مدونة اشتغالات

Just a shock

2010-09-25T03:49:00.000-07:00

مش عارف هقول ايه بجد اول مره ابدا بوست وانا كل حاجه فيا متلغبطه يمكن مش هبدا باعتذار عشان كلكم اكيد عرفتوا الظروف اللى

خلتينى غصب عنى بعدت فجاءه كانت بجد اقوى منى واقوى من اى حاجه تخلينى اكمل من غير ما انكسر بس انا هحكى الحكايه من اولها

من اول ما اتكسرت لحد ما رجعت تانى ليكم وانا شايل شويه امل بدعى ربنا يخلونى اكمل حياتى زى بقيت البشر اللى عايشين

~ البدايه ~

البدايه كانت وانا فى بلد غريبه عليا اه عشت فيها ساعات حزن وساعات فرح زى اى حد من الناس اتعلقت بالمكان واتعلقت بالشخصيات

اللى قبلتينى فى طريقى دا البدايه كانت لما اهلى سافروا وسابونى هناك و رجعوا هما مصر عشان يلحقه حد غالى عليا اوى من الموت

يمكن اه مكنتش عارف بس كنت حاسس ان السفر بسرعه فيه حاجه غلط الاستعجال دا مش عادى عديت وقولت يمكن عشان المستقبل

او او واهى كلها حجج لحد ما جالى تلفون فى يوم بيقولى يا عمرو فى حد تعبان اوى ونفسوا يشوفك لو عرفت تيجى بسرعه يبقى كويس

مجرد ما سمعت كل دا اتهزيت خفت ملحقش اصلو كان غالى عليا اوى

قررت فى وقتها انهى حياتى فى المكان اللى حبيتوا اللى فيه ليا ذكريات كتير جميله وبردو حزينه المكان اللى اتعلقت بيه رغم رفضى ليه

حجزت على تالت يوم فى رمضان على امل يمكن الحق او اعرف اتصرف اه مؤمن بقضاء ربنا وقدره بس الامل بيخلى الغريق يتعلق

بنسمه هوا ممكن تعدى عليه فى اى وقت

وصلت فعلا المطار ولقيت اهلى فى استقبالى عادى جدا اطمنت عليهم وسالت على اللى غالى اوى عليا قاله ليا بخير هو بس محجوز فى

المستشفى عشان تعان شويه ولازم له رعايه طبيه وانا قولت عادى جدا بتحصل بس لان الكدب فى الحزن بيهرب حسيت من عيونهم

بحاجه مش عايزه تتقال حزن فى عيون اتعلمت متتنكسرش طلبت اروح ازوره قالوا النهاردا بليل قولت طيب افطر وابقى اروح

كل حاجه عاديه اللفزيون شغال وقراءن بردو عادى متعودين على كدا البيت فيه ضحك زى ايامنا القليله العاديه مشكتش فى لحظه

فى تصرف اى حد حتى خالد اخويا مثل الدور كويس اوى رغم انو اكتر حد كان مكسور

مررت الساعات والدقايق كانها سنين بسال والاجابات مختلفه اه بتطمنى بس بردو بتقلقينى اكتر زى ما يكونوا عايزنى افهم اللى بين السطور

لحد ما جه وقت الحسم مينفعش اللى جاى يستخبى مينفعش يتقال فيه الحقيقه

عمرو انسى بقى مش هينفع تقبله او تشوفه افهم بقى دا ماات ولا وجودك ولا تاخيرك كان هيقدم او ياخر حاجه دا قدر ربنا لولازم نرضى بيه

اه فى الاول مفهتمتش الكلام او يمكن كان عقلى رافض يصدقه ما هو احساس تقيل انك تحس بان فى حد بتحبوا اوى بقى مستحيل انك تشوفه

صعب جدا انم تحس بان فى حد انت بتعشقه خلاص دوره فى حياتك انتهى يمكن كانت عارف دا قريب بس مكنتش متوقعه بالسرعه دى

صعب اوى تعيش على امل تشوفه وتتمنع من انك حتى تلمح ضله

لحظات عدت بسرعه اوى كانها دقايق حياه متلغبطه افكار مش عارفه ومش راضيه تترتب كل حاجه اتغيرت الحلو بقى مر والعسل بقى ملح

مش هنكر انى لما فهمت اتصدمت سكت كلامى مبقاش راضى يطلع ايام وليالى على دا الحال كلو جنبك ونفسك تكلمهم بس قلبك شايل منهم

ولما تسال ليه تلاقى نفس الرد انت عبيط هنقولك ايه و انت على سفر مينفعش

دموعك نازله منك كل ما تخلص تكتر اكتر لوحدها عقلك بيقولك خلاص انسى وقلبك رافض حتى انو يصدق حرف واحد

عدت ايام وفاتت ليالى فوقت اه بس مكسور اول ما فوقت بردو لقيت فراق لازم اهلى يرجعوا تانى السعوديه الدراسه هتبدا ومستقبل اخواتى

ولازل مره مينفعش اكون انانى واقول لا يمكن كمان كنت حابب انى ابقى لوحدى يمكن اقدر افوق و اقدر اكمل و اهزم كسرتى مش هنكر

ان دا فى الاول كان صعب بس خلاص اتعودت حياه بقت روتنيه اوى ما بين الكليه وما بين البيت تغييرات طفيفه اوى كل يوم

البيت نفس البيت اللى بعمله هو هو الاختلاف الوحيد بيبقى فى الاكل

واهى حياتى ماشيه بس لما فكرت لقيت ان فى حاجات اوى ايجابيه انا مكنتش واخد بالى منها مش يمكن لو كنت شفت الحد الغالى عليا دا

كنت اتعلقت بيه اكتر وفراقه كان يبقى اصعب من كدا ؟

مش يمكن دا اختبار من ربنا يقلل ذنوبى شويه ؟

~النهايه ~

لقيت انو مينفعش انى ابعد عنكم اكتر من كدا اه يمكن هبقى حزين شويه بس معاكم ايكد هلاقة نفسة الحياه خدتنى اه شويه عنكم ما بين شغل

جديد فى الاخراج وما بين احزانى وما بين حب جديد يعنى امل جديد بتمنى يا رب يكمل على خير

اسف بجد انى غبت عنكم واسف انى مكنتش متواصل حتى بالتعلقيات بس ان شاء الله اللى جاى احسن

بتمنى تدعولى اللى جاى يعدى على خير

اسف على ان البوست دا طويل لكن يمكن عشان بجد كان نفسى اقول كل اللى جوايا

شكرا بجد لكل اللى ساب تعزيه واللى ساب كومنت او اوف لاين على الميل او مسج على الفيس و شكرا كمان لكل اللى كلمونى وعذونى

لان فعلا اللى اصحاب اللى بجد والاخوات مش بيبانه غير وقت الشده

اسف عشان مردتش على التاج بس قريب اوى هرد عليه لان خلاص كل يوم سبت نويت باذن الله اكتب بوست جديد

بتمنى يا رب محدش فى يوم يشوف دموعه بسبب فراق حد غالى عليه

الحد اللى غالى عليا كانت جدتى بدعى ربنا يرحمها ويدخلها الجنه

عندما أبدأ بالكتابة أجد نفسي وأجد ذاتي .. أجد نفسي تنطق بالحروف المقهورة ..التي تأبى أن تتوراى بين السطور.. أجد ببعض الأحيان أدمعي تنساب على ورقتي تبللها ..فتبقى حروفي هي ذاتي الخجول

غصب عنى

2010-08-18T13:06:00.000-07:00

اسف بجد لغيابى عنكم اللى طال ولكن دا عشان عندى حاله وفاه بتمنى يا رب انكم تعذرونى

Crossword puzzle

2010-07-22T11:49:00.000-07:00

ورجعت تانى ليكم اكتب لناس بحبهم وبحب كلامهم وكلامى معاهم

هبدا الاول كدا بكام حاجه كدا عايز اقولهم مهمين اوى بالنسبه ليا

البوست اللى فات على قد ما كان اقل تعليقات على قد ما رجعنى تانى احب الكتابه كانى لسه فى الاول

وكانى لسه عضو جديد فى البلوجر لسه عندو حماس الكتابه

وكمان عايز اقولكم بجد شكرا على الوقت اللى قضيتوا وسطكم بستفيد من رايكم

وبفرح بتعليقاتكم اوى لانى بحسها هى دى نجاحى جنبكم

ومش هنكر انى اول ما كتبت كونت فاكره سهله و اى حد ممكن يكتب مكنتش بصراحه

بقدر احساس حد ولا كلام حد مجرد كلام فى كومنت بكتبه عند اى حد عشان

بس ابقى موجود لكن بعد كدا بجد عرفت ازاى انتوا ناس محترمه وجميله جدا

فى كلامها وفى تفكرها لفيت على مدونات كتير منها اللى بيحلم ببلد جميل

واللى بيحلم بحياه غير حياتو واللى بيحلم ببكرا ازاى يبقى اجمل من اللى فات

واللى بيعبر عن نفسو من غير اى اقنعه ومش مهم عندو غير انو يبقى صريح قدام نفسه وقدام اللى بيحبهم

بجد انا لو قعدت اعد اتعملت منكم قد ايه مش هقدر اديكم حقكم

................

ثانيا

انا عملت بوست جديد اسمو فلاش شايف انو هو دا اللى هكتب فيه الفتره اللى جايه هيعبر عنى اكتر من اى

بوست تانى عشان حقيقى هو دا اللى بحسه والموضوع دا هيبقى اول فلاش عيشتوا

........................

انا قولتكم البوست اللى فات انى قررت اعيش لوحدى بس بصراحه انا كدبت عليكم

كدبت عشان مش انا اللى قررت الظروف هى اللى قررت واختارت انى اعيش لوحدى

كونت فاكر انى مبسوط وان هو دا نفس قرارى عشان كدا كدبت على نفسى وصدقت كدبتى

انى انا كدا اللى قررت اعيش لوحدى لكن انا بقولكم الحقيقه لانى بجد مقدرتش ابقى قد الظروف دى

صعب اوى على حد زى عاش حياتو كلها وسط ناس بتخاف عليه وبيحبهم

صعب على حد بيعشق اخوه وبيموت فى اخته اللى مليه حياتو

و كل الصعب فى كدا حصل عشان فى قوه اسمها الظروف

قررت وحكمت بكدا لا ونفذت كمان

قوه معندهاش استنئاف زى اللى بنشوفه فى

المحاكم معندهاش تاجيل

القرار بيتنفذ فى لحظه صدوره

رغم انى بجد زعلان ومخنوق على انى لوحدى على قد ما اتعملت حاجات كتير اوى جميله

عرفت قد ايه والدتى بتتعب فى شغل البيت قد ايه المسئوليه حاجه مش سهله

قد ايه الالتزام ليه فوايد على قد ما هو نوعا ما بيخنق اتعملت حاجات كتيره

اكيد هحتاجها فى يوم

بس بجد اللى مزعلنى انى حياتى بقت حروف متكسره ومتلغطبه حروف من غير نقط

او حتى ليها معانى فعلا اللى بنبحهم ويحبونا بيكمله فينا حاجات كتير

يمكن انا كنت عارف معاد الفراق بس مكنتش اتصور انو هيبقى صعب اوى كدا

احساس صعب بجد ان اللى بتحبهم وعشت معاهم عمرك كلو يجى اليوم اللى يوحشوك فيه

وحتى ميسبوش اى حاجه تصبرفراقهم غير ذكريات بتنزل عليها دموع كل ما تشوفها

انا كونت فاكر انى حد جامد اوى اى فراق اقدر اتحمله طلعت اضعف حتى من الفراق

اللى بنختاره

وانا وسط كل دا حسيت فجاءه بجد انى فى مكان ضلمه ومفيش عليا غير فلاش

كاميرا بيقولى اختار سؤال لنفسك وجاوب عليه

بصراحه انا اول ما جه السؤال بس فى بالى ملحقتش افكر فى الاجابه دمعت

عشان بجد صعب اوى لو دا حصل صعب اوى ان السؤال

يبقى هتعمل ايه لو اتفرض عليك فراق نفس الناس اللى بتحبهم دول

بس فراق مفهوش رجوع فراق مش بالاختيار دا بالاجبار

سرحت شويه وبجد اتعذبت فى التفكير

اصلوا احساس صعب اوى انك تفكر فى انك هتفارق حد منهم للابد

كلهم غالين عليك كلهم ما بينك وبينهم اجمل ايام فى حياتك اجمل ثوانى ودقايق

صعب بجد يجى يوم وتقول انا كونت هنا مع ناس فرقتهم

صعب تسمع اغنيه سمعتها معاهم فى لحظه كنتوا هتمتوا فيها من البرد

وانا بجد صعب انسى حاجات كتير صعب انسى اول كوبايه شاى اعملها انا واخويا

والحفله اللى عملنها فى المطبخ صعب انسى اول اسمى تختاره اختى تنطقه يبقى اسمى

صعب انسى دعوه حلوه من امى ليله امتحان وهى على سجاده الصلاه

كل الحاجات دى بتخلى الفراق كابوس عندى مش عايز اعيشه

بجد وحشونى حتى وانا لسه سايبهم مش عارف اعمل ايه لما يعدى كم يوم عليا وهما بعيد

على فكره انا دلوقتى مش لوحدى اوى يعنى معايا بابا بس بشوفه كل فين وفين بنتقابل فى البيت صدفه

