Txelo'S

SOPA hoztu bada ere, ACTAk gure artean jarraitzen du

2012-01-29T18:39:00.001+01:00

Intenet kontrolpean edukitzea bilatzen duten legeek azkenaldian Estatu Batuetan izan dute epizentrua, naiz eta mundu guztian zehar eragina edukiko luketeen legeak izan. SOPA eta PIPA legeen tramitazioak momentuz gelditu egin dira, gehien bat klase politikoak jasotako presioak direla eta.

Baina honek ez du esan nahi sarea erasotzen duten legerik guregana iristeko prozesuan ez daudenik. Nola ez, Sinde legea gure buruen gainean dugu, eta seguraski laster webgunerenbat itxiarazteko erabilia izango da.

Zoritxarrez ez da hau labean dagoen lege bakarra. ACTA gogoratzen? Estatu Batuek eta Europar Batasunak sekretuan negoziatutako tratatu hau, izatez, edozein motatako produktu faltsuen aurka borrokatzeko helburua duen proiektu bat da, badakizue, Louis Vuitton edo Dolce & Gabanna bezalako marken produktu faltsifikatuak merkaturik ateratzeko.

Askotan gertatzen den bezala, politikariek azalean Internetekin zerikusia ez dutela ematen duten legeetan sorpresatxoak sartzen dituzte, kasu honetan berriz ere sarean dugun eguneroko bizitza arriskuan ipintzeko. Azkenaldian gertatu den bezala, jabego intelektuala sarean defendatua izateko aitzakiarekin Internet guztiz monitorizatutako gune bat bihurtzeko intentzioa dute. Terrorismoa edo haurren pornografia jada ez dira aitzakia ofizialak, karetak kenduta borrokatzen jarraitzeko erabakia hartu dutela ematen du eta copyrightaren ejerzitoa martxan da dagoeneko.

ACTAren garapen prozesuak aurrera darrai, eta pasa den astean zehar 22 naziok tratatu honen alde euren sinadura utzi zuten Japonian, Espainia barne.

Gehiegi dira zenbait negozio bizirik mantentzeko sortzen diren lege proiektuak, hainbeste, ni jada aspertuta nagoela gai berdinari buruz idazteaz. Baina tira, politikari eta lobbyak sarea XXI. mendeko telebista sinple bat bihurtzen saiatzeaz aspertzen ez badira, gu ezin gara gutxiago izan berau defendatzeko.

Ubuntu HUD: aplikazioen menuetarako lasterbidea

2012-01-26T10:25:00.000+01:00

Ubuntu sistema eragileari buruz idatzi ditudan azken sarrerak Canonicalek garatutako Linux distribuzioak aurkeztu dituen berrikuntzak txalotzeko izan dira. Izan ere, uste dut Ubuntu oso modu bizkorrean garatzen dabilela bere azken bertsioetan, eta gainera berrikuntza asko sartu dituzte garapen prozesu ausart baten barnean.

Ubunturen aro berriaren hasiera interfaze grafikoaren aldaketan aurkitzen da eta bidean neurri polemiko asko iritsi dira: lehioak itxi eta maximizatzeko botoiak ezkerraldera eramatetik hasita Unity mahaigain ingurunea defektuz ekartzeraino.

Hori bai, Mark Shuttleworthek zuzendutako proiektua oso ondo planifikatuta dagoela ikusi daiteke,denborarekin sistema eragilean sartutako berrikuntza guztiek arrazoi bat dutela ikusten joan bait gara, nahiz eta momentu askotan garatzaileen kapritxoak zirela ematen zuen.

Ordenagailuetatik at ere anbizio handiko planak dituztela adierazi dute, hots Ubuntu telebista eta mugikorretara eramateko intentzioa.

Baina sistema eragilearen garapena ez dute alde batera utzi, eta aste honetan berrikuntza interesgarri bat aurkeztu dute: HUD edo menu adimentsuen sistema berria.

Ezaugarri berri hau erabilita, leihoen goikaldean egoten diren menuak erabiltzeko modu azkarrago bat eskaintzen da. Unityk ekarritako Dash izeneko abiarazlearekin antzekotasun asko erakusten dituen elementu bat gehitzen da eta teklatua erabilita menu honetara sarbidea lortzen da. Azalpenak ematea baino, hobe bideo bat ikustea:

Beste berrikuntza interesgarri bat. Ematen du Ubuntu 12.04 bertsioan eskuragarri egongo dela, nahiz eta beharbada ez bertsio final modura. Ikusiko dugu benetan produktubitatea igotzeko balio duen.

Estekak:
Markel Shuttlewothen bloga: Introducing HUD. Say hello to the future of the menu.

Megauploaden itxieraren lehen ondorioak

2012-01-25T10:30:00.000+01:00

Fitxategiak partekatzeko zerbitzu ezagunenaren itxiera mediatikoa eta gero ondorioak espero ziren, eta poliki poliki hauek ezagutzen goaz.

Itxiera ondorengo orduetan Twitterren espero zen ekaitza eta Anonymousen lehen erantzunak eta gero, beste zenbait protagonisten mugimenduak espero ziren. Nola ez, edukien industriaren lehen iritziak entzuteko grina zegoen, eta hauek poliki-poliki iristen hasi dira.

Lehenik eta behin, nola ez, ekintza poliziala txalotu egin dute, milioika pertsonen informazio galerari inolako arretarik ipini gabe. Hau espero zitekeen zerbait zen, beraz ez dago sorpresarik momentuz. Pixkat gehiago arritu nauena, industriak bultzatutako iritzi sortzaileek asteburuan zehar zineek edukitako ikusle igoera lau haizetara zabaldu izana da.

Ez dakit gure ahalmen intelektualak neurtu nahi dituzten edo besterik gabe inozoak garela uste duten. Industriaren joera hiruzpalau egunetan hainbeste hobetu daitekeela pentsarazi nahi badigute, uste dut, benetan, bigarren aukera dela zuzena.
Baina suposatu dezagun gaur edukien industria pasa den astean baino hobeto dagoela, Megauploaden desagerpen soila dela eta. Gauzak hain azkar aldatu ahal badira, beharbada euren krisia ez da esaten zuten bezain larria, ez? Industriaren zoritxarrerako krisi hau hor dago oraindik, eta ez dut ikusten gauzak asko aldatuko direnik epe motzera.

Industriaren iritziak zuzentzat hartzen jarraituz, antza denez Megauploaden desagerpenak zineak jendez bete ditu. Ondorioz, denboraldi luze batean azken urteetan eduki duten politika zapaltzailea alde batera utziko dute eta Internet bere horretan utziko dute. Hau ez dela gertatuko jakina da. Zergatik? Industriaren krisiak gure artean jarraitzen duelako eta asteburu honetan zineek izandako datu onak kasualitate hutsa direlako.

Industria alde batera lagata, Megaupload antzeko zerbitzuen posturak ikustea oso interesgarria da. Enpresa hauek euren zerbitzuetan aldaketak egin dituzte, hurrengo exekuzioaren protagonista izatearen beldur. Adibidez, Uploaded.to, Estatu Batuak bere zerbitzarietan blokeatzen hasi da, FileServek erabiltzaileei ordaintzeari utzi dio fitxategiak igotzearen truke eta FileSonic zerbitzuak erabiltzaile bakoitzak igotako fitxategiak partekatzeko aukera ezabatu du, zerbitzua sarean kokatutako disko gogor sinple bat bihurtuz.

Honekin, alde batetik FBIaren ekintzak bere helburuetako bat lortu duela ikusten da, hau da, ikusentzunezko edukiak eskuragarri ipintzen zituzten zerbitzuen jabeak beldurtzea.

Hori bai, ustez defendatzen zuten industriaren bizitza ez dut uste salbatuko dutenik. Zoritxarrez, sarea guda eszenatoki bihurtzea bai, hori lortu dute.

Patenteak negozio modelo bezala

2012-01-24T09:19:00.000+01:00

Pasa den astean Microsoft erraldoiak LG enpresa Korearrak zituen patente sorta bat erosi duela jakin genuen. Patente hauek Android eta Chrome OS sistema eragileekin dute zerikusia. Momenturako Redmondeko enpresak Googlen sistemen gaineko patente katalogo oso aberatsa dauka, eta erosketa berri honekin Estu Batuetan Android mugikorren %70aren kontrola dauka.

Zer esan nahi du honek? Ba saltzen diren Android mugikorretatik %70ak Microsofti kanon bat ordaindu behar diotela, fabrikatzaileek patenteak bortxatzeagatik epaiketa bat jasan nahi ez badute.

Egoera honek zentzugabeko eszenatoki batera eramaten gaitu: Microsoftek diru gehiago lortzen du Android mugikorren salmentagatik Windows Phone gailuak saltzen baino. Software patenteen munduak honelako egoeren existentzia ahalbidetzen du, enpresa bakoitzak bere produktuak hobetuz merkatuan borrokatzera bultzatu ordez.

Pertsonalki nahiko penagarria iruditzen zait enpresa guztiak, ez Microsoft bakarrik, patenteak lortzeko saiakerak egiten ibiltzea gero patente hauek beste batzuen aurka erabili ahal izateko.

Are eta gehiago, oso tristea da startup txikien egoera, hauek oso zaila bait dute produktu arrakastatsu bat garatzea enpresa boteretsu baten erasoa jaso gabe.
Softwarearen kasuan patenteak oso kaltegarriak bihurtzen ari dira, berrikuntza zapaltzenbait dute. Froga garbiena aipatutako Microsoften mugimendua dugu, Steve Ballmerek zuzendutako korporazioa mugikorren sektoreko patente troll handiena bihurtu duen mugimendua.

