Kaninutpam | கணிநுட்பம்

Gmail - Access two email accounts in same browser

2010-08-07T17:57:00.002+05:30

மின்னஞ்சல் பயன்படுத்தும் எவரும் ஒரே ஒரு மின்னஞ்சல் கணக்கை மட்டும் பயன்டுத்துவதில்லை. ஒன்றுக்கு மேற்பட்ட கணக்குகளை பயன்படுத்துவது இயல்பு.

ஆனால், ஒரு வலை உலாவியில் ஒரு நிறுவனம் வழங்கும் இரண்டு மின்னஞ்சல் கணக்குகளை ஒரே நேரத்தில் பயன்படுத்த முடியாது. ஆனால் கூகிள் இதற்கு தீர்வு வழங்கியுள்ளது.

இப்பொழுது ஒன்றுக்கு மேற்பட்ட கூகிள் கணக்குகளை ஒரே வலை உலாவியில் பயன்படுத்த முடியும்.

இதற்கு www.google.com/accounts சென்று Multiple sign-in என்பதை On செய்து சேமித்துக்கொள்ளவும்.

பின் உங்களின் வலை உலாவியின் வலது மேற்புறத்தில் உள்ள உங்களின் மின்னஞ்சல் முகவரியின் அருகில் உங்களின் இன்னொரு கூகிள் கணக்கை பார்க்க sign in to another account option உருவாகியிருக்கும். இதன் மூலம் உங்களின் இன்னொரு கூகிள் கணக்கை ஒரே வலை உலாவியில், ஒரே சமயத்தில் பார்வையிடலாம்.

தற்சமயம் இவ்வசதி கூகிளின் அனைத்து applicationக்கும் செயல்படுத்தப்படவில்லை. ஒரு சில குறிப்பிட்ட applicationக்கு மட்டுமே செயல்படுத்தப்பட்டுள்ளது. விரைவில் இதனை மற்ற applicationகளுக்கும் எதிர் பார்க்கலாம்.

Hotmail - Receive email as SMS

2010-07-26T00:39:00.000+05:30

நமக்கு வரும் மின்னஞ்சல் நமது மொபைல் போனுக்கு SMS ஆ வந்தா எப்படி இருக்கும். ம்.. நல்லாத்தான் இருக்கும். ஆனா, என்னோட மொபைல்ல ஏற்கனவே இணைய வசதி இருக்கு நான் அதில தான் மெயிலே பார்க்கிறது அப்படிங்கறவங்களுக்கு நிச்சயமா இந்த பதிவு கிடையாது.

ஏதோ, ஏங்கிட்ட இருப்பது சாதாரண பேசிக் மாடல் மொபைல் போன் தான் அதில எப்படி மெயில் பார்க்க முடியும்ங்றவங்களுக்கு தான் இந்த பதிவு.

இந்த வசதியை ஏற்கனவே சில மூனாவது மனுசங்க கொஞ்சம் பேர் கொடுத்துக்கிட்டு தான் இருக்காங்க. நம்ம மெயில் settingsல forward messageல அவங்க சொல்ற idஐ இணைச்சிட்டா, நமக்கு வரும் மெயில் எல்லாம் SMSஆ வரும்னு தான். ஆனா, மாசத்துக்கு 100 SMS free அதுக்கு மேல ஆனா காசு, இப்படியெல்லாம் இருக்கு.

இப்போதைக்கு, மைக்ரோசாப்ட் நமக்கு ஒரு வசதி கொடுக்குறாங்க. சும்மா, நம்ம மொபைல் நம்பர இமெயில் ஐடியோட பதிவு செஞ்சு verify பண்ணிட்டா போதும். நமக்கு வர்ர ஈமெயில் எல்லாம் SMSஆ வரும். வெறும், text message தாங்க, படம்லாம் நீங்க எதிர்பார்க்க கூடாது.

அது எப்படி, ஒரு SMSல் 160 character தானே இருக்கும், அதுக்கு மேல பெருசா மெயில் இருந்தா என்ன ஆகும்னு கேக்குறீங்க புரியுது. இதற்கும் தீர்வு வச்சிருக்காங்க, பகுதி பகுதியா பிரிச்சு அனுப்புறாங்க. முதல்ல, Subject line வந்திடும், அப்புறம் நமக்கு வரும் SMSக்கு reply பண்ணனும். இது National SMS வசதி இருந்தாதான் ஆகும்.

http://home.mobile.live.com/

இங்கே போய் நீங்களும் முயற்சி பண்ணி பாருங்க. உங்களோட கருத்துக்களையும் பகிர்ந்துக்கோங்க.

Google Calendar - Get alerts to your mobile phone and email

2010-05-23T21:35:00.000+05:30

Girl Friend / Wife பிறந்த நாளன்னைக்கு வாழ்த்து சொல்ல மறந்துட்டு எத்தனை ஆண்மகண்கள் வசவு / அடி வாங்குறாங்களோ தெரியாது. அது அவர்களுக்கு தான் வெளிச்சம்.

சிலர் டைரியிலயோ காலண்டர்லயோ விவரமா குறிச்சி வச்சிட்டு வாழ்த்து சொல்லி வசவு வாங்குவதிலிருந்து தப்பிச்சிடுறாங்க.

ஒரு சிலர் கடமையே கண்ணாக சரியா அந்த தேதியை நியாபகம் வச்சி அசத்திடுறாங்க. ஆனா ஒரு Girl Friend இருந்தா இது பரவாயில்லை. நம்ம கோகுலத்து கண்ணன் கணக்கா இருப்பவங்களுக்கு இது கொஞ்சம் கஷ்டம் தான்.

எனக்கு ஒரு பழக்கம், எல்லா நண்பர்களளோட பிறந்த நாளையும் கூகிள் காலண்டர்ல குறிச்சி வச்சிக்கிறது.

சரி இதை எப்படி செய்யறதுனு பார்க்கலாம். ரொம்பவும் சுலபம் தான்.

https://www.google.com/calendar போங்க. உங்க google அக்கவுண்ட்ட லாகின் செஞ்சிக்கோங்க.

எந்த நாளை நீங்க நியாபகம் வச்சிக்கனுமோ அந்த நாளை கிளிக் பண்ணினா Event | Task அப்படினு ஒரு பொட்டி வரும்.

Edit event details » ஐ கிளிக்கி, What, When, Where, Description எல்லாம் கொடுத்து சேமிச்சிக்கோங்க.

பொறந்த நாளோ, திருமண நாளோ குறிச்சி வைக்கனும்னா, Repeatsங்கறதுல Yearly ஐ செலக்ட் பண்ணிட்டு, Ends: Never கொடுத்துக்கோங்க.

Description க்கு கீழ பாத்தீங்கண்ணா Options இருக்கும். இதுல உங்க மொபைலுக்கு SMSம் Emailம் எத்தனை நாள் / மணி நேரத்திற்கு முன்னாடி வரணும்னு செட் பண்ணிட்டா முடிஞ்சது.

சரி மொபைல் நம்பரை இதில் எப்படி இணைக்கிறதுனா? Settings >> Calender Settings >> Mobile Setup போய்ட்டு உங்க mobile number கொடுத்து Verification பண்ணிடுங்க.

அவ்வளவுதான், இனிமே முக்கியமான நாட்களை மறந்துட்டு Girl Friend கிட்டயோ Wife கிட்டயோ அடி வாங்க தேவையில்லை!

என்னை மாதிரி ஆபீஸ்ல கேமரா மொபைல் பயன்படுத்த கூடாதுங்கற கட்டாயத்துல Nokia 1112 மாதிரி ஆதி கால மொபைல் போன் படுத்துறவங்களுக்கு, உங்க மொபைல்ல பிறந்த நாள் வாழ்த்து செய்தியை தட்டச்சி முடிச்சிட்டு, Options >> sending options >> Send later >> Phone number / Sending Date / Time (ராத்திரி 12 மணி) கொடுத்து சேமிச்சி வச்சிட்டா, சரியா நம்ம செட் பண்ணிட நேரத்தில sms deliver ஆகும். ஆனா அது நம்ம நண்பர்களுக்கு சரியா 12 மணி வரைக்கும் முழிச்சிருந்து அனுப்பின மாதிரி தெரியும். நான் இப்படியெல்லாம் ஃபிராடு தனம் பண்ணி அசத்துவதுண்டு! இந்த வசதி உங்க மொபைல்ல இருக்கானு செக் பண்ணிக்கோங்க.....

Yahoo Messenger - Find Invisible Users

2010-03-28T23:46:00.002+05:30

Google Talkல் invisible ஆக இருப்பவர்களை கண்டறிய முந்தைய பதிவில் எழுதியிருந்தேன். கருத்துக்களுக்கு நன்றி!

நண்பர் VJ அவர்களின் வேண்டுகோளுக்கிணங்க Yahoo Messengerலிரும் invisible ஆக இருப்பவர்களை கண்டறிவது எப்படி என பார்ப்போம்.

இது Google Talkஐ விட மிகவும் சுலபம்.

http://www.myspytool.com/ -ல் சென்று ஒரு புதிய கணக்கை உருவாக்கி, உங்கள் கணக்கில் login செய்து கொள்ளவும்.

நீங்கள் கண்டறியவேண்டிய பயனரின் IDயை அத்தளத்தில் இணைத்துக்கொள்ளவும். நீங்கள் அதிகபட்சம் 12 நபர்களின் முகவரிகளை இணைத்துக்கொள்ளலாம்.

இதன்மூலம் அவர்களின் தற்போதைய Status ஐ Yahoo messengerல் login செய்யாமலே தெரிந்துகொள்ளலாம். அவர்கள் invisible ஆக இருந்தாலும் கூட!!

மேலும் இதில் ஒரு வசதியாக அவர்களின் கடந்த 24 மணி நேரத்தில் எவ்வளவு நேரம் ஆன்லைனில் இருந்தார்கள் எனவும் கண்டறியலாம்.

இதற்கு அவரின் ID உள்ள பட்டனை கிளிக் செய்யவும். கிளிக் செய்த நேரத்தில் இருந்து அவரது ID Track செய்யப்படும். இவ்வசதியை நீங்கள் குறைந்தபட்சம் 24 மணி நேரத்திற்குள் ஒரு முறையேனும் பயன்படுத்தியிருக்க வேண்டும். இல்லையெனில், அவரது ID track செய்யப்படமாட்டாது.

