ಕಥೆ ಕವನ ನಗೆಹನಿ ಹಾಡುಗಳು

ಬಾಲ್ಯದ ಭೂತ .. !!

2013-11-27T06:42:00.004+05:30

ಬಾಲ್ಯದ ಭೂತ .. !!

ಕಥೆಯನ್ನು ಬರೆಯಲು ವಿಭಿನ್ನ ವಿಚಾರಗಳ ಚಿಂತನೆಯಲ್ಲಿರುವಾಗ ನೆನಪಾದದ್ದು ನನ್ನ ಬಾಲ್ಯದ ಕೆಲವು ಕ್ಷಣಗಳು .. ಅದಕ್ಕೆ ಕೆಲವು ದಿನಗಳು ಅದರ ಬಗ್ಗೆ ಹೆಚ್ಚಾಗಿ ಆಲೋಚನೆ ಮಾಡುತ್ತಾ ನೆನಪಾದ ಕೆಲವು ಸಣ್ಣ ಸಣ್ಣ ಘಟನೆಗಳನ್ನು ಒಂದುಗೂಡಿಸಿ ಕಥೆಯೊಂದನ್ನು ಕಟ್ಟುವ ಪ್ರಯತ್ನ.. ಈ ಕಥೆಯು ನನ್ನ ಬಾಲ್ಯದ ನೆನಪುಗಳಲ್ಲಿ ಒಂದು ವಿಶೇಷ ಪುಟವಾಗಿದೆ .. ಇದು ನಾನು ಹುಬ್ಬಳ್ಳಿಯ ಸರ್ಕಾರಿ ಶಾಲೆಯೊಂದರಲ್ಲಿ ಆರನೇ ತರಗತಿಯಲ್ಲಿ ಇದ್ದಾಗ ನಡೆದದ್ದು .. ಆ ವರ್ಷದಲ್ಲೇ ಅಲ್ಲಿ ಅನೇಕ ಬಗೆಯ ವಿಚಾರಗಳ ಹೊಸ ಪರಿಚಯ .. ಅದಕ್ಕೂ ಮೊದಲು ಐದನೇಯ ತರಗತಿಯವರೆಗೂ ಚಿತ್ರದುರ್ಗದಲ್ಲಿ ನನ್ನ ಬಾಲ್ಯದ ದಿನಗಳನ್ನು ಅನುಭವಿಸಿದ್ದೇನೆ .. ಆದರೆ ಚಿತ್ರದುರ್ಗದಲ್ಲಿ ಕಂಡಿದ್ದ , ಕಲಿಯುತ್ತಿದ್ದ ವಾತಾವರಣ , ದುರ್ಗದ ಕೋಟೆ ಹಾಗೂ ಇನ್ನೂ ಅನೇಕ ವಿಚಾರಗಳ ಪರಿಚಯ ಕಥೆಯ ನಡುವಲ್ಲಿ ಹೇಳುತ್ತೇನೆ.. ಅದಕ್ಕೂ ಮೊದಲು ಹುಬ್ಬಳ್ಳಿಯ ನೆನಪುಗಳ ಜೊತೆಯಲ್ಲಿ ಕಥೆಯನ್ನು ಆರಂಭಿಸುತ್ತಿರುವ ಉದ್ದೇಶವೇನೆಂದರೆ ಕಥೆಯ ಮುಖ್ಯ ಪಾತ್ರವೆಂದರೆ ನನ್ನ ಪಾತ್ರ .. ಜಗತ್ತಿನ ವಿಭಿನ್ನತೆಯ ವಿಚಿತ್ರವೆನ್ನಿಸುವ ವಿಚಾರಗಳ ಪರಿಚಯವಾದ ದಿನಗಳು .. ಆ ದಿನಗಳನ್ನು ನಾನು ಈಗ ನೆನೆದಾಗ ನೆನಪಿನಲ್ಲಿ ಉಳಿದದ್ದು ನೂರಕ್ಕೆ ನಾಲ್ಕಿರಬಹುದಾದರೂ ದೆವ್ವಗಳು ಭೂತಗಳು ಎನ್ನುವುದರ ಮಾನಸಿಕ ಒತ್ತಡ ಮತ್ತು ಕುತೂಹಲ ಉಂಟಾಗಿದ್ದು ಆ ವರ್ಷದಲ್ಲೇ ಅತೀ ಹೆಚ್ಚು .. ಮತ್ತು ಯಾವುದೋ ಒಂದು ಪಾತ್ರವನ್ನು ಕಲ್ಪನೆ ಮಾಡಿಕೊಂಡು ಬರೆಯುವುದಕ್ಕಿಂದ ಬಾಲ್ಯದ ನನ್ನ ಪಾತ್ರಕ್ಕೆ ಒಂದಷ್ಟು ಬಣ್ಣಗಳ ಹಚ್ಚಿಟ್ಟು ಓದುಗರ ಕುತೂಹಲ ಮತ್ತು ಅವರ ಬಾಲ್ಯದ ನೆನಪುಗಳಲ್ಲಿ ನನ್ನನ್ನು ಹುಡುಕುವ ಪುಟ್ಟದಾದ ಪ್ರಯತ್ನ.. ಇಲ್ಲಿ ಘಟನೆಗಳ ಸಮಯ, ವಸ್ತು, ಸ್ಥಳ ಹಾಗೂ ವ್ಯಕ್ತಿಗಳ ಪರಿಚಯದಲ್ಲಿ ಒಂದಷ್ಟು ಅದಲು ಬದಲಾಗುವ ಸಾಧ್ಯತೆಗಳು ಇವೆ .. ಕಾರಣ ಆ ದಿನಗಳ ಸಂಪೂರ್ಣ ನೆನಪುಗಳು ಇಲ್ಲದಿರುವುದು .. ಹಾಗಾಗಿ ಇಲ್ಲಿ ಪಾತ್ರಗಳ ಹೆಸರುಗಳು ಮಾತ್ರ ಕಾಲ್ಪನಿಕವಷ್ಟೇ .. ಘಟನೆಗಳು ಎಲ್ಲವೂ ಬಾಲ್ಯದ ಅನುಭವಗಳು ಎನ್ನುವುದಂತೂ ಸತ್ಯ .. !!

ಕಥೆಯನ್ನು ಪ್ರಾರಂಭಿಸುತ್ತ , ಬಾಲ್ಯದ ಆಟಗಲ್ಲಿ ಅನುಭವಿಸಿದ ವಿಚಿತ್ರ ಕ್ಷಣಗಳ ನೆನಪುಗಳು .. ದೆವ್ವ ಭೂತಗಳ ಬಗೆಗಿನ ಕೆಲವು ಅನುಮಾನಾಸ್ಪದ ಪ್ರಶ್ನೆಗಳು ಮತ್ತು ಅವುಗಳಿಗೆ ಉತ್ತರ ಹುಡುಕುವ ಯತ್ನದಲ್ಲಿ ಬದಲಾದ ಬದುಕಿನ ಆಲೋಚನೆಗಳು .. ಮೊದಲ ಬಾರಿ ಭಯ ಹುಟ್ಟಿಸಿದ್ದ ಫುಟ್ಬಾಲ್ ಆಟ .. ಚೆಂಡಾಟ ಅಂತಾನೂ ಹೇಳಬಹುದು .. ಈ ಆಟದಲ್ಲಿ ಚಿಕ್ಕದಾಗಿ ಮನದಲ್ಲಿ ಚಿಗುರೊಡೆದ ಒಂದು ರೀತಿಯ ಭಯ ಅನ್ನಬಹುದು ಅಥವಾ ಹೊಸತನ್ನು ಕಲಿಯುವ ಹುಚ್ಚು ಕುತೂಹಲ ಅಂತಲೂ ಹೇಳಬಹುದು.. ಒಟ್ಟಿನಲ್ಲಿ ಕಥೆಯನ್ನು ಓದಲು ತೊಂದರೆಯಾಗದಿರಲೆಂದು ಕೆಲವು ಭಾಗಗಳಲ್ಲಿ ವಿಂಗಡಿಸಿ ನಿಮ್ಮೆಲ್ಲರ ಮುಂದಿಡುತ್ತೇನೆ .. !!

