﻥ ﻣﺎﻫﻮﺵ ﻫﻮ .. ﻭ ﻟﻜﻦ ﺍﻷﺥﺍﻟﻜﺒﻴﺮ ﻻﻫﻲ ﺑﺄﺧﻮﻩ ﻭ ﻣﻮﻓﺮﻟﻮ ﻛﻞ ﺷﻲﺀ ..ﻫﻴﺎ ﻳﺎ ﺳﻴﺪﻱ ﻓﻤﺎ ﻧﻬﺎﺭ ﺧﺮﺝ ﺍﻟﺴﻠﻄﺎﻥ ﻭ ﺃﺧﻮﻩ ﺍﻟﺼﻐﻴﺮ ﻭ ﺍﻟﻮﺯﻳﺮ ﻭﺑﻌﺾ ﺍﻟﻌﺴﻜﺮ ﻟﻠﻤﺼﻴﺪ، ﻫﻴﺎ ﻳﺎ ﺳﻴﺪﻱ ﺍﻷﺥ ﺍﻟﺼﻐﻴﺮ ﺷﺎﻑ ﻏﺰﺍﻟﺔﺭﺧﻰ ﺍﻟﻠﺠﺎﻡ ﻟﻠﺤﺼﺎﻥ ﻭ ﺗﺴﻴﺐ ﺑﻜﻞ ﻗﻮﺗﻪ .. ﺍﻷﺥ ﺍﻟﻜﺒﻴﺮ ﺧﺎﻑ ﻋﻠﻰﺃﺧﻮﻩ ﻭ ﺣﻂ ﻭﺭﺍﻩ ﻫﻮ ﻭ ﺍﻟﻮﺯﻳﺮ.. ﻫﻴﺎ ﺍﻟﺨﻮ ﺍﻟﺼﻐﻴﺮ ﺿﺎﻋﺖ ﻋﻠﻴﻪﺍﻟﻌﺰﺍﻟﺔ ﺟﺎﺀ ﺣﺬﺍ ﺑﻴﺮ " ﺑﺌﺮ ' ﻭ ﻗﻌﺪ ﻭ ﻳﺸﻮﻑ ﻓﻲ ﺃﺧﻮﻩ ﺍﻟﻜﺒﻴﺮﺟﺎﻱ ﻭ ﻣﻌﺎﻩ ﺍﻟﻮﺯﻳﺮ، ﺍﻷﺥ ﺍﻟﺼﻐﻴﺮ ﺣﺴﺐ ﺭﻭﺣﻮ ﺩﺍﻳﺦ ﻭ ﻋﻄﺸﺎﻥ،ﺧﻠﻂ ﺃﺧﻮﻩ ﺃﻩ ﺧﻮﻳﺎ ﺃﺷﺒﻴﻚ ؟ ﻻﺑﺎﺱ ﻋﻠﻴﻚ ؟ ﺃﺵ ﻓﻤﺎ ؟ﻗﺎﻟﻮ ﻋﻄﺸﺎﻥ ، ﻗﺎﻟﻮ ﺃﻫﺒﻂ ﻟﻠﺒﺌﺮ ﻃﻠﻌﻠﻲ ﺷﻮﻱ ﻣﺎﺀ، ﻗﺎﻝ ﺍﻟﺴﻠﻄﺎﻥﺍﻟﻠﻪ ﻳﺒﺎﺭﻙ ..ﺍﻟﻮﺯﻳﺮ ﻗﺎﻝ ﻛﻴﻒ ﺗﻬﺒﻂ ﻳﺎ ﺳﻴﺪﻱ ﻫﺎﻭ ﻧﻬﺒﻂ ﺃﻧﺎ ؟!!