ஆனால், இவை அனைத்தும் ஒருவரின் தனி மனித சுதந்தரத்தை வேவு பார்ப்பது போன்றதாகும்.

இவ்வசதி இருப்பதை அறிந்தவுடன் நான் எனது Yahoo IDஐ தெரியாத நபர்களுடன் பகிர்ந்து கொள்வதை முற்றிலும் நிறுத்தியதுடன், அதனைப் பயன்படுத்துவதையும் முடிந்த வரையில் குறைத்துக்கொண்டேன்.

Google Talk - Find Invisible Users

2010-03-27T22:01:00.002+05:30

Google Talk-ல் நாம் ஆன்லைனில் இருக்கும் போது ஒரு நண்பரிடம் பேச வேண்டி இருக்கும்.

ஆனால் அந்ந நண்பரோ, மற்றவர் தன்னை தொந்தரவு செய்யாமல் இருக்க Invisible ஆக இருப்பார்.

அவர் Invisible ஆக இருக்கிறாரா, இல்லையா என கண்டுபிடிக்க நான் பயன்படுத்தும் உத்தியை உங்களுடன் பகிர்ந்து கொள்ள விழைகிறேன்,

ஆஃப்லைனில் இருக்கும் உங்கள் நண்பரின் சாட் விண்டோவை திறந்து படத்தில் உள்ளவாறு Go off the record தேர்வு செய்யவும்.

இப்பொழுது அவருக்கு ஒரு Instant Message அனுப்பவும்.

அவர் உண்மையிலேயே ஆப்லைனில் இருந்தால் .......@gmail.com is offline and can't receive messages right now. என்ற செய்தி சிவப்பு நிறத்தில் வரும். அவர் திரும்பவும் ஆன்லைனில் வரும்போது Off the record ஆன இருப்பதால் நீங்கள் அனுப்பும் Message அவருக்கு தெரியாது.

ஆனால் அவர் invisible ஆக இருந்தால் இவ்வாறு எந்த செய்தியும் வராது.

Invisible ஆக இருந்தாலும், அவரை தொந்தரவு செய்து அவரின் வசவுக்கு ஆளாகாமல் இருந்தால் சரி!

Google Voice - Setup Information

2010-02-21T15:15:00.001+05:30

நிறைய எழுத வேண்டும் என நினைத்து கழுதை தேய்ந்து கட்டெறும்பான கதையாக, வாரம் ஒன்று, மாதமாவது ஒன்று பதிவெழுவது குறைந்தேவிட்டது. வேலை அதிகம் என்று காரணம் சொல்லலாம், ஆனால் உண்மையான காரணம் "அதிகமாக கேள், குறைவாக பேசு" என்று பெரியவங்க சொன்னமாதிரி கொஞ்சகாலம் படிக்கிறதோட சரி.

சரி எதைப்பத்தி எழுதலாம்னு யோசிச்சா, அது நம்மக்களுக்கு அதிகமா பயன்படுறமாதிரி இருக்கனும்னு Google Voiceஐ பத்தியே திரும்பவும் எழுதலாம்னு முடிவாச்சு.

இதுக்கு முன்னாடி எழுதின "Google Voice - Setup Information for Non US Countries" பதிவை மட்டும், இன்னைய தேதி வரைக்கும் 531 பேர் படிச்சிருக்காங்க. ஆனா இதில துரதிர்ஷ்டமான விஷயம் என்னன்னா, நான் Google Voiceல எப்படி பேசலாம்னு எழுதின கொஞ்ச காலத்திலேயே Gizmo5ஐ Google வெலகொடுத்து வாங்கி, புதுசா அக்கவுண்ட் திறக்கறத்துக்கு ஆப்பு வச்சிட்டாங்க.

இருந்தாலும், நம்ம விடா முயற்சிக்கு பலன் இல்லாமலா போய்டும்? சரி, Gizmo5ஐல் அக்கவுண்ட் இல்லாமலே எப்படி அமேரிக்காவுக்கு பேசலாம்னு இப்ப பார்ப்போம்.

இதை படிக்கறத்துக்கு முன்னாடி, "Google Voice - Setup Information for Non US Countries" ஐ கொஞ்சம் படிச்சிட்டு வந்தீங்கன்னா நல்லா இருக்கும்னு தோணுது.

Google Voice எண்ணைப் பெற தேவையானவை

Google/Gmailல் ஒரு கணக்கு
IPKall.comல் ஒரு கணக்கு
Skype
Google Talk
USற்கான ஒரு Proxy

Step #1

Google Voice கணக்கைத் தொடங்க Google இடமிருந்து அழைப்பை பெற வேண்டும். இதற்கு https://services.google.com/fb/forms/googlevoiceinvite/ தளத்திற்கு சென்று உங்களது மின்னஞ்சல் முகவரியையும், பெயரையும் கொடுத்து, Google Voice சேவைக்கான Invitationஐ பெற வேண்டும். இதைப் பெற சற்று தாமதம் ஆகலாம்.

Step #2

Invitation கெடச்ச பின்னாடி, http://www.ultrareach.com லிருந்து Proxy Download செஞ்சுக்கோங்க.

Step #3

http://phone.ipkall.com/ல் ஒரு கணக்கு தொடங்க வேண்டும். இது உங்களுக்கு ஒரு அமேரிக்க போன் நம்பரை கொடுக்கும்.

இங்கே
Choose your account type: SIP

Choose Area Code for your IPKall Number: Dropdown ல் ஏதாவது ஒன்றை தேர்வு செய்யவும். சிலசமயம் "Currently there are no numbers Available Please check back again"னு செய்தி வரும். ஒரு நாள் கழித்து மறு நாள் முயற்சி செய்யவும்.

SIP Phone number: 17475055342

SIP Proxy: proxy01.sipphone.com

Email Address: உங்களுடைய மின்னஞ்சல்

Password: நீங்கள் விரும்பியது

புதியதாக கணக்கு தொடங்கியவுடன், ipkallஇடமிருந்து உங்களின் நம்பர் மின்னஞ்சல் செய்யப்படும்.

Step #4

Google Voiceன் invitationஐ Proxyஐ பயன்படுத்தி Internet Explorer ல் திறந்து உங்கள் Google கணக்கை login செய்து கொள்ளனும்.

Step #5

Get a Google number என்பதைத் தேர்ந்தெடுக்கவும்.

Step #6

Step 1 of 4: Choose your number என்பதில் Area Codeஐ யோ அல்லது உங்களுக்கு வேண்டுமான எண்ணையோ அல்லது உங்களின் பெயருக்கேற்ற எண்ணையோ கொடுத்து நீங்களாக உங்களின் Google Voice எண்ணை நீங்களாக தேர்ந்தெடுத்துக் கொள்ளவும்.

Step #7

Step 2 of 4: Choose your PIN என்பதில் உங்களின் PIN எண்ணை கொடுத்து பிறகு அதனை Confirm செய்து கொள்ளவும்.

Step #8

Step 3 of 4: Add a forwarding phone என்பதில் உங்களுக்கு www.ipkall.comல் இருந்து கிடைத்த எண்ணை கொடுக்கவும்.

Step #9

இனி www.skype.com ற்கு சென்று skype மென்பொருளை தரவிரக்கம் செய்யவும். பிறகு இதனை

username: kani_gv1
password: kaninutpam@12

கொண்டு login செய்யவும். தயவுசெய்து passwordஐ மாற்றம் செய்ய முயற்சிக்க வேண்டாம். மாற்றம் செய்யாதவரையில் இது அனைவராலும் பயன்படுத்தப்படும்.

Step #10

பிறகு Google Voiceல் Step 4 of 4: Verify your phoneல் Call me now கிளிக் செய்யவும். அதில் உள்ள இரண்டு இலக்க எண்ணை குறித்துக்கொள்ள மறக்க வேண்டாம்.

Step #11

இப்போது உங்களின் skype மென்பொருளுக்கு Google Voice இடமிருந்து Confirmation Call வரும்.

callஐ attend செய்து வலது பக்கம் இருக்கும் அம்புகுறியில் "Display Dial pad" ஐ கிளிக் செய்யவும்.

இப்போது அந்த இரண்டு இலக்க எண்ணை தட்டச்சவும். இதன் மூலம் உங்களின் Google Voice கணக்கு தொடங்கப்படும். இனி உங்களுக்கு skypeன் உதவி தேவைப்படாது.

Step #12

இப்போது உங்களுக்கான callகளை Google Talkற்கு எப்படி திசைதிருப்புவது என்பதைப் பார்க்கலாம்.

http://www.gtalk2voip.com/ சென்று உங்களின் Gmail ID ஐ subscribe செய்து கெள்ளவும்.
www.ipkall.com சென்று உங்களின் ipkall கணக்கை login செய்து, ஏற்கனவே உள்ள விவரங்களை கீழ்க்ண்டவாறு மாற்றம் செய்யவும்.

SIP Phone number: உங்களின் Google கணக்கின் பெயர் (உதாரணம் kaninutpam, kaninutpam@gmail.com என்று இருந்தால்)

SIP Proxy: gtalk2voip.com

பிறகு www.google.com/voice >> settings >> calls >> Call Screening மற்றும் Call Presentation ஆகிறவற்றை Diable/Off செய்யவும்.

Step #13

Google Voiceல் Call Buttonஐ கிளிக் செய்து உங்களுக்கு வேண்டியவர்களை அழைக்கலாம். முதலில் இந்த அழைப்பு உங்களின் Google Talkற்கு வரும். அழைப்பை ஏற்கவும். பிறகு, உங்களின் அழைப்பு எதிர்முனைக்கு அனுப்பப்படும். அவ்வளவுதான், காலவரையின்றி அமேரிக்க தொலைபேசி/அழைபேசி எண்களுக்கு பேசி மகிழலாம்.