Gainera, aurten ere arlo honetan guda gehiago agertzea eta jada existitzen direnek zeresanak ematen jarraitzea espero da, Apple eta Samsungek hilabeteetan eduki duten guda adibidez.

Software askea bultzatzeko beste arrazoi bat.

Casus belli, zuzeneko deskarga webguneetatik Megaupload izan da erortzen lehena

2012-01-21T13:35:00.000+01:00

Denbora asko goaz guda digitala noiz iritsiko zain, eta gaurkoan beharbada itxarote hau amaitutzat eman daiteke.

Herenegun gauean jakin genuenez Megaupload webgunea itxi dute FBIko mutilek. Enpresako langileak terroristak balira bezala atxilotuak izan dira eta sinisteko oso zailak diren kargoak leporatu dizkete. Ez al dio inori Egunkariarekin gertatutakoa gogorarazten?

Megaupload zerbitzua mundu mailan oso ezaguna den zerbitzu bat da, edozein pertsonari fitxategiak igo eta partekatzea ahalbidetzen dion zerbitzu garrantzitsuena izanik. Eta edozein fitxategi diogunean, nola ez, musika eta filmeak ere saku berdinean sartzen gabiltza.

Musika eta filmeak entzun dut? Ordaindu gabe? Copyrightaren gudariek hau ezin dute onartu eta libertinaje honekin bukatzera behartuta ikusi dira. Duela hamarkada bat sortu den teknoterroristen paradisua suntsitu beharra dute gaixoek.

Ezin dute onartu bizitzeko lan egin behar dutela, begiak ireki eta gaur egun dugun egoera teknologikoari aurrez aurre begiratu eta euren negozioa egoera horretara moldatzea. Guzti hauen industria hiltzera badoa, mundu osoaren eskubideekin batera hil dadila, bai noski!

Ba hori, gauetik egunera sarean zegoen distribuzio kanal garrantzitsuenetako bat itzalia izan da. Pentsatuko dute atzoko mugimenduarekin denok korrika dendetara joango garela disko eta DVD mordo bat erostera eta historia hamabost urte atzera joango dela bapatean. Ez da gertatuko. Eta inolaz ez da eurentzako egoera hobetuko.

Eta albo kalteak? Milioika pertsonek euren dokumentu pertsonaletara sarbidea galdu dute. Musika eta filmeetara bai, baina baita unibertsitateko lanak edo edozein motatako dokumentuak. Hauek zer? Hauek ere terroristak ote dira? Hauek ere copyrightaren paradisua erasotzen dute euren jarduera digitalarekin? Zer gertatzen da pertsona hauen negozioak Megauploaden gordetako fitxategietan oinarritzen baziren? Edo bertan informazio pertsonala zutenekin?

Gaur inoiz baino gehiago sarearen izaera berreskuratu beharra dugu, sarea deszentralizatu beharra dago berriz ere. Twitter eta Facebook oso baliogarriak izan daitezke borroka sozialak kanalizatzeko, baina zerbitzu zentralizatuak izanda botoi bat sakatuta suntsituak izan daitezke. Blogekin hau ez da inoiz gertatuko, hauek sare deszentralizatu bat osatzen dutelako. Megaupload bezalako zerbitzuak oso erosoak dira gauzak deskargatzeko, baina ikusi dugu zein erraza izan den webgunea jokoz kanpo uztea. P2P sareekin hau ez da gertatuko, protokolo deszentralizatuak direlako.
Laburbiltzen, deszentralizatu dezagun sarea. Berpiztu ditzagun torrentak, indartu ditzagun blogak sare sozial handien ondoan eta eman diezaiogun gure disko gogorrari benetan duen garrantzia, sarean informazio garrantzitsu guztia utzi gabe.

Honela bakarrik edukiko dugu sarea bizirik mantentzeko aukera. Honela bakarrik izango dugu gure eskubideak bizirik mantzentzeko aukera. Guda digitala hasi da, defendatu gaitezen.

PD: Bloga lekuz aldatzeko ordua iritsi al da? Blogger azkenean beste zerbitzu zentralizatu bat da, nahiko errez itxia izan daitekeena.

SOPAren aurkako mugimenduak aurrera jarraitzen du, gaur Wikipedia itxita, beste ekintza batzuen artean

2012-01-18T10:15:00.000+01:00

Behin baino gehiagotan hitz egin da hemen SOPA, PIPA, ACTA, edo Sinde bezalako legeetaz. Azkenaldian albiste eta polemika gehien eragiten ari dena SOPA dugu.

Normalean gertatzen den moduan lege hauek baloratzean interneteko komunitatea kontran agertzen da, sarea hain garrantzitsu egin dituzten ezaugarriak desagertarazteko sortutako legeak direla esanez. Beste alderdian berriz gainontzekoen eskubideak axola ez zaien industriak agertzen dira, legeak euren onurarako diseinatzeko duten boterea aprobetxatuz euren pribilejioak mantentzeko helburuarekin.

SOPAren kasua ez da desberdina, baina oraingoan lege zentsuratzailearen aurka daudenek zenbait presio ekintza nabarmen aurrera eramatea lortu dute. Lehena GoDaddy enpresari boikota izan zen, enpresa honek SOPAren alde emandako iritziak ezagutu zirenean.

Bigarrena, eta zalantzarik gabe historikoena, sarean presentzia duten enpresa famatuenen greba mehatxua izan da. Enpresa hauen artean Google, Facebook, Twitter, Paypal, Ebay eta abar luze bat ageri dira (nahiz eta ez duten guztiek greba egingo dutela konfirmatu). Imaginatu ahal dezakegu sarea egun bat guzti hauek gabe? Zihurrenik egun "desberdina" izango litzateke sarean.

Azkenean, mehatxua bete duena Wikipedia izan da, eta gaur ingelesezko bertsioa itxita egongo da.

Googlen webgune amerikarrak ere esteka bat erakusten du PIPA eta SOPA legeen aurka agertuz.

Wordpress.com webgunea protesta egitera animatu da ere, bere hasiera orrian aipamen bat eginez.

Dudarik gabe Etxe Zuriak SOPAri eman zion balaztada* presio neurri hauen ondorio izan dira, gobernuek (batez ere Estatu Batuetakoak) ezin bait du honelako egoera bat jasan.

Borrokak beraz, aurrera darrai beste aldean oraindik ez bait dute ulertzen mundu guztia aurka dutela. Rupert Murdoch jaunak esandakoa hartu daiteke guda hau bukatu ez dela adierazten duen adibide argi bezala. Bere deklarazioetan Google berbera ipini du pirata handiena bezala. Gaur egun existitzen den tresna garrantzitsuenaren gainean duen ezjakintzasun handia erakusten du Murdochek honekin. Ez dakidana berak Googlelekin egiten duen negozioaz jakitun den.

Hemendik, SOPA eta antzeko legeak borrokatzeko lanean daudenei elkartasun osoa erakutsi nahi dut. Bloga itxi ordez, bertan honi buruz idaztea erabaki dut, azken finean ezer idazten ez dudan egun asko daude eta beraz hori ez litzateke protesta egiteko modu onena.

* Esteka honek gaur ez du funtzionatuko, Enrique Dansen bloga baita eta gaur ere protesta egiten ari da.

Krisian al daude software lizentzia askeak?

2012-01-17T22:21:00.000+01:00

Nahiz eta gehienetan irakurria ere ez izan, software ororen ezaugarri garrantzitsuenetako bat bere lizentzia da. Azken finean softwarea nola erabilia izango den (edo beharko lukeen) adierazten bait du. Beste modu batean esanda softwarearen izaera adierazten du bere lizentziak.

Urteak joan eta urteak etorri lizentzia desberdin mordo bat azaltzen joan dira, baina nagusiki bi taldetan bereiztu daitezke: askeak eta ez askeak.

Lehenengoen kasuan aske izatea kontsideratzeko errespetatu behar diren lau ezaugarriak kontutan hartzen dituzte eta besteak aldiz ez. Lizentzia askeen kasuan, aldi berean lizentzia aske bigunak eta gogorrak existitzen dira, bien arteko desberdintasuna software aske horretatik eratorri daitezkeen lan berriak lizentzia ez aske bat edukitzea onartu edo ez izanik. Adibidez, GPL lizentziak lan eratorriek ere lizentzia askea edukitzea eskatzen dute, Apache bezalako lizentziek eskaera hau ez duten bitartean.

Egoera honek, lizentzia aske bigunen arrakasta ekarri du, enpresa askok ez bait dute euren lana inoren eskura uztea oso gustoko izaten. Honen adibide garbiena Android dugu, izatez askea den sistema eragile bat izanda ere, gure mugikorrean dugun Android sistemaren kodeak ez bait dauka zertan eskuragarri egon, eta ondorioz askea izan.

Pertsona askok gai honetan software askearen gain dagoen arrisku bat ikusten dute, gero eta software aske gutxiago dagoen ingurune batera eraman gaitzakelako.
Azkenaldian gertatzen ari diren gauzak ikusita, hots Carrier IQ affair famatua, benetan askea den softwarea eskatzen da software askearen komunitatetik, gure gain inposatu nahi diren kontrol tresnak ekiditeko modu bakar bezala.

