Beckus

Liverpool - dagur 1

noreply@blogger.com (April) — Fri, 09 Dec 2011 20:23:00 +0000

Dagurinn byrjaði snemma. Flugið var kl.8 um morguninn og fengum við að gista hjá Emmu systir hans Binna um nóttina. Við ákv að leggja snemma í hann sem betur fer, eitthvað gekk ill að tékka mig inn í gegnum sjálfsafgreiðsluna og var það útaf eftirnafninu, hafði víst skrifað Stefánsdóttir á farseðilinn en það stendur Beck á vegabréfinu. Redduðum því sem betur fer en það tók sinn tíma. Þegar við komum í fríhöfnina var barinn leitaður upp en Leifstöð er greinilega langþreytt á fullum íslendingum á ferðalagi og faldi barinn einvhers staðar út í horni, það var því splæst á einn rándýran kaldan í kaffiteríunni, 750 kr stk takk fyrir. Náðum að skoða okkur aðeins um en ákv að vera ekki að versla neitt. Á leiðinni að hliðinu komumst við að því að við vorum ekki sett í sæti hlið við hlið, merkilegt nokk þá tókst okkur að redda því líka á þjónustuborði áður en við komum að hliðinu. Flugið gekk stórslysalaust fyrir sig og fær Icelandair stóran plús fyrir sæti og afþreyingarúrval (horfði á Romeo + Juliet, textalaust reyndar en maður náði meginatriðunum...). Lentum í Manchester eitthvað eftir 10:30 og tók þá rúm klt rútuferð til Liverpool sem hefði tekið aðeins styttri tíma hefði farastjórinn og/eða rútubílstjórinn komið eða amk vitað hvar hótelið var...en eins og fyrr um daginn þá reddaðist það (reyndar eftir nokkar hringi og óþarfa hægri-hægri-vinstri beygjur). Þá var kl. orðin 13 þegar við komum á hótelið og tékkuðum okkur inn. Ákv að henda töskunum upp á herbergi og beint niður að ná í miðana og fá okkur að borða, ekkert borðað síðan bjórinn í Leifstöð og morgunmat kl.6. Fengum okkur sitthvora samlokuna, franska og pepsi....ekkert til að hrópa húrra fyrir hvað þá að borga tæpar 3000 kr :o/. Ákv að fá okkur smá lúr áður en dagurinn byrjaði endan dauðþreytt eftir morguninn, ætluðum að sofa til 15:15 en vorum vöknuð hress og kát um kl.14:30 og til í daginn. Vorum búin að plana að skella okkur í Bítlasafnið áður en við kíktum í verslanirnar. Bítlasafnið hefur tekið stórum breytingum frá því ég var þar 2002. Eftir safnið tókum við stefnuna á verslunar centerið, fyrst og fremst að leita að myndavél fyrir morgundaginn :o) Byrjuðum á því að fá okkur að borða á ítölskum veitingastað, þar sem við fengum okkur mikið betri mat á aðeins meira en það sem við fengum á hótelinu. Mikið líf og fjör var upp og niður alla götuna og eru þetta nokkrar götur sem liggja í kross við hvor aðra. Við fundum á endanum raftækjaverslun og Binni gaf mér í útskriftar/afmælisgjöf 1 stk Canon Ixus 115. Núna var klukkan að nálgast átta og flesta búðir lokaðar eða verið að loka. Við kíktum inni í Apple búðina þar sem ég ætlaði kannski að versla mér iPOD touch en endaði á því að skoða iPhone4S. Sú sem afgreiddi okkur var virkilega viðkunnaleg og náði næstum því að selja okkur græjuna þarna á einu bretti. Ég ákv samt að sofa á þessu endanum áttu þau ekki ólæst eintak á staðnum en gætu fengið yfir helgina. Svo var haldið til baka upp á hótel og tekið því rólega fyrir framan sjónvarpið og reynt að fara snemma að sofa.
Á morgun er svo stóri dagurinn. Binni er að farast úr spenningi og ég held að drengurinn muni ekkert sofa í nótt eða kannski aðeins þar sem dagurinn er búin að vera langur og viðburðaríkur.
Hótelið sem við erum á er virkilega flott, internet og morgunmatur innifalið og sólarhrings snack-bar (ef maður verður svangur kl.3 um nóttina). Bretarnir eru virkilega alminnilegir og kurteisir en við mættum bæta okkur aðeins í því að segja "please" þegar við erum að biðja um eitthvað, panta o.s.f.v.

Áfram Liverpool!!!

Síðustu dagarnir og heimkoman

noreply@blogger.com (April) — Sat, 12 Mar 2011 15:53:00 +0000

Síðustu dagarnir....nr.? – 13.dag (11.mars)

Hætt að halda tölu yfir þá daga sem ég hef verið að skrifa þannig ég sleppi því bara. Er núna með netið í síðasta skiptið á hótelinu (miðvikudag) því ég fer svo heim á föstudaginn í, að mér skilst, vetraríkið Ísland (það gat ekki gerst um jólin, var það?!) Er að fara á síðustu vaktina í kvöld og vona heitt og innilega að það verði aðeins meira að gera í kvöld en í gær. Það var það rosalega lítið að gera að ég leyfði mér (í samráði við hjúkkuna sem ég var að elta...) að fara heim upp úr kl.21. Á morgun er svo síðasti dagurinn í Danaveldi, ætla að reyna að nýta hann í eitthvað uppbyggilegt (a.k.a eyða pening...) grínlaust þá ætla ég kíkja kannski aðeins í Fields og ath hvort eg sjái eitthvað sniðugt á billegu verði. En eins og það er nú búið að vera gaman hérna í Danmörk þá er mig svolítið farið að hlakka til að komast heim til kalls og kattar, svolítið fyndi með köttinn. Þegar ég hef verið með netið þá hef ég og Binni spjallað saman í gegnum Skype, sem er svo sem ekki frásögu færandi, nema kötturinn er fljótur að koma að tölvunni þegar ég tala og svipast um eftir mér. Hef prufað að kalla á hann eins og ég geri þegar ég er heima og þá kemur hann hlaupandi til og reynir að finna mig. Hefur meira að segja gengið svo langt að leggjast á tölvuna þaðan sem hljóðið kemur. Gott að vita að manns er greinilega saknað á heimilinu af fleirum en kallinum sínum :o)

Farin á vaktina....ef það gerist eitthvað þá læt ég ykkur vita. Þetta hefur samt alveg verið lærdómsríkt, er búin að fylgjast með nokkrum einföldum og flóknum saumum, gifsun, meðferð við lyfjaeitrun og svo við hjartastoppi. Ég lærði að sauma (þó ég hafi ekki gert það á sjúklingi, gæti ég örugglega saumað lítið clean-cut ef nauðsynlega þyrfti...) og lærði mikið af því að fylgjast með starfsmönnum spítalans að sinna sjúklingnum í hjartastoppi, þó ég hafi ekki tekið þátt finnst mér ég aðeins tilbúnari fyrir þegar það gerist fyrir minn sjúkling á minni vakt (ætla ekki að segja ef því þetta mun gerast og þá verður hjúkrunarfræðingur að vera viðbúinn). Ég náði að bæta mig aðeins í dönskunni en er enn frekar hikandi þegar fólk er að tala við mig, tekur um svona 3-4 sek að átta mig á hvað fólk hefur verið að segja við mig. Í dag fór ég svo á skiptinema fundinn þar sem við vorum að „ígrunda“ ákveðin atvik sem við höfum upplifað í verknáminu og hópurinn minn tók til atvikið með sjúklinginn sem fór í hjartastopp á deildinni. Spurningin var svo hvað hefði ég sem skiptinemi gert til að læra betur af reynslunni því í rauninni eru ekki mörg námstækifærin í svona atvikum, nema að standa úti í horna og fylgjast með. Við í hópnum höfðum líka rætt okkar á milli um starfshætti hjúkrunarfræðinga í Danmörku og án þess að vera að lasta danska hjúkrunarfræðinga þá held ég að ég mundi ekki vilja starfa þar til lengri tíma litið við hjúkrun. Nema hvað, við tókum þetta dæmi fyrir hópnum og svo þegar búið var að ræða það fékk ég leyfi til að koma mér í, því ég ætlaði að nýta síðasta daginn minn í að klára versla smá. Var búin að sjá nokkra flotta kjóla á netinu og ætlaði að kíkja í búðirnar en þeir voru svo ekki til í þeim búðum sem ég fór í þannig ég kem kjólalaus til baka. Það er svo sem í lagi því ég hef náð að versla aðeins meira að hversdags fatnaði í skápinn hjá okkur parinu (ekkert á köttinn samt...)

Svo er það bara heimferðin á morgun, föstudag (sem er líklega í dag þegar ég set þessa færslu á netið...) farin að hlakka svo lítið til að komast heim til kalls og kattar og alveg rosalega í mitt eigið rúm því hvorki koddinn(-arnir) né dýnan er eitthvað til að hrópa húrra yfir....en svona í lokinn aðeins að fara yfir það sem ég hef upplifað hér í Danaveldi....

....Danir reykja töluvert meira en Íslendingar (mér finnst alla vega ég sjá meira af fólki reykjandi alls staðar en heima)

....Danir tala frekar hratt, hátt og hvasst...fannst oft á tíðum þegar ég var að hlusta á tvo einstaklinga tala saman að þeir væru að rífast en voru það svo ekki....

...Danskar stelpur láta ekki -8C° frost og rok aftra sér frá því að vera í nylonsokkabuxum og stuttu pilsi á hjóli, ekki frekar en þær íslensku láta lárétta slyddu og hálku aftra sér í að fara í sama fatnaði á djammið....

...bjórinn er ódýr í Danmörku, þrátt fyrir gengið....

....það er ekkert mál að ferðast með S-to, metro, strætó eða hjóla á milli staða, eitthvað sem Íslendingar mættu taka sér til fyrirmyndar (tekur strætó x frá A til B og svo sama strætó hinum megin við götuna frá B til A)

...Danir vita almennt ekki að Íslendingar læra dönsku í skólanum

....Danskt kaffi er vont kaffi (ekki flott kaffi á kaffihúsum, heldur venjulegt kaffi úr kaffikönnu á spítölum, hótelum, skólum o.s.f.v.)

...Danir fylgja mjög fast eftir fyrirfram ákveðnum verklagsreglum, sem getur verið gott og slæmt....

Sit á Kastup með starbuck caramel frappuccino og súkkulaði croissant þegar ég fatta það að flugið er kl.11:55 sem er eiginlega kl.12, þannig núna 2 klt og 20 mín fyrir flug er ég búin að tékka mig inn og fá mér morgunmat.....hvað á ég að gera við restina af tímanum....vonandi verður ekki seinkun eins og i fluginu út (varð hálftíma seinkun). Sem betur fer er flugvöllurinn mun stærri en flugvöllurinn heima og því nóg að skoða og gera :o) kaupi mér jafvel 1 stk Cosmopolitan bara svona af því maður er á erlendum alþjóðlegum flugvelli að blogga tölvunni (kemst reyndar ekki á netið), drekkandi frappuccino og borða súkkulaði croissant ;o)

Flugið gekk ágætlega heim, seinkun um 30 mín...fór í gegnum fríhöfnina frekar snögglega, enda ekki mikið sem ég ætlaði að versla þar og það sem ég ætlaði að versla var ekki til (captain morgan private stock og 2-3 dósir af Sweet Duplin fyrir pabba....). Við tókum því rólega á föstudagskvöldið en ætlum að kíkja út í sitthvoru lagi á laugardaginn, ég að hitta björgunarfólkið mitt og Binni í póker með karlaklúbbnum sínum. Í vikunni fellur allt aftur í sama farið. Síðasta vikan fyrir lokaverkefnið og núna verður maður víst að spýta í lófana. Á mánudaginn eftir viku hefst svo síðasta og (miða við það sem ég hef heyrt) erfiðasta verknámið á þessum fjórum árum, barnahjúkrun....ég ætla samt að reyn að tækla þetta sem ekkert mál og halda ró minni eins og ég get ;o) skólinn mun klárast á endanum og ég mun útskrifast 11.júní!!!

Svona hefur lífið verið í Danmörku og ég mun pottþétt fara þangað aftur og taka kallinn með jafnvel í heila viku því Danmörk hefur margt spennandi upp á að bjóða. Hins vegar er ég ekki spennt fyrir því að koma og vinna sem hjúkrunarfræðingur, kannski í Noregi eða Svíþjóð....

