പലതും പറഞ്ഞിരിക്കാന്‍ ഇതാ ഒരു വരാന്ത

കോടീശ്വരന്റെ വകഭേദങ്ങള്‍

2012-04-18T23:03:00.001+05:30

ഒടുവില്‍ അത് മലയാളത്തില്‍ അവതരിച്ചിരിക്കുന്നു. മറ്റൊന്നുമല്ല KBC എന്ന ചുരുക്കപ്പേരില്‍ അറിയപ്പെടുന്ന കോന്‍ ബനേഗാ കരോട്ട്പതി എന്ന ഇന്ത്യന്‍ ടി വിയിലെ എക്കാലത്തെയും വലിയ ഹിറ്റ്‌ ആയ റിയാലിറ്റി ഷോയെ പറ്റി തന്നെയാണ് പറഞ്ഞത്. കൊടീശ്വരനില്‍ ചോദിക്കുന്ന ചോദ്യങ്ങള്‍ കണ്ടിട്ട് മലയാളികള്‍ കൂകി വിളിക്കാന്‍ തുടങ്ങിയിരിക്കുന്നു. സത്യം പറഞ്ഞാല്‍ ഇത്രയുമൊക്കെ ഈ പരിപാടിയെ അധിക്ഷേപിക്കേണ്ട കാര്യമുണ്ടോ ? ഇതൊരു ഗെയിം മാത്രമാണ്. ചാനലിനു പണമുണ്ടാക്കാനും ഭാഗ്യമുള്ളവര്‍ക്ക് അതിന്റെ ഒരു പങ്കു കൊടുക്കാനും വേണ്ടിയുള്ള ഒരു തട്ടിപ്പ് പരിപാടി. അത് എത്രത്തോളം എന്‍ജോയ് ചെയ്യാന്‍ പറ്റുന്നു എന്ന് മാത്രം നോക്കിയാല്‍ പോരേ?

മലയാളം : നിങ്ങള്‍ക്കുമാകാം കോടീശ്വരന്‍

ഷിറ്റ് ഗോപി ആവുന്നത്ര നാടകീയമായി ഈ പരിപാടി അവതരിപ്പിക്കുന്നുണ്ട്. സത്യം പറഞ്ഞാല്‍ ഗോപിയേട്ടന്റെ പ്രകടനം കണ്ടാല്‍ വരുന്നത്ര ചിരി ഇതിന്റെ ചോദ്യം കണ്ടാല്‍ വരില്ല. എന്തായാലും തോക്ക് ഇല്ലാതെയുള്ള പുള്ളിയുടെ ഉണ്ടയില്ലാ വെടികള്‍ കണ്ടിട്ട് ഒരു ആശ്വാസം ഇല്ലാതില്ല. സാധാരണ വികാരാധീനന്‍ ആയി അഭിമുഖങ്ങളില്‍ പങ്കെടുക്കാറുള്ള സുരേഷ് ഗോപി അതൊന്നുമില്ലാതെ പഴയ പ്രസന്ന ഭാവത്തോട് കൂടി പരിപാടി അവതിരിപ്പിക്കുന്നതു തന്നെ വലിയ കാര്യമാണ്.

കന്നഡ : കന്നഡദാട കോടി അധിപതി (Karnataka's Crorepati)

അങ്ങനെയാണ് മറ്റു ഭാഷകളില്‍ എന്താ സ്ഥിതി എന്ന് നോക്കിയത്. ഏഷ്യാനെറ്റ്‌ സുവര്‍ണയില്‍ കന്നഡ സൂപ്പര്‍ താരം പുനീത് രാജ്കുമാര്‍ അവതരിപ്പിക്കുന്ന പരിപാടി കണ്ടു നോക്കി. ഉള്ള കാര്യം പറയാമല്ലോ , മലയാളം പതിപ്പിനെക്കാള്‍ കാതങ്ങള്‍ മുന്നിലാണ് കോടി അധിപതി എന്ന ഈ കന്നഡ വെര്‍ഷന്‍. ഇതിന്റെ ഒരു കാരണം പുനീത് തന്നെയാണ്. കന്നടയിലെ ഏറ്റവും വലിയ ജനപ്രിയ നടന്‍ പുനീത് ആണ്. കന്നടയില്‍ ഏറ്റവും കൂടുതല്‍ പ്രതിഫലം പറ്റുന്ന നടനും അദ്ദേഹം തന്നെ. മലയാളിയുടെ സൌന്ദര്യ സങ്കല്പങ്ങളുമായി ഒരിക്കലും ഒത്തു പോകാത്ത ഒരു നടനാണ്‌ പുനീത്. താന്‍ ഒട്ടും സുന്ദരനല്ല എന്ന് അദ്ദേഹം തന്നെ തുറന്നു പറഞ്ഞിട്ടുണ്ട്. അങ്ങനത്തെ ഒരു നടന്‍ എങ്ങനെ ഇത്രയ്ക്ക് ജനപ്രിയനായി എന്ന് ഈ പരിപാടി കണ്ടാല്‍ പിടികിട്ടും. അദ്ദേഹത്തിന്റെ attitude തന്നെയാണ് പുനീതിനെ മറ്റുള്ളവരില്‍ നിന്ന് വ്യത്യസ്തന്‍ ആക്കുന്നത്. കന്നടയിലെ എവെര്‍ ഗ്രീന്‍ നായകനായ രാജ്കുമാറിന്റെ മക്കളില്‍ ഏറ്റവും ഇളയ ആളായ പുനീത് ഏറ്റവും മൂത്ത മകനായ ശിവരാജ് കുമാറിനെക്കാള്‍ വലിയ നടന്‍ ആയതു തന്റെ അഭിനയ മികവു കൊണ്ട് കൂടിയാണ്. വര്‍ഷങ്ങള്‍ക്കു മുമ്പ് ഏറ്റവും നല്ല ബാല താരത്തിനുള്ള ദേശീയ അവാര്‍ഡ്‌ നേടിയ നടന്‍ ആണ് പുനീത്. കോടി അധിപതിയില്‍ പുനീതിന്റെ പ്രകടനം ഇവിടെ കാണാം.

പ്രശസ്ത കന്നഡ താരം രമ്യ ( ദിവ്യ സ്പന്ദന ) പങ്കെടുത്ത സ്പെഷ്യല്‍ എപിസോഡ്

തമിഴ് : നീങ്കളും വെല്ലലാം ഒരു കോടി

തമിഴിലെ വിലപിടിപ്പുള്ള നായകന്‍ സൂര്യ അവതരിപ്പിക്കുന്ന വിളയാട്ട് നികഴ്ചി ( ഇത് ഞാന്‍ കയ്യില്‍ നിന്നിട്ടതാണ്. കുറച്ചു തമിഴ് കൂടി ഇരുന്നോട്ടെ ). സൂര്യയെ കാണാന്‍ നല്ല സ്മാര്‍ട്ട്‌ ആണെങ്കിലും കൂതറ കളറിലുള്ള കൊട്ടും സൂട്ടും ഒക്കെ ഇടീച്ചാണ് പാവത്തിനെ നിര്‍ത്തിയിരിക്കുന്നത്. തമിഴന്മാരുടെ സ്വത സിദ്ധമായ കളര്‍ സെന്‍സ് കാരണം കുറെ പൂവും കായും ഒക്കെ സെറ്റില്‍ നിരത്തിയിട്ടുണ്ട് .മാത്രമല്ല ബാക്കി ഭാഷകളെ പോലെയല്ലാതെ വന്‍ സിനിമാറ്റിക് ആണ് തമിഴ് വെര്‍ഷന്‍.

ബംഗാളി : കെ ഹോബെ ബംഗ്ല കോടിപതി

ക്രികറ്റ് ക്യാപ്ടന്‍ സൌരവ് ഗാംഗുലി അവതരിപ്പിക്കുന്ന പരിപാടി. അങ്ങേര്‍ ഒരുമാതിരി വടി വിഴുങ്ങിയ പോലെ നിന്നാണ് ഈ ഗെയിം ഷോ അവതരിപ്പിക്കുന്നത്‌. ബംഗാളി ഒരു പിടിയും ഇല്ലാത്തത് കൊണ്ട് അഭിപ്രായമൊന്നും പറയുന്നില്ല. അമീര്‍ ഖാനും കിരണ്‍ റാവുവും പങ്കെടുത്ത ഒരു എപിസോഡ് ഇവിടെ കാണാം

ഭോജ്പുരി : കെ ബാനി ക്രോര്‍പതി

ശത്രുഘ്നന്‍ സിന്‍ഹ അവതരിപ്പിക്കുന്ന ഭോജ് പുരി വെര്‍ഷന്‍. മുകളില്‍ പറഞ്ഞ പോലെ ഈ ഭാഷയും അത്ര പിടിയില്ല. പക്ഷെ ശത്രുഘ്നന്‍ സിന്‍ഹയുടെ മുന്‍ ചരിത്രം പരിശോധിച്ചാല്‍ പുള്ളി ഈ ഫീല്‍ഡില്‍ പയറ്റി തെളിഞ്ഞ ആളാണെന്ന് നിങ്ങള്‍ക്ക് മനസ്സിലാവും. ഔട്ട്‌ ലുക്ക്‌ വാരികയില്‍ പണ്ട് പുള്ളി എഴുതിയിരുന്ന ഒരു കോളം ഉണ്ട്. വളരെ രസകരമായിരുന്നു. അത് പോലെ തന്നെയാവും ഈ പരിപാടിയും എന്ന് തോന്നുന്നു

ഇനി .. ഇതിന്റെയെല്ലാം ബാപ് : അമിതാഭ് ബച്ചന്‍

വാല്‍ക്കഷണം : പണം നേടാനുള്ള ഒരു മത്സരമെന്നതിലുപരി സ്ക്രിപ്റ്റ് ഇല്ലാതെ അഭിനയിക്കാനുള്ള പല നടന്മാരുടെയും കഴിവിന്റെ ഉരകല്ല് കൂടിയാണ് ഈ പരിപാടി. അമിതാഭിന് പകരം ഷാരൂഖിനെ കൊണ്ട് വന്നിട്ട് പുള്ളി എട്ടു നിലയില്‍ പൊട്ടിയത് ഓര്‍മയില്ലേ . തോക്ക് ഗോപിയേട്ടന്റെ ഗതി എന്താവുമോ ..

സ്നേഹം നിറഞ്ഞ വിഷു ആശംസകള്‍

2012-04-13T19:54:00.004+05:30

എല്ലാവര്‍ക്കും നന്മയുടെയും സ്നേഹത്തിന്റെയും വിഷു ആശംസകള്‍

കണികാണും നേരം കമലാ നേത്രന്റെ
നിറമേറും മഞ്ഞത്തുകില്‍ ചാര്‍ത്തീ
കനകക്കിങ്ങിണി വളകള്‍ മോതിരം
അണിഞ്ഞു കാണേണം ഭഗവാനേ

മലര്‍മാതിന്‍ കാന്തന്‍ വസുദേവാത്മജന്‍

പുലര്‍ക്കാലേ പാടിക്കുഴലൂതി
ചിലുചിലെയെന്നു കിലുങ്ങും കാഞ്ചന
ചിലമ്പിട്ടോടി വാ കണി കാണാന്‍

ശിശുക്കളായുള്ള സഖിമാരും താനും
പശുക്കളെ മേച്ചു നടക്കുമ്പോള്‍
വിശക്കുമ്പോള്‍ വെണ്ണ കവര്‍ന്നുണ്ണും കൃഷ്ണാ
വശത്തു വാ ഉണ്ണീ! കണി കാണാന്‍

ബാലസ്ത്രീകള്‍ തന്‍ തുകിലും വാരി
ക്കൊണ്ടരയാലിന്‍ കൊമ്പത്തിരുന്നോരോ
ശീലക്കേടുകള്‍ പറഞ്ഞും ഭാവിച്ചും
നീലക്കാര്‍വര്‍ണ്ണാ കണി കാണാന്‍

എതിരെ ഗോവിന്ദനരികില്‍ വന്നോരോ
പുതുമയായുള്ള വചനങ്ങള്‍
മധുരമാം വണ്ണം പറഞ്ഞും തന്‍
മന്ദസ്മിതവും തൂകി വാ കണി കാണാന്‍

ഒരു സോഫ്റ്റ്‌വെയര്‍ എഞ്ചിനീയര്‍ ജനിക്കുന്നു - ഭാഗം 30

2012-04-12T08:54:00.001+05:30

കരഞ്ഞു തളര്‍ന്നു അവള്‍ കുറച്ചു നേരം മയങ്ങി. അല്പം കഴിഞ്ഞപ്പോ അമ്മ മുകളിലേയ്ക്ക് വന്നു. 'ചിന്നൂ.. വാ വന്നു ഭക്ഷണം കഴിക്ക്' എന്ന് പറഞ്ഞിട്ട് അമ്മ ഇറങ്ങി പോയി. അവള്‍ എഴുനേറ്റു. കണ്ണില്‍ നിറയെ കണ്ണീര്‍ പാട കെട്ടിയിരിക്കുന്നു. ഒന്നും കാണാന്‍ പറ്റുന്നില്ല. മുഖം കഴുകിയിട്ട് അവള്‍ താഴേയ്ക്ക് ചെന്നു. അച്ഛന്‍ മുറിയില്‍ പേപ്പര്‍ വായിച്ചിരിപ്പുണ്ട്. 'എന്താ മോളേ.. മരുന്ന് വല്ലതും വേണോ ? " അച്ഛന്റെ ചോദ്യം കേട്ട് അവള്‍ ഒരു നിമിഷം സ്തബ്ധയായി. 'വേണ്ട' എന്ന് പറഞ്ഞിട്ട് അവള്‍ ഡൈനിങ്ങ്‌ ടേബിളില്‍ പോയി ഇരുന്നു. ഒന്നും മിണ്ടാതെ അമ്മ ആഹാരം വിളമ്പി വച്ചു. എന്തൊക്കെയോ കഴിച്ചു എന്ന് വരുത്തിയിട്ട് അവള്‍ എഴുനേറ്റു പോയി. വീണ്ടും മുകളിലത്തെ മുറിയില്‍ പോയി കിടന്നു. തലയിണയില്‍ മുഖം ചേര്‍ത്ത് കിടന്നു അവള്‍ വീണ്ടും കരഞ്ഞു. ഫോണ്‍ റിംഗ് ചെയ്യുന്നുണ്ട്. ബൈജുവിന്റെ മെസ്സേജ് വന്നതാണ് . വായിച്ചു പോലും നോക്കാതെ അവള്‍ അത് ഡിലീറ്റ് ചെയ്തു . സമയം ഇഴഞ്ഞു നീങ്ങി. ആരോ ചുമലില്‍ കൈ വയ്ക്കുന്നത് പോലെ. അവള്‍ കണ്ണ് തുറന്നു നോക്കി. അമ്മയാണ്. "നീ പേടിക്കണ്ട. താഴേയ്ക്ക് വരാതിരിക്കണ്ട. അച്ഛനോട് ഞാന്‍ ഒന്നും പറഞ്ഞിട്ടില്ല. നിനക്കറിയില്ലേ . അച്ഛന്റെ സ്വഭാവം ? അച്ഛന്‍ അത് എങ്ങനെ എടുക്കും എന്നറിയില്ല. അന്ന് ജോണ്‍ അങ്കിളിന്റെ മോള്‍ അങ്ങനെ കാണിച്ചപ്പോ രാത്രി അച്ഛന്‍ ഉറങ്ങിയിട്ടില്ല. നേരം വെളുക്കുന്നത്‌ വരെ അതോര്‍ത്തു കിടക്കുകയായിരന്നു. ഇപ്പൊ സ്വന്തം മകള്‍ ഇങ്ങനെ.. ' അമ്മ ഇടറിയ ശബ്ദത്തില്‍ നിര്‍ത്തി.. നിനക്ക് നല്ല സുഖമില്ല. എന്തോ പെയിന്‍ പോലെ എന്നൊക്കെയാണ് ഞാന്‍ അച്ഛനോട് പറഞ്ഞത്. ഹോസ്പിറ്റലില്‍ പോണോ എന്ന് അച്ഛന്‍ ഇപ്പൊ ചോദിച്ചതേ ഉള്ളൂ. നിനക്ക് പിന്നെ മാസം തോറും വരുന്ന പയിന്‍ ആണ് .. സാരമില്ല എന്നൊക്കെ പറഞ്ഞപ്പോ ആണ് അച്ഛന്‍ പോയി കിടന്നത്. അങ്ങനത്തെ ഒരാളിനെ ആണോ നീ ചീറ്റ് ചെയ്യാന്‍ നോക്കുന്നത് ? " അമ്മയുടെ വാക്കുകള്‍ കേട്ട് അവള്‍ പൊട്ടിക്കരഞ്ഞു. അവളെ തനിയെ വിട്ടിട്ടു അമ്മ താഴത്തേയ്ക്ക് പോയി. കുറ്റബോധം കൊണ്ട് അവളുടെ തല കുനിഞ്ഞു തന്നെയിരുന്നു. അന്ന് രാത്രി അവള്‍ ഒന്നും കഴിച്ചില്ല. താഴേയ്ക്ക് ഇറങ്ങി ചെന്നതുമില്ല.

നേരം പുലര്‍ന്നു. അച്ഛന്‍ ഏതോ കല്യാണത്തിന് പോയിരിക്കുകയാണ്. അവള്‍ കിച്ചണിലേയ്ക്ക് ചെന്ന്. അമ്മ ദോശ ചുടുകയാണ്. 'നീ എണീറ്റോ ? മുഖം കഴുകിയിട്ട് വാ. ചായ കുടിക്കാം " അമ്മ പറഞ്ഞു. അമ്മയുടെ മുഖത്ത് ദേഷ്യമൊന്നുമില്ല. അത് കണ്ടു അവളുടെ കണ്ണുകള്‍ വീണ്ടും നിറഞ്ഞു. " നീ വിഷമിക്കണ്ട. അച്ഛനോട് ഞാന്‍ പറയില്ല. പക്ഷെ നിന്റെ മനസ്സിലുള്ള കാര്യം നടക്കില്ല. " അവളുടെ മനസ്സ് വായിച്ചിട്ടെന്ന വണ്ണം അമ്മ പറഞ്ഞു. അവള്‍ അമ്മയുടെ അടുത്ത് ചെന്നു. അമ്മയുടെ കൈ കവര്‍ന്നെടുത്തു അവള്‍ സോറി എന്ന് പറഞ്ഞു. അങ്ങനെ പറ്റിപ്പോയി അമ്മേ എന്ന് പറഞ്ഞിട്ട് മുഖം താഴ്ത്തി അവിടെയിരുന്നു ചിന്നു. 'നീ കരയണ്ട. ഞാന്‍ വഴക്കൊന്നും പറഞ്ഞില്ലല്ലോ. " എന്ന് അമ്മ പറഞ്ഞു. അവള്‍ അമ്മയെ കെട്ടിപ്പിടിച്ചു കരഞ്ഞു. അമ്മയുടെയും കണ്ണുകള്‍ നിറഞ്ഞൊഴുകി. 'പക്ഷെ അമ്മേ..ഇതെന്താ നടത്താന്‍ പറ്റാത്തത് ? " അവള്‍ വിക്കി വിക്കി ചോദിച്ചു. അമ്മയുടെ മുഖത്ത് വീണ്ടും ഒരു അമ്പരപ്പ് പരന്നു. 'അപ്പൊ നീ അത് വിട്ടില്ലേ ? എന്തുകൊണ്ടാണ് നമ്മള്‍ സമ്മതിക്കാത്തത് എന്ന് നിനക്കറിയില്ലേ ? " അമ്മ ചോദിച്ചു. അവള്‍ക്കു അത് മനസ്സിലായില്ലെങ്കിലും പിന്നെ ഒന്നും ചോദിച്ചില്ല. ചിന്നു പതിയെ എണീറ്റ്‌ മുകളിലേയ്ക്ക് പോയി. കിടക്കയില്‍ വീണ്ടും വീണു. മൊബൈല്‍ എടുത്തു നോക്കി. ബൈജുവിന്റെ മെസ്സേജ്. ടെന്‍ഷന്‍ ആണെങ്കില്‍ ഇപ്പൊ അമ്മയോട് ഒന്നും പറയണ്ട. പിന്നെ പറയാം. നീ വിഷമിച്ചിരിക്കല്ലേ' എന്നൊക്കെ. അവളുടെ മനസ്സ് വായിച്ചിട്ടെന്ന പോലെ. ആ മെസ്സേജ് കണ്ടതും ചിന്നുവിന്റെ എല്ലാ നിയന്ത്രണവും നഷ്ടപ്പെട്ടു. പാവം അവിടെയിരുന്നു എന്നെ പറ്റിയോര്‍ത്ത്‌ സമാധാനിപ്പിക്കാന്‍ ഓരോന്ന് അയക്കുകയാണ്. അവള്‍ മറുപടി ഒന്നും അയച്ചില്ല.

അന്നത്തെ രാത്രി അവള്‍ ഉറങ്ങിയില്ല. എങ്ങനെയൊക്കെയോ നേരം വെളുപ്പിച്ചു. ഇന്ന് വൈകിട്ടാണ് ട്രെയിന്‍. അച്ഛന്‍ വീട്ടിലുള്ള കാരണം അമ്മ ഒന്നും പറയുന്നില്ല. അവളുടെ മുഖം വാടിയിരിക്കുന്നതു കണ്ടിട്ട് അച്ഛന്‍ അവളെ സമാധാനിപ്പിച്ചു. ഇനി അസുഖമോ മറ്റോ ആണെങ്കില്‍ യാത്ര ചെയ്യണ്ട. അവിടെ റസ്റ്റ്‌ എടുത്താല്‍ മതി എന്നൊക്കെ. അവള്‍ നിര്‍വികാരയായി തലയാട്ടി. ഇടയ്ക്ക് എന്തോ കാര്യത്തിന് അച്ഛന്‍ പുറത്തു പോയതും അമ്മ ഓടി വന്നു. 'ഞാന്‍ അച്ഛന്‍ പോകുന്നതും നോക്കിയിരിക്കുകയായിരുന്നു. നിന്നോട് എങ്ങനെ ഒക്കെ പറയേണ്ടി വരും എന്ന് ഞാന്‍ ഒരിക്കലും വിചാരിച്ചില്ല. സത്യം പറഞ്ഞാല്‍ നിന്നോടുള്ള വിശ്വാസം ഒക്കെ പോയി. എന്നാലും പറയുകയാണ്‌. അവിടെ ഞങ്ങള്‍ ആരും അടുത്തില്ല എന്നുള്ള സ്വാതന്ത്ര്യം നീ മിസ്‌ യൂസ് ചെയ്യരുത്. " അമ്മ പറഞ്ഞു. അത് കേട്ട് ചിന്നുവിന്റെ തല കുനിഞ്ഞു. 'എന്താ അമ്മേ ഇങ്ങനൊക്കെ... " അവളുടെ വാക്കുകള്‍ പകുതിയ്ക്ക് വച്ച് മുറിഞ്ഞു. 'ഒന്നുമില്ല. നിനക്കൊരു കുട്ടി ഉണ്ടാവുമ്പോഴേ അതൊക്കെ മനസ്സിലാവൂ. പണ്ടത്തെ പോലെ ഇനി എനിക്ക് ഇവിടെ സമാധാനമായി ഇരിക്കാന്‍ പറ്റില്ല. നീ ഉടനെ നാട്ടിലേക്കു വാ. അവിടത്തെ ജോലിയൊക്കെ മതി. ഇവിടെ വല്ല സ്ഥലത്തും നോക്കാം. " അമ്മ തുടര്‍ന്നു. അവള്‍ ഒന്നും പറഞ്ഞില്ല. അമ്മ ഇനി ഒന്നും പറയല്ലേ. എന്നവള്‍ ഒടുവില്‍ പറഞ്ഞു. അപ്പോഴേയ്ക്കും അച്ഛനും തിരികെ വന്നു. അച്ഛനും അമ്മയും കൂടി അവളെ സ്റെഷനില്‍ കൊണ്ടാക്കി. പതിവില്ലാതെ അന്ന് കൃത്യ സമയത്ത് തന്നെ ട്രെയിന്‍ വന്നു. ട്രെയിന്‍ വിട്ടു കുറെ കഴിഞ്ഞപ്പോ ചിന്നു അമ്മയെ വിളിച്ചു. അത് പതിവുള്ളതാണ്. എവിടെയെത്തി എന്ന് പറയാന്‍. പക്ഷെ ഇത്തവണ അമ്മ തിരിച്ചൊന്നും പറഞ്ഞില്ല. ഒന്ന് മാത്രം പറഞ്ഞു 'ഞാന്‍ പറഞ്ഞതൊന്നും മോള്‍ മറന്നിട്ടില്ലല്ലോ അല്ലെ ? നീ പോയതിനു ശേഷമാണ് എനിക്ക് കരച്ചില്‍ വന്നത്. വീട്ടില്‍ ഞാനും അച്ഛനും മാത്രമല്ലെ ഉള്ളൂ. അച്ഛന്‍ കാണാതെ വേണ്ടേ കരയാന്‍. നീ പോയതിന്റെ വിഷമം കൊണ്ടാണ് , കാര്യമാക്കണ്ട എന്ന് അച്ഛനോട് പറഞ്ഞു. എന്താന്നറിയില്ല. ഞാന്‍ പറഞ്ഞത് കൊണ്ട് മോള്‍ വിഷമിക്കണ്ട. പക്ഷെ ആ കല്യാണമൊന്നും നടക്കില്ല മോളെ. നിനക്കറിയാമല്ലോ അച്ഛന്‍ ഒരിക്കലും ഇതിനൊന്നും സമ്മതിക്കില്ല " അമ്മ പറഞ്ഞു നിര്‍ത്തി. "അമ്മേ അതിനു ബൈജു അമ്മ വിചാരിക്കുന്ന പോലെ ഒരാളല്ല. അത് കൊണ്ടാ ഞാന്‍ ..." അവള്‍ പറഞ്ഞു. അത് അമ്മയെ ചൊടിപ്പിച്ചു. "വേണ്ട .. ആ ടോപ്പിക്ക് ഇനി സംസാരിക്കണ്ട. അത് അവിടെ അവസാനിച്ചു" അമ്മ ദേഷ്യത്തോടെ പറഞ്ഞു, എന്നിട്ട് ഫോണ്‍ കട്ട്‌ ചെയ്തു. അന്ന് രാത്രി ചിന്നു ഒന്നും കഴിച്ചില്ല. ഫോണ്‍ ഓഫ്‌ ആക്കി വച്ചിട്ട് മുകളില്‍ ബര്‍ത്തില്‍ കയറി കിടന്നു.

നേരം പുലര്‍ന്നപ്പോള്‍ ട്രെയിന്‍ മജസ്ടിക്കില്‍ എത്തി. അവള്‍ പുറത്തിറങ്ങി. ഫോണ്‍ ഓണ്‍ ചെയ്തു. എത്തിയെന്ന് വീട്ടില്‍ വിളിച്ചു പറഞ്ഞു. അതാ വരുന്നു ഒരു പത്തു പതിനഞ്ചു എസ് എം എസ്. ബൈജു അയച്ചതാണ്. അവള്‍ അത് വായിച്ചു പോലും നോക്കാതെ ഡിലീറ്റ് ചെയ്തു. ഒരു ഓട്ടോ പിടിച്ചു. ആകെ തളര്‍ന്നിരിക്കുന്നു. ഫോണ്‍ റിംഗ് ചെയ്തു. ബൈജു. അവള്‍ കട്ട്‌ ചെയ്തു. എന്തോ ഒന്നും സംസാരിക്കാന്‍ അവള്‍ക്കു ശക്തിയുണ്ടായിരുന്നില്ല. കുറെ തവണ ആയപ്പോള്‍ ഒടുവില്‍ അവള്‍ ഫോണ്‍ എടുത്തു. "എന്താ മോളെ. എന്താ പറ്റിയത്. നീ എവിടെയാ ? എന്താ ഫോണ്‍ എടുക്കാതിരുന്നത് ? " ഒറ്റ ശ്വാസത്തില്‍ ഒരു നൂറു ചോദ്യങ്ങള്‍ ചോദിച്ചു അവന്‍. "എന്നോട് മിണ്ടണ്ട. എന്നെ മോള്‍ എന്നൊന്നും വിളിക്കണ്ട. ഞാന്‍ അന്നേ പറഞ്ഞില്ലേ ഇതൊന്നും നടക്കില്ല എന്ന്.. ഇനി എന്നെ വിളിക്കരുത് " അത്രയും പറഞ്ഞിട്ട് അവള്‍ ഫോണ്‍ കട്ട്‌ ചെയ്തു. ബൈജു അപ്പുറത്ത് നിന്ന് എന്തൊക്കെയോ ചോദിക്കുന്നുണ്ടായിരുന്നു. പക്ഷെ അവള്‍ അതൊന്നും കേട്ടില്ല. ഓഫീസില്‍ ചെന്നിട്ടു അവള്‍ ബൈജുവിനെ മൈന്‍ഡ് ചെയ്തില്ല. അവന്റെ മുഖത്ത് പോലും നോക്കിയില്ല. ഉച്ചയ്ക്ക് പുറത്തു പോയപ്പോള്‍ ബൈജു യാദൃശ്ചികമായി അവളുടെ നേരെ വന്നു. അറിയാതെ അവള്‍ക്കു അവനെ ഫേസ് ചെയ്യേണ്ടി വന്നു. ബൈജു ആകെ വിളറി വെളുത്തിരിക്കുന്നു. ക്ഷീണിച്ച മുഖം. അത് കണ്ടിട്ടും അവള്‍ ഒരു ഭാവ വ്യത്യാസവും കാണിക്കാതെ കടന്നു പോയി. ബൈജു നിശബ്ദനായി. അവളും എങ്ങനെയൊക്കെയോ അന്നത്തെ ദിവസം തീര്‍ത്തു.

വൈകിട്ട് അവള്‍ തിരികെ റൂമില്‍ ചെന്നു. ഇന്ന് ഒറ്റയ്ക്കാണ് അവിടെ. കൌ നാട്ടില്‍ പോയിരിക്കുകയാണ്. കുളിച്ചിട്ടു വന്നു അവള്‍ കുറച്ചു നേരം കിടക്കയില്‍ എണീറ്റിരുന്നു. മനസ്സില്‍ എന്തോ വേദന. ആരോ കുത്തുന്നത് പോലെ. കാരണം അവള്‍ക്കു മനസ്സിലായി. ബൈജു. താന്‍ ചെയ്തതിന്റെ യഥാര്‍ത്ഥ ചിത്രം ഇപ്പോഴാണ് അവള്‍ക്കു പിടി കിട്ടിയത്. അവളുടെ കണ്ണുകള്‍ നിറഞ്ഞൊഴുകി. കുറെ നേരം കിടക്കയില്‍ മുഖമമര്‍ത്തി അവള്‍ അലറിക്കരഞ്ഞു. ഇടയ്ക്കെപ്പോഴോ അവളുടെ കണ്ണുകള്‍ അടഞ്ഞു.. രാത്രി ഇഴഞ്ഞു നീങ്ങി. ഇടയ്ക്കിടയ്ക്ക് പുറത്തു കൂടി ചീറി പായുന്ന വാഹനങ്ങളുടെ വെളിച്ചം ജനല്‍ ചില്ലിലൂടെ മുറിയിലേക്ക് ചിതറി വീണു. ഒരു അര മണിക്കൂര്‍ അവള്‍ ഉറങ്ങിക്കാണും. എന്തോ പേടി സ്വപ്നം കണ്ട പോലെ ചിന്നു ഞെട്ടിയുണര്‍ന്നു. ബൈജുവിന്റെ മെസ്സേജ്. 'എന്താ നീ ഇങ്ങനെ ? അറ്റ്‌ ലീസ്റ്റ് എന്നോട് അല്പം സംസാരിക്കൂ ". അത് വായിച്ചിട്ട് അവള്‍ക്കു വീണ്ടും കരച്ചില്‍ വന്നു. ചിന്നു അത് വരെ സംഭരിച്ചിരുന്ന ധൈര്യം ഒക്കെ നഷ്ടപ്പെട്ടു. അവളുടെ നിയന്ത്രണം പോയി. ഒരു സ്വപ്നത്തിലെന്ന പോലെ അവള്‍ ഫോണ്‍ എടുത്തു അവനെ വിളിച്ചു. കുറച്ചു നേരം അവര്‍ രണ്ടു പേരും ഒന്നും മിണ്ടിയില്ല. ചിന്നുവിന്റെ അടക്കി പിടിച്ച തേങ്ങല്‍ നിശബ്ദതയെ ഭഞ്ജിച്ചു. ഇടറിയ ശബ്ദത്തിലും ഇടയ്ക്ക് കരച്ചിലില്‍ മുങ്ങിയും അവള്‍ നടന്നതെല്ലാം അവനോടു പറഞ്ഞു. അത് എല്ലാം കേട്ടിട്ട് ബൈജു ഒന്നും തിരിച്ചു പറഞ്ഞില്ല. ഒടുവില്‍ അവന്‍ ചോദിച്ചു..'നീ എന്ത് തീരുമാനിച്ചു ? അമ്മ പറഞ്ഞത് ശരിയാണെന്ന് തോന്നുന്നുണ്ടോ ? " . കുറച്ചു നേരത്തെ നിശബ്ദതയ്ക്കു ശേഷം അവള്‍ പറഞ്ഞു..' ഇല്ല. എനിക്കത് ഒരിക്കലും ഉപേക്ഷിക്കാന്‍ പറ്റും എന്ന് തോന്നുന്നില്ല. നമ്മള്‍ എന്ത് ചെയ്യും ബൈജൂ ? " അവള്‍ കരഞ്ഞു കൊണ്ട് ചോദിച്ചു. ഇന്ന് ഞാന്‍ ബൈജുവിനെ കാണാതെ നടന്നില്ലേ. എന്നിട്ട് ഞാന്‍ റസ്റ്റ്‌ റൂമില്‍ പോയിരുന്നു കരയുകയായിരുന്നു . അറിയോ ? അല്ലാതെ ഞാന്‍ അത്രയ്ക്ക് ദുഷ്ട ഒന്നുമല്ല. ഒറ്റ ദിവസം കൊണ്ട് എനിക്ക് ബൈജുവിനെ ഉപേക്ഷിക്കാന്‍ പറ്റും എന്ന് വിചാരിച്ചോ ? എന്നോട് എന്താ തോന്നിയത് ? " അവള്‍ ചോദിച്ചു. "നിന്നെ അത്രയ്ക്കെങ്കിലും മനസ്സിലാക്കാന്‍ പറ്റിയില്ലെങ്കില്‍ പിന്നെ എങ്ങനെ എനിക്ക് നിന്നോട് സ്നേഹം തോന്നും ചിന്നൂ ? " അവന്‍ പറഞ്ഞു. "അമ്മ അങ്ങനെയൊക്കെ പറയുന്നത് കേട്ടപ്പോള്‍ ഞാന്‍ ആകെ ഡൌണ്‍ ആയി. ഇത് വരെ അവര്‍ ആരും എന്നോട് ഇങ്ങനെ ഒന്നും സംസാരിച്ചിട്ടില്ല. പക്ഷെ I don't want to lose you too. നമ്മള്‍ എന്ത് ചെയ്യും ബൈജൂ ? " അവള്‍ ചോദിച്ചു. " നീ തല്ക്കാലം കിടന്നുറങ്ങു. നാളെ ശനിയാഴ്ചയല്ലേ.. നമുക്ക് രാവിലെ പുറത്തു എവിടെയെങ്കിലും വച്ച് കാണാം. അപ്പൊ സംസാരിക്കാം. " അവന്‍ പറഞ്ഞു. "ഹേയ് അത് പറ്റില്ല. ഇനി ഞാന്‍ അങ്ങനെ പുറത്തു വരില്ല ബൈജു. എന്നെ നിര്‍ബന്ധിക്കരുത് " ചിന്നു പറഞ്ഞു. "ശരി . വേണ്ട. ഞാന്‍ വിളിക്കാം . ഫോണ്‍ എടുക്കുമോ ? " അവന്‍ ചോദിച്ചു. "അതെന്താ ബൈജൂ അങ്ങനെ പറയുന്നത്. വിളിക്കണം. ഞാന്‍ നോക്കിയിരിക്കും. " അവള്‍ പറഞ്ഞു. ഫോണ്‍ വച്ചതിനു ശേഷം അവള്‍ ലൈറ്റ് ഓഫ്‌ ചെയ്തു കിടന്നു. എന്തോ എല്ലാം ശരിയാവും എന്ന് അവള്‍ക്കു പെട്ടെന്നൊരു തോന്നല്‍ മനസ്സിലേയ്ക്ക് വന്നു. പഴ്സില്‍ സൂക്ഷിച്ചിരുന്ന ഗുരുവായൂരപ്പന്റെ ചിത്രം എടുത്തുകൊണ്ടു വന്നു അവള്‍ കുറച്ചു നേരം കണ്ണടച്ച് പ്രാര്‍ഥിച്ചു. എന്നിട്ട് ബൈജുവിന് ഒരു മെസ്സേജ് അയച്ചു. "സോറി ബൈജു. ഭഗവാന്‍ എല്ലാം ശരിയാക്കി തരും. ഇന്ന് പറഞ്ഞതിനൊക്കെ സോറി. അവിടെ വിഷമിച്ചിരിക്കല്ലേ. നമുക്ക് നാളെ രാവിലെ ബ്രിസ്ടോയില്‍ വച്ച് കാണാം. " ബ്രിസ്ടോ അവരുടെ സ്ഥിരം ജോയിന്റ് ആണ്. ബൈജുവും ഉറങ്ങിയിട്ടുണ്ടായിരുന്നില്ല. "ശരി ചിന്നൂ. നീ കിടന്നുറങ്ങൂ. " അവന്‍ മറുപടി അയച്ചു. പുറത്തു നിലാവ് മങ്ങി തുടങ്ങിയിരുന്നു. നഗരം നിശബ്ദമായി ഉറങ്ങുന്നു. അവരും ഉറങ്ങാന്‍ കിടന്നു.

സഖാവിന്റെ സാലറി - സി പി എമ്മിന് അഭിവാദ്യങ്ങള്‍

2012-04-08T13:38:00.000+05:30

തികച്ചും ഒരു പിന്തിരിപ്പന്‍ പാര്‍ട്ടി ആണെന്ന് ഞാന്‍ വിശ്വസിക്കുന്ന കമ്മ്യൂണിസ്റ്റ്‌ പാര്‍ട്ടി അവരുടെ പാര്‍ട്ടി കോണ്‍ഗ്രസില്‍ അവതരിപ്പിച്ച ഒരു പ്രമേയം എല്ലാ പാര്‍ടികളുടെയും കണ്ണ് തുറപ്പിക്കേണ്ട ഒന്നാണ്. ശരിക്കും നവീനവും കാലികവുമായ ഒരു തീരുമാനം. അതായതു അവരുടെ മുഴുവന്‍ സമയ പ്രവര്‍ത്തകര്‍ക്ക് ശമ്പളം കൊടുക്കാനുള്ള തീരുമാനം. വലതു പക്ഷ പത്രമായ മനോരമയുടെ അഭിപ്രായത്തില്‍ പ്രതിഫലം ഇല്ലാതെ പാര്‍ട്ടി ദൌത്യം ഏറ്റെടുക്കാനൊന്നും ആളെ കിട്ടാത്ത അവസ്ഥയില്‍ ആണ് പാര്‍ടി ഇങ്ങനെ ഒരു പദ്ധതി പ്ലാന്‍ ചെയ്യുന്നതെന്നറിയുന്നു. ഇപ്പോള്‍ തന്നെ അവരുടെ മുഴുവന്‍ സമയ പ്രവര്‍ത്തകര്‍ക്ക് അലവന്‍സ് എന്ന പേരില്‍ പാര്‍ട്ടി പണം കൊടുക്കുന്നുണ്ട്. ഏരിയ സെക്രട്ടറിക്ക് 125 രൂപയും ലോക്കല്‍ കമ്മിറ്റി സെക്രട്ടറി / അംഗം എന്നിവര്‍ക്ക് മാസം മൂവായിരം രൂപ പാര്‍ട്ടി കൊടുക്കുന്നുണ്ട്. കോടികളുടെ ആസ്തി ഉള്ള നവ കമ്മ്യൂണിസ്റ്റ്‌ പാര്‍ട്ടിക്ക് ഇതൊന്നും ഒരു ബാധ്യത സൃഷ്ടിക്കില്ല എന്ന് തോന്നുന്നു. ഭാരതത്തില്‍ രണ്ടേ രണ്ടു സംസ്ഥാനങ്ങളില്‍ മാത്രം സ്വാധീനം ഉള്ള കമ്മ്യൂണിസ്റ്റ്‌ പാര്‍ട്ടിക്ക് കോണ്‍ഗ്രസ്‌ പോലെയോ ബി ജെ പി പോലെയോ ഉള്ള ദേശീയ പാര്‍ടികളുടെ ഒരു പ്രശ്നങ്ങളും ബാധകമല്ല തന്നെ. പ്രവര്‍ത്തകരില്‍ നിന്ന് ലെവി പിരിച്ചു വന്ന ഒരു പാര്‍ടി ആണ് കമ്മ്യൂണിസ്റ്റ്‌ പാര്‍ട്ടി. എന്നാല്‍ ഇന്ന് ലെവി തരില്ലെന്ന് മാത്രമല്ല അങ്ങോട്ട്‌ പണം കൊടുക്കുകയും വേണം എന്ന ഗതികേടിലാണ് അവര്‍.

ഇത് സത്യം പറഞ്ഞാല്‍ വിപ്ലവകരമായ ഒരു തീരുമാനമാണെന്ന് പറയാതെ വയ്യ. പാര്‍ട്ടിക്ക് വേണ്ടി സ്വന്തം സുഖങ്ങള്‍ വേണ്ടെന്നു വയ്ക്കുന്നവരുടെയും പാര്‍ട്ടിക്ക് വേണ്ടി ജീവിക്കുകയും ചെയ്യുന്ന ( അങ്ങനെ ഒരു ന്യൂനപക്ഷമെങ്കിലും ഉണ്ട് ) ചെയ്യുന്നവരുടെ ജീവിതം കാക്കേണ്ട ബാധ്യത പാര്‍ട്ടിക്കുണ്ട്. പാര്‍ട്ടി പ്രവര്‍ത്തകര്‍ മാത്രമല്ല നമ്മുടെ ജന പ്രതിനിധികള്‍ക്കും ഇത് ബാധകമാണ്. അവര്‍ക്ക് പ്രീമിയം സാലറി തന്നെ കൊടുക്കണം. അതോടൊപ്പം തന്നെ അവര്‍ സ്വന്തം ജോലി മര്യാദക്ക് ചെയ്യുന്നു എന്ന് ഉറപ്പു വരുത്താനുള്ള സിസ്ടവും വേണം. ജനങ്ങള്‍ക്ക്‌ വേണ്ടി എന്തോ ഔദാര്യം ചെയ്യുന്നെന്ന വ്യാജേന അവരെ കൊള്ളയടിക്കുന്ന കള്ളന്മാരെ നമുക്ക് വേണ്ട. ഒരു വരുമാനം ഇല്ലാത്തത് കൊണ്ട് രാഷ്ട്രീയത്തിലേക്ക് വരാന്‍ മടിച്ചു നില്‍ക്കുന്ന കഴിവുള്ള യുവാക്കളെ ആകര്‍ഷിക്കാനെങ്കിലും ഇത് ഉപകരിക്കും. മുസ്ലിം ലീഗിന്റെ അഞ്ചാം മന്ത്രിയുടെ പേരില്‍ നടക്കുന്ന നാണം കേട്ട ചര്‍ച്ചകള്‍ ശ്രദ്ധിച്ചാലറിയാം. ജനങ്ങള്‍ക്ക്‌ എന്തെങ്കിലും ഉപകാരമുള്ള കാര്യങ്ങള്‍ ചെയ്തുകൊടുക്കാന്‍ ഞങ്ങള്‍ക്കൊരു മന്ത്രിയെ വേണം എന്നല്ല അവരുടെ വാദം. അനൂപ്‌ ജേക്കബിന്റെ കാര്യത്തിലാണെങ്കില്‍ ജനങ്ങളോട് പറഞ്ഞ വാക്ക് പാലിക്കാനും മഞ്ഞളാംകുഴി അലിയുടെ കാര്യത്തിലാണെങ്കില്‍ ലീഗിന്റെ ഭൂരിപക്ഷ വാദം വക വച്ച് കൊടുക്കാനും വേണ്ടിയാണ് ഈ അഞ്ചാം മന്ത്രി. ഭാരതത്തിലെ തെരഞ്ഞെടുപ്പു എപ്പോഴും വികാര പരമായ വസ്തുതകളെ അടിസ്ഥാനമാക്കിയാണ് നടക്കുന്നത്. ജാതി , മതം മുതലായവ. എന്തുകൊണ്ട് നമുക്ക് നമ്മളെ ഭരിക്കാന്‍ വേണ്ടി വിദ്യാഭ്യാസ യോഗ്യത ഉള്ള ആള്‍ക്കാരുടെ ഒരു കണ്‍സോര്‍ഷ്യം പോലൊരെണ്ണം ഉണ്ടാക്കിക്കൂടാ ? ഇപ്പോഴത്തെ പോലെ കുറെ കള്ളന്മാരും ഒട്ടും സുതാര്യമല്ലാത്ത ഒരു ഭരണ വ്യവസ്ഥയും കൊണ്ട് ഭാരതം എത്രകാലം മുന്നോട്ടു പോകും ?

എന്തായാലും കൂടുതല്‍ ദീര്‍ഘിപ്പിക്കുന്നില്ല. സി പി എമ്മിന് അഭിവാദ്യങ്ങള്‍!!

പാഴ് സന്ദേശ റാക്കറ്റും വിവര സാങ്കേതികതയും

2012-04-07T09:16:00.001+05:30

ഇന്ന് മാതൃഭൂമി ഓണ്‍ലൈന്‍ പത്രത്തില്‍ കണ്ട ഒരു തലക്കെട്ടാണ് "പാഴ് സന്ദേശ റാക്കറ്റിനെതിരെ ട്വിറ്റെര്‍ നിയമ യുദ്ധത്തിന്" എന്ന്. സത്യം പറഞ്ഞാല്‍ അത് കണ്ടിട്ട് ഒന്നും മനസ്സിലായില്ല. അങ്ങനെ ആ ലിങ്ക് തുറന്നു നോക്കി. അപ്പോഴാണ്‌ മനസ്സിലായത്‌ സ്പാം മെയിലിനെ പറ്റിയാണ് പാഴ് സന്ദേശം എന്ന് ലേഖകന്‍ ഉപയോഗിച്ചിരിക്കുന്നത് എന്ന് മനസ്സിലായത്‌. ഇത് പോലെ കുറച്ചു നാളായി കണ്ടു വരുന്ന ഒരു വാക്കാണ്‌ "വിവര സാങ്കേതികത". ഇന്‍ഫര്‍മേഷന്‍ ടെക്നോളജി എന്നത് മലയാളീകരിച്ചതാണ് വിവര സാങ്കേതികത എന്നത്. ഇത് പോലെ കണ്ണില്‍ കണ്ട വാക്കുകള്‍ ഒക്കെ നമ്മള്‍ മലയാളത്തിലേക്ക് മാറ്റി മാത്രമേ നമ്മള്‍ ഉപയോഗിക്കൂ. ഇക്കാര്യത്തില്‍ നമ്മള്‍ തമിഴന്മാരുടെ അപ്പനായിട്ട്‌ വരും. കമ്പ്യൂട്ടര്‍ കൊട്ടുന്ന എന്ത് ജോലിയും നമ്മള്‍ക്ക് ഐ ടി ജോലിയാണ്. നിങ്ങള്‍ കര്‍ണാടകയിലോ തമിഴ് നാട്ടിലോ പോയി നോക്കൂ. സോഫ്റ്റ്‌വെയര്‍ , ബി പി ഓ , കാള്‍ സെന്റര്‍ എന്നതൊക്കെ എന്താണെന്നും ഏതാണെന്നും അവിടത്തെ സാധാരണക്കാര്‍ക്ക് വരെ തിരിച്ചറിയാന്‍ പറ്റും. അതിനൊരു കാരണം മുന്നേ തന്നെ ഇതൊക്കെ അവിടെ സ്ഥാനം പിടിച്ചതാവാം. പക്ഷെ എങ്കിലും ചുറ്റിനും നടക്കുന്ന കാര്യങ്ങള്‍ മനസ്സിലാക്കുക എന്നത് ഭാഷാപരമായ ഒന്നല്ല.