Askatasun eta propietate itxiaren artean dauden lizentzia bigun hauek zein filosofia indartzen dute? Guztiz itxia den softwareari alternatiba bezala jaio ziren lizentzia hauek software askearen garapena oztopatzen ari al dira?

Google Search plus Your World, sare sozialen integrazioa bilatzailearen emaitzetan

2012-01-14T13:41:00.000+01:00

Berrikuntza nabarmen bat sartu du Googlek bere zerbitzu famatuenean, bilatzailean alegia.

Berrikuntza hau Search plus Your World izendatu dute eta bilatzaileari egindako galderen emaitzetan erabiltzaileen sare sozialetako informazioa txertatzean datza. Adibidez, ezagutzen dugun pertsona baten izena bilatzailean idatzi ezkero, eta nola ez pertsona hau gure zirkuluren batean aurkitzen bada, emaitzen lehen postuan kontaktu horri buruzko informazioa agertuko zaigu, Plus zerbitzuak eskaintzen dituen zenbait aukerarekin batera.

Berdina gertatuko da argazki edo Plusen egindako eguneraketekin, bilaketarekin erlaziorenbat baldin badu, emaitzetan azalduko dira.

Funtzionalitate honek aldaketa nabarmenak izango ditu dudarik gabe. Azalekoena beharbada Googlek bere sare sozialari bultzada bat emango diola. Mugimendu honekin Plusen dagoen edukiak bisibilitatea lortzen du, eta ondorioz sarean garrantzitsua izan nahi duen edonor Plusen izena ematera bultzatuko du.

Erabiltzaileen ikuspuntutik bilaketen pertsonalizazioan pauso berri bat suposatzen du. Alde batetik onuragarria izan daiteke erabiltzailea bere inguruko zerbait bilatzen ari bada edo bilatzen ari den horri erantzuna bere grafo sozialaren barnean baldin badago. Baina batzutan emaitzen gehiegizko pertsonalizazioak "munduarekin kontaktua" galtzea suposa dezake, azken finean jadanik ezaguna zaizun edo zure gustu eta ezaugarrien araberako emaitzak bakarrik jasotzen badituzu gauza berriak ezagutzeko aukera murrizten da.

Inplementazio aldetik nahiko ondo pentsatuta dagoela uste dut. Hasiera batean emaitza sozialak ez dira oso intrusiboak, emaitzen goikaldean agertzen den aipamen bat soilik ikusten baita. Behin aipamen hau aukeratuta emaitza guztiak agertuko dira. Honetaz gain ohiko bilaketak bakarrik mantentzeko aukera ematen da goi eskumaldean aurkitzen den botoi baten bitartez, Your World funtzioalitatea erabili edo ez erabiltzailearen eskuan utziaz.

Baina zer gertatzen da Google Plus ez diren sare sozialekin? Momentuz ezin izan dut ezer irakurri honen inguruan baina Google kontu handiz ibili beharko da politika monopolistikoak erabiltzeaz salatua izan nahi ez badu.

Dudarik gabe eztabaidarako orduak eskainiko dituen aldaketa bat izango da.

PD: Lehenengo polemikak agertu dira jada, Twitter mugimendu honen aurka agertu da, naiz eta Googlekin bilatzailean agertzeko zuten akordioa berrizkea ekidin zuten duela hilabete batzuk.

PD2: Monopolio kasuak ikertzen dituztenek ere belarriak tente ipini dituzte.

Estekak:
Google integra Google+ en los resultados de búsqueda
Google integrando Google+ en el buscador, pero ¿cómo se frena un monopolio en la red?
Google+ en los resultados de búsqueda

Tor, sarea erabili anonimotasuna mantenduz

2012-01-11T00:32:00.000+01:00

Sarean egiten dugun edozer gauza nonbaiten gelditzen da gordeta. Bisitatutako webguneetatik hasita irakurritako berri eta blogetaraino. Are eta gehiago, gure emailak etengabe irakurriak dira guri zerbitzu hobea emateko intentzioarekin.
Informazio guzti honek sarean sartzen den pertsona ororen irudi oso fidagarri bat eraikitzeko balio du.

Hau egiteko arrazoi nagusia publizitate modelo berriak garatzea da, gure informazioa duten enpresek iragarki pertsonalizatuak sortu ahal izateko. Baina ezin da ahaztu infomazio hau beste talde batendako oso baliotsua izan daitekeela: gobernuak.

Gizartearen kontrola edukitzea beti izan da gobernuen ametsa, eta azken hilabeteetan ikusi daitekeen bezala, zenbait lobby boteretsurentzat ere, hots ikus-entzunezko edukien industria. Eta txarrena, kontrol hau aurrera eramatea gero eta egingarriagoa dela, teknologien garapen azkarrarekin.

Guzti hauek gure eskubideak ezabatzeko prest daudela behin eta berriz erakutsi dutenez, lan hori guk geuk egitea besterik ez dago.

Gaurkoan, sarean anonimotasuna mantentzeko tresna bati buruz hitz egin nahi dut: Tor.

Software honek gure ordenagailutik sarera irtetzen diren komunikazio guztiak ordenagailu sare batetik pasarazten ditu, gure ordenagailuaren identifikazio datuak hartzaileari ezkutatuz. Tor sarean dagoen bitartean, trafiko guztia enkriptatuta dago eta nodo bakoitzak ez du informazioa eskuratzeko modurik, ezta nondik datorren ere.
Tor sareko azken ordenagailura iristean, informazioa desenkriptatu eta hartzaileari bidaltzen zaio. Modu honetan hartzaileak ez du jakingo nor izan den bidaltzailea.
Hori bai, Tor softwareak eskaintzen duen bakarra anonimotasuna da, transferitutako datuak sekretuan mantendu gabe.

Iraganean eskubide zibilak errespetatzen ez diren lekuetan bizi ziren aktibistentzako edo informazio arriskutsua bidali nahi zutenentzako tresna paregabea izan da Tor, baina Interneten gauzak nola ipintzen hasi diren ikusita badirudi gero eta tresna garrantzitsuagoa izango dela, abesti bat deskargatzea bezalako gauza hain sinplea egiteko bada ere.

Bandcamp, musikarekin negozioa egiteko beste modu bat

2012-01-07T20:26:00.001+01:00

Azkenaldian jabego intelektuala, ikus-entzunezko edukien distribuzioa eta interneten izaera bera mahai gainean dauden gaiak dira. Alde batetik edukien industria dugu, bere heriotza urte batzuk atzeratzeko intentzio garbia erakutsiz, edukien distribuzio modu berriak ulertu ezinda. Hauentzat nahiko erraza izaten ari da politikariak euren aldean ipintzea lege berrien bidez euren interes pertsonalak defendatu ahal izateko.

Beste aldean, Internet eta bere funtzionamendua ulertzen dutenak. Gauzak egiteko modua guztiz aldatu egin da, eta ondorioz ez dago pasa den mendeko produkzio moduak indarrez mantentzeko inolako beharrik. Pasa den sarrera batean aipatutako Jamendo komunitatea honen adibide garbi bat da, baina ez bakarra.

Gaurkoan Bandcamp guneari buruz hitz egin nahi dut. Webgune honek musikarientzat ezagutzera emateko komunitate bihurtzea du helburu, eta gainera euren musikaren bitartez dirua irabazteko aukera ematea ere.

Musika talde bakoitzak bere musika igo dezake eta taldeak berak kudeatutako "mikro webgune" batean antolatu. Musika hau saltzeko tresnak eskaintzen ditu Bandcampek, hori bai, salmenten ehuneko 15aren truke. Ideia ona dela ikusteko, Google Music zerbitzu berriak honelako politika aukeratu duela ezagutzea besterik ez dago.

Modu honetan denok pozik: erabiltzaileek presio eta irain gabeko gune alternatibo baten bidez musika eskuratu dezakete, musikariek euren musika ezagutzera eman eta dirua lortzeko aukera dute eta Bandcampek ere negozioa egiten du guzti honekin.

Dena atxiloketa, pirata akusazioak bota edo teknologia zentsuratu behar izan gabe.

Eman ongi etorria Sinde legeari

2011-12-31T12:36:00.000+01:00

Denbora gutxi behar izan du Espainiako gobernu berriak lagunak egiten hasteko. Azken ministro kontseiluan hartutako erabakiek ez dute inor epel utzi eta seguru eztabaida askotarako emango dutela.

Arlo teknologikoari dagokionez, Sinde legeari azken bultzada ematea izan da erabaki garrantzitsuena. Lege hau benetan indarrean sartzeko gelditzen zen bakarra berau arautzen duen arautegia onartzea zen eta gobernuak horrela egin du.

Azken asteetan zenbait lekutatik Sinde legearen etorkizuna zalantzan ipintzen zen, PPk aipatutako arautegia onartuko ez zuela pentsatzen bait zen. Orain ikusten dugun bezala, ezin da inoiz espero berri onik politikariekin.

Azken finean ez da hain harrigarria. Gogoratu PSOE, CIU eta PPk aurrera ateratako lege bat izan zela, beste inoren adostasunik eduki gabe (eduki audiobisualen industria zauritua izan ezik, noski).

Orduan, hemendik aurrera zer? Ba momentuz dena berdin. Ez dut uste inork bere ohiturak alde batera utziko dituenik 15 euroren truke kalitate eztabaidagarriko disko bat erostera joateko. Deskargek aurrera jarraituko dute, sarean edukiak eskuragarri egoten jarraituko dute eta gainera informazio trukea zentsuratzen ibiliko diren hoiek gero eta irudi txarragoa edukiko dute gizartearen begietara, milioika euro ezertarako gastatuz.

