Life is a Journey!

Ajali nyingine Morogoro

2012-08-11T06:07:00.000-07:00

Basi la kampuni ya Allys Sport Bus linalosafirisha abiria kutoka Dar es Salaam na Mwanza likiwa limeacha njia na kupinduka baada ya kutokea ajali inayodaiwa kusababishwa na basi la Shabiby lililokuwa likitokea mkoani Dodoma kwenda Dar es Salaam na kusababisha mabasi matatu kuacha njia katika eneo la Mkundi Makunganya barabaraba kuu Dodoma-Morogoro ambapo katika ajali hizo zaidi ya abiria 40 walijeruhiwa mkoani Morogoro

Mmoja wa majeruhi wa ajali ya basi la Shabiby, Deogratias Mrai akiwa katika wodi namba moja ya hospitali ya rufaa ya mkoa wa Morogoro akiuguza majeraha aliyopata kufuatia basi hilo walilokuwa wakisafiria kuacha njia na kupinduka katika eneo la Mkundi-Makunganya Manispaa ya Morogoro lililokuwa likitoka Dodoma kwenda Dar es Salaam na kusababisha mabasi matatu kuacha njia katika eneo la Mkundi Makunganya barabaraba kuu Dodoma-Morogoro ambapo katika ajali hizo zaidi ya abiria 40 walijeruhiwa.

Na : Juma Mtanda

Kutoka Morogoro -- WATU 45 wamejeruhiwa kwenye ajali baada ya mabasi matatu waliyokuwa wakisafiria kuacha njia na kupinduka eneo la Mkundi kwa Makunganya nje kidogo ya Manispaa ya Morogoro, katika Barabara ya Morogoro - Dodoma.

Ajali hiyo ilitokea saa 2:30 asubuhi kwa kuhusisha mabasi matatu, Kampuni ya Shabiby lililokuwa likitokea Dodoma kwenda Dar es Salaam, Allys Sport na Sumry yaliyokuwa yakitokea Morogoro kwenda Mwanza.

Baadhi ya majeruhi waliokuwa wakisafiri na basi la Shabiby walisema basi hilo lilianza kuyumba na baadaye kuacha njia kisha kupinduka.

Mmoja wa abiria hao, Rashid Shaaban alisema baada ya basi hilo kupinduka, ghafla waliona basi jingine la Sumry likiacha njia na kupinduka wakati lilipojaribu kulipita gari jingine jirani na eneo hilo.

Alisema kuwa wakati kukiwa na msongamano wa magari katika eneo hilo la ajali, basi jingine la Allys Sport liliacha njia na kupinduka na hivyo kutokea ajali tatu katika muda usiozidi dakika 10.

Shaaban alisema baada ya ajali hizo walitokea watu waliokuwa wakijifanya kutaka kutoa msaada, lakini lengo lao lilikuwa ni kuiba mali za majeruhi. Hata hivyo, alisema lengo lao hilo halikufanikiwa kwani muda mfupi baada ya kutokea, askari walifika na kuimarisha ulinzi.

Katika Hospitali ya Mkoa wa Morogoro, madaktari na wauguzi walionekana kuzidiwa na wagonjwa kutokana na idadi kubwa ya majeruhi waliokuwa wakihitaji huduma.

Kamanda wa Polisi Mkoa wa Morogoro, Faustine Shilogile alithibitisha kutokea kwa ajali hizo na kusema kuwa uchunguzi wa awali umebaini kuwa zimetokana na utelezi na mwendo kasi.

NDEREMO NA VIFIJO SIKU YA TAREHE 4/08/2012

2012-08-08T10:17:00.000-07:00

Mdau Raymond na Bibie Janeth wakiwa kanisani tayari kula viapo vyao vya ndoa hadi kifo kiwatenganishe...

Hapa ni baada ya viapo na sasa ni mr and mrs Mkandawile

Maharusi wakiteta jambo baada ya kunganishwa na kuwa mwili mmoja

Bwana na bibi Harusi wakiwa nanyuso za furaha...

Maharusi na wapambe wao wakiwa kwenye picha ya pamoja

Rais JK atangaza Baraza La Mawaziri.....

2012-05-04T12:11:00.000-07:00

Rais Jakaya Mrisho Kikwete akiongea na Makamu wa Kwanza wa Rais Dkt Mohamed Gharib Bilali na Waziri Mkuu Mh Mizengo Pinda baada ya kutangaza Baraza la Mawaziri leo April 4, 2012
(PICHA IKULU)

Rais Jakaya Mrisho Kikwete akiongea na wanahabari wakati wa kutangaza Baraza la Mawaziri leo April 4, 2012

Wapiga picha wakiwa kazini wakati Rais Jakaya Kikwete akitangaza Baraza la Mawaziri leo ikulu

Wanahabari wakati Rais Jakaya Mrisho Kikwete wakati wa kutangaza Baraza la Mawaziri leo April 4, 2012

*************************

THE UNITED REPUBLIC OF TANZANIA

DIRECTORATE OF PRESIDENTIAL COMMUNICATIONS

Telephone: 255-22-2114512, 2116898
E-mail: ikulumawasiliano@yahoo.com
press@ikulu.go.tz

Fax: 255-22-2113425

TAARIFA KWA VYOMBO VYA HABARI

ORODHA YA MAWAZIRI NA NAIBU MAWAZIRI

MAWAZIRI

1. OFISI YA RAIS

Waziri wa Nchi, Ofisi ya Rais (Mahusiano na Uratibu)

Ndugu Stephen M. Wasira, Mb.,

Waziri wa Nchi, Ofisi ya Rais, (Utawala Bora)

Ndugu George Mkuchika, Mb.,

Waziri wa Nchi, Ofisi ya Rais (UTUMISHI)

Ndugu Celina Kombani, Mb.,

2. OFISI YA MAKAMU WA RAIS

Waziri wa Nchi, Ofisi ya Makamu wa Rais (MUUNGANO)

Ndugu Samia H. Suluhu, Mb.,

Waziri wa Nchi, Ofisi ya Makamu wa Rais (MAZINGIRA)

Dr. Terezya P.L. Huvisa, Mb.,

3. OFISI YA WAZIRI MKUU

Waziri wa Nchi, Ofisi ya Waziri Mkuu (Uwekezaji na Uwezeshaji)

Ndugu Mary M. Nagu, Mb.,

Waziri wa Nchi, Ofisi ya Waziri Mkuu (TAMISEMI)

Ndugu Hawa Ghasia, Mb.,

Waziri wa Nchi, Ofisi ya Waziri Mkuu (Sera, Uratibu na Bunge)

Ndugu William V. Lukuvi, Mb.,

4. WIZARA

Waziri wa Ushirikiano wa Afrika Mashariki

Ndugu Samuel J. Sitta, Mb.,

Waziri wa Ulinzi na Jeshi la Kujenga Taifa

Ndugu Shamsi Vuai Nahodha, Mb.,

Waziri wa Ujenzi

Dr. John P. Magufuli, Mb.,

Waziri wa Afya na Ustawi wa Jamii

Dr. Hussein A.H. Mwinyi, Mb.,

Waziri wa Elimu na Mafunzo ya Ufundi

Dr. Shukuru J. Kawambwa, Mb.,

Waziri wa Maendeleo ya Jamii, Jinsia na Watoto

Ndugu Sophia M. Simba, Mb.,

Waziri wa Mambo ya Nje na Ushirikiano wa Kimataifa

Ndugu Bernard K. Membe, Mb.,

Waziri wa Katiba na Sheria

Ndugu Mathias M. Chikawe, Mb.,

Waziri wa Mambo ya Ndani ya Nchi

Ndugu Emmanuel Nchimbi, Mb.,

Waziri wa Maendeleo ya Mifugo na Uvuvi

Dr. David M. David, Mb.,

Waziri wa Kazi na Ajira

Ndugu Gaudentia M. Kabaka, Mb.,

Waziri wa Mawasiliano, Sayansi na Teknolojia

Prof. Makame M. Mbarawa, Mb.,

Waziri wa Ardhi, Nyumba na Maendeleo ya Makazi

Prof. Anna K. Tibaijuka, Mb.,

Waziri wa Maji

Prof. Jumanne Maghembe, Mb.,

Waziri asiyekuwa na Wizara Maalum

Prof. Mark Mwandosya, Mb.,

Waziri wa Kilimo, Chakula na Ushirika

Eng. Christopher Chiza, Mb.,

Waziri wa Uchukuzi

Dr. Harrison Mwakyembe, Mb.,

Waziri wa Habari, Vijana, Utamaduni na Michezo

Dr. Fenella E. Mukangara, Mb.,

Waziri wa Maliasili na Utalii

Ndugu Khamis Kagasheki, Mb.,

Waziri wa Viwanda na Biashara

Dr. Abdallah O. Kigoda, Mb.,

Waziri wa Fedha

Dr. William Mgimwa, Mb.,

Waziri wa Nishati na Madini

Prof. Sospeter Muhongo, Mb.,

5. NAIBU MAWAZIRI

OFISI YA RAIS

HAKUNA NAIBU WAZIRI

6. OFISI YA MAKAMU WA RAIS

Naibu Waziri, Ofisi ya Makamu wa Rais

Ndugu Charles Kitwanga, Mb.,

7. OFISI YA WAZIRI MKUU

Naibu Waziri wa Nchi, Ofisi ya Waziri Mkuu (TAMISEMI)

Ndugu Majaliwa K. Majaliwa, Mb.,

Naibu Waziri wa Nchi, Ofisi ya Waziri Mkuu (TAMISEMI)

Ndugu Aggrey Mwanry, Mb.,

8. WIZARA MBALIMBALI

Naibu Waziri wa Kazi na Ajira

Dr. Makongoro M. Mahanga, Mb.,

Naibu Waziri wa Kilimo, Chakula na Ushirika

Ndugu Adam Malima, Mb.,

Naibu Waziri wa Mambo ya Ndani ya Nchi

Ndugu Pereira A. Silima, Mb.,

Naibu Waziri wa Viwanda na Biashara

Ndugu Gregory G. Teu, Mb.,

Naibu Waziri wa Maendeleo ya Mifugo na Uvuvi

Ndugu Benedict N. Ole-Nangoro, Mb.,

Naibu Waziri wa Mambo ya Nje na Ushirikiano wa Kimataifa

Ndugu Mahadhi J. Maalim, Mb.,

Naibu Waziri wa Ardhi, Nyumba na Maendeleo ya Makazi,

Ndugu Goodluck J. Ole-Medeye, Mb.,

Naibu Waziri wa Maendeleo ya Jamii, Jinsia na Watoto

Ndugu Ummy A. Mwalimu, Mb.,

Naibu Waziri wa Elimu na Mafunzo ya Ufundi

Ndugu Philipo A. Mulugo, Mb.,

Naibu Waziri wa Ushirikiano wa Afrika Mashariki

Dr. Abdulla Juma Abdulla, Mb.,

Naibu Waziri wa Maliasili na Utalii

Ndugu Lazaro Nyalandu, Mb.,

Naibu Waziri wa Ujenzi

Ndugu Gerson Lwenge, Mb.,

Naibu Waziri wa Afya na Ustawi wa Jamii,

Dr. Seif Suleiman Rashid, Mb.,

Naibu Waziri wa Nishati na Madini

Ndugu George Simbachawene, Mb.,

Naibu Waziri wa Mawasiliano, Sayansi na Teknolojia

Ndugu January Makamba, Mb.,

Naibu Waziri wa Uchukuzi

Dr. Charles J. Tizeba, Mb.,

Naibu Waziri wa Habari, Vijana, Utamaduni na Michezo

Ndugu Amos Makala, Mb.,

Naibu Waziri wa Maji

Eng. Dr. Binilith Mahenge, Mb.,

Naibu Waziri Nishati na Madini

Ndugu Stephen Maselle, Mb.,

Naibu Waziri wa Katiba na Sheria

Ndugu Angela Jasmine Kairuki, Mb.,

Naibu Waziri wa Fedha

Ndugu Janet Mbene, Mb.,

Naibu Waziri wa Fedha

Ndugu Saada Mkuya Salum, Mb.,

Imetolewa na:

Kurugenzi ya Mawasiliano ya Rais,

Ikulu.