4. - 7. mars

noreply@blogger.com (April) — Wed, 09 Mar 2011 13:04:00 +0000

Dagur 7-10 – 4.-7.mars

Tíminn er fljótur að líða þessa dagana. Tók 3 morgunvaktir núna, lau, sun og mánudag. Frekar rólegt allt saman, nema á sunnudaginn kom upp töluvert trauma á deildinni. Án þess að fara út í einhver smá atriði var hringt neyðarbjöll á einu herberginu og innan við 5 mín seinna voru 3 læknar, 2 svæfingarhjúkrunarfræðingar, 2 hjartahjúkrunarfræðingar (sáu um EKG og stuðtækið), 3 flutningsmenn (gegna sama hlutverki og sjúkraliðar á slysó heima á Íslandi) mætt á svæðið auk þeirra 3 hjúkrunarfræðinga og 2 lækna sem komu af bráðamóttökunni....og svo ég úti í horni að reyna að gera mig ósýnilega. Allt í allt var þetta um 15 manns sem voru komin inn í þetta litla herbergi með akútvagn, EKG tæki, stuðtæki, monitor og allir að vinna að sama markmiðinu, að bjarga sjúklingnum. Það tókst, alla vega á bráðamóttökunni, svo var farið með hann í tölvusneiðmynd og upp á gjörgæslu. Hafði ekki heyrt af sjúklingnum í dag en þetta er talið hafa verið pneumokokka sepsis eða meningitis. Allt gerðist þetta mjög hratt, hjúkrunarfræðingur sem tók á móti sjúklingnum var enn að klára að meta og taka sjúkrasögu þegar hann fer í hjartastopp. Ég ákvað að standa til hliðar og fylgjast með af þeirri einföldu ástæðu að ég er ekki nógu fær í dönskunni til að taka þátt. Mitt sjálfskipaða hlutverk var að loka hurðinni þegar einhver gekk inn eða út úr herberginu og færa til hluti þegar fólk þurfti að komast fram og til baka. Það var hins vegar mjög fróðlegt að fylgjast með fólkinu, hvað allir voru samstíga, allir með á hreinu hvað er næsta skref og hlutverki hvers og eins, hröð vinnubrögð og alls ekkert panic ástand á neinum. Svo var allt með hinu rólegasta í dag, alla vega um morguninn svo þegar líða tók á daginn fór að aukast álagið. Verður gaman að sjá hvernig morgundagurinn og miðvikudagurinn verða, þau segja á deildinni að það koma alltaf fleiri á kvöldin eftir vinnu heldur en um daginn.

noreply@blogger.com (April) — Fri, 04 Mar 2011 22:07:00 +0000

Dagur 3-5 – 28.febrúar – 2.mars

Gleymdi smá fréttafluttningnum en hérna koma síðast liðnu dagar.

Á mánudaginn hitti alþjóðatengiliðinn minn og átti þar gott spjall. Ég fer svo aftur í skólann á fimmtudaginn í næstu viku, þá verður skiptinemadagur einhvers konar þar sem skiptinemarnir hittast, ræða um reynslu sína af heilbrigðiskerfinu i Danmörk, kannski aðeins af heilbrigðiskerfinu í sínu heimalandi og bara svona almennt spjall. Ég hélt þetta væri einhver kynning með powerpoint og veseni en það er ekki svoleiðis, heldur verður okkur skipt í nokkra 4-5 manna hópa og verður umræður þar á milli. Ég hélt líka að þetta væri skilda fyrir mig að mæta á þetta en það kom svo í ljós að svo er ekki en ég ætla samt að mæta, held það verði bara gaman. Ég fór svo í MÓSA strokið sem ég gleymdi að fara og sækja í dag en það er í lagi, get náð í það á morgun þess vegna, er með neikvætt frá Íslandi en þeir vilja líka neikvætt frá Danmörku. Þegar ég var búin á spítalanum í Hvidovre tók ég S-tog til baka að Nörreport St og ákvað að ganga til baka að Hovedbanen í gegnum Nörrebrodgade. Það var skítakuldi en stillt og gott veðrið. Tók myndavélina með mér og tók nokkrar myndir af göngutúrnum og set líka leiðina sem ég fór því ég var svo klár að hafa Garmin úrið mitt með mér ;o) Ég kíkti í nokkrar verslanir í Nörrebrodgade og skellti mér á eitt stk handtösku á 5000kr, hefði átt að kosta 2500 en ég ætla ekki að svekja mig á því. Þegar ég var komin að ráðhústorginu ákvað ég líka að skella mér aðeins á strikið (lesist H&M) og keypti þar nokkrar flíkur á okkur parið, buxur á Binna og jakka á mig. Svo hélt ég bara heim á leið. Endaði daginn svo bara uppi á hótelherbergi, sem er svo sem ekkert nýtt.

Á þriðjudaginn fór ég svo og hitti kennarann minn á bráðamóttökunni og deildarstjórann. Get ekki annað sagt en ég hálfvorkenni deildarstjóranum, hún var s.s. að koma úr fríi og skiljanlega er über mikið álag á henni bara við það að koma úr fríi en svona til að bæta ofan á það var að byrja hjá henni nýr hjúkrunarfræðingur og læknir sama daginn og ég ætlaði að byrja í verknáminu. Þegar við vorum að fara yfir það sem ég vildi fá útúr verknáminu kom í ljós að það hefði verið smá misskilningur því ég hafði sagt að ég vildi læra um störf hjúkrunarfræðinga og hvernig þeir væru að sinna hjúkruninni en ég vildi líka fá fjölbreytt tilfelli til að læra af í klíník. Þetta síðast nefnda hefur einhvern veginn orðið lost in translation, því hún var búin að sjá fyrir sér að ég yrði að taka hálfgerð viðtöl við hjúkrunarfræðingana. Ég sagði deildarstjóranum að ég vildi endilega læra meira í klíníkinni og að ég væri búin að starfa sem hjúkrunarfræðingur á annasamri deild síðastliðna árið (þannig ég er kannski aðeins meira en bara hjúkrunarnemi) og vildi gjarnan fá að vera svolítið sjálfstæð, eins og tungumálakunnáttan leyfir. Komst þá að því að danskir hjúkrunarnema fá ekki að taka hjúkrunarvaktir fyrr en eftir útskrift. Þegar deildarstjórinn var búinn að fara yfir mönnunina fram og tilbaka komst hún að þeirri niðurstöðu að líklega væri best að setja mig á næturvaktir mið og fim og elta einn kláran hjúkrunarfræðing. Ég afþakka það ekki!!! Eftir fundinn fór ég aftur upp á hótel og splæsti á mig sólarhring af internetaðgangi, spjallaði við Binna og m&p í gegnum Skype (snilld!!!) og hékk svo enn og aftur á herberginu. Hef verið að reyna að vinna eitthvað í lokaverkefninu en það er að ganga eitthvað hægt, en gengur samt sem áður.

Á miðvikudaginn fór svo allt í gang, ég svaf út og tók því rólega. Fékk mér að borða hérna á hótelherberginu, las smá, lagði mig fyrir nóttina og reyndi svo að lesa aðeins meira (þetta er allt að koma). Ætlaði að taka strætó um hálf 11 til að vera komin á skikkanlegum tíma, sem ég gerði. Þessar fyrstu tvær nætur voru nokkuð rólegar en ég fékk alla vega tækifæri til að læra að sauma, bara nokkur einföld saumspor. Í dag, föstu dag tók ég því næstum því rólega, fór að versla í Fisktorvet. Fór bara í H&M þar sem verðið á fatnaði í hinum búðunum virtist ekki það mikið lægri en heima á Íslandi, ætlaði að skella mér í bió en svo þegar ég var komin upp á hótel ákvað ég bara að vera inni í kvöld, skelli mér kannski frekar á morgun ;o)

Svona er tíminn fljótur að líða, strax búin að vera hérna í viku og á bara viku eftir, held að seinni vikan eigi eftir að vera svolítið fljótari að líða þar sem ég verð á vöktum á spítalanum.

Hef ekki meira í bili...ætla að koma mér snemma í háttinn til að vera fersk í fyrramálið ;o)

Dagur 2....

noreply@blogger.com (April) — Sun, 27 Feb 2011 22:57:00 +0000

Dagur 2 – 27.febrúar 2011

Tók því svolítið rólega í morgun. Stillti samt verkjaklukkuna á 7 til að ná morgunmatnum, var ekki alveg með það á hreinu hvenær hann væri búin og ákvað því bara að mæta snemma. Morgunmaturinn kostar 59DKK (1200 ísl.kr) þannig ég reyndi að borða vel, cornflakes, eplasafi, rúnstykki og nappaði einu epli með mér. Splæsi á mig öðrum morgunmat á morgun þar sem ég er að fara að hitta alþjóðatengiliðinn minn og svo tengilið/kennara á sjúkrahúsinu, s.s. langur dagur á morgun. Ég gerði heiðarlega tilraun til að komast að því hvar ég hitti alþjóðatengiliðinn, í dag og fór smá á rúntinn með S-tog og strætó en endaði einhvers staðar leeeeengst í burtu frá þar sem ég átti að fara. Fékk eitthvað misvísandi upplýsingar útaf því það er sunnudagur, þá ganga strætóarnir eitthvað öðruvísi. Tók myndavélina með mér í þetta skiptið en gleymdi Garmin úrinu þannig ég get ekki sýnt hvert ég fór, ætla að reyna að muna eftir því á morgun. Er hins vegar búin að skrifa niður leiðina til tengiliðsins á morgun og svo til baka á sjúkrahúsið nákvæmlega þannig fjandinn hafi það að þetta klikki!!! Ekki er nú meira merkilegt að frétta héðan, Luise (buddyinn minn) er með lungnabólgu og gat því ekki komið með hjólið til mín í dag, sem er í lagi því ég mundi líklega ekki hjóla neitt fram og til baka á morgun. Vona bara að veðrið fari að skána því það er hundleiðinlegt svona rok og skítakuldi, gæti meira vel verið að þetta bíta aðeins meira á en heima a klakanum. Sem minnir mig á það...hef oft heyrt talað um að íslenskt kvennfólk kunni ekki að klæða sig eftir veðri og sér maður þetta sérstaklega niðri í miðbæ á næturnar á helgum, þá er ég að tala um sutt pils og opnir skór. Íslenskt kvennfólk hefur gert þetta í háa herrans tíð en oftast útaf skemmtanahaldi og þá er það mottóið lookið fram yfir þægindi (beauty is pain). Kom mér furðulega á óvart að kynsystur okkar hér í Kaupmannahöfn alla vega taka þetta skrefinu lengra. Hjá þeim er þetta ekki spurning um að lýta vel út á djamminu og dúða sig þess á milli á virkum dögum í flís og ull. Neinei...sá þó nokkrar HJÓLANDI í roki og -4°C í litlu pilsi og sokkabuxum. Ekki einhverjar þykkar ullasokkabuxur, heldur bara gömlu góðu nælon sokkabuxurnar. Margir mundu nú segja að þær haldi sér hita með því að hjóla, en þarna stóð ég í cintamani flísinni minni (buxum, peysu, eyrnaband,) 66°N jakkanum með hanska, drullukalt og ekki séns að ég gæti verið eitthvað að hjóla og haft það notalegt, þar fyrir utan eru engar brekkur í Danmörk til að maður fari að taka eitthvað á því og hitni eitthvað að ráði.

Kvöldið var svo bara hér á hótelinu í rólegheitunum, reyna að vinna smá í lokaverkefninu og hanga smá á netinu svona fyrst maður er að borga fyrir það.

Það er svo bara snemma að sofa því það er langur dagur framundan á morgun....

Bið að heilsa í bili....

Venlig hilsen

ps.

verð ekki með netið næstu daga en mun láta heyra í mér fljótlega....