മലയാളികള്‍ വലിയ വിദ്യാ സമ്പന്നരും പുരോഗമന വാദികളും ഒക്കെയാണ് എന്നാണല്ലോ വയ്പ്പ്. എന്നിട്ടും എന്തുകൊണ്ട് നമ്മള്‍ക്ക് ഈ വാക്കുകള്‍ തര്‍ജമ ചെയ്യേണ്ടി വരുന്നു ? ലോകം മുഴുവന്‍ ഉപയോഗിക്കുന്ന ഇത്തരം ചില വാക്കുകള്‍ അതേ പടി ഉപയോഗിച്ചാല്‍ എന്താണ് കുഴപ്പം ? അല്ലെങ്കില്‍ തന്നെ മലയാളം ഒരു ശുദ്ധ ഭാഷ ഒന്നുമല്ലല്ലോ. വേറെ പല ഭാഷകളില്‍ നിന്നും എടുത്തിട്ടുള്ള ഒരുപാടു വാക്കുകള്‍ നമ്മള്‍ ഇപ്പോള്‍ തന്നെ മലയാളമെന്നു കരുതി ഉപയോഗിക്കുന്നുണ്ട്. അപ്പോള്‍ എന്തിനാണ് ഇത്തരം ഒരു അഭ്യാസം ? മാതൃഭാഷയോടുള്ള സ്നേഹം ഇങ്ങനെയല്ല കാണിക്കേണ്ടത്. നമ്മുടെ മാധ്യമങ്ങളില്‍ പ്രവര്‍ത്തിക്കുന്നവരും പത്ര ലേഖകരും ഒരു പരിധി വരെ ഇതിനു ഉത്തരവാദികളാണ്. പ്രത്യേകിച്ച് സയന്‍സ് വിഷയങ്ങള്‍ കൈകാര്യം ചെയ്യുന്നവര്‍. ഞാന്‍ കുട്ടി ആയിരുന്നപ്പോള്‍ കേരള ശാസ്ത്ര സാഹിത്യ പരിഷത്ത്‌ പ്രസിദ്ധീകരിച്ചിരുന്ന യുറീക്ക എന്നൊരു വാരികയുടെ വരിക്കാരന്‍ ആയിരുന്നു. അതില്‍ വന്നിരുന്ന പല ലേഖനങ്ങളിലും ഇങ്ങനെയായിരുന്നില്ല. ശാസ്ത്ര നാമങ്ങള്‍ , അതെത്ര സങ്കീര്‍ണമായാലും അത് അതേ പടി തന്നെ ഉപയോഗിക്കാനുള്ള പക്വത അവര്‍ കാണിച്ചിരുന്നു. കാരണം നിങ്ങള്‍ ആ വിഷയം വേറെ എന്തെങ്കിലും അന്താരാഷ്‌ട്ര ജേണലുകളില്‍ നോക്കുമ്പോള്‍ ഇംഗ്ലീഷ് തന്നെ വേണ്ടി വരും. അപ്പോള്‍ ഈ മലയാള വാക്കിന്റെ ഇംഗ്ലീഷ് പരിഭാഷ നോക്കേണ്ടി വരുന്നത് ഒഴിവാക്കാന്‍ ഇത് ഉപകരിച്ചിരുന്നു. കുട്ടികള്‍ക്ക് വേണ്ടി പ്രസിദ്ധീകരിച്ചിരുന്ന ആ വാരിക കാണിച്ചിരുന്ന അത്രയും ബോധം പോലും നമ്മുടെ ഭാഷയിലെ മുന്‍നിര മാധ്യമ സ്ഥാപനങ്ങള്‍ കാണിക്കുന്നില്ല എന്നത് ദയനീയമായ ഒരു കാര്യമാണ്. ഇന്റര്‍നെറ്റ്‌ ഇത്രയ്ക്കും ജനകീയമായി മാറിയ ഈ കാലത്ത് ഏതു വിഷയവും വെറും ഒരു ക്ലിക്ക് അകലെയാണ്. അപ്പോള്‍ നമുക്ക് കുറച്ചു വാക്കുകളെങ്കിലും ഇംഗ്ലീഷില്‍ തന്നെ പരിചയിച്ചേ പറ്റൂ. മലയാളം മീഡിയത്തില്‍ പഠിച്ചിട്ടുള്ള കുട്ടികള്‍ക്ക് ഇത് കുറച്ചു കൂടി നന്നായി മനസ്സിലാവും. പ്രകാശ സംശ്ലേഷണം, രാസ ത്വരകം, ജഡത്വം അങ്ങനെ കുറെ വിചിത്രമായ വാക്കുകള്‍ സ്കൂളില്‍ പഠിച്ചത് ഓര്‍മയില്ലേ ? അത് കഴിഞ്ഞു പ്രീ ഡിഗ്രി ( ഇന്നത്തെ പ്ലസ്‌ ടു ) ക്ക് ചെല്ലുമ്പോള്‍ അറിയാം ഇതിന്റെ ബുദ്ധിമുട്ട്. മാത്രമല്ല തുടര്‍ന്നുള്ള എല്ലാ കോഴ്സുകളിലും ഇതൊരു കീറാമുട്ടി ആയി നില്‍ക്കും. ഇപ്പോള്‍ ചിലര്‍ പറയുമായിരിക്കും പണ്ടൊക്കെ ഇത് പഠിച്ചു തന്നെയല്ലേ നമുക്ക് മഹാന്മാരായ ഗവേഷകരും മറ്റും ഉണ്ടായതു എന്ന് . പക്ഷെ അതൊക്കെ ചുരുക്കം ചില ആള്‍ക്കാര്‍ മാത്രമാമു. മാത്രമല്ല അവരുടെ സാഹചര്യങ്ങളും അങ്ങനെയായിരിക്കാം. അത് പോലല്ല സാധാരണ വീടുകളില്‍ നിന്ന് വരുന്ന കുട്ടികള്‍. സ്കൂള്‍ ഫൈനല്‍ കഴിഞ്ഞു പുറത്തിറങ്ങുന്ന അവരുടെ മുന്നില്‍ എല്ലാം പുതിയതാണ്. അപ്പോള്‍, ഞാന്‍ പറഞ്ഞു വന്ന പോയിന്റ്‌ എന്താന്നു വച്ചാല്‍ ... അത്യാവശ്യമുള്ള ഇടങ്ങളില്‍ ഇംഗ്ലീഷില്‍ ചില വാക്കുകള്‍ ( കുറഞ്ഞത്‌ ശാസ്ത്രീയ നാമങ്ങള്‍ എങ്കിലും ) പഠിക്കുന്നത് കൊണ്ട് മലയാള ഭാഷയ്ക്ക് ഒന്നും സംഭവിക്കാനില്ല എന്നതാണ്. എന്ത് പറയുന്നു ?

വാല്‍ക്കഷണം

ഒരിക്കല്‍ നാട്ടില്‍ നിന്ന് ഞാനും എന്റെ ഒരു സുഹൃത്തും കൂടി കാറില്‍ ബാംഗ്ലൂറിലേയ്ക്ക്
വരികയായിരുന്നു. തമിഴ് നാട്ടില്‍ കൂടി വന്നു കൊണ്ടിരുന്നപ്പോള്‍ കുറച്ചു പാട്ട് കേട്ടേക്കാം എന്ന് കരുതി റേഡിയോ വച്ചു. ഏതു ചാനല്‍ വച്ചാലും അതില്‍ ഇടയ്ക്കിടയ്ക്ക് പുള്ളി എന്ന് പറയുന്നത് കേള്‍ക്കാം. ഞാന്‍ കരുതി എന്റെ തോന്നലായിരിക്കും എന്ന്. കുറച്ചു കഴിഞ്ഞപ്പോ എന്റെ സുഹൃത്ത്‌ ചോദിച്ചു ഡേയ് എന്നതാ ഈ പുള്ളി പുള്ളി എന്ന് ഇവന്മാര്‍ പറയുന്നത് എന്ന്. കുറച്ചു കൂടി ശ്രദ്ധിച്ചു നോക്കിയപ്പോഴല്ലേ സംഗതി പിടി കിട്ടിയത്. പോയിന്റ്‌ എന്നതിനാണ് ഇവന്മാര്‍ പുള്ളി എന്ന് പറയുന്നത്. അതായതു 91.3 എന്നതിന് തൊണ്ണൂറ്റി ഒന്ട്രു പുള്ളി മൂന്നു എന്ന്. ഇവനെയൊക്കെ എന്ത് ചെയ്യണം അല്ലെ..

ക്ഷൌരത്തിന്റെ പരിണാമം, മലയാളിയുടെയും : ചില "മുടിഞ്ഞ" ചിന്തകള്‍

2012-03-25T13:47:00.004+05:30

Photography : Varun Nair / varunnair92@gmail.com / Rural Barber Shop

ഇപ്പൊ മുടി വെട്ടിച്ചിട്ടു വന്നതേ ഉള്ളൂ. പതിവില്‍ നിന്ന് വ്യത്യസ്തമായി ഇന്ന് ബി ടീ എം ലേഔട്ടില്‍ ഉള്ള ഒരു സലൂണില്‍ ആണ് പോയത്. സാധാരണ ഇവിടെ അടുത്തുള്ള ഒരു കന്നടക്കാരന്റെ ബാര്‍ബര്‍ ഷോപ്പില്‍ ആണ് മുടി വെട്ടാറുള്ളത്. അവനാണെങ്കില്‍ കന്നഡ അല്ലാതെ ഒരു വസ്തു അറിയില്ല. അതുകാരണം ഉണ്ടാകുന്ന ഒരു കമ്യൂണിക്കേഷന്‍ പ്രോബ്ലം ഇത്തവണ ഉണ്ടായില്ല. ഇവന്‍ ഒരു ബംഗാളി ആയിരുന്നത് കൊണ്ട് ഹിന്ദി മനസ്സിലാവും. അങ്ങനെ കുറേക്കാലം കൂടി മുടിയും മീശയുമൊക്കെ അളവനുസരിച്ച് വെട്ടി തന്നു. അവന്‍ മുന്നില്‍ ടി വിയില്‍ കാണിച്ചു കൊണ്ടിരിക്കുന്ന ഹിന്ദി സിനിമയില്‍ ഇടയ്ക്ക് നോക്കും. തമാശ വരുമ്പോ ചിരിക്കും. അടി നടക്കുമ്പോള്‍ വെട്ടു നിര്‍ത്തിയിട്ടു അതിലേക്കു കണ്ണ് തള്ളി നോക്കും. ഞാന്‍ നോക്കിയപ്പോ ദേ ദനാ ദന്‍ ആണ് പടം. പ്രിയദര്‍ശന്‍ സംവിധാനം ചെയ്ത ചിത്രം. നമ്മുടെ മുടി വെട്ടുകാരന്‍ അങ്കലാപ്പിലായി. കാരണം, അവന്‍ ഒരു വെട്ടു വെട്ടാന്‍ വേണ്ടി തിരിയുമ്പോഴേയ്ക്കും കഥ കൈവിട്ടു പോകും. അങ്ങനെ മുക്കിയും മൂളിയും ഒരു വിധത്തില്‍ അവന്‍ വെട്ടി തീര്‍ത്തു. തിരികെ വന്നു കുളിച്ചു കുറച്ചു നേരം വിശ്രമിക്കാം എന്ന് കരുതി ഒന്ന് കിടന്നു. അപ്പോള്‍ മനസ്സിലേയ്ക്ക് ഓടിയെത്തിയ ചില ചിന്തകള്‍

അല്പം ചരിത്രം

ഓര്‍മ വയ്ച്ചതിനു ശേഷം ഞാന്‍ ആദ്യമായി കാണുന്ന ബാര്‍ബര്‍ നാട്ടിലെ ഭാര്‍ഗവന്‍ മൂത്താന്‍ ആണ്. മൂത്താന്‍ വീട്ടില്‍ വന്നു നമ്മള്‍ പിള്ളേരുടെ ഒക്കെ മുടി വെട്ടും. അതാണ്‌ നാട്ടിലെ പതിവ്. കൊച്ചു കുട്ടികള്‍ ഉള്ള വീട്ടില്‍ മൂത്താന്‍ വന്നു മുടി വെട്ടി കൊടുക്കും. ഇന്ന് നാട്ടിലുള്ള മുതിര്‍ന്ന പലരും ഭാര്‍ഗവന്‍ മൂത്താന്റെ കത്രികയുടെ സുഖം അറിഞ്ഞവരാണ്. ഭാര്‍ഗവന്‍ മൂത്താന് കവലയില്‍ ഒരു ചെറിയ പീടികയും ഉണ്ട്. സ്റ്റാര്‍ സലൂണ്‍ എന്ന് അവിടെ എഴുതി വച്ചിട്ടുണ്ട്. കടയിലേക്ക് കയറാന്‍ വേണ്ടി ചില്ലിട്ട ഒരു ഹാഫ് ഡോര്‍ ഉണ്ട്. അതില്‍ Welcome എന്ന് വരച്ചു വച്ചിട്ടുണ്ട്. അന്നൊക്കെ ഹാഫ് ഡോറുകള്‍ സിനിമയില്‍ മാത്രമേ കണ്ടിട്ടുള്ളൂ. അതുകൊണ്ട് അന്ന് ആ ഡോര്‍ തുറന്നു അകത്തു കയറാന്‍ ഞങ്ങള്‍ക്ക് ഒരു ആഗ്രഹമുണ്ടായിരുന്നു. പക്ഷെ കുട്ടികള്‍ അല്ലേ..പൊക്കം കുറവായത് കാരണം ആ ഡോറിന്റെ അടിയില്‍ കൂടി തന്നെ ഞങ്ങള്‍ അകത്തു കടന്നിരുന്നു. കടയുടെ അകം അലങ്കരിക്കാന്‍ വേണ്ടി കട നിറയെ അന്നത്തെ പ്രശസ്ത നാടക പോസ്ടറുകള്‍ ഒട്ടിച്ചു വച്ചിട്ടുണ്ട്. നികുംഭില, ശകുന്തള അങ്ങനെ അന്നത്തെ പ്രശസ്ത ബാലെകള്‍, നൃത്ത നാടകങ്ങള്‍ മുതലായവയുടെ പരസ്യങ്ങള്‍. കറക്കമൊന്നുമില്ലാത്ത സാധാരണ കസേര. ഫാന്‍ ഒന്നുമില്ല. ഒരു വശത്തായി വെട്ടിയ മുടി തൂത്തു വാരിയിട്ടിട്ടുണ്ട്. അത് പുള്ളി ഒരു പേപ്പര്‍ കൊണ്ട് അടച്ചു വയ്ക്കും. ഉപയോഗിച്ച് തേഞ്ഞ ഒന്ന് രണ്ടു കത്രികകള്‍ , ചീപ്പുകള്‍ , അന്നത്തെ പ്രശസ്തമായ കുട്ടിക്കൂറ പൌഡര്‍ , ഷേവ് ചെയ്തിട്ട് മുഖത്ത് ചെറിയ മുറിവുകളോ പോറലുകളോ ഉണ്ടായാല്‍ തടയുവാനുള്ള ആലത്തിന്റെ ചെറിയ കട്ട. തീര്‍ന്നു. ഇത്രയുമാണ് ആ കടയിലെ പണിയായുധങ്ങള്‍. അന്നത്തെ പ്രശസ്ത സിനിമാ മാസികയായ നാനയുടെ ചില കോപ്പികള്‍ , ശിവകാശിയില്‍ അടിച്ചു വിതരണം ചെയ്തിരുന്ന മലയാള സിനിമ നോട്ടീസുകള്‍ മുതലായവ ഉണ്ടാവും. കസ്ടമേഴ്സിനു വായിക്കാന്‍. കത്തിക്ക് മൂര്‍ച്ച കൂട്ടാന്‍ വേണ്ടി മൂത്താന്‍ ഒരു ചെറിയ കല്ലില്‍ കത്തി ഉരച്ചു മിനുസപ്പെടുത്തുന്നതും ആ കത്രികയുടെ പ്രയോഗവും ഒക്കെ ഞങ്ങള്‍ കുട്ടികള്‍ക്ക് ഒരു കൌതുകം ആയിരുന്നു.

ഹൈ സ്കൂളില്‍ എത്തിയപ്പോഴേയ്ക്കും മൂത്താന്റെ കടയെ വെല്ലുന്ന രീതിയില്‍ പുതിയ ഒരു ബാര്‍ബര്‍ ഷോപ്പ് നാട്ടില്‍ തുടങ്ങി. സലൂണ്‍ എന്നോ ബാര്‍ബര്‍ ഷോപ്പ് എന്നോ വിളിക്കുന്നതിനു പകരം ആദ്യമായി നമ്മുടെ നാട്ടില്‍ ഒരു 'ഹെയര്‍ ഡ്രെസിംഗ് ഷോപ്പ് ' വന്നു. ചുവന്ന നിറത്തിലുള്ള കറങ്ങുന്ന കസേര, ഫാന്‍, നെടു നീളന്‍ നില കണ്ണാടികള്‍, കുട്ടിക്കൂറയ്ക്കും ലോഷനും പകരം പല നിറത്തിലും പേരിലും ഉള്ള സൌന്ദര്യ വര്‍ദ്ധക വസ്തുകള്‍, ഓള്‍ഡ്‌ സ്പൈസ് മുതലായവ. ഗള്‍ഫില്‍ ജോലിയെടുത്തിരുന്ന രണ്ടു സഹോദരങ്ങള്‍ നാട്ടില്‍ വന്നു അതേ മോഡലില്‍ തുടങ്ങിയ കടയാണ്. ഇത് വന്നതോടെ മൂത്താനെ പോലുള്ളവരുടെ കച്ചവടം കുത്തനെ ഇടിഞ്ഞു. പിന്നെ പിന്നെ ഈ ഷോപ്പ് വളര്‍ന്നു ജെന്റ്സ് ബ്യൂട്ടി പാര്‍ലര്‍ ആയി. അതോടൊപ്പം കടയുടെ ചിത്രം തന്നെ ആകെ മാറി. വന്‍ ലൈറ്റുകളും എയര്‍ കണ്ടീഷണറും ഒക്കെയായി ബാര്‍ബര്‍ ഷോപ്പിന്റെ ചരിത്രം തന്നെ അവര്‍ മാറ്റിയെഴുതി.

കാലം നടത്തിയ മാറ്റങ്ങള്‍

മുകളില്‍ പറഞ്ഞ പോലെ ബാര്‍ബര്‍ ഷോപ്പ് എന്ന സങ്കല്‍പം തന്നെ ഇന്ന് കേരളത്തില്‍ ഒരുപാടു തവണ മാറ്റിയെഴുതപ്പെട്ടിരിക്കുന്നു. ഒപ്പം ക്ഷുരകന്‍മാരുടെ സാമൂഹ്യ സ്ഥിതിയും. പണ്ട് ഒരുപാടു അവഗണനകളും അധിക്ഷേപങ്ങളും ഏറ്റു വാങ്ങി കിടന്ന ഒരു സമൂഹം ഇന്ന് ആ കെട്ടുപാടുകള്‍ വിട്ടു അഭിമാനത്തോടെ അവരുടെ ജോലി ചെയ്യുന്നത് ആണ് കാണാന്‍ കഴിയുന്നത്‌. എനിക്കിപ്പോഴും ഓര്‍മയുണ്ട് ... ഒരിക്കല്‍ ഒരു അപ്പൂപ്പന്‍ ബാര്‍ബറെ കൊണ്ട് സ്വന്തം കക്ഷം ഷേവ് ചെയ്യിക്കുന്നത്. എന്നാല്‍ അതേ ബാര്‍ബര്‍ തന്നെ കുറച്ചു വര്‍ഷത്തിനു ശേഷം എന്റെ തന്നെ മുന്നിലിരുന്നു വേറൊരാളോട് അതൊന്നും ചെയ്യാന്‍ പറ്റില്ല എന്ന് തറപ്പിച്ചു പറയുന്നതും കണ്ടു. ഒരു കണക്കിന് കേരളത്തിന്റെ മാറിയ സാമൂഹ്യ ജീവിതത്തിന്റെ ഒരു നേര്‍ക്കാഴ്ച ആണ് ഓരോ ബാര്‍ബര്‍ ഷോപ്പും ഓരോ ബാര്‍ബറും എന്ന് പറയാം. സ്വന്തം ജോലി എന്താണ് എന്ന് സ്വയം നിര്‍വചിക്കാനും അതിനനുസരിച്ച് ഡിമാന്റ് ചെയ്യാനും ഒരു തൊഴില്‍ സമൂഹം സ്വയം പഠിച്ചു എന്നത് ഒരു ചില്ലറ കാര്യമല്ല. അതറിയണമെങ്കില്‍ നിങ്ങള്‍ കേരളം വിട്ടുള്ള സംസ്ഥാനങ്ങളിലെ ബാര്‍ബര്‍മാരെ നോക്കണം. വീട്ടില്‍ പോയി പ്രമാണിമാര്‍ക്ക് ക്ഷൌരം ചെയ്തു കൊടുക്കുന്ന ഒരാളെ പോലും ഇന്ന് കേരളത്തില്‍ കാണാന്‍ കിട്ടില്ല എന്നാണു എന്റെ വിശ്വാസം. ബാര്‍ബര്‍ ഷോപ്പില്‍ പൊയ്ക്കൊണ്ടിരുന്ന മലയാളിയുടെ ശീലങ്ങളും മാറിയിരിക്കുന്നു. ഏതെങ്കിലും ഷോപ്പില്‍ പോയി ബാര്‍ബറുടെ മുന്നില്‍ തലയും കുനിച്ചിരുന്നു മുടി വെട്ടി തിരിച്ചു വന്നിരുന്ന പഴയ മലയാളി അല്ല ഇന്നത്തെ മലയാളി. ബ്യൂട്ടി പാര്‍ലറില്‍ പോയിരുന്ന സ്ത്രീകളെ പരിഹാസത്തോടെ കണ്ടിരുന്ന പണ്ടത്തെ പുരുഷന്മാര്‍ ഇന്ന് പരസ്യമായി ജെന്റ്സ് പാര്‍ലറുകളിലും സ്പാകളിലും പോകുന്നു. സ്വന്തം സൌന്ദര്യത്തെ പറ്റി വ്യാകുലപ്പെടുന്നു. മുടി ഇല്ലാത്തവര്‍ ഗള്‍ഫ്‌ ഗേറ്റ് പോലുള്ള കമ്പനികളുടെ വിഗ്ഗുകള്‍ വച്ച് പിടിപ്പിക്കുന്നു. സുന്ദരനാകുന്നു. ഇതെല്ലാം മാറുന്ന മലയാളിയുടെ പരിശ്ചേദം ആണ്. സ്വന്തം കപട വ്യക്തിത്വം വിട്ടു പുറത്തു വരാന്‍ തയ്യാറുള്ള പുതിയ മലയാളി സമൂഹത്തെ വേണം ഇത്തരം ബ്യൂട്ടി പാര്‍ലറുകള്‍ നാം കാണേണ്ടത്.

കുലത്തൊഴില്‍ കുലത്തൊഴില്‍ അല്ലാതാകുമ്പോള്‍

ശ്രദ്ധേയമായ മറ്റൊരു കാര്യമുണ്ട്. നശിച്ച ജാതി വ്യവസ്ഥ കാരണം സ്വാമി വിവേകാനന്ദന്‍ ഒരു കാലത്ത് കേരളത്തെ വിശേഷിപ്പിച്ചത്‌ ഭ്രാന്താലയം എന്നാണ്. അങ്ങനെ ഒരു സ്ഥലത്ത് ഏറ്റവും കൂടുതല്‍ കുത്തുവാക്കുകള്‍ കേട്ട് കിടന്ന ഒരു ജാതിയാണ് ക്ഷുരകന്മാരുടെത്. ഉയര്‍ന്ന ജാതിയില്‍ പോലുമുള്ള ആള്‍ക്കാര്‍ അവരുടെ ഇടയില്‍ തന്നെയുള്ള ബാര്‍ബര്‍മാരെ വേറെ പേരിട്ടു മാറ്റി നിര്‍ത്തി. നായര്‍ സമുദായത്തിലെ വിളക്കിത്തല നായര്‍ ഉദാഹരണം. അന്യ സമുദായങ്ങളും മോശമല്ല. മുസ്ലീങ്ങള്‍ അവരുടെ ഇടയിലെ ബാര്‍ബറെ ഒസ്സാന്‍ എന്ന് വിളിച്ചു. ഒസ്സാന് മുടി വെട്ടല്‍ മാത്രമല്ല പണി. സുന്നത്ത് കര്‍മം നിര്‍വഹിക്കുന്നതും ഒസ്സാനാണ്. പണ്ടൊക്കെ ഒരു പണിയും ചെയ്യാതെ ഉഴപ്പി നടക്കുന്നവരോട് തനിക്കു പോയി ചെരച്ചു കൂടെടോ എന്നാണ് ആള്‍ക്കാര്‍ ചോദിക്കാറുണ്ടായിരുന്നത് . ഷേവ് ചെയ്യാന്‍ വേണ്ടി സോപ്പ് ഇടുന്നത് കാലക്രമേണ മണിയടിയുടെ പര്യായമായും ആളുകള്‍ വിളിച്ചു. എന്നാല്‍ ഇന്ന് അത് കുറെയേറെ മാറിയിരിക്കുന്നു. ഒരു കുലത്തൊഴില്‍ എന്ന രീതിയില്‍ നിന്ന് എല്ലാ ജാതിയിലും ഉള്ള ആളുകള്‍ ചെയ്യുന്ന ഒരു തൊഴില്‍ ആയി ഇത് മാറിയിരിക്കുന്നു. അതായതു ഒരു തൊഴിലിന്റെയെങ്കിലും തൊട്ടു കൂടായ്മ മാറിയിരിക്കുന്നു എന്ന് ചുരുക്കം. ഇതിനെ വളരെ പോസിറ്റീവ് ആയ ഒരു നേട്ടമായാണ് നമ്മള്‍ കാണേണ്ടത്. പ്രത്യേകിച്ച് നമ്മുടെ തൊട്ടടുത്ത അയാള്‍ സംസ്ഥാനങ്ങള്‍ ആയ തമിഴ്നാട്ടിലും കര്‍ണാടകയിലും ഇതേ ജാതിക്കാരെ ട്രീറ്റ്‌ ചെയ്യുന്നത് വച്ച് നോക്കുമ്പോള്‍.

ബാര്‍ബര്‍ ഷോപ്പിന്റെ രാഷ്ട്രീയം

കുറച്ചു വര്‍ഷം മുമ്പ് ടി വി ചന്ദ്രന്റെ ഒരു ചിത്രം കണ്ടത് ഓര്‍ക്കുന്നുണ്ടോ ? മമ്മൂട്ടി നായകനായ ഓര്‍മ്മകള്‍ ഉണ്ടായിരിക്കണം എന്ന സിനിമ. ഒരു ബാര്‍ബര്‍ ആയ കമ്മ്യൂണിസ്റ്റ്‌ ആണ് കഥാനായകന്‍. അയാളുടെ വീക്ഷണത്തില്‍ കേരളത്തിന്റെ ചരിത്രത്തിലേയ്ക്ക് തിരിഞ്ഞു നോക്കുകയാണ് ഈ ചിത്രത്തില്‍. ഒരു കണക്കിന് ബാര്‍ബര്‍ ഷോപ്പുകളും ചായക്കടകളും ആണ് കേരളത്തില്‍ ഏറ്റവും കൂടുതല്‍ രാഷ്ട്രീയം ചര്‍ച്ച ചെയ്തിരുന്ന സ്ഥലങ്ങള്‍. 'രാഷ്ട്രീയം പറയരുത്' എന്ന ബോര്‍ഡ് വച്ചിരുന്ന രണ്ടേ രണ്ടു സ്ഥലങ്ങള്‍ ഇതായിരുന്നു. ദിന പത്രങ്ങള്‍ വായിക്കുകയും കേരളത്തിന്റെ സമകാലിക രാഷ്ട്രീയത്തെ പറ്റി ആധികാരികമായി സംസാരിക്കാന്‍ കഴിവുള്ള ബാര്‍ബര്‍മാര്‍ വളരെ കോമണ്‍ ആയിരുന്നു. ശ്രീനിവാസന്റെ ചില ചിത്രങ്ങളില്‍ കാണിക്കുന്നത് പോലെ അന്താരാഷ്‌ട്ര വിഷയങ്ങളെ പറ്റി വരെ ആഴത്തില്‍ അറിയാമായിരുന്ന ക്ഷുരകന്മാര്‍ നമ്മുടെയിടയില്‍ ജീവിച്ചിരുന്നു. പത്രങ്ങളും ആനുകാലികങ്ങളും വായിക്കാന്‍ വേണ്ടി ഇത്തരം കടകള്‍ സന്ദര്‍ശിക്കുന്ന പലരും ഉണ്ടായിരുന്നു. മുടി വെട്ടുന്നതിനിടയിലുള്ള ഇടവേളയില്‍ ഇടപാടുകാരനുമായി ഇതൊക്കെ സംസാരിച്ചു സമയം പോക്കുന്നവരായിരുന്നു ഈ പഴയ തലമുറയില്‍ പെട്ട ബാര്‍ബര്‍മാര്‍. മാത്രമല്ല നാട്ടിലെ ഒരുവിധമുള്ള എല്ലാവരുടെയും തലയിലും താടിയിലും കൈ വയ്ക്കുന്നവര്‍ എന്ന നിലയില്‍ ജനങ്ങളുമായി നല്ല ബന്ധം പുലര്‍ത്തിയിരുന്നവര്‍
ആയിരുന്നു അവരില്‍ പലരും. കൂടാതെ തലമുറ തലമുറയായി കൈമാറി കിട്ടി കട നടത്തുന്നവരായിരുന്നു അവരില്‍ പലരും. പക്ഷെ അതെപ്പോഴോ മുറിഞ്ഞു. ഈ തൊഴില്‍ എങ്ങനെയൊക്കെ ചെയ്താലും സമൂഹത്തില്‍ നിന്ന് അവജ്ഞ മാത്രമേ ഉണ്ടാവു എന്ന് തോന്നിയിട്ടോ എന്തോ പുതിയ തലമുറയെ സ്കൂളില്‍ വിട്ടു പഠിപ്പിക്കാന്‍ ആണ് അവരില്‍ പലരും പിന്നീട് ശ്രമിച്ചത്. ഭാര്‍ഗവന്‍ മൂത്താന്റെ രണ്ടാം തലമുറ ഈ പണിയേ വേണ്ടാ എന്ന് വച്ച് ഗള്‍ഫില്‍ പോയി.

കേരളത്തിലെ എല്ലാ ബാര്‍ബര്‍ ഷോപ്പിലും കണ്ടിരുന്ന ഒരു ബോര്‍ഡ് ഉണ്ട് .കേരള ബാര്‍ബര്‍ അസോസിയേഷന്‍ എല്ലാ വര്‍ഷവും പുറത്തിറക്കുന്ന റേറ്റ് കാര്‍ഡ്‌. കട്ടിംഗ് - 10 രൂപ , ഷേവിംഗ് - 20 രൂപ എന്നിങ്ങനെ ഓരോ ജോലിക്കുമുള്ള വില വിവര പട്ടിക. ഇത്രയും വര്‍ഷമായിട്ടും വേറൊരു സംഘടനയുടെ ഒരു ബോര്‍ഡ്‌ ഞാന്‍ ആ സ്ഥാനത്ത് കണ്ടിട്ടില്ല. അത്രയ്ക്ക് കെട്ടുറപ്പുള്ള ഒരു സംഘടനയാണ്. രാഷ്ട്രീയപരമായി ഇടപെടാതെ സ്വന്തം അംഗങ്ങളുടെ ക്ഷേമത്തിന് വേണ്ടി പ്രവര്‍ത്തിക്കുന്ന ഒരേ ഒരു സംഘടന ആണ് ഇതെന്ന് തോന്നുന്നു. കേരളത്തിലെ വര്‍ധിച്ചു വരുന്ന ജീവിത ചിലവിന്റെ ഒരു ട്രെന്‍ഡ് കാണണമെങ്കില്‍ ഈ റേറ്റ് കാര്‍ഡിന്റെ പല വര്‍ഷങ്ങളിലെ പതിപ്പുകള്‍ എടുത്തു നോക്കിയാല്‍ മതിയാവും. വലിയ തത്വങ്ങള്‍ പറഞ്ഞു നടക്കുന്ന പല സംഘടനകള്‍ക്കും ഒരു മാതൃകയാണ് ഇത്.

ലോകത്ത് ഏറ്റവും വേഗത്തില്‍ മാറിക്കൊണ്ടിരിക്കുന്ന ഒരു വസ്തുവാണ് മലയാളി. അനുദിനം, അനുനിമിഷം മലയാളി അടിമുടി മാറിക്കൊണ്ടിരിക്കുന്നു. ഇങ്ങനെ പ്രകാശ വേഗത്തില്‍ മാറ്റം സംഭവിക്കുന്ന മലയാളിയെ ഏറ്റവും എളുപ്പം ചേര്‍ത്ത് വായിക്കാന്‍ പറ്റുന്ന ഒന്നാണ് ബാര്‍ബര്‍ ഷോപ്പും ക്ഷുരകന്‍മാരുടെ ജീവിതവും. മലയാളി സമൂഹത്തില്‍ സംഭവിച്ചു കൊണ്ടിരിക്കുന്ന എന്തിന്റെയും ഏതിന്റെയും മാതൃകകള്‍ ഒരു ബാര്‍ബര്‍ ഷോപ്പില്‍ കാണാന്‍ പറ്റും. ഉദാഹരണത്തിന് നമ്മുടെ ജീവിത രീതിയില്‍ വന്ന മാറ്റം. പണ്ടൊക്കെ ഹെയര്‍ ഡൈ എന്ന് പറഞ്ഞാല്‍ ഒന്നുകില്‍ കാലി മെഹന്ദി അല്ലെങ്കില്‍ ഗോദ്റെജ് ഹെയര്‍ ഡൈ. പക്ഷെ ഇപ്പൊ നോക്കൂ. മിക്ക ഷോപ്പുകളിലും Revlon , Garnier തുടങ്ങിയ ആഗോള ബ്രാന്‍ഡുകള്‍ ആണ് ഉപയോഗിക്കുന്നത്. ആലം എന്ന് പറയുന്ന സാധനം അങ്ങാടി കടകളില്‍ മാത്രം കിട്ടുന്ന ഒരു വസ്തുവായി ചുരുങ്ങി. കുട്ടിക്കൂറയ്ക്ക് പകരം യാര്‍ഡ്‌ലിയും അത് പോലുള്ള സാധനങ്ങളും സ്ഥാനം പിടിച്ചിരിക്കുന്നു. എന്തിനു മലയാളിയുടെ വളര്‍ച്ച പ്രാപിച്ച ലൈംഗികതയ്ക്ക് വരെ ഇവിടെ ഉദാഹരണം കാണാം. പണ്ടൊക്കെ ബാര്‍ബര്‍ ഷോപ്പില്‍ നിങ്ങള്‍ ഇരിക്കുന്ന കസേരയ്ക്കു അഭിമുഖമായി നടിമാരുടെയും മറ്റും അര്‍ദ്ധ നഗ്ന ചിത്രങ്ങള്‍ പ്രദര്‍ശിപ്പിക്കുമായിരുന്നു. മുടി വെട്ടുമ്പോള്‍ തല അനക്കാതെ ഇരിക്കാനുള്ള ഒരു ചെപ്പടി വിദ്യ. ആ ചിത്രങ്ങള്‍ക്ക് കാലാ കാലങ്ങളില്‍ മാറ്റം സംഭവിക്കുകയും ഒടുവില്‍ അത് അപ്രത്യക്ഷമാവുകയും ചെയ്തു. ഇങ്ങനത്തെ ചെറിയ പടങ്ങള്‍ കൊണ്ടൊന്നും മലയാളിയെ പിടിച്ചിരുത്താന്‍ പറ്റില്ല എന്ന തിരിച്ചറിവ് തന്നെയാവണം കാരണം :)

ഒരു പിന്‍ കുറിപ്പ് കൂടി

ബാര്‍ബര്‍, ക്ഷുരകന്‍ എന്നൊക്കെ ഇവിടെ ഉപയോഗിച്ചിരിക്കുന്നത് ഈ തൊഴില്‍ ചെയ്യുന്നവരെയോ അല്ലെങ്കില്‍ ചില സമുദായങ്ങളെ കളിയാക്കാനോ വേണ്ടിയല്ല. അതൊഴിവാക്കി ഈ പോസ്റ്റിനു പൂര്‍ണത ഉണ്ടാവില്ല എന്നത് കൊണ്ട് മാത്രമാണ്. ഈ ബ്ലോഗിന്റെ സ്ഥിരം വായനക്കാര്‍ ആയ സുഹൃത്തുക്കളെ ഉദ്ദേശിച്ചല്ല ഈ കുറിപ്പ്. അവര്‍ക്ക് ഇത് ഏത് സെന്‍സില്‍ ആണ് എഴുതിയിരിക്കുന്നത് എന്ന് പറയാതെ തന്നെ മനസ്സിലാവും. എന്നാല്‍ എന്തും ഏതും ജാതിയുമായി ബന്ധിപ്പിച്ചു വഷളാക്കുന്ന ചില തല്ലിപ്പൊളികളും ഇവിടെയുണ്ട്. അവരെ ഉദ്ദേശിച്ചു , അവരെ മാത്രം ഉദ്ദേശിച്ചാണ് ഈ കുറിപ്പ്.

വളരെ വളരെ 'വില പിടിച്ച' ഒരു നഗരം

2012-03-23T10:09:00.003+05:30

ഇത് ബാന്‍ഗ്ലൂര്‍ മലയാളികള്‍ക്ക് വേണ്ടി സമര്‍പ്പിക്കുന്ന ഒരു പോസ്റ്റ്‌ ആണ്. എന്തിനും ഏതിനും പ്രതികരിക്കുന്ന ആള്‍ക്കാരുടെ നാടായ കേരളത്തില്‍ നിന്ന് ഒരു മലയാളി ഇവിടെ വന്നാല്‍ പ്രതികരണം പോയിട്ട് ഒരു വികാരവുമില്ലാതെ ജീവിക്കുന്നത് കാണണമെങ്കില്‍ ബാംഗ്ലൂര്‍ വന്നു നോക്കണം. ഇത് പോലെ ഒരു വ്യവസ്ഥയുമില്ലാത്ത ഒരു സംസ്ഥാനം ചിലപ്പോ ഇന്ത്യാ മഹാരാജ്യത്ത് തന്നെ കാണില്ല. സാധനങ്ങളുടെ വില നിയന്ത്രിക്കാന്‍ ആരുമില്ലാത്ത , അക്ഷരാര്‍ത്ഥത്തില്‍ ചോദിക്കാനും പറയാനും ആരുമില്ലാത്ത ഒരു കോസ്മോപൊളിറ്റന്‍ സിറ്റി. എം ആര്‍ പിയെക്കാള്‍ ഒരു പൈസ പോലും കൂടുതല്‍ വാങ്ങാന്‍ പാടില്ല എന്നാണല്ലോ നിയമം. എന്നാല്‍ ഇവിടെ എല്ലാത്തിനും എം ആര്‍ പിയെക്കാള്‍ വില കൂടുതല്‍ ആണ്. ഒരു പാക്കറ്റ് സിഗരറ്റിനു രണ്ടോ മൂന്നോ രൂപ കൂടുതല്‍ വാങ്ങും. ചോദിച്ചാല്‍ ഇവിടെ അങ്ങനെയാണ്, വേണമെങ്കില്‍ വാങ്ങിച്ചാല്‍ മതി എന്ന് പറയും. നിങ്ങള്‍ക്ക് വേറെ ഓപ്ഷന്‍ ഒന്നുമില്ല. എല്ലാ കടക്കാരും ഒരുമിച്ചുള്ള പരിപാടിയാണ്. ശീതള പാനീയങ്ങള്‍ക്കെല്ലാം വില കൂടുതല്‍. ഓട്ടോ ചാര്‍ജ് മിനിമം ഇരുപതു രൂപയാണ്. ഇത് സര്‍ക്കാര്‍ അംഗീകരിച്ചതാണ് കേട്ടോ. ഇതിന്റെ കാരണം കേട്ടാല്‍ ചിരി വരും. സിറ്റിയില്‍ ആയിരക്കണക്കിന് ഓട്ടോകള്‍ക്ക് സര്‍ക്കാര്‍ ലൈസന്‍സ് കൊടുത്തു. അങ്ങനെ ഒട്ടോകളുടെ എണ്ണം യാത്രക്കാരെക്കാള്‍ കൂടി. സ്വാഭാവികമായും അവന്മാരുടെ ലാഭം കുറഞ്ഞു. അപ്പോള്‍ അവര്‍ പുതിയ വാദവുമായി വന്നു. ചാര്‍ജ് കൂട്ടണമെന്ന് പറഞ്ഞിട്ട്. സര്‍ക്കാര്‍ ഉടന്‍ തന്നെ ഇരുപതു രൂപയാക്കി കൊടുത്തു. ഒരു പക്ഷികുഞ്ഞു പോലും പ്രതികരിച്ചില്ല. ഈ ഇരുപതു രൂപ എന്നത് വെറും പേരിനു മാത്രമാണ്. അനൌദ്യോഗികമായി ഇത് മുപ്പതു രൂപയാണ്. മാത്രമല്ല അവര്‍ക്ക് ഇഷ്ടമുള്ള സ്ഥലത്തേക്ക് മാത്രമേ സവാരി വരികയും ഉള്ളൂ. ഇത് കൊണ്ടുണ്ടായ ഒരേ ഒരു ഗുണം എന്താന്നു വച്ചാല്‍ ആള്‍ക്കാര്‍ ഓട്ടോക്ക് പകരം വേറെ വഴികള്‍ കണ്ടു പിടിച്ചുപയോഗിക്കാന്‍ തുടങ്ങി എന്നതാണ്. അതായത് സൈക്കിള്‍ , ബസ്‌ തുടങ്ങിയവ. വീട്ടു വാടകയുടെ കാര്യമാണെങ്കില്‍ പറയണ്ട. അമേരിക്കന്‍ മാര്‍ക്കറ്റ്‌ ഹൈ ആയാല്‍ ഇവിടത്തെ വാടകയും കൂടും. പട്ടിക്കൂട് പോലുള്ള വീട്ടിനു പോലും ഒന്‍പതിനായിരം മുതല്‍ പതിനായിരം വരെ കൊടുക്കണം. അതായതു 1 BHK വീടിന്. നല്ല ഒരു രണ്ടു ബെഡ് റൂം വീട് പന്ത്രണ്ടായിരത്തില്‍ കുറഞ്ഞു കിട്ടില്ല.അത് പോലെ തന്നെ കൈക്കൂലി. പൈസ ഇറക്കാതെ ഒരു കാര്യം ഇവിടെ നടക്കില്ല. നിയമപരമായി നിങ്ങളുടെ കയ്യില്‍ എന്ത് രേഖയുണ്ടെങ്കിലും ഏറ്റവും പ്രധാനപ്പെട്ട 'രേഖ' ഇല്ലാത്ത കാര്യം നടക്കില്ല. പണത്തിനു വേണ്ടി ഇതു ലെവല്‍ വരെ താഴാനും ഇവിടെ ഒരുത്തനും മടിയില്ല. ഇവിടെ ഹൈ കോടതിയില്‍ വക്കീലന്മാര്‍ എല്ലാവരും കൂടി ഒരു പാവത്തിനെ തല്ലി കൊന്നത് പത്രത്തില്‍ വായിച്ചിരിക്കുമല്ലോ. രാഷ്ട്രീയക്കാര്‍ എല്ലാം ഗുണ്ടകളെ പോലെയാണ് പെരുമാറുന്നത്. അധികാരം പണം ഉണ്ടാക്കാന്‍ വേണ്ടി മാത്രം ഉപയോഗിക്കുന്ന നേതാക്കള്‍ വേറെ കാണില്ല. ഇവിടെ നടക്കുന്ന എല്ലാ വികസനവും പണം ഉണ്ടാക്കാന്‍ ഉള്ള കുറുക്കു വഴികള്‍ മാത്രമാണ്. മാത്രമോ അധികാരത്തിനു വേണ്ടിയുള്ള കടിപിടികള്‍ നിങ്ങള്‍ കണ്ടിട്ടുണ്ടാവുമല്ലോ. യെദിയൂരപ്പ അഴിമതി കേസില്‍ പുറത്തായപ്പോള്‍ പറഞ്ഞ എക്സ്ക്യൂസ് കേട്ടില്ലേ. ദേവെഗൌഡ ഉണ്ടാക്കിയതിന്റെ ആയിരത്തി ഒന്നുപോലും ഞാന്‍ ഉണ്ടാക്കിയിട്ടില്ല. ഞാന്‍ നിരപരാധി ആണെന്ന്. ഇന്ത്യയുടെ മുന്‍ പ്രധാനമന്ത്രി ആയിരുന്ന ദേവെഗൌഡയും മക്കളും കൂടി ഉണ്ടാക്കിയ സ്വത്തിന്റെ വിവരങ്ങള്‍ കേട്ടാല്‍ നിങ്ങളുടെ കണ്ണ് തള്ളും. മാണ്ട്യയുടെ ഭൂരിഭാഗം പ്രദേശങ്ങളും അവരുടെ കയ്യിലാണ്. കുറച്ചു കാലം കൂടി അങ്ങേര്‍ പ്രധാനമന്ത്രി ആയിരുന്നുവെങ്കില്‍ ഇന്ത്യയുടെ പകുതിയും അവര്‍ കൈക്കലാക്കിയേനെ. പക്ഷെ എന്നിട്ടും കുമാര സ്വാമി ഒക്കെ ഇപ്പോഴും ശക്തനായ നേതാവാണ്‌. അങ്ങനെ ചൂഷണത്തിന്റെ ഒട്ടനവധി കഥകള്‍ പേറുന്ന ഒരു നഗരമാണ് ബാംഗ്ലൂര്‍. നിങ്ങള്‍ക്കും ഇത് പോലുള്ള അനുഭവങ്ങള്‍ ഉണ്ടെങ്കില്‍ പങ്കു വയ്ക്കൂ.

വാല്‍ക്കഷണം :
കഴിഞ്ഞ തവണ നാട്ടില്‍ പോയപ്പോള്‍ ഒരു കടയില്‍ എന്തോ സാധനത്തിനു ഒരു രൂപ കൂടുതല്‍ വാങ്ങിയെന്ന് പറഞ്ഞു ഒരാള്‍ കടക്കാരനുമായി തല്ലു പിടിക്കുന്നത്‌ കണ്ടു. സത്യത്തില്‍ ആ കവറില്‍ അടിച്ച വില തെറ്റായത് കാരണം ഉണ്ടായ കണ്‍ഫ്യൂഷന്‍ ആണ്. കടക്കാരന്‍ ആ കമ്പനിയുടെ അച്ചടിച്ച നോട്ടീസ് കസ്ടമറെ കാണിക്കുന്നുണ്ടായിരുന്നു. വിലയില്‍ വന്ന ഈ അച്ചടി പിശക് ക്ഷമിച്ചു ഒരു രൂപ കൂടുതല്‍ കൊടുത്തു സഹകരിക്കണം എന്ന്. അത് കണ്ടപ്പോള്‍ നമ്മുടെ നാട്ടുകാരെ കുറിച്ചോര്‍ത്തു അഭിമാനമാണ് തോന്നിയത്. ഇവിടെയുള്ള കഞ്ഞികള്‍ക്ക് ഇങ്ങനൊന്നും ചിന്തിക്കാനേ കഴിയില്ല. ചുമ്മാതല്ല നെപ്പോളിയന്‍ പറഞ്ഞത് ഓരോ ജനതയ്ക്കും അവര്‍ അര്‍ഹിക്കുന്ന ഭരണാധികാരിയെ മാത്രമേ കിട്ടൂ എന്ന്.

