मेरो कुरो ...

दुइ टुक्रा - अलोकमान र छद्मलाल

2013-05-15T20:23:00.003+05:45

अलोकमान !!!
राजीतिमा सबै थोक, चल्छ साथी, चल्न देउ,
आफैँ हराइ मान खोज्छ, कति खोज्छ खोज्न देउ,
त्यो लोकको बास होइन, यै लोकमा रमाउँछ ऊ,
ख्वामितको आज्ञकारी, कति मान्छ, मान्न देउ ।।
========================
छद्मलाल !!!
हत्यारालाइ, माफी हाम्रै,
एयर मार्सल, खोज्ने हाम्रै,
सत्ता बाहिर देशभक्ति,
लाजिम्पाटको भक्त हाम्रै ।।।
=======================

केही टुक्राहरू

2013-05-10T15:35:00.001+05:45

केही टुक्राहरूः
१.
शासन मात्रै फाल्छ जनता,
भेँडो शाषक छान्छ जनता,
घात जति गरे पनि,
त्यै फटाहा राख्छ जनता ।

२.
यो मुलुकाँ बिक्ने भन्ने, त्यही एउटा भाषण रैछ,
देशै बेच्ने नेता हजुर, फस्टाएको उद्दोग रैछ,
राजनीतिमा सबै जायज हुन्छ भन्ने सुनेको थेँ,
फटाहाको सासनमा, विद्वान जेल जाने रैछ ।

दुइ टुक्रा - लोकमान / नेता

2013-05-08T21:01:00.003+05:45

लोकमान-

यो देशलाइ लोक शब्दै ठिक छैन साथी हो,

तन्त्रअघि लोक, अलोक बन्यो साथी हो,

कति गर्नु यस्ता कुरा, फेसबुकमा टाँस्सीएर,

लोक जस्ता थुप्रै भए, सिध्याम् कसो साथी हो ?

नेताहरूः

भ्रष्टाचार, सत्ता कुर्सी, मात्रै हेर्छन् नेताहरू,

प्रभुभक्ति गर्दा गर्दै, फुस्कि सके नेताहरू,

जन्मिएनन् किन कोही, यो देशका भक्त नेता ?

सबै भए कान चिरेका जोगी जस्ता नेताहरू ।

खिलराजको खिलमा लोकमान तन्त्र

2013-05-08T20:55:00.001+05:45

========
यो मुलुकाँ बिक्ने भन्ने, त्यही एउटा भाषण रैछ,
देशै बेच्ने नेता हजुर, फस्टाएको उद्दोग रैछ,
राजनीतिमा सबै जायज हुन्छ भन्ने सुनेको थेँ,
फटाहाको सासनमा, विद्वान जेल जाने रैछ ।
=======

यी लोकमानका विषयमा खोजि गर्दै जाँदा इन्टरनेटमा मैले भेटेको यीको विषयको यो फोटो फेसबुकमार्फत साभार गरेको छु । यो फोटोसंग जोडिएका प्रतिकृयाहरू यो लिन्कमा गएर हेर्न सक्नुहुनेछ ।

" म भ्रष्टाचारयुक्त समाज सिर्जना गर्नेछु" -अलोकमान सिङ कार्की
यसै सन्दर्भमा मैले अनलाइ खबरमा भेटेको यो टिप्पणी यहाँ अरूण जीको बिना अनुमति राखेको छु ।

लोकमानले तत्काल गर्नुपर्ने तीनवटा काम सम्पत्ति लुकाएर अख्तियार प्रमुख बन्न पाइन्न

Original Link: http://www.onlinekhabar.com/2013/05/68807/

टिप्पणी/अरुण बराल
अन्ततः अदृश्य शक्ति लगाएरै भए पनि लोकमानसिंह कार्की ६ वर्षका लागि अख्तियार दुरुपयोग अनुसन्धान आयोगको प्रमुख आयुक्त बनेरै छाडे । प्रमुख आयुक्त बनेर पदभार ग्रहण गरेकै दिन उनले आयोगमा कर्मचारीलाई परम्परागत रुपले नभई नयाँ ढंगले अगाडि बढ्न निर्देशन दिइरहँदा बाहिरपट्टी पत्रकारलाई प्रवेश नदिएर ‘नयाँपन’ देखाइसकेका छन् । अब ६ वर्षको कार्यकालमा उनले कस्तो भूमिका खेल्लान् ? सिंगै नेपाली जनता कौतुहलमा छन् ।

अख्तियारमा लोकमानको नियुक्ति गलत भएको भन्दै सडकमा विरोध सेलाएको छैन । यसबारे अदालतमा मुद्दा विचाराधीन छ । अझै अरु पनि मुद्दा पर्लान् । यस्तोबेलामा ‘एन्टी करेन्ट’ बनेर अख्तियार पुगेका कार्कीले राष्ट्रको सेवा गर्न चाहेका हुन् भने तत्कालै गर्नुपर्ने केही व्यक्तिगत कामहरु छन् ।

लोकलाज मान्ने मान्छे हो भने लोकमानले विवादित भएर अख्तियारमा जान्न भनिदिएको भए सबैभन्दा उच्च नैतिकता देखिने थियो । तर, आफूभित्रको सत्ता लालसा र कमजोर नैतिक धरातलले कार्कीलाई त्यसो भन्न र गर्न दिएन । अब नखानु खाइसकेपछि उनले तत्कालै गर्नुपर्ने कामहरु मुख्यतः तीनवटा छन् ।

कार्कीले गर्नुपर्ने पहिलो काम भनेको नेपालमा स्थापित लोकतन्त्र र गणतन्त्रप्रति उनको प्रतिवद्धता के हो ? शीतलनिवासमा सपथ खाएकै छ भन्ने काइते जवाफले होइन कि उनले खुल्लारुपमा पत्रकार सम्मेलन गरेर यसबारे जनसमक्ष प्रष्ट पार्न सक्लान् ? नेपाली जनतालाई पञ्चायत कालमाजस्तो भेडाबाख्रा सम्झेका छैनन् भने कार्कीले पत्रकारबाट लुकेर हिँड्ने होइन, सबैका सामु, जनताका सामु आफूलाई उभ्याउने हिम्मत गर्नुपर्छ । तर, बुधबार अख्तियार अगाडि पत्रकारमाथि देखाइएको हर्कत हेर्दा कार्कीमा यस्तो लोकतान्त्रिक संस्कार विकास भएको छ भनेर पत्याउन सकिँदैन ।

