අනාගත‍යටIT

HTTP හි නවතම සංස්කරණය වන HTTP/2, වඩා වේගවත් හා ආරක්ෂාකාරී අන්තර්ජාල භාවිතයකට

2015-10-06T15:10:00.002+05:30

HTTP/2 හඳුන්වා දීම HTTP ඉතිහාසයේ ප්‍රදාන පෙරළියක් ලෙස හැදින්විය හැක. HTTP – Hypertext Transfer Protocol යනු අන්තර්ජාලයේ පියා වන Sir Tim Berners-Lee විසින් හඳුන්වා දුන් වෙබ් නියමාවලි යයි. මෙමඟින් server එකෙහි ඇති website එක සහ user’s browser අතර connection හැසිරවීම සිදු කරයි.

HTTP/2 යනු Google විසින් හඳුන්වා දුන් Google’s SPDY තාක්ෂණය ප්‍රදාන කොට ගෙන නිර්මාණය වූ වක් වන අතර HTTP/1.1 ආකාරය ම වේ. Web address එකේ ආරම්භය “http://“ආකාරය ම වන අතර web browser එක මගින් HTTP/1.1 ද HTTP/2 ද යන්න හඳුනා ගනී. නමුත් User ට දැක ගත හැකි වන්නේ වේගයේ වෙනස පමණි.

HTTP/2 යනු ද්විමය අකාරයේ නියමාවලියකි (A binary protocol). HTTP/1.1 හි text protocol භාවිතා කෙරේ. නව ක්‍රමයේ වාසි වන්නේ වඩා කාර්යක්ෂම, වඩා සංක්ෂිප්ත, දෝෂ අවම වීමයි. HTTP/2 multiplexing ක්‍රමවේදය භාවිතා කර HTTP/1.1 හි පැවති HOL blocking දෝෂය ද ඉවත් කර ඇත.

HTTP/2, HTTP/1.1 හා සම්පූර්ණයෙන් ම එකිනෙක ගැළපෙන ලෙස සංවර්ධනය කර ඇති අතර HTTPS භාවිතයේ දී ද HTTP/1.1 හි භාවිතා වන සියලු ආරක්ෂණ ක්‍රම HTTP/2 හි ද භාවිතා වේ. වැඩි දියුණුවක් ලෙස TLS (Transport Layer Security) භාවිතා කෙරේ. එමගින් වඩාත් ආරක්ෂිත තත්වයක් HTTP/2 තුළින් ලබා දේ.

නවතම Google Chrome හා Mozilla Firefox යන web browsers HTTP/2 හි සියලු තාක්ෂණයන් සඳහා සහයෝගය දක්වයි. Twitter, Facebook, YouTube, Google දැනටම HTTP/2 ක්‍රමවේදය භාවිතා කරයි.

HTTP/2 FAQ

මෙන්න real-time Cyber Attacks, Norse මගින්

2014-12-25T13:36:00.000+05:30

අන්තර්ජාල භාවිතය වැඩිවත්ම සහ එය මගින් කළ හැකි දේ පුළුල් විමත් සමඟ මෙම සයිබර් ප්‍රහාර දිනෙන් දින වැඩිවීමක් දක්නට ලැබේ. විශේෂයෙන්ම දත්ත සොරාගැනීම, විනාශ කිරීම එමෙන්ම මෑත කාලයේ සිදුවූ හා ඇමරිකනු රජය පවා කැලඹූ Sony ප්‍රහාරය වැනි වෛරී චේතනාන්විතව සිදුකරන ප්‍රහාර තුළින් අද අන්තර්ජාලය සීතල යුද්ධයකට නැත්නම් “Digital cold war” එකකට පත් කර ඇත.

Norse යනු මෙවැනි Cyber Attacks වළක්වන සහ ඒ මගින් සිදුකරන හානි වැළැක්විමට කටයුතු කරන ප්‍රවීණ ආයතනයක් ලෙස දැක්විය හැක. දැන් ඔවුන් මෙම සයිබර් ප්‍රහාර පිළිබඳ තත්කාලීන (Real-Time) map එකක් සපයා දී තිබේ. එම ප්‍රහාර වල බරපතළ කම කෙසේ වෙතත් එක්තරා විදියක war game එකක වැනි දර්ශනයක් එහි දක්නට ඇත.

එක්තර විදියක missile ප්‍රහාර දියත් කිරීමක් වැනි මෙම cold war එක ඇමරිකාව, චීනය, රුසියාව, දකුණු කොරියාව වැනි බෙහෝ රටවල් අතර ඇති සටනක් ලෙස දැකිය හැක. කෙසේ වෙතත් Norse ආයතනයට අනුව තත්පරයකට 50,000 අධික ප්‍රහාර ගණනාවක් සිදුවේ. තවත් සංඛ්‍යා ලේඛණ බොහෝ ඔවුන් සතුව ඇත. ඒ තොරතුරු දැන ගැනීමට පහත ලින්කුව භාවිතා කරන්න.

http://map.ipviking.com/

තත්පර කිහිපයකට පසු

Source/Images: norse-corp.com, map.ipviking.com

Lenovo, Power Cable ආපසු ගෙනවා ගැනීමට නිවේදන.

2014-12-14T15:40:00.002+05:30

Lenovo ආයතනය තම සේවා දායකයන් ගෙන් මෙසේ Power Cable ආපසු ගෙන්වා ගැනීමට නිවේදනය කර ඇත්තේ ඒවායෙහි පැන නැගි ඇති දෝෂ කිහිපයක් නිසා ය.

මෙම නිවේදනය වලංගු වන්නේ 2011 පෙබරවාරි සිට 2012 ජූනි දක්වා විකුණන ලද Lenovo notebook සමඟ ලැබුන Power Cable සඳහා වන අතර ඒවා වර්ග 73 කින් ලොව පුරා පිරිස් මිළදී ගෙන ඇත.

කෙසේ වෙතත් මෙසේ ආපසු ගෙන්වාගන්නේ ප්‍රධාන විදුලි සැපයුමේ සිට AC adapter එක දක්වා එන කේබල් එක පමණක් බව Lenovo ආයතනය පවසයි.

“Only the AC Power Line Cord is being recalled. The Adapter that connects to the computer is not being recalled. Do not discard the adapter. Lenovo apologizes for the inconvenience caused by this issue. Shipment of quality products always has been and continue to be the foremost concern”

ඔබේ Lenovo notebook Power Cord එකෙත් අධික ලෙස රත්විම, ස්පාර්ක් වීම, උණුවීම වැනි ගැටලු පැනනැගී ඇත්නම් ඒවා භාවිතයෙන් ඉවත් කර නව රැහැනක් නොමිලේ ගෙන්වා ගැනීමට ඉල්ලුම් කරන්න. එම වයරවල වර්ගය ලෙස LS-15 රුපයේ පරිදී දැකගත හැකිවේ.

