أجزاء من داخل انسان

مش هقول وداع لانه سيظل معانا

2012-02-11T01:29:00.000+02:00

دردشه فى ميدان التحرير واعتصام ب id واعتصام تبع دكتور عمر

2012-02-09T16:13:00.000+02:00

اندلفت لميدان التحرير مع احد الاصدقاء وكان المنظر يظهر الى اى زائر للميدان ان الميدان اصبح سيئ جدا وبدائنا نرى مجموع من الاحداث تشبه الايفيهات او بمعنى اصح عندما نسئل عن حدث تكون الايجابه ايفيه ابن لازينه مسخره فى البدايه رائينا مشاجره مجموعه من الناس ملتفيين حوليين شخص وبيضربوه وهو معاه سلاح ابيض فسئلنا احد الماره لكى نفهم ايه الموضوع فكان الرد اول الايفيهات مسكوا حرامى والبلطجيه بيضربوه مسخره حرامى واللى مسكوا بلطجيه مسخره ضحكنا وقولنا نروح نصلى العصر على باب مسجد عمر مكرم لقينا واحد من اللى بيحرصوا الاحذيه من السرقه بيقول اشوف واحد بس منهم واطلع عينه فسئلناه ايه الموضوع فقال انهم مسكوا واحد كبير مع طفل صغير كانوا هيمارسوا الفاحشه فى الجامع طب يعنى هو خلاص مافيش مكان تانى و اثناء واحنا بنتكلم جاء الافيه الجامد واحد من اللى بيحرصوا احذيه الناس من السرقه اتسرق حذائه يعنى باب النجار مخلع دخلنا الجامع صلينا واحنا خارجين من المسجد لقينا واحد معاه علم الزمالك فسئلته طب الخناقه بين الاهلى والمصرى علاقت الزمالك ايه وقعدنا ندردش وبما انى عمرى ما اعتصمت ودايما كانت علاقتى بالميدان ان بروح وارجع تانى مش مقيم حبيت اعرف الخيم بيتم تنظيمها ازاى فسئلته عن الخيم كيف تنظم وانا لو عايز اجيب خيمه اعمل ايه واضعها فين فى المثلت ولا فى الدائره اللى هى الجنينه فبدا يحكلى عن الخيم وتنظيمها وعرفت منه ان الالتراس لما بيعتصم بيبقى معاه id وحتى فنانين الثوره بيبقوا معاهم id واى حد تبع حد بيبقى معاه id وغير ذلك بيبقوا مع الدكتور عمر و قالى ان انا لو هعتصم مثلا اسبوع ممكن يكلفنى ثلاثون جنيها وعرفت منه انه واخد اجازه من شغله شهر بدون مرتب وبيقولى انتظر يوم 15 الشهر دا هيحصل فيها ايه وفى وسط كلامه قالى ان هو ممن احرق المجمع العلمى قال بالنص ان الحكومه حرقت جزء وبدال مهما بيقول ان احنا اللى بنحرق قمنا كملنا عليه بقنابل الملتوف وقعد يورينى ايده ازاى الملتوف بهدلها المهم نرجع للاعتصام والخيم بيقول يا اما بتكون ليك id او بتبقى مع الدكتور عمر مع العلم ان فيه خمتين بالقرب من جامع عمر مكرم مشبوهيين بيجبوا فيهم بنات مش تبع حد والخمتين دول هما اللى اتسمك فيهم اثنين عرايا قبل احدث مجلس الوزراء وبناكد ان الخمتين دول مش تبع حد

طيب نرجع الخيم اللى ب id او الخيم اللى تبع الدكتور عمر

سئلت عن الدكتور عمر اشوف مين دا اهو بردوا يجيبلى خيمه قانون جديد رحت فى الصينيه اسئل عن الدكتور عمر لكن كان حظى سئ فلم اتمكن من مقابلته لانه كان متصاب من احد البلطجيه لكن رايته من بعيد وواضح عليه طبعا انه انسان محترم وراقى والكل الناس اللى تعرفه بتقول عليه كلام كويس فاحد الاشخاص اللى تبعه وصفه بملاك يمشى على الارض وعندما سئلت الشخصاللى تبعه دا الاعتصام قال هات خيمتك وتعالا وعندما تشاهد الدكتور عمر ورفاقه من بعيد تشعر بانهم كالزهور اللى مرميه فى الزباله سئلت احد الناس طيب هو اللى مخليه يقعد وسط البلطجيه وليه ساكت عليهم كانت وجهه نظرهم انه هو يراى ان البلطجيه دول ضحايا النظام ولو عاملته كويس هيتحولو ناس كويسه بس واضح انها جت على دماغه لانه اتصاب منهم واضرب المشكله ان الميدان اصبح اللى فيه واحد او اثنين معتصمين محترمين والباقى معتصمين ولاد كلب بيشوهوا صوره المعتصميين المحترميين بوجودهم والمحترمين مش هيعرفوا يتصرفوا معاهم وزى ما قال واحد من المحترميين انهم مش عارفيين يتخلصوا من البلطجيه حرقولهم الخيم وبردوا بيرجعوا مش عارفين يتصرفوا معاهم وفى الاخر الصوره اللى بتظهر ان الميدان اصبح سئ السمعه بالرغم من ان فى ناس كتير محترمه بس البلطجيه اكثر للاسف وهما اللى على الوش

حداد يا كل حاجه وعكسها

2012-02-03T01:33:00.001+02:00

اتخنقت مش فاهم حاجه كل حاجه وعكسها اصبحوا صح مما لاشك فيه ان احداث ماتش الاهلى والمصرى كانت فيها تقصير امنى كبير والحريق اللى حصل فى الاستاد فى نفس الوقت بيقول انها لعبه فاشله ومشبوهه وجريمه وقحه لكن ومليون خط تحت كلمه لكن زى ما دم الواحد اتحرق على المذبحه اللى حصلت وزعل على الضحايا اندهشت من بعض الناس اللى كأنهم عمرهم ماشافوا جمهور بيقتل فى بعض عشان كوره بالرغم من فوزهم والشرطه بتتفرج بصراحه مش قادر اقول ان الشرطه كانت بتتفرج و افضل الشباب بيقتل والكلام الكبير دا لان بالرغم من ان دمى محروق من الشرطه وتقصيرها المشبوه لكن فى نفس الوقت انا من زمان محروق دمى من المشجعين او الالتراس يعنى لانى لسه فاكر مره وانا راكب المترو والاهلى كسبان مش فاكر بالظبط كان بيلعب مع المصرى ولا الاسماعيلى لكن اللى فاكره انه كان كسبان وكان فى القاهره والمشجعيين من فرحتهم بيخبطوا على عربات المترو وبيهتفوا ضد الفريق الاخر ويسبون الاسماعيليه ويقولون باللفظ بعد شتيمه بالام الاسماعيليه بلدكم وكأن الاسماعيليه ديه اسرائيل هقول ان دا كله بعد الثوره فى اطار انها ثوره مضاده طيب والاحداث اللى فى السنوات اللى كانت قبل الثوره يعنى لو نرجع بالتاريخ قبل الثوره بكام سنه هنلاقى ان فى مشجع زملكاوى اتحرق وهنلاقى احداث زى احداث بورسعيد كتير اوى ويمكن الاحداث المشابهه لاحداث المذبحه ديه ايام المخلوع كافيه باننا نطالب باعدامه لوحدها لان لما كان بيموت فيها واحد او اكثر بتكون النتيجه ان مافيش عقاب يعمل نفسه طيب ونظامه يعملوا طيبين ويقولوا شقاوه شباب وتكرر تانى وتالت ومافيش حل ولاعقاب والشرطه دايما بتتفرج لحد مابقى الواحد مش عارف دمه محروق من الشرطه والمشجعون ايضا وممش عارف يغضب على اللى ماتوا ولا على اللى عايشيين ولاعلى تقصير الشرطه ولا من مين ولا يتعلم البرود ويتعود على المذابح وخلاص اللى يحرق الدم كمان تحويل الالتراس الى ابطال لما اتظاهروا فى ماتش الكوره اللى عملوا ازمه بعدها والواد اللى ظهر وبكل عبط يقول احنا كنا بنشتم فى مبارك والعدلى طب هو كان رايح يشجع ولا رايح يتظاهر ماهو صاحب باليين كذاب ولا رايح تهيس وخلاص وطبعا لازم نربط الحدث القديم بالمذبحه اللى حصلت فاصبح المشجعون مناضلين سلمتها ام حسن من العين ومن الحسد مسخره وادينا هنشوف اللى هيحصل وهنتفرج

الواحد حزين على الضحايا كما ايضا حزين على مصر اللى انقلب فيها كل شئ بلد كل حاجه وعكسها بلد ماتعرف بلد عقول فيها امخاخ ولا جزم بلد تعيش فيها ماتفهمش فيها حاجه بلدعقد