Fyrsti dagur í Köpen

noreply@blogger.com (April) — Sun, 27 Feb 2011 11:21:00 +0000

Dagur 1 – 26.febrúar 2011

Loksins eftir 6 mánaða bið er þetta loksins komið....valverknámið í Danmörken áður en ég byrja á ferðasögunni first thing first....það er sh%&#“f%k&sk$(!kuldi hérna!!!! Sit núna á gólfinu í herberginu drekkandi øl (maður drekkur øl í Køpen....ekki bjór). Dagurinn byrjaði mjög snemma í dag, eða kl.03 og jafnvel fyrr útaf veðrinu. Binni skutlaði mér niður á BSÍ þar sem ég tók rútuna út á flugvöll. Var komin á flugvöllinn og búin að tékka mig inn hafði ég góðan klt til að dunda mér. Verslaði smá af snyrtivörum sem ég veit að eru ódýrari í fríhöfninni en annars staðar. Svo rétt um hálf 7 var skundað út í flugvél því við viljum ekki vera SEIN...áttum að fara á loft kl.7 en gerðum það reyndar kl.8 af því við þurftum að bíða eftir einhverjum 20 manns úr tengiflugi. Ég náði að sofna aðeins meðan við biðum og var farin að dreyma að ég væri komin á hótelið í Ishøj en vaknaði svo þegar við vorum að taka á loft. Náði sem betur fer að sofna aftur í ca klt. Lentum loksins í Køpen og eftir eitthvað smá vesen með að komast út, fann ég loks vinkonu buddyans míns hana Thi (borið fram Thí, ekki Thæ eins og ég ætlaði að gera) hún skutlaði mér á hótelið og hjálpaði mér að svona koma mér fyrir. Gaf mér símanúmerið hjá sér og við ætlum að vera í bandi í vikunni, þær vinkonurnar ætla að víst að sýna mér skemmtanalífið í Køpen næsta fös eða lau....hlakka bara til þess :o) Þetta er ágætt hótel sem ég er á, ef verðið væri á „venjulega“ genginu þá væru gæði í samræmi við verð, þannig ég get eiginlega ekki kvartað mikið. Herbergið er amk hreint og ég get fengið handklæði þegar mig vantar. Það var smá misskilningur hjá mér, það er ekki internettenging innifalin en get fengið hana í sólarhring fyrir 75 DKK (1500 ísl.kr) en klt er hins vegar 35 DKK sem er 750 ísl.kr, klárlega hentugara að fá sólarhringinn heldur en klt, verð bara að nýta hann vel þegar ég borga fyrir netið.

Þegar Thi var farin var ég hálf ráðalaus, var svona við það að verða svöng, langaði ekki í neitt hérna niðri (fyrir neðan hótelið er hálfgert verslunarmiðstöð, svolitið svona eins og Glæsibær bara stærra) eftir að hafa gengið um í nokkurn tíma, keypt mér danskt frelsi sem virkar svo ekki í símanum mínum og fengið endurgreitt ákvað ég að taka lestina til Køpen.

Þegar ég kom inn á aðallestarstöðina kom vægast sagt mikil nostalgía yfir mig við að ganga þarna inn, rifjaðist upp fyrir mér þegar ég og Bryn vorum að ganga þarna í gegn að leggja af stað í eitthvert skemmitlegasta ævintýraferðalag ævi okkar (alla vega minnar). Byrjaði á því að splæsa á mig pulsu og kók, sem kostaði mig litlar 720 ísl.kr. (pulsan 24DKK + kók 12 DKK, sem væri ekkert rosalegt ef danska krónan væri á 10ísl.kr eins og „venjulega“). Ákvað að leyfa mér þetta í svona fyrsta daginn. Fór út og fékk mér smá göngutúr gegnum Ráðhústorgið og niður Strikið. Kíkti í nokkrar búðir og að sjálfsögðu var ekki sleppt við H&M, fann þar rosalega flottan blaser-jakka sem kostar 350DKK (7000ísl.kr.) get réttlæt kaupin með því að svipaður jakki heima á Íslandi kostar 10-12 þús ef ekki meira. Tók eftir því að það er mjög misjafnt hvort hlutir eru dýrir eða ódýrir hér í Danmörk. Þessi jakki telst t.d. ódýr miðað við hvað jakki frá svipað stóru merki og H&M mundi kosta heima á Íslandi, hins vegar sá ég tilboð í Vera Moda 2 fyrir 1 eða 3 fyrir 2 á einhverjum bolum á 150DKK, væri alveg til í að borga 1500 kr fyrir en kannski ekki alveg 3000 kr. Maður verður bara að vera duglegur að margfalda með 20 allt sem maður verslar hérna.

Þegar ég var búin að þramma Strikið upp og niður (niður og upp, held ég samt að þetta er) ákv ég að skella mér bara aftur upp á hótel. Aftur kemur verðið inn í dæmið, eitt far í lestinni kostar 60 DKK sem er 1200 ísl.kr....held ég fari ekki aftur í lestinni nema til að versla á 2 klt og nýta miðann aftur til baka.

Þegar ég var komin aftur til Ishjøj ákv ég að fara í búðina að versla smá, keypti mér tvö epli og 3 banana sem verða nesti þegar ég fer á spítalann í vikunni og svo nýtti ég mér tækifærið og verslaði mér 3 litla bjóra, bara af því bara :o) Það er enginn ísskápur í herberginu en það er ekkert mál, það er svo vindasamt og kalt hérna að ég opnað smá rifu á gluggann og set vörurnar þar, helst alla vega kaldara en volgt.

Á morgun ætla ég svo að reyna að koma mér upp í Metropolitan skólann og svo spítalann, sjá hvernig leiðin er og hvernig þetta lítur út. Ég hitti svo alþjóðatengiliðinn á mánudaginn kl.9....hefði kannski átt að biðja um að hitta hana seinna en ég tækla þetta bara ;o)

Núna er ég að spá í að opna øl nr. 2 og kannski glugga aðeins í verkefnið fyrst mér er farið að hlýna aftur núna. Það var farið að kólna all svakalega þegar ég var á leiðinni heim og ég ekki með vettlinga eða eyrnaband. Þá er gott að vera með íslensku ullina, fór í lopapeysuna utan yfir flíspeysuna svona rétt til að ná upp hitanum.

Held það verði farið snemma í háttinn í kvöld og morgundagurinn tekinn snemma. Morgunmatur á hótelinu kostar 59 DKK sem þýðir að ég þarf að troða vel ofan í mig og svo ekkert að borða meira yfir daginn ;o)...sjáum til með hvernig það gengur....

Hef ekki meira í bili...

Venlig hilsen fra Køpenhavn

Apríl Eik

Ps.

Er ekki alveg farin að tala dönsku, fólk hefur nokkru sinnum farið að tala við mig af fyrrabragði á dönsku en ég er ekki alveg að ná að tala við þau á móti. Svo þegar ég reyni að tala eitthvað af fyrrabragði við fólk (oftast afgreiðslufólk) þá skilur það mig ekki neitt....þetta kemur vonandi á morgun ;o)

Prófin og jólin

noreply@blogger.com (April) — Mon, 13 Dec 2010 20:55:00 +0000

Þá er hið "næstum" því jólafrí hafið. Skólinn tæknilega búinn, prófin komu og fóru. Á svo rosalega myndalega mann sem tók sig til og málaði alla íbúðin meðan ég kláraði prófin, núna er bara eftir að skreyta og klára að þrýfa og þvo fyrir jólin. Sem betur fer verð ég eitthvað minna að vinna í ár en venjulega sem er bara fínt þannig ég hef tíma til að jólast og vinna eitthvað í lokaverkefninu sem mun taka mesta allan tíma minn í þessu fríi. Að sjálfsögðu mun ég leyfa mér að slæpast eitthvað aðeins, horfa á Dexter, fara í bío og dót.
Skólinn hefst fljótlega aftur eftir áramót og verður mest spennandi er að fara í valverknám á bráðadeild í Danmörku, á enn eftir að finna úr með nokkur atriði, hvar ég verð í verknámi, hvað ég verð lengi (hef fengið úthlutað 3 vikum en verð líklega ekki allan tímann) og gistingu, en ég fer út. Svo eftir bara nokkrir mánuðir (ef allt gengur eftir) lýk ég þessari skólagöngu með útskrift sem hjúkrunarfræðingur (hef örugglega minnst á þetta áður...) en það er svolítið ótrúlegt að þessum tíma sé að ljúka núna. Verð mjög fegin að vera útskrifuð og geta verið bara að vinna og farið að sinna því sem maður hefur ætlað að sinna undanfarin ár (eins og margir hafa sagt: "þegar ég er búin með skólann/þegar ég er orðin hjúkrunarfræðingur þá ætla ég..." eitthvað sem er ekki tengt vinnu eða skóla...)
Svo á maður eftir að sakna skólans fljótlega eftir nokkur ár ;o)

En núna að njóta frísins sem maður hefur og fær....

Haustið 2010

noreply@blogger.com (April) — Thu, 18 Nov 2010 11:21:00 +0000

Haustið hefur verið tæplega viðburðarríkt í ár. Búið að vera nóg að gera í skólanum sem þýðir lítill tími fyrir mikið annað. Ég er samt enn í björgunarsveitinni en eitthvað minna en í fyrra. Er búin að fara á Fyrstu hjálp II námskeið og svo núna síðast Fjallamennska II þar sem við fórum á Sólheimajökul í sprungubjörgun. Verð að viðurkenna að ísklifur og jöklaferðir heilla töluvert meira núna en gerði áður, kannski maður skelli sér bara í undanfarana :o) Fengum snilldarveður (eins og svo oft áður) og vorum að æfa okkur í að ganga á broddum, tryggja og doppla. Ég þarf alla vega að fara að fjárfesta í einhverjum svona staðalbúnaði....broddar, hjálmur, ísexi....
Skólinn er svo samur við sig, fyrirlestrar í 5 vikur og svo non stop verknám með tilheyrandi verkefnum og umræðufundum. Verst við þetta er að maður hefur engan tíma fyrir lokaverkefnið, sem mann virkilega langar til að vera að vinna í.

Svo var næstum því stór áfangi á mánudaginn....mín varð 28 ára hvorki meira né minna!!!! Ég fór til Bryngerðar á sunnudagskvöldið þar sem við tókum "gamal dags" afmælispartý s.s. við tvær, pizza, kók og nammi :o) good times :o) Á mánudaginn, fór ég og Binni út að borða, ætluðum á Sushi á Lækjargötu en það var svo mikil bið að við ákv að fara á Tapasbarinn sem var töluverð bið þar en veeeel þess virði. Fengum okkur klassík, óvissuferð með þessari hnausþykku frönsku súkkulaðiköku (sem ég hafði by the way unnið fyrir í Boot Camp fyrr um daginn, fékk að hlaupa með 12 kg ketilbjöllu í upphitun í afmælisgjöf og kallaði smá refsingu yfir hópinn....bara hressandi). Eftir matinn tókum við Réttur á DVD og höfðum það kósý heima. Ég fékk líka 2 afmælisgjafir, björgunarsveitin fékk tilboð frá Cintamani þir og fim og nýtti ég mér það. Binni gaf mér tecnostrech buxur og m&p gáfum mér tecnostrech peysu, hvor tveggja eitthvað sem mig langaði í og vantaði, get notað heima fyrir og uppi á fjöllum :o)
Seinni hluti afmælisins verður á laugardaginn næsta...megið geta 3 x hvað ég geri þá!!!! jújú það verður HARRY POTTER!!!! Búin að vera að hlakka til síðan bókin kom út og núna er loksins að koma að því....Binni lofaði mér því að fara með mér á hana og er ég búin að láta hann horfa á hinar myndirnar núna síðast liðnu viku svo hann sé alveg með á hreinu hvað er að gerast, hver er hver og s.f.v. en þanngað til er nóg að gera í verknámi og vinnu. Er að klára verknám á sængurkvenna og meðgöngudeild núna á föstudaginn og svo verð ég að vinn á helginni, sem betur fer mv á laugardaginn og kv á sunnudaginn þannig maður getur andað aðeins inná milli. Í næstu viku verður verkefnavinna og undirbúningur fyrir próflestur næstu vikurnar. Tilkynnti Binna það að ég muni flytjast niður í Eirberg næstu vikurnar, svona í næst eða 3.síðasta skiptið....svo er þetta komið gott ;o)

Ekki meira í bili....

kv.
Apríl Eik

4 helgar í pakka

noreply@blogger.com (April) — Mon, 23 Aug 2010 09:07:00 +0000

Ætla að koma nokkrum helgum fyrir í einni færslu fyrst ég er búin að vera svona léleg í þessu (helvítis facebook, er að reyna að snúa þróuninni við)

24.-25. júlí
Bústaðsferð
Fórum upp í bústað með Thelmu og Ingvari. Þetta var bara stutt helgarferð þar sem var farið til þess að borða, spila, drekka og bara almennt hafa gaman sem við gerðum. Thelma og Binni tóku upp gítarinn, hann spilaði og hún söng, ég og Ingvar erum hins vegar minna musicalscihlutinn í hvoru sambandi sátum hjá á meðan. Þetta var bara ein nótt þannig það var brunað aftur í bæinn á sunnudegi. Góð ferð með góðu fólki sem verður endurtekin í vetur ;o)

30.júlí-2.ágúst
Verslunarmannahelgi
Þá fór "stór" fjölskyldan upp í bústað, ég og Binni, Grétar og Spori, Bubba og Jara, Emma, Yuri, Aron (kærasti Yuri) og Oggi. Þau komu öll á undan mér þar sem ég var að vinna eitthvað, minnir föstudag og mánudag. Helgin fór í mikla vinnu í lóðinni og er þetta allt að koma. Grasið var slegið og Jónslundur var gerður mikið upp og er núna komið flott eldstæði til að grilla eða bara kveikja eld. Ég og Binni kíktum til Nonna frænda Binna, sem var þarna í bústað með vinafólki í Kjósinni og var sungið mikið og spilað þar. Við ákváðum að koma okkur heim eitthvað rétt fyrir 3 leitið en þar sem maður er í sveitinni þýðir ekkert annað en að labba (ekki hringir maður á leigubíl!!) og gerðum við það. Þetta er svo sem ekki mikil leið, ca 8 km, en það tók okkur alveg 2 klt með reyndar smá stoppi hjá nokkrum hestum á leiðinni, nokkrum sinnum. Daginn eftir var legið að mestu í leti og haft gott, mikill gestagangur var alla helgina og kíktu mamma og pabbi við hjá okkur og gáfum okkur lítil reynitré til að gróðursetja. Þeim var komið fyrir í steinagarðinum en verða færð á endanleganstað næsta vor/sumar. Ég þurfti svo að koma mér heim á sunnudeginum þar sem ég var að fara á morgunvakt á mánudeginum....svona er þessi vakta vinna. Þau hin voru eitthvað fram eftir á mánudeginum.