Dar es Salaam.

4 Mei, 2012

MATOKEO YA KIDATO CHA SITA YATANGAZWA..SHUKE ZA WAVULANA ZAFANYA VIZURI

2012-05-02T00:15:00.000-07:00

Baraza la Mtihani la Tanzania (Necta), limetangaza matokeo ya mitihani ya kidato cha sita iliyofanyika Februari mwaka huu yakionyesha kuongezeka kidogo kwa kiwango cha ufaulu kwa ujumla huku wavulana waliofaulu wakiwaacha mbali wasichana.

Katika matokeo hayo yaliyotangazwa jana na Katibu Mtendaji wa Baraza la Mitihani la Tanzania (Necta), Dk Joyce Ndalichako (pichani), kati ya watahiniwa 46,499 waliofanya mtihani huo, wavulana waliofaulu ni 30,466 wakati wasichana ni 16,033. Hata hivyo, kumekuwa na mchuano mkali katika ufaulu kwa asilimia ambao wasichana walipata 87.37 na wavulana 87.69.

Sekondari ya Wasichana ya Marian, Bagamoyo ndiyo iliyoongoza kitaifa na mwanafunzi wake, Faith Assenga ndiye aliyeshika namba moja katika masomo ya Sayansi.

“Katika masomo ya Biashara, aliyeshika nafasi ya kwanza ni Alex Isdor wa Sekondari ya Kibaha na Lugha ni Faridi Abdallah wa Sekondari ya Mpwapwa,” alisema Dk Ndalichako.

Dk Ndalichako alisema kiwango cha kufaulu kwa watahiniwa 46,499; wakiwemo wale wa kujitegemea, kimeongezeka kutoka asilimia 87.24 mwaka jana hadi 87.58 mwaka huu.

Hata hivyo, alisema mwaka huu watahiniwa wa shule wameanguka katika masomo ya kemia, hisabati ya msingi, uchumi na maarifa ikilinganishwa na mwaka jana.

“Masomo ambayo wanafunzi walifanya vizuri zaidi ni Historia, Jiografia, Kiswahili, Kiingereza, Fizikia, Elimu ya Mimea, Biashara, Uhasibu na Hisabati daraja la juu," alisema.

Shule Bora

Dk Ndalichako alisema Necta imezigawa shule zilizofanya vizuri katika makundi mawili; zenye watahiniwa zaidi ya 30 na zenye watahiniwa chini ya 30.

“Kwa shule zenye watahiniwa 30 au zaidi, sekondari 10 zilizofanya vizuri zaidi ni Marian (wasichana) ikifuatiwa na Feza (wavulana), Kisimiri, Kibaha, Ilboru, Mzumbe, Msalato, Tabora (wavulana), St. Mary's Mazinde Juu na Consolata Seminari.

Sekondari zilizofanya vibaya zaidi katika kundi la shule hizo ni Pemba Islamic, Zanzibar Commecial, Kongwa, Uweleni, Mazizini, Lumumba, Ben Bela, Mlima Mbeya, Laurate International na Haile Selassie.

Sekondari iliyoongoza kwa kufaulu katika kundi la shule zenye watahiniwa chini ya 30 ni Uru Seminari ikifuatiwa na Iwawa, Maua Seminari, Harrison Uwata, Beroya, Palloti, Lutengano, Makita, Mwanga na Visitation (wasichana).

Sekondari zilizofanya vibaya zaidi kwenye kundi hilo ni Mbarali Preparatory, Philter Federal International, High-View International, Kifai Modern, Sha, Dar es Salaam Prime, Kandoto Sayansi, Popatlal, Al-Falaah Muslim na Kiuma.

Wanafunzi bora

Dk Ndalichako alisema mwaka huu walishindanisha ubora wa watahiniwa kwa kuzingatia aina ya masomo wanayochukua.

Katika kundi la wanafunzi bora kwenye Sayansi lililoongoza na Faith, aliyefuata ni Zawadi Mdoe (Feza), Belnadino Mgimba (Minaki), Jamal Juma (Feza) na Imaculate Mosha (Marian).

Watano waliofanya vizuri katika masomo ya Biashara wakiongozwa na Alex ni Ephraim Tumwidike (St Joseph's Cathedral), Vaileth Mussa (Weruweru), Seleman Manyiwa (Kibaha) na Hussein Issa (Azania).

Katika masomo ya Lugha na Sayansi ya Jamii aliyemfuata Faridi ni Jema Rwihura (Weruweru), Mariam Hincha (Weruweru), Neema Mbandwa (Igawilo) na Hemed Hussein (Tosamaganga).

Wasichana watano bora kwa masomo ya Sayansi, wote wametoka Marian ambao ni Faith Immaculate Mosha, Rachel Sigwejo, Mary Kiangi na Nashival Kivuyo.

Wavulana bora katika Sayansi ni Zawadi, Belnadino, Jamal Juma (Feza), Gwamaka Njobelo na Nickson Mwamsojo; wote kutoka Mzumbe.

Wasichana waliofanya vizuri zaidi katika masomo ya Biashara, nafasi ya kwanza hadi ya nne ilichukuliwa na wanafunzi wa Weruweru, ambao ni Vaileth, Gloria Murro, Stella Richard na Helen Komba. Nafasi ya tano ilichukuliwa na Veronica Sauli wa St. Antony.

Wavulana waliofanya vizuri katika masomo ya biashara ni Alex, Aphraim, Suleiman, Hussein na Ally Katala wa Azania.

Wasichana watano waliofanya vizuri masomo ya Lugha na Sayansi ya Jamii ni Jema, Mariam, Neema Mbandwa (Igawila), Angel Ruhumbika (Loreto) na Jaquline Chambua (St. Mary's Mazinde Juu).

Wavulana waliofanya vizuri katika masomo ya Lugha na Sayansi ya Jamii ni Faridi, Hemed, Elibaraka Mmari (Lyamongo) na Salvatory Kessy (Majengo).

Matokeo yaliyozuiwa

Dk Ndalichako alisema watahiniwa sita, watatu kati yao wakiwa wa kujitegemea walifutiwa matokeo yao baada ya kubainika kuwa walifanya udanganyifu.

Alisema pia Necta imezuia matokeo ya watahiniwa 51 ambao kwa mujibu wa kumbukumbu zao hawajalipa ada ya mtihani.Dk Ndalichako alisema matokeo yao yatatolewa na Necta pindi watakapokamilisha taratibu za malipo hayo.

Sekondari 10 Bora

1. Marian (wasichana) - Pwani

2. Feza (wavulana) - Dar es Salaam

3. Kisimiri - Arusha

4. Kibaha - Pwani

5. Ilboru - Arusha

6. Mzumbe - Morogoro

7. Msalato - Dodoma

8. Tabora (wavulana) - Tabora

9. St. Mary's Mazinde Juu - Tanga

10. Consolata Seminari - Iringa

Wanafunzi 5 bora Sayansi

1. Faith Assenga - Marian

2. Zawadi Mdoe - Feza

3. Belnadino Mgimba - Minaki

4. Jamal Juma - Feza

5.Imaculate Mosha - Marian

Wanafunzi 5 bora biashara

1. Alex Isdor -Kibaha

2. Ephraim Tumwidike - St Joseph's Cathedral

3. Vaileth Mussa -Weruweru

4. Seleman Manyiwa -Kibaha

5. Hussein Issa - Azania

5 bora Lugha na Sayansi ya Jamii

1. Faridi Abdalla - Mpwapwa

2. Jema Rwihura - Weruweru

3. Mariam Hincha - Weruweru

4. Neema Mbandwa - Igawilo

5. Hemed Hussein - Tosamaganga
kwa matokeo ya jumla Angalia hapa

Hotuba Ya JK Tanga Na Furaha Ya Rais; Tafsiri Yangu

2012-05-01T23:53:00.001-07:00

Ndugu zangu,

Mwaka huu nilipata kumfundisha mwanahabari kijana namna ya kufungua blogu. Nikamwelekeza kwa kutumia mfano, namna ya kuweka picha kwenye blogu yake mpya niliyomsaidia kujifunza namna ya kuifungua. Nikachagua picha ya mwanasiasa kijana wa CCM, nikaiweka kwenye blogu yake.

Nilipomaliza, akaniomba haraka sana nimfundishe namna ya kuondoa picha kwenye blogu yake. Hakutaka kabisa picha hiyo ya mwanasiasa kijana wa CCM ikae kwa muda mrefu kwenye blogu yake. Akanitamkia; kwa kweli sitaki kabisa kuwaona hawa jamaa kwenye blogu yangu.

Kiukweli, vijana wengi kwa sasa wanaichukia CCM, na labda zaidi, wanauchukia ufisadi, na wanawachukia viongozi mafisadi na ambao wanaamini wanalelewa na wanalindwa na CCM. Ndio maana ya vijana wengi leo kuchukia chochote kile kinachohusu CCM, ikiwamo rangi ya kijani.

Jana usiku nilisikiliza kipindi maalum TBC1 kilichorusha hotuba ya JK ya Mei Mosi aliyoitoa Tanga.
Tafsiri yangu;

Hakika, ni moja ya hotuba bora za JK alizopata kuwahutubia Watanzania. Ni yenye kutoa matumaini kwa wengi na yenye kuwasuta wanafiki wachache walio ndani ya chama chake. JK akiendelea kwa staili ile, basi, anaweza kuanza kuibadili mitazamo ya wengi juu yake, mitazamo ambayo kwa sasa mingi ni hasi.