दोस्रो, अख्तियारको प्रमुख बनेका कार्कीको ०७० साल वैशाख २५ गतेसम्मको सम्पत्ति कति छ भन्ने नेपाली जनतालाई जानकारी छैन । अब कार्कीले ‘कानूनबमोजिम सम्बिन्धत ठाउँमा सम्पत्ति विवरण पेश गरेको छु’ भन्दै नेपाली जनताको आँखामा छारो हाल्छन् या जनसमक्ष आफ्नो पैत्रिक सम्पत्ति सार्वजनिक गरेर पारदर्शिता देखाउँछन् ? विगतमा जस्तो पार्टीलाई चन्दा दिएर अपादर्शी बन्ने दिन सकिएका छन् ।भ्रष्टाचारीलाई कारवाही गर्न कार्की अख्तियारमा पुगेका हुन् भने उनले सबैभन्दा पहिले आफ्नो र आफ्ना परिवारको सम्पत्ति यति छ भनेर नेपाली जनतासमक्ष गोरखापत्रमार्फत् सार्वजनिक गरुन् । कानूनको आड लिएर जनताको आँखामा धूलो हाल्ने काम नगरुन् । तर, कार्कीले यस्तो पारदर्शिता र जनउत्तरदायी व्यवहार देखाउलान् भनेर कल्पना गर्न सकिँदैन । सामन्तहरु र निरंकुशताका पक्षपातीहरु आफ्नो हवेलीलाई सधैं रहस्यमै राख्न चाहन्छन्, उनीहरु जनताप्रति कहिल्यै उत्तरदायी हुँदैनन् । नारायणहिटी यसअघि यस्तै रहस्यको पोको थियो ।

कर्मचारी र राजनीतिज्ञहरुको सम्पत्ति विवरण अनिवार्य बुझाउनुपर्ने कानूनी व्यवस्था रहे पनि त्यस्तो विवरण निजामति कितावखानाको खोपीमा लुकाएर राख्ने तर, जनताले जानकारी लिन नपाउने कानुनी व्यवस्था छ । यही कानूनको सहारा लिँदे अहिले मन्त्रिपरिषद अध्यक्ष खिलराज रेग्मी र उनका मन्त्रीहरुले आफ्नो सम्पत्ति जनसमक्ष सार्वजनिक नगरी लुकाएर राखिरहेका छन् । यस्तो अवस्थामा जनताले मन्त्रीको सम्पत्तिमा के कति तलमाथि भयो भनेर थाहा पाउन सक्ने अवस्थाको अन्त्य भएको छ ।मन्त्रीहरुको सम्पत्ति विवरण सार्वजनिक गर्ने प्रचलन लोकतन्त्रकै एउटा उपलब्धी हो ।

०४६ सालको परिवर्तनपछि कांग्रेस नेता कृष्णप्रसाद भट्टराईको सरकारले आफ्नो सम्पत्ति विवरण जनसमक्ष सार्वजनिक गर्ने प्रचलन शुरु गरेको हो । यो जनाधिकारलाई खिलराज नेतृत्वको निर्दलीय सरकारले छिनेर लिएको छ । अब लोकमानले यसमा जनताको पक्ष लिन्छन्, या निरंकुशता र भ्रष्टाचारलाई मलजल गर्छन्, त्यो हेर्न बाँकी छ । कार्कीले सक्छन् भने पहिलो कामका रुपमा रेग्मी सरकारलाई तत्काल सबै मन्त्रीहरुको सम्पत्ति गोरखापत्रमा छाप्न लगाउन् ।

तेस्रो, अहिलेसम्म रायमाझी आयोग, अख्तियार लगायतका निकायमा कार्कीका विषयमा उठेका विषयहरु के कस्ता हुन् र यसमा कार्कीको दृष्टिकोण के हो भन्ने पनि जनसमक्ष ल्याउन जरुरी छ । रायमाझी आयोगको ६ सय ४३ पृष्ठमा लोकमानसिंह कार्कीबारे यस्तो लेखिएको छ- ‘जनधनको क्षति, पदको दुरुपयोग र मानवअधिकारको उल्लंघनमा दोषी देखिएकाले निजलाई निजामती सेवा ऐन, २०४९ को दफा ६१ वमोजिम सजाँय हुनुपर्ने ।’

स्मरणर होस्, कार्कीविरुद्ध सडकमा सानै भए पनि आन्दोलन छ । सबै दलहरुभित्र कार्कीप्रति अस्वीकृति छ । यस्तो बेलामा कार्कीले जनताको भावनालाई नजर अञ्दाज गरे भने यो नसोचे हुन्छ कि उनी सपथ खाँदैमा अख्तियारमा टिकिरहने छन् । अख्तियारमा टिकिरहनका लागि अब उनीसँग एउटै अस्त्र छ, जनतासँग भाग्ने हैन, विगतप्रति पश्चाताप गर्दै जनता र लोकतन्त्रप्रति तत्काल प्रतिवद्धता जनाउने अनि आफ्नो सम्पत्ति जनसमक्ष सार्वजनिक गरेर आर्थिक अनुशासन र नैतिकता देखाउने । ढीलो गरे उनैलाई घाटा हुनेछ । नियुक्ति पाएकै दिन उनले अख्तियारलाई परम्परगत ढंगले नचलाउने भनेका छन्, तर हेरौं उनको ‘आधुनिक ढंग’ कस्तो हुनेछ ।

आफ्नो व्यक्तिगत सम्पत्ति जनताबाट लुकाएर अख्तियार प्रमुख बन्न पाइन्न । आर्थिकरुपमै अपारदर्शी व्यक्तिलाई उच्च नैतिकता भएको मान्न सकिँदैन ।

अल्छि मान्छेहरू

2013-05-03T03:51:00.000+05:45

मान्छेहरूः

बर्बाद भएँ भन्छन् मान्छे,
बेहोस बनी हिन्छन् मान्छे,
जब होस खुल्छ तिनको
अनि छक्क पर्छन् मान्छे ।

अल्छिहरूः

सोचे जस्तो हुने भए, के के हुन्थ्यो जीन्दगीमा,
दुःख कम सुख अधिक हुन्थ्यो होला जीन्दगीमा,
कर्म खोटो देख्छन् मान्छे, तेसै तेसै बरालीएर,
सिन्को भाँच्या हैन कैल्यै, झूर भन्छन् जीन्दगीमा ।

दुइ टुक्रा

2013-05-02T06:05:00.002+05:45

एक

अलिकति मैले नजानेरै पिएँ,
बेकारमा हात नधोएरै जिएँ,
थुप्रै बल्ड्याङ खाइसक्दा मैले,
बेहोसी मै जीन्दगी बाँचेर जिएँ ।।।