മുല്ലപ്പെരിയാറില്‍ മുല്ലകള്‍ പൂത്തു - ഇനിയും പൊട്ടാത്ത ഒരു ഡാമും പഠിച്ച പാഠങ്ങളും

2012-03-18T22:33:00.000+05:30

എന്റെ ഒരു പ്രിയ സുഹൃത്ത്‌ ഷമില്‍ ഈയിടയ്ക്ക് ഇട്ട ഒരു കമന്റില്‍ നമ്മുടെ മാധ്യമങ്ങളുടെ പത്ര പ്രവര്‍ത്തന രീതിയെ പറ്റി ഒരു വിമര്‍ശനം നടത്തിയിരുന്നു. കുറച്ചു കൂടി വ്യക്തമായി പറഞ്ഞാല്‍ നമ്മുടെ മാധ്യമങ്ങളുടെയും ഓണ്‍ലൈന്‍ മീഡിയയുടെയും, എന്തിനു നമ്മുടെ തന്നെയും അവസരവാദത്തിനെ പറ്റി. അത് കണ്ടിട്ട് ആദ്യം ഒന്നും തോന്നിയില്ലെങ്കിലും പിന്നീടു ആലോചിച്ചപ്പോള്‍ തോന്നി അത് എത്രത്തോളം ശരിയാണെന്ന്. പക്ഷെ മുല്ലപ്പെരിയാര്‍ അണക്കെട്ട് എന്ന വിഷയം നമ്മള്‍ ചര്‍ച്ച ചെയ്യുന്ന രീതി കണ്ടിട്ട് അത്ഭുതവും അത് പോലെ തന്നെ ഷാമില്‍ പറഞ്ഞത് അക്ഷരം പ്രതി സത്യമാണെന്ന് തെളിയുന്നു. വാര്‍ത്തകള്‍ ഫോളോ അപ്പ്‌ ചെയ്യുന്ന കാര്യത്തില്‍ നമ്മുടെ മാധ്യമങ്ങള്‍ പൊതുവേ പിന്നോക്കമാണെന്നു ഒരു പറച്ചില്‍ ഉണ്ട്. പക്ഷെ അതിനെന്താ കാരണം ? ഇതൊക്കെ പെട്ടെന്ന് മറക്കാനുള്ള നമ്മുടെ കഴിവ് തന്നെ. അന്ന് തമിഴ് നാട് പറഞ്ഞതായിരുന്നോ ശരി എന്ന് മലയാളികള്‍ വരെ സംശയിച്ചു പോകുന്ന രീതിയില്‍ ഈ വിഷയം മറവിയിലേയ്ക്ക് എടുത്തെറിയപ്പെട്ടിരിക്കുന്നു. ഒരിട കൊണ്ട് കത്തി തീര്‍ന്ന ഒരു അമിട്ട് പോലെ അങ്ങിങ്ങായി ചെറിയ തീക്കനലുകള്‍ അവശേഷിപ്പിച്ചു കൊണ്ട് അതിന്റെ കടലാസും കത്തി തീര്‍ന്ന കരിമരുന്നും മാത്രമായി അത് മാറി. പക്ഷെ ഇതില്‍ നിന്ന് നമ്മള്‍ പല പാഠങ്ങളും പഠിച്ചു. അതിലേയ്ക്ക് പോകുന്നതിനു മുമ്പ് ഈ വിഷയം കത്തി നിന്ന കാലത്തേയ്ക്ക് ഒന്ന് തിരിഞ്ഞു നോക്കാം.

അന്ന് പ്രചരിച്ചിരുന്ന ചില മെയിലുകളും പോസ്റ്റുകളും ..

What will happen to Kerala and South India if Mullaperiyar Dam breaks?

1) Under water sea cable for internet connectivity connects India to rest of the world , thats only in Cochin. If Cochin Goes Down, South Indian IT Hub will come to a stand still. All the gateway CISCO routers , switches etc in Kakkanad will float in Arabian Ocean. IP packets from Bangalore, chennai etc will not cross the ocea...n.......
2) Cochin Refineries - Which refines petroleum products and services most of South India. If it is washed away, TamilNadu, Karnataka and Andhra has to find much more expensive options for Petroleum Refineries.
3) Kerala will be in complete darkness for ages, no TV, no Internet, no Mobile towers, once the Idukki hydro electric power plant is washed away, resulting from Mullaperiyar collapse.
4) Kerala... will be divided into 2 lands, impacting geography of India, and washing away an area of vast bio diversity, along with 30 lakh people. Serving rest of the people with food and other stuffs will be an extremely tedious task.
5) Port City of Cochin, will not be in world map anymore. Vallarpadam port will be a history, all of South India has to again depend on Colombo for Mother ships , a very expensive option.
6) Tamil Nadu will not get water for irrigation or drinking anymore, as stored water in Mullaperiyar dam will flow to the ocean, when the dam collapses.
7) Along its course, the water current will wash Idukki Dam, and many many Industries , Factories, IT Parks, Hospitals, Ports, Cochin City, temples, mosques, churches etc etc to the Arabian Ocean.
8) A disaster 180 times terrific than Hiroshima. This is not exaggeration. Spread this, my friends. Information is power. Kerala as well as Tamil Nadu are stakeholders in this issue. More than us, its normal Tamil people(excluding power-hungry politicians) who need such info. We need our brothers and sisters across the border to pressurize their own politicians to consider this as a humanitarian crisis, rather than an inter-state dispute.

ഇതില്‍ നിന്നൊക്കെ നാം എന്ത് പഠിച്ചു ?

ഇതില്‍ പങ്കെടുക്കാതെ മാറി നിന്ന നമ്മുടെ സിനിമാക്കാരെ നമ്മള്‍ തെറി വിളിച്ചു. പക്ഷെ സ്വന്തം കാര്യം നോക്കിയ അവരൊക്കെ മിടുക്കന്മാര്‍ ആണെന്ന് തെളിഞ്ഞു.
ഇവിടത്തെ സിനിമകളില്‍ വന്നു അഭിനയിച്ചു അവാര്‍ഡും പൈസയും ഉണ്ടാക്കിയ തമിഴ് നടന്മാരും ഒന്നും മിണ്ടിയില്ല. മാത്രമല്ല ശരത് കുമാര്‍ അടക്കമുള്ളവര്‍ അവിടെയിരുന്നു നമ്മളെ തെറി വിളിക്കുകയും ചെയ്തു. അവര്‍ക്ക് വല്ലതും പറ്റിയോ ? ഇല്ല. നമ്മള്‍ അങ്ങേരെ ദാണ്ടെ ഇപ്പോഴും വിളിച്ചു പടത്തില്‍ അഭിനയിപ്പിക്കുന്നു. ഇടുക്കിയില്‍ കുടിയേറിയ തമിഴന്മാര്‍ അവസരം മുതലാക്കി ഇടുക്കിയെ തമിഴ് നാടിനോട് ചേര്‍ക്കണമെന്ന് സമരം ചെയ്തു മിടുക്കന്മാരായി.
ഡാമിന് വേണ്ടി ഏറ്റവും കൂടുതല്‍ കണ്ണീരൊഴുക്കിയ ജോസഫ്‌ സാറിനെ ഇപ്പൊ എവിടെ കാണാന്‍ പറ്റും ?
അദ്ദേഹത്തെ അടിമുടി കളിയാക്കിയ പ്രതിപക്ഷവും ഇത് മറന്നോ ?
കുറെ സിനിമാക്കാര്‍ മറൈന്‍ ഡ്രൈവില്‍ പോയി മെഴുകു തിരി കത്തിച്ചു. അവരൊക്കെ ഇപ്പൊ എന്ത് ചെയ്യുന്നു ?
തമിഴന്മാര്‍ മണ്ടന്മാര്‍ ആണെന്ന് എല്ലാവരും പറഞ്ഞിട്ടെന്തായി ? ഒടുവില്‍ അവര്‍ പറഞ്ഞ പോലെ തന്നെ നടന്നില്ലേ ? ജയ ലളിതയുടെ പകുതി പോലും ധൈര്യമില്ലാത്ത നമ്മുടെ അഭിനവ ഗാന്ധിമാര്‍ പറഞ്ഞതില്‍ എന്താണ് നടന്നത് ?
ഇത്രയും വ്യക്തമായ ഭീഷണി ഉണ്ടായിട്ടും ബുദ്ധിജീവി ചമയാന്‍ വേണ്ടി ന്യൂട്രല്‍ വാദങ്ങളുമായി ബാക്കിയുള്ളവനെ കളിയാക്കുന്ന രീതിയിലുള്ള അഭിപ്രായ പ്രകടനങ്ങള്‍ നടത്തിയ മലയാളി സഹോദരങ്ങളും ഇവിടെ ഉണ്ടെന്നു തെളിഞ്ഞു.
കൂടംകുളത്തും മുല്ലപ്പെരിയാറിലും ജീവന്റെ നിര്‍വചനം രണ്ടാണെന്ന് നാം അറിഞ്ഞു.
ഇവിടെ നടന്നത് ഒന്ന് മാത്രം. പരസ്യമായ മനുഷ്യാവകാശ ലംഘനം. തുടരെയുള്ള ഭൂമി കുലുക്കങ്ങള്‍ കാരണം എപ്പോള്‍ വേണമെങ്കിലും തകരാന്‍ സാധ്യതയുള്ള ഒരു ഡാമിന് കീഴെ , കുത്തിയൊലിച്ചു വരാന്‍ പോകുന്ന വെള്ളത്തിനെ പേടിച്ചു മരിച്ചു ജീവിക്കുന്ന ഒരു കൂട്ടം ജനങ്ങളുടെ ജീവന് ഒരു വിലയും ഇല്ല എന്ന മട്ടിലാണ് നമ്മുടെ ഭരണ കൂടം പെരുമാറിയത്
ജനങ്ങള്‍ മരിക്കും എന്ന് കേട്ടാല്‍ പോലും മുട്ട് ന്യായങ്ങള്‍ പറഞ്ഞു അത് പാടെ അവഗണിക്കാന്‍ തക്ക കല്ല്‌ പോലുള്ള മനസ്സുള്ള ഒരു കൂട്ടം മൃഗങ്ങള്‍ ആണ് നമ്മളെ ഭരിക്കുന്നതെന്ന് നാം അറിഞ്ഞു.
വിവരക്കേടിന്റെയും ധാര്‍ഷ്ട്യത്തിന്റെയും മുന്നില്‍ നന്മയുടെയും സാഹോദര്യത്തിന്റെയും കഥ പറഞ്ഞിരുന്നാല്‍ ഒടുവില്‍ നഷ്ടം മാത്രമാവും ഫലം എന്ന് പഠിച്ചു.
എത്ര ജീവന്‍ മരണ പ്രശ്നമായാലും ഒടുവില്‍ രാഷ്ട്രീയ ലാഭങ്ങള്‍ മാത്രമാണ് ശരി തെറ്റുകള്‍ നിശ്ചയിക്കുന്നതെന്ന് നാം കണ്ടു.
ഇത്രയും കാലം നമ്മള്‍ സ്വാഗതമരുളിയ തമിഴന്മാര്‍ ഒരു അവസരം വരുമ്പോള്‍ അവരുടെ യഥാര്‍ത്ഥ സ്വഭാവം എങ്ങനെ കാണിക്കും എന്നും കണ്ടു
എന്തുകൊണ്ട് കാവേരി പ്രശ്നത്തില്‍ കര്‍ണാടക തമിഴ് നാടിനോട് വിട്ടു വീഴ്ച കാണിക്കുന്നില്ല എന്നതിന്റെ യഥാര്‍ത്ഥ കാരണം അനുഭവത്തിലൂടെ നമ്മള്‍ മനസ്സിലാക്കി
നമ്മുടെ സ്വന്തം മണ്ണില്‍ അന്യന്റെ അധികാരം മേല്‍ക്കോയ്മ നേടുന്നതും കണ്ടു. നമ്മുടെ മണ്ണിലുള്ള ഡാം പൊളിച്ചു പണിയാന്‍ അന്യന്റെ അനുവാദം വേണം.
ഏറ്റവും ഉപരിയായി.. ഭാരതം എന്ന രാജ്യത്തിലെ നിയമങ്ങള്‍ അല്ല തമിഴ് നാട് എന്ന രാജ്യത്തിന് ബാധകം എന്ന ഏറ്റവും പ്രധാനപ്പെട്ട പാഠം നമ്മള്‍ എല്ലാവരും പഠിച്ചു. ഇന്ത്യന്‍ ഭരണ ഘടന എന്നത് കാശിനു കൊള്ളാത്ത കൊജ്ജാണന്‍മാര്‍ ഭരിക്കുന്ന സംസ്ഥാനങ്ങള്‍ക്ക് മാത്രം ബാധകമാണ് എന്നും കണ്ടു.

ഇങ്ങനെ പഠിച്ച പാഠങ്ങള്‍ അനവധി. ഈ പ്രശ്നം ഒരിക്കലും ചര്‍ച്ച ചെയ്യുക പോലും വേണ്ട എന്നാണു എന്റെ അഭിപ്രായം. ഡാം പൊട്ടട്ടെ. കുറെ ആള്‍ക്കാര്‍ മരിക്കട്ടെ. ആര്‍ക്കെന്തു ചേതം ?

നമുക്ക് ചര്‍ച്ച ചെയ്യാന്‍ സന്തോഷ്‌ പണ്ഡിറ്റും കാസനോവയും വെറുതെ അല്ല ഭാര്യയും പിറവം തിരഞ്ഞെടുപ്പും ഒക്കെ ഉണ്ടല്ലോ. പിന്നെന്തിനാ ഇനി വേറെ വിഷയങ്ങള്‍ കുത്തിപ്പൊക്കുന്നത് ?

വാല്‍ക്കഷണം >

തമിഴന്മാര്‍ എന്ന് പറയുന്ന വര്‍ഗം എങ്ങനെ ചിന്തിക്കുന്നു / അല്ലെങ്കില്‍ അവര്‍ എന്തുകൊണ്ട് ഇങ്ങനെയായി എന്നതിനെ പറ്റി ഞാന്‍ ഒരു പോസ്റ്റ്‌ എഴുതിക്കൊണ്ടിരിക്കുന്നുണ്ട്. മുല്ലപ്പെരിയാര്‍ വിഷയത്തില്‍ അവരുടെ 'വിദഗ്ധര്‍' കണ്ടു പിടിച്ച ചില വസ്തുതകളും അഭിപ്രായങ്ങളും ഇതാ.

വിവരക്കേടിനും മണ്ടത്തരത്തിനും മരുന്നില്ല എന്ന് ഇത് വായിച്ചാല്‍ നിങ്ങള്‍ക്ക് പിടി കിട്ടും

കൂടാതെ സത്യത്തിന്റെ മുഖം എന്ന് പേര് കേട്ട The Hindu ദിനപത്രം ഡാം സുരക്ഷിതമാണെന്ന് പാടി പുകഴ്ത്തുന്നത് ഇവിടെ വായിക്കാം.

ഒരു സോഫ്റ്റ്‌വെയര്‍ എഞ്ചിനീയര്‍ ജനിക്കുന്നു - ഭാഗം 29

2012-03-06T09:36:00.000+05:30

ബാംഗ്ലൂരിനെ കൊടും ചൂട് പൊതിഞ്ഞു. ഉഷ്ണകാറ്റ് വീശുന്ന ദിനങ്ങളില്‍ അവര്‍ കൂടുതല്‍ അറിഞ്ഞു. ഫാഷന്‍ മോളുകളുടെ ട്രയല്‍ റൂമുകളില്‍, അടഞ്ഞ ലിഫ്ടിനുള്ളില്‍, റിക്ഷയുടെ ഇരുള്‍ ചാഞ്ഞു കിടക്കുന്ന പിന്‍ സീറ്റില്‍, തെരുവ് വിളക്കുകളുടെ പ്രകാശം ചിതറി വീഴുന്ന മര തണലുകളില്‍ ഒക്കെ അവര്‍ സ്വയം അറിഞ്ഞു കൊണ്ടിരുന്നു. ചെയ്യുന്നത് തെറ്റാണെന്ന് ഇടയ്ക്ക് തോന്നിയെങ്കിലും പേരിട്ടു വിളിക്കാന്‍ പറ്റാത്ത ഒരു സുഖം അവരെ വീണ്ടും വീണ്ടും അതിനു പ്രേരിപ്പിച്ചു കൊണ്ടിരുന്നു. ചുറ്റിനും തിളച്ചു മറിയുന്ന പ്രകൃതി അവര്‍ അറിഞ്ഞില്ല.

ചിന്നു അതിനിടയ്ക്ക് ജോലി മാറാനുള്ള ശ്രമങ്ങള്‍ ഒക്കെ തുടങ്ങിയിരുന്നു. ഇടയ്ക്കൊക്കെ ഒന്ന് രണ്ടു ഇന്റര്‍വ്യൂ ഒത്തു വരും. അവള്‍ പോയിട്ട് പോയത് പോലെ തിരികെ വരും. അങ്ങനെയിരിക്കെ ബൈജുവിന്റെ ഒരു സുഹൃത്ത്‌ വഴി അവന്റെ കമ്പനിയില്‍ ചിന്നുവിന് ഒരു ഇന്റര്‍വ്യൂ സംഘടിപ്പിച്ചു. ശനിയാഴ്ച ആണ് ഇന്റര്‍വ്യൂ. അവള്‍ക്കൊരു കൂട്ടിനു ബൈജുവും വരാം എന്ന് പറഞ്ഞു. രണ്ടു പേരും കൂടി രാവിലെ തന്നെ സ്ഥലത്തെത്തി. ബ്രേക്ക്‌ ഫാസ്റ്റ് കഴിച്ചേക്കാം എന്ന് പറഞ്ഞു രണ്ടു പേരും ഒരു ഹോട്ടലില്‍ കയറി. പണ്ടത്തെ പോലെ ഫേസ് ടു ഫേസ് ഇരിക്കുന്ന പരിപാടിയൊക്കെ അവര്‍ നിര്‍ത്തി. സോഫ പോലത്തെ സീറ്റില്‍ രണ്ടു പേരും അടുത്തടുത്തിരുന്നാണ് തീറ്റിയും കുടിയുമൊക്കെ. ഇഡ്ഡലി വെട്ടി വിഴുങ്ങിക്കൊണ്ടിരിക്കുന്നതിനിടയില്‍ ചിന്നു ബൈജുവിന്റെ തോളില്‍ ചാഞ്ഞു. അവന്‍ അവളെ പ്ലാനില്‍ തള്ളി നീക്കി. ഡീ. അടങ്ങിയിരിക്കു. ആള്‍ക്കാര് കാണും. പക്ഷെ അവള്‍ മാറിയില്ല. മാത്രമല്ല ഒരു കുസൃതി ചിരിയോടെ അവള്‍ പറഞ്ഞു..'ഇല്ല ഞാന്‍ മാറൂല.. എന്നെ ഓരോന്ന് ചെയ്തു പഠിപ്പിച്ചിട്ടു...Now everyday I want that..". 'ഡീ ഇവിടിരുന്നു ഉമ്മ വയ്ക്കാനുള്ള തൊലിക്കട്ടിയൊന്നും എനിക്കില്ല. നീ ആദ്യം ഈ ഇന്റര്‍വ്യൂ കടന്നു കൂടാന്‍ നോക്ക്. ' പക്ഷെ ചിന്നു അതൊന്നും കേള്‍ക്കുന്നുണ്ടായിരുന്നില്ല. അതേയ് . ഒരു ഇഡ്ഡലി മുറിച്ചു എന്റെ വായില്‍ വച്ച് താ .. അവള്‍ പറഞ്ഞു. 'ബെസ്റ്റ്. നീ അല്ലേ കഴുതേ പണ്ട് പറഞ്ഞത്. പബ്ലിക്‌ ആയി ഫുഡ്‌ ഒക്കെ എടുത്തു തീറ്റിക്കരുത് എന്നൊക്കെ' അവന്‍ ചോദിച്ചു. 'ഹേയ്..അതെല്ലാം ഞാന്‍ ഉപേക്ഷിച്ചു..ഇനി എല്ലാം ബൈജു പറയണ പോലെ..' അവള്‍ ചിരിച്ചു കൊണ്ട് പറഞ്ഞു. 'അവിടിരുന്നു മിണ്ടാതെ ആ ഇഡ്ഡലി കഴിച്ചിട്ട് ഇന്റര്‍വ്യൂ പോയി ക്ലിയര്‍ ചെയ്യാന്‍ നോക്ക് കഴുതേ.. ' അവന്‍ പറഞ്ഞു. മാത്രമല്ല അവളെ തള്ളി മാറ്റുകയും ചെയ്തു. ഒരു കുതിരയെടുപ്പിനുള്ള ജനക്കൂട്ടം ഇന്റര്‍വ്യൂവിനു വന്നിട്ടുണ്ട്. അവളെ മാത്രം സെക്യൂരിറ്റി അകത്തേക്ക് കയറ്റി വിട്ടു. ബൈജു പുറത്തു നിന്നു. അഞ്ചു മിനിറ്റ് കഴിഞ്ഞില്ല. ചിന്നുവിന്റെ മെസ്സേജ്. 'ഒരുപാട് പേരുണ്ട് .. പേടിയാകുന്നു. ങ്ങീ... ' എന്ന് പറഞ്ഞിട്ട്. മിണ്ടാതെ അവിടിരുന്നു പഠിക്കു എന്ന് പറഞ്ഞു അവന്‍ മറുപടി അയച്ചു. അടുത്ത് നില്‍ക്കുന്നവന്‍ ഫോണിലൂടെ രഹസ്യമായി പിറ് പിറുക്കുന്നുണ്ട്. അവന്റെ കാമുകി അകത്തുണ്ട്. അവള്‍ എന്തൊക്കെയോ ചോദ്യം അകത്തിരുന്നു ചോദിക്കുന്നതാ. പാവം ലവന്‍ അവന്റെ ഏതോ കൂട്ടുകാരനെ ഒക്കെ വിളിച്ചു ചോദിച്ചു മനസ്സിലാക്കിയിട്ടു പറഞ്ഞു കൊടുക്കുകയാണ്. ഈ മൊബൈല്‍ ഫോണ്‍ എന്ന് പറയുന്നത് ഒരു വല്ലാത്ത സാധനം തന്നെ. അര മണിക്കൂര്‍ കഴിഞ്ഞപ്പോ സന്തോഷം നിറഞ്ഞ മുഖത്തോടെ ചിന്നു ഇറങ്ങി വന്നു. 'എന്തായി കുട്ടാ ? കിട്ടിയോ ? " അവന്‍ ചോദിച്ചു. 'ഇല്ല ചേട്ടാ.. എട്ടു നിലയില്‍ പൊട്ടി" അവളും അതേ താളത്തില്‍ പറഞ്ഞു. "അത് ശരി. മുഖത്തെ സന്തോഷം കണ്ടപ്പോ ഞാന്‍ വിചാരിച്ചു നീ ഓഫര്‍ ഒപ്പിച്ചു കാണുമെന്ന്" അവന്‍ പറഞ്ഞു. പക്ഷെ ചിന്നുവിന്റെ മുഖത്ത് ഒരു ഭാവ വ്യത്യാസവും ഇല്ല. 'അത് ശരി. അപ്പൊ ഇനി എന്താ പരിപാടി ? " ബൈജു ഉദ്ദേശിച്ചത് ഭാവി പരിപാടി എന്താണെന്നായിരുന്നെങ്കിലും അവള്‍ പറഞ്ഞത് ലഞ്ചിന് പോകുന്ന കാര്യമായിരുന്നു. അപ്പോഴാണ്‌ ബൈജുവും ശ്രദ്ധിച്ചത് .മണി രണ്ടായി. അവര്‍ അടുത്ത് കണ്ട ഒരു ഹോട്ടലില്‍ കയറി. ചൈനീസ് ആണ്. കഴിക്കുന്നതിനിടയിലും ചിന്നു ഇന്റര്‍വ്യൂവിനെ പറ്റി ഒന്നും മിണ്ടുന്നില്ല. അവള്‍ ഇപ്പോള്‍ വേറൊരു ലോകത്താണ്. കഴിച്ചിട്ട് അവള്‍ പറഞ്ഞു ഇവിടെ ഓഫീസിനടുത്തു ഒരു ഷോപ്പിംഗ്‌ മോള്‍ ഉണ്ട്. അവിടെ മുകളിലത്തെ ഫ്ലോറില്‍ നഗരം മുഴുവന്‍ കാണാന്‍ കഴിയും. ഇരിക്കാന്‍ ലൌന്‍ജ് ഒക്കെയുണ്ട്. അവിടെ പോയിരിക്കാം എന്ന് അവള്‍ ഒരു സജെഷന്‍ വച്ചു. അവനും സമ്മതിച്ചു. അല്പം ക്ഷീണം തോന്നുന്നുണ്ടായിരുന്നു അവനും.

അവര്‍ അവിടെയെത്തി. അവിടെ മുഴുവന്‍ ഇണക്കുരുവികള്‍ നിരന്നിരിപ്പുണ്ട്‌. ഒരു മൂലയ്ക്ക് ഒരു സ്ഥലം അവരും കണ്ടുപിടിച്ചു. ചിന്നു അപ്പോഴും ഏതോ ലോകത്താണ്. 'ഹോ. വല്ലാത്ത ക്ഷീണം' എന്ന് പറഞ്ഞു അവള്‍ അവന്റെ ചുമലില്‍ ചാഞ്ഞു ചെറുതായി കണ്ണടച്ചു. ഇത്തവണ നാനിച്ചത് ബൈജുവാണ്. 'എടീ. ആരേലും കാണും ' അവന്‍ പറഞ്ഞു. 'കാണുന്നെങ്കില്‍ കണ്ടോട്ടെ.' കണ്ണ് തുറക്കാതെ തന്നെ അവള്‍ പറഞ്ഞു. ബൈജു ചുറ്റിനും നോക്കി. അടുത്തൊക്കെ ഇതിനേക്കാള്‍ വലിയ കലാ പരിപാടികള്‍ നടക്കുകയാണ്. ഒരു പെണ്ണ് ഒരു നാണവുമില്ലാതെ അവളുടെ ചേട്ടന്റെ ചെവി കടിച്ചു വലിക്കുന്നു. ഈശ്വരാ. ഇപ്പോഴത്തെ പെണ്‍പിള്ളേര്‍ ഒന്നും ഒരു രക്ഷയുമില്ല. എണ്‍പത് തൊണ്ണൂറുകളിലെ ആണുങ്ങളെ പോലെയാണ് ഇപ്പോഴത്തെ പെണ്ണുങ്ങള്‍. അന്നത്തെ പെണ്ണുങ്ങളെക്കാള്‍ നാണം കുണുങ്ങികള്‍ ആണ് ഇപ്പോഴത്തെ ആണ്‍ പിള്ളേര്‍. അവന്‍ ഓര്‍ത്തു. ചിന്നു ഇതൊന്നുമറിയാതെ മയങ്ങുകയാണ്. അഞ്ചു മിനിറ്റ് കഴിഞ്ഞില്ല. എന്തോ ചെറിയ ശബ്ദം. ബൈജു നോക്കിയപ്പോ അവള്‍ കൂര്‍ക്കം വലിക്കുന്നതാണ്. അവന്‍ ചിന്നുവിനെ തട്ടിയുണര്‍ത്തി. 'ഡീ. ശബ്ദമുണ്ടാക്കാതെ കിടന്നുറങ്ങു. ' എന്ന് പറഞ്ഞു. അവള്‍ ഒരു ചെറു ചിരിയോടെ വീണ്ടും ചാഞ്ഞു. കുറച്ചു കഴിഞ്ഞപ്പോ അവള്‍ കണ്ണ് തുറന്നു. നേരെയിരുന്നു ചുറ്റിനും നോക്കി കണ്ണൊക്കെ തുടച്ചു. 'ബൈജു ഇവിടിരിക്ക്. ഞാന്‍ പോയി കോഫി വാങ്ങി വരാം ' അവള്‍ പറഞ്ഞു. 'എനിക്ക് കോഫി വേണ്ട. ഒരു ചായ മതി' അവന്‍ പറഞ്ഞു. അവള്‍ തലയും കുലുക്കി പോയി. കുറച്ചു കഴിഞ്ഞപ്പോ ഒരു ട്രേയില്‍ രണ്ടു കപ്പ് കോഫിയുമായി ചിന്നു വന്നു. 'അവിടെ ചായയൊന്നുമില്ല.. തല്ക്കാലം ഇത് കുടിക്ക്' അവള്‍ പറഞ്ഞു. കോഫി ചെറിയ ചൂടുണ്ട്. അവള്‍ ഊതി തണുപ്പിച്ചു ബൈജുവിന് കൊടുത്തു. എന്നിട്ട് അവളുടെ കപ്പെടുത്തു ഒരു കവിള്‍ മൊത്തി. 'അതേയ് ' അവള്‍ പറഞ്ഞു. 'എന്താ ? ' അവന്‍ ചോദിച്ചു. 'എനിക്കൊരാഗ്രഹം..' അവള്‍ പറഞ്ഞു. 'എന്താ ? പറയ്‌ .. രാവിലെ പറഞ്ഞതാണെങ്കില്‍ സോറി. ഇവിടെ ഇത്രയും ആളിന്റെയിടക്ക് പറ്റില്ല ട്ടാ ' അവന്‍ ചിരിച്ചുകൊണ്ട് പറഞ്ഞു. 'ഹോ അതല്ല.' എന്ന് പറഞ്ഞിട്ട് അവള്‍ അവന്റെ തലയ്ക്കു ഒരു തട്ട് വച്ച് കൊടുത്തു. 'അല്ലെങ്കിലും ഈ ആണുങ്ങള്‍ക്ക് ഇത് മാത്രമേ ചിന്തയുള്ളൂ ..' അവള്‍ പറഞ്ഞു . 'അതല്ല എന്റെ ആഗ്രഹം. നമുക്കുണ്ടാവുന്ന ആദ്യത്തെ കുട്ടിക്ക് കൃഷ്ണന്റെ പേരിടണം. കേശവ്, കൃഷ്ണ അങ്ങനെ എന്തെങ്കിലും.' അവള്‍ നാണത്തോടെ പറഞ്ഞു. അത് കേട്ട് ബൈജുവും നാണിച്ചു.അതാ ഫോണ്‍ റിംഗ് ചെയ്യുന്നു. മഹേഷ്‌ ആണ്. അവന്‍ ഫോണ്‍ കട്ട്‌ ചെയ്തു. 'അപ്പൊ പെണ്‍കുട്ടിയാണെങ്കിലോ ? അവന്‍ ചോദിച്ചു. 'എങ്കില്‍ രാധയുടെ പേരിടാം.' അവള്‍ ഉടന്‍ മറുപടി കൊടുത്തു. 'അത് ശരി. അപ്പൊ നീ എല്ലാം കണക്കു കൂട്ടി വച്ചിരിക്കുകയാണല്ലേ ? അവന്‍ ചോദിച്ചു.'പിന്നല്ലാതെ' അവളും ചിരിച്ചുകൊണ്ട് പറഞ്ഞു. 'അതൊക്കെ ശരിയാക്കാം. നമുക്ക് ഇത് വീട്ടില്‍ പറയാന്‍ ഇനിയും താമസിച്ചാല്‍ കുഴപ്പമാകും. ഇത്തവണ നാട്ടില്‍ പോകുമ്പോള്‍ നീ പറയണം. ' അവന്‍ പറഞ്ഞു. അത് കേട്ടതും അവളുടെ ചിരി മാഞ്ഞു. എന്നിട്ട് അവള്‍ നിവര്‍ന്നിരുന്നു. 'ശരിയാണ് ബൈജു. ഇപ്പൊ എനിക്ക് നല്ല പേടിയുണ്ട്. നമ്മള്‍ ഇത്രയുമൊക്കെ ആഗ്രഹിച്ചും സ്വപ്നം കണ്ടിട്ടും ഒടുവില്‍...' അത്രയുമെത്തിയപ്പോള്‍ ബൈജു അവളുടെ വായ പൊത്തി. 'നടക്കില്ല എന്നൊന്നും പറയല്ലേ .. നടക്കും.നമ്മള്‍ പ്രാര്‍ഥിക്കുന്നുണ്ടല്ലോ.. ' അവന്‍ പറഞ്ഞു..' നീ ഇത്തവണ പോകുമ്പോള്‍ എന്തായാലും പറയണം' അവന്‍ തുടര്‍ന്നു. അന്ന് പിരിഞ്ഞിട്ടും ചിന്നു ആകെ വിഷമത്തിലായിരുന്നു. രാത്രി അവളുടെ മെസ്സേജ് വന്നു 'ഇത്തവണ എന്തായാലും പറയാം. ഇങ്ങനെ നീട്ടി വച്ചാല്‍ ഇത് കുഴപ്പമാകും' അവള്‍ ഉറപ്പിച്ച ലക്ഷണമാണ്. അവനും നല്ല ടെന്‍ഷന്‍ ആയി. ഈശ്വരാ എല്ലാം നല്ലത് പോലെ നടക്കണേ എന്ന് അവനും ഉള്ളുരുകി പ്രാര്‍ഥിച്ചു. 'എന്തുവാടെ നീ ഇങ്ങനെ വടി വിഴുങ്ങിയ പോലെ ഇരിക്കുന്നത് ?' മഹേഷിന്റെ ശബ്ദം കേട്ട് ബൈജു തിരിഞ്ഞു നോക്കി. 'എന്തായി നിന്റെ കാര്യങ്ങളൊക്കെ ? വല്ലതും നടക്കുമോ ? ' മഹേഷ്‌ ചോദിച്ചു. 'ഇത്തവണ വീട്ടില്‍ പറയുകയാ .. എന്താവും എന്നാലോചിച്ചിട്ട് ഒരു പേടി അവന്‍ ഉള്ള കാര്യം പറഞ്ഞു. 'നീ പേടിക്കണ്ട ഡാ .. എല്ലാം നടക്കും. ഒന്നുമല്ലെങ്കിലും രണ്ടിലൊന്ന് അറിയാമല്ലോ. ' മഹേഷ്‌ പറഞ്ഞു. 'ഡേയ് അങ്ങനൊന്നും പറയാതെ. ഇത് നടക്കും എന്ന് പറ' അവന്‍ പറഞ്ഞു. അത് കേട്ട് മഹേഷ്‌ ചിരിച്ചു. 'അതൊക്കെ പോട്ടെ. നീ കുട്ടിക്ക് പേരിട്ടോ ? " മഹേഷിന്റെ പെട്ടെന്നുള്ള ചോദ്യം കേട്ട് ബൈജുവിന്റെ കണ്ണ് തള്ളി. 'ഡേയ്. അത് നിനക്കെങ്ങനെ അറിയാം ? " അവന്‍ ചോദിച്ചു. അതൊക്കെ എനിക്കറിയാം. ഞാന്‍ ആരാ മോന്‍ എന്നൊക്കെ ആദ്യം കുറച്ചു വാചകമടിച്ചെങ്കിലും ഒടുവില്‍ മഹേഷ്‌ ഉള്ള കാര്യം പറഞ്ഞു. 'ഡാ പൊട്ടാ. അന്ന് ഞാന്‍ വിളിച്ചപ്പോ ഫോണ്‍ കട്ട്‌ ചെയ്യുന്നതിന് പകരം നീ അറ്റന്‍ഡ് ബട്ടണ്‍ ആണ് ഞെക്കിയത്. നിന്റെ ഡയലോഗ് കുറച്ചു ഞാന്‍ കേട്ടു. അപ്പൊ എനിക്ക് മനസ്സിലായി നീ അറിയാതെ ഞെക്കിയതാവും.പണി പാളിയെന്ന്. 'അതുകൊണ്ട് ഞാന്‍ അപ്പൊ തന്നെ കട്ട്‌ ചെയ്തു. എന്തായാലും കൊച്ചിനിടുന്ന പേര് കൊള്ളാം. കൃഷ്ണനും രാധയും. ഒരുമാതിരി സന്തോഷ്‌ പണ്ടിറ്റിന്റെ പടം പോലുണ്ട്' അവന്‍ കളിയാക്കി ചിരിച്ചു. ബൈജു ആകെ നാണത്തില്‍ മുങ്ങി പുതപ്പു തല വഴിയെ വലിച്ചിട്ടു ഉറക്കം നടിച്ചു കിടന്നു.

ഒടുവില്‍ വെള്ളിയാഴ്ച വന്നു. ഇത്തവണ വീട്ടില്‍ നിന്ന് പെണ്ണ് കാണല്‍ ഒന്നും പറഞ്ഞിട്ടില്ല. അതുകൊണ്ട് ആ ഒരു ടെന്‍ഷന്‍ കുറവുണ്ട്. ചിന്നു പുലര്‍ച്ചെ തന്നെ സ്റെഷനില്‍ എത്തി. സത്യം പറഞ്ഞാല്‍ ടെന്‍ഷന്‍ കാരണം ട്രെയിന്‍ അല്പം പതുക്കെ പോയാലും സാരമില്ല എന്ന് വിചാരിച്ചിരിക്കുകയായിരുന്നു ചിന്നു. ഇന്ന് പറയാന്‍ പോകുന്ന കാര്യം അങ്ങനത്തെ ആണല്ലോ. എവിടുന്നു തുടങ്ങും, എങ്ങനെ മുഴുമിപ്പിക്കും എന്നൊന്നും അറിയില്ല. അച്ഛന്‍ കാത്തു നില്‍പ്പുണ്ട്. എന്ത് പറ്റി മോളെ. ഇന്ന് ട്രെയിന്‍ സമയത്ത് തന്നെ വന്നല്ലോ എന്ന് പറഞ്ഞിട്ട് അച്ഛന്‍ കാര്‍ എടുത്തു കൊണ്ട് വന്നു. അവള്‍ മുമ്പിലത്തെ സീറ്റില്‍ കയറി. അച്ഛന്‍ ചോദിച്ചതിനൊക്കെ യാന്ത്രികമായി മറുപടി പറഞ്ഞു. 'എന്താ മോളെ ? സുഖമില്ലേ ? ' എന്നൊക്കെ അച്ഛന്‍ ചോദിച്ചത് അവള്‍ കേട്ടില്ല. വീട്ടിലെത്തി. കുളിച്ചു ഡ്രസ്സ്‌ ഒക്കെ മാറി. ബ്രേക്ക്‌ ഫാസ്റ്റ് കഴിച്ചു. അച്ഛന്‍ പുറത്തേയ്ക്ക് പോകുമ്പോ അമ്മയോട് സാവകാശം പറയാം അവള്‍ തീരുമാനിച്ചു. ഉച്ച കഴിഞ്ഞപ്പോ അച്ഛന്‍ പുറത്തേക്കു പോയി. അവിടെ അടുത്തുള്ള ക്ലബ്ബിലേയ്ക്കാണ്. ഇനി സന്ധ്യ കഴിയും തിരികെ വരാന്‍. ചേച്ചി ചേട്ടന്റെ വീട്ടിലായത് കാരണം ചേച്ചിയെ പേടിക്കണ്ട. ഇന്ന് തന്നെയാണ് പറ്റിയ ദിവസം. അവള്‍ അമ്മയുടെ അടുത്തേക്ക് ചെന്ന്. അമ്മ കിച്ചണില്‍ എന്തോ പണിയിലാണ്. 'അതേയ് അമ്മേ.. ഒരു കാര്യം പറഞ്ഞാല്‍ അമ്മ പിണങ്ങുമോ ? ' അവള്‍ ചോദിച്ചു. 'എന്താ അത് ? ' അമ്മ തിരിഞ്ഞു നോക്കി. ബീന്‍സ് അരിഞ്ഞു കൊണ്ടിരുന്ന കത്തി അമ്മ താഴെ വച്ചു. 'പിണങ്ങില്ല എന്ന് പറഞ്ഞാലേ ഞാന്‍ പറയൂ' അവള്‍ പറഞ്ഞു. 'നീ കാര്യം പറയൂ. 'അമ്മയുടെ ക്ഷമ നശിച്ചു. 'എന്റെ ഒപ്പം വര്‍ക്ക്‌ ചെയ്യുന്ന ഒരു ബൈജു ഉണ്ട്. ബൈജുവിന് എന്നെ ഭയങ്കര ഇഷ്ടം. ' അവള്‍ തട്ടി മുട്ടി പറഞ്ഞു നിര്‍ത്തി. അത് കേട്ടു അമ്മ ചിരിച്ചു. 'കൊള്ളാം. നീ എവിടെ പോയാലും ആരെങ്കിലും ആരാധകര്‍ ഉണ്ടാവുമല്ലോ. ഇതേതാ ആള് ? അമ്മ ചോദിച്ചു. പണ്ട് ചിന്നു പ്ലസ്‌ ടൂവിനു പഠിക്കുമ്പോ ഒരു പയ്യന്‍ അവളുടെ പുറകെ നടന്നിരുന്നു. പി ജി ക്ക് പഠിക്കുമ്പോഴും അതേ. ചിന്നുവിന് തിരിച്ചു അവരോടു ഒരു അട്രാക്ഷനും തോന്നാത്തത് കൊണ്ട് അവള്‍ അതൊക്കെ അമ്മയോടും ചേച്ചിയോടും പറഞ്ഞിരുന്നു. അത് പോലെ ഒരെണ്ണം ആണ് ഇതെന്ന് വിചാരിച്ചാണ് അമ്മ ചിരിക്കുന്നത്. 'അമ്മേ. അത് പോലെയല്ല ഇത്. ബൈജു നല്ല കുട്ടിയാണ് ' അവള്‍ പറഞ്ഞു. അമ്മയുടെ മുഖത്തെ ചിരി പതിയെ മാഞ്ഞു. 'നല്ലതെന്ന് പറഞ്ഞാല്‍ ? എന്താ നിനക്കും അവനെ ഇഷ്ടമാണോ ? " അമ്മ ചോദിച്ചു. 'എന്ന് ചോദിച്ചാല്‍ ... അതേ എന്നാണു തോന്നുന്നത് അമ്മേ..' അവളും പറഞ്ഞു. കത്തിയും പാത്രവും മാറ്റി വയ്ച്ചിട്ടു അമ്മ ഒരു കസേര വലിച്ചിട്ടു അതില്‍ ഇരുന്നു. ഒന്നും മിണ്ടുന്നില്ല. ചിന്നുവും തല താഴ്ത്തി ഇരിക്കുകയാണ്. 'നീ എന്താ ഉദ്ദേശിക്കുന്നത് ? ' കാര്യം മനസ്സിലായെങ്കിലും അവിശ്വസനീയമായ എന്തോ ഒന്ന് കേട്ട പോലെ അമ്മ വീണ്ടും ചോദിച്ചു. 'എനിക്കും ഇഷ്ടമാണ് അമ്മേ. അത് നടത്തി തരുമോ ?" അവള്‍ ഒറ്റ ശ്വാസത്തില്‍ മുഴുമിപ്പിച്ചു. അമ്മയുടെ മുഖത്തെ ചോര വാര്‍ന്നു പോയി. മേശപ്പുറത്തിരുന്ന ഒരു ഗ്ലാസ്‌ വെള്ളം അമ്മ എടുത്തു കുടിച്ചു. ആ നിശബ്ദത കണ്ടു ചിന്നുവും തളര്‍ന്നു. അവള്‍ മുകളിലത്തെ മുറിയിലേയ്ക്ക് പോയി. കട്ടിലില്‍ പോയി കമഴ്ന്നു കിടന്നു. അവളുടെ കണ്ണ് രണ്ടും നിറഞ്ഞു തുളുമ്പി തലയിണയിലേക്ക് ഒഴുകി. താഴെ കാര്‍ വന്ന ശബ്ദം. ഡോര്‍ തുറക്കുന്നതും അച്ഛന്‍ അകത്തേയ്ക്ക് കയറിയതും അവള്‍ അറിഞ്ഞു. 'മോളെവിടെ? " എന്ന് അച്ഛന്‍ ചോദിക്കുന്നത് അവള്‍ കേട്ടു. അമ്മ എന്തോ മറുപടി പറഞ്ഞു. പിന്നെ കുറച്ചു നേരത്തേക്ക് താഴത്തെ ശബ്ദങ്ങള്‍ ഒക്കെ നിലച്ചു. അമ്മ പറഞ്ഞിട്ടുണ്ടാവും. അവള്‍ ഓര്‍ത്തു. പേടിപ്പിക്കുന്ന ഒരു നിശബ്ദത. താഴേയ്ക്ക് ഇറങ്ങി ചെല്ലാന്‍ അവള്‍ ആദ്യമായി ഭയന്നു.

ഇത് വരെയുള്ള ഭാഗങ്ങള്‍ ഇവിടെ

പത്തിലെത്തുമ്പൊ എട്ടിന്റെ പണി കിട്ടുമല്ലോ ചേട്ടാ

2012-03-03T19:21:00.000+05:30

ഇന്നലെ നമ്മുടെ ഒരു സുഹൃത്ത്‌ പറഞ്ഞ കഥ കേട്ടപ്പോഴാണ് ഈ ഓര്‍മ്മകള്‍ മനസ്സിലേക്ക് തികട്ടി വന്നത്. ഇപ്പോഴും ചിരിച്ചു കളിച്ചു നടക്കുന്ന പുള്ളിക്കാരി ഇന്നലെ ആകെ ഡൌണ്‍. എന്ത് പറ്റിയെന്നു ചോദിച്ചപ്പോഴല്ലെ കാര്യം പിടി കിട്ടിയത്. അവളുടെ മൂത്ത കുട്ടിയുടെ പരീക്ഷയാണത്രെ. എല്‍ കെ ജി യില്‍ പഠിക്കുന്ന കുട്ടിയാണ്. കൊച്ചു ക്ലാസ്സുകളില്‍ പഠിക്കുന്ന കുട്ടികളുടെ മാതാ പിതാക്കളുടെ കഥ നമ്മള്‍ ഒരുപാടു കേട്ടിട്ടുണ്ട്. പക്ഷെ എന്തുകൊണ്ടാണ് അവര്‍ ഇത്രയും ചിന്താകുലരാവുന്നത് എന്ന് ഇന്നലെയാണ് സത്യം പറഞ്ഞാല്‍ എനിക്ക് പിടി കിട്ടിയത്. പെണ്ണും പിടക്കോഴിയും ഒന്നുമില്ലാത്ത എനിക്ക് ഇതൊന്നും ഒരു പ്രശ്നമല്ല എന്നൊക്കെ കവിത പറഞ്ഞെങ്കിലും ഇതിന്റെയൊക്കെ യഥാര്‍ത്ഥ ചിത്രം പറഞ്ഞപ്പോഴാണ് സംഗതിയുടെ ഗൌരവം മനസ്സിലായത്‌. ഈ പറയാന്‍ പോകുന്നത് ബാംഗ്ലൂരിലെ കാര്യങ്ങളാണെങ്കിലും കൊച്ചിയിലും തിരുവനന്തപുരത്തും സ്ഥിതി വ്യത്യസ്തമല്ല എന്നാണു കേട്ടത്.