Na JK akatamka, kuwa yale ya Dodoma ( Bungeni) hayakumsikitisha wala kumfadhaisha, badala yake yamemfurahisha. Yumkini JK anajihisi kuanza kuutua mzigo. Lakini, furaha yake yaweza kuwa ya muda mfupi kama asipokwenda, kwa vitendo, mbali zaidi na kushiriki kazi ya kweli ya kuwakomboa Watanzania kutoka kwenye hali ya sasa ikiwamo kudhalilishwa hata kwa kuhongwa pilau kwenye chaguzi kutokana na njaa zinazotokana na viongozi na watendaji ' mapanya' wanaotafuna mali ya umma.

Nilimwona jana, JK anayejiweka mbali na ’ madudu’ yaliyoainishwa na CAG na yaliyowafanya baadhi ya wabunge wakiwamo wa CCM wachachamae Bungeni na hata kufikia hatua ya kuweka saini zao kushinikiza mawaziri wajiuzuru.

JK alichowaambia Watanzania jana ni kuwa yuko pamoja nao kwenye kilio chao cha ufisadi uliokubuhu na unaofanywa na viongozi na watendaji waliopewa dhamana ya kulinda rasilimali za umma.

JK anasema- Kule kwenye halmashauri fedha zinatafunwa utadhani hazina mwenyewe! Ametumia lugha ya mtu wa kawaida na kwa kweli hicho ndicho ambacho umma umekifahamu kwa siku nyingi na Chadema ndio imeonekana kuwa mtetezi wao anayewasaidia kupambana na wezi wao. Hivyo basi, ni moja ya sababu ya kuongezeka kwa umaarufu wa Chadema na kupungua kwa kasi, umaarufu wa CCM. Maana, Chadema sasa ndio inaonekana kuwa ni kimbilio la wanyonge.

Kwa hotuba ile ya jana, JK ana fursa njema sasa ya kujiwekea legacy. Yale ya kukumbukwa nayo hata baada ya kuondoka madarakani; kusimama upande wa umma na kushiriki kwa vitendo kuwaandama viongozi na watendaji waliojigeuza miungu watu na huku wakishiriki wizi wa mali ya umma. Na wengi wao wamo ndani ya CCM, au wanalindwa na CCM, Chama tawala.

Maana, wahenga walinena; kila jambo lina dalili. Na nimepata kuandika, kuwa Afrika mvua hainyeshi ghafla, huanza na mawingu kujikusanya. Ndio maana ya umuhimu wa kusoma alama za nyakati. Na kwenye nyumba panya huanza na shimo moja. Na mashimo ya panya yakiongezeka, basi, mwenye nyumba huwa na kazi ngumu kupambana na panya hao.

Na huko nyuma nimepata kuandika, kuwa kuna wachache ndani ya CCM ambao Chama wamekigeuza kuwa ’ Shimo la Panya’- watoke wakatafune mali ya wananchi, kisha wakimbilie shimoni kwa maana ya kwenye chama. Na shimoni ndiko kwenye ’ kulindana’. Na hii ndio sababu ya msingi ya kupungua umaarufu kwa chama hicho tawala miongoni mwa Watanzania na hususan kundi kubwa la vijana.

Maana, ni ukweli, wengi wanaotuhumiwa kushiriki ufisadi wamo ndani ya Chama tawala . Ni wenye mahusiano mazuri au kama inavyosemwa siku hizi, ni ’ marafiki’ wa CCM. Naam , hivi ni vijipanya tu ni vyenye ’vijishimo vyao’ ndani ya CCM. Si tumepata kusikia ikitamkwa; ” Ukitaka biashara yako ikunyokee, njoo CCM!”

JK wa sasa anaweza kuweka historia kwa kuongoza kazi ya kuondokana na ubaguzi wa kisiasa katika nchi yetu. Ubaguzi huu wa mathalan, ’ Hawa ni wenzetu’ na ’ Wale ni maadui zetu’ umejengeka katika misingi ya kulindana katika maovu. Wenye kuendekeza ubaguzi huu ndio wenye kugombania fito wakati tunajenga nyumba moja.

Jeffrey Sachs ni Mwanauchumi maarufu na ambaye JK amepata kukutana na kuongea naye kwenye Ikulu yake. Profesa Jeffrey Sachs ana mfano hai wa Poland. Katika kuwashauri kuinuka kiuchumi WaPoland wale , Profesa Sachs aliwaambia; ” Political power must be shared”. Kwamba kuna umuhimu wa vyama kuwa na utayari wa kugawana madaraka ya uongozi wa kisiasa.

Ndio, Fundi Umeme yule Lech Walensa wa chama cha wafanyakazi na aliyeanzisha vuguvugu la mapinduzi ya kujikomboa kutoka Ukomunisti nchini Poland aliambiwa na Profesa Jeffrey Sachs; ” Chama chako cha Solidarity kiwe radhi kuunda Serikali ya Mseto na Chama Cha Kikomunisti”. Na ikawa hivyo, kimoja kikatoa Waziri Mkuu na kingine Rais. Kukawepo utulivu wa kisiasa. Poland ikaanza kupiga hatua za maendeleo ya kiuchumi. Ndio, hakuna uchumi unaokua bila uwepo wa utulivu wa kisiasa.

Maana tunakumbuka siku ile JK alipotangaza mpango wa kiuchumi wa miaka mitano kule Dodoma, JK alitamka; " Bila Utawala Bora , bila kuwa na demokrasia, bila kuheshimu Haki za Kibinadamu, mafanikio ya kiuchumi hayatawezekana."

Rais hakupigiwa makofi ya nguvu. Ndio, wengi wa viongozi waliokuwa wakimsikiliza JK kwenye ukumbi ule wa Saint Gasper pale Dodoma ni Wana-CCM. Bila shaka kuna waliokuwa wakifikiria Ukuu wa Wilaya wao na Ukuu wao wa Mkoa. Walifikiria nyadhifa zao. Mambo ya kupanua demokrasia ikiwamo uwepo wa vyama vingi kwao ina tafsiri ya kutishia vibarua vyao!

Nimepata kuandika; kama kwenye nyumba yako umeingiliwa na panya wanaotafuna vyakula na hata akiba yako ya nafaka, basi, mwenye nyumba una mawili ya kufanya; kusalimu amri na kuwaacha panya hao watafune mpaka nguo unazovaa au kuchukua hatua ya kupambana na panya hao. Na kama panya ni wengi dawa ni kuitafuta sumu ya panya.

Na nchi ni hivyo hivyo, swali ni hili; tunafanyanye , pale panya wachache, kwa kutumia chama cha siasa kama shimo la kujifichia tunawaona wakitafuna mali za wananchi usiku na mchana?

Jibu; KATIBA MPYA ndio ’Sumu ya panya ’ tunayoihitaji sasa kupambana na panya wachache wanaoitafuna nchi yetu. Panya hawa wakijua kuwa kuna Jaji wa Mahakama ambaye hakuchaguliwa na Rais wa chama chao bali kaidhinishwa na Bunge la wananchi, basi, wataogopa hata kuiba kalamu za ofisini. Ndio, mengine yote nje ya kukaa chini kama taifa na kuandaa Katiba Mpya itakayotokana na wananchi ni sawa na kutwanga maji kwenye kinu.

Maggid Mjengwa,
Msamvu, Morogoro
0788 111 765

SOMA PATA DEGREE YA UK NCHINI MALAYSIA KWA GHARAMA NAFUU

2012-04-30T01:51:00.000-07:00

LOCAL ADDRESS

HAIDERY PLAZA

FIRST FLOOR T-16

KISUTU/UPANGA STREET

DAR ES SALAAM

TANZANIA

CONTACT NUMBERS 0716623656 OR 0713586614

EMAIL: ally.abdallah@lsclondon.co.uk

RAY ANENA JUU YA KIFO CHA SWAIBA WAKE KANUMBA..

2012-04-27T05:11:00.000-07:00

Ikiwa ni tariban mwezi sasa umepita tangu msanii maarufu wa filamu, Steven Charles Kanumba afariki dunia, msanii mwenzake Vincent Kigosi ‘Ray’ ameamua kuandika waraka mzito kueleza kwa nini hahusiki na kifo cha swahiba wake huyo kama ambavyo imekuwa ikisambazwa na watu wasiomtakia mema.

Waraka huo ulinaswa hivi karibuni kupitia blogu yake ambapo baada ya timu ya gazeti hili kuupitia ikaona ni vyema ukasomwa na Watanzania wote ili kuweza kupata jibu la kwa nini yeye hahusiki? Waraka huo ni huu hapa chini…

******************

Yapata wiki tatu sasa tangu msanii mwenzangu Steven Kanumba aage dunia na kama ilivyo kwa kila kitu kinapotokea huandamana na kila aina ya maneno na hisia mbalimbali kutokana na mitazamo ya watu kupishana kuhusiana na jambo husika.

Kulingana na muktadha huo, msiba wa Steven Kanumba umekumbwa na maneno na hisia kama hizo, hususan mazingira ya kifo chake. Kinachosikitisha zaidi watu wengi (ambao wanajitambulisha kama wapenzi wa Kanumba) na baadhi ya vyombo binafsi vya habari vimekuwa vikinihusisha na kifo hicho kwa kusema kwamba kwa njia moja au nyingine nahusika na mauaji ya Steven Kanumba.

Kwa muda wote huo tangu msiba ulipotokea mpaka leo hii nashika kalamu kujaribu kuyaweka sawa na kuondosha hisia chafu katika fikra za watu. Nimekuwa nikipitia katika wakati mgumu sana kwa jinsi ambavyo nimekuwa nikinyooshewa vidole kila upande nikihusishwa na kifo hicho.

Kiujumla nimezingatia maoni ya wapenzi na mashabiki wangu wakinitaka kuwa na subira ila kuna usemi usemao, uongo ukirudiwa sana jamii huusadiki na kuuona ukweli, nimeona nisikae kimya ila niweke sawa hili kwamba sihusiki na kifo cha Steven Kanumba.

Nasema wazi kwanza sihusiki kabisa na kifo cha Kanumba kwa kuzingatia mazingira yenyewe ya kifo kilivyotokea. Wakati kifo hicho kinatokea, nilikuwa sehemu nyingine kabisa na mimi nilikuwa mtu wa tatu kutaarifiwa kwamba Kanumba amepatwa na mkasa ambao baadaye ulisababisha kifo chake.

Hata nilipofika katika Hospitali ya Muhimbili (tofauti na watu wanavyodhani kuwa nilifika nyumbani kwake, ukweli mimi nilimkuta tayari amepelekwa Muhimbili), nilikuta tayari alikuwa ameshafariki ndiyo maana hata polisi wanaohusika na usalama wa raia, si tu kwamba hawakuniweka chini ya ulinzi, sikuitwa hata kuhojiwa kwa sababu hakuna mazingira yoyote yanayonihusisha mimi na kifo hicho.