दुइ

मौनतामा तिम्रो स्विकृती थियो,
एकाँगीमा तिम्रो नउटँकी थियो,
हेराइको त्यो जादु र टुना,
वास्तवमै चलचित्रको एक कथा पो थियो ।।।
-२०७० बैशाख १९

मे १, शुभकामना छ श्रमिकहरूलाइ

2013-05-01T02:40:00.000+05:45

मे १ , अर्थात् विश्व मजदुर दिवस । यो ब्लगर एक मजदुरको नातोले संसारभर छरिएर रहनुभएका सम्पूर्ण श्रमिक वर्गहरूमा हार्दिक शुभकामना दिन्छ ।

------------------------------------------

श्रमिकको अधिकार खोज्ने बहानामा,

मजदुरको रोजीरोटी अंशबन्डा गर्नेहरू,

राजनीतिमा श्रम मुछेर,

श्रमिकका श्रम चुस्नेहरू,

अधिकार खोज्न कलकारना बन्द गर्दैमा

भोको पेट भरिन्न कमरेड ।

व्यक्तिगत राजनैतिक स्वार्थका लागी

आम मजदुरलाइ प्रयोग गर्नेहरूले

खुल्ला मञ्चमा भाषण गर्न छाडे भो,

हातमा दलको झण्डा होइन,

हामीलाइ काम चाहिएको छ,

राजनीति बिहिन श्रम चाहिएको छ,

राजनीतिको श्रम धेर भो कमरेड

अब कुटो र कोदालोले

श्रमिकको बेग्लै पहिचान बनाउनु छ ।

-मे १, २०१३

केहि टुक्राहरू:

2013-04-20T20:26:00.000+05:45

केहि टुक्राहरू:

१.

मैले फलानो किताब पढें भन्छन साथीहरु

फेसबुकमा बिज्ञापन गर्छन साथीहरु

त्यो दिन नयाँ लाग्दैन मलाई,

पत्रिका पढेको स्ट्याटस लेख्छन साथीहरु ।

२.

देशको कानून गोठालोले बनाउँछ,

जनता हत्याराले चलाउँछ,

सहरहरुमा गुन्दराज छ अचेल,

सरकार त हाम्रो तस्करले चलाउँछ ।

३.

कहिले "मंचको" गठन भो भन्छन

कहिले "पन्च"को गठन भो भन्छन

गठनमै सिमित यी गठन गोठालाहरु

कहिले आफ़्नै बिघठन गरेम भन्छन

स्वाभिमानमा परेको बेला बेलाको धक्का

2013-04-15T23:49:00.001+05:45

टाटा कम्पनीले भन्यो, 'नेपाल भारतको एक राज्य'

सोतः Copy Paste from Nepali Headlines

यसको Original लेखका लागि यहाँ क्लिक गर्नुहोला

भारत नेपाललाई सकेसम्म छुट्टै देश भन्दा पनि भारतको एउटा हिस्सा अर्थात राज्य भन्न रूचाउँछ र यस्ता व्यवहार तथा भनाईहरू पनि बेला-बेलामा सार्वजनिक हुने गरेका छन् । एउटा छुट्टै अस्तित्व बोकेको नेपाललाई भारतले आफ्नो राज्य भन्नु साच्चै पनि नेपाल र नेपालीप्रतिको भारतको हेपाहा प्रवृति हो । सिमा मिच्ने र नेपालका मामला जबरजस्ति प्रत्यक्ष हस्तक्षेप भारतका सरकारले मात्र नभई गर्ने नभई त्यहाँ रहेका कम्पनी तथा ठुलाबडा नाम चलेका मानिसहरूले समेत यस्तै भाषा र व्यवहार गर्ने गरेका छन् । यस्तै, क्रममा भारतको चर्चित मोटर कम्पनी टाटा मोटर्सले पनि नेपाललाई एक राज्यका रूपमा विगत लामो समयदेखि इंगित गर्दै आएको छ ।

टाटा मोटर्सले नेपाललाई भारतको एक राज्यका रूपमा लिने गरेको छ । नेपालमा टाटा मोटर्सबाट आउने हरेक सामानमा लाग्ने गरेका ट्यागमा नेपाललाई भारतको एक राज्यको रूपमा इंगित गर्ने गरेको छ । नेपालमा मोटरका पार्टसहरू पठाउँदा उसले काठमाडौलाई एक शहर, नेपाललाई भारतको राज्य भनेर इस्टिकर टाँस्ने गरेको छ । विगतका केही वर्ष देखीनै यसरी सामान पठाऊँदा नेपालमा रहेको सिप्रदी कम्पनीले भने यस विषयमा अहिलेसम्म पनि केही बोलेको छैन् । टाटा मोटर्सको आधिकारिक बिक्रेताका रूपमा कम्पनीकै रूपमा काम गर्दै आएको सिप्रदीमा आउने मोटरका हरेक पार्टसका बक्सहरूमा नेपाललाई राज्यको रूपमा इंगित (ट्याग) गरेर नेपाल पठाउने भएपनि अहिलेसम्म नेपालका तर्फबाट अहिलेसम्म यस विषयमा कुनै कुरा उठाइएको छैन् ।
भारतबाट सामान भित्राउने कम्पनीले आफ्नो देशलाई भारतको राज्यको रूपमा स्विकार गर्दै उसका सामानहरू बेचिरहेको छ साथै देशको स्वाभिमान, अस्तित्वलाई समेत बेच्न छाडेको छैन् । यसरी देशको अस्तित्व तथा स्वाभिमानलाई नै बेच्ने सिप्रदी र एउटा छुट्टै अस्तित्व बोकेको देशलाई आफ्नो राज्य भएको इंगित गर्ने कम्पनीहरु विरूद्ध न त नेपाल सरकार नै बोलेको छ न त जनताले नै यसलाई बाहिर ल्याउन सकेका छन् । जनताहरू टुलुटुलु नेपाललाई भारतको राज्य बनाइएको ती बक्सहरू हेरेर चुक्कचुक्क गर्ने बाहेक अन्य केहि गर्न सकेका छैनन् र नेपाली मिडियाको पनि यसमा राम्रो आँखा पुगेको देखिएको छैन् ।
यसरी देशको अस्तिस्वलाई नै बेचेर सामान बेच्ने कम्पनी र सामान पठाउने दुवै कम्पनीलाई कारबाही गर्नु सरकारको दायीत्व हो तर सरकारलाई यस बारे थाहा छैन् या थाहा भएर पनि चुपचाप छ त्यो भने नेपालको सरकारलाई नै प्रश्न गर्नुपर्ने बेला आएको छ । यसरी देशलाई अर्काको देशको राज्य भनेर ट्याग लगाइएको यस्तो हेपाहा प्रवृतिको चाडो अन्त्य हुनुपर्छ । यसका लागी सरकारले पहिले उचित कदम चाल्ने र सिप्रदी जस्ता भारतीय दलाललाई कारबाहीको दायरामा ल्याउनु जरूरी छ । देशको अस्तित्वलाई नस्विकार्ने कम्पनीलाई यही देशमा बसेर कमाउने बाटो दिनु नेपालीको आत्मसम्मान, स्वाभिमानमा ठेस पुर्याउनु हो । त्यसैले तत्काल यस कार्यलाई रोक्नु आवश्यक छ ।

भारत जन्मथलो भई नेपालको संबिधान सभामा सभासद भएकाहरु !