اتخنقت

ربنا برحم الضحايا

ويهدينا ويريحنا ونحصلهم ونخلص

ربنا يرحمك يامصر

يسقط يسقط حكم العسكر

ويسقط غوغاء مشجعون الكوره

ويسقط الشعب

واخيرا فليسقط انا

انت اتغيرت ليه

2012-01-30T03:01:00.001+02:00

بكلم صديقى كريم لقيته بيقولى انت تنغيرت ماكنتش كده انت بتخاف من المجلس العسكرى انت ماكنتش كده ايام مبارك ايه اللى حصلك دا التلفزيون نفسه بقى معارض

لا انا لم اتغير انا زى ماانا والتلفزيون برضوا زى ماهو

لكن

ايام مبارك الواحد كان لما تيجى عليه ساعات يحب ينقد كان بينقد زى ماهو عايز كان اخرها ايه يعنى لو اتمسك واتحبس اهو هتيجى على دماغه هو مش دماغ حد تانى

لكن بعد الثوره دايما الكلمه لازم تكون بحساب لانها بتكون مؤثره جدا ويمكن يموت بسببها روح

فعادى انى اكون مره مع العسكر ومره مع الثوره مش نفاق ولا تلون لكن العسكر مش شياطيين والثوار ليسوا ملائكه فكثيرا عندما تذهب للتحرير بعد مشاهده تصرف مجموعه من المتواجدين تقلب فلول ومن كلام الفلول تقلب ثورجى مش توهان لكن مافيش حاجه صح علطول وحاجه غلط علطول ايوه حكم العسكر سيئ لكن برده فى بعض تصرفات الثوار سيئه وفى وقت الاشتباكات لازم اى كلمه تكون موزونه لان اى كلمه ساعتها بتاثر وممكن تتسبب فى موت واحد فلازم تكون الكلمه بحرص دا اللى بيحترم نفسه انما اللى مابيحترمش كلامه فسهل جدا ان يقف مع الثوره علطول فى الغلط والصح ويقعد يهيج الناس وخلاص ولو اتمسك او اتحبس بقى بطل شعبى ويمكن اساسا مايكونش بينزل اصلا ايوه ماهو حزب الكنبه مش كله فلول حزب الكنبه منقسم ثوار على فلول زى مافى فلول كنبه وفلول عباسيه بردوا موجود ثوار كنبه وثوار تحرير وثوار الكنبه دول كارثه زى الفلول بالظبط يقعد يثير الناس وهو تحت البطانيه زى واحد صاحبى كل مليونيه يقولى انا نازل ويقعد يحمس فيا ويجى يوم المليونيه يقولى الدنيا برد معاكم بقلبى مسخره انت عارفه طبعا ياكريم صح ديه كارثه لو اهيج الناس تنزل وتشتبك وتتصاب وتموت وانا اقعد اثور على الكنبه

اما بقى التلفزيون المصرى فهو لم يتغير ابدا فهو لما مبارك يكون موجود فهو مع مبارك المجلس العسكرى معاه ولما الثوار يهتفوا ويكونوا صوتهم عالى يبقى مع الثوار ويقعدوا يذيعوا فى افلام انا اسمى ميدان التحرير ويقعدوا يتكلموا على المتحولون وهم اساسا متحولون او بمعنى اصح يعيش ويموت تلفزيون نظام اصل لما ينتقد الرئيس الساببق بعد مابقى سابق يبقى مااتغيرش واتحول معارض لان المعارض الصحيح هو اللى يعارض النظام اثناء وجوده يعنى يعارض مبارك ويكشف كوارثه وهو رئيس ويكشف اخطاء بعض الثوار اثناء الثوره وينتقد المجلس العسكرى اثناء وجوده انما انه ينتظر الى ان يسقط ثم يتكلم عن اخطائه وكوارثه فهو دا الاستهبال

انسحاب البرادعى

2012-01-16T13:00:00.000+02:00

لم اكن من مؤيديين د/ محمد البرادعى ولكن احترمته كثرا عندما قرر الانسحاب من الترشح للرئاسه مهما حاولوا تشويه هذا التصرف وقول انه انسحب لانه ادرك بعدم قدرته على النجاح فى الانتخابات حتى ولو كان هذا هو السبب ساحترمه ايضا لان اكتر من مرشح متاكد انه مش هيفوز ولم يفعلوها مثله فالانسحاب من الترشح للرئاسه فى الوقت الحالى مهما كان السبب يجعلنا نحترم صاحبه

الشعب يريد اسقاط النظام الثوره كلاكيت _ _ مره

2012-01-10T00:09:00.000+02:00

عندما قامت ثوره 25 يناير 2011 كان الهتاف الشعب يريد اسقاط النظام ولكن السؤال اى نظام يريد الشعب اسقاطه هل نظام الحكم فقط ام نظام البلد كامل وتغييره تماما يعنى نظام الحاكم ومازرعه من نظام فى الشعب ايضا النظام ليس نظام حكم فقط بل نظام محكوم ايضا عندما تخلى الرئيس السابق رغما عنه عن السلطه بداء الناس تفكر تكمل الثوره على نفسها وبداءت خطوات ايجابيه من بعض الناس الحالمه التى تريد بلد افضل وكانت توزع منشورات بعنوان كلنا ايد واحده مكتوب فيها من النهارده دى بلدك انت ماترميش زباله ماتكسرش اشارة ماتسوقشى بسرعه روشنة وتعرض ارواح للخطر ماتدفعش رشوه ماتزورش ورقه اشتكى اى جهه تقصر فى شغلها ماتدخلش من باب الخروج فى المترو او العكس ماتقولش وانا مالى راعى ربنا فى شغلك اوعى تصنع مبارك تانى استمتع بحياتك اقرأ وثقف نفسك حافظ على نظافه بلدك حب الناس اللى حواليك اوعى تهين حد اوعى تسخر من حد اوعى تنسى حريتك ابدأ خلى بلدك أجمل بيك مبقاش عندنا حجه بقى

ومنشورات اخرى بعنوان من اجل مصر افضل بتقول من النهارده دى بلدك انت تاريخك انت وطنك انت وبيتك انت ماترميش زباله وماتكسرش على حد وماتلفش بعربيتك من رابع حاره فى الشارع عشان ماتوقفش الشارع بلاش تزمر من غير داعى ماتدفعش رشوه ماتزورش ورقه اخلص فى شغلك ابتسم للناس ماتزاحمش فى الطوابير ماتعاكسش بنات زى مامتحبش حد يعاكس اختك او مراتك ثقف نفسك فى شتى المجالات حافظ على القانون سيب الستات والمسنين هما اللي يقعدوا فى المواصلات شجع صناعه بلدك ومنشورات ومنشورات اخرى

وفى شباب نزلت تنظم فى المترو دخول الناس وخروجهم من الابواب المخصصه لها كل دا اتحقق منه ايه

طبعا ولا حاجه كله بخ اختفى انشغلنا بان نظام الحكم اللى ماتغيرش وان مبارك هو المشير هو الفلول هو اى واحد مصرى شم شويه هواء فى عهده ونزلنا جمعه وراء جمعه واحداث وراء احداث اللى كان بيوزع المنشورات ديه اختفى واللى نزل ينظم الدخول والخروج من ابواب المترو المخصصه لها اختفى ورجعنا زى ماكنا تانى ورجعت ريمه لعادتها القديمه ومش عايزين المشير يكون هوهو مبارك ليه واحنا اتغيرنا بالعكس دا احنا قذارتنا بقيت زياده اوى لما المخلوع وقع اغلب الكبار من الصحفيين والاعلاميين اتحولوا لجزاريين وهما مالهومش فيها وفجاه الكل بان وسخته زياده اوى اللى اكتشفنا انه يعرفهم واحد واحد لدرجه انه عمل برنامج كل رجال الرئيس على اساس انه كان حبيبهم وكل اسرارهم عنده واللى ماشاء الله عليه اكتشفنا انه يملك اجهزه تجسس بيسمع بيها كل مايدور بينهم من مكالمات سريه واللى واللى بقيت حاجه تقرف بصراحه انا عن نفسى عايز اعمل دعوه اننا كلنا ننزل 25 يناير اللى جاى بس مش ضد العسكر ومطالب تسليم السلطه عشان النظام الحاكم هو هو بتفكيره وبسلطاته ببابا غنوجه والكلام اللذيذ دا لا ننزل نوزع منشورات من تانى لتغيير النظام الشعبى اللى لسه متغيرش وزى ماهو من ايام المخلوع نفكر الناس ان ديه بلدهم مش بلد حد تانى وان زى مابيطلبوا العسكر بتسليم السلطه عشان النظام الحكم يتغير هما كمان يتغيروا عشان يتم التغير بجد اللى قامت عشانه الثوره لان تغير سلوك الحاكم ونظامه حكمه مش هيعمل حاجه لو نظام شعبه فضل زى ماهو يعنى يانتغير كلنا مع بعض حاكم ومحكوم يا نتوكس كلنا ولا هو سهل نغير نظام الحكم وصعب نغير نفسنا

من سيكتب التاريخ

2012-01-05T01:30:00.002+02:00

فى الفتره الاخيره قبل الثوره والى الان ظهرت ناس كتير بتترحم على ايام الملك فاروق وتقول الاقتصاد ايامه كان قوى واتفرج على افلام اسماعيل يس القديمه تعرف ان الدولار كان بريال والتاريخ كمان بيقولك ان بريطانيا كانت مديونه لمصر رغم احتلالها ولا انسى الفنان حسين فهمى لما تحدث فى برنامج هاله سرحان وقال ان حلون كانت بتاعته والملك كان بيقوله يامولانا معرفش ليه انتابنى سؤال ماذا سيقال عن مبارك فيما بعد هل مانتحدث بيه عنه من فساد وظام و فاسد ام سيقال عنه كان ايامه ايام عز مارينا وساحل شمالى وحفلات التليفزيون اللى كان بيروحها الشباب البسيط الغلبان فى مرينا والساحل الشمالى ولا الانترنت والقنوات الكتير المفتوحه وحريه التعبير اللى قضت عليه فى الاخر وانه كان سايب الناس تتكلم بحريه ولا هيتقال ايه

ابناء الملك تكلموا بعد اكثر من خمسيين سنه وجعلوا الكثير يتكلمون مثلهم فماذا سيفعل ابناء مبارك الذين ظهروا من اول لحظه سقوط مبارك ماذا سيقولون بعد خمسيين سنه

ابناء الملك او بتوع احنا اسفين ياملك بداءو يفهموا الناس من فتره بان ماحدث فى يوليو 52 انقلاب وليس ثوره انقلاب عمله الجيش بعض الناس قالت انقلاب تحول الى ثوره عندما ايده الشعب وهذا صحيح والبعض الاخر قال لا مازال انقلاب لان لم يؤيده الشعب لان اللى كان يعارض نظام عبد الناصر كان بيبقى مصيره السجن او المعتقل وكثير من الافلام تكلموا عن زوار الفجر فى المرحله الناصريه وقد يدهش الكثير من المرحله الناصريه ويتسائل لماذا يحبون عبد الناصر من يحبه الى الان بالرغم من زوار الفجر اين كانت الحريه فى هذا العصر بالطبع كل واحد احب حاكم له كانت له وجهه نظر وجهه نظر من احب الملك قال الاقتصاد على ايامه والحياه والعيشه بالرغم انه ماكنش عايش ايام الملك واللى كان عايش ايام الملك وبيحبه غالبا كان من الاقطاعيين ومن احب عبد الناصر اكيد كان من الغلابه اللى يهمهم اكل العيش وبس ولا يهمهم سياسه ولا اى حاجه وبالتالى لم يحتك بزوار الفجر وكمان لم ينضر بقوانينه لان عبد الناصر كان قرارته مع طبقه الناس الغلابه اللى هو منهم لكى يصعدوا الى اعلى على حساب طبقه الاقطاعيين والناس اللى معاها فلوس اللى جعلهم غلابه فيما بعد وظلم الكثير منهم ولن اتكلم على السادات لان من احب السادات او كرهه كان عن اختلاف فى وجهه نظر سياسيه اما عن السلام مع اسرائيل او عن ترك الاخوان يلعبون لان فترته كانت فتره استرداد ارض يعنى ملحقش يعمل حاجه فى الشعب الا قليل

ولكن يظل السؤال من سيكتب التاريخ الناس الغلابه ولا الطبقه الراسماليه و لا القوى السياسيه اللى ليهم مصالح خاصه ولا مين كل قرار بيتخذ فى اى عصر من العصور له مؤيدون ومعارضون ومستفدين ومتضررين فمن يحكم على القرار ومن يؤكد ان هذا القرار فى مصلحه البلد او ضد مصلحه البلد

وماهى مصلحه البلد هل هى مع القرارات التى تخدم الغلابه ولا التى تخدم الراسماليين الذين يعملون المشاريع الاقتصاديه التى تنعش اقتصاد البلد هلى كانت مصلحه البلد مع الاقطاعيين ايام الملك والمحتكريين ايام مبارك ام الغلابه فى العصريين ومتى ياتى الحاكم التى يستشعر بان مصلحه البلد فى القرار اللى يخدم الاثنين وهل يوجد قرار يمكن يخدم الاثنين معا بدون التجنى على احد منهم ولو وجد هل سيقتنع الاثنين بان القرار فى صالحهم

هل عادت النخوه للمصريين تانى ام هى استغلال موقف ام هى نخوه ثوريه فقط ؟

2011-12-25T01:51:00.001+02:00

لما بداءت الصوره تنتشر بتاعه البنت اللى اضربت وتعرت حاولت استغل الموقف و العب مع صاحبى اللى بعتلى الخبر اول مره على الشات لعبه فرديت عليه رد قليل الادب يسىء للبنت فغضب وقالى ماتقولش عليها كده استمريت فى ردى الابيح فغضب وانفعل و قالى ديه احسن مننا ديه نزلت واحنا لا فسكت وعندما قابلته قولت له احسن حاجه حصلت فى الموضوع دا ان النخوه رجعيت للشعب المصرى وليك على كده مش هتقعد تعلق على اى واحده رايحه ولا جايه وتعاكس قام قايلى لا الوضع مختلف حاولت اعرف مختلف فى ايه اللى انضربت واتعرت بنت واللى ماشيه فى الشارع بنت يقولى لا ديه محترمه لابسه عبايه وواحده ايجابيه ولها موقف وتقابلت بعنف انما اللى ماشين فى الشارع شوف لبسهم ايه طب ايه ارد عليه بكلمه ابيحه بقى ولا ايه ومين قال لك ان البنات اللى بتكلم عليهم و على ملابسهم مش محترميين ولهم مواقف ايجابييه ايه التناقض دا

لذلك لم استغرب من توفيق عكاشه لما اتكلم بطريقه سيئه على البنت وقال ايه البنت اللى لابسه عبايه على اللحم ديه من امتى البنات بيلبسوا العبايه على العرى لان مازال المجتمع متناقض ينفعل بموقف ساعه ثوره وهو اصلا معندوش المبداء دا بس هى لحظه تعاطف مع البنت وخلاص وطبعا البعض استغلالها لكسب ارض جديده فى اللعبه السياسيه يعنى اصلا لاكان عنده نخوه ولا حتى رجعتله والبعض كانت مجرد عنده نخوه ثوريه وفقط اتمنى ان حادث البنت التى ضربت وتعرت ان يكون عوده للنخوه التى ضاعت منذ سنيين و التى تسائلنا عنها عندما حدث اكبر تحرش فى وسط البلد

وبكررها وسط البلد فاكرينه وقت عرض فيلم بتاع سعد الصغير ودينا وظهر الكثير يتكلم عن ملابس البنات فى العيد وهو مايحدث كثير عندما تسئل شخصا يعاكس قيرد عليك يقولك انت مش شايف هى لبسه ايه ليحلل لنفسه المعاكسه والتحرش مسخره حتى احد الشيوخ لما تكلم على التحرش وقتها كان يقول البنات هى اللى بتتحرش بينا بملابسهم الفاضحه ولم يعيب على الشاب فى اى كلمه من كلامه طيب اقول ايه مافيش كلام يتقال غير كلام ابيح بصراحه
طب ليه الناس دلوقتى واخدها الجلاله عشان اللى ضرب عسكر مش حراميه ولا ايه
طيب الفديو دا بيقول ان اللى ضرب وتحرش كمان ثوار مش عسكر ولا حراميه

وده كمان

كانت فين النخوه وقتها ولا النخوه تظهر ساعت المصلحه وبس ننشر الفديوهات الناس اللى فى البيت تغضب وتثور لمصالحنا الشخصيه وبس نخوه ثوريه واحنا نكسب مصالح سياسيه وفقط

اتمنى ان الموضوع مايكنش نخوه ثوريه وفقط و تكون النخوه رجعت بجد تانى للمصريين وهيكون دا اول حاجه جميله تعملها الثوره عوده النخوه لكن للاسف الحقيقه لسه النخوه غايبه والناس بتستغل الموقف وبس ياريت تهدى الناس شويه وتريح نفسها البلد مش ناقصه

هذا هو الوضع الحالى

2011-12-22T02:17:00.000+02:00

مش فاهم حاجه

2011-12-20T04:10:00.004+02:00

احنا مين

احنا المصريين مين

ناس تقولك المصريين دول ازبل ناس شويه رعاع اغبيه حشاشيين

وناس تقول المصريين دول اجدع ناس واذكى ناس مطلعيين نجيب محفوظ وزويل والبردعى ودكاتره كبار وعلماء