لو فاضين انا عارف انو غصب عنوا و عنى بس خايف افرقه ومكنش شبعت منوا

وعلى فكره كمان اهلى سافروا مصر وسابونى زى ما انا هنا

هما اه هيرجعوا تانى بعد فترا بس للاسف انا بقى هنزل ونفترقتانى بس فترا اكبر عشان خلاص نقلت دراستى مصر

مش عارف الحياه بتختار الاصعب ليه دايما عليا وتنفذه ومش عارف ليه انا دايما بفرح بيه ساذجه

ولا رضا بالحال وخلاص

عموما مبقتش تفرق معايا لان احلى حاجه فى كل دا ان هقدر اعتمد على نفسى اكتر فى اللى جاى

* كل واحده بقى من اخواتى الحلوين تجهز نفسها على اسئله كتير فى الطبخ وكدا

ومحدش يقولى غلط عشان مغبش عنكم للابد

* مش عارف ليه ببقى فرحان اوى وانا بكتب البوست زى ما يكون البوست هو العيد

يمكن عشان بجد بحبكم اوى ومبقاش ليا دلوقتى حد غيركم احكى معاه واقوله على اللى جوايا

* مش هنكر انى خايف بجد من عباره "اللى بعيد عن العين بعيد عن القلب "

علمتنى الحياه ان الدموع لا تنزل الا على الاحباب

ادعولهم يرجعوا بالسلامه وسلام انا بقى عشان مطولش عليكم

Decision

2010-07-07T17:46:00.000-07:00

طبعا لو بدات بالاعتذار هتبقى موضه قديمه اوى وكلام كدا ملوش لازمه ومتكرر

والكلام لما بيتكرر مبيبقاش ليه لازمه وبيبقى تقيل كمان

انا هقولكم انى بس كونت مشغول الفترا للى فاتت زيكم فى الامتحانات

والحمد لله عدت على خير وربنا سترها معايا

هبدا البوست الجديد دا بالكلام عن حاجات كتير اوى كانت جوايا الفترا اللى فاتت

بس كان غصب عنى لازم اعديها ومش اديها اهميه لحد ما تعدى الفترا اللى محتاجه منى

تركيز مش عادى حتى لو كان دا غصب عنى

اول حاجه عملتها بعد ما خلصت امتحانات غيرت شكلى عشان احس بتغير كبير فى حياتى

على الاقل لما ابص لنفسى فى المرايا احس انى واحد تانى

غير اللى عاش فترات حزن وخوف ورعب من اللى عدى وفات

حتى لو دا تغير بسيط بس على الاقل تغير

مش هقول انى مخسرتش الفترا اللى فاتت حاجات كتير

اصدقاء واحلام واحاسيس ومعانى حاجات كتير كان نفسى اكمل عمرى بيها

بس بردو الرصيد اللى كسبتوا من الدنيا كافى اوى انو يعلمنى ازاى اقدر

اشوف الحقيقيه من غير تشويش اشوف الابيض ابيض والاسود اسود

انسى اللون الرمادى اللى عقدنى كتير وكان هيضيع منى حاجات اكتر من اللى خسرتها

بس الحمد لله فوقت من اللى انا فيه قبل ما اصحى على الم يزود همى

الفترا اللى فاتت دى كانت من اجمل الايام فى حياتى

اصلها عارفتنى ازاى ابقى كبير وسط الكبار لا ومش بس كدا لا اخد مكان وسطهم يخليهم

يحترمه راى

احساس جميل انك تتحرر من قيود الطفوله و الضعف ومش معنى كلامى ان الطفوله شئ وحش

بس بردو ساعات كتير اوى وفى مواجهات كتير متنفعش تبقى صغير

لازم تاخد قرارت تحدد حياتك مينفعش تعتمد على حد لازم تختار طريقك عشان

متلومش غير نفسك ومتديش لنفسك فرصه انها تلقى شماعه تعلق عليها اى فشل ممكن تتعرضله

الاحساس الاصعب بقى انك تختار فى يوم ومن غير اى مقدمات انك تبقى لوحدك

ومش عايز معاك بنى ادمين عايز تسرح فى حياك تغلط وتصلح غلطتك بنفسك

تتحمل مسؤليتك يمكن هتغلط وهتحتاج مساعدات بس مش هتبقى هى العامل الاساسى فى حياتك

وكمان هتكون تدخلات بارداتك مش فرض عليك

مش حاجه خناقك ومحسساك انك ولا حاجه

اه طبعا فى ناس بتتدخل عشان تساعد ومش عايزه مقابل بس هى متعرفش انها بتهد اكتر ما بتبنى

وعشان ابدا اكون صح واختار حياتى صح خدت كل القرارت بنفسى ومن غير اى

تراجع خدت قرار انى انسى الماضى بكل ما فيه الحلو قبل المر الابتسامات قبل الدموع

وكانى لسه جاى الدنيا من جديد ومليش حد فيها نهائى اه فى ناس بحبهم وعايز افضل معاهم واكيد

هفضل معاهم وهطلب رايهم بس القرار هيبقى ليا انا

اكيد فى حاجات كتير مش هعرف اخد فيها قرارت لوحدى وهقع لكن هقوم تانى بسرعه

بناس كتير حواليا بيحبونى زيكم وزى اصدقاء ليا لسه بيهمهم مصلحتى

انا دعيت واتمنيت انجح وحاسس انى ان شاء الله انى مش هفشل

حتى لو انكسرت مش هتبقى بالدرجه اللى تخلينى ارجع عن قرارى

وعشان كدا بدات احضر لرجوعى مصر تانى قريب

بس بعد ما اخلص حاجات كتير ورايا عشان مبقاش شايل هم اى فشل بدرى

لان اللى بيفقد دفاتر الماضى لا يمكن يلاقى اقلام يسطر بيها دفاتر تسجل الحاضر

* اوعدكم الفترا اللى جايه هكتب بوستات كتير جدا تعوض غيابى الايام اللى فاتت *

*انا متوقع ان دا هيبقى اقل موضوع عليه تعليقات اتكتب فى المدونه لانو مش واضح اوى وكمان ميهمش حد اوى*

* علمت ان عيون الناس تعكس دائما الحقيقيه فارتديت نظاره النفاق حتى لا اجرح احد*

Half of the appointed

2010-06-03T12:55:00.000-07:00

غبت عنكم كتير اوى وكونت بجد محتاج الفترا اللى فاتت اكون معاكم بس كمان كونت محتاج اكتر انى

اغير كتير اوى فى حياتى عشان ارجع اكتب تانى بصدق واكتب كلام يتحس

مش مجرد كلام على صفحه فى البلوجر

فى حاجات كتير اوى كان لازم تتصلح وتتغير او تنتهى لو احتاج الامر لكدا

عشان كدا بعدت وبعدت اوى كمان غيابى طال اه لكن جه ببعض النتائج اللى شايف انها صح

.................

بجد وحشتونى اوى ووحشنى الكلام معاكم والتعليق على كلامكم وانكم تعلقوا كمان على كلامى

انا عارف انى غبت كتير اوى وعشان كدا فى منكم كتير مابقوش فاكرينى وكتير كمان مابقوش فاكرين كلامى

لكن معلش لكل حاجه تمن لازم ندفعه وانا عشان اختارت طريق طويل خسرت ناس كتير منكم

بس كسبت حاجات جميله اوى ومعانى جميله عشتها و قدها بالظبط عشت معانى بتكسر وتوجع

عشت حياه النجوم وازاى تبقى دايما فى الكادر والضوء عليك لوحدك

وعشت كمان حياه المسجون وازاى تبقى لوحدك غصب عنك مش بارداتك

ومحدش جنبك ولا بيسال عليك

عشت لحظات كتيره اوى حلوه وعشت اكتر منها صعبه بس كانت جميله عشان كونت بتعلم

منها حاجات كتيره وبعيش فيها لحظات علمتينى ازاى مضعفش ابدا حتى لو روحى هى اللى هتروح منى

اتفرج واضحك وافكر ازاى ارجعها تانى ومش بس ارجعها لا ارجعها وانا كسبان كتير

اتعلمت مبكيش على اللى فات وانسى معنى الاشتياق او ان حد يوحشنى وغيابه ياثر فيا

اه اتعملت اقسى وادوس على حد يفكر يجرحنى او بس يهز كرامتى

اتعملت ان دمعتى غاليه اوى مينفعش تبان عشان انا راجل شرقى ودمعتى لو بانت يبقى الموت عندى اهون

اتعلمت ادى دروس فى معانى الحياه واعلم ازاى تجرح ومتتجرحش وازاى تقتل قلبك جواك ومتخافش

من اى حاجه ممكن تقابلك فى اى لحظه وانك متفرحش اوى وتستعد لاى لحظه حزن جايه وتبقى قدها

واتعلمت ازاى متتكسرش وتبقى واقف لاى حاجه تفكر تهدمك

وانك تشوف الحقيقه بعنيك الاتنين وتتعلم متغمضش لما تشوف لقطه رعبه فى فيلم

او حتى فى مسرح الحياه (الحقيقه)

* كل دا انا متعلموش بس كان نفسى اتعلمه من اللى عدى عليا لان اللى عدى عليا كان بجد صعب

الحقيقه اللى بجد هى انى عشت حياه النجوم وحياه المسجون ومقدرتش اعرف ليه الاتنين

صعبين يمكن عشان فى حياه النجوم بنحافظ على كل تصرفاتنا

ولا عشان النجوم بيشوفه نفسهم علطول فى عيون الناس

ولا عشان فى حياه المسجون بنتصرف على عكس ارادتنا

* لو حسيت باشتياق ناحيه حد مينفعش انك تسال عليه او حتى تسمع صوته تعمل ايه تبكى

ولا تصرخ من الشوق ولا تدور على اى تضيع فيها تفكيرك دا ؟؟؟

بجد مش عارف اى اجابه لاى سؤال سالته

* شكرا لكل اللى سال عليا فى الميل او فى الفيس واسف لو قصرت فى السؤال

او الاجابه على سؤالكم حقيقى كان غصب عنى

وميرسى لكل اللى اتكلم عليا لانو اكد ليا انى مهما غبت هفضل موجود بينكم حتى لو عن طريق التجريح *

لم أجهل الحقيقه يوماً .. ولكنني أمارس " العمى " بـ إحتراف ، لكي أعيش

Beyond Tolerance

2010-03-29T18:55:00.000-07:00

يا ريت اللى يقرئ البوست دا يقرئه لاخر سطر ويفهمه

طبعا كدبت لما قولت مش هقدر اغيب بس المره دى كان صعب ابقى معاكم

لانى جايز ساعتها كونت هخدعكم ومش هبقى معاكم بقلبى او بتفكيرى

المره دى كونت مع شخص غالى عليا اوى كونت مع شخص ادانى حياتو كلها باختياره

وبارادته ومن غير ما يفكر او حتى يتردد ثانيه

الشخص دا يعتبر هو سبب وجودى فى الدنيا بعد ربنا سبحانه وتعالى

الشخص دا هو والدى او زى ما بحب اقولها دايما بابا !

