Selva Speaking

Accused (2026) - Thriller Drama - திரை விமர்சனம்

noreply@blogger.com (ISR Selvakumar) — Mon, 20 Apr 2026 04:36:00 +0000

லண்டனில் புகழ்பெற்ற மகப்பேறு மருத்துவராக இருக்கும் கீதிகா சென் (கொங்கணா சென் சர்மா), ஒரு பாலியல் புகாரில் சிக்கிக்கொள்கிறார். அந்தப் புகாரிலிருந்து எப்படி மீள்கிறார் என்பதுதான் இந்தப் படம்.

இந்தப் படத்தில் எனக்குப் பிடித்த ஒரு விஷயம், பெண்கள் இணையர்களாக வாழும் (Same-sex relationship) மிகையின்றி, மிகவும் சகஜமான ஒன்றாக காட்சிப்படுத்தப்பட்டுள்ளது. அதனை வலியுறுத்தும் க்ளிஷே காட்சிளோ, எதிர்க்கும் விவாதங்களோ படத்தில் இல்லை. ஆரம்பத்தில் கொங்கணா சென் சர்மா மற்றும் பிரதிபா ரந்தா ஆகியோர் திரையில் தோன்றும் போது ஒரே வீட்டில் வசிக்கும் தோழிகள் போலத்தான் அறிமுகமாகிறார்கள். கதை நகர நகரத்தான், அவர்களின் உண்மையான உறவு வெளிப்படுகிறது. இந்த எதார்த்தமான அணுகுமுறைக்காகவே இயக்குநர் அனுபூதி காஷ்யப்புக்கு ஒரு பாராட்டு.

கொங்கணா சென் சர்மா: ்கண்டிப்பான, திறமையான டாக்டர் வேடத்தில் அழகாக தன்னை பொருத்திக் கொள்கிறார். ஆனால் தன்மேல் புகார் வந்த பிறகு ஏற்படும் பதற்றத்தையும், அவமானத்தையும் மிக நுணுக்கமாக, வெளிப்படுத்தியிருக்கிறார்.
பிரதிபா ரந்தா: 'லாப்பட்டா லேடீஸ்' புகழ் பிரதிபா, இதில் தன் துணையின் மீது சந்தேகம் வந்தாலும் அவரை விட்டுக்கொடுக்காத அந்த நேசத்தையும், மனச்சிக்கல்களையும் மிக அழகாக வெளிப்படுத்தியிருக்கிறார். அவருடைய தோற்றமும் அழகு

படம் ஒரு த்ரில்லராகத் துவங்குகிறது. போகப்போக குடும்பத்திற்கு வெளியே நிகழும் சம்பவங்கள், உறவுகளுக்குள் சந்தேகத்தைக் கொட்டி, எப்படிச் சிக்கல்களை உண்டாக்குகிறது என்பதை அலசும் (Character study) படமாக நகர்கிறது. எனக்கு இந்த அணுகுமுறை பிடித்திருந்தது. உங்களுக்கு எப்படியோ?

படம் பற்றிய ஒரு சிறு குறிப்பு (Filmography Details):

திரைப்படம்: Accused (2026)
இயக்கம்: அனுபூதி காஷ்யப்
நடிகர்கள்: கொங்கணா சென் சர்மா, பிரதிபா ரந்தா
ஓடிடி தளம்: Netflix

மாத்தியோசி (My View): நமது 'AI சினிமா' புத்தகத்தில் நான் அடிக்கடி கூறுவது போல, ஒரு சிறந்த திரைக்கதை என்பது (Same sex relationship போன்ற) மாற்றங்களைக் கொண்டாடித் தீர்க்காமல், அல்லது துருத்தலாக விமர்சிக்காமல், இயல்பான ஒன்றாகத் திரையில் கடத்த வேண்டும். அதை 'Accused' கச்சிதமாக செய்திருக்கிறது. ஒரு பாலியல் குற்றச்சாட்டைச் சுற்றியுள்ள மர்மத்தை விட, அந்தப் புகார் ஒரு தனிமனிதனின் அந்தரங்க உலகிற்குள் ஏற்படுத்தும் விரிசல்கள்தான் படத்தின் பிரதானம்.

பார்க்கலாமா? கண்டிப்பாக. சமூக மாற்றங்களை இயல்பாகப் பேசும் கதைகளையும், கொங்கணாவின் அளவான நடிப்பையும் ரசிக்க விரும்புபவர்கள் இந்தப் படத்தை மிஸ் பண்ணக்கூடாது.

ஐ.எஸ்.ஆர். செல்வகுமார்

The Big Fake (2026) – விமர்சனம் - ஒரு போலியின் உண்மை முகம்!

noreply@blogger.com (ISR Selvakumar) — Thu, 16 Apr 2026 12:21:00 +0000

ரோம் நகருக்குத் தன் அதிர்ஷ்டத்தைத் தேடி வரும் டோனி (Toni) எனும் இளைஞன், அவனது அபாரமான ஓவியத் திறமையால் எப்படி, போலி ஆவணங்கள் மற்றும் போலி ஓவியங்களை உருவாக்கும் 'போர்ஜர்' (Forger) ஆக மாறுகிறான் என்பதே கதை. வெறும் ஓவியத் திருட்டு மட்டுமல்லாது, 1970-களின் இத்தாலிய அரசியல் சூழலில் நடந்த மிக முக்கியமான குற்றச் சம்பவங்களிலும் அவனது பங்கு எப்படி இருந்தது என்பதைப் படம் விரிவாகப் பேசுகிறது.

இந்தப் படம் டோனியின் 'நிஜமான' வாழ்க்கையை (Antonio Chichiarelli) அடிப்படையாகக் கொண்டது. நெட்ஃபிளிக்ஸல் 67 நாடுகளில் இது ஹிட் அடித்திருந்தாலும், விமர்சகர்கள் இதைப் பலவிதமாகப் பார்க்கிறார்கள்:

நாயகன் டோனி (Pietro Castellitto)  தன்னைச் சுற்றியிருப்பவர்களை, தன் உற்ற நண்பர்கள் மற்றும் காதலியை கூட தன் சுயநலத்திற்காகப் பகடைக்காயாகப் பயன்படுத்துகிறான். அவனது அந்த விசித்திரமான, முரண்பாடான குணம்தான் படத்தின் முதுகெலும்பு.

மறுபக்கம் (The Priest & The Friend): சர்ச்சில் பாதிரியாராக இருக்கும் அவனது நண்பன் மற்றும் மற்றொரு தொழிலாளி நண்பன் என மூவரும் இணைந்தே ரோமுக்கு வருகிறார்கள். ஒரு புனிதமான இடத்தில் இருந்துகொண்டு நண்பனுக்காகத் திருட்டுத் திட்டங்களுக்கு உதவும் அந்த ஃபாதர் கதாபாத்திரம், படத்தின் தார்மீகக் குழப்பங்களுக்கு (Moral Ambiguity) ஒரு சாட்சி.

போலி ஓவியங்களை விற்கும் நாயகி டொனாட்டா (Donata) மற்றும் டோனிக்கு இடையிலான உறவு எமோஷனல் ரீதியாகப் பெரிய தாக்கத்தை ஏற்படுத்தவில்லை என்று சில விமர்சகர்கள் கருதினாலும், காதலி கர்ப்பமாக இருக்கும் சூழலில் டோனி எடுக்கும் சில ஆபத்தான முடிவுகள் கதையின் போக்கை மாற்றுகின்றன, என்பது என் கருத்து.

விஷுவல் மற்றும் இசை:

1970-களின் ரோம் நகரை அப்படியே கண்முன் நிறுத்தியிருக்கிறார்கள். குறிப்பாக Iggy Pop-ன் 'The Passenger' போன்ற இசைக்கோர்ப்புகள் படத்தின் வேகத்திற்குப் பெரும் பலம் சேர்க்கின்றன.

படம் பற்றிய ஒரு சிறு குறிப்பு (Filmography Details):
திரைப்படம்: The Big Fake (2026)
இயக்கம்: ஸ்டெபனோ லோடோவிச்சி (Stefano Lodovichi)
வகை: Crime Drama / Period Piece
நடிகர்கள்: பியட்ரோ காஸ்டெலிட்டோ, அரோரா ஜியோவினாஸோ

மாத்தியோசி (My View):எனது 'AI சினிமா' புத்தகத்தில் நான் சொல்வது போல, ஒரு இயந்திரத்தால் ஒரு மனிதனின் முகத்தை அல்லது கையெழுத்தை அப்படியே 'நகல்' எடுக்க முடியும். ஆனால், இந்தப் படத்தில் டோனி செய்வது போல, ஒரு மனிதன் தன் அடையாளத்தையே 'போலி'யாக மாற்றிக்கொண்டு சமூகத்தில் உலவுவதை எந்தத் தொழில்நுட்பமும் முழுமையாகச் செய்ய முடியாது.

விமர்சகர்கள் சொல்வது போல இது சில இடங்களில் மேலோட்டமாகத் தெரிந்தாலும், ரோம் நகரின் அந்தப் பழைய காலத்து உணர்வையும், ஒரு கலைஞனின் வீழ்ச்சியையும் பார்க்கும்போது 'The Big Fake' ஒரு முக்கியமான படம்தான்.

பார்க்கலாமா?
நிச்சயமாக. ஒரு உண்மைச் சம்பவத்தின் பின்னணியையும், ரோம் நகரின் அரசியல் இருளையும் ரசிக்க விரும்புபவர்கள் இந்தப் படத்தை மிஸ் பண்ணக்கூடாது.

ஐ.எஸ்.ஆர். செல்வகுமார்

#திரைவிமர்சனம் #SelvaSpeaking #AICinema #சினிமா #திரைப்பார்வை #OTTReview #TheBigFake #ArtHeist #Netflix #NetflixIndia #யாதெனக்கேட்டேன்

War Machine (2026) | Review | Sci-Fi / Action / War | Netflix

noreply@blogger.com (ISR Selvakumar) — Thu, 09 Apr 2026 12:40:00 +0000

'Edge of Tomorrow' போன்ற படங்களில் வரும் அந்த வேகம் இதிலும் உண்டு. கதையை விட மேக்கிங்கில் வித்தை காட்டியிருக்கிறார்கள். உங்களுக்கு யுத்தக் கதைகளும், ஏலியன் வகை த்ரில்லர்களும் பிடிக்கும் என்றால், நீங்களும் ஒருமுறை தாராளமாகப் பார்க்கலாம்.