தங்களுக்கு தேவையான மாற்றங்களை Settings சென்று மாற்றம் செய்து கொள்ளவும். இதன் கீழ் எத்தனை போன் எண்களை (அமேரிக்க எண்) வேண்டுமானாலும் இணைத்துக்கொள்ளலாம். Contacts சென்று ஒருவரிடம் இருந்து வரும் அழைப்பு எந்த எண்ணிற்கு செல்ல வேண்டும் என்பதையும் வரையறுக்கலாம்.

Call Widgets சென்று உங்களை தொடர்பு கொள்ள Widgetஐ உங்களின் தளத்தில் இணைத்துக் கொள்ளலாம். நான் இத்தளத்தில் வலது ஓரத்தில் இணைத்துள்ளேன்.

முதல் முறை Google Voice Account Activate செய்யும் போது மட்டும் Proxy தேவை. பிறகு இது தேவையில்லை.

எல்லாவற்றையும் விட முக்கியம் தொடர்ந்து 30 நாட்கள் உங்களின் IPKall சேவை பயன்படுத்தப்படவில்லை எனில் உங்களின் IPKall எண் Block செய்யப்படும். 30 நாட்களுக்கு ஒருமுறையேனும் இதனைப் பயன்படுத்தவும்.

மறக்காமல் Send Feedback சென்று இந்தியாவிற்கும் இந்த வசதியை ஏற்படுத்த ஒரு வேண்டுகோளை விடுக்கவும்.

Google Voiceன் பயன்களை ஏற்கனவே விவரித்திருந்தாலும், மறுபடியும் உங்களுக்ககாக.

நீங்கள் அமேரிக்காவில் வாழ்பராக இருந்தால்

அமேரிக்கவில் உள்ள அனைத்து தொலைபேசி/அழைபேசியுடன் இலவசமாக பேசலாம்
தங்களின் வாழ்நாள் முழுமைக்கும் தொலைபேசி எண்ணை மாற்ற வேண்டி இருக்காது. எந்த ஒரு போனுக்கு வரும் அழைப்பையும் இந்த எண்ணுக்கு மாற்றம் (Call Divert) செய்யலாம்.
இந்த எண்ணுக்கு வரும் எந்த ஒரு அழைப்பையும் உங்களின் அனைத்து போன்களுக்கும் மாற்றம் செய்யலாம்.
இலவச குறுஞ்சேவை இலவச குறுஞ்சேவை (international sms)
இலவச வாய்ஸ்மெயில் (ஆங்கிலத்தில் இருந்தால் Transcription உடன்)
அனைத்து வாய்ஸ் மெயில்களையும் மின்னஞ்சல்போல் சேமித்து வைத்துக்கொள்ளும் வசதி
தங்களுக்கு வரும் தேவையில்லா அழைப்பை தடுக்கும் (Block) வசதி
அழைப்பை பதிவு (Record) செய்யும் வசதி
கான்ஃபரன்ஸ் கால் வசதி
உங்களுக்கு வரும் அழைப்பை Screen செய்யும் வசதி

அமேரிக்காவைத் தவிர மற்ற தேசத்தில் வசிப்பவராக இருந்தால்,

அமேரிக்க வாழ் மக்களின் தொலைபேசி/அழைபேசியை தொடர்புகொண்டு பேசுவது முற்றிலும் இலவசம்.
உங்களுக்கு ஒரு அமேரிக்க தொலைபேசி எண்ணை இலவசமாக தருகிறது.
தங்கள் கணினியில் இருந்து அமேரிக்க தேச தொலைபேசி/அழைபேசிக்கு இலவசமாக பேசலாம்.
தங்கள் Google Talk Application மூலம் நீங்கள் இணைய தொடர்பில் இருக்கும் போது இலவசமாய் அழைப்பும் பெறலாம்.
இலவச குறுஞ்சேவை (international sms)
இலவச வாய்ஸ்மெயில் (ஆங்கிலத்தில் இருந்தால் Transcription உடன்)
அனைத்து வாய்ஸ் மெயில்களையும் மின்னஞ்சல்போல் சேமித்து வைத்துக்கொள்ளும் வசதி

Google - Webmaster Tools

2010-01-11T01:21:00.001+05:30

Search Engine Optimization (SEO) - வலையுலகத்தில் அதிகமாக பேசப்படுவது இதைப்பற்றித்தான். முதன் முதலில் Blogஐ உருவாக்கிவிட்டு உடனே கூகிளில் தேடிப்பார்த்த ஆட்களில் நானும் ஒருவன். ம்.. எல்லோரையும் போல ஏமாந்தவர்களிலும் நானும் ஒருவன்.

ஒவ்வொரு தளமும் உருவாக்கப்பட்ட பிறகும், மேம்படுத்தப்பட்ட பிறகும் கூகிளின் மூலம் crawl செய்யப்படுகிறது. இதன் மூலமே Google Search Resultsல் பட்டியல் இடப்படுகிறது.

இதன் பிறகு உங்கள் தளத்தின்

Title
Description
Review
URL

இந்த வரிசையில் உங்கள் தளத்தின் விவரங்கள் அனைத்தும் கூகிளின் தேடியந்திரத்திற்கு நகர்த்தப்படுகின்றன.

இவற்றையெல்லாம் மேலாண்மை செய்ய Google Webmaster Tool மூலம் உதவிபுரிகிறது.

இதனைப்பயன்படுத்த http://www.google.com/webmasters/tools சென்று உங்கள் தளத்தை இணைத்துக்கொள்ளவும்.

நாட்கள் ஆக,

உங்கள் வலைத்தளத்தின் அமைப்பு (Configuration)
அதற்கான குறிச்சொற்கள் (Keywords)
உங்கள் வலைத்தளத்தில் உள்ள பக்கங்கள்
உங்கள் வலைத்தளத்தை இணைக்கும் பக்கங்கள்
இன்னும் பலவற்றை தெரிந்து கொள்ளலாம்.

முயன்று பாருங்களேன்.

Gmail - Default Text Styling

2010-01-01T17:49:00.007+05:30

Gmailல் வந்தாச்சு Default text styling. ஒவ்வொருவருக்கும் அவரவர்க்கு பிடித்த Font/Sizeல் மின்னஞ்சல் அனுப்புவது பிடிக்கும்.

அது என்னவோ எனக்கு Arial Font பிடிப்பதில்லை. அதனால், ஒவ்வொரு முறையும் மின்னஞ்சலை Draft செய்து முடித்தவுடன் Font மாற்றி அனுப்புவது வழக்கம். ஆனால் இதற்கான நிரந்தர தீர்வு Gmail Labsல் கொண்டுவரப்பட்டுள்ளது.

Gmail login செய்து Labs [] Default Text Styling சென்று இந்த வசதியை Enable செய்யவும்.

பிறகு Settings >> General சென்று Default text style ல் உங்களுக்கு தேவையான text formatting செய்து கொள்ளலாம்.

ஆனால், இவ்வசதி உங்களின் கையொப்பத்தை (Default Signature) உங்களுக்கு வேண்டிய Formatல் மாற்றுவது இல்லை. இவ்வசதியையும் கொண்டுவந்தால் இன்னும் சிறப்பாக இருக்கும்.

Today's Tip: தற்சமயம் அனைவரும் Tabbed Browser பயன்படுத்துகிறோம். ஒரு லிங்க்கை அதே விண்டோவில் திறக்காமல் அடுத்த டேபில் திறக்க Right click >> Open in new tab கொடுப்போம். இதற்கு எளிமையான வழி உங்களது Mouseன் Scroll button (middle) அல்லது Ctrl + Click செய்தால் போதுமானது.

Blogger in Draft

2009-12-16T16:12:00.059+05:30

பிளாக்கர் வசதியை பயன்படுத்துபவர்களுக்கு ஒரு மகிழ்ச்சியான செய்தி. பிளாக்கர் தளம் இப்போது மேம்படுத்தப்பட்டு வருகிறது.

இதனைப்பயன்படுத்த http://draft.blogger.comல் உங்கள் பிளாக்கர் கணக்கை உள்நுழையவும்.

சமீபத்தில் இதில் மேம்படுத்தப்பட்ட விஷயங்கள்

Insert Image
Insert a video
Define/Translate
Geotagging
Star Ratings

Insert Image

முன்பு இப்படி இருந்தது

இப்போது

இதன் மூலம் ஒரு முறை பிக்காசா ஆல்பத்தில் upload செய்யப்பட்ட படத்தை இங்கிருந்தே எடுத்துக்கொள்ளலாம், பிக்காசா ஆல்பத்திற்கு சென்று லிங்க் காப்பி செய்ய தேவையில்லை.

Insert a Video

இந்த வசதி பழைய எடிட்டரில் இருந்தது, ஆனால் பின்பு வந்த Updated Editorல் நீக்கம் செய்யப்பட்டு இருந்தது. இவ்வசதி மீண்டும் இணைக்கப்பட்டுள்ளது.

Define/Translate

இவ்வசதி புதிதாக சேர்க்கப்பட்டுள்ளது. இதில் அகராதி (Dictionary) மற்றும் மொழிபெயர்க்கும் (Translate) வசதியும் இணைக்கப்பட்டுள்ளது. ஆனால் தற்சமயம் தமிழ் மொழிக்கு இவ்வசதி பொருந்தாது.

Geo tagging

இவ்வசதியும் புதியதாக பிளாக்கரில் இணைக்கப்பட்டுள்ளது, இதன் மூலம் உங்களது ஒவ்வொரு பதிவையும் Geo tagசெய்யலாம். இதற்கு கீழே எடிட்டரின் கீழே உள்ள Add locations கிளிக் செய்து உங்களின் இடத்தை தேர்வு செய்யலாம். இது உங்களின் பதிவிற்கு கீழ் காட்டப்படும்.

இதை உங்கள் பதிவிற்கு கீழ் கொண்டு வர Layout >> Page Elements >> Blog Posts >> Edit சென்று Location ஐ தேர்வு செய்யவும்.

நீங்கள் பழைய Template பயன்படுத்திவந்தால் இந்த வசதி உங்கள் தளத்தில் இல்லாமல் இருக்கும். இதற்கு Layout>Pick new template சென்று புதிய Template தேர்வு செய்து கொள்ளவும்.