2013-03-24T01:28:00.002+05:45

भारत जन्मथलो भई नेपालको संबिधान सभामा सभासद भएकाहरु !
1. महन्थ ठाकुर (तमलोपा ) सुरसण्ड विहार भारत
2. राजेन्द्र महतो (नेसपा ) सोनवर्षा विहार भारत
3. रामचन्द्र झा (नेकपा एमाले) जयनगर भारत
4. सरिता गिरी (नेसपा, आनन्ददेवी)सोनपुर, बिहार, भारत
5. रेणु कुमारी यादव (मजअफो, जनतान्त्रिक) मधुवनी, बिहार, भारत
6. उर्मिला महतो कोईरी (तमलोपा) सितामढी बिहार, भारत
7. कलावती दुसाध (मजअफो, लोकतान्त्रिक) पुर्वी चम्पारण, मोतिहारी बिहार, भारत
8. कृष्ण ठाकुर (नेपाली काँग्रेस) समस्तिपुर बिहार, भारत
9. चन्दन शाह (तमलोपा) डुमर्वाना, बैरगानिया, बिहार , भारत
10. दुर्गा देवी महतो (मजअफो, लोकतान्त्रिक) रक्सौल, भारत

11. निलम बर्मा (मजअफो, लोकतान्त्रिक) रक्सौल, भारत
12. रामनारायण सिंह (राप्रपा नेपाल ) कबई भारत
13. मुन्नी गुप्ता (नेपाली काँग्रेस) पिपरा बजार, सुपौल बिहार, भारत
14. निर्मला प्रसाई (नेपाली काँग्रेस) सिक्किम, भारत
15. मोहम्मद्द सिद्दिकी (नेपाली काँग्रेस) गोरखपुर, युपी, भारत
16. शान्तिदेवी चमार (नेकपा एमाले)मुम्बई, महरास्ट्र, भारत
17. बसन्ती झा (तमलोपा) सितामढी, बिहार, भारत
18. लीला देवी मेहता (एनेकपा,माओवादी ¬) सोनपुर, बिहार, भारत
19. सुरिता कुमारी शाह (मजअफो, नेपाल गणतान्त्रिक) मधुवनी, बिहार, भारत
20. रम्भादेवी यादव (मजअफो, नेपाल)मोतिहारी, पुर्वी चम्पारण, बिहार, भारत
21. रमधी राम (तमलोपा) मधुवनी बिहार, भारत
अव यति ठुलो झुण्ड नै नेपालको सरकारमा पटक पटक मन्त्रिहरु र संविधान सभाका पुर्व सभासद रहेपछि नेपालको ढल्काई र मर्काईमा भारतले किन हष्तक्षेप गरिराख्नु पर्ला र ?
सन्दर्भ सामाग्री
१. “आपत्तिजनक सम्झौता प्रति” सौरभ, कान्तिपुर दैनिक २०६८ माघ ८
२. यस कारण नेपालको राजनीतिमा भारतले खेल्ने गर्दछ,संगीन श्रेष्ठ

बिबिधतामा नै रास्ट्रिय एकता ...

2013-03-22T20:36:00.000+05:45

By Pasang Sherpa
एउटा बाहुनको छोरो दुख गर्छ
मिहेनत गर्छ
टुप्पी कसेर पढ्छ
अनि
लोक सेवा आयोग पास गरेर प्रशानिक नेतृत्वमा पुग्छ......
अब उनले देश हाक्यो भनेर रिस गरेर हुन्छ......
नेवार समुदायको शाक्यहरु सुन चादी व्यापार गर्छ .....
करोडौ कमाऊछ ......
अब उसको सम्पति माग्न जाने त.....
गुरुङ मगर र राइ लिम्बुका छोरा ब्रिटिश आर्मीमा जान्छ......
ज्यानको बाजी थापेर काबुल , बग्दाद बसेर धन कमाउछ ....
के अब उसको धन लुट्न जाने............
क्षत्रीको छोरो पल्टनमा जागिर खान्छ .......
अब उ जर्नेल भयो भनेर मुर्मुरिएर हुन्छ......
सोलुको शेर्पा र रसुवाको तामांगलाई खैरेले sponsor गर्छ,विदेश लग्छ.....
अब डडेल्धुरा र इलामको जनताले डाह गरेर हुन्छ......

काठमाडौँ राजधानी भाको छ......
यहाको जमिनको मुल्य सुन सरह छ........
अब बाकीले इर्ष्या गरेर हुन्छ.....
सिन्धुपाल्चोक र बिरगंज ब्यापारिक नाका भयो भनेर
अरु स्थानको जनताले लोभ गरेर हुन्छ........
सबै क्षेत्र र जातिको आ आफ्नै बिशेसता र मौलिकता छ...........
तेसैले त
सास्कृतिक ,भासिक ,साम्प्रदायिक बिबिधतामा नै रास्ट्रिय एकता
नेपालको सुन्दरता हो..........
मधेसमा अन्नको भण्डार छ......
हिमालमा अग्ला हिमालहरु छन्......
पहाडमा उपत्यका छन्..........
हिमाल पहाड र तराई नै नेपालका तीन आधार स्तम्भ हून........
Original Facebook Link: CLICK HERE

४ दलको ११ बुँदे सहमति

2013-03-14T03:11:00.000+05:45

नागरिक न्युज अनलाइन मा प्रकाशित समाचार

प्रमुख तीन दल र मधेसी मोर्चाले राजनीतिक गतिरोध अन्त्य गर्नका लागि गरेको प्याकेज सहमतिमा शीर्ष नेताहरुले बुधबार राति हस्ताक्षर गरेपछि मुलुकको राजनीति नयाँ कोर्समा प्रवेश गरेको छ। ११ बुँदे राजनीतिक सहमतिमा चुनावी सरकारको संरचना, काम, कर्तव्य र अवधि पहिलो बुँदामा छ।

दोस्रोमा उच्चस्तरीय राजनीतिक समिति, तेस्रोमा संविधान सभा सदस्यको संख्या र अवधि र चौथोमा मतदाता नामावली रहेको छ।