ඉල්ලුම් කිරීම සහ වැඩි විස්තර සදහා පහත යොමුව භාවිතා කරන්න.

http://support.lenovo.com/us/en/powercord2014

Source:lenovo

දැන් “HERE‍” Android වලටත්

2014-12-12T14:46:00.003+05:30

දැන් Nokia ආයතනය විසින් තම HERE ඇප් එක Android උපාංග වලට සහය දක්වන ලෙස වැඩි දියුණූ කර ඇත.

HERE යනු Google maps වලට දෙවනි නොවන map තාක්ෂණයකි. කෙසේ වෙතත් පෙර නොමිලයේ නොදුන් Voice guided navigation සහ mapping වැනි විශේෂාංග මෙසේ ලබාගත හැක. එමෙන්ම Google maps අභිබවන විශේෂාංග රැසකින් HERE සමන්විතවේ. ඒ අතර offline ලෙස භාවිතා කර හැකිවීම විශේෂ වේ.

තම ජංගම දුරකතන වෙළදපොළ Microsoft ආයතනයට පත්විමෙන් පසු Nokia උපාංග සඳහා පමණක් සීමා වු ඇප් Android සහ iOS සඳහා ද සහය දක්වන ලෙස දියුණු කිරීමට කටයුතු කර ඇති අතර Android සදහා වු HERE ඇප් එක Beta සංස්කරනයක් ලෙස දැන් Google Play තුළින් ලබාගත හැක. ඒ සඳහා පහත යොමුව භාවිතා කරන්න.

HERE for Android

කෙසේ වෙතත් iOS සඳහා සහය දක්වන HERE ඇප් එක 2015 ට පෙර නිකුත් වේ යැයි සිතුය නොහැක.

Source: HERE

Sony ආයතනයෙන් කප්පම් ඉල්ලීම.

2014-12-09T13:54:00.002+05:30

පසුගියදා Sony Pictures Entertainment ආයතනයට සිදුවු සයිබර් ප්‍රහාරයට තෙදිනකට පෙර ඔවුන් එසේ සිදුකරන බවට email මගින් අනතුරු අඟවා තිබි ඇති බවට අනාවරණය කරගෙන තිබේ.

මෙම email පණිවිඩය Sony ආයතනයේ CEO Michael Lynton, Chairman Amy Pascal සහ අනෙකුත් විධායනයන් වෙත යවා ඇත්තේ Nov 21 වන දිනයි.

කෙසේ වෙතත් මෙම පණිවිඩය බොහෝ වැරදි සහිතව ඉංග්‍රීසි භාෂාවෙන්(broken English) ලියා ඇති අතර මූළ්‍යමය කප්පමක් ඉල්ලා තිබුණී. එය නොගෙවන්නේ නම් Sony Pictures ආයතනය විනාශ කර දමන බවට අනතුරු ද අගවා තිබේ. එහෙත් කොපමණ මුදලක් ගෙවිය යුතු ද යන්න එහි සදහන් කර නොමැත. ලිපිය අවසන් කර ඇත්තේ “GOD’sApstls” ලෙසින් ය. ඉකුත් Nov 24 වන දින Sony ආයතනයේ දත්ත සොරා ගැනිමට සහ ආරක්ෂාවන් බිද දැමීමට භාවිතා කරන ලද malware වැඩසටහන ද එනමින් ම හදුනාගෙන ඇත.

මෙම email පණිවිඩය එවා ඇත්තේ එහි සේවකයන්ට තර්ජනය කර ලද ආකාරයේම තාවකාලික Gmail ලිපිනයක් භාවිතා කරමිනි.

පහත දැක්වෙන්නේ Amy Pascal ට ලද email පණිවිඩය යි. කෙසේ වෙතත් ඇය එය කියවා නොතිබුණ බවට සඳහන් වේ.

"We’ve got great damage by Sony Pictures.

The compensation for it, monetary compensation we want.

Pay the damage, or Sony Pictures will be bombarded as a whole.

You know us very well. We never wait long.

You’d better behave wisely.

From God’sApstls"

Guardians of Peace ලෙසින් හදුන්වාගන්නා මොවුන්, Nov 24 වන දින ප්‍රහාරයෙන් පසුව එහි සමහර සේවක පරිගනක වල දක්නට ලැබූ බිය උපදවන සුළු පණීවුඩයේ සඳහන් ව තිබූ “We’ve already warned you, and this is just the beginning” යන්නෙන් අදහස් වන්නේ මෙම email පණිවිඩය ගැන බව සැක මතුවී තිබේ.

Source: mashable

දිගින් දිගටම සයිබර් ප්‍රහාරයන්ට ලක්වන Sony Pictures Entertainment

2014-12-07T10:08:00.000+05:30

Sony Pictures නැවත වරක් ප්‍රරහාරයකට ලක් කර තිබේ, ඒ Sony ආයතනයේ සේවකයන්ට email මඟින් තර්ජනය කරමිනි.

මෙම ප්‍රහාරයන්ට සම්පූර්ණ වගකීම බාරගෙන ඇත්තේ #GOP නැතිනම් Guardians of Peace ලෙසින් හදුන්වාගන්නා කණ්ඩායමයි. Sony Pictures මුල්ම වරට ප්‍රහාරයට ලක් වූයේ ඉකුත් 24 (2014.Nov.24) වන දිනයි.

ඒ දැනට නිකුත් කර නොතිබූ Fury, Mr. Tuner, Still Alice සහ Annie වැනි චිත්‍රපට file sharing websites හරහා අන්තරජාලයට නිකුත් කිරීම, Sony ආයතනයේ අභ්‍යන්තර ගොනු, සේවකයන්ගේ වැටුප් හා සමාජ ජාල මුරපද වැනි ආරක්ෂිත තෙරතුරු පවා අන්තරජාලයට නිකුත් කිරීම මගින් හා Sony Pictures Entertainment ආයතනය මුලුමනින්ම ඉවත් කර දමනු ලබන බවට අනතුරු අගවමිනි.

Sony ආයතනයේ සේවකයන්ට ලැබී ඇති email පණිවිඩ වල සදහන් ව ඇත්තේ එක් ඉල්ලිමක් ඉටු කරන ලෙස බල කරමින් සහ එසේ නෙකරන්නේ නම් එම සේවකයන්ට පමණක් නොව ඔවුන්ගේ පවුල් වල අයට පවා අනතුරක් විය බවට තර්ජනය කරමිනි.