Star Ratings

ஒவ்வொரு பதிவையும் Rating செய்ய பிளாக்கர் இந்த வசதியை இணைத்துள்ளது. முன்பு இவ்வசதி வேண்டுமென்றால் வேறு தளத்திலிருந்து உதவி பெற வேண்டி இருந்தது. இதை கொண்டு வர

Layout >> Page Elements >> Blog Posts >> Edit சென்று Show Star Ratings தேர்வு செய்யவும். இதற்கும் உங்கள் Template ஐ மேம்படுத்த வேண்டி இருக்கும்.

Yahoo Media Player

2009-12-14T14:28:00.010+05:30

சில சமயங்களில் நம் தளத்தில் ஆடியோ ஃபைல்களுக்கான லிங்க்களை இணைக்க வேண்டி இருக்கும். இதனை படிப்பவர், அதை தரவிறக்கம் செய்து கேட்டுக்கொள்ள கேட்டுக்கொள்ளும் படியாக வைக்கலாம்.

ஆனால், இத்தகைய ஆடியோ ஃபைல்களை தம் தளத்திலேயே எம்பட் செய்து பாட வைத்தால் எப்படி இருக்கும். ஆனால் இதில் ஒரு பிரச்சனை இருக்கிறது. பேக்கிரவுண்ட் ம்யூசிக்காக ஆடியோ பைல்களை இணைத்தால், தளம் லோட் ஆக நேரம் எடுக்கும்.

5 மெகாபைட் வீதம் 10 பாடல்களை இணைத்தால் 50 மெகாபைட் ஹோஸ்ட்டிங் இடம் காலி. இது என்னை மாதிரி பிளாக்கரில் ஒசியா எழுதறவங்களுக்கு பிரச்சனையாச்சே!

விடும்பும் பாடலைக்கேட்கவும், ஒலி அளவை மாற்றவும், Pause / Play / Forward / Backward செய்யவும் வசதியிருந்தால் நன்றாக இருக்கும் இல்லையா.

இதற்கு யாஹூ மீடியா பிளேயர் ஓரளவிற்கு தீர்வளிக்கிறது. இதற்கு நீங்கள் செய்ய வேண்டியது ஒன்றே ஒன்று தான்.

Layout >> Page Elements >> Add new Gadget >> HTML/Javascriptல் கீழே உள்ள ஸ்கிரிப்ட்டை சேர்த்து விட்டு விடுங்கள்.

<script src="http://mediaplayer.yahoo.com/js" type="text/javascript">

இப்போது, எங்கோ ஒரு தளத்தில் உள்ள mp3 பைலின் லிங்க்கை உங்கள் தளத்தில் கொடுக்க, அந்த லிங்க்கிற்கு முன் பட்டன் தோன்றும். இதனை கிளிக்க பாடல் இசைக்க ஆரம்பிக்கும். நான் கீழே ஒரு பாடலை இணைத்துள்ளேன் கேட்டுப்பாருங்கள்!

அவள் அப்படி ஒன்றும் அழகில்லை

இதனை எப்படி இணைப்பது என்றால்,

<a href="http://example.com/song.mp3">Song Name</a>

வேறு தளத்தில் இருக்கும் பாடல் mp3 வடிவில் இல்லாமல், "http://example.com/mysong.php" என்றோ அல்லது வேறு வடிவிலோ இருந்தால்,

<a href="http://example.com/mysong.php" type="audio/mpeg">Song Name</a>

ஆல்பம் ஆர்ட் கொண்டு வர

<a href="example.mp3"><img src="example.png" alt="" style="display:none"/>my song</a>

வேறு படங்களை காட்டுவதன் மூலம், விளம்பரமும் செய்யமுடியும்.

இந்த தளத்திலும், யாஹூ மீடியா பிளேயர் இணைக்கப்பட்டுள்ளது.

Microsoft Word - Tables

2009-12-05T15:56:00.005+05:30

ஆபீஸ் தொகுப்பைப் பொறுத்தவரை நாம் அனைவருக்கும் அதை எப்படி பயன்படுத்துவது என்று தெரியும், ஆனால் அதை எந்த வரை முழுமையாக பயன்படுத்துவது என்பது தான் கேள்விக்குறி.

சும்மா, ஒரு டேபிளை உருவாக்கிவிட்டு, அதை அலைன்மென்ட் செய்யறத்துக்கு போதும், போதும்னு ஆயிடும், இது தான் முக்கியமான பிரச்சனை

பிரச்சனை 1 - பெரும்பாலும், நாம உருவாக்கின அட்டவணை மார்ஜினை விட்டு வெளியே போயிருக்கும். அதை எப்படி உள்ளே கொண்டு வர்ரதுனு தெரியாது.
தீர்வு - Autofit > Autofit to window முடிந்தவரை இந்த வசதி அட்டவணையை மார்ஜினுக்குள் வைத்திருக்கும்.

பிரச்சனை 2 - ஒரு காலத்தின் (Column) அகலத்தை அதிகப்படுத்தவோ, குறைக்கவோ முயற்சி செய்தா, அது ஒரு பாயிண்ட், பாயிண்டாக மட்டுமே நகரும், எக்சல்லில் உள்ளதை போல Smooth ஆக நகராது.
தீர்வு - Alt Keyஐ அழுத்திப்பிடித்துக்கொண்டு, Mouseஆல் அகலத்தை கூட்டவோ குறைக்கவோ செய்யலாம். இது மிகவும் சுலபமாக இருக்கும்.

பிரச்சனை 3 - எல்லாம் தட்டச்சி முடிச்சபின்னாடி தான் தெரியும், கீழே உள்ள ரோவை (Row) மேலே கொண்டுவந்தா நல்லா இருக்கும்னு. இதுக்கு ரோவை கட் பண்ணி மேலேயும் போடலாம். ஆனா, சுலபமான தீர்வு இருக்கு
தீர்வு - தேவையான ரோவை தேர்வு செஞ்சிட்டு, Alt Key மற்றும் Shift Keyஐ அழுத்திப்பிடித்துக்கொண்டு, Up arrow or down arrow ஐ அழுத்த அந்த நிரை மட்டும் மேலே அல்லது கீழே செல்லும்.

இதே மாதிரி Left arrow. Right arrowஐ அழுத்தினா, காலம் (Column) இடம்/வலமா மாறுமா-னு முயற்சி பண்ணாதீங்க. அது நிச்சயம் மாறாது. இதற்கு, முதலில் அந்த காலத்தை தேர்வு செஞ்ச பின்னாடி Mouseஆல் Drag செஞ்சு தேவையான இடத்தில் வச்சுக்கலாம்.

பிரச்சனை 4- உருவாக்கின டேபிளை டெலிட் பண்ணலாம்னு நெனச்சு டேலிட் கீயை அழுத்தினா, டேபிள் உள்ளே இருக்கும் Content மட்டும் தான் டெலிட் ஆகும்.
தீர்வு - ரோவையோ, காலத்தையோ அல்லது முழு டேபிளையோ செலக்ட் செஞ்சிட்டு Backsapce Key ஐ அழுத்தினா அத்தனையும் காலி.

பிரச்சனை 5 - இடது ஓரத்தில் இருக்கும் காலத்தின் அகலத்தை அதிகப்படுத்த தோணும், அதற்காக அந்த காலத்தின் வலது பக்க கோட்டை இழுத்தால், இரண்டாவது காலம் சிறியதாகி விடும், சரி அதை பெரிசு பண்ணலாம்னா, மூனாவது காலம் சின்னதாகிவிடும். இப்படி இல்லாம, முதல் காலத்தை மட்டும் பெருசு பண்ண ஏதாவது வழி இருக்கா
தீர்வு - டேபிள்க்கு உள்ள கர்சரை வைச்சிட்டு, மேலே ரூலரைப் பார்த்தீங்கன்னா, ஒவ்வொரு காலத்திற்கு இடையிலேயும், சின்ன கட்டம் மாதிரி இருக்கும், அதை Mouseல Drag செஞ்சா, அந்த ஒரு காலம் மட்டும் பெருசு/சின்னது ஆகும்.

இதையெல்லாம் நினைவில வைச்சு பயன்படுத்தறது தான் பெரிய பிரச்சனை. ஆனா அதுக்கு தீர்வே இல்லை!

Google Docs - Form

2009-11-22T12:07:00.010+05:30

Google Docs நாம் ஏற்கனவே அறிந்தது தான். இது மைக்ரோசாப்ட் ஆபீசுக்கு ஒரு சிறந்த மாற்றாக, இணையத்தில் விளங்குகிறது. இதன் மூலம் நீங்கள் உங்களுடைய Documents, Spreadsheepts மற்றும் Presentations ஐ ஆன்லைனிலேயே தயாரித்து, சேமித்தும் வைத்துக் கொள்ளலாம். தேவையான பொழுது வேறு எந்த ஒரு கணினியில் இருந்தும் இணையம் மூலமாக பயன்படுத்தலாம்.

மேலும், இவை மட்டுமல்லாது, DOC, XLS, CSV, ODS, ODT, PDF, RTF போன்ற HTML வடிவுள்ள கோப்புகளையும் இதில் சேமித்து வைத்துக்கொள்ளலாம். உங்கள் நண்பர்களுடன் பகிர்ந்து கொள்ளலாம், ஒரே சமயத்தில் மாற்றமும் செய்யலாம். தேவையான இடத்தில் பகிரவும் செய்யலாம்.
இவையெல்லாவற்றுக்கும் மேலாக, இதன் மூலம் உங்களுக்கு வேண்டுமான படிவங்களையும் இதன் மூலம் தயாரித்துக் கொள்ளலாம்.

இதனைப்பற்றி பார்ப்போம்.

Google Docsல் Login செய்து கொள்ளவும், Create New >> Forms சென்று புதிய படிவம் ஒன்றை உருவாக்கி கொள்ளவும்.
உங்களது படிவத்திற்கான தலைப்பையும், அதன் விளக்கத்தையும் கொடுக்கவும்.
நீங்கள் கேட்க விரும்பும் கேள்விகளை ஒன்றன் பின் ஒன்றாக அமைத்துக் கொள்ளவும்.
இதில் சிறப்பம்சம் என்னவென்றால், Question type என்பதில் பதில் எவ்வாறு இருக்க வேண்டும் என்பதையும் நீங்களே தேர்வு செய்து கொள்ளலாம்.
இவ்வாறு தயாரித்து படிவத்தை, நீங்கள் மின்னஞ்சல் வாயிலாகவோ (Email this form) அல்லது உங்களது இணையதளத்தில் வெளியிட்டோ (More actions >> Embed), அதற்கான முடிவுகளை தெரிவித்துக்கொள்ளலாம்.
இவ்வாறு கிடைக்கும் கிடைக்கும் முடிவுகளை See Responses மூலமாக தெரிந்து கொள்ளலாம்.

