ليه كده بس يا مصر

هو مستاء

2016-01-08T21:00:00.002-08:00

"استغفر الله استغفر الله استغفر الله

استغفر الله العظيم على ما بدا مني"

هكذا يدندن ثم يلعن ويسب ثم يتذكر ويصفق ويهتف بكل ما أوتي من قوة " ** ام مصر"

يتذكر ولا يفعل سوى التذكر ضرباته مؤلمة تلك التي كان يستقبلها ولكنها كانت وألمها لا يزال لا يزول .. فهل تعلم ؟؟

يرى أن الآلام تتفاقم وهو لا يتعلم كيف يتجنب مسبباتها

"أنتي ملاك!! كلا بل والله أنتي أحلى" هكذا حلف

"تسلم عيونك الحلوة" هكذا أجابت بتنطيط يمينا تارة ويسارا تارة ووجه يملؤه الحياء و"الأسى"

"متكلمهاش تاني لحد ما يكون في نصيب" هكذا اقترحت عليه امها

"متهونش علي" أجاب بدون تفكير فهو يعلم كيف يُكسر قلب المرأة -بالفراق- وهي حتما لا تستحق ان يُسحق فؤادها الصغير

"بحبك يا جزمة" يهتف مشتاقا وكله لوعة

تنظر بحياء وفرحة ومزيج من التحفظ من لفظة الحب والجزمة

يستدرج "يا أحلى جزمة ف الوجود"

تنصهر بين يديه

تتلامس يداهما شغفا تتلامس فلا يتحدثان هما فقط يسيران طيلة اربع ساعات من حنوهِ عليها وحياؤها منه وشوقها له .. يوصلها فتذهب .. تتفاجئ به يكلم أمها ويطلب كفها من أبيها يتفاجئ بالرفض بدون أسباب

يصدم

يتذكر كيف قال لصاحبه لا تحزن ان ذهبت لطلب اليد فرفضوك "ابوها لابو اللي خلفوها يا جدع"

"ينعل ابو اللي ميقدركش"

"حتتقدم تاني أ*ـه فين كرامتك"

يذوب وتتجزا مبادئه .. هي بدونه مكسورة مسحوقة لا محالة

يجد في الفلسفة دار وإيواءا فيتساءل عن تلك العقليات في المجتمع التي :

1- تقدر الفتى الكسيب الشقيان ذاك الذي بنى نفسه من الصفر حتى أصبح من ذوي الاملاك -شقة كانت او قصرا- ثم يتقدم للخطبه فيرفضوه

2-تؤمن بانه الفتى المتدين الخلوق الذي ان ملك قوت يومه زوجوه ابنتهم لدينه وحين يأتي يسخروا منه

3-تجدهم من سكان العشوائيات وحين تتقدم ولك شقة في عشوائيات انضف يسخروا مما تملك لأن بنظرتهم الكومباوند-المنطقة المنظمة في قلب العشوائيات او الصحراء- هو الذي يليق بمقام كريمتهم -حبيبته- المكلومة

4-تقدر ان الشبكة قيمة العريس وهي التي من قيمة العروس ونسوا او تناسوا ان قيمة الآدمي ابدا لن تقدر بمال

هو محروق عليها ومكلوم فؤاده بها .. هو يبكي كل ليلة وهي تحدثه .. هو مستاء وقليل الحيلة بالحلال .. هو مريض وهي دواءه .. هي مخدراته التي ادمنها .. هو يحبها ولم يجد سوى ان يحدث نفسه بها الا سبيل التفريج عما بداخله

نهاية البداية

2015-06-27T15:51:00.001-07:00

جميلة هي مصر لو لم تنجب سواها
جميله هي وجميلة رائحتها
جميلة هي وحلوة مرارتها
رقيقة كما لو كانت مثل زهرة الفل
ولا احب ان اقول لسواها يا ست الكل
يقود سيارة ليست ملكه ويقطع ال250 كيلو ولا يرى إلاّها

ايه يا طاوي الربى بالبيدِ .. هل لمسارك في الدجى من معيدِ
الطريق الطويل هدّم جانبيك .. وعدو الهوى وشدو القصيدِ
سفرٌ شاسعٌ كأن مداهُ .. رحلة الفكر في الفضاء البعيدِ
فكتبت هواها سطورا سطورا .. هائماتٍ شجية الترديدِ
وحمَلتُ الشقاءَ جرحا فجرحا .. فقوافيكَ داميات النشبدِ
هل تذكرتِ والزمانُ غريرٌ .. وحواشيكِ يانعاتُ البرودِ
والمُنى تذرع الصب بين نهدٍ .. مشرئبٍ وناعمٍ أملودِ
طارحتني الهوى فسرنا وئيدًا .. وأندفاع الشباب غيرُ وئيدِ
برعمٌ هزّ برعما وتلاقى .. غزلُ الشوقِ بين خصرٍ وجيدِ
إيهٍ يا فُلّتي سرحتي إلى الغيب .. إلى مهمه الضلالِ البعيدِ
حيثما الناس ثعلبٌ عند أفعى .. عند ذئبٍ في زي خلٍّّ ودودِ
جائته وحياته تظما للخصبِ .. فأحييت ذابلاتُ ورودِهْ
في سكونٍ من الصدى وخفوتِ .. أيقظتني تهز أوتار عودي
تسأل الحواديت ما بها لا تشدو .. والهوى ماله حبيس الجمودِ
ربَّ ماضٍ يعانقه القيدُ .. فيحيا على عناق القيودِ
فسلامٌ على شفتيك وقعها الشجو .. فأصغى إليكِ سمع الوجودِ

يدندن شعرا لها ويشم رائحتها على يده اليسرى كلها وعلى ظهر يده اليمنى .. يلعن مقود السيارة الذي اضاع رائحتها من بطن يده اليمنى.
يتذكرها وهي تطلب منه بصوتها الوهن الرقيق أغمض عينيك فأغمضها فقبلته قبلة النهاية .. نهاية مرحلة البداية .. مرحلة الشد والجذب والمتناع وتكذيب القلب .. لا يمكن لقبلة نهاية ان تكون بتلك الحلاوة .. لم يفتح فمه .. لم يتسحر .. صعب على امه حالته فوضعت له الكنافة والمانجو مجمد في شنطة رحيله لصحراء مصر المديدة .. صيامه صيام عن ما سيضيع طعم شفتيها عن تحت شفتيه .. لا يمكن لهذه القبلة ابدا ان تكون نهايه.

مسك يدها وكانت عيناها ادمت دموعا وعيناه اغروقتا به .. كتم دموعا كانت ستريحه ولكن كيف يبكي وهو رجل .. ولو علمت النساء ما في دموع الرجال لقتلن .. "وإنها والله لشديدة" .. مسك يدها وحاول ان يقبلها وداعا .. فقبلها حبًا ورجاءًا وعشقا وحرارة وكل جميل يقرب ولم تستطع القبلة ان تخرج ابدا للوداع .. هي زهيرة قلبه وسبب خلقه .. هي الجميله في عينيه .. الملاك في أذنيه .. الفلّة في أذنيه .. الحرير في يديه .. والفراولة في شفتيه .

حاولت مرارا ان تظهر صبارها وتوتها البري المر ونست ان انسه في الصحراء وان تلك النباتات هي ونيسته .. كم يحب عيناها الضيقتين كعين الثعلب ويحبها وهي تصيح اكرهك كغزالٍ يهرب من الوقع في الصيد.

الليلة يجزم ان نهاية البداية سطروها بقبلة البداية .. وقد صللى لربه ركعتي شكر على تلك القبلة .. الله يعلم نيته فاتركوه لحاله ولا تكفروه .. فهي فلسفته وفيزيائه .. بقبلتها امتصت رياحيق حياته فدبت فيها طاقته للحياه ..

فاللهم لا تحرمها الحياه وافق قبر لا ترى منتهاه وظل يوم لا فيه إلا ظلّ الله وجناتِ خلد معه ومع من أحباه :)

فلذة كبدي وزهيرة قلبي

2013-10-23T11:37:00.003-07:00

معنى فلذة الكبد

نقول فلذة كبدي فما معنى فلذة؟
فلذ: فَلَذ له من الـمال يَفْلِذُ فَلْذا: أَعطاه منه دَفعَة، وقـيل: قطع له منه، وقـيل: هو العطاء بلا تأْخير ولا عِدَةٍ، وقـيل: هو أَن يكثر له من العطاء
==================================================
كان الموج يأرجحه في تلك المركب الصغيرة الشبه فانية .. في غرفة المحرك حيث نزل يعاينها اول مرة رأى بوضوح ذاك الشرخ العميق في قاع بدنها ورأى جيدا كيف تسرب المياء بداخل بدن المركب ولكنه لم يرد أن يكبر الموضوع فقد تغاضى صاحبها عن هذا العيب حين وضع بداخلها موتور يسحب المياه من من باطنها للضغط الصفري عند سطح البحر ، جلس قليلا حتى اطمئن إلى ان نسبة الداخل ليست عظيمة الى ما هو خارج منها فصعد على سطحها .
كانت قد بدأت بالمسير وكانت رياح اليوم ليست عاتيه كان سعيدا فهي لم تبرح ذهنه قط كان يكلمها خفية دون ان يشعر به البحارة الطامعين في رزق وفير وأسماك الكبريت والمرجان .
تتأرجح المركب شيئا فشيئا وتزداد تحركاتها فيرى نفسه يشعر بدوارها .. يكذب نفسه ويقول أنا ؟؟ فلم يلبث البحر ان أتى بموجه عالية رقيقة حملت المركب والقتها على سطحه مرة اخرى بهدوء فزاد عليه الدوار .
اخرج بوصته وأخذ يلقم البرغوث في الصنار فإذا بالموج يتدافع ويتدافع وإذا به يخرج اطعمة كانت في بطنه منذ سويعات .. ثم رويدا رويدا تكرر نفس الشيئ ثانيا وثالثا ورابعا ثم قرر ان يلقي بعدته جانبا ويفرغ فقط في تذكرها هي وحدها فهي كما يظنها دواؤه من أي داء فهي نسمة سارت في الأجواء تحنو وتهون على المكدود وهي في القليل من الماء الحلو تقبل شفتاه بودود وهي تلك الشيمة التي يريح عليها رأسه وهي عنده أساس كل رائع بالوجود.
ينظر للسما ولشمسها التي تربعت كبدها ويتمتم قائلا:
ولقد ذكرتك والشمس في كبد ... السما وصناري يقطر من دمي
فوددت تقبيل الصنار ولكنـــــــــــه ... كان زفرًا من السمك الغُــزَيّـــــلِ
رآها سمعته وضحكت وتقبلت اسلوبه الزفر السيئ في مداعبتها هي بنت الأكابر تربية السرايات تجده مختلفًا صادقًا وهو فقط يحبها ويحنو عليها.

تذكر انه ليس وحده على المركب وانها ليست معه وان كل من معه هم بحاره ووجد يده تتحرك لموضع كبده وهو لا يعلم ان هذا موقع الكبد هو فقط جزء يؤلمه ، أخذت تتخافت الأضواء رويدا رويدا اصابه الإعياء وذكراها تؤلمه أكثر وأكثر أظلمت دنياه وراح وهي فقط ظلت واقفة بشعرها الذهبي وعينيها التركواز ، أعطته الوجه الحجري حز ذاك في كبده فابتسمت وجلست معه تحنو عليه بيديها وتداعب شعره الطويل وتقرأ له من القرآن والتعويذات ، كان سعيدا حتى انه حين فاق من سكرته قام كأن لم يكن شيئا وأكل وشرب ويكأن شيئا لم يكن ولم يلقي بالا كما كان فيما مضى لتأرجح المركب او لدوار البحر ، اصطاد وفرح وكان يسمي الأسماك الجميلة على اسمها وكان يود لو أنه يعيد بعضها للماء ولكنه فضل أن تفارق الحياه كي يهون عليها ألم الصنار .
ما إن عاد لبيته حتى اخذته الحماسة كي يشطب ما يمكن تشطيبه في شقتهما كي يعجل بميعاد زيارته الرسمية لها فأحس ألمًا في كبده فترك عمله وذهب لينام .. فقط نام يوم السبت صباحا وصحى يوم ألاربعاء دون أن يذكر ماذا حدث فقط قالوا له انك كنت تتمتم بعبارات غير مفهومه وكنا نضع لك الكمادات . ذهب وتركهم أمطرت السماء عليه بنعومة وجد نفسه شديد التعرق فتذكرها حين كانت تداعبه وتقول " ريحة عرقك حلوة ، قلبك فيه زهرة بتدي عبقها للدم والدم بيوزعها على جسمك " فابتسم واخبرها انها ليست زهرة ولكنها زهيرة وانها هي "زهيرة قلبه" طارت فرحا وسذاجةً بهذا التشبيه وكادت قدماها لا تلامس أرضنا .. هي معجزة خلقها الله في أرضه او قد لا تكون ولكنها هي في ذهنه بهذه الصورة الجميلة.
اصابه الاعياء وارهقه العرق والمطر نظر فوجد مشفى ذهب وجلس على سرير المرضى أتاه الطبيب يسأله لم يجب هو فقط قال " حاسسني عجّزت " ابتسم الطبيب ونظر لعرقه أتت الممرضه بمناديل ومسحتها عنه طلب تحاليل مستعجلة ومع اول تحليل اخبره بأن "زهيرة قلبه" ماتت في فؤاده من سم كبده ، وها هو تغير لونه للأصفر واتقدت في حواسه كلها اعراض مرضه بكل ما اتاه الله من قوة هرب من المشفى تاركا اوراقه بداخلها وهرب للبحر حبوا حبوا لا يوجد احد في الشارع سواه هو ينتظرها هي وحدها ولكنها لن تأتي قط .
رحلت زهيرة قلبك يا ولدي وعليك ان تعترف بذلك كانت لك حياة وزهيرةٌ بقلبك تحيا اما الآن فأنت تعيش قد تكون معيشة قذرة او حلوة او سعيدة ولكنها أبدا لن تكون حياه.
فقد عرفت الحياة في حياتها وحتى وصف ابن خالد توفيق لن يكن دقيقا هذه ابدا او مناسبا لك حين تنشد اشعاره وتقول " من دونك لن ازعم ابدا اني لن احيى من دونك " فالوصف الصحيح هو " من دونك ان أوقن دوما أني لا أحيى من دونك " هي رحلت واصبحت حياتي مجرد عيشة وكبدي قطعته لك أنتي عن طيب خاطر وانا اعلم اني الان في لياليّ الأخيرة لعمري ، فلعمرك ادعِ لي الله ان يعجل بمقتلي في سبيله وأن يجمعني بك . #نون

مصر البيض وشم الفسيخ "الجزء الثاني"

2013-02-14T07:16:00.002-08:00

متخافش الجزء الثاني مش مرتبط بالجزء الأولاني

دينا بنت جميلة باباها جابلها مزرعة على كذا الف فدان وسماها على اسمها .. دينا سابت المزرعة كلها وراحت جابت ديك وفرخة وسمتهم حنفيه وحنفي "على الترتيب "
الفرخة باضت بيضة دينا خدت البيضة وقررت ترقد عليها .. المشكلة مش ف دينا
المشكلة دلوقتي ف الكتكوت اللي حران جوه البيضة ومش عارف يكسرها ..