டைட்டிலை பார்த்ததும், ஏதோ ராணுவ முகாமில் நடக்கும் கடினமான உடல் சோதனைகளுக்கு உள்ளாகும் வீரர்களைப் பற்றிய கதை என்றுதான் நினைத்தேன். படமும் அப்படித்தான் ஆரம்பிக்கிறது. ஆனால், எதிர்பாராத திருப்பமாக திடீரென்று ஏலியன் போல ஒரு 'வார் மெஷின்' வானத்திலிருந்து குதிக்கிறது. அந்த நவீன இயந்திரத்தை நம் நாயகன் எப்படி ஒழித்துக்கட்டுகிறார் என்பதுதான் கதை.

பார்க்கும்போது தோன்றியது:
கேட்பதற்கு இது ஒரு சலிப்பான ஒன்லைன் போலத் தோன்றலாம், ஆனாலும் படம் முழுக்கச் சுவாரசியத்திற்குப் பஞ்சமில்லை. அதற்கு முக்கியக் காரணம், படத்தில் காட்டப்படும் அந்த லொகேஷன்களும், அமர்க்களமான விஷுவல் எஃபக்ட்டுகளும் (VFX) தான். குறிப்பாக மேக்கப். குண்டுகள் துளைத்ததும் சிதறும் மனித உடல்கள், குமட்டும் அளவுக்கு, உள்ளன. துரந்தர் படத்திலும் இந்தச் சாயலில் சில கொடுமையான மேக்கப்காட்சிகளைப் பார்த்தேன்.

எமோஷன்:
இது வெறும் ஆக்ஷன் படம் மட்டுமல்ல; முதல் காட்சியிலிருந்தே திரைக்கதையில் வெளியில் துருத்தாமல் ‘சகோதர பாசமும்’ இழையோடுகிறது. அந்த எமோஷனல் டச் படத்திற்கு ஒரு ஆன்மாவைக் கொடுக்கிறது. நெட்பிளிக்ஸ் டாப் 10 வரிசையில் ஓரிரு வாரங்கள் தொடர்ந்து இருந்ததால் ஒரு ஆர்வத்தில் பார்த்தேன், ஏமாற்றவில்லை.

படம் பற்றிய ஒரு சிறு குறிப்பு (Filmography Details):
திரைப்படம்: War Machine (2026)
ஓடிடி தளம்: Netflix
வகை (Genre): Sci-Fi / Action / War
நடிகர்கள்: ஆலன் ரிட்ச்சன் (Alan Ritchson), டென்னிஸ் குவைட்
இயக்கம்: பேட்ரிக் ஹியூஸ் (Patrick Hughes)

மாத்தியோசி (My View):
நான் எழுதியுள்ள 'AI சினிமா' புத்தகத்தில் கூறியுள்ளது போல, வரும் காலங்களில் ஹாலிவுட் எத்தகைய பிரம்மாண்டமான ஏ.ஐ தொழில்நுட்பங்களை விஷுவல் எஃபக்ட்டுகளில் பயன்படுத்தப் போகிறது என்பதற்கு இந்தப் படம் ஒரு டீசர்.

'Edge of Tomorrow' போன்ற படங்களில் வரும் அந்த வேகம் இதிலும் உண்டு. கதையை விட மேக்கிங்கில் வித்தை காட்டியிருக்கிறார்கள். உங்களுக்கு யுத்தக் கதைகளும், ஏலியன் வகை த்ரில்லர்களும் பிடிக்கும் என்றால், நீங்களும் ஒருமுறை தாராளமாகப் பார்க்கலாம்.

ஐ.எஸ்.ஆர். செல்வகுமார்

#WarMachine #MovieReview #FilmReview #EdgeofTomorrow #PatrickHughes

Vadh (2022) | Crime | Thriller | Netflix | Review

noreply@blogger.com (ISR Selvakumar) — Sun, 05 Apr 2026 13:13:00 +0000

'The Salesman' (ஈரானிய படம்) எப்படி ஒரு குடும்பத்தின் கௌரவப் போராட்டத்தைப் பேசியதோ, அதே தரத்தில் 'Vadh' இந்தியச் சூழலில் ஒரு தார்மீகக் கேள்வியை முன்வைக்கிறது. 'வத்' என்றால் 'தீமையை அழித்தல்' என்று பொருள், அது இந்தப் படத்திற்கு மிகப்பொருத்தம்.

நடிகர்கள்: சஞ்சய் மிஸ்ரா, நீனா குப்தா, சௌரப் சச்தேவா

இயக்கம்: ஜஸ்பால் சிங் சாந்து மற்றும் ராஜீவ் பர்ன்வால்

மத்தியப் பிரதேசத்தின் குவாலியர் நகரில் வசிக்கும் ஒரு நடுத்தர வர்க்க வயதான தம்பதி (சஞ்சய் மிஸ்ரா மற்றும் நீனா குப்தா). தங்கள் மகனின் படிப்புக்காக வாங்கிய கடனும், அதனால் ஏற்படும் அவமானங்களும் அவர்களை ஒரு இக்கட்டான நிலைக்குத் தள்ளுகின்றன. தன் குடும்பத்தைச் சீரழித்தவனை, ஒரு கட்டத்தில் பொறுமை இழந்து பழி தீர்க்கும் அந்த எமோஷனல் போராட்டமே இந்தப் படம்.

பார்க்கும்போது தோன்றியது:நிச்சயமாக இது 'திருஷ்யம்' (Drishyam) பாணியில் அமைந்த ஒரு சீட்-எட்ஜ் த்ரில்லர். ஆனால், இதில் இருக்கும் அந்த எமோஷனல் கனம் நம்மை உலுக்கி விடுகிறது. இவ்வகைப் படங்கள் மிகச்சாதாரண மிடில் கிளாஸ் குடும்பத்தையும், அவர்களின் அன்றாட வாழ்க்கைச் சிக்கல்களையும் மிக அழுத்தமாகப் பதிவு செய்கின்றன.

ஒன்றவைக்கும் திரைக்கதை:படம் பார்ப்பவர்கள் உடனடியாக அந்தக் குடும்பத்துடன் ஒன்றிவிடுகிறார்கள். அவர்கள் படும் கஷ்டங்களும், அந்தத் தந்தை படும் அவமானமும் நமக்கே நடப்பது போன்ற ஒரு உணர்வைத் தருகிறது. அதனாலேயே, அவர்கள் தவறே செய்தாலும் (கொலை செய்தாலும் கூட), அவர்கள் எப்படியாவது சட்டத்திடம் இருந்து தப்பித்துவிட வேண்டும் என்று நாம் மனதார விரும்புகிறோம். இதுதான் திரைக்கதையின் மிகப்பெரிய வெற்றி.

நடிப்பு:சஞ்சய் மிஸ்ரா - இந்திய சினிமாவின் மிகச்சிறந்த கலைஞர்களில் ஒருவர் என்பதை மீண்டும் நிரூபித்திருக்கிறார். ஒரு சாது மிரண்டால் என்னவாகும் என்பதைத் தனது அமைதியான நடிப்பால் மிரட்டியிருக்கிறார். அவருக்கு இணையாக நீனா குப்தா ஒரு நடுத்தர வர்க்கத் தாயின் தவிப்பை அப்படியே பிரதிபலித்துள்ளார்.

பார்க்கலாமா? கண்டிப்பாக.

தற்போது வாத் -2 வந்துவிட்டது. அதற்கு முன் இதைப் பார்த்துவிடுங்கள். விறுவிறுப்பான த்ரில்லராகவும், அதே சமயம் மனதைத் தொடும் எமோஷனல் டிராமாவாகவும் ஒரு நல்ல படம் பார்க்க நினைப்பவர்களுக்கு இது சரியான தேர்வு.

ஐ.எஸ்.ஆர். செல்வகுமார்

#Vadh #Netflix #Crime #Thriller #FilmReview #MovieReview #யாதெனக்கேட்டேன்

The Guilty (2021) | Netflix | Thriller - விமர்சனம்

noreply@blogger.com (ISR Selvakumar) — Sat, 04 Apr 2026 17:56:00 +0000

'Locke' திரைப்படம் ஒரு கார் பயணத்தைக் காட்டியே விறுவிறுப்பைக் கூட்டியதோ, அதே பாணியில் 'The Guilty' ஒரு கம்ப்யூட்டர் முன்னால் ஒரே ஒரு 911 போலீஸ்காரரை அமர வைத்து நம்மை மிரட்டுகிறது.

படம் பார்க்கும்போது எனக்குப் பெரியளவில் நினைவுக்கு வந்தது நம் ஊர் பார்த்திபனின் 'ஒத்த செருப்பு சைஸ் 7'. எப்படி ஒரு நபர், ஒரு அறைக்குள் இருந்து கொண்டு, போன் உரையாடல்கள் மூலமே ஒரு பிரம்மாண்டமான கதையை நம் கண்முன் விரித்தாரோ, அதே மேஜிக்கை இங்கேயும் பார்க்க முடிகிறது. ஒரு திறமையான கலைஞனுக்குப் பெரிய லொகேஷன்கள் தேவையில்லை, ஒரு கேமராவும் சரியான எமோஷன்களும் போதும் என்பதற்கு இது ஒரு சான்று.

தொழில்நுட்பம் மற்றும் இயக்கம்:இயக்குநர் அண்டோயின் ஃபுகுவா, ஒலியமைப்பை (Sound Design) ஒரு கதாபாத்திரமாகவே கையாண்டுள்ளார். போனின் மறுமுனையில் கேட்கும் அந்தச் சிறு சத்தங்கள் கூட நமக்குள் ஒரு காட்சியை உருவாக்குகின்றன. ஜேக் கில்லென்ஹால் அருமையான நடிப்பு.

பார்க்கலாமா?

நிச்சயமாகப் பார்க்கலாம்.

எக்ஸ்பெரிமெண்டல் சினிமாக்களை விரும்புபவர்கள் மற்றும் பார்த்திபனின் 'ஒத்த செருப்பு' ரசிகர்களுக்கு இந்தப் படம் பிடிக்கும்.

ஐ.எஸ்.ஆர். செல்வகுமார்

Happy Patel - விமர்சனம்

noreply@blogger.com (ISR Selvakumar) — Fri, 03 Apr 2026 16:46:00 +0000

படம் முழுக்க கிச்சு கிச்சு மூட்டும் ரகளையான காமெடி. இது ஆமிர்கான் தயாரிப்பு என்பதால் ஒரு தரம் இருக்கும் என எதிர்பார்த்தேன், ஏமாற்றவில்லை. ஆமிர்கான் இதில் ஒரு கௌரவ வேடத்தில் சில நிமிடங்கள் வந்து செல்கிறார். அந்த சில நிமிட ஸ்கிரீன் பிரசன்ஸ் செம மாஸ்! இது போன்ற ஒரு எனர்ஜியான காட்சியை எதிர்பார்த்துதான் 'கூலி' படத்தில் அவர் நடித்திருப்பார் எனத் தோன்றுகிறது.