6.-8. ágúst
Roadtrip to Ísafjörður city
Mótorhjólaferðin mikla. Ég, Binni, Júlli bróðir og Solla konan hans vorum fyrr í sumar búin að ákveða að fara í smá roadtripp vestur á firði á hjólunum. Ég hef ekki farið vestur í ein 4 ár, eða síðan m&p fluttu suður. Mikla pælingar voru í hvernig við ættum að standa í þessu með farangurinn og var hluti af honum sendur með vél. Ferðin hófst um 9 hálf tíu héðan úr bænum og fórum við hina hefðbundnum leið nema í gegnum Búðardal og upp Bröttubrekku. Veðrið var meira og minna frábært alla leiðina og gekk ferðin vel þar til við komum í Reykjanes þar sem var byrjað að rigna á okkur. Áfram hélt ferðin. Binni greyið var orðin helkaldur þegar við stoppuðum rétt fyrir utan Álftafjörðinn til að hreyfa okkur aðeins, því hann er ekki með gler á hjólinu sínu. Þetta stutta stopp gerði þó mikið og brunuðum við síðasta fjörðin án stopps. Svo var komið í Skutulsfjörðinn. Get ekki sagt annað en maður hafi orðið svolítið klökkur að koma inn í fjörðinn og sjá fjöllin sín aftur og gamla heimabæinn. Við komum í húsið sem við gistum í um 4 leitið, drengirnir fóru í verslunarleiðangur og við skvísurnar tókum upp úr töskunum. Eftir matinn var tekinn smá lúr og svo ræs til að kíkja út á lífið. Það var reyndar hundleiðinlegt veður, en við fórum nú samt. Kíktum aðeins á Langa Manga í 1-2 bjóra. Tókum smá göngutúr um bæinn þar sem ég og Júlli vorum að segja gestunum frá hinu og þessu (hérna vann ég í fiski, hérna vann ég í niðursuðuverksmiðju, þetta var Norðurtanginn o.fl.) Svo var farið heim og undirbúið fyrir átök morgundagsins. Á laugardeginum var vaknað um 10 leitið og í þessari glampandi sól og blíðu, morgunmatur étinn á 1,23 mín og svo út. Byrjuðum á að fara út í Bolungarvík og sáum hvar göngin eiga að koma sitthvoru megin. Í Bolungarvík skelltum við okkur upp á Bolafjall sem sumir voru ekki alveg að meika vegna lofthræðslu en fóru nú samt. Nokkrar myndir teknar upp á fjalli og liðirnir hreyfði aðeins. Leiðinni niður náði lofthræðslan tökum á sumum sem ákváðu að stökkva af hjólinu rétt fyrir mjög krappa beygju (nánast 180°) og sögðust ætla að hlaupa niður fjallið. Asinn var svo mikill að viðkomandi tók ekki hjálminn af sér og var þetta því mjög kómískt að sjá þennan aðila hlaupa niður beygjuna í leðurklæðum með mótorhjólahjálm á hausnum og einmitt á þessum tímapkt kom bíll á móti, fullur af túristum sem gátum ekki annað en hlegið að þessari sýn sem og við hin reyndar líka. Viðkomandi sá að sér og settist á hjólið aftur, smá bið var á ferðinni niður meðan ferðafélagarnir jöfnuðu sig og náðu hlátrinum niður. Næsta stopp var á Flateyri, fengum okkur kaffi á krúttlegasta, ömmulegasta kaffihúsi sem ég hef séð Purka handverkshús og brúðusafn. Þarna eiga eldra fólks sína félgasmiðstöð, er þarna yfir veturinn að gera muni úr gleri og leir og selja svo ferðamönnum á sumrin. Það verður varla meira kósý að fá sér flatköku með hangikjöti, skúffuköku og kókómjólk með eina ömmu að prjóna við hliðina á sér. Hún sýndi okkur líka aðeins þarna á bakvið og var bara almennt æðisleg. Verst að við keyptum ekkert hjá þeim, sáum eiginlega strax eftir því. Við kíktum svo aðeins upp í varnargarð og nutum útsýnisins og héld svo ferðinni áfram. Enduðum á klassík, sem er sund á Suðureyri í sólinni. Nett nostalgía að keyra þarna framhjá, sjá gamla félagsheimilið sem er allt í niðurníðslu en þarna voru síðustu sveitaböllin eins og við þekkjum þau. Eftir sundið var drifið heim á Ísó aftur. Smá vesen var með mat því við vorum það seint á ferðinni en eftir lúrinn fengum við okkur að borða á Thai Koon sem var bara mjög gott. Fólk var svolítið þreytt eftir daginn en aftur skelltum við okkur út. Bryn var í bænum og hitti ég hana og spjallaði heillengi á Langa Manga, meira af fólki var í bænum þetta kvöldið og voru þau hin úti að spjalla við eitthvað fólk. Á endanum kom Binni til mín og við fórum heim í hús aftur þar sem við þurftum að ná góðum nætursvefni fyrir ferðina heim. Helgin var aðeins farin að segja til sín á sunnudeginum og var fólk almennt mjög þreytt og vorum við sammála því að næst, verður hvílt á sunnudeginum og farið heim á mánudegi. Sama fyrirkomulag var með farangurinn, hluti af honum var sendur með vél. Við bjuggumst svo sem við því að hann kæmist ekki fyrr en daginn eftir því þegar við vöknuðum var svartaþoka úti, ég stóð á norðurtanganum og sá ekki fjallið hinum megin sem er bara í nokkuð hundruð metra fjarlægð. Það létti svo til þegar sólin hækkaði og tími til að kveðja Ísafjörð eftir frábæra snilldarhelgi. Það var smá stopp í Súðavík og náðum á mynd nokkuð merkilegu, það var hákarl sem hafði villst inn fjörðinn og var bara að syndar þarna um greyið, ca. 2 metrar á lengd. Eftir annað smá stopp hjá vinnufélögum hennar Sollu var ferðinni formlega haldið áfram í þessu fína veðri. Við stoppuðum aftur inn í Kálfavík þar sem Bryn, Bogga og Hjalti (foreldrar Bryn) voru á leið suður og ég hafði ekki náð að hitta þá þessa helgina. Við stoppuðum þar líka og fengum rúnt um húsið sem Hjalti ólst upp í og voru myndir af fyrri húseigendum upp um alla veggi og gaman að heyra sögu þessa húss. Við vorum þarna á spjalli í stutta stund en svo var komið að því að halda áfram, en mikið rosalega var gott að hitta þau aftur eftir allan þennan tíma, minningarnar helltust alveg yfir mann. Ferðin gekk mjög vel það sem eftir var, veðrið var gott en hins vegar fann maður meiri þörf á stoppum þar sem hné og mjaðmaliðir voru orðnir frekar stífir og rassinn virkilega farinn að finna fyrir setunni. Við komum heim eitthvað um kl.22 um kvöldið, fengum okkur síðbúinn kvöldmat og svo beint í háttinn, þreytt, glöð og sátt eftir góða helgi sem verður klárlega endurtekin!!!

Næstu daga hjá mér var bara vinna meir og minna, og því lítið frá því að segja.

21.-22.ágúst
Reykjavíkurmaraþon 2010
Þá var loksins komið að áskorun ársins, eitthvað sem ég var búin að hlakka til og kvíða fyrir síðan ég skráði mig í vor í hálft maraþon. Var búin að vera vinna undanfarna viku en með því að byrgja mig upp að kolvetnum og drekka vel af vatni. Á föstudeginum fékk ég mér kjötsúpu sem vantar ekki orkuna í, hefði kannski átt að fá mér aðeins meira af kölvetnum þennan dag en varð svo sem ekki meint af. Á hlaupadaginn sjálfan vaknaði ég eldsnemma, fékk mér hafragraut og fór 4-5 sinnum yfir allt sem ég þurfti að hafa með mér. Tók svo strætó niðureftir svo Binni gæti tekið á móti mér og farið með mig heim á bílnum. Smá stress að taka strætó á réttum tíma og fara út á réttum stað. Þegar ég var komin niður eftr helltist kvíðin yfir mig því ég sá fullt af fólki, með rauð (hálft) og græn (heilt) spjöld utan á sér og hálft tími í hlaup, á ég að trúa því að fólk sé að hita upp í hálft tíma fyrir hlaup. Ég fór á Einar Ben þar sem Boot Camparar höfðu fengið athvarf fyrir eigur sínar, og róaðist ég aðeins við að koma þar inn því þar voru fleiri sem höfðu ekki verið að æfa stíft í allt sumar (tek það fram, alls ekki búin að æfa mig nægilega mikið í sumar. 2 x 12,8 km er ekki nóg fyrir 1/2 maraþon). 10 mín í hlaup dreif ég mig út....og svo reið skotið af. Mikill fjöldi af fólki er að taka þátt í þessu og fer hlaupið alltaf hægt af stað. Ég passaði mig á því að stoppa alltaf á vatnsstöðvunum og drekka Powerade og vatn og reyndi eins og ég gat að fara ekki of hratt. Fyrstu 10 km voru heldur fljótir að líða og náði ég milli tímanum 1:03 sem er bæting frá því í fyrra. Þegar ég var komin yfir millitímann fór að renna á mig tvær grímur og fann ég þreytuna koma rosalega upp í fæturnar hjá mér. Það voru kannski 2 km í næstu vatnsstöð en ég hljóp/skokkaði alveg þanngað. Hvíldi mig aðeins þar, fékk mér púst og að drekka og fann orkuna skila sér í fæturnar. Áfram hélt hlaupið. Upp Sundagarða að Vatnagörðum og þaðan upp á Sæbraut. Ég náði nokkrun veginn að halda mér hlaupandi, þó með nokkrum göngum sem ég reyndi að stíla alltaf inn á vatnspásurnar. Þegar ég er að koma á síðustu 2-3 km sé ég hvar Boot Camp bíllinn er og 2 þjálfaranna standa og hvetja liðið, þessi hvatning gaf mér einhverja óútskýrða auka orku og gaf ég nokkuð vel í á þessum kafla sem gaf mér einhvern versta hlaupasting sem ég hef fundið en náði að ganga hann af mér á nokkrum sek og tók upp hlaupið aftur og ákv að núna yrði hlaupið það sem eftir væri. Harpa nálgaðist óðfluga (samt ekki nógu hratt) og ég leit á úrið mitt og sá að ég mundi líklega ná markmiðunum mínum en bara ef ég held áfram á þessum hraða. Rétt áður en ég kom í beygjuna heyrði ég einhvern kalla "áfram, það er lítið eftir" og gaf ég aðeins meira í. Í beygjunni sá ég markið og heyrði og sá BC félaga hvetja mig áfram, gaf þá aðeins meira í. Sá þá loksins markið í allri sinni dýrð og heyrði hrópin og köllin frá fólki að hvetja mig (sem og aðra hlaupara) áfram og það var ekki annað hægt en að gefa sinn síðasta dropa í þessa síðustu metra. Markinu náð, tími 2:22:50 sem er það sem ég sagði fyrir hlaup "bara draumur í dós". Ég fékk peninginn fyrir hlaupið og sá konu innar við markið með myndavél sem sagði mér að brosa. Veit ekki alveg hvaða svip ég gaf henni en held að þjáningarfull brosgretta full stolti lýsi því nokkurn veginn. Svo kom stífleikinn. Gekk þarna um í girðingunni og vissi hvert ég ætti að fara. Leitaði að Binna en sá hann ekki, sem er svo sem ekki skrítið því það var stappað af fólki. Fór einhverja fjallabaksleið út úr girðinginni og þegar ég gekk til baka með fram markinu heyrði ég hvernig fagnaðarlætin jukust....sigurvegari úr heilmaraþoni var að koma í mark, rétt á eftir mér úr hálfmaraþoni. Ákvað að fara á Einar Ben og ná í dótið mitt og hringja í Binna því það mundi ekkert virka að leita að honum þarna. Ganga upp og niður stigann á Einari Ben er eitthvað sem ég hélt ég mundi látast við að gera en hafði það af og hitti Binna við strætóstöðina rétt hjá Austurstræti. Við komum okkur mjög hægt og rólega að bílnum sem var á háskólabílastæðinu og stoppuðum á Subway á leiðinni heim. Þegar ég kom heim gerði ég mér grein fyrir því að ég hefði ofreynt mig í hlaupinu. Komin með höfuðverk, magaverk eftir matinn, skalf öll og titraði, reyndi að sofna en gekk ekkert allan daginn ekki fyrr en ég fékk mér heitamjólk með hunangi og náði þá að sofna í ca. klt. Ég hafði drukkið vel af vatni yfir daginn og var laus við skjálftann um 7 leitið. Við vorum ekki alveg viss hvort við vildum/nenntum á djammið en ég dreif mig í fínni föt, málaði mig og fékk mér bjór. Við skelltum okkur á Nings í kvöldmat og ætluðum til Júlla og Sollu eftir matinn, það breyttist snögglega og sá ég þá að ég var ekki í neinu standi til að fara á eitthvað djamm eða niður í bæ. Við ákv því bara að taka því rólega, tókum okkur video og kúrðum upp í sófa með rokið úti. Ég var svo meir og minna allan sunnudaginn að jafna mig og haltraði áfram með mín íþróttameiðsl (vinstri ökklinn var eitthvað off, hnéinn bæði líka og hægri mjöðmin þoldi ekki mikið álag). Núna í dag er þetta allt komið í lag nema ökklinn, hann er enn eitthvað sár en er að skána.