ಆಗಷ್ಟೇ ನಾನು ಹುಬ್ಬಳಿಯ ಸರ್ಕಾರಿ ಶಾಲೆಯಲ್ಲಿ ಸೇರಿಕೊಂಡು ಒಂದೆರಡು ದಿನಗಳು ಆಗಿತ್ತು .. ಇಂಗ್ಲೀಷ್ ಮೇಷ್ಟ್ರು ಆ ದಿನ ರಜಾ .. ಹಾಗಾಗಿ ಆಡಲು ಬಿಟ್ಟರು .. ಎಲ್ಲಾ ಹುಡುಗರು ಫುಟ್ಬಾಲ್ (ಆಗ ಅಲ್ಲಿ ಅದಕ್ಕೆ ಚೆಂಡಾಟ ಅನ್ನುತ್ತಿದ್ದರು) ಆಡಲು ಹೋದರು .. ಹುಡುಗಿಯರು ಕೆಲವು ಗುಂಪುಗಳಲ್ಲಿ ಬೇರೆ ಬೇರೆ ಆಟವಾಡಲು ಹೋದರು .. ಹೊಸಾ ವಾತಾವರಣ & ಯಾರ ಪರಿಚಯವೂ ಹೆಚ್ಚಾಗಿ ಇಲ್ಲದ ಕಾರಣ ನಾನು ಸುಮ್ಮನೇ ಅವರ ಆಟವನ್ನು ನೋಡುತ್ತಾ ನಿಂತಿದ್ದೆ .. ಒಬ್ಬ ಹುಡುಗ ಬಿದ್ದು ಕಾಲಿಗೆ ಹೆಚ್ಚು ಪೆಟ್ಟಾಗಿ ರಕ್ತ ಸುರಿಯಲು ಶುರುವಾಯಿತು .. ಆಗ ಅವನ ಬದಲು ನನ್ನನ್ನು ಆಡಲು ಕರೆದರು .. ಆಗಲೇ ಎಲ್ಲರ ಪರಿಚಯ ಹೆಚ್ಚಾಗಿ ಆದದ್ದು .. ಆ ವಿಚಾರ ಆಮೇಲೆ ಹೇಳುವೆ .. ಅದರಲ್ಲಿ ಒಬ್ಬ ನನ್ನನ್ನು ಗೋಲೀ ಹತ್ರ ಹೋಗಿ ನಿಂದ್ರು ಅಂದಾ ... ನಾನೂ ಕೂಡ ಅಲ್ಲೆಲ್ಲಾ ಹುಡುಕಾಡಿದೆ ಅಲ್ಯಾವುದೇ ಗೋಲಿ ಕಾಣಲಿಲ್ಲ .. ಆಗ ಅವನು ನನ್ನ ಬಳಿ ಓಡಿ ಬಂದು ಗೆರೆಗಳನ್ನು ಹಾಕಿದ್ದ ಜಾಗ ತೋರಿಸಿ ಇಲ್ಲೇ ನಿಂದ್ರು ನಿನ್ ಕಡಿ ಚೆಂಡು ಬಂದ್ರ ಹಿಡಿಬೇಕು ಗೊತ್ತಲ್ಲಾ ಆಟ .. ಟೀವ್ಯಾಗ ನೋಡಿಲ್ವಾ ಅಂತಂದ ಅವನು .. ನಾನು ಆಗ ಓಹೋ ನಾನು ಗೋಲ್ ಕೀಪರ್ ಹಾಗಿದ್ರೆ ಅರ್ಥವಾಯಿತು ಇಲ್ಲಿ ನೀನು ಗೋಲಿ ಅಂದಾಗ ಆಡುವ ಗಾಜಿನ ಗೋಲಿ ಹುಡುಕ್ತಾ ಇದ್ದೆ .. ಈಗ ಎಲ್ಲಾ ಸರಿ ಅರ್ಥವಾಯಿತು.. ನಮ್ಮ ಚಿತ್ರದುರ್ಗದಲ್ಲಿ ಗೋಲ್ ಕಂಬಗಳು ಇರುತ್ತಿದ್ದವು ... ಬಹು ದೊಡ್ಡ ಮೈದಾನದಲ್ಲಿ ಆಡಿದ್ದೀನಿ ಫುಟ್ಬಾಲ್ ಆಟ ಗೊತ್ತು ಹೋಗು ಆಟ ಶುರು ಮಾಡು ಎಂದು ಹೇಳಿದೆ .. ಆಟ ಶುರುವಾಯಿತು .. ಚಿಕ್ಕದಾದ ಮೈದಾನದಲ್ಲಿ ನಡುವಲ್ಲಿ ಎಲ್ಲಾ ಹುಡುಗರು ಓಡುತ್ತಾ ಏನನ್ನೋ ಒದೆಯುತ್ತಿದ್ದರು .. ನಾನು ಗೋಲ್ ಕೀಪರ್ ಆಗಿ ಸುಮ್ಮನೇ ನಿಂತಿದ್ದೆ ... ಎದುರಿನಲ್ಲಿ ಒಂದು ಗೋಲ್ ಆಯಿತು ಕಿರುಚಾಟ ಹಾರಾಟ ಜೋರಾಯಿತು .. ಆದರೆ ಏನನ್ನು ಒದ್ದದ್ದು ಎಂದು ದೂರದಿಂದ ಗೊತ್ತಾಗಲಿಲ್ಲ .. ಕೂಗಿ ಕೇಳಿದೆ ಬಾಲ್ ಎಲ್ಲಿದೆ ಎಂದು .. ಸ್ವಲ್ಪ ದೂರದಿಂದ ಸದ್ದಾಯಿತು ಚೆಂಡು ಚಿಕ್ಕದು ಹತ್ರ ಬಂದ್ರ ಗೋಲು ಬಿಟ್ ಬಿಡಬ್ಯಾಡ ಹೆಂಗಾರ ಮಾಡಿ ತಡಿ ಅಂತಾ ... ನಾನು ಓಕೆ ಓಕೆ ಅಂತಂದೆ .. ಮತ್ತೆ ಆಟ ಶುರುವಾಯಿತು .. ಈಗ ನನ್ನತ್ತ ಓಡುತ್ತಾ , ಬಾಲನ್ನು ಒದೆಯುತ್ತಾ ಪಾಸ್ ಹಾಕಲೇ ಪಾಸ್ ಓದಿಯಲೇ ಅನ್ನೋ ಕಿರುಚಾಟ ಜೋರಾಯಿತು .. ಒಬ್ಬ ಜೋರಾಗಿ ಒದ್ದ ಆ ಬಾಲ್ ನನ್ನ ಹತ್ತಿರ ಬರುವಾಗ ಕ್ಯಾಚ್ ಕ್ಯಾಚ್ ಅಂತಾ ಕೂಗು ಕೇಳಿಸಿದಾಗ ನಾನೂ ಒಂದೆರಡು ಹೆಜ್ಜೆ ಮುಂದಿಟ್ಟು ಅದನ್ನು ಹಿಡಿದು ಮೇಲೆತ್ತಿಕೊಳ್ಳುವಾಗ ನನ್ನೆದೆ ಒಮ್ಮೆಲೇ ಜುಮ್ಮೆಂದು ಮನದೊಳಕೆ ಹೇಳಲಾಗದ ಭಯ .. ಅವರೆಲ್ಲಾ ಮಾತಿನಂತೆ ಅದು ನಿಜಕ್ಕೂ ಚೆಂಡಾಟ .. ಚೆಂಡು ಎಂದರೆ ಗೊಂಬೆಯ ರುಂಡ .. ತಲೆಯಲ್ಲಾ ಗಿರಗಿರನೆ ತಿರುಗಿದಂತಾಗಿ ದೂರಕ್ಕೆ ಎಸೆದು ಇದನ್ನೆಲ್ಲಾ ಆಡಲು ತರಬೇಡಿ ಒಂದು ಹೊಸಾ ಬಾಲ್ ತರಲು ಹೇಳಿದೆ .. ಅದಕ್ಕಾ ರೊಕ್ಕಾ ಬೇಕಲ್ಲಾ ಅಂದಾ ಒಬ್ಬ .. ಅದೇ ಮೊದಲು ರೊಕ್ಕಾ ಅನ್ನೋ ಪದ ಕೇಳಿದ್ದು .. ಏನದು ಹಾಗಂದ್ರೆ ಅಂತಾ ಕೇಳಿದಾಗ ಮತ್ತೊಬ್ಬ ಹೇಳಿದ್ದು ನೀನ್ಯಾವ ಸೀಮ್ಯಾಗಿಂದ ಬಂದಿಯೋ ರೊಕ್ಕಾ ಅಂದ್ರ ತಿಳಿಯಕ್ಕಿಲ್ವಾ ಕಾಸು ಹಣ ಅಂದಾಗ ಓಹೋ ಅದಕ್ಕೆ ರೊಕ್ಕಾ ಅಂತಾರಾ ಇಲ್ಲಿ .. ಸರಿ ಬಾಲಿನ ದುಡ್ಡು (ರೊಕ್ಕಾ) ನಾನು ಕೊಡ್ತೀನಿ ನಾಳೆ ತರೋಣ ಅಂತ್ಹೇಳಿ ಮತ್ತೆ ಗೋಲ್ ಬಳಿ ನಿಂತಾಗ ಒಬ್ಬ ಹುಡುಗಿ ಓಡೋಡಿ ಬಂದು ಸ್ವಲ್ಪ ದೂರದಿಂದ ಕೂಗಿದಳು .. ಆಗ ಇನ್ನಿಬ್ಬರು ಹುಡುಗಿಯರು ಅವಳ ಹಿಂದೆ ಓಡಿ ಬಂದರು .. ಸಮಾಜ ಮೇಷ್ಟ್ರು ಬಂದ್ರು ಬರ್ರಿ ಎಲ್ಲಾ ಅಂತಾ ಕೂಗಿದಾಗ ಜೊತೆಯಲ್ಲೇ ಒಬ್ಬ ಹುಡುಗಿ ನನ್ನ ಚಿನ್ನು ಬೇಬಿ ತಲೆ ಕೊಡ್ರೋ ಅಂದಾಗ ಆ ಗೊಂಬೆಯ ರುಂಡವನ್ನು ಅವಳಿಗೆ ಕೊಟ್ಟರು .. ನನಗಾಗ ಮನದೊಳಗೆ ವಿಚಿತ್ರ ಭಾವನೆಗಳು .. ಒಂದು ರುಂಡದಿಂದ ಫುಟ್ಬಾಲ್ ಆಟವೇ .. ನೆನೆದರೆ ಸಾಕು ಮೈಯೆಲ್ಲಾ ಒಂದು ಕ್ಷಣ ಜುಮ್ಮೆನ್ನುವುದು .. ಬೇರೆ ವಾತವರಣದಲ್ಲಿ ಬೆಳೆದು ಬಂದವರಿಗೆ ಹೊಸ ಜಗತ್ತಿನ ಪರಿಚಯದಲ್ಲಿ ಮೂಡುವ ಭಾವನೆಗಳು ನಡೆಯುವ ಘಟನೆಗಳು ಒಮ್ಮೊಮ್ಮೆ ಭಯ ಒಮ್ಮೊಮ್ಮೆ ಕುತೂಹಲ .. !!