اه بعدت عشانو غبت لانو تعب اوى وكان لازم ابقى جنبو مش هنكر انى قولت انى مش ناوى اسامح تانى

لكن غصب عنى لقيت نفسى بسامحه على اى غلطه وعلى اى حاجه عملها ومش بلؤمه

خصوصا ان اخطائه زى اخطاء بقيت البشر بس يمكن انا كونت شايفها اكبر

وكونت كمان حاسس انى مبقتش بحس ناحيتو بالحب اللى المفروض

غصب عنى واجبارى احسو ناحيتو وكونت برفض باى شكل من الاشكال انو يتدخل فى حياتى

وحتى رايه كونت دايما باخده مجرد راى يعنى مش موثر اوى

ومش هنكر كمان انى اتمنيت كتير ان ربنا يفرقنى عنوا باى طريقه

ايوه باى طريقه اسافر او اهاجر او اموت او اى حاجه تبعدنى عنوا والسلام

كونت بحس ناحيتوا بحاله من النفور ومش عارف هقدر اسامح نفسى على دا كلو ولا لا ؟

اللى خلانى بقى اتغيرت ورجعت فى كلامى انى اول حد سامحتوا كان هو بابا

سامحتوا عشان حسيت انو اتكسر حسيت ان الجمل اللى شال حمل سنين ومشى بيه

وقع تعب مش قادر يكمل حسيت دا فى لحظه من وجهه نظرى انا غريبه اوى

حسيت دا فى المستشفى اول يوم ليه قبل ما يعمل عمليه ما فى القلب

وانا بوصله لقيت عنيه بتدمع قلقت اوى اتخضيت رغم انى كونت واخد الموضوع عادى

عمليه زى اى عمليه وزى كل مره هيخرج بعدها والحياه مستمره لا جديد يعنى

بس اول ما ظهرت دموعه حسيت اكتر من احساس يمكن مش هقدر اوصفهم لكن صدقونى

الاحاسيس دى لغبطتيتنى جدا يمكن انا لحد يوم العمليه معرفتش انام من كتر التفكير فى اللى حصلى دا

اتلغبطت لانى مكنتش متوقع انى بحبه للدرجه دى اتلغبطت عشان فى لحظه وبدون اى انذار

بقيت انا مكانوا وبقي مطلوب منى انى انا اللى ابقى مكانو حتى لو بشكل مؤقت احساس يخض ويرعب

اللى يرعب انى اتحطيت فى موقف انا عمرى ما عيشتوا قبل كدا لحظه مشوفتش نفسى فيها ولا شوفت اى حد قريب

منى فيها

...............................

وفضلت زى ما انا ما بين تفكير وخوف وقلق وترقب لحد ما جه يوم العمليه اللى بعتبره من

اهم ايام حياتى هحاول اوصفلكم الموقف عشان تعيشوا اللحظه دى زى بالظبط

بابا خلاص اتحضر انو يدخل غرفه العمليات وخلاص قربت ساعه الحسم يعنى مفيش هزار

ولا اى همسه حتى ورق الشجر مش مسموح له انو يتحرك عشان ميعملش اى نوع من القلق

جوا قلوب خايفه ومستنيه تعرف ايه النتيجه

وطبعا انا ماشى جنبو و هو على السرير وحاسس بوجود دموع فى عنيه مش قادره تنزل

ماشى جنب السرير وهو بيتحرك واحساس بيدخل جوا قلبى يرعبنى اكتر دقات قلبى بتزيد

والخوف بيدق فى كل ضلوعى ركزت اوى فى ملامح وشه وارتحت شويه

لما ابتسم ليا وبعدها بدقيقه بالظبط لمحت وشى انا فى مرايه من مرايات المستشفى

فى الاول استغربت لانى لقيت نفسى متغير اوى ملامح وشى متغيره

زى ما يكون كبرت اوى فى يومين باين على ملامحى العجز وقله الحيله والضعف

بصيت لبابا وقولته تخرج بالسلامه وسبته وخرجت من المستشفى لحد ما يعدى وقت العمليه

وجريت على العربيه جبت منها علبه السجاير وشربت اول سيجاره

والتانيه التالته وكل دا وانا مش عارف انا بحلم ولا انا عايش اللحظه دى بجد

لما قعدت افكر شويه لقيت انو مكنش يستحق منى كل البعد اللى كونت ببعده عنو حتى لو

هو ابعد حد عنى يمكن كان مستنينى انا اقرب وغصب عنى لقيت دموعى بتنزل منى

دخلت جوا العربيه لانى مبحبش دموعى تبان قدام اى حد

وخصوصا انها مينفعش تبان قدام اخواتى لان المفروض انا اكتر حد فيهم

متامسك وبدات بقى اغسل وشى وافوق تانى وكأن مفيش حاجه

ورجعت المستشفى وكانت مفأجاة ليا ان المستشفى رفضت تعمل العمليه عشان مش هتنجح

ولازم يعمل عمليه اكبر شويه بس هى دى اللى هتريحه اكتر

اطمنت شويه وبدات دقات قلبى فى السكون وارتاحت ملامحى وبدات افوق تانى

و اول لما بابا خرج بدات اتكلم معاه عادى واهزر وكأنى عمرى ما زعلت منوا

وبدات بقى اسال الشغل ماشى ازاى عشان اقدر امشيه فى الفترا اللى هو تعبان فيها

واعمل اى حاجه حتى لو بسيطه بس احس انى شيلت من عليه ولو جزء صغير

وبعد ما فهمت حبت حاجات وعكيت فى حبت حاجات اكتشفت انو

كان زى النحل شغال علطول وتعبان وقرفان وعرفت انا قد ايه كونت ظلموا

انا من يومين بس فى الشغل زهقت واتحرق دمى و مليت

يا ترى هو بقى حاله كان بيبقى عامل ازاى ؟

بس بسرعه قررت انى اكمل لحد ما هو يقوم ويقف على رجليه يمكن شويه بعدت

عن الدراسه لكن هرجعلها ان شاء الله اول ما بابا يبدا يرجع تانى وسطنا لانو بجد

زى الشمعه فى عز الليل بتنور وبتدى بريق ولامعا غير عادى وغير دا كلو

بتحسسنى بالامان

انا مستنى بقى دعوتكم عشان العمليه التانيه قربت وانا بجد خايف اكتر من الاول

وبجد شكرا ليكم على انكم كونتوا سبب فى انى ارجع عن اكبر غلطه كونت هعملها

و هى انى ابطل اسامح او ارفض السماح

لان مع اول تجربه صعبه قبلتينى عرفت معناها وقيمتها

* بعيد عن البوست

* اتاكدت بجد ان عمر صحبى من اخلص الناس ليا واكتر الناس اللى بتحبينى وبتخاف على مصالحتى ومستقبلى

* الناس اللى كانت بتتكلم عليا فى غيابى بجد مش زعلان منكم نهائى لان قد ما بتكلمه بلاقى اكتر

منكم ناس بتحبينى

* استفزينى اوى ان اسرائيل مستاءه من مسلسل تركى بيصور حربها على فلسطين بطريقه وحشيه

وبيحرض العرب على قطع العلاقات معاها !!!

واستفزينى اكتر ان قناه mbc بتعلن استمراها فى عرض المسلسل رغم اى ضغوط وكأن هو دا

اللى هيجبلنا حقنا او هى دى بقت اساليب المقاومه الحديثه !!!

* على فكره السجايره دى مرحله وهتعدى ان شاء الله ومحدش يزعل منى وان شاء الله

هتعدى بسرعه

*الغرور ولا بيزيد ولا بيقل ومش لقى ليه علاج ناس بتقول دى ثقه مش غرور وانا بتمنى

اتخلص من الاحساس دا مهما كان اسمو بس مش عارف !

..........................................

I have never been reluctant

2010-03-11T01:16:00.000-08:00

والله ما عارف ابدا كلامى ازاى ويا ترى هبدا بايه باعتذار يمكن مش هيشفعلى الكتير عندكم

ولا اقولكم انى والله كونت تعبان ولا اقولكم ان الاصحاب بيسامحه بعض مهما حصل

بجد مش عارف اقول ايه عارف ان غيابى طال وانتظاركم ليا كمان نفذ ومنكم اللى نسينى اكيد

ومنكم اللى مش فارق معاه نوعا ما وعشان كدا بجد مش عارف هواجه كلامى لمين فيكم

بس انا هقول لاخواتى واصحابى اللى بجد منكم متزعلوش حقيقى غصب عنى ما بين امتحانات

وتعب وسهر وحيره وزهق وتغير وخوف وما بين ترقب وفرحه وبسمه صغيره

من اللى لسه بتدينا امل بسمه من اللى هى عامله زى نسمه الهوا فى الصيف

بتيجى فجاءه تحلى الجو فى ثوانى وتطير تانى فى لمح البصر اللى يعيش اللحظه

هو بس اللى بيحس بعدها بالحر لكن لو معشهاش مش هياخد بالو كدا او كدا الجو متغيرش

بس قبل ما ابعد عن موضوع حابب بجد اعتذرلكم ولو عليا اجى ومعايا ورده فى مدونه

كل اللى زعلانين منى عشان بجد انا مقدرش على زعلهم

.................................

من غير ما هقول مقدمات كتير تصعب الموضوع اكتر انا هدخل وارغى واقول راى فى الموضوع علطول

كلنا طبعا عارفين السماح عارفين يعنى ايه نسامح حد وحد يسامحنا يعنى ننسى جرح او ظلم حد

او ان حد ينسالنا دا لو حصل مننا

نعمه كبيره اننا ننسى ونسامح بس يا ترى مين بجد بيسامح ومين بيفضل شايل جواه

ومين بيسامح ملايين المرات وبيتسامح مره مرتين او حتى تلات مرات

انا بقى لما فكرت فيها وحسبتها من وجهه نظرى صح لقيت انى انا مش بستفيد من السماح دا

انا بسامح بس ومحدش بيسامحنى طب ليه مش احنا كلنا واحد وبنعبد رب واحد ودمنا زى بعض

كلنا نفس التركيب وتقريبا نفس تشابه الظروف مع بعض الاختلافات مش اكتر

طب ليه بقى فينا حد بيسامح من غير تفكير وفينا حد بيجرح ويبيع وما بيصدق يبعد عشان ميسامحش

انا مش عايز اقولكم انى فعلا ناويت مسامحش وانى بجد حاسس ان لازم اتغير

انا مش ملاك عايش على الارض انا لازم ابقى زى ناس كتير ادهن وشى بالالوان

مش هسامح تانى هشيل الكلمه دى من قاموس حياتى عارفين ليه لازم نشيلها مش عشان

احنا بنسامح كتير لا عادى ملايين الناس بتسامح كتير لكن عشان اللى بنسامحه بيرجع يغلط

تانى ويمكن مش كدا وبس لا دا تقريبا نفس الغلطه ومن غباء البعض مننا بيرجع بردو يسامح تانى

صدقونى اكيد كلكم بتقوله ان من الطيبه اننا نسامح تانى لكن دا بجد منتهى الغباء

والسذاجه

لانى عمرى ما كونت عازف على جراح حد ويا رب مكونش كدا

حسيت يعنى ايه تظلم وتتظلم ويعنى ايه تتكسر وتنكسر

دا راى انا وقرار قررت اخدوا يمكن اقدر اعيش وسط كتير من الناس بدل ما اعيش وسط

جزء قليل اوى بس هو اللى بيعرف يسامح ناس طيبين زيكم كدا بس يا خساره فى غيرنا

شايفنا متخلفين عايشين فى الاحلام

على الهامش

* كتير بيجلى كومنت يقول انى كونت سبب فى دموع حد او انى فكرته بحاجه

غاليه عليه او حاجه جرحه بجد انا اسف ليكم كلكم بس انا مش ملاك

انا زى زيكم ويمكن اقل منكم بقول اللى بيحصل من غير كدب

او تجميل عشان يوصلكم بسرعه بس هو جايز كمان بيوصل بجرح ودا غصب عنى صدقونى

* عرفت ان فى ناس اتكلمت عليا فى غيابى من المدونين وقالوا انى ممثل

وبحب اعيش اللحظه وكلام كدا والله العظيم ما زعلت منهم بس كونت هحب كدا اكتر

لما الكلام يكون فى وجودى على الاقل لو محترمتش رايك هحترم شجاعتك

* مش هخبى عليكم فى الايام اللى فاتت عشت كام يوم يعتبروا من اجمل ايام حياتى

و فى نفس الوقت خايف ميبقوش كدا بعدين

* لما بنموت بنبقى ذكرى والمصيبه لو و احنا عايشين بردو بقينا ذكرى

* ساعات بنبقى عاملين زى جيتار بس من غير الاوتار وبنطلع نغمات

وساعات زى الباينو كلنا نغمات بس مش مفوهمين

* الله يرحمك يا فضيله امام الازهر ويدخلك فسيح جناته*

عيد الحب ولا حب العيد

2010-02-14T03:48:00.000-08:00

غيبت كتير عنكم وحاولت ادور على مناسبه جميله ارجع فيها عشان اكتب موضوع

على الاقل ينفع فيه الكلام الهادى الرومانسى اللى بيبقى من غير كدب او نفاق

بجد يا بختكم يا بخت كل اللى بيحب واللى بيعشق ويدوب من شوق الحب

حاله جميله بنعشها مشاعر بتتجدد فى عيد الحب وذكريات يمكن بتضيقنا بس بردو بتفضل

عايشه جوانا مهما العمر فات بتفضل احلى واجمل ذكريات

happy valentine day

اجمل ذكرى كلنا بنعشها واجمل لحظه لما نكون جنب اللى بنحبه

حاله غير عاديه بتبقى جوانا ضحكه جديده وفرحه قلب غريبه

بتخلينا نحس اننا فى السما مش شايفين حد فى الكون غير اللى جوا قلبنا

مبيبقاش فى حد فى بالنا غير اللى عقلنا بيفكر فيه طول اليوم وبنسرح

ازاى هنقضى معاه العيد دا وبيبقى اجمل واجمل لو اول عيد بينا وبين اللى بيحبه

كل حاجه فيه بيبقى ليها ذكرى من اول الهدايا والاماكن اللى بنشوفها

لحد اللون الاحمر اللى غالبا بيسيطر على الشوارع كلها حتى الكلام فى اليوم دا عمره

ما بيتنسى لانه بيبقى عن الحب وبس ....