Framundan er svo að koma reglu á líf sitt aftur, skólinn hefst á morgun og vinnan verður 3. hverja helgi. Björgunarsveitin heldur líka áfram og verður 2. helgi í mánuði.
Þetta er búið að vera snilldarsumar, með ferðalögum um landið, vinna og frí, hitta góða vini í sólinni og bara almenn vellíðan. Hefði ekki geta beðið um meira og vona bara að mitt síðasta ár í skólanum gangi jafnvel upp og sumarið.

Útilega 10-11 júlí

noreply@blogger.com (April) — Sun, 11 Jul 2010 19:17:00 +0000

Það kom loksins að því að við drifum okkur í útilegu.
Við byrjuðum á því að skella okkur á tjald sem hefur verið á innkaupalistanum hjá mér í vetur þar sem maður er byrjaður í björgunarsveit. Ég keypti 4 manna 3 árstíða tjald hjá Íslensku ölpunum frá Zajo sem er ekki þekkt merki en ódýrt og þeir hafa víst verið með það í einhver ár. Ég ákvað að skella mér á eitt slíkt á 25 þús frekar en að kaupa Vango, North Face eða frá öðru þekktu merki á 60 þús + og held ég barasta að ég hafi gert ágætis kaup. Ég fjárfesti líka í nýrri dýnu, sjálfuppblásanlegri (þurfti smá hjálp svona í fyrsta skiptið) í Útilíf, eitthvað sem ég hugsaði sárlega til í Fyrstu hjálpinni, Ferðamennskunni og Fjallamennskunni :o/Nema hvað við byrjuðum ferðina snemma á laugardagsmorgni og vorum lögð af stað fyrir 9 og brunuðum beint austur, fram hjá Hveró, Selfoss, Hellu og stutt stopp á Hvolsvelli (pylsa og kók). Við stoppuðum svo aftur við Seljalandsfoss og smelltum af nokkrum myndum af fossinum í bak og fyrir (bókstaflega).Næsti foss var svo Skógafoss og tókum við smá göngu meðfram ánni, gengum í 30-45 mín með tilheyrandi myndatökum.Áfram hélt ferðin að Vík í Mýrdal þar sem var aftur stoppað, wc + olía og kíktum aðeins í túristabúðina en létum það vera að versla eitthvað þar. Næst lá leiðin yfir Mýrdalssand og Eldhraun og stoppuðum aðeins á Kirkjubæjarklaustri. Binni hafði gist þar í einhverju skólaferðalagi fyrir "nokkrum" árum og tókum við einn hring þar og nokkrar myndir af fossi/á sem rennur í gegnum bæinn. Ég sá svo þarna 4 ferkantaðar grindur upp í fjalli sem myntu mig óneitanlega á ártalsgrindurnar fyrir vestan þó sé lagt ívið meira í það ártal (fyrir þá sem ekki vita, þá eru þær í rúmlega hálftíma göngu upp í fjalli fyrir ofan Eyrina og eru grindurnar 8 talsins, gamla og nýja árið). Ekki var stoppið lengra þar og var næsta áætlaða stopp í Skaftafell. Þegar við komum að þanngað sáum við að við vorum á góðum tíma og ákváðum að fylla bílinn aftur og halda aðeins áfram að Jökulsárlóni og Reynivöllum í Suðursveit þar sem Binni og hans stórfjölskylda höfðu farið í bústaðarferð 3-4 sumur í röð, viku í senn. Binni hafði nefnlega ætlað að fara þanngað frekar lengi og ekki hægt að sleppa því þegar var komið svona nálægt. Mjög fallegur staður og rifjuðust upp margar góðar minningar hjá Binna þar. Við héldum svo til baka í Skaftafell þar sem tjaldinu var tjaldað og matur grillaður. Reyndar ekki á flotta ferðagasgrillinu sem ég vann á árshátíð Lauga-ás hér um árið en á hrað-grilli sem við keyptum á bensínstöðinni á Freysnesi á 200% álagningu. Þetta var voðalega krúttlegur kvöldverður og líklega sá rómantískasti hjá okkur parinu þarna í útilegustólunum með lítið plastborð í rigningu sem var að reyna að vera eitthvað en fékk ekki að vera meira en smá úði í senn. Við skelltum okkur fljótlega eftir matinn inn í tjald og hituðum okkur kakó, föttuðum þá að við klikkuðum á einhverju mesta aðalatriði í hvaða útilegu sem er og það eru spil. Ég skokkaði út í þjónustumiðstöð eftir spilum og fékk þá litla rigningin útrás þessar 5 mín sem ég var úti og kom ég vægast sagt rennandi blaut til baka. Við spiluðum til ca. 11 og lögðumst þá útaf mjög þreytt eftir daginn. Binni fékk nýju fínu dýnuna þar sem hann var með verri svefnpoka en ég. Eitthvað var nýja dýnan ekki nógu góð fyrir hann og svaf hann voða lítið í nótt meðan ég steinsvaf nánast alla nóttina, fyrir utan nokkru sinnum í veltingi milli hliða. Við vöknuðum svo snemma í morgun og var það ekki leiðinleg sjónin útum tjaldið, sólin að rísa upp yfir Hvannadalshnjúk. Við fengum okkur morgunmat í morgunsólinni og smá kakó og tókum svo allt dótið saman. Við veltum því fyrir okku að ganga upp að Svartafoss en ganga þanngað er 1 - 1 1/2 upp og niður og vildum við ekki vera í einhverju spani til baka til Rvk. Við ákváðum að drýfa okkur af stað og stoppa frekar við Dyrhólaey og skoða okkur aðeins þar um. Ég tók nokkrar myndir af öldunum meðan Binni skoðaði flottu steinana í fjörunni. Einn selur skaut hausnum aðeins upp og rétt þegar við sáum að þetta var selur stakk hann sér til sunds aftur og sást ekki meir. Við héldum svo ferðinni áfram heim og þar sem við vorum að keyra framhjá einhverju sem ég hafði þegar séð, var ég ekki lengi að sofna í farþegasætinu. Vaknaði svo aftur þegar við vorum að koma inn í Selfoss. Við hentum dótinu heim, í sturtu og svo út aftur fyrst að sólin er farin að láta sjá sig aftur. Skiluðum bílum til pabba og svo heim í tæka tíð fyrir úrslitaleik HM.
Vel heppnuð útilega og tjaldið stóðst úrhellisrigninguna um nóttina. Næst er spurning um að fara með tjaldið upp á Þingvelli og taka rúnt upp á Gullfoss og Geysi.
Sumarið er búið að vera mjög gott og stefnir í að halda því áfram :o)

Próflok og Eurovision...

noreply@blogger.com (April) — Thu, 27 May 2010 18:02:00 +0000

Eurovision....
Eins og oft áður en landinn að missa sig yfir Júróvisíon og enn og aftur erum við að fara að vinna þetta. Var á youtube að fá smá nostalgíu og rifja upp hin og þessi myndbönd, Nína stendur alltaf fyrir sínu, Icy rífur að sjálfsögðu upp alíslenska egóið, Palli kemur með eðaleurofílingnn og svo inn á milli koma kjánahrollsgæsahúðin sem enginn vill muna eftir (Hægt og hljótt!!!).
Það er samt alveg magnað hvað það þarf "lítið" til að við að ná egóinu upp hjá þessari þjóð (við erum náttúrulega best...hinir bara vita það ekki) en árið 1986 tókum við fyrst þátt með Icy og þá vorum við sko að fara að meika það en gerðist ekki...næstu árin vorum við alltaf að fara að meika það og sendum einstaka sinnum inn eitthvað svona gríndæmi eins og Sókrates og Sjúbbídú. Svo ætlaði allt um koll að keyra árið 1999 þegar Selma var í topp baráttunni um fyrsta sætið og var góður möguleiki á því alveg fram að næst síðustu þjóðinni og Svíagrýlan hirti sigurinn af okkur. Næsta árið vorum við aftur svoooooo að fara að vinna þessa keppni með Tell me en lentum í 12. sæti og Danmörk vann með gömlu köllunum. Næstu 10 árin gerist svo sem ekki mikið, við erum með, við erum ekki með, við gefum skít í keppnina og sendum Silvíu Nótt sem er einhver mesti brandari sem Evrópa hefur misskilið fyrr og síðar þar til í fyrra 2009 þegar við nældum okkur í 2. sætið, vorum reyndar í baráttu um 2. eða 3. sætið og kom það ekki í ljós fyrr en á síðustu atkvæðum og þá var það Norsari sem hirti sigurinn okkur. Það er ekki laust við það að maður finni fyrir smá svona "við erum að fara að vinna þetta núna" viðhorfið eins og var mikið hérna í gamla daga, þegar við vorum að fara að vinna en lentum í 12-16. sæti.
Þannig spurningin er þessi: eru væntingar okkar til sigurs raunhæfar eða er þetta "við erum best í heimi" viðhorfið endurvakið og við lendum í 12. sæti eins og fyrir 10 árum eða þaðan af verra....16 sæti!?! (erum reyndar 16. í röðinni á laugardaginn)
Ég er alla vega spennt fyrir laugardeginum og vona að hann verði jafngóður og í fyrra...það var fyrsti alminnilega sólardagurinn eftir hrun, allir að grilla, Ísland að brillera í Eurovision og fólk áberandi glatt og skemmta sér vel í miðbænum, en smá meiri Euronostalgía á youtube

...já og prófin eru búin PUNKTUR!!!!