OLD MEMORIES

ಹೀಗೆಯೇ ಇನ್ನೂ ಅನೇಕ ಸಂಗತಿಗಳ ಮಹಾಸಾಗರ .. ಕುತೂಹಲಕಾರಿ ಆ ದಿನಗಳು .. ನನ್ನ ಬಾಲ್ಯದ ಹುಬ್ಬಳ್ಳಿಯ ಸವಿನೆನಪುಗಳು ಮುಂದುವರೆಯುತ್ತದೆ .. ಇಷ್ಟವಿದ್ದಲ್ಲಿ ಕಾದು ನೋಡಿ , ಓದಿ ನಿಮ್ಮ ಅನಿಸಿಕೆಗಳನ್ನು ತಪ್ಪದೇ ತಿಳಿಸಿ .. ಬರೆಯುವ ಆತುರದಲ್ಲಿ ಅಲ್ಲಲ್ಲಿ ಅಕ್ಷರಗಳ ಕಾಗುಣಿತ ಏರುಪೇರು ಆದಲ್ಲಿ ತಿಳಿಸಿ ಮತ್ತು ಅನುಸರಿಸಿಕೊಂಡು ಓದಬೇಕಾಗಿ ಕೇಳಿಕೊಳ್ಳುತ್ತೇನೆ .. !!

(ಕಥೆ ಮುಂದುವರೆಯುವುದು .. )

*ಪಿಪಿಕೆ*

ಕಹಿ ಕನಸಿನ ಅನುಭವ ........ !!

2013-08-26T06:10:00.000+05:30

ಈ ರಾತ್ರಿ ಕಂಡ ಕನಸು ಕಪ್ಪು ಬಿಳುಪು
ಆದರೂ ಇದ್ದಂತಿತ್ತು ಕೆಂಬಣ್ಣ ಒಂಚೂರು
ಕಥೆಯಾದಲ್ಲಿ ಇಲ್ಲಿರಲಿಲ್ಲ ನಾಯಕಿ
ಅರಿಯದ ಊರಲ್ಲಿ ಉದ್ದುದ್ದ ಗೋಡೆಗಳು

ವಾಹನದಿಂದಿಳಿದೊಡನೆ ನಾಲ್ಕಾರು ಹೆಜ್ಜೆ
ಹಿಂತಿರುಗಿ ನೋಡಲಲ್ಲಿ ನಮ್ಮವರು ಕಣ್ಮರೆ
ಭಯದಲ್ಲಿ ರಸ್ತೆಯತ್ತ ಓಡಿ ಹೋದೊಡನೆ
ಕಂಡರು ನಮ್ಮವರೆಲ್ಲರೂ ವಾಹನದ ಬಳಿ

ಅದೇನೋ ಸಿಕ್ಕಂತೆ ಎದೆಯೊಳಗೆ ತಳಮಳ
ಮುಂದೆ ಹೋಗೆಂದ ಅಮ್ಮನ ಮಾತಿಗೆ ಒಪ್ಪಿ
ತಿರುಗಿ ಹೋಗುತ್ತಿದ್ದಾಗ ಅಪ್ಪ ಕೂಗಿದಂತಾಗಿ
ಪುನಃ ಹಿಂತಿರುಗಿ ನೋಡಲಲ್ಲಿ ಯಾರೂ ಇಲ್ಲ

ಆ ಸ್ಥಳವ್ಯಾವುದೋ ಈ ಮೊದಲು ಕಂಡಿರಲಿಲ್ಲ
ಜೊತೆಗೊಂದು ವಿಸ್ಮಯ ಈಗಲ್ಲಿ ವಾಹನವೂ ಇಲ್ಲ
ಮತ್ತಷ್ಟು ಭಯದಲ್ಲಿ ಮತ್ತೆ ಓಡಿದೆ ರಸ್ತೆಯ ಬಳಿ
ಕಂಡರು ಎಲ್ಲರೂ ವಾಹನದ ಬಳಿ ನಗುನಗುತ

ನಾಲ್ಕಾರು ಹೆಜ್ಜೆ ನಡೆದೊಡನೆ ಕಣ್ಮರೆಯಾಗುವ
ಮರಳಿ ಬಂದೊಡನೆ ಕಣ್ಮುಂದೆ ಕಾಣುವ ಆ ಸ್ಥಳ
ಯಾವುದೆಂಬ ಕುತೂಹಲದ ಜೊತೆಯಲ್ಲಿ ಭಯ
ಸಿಹಿ ಕನಸುಗಳ ಬದಲು ಕಹಿ ಕನಸಿನ ಅನುಭವ ........ !!