இயக்குநருக்கு நம்ம ஊர் சுந்தர் சியின் பாதிப்பு அப்படியே தெரிகிறது. ஏகப்பட்ட கதாபாத்திரங்கள், ஆளாளுக்கு ஒரு பக்கம் கலாட்டா செய்வது என ஒரு 'கலகலப்பு' மோடுக்கு நம்மைத் தள்ளுகிறார்கள். படத்தின் எடிட்டருக்கு விக்ரம் பட எடிட்டர் பிலோமின் ராஜ் பாதிப்பு நிறையவே இருக்கிறது. அவ்வப்போது காட்சிகளை உறையவைத்து டைட்டில் போடுகிறார்.

'Hera Pheri' போன்ற படங்கள் எப்படி லாஜிக் பார்க்காமல் சிரிக்க வைத்தனவோ, அதே பாணியில் 'Happy Patel' கலகலக்க வைக்கிறான்.

பெயருக்கு ஏற்றார் போலவே படம் முழுக்க ஒரே கொண்டாட்டம்தான். ஒரு சாதாரண குஜராத்தி இளைஞன் ஹேப்பி படேல், எதிர்பாராத விதமாக ஒரு பெரிய குழப்பத்தில் சிக்கிக்கொள்ள, அதிலிருந்து அவன் எப்படித் தப்பிக்கிறான் என்பதைத் துரத்தல் கலந்த காமெடியாகச் சொல்லியிருக்கிறார்கள்.

பார்க்கலாமா?

நிச்சயமாக. வார இறுதியில் டென்ஷன் இல்லாமல் ஒரு சின்னப் புன்னகையாவது உங்களுக்குக் கேரண்டி (Guarantee). குடும்பத்தோடு அமர்ந்து தாராளமாக ரசிக்கலாம்!

53 Sundays | Netflix | விமர்சனம்

noreply@blogger.com (ISR Selvakumar) — Thu, 02 Apr 2026 07:56:00 +0000

53 Sundays (2025) | Netflix | Family | Dialogue | Comedy

'The Farewell' போன்ற படங்கள் குடும்ப உறவுகளின் சிக்கல்களைப் பேசியது என்றால், '53 Sundays' அந்தச் சிக்கல்களுக்கு இடையே நாம் எப்படித் தொலைந்து போகிறோம் என்பதைப் பேசுகிறது.

ஒரு நடுத்தர ஸ்பானிஷ் குடும்பத்தைச் சேர்ந்த மூன்று உடன்பிறப்புகள், வாராவாரம் ஞாயிற்றுக்கிழமைகளில் தங்கள் வயதான தந்தையைச் சந்திக்க ஒன்று கூடுகிறார்கள். அப்படி ஒரு வருடத்தில் வரும் அந்த 53 ஞாயிற்றுக்கிழமைகளில் அவர்களுக்குள் நடக்கும் பாசாங்கு நிறைந்த சந்திப்புகளும், ஒருவருக்கொருவர் ஒளித்து வைக்கும் ரகசியங்களுமே இந்தப் படத்தின் மையம்.

சலிப்புத்தட்டினாலும் பரவாயில்லை என்று, இயக்குநர் மார்க் ஹாரிஸ், ஒரு வீட்டிற்குள்ளேயே கேமராவை நகர்த்தியிருக்கிறார். ஆரம்பத்தில் வரும் நீண்ட வசனங்கள் சற்றே களைப்படைய வைக்கிறது.

நம்ம ஊர் விசு, கிரேசி மோகன் வசனங்களை மிக்சியில் கலந்தது போல, கதாபாத்திரங்கள் பேசிக்கொண்டே இருக்கிறார்கள். ஆனால், அதில் உறவுகளை தவிர்க்கும் நம்மை நாமே கேலி செய்து கொள்ளும் ஒரு ஆழமான எமோஷன் ஒளிந்திருக்கிறது. இதுதான் படத்தின் மிகப்பெரிய நகைச்சுவை முரண் மற்றும் ஹைலைட்.

யார் பார்க்கலாம்?

வார இறுதி நாட்களில் குடும்பத்தோடு அமர்ந்து, ஒரு நல்ல 'பீல்-குட்' (Feel-good) படம் பார்க்க விரும்புபவர்கள்.

வசனங்களின் ஆழத்தை ரசிப்பவர்கள்.

"நாமும் நம் அப்பாவோடு பேசி எத்தனை நாள் ஆகிறது?" என்று ஒரு நிமிடம் யோசிக்கத் துணியும் எவரும் இந்தப் படத்தைப் பார்க்கலாம்.

சுருக்கமாகச் சொன்னால், '53 Sundays' ஒரு வருடத்தின் ஞாயிற்றுக்கிழமைகள் மட்டுமல்ல; நம் வாழ்நாளில் நாம் தவறவிட்ட உறவுகளின் நாட்குறிப்பு!

- ஐ.எஸ்.ஆர் செல்வகுமார்

Skater Girl (2021) - விமர்சனம்

noreply@blogger.com (ISR Selvakumar) — Wed, 01 Apr 2026 04:52:00 +0000

ராஜஸ்தானின் ஒரு குக்கிராமத்தில் வசிக்கும் பிரேரணா (ரேச்சல் சஞ்சீதா) என்ற பழங்குடி இன சிறுமியின் கதை இது. சாதியக் கட்டுப்பாடுகளும், வறுமையும் சூழ்ந்த அந்தச் சூழலில், எதேச்சையாக அங்கே வரும் ஒரு வெளிநாட்டுப் பெண்ணின் மூலம் 'ஸ்கேட்போர்டிங்' (Skateboarding) விளையாட்டு அறிமுகமாகிறது. வெறும் விளையாட்டாகத் தொடங்கும் அந்தப் பயணம், ஒரு பெண்ணின் சுதந்திரப் போராட்டமாக மாறுவதே திரைக்கதை.

பார்க்கும்போது தோன்றியது: நிச்சயமாக இது ஒரு “சிங்கப் பெண்ணே” பாட்டுக்கு ஏற்ற திரைக்கதை. ஆனால் கதைக்குள் கதையாக கிராமத்தைத் தேடி ஒரு ஃபாரின் தேவதை வருவதும், அவருக்கும் அந்த கிராமத்துக்கும் உள்ள தொடர்பும் ஒரு கவிதை. அவர்கள் இருவருக்குமான அந்தப் பிணைப்பு திரையில் மிக அழகாகப் பதிவாகியுள்ளது.

நடிப்பு: புதிய முகமான ரேச்சல் சஞ்சீதாவின் நடிப்பு அபாரம். அந்தச் சிறுமியின் கண்களில் தெரியும் அந்தத் தேடலும், ஸ்கேட்போர்டில் ஏறி நிற்கும் போது கிடைக்கும் அந்த தன்னம்பிக்கையும் பார்ப்பவர்களையும் தொற்றிக் கொள்கிறது.

தொழில்நுட்பம் மற்றும் இயக்கம்: இயக்குநர் மஞ்சுாரி மகஜானி, ராஜஸ்தானின் நிலப்பரப்பை அதன் ஆன்மா சிதையாமல் காட்டியுள்ளார். குறிப்பாக அந்த ஸ்கேட்போர்டிங் பூங்கா உருவான விதமும், அதற்காக ஊர் மக்கள் காட்டும் எதிர்ப்பும் எதார்த்தம்.

படம் பற்றிய ஒரு சிறு குறிப்பு (Filmography Details):

திரைப்படம்: Skater Girl (2021)
ஓடிடி தளம்: Netflix
வகை (Genre): Sports / Drama
நடிகர்கள்: ரேச்சல் சஞ்சீதா, அமித் தயாள், அமித் மோடி
இயக்கம்: மஞ்சுாரி மகஜானி (Manjari Makijany)

மாத்தியோசி (My View): இது ஒரு சின்ன படம்தான், ஆனால் பத்து நிமிடங்களைத் தாண்டியதுமே நெட்பிளிக்ஸ் பிளே ஆகாமல் வெளியேற்றிக் கொண்டே இருந்தது. போஸ்டரிலேயே ஒரு ஈர்ப்பு இருந்ததால் திரும்பத் திரும்ப முயற்சி செய்து பார்த்தேன். வொர்த்!

அமெரிக்காவின் 'Lords of Dogtown' ஸ்கேட்போர்டிங் கலாச்சாரத்தைப் பற்றிப் பேசியது என்றால், 'Skater Girl' இந்தியச் சூழலில் ஒரு விளையாட்டின் மூலம் எப்படிச் சமூக மாற்றத்தை உருவாக்க முடியும் என்பதைப் பேசுகிறது. ஏ.ஐ (AI) காலத்தில் நாம் முன்னேறிக் கொண்டிருந்தாலும், கிராமப்புறங்களில் இன்னும் மாறாமல் இருக்கும் சில இறுக்கமான மரபுகளை இந்தப் படம் மிக மென்மையாகக் கேள்வி கேட்கிறது.

பார்க்கலாமா? கண்டிப்பாக. மனதிற்கு நெருக்கமான, ஒரு பாசிட்டிவ் எனர்ஜி தரும் படங்களைத் தேடுபவர்கள் மிஸ் பண்ணாதீர்கள்.

ஐ.எஸ்.ஆர். செல்வகுமார்

The Red Line (2026) - நெட்ஃபிளிக்ஸ் - விமர்சனம்

noreply@blogger.com (ISR Selvakumar) — Tue, 31 Mar 2026 16:57:00 +0000

தொழில்நுட்பம் வளர வளர, அதை வைத்து நடக்கும் மோசடிகளும் (Scams) விஸ்வரூபம் எடுக்கின்றன. அப்படியொரு போன் கால் மோசடியில் தனது வாழ்நாள் சேமிப்பை இழக்கும் ஆர்ன் (Nittha Jirayungyurn), சட்டத்தின் கதவுகள் தட்டினாலும் நீதி கிடைக்காத நிலையில், தன்னைப்போலவே பாதிக்கப்பட்ட மற்ற பெண்களுடன் இணைந்து அந்த மோசடி கும்பலை வேட்டையாட முடிவெடுக்கிறார். இது வெறும் பழிவாங்கும் படலமல்ல.