ﻗﺎﻝ ﺍﻟﺨﻮ ﺍﻟﻜﺒﻴﺮ " ﺍﻟﺴﻠﻄﺎﻥ " ﻟﻠﻮﺯﻳﺮ ؛ ﺍﻧﺖ ﺭﺍﺟﻞ ﻛﺒﻴﺮ ﻣﺎﺗﻨﺠﻤﺶ، ﺗﻮ ﻧﻬﺒﻂ ﺃﻧﺎ، ﻫﻴﺎ ﻭ ﺭﺑﻂ ﺍﻟﺴﻠﻄﺎﻥ ﻋﻤﺎﻣﺘﻪ ﻓﻲ ﻋﻤﺎﻣﺔﺍﻟﻮﺯﻳﺮ ﻭ ﻫﺒﻂ ﻟﻘﺎﻉ ﺍﻟﺒﻴﺮ ﻏﺎﺭﻕ .. ﻫﻮ ﻭﺻﻞ ﻟﻘﺎﻉ ﺍﻟﺒﻴﺮ ﻭ ﺍﻟﺨﻮﺍﻟﺼﻐﻴﺮ ﻗﺎﻡ ﻣﺎﻋﺎﺩﺵ ﺩﺍﻳﺦ ﻭ ﻳﺠﺒﺪ ﺍﻟﺴﻴﻒ ﻣﺘﺎﻋﻪ ﻭ ﻳﻀﺮﺏ ﺑﻴﻪﺍﻟﻌﻤﺎﻣﺔ ﻳﻘﺼﻬﺎ ﻓﻲ ﺇﺛﻨﻴﻦ ﻭ ﺍﻟﺨﻮ ﺍﻟﻜﺒﻴﺮ ﻗﻌﺪ ﻓﻲ ﻗﻠﺐ ﺍﻟﺒﻴﺮ .. ﻭﺗﻠﻔﺖ ﺍﻟﺨﻮ ﺍﻟﺼﻐﻴﺮ ﻟﻠﻮﺯﻳﺮ ﻭ ﻗﺎﻟﻮ ﺗﺘﻜﻠﻢ ﻭ ﺍﻻ ﺗﻘﻮﻝ ﺣﺎﺟﺔ ﺭﺍﺳﻚﻧﻘﺼﻬﻮﻟﻚ .. ﻭ ﺭﻛﺒﻮ ﻋﻠﻰ ﺧﻴﻮﻟﻬﻢ ﻭ ﺭﺟﻌﻮ ﻟﻠﻘﺼﺮ ﻭ ﻗﺎﻟﻮﺍﻟﺴﻠﻄﺎﻥ ﻣﺎﺕ ﻛﻼﺗﻮ ﺍﻟﺼﻴﻮﺩﺓ ﻭﺳﻂ ﺍﻟﻐﺎﺑﺔ، ﻭ ﻓﻲ ﺍﻟﺤﻴﻦ ﺻﺎﺭﺍﻟﺨﻮ ﺍﻟﺼﻐﻴﺮ ﺳﻠﻄﺎﻥ ...ﻃﺎﺡ ﺍﻟﻠﻴﻞ ﺍﻟﻮﺯﻳﺮ ﺭﻭّﺡ ﻟﺪﺍﺭﻩ، ﻗﺎﻝ ﻫﺎﺗﻮ ﺍﻟﻌﺸﺎﺀ ﻭ ﺣﻄﻮ ﻓﻲ ﻗﻔّﺔﻭ ﺭﻛﺐ ﻃﻮﻝ ﻓﻲ ﺇﺗﺠﺎﻩ ﺍﻟﺒﺌﺮ، ﻧﺎﺩﻯ : ﻳﺎ ﺳﻴﺪﻱ ؟ ﻗﺎﻝ ﻧﻌﻢ، ﻗﺎﻝﺍﻟﻮﺯﻳﺮ : ﺳﻴﺪﻱ ﺷﻮﻓﺖ ﺃﺵ ﻋﻤﻞ ﺃﺧﻮﻙ ﺍﻟﺼﻐﻴﺮ، ﻗﺎﻝ ﺍﻱ ﻧﻌﻢﺷﻮﻓﺖ ..