ஆக, இதற்கு மேல் வேறு என்ன வேண்டும்.

கணிநுட்பத்தை பற்றி உங்களது கருத்துக்களை தெரிந்து கொள்ள கீழே உள்ள உங்களது கருத்துக்களை தெரிவிக்க கேட்டுக்கொள்கிறேன்.

<p>Loading...</p>

அடுத்தவர் பதிவை திருடுபவரை என்ன செய்யலாம்

2009-11-20T16:16:00.005+05:30

ஒருத்தன் கஷ்டப்பட்டு, யோசித்து, பல முறை பிழை திருத்தம் செய்து தமிழில் தட்டச்சி ஒரு பதிவைப்போட்டால், நோகாமல் இருந்த இடத்திலிருந்து ஒரு எழுத்து கூட பிசிராமல் அப்படியே காப்பி செய்து தன் வலைப்பூவில் போடுபவர்களை என்ன செய்யலாம்?

Google Analytics போய் பார்த்தால் யாரெல்லாம் ந்ம்மை Refer செஞ்சிருக்காங்கனு பார்த்தா http://masdook(dot)wordpress(dot)com ல் இருந்து வந்திருக்காங்கனு தெரிஞ்சது. அப்படி என்ன லிங்க் இருக்குன்னு போய் பார்த்தால், நான் நவம்பர் 7ம் நாள் Blogger - Read Moreங்ற பதிப்பு கீழே இருக்கிற முகவரியில் அப்படியே இருக்கு.

http://masdook(dot)wordpress(dot)com/2009/11/20/blogger-read-more/

(dot)ங்றதை புள்ளி (.) யாக மாற்றிக்கொள்ளவும்.

சரி இதிலிருந்து நம்ம பக்கத்திற்கு எப்படி லிங்க் வந்ததுன்னு பார்த்தா, Read More ஐ கிளிக்கினால், கணிநுட்பத்தில் தான் திறக்குது. இதுவே நான் முழு பதிவையும் ஒரே பக்கத்தில் போட்டிருந்தால் எனக்கு தெரியாமலே போயிருக்கும்.

எப்படியோ, என்னுடைய பக்கத்திற்கு லிங்க் கொடுத்த புண்ணியவான் வாழ்க!

Google Voice - Setup Information for Non US Countries

2009-11-08T19:00:00.008+05:30

நிறுவனத்தின் புதியதொரு சேவை Google Voice. இது Google Grandcentralன் மேம்படுத்தப்பட்ட சேவை ஆகும். தற்சமயம் இது அமேரிக்க வாழ் மக்களுக்கு மட்டும் வழங்கப்படுகிறது. அமேரிக்க வாழ் மக்களுக்கு மட்டும் வழங்கப்படுவதால், நமக்கென்ன உபயோகம் என நீங்கள் கேட்பது எனக்கு புரிகிறது.

இதன் மூலம்,
நீங்கள் அமேரிக்காவில் வாழ்பராக இருந்தால்

அமேரிக்கவில் உள்ள அனைத்து தொலைபேசி/அழைபேசியுடன் இலவசமாக பேசலாம்
தங்களின் வாழ்நாள் முழுமைக்கும் தொலைபேசி எண்ணை மாற்ற வேண்டி இருக்காது. எந்த ஒரு போனுக்கு வரும் அழைப்பையும் இந்த எண்ணுக்கு மாற்றம் (Call Divert) செய்யலாம்.
இந்த எண்ணுக்கு வரும் எந்த ஒரு அழைப்பையும் உங்களின் அனைத்து போன்களுக்கும் மாற்றம் செய்யலாம்.
இலவச குறுஞ்சேவை
இலவச வாய்ஸ்மெயில் (ஆங்கிலத்தில் இருந்தால் Transcription உடன்)
அனைத்து வாய்ஸ் மெயில்களையும் மின்னஞ்சல்போல் சேமித்து வைத்துக்கொள்ளும் வசதி
தங்களுக்கு வரும் தேவையில்லா அழைப்பை தடுக்கும் (Block) வசதி
அழைப்பை பதிவு (Record) செய்யும் வசதி
கான்ஃபரன்ஸ் கால் வசதி
உங்களுக்கு வரும் அழைப்பை Screen செய்யும் வசதி

அமேரிக்காவைத் தவிர மற்ற தேசத்தில் வசிப்பவராக இருந்தால்,

அமேரிக்க வாழ் மக்களின் தொலைபேசி/அழைபேசியை தொடர்புகொண்டு பேசுவது முற்றிலும் இலவசம்.
உங்களுக்கு ஒரு அமேரிக்க தொலைபேசி எண்ணை இலவசமாக தருகிறது.
தங்கள் கணினியில் இருந்து அமேரிக்க தேச தொலைபேசி/அழைபேசிக்கு இலவசமாக பேசலாம்.
தங்கள் Google Talk Application மூலம் நீங்கள் இணைய தொடர்பில் இருக்கும் போது இலவசமாய் அழைப்பும் பெறலாம்.
இலவச குறுஞ்சேவை
இலவச வாய்ஸ்மெயில் (ஆங்கிலத்தில் இருந்தால் Transcription உடன்)
அனைத்து வாய்ஸ் மெயில்களையும் மின்னஞ்சல்போல் சேமித்து வைத்துக்கொள்ளும் வசதி

Google voice எண்ணை பெற என்னென்ன தேவை.

Google/Gmail Account ஒன்று. இது நிச்சயமாய் உங்களிடம் இருக்கும்.
அமேரிக்க தொலைபேசி எண் ஒன்று. இதற்கு நான் எங்கே செல்வது என்று கேட்க வேண்டாம். www.ipkall.com இலவசமாய் இந்த எண்ணை கொடுக்கிறது. எனவே இங்கு ஒரு கணக்கு தொடங்க வேண்டும். ஆனால் இந்த எண் மட்டும் போதாது.
www.gizmo5.comல் கணக்கு ஒன்றை தொடங்க வேண்டும். இங்கிருந்து அமேரிக்காவின் sip phone எண் ஒன்றைப் பெற வேண்டும். இதுவும் இலவசமே!
இந்த வசதியை நீங்கள் அமேரிக்காவில் தான் பதிவு (Register) செய்ய முடியும். இதற்காக நான் என்ன அமேரிக்காவிற்கா செல்ல முடியும் என கேட்கலாம். அதுவும் தேவையில்லை ஒரு Proxy மூலம் இதனை செய்து விடலாம்.
இவையெல்லாவற்றையும் விட மிகவும் முக்கியம்............... அளவு கடந்த பொறுமை.

சரி.. அடுத்து என்ன செய்ய வேண்டும் என்பதைப் பார்ப்போம்.

Step #1
நேரடியாக https://services.google.com/fb/forms/googlevoiceinvite/ தளத்திற்கு சென்று உங்களது மின்னஞ்சல் முகவரியையும், பெயரையும் கொடுத்து, Google Voice சேவைக்கான Invitationஐ பெற வேண்டும். இது உடனே கிடைத்து விடாது. இதற்கு ஒரு வாரம் ஆகலாம், ஒரு மாதமும் ஆகலாம். அது உங்களின் அதிர்ஷ்டத்தை பொறுத்தது.

Step #2 (Gizmo5 ஐ Google நிறுவனம் கையகப்படுத்தியுள்ளதால் - இந்த வசதி தற்சமயம் நிறுத்தி வைக்கப்பட்டுள்ளது - Updated on 20-11-09)

இதேபோல் https://my.gizmo5.com/gizmo5/app?class=MySip;proc=start சென்று புதியதாக ஒரு கணக்கை தொடங்க வேண்டும். இது உங்களுக்கு ஒரு அமேரிக்க தேசத்திற்கான SIP Phone எண்ணை கொடுக்கும். இதனை சேமித்து வைத்துக்கொள்ளவும்.

Step #3
பிறகு, http://phone.ipkall.com/ தளத்திற்கு சென்று புதியதாக ஒரு கணக்கு தொடங்க வேண்டும். இதில் கவனிக்க வேண்டியவைChoose your account type: SIP ஆகவும், SIP Phone number: என்ற இடத்தில் நீங்கள் www.gizmo5.comல் இருந்து பெற்ற SIP Phone numberஐயும், SIP Proxy:க்கு நேராக proxy01.sipphone.com என்றும், மற்ற இடங்களில் அதற்குண்டான தகவலையும் கொடுக்கவும். இதிலும் உடனே உங்களுக்கு புதிய SIP Phone number கிடைக்காது. ஒரு நாள் அல்லது இரண்டு நாட்கள் ஆகலாம்.

Step #4
உங்களுக்கு Google Voiceல் இருந்து புதியதாக கணக்கு திறக்க Invitation வந்தவுடன் USக்கான Proxyஐ தரவிறக்கம் (link updated) செய்யவும். இது Internet Explorerல் திறக்கும். அதில் உங்களின் Google Voiceக்கான Invitation லிங்க்ஐ திறக்கவும்.

Step #5
Get a Google number என்பதைத் தேர்ந்தெடுக்கவும்.

Step #6
Step 1 of 4: Choose your number என்பதில் Area Codeஐ யோ அல்லது உங்களுக்கு வேண்டுமான எண்ணையோ அல்லது உங்களின் பெயருக்கேற்ற எண்ணையோ கொடுத்து நீங்களாக உங்களின் Google Voice எண்ணை நீங்களாக தேர்ந்தெடுத்துக் கொள்ளவும்.

Step #7
Step 2 of 4: Choose your PIN என்பதில் உங்களின் PIN எண்ணை கொடுத்து பிறகு அதனை Confirm செய்து கொள்ளவும்.