*ಪಿಪಿಕೆ*

----------------------------------------------------------------------
(ಕನಸಲ್ಲಿ ಕಂಡದ್ದು .. ಒಪ್ಪಿಗೆಯಾಗುವ ಚಿತ್ರ ಸಿಗದ ಕಾರಣ ಇಲ್ಲಿ ಚಿತ್ರವಿಲ್ಲ ... )

ಅನಾಥರು ..... !!

2013-08-25T20:16:00.000+05:30

♥ ಎ ಸೈಲೆಂಟ್ ಲವ್ ಸ್ಟೋರಿ ♥

ನಾನು ಪ್ರಶಾಂತ

ಆಕೆಯೂ ಶಾಂತ

ಮೆಚ್ಚಿರಲು ಮನ

ಪ್ರೀತಿಯ ಜನನ.... !!

ಏಕಾಂತ ಪ್ರಿಯ ನಾನು

ಸ್ವಭಾವದಲ್ಲಿ ಮೌನಿ

ಅವಳೂ ಕೂಡ ನನ್ನಂತೆ

ಸ್ವಭಾವದಲ್ಲಿ ಸೌಮ್ಯ.... !!

ಮಾತಿಗೆ ಮಾತು ಬೆಳಯಲಿಲ್ಲ

ಹುಟ್ಟಿದ ಪ್ರೀತಿಯೂ ಬೆಳೆಯಲಿಲ್ಲ

ಮಾತಿಲ್ಲವೆಂದು ನೋವಿರಲಿಲ್ಲ

ಆದರೂ ಪ್ರೀತಿಯು ಸತ್ತಿರಲಿಲ್ಲ.... !!

ಕೊನೆ ಮಾತು ಇಬ್ಬರಿಂದಲೂ

ಮದುವೆಯ ಶುಭಾಶಯಗಳು

ದಿನವಿಲ್ಲಿ ಅದಲು ಬದಲು

ಅಂತೆಯೇ ಗಂಡು ಹೆಣ್ಣುಗಳು..... !!

ನಾಲ್ವರೂ ಈಗ ಪ್ರೀತಿ ಇಲ್ಲದೇ ....

ಅನಾಥರು ..... !!

*ಪಿಪಿಕೆ*

ಅದು ಅಪರಿಚಿತ.... !!

2013-08-25T19:41:00.000+05:30

ಎರಡು ನಿಮಿಷಗಳ ಮೌನ

ಕಾಳಗದಲ್ಲಿ ಮಡಿದ ಸೇವಕನಿಗಾಗಿ

ಎರಡು ದಿನಗಳ ರಜಾ

ಐಶಾರಾಮಿ ಬದುಕಿನ ನಾಯಕನಿಗಾಗಿ.... !!

ಎಲ್ಲೋ ಏನೋ ಹುಡುಕಲು ಹೋಗಿ

ಸಿಗಲಿಲ್ಲವಾದರೂ ಬದುಕು ಸಾಗಬೇಕು

ಎಲ್ಲೋ ನಡೆದ ಸುದ್ಧಿ ಕೇಳಿ ಭಯವಾಗಿ

ಸಿಕ್ಕರೂ ಸ್ವಾತಂತ್ರ್ಯ, ಮತ್ತೆ ಹೋರಾಡಬೇಕು... !!

ಹೇಳಲು ನಾವು ಭಾರತೀಯರೆಂಬ ಮಾತು

ರಾಜ್ಯ ದಾಟಿದೊಡನೆಯೇ ಬರಬಹುದು ಆಪತ್ತು

ಹುಟ್ಟಿನಿಂದಲೇ ಸಂಬಂಧಗಳ ಸರಪಳಿ ಬಿಗಿತ

ಹೊರ ಜಗತ್ತು ನಮ್ಮದಾದರೂ ಅದು ಅಪರಿಚಿತ.... !!

*ಪಿಪಿಕೆ*

ಹಳ್ಳಿಯ ಹುಡುಗಿಯ

2013-08-18T18:19:00.000+05:30

ಹಳ್ಳಿಯ ಹುಡುಗಿಯ

ಮೆಲ್ಲನೆ ನಡಿಗೆಯ

ನೋಡುತ್ತ ನಾ ನಿಂತೆ

ಆದರೆ

ಮನದಲ್ಲಿ ಬೇರೇನೋ ಚಿಂತೆ

ಹೊಲವೆಲ್ಲಾ ಹಸಿರು

ಕಾಲುದಾರಿ ಕೆಸರು

ಕಲ್ಲುಮುಳ್ಳು ಒಂಚೂರು

ಹೆಜ್ಜೆ ಹೆಜ್ಜೆಗೂ ಹುಷಾರು

ಹತ್ತಾರು ಯೋಜನೆಗಳು

ಹಲವಾರು ಮಂತ್ರಿಗಳು

ಹಾಳೆಯ ಲೆಕ್ಕದ ರಸ್ತೆಗಳು

ಹುಟ್ಟಲು ಕಾದಿವೆ ಹಗಲಿರುಳು

ಏನೇನೋ ನೆನೆಯುತ್ತ

ಮತ್ತೊಮ್ಮೆ ಅವಳತ್ತ

ಏರಿಳಿತ ಎದೆ ಬಡಿತ

ಪ್ರೀತಿಯ ತಕದಿಮಿತ

ಹಳ್ಳಿಯ ಹುಡುಗಿಯ

ಮೆಲ್ಲನೆ ನಡಿಗೆಯ

ನೋಡುತ್ತ ನಾ ನಿಂತೆ

ಆದರೆ

ಮನದಲ್ಲಿ ಬೇರೇನೋ ಚಿಂತೆ.... !!

*ಪಿಪಿಕೆ*

"ಐ ಲವ್ ಯು" ಇಲ್ಲ ಇಲ್ಲ ಹೇಳೋದಿಲ್ಲ.....

2013-05-20T19:43:00.000+05:30

ಇಲ್ಲ ಇಲ್ಲ ಹೇಳೋದಿಲ್ಲ

ನಾ ನಿನಗೆ "ಐ ಲವ್ ಯು"

ಸಣ್ಣದೊಂದು ಸಾಲಿನಲ್ಲಿ

ನನ್ನ ಪ್ರೀತಿ ಹೇಗೆ ಹೇಳಲಿ

ಮಾತೃಭಾಷೆ ಪ್ರೀತಿಯಲ್ಲಿ

ಆಂಗ್ಲಭಾಷೆ ಏಕೆ ಬಳಸಲಿ.. !!

ಇಲ್ಲ ಇಲ್ಲ ಹೇಳೋದಿಲ್ಲ

ನಾ ನಿನಗೆ "ಐ ಲವ್ ಯು"

ಗಣಕಯಂತ್ರ ತಂತ್ರ ವಿಶೇಷ ನಿನ್ನ ಕೆಲಸ

ಕೂಡಿ ಕಳೆದು ಗುಣಿಸು ನನ್ನ ವಿದ್ಯಾಭ್ಯಾಸ

ನಿನ್ನ ಕಂಡ ಆ ಕ್ಷಣವೇ ನಾನಾದೆ ನಿನ್ನ ದಾಸ

ಒಪ್ಪಿಕೋ ಪ್ರೀತಿಯ, ನಾನಾಗಲಾರೆ ದೇವದಾಸ.. !!