Webguneak itxiko dituzte, noski baietz. Beti egoten da albistegi guztietan agertzen den martiria, baina honek ez du milioika pertsonen ohitura aldatuko. Are eta gehiago, nahiz eta gizarteak bere ohiturak ez aldatu eta deskargak ez desagertu, musikariek euren lanarekin dirua irabazten jarraituko dute. Egin behar duten bakarra gaur egungo teknologiek eskaintzen duten aukera aprobetxatu, erabiltzaileek erosiko duten produktu bat eskaini eta hauek iraintzeari utzi.

Aurrekoan nioen bezala, musika modelo berri bat bultzatzeko ordua iritsi da.

Musika modelo berri bat bultzatzeko ordua iritsi da

2011-12-29T10:10:00.001+01:00

Beti kexaka ibiltzea ona ez denez, noizean behin proposamenak egitea ez da gaizki etortzen. Azkenaldian nahiko haserre dago Interneteko jendea musika eta filmeen indutriekin (eta gogoratu hau, laster liburuen industria ere) eta euren zerbitzura dauden politikariekin. Urteak doaz jada euren negozio lasaiaren euskarri trinkoak astindu zituztela. Inteneten iritsierarekin jendeak bere gustuak partekatzeko bideak aurkitu zituen. Askoren gogoan geldituko dira Napster, Kazaa, eMule eta antzekoak, batzuendako mundu berri bat ekarri zutelako eta bete batzuentzat ametsgaizto luze baten hasiera suposatu zutelako.

Gauzak nola gertatu diren guztiontzat jakina da, eta beraz ezer gutxi esan dezaket honen inguruan.

Gaurkoan inor kritikatu ordez, industria erraldoi baten gainbeheratik hurrun egon nahi duten milaka pertsonei buruz hitz egin nahi dut. Jakingo duzuen bezala, SGAE eta antzekoetatik haratago badago musika, eta asko gainera. Askotan talde hauek duten oztopo handiena ezagutzera ematea izaten da eta hau konpontzeko helburuarekin Jamendo bezalako guneak sortu dira.

Jamendo Creative Commons lizentziapean argitaratutako musika batzen duen web zerbitzua da. Ez da webgune berri bat, izatez blog honetan agertu zen bere egunean, eta esan beharra dago ez zela bere inguruko berri on bategatik, baina gauzak nola ipintzen hasi diren ikusita betiko musika modeloaren tranpatik ihes egin nahi duten ekimenak bultzatu beharra dagoela uste dut.

Jamendo erabiliz, beraz, euren musikaren erabilera malguago bat ahalbidetzen duten taldeak daude. Diskoen dohaineko deskarga guztiz askea eskeintzen da, artistei diru bat ordaintzeko aukera ematen den bitartean. Gainera musika horrekin gure lanak aberastu ditzakegu inolako lobbyren presioen beldun izan gabe.

Honelako proposamenekin erabiltzaileak bere burua errespetatua ikusten du, eta ondorioz musika erosteko prest egon daiteke. Egunero kriminaltzat jotzen gauten enpresei erosteko gogoak berriz, askori orain dela asko joan zitzaizkigun.

Nik behintzat oso argi daukat kontzertu bat ez den musika produktu baten truke ordaindu behar badut, eta seguru ordainduko dudala, mota honetako eskeintzetara joko dudala. Etikoki askoz ere zuzenagoa dela iruditzen zait euren sorkuntza modu errezean eskaintzen duten musikari ezezagunei laguntzea denon eskubideak urratzeko prest dauden eta gosez hiltzen direla dioten dirudunei zentimo bat ematea baino.

GoDaddy SOPAren alde agertzearen fruitua jasotzen ari da

2011-12-27T19:16:00.001+01:00

Asko hitz egin da jada sarean Protect IP eta SOPA izeneko legeetaz. Espero zen bezala, eta aurrekoetan antzeko ekimenekin gertatu den antzera, interneteko mundua sutu egin da oinarrizko eskubideen aurkako mugimendu hauekin. Betiko legez, gutxiengo absolutua diren batzuen pribilejioak mantentzeko sortutako ekimen hauek, ordea, badute bere arriskua milioika pertsona espiatu nahi dituzten legeen alde agertzen diren enpresentzat.

Galdetu bestela GoDaddy domeinu saltzaileari. Enpresa honek SOPAren aldeko iritzia erakutsi zuenetik ehundaka bezero galtzen egon da egunero, hauek aipatutako zerbitzuan zituzten domeinuak beste enpresa batzuetara eramanez.
Hain izan da larria exodoa, GoDaddyk SOPAren inguruko iritzia ziztu bizian aldatu behar izan zuela, antza denez bezero ihesaldien jarioa gelditzeko arrakasta gutxirekin.

Gaur egun ezagutzen dugun internet sarean bere negozio guztia duen enpresa batek, sare hau hainbeste aldatuko duten legeen alde agertzea guztiz ulertezina bada, are eta gehiago bere bezero guztiak arriskuan jartzearen aldeko pausoak onartzea. Hemen ez daude hiruzpalau milioi dolar bakarrik jokoan, milioika pertsonen pribazitatea eta eskubideak ere kolokan ipintzen dira.

Gauzak honela, oso gertakari ulergarria da GoDaddy bizitzen ari den krisia. Bezeroek espero zuten bakarra diru bat ordaintzen dioten horri eurenganako gutxieneko konfidantza ematea zen, eta euren gutxieneko defentsa bat. Enpresaren partetik ez da horrelakorik ikusi eta ondorioz erabiltzaileen konfidantza galdu du.

Aurrerantzean, enpresa batek baino gehiagok oso ondo pentsatuko du edozein gairi buruz bere iritzia eman baino lehen, batez ere erabiltzaileen interesen aurka joan ahal bada. Gaur egun, informazioa oso azkar mugitzen da, eta erabiltzaileek informazio honen abiadura azkartzeko ahalmena dute. Enpresek oso ondo kontrolatu beharko lukete euren informazio politika, eta baita erabiltzaileenganako komunikazioa ere.

Estekak: Si quieres SOPA, toma dos tazas. Enrique Dans

Mugikorrentzako sistema eragile benetan askea beharrezkoa da

2011-12-17T19:55:00.001+01:00

Carrier IQ izeneko software batek smartphonen sektoreko hautsak astindu zituen pasa diren asteetan. Software hau mugikorretan instalatuta dator eta izkutuan erabiltzailearen mugimendu guztiak gordetzen ditu.

Hau berez oso larria da, baina gainera Carrier IQ famatuaren existentzia ezkutukoa izateak, mugikorrak eskaintzen dizkiguten enpresek guregan duten errespetua kolokan jartzeko modukoa da.

Guzti hau azalera atera zuen pertsona Trevor Eckhart izan zen, HTC mugikor bat erabiliz software hau aurkitu eta gero. Kasuaren larritasuna ez da hor gelditzen ordea, asunto honetan Android, iOS eta Symbian eskuak zikin dituztela jakin bait da.

Nola ez, mugikorren industrian dauden aktore guztiak ziztu bizian euren iritzi eta aklarazioak ematera irten dira. Googlen esanetan Android sistema eragileak ez dauka defektuz Carrier IQ, baina operadore desberdinek sistema eragile honetan egiten dituzten pertsonalizazioetan software hau agertzea posible da. HTC Taiwandarra ere ildo berean mintzatu da, Carrier IQ operadoreen exijentzia dela adieraziz.

Applek berriz, bere mugikorren hurrengo bertsioetan software polemikoa egongo ez dela esan du. Kasu honetan Cupertinoko enpresa Google baino egoeta txarragoan aurkitzen da, Applek iPhonen inguruan kontrol guztia bait dauka, software eta hardware. Honek esan nahi du, beraz, Applen kasuan Carrier IQren existentzia jakina zela. Antza denez, hala ere, iPhonean software hau diagnosi moduan dagoenean bakarrik aktibatzen da.

Nokiak zuzenean bere fabriketatik Carrier IQ instalatuta duten mugikorrik ateratzen ez dela esan dute eta RIMek (Blackberry mugikorrak garatzen dituen enpresa) ere edozein erlazio ezeztatu du.

Gauzak honela, erabiltzaileen papera edo egoera aztertu beharra dago. Argi eta garbi gelditzen da fabrikatzaile eta operazaileek gure pribazitatea ez dutela inolaz errespetatzen, aipatzen dugun kasua adibide bezala ipiniz (zoritxarrez ez da lehena eta esta azkena ere).

Zein da arazoa? Erabiltzaileek plataforma mugikorren gainean duten kontrol eskasa. Sistema eragile garrantzitsuenetan ez dugu benetako sistema askerik aurkitzen, eta egin dezakegun bakarra aukera txar guztietatik hoberena aukeratzea da. Symbian eta Meegoren egoera ikusita, aukera koherenteena Android izango litzateke, baina gogoratu beharra dago gure eskuetara iristen den Android sistema askea izatetik nahiko hurrun dagoela.