“Please sign your name to object the false (sic) of the company at the email address below if you don’t want to suffer damage. If you don’t, not only you but your family in danger”

කෙසේ වෙතත් මෙම ප්‍රහාර හා තර්ජන සම්බන්ධයෙන් Sony ආයතනය නීතියෙන් ක්‍රියාත්මක වන අතර FBI විසින් විමර්ශනයන් ක්‍රියාවට නංවා ඇත. එමෙන් ම FireEye නැමති Cyber Security සංවිධානයේ සහය ලබාගැනීමට Sony ආයතනය කටයුතු කර ඇත.

FBI ආයතනය මඟින් ඉකුත් සිකුරාදා මේ සම්බන්ධයෙන් නිකුත් කළ ප්‍රකාශය පහත සඳහන් වේ:

“The FBI is aware of threating emails that have been received by some employees at Sony Pictures Entertainment. We continue to investigate this matter in order to identify the person or group responsible for the recent attack on the Sony Pictures network. Recent event underscore the persistence and maliciousness of harmful cyber criminals, and the FBI will continue to identify apprehend those who pose a threat in cyberspace”

“Guardians of Peace” සම්පූර්ණ email ලිපිය:

I am the head of GOP who made you worry.

Removing Sony Pictures on earth is a very tiny work for our group which is a worldwide organization. And what we have done so far is only a small part of our further plan. It’s your false if you think this crisis will be over after some time. All hope will leave you and Sony Pictures will collapse. This situation is only due to Sony Pictures. Sony Pictures is responsible for whatever the result is. Sony Pictures clings to what is good to nobody from the beginning. It’s silly to expect in Sony Pictures to take off us. Sony Pictures makes only useless efforts. One beside you can be our member.

Many things beyond imagination will happen at many places of the world. Our agents find themselves act in necessary places. Please sign your name to object the false of the company at the email address below if you don’t want to suffer damage. If you don’t, not only you but your family will be in danger.

Nobody can prevent us, but the only way is to follow our demand. If you want to prevent us, make your company behave wisely.

කෙසේවෙතත් මොවුන් උතුරු කොරියාවට සම්බන්ධ යැයි චෝදනා ලැබුවත්, උතුරු කොරියාව විසින් එය තරයේ ප්‍රතික්ෂේප කර ඇත.

Source: Variety

වැඩි දියුණු වී එන Bluetooth 4.2

2014-12-06T20:43:00.001+05:30

The Bluetooth Special Interest Group (SIG) නිල වශයෙන් නිවේදනය කර ඇති පරිදී Bluetooth 4.2 පෙරට වඩා වැඩි වේගයක් සහ දියුණු පෞද්ගලික ආරක්ෂණ ක්‍රමවේදයක් සහිතව මෙන්ම අන්තර්ජාල නියමාවලි හරහා උපාංග සම්බන්ධ කර ගැනීමේ හැකියාවන් සමඟින් කරලියට පැමිණේ.

මෙම නව තාක්ෂණය මගින් නිවාස ස්වයංක්‍රිය කරන‍ය වඩාත් පහසු හා අඩු මිල ක්‍රමයක් වීම වඩාත් ආකර්ෂණයට ලක්වී තිබේ. ස්වයංක්‍රිය විදුලි බුබුලු, ස්වයංක්‍රිය උෂ්ණ පාලක, ස්වයංක්‍රිය දොරවල් වැනි තාක්ෂණයන් පෙර භාවිතයේ දී Wi-Fi සම්බන්ධතාවන් සහිත උපාංග හෝ Bluetooth hub භාවිතා කල යුතු වුවත් දැන් ඊටත් වඩා පහසුවෙන්, ඔබේ ජංගම දුරකතනයෙන් කාර්යාලයේ සිට ම හෝ මෙම ස්වයංක්‍රිය තාක්ෂණයන් හා සම්බන්ධ විමට හැකිවීම ආකර්ෂණිය ය.

වේගය:

නව Bluetooth 4.2 සමඟින් වැඩි වේගයක් සහ දත්ත සන්නිවේදනවේ වැඩි විශ්වාසයක් රැදී තිබේ. මෙහිදී Bluetooth ස්මාට් දත්ත පැකට්ටුවක ධාරිතාවය විශාල කර එමගින් සාමාන්‍ය දත්ත සන්නිවේදන වේගය 2.5 ගුණයක් දක්වා වැඩිකර ඇත. දත්ත පැකට්ටුවක ධාරිතාවය විශාල කිරීම හා දත්ත සන්නිවේදන වේගය වැඩි කිරීම තුළින් දත්ත සන්නිවේදනයේ දී ඇති වන දෝෂ සහ උපාංගයේ බැටරි පාරිභෝජනය අවම කරගනිමින් වඩා සාර්ථක සම්බන්ධතාවයක් ලබාදීමට Bluetooth 4.2 මගින් හැක.

අන්තර්ජාල සම්බන්ධතාවය සහ ආරක්ෂණය:

Internet Protocol Support Profile (IPSP) හරහා IPv6/6LoWPAN පහසුකම් සහිත Bluetooth ස්මාට් සංවේදන උපාංග හා සම්බන්ධ විමට හැක. මෙම profile එක වසර අවසානයේ සහතික කිරිමට නියමිතයව ඇත.

Bluetooth 4.2 හි ඇති පෞද්ගලික ආරක්ෂණ ක්‍රමවේදය අඩු බැටරි පරිභෝජනයක් කෙරෙන ලෙස නිර්මාණය වූවක් සහ Bluetooth සඳහා වු සම්මත ආරක්ෂණ නිති අනුකුලව නිර්මාණය වි තිබේ. මෙහි ඇති ආරක්ෂණ ක්‍රමවේදයක් ලෙස පරිශීලක අවසරයකින් තොරව කිසිවිටක් උපාංග හා සම්බන්ධ විම කළ නොහැක.

*** මෙම තාක්ෂණය ලබා ගැනිම සදහා මෘදුකාංග හා ස්ථිරාංග යාවත් කාලීන විය යුතු අතර සමහර විශේෂාංග සඳහා තවමත් දෘඩාංග නිෂ්පාදකයන් ස්ථිරාංග හෝ දෘඩාංග නිෂ්පාදනය කර නොමැත.

වැඩි දුරටත් Bluetooth සඳහා වු තාක්ෂණික තොරතුරු සඳහා පහත ලින්කුව භාවිතා කරන්න

https://www.bluetooth.org/en-us/specification/adopted-specifications

Source: bluetooth.org , arstechnica.com

Google, child-friendly මුහුණුවරකින් පැමිණීමට සැරසෙයි.