நடிப்பு: நித்தா ஜிராயுங்யூர்ன் (Nittha Jirayungyurn) மற்றும் எஸ்தர் சுப்ரீலீலா (Esther Supreeleela) இருவரும் படத்தின் தூண்கள். குறிப்பாக, நடுத்தர வர்க்கத்துப் பெண்ணாக நித்தா காட்டும் அந்தத் தவிப்பும், பின்னாளில் உருவெடுக்கும் ஆக்ரோஷமும் மிகச் சிறப்பு. மோசடி கும்பலின் பின்னணியில் இருக்கும் எதார்த்தங்களை எஸ்தர் தன் நடிப்பால் அழுத்தமாகப் பதிவு செய்திருக்கிறார்.

தொழில்நுட்பம் மற்றும் இயக்கம்: 'Girl from Nowhere' புகழ் இயக்குநர் சிதிசிரி மோங்கொல்சிரி (Sitisiri Mongkolsiri) இந்தப் படத்தை இயக்கியுள்ளார். போன் கால்கள் மூலம் நடக்கும் மனரீதியான சித்திரவதையைத் திரையில் கொண்டு வந்த விதம் அபாரம். படத்தின் ஒளிப்பதிவு தாய்லாந்து மற்றும் கம்போடியா எல்லைகளுக்கு இடையே உள்ள அந்தப் பதற்றத்தை கச்சிதமாகப் படம்பிடித்துள்ளது.

படம் பற்றிய ஒரு சிறு குறிப்பு (Filmography Details):

திரைப்படம்: The Red Line (2026)
ஓடிடி தளம்: Netflix
வகை (Genre): Crime / Thriller / Drama
நடிகர்கள்: நித்தா ஜிராயுங்யூர்ன், எஸ்தர் சுப்ரீலீலா, சுதிமா மஹோலகுல் (Chutima Maholakul)
இயக்கம்: சிதிசிரி மோங்கொல்சிரி (Sitisiri Mongkolsiri)

மாத்தியோசி (My View): இன்று நாம் அனைவரும் கையில் வைத்திருக்கும் ஸ்மார்ட்போன் ஒரு ஆபத்தான ஆயுதம் என்பதை இந்தப் படம் உரக்கச் சொல்கிறது. வழக்கமான ஆக்ஷன் த்ரில்லராக இல்லாமல், பாதிக்கப்பட்டவர்களின் மன உளைச்சலையும், சமூகத்தில் அவர்களுக்கு ஏற்படும் அவமானத்தையும் படம் ஆழமாகப் பேசுகிறது. குறிப்பாக, 'The Red Line' என்ற தலைப்பு, சட்டத்தின் எல்லை மற்றும் ஒரு மனிதன் தன் நியாயத்திற்காகத் தாண்டும் அந்த தார்மீக எல்லையைக் குறிப்பது சிறப்பு.

நாமும் ஏ.ஐ (AI) மற்றும் டிஜிட்டல் தொழில்நுட்பங்களைப் பயன்படுத்தும்போது எவ்வளவு கவனமாக இருக்க வேண்டும் என்பதற்கு இந்தப் படம் ஒரு சிறந்த பாடம்.

பார்க்கலாமா? நிச்சயமாக. 'Jamtara' தொடர் டிஜிட்டல் மோசடிகளின் வியாபாரத்தைப் பற்றிப் பேசியது என்றால், 'The Red Line' அந்த மோசடியால் பாதிக்கப்பட்ட ஒரு சராசரி மனிதனின் வலியைப் பேசுகிறது. விறுவிறுப்பான த்ரில்லரை எதிர்பார்க்கிறீர்கள் என்றால், 'The Red Line' உங்கள் வீக்கெண்ட் லிஸ்டில் இருக்க வேண்டிய படம்.

ஐ.எஸ்.ஆர். செல்வகுமார்

The White Tiger (Netflix) விமர்சனம்

noreply@blogger.com (ISR Selvakumar) — Tue, 31 Mar 2026 08:12:00 +0000

அரவிந்த் அடிகாவின் புக்கர் பரிசு வென்ற நாவலை அடிப்படையாகக் கொண்டு உருவான இந்தப் படம், இந்திய சமூகத்தின் இருண்ட பக்கங்களை, குறிப்பாக ‘எஜமான் - வேலைக்காரன்’ என்ற அந்தப் பழமைவாதச் சங்கிலியை உடைக்க நினைக்கும் ஒருவனின் கதை. பீகாரின் ஒரு குக்கிராமத்தில் தேனீர் கடையில் வேலை செய்யும் பால்ராம் ஹல்வாய் (ஆதர்ஷ் கௌரவ்), எப்படி ஒரு வெற்றிகரமான தொழிலதிபராக மாறுகிறான் என்பதே திரைக்கதை.

நடிப்பு: படத்தில் நடித்திருப்பவர்களை விட, வாழ்ந்திருக்கிறார்கள் என்றுதான் சொல்ல வேண்டும். குறிப்பாக ஆதர்ஷ் கௌரவ். அந்த அப்பாவித்தனமான சிரிப்பு, பின்னாளில் அதிகாரத்திற்காக மாறும் அந்த வஞ்சகப் பார்வை எனப் பிரித்து மேய்ந்திருக்கிறார். ராஜ்குமார் ராவ் மற்றும் பிரியங்கா சோப்ரா தங்களுக்குக் கொடுக்கப்பட்ட கதாபாத்திரங்களுக்குத் தேவையான பங்களிப்பைச் சரியாகச் செய்திருக்கிறார்கள்.

தொழில்நுட்பம் மற்றும் இயக்கம்: இயக்குநர் ரமின் பஹ்ரானி, இந்தியாவின் வறுமையையும் ஆடம்பரத்தையும் ஒரே நேர்க்கோட்டில் காட்டிய விதம் சிறப்பு. பாலோ கார்னெராவின் ஒளிப்பதிவு டெல்லியின் பளபளப்பையும், கிராமப்புறத்தின் புழுதியையும் மிக யதார்த்தமாகப் பதிவு செய்துள்ளது.

படம் பற்றிய ஒரு சிறு குறிப்பு (Filmography Details):

திரைப்படம்: The White Tiger (2021)
ஓடிடி தளம்: Netflix
வகை (Genre): Crime / Drama
நடிகர்கள்: ஆதர்ஷ் கௌரவ், ராஜ்குமார் ராவ், பிரியங்கா சோப்ரா
இயக்கம்: ரமின் பஹ்ரானி (Ramin Bahrani)

மாத்தியோசி (My View): நம்ம ஊர் சினிமாக்களில் காட்டப்படும் அந்த ‘விசுவாசமான வேலைக்காரன்’ பிம்பத்தை இந்தப் படம் சுக்குநூறாக உடைக்கிறது. "ஏழைகள் முன்னேறுவதற்கு இரண்டு வழிகள்தான் உண்டு: ஒன்று குற்றம் செய்வது, அல்லது அரசியல்" என்று பால்ராம் சொல்லும் வசனம் இன்றைய எதார்த்தத்தின் சாட்டை அடி.

ஏ.ஐ (AI) காலத்தில் நாம் எல்லாவற்றையும் ஆட்டோமேஷன் செய்தாலும், மனித உணர்வுகளையும் அதில் ஒளிந்திருக்கும் வர்க்கப் போராட்டத்தையும் எந்தத் தொழில்நுட்பத்தாலும் முழுமையாகக் கணிக்க முடியாது என்பதற்கு இந்தப் படம் ஒரு சிறந்த உதாரணம்.

பார்க்கலாமா? நிச்சயமாக. ‘Slumdog Millionaire’ ஒரு தேவதைக் கதை என்றால், ‘The White Tiger’ ஒரு கசப்பான உண்மை. எதார்த்தமான சினிமாவை விரும்புபவர்கள் தவறவிடக்கூடாத படைப்பு.

ஐ.எஸ்.ஆர். செல்வகுமார்

இன்னைக்கு டிரெண்டுல ஏ.ஐ ஏஜெண்டுகள் தான் டாப்

noreply@blogger.com (ISR Selvakumar) — Sat, 28 Mar 2026 12:39:00 +0000

டியர் மக்காஸ்,

இன்று AI உலகில் நடந்திருக்கும் Top 10 Trends (மாற்றங்கள்) என்ன என்பதை ISR AI STUDIO சார்பில் உங்களுக்காக தொகுத்திருக்கிறேன்.

2026-ஆம் ஆண்டில் AI எந்த திசையில் செல்கிறது என்பதைப் புரிந்துகொள்ள விரும்புபவர்களுக்கு இந்த லிஸ்ட் மிகவும் பயனுள்ளதாக இருக்கும். இந்த லிஸ்ட் தற்போதைய Heat level (எவ்வளவு வேகமாக வளர்கிறது என்பது) அடிப்படையில் தயாரிக்கப்பட்டுள்ளது.

2026-ஆம் ஆண்டின் Top 10 AI Trends

1. Agentic AI & Autonomous Agents (Heat: 98) AI இப்போது வெறும் பதில் சொல்லும் கருவியாக மட்டும் இல்லாமல், தானாகவே திட்டமிடும், யோசிக்கும், பல படிகளில் பணிகளைச் செயல்படுத்தும் திறனைப் பெற்று வருகிறது. AutoGPT, LangGraph, Claude-இன் Computer Use போன்ற கருவிகள் இந்த புரட்சியை வழிநடத்துகின்றன.

2. Multimodal AI Models (Heat: 95) ஒரே AI மாடலில் உரை, படம், ஒலி, வீடியோ என அனைத்தையும் ஒருங்கிணைத்து புரிந்துகொள்ளும் திறன் வந்துவிட்டது. GPT-4o மற்றும் Gemini Ultra இதற்கு சிறந்த எடுத்துக்காட்டுகள். இது AI-ஐ மனிதர்களுக்கு மிக நெருக்கமாக்கி வருகிறது.

3. Small Language Models (SLMs) (Heat: 91) பெரிய மாடல்களுக்கு பதிலாக, சிறிய, வேகமான, குறைந்த செலவில் இயங்கும் Small Language Models பெரும் வரவேற்பைப் பெற்று வருகின்றன. Phi-3, Mistral 7B, Llama 3 போன்ற மாடல்கள் மொபைலிலும் எஜ் டிவைஸ்களிலும் சுலபமாக இயங்குகின்றன. தனியுரிமை மற்றும் செலவு குறைப்புக்கு இவை மிக முக்கியம்.