بس يا ترى عيد الحب دا ليه رونق خاص عند العشاق عشان هو حاجه بتقربهم

من بعض وبس ولا عشان ليه ذكرى بتفضل معاهم سنه وراء سنه

ولا عشان احنا بقينا ندور عليه بندور على اى عيد وخلاص اى فرحه

والسلام

.........

انا عن نفسى مش فاكر للعيد دا غير انو كان ذكرى جميله وايام عدت بسرعه

مع اجمل ناس حبيتهم بس القدر حكم على مشاعرنا تبقى ذكريات منها الجميل

ومنها اللى مش كدا بس بردو ذكريات

نفس اللى حصل معايا من سنتين شوقته امبارح مع اقرب صاحب ليا

كانوا فيديو وبيتعاد فيه نفس المشاهد ونفس الكلام والذكريات مع اختلاف الاشخاص

والاسامى والاماكن

وفى الاخر نزل الستار وخلصت قصه حب عشان تكتب نهايه جديده

عشان تسطر احزان جديده وذكريات اجدد يمكن دى الحاجه الوحيده اللى هتبدا

ومش هتنتهى

........

اللى عايز اقوله ان ساعات اللحظه لما بنعشها فى وقتها بتبقى جميله

طالم مفيش اى حاجه قتلتها او داست على ملاميحها ومسحتها

ومسحت كيانها وسطرت وكتبت بدلها لحظات اصعب

و اوجاع ودموع

بتمنى لكل الناس اللى بتحب بجد قصصهم تكمل على كدا

وفى نهايتها يبقى تاج يجملها ويزخرفها عشان يزيدها رونق اكبر على جمالها

يا رب كل عيد حب يبقى اجمل من اللى قبله وذكرياته احلى من اللى عدى

وفات وربنا يسعد ايامكم ويجمل مشاعركم اكتر واكتر

Then what

2010-01-21T02:41:00.000-08:00

غبت كتير عن ناس بحبهم ويمكن مقدرش اقدم اعتذرات ومبررات كفايه تشفع ليا ايام الغياب

غير انى رجعتلكم تانى لانى مقدرش اهجركم

كتير منكم وحشونى جدا ووحشنى انى ازور مدونتهم بس كان غصب عنى

لانى مكنتش لقى بوست اكتب فيه اى حاجه جديده او فى السنه الجديده

مكنتش لقى تغير زى ما تمنيت ضعفت قدام اول خبر او قدام اول حاجه استفزيتنى

بس لما الاقلام اللى كتبت بدايات قصص رومانسيه

ترجع وتكتب بدايات نهايه كل قصه يبقى لازم ابعد

لما المستقبل يبقى بيتقدم للخلف يبقى لازم ابعد

لما الاحلام كلها تبقى كوابيس لازم ابعد

لازم ابعد عشان افهم مين اللى اتغير الكون ولا انا

مين اللى ضعف ومين اللى بقى اقوى من الاول

مين اللى بقى بينسى ذكرياته ومين اللى لسه عايزها تعيش وتبقى احلام من تانى

مين اللى ببيدور على السعاده بجد ومؤمن بيها وبوجودها ومين اللى عايش فى النكد

والحزن كأنو جزء منو كأنوا جزء من تركيبته

انا واحد من ضمن اللى عندهم اساله كتير كدا

من ضمن اللى احتضنوا الحزن و كأنوا زميل دراسه او اخ كبير ملزمنى حياتى

حاولت ابعد وادور على حاجه ايجابى ابدا بيها السنه الجديده لكن ملقتش ولا اى حاجه

يمكن عشان انا كونت حابب اشوف كدا لكن لما بدات ابوصلها بطريقه تانيه يمكن متاخر

شويه لكن لقيتها احلى بكتير ودا اللى رجعنى تانى بجد ليكم عشان ابقى واحد من ضمن

صف المدونين وكمان اخر واحد عشان حابب انى ابدا من جديد يمكن اقدر اعوض كل الحزن

اللى فاتنى وارسم مكانه ضحكه كبيره مش مجرد ابتسامه صغيره

ممكن فى يوم تتفسر غلط اوعدكم انى مش هبعد تانى الا عشان الامتحانات وبس

قد ما كونت محتاج سؤالكم عليا على قد ما دلوقتى محتاج دعواتكم

عشان امتحاناتى

وبجد اسف انى بعدت عنكم يا اغلى ناس

يالى مهما بعدت عنكم غصب عنى برجع تانى اكون واحد منكم

يمكن كتير حسيت بلحظات ضعف وانا بعيد عنكم بس كونت

لازم اواجه ضعفى دا لوحدى عشان اكسره مش مجرد انى اتجنبه

لفترا معنيه وبس

والباقى دا انا هسيبه على ربنا بس هستقبله بضحكه تكسر اى دمعه تقبلنى

Goodbye 2009

2009-12-31T12:05:00.000-08:00

باى باى 2009

بنودع سنه فاتت من عمرنا وعدت بنودع سنه بكل اللى حلو فيها واللى وحش

وانا اكتر حد بجد محتاج يودع السنه دى عشان يودع الحزن معاها

ويفكر فى اللى جاى يستقبل سنه جديده باحلام جديده وكتيره ويمكن كمان بأمال جديده

قبل ما اودع السنه دى محتاج اقول كام حاجه لكام حد مهمين فى حياتى

اولا عمر وهيثم اعز اصحابى واغلى كمان من الاصحاب بس بقى ليهم تالت

اسمو احمد اصحاب بجد بيخافه عليا يمكن كدبت عليهم فى حاجات كتيره

وزعلت منهم وهما كمان زعلوا منى فى حاجات لكن بجد عمرى ما اتخيلت انى اخسرهم

ما بينا حكايات كتيره اوى مش ممكن حد فينا ينساها فى يوم حتى لو اتفرقنا

ومش بقول كدا بس عشان هما ممكن يقروء البوست لكن عشان فى كلام لو اتقال ميتحسش

قد ما هيتحس لو اتقرئ لان فى كلام مبنقدرش نقوله وبنخاف نقوله لا حد يتريق عليه بجد بحبهم جدا بحب فيهم الطيبه والجنان بتعلم منهم كتير وبستفيد اكتر

بودع 2009 وانا بقولهم انى اسف عشان مش عيب انى اعترف باخطائى العيب انى اكمل فيها

رغم انى عرفت الصح

عمر وهيثم بجد بودع السنه الجديده ويمكن انتوا اغلى حاجه طلعت بيها من السنه دى

ويمكن هى الحاجه الوحيده كمان اللى كانت جميله فى السنه دى

قبل كمان ما السنه تخلص عايز اقولها وداع يا سنه كانت من اسوا سنين عمرى

اتجرحت وجرحت فيها كتير سنه فيها بعدت عن اهلى وعن اصحابى وناس كتير اوى

بحبهم بس الظروف فرقتنا وداع يا سنه اجمل ما كان فيها انى لقيت اخ زى عمر

وزى هيثم وكمان زى احمد

وداع يا سنه اتجرحت فيها كتير واتظلمت اكتر ودمعت فيها بعدد سنين عمرى

وداع يا سنه اختلفت فيها مع اصحابى كتير

وداع يا سنه كان فيها اللون الاسود هو الاساس

وداع يا سنه عدت وانا مش وسط ناس بحبهم انا وعمر وهيثم اتاخدنا مره واحده من بلدنا

من تفصيل حياتنا من حاجات كتيره كونا متعودين عليها وناس كونا بنحبهم وبنحب نشوفهم

ومن شوارع كونا بنحب نمشى فيها واتحرمنا من كل دا مره واحده بس يمكن اجمل ما فى

الحكايه ان فرقنا لبلدنا هو اللى جمعنا وان شاء الله لما نرجع تانى مش هنتفارق

مش هطول وارغى كتير فى البوست دا لان انا غبت فترا كبيره ومينفعش ارجع مره واحده ارغى كدا

بس انا حابب كمان اقولكم كل سنه وانتم طيبين وانتوا اجمل و احسن فى كل حاجه من السنه اللى قبلها

وعايز اقول لعمر اسف لانى طلعت عينك معايا واسف ليك يا هيثم كمان لانى دوشك

وبتمنى يا رب اول امنيه فى السنه الجديده ان ربنا ميفرقنيش عنكم ابدا مهما حصل بينا

من هزار وزعل

وبالنسبه للمدونين انا راجع تانى كمان فترا بس بعد ما اتخلص من شويه مشاكل

واوعدكم انى مش هبعد تانى عن اجمل ناس الا لو كان حاجه خارجه عن اراداتى

ومن قلبى تمنلكم كل خير وسعاده وصحه وتوفيق وفرح وابتسامه تدوم يا رب طول العمر

Light beam

2009-12-19T03:31:00.000-08:00

بعد ان تنثرت اوراقى وتبعثرت ذكرياتى اعدت ترتيب اوراقى

جمعت اشلائى ودويت بايدى جراحى لم افعل ذلك بفضل قوه خارقه

ولكن بفضل الله وحب الناس وشعاع النور استيقظت من غفوتى

وانرت احلامى فوجدت الامل ليس ببعيد فتركت خوفى وحيدا غريبا شريدا ورجعت اللى نفسى

عندما ظهر ذلك الشعاع تفتحت ورودى وترقصت زهورى

تميلات مثلما تميل ورقه عباد الشمس احسست بتحرر واستقلال زاتى

وجلاء القلق عن عنوانى

واصبحت الشمعه تضئ عدت شموع وتنير قبل ان تنطفى

طبعا كلام الانشاء دا غريب عليكم شويه متوقعتوش يبقى منى انا بس دى حاله عيشتها بجد من كام يوم

وانتوا كمان عيشتوها معايا حسيتوا بيا ووقفته جنبى وبفضل ربنا سبحانه وتعالى ومن بعده

انتوا رجعت تانى رجعت لما لما لقيت اخ واخت بجد صديق بيخاف عليا و صديقه بتطمن عامل ايه

رجعت عشان لقيت ان بقى ليا عيله كبيره اوى كلهم بيخافه على بعض وبيتبعه اخبار بعض

وعشان كدا مقدرتش ابعد وعايز بجد اعتذرلكم انى كونت هغلط اكبر غلطه فى حياتى وابعد عنكم

وكمان عايز اشكركم يمكن انسى اسم اسمين تلاته مش معناه انى نسيهم لكن اكيد مش فاكرهم كلهم

عايز اشكركم يا ....

lostlove

فشكول

هاجر

اميره على كوكب

riri

ريمان

عآقله جدا

kimo

هو .مش.نو

shemo

sookra

واحده من الناس

simba girl

إبتسامه ملاك

لولا وزهراء

mimi

miroooo

وردشان

كلام من القلب

ايوشه

soma

somaya

just smile

سكره

جوجو

حبى لك لن يموت

dodoo

نهر الحب

الغدوف

كرسى اعتراف

فكره من الزمن ده

كلكم طبعا غالين عليا وعارف انى نسيت اسماء كتير منكم بس اكيد مكانهم محفور فى قلبى

شكرا ليكم شكرا لكل حد كتب كومنت واطمن عليا شكرا لكل حد سبلى مسج على الميل

وكل حد حاول يوصلى شكرا بجد لاجمل اخوات واحلى اصحاب

بس قبل ما اخلص كلامى لاحظت فى التعليقات ان كتير من الناس حصلهم حاله زى حالتى دى

ودا زعلنى لان حسيت اننا مش قريبن من بعض بجد ومنعرفش بعض غير عن طريق التعليقات وبس

وعشان كدا بدور على فكره تخلينا نتكلم مع بعض ومتبقاش مجرد تعليقات هى اللى بتربطنا

لو حد عندو فكره يقولها فى كومنت لانى اكيد هستفيد منها وهحاول انفذها

Dark industrious

2009-12-10T14:43:00.000-08:00

دا مش توبيك جديد ومش قصه هحكيها انا جاى اقولكم ليه الفترا اللى فاتت كونت بعيد عنكم

ليه كونت بتأخر فى الرد على تعليقاتكم وليه كونت غايب عن زياره اخواتى فى التدوين

مش عارف ابدا واقول ايه بس انا حاصلى حاجه غريبه نوع من عدم الاتزان الفكرى

حاسس حتى انى مش عايز اكتب تانى فى المدونه حاسس انى عايز ابعد عن الدنيا كلها

نفسى ابقى معزول ويبقى مش معايا اى حد ولا حتى خيالى اعيش بس على ضوء شمعه

جوايا غابه من الخوف حالة رعب واللى مخوفنى اكتر انى مش عارف خايف من ايه

بتمنى ارجع تانى قبل ما تبقى حياتى كلها ضلمه قبل ما الشمعه اللى باقيه تتنطفى

قبل ما خوفى يدبح الامل جوايا يقتل فيا الضحكه يدفن ملامحى ويغتصب احلامى

خايف بجد من حاجات كتير خايف من اللى عدى لايرجع تانى فى يوم

خايف من اللى جاى لا يظلمنى لا يحرمنى من اغلى ما ليا

خايف اصحى فى يوم القى نفسى وحيد فى الدنيا رغم انها فيها ملايين البنى ادمين

اسف لو غبت عنكم واسف لو هغيب تانى بس صدقونى غصب عنى

اول تاج

2009-11-28T05:18:00.001-08:00

''تاج جميل جالى من شيمو صاحبه *مدونه shababek*

وبصراحه كونت مستنيه ..