Árshátíð Ársæls

noreply@blogger.com (April) — Mon, 22 Mar 2010 20:52:00 +0000

Árshátíð Ársæls var haldin með glæsibrag á Hótel Loftleiðum á laugardaginn. Við nýliðarnir sáum um annað videoið af tveimur og tókst okkur all svakalega vel til :o) videoið var sett á facebook en ég vona að það verði hægt að horfa á það hérna. Maturinn var rosalega góður með æðislegum eftirrétt og hefði þetta verið alveg meiriháttar hefði DJ-inn verið AÐEINS betri, en það dugar víst ekki að kvarta undan því núna. Eftir Hótel Loftleiðir arkaði hópurinn niður á Danska barinn (formerly known as Ari í Ögri). Ég var orðin svolítið þreytt endan búin að þramma fram og tilbaka á nettum háum hælum og ekki náð að venja mig mikið við (nokkrir klt daginn áður gera líklega ekki mikið). Bryn kom og hitti mig á barnum og við spjölluðum aðeins enda ekki búnar að hittast í tvo mánuði meðan hún var úti í Kenýa og Indlandi. Ég skellti mér svo fljótlega heim og hitti svo skemmtilega á að Binni var að koma heim á svipuðum tíma og ég.
Sunnudagurinn var svo tekinn með ró eins og hægt er. Næsta helgi verður álíka fjör þegar Vorfögnuður og 5 ára afmæli Boot Camp verður haldið :o)

Rústabjörgun

noreply@blogger.com (April) — Mon, 08 Mar 2010 20:19:00 +0000

jæja lets blog some blog...það verður víst nóg að gera hjá mér í mars mánuði sem verður vert að nefna og því um að gera að halda í við bloggið (þó maður virðist nú ekki gera það skólalega séð, en það er annað mál)
Núna á helginni var síðasta helgarnámskeiðið sem var rústabjörgunarnámskeiðið á Gufuskálum í einhverju mesta rokrassgati sem sögur fara af.
Ferðin byrjaði á föstudaginn og eftir 3 klt akstur áttum við að taka smá æfingum sem fólst í því að skríða öll saman í göngum, búin til úr steypuröri, í myrkri (engin höfuðljós) sem ég hefði verið rosalega spennt fyrir en þar sem göngin voru full af snjó og vatni var ákveðið að bíða með það fram á sunnudag fyrir þá sem vildu, annars hefðum við verið blaut og köld alla helgin. Svolítið skemmtileg tilbreyting að leiðbeinendur taki tillit til þess. Önnur tilbreyting var sú að við vorum í húsi og sváfum á rúmi/beddum/sófa og höfðum eldurnaraðstöðu og sturtu (og "heitan" pott, kem að því síðar). Við vorum 11 saman í íbúðinni sem ég var í og virðist sem helstu hávaðseggirnir hafi safnast saman í þeirri íbúð en meira rólega fólkið í hinni íbúðinni. Svolítill galsi var í fólki þó erfiðin hafi ekki verið byrjuð og tók smá tíma að ná hlátrinum niður og fara að sofa. Brandari kvöldsins var svo víst þegar ég var komin upp í beddann minn (við vorum 5 saman í stofunni) og að koma mér fyrir þegar Árni gekk fram hjá og fannst það virkilega sniðug hugmynd að ýta aðeins í beddann. Að ýta í beddann leiddi svo í að taka upp endann þar sem labbirnar voru (beddinn leggst saman eins og samloka). Þetta endaði með því að fæturnar við höfuðið lögðust niður um hjarirnar og ég skall með höfuðið á borðkantinn. Sem betur fer vissi ég að borðinu fyrir aftan mig og passaði upp á höfuðið en restin af fólkinu veltist um af hlátri á gólfinu og það liðu um 15 mín þar til Árni gat stunið upp úr sér "fyrirgefðu" og "er allt í lagi með þig?" Einhverra hluta vegna tókst honum og Arnari að snúa þessari sögu upp í það ég hafi beygt beddann og gert þetta sjálf!!!! Þetta er hins vegar það sem gerðist sama hvað hver segir hvað!!!!
Laugardagurinn byrjaðir eeeeeeeeeeeeeeeldsnemma með fyrirlestri kl.8:00 til hádegis. Eftir klt hádegi var okkur skipt í 4 hópa og fengum 4 pósta tengda rústabjörguna.
1. pósturinn sem ég og minn hópur fórum í var hlustun. Þá er maður með ákveðið tæki sem nemur hljóð eftir vegg, gólfi, rörum og fl. Æfingin gekk s.s. út að það að lítill hlutur var undir kassa og var að pikka í gólfið. Svo átti maður að ganga um og leggja hlustina að gólfinu eða einhverju og reyna að átta sig á hvaðan hljóðið er að koma. Maður mátti hins vegar ekki leggja hlustina á kassana og mátti bara lyfta upp kassa einu sinni. Mér mistókst í þessari æfingu, þ.e.a.s. ég fann ekki tækið.
2. pósturinn var að smíða styrkingar í gám. Það er ákveðið kerfi sem er notað til að smíða þessar styrkingar og þurftum við að mæla lengdina og svo saga timbur niður í þá lengd sem við þurftum mínus 2 x hraukar sem notaðir eru til styrkingar. Erfitt að útskýra þetta á rituðu en þetta meikar alveg sens þegar maður er að gera þetta. Við þurftum þó ekki að saga neitt niður en við þurftum að leita að bútunum svo æfingin væri ekki alltof stutt.
3. pósturinn var svo að draga níðþungan gám/hólk eða eitthvað svoleiðis dót ofan af holu í jörðinni. Við þurftum að nota rör, spítur og tallíu til að draga þyngslið yfir. Það gekk kannski ekki alveg best og vorum við nokkuð lengi að því enda bara 4 stelpur og 1 strákur þannig ég kenni þessu frekar um kröftum heldur en tækni og hana nú!!
4. pósturinn var svolítið skemmtilegur. Þá þurftum við að lyfta upp örugglega svona 500 kg steypuplötu og tryggja með hraukum (trébútar að sömu stærð). Það var smá basl og þurftum renna stoðum undir hvert horn 4 hæðir. Hins vegar þegar það var búið var komið að því að reyna á traustið og renna sér undir plötuna og ofan í holuna sem var þar undir. Það tók alveg smá á en samt mjög svo töff.

Eftir æfingarnar var dagurinn eiginlega búinn og við fórum aftur upp í íbúð og elduðum okkur eitt og annað. Svo var vídeókvöld þar sem við horfðum á klt myndband um jarðskjálfta í Mexíkó 1985. Miða við það sem hefur gerst í heiminum í dag, Haiti, Chile og Tyrkland þá er rústabjörgun eitthvað sem er mjög nauðsynlegt.
Eftir videoið fórum við tilbaka og skelltum okkur í heitapottinn. Tróðum okkur 11 stk í 6 manna pott. Needless to say, var mjög þröngt. Það var næstum því alveg kósýlegt í pottinum það var hins vegar hávaðarok og hitastigið var fljótt að falla niður í 36°C. Eftir pottinn fóru strákarnir (Addi og Arnar) að baka pönnsur fyrir liðið sem féll illilega vel í hópinn. Við kíktum svo aðeins í heimsókn í hina íbúðina þar sem fólk var hið rólegasta eftir annasaman dag. Við fórum svo fljótlega að hátta til að vera fersk næsta dag, eitthvað rétt yfir miðnætti. Rétt þegar við vorum að festa svefn kveiknaði allt í einu á sjónvarpinu!!! Ég og Sigrún hrukkum við endan næstar sjónvarpinu og Sigrún teygði sig og slökkti á því. Hjartað skaust liggur við upp í heila og tók smá tíma að ná sér niður aftur. Aftur þegar ég var rétt að ná að sofna hringir síminn hjá mér og Sigrúnu á sama tíma úr óþekktu númeri!!! Ég veit ekki hvert litla hjartað mitt ætlaði, að verða brugðið svona rosalega á svona skömmum tíma. Aftur reyndum við að sofna og var maður við það að sofna þegar einhver hlepur framhjá, ber á hurðina og kalla "útkall, útkall, mæting eftir 5 mínútur". Aftur hrukkum við upp og núna strákarnir í stofunni með okkur. Eftir smá stund ákváðum við þó að þetta hlyti að vera djók því enginn annar var farinn að hreyfa sig og engin hreyfing í hinni íbúðinni eða hinu fólkinu með okkur í íbúð. Þannig við skelltum okkur bara aftur á koddan til að halda áfram að sofa. Eftir 10 mín er aftur bankað og kallað á útkall. Við rumskum við okkur og byrjum að klæða okkur og koma okkur á fætur. Katrín fór upp og vekja hina. Hins vegar þegar við erum komin út, var allt slökkt. Strákarnir tóku smá rúnt niður á svæðið og kennslustofurnar en enginn við nein staðar. Fer þá að renna upp fyrir okkur að þetta er andskotans hrekkur!!! Þá er spurningin hverjir voru þetta, voru þetta leiðbeinendurnir og þau í hinni íbúðinni ekki vaknað eða voru þetta þau í hinni íbúðinni sem er frekar ólíklegt því allir þeir sem gætu dottið þetta voru í minni íbúð. Það kom svo á daginn að þeim datt þetta víst ekki í hug að sjálfsdáðum heldur fengið hugmyndir af því sem leiðbeinendurnir höfðu gert á sínum námskeiðum hér í den...þau fá ekki fullt kredit fyrir þetta!!! Eftir allt vesenið held ég að ég hafi náð að sofna um svona 3 hálf4....
Sunnudagurinn byrjaði svo mjög þreyttur kl.8:00 með fyrirlestri. Kl 13 var svo æfing niðri á svæði þar sem við áttum að bjarga fólki úr rústum. Ógeðslega gaman að skipuleggja og renna upp stoðum og tryggingum og troða sér inni í litla glufur til að koma manneskjunni út. Í rústinni þar sem ég var með í hóp var steypuplata skáhalt yfir gólfinu og þurfti maður að skríða á maganum til að komast að sjúklingnum. Hann var svo í mjög þröngu steypuröri og gatið til að ná honum út var með steypujárni niður úr og upp úr og munaði mjög litlu að reka hana upp undir í járnir, s.s. mjög erfiðar aðstæður. Því miður vorum við of sein í að bjarga þessari konu og hrundi byggingin áður en við komumst út, en við björguðum hinnum sjúklingnum.
Síðasta verkefni dagsins var svo að skríða í göngunum fyrir þá sem vildu. Fengum hins vegar að vera með ljósin á og aðeins styttri vegalengd en það sem við áttum að fara á föstudagskvöldið. Ég þakka fyrir að ég fann ekki fyrir neinni innilokunarkennd en það er svo sem auðvelt þegar maður veit að maður er öruggur og kemst út.

Svo var 3 klt keyrsla heim þar sem fólk svaf mismikið en flestir þó eitthvað. VIð enduðum á stælnum í hamborgar um kl. níu um kvöldið eitthvað sem við hefðum átt að vera löngu byrjuð á að gera. Munum standa okkur betur næsta vetur í því.
Þetta var svo öll rústabjörgunin, held að þetta sé hópur fyrir mig og þaðan kannski í Alþjóðabjörgunarsveitina (þeir sem fara á hamfarasvæðin).

Annað sem er að gerast í mánuðinum er árshátíð Ársæls og helgina eftir er vorfögnuður Boot Camp. Þar á eftir eru það páskarnir en ég er að vinna þá helgi.

Núna þessa dagan er skólinn bara stjórnun og skipulagning sem virðist ekki ná yfir neitt annað (þ.e. stjórnunin og skipulagningin)

Bið að heilsa ykkur í bili....

Janúar og Febrúar

noreply@blogger.com (April) — Mon, 15 Feb 2010 09:26:00 +0000

þetta er að koma hjá mér. Gengur eitthvað voða hægt.
Alla vega janúar kom og fór, eitthvað var maður þreyttur eftir jólin skólalega séð og er enn að ströggla við að koma mér í gang, hefði jafnvel verið fínt að taka prófin í lok febrúar eins og í fyrra og vera bara búin með þetta, en nei, við fáum að draga þetta með okkur framm í maí!!!
Í janúar var fara í aðalútilegu ársins sem var Fjallamennska 1 og var farið í Tindfjöll og gist þar yfir heila helgi. Það var erfitt, tók á andlega og líkamlega en rosalega gaman :o) Það var líka alveg frábært veður, -10°C meir og minna stillt og heiðskýrt þannig við fengum meira að segja smá sól yfir daginn. Verst var hins vegar á nóttunni því ég er ekki með neitt rosalega góða dýnu (6mm þykka úr rúmfó) þannig ég fann vel fyrir kuldanum undir mér, tók reyndar með mér lítið flísteppi en það dugði því miður skammt. Næsta ferð verður ný dýna með í för ;o) Námskeiðin sem eftir eru í björgunarsv eru slöngubátar og rústabjörgun sem ég hlakka þó nokkuð til og langar að reyna að komast í og þaðan í Alþjóðabjörgunarsveitina en bara eitt í einu.
Það er svo sem ekki mikið að frétta úr skólanum og vinnunni, nema jú ég er loksins farin að taka hjúkkuvaktir (er að fara á vakt í kvöld) og það hefur bara gengið nokkuð vel held ég. Smá stressandi fyrst til að byrja með og maður er einhvern veginn alltaf að því maður er drulluhræddur um að gleyma einhverju en samt gaman :o) Ég er svo í verknámi í skólanum og byrjaði að fara á geðdeild (verknámið er þrískipt) og fór á 33A sem er afeitrunardeild áfengis og vímuefna, svolítið gaman að koma þanngað því margir úr sjúklingahópnum okkar á A7 fara á 33A. Ég var þar í 2 vikur og lærði slatta mikið og er núna í þessari viku að fara á Reykjalund, vissi ekki að það væri geðdeild þar og það verður áhugavert að sjá hvaða starfsemi er í gangi þar.
Svo fer ég í stjórnun, þá fer ég á deild sem ég hef verið á (heilatauga og æðaskurðdeild) og verð í því að skipuleggja mig og útdeilda verkefnum, sem er víst erfiðara en að segja það. Síðasta verknámið er svo.....wait for it.....öldrunarhjúkrun!!! Heyri af þeim sem eru í þessu verknámi að þetta sé einfaldlega það leiðinlegasta sem þau hafa gert og hefði mátt koma mun fyrr á námstímanum því stærsti sjúklingahópurinn nánast hvar sem er á spítalanum eru aldraðir!!! þá er bara um að gera að anda djúpt og rólega og klára málin ;o)
það er svo eitt annað sem ég hlakka líka til, það er endurlífgunin sem við tökum núna í lok febrúar og verður farið aðeins dýpra í út frá gjörgæslu og svæfingu og við fáum að leika okkur með Hermann (sýningardúkkan sem hjúkrdeildin á fyrir nema til að æfa hjartahnoð og fl)
Þannig það er alveg nóg að gera hjá manni á öllu vígstöðum, sérstakleg núna í mars, það er rústabjörgunarnámskeið, vinnuhelgi og 2 x árshátíðir (Boot Camp og Björgunarsv) sitt hvora helgina og svo áður en maður veit af þá eru komnir páskar :o) hver veit nema maður kannski skelli sér í bláfjöllin og renni sér nokkrar ferðir.