الصفار تحول لكتكوت بس قشرة البيضة لسه تخينة ومتينة والكتكوت مش قادر يكسرها
الكتكوت حاول مرة واتنين وعشرة لحد ما اتبضن " ارجوك متفهمنيش غلط "
التبضن على وزن التصبن على وزن التفعل وهو يعني انه من كتر ما الكتكوت اتخنق تحول ورجع لأصله بيضه ومن هنا ظهرت كلمة التبضن "البيضان"

هي والمحال

2012-03-14T02:04:00.000-07:00

كل عام وهي بجنة ..
أشتقت لكل صورك
نسيت أغانيكي
وبقيتي أنتي في قلبي
وفشلت كل المتنازعات
انتصرتي أنتي وحدك
وملكتي قلبي .. وتركتيني
وحين اراك بعد طول غياب
كنت أفكر فيكي
جذبتني قدمي لـ مِحال خلفية
وكنت أردت أن أبحث عنكي
عند الشاطئ
أتأمل ضرب الموج لصخرٍ
آملةً منه ارتباطِ
فكان الرد بالـ مُحال
فيأبى الصخر زن البحر
ويعيش وحيدا طول العمر
متأملا في مَحال الرمل , والكورنيش
فلا يأس البحر!
و آسى الصخرُ والذي قساهُ

أحييتي ذابلاتِ ورودي
وانبتي في جدباء روحي .. مسك الليل
بكل ليلة يعبق برائحتك
تداعب أنفي وتزكي نارا بقلبي
كنت أردت أن اطمئن على الريحانة
وعلى وردةٍ بلغت من العمر سنين
سوف اهديها لك في كتاب قديم
كنت أردت أن أخطف بسمة
ولكني قابلت مللا دحرني
وموجا كسرني
ونظرة يأس مني ألجمتني
كنت أود أن أجري واجثوا عند قدميكي
نعم هذا أنا من تحسبيه شرير
أنه بالرغم من كل معاكساتي
وبالرغم من كل ظنونك
إلا أنني لن أضم سوى فؤددك النقي الصغير
كلهم ذاهب وأنتِ باقية تملي فراغ قلبي
ومحيطي
أنتي يا من انتظرك منذ امد بعيد

يا نورا سيملأني ودفئا سيبقيني

يا #نون

طلاسم

2012-02-15T22:00:00.000-08:00

طلاسم هي الحياة

قامت فنظرت فضحكت فمالت أعجبني ذلك التناقد الغريب – أو قل استعجبني – ما بين زيها العربي وملامحها شديدة الرقة ولكنتها الغربية في نطق انجليزيتها , ان اغممت عينيك وسمعتها اقسمت انك تستمع إلى واحدة من شرق الولايات المتحدة الأمريكية هداها الله

هي جميلة بكل ما تحمله الكلمة من معنى!

هي رائعة .. هي..

هي دخلت قلبي .. لطالما أحببت التناقض

اختفت .. لم اعلم اسمها او .. او اي شيئ عنها فقط بعض كلمات قالتها هي لي ظللت ترن في مسامعي ثم اختفت.

مرت سنون ووجدتها لم أصدقني صحت من فؤددي كل شيئ يحدث لسبب .. فقط اتبع قلبك.. اخبرتها أني أحب الصراحة وأني أكره الكذب وأني لا أعبأ بماضٍ لها .. فقط أحاسبها على ما هو جديد .. لم اخبرها بأني أحبها فقد كنت منتظرا من أن تمر على فلتر عقلي ..

اخبرتني بماضيها وقد كان بحق مؤلم .. احترمتها واحترمتني حين احترمتها .. لقد صارحتني وهذا كافٍ بالنسبة إلي.

اخبرتها إني لن أسمح بالكذب .. ولكنها كذبت وصممت على كذبتها وكنت متأكد من أنها تكذب كنت متأكد تمام التأكد ولم تساورني ذرة شك .. اخبرتها فانكرت اخبرتها فتعجبت كانت تكذب قالت أن الحاسوب المحمول قد اصابه بطئ قالت انه هنج ولكنه لم يهنج وأنا اعلم هذا .. نعم هذا تافه ولكنه ترتب عليه شيئ كبير ... ف .. فــــكذبة.

سامحتها في كل شيئ وحاولت أن اتجاوز عن هذه الكذبة فلم استطع .. يا الله كيف قسى قلبي بهذه الطريقة .. يا مقلب القلوب .. تذكرت أن القلب ما سمي بالقلبِ إلا لكثرة تقلبه.

حاولت أن أمررها من على فلتري فلم تمر لو انها مرت فهي دخلت الى قلبي ولكنها كذبت في اواخر ايامها في عقلي قبل مرورها على قلبي كذبت ولو أقسمت لي ما صدقتها لأن كل القرائن تؤكدلي أنها كذبت ..

سحقا .. لقد تحولت من ملاكٍ إلى فقط أمرأة تثيرني يا لحقارتي واجب عليا البعد عنها .. أمر واجب

ميشون ابورت .. كانسِليد

*تمت*

لا تحسبوه شرٌ لكم .. بل هو خير

2011-11-13T19:39:00.000-08:00

تظهر صورة نهر النيل يوم 28 يناير والثوار يقتلون في التحرير فنسأل لماذا ؟

تظهر علينا هناء وسيد ويقطعوا في فروة الثوار لماذا ؟

يظهر مبنى الحزب الواطي مشتعلا ويقول مذيع القناة الفضائية المصرية المحتلة اعمال تخريبية فنسال لماذا لا يقول اعمال اصلاحية؟

نظن به ان شخص محترم وهو الغامض المثير للتساؤلات ثم نجده نائبا لرئيس الظلم مدة 30 عاما "عمر سليمان " ف لماذا ؟

نجده يلقي بيان تخللي المخلوع عن سلطته بحزن فنسأل أحه لماذا ؟

نجد محسن الفنجري يطل علينا بطلعته البهية ويؤدي التحية للشهداء ثم يظهر مرة أخرى ويهدد الشرفاء بإصبعه فنصبعله ونقول لماذا ؟
يقسم بالله أنه حامي الثورة وقد رأى الجمال تهتك عرض ميدان التحرير ولم يحرك ساكنا فنهتف لماذا ؟
يقسم بالله أنه حامينا ثم نجده يقتل المسيحيين ويدهسهم بالمدرعات فيقول أنها مسروقة ونعلم أنه كذاب فنصرخ لماذا ؟
يقتل مينا دانيال لماذا ؟

يظهر طنطاوي في الشوارع مع جنوده يحمسهم لحماية وطنهم ثم نجده يخونه بالتباطؤ لاسباب كثيرة على رأسها حرق ملفات فساده هو ومجلسه الخرتجي فنقول انه كان من الممكن ان يكون بطلا لولا تباطؤه المتواطئ فلماذا ؟

نجد مفسي - عفوا - مفتي الديار المصرية يطل علينا بصوته الحزين السيس ويقول أنه ممكن متصليش يوم جمعة الغضب وهو عالم بفساد الحاكم وظلمه وعالم ان القرىن واضح فقد قال تعالى " ولا تركنوا إلى الذين ظلموا فتمسكم النار ومالكم من دون الله من أولياء ثم لا تنصرون " فنقول يا هذا لماذا؟

تظهر عفاف شعيب وهي المرسومة في ارؤسنا بهيئة اخت المناضل لكي تقول بيتزا وريش !! فنتسائل اي طفل هذا الذي يأكل الريش وهو ابن السنتين لا بد أنه يصنع واحدا في الخفاء والناس نيام ونصرخ لماذا ؟

يكذب طباخ الريس ويقول جنس جماعي ويحرض على قتل المتظاهريين بالدبابات أو باطلاق دانة واحدة وسط ميدان التحرير فلماذا؟
يخرج لنا المجلس الخرتجي البيان رقم 28 ويقول ويقسم أنه لا صحة لما تناشرته وسائل الاعلام بان المجلس سيطيل البقاء أكثر من الست شهور التي وعد بها وإذ فجأةً ينادي بانه باق الى 2013 فلمااااااذا ؟

نفتن بالدستور أولا أو الانتخابات اولا ويظهر من كل طرف ما يبين حقيقته ونواياه فنختلف لماذا؟

يؤجل الله نصر المصريين البسطاء ويترك النخبة تتكلم لماذا ؟؟؟؟؟

فقط

ليميز الله الخبيث من الطيب

هذه الثورة نجحت بعزل مبارك وقد قدر الله لها النجاح يوم أن ساعدنا في ايام 25 يناير 28 يناير ويوم الأربعاء الدامي .. غن لم يقدر الله لهذه الثورة النجاح لكان أفشلها من اول يومٍ خرجت فيه. فتفاءلوا يرحمكم الله. إن ما نحن فيه أنما هي حاجة يريد الله أن يظهرها وقد ظهرها وعلى راسها إظهار فساد المجلس العسكري وقد تم فاستعينوا بالصبر والصلاة والتوعية من بعد التوكل على الله.

واعلموا أن الله يميز الخبيث من الطيب

اللطيم

2011-11-13T09:59:00.000-08:00

ذهب ممسكا بيد والده ناظرا الى وجه امه من بعيد ونظر الى الذي مسك بيده وسأله : هو انت ليه سبت ماما ؟؟
نظر اليه والده عاطفا وأجابه بخبث : حتعرف لما تعيش معاها
كان ردا مقتضبا من الأب إلا انها كلمة اثرت في ولده تأثير الرياح المتربة بالصخرة الصماء تنحتها وتجرحها ولا يظهر عليها فهي من يراها يحسبها جامدة وهي تُجرح بفعل الرياح

ذهب الولد الى امه ارتمى بحضنها ذرفت أدمعا بللت بها شعر غلامها احتضنته ويكانها قطة وجدت وليدها التائه منها فأخذته بين اسنانها كي لا يضيع منها ثانية

ذهبا الى منزل والدته .. غرفته المنظمة مكتبه المنمق نظرة امه الحانية .. أخذ يتأملها .. كم هي جميلة أمي كم هي رقيقة كيف اتى لهذا الرجل قلب أن يطلقها .. ذهبت الى المطبخ فراغ إليها نظرت إليه وجد تحت عينيها سوادا حسبه كحل ثم ما لبث أن أدرك ان هذا من اثر البكاء والأرق .. سألها : وايه ف الدنيا اللي يخليكي تعيطي وتزعلي كده ؟
انفجرت هي بالبكاء المكتوم والدمع الذي لا تستطيع مقلتي عينيها الرقيقتين كبحه فاشاحت بوجهها عنه وتذكرت أن حبها لوليدها يعني ان تتركه يذهب مع أبيه كي يربيه وأنه لا يصح أبدا ما فعلته أن تلح على طليقها أن تضم ولدها الى حضانتها وهو لم يتجاوز العاشرة بعد .. فهي مريضة ومرضها قد يخلف لوليدها ألما شديدا

وما لبثت أن اشتدت عضلاتها وأحمر وجهها تتذكر أن ابنها خلفها تحاول السيطرة على نفسها تضييق بها رئتيها تشهق بقوة تريد أن تنظر إليه وتطمئنه ثم تتذكر كم هو شكلها مخيف الان وقد اصابتها نوبة الصرع يترامى الى مسامعها صوت ابنها الرقيق وهو متماسك بجأشه ويقول : مالك يا أمي ؟؟

تسقط هي ومعها الطبق وبه أكل وليدها من لحمة قد سهرت على طبخها فاليوم هو خامس ايام عيد الاضحى وكان ابنها قد طلب منها أكلا من يدها لأنه مل طبخ زوجة أبيه.