Pengine watu wanaojaribu kuongea hayo, hawajui mimi na Steven Kanumba tumetoka wapi? Sisi si watu tuliokutana barabarani, tuna historia katika kazi yetu ya sanaa na pia katika maisha yetu. Mwanzoni kabisa, mimi ndiye niliyempokea Kanumba pale Kaole na ndiye niliyemfundisha sanaa pale (nadhani watu wanakumbuka tamthiliya za wakati huo ITV).

Baada ya hapo tulienda pamoja katika Kampuni ya Game 1st Quality na tukafanya filamu kama Johari, Sikitiko Langu, Dangerous Disire na nyinginezo na tuliendelea kuwa pamoja katika kampuni hiyo mpaka tulipofanya filamu ya Oprah mwaka 2008 ambapo niliingia rasmi kufanya kazi za kampuni yangu, lakini tuliendelea kuwa pamoja hata wakati nikiendelea na kazi za kampuni yangu.

Pia mimi nilikuwa wa kwanza kuanza kufanya kazi na Steps na baadaye Kanumba alipoanza kufanya kazi zake mwenyewe na kunikuta huko tuliendelea kuwa pamoja kama siku zote. Kitu kikubwa kilichokuwa kinaendelea baina yetu ni kwamba tulijenga ushindani wa kuendeleza kazi mbele kwa kila mmoja akitoa kazi, mwingine anamjibu.

Isitoshe hata vitu vyetu binafsi utaona kama kuna kufanana. Kuna wakati Kanumba alinunua Toyota Rav 4 nyeusi mimi nikanunua ya kijani, aliponunua Harrier na mimi nikanunua pia na hata gari za hivi karibuni, ukitazama utaona kuwa zinafana kwa karibu. Hii ilikuwa ni kama maisha yetu, hatukuwa na uadui, ilikuwa tunapeana changamoto za maendeleo.

Watu wanaojaribu kuonesha kuwa tofauti zetu ilikuwa ni uadui, huwa hawajui wapi tulikotoka ndiyo maana wanasema wasemavyo na katika kuthibitisha kuwa tofauti hizo hazikufikia katika uadui, kuna watu ambao wanafanya kazi nami katika kampuni yangu ya RJ ndiyo hao hao Kanumba alikuwa anawatumia siku zote katika kazi zake, hata baada ya tofauti hizo hakuna aliyekoma kufanya kazi na yeyote kati yetu.

Kumtuhumu mtu kwa namna yoyote ile bila ya uthibitisho wa tuhuma hizo, ni kosa kwa sheria za nchi na pia kama ni mfuasi wa dini yoyote ni dhambi, kwani wakati ukisema hayo huku hujui uhalisia bali unasukumwa na nguvu za hisia tu ni sawa na kumchafua mtu huyo katika jamii bila ya kujua jamii inamchukuliaje.

Napenda kusema wazi kuwa, kwa kila anayetekwa na wimbi hili, ajaribu kufikiria leo ipo kwangu mimi, kesho inaweza kuhamia kwako, kwani mimi siyo wa kwanza kufikwa na haya. Inaweza kukukuta hata wewe au ndugu yako, utajisikiaje!

Na kama kweli mimi nimehusika na kifo cha Kanumba kwa namna yoyote ile, basi Mungu atanihukumu na kila aliye hai atashuhudia ila kama sijahusika kwa lolote, Mungu hatonihukumu na badala yake ataniinua kwa kuwa ninapita katika kipindi kigumu mno sasa hivi kwa madhira haya.

Mwisho kabisa napenda kumaliza kwa msemo usemao, ajidhaniaye amesimama, aangalie asianguke kwani kadiri mambo haya yanavyoendelea, usidhani yataishia kwangu, kwani mkono wa dhuluma hauishii karibu, ukisikia jirani anapiga kelele za mwizi, usilale nenda kamsaidie.

Usiseme kuwa hatuhusiki kwani hayupo kwetu, kesho utafikwa na wewe utakosa wa kukusaidia. Cha msingi kama tunampenda sana ndugu yetu ni kumuombea kwa Mungu, kwani hatujui makao yake huko aliko na siyo kuunda vitu ambavyo kamwe hata yeye angekuwa hai asingeviafiki.

MUNGU AILAZE ROHO YA MAREHEMU STEVEN KANUMBA MAHALI PEMA

PEPONI -AMINA.

JK aongoza watanzania sherehe za Muungano jijini Dar

2012-04-27T02:38:00.000-07:00

Rais wa Jamhuri ya Muungano wa Tanzania, Rais Dkt.Jakaya Mrisho Kikwete akiwapungia wananchi wakati alipokuwa akiingia katika uwanja wa Uhuru jijini Dar es salaam kuongoza maadhimisho ya mika 48 ya Muungano wa Tanganyika na Zanzibar leo asubuhi.

Amiri jeshi Mkuu Rais Dkt.Jakaya Mrisho Kikwete akikagua vikosi vya ulinzi na usalama wakati wa maadhimisho ya sikukuu ya miaka 48 ya Muungano wa Tanganyika na Zanzibar katika uwanja wa Uhuru jijini Dar es Salaam leo.

Rais Dkt.Jakaya Mrisho Kikwete akisalimiana na Mama Maria Nyerere leo katika Uwanja wa Uhuru jijini Dar es salaam.

Rais Dkt.Jakaya Mrisho Kikwete akisalimiana na Mwenyekiti wa CUF Profesa Ibrahim Lipumba wakati alipowasili katika uwanja wa Uhuru kuongoza sherehe za Muungano zilizofanyika leo jijini Dar es salaam.

Baadhi ya Viongozi wa Kiserikali wakiwa ni miongoni mwa waliohudhuria sherehe hizo katika Uwanja wa Uhuru, wakisimama wakati wa kumkaribisha Rais wa Jamhuri ya Muungano wa Tanzania.

Rais Jakaya Kikwete, akisalimiana na Makamu wake Dkt. Mohammed Gharib Bilal, wakati akiwasili kwenye Uwanja wa Uhuru jijini Dar es Salaam leo Aprili 26, 2012 katika sherehe za maadhimisho ya miaka 48 ya Uhuru wa Tanganyika na Zanzibar.

Vikosi vya Ulinzi na Usalama vikipita na kutoa heshima mbele ya jukwaa kuu kwa mwendo wa pole na haraka, wakati wa maadhimisho ya sherehe hizo leo.

Watoto wa shule mbalimbali za msingi wanaounda kikundi cha alaiki, wakionyesha manjonjo ya michezo na maumbo mbalimbali wakati wa sherehe hizo leo.

Kikundi cha Sanaa cha JKT Oljoro, kikionyesha umahiri wake wa kuimba na kucheza 'Kiduku' wakati wa sherehe hizo. picha zote na Freddy Maro,Muhidin Sufiani.

habari na michuzi

...Lipumba: JK amemziba Pinda mdomo

2012-04-25T05:20:00.000-07:00

Mwenyekiti wa Chama Cha Wananchi (CUF) Profesa Ibrahim Lipumba akizungumza na waandishi wa habari jijini Dar es Salaam jana kuhusu vurugu zilizotokea kati ya Jeshi la Polisi na wananchi Wilayani Tandahimba, mkoani Mtwara na kuitaka serikali kuwajibika na kumfukuza mkuu wa Wilaya hiyo. Kulia ni naibu mkurugenzi wa Uenezi na Mahusiano, Abdul Kambaya. Picha na Rafael Lubava

Dotto Kahindi na Geofrey Nyang’oro
MWENYEKITI cha CUF, Profesa Ibrahim Lipumba ameitaka jamii kutomhukumu Waziri Mkuu, Mizengo Pinda kwa kushindwa kushughulikia madai ya wabunge kutaka mawaziri wajiuzulu akidai kuwa Rais Jakaya Kikwete amemziba mdomo.

Akizungumza na waandishi wa habari, Dar es Salaam jana, Profesa Lipumba alisema hata kama Pinda angekuwa na utashi wa kuzungumzia suala hilo, asingeweza kusema chochote kwa kuwa Rais Kikwete alimziba mdomo... "na suala hilo pia liko juu yake."

Profesa Lipumba alimtuhumu Rais Kikwete kuwa chanzo cha kuwapo kwa mawaziri wabadhirifu kwa kile alichoeleza kuwa mara zote amekuwa akiwakingia kifua.

“Tatizo la ubadhirifu haliwezi kuisha katika Serikali ya Awamu ya Nne maana tatizo siyo watendaji wala mawaziri, ni Rais Kikwete mwenyewe… amekuwa ni mtu asiyekuwa na uamuzi,” alisema Profesa Lipumba na kuongeza:

“Haishangazi kuona mawaziri katika wizara moja hawaelewani. Kuna mawaziri wana nia njema na wanasimamia haki, lakini hata wakitoa mapendekezo yao yanapuuzwa na wapo ambao wanatumia nafasi zao vibaya huku Rais akiendelea kuwachekea.”

Alisema CUF kinaangalia namna kitakavyounganisha nguvu na vyama vingine vya upinzani kikiwemo Chadema kuongoza maandamano nchi nzima ili kushinikiza mawaziri wanaotuhumiwa kwa madai mbalimbali wajiuzulu.

Alisema kwa namna yoyote ile Waziri Mkuu asingeweza kuamua jambo bila kupewa ruhusa na Rais na kushindwa kuwawajibisha watu hao ni dhahiri kuwa Rais hakumtaka kufanya hivyo.

Alidai kuwa Baraza la Mawaziri limegawanyika katika makundi na baadhi wamejenga chuki baina yao kutokana na Rais kuendelea kuwalea watendaji wabovu huku akipuuza ushauri anaopewa.

Alipongeza na kuunga mkono hoja ya Mbunge wa Kigoma Kaskazini (Chadema), Zitto Kabwe ya kupiga kura ya kutokuwa na imani na Waziri Mkuu.

Alisema jukumu kubwa la wabunge sasa ni kushinikiza Waziri Mkuu kujiuzulu kutokana na kushindwa kutumia nafasi yake kuwawajibisha mawaziri wanaotuhumiwa kwa ubadhilifu wa fedha za umma.
Profesa Lipumba alisema katika kumshinikiza Rais Kikwete kuchukua hatua dhidi ya watendaji wabadhirifu serikalini wakiwemo mawaziri, watawashirikisha wananchi kwa kuandaa maandamano nchi nzima.

Alimpongeza Mdhibiti na Mkaguzi Mkuu wa Hesabu za Serikali (CAG), Ludovick Utouh kwa kutoa ripoti aliyoeleza kuwa imeibua madudu bila upendeleo.

Alisema jamii inahitaji kujua matumizi ya Serikali katika shilingi inayotokana na kodi za wananchi na namna zinavyosimamiwa huku akisema ubadhilifu uliojionyesha katika ripoti ya CAG, ni aibu kubwa kwa Serikali ya Kikwete.

Kauli hiyo ya Profesa Lipumba imekuja wakati tayari Chadema kimetangaza kuitisha maandamano ya wananchi ili kuiwajibisha Serikali, iwapo Rais Kikwete hatawafukuza mawaziri wanaokabiliwa na tuhuma hizo.