ترد ناس تانيه تقول نجيب محفوظ دا ملحد واخد نوبل عشان قصه اولاد حارتنا اللى بيطاول فيها على الله سبحانه وتعالى وزويل خاين بقى خلاص امريكانى والبردعى بردوا خاين ومعملش حاجه لمصر وموضوع العراق فاكرينه وكل اللى بينجح يتقال عليه فاسد او ملحد طب يعنى احنا ايه حتى اللى بنفتخر بيهم يجى مصريين زينا ويسبوهم

وناس تقول المصريين دول فراعنه مابيعجهمش حد

طب احنا اللى بنشتم ولا اللى بنتشتم ولو احنا اللى بنتشتم هل نستحق الشتيمه ولو احنا اللى بنشتم بنشتم مين
احنا اللى انتخبنا الفستان البمبى فى رمضان ولا احنا اللى انتخبنا السلفيين والاخوان

احنا مين المصريين مين

فى الاحداث الاخيره

احنا اللى انضربنا واتمسح بينا الارض واتعرينا ولا احنا العساكر اللى ضربت وعرت وبعد مااستسلموا المضروبين غطوهم تانى وبعد مايخلصوا جيش احتمال تيجى تتظاهر معانا احنا مين احنا اللى ضربنا ولا اللى بنضرب ولا احنا اللى حرقنا المبانى وعملنا علامه النصر وكأننا فجرنا مبنى اسرائيلى

احنا مين

حد فاهم حاجه بصرف النصر باننى فقد الثقه فى كل شئ المجلس العسكرى والثوار والفلول والقوى السياسيه والبلطجيه ايضا والمصريين عموما باى شكل وباى لون

الاحداث الاخيره فى حد ذاتها غريبه

فى الاول وجبه من امراه مجهوله تسببت فى تسمم الثوار غريبه الناس كانت بتتعرف على بعض فى الميدان وهذه السيده المجهوله مافيش حد وهو بياخد منها الاكل اتعرف عليها عرف عنها بيانات حتى لو كانت بيانات غير صحيحه اسمها مثلا مافيش عادى الموضوع عدى امراءه مندسه من المجلس العسكرى ماشى هنبلعها

بعد كده بيلعبوا كوره والكوره طارت دخلت المجلس وهو دايما الكوره بتجيب مشاكل وغالبا الكوره ديه كانت مندسه من المجلس العسكرى اصله فشل فى تسميمهم فقال يلاعبهم كوره عادى وتبداء المباراه على راى شوبير فى التعليقات الكرويه مباراه خارج التوقعات خارج التكهنات اقصد المعركه وبداء الشوط الاول فديوهات استخدام الجيش العنف ضد المتظاهريين وضرب وتعريه سيده جريمه لايختلف عنها اثنين واعترف الجيش بيها ماشى ثم مباراه الملتوف جيش بيضرب بيها ومواطنون نسئل المواطنون ليه بتضربوا الملتوف يقولوا الرد المعروف بننضرب يعنى هنعمل ايه ناخد الكلام نعكسه الجيش بينضرب هيعمل ايه يكون الرد ولو مايكونش التعامل كده صباح التهييس الثوار من حقهم الدفاع عن نفسهم باى وسيله والجيش لا مايكونش التعامل كده ماشى هنعديها وهنبلعها مافيش مشكله الجيش يعلن ان فيه جنود اتصابت وماتت نكدب ونقول دا كلام فارغ بالرغم من ان اى خناقه الطبيعى ان الاثنين يتصابه حتى ولوكان واحد منهم اللى مرتبها بس هنبلعها ونكدبهم ماشى طب الجيش مرتبها ماشى لازم يكون له فايده لنفسه عشان يرتبها ايه الفايده اللى عايده عليه مافيش البلد هايجه عليه وعلى حكومه الجنزوى طيب يعنى اساسا مصلحته سؤاء عايز يمسك الحكم او لا ان البلد تستقر لان لو عرف يعمل فيها استقرا ممكن الشعب ينضحك عليه ويقوله كمل واحنا اساسا شعب عاطفى طيب مين له المصلحه فى اثارت الشعب ناس تقولك دول بلطجيه وفلول بس اللى بيموت لاهما بلطجيه ولا هما فلول الشيخ عماد لابلطجى ولا فلول طبعا لانك بتهيج الناس فالناس بتنزل وهى اللى بتموت والقوى السياسيه هى اللى بتكسب فى الاخر طيب النتيجه ايه

فى ناس تقولك يتنحى المجلس ويمسك مجلس مدنى

ترد ناس مين يعنى اللى هيمسك

يندهش الثوار ويسئل ايه الغباء دا مصر ولاده وفيها ناس كتير

بس الغريب ان السؤال مش مين يصلح السؤال مين اللى المجتمع يتحد عليه ويوافق عليه وميطلع عليه مظاهره فى التحرير عشان تشيله

لما قاله البرادعى وحسام عيسى وابو الفتوح طلع فلى التحرير اللى قالك البرادعى لا وابو الفتوح لا ومين هو حسام عيسى والائتلافات كل ائتلاف بيتكلم ويقول الائتلاف التانى لا يمثلنى وواحد احمق قال هى كده حلوه كلام اهبل

ايوه حلو الاختلاف بس مع الاختلاف فى الراى لازم نكون متفقيين على حد يدير ومتفقيين على سياسه يمشى عليها لان مش حلو اننا نختلف وناكل فى بعض وميبقاش فى حد يحتكم مابنا

انا مش فاهم حاجه وعايز حد يفهمنى يكون فاهم

المجلس العسكرى بيعمل اخطاء ووحش والقوى السياسيه مش كلها كويسه وفى منها بيلعب سياسه قذره والفلول اللى مش هيسبوها والمواطنون اللى فى بيوتهم سواء حزب كنبه او ثوار كانوا فى بيتهم قبل الاحداث الاخير ماتولع وصوره السيده المضروبه المتعريه تعطيهم الحماس اللى يخليهم ينزلوا مع المعتصميين والبلطجيه والجهات الخارجيه اللى اكيد مش هتعدى حاله زى اللى احنا فيها من غير ماتلعب لعب لمصالحها كلهم وانا وانتم اكيد كلنا عايزين نفهم ايه اللى بيحصل وهنوصل الى فين لان ماحدش فاهم حاجه لاانا ولا الثوار ولا البلطجيه ولا الفلول ولا الخونه ولا المجلس العسكرى ولا القوى السياسيه فاهمين حاجه كل واحد بس فاهم الجزء بتاعه و مش فاهم الباقى ياريت اللى فاهم حاجه يفهمنى

حد يقولى احنا هنوصل الى فين واحنامين احنا توهنا عن نفسنا ولا احنا لسه يادوب فى الطريق احنا فى الطريق الصح ولا ضلينا الطريق احنا فين

لهذا لن ارشح التيارات الدينيه سؤاء اخوان او السلفيين او بمعنى اخر حزب الحريه والعداله وحزب النور

2011-12-14T12:24:00.000+02:00

وانا زى ناس كتير فى البلاله ما فهمش فى السياسه ومش فاهم حاجه ولا عمرى انتخبت وماليش فى التاريخ عشان اطلع الملفات السوداء لكل حزب من تاريخه جيت ونظرت للتيار الدينى الموجود اخوان سلفيين واشوفهم مش هخسر حاجه ابص بعينى على الاخوان زمان كانوا رافعيين شعار الاسلام هو الحل شعار جميل وزى الفل ايوه امتنعوا عنه عشان القانون بس هما لسه معرفيين بيه ومعنى ايه ان يكون شعارهم الاسلام هو الحل يعنى انهم يكونوا قدوه لغيرهم طيب وانا واقف بنتخب الاقى اللى بيوزع دعايه ليهم واقوله دا مخالف لقانون الانتخابات يقولى ما كله خالف ياسلام على الكلام ابو المبادى ماهو كله خالف واصحاب الاسلام هو الحل ماشى مع الكل طب من امتى كان الاسلام قدوته اللى بيخالف ولو خدنا من كلمهم يبقى كده قدوتهم العلمانيين والكفره على حسب راى البعض يعنى الاسلام قدوته العلمانيين فعلا اصحاب مبادى طيب بلاش نمسكلهم على الواحده يا فطه اقرئها بتقول الاخوان تؤيد حزب العداله والحريه ياسلام كلام رائع ورقيع فى نفس الوقت يعنى هو الاخوان شئ وحزب الحريه والعداله شئ اخر طب انا عايز ارشح الاخوان مش حزب العداله والحريه اتناقش مع واحد بيؤيدهم ليفسرلى يعنى ايه يكتبوا الاخوان تؤيد حزب العداله والحريه هما مش الاثنين واحد يقولى لا اثنين الاخوان جماعه دينيه وحزب الحريه والعداله دا حزب سياسى طيب لما الاخوان مالهمش فى السياسه وحزب العداله والحريه هو اللى بتاع سياسه طيب الاخوان بتحشر انفها فى السياسه ليه وتؤيد وتعارض هى بقى مالها ايه الهبل دا مسخره يعنى حزب مسخره