يحتضنها وهي ترتعش مرضا وخوفا عليه ويأسا منه ثم لا تلبث ان تدخل في حالة الاعياء وتغلق عينيها وتستسلم لها.

يهرع الولد الى التليفون يحدث أمها ترد بضجر وتقول يووووووووووووه تاني تلاقيها بس يا حبيبي اغم عليها متخافش انت بس وانا حتصل بيك كمان شوية اطمن عليها.. ده عادي هي بعد كل نوبة لازم تنام شوية سيبها ف مكانها بس اعدلها رقبتها ..

يذهب الولد الى المطبخ ينام بين حضن أمه .. يصحو ف اليوم التالي يجدها نائمة يعاود الاتصال بوالدتها تخبره ألا يخاف فهذا عادي .. يذهب الى الشرفة يتطلع منها ليجد بائع غزل البنات القديم يزمر وينادي ينزل كي يشتري لها واحدة فيقابل جاره القديم فيحكي له ما اسم مدرسته وأنه اصبح في الصف الرابع ويذكرون درس الصديق عند الشدة وكم هو شيق وجميل.

يبتسم ويعود الى شقته يدخل تذهب ابتسامته يذهب الى التليفون ويتصل بأمها كي يقول لها أن رائحة المنزل عفنة وانه منتظر على السلم

*تمت*
وللأسف حدثت بالفعل

مصر البيض وشم الفسيخ

2011-04-25T07:11:00.000-07:00

كان السماك أبو حابي هو المعاون الأول للبلاط الفرعوني في مصر وكان حابي يذهب معاه ليلعب مع منقاورع ابن خفرع وفي يوم من الايام أعطى حابي لمنقاورع سمكة بوريايه ففرح بها كثيرا وكان منقاورع ساديا فكان يعذب البوريايه حتى ماتت السمكة مبضونة وبكى منقاورع وقال لحابي عاوز سمكة تانية

أخذ حابي السمكة الطاهرة الشريفة وقال لأبيه انه يريد تكريم هذه الشهيدة لأنها ماتت مبضونة من منقاورع ابن فرعون مصر القديمة وكان ابو حابي محبا لمنقاورع يداعبه ويلاطفه ويعطيه ما يحب وما يستلذ به

فأخذ السمكة وقرر ان يحنطها فأخرج ما بفحواها من مصاريين ووضع الملح الكثيف ثم لفها في كيس قد اخرج ما به من هواء ثم حفر لها قبرا ووضعها على عمق عميق وغرسوا لها على قبرها تمثالا للشمس تبركا بالاله آآتون اله الشمس كي يحفظها .. ولكن كانت هنا المفاجأة

فالاله ااتون كان غبيا في الملتحظة فبدلا من ان يفهم انه هنا لحماية السمكة ممن يقترب او يعبث في قبرها فهم الرسالة انه هنا كي يعفنها كي تقدم قرابينا للاله اوزوريس الذي كان فشخه في افكاره

وقد كان فما لبث ان استهبل الاله في فهم المعضلة حتى عفنها وجعلها تطيب وتتعفن وملأها بالميكروبات حتى يفشخ ايزيس في افكارها بيضا منه فقط على اوزوريس .. ارجوك لا تنسى بيضا هذه .. وقد كان له ما اراد

مر شهر وتاب للرب منقاورع وندم على فعلته وعزم الا يعود الى مثلها قط وصارح حابي انه يريد ان يجعل للسمكة عيدا وسماه بيوم الزينة وهو يوم اثنين له نسيم ان شمه الناس قالوا لبعضهم شِم النسيم

فاراد ان يشجعه حابي فاخذه الى قبرها فدمع دمعه ما لبثت عيناه الا ان برقت بعدها وحفر وحفر وحابي يقول

- بتعمل ايه يا مجنون

- احه يا عم عاوز اعتذرلها

- يا عم عيب ده اكرام الميت دفنه

- يا عم حعتذرلها بس

واخرج السمكة وشمها فقال له ايه الخرا ده يا عم دووووق كده

صرخ حابي

- ابوس ايدك يا باشا بطني بتوجعني ومش طالبه خره

- دوووق بدل ما افشخ اللي جابك في امن الدولة .. احه انت متعرفش انا ابن ميين ؟؟

خاف فذاق فصرخ فمات حابي

فدفنه منقاورع

بجوار سمكة البوري الفشيخه

علم ابو حابي من عاهرة مصر القديمة ام سات فقدم لخفرع السمكة انتقاما منه فذاقها الفرعون وقال له

- أحه دي جامده كييييييييييييييييييييييييييييييييييييييييييييييك

- ارجو انها قد نالت اعجابك يا سيدي

- اه بس عاوزة بصل اخضر عشان لو فيها سم ولا حاجة تفشخه

- ارجو انها تنول رضاك يا خفرع باشا

ففرح فشخ ونسى ابنه اللي مات وما لبث ان ضاقت عيناه ووجد الفرعون يقول

- احه بطنييييييييييييييييييييي

قال الوزير

- بابا خفرع بابا خفرع

التمت الحاشيه

احنا اسفيين يا بابا خفرع

ونظروا لابو حابي وقالو له انت من القله المندسة

تيت ام امريكا اللي فشخانا في افكارنا انت يلا بتاكل كنتاكي ؟؟

انت معاك اجنده ؟؟

وظللوا يتهموه وهو يضحك ويضحك ويضحك

استدعوا الكاهن

سقنن كامس

وده كاهن جامد فشخ حكم عليه بالاعدام اكلا للسمكة الفشيخه المقدسة

جابوله نفس السمكة اكلها كلها وبدون بصل

ولم يمت

فقط اخرج ريحا نافست ريح السمك الفشيخ

حتى ان كل الحاضريين هربوا من الغرفة

فصنعو له سمكا فشيخا اخرا

فاكله واخرج ريحا معفنا

دفعت هذه الريح المعفنه مياه النيل الى الامام فقدسه المصرييون القدماء واطلع عليه الكاهن سقنن رع الاله حابي واطلقوا على السمكة المقدسة الفشيخة

السمكة الفشيخة وجمعها سمك الفشيييخ

ومن هنا جاءت تسمية الفسيخ عشان كلمة فشيخ عيب

كنت قد اخبرتك الا تنسى البيض .. فقد وجد حابي الاله ان الريح يساعده البيض في دفع النيل الى الامام فاضاف الى يوم الزينة اكل البيض وكان منقاورع اهبل فكان يلونه

وتولى منقاورع الفرعنة من ابوه وكان كاهنه المفضلل سقنن رع والاهه الفشيخ "حابي او حعبي "

الإله الذي يدفع بمياه النيل وفيضانه تخيله المصريون على هيئة بشرية تجمع بين جسم الأنثى والذكر ذو ثدي وبطن مترهل.

لأنه كان يحب منقاورع وكان منقاورع يحبه وكان بوزيتيف ونيجاتيف في نفس الوقت

*تمت*

يا مصريين ده مينا نفس حروف أمين

2011-04-22T17:42:00.000-07:00

باختصار عشان تعبان

في نظام الدولة الإسلامية من حق أهل الذمة إنهم يتعينوا في مناصب إدارية من نوعية"مناصب التنفيذ"ودي بتختلف عن المناصب المقتصرة على المسلمين اللي هي"مناصب التفويض"...يعني ممكن غير المسلم يكون وزير أو مسئول أو محافظ أو أي منصب تنفيذي طالما إن القيادة العليا لقائد مسلم..والكلام دة حتلاقيه في كتاب"الأحكام السلطانية والولايات الدينية"للإمام القاضي الفقيه أبوالحسن الماوردي .ودة كتاب يعتبر مصدر من أهم مصادر نظم الحكم في الشريعة الإسلامية..

ثانيًا: بعد فتح مصر..عمرو بن العاص رضي الله عنه كان معيّن أقباط في مناصب زي حكام مدن في مصر(زي العمدة كدة مثلا)ومسئولين عن جمع الجزية والخِراج..ومناصب أخرى متعلقة بالمحاسبات والدواوين وتنظيم الزراعة والحصاد وحساب موارد مصر..دة في عهد عمر بن الخطاب رضي الله عنه..يعني أكيد مش إجراء غلط شرعًا لأن دول صحابة أجلاء المفروض نقتدي بيهم..

ثالثًا: في ما يتعلق بالمناصب العسكرية: أهل الذمة زمان ماكانوش بيتولوا أي وظيفة عسكرية لأنهم كانوا بيدفعوا الجزية..الجزية دي مش عقاب مثلا لهم أو"كسر عين"بل هي-وفق الشرع-"مقابل حماية"..وعشان كدة في عهد عمر بن الخطاب رضي الله عنه لما تم فتح مدينة"حِمص"في سوريا على يد أبوعبيدة بن الجراح رضي الله عنه واضطر الجيش الإسلامي للانسحاب منها تاني أبوعبيدة رضي الله عنه أعاد لأهلها الجزية..وفي اتفاقية تانية بين أبوعبيدة رضي الله عنه وأهل مدينة مفتوحة إنهم يدفعوا الجزية فقط لو مش حيشاركوا في الدفاع الوطني..أما لو حيشاركوا فمش بيدفعوها...وبكدة يبقى الذمي من حقه إنه يتعين في الجيش والشرطة وبتسقط عنه الجزية طالما إنه بيشارك في الدفاع عن البلد..وبرجع أفكرك إن دة كان في عهد وعلى يد صحابة أجلاء أكيد ماكانوش حيخالفوا شرع ربنا..

بناءً عليه..فمع كامل احترامي لك..كلامك عن تحريم تعيين المسيحي في منصب رسمي هو كلام خاطيء..

لو عايز تطلع أكتر على نظام الدولة الإسلامية وعن وضع المسيحيين فيها اقرا الكتب دي:

-1-الأحكام السلطانية والولايات الدينية:أبوالحسن الماوردي.
-2-في الدولة الإسلامية:د.محمد سليم العوا.
-3-الإسلام كبديل:د.مراد هوفمان.
-4-أهل الذمة في مصر:د.قاسم عبده قاسم.
-5-مواطنون لا ذميون:فهمي هويدي.
-6-حضارة العرب:جوستاف لوبون.
-7-فقه الجهاد:د.يوسف القرضاوي.
-8-للدين والوطن:د.محمد سليم العوا.
-9-مسلمون وأقباط من المهد إلى المجد:د.جمال بدوي.
-10-منهج عمر بن الخطاب في التشريع:د.البلتاجي حسن.
-11-تاريخ الخلفاء الراشدين:د.محمد سهيل طقوش.
-12-تاريخنا المُفتَرَى عليه:د.يوسف القرضاوي

من كومنت وليد فكري

الاستعداد .. الجزء الأول من شهادتي على الثورة

2011-04-22T05:02:00.000-07:00

تسمع عن ثورة جعلوا لها ايفينتا على الفيس بوووك

تصطنع التلهف وانت من داخلك تسخر ولكن فؤادك يقول .. هي دي

تتذكرها وانت في بيتك فترتدي ملابسك الرياضية وتهرع الى الشارع

تجري وتجري وتجري حتى تستعيد لياقتك وتدخل مع نفسك في شجار

بين خلاص بقى خلص وسافر ينعل ابو دي بلد وبين احا انا مصري

وتدخل في عراك مع التقوى يسخر الكفر فيها بالتوحيد

يوم 23 يناير

تليفوني بيرن

- ألو أزيك يا تيته عاملة ايه

-حمادة يا جزمة حد عندك في البيت ولا انت لوحدك

-لوحدي

-انت يا جزمة بتنزل مظاهرات

-انا ؟؟؟ مين ده اكيد انتي غلطانه

-بلاش تلف وتدور انا شفت صورتك على صفحة خالد سعيد

" تيته ؟؟؟؟ فيس بوك ؟؟؟؟ كلنا خالد سعيد ؟؟؟ تيته عندها فيس بوك؟؟ ايه العيلة دي!!!!!؟ "

كده انا شفتك في صورة بتدل انك نزلت في المظاهرات وبعد بكره متنزلش انت بابا وماما تعبانيين وشقيانيين عليك انت اول حفيد في العيلة

ولو انت مش عارف غلاوتك في العيلة اللي انت بايعها فاحنا حنموت لو حصللك حاجة

متخافيش يا تيته-

يوم 24 على قهوة أندريا

اصدقاء وسط البلد الثورجية

فكرة واحدة راودت نفسي حين سمعت كل اصدقائي الثورجية الذين هبطوا من السماء ليجعلوا لهم غاية واحدة هي محاولة ترميم ما يكسره

النظام المخلوع من تبرع لدماء اخواننا المسيحيين في مصر اثناء حاذثة القديسيين والذين تتصدر صورهم مظاهرات الإسكندرية في الجرائد

المصرية كلهم جميعهم يستهزئون بالثورة

أحدهم يسجن كل خميس وجمعه تقريبا قال كلنا حنعمل مظاهرات اون لاين نعمل جروب كبير اسمه اليكزاندريا لووفيرز وندخل نعمل ايفينت

ثورة وندوس كلنا لاايك

تتعالى الصرخات بالقهقهه الساخطة الممزوجة باليأس الشديد

قيل لهم

أنه لو كل واحد منكم كبر دماغه ومنزلش بكرة الثورة مش حتنجح

خللي عندك أمل وأنزل من اول ساعة فيها ولو في نسبة انها تنجح بنسبة 1 % انزل وخد الشرف