Taarifa iliyotolewa jana na Mkurugenzi wa Habari na Uenezi wa Chadema, John Mnyika imeeleza kuwa chama hicho kitatumia Ibara ya 8 (1) (a) ya Katiba kuunganisha nguvu za wananchi katika kutimiza azma hiyo.

“Iwapo Rais Kikwete hatavunja Baraza la Mawaziri au kuwafukuza mawaziri hao… pamoja na hatua zinazoendelea sasa za kuwasilishwa hoja ya kura ya kutokuwa na imani na Waziri Mkuu; Kurugenzi ya Habari na Uenezi itawasilisha taarifa kwenye vikao vya chama ili Ibara ya 8 (1) (a) Katiba ya nchi itumike kuunganisha nguvu za wananchi kuiwajibisha Serikali,” alisema Mnyika katika taarifa hiyo.

Ibara hiyo inaeleza kuwa, Jamhuri ya Muungano wa Tanzania ni nchi inayofuata misingi ya kidemokrasia na kwamba wananchi ndiyo msingi wa mamlaka yote na Serikali itapata madaraka na mamlaka yake kutoka kwa wananchi.

Mnyika alisema Rais Kikwete anapaswa kutekeleza haraka wito wa kuvunja Baraza la Mawaziri au kuwafukuza baadhi, kwani sehemu kubwa ya masuala yaliyokuwa yakijadiliwa bungeni yakiwemo ya ufisadi na matumizi mabaya yanatokana na udhaifu wa uongozi wao.

Alimtaka Rais Kikwete kutumia mamlaka anayopewa na Katiba katika Ibara ya 57 (1) (c) inayomruhusu kufuta uteuzi na kuwaondoa madarakani mawaziri pindi anapoona inafaa kufanya hivyo.gazeti mwananchi

TAARIFA KWA WADAU NA WASOMAJI

2012-04-25T04:45:00.001-07:00

Ndugu wadau na wasomaji wa blog hii ya maisha,mna karibishwa kutuma habari na matukio mbalimbali yaliyotokea ama yanayotokea popote pale ulipo kama vile harusi,kipaimara,birthdays, kumbukumbu, kero, maoni na pia majadiliano mbalimbali nasisi tutayaweka hapa kibarazani bila malipo yoyote...unaweza kutuma kwa email hizi zifuatazo; raymonds19@yahoo.com au maisha@yahoo.com/pia waweza piga simu (+255)656-561314/756-353123 Asanteni kwa ushirikiano wenu..

ABIRIA 40 WANUSURIKA KUFA KWENYE AJALI JIJINI MBEYA

2012-04-24T08:35:00.000-07:00

Basi aina ya Coaster waliokuwa wakisafiria abiria zaidi ya 40, lenye nambari za usajili T 374 AVR, likiwa limepinduka baada ya kugongwa kwa nyuma na basi jingine la kampuni ya El Saedy lenye nambari T 499 AVG

********************************

Basi la kampuni ya El Saedy lenye nambari T 499 AVG lililohusika katika ajali, baada ya kuligonga kwa nyuma basi aina ya Coaster enye nambari za usajili T 374 AVR ambapo zaidi ya abiria 40 kunusurika kifo. Tukio lililotokea Aprili 23 mwaka huu saa moja asubuhi eneo la Imezu na Inyala Wilaya ya Mbeya Vijijini.(Picha na Ezekiel Kamanga, Mbeya.)

*******

Habari na Ezekiel Kamanga, Mbeya.

Abiria zaidi ya 40 wamenusurika kifo baada ya basi waliokuwa wakisafiri aina ya Coaster, lenye nambari za usajili T 374 AVR, kupinduka lilipogongwa kwa nyuma na basi jingine la kampuni ya El Saedy lenye nambari T 499 AVG.

Kwa mujibu wa mashuhuda wa basi la El Saedy likiwa katika hali ya mwendokasi liliharibika mfumo wa breki kutoka eneo la Mlima Nyoka na kuligonga basi hilo dogo kwa nyuma katika mteremko wa Shule ya Sekondari Imezu, hali iliyopelekea basi hilo dogo kupinduka.

Baada ya Coaster kupinduka basi la El Saedy likiwa bado katika mwendokasi liliendelea na safari, kabla ya dereva kufanikiwa kulichepusha kabla halijavuka reli ya TAZARA katika Kijiji cha Inyala Wilaya ya Mbeya Vijijini.

Aidha baadhi ya abiria katika basi hilo dogo walikuwemo wanafunzi 28, wa kike na kiume wakielekea shuleni majira ya saa moja asubuhi, Aprili 23 mwaka huu katika Shule ya Sekondari Imezu.

Mara baada ya ajali hiyo kutokea baadhi ya abiria walikuwemo katika basi hilo dogo walikimbizwa katika Hospitali ya Rufaa Jijini Mbeya, ambapo kati yao wamelazwa ili kufanyiwa uchunguzi na wengine wakiruhusiwa kurudi nyumbani.

Kaimu Kamanda wa Jeshi la Polisi wa Mkoa wa Mbeya Barakiel Masaki,hakupatikana kuelezea ajali hiyo ingawa dereva wa basi la El Saedy anashikiliwa na Polisi kwa mahojiano.

Wakati huo huo watroto watano waliokuwa wakioga katika mfereji wa Mwanjejele, uliopo Igurusi Wilaya ya Mbarali, Aprili 22 mwaka huu majira ya saa tisa alasiriwaliokota begi lililokuwa linaelea katika maji ya mfereji huo na kukuta maiti ya mtoto mchanga.

Maiti hiyo ikiwa imeharibika vibaya kutokana na kuoza ndipo walipolichukua begi hilo na kulikabidhi katika Kituo cha Polisi cha Igurusi.

Hata hivyo hakuna mtu yeyote aliyekamatwa kuhusika na tukio hilo, licha ya wimbi la kuuawa kwa watoto wachanga Mkoani Mbeya limekuwa tatizo hali inayosababisha vifo kwa watoto wasio na hatia.

picha na habari zaidi MBEYA YETU BLOG

MWANAMKE ADAI KUZAA NA MAREHEMU KANUMBA...ATOA VITHIBITISHO HADHARANI

2012-04-20T05:24:00.002-07:00

Stori: Mashaka Baltazr, Mwanza

SALMA Hamidu, mkazi wa Igogo, jijini Mwanza ameibuka na kudai amezaa na marehemu Steven Kanumba mtoto wa kike aitwaye Treasure Steven Charles Kanumba (2), Ijumaa linashuka na maneno ya kinywa chake.
Akizungumza na mwandishi wetu, Salma anayefanya kazi kwenye Ofisi ya Uwakili ya Law Consultancy jijini Mwanza, alidai alianza kufahamiana na marehemu mwaka 2006 wakati yeye akiwa kwenye Kundi la Nyakato Arts chini ya Mwalimu Joseph.

CHANZO CHA UHUSIANO
Salma akasema kuwa, uhusiano wao uliunganishwa na Mwalimu Joseph ambaye alimpa marehemu namba zake za simu wakati alipopeleka filamu za Machozi Yangu na Siri Yangu kuifanyia uhariri (editing) jijini Dar es Salaam katika studio alizokuwa akifanyia kazi marehemu.
“Marehemu alipoona picha zangu kwenye filamu hizo alivutiwa na mimi katika kuigiza, akaomba namba zangu za simu kwa Mwalimu Joseph,” alisema Salma.
Mrembo huyo aliendelea kuweka wazi kuwa, baadaye Mwalimu Joseph alirejea Mwanza na kumtaka radhi kwa kumwambia alimpa Kanumba namba zake za simu.

SIMU YA KWANZA YA KANUMBA KWA SALMA
“Baada ya wiki mbili nilipigiwa simu na mtu aliyejitambulisha ni Kanumba. Aliuliza kama huwa nasafirisafiri.
“Nilimjibu si sana kwa sababu nasoma. Wakati huo nilikuwa nasomea kompyuta kwenye Chuo cha English Kingdom Nyakato,” alisema Salma.
Akaongeza: Marehemu alinielewa, lakini akaniomba niwe mwenyeji wake punde atakapokuja Mwanza, nikaridhia ombi lake, alikata simu, lakini tukaendelea kuwasiliana kwa simu kila mara.
Salma alisema mawasiliano yake na Kanumba yalidumu kwa mwaka mmoja bila kuonana ‘laivu’.
Aidha, alidai kuwa siku moja marehemu alimpigia simu akimtaka kujiunga na kundi lake lililopo Dar, akamkubalia lakini tatizo likawa umbali. “Lakini marehemu akaniambia nisiwe na wasiwasi kuhusu hilo,” alisema Salma.
Akizidi kumwaga data za uhusiano wao ulivyoanza, Salma alisema:

LAIVU KWA MARA YA KWANZA
“Mwaka 2007, Kanumba aliniita Dar, alinitumia tiketi ya ndege ya Precision Air, kwetu niliaga nakwenda kumsalimia mama mkubwa anayeishi Tabata.
“Nilipofika Dar, nilimpigia simu Kanumba kumtaarifu nimefika, akanitaka tukutane Ubungo Plaza Hotel (Blue Pearl),” alisema Salma.
Pale Ubungo Plaza, marehemu kwa mara ya kwanza alimtamkia lililo moyoni mwake kwamba ametokea kumpenda na akamuomba wawe wapenzi.
“Sikuwa na uamuzi wa haraka, lakini kutokana na ushawishi wake nilikubali, baadaye nilirudi Tabata kwa mama mkubwa.
“Usiku alinipigia simu, akaniomba kesho yake tusafiri kwenda Zanzibar, nilikubali, asubuhi niliaga kwa shangaza tukaenda Zanzibar.
“Tulifikia Bwawani Hoteli. Tulikaa kwa siku tatu na kwa mara ya kwanza nilikutana na marehemu kimwili. Tuliporudi Dar mimi nikarejea Mwanza,” alisema Salma.

KANUMBA PENZI LAKOLEA, ATUA MWANZA
“Baada ya kama miezi minne na siku kadhaa hivi, marehemu alinipigia simu akasema yuko Mwanza, anataka kuja chuoni kuniona. Alikuja akiwa ameongozana na marafiki zake wawili, Credo na Theonist Rutashoborwa.
“Walikuja hadi chuoni, mimi nilitoka tukaenda kukaa kwenye baa ya Shentemba. Ilipofika saa 2 usiku, tukahamia Isamo Hotel,” alisema Salma.
Salma aliendelea kusema kuwa, pale Isamo walipata chakula kabla ya kujitupa kitandani lakini siku hiyo muda mwingi alikuwa akijisikia vibaya, marehemu akamtaka asubuhi akapime.
“Asubuhi nilikwenda kwenye Kliniki ya Dokta Ng’walida, daktari bingwa wa magonjwa ya akina mama na watoto. Vipimo vilionesha nilikuwa na ujauzito wa miezi minne.
“Nilimwonesha marehemu majibu yale, hakuonekana kukubali wala kukataa, lakini baadaye akasema kazi yake haimruhusu kuwa na mtoto wala familia hadi atakaponiambia.
“Baada ya siku mbili, aliaga kurejea Dar pamoja na marafiki zake. Siku chache baadaye huku nyuma kwa bahati mbaya ujauzito ulitoka, nilikwenda kwa daktari mmoja Nyakato National ambaye alithibitisha hilo. Huo ulikuwa mwaka 2008.