ഇപ്പോഴൊക്കെ കുട്ടി സംസാരിച്ചു തുടങ്ങിയാല്‍ ഉടന്‍ തന്നെ പ്ലേ സ്കൂളില്‍ വിടുമല്ലോ. ഒരു വിധം നല്ല പ്ലേ സ്കൂളില്‍ ഒക്കെ കുറഞ്ഞത്‌ നാല്‍പതിനായിരം വാര്‍ഷിക ഫീസ്‌ കൊടുക്കണം. ചാത്തന്‍ പ്ലേ സ്കൂളില്‍ ഒക്കെ ഒരു ഇരുപതിനായിരം - ഇരുപത്തയ്യായിരം വരെ കുറയും. ഇത് കൂടാതെ ഇവിടത്തെ സോഫ്റ്റ്‌വെയര്‍ പാര്‍ക്കുകളില്‍ മിക്കതും ക്രഷുകള്‍ ഉണ്ട്. അവിടെ പ്രീമിയം ചാര്‍ജ് ആണ്. കെ ജി ക്ലാസ്സില്‍ എത്തുമ്പോള്‍ ഈ ചാര്‍ജ് എഴുപത്തയ്യായിരം മുതല്‍ ഒരു ലക്ഷം വരെ ആകും. അതില്‍ ഒരു നാല്‍പതിനായിരം മുതല്‍ അമ്പതിനായിരം വരെ ഡൊണേഷന്‍ ആയിരിക്കും. അതായത് അവിടെ ചേര്‍ന്നതിനു ശേഷം നിങ്ങള്‍ സ്കൂള്‍ മാറിയാല്‍ ഇത് തിരികെ കിട്ടില്ല. ഇനി മുകളിലത്തെ ക്ലാസ്സുകളിലേക്ക് പോകുന്തോറും ഫീസും സംഭാവനയും മറ്റും അന്തം വിട്ട രീതിയിലാണ്. രണ്ടു മൂന്നു ലക്ഷം ഒക്കെ ഫീസ്‌ വാങ്ങുന്ന സ്കൂളുകള്‍ ഇവിടെ കുറേയുണ്ട്. സ്വിമ്മിംഗ് പൂള്‍, പ്ലേ ഗ്രൌണ്ട് , എന്ന് തുടങ്ങി കുതിര സവാരി വരെ പഠിപ്പിക്കുന്ന സ്കൂളുകള്‍ ഉണ്ട്. എങ്ങനെയെങ്കിലും കടം വാങ്ങി കുട്ടിയെ അവിടെ ചേര്‍ത്ത് എന്ന് വയ്ക്കുക. ആനയെ വാങ്ങിയവന്റെ ഗതിയാവും. കാരണം കുട്ടിയുടെ ജീവിത രീതി എങ്ങനെയായിരിക്കണം , എന്ത് വസ്ത്രം ധരിക്കണം, എന്ത് ഭക്ഷണം കഴിക്കണം എന്നൊക്കെ മാതാ പിതാക്കളെ സ്കൂള്‍ ഉപദേശിക്കും. എന്തിനു , സ്കൂളില്‍ വരുമ്പോള്‍ സെഡാന്‍ കാറില്‍ മാത്രമേ വരാവൂ, ഇംഗ്ലീഷ് മാത്രമേ സംസാരിക്കാവൂ എന്നൊക്കെ കര്‍ശന നിര്‍ദേശങ്ങള്‍ കൊടുക്കുന്ന സ്കൂളുകളും ഉണ്ട്. അവിടത്തെ യൂണിഫോമിനു തന്നെ നല്ലൊരു തുക ചെലവാക്കേണ്ടി വരും. അമ്മയുടെയും അച്ഛന്റെയും ബാക്ക് ഗ്രൌണ്ട് ചെക്കിങ്ങും ഇന്റര്‍വ്യൂവും ഒക്കെ നടത്തുന്ന സ്കൂളുകള്‍ ധാരാളം. CBSE യും ICSE യും തുടങ്ങിയ വേര്‍തിരിവുകള്‍ വേറെ. ICSE സിലബസ് പഠിക്കുന്ന ഒരു കുട്ടിയുടെ പഠന ഭാരം എത്രയാണെന്ന് കണ്ടു തന്നെ മനസ്സിലാക്കേണ്ടതാണ്. ഒരുവിധം വിദ്യാഭ്യാസമുള്ള അച്ഛനും അമ്മയ്ക്കും പോലും സഹായിച്ചു കൊടുക്കാന്‍ പറ്റാത്തത്ര കഠിനമായ വിഷയങ്ങള്‍ ആണ് പിള്ളേര്‍ പഠിക്കുന്നത് .

എന്നാല്‍ ഇക്കാലത്ത് ഇതൊക്കെ അവഗണിക്കാനും നിങ്ങള്‍ക്ക് ധൈര്യമുണ്ടാവില്ല. എന്റെ അമ്മാവന്‍ പറയുമായിരുന്നു ഇങ്ങനത്തെ സ്കൂളില്‍ പഠിച്ചിട്ടൊന്നുമല്ല ഞാന്‍ എഞ്ചിനീയര്‍ അയതെന്നൊക്കെ. പക്ഷെ അദ്ദേഹത്തിന്റെ മക്കളെ അവിടത്തെ ഏറ്റവും നല്ല സ്കൂളില്‍ ആണ് പഠിപ്പിക്കുന്നത്‌. അമ്മാവന്റെ കുറ്റം പറഞ്ഞിട്ട് കാര്യമില്ല. ഇപ്പോഴത്തെ മത്സരം നിറഞ്ഞ ലോകത്ത് പിടിച്ചു നില്‍ക്കണമെങ്കില്‍ അത്യാവശ്യം മരുന്ന് ഉണ്ടായാലേ പറ്റൂ. അതുകൊണ്ട് ഒരു റിസ്ക്‌ എടുക്കാന്‍ ആരും തയ്യാറാവില്ല. വിദ്യാഭ്യാസത്തിന്റെ ലക്ഷ്യം തന്നെ വേറെയാണ് ഇപ്പൊ. നിങ്ങളുടെ കുട്ടിയുടെ കാര്യം വരുമ്പോള്‍ നിങ്ങളും ഇതൊക്കെ ഓര്‍ക്കുമായിരിക്കും അല്ലേ ?

വാല്‍ക്കഷണം :

അമേരിക്കയില്‍ ഉള്ള എന്റെ ഒരു സുഹൃത്ത്‌ ഉണ്ട്. അവനും ഞാനും നാട്ടിലെ സര്‍ക്കാര്‍ സ്കൂളില്‍ ഒരു ബെഞ്ചില്‍ ഇരുന്നാണ് പഠിച്ചത്. ഉച്ചക്കുള്ള ഇടവേളയില്‍ പുറത്തു പോയി ചെറിയ പെട്ടിക്കടയിലെ മാങ്ങയും നെല്ലിക്കയും ഒക്കെ മുറിച്ചിട്ട ഉപ്പ് വെള്ളവും കുടിച്ചു, കബടിയും കളിച്ചു ആഘോഷിച്ചു നടന്ന ഒരു ബാല്യകാലമായിരുന്നു നമ്മുടേത്‌. അതുപോലൊരു അനുഭവം തന്റെ കുട്ടിക്കും കൊടുക്കണം എന്ന് ആഗ്രഹമുണ്ടായിരുന്ന അവന്‍ നാട്ടിലേക്ക് വരാന്‍ പ്ലാന്‍ ഇട്ടു. അത് പറഞ്ഞത് കേട്ടിട്ട് അവന്റെ ഭാര്യ അവനെ തല്ലി കൊന്നില്ല എന്നേയുള്ളൂ. പുള്ളിക്കാരി റെഡ് കാര്‍ഡ്‌ കാണിച്ചത് കാരണം അവന്‍ ഇപ്പൊ ഗ്രീന്‍ കാര്‍ഡിന് ശ്രമിച്ചു കൊണ്ടിരിക്കുകയാണ് :)

ഡേറ്റാ സെന്റര്‍ ആര് നടത്തിയാലും നമുക്കെന്ത് ?

2012-02-23T22:08:00.000+05:30

കഴിഞ്ഞ സര്‍ക്കാരിന്റെ കാലത്ത് സര്‍ക്കാരിന്റെ ഡേറ്റാ സെന്റര്‍ നടത്തിപ്പ് റിലയന്‍സിനു കൈമാറിയതിനെ പറ്റി സി ബി ഐ അന്വേഷിക്കും എന്ന് ഇന്ന് വാര്‍ത്ത വന്നല്ലോ. അച്യുതാനന്ദന്‍ പതിവ് പോലെ ഇതിനെ സ്വാഗതം ചെയ്യുകയും തന്റെ ഭരണത്തിനും മുമ്പ് കോണ്‍ഗ്രസ്‌ ഒരിക്കല്‍ ഇത് ടാറ്റയെ ഏല്‍പ്പിച്ചതും അന്വേഷിക്കണം എന്നൊക്കെ പറഞ്ഞു ഇതിനെ സ്വാഗതം ചെയ്തിട്ടുണ്ട്. ചുരുക്കി പറഞ്ഞാല്‍ ഇത് വെറുമൊരു രാഷ്ട്രീയ പ്രശ്നമായി മാറിയിരിക്കുന്നു. എന്താണ് ഈ സംഭവത്തിന്റെ ഗൌരവം എന്ന് മനസ്സിലാക്കാതെ പല സഖാക്കളും അഭിപ്രായങ്ങള്‍ തട്ടി മൂളിച്ചു കൊണ്ടിരിക്കുമ്പോള്‍ ഡേറ്റാ സെന്റര്‍ എന്ന് വച്ചാല്‍ സത്യത്തില്‍ എന്താണെന്ന് മനസ്സിലാക്കുന്നത് നന്നായിരിക്കും.

എന്താണ് ഡേറ്റാ സെന്റര്‍ ?

ഡേറ്റാ സെന്റര്‍ എന്ന് പറയുന്നത് ഒരു സോഫ്റ്റ്‌വെയര്‍ സിസ്ടെത്തിന്റെ ഹൃദയമാണ്. അതായതു നിങ്ങള്‍ ഒരു ഓഫീസ് സങ്കല്‍പ്പിക്കുക. അവിടെ നടക്കുന്ന വ്യവഹാരങ്ങളുടെ രേഖകള്‍ ആണ് അവിടത്തെ ഫയലുകളില്‍ ഉള്ളത്. എന്ത് സംഭവത്തിന്റെ ചരിത്രം നോക്കണമെങ്കിലും ഈ രേഖകള്‍ ആണ് ആധാരം. അപ്പോള്‍ അതീവ ശ്രദ്ധയോടെ സൂക്ഷിച്ചു വയ്ക്കേണ്ട വിലപ്പെട്ട ഒരു വസ്തുവാണ് ഇത്. അത് പോലെ തന്നെയാണ് ഇവിടെയും. നിങ്ങള്‍ക്കറിയാം ഇപ്പോള്‍ പല സര്‍ക്കാര്‍ ഡിപ്പാര്‍ട്ടുമെന്റുകളും കമ്പ്യൂട്ടര്‍ വല്‍ക്കരിക്കുകയാണല്ലോ. അതായത് കേരളത്തിലെ ഇതു ജില്ലയിലെ, ഏതു താലൂക്കിലെയും പഞ്ചായത്തിലെയും വാര്‍ഡിലെയും വിവരങ്ങള്‍ ഒരു വിരല്‍ തുമ്പില്‍ എത്തിക്കുക എന്നതാണ് ഇതിന്റെയൊക്കെ ഉദ്ദേശം. എന്നാല്‍ ഇങ്ങനെ പലരും അയക്കുന്ന വിവരങ്ങള്‍ ഒടുവില്‍ എവിടെയാണ് പോയി ഇരിക്കുന്നതെന്നറിയാമോ ? ഇതെല്ലാം ശേഖരിക്കപ്പെടുന്നത്‌ ഒരു സെന്‍ട്രല്‍ സെര്‍വര്‍ എന്ന് വിളിക്കപ്പെടുന്ന ശക്തിയും മെമ്മറിയും കൂടിയ ഒരു കമ്പ്യൂട്ടറില്‍ ആണ്. അതായതു കേരളത്തിലെ മുഴുവന്‍ വിവരങ്ങളും ശേഖരിച്ചിരിക്കുന്ന ഒരേ ഒരു സ്ഥലം. ബാക്കിയുള്ള എല്ലാ കമ്പ്യൂട്ടറുകളും ഇതില്‍ നിന്നാണ് വിവരം എടുക്കുന്നതും ശേഖരിച്ചു വയ്ക്കുന്നതും. ഇത്തരത്തിലുള്ള ഒന്നില്‍ കൂടുതല്‍ ഡേറ്റാ സെര്‍വറുകള്‍ വച്ചിരിക്കുന്ന ഒരു കേന്ദ്രത്തെ ആണ് ഡേറ്റാ സെന്റര്‍ എന്ന് വിളിക്കുന്നത്‌ എന്ന് ലളിതമായി പറയാം. ഒറാക്കിള്‍, മൈക്രോസോഫ്ട്‌ എസ് ക്യൂ എല്‍ സെര്‍വര്‍, മൈ എസ് ക്യു എല്‍ മുതലായ ഏതെങ്കിലും സോഫ്റ്റ്‌വെയര്‍ ഉപയോഗിച്ചാവും സാധാരണ ഈ ഡേറ്റാ മാനേജ് ചെയ്യുന്നത്. ഏതു കമ്പനി ആയാലും അവരുടെ ഡേറ്റാ സെന്ററുകള്‍ വളരെ സുരക്ഷിതമായി ആണ് സൂക്ഷിക്കുന്നത്. ഇരുപത്തി നാല് മണിക്കൂറും കാവലുള്ള, അത്യന്താധുനിക നിരീക്ഷണ സംവിധാനങ്ങള്‍ ഉള്ള കെട്ടിടങ്ങളില്‍ ആണ് ഇവ പ്രവര്‍ത്തിക്കുന്നത്. വെള്ളപ്പൊക്കം, തീ പിടിത്തം മുതലായവ നേരിടാനുള്ള സംവിധാനങ്ങള്‍, ഇരുപത്തി നാല് മണിക്കൂറും തടസ്സമില്ലാത്ത വൈദ്യുത സംവിധാനം , രണ്ടില്‍ കൂടുതല്‍ തട്ടുകള്‍ ഉള്ള access management തുടങ്ങി പൊന്നു പോലെ സൂക്ഷിക്കപ്പെടുന്ന സംവിധാനമാണ് ഡേറ്റാ സെന്റര്‍. മിക്ക അന്താരാഷ്‌ട്ര കമ്പനികളും അവരുടെ ഡേറ്റാ സെന്റര്‍ സ്ഥാപിച്ചിരിക്കുന്നത് ഹൂസ്ടന്‍ , ഫ്ലോറിഡ മുതലായ അമേരിക്കന്‍ നഗരങ്ങളില്‍ ആണ്. ഞാന്‍ ജോലി ചെയ്തിരുന്ന ഒരു കമ്പനി ഒരിക്കല്‍ ഇന്ത്യയിലെ അവരുടെ ആദ്യ ഡേറ്റാ സെന്റര്‍ തുടങ്ങാന്‍ തീരുമാനിച്ചു. ഒരു വര്‍ഷത്തോളം നീണ്ട തയ്യാറെടുപ്പുകള്‍ക്ക് ശേഷം അവര്‍ അതില്‍ നിന്ന് പിന്മാറി. ഡേറ്റാബേസ് മാനേജ്‌മന്റ്‌ ടീമില്‍ ഉണ്ടായിരുന്നത് കൊണ്ട് ഞാന്‍ അവിടെ പരിചയമുള്ള ഒരാളോട് അതിന്റെ കാരണം അന്വേഷിച്ചു. അദ്ദേഹം ഒരു അമേരിക്കന്‍ ആയിരുന്നു. പുള്ളി പറഞ്ഞത് പല കാരണങ്ങള്‍ കൊണ്ടാണ് ഇന്ത്യയില്‍ ഇത് വേണ്ട എന്ന് തീരുമാനിച്ചതത്രെ. അതായതു ഇന്ത്യയിലെ സ്ഥിരതയില്ലാത്ത വൈദ്യുത സംവിധാനങ്ങള്‍, കലാപങ്ങളും പൊടുന്നനെയുള്ള ബന്ദുകളും രാഷ്ട്രീയ കലാപങ്ങളും മറ്റും കൊണ്ട് അരക്ഷിതമായ അന്തരീക്ഷം , നൂറു ശതമാനം കൃത്യത പ്രതീക്ഷിക്കാന്‍ പറ്റാത്ത ഇന്റര്‍നെറ്റ്‌, എന്നിങ്ങനെ ഒട്ടനവധി കാരണങ്ങള്‍ അദ്ദേഹം നിരത്തി. ഞാന്‍ കുറെയൊക്കെ തര്‍ക്കിച്ചു നില്‍ക്കാന്‍ നോക്കിയെങ്കിലും ഒടുവില്‍ അടിയറവു പറയേണ്ടി വന്നു. പുള്ളി പറഞ്ഞത് ഇതാണ്. മകനെ. നമ്മള്‍ ഒട്ടനവധി കമ്പനികളുടെ ഡേറ്റാ ആണ് സൂക്ഷിക്കുന്നത്. അതായത് അവരുടെ ബിസിനെസ്സ് മുഴുവനായി തന്നെ എന്ന് വേണമെങ്കില്‍ പറയാം. അപ്പോള്‍ അതിന്റെ സുരക്ഷിതത്വം ഉറപ്പു വരുത്തേണ്ടത് നമ്മുടെ കടമയാണ്. നിങ്ങള്‍ക്ക് ഉറപ്പുണ്ടോ അത് അവിടെ സാധ്യമാണെന്ന് ? എന്നിങ്ങനെ ആയിരുന്നു അദ്ദേഹത്തിന്റെ ചോദ്യങ്ങള്‍.

എന്തുകൊണ്ട് ഇത്രയും പ്രാധാന്യം ?

നിങ്ങള്‍ക്ക് ഒരു ബാങ്കില്‍ അക്കൗണ്ട്‌ ഉണ്ടെന്നു വയ്ക്കുക . നിങ്ങളുടെ ബാങ്ക് ബാലന്‍സ് , മറ്റു പണമിടപാടുകള്‍ മുതലായവ ബാങ്കിന്റെ സെര്‍വറില്‍ ആണ് സൂക്ഷിക്കപ്പെടുന്നത്. ഈ സെര്‍വര്‍ ഉപയോഗിക്കാന്‍ ആ സെര്‍വര്‍ മാനേജ് ചെയ്യുന്നവര്‍ക്കോ അതിലേക്കു ലോഗിന്‍ ചെയ്യാന്‍ അധികാരമുള്ളവര്‍ക്കോ സാധിക്കും. അതായത് നിങ്ങളുടെ സ്വകാര്യ വിവരങ്ങള്‍ നിങ്ങള്‍ ഒരാള്‍ മാത്രമല്ല കാണുന്നതെന്ന് ചുരുക്കം. സര്‍ക്കാരിന്റെ ഒരു ഡേറ്റാ സെന്ററില്‍ സ്വാഭാവികമായും സൂക്ഷിക്കാനിടയുള്ള വിവരങ്ങള്‍ എന്തൊക്കെയാവാം എന്ന് നിങ്ങള്‍ക്ക് ഊഹിക്കാവുന്നതേയുള്ളൂ. ജാതി / മതം തിരിച്ചുള്ള ജനസംഖ്യ വിവരങ്ങള്‍, സാമ്പത്തിക അടിസ്ഥാനത്തിലുള്ള പട്ടികകള്‍ , നികുതി അടയ്ക്കുന്നവരുടെ വിവരങ്ങള്‍, സ്വത്തു വിവരങ്ങള്‍, എന്നിങ്ങനെ വളരെയധികം സെന്‍സിറ്റീവ് ആയ, തൊട്ടാല്‍ പൊട്ടുന്ന വിവരങ്ങള്‍ ആണ് ഇവിടെ വന്നു ചേരുന്നത്. അതിന്റെ സൂക്ഷിപ്പധികാരം ഒരു സ്വകാര്യ കമ്പനിയെ ഏല്‍പ്പിച്ചാല്‍ എന്ത് സംഭവിക്കാം എന്ന് ഇന്ത്യയില്‍ ഇത് വരെ സംഭവിച്ചിട്ടുള്ള ചരിത്രം അറിയാവുന്ന ഏതൊരാള്‍ക്കും മനസ്സിലാവും. സര്‍ക്കാരിന്റെ രഹസ്യ വിവരങ്ങള്‍ വരെ ചോരുന്ന നമ്മുടെ ഭാരതത്തില്‍ ഇത്തരം സ്ഥിതി വിവര കണക്കുകള്‍ അപകടകരമായ കൈകളില്‍ എത്തിച്ചേര്‍ന്നാല്‍ എന്ത് സംഭവിക്കാം ? ദുഖകരമായ ഒരു സംഗതി എന്താണെന്ന് വച്ചാല്‍ വിവര സുരക്ഷയെ പറ്റിയല്ല ഇപ്പോഴത്തെ ചര്‍ച്ച എന്നതാണ്. ടി സി എസ്സിനും എച് സി എല്ലിനും റിലയന്‍സിനും തമ്മില്‍ നടന്ന ടെണ്ടര്‍ ലേലത്തിനെ പറ്റിയാണ് ഇപ്പോഴത്തെ ചര്‍ച്ച. കേന്ദ്ര സര്‍ക്കാരിന്റെ ആധാര്‍ പദ്ധതി ജനങ്ങളുടെ വിവര ശേഖരണം നടത്തി അതുപയോഗിച്ചു അവരെ ചാപ്പ കുത്താന്‍ ഉദ്ദേശിച്ചുള്ളതാണെന്ന് അക്രോശിച്ച വി എസ് അച്യുതാനന്ദനോ അതിവേഗം ബഹുദൂരം യാത്ര ചെയ്യുന്ന ഉമ്മന്‍ ചാണ്ടിയോ ഇവിടത്തെ പ്രകടമായ സുരക്ഷ പാളിച്ചയെ പറ്റി മിണ്ടുന്നില്ല.

നമ്മുടെ സ്ഥാപനങ്ങള്‍ എന്ത് ചെയ്യുന്നു ?

പാവം പൌരന്റെ നികുതി പണം ഉപയോഗിച്ച് സര്‍ക്കാര്‍ സ്ഥാപിച്ച ഒരുപാട് സാങ്കേതിക സ്ഥാപനങ്ങള്‍ ഇവിടെയുണ്ട്. നാഷണല്‍ ഇന്‍ഫര്‍മാറ്റിക്സ് സെന്റര്‍ , സി ഡാക് തുടങ്ങി അനവധി സ്ഥാപനങ്ങള്‍. ഒരു ഡേറ്റാ സെന്റര്‍ മര്യാദയ്ക്ക് നടത്താനുള്ള അറിവ് ഇവന്മാര്‍ക്കൊന്നുമില്ലെങ്കില്‍ പിന്നെ എന്ത് കോക്കനട്ട് ആണ് ഇവരൊക്കെ ചെയ്തുകൊണ്ടിരിക്കുന്നത് ? എന്തുകൊണ്ട് നമുക്ക് എല്ലാത്തിനും സ്വകാര്യ കമ്പനികളെ ആശ്രയിക്കേണ്ടി വരുന്നു ? എവിടെയാണ് ലൂപ് ഹോള്‍ ? എന്നിങ്ങനെ ചില സംശയങ്ങള്‍ എനിക്കുണ്ട്. എവിടെ നിന്നെങ്കിലും ഉത്തരം കിട്ടുമോ ആവോ

വാല്‍ക്കഷണം .. സുരക്ഷയെക്കുറിച്ച് -

അല്ലെങ്കിലും വിവര സുരക്ഷ എന്നത് ഇന്ത്യയില്‍ ഒരു വന്‍ തമാശ മാത്രമാണ്. ഇന്ത്യയ്ക്ക് പുറത്തുള്ള ഒട്ടനവധി രാജ്യങ്ങളുടെ ഡേറ്റ പ്രോസസ്സിംഗ് നടക്കുന്ന ഒരു സ്ഥലമാണ് ബാന്‍ഗ്ലൂര്‍. വൈറ്റ് ഹൌസിലെ ചില ഓഫീസുകളുടെ ബാക്ക് ഓഫീസ് ജോലികള്‍ ചെയ്യുന്നത് ഇവിടെയാണ്‌. കൂടാതെ സിറ്റി ബാങ്ക്, ഡോയിഷ് ബാങ്ക് , തുടങ്ങി ലോകത്തെ ഒന്നാം നിര ബാങ്കുകളുടെ ജോലികളും ഇവിടെ നടക്കുന്നു. ഇവരുടെയൊക്കെ ഇവിടത്തെ ഓഫീസുകളിലെ സുരക്ഷാ സംവിധാനങ്ങള്‍ ഒക്കെ നിങ്ങള്‍ ഒരിക്കല്‍ കണ്ടു നോക്കണം. ഭൂമിയുടെ മറുവശത്തിരുന്ന് ഇവിടത്തെ സംവിധാനങ്ങള്‍ നിയന്ത്രിക്കാനുള്ള സാങ്കേതിക വിദ്യ ഇപ്പോള്‍ ലഭ്യമാണ്. ഇവിടെയുള്ള ഓഫ്‌ ഷോര്‍ കേന്ദ്രങ്ങളില്‍ ഇരുപത്തി നാല് മണിക്കൂറും കാവലും , സി സി ടി വി സംവിധാനവും എല്ലാം ഉണ്ട്. കഴിഞ്ഞ പത്തു വര്‍ഷത്തെ വരെ background checking കഴിഞ്ഞിട്ടാണ് ഓരോ ജീവനക്കാരനും പ്രോജക്ടില്‍ പ്രവേശിക്കുന്നത്. ഓഫീസില്‍ ഒരു വാതിലില്‍ ഒരു സമയം ഒരാള്‍ക്ക്‌ മാത്രമേ തന്റെ കാര്‍ഡ്‌ ഉപയോഗിച്ച് കയറാന്‍ പറ്റൂ. ഒരാള്‍ കാര്‍ഡ്‌ swipe ചെയ്തതിനു ശേഷം അയാളുടെ വാലില്‍ തൂങ്ങി വേറൊരാള്‍ കയറുന്നത് തടയാന്‍ Turn Style മിക്കയിടത്തും സ്ഥാപിച്ചിട്ടുണ്ട്.

ക്യാമറ ഉള്ള മൊബൈല്‍ ഫോണുകള്‍, മെമ്മറി ഉപകരണങ്ങള്‍, ക്യാമറ തുടങ്ങി ഒരുവിധമുള്ള ഒരു സാധനവും അകത്തു കൊണ്ട് പോകാന്‍ പറ്റില്ല. എന്തിനേറെ പറയുന്നു. ഒരിക്കല്‍ ഒരു ബിസ്ലേരി ബോട്ടില്‍ അകത്തേക്ക് കൊണ്ട് പോയ എന്നെ തടഞ്ഞു നിര്‍ത്തി അതിന്റെ ലേബല്‍ ഇളക്കി മാറ്റിയിട്ടാണ് സെക്യൂരിറ്റി അകത്തേയ്ക്ക് വിട്ടത്. അത്രയ്ക്ക് പ്രാധാന്യമാണ് ഡേറ്റായ്ക്ക് ഉള്ളത്. നമ്മുടെ ഇവിടത്തെ വിഷയം വിവര സുരക്ഷയാണ്.. അല്ലാതെ ടെണ്ടറിലെ വില വ്യത്യാസമല്ല.

ജെയിംസ്‌ ബോണ്ടന്റെ ഒരു ദിവസം .. കഷ്ട കാലം വരുമ്പോള്‍

2012-02-21T09:06:00.001+05:30

പത്തു മണിയായല്ലോ കര്‍ത്താവേ .. ഒന്‍പതു മണിക്ക് ഓഫീസില്‍ കയറിയില്ലെങ്കില്‍ ആബ്സന്റ് മാര്‍ക്ക്‌ ചെയ്യുമെന്നാണ് മാഡം ക്യൂ പറഞ്ഞിരിക്കുന്നത്. അവരെ ക്യൂ എന്നല്ല വിളിക്കേണ്ടത് .. എട്ടു മണിയുടെ ബസ്‌ മിസ്സായാല്‍ എട്ടിന്റെ പണി കിട്ടും. ഒരു വിധത്തില്‍ ഒന്‍പതിന് തന്നെ എത്തിപ്പറ്റി. ബോണ്ട്‌ ഇന്‍ എന്ന ബോര്‍ഡ്‌ ഓണ്‍ ചെയ്തിട്ട് മുറിയില്‍ കയറി ഇരുന്നു. ഇന്ന് എന്തെങ്കിലും പണി കാണുമോ എന്തോ. സാമ്പത്തിക മാന്ദ്യം തുടങ്ങിയേ പിന്നെ മുകളിലുള്ളവരുടെ ഓര്‍ഡര്‍ ഇല്ലാതെ ഒരു പ്രശ്നത്തിലും കയറി ഇടപെടരുതെന്ന് പറഞ്ഞിട്ടുണ്ട്. കാശ് കിട്ടുന്ന പണി ചെയ്‌താല്‍ മതി പോലും. ഇങ്ങനെ പോയാല്‍ വെറുതെയിരുന്നു വെറുതെയിരുന്നു ഇത്രയും കാലം കൊണ്ട് ഉണ്ടാക്കിയ സകല പേരും കളയുമെന്നാ തോന്നുന്നത്. മെയില്‍ തുറന്നു നോക്കട്ടെ. ഓഹോ. ഇന്നും കൊക്ക കോള ലോട്ടറി അടിച്ചിട്ടുണ്ട്. ഇവന്മാര്‍ക്ക് ഇത് നിര്‍ത്താറായില്ലേ ? ഒരിക്കല്‍ ഇതിനു മറുപടി അയച്ചു പി എഫില്‍ നിന്ന് ലോണ്‍ എടുത്തു വച്ചിരുന്ന മൂന്നു ലക്ഷം പോയിക്കിട്ടിയതാ. അതിനു ശേഷം ഇത് കണ്ടാലേ പേടിയാണ്. സാക്ഷാല്‍ ബോണ്ടിനെ പറ്റിച്ചതില്‍ സന്തോഷം എന്നൊക്കെ പറഞ്ഞിട്ട് അവന്മാരുടെ സംഘത്തിന്റെ മെയിലും അന്ന് വന്നിരുന്നു. കാശ് പോയതിനേക്കാള്‍ വിഷമമായത് അവന്മാര്‍ക്ക് ആളിനെ പിടികിട്ടിയല്ലോ എന്നോര്‍ത്തപ്പോഴാണ്. ആളെ തിരിച്ചറിയാതിരിക്കാന്‍ വേണ്ടി മുഖത്ത് രണ്ടു ഉണ്ണിയും ഒട്ടിച്ചു വച്ച് താടി ഒക്കെ വച്ചാണ് പോയത്. എന്നിട്ടും ശവികള്‍ കണ്ടുപിടിച്ചു കളഞ്ഞു. എന്തായാലും അത് പോട്ടെ. ആ തട്ടിപ്പില്‍ തല വച്ച് എന്നെങ്ങാനും ഇവിടെ അറിഞ്ഞാല്‍ ഇവിടത്തെ പണി പോകും. കഴിഞ്ഞ തവണ അന്വേഷണത്തിന് പോയപ്പോ റോഡ്‌ സൈഡില്‍ നിന്ന ഒരുത്തിയെ വളയ്ക്കാന്‍ ശ്രമിച്ചിട്ട് ഒടുവില്‍ അവള്‍ പേഴ്സ് അടിച്ചു കൊണ്ട് പോയപ്പോ എന്റെ ഇന്‍ക്രിമെന്റ് കട്ട്‌ ചെയ്ത ചെറ്റകളാണ് ഇവിടെ ഇരിക്കുന്നത്.

ഇനിയുള്ള കാലം പിടിച്ചു നില്‍ക്കുന്നത് അത്ര എളുപ്പമല്ല എന്നാ തോന്നുന്നത്. മുമ്പൊക്കെ കേസ് തെളിയിക്കാന്‍ വേണ്ടി ഓടിച്ചു നടക്കാന്‍ ഓസ്ടിന്‍ മാര്‍ട്ടിനും ബി എം ഡബ്ല്യുവും ഒക്കെ കിട്ടിയിരുന്നിടത്ത് ഇപ്പൊ ചെലവു ചുരുക്കലിന്റെ പേരും പറഞ്ഞു ഇന്ത്യയില്‍ നിന്നോ മറ്റോ ഇറക്കുമതി ചെയ്യുന്ന അംബാസ്സഡര്‍ കാര്‍ എടുത്തോളാനാണ് പറയുന്നത്. അതവിടെ ഇന്ത്യാക്കാര്‍ക്ക് പോലും വേണ്ടാഞ്ഞിട്ടു കയറ്റി അയക്കുന്നതാണത്രെ. ചിലപ്പോ ശരിയായിരിക്കും. കഴിഞ്ഞാഴ്ച ടി വിയില്‍ സി ഐ ഡി മൂസ എന്നൊരുത്തന്‍ ഇതിനെക്കാള്‍ ബെസ്റ്റ് കാറില്‍ വിലസി നടക്കുന്നത് കണ്ടല്ലോ. വേറൊരു പ്രശ്നം എന്താന്നു വച്ചാല്‍ ഇവന്മാരുടെ ലാബ്‌ അടച്ചു പൂട്ടിയതാണ്. പണ്ടൊക്കെ വാച്ചിലും, സോക്സിലും എന്തിനു അണ്ടര്‍ വെയറില്‍ വരെ ബോംബും റോക്കറ്റും ഒക്കെ പിടിപ്പിച്ചു തരാന്‍ ആളുണ്ടായിരുന്നു. ഇനി എല്ലാം കൈവിട്ട കളിയാണ്. കഴിഞ്ഞ തവണ ഒരു ഓപെറേഷന് പോയപ്പോള്‍ കയ്യിലിരുന്ന മുട്ടന്‍ സ്പൈ ക്യാമറ കണ്ടിട്ട് സഹതാപം തോന്നി ഒരു ഗുണ്ട സ്വന്തം ഷര്‍ട്ടിന്റെ ബട്ടണില്‍ ഒളിച്ചു വച്ചിരുന്ന ഒരു ക്യാമറ അഴിച്ചു തന്നു. എന്നിട്ട് അവന്‍ കരഞ്ഞ കരച്ചില്‍. ഹോ. ഓര്‍ത്താല്‍ നമുക്കും കരച്ചില്‍ വരും. ഒടുവില്‍ അവനെ വെടി വയ്ക്കാതെ വെറുതെ വിട്ടു. ഒന്നുമല്ലെങ്കിലും ഇവിടെയിരിക്കുന്നവരെക്കാള്‍ മനസാക്ഷി ഉണ്ട് അവന്.

പണ്ടൊക്കെ പെണ്ണുങ്ങളെ കിട്ടാനും ഒരു വിഷമവുമില്ലായിരുന്നു. ബോണ്ട്‌ ഇപ്പൊ പാപ്പര്‍ ആണെന്ന് അവളുമാര്‍ക്കും മനസ്സിലായി. മുമ്പൊക്കെ അവളുമാരുടെ മുന്നില്‍ കൂടി മസിലും പെരുപ്പിച്ചു നടന്നാല്‍ തന്നെ ആരെങ്കിലും വീഴുമായിരുന്നു. പക്ഷെ ഇപ്പൊ അതല്ല സ്ഥിതി. ആറു മാസം മുമ്പ് നടന്ന കാര്യം ഓര്‍ത്താല്‍ തന്നെ തൊലിയുരിയുന്ന പോലെ തോന്നും. ഒരുത്തിയെ രാത്രി റൂമിലേക്ക്‌ പോകാം എന്ന് പറഞ്ഞു വിളിച്ചപ്പോ അവള്‍ പറയുകയാണ്‌. അവിടെ ചെന്നിട്ടു മാര്‍ട്ടിനി വേണം , കലക്കരുത്, ഇളക്കരുത് എന്നൊക്കെ പറഞ്ഞാല്‍ അതിന്റെ പൈസ താന്‍ തന്നെ കൊടുത്തോണം. എന്റെ കയ്യില്‍ പൈസ ഇല്ലെന്നൊക്കെ. ഒന്നോര്‍ത്താല്‍ അവള്‍ പറഞ്ഞതും ശരിയാണ്. മാര്‍ട്ടിനിയും വോഡ്കയും പോയിട്ട് ഒരു പെഗ് ഓ പി ആറോ ഓ സി ആറോ കണ്ട കാലം മറന്നു. സത്യം പറഞ്ഞാല്‍ അന്ന് അവളെ മണിയടിച്ചു ഒരെണ്ണം ഒപ്പിക്കാം എന്ന് വിചാരിച്ചതാ. അല്ലെങ്കിലും കണ്ടക ശനി കൊണ്ടേ പോകൂ. നമ്മുടെ ദാരിദ്ര്യം എല്ലാവരും അറിഞ്ഞു. എന്നിട്ട് അന്ന് ആ തള്ള പറയുന്ന കേട്ടു ബോണ്ടിന്റെ പിക്ക് അപ്പ്‌ ഒക്കെ പോയി, ഇപ്പൊ പെണ്ണുങ്ങളെ വളച്ചു കേസിന് തുമ്പുണ്ടാക്കാന്‍ ഒന്നും അങ്ങേര്‍ക്കു കഴിവില്ല എന്നൊക്കെ. അവര്‍ മിക്കവാറും എന്നെകൊണ്ട്‌ തള്ളയ്ക്കു വിളിപ്പിക്കും എന്നാ തോന്നുന്നത്. ഇങ്ങനെ മാന്യനായി ജീവിചിറ്റൊന്നും ഒരു കാര്യവുമില്ല. കഴിഞ്ഞ തവണ പണിക്കരെ കണ്ടപ്പോ അങ്ങേര്‍ പറഞ്ഞതാ മൂലത്തില്‍ വ്യാഴം നില്‍ക്കുന്നത് കാരണം പണി വരുന്ന വഴി അറിയില്ല എന്നൊക്കെ. എന്തായാലും ഒന്ന് കരുതിയിരിക്കണം.

വക്കീല്‍ വിളിക്കുന്നുണ്ട്. ഹോ . ഇന്ന് സെഷന്‍സ് കോടതിയില്‍ കേസ് ഉണ്ട്. കഴിഞ്ഞ മാസം ഒരു ഗുണ്ടനെ വെടി വച്ച് കൊന്നതിനാണ്. അവന്റെ കാറ്റ് പോയതിനു ശേഷമാണ് അവന്‍ ഗുണ്ടയല്ല, അവനാണ് വാദി എന്ന് മനസ്സിലായത്‌. അബദ്ധം പറ്റി എന്ന് പറഞ്ഞാല്‍ മതിയല്ലോ. ഇവിടത്തെ കുറെ ചാരന്മാര്‍ പറഞ്ഞത് കേട്ടിട്ടാണ് അവനെ തട്ടിയത്. ഒടുവില്‍ പണി കിട്ടിയപ്പോ അവന്മാര്‍ ആരുമില്ല. എല്ലാം സഹിക്കാന്‍ ബോണ്ടന്റെ ജന്മം ഇനിയും ബാക്കി. ഇളയ കുഞ്ഞിനെ എല്‍ കെ ജിയില്‍ ചേര്‍ക്കേണ്ട സമയമായി. ബോണ്ടിന്റെ കുട്ടിയായത് കൊണ്ട് ആരും അഡ്മിഷന്‍ തരുന്നില്ല. നമ്മുടെ കഷ്ടപ്പാട് എല്ലാവനും അറിഞ്ഞു എന്ന് തോന്നുന്നു.എന്നാലും മനസ്സിലാക്കാത്തവരുണ്ട്‌. ഒരിക്കല്‍ ടി വി കണ്ടു കൊണ്ടിരുന്നപ്പോ ഏതോ ഹിന്ദി സിനിമയില്‍ കയറില്‍ തൂങ്ങിയും തല കുത്തി നിന്നും ഒക്കെ സ്ടണ്ട് നടത്തുന്ന ഒരുത്തനോട്‌ നായകന്‍ ചോദിക്കുന്നത് കേട്ടു നീയാരാടാ ജെയിംസ്‌ ബോണ്ട്‌ ആണോ എന്ന്. അത് കേട്ടിട്ട് സത്യം പറഞ്ഞാല്‍ ചിരിയാണ് വന്നത്. ഇവിടത്തെ സ്ഥിതി അവനറിയില്ലല്ലോ. വെടി വയ്ക്കാനുള്ള ഉണ്ട വരെ ഇപ്പൊ റേഷന്‍ ആണ്. ആറെണ്ണം കിട്ടും. അതില്‍ കൂടുതല്‍ വില്ലന്മാര്‍ വന്നാല്‍ പിന്നെ ഭാര്യക്കും മക്കള്‍ക്കും എല്‍ ഐ സി കിട്ടും എന്ന് സമാധാനിച്ചു കൊണ്ട് കണ്ണടച്ചാല്‍ മതി. വേറെ ഒരു കൊച്ചു പിച്ചാത്തി പോലും ആയുധമായി ഈ തെണ്ടികള്‍ തരൂല. ഇന്ത്യയില്‍ മുഴുവന്‍ ഇപ്പൊ ബോണ്ടിനെ വെല്ലുന്ന ആള്‍ക്കാരാണെന്ന് തോന്നുന്നു. ഇന്നാളൊരിക്കല്‍ ചിട്ടി എന്ന് പറഞ്ഞിട്ടൊരുത്തന്‍ ഒരു പ്രദേശം മുഴുവന്‍ തകര്‍ത്തു തരിപ്പണമാക്കുന്നത് കണ്ടു. അത് കഴിഞ്ഞു രണ്ടു മാസം കഴിഞ്ഞില്ല. വേറൊരുത്തന്‍ റാ വണ്‍ എന്നൊക്കെ പേരിട്ടു വന്നിട്ട് ഇതേ പരിപാടി ചെയ്യുന്നത് കണ്ടു. ഇവന്മാരൊക്കെ ഇങ്ങനെ തുടങ്ങിയാല്‍ ബോണ്ട്‌, സൂപ്പര്‍ മാന്‍ , ഡിങ്കന്‍ എന്നൊക്കെ പറഞ്ഞു നടക്കുന്നവര്‍ എങ്ങനെ ജീവിക്കും എന്ന് ഇവന്മാര്‍ ഓര്‍ക്കണ്ടേ. കണ്ണില്‍ ചോരയില്ലാത്തവന്മാര്‍.

ഇന്നെങ്കിലും ആറു മണിക്ക് ഇറങ്ങാം എന്ന് കരുതിയതാ. കഴിഞ്ഞ മാസം ഒരു കേസിന്റെ പുറകെ പോയി അവന്മാരുടെ ചവിട്ടു വാങ്ങിച്ചതില്‍ പിന്നെ നടുവിനൊരു പിടിത്തം. കോട്ടക്കലിന്റെ ഒരു ബ്രാഞ്ച് ഇവിടെ അടുതെങ്ങാണ്ടോ ഉണ്ട്. അവിടെ കൊണ്ട് പോയി ഒന്ന് പിഴിച്ചില്‍ നടത്തണം. ഇപ്പോഴാണോര്‍ത്തത് .. കോട്ട് അളക്കാന്‍ കൊടുത്തിരിക്കുകയാണ്. പോകുന്ന വഴിക്ക് അതും വാങ്ങിയെച്ചു ചെല്ലണം. അല്ലെങ്കില്‍ ഏലിയാമ്മ കൈ വയ്ക്കും. എന്തിനാ വെറുതെ എന്നും കുടുംബത്ത് ചെന്ന് വഴക്കുണ്ടാക്കുന്നത്. അപ്പ ശരി. ഇറങ്ങിയെക്കാം.

വാല്‍ക്കഷണം
ബോണ്ടിന്റെ ഒരു പടത്തിന്റെ റിവ്യൂ.. പണ്ടെഴുതിയത്
ഞാന്‍ ബോണ്ട്. പൂജ്യം പൂജ്യം ഏഴ്.. ഹല്ലാ പിന്നെ..

ട്രുമാന്‍ ഷോ അഥവാ തത്സമയം ഒരു പെണ്‍കുട്ടി

2012-02-17T09:41:00.000+05:30

ജിം കാരി എനിക്ക് അത്രയ്ക്ക് ഇഷ്ടമല്ലാത്ത ഒരു നടനാണ്‌. പുള്ളിയുടെ The Mask, Bruce Almighty, Ace Ventura, Batman forever മുതലായ പടങ്ങളൊക്കെ കണ്ടിട്ടുണ്ടെങ്കിലും ജിമ്മിനെ ഏറെയിഷ്ടമായതും അദ്ദേഹത്തിന്റെ അഭിനയ പാടവം കണ്ടതും ഈ ചിത്രത്തിലാണ്. The Truman Show. സത്യം പറഞ്ഞാല്‍ ഒരു പത്തു തവണയെങ്കിലും ഞാന്‍ ഈ ചിത്രം കണ്ടിട്ടുണ്ട്. എന്നിട്ടും ഇന്നലെ സീ ടി വിയില്‍ ഈ പടം വന്നപ്പോള്‍ ഉറക്കമൊഴിച്ചിരുന്നു കണ്ടതിനു ശേഷമാണ് ഉറങ്ങിയത്. റിയാലിറ്റി ഷോ എന്നത് മലയാളികള്‍ കേട്ടിട്ട് കൂടിയില്ലാത്ത തൊണ്ണൂറുകളില്‍ ഇറങ്ങിയ ഒരു ചിത്രമാണ് ഇത്. ഇപ്പൊ ഇത് എഴുതാന്‍ കാരണം "തത്സമയം ഒരു പെണ്‍കുട്ടി" എന്ന ചിത്രത്തെ പറ്റി വന്നുകൊണ്ടിരിക്കുന്ന വാര്‍ത്തകളാണ്. ഹോളിവുഡ് ചിത്രങ്ങള്‍ അടിച്ചു മാറ്റുന്ന എല്ലാവരും പറയുന്ന പോലെ ഇതൊരു വന്‍ സംഭവമാണെന്ന രീതിയില്‍ രാജീവ് സംസാരിക്കുന്നുണ്ട്. പക്ഷെ ട്രൂമാന്‍ ഷോ എന്ന ചിത്രത്തിന്റെ കഥയുമായി "അത്ഭുതകരമായ" സാദൃശ്യം പുലര്‍ത്തുന്ന ഒരു ചിത്രമാണ് രാജീവിന്റെത് എന്നാണു എനിക്ക് തോന്നുന്നത്. അതവിടെ നില്‍ക്കട്ടെ. നമുക്ക് കഥയിലേക്ക്‌ വരാം.

ട്രുമാന്‍ എന്ന നായകന്‍ -

Truman Burbank എന്ന നമ്മുടെ കഥാ നായകനെ അവതരിപ്പിക്കുന്നത്‌ ജിം. രാവിലെ വീട്ടില്‍ നിന്ന് കുളിച്ചു കുട്ടപ്പനായി ഓഫീസിലേയ്ക്ക് പോകുന്ന ട്രൂമാനെ കാണിച്ചു കൊണ്ടാണ് കഥ തുടങ്ങുന്നത്. തെരുവില്‍ കാണുന്നവരോടൊക്കെ തമാശ പറഞ്ഞു വളരെ പ്രസന്ന വദനനായി ജീവിക്കുന്ന ഒരാള്‍ ആണ് ട്രൂമാന്‍. സീ ഹെവന്‍ എന്ന ഒരു മനോഹരമായ ടൌണ്‍ഷിപ്പില്‍ ആണ് അയാള്‍ താമസിക്കുന്നത്. ഒരിക്കല്‍ വിനോദത്തിനു മീന്‍ പിടിക്കാന്‍ അച്ഛനോടൊപ്പം പോയ ട്രൂമാന്‍ ഒരു കൊടുങ്കാറ്റില്‍ വഞ്ചി മറിഞ്ഞു സ്വന്തം മുന്നില്‍ വച്ച് അച്ഛന്‍ മുങ്ങി താഴുന്നത് കാണുന്നു. ആ സംഭവത്തെ തുടര്‍ന്ന് ട്രൂമാന് വെള്ളത്തോട് ഒരു ഭീതി, ഒരു ഫോബിയ പോലെ രൂപപ്പെടുന്നു.