Mugikorrentzako sistema eragile askeak behar ditugu, erabiltzaileok gure poltsikoan daramagun gailuaren gain kontrol handiagoa izan dezagun. Askotan ez dugu garrantzitsutzat hartzen, baina gaur egun mugikorrei gure bizitzako aspektu gehiegi kontatzen dizkiegu, askotan ohartu gabe. Eta enpresa desberdinek zure kokapena momentu oro jakitea pribazitatearen aurkako erasotzat ez baldin baduzu, zer deritzozu Carrier IQ bezalako software batek zure bankuko online kontura sartzeko erabili dituzun pasahitzak jakitea?

Software askea mugikorretara iristea oso beharrezkoa da, gure informazioarekin operatzaile eta fabrikatzaileek nahi dutena egin ahal ez dezaten, gutxienez guk ezer jakin gabe.

Estekak:

Web nabigatzaileen borrokan aldaketak, Chromek Firefoxi bigarren postua kendu dio

2011-12-14T23:03:00.001+01:00

Denboralditxo bat pasatu da jada azken sarrera idatzi nuenetik, eta joera honekin amaitzeko garaia iritsi denez, hemen naukazue berriro.
Zenbait gai ditut hurrengo egunetan jorratzeko, baina gaurkoan web nabigatzaileen munduari buruz hitz egitea nahi dut.

Izan ere, orain dela aste bat edo bi nabigatzaile garrantzitsuenen merkatu kuota aztertzen dituzten pare bat ikerketa agertu ziren. Nahiz eta hauetan emaitzak ez diren zehazki berdinak, biak nabigatzaile bakoitzaren tendentzia modu berdinean irudikatzen dute. Dudarik gabe, tendentzia hauek erakusten duten gertakari aipagarriena Firefoxek merkatu kuotaren bigarren postua galdu duela, Google Chrome nabigatzaileari bere lekua lagata.

Azken boladan antzeman zitekeen zerbait zen hau, Chrome gero eta indartsuago bait zebilen Firefox poliki poliki erabilera portzentaian behera zihoan bitartean. Ematen du, beraz, momentua iritsi dela, eta honek luzaroan nabigatzaileen munduan eduki dugun egoera aldatu duela. Ezin da ahastu Firefox urteetan zehar izan dela bigarren nabigatzaile erabiliena eta Internet Explorer handiaren inperioa erasotzen egon diren nabigatzaileetan lehena.

Borroka honek, gainera, beste konnotazio batzuk eduki ditu. Azken finean bi filosofia desberdinen borroka bat izan da, korporazio multinazional baten eta software askearen aldeko apustua egin duen fundazio baten arteko borroka alegia. Biak guztiz baliodunak, baina aldi berean desberdinak.

Baina ez dira Firefox eta Chrome aztertutako nabigatzaile bakarrak. Aipatutako ikerketek Internet Exploreren gorakada txiki bat erakusten dute, Safariren beherakada batekin batera. Opera, bestalde, bere merkatu kuota txiki baina egonkorrarekin mantentzen da.

Zeintzuk dira hiru nabigatzaile handienen joeren arrazoiak? Alde batetik Internet Explorer asko hobetu den nabigatzaile bat da, batez ere azken urteetan konpetentziak indarra kendu diola ikusi eta gero Microsoft lanean ipini denetik. Gainera Windows sistema eragilea munduan erabiliena dela jakinda, nabigatzaile honek kuota finko bat edukiko duela pentsatzea nahiko zentzuduna da, monopolio polemikak alde batera utziaz.

Bere aldetik, Chrome sekulako indarrarekin dabil. Azken finean nabigatzaile honen atzean Google dago eta honek milioika erabiltzaile potentzial edukitzea ahalbidetzen dio. Gainera nabigatzaile bezala duen kalitatea ezin da ukatu, konpetentziarekin borrokatzeko gai dela erakutsi baitu, nabigatzaile arin eta aldi berean berritzailea dela frogatuz.

Firefox berriz krisi batean murgildurik dagoela esan daiteke. Ez kalitate aldetik, arlo honetan asko hobetzen bait doa, batez ere historikoki eduki duen arazo nagusienean, nabigatzailearen pisua. Berandu bada ere Mozillako mutilek lanean dihardute euren nabigatzailea alde horretatik eraberritzeko. Bestalde azken boladan erabiltzen ari diren eguneratze politikak beharbada onurak ekartzea baino gehiago, kalte egin dio. Firefoxen arma boteretsuena bere gehigarri ekosistema erraldoia da, eta nabigatzailearen eguneraketa bakoitzean gehigarri askok konpatibilitatea galtzen dute. Beraz, aste gutxika eguneraketa bat baldin badator, Firefoxek duen ezaugarri onena lastre bihurtzen ari dira, eta ondorioz erabilzaileen konfidantza galtzen.

Safari eta Operari buruz, nobedade gutxi daude. Biek erabiltzaile masa finko bat dute, eta hori momentuz ez dute galduko. Gainera nabigatzale bezala guztiz baliogarriak dira. Hala ere, epe motzera ez dut uste hauetako batek merkatu kuotna nabarmenki igoko duenik, gaur egun aukerak IE, Chrome eta Firefoxen artean ikusten bait ditut.

Hau ikusita, nire nabigatzailea Firefox da, eta berdin jarraituko du aurrerantzean. Alde batetik Internet Explorer ezin du erabili, Linux sistema eragilerako ez bait dago. Chrome bestalde, oso nabigatzaile potentea da. Hala ere Googlen software bat izatean, uste dut beste aukera bat bilatzea hobe dela. Azken finean jadanik asko dira erabiltzen ditugun Googlen zerbitzuak, eta beharbada ez du merezi kopuru hau handitzen jarraitzea.

Firefox, bere aldetik, hiru nabigatzaile hauetan askeena da. Internet Explorer guztiz itxia dela jakina da eta Chrome, nahiz eta open source bezala saltzen diguten, ez da hain askea. Chrome Chromiun nabigatzailean dago oinarrituta. Bigarrena kode askekoa da, eta Chrome berriz ez. Egia da, Firefox beharbada pixkat berandu dabilela bere arazoak konpontzeko, eta eguneraketa arinak arazoak dakartzala, baina hala ere honek nabigatzailearen garapena bizkortuko du, eta zihur gehigarrien inkonpatibilitatearekin amaitzeko pausoak emango dituztela.

Iritzirik?

Estekak: Evolución del mercado de los navegadores. Chrome abeunt studia in mores.

Googlen zerbitzu ekosistema bere sare sozialaren inguruan berrantolatzeko prozesuak aurrera darrai

2011-11-26T09:24:00.001+01:00

Mountain Viewko enpresa famatuak Google+ aurkeztu zuenean, mundu guztiak sare sozial berriaren garrantzia ulertu zuen. Googlen partetik sare sozialetara sartzeko azken aukera izango zela pentsatzen zen, eta momentuz aukera hori aprobetxatzen ari dela ematen du.

Googlen barnean ere zerbitzu berriak duen pisua oso nabarkena da, bilatzailearen enpresak hartutako erabakiek erakusten duten moduan. Adibidez, langileen soldata extra Google+ berriaren arrakastaren araberakoa izango zela adierazi zutenean sare sozial berriak porrot egitea aukeratzat hartzen ez dutela erakutsi zuten, erabaki honen egokitasunaren eztabaida alde batera lagata.

Baina horretaz gain, Google+ bere jabearen zerbitzu asko aldatzen dabil. Hauetan ebidenteena Googlen zerbitzu guztiek jasan duten berdiseinua izan da. Hala ere, ez dira hemen gelditu aldaketak, izan ere Googlek bere zerbitzu ugari geldiaraztea erabaki du, beste batzuen artean Health edo Friend Connect. Ematen du kolokan zeuden proiektuak alde batera laga nahi dituztela bere indar guztiak gaur egungo borrola garrantzitsuenean ipintzeko.

Badira, gainera, aldaketa estetiko soilak baino berrikuntza sakonagoak jasan dituzten zenbait zerbitzu, hauetan polemikoenetakoa Readeren egindakoak izanik.
Google Readerek bere alde soziala galdu du duela zenbait aste, hau da, bakoitzak interesgarri kontsideratzen dituen artikuluak bere kontaktuen artean partekatzeko aukera. Honek ez du esan nahi, ordea, Readerek gure intetesak partekatzeko auketa kendu digunik. Besterik gabe, kontaktuen artean gure interesak partekatzeko aukera Google+ bidez kanalizatzea erabaki dute, +1 botoia erabiliz. Mugimendu honek munduko zentzu guztia duela pentsatzen dut, azken finean Googlek bere sare soziala ahalik eta gehien indartu nahi du, eta hau egiteko bere gainontzeko zerbitzu guztiak sare sozialaren orbitan ipintzea oinarrizkoa dela ikusi dute. Honekin, alde batetik orain arte Googlen zerbitzuak erabiltzen zituzten pertsona guztiak bere sare sozialerantz bultzatzen dituzte, eta bestetik sare soziala Googlen zerbitzu guztiekin integratzen dute, sare sozial interesgarriago bat eskainiz.

Hala ere, aipatutako aldaketek zenbait kritika jaso dituzte, jende askok gauzak bere horretan uztea hobe zela uste bait du. Egia da, Google+ erabili nahi ez bada, aldaketa hauek erabiltzaile askorentzat okerrak izan daitezkeela.
Nire kasu partikularrean, Readeren aukera sozial zaharrak inoiz ez ditut erabili, eta +1 botoia hiruzpalau aldiz bai, ordea. Jadanik jakingo duzue sareko zerbitzuen alde sozialari erabilera gutxi ematen diedala, eta ondorioz ni ez naizela alderdi hau neurtzeko pertsona egokia.