त्यसैगरी बाधा अड्काउ फुकाउ, शान्ति प्रक्रियाका बाँकी काम, स्थानीय निकायको निर्वाचनसम्मका विषय सहमतिले समेटेको छ।

एकीकृत नेकपा (माओवादी), नेपाली काँग्रेस, नेकपा (एमाले) र संयुक्त लोकतान्त्रिक मधेसी मोर्चाबीच भएको सहमति

संविधान निर्माणको कार्य पूरा नहुँदै संविधानसभाको कार्यकाल समाप्त भएकाले सर्वोच्च अदालतको फैसलासमेतलाई ध्यानमा राख्दै नेपाली जनताले आफ्नो लागि आफैं संविधान बनाउन पाउने अधिकारको प्रत्याभूति गरी देशमा सङ्घीय लोकतान्त्रिक गणतन्त्रलाई संस्थागतरुपमा सुदृढ गर्न,

२०६९ साल जेठ १४ गतेपछि संविधानसभा कायम नरहेको तथा नयाँ संविधानसभाको निर्वाचन गर्ने राजनीतिक सहमति भएको र सोको लागि राष्ट्रिय सहमतिको सरकार निर्माण हुनु अत्यावश्यक भएकाले आवश्यकताको सिद्धान्तलाई समेत विचार गरी राजनीतिक सहमतिको आधारमा प्रधानन्यायाधीशको अध्यक्षतामा सरकार गठन गरी नयाँ संविधान निर्माणको लागि अर्को संविधानसभाको निर्वाचन गरी ताजा जनादेशको माध्यमबाट संविधानसभाको स्थापना गर्न, र

संविधानसभाको निर्वाचन स्वच्छ, स्वतन्त्र र भयमुक्त वातावरणमा सम्पन्न गरी देशमा लोकतान्त्रिक राजनीतिक निकासको मार्गप्रशस्त गर्न संवैधानिक र कानुनीरुपमा रहेका बाधा अड्काउ फुकाएर राजनीतिक सहमतिको सरकार गठन गरी अघि बढ्न निम्नबमोजिम सहमति गरेका छौँ।

१. चुनावी सरकारको संरचना, काम कर्तव्य र अवधि
१.१. संविधानसभा व्यवस्थापिका-संसदको निर्वाचन २०७० साल असार महिनाको ७ गतेभित्र गरिनेछ। यसका लागि अन्तरिम चुनावी मन्त्रिपरिषद् गठन गरिनेछ र सो मन्त्रिपरिषद्मा अध्यक्ष र मन्त्री रहनेछन्।

१.२. संविधानमा प्रधानमन्त्रीले गर्ने भनी उल्लेखित सबै कामहरू अन्तरिम चुनावी मन्त्रिपरिषद्का अध्यक्षले गर्नेछन्। मन्त्रीहरूको कार्यविभाजन संविधानअनुसार मन्त्रिपरिषद्का अध्यक्षले गर्नेछन्।
१.३. अन्तरिम चुनावी मन्त्रिपरिषद्को मन्त्रीमा नेपाल सरकारबाट सबै निजामती सेवाका विशिष्ट श्रेणीमा रही अवकाश प्राप्त व्यक्तिहरूमध्येबाट नियुक्त गरिनेछ।

१.४.१. सर्वोच्च अदालतका प्रधानन्यायाधीशले अन्तरिम चुनावी मन्त्रिपरिषद्को अध्यक्षता गर्नेछन्।
१.४.२. अन्तरिम चुनावी सरकारको प्रमुख काम संविधानसभा व्यवस्थापिका संसदको निर्वाचन निर्धारित समयमा सम्पन्न गर्नु हुनेछ।
१.४.३. मन्त्रिपरिषद्ले गर्ने अन्य सबै कामहरू संविधानबमोजिम अन्तरिम चुनावी मन्त्रिपरिषद्ले गर्नेछ।
तर दीर्घकालीन प्रकृतिका कामहरू अन्तरिम चुनावी मन्त्रिपरिषद्ले गर्ने छैन।
१.४.४. प्रधानन्यायाधीशले गर्ने सम्पूर्ण कामहरू कायम मुकायम प्रधानन्यायाधीशले गर्नेछन्।
१.४.५. कार्यपालिका तथा न्यायपालिकाको कार्य लोकतान्त्रिक मूल्य मान्यता, संवैधानिक सर्वोच्चता, स्वतन्त्र न्यायपालिका, शक्ति पृथकीकरण तथा नियन्त्रण र सन्तुलनका सिद्धान्तप्रति प्रतिवद्ध रही सम्पादन हुनेछ।

१.५ मन्त्रिपरिषद्का सदस्यहरूको सङ्ख्या अध्यक्ष सहित बढीमा ११ हुनेछ। मन्त्रीहरूको नियुक्ति मन्त्रिपरिषद्का अध्यक्षले गर्नेछन्। यसो गर्दा समावेशी मान्यतालाई ध्यान दिइनेछ।
१.६ अन्तरिम चुनावी मन्त्रिपरिषद्को समयावधी संविधानसभा-व्यवस्थापिका संसदको निर्वाचन सम्पन्न भई व्यवस्थापिका संसदबाट नयाँ प्रधानमन्त्री चयन भएर निजले कार्यभार सम्हालेपछि स्वतः समाप्त हुनेछ।
१.७ प्राविधिक कारण वा काबुबाहिरको परिस्थति उत्पन्न भई संविधानसभा व्यवस्थापिका संसदको निर्वाचन २०७० साल असार ७ गतेभित्र हुन सकेमा २०७० साल मङ्सिर मसान्तभित्र यथासम्भव चाँडो अर्को मितिमा निर्वाचन गर्न उच्चस्तरीय राजनीतिक समितिको सहमति अनुसार मन्त्रिपरिषद्ले मिति तय गर्नेछ।
१.८. अर्को प्रधानमन्त्री चयन भएपछि अन्तरिम चुनावी मन्त्रिपरिषद्का अध्यक्ष पूर्ववत पदमा फर्कनेछन्।

२. उच्चस्तरीय राजनीतिक समितिको गठन र कार्य क्षेत्र

२.१. संयुक्त जनआन्दोलनको भावना, राजनीतिक सहमति र सहकार्यको संस्कृति अनुरुप सरकार सञ्चालन गर्ने कार्यमा सहयोग पुर्‍याउन तथा राजनीतिक क्षेत्रमा उत्पन्न हुने समस्या समाधान गर्न प्रमुख राजनीतिक दलहरूको प्रतिनिधित्व रहेको एक उच्चस्तरीय राजनीतिक समिति हुनेछ।