ﻭ ﻗﺎﻝ ﺍﻟﻮﺯﻳﺮ ﺭﺍﻫﻮ ﻭﻟﻰ ﺳﻠﻄﺎﻥ ﻓﻲ ﺑﻼﺻﺘﻚ ﻭ ﺃﻧﺎ ﺭﺍﻧﻲ ﺑﺎﺵﻧﻘﻮﻝ ﻣﺮﻳﺾ ﻭ ﻧﺸﺪ ﺍﻟﺪﺍﺭ ﻭ ﻛﻞ ﻳﻮﻡ ﻧﺒﻌﺜﻠﻚ ﺍﻟﻄﻌﺎﻡ ﻣﻊ ﺍﻟﺨﺎﺩﻡ ..ﻫﻴﺎ ﻛﻞ ﻳﻮﻡ ﻭﻟﻰ ﺍﻟﺨﺎﺩﻡ ﻳﺤﻀﺮﻭﻟﻮ ﻃﻌﺎﻡ ﻭ ﻳﺮﻛﺐ ﻋﻠﻰ ﺣﺼﺎﻧﻮ ﻭﻳﻤﺸﻲ ﻃﻮﻝ ﻟﻠﺒﻴﺮ ﻭ ﻳﻌﻄﻴﻪ ﻟﻠﺨﻮ ﺍﻟﻜﺒﻴﺮ

ﻫﻴﺎ ﻟﻴﻦ ﻓﺪ ﺍﻷﺥ ﺍﻟﻜﺒﻴﺮ، ﻗﺎﻝ ﻟﻮﻗﺘﺎﻩ ﺑﺎﺵ ﻧﻮﻗﺪ ﻋﻠﻰ ﻫﺎﻟﺤﺎﻟﺔ، ﺃﻧﺎﻓﻲ ﻗﺎﻉ ﺑﻴﺮ ، ﻗﺎﻝ ﻟﻮﻛﺎﻥ ﻳﺤﻄﻮﻟﻮ ﺳﻢ ﻓﻲ ﺍﻟﻄﻌﺎﻡ ﺃﺗﻮ ﻧﻤﻮﺕ ﻭﻧﺮﺗﺎﺡ ﺣﺸﻰ ﻣﻦ ﻳﻌﺪّﻱ، ﻗﺎﻝ ﺍﻷﺥ ﺍﻟﻜﺒﻴﺮ ﻟﻠﺨﺎﺩﻡ، ﻗﻮﻝ ﺍﻟﻠﻤﺮﺃﺓ ﻳﻠﻲﺗﺤﻀّﺮﻟﻲ ﻓﻲ ﺍﻟﻄﻌﺎﻡ ﺗﺤﻄﻠﻲ ﺳﻢ ﻓﻲ ﺍﻟﻤﺎﻛﻠﺔ، ﻭ ﻟﻜﻦ ﺍﻟﻤﺮﺃﺓ ﻗﺎﻟﺖﺃﻋﻮﺫ ﺑﺎﻟﻠﻪ ﻣﺎ ﻧﺠﻤﺶ ﻧﻌﻤﻠﻬﺎ ﺃﻧﺎ ﻫﺎﻟﻌﻤﻠﺔ، ﻭ ﻟﻜﻦ ﻭﻟﻰ ﺍﻟﺨﻮ ﺍﻟﻜﺒﻴﺮﻛﻞ ﻭﻳﻦ ﺍﻳﺠﻴﻪ ﺍﻟﺨﺎﺩﻡ ﻳﻘﻮﻟﻮ ﻗﻮﻟﻠﻬﺎ ﻗﻮﻟﻠﻬﺎ .. ﺣﺘﻰ ﻟﻴﻦ ﻧﻬﺎﺭ ﻭﻻﺕﺍﻟﻤﺮﺃﺓ ﺣﻄﺖ ﺍﻟﺴﻢ ﻓﻲ ﺻﺤﻦ ﻛﺴﻜﻲ ﺑﺎﻟﺨﻈﺮﺓ .. ﻭ ﻫﻴﺎ ﻛﻴﻒﺧﺬﺍﻩ ﺍﻟﺨﺎﺩﻡ ﻣﻦ ﺑﻴﺖ ﺍﻟﻜﻮﺟﻴﻨﺔ ﻓﻲ ﺍﻟﻘﺼﺮ ﻭ ﻫﻮ ﺧﺎﺭﺝ ﺑﻴﻪ ﻋﺮﺿﻮﺍﻟﺨﻮ ﺍﻟﺼﻐﻴﺮ ﻭ ﻗﺎﻟﻮ ﺍﻳﺠﺎ ﻫﻨﺎ ﻳﺎ ﺧﺎﺩﻡ ﺷﻨﻮ ﻳﻠﻲ ﻓﻲ ﺍﻳﺪﻳﻚ ؟ ﺧﺎﻑﺍﻟﺨﺎﺩﻡ ﻭ ﻗﺎﻟﻮ ﻳﺎ ﺳﻴﺪﻱ ﺍﻟﺴﻠﻄﺎﻥ ﻫﺬﺍ ﻃﻌﺎﻡ ﺧﻮﻙ ﺍﻛﺒﻴﺮ ﻧﺨﺮﺟﻮﻓﻴﻪ ﻟﻠﻔﻘﺮﺍ،ﺀ ﻭ ﺍﻟﻤﺴﺎﻛﻴﻦ ﻗﺎﻟﻮ ﻫﺎﺕ ﺟﺎﻱ ﺍﻟﺼﺤﻦ ﻭ ﺍﺫﻫﺐ ﻣﻦﻗﺪﺍﻣﻲ ، ﺧﻮﻳﺎ ﻣﺎﺕ ﻛﻼﻩ ﺍﻟﺼﻴﺪ ﻣﻦ ﻣﺪﺓ ﻭ ﺍﻧﺘﻢ ﻣﺎﺯﻟﺘﻮ ﻃﻠﻌﻮﻟﻮ ﻓﻲﻋﺸﺎﻩ، ﻭ ﻫﺰ ﻫﺎﻙ ﺍﻟﺨﻮ ﺍﻟﺼﻐﻴﺮ ﺍﻟﺼﺤﻦ ﻭ ﺩﺧﻞ ﺑﻴﻪ ﻟﻠﻐﺮﻓﺔ ﻣﺘﺎﻋﻮﻟﻘﺎﻩ ﻛﺴﻜﻲ ﺳﺨﻮﻥ ﺍﻳﻔﻮﺭ ﻭ ﺭﻳﺤﺘﻪ ﺑﻨﻴﻨﺔ ﻫﻴﺎ ﻣﻦ ﺣﻴﻨﻪ ﺑﺪﺃ ﻳﺄﻛﻞ ﻭﻣﺎ ﻓﻴﺒﺎﻟﻮﺵ ﻳﻠﻲ ﻫﻮ ﻓﻴﻪ ﺍﻟﺴﻢ، ﻫﻴﺎ ﻣﺨﺘﺼﺮ ﺍﻟﻜﻼﻡ، ﻣﺎﺕ ﺍﻟﺨﻮﺍﻟﺼﻐﻴﺮ ﻭ ﻣﺸﻰ ﺍﻟﻮﺯﻳﺮ ﻭ ﻣﻌﺎﻩ ﺍﻟﻌﺴﻜﺮ ﻃﻠﻌﻮ ﺍﻷﺥ ﺍﻟﻜﺒﻴﺮ ﻭ ﺭﺟﻊﻭﻟﻰ ﺳﻠﻄــــــــﺎﻥ .......... ﻭ ﻳﺎ ﻇﺎﻟﻢ ﻟﻴﻚ ﻳﻮﻡ