حزب النور كنت ممكن ارشحه لو كان عنده مبادى حتى ولو كنت معارض للمبادى بتاعته والتصريحات العبيطه بتاعه المرشحيين اللى فيه انما اصلا لما الاقى واحد واضح من تصرفاته انه مش عايز الستات فى مجلس الشعب مش مقتنع بيهم مبادئك كده وافكارك المهببه كده عادى جميل جدا مافيش مشكله صحيح ان انا مختلف معاك فى الراى بس ممكن انتخبك لو كنت تمسكت بمبادك بس بردوا انت تفضل كرسى فى المجلس والقانون بيقول انك لازم ترشح سيده ف يالا بلا مبادى بلا نيله فتخرج عليا بمرشحه مستخبيه برده نعمل اللى هما عايزينه بس بردوا نعمل اننا لسه عند افكارنا ومبادئنا مره تحط مكانها ورده ومره جوزها ومره صورتها منقبه وتسود العينيين يعنى تحط اى شخبطه وخلاص واحنا نفهم طب لو قانون الانتخابات طلب منك تشارك فى بيت دعاره هتوافق عشان الكرسى فالغالب هتوافق طيب انا ارشح التيار الاسلامى ازاى وهو اساس تيار بلا مبادى تيار الغايه تبرر الوسيله حتى ولو كان كل التيارات كده انت المفروض بتاع الدين بقى انما تقولى انك تيار دينى ولا التيار الاسلامى وانت ماشى على تيار الفرنجه اقولك انهم على الرغم انهم ممكن يكونوا زيك انما هما كده الافضل لانهم مش تيار منافق زيك يا تيار الاسلامى

من الذى اوصلنا لهذا والى اين نحن ذاهبون

2011-12-12T01:48:00.002+02:00

من فتره رايت صوره بتتسائل لماذا المسلم اصبحب يسخر من الحجاب والدقن والمسيحى لا يسخر من حجاب الراهبه او دقن القسيس وقد تكون دعوه رائعه لعدم السخريه لامن الحجاب ولا الدقن ولكن من الذى اوصلنا لهذا اهى مثل اصحاب الافلام والخيالات اللى بتقول حرب ضد الاسلام والمسلميين من الغرب والكلام الحمضان ده نعم قد اكون متفق معاك انها حرب ضد الاسلام ولكن ليس من الغرب بل يقودها الكهنه بتوعنا الشيوخ واصحاب الفتاوى الرقيعه التى جعلتنا نسخر منهم ومن خرفاتهم الى ان وقعنا فى خطاء التعميم على الكل لانهم زادوا بشكل كبير تضايقت اوى لما غضبت من الكاهن بتاع جامع الخلفاوى ولقيت نفسى بعمم و بغلط فى الشيوخ كلهم بالرغم انى فاكر ان مره سمعت خطبه لواحد فى جامع فى مصر القديمه والشيخ كان محترم عجبنى اوى خطبته وقلت طب مافى شيوخ كويسه اهى امال الشيوخ اللى فى الجوامع القريبه مننا مالها والله خايف يجى اليوم اللى نقول فيه هو صحيح شيخ بس كويس ايه الحكايه وهنوصل الى فين يمكن زمان كنا ممكن نصدق اننا شعب بنتاثر بالخارج اوى لما كنا بنقلد الهيبيز وبعد كده عبده الشيطان وبعد كده البهائيين وبعدها الملحدين لكن اكيد مافيش تاثر باى خارج لما نخرج من جامع نسب فى الشيخ بعد الصلاه وخطبه تعذيب ساعه ولا ساعه ونصف اغلبها كلام معاد وساعات بيكون كلام اهبل اكيد دا تاثر بالداخل وبالداخل اوى كمان

ليه وصلنا كده وليه بقوا بيجعلنوا نشعر باننا خلاص بقينا محتاجين لمعجزات عشان نتاكد ان ربنا موجود وان دينا كويس لما يظهر واحد رسم رسوم مسيئه للرسول اولربنا علطول يطلع خبر بوفاته انتقام من ربنا والبنت اللى داست على القران اتحولت الى حيوان ايه هو ربنا خلاص بقى بيحاسب الغلطه بفوره دلوقتى ماكان زمان اتوعد ابو لهب فى القران وكان سايبه عايش انسان عادى لحوله لحيوان ولا موته ولا ايه زمان الشيوخ كانوا الخطب بتاعتهم بتقوى ايمان الناس دلوقتى الشيوخ خطبهم بتضعف من ايمان الناس وممكن تكفرهم ايضا وبتخليهم يشعورا بان الصلاه اصبحت حركات بهلوانيه وعادات وفقط اصبحنا مثلنا مثل ايام الجاهليه مع الاختلاف طبعا

الشيوخ بقيت بتهرتل كتير من ارضاع الكبير لبول الرسول الى غزوه الصناديق بقيت حاجه مقرفه جدا ماحدش عارف هنوصل الى ايه ولو غلطنا فيهم يكفروك ويقولولك ازاى تغلط فى الشيوخ طيب وهما دول شيوخ

لا طبعا مش شيوخ لكن وجودهم اساء للشيوخ مما جعل بعض الناس تصنع اكثر من صفحه على الفيس تسميها تخاريف شيوخ هنقول عليهم ملحدين او كفره اواى بتنجان لكن من الذين اعطاهم فرصه للسخريه من الشيوخ طبعا الذين يخرفون ويقولون على انفسهم شيوخ وللاسف بعض الناس بتسمع لهم وهذه المشكله ربنا يستر ماحدش عارف هنوصل االى فين بعد ما اغلب افعال الجاهليه الان ترتكب باسم الدين اه يازمن اه

وفاه الكاتب احمد بهجت

2011-12-11T18:12:00.001+02:00

توفى، مساء اليوم، الأحد، الكاتب الكبير أحمد بهجت، عن عمر يناهز 79 عامًا، بعد صراع طويل مع المرض، بمستشفى "المقاولون".

الله يرحمه

طرائف الانتخابات ياعلاء بلاش غباوه

2011-11-30T04:38:00.000+02:00

دا مرشح رئاسه ولا مرشح مجلس شعب ولا مرشح ايه بالظبط لا تعليق
للمشاهده على الواقع نفق العباسيه بجوار جامعه عين شمس

عفوا ايها الميدان بطلت ثوره

2011-11-27T14:50:00.000+02:00

فى بدايه الثوره لما قامت قامت فى اغلب محافظات مصر وفى الاخر اصبحب ميدان التحرير البؤره الاساسيه او كان المصب النهائى التى انصب فيه الثوره وكان رمز للثوره لان كان من فيه زيهم زى اللى فى باقى المحافظات هدفهم واحد وهو اسقاط النظام الا قله قليه كانت مع النظام السابق وتعتقد ان الشعب على خطاء فبداء مجموعه من الثوار لايتفهون ان المجتمع فى الفتره الاخير كان على اخره وبيخانق بعضه والنغمه اللى كانت سائده على السن الناس بلد بنت تيت او ناس بنت تيت وكثير من كان يقول احنا شعب نستحق ما يحدث فينا وان بعد الثوره انقسم الناس الى نوعين 1- نوع من تاكد ان النظام هو السبب 2- من كان مازال شايل فى قلبه من تصرفات الناس