Step #8
Step 3 of 4: Add a forwarding phone என்பதில் உங்களுக்கு www.ipkall.comல் இருந்து கிடைத்த எண்ணை கொடுக்கவும்.

Step #9
இப்பொழுது http://gizmo5.com/pc/download/ சென்று உங்களது கணினிக்கான Gizmo5 மென்பொருளை தரவிறக்கம் செய்து, அதில் உங்களின் Gizmo5 கணக்கை திறந்து கொள்ளவும். பிறகு Google Voiceல் Step 4 of 4: Verify your phoneல் Cll me now கிளிக் செய்யவும். அதில் உள்ள இரண்டு இலக்க எண்ணை குறித்துக்கொள்ள மறக்க வேண்டாம்.

Step #10
இப்போது உங்களின் Gizmo5 மென்பொருளுக்கு Google Voice இடமிருந்து Confirmation Call வரும். பதிலளிக்கையில் உங்களது அந்த இரண்டு இலக்க எண்ணை தட்டச்சவும். இதன் மூலம் உங்களின் Google Voice கணக்கு தொடங்கப்படும்.

Step #11
உங்களுக்கு வரும் அழைப்புகளை Google Talk அல்லது Skypeல் பெற www.gizmo5.com சென்று Call Forwardingல் உங்களின் Google Talk அல்லது Skype user idஐ கொடுத்து சேமிக்கவும்.

Step #12
Google Voiceல் Call Buttonஐ கிளிக் செய்து உங்களுக்கு வேண்டியவர்களை அழைக்கலாம். முதலில் இந்த அழைப்பு உங்களின் Google Talkற்கு வரும். அழைப்பை ஏற்கவும். பிறகு, உங்களின் அழைப்பு எதிர்முனைக்கு அனுப்பப்படும். அவ்வளவுதான், காலவரையின்றி அமேரிக்க தொலைபேசி/அழைபேசி எண்களுக்கு பேசி மகிழலாம்.

தங்களுக்கு தேவையான மாற்றங்களை Settings சென்று மாற்றம் செய்து கொள்ளவும். இதன் கீழ் எத்தனை போன் எண்களை (அமேரிக்க எண்) வேண்டுமானாலும் இணைத்துக்கொள்ளலாம். Contacts சென்று ஒருவரிடம் இருந்து வரும் அழைப்பு எந்த எண்ணிற்கு செல்ல வேண்டும் என்பதையும் வரையறுக்கலாம்.

Call Widgets சென்று உங்களை தொடர்பு கொள்ள Widgetஐ உங்களின் தளத்தில் இணைத்துக் கொள்ளலாம். நான் இத்தளத்தில் வலது ஓரத்தில் இணைத்துள்ளேன்.

முதல் முறை Google Voice Account Activate செய்யும் போது மட்டும் Proxy தேவை. பிறகு இது தேவையில்லை.

எல்லாவற்றையும் விட முக்கியம் தொடர்ந்து 30 நாட்கள் உங்களின் IPKall சேவை பயன்படுத்தப்படவில்லை எனில் உங்களின் IPKall எண் Block செய்யப்படும். 30 நாட்களுக்கு ஒருமுறையேனும் இதனைப் பயன்படுத்தவும்.

உங்களால் செய்யப்படும் அழைப்பு கீழ்கண்டவாறு மாற்றம் செய்யப்பட்டு எதிர்முனையை அடைகிறது.

Google Voice >> IPKall >> Gizmo5 >> Google Talk அல்லது Skype

இதில் IPKallன் பயன் என்ன? நேரடியாக Gizmo5 மூலம் கிடைக்கும் எண்ணையே நேரடியாக Google Voiceற்கு பயன்படுத்தலாமே, எதற்காக இதனைப்பயன்படுத்த வேண்டும் என நீங்கள் கேட்கலாம். Google Voice இதனை ஏற்றுக் கொள்வதில்லை.

கடைசியாக Send Feedback சென்று இந்தியாவிற்கும் இந்த வசதியை ஏற்படுத்த ஒரு வேண்டுகோளை விடுக்கவும்.

நான் மேலே குறிப்பிட்டது போல் அளவுகடந்த பொறுமை மிகவும் அவசியம்!!!

Blogger - Google Talk Badge

2009-11-07T18:31:00.009+05:30

பிளாக்கரில் கணக்கு தொடங்கி இரண்டு வருடங்கள் முழுதாக முடிந்தாலும், முழுதாக பயன்படுத்தியதில்லை. கேட்டால் நேரமில்லை என சப்பையான பதில் தான் வரும். ஆனால் உண்மையான காரணம், நாம் எழுதுவதையும் யாராவதும் படிக்கிறாங்கனு தெரிஞ்சா தொடர்ந்து எழுத கொஞ்சம் உற்சாகம் வரும்.

அதனால், அதிகமாக எழுத அதிகமான வாசகர்கள் வேண்டும், இதை எப்படி செய்யறதுன்னு பார்த்தால்,

நம்முடைய பிளாக்கை ஒரு ஓடையில் இணைக்கலாம் (உம். http://technorati.com/)
Feeds மூலமாக வாசகர்களை நம்முடைய வலைப்பூவை தொடரச் செய்யலாம்
Google Friend Connect மூலம் நம் வலைப்பூவை பின்பற்றச் செய்யலாம்.
பின்னூட்டங்கள் மூலம் நம் தளத்திற்கு அதிக வாசகர்கள் கிடைப்பார்கள்.
Add this போன்ற Buttonகளை இணைத்தால் வாசகர்கள் உங்களுடைய தளத்தை மற்றவர்களுடன் பகிர்ந்து கொள்வதும், தங்களது Bookmark ல் இணைத்து கொள்வதும் நடக்கும்.
இவை எல்லாவற்றுக்கும் மேலாக வாசகர்களுடன் நேரடித் தொடர்பு இருந்தால் அவர்கள் நிச்சயம் நம்முடைய தளத்தில் உறுப்பினர் ஆவார்.

இதை இரண்டு விதங்களில் செய்யலாம். ஒன்று மின்னஞ்சல் மூலம் தொடர்பு கொள்வது. இரண்டு Google Talk Badge மூலம் சாட் செய்வது.

Google Talk Badgeஐ நம் வலைத்தளத்தில் இணைப்பது எப்படி என்பதை பார்ப்போம்.
http://www.google.com/talk/service/badge/New இந்த தளத்திற்கு சென்று உங்களது கணக்கை Sign in செய்து கொள்ளவும். பிறகு அதனை உங்களது விருப்பப்படி Edit செய்து கொள்ளலாம். கடைசியில் Update Badge செய்து உங்களுக்கு சரி என்றதும், அதன் கீழ் உள்ள Codeஐ உங்களது தளத்தில் HTML/JavaScript Gadget மூலமாக இணைத்துக்கொள்ளலாம்.

நீங்கள் Google Talkல் ஆன்லைனில் இருந்தால் உங்கள் வாசகர்கள் உங்களுடன் நேரடியாக சாட் செய்யலாம். இதன் மூலம் உங்கள் வாசகர்களை உங்களை நினைவுகூறவும், உங்களது தளத்தை தொடர்ந்து பார்வையிடச் செய்யவும் முடியும்.

நான் இந்த தளத்தில் வலது ஓரத்தில் Chat with me என்ற தலைப்பின் கீழ் எனது Badgeஐ இணைத்துள்ளேன்.

Blogger - Read More

2009-11-04T16:55:00.005+05:30

நான் பொதுவா மற்றவங்களோட ப்ளாக்ஐ திறக்கும் போது, அதில் இருக்குற பதிவுகளை மட்டும் பார்க்கிறதில்லை. அந்த வலைப்பூவை எப்படி வடிவமைச்சிருக்காங்கனும் பார்க்கிறதுண்டு. ஒரு சில ப்ளாக்-ல ஒவ்வொரு பதிவையும் சுருக்கமா போட்டு அதற்கு கீழே Read More... னு ஒரு லிங்க் இருக்கும். இத எப்படி என்னோட வலைப்பூவீலேயும் கொண்டு வர்ரதுன்னு Googleஐ தட்டினா ஏகப்பட்ட பதில்கள்.

ஆனால் அது எல்லாமே நம்ம வலைப்பூவோட Codeஐ மாத்துர மாதிரியே இருந்தது. நமக்கு இதிலெல்லாம் அவ்வளவா அனுபவம் இல்லைனு அப்படியே விட்டுட்டேன்.

ஆனால் எந்த ஒரு Codeஐயும் மாத்தாமல் இதைக் கொண்டு வரலாம்னு ஒரு வழி இருக்கும் போது ஏன் இன்னும் இதை விட்டுவைக்கனும்னு அதையும் கொண்டு வந்தாச்சு.

Read More - வசதியை கொண்டு வருவது ஒன்னும் கம்ப சூத்திரம் இல்லை.

இதற்கு தேவையானது....

உங்கள் வலைப்பூ xml வடிவில் இருக்க வேண்டும் அல்லது Clasisc வடிவில் இருக்க கூடாது. இதை Layout >> Edit Html ல் போய் xml version="1.0" encoding="UTF-8" இப்படி தொடங்குதானு பார்த்துக்கோங்க.

Settings >> Global Settings >> Select post editor லபோய் Updated Editor ஐ தேர்ந்தெடுத்துக்கோங்க

இனிமே புதிசா பதிவை போடும் போது உங்களோட summary ஐ , அதாவது Read Moreக்கு முன்னால வரப்போர உங்களோட பதிவின் சுருக்கத்தை முடிச்சிட்டு, இந்த Updated Editorன் வலது மேல் மூலையில் இருக்குற Insert Jump Break Iconஐ கிளிக்குங்க. இப்போ உங்க summaryக்கு கீழே ஒரு கோடு வரும், இதற்கு கீழே உங்களோட முழு பதிவையும் போடுங்க..

இப்போ இந்த Read More வசதி உங்களுடைய வலைப்பூவிலேயும் வந்திருக்கும். நம்ம தமிழ் விரும்புகள் கேட்கிற கேள்வி.. இந்த Read Moreங்ற வார்த்தையை தமிழில் மாற்ற முடியாதானு, அதற்கும் வழியிருக்கு Layout >> Page Elements >> Blog Posts போங்க, அங்க வலது கீழ் மூலையில் இருக்கும் Editஐ கிளிக்கி, மேலே இருந்து ரெண்டாவது வரியில் இருக்கும் Post page link text: ல் உங்களுக்கு வசதிப்பட்ட மாதிரி தட்டச்சிக்கோங்க.