Meira hef ég ekki að segja í bili, ætla að reyna að standa mig betur í þessu ;o)

kv.
Apríl Eik

Jólin 2009

noreply@blogger.com (April) — Tue, 15 Dec 2009 18:40:00 +0000

Þá er komið að því enn einu sinni...prófin eru búin, þau komu og fóru með öllum sínum hamagangi á einni viku. Gekk ágætlega og held ég hafi nú bara náð þessu öllu saman, tölfræðin er á einhverju reiki þar sem ég bara hreinlega kveikti ekki á heilu 20% dæmi og krossarnir voru ekkert til að hrópa húrra fyrir, 25% þar = 45% sem eru á mjög svo steingráu svæði :o/ En þetta er eitthvað sem mun koma í ljós eftir áramót og borgar sig ekkert að stessa sig á því :o)
Svo voru við með lítill hundaling í pössun sem heitir Spori og ber sko nafn með réttu, hann var hjá okkur í tvær vikur og fór núna til "ömmu sinnar" (mömmu hans Binna) í dag og var Bóbó sett í gang og gólfið skúrað líka!!!! Núna er alveg æðislega hreint og jólalegt en jólastússið heldur áfram á morguna, þá er að klára svefnherbergið, jólagjafir, jólakort og eitthvað fleira þannig það er nóg að gera....
hvað meira...Búttið er enn á sínum stað, nema á föstudag og mán og svo er ég líka í nýliðum Björgunarsveitarinnar Ársæl, hef reyndar ekkert mætt undanfarið sökum anna vegna prófa og jóla, en ég fer að bæta úr því ;o) Flugeldasala og fleira stuð :o)
Svo er líka bara nóg að gera í vinnunni, er búin að vera í ágæts fríi um prófin en tek nokkrar vaktir í "jólafríinu" og í fyrsta skipti á ævinni (að mig minnir) verð ég að vinna á aðfangadag, bara morgunvakt en ég held það verði bara gaman ;o)
Núna ætla ég hins vegar að fá mér smá rauðvín og slappa aðeins af :o)

ltr

Október

noreply@blogger.com (April) — Tue, 27 Oct 2009 21:58:00 +0000

Ég er svoooo ekki að standa mig í þessu :o/ sorry...
en hef svo sem ekki mikið að segja, er enn að massa Björgunarsveitina. Fór eina helgi á námskeið í fyrstu hjálp og fékk að sjálfssögðu tíu á prófinu. Fórum svo 3 vikum seinna í útilegu þar sem var kalt, blautt erfitt og ógeðslega gaman. Næsta útilega er helgina sem ég á afmæli en það er víst spurning hvort ég fari því frændi hans Binna á afmæli sömu helgi fyrir norðan...sjáum til með það.

Var svo að klára verknámið á B-2 sem var mjög gaman og fræðandi....nú tekur við nóvember mánuður verð eintóm gleði í verkefnavinnu....

ltr peeps...

Skóli og vinna....

noreply@blogger.com (April) — Tue, 08 Sep 2009 15:28:00 +0000

Skólinn er byrjaður og það á fullublasti!!!
Hef heyrt af m ínum eldri nemendum að 3. árið sé víst bara böl en mér lýst bara nokkuð vel á það sem við erum að læra núna og ekki verra að fara bara í 3 lokapróf af 5 fögum. Við erum s.s. í Hjúkrun Krabbameins sjúklinga, Hjúkrun langveikrafullorðinna, Vöxtur og þroski, Tölfræði og Aðferðafræði. Ég fer í verknám á B2 sem er taugalækningadeild, ég var á B6 sem er heila- og taugaskurðlækningadeild. Á B2 eru s.s. fólk sem á við einhvers konar heila og taugavandamál að stríða en fer ekki í skurðaðgerð, t.d. Parkinson, heilablóðföll og fl. Í verknáminu eigum við að framkvæma líkamsmat sem ég held að verði rosalega krefjandi á deildinni minni að fara í gegnum taugakerfið...er farin að finnast það eitthvað svo rosalega spennandi :o)
Annars er bara allt gott að frétta, það var smá taugatitringur hérna fyrir helgi útaf fundinum með forstjóra LSH en þetta á allt eftir að skýrast á næstu vikum og deildarstjórinn ætlar að berjast framm í rauðan dauðann fyrir okkur nemana, þannig það er ekki kominn tími til að panika alveg strax ;o)
Ég held svo áfram í Búttinu (Boot Camp) og er komin í góðan félagsskap þar. Við Búttí skvísurnar ætlum nefnilega að taka átakið alminnilega núna í sep og fram að jólum og byrjuðum kannski svolítið skart...fórum sjálfar á þri í síðustu viku og í lok vikunnar vorum við allar svo rosalega búnar á því að engin mætti á föstudaginn...ég var reyndar að vinna en ég keyrði í skólann og vinnunna, sem er svo sem ekki frásögufærandi nema ég er farin að hjóla í skólann og heim aftur :o) það er reyndar ekkert smá finnst mér því þetta eru 15 km á dag takk fyrir!!!
Annað sem er vert að segja frá er að ég loksins dreif mig í björgunarsveitina í Rvk :o) Fór á kynningarfund á mið í síðustu viku og fer á fyrsta námskeið á morgun, Ferðamennska. Held að þetta verði kannski ekki alveg lítið mál, en það er ýmislegt þarna sem ég er ekki að sjá í fyrsta skiptið og kannast aðeins við. Þetta er samt alveg rosalegt prógram og það er ekki fyrr en vorið 2011 sem ég verð komin á útkallslista sem björgunarsveitarmaður!!! 2011 verður merkilegt ár fyrir þær sakir að ég verið þá orðin Hjúkrunarfræðingur og Björgunarsveitarmaður...svo er bara að sjá til hvað maður gerir ;o)
En þetta er pottþétt ein af betri ákvörðunum síðustu árin sem ég hef tekið....
2007 - fara í hjúkrun
2008 - fara í Boot Camp
2009 - fara í Björgunarsveitina Ársæl
2010 - ?

Núna er verkefnin farin að hrúgast inn og ég þarf að fara að gera heimapróf/verkefni sem ég á að skila á morgun....

Maraþon og skólinn

noreply@blogger.com (April) — Mon, 24 Aug 2009 11:46:00 +0000

Það hefur lítið spennandi gerst síðan á verslunarmannahelginni nema ég tók þátt í 10 km hlaupi Íslandsbanka eins og ég gerði í fyrra. Bætti tímann minn um 5 mín (og 15 sek) en náði ekki alveg takmarkinu sem var að koma á 63 mín, vantaði 2 mín upp á. Hins vegar mér til varnar þá fraus iPODinn minn einhvers staðar á milli 5 og 6 km og varð ég að hlaupa bara ein með hugsunum mínum, sem er svo sem allt í lagi en maður hleypur miklu hraðar með Prodigy í eyrunum ;o)
Stebbi, (vorum a vinna saman hjá Símanum) var að hlaupa 10 km í fyrsta sinn núna og gott ef við ætlum ekki bara að skella okkur í 21km næsta ár. Það hafði alla vega verið planið hjá mér í ár en vegna leiðinda beinhimnubólgu í mars/apríl náði ég ekki að þjálfa mig upp í það....bömmer....
Ég og Binni fengum svo Júlla og Sollu í mat til okkar sem endaði með því að við kíktum í bæinn og hittum Bryngerði á Dubliners. Það var mikið fjör og mikil gleði hjá okkur, og bar sunnudagurinn þess greinileg merki....maður er aðeins farinn að eldast :o/
Svo er skólinn bara að fara að hefjast, er að fara á kvöldvakt í kvöld og morgunvakt á morgun og svo bara skóli á mið. Ég er ekki búin að fara yfir hvað ég þarf að kaupa, eða prenta út eða hvaða bækur ég ætla að selja eða neitt eiginlega....voða afslöppuð eitthvað í þessu ;o)
Þar sem er ágúst mánuður nánast liðinn og sumarið líka....hef ekki gert helminginn af því sem ég ætlaði mér að gera, t.d. fara í útilegu, fara á línuskauta (fór ekki einu sinni), góðan hjólatúr um nágrannasvæðið eða upp í Kjós (þessi litli hjólatúr sem við fórum í uppi við Kjós telst ekki með) en við fórum upp í Húsafell með Ástu og Gunna og fl., fórum nokkru sinnum upp í bústað, fórum í afmælisveislu til ömmu í Hveró og eigum eftir að fara upp á Esju áður en þessi mánuður er liðinn. Svona hefur sumarið verið hjá okkur og vonandi gerum við eitthvað fleira næsta sumar, þá verð ég kanski búin að safna mér inn smá sumarfríi ;o)

Ltr

Verslunarmannahelgin

noreply@blogger.com (April) — Mon, 03 Aug 2009 16:51:00 +0000

Þá er hún liðin þetta árið.
Helgin í ár var nokkuð góð, Binni fór upp í bústað strax á fimmtudaginn en ég kom ekki fyrr en á laugardaginn vegna vinnu. Þar voru Bubba mamma Binna, Emma systir hans og Yuri dóttir hennar og Grétar og Baddý vinkona hans með strákinn sinn Styrmi. Það er búið að vera bongóblíða meir og minna allan tímann. Þau voru búin að koma vatninu á þegar ég kom upp eftir og nú er bara að koma hitakatlinu í lag þannig það verði heitt vatn líka. Bústaðurinn hefur verið tekinn í gegn svolítið í sumar t.d. málaður, stígurinn breikkaður og grasið slegið og verður sett eitthvað niðður næsta vor, kartöflur, kryddjurtir og fleira.
Á laugardeginum var haldin þessi fína humarveisla a la Binni og fengið sér smá í glas með. Eftir matinn tókum við í nokkur spil og fórum svo niður á brennuna sem við höfum aldrei gert áður!! Svaka stuð en stutt og var haldið aftur heim í bústað eftir nokkra bjóra. Ég, Binni og Baddý reyndum að vekja upp einhverja bústaðarstemningu og settist Binni út á pall með gítarinn og Kjósakórinn tók undir en vegna rökkurs og ljósleysis leystist það fljótlega upp (ekki vegna sönghæfileika Kjósakórsins!!!) Ég og Baddý ákváðum þá að taka smá "powerwalk" um sumarbústaðalandið í leit að partýi því við vorum ekki þau einu með vín við hendina á brennunni en ekkert heyrðist frá neinum bústað, nema einum. Við gengum á hljóðið og þar var fólk að spila einhvers kona boccia með trjádrumba. Við (SMÁ í glasi) kynntum okkur fyrir fólkinu og sögðumst hafa heyrt að hér væri partý. Karlpeningurinn tók vel á móti okkur og sagði að við gætum alveg fengið að spila með, þá sló hins vegar dauðaþögn á kvennaliðið þar til ein sagði "það er reyndar bara pláss fyrir einn" við tókum bara smá pollýönu á þetta og spurðum hvort þær vildu reykvíkinginn eða ísfirðingin og þær völdu reykvíkinginn. Við spiluðum aðeins með, einn mannanna (afinn í fjölskyldunni) benti á að við gætum alveg skipst á, en við skildum hins vegar sneiðina þegar ein konan tók af okkur trjádrumbinn þegar var komið að kvennaliðinu að gera....þökkuðum pent fyrir okkur og kvöddum, en þetta var svolítið skondið.
Við skunduðum okkur bara heim og þegar þangað var komið, fljótlega í háttinn.
Ég vaknaði morguninn eftir með nett mígreni eftir að hafa vaknað með sólina í augun í loftlausu og mjög heitu herbergi, koddinn hjálpaði heldur ekki til :o/ Hitt fólkið skellti sér í sund/sturtu á Kjalanesinu en ég svaf aðeins lengur (Binni var eitthvað að stússast). Við hittumst svo öll í Kaffi Kjós í hamborgara og franskar. Sunnudagurinn var mikil letidagur fyrir utan smá göngutúr sem ég og Binni fórum í rétt fyrir mat. Eftir matinn var aftur tekið í spil, núna var það spurningaspilið "Spurt að leikslokum" og var það nokkuð einfalt og skemmtilegt (spurningarnar voru samt ekki allar einfaldar) eftir spurningarspilið var farið í póker að ósk Bubbu og stóð spilið fram til kl.3:30 í einvígi milli Emmu og Baddý. Ég datt út fyrst og Binni var bubbleboy (síðasta sæti fyrir verðlaunasæti). Emma náði Baddý út á endanum og voru allir mjög fegnir því að komast í bólið.
Í dag var svo vaknað í rólegheitunum og tekið til í bústaðnum. Binni ætlar að koma seinna í vikunni eða á næstu helgi, ég er að vinna víst eitthvað, og halda áfram með tiltekt og uppbyggingu.