فبعض الثوار بدل مايتفهموا الكلام دا قسموها ثوار وفلول وقوائم بيضه وقوائم سوداء وبداء التخوين وهذه القوائم كانت عار عليهم فى الاساس لانى انا لما الاقى واحد وضع تامر حسنى مثلا فى القائمه السوداء لانه كان ضد الثوره اتسائل سؤال لو كان مع الثوره من الاول كان هيبقبى من القوائم البيضه رغم انه كان هربان من اداء الخدمه الوطنيه وكثير من الشخصيات التى اندهش من وضعها فى القوائم البيضه او السوداء لمجرد انها كانت ضد الثوره او مع الثوره بالرغم من اننا لو ركزنا على افعالهم وفنهم فيوجود كثيرا ممن ايد الثوره يستحق القائمه السوداء ويوجد من عارض الثوره يستحق القائمه البيضاء ولكن بعض الثوار اللى استنصحوا صنعوا مننا مجتمع منافق يخاف ان يعارض فكره فى الميدان ليبقى فلول نظام واستغل اصحاب المنصات انهم بيعرفوا يجمعوا الناس لان مطالب الثوره لم تتحقق محاوله منهم لتحقيق مصالحهم الشخصيه ويتاجرون بدم الشهداء فاصبحنا نذهب الميدان ايمانا منا بالمطالب العامه ولكن فى نفس الوقت لانرضى عن بعض الهتافات وبعض المطال الخاصه وعاجزين ان نوقف الهتافات او المطالب التى لا نرضى عنها واصبح كل مجموعه فى الميدان فى وادى حتى جاءت جمعه السلفيين وطردت كل من فى الميدان لتشكيل الميدان بشكل الدقون ثم توالت الاحداث بعدما تحول الميدان الى مجموعه منصات تهدف السيطره عليه او تصنع دعايه انتخابيه لبعض المرشحين للرئاسه و اشهر الدعايه اللى حدثت كانت الدعايه الانتخابيه اللى عملها الباشا الكبير حازم صلاح ابو اسماعيل اللى بيقوله انه شيخ وجاء الوقت لطر منصه السلفيين وطر اى منصه ورجوع الميدان ميدان بلا منصات وهذا كان افضل شئ اتعمل ولكن ظلت مشكله بان من في الميدان مازالوا يطردون اللى على مزجهم من لم يصقف لهم او من يعرفون ان طردهم له سيعمل لهم منظر جيد مثل طرد علياء صاحبت الصور العاريه اه يطردوها عشان الميدان طاهر وهيفضل طاهر بس هما بقى تاكدوا ان كل اللى فى الميدان بيوحد ربنا وكل اللى فى الميدان ناس ولاد ناس وماكنش فاضل غير علياء ماعتقدش انا مع طرد علياء او طرد اى شخص بشرط انه يكون هيعتلى منصه فى الميدان ويريد الدعوه لشئ غلط او بذيئ لكن طرد منظره او طرد لاحتلال الميدان اسف ديه قله ادب اللى مش عاجبك فى الميدان تجاهله مش تتطرده لان الميدان بتاعه زى وماهو بتاعك طلع على المنصه يدعو الى شئ غلط ساعتها اهتف بطرده واطرده معاك فى ديه كمان فى حاله طرد علياء لما بشوف الفديدو بتسائل سؤال ممكن عشان اخلاقى مش كويسه هو مافيش ستات تطرد البنت ديه لازم الرجاله هى اللى تطرده هى حاله طرد ولا حاله تحرش المنظر منظر تحرش جماعى مش طرد خالص

واخيرا المجلس اللى عايزين يشكلوه من د/ البردعى وحسام عيسى او الفتوح وبيقوله ان دا راى الشعب وراى الميدان راى الميدان ممكن لكن ليس راى الشعب فالميدان لم يصبح يتكلم باسم الشعب كما كان زمان وايضا الميدان نفسه لم يصبح رايه راى واحد فالمليونيات تصنع لهدف ان الثوره لم تنتهى والكل ينزل لهدف غير الاخر متفقين فقط فى هدف الثوره ولكن مختلفيين فى هدف كل واحد الميدان لم يبقى كما هو فالكثير ضد البردعى وابو الفتوح والكثير لم يعرف من هو حسام عيسى اصلا واخرون يؤيدون الجنزورى وان كان من يدعى ان المجلس اللى بيفكروا فيه دا راى الشعب فلنلجاء الى الاستفتاء على رئيس الوزراء

وفى الاخر اعتذر للميدان كنت زمان مع الثوره الان انا من الفلول او حزب الكنبه عفوا ايها الميدان بطلت ثوره

كل سنه وانتم طيبين

2011-11-26T22:20:00.000+02:00

كل سنه وانتم طيبين
وانشاء الله سنه سعيده عليكم

حول الاختلاف على د/ كمال الجنزورى

2011-11-25T00:25:00.002+02:00

من ساعه ما انتشر تفكير المشير ان د/ كمال الجنزورى يكلف برئاسه الوزراء واندلعت النكات وانقسمت الناس مؤيدين ومعارضين

المؤيدين بيقوولوا ان الراجل كويس وسمعته نظيفه ومنهم من اشاد بالمرحله التى كان مكلف فيها د / كمال الجنزورى رئيس وزراء

اما المعارضين فاختلفت الاراء منهم من اعترض لمجرد ان د / كمال الجنزورى من الفلول او من عهد مبارك وكان دا مجرد اعتراضهم ومنهم من اعترض على اساس ان معترض على اى واحد يكلفه المشير لان المشير سقطت شرعيته ومنهم من اعترض لكبر سن الرجل ومنهم من اعترض لان الدكتور جمال ماكنش من الاختيارات التى اقترحوها

و احزنى كم النكات والسخافات التى اساءت للدكتور كمال الجنزورى فقد نختلف مع القرار وقد نتفق ولكن لايجب علينا ان نسخر من د / الجنزورى لانه الى الان لم يفعل شئ يستحق السخريه قد يكون فعل وانا لم اعرف

لكن فى نفس الوقت تسائلت من هو الرجل المطلوب حاليا ليكون رئيس وزراء او حتى رئيس جمهوريه

لقيت اللى اعترض لسن الرجل وقال ديه ثوره شباب دا كلام منطقى ولكن لو جاء رئيس وزراء صغير سنرى من يقول هتجبولنا عيل يكون رئيس وزراء ولكن بس اختلفنا او اتفقنا بنلاقى الخلاصه فى الاخر اننا عايزين واحد عنده حكمه الكبار ويتفهم الشباب وتطورات الجيل يتفهم الشباب الحالى بتطورات الجيل مش يتفهم الشباب الحالى بوجهه نظر شباب زمان عايزين واحد بفكر شباب مش لازم يكون صغير

نعم طبعا نريد شخصا محترما وطيب وذات مكانه علميه عاليه مثل د/ كمال الجنزورى لكن ليست كافى ان يكون الشخصيه محترمه وطيبه وذات مكانه علميه عاليه ولكن يجب ان يكون ذات معرفه بالوضع الحالى وتطورات العصر وفكر شباب اليوم فلن تكن النتيجه صالحه لو كان شخصا محترما وذات مكانه عاليه ولكن يعرف ما فات ولا يعرف ماهو كائن لاننا نريده فى هذا العصر ولا نريده فى عصر سابق فيجب ان يكون ريس الوزاره بفكر عصرى

لا اعرف د/ كمال الجنزورى جيدا فقد يكون يمتلك هذه المواصفات بمعنى انه يفكر بفكر الشباب وقد لايكون ولذلك لم اكن من المؤيدين او المعارضين للاسف

ولذلك يجب اللى عارف شخصيته يقولنا هل هو به الصفات ديه ولا لا

ولكن فلنفترض ان المعارضين له كثير جدا او انه لم يمتلك هذه المواصفات ولم يجدوا احد بهذه المواصفات لكى يكلف بالوزاره وزاره الانقاذ الوطنى بافكار شبابيه وبداء القوى السياسيه تتصارع على كرسى الوزاره فماذا الحل

عجبنى اقتراح ان يشكل الوزاره احد المرشحين المحتمليين لرئاسه الجمهوريه او تشكل الوزاره كلها من المرشحين المحتملين لرئاسه الجمهوريه ونضرب عصفورين بحجر منها نجعل البلد تستقر ومنها نختبر هؤلاء قبل ان نخطاء وننتخب احد منهم لا يصلح فنختبرهم برئاسه الوزاره ونشوف هينجحوا فى وزاره انقاذ وطنى ولا لا لكى نتعرف على اسلوبهم قبل ان نختبرهم فى رئاسه بلد ونشوفهم ينجحوا ولا لا انا عن نفسى ارشح لرئاسه الوزاره كل المرشحين الرئاسه اللى انا مقرر انى مش هنتخبهم لعل وعسى اغير رايى فيهم وربنا يستر

هل هى مذبحه مماليك جديده ؟؟

2011-11-21T03:15:00.001+02:00

مش عارف ابداء منين بس الحكايه غريبه اوى قبل الثوره وانا برده ماليش فى السياسه كنا بنسمع عن حركه 6 ابريل وحركه كفايه وحركه التغير وحركه 9 مارس واسماء كتير بعد الثوره بقينا بنسمع ان 6 ابريل خونه وعملاء وذات تمويل اجنبى لا وكمان ملحدين والدليل كريم عامر وعلياء بالرغم ان 6 ابريل اكدت ان كريم وعلياء مش من 6 ابريل وكريم وعلياء اكدوا انهم مش من 6 ابريل بس مازال تشويه حركه 6 ابريل قائم وبصراحه كده نجح النتشوبه بايدى الناس وبعض تصرفات 6 ابريل والناس بداءت توزع وتلصق على الحائط منشورات ضد 6 ابريل مين اللى بيوزعه مش عارف