२.२ यसको कार्यक्षेत्र निम्न बमोजिम हुनेछ :
२.२.१ निर्धारित समयमा निर्वाचन सम्पन्न गर्न उपयुक्त वातावरण सिर्जना गर्ने। काबु बाहिरको परिस्थति उत्पन्न भई संविधानसभाको निर्वाचन निर्धारित समयभित्र हुन नसकेका उच्चस्तरीय राजनीतिक समितिले अर्को मितिमा निर्वाचन सम्पन्न गर्ने लगायतका विषयहरूमा आवश्यक निर्णय गरी मन्त्रिपरिषद्लाई सिफारिस गर्नेछ।

२.२.२ राजनीतिक दलहरूको बीचमा सहमतिको वातावरण निरन्तर बनाइ राख्न प्रयत्नशील रहने।
२.२.३. अन्तरिम चुनावी सरकारलाई आवश्यक सहमति, राय र परामर्श दिने।

यस प्रयोजनको लागि कार्यविधि र सञ्चालन प्रक्रिया समितिले स्वयम् निर्धारण गर्नेछ।

३. संविधानसभाका सदस्यको सङ्ख्या र अवधि

३.१ संविधानसभा व्यवस्थापिकाका सदस्यहरू महिला, दलित, उत्पीडित जाति/ आदिवासी जनजाति, पिछडिएको क्षेत्र, मधेसी, किसान, श्रमिक/मजदुरलगायत सबै वर्ग र समुदायको प्रतिनिधित्व समानुपातिक समावेशी आधारमा हुने गरी पहिलो हुने निर्वाचन प्रणालीबाट २४० जना, समानुपातिक निर्वाचन प्रणालीबाट २४० जना र राजनीतिक सहमतिमा मन्त्रिपरिषद्बाट मनोनीत हुने ११ जना गरी जम्मा ४९१ रहने छन्। निर्वाचन क्षेत्र हाल कायम भए बमोजिम रहनेछ।

३.२. संविधानसभाले संविधान निर्माणको काम सम्पन्न नभएसम्म संविधानसभा र व्यवस्थापिका संसद दुवै हैसियतमा काम गर्नेछ र संविधान निर्माणको काम सम्पन्न भएपछि नयाँ संविधान बमोजिम हुनेछ।

४. मतदाता नामावली

४.१. निर्वाचन आयोगले तोकेको मितिमा १८ वर्ष उमेर पुगेका नेपाली नागरिकहरू मतदाता हुनेछन्।

४.२. अर्को संविधानसभाको निर्वाचन प्रयोजनको लागि २०६४ सालको संविधानसभाको निर्वाचनको मतदाता नामावलीलाई आधार मानी निर्वाचन आयोगले हालसम्म अद्यावधिक गरेको फोटोसहितको मतदाता नामावलीलाई (क) नागरिकताको प्रमाणपत्रका आधारमा मतदाता नामावली अद्यावधिक गर्न र साथै नागरिकताको प्रमाणपत्र पाउनुपर्ने नेपाली नागरिकलाई नागरिकताको प्रमाणपत्र दिन तथा (ख) उपयुक्त अनुसार पनि नाम छुटेका व्यक्तिका हकमा २०६४ साल र त्यसपछिको मतदातासूचीका आधारमा मतदाता नामावलीसम्बन्धी ऐन, २०६३ को दफा ११ अनुसार मतदाता अद्यावधिक गर्न, गृहमन्त्रालय र निर्वाचन आयोगलगायतका निकायको समन्वयमा विशेष अभियान सञ्चालन गरिनेछ।

४.३. अर्को संविधानसभाको निर्वाचन पछि सम्पूर्ण बालिग नेपाली नागरिकहरूलाई नागरिकताको प्रमाणपत्रको आधारमा राष्ट्रिय परिचयपत्र वितरण गरिनेछ र त्यसै आधारमा मतदाता सूची तयार पारिनेछ।

५. बाधा अड्काउ फुकाउने प्रक्रिया र विषयहरू

५.१. राजनीतिक दलहरूकाबीच सहमति गरी सोही अनुरुप बाधा अड्काउसम्बन्धी आदेशमा समावेश हुने विषयहरू तय गर्ने र बाधा अड्काउ फुकाउने सम्बन्धमा मन्त्रिपरिषद्ले प्रस्ताव तयार परी राष्ट्रपति समक्ष सिफारिस गर्नेछ। सो सिफारिशअनुसार राष्ट्रपतिबाट प्रधान न्यायाधीशलाई अन्तरिम चुनावी मन्त्रिपरिषद्को अध्यक्ष पदको शपथ गराइनेछ। यी सबै कामहरू क्रमशः एकसाथ गरिनेछन्।

५.२. उक्त सिफारिश बमोजिम बाधा अड्काउ फुकाई कार्यान्वयन भएका व्यवस्थाहरू कार्य सम्पन्न भएपछि स्वतः निस्त्रि्कय हुनेछन्।

६. निर्वाचनसम्बन्धी आवश्यक प्रवन्ध

यो सहमतिअनुरुप राजनीतिक दलहरूसँग परामर्श गरी निर्वाचनसम्बन्धी आवश्यक कानुन र अन्य व्यवस्थापनबारे निर्वाचन आयोगले प्रवन्ध गर्नेछ।

७.१. सर्वोच्च अदालतका न्यायाधीशहरूको रिक्त पदमा यथाधीघ्र पूर्ति गर्न आवश्यक संवैधानिक प्रबन्ध गरिनेछ।
७.२. उच्चस्तरीय राजनीतिक समितिको सहमतिका आधारमा संवैधानिक निकायका रिक्त पदहरूमा आवश्यक कानुनी प्रवन्ध गरी यथाशीघ्र नियुक्ति गरिनेछ।

७.३. परराष्ट्र सेवाबाट नियुक्त गरिने व्यक्ति बाहेकका राजदूतका रिक्त पदहरूमा उच्चस्तरीय राजनीतिक समितिको सहमतिका आधारमा नियुक्ति गरिनेछ।

८. विघटित संविधानसभाका कामहरूको स्वामित्व लिनेबारे

संविधानसभामा राजनीतिक दलहरूकाबीच भएका सहमतिहरूको स्वामित्व लिइनेछ।

९. शान्ति प्रक्रियाका बाँकी कामहरू

९.१. शान्ति प्रक्रियाका बाँकी कामहरू यथाशीघ्र सम्पन्न गरिनेछ। यस सन्दर्भमा नेपाली सेनामा तालिम गरिरहेको पूर्व माओवादी सेनाका लडाकुहरूको दर्जासम्बन्धी विषयलाई विगतमा भएको सहमति तथा आवश्यक तालिम, अभ्यास र प्रक्रियाको आधारमा विशेष समितिबाट तुरुन्त निर्णय गरिनेछ।