പക്ഷെ സ്വന്തം ഭാര്യയോടൊപ്പം വളരെ സന്തോഷത്തോടു കൂടി അയാള്‍ ജീവിച്ചു പോന്നു. മുപ്പതു വയസ്സ് വരെ വളരെ സ്മൂത്ത്‌ ആന്‍ഡ്‌ പെര്‍ഫെക്റ്റ്‌ ആയി പൊയ്ക്കൊണ്ടിരുന്ന അയാളുടെ ജീവിതത്തില്‍പെട്ടെന്ന് ഓരോ വിചിത്രമായ സംഭവങ്ങള്‍ ഉണ്ടാവാന്‍ തുടങ്ങുന്നു. തന്റെ ചുറ്റിനും വളരെ കൃത്യതയോടെ ചലിച്ചു കൊണ്ടിരിക്കുന്ന ജീവിതത്തില്‍ ചില ആവര്‍ത്തനങ്ങള്‍ അയാള്‍ ശ്രദ്ധിക്കാന്‍ തുടങ്ങുന്നു. ദിവസവും ഒരേ സ്ഥലത്ത് വച്ച് ഒരേ വേഷത്തില്‍ കാണുന്ന ആള്‍ക്കാര്‍, ഒരേ രീതിയില്‍ നടക്കുന്ന സംഭവങ്ങള്‍, അങ്ങനെ അങ്ങനെ. ഇതിന്റെയെല്ലാം ഉച്ചസ്ഥായിയില്‍ എന്ന പോലെ ഒരിക്കല്‍ കണ്‍ മുന്നില്‍ നിന്ന് കാണാതായ സ്വന്തം അച്ഛനെ ഒരു ഭ്രാന്തനെ പോലെ അയാള്‍ വഴിയില്‍ കണ്ടു മുട്ടുന്നു. പക്ഷെ പെട്ടെന്ന് തന്നെ രണ്ടു പേര്‍ വന്നു ബലമായി പപ്പയെ പിടിച്ചു ഒരു ബസ്സില്‍ കയറ്റിക്കൊണ്ടു പോകുന്നു. അങ്ങനെയങ്ങനെ ഉത്തരം കിട്ടാത്ത പല ചോദ്യങ്ങളുമായി ട്രൂമാന്‍ തികഞ്ഞ ആശയ കുഴപ്പത്തിലാകുന്നു.

കൃത്രിമമായ ഒരു ലോകം -

ഇതാണ് ഈ ചിത്രത്തിന്റെ ഏറ്റവും വലിയ ഹൈലൈറ്റ്. അത് മറ്റൊന്നുമല്ല ..ട്രൂമാന്‍ താമസിക്കുന്ന സീ ഹെവന്‍ എന്ന ടൌണ്‍ ആണ്. ആ ചെറിയ പട്ടണവും അതിലെ ആള്‍ക്കാരും ചുറ്റിനും ഉള്ള കടലും , ചക്രവാളവും എന്തിനു മഴയും കാറ്റും വെയിലും പോലും കൃത്രിമമാണ്. ലോകത്തിലെ ഏറ്റവും വലിയ റിയാലിറ്റി ഷോയ്ക്ക് വേണ്ടി ഉണ്ടാക്കിയ ലോകത്തിലെ ഏറ്റവും വലിയ പടുകൂറ്റന്‍ സെറ്റിലാണ് ട്രൂമാന്റെ ജീവിതം. സെറ്റിലാകെ ഒളിപ്പിച്ചു വച്ചിരിക്കുന്ന ആയിരക്കണക്കിന് ക്യാമറകള്‍ അയാളെ പിന്തുടരുകയും ഇരുപത്തി നാല് മണിക്കൂറും സംപ്രേഷണം ചെയ്തുകൊണ്ടിരിക്കുകയുമാണ്. The truman show എന്ന ലോകത്തിലെ ഏറ്റവും നീളമേറിയ റിയാലിറ്റി ഷോ. ജനനം മുതല്‍ കഴിഞ്ഞ മുപ്പതു വര്‍ഷം വരെയുള്ള അയാളുടെ ജീവിതം പുറം ലോകത്തിലുള്ള എല്ലാവരും കണ്ടു കഴിഞ്ഞു. ഇപ്പോഴും കണ്ടു കൊണ്ടിരിക്കുന്നു. ലോകത്തിലാദ്യമായി ഒരു കോര്‍പ്പറേഷന്‍ ദത്തെടുത്ത ഒരു കുട്ടിയാണ് ട്രുമാന്‍. അന്ന് മുതലുള്ള അയാളുടെ ജീവിതം നിയന്ത്രിക്കുന്നത്‌ ആ ചാനല്‍ ആണ്. അയാളുടെ വികാരങ്ങള്‍, സന്തോഷം, ദുഃഖം എല്ലാം അവര്‍ നിയന്ത്രിക്കുന്നു. ട്രൂമാന്റെ ഓരോ ചെറിയ ചലനം പോലും അവരുടെ ഇഷ്ടത്തിനനുസരിച്ചാണ് നടക്കുന്നത്. ട്രൂമാന്റെ ജീവിതത്തില്‍ നടന്ന/നടക്കുന്ന ഓരോ സംഭവങ്ങളും കെട്ടിച്ചമച്ചതാണ്. അയാളുടെ അച്ഛന്റെ തിരോധാനം വരെ. അത് കൃത്രിമമായി സൃഷ്ടിച്ചു അയാളുടെ യഥാര്‍ത്ഥ വികാരങ്ങള്‍ പുറം ലോകത്തിനു വില്‍ക്കുകയാണ് ചാനല്‍ ചെയ്തു കൊണ്ടിരിക്കുന്നത്. അയാളുടെ ബന്ധുക്കള്‍, സുഹൃത്തുക്കള്‍, സഹപ്രവര്‍ത്തകര്‍ എന്ന് വേണ്ട അയാള്‍ ജീവിതത്തില്‍ കാണുന്ന ഓരോ ആളും പ്രൊഫെഷണല്‍ നടന്മാരോ നടികളോ ആണ്. ആത്മാര്‍ത്ഥ സുഹൃത്തായി ചാനല്‍ അവതരിപ്പിക്കുന്ന മാര്‍ലന്‍ സഹിതം.

സീ ഹെവന്‍ എന്ന കൃതിമ പട്ടണം

പണി പാളുന്നു -

പക്ഷെ എത്ര പെര്‍ഫെക്റ്റ്‌ ആയിരുന്നാലും ഇതിന്റെ കേന്ദ്രബിന്ദു ഒരു മനുഷ്യന്‍ ആയതു കൊണ്ട് ചാനലിന്റെ തന്ത്രങ്ങള്‍ ഇടയ്ക്ക് പാളുന്നു. ചുറ്റിനും നടക്കുന്ന കാര്യങ്ങളില്‍ വിചിത്രമായ എന്തോ ഉണ്ട് എന്ന് ട്രൂമാന്‍ തിരിച്ചറിയുന്നു. അത് വിദഗ്ധമായി മറയ്ക്കാന്‍ ചാനല്‍ ശ്രമിക്കുന്നുണ്ടെങ്കിലും അത് നൂറു ശതമാനം ഫലവത്താകുന്നില്ല. സീ ഹെവനിലെ ആകാശത്ത് നിന്ന് ഇടയ്ക്ക് ഒരു സ്പോട്ട് ലൈറ്റ് പൊട്ടി വീഴും. അതെന്താണെന്ന് തിരിച്ചറിയാന്‍ കഴിയാതെ നില്‍ക്കുന്ന ട്രൂമാന്‍ കേള്‍ക്കാന്‍ വേണ്ടി അവര്‍ റേഡിയോയില്‍ കൂടി ഒരു വിമാനം ക്രാഷ് ലാന്‍ഡ്‌ ചെയ്യാന്‍ ശ്രമിക്കുന്നുണ്ട്... അതിന്റെ ഭാഗങ്ങള്‍ പൊട്ടി വീഴാനിടയുണ്ട് സൂക്ഷിക്കുക എന്നൊക്കെ വാര്‍ത്ത‍ കേള്‍പ്പിക്കുന്നു. അത് പോലെ തന്നെ ഫിജി സന്ദര്‍ശിക്കാന്‍ പ്ലാന്‍ ചെയ്യുന്ന ട്രൂമാന്റെ പ്ലാന്‍ പൊളിക്കാന്‍ വേണ്ടി ചാനല്‍ അയാളുടെ മുന്നില്‍ പ്ലാന്‍ ചെയ്ത ഒരു പാട് തടസ്സങ്ങള്‍ സൃഷ്ടിക്കുന്നു. ട്രൂമാന്റെ സുഹൃത്ത്‌ ആയി വരാന്‍ വേണ്ടി ഒരു കഥാപാത്രത്തെ ചാനല്‍ സൃഷ്ടിക്കുന്നുണ്ടെങ്കിലും ആ നടിക്ക് അയാളോട് പ്രണയം തോന്നുന്നതോടെ കാര്യങ്ങള്‍ കൂടുതല്‍ കുഴപ്പത്തിലാവുന്നു. ചുറ്റിനും നടക്കുന്ന കാര്യങ്ങളുടെ നിജ സ്ഥിതി അയാളോട് തുറന്നു പറയാന്‍ ശ്രമിക്കുന്ന നടിയെ അവര്‍ വിദഗ്ധമായി നീക്കം ചെയ്യുന്നു.

Product Placement -

ഒരാളുടെ നിത്യ ജീവിതത്തില്‍ നടക്കുന്ന കാര്യങ്ങളില്‍ എങ്ങനെ പരസ്യം തിരുകി കയറ്റാം എന്ന് ചിത്രം നമുക്ക് കാട്ടി തരുന്നു. ഉദാഹരണത്തിന് ചില രംഗങ്ങള്‍.. മെരില്‍ ഷോപ്പിംഗ്‌ കഴിഞ്ഞു തിരികെ വന്നിട്ട് ഇന്ന് എന്തൊക്കെ വാങ്ങി എന്ന് പറയുന്ന സീനുകള്‍. ഒരു സോപ്പ് അല്ലെങ്കില്‍ ഡിറ്റര്‍ജന്റ്റ് വാങ്ങി എന്ന് വെറുതെ പറയുകയല്ല അതിന്റെ ഗുണഗണങ്ങള്‍ വര്‍ണിക്കുകയും ചെയ്യുന്നുണ്ട് അവള്‍. മാര്‍ലോനുമായി സായാഹ്നം ചെലവിടുന്ന സീനില്‍ മര്‍ലോണ്‍ ഒരു ബിയര്‍ പൊട്ടിക്കുന്നുണ്ട്. എന്നിട്ട് ആരോടെന്നില്ലാതെ പറയും... ഇതാണ് മോനെ ബിയര്‍ എന്ന്.

ട്രുമന്‍ വഴിയില്‍ വച്ച് കണ്ടു മുട്ടുന്ന രണ്ടു പേര്‍ അയാളെ ഒരു പരസ്യ ബോര്‍ഡിന്‍റെ മുന്നിലേക്ക്‌ വലിച്ചു നിര്‍ത്തി വെറുതെ സുഖ വിവരം അന്വേഷിക്കുന്ന സീനുകള്‍. അങ്ങനെയങ്ങനെ വിദഗ്ധമായി ഇഴുകി ചേര്‍ത്ത പരസ്യങ്ങള്‍ നിറഞ്ഞ ഒന്നാണ് ട്രൂമാന്റെ ജീവിതം.

പുറം ലോകത്തിലേയ്ക്ക് -

ഒരു ദിവസം തന്നെ വിടാതെ പിന്തുടരുന്ന ക്യാമറകളെ പറ്റിച്ചു കൊണ്ട് ട്രൂമാന്‍ നിലവറയില്‍ ഒളിക്കുന്നു. ട്രൂമാനെ കാണാന്‍ ഇല്ലാത്തതുകൊണ്ട് പരിപാടി അതിന്റെ ചരിത്രത്തിലാദ്യമായി നിര്‍ത്തി വയ്ക്കപ്പെടുന്നു. പരിപാടിയില്‍ അഭിനയിച്ചുകൊണ്ടിരിക്കുന്ന എല്ലാവരും ട്രൂമാനെ തിരഞ്ഞു പുറപ്പെടുന്നു. ഒരിടത്തും അയാള്‍ ഇല്ല. ഒടുവില്‍ അവര്‍ സെറ്റില്‍ പിടിപ്പിച്ചിരിക്കുന്ന ആയിരക്കണക്കിന് വിളക്കുകള്‍ ഉപയോഗിച്ച് ( രാത്രിയും പകലും വരെ ചാനല്‍ ആണ് നിയന്ത്രിക്കുന്നത്‌. ലൈറ്റ് ഓഫ്‌ ആക്കുമ്പോഴാണ് സീ ഹേവനില്‍ രാത്രിയാകുന്നത് ) അവര്‍ തിരച്ചില്‍ തുടങ്ങുന്നു. തന്റെ ഫോബിയയെ അതി ജീവിച്ചു ഒരു ബോട്ടില്‍ ചക്രവാളം ലക്ഷ്യമാക്കി തുഴഞ്ഞു കൊണ്ടിരിക്കുന്ന ട്രൂമാനെ അവര്‍ കണ്ടുപിടിക്കുന്നു. ഒപ്പം തന്നെ പരിപാടിയും പുനരാരംഭിക്കുന്നു.

രക്ഷപെടാനുള്ള ട്രൂമാന്റെ ശ്രമം കണ്ടു കോപാകുലനായ സംവിധായകന്‍ ക്രിസ്റൊഫ് ഒരു കൊടുംകാറ്റു സൃഷ്ടിച്ചു ട്രൂമാന്റെ ബോട്ട് മറിക്കാന്‍ ഉത്തരവിടുന്നു. പരിപാടി കണ്ടു കൊണ്ടിരിക്കുന്ന ലക്ഷക്കണക്കിന്‌ പ്രേക്ഷകരുടെ മുന്നില്‍ വച്ച് ട്രൂമാനെ കൊല്ലാനുള്ള നീക്കത്തെ എല്ലാവരും എതിര്‍ക്കുന്നതിനെ തുടര്‍ന്ന് ആ ഉത്തരവ് പിന്‍വലിക്കേണ്ടി വരുന്നു അവര്‍ക്ക്. എങ്ങനെയും വേറൊരു ലോകത്തെത്തണമെന്ന നിശ്ചയദാര്‍ട്യവുമായി തുഴയുന്ന ട്രൂമാന്റെ ബോട്ട് ഒടുവില്‍ ചക്രവാളത്തെ സ്പര്‍ശിക്കുന്നു. സ്പര്‍ശിക്കുന്നു എന്ന് പറഞ്ഞത് അക്ഷരാര്‍ത്ഥത്തില്‍ ആണ്. ആ പടുകൂറ്റന്‍ സെറ്റിന്റെ അതിര്‍ത്തിയാണ് അത്. ആ ബോട്ടിന്റെ മുനമ്പ്‌ പെയിന്റ് ചെയ്തു വച്ചിരിക്കുന്ന ചക്രവാളത്തെ കീറി മുറിച്ചു. അത്ഭുത പരതന്ത്രനായ ട്രൂമാന്‍ മുകളിലേക്ക് പോകുന്ന ഒരു കൂട്ടം പടിക്കെട്ടുകള്‍ കാണുന്നു. പുറത്തേയ്ക്ക് എന്നൊരു തലക്കെട്ടും അവിടെയുണ്ട്. അപ്പോഴേയ്ക്കും എല്ലാം മനസ്സിലായ ട്രൂമാന്‍ തന്നെ നിരീക്ഷിക്കുന്ന ക്യാമറകളോടും അവിടം വിട്ടു പോകാന്‍ ഉപദേശിച്ചു കൊണ്ടിരിക്കുന്ന ക്രിസ്റൊഫിനോടും ചിരിച്ചു കൊണ്ട് വിട പറഞ്ഞിട്ട് (In case I don't see you ... good afternoon, good evening, and good night - വളരെ പ്രശസ്തമായ വരികള്‍ ആണ് ഇത് ) ആ പടികള്‍ കയറി പുറം ലോകത്ത് തന്നെ കാത്തു നില്‍ക്കുന്ന ആയിരങ്ങളുടെ അടുത്തേയ്ക്ക് മറയുന്നു.

ചക്രവാളത്തിന്റെ മുനമ്പില്‍

പുറം ലോകത്തേയ്ക്ക്

എല്ലാവര്‍ക്കും നന്ദി. വളരെ പ്രശസ്തമായ ക്ലൈമാക്സ്‌ സീന്‍

Truman Show നല്‍കുന്ന പാഠങ്ങള്‍ -

വെറും ഒരു വിനോദ ചിത്രം എന്നതിലുപരി നമ്മുടെ മനസാക്ഷിയോട് ഒരുപാടു ചോദ്യങ്ങള്‍ ചോദിക്കുന്ന ഒരു ചിത്രമാണ് ഇത്. ട്രൂമാന്‍ എന്ന ഒരു മനുഷ്യനെ മുന്നില്‍ നിര്‍ത്തി ചാനല്‍ കാണിക്കുന്ന അതെ വിദ്യകള്‍ തന്നെയല്ലേ നമ്മുടെ ചാനലുകളും പ്രേക്ഷകരെ പറ്റിക്കാന്‍ ചെയ്യുന്നത്. ഐഡിയ സ്റാര്‍ സിംഗറിലും മറ്റും നമ്മള്‍ കാണാറുള്ള കണ്ണീര്‍ പ്രയോഗങ്ങള്‍ എങ്ങനെ ഉണ്ടായി എന്ന് ഈ ചിത്രം കണ്ടാല്‍ പിടി കിട്ടും. കച്ചവടത്തിലൂന്നിയ ഈ ലോകത്തില്‍ മനുഷ്യന്റെ നൈസര്‍ഗിക വികാരങ്ങളോളം കച്ചവടമൂല്യമുള്ള വേറെന്താണ് ഉള്ളത് അല്ലെ ?

തത്സമയം ഒരു പെണ്‍കുട്ടി എന്താണ് പറയാന്‍ ഉദ്ദേശിക്കുന്നതെന്ന് ഒരു ചെറിയ ഹിന്റ് കിട്ടിയില്ലേ ? ഇനി നമുക്ക് കാത്തിരുന്നു കാണാം

ഓരോരോ ആഗ്രഹങ്ങളേ .- ചില മാട്രിമോണി ചിന്തകള്‍

2012-02-13T00:10:00.000+05:30

കുറച്ചു കാലമായി പെണ്ണ് കിട്ടാതെ കണ്ട മാട്രിമോണി സൈറ്റുകളില്‍ കിടന്നു ചുറ്റിത്തിരിയാന്‍ തുടങ്ങിയിട്ട്. കുജന്‍ മൂലത്തിലും ശനി ഗുരുവായിട്ടും ഒക്കെ നില്‍ക്കുന്നത് കൊണ്ട് ഒന്നും ഒരു കരയ്ക്കടുക്കുന്നില്ല. എന്തായാലും അതുകൊണ്ട് ഒരു ഗുണമുണ്ടായി. കുറെ പാഠങ്ങള്‍ പഠിച്ചു. സത്യം പറഞ്ഞാല്‍ ഈ മാട്രിമോണി സൈറ്റ് ഒരു സര്‍വകലാശാലയാണ്. ശ്രീ ബുദ്ധന്‍ പണ്ട് പറഞ്ഞിട്ടില്ലേ ആഗ്രഹങ്ങളാണ് എല്ലാവരുടെയും ഏറ്റവും വലിയ വെല്ലുവിളിയെന്ന്. ഈ സൈറ്റില്‍ പലരും ഇട്ടിരിക്കുന്ന partner preference വായിച്ചു കഴിഞ്ഞാല്‍ ഇത് നിങ്ങള്‍ക്ക് മനസ്സിലാവും. ഇക്കാര്യത്തില്‍ ആണുങ്ങളും പെണ്ണുങ്ങളും തമ്മില്‍ ആനയും ആടും തമ്മിലുള്ള വ്യത്യാസമുണ്ട്. പെണ്‍ പിള്ളേരുടെ പ്രൊഫൈലില്‍ കോമണ്‍ ആയി ഏറ്റവും കൂടുതല്‍ കാണുന്നത് caring ആയ ഒരു ഭര്‍ത്താവിനെ വേണം എന്നാണ്. എന്നാല്‍ വേറെ ചിലര്‍ക്ക് കാണാന്‍ കൊള്ളാവുന്ന അത്യാവശ്യം വിദ്യാഭ്യാസമുള്ള ഒരു ഭര്‍ത്താവിനെ കിട്ടിയാല്‍ മതിയെന്നാണ്. caring ന്റെ കാര്യത്തില്‍ അവരും മോശമല്ല. അത് മസ്റ്റ്‌ ആണ്. മേല്പറഞ്ഞ പോലെ ചെറിയ പ്രായമുള്ളവരുടെ preference list വളരെ നീണ്ടതായിരിക്കും. അതായതു അത്യാവശ്യം പാടുകയും ഡാന്‍സ് ചെയ്യുകയും എന്നാല്‍ നല്ല വിദ്യാഭ്യാസവും ജോലിയും ഉള്ള പെണ്‍കുട്ടി വേണം, കള്ള് കുടിക്കാത്ത, സ്വന്തമായി വീടും ഉഗ്രന്‍ ജോലിയും ഒക്കെ ഉള്ള പയ്യന്‍ വേണം .. എന്നിങ്ങനെ..പക്ഷെ പ്രായം മൂക്കുംതോറും അത് ചെറുതായി ചെറുതായി വരും. ഒടുവില്‍ ആണിന്റെയോ പെണ്ണിന്റെയോ ഷേപ്പിലുള്ള ആരെയെങ്കിലും കിട്ടിയാല്‍ മതി എന്നാവും. അത് പോലെ തന്നെ രസകരമായ വേറൊരു സംഗതി അവനവനെ പറ്റി എഴുതി പിടിപ്പിച്ചിരിക്കുന്നതാണ്. താന്‍ ഒരു സംഭവമാണെന്ന് അവകാശപ്പെടുന്നവര്‍ തുടങ്ങി നമ്മുടെ ബ്ലോഗര്‍മാര്‍ എഴുതുന്ന പോലെ താന്‍ വെറും ഒരു പാവമാണെന്ന് സ്വയം അടിച്ചു വിടുന്നവരും ഉണ്ട്. അങ്ങനെയങ്ങനെ മാട്രിമോണി സൈറ്റുകളിലൂടെ ഒരു ഭ്രാന്തനെ പോലെ അലഞ്ഞു തിരിഞ്ഞു നടന്ന ഉസ്താദ് തീസ് മാര്‍ ഖാന്റെ അനുഭവങ്ങളിലൂടെ ഒരു യാത്ര...

( മൂത്ത് നരച്ചിട്ടും , ആഞ്ഞു ശ്രമിച്ചിട്ടും കല്യാണം നടക്കാത്തത്തിലുള്ള നിരാശ കൊണ്ട് ഞാന്‍ എഴുതുന്നതാണെന്ന് ആരെങ്കിലും പറഞ്ഞു നടന്നാല്‍ അവര്‍ക്ക് എട്ടിന്റെ പണി തരും എന്ന് കൂടി പറഞ്ഞു കൊള്ളട്ടെ.. )

രസകരമായ ചില സ്വയം പൊക്കലുകള്‍ ( S.P. എന്ന് ചുരുക്കി പറയും )

She is God fearing, down to earth and very calm in nature, with good sense of humor and is searching for a loving and caring life partner
- ഇത് വളരെ കോമണ്‍ ആയ ഒരു പ്രയോഗമാണ്.

Confident & Independent- fun loving & warm hearted...
- വളരെ ചുരുക്കി കാര്യം പറഞ്ഞു അല്ലേ ?

I am god fearing person, and a great believer in destiny. Very much independent and confident

- നേരത്തെ പറഞ്ഞ പോലെ തന്നെ..

She is a loving and caring person and has great value for family relationships.
- കുടുംബ സ്ത്രീ

She is intelligent, smart and good looking. She was brought up in a loving and caring environment, with good living standards., and family values.
- സൗന്ദര്യവും ബുദ്ധിയും എല്ലാം തികഞ്ഞ കുടുംബത്തില്‍ പിറന്ന പെണ്ണ്. good living standards എന്ന് പറഞ്ഞിരിക്കുന്നത് എന്തിനാണെന്നറിയാമോ ? തിരിച്ചു പ്രതീക്ഷിക്കുന്നതും അതൊക്കെത്തന്നെയാണ് എന്ന് .

I am smart, confident and ambitious. Others say that I am self reliant, independent and able to take decisions. I wish to work after marriage also. I am looking for a partner who is caring, loving, matured and gives importance to relationships.

- പുള്ളിക്കാരി പറയണ കണ്ടാ.. തന്റെ കാര്യം സ്വയം നോക്കാന്‍ കഴിവുള്ള ഒരാളാണ് താന്‍ എന്ന് സ്വയം അവകാശപ്പെടുകയാണ് ചേച്ചി.

I am a simple girl with not too many expectations of life and the guy I marry. I take life and relationships seriously, but take time to enjoy things around me. Looking for a guy with a strong value system and who will walk with me through the journey of life..
- എല്ലാം നല്ലത് പോലെയൊക്കെ നടക്കുമെന്ന് വലിയ പ്രതീക്ഷയൊന്നുമില്ലാത്തയാളാണ് പുള്ളിക്കാരി. തന്നെ നേരായ വഴിക്ക് നടത്തുന്ന ഒരാളെ ആണ് പ്രതീക്ഷിക്കുന്നത്

Hi, I am a simple and honest person who searches for happiness in the little things in life. I have lived in Delhi with my parents since childhood and am currently working in Shimla. My father, a doctor is retired from govt. service and my mother is a retd central govt employee. Regarding my education, I am an MBBS graduate and an MBA post grad. from one of the top Business schools in India. An ardent follower of the expression ‘live & let live’, I don’t judge others. I enjoy watching movies & travel channels, reading novels, playing online games, and spending time with friends. Am looking for a partner who is well-educated, understanding in nature and who will be a good friend to share the ups and downs in life.

Thanks for stopping by & good luck in your partner search :)

- എങ്ങനെയുണ്ട് ? ചിരിക്കണ്ട.. അടുത്തത് വായിച്ചു നോക്കൂ.

Iam a smart, confident and down-to-earth person who loves to decipher the poetry in life and nature. Not exactly an introvert, yet not a full-fledged extrovert! I can proudly say that I have a great sense of humour (No exaggeration, trust me!) and manage to see the lighter side of life. Books are the love of my life, with a capability to read on and on and on. In short Literature interests me apart from music and nature. I love animals. As of now, my work occupies the major portion of my life.

Well, regarding my partner expectations...... what do I say? Iam a thorough romantic at heart expecting a fairytale prince to come by and sweep me off my feet :). Anyways, if am to employ a more practical outlook, I would like a very down to earth guy who values emotions and does not fear to express them when required. his confidence and his sense of humour should be the reason for the relationship to work. However cliche it might sound, am looking for somebody with whom my wavelength matches, with whom I can spend long long hours without realising when minutes became hours, hours became days and days became months... With whom I can look forward to an exciting and humorous conversation. looking for that best friend I have been missing all my life!

Would prefer somebody working in US.

I know, if u have stumbled upon my profile, definitely you are searching for your soulmate too....... :) So, Wish u All the Best !!!

- കലക്കി. പക്ഷെ ഇത് പോലുള്ള ഒരു ആണിനെ കിട്ടാന്‍ പ്രയാസമായിരിക്കും. പണി കിട്ടാതിരുന്നാല്‍ കൊള്ളാം.

Hi..Tough job to define yourself because usually people judge you on their own experience but still what i feel about myself can explain. I am a girl who want to live every moment of my life,Self dependent.Very close to my family.Will expect the person who will come in my life to respect my family and he can expect the same from me. I am self dependent girl and dont want to entertain dowry.So people who expects dowry I request them to excuse us.

- ഇതും ഏകദേശം അതുപോലെയൊക്കെ തന്നെ

About my daughter, She spend her childhood in Saudi Arabia and later completed her schooling in a central syllabus school. she is a frank outgoing person. she loves reading, listening to music and hanging out with friends... she can adapt easily to any kind of atmosphere. she also loves travelling to different places and taking long walks.. she is modern yet holds on to the traditional values imbibed from within the family...

- ഈ outgoing എന്ന് വച്ചാല്‍ എന്താണോ ആവോ. പുറത്തൊക്കെ കറങ്ങി നടക്കുന്നത് എന്നാണാവോ ? outspoken എന്ന് പറഞ്ഞിരുന്നേല്‍ ആനക്കാട്ടില്‍ ഈപ്പച്ചന്‍ ചേട്ടനോട് ചോദിക്കാമായിരുന്നു. ഹി ഹി

ഇനി..വരനെ പറ്റിയുള്ള expectations -

പയ്യന്‍ എന്തായാലും loving & caring ആയിരിക്കണം എന്നുള്ളത് must ആണ്. humour sense വേണമെന്നും ചിലര്‍ക്ക് ആഗ്രഹമുണ്ട്. തമാശയൊക്കെ പറഞ്ഞിരിക്കാനായിരിക്കും. പക്ഷെ ഇതൊന്നും അത് കൊണ്ട് നില്‍ക്കുന്നില്ല. ചിലരുടെയൊക്കെ അക്രമ ആഗ്രഹങ്ങള്‍ ഒന്ന് വായിച്ചു നോക്കാം.

We are looking for a well natured and educated boy from a good family preferably Thrissur and Ernakulam
- ഇത് വടക്കോട്ടുള്ള കുട്ടികളുടെ സ്ഥിരം വാചകം ആണ്. തെക്കോട്ട്‌ പോയി കല്യാണം കഴിക്കാന്‍ അവര്‍ക്ക് പേടിയാണ്. എന്ത് ചെയ്യുമെന്ന് പറ. തെക്കുള്ളവര്‍ എന്ത് ചെയ്യും

The boy should have CHOVA DOSHAM in 7th or 8th house, as she have CHOVA in 7th house. The boy should also hail from a good traditional family. Boys working in Chennai, Dubai or UK are more preferred

- ജാതക പ്രശ്നത്തില്‍ വീണു പോയ ഏതോ ഒരു പാവമാണ്. പക്ഷെ എങ്കിലും പുള്ളിക്കാരി ബാക്കി ആവശ്യങ്ങള്‍ ഒന്നും വിട്ടു പിടിക്കുന്നില്ല. ചെന്നയിലോ ദുബായിലോ യൂ കെയിലോ ഉള്ള ഒരു ചൊവ്വ ദോഷക്കാരനെ ആണ് പുള്ളിക്കാരി നോക്കുന്നത്.

Bharani, chitira, pooram pooyam, uthratathi, anizham, these stars won't match
- ഒറ്റ വരി. അതായതു നക്ഷത്രം ചേരാത്തത് കൊണ്ട് നക്ഷത്രമെണ്ണിയ ആരോ ഇട്ടതാണ്

Should be having good culture, and should be from a good family. A person with good humour sense and simplicity is preferred. Should be having a permanent job. A minimum height of 170cms is expected.

- പട്ടാളത്തില്‍ ആളിനെ എടുക്കുന്നത് പോലെ.. ഹി ഹി

ഇങ്ങനെ പോകുന്നു കഥ. ഇതില്‍ പറഞ്ഞിരിക്കുന്ന പല സംഗതികളും യഥാര്‍ത്ഥ പ്രൊഫൈലുകളില്‍ നിന്നെടുതിട്ടുള്ളതാണ്. എഡിറ്റ്‌ ചെയ്തിട്ടുണ്ടെന്ന് മാത്രം. ഇത് ആരെയും കളിയാക്കാനോ ഒന്നും ചെയ്തതല്ല. രസകരമായ ചില സംഭവങ്ങള്‍ പങ്കു വച്ചു എന്ന് മാത്രം.

ഇങ്ങനെ ഒക്കെ നിബന്ധനകള്‍ വച്ചിട്ടുള്ളത് കൊണ്ടല്ല പലപ്പോഴും ഒരാളുടെ വിവാഹം സമയത്ത് നടക്കാത്തത്. അതിനു മറ്റനേകം ഘടകങ്ങളും യോജിക്കണം. അതുകൊണ്ട് ഇത് ഒരു തമാശയായി മാത്രം കണ്ടാല്‍ മതി. ഇത് പെണ്‍കുട്ടികളുടെ മാത്രം പ്രോഫിലുകള്‍ ആണ് ചര്‍ച്ച ചെയ്തിട്ടുള്ളത്. ആണുങ്ങളുടേതു പിന്നെ വരും. അതുകൊണ്ട് വേണ്ടത് പെട്ടെന്ന് ചെയ്തോ.

വാലറ്റം -

ഇനി ഏറ്റവും വലിയ തമാശ.. നമ്മള്‍ ഫ്ലിപ്പ് കാര്‍ട്ടിലും ഈ ബേയിലും ഒക്കെ ഷോപ്പ് ചെയ്യുമ്പോ ഒരു വശത്തായി പരസ്യം കാണിക്കുന്നത് കണ്ടിട്ടില്ലേ ? താഴെ ശ്രദ്ധിക്കൂ..

ഇനി ഇത് കണ്ടിട്ട് സ്ത്രീ ഒരു വില്പന ചരക്കാണെന്നും പറഞ്ഞു ഏതെങ്കിലും ഫെമിനിസ്റ്റുകള്‍ വന്നു എന്റെ കുത്തിനു പിടിക്കുമോ എന്തോ. അങ്കിള്‍ ഐ ആം ദി സോറി.

കിളിരൂരും സൂര്യനെല്ലിയും - ആരാണ് പീഡിപ്പിക്കപ്പെട്ടത് ?

2012-02-07T09:36:00.000+05:30

ഇന്നലെ വന്ന കിളിരൂര്‍ കേസ് വിധി മാത്രമല്ല ഈ പോസ്റ്റ്‌ എഴുതാന്‍ പ്രേരിപ്പിച്ചത്. മറിച്ചു പത്രത്തില്‍ കണ്ട വേറൊരു വാര്‍ത്തയാണ്. മുന്‍പ് വാര്‍ത്തകളിലെ താരമായിരുന്ന സൂര്യനെല്ലി പെണ്‍ വാണിഭ കേസിലെ പെണ്‍കുട്ടി രണ്ടേ കാല്‍ ലക്ഷം രൂപയോളം വരുന്ന ഒരു തിരിമറി കേസില്‍ അറസ്റ്റിലായി എന്ന വാര്‍ത്ത. 2010-11 കാലയളവില്‍ ചങ്ങനാശേരി സെയില്‍സ് ടാക്സ് ഓഫീസില്‍ ജോലി ചെയ്യവേയാണ് തിരിമറി നടത്തിയത്. സെയില്‍സ് ടാക്സ് ഓഫീസില്‍ നടത്തിയ ഓഡിറ്റിലാണ് തിരിമറി കണ്ടെത്തിയത്. തിരിമറി കണ്ടെത്തിയതിനെ തുടര്‍ന്ന്‌ തുക തിരിച്ചടച്ചിരുന്നു. എന്നാല്‍ കേസ് നിലനില്‍ക്കുന്നുണ്ടെന്ന് കാണിച്ചാണ് അറസ്റ്റ്.

ഈയടുത്ത് വന്നുകൊണ്ടിരുന്ന വാര്‍ത്തകളില്‍ എല്ലാം ഈ പെണ്‍ വാണിഭ കേസിലെ നായികമാരെ പാവങ്ങളായും അവരെ 'പീഡിപ്പിച്ച' ആണുങ്ങള്‍ എല്ലാം മൃഗങ്ങള്‍ ആണെന്നും മട്ടിലാണ് അവതരിപ്പിക്കപ്പെട്ടിട്ടുള്ളത്‌. ഇവരെപറ്റി വളരെയധികം വായിച്ചിട്ടുണ്ടെങ്കിലും ഒരിക്കല്‍ പോലും രക്ഷപെടാന്‍ പറ്റാത്ത രീതിയില്‍ ഉള്ള ഒരു അന്തരീക്ഷത്തില്‍ അകപ്പെട്ടു വേറെ വഴിയില്ലാതെ പീഡനത്തിന് വഴങ്ങി കൊടുക്കേണ്ടി വന്നിട്ടുള്ള പച്ചപാവങ്ങള്‍ ആയി ഇവരെ കാണാന്‍ സത്യം പറഞ്ഞാല്‍ എനിക്ക് കഴിഞ്ഞിട്ടില്ല. അത് ചിലപ്പോള്‍ എന്റെ ക്രൂരമായ മനസ്സായിരിക്കും. പക്ഷെ യുക്തിപരമായി ചിന്തിച്ചാല്‍ ആ പെണ്‍കുട്ടികളുടെ ഭാഗത്തും തെറ്റില്ലേ ? ഏതു പ്രലോഭനത്തിലും വീണു പോയി തെറ്റുകള്‍ക്ക് മൌന സമ്മതം നല്‍കുന്നവരും തെറ്റുകാരല്ലേ ? അതില്‍ ഒരു വിഭാഗത്തെ മാത്രം പ്രതി കൂട്ടില്‍ നിര്‍ത്തുന്നതില്‍ എന്താണര്‍ത്ഥം ? ഞാന്‍ പീഡിപ്പിച്ചവരെ ന്യായീകരിക്കുകയല്ല. പക്ഷെ യഥാര്‍ത്ഥത്തില്‍ തെറ്റ് ചെയ്തത് ആരാണ് ? കേരളത്തില്‍ റിപ്പോര്‍ട്ട്‌ ചെയ്ത മിക്ക വാണിഭ കേസുകളിലും ശ്രദ്ധിച്ചാലറിയാം. സീരിയലില്‍ അഭിനയിക്കുക, പണം സമ്പാദിക്കുക, ആഭരണങ്ങള്‍ സമ്പാദിക്കുക മുതലായ ആഗ്രഹങ്ങളില്‍ വീണു പോയവര്‍ തന്നെയാണ് മിക്കതിലെയും നായികമാര്‍. ഈയടുത്ത കാലത്ത് വന്ന ഒരു വാര്‍ത്ത‍ എല്ലാവരും കണ്ടിട്ടുണ്ടാവും. സീരിയല്‍ നായിക നടി ആയിരുന്ന പ്രിയങ്കയുടെ മരണ വാര്‍ത്ത‍ . ടെലി ഫിലിം സംവിധായകനായ ഒരാളുടെ 'ചൂണ്ടയില്‍' കുരുങ്ങി ഒടുവില്‍ ആത്മഹത്യ ചെയ്യേണ്ടി വന്ന ഒരു നടി. മരിക്കുമ്പോള്‍ പ്രിയങ്ക രണ്ടു മാസം ഗര്‍ഭിണി ആയിരുന്നുവെന്നാണ് പത്ര വാര്‍ത്തകള്‍. റഹിം പ്രിയങ്കയെ വഞ്ചിക്കുകയും ഉപേക്ഷിക്കാന്‍ ശ്രമിക്കുകയും ചെയ്തു എന്നൊക്കെ പറഞ്ഞു പ്രിയങ്കയുടെ അമ്മയുടെ പതം പറച്ചിലുകള്‍ വാര്‍ത്താ പ്രാധാന്യം നേടി. പക്ഷെ ഭാര്യയും നാല് കുട്ടികളുമുള്ള മധ്യ വയസ്കനായ ഒരാള്‍ പരസ്യമായി അവളെ കൊണ്ട് നടന്നത് ആ അമ്മ അറിഞ്ഞില്ലെന്നോ അല്ലെങ്കില്‍ അതിനു മൌന സമ്മതം കൊടുത്തു എന്നതോ ഒരു തെറ്റല്ലേ ? അത്ര പോലും മനസ്സിലാക്കാനോ മകളെ തിരുത്താനോ കഴിയാതിരുന്ന ഒരമ്മ എന്തിന്റെ അടിസ്ഥാനത്തിലാണ് ഇപ്പോള്‍ വിലപിക്കുന്നത് ?

പലരും പറയുന്നത് കേട്ടു , വീട്ടിലെ ബുദ്ധിമുട്ടുകള്‍ കൊണ്ട് ഈ വഴിയിലേക്ക് അവര്‍ വീണു പോയതാണെന്ന്. നമ്മുടെ നാട്ടില്‍ പാവപ്പെട്ട കുടുംബങ്ങളിലെ , അതായതു പട്ടിണി പാവങ്ങള്‍ ഉള്‍പ്പെടെ ഉള്ള വീട്ടിലെ ഒരുപാടു പാവം പെണ്‍കുട്ടികള്‍ മാന്യമായി തൊഴിലെടുത്ത് ജീവിക്കുന്നുണ്ട്. അവരെ അപമാനിക്കുന്നതിനു തുല്യമാണ് ഇങ്ങനത്തെ പ്രസ്താവനകള്‍. ബലമായി തടവില്‍ വച്ച് പീഡിപ്പിച്ചു എന്ന വാദത്തിന്റെ പൊള്ളത്തരം കുറഞ്ഞത്‌ സൂര്യ നെല്ലി പെണ്‍കുട്ടിയുടെ കാര്യത്തിലെങ്കിലും നമ്മള്‍ കണ്ടതാണ്. ആ കുട്ടിക്ക് രക്ഷപ്പെടാന്‍ പല സന്ദര്‍ഭങ്ങള്‍ ഉണ്ടായിട്ടും രക്ഷപ്പെടാന്‍ ശ്രമിച്ചിട്ടില്ല എന്ന് കോടതി വരെ കണ്ടെത്തിയിരുന്നു. മേല്പറഞ്ഞ പത്ര വാര്‍ത്ത ശ്രദ്ധിച്ചാലറിയാം ആ കുട്ടിയുടെ പശ്ചാത്തലം. നമ്മുടെ മാധ്യമങ്ങള്‍ പറയുന്ന തരം പീഡനങ്ങള്‍ കേരളത്തില്‍ അല്ല നടക്കുന്നത്. ജാതി വ്യവസ്ഥ കൊടി കുത്തി വാഴുന്ന ഉത്തരേന്ത്യയില്‍ അതുണ്ട്. ജന്മിമാരും ജമീന്ദാര്‍മാരും തങ്ങളുടെ ജോലിക്കാരുടെ സ്ത്രീകളെ ബലമായി ആക്രമിക്കാറുണ്ട്. പലപ്പോഴും അച്ഛന്റെയും അമ്മയുടെയും മുന്നില്‍ വച്ച് പോലും ബലാല്‍സംഗം ചെയ്തതിനു ശേഷം കൊന്നു പട്ടിയെ പോലെ വലിച്ചെറിയുന്നുണ്ട്. ഇപ്പോഴും. ഭന്‍വാരി ദേവിയുടെ കേസ് തന്നെ ഏറ്റവും നല്ല ഉദാഹരണം. അത്തരം വ്യക്തമായ മനുഷ്യാവകാശ ലംഘനങ്ങളുടെ കഥകള്‍ ഇത് പോലുള്ള വാണിഭങ്ങളുമായി ചേര്‍ത്ത് വായിക്കുന്നത് തന്നെ തെറ്റാണ്.

കേരളത്തിലെ പെണ്‍ വാണിഭ കഥകളിലെ നായകന്മാരെ ന്യായീകരിക്കുകയല്ല ഞാന്‍. പക്ഷെ ഇരയായവര്‍ക്കും അതില്‍ കൂട്ടുത്തരവാദിത്വമുണ്ട് എന്ന് പറയുക തന്നെ വേണം. നമ്മുടെ നിയമങ്ങള്‍ സ്ത്രീകള്‍ക്ക് നല്‍കുന്ന പ്രത്യേക അവകാശങ്ങളുടെ നഗ്നമായ ദുരുപയോഗം തന്നെയാണ് ഈ കേസുകളില്‍ പലതിലും നടന്നിട്ടുള്ളത്. അതിനെ എന്ത് പേരിട്ടു വിളിച്ചാലും ശരി. നമ്മള്‍ സമ്മതിക്കാതെ വേറൊരാള്‍ക്ക് നമ്മളെ പറ്റിക്കാന്‍ കഴിയില്ല. നടന്നടുക്കുന്നത് ഒരു കെണിയിലേക്കാണ് എന്ന് തിരിച്ചറിയാനുള്ള കഴിവ് മാതാ പിതാക്കള്‍ വേണം മക്കളില്‍ ഉണ്ടാക്കിയെടുക്കേണ്ടത്. അത് ചെയ്യാതെ എന്റെ കുട്ടിയെ പറ്റിച്ചു എന്ന് ഇപ്പോള്‍ വിലപിച്ചിട്ട് കാര്യമില്ല. തൊണ്ണൂറു ശതമാനം കേസുകളിലും അറിഞ്ഞു കൊണ്ട് കെണിയിലേക്കു വീണവരാണ് അപകടത്തില്‍ പെട്ടതും. കേരളത്തിലെ കുടുംബങ്ങളുടെ ഓര്‍ഗാനിക് ഘടന തന്നെ മാറിക്കഴിഞ്ഞിരിക്കുന്നു. അണുകുടുംബങ്ങളില്‍ പലതിലും തങ്ങളുടെ മക്കള്‍ എന്താണ് ചെയ്യുന്നതെന്ന് തീര്‍ത്തും അന്ധരായ മാതാ പിതാക്കള്‍ ആണുള്ളത്. ശ്രദ്ധിച്ചാലറിയാം. നിങ്ങളുടെ അച്ഛനമ്മമാര്‍ക്ക് നിങ്ങള്‍ക്ക് വരാന്‍ പോകുന്ന ഒരു ചെറിയ ജലദോഷത്തെ പോലും തിരിച്ചറിയാനുള്ള ശേഷിയുണ്ടായിരുന്നു. നിങ്ങള്‍ പൊയ്ക്കൊണ്ടിരിക്കുന്ന പാതയിലെ കള്ളി മുള്ളുകളെയും കൂര്‍ത്ത കരിങ്കല്ലുകളെയും പറ്റി മുന്നറിയിപ്പ് തരാനുള്ള കഴിവുണ്ടായിരുന്നു. എന്നാല്‍ ആ കഴിവ് നിങ്ങള്‍ക്കുണ്ടോ ? സത്യസന്ധമായി ചിന്തിച്ചു നോക്കൂ. ഇല്ല എന്ന് തന്നെയായിരിക്കും ഉത്തരം.

ഇതൊക്കെ ഇനിയും കേരളത്തില്‍ നടക്കും. കിളിരൂരും സൂര്യനെല്ലിയും ആവര്‍ത്തിക്കും. ഭൌതിക സുഖങ്ങളോട് ആര്‍ത്തിയുള്ള പെണ്‍കുട്ടികള്‍ ഇനിയും ഇത്തരം വലകളിലേക്ക് സ്വയം വീണു കൊടുക്കും. അവസാനം അതില്‍ നിന്ന് രക്ഷപ്പെടാന്‍ വയ്യാത്ത വിധം കേട്ടു മുറുകുമ്പോള്‍ അത് വരെ സഹകരിച്ചവരെ പ്രതിക്കൂട്ടില്‍ നിര്‍ത്തുകയോ അല്ലെങ്കില്‍ അവരെ ഭീഷണിപ്പെടുത്തി പണം വാങ്ങി മിണ്ടാതിരിക്കുകയോ ചെയ്യും. നമ്മുടെ മാധ്യമങ്ങള്‍ അവരെ ദുഖപുത്രിമാരാക്കും. നായകന്മാരെ വില്ലന്മാരാക്കും. ഈ വാര്‍ത്ത‍ അവരും ഞാനും നിങ്ങളും താല്പര്യത്തോടെ വായിക്കും. കുറച്ചു കാലത്തെ ഒച്ചപ്പാടുകള്‍ക്ക് ശേഷം അത് കെട്ടടങ്ങും.