UJAUZITO WA PILI
Salma alisema kuwa mawasiliano na marehemu yaliendelea. Kuna siku alimpigia simu akimtaka wakutane jijini Arusha.
Alipofika alipokelewa na Kanumba mwenyewe kabla ya kwenda kupiga kambi kwa rafiki yake mmoja aliyekuwa akiishi peke yake.
Akasema kukutana kwao kimwili kwa safari hii, ndiko kulimpa ujauzito na hatimaye kujifungua binti anayeitwa Treasure au Tunu.
Arusha waliondoka na ndege hadi Mwanza ambapo walifikia Ladson Hotel, ipo Bwiru na kukaa kwa siku mbili kabla ya kumruhusu kurejea nyumbani kwao Igoma.
Akiwa na ujauzito huo, Kanumba alimtumia nauli akimtaka wakutane mjini Morogoro.
“Nikiwa na tumbo langu, aliniita Morogoro, nilisafiri kwa basi hadi kule, nilifikia kwa shangazi yangu yeye alipanga kwenye hoteli ipo jirani na Kituo cha Mabasi cha Msamvu.

KANUMBA ATOA ONYO
“Kulitokea kutokuelewana kidogo na marehemu kwa sababu ya ujauzito ule, akirejea mazungumzo yake ya awali kuwa, kazi yake haimruhusu kuwa na mtoto wala familia, lakini nilimwambia sina namna ya kufanya kuhusu ujauzito ule.
“Hata hivyo, marehemu alinionya nisimwambie mtu kuhusu ujauzito kuwa ni wa kwake, iwe siri yangu na yake kwa sababu hakutaka habari hiyo ifike kwenye magazeti,”alisema Salma.
Akaongeza: Baada ya hapo, alinipa shilingi 150,000 nikarudi nyumbani Mwanza.
“Nikiwa Mwanza alikuwa akinipigia simu akitaka kujua naendeleaje na tumbo langu na kunitaka nijiandae kwa safari ya Dar, atanitumia tiketi ya ndege.
“Nilisafiri, nilipofika Dar nilimjulisha, akasema tusikae Dar, twende Zanzibar. Kule tulifikia tena Bwawani Hotel. Tulikaa kwa siku nne, kisha tukarejea Dar.
Lakini tukiwa Zanzibar kuna mtu alinipigia simu na yeye akiwepo, alikasirika sana na kuninyang’anya simu, akachukua namba kisha akampigia mtu huyo, waligombana kwenye simu. Aliipasua simu yangu, akaenda kuninunulia nyingine.
“Alikuwa mtu mwenye hasira, hakutaka kusikia unazungumza na simu hasa ikiwa ni sauti ya kiume. Ugomvi huo ulisababisha aikane mimba, akasema namsingizia ni ya mwanaume aliyenipigia simu. Ilifika mahali akasema kila mtu aishi kivyake.
“Hata hivyo, alikuja kuniomba msamaha huku akizidi kunionya kuwa ole wangu nitangaze nina mimba yake.”
Alisema ugomvi wake na Kanumba ulitokana na ujauzito na ilifika mahali Salma alimweleza mama yake ambaye alimlaumu kwa kujiingiza kwenye uhusiano na mwanaume huyo.

MISAADA KUTOKA KWA KANUMBA
Kwa upande wa misaada, Salma alisema akiwa mjamzito, marehemu alimtumia shilingi Milioni mbili na laki mbili kwa ajili ya kununua kiwanja.
Baadaye alimtumia shilingi Milioni moja za kupanga nyumba. Fedha hizo alizituma kupitia Benki ya Standard Chartered Tawi la Mwanza.
Baada ya kutuma fedha hizo, marehemu aliwahi kwenda Mwanza na kufikia kwenye Hoteli ya Ryans Bay. Wakati huo mimba ilikuwa na umri wa miezi saba.

HAKUTAKA KUPIGA NAYE PICHA
Salma anasema: Nilimtaka tupige picha ya ukumbusho akakataa, lakini nilipojifungua alikuja na kumpiga picha mtoto kwa kutumia simu yake akisema, ‘mtoto mama yangu mtupu kwani amefanana naye sana.’
Aliongeza kuwa alipojifungua Kanumba alimtumia shilingi 500,000 za matumizi ya mtoto kupitia simu ya mama yake mzazi na Salma (hakumtaja jina).
Aliendelea kusema kulijitokeza sakata wakati wa kumpa jina mtoto, Kanumba akitaka amwite jina la mama yake, huku Salma naye akitaka kumwita la mama yake, ndipo wakakubaliana mtoto aitwe Treasure au Tunu ili kumaliza mzozo wa kugombea kumwita mtoto jina la upande mmoja.
“Treasure alipofikisha miezi saba alisema nimpige picha nimtumie ili amwone alivyofikia, nilifanya hivyo. Siku moja akaniambia angetunga filamu kuhusu maisha yetu ambayo alipendekeza iitwe My Gift.
“Siku chache kabla ya kifo chake alinipigia simu pamoja na mtoto akisema alitaka kusafiri na asingekuwepo kwa mwezi wote wa Machi mwaka huu, alimsamilia mwanaye. Lakini cha kushangaza siku chache nikapewa taarifa za kifo chake,” alisema Salma.

KWA NINI USIRI?
Salma alisema mpaka sasa anashindwa kuelewa ni kwa nini marehemu alitaka uhusiano wao uwe wa siri. Lakini baadhi ya marafiki zake walikuwa wakifahamu uhusiano huo.

NENO LA MWISHO LA SALMA
“Kanumba kaniacha njia panda, sijui la kufanya, lakini ni vyema kama angemtambulisha mwanaye kwa ndugu zake kuliko hivi sasa ambapo mengi yatazuka kuwa pengine natafuta fedha za marehemu.
“Sijaweka wazi ili nipate chochote, bali nahisi dhambi kuficha kwa sababu huyu mtoto si damu

yangu peke yangu.

“Nitakuwa mbaya kwa Mungu kama nisiposema ukweli. Angekuwepo mwenyewe nisingesema kwa sababu yeye ndiye alikuwa kiongozi wa maisha ya mtoto.
“Narudia tena, nina uwezo wa kumlea na wala sihitaji mtoto achukuliwe na kwenda kuishi kwa baba, ila familia ijue kuna damu yao kwangu.
“Kama hawataamini, niko tayari kufika Dar na kupima DNA ili familia ya marehemu ijiridhishe,” alisema Salma.
Hata hivyo, Salma alikiri kufanya kosa la kutowahusisha marafiki wa Kanumba kumtegulia kitendawili hicho na kudai pengine umri mdogo ulichangia. Salma alizaliwa mwaka 1987.
Alisema mtu pekee ambaye watu wanamfahamu na ndiye shahidi wa uhusiano wake na marehemu ni msanii wa maigizo, Ramadhan Malele ‘Swebe’ ambaye alikuwa akiwasiliana naye mara kwa mara.
Salma alisema kabla Kanumba hajafikwa na mauti, yeye aliwahi kukutana na Swebe jijini Mwanza ambapo alimsimulia hali ilivyo na akamshauri kusikiliza matakwa ya marehemu ya kutotoa siri ya kuwepo kwa mtoto huyo.Kwa picha zaidi na habari ;.BOFYA HAPA

Chanzo;Global publishers Ltd

WANAFUNZI WA SHULE YA SEKONDARI ISONGOLE, WILAYA YA RUNGWE MKOANI MBEYA WAFUNGA BARABARA KUU KWA MASAA MANNE.

2012-04-18T05:07:00.000-07:00

Wanafunzi wa Shule ya Sekondari Isongole, Wilaya ya Rungwe Mkoani Mbeya wakiwa wameshika mabango yenye ujumbe ulioandikwa "Matuta kwanza tumechoka kupoteza ndugu zetu" kufuatia kifo cha mwanafunzi mwenzao wa kidato cha pili marehemu Nuru Patrick, baada ya kugongwa na gari ya abiria aina ya Coaster na kufariki papo hapo majira ya saa 1 asubuhi, Aprili 17 mwaka huu katika barabara kuu ya Mbeya/Tukuyu.

Wanafunzi wa Shule ya Sekondari Isongole, Wilaya ya Rungwe Mkoani Mbeya wamelazimika kufunga barabara kuu ya Mbeya/Tukuyu kwa masaa manne kuanzia saa 4 asubuhi mpaka 8 mchana, kufuatia kifo cha mwanafunzi mwenzao wa kidato cha pili marehemu Nuru Patrick, baada ya kugongwa na gari ya abiria aina ya Coaster na kufariki papo hapo majira ya saa 1 asubuhi, Aprili 17 mwaka huu.

Wanafunzi hao wakiwa wameshika mabango yenye ujumbe ulioandikwa "Matuta kwanza tumechoka kupoteza ndugu zetu" kufuatkia kifo cha mwanafunzi mwenzao wa kidato cha pili marehemu Nuru Patrick, baada ya kugongwa na gari ya abiria aina ya Coaster na kufariki papo hapo majira ya saa 1 asubuhi, Aprili 17 mwaka huu katika barabara kuu ya Mbeya/Tukuyu.

Mkuu wa Usalama wa barabarani Wilaya ya Rungwe BL Lihwa akimsikiliza Kiranja wa Taaluma katika shule ya Sekondari Isongole Charles Nyingi (26), muda mfupi baada ya ajali kutokea ambapo amesema zaidi ya wanafunzi 15 katika shule za msingi na sekondari Kijijini hapo wamefariki dunia baada ya kugongwa na magari kutokana na mwendokasi hivyo ameomba kuwekwa kivuko na usalama wa barabarani ili kudhibiti mwendokasi wa madereva unaosababisha ajali.

Mkuu wa Usalama wa Barabarani BL Lihwa akiwasihi wanafunzi kuliachia gari la kusafirishia wagonjwa baada ya kufunga barabara kuu ya Mbeya/Tukuyu kwa masaa manne kuanzia saa 4 asubuhi mpaka 8 mchana, kufuatia kifo cha mwanafunzi mwenzao wa kidato cha pili marehemu Nuru Patrick, baada ya kugongwa na gari ya abiria aina ya Coaster na kufariki papo hapo majira ya saa 1 asubuhi, Aprili 17 mwaka huu.

