കിതപ്പ്

2012-12-16T06:28:00.001-08:00

കാലിയാക്കിയ മദ്യക്കുപ്പികളെയും
പൊട്ടിച്ചിതറിയ വള പൊട്ടുകളെയും
നമ്മള്‍ തിരയേണ്ടതില്ല .....
ഇനി ,
ഇരുളടഞ്ഞ ജീവിതക്കാഴ്ച്ചപ്പാടിനു
പുതിയൊരു കണ്ണട വാങ്ങിക്കുക .

അഴുക്കു നിറഞ്ഞു, ജീര്‍ണിച്ച

മേനിക്ക് നിറമുള്ള ഒരു കുപ്പായം തയ്പിക്കുക.
വളഞ്ഞു ചിന്തിക്കുന്ന മനസ്സിനും
കീറിമുറിക്കുന്ന നാവിനും മേല്‍
നീളമുള്ള പലക വെചാണിയടിക്കുക .
ഇനി നമ്മള്‍
നേരെ ചിന്തിച്ചു , നേരെ പറയാന്‍ പഠിക്കട്ടെ..
ഒച്ചയുടെ ആള്‍കൂട്ടത്തില്‍ നിന്നും കുതറി മാറി
നമ്മുടെ ചെവികള്‍ നിശബ്ദദ ശ്രവിക്കട്ടെ..
പുഴയും,കടലും,ആകാശവും
കണ്ടാസ്വദിച്ചു മതിയായ നാമിനി
നമ്മളെ കാണട്ടെ..
നാമെന്താനെന്നു തിരിച്ചറിയട്ടെ......

2012-12-16T06:11:00.003-08:00

ചിന്തയില്‍ വല്ലതും കുരുങ്ങിയിട്ട് അത് പേപ്പറില്‍ പകര്‍ത്താമെന്നു തോന്നിയെങ്കില്‍ തെറ്റി ..
പേനയില്‍ മഷി കൂടി വേണം :)

2012-12-09T20:17:00.000-08:00

സുഹൃത്തേ ,

ഇതൊരു മുനംബാണ്.

അപ്പുറത്ത് വിലക്കുകലടങ്ങിയ നാളെകള്‍,

ഇന്ന് കത്തിത്തീര്‍ന്ന ഇന്നലെകള്‍ ...

ഇന്ന് ,

ചുറ്റും ഏകാന്തത ..

വിഷപ്പുകഏറ്റു ഉണര്‍ന്നിരിക്കുന്ന ചിന്തകള്‍

ഉറക്കം വിട്ടകന്ന രാത്രികള്‍

രതിച്ചു തീര്‍ക്കാനാവാത്ത ആസക്തി

ഇനി,

നമുക്ക് വാടി കരിഞ്ഞ ഗൈസല്‍ പൂക്കളെ കുറിച്ച് സംസാരിക്കാം

നശിച്ചു കൊണ്ടിരിക്കുന്ന മനുഷ്യരുടെ കഥ മെനയാം ..

നാളെ ,

നമ്മുടെ സ്വപ്‌നങ്ങള്‍ വീതം വെക്കാം

പരമാവധി ലാഭം പേശാം ..

രക്തം കിനിയാതെ

പരസ്പരം കീറി മുറിക്കാം ...

മാപ്പ് ,

ഞാന്‍ ജനിച്ചിട്ടെയില്ല.............

2012-12-09T20:00:00.003-08:00

കാഴ്ച
ആദ്യ കാഴ്ചയില്‍ തന്നെ ന്റെ ഹൃത്തില്‍ നീ വലിയ ഒരു കൊളുത്തിട്ടു.
ഭാഷയില്‍ വ്യതാസം തോന്നിയെങ്കിലും കണ്ണിന്റെ ഭാഷയില്‍ നാം അടുക്കുകയായിരുന്നു ....
കഷ്ടപ്പെട്ട് സംസാരിക്കുന്ന നമ്മുടെ ചുണ്ടുകളെ ഞാനും നീയും കളിയാക്കി ചിരിക്കാരുണ്ടായിരുന്നു ,
നമ്മള്‍ എന്നെ അടുത്തവര്‍ എന്നാ ഭാവതാല്‍..