2014-12-04T21:31:00.000+05:30

කවදත් නැවුම් බවකින් එන Google ආයතනය නව අවුරුද්දෙ දී එනම් 2015 දී තම ක්‍රියා පිළිවෙතේ විශේෂ වෙනසක් කිරීමට සැරසෙයි. එනම් Google සේවාවන් අතරින් වැඩි ආකර්ෂණය ලත් Chrome සහ YouTube සේවාවන් කුඩා ළමුන් සඳහා වඩාත් උචිත හා ආකර්ෂණීය සේවාවන් ලෙස නව මුහුණුවරක් ඔස්සේ ලබාදීමට කටයුතු කිරීම මගිනි.

මෙම child-friendly මුහුණුවර පිළීබද Google ආයතන‍යෙන් පැතිරෙන කටකතා වල ඉහළින්ම කතා වුවත් මෙහි සත්‍යතාවය පෙන්වමින් Google ආයතන‍යේ ඉංජිනේරු අංශයේ උප-සභාපතිනිය වන පව්නි දිවාංජි (Pavni Diwanji) විසින් USA Today සමගින් පවත්වන ලද සම්මුඛ සාකච්ඡාවක දී හෙලි කර ඇත්තේ මෙම සැලසුම අවුරුදු 12 දක්වා වයස් වල ළමුන් ඉලක්ක කොට නිර්මාණය වන්නක් බවයි.

එම සම්මුඛ සාකච්ඡාව සඳහා Interview with USA Today භාවිතා කරන්න

නමුත් මෙම නව මුහුණුවරේ වැඩි තොරතුරක් හෝ නිකුත් කරන දිනයක් තවමත් නිවැරදිව සදහන් කර නොමැත. එහෙත් එය වැඩි කලක් නොයා නිකුත්වේ යැයි යන්න පසක් විමට ඇය මෙසේ සාකච්ඡාවේ දී ප්‍රකාශ කර ඇත.

“The big motivator inside the company is everyone is having kids, so there’s a push to change our products to be fun and safe for children”

එමෙන්ම “Thomas the Tank Engine” පිළිබද තොරතුරු ලබාගැනීම අරමුණින් “trains” යන්න Google හි search කල විට කාලසටහන් හෝ ප්‍රවේශ පත්‍ර පිළිබඳ තොරතුරු හෝ වෙනුවට ළමයෙකුට අවශ්‍ය නිවැරදි තොරතුරු ලබාදීමට මෙම නව ක්‍රමයෙන් හැකියව ලැබෙන බව ඇගේ විශ්වාසය යි.

එසේම Google ආයතනය විසින් මෙම යෝධ පියවර තැබුවොත් තවදුරටත් දෙමාපියන්ට තම දරුවන්ගේ අන්තර්ජාල භාවිතය පිළීබද කිසිවටකත් බියවිය යුතු නැත, මන්ද Google ආයතනය ඔවුන්ට ආරක්ෂාකාරී සහ ළමා මනසට ගැලපෙන තොරතුරු පමණක් ලබාදීමට වගකියන බැවිනි.

Source: USA Today, BBC News

ඔබ windows Gadgets භාවිතා කරන්නෙක් ද? එසේ නම් ප්‍රවේසම් වන්න...

2014-12-02T23:07:00.001+05:30

ඔබ අප කවුරුත් දන්නා මෙම gadgets ඉතා ප්‍රයෝජනවත් කුඩා ක්‍රමලේඛ නැතිනම් කුඩා වැඩසටහන් ලෙස හැදින්විය හැකිය. මේවා පරිශිලකයින් නිතර භාවිතා කරන උපාංග හෝ පද්ධතියේ අවශ්‍ය තොරතුරු ඉක්මණින් පහසුවෙන් ලබාගැනීමට හැකි කදිම වැඩසටහන් කිහිපයක් ලෙස දැක්විය හැකියි.

නමුත් අවාසනාවකට මෙම වැඩසටහන් තුළින් ඔබගේ දත්ත වල ආරක්ෂාව දැඩිලෙස අනතුරකට භාජනය කරන බව ඔබ දන්නවා ද???.

මෙම gadgets තුලින් malware සහ ඔබගේ දත්ත අයුතු ලෙස ප්‍රයෝජනයට ගන්නා පුත්ගලයන් සදහා වුව ද ඉතා පහසුවෙන් ඇතුල් වි පරිගනකයේ සම්පූර්ණ පාලනය ලබාගත හැකිවීම මෙයට ප්‍රධාන හේතුව ලෙස දැක්විය හැකියි. මේ හේතුව නිසා Windows ආයතනය විසින් gadgets සඳහා ලබාදෙන සහය දැනටමත් සම්පූර්ණයෙන් ඉවත් කර ඇති අතර Windows Vista, Windows 7 භාවිතා කරන පාරිභෝගිකයන්ගෙන් මෙම කුඩා වැඩසටහන් හැකි ඉක්මණින් අක්‍රීය කරන ලෙස නිර්දේශ දී කර ඇත.

Windows ආයතනය විසින් මෙම දෝෂ සහිත වැඩසටහන් අක්‍රීය කිරීමට ක්‍රමවේද 3ක් හදුන්වා දී ඇත.

Microsoft automated Fix it මගින්
System Registry භාවිතයෙන්
Group Policy භාවිතයෙන්

***මෙම වෙනස් කිරීම් සිදුකිරීම සඳහා Administrator හි වරප්‍රසද පවතින user කෙනෙකු විය යුතුය.

පළමු ක්‍රමය :

මෙමගින් Microsoft ආයතනය විසින් සකසන ලද කුඩා වැඩසටහනක් මගින් ස්වයංක්‍රීයව අවශ්‍ය සැකසීම් සිදුකර ගත හැකිය ඒ සදහා පහත ලින්කුව භාවිතා කරන්න.

Microsoft Knowledge Base Article 2719662

දෙවන ක්‍රමය :

*** කිසිවිටකත් Registry භාවිතය පිළිබද නොදැනුවත්ව මෙම ක්‍රමය භාවිතයෙන් වලකින්න.

*** Registry backup කිරිම සිදුකරන්න.

Start > Run හි regedit ලෙස type කර ok කරන්න.
File > Export මගින් backup file එකක් සැකසිය හැක (system restore point එකක් සැකසීමත් යෝග්‍ය වේ.).
HKEY_LOCAL_MACHINE > SOFTWARE > Microsoft > CurrentVersion > Policies
Policies මත right click කර New > Key හි Windows ලෙස file name එක සකසන්න.
Windows මත right click කර New > Key හි Sidebar ලෙස file name එක සකසන්න.
Sidebar මත right click කර New > DWORD (32-bit) Value හි TurnOffSidear ලෙස name එක සකසන්න.
TurnOffSidear මත right click කර Value data හි අගය 1 ලෙස සකසන්න.