ಇಲ್ಲ ಇಲ್ಲ ಹೇಳೋದಿಲ್ಲ

ನಾ ನಿನಗೆ "ಐ ಲವ್ ಯು"

ಇದ್ದಿರಬಹುದು ನಿನಗಿಂತ ಸುಂದರಿಯರು

ಬೇಡವೇ ಬೇಡ ದೇವಲೋಕದ ಅಪ್ಸರೆಯರು

ಬರದಿರಬಹುದು ಆಂಗ್ಲಭಾಷೆ ನನಗೊಂದ್ಚೂರು

ಕೇಳೇ ಹುಡುಗಿ ಕನ್ನಡವೇ ನನ್ನುಸಿರು ನನ್ನುಸಿರು.. !!

ಇಲ್ಲ ಇಲ್ಲ ಹೇಳೋದಿಲ್ಲ

ನಾ ನಿನಗೆ "ಐ ಲವ್ ಯು"

ಒಪ್ಪಿಕೋ ಪ್ರೀತಿಯ.. ಒಪ್ಪಿಕೋ ಪ್ರೀತಿಯ.. ಒಪ್ಪಿಕೋ ಪ್ರೀತಿಯ.. !!

|| ಪ್ರಶಾಂತ್ ಖಟಾವಕರ್ ||

ಹೀಗೇಕೆ ಓ ಮಾನವ .. !!

2013-03-28T00:02:00.000+05:30

http://www.poetryofpictures.blogspot.in/

ಕೆನ್ನೆಗಷ್ಟು ಸುಣ್ಣ

ತುಟಿಗಳಿಗಿಷ್ಟು ಬಣ್ಣ

ದಿನ ದಿನವೂ ಹಚ್ತಾರಣ್ಣ

ಈ ಹುಡ್ಗೀರ್ ಹಿಂಗ್ಯಾಕಣ್ಣ

ಮ್ಯಾಗ್ನೆಟ್

ಅವರ ಮುಖವು

ಹೃದಯವ ಸೆಳೆಯುವ ಮ್ಯಾಗ್ನೆಟ್

ಸೈಲೆಂಟ್

ಅವರ ಕಂಡೊಡನೆ

ಮಾತು ಕೇಳದ ಕಿವಿಗಳು ಸೈಲೆಂಟ್

ಏನೋ ಒಂದು ಅಗೋಚರ ಶಕ್ತಿ

ಏಕೋ ನನ್ನ ಅವರತ್ತ ಒತ್ತಿ ಒತ್ತಿ

ತಳ್ಳುವುದು ಮೆಲ್ಲಮೆಲ್ಲನೇ ಮನವ

ತಿಳಿಯದಾಗಿದೆ ಹೀಗೇಕೆ ಓ ಮಾನವ .. !!

|| ಪ್ರಶಾಂತ್ ಖಟಾವಕರ್ ||

ನಗುತಾಳೆ ನಗುತಾಳೆ

2013-02-18T22:34:00.001+05:30

ನಗುತಾಳೆ ನಗುತಾಳೆ

ಅವಳೂ ತುಂಬಾನೇ ..!!

ಯಾಕೋ ಏನೋ ಗೊತ್ತೇ ಇಲ್ಲ

ಅವಳ ನಗುವು ನಿಲ್ಲೋದಿಲ್ಲಾ

ನೋಡೋಕ್ ಅವಳು ಒಳ್ಳೇ ಹುಡ್ಗಿ

ಹುಚ್ಚಿ ಅಲ್ಲ .. !!

ಅವಳೊಂದು ಮಣ್ಣಿನ ಬೊಂಬೆ .. !!

ನಗುತಾಳೆ ನಗುತಾಳೆ

ಅವಳೂ ತುಂಬಾನೇ ..!!

ನೂರಾರು ದಿನಗಳ ಹಿಂದೆ

ಒಂದ್ ಹುಡ್ಗಿ ಬಂದಿದ್ಲು ನನ್ ಮುಂದೆ

ಯಾರೋ ಏನೋ ಅವಳು ಗೊತ್ತಿಲ್ಲಾ

ಅವಳಾ ನೆನಪಲ್ಲಿ ನಾ ಗೀಚಿದ್ದ ಚಿತ್ರ

ಈಗಲೂ ನಗುತಿದೆ ನನ್ನಾ ಮನದಲ್ಲಿ .. !!

ನಗುತಾಳೆ ನಗುತಾಳೆ

ಅವಳೂ ತುಂಬಾನೇ ..!!

ಆನ್ಲೈನ್ ಸ್ನೇಹ ಪ್ರೀತಿ ಪ್ರೇಮ

ಎಲ್ಲಾ ಸುಳ್ಳು ಬರಿ ಡ್ರಾಮ

ಜೀವನ ಅಲ್ಲಾ ಇದು ಸುಳ್ಳು ಸಂತೆ

ಕಳ್ಳ ಹೆಸರಲ್ಲಿ , ಸುಳ್ಳು ಮಾತಿನಲ್ಲಿ

ಅವನವಳ ಅವಳವನ ಹುಡುಗಾಟದ

ಹುಚ್ಚು ನಗು , ಹುಚ್ಚು ನಗು , ಹುಚ್ಚು ನಗು .. !!

ನಗುತಾಳೆ ನಗುತಾಳೆ

ಅವಳೂ ತುಂಬಾನೇ ..!!

|| ಪ್ರಶಾಂತ್ ಖಟಾವಕರ್ ||

ಏನೂ ಆಗದಂತೆ .. ಎಲ್ಲವೂ ಮೊದಲಿನಂತೆ .. !!

2013-02-16T03:47:00.001+05:30

ಏನೂ ಆಗದಂತೆ .. ಎಲ್ಲವೂ ಮೊದಲಿನಂತೆ .. !!

************************

ಅವನಿವನಿಗೆ ಹೊಡೆದ

ಇವನವನಿಗೆ ಹೊಡೆದ

ಎಲ್ಲೆಲ್ಲಿ ಎಷ್ಟು ರಕ್ತ

ಯಾರ್ಯಾರು ಅನಾಥರು

ಅವನಲ್ಲಿ ಏನೇನು ಗೆದ್ದ

ಇವನಿಲ್ಲಿ ಎಷ್ಟೆಷ್ಟು ಕದ್ದ

ಎಲ್ಲೆಲ್ಲಿ ಹೇಗೆ ಕದ್ದರು

ಯಾರನ್ನು ಎಲ್ಲಿ ಕೊಂದರು

ಬರಿ ಮಾಹಿತಿಯ ಮಾತಲ್ಲ

ಆ ಸುದ್ದಿ ಸಮಯಗಳು

ಧಾರಾವಾಹಿಗಳಂತೆ

ಇದ್ದಷ್ಟು ಇರದಷ್ಟು ಎಳೆದೆಳೆದು

ಮಾತಾನಾಡಿದರೆ ಆಗಬವುದು

ಹೆಚ್ಚು ರಾಜಕೀಯ ಸಂಸಾರದಲ್ಲೂ

ಮುಂದಾಗುವುದು ಒಂದೆರಡು ಗಂಟೆ

ತಿದ್ದಿ ತೀಡಿದ ಸುದ್ದಿ ಮುಗಿದ ಮೇಲೆ

ಏನೂ ಆಗದಂತೆ .. ಎಲ್ಲವೂ ಮೊದಲಿನಂತೆ .. !!

|| ಪ್ರಶಾಂತ್ ಖಟಾವಕರ್ ||

ಚುಂಬನ ದಿನ.. :)

2013-02-13T15:00:00.001+05:30

Happy KISS Day .. :)