Gari la wagonjwa ikiwa imezuiwa kupita baada ya wanafunzi kufunga barabara kuu ya Mbeya/Tukuyu kwa masaa manne kuanzia saa 4 asubuhi mpaka 8 mchana, kufuatia kifo cha mwanafunzi mwenzao wa kidato cha pili marehemu Nuru Patrick, baada ya kugongwa na gari ya abiria aina ya Coaster na kufariki papo hapo majira ya saa 1 asubuhi, Aprili 17 mwaka huu.

Jeshi la Polisi lililazimika kutumia mabomu ya machozi ili kuwatawanya wanafunzi hao baada ya kufunga barabara kuu ya Mbeya/Tukuyu kwa masaa manne kuanzia saa 4 asubuhi mpaka 8 mchana, kufuatia kifo cha mwanafunzi mwenzao wa kidato cha pili marehemu Nuru Patrick, baada ya kugongwa na gari ya abiria aina ya Coaster na kufariki papo hapo majira ya saa 1 asubuhi, Aprili 17 mwaka huu.

Sehemu ya wanafunzi wakiwa na bango lililoamdikwa ujumbe huu "Matuta kwanza tumechoka kuwapoteza ndugu zetu.

Wanafunzi wakiwa wameanza kufunga barabara kuu ya Mbeya/Tukuyu kwa masaa manne kuanzia saa 4 asubuhi mpaka 8 mchana, kufuatia kifo cha mwanafunzi mwenzao wa kidato cha pili marehemu Nuru Patrick, baada ya kugongwa na gari ya abiria aina ya Coaster na kufariki papo hapo majira ya saa 1 asubuhi, Aprili 17 mwaka huu.

(Picha zote na Ezekiel Kamanga, Rungwe).

SIRAHA ZA KIVITA (SMG) NA RISASI ZAKAMATWA MKOANI KIGOMA..

2012-04-12T02:24:00.001-07:00

SSP JOSEPH KONYO AKIONESHA MOJA YA SILAHA HIZO

KAIMU KAMANDA KIHENYA AKIWAONYESHA WAANDISHI WA HABARI SILSHA MBILI ZA KIVITA AINA YA SMG ZILIZOKAMATWA

KAIMU KAMANDA KIHENYA AKIWAONYESHA WAANDISHI WA HABARI RISASI MBILI ZILIZOKAMATWA NA BUNDUKI HIZO

VIONGOZI MBALIMBALI WA VYAMA NA SERIKALI WAOMBOLEZA MSIBA WA MSANII WA FILAMU NCHINI STEVEN KANUMBA

2012-04-08T09:16:00.002-07:00

Rais wa jamhuri ya muungano wa Tanzania Dr Jakaya kikwete akisaini kitabu cha maombolezo nyumbani kwa Steven Kanumba

Mbunge wa jimbo la kinondoni Mh Iddi Azani akisaini kitabu cha maombolezo.

Mke wa waziri mkuu mama Tunu Pinda naye akitia saini kitabu cha wageni.

Mtoto wa rais bwana Ridhwan Kikwete naye pia akitia saini kwenye kitabu cha maombolezo kwenye msiba wa Kanumba.

picha zote kwa hisani ya michuzi

WATANZANIA WAOMBOLEZA MSIBA WA MSANII KANUMBA NYUMBANI KWAKE VATCAN SINZA..MSANII LULU AHUSISHWA NA KIFO HICHO ASHIKILIWA NA POLISI KWA MAHOJIANO..

2012-04-07T03:51:00.001-07:00

Picha za baadhi ya waombolezaji wakiwa nyumbani kwa msanii Steven Kanumba huko Sinza .

Pichani ni msanii Elizabeth Michael maarufu kamaLULU ambaye ndiye mshukiwa mkuu wa mauaji hayo(Bado haijathibitishwa na vyombo husika)

Ndugu wa Kanumba akihojiwa

TAARIFA kutoka kwa ndugu wa Marehemu Steven Kanumba ambaye alikuwa akiishi nae Sinza jijini Dar es Salaam na wakati mauti yanamkuta Kanumba alikuwapo nyumbani hapo zinasema chanzo cha kifo chake ni ugomvi baina ya kanumba na Msanii mwingine wa kike ambaye ni rafiki yake.

Ndugu huyo amepasha kwa wanahabri kuwa Msanii huyo wa kike ambaye analikuwa na mahusinao na marehemu kuwa ni Elizabeth Michael maarufu kwa jina la Lulu.

Akisimulia kwa ufupi chanzo cha kifo hicho cha Ghafla cha Nguli wa Filamu za Kibongo “ Bongo Movie” anasema wakiwa hapo nyumbani alifika Lulu majira ya usiku.

Anasema aliwaacha wawili hao wakizungumza klakini baade alisikia kuwepo kwa malumbano na wakahamia chumbani ugomvi ukazidi kuendelea.

Anasema kuwa mara alitoka Lulu na kumita yeye na kumwambia kuwa kanumba ameanguka na alipoingia chumbani humo alikuta kweli ameangua na ndipo alichukua uamuzi wa kumtafuta daktari wake aje kumtibu.

Anasema ndugu huyo kuwa wakati ameruidi ndani humo na Daktari Lulu alikuwa amesha toweka ndipo wakachukua mwili wa marehemu na kuupeleka Hospitali ya taifa Muhimbili ambako mwili wa marehemu ulihivaziwa hadi hivi sasa kuendelea na uchunguzi zaidi.

Aidha habari zaidi zinasema kuwa tayari mwana dada huyo maarufu katika ulimwengu wa Filamu za Bongo yupo mikononi mwa Polisi na alikuwa akihojiwa katika Kituo Kikuu cha Mkoa wa kipolisi cha Kinondoni pale Oystebay Polisi jijini Dar es Salaam.

Hivi karibuni katika kipindi cha Mikasi kinachorushwa na kituo cha Televisheni cha Channel 5 Lulu mbali na mahojiano mengine aliulizwa juu ya uhusiano wake na msanii huyo na kukataa kata kata kuwa hana mahusiano nae ya kimapenzi isipokuwa ni usanii pekee ndio unawaweka karibu.

Tutaendelea kuwaopasha zaidi juu ya mkasa huu. Lakini niwazi kama kweli Lulu alikuwepo nyumbani hapo na katika purukushani za kutofautiana na Kanumba ndio zimepelekea kifo chake basi atafunguliwa mashitaka na huenda ikawa ni mauaji pasi kukusudia inategemea na uchunguzi utakavyo fanyika.

Habari kwa Hisani ya Father Kidevu Blog

Breaking News...Steven Kanumba afariki Dunia...

2012-04-06T22:40:00.000-07:00

HABARI ZILIZOTUFIKIA MAPEMA HII LEO ZINATHIBITISHA KUWA MSANII MAARUFU WA MICHEZO YA MAIGIZO STEVEN KANUMBA AMEFARIKI DUNIA USIKU WA KUMAKIA LEO NYUMBANI KWAKE VATCAN SINZA.

HABARI ZAIDI ZA CHANZO CHA KIFO CHAKE NA TARATIBU ZA MAZISHI ZITAWAJIA HAPO BAADADE MARA TU ZITAKAPOTOLEWA NA VYOMBO HUSIKA.

MUNGU AILAZE ROHO YA MAREHEMU KANUMBA MAHALI PEMA PEPONI AMEN.

SAKATA LA LEMA KUVULIWA UBUNGE,IKULU YAJIBU TUHUMA DHIDI YAKE..

2012-04-06T03:36:00.000-07:00

Katika mahojiano yake leo, Alhamisi, Aprili 5, 2012, na Redio One, ikiwa ni kauli yake ya kwanza baada ya Mahakama Kuu ya Arusha kutangaza kumvua ubunge, aliyekuwa Mbunge wa Arusha Mjini, Bwana Godbless Lema, amedai kwa jazba sana kuwa hukumu ya Mheshimiwa Jaji Gabriel Rwakibalira imetokana na maelekezo ya Rais wa Jamhuri ya Muungano wa Tanzania, Mheshimiwa Jakaya Mrisho Kikwete na Ikulu.Kauli hii ya Bwana Lema ni upuuzi. Siyo Mheshimiwa Rais Kikwete wala Ikulu imeingilia kati kesi yake kwa namna yoyote ile, iwe ni kwa kupiga simu ama kuzungumza na Mheshimiwa Jaji Rwakibalira.
Kwa hakika, haijapata kutokea Mheshimiwa Kikwete, tokea alipoingia madarakani, Desemba 21, 2005, akaingilia, kwa namna yoyote ile, mwenendo wa kesi yoyote ile katika Mahakama yoyote na ya ngazi yoyote katika Tanzania. Na wala hakusudii kufanya hivyo wakati wote wa muda wake uliobakia wa uongozi. Siyo kazi ya Rais kutoa hukumu ama kuelekeza namna ya kutoa hukumu katika kesi zilizoko Mahakamani. Rais hana madaraka wala mamlaka hayo.
Aidha, kauli ya Bwana Lema ni ukosefu mkubwa wa adabu na heshima kwa Mahakama ambao ni Muhimili Huru usioingiliwa na Serikali ama na Muhimili mwingine katika maamuzi yake. Bwana Lema amekuwa kiongozi kwa muda sasa, hivyo ni lazima atambue jambo hili kubwa na muhimu katika mfumo mzima wa utawala wa nchi yetu.Ni jambo lisilokuwa na mshiko wala tija, na kwa kweli ni bahati mbaya, kwamba Bwana Lema anajaribu kuingiza mambo yasiyohusika katika jambo la dhahiri kabisa kuwa ni la kisheria ambalo msingi ni hoja na maelezo mahakamani.
Bwana Lema asitafute visingizio kwa yaliyomfika kwa sababu hakuna mtu mwingine wa kumbebea msalaba huu. Badala ya kutafuta mchawi asiyekuwepo, ni vyema Bwana Lema angekaa chini na kuangalia ni sababu zipi za kisheria zilizomfanya ashindwe na kama ameridhika kuwa hakutendewa haki akate rufani kwa mujibu wa sheria nataratibu.Tunaomba wananchi wampuuze. Ameshindwa kesi kwa makosa yake aliyofanya hana mtu wa kumlaumu bali ajilaumu mwenyewe

Imetolewa na:
Kurugenzi ya Mawasiliano ya Rais,
Ikulu.
Dar es Salaam.
05 Aprili, 2012

BAADA YA LEMA KUVULIWA UBUNGE..VIONGOZI WA CHADEMA WA NENA..

2012-04-06T03:30:00.000-07:00

Mwenyekiti wa chadema Freeman Mbowe akiongea na wananchi wa liouhudhuria katika ofisi ya hicho mara baada ya mahakama kutengua ubunge wa Godbless Lema jijini Arusha leo.