قالوا انهم الي الثورة ذاهبون ولكن لو كانت وقفة فقط فهم الى بيوتهم ذاهبون

ذهبت الى خالي وهو من المؤمنيين بالاشتراكية العربية وقضيت معه ساعة وجاء الحديث فجأة عن الثورة من بنت خالي

- انت سمعت عن الثورة اللي بيقولوا عليها

-ثورة ؟؟؟!!!؟ ثورة ايه

الناس بكره عاملة ثورة

-ازاي بس حد يقول ثورة ويقول على معادها ده كلام ده يا اسماء ده اسمه هبل يا بنتي

خالي ينظر الي وهو عالم في علم النفس وقد احسسته علم ما يدور بخاطري اني اموه عن اني الى الثورة ذاهب فاستأذنته فاخذني في حضنه وسلم عليا واستودعني الله

الى المنزل ذهبت ملوما محسورا ويائسا

استقبلني اخي قائلا

- بابا اصدر فرمان بعدم النزول ابدا بكرة محدش يخرج من باب البيت

- ليه

- عشان المظاهرات وصاحبه في امن الدولة قال له قول لعيالك محدش ينزل

توضأت صليت صلاة الاستخارة

الى الفيس بوك ذهبت

قابلت صديقي احمد الشيخ قاللي انه معاه مجموعه حيطلع بيهم من هندسة

فتفاءلت ليس بالعشرين مهندس فقط وانما بفكرة الخروج بشكل خلايا غير منظمة تسعى وتسير وتجوب الشوارع المصرية

خبرته بأنه نفس تفكيري بس انا كنت حطلع من حواري بحري ومجموعتي على مجموعتك ونطلع مع بعض

وافق وتوكلنا على الله

نمت الساعة 3

صحيت الساعة 10

معادي مع اصدقائي الساعة 11 على اول شارع الهانوفيل

اذكر منهم

حسام حسن .. ناشط سياسي

حازم كرم

محمد حلمي

سامر الصاوي

عبد الرحمن شرف

عمرو زكي

وآخرون

صحيت الساعة عشرة

تطمئن ان بطنك فارغة

تحلق شعر جسدك

تستحم وتنظف جسدك وتتطيب وتغسل أسنانك وكأنك لا تريد ارهاق المغسل في تغسيلك ان توفاك الله

خرجت من الحمام أمي تناديني

- محمد

- نعم يا امي

-رايح فين

- مش رايح حقعد عالفيس بووك

- طب تعالى

وأخذت تمسح على شعري وتقرأ وردها وقد تأخرت على اصدقائي في الثورة ولكني لم أبدي اهتماما حتى لا تقلق

الى غرفتي هرعت وارتديت ملابسي وصليت ركعتين واخذت ابتهل الى ربي اي ربي اني اعوذ بك من الأسر

وان توفيتني فتوفني مقبلا غير مدبرا ولا مقاتلا لمظلوم

ربي نويت نية الخروج للجهاد ناصر مظلومي بلدي ومظلومي غزة ورافعا ديني فوق الجميع

تسللت الى الشارع واخذت اجري واجري واجري وركبت توناية " سوزوكي

6 راكب يستخدم كميكروباصا في الاسكندرية " وذهبت الى مجموعتي

محمد حلمي وعمرو زكي وأنا

وكانت المفاجأة

تتبع

العاصفة التي دمرت بلدتي

2010-12-13T19:04:00.002-08:00

تفتح عينيك تجد الظلام

تنظر الى تلك الستائر الغامقة التي تحجب عنك ذاك الشباك الكبير الذي يسمح بدخول جميع انواع الضوء فتجدها سوداء

تغمض عينيك

تجد الغرفة قد أضيأت بفلاش قوي تفتح عينيك تجد صرخة غضب تفزعك ويهتز لها كيان غرفتك وزجاج شباكك الكبير وكينونتك

تستغرق جزءا من الثانية تفكر ثم لا تلبث أن تستعيد تلك الذكريات القديمة عن الرعد والبرق أو إن أردنا الدقة عن البرق والرعد

بم تفسر

حدوث البرق قبل الرعد دائما

الإجابة

بالرغم من أن كليهما يحدث في وقت واحد إلا أن البرق يسبق الرعد لأن البرق سرعته سرعة الضوء=300000000 متر في الثانية

بينما سرعة ظهور الرعد تساوي سرعة الصوت = 380 متر في الثانية

محبوبتك في الصغر وهي تختبئ في حضنك وتنظر إلى البرق وترتجف حين تهتز الأرضية بالرعد وأنت لها نطمئن وأنت لا تختلف عنها في خوفها

المنزل الجديد وذاك السقف الذي لا هو ساتر ولا هو حامٍ من الشتاء فهو يساعده على تسريب الماء داخل الشقة

وذاك الشباك الكبير الذي كان في حاجة الى تنده فقط لتبعد عنه الماء حتى لا يبلل مكتبي وكتبي وكراسة الواجب

ثم تصحو وانت صغيرا بعد كل هذا فتنزل الى الشارع فلا تجد أثرأ للمياه

ثم تهطل الأمطار في الشارع في الصباح وما ان تكف حتى تختفي المياة من الشوارع

تتذكر كل هذا وأكثر الآن فتنام وانت مطمئن البال

تضيئ الشمس الكون ولا تشرقه فتصحو على الضياء الذي دخل غرفتك

برد شديد

تتحمل

شاي بحليب وتكون في أحسن حال

ترتدي الملابس وتشكر الله على هذا الجو الغائم وتلك الرياح التي اشتقت لها ولمطرها الأهوج الذي لا يدري أيهطل مستقيما أم منحرفا

تنزل الى الشارع

تصدم تصعق تخيب امالك في وصف هذا اليوم

ياا الله ما كل هذي المياه

تصرخ فتضيع صرختك مع الرياح والامطار

تنظر اليك جارتك وتقول

ايش حال مكونش لسة عاملينلها - تقد المجاري - صيانه

تقز كذكر الضفدع فوق المناطق الجافة وتنجح في العبور حتى أول الشارع الرئيسي المسفلت بعناية

تحاول ان تعبر الشارع فتعبر اول طريق وتقف عالجزيرة - وحينها فقط علمت لما أطلقوا لها لقب جزيرة وهي تستحقه - ولمن لا يعلم الجزيرة هو ذاك الرصيف الذي يفصل الطريق الذاهب عن ذلك الآيب - - وتتمشى عليها حتى تصل الى اكثر الاماكن جفافا - وهي مبلولة - على الطريق الاخر

تعبر وتتذكر ذلك الرصيف الرخامي الأسود الذي كان يمثل الأسكندرية كان من الجرانيت وكانت به مزاريب تصرف الماء من على الرصيف الى مصارفها الشرعية

وكانت طبقة الاسفلت حين كسروه ليخرجوها تتجاوز النصف متر سمكأ

وكان غطاء البالوعة من الحديد الزهر كما هو الان ولكن مع فتحة واسعة لتحوي المياة

وكان الاسفلت بالفطرة التي فطرها صانعه له يجمع الماء ناحية الرصيف حتى يتسنى للبالوعة هناك ان تمتصه وتشربه في جوفها

تتذكر تلك المواسير التي خلعوها وقد كانت ايضا من الحديد الزهر

تتذكر لونها النبيتي الفاتح الصدئ

وتتذكر كيف استبدلوها بمواسير الـ PVC الرمادية البلاستيكية الضيقة

تركب الاوتوبيس

ابويوسف اقل المناطق تضررا وقد حسبتها اكثرهم

ساعدها على تفادي الأزمة تربتها الرملية البيضاء الناعمة التي امتصت المياه الى جوفها وحفظتها يوم ان يقطعوا عنا النيل

الهانوفيل تغرق البيطاش تغرق الدخيله على البحر تغرق وفي الجبل بيوت بأكملها أصبحت تحت المياه

المكس صعد الموج من البحر وغرق أكثر من 300 متر وحتى قبل خط الترام بحوالي 20 متر حيث يسمح للسيارات بالمرور

الورديان نجدتها الترعة وكذلك فعلت مع كفر عشري

شارع السبع بنات نجده ربه حيث أخر أعمال صيانة الصرف فيه

المنشية مستودع للظبط

محطة الرمل طهرها الشتاء وشاركته الرياح في التطهير من صور جمال مبارك - عليه من الله ما يستحق هو وأبيه ومن عاونهم - وكذلك فعلت في الكورنيش

تجلس على قهوة أبي رجب

تطلب الشاي

تشربه

تدفئ معدتك ويديك

تذهب

لترى شارع بور سعيد وقد أضحى بور حزين

لا كهرباء

وكمعظم الشجر قد انخلع

نعم انخلع ومن صمدت منهم اضحت خشبا بلا أوراق

تقضي ما نزلت من بيتك له

تشاهد فيلم ثرثرة فوق النيل في المكتبة

تأكل وتودع صديقيك

تقرر ان تذهب وترسم في مخيلتك الطريق

اخرج على الكورنيش اعبر الشارع من عند نفق الشبان المسلمين اتمشى محطة ترام واحدة اركب الاوتوبيس اهرب من هنا

وبالفعل امشي وتأتي لحظة عبور الطريق باستخدام النفق

انزل اول سلم

اجده مظلم ظلام القبر

اخرج المحمول واواصل النزول اضيئ الكشاف

وأغرق

لقد استولى البحر وساعدته الريح والامطار على النفق وارتفعت المياه لاعلى من سقفه وانا الان سقطت فيه

سقطت في الفخ وما أملحه من فخ

يضحك ويبكي ويصيبك بسعال وبرد

الصوف الذي ترتديه والذي كان سبب تدفئتك راح سبب بردك الان

تخرج سريعا

وتلعن محفظ الشيشة الذي لغاها ولم يكلف نفسه بوضع لافته تعلن ان النفق غير صالح بالمرة

او ان يكتب ( خطر مميت )

تريد ان تعبر الطريق تعد الحارات 5 في كل طريق

اي 10 حارات تتمتم في نفسك لست بطل ماراثون انت

اروح جريمممم بلازا منين لو سمحت

ينادي عليك شابا تحسه من القاهرة وهو يطل عليك من سيارته ويرتدي النصف كم

تركب السيارة توصله سموحة وتركب المنشية من سموحة والهدف الوحيد هو ان يعبر بك المشروع - الميكروباص - الكورنيش تمر على نفس النفق بالمشروع تجد عائلة تنزل فيه وانت تعلم وفي الدوران تصرخ الاناث ويخرجن وهن يضحكن ويسب الاب المسؤولَ وتدعو عليه الأم

تنزل سوتر تركب اوتوبيسك تصل بعد ساعتين وثلث تأخذ السرير بالحضن وتقسم الا تغادر البيت قبل انتهاء العاصفة

وحسبي الله ونعم الوكيل في اللي ركب المجاري من غير ما يسفلت

آل فرعون و آل مبارك

2010-04-18T14:03:00.000-07:00

بسم الله الرحمن الرحيم " وَإِذْ نَجَّيْنَاكُم مِّنْ آلِ فِرْعَوْنَ يَسُومُونَكُمْ سُوَءَ الْعَذَابِ يُذَبِّحُونَ أَبْنَاءكُمْ وَيَسْتَحْيُونَ نِسَاءكُمْ
وَفِي ذَلِكُم بَلاءٌ مِّن رَّبِّكُمْ عَظِيمٌ " صدق الله العظيم

اااااااااااااااااااااااااااااااااااه
ده حتى ال فرعون مهتكوش عرض الرجال ولا جردوهم من ملابسهم في الشارع
ده حتى آل فرعون مخلعوش حجاب الفتيات وهن يقلن قولة الحق في الشارع المصري

ولكن على ما يبدو أن مصر من 4000 عام
لا تختلف في ظلم وجبروت حاكمها إلا باختلاف وسائل التعذيب

فبالماضي كان هتك الناس
والآن اضحى المخبرين يشتهون الرجال فهتكوهم

بس
مش موضوعنا دلوقتي

موضوعنا في تأمل بسيط للآية القرآنية

من آل فرعون

ليه يا رب مقلتش فرعون بس

ملقتش أجمل من تفسير الشيخ محمد حسان
اللي في ضباط كتير بيحبووه وبيتبعووه ويظنون انفسهم سلفا وهم ليسوا من السلف في شيء

يقول الشيخ ان آل فرعون هم وفرعون لهم نفس درجة العذاب ففرعون لن يعذب وحيدا ولكنه مع آله يعذبون سويا

يعني يا حضرة الضابط ببساطة شديدة
لو كان مبارك او حبيب العدلي ظالم

فأنت من آل الظالم
وعقابك من عقابه يوم القيامة

وانت يا حضرة المخبر
لو كان الضابط اللي بيأمرك ظالم
فأنت من آل الظالم
وأيضا عقابك من عقابه يوم القيامة

واضاف الشيخ
ان مفيش اي حاجة اسمها عبد المأمور
أنت عبد لله
لو أمرك رئيسك المباشر او غير المباشر بظلم او معصية
فلا طاعة لمخلوق في معصية الخالق

لو ترضى يا شخص منك ليه
لواء كنت او خفير
انك تكون من آل فرعون
أو من آل مبارك يوم القيامة
فاتبع تعليماته واظلم إخوانك في الوطن
المصريين
اللي يوم ما وقفوا الوقفة دي وانت ضربتهم الضرب ده كانوا بيفكروا فيك وفبلدك وفعيالك

احنا يوم ما وقفنا موقفناش عشان البرادعي ولا عشان نوووور
احنا وقفنا عشان مصر يا حضرة الضابط