සියලු වෙනස්කම් අවසානයේ පරිගනකය restart කිරීම හෝ log off කිරීම හෝ “sidebar.exe“ image එක process menu එකෙන් ඉවත් කිරීම සිදුකරන්න.

තෙවන ක්‍රමය :

Start > Run හි gpedit.msc ලෙස type කර ok කරන්න.
Computer configuration > Administrative Templates > Windows Components > Windows Sidebar.
Turn Off Windows sidebar සැකසුම් Enabled කරන්න.
Turn Off Windows sidebar මත right click කර Properties හි Enabled ලබා දෙන්න.

Source: technet.microsoft.com

PC එකෙන් ආචාරකරවා ගැනීම!!!

2014-11-29T23:55:00.001+05:30

පරිගනකය on කරපු ගමන් ඔබට එයින් ආචාරයක් ලැබුනොත්, පොඩි සතුටක් දැනේවි නේද? එසේ නම් ඒ සඳහා Windows මෙහෙයුම් පද්ධතිය මගින් ම ක්‍රමයක් සකසා ගත හැක. මේ සඳහා VBScript ක්‍රමලේඛණ භාෂාව භාවිතා කළ හැක. VBScript යනු Windows මෙහෙයුම් පද්ධති තුල ස්ථාපනය කර ඇති script භාෂාවකි. මෙය Windows 98 සිට සැම Windows මෙහෙයුම් පද්ධතියක් තුළම දක්නට ඇති අතර Visual Basic නියමු කරගත් Active Scripting language එකක් ලෙස හැදින්විය හැක.

පළමුව ඔබ කළ යුත්තේ පහත පරිදී ක්‍රමලේඛණය සකසා ගැනීමයි
මේ සදහා මා විසින් Programmer’s Notepad භාවිතා කර ඇති නමුත් Windows හි ඇති Notepad text editor එක ප්‍රමාණවත් ය. ඒ සඳහා,
Start > All Programs > Accessories > Notepad භාවිතා කරන්න.

***Dim මඟින් ආරම්භ වන අතර Capital, simple ඒ ඒ ආකාරයෙන් භාවිතා කළ යුතුවේ.

මෙහි "Welcome buddy" ලෙස ඇති කොටස පරිගනකය මගින් කියවනු ඇසිය හැක මෙය තමාට කැමති පරිදී වෙනස් කරගත හැක. මෙහි speaks, speech යනු variable දෙකකි.

ඉහත පරිදී ක්‍රමලේඛණය කර ගැනීමෙන් පසු එය welcome.vbs ලෙස හෝ තමාට කැමති පරිදී නමක් ලබාදී .vbs දිගුව යටතේ save කරන්න.

ඉන් පසු මෙම ගොනුව startup folder එකට copy කරගත යුතුවේ. ඒ සඳහා,

C:\Documents and Settings\All Users\Start Menu\Programs\Startup (Windows XP වලට)

C:\Users\username\AppData\Roaming\Microsoft\Windows\Start Menu\Programs\Startup (Windows Vista, Windows 7 and Windows 8 නම්)

*** AppData hidden වී තිබේ නම් folder option මගින් එය සකසා ගත හැක.

නැතහොත් Start > All Programs > Startup folder එක මත right click කර open මගින් පහසුවෙන් Startup folder එක තුලට ගමන් කළ හැක.

මේ සියල්ලෙන් පසු පරිගනකය නැවත ක්‍රියාත්මක කරවා බලන්න ඔබේ පරිගනකය ඔබට ආචාර කරාවි.

*** Error පණිවිඩයක් ලැබේ නම් ඔබේ ක්‍රමලේඛණයේ දෝශයක් ඇත. නිවැරදි කරගැනීමෙන් අවශ්‍ය ප්‍රතිඵල ලබාගත හැක.

Google වෙතින් තවත් ආරක්ෂක පියවරක් !

2014-11-27T23:12:00.003+05:30

Google ආයතනය විසින් තම සේවා දායකයන්ගේ දත්ත ආරක්ෂාව සඳහා තවත් ආරක්ෂක පියවරක් ගෙන ඇත. ඒ තම Google account එකට සම්බන්ධ වී ඇති උපාංග දැනගැනීමට හැකියාව ලබාදෙමිනි.

මෙම link මඟින් මේ මොහොතේ ක්‍රියාත්මක වන සහ පසුගිය දින 28 තුල ක්‍රියාත්මක වුණු උපාංග දැක ගත හැකි වේ. මෙහි විශේෂය වන්නේ ක්‍රියාත්මක වුණු ස්ථානය සහ වේලාව ද දැන ගත හැකිවීමයි.

එමෙන්ම සැක සහිත ක්‍රියාත්මක විමක් ඔබට දැකගත හැකිවේ නම් Secure your account මගින් මුරපද මාරු කිරීමට සහ 2-step verification සැකසුම් සකස් කිරීමට ද හැක.

මූලාශ්‍රය http://mashable.com

පරිගනකයක දී ඔබේ දත්ත ආරක්ෂාකර ගැනීමට නම්...

2012-12-31T23:51:00.002+05:30

වර්තමානයේ බොහෝ දෙනාට ගැටළුවක් වී ඇත්තේ තම වටිනා දත්ත අන්අයගෙන් ආරක්ෂාකර ගැනීමයි. නමුත් මෙයට පිළියමක් ලෙස ඉතා ජනප්‍රිය ක්‍රමයක් වන ගොනු සැගවීමේ (File Encryption ක්‍රමය භාවිතා කළ හැක. ඒ සඳහා ඔබට අවශ්‍ය නම් මෘදුකාංගක් භාවිතා කර හෝ නොමැතිව මුරපද යොදා ගනිමින් තම ගොනු සැගවීම කළ හැකිය.

අවාසනාවකට සමහර මෘදුකාංග තුළින් ඉතා පහසුවෙන් සැගවූ දත්ත ලබාගනීමට පුළුවන. නමුත්‍ ගොනු ගුප්ත කේතන තාක්ෂණ ක්‍රමය භාවිතා කරමින් ආරක්ෂා කළ දත්ත කිසිවිටෙකත් අනාරක්ෂිත නොවේ.
මෙම ක්‍රමයේ දී සිදුවන්නේ දත්ත සැගවිය යුත්තා විසින් ලබාදෙන මුරපදය භාවිතා කරමින් තනාගන්නා කේත ක්‍රමක් ඔස්සේ ගොනු ආරක්ෂා කිරීම, විශ්වාසනීය ආරක්ෂාවක් වනුයේ කිසිමවිටක මුරපද යොදා නොමැතිව දත්ත කරා ළඟාවීමට නොහැකි වීමයි. දත්ත කරා ළඟාවීමට නම් ලබාදුන් මුරපය නිවැරදීව ඇතුලත් කිරිම පමණි.