- اسمك ؟؟

عمرو.

- سنك ؟؟

بالسنين والارقام 18 الا شويه

لو بالتجارب والخبره مش عارف ممكن ابقى كام .

- اسم مدونتك ؟؟

استغالات.

- مجال دراستك ؟؟

حاجات كتير اوى رغم ان سنى صغير ميوزك ولغه ايطالى ومعهد فنون مسرحيه

ودبلومه علم نفس من بلغاريا وطبعا كل دا انتساب وكورسات انما الدراسه الطبيعيه

اولى هندسه

- هل فكرت في اغلاق مدونتك ؟؟ والسبب ؟؟

اه فكرت مره من المرات انى اقفلها لانى كونت زهقت شويه وكونت بحس انو مفيش رد

على مواضيعى ساعتها بجد حسيت بالفشل بس رجعت تانى وقولت هكمل.

- ايه رد فعلك لو حد قل أدبه عليك في المدونه ؟؟

الطبيعى انى مردش عليه لانو اقل من انى ارد عليه وبمسح الكومنت ولا كأنى قريته اصلا

والكلام دا طبعا لو حصلت لانها لسه لحد دلوقتى محصلتش.

-أسوأ مدونه دخلتها ؟؟

المدونات اللى بتتكلم عن حاجات اقل من انها تتقرئ ويمكن المدونات دى اقل من انى كمان اقول اسمها .

-هايحصل ايه لأيميلك بعد ما تموت ؟؟

اكيد بعد فترا هيتمسح من عند كل الناس وهياخده اللى هيلقى الباص ورد بتاعه فى "my private box"

من اهلى وهيرجع تانى يشتغل عليه ويعمل add لناس و Ignore لناس .

- اديت الباسوورد لحد قبل كده ؟؟

اه واحد بس.

السفر بالنسبه لك ؟؟

تطلع ومعرفه واصدقاء لانو بقالوا فترا كبيره اوى فى حياتى كل شويه ياخدنى معاه فى رحله

جديده وغريبه يمكن ساعات مش ببقى عايز كدا او راضى لكن منكرش انى بستفيد.

- المود بتاعك ايه ؟؟

حاولت احدده معرفتش وكتير جربوا وفشلوا ساعات فى عز حزنى بضحك وساعات وانا بضحك

دموعى تخونى وتنزل منى غصب عنى.

بتعمل ايه في وقت فراغك ؟؟

بكتب ، العب كوره ، فيديو جيم ، اتفرج على فليم رعب، اقرئ شعر

ودا طبعا بيحصل وانا دماغى فى الف حاجه تانيه.

- بتحب تأكل ايه ؟؟

بيتزا وجمبرى و المكرونه الايطالى والرز واللوبيا وسفتاشى اكله صينى تحفه.

-الصفات اللي ورأثتها عن والدك ؟؟

العناد ،الذكاء،العصبيه،الهدوء وليس البرود.

-الصفات اللى ورأثتها عن والدتك؟؟

الطيبه ،الحب بدون مقابل ، ازاى تقدم الخير من غير ما تستنا رده

امتى تقول رايك وامتى يكون فعلا ليه صدى.

-اكتر 7 حاجات بتحبهم؟؟

- الجيتار صحبى وحبيبى انا وهو زى بعض بالظبط حاجه واحده تقريبا وبنحب بعض اوى

- جمع اى نوع من الشمع والنضارات الشمسيه من اى مكان فى العالم وباى تمن غالى او رخيص

-الكوره واتفرج على متشات المنتخب واعلق على كلام الناس بطريقه تضحكهم

- لما اصحى من النوم على صوت الناس اللى بتبيع وانزل القى طفل صغير بيضحك على الصبح

- لما القى حد قدامى حزين واقدر اخليه يضحك ودى بتبقى قمه سعدتى انى غيرت حال بنى ادم من حال لحال

ولا كانى خدت لقب افضل انسان فى الكون ببقى فرحان لدرجه مش عاديه

- انى اجمع زهره القرنفل لانها جميله اوى وشكلها وعطرها بيشدنى اوى اوى اوى

او انزل فى عز المطر وادور على نفسى والقيها بتغنى

- لما اروح ازور اغلى حد عندى فى قبره لانى بتمنى اكون فى يوم جنبه.....

- اكتر 7 حاجات بتكرهم ؟؟

-الكدب مع انى عملت كدا من فترا بس رجعت واتأسفت

-الخيانه واننا منحفظش على الامانه اذا كانت قلب او صداقه او حب

- اللؤم وانك تخبى اللى جواك عشان يبان انك غلبان وانت اصلا حوت

-الظلم وان حد يجئ عليك وانت مكنتش تتصور ان دا هو اللى هيظلمك

- لما ابقى وسط الناس وحاسس انى وحيد ومحدش سامعنى غير نفسى

- لما يكون حد معتمد عليا فى حاجه ومعرفش اعملها يعنى تقريبا لما بفشل

- لما القى حد كتب على مكان لسه مدهون جديد بحس انو ضيع مجهود ناس كتير ....

- شخصيتك بتشوفها ازاى انت واللى حواليك؟؟

بالنسبه للى حواليا بيقوله انى غامض و منهم اللى قال انى عندى قدرة اضحك الحجر

وابكى البهلوان وبالنسيه ليا كل ما القى عمرو يرجع يتوه منى تانى .

- ليه اقتحمت عالم التدوين؟؟

لو للدرجه دى مضيقكم ممكن انسحب

بس انا دخلت عشان احس انى عايش بتكلم واسمع رد على كلامى عشان يبقى ليا صوت ووجود

مش صفر على الشمال او كتاب مرمى فى مكتبة كتب ديكور بيجمل الشكل مش اكتر.

- احلى تعليق اتقال على مدونتك او فى موضوع عندك ؟؟

احلى تعليق كان من بنت قالت ليا "مش عارفه ادعى عليك ولا اقولك برافو انت خليتنى اعيط"

ساعتها بجد حسيت انى قدرت اوصل جوا القلوب وان كلامى محسوس مش مجرد تعليقات للمجامله .

- اهميه التعليقات ليك ايه ؟؟

مهمة جدا لان زى ما قالوا اللى سبقونا "من زرع حصد" انا كمان عن طريق التعليقات دى بحصد

حب ناس وبحس انى مجهودى مضعشى على الفاضى ودا بيخلينى ادور على الافضل .

- احلى بوست كتبته ؟؟ وايه سبب حبك ليه؟

احلى بوست كتبته كان "Answers without questions"

لانو لقى اكبر عدد من الردود عند الناس وتقريبا هو بدايه نجاحى فى التدوين...

- افضل مدونه قريتها؟؟

انا مش بفضل مدونه بعينها لكن فى كل مدونه بلقى شخصيه جديده اتعرف عليها

وكلام جديد بستفيد منوا وفكره اجدد بتعلم منها .

- اهميه الانترنت ليك ؟؟

لا خلاص مبقتش اقدر استغنى عنوا بقى جزء من حياتى تقريبا بيخلنى لسه عايش فى مصر

رغم انى بعيد عنها مسافات ومسافات بتفرج على كل جديد وكأنى لسه فى بيتنا الصغير .

- ايه هو السؤال اللى كان نفسك تتسأله ؟؟ وايه جوابه؟

كان نفسى اتسال ايه هى عيوبك

وكان جوابى وبصراحه

عنيد جدا، غيور على حد لكن مش من حد، شاكك، عصبى ، بدأ نوعا ما يتخللنى شعور بالغرور

ويا رب اقدر اتخلص منوا واقتلوا قبل ما يكبر وافقد السيطره عليه .

-اهداء التاج ؟؟

لاختى الجميله "simba.giral"

............

Egypt is not only home

2009-11-20T20:02:00.000-08:00

ارمى حمولك عليا وانا اشيل عنك شويه

يا بلدى يا اغلى عندى من كل الدنيا دى

طبعا كلنا متابعين بنتفرج وحاسين شايفين ولادنا واخواتنا اللى اتهانوا واللى اداس على

كرامتهم شايفين ايد بتتمد بتستغيث بطلب النجده وتدعى من الموت تنجئ

مش عارف ابدا كلامى ولا اقول ايه غير انى بجد حزين ومخنوق ومجروح

مكسور نفسى ومهموم دموعى جوا عيونى لو نزلت هتحرق قلوب

زعلان على اخويا واختى وابويا وامى زعلان على عمى وخالى واهلى

زعلان عشان اداس على كرامتهم زعلان عشان انتهك حقهم زعلان على جروح مليئه اجسامهم

زعلان عشان سنين صبرى على اتحاد العرب نفذت وللاسف بيقل الامل مش بيزيد

زعلان من جوايا مكسور زى الورد لما يدبل فى عز النور

اسمحولى هتكلم من غير اى حواجز هقول كلام كتير جوايا لازم اقوله

هقول حقائق جوانا كلنا هتكلم بلسان مصرى عربى اصيل وهحاول اعبر عن صمت كل واحد

مننا حاسس بجرح جواه ومش هو بس لا دا كلنا

اولا هسال سؤال واقول يعنى ايه مصرى ؟

ويمكن هجاوب على احساسى وحبى لبلدى وازاى انا بحس يعنى ايه مصر

بالنسبه ليا عشان اعرف اقول كلامى واعرف الناس يعنى ايه مصرى

انا مصرى وبحب مصر عاشق ترابها اللى اجدادى خلدوه وجعلوه حبات دهب

عاشق طيبه اهلها ناس الطبيبن الل كل همهم بعد فقر السنين والتعب

لقمه حلال وراحه بال ضحكه خفيفه وامان

ناسها اللى وقت الشد بجد رجال ايد واحد ضد اى عدو او حد يفكر على كرامتنا يدوس

بجد شوراعها وحواريها بحب السهر على النيل والصلاه فى الحسين

كل سنه وانت طيب فى رمضان اللى بتطلع من القلب ومش محتاج قدامها مقابل

بحب خيرها اللى عمروا ما خلص ولا عمروا هيخلص

بحب اسمها اللى مذكور فى القراءن وبحب حديث النبى(ص)على جنودها

وعظمتهم وقوتهم

بحب الصباح اللى على صياح ديك وناس بتنزل شغلها وبتقول يا فتاح يا عليم يا رزاق

يا رزاق يا كريم بحب شاب بيمسك ايد راجل عجوز ويعديه شارع

ويقوله تحت امرك يابه

بحب طفل صغير بيلعب كوره فى قلب حاره حلمه

يروح يأكل لقمه بعد اللعب

بحب لمت اهلها فى استاد تشجع منتخب وايدينا مرفوعه بتقول يا رب

بحب فكاهه شعبها فى اصعب الاوقات بيطلع منو احلى النكت

شعب مبيعرفش الهزيمه ولا بينكسر مجد التأريخ وعلم الاجيال

ازاى للمجد يوصلوا

بحب كرامه للضيوف واى غريب كانوا صاحب مكان واخوك

حتى لو مختلف معانا فى الاديان بردو بيتكرم

بحب الهرم واسوان اسكندريه و وهى منوره عروسه فى ليله فرحها

.......بحب مصر .......