مــــــــــــــــــــــــــــــــــصــــــــــــــــــــــــــــــــــــــــــــــر

فكرك احنا حنستفيد ايه لو اتغيرت الماده 76
ولا 77
ولا88

ولا حاجة
إنما مصر كلها حتستفيد

حتستفيد ديموقراطية حقيقية
حتستفيد عدل
حتلاقي مرتب يكفيك يا حضرة الضابط
مرتب يمنعك من الرشاوي يا حضرة أمين الشرطة و يا حضرة المخبر و يا حضرة العسكري

وحختم برضه بآية
يمكن
يمكن لو كان قلبك كقلب الصخر ينفجر منه الماء ويلين وتعرف قد ايه انت ظلمتنا

بسم الله الرحمن الرحيم " وَلاَ تَرْكَنُواْ إِلَى الَّذِينَ ظَلَمُواْ فَتَمَسَّكُمُ النَّارُ وَمَا لَكُم مِّن دُونِ اللّهِ مِنْ أَوْلِيَاءَ ثُمَّ لاَ تُنصَرُونَ " صدق الله العظيم

لو تقدر تنكر أن مبارك من الذين ظلموا
لو تقدر تنكر ان حبيب العدلي من الذين ظلموا
لو تقدر تنكر أن مأمور قسم العباسية أو بولاق اللي هتكو عرض أخوك وأشرفوا على ذلك من اللذين ظلموا
وشوف بنفسك وقرر انت
http://www.masrawy.com/News/MidEast/Reuters/2010/April/18/1350327.aspx
لو كنت شايفهم مش ظالمين
فاركن اليهم واسمع لكلامهم

وان كان فيك ما تبق من ضمير واعترفت بأنهم ظلموا فلا تركن لهم ولا تطع أوامرهم

وإياااااااااااك من مقولتي
عاوزين ناكلوا عيش
عاوزين نربوا العياال

فدي أول خطوة ليك لأن تضع حجر أساسك في النار
ان تعلم الظلم والظالم وان تركن له وتختلق الاعذار

بامكانك ان تقول كلمة حق عند سلطان جائر فيقتلك فتكون خير الشهداء
فان كنت جبانا
فلتستقيل ولتعمل باي عمل ااخر تربي منه العيال

الكلام ده برضه موجه لاخوانا الحلوين بتوع الحزب الوطني
فالحزب وافق على الظلم الواقع كلاميا كما جاء في مجلس الشعب بانه يجب على وزارة الداخلية ان تضرب بيد من حديد كل متظاهر او حتى بالرصاص
او صمت راضيا عما جرى وهو بإمكانه ردع هذا ولو بالتضامن الكلامي
http://www.masrawy.com/News/MidEast/Reuters/2010/April/18/1350327.aspx

اللهم هل بلغت
اللهم فاشهد

في المستشفى الحكومي .. أم الاستثماري

2010-04-17T08:26:00.000-07:00

ناريمان ولا الميري ولا الحميات

مش عارف اختار ابدأ بمين؟

بالحميات
طازة بطازة كده

---------------------------------------------------------------------------------

في الحميات
زي الفل
مستشفى اخر نضافة
كفايه حماماتها

ريحتها عادية جدا
مواد عضوية من افرازات البني ادميين
ومن كتر حبهم فيها مفيهاش سفون
ولا
شطافة

" يا سيستر لو سمحتي بطني بتتقطع" لفظها رجل ينادون عليه بلفظة الشيخ
كان يتقيأ
دماََ

تعمل نفسها مش سامعاه

" انتي يا بنتي مش الراجل بينادي عليكي " ينادي عليها احد شباب العنبر بغلظة من رق قلبه لحال انسان

" ايه .. في ايه.. كل مرة كده .. كل مرة كده .. يلاا على سرايركووو كل واحد على سريره

تعود لتجلس على الاريكة وتستمع لوردة الجزائرية وتدندن وتدندن ويك أنه لا يوجد من يستغيث الله ان يرقق قلبها عليه

ويكتم صرخاته
والله كان بيكتم صرخاته
ولكن للقيأ صوت
وللعين دمع

وياااااااااا لدمع الرجال
ويا لصراااخ الرجل

كان عنده الصفرا لكن وبعد ما دخل المستشفى اصيب بدوالي في المريئ
وكان في منتصف الثلاثينات
إماما لمسجد

" شد حيلك يا شيخ " تقولها مواسيا
ان تدعوا الله له
" ربنا يشفيك يا شيخ" تقولها مبتسما مؤمنا
" بالصبر على البلاء يا ابني .. بالصبر على البلاء " قالها بصبر الدنيا وايمان الاخرة

تكتم دمعة وتتوجه للسيستر
" فين الدكتور ؟" بغلظة
" وانا ايش عرفني " بمنتهى اللامبالاه

تداري شكواك وتصطنع البرود وان تفور من داخلك
فتستفزها
فيعلة صوتها
فيأتي الدكتور

وكانت المصيبة
السيستر تعطي اوامرها للدكتور
وتشخط فيه
وتعنفه
فيعنفنا
فنعنفه
فيصبح بين مطرقتنا وسندانها

" يلاا كل واحد على سريره " تصيح في وجه الجميع
" طب والراجل اللي بيصرخ ده " يصيح ابنه
" انت في مستشفى يا حبيبي .. عاوز تسمع ايه هيفاء ولا نانسي " اصدم
ارتبك
استجمع قواي
ها هي تلك البصقة في فمي
وها هي تلك البصقات في افواه المرضى
صفرا وفيرس سي وكبد وكلى وكل حاجة
نستعد للبصق
ولا يبصق احد

" والله لو ممشيتوش ما انا مدياله الحقنه " تنطقها ويكأنها إله

نتحرك بكل خذول
ويتبعنا ذاك الطبيب

" بكره حتروح الميري " ينطقها الطبيب بلا مباله
" بلاش يا دكتور خليني هنا ارحم " بدمعه يحبسها قالها
" يا عم حل عن سمانا " لم تكن تعلم

انه بالفعل
سيحل عن سماهم الى الابد
حيث انه توفى بمجرد ان وصل للميري

مات الشيخ بالأمس
16/04/2010

وحسبنا الله ونعم الوكيل اخبرنا بالخبر ابنه الذي اقدر عمره بنحو الـ15 عاما وهو صلب كأبيه مؤمن بقضائه وقدره وبان الله لن يضيعهم

وحسبنا الله ونعم الوكيل

التي سكنت البدرون

2009-12-31T14:28:00.000-08:00

إهداء إلى كل مدون وإلى كل من حمل قلمه لينتقد دون مبالغةِ أو طلبِ لشهره

كنت قد اتخذت قرارا في أواخر الصيف الماضي الا أكتب من جديد ....فلقد كتبت وكتبنا وكتبوا كثيرا ...وماذا حدث أو جدَ لما انتقدت او انتقدوا؟ لا شيئ تقريبا يذكر ......أنا كما أنا وهم كما هم ولكن المشاكل والصعاب التي يكابدها السكان المصريون - ملسمون وأقباط - الذين يسكنون البدرون هي وحدها التي تتغير وللأسف للأسوأ. !؟

لذا قررت ألا أكتب ناقدا أو ساخرا وأن اقتصر فقط على كتابة محاضراتي - عشان أنجح - وللأ سف الشديد كانت المحاضرات المهمه موقعها الزمني في الفترة الأولى والتي يستحيل أن أتنيل على عيني كي أصحوا باكرا واروح المخروبة وبالتالي فقد فشلت في تدوين محاضراتي واقتصرت على تصويرها من أي بنت ذات خط جميل....... ولكن هيهات فأنا في قسم ميكانيكا وهو قسم للذكور فقط أو الاناث اللاتي وددن لو كانوا ذكورا أو الاناث اللاتي لا محل لهن من الإعراب :( ....!!!!!!!!!؟

فذهبت الى التدوين البيئي وكيفية الحصول على مصدر للطاقة المتجددة وقرأت ابحاثا كثيرة عن مدى امكانية استغلال الخشب كمصدر للغاز سريع الاشتعال او الماء وتحرير الهيدروجين منه او أو أو أو أو ..... وقررت جعلها ان شاء الله مشروع تخرجي لو وصلت لسنة رابعة ... وكان كل شيئ يسير على ما يرام إلى أن .......ذهبت إلى محطة مصر مقررا العودة الى بيتي واستقلال المشروع - ما يطلق عليه في القاهرة ميكروباص وفي الأرياف السرفيس - وفجأة وعند زريق بتاع الجبنة اللي في شارع باب عمر باشا وتحديدا في الشارع المجاور له وجدت المغول أو قل عليهم البهايم العجول يعثن في الأرض فسادا وسمعت نساءا تصرخ - يا ابني ده انا قد امك.. البضاعة اللي حيلتي.. الجبنة القديمة والمش - وتبكي بكاء من فقد الولد والراعي ........ وآخر ينظر نظرة التوسل -المعروفة في الأفلام حين يدخل الباشا بتاع أمن الدولة اللي بيعذب ويمسك اللي بيعذبه ويسلخه - نظرة توسل بألا يفعل .. نظرها واحد كان بيبيع يوسف أفندي - يوستفاندي - لضابط الإزاله وحاشيته -سامحها الله- ذكروني وهم يحملون بضائع الناس بأنهم تتر دخلو المدن وجعلوا أعزة أهلها أذلة - وكذلك يفعلون - أخذوا كل شيئ إلا من كان فهلويا ولمحهم من بعيد او شم ريحتهم فجرى مع ما يملك او ما استطاع ان يحمله ....... وأصبح الشارع خاليا اللهم إلا من عٌرش بعض السفندي بتاع الراجل الطيب ........ نظرت الى الشارع الذي جاءت له الإزالة وجدته لا تمر به سيارة ... فلماذا الإزالة ؟ قلت يا واد فاكس سيبك منهم انت حتعرف اكتر من الحكووومة ؟ ولكن استوقفني صوت صاحب السفندي وهو يقول ليه كده يا بلد رضينا بالغلب فيكي وأنتي ما رضيتيش بينا!!!!!!!!!!!!!!!!؟

مش عارف ليه وقفت
يمكن عشان المدونة أسمها ليه كده بس يا مصر؟
ولا عشان طلعت بحُرقة من فقد قوت يومه؟
ولا يمكن عشان بكاء الفلاحات العذارى وأمهم وقد فقدوا سمنهم وزبدهم و-لا مؤاخذة - بيضهم البلدي ؟

وقتها فقط أحسست وكأن شاكوشا طرق مسمارا على يمنى رجل يصلب تألم فقبض على يده التي تمنى أنها لم تكن يوما له يد.

تذكرت صورة أحمد ناجي وذاك القلم الرصاصة والدم والتهمة التي تمشي بلا قدم
تذكرت أحاداثا لم أدونها وما لا يدون لا يتذكره التاريخ ولو ذكره لكانت روايته ضعيفه
تذكرت حادثة العياط والدويقة وحريق ستوديو مصر وحريق المنشية وتذكرت وتذكرت كلها دونت وشهد عليها القلم

عدت الى نزلي وفعلت ما فعلت من أكل وشرب و....;) .. جائت لحظة النوم ولكن هيهات هيهات ويكأن السرير والمخدة والوسادة المساعدة -اللي هي مراتي لغاية ما اتجوز - قد تآمروا عليا جميعا ليقتلوني أو يثخنوني ويمكرون بي مكر ثعلب داهية ويذكروني بما حز نفسي من عويل نساء وذل رجال

ذكروني ببائع السفندي وبائع تلك الألعاب التي لا تشغل اساسا حيزا من فراغ الرصيف في المنشية وكيف كان يلعب بتلك الكتاكيت الصينية حتى جاء همجنا وسلبوها منه عنوة وكيف انه تكسر بعضها.......ذكروني ببائع الشنط اللي على أول الهانوفيل عند مستودع الانابيب.......ذكروني بالرجل الطيب بائع البلطي الصغير في محطة مصر ذاك العجوز الذي ان لم يبعهم يشويهم ويأكلهم حتى اليوم التالي.

ذكروني وذكروني وذكروني
ويا لذل الرجال .......ويا لدمع العيال حين يفقد العائل بضاعته ........ويا لاستغاثة نسوة الأرياف التي تدمي القلوب.

تذكرت اننا كلنا في سفينة واحدة تحمل مجتمعنا ، إن أحس احد افراده بأنه غير مرغوب فيه على السفينة خرقها قالوا اخرقتها لتغرق أهلها قال نعم وهم لي قد أرادوا ما أردته أنا لهم ،على رأي المثل ( يا نعيش عيشة فل يا نموت احنا الكل ) ولا ايه ؟

إن هؤلاء الذين سكنوا البدرون هم أناس مثلنا ولكنهم أحسوا بالتهميش الغير طبيعي لهم ويكانهم غير مرغوب بهم، ولتنظر اليهم تارة حين كنت بشد- عفوا - بأقرأ اصطباحة بلال فضل في الاوتوبيس وكان بجواري رجل ظهرت عليه امارات من سكن البدرون وكان يختلس النظر والقراءة حتى ناولته الاصطباحة - عفوا - الجريدة ليقرأها ويا لهيئته وهو يضحك عليها - او قل يسخر من نفسه ومن عيشته- او قل فرحته لأن هناك أناس من الطبقة التي تعيش فوق الارض يكتب عن من سكن البدرون- فلقد كانت تلك الاصطباحة بمثابة رسالة وجهها له بلال فضل بأنك لست مهمش ، نعم هناك من يهتم لك ولأمرك حتى ولو كان ساخرا - ليس منك ولكن ممن أودى بك لهذا - هذا نوع من فش الغل في اناس لم يستطع من سكن البدرون فش غله فيهم. وكما قالها جمال بخيت على لسانهم ( وأنا صوتي مش مسموع ) .!؟

لذلك ومن احتكاكي الذي أحسبه هينًََا بهؤلاء قررت أن أنقل لكم - وأنا لا أشبه نفسي بذاك الجهبذ بلال فضل أو عمر طاهر -أن انقل لكم يا من أحسبكم مثقفين أو مشاريع مثقفين كيف يعيش هؤلاء وكيف أنهم - كما فيهم اللي بيثبت ويسرق الموبايلات والشنط - فينا الذي يسرق المليارات ويحتكر الصناعات ويبذر أمواله على فحش ونزوات.