Hori bai, uste dut Readerek bere alde soziala mantentzen duela. Orain Google+ erabiliz, baina azken finean hor dago. Googlen pauso logiko bat dela uste dut, eta beharbada laster antzeko aldaketa gehiago ikusiko ditugu beste zerbitzu batzuetan.

Foursquare, geolokalizazio zerbitzu nagusia izatearen bila

2011-11-21T23:05:00.001+01:00

Mugikorren iritsierarekin, gehien garatu den erabilpen bat geolokalizazioa izan da. Une bakoitzean non gauden erakusten duten aplikazioak gero eta ugariagoak dira, eta informazio hau erabiltzaileeri interesagarria suertatzen zaien moduan aurkezten duen industria berri bat sortu da.

Hauetan famatuena, dudarik gabe Foursquare da. Zerbitzu honek gure eta gure ezagunen posizioa publiko egitea ahalbidetzen du, eta hirietan dauden gune desberdinak ezagutzeko laguntza eskaintzen du joku modura diseinatuta dagoen erabiltzeko erari esker.

Taberna, pub edo denda bat ezagutzen duen lehenak Foursquare bidez "check in" egin eta bere ezagunei leku hori ezagutzera emango die, horren ordez "badge" izeneko ordainsariak lortuz.

Modelo honi esker, Foursquarek mugikorren sektoreko aplikazio garrantzitsuenetako bat izatea lortu du, eta geolokalizaioaren munduan beharbada famatuena. Eta ez hori bakarrik, Google Latitude edo Facebook Places bezalako aukerei aurre egin ahal izan die, eta ez dut uste bi zerbitzu hauen atzean dauden enpresen pisuaz ezer esatea beharrezkoa denik.

Hasiera batean aurkeztu zuen "joku" antzeko aplikazioa oso ondo pentsatuta zegoela argi eta garbi gelditu da, baina orain bere izaera aldatu beharra ikusi dute Foursquareko mutilek, orain milioika erabiltzaile lortu dituztela.

Foursquare berriak, gure lagunak non dauden erakusten digu eta baita gure posiziotik gertu dauden gune interesgarriak gomendatu ere, bai beste erabiltzaileen botuak erabilita, eta baita guk geuk iraganean erakutsitako interesetan ere. Eta guzti hau, denbora errealean.

Geolokalizazioak bere garapenarekin jarraitzen du. Beti bezala, honek gure bizitza erosotasoago egiten digu eta leku gehiago ezagutzeko aukera emango ere, baina ezin da ahaztu gure lokalizazio eta informazioa ematearen truke.

Egia esanda nik ez dut inoiz erabili, ez Foursquare eta ezta antzeko aplikazioarik ere ez, baina horrek ez du esan nahi sektore honek gauza interesgarriak ematen ez dituenik. Nire gomendioa, erabili bai, baina honek dakartzan inplikazioak ondo ulertuta.

Estekak:
Foursquare evoluciona hacia tu guía personal
Foursquare deja de ser 'sólo' un juego

Google Music, gure musikaren kudeatzailea izateko borrokara iritsi den azken zerbitzua

2011-11-19T20:44:00.001+01:00

Ez da berria Google musika zerbitzu baten garapenean gogor dabilela lanean, Google Music Beta duela denboralditxo bat eskuragarri bait dago Estatu Batuetan. Garapen hau aurrera doala erakusten duen albistea, aste honetan zehar Googlek ezagutzera eman duena izan da: Google Music beta izateari utzi dio, zenbait funtzionalitate berrirekin batera.

Berrikuntza hauek, nagusiki, musika erosteko denda baten sorrera, Google+ sare sozialaren integrazioa eta, nire ustez interesgarriena, Artists Hub izeneko funzioa.

Aipatutako hiru berrikuntzetatik, lehen bieri buruz ez dago kontatzeko gehiegi. Alde batetik iTunes famatuari (beste batzuen artean) aurka egiteko sortutako musika denda bat garatu du Googlek, beraz, berrikuntza modura ezer gutxi. Denda honen ezaugarri nagusiena, beharbada, Googlek agindutako musika esklusiboa izan daiteke, hots, Coldplay taldeak Madrilen emandako kontzertua edo Rolling Stones mitikoen argitaragabeko materiala.

Google+ sarearekin integrazioa ere aldez aurretik iragarri zitekeen zerbait zen. Mountain Viewko enpresak bere sare sozialean ditugun lagunei gure musika bidaltzea ahalbidetuko digu, hauek guk erosi edo entzuten duguna jakin dezaten. Hori bai, bidalitako abestian behin bakarrik entzun ahal izango dira.

Eta lehenago esan dudan bezala, Google Music zerbitzuak dakarren berrikuntza nabariena Artists Hub da. Honen bidez, musikari desberdinek Googlen zerbitzura euren abestiak igo ahalko ditzute, eta talde hauek dituzten jarraitzaileen esku ipini. Material guzti honen salneurria artistek aukeratu ahal izango dute, dohainik eskaintzetik diru truke musika saltzera iritsiz. Nola ez, lehenik eta behin Googlen kutxatik pasatuz.

Antza denez, artistei modu honetan musika ezagutzera emateko zerbitzuak existitzen dira jada (Bandcamp), ez da beraz Googlen asmakizun bat, baina gutxienez interesgarria da interneteko erraldoiak artisten aldeko modelo hau aukeratu izana, musikaren industrian existitzen diren bitartekariak alde batera utziaz.

Eszenatokia borrokalariz betetzen hasia da jada online musikaren munduan. Google, Amazon eta Facebook bertan badaude jada, Ubuntu One Music bezalako zerbitzu txikiagoekin batera.

Seguru enpresa hauek borroka interesgarri bat erakusten dutela aurrerantzean. Hori bai, copyrightaren mundua nola ipintzen dabilen ikusita, beharbada hobe gure abestiak gure ordenagailuan mantentzea.

Estekak:
Google Music, la competencia a la iTunes Store.. y a Bandcamp
Google Music is open for business

Internetek ekarri zuen iraultza galtzen ari al gara?

2011-11-18T10:00:00.000+01:00

Internetek gure bizitza aldatu du. Sarera sarbiderik eduki gabe gure egunerokotasuna ezin da imaginatu. Hasieran informazio hutsa aurkitzen zen interneten, baina gaur egun esku artean dugun sarea ez da orain dela hamar-hamabost urte ezagutu genuen asmakizun primitiboa.

Gaur egun internetek ezagutu egiten gaitu, edozein webgunetan gure interesa pizteko aukera asko dituen iragarkiak aurkitzen ditugu, sare sozialek gure lagunak zeintzuk diren dakite eta askotan gure lagunak izan daitezkeenak gomendatzen dizkigu, poltsikoan daramagun mugikorrak gure kokapena kalkulatuta gure gustokoa izango den lokal bat gomendatzen digu.

Guzti honek orain dela denbora gutxi imaginatu ezin zitekeen eszenatoki batean ipintzen gaitu. Dena modu erosoan egin daitekeen mundu batean aurkitu gara, dena eskuragarri ipintzen zaigun mundu batean. Hau dena, guregana iritsi nahi duten guztiek ezagutu egiten gaituztelako bakarrik da posible, batzuetan zeharka baldin bada ere.

Erosotasun guzti hauek, gainera, kasu gehienetan dohainik lortzeko aukera daukagu. Horrek ez du esaterik nahi, ordea, ezer ordaintzen ez gabiltzanik. Dudarik gabe aipatutako erosotasun eta erraztasun guztiak oso ondo daude eta gure bizitza hobetu dute, baina beharbada ordaintzen gabiltzan prezioa handiegia da.

Ia ohartu gabe gure informazio guztia enpresa boteretsuen eskutan ipini dugu, guk geuk gutaz dakigun informazio gehiago jakitera iritsi diren punturaino. Gure emailak dituzte, guk tuiteatzen duguna, eta sare sozialetan partekatzen duguna. Beste hitz batzuntan esanda, gure beharrak, ideiak eta interesak. Gmailen aurkezten zaigun publizitateari begirada bat botatzea besterik ez dago Googlek gure perfila zein ondo irudikatuta daukan ikusteko.

Askok esango dute, enpresa horiek gure datuekin ez dute ezer txarrik egingo, eta gainera nik ez dut ezkutzatzeko ezer, beraz ez dago zertan beldurtu. Enpresa hauek negozioa egiten ari dira, besterik ez. Euren interesak errespetatuak diren bitartean, ez da ezer gertatuko. Baina zirko honetan ez dira Facebook, Google edo Twitter interesak dituzten enpresa bakarrak. Entretenimenduaren lobbyak bere negozioarentzat mehatxu bat ikusi du internetek suposatu duen guztiarekin, eta lobby honek daukan boterea izugarria dela ikusten da, batez ere azkenaldian bultzatzen ari diren legeak ikusita.

Ez pentsatu politikarien gauza dela. Politikariek euren buruzagiak dituzte, eta azken hauek dira Sinde legea, ACTA, HADOPI, SOPA edo PROTECT-IP bezalako erasoak diseinatu eta indarrean sartzen dituztenak. Hasiera batean hilzorian dagoen industria baten azken arnasaren lekuko izateko jaiotako legeak direla ematen badu ere, benetan munduko gobernu boteretsuenak gure gain ipintzeko gai diren mugimenduak dira.