يمكن طولت فى الاجابه شويه بس دا عشان اللى هقوله بعد كدا جايز يجرح ناس

فكان لازم اعرفهم مين هى مصر

مصر اللى كانت سبب فى تحرير الجزائر نشيدهم الوطنى تلحين فنان مصرى

مصر اللى قصرت فى الاستعمار وقومته مصر اللى مدت ايديها للعرب

مصر اللى بدات فكره الاتحاد مصر اللى عشان نعلى ونبقى ايد واحده

عدت وعلى حاجات كتير اوى سكتت مصر اللى فيها حكومه وعائيه

وقياده فاهمه عارفه بتعمل ايه يمكن فيها اخطاء بس اكيد ليها كمان ايجابيات واكتر

كلمه هقوله ليك يا انسان يا عربى اعذرنى فيها لو ممكن تجرحك

اسمحلى اقولك عمرك ما هيبقى ليك هوايه فى الكون هتعيش

فى الرمل مدفون عمرك فى يوم ما هتتجمع وتعيش حر وانت جواك مكسور

وانت جواك نفوس ضعيفه لسه راضيه بالذل والهوان وانت جواك

ناس بتقول اخواتك ويمكن دول هما الد اعدائك

هتفضل طول عمرك مجهول الشخصيه يا عربى طول ما لسه بنغير من بعض

وبنيجى على كرامه بعض بنقول كلام وبنعمل عاكسوه

عمرك ما هتعيش يا عربى

كلمه لكل جزائرى فكر فى يوم انو بس يتكلم على مصر او يهين مواطن مصرى

"لا تاسفن على غدر الزمان لطالما رقصت على جثث الاسود كلاب

لا تحسبنها برقصها تعلو على اسيادها تبقا الاسود اسود والكلاب كلاب"

صعب انكم تبقى حتى ربعنا تبقوا واحد فى المليون جنبنا قدامكم كتير عشان

تفكروا بس تبقوا فى ربع حضارتنا او مجدنا

اسف عشان قولت كلام مينفعش يتقال فى مدونه اسف عشان قولت كلام جارح

اسف على كل حد هيقرئ كلامى بس قبل ما تزعل منى حط نفسك مكانى

Messages

(علاء مبارك) اول مره احس انك واحد بجد مننا ومكنش محتاجين نتهان عشان تحس بهمنا

(محمد فؤاد) انا معاك وحقى حقك وحق كل مصرى على راسى لحد ما يرجع ودموعك بجد غاليه

(الشاعر محمد سعيد) بجد كلامك حقيقى بيعبر عن كل مصرى وبيوصل للقلب بسرعه لانو اكيد طالع من حرقه

مصريه

Answers without questions

2009-11-16T04:15:00.001-08:00

سألت نفسي كتير
مارستش يوم على بر
أنا اللي فيا الخير ولا اللي فيا الشر

زى كل يوم قعدت بليل لوحدى انا والعش الصغير اللى عايش فيه

قولت افتح الميل او الفيس واكلم اى حد يكون اون اهو يدينى امل انى لسه عايش

وعلى قيد الحياه وللاسف زى كل يوم ملقتش حد حتى اللى فاتح مشغول ومش فاضيلى

قولت خلاص يبقى اروح اجيب صديقى الودود صاحبى فى كتير من الوقت اللى

مهما قصرت فى حقو عمروا ما زعل منى وجريت عليه خدتوا بالحضن

وقولتوا وحشتينى اوى يا جيتارى وحشنى صوت اوتارك وحشنى كل مقطع

عزفتوا عليك وكل حفله وكل عيد ميلاد كونا مع بعض فيه كل لحن جديد

وكل نغمه عملت كلمه ورسمت ضحكه او دمعه على وجوه الناس

قولت اقعد بقى ادندن مع نفسى والعب اى اغنيه تيجى على بالى بقى

و اهو اى حاجه والسلام بس الاول اقوم اعمل النسكافيه عشان السهره تبقى احلى

المهم رجعت تانى والنسكافيه معايا وعمال ادور على حاجه اعزفها مش لاقى

اغانى بتيجى وفى ثانيه بتهرب منى و ذكريات نفسى تموت لقيتها لسه على بالى وعايشه جوايا

وحاجات دعيت فى يوم وانا بصلى انى انساها ولسه منستهاش

وفجاه النور قطع يمكن لاول مره مدورش على حاجه تنور او متفجئاش من اللى حصل

لان بجد حاولت انى امسك الجيتار فى اللحظه دى عشان انسى اللى فى بالى من اساله

واعزف اى حاجه تيجى بس كأنى اول مره امسك الجيتار و لا كانى درست

وتريات اصلا ولا حتى اعرف اى حاجه عن الموسيقى

لقيت نفسى بسرح من نفسى بيحصلى حاجه غريبه محصلتش قبل كدا

ونادر اوى لما تحصل لحد فينا لان دايما اللى بيحصل هو العكس

اللى حصلى انى لقيت اجابات من غير اسئله ايوه من غير اسئله

زى ما يكون السوال مش مهم الاهم جوايا الاجابه فى الاول خوفت من انى

اواجه نفسى يمكن عشان عارف انى اضعف من المواهه بينى وبين نفسى وعارف انى مش هقدر اجاوب

على كل الاسئله بس لما لقيت الاجابات هى اللى موجوده وملهاش اسئله خوفت اكتر

لا فى يوم ابقى انسان من غير ملامح مسخ موجود على الارض الاسم بشر

لكن مجهول الهويه

قولت هدور على سؤال لكل اجابه جوايا واللى مش هعرف اسال عليه

اكيد فى يوم هلقى ليه سؤال سالت نفسى كتير عشان اغطى بحر الاجابات والتطفل الداخلى

اللى جوايا زى ما يكون فى مسابقه اخلص من سؤال ادخل فى التانى وفرحان اوى وانا بواجه نفسى

لحد ما جه سؤال ندمت انى عرفت اجابتو ندمت لان الاجابه كانت "اه بحبها ونفسى ترجعلى "

كان نفسى بجد الانسانه دى انساها وكونت بخدع نفسى وبقول انا فعلا نسيتها

بس اول مره احس انها واحشنى ونفسى اقولها على حاجات كتير حصلت ليا فى بعدها

نفسى اعرف يا ترى بجد وحشتها و لا كان زمان حبها ودلوقتى خلاص

ومقدرتش اكمل بعد كدا قولت كفايه كدا عشان اكيد فى يوم تانى هلاقى اسئله

اكتر من كدا واكيد فى يوم هقعد نفس القعده دى بينى وبين نفسى كدا

وافضفض من نفسى لنفسى كدا

وعشان كدا

قررت من بعدها انى لا يمكن فى يوم اهرب تانى من مواجهه نفسى حتى لو

هبقى غلطان وقتها لان بجد استغربت ازاى قدرت اواجه نفسى

فى الظلام وخوفت من النور يمكن عشان كونت خايف من انى اشوف نفسى فى الموقف دا ؟؟؟

بس الحمد لله النور رجع تانى والنسكافيه برد والحياه كملت

والموضوع عدى بس كونت حابب اقولكم حاجه بجد شدتينى

ومن قلبى وجوايا حسيتها وخوفت منها فى لحظه من اللحظات

ارفع راسك انت مصرى

2009-11-14T14:48:00.000-08:00

ارفع راسك انت مصرى ...... ارفع راسك انت انسان حضارى وعصرى

ارفع راسك انت اعظم حضاره واعظم تاريخ

ارفع راسك انت اعظم اراده واشد عزيمه

ارفع راسك انت اعرق انتصار واعظم رجاله

انت اجمل شعب واجمل جهمور

انت افضل تقدم وتفوق

انت ايد وهى و هو ايد واحده فى وقت الشد

رجاله وبتلبى النداء حتى لو كان التمن حياتك

انت اقوى جيش واصلب بساله

عرفت ليه لازم تعرف راسك لانك انت مصرى

مبروك لمنتخبنا ومبروك لرجالتنا وباقى على الحلو خطوه

ربنا معاكم ويسعدكم ويوفقكم يا رجاله

مـــن اكـــــــون انــــا دمــــوع لـــيل حــزين

2009-11-11T17:49:00.000-08:00

أنا هل تدرون من أنا ..

أنا صرخة جريح لن تهدأ ولم تنم

عشت عبر ليل الموت ببسمة ضاحكة

خدعتني الأحلام ورضيت بتافهات الأماني ,,,,ومضيت اتعزب بظلمة والدمع بالأجفان

أنا شوق وأبتسامه ع شفاه زهور الربيع,,,,أنا شدو للأحزان وغنوة يرددها الجميع

قلبي قطعة من الألام تكويه رعشات العذاب

والأن أوتدرون من أنا ؟

أنا صفحات تعطرها دمع العيون,,,,أنا ذكريات يرويها القدر بقلم حنون

أنا طائر مسكين ليس لديه أجنحه,,,,أخاف من الريح وأرتجف من الغيوم

أنا زهرة في الربيع غير مثمره

تملئني الأمال لحظة ولحظة تختالاني الهموم

والأن أوتدرون من أنا ؟

أنا كلمة تعانقها خفقات الشوق والأنين

مثل رقصات النجوم ع لحن الناي الحزين

ليس لي أصدقاء غير الورقة والقلم

فهما لي الأمل ولصبايا أحلي نغم

فأمنحني أيها القلم ياوانيس وحدتي ,,,, أمنحني الحب والأمل لأروي بهما قصتي

وأمنحنيني أيتها الورقة يارفيقة أحزاني ,,,, السلوي والنسيان لأبدد بهما ظلامي

والأن أو تدرون من أنا ؟؟؟؟

ليس اعرف من اكون ياالله لما هذا العزاب ارحمنى يا الله

ليس لى غيرك فى هذهى الدنيا المظلمة

يا الله يا الله ارحمنى من دنياى

فأنت ارحم الراحمين يالله

لا الله اله الله ,,,,, سيدنا محمد رسول الله

انا اسفة انى رجعتكم للاحزان تانى لان هى دى حياتى فعلا

ولازم اعشها كدة حزن وبس لان الدنيا مفهاش حاجة تفرحنى واسفة بجد

انى بعرض عليكم احذانى

تحياتى ياسمين

Authentic Egyptian

2009-11-10T13:12:00.000-08:00

طبعا كلنا دعوتنا مع المنتخب الاول مع الرجاله اللى فرحونا

ولسه هيفرحونا

كمان وكمان وهيوصلنا لكاس العالم ويشرفوا اسم "مصر"

قدام العالم كلو

ومعاك يا "معلم " لانك بجد تستاهل حب الناس ليك

واحترامهم

ربنا يوفقك ودى مش دعوتى انا بس

ى دعوه 80 مليون

وثقوا فيك وفى كتبيه الاعدام

اللى تحت قيادتك

ومتاكدين من النصر وانكم هتبقى اروع واجمل

افضل جيل سجل

حروف اسمو من دهب فى تاريخ مصر

سألت عليه أتطمن عامل إيه

2009-11-08T01:32:00.000-08:00

سألت علية اطمن عامل اية فى بعدى

ردوا وقالولى ضايع ومش عاوز فى سيرتى يحكى

مشيت من غير ما أسلم وجريت عليه أتطمن

خفت بصراحه أ تكلم ليفكر إنى راجعه أعاتب أو ألوم

وخلاص كنت هستسلم وأرجع وأحن تانى لكنه كان أنانى

وأنا عمر ماكرامتى يوم عليا هتهون

أيام حلوه عشناها يادوب مش كتير

كنت إستنى شويه ليه مستعجل عالأسيه

سبنى أحبك ياحبيبى واعيش دنيتى أنا وانتا

وعشان كان أنانى ماأقدرش احن تانى

حتى لو بكانى وشفته نادم عليا ما أقدرش أحن تانى

حلمت بالأمان وحضنه يدينى الحنان

وياريت سمع الكلام داسقانى من الحرمان

وسألنى عوزة كمان؟؟

ياما شكيته لنفسه يحسسنى إنه نفسه ويادوب يرمى السلام

ويقول كان غصب عنى إنتى القريبه منى

ولو بعدتى عنى من غيرك بيتحملنى

يصعب عليا منه وأحاول أزعل منه

قلبى يدافع عنه ويقول نصيبى أهواه خلاص خلينا وياه

وعشان كان أنا نى عاش غلط فى زمانى الحيره بقت عنوانى

صعب عليا قوى أقسى على نفسى وأكمل

وماهانش عليه فى مره يسأل عليا ويتطمن

ولاحتى يطيب خاطرى ويقول آسف ياعمرى

حبك جوايا باقى وبعادى مش بأمرى

نفسه كبرت عليا غلطانه أنا وآسفه أنا كبرتها بإديا

بدأت أمسح آهاته نزللى دمع عنيا سهر قمرى فى لياليا

وعشان كان أنانى عاش غلط فى زمانى

ماأقدش أحن تانى حتى لو بكانى وشفته نادم عليا

تحياتى ياسمين

مش مستهله !!!