فهم فيهم كما فينا من مثقفين ومشايخ وقساوسة وعلماء وعمال لا يأكلون الا من عرق جبينهم ولا يدخلوا اللقمة الحرام افواه عيالهم
وفيهم كما فينا سكارى ومُخَدَرِِين وبائعات هوىًَ أتخذن من الفقر ذريعة لإرضاء شهوتها في تجربة الحرام ثم ما لبثت أن عشقته وأدمنته.
ولعمري كم أن تلك الاخيرة مثالا لتلك الأم أو قل الامة التي سكنت البدرون... والحدق يفهم

هذي البلاد لم تعد كبلادي

2009-08-21T06:00:00.000-07:00

نار نار نار قادها جويده في فؤادي حين قرأت تلك القصيدة
كم أنت معبر يا جويده

كم عشتُ أسأل : أين وجه بلادي؟
أين النخيلُ وأين دفء الوادي؟
لاشيء يبدو في السماءِ أمامنا
غيرُ الظلامِ وصوره الجلادِ
هو لا يغيبُ عن العيون كأنه
قدرٌ...كيوم البعثِ والميلادِ
قد عشتُ أصرخ بينكم وأنادي
أبني قصوراً من تِلال رمادِ
أهفو لأرضٍ لا تساوم فرحتي
لا تستبيحُ كرامتي...وعِنادي
أشتاقُ أطفالاً كحبات الندي
يتراقصون مع الصباح النادي
أهفو لأيامٍ تواري سحرها
صَخب الجيادِ..وفرحه الأعيادِ
اشتقتُ يوماً أن تعود بلادي
غابت وغِبنا...وانتهت ببعادي
في كل نجمٍ ضلَّ حلمٌ ضائعٌ
وسحابهٌ لبست ثيابَ حدادِ
وعلي المدي أسرابُ طيرٍ راحلٍ
نَسيَ الغناءَ..
فصارَ سربَ جرادِ
.............................................................................

هذي بلادٌ تاجرت في عرضها
وتفرقت شيعاً بكل مزادِ
لم يبقَ من صخب الجياد سوي الأسي
تاريخُ هذي الأرضِ بعضُ جيادِ
في كل ركنٍ من ربوع بلادي
تبدو أمامي صوره الجلادِ
لَمحوهُ من زمنٍ يضاجعُ أرضها
حَملت سِفاحاً فاستباحَ الوادي
لم يبقَ غيرُ صراخ أمسٍ راحلٍ
ومقابرِ سئمت من الأجدادِ
وعصابهٍ سرقت نزيف عيوننا
بالقهرِ..والتدليسِ..والأحقادِ
ما عادَ فيها ضوءُ نجمٍ شاردٍ
ماعادَ فيها صوتُ طيرٍ شادِ

تمضي بنا الأحزانُ ساخره بِنا
وتزورنا دوماً بلا ميعادِ
شيءٌ تكسرَ في عيوني بعدما
ضاقَ الزمانُ بثورتي وعِنادي
أحببتها حتي الثمالهَ بينما
باعَت صِباها الغضَّ للأوغادِ
لم يبقَ فيها غيرُ صبحٍ كاذبٍ
وصراخ أرضٍ ..
في لظي استعبادِ
..............................................................................

لا تسألوني عن دموع بلادي
عن حزنها في لحظه استشهادي
في كل شبرٍ من ثَراها صرخهٌ
كانت تهرولُ خلفنا وتُنادي
الأفقُ يصغرُ..والسماءُ كئيبهٌ
خلف الغيومِ أري جبالَ سوادِ
تتلاطمُ الأمواجُ خلف رؤو سنا
والريحُ تُلقي للصخورِ عَتادي
نامت علي الأفق البعيدِ ملامحٌ
وتجمدت بين الصقيعِ أيادِ
ورفعتُ كفّي قد يراني عابرٌ
فرأيت أمي في ثياب حِدادِ
أجسادنا كانت تعانقُ بعضها
كوداع أحبابٍ بلا ميعادِ
البحرُ لم يرحم براءه عمرنا
تتزاحمُ الأجسادِ..في الأجسادِ
حتي الشهادهُ راوغتني لحظهً
واستيقظت فجراً..
أضاءَ فؤادي
.................................................................................

هذا قميصي فيه وجهٌ بُنيتي
ودعاء أمي.."كيس"ملحٍ زادي
رُدّوا إلي أمي القميصَ فقد رأت
ما لا أري من غربتي ومُرادي
وطنٌ بخيلٌ باعني في غفلهٍ
حين اشترتهُ عصابه الإفسادِ
شاهدتُ من خلف الحدودِ مواكباً
للجوع تصرخُ في حِمي الأسيادِ
كانت حشود الموتِ تمرحُ حولنا
والعمرُ يبكي...والحنينُ ينادي
ما بين عمرِ فرَّ مني هارباً
وحكايهٍ يزهو بها أولادي
عن عاشقٍ هجر البلادَ وأهلها
ومضي وراءَ المالِ والأمجادِ
كلُّ الحكايه أنها ضاقت بنا
واستسلمت للصِّ والقوادِ

في لحظهٍ سكن الوجودُ تناثرت
حولي مرايا الموتِ والميلادِ
قد كان آخر ما لمحتُ علي المدي
والنبضُ يخبو...صوره الجلادِ
قد كانَ يضحكُ والعصابهُ حولهُ
وعلي امتداد النهرِ يبكي الوادي
وصرختُ...والكلماتُ تهرب من فمي :

هذي بلادٌ..
لم تعد كبلادي

فاروق جويده

قبل ما يفرشوا وادي النيل سيراميك

2009-07-17T05:57:00.000-07:00

ملحوظة

الاشخاص المذكورين في هذه المدونة ليسو من الحقيقة في شيء وإن كان هناك اي تشابه لأسماء أناس حقيقيين فهذه ليست الامجرد صدفة

بحته

ْ×ْ×ْ×ْ×ْ×ْ×ْ×ْ×ْ×ْ×ْ×ْ×
XOXOXOXOXOXOXOXOXOXOXOXOXO

XOXOXOXOXOXOXOXOXOXOXOXOXOXOXOXOXOXOXOXOXOXO

كان في زمان جمهورية اسمها جمهورية مصر العربية
وكان اهم رؤسائها واحد اسمه جمال عبد الناصر
وكانت الجمهورية دي مشتهرة بصناعة السجاير وساعات السجاد

وكانت بتزرع
اه والله بتزرع
كان في حاجة اسمها القطن المصري طويل التيلة
كان بيتصدر
اه والله كان بيتصدر

وكانت الفنلات الداخلية المصرية بتجتاح العالم

وكان في رئيس دولة برضه من زمان اسمها الولايات المتحده الامريكية
الدولة دي فلست وتحولت الى مجموعة من الدويلات
كندا اخدت شماها
والمكسيك اخدت تكساس والجنوب
والصين اخدت سان فرانسيسكو ولوس انجيلوس والغرب كله
ونيويورك وواشنطن روسيا احتلتهم واصبحو تحت الحماية الروسية

المهم
كان اسمه جيمي كارتر
مكنش بيحب يلبس الملابس الداخلية غير من مصنع غزل المحله او غزل العامرية

ومش حتصدقو يا ولاد

الدولة اللي اسمها مصر دي كانت بتحارب
اه والله كانت بتحارب
وكان فيها رجالة
لكن للاسف ماتو كلهم في حرب اسمها حرب اكتوبر 73
ومبقاش فيها غير خو*ات تافهيين

ومسك بعد عبد الناصر واحد اسمه السادات هو اللي قاد الحرب دي
وكان عنده حاشية رأسماليه علمانية حبة مع*سين برضه
فكرو يرفعو سعر المواد الغذائية قرش ساغ

فقام رجالتها
قالو لأ
يعني لأ
لحد ما رجع سعر المواد الغذائية

وبعديها
قتل السادات

وكان اليوم الاشد ظلما وحلاكا في تاريخ البشرية
يوم تولي سيادته العرش

اااااخر رؤساء جمهورية مصر العربية

حمد بن حسس المبارك

اخدها لحم
مات وسابها عضم
كان فيها صناعة وزراعة وتصدير وفنلات داخليه
ماتت الصناعة
وغرقت الزراعة
وبقت دولة مستورده
والفنلات الداخلية راحت وحل محلها عيال يفضلو الكلوت الحريمي بدون الفنلة الداخلية وبقو بيسقطو البنطلون عشان يبينو طيـ*هم

والباشا كان بييييييييييييييييييييييييس
عاااااااااااااااااااااااااااااااااااااااادي

شايف قوة امته بتنهار

فراح مقلل سعر الحشيش

ورفع سعر الاكل

يعني الباشا كان واخد البلد فيها كيلو اللبن بجنيه وربع
عاخر عهد سيادته كان كيلو اللبن 5 جنية

وكان كيلو اللحم ب 15 جنيه
بقى بستين جنيه

وعلى ذلك فقس

والمرتبات يا ولادي زي ما هيه
وده خلاني اسأل سؤال
هو الانسان المصري موديل 70
غير الانسان المصري موديل2010

واحد محدش يقدر يظلمه
وبيقدر يثور ويظبط التظابيط
والتاني بيضرب عقفاه وعبيط

ماعلينا
لكن فجأة يا ولادي مات حسس
اه والله مات زي ما كل انسان مات وحيموت وبيموت

مات واللي دمع بعديه كان منافق
او كداب
او مراء
او
ابن كلب حرامي
أومش عارف حيكمل سرقة ازاي

دول بس اللي عيطو
ومحدش دعاله
كله قال
يالله
في ستين دهيه
اهو عاش شوية كتير حبتين ايه 85 90 95 سنة
بس مات
لكل شيئ نهاية
بس الاخرة طويييييييييييييييييييييييي ييييييييييييييييييييييله
اوي

خليه يروح يتحاسب
خلي ربنا ياخدلنا حقنا منه
واحد مكنش بيقدر شباب بلده
ولا اهلها
ولا علماؤها
ولا رجال دينها
ولا ولاولاولا

كان اللي شغال في البد دي

لعيبة الكووووورة والـــــــــــــــــــــــ ـ
عاهرات

وطبعا الحرامية

مات
غار في ستين دهيه
وراحو بتوع مجلس الشعب
اللي هم بيمثلونا

قالو محدش يمسكها غير

جيمي صكوك

ابن الباشا
وفي ذلك الوقت تحول اسم تلك الدوله
من
جمهورية مصر العربية
الى
المملكه المباركية الافريقية
وبذلك اعطى الحق للاسرائيلين ان يدخلو سيناء لانها ليست جزء من افريقيا
معلش اصله بتاع صكوك مبيفهمش في الجغرافيا

وساءت احوال البلد
ساءت سوء لدرجة ان مبقاش فيها مزارع ولا مصانع
وانتشرت الاوبئة

انقلونزا الطيور بهدلت البلد دي يا احفادي
وامراض تانية كتير
واتذلينا يا احفادي
اتذلينا كتير
اوي
واديكو زي مانتو شايفين
في الحته اللي معمولة بسيراميك دي
اه الحته الرفيعة اللي في نص مصر
كان في حاجة اسمها وادي النيل
دلوقتي زي مانتو شايفين
معمولة بالسيراميك
بعد ما اثيوبيا قطعت علينا الميه
وقام جيمي صكوك وقال نركب موتور

ربنا يستر
والله يا بلادي انا بكتب و بعرض نفسي للي يسوا وميسواش
عشان خايف عليكي يا بلادي

وااااااااااااااااااااا أسفي عليكي يا مصر

أحنا بتوع الأتوبيييس

2009-07-17T05:46:00.000-07:00

انبارح اه انبارح كان يوم غريب
صحيت الصبح وكالعادة سبت الجبنة التركي والشي بلبن ونزلت من غير ما افطر عشان بحب افطر على اي عربية فول

وركبت الاتوبيس

تقريبا نفس الوشوش
نفس السحن
ولما تبص في عنيهم تحس انهم لسة بيفكرو في اللي هما كانوا بيفكروا فيه انبارح
تركب الأتوبيس من هنا وتلاقي كلو قاعد ساكت ومفيش غير صوت الموتور عنننننننننننننننننننننننننننننننننننننننننننننننننننننننننننننننننننننننننننننن

والكمسري ( وسع طريق يا اخويا قدام....... الطرقة فاضية قدامكو يا جدعان............. اللي طلع من قدام يبعت.............. اللي عاوز ينزل يروح عند السواق............. خدهم معاك يا فلان................ الاجرة جني يا حجة ومن المنشية بنص جني وهكذا )
أو صوت بائع العسلية او النعناع وهو بيقول ( وادي كيس عسلية كمان بجني افتح ودوق يا باشا بل ريقك وسلي طريقك كمان بالجني .... او باكو نعناع كمان بنص كني وادي باكو نعناع فواكه بنص كني يروق الدماغ ويحلي ريحة بقك ويشيل ريحة السجاير كمان بالنص جني)