Eurentzat mehatxua suposatzen duen edozer desagertarazteko posizioan egongo dira, bai komertzialki eta baita beste edozein mugimendu sozial modura. Adibide garbiena, Wikileaks. Ku Klux Klan bezalako erakundeei donazioak onartzen dituzten enpresa berdinek Wikileaks ekonomikoki ito eta kitto, desoroso bihurtutako erakundea hilzorian.

Zerk geldiaraziko die gauza berdina beste erakunde eta pertsonekin egiteko? Ezerk. Guztiak kontrolpean edukitzeko tresnak dituzte, eta guztiei buruz dena dakite. Edo jakingo dute, guk gutaz hitzegiten diegun bitartean.

Estekak:
       Primer draft de la W3C sobre Privacidad Online
   'Stop Online Piracy Act' o SOPA, el ataque definitivo a internet
   La alarmante pérdida de privacidad debida a los dispositivos móviles

Hemendik aurrera euskara batuan idatzita egongo dira blog honetako sarrerak

2011-11-18T08:38:00.001+01:00

Egunon danori. Gaurkuan abisu batekin nator, blogan inguruko abisu batekin.

Azken egunetan blogian erabiltzen doten euskeria zenbait irakurlentzat ulertzen pixkat zaila izan leikela pentsatzen egon naiz. Oin arte behin baino gehixautan pentsatu doten zerbait izan da baina oin arte gauzak bere horretan mantentzia erabaki izan dot. Beti pentsatu izan dot nahiz eta euskara batuan ez idatzi, sarrerak ulertzeko zailak ez zirala, baina biharbada irakurketa pixkat konplikatu itxen zebala, jende askondako ohikuak ez ziran hitzen erabilpena dala ta.

Arrazoi hauen ondorioz, hemendik aurrerako sarrerak euskara batuan idaztia erabaki dot, gaur egun blog honek euki ditzakeen bisitarientzat irakurketa errazago bat ekarriko dabela uste dotelako.

Eta bueno, horrek irakurle berrixak ekartzeko balio badau, primeran.

Espero dot aldaketa hau danon gustukua izatia. Zuen ikuspuntuan zain gelditzen naiz.

Kirola egiten hasi beharko, aireportuetan gorputza lotsarik gabe erakutsi ahal izateko

2011-11-16T23:19:00.001+01:00

Momentu honetarako gutxi izango dira aireportuetan segurtasun kontrolak pasatu ez ditxuzten pertsonak. Azken urtietan segurtasunan inguruko paranoia dala ta, noizian behin albiste berri bat agertzen da, bidaiariak kontrolatzeko teknologia berri batekin edo gai honen inguruan lege aldaketa batekin.

Azkena gorputz eskanerrak izan dira. Badira urte batzuk teknologia berri hau aireportuetan ipintzeko proiektuak garatzen egon dirala, eta ematen dabenez eskanerrak laster gure bidaietako argazki albumetan agertuko dira.

Aste honetan bertan Europar Batasunak eskaner hauek onartu ditxuala ezagutu da. Egixa da zenbait herrialdetan eskanerrak erabiliak izan dirala jada, baina suposatzen dot kontinente mailan lege komun bat ezartzeko helburua dakala erabaki honek.

Zoritxarrez, lehenau edo beranduau instalatuko zirala jakina zan, nahiz eta seguruenik jende gehixenari ez gustatu, edo gutxienez jende gehixenari deserosotasunak sortu.

Segurtasun kontrolak guztiz ezabatu bihar diran ala ez eztabaidatu gabe, kontrol hauek gero eta zorrotzauak dirala ezin da ukatu. Oin dala hamar urte baino seguruago al gauz aireportuetan? Nik ez dot hola ikusten. Kontrol hauek gaur egun gehiegizkuak dirala pentsatzen dot, eta gainera askotan bilatzen duten helburua ez dute ganoraz betetzen.

Gure gain begirada guztiak ipintzen ditxuan beste neurri bat da hau, kontrol soziala "sozialitzatzen" daben beste saiakera bat, kontrol soziala "normalizatzen" daben neurri bat.

Esaten danez eskanerretik pasatzia aukeratu ahal izango dan zeoze izango da, baina oso erreza izango da eskanerra "aukera onena" bihurtzia, adibidez, eskanerra onartzen ez duten pertsoneri segurtasun kontrolan prozesua artifizialki denboran luzatzen.

Oinguan gure gorputz biluzia ikusi bihar dutela esaten doskue, gure segurtasunerako, baina laster hori ez da nahikua izango eta beste neurri bat diseinatuko dute.

Nokia Word 2011, Nokiaren lehen produktuak Windows Phonekin

2011-11-01T18:51:00.001+01:00

Aurreko astian Nokiak beran nobedade guztiak aurkeztu zitxuan Nokia Word ekimenian. Seguruenik aurtengua Finlandiako enpresa honen historiako Nokia World garrantzitsuena izan da, azken urtietan euki daben gainbehera dala ta.

Jakingo dozuen moduan, Nokiak ezin izan dau gama altuko sektorian beste batzuen indarra jasan, eta ondorioz merkatu kuotan Nokia smartphonek beherakada nabari bat euki dute. Gama baxuan kasuan bere horretan mantendu bada be, teknologia aurreratuena erabiltzen duten gailuak ondo garatzen ez dau jakin, eta hau da gaur egun mugikorrak ekoizten ditxuan enpresa baten osasuna neurtzen daben alderdi nagusia.

Hau dala ta, oin dala hilabete batzuk Nokiak aldaketa garrantzitsu bat iragarri zeban beran negozio modeloan. Aldaketa honen puntu garrantzitsuena, nola ez, Nokia mugikorrek Windows Phone sistema eragilia edukiko zutela izan zan, eta bestetik Symbian eta Meego sistema eragilien garapena alde batera lagatzia.
Aldaketa guzti hauek Nokia ze egoeratan lagatzen duten ikusteko lehen aukera pasatu dan asteko Nokia World izan da, eta hau da ekimen honek dakan garrantzian arrazoia.

Bertan ikusi ahal izan zana jakinda, esan leike Nokiak beste martxa bat sartu dabela beran produktuetan, eta Windows Phone sistema eragiliaz gain beste hainbat berrikuntza aurkeztu ditxu.

Garrantzitsuena, espero zan bezela, Microsoften sistema eragiliakin datorren lehen mugikorra izan da. Mugikor hau Nokia Lumia 800 izenakin ezagutarazi dute eta lehen kontaktuan behintzat oso mugikor interesgarrixa ematen dau. Diseinu aldetik pertsonalki asko gustatu jata, N9 mugikorran disenu berdina dauka, Meego Windows Phonegaitxik aldatuta noski.

Espezifikazio teknikueri dagokionez, ez dauka punta-puntako teknologia, baina horrek 420 € 'bakarrik' baliotzeko aukeria ematen dotxa. Ezaugarri honek salmenta onak eukiko ditxuala aurreikustia ahalbidetzen dau, erabiltzailien %90an beharrak betetzeko gai izango dan bitxartian.

Mugikor honen funtzionamenduak Nokian etorkizuna marrazten hasiko da, beran etapa berri honetan, beraz oso gertutik kontrolatzeko gailu bat izango da.

Beste berrikuntzak teknologikuauak izan dira, epe luzerako garapenak eta pixkat efektistak (baina ez horregaitxik interes gutxikuak). Adibidez, mugikor malgu bat aurkeztu dute, eskuekin doblatzen erabili ahal dan mugikor bat. Ez da lehen aldia terminal malguak ikusten ditxugula, baina egixa da antza danez Nokiak nahiko aurreratuta daukala alderdi honetan beran lana.

Beste adibide bitxi bat, ura egozten duten mugikorrak. Guzti hauek momentuz prototipuak dira, baina seguru denbora pixkat itxaronda, gure artian egongo diran teknologiak izango dirala.

Laburbilduz, Nokiak beran etorkizuna nudik jungo dan erakutsi dau, Windows Phonen alde apustua, Symbian eta Meego ematen daben baino biziago mantentzen eta enpresako injeniariak euren lana itxeko presionatzen (ordua da ta).

Pertsonalki Nokian etorkizuna ondo ikusten dot.

Ubuntu Oneiric Ocelot, iritziak

2011-10-27T19:19:00.001+02:00

Egun batzuk pasatu dira jada Canonicalek beran sistema eragilian bertsio berri bat askatu zebanetik. 11.10 bertsioa probatu baino lehenau honek ekarriko zitxuan nobedadiak jakinak baziran be, software berrixa probatzia baino hoberik ez dau honen ezaugarri eta funtzionamendua ikusteko.

Egixa esan bihar badot ez dot Ubuntu Oneiric Ocelot modu sakonian ikertzeko aukerarik izan, baina eguneroko erabilera sistema berrixan inguruan iritzi bat sortzeko nahikua dala uste dot.

Nere kasuan, iritziak eta sentsazioak oso onak dira, Ubuntuk azken bertsioetan euki daben garapenan azelerazioakin aurrera jarraitzen dabela nabaritzen dotelako. Goazen sistema eragile berri honek ekarri ditxuan zenbait berrikuntzekin.

Ordenagailua piztu eta ikusten dogun lehen gauzia login pantaila berrixa da. Pantaila berri honek LightDM erabiltzen dau izen emate sistema gisa. Alde batetik, Ubuntun itxurara gehixau gerturatzen da aurreko bertsioetan zetorren login pantailakin alderatzen badogu, eta nere ustez itxura hobia dauka orain (hori bai, hau guztiz subjektiboa dan zeozer da) eta bestetik aurreko sistema baino arinaua da.