4. AI in Code Generation & DevOps (Heat: 89) GitHub Copilot, Cursor, Devin போன்ற கருவிகள் மென்பொருள் உருவாக்கத்தை முழுமையாக மாற்றி வருகின்றன. AI இப்போது கோட் எழுதுவது மட்டுமல்ல, அதை சோதனை செய்து, மதிப்பீடு செய்து, டெப்ளாய் செய்யும் வரை தானாகச் செய்கிறது.

5. Retrieval-Augmented Generation (RAG) (Heat: 87) LLM-களை நிகழ்நேர தரவுகளுடன் இணைக்கும் RAG தொழில்நுட்பம், AI-இன் பதில்களை உண்மைக்கு நெருக்கமாகவும் புதுப்பித்த நிலையிலும் வைக்க உதவுகிறது. எந்த நிறுவன AI அமைப்புக்கும் இது இன்றியமையாத அடித்தளமாக மாறியுள்ளது.

6. AI Safety & Alignment Research (Heat: 84) AI மிக சக்திவாய்ந்ததாக ஆகும் போது, அதை மனித மதிப்புகளுடன் இணைப்பது மிக அவசியம். Constitutional AI, RLHF, Interpretability போன்ற ஆராய்ச்சிகளில் Anthropic, DeepMind, OpenAI போன்ற நிறுவனங்கள் தீவிரமாக உழைத்து வருகின்றன.

7. Vernacular & Regional Language AI (Heat: 81) இந்திய மொழிகளில் AI-ஐ வளர்ப்பது இப்போது மிக முக்கிய இயக்கமாக உருவெடுத்துள்ளது. Tamil, Hindi, Telugu, Bengali உள்ளிட்ட 20+ மொழிகளில் தரமான AI வருகிறது. Krutrim மற்றும் Sarvam போன்ற இந்திய ஸ்டார்ட்அப்கள் இதில் முன்னணியில் இருக்கின்றன.

8. AI-Generated Media & Deepfakes (Heat: 79) Sora, Runway, ElevenLabs, HeyGen போன்ற கருவிகள் யாரும் ஹைப்பர்-ரியலிஸ்டிக் வீடியோ, ஆடியோ உருவாக்கும் அளவுக்கு வந்துவிட்டன. இது படைப்பாற்றலை அதிகப்படுத்துவதோடு, பெரிய சவால்களையும் உருவாக்கி வருகிறது.

9. Edge AI & On-Device Intelligence (Heat: 76) மொபைல், வேரபிள்ஸ், IoT சாதனங்களில் AI நேரடியாக இயங்கும் தொழில்நுட்பம் வேகமாக வளர்ந்து வருகிறது. Apple-இன் M4, Qualcomm Snapdragon, NVIDIA Jetson போன்ற சிப்களால் இது சாத்தியமாகியுள்ளது.

10. AI Regulation & Governance (Heat: 73) EU AI Act, இந்தியாவின் DPDP Act உள்ளிட்ட சட்டங்கள் AI-ஐ எப்படி உருவாக்குவது, பயன்படுத்துவது என்பதை மறுவடிவமைக்கின்றன. வரும் காலத்தில் இது மிக முக்கிய பங்கு வகிக்கும்.

டியர் மக்காஸ்,

AI வேகமாக முன்னேறிக் கொண்டிருக்கிறது. இந்த ட்ரெண்ட்களைப் புரிந்துகொண்டு, நம்முடைய வேலை, படைப்பாற்றல் மற்றும் எதிர்காலத்தை எப்படி தயார் செய்வது என்பதுதான் இப்போது முக்கியம். நீங்கள் தற்போது பின்பற்றும் ட்ரெண்ட் எது? கமெண்டில் சொல்லுங்கள்.

ISR Selvakumar - ISR AI Studio | ISR Ventures

டாப் 10ல் எந்தெந்த ஏ.ஐ இருக்கு?

noreply@blogger.com (ISR Selvakumar) — Fri, 27 Mar 2026 06:36:00 +0000

மை டியர் மக்காஸ்,

AI உலகம் தினசரி மாறிக் கொண்டிருக்கிறது.நேற்று வரை கற்பனை செய்ய முடியாத விஷயங்கள் இன்று நடைமுறையில் இருக்கின்றன. நான் தொடர்ந்து AI-ஐ கவனித்து வருபவன் என்பதால், இன்றைய மிக முக்கியமான 10 AI Trends-ஐ உங்களுடன் பகிர்ந்து கொள்ள விரும்புகிறேன். இவற்றை கூகுள் டிரெண்ட்ஸ் அடிப்படையில் எழுதியிருக்கிறேன்.

இந்த லிஸ்ட் தற்போதைய Heat level (எவ்வளவு வேகமாக வளர்கிறது என்ற) அடிப்படையில் தயாரிக்கப்பட்டுள்ளது.

Top 10 AI Trends 2026

1. Agentic AI & Autonomous Agents (Heat: 98) AI இப்போது வெறும் பதில் சொல்லும் இயந்திரமாக இல்லாமல், தானாகவே திட்டமிடும், யோசிக்கும், பல படிகளில் பணிகளைச் செயல்படுத்தும் திறன் பெற்று வருகிறது. AutoGPT, LangGraph, Claude-இன் Computer Use போன்ற கருவிகள் இந்த அலையை வழிநடத்துகின்றன.

2. Multimodal AI Models (Heat: 95) ஒரே மாடலில் உரை, படம், ஒலி, வீடியோ என அனைத்தையும் ஒருங்கிணைத்து செயல்படும் திறன். GPT-4o மற்றும் Gemini Ultra இதற்கு சிறந்த உதாரணங்கள். இது AI-ஐ மனிதர்களுக்கு மிக நெருக்கமாக்குகிறது.

3. Small Language Models (SLMs) (Heat: 91) பெரிய மாடல்களுக்கு பதிலாக, சிறிய, வேகமான, குறைந்த செலவில் இயங்கும் மாடல்கள் வருகின்றன. Phi-3, Mistral 7B, Llama 3 போன்றவை மொபைலிலும், எஜ் டிவைஸ்களிலும் இயங்கும் வகையில் வடிவமைக்கப்பட்டுள்ளன. தனியுரிமை மற்றும் செலவு குறைப்புக்கு இவை மிக முக்கியம்.

4. AI in Code Generation & DevOps (Heat: 89) GitHub Copilot, Cursor, Devin போன்ற கருவிகள் மென்பொருள் உருவாக்கத்தை முழுமையாக மாற்றி வருகின்றன. AI இப்போது கோட் எழுதுவது மட்டுமல்லாமல், சோதனை செய்து, டெப்ளாய் செய்யும் வரை தானாகச் செய்கிறது.

5. Retrieval-Augmented Generation (RAG) (Heat: 87) LLM-களை நிகழ்நேர தரவுகளுடன் இணைக்கும் தொழில்நுட்பம். இது AI பதில்களை உண்மைக்கு நெருக்கமாகவும், புதுப்பித்த நிலையிலும் வைக்க உதவுகிறது. எந்த நிறுவன AI-க்கும் இது இன்றியமையாதது.

6. AI Safety & Alignment Research (Heat: 84) AI மிக சக்திவாய்ந்ததாக ஆகும் போது, அதை மனித மதிப்புகளுடன் இணைப்பது மிக முக்கியம். Constitutional AI, RLHF, Interpretability போன்ற ஆராய்ச்சிகளில் Anthropic, DeepMind, OpenAI போன்ற நிறுவனங்கள் தீவிரமாக உழைத்து வருகின்றன.

7. Vernacular & Regional Language AI (Heat: 81) இந்திய மொழிகளில் AI-ஐ வளர்ப்பது இப்போது பெரிய இயக்கமாக உருவெடுத்துள்ளது. Hindi, Tamil, Telugu, Bengali உள்ளிட்ட 20+ மொழிகளில் தரமான AI வருகிறது. Krutrim மற்றும் Sarvam போன்ற இந்திய ஸ்டார்ட்அப்கள் இதில் முன்னணியில் இருக்கின்றன.

8. AI-Generated Media & Deepfakes (Heat: 79) Sora, Runway, ElevenLabs, HeyGen போன்ற கருவிகள் யாரும் ஹைப்பர்-ரியலிஸ்டிக் வீடியோ, ஆடியோ உருவாக்கும் அளவுக்கு வந்துவிட்டன. இது படைப்பாற்றலை அதிகரிப்பதோடு, பெரிய சவால்களையும் உருவாக்குகிறது.

9. Edge AI & On-Device Intelligence (Heat: 76) மொபைல், வேரபிள்ஸ், IoT சாதனங்களில் AI நேரடியாக இயங்கும் தொழில்நுட்பம். Apple-இன் M4, Qualcomm Snapdragon, NVIDIA Jetson போன்ற சிப்களால் இது சாத்தியமாகியுள்ளது.

10. AI Regulation & Governance (Heat: 73) EU AI Act, இந்தியாவின் DPDP Act உள்ளிட்ட சட்டங்கள் AI-ஐ எப்படி உருவாக்குவது, பயன்படுத்துவது என்பதை மறுவடிவமைக்கின்றன. இது வரும் காலத்தில் மிக முக்கிய பங்கு வகிக்கும்.

உங்களுக்கு இந்த ட்ரெண்ட் வரிசை சுவாரசியமாக இருக்கிறதா? கமெண்டில் சொல்லுங்கள்.

ISR Selvakumar ISR AI Studio | ISR Ventures

3 நிமிடங்களில் உருவாக்கிய வெப்சைட்

noreply@blogger.com (ISR Selvakumar) — Tue, 24 Mar 2026 15:39:00 +0000

இன்று Claude AI பயன்படுத்தி ஒரு வெப்சைட் உருவாக்கினேன். செய்யறிவு உலகில் லேட்டஸ்ட் என்ன என்பதை பட்டியலிடும் வெப்சைட். அதில் என்னென்ன இருக்கலாம் என்று முடிவெடுக்க எனக்கு 10 நிமிடங்கள் ஆனது. ஆனால் அதைவிடக் குறைவான நேரத்தில் வெப்சைட் உருவாகிவிட்டது.

https://isr-ai-trends.vercel.app/

வெப்சைட் உருவாக்க நான் பயன்படுத்திய பிராம்ட்.

I want to create a web/mobile app to show "AI Trends" for the users.