அவ்வளவுதான், மேட்டர் ஓவர்.

இந்த பதிவு பிடிச்சிருந்தா, மறக்காம உங்க Comment ஐ பதிவு செய்யுங்க.

Excel - Subtotal

2009-08-01T20:22:00.005+05:30

பலதரப்பட்ட புள்ளிவிவரங்களை கையாளும்போது, அவற்றை விளக்க நமக்கு ஒரு தொகுப்பு (Abstract) அவசியமாகிறது. அதற்காக இப்புள்ளி விவரங்களை வகைப்படுத்தி சுருங்க சொல்லி விளங்க வைக்க வேண்டும்.

எக்சல்லில் உள்ள சப்டோட்டல் வசதி இதற்கு மிகவும் உதவியாக இருக்கிறது. இதனைப் பயன்படுத்தும் விதம் பற்றி காண்போம்.

உதாரணமாக, ஒரு கடையின் 3 கிளைகளின் தினசரி வருமானம் கீழே கண்டுள்ள படி இருப்பதாகக் கொள்வோம். இதனை ஒவ்வொரு கிளை வாரியாக கண்டறிய சப்டோட்டல் உதவுகிறது.

மேலே உள்ள அட்டவணை தேதி வாரியாக அடுக்கப்பட்டுள்ளது. நமக்கு கிளை வாரியாக சப்டோட்டல் வேண்டுமெனில், முதலில் மேற்கண்ட அட்டவணையை தேர்வு செய்து, கிளை வாரியாக சார்ட் (Sort) செய்ய வேண்டும்.

பின் டேட்டா --> சப்டோட்டல் தேர்வு செய்து

At each change in --> Branch ஆகவும்

Use function --> sum ஆகவும்

Add subtotal to --> ஆகவும் தேர்வு செய்து ஓகே கொடுக்கவும்.

இவ்வாறு செய்கையில், நமக்கு கீழுள்ளவாறு கிளைவாரியாக சப்டோட்டல் கிடைக்கிறது.
இதே போன்று தேதி வாரியாகவும் கணக்கிடலாம். ஆனால், இதில் முக்கியமான ஒன்று நாம் எந்த columnன் வாரியாக சப்டோட்டல் வேண்டுமோ, அதன்படி முதலில் sort செய்து கொள்ள வேண்டும். மேலும், Sumற்கு பதிலாக Count, Average, Min, Max, Average மற்றும் பல Functionகளையும் பயன்படுத்தலாம்.

PowerPoint – Essentials

2009-06-17T16:47:00.004+05:30

மைக்ரோசாப்ட் ஆபீஸ் தொகுப்பை நாம கத்துக்கும் போது நமக்கு மிகவும் பிடிச்சது பவர்பாயிண்ட் தான். ஏன்னு நான் சொல்ல தேவையில்லை. அதுல இருக்குற அனிமேசன் தான்.

ஆனா ஒரு Professional Presentation தயாரிக்கும் போது எதையெல்லாம் நாம் பின்பற்றலாம்? என்னவெல்லாம் செய்யலாம், என்னவெல்லாம் செய்ய கூடாது. இதப்பத்தி இங்க பார்க்கலாம்.

முதல்ல Presentation எங்க செய்யப்போறீங்க-னு பாருங்க. சில பேர் projector-ல பண்ணுவாங்க, சில பேர் monitor-ல பண்ணுவாங்க.
Projector பயன்படுத்தும் போது, அறையின் வெளிச்சம், பார்வையாளர்களின் எண்ணிக்கை – இதையெல்லாம் பார்க்கணும்.
Template – அனைத்து Slideலேயும் ஒரே மாதிரி நிறம், எழுத்துரு, Bullets பயன்படுத்த Presentation சிறப்பாக அமையும்.
முடிந்த வரை நீங்களாக ஒரு Template தயார் செய்து கொள்வது நல்லது. கார்ப்பரேட் கம்பெனிகளில் அவர்களே தனியாக வச்சிருப்பாங்க.
கம்பெனியின் லோகோ பார்க்கும் படியான அளவாக இருந்தா பரவாயில்லை. Watermark ஆக slide background-ல் பயன்படுத்த வேண்டாம்.
அனிமேசன், slide transition – தவிர்ப்பது நலம்.
Background முடிந்த வரை வெள்ளை நிறம் பயன்படுத்தவும். வானவில் கலரெல்லாம் வேண்டாம்.
ஒரு தகவலை பத்தி பத்தியாக விவரிப்பதை விட Bullets உடன் ஒவ்வொரு வரியாக விவரிக்கலாம்.
எண்களை Tables பயன்படுத்தி விளக்குவதை விட, வரைபடங்கள் (Charts) பயன்படுத்தலாம்.
வரைபடங்களை பவர்பாயிண்டிலேயே தயார் செய்ய வேண்டும். இது கோப்பின் அளவைக் குறைக்கும். எக்சல்லில் தயார் செய்து அப்படியே Embedded Object ஆக ஒட்ட கூடாது. வேண்டுமானால் எக்சல்லில் தயார் செய்து அதை Import செய்து கொள்ளலாம்.
எக்சல்லில் தயார் செய்து Picture ஆக ஒட்டலாம். ஆனால் இதை எடிட் செய்ய முடியாது. இதனையும் தவிர்ப்பது நலம்.
வரைபடஙகளில் ஒவ்வொரு Series ம் வேறுபடுத்தி காட்ட நல்ல நிற வேற்றுமை உள்ள நிறங்களை பயன்படுத்தனும். (உதாரணத்திற்கு கருப்பையும், பிரௌன் நிறத்தையும் பயன்படுத்தினால் Projector ல் இரண்டுமே ஒன்றாக தான் தெரியும்.)
அனைத்து Slide-லேயும் ஒரே எழுத்துரு (Font) பயன்படுத்தனும்
ஒரு Slide-ல் ஒரே அளவுடைய எழுத்துரு (Font) மட்டுமே பயன்படுத்தனும்.
இது அனைவராலும் படிக்கும் அளவிற்கு ஓரளவு பெரியதாக இருக்கனும்.
ஆபீஸ் 2003 மற்றும் அதற்கு முந்தைய பதிப்புகளில் Organization Chart பயன்படுத்தாமல், Auto shapes பயன்படுத்தலாம். இதை ஒழுங்குபடுத்துவது எளிது.
கட்டாயமாக Slide எண் கொடுக்க வேண்டும்.
முடிந்தவரை ஏற்கனவே உள்ள Slide Layout பயன்படுத்தலாம். இதனால் மீண்டும் மீண்டும் Format செய்ய தேவையிருக்காது.
தேவையான இடங்களின் படங்களை இணைக்கலாம். ஆனால் இது எழுத்தின் மேல் overlap ஆகக் கூடாது.
முடிந்த வரை Present செய்யும் முன்பு நீங்களாக ஒரு முறை ஒத்திகை பார்ப்பது மேலும் சிறப்பாக அமையும்.

Excel - Paste Special

2009-06-05T16:49:00.008+05:30

கணினில நம்ம எல்லோருக்கும் பொதுவா தெரிஞ்ச விஷயம் காப்பி, பேஸ்ட். இத யார் கண்டுபிடிச்சாங்களோ தெரியாது. ஆனா இது இல்லையினா இன்னைக்கு கணினியோட பயன்பாடே தெரியாம போயிருக்கும்.

சரி நம்ம விஷயத்துக்கு வருவோம். காப்பி பேஸ்ட் செய்ய சுருக்குவிசை எல்லோருக்கும் தெரியும்னு நினைக்கிறேன். என்னாடா சுருக்கு விசைங்கிறானேனு சொல்ல கூடாது. அது தான் Shortcut Key. இருந்தாலும் இன்னொரு தடவ சொல்லிடறேன் Copy - Ctrl+C, Paste - Ctrl+V.

இப்போ நாம புதுசா தெரிஞ்சிக்கப்போறது பேஸ்ட் ஸ்பெசல். இது எங்க இருக்குன்னா Edit - Paste Special அல்லது ஒரு Cellஐ Right Click செஞ்சாவே வரும். (ஆனா அதுக்கு முன்னாடி எதையாவது காப்பி பண்ணனும்)

பேஸ்ட் ஸ்பெசல்ல என்ன என்ன இருக்குனு பார்ப்போம்

(அ). ரேடியோ பட்டன்ஸ் - Patse

1. All
2. Formulas
3. Values
4. Formats
5. Comments
6 Validation
7. All using Source theme
8. All except borders
9 Column widths
10. Formulas and Number Formats
11. Values and Number Formats

(ஆ). ரேடியோ பட்டன்ஸ் - Operation

12. None
13. Add
14. Subtract
15. Multiply
16. Divide

(இ) செக் பாக்ஸ்
17. Skip blanks
18. Transpose

சரி ஒவ்வொன்னா பார்ப்போம்.

1. All
இதுக்கும் சாதாரண பேஸ்ட்டுக்கு ஒன்னுமே வித்தியாசம் இல்ல.

2. Formulas
ஒரு இடத்தில இருக்குற Formula வ மட்டும் இன்னோரு இடத்துக்கு காப்பி பண்ணலாம்.

3. Values
இது மேல இருக்குறத்துக்கு அப்படியே எதிர். Formula வா இருக்குற cell ஐ Values ஆ பேஸ்ட் பண்ணலாம். ஏற்கனவே Format பண்ணியிருந்தால் சாதாரண (Default) formatக்கு மாத்திவிடும்.