2009-11-07T16:06:00.000-08:00

ممكن يكون فى منكم كتيرمستغرب من اسم الموضوع ويمكن الباقى مش عارف هى ايه اللى مش مستهله

طيب وضح طيب ياترى ايه هى اللى مش مستهله بجد الدنيا ولا الحياه العيشه ولا الاحاسيس

ايه هى اللى مبقتش فارقه بجد ومش هتبقى فى بالنا يوم

هنتكلم عن اللى بجد مش فارق ومش مستهل هقول افكار جوايا وجواكم وتشبه افكار عند ناس تانيه كتير منكم

قاد زى كل يوم ولا فارق معايا اى احساس باى جديد وبتكلم على الشات زى اى حد بيدردش عادى

لقيت واحد اسمو ميزو افكاروا نوعا ما متشبها معايا بس حزين اوى واخد الدنيا بجد اوى

زى كتير مننا جواهم حزن وبيحاولوا يهزروا ويكملوا حياتهم واهى ايام وبتعدى

بس لما الحكايه تزيد اوى بجد لما الموضوع يبقى فيه شبابا لسه فى بدايه عمرهم

وبيحسوا كدا اوماليا ترى بعد كدا هيحصل ايه يا ترى هيفكره بعد كدا

فى ايه ويا ترى ايه هو السبب واللى خلاهم كدا وعشان كدا جاى اقول افكارى

اللى تقريبا بتبقى زى افكاركم

يا ترى دا حاصل لينا ليه يا ترى انا وميزو وغيرنا كتير ليه بنبقى من جوانا زعلانين مخنوقين الف

حبل ملفوف حوالينا ومكتفنا

لما سالنا الكبار قالوا عشان يمكن انتوا بعا عن ربنا وايكد معاهم حق فى دى بس يا ترى هو دا بس السبب

يا ترى هو دا بس السبب الى مخلينا مش عارفين حتى نلقى حد يمسج دموعنا ويضمنا

حد يقولنا الف سلامه لما نتعب حد يطبطب علينا فى اوقات جروحنا واهتنا

ويهون علينا مراراه الايام والساعات اللى كتير اوى منها مش بيعدى ولا بيفوت ولو عدى بيعدى سنين

يا ترى هو دا السبب اللى بيخلما فى عز البرد مش حاسين مش لقين حد يحتوينا

مش لقينا حد حتى يسال علينا او يقولنا ايه الجديد فى يومكم

انا وكتير اوى من اصحابى ومن الشباب اتحكم عليهم يعيشوا بعيد عن بلدهم

عن المكان اللى عاشوا فيه اجمل سنين عمرهم

عن ذكرياتهم وعن اهلهم وعن ناس كانت قلبوهم بتحبهم

اماكن جمعتهم وفرقتهم عن اماكن

لعبوه فيها مع بعض وهزروا وضحكوه

ذكريات لا يكن تتنسى بس للاسف صعب تتكرر عشان الحال مبقاش هو الحال

وعشان الظروف بقت اقسى من الاول

وعشان كدا بقولك صدقونى مش مستهله

مش مستهله نندم على حد خان او باعنا مش مستهله نكى فى يوم عشان فرقنا حد بنحبوه مش مستهله

نفكر داما فى اللى نسينا مش مستهله نضيع سنين من عمرنا فى الحزن والالام

مش مستهله نحسبها كتير ونفكر مش مستهله نقول مش قادرين تعبنا مش مستهله

نسال على اللى نسى حتى اسمنا مش مستهله نحزن على ايام ربنا عالم خدت قد ايه من حياتنا وذكريات

كانت قد ايه مهمه عندنا مش مستهله نخاف على ناس حتى مش فارق معاهم اذا كونا عايشين ولا لا

مش مستهله حد كتير اوووووووى بس اللى يحسبها صح

فى اخر موضوعى عايز اقول لميزو صدقنى بجد مش مستهله

وسلامى لشريف صاحبك والف سلامه عليه يمكن مش اعرفوا بس طالم صديقك يبقى

اكيد حد كويس ومحترم وذوق وربنا يوفقه يا رب ويقوم بالسلامه وربنا

ما يفرقكم ابدا عن بعض وترجعوا بالسلامه

3 years

2009-11-05T09:43:00.000-08:00

كانت اجمل قصه حب عشناها يا قلبى

كنت انا بفرح وياك وهى جنبى

لكن عشان الظروف قتلت

احلامنا اللى مليانه خوف

مقدرناش نقوى ليه على الايام

والحاجات الحلوه اللى كانت بجد راحت اوام

ياااااااااااه جميل اوى لما نحب وجميل اكتر لما نتعلق بالى بنحبه لدرجه الموت

والاجمل لما نحس بطعم الفرح بس معاه وزى ما فى دايما احاسيس جميله فى بردو احاسيس

صعبه زى ما نفارق حد بنحبوا او نبعد عنوا لاى سبب من الاسباب تحت اى ظرف

وتحت اى مسمى واى شكل واى لون واى ضغط

الاحلى فى حياتنا لما دايما تبقى مليانه ورد وطريقنا مفروش بفل وياسمين

وفيه بدل الورده طريق من الزهور قرنفل وريحان وكل الحاجات الجميله دى

بس مش كلها حلوه لان حتى الورد فيها اشواك ممكن تجرح ايد اللى يفكر يقطفها

حياتنا احنا كمان كدا مليانه بقصص الورود والزهور بس مش كلهم زهور ليها رئحه كويسه وجميله

زى الورده اللى هقولكم حكايتها دى

الورده دى انت موجود فى اجمل بستان فى الكون فى مكان بعيد اوى كل يوم

بتفتح على نور الشمس وتغمض اول ما النهار يروح عاشت سنين وسنين على دا الحال

كل يوم تحلم ان يجى حد يقطفها عشان تبقى بطله فى قصه حب اتنين تبقى ضن بوكيه

رايح لاجمل عروسه بس كان دايما اليوم دا مبيجيش بس كان دايما عندها امل ان اليوم دا جاى

وفعلا يوم من الايام جه دور الورده دى عشان تبقى بطله قصه حب

قطفها واحد بكل حنيه وفى نياتو ياخدها لاجمل بنوته

خدها وضمها فى اجمل ورقه وكتب عليها لاجمل ما شافت عينى

وبعد مسافات ومسافات الورده عدتها مستنيه تشوف القمر اللى هتبقى ملك ليها

للبنوته اللى هتقولها فى عز الليل قصه حبها وفعلا وصلت الورده لقت من بعيد بدر

منور سبحانه من صور اجمل امير فى الكون

فرحت الورده ورقصت بين اوراقها والفرحه مكنتش سايعها

وفعلا بدات تشهد على اجمل قصه حب

حبيب وحبيتو كل يوم كلام وهزار يتخنقوا ساعات ويتضحكوا اسابيع

افراحهم ودموعهم مغرقه الكون والورده مستعجبه على الحال

كل يوم تبتسم للقمر اول ما يجى وتقولوا تعال شوف عشاقك مستنيك

من زمان من اول ما غبت من امبارح مستينك وحشهم ليل السهر

وضوئك يا اجمل قمر وايامك ونجومك وسمائك اللى صافيه علطول

وبعد سنين الورده عاشت فيهم ايام جميله فيها الفرح وفيها الاه اجمل دنيا واحلى حياه

جه يوم اتفقوا فيه ابطال القصه على انهم يقطعوا الذكريات ويقتولوا كل المشاعر

يدوسوا على حبهم واحلامهم عشان حاجه اسمها الظروف حاجه خارجه عن ارداتهم

ضحوا عشان حاجه من رايهم كبيره اوى

ضحوا باحلامهم واحلام القمر واحلام ورده كان كل حلمها تبقى اجمل تاج فى اجمل قصه حب

نسيوا وعود القمر وعهد حبهم بعدوا وفرقه بعض عشان منفعش يكملوا

عشان سبب كبير اوى

السبب ان فى فرق بينهم فرق ناس ممكن تعديه وناس لا

فرق بيبقى موجود كتير بس للولد ولا البنت دا اللى بيفرق

فرق نصيب وظروف فرق اعمار واحلام فرق دراسه وشخصيات وحاجات كبيره اوى

الفرق مش فرق دين ولا عقيده ولا فرق جنسيه ولا معبوديه

فرقوا بعض عشان مش كل حاجه حلوه بتكمل ولا كل حلم جميل بنحلمه بيعيش

فرقوا بعض عشان كان لازم حد فيهم يخالف وعدوا

وحد تانى من الفراق هيموت يمكن تنتهى حياتو ويمكن يعيش حلاوه روح

الفرق فرق سن !

دى كانت قصه كونت حابب انى اقولها لكم لانها بجد عجبتينى وخصوصا انى اعرف ابطالها

وتقريبا قريب منهم جدا على قد ما هى جميله بس بردو صعبه اننا نصدقها

بس دى فعلا حصلت بكل تفاصيلها وماتت اجمل قصه حب ماتت اجمل حكايه

حدوته بطلها القمر والورده وللاسف عكس ما توقعنا لا بقى فى عروسه ولا زفه

ولا عريس وفيونكه ورقص وميوزك كلاسيك ولا كلدا عارفين ليه ؟؟؟

عشان الحقيقه دايما مره واصعب من الخيال

كتبت فى يوم من الايام موضوع باسم

"انى راحل فتذكرونى"

وكتير اوى علقوا عليه ووعدتهم انى هفضل موجود

بس مش كل الوعود بتحقق ومش مهم تعرفوا او تفهموا يعنى ايه

المهم خليكم فاكرنى وفاكرين الجميله دى فى يوم من الايام

ادّلـــــــــع عليّه ولا يهمّــــــــــك

2009-11-04T06:40:00.000-08:00

ادّلـــــــــع عليّه ولا يهمّــــــــــك......فى عنيّه أشيلك وأضمّـــــــــك

داانت ابتســــــامتك تسحرنـى....وافـــرح مــــع خفّة دمّـــــــــــك

قلبك كبيـــــر مليـــان بالحــــب....ومعاك حبيبى عرفت الحـــــب

دنا لو بروحى أطــوف الدنيـــــا....شمال جنوب أو شرق وغـرب

ألاقى تانــــــــى زيّــــك فيــــن....جمــال ورقّه وطيبـــة قلـــــب

أعرفنـــــــى ولا تزعـــــل منّى....ده ف قلبى من جوّه أسمــك

ادّلـــــــــع عليّه ولا يهمّــــــــــك......فى عنيّه أشيلك وأضمّـــــــــك

شفت فى عيونك بحر حنـــان....وانا معـــــاك أشعــــر بامــــان

من يوم ماشـــفتك وعرفتــك....وقلبـــى مايجيب غير سيرتك

ومعاك نســيت أيامى زمـــان....وزمــانى ابتدا مـــع حبّــــــــك

وزمــانى ابتدا مـــع حبّــــــــك....كل اللى عشته لوحدى زمان

حرمان ووحـــــده فيها هـــوان....حـــبّى وحبّك حـب حقيـــــقى

وطريـــــق حياتك هو طريـقى....وف قلبـــى من جوّه رسمــك

ادّلـــــــــع عليّه ولا يهمّــــــــــك......فى عنيّه أشيلك وأضمّـــــــــك

داانت ابتســــامتك تسحـرنى....واموت أنــــا فى خفّة دمّــــك

تحياتى ياسمين

جد من غير اشتغالات

2009-11-03T15:00:00.000-08:00

عارف انو موضوع غريب وبعد فتراغياب كبيره اوى عنكم بجد وحشتونى

يمكن الموضوع غريب لانو ناس كتير اوى ممكن تكون عاشتوا وفرحت بيه

وناس ممكن تكون فاكره لانو كان ذكرى لحد جميل ودا اللى اغرب ما فيه

نبدا موضوعنا ونقول فى الاول يا رب تبقى كل السنه كلها حب

وفرح وسعاده لكل الناس

كلنا فى عيد الحب دا او عيد الحب التانى بنفكر بجد فى اللى بنحبوا

مش لاننا طول السنه ناسينوا لكن عشان اليوم دا ليه ذكرى

فى كل واحد فينا فى حكايه وحدوته كل حبيب بيستنى من الطرف التانى

هديه كلمه بحبك كلمه حبيبى ووحشتينى كل دى كلامات فى عيد الحب ليها معنى تانى

واحساس تانى غير اى احساس قبل كدا كل اللى بيحبوا بجد ما بيصدقوا اى فرصه عشان

يظهروا حبهم للطرف التانى ناس بتتعمد تهتم بناس فى اليوم دا على امل انهم يحسوا بيهم