Top 10 AI trend list

Options to type and generate AI trends for users

Animated AI trend map

Top 3 AI trend for Freshers

Top 3 AI trend for Developers

Top 3 trend cards with images with ISR watermark

All generated contents with share / download options

Create pages like ISR AI STUDIO, For whom, Disclaimer

Note : ISR AI STUDIO is a wing of ISR VENTURES, headed by ISR SELVAKUMAR

if needed use this URL Template https://news.google.com/rss/search?q=Artificial+Intelligence+tips+when:24h&hl=en-IN&gl=IN&ceid=IN:en

Before generating the app suggest me to make the app more user friendly and utility value.

நீங்களும் Claude AI பயன்படுத்துங்கள். உடனே ஒரு வெப்சைட்டை உருவாக்குங்கள்.

(இணையதளத்தை எப்படி இணையத்தில் பதிவேற்றினேன் என்பதை அடுத்த பதிவில் கூறுகிறேன்.)

ஐ.எஸ்.ஆர் செல்வகுமார்

Ethical AI Starts at Home and School: Protecting Indian Women in the Digital Age

noreply@blogger.com (ISR Selvakumar) — Sun, 08 Mar 2026 15:00:00 +0000

As AI reshapes daily life from prompting movies (as in my book AI சினிமா) to powering apps, innovation is inevitable. But on #IWD2026, we must ask ourselves, Who bears the cost when unchecked AI harms women?

I'd highlight the dual edge. AI drives progress, yet women face amplified threats like deepfakes, non-consensual images (like recent Grok AI misuse), online harassment (16%-58% of women affected globally), and biased algorithms.

In India, where one in three women experiences violence, digital anonymity erodes societal checks, making abuse cross from online to offline.

Women make up only 22% of AI professionals (even fewer at senior levels), leading to tools that disproportionately target women. The article urges more women in AI design, stronger regulations (e.g., MeitY's 3-hour deepfake takedown rule), and early education on digital safety.

But true safety isn't just tech or laws; it's mindset. Gadgets like panic alerts or AI detection are reactive shields. Real prevention begins in childhood.

In Tamil Nadu schools, we already have gender clubs (expanded in Chennai 2025), self-defense for girls, and policies pushing gender sensitive curricula. I think it's time to build on this.

Introduce mandatory "Respect & Consent" modules from Class 5–6: Age-appropriate stories, role-plays, and discussions on boundaries, empathy, equality, and digital respect (e.g., "no means no" online/offline, avoiding harmful content sharing).

Govt should take steps to integrate digital ethics into value education. Teach kids about consent in sharing photos/videos, spotting bias, and ethical AI use—before they get smartphones.

It should begin with train teachers first. Mandatory sessions on handling sensitive topics.

Involve families: Parent workshops in schools to discuss online safety at home.

This will complement AI tools designed for vulnerability detection. Resisting AI is futile. But prioritizing ethical development + early mindset education ensures women aren't left bearing the brunt. In Tamil Nadu's vibrant tech creative scene, let's lead by demanding inclusive, women safe AI while nurturing respectful generations.

What do you think? Should Tamil Nadu pilot "Digital Respect & Consent" as a core subject? Share your views!

ISR Selvakumar

Author, AI சினிமா

Chennai

Data source :

World Economic Forum's Global Gender Gap Report (2023-2025 editions), UNESCO data on STEM fields, NASSCOM reports and McKinsey

திரிஷாவுக்கும், ஏ.ஐ சினிமாவுக்கும் என்ன தொடர்பு?

noreply@blogger.com (ISR Selvakumar) — Fri, 06 Mar 2026 14:11:00 +0000

திரிஷா இப்போது போல எப்போதும் பரபரப்பாக பேசப்பட்டதில்லை. ஆனால் இருபது வருடங்களுக்கும் மேலாக வெளிச்சத்திலேயே இருக்கிறார். எத்தனையோ நடிகைகள் இருந்தாலும் அவருடைய இந்தத் தன்மை அவரைப்பற்றி நம்மை பேச வைக்கிறது. அவருடைய அழகு, அவருடைய நடிப்பு, அவருடைய ஆர்வம் என அவரை ஞாபகம் வைத்துக்கொள்ள ஆளாளுக்கு ஒரு காரணம் இருக்கிறது.

அதே போல தினமும் ஒரு ஏ.ஐ அறிமுகமாகிக் கொண்டிருக்கிறது. அனைத்தையும் ஞாபகம் வைத்துக்கொள்வதும், பயன்படுத்துவதும் சாத்தியமே இல்லை. நமது சினிமாவுக்கு எந்த காரணத்துக்காக ஏ.ஐ பயன்படப்போகிறது என்பதை தீர்மானித்துவிட்டால், அதற்கான ஏ.ஐ கருவியை நமது சினிமாவே தேர்ந்தெடுத்துவிடும்.

நான் எழுதியுள்ள ஏ.ஐ சினிமா புத்தகத்தைப் புரட்டினால், இது பற்றியும், ஏ.ஐ பற்றிய புத்தகத்தில் திரிஷாவைப் பற்றி ஏன் குறிப்பிட்டேன் என்பது பற்றியும், உங்களுக்குப் புரியும்.

இந்தப் புத்தகம் ஏ.ஐ பயன்படுத்திப் படமெடுக்க ஆர்வமாக உள்ளோருக்கு உதவும்.

ஏ.ஐ சினிமா
ஆசிரியர் - ISR செல்வகுமார்
விலை ரூ.180
டிஸ்கவரி புக் பேலஸ்
ஃபோன் - 87545 06060, 87545 07070

#Trisha #Ai #AiCinema #Aitools #politics #books

ஆயிரத்தில் ஒரு நாள் மட்டும் ஏன் ஞாபகமிருக்கிறது? ஏ.ஐ சினிமா

noreply@blogger.com (ISR Selvakumar) — Thu, 05 Mar 2026 02:29:00 +0000

1000 நாட்களில் ஏதாவது 10 நாட்கள் மட்டுமே நம் நினைவில் இருக்கும். ஏனென்றால் அந்த பத்து நாட்களும் நமக்குப் பிடித்த அல்லது பிடிக்காத சில மனிதர்களுடன் தொடர்புடைய சம்பவங்கள் நடந்திருக்கும். அந்த சம்பவங்கள் வாழ்நாள் முழுவதும் நம் ஞாபகத்தில் இருக்கும். அது போலத்தான் தினமும் ஆயிரம் ஏ.ஐ கருவிகள் வந்தாலும் எது நீங்கள் தயாரிக்கப்போகும் சினிமாவுக்குத் தேவை என்பதை மறக்க முடியாத சம்பவங்களுடன் விளக்குகிறது இந்தப் புத்தகம். இந்தப் புத்தகம் ஏ.ஐ சினிமா தயாரிக்க முயற்சிப்பவர்களுக்காக.

ஏ.ஐ சினிமா
ஆசிரியர் - ISR செல்வகுமார்
விலை ரூ.180
டிஸ்கவரி புக் பேலஸ்
ஃபோன் - 87545 06060, 87545 07070

நடிகர் திலகம் 97-வது பிறந்தநாள் டிவி நிகழ்ச்சி வெற்றி - இது எப்படி சாத்தியமானது

noreply@blogger.com (ISR Selvakumar) — Fri, 03 Oct 2025 11:20:00 +0000

நடிகர் திலகம் சிவாஜி கணேசனின் 97-வது பிறந்தநாளை முன்னிட்டு, புதுயுகம் தொலைக்காட்சியில் ஒரு பிரத்யேக நேரடி நிகழ்ச்சியைத் தயாரிக்கும் பொறுப்பு எங்கள் குழுவுக்குக் கிடைத்தது.

இளம் கல்லூரி மாணவர்களையும் பிரபல எழுத்தாளர்கள் மற்றும் இயக்குநர்களையும் ஒன்றிணைத்து, நடிகர் திலகத்தின் காலத்தால் அழியாத பங்களிப்பை நிகழ்ச்சி கொண்டாடியது. ஆனால் இனிய ஆச்சரியமாக, இது வெறும் தொலைக்காட்சி நிகழ்ச்சியாக மட்டுமல்லாமல், தலைமுறைகளைக் கடந்து உணர்வுபூர்வமாகத் தொட்ட ஒரு அற்புதமான அனுபவமாக மாறியது.

என்னைப் பொறுத்தவரை, நான் எதிர்பார்த்ததைவிட இதன் வரவேற்பு மிக அதிகமாக இருந்தது, இது எனக்குப் பெரும் மகிழ்ச்சி!

இந்த நிகழ்ச்சி ஏன் இவ்வளவு சிறப்பாக வேலை செய்தது?

உணர்ச்சிப்பூர்வமான பிணைப்பும், பாரம்பரியமும் – சிவாஜி வெறும் நடிகர் அல்ல; அவர் தமிழ்ச் சினிமாவின் ஆத்மா. அவரது பிறந்தநாளில் அவரைக் கெளரவித்தது, ரசிகர்களுக்கு மிகவும் தனிப்பட்ட, நெகிழ்ச்சியான தருணமாக அமைந்தது.
அபூர்வமான அம்சம் – முழுமையான, இளைய சமுதாயத்தால் நடத்தப்படும் சிவாஜிக்கான கொண்டாட்டங்கள் அபூர்வம். இந்த புத்துணர்ச்சி பார்வையாளர்களை உடனடியாக ஈர்த்தது.
நேரடி ஒளிபரப்பின் சக்தி – 'லைவ்'வாக இருந்ததால், நிகழ்ச்சியில் நம்பகத்தன்மை இருந்தது. சிவாஜியை விமர்சிப்பதற்கும் நிகழ்ச்சியில் இடமிருந்தது. அந்த நேர்மையைப் பார்வையாளர்களால் திரையைத் தாண்டி உணர முடிந்தது.
தலைமுறை தாண்டிய ஈர்ப்பு – வயதில் மூத்தவர்கள் தங்கள் பொற்கால நினைவுகளை அசைபோட, இளைய மாணவர்கள் தங்கள் புதிய பார்வைகளைக் கொண்டு வந்தனர். இது ஒரு குடும்பத்தினர் அனைவரும் சேர்ந்து பார்க்கும் கொண்டாட்டமாக மாறியது.
கலாச்சாரப் பெருமை – சிவாஜியின் 97வது பிறந்தநாளைக் கொண்டாடியது வெறும் அஞ்சலி செலுத்துவது மட்டுமல்ல; அது தமிழர்களின் அடையாளம் மற்றும் பெருமையின் அழுத்தமான வெளிப்பாடாகவும் இருந்தது.

நான் கற்றது என்ன?