Behin mahaigaina agertzen danian, ez da sekulako aldaketarik ikusten lehen momentu batian. Berrikuntzak posta elektronikua erabiltzetakuan, nautilus fitxategi sistema nabigatzailia irekitzian edo notifikazio arean ibiltzian agertzen dira. Lehenenguan kasuan, aplikazio berri bat daukagula ikusiko dogu, Thunderbird. Aplikazio hau Mozilla fundazioak garatzen dau, eta Evolution posta aplikazioan lekua hartzera etorri da. Aldaketiakin erabiltzailiok aplikazio askoz arinaua daukagu, gehigarri bidez eraldatu ahal dana. Hori bai, ointxe Evolutionek zekan egutegi euskarria galdu da Thunderbirden iritsierakin, naiz eta hau lortzeko gehigarriak instalatzia oso erreza dan Mozillan posta aplikazioan. Nere kasuan honek ez dau galera handirik suposatzen, ez bait neban egutegi funtzionalitatia gehiegi erabiltzen.

Nautilus irekitzian, esan doten bezela, aldaketak ikusiko ditxugu. Nabariena, leihoen estilo aldaketa. Baina aldaketak ez dira hor gelditzen, Ubuntu berrixak GTK3 implementatzen bait dau leihoen kudeaketarako.

Aurrez aipatutako aldaketekin jarraitzen, notifikazio areako nobedadietaz berba ein biharra dau. Aldaketa hauek ez dira oso sakonak izan, baizik eta aukeren berrantolaketa hutsak. Adibidez, mezularitza aplikazioetan daukagun egoera aukeratzeko komunikazio areara jo biharko da, aurreko bertsioetan baino modu intuitiboagoan alegia.

Unityk bebai beran garapenakin jarraitzen dabela erakutsi dau. Dash deitzen duten aplikazio abiarazleak, adibidez, itxura berriztatu bat erakusten dau eta aplikazioak eta fitxategiak aurkitzeko aukera gehixau ditxu orain, hots musika bilatzaile berrixa.

Beste berrikuntza garrantzitsu bat, Software Centre berriztua. Azkenengo aldietan bezela aplikazio honek aldaketak jasan ditxu, baina oinguan aldaketa honek sakonauak izan dira. Softwarea lortzeko aplikazio honek orain itxura guztiz desberdina dauka, askoz he aurreratuaua. Gainera, Canonicalek software zentru honetan esperantza asko ipinitxa ditxuala ikusten da, ordaindu biharreko aplikazioak agertzen hasi baitira bertan. Hau, Ubuntu Developer berrixakin batera, garatzailientzat ekosistema erakargarri bat sortzeko apustu argi bat da, nere ustez apustu oso egokia. Biharbada askok esango dute dohaineko aplikazioen amaiera izango dala hau, baina nere ustez ez da holakorik gertatuko. Alderantziz, betiko aplikazioak hor jarraitziaz gain, aplikazio berri mordo bat egongo dirala aurreikusten dot nik, dohainik edo diru kopuru baten truke. Gogoratu software askiak ez dakala zertan dohainekua izan, guztiz desberdinak diran bi gauza dira hauek.

Sarrera luze honekin bukatzen juteko, argudio teknikoetatik guztiz aldentzen diran sentsazioetaz aipaken txiki bat itxia nahi dot. Izan ere, aurreko Ubuntu bertsioakin alderatuta (Unity mahaigain kudeatzailia zekarren lehenengua) gauzak askoz be arinau doiaz, eta ez ditxut momentuz interfaze akatsak ikusi, oin harte Unitykin gertatzen jatan bezela.

Laburbiltzen, Ubuntuk aurrera jarraitzen dau, egunero hobetzen eta gero eta estilo erakargarriago batekin.

Blackberry mugikorren aste beltza, RIMen gainbeheran beste kapitulu bat

2011-10-25T09:12:00.001+02:00

Oso sonatua izan da Blackberry mugikorren jabiek hiruzpalau egunetan zihar euki zuten arazua, eta egixa esateko komunikabidietan eukitako denboria merezi zeban gertakari bat izan zan.

Gaur eguneko mundu ultrakomunikatu eta ultrakonektatuan gauzak funtzionatu ingo dutela aldez aurretik onartzen dogun zeoze da. Gmailen sartu eta gure mezuak hor egotia espero dogu, edo sare sozialak erabiltzerakuan bakoitzak igotako argazkixak bertan jarraitzia inoiz ez dogu zalantzan jartzen.

Online zerbitzuek eskaintzen duten fidagarritasuna oso handixa da, baina honek ez dau esaterik nahi beti hola izango danik. Horregaitxik, Blackberry mugikorren jabiek jasandako arazuek seguruena lekuz kanpo hartu zitxuan, euren egunerokotasuna kolokan lagata.

Hain dira fidagarriak gaur eguneko teknologiak, gure konfidantza itsu-itsuan ematen dotxegula. Hori bai, zeozer espero bezela ez dabilenian galtzen daben lehenengo gauzia gure konfidantza da, enpresek erabiltzailiengandik lortu ahal duten altxor baliotsuenetakua alegia.

Kasu honetan, RIM enpresiak milioika erabiltzailen konfidantza galdu dau, eta hau ez jakon batere interesatzen krisi sakon baten barnian murgilduta dauan egunotan.

Azkenaldixan Blackberry familiak iraganian zeukan merkatu posizioa galdu dau, eta garrantzitsuaua dan zeozer bebai, sektore honetan baliozko aktore izatian irudia. Oin dala urte batzuk Blackberry bat erabilpen enpresarialetarako tresna ahastu ezina zan, eta momentu honetan aldiz konpetentzian kontra burrukatu ezin daben produktu bat da.

Android eta iOS sistemen onduan zaharkiturik geratu dan sistema eragile bat, iraganian zeukan fidagarritasuna galduta eta garatzailientzat erakargarria ez dan plataforma batekin, RIM egoera negatibo batian aurkitzen da. Eta gainera mundu guztiko erabiltzailiak internetera sarbide gabe lagatzen baditxuzu, biharbada oin harte izan zaran enpresa arrakastatsua izaten jarraitziaz ahasten jun biharko zara.

RIMek beran sistemen diseinu oso oso eskaxa daukala erakutsi dau. Nik behintzat ezin dot imaginatu nola izan leiken hain zentralizatutako diseinu bat, kontinente desberdinetako erabiltzaliak azaro baten erruz konexio gabe lagatzeko.

Lan asko ein biharko dute euren posizioa berreskuratu ahal izateko, bai teknikoki eta baitxa erabiltzailien konfidantza aldetik.

Blog Action Day 2011: Janaria

2011-10-16T09:00:00.000+02:00

Gaur munduko blog askok Blog Action Day ekimena bultzatuko dute janarian inguruan sarrera bat idazten. Azken urtietan gertatu dan bezela ekimen honetan parte hartzeko, hemen dau nere sarreria.

Suposatzen dot jende askok egunero ahora zeozer eramatia luxutzat duten pertsona hoietaz hitzegingo dabela, egunero euren azken eguna izango ote dan zalantzan dauzen pertsona guztietaz alegia.

Nik ez dot arazo honi buruz berba ingo eta ez garrantzitsua iruditzen ez jatalako, baizik eta beste ikuspuntu batetik jorratu nahi dotelako gaur eguneko arazo larrienetako bat: munduko janarian kontrola.

Gaur egun gure mahaira heltzen dan janaria nundik datorren al dakigu? Eta zela ekoiztua izan dan guk kontsumitu baino lehenago? Nork kontrolatzen dau ekoizpen mundiala?

Gizateriak hemendik aurrera eukiko daben arazo larrienetako bat janarian kudeaketa izango dala gauza oso posible bat da. Egunero gosez hiltzen diran milaka pertsonen egoera istorio honen lehen kapitulua dala uste dot.

Lehen mundua deritzoguna ez da arazo honetatik libratuko, eta jadanik janaria kudeatzeko burruka hasita dauala erakusten duten zenbait mugimendu eman dira azken urtietan.

Burruka honen adierazle onena Monsanto izeneko enpresiak sortu ditxuan albiste guztiak dira, beste batzuen artian. Monsanto biharbada ez da jende guztiak ezagutzen daben multinazional horietako bat, eta horrek biharbada arriskutsuago bihurtzen dau, jendian ignorantziak askatasun gehixau ematen bait dotxa beran negozioa aurrera eramateko.

Patentatutako hazi transgenikoak eta patente hauen menpe lagatzeko nekazari txikieri presioak dira enpresa honen kurrikulumian agertzen diran zenbait puntu. Guzti hauen bidez munduko janari produkzioan portzentai handi bat kontrolatzera iritsi dira.

Alde batetik gizakian osasunian trangenikoek duten eragina inoiz argitu ez dan zeoze da, beran defendatzailiek inolako arazorik suposatzen ez dutela esaten duten bitxartian ahots kritikuak ditxuan teknologia bat izanik.

Bestalde nekazari txikiengan euren botere ekonomikoan pisua ipintzen dute, hauek patentatutako produktuak ekoizten hasi daitxezen, euren kontrolpian gelditxuz.

Guzti honekin zer lortzen da? Janaria negozio bihurtzia. Eta negozio honetatik at inor ez da gelditzen, bizirik iraun nahi ezkero behintzat.

On ein!