ඒ අනුව ඔබේ වටිනා දත්ත අන්අයගෙන් ආරක්ෂාකර ගැනීමට සාර්ථකම ක්‍රමය වනුයේ ගොනු ගුප්ත කේතන තාක්ෂණ ක්‍රමය සහිත මෘදුකාංග භාවිතා කිරීමයි.

පරිගණක ක්ෂේත්‍රයේ බලවතාගේ වෙනස් වූ මුහුණ

2012-10-07T19:44:00.000+05:30

එදා මෙදා තුල ඉතා විශාල නිර්මාණ සිදුකමින් කටයුතු කරන Microsoft සමාගම තම නිළ හැදුනුම් සංකේතය වෙනස් කර ඇති බව Microsoft ආරංවි මාර්ග පෙන්වාදෙයි.. මෙම වෙනසට වී ඇත්තේ එළිදැක්වීමට නියමිත නිර්මාණ වල ‍ඇති සුවිශේෂී බව නිසාය.

Windows 8, Office 2013 වැනි නිර්මාණ වල දක්නට ඇති සැලසුම් ශිල්පය අනුව ආරම්භ වන නව ආකාරයේ පෙරළියකට සූදානම් වීමක් ලෙස Microsoft Logo වෙනස් කිරීම පෙන්වාදිය හැක.

මෙම අලුත් මෝස්තරය සියලුම Microsoft නිෂ්පාදන වලට පොදුවේ නව ආකාර ගන්නා බව Microsoft සමාගම පවසයි..

Google Drive සේවාව

2012-07-12T17:47:00.000+05:30

Google Drive යනු නව පන්නයේ දත්ත හා තොරතුරු ගබඩා කර තබා ගත හැකි Cloud ආකාරයේ වෙබ් සේවාවකි.මෙහිදි තොරතුරු ගබඩා කල හැකි මෙන්ම Sync නැතිනම් වෙනත් සේවාවන් සමඟ ද සම්බන්ධ කොට ගැනීම ද කල හැකි වීම විශේෂත්වයකි.

මෙහිදී අප හට 5 GB ධාරිතාවක් මුදල් නොගෙවා ලබාගත හැකි අතර අමතර 25 GB ධාරිතාවක් සඳහා මසකට $2.49 ක් වශයෙන් ගෙවිය යුතුවේ.

Google Drive සේවාව ලබාගැනීම සඳහා drive.google.com වෙත යාමට සිදුවේ. එහිදී තම Google Account එක භාවිතා කරමින් Sign in විමෙන් පසු ලැබෙන (Download Drive for PC) යන්න මඟින් ඩ්‍රයිව් වැඩසටහන බාගත කරගැනීමට සිදුවේ.

ස්ථාපනයෙන් පසු ලැබෙන වින්ඩෝව භාවිතා කරමින් Google Drive වෙත පිවිස එම සේවාව රිසිසේ ලබාගැනීමට හැකිවනු ඇත.

Google Drive සේවාව මඟින් ඇති විශේෂතා

Online හෝ Offline දත්ත හුවමාරුව.
විවිධ ගොනු මාදිලි 30 කට අධික සංඛ්‍යාවක් විවෘත කළ හැකිවීම.
වැඩි ආරක්ෂාව.
උසස් තාක්ෂණීක භාවිතය.

නොමිලේ ලෙඩ සුවකර ගැනීම

2012-06-04T13:22:00.001+05:30

බොහෝ විට පරිගණකයක් වෛරස් ආසාදන වලට ලක්වීමට ඉඩකඩ ඇත. එම වැඩසටහන් වලින් පරිගණකය ආරක්ෂාකර ගැනීමට ඇන්ටිවයිරස් මෘදුකාංගයක් පරිගණකයේ ස්ථාපිතව තිබිය යුතුමය. මෙම ඇන්ටිවයිරස් මෘදුකාංගයක් අතර නොමිලේ ලබාදෙන සංස්කරණ ද තිබේ. එම සංස්කරණ මගින් සාමාන්‍ය කටයුතු වල යෙදෙන පරිගණක වල ස්ථාපනයට සෑහේ.

මෙසේ නොමිලේ ලබාදෙන ඇන්ටිවයිරස් මෘදුකාංග අතරින් ප්‍රධාන පෙළේ මෘදුකාංග කිහිපයක් දක්නයට ලැබෙන අතර ඒවා තුළ ඇති විශේෂත්වය වන්නේ පරිගණකයට ‍වෛරස ඇතුල්වීමට නොදී Real-Time Protection වැනි විශ්වාසනීය ආරක්ෂාවක් ලබාදීමයි.

මේ අතරින්,

Microsoft Security Essentials

Microsoft සමාගම තම මෙහෙයුම් පද්ධතිය සඳහා ම සකස් කර ඇති එමෙන්ම Windows මෙහෙයුම් පද්ධතියට වඩාත් හොඳ ආරක්ෂාවක් ලබාදිය හැකි නොමිලේ ලබාදෙන ඇන්ටිවයිරස් මෘදුකාංගයක් ලෙස හැදින්විය හැක.

Avast Free Antivirus

ලෝකයේ බොහෝ දෙනෙක් බාගත කර‍ගෙන ඇති නොමිලේ ලබාදෙන ඇන්ටිවයිරස් මෘදුකාංගයක් ලෙස හැදින්විය හැකිය. ස්ථාපනයෙන් මන්දගාමී නොවීම මෙම‍ මෘදුකාංගයේ විශේෂත්වයකි.

AVG Antivirus

මැල්වෙයාස් පරිගණකයේ ස්ථාපිත නොවීමට ඉඩ ලබාදෙන නොදෙන වඩාත් හොඳ මෘදුකාංගයකි.

Panda Cloud

‍ මුළුමනින්ම ස්වයංක්‍රීව ක්‍රියාත්මක වන මෙම මෘදුකාංගය Cloud ක්‍රමයට ක්‍රියාත්මකවේ

Avira Free Antivirus

E Mail Scanning වැනි විශේෂ තාක්ෂණයන් ඔස්සේ පරිගණකට හොඳ ආරක්ෂාවක් ලබාදෙයි.

මෙවැනි මෘදුකාංග ඔස්සේ හෝ පරිගණකට හොඳ ආරක්ෂාවක් ලබාදීම තුළින් අපගේ දත්තයන් ආරක්ෂා කර ගැනීමට හැකි වේවි.෴

Quick Response Code-ක්ෂණික ප්‍රතිචාර කේතය

2012-05-02T17:17:00.003+05:30

QR Code නම ඇසූ පමණින් බොහෝ දෙනා කේත සටහනකි. බොහෝ විට වෙළෙඳ භාණ්ඩ වල දැකිය හැක Bar code එකට සමාන තාක්ෂණයක් ලෙස හැදින්විය හැකි වුවත් මෙම QR Code තාක්ෂණය ඊට වඩා බල සම්පන්න බව ප්‍රකාශ කල හැකි ය.