ಪ್ರೀತಿಸುವುದು ತಪ್ಪಲ್ಲ

ಪ್ರೀತಿಸುವ ರೀತಿಯಲ್ಲಿ

ತಪ್ಪು ಇರಬಾರದಷ್ಟೇ

ಚುಂಬಿಸುವುದು ತಪ್ಪಲ್ಲ

ಚುಂಬಿಸುವ ರೀತಿಯಲ್ಲಿ

ತಪ್ಪು ಇರಬಾರದಷ್ಟೇ

ಚಿಂತಿಸುವುದು ತಪ್ಪಲ್ಲ

ಚಿಂತಿಸುವ ರೀತಿಯಲ್ಲಿ

ತಪ್ಪು ಇರಬಾರದಷ್ಟೇ

ಪ್ರೀತಿಸೋ ಹೃದಯಗಳ

ಮೊದಲ ಚುಂಬನದ ಸಿಹಿ

ನೆನಪುಗಳ ಚಿಂತನೆಯಲ್ಲಿ ..!!

|| ಪ್ರಶಾಂತ್ ಖಟಾವಕರ್ ||

❤❤❤❤❤❤❤❤❤❤❤❤❤❤

♥♥♥♥♥♥♥♥♥♥♥♥♥♥♥♥♥

ಚುಂಬನ ದಿನದ ಶುಭಾಷಯಗಳು

♥♥♥♥♥♥♥♥♥♥♥♥♥♥♥♥♥

❤❤❤❤❤❤❤❤❤❤❤❤❤❤

ಖಾಲಿ ಖಾಲಿ .. :( :(

2013-02-09T13:54:00.001+05:30

ಖಾಲಿ ಹಾಳೆಯ ಕೊಟ್ಟು ಅವಳು

ಬರೆಯಲು ಹೇಳಿ ಪ್ರೀತಿ ಪದಗಳು

ಖಾಲಿ ಹೃದಯಕೆ ಹೆಜ್ಜೆ ಇಟ್ಟಳು

ಬಣ್ಣ ಬಣ್ಣದ ಕನಸುಗಳ ಕೊಟ್ಟಳು

ಬರೆದೆನು ನಾನು ನೆನಪಿನ ಹಾಡು

ಅವಳಾ ಮುಖದಲ್ಲಿ ನಗುವ ಕಂಡು

ಬರೆದಳು ಅವಳು ಮರೆಯದ ಸಾಲು

ಅಚ್ಚರಿಯ ಆಘಾತ ನನ್ನೆದೆ ನಡುಗಲು

ನಾ ಬರೆದು ಕೊಟ್ಟ ಹಾಡಿನ ಕೆಳಗೆ

ಬರೆದಳವಳು ಪ್ರೀತಿಯ ಇನಿಯನಿಗೆ

ನಾ ನೋಡಲು ನನ್ನ ಹೆಸರಿಲ್ಲ ಅಲ್ಲಿ

ಬಣ್ಣ ಬಣ್ಣದ ಕನಸುಗಳು ಖಾಲಿ ಖಾಲಿ .. :( :(

|| ಪ್ರಶಾಂತ್ ಖಟಾವಕರ್ ||

ರಾಂಗ್ ನಂಬರ್ .. !!

2013-02-08T02:54:00.000+05:30

ಸುಮ್ಮನೆ ನಾ ನಿದ್ದೆ ಮಾಡುತ್ತಿದೆ

ನನ್ನ ಮೊಬೈಲ್ ಗುಯ್ಯ್ ಗುಟ್ಟಿತು

ಸ್ವಲ್ಪ ಬೆಳಕು ಮೂಡಿ ಕೋಣೆಯಲ್ಲಿ

ಏನೋ ಆಯಿತೆಂಬ ಆಲೋಚನೆ

ಕಣ್ಗಳನುಜ್ಜಿ ಮೆಲ್ಲನೇ ಸುತ್ತ ನೋಡಲು

ತುಂಬಾ ತುಂಬಾ ಕತ್ತಲು ಕತ್ತಲು

ಮತ್ತೆ ಕತ್ತನೊರಳಿಸಿ ಇತ್ತ ಮೊಬೈಲ್

ಅದರಲ್ಲೇನು ಮೆಸೇಜು, ಮಿಸ್ ಕಾಲ್

ಅಚ್ಚರಿಯ ಸುದ್ದಿ, ಖರ್ಚಾಯಿತು ಬುದ್ಧಿ

ಆದರೂ ಹೊಳೆಯಲಿಲ್ಲ ಯಾರೆಂಬುದು

ನೋಡಲು ಬಲು ವಿಭಿನ್ನ ಆ ನಂಬರ್

ನಿದ್ದೆ ಕೆಡಿಸಿದ್ದದು, ಪ್ರಸ್ತುತ ರಾಂಗ್ ನಂಬರ್ .. !!

|| ಪ್ರಶಾಂತ್ ಖಟಾವಕರ್ ||

ಪ್ರೇಮಿಗಳ ದಿನ

2013-02-05T22:51:00.001+05:30

ಅವನು ಅವಳು .. :) :)

2013-01-05T14:36:00.002+05:30

ಮಂಜಿನಾ ಹನಿ ... ಮುದ್ದಿನಾ ಗಿಣಿ ... !!

2013-01-05T14:33:00.000+05:30

|| ಪ್ರಶಾಂತ್ ಖಟಾವಕರ್ ||: ಸ್ನೇಹ ಪ್ರೀತಿ .. ಸುಮ್ಮನೇ ಒಂದು ಸ್ಟೋರಿ

2013-01-02T13:35:00.001+05:30

|| ಪ್ರಶಾಂತ್ ಖಟಾವಕರ್ ||: ಸ್ನೇಹ ಪ್ರೀತಿ .. ಸುಮ್ಮನೇ ಒಂದು ಸ್ಟೋರಿ: ಸ್ನೇಹ ಪ್ರೀತಿ .. ಸುಮ್ಮನೇ ಒಂದು ಸ್ಟೋರಿ *************************************** ಭಾಸ್ಕರ್ : ಪ್ರಶಾಂತ್ ಹೊಸ ವರ್ಷದ ಶುಭಾಶಯಗಳು........

ನೀನೇ ಹೇಳು ಗೆಳತಿ .... :)

2012-12-18T05:19:00.000+05:30

ನೀನೇ ಹೇಳು ಗೆಳತಿ .... :)

**************************

ನಿದ್ದೆಯು ಬಾರದೆ

ನಡು ರಾತ್ರಿಯಲ್ಲಿ

ನಿನ್ನ ನೆನಪಾದರೆ

ನಾನೇನ ಮಾಡಲಿ

ನೀನೇ ಹೇಳು ಗೆಳತಿ ....

ನಡುಗುತ ಚಳಿಯಲಿ

ನಾನೊಬ್ಬನೇ ಕೋಣೆಯಲಿ

ನೀನೇಕೆ ಬರಲಿಲ್ಲ ಕನಸಲಿ

ನನಗೀಗ ನಿದ್ದೆಯೇ ಇಲ್ಲ

ನಾನೇನ ಮಾಡಲಿ

ನೀನೇ ಹೇಳು ಗೆಳತಿ ....

ನೀ ನೆನೆದಾಗೆಲ್ಲಾ

ನಾ ನಿನ್ನ ಬಳಿ ಬರುವೆನೆಂದು

ನೀನೇ ಹೇಳಿದ ಮಾತು ಮರೆತೆಯಾ

ನಾನೇನ ಮಾಡಲಿ ಈಗ

ನೀನೇ ಹೇಳು ಗೆಳತಿ .... :)

|| ಪ್ರಶಾಂತ್ ಖಟಾವಕರ್ ||

ಯಾರೋ ಒಬ್ಬಳು ಚೆಲುವಿ .. :)

2012-12-13T21:06:00.000+05:30

ಯಪ್ಪೋ ಯಪ್ಪೋ

ಯವ್ವೋ ಯವ್ವೋ

ಯಾರೋ ಒಬ್ಬಳು ಚೆಲುವಿ

ಬರ್ತಾಳಲ್ಲೋ ಕನಸಿನಾಗ

ಕುಣಿತಾಳಲ್ಲೋ ಮನಸಿನಾಗ

ನಡುರಾತ್ರಿಯಲ್ಲಿ ಮಲಗಿದ್ದಾಗ

ನಾನೊಬ್ಬನೇ ಕೋಣೆಯೊಳಗ

ಥಯ್ಯಾ ಥಕ .. ಥಕ ಥಕ .. ಥಯ್ಯಾ ಥಕ ..