- ശുഭാപ്തി വിശ്വാസം തീരെയില്ലാത്ത ഒരു ക്രൂരന്‍

കര്‍ത്താവ്‌ കമ്യൂണിസ്ടാവുമ്പോള്‍ - വര്‍ഗീയമായ ചില ചിന്തകള്‍

2012-02-05T22:12:00.001+05:30

അങ്ങനെ വീണ്ടും പണി കിട്ടി -

അങ്ങനെ ഒടുവില്‍ മഹത്തായ കേരള കമ്മ്യൂണിസ്റ്റ്‌ പാര്‍ട്ടി റോയല്‍ ആയി പണി വാങ്ങിച്ചു. സത്യം പറഞ്ഞാല്‍ ഇത്തവണത്തെ പാര്‍ട്ടി സമ്മേളനങ്ങളുടെ പോസ്ടറുകളില്‍ ജീസസ് മാത്രമല്ല ഉണ്ടായിരുന്നത്. ശ്രീ നാരായണ ഗുരു, ചട്ടമ്പി സ്വാമികള്‍ , അയ്യന്‍ കാളി മുതലായവരും ഉണ്ട്. പക്ഷെ പതിവിനു വിരുദ്ധമായി ദൈവ പുത്രന്‍ എന്ന് ജനങ്ങള്‍ വിശ്വസിക്കുന്ന യേശുദേവന്റെ ചിത്രം പാര്‍ട്ടി ആദ്യമായി പ്രചാരണത്തിന് ഉപയോഗിച്ചതാണ് വിവാദമായത്. വാര്‍ത്ത‍യായപ്പോള്‍ ചെയ്തത് ന്യായീകരിക്കാന്‍ സഖാവ് പിണറായി വിജയന്‍ തന്നെ മുന്നോട്ടു വരികയും ലോകം കണ്ട ഏറ്റവും വലിയ കമ്മ്യൂണിസ്ടുകളില്‍ ഒരാളാണ് കര്‍ത്താവ് യേശു മിശിഹ എന്ന് നമ്മെ പഠിപ്പിക്കുകയും ചെയ്തു. മാര്‍ ക്രിസോസ്ടം തിരുമേനി സഖാവിനെ ശക്തിയുക്തം പിന്താങ്ങുകയും ചെയ്തു. ക്രിസ്ത്യാനികളെക്കാള്‍ നന്നായി യേശുവിനെ മനസ്സിലാക്കിയ പിണറായിയെ പ്രശംസിക്കുകയും ചെയ്തു. എന്നാല്‍ ഇന്നത്തെ ആന്റി ക്ലൈമാക്സില്‍ കഥ നേരെ തിരിഞ്ഞു. പാര്‍ട്ടി സമ്മേളനത്തോടനുബന്ധിച്ചു പ്രദര്‍ശിപ്പിച്ച ഒരു പോസ്റര്‍ മലയാള മനോരമ കുത്തിപൊക്കി വാര്‍ത്തയാക്കി. ഡാവിഞ്ചിയുടെ പ്രശസ്തമായ അവസാനത്തെ അത്താഴത്തിന്റെ ചിത്രത്തില്‍ കര്‍ത്താവിന്റെ മുഖത്തിന്റെ സ്ഥാനത്ത് അമേരിക്കന്‍ പ്രസിഡന്റ്‌ ബരാക് ഒബാമയുടെ മുഖം വച്ചാണ് പോസ്റര്‍ ഇറങ്ങിയത്‌. മാത്രമല്ല യേശുവിന്റെ ശിഷ്യന്മാരുടെ സ്ഥാനത്ത് രാഹുല്‍ ഗാന്ധി മുതല്‍ സോണിയ വരെയുള്ളവരും നരേന്ദ്ര മോഡി , അദ്വാനി മുതലായ സംഘ പരിവാരങ്ങളും ഉണ്ട്. ഇത് കണ്ടു പ്രകോപിതരായ ക്രൈസ്തവ സമൂഹം പാര്‍ട്ടിക്കെതിരെ തിരിഞ്ഞിരിക്കുന്നു. പക്ഷെ ഇതില്‍ പങ്കില്ല എന്ന് പാര്‍ട്ടി പ്രസ്താവിച്ചു കഴിഞ്ഞു. പാര്‍ട്ടിയുടെ നീതിമാനായ നേതാവ് വി എസ് വെറുതെയിരുന്നില്ല. ഒരു പടി കൂടി കടന്ന് മൊഹമ്മദ്‌ നബിയും ശ്രീബുദ്ധനും വിമോചന നായകരില്‍ പെടും എന്ന് അദ്ദേഹം പ്രസ്താവിച്ചിരിക്കുന്നു. മഹാ ഭാരതവും രാമായണവും വിശ്വാസികളുടെ മാത്രം സ്വത്തല്ല എന്ന് പാര്‍ട്ടി ഉറക്കെ പറയുന്നു.

അപ്പ അതാണ്‌ വിഷയം -

എന്തുകൊണ്ട് പാര്‍ട്ടി യേശുവിനെ വച്ച് ഇപ്പോള്‍ മാര്‍ക്കറ്റ്‌ ചെയ്തു/ചെയ്യുന്നു എന്നതാണ് വിഷയം. പിണറായി പറഞ്ഞത് പോലെ യേശുദേവന്‍ പലിശക്കാരെ പള്ളിക്ക് പുറത്താക്കി, മര്‍ദിതര്‍ക്ക് വേണ്ടി പോരാടി എന്നൊക്കെ പറഞ്ഞത് ഇരുട്ട് കൊണ്ട് ഒറ്റയടക്കുന്നത് പോലെയേ ആയുള്ളൂ. അതാണ്‌ അവരുടെ വാദമെങ്കില്‍ യഥാര്‍ത്ഥ കമ്മ്യൂണിസ്റ്റ്‌ മനിഫെസ്ടോ എന്ന് വിളിക്കാവുന്നത് ഖുറാനെയാണ് . യഥാര്‍ത്ഥ കമ്മ്യൂണിസ്റ്റ്‌ മൊഹമ്മദ്‌ നബിയും. പാവങ്ങള്‍ക്ക് നിര്‍ബന്ധമായും സക്കാത്ത് നല്‍കണം, പലിശ വാങ്ങുകയോ കൊടുക്കുകയോ ചെയ്യരുത് , അന്യന്റെ വിശപ്പ്‌ ശമിപ്പിച്ചിട്ടേ നീ ആഹാരം കഴിക്കാവൂ എന്നും നിര്‍ബന്ധിക്കുന്ന ഒരു മത ഗ്രന്ഥം ഖുര്‍ ആന്‍ ആണ് ( അത് മുസ്ലീങ്ങള്‍ എത്ര കണ്ടു പാലിക്കുന്നു എന്നത് വേറൊരു കാര്യം ). ഇത് പോലുള്ള കാര്യങ്ങള്‍ പല മത ഗ്രന്ഥങ്ങളും പറയുന്നുണ്ടെങ്കിലും ഒരു നിയമം പോലെ അത് നടപ്പിലാക്കിയിരിക്കുന്നത് ഇസ്ലാമില്‍ മാത്രമാണെന്ന് തോന്നുന്നു. ഉത്കൃഷ്ടമായ ആശയങ്ങള്‍ നടപ്പിലാക്കാന്‍ പറ്റില്ലെങ്കില്‍ അത് ഉപയോഗ ശൂന്യമായ വാചക ശകലങ്ങള്‍ മാത്രമാണെന്ന് വിശ്വസിക്കുന്ന ഒരാളാണ് ഞാന്‍. അതുകൊണ്ട് ഖുര്‍ ആന്‍ ചെയ്തിരിക്കുന്നത് ഒരു വിപ്ലവകരമായ കാര്യമാണ്. മാത്രമല്ല യേശു ചെയ്ത പോലെ അന്നത്തെ കലാപ കലുഷിതമായ കാല ഘട്ടത്തില്‍, പ്രാകൃത ജീവിതം നയിച്ചിരുന്ന ഒരു ജന സമൂഹത്തെ നേര്‍ വഴിക്ക് കൊണ്ട് വരാന്‍ ജീവിതം ഉഴിഞ്ഞു വച്ച ഒരാള്‍ തന്നെയാണ് നബിയും. ദൈവം അശരീരിയായി പകര്‍ന്നു കൊടുത്ത വചനങ്ങള്‍ പാഠപുസ്തകമാക്കിയ നബിയുടെ ത്യാഗമാണ് ഇന്നത്തെ ഇസ്ലാം. ദൈവത്തിന്റെ കയ്യില്‍ നിന്ന് നേരിട്ട് കിട്ടിയെന്നു വിശ്വസിക്കപ്പെടുന്ന ഇത്തരം നിര്‍ദേശങ്ങളുടെ ക്രോഡീകരിക്കപ്പെട്ട രൂപമാണ് ഖുര്‍ ആന്‍ എന്ന് പിന്നീട് അറിയപ്പെട്ടത്. ഒരു തരത്തില്‍ മാതൃകാപരമായ ജീവിതത്തിന്റെ ഒരു പ്രാക്ടിക്കല്‍ ഗൈഡ് ആണ് ഖുര്‍ ആന്‍. ഹിന്ദു മതത്തില്‍ ഭഗവത് ഗീത എന്താണോ അത്. പക്ഷെ ഒരിക്കല്‍ പോലും കമ്മ്യൂണിസ്റ്റ്‌ പാര്‍ട്ടി ഇസ്ലാമിലെ നല്ല കാര്യങ്ങളെ പ്രൊമോട്ട് ചെയ്യാന്‍ താല്പര്യം കാട്ടി കണ്ടിട്ടില്ല. ചിലപ്പോ എന്തും രാഷ്ട്രീയമായി മാത്രം കാണുന്ന പാര്‍ട്ടിയുടെ നിലപാടാവാം കാരണം.

പാര്‍ട്ടിയുടെ പുതിയ മത ഭൌതിക വാദം -

എന്തായാലും ഇവിടെ പാര്‍ട്ടിയുടെ ഉദ്ദേശ ശുദ്ധിയില്‍ നമുക്ക് സംശയം തോന്നുകയാണ്. ഭൌതിക വാദത്തിന്റെ പ്രയോക്താക്കള്‍ ആയ ഒരു പാര്‍ട്ടി എന്തുകൊണ്ട് വളരെ ടിപ്പിക്കല്‍ അയ മത വാദങ്ങള്‍ പുലര്‍ത്തുന്ന കത്തോലിക്കാ സഭയെ ഇങ്ങനെ സോപ്പ് ഇടാന്‍ ശ്രമിക്കുന്നതെന്ന് ഒരു ചോദ്യം ഇവിടെ ഉയരുന്നു. മാത്രമല്ല പിണറായി വിജയന്‍, അച്ചുതാനന്ദന്‍ മുതലായ തല മുതിര്‍ന്ന സഖാക്കള്‍ ഇതിനെ ന്യായീകരിക്കാന്‍ കഷ്ടപ്പെടുന്നത് കണ്ടിട്ട് സത്യം പറഞ്ഞാല്‍ സഹതാപം തോന്നുന്നു. പാര്‍ട്ടി സപ്പോര്‍ട്ട് ചെയ്തത് ക്രിസ്തു മതത്തെയല്ല, മരിച്ചു യേശു എന്ന വിപ്ലവകാരിയെയാണ് എന്ന് പല സഖാക്കളും ഇതിനെ വിശദീകരിച്ചു. Communism is a social, political and economic ideology that aims at the establishment of a classless, money less, stateless and revolutionary socialist society structured upon common ownership of the means of production. എന്നാണ് വിക്കി കമ്യൂണിസത്തെ നിര്‍വചിക്കുന്നത്. മതം മനുഷ്യനെ മയക്കുന്ന കറുപ്പാണ് എന്ന് പറഞ്ഞ മാര്‍ക്സിന്റെ ആശയങ്ങള്‍ ഇവര്‍ എങ്ങനെ ന്യായീകരിക്കും എന്നറിയില്ല.

Religious Communism - അപ്പ ഇത് ആദ്യത്തെ സംഭവമല്ല.

Religious Communism എന്നൊരു കമ്മ്യൂണിസം ഉണ്ട്. അതായതു മതപരമായ ആശയങ്ങള്‍ ചിലത് കമ്മ്യൂണിസം അഡോപ്റ്റ് ചെയ്തിട്ടുണ്ട്. എന്തിനേറെ പറയുന്നു Christian communism എന്നൊരു കമ്മ്യൂണിസം തന്നെയുണ്ട്‌. ജീസസ് ക്രൈസ്റ്റ് പഠിപ്പിച്ച ആശയങ്ങള്‍ പിന്തുടര്‍ന്നുള്ള ഒരു സിദ്ധാന്തമാണ്‌ ഇത്. വ്യതിരിക്തമായ ഒരു സാമൂഹിക വ്യവസ്ഥയുടെ വ്യത്യസ്തമായ ഒരു വകഭേദവും കൂടിയാണിത്. ലോകത്ത് മിക്കയിടത്തും അവിടത്തെ സാമൂഹ്യ വ്യവസ്ഥയുടെ ഭാഗമായും നിയന്ത്രിത ശക്തിയായും മറ്റും ഇടപെട്ടിരുന്ന സഭയുടെ ഇടപെടലുകള്‍ പ്രതിരോധിക്കാന്‍ വേണ്ടി പാര്‍ട്ടി നടത്തിയ ബുദ്ധിപരമായ ഒരു സന്ധി ആയും ഇതിനെ കാണാം എന്ന് എനിക്ക് തോന്നുന്നു. ക്യാപ്പിറ്റലിസം ഇപ്പോഴും ഒരു അപകടകാരിയായ ശത്രുവായിരുന്നു എന്ന് എപ്പോഴും ഉയര്‍ത്തിക്കാട്ടാന്‍ കമ്മ്യൂണിസവും ക്രിസ്ത്യന്‍ സഭകളും ശ്രമിച്ചിരുന്നു. ചുരുക്കി പറഞ്ഞാല്‍ മതപരമായ കാര്യങ്ങള്‍ ഒഴിച്ച് നിര്‍ത്തിയാല്‍ ചൂഷണത്തെ പറ്റിയും അധ്വാനിക്കുന്നവരെ പറ്റിയും ലാഭത്തില്‍ അധിഷ്ടിതമായ കുത്തകകളെ പറ്റിയും ഈ രണ്ടു വിഭാഗങ്ങളും സാമ്യമുള്ള തത്വ സംഹിതകള്‍ പിന്തുടര്‍ന്നിരുന്നു എന്ന് കാണാം. കാബേ , ഹഗ്ഗേര്‍ട്ടി, ബ്ലോഷ് മുതലായ ക്രിസ്ത്യന്‍ കമ്യൂണിസ്റ്റുകള്‍ കമ്യൂണിസവും മത സഭകളും തമ്മിലുള്ള വിടവുകള്‍ അടയ്ക്കാന്‍ പലതും മുന്നോട്ടു കൊണ്ട് വന്ന നേതാക്കള്‍ ആണ് .പക്ഷെ കമ്മ്യൂണിസം മുന്നോട്ടു വയ്ക്കുന്ന നിരീശ്വര വാദം, മതത്തോടുള്ള എതിര്‍പ്പ്, അമേരിക്കയെ എതിര്‍ക്കുന്ന സോവിയറ്റ് റഷ്യ , ക്യൂബ, ചൈന മുതലായ കമ്മ്യൂണിസ്റ്റ്‌ രാജ്യങ്ങളോടുള്ള വിരോധം, മുതലായ കാരണങ്ങള്‍ കൊണ്ട് അത് ഇത് വരെ വിജയിച്ചിട്ടില്ല എന്ന് മാത്രം. മാര്‍ക്സിനു മുന്നും പിന്‍പും എന്ന് ഇതിനെ രണ്ടായി തിരിക്കാം. മാര്‍ക്സിന്റെ തത്വ സംഹിതകള്‍ അത്രയും ശക്തമായിരുന്നു എന്ന് ചുരുക്കം. വളരെയധികം വിശദമായ ഒരു വിഷയമാണ് ക്രിസ്ത്യന്‍ കമ്മ്യൂണിസം. അതിനെ പറ്റി കൂടുതല്‍ എഴുതി നിങ്ങളെ ബോര്‍ അടിപ്പിക്കാന്‍ ആഗ്രഹിക്കുന്നില്ല. താല്പര്യമുള്ളവര്‍ക്ക് താഴെയുള്ള രണ്ടു വിക്കി ലേഖനങ്ങള്‍ റെഫര്‍ ചെയ്യാവുന്നതാണ്.

http://en.wikipedia.org/wiki/Religious_communism

http://en.wikipedia.org/wiki/Christian_communism

ലെനിന്‍, മാര്‍ക്സ് എന്നീ രണ്ടു നേതാക്കളുടെ ആശയങ്ങള്‍ തമ്മിലുള്ള ബൌദ്ധികമായ ( ? ) പോരാട്ടവും ഏറ്റു മുട്ടലുകളും ആണ് എന്നും കമ്മ്യൂണിസം എന്ന് എനിക്ക് തോന്നുന്നു. കമ്മ്യൂണിസം മുന്നോട്ടു വയ്ക്കുന്ന പ്രായോഗികമായ വെല്ലുവിളികളും ആശയങ്ങളുടെ പെരുമഴയും ഏറ്റു വാങ്ങാന്‍ പറ്റിയ ആള്‍ക്കാര്‍ അവരുടെ അനുയായികളില്‍ എത്ര ഉണ്ടായിരുന്നു എന്ന് സംശയിക്കുന്നു.

അതിനുള്ള ഏറ്റവും നല്ല ഉദാഹരണമാണ് ഈ വിവാദത്തില്‍ നമ്മുടെ പ്രമുഖ നേതാക്കള്‍ ഒരാള്‍ പോലും ക്രിസ്ത്യന്‍ കമ്യൂണിസത്തെ പറ്റി ഒരക്ഷരം മിണ്ടാതിരുന്നത്. ഒഴുക്കന്‍ മട്ടില്‍ യേശു ഒരു വിപ്ലവകാരിയായിരുന്നു എന്ന് ആവര്‍ത്തിക്കുന്നതിനു പകരം നൂറ്റാണ്ടുകള്‍ പഴക്കമുള്ള കമ്മ്യൂണിസ്റ്റ്‌ ക്രിസ്ത്യന്‍ ആശയ സമവര്‍ത്തിത്വത്തിനെ പറ്റി ഒരാളെങ്കിലും വായ തുറക്കുമെന്ന് ഞാന്‍ പ്രതീക്ഷിച്ചു.

പിണറായി വിജയന്‍, വി എസ് , ജയരാജന്‍ , എന്തിനു, പാര്‍ട്ടിയുടെ പ്രഖ്യാപിത ബുദ്ധിജീവി ആയ (?) തോമസ്‌ ഐസക് തുടങ്ങിയ നേതാക്കളുടെ രാഷ്ട്രീയവും ചരിത്രപരവുമായ ജ്ഞാനം എത്രയുണ്ടെന്നും കാലത്തെ അതിജീവിക്കുന്ന ഒരു പ്രസ്ഥാനമായി ഈ പാര്‍ട്ടിയെ കൊണ്ട് പോകാന്‍ അവര്‍ക്ക് എത്ര പ്രാപ്തിയുണ്ടെന്നും വ്യക്തമായ ഒരു ചോദ്യമുയര്‍ത്തുന്നു ഈ സംഭവം.

ഈ എം എസ് നമ്പൂതിരിപ്പാടിനെ ഇപ്പോഴാണ് ശരിക്കും മിസ്സ്‌ ചെയ്യുന്നത്.

- എന്ന് വിനയത്തോടെ ഒരു കമ്മ്യൂണിസ്റ്റ്‌ വിരോധി

അവസാനത്തെ അത്താഴം ഇങ്ങനെ ചിത്രീകരിച്ചതില്‍ ഒരു വിശ്വാസിയും രോഷം കൊള്ളുകയോ അത് ചെയ്തവരെ കൊണ്ട് മാപ്പ് പറയിക്കുകയോ ചെയ്യേണ്ട കാര്യമില്ല എന്നാണ് എന്റെ വ്യക്തിപരമായ അഭിപ്രായം. ദൈവമേ.. ഇവര്‍ ചെയ്യുന്നതെന്താണ്‌ എന്നിവര്‍ അറിയുന്നില്ല .. അവര്‍ക്ക് മാപ്പ് നല്‍കേണമേ.. എന്ന് പ്രാര്‍ഥിച്ച ഒരു മഹാത്മാവിന്റെ അനുയായികള്‍ അങ്ങനെ ചെയ്യാന്‍ പാടില്ല. ഒരു കാര്യം കൂടി... മുകളില്‍ പറഞ്ഞിരിക്കുന്ന മതപരമായ വസ്തുതകളില്‍ എന്തെങ്കിലും പിഴവ് വന്നിട്ടുണ്ടെങ്കില്‍ ദയവു ചെയ്തു ചൂണ്ടിക്കാണിക്കാന്‍ അപേക്ഷിക്കുന്നു. ഇതില്‍ പലതും വിക്കിയും പുസ്തകങ്ങളും റെഫര്‍ ചെയ്തു കിട്ടിയിട്ടുള്ളതാണ്. തെറ്റുകള്‍ വന്നിട്ടുണ്ടെങ്കില്‍ മനപൂര്‍വമല്ല എന്ന് കരുതി ക്ഷമിക്കണം എന്ന് അഭ്യര്‍ത്ഥിക്കുന്നു.

മുമ്പ് എഴുതിയ ചില കമ്മ്യൂണിസ്റ്റ്‌ വിരുദ്ധ പോസ്റ്റുകള്‍ വീണ്ടും.

കലിപ്പ് തീരണില്ല. അതാ.. ഹി ഹി

ജയരാജനും ചില പഴയ ചുവപ്പന്‍ ചിന്തകളും
ജോര്‍ജ് / ഗണേശന്‍ / അച്യുതാനന്ദന്‍ - ആരാണ് വിശുദ്ധന്‍ ?
ഒളി ക്യാമറയുടെ നിഴലില്‍ ഒരു കമ്യൂ ണിസ്ടുകാരന്‍

കൂത്ത്‌പറമ്പില്‍ നിന്ന് മുല്ലപ്പെരിയാറിലേയ്ക്കുള്ള ദൂരം

മല്ലു ആക്സന്റ്

2012-02-02T23:43:00.000+05:30

ആദ്യം ഇന്നലെ എന്റെ ഒരു സുഹൃത്ത്‌ ഫോര്‍വേഡ് ചെയ്തു തന്ന ഒരു ഇ-മെയില്‍ വായിക്കാം. മലയാളികളുടെ ഇംഗ്ലീഷ് ഉച്ചാരണത്തെ കളിയാക്കിക്കൊണ്ട്‌ ആരോ ഉണ്ടാക്കിയതാണ്.

Here are some special accents only by Mallus.. You can easily find out a Mallu from his accents…

Q: Where did the Malayali study?
A: In the ko-liage.

Q: Why did the Malayali not go to ko-liage today?
A: He is very bissi.

Q: Why did the Malayali buy and air-ticket?A: To go to Thuubai, zimbly to meet his ungle in the Gelff.

Q: Why do Malayali’s go to the Gelff?
A: To yearn meney.

Q: What did the Malayali do when the plane caught fire?

A: He zimbly jembd out of the vindow.

Q: Why did the Malayali go to the concert in Rome?
A: Because he wanted to hear pope music.

Q: How does a Malayali spell moon?
A: MOON – Yem Yo yet another Yo and Yem

Q: What is Malayali management graduate called?
A: Yem Bee Yae.

Q: What does a Malayali do when he goes to America?
A: He changes his name from Karunakaran to Kevin Curren.

Q: What does a Malayali use to commute to office everyday?
A: An Oto

Q: And for cargo?
A: Loree

Q: Where does he pray?
A: Demble

Q: Who is Bruce Lee’s best friend ?
A: A Malaya-Lee of coarse.

Q: Name the only part of the werld, where Malayali’s dont werk hard?
A: Kerala

Q: Why is industrial productivity so low in Kerala?

A: Because 86% of the shift time is spent on lifting,folding and re-tying the lungi.

ഇത് പോലുള്ള മെയിലുകള്‍ ഇപ്പൊ കുറെയായി കാണുന്നു. അപ്പോഴാണ്‌ ഞാന്‍ ഒരു കാര്യം ഓര്‍ത്തത്‌. എവിടെ ചെന്നാലും മലയാളികളുടെ ഇംഗ്ലീഷ് ഉച്ചാരണത്തെ ബാക്കിയുള്ളവന്മാര്‍ കളിയാക്കുന്നത് കേള്‍ക്കാം. സത്യം പറഞ്ഞാല്‍ അത്രയ്ക്ക് മോശമല്ല നമ്മുടെ ഇംഗ്ലീഷ്. അത്യാവശ്യം വാക്കുകള്‍ വ്യക്തമായി പറയാന്‍ മലയാളി ശ്രമിക്കുന്നുണ്ട്. ആകെയുള്ള പ്രോബ്ലം നമ്മള്‍ ഉപയോഗിക്കുന്ന വാക്കുകളാണ്. ഒരു സിടുവേഷനില്‍ ഉപയോഗിക്കേണ്ട വാക്ക് പലപ്പോഴും നമ്മള്‍ തെറ്റായിട്ടാണ് പറയുന്നത്. അതായത് I am learning driving എന്നതിന് പകരം I am studying driving എന്ന് പറയുന്ന പോലെ. എന്നാല്‍ ഇങ്ങനെ കളിയാക്കുന്നവരുടെ ഇംഗ്ലീഷ് കേട്ടാലോ ..ഇതാ കുറച്ചു ഉദാഹരണങ്ങള്‍...

ബംഗാളികള്‍ / ഗുജറാത്തികള്‍ / ഒറിയക്കാര്‍ - പൂജ്യം അഥവാ സീറോയ്ക്ക് ഇവന്മാര്‍ വിളിക്കുന്നത്‌ ജീറോ എന്നാണ്. ആദ്യം തന്നെ ഇത് പറഞ്ഞത് ഇതാണ് നിങ്ങള്‍ കേട്ടിട്ടുണ്ടാവുന്ന ഏറ്റവും കോമണ്‍ ആയ ഒരു വാക്ക് ആയതുകൊണ്ടാണ്‌. നോര്‍ത്തികള്‍ പൊതുവേ ഇത് തന്നെ പറയുന്നത്. ബംഗാളികളുടെ ഇംഗ്ലീഷ് ചൈനക്കാര്‍ ഇംഗ്ലീഷ് പറയുന്ന പോലെയാണ്. ഷ എന്നതിന് സ ആണ് ഇവന്മാര്‍ ഉപയോഗിക്കുന്നത്. അതായത് , ഇംഗ്ലീഷ് എന്നതിന് ഇന്ഗ്ളീസ്, cash എന്നതിന് കാസ് , എന്ന് വേണ്ടാ കപീഷ് എന്നതിന് കപീസ് എന്ന് വരെ ഇവന്മാര്‍ വിളിക്കും. വാക്കുകള്‍ മാക്സിമം അലമ്പാക്കി മാത്രമേ ഇവര്‍ പറയുകയുള്ളൂ. Material എന്നതിന് നമ്മള്‍ എന്ത് പറയും ? മെറ്റീരിയല്‍ എന്ന് പറയും. എന്നാല്‍ അവരോ.. മട്ടീറിയല്‍ എന്ന്. അല്ലെങ്കിലും ഹിന്‍ഗ്ലീഷ് എല്ലാവരും അംഗീകരിച്ചതാണല്ലോ. അടിച്ച വഴിയെ പോയില്ലെങ്കില്‍ പോയ വഴിയെ അടിക്കുക.

തന്‍ഗ്ലീഷ് അഥവാ തമിഴ് ഇംഗ്ലീഷ് - കോളേജ് എന്നതിന് കാളേജ് എന്ന് വിളിക്കുന്നതില്‍ തുടങ്ങി ആകെ തമാശയാണ് ഇവന്മാരുടെ ഇംഗ്ലീഷ്. ഫോര്‍മാറ്റ്‌ എന്നതിന് ഫാര്‍മാറ്റ്, ഓഫീസ് എന്നതിന് ആഫീസ് , കോപ്പി എന്നതിന് കാപ്പി, കോഫി എന്നതിന് കാഫി. മുമ്പ് ഒരു കഥയില്‍ പറഞ്ഞ പോലെ guy എന്നതിന് ഗേ എന്ന് വരെ ഇവന്മാര്‍ വിളിക്കും. ഇവന്മാരുടെ ഇംഗ്ലീഷ് കാണ്ഡം കാണ്ഡമായി അങ്ങനെ കിടക്കുകയാണ്. അതുകൊണ്ട് കൂടുതല്‍ നീട്ടുന്നില്ല. ഹി ഹി.

തെലുങ്ക് ഇംഗ്ലീഷ് - മേല്‍പ്പറഞ്ഞത്‌ തന്നെ. ഒരു മാറ്റവുമില്ല. ഒരു ലെവല്‍ താഴെ നില്‍ക്കുന്നെങ്കിലേ ഉള്ളൂ

കന്നഡ ഇംഗ്ലീഷ് അഥവാ കന്‍ഗ്ലീഷ് - ഇവന്മാരുടെ ഇംഗ്ലീഷ് ബഹുതമാശയാണ്. ദക്ഷിണേന്ത്യയില്‍ ഒരു വിധം ന്യൂട്രല്‍ ആക്സന്റ് ഉള്ള ഒരേ ഒരു സംസ്ഥാനമാണ് കര്‍ണാടക എന്നാണു ഇവിടത്തുകാര്‍ പറഞ്ഞു നടക്കുന്നത്. എന്നിട്ടോ. അയണ്‍ ( iron ) എന്നതിന് ഐറണ്‍ എന്നാണു ഇവന്മാര്‍ പറയുന്നത്. Turning എന്നതിന് ടര്‍ണിംഗ് എന്നും. ഇവന്മാര്‍ കാറിനു മുന്നില്‍ ആരെങ്കിലും ചാടിയാല്‍ horn അടിക്കില്ല. പകരം ഹോറന്‍ അടിക്കും.

എന്താന്നറിയില്ല. ബാക്കിയൊന്നും ഓര്‍മ വരുന്നില്ല. നിങ്ങള്‍ പറയൂ ..

കാസനോവ - റിവ്യൂ

2012-01-27T09:43:00.001+05:30

കുറെ കാലം കൂടിയാണ് ഒരു സിനിമ റിലീസ് ദിവസം തന്നെ കാണുന്നത്. അങ്ങനെ വളരെക്കാലം കൂടി കണ്ട ഒരു ചിത്രമാണ് കാസനോവ. ഗോപാലന്‍ മാള്‍ എന്ന് പറഞ്ഞിട്ട് ഇവിടെ ഒരു ഷോപ്പിംഗ്‌ മാള്‍ ഉണ്ട്. അവിടെയാണ് ഇന്നലെ ചിത്രം കണ്ടത്. സുന്ദരിമാരുടെ ഹാര്‍ട്ട്‌ ത്രോബ് ആയ അന്താരാഷ്‌ട്ര പൂക്കച്ചവടക്കാരന്‍ ആയ കാസനോവ എന്ന അഭിനവ കാമദേവന്റെ വേഷമാണ് നമ്മുടെ ലാലേട്ടന്‍ അവതരിപ്പിക്കുന്നത്‌ ( അവതരിപ്പിക്കാന്‍ കിണഞ്ഞു ശ്രമിക്കുന്നത് എന്ന് വേണം പറയാന്‍). എന്റെ വീട് അപ്പൂന്റേം, നോട്ട് ബുക്ക്‌ , ട്രാഫിക്‌ മുതലായ ചിത്രങ്ങളിലൂടെ ശ്രദ്ധേയരായ ബോബ്ബി - സഞ്ജയ്‌ , ആദ്യ ചിത്രത്തിലൂടെ തന്നെ മുന്‍ നിരയില്‍ സ്ഥാനം നേടിയ റോഷന്‍ , മലയാളത്തിന്റെ 'കനപ്പെട്ട' സൌഭാഗ്യമായ ലാലേട്ടന്‍ തുടങ്ങി വന്‍ പുലികള്‍ ആണ് ചിത്രത്തിന്റെ മുന്നിലും പിന്നിലും. പക്ഷെ ഇതിന്റെ അണിയറക്കാര്‍ ഉദ്ദേശിച്ച പോലുള്ള വികാരമല്ല ചിത്രം കാഴ്ചക്കാരില്‍ ഉണ്ടാക്കുന്നത്‌ എന്ന് മാത്രം

എന്താണ് കഥ ( പേടിക്കണ്ട. spoilers ഒഴിവാക്കിയിട്ടുണ്ട് ) ?

ദുബായ് നഗരത്തിലെ അംബര ചുംബികളില്‍ അതീവ സാഹസികമായ രീതിയില്‍ നടത്തുന്ന മോഷണ പരമ്പരകള്‍ നടത്തുന്ന ഒരു masked robber gang ന്റെ ഒരു വന്‍ മോഷണം കാണിച്ചു കൊണ്ടാണ് കഥ തുടങ്ങുന്നത്. ആ ദൌത്യം വിജയകരമായി പൂര്‍ത്തിയാക്കുന്ന നാലംഗ സംഘം അടുത്തതായി ലക്‌ഷ്യം വയ്ക്കുന്നത് ഉടന്‍ തന്നെ ദുബായില്‍ നടക്കാന്‍ പോകുന്ന ഒരു വന്‍ വിവാഹ ചടങ്ങാണ്. അതില്‍ വരുന്ന അതി സമ്പന്നരായ അതിഥികള്‍ ആണ് അവരുടെ ലക്‌ഷ്യം. Casanova's Eternal Spring എന്ന പേരില്‍ ഹോര്‍ട്ടി കള്‍ച്ചര്‍ ബിസിനസ്‌ നടത്തുന്ന, വിജയ്‌ മല്യയെ പോലെ ജീവിതം അടിച്ചു പൊളിക്കുന്ന ഒരു വ്യവസായി ആണ് കാസനോവ. അദ്ദേഹവും ഈ വിവാഹത്തിനെത്തുന്നുണ്ട് . അതിഥികള്‍ക്കിടയില്‍ നുഴഞ്ഞു കയറിയ അവരെ കാസനോവ തിരിച്ചറിയുന്നു. പോലീസിനെ അറിയിക്കാതെ അവരെ നേരിട്ട് കുടുക്കാന്‍ വേണ്ടി മറ്റു പരിപാടികള്‍ എല്ലാം ഉപേക്ഷിച്ചു അയാള്‍ അവിടെ തങ്ങുന്നു. എന്തിനാണ് അയാള്‍ അവരെ ലക്ഷ്യമിടുന്നത് ? എന്താണ് അവരുടെ ബന്ധം ? എന്താണ് കസനോവയുടെ ജീവിതത്തില്‍ സംഭവിച്ചത് ? തുടങ്ങി ഒട്ടേറെ ചോദ്യങ്ങള്‍ക്കുള്ള മറുപടിയാണ് ചിത്രത്തിന്റെ ബാക്കി പാതി.

അഭിനേതാക്കള്‍

സത്യം പറഞ്ഞാല്‍ ഈ ചിത്രത്തില്‍ മുഴച്ചു നില്‍ക്കുന്ന ഒരേ ഒരു കഥാപാത്രം നായകനായ കാസനോവ തന്നെയാണ്. internationally അറിയപ്പെടുന്ന ഒരു പ്ലേ ബോയ്‌ ആയ കസനോവയെ അവതരിപ്പിക്കാന്‍ മോഹന്‍ ലാലിനെ തെരഞ്ഞെടുത്തത് തെറ്റായ ഒരു തീരുമാനമായി പോയി എന്ന് പറയാതെ വയ്യ. ഇത്രയും സ്ത്രീകളെ ആകര്‍ഷിക്കാനുള്ള ഒരു കരിസ്മ ഉള്ള ഒരു കഥാപാത്രമായി മാറാന്‍ ശാരീരികമായ പരിമിതികള്‍ മൂലം അദ്ദേഹത്തിന് പറ്റുന്നില്ല എന്നത് ഒരു സത്യമാണ്.

ക്ഷീണിച്ച മുഖവും അതിനേക്കാള്‍ ക്ഷീണിച്ച ശരീര ഭാഷ കൊണ്ടും കഥാപാത്രത്തില്‍ നിന്നും ബഹുദൂരം പുറകിലാണ് എന്ന് ഇപ്പോഴും തോന്നിപ്പിക്കുന്ന അഭിനയമാണ് മോഹന്‍ലാല്‍ നടത്തിയിരിക്കുന്നത്. ഇടയ്ക്കിടയ്ക്ക് പ്രേമത്തെ പറ്റി വാചകങ്ങള്‍ തട്ടി മൂളിക്കുന്നതോ അല്ലെങ്കില്‍ സ്വന്തം സ്വീറ്റിലും കോഫി ഷോപ്പിലും വിളിച്ചു വരുത്തി അവരെ കോഫി കുടിപ്പിക്കുന്നത് കൊണ്ടോ ഇക്കാലത്ത് പെണ്ണുങ്ങള്‍ വീഴുമെന്നു എനിക്ക് തോന്നുന്നില്ല. ലോകം വളരെ മാറി കഴിഞ്ഞിരിക്കുന്നു. പ്രണയവും. പക്ഷെ അത് ചിത്രത്തില്‍ കാണാന്‍ പറ്റുന്നില്ല എന്ന് മാത്രം. അതൊക്കെ പോട്ടെ .. ലാലേട്ടനിലേയ്ക്ക് വരാം. ചില രംഗങ്ങളില്‍ അദ്ദേഹം ഉപയോഗിച്ച വിഗ് വളരെ നന്നായിട്ടുണ്ട്. പക്ഷെ ചില സീനുകളില്‍ ഇപ്പൊ പറന്നു പോകും എന്ന് നമുക്ക് സംശയം തോന്നുന്ന തരം തല്ലിപ്പൊളി സാധനം ആണ് അദ്ദേഹം തലയില്‍ ഫിറ്റ്‌ ചെയ്തിരിക്കുന്നത്. പിന്നെ മലയാള സിനിമകളില്‍ മാത്രം കാണുന്ന തരം തൊങ്ങല്‍ പിടിപ്പിച്ച കോട്ടുകളും. പാട്ടുകളില്‍ റോഷന്റെ വിദഗ്ധമായ ശ്രമങ്ങള്‍ കാരണം അധികം ബോര്‍ ആകാതെ നോക്കിയിട്ടുണ്ട്. ഒരു കാലത്ത് സ്വാഭാവികമായ അഭിനയത്തിന്റെ പര്യായ പദമായി അറിയപ്പെട്ടിരുന്ന ഒരു അതുല്യ നടനെ കുറിച്ച് ഇങ്ങനെയൊക്കെ പറയേണ്ടി വരുന്നതില്‍ ഒരു കടുത്ത ലാലേട്ടന്‍ ഫാന്‍ എന്ന നിലക്ക് ദുഖമുണ്ട്. പക്ഷെ എന്ത് ചെയ്യാന്‍. അമീര്‍ ഖാന്‍ ഒക്കെ ചെയ്യുന്ന പോലെ വര്‍ഷത്തില്‍ ഒരു ചിത്രം എന്ന തീരുമാനത്തിലെയ്ക്ക് അദ്ദേഹം മാറേണ്ട സമയം അതിക്രമിച്ചിരിക്കുന്നു.

മോഹന്‍ ലാല്‍ സിനിമകളിലെ സ്ഥിരം അസംസ്കൃത വസ്തുവായ ലക്ഷ്മി റായി ഇതിലുമുണ്ട്. തരക്കേടില്ലാതെ അഭിനയിച്ചു. റോമയ്ക്ക് വ്യത്യസ്തമായ ഒരു വേഷമാണ്. പക്ഷെ റോമ തടിച്ചു തടിച്ചു ഡിങ്കനെ പോലെ ( എന്റെ ഒരു സുഹൃത്തിട്ട പേരാണ്. നല്ല ചേര്‍ച്ചയുണ്ട് ) ആയിട്ടുണ്ട്‌. ജഗതിയുടെ ഒന്നും ഒരു ആവശ്യവും ഈ ചിത്രത്തിലില്ല. പക്ഷെ അങ്ങേരും ഉണ്ട്. ലാലു അലക്സ്‌ കൊള്ളാം. തരക്കേടില്ല. ലാലേട്ടന് കാമുകി ഇല്ല എന്ന് കരുതി സമാധാനിചിരിക്കുമ്പോള്‍ അതാ വരുന്നു ശ്രേയ ശരന്‍. അതിനെ പറ്റി

ഏറ്റവും നന്നായി തോന്നിയത് ആ നാല് കള്ളന്മാരാണ്. ബട്ട്‌ ഒന്നിന്റെയും പേരറിയില്ല. അവന്മാര്‍ നാലും കൊള്ളാം. തീപ്പൊരികള്‍ ആണ്. ആര്‍ക്കെങ്കിലും അറിയാമെങ്കില്‍ ഷെയര്‍ ചെയ്യൂ പ്ലീസ്.

അവന്മാര്‍ക്ക് അഭിനന്ദനം

സാങ്കേതികം

കഥ കൊള്ളാം. പക്ഷെ തിരക്കഥയ്ക്ക് നീളം കുറയ്ക്കാമായിരുന്നു. പല രംഗങ്ങളും ആവശ്യത്തിലധികം നീണ്ടു പോയി. ക്യാമറ, മ്യൂസിക്‌ മുതലായവ ഒന്നാംതരം. മലയാള സിനിമ കണ്ടിട്ടുള്ളതില്‍ വച്ച് ഏറ്റവും തികവുള്ള ആക്ഷന്‍ രംഗങ്ങള്‍ കൊണ്ട് സമ്പന്നമാണ് ചിത്രം. ഒരുപക്ഷെ ഈ ചിത്രത്തിന്റെ ഒരേ ഒരു അട്രാക്ഷന്‍. പിന്നെ മേല്പറഞ്ഞ കള്ളന്മാരുടെ മോഷണങ്ങളും. അത് എന്ത് കോപ്പി ആയാലും തകര്‍പ്പനായി ചിത്രീകരിച്ചിരിക്കുന്നു. റോള്‍സ് , റോവര്‍ , ഹമ്മര്‍ , ലിമോ മുതലായ അത്യാഡംബര കാറുകളുടെ നീണ്ട നിര ചിത്രത്തില്‍ ഉപയോഗിച്ചിട്ടുണ്ട്. കോണ്‍ഫിടന്റ്റ് ഗ്രൂപ്പിന്റെ ഉടമയായ റോയിയുടെ കാര്‍ ആയിരിക്കാന്‍ സാധ്യത ഉണ്ട്. അങ്ങേരുടെ ഇവിടത്തെ വീട്ടില്‍ എപ്പോഴും ഇത് പോലെ കുറച്ചെണ്ണം കിടക്കുന്നത് കാണാം. പ്രതിഭയുള്ള ഒരു സംവിധായകന്‍ എന്ന നിലയില്‍ റോഷന്‍ ഇനിയും വര്‍ഷങ്ങള്‍ മലയാള സിനിമയില്‍ നില്‍ക്കാന്‍ കഴിവുള്ള ആള്‍ തന്നെയെന്നു സംശയമില്ലാതെ പറയാം.

ചുരുക്കി പറഞ്ഞാല്‍

പടം കണ്ടിറങ്ങുമ്പോള്‍ എന്താണവശേഷിക്കുന്നത് എന്ന് ചോദിച്ചാല്‍ ഒരു പാട് നിറം കലര്‍ത്തിയ ചില കെട്ടുകാഴ്ചകള്‍ മാത്രമാണ് എന്ന് പറയേണ്ടി വരും. പക്ഷെ എന്നാലും ഒരു തവണ ഉറപ്പായും കാണാവുന്ന ഒരു ചിത്രം.

വാല്‍ കഷണം .. ഇപ്പോഴും വാല് മുറിയാതെ കിടക്കുന്നത്

ഒരു പാട് പ്രശ്നങ്ങളില്‍ പെട്ട് വളരെ കാലമെടുത്താണ് ഇത് പൂര്‍ത്തിയാക്കിയതെന്ന് ചിത്രം കണ്ടാല്‍ പറയില്ല. അതിന്റെ ഫുള്‍ ക്രെഡിറ്റ്‌ റോഷന് കൊടുക്കണം. പക്ഷെ ചില രംഗങ്ങളില്‍ ശ്രദ്ധക്കുറവില്ലേ എന്നൊരു സംശയം. ചില പാച് അപ്പ്‌ ഷോട്ടുകള്‍ ബാംഗ്ലൂര്‍ വച്ചാണ് എടുത്തത്‌. അതില്‍ വന്ന ചില പാളിച്ചകള്‍ എനിക്ക് തോന്നിയത് പറയാം.

ദുബായില്‍ നടക്കുന്ന ഒരു ശവ സംസ്കര ചടങ്ങ് കാണിക്കുമ്പോള്‍ , അത് ദുബായ് തന്നെയെന്നു തോന്നിപ്പിക്കാന്‍ ആഡംബര കാറുകള്‍ നിരത്തി നിര്‍ത്തിയിട്ടുണ്ട്. പക്ഷെ അതില്‍ ഒരെണ്ണത്തില്‍ നമ്മുടെ നാട്ടില്‍ കിട്ടുന്ന നെറ്റിപ്പട്ടവും ഗുരുവായൂരപ്പന്റെ ലോക്കറ്റും ഉള്ള ഒരു സാധനം കെട്ടി തൂക്കിയിട്ടിട്ടുണ്ട്. ദുബായിലും അത് കിട്ടുമോ ആവോ

പിന്നെ കസനോവയുടെ ഹോട്ടല്‍ സ്വീറ്റ്. അതില്‍ തൂക്കിയിട്ടിരിക്കുന്ന പയിന്റിങ്ങുകള്‍ മുഴുവന്‍ പണ്ട് തിരുവിതാങ്കൂര്‍ ഭരിച്ചിരുന്ന ശശി എന്ന രാജാവിന്റെ ചിത്രങ്ങള്‍. ദുബായില്‍ ആണെങ്കില്‍ അവിടത്തെ രാജാവിന്റെ പടം അല്ലെ മിനിമം തൂക്കേണ്ടത്. സത്യം പറഞ്ഞാല്‍ ആ പെയിന്റിംഗ് കണ്ടപ്പോഴാണ് കാസനോവ ബംഗ്ലൂര്‍ ലീല പാലസില്‍ ഷൂട്ട്‌ ചെയ്ത കാര്യം ഓര്‍മ വന്നത്. അവിടത്തെ മുറി ആണ് ദുബായിലെ മുറി ആയി കാണിക്കുന്നത്. പക്ഷെ പടം മാറ്റാന്‍ വിട്ടു പോയി എന്ന് തോന്നുന്നു. ഹി ഹി .

ഒരു ലക്ഷം ഹിറ്റ്‌സ് !!

2012-01-26T11:25:00.000+05:30

അങ്ങനെ ഞമ്മന്റെ ബ്ലോഗ്‌ ഒരു ലക്ഷം ഹിറ്റ്‌ ക്രോസ് ചെയ്തു. ഒരു ദിവസം തന്നെ ഇത്രയും ഹിറ്റ്‌ കിട്ടുന്ന ബ്ലോഗുകള്‍ വേറെ ഒരുപാടുണ്ടാവും. പക്ഷെ കാക്കയ്ക്കും തന്‍ കുഞ്ഞു പൊന്‍ കുഞ്ഞാണല്ലോ. അതുകൊണ്ട് ഒന്ന് ആഘോഷിച്ചേക്കാം എന്ന് വിചാരിച്ചു. ഇത്രയും കാലം ഇതിലെ പോസ്റ്റുകള്‍ വായിച്ചു എന്നെ പരിപോഷിപ്പിച്ച എല്ലാവര്‍ക്കും നന്ദി. തുടര്‍ന്നും വായിക്കാന്‍ അഭ്യര്‍ത്ഥിക്കുന്നു.

കേരള കൌമുദി വെബ്‌സ്കാന്‍ ഈ ബ്ലോഗ്‌ തുടര്‍ച്ചയായ രണ്ടാഴ്ച ഫീച്ചര്‍ ചെയ്തിരുന്നു.
അത് ചെയ്ത ശ്രീലത പിള്ളയ്ക്കും കൌമുദിയ്ക്കും നന്ദി.

ഒക്ടോബര്‍ നവംബര്‍

ഇത് വരെ ഏറ്റവും കൂടുതല്‍ പേര്‍ വായിച്ച പോസ്റ്റുകള്‍

ഇതാണ് ശരിക്കും മോര്‍ഫിംഗ് - കണ്ടു നോക്ക്

Jul 21, 2010, 23 comments 3,442 Pageviews

ബെര്‍ളി സാര്‍ പ്രചോദിതന്‍ ആവുമ്പോള്‍ !!!

Feb 27, 2011, 80 comments 2,440 Pageviews

ഹോട്ട് മസാല ആന്റി - അഥവാ ഒരു ചൂടന്‍ കഥ

Jan 9, 2011, 15 comments 1,338 Pageviews

കല്യാണത്തിന് ജാതകം നോക്കിയാല്‍...