QR Code කියවිම සඳහා QR Code Reader මෘදුකාංගයක් අවශ්‍ය වේ. එය Tablet, PC, Smart Phone, තුළ භාවිතා කළ හැක. කියවිම සඳහා කළ යුත්තේ ඔබේ කැමරාව එය වෙත යොමු කිරීමයි.

මෙම QR Code තුළ විශාල දත්ත ප්‍රමාණයක් තැම්පත් කල හැකි ය. ඒ 2cm*2cm වැනි කුඩා ඉඩ ප්‍රමාණයක් තුළ වීම විශේෂය. මෙහි 4296 ක අකුරු තැම්පත් කළ හැකි මෙන්ම 7089 ක ඉලක්කම් දැමිය හැකිවේ. එම නිසා බොහෝ ‍තොරතුරැ අන්තර්ගත හැකිවේ.

QR Code එකක් තනා ගැනීම සඳහා
http://www.i-nigma.com/CreateBarcodes.html

Singlish වලින් සිංහල -2

2012-04-27T18:12:00.003+05:30

සිංහල අකුරු ලිවීම තවත් පහසු කරවන අංගයක් වශයෙන් මෙම යුනිකෝඩ් එසැණින් පරිවර්තකය හැදින්විය හැකිය. කොළඹ විශ්වවිද්‍යාලයේ පරිගණක විද්‍යාංශය විසින් සිංහල අකුරු ලිවීමේ කාර්යය පහසු කිරීම සඳහා මෙම යුනිකෝඩ් පරිවර්තකය නිර්මණය කර තිබේ.

මෙම පරිවර්තකය ඉතාමත් පහසුවෙන් භාවිතා කිරීමට හැකියාව ලැබේ. මෙහිදී සිදුවන්නේ Transliterated Box එක තුළ සිංග්ලිෂ් අකාරයට සාමාන්‍යය සිංහල වචන උච්චාරණය ඉංග්‍රිසියෙන් ලිවීම මගින් ඊට පහතින් ඇති Unicode box එකේ ස්වයංක්‍රීයව එයට ගැලපෙන නිවැරදි සිංහල වචනය සිංහල අකුරින් ලියවීමයි. එය copy , paste කර අවශ්‍යය තැනකට ලබාගත හැක.

මෙහි අක්ෂර පරිවර්තන සටහන පහත දැක්වේ.

මෙම පරිවර්තක‍යේ තවත් වාසියක් වන්නේ මෙම වෙබ් පිටුව HTML file එකක් ලෙස save කරගැනීමෙන් පසුව අන්තර්ජාල සම්බන්ධතාවය නොමැති විටක වුවද මෙම යුනිකෝඩ් පරිවර්තකය පහසුවෙන් භාවිතයට ගත හැකි වීමයි.

යුනිකෝඩ් පරිවර්තකයට

http://www.ucsc.cmb.ac.lk/ltrl/services/feconverter/t1.html

2012 වසරේ ආරක්‍ෂාකයෝ

2012-04-14T09:40:00.001+05:30

පරිගණකය තුළ ක්‍රියාත්මක වන හානිකර වැඩසටහන්, නැතිනම් පරිගණක වෛරස පරිගණක තාක්‍ෂණය භාවිතයට ගන්නා අයට දැඩි ලෙස බාධාවක් වී ඇත.

මෙසේ වෛරස වැළැක්වීමට ‍යොදාගන්නා ප්‍රතිවෛරස මෘදුකාංග අතරින් එහි තත්තවය පිළිබඳ වැඩිම ලකුණු ගැනීමට මෘදුකාංග කිහිපයකට හැකියාව ලැබී ඇත. මේ පරීක්ෂණට යොදාගන්නා ලඳ ප්‍රතිවෛරස මෘදුකාංග‍යේ වැඩසටහන් හා වෙබ් අඩවි වල හානිකර තත්තවයන් හදුනාගැනීමේ හැකියාව, කාර්යක්‍ෂමතාවය හා විශ්වාසනීයත්වය පිළිබඳ සැලකිළිමත් වී ඇත.

මේ අතරින්,

#1. Bitdefender Internet Security 2012

#2. AVG Anti-Virus FREE 2012

#3. ESET Smart Security 5

#4. F-Secure Internet Security 2012

#5. Kaspersky Internet Security 2012

යන ප්‍රතිවෛරස මෘදුකාංග තම හැකියාව අනුව ඉදිරියෙන් බව පරීක්ෂණයේ දී හෙලිවී ඇත.

පරිගණකය හානිකර වැඩසටහන් වලින් ආරක්‍ෂා කර ගැනීමට නම් ඉතා හොද තත්තවයේ ප්‍රතිවෛරස මෘදුකාංගයක් ස්ථාපිත කර ගැනීම සුදුසුවේ. ඉහතින් සදහන්ව ඇති ප්‍රතිවෛරස මෘදුකාංගයක් භාවිතය මඟින් හොද තත්තවයේ ආරක්‍ෂාවක් ලබාගත හැකි වේ.

2012-04-14T08:36:00.000+05:30

ඔබ සැමට සුබ සිංහල දෙමළ සුබ නව වසරක් වේවා...!!!

෴ anagathayatait.blogspot.com ෴

Singlish වලින් සිංහල

2012-04-10T11:50:00.001+05:30

නිරන්තරයෙන් නවතම තාක්ෂණයන් හදුන්වාදෙන Google සමාගම විසින් හදුන්වාදී ඇති ට්‍රාන්ස්ලිටරේෂන් පහසුකම මගින් සිංහල යුනිකේත ලියන්නන්ට පහසුවෙන් සිංහල ලිවීමට හැකියාව ලැබී ඇත. සරලව කිවහොත් ඉංග්‍රිසියෙන් ලියන වචන සිංහල අකුරට පෙරලා ලියාදීමයි.

ඒ සිංග්ලිෂ් අකාරයට ලිවීමෙනි. සාමාන්‍යය සිංහල වචන උච්චාරණය ඉංග්‍රිසියෙන් ලියා හිස්තැනක් යෙදුව විට ලියන ලඳ වචනයට ගැලපෙන නිවැරදි සිංහල වචනය සිංහල අකුරින් මතුවේ. එමෙන්ම නිවැරදි සිංහල වචනය තෝරාගත හැකි මෙනුවක් ද ලියන අතරතුර මතුවෙයි.