(PICHA ZOTE NA GLADNESS MUSHI WA FULLSHANGWE- ARUSHA)

Mwenyekiti wa chadema Freman Mbowe katikati akitoa hotuba yake kwa wananchi kushoto ni mbunge mteule wa jimbo la Arumeru Mashariki Joshua Nasari na kulia ni Godbless Lema aliyekuwa mbunge wa jimbo la Arusha mjini mara baada ya hukumu kutolewa.

NA GLADNESS MUSHI,ARUSHA

KATIKA Hali isiyokuwa ya kawaida MBUNGE wa jimbo la Arusha mjini Bw

Goodbless Lema ametenguliwa na mahakama kuu kanda ya Arusha katika
matokeo yake ya ubunge na kisha mahakama hiyo kutangaza hadharani
siyo mbunge
Akisomewa hukumu hiyo mapema leo na jaji mfawidhi kutoka katika kanda
ya sumbawanga Jaji Gabriel Rwakabirira alisema kuwa ameridhika na
ushahidi wa pande zote mbili na ndio maana ametoa hukumu
Jaji Gabriel alisema kuwa alipokea dondoo 10 kutoka kwa wafuasi wa CCM
ambapo alifanikiwa kukubali dondoo 8 na kisha kukutaa dondoo nyingine
mbili kwa mujibu wa sheria na taratibu za mahakama.
Alisema kuwa Mbunge Lema alitenda makosa hayo kati ya mikutano 60
ambayo aliifanya katika enzi za kampeni za mwaka 2010 ambapo
alimchafua Mgombea Mwenza ambaye ni Dkt Batilda Burian kinyume cha
sheria
Jaji huyo alifafanua kuwa mbunge huyo alikutwa na makosa nane hali
ambayo inamfanya mpaka sasa angatuke kwenye ubunge kwa mujibu wa
sheria na taratibu za mahakama.
Kutokana na hali hiyo alisema kuwa anamuagiza msajili wa mahakama kwa
kanda ya Arusha kuhakikisha kuwa anapeleka taarifa kwa tume ya
uchaguzi juu ya kuenguliwa kwa Mbunge huyo lakini bado yuko huru
kukata rufaa hata kwa ngazi za juu sana.
Awali Aliyekuwa mbunge wa jimbo hilo la Arusha Mjini Goodbless
Lema,aliwaambia maelfu ya wananchi ambao walikusanyika katika viwanja
vya mahakama hiyo kuwa bado yeye ni jasiri wa hali ya juu sana na kwa
hali hiyo atashinda tu
Lema alisema kuwa kitu kilichofanyika katika mahakama hiyo na kisha

kutengua ubunge wake kiinaonesha wazi jinsi mahakama isivyoweza

kutumia demokrasia na hali hiyo kama itaendelea ni wazi kuwa maskini

watakosa haki zake za msingi

Lema aliwaambia wannachi wa jimbo lake kuhakikisha kuwa kamwe
hawavishiwi roho za uoga kwa kuwa roho hizo za uoga kama zitakuwepo
ndani ya jimbo lake ni wazi kuwa wataendelea kuteseka na CCM
Mwenyekiti wa chama cha demokrasia na Maendeleo (CHADEMA) Freeman
Aikael Mbowe aliwaambia wanachi Jumamosi ndio watajua mbivu na chachu
kama watarudia uchaguzi au watakata rufaa
Kutokana na hali hiyo Bw Mbowe alisema kuwa wananchi wanatakiwa kuwa
watulivu kwa kuwa hata chama hicho bado hakina nguvu ya kupingana na
nguvu ya mahakama kwa kuwa mahakama ni muhimili pekee wa nguvu ya
Dola.

2012-02-03T10:33:00.001-08:00

Rais Jakaya Mrisho Kikwete akisalimiana katika viwanja vya Mahakama kuu jijini Dar es salaam leo January 3, 2012 na kupokewa na Jaji Mkuu Mh. Mohamed Chande Othman nyuma yake, Spika Anne Makinda (anayepeana nae mikono, na viongozi wa juu wa Mahakama kabla ya kuhutubia katika Siku ya Sheria Tanzania jijini Dar es salaam leo January 3, 2012

Rais Jakaya Mrisho Kikwete akiangalia kalenda aliyozawadiwa na Jaji Mkuu Mh. Mohamed Chande Othman baada ya kuhutubia katika Siku ya Sheria Tanzania jijini Dar es salaam leo January 3, 2012

Rais Jakaya Mrisho Kikwete akihutubia katika Siku ya Sheria Tanzania jijini Dar es salaam leo January 3, 2012

Picha na IKULU

MAFUNDI WACHAKARIKA KUSHONA SARE 400 ZA VIJANA WA GWARIDE MAALUM KITAIFA LA MIAKA 35 YA CCM

2012-02-03T10:31:00.000-08:00

MAFUNDI 20 waliopewa kazi wa kushona sare zitakazovalishwa na Vijana wa Umoja wa Vijana wa CCM (UVCCM) wakati wa gwaride maalum siku ya kilele ya miaka 35 ya CCM wakiwa kazini jana kwenye Uwanja wa CCM Kirumba jijini Mwanza ambako sherehe za maadhimimisho hayo kitaifa zitafanyika Jumapili hii. Jumla ya vijana 400 kutoka wilaya zote za mkoa wa Mwanza watashiriki gwaride hilo.

Uwanja wa CCM Kirumba zitakakofanyika kitaifa sherehe za kilele cha maadhimisho ya miaka35 ya CCM, Jumapili hii, Februari 5, 2012, ukiwa umepambwa maneno ya kumkaribisha Mwenyekiti wa Chama, Rais Jakaya Kikwete ambaye atakuwa mgeni rasmi kwenye sherehe hizo.

Na Bashir Nkoromo

KATIBU MKUU WA CHADEMA DR WILBROAD SLAA AUNGURUMA SEHEMU MBALIMBALI ZA JIJI LA MBEYA

2012-01-14T10:03:00.000-08:00

Huku mvua ikiendelea kunyesha Dr. Slaa aliendelea kuwahutubia mamia ya wakazi wa Mbalizi

Baadhi ya mabango waliyobeba wanachama wa chadema Mbalizi wakimkaribisha Dr. Slaa kiwanjani hapo

Mamia ya wakazi wa mji mdogo wa Mbalizi wakimsikiliza Dr. Slaa huku mvua ikiendelea kuwanyeshea

PICHA NA MBEYA YETU

ITS MY BIRTHDAY TODAY!!!

2012-01-12T23:40:00.000-08:00

Leo nasherekea kutimiza miaka kadhaa ya kuzaliwa kwangu, napenda kuchukua nafasi hii kwanza kumshukuru sana mwenyezi Mungu kwa uzima huu,pili wazazi wangu na familia yangu kwa ujumla bila kuwasahahu wadau wangu wote wa mtandao huu kwa support yenu kubwa kwa kipindi chote.

Mungu na awabariki sana .

HALI BADO SI SHWARI KATI YA WANANCHI NA MWEKEZAJI KAPUNGA MBALALI..

2012-01-12T02:47:00.000-08:00

Mfugaji Bwana Mungo Makubi (27) kushoto na Singu Mwakami (23) wakimtazama ng'ombe aliyeuawa kwa kugongwa na gari aina ya Toyota Landcruiser lenye nambari ya usajili T 566 BQH. iliyokuwa ikiendeshwa na mwekezaji wa Kapunga Rice Project wilayani Mbarali aitwaye Bwana Gerry Baquzein baada ya kuwakosa wafugaji hao baada ya kujistiri nyuma ya mti na kisha hasira za mwekezaji kuishia kwa kumgonga ng'ombe huyo mwenye thamani ya shilingi laki 6 za kitanzania na kisha kufa papo hapo.

Gari aina ya Toyota Landcruiser lenye nambari ya usajili T 566 BQH. iliyokuwa ikiendeshwa na mwekezaji wa Kapunga Rice Project wilayani Mbarali aitwaye Bwana Gerry Baquzein na kisha kumgonga ng'ombe mwenye thamani ya laki 6 na kisha kufa papo hapo, baada ya kuwakosa wafugaji hao baada ya kujistiri nyuma mti.

Jeshi la polisi lilifika eneo la tukio na kushuhudia ng'ombe huyo akiwa amefariki lakini hawakuchukua hatua zozote za kisheria dhidi ya mwekezaji wa Kapunga Rice Project wilayani Mbarali aitwaye Bwana Gerry Baquzein, aliyetumia gari lake kufanya mauaji ya ng'ombe huyo.

Wafugaji wakionesha jinsi mwekezaji huyo alivyokuwa akiwakimbiza na pichani ni alama za magurudumu ya gari yalipopita wakati akiwafukuza.

Sehemu ya shamba ambayo mwekezaji wa Kapunga Rice Project ameshindwa kuilima na nyasi zikiendelea kuota.

Moja ya mitambo inayotumika katika shughuli katika shamba hilo la Kapunga Rice Project ikiwa imeachwa katika moja ya sehemu ya shamba ambayo mwekezaji ameshindwa kuilima, na nyasi kuendelea kuota.

Baada ya mwekezaji wa Kapunga Rice Project kufunga njia zinazoingia na kutoka, pia kufunga maji ya bomba wananchi wa kijiji cha Kapunga wapo katika hatari kubwa kama inavyooneka pichani, wanawake wakivuka kuelekea ng'ambo ya pili kwa kutumia gogo.

toka www.mbeyayetu.blogspot.com

NEW ALERT...MZEE KIPARA WA KAOLE AFARIKI DUNIA

2012-01-11T02:08:00.000-08:00

Msanii Mkongwe katika tasnia ya Maigizo/Filamu hapa nchini, Fundi Saidi almaarufu kwa jina la kisanii Mzee Kipara amefariki mapema leo asubuhi,nyumbani kwake huko Kigogo Mbuyuni-Kinondoni jijini Dar es salaam.
Mzee kipara ambaye alizaliwa mnamo mwaka 1922,huko Bongoni mkoani Tabora,alikuwa kisumbuliwa na matatizo ya miguu kukosa nguvu,alikuwa hawezi kusimama mwenyewe,sambamba na umri nao huenda ulichangia kwa maradhi hayo na mengineyo,hali iliyokuwa ikimlazimu kutumia muda mwingi kitandani,wakati mwingine alishindwa kutoka nje mpaka watu watokee kumtoa nje ili kuota jua ama kupunga upepo.
Mzeee Kipara alianza sanaa mnamo mwaka 1964 kwa kufanya kazi za mitaani na baadaye akachukuliwa na Radio Tanzania Dar es Salaam (RTD) sasa TBC Taifa. Akiwa na kituo hicho, aliigiza katika michezo mingi na nafasi zake kubwa zilikuwa zile zenye kuonesha utemi, wengi huita ukorofi. Mnamo Mwaka 1999, akiwa na wasanii wenzake akina Zena Dilip, Rasia Makuka, marehemu Rajab Hatia ‘Mzee Pwagu’ na Mama Haambiliki walijiunga katika Kundi la Kaole ambalo lilikuwa likirusha maigizo yake katika Runinga ya ITV.