Apr 3, 2010, 17 comments 1,319 Pageviews

അണ്ണാ ഹസാരെയും അസിം പ്രേംജിയും റിസര്‍വേഷനും

Nov 15, 2011, 58 comments 936 Pageviews

ചില വന്‍ സിനിമാ "സംഗതികള്‍" - വീണ്ടും ഒരു പഠനം .. ...

Jul 24, 2011, 18 comments 788 Pageviews

ഒരു പ്രൊജക്റ്റ്‌ മാനേജരുടെ ജീവിതത്തില്‍ നിന്നൊരേട്...

Sep 29, 2011, 26 comments 689 Pageviews

ഒരു 'റിയാലിറ്റി' വിവാഹം കൂടി : അതോ ലവ് ജിഹാദോ ?

Jun 21, 2011, 3 comments 660 Pageviews

വാട്ട്‌ ആന്‍ ഐഡിയ സര്‍ജീ .. !!!

Jul 22, 2010, 9 comments 510 Pageviews

ഒരു സോഫ്റ്റ്‌വെയര്‍ എഞ്ചിനീയര്‍ ജനിക്കുന്നു - ഭാഗം27

Nov 7, 2011, 13 comments 489 Pageviews

എല്ലാവര്‍ക്കും ഒരിക്കല്‍ കൂടി നന്ദി

ഇ-മെയില്‍ ചോര്‍ത്തലിന്റെ രാഷ്ട്രീയം - സ്വകാര്യതയുടെ സുതാര്യതയും

2012-01-23T23:34:00.003+05:30

ഇപ്പോഴത്തെ ഏറ്റവും വലിയ വിവാദ വിഷയമാണല്ലോ ഇ-മെയില്‍ ചോര്‍ത്തല്‍. മുസ്ലീങ്ങളെ തെരഞ്ഞു പിടിച്ചു അവരുടെ സ്വകാര്യതയിലേക്ക് കയറാന്‍ ഭരണകൂടം ശ്രമിച്ചു എന്ന വാദമുയര്‍ത്തി വിവാദം സൃഷ്ടിച്ചത് മാധ്യമം വരികയാണ്. മുഖ്യമന്ത്രിയുടെ ഇടപെടലിനെ തുടര്‍ന്ന് അവര്‍ ഈ ലിസ്റ്റില്‍ ഉള്ള അമുസ്ലീങ്ങളുടെ പേരും പ്രസിദ്ധീകരിച്ചു. അങ്ങനെ ഈ ലിസ്റ്റില്‍ മുസ്ലീങ്ങള്‍ അല്ലാത്തവരും ഉണ്ടെന്നു ലോകം അറിഞ്ഞു. പക്ഷെ മാധ്യമം അവരുടെ പ്രാഥമിക വാദത്തില്‍ നിന്ന് തരിമ്പും പിന്നോട്ട് പോയിട്ടില്ല. കൈരളി പീപ്പിള്‍ ഇന്നലെ നടത്തിയ ഒരു ഫോണ്‍ ഇന്‍ അഭിമുഖത്തില്‍ മാധ്യമം എഡിറ്റര്‍ തന്നെ തുറന്നു പറഞ്ഞു ഈ സമുദായത്തെ ഇപ്പോഴും പ്രതിക്കൂട്ടില്‍ നിര്‍ത്താന്‍ ലോകം ശ്രമിക്കുന്നുവെന്നും ഭരണകൂടം പൌരന്റെ ( അദ്ദേഹം ഉപയോഗിച്ചത് മുസ്ലീങ്ങളുടെ എന്നാണു ) സ്വകാര്യതയിലേയ്ക്ക് കടന്നു കയറാന്‍ ശ്രമിക്കുന്നതെന്തു കൊണ്ടാണെന്ന് വ്യക്തമാക്കണം എന്നും മറ്റും. ഈ പരിപാടിയില്‍ പങ്കെടുത്ത സണ്ണിക്കുട്ടി എബ്രഹാം യാഥാര്‍ത്ഥ്യ ബോധത്തോടെ ഇതിനെ കാണണമെന്നും മറ്റും വാദിച്ചെങ്കിലും കൈരളിയുടെ രാഷ്ട്രീയ ചായ്‌വ് പ്രകടമാകും വിധം മോഡറേറ്റര്‍ ആയ ലാല്‍ ശബ്ദമുയര്‍ത്തുന്നത് കണ്ടു. ആര്യാടന്‍ മുഹമ്മദും ഇതില്‍ ഇടപെട്ടു തന്റെ സാക്ഷരത പ്രകടിപ്പിച്ചു. തികച്ചും രാഷ്ട്രീയമായാണ് ഈ സംഭവം കൈകാര്യം ചെയ്യപ്പെടുന്നത് എന്നത് നമ്മുടെ ജനങ്ങളുടെ കൂടി കഴിവുകേടാണ്. മാത്രമല്ല എന്തുകൊണ്ട് നമ്മുടെ സ്വകാര്യതയിലേക്ക് ഭരണകൂടം എത്തി നോക്കുന്നു എന്ന് കൂടി ചിന്തിക്കണം. ഇതിന്റെ ധാര്‍മികത എന്ന് പറയപ്പെടുന്നത്‌ ശരിക്കും എന്താണ് ? ഈ അവസരത്തില്‍ നമ്മുടെ സ്വകാര്യതയുടെ അതിര്‍ വരമ്പുകളുടെ അര്‍ഥം എന്താണെന്ന് ഒരു പുനര്‍ വായന നടത്തുകയാണിവിടെ.

ഇന്റെര്‍നെറ്റിന്റെ സുതാര്യത -

മിക്കപ്പോഴും നമ്മള്‍ കേള്‍ക്കാറുണ്ട് , ഫോട്ടോയില്‍ കൃത്രിമം കാട്ടി ബ്ലാക്ക്‌ മെയില്‍ ചെയ്യുന്ന കഥകള്‍. സോഷ്യല്‍ നെറ്റ് വര്‍ക്കിംഗ്‌ സൈറ്റുകളുടെ വരവോടു കൂടി ഒരു ഓണ്‍ലൈന്‍ ഐഡന്റിറ്റി ഇല്ലാത്ത ആളുകള്‍ ചുരുക്കമാണെന്നു പറയാം. ഫേസ്‌ബുക്ക്‌ , ട്വിറ്റെര്‍ മുതലായ സോഷ്യല്‍ നെറ്റ് വര്‍ക്കിംഗ്‌ സൈറ്റുകളില്‍ നിങ്ങള്‍ ഷെയര്‍ ചെയ്യുന്ന വ്യക്തിപരമായ വിവരങ്ങള്‍ എത്രത്തോളം സുരക്ഷിതമാണെന്ന് പലപ്പോഴും ആരും ചിന്തിക്കാറില്ല. ഒരാളുടെ പേരോ ഇമെയില്‍ ഐ ഡിയോ കിട്ടിയാല്‍ അത് വച്ച് നിങ്ങള്‍ക്ക് തന്നെ ഒരു സെര്‍ച്ച്‌ നടത്തി നോക്കാവുന്നതാണ്. എന്തിനധികം പോകുന്നു. നിങ്ങളുടെ സ്വന്തം ഇമെയില്‍ ഐ ഡി ഗൂഗിളില്‍ സെര്‍ച്ച്‌ ചെയ്തു നോക്കൂ. നിങ്ങള്‍ അതില്‍ കൊടുത്തിരിക്കുന്ന ചിത്രങ്ങള്‍, ഫോണ്‍ നമ്പര്‍, നിങ്ങളുടെ സുഹൃത്തുക്കളുടെ വിവരങ്ങള്‍ മുതലായവ ഉപയോഗിച്ച് social network analysis നടത്തുന്നത് ഇക്കാലത്ത് വളരെ സാധാരണമാണ്. നിങ്ങളെ ജോലിക്കെടുക്കുന്ന കമ്പനികള്‍ തുടങ്ങി പ്രതിശ്രുത വരനെയോ വധുവിനെ പറ്റിയോ ഉള്ള വിവരങ്ങള്‍ അറിയാന്‍ സാധാരണക്കാര്‍ വരെ ഇന്ന് ഇത് ഉപയോഗിക്കുന്നുണ്ട്. മാട്രിമോണി സൈറ്റില്‍ ദാവണിയും മുല്ലപ്പൂവും അണിഞ്ഞു നിന്ന സുന്ദരിയുടെ ഓണ്‍ലൈന്‍ പ്രൊഫൈല്‍ കണ്ടു ഞെട്ടി ആ കല്യാണ ആലോചന തന്നെ വേണ്ടെന്നു വച്ച ഒരു സുഹൃത്തിനെ എനിക്കറിയാം. ഇങ്ങനെ എന്ത് സംഭവം ഉണ്ടായാലും എല്ലാവരും ഇന്റര്‍നെറ്റിനെ കുറ്റപ്പെടുത്തുന്നതല്ലാതെ എന്തുകൊണ്ട് അത് സംഭവിച്ചു എന്ന് ചിന്തിക്കില്ല. ഇപ്പറയുന്ന മിക്ക സൈറ്റുകളിലും privacy settings ഉണ്ട്. അത് മര്യാദയ്ക്ക് സെറ്റ് ചെയ്തു വച്ചാല്‍ തീരുന്നതാണ് സാധാരണ പ്രശ്നങ്ങള്‍ ഒക്കെ. അല്ലെങ്കില്‍ പിന്നെ ആരെങ്കിലും നിങ്ങളുടെ വിവരങ്ങള്‍ കണ്ടു പിടിക്കാന്‍ വേണ്ടി ആ അക്കൗണ്ട്‌ ഹാക്ക് ചെയ്യണം. സാധാരണഗതിയില്‍ ആരും ആ ലെവല്‍ വേറെ പോകില്ല. ഇനി അങ്ങനെയാണെങ്കില്‍ തന്നെ നിങ്ങളുടെ സ്വകാര്യ വിവരങ്ങള്‍ അവിടെ സേവ് ചെയ്തു വയ്ക്കാതിരുന്നാല്‍ പോരെ. മറ്റു ചില രീതിയിലുള്ള തട്ടിപ്പുകള്‍ നിങ്ങളുടെ തന്നെ ശ്രദ്ധയില്ലായ്മ കൊണ്ടുണ്ടാവുന്നതാണ്. phishing എന്ന് വിളിക്കപ്പെടുന്ന പരിപാടികള്‍ ഉണ്ട്. അതായതു നിങ്ങള്‍ക്ക് നിങ്ങളുടെ ബാങ്കില്‍ നിന്ന് വന്നതെന്ന് തോന്നിപ്പിക്കുന്ന വിധം മെയിലുകള്‍ ലഭിക്കും. പെട്ടെന്ന് തന്നെ ഓണ്‍ലൈന്‍ അക്കൗണ്ട്‌ ലോഗിന്‍ ഡീറ്റയില്‍സ് അയച്ചു കൊടുത്തില്ലെങ്കില്‍ നിങ്ങളുടെ ബാങ്ക് അക്കൗണ്ട്‌ ക്ലോസ് ചെയ്യുമെന്നും പറഞ്ഞും മറ്റും പറഞ്ഞു മെയില്‍ കാണുമ്പോ നിങ്ങള്‍ എടുത്ത് ചാടി അതെല്ലാം അയച്ചു കൊടുത്താല്‍ പണി കിട്ടുമെന്ന് തീര്‍ച്ച. ഏറ്റവും സാധാരണ രണ്ടു ഉദാഹരണങ്ങള്‍ കാണൂ. ജിമെയില്‍ / ഫേസ്‌ബുക്ക്‌ എന്നിവ തരുന്ന രണ്ടു ഫീച്ചറുകള്‍.

നിങ്ങള്‍ അവസാനം മെയില്‍ ചെക്ക്‌ ചെയ്തത്തിന്റെ വിവരങ്ങള്‍ നിങ്ങളുടെ ജിമെയില്‍ അക്കൌണ്ടില്‍ തന്നെ കാണാന്‍ സാധിക്കും

വേറെ ആരെങ്കിലും നിങ്ങളുടെ ഫേസ്‌ബുക്ക്‌ അക്കൗണ്ട്‌ ഉപയോഗിച്ചാല്‍ അറിയാനുള്ള വഴി.

Surveillance എന്ന് വച്ചാല്‍

ഇതാണല്ലോ നമ്മുടെ പ്രധാന വിഷയം. നിങ്ങളുടെ വീട്ടിന്റെ സ്വകാര്യതയിലിരുന്നു നടത്തുന്ന ഇന്റര്‍നെറ്റ്‌ ഇടപാടുകള്‍ എല്ലാം സുരക്ഷിതമാണെന്നാണോ നിങ്ങളുടെ വിചാരം ? തീര്‍ച്ചയായും അല്ല. സത്യം പറഞ്ഞാല്‍ ഭൌതികമായി നടക്കുന്ന സംഗതികളെക്കാള്‍ കൃത്യമായി ഇലക്ട്രോണിക് ട്രേസുകള്‍ എല്ലാത്തിന്റെയും തെളിവുകള്‍ സൂക്ഷിക്കുന്നുണ്ട്. നിങ്ങള്‍ ഇന്റര്‍നെറ്റില്‍ ഏതൊക്കെ വെബ്‌ സൈറ്റുകള്‍ കണ്ടു, എത്ര നേരം ചിലവഴിച്ചു , അതില്‍ അശ്ലീല സൈറ്റുകള്‍ ഉണ്ടോ ? ബാങ്കിംഗ് ട്രാന്‍സാക്ഷനുകള്‍ നടത്തിയോ ഇല്ലയോ എന്നിങ്ങനെ നൂറു നൂറു കാര്യങ്ങള്‍ നിങ്ങളറിയാതെ റെക്കോര്‍ഡ്‌ ആകുന്നുണ്ട്. നിങ്ങള്‍ക്ക് ഇന്റര്‍നെറ്റ്‌ സേവനം തരുന്ന ദാതാവിന്റെ പക്കല്‍ എല്ലാത്തിനും ഉള്ള രേഖകള്‍ ഉണ്ടാവും. സത്യം പറഞ്ഞാല്‍ ഓണ്‍ലൈന്‍ ആയി നിങ്ങള്‍ നടത്തുന്ന മിക്ക ഇടപാടുകളും ഇപ്പോള്‍ തന്നെ ട്രാക്ക് ചെയ്യപ്പെടുന്നുണ്ട്. സോഫ്റ്റ്‌വെയര്‍ കമ്പനികളില്‍ ജോലിക്ക് എടുക്കുമ്പോള്‍ നിങ്ങളുടെ ബാക്ക്ഗ്രൌണ്ട് വെരിഫിക്കേഷന്റെ ഭാഗമായി ഇപ്പോള്‍ തന്നെ നിങ്ങളുടെ സോഷ്യല്‍ നെറ്റ്വര്‍ക്കിംഗ്‌ പ്രൊഫൈല്‍ ഒക്കെ ചെക്ക്‌ ചെയ്യുന്നത് സാധാരണയാണ്. നിങ്ങള്‍ പോകുന്ന പൊതു സ്ഥലങ്ങള്‍ മിക്കതും ക്ലോസ്ഡ് സര്‍ക്യൂട്ട് ക്യാമറകളുടെ നിരീക്ഷണത്തിലാണ്. ഷോപ്പിംഗ്‌ മാളുകള്‍ , തീയറ്ററുകള്‍ , തുടങ്ങിയവയും. മൊബൈല്‍ ഫോണ്‍ നെറ്റ്വര്‍ക്കുകള്‍ എല്ലാം ചോര്‍ത്തല്‍ ഉപകരണങ്ങള്‍ ഉള്ളതാണ്. GPS സേവനങ്ങള്‍ വഴി ഒരാള്‍ ഇപ്പൊ എവിടെയാണുള്ളത് എന്നറിയാന്‍ സാധാരണ android ഫോണുകളില്‍ തന്നെ സാധ്യമാണ്. ഗൂഗിള്‍ നല്‍കുന്ന Lattitude എന്ന സൌജന്യ സേവനം വഴിയാണിത്. സാങ്കേതിക വിദ്യ ഭരണ നിര്‍വഹണത്തിന് ഉപയോഗിക്കുന്ന അമേരിക്കയില്‍ ഒരു പൌരന്റെ മിക്ക വിവരങ്ങളും സുതാര്യമാണ്. നികുതി ഇടപാടുകള്‍ നിരീക്ഷിക്കാന്‍ വേണ്ടി വിഭാവനം ചെയ്ത SSN അഥവാ Social Security Number എന്ന ഒരു ഒന്‍പതക്ക നമ്പര്‍ ഉപയോഗിച്ച്സര്‍ക്കാര്‍ ഇപ്പോള്‍ ഒരു പൌരന്റെ എല്ലാ സാമ്പത്തിക, തൊഴില്‍, ബിസിനസ്‌ തുടങ്ങി ഒട്ടു മിക്ക ഇടപാടുകളും ട്രാക്ക് ചെയ്യുന്നുണ്ട്. മാത്രമല്ല എഫ് ബി ഐ നയിക്കുന്ന ഒരു massive profiling project ഇപ്പൊ തന്നെ നിലവിലുണ്ട്.

ഇനി ഒളിഞ്ഞു നോട്ടത്തിന്റെ ധാര്‍മികതയെ(?) പറ്റി

ഒളിഞ്ഞു നോട്ടത്തിന്റെ ധാര്‍മികതയെ പറ്റിയാണ് ഇപ്പൊ ചര്‍ച്ച നടക്കുന്നത്. മാത്രമല്ല ഒരു സമുദായത്തെ മാത്രം ഉന്നം വച്ചുകൊണ്ട് നീക്കങ്ങള്‍ നടക്കുന്നു എന്നും മറ്റുമുള്ള രീതിയിലേക്ക് ഇപ്പൊ ഉണ്ടായ ഈ പ്രശ്നം വളര്‍ന്നു കഴിഞ്ഞിരിക്കുന്നു. ലോകത്ത് മിക്ക ഭീകര സംഭവങ്ങളിലും മുസ്ലീം സമൂഹത്തെ പ്രതിക്കൂട്ടില്‍ നിര്‍ത്താനുള്ള ബോധപൂര്‍വമുള്ള ശ്രമങ്ങള്‍ നടക്കുന്നു എന്ന് ആ സമുദായത്തിലെ ഭൂരിഭാഗം വരുന്നവര്‍ക്കും ഉള്ള ധാരണയെ ഉറപ്പിക്കാന്‍ മാത്രമേ ഈ സംഭവം ഉപകരിച്ചുള്ളൂ. മാധ്യമം പത്രത്തില്‍ ഇതിനെ പറ്റി വന്ന വാര്‍ത്തകളില്‍ വായനക്കാര്‍ പോസ്റ്റ്‌ ചെയ്ത കമന്റുകള്‍ വായിച്ചാല്‍ അവരുടെ ആശങ്ക നമുക്ക് ബോധ്യമാകും. ഇതൊഴിച്ചു നിര്‍ത്തിയാല്‍ ഇത്തരം ഒരു വിവാദം ഉണ്ടാക്കാന്‍ വേണ്ടിയുള്ള ഒരു സംഭവം നടന്നിട്ടില്ല എന്നതാണ് സത്യം. എന്തുകൊണ്ട് ഇന്റെലിജെന്‍സ്‌ വിഭാഗം ഈ ഇമെയില്‍ ഐ ഡി കളെ പറ്റി അന്വേഷണം നടത്തുന്നു എന്നത് പല കാരണങ്ങള്‍ കൊണ്ടാകാം. ഏതെങ്കിലും കുറ്റകൃത്യവുമായി ബന്ധപ്പെട്ടുള്ള അന്വേഷണത്തിന്റെ ഭാഗമായി അവര്‍ക്ക് ഇത്തരം രേഖകള്‍ പരിശോധിക്കാം. കൊലപാതകങ്ങളുടെ അന്വേഷണത്തിന്റെ ഭാഗമായി ഇപ്പോള്‍ പോലീസ് മൊബൈല്‍ രേഖകള്‍ പരിശോധിക്കുന്നത് ഓര്‍മിക്കുക. ഒരാളുടെ digital traces പരിശോധിക്കുന്നത് ലോകത്തെ ആദ്യത്തെ സംഭവമൊന്നുമല്ല. നമ്മുടെ നാട്ടില്‍ ഇതൊക്കെ ഒരു വാര്‍ത്ത‍ ആയേക്കും. കാരണം നാട്ടിലെ ഒരു പൌരന്റെ എക്സിസ്ടന്‍സ് ഉറപ്പായും അടയാളപ്പെടുത്താന്‍ പറ്റിയ ഒരു സിസ്റ്റം ഉള്ള നാട്ടിലല്ല നമ്മള്‍ ജീവിക്കുന്നത്. രാഷ്ട്രത്തിന്റെ കാനേഷുമാരി കണക്കുകളില്‍ ഒരിക്കലും വരാതെ ജനിച്ചു, തെരുവോരത്ത് പട്ടിയെ പോലെ ജീവിച്ചു മരിക്കുന്ന ഒട്ടനവധി അജ്ഞാത ജന്മങ്ങള്‍ അലഞ്ഞു തിരിയുന്ന നാടാണ് ഭാരതം. അവരെ കണക്കില്‍ പെടുത്താനുള്ള ഒരു നടപടിയാണ് ആധാര്‍ എന്ന പേരില്‍ ഇവിടെ നടപ്പിലാക്കാന്‍ ശ്രമിക്കുന്നത്. പക്ഷെ അതും ജാതിയുടെയും മതത്തിന്റെയും അടിസ്ഥാനത്തില്‍ ജനങ്ങളെ ചാപ്പ കുത്താനുള്ള ശ്രമമാണെന്ന് അച്ചുതാനന്ദന്‍ അടക്കമുള്ളവര്‍ ആരോപിച്ചു കഴിഞ്ഞിരിക്കുന്നു. ഇപ്പറയുന്നവര്‍ ചൈനയില്‍ എന്താണ് നടക്കുന്നതെന്ന് ഒരിക്കലെങ്കിലും ചിന്തിച്ചിട്ടുണ്ടാവുമോ എന്തോ. മാത്രമല്ല, ഇങ്ങനെ എല്ലാത്തിനും ആരോപണങ്ങള്‍ ഉന്നയിക്കുന്നവര്‍ ആരും പകരം എന്ത് നടപ്പിലാക്കണം എന്ന് പറയുന്നില്ല എന്നതാണ് ലജ്ജാവഹം. നമ്മുടെ നാട്ടില്‍ തെളിയിക്കപ്പെടാതെ കിടക്കുന്ന പല കുറ്റകൃത്യങ്ങളും ഉണ്ടാവാന്‍ കാരണം ഇത്തരം anonymous identity ആണ്. എന്തായാലും ഈ വിഷയത്തില്‍ ഇനിയും ചര്‍ച്ചകള്‍ നടക്കും. ആരോപണങ്ങളും പ്രത്യാരോപണങ്ങളും ഉണ്ടാവും. കാത്തിരുന്നു കാണാം. നിങ്ങളുടെ അഭിപ്രായങ്ങള്‍ പറയൂ.

വാല്‍കഷണം :

അമേരിക്കയില്‍ വര്‍ഷങ്ങളോളം ഉണ്ടായിരുന്ന ഒരു സുഹൃത്ത്‌ പറഞ്ഞ കഥയാണ്‌. പുള്ളിയും മൂന്നു നാല് സുഹൃത്തുക്കളും കൂടി വൈറ്റ് ഹൌസ് കാണാന്‍ പോയി. പോകുന്ന വഴി മൂക്കറ്റം വെള്ളമടിച്ചു പാതിരാത്രി വാഷിംഗ്‌ടണില്‍ കാറില്‍ കറങ്ങി നടന്ന അവരെ പോലീസ് പിടിച്ചു. കാബ് ഡ്രൈവറും കോ ഡ്രൈവറും ഒഴിച്ച് എല്ലാവരും വെള്ളം. പക്ഷെ പോലീസ് വിട്ടില്ല. തിരിച്ചും മറിച്ചും ചോദ്യം ചെയ്തു. ഒടുവില്‍ അവര്‍ക്ക് കാര്യം മനസ്സിലായി. വണ്ടി വിട്ടോളാന്‍ പറഞ്ഞു. എല്ലാവനും അകത്തു കയറി ഡോര്‍ അടച്ചു. അപ്പോഴത കൂട്ടത്തിലുള്ള ഒരുത്തന് ഒരു സംശയം. അവന്‍ ഗ്ലാസ് താഴ്ത്തി സാറേ എന്ന് വിളിച്ചു. എന്നിട്ട് നമ്മുടെ നാട്ടില്‍ കെ പിയോട് ചോദിക്കുന്ന പോലെ ഒരു ചോദ്യം. അല്ല സാര്‍. ഈ വൈറ്റ് ഹൌസില്‍ പോകുന്ന വഴിയേതാ എന്ന്. തീര്‍ന്നില്ലേ. വീണ്ടും എല്ലാവരെയും പുറത്തിറക്കി. ഈ അര്‍ദ്ധ രാത്രി വൈറ്റ് ഹൌസ് അന്വേഷിക്കുന്നതെന്തിനാണെന്ന് നൂറു ചോദ്യം. പിന്നെ അവര്‍ക്ക് മനസ്സിലായി വെള്ളത്തിന്റെ പുറത്തു ചോദിക്കുന്നതാണെന്ന്. ഒടുവില്‍ അവരെ വെറുതെ വിട്ടു. എന്നാല്‍ കഥ ഇവിടെ അവസാനിക്കുന്നില്ല. മൂന്നു ദിവസം കഴിഞ്ഞു. രാത്രി ഒന്‍പതു മണിക്കോ മറ്റോ വീട്ടില്‍ സൊറ പറഞ്ഞിരിക്കുന്ന അവരുടെ കതകില്‍ ആരോ മുട്ടി. പുള്ളി ചെന്ന് ഡോര്‍ തുറന്നപ്പോള്‍ അതാ നില്‍ക്കുന്നു ഘടാ ഘടിയന്മാരായ നാല് തടിയന്മാര്‍. we are from FBI എന്ന് പറഞ്ഞു അവര്‍ സ്വയം പരിചയപ്പെടുത്തി. നിങ്ങള്‍ മൂന്നു ദിവസം മുമ്പ് രാത്രി വൈറ്റ് ഹൌസ് അന്വേഷിച്ചു വാഷിംഗ്‌ടണ്‍ പോയില്ലേ എന്ന് തുടങ്ങി കുറെ ചോദ്യങ്ങള്‍ ചോദിച്ചു. ഒടുവില്‍ സഹകരണത്തിന് നന്ദിയൊക്കെ പറഞ്ഞിട്ട് അവര്‍ പോയി. കുറെ വിയര്‍ത്തെങ്കിലും അവര്‍ അതുഭ്തപ്പെട്ടു പോയി. ഒരു loose end പോലും വിടാതെയുള്ള ഗംഭീര ട്രാക്കിംഗ്. നമ്മുടെ നാട്ടില്‍ ഇങ്ങനൊരു സംഗതി വന്നാലുള്ള സ്ഥിതി ഒന്ന് ചിന്തിച്ചു നോക്കൂ.

ഒരു സോഫ്റ്റ്‌വെയര്‍ എഞ്ചിനീയര്‍ ജനിക്കുന്നു - ഭാഗം 28

2012-01-19T13:42:00.001+05:30

ഞാന്‍ എന്റെ പ്രിയന് വേണ്ടി വാതില്‍ തുറന്നു.

എന്റെ പ്രിയനോ പൊയ്കളഞ്ഞിരുന്നു.

അവന്‍ സംസാരിച്ചപ്പോള്‍ ഞാന്‍ വിവശയായിരുന്നു.

ഞാന്‍ അന്വേഷിച്ചു. അവനെ കണ്ടില്ല.

ഞാന്‍ അവനെ വിളിച്ചു. അവന്‍ ഉത്തരം പറഞ്ഞില്ല.

നഗരത്തില്‍ ചുറ്റി സഞ്ചരിക്കുന്ന കാവല്‍ക്കാര്‍ എന്നെ കണ്ടു.

അവര്‍ എന്നെ അടിച്ചു.. മുറിവേല്‍പ്പിച്ചു. മതില്‍ കാവല്‍ക്കാര്‍ എന്റെ മൂടുപടം എടുത്തു കളഞ്ഞു.

യരുശലേം പുത്രിമാരെ.. നിങ്ങള്‍ എന്റെ പ്രിയനെ കണ്ടെങ്കില്‍ ഞാന്‍ പ്രേമ പരവശയായിരിക്കുന്നു എന്ന് അവനോടറിയിക്കേണമേ എന്ന് ഞാന്‍ ആണയിടുന്നു

മുന്‍ ഭാഗങ്ങള്‍ വായിക്കാന്‍ ഇവിടെ ക്ലിക്ക് ചെയ്യുക

ശിശിരം വന്നണഞ്ഞു. മഞ്ഞില്‍ കുളിച്ച പ്രഭാതങ്ങളും സന്ധ്യകളും ബാംഗ്ലൂരിനെ കൂടുതല്‍ സുന്ദരിയാക്കി. Buy one Get one ഓഫറില്‍ രണ്ടു ബ്ലാങ്കറ്റ് വാങ്ങിയതില്‍ ഒരെണ്ണം ചിന്നു ബൈജുവിന് കൊടുത്തു. പകരം Winter Gears for you and your loved one ഓഫറില്‍ കിട്ടിയ girls' jacket അവന്‍ ചിന്നുവിനും കൊടുത്തു. അങ്ങനെ തണുപ്പിനെ നേരിടാന്‍ അവര്‍ തയ്യാറെടുത്തു. രണ്ടു വര്‍ഷം മുമ്പ് ഇത് പോലൊരു തണുത്ത ദിവസമാണ് ബൈജു ചിന്നുവിനോട് സ്വന്തം ഇഷ്ടം ആദ്യമായി അറിയിച്ചു പണി വാങ്ങിച്ചത്. ഇത്തവണ റിമൈന്‍ഡര്‍ സെറ്റ് ചെയ്തു വച്ചിരുന്നത് കൊണ്ട് തടി കേടാവാതെ ബൈജു രക്ഷപെട്ടു. സാധാരണ ചിന്നുവാണ് ഇതു പോലുള്ള കാര്യങ്ങള്‍ ഓര്‍ത്തു വച്ചിരിക്കുന്നത്. ഇത്തവണ നമ്മുടെ വാര്‍ഷികം നല്ലത് പോലെ ആഘോഷിക്കണം. എനിക്കൊരുപാട് ആഗ്രഹങ്ങള്‍ ഒക്കെ ഉണ്ട്. എന്ന് ചിന്നു പറഞ്ഞു. പതിവ് പോലെ അത് കേട്ടതും അവളുടെ മുന്‍പില്‍ വച്ച് ബൈജു പഴ്സ് തുറന്നു നോക്കുകയും ചിന്നുവിന്റെ വായിലിരിക്കുന്നത് കേള്‍ക്കുകയും ചെയ്തു. രാത്രി വിളിക്കുമ്പോ വിശദമായി പറയാം എന്ന് മെസ്സേജ് അയച്ചിട്ട് ചിന്നു ഓഫീസില്‍ നിന്ന് ഇറങ്ങി. മുമ്പൊക്കെ ഇറങ്ങിയതില്‍ പിന്നെ ഉടനെ തന്നെ അവള്‍ വിളിക്കുമായിരുന്നു. പക്ഷെ ഒരിക്കല്‍ ഫോണില്‍ സംസാരിച്ചു കൊണ്ട് നടന്നു ചിന്നു ഒരു സ്ലാബിനിടയില്‍ കൂടി ഓടയില്‍ വീഴാന്‍ പോയതില്‍ പിന്നെ അത് രണ്ടു പേരും കൂടി നിര്‍ത്തി വച്ചിരിക്കുകയാണ്.

രാത്രിയായപ്പോള്‍ ചിന്നു വിളിച്ചു. പതിവിലധികം ആര്‍ദ്രമായ ശബ്ദത്തില്‍ അവള്‍ സംസാരം തുടങ്ങി. ബീഫ് അടിച്ചു വയറു വീര്‍പ്പിച്ചു ഇരിക്കുകയായിരുന്നെങ്കിലും ബൈജുവും വളരെ സ്നേഹത്തോട് കൂടി എന്താ മോളെ എന്നൊരു വിളി വിളിച്ചു. സാധാരണ അതിനെ കളിയാക്കുമെങ്കിലും ഇത്തവണ ചിന്നു ആകെ ഡൌണ്‍ ആയി. നാണത്തോടു കൂടി അവള്‍ ഒടുവില്‍ മനസ്സ് തുറന്നു. അവളുടെ ഒരു ഫ്രണ്ട് ഉണ്ടല്ലോ. ഒരു കവിത ഫ്രാന്‍സിസ്. അവള്‍ കല്യാണം കഴിച്ചിട്ട് കണ്ട പബ്ബിലും പാര്‍ക്കിലും ഒക്കെ കറങ്ങി നടക്കുകയാണ്. അത് കണ്ടിട്ട് ചിന്നൂനും ഒരു ആഗ്രഹം. പബ്ബില്‍ പോകാന്‍. തന്നെ കല്യാണം കഴിക്കാന്‍ പോകുന്ന ആളിന്റെ ഒപ്പം മാത്രമേ ആദ്യമായി പബില്‍ പോകൂ എന്ന് പ്രതിജ്ഞ എടുത്തിരിക്കുകയായിരുന്നു പോലും ചിന്നു. ഇപ്പൊ ബൈജുവിനെ കിട്ടിയതില്‍ പിന്നെ അവള്‍ക്കു ആഗ്രഹം നിയന്ത്രിക്കാന്‍ പറ്റുന്നില്ല. ഇത് കേട്ട് ബൈജുവിന് ചിരി വന്നു. അല്ല ചക്കരേ അവിടെയൊക്കെ മുടിഞ്ഞ കാശാ.. മാത്രമല്ല അവന്മാര്‍ കപ്പിളിനെ മാത്രമേ അകത്തു കയറ്റൂ. അത് കേട്ടതും ചിന്നു പറഞ്ഞു .. പൈസ ഞാന്‍ കൊടുക്കാം. പിന്നെ കപ്പിള്‍. നമ്മള്‍ ഇപ്പോ കപ്പിള്‍ ആണല്ലോ. എന്ന് പറഞ്ഞു അവള്‍ വന്‍ ചിരി ചിരിച്ചു. ബൈജുവും അത് കേട്ട് ചിരിച്ചു. 'അല്ല .. നമ്മള്‍ അവിടെ പോയിട്ട് എന്ത് ചെയ്യാനാ ? ഞാന്‍ പണ്ട് ഒരുപാടു പബ്ബുകളിലൊക്കെ പോയിട്ടുണ്ട്. അവിടെ പോയി വെറുതെ സൊറ പറഞ്ഞിരുന്നിട്ട് തിരിച്ചു വരും. അതാ പരിപാടി. ബൈജു പറഞ്ഞു. അത് കേട്ടതും ചിന്നുവിന്റെ മറുപടി. നമുക്ക് പോയി ഡാന്‍സ് ചെയ്യാം എന്ന്. എനിക്ക് ഡാന്‍സ് ചെയ്യാന്‍ ഭയങ്കര ഇഷ്ടമാണെന്ന്. അത് കേട്ട് ബൈജു ഒരു നിമിഷം നിശബ്ദനായി. ജീവിതത്തില്‍ ഇന്ന് വരെ ഡാന്‍സ് ചെയ്തിട്ടില്ല. പാര്‍ടിക്കൊക്കെ പോകുമ്പോ കൂടെയുള്ളവര്‍ ഡാന്‍സ് ചെയ്യുന്നത് കണ്ടു നില്‍ക്കുന്നതല്ലാതെ ഇതൊന്നും അറിയില്ല. ഇനി ഡാന്‍സ് ചെയ്തില്ലെങ്കില്‍ ഞാന്‍ വെറും പഴഞ്ചന്‍ ആണെന്ന് അവള്‍ വിചാരിക്കുമോ. അല്ലെങ്കിലേ ചിന്നുവിന് സല്‍സ പഠിക്കാന്‍ പോണം എന്ന് പറഞ്ഞു ഇടയ്ക്ക് ബഹളം കൂട്ടിയിട്ടുള്ളതാ. പിന്നെ കൂടെ ഡാന്‍സ് ചെയ്യാന്‍ ആണുങ്ങള്‍ വേണമല്ലോ എന്ന് വിചാരിച്ചാണ് അവള്‍ വേണ്ടാ എന്ന് വച്ചത്. അന്ന് ബൈജുവിനെയും അത് പഠിക്കാന്‍ പോകാന്‍ വിളിച്ചുവെങ്കിലും റിലീസിന്റെയും പ്ലാനിങ്ങിന്റെയും പേര് പറഞ്ഞു അവന്‍ അത് മുടക്കി. ഹോ. ആകെ വന്ന സന്തോഷമൊക്കെ പോയി.. 'എന്താ ചക്കരേ ഒന്നും മിണ്ടാത്തത് ?' അവള്‍ ചോദിക്കുന്നു. അവന്‍ ചിരിച്ചിട്ട് പറഞ്ഞു അപ്പൊ നിനക്കും അങ്ങനൊക്കെ വിളിക്കാനറിയാം അല്ലേ ? ചിലപ്പോ ഒക്കെ നിന്നെ അങ്ങനെ വിളിച്ചാല്‍ നീ തിരിച്ചു എന്തൊക്കെയാ എന്നെ വിളിക്കുന്നതെന്ന് വല്ല ഓര്‍മയുമുണ്ടോ ? ". " അതൊക്കെ സ്നേഹം കൊണ്ട് പറയണതല്ലേ .. പോട്ടെ ട്ടാ .." അവള്‍ ബൈജുവിനെ സമാധാനിപ്പിച്ചു.

അങ്ങനെ ചിന്നുവിന്റെ സുഹൃത്തും റൂം മീറ്റും സര്‍വോപരി ഒന്നാം തരം പാരയുമായ ജെസ്സിനോട് നല്ല പബ് ഏതാണെന്ന് ചിന്നു പ്ലാനില്‍ ചോദിച്ചു മനസ്സിലാക്കി. ജെസ്സും അവളുടെ ബോയ്‌ ഫ്രണ്ടും സ്ഥിരം പോണ സ്ഥലമാണത്രേ . രണ്ടെണ്ണവും നല്ല പിച്ചകള്‍ ആയതു കാരണം അധികം കാശ് ചെലവുള്ള സ്ഥലമായിരിക്കില്ല എന്ന് ബൈജു അവളോട്‌ പറഞ്ഞു. പറഞ്ഞത് പോലെ തന്നെ ജെസ്സ് ഒരു പബ്ബിന്റെ പേര് പറഞ്ഞു തന്നു. ബ്രിഗേഡ് റോഡില്‍ ഒരു വശത്തായി വരും. ഒരു തലയ്ക്കു എഴുനൂറു രൂപയാണ് അവന്മാര്‍ വാങ്ങിക്കുന്നത്. ഒരു ബോട്ടില്‍ ബിയര്‍ , കുറച്ചു സ്നാക്സ് എന്നിവ ഫ്രീ ഉണ്ട്. അവിടെയാകുമ്പോ ആരും കാണുകയുമില്ല. എന്തിനാ ഇതൊക്കെ അന്വേഷിക്കുന്നതെന്ന് ജെസ്സ് കുറെ തവണ ചിന്നുവിനോട് ചോദിച്ചു. ഒരു ഫ്രണ്ട് നാട്ടില്‍ നിന്ന് വരുന്നുണ്ട്. അവര്‍ക്ക് പോകാനാ എന്ന് ചിന്നു മറുപടി പറഞ്ഞു. അത്രയ്ക്ക് വിശ്വാസമായില്ലെങ്കിലും ജെസ്സ് ഒരു വിധം അടങ്ങി.

അങ്ങനെ ആ ദിവസം വന്നെത്തി. ഒരു വെള്ളിയാഴ്ചയാണ്. ബൈജു അന്ന് ലീവ് എടുത്തു. ചിന്നു ഉച്ചയ്ക്ക് പല്ല് വേദനയെന്നോ പനിയെന്നോ മറ്റോ പറഞ്ഞിട്ട് ഓഫീസില്‍ നിന്ന് ചാടി വരാം എന്ന് പറഞ്ഞു. ബ്രിഗേഡ് റോഡിന്റെ താഴെയുള്ള റെക്സ് സിനിമയുടെ അടുത്ത് വന്നാല്‍ മതി. അവിടെ നിന്ന് ഒരുമിച്ചു പോകാം എന്ന് ബൈജു അവളോട്‌ പറഞ്ഞു. അവള്‍ അത് തല കുലുക്കി സമ്മതിച്ചു. നാല് മണിക്ക് വരാം എന്ന് പറഞ്ഞ ചിന്നുവിനെ നാലരയായിട്ടും കാണാനില്ല. അതാ വരുന്നു അവളുടെ ഫോണ്‍. 'അതേയ് ബൈജു ഞാന്‍ ബ്ലോക്കില്‍ കുടുങ്ങിയതാ. ഇപ്പൊ ഇതാ ഒരു പൊക്കമുള്ള ബില്‍ഡിംഗ്‌ന്റെ അടുത്തായി. എവിടെയാ ഈ റെക്സ് ? ' ചിന്നു ചോദിക്കുകയാണ്. 'കഴുത.. അപ്പൊ നീ എന്തോര്‍ത്തിട്ടാ അവിടെ വരാം എന്ന് പറഞ്ഞെ ? ' അവന്‍ ചൂടായി. അത് കേട്ടിട്ട് അവളും ചൂടായി. 'പെട്ടെന്ന് പറഞ്ഞു തന്നോ. അല്ലെങ്കില്‍ ഞാന്‍ ഈ ഓട്ടോയില്‍ തന്നെ തിരിച്ചു പോകും. ഹല്ലാ പിന്നെ. ' അത് കേട്ടതും ബൈജു അടങ്ങി. വഴിയൊക്കെ പറഞ്ഞു കൊടുത്തു. പത്തു മിനിറ്റ് കൂടി കഴിഞ്ഞപ്പോ ചിന്നു വന്നിറങ്ങി. അവള്‍ ഒരു ജീന്‍സും ടോപ്പും ഒക്കെയായി പബ്ബിലേയ്ക്ക് വേണ്ട വേഷമൊക്കെ ഇട്ടാണ് വന്നിരിക്കുന്നത്. നീ ആകെപ്പാടെ ഒരു സുന്ദരി ആയിട്ടുണ്ടല്ലോ എന്ന് വന്നപാടെ ബൈജു ചിന്നുവിനെ ഒന്ന് പുകഴ്ത്തി. 'വേണ്ട വേണ്ട .. ഈ നമ്പര്‍ വേണ്ട.' എന്ന് അവളും പറഞ്ഞു.അവന്റെ നമ്പര്‍ പൊളിഞ്ഞത്തിന്റെ ചമ്മല്‍ മറയ്ക്കാന്‍ അവനും പൊട്ടിച്ചിരിച്ചു. ലിവിസ് ന്റെ ഒരു ഷോ റൂം ഉണ്ട്. ചൊമല നിറത്തില്‍. അതിന്റെ മുന്നില്‍ ഉള്ള വഴി പിടിച്ചു അകത്തേക്ക് പോകുമ്പോഴാണ് പബ്. അതിന്റെ ഒരു അഡ്വാന്റെജ് എന്താന്നു വച്ചാല്‍ ആള്‍ക്കൂട്ടത്തില്‍ ആരും ശ്രദ്ധിക്കപ്പെടാതെ നടന്നു പോയിട്ട് ടപേ എന്ന് പറഞ്ഞു ചാടി കയറാം. അങ്ങനത്തെ ഒരു സ്ഥലമാണ്. ജെസ്സിനെ സമ്മതിക്കണം. ഇതൊക്കെ കണ്ടു പിടിക്കുന്നതിന്. ചിന്നു പറഞ്ഞു. 'ഡീ . അവള് പോയി കണ്ടു പിടിച്ചത് ഇപ്പൊ നമുക്ക് ഉപകാരമായില്ലേ. നീ ഇനി വെറുതെ അവളെ പറ്റി പരദൂഷണം പറയണ്ട." എന്ന് ബിജുവും പറഞ്ഞു. അല്ലേലും ഒരു പെണ്ണിന് വേറൊരു പെണ്ണിനെ, അവളിനി എത്ര അടുത്ത സുഹൃത്തായാലും കണ്ണെടുത്താല്‍ കണ്ടുകൂടല്ലോ. അക്കാര്യത്തില്‍ നമ്മള്‍ ആണുങ്ങള്‍ തന്നെ ഭേദം. ബൈജു ഓര്‍ത്തു.

പബ്ബിന്റെ ബോര്‍ഡ്‌ കണ്ടു. അകത്തേയ്ക്ക് കയറി. ഡോറില്‍ രണ്ടു തടിയന്മാര്‍ നില്‍പ്പുണ്ട്. അവര്‍ കയ്യോടെ പൈസ വാങ്ങിച്ചു. എന്നിട്ട് രണ്ടു പേരുടെയും കയ്യില്‍ ഓരോ ബാന്‍ഡ് കെട്ടിക്കൊടുത്തു.
എന്നിട്ട് വളരെ ഭവ്യതയോടെ അകത്തേക്കുള്ള വഴി കാണിച്ചുകൊടുത്തു. ചെറിയ ഇരുണ്ട ഒരു പാസ്‌ വേയിലൂടെ വേണം അകത്തേക്ക് പോകാന്‍. വന്‍ ആംബിയന്‍സ്. ചിന്നു ചെറിയ പേടിയോടെ ബൈജുവിന്റെ കയ്യില്‍ തൂങ്ങി. അകത്തെ ഫ്ലോര്‍ കൊള്ളാം. ചെറിയ ഇരുളും വെളിച്ചവും വീണ അന്തരീക്ഷം. ഒരു വശത്ത് ബാര്‍. നടുക്കായി ഡാന്‍സിംഗ് ഫ്ലോര്‍. അവിടവിടെ പ്രകാശത്തിന്റെ ചെറിയ തുരുത്തുകളില്‍ പ്രണയിതാക്കള്‍ ഇരിപ്പുണ്ട്. കസേരയ്ക്കു പകരം ലൌന്‍ജ് ആണ്. അവര്‍ രണ്ടു പേരും ഒരു മൂലയില്‍ പോയിരുന്നു. അവര്‍ രണ്ടും ഒരല്പം അകലം വിട്ടാണ് ഇരുന്നത്. ചിന്നു ചുറ്റിനും നോക്കിയിട്ട് പറഞ്ഞു സംഗതി കൊള്ളാമല്ലോ എന്ന്. അവന്‍ അപ്പുറത്തിരിക്കുന്നവരെ ഒക്കെ ഒന്ന് നോക്കി. എല്ലാ തരത്തിലുള്ള മുതലുകളും ഉണ്ട്. നെറ്റിയിലും ചെവിയിലും ഒക്കെ തുളച്ചു കമ്മലിട്ടവന്മാര്‍, ജെല്‍ തേച്ചു ഷോക്ക്‌ അടിച്ച പോലെ മുടി എഴുനേല്‍പ്പിച്ചു നിര്‍ത്തിയിരിക്കുന്നവര്‍,
വരമ്പ് പോലെ മീശയും താടിയും വച്ചവന്മാര്‍, അമീര്‍ ഖാന്‍ ചെയ്ത പോലെ കീഴ്താടിക്ക് താഴെ കുറ്റിക്കാട് പോലെ അല്പം രോമം നിര്‍ത്തിയിരിക്കുന്നവര്‍ എന്ന് വേണ്ട സകല അലവലാതികളും ഉണ്ട്. ആരോ കാലില്‍ ചെറുതായി ഞോണ്ടുന്നു . ചിന്നുവാണ്. അടുത്ത ടേബിളില്‍ ഇരിക്കുന്നവനെ കാണിച്ചിട്ട് അവള്‍ പറയുകയാണ്‌ അവന്റെ മുടി കണ്ടോ ? തലയില്‍ പശു കിടാവ് നക്കിയ പോലെ ഉണ്ട് അല്ലേ ' എന്ന്. അത് കേട്ടിട്ട് ബൈജുവിന് ചിരി വന്നു. സംഗതി ശരിയാ. തലയില്‍ കൂടി റോഡ്‌ റോളര്‍ കയറ്റി ഇറക്കിയ പോലുണ്ട്. പണ്ട് മൃഗാശുപത്രിയില്‍ കുത്തി വയ്പ്പിക്കാന്‍ വേണ്ടി കൊണ്ട് വരുന്ന ചെവിയില്‍ കമ്മലിട്ട കന്നുകാലികലെയാണ് ബൈജുവിന് ഓര്‍മ വന്നത്. പക്ഷെ അവന്റെ ഒപ്പമുള്ള പെണ്ണ് കൊള്ളാം. ഇറുകിയ ഒരു ടോപ്പും കഷ്ടിച്ച് മുട്ടറ്റം എത്തുന്ന ഒരു സ്കര്‍ട്ടും . ബൈജുവിന്റെ നോട്ടം കണ്ടിട്ട് ചിന്നു അവന്റെ കയ്യില്‍ ഒരു നുള്ള് വച്ച് കൊടുത്തു. 'അതേയ്.. മതി നോക്കിയത്..' അവള്‍ ശാസിച്ചു. 'അല്ല. നീയല്ലേ പണ്ട് പറഞ്ഞത് വേറെ പിള്ളേരെ നോക്കിയാലോന്നും ഞാന്‍ ഒന്നും പറയില്ല എന്നൊക്കെ .. എന്നിട്ട് ? അതൊക്കെ പോട്ടെ.. നിനക്ക് ഇങ്ങനെ വല്ലതും ഡ്രസ്സ്‌ ചെയ്തു കൂടെ ചക്കരേ' അവന്‍ കുസൃതിയോടെ ചോദിച്ചു. 'ഹയ്യട. അത് മാത്രം നല്ല ഓര്‍മ. വേല മനസ്സിലിരിക്കട്ടെ .' എന്ന് പറഞ്ഞുവെങ്കിലും ചിന്നുവിന്റെയും നോട്ടം ആ പെണ്ണിന്റെ മേലായിരുന്നു. അവള്‍ പറഞ്ഞു 'ആ കുട്ടി ഇട്ടിരിക്കുന്ന ഡ്രസ്സ്‌ ഭയങ്കര ചീപ് സാധനമാണ്. കമേര്‍സ്യല്‍ സ്ട്രീറ്റില്‍ ഇരുനൂറു രൂപയ്ക്കു കിട്ടുന്നതാണ്.. രണ്ടും കൂടി. ' . 'എങ്കില്‍ ഉറപ്പിച്ചോ. അത് അവന്‍ അവള്‍ക്കു വാങ്ങി കൊടുത്തതായിരിക്കും. അവന്റെ കോലം കണ്ടാലറിയാം അവന്‍ ഇവളെ തീറ്റി പോറ്റി പിച്ചയെടുത്തിരിക്കുകയാണെന്നു" ..' ബൈജു ചിരിച്ചു കൊണ്ട് പറഞ്ഞു. " ബൈജുവിന്ഒരു കാര്യം അറിയാമോ ? നിങ്ങള്‍ ആണുങ്ങള്‍ വായിനോക്കുന്നതിനേക്കാള്‍ കൂടുതല്‍ പെണ്ണുങ്ങളെ വായി നോക്കുന്നത് പെണ്ണുങ്ങള്‍ തന്നെയാണ്. പുതിയ ഡ്രസ്സ്‌, മാല, വള അങ്ങനെ അങ്ങനെ.. ' ചിന്നു പറഞ്ഞു. 'അത് ശരി.. അപ്പൊ ഇനി മുതല്‍ നമുക്ക് ഒരുമിച്ചു വായി നോക്കാം ട്ടാ..' അവന്‍ പറഞ്ഞു. 'അത് വേണ്ട. മനസ്സിലിരിപ്പ് പിടി കിട്ടി . ഞാന്‍ നോക്കിക്കോളാം.' അവളും പറഞ്ഞു.