९.२. सत्य निरुपण र मेलमिलाप तथा बेपत्ता छानविन आयोगको गठनका लागि आवश्यक कानुन तुरुन्त तर्जुमा गरिनेछ।

९.३. विगतको द्वन्द्वकालमा कब्जा गरिएका घरजग्गा लगायतका सबै सम्पत्ति सम्बन्धित हकवालालाई तुरुन्त फिर्ता गर्न एनेकपा (माओवादी) ले पूर्ण रुपमा सहयोग गर्नेछ।

१०. नागरिकताको विषय

जन्मका आधारमा नेपाली नागरिकताको प्रमाणपत्र प्राप्त नेपाली नागरिकका सन्तानलाई वंशजका आधारमा नेपाली नागरिकताको प्रमाणपत्र दिइनेछ। निर्वाचन प्रयोजनका लागि तत्काल उक्त कार्य गर्न आवश्यक भएकाले सविधानको बाधा अड्काउ फुकाउद्वारा त्यस प्रकारको नागरिकता प्रदान गरिनेछ।

११. स्थानीय निकायको निर्वाचन

स्थानीय निकायको निर्वाचन २०७० सालभित्र गर्नेगरी संविधानसभाको निर्वाचनपछि गठन हुने सरकारले निर्वाचनको मिति तोक्नेछ।

पुष्पकमल दाहाल 'प्रचण्ड'
अध्यक्ष
एनेकपा (माओवादी)
सुशील कोइराला
सभापति
नेपाली काँग्रेस
झलनाथ खनाल
अध्यक्ष
नेकपा (एमाले)
विजयकुमार गच्छदार
संयुक्त लोकतान्त्रिक मेधसी मोर्चा
मोर्चाको तर्फबाट

२०६९ साल फागुन ३० गते

यसको Original समाचारको लागि यहाँ Click गर्नुहोस्

छिमेक भर्सन -२

2013-03-08T23:38:00.000+05:45

छिमेक भर्सन -२

मलाइ मेरा कटु प्रिय छिमेकमा

तिनको मातृ प्रेम देख्दा औधी इर्ष्या जागेर आउँछ,

उनीहरुले कम्तिमा माटो चिनेका छन्,

आफ्नो भूगोल प्रेम छ,

माटोको विरुद्दमा कसैले एक शब्द बोलोस्,

ठाडै जाइलाग्छन्,

मेरो छिमेकको राष्ट्र गानको प्यारोडी

मलाइ था'छैन,

राष्ट्रियता चिनेका छन्,

राष्ट्रिय प्रतिक चिन्हहरुको सम्मान गर्छन्,
हामीले जस्तो जोक बनाउदैनन् ।
क्रमश: ...

छिमेक भर्सन - १

2013-03-07T18:58:00.002+05:45

कुरो कन्थो

मलाई छिमेकीको न भाषाले तान्यो,

मलाई छिमेकीको न त संगीतले तान्यो,

मलाई तिनको सिनिमाले छोएन,

थुप्रै छुट्टी मनाइ सकेँ,

धन्न पशुपतिनाथ,

न त मलाइ तिनको हवाइजाज्ले तान्यो ।

जीवनभर तिनको माटोमा

मेरो मेरो पाइलो नपरोस् ।

बिबेक खै ?

2013-03-02T01:56:00.000+05:45

विदेशीले बिसेस गरेर गोराहरु, गएर नेपालीको गाउँमा स्कुल र स्वास्थ्य चौकीमा सहयोग गर्छ, तर हाम्लाई भने कुरौटे र चुरौटे बन्दै फुर्सद नहुने ? विदेशमा होस् अथवा स्वदेश मै किन नहोस, यस्तै तेस्तै मै बित्छ हाम्रो दैनिकी । विश्वविध्यालयले समेत कुरा काट्नै मात्रै डिग्री देको जस्तो । हामीले डिग्री लेको नि, कित ढुंगा हान्न, कि त कुरा काट्न । कुरा काट्नमा माहिर हामी नेपाली, हिसाबै गर्ने हो भने पनि १ नम्बर मै पर्छम होला ।

बन्द, हड्ताल, बिरोध, र छाडा हुन अथवा बन्न हाम्लाई कल्ले भेटोस ? हाम्रो दिमाग नै तोड-फोड युक्त छ । कहिल्लै जोड-जाड युक्त बन्ने । तोड-फोडको एक बहाना मात्रै भए पुग्छ । राजनैतिक स्थीरता संसारमै धेरै कम मात्रै देशहरुमा होला । तर हाम्रो मात्रै मुलुक यस्तो हो जहाँ तपाई हामी जम्मै एक-से-एक नेता । व्यवस्था परिवर्तन भयो, तर आम नेपालीको व्यहोरा परिवर्तन खै त ? सोच परिवर्तन खै त ?

पहिले केहि गरेर देखाउनु पो ठुलो कुरो हो त , गफै त चिया दोकानमा (अचेलको फेसबुक) जत्ति नि गर्दा भैगो नि । साराका सारा नेपाली एक-से-एक नेता बन्दैमा देश बन्ने भए उहिले नै बनि सक्थ्यो । वाहियात गफ्फ दिन बाहेक हाम्ले कहिले सहि सोच्न नसक्ने भएम ।

जदौ !!!

सुने जति सबै कुरो

2013-02-04T01:58:00.003+05:45

सुने जति सबै कुरो साँचो हुन्न साथीहरु

यो देशलाई माओवादी श्राप भयो साथीहरु

भुक्ने कुकुर जस्तै रैछन, कहिल्ल्यै मेखो नमार्ने

कन्गाल थ्यो, झनै कंगाल बनाई दिए साथीहरु

खुला मन्चमा बके जस्तो सबैकुरो हुने भए

देश हाम्रो स्वर्ग हुन्थ्यो, कि कसो त साथीहरु ?