ماعنديش مشكله ان اقول 6 ابريل حركه مشبوه اوكى طظ فى 6 ابريل ولكن اتسائل اين نشاط حركه كفايه وحركه الوطنيه للتغيير وحركه 9 مارس الى اخر الحركات اين هم لا اعرف قد اكون بعد الثوره سمعى ضعف او انهم يشتغلون فى الخفاء لا اعرف قد وقد وكل الاشياء ممكنه طيب المعارضه راحت فين لم يبقى غير الاحزاب التى لم تكن لها قيمه فى عهد النظام الماضى و اصبحت كتل وائتلافات عشان مجموعه من الكراسى فى مجلس الشعب يعنى الناس اللى شغاله على مصلحتهم وفقط طظ فيهم هما كمان يبقى مش فاضل غير الناشطين على الفيس وتويتر وبعض المواقع الاخرى اللى بيحاولوا يفهموا ويفهموا الناس البلد ماشيه ازاى وطبعا دول بعد اللى بيحصل فى المظاهرات اللى بينادوا بيها الناس كرهتهم والحكومه القت القبض على بعض منهم والشعب البسيط مؤيد ماشى اوكى طظ فى الناشطيين يبقى فاضل السلفيين والاخوان اللى خرجوا من السجون و عملوا احزاب وهما بردوا بيكلموا باسم الدين وعامليين نفسهم بيفهموا وبعد هلهله افكار السلفيين وعدم رغبه الناس فى ترشيح الاخوان الناس لابقى عاجبها السلفيين ولا الاخوان ماشى طظفى الاخوان وطظين فى السلفيين يبقى فاضل مين بح خلص عفوا لقد نفذ رصيدكم وتمت المذبحه بنجاح طيب ايه الحل تصرفات المجلس العسكرى مش داخله دماغنا اوكى نسقط المجلس العسكرى بالمشير بالحكومه يالا طظ فيهم يالا بالسلامه بس طيب مين اللى هيدير المرحله الانتقاليه مجلس مدنى ماشى اى اسم لكن مين الاشخاص اللى هنحطهم كبديل مؤقت حتى التسليم ويكون متفق عليهم من جميع الجهات سؤال صعب وخصوصا اننا اصبحنا لانتفق على شئ من يدير علينا ان نسقط المجلس العسكرى ولكن علينا ان نختار البديل جمله البلد فيها كتير مش محتاجينها محتاجيين نتفق على واحد من الكتير دول ماذا سنفعل بعد ان نجحوا فى فى مذبحه المماليك الجديده ولم يبقى غير ان ياتى محمد على لكى يحكمنا بمزاجه ولكن هل نقبل بحكم محمد على اذا كان دا فى مصلحه البلد هل نرضى بحكم بدون معارضه لو دا فى مصلحه للبلد وهل ممكن تكون مصلحه البلد ان الحكم يكون بلا معارضه ماذا سنفعل واين الحل الله اعلم
واخيرا تاتى وثيقه السلمى التى اثارت الناس والناس نزلت الميدان تانى ونرجع الى يوم بدايه الثوره من جديد لنتسائل هل سنعيش فى الثوره كتير كل شويه هنعمل كلاكيت الثوره تانى مره اكشن ومظاهرات وقنابل مسيله لدموع ورصاص مطاطى تانى الى متى ومتى سيحل الازمه الحاليه اللى موجوده فى ميدان التحرير ياترى النهايه امتى وازاى ربنا يستر عليكى يامصر

من مدونه مذكرات ثائره

2011-11-20T02:56:00.001+02:00

ناس كتير اتكلمت فى موضوع علياء المهدى وناس كتير اللى شتم فيها واللى شتم فى الثوره واخذها فرصه للتسائل بقى هيه ديه الحريه اللى هما عايزينها واخذوها فرصه للسخريه من الثوره والثوار بالرغم من ان الموضوع فى الغالب مالوش دعوه بالثوره ولكن له موضوع باسم المدونه مذكرات ثائره وهى ثائره فعلا ولكن ليست ثائره بمعنى ثوار ثوره 25 يناير لا ثائره اجتماعيا ثائره على المجتمع فمن يدخل على مدونتها الاخرى التى تحمل نفس الاسم مذكرات ثائره معموله بنفس الحساب ويقلب فيها ويقراء بوست اسمه من مذكرات بنات مفروسه http://diaryofarebel.blogspot.com/2009/06/blog-post_25.html قد يشعر بان مافعلته هو الجزء الثانى من فيلم انا حره بتاع لبنى عبد العزيز او الفيلم بتاع ماجده ورشدى اباظه اللى كان بيتكلم على مساواه المراه بالراجل وكده وان الموضوع كله ومافعلته هو رد فعل على مجتمع يتهم المراه بالخلاعه عندما يتم التحرش بها ولا يتهم المتحرش بها باى شى وعلى نظام تربيه مغلق على نفسه نظام تربيه بدون توعيه نظام صح وغلط فقط بالرغم من اننا فى زمن يجب ان يكون نظام التربيه فيه صح وغلط لان ويجب ان تكون لان لاسباب مقنعه وليسه لاسباب تافه او ظالمه انا مش بدافع عنها لكن مش مقتنع بان كل اللى دخل على مدونتها الابيحه وعلق بشتيمه انه كان داخل المدونه يصلى وماكنش داخل يتفرج وديه اصلا مشكله انك تدخل تتفرج وتخرج تعمل انك رجل دين واخلاق وقيم وايضا مشكله كبيره اننا لم نشوف كارثه نقعد نشتم فى صاحبها ومانحاولش نعرف هو وصل لها ازاى وليه ايوه معاك نحاسبه لكن لازم نعرف هو عمل كده ليه عشان مايطلع غيره ويعملها تانى

ليست مشكله علياء المهدى ولكن مشكله مجتمع باكمله

2011-11-18T01:53:00.004+02:00

يمكن يكون جاء الوقت لكى نبحث عن اجابه لسؤال كان من المفروض ان يسئل من سينين

الموضوع يبان تافه ولا قيمه له اساسا واحده ليس لديها حياء تضع صورها العاريه على صفحاتها خلص الموضوع بكام شتيمه فيها وفى اهلها وفى بيئتها وخلاص وخصوصا ان صديقها كريم عامر ايضا كان مقبوض عليه فى قضيه ازدراء اديان قبل ذلك وبالتالى الخلاصه شله منحله وخلاص

ولكن المشكله قد تكون اكبر من ذلك بكثير عندما نرجع ونلقى نظره على المجتمع ونتسائل كم قضيه ازدارء اديان فى المحاكم وكل قضيه مقبوض على ذمتها كام واحد وكم ملحد من غير قضيه وكام واحد بيخرج من الصلاه بيسب الدين للشيخ وكام واحد بيسب الدين عمال على بطال وكام وكام وكام واحده خرج علينا وقال انه المهدى المنتظر فاكرين قضيه عبده الشيطان فاكريين البهائيين حد بيلاحظ ان اللى بيفطروا رمضان اصبحوا كتير حد بيلاحظ ان الشباب بقوا بيعاكسوا البنات باسم الدين يعنى بدل مايفتكروا غض البصر بيفتكروا ان البنات متبرجات وكأن الدين بيقولهم انهى عن المنكر بالتحرش وكأن التحرش مش منكر ولا حاجه حد واخد باله ان المجتمع كله اصبح هزاره هزار جنسى ونكته نكت جنسيه والفاظه الفاظ جنسيه
اكثر من جرس يدق لكى يجعلنا ننتبه ولكننا لم ننتبه ونغلق الاجراس ونسد الاذن ونطلق اللسان ليسب من ادق الجرس نعم الاجراس تجن ولكننا متى نبحث عن اسباب دقها

ياترى ليه دا بيحصل وازى وصلنا له وليه وامتى

سؤال مهم
ياترى لماذا ونحن بلد المفروض انها متدينه سواء مسلميين او مسيحيين بيكثر الالحاد فيها او البعد عن الدين او بنصل الى حاله الشك بالرغم ان الدول التى لاتعترف بالدين اهلها بيتدينوا وبيتجهوا للاديان السماويه

لانقدر ان نقول بان المشكله فى الاديان السماويه لان الدول التى تعترف بالاديان اهلها بيعترفوا على سبيل المثال كثير من الناس فى الدول الاجنبيه التى لاتعرف ولا تعترف بالاسلام بيدخلوا فى الاسلام

واحد من بتوع الاسلاميين واللى عايزيين مصر اسلاميه يقولك لاننا بعدنا عن الاسلام

بس ياترى عشان الناس هى اللى بعدت ولا الشيوخ ورجال الدين اللى بعدت ولا الاثنين

لما واحد يخرج من المسجد يسب الدين للشيخ طبعا ممكن نقول ان الواحد دا بعيد عن الدين بس لوكان الشيخ قريب من الدين كان ممكن يقدر يخليه مايخرجش من المسجد يسب الدين لو كان عرف يعلمه الدين صح على الاقل لوكان خرج مره يسب الدين فى المره الجايه ربنا يهديه بكلام الشيخ انما للاسف مافيش اصلا شيخ

ولكن اكيد الموضوع كمان مش دين بس اكيد كمان ثقافه وسلوك مجتمع وطريقه حياه بتعلم الاجيال الجديده التخلى عن اى قيم او اخلاق او حتى دين حتى ولو كنا حاولنا ان نربى اولادنا على الاخلاق والقيم فكثير من انواع التربيه تاتى ثمارها بنتائج عكسيه

ولذلك بالرغم ان الموضوع قد يكون تافها ولكن علينا ان ندرسه لكى نعرف من الذى عرى علياء اسوء اخلاقها وشلتها الفاسده ام ان المجتمع كله عارى ولكنه لايرى نفسه