இந்த நிகழ்ச்சி எனக்கு நினைவூட்டியது என்னவென்றால், தமிழ் சினிமா என்பது ஒரு மிகப்பெரிய பாரம்பரியம். ஜாம்பவான்களுக்கு அஞ்சலி செலுத்துவது என்பது வெறுமனே பின்னோக்கிப் பார்ப்பது அல்ல— அது நிகழ்காலத்தை எதிர்காலத்துடன் இணைத்து, அடுத்த தலைமுறைக்கு தூண்டுதல் அளிப்பதாகும்.

புதுயுகம் இதை எப்படி வளர்த்தெடுக்கலாம்?

கிளிப்களை ரீல்களாக மறுவடிவமைத்தல் – சிவாஜியின் முத்தான வசனங்கள் மற்றும் அதைக்கேட்டபோது இளைஞர்களின் ஆச்சர்யமான எதிர்வினைகள் கொண்ட சிறிய, ‘bite-sized’ தொகுப்புகள் சமூக ஊடகங்களில் அதிவேகமாகப் பரவும்.
பண்டிகை மறுஒளிபரப்புகள் – பொங்கல், தீபாவளி மற்றும் அவரது பிறந்தநாட்களில் நிகழ்ச்சியை மீண்டும் ஒளிபரப்பி, அந்தப் பாரம்பரியத்தை உயிருடன் வைத்திருக்கலாம்.
“சிவாஜி தினம்” என்ற டிஜிட்டல் சொத்தை உருவாக்குதல் – ரசிகர்கள், படைப்பாளிகள் மற்றும் திரையுலகினரை ஒன்றிணைக்கும் வருடாந்திர ஆன்லைன் கொண்டாட்டம். காலப்போக்கில், இது ஒரு கலாச்சாரப் பாரம்பரியமாக மாறும்.

சிவாஜி கணேசன் போன்ற ஆளுமைகளைக் கொண்டாடும்போது, நாம் ஒரு ஜாம்பவானை நினைவில் கொள்வது மட்டுமல்லாமல், எதிர்கால சந்ததியினருக்கான கலாச்சாரப் பாலத்தை வலுப்படுத்துகிறோம்.

இந்த நிகழ்ச்சியின் மூலமாக, 97-வது பிறந்தநாளிலும், சிவாஜி கணேசன் ஏன் என்றென்றும் கொண்டாடப்படுகிறார் என்பதற்கான விடைகள் கிடைத்திருக்கிறது.

- ஐ.எஸ்.ஆர் செல்வகுமார்
(chatGPT உதவியுடன் எழுதப்பட்டது)

கூலி சர்ச்சை: ரஜினி-ஆமிர் கூட்டணி

noreply@blogger.com (ISR Selvakumar) — Sun, 14 Sep 2025 05:22:00 +0000

நான் ரஜினிகாந்த் மற்றும் ஆமிர் கான் ஆகிய இருவரின் தீவிர ரசிகன். இருவரும் இந்திய சினிமாவின் மாபெரும் கலைஞர்கள். அவர்களின் திறமையும், அர்ப்பணிப்பும், திரையில் கொண்டு வரும் மேஜிக்கும் எப்போதும் என்னை கவர்ந்தவை. இவர்கள் இருவரும் இணையும் கூலி படத்தை எதிர்பார்த்தபோது, என் மனதில் ஒரு பெரிய ஆரவாரமே ஓடியது. ஆனால், படம் பார்த்த பிறகு, அவர்களுக்கு இடையிலான காட்சிகள் என்னை ஏமாற்றமடையச் செய்தன. லோகேஷ் கனகராஜின் எழுத்து மிகவும் சுமாராக இருந்தது. இந்தியாவின் இரு மாபெரும் நட்சத்திரங்களை வைத்து இப்படி ஒரு சாதாரண காட்சிகளை உருவாக்கியது ஏன் என்று தோன்றியது.

ஆனால், சமீபத்தில் ஒரு புயல் போல பரவிய ஒரு செய்தி என்னை அதிர்ச்சியடையச் செய்தது. ஆமிர் கான், கூலி படத்தைப் பற்றி எதிர்மறையாக பேசியதாகவும், படத்தின் எழுத்து மோசமாக இருந்ததாகவும், இது ஒரு "பெரிய தவறு" என்று கூறியதாகவும் ஒரு செய்தித்தாள் கட்டுரையின் ஸ்க்ரீன்ஷாட் சமூக வலைதளங்களில் வைரலானது. இதைப் பார்த்தவுடன் எனக்கு ஒரு நொடி நம்பிக்கை இல்லை. ஏனெனில், ஆமிர் கான், ரஜினியை மிகவும் மதிக்கக் கூடியவர். பல பேட்டிகளில் அவர் ரஜினியின் மீது தனக்கு உள்ள மரியாதையையும், அன்பையும் வெளிப்படையாகப் பேசியிருக்கிறார். அப்படிப்பட்டவர், படம் திரையரங்குகளில் ஓடிக் கொண்டிருக்கும்போது இப்படி ஒரு கருத்தைச் சொல்லியிருப்பாரா? ம்ஹூம், எனக்கு நம்பிக்கை இல்லை.

இப்போது ஆமிர் கானின் குழு அதிகாரபூர்வமாக இந்த செய்தியை மறுத்திருக்கிறது. "ஆமிர் கான், ரஜினிகாந்த், லோகேஷ் கனகராஜ் மற்றும் கூலி படக் குழுவை மிகவும் மதிக்கிறார். படம் 500 கோடிக்கு மேல் வசூல் செய்திருக்கிறது, இது படத்தின் வெற்றியைப் பறைசாற்றுகிறது," என்று அவர்கள் தெளிவாகக் கூறியிருக்கிறார்கள். இந்த மறுப்பு என் மனதை ஆசுவாசப்படுத்தியது. ஆனால், இந்த சர்ச்சை மூலமாக மற்றொரு முக்கியமான விஷயம் என் கவனத்தை ஈர்த்தது - ஊடகங்களின் தரமிழப்பு.

இந்தப் பொய்ச் செய்தியை எந்த ஆதாரமும் இல்லாமல், அங்கீகரிக்கப்பட்ட ஊடகங்கள் கூட வெளியிட்டது என்னை அதிரவைத்தது. ஒரு செய்தியை வெளியிடுவதற்கு முன், அதன் உண்மைத்தன்மையை சரிபார்க்க வேண்டிய பொறுப்பு ஊடகங்களுக்கு இல்லையா? இப்படி பரபரப்புக்காக மட்டுமே செய்திகளைப் பரப்புவது, ஊடகங்களின் நம்பகத்தன்மையை கேள்விக்குறியாக்குகிறது. இது மிகவும் கவலை தரும் விஷயம்.

லோகேஷ் கனகராஜுக்கு ஒரு சின்ன அறிவுரை. ரஜினியின் பெயரை வைத்து, இந்தியாவின் மிகச்சிறந்த திறமையாளர்களை ஈர்த்து, அவர்களை சுமாரான காட்சிகளில் நடிக்க வைப்பது, அவர்களுக்கு மட்டுமல்ல, ரஜினிக்கும் மரியாதைக் குறைவு. எதிர்காலத்தில் இதில் கொஞ்சம் கவனமாக இருக்க வேண்டும். ரசிகர்களாகிய எங்களுக்கு, இப்படி ஒரு மாபெரும் கூட்டணியைப் பார்க்கும்போது, பிரமிப்பூட்டும் அனுபவமாக இருக்க வேண்டும், சுமாரான காட்சிகளாக அல்ல.

நீங்களும் இந்த சர்ச்சையைப் பற்றி கேள்விப்பட்டிருப்பீர்கள். இதைப் பற்றி உங்கள் கருத்து என்ன? ஊடகங்கள் இப்படி பொறுப்பில்லாமல் செயல்படுவது பற்றி நீங்கள் என்ன நினைக்கிறீர்கள்? கமெண்டில் சொல்லுங்கள்!

- ISR Selvakumar
Grok AI எனது சார்பில் எழுதியுள்ள வலைப்பூ இது
தற்போது Grok AI என்னைப் போல் பயிற்சி தந்து வருகிறேன்

தினம் ஒரு ஏ.ஐ - 16 : இசையமைக்கலாம் வாங்க!

noreply@blogger.com (ISR Selvakumar) — Thu, 08 Aug 2024 16:13:00 +0000

பெயருக்காகவே கூகுளின் ஏ.ஐ டெஸ்ட் கிச்சன் எனக்கு மிகவும் பிடிக்கும்.இந்த கூகுள் கிச்சனில் MusicFx, VideoFx, ImageFx, TextFx இந்த நான்குவகை ஏ.ஐகள் உள்ளன. அமெரிக்கர்கள் மட்டும் ருசித்துக் கொண்டிருந்த இந்த ஏ.ஐ கிச்சனை தற்போது இந்தியாவிலும் பயன்படுத்த முடியும்.

நான் அடிக்க MusicFx பயன்படுத்தி இசையை உருவாக்கிக் கொள்கிறேன்.

நீங்களும் கூகுள் கிச்சனுக்குள் நுழையுங்கள். பாட்டு, வீடியோ, படங்கள், கதைகள் என அமர்க்களம் செய்யுங்கள்.

- ISR Selvakumar

https://aitestkitchen.withgoogle.com/tools/music-fx

தினம் ஒரு ஏ.ஐ - 15 : இலவசமாக ஒரு புராஜக்ட் மேனேஜர்

noreply@blogger.com (ISR Selvakumar) — Wed, 07 Aug 2024 05:43:00 +0000

தலைக்குமேல வேலை எனப் புலம்புவோம். ஆனால் உதவிக்கு ஆள் கொடுத்தாலும் வேலை முடியாது. எது உடனே? எது அப்புறம் என்ற தெளிவு இல்லாததுதான் அதற்குக் காரணம். ஒரு நல்ல புராஜக்ட் மேனேஜர் இருந்தால் வழிகாட்டுவார். வேலைகளை பிரித்துக் கொடுப்பார். இலக்குகள் நிர்ணயிப்பார். அதை நோக்கி சரியாக நகர்கிறோமா என்று கவனித்துக் கொண்டே இருப்பார்.

இதற்குத்தான் tulsk io உதவுகிறது. வீட்டில் கல்யாணம், காது குத்தாக இருந்தாலும், அலுவலகத்தில் மாதாந்திர டார்கெட்டாக இருந்தாலும் சரி, tulsk io திறமையான புராஜக்ட் மானேஜராக செயல்பட்டு நம்மை பிசகில்லாமல் வேலை நடக்க உதவும்.