وباللى فى قلوبهم

كلنا حبينا وعشنا لحظات جميله وبنفتكرها الحلو منها والوحش وبنفتكر اول لمسه ايد

واول ضحكه اول مسج من الحبيب واول رنه واول كلمه واول مره اتقبلنا فيها

اول مره سمعنا صوته واول كلمه نطقها ساعات بتحكم الظروف اننا نفتكر

الذكريات دى لوحدنا وميبقاش معانا الطرف التانى لظروف غصب عننا ودا بيبقى

خارج عن ارادتنا لكنبتبقى الذكرى بردو جميله

حتى لو الحد صاحب الذكرى دا كان جرحنا وغلط فينا

داس على حبنا ونسيه بردو بتفضل الذكريات جميله لانها

بتفكرنا بلحظات قلبنا دق فيها بجد مكنش مستنى اى مقابل

اوقات حسينا فيها بجد بالامان والدفء فى عز البرد

فرح فى اصعب اوقات الحزن حد كان بيمسح دموعنا فى اوقات جرحنا

وعشان كدا بقول لاى حد مزعل حد ولسه بيحبوا كلموا يمكن ربنا

يوفقكم وترجعوا يمكن ايامكم بعد الفرقا ترجع تانى يمكن تبقى قصه جميله

بعد كدا والدنيا تكلم عنها اى حد جرح حد اتاسف ليه يمكن يسمحك وتبقى

اجمل ذكرى ليك فى اجمل عيد حب

نروح بقى للناس اللى لسه بتحب وحبيبها معاها او حبيبتو معاه

ايام جميله وفرح واحلام جميله ضحك وهزار وفرفشه

خروج وفسح وجرى ودردشه

لمسه ايد وضحكه من بين الشفايف ابتسامه

تنور الليل اللى من غير قمر همسه فى قلوبنا

يوم لا يمكن يتنسى من اجمل ما يمكن احساس يخدك لبعيد وتطير معاه

ايام لا يمكن تتنسى احلام وذكريات وحكايات وحودايت بتتقال

قصص حب تتحكى ودروس بتتعلم وتتفهم

عواطف بتتحرك احساسيس بتتولد كل دا عشان حسينا ان الدنيا كلها بجد بتحب

فى وقت واحد وخايفه على بعض اوى ومش قادر تستنى عن بعض ودا

اللى بيخلنى نكمل اكتر ويشجعنا عشان نقوى حبنا ونقرب من اللى بنحبوا اكتر واكتر

ربنا يسعدكم ويوفقكم تلقوا حب يريح بالكم ويطمنكم على ايامكم

ايد تطبطب عليكم فى ايام الوجع والتعب

صوت حنين يطمنكم على احلامكم ويقولكم هنعيش معاكم ايامكم

بالحلو والمر فيها بالحزن قبل الفرح حد يدفيكم فى برد الشتا

وربنا يجمعكم معاه فى بيت واحد جسدين بروح واحده

ويسعدكم

The big losser

2009-10-29T16:49:00.000-07:00

عارف ان كلكم زعلانين منى لان بقالى فترا كبيره مكتبتش

بس والله كان غصب عنى

كان غصب عنى لان جوايا حاجات كتير متغلبطه جوايا مشاكل

جوايا احاسيس عكس بعض

خايف اخسر كل حاجه و ساعتها بجد هموت

نفسى القى اجابه لمليون سؤال جوايا

تعبت وفى نص الطريق توهت

حاجات كتير اوى مش عارف هى صح ولا غلط

العيب فيا ولا فى الدنيا ولا فى الناس

طيب يا ترى انا بتعذب ليه عشان بحاول اتغير

ولا دا دين قديم ولازم اسددوا

احترت كتير قبل ما اكتب الموضوع ومكنتش عارف بجد هكتب ايه

ويا ترى اللى هيقرئ الرساله هيفهمها ولا هيحسها

انا حتى احترت فى لون الخط كونت عايز ابعد اكتر

واصبر شويه لكن لقيت اميلات كتير وتعليقات كتير

بتسال عليا ولانى بجد بحبكم مقدرتش اهمل كلامكم دا

بس خوفت بجد اكتب حاجه تخليكم تكرهونى

ودا ساعتها بجد هيبقى موتى حتى وانا عايش

كلكم مستغربين ليه انا كاتب العنوان دا

بس انا فعلا الشخص دا اللى فى العنوان

جربت احب اتجرحت دمعت كونت خايف اصلا

اقولها ولما قولتها لقيت نفسى بخسر روحى

بخسر حاجات كتير اووووى

كونت فاكرها كلمه سهله طلعت اصعب من انك

تغرق فى بحر ومحدش يبقى سامعك

الف حبل وحبل مكتفين صوتى

ضلوعى من بين نفسى بتتكسر

ليه مش كل حاجه بتمناها مش بتحصل

هى دى القسمه والنصيب ولا دا طابع الحياه

الدموع ليه مش بتخلص ليه كل يوم بتتجدد

ليه كلمه تعبت بقت هى عنوانا

ليه الحزن بقى هو رمزنا

طيب دا صح ولا غلط حالنا دا

يرضى مين وليه بيحصل فينا كدا

يا ترى عشان احنا بعدنا عن ربنا ولا عشان احنا

بنسرح بخيالنا

يا ترى نسنحق كل التعب دا والسكوت والوجع

نسحتق تتكسر كتافنا ونبقى محتاجين حاجه نتسند عليها واحنا لسه

فى بدايه حياتنا

وليه كل حاجه بتبقى حلوه بنلقيها صعبه

وعمرها صغير اوى ومش بتزيد عن ثوانى وبع كدا ترجع

حياتنا تانى زى ما هى ابيض واسود

الالوان فيها معدوم

ليه لما نحب حد بنختار ابعد حد واصعب حد ممكن نحبوا

ليه لما بنخاف نتجرح بنلقى الجرح فعلا جوانا

يا ترى هو دا بختنا طيب ولو دا حالنا واحنا لسه فى بدايهطريقنا

ايه هيبقى حالنا بعد كدا

ليه كل ما نكتب فى كتاب حياتنا كلمه فرح بتنزل دموعنا

ليه كل ما بنتعب مش بنلقى حد يضمنا

بجد حراام ليه لما بنحب نلقى الحيره والغيره والشوك

هما نصيبنا وهو طريقنا

ليه البرد بيبقى هو جو ايامنا

اول ما نخاف مش بنلقى حضن يضمنا يدفينا ولو قولنا

اللى جوانا بنلقى الف لا بتمنعنا

ليه بنحب دايما اننا نروح للصعب

ليه بنحب دموع عنينا

طيب ليه حياتنا كدا ليه

ليه صوتنا دايما لما يجى يقول

حاجه تعبنا بيتكتف وبيتعبنا ليه بيكسرنا

ليه مبقاش فى نور فى الدنيا بقت ضلمه

ليه كدا حصل ايه يا دنيا بجد تعبت

بجد نفسى اموت يمكن دى اول مره اطلب فيها الموت

باشتياق ناس اكيد هتقول

عليا مجنون وهتقول انى مش مؤمن بس

بجد انا مش عارف ليه كل ما افرح وابدا ابتسم

حتى مش بتضحك بلقى الحزن جاى بسرعه اوى

بيستعجل غيابو بيحسسنى انو جزء منى

مينفعش يفرقنى وانا خلاص اتعودت عليه

وبجد بعتذر لاى حد حبيتو وقربت منو

لانى خايف افرقه انتظرت فى ليل طويل

ان القى قمر ينور حياتى كل ما اقرب

القيه كان سراب خوفت اظلم حد

فظلمت نفسى

خوفت اجرح جرحت روحى

والبركه فى الحياه

البركه فى الدنيا اللى خليتنى افقد

حتى النطق ونسيت الكلام بجد صعب اوى

لما تحسوا اللى انا حاسوا

no more my life

س ح م ؟؟ يا تري يعني ايه

2009-10-29T15:47:00.000-07:00

س ح م عنوان جديد لاشتغاله جديده ويمكن

دي اصعب اشتغاله عليا عشان فيها ارواح

ناس وحياة بشر راحت هدر وزي ماعودناكم

معانا هنكشف كل الحركات وهنقول علي كل

لاشتغلات وندخل بقي في موضوعنا

س ح م ؟؟؟

ياتري يعني سكه السلامه

ولا سكه الندامه

ولا السكه الي تروح فيها ومترجعش

يا تري حياتنا رخيصه اوي

يا تري حوادث القطار مش مسئوليه حد يا

تري مين السبب في كده

مسئول منفض ولا موظف نايم ولا مواطن

غلبان ركب القطار وسبها علي الله ؟

مين يتسأل ومين مسئول يعني ارواح الناس

دي رخيصه !

كام حادث راح فيها ارواح ناس بريئه

ومحدش قلنا مين المسؤل

قطار الصعيد يتقلب ويموت ناس جواه وناس

ملهاش ذنب برئيه كل ذنبها انها توكلت على

الله

ومحدش يعرف مين السبب ولا مين اهمل

خلى ده حصل ليه في بلدنا دي ارواح الناس

رخيصه ليه محدش يتحاسب غير الموظف

الغلبان اذا كان سواق ولا عامل التحويله ولا

يمكن بكرا يحاسبو المواطن انو ركب القطار

من الاول

حادث حصل في اسكندريه وبردو محدش

عرف ايه الي حصل ولا مين السبب ولا ايه

ذنب الناس الي ماتت

والاهالي الي حزنت على فراق اغلى ما ليها

علي طول بسئل نفسي ليه كده مين مسئول

يا ترى مين اللى يتحاسب و الغلط عند مين

ويا تري الغلط ان مفيش رقابه ولا مفيش

دعم لصيانه القطارات دي ولا مفيش حد

فارق عندو حد و اللي يموت يموت والي

يعيش يعيش يعني خلاص اروحنا رخصت

اوي كده خلاص مبقاش ليها تمن !!!

و ادي اخر حادث حادث قطار العياط

ايه وايه وايه ياتري تاني مين مسئول ياتري

هيقولوا عامل التحويله ولا السواق ولا يمكن

المواطن غلطان انو ركب من الاول بس

هنقول ايه تعدت الاسباب والموت في حادث

قطار واحد

سؤال بقي بيطرح نفسه بجد مين مسئول

ومين اللى المفروض فى الوقت دا يتحاسب ؟

؟ ؟ ؟

انا مش عارفه بس هشوف بقي الناس الي

المفروض عارفه الساده الكرام اعضاء

مجلس الشعب

احنا طبعا مش هنتكلم علي اعضاء مجلس

الشعب كلهم هناخد منهم الي يهمنا بس وهما

الساده اعضاء هيئه النقل والموصلات

قشطه كده هما دول الي اتلمو مع بعض وقالوا تعالو بينا نسأل الباشا وزير النقل يا

تري يا معالي الوزير مين السبب حضرتك ؟؟

سؤء صيانه القطارات ولا السكه الحديديه الي

عاوزه كلها تتصلح والي رفعت نسبه

الحوادث

ولا نص القطارات المستخدمه اللى حتي

لاتصلح لنقل العفش عشان تبقى كفيله انها

تنقل البشر ؟

مين السبب ومين الغلطان سؤال محدش

عارف ليه اجابه بس ياتري الناس الي ماتت

ديهى ذنبها ايه تموت كدا وفين حقها من كل

ده

محدش عارف ولا حد هيعرف وخلينا رافيعن

الشعار علي طول

سكه الهلاك حياتك في الضياع

متحاولش تركب قطار تاني عشان ده شعارنا س . ح . م

فقر زياده في الموضوع

الباشا وزير النقل الحمد لله اعترف بلي ليه واللي عليه

وجاب من الاخر وقدم استقالته ده بقي يثبت

ايه يثبت حسن نيه ولا الاعتراف بالحق

فضيله !!!

يعني هو كده حاسب نفسه ولا انسحب قبل ما

حد يواجهه انا مش عارفه بس يارب اللي

يجي بعد كده يعرف يلاقي لينا حل عشان

ارواح الناس مش تساوي استقاله واحده

ويارب بقي الحال يتعدل

وانا في اخر الموضوع بقول يارب كل مسؤل

يشوف انو غلطان يعترف بالغلط ويحاول

يصحلو مش ينسحب من ساحه المعركه

حاجه اخيره شدت انتباهى الفترا اللى فاتت

دى

وهى اعلانات سكك الحديد المصريه وقد ايه

دوشتنا فى رمضان

ووجعت دماغنا قبل المسلسل وبعدوا قبل

المتش وبعدوا

لدرجه انى حسيت انها بقت احسن من الطياره

بس اهو النتيجه

على وشوش المسؤلين

والعياط مبتكدبش !!

لو دا التطور يبقى مش عايزينو مش عايزين

التطور اللى هياخد ارواحنا و احنا راضين

بالتأخر اللى هيخلينا نوصل سالمين

يلا بقي القول ضايع واشوفكم في اشتغاله

جديده

بس ياتري المره الجايه مين بيشتغل مين؟؟