هل سينجح مجلس الغايه تبرر الوسيله فى تحقيق اهداف الثوره ؟

2011-11-15T03:26:00.003+02:00

وانا بتجول فى شارع شبرا وقد امتلاء باللافتات الانتخابيه وانا ماليش فى السياسه اصلا والكل عارف كده ادهشنى بعض اللافتات لما رميت بعينى كده اشوف قائمه الاخوان او الشكل الجديد بتاعها حزب العداله والحريه الاقى على القائمه الاستاذ امين اسكندر على قائمه الاخوان هو فيه ايه انا على حد معرفتى ان اسم اسكندر دا اسم مسيحى يمكن علشان ماليش فى السياسه ممكن يكون اسم اسكندر يكون مسلم عادى بس لما رجعت ابحث عنه على النت الاقيه مسيحى طب هو اسلم ولا الاخوان اللى تنصروا لا ديه وحده وطنيه قولت عادى مصر كلها ايد واحده عادى بس ارجع اشوف اللافتات الاقى ان الاستاذ امين اسكندر مكتوب فى بعض اللافتات رئيس حزب الكرامه ولافتات موسس له طيب موجود على قائمه الاخوان ليه افوت الموضوع دا و اكمل ماشى فى الشارع اتذكر ندوه فى مصر القديمه حضرتها من فتره اسمها اعرف حزبك كان مستضيف الحزب المصرى الديمقراطى للصدفه البحته كل الناس اللى كانت هتيجى الندوه وعلى رئسهم رئيس الحزب اعتذروا لظروف خاصه بهم افيه جامد كلهم تعبوا فجاه يعنى عادى ان واحد يحصله ظروف او اثنين لكن دا كلهم ياريس حصلتلهم ظروف اصل العدد كان قليل مش كتير فحصلتلهم ظروف ماشى هنعديها خرج علينا واحد من الحزب قطع طبعا فى النظام السابق كعاده اى واحد ولما بداء يتكلم عن الحزب بتاعه كل سؤال حد يسئله يرد عليه منتظريين راى الكتله حتى ماكنش عارف هو يدخل الانتخابات ولا هيقاطع عشان منتظرين راى الكتله ويقول الكتله عشان الانتخابات بس طب اقول كلمه ابيحه ولا ايه لا و دايما فى الفتره ديه فى كلام اننا المفروض ننتخب احزاب احزاب مين بلاوكسه هو فيه احزاب اصلا كده هننتخب كتلهلان مافيش احزاب

اللى غريب كمان ان حزب الوفد كان بردوه كان هيبقى مع الاخوان بس لما الناس اندهشت قام دخل لواحده يعنى بردوا حزب كان خايف فراح يشارك الناس اللى بتلعب بالدين ولما قالوله عيب اختشى سابهم

حزب النور بقى دا كان حكايه سلفى هبلى عبطى اى حاجه مرشحين انثى وباين عليها شكلها كويس وجميله جمال صارخ فتقريبا خافوا لا الشعب يعاكسها ولا حاجه وطبعا هو كحزب سلفى خايفين من الفتنه فبدل صورتها واضعوا صوره ورده ولما خدوا كلمتين حطوا صوره جوزها وكتبوا حرم السيد فلان غالبا هتروح المجلس مع محرم ولما سمعوا كلمتين حطوا صورتها بالنقاب وشالوا العينين لو يسمعوا كلمتين كمان هيحطوا مكانها صور خليعه حاجه غريبه لو انتم مش مقتنعين ترشحوا ست بترشحوها ليه مسخره عشان كراسى فى مجلس شعب هى الثوره ثوره شعب ولا ثوره كراسى هى الثوره قامت عشان نمشى الطقم القديم ونحشى الاماكن بطقم جديد وخلاص ولا عشان نحط الاصلح انما كله بيلعب على كله وكل مرشح او حزب على الاستعداد ان يتحالف مع الشيطان عشان يحصل على كرسى بلا قرف

ينفع يحقق مطالب ثوره مبادئ مجلس شعب الغايه تبرر الوسيله وعلى كل لون ياكابتن عجبنى كلام المدون استاذ ابراهيم رزق لما قال انك هتختار بين حرامى وفلول ومستغل فعلا مافيش حد عدل او بمعنى اصح مش ظاهر حد عدل وكلهم ولاد تييت ديه مش انتخابات مجلس شعب ديه انتخابات مجلس هلس

فضفض انت المره ديه

2011-11-13T18:43:00.002+02:00

موقع بيت المدونين

2011-11-13T01:17:00.001+02:00

بعد مناقشات عديده مع بعض المدونين حول عمل موقع خاص بالمدونين 

اكد البعض انها فكره جيده ولكن يجب ان يتم عمل دراسه لها من جميع الجوانب

واكد البعض الاخر على ضروره عمل تجمع خاص لمناقشه هذا الامر

وفى النهايه استقرينا على عمل مدونه الكترونيه مميزه بقالب موقع يشبه  المواقع الاخباريه 

واستقرينا على الاسم (موقع بدايه) اى بدايه الانطلاق نحو مستقبل افضل لمصر 

يتضمن الموقع العديد من الاقسام مثل اخر الاخبار واخبار الفن والسياسه والرياضه

بالاضافه الى الاقسام الخاص بنا كمدونين مثل الخواطر والقصص القصيره والمقالات والاراء الشخصيه

تم عمل ايضا صفحه على الفيس لهذا الموقع

http://www.facebook.com/pages/%D8%A8%D8%AF%D8%A7%D9%8A%D9%87/293612020663449#!/pages/%D8%A8%D8%AF%D8%A7%D9%8A%D9%87/293612020663449?sk=wall)

(ياريت كلنا نعمل لايك على هذه الصفحه)  

ايضا سيتم مشاركه بعض الصحفين الزملاء فى هذا الموقع حيث يتميز اغلبهم بالنشاط والقدره على البحث عن المصادر  بشكل فعال

هذا هو لينك الموقع 

وهو عباره عن مدونه كما ذكرت وذلك تحسبا للتكاليف خاصه اننا فى بدايه الامر  ونريد ان نعرف مدى قدرتنا على اداره عذه الموقع ام لا  

http://beedaya.blogspot.com/) 

رجو عمل متابعه لهذه المدونه

من يريد نشر موضوع او خاطره باسمه على الموقع 

هناك طريقتان 

ان يرسل لينك الموضوع فى تعليقات مدونه الحياه

(http://sheref2010.blogspot.com/)

او فى ملف ورد على الميل التالى

sheref_a1@yahoo.com

او على

egypt.taxi@gmail.com

ثانيا  ارجو منكم عمل زر او وضع لينك الموقع فى مدونتكم الشخصيه

اخيرا ارجو نشر هذا البوست كما هو فى مدوناتكم الشخصيه

معا نبدا سويا وسنظل سويا معا

منقووووووووووووول من

مدونه الحياه

 منقوووووووووووووووووول عن 

مدونه شباب هلى طول  

التصويت من الخارج

2011-11-09T02:59:00.001+02:00

طبعا من البديهى اذا توفر لك فرصه ان تصوت فى الانتخابات وانت خارج مصر فوجب عليك عليك ان تصوت وتكون ايجابى

لكن بصراحه انا مش مع القانون اللى بيسمح للتصويت من الخارج طبعا هتسئل ليه هو مش من حقه مدام انه مصرى ان يصوت فى انتخابات بلده من اى مكان فى العالم معلش مش من حقه ليه هو مش مصرى

ماهو مش حكايه مصرى ولا امريكى ولا اسرائيلى ولا اى جنسيه

سؤال صغير ينفع انتخب واحد فى مجلس الشعب فى دايره فى مدينه الاسكندريه وانا فى القاهره او ينفع انتخب رئيس امريكا وانا فى مصر الطبيعى ان انزل المدينه واشوف مين مترشح وكلام كل واحد واكون عارف احتياج البلد ايه فى الفتره الراهنه عشان حتى اعرف اكشف الاعيب كل واحد

واحد يقولى ياعم الحج دا المعلومات اللى بره عننا اصح من اللى جوه اقوله دا كلام فارغ ما فيش كلام صح 100% عننا بيوصل للخارج او حتى فى الداخل وماينفعش واحد ينتخب حد عن طريق السمع من الناس او من الاخبار ماينفعش لازم ينزل المكان ويسمع الراجل بنفسه ويشوف الجو العام ايه مش مهم كتر اصوات وخلاص المهم ان كل صوت يكون دارس بوعى مين اصلح للبلد عشان يصوتله
طبعا فى ناس الظروف اجبرتها تكون خارج البلد وقت الانتخاب
ماشى يبقى الانتخاب من الخارج بحدود او بشرط ان اللى ينتخب يكون اقرب زياره له لمصر لاتتعدى سنه

عيد سعيد

2011-11-05T02:09:00.000+02:00

كل سنه وانتم طيبين يا جمل صحبه وعيد سعيد عليكم