4. Formats
Format அ மட்டும் காப்பி பண்ணிட்டு மத்த Values ஐ காப்பி பண்ணாம விட பயன்படுது.

5. Comments
ஒரு செல்லில இருக்கிற Comments ஐ மட்டும் வேற ஒரு செல்லுக்கு காப்பி செய்ய பயன்படுது

6 Validation
மேல இருக்றது மாதிரியே தான். ஒரு செல்லில இருக்கிற Validation ஐ மட்டும் வேற ஒரு செல்லுக்கு காப்பி செய்ய பயன்படுது. யாரும் Validationன்னா என்னனு கேக்க கூடாது. (தெரியாதவர்களுக்கு தனியாக ஒரு பதிப்பு போட்டுட்டா போச்சு - கொஞ்சம் வெயிட் பண்ணுங்க)

7. All using Source theme
ஆபீஸ் தொகுப்பு 2007ல் புதுசா சேத்துருக்காங்க. Table Format ஐ Theme உடன் சேர்த்து காப்பி பண்ண பயன்படுது

8. All except borders
Border ஐ தவிர்த்து எல்லாத்தையும் பேஸ்ட் பண்ணலாம்

9 Column widths
இத கொஞ்சம் விளக்குறது கஷ்டம் தான். ஒரு ஷீட்ல இருக்குற Tableஐ ஏற்கனவே Format பண்ணி இருப்பீங்க. இன்னோரு ஷீட்ல இருக்குற value ஐயும் அதே மாதிரி Format பண்ணும் போது ஒவ்வொரு columnமும் வெவ்வேறான சைசில் இருக்கும். அதே சைசை அப்படியே காப்பி பண்ண பயன்படுது. (யப்பா இப்பவே கண்ண கட்டுதே!)

10. Formulas and Number Formats
வரிசை எண் 2 ஐயும் 4ஐயும் ஒரே சமயத்தில் செய்ய பயன்படுது

11. Values and Number Formats
வரிசை எண் 3 ஐயும் 4ஐயும் ஒரே சமயத்தில் செய்ய பயன்படுது.

இந்த 11ல ஏதாவது ஒன்றை மட்டும் தான் ஒரு சமயத்தில் செய்ய முடியும்.

12. None
ஒன்னுமே செய்யாதங்கறது தான் இது.

13. Add
உதாரணத்துக்கு A1 முதல் A10 வரையில இருக்குற ஒவ்வொரு செல்லோடயும் 100 ஐ கூட்டனும்னு வைங்க, ஏதோ ஒரு செல்லுல 100 டைப் பண்ணிட்டு அத காப்பி பண்ணி A1 முதல் A10 வரை செலக்ட் பண்ணி பேஸ்ட் ஸ்பெசல்ல போய் Add கொடுத்தா எல்லா செல்லுலயும் 100 கூடி இருக்கும்.

14. Subtract
மேல சொன்ன மாதிரியே கழிக்க பயன்படுது.

15. Multiply
இது பெருக்க

16. Divide
இது வகுக்க

வரிசை எண் 1 முதல் 11 வரை இருக்குறதுல ஏதாவது செலக்ட் செய்துட்டு, பிறகு வரிசை எண் 12 ல இருந்து 16 வரையிலயும் எத வேணாலும் செலக்ட் செய்யலாம். அதாவது வரிசை எண் 1 முதல் 11 வரை இருக்கறதுல ஒன்னையும் வரிசை எண் 12 ல இருந்து 16 வரை இருக்கிறதுல ஒன்னையும் ஒரே சமயத்தில செய்யலாம்.

17. Skip blanks
உதாரணத்துக்கு A1 முதல் A10 வரையில இருக்குற செல்லுல சில வேல்யூ இருக்குனு வைங்க. அதே மாதிரி B1 முதல் B10 வரையிலயும் இருக்குற செல்லுல சில வேல்யூ இருக்குனு வைங்க. ஆனா B1 முதல் B10 வரை சில செல் (Cell) Blankஆ இருக்கு(உதாரணத்துக்கு B8) . இப்போ எனக்கு B1 முதல் B10ல இருக்குறத A1 முதல் A10 ல் பேஸ்ட் பண்ணனும். ஆனா B8- Blankஆ இருக்குறதுனால A8 ல முன்பு இருந்து வேல்யூவ அப்படியே விடனும்.

இப்போ B1 முதல் B10 ஐ காப்பி செய்து A1ல வைச்சு பேஸ்ட் ஸ்பெசல் - Skip blanks செஞ்சா A8 ஐ தவிர மற்ற எல்லாம் மாறிவிடும்.

18. Transpose
நமக்கு சில நேரம் Rowல இருக்குறத Column ஆகவும் Columnல இருக்குறத Row ஆகவும் மாற்ற வேண்டி வரும். தேவையான வேல்யூவை காப்பி செஞ்சுட்டு வேற ஒரு செல்லுல கர்சரை வைச்சுட்டு பேஸ்ட் ஸ்பெசல் - Transpose பண்ணினா Row, Column ஆக மாறிடும். இதே மாதிரி Columnஐ Row ஆக மாத்தலாம்.

என்னதான் சொன்னாலும் நேரில பார்த்தா நல்லா புரியும்னு நினைக்கிறேன். கீழே இருக்குற வீடியோவ பாருங்க.

வீடியோவில வலது பக்கம் கீழே உள்ள கட்டத்தை click செய்து Full Screenல பார்க்கலாம்.

Excel - Remove Duplicate Rows

2009-05-31T01:03:00.007+05:30

நாம் எக்செல்லில் பலவிதமான Dataவை கையாள வேண்டியுள்ளது. சில நேரங்களில் ஒரே Data திரும்ப திரும்ப வரும் வாய்ப்புள்ளது. இவ்வாறு திரும்ப வரும் Duplicate Dataவை நீக்க ஒவ்வொரு வரி (Row) ஆக தேடி டெலிட் செய்வது மிகவும் கடினம். இவ்வாறு Duplicate Dataவை நீக்க எக்செல் 2007 இரண்டு விதமான வழிகளைக் கொண்டுள்ளது.

1. ரிமூவ் டூப்ளிகெட் (Remove Duplicates)
இது மிகவும் சுலபமான வழி ஆகும். முதலில் தேவையான நிரலை (Column) தேர்வு செய்து பின் Data டேபிற்கு சென்று பின் ரிமூவ் டூப்ளிகெட் தேர்வு செய்து ஓகே கொடுக்கவும்.
2. அட்வான்ஸ்டு பில்டர் (Advanced Filter)
இவ்வசதி எக்சல் 2007ற்கு முந்தைய பதிப்புகளிலும் உள்ளது. முதலில் நிரலை தேர்வு செய்து பின் Data → Filter → Advanced Filter தேர்வு செய்யவும். பின் Unique Records தேர்வு செய்து ஓகே கொடுக்கவும்.
இதனைப்பற்றி தெளிவாக விளக்க கீழே வீடியோ இணைக்கப்பட்டுள்ளது.

எக்செல்லில் தேவையான Table தவிர மற்ற இடங்களில் Border தேவையில்லையெனில் Tools → Options → View → Gridlinesஐ Uncheck செய்யவும்.

Word - An Introduction

2009-05-30T08:13:00.007+05:30

மைக்ரோசாப்ட் வேர்டு - மற்றவர்களுக்கு எப்படியோ, நான் முதலில் கணினி கற்றுக்கொள்ளும் போது எம் எஸ் பெயிண்டிற்கு அடுத்தபடியாக கற்றுக்கொண்டது வேர்டைத்தான். ஆனால் அதை எப்படி சரிவர பயன்படுத்துவது என்பது இன்னும் எனக்கு சிதம்பர ரகசியம் தான்.

வேர்டை பயன்படுத்தும் போது சில விதிகளை நாம் முதலில் பின்பற்ற வேண்டும்.

எக்காரணத்தைக் கொண்டும் தேவையில்லாமல் வார்த்தைகளுக்கு இடையிலேயும் சரி, வரிகளுக்கு இடையிலேயும் சரி தேவையற்ற இடைவெளி (Space) விடக்கூடாது.
வார்த்தைகளுக்கு இடையே இடைவெளி விடுவதை தடுக்க டேப் (Tab) அல்லது டேபிள் (Table) பயன்படுத்தலாம்.
வரிகளுக்கு இடையே இடைவெளி விட வரி இடைவெளியினை (Line Space) அல்லது பத்தி இடைவெயினையும் (Paragraph Space) பயன்படுத்தலாம்.
முடிந்தவரை Stylesஐ பயன்படுத்தி பழகுவது நல்லது. இது Format செய்யும் நேரத்தினை பெருமளவு குறைக்கும்.

முன்பே தயார் செய்யப்பட்ட ஒரு வேர்டு கோப்பை எடுத்துக்கொள்ளுங்கள். இப்போது Ctrl + Shift + 8 (முதல் வரியில் உள்ள 8) அழுத்தவும்.

¶ குறி பத்தி முடிவையும் ∙ குறி வார்த்தைகளுக்கு இடையில் எவ்வளவு இடைவெளி (Space) உள்ளது என்பதையும் → குறி Tab இடைவெளியையும் குறிக்கும். எவ்விடத்திலேயும் இரண்டு ¶ குறிகளோ அல்லது → குறிகளோ வராமல் பார்த்துக்கொள்ளலாம்.

உதாரணத்திற்கு கீழே உள்ள படத்தை எடுத்துக்கொள்ளலாம். இது பார்ப்பதற்கு சரியாக இருப்பதைப் போலவே இருக்கிறது.

ஆனால் மேற்சொன்னபடி Paragraph Mark உடன் பார்க்கையில் கீழுள்ளவாறு தெரிகிறது.
இதனையே சரியாக Tabs அல்லது Table கொண்டு மாற்றி வடிவமைக்கையில் கீழுள்ளவாறு மாறுகிறது.

இவ்வாறு மாற்றி Format செய்யும் போது நேரமும் வீணாவதில்லை, மாறாக Format செய்வதும் சுலபமாகிறது.

(தொடரும்)

சுலபமாக வேர்டில் Table இணைக்க + குறியை பயன்படுத்தலாம். உதாரணமாக 5 நிரல் உள்ள Table இணைக்க +++++-+ டைப் செய்து எண்டர் தட்டவும். முதலில் உள்ள + குறிகள் எத்தனை நிரல்கள் வேண்டும் என்பதை குறிக்கிறது. நீளமான நிரல் வேண்டுமெனில் அதிகமான - குறிகளை இணைக்க வேண்டும். உதாரணமாக +++-------------+++ இதில் 5 நிரல் உள்ள Tableல் மூன்றாவது நிரல் அகலமாக இருக்கும்.