കുറച്ചു നേരം കഴിഞ്ഞപ്പോ ഒരുത്തന്‍ അവരുടെ ടേബിളില്‍ വന്ന് ഒരു മെനു കൊണ്ട് വച്ചു. ഡ്രിങ്ക് സെലക്ട്‌ ചെയ്യാനാണ്. മെക്സിക്കന്‍ ഡ്രീം എന്ന് പറഞ്ഞിട്ടൊരു മോക് ടയില്‍ അവര്‍ ഓര്‍ഡര്‍ ചെയ്തു. കുറച്ചു കഴിഞ്ഞപ്പോ നാട്ടില്‍ സപ്ലൈ ചെയ്യുന്ന റേഷന്‍ മണ്ണെണ്ണ പോലത്തെ നീല നിറത്തിലുള്ള ഒരു സാധനവും കൊണ്ട് അവന്‍ വന്നു. ചിന്നുവും ബൈജുവും മുഖാമുഖം നോക്കി. 'ഇത് കുടിച്ചാല്‍ പണി കിട്ടുമോ ? ' അവള്‍ ചോദിച്ചു. 'ശരിയാ. കണ്ടിട്ട് പണ്ട് കെമിസ്ട്രി ലാബില്‍ ഉണ്ടായിരുന്ന എന്തോ സാധനം പോലെ തോന്നുന്നു. കോപ്പെര്‍ സല്‍ഫേറ്റോ എന്നോ മറ്റോ പറയും ' അവനും പറഞ്ഞു. കുറച്ചു സ്നാക്സ് അവിടെ നിരത്തി വച്ചിട്ടുണ്ട്. ബൈജു പോയി അതില്‍ കുറച്ച് രണ്ടു ചെറിയ പ്ലേറ്റില്‍ എടുത്തു കൊണ്ട് വന്നു. രണ്ടു പേരും കൂടി അതും കൊറിച്ചു കൊണ്ട് ചുറ്റിനും നോക്കിയിരിക്കുകയാണ്. 'അല്ല. ഇവിടൊന്നും നടക്കുന്നില്ലല്ലോ. എല്ലാവനും തീറ്റിയും കുടിയും തന്നെ. ' ബൈജു ആരോടെന്നില്ലാതെ പറഞ്ഞു. 'ഇപ്പൊ തുടങ്ങുമായിരിക്കും. അതിനു മുമ്പ് നമുക്ക് ഇത് ഫിനിഷ് ചെയ്യാം. ' എന്ന് പറഞ്ഞു ചിന്നു തീറ്റ തുടര്‍ന്നു. ഒരു മൂലയ്ക്ക് ഒരു മൈക്ക് സെറ്റും കുറെ സാധന സാമഗ്രികളും ഒക്കെ കൊണ്ട് വച്ചിട്ടുണ്ട്. അല്പം കഴിഞ്ഞപ്പോ ഒരു ടീഷര്‍ട്ടും ബര്‍മൂടയും ഇട്ടു ഒരുത്തന്‍ അതിന്റെ ഇടയിലേക്ക് കയറി. അവന്‍ അവിടത്തെ ഡി ജെ ആണ്. വിക്കി എന്നാണു പേര്. ഗണപതിക്ക്‌ അടിക്കാനെന്ന പോലെ അവന്‍ ഒരു ഡിസ്ക് എടുത്തു വച്ചു. വിചാരിച്ച പോലല്ല.. അസഹ്യമായ ശബ്ദം. അടുത്ത് തിന്നും കുടിച്ചും ഇരിക്കുന്നവന്മാര്‍ ഒക്കെ കൈ കൊട്ടാനും ബഹളം വയ്ക്കാനും തുടങ്ങി. ആ ബഹളം കേട്ട വിക്കി കൂടുതല്‍ കൂടുതല്‍ ശബ്ദത്തില്‍ പാട്ട് വച്ചുകൊണ്ടിരുന്നു. സിഗരറ്റിന്റെ ദുര്‍ഗന്ധം അവിടെ നിറഞ്ഞു നില്‍ക്കുന്നത് കാരണം ചിന്നു അസ്വസ്ഥത പ്രകടിപ്പിച്ചു തുടങ്ങി. നമുക്ക് പോയാലോ എന്നൊക്കെ അവള്‍ ചോദിച്ചു തുടങ്ങി. 'ഹേ. എന്തായാലും വന്നതല്ലേ. എന്താവും എന്ന് നോക്കിയിട്ട് പോകാം ' എന്ന് ബൈജു പറഞ്ഞു. അധികം കാത്തിരിക്കേണ്ടി വന്നില്ല. ഏതോ ടബ്ബാം കൂത്ത്‌ പാട്ട് വച്ചിട്ട് വിക്കി അവിടെ വെളിച്ചപ്പാട് തുള്ളുകയാണ്. കണ്ടിട്ട് അവന്റെ ട്രൌസറിനുള്ളില്‍ ഉറുമ്പ് കയറിയ പോലുണ്ട് എന്ന് ബൈജു പറഞ്ഞു. ബഹളത്തിനിടയില്‍ ചിന്നുവിന്റെ പൊട്ടിച്ചിരി ആരും കേട്ടില്ല. സംഗീതം മൂര്‍ധന്യാവസ്ഥയില്‍ എത്തി. അവിടെയിരുന്ന പിള്ളേര്‍ ഒക്കെ നടുത്തളത്തിലേയ്ക്ക് ഇറങ്ങിതുടങ്ങി. വിക്കി എന്തൊക്കെയോ പാട്ടുകള്‍ വച്ചലക്കുകയാണ്. വെറുതെ ഇരിക്കുന്നവരെ ഒക്കെ അവന്‍ ഡാന്‍സ് ചെയ്യാന്‍ ക്ഷണിക്കുന്നുണ്ട്‌. പണ്ടാരക്കാലന്‍. ഡാന്‍സ് അറിഞ്ഞുകൂടാത്തവര്‍ എന്ത് ചെയ്യുമോ എന്തോ. ബൈജു ഓര്‍ത്തു. അവന്‍ ചിന്നുവിനെ ഒന്ന് പാളി നോക്കി. അവള്‍ മറ്റുള്ളവര്‍ ഡാന്‍സ് ചെയ്യുന്നത് ഉറ്റു നോക്കിയിരിക്കുകയാണ്. ചെറുതായി കാലു കൊണ്ട് താളം പിടിക്കുന്നുമുണ്ട്. 'വാ നമുക്കും ഇറങ്ങാം' എന്ന് പറഞ്ഞു കൊണ്ട് ചിന്നു അവന്റെ കയ്യില്‍ പിടിച്ചു എഴുനേറ്റു. 'ഈശ്വരാ. രക്ഷിക്കണേ 'എന്ന് മനസ്സില്‍ പ്രാര്‍ഥിച്ചു കൊണ്ട് അവനും എഴുനേറ്റു.

വുഡന്‍ ഫ്ലോര്‍ ആണ്. അതുകൊണ്ട് തെന്നി വീഴാന്‍ ചാന്‍സ് ഉണ്ട്. ചിന്നു ചെറുതായി ആടി തുടങ്ങി. രണ്ടു പേരും കൂടി പണ്ടത്തെ ഹിന്ദി സിനിമകളില്‍ ദേവാനന്ദ്‌ ഷര്‍മിള ജോടികളെ പോലെ കൈ കോര്‍ത്ത്‌ നില്‍ക്കുകയാണ്. ചുറ്റിനും വന്‍ ഡാന്‍സ് നടക്കുന്നു. പാവം ബൈജു. അവന്‍ ചില സ്റെപ്പുകള്‍ പുറത്തെടുക്കാന്‍ നോക്കി. രാജ് കപൂറിനെയാണ് ഉദ്ദേശിച്ചതെങ്കിലും വന്നതെല്ലാം പണ്ട് മാര്‍ത്താണ്ടത്തു കോളേജില്‍ പഠിച്ചപ്പോ കണ്ടു പഠിച്ച പാണ്ടി സ്റെപ്സ്‌. അത് കണ്ടു ചിന്നു കളിയാക്കി ചിരിച്ചു. 'അയ്യേ. എന്തൊക്കെയാ ഈ കാണിക്കുന്നത് ? ' അവള്‍ ചിരി നിര്‍ത്തുന്നില്ല. ബൈജു ധൈര്യം അഭിനയിക്കാന്‍ നോക്കി. പക്ഷെ അത് സംഗതി കൂടുതല്‍ കുളമാക്കിയതേ ഉള്ളൂ. മാങ്ങ പറിയും ചെളി കുത്തും മാത്രമല്ല ഇടയ്ക്കിടയ്ക്ക് ഓരോ ഹോയ് വിടുകയും ചെയ്തു ബൈജു. ചുറ്റിനും നിന്ന് തുള്ളി കളിക്കുന്നവരെ നോക്കി ചില സ്റെപ്സ്‌ ഒക്കെ ബൈജു ട്രൈ ചെയ്തു നോക്കി. ആ ബഹളം ഒക്കെ തീരാറായപ്പോഴെയ്ക്കും ഒന്ന് രണ്ടു സ്റെപ്പുകള്‍ ബൈജു പഠിച്ചെടുത്തു. അവന്റെ മുഖം വിടര്‍ന്നു. എന്നാല്‍ ചിന്നുവിന്റെ മുഖത്ത് തിരിച്ചായിരുന്നു. അവളുടെ മുഖം ആകെ വാടിയിരുന്നു. രണ്ടു പേരും വീണ്ടും ടേബിളില്‍ പോയിരുന്നു. അവള്‍ ഒന്നും മിണ്ടുന്നില്ല. ബൈജുവും ആകെ സൈലന്റ് ആയി. അവള്‍ക്കു നാണക്കേടായി കാണും. 'നമുക്ക് പോകാം' എന്ന് പറഞ്ഞു അവള്‍ എഴുനേറ്റു. പുറകെ നിരാശനായി ബൈജുവും. വിക്കിയുടെ മുന്നിലൂടെ വേണം പുറത്തേക്കു പോകാന്‍. നെക്സ്റ്റ് വീക്ക്‌ കാണാം എന്ന് വിക്കി അവരെ നോക്കി വിളിച്ചു പറഞ്ഞു. മാത്രമല്ല അവന്‍ ഫോണിലൂടെ ആരോടോ സംസാരിക്കുന്നുണ്ട്. അടുത്തെത്തിയപ്പോള്‍ ബൈജു വ്യക്തമായും കേട്ടു. 'ഡേയ് അടുത്ത ശനിയാഴ്ച നീ ഇങ്ങോട്ടിറങ്ങ് , നമുക്ക് അലംബാക്കാം' എന്ന് അവന്‍ വ്യക്തമായ കോട്ടയം മലയാളത്തില്‍ വച്ചു താങ്ങുന്നത്. അമ്പടാ. നീ മലയാളി ആയിരുന്നല്ലേ. ശരി. പിന്നെ എടുത്തോളാം.

ഇന്ന് ഇനി ചിന്നുവിനെ എങ്ങനെ സമാധാനിപ്പിക്കും , കമ്പ്ലീറ്റ്‌ ഇമേജ് പോയല്ല്ലോ എന്നൊക്കെയോര്‍ത്ത് ബൈജു ഓട്ടോ വിളിച്ചു. ചിന്നു ഒന്നും മിണ്ടുന്നില്ല. നിശബ്ദത അസഹ്യമായപ്പോള്‍ അവന്‍ പറഞ്ഞു. 'സോറി മോളെ. എനിക്കീ ഡാന്‍സ് ഒന്നും അറിയില്ല. ഞാന്‍ അങ്ങനെ ഒരിടത്തും ഡാന്‍സ് പാര്‍ടിയില്‍ ഒന്നും അങ്ങനെ പോകാറില്ല. പിന്നെ പണ്ടേ എനിക്ക് അലര്‍ജിയൊക്കെ ഉണ്ടായിരുന്നത് കൊണ്ട് ഇങ്ങനത്തെ ഒരു പരിപാടിക്കും ഞാന്‍ പോയിട്ടില്ല. നിനക്ക് നാണക്കേടായി അല്ലെ ? അവിടെ വന്ന എല്ലാവരും എന്തൊരു ഡാന്‍സ് ആയിരുന്നു ..' എന്നൊക്കെ വിക്കി വിക്കി അവന്‍ പറഞ്ഞൊപ്പിച്ചു. എന്നാല്‍ ചിന്നു മറുപടിയൊന്നും പറഞ്ഞില്ല. പകരം അവള്‍ അവനെ വാരിപ്പുണര്‍ന്നു. കണ്ണീര്‍ ഒഴുകുന്ന മിഴികളോടെ അവള്‍ അവന്റെ കവിളില്‍ ചുംബിച്ചു. ആ കണ്ണീര്‍ അവന്റെ മുഖത്തേയ്ക്കും ഒഴുകിയിറങ്ങി. 'എന്തിനാ ബൈജു അങ്ങനെയൊക്കെ ചെയ്തത് ? ഞാന്‍ നിര്‍ബന്ധിച്ചോ ഡാന്‍സ് ചെയ്യാന്‍ ? അറിയില്ല എന്ന് പറഞ്ഞാല്‍ പോരായിരുന്നോ ? ബൈജുവിന്റെ ഡാന്‍സ് കണ്ടിട്ടാണോ ഞാന്‍ ഇഷ്ടപ്പെട്ടത് ? ' അവള്‍ വിങ്ങി വിങ്ങി കരയുകയാണ്. ' ബൈജു അവിടെ എന്നെ സന്തോഷിപ്പിക്കാന്‍ വേണ്ടി പാട് പെടുന്നത് കണ്ടിട്ട് എനിക്ക് കരച്ചിലാണ് വന്നത് ' എന്ന് പറഞ്ഞു കൊണ്ട് അവള്‍ അവന്റെ ചുമലില്‍ ചാഞ്ഞു. ഒരു പെരുമഴ പെയ്തു തോര്‍ന്നത്‌ പോലെ തോന്നി ബൈജുവിന്. എന്തൊക്കെയോ പറഞ്ഞു അവന്‍ ചിന്നുവിനെ സമാധാനിപ്പിച്ചു. 'പോട്ടെ മോളെ. ഞാന്‍ കരുതി എന്റെ ഡാന്‍സ് കണ്ടിട്ട് നീ കരഞ്ഞു പോയതാണെന്ന്. ' അവന്‍ പറഞ്ഞത് കേട്ടു അവളുടെ മുഖത്ത് ഒരു ചെറു ചിരി പടര്‍ന്നു. 'അതെ. അത് കണ്ടാല്‍ ആരും ചിരിച്ചു പോകും. ' അവളും പറഞ്ഞു. 'എന്തായാലും ഇനി ഇങ്ങനത്തെ അക്രമം ഒന്നും വേണ്ട എന്റെ ചക്കരേ ' എന്ന് അവനും പറഞ്ഞു. ഇരുട്ട് വീണത്‌ കാരണം പുറത്തു നിന്ന് നോക്കിയാല്‍ ഒന്നും കാണാന്‍ പറ്റില്ല. റിക്ഷ ഡ്രൈവര്‍ ഇതൊക്കെ കുറെ കണ്ടതാണെന്ന മട്ടില്‍ പുറത്തോട്ടു നോക്കി ഏകാഗ്രതയോടെ വണ്ടി ഓടിക്കുകയാണ്. പുറത്തു നിന്ന് ഇടയ്ക്കിടയ്ക്ക് പ്രകാശം അകത്തേക്ക് ചിതറി വീഴുന്നുണ്ട്‌. ഓടിയോടി ഒടുവില്‍ അത് ചിന്നൂന്റെ വീടിനടുത്തെത്തി. റിക്ഷാക്കാരന്‍ രണ്ടിനെയും അര്‍ഥം വച്ചൊന്നു നോക്കി. എന്നിട്ട് പൈസയും വാങ്ങി പോയി. 'അവന്റെ നോട്ടം കണ്ടോ ? നിന്റെ കെട്ടിപ്പിടിത്തം കണ്ടിട്ടാ ' ബൈജു ചിന്നുവിനെ കളിയാക്കി. പക്ഷെ അവള്‍ മൈന്‍ഡ് ചെയ്തില്ല. 'വേറെ ആരെയുമല്ലാലോ.. അങ്ങേര്‍ക്കെന്താ ..' എന്നൊക്കെ ചോദിച്ചു അവള്‍. അവരുടെ പതിവ് സ്ഥലത്തെത്തി. വീട്ടിലേക്കു കയറുന്നതിനു മുമ്പ് ചിന്നു നാണത്തോടെ മുഖം താഴ്ത്തി അവനോടു പറഞ്ഞു..'ഇന്ന് ഞാന്‍ കെട്ടിപ്പിടിച്ചപ്പോള്‍ എന്തോ ഒരു തോന്നല്‍. something which I can't ...' അവളുടെ സംസാരം ഇടയ്ക്ക് വച്ചു മുറിഞ്ഞു. 'എനിക്കും തോന്നി.' ബൈജുവും പറഞ്ഞു. അവന്‍ അവളെ അടുത്തേക്ക് ചേര്‍ത്തു. ഒരു മരത്തിന്റെ ചുവട്ടില്‍ ആണ് നില്‍ക്കുന്നത് അവര്‍. അവിടത്തെ ഇരുണ്ട ആ അന്തരീക്ഷം അവരെ പ്രലോഭിപ്പിച്ചു. അവളുടെ മുടി നീക്കി കഴുത്തിന്‌ പുറകില്‍ അവന്‍ ചുംബിച്ചു. പക്ഷെ എന്തോ ഞെട്ടലിലെന്ന പോലെ ചിന്നു അകന്നു മാറി. 'വേണ്ട ബൈജു... ഞാന്‍ പോട്ടെ ' എന്ന് പറഞ്ഞിട്ട് അവള്‍ ഓടി പോയി.

ബൈജുവും റൂമിലേയ്ക്ക് നടന്നു. ഫോണ്‍ ശബ്ദിക്കുന്നു. എന്ത് പറ്റി .. ഇന്നവള്‍ നേരത്തെ വിളിക്കുന്നു. ഓ. ഓര്‍ത്തില്ല. ഇന്ന് ചിന്നു റൂമില്‍ തനിച്ചാണ്. കൌ നാട്ടില്‍ പോയിരിക്കുകയാണ്. അവന്‍ ഫോണ്‍ എടുത്തു. ചിന്നു ഒന്നും മിണ്ടുന്നില്ല. ഇടക്ക് ബൈജു.. ബൈജുവേ.. എന്നൊക്കെ വിളിക്കുന്നുണ്ട്. 'എന്ത് പറ്റി കുട്യേ ? ' അവനും ചോദിച്ചു. ലജ്ജയില്‍ മുങ്ങിയ ശബ്ദത്തില്‍ ചിന്നു പറഞ്ഞു തുടങ്ങി. 'പണ്ട് മില്‍സ് ആന്‍ഡ്‌ ബൂണ്‍ വായിക്കുമ്പോ അതിലൊക്കെ ഇങ്ങനെ വരുമായിരുന്നു. ഉമ്മ വയ്ക്കുന്നതൊക്കെ. പക്ഷെ ഇത്രയും ഫീലിങ്ങ്സ്‌ ഒക്കെ വരും എന്നെനിക്കറിയില്ലായിരുന്നു. ഇന്നെന്തോ ബൈജു ഉമ്മ വച്ചപ്പോള്‍ ഞാന്‍ ആകെ melt ആയിപ്പോയി. എന്നാലും നമ്മള്‍ തെറ്റല്ലേ ചെയ്തത് ? ' അവള്‍ പറഞ്ഞു. 'അതൊന്നും എനിക്കറിയില്ല ചിന്നൂ. ഇതൊക്കെ നമ്മുടെ കണ്ട്രോളില്‍ ഉള്ള കാര്യങ്ങള്‍ അല്ല എന്നാ എനിക്ക് തോന്നുന്നത് . കുറച്ച് നേരം കൂടി നീ അവിടെ നിന്നെങ്കില്‍ ചിലപ്പോ ..' അവന്‍ പറഞ്ഞത് മുഴുമിപ്പിച്ചില്ല. 'എന്ത് ചെയ്യുമായിരുന്നു എന്ന് ? പറ ..' അവളും വിജ്രഭിച്ച ശബ്ദത്തില്‍ ചോദിച്ചു. 'അത്.. അത്... അതൊക്കെ ... ' അവനും നാണം. 'ഇത് തെറ്റല്ലേ എന്നൊക്കെ ചോദിച്ചാല്‍... sesual ആയ ഫീലിങ്ങ്സ്‌ ഒക്കെ എല്ലാവര്‍ക്കും രണ്ടു രീതിയിലല്ലേ ... ചിലര്‍ക്ക് അതും വെറും fleshy ആയിരിക്കും. പക്ഷെ ബാക്കിയുള്ളവര്‍ക്ക് മിക്കപ്പോഴും ലവ് സെക്സില്‍ എത്തുന്നത്‌ sex is the extension of true love ആയതു കൊണ്ടാണെന്ന് ഞാന്‍ എവിടോ വായിച്ചിട്ടുണ്ട്. '' ബൈജു പറഞ്ഞു. 'വേണ്ട ബൈജു.. നമുക്ക് ഈ സംസാരം ഇവിടെ വച്ചു നിര്‍ത്താം. എനിക്കെന്തോ പോലെ തോന്നുന്നു. ഇനി ഇങ്ങനൊന്നും സംസാരിക്കണ്ട കേട്ടോ. പേടിയാകുന്നു ' അവള്‍ പറഞ്ഞു. 'വയ്ക്കല്ലേ. വയ്ക്കല്ലേ.. ' അവന്‍ വിളിച്ചു കൂവി. 'ശരി നിര്‍ത്തി.. നീ ചോദിച്ചത് കൊണ്ട് പറഞ്ഞുന്നെ ഉള്ളൂ. ' എന്നവനും പറഞ്ഞു. നാളെക്കാണാം എന്ന് പറഞ്ഞു രണ്ടു പേരും ഉറങ്ങാന്‍ കിടന്നു. കുറച്ച് കഴിഞ്ഞപ്പോള്‍ ബൈജുവിന്റെ മൊബൈല്‍ മിന്നി തെളിഞ്ഞു. ചിന്നുവിന്റെ മെസ്സേജ് ആണ്. അവന്‍ അത് തുറന്നു നോക്കി. പരസ്പരം ചുംബിക്കുന്ന രണ്ടു ചുണ്ടുകള്‍. തിരിച്ചും അത് പോലെ ഒന്ന് അയച്ചിട്ട് അവന്‍ കണ്ണുകള്‍ പൂട്ടി.

വായിച്ചിട്ട് അഭിപ്രായങ്ങള്‍ ഇടണേ. അടുത്ത ഭാഗം എഴുതാന്‍ ഒരു ഉത്സാഹം കിട്ടാനാ..

അവിടെ പിന്നെ വേറെ ആരാ ഉള്ളത് ?

2012-01-08T11:25:00.000+05:30

കഴിഞ്ഞ ദിവസം ദുബായില്‍ നിന്ന് മടങ്ങി വന്ന ഒരു സുഹൃത്തിനെ കണ്ടു. സാധാരണ നാട്ടില്‍ വരുമ്പോള്‍ ആകെ ഓളം സൃഷ്ടിച്ചു നടക്കുന്ന ഒരു ചേട്ടനാണ്. പക്ഷെ ഇത്തവണ കണ്ടപ്പോ ആകെ മ്ലാനമായി ഇരിക്കുന്നു. എന്ത് പറ്റി എന്ന് ചോദിച്ചു. കുറച്ചു നേരം ചോദിച്ചപ്പോ അവന്‍ കാര്യം പറഞ്ഞു. അവന്റെ അച്ഛന്‍ നാട്ടില്‍ ഒറ്റയ്ക്കാണ് താമസം. അവന്റെ അമ്മ മരിച്ചതിനു ശേഷം അവന്‍ പല തവണ പറഞ്ഞു നോക്കിയെങ്കിലും അവന്റെ ഒപ്പം പോകാന്‍ അച്ഛന്‍ കൂട്ടാക്കിയില്ല. അച്ഛനോട് ഒന്ന് സംസാരിച്ചു ശരിയാക്കി തരണം എന്ന് അവന്‍ എന്നോട് പറഞ്ഞു. അങ്ങനെ ഞാന്‍ പുള്ളിയെ പോയി കണ്ടു. അവന്റെ അച്ഛന്‍ നാട്ടില്‍ ചെറിയ കൃഷിയും പശു വളര്‍ത്തലും ഒക്കെയായി ജീവിച്ച ആളാണ്‌. അതില്‍ നിന്നുള്ള വരുമാനം കൊണ്ട് മകളെ നന്നായി വളര്‍ത്തി ഡോക്ടര്‍ ആക്കി കെട്ടിച്ചു വിട്ടു. മകനെ ആരുടെയോ ബന്ധം ഉപയോഗിച്ച് ഗള്‍ഫിലെത്തിച്ചു. അവനും ഇപ്പൊ നല്ല നിലയിലായി. ജീവിതത്തിന്റെ സായാഹ്നം ആസ്വദിക്കാന്‍ ഇരുന്ന അദ്ദേഹത്തെ നിരാശപ്പെടുത്തിക്കൊണ്ട്‌ ഭാര്യ നേരത്തെ അങ്ങ് പോയി. ഇപ്പൊ വീട്ടില്‍ ഒറ്റയ്ക്കാണ് താമസം. ഭക്ഷണം ഉണ്ടാക്കികൊടുക്കാന്‍ ഒരു പയ്യന്‍ ഉണ്ട്. അവന്‍ രാവിലെ വന്നു എല്ലാം ഉണ്ടാക്കി വച്ചിട്ട് പോകും. ഭാര്യ മരിച്ചതിനു ശേഷം പശുക്കളെയും കോഴികളെയും വിറ്റു.അങ്ങനെ ഞാന്‍ അവന്റെ വീട്ടിലെത്തി. അങ്കിളേ .ഇവിടെ ഇങ്ങനെ ഒറ്റയ്ക്ക് ബുദ്ധിമുട്ടി ജീവിക്കുന്നതിനേക്കാള്‍ നല്ലത് അവന്റെ ഒപ്പം പോയി നില്‍ക്കുന്നതല്ലേ ? അവന്റെ ഭാര്യക്കും ഒരു പ്രശ്നവുമില്ല. മാത്രമല്ല നേരത്തെ അച്ഛന്‍ മരിച്ചു പോയ അവന്റെ ഭാര്യക്ക്‌ അങ്കിള്‍ എന്ന് പറഞ്ഞാല്‍ സ്വന്തം അച്ഛനെപ്പോലെയാണ് എന്ന് എനിക്ക് പലപ്പോഴും തോന്നിയിട്ടുണ്ട്. ഇക്കാലത്ത് ഇത്രയും സ്നേഹമുള്ള മക്കളെയും മരുമക്കളെയും കിട്ടുന്നത് ഒരു ഭാഗ്യമല്ലേ ? ഇങ്ങനെ എന്റെ പരിമിതമായ അറിവ് വച്ച് നിരത്താവുന്ന നമ്പരുകള്‍ ഒക്കെ ഞാന്‍ നിരത്തി. എല്ലാം കേട്ടിരുന്നിട്ട് അദ്ദേഹം ഒരു ചോദ്യം. മോനെ . ഞാന്‍ ഇപ്പൊ അങ്ങോട്ട്‌ പോയാല്‍ പിന്നെ ഇവിടെ ആരാ ഉള്ളത് എന്ന്. സത്യം പറഞ്ഞാല്‍ അത് കേട്ടിട്ട് എനിക്ക് ദേഷ്യം വന്നു. ഞാന്‍ പറഞ്ഞു അങ്കിള്‍ എന്തിനാ ഇപ്പൊ അതാലോചിക്കുന്നത് ? ഇവിടെ ഇപ്പൊ ആരാ വേറെ ഉള്ളത്. അങ്കിള്‍ മാത്രമല്ലെ ഉള്ളൂ. പിന്നെ എന്താലോചിക്കാനാ എന്ന് ഞാന്‍ അല്പം ഈര്‍ഷ്യയോടെ ചോദിച്ചു. അതൊന്നും നിങ്ങള്‍ പിള്ളേര്‍ക്ക് മനസ്സിലാവില്ല മക്കളെ എന്ന് അങ്കിള്‍ അല്പം മങ്ങിയ മുഖത്തോടെ പറഞ്ഞു.

അന്ന് ഉച്ചയ്ക്ക് ഊണ് കഴിച്ചിട്ട് വെറുതെ ഒന്ന് മയങ്ങാന്‍ കട്ടിലില്‍ കിടന്നു. ഇത്തരം രംഗങ്ങള്‍ ഞാന്‍ പല സത്യന്‍ അന്തിക്കാട് സിനിമകളിലും കണ്ടിട്ടുണ്ടെങ്കിലും നേരിട്ട് ആദ്യമായാണ്. എന്താണ് അദ്ദേഹത്തിന്റെ പ്രശ്നം ? ആ വീട്ടില്‍ വേറെയാരുമില്ല. പക്ഷെ എന്താവും അദ്ദേഹത്തെ പുറകോട്ടു വിളിക്കുന്നത്‌ ? എന്റെ അമ്മാമ്മ പറഞ്ഞത് പെട്ടെന്ന് ഓര്‍മ വന്നു. അമ്മമ്മ എപ്പോഴും പറയുമായിരുന്നു ജനിച്ചു വളര്‍ന്ന വീട്ടില്‍ ജീവിക്കുന്നതിന്റെ സുഖം ഒരിക്കലും പറഞ്ഞു തരാന്‍ പറ്റില്ല എന്ന്. ശരിയാണ്. പിറന്ന മണ്ണിന്റെ മണം , വീടിന്റെ സുഗന്ധം മുതലായവ എന്നോ കളഞ്ഞു പോയിരിക്കുന്നു അല്ലേ ? വാടക വീടുകളില്‍ ജനിച്ചു വളര്‍ന്ന ഒരു കുട്ടിക്ക് അത്തരം ഒരു ഗൃഹാതുരത ഉണ്ടാവുമോ ? ഒരു പക്ഷെ വീട്ടില്‍ നിന്ന് മാറി നില്‍ക്കുമ്പോഴാവും അല്ലേ ഇതൊക്കെ ആദ്യം തിരിച്ചറിയുക ? നിങ്ങള്‍ ഒന്ന് തിരിഞ്ഞു നോക്കൂ.. സ്വന്തം വീട്ടിലേക്ക് നിങ്ങളെ പിടിച്ചു വലിച്ചു നിര്‍ത്തുന്ന എന്തെങ്കിലും ഉണ്ടോ ? എങ്കില്‍ നിങ്ങള്‍ ഭാഗ്യവാനാണ് ... എന്ത് പറയുന്നു ?

പുതു വര്‍ഷ ആശംസകള്‍

2011-12-31T03:43:00.003+05:30

ഒരു വര്‍ഷം കൂടി കടന്നു പോകുന്നു. ചിലര്‍ക്ക് സന്തോഷത്തിന്റെയും ചിലര്‍ക്ക് ദുഖത്തിന്റെയും ചിലര്‍ക്ക് നഷ്ടഭംഗത്തിന്റെയും മറ്റും ഒരു വര്‍ഷം. ഇനി വരാനുള്ളതും അങ്ങനെ തന്നെ. പുതിയ പ്രതീക്ഷയുടെയും പുതിയ മോഹങ്ങളുടെയും ഒക്കെ പുതിയ ദിനങ്ങള്‍.. കഴിഞ്ഞ വര്‍ഷം ഈ പാവം ബ്ലോഗിനെ സപ്പോര്‍ട്ട് ചെയ്തതിലുള്ള നന്ദി അറിയിക്കട്ടെ. പുതിയ വര്‍ഷത്തിലും തുടര്‍ന്ന് വായിക്കുക. നിങ്ങളെ എല്ലാവരെയും ദൈവം അനുഗ്രഹിക്കട്ടെ. സന്തോഷവും ഐശ്വര്യവും സമൃദ്ധിയും നിറഞ്ഞ ഒരു 2012 ആശംസിക്കുന്നു ...

ബാക്കിയുള്ളവന്റെ ന്യൂ ഇയര്‍ എങ്ങനെ കുളമാക്കാം - ഒരു ഗൈഡ്

2011-12-26T23:39:00.001+05:30

നിങ്ങള്‍ എല്ലാവരും ഇപ്പൊ ക്രിസ്തുമസ് ഒക്കെ ആഘോഷിച്ചു ക്ഷീണിച്ചിരിക്കുകയായിരിക്കും അല്ലേ. ഇപ്പൊ ഇനി ന്യൂ ഇയര്‍ വരികയാണല്ലോ. എങ്ങനെ ആഘോഷിക്കണം എന്നൊക്കെയുള്ള ചിന്തകള്‍ ആയിരിക്കും എല്ലാവര്‍ക്കും. കഴിഞ്ഞ ന്യൂ ഇയര്‍ പോലെ ആവരുത് . അതിനെക്കാള്‍ ഗംഭീരം ആക്കണം , പക്ഷെ എങ്ങനെ എന്നൊക്കെ ചിന്തിച്ചു വശായി ഇരിക്കുന്നവര്‍ക്ക് ഇതാ ഒരു ഗൈഡ്. വേറൊന്നുമല്ല. ന്യൂ ഇയര്‍ ആഘോഷിക്കുന്നവന് എങ്ങനെ എട്ടിന്റെ പണി കൊടുക്കാം എന്ന്. വമ്പിച്ച ഗവേഷണം നടത്തി കണ്ടു പിടിച്ച ചില സംഗതികള്‍ ഇതാ നിങ്ങള്‍ക്കായി.

ഈ കര്‍മങ്ങളൊക്കെ ന്യൂ ഇയര്‍ തലേന്ന് ഒരു പതിനൊന്നര മണിക്ക് വേണം പ്രയോഗിക്കാന്‍.

അസൂയോ തെറാപ്പി -

ചില വേന്ദ്രന്മാരോക്കെ ഭാര്യയെ പേടിച്ചു വീട്ടിലിരുന്നു ന്യൂ ഇയര്‍ ആഘോഷിക്കും. എന്നിട്ട് എല്ലാവരോടും വിളിച്ചു പറയും. ഞാന്‍ ഒരു സ്നേഹ സമ്പന്നനായ ഭര്‍ത്താവാണെഡാ .. വെള്ളമടിക്കൊന്നും എന്നെ കിട്ടില്ല. എന്റെ ഭാര്യയോടോപ്പമാണ് ഇത്തവണ ന്യൂ ഇയര്‍ എന്നൊക്കെ. അവരോടു എന്ത് ചെയ്യണം എന്നറിയാമോ. അവരെ വിളിക്കുക. എന്നിട്ട് പറയണം. നിങ്ങള്‍ കൂട്ടുകാരുമായി ന്യൂ ഇയര്‍ ആഘോഷം തുടങ്ങുകയാണ് എന്ന്. എന്നിട്ട് സോഡാ ഗ്ലാസ്സില്‍ ഒഴിക്കുന്ന ശബ്ദം ഫോണില്‍ കൂടി കേള്‍പ്പിച്ചു കൊടുക്കണം. എന്നിട്ടും അങ്ങേ തലക്കലുള്ളവന്‍ പതറിയില്ലെങ്കില്‍ വാളു വയ്ക്കുന്ന ശബ്ദം, ചിക്കന്‍ കടിച്ചു പറിക്കുന്ന ശബ്ദം, സോഡാ പതഞ്ഞു പൊങ്ങുന്ന ശബ്ദം മുതലായവ കേള്‍പ്പിക്കാവുന്നതാണ്. മേമ്പൊടിയ്ക്ക് അല്ലിയാമ്പല്‍ കടവിലിന്നരയ്ക്ക് വെള്ളം, കായാമ്പൂ കണ്ണില്‍ വിടരും, അറ്റ കൈയ്ക്ക് മുക്കാല മുക്കബല വരെ പാടുന്നത് ബാക്ഗ്രൌണ്ടില്‍ പ്രയോഗിക്കാവുന്നതാണ്. ഇതിനെ അസൂയോ തെറാപ്പി എന്ന് ഭിഷഗ്വരന്മാര്‍ വിളിക്കും

വിരഹോ തെറാപ്പി -

ഇനി അടുത്തത്. കാമുകി അടുത്തില്ലാത്ത വിരഹ ദുഃഖത്തില്‍ കഴിയുന്ന ചില കാമുക ശിരോമണികള്‍ ഉണ്ട്. അവരുടെ അടുത്ത് ചെല്ലണം. എന്നിട്ട് ഒരു പതിനൊന്നു മണി മുതല്‍ അവളെ പറ്റി അവനെ ഓര്‍മിപ്പിക്കണം. അവന്റെ കാമുകിയെ പറ്റി തന്നെ സംസാരിക്കണം. അവള്‍ കൂടിയുണ്ടായിരുന്നെങ്കില്‍ നിങ്ങളുടേത് എത്ര റൊമാന്റിക്‌ ന്യൂ ഇയര്‍ ആയേനെ , കഷ്ടമായിപ്പോയി, എന്നാലും നിന്റെ കഴിവ് കേടാ. നേരത്തെ തന്നെ ഇതൊക്കെ പ്ലാന്‍ ചെയ്യണ്ടേ എന്നൊക്കെ പറഞ്ഞു കുത്തി കുത്തി സംസാരിക്കണം ( ഇങ്ങനെ സംസാരിച്ചു ഓവര്‍ ആയാല്‍ അവന്‍ വല്ലതും എടുത്തു നിങ്ങളുടെ കുണ്ടിക്കിട്ടു കുത്തും. അതിനു നോം ഉത്തരവാദി അല്ല ട്ടാ ). നേരത്തെ പറഞ്ഞ പോലെ ചില വിരഹ ഗാനങ്ങള്‍ ചാമ്പി കൊടുക്കാന്‍ മറക്കണ്ട. മൊബൈല്‍ സ്പീക്കര്‍ ഓണ്‍ ചെയ്തു വച്ചിട്ട് അതില്‍ കൂടി കേള്‍പ്പിച്ചാലും മതി. ഒടുവില്‍ ശരിയാണെടാ.. ഞാന്‍ ഒരു വിഡ്ഢി ആണെടാ എന്നൊക്കെ പറഞ്ഞു അവന്‍ കരയുന്നത് കണ്ടാല്‍ ഉണ്ടന്‍ സ്ഥലം വിട്ടോണം. കാരണം നിങ്ങളുടെ ഉദ്ദേശം സാധിച്ചുവല്ലോ. ഇനി ശവത്തില്‍ കുത്താന്‍ പാടില്ല. ഇത് കാമുകിമാരോട് കൂട്ടുകാരികള്‍ക്കും പ്രയോഗിക്കാവുന്നതാണ്. ഒരു വ്യത്യാസം മാത്രം. സെന്റി കുറച്ചു കൂടുതല്‍ ഇടേണ്ടി വരും.

ഇനി കാമുകി അടുത്തുള്ളവരെ എങ്ങനെ ഹാന്‍ഡില്‍ ചെയ്യണം എന്ന് നോക്കാം. മാജിക്കുകാര്‍ പറയുന്നത് പോലെ ഇത് ചെയ്യാന്‍ നിങ്ങള്‍ക്ക് ഒരു കൂട്ടുകാരന്റെയോ കൂട്ടുകാരിയുടെയോ സഹായം ആവശ്യമുണ്ട്. നിങ്ങളുടെ ശത്രു കാമുകിയുമൊത്ത് ആഘോഷത്തില്‍ ഇരിക്കുമ്പോള്‍ കൂട്ടുകാരിയെ കൊണ്ട് അവന്റെ ഫോണിലേക്ക് വിളിപ്പിക്കണം. ആദ്യം എന്തെങ്കിലും പറഞ്ഞു അവനെ കൊണ്ട് ഫോണ്‍ കട്ട്‌ ചെയ്യിക്കണം. പക്ഷെ തുടര്‍ന്നും വിളിക്കുക. എന്നിട്ട് ഒടുവില്‍ അവന്റെ കാമുകി സഹി കേട്ട് ആരാ എന്ന് നോക്കും. അപ്പൊ പറയണം.. ചേട്ടാ.ഇന്ന് ന്യൂ ഇയര്‍ ആഘോഷിക്കാന്‍ വരാം എന്ന് പറഞ്ഞിട്ട് എവിടെയാ എന്ന് .. ' ക്ലീന്‍. അതോടെ അവന്റെ ന്യൂ യിയറിന്റെ കാര്യത്തില്‍ ഒരു തീരുമാനമാകും

കുപ്പി പോട്ടിനോ തെറാപ്പി -

ചിലവന്മാര്‍ ഉണ്ട്. പുതു വര്‍ഷ രാവിനു ഒരു മാസം മുമ്പേ കുപ്പി വാങ്ങി റെഡി ആയി ഇരിക്കുന്നവര്‍. അങ്ങനെയുള്ളവരെ ഷോര്‍ട്ട് ലിസ്റ്റ് ചെയ്യുക. എന്നിട്ട് തലേ ദിവസം രാത്രി പ്ലാനില്‍ ആഘോഷം ഒക്കെ തുടങ്ങിയോ എന്നറിയാന്‍ എന്ന വ്യാജേന അവരുടെ വീട്ടില്‍ ചെല്ലുക. എന്നിട്ട് അബദ്ധത്തില്‍ എന്ന പോലെ ആ കുപ്പി വെറുതെ തള്ളി പൊട്ടിച്ചു കളയുക. ഒരു കാര്യം ഓര്‍ക്കുക. ഇത് പൊട്ടിയാല്‍ ഉടന്‍ സ്ഥലം വിട്ടോണം. അല്ലെങ്കില്‍ അവന്മാര്‍ നിങ്ങളുടെ കഥ കഴിക്കും. ഒരു കാര്യം കൂടി. എല്ലാ ബാറും അടച്ചു എന്ന് ഉറപ്പു വരുത്തിയിട്ട് വേണം കുപ്പി പൊട്ടിക്കാന്‍. വേറെ ഒരു സ്ഥലത്ത് നിന്നും സാധനം കിട്ടരുത്. അല്ലെങ്കില്‍ പണി പാളും

ഫസ്റ്റ് നയിറ്റോ തെറാപ്പി

കല്യാണം കഴിഞ്ഞുള്ള ആദ്യ ന്യൂ ഇയര്‍ ആഘോഷിക്കുന്നവനെ ഒതുക്കാന്‍ ഇതാ ഒരു വഴി. തലേ ദിവസം രാത്രി പതിനൊന്നര മുതല്‍ പല ഫോണുകളില്‍ നിന്ന് അവനെ വിളിക്കുക. എന്നിട്ട് എന്തെങ്കിലും അസംബന്ധം ചോദിക്കുക. ചില സാമ്പിള്‍സ് താഴെ..

ഹലോ ... ദൂരദര്‍ശന്‍ കേന്ദ്രമല്ലേ.. ശ്യാമ മേഘമേ നീ.. യദുകുല ... ആ പാട്ട് പാടിയ ....

ഫയര്‍ ഓഫീസ് അല്ലേ.. ഇവിടെ അടുപ്പേല്‍ തീ പിടിച്ചു സാറേ.. വേഗം വായോ.

ബസ്‌ സ്റ്റോപ്പില്‍ നിന്നാല്‍ ബസ്‌ വരും. പക്ഷെ ഫുള്‍ സ്റ്റോപ്പില്‍ നിന്നാല്‍ ഫുള്ള് വരുമോ സാറേ ?

സ്വിച്ച് ഇട്ടാല്‍ ലൈറ്റ് കത്തും. പക്ഷെ ലൈറ്റ് ഇട്ടാല്‍ സ്വിച് കത്തുമോ

അപ്പോഴേക്കും മിക്കവാറും അവന്‍ ഫോണ്‍ സ്വിച്ച് ഓഫ്‌ ചെയ്യും. അതുകൊണ്ട് അവന്റെ എല്ലാ നമ്പരുകളും ആദ്യം തന്നെ സംഘടിപ്പിച്ചു വച്ചിരിക്കണം. എന്നിട്ട് അതേല്‍ മാറി മാറി വിളിക്കണം.

ബാക്കിയെല്ലാം നിങ്ങളുടെ ഭാവനക്ക് വിടുന്നു. എന്റെ ദുഷ്ടബുദ്ധിയില്‍ ഇത്രയൊക്കെയേ വരുന്നുള്ളൂ. നിങ്ങളും പുതിയ പോയിന്റ്സ് തന്നു ബാക്കിയുള്ളവരെ സഹായിക്കൂ.. പ്ലീസ് !!

ക്രിസ്തുമസ് ആശംസകള്‍ !!

2011-12-23T06:55:00.002+05:30