මෙමගින් ඉතා ඉක්මනින් හා පහසුවෙන් සිංහල අකුරු ලිවීමය හැකියාව ලැබෙයි. එමෙන්ම එම සිංහල වචන ලැබෙන්නේ සිංහල යුනිකේත වලින් වේ.

මෙහි භාවිතා කල හැකි භාෂා

Amharic
Arabic
Bengali
Chinese
Greek
Gujarati
Hebrew
Hindi
Japanese
Kannada
Malayalam
Marathi
Nepali
Oriya
Persian
Punjabi
Russian
Sanskrit
Serbian
Sinhalese
Tamil
Telugu
Tigrinya
Urdu

Google transliteration වෙබ් ලිපිනය

http://www.google.com/transliterate

පෑනෙන් වීඩියෝ කිරීම

2012-03-07T16:37:00.003+05:30

අප භාවිතා කරන පෑන වර්තමාන‍යේ දී ලිවීමට පමණක් සීමා නොවේ. වර්තමාන‍යේ දී එහි තාක්ෂණය දියුණු කරමින් නව නිර්මාණ බිහි කරයි.

එසේ වෙළෙඳපොලට එන නව නිර්මාණයක් ලෙස Swann සමාගම පෑන් කැමරාවක් නිර්මාණය කර තිබේ.

එහි 720 p තත්වය යටතේ දෘෂ්‍ය පටිගත කිරීමක් මෙන්ම ඡායාරූප ගැනීම ද පහසු‍වෙන් සිදුකරගත හැකිය.මෙහි විශේෂත්වය වන්නේ 16GB දක්වා මතකය වැඩිකර ගත හැකි වීමත් දිගු කාලක් දෘෂ්‍ය පටිගත කිරීමටද හැකි වීමයි. එමෙන්ම දෘෂ්‍ය පටිගත කිරීම් හා ඡායාරූප USB රැහැනක් මඟින් පිටතට ගත හැකිය.

විශේෂාංග

Video Format - AVI

Resolution - 640 x 480 pixels

Video Bit Rate - ~ 450KB per second

Video File Size - ~ 25MB per minute Photo

Photo Format - JPEG

Resolution - 1280 x 1024 pixels

Image File Size - ~ 150KB Recording

Recording Mode - Video or Still Images

Total Storage Time - ~ 1 hour General

Operating System - Windows XP, Vista, Windows 7

Internal Memory - 2GB

Backup Type - USB

Battery Type - Rechargeable Lithium-ion

Charging - USB via computer

Battery Charging Time - Approximately 60-90 minutes

Dimensions - 5.9 x 0.6 x 0.6 inches /150 x 15 x 15mm

Weight - 1oz / 30g

වීඩියෝව ------------

Folder එකක් හංගමු

2012-03-02T18:23:00.002+05:30

ඉතාමත් ලේසියෙන් Folder එකක් හැංඟිමට මෙමගින් පුලුවන් වේ. ඒ සඳහා පහත පිළිවෙල අනුගමනය කරන්න.

1. Right click -----> New -----> Folder

2. Rename කරගැනීමේ දී Alt + 0160 යෙදීම.

3. Right click on the folder -----> Properties -----> Customize tab -----> Change icon

OK කර පසුව Apply කර නැවතත් OK කර බලන්න.෴

3D කරනය

2012-01-16T17:02:00.002+05:30

Google සමාඟම මඟින් ලබාදෙන අංගයක් වන Google SketchUp මෘදුකාංගය 3D නිර්මාණ කරනට පහසු බවක් ලබා දෙයි.

යුඑස්බි අභියෝගය

2011-12-12T12:04:00.001+05:30

USB නැතිනම් විශ්ව ශ්‍රේණිගත බස් කෙවෙනිය අද වන විට වඩාත් වේගවත් හා බොහෝදෙනා භාවිතයට ගන්නා දත්ත හුවමාරු තාක්ෂණයක් ලෙස හැදින්විය හැකිය. වර්තමානයේ ලොවපුරා පැතිර ඇති USB 2.0 පෝට් එකට විශාල අභියෝගයක් ගෙන ඒමට USB 3.0 එකට හැකි වී ඇත.

විද්‍යඥා අජේ භාත් සමග බාලා කඩම්බි විසින් USB සොකොට්ටුව සොයා ගත් අතර එය ඉන්ටෙල් සමාගම විසින් ලොවට හදුන්වා දෙන ලදී. 1996 ජනවාරි මාසයේ හදුන්වාදුන් USB 1.0 පොට් එකෙහි දත්ත හුවමාරු වේගය 12Mbps. නමුත් ඊටත් අභියෝග කරමින් 2000 වසරේ අප්‍රේල් මාසයේ එළිදුටු USB 2.0 හි දත්ත හුවමාරු වේගය 480Mbps කි. වර්තමානයේ හදුන්වාදී ඇති USB 3.0 හි දත්ත හුවමාරු වේගය 4.8 Gbps කි.

එනම් 2.0 මෙන් දස ගුණයක වේගයක් ලබාදේ. එමෙන්ම වෙළෙඳපොලට නිකුත් කර අවුරුද්දක් ගතවත්ම අට කොටියක් විකිණී ඇති බව සමීක්ෂණ වාර්ථා පෙන්වා දෙයි.USB 3.0 සමඟ දත්ත හුවමාරු වේගය වෙනදා මෙන් නොව විනාඩි ගණනක් ගතවූ දේ තත්පර ගණනකට සීමා කර ගනිමින් හුවමාරු කරගත හැකි වේ..

.......෴

Firefox 7.0 බ්‍රවුසයත් එයි....

2011-11-21T18:23:00.001+05:30

ආරම්භයේ පටන් ඉතා ස්ථාවර ජනප්‍රිය බ්‍රවුසයක් වූ මොසිල්ලා ෆයර්ෆොක්ස් බ්‍රවුසරය කෙටි කාලයක් තුලදී යාවත්කාලීන පෙළක් නිකුත් කිරීමට කටයුතු කලේය. එයට හේතු වූයේ ෆයර්ෆොක්ස් 3.5 පසු පැමිණි සංස්කරණයන්ගේ තිබුණු සැලකිය යුතු දෝෂ හේතුවෙනි. නමුත් පසුගිය මස නිකුත් වූ ෆයර්ෆොක්ස් 7.0 සංස්කරණයේ මෙම දෝෂ නිරාකරණය කර ඇතිබව මොසිල්ලා සමාගම ප්‍රකාශ කරයි. තවද දෝෂ හේතුවෙන් පහළ බසිමින් තිබූ ජනප්‍රියත්වය ඉහළ නංවා ගැනීමට නව සංස්කරණයට හැකිවනු ඇතැයි විචාරකයන්ගේ මතය යි.

මෙතනින් ගන්න.........