Note : Link in the first comment

- ISR Selvakumar

தினம் ஒரு ஏ.ஐ - 14 : பாடங்களை வினாடி வினா விடையாக மாற்றும் ஏ.ஐ

noreply@blogger.com (ISR Selvakumar) — Wed, 07 Aug 2024 05:41:00 +0000

எட்டாம் வகுப்பு டீச்சர் நாற்பது மாணவர்களை நான்கு குழுக்களாகப் பிரித்தார். எனது குழுவில் ஹேமமாலினி என்ற பெயர் கொண்ட மாணவியுடன் நான் செட்டு சேர்ந்தேன். கூச்சமாகவும், பரவசமாகவும் அவளையே பார்த்துக் கொண்டிருந்தேன். டீச்சர் சொன்னது கொஞ்சமாகத்தான் காதில் விழுந்தது. ஒவ்வொரு குழுவும் கேள்வி-பதில்கள் தயாரிக்க வேண்டும். பிறகு சுழற்சி முறையில் மற்ற குழுக்களிடம் அந்தக் கேள்விகளை கேட்க வேண்டும். பதில் வந்தால் அவர்களுக்கு ஒரு மதிப்பெண். சொதப்பினால் நமது குழுவுக்கு ஒரு மதிப்பெண்.

இப்படித்தான் பூகோளம் சொல்லித்தந்தார் எட்டாப்பு டீச்சர். நாங்களே கேள்வியும் பதிலும் தயாரித்ததால், அருகிலிருந்த ஹேமமாலினி என்னை மயக்கினாலும் பாடம் மறக்கவில்லை.

எங்க எட்டாப்பு டீச்சர் பாணியில் கேள்வி பதில்களை தயாரித்து, நமக்கு நாமே டெஸ்ட் வைத்துக் கொள்ள ஏ.ஐகள் வந்துவிட்டன. இதனால் பாடங்களை எளிதாக மனதில் பதிய வைத்துக் கொள்ளலாம்.

https://quizlet.com/en-gb (30 நாட்கள் மட்டும் இலவசம்)

- ISR Selvakumar

தினம் ஒரு ஏ.ஐ - 13 : 1000 வாடிக்கையாளரும் ஆயிரம் வீடியோவும்!

noreply@blogger.com (ISR Selvakumar) — Wed, 07 Aug 2024 05:39:00 +0000

டியர் என்தற்குப் பதிலாக டியர் செல்வகுமார் என்று துவங்கும் கடிதங்கள் எனக்குப்பிடிக்கிறது. உங்கள் பெயரைச் சொன்னால் உங்களுக்கும் பிடிக்கும். இது மனித உளவியல். அதனால்தான் வாடிக்கையாளர்களுக்கு அவர்களுடைய பெயர் போட்டு விளம்பரங்களையும், மின்னஞ்சல்களையும் அனுப்புகிறார்கள்.

வாட்ஸ்அப்பில் நண்பர்களுக்கு பிறந்தநாள் வாழ்த்து அனுப்பும்போது டியர் என்பதுடன் பெயர் சேர்த்து அனுப்பினால் இன்னும் நெருக்கமாக உணர்வோம்.

இதற்காகவே வந்திருக்கிறது இந்த ஏ.ஐ செயலி. கடிங்களுக்குப் பதிலாக வீடியோ உருவாக்கலாம் என்பதுதான் சிறப்பு. ஒரு முறை உங்கள் குரலை பதிவு செய்து கொள்ளும். பிறகு உங்கள் நண்பர்கள், வாடிக்கையாளர்கள் பெயர் உள்ள பட்டியலை வாங்கிக் கொள்ளும். அடுத்து ஒரே கிளிக்கில் உங்கள் குரலில் அனைவருக்கும் அவரவர் பெயர் சொல்லி வீடியோ அனுப்பிவிடும்.

திருமண அழைப்பிதழ் அனுப்புவோர் இதனை முயற்சிக்கலாம். ஒவ்வொரு உறவினருக்கும் அவரவர் பெயர் சொல்லி ஒரு (Personalized) வீடியோ அழைப்பிதழ் தயாரித்து அவர்களை அசத்தலாம்.

https://aiparabellum.com/hypercast-ai/

- ISR Selvakumar

தினம் ஒரு ஏ.ஐ - 12 : நீங்களே உங்களுடன் பேச (Ai Twin)

noreply@blogger.com (ISR Selvakumar) — Wed, 07 Aug 2024 05:37:00 +0000

நான் திரும்பத்திரும்ப மல்லிகைக்கிழமை, ப்ரியம் என்பது, முத்தகம் என்று ஒரு சிறிய வட்டத்துக்குள்தான் (கவிதைகள் என்று) எழுதிக் கொண்டிருப்பேன்.

திரைக்கதைகள் என எடுத்துக் கொண்டால் சயின்ஸ் பிக்சன், வரலாற்றுப் புனைவு, மிடில்கிளாஸ் குடும்பப் பிரச்சனை, காதல், இசை என இன்னொரு வட்டத்துக்குள் சுற்றுவேன்.

எதில் அதிக ஆர்வம் என்று கேட்டால் சினிமா, டிவி, இப்போது ஏ.ஐ என்கிறேன்.

இப்படி என்னைப் பற்றி நானே அவ்வப்போது குறித்து வைத்தால் இந்த சப்ஜெக்டுகளுக்குள் என்னை அலசிவிடலாம்.

இந்தத் தகவல்களை ஒரு டெக்ஸ் (.txt ) ஃபைலாகக் கொடுத்தால் அது தான் நீங்கள்! இரண்டு நிமிடத்துக்கு உங்கள் குரலை பதிவு செய்தால் அதுதான் உங்கள் குரல். ஓரிரு நிமிடங்களில் உங்களின் நகல் அதாவது இரட்டையர் (Twin) ரெடி.

உங்கள் இரட்டையருடன் நீங்கள் பேசிக் கொண்டே இருக்கலாம். அது நீங்கள் கொடுத்த ஃபைலுக்குள்ளிருக்கும் தகவல்களை தனது அறிவாக சேமித்துக் கொண்டு உங்களுக்கு பதில் தரும்.

தேர்வுக்குத் தயாராகும் மாணவர்கள், தங்கள் பாடங்களை இது போல டெக்ஸ்ட் ஃபைலாகத் தந்துவிடலாம். பிறகு அதனிடம் கேள்வி கேட்டால் பதில் சொல்லிக் கொண்டே இருக்கும். பாடமும் மனப்பாடமாகிவிடும்.

https://www.mindbank.ai/

தினம் ஒரு ஏ.ஐ - 11 : 3 செல்ஃபியிலிருந்து 30 பாஸ்போர்ட் சைஸ் போட்டோ

noreply@blogger.com (ISR Selvakumar) — Wed, 07 Aug 2024 05:36:00 +0000

பத்திரிகைகளுக்கு எழுதும்போது ஒரு ஃபோட்டோ கொடுங்கள் என்பார்கள். பள்ளி கல்லூரிகளில் பயிற்சிகொடுக்கச் செல்லும்போதும் இதேதான். ஆனால் பிரசுரிக்கும் தரத்திற்கு என்னிடம் புகைப்படங்களே இல்லை. எத்தனை கிளறினாலும் 3 ஃபோட்டோக்கள்தான் தேறும். நாளைக்கே ஃபோட்டோ ஸ்டுடியோ போகணும் என்று அச்சமயங்களில் முடிவெடுத்து அடுத்த டீ குடித்தபின் மறப்பேன்.

என்னைப்போன்றவர்களுக்கு உதவுவதற்காகவே BetterPic என்றொரு ஏ.ஐ இருக்கிறது.

நம்முடைய 3 செல்ஃபி புகைப்படங்களை திணித்தால் போதும். என்ன உடை, பின்னணி எப்படி, மாநிறமா, பளபளப்பா எனக்கேட்டு புத்தம் புதிய புகைப்படங்களை உருவாக்கித் தந்துவிடும்.

அதாவது காமிரா இல்லாமலே ஃபோட்டோ ஷுட் நடத்திவிடலாம். உங்கள் அலுவலகத்தில் பணிபுரியும் அனைவருக்கும் ஃபோட்டோ எடுக்க வேண்டும் என்றால், அவர்களை ஆளுக்கு 3 செல்ஃபி அனுப்பச் சொன்னால் போதும். புகைப்படங்கள் தயாராகிவிடும்.

https://www.betterpic.io/studio-ai-headshots

தினம் ஒரு ஏ.ஐ - 9 : ஆசிரியர்களுக்கு உதவும் ஏ.ஐ

noreply@blogger.com (ISR Selvakumar) — Wed, 07 Aug 2024 05:35:00 +0000

வகுப்பெடுப்பது சுலபம். ஆனால் மாதம், வாரம் ஒரு டெஸ்ட் வைத்து, திருத்தி, மாணவர்கள்-பெற்றோர்களுக்கு தெரியப்படுத்தி, மேனேஜ்மெண்டுக்கு ரிப்போர்ட் கொடுத்துவிட்டு, வழக்கம்போல சிலபஸ், அட்டனென்ஸ் என்று தொடர்வதுதான் அழுத்தமாக இருக்கிறது.

ஏ.ஐ வகுப்புகளில் நான் சந்தித்த பெரும்பாலான ஆசிரியர்கள் இதைத்தான் குறிப்பிட்டார்கள். அந்த ஆசிரியர்களுக்கு அவர்களின் வேலை பளுவை குறைக்க சில ஏ.ஐகளை பரிந்துரைத்தேன்.

அதில் பலருக்கும் பிடித்தது Teach Easy.

எல்.கே.ஜி முதல் கல்லூரி இறுதி ஆண்டு வரை ஆசிரியர்கள் இதனை பயன்படுத்திக் கொள்ளலாம். பத்தாம் வகுப்புக்கு, கம்ப்யூட்டர் சயின்ஸ் டெஸ்ட் எனச் சொன்னால் போதும் பட்டென்று கேள்வித்தாள் தயார். இதுதான் பிளஸ் டு ஆங்கிலப புத்தகம். பாடத்திட்டம் வேண்டும் என்றால், சிலபஸ் பிரித்து வகுப்பு நடத்த திட்டம் தந்துவிடும்.

ஆசிரியர்களுக்கு உதவ இதே போல் 30க்கும் மேற்பட்ட வசதிகள் உள்ளன. ஆசிரியர்கள் பயன்படுத்திப் பார்க்கலாம்.

https://teacheasy.ai/tools/lesson-plan-generator/