كل يوم نفس الموال وكل يوم نفس الناس بتفكر ويا سلام بقى لو حد جالو تليفون ولا عمل تليفون تعرف عطووول مشكلته اللي تقولك معلش يا ستي بس والله انا معيش فلوس اليومين دول انتي عارفة العيشة غالية ازاي واللي تقول صبرك عليا يا سيدي لما ابقى اروح واطبخلك الطفح واللي تقول لحبيبها انتى وحشتني وكلمت ماما ولا لسة وحتكلمها امتى واللي يقول لمعلمه سامحني يا معلمي بس والله يدوب روحت ونمت وصحيت متأخر حبتين ويلا سلام بقى عالكدابين نبقى لسة في الهانوفيل ويكلمه صاحبه يقولو استنى ربع ساعة انا في الورديان - ملحوظة الوقت ما بين الهانوفيل والورديان حوالي 40 دقيقة - واللي ابنها مغلبها واللي مراته مضيقاه واللي مرتبه خلص واللي اطرد من وظيفته واللي مش لاقي ياكل وشاري موبايل بالشئ الفلاني واللي بيبيع العسلية وبيحاول يكسبله 5 او 10 جني زيادة في اليوم

حالة من الكساد والركود في أوساط الشعب وطبقاته التي احب ان اصفها بالشبه محدودة والمحدودة والمعدومة والمشنوقة والمفشوخة احيانا وال***** احيانا كثيرة

وسالت نفسي سؤال هو ممكن تسوء الحالة عن كده كمان
انا مش عارف ازاي بلد زي بلدي في ناس فيها مش لاقية الاكل
بجد مش لاقيين الاكل
ناهيك عن الملبس والمسكن فهي عندنا نحن المصريين الان من التفاهات والترهات
احنا اساسيتنا موبايلاتنا واكلنا وشربنا

بس لييييييييييييييه
ده احنا مدخلناش حرب من 73
يعني 37 سنة بلا حرب
ومش شايف غير تأخر بيزيد يوم بعد يوم
تخلف بيزيد ساعة بعد ساعة
بذاءة بتتكاثر كما تتكاثر البكتيريا على حتة جلة حمار واقعة في مجاري ناس بتاكل حيوانات ميتة

قحط ذل مهانة جهل فقر زبالة وساخة مجاري أمراض اهمال رشاوي فساد احتكار استيراد غلو كساد بيض بييض بيييض

فين الألفاظ التانية
من كتير مسمعتش عن لفظ الرحمة الجمال سوى انك تشاور على موزة وتقول انها جميلة فرتيكة
فين الشرف
الضمير
الصنعة المصرية والصناعة المصرية
فين كلمة تصدير
فين كلمة نضافة شفاء حب صدق وفاء صفاء تقدير غير في الشهادات وبرضه ما بيجيش
طب وبعدين

لازم يا جدعان نتغيروا
ما اهو اصل من اعمالكم ولي عليكم
واحنا مش حنتقدم ببذائتنا وقلة ضميرنا
بس لحد امتى بقى مش حتفووووقووووووا
لحد امتىىىىىىىىىىىىىىىىىىىىىىى ىىىىىىىىىىىىىىىىىىىىىى

بجد وااااااااااااااااااااااااا ااااااا أسفي عليكي يا بلدي

إعادة توزيع الدخل القومي

2009-07-17T04:51:00.000-07:00

انبارح كان يوم جميل
شمس الاسكندرية الدافئة وبحرها الهادئ تارة المتلاطم تارة أخرى وكأنه مراة تعكس نفس المتأملين فيه فهم اما من المصطافين الفرحين او من اليائسين الشاكين همومهم إليه
وكان عمال النظافة في أوج صحتهم وعافيتهم ونشاطهم وكان عامل الجمعية علاء مش ملاحق على طلبات اللحمة والفراخ لقطان منطقة كامب شيزار
وكان أكرم بتاع الأزوزة شغال الله ينور
واحنا من كتر الشغل اللي في الورشة مكناش ملاحقين عالزباين لدرجة ان احنا مرضيناش نصلحو عربيات وبقينا بنبعتوها لميكانيكية تانيين والميكانيكية برضه بقو بيجبولنا شغل عشان هما برضه مشغولين
باختصار كان يوم قشطة

وبتفكير بسيط مش محتاج لعقلية فذة
اكتشفت حاجة
النهاردة اول الشهر
يوم 2 في الشهر
يعني تلت تربع الناس قبضو انبارح ونزلو يصرفوا نص المرتب للخزين وتصليح عربياتهم
وكلهم رايحين شغلهم بدري
واكيد كلهم حيشتغلو بضمير زي الكناسين ما كانو بيشتغلو بضمير

حاسيت ان البلد لسه بخير
بس

اهلها في حاجة ماسة لحاجة ماسة

ألا وهي اعادة توزيع ثروتك يا بلدي صح
أو بمعنى أصح إعادة توزيع الدخل القومي لمصر بصورة متساوية

بمعنى
ليا صحاب مهندسين اتخرجو وكان اول مرتب يقبضو تلت تلاف جنيه

في حين ان موظف الكلية اللي مضالهم على ورقة التخرج واللي بقاله تلاتين سنة شغال في الكلية مرتبه لم يتعدى الالف جنيه
ولو ده كان موظف زيه زي الباشمهندس صحبي دهون ولسة متخرج مكنش حيتم ابدا الربعمبت جندي

السؤال
هو مش ده و ده بيخدموا دولة واحدة يا بلدي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الإجابة كانت لأ
ده بيخدم دولة وده بيخدم مؤسسة
بمعنى أن اللي بيشتغل موظف ده موظف في الحكومة أما الباشمهندس زميلي بيشتغل في شركة خاصة.

والأفظع ان اللي بيخدم دولة بيقبض اقل بنسبة السدس من اللي بيخدم دولة
اكيد طبعا شغلانة المهندس خطيرة وفيها مجهود بدني عصبي ذهني الخ اكتر بمراحل من الموظف
لكن في النهاية المفروض ان الاتنين يكونو بيخدمو دولة

أنا اتعجبت لما لاقيت شركة زي شينيل الصينية المجودة في حلوان ليها نشيد وموظفينها بيسمعوا النشيد ده وهم بيرقصو في حين اني كنت خايف اني اسألهم يسمعوا نشيد بلادي بلادي يتهتهو ويقولوه بقرف

طب والمشكلة دي حلها إيه ؟
حلها ان الباشمهندس اللي بيقبض 3 الاف يقبض الف ونص واللي بيقبض ربعمية يقبض الف
والبتالي يحصل إتزان في توزيع الدخل القومي

يبقى كده يا بلدي انتي فيكي نوعين
وكل نوع فيه نوعين

النوعين الأولانيين فقيرو غني ونسبة الفقراء حوالي التلتين

والفقراء بينقسمو نوعين. عشان يعيشوا لازم يعملو حاجة من اتنين عشان يكملو باقي الشهر بالمعاش ولا المرتب
الأولاني واحد بيجيله حد من قرايبه اللي ربنا فاتحها عليه ويديلو حاجة لله
والتاني بيدخل المصلحة ويحاول يلملو قرشين من اي حد جي يخلص اوراق

والأغنياء برضه نوعين يا ناس بيكرهو البلد دي عشان تخلفها و نسبتهم الاكبر وولائهم مش للبلد دي إنما للمؤسسة او الشركة اللي هو شغال فيها
أو ناس أغنياء وبجد محترمين بيطلعوا من زكاة المال وبيعطفو عالفقراء وبيحبو البلد دي

سؤال اخير بقى يا بلادي
مستنية ايه من جيل طالع شايف ابوه يا اما مرتشي يا اما شحات يا اما ولائه مش ليكي ؟

يااااااااااااااااااااااااا ااااااااااااااااااااااااااااااااااااااااااااااااااااااه
وااااااااااااااااااااااااااااااااااااااااااااااااااا أسفي بجد عليكي يا بلدي

القانون والشرطة في خدمة الشعب

2009-07-17T04:48:00.000-07:00

كنت رايح الورشة انبارح الصبح وانا راكب في الأتوبيس ومعدي من قدام المساكن لقيت ظابط ملازم أول موقف توناية - للي مش فاهم يعني ايه توناية هي ذلك الشئ الأكبر من التوكتوك واصغر من الميكروباس - وماسك السواق بتاعها ونازل فيه ضرب
أفتكرت زمان لما كانت الشرطة في خدمة الشعب وقلت كان زمان دلوقتي فعلا الشرطة والشعب في خدمة القانون
وقعدت افكر هو الاصل في مبدأ قيام الدستور ان القانون هو اللي يخدم الشعب ولا الشعب هو اللي يخدم القانون
الله اعلم
بس بجد الضرب كان مبرح اوي لدرجة ان انا أتوجعتله وسواق الأتوبيس وقف وكان كل اللي في الأتوبيس عاوز ينزل يضرب الضابط
- وخصوصا بعد ما عرفنا ان تهمة الواد ده انه بيحمل ناس بدون ترخيص يعني العربية كانت ملاكي مش اجرة فقلت الله ينور واضح ان احنا اللي في خدمة القانون فعلا-
بس

وعاوز اقف كتير اوي عند كلمة بس دي

كان كلو خايف ينزل يضرب الضابط ده او بلاش يضربو يشتمو او بلاش كمان يشتمو يقولو حرام عليك سيبو اهو بيلقط رزقو مش احسن ما يسرق وهو اكيد العربية دي مش بتاعته

تخيلو اكتر من خمسين راجل وأنا منهم خايفين من عيل لسة متمش 25 ولا تلاتين بالكتير

طب ليييييييييييه ؟
قعدت تقريبا طول اليوم عاوز اعرف ليه
هو عشان معاه طبنجة
ولا عشان سلطته ولا عشان بدلته ولا عشان ايه بالظبط

بس بجد لقيت ان السبب الوحيد المقنع ان احنا اللي كنا خايفين وبس كنا خايفين.
ده لما راجل شتمه بصوت واطي مراته قالتله بس بسسسسسسس تودي روحك في ستين داهيه الراجل اتخرس

طب ايه اللي وصلنا لمرحلة الخوف دي

افتكرت عمي لما نزل من المانيا وقالي ان هناك الدولة فرضه نفسها عالمجتمع بس بأسلوب جميل بالرغم من الأزمة الاقصادية اللي موجودة بس الشعب مبينطقش ولا بيعتصم
قالي ان الدولة مهتمية اوي اوي بالمسرح الراقي وبوسائل الترفيه ووسائل الاعلام والصحة والنضافة وتوافر التكنولوجيا في كل البيوت فبالرغم من ان في ناس في المانيا عشان مش قادرين يدفعو ايجار الشقة بتاعتهم بقو بيجيبو اغراب يأجرولهم غرفة النوم لمدة 8 ساعات والناس دي تدفع ايجار رمزي للمستأجر الأصلي

ده معناه ان في ناس مش قادرين يدفعو ايجار الشقة والمان وفي ناس معندهاش اساسا شقة وبيأجروا مكان ينامو فيه
وده فين في ألمانيا

بس بقى هناك في أهتمام بآداب المرور بتفرضه الدولة فتلاقي الفقير يعدي من قدام اغلى عربية فيكي يا بلد وتلاقي سواق العربية مستعجل بس بيبصله باهتمام وباحترام
تلاقي الفقير لاقي وسائل ترفيه لولاده رخيصة
الولد الصغير بيتصرفله 150 يورو شهريا قبل ما يدخل المدرسة
العاطل اهو بياخد مبلغ يمشي حاله لحد ما يلاقي شغل

من النهاية دولة بتقدر أبنائها
وبالرغم من تواجد الشرطة الغير مكثف هناك إلا ان عدد الجرائم اللي في ألمانيا مش كتير
وعدد الجرائم التي يرتكبها افراد الشرطة في الشعب يكاد يكون منعدم

كل ده عمال افكر فيه لحد ما رحت الورشة وغيرت هدومي وبدأت أشتغل في عربية لادا قديمة تاكسي كمان يعني طالع بوظها وفجأة سواق العربية الاهبل دور العربية وانا تحت عند الشكمان قال ايه بيجربها وشديت انا نفس رصاص قشطة فكرني بمقولة البروفيسور العظيم جوزف ناي عن تأثير القوة الناعمة على استقرار البلد

وللي ميعرفش ان في حاجة اسمها القوة الناعمة وهي تلك القوة التي تيسر لك الحصول على ما تريد دون اللجوء إلى العنف او السيطرة او القوة

بمعنى أن بجد أوروبا أو بمعنى أصح قوة أوروبا في التأثير على شعوبها واستقرار البلاد يكمن في قوة دولتها
الناعمة

أما قوة مصر في الـتأثير على شعوبها وانها تخليهم يفضلو ساكتين عن الحق وهم شايفينو يكمن في قوتها الإيه بقى
أيون شطار قوتها الخشنة
اللهم إلا قليل من الاعتصامات اللي تلاقي واقف فيها كام واحد كده يقفو ساعتين ييجي الامن المركزي عشان يفضيهم او تسيب الدولة الشمس تلدع قفاهم وتفرقهم برضه