नेता बन्नु लुट्नु रैछ, लुट्नु लुटे मातृभूमि,

गद्दार जाली, तस्कर नेता डाडो कटाउँ साथीहरु

-विष्णु प्याकुरेल, अरब

कलम उसले चाल्दछ

2013-01-19T20:33:00.000+05:45

कि शोकमा कि भोकमा कलम उसले चाल्दछ

गर्छन भूल मान्छेहरु , पछि उसले सोच्दछ ,

चक्र हो रे जीवनको , घुमी रहन्छ बाचुन्जेल,

काडे काडा पाइला बीच, उसले कलम चाल्दछ ।

============

भन्छन यहाँ भन्नेहरु, सुनिदिने थोर हुन्छन ,

आफ्नै कुरो थोपरेर, मान्छे आफै विद्वान भन्छन ,

उदेक लाग्दो संसार यो, मपाइत्व बदेकोछ,

कस्तै दीन देखे पनि, उसले कलम चाल्दछ ।

- विष्णु प्याकुरेल,

मुसा राजनीति

2013-01-13T20:25:00.003+05:45

मुसा राजनीति

अब आउने चुनाबमा (भए त हो नी ?) मुसालाई जिताउनु पर्छ । मुसाले धेरैकुरो गर्न सक्दो रहेछ भन्ने अचेलको राजनैतिक तरो ताजो घटनाले देखाउन्दै छ । चुनाब अघिनै एउटा भरपर्दो मुसा आयोग गठन गरेर यस बिसयलाई जोडदार रुपमा अघि सार्नै पर्छ ।

यो देश पशुपतिनाथले चलाका हुन् भन्ने कुरो गलत हो, यो देश बास्तबमै मुसालेनै चालको पुस्टि भैसकेको अवस्थामा पनि मुसालाई महत्व नदिने हो भने अब धुर्बे र रोनाल्डोले अर्को क्रान्ति गर्छन । त्यो अस्तिनैको ध्रुबे र हिजो अस्तिको रोनाल्डो को उद्दुम पनि मुसाकै कारण भएको हुनु पर्छ । गणेशजी अर्थात मुसाका बफादार मालिक, क्रमसः ध्रुबे जी र रोनाल्डो जी , अब फिल्डमा क्रान्ति बोकेर छिरिसकेका छन् ।

मुसा जी - जिन्दाबाद !

ध्रुबे जी - जिन्दाबाद !

रोनाल्डो जी - जिन्दाबाद !

मानिसहरु

2013-01-07T21:05:00.002+05:45

मानिसहरु
आकाशका ताराजस्तै अनेक छन् सोच यहाँ
एउटा कुरा बोल्छ तर गर्छ अर्कै मान्छे यहाँ ।

बनको बाघ भन्दा ठुलो मनको बाघले डराको छ
स्याल दरबारमा थरि-थरि स्याल छिरेको छ ।

एक टुक्रा - माटोको सम्झनामा

2013-01-07T21:00:00.002+05:45

एक टुक्रा - माटोको सम्झनामा

======

दुख्ख नमान प्रिये,

देशै बलात्कारीहरुको ग्यांगले

ग्रस्त भएकाबेला

कलमहरु जिम्दै गाडेर

स्वाधिनताको भजन गाउँदै

चोर, डाँका, तस्कर र हत्याराहरूको

चरन थलोमा

तिमी र म त केवल

Casualties मात्रै हौँ ।।।

-Vishnu Pyakurel "Yatree"

Udayapur, Nepal

बसी बियालो - मेरी ठुली

2012-09-28T03:52:00.002+05:45

=======
के हो ठुली तिमी अचेल, खुशी छौ रे सुन्दै छु म
तिम्रा जति सबै पिर भागेछ रे डाँडा पारी
मुहारभरी उजेलिको रङ्ग छ रे सुन्दै छु म

काडेई-काँडा बिझेका थे मनभरी-तनभरी
तिम्लाई पनि फेस्बुक्ले जीवन द्यो रे सुन्दै छु म

समयको चक्र पनि अचम्मै छ यो सन्सारमा
इन्टरनेटको जालो नै बेरिध्यो रे सुन्दै छु म

ठुली अचेल इन्टरनेटमा, घुम्दै छौ रे सुन्दै छु म
जुके भाइको घर तिर, डेरा सार्योउ सुन्दै छु म
=====

विष्णु प्याकुरेल

(हाल अरब )

बसी बियालो - मेरी ठुली

एक टुक्रा

2012-08-19T03:17:00.003+05:45

एक टुक्रा

विश्वास हराएको बेला

जीवन थाकेको बेला

म तिमीलाइ सम्झन्छु,

तिम्रा काला करतूतहरू ।

2069 भदौ 3

एक टुक्रा

2012-06-15T16:45:00.000+05:45

एक टुक्रा

म भूगोल हराएको मान्छे,
परिचयको खोजमा
बालुवाको सहरमा पुरिएको छु.
मेरो हर पाइला पाइलामा
खेतका गरा गरामा
मेरो परिचयको
पर्चा खोज्दै
म मेरो भूगोल खोजिरहेको छु,
म मेरो नाम खोजि रहेछु.

मेरो देश नेपाल

2012-06-15T16:28:00.000+05:45

मेरो देश नेपाल

मैले हल्लै मात्रै गर्ने देश हो , मेरो नेपाल

मैले माइकमा भाषण मात्रै गर्ने देश हो, मेरो नेपाल

मैले सडकमा, चौरमा, विकासे नारा फलाक्ने

देश मेरो नेपाल

मैले बलेको टायरको धूँवामा

गणतन्त्रको अभ्याश गर्ने देशो हो मेरो नेपाल

मैले हजारौंको लाशमाथि टेकेर

सासन र सुब्यबस्था को सपना

आम-सभा र खुलामंच बाटै

दूध-पिठो बाँडे जस्तो बढ्ने मेरो देश नेपाल.

- विष्णु प्याकुरेल असार 1, 2069.

शुभकामना - नयाँ वर्ष वि सं २०६९

2012-04-09T23:30:00.001+05:45

सबै नेपाली एक हौ भन्ने भावना प्रस्फुटित होस्!
औचित्यहीन बहसहरु बन्ध भई देशमा औचित्यहिन्ताको तगारो टुटोस!
नेतामा एकता, कर्म निष्ठता र राष्ट्रप्रेम जागोस्,
कर्मचारीहरू कर्मनिष्ठ र उत्तरदायी बन्न सकुन् ,
मुलुकबाट अन्योलताका काला बादलहरू फाटुन्,
हामी जनतामा - हिमाल-पहाड-तराइ हामी मात्र नेपाली,
भन्ने भावनाको विकास होस् ,
जातीयता, विभेद, छुवाछुत जस्ता असामाजिक कूसंस्कारहरू उन्मूलन हुन्,
नेपालीले अनेपाली हुन नपरोस्,
द्वन्द हटोस्, कलह हटोस्, मति विग्र्या नेताहरूमा सद्बुद्भी पसोस् ,
हामी सबै नेपालीमा मातृप्रेम जागोस् .......
२०६९ ले हामी लाइ शान्ति र सु-ब्यबस्था सहितको नयाँ संभिधान दिन सकोस्,
नव बर्ष २०६९ को हार्दिक मंगलमय शुभकामना!