ಹೆಜ್ಜಿ ಇಟ್ಟರ ಎದಿ ಮ್ಯಾಲ

ಒಳಗೊಳಗೆಲ್ಲಾ ಕಿಲ ಕಿಲ

ಕಣ್ಣು ಬಿಟ್ರ ಕಾಣೋದಿಲ್ಲ

ಹೊರಗೆಲ್ಲಾ ಭಾರಿ ತಳಮಳ

ಥಯ್ಯಾ ಥಕ .. ಥಕ ಥಕ .. ಥಯ್ಯಾ ಥಕ ..

ಯಾರೋ ಯಾರೋ ಅವಳ್ಯಾರೋ

ಅವಳು ಬಂದ್ಲಂದ್ರ ನಂಗ ನಿದ್ದಿ ಬರೋದಿಲ್ಲ

ಯಾಕೋ ಏನೋ ಹಿಂಗ್ಯಾಕೋ

ಅವಳು ನಕ್ಳಂದ್ರ ನಂಗ ಕೈ ಕಾಲಾಡೋದಿಲ್ಲ

ಯಪ್ಪೋ ಯಪ್ಪೋ

ಯವ್ವೋ ಯವ್ವೋ

ಯಾರೋ ಒಬ್ಬಳು ಚೆಲುವಿ .. :)

ಥಯ್ಯಾ ಥಕ .. ಥಕ ಥಕ .. ಥಯ್ಯಾ ಥಕ ..

ಥಯ್ಯಾ ಥಕ .. ಥಕ ಥಕ .. ಥಯ್ಯಾ ಥಕ .. !!

|| ಪ್ರಶಾಂತ್ ಖಟಾವಕರ್ ||

ಅಯ್ಯಯ್ಯೋ ಅಯ್ಯಯ್ಯೋ ಅಯ್ಯಯ್ಯಯೋ ...... !!

2012-12-07T12:42:00.004+05:30

ಅಯ್ಯಯ್ಯೋ

ಅಯ್ಯಯ್ಯಯೋ

ಹೊಡೆದಾಟ

ಬಡೆದಾಟ

ಏತಕೀ ಹೋರಾಟ

ಇದು ನನ್ನ ಗುಂಪು

ಅದು ನಿನ್ನ ಗುಂಪು

ಅಧಿಕಾರ ನನಗೆ ಬೇಕು

ನಾ ಹೇಳಿದ್ದೆ ಆಗಬೇಕು

ಹಿಂಗೆಲ್ಲಾ

ಜಗ್ಗಡ್ತಾ ಕಿತ್ತಾಡ್ತಾ

ಅದ್ಯಾವ ಸೇವೆಯೋ

ಮನುಷ್ಯ ಮನುಷ್ಯನ

ಕುಸ್ತಿ ಇದ್ದಂಗೆ

ಮನಸ್ಸು ಮನಸ್ಸಿನ

ಜಗಳದಾಗೆ

ಪ್ರಳಯ ಆಗದೆ ಇದ್ರು

ಜನರ ಪ್ರಾಣ ಹೋಗುತ್ತೆ

ಈ ಭೂಮಿ ಖಾಲಿ ಆಗುತ್ತೆ

ಪ್ರಳಯಕ್ಕಿಂತ ದೊಡ್ಡ ಪ್ರಳಯ

ಮನುಷ್ಯ ಮನುಷ್ಯ

ಹಿಂಗ್ಯಾಕೆ ಹೊಡೆದಾಡ್ತಾನಯ್ಯೋ ....

ಅಯ್ಯಯ್ಯೋ

ಅಯ್ಯಯ್ಯಯೋ ........

|| ಪ್ರಶಾಂತ್ ಖಟಾವಕರ್ ||

ಪ್ರಶಾಂತ ಮನಸ್ಸಿಂದ ಬರೆದ.. ಪ್ರಶಾಂತನ ಪ್ರೇಮ ಕಾಗದ.. :)

2012-11-29T12:33:00.002+05:30

ಪ್ರಶಾಂತ ಮನಸ್ಸಿಂದ ಬರೆದ.. ಪ್ರಶಾಂತನ ಪ್ರೇಮ ಕಾಗದ.. :)

*********************************************************

ಜೋಡಿ ಜಡೆಯ ಬೀಸಿ ನೀನು

ಕರೆದೆ ಪ್ರೀತಿಯಿಂದ

ಓಡಿ ಓಡಿ ಬಂದೆ ನಾನು

ದೂರದ ಊರಿನಿಂದ

ಚೆಂದ ಚೆಂದ

ತುಂಬಾ ಚೆಂದ

ಬೆಳ್ಳಿ ಪರದೆ ಮೇಲೆ

ನಿನ್ನ ನೋಡೋದೇ

ಬಲು ಚೆಂದ

ಹಾಲಿವುಡ್ ಹುಡುಗಿಗಿಂತ

ಬಲು ಚೆಂದ

ಹಾಲಿನಂತಹಾ ನಿನ್ನ ಮೈ ಬಣ್ಣ

ಬಾಲಿವುಡ್ ಬೆಡಗಿಗಿಂತ

ಬಹಳಾ ಚೆಂದ

ಬಳಕುವ ಆ ನಿನ್ನ ನಡು ಸಣ್ಣ

ಓಹೋ ಬೆಂಗಳೂರು ಬಾಲೆ

ನನ್ನ ಮಾತು ಸ್ವಲ್ಪ ಕೇಳೆ

ಏಳೇಳು ಜನ್ಮ, ನೀನೇ ನನ್ನ ನಲ್ಲೆ

ದಯವಿಟ್ಟು ನನ್ನ ಪ್ರೀತಿಯ ಒಪ್ಪಿಕೊಳ್ಳೇ .... !!!!!!!!!!!!!!!!

|| ಪ್ರಶಾಂತ್ ಖಟಾವಕರ್ ||

ಹೇ ಪ್ರೀತಿ .. ಹೇ ಪ್ರೀತಿ ..

2012-11-25T11:47:00.003+05:30

ಹೇ ಪ್ರೀತಿ .. ಹೇ ಪ್ರೀತಿ ..

ನೀನೇಕೇ .. ಈ ರೀತಿ .. !!

ನನ್ನಷ್ಟಕ್ಕೆ ನಾ ಸುಮ್ಮನೆ ಇದ್ದೆ

ಏನೋ ಹೇಳಲು ನೀನೇ ಕರೆದೆ

ಬಂದರೆ ನಾ ನಿನ್ನಾ ಬಳಿಗೆ

ಬಂಧಿಸಿದೆ ನೀ ನಿನ್ನಾ ಎದೆಯೊಳಗೆ

ಪಕ್ಕದಲ್ಲೇ ಇತ್ತು ನಿನ್ನಾ ಹೃದಯ

ಮಾತಾನಾಡು ಅಂತು ಪ್ರೀತಿ ವಿಷಯ

ಇದು ನನ್ನ ನಿನ್ನ ಹೃದಯಗಳ ವಿಷಯ

ಪ್ರೀತಿಯ ಬೆಸುಗೆಯಲ್ಲಿ ನಮ್ಮಿಬ್ಬರಾ ಹೃದಯ

ಹೇ ಪ್ರೀತಿ.. ಹೇ ಪ್ರೀತಿ.. ಇದು ಮೊದಲಾ ಸಲ

ಹೇ ಪ್ರೀತಿ.. ಹೇ ಪ್ರೀತಿ.. ನೀನು ನಕ್ಕರೆ ಕಿಲಕಿಲ

ಹೇ ಪ್ರೀತಿ.. ಹೇ ಪ್ರೀತಿ.. ನನ್ನೊಳಗೆ ತಳಮಳ

ಹೇ ಪ್ರೀತಿ.. ಹೇ ಪ್ರೀತಿ.. ನನಗಿದು ಹೊಸಾ ರೀತಿ .. :)

ಹೇ ಪ್ರೀತಿ .. ಹೇ ಪ್ರೀತಿ ..