Svo er sumarinu bara að fara að ljúka, gaypride á næstu helgi eða þar eftir, Menningarnótt 22. ágúst og svo byrjar skólinn 26.ágúst og ég verð enn að vinna þá.....ekkert frí sem maður fær þegar maður er námsmaður.....

Svartur dagur í lýðveldi Íslands

noreply@blogger.com (April) — Thu, 16 Jul 2009 18:35:00 +0000

Í dag var ákveðið að Ísland skildi fara í aðildarviðræður við Evrópusambandi, hvort sem við endum með því að fara eða ekki kemur í ljós seinna en það sem mér finnst verra er að þarna er stór, dýr og mikilvæg ákvörðun um framtíð landsins tekin án þess að þjóðin fái um það að segja.
Ég hef ekki myndað mér nægilegar upplýsingar um hvort ég vilji ganga í ESB eða ekki, hallast frekar að ekki, en ég hefði viljað fá að segja eitthvað til um það hvort við færum í aðildarviðræður eða ekki. Þá hefur þjóðin ekki bara loka svarið heldur líka um upphafið á málinu, þá sýnir þjóðin vilja til að ganga til viðræðna.

Long time no nothing...

noreply@blogger.com (April) — Tue, 14 Jul 2009 19:58:00 +0000

Verð að reyna að halda þessu við þegar er loksins eitthvað að gerast hjá manni...fórum upp í Húsafell með Ástu og Gunna og fl. Það var bara bongó blíða allan tímann, þetta var rosalega fínt, skoðuðm Hraunfossa og barnafossa og drukkum slatta af áfengi.
Við ætluðum að fara í útilegu fyrstu helgina í júlí, fara austur í Skaftafell í gönguferðir og veiði en viti menn, það var spáð rigninu meir og minna þar sem við ætluðum að vera þannig við slepptum því bara og höfðum það gott heima fyrir. Þessa helgi áttum við líka 5ára afmæli og ákváðum að fara út að borða á Lauga-ás og fara á Sannleikan með Pétri Jóhanni. Mjög góð sýning sem ég mæli með :o) eftir það fórum við svo í útgáfupartý Sigga Hlö, Vesitu hver ég var? og verð bara að segja að það er langt síðan að ég hafi skemmt mér svona rosalega vel og dansað svona mikið, Michael Jackson var að sjálfsögðu mikið spilaður.
Annars er það bara vinna þar til skólinn byrjar, dæmigert að síðustu helgi þegar ég var að vinna var að sjálfsögðu brilliant veður. Binni og Grétar bróðir hans voru upp í bústað að taka til í garðinum og gera fínt. Svo verður lagt vatn í vikunni eða þeirri næstu og þá verður hægt að vera þarna upp frá í vetur líka...svo næs...
hvað annað....bíllinn er svo búinn að vera nánast non stop bilaður, rétt komum honum í gegnum skoðun og þá fór altanatorinn (hvernig svo sem maður skrifar það) og þegar ég ætlaði að kaupa nýjan var ekki hægt að fá þann sem passaði í og tómt vesen...þannig ég er bara búin að vera á hjólinu og bílnum hennar mömmu til skiptis.
svo er það main event þetta sumarið....Harry Potter and the Half-Blood Prince!!! Búin að kaupa miða á sýninguna á morgun kl.22 með Ástu og Gunna, Binni ætlaði að koma með en hann verður að vinna í bústaðnum og satt best að segja held ég að hann sjái ekki mikið eftir þessari bíóferð. Er að klára bókina nánast í þessum töluðum orðum og er orðin mjög spennt fyrir myndinni.

Frí helgi á næstu helgi og verðum við upp í bústað að halda áfram í tiltekt á lóðinni, ætlum að taka hjólin með okkur og taka kannski nokkra hringi einhvers staðar þarna í kring.

hef svo sem ekki frá meiru að segja frá í bili, þetta gleymist allt ef maður skrifar ekki nógu reglulega....

kv.
Apríl Eik

Jónsmessuganga á Esjunni

noreply@blogger.com (April) — Wed, 24 Jun 2009 13:25:00 +0000

loksins gerðist það, ég skellti mér í Jónsmessugöngu og það um miðja nótt. Ég fór með Línu (stelpa úr búttinu) upp á fjall og lögðum við af stað um kl.1;20, við vorum komnar upp að steini kl.02:30 en stoppuðum stutt því það var farið að dropa aðeins á okkur og meiri vindur en hafði verið við ánna. Við vorum heldur ekki að fara alveg upp á topp því Lína hefur ekki farið á toppinn áður og ég hef bara farið 2-3 og alls ekki vön, enda væri bara vitleysa að fara á toppinn kl.3 að nóttu til ;o)
Við töltum niður aftur að ánni og fengum okkur heitt kakó og heimabakaða snúða sem var ekkert smá næs :o) Við vorum svo komna aftur niður í bíl kl.03:40, þreytta en mjög ánægðar með þetta framtak hjá okkur. Svo skellti maður sér bara í sturtu þegar heim var komið og upp rúm og var ég bara að vakna núna kl.13...Lína hörkutól fór hins vegar að vinna kl.8 í morgun :o/ (ég átti að vera á morgunvakt en fékk að skipta og er á kvöldvakt)
Svo er það bústaður í Húsafell á helginni og ég sé bara heita pottinn og Jello skotin í hyllingum!!!

Later...

Seinni hluti júní

noreply@blogger.com (April) — Sat, 20 Jun 2009 22:07:00 +0000

Þá er farið að síga á seinni hluta júnímánaðar og hvað er búið að gerast. 17.júní kom og fór án mikillar eftirtektar fyrir utan 2 tíma útiæfingu í Búttinu, ég og Binni skelltum okkur í svo smá vel verðskuldaðan ísrúnt og svo fór í bíó með pabba um kvöldið á Terminator, var sko ekki svikin af honum Christian Bale mínum :o)
Verð samt að monta mig að svolítlu, á föstudaginn hjólaði ég í vinnuna, í búttið og þaðan heim aftur rosa dugleg!! en ekki nóg með það þá ákváðum við Binni að fara út í hjólatúr og hjóluðum niður á Lauga-ás og fengum okkur sitthvorn bjórinn. Svo hjóluðum við aftur heim takk fyrir :o) mín ekkert smá dugleg og ekkert smá þreytt, enda fór ég upp í rúm nánast um leið og við komum heim og steeeeeeeiiiin sofnaði.
Við skelltum okkur svo í smá rúnt upp á Gvendarbrunna og skoðuðum okkur aðeins um þar, voða flott en best var samt tertan!!! Besta tertan sem ég hef nokkurn tíman fengið, ever....gleymdi að spyrja hvaðan þau fengu hana...
Næstu helgar eru svolítið bókaðar, ég er að vinna núna sunnudag til föstudags, næstu helgi, strax eftir vinnu förum við upp í Húsafell í bústað með Ástu & Gunna og fl, helgina eftir það er stóra útilegu helgin þar sem við ætlum að ferðast aðeins um suðausturlandið endum kannski á Humarhátíðinni á Höfn í Hornafirði, við bara sjáum til...

Ætla reyna að henda inn einhverjum myndum núna við tækifæri, maður verður nýta tæknina ;o)

Í bili...

17. júní

noreply@blogger.com (April) — Wed, 17 Jun 2009 12:50:00 +0000

Til hamingju með daginn landar :o)
Aldrei þessu vant er ég í fríi í dag og skellti mér í tilefni af því á eina Boot Camp æfingu, tveggja tíma. Fattaði líka að í dag er ár frá því að ég byrjaði í Búttinu, ár síðan ég byrjaði í þessari geðveiki, eina sem ég sé eftir er að hafa ekki byrjað á þessu fyrr....
Annars er lítið annað að frétta, vinna og vinna og reyna að nýta sumarið.
Í næstu viku er Jónsmessunótt og er ég mikið að spá í að láta gamlar áætlanir um fjallgöngur þá nóttina ganga eftir og tölta aðeins upp á Esjuna. Vandamálið er hin vegar það, ég er á kvöldvakt og svo strax morgunvakt þann 24. :o/ Reyni að fá þessu breytt annars verður það bara harkan sex í sólarhring ;o)
Er samt mikið að spá í að leggja í mig núna í smá stund...smá snús...

kv.
Apríl Eik

carpediem

noreply@blogger.com (April) — Sun, 31 May 2009 18:20:00 +0000

Maí nánast liðin og hvað hef ég að segja um þennan mánuð. Sumarið er alla vega nokkurn veginn genginn í garð, við unnum Eurovision og 2.sætið er farið að einkenna árangur okkar Íslendinga erelendis. Ég kláraði verknámið á B-6 og skilaði ritgerðinni, hef ekki fengið til baka úr henni og er nokkuð sama því ég er veit ég hef alla vega náð áfanganum. Núna er ég byrjuð að vinna og mikið rosalega er það gott að hafa ekki eitthvað hangandi yfir höfðinu eins og t.d. lærdóm.
Annað skemmtilegt í maí var afmælið hennar Júlíu ömmu, hún var 85 ára 29. maí og hittist stórfjölskyldan í Hveró. Við komum með þessa rosalegu súkkulaði köku með rjóma, marengs, jarðaberjum og smá súkkulaði yfir, þarf varla að taka það fram að hún vakti mikla athygli :o) Við parið vorum svo bara róleg yfir helgina, ég fór með Ástu til Stebba og Heiðu að hitta hann Fróða litla sem er ekkert smá sætt barn og ekkert smá góður líka....til hamingju með það Stebbi og Heiða. Svo um kvöldið fengum ég og Binni heimsókn frá Ingu og Gumma, það var víst eitthvað afmæli hjá unglingnum á heimilinu og eins og venjan er þá er gamla settinu vinsamlegast hent út í smá tíma ;o)
Ég og Binni nýttum svo daginn í dag í smá carpediem og qualititime sama. Við fórum að veiða í Kleifarvatni (eða Binni gerði það) og ég tók myndir af hinu og þessu. Það veiddist ekki mikið þetta skiptið en bara gaman sameina áhugamál okkar beggja, munum örugglega gera þetta nokkru sinnum aftur í sumar.

Svo er það sumarið:
Sjóarinn síkáti í Grindavík á næstu helgi - þar verðum við síkát með móðufjölskyldunni hans Binna.
Sumarbústaður í Húsafelli 27-28 júní. - Ásta og Gunni verða þar með bústað og við ætlum að kíkja svona rétt aðeins milli vakta hjá mér (þetta er svolítil tarnavika hjá mér)
Skaptafell 2-5 júní - lööööng helgi hjá mér í vinnunni og ákváðum við því að fara eitthvað út fyrir suðurlandið og gætum jafnvel farið alla leið á Höfn í Hornafirði á Humarhátíðina þar.

Meira hefur ekki verið ákveðið þar sem vaktaplanið hjá mér er ekki komið lengra en 16.júlí.

Haði það gott í sumar og njótið dagsins...hvort sem það er sól&logn eða rigning&rok

kv.
Apríl Eik