الواقع اللي انا شايفه من وجهة نظري
ان الشعب تقع عليه المسؤولية الأكبرفي كونه رأى منكرا ولم يغيره
رأى الحق وسكت عنه وفضل أن يكون شيطانا أخرس

والمسؤولية التانية بصراحة متقعش عالحكومة إنما تقع عالراس الكبيرة اللي بقالها 30 سنة ماسكة الحكم وكل ما حاجة تحصل الإعلام يعلقها على شماعة الحكومة

في النهاية كل اللي انا اتمناه
ان حــالك يا بــلادي يتصــلح
وان شعبك يا بلادي يستريح

وااااااااااااااااا أسفي عليكي يا مصر

السيما مرآة المجتمع

2009-07-17T04:44:00.000-07:00

مليش في السينما غير من بعيد لبعيد
بس دي مجرد نظرة لواقع عايشه وحاسس بيه

بصو يا جدعان ساعات السيما بتبقى مرآة الجزء القذر من المجتمع
وماء قذر تمتصه اسفنجة شهوات الجزء النضيف من المجتمع
وبالتالي ان صلحت صلح المجتمع وارتقى وان فسدت قول عليه يا دماغك العالية

وزي ما في اغنياء وقذرين
في فقراء وقذرين

زمان ايام الملك كانو الاغنيا بيخشو السيما
فكانت افلام رقص وخلاعة ومجون
وبعد الثورة انقسمت الافلام

منها ما هو يصف واقع مصر قبل الثورة للظلم والفساد وعبودية الشعب المصري
ومنها ما كان يصف حال الاسرة زي سي السيد وبين القصرين والسكرية
ومنها ما كان يصف حال الشباب اللي شدين حيلهم شوية ومقدينها حشيش وحريم بس كان على خفيف

بس

الثورة جعلت الشعب المصري واحد وواحد فقط
كان كلو بيركب نفس العربية لو عنده
وكلو بيشرب نفس السيجارة فالطبقة العليا راحت وراحت قذارتها فكانت الافلام
فكان اللي يحب يبوظ حيتعرف هو حيعمل ايه قبل حتى ما يعمل
اصل اخره ينزل البياصة يتعايش مع حرمايه او ازازة خمرة
واللي كان عاوز يهيص كان بينزل شارع طيبة او تنيس
وكان في اقسام شرطة نضيفة بتلبهم صح

نيجي بقى لبعد النكسة وحتى الحرب كانت افلام بتمجد في حرب الاستنزاف
بعد الحرب بدأت القصص الخيال واقعية اللي وصفت اسر المقاتلين المصريين واللي حصل لاهاليهم
وافلام تانية كل همها انها تكرة المصريين في عهد جمال عبد الناصر زي فيلم الكرنك مثلا وكلنا عارفين القذارة اللي فيه
نيجو عالوكسة اللي كانت بعد الانفتاح
افلام هابلة وساقطة وكانت ميرفت امين وسعاد حسني هما بطلتان المعظم فيها هي وكل القاذورات اللي كانو متخذينها قدوة
نظام بقى العيال المهيبرة دي بتوع عبدة الشيطان وحوارات فاكسة ليس لها اي اساس من الواقع المصري ولو وجد مكنوش حيعدو العشرين تلاتين واحد في مصر
بعد الافلام دي لقينا عبدة الشيطان انتشرو واستشرو في مصر فترة وحتى منتصفات عهد مبارك

كانت في اوائل التمانينات واحتى اوائل الالفية الافلام كلها زي بعضيها تقريبا اللهم غير ان القصة بدأت تتطور بتطور الممثلين
يعني بدل الهام شاهين واخواتها
جاءت منى زكي ونور والبنات الرقيقة دي
وبدل محمود حميدة ومحمو عبعزيز جالنا السقا واحمد حلمي
ومن هنا بدأ التطور
العقلية نفسها اطورت بتطور الاشخاص
زمان كانت ناس عندها الموهبة وبذيئة
دلوقتي ناس دارسه وعندها الموهبة
وللأسف أكتشفنا مؤخرا انها بذيئة
مين كان يصدق منى زكي البنت الرقيقة الحلوة الكميلة اللي لما كنت اشوف بنت محترمة ومش لابسة حجاب كنت اقول عليها دي زي منى زكي
لقيناها مؤخرا عامله فيلم شبه اباحي
ومش حستغرب بعد سنيتن لو لاقيتها منزلة فيلم اباحي
طب ليه
ما احنا كنا ماشيين كويس يا جدعان
افلام زي الفل وكوميدي حنلاقي حلمي
واكشن تيتو السقا
وحب جميل عفيف حنلاقو منى زكي ونور

لييييييييييييييييييييييييي

ييييييييييييييييييه؟

طب فين تيت ام الرقابة
للأسف لما قعدت افكر
للأسف لقيت ان الرقابة بيقف دورها عند السينما وشاشة القنوات المصرية
ولما انتشرت الفضائيات والشو تايم واوربت عليهم جميعا لعنة الله

بدأت الافلام تبقى أنكت

وبدأو الناس يقولو وانا ايه اللي يخليني اروح اكل في محل بتزا يديني البيتزا متاكل منها وانا منكن اكل البيتزاية كامله عند قناة الشاشة واوربت واحد واتنين

فبدأ المصريين أنفسهم يسيبو القنوات اللي بتقطع الفيلم وتاكل منه حتت ويروحو يتفرجو عالفيلم كامل
طب يا جدعان دول بيكتتو الحته المررة
الحتة اللي حتضرك
الحته اللي منكن تضيع بناتك وعيالك
ويا سلام
يا سلام عالاسرة اللي تتفرج جميعها
الاب والام والاولاد والخال والخالة والعيلة والهيصة دي على فيلم حين مسخرة
وتلاقي الواد بياخد اليافطة العبك ويدها للخياط ويقولو فصلي - سوري جيرلز - لباسين
وتضحك الاسرة وتقهقه من قلبها

تيجي تقول للرقابة احذري نشر الافلام دي
حتقولك كان زمان دلوقتي احنا بقينا دولة مؤسسات
ويا للعار
دولة مؤسسات في القذارة بس
لكن تيجي كده في صناعة ولا حاجة
طظظظظظظظظظظظظظظظظظظظظظظظظظ uncut ظظظظظظظظظظظظظظظظظظ
تلاقي القناة الولى اللي مكنتش بتفوت فتفوتة
كانت بتعمل تيت لما حد يقول يابن الكلب
اتفرج كده على فيلم بليل السعة حاشر اناشر
حتلاقية كامل
كنت بتفرج عالقناة التانية على فيلم كنت شفته قبل كده والبطل خلاص انا عارف ايه اللي حيعمله في البطلة ومسكت الريموت وخلاص ححول ححول اقطع بقى ابوس ايد اللي جابتك
قبل ما البت هه
قطع
زمان كان بيشلك السمين من اللحمه بحتة لحمه
ومن سنتين كان بيحرشفلك السمينة من على حتة اللحة
ودلوقتي بقى بيشيل حته صغنططة اللي فيها القرف الكبير
وبعد كمان سنتين حتبقى عادي يا مان وبيييس بقى

احنا فعلا دلوقتي عقلية منفتحة زيادة عن اللزوم نحية الغرب في الاباخية والاباخية فقط

وفعلا خلاص بقينا اسفنجة بتمتص الحاجات القذرة فقط الدخيلة علينا

وللأسف المجتمع هو رد فعل عالسيما مش العكس
وهي دي الخطورة

يعني زمان كان كلو بيمشي بالملاية اللف
بعد ظهور السيما خلعن المصريات الملاية اللف ولبسن كما يرتدين سيدات السينما التيير والجيب والفساتين القصيرة
ومن ثم
خلعنها ولبسن الميني جيب كما كانت ترتديها ميرفت امين وسعاد حسني
ولما بدأ الدين يدخل حبه حبه تاني للمصريين
رجعن يرتدين الجيب
ثم الحجاب
بعدين بقت الدنيا في اوائل الالفية متفتحة شوية
فالبنات قالو اخليني لابساه
ده حاجة بتعبر عن عاداتي وتقاليدي
والبس تحتيه اللي انا عاوزاه
فبقت الموضه في فترة حجاب وتحتيه برموضه
وبعدين عملو زي داليا البحيري
قفلو الشبابيك وفتحو المنور
بقى الحجاب مش زي اسلامي
بقى زي شرقي
اييييييييييييييييييييييييي يييييييييييه دنيا

ومش مستبعد كمان سنيتين لو ربنا ملحقناش يمشو بالبكيني تحت الحجاب

تفتكرو حالة السعار الجنسي للشباب بتوع وسط البلد بعد ما قدمت الاخت الفاضلة كريمة الراقصة المحتشمة عرضها
تفتكروا البنات كان بيحصلها ايه في وسط الشارع
كانت البنت بتغصتب من 10 عشرين شاب ويوم ما يجي حد يدافع عنها
كانو بيغتصبوا معاها
يا جدعان السينما رد فعل للبيئة القذرة اللي لازم تكون موجودة في اي كيان
وللأسف الجزء النضيف من المجتمع بيبقى اسفنجة بتمتص قذارة السينما وتطبقها في واقع حياتها النضيفة
وبالتالي السينما لو متحكمتش برقابة شديدة من الدولة اولا ومن الاهل والبيت ثانيا

يبقى كده المجتمع في البوظان حيغوص
والعط والاغتصاب عمره ما حيلوص

وااااااااااااااااااااااااا ااااااااااااااااااااااااااااااااااااااااااااااااااااااااا أسفي
عليكي يا بلدي

ليه كده بس يا مصر

2009-07-17T04:40:00.000-07:00

(الفصل الأول) نظرة عامة للسيما المصرية

مليش في السينما غير من بعيد لبعيد
بس دي مجرد نظرة لواقع عايشه وحاسس بيه

بصو يا جدعان ساعات السيما بتبقى مرآة الجزء القذر من المجتمع
وماء قذر تمتصه اسفنجة شهوات الجزء النضيف من المجتمع
وبالتالي ان صلحت صلح المجتمع وارتقى وان فسدت قول عليه يا دماغك العالية

وزي ما في اغنياء وقذرين
في فقراء وقذرين

زمان ايام الملك كانو الاغنيا بيخشو السيما
فكانت افلام رقص وخلاعة ومجون
وبعد الثورة انقسمت الافلام

منها ما هو يصف واقع مصر قبل الثورة للظلم والفساد وعبودية الشعب المصري
ومنها ما كان يصف حال الاسرة زي سي السيد وبين القصرين والسكرية
ومنها ما كان يصف حال الشباب اللي شدين حيلهم شوية ومقدينها حشيش وحريم بس كان على خفيف

بس

الثورة جعلت الشعب المصري واحد وواحد فقط
كان كلو بيركب نفس العربية لو عنده
وكلو بيشرب نفس السيجارة فالطبقة العليا راحت وراحت قذارتها فكانت الافلام
فكان اللي يحب يبوظ حيتعرف هو حيعمل ايه قبل حتى ما يعمل
اصل اخره ينزل البياصة يتعايش مع حرمايه او ازازة خمرة
واللي كان عاوز يهيص كان بينزل شارع طيبة او تنيس
وكان في اقسام شرطة نضيفة بتلبهم صح

نيجي بقى لبعد النكسة وحتى الحرب كانت افلام بتمجد في حرب الاستنزاف
بعد الحرب بدأت القصص الخيال واقعية اللي وصفت اسر المقاتلين المصريين واللي حصل لاهاليهم
وافلام تانية كل همها انها تكرة المصريين في عهد جمال عبد الناصر زي فيلم الكرنك مثلا وكلنا عارفين القذارة اللي فيه
نيجو عالوكسة اللي كانت بعد الانفتاح
افلام هابلة وساقطة وكانت ميرفت امين وسعاد حسني هما بطلتان المعظم فيها هي وكل القاذورات اللي كانو متخذينها قدوة
نظام بقى العيال المهيبرة دي بتوع عبدة الشيطان وحوارات فاكسة ليس لها اي اساس من الواقع المصري ولو وجد مكنوش حيعدو العشرين تلاتين واحد في مصر
بعد الافلام دي لقينا عبدة الشيطان انتشرو واستشرو في مصر فترة وحتى منتصفات عهد مبارك

كانت في اوائل التمانينات واحتى اوائل الالفية الافلام كلها زي بعضيها تقريبا اللهم غير ان القصة بدأت تتطور بتطور الممثلين
يعني بدل الهام شاهين واخواتها
جاءت منى زكي ونور والبنات الرقيقة دي
وبدل محمود حميدة ومحمو عبعزيز جالنا السقا واحمد حلمي
ومن هنا بدأ التطور
العقلية نفسها اطورت بتطور الاشخاص
زمان كانت ناس عندها الموهبة وبذيئة
دلوقتي ناس دارسه وعندها الموهبة
وللأسف أكتشفنا مؤخرا انها بذيئة
مين كان يصدق منى زكي البنت الرقيقة الحلوة الكميلة اللي لما كنت اشوف بنت محترمة ومش لابسة حجاب كنت اقول عليها دي زي منى زكي
لقيناها مؤخرا عامله فيلم شبه اباحي
ومش حستغرب بعد سنيتن لو لاقيتها منزلة فيلم اباحي
طب ليه
ما احنا كنا ماشيين كويس يا جدعان
افلام زي الفل وكوميدي حنلاقي حلمي
واكشن تيتو السقا
وحب جميل عفيف حنلاقو منى زكي ونور

لييييييييييييييييييييييييي