ನೀನೇಕೇ .. ಈ ರೀತಿ .. !!

|| ಪ್ರಶಾಂತ್ ಖಟಾವಕರ್ ||

ಬ್ರಹ್ಮನಿಗೊಂದು ಪತ್ರ

2012-11-10T19:58:00.001+05:30

ಬ್ರಹ್ಮನಿಗೊಂದು ಪತ್ರವ ಬರೆದೆ

ನನ್ನ ಪ್ರೇಯಸಿ ಹೇಗಿರಬೇಕೆಂದು

ವಾಯುದೇವನು ಉತ್ತರ ತಂದನು

ಬಿರುಗಾಳಿಯಲ್ಲಿ ತೇಲಿ ಬಂತು ಬಟ್ಟೆಯೊಂದು

ನನ್ನ ಮುಖವನು ಮುಚ್ಚಿ , ನಡುಕವು ಹೆಚ್ಚಿ

ನಿಂತಲ್ಲೇ ನಿಂತೇ ನಾನು , ಏನಿದೇನಿದು ?

ದೂರದಿಂದ ಹಾರಿ ಬಂದ "ದುಪಟ್ಟಾ"

ಪತ್ರದ ಉತ್ತರ ಬ್ರಹ್ಮದೇವ ಕೊಟ್ಟ

ಹಸಿರು ಬಣ್ಣದ ಬಟ್ಟೆಯ ಹಾರಿ ಬಿಟ್ಟ

ಅದು ಹಾರಿ ಬಂದ ದಿಕ್ಕಿನೆಡೆಗೆ ನನ್ನ ನೋಟ

ಮನವು ಬಯಸಿದ ಚೆಲುವೆಯ ಕಂಡು

ಆರಂಭವಾಯಿತು ಅವಳೆಡೆಗೆ ನನ್ನ ಓಟ

ಮರೆತು ಹೋದೆ ನಾನಲ್ಲೇ ಸಕಲ ಆಟ ಪಾಠ

ಅವಳಿಗಾಗಿ ಎಲ್ಲರಿಗೂ ಹೇಳಿದೆ ... ಟಾಟಾ ಟಾಟಾ .. !! ...... :)

|| ಪ್ರಶಾಂತ್ ಖಟಾವಕರ್ ||

ನೀನೆಂದು ಬರುವೆ

2012-11-09T10:22:00.005+05:30

ನೀನೆಂದು ಬರುವೆ ಊರಿಂದ

ದೂರ ಇರಲಾರೆ ನಾ ನಿನ್ನಿಂದ

ಕೋಪವೇತಕೆ ಕೋಮಲೆ

ಮುನಿಸಿಕೊಳ್ಳಬೇಡ ಓ ನನ್ನ ನಲ್ಲೆ

ಪುಟಗಟ್ಟಲೇ ಬರೆದು ಬರೆದು

ನನ್ನ ವಿರಹದಾ ಕಥೆಯನ್ನು

ನೀ ಬರುವೆ ಎಂಬ ನಂಬಿಕೆಯಲ್ಲಿ

ಕೊನೆಯ ಪುಟವೊಂದನ್ನು ಮಾತ್ರ

ಖಾಲಿ ಇಟ್ಟುಕೊಂಡು ಕಾಯುತ್ತಿರುವೆ

ನೀ ಮರಳಿ ಬಂದ ಮೇಲೆ

ಪ್ರೇಮದ ಓಲೆಯ ಬರೆಯಲೆಂದು

ಕೊನೆಯ ಪುಟವನ್ನು ಖಾಲಿ ಉಳಿಸಿಕೊಂಡು

ಕಾದಿರುವೆ ನಿನಗಾಗಿ

ನೀ ಹೋದ ದಿಕ್ಕಿನೆಡೆಗೆ ಮುಖಮಾಡಿ

|| ಪ್ರಶಾಂತ್ ಖಟಾವಕರ್ ||

ಹಕ್ಕಿ ಚುಕ್ಕಿ

2012-11-09T10:14:00.000+05:30

ಹಗಲಲ್ಲಿ ಹಾಹ್ಹ ಹಗಲಲ್ಲಿ

ಬಣ್ಣಬಣ್ಣದ ಹಕ್ಕಿ ಬಾನಲ್ಲಿ

ಇರುಳಲ್ಲಿ ಹೇಹೇ ಇರುಳಲ್ಲಿ

ಬೆಳ್ಳಿ ಚುಕ್ಕಿ ಆ ಆಗಸದಲ್ಲಿ.. !!

ನೀಲಿ ಬಾನಿನಲ್ಲಿ ಬಣ್ಣದ ಹಕ್ಕಿ

ಕಪ್ಪು ಆಗಸದಲ್ಲಿ ಬೆಳ್ಳಿ ಚುಕ್ಕಿ

ಹಕ್ಕಿ ಚುಕ್ಕಿಗಳೆರಡು ನೀಡುತ್ತಿವೆ

ನಿನ್ನಾ ನೆನಪನ್ನೇ ಹೆಕ್ಕಿ ಹೆಕ್ಕಿ

ನನ್ನ ಮನವನ್ನು ಕುಕ್ಕಿ ಕುಕ್ಕಿ.. !!

|| ಪ್ರಶಾಂತ್ ಖಟಾವಕರ್ ||

ನಾನೇನೂ ಬ್ರಹ್ಮನಲ್ಲ

2012-11-09T08:49:00.001+05:30

ನಾನೇನೂ ಬ್ರಹ್ಮನಲ್ಲ

ನನಗೇನೂ ತಿಳಿದಿಲ್ಲ

ಆದರೂ ಹೊಸದೊಂದ ಸೃಷ್ಟಿಸುವ ಬಯಕೆ

ಬರೆದೆ ನಾನು ನಾಲ್ಕು ನುಡಿಗಳ ನೆನಪಿಗಾಗಿ

ನಾನೇನೂ ಈಶ್ವರನಲ್ಲ

ನನಗೇನೂ ತಿಳಿದಿಲ್ಲ

ಆದರೂ ಜೀವನದ ಕಹಿಯನ್ನೆಲ್ಲಾ ಸವಿಯುವೆ

ನನ್ನ ನಾಲ್ಕು ದಿನದ ಸಿಹಿಯನ್ನು ಹಂಚುತ ಬಾಳುವೆ

ನಾನೇನೂ ವಿಶ್ವರೂಪಿ ವಿಷ್ಣುವಲ್ಲ

ನನಗೇನೂ ತಿಳಿದಿಲ್ಲ

ಆದರೂ ಹತ್ತಾರು ಮುಖಗಳು ನನ್ನಲ್ಲಿ ಮೂಡಲು

ಜನಮನಗಳ ದೃಷ್ಟಿ ದಿಕ್ಕುಗಳ ಚಿಂತನೆಗೆ ನಾನೇನ ಮಾಡಲಿ

ನಾನೇನೂ ಅಲ್ಲ .. ನಾನೇನೂ ಅಲ್ಲ ..

ನನಗೇನೂ ತಿಳಿದಿಲ್ಲಾ .. ನನಗೇನೂ ತಿಳಿದಿಲ್ಲಾ .. !!

|| ಪ್ರಶಾಂತ್ ಖಟಾವಕರ್ ||