പ്രണയം
രണ്ടു ഹൃദയങ്ങള്‍ തമ്മില്‍ കൈ കോര്‍ത്ത്‌ നമ്മളെ
പ്രണയമെന്ന സുന്ദര ലോകത്തേക്ക് യാത്രയാക്കുകയായിരുന്നു ...
പിന്നെ,
സന്തോഷത്തിന്റെയും കൂടിചേരലിന്റെയും ദിനങ്ങള്‍ .
പിരിയാനാവില്ലെന്നു നമ്മളിലെ ഓരോ അണുവും ഉരുവിട്ടിരുന്ന നിമിഷങ്ങള്‍ ..
കഴിഞ്ഞു പോയ ഓര്‍മ്മകള്‍ മുന്നോട്ടു പോവുകയാണ് ,
കാലം പിന്നോട്ടും..

വിട
ഒരേ ഹൃദയവും
രണ്ടു ശരീരവുമായിരുന്ന നമ്മള്‍
നമ്മുടെ ഹൃദയത്തെ വെറുത്തു തുടങ്ങുകയായിരുന്നു ..
ഒരു ദിനത്തിന്റെ ഭ്രാന്തില്‍ നമ്മുടെ ഹൃത്തിന്റെ എന്റെ പങ്കു ഞാന്‍
പറിച്ചെടുത്തു വലിച്ചെറിയുകയായിരുന്നു .
ഇനി നിന്റെ ഹൃദയം നിനക്ക്, എനിക്കിനി ഹൃദയമില്ല .
അന്നിന്റെ വേളയില്‍ നിന്നെ അത് വേദനിപ്പിച്ചെങ്കിലും
പിന്നെ നീയും.........

വിരഹം
തമ്മില്‍ കാണാതിരുന്ന സമയത്തും
മിണ്ടിയിരുന്ന നമ്മുടെ ചുണ്ടുകള്‍ക്ക്
മിണ്ടാതെയായപ്പോള്‍ കരയുകയായിരുന്നു
ആരും കാണാതെ , ഒരു ഒഴിഞ്ഞ കോണിലിരുന്നു .....
വാടിയ കവിളിലൂടെ ഒലിച്ചിറങ്ങിയ നിന്റെ കണ്ണീര്‍
വന്നു നിറഞ്ഞത്‌ എന്നില്‍ തന്നെയായിരുന്നു ...
പിന്നെ,
മരിച്ചു കൊണ്ടിരിക്കുന്ന എന്റെ ഹൃത്തിനു
ജീവന്റെ വായു നല്‍കാന്‍ ഞാന്‍ നിന്നോട് കെന്ജിയപ്പോഴും
നീ പറഞ്ഞത് 'നാം എന്നെ പിരിയേണ്ടവര്‍' എന്ന് .

കാലം മനുഷ്യനെ പല വിധത്തില്‍ മാറ്റിയെടുക്കും .
കാലം നിന്നെക്കൊനടെതിച്ചത്
എന്നെ ഭ്രാന്തന്‍ വേഷം കെട്ടിക്കുന്ന ഒരു ചമയക്കാരിയായിട്ടാണോ ?

[എന്റെ ഒരു സുഹ്ര്തിന്റെയും അവന്റെ കാമുകിയായിരുന്ന ഒരു പഞ്ജാബി പെണ്‍കുട്ടിയുടെയും പ്രണയം പൊട്ടി തരിപ്പണമായ സമയത്ത് എഴുതിയത് :) ]

2012-12-09T19:07:00.001-08:00

ഉറക്കം വരാത്ത രാത്രികള്‍,
കൊഴിഞ്ഞു പോയ കാലത്തിന്റെ ഓര്‍മ്മകള്‍,
പറയാതെ സൂക്ഷിച്ചു വെച്ച പ്രണയം,
ഇഷ്ട സുഹ്രത്തിന്റെ വേര്‍പാട് ,
സ്നേഹത്തിന്റെ കപടത വിളംബിതരുന്ന ചില സുഹ്ര്തുക്കള്‍...
എന്നെ അസ്വസ്ഥനാക്കുന്നു ....

2007

2012-01-25T17:50:00.000-08:00

എന്‍റെ മൂന്നാമത്തെ ഇഷ്ടം ,

എന്‍റെ ആദ്യ പ്രണയം .

എന്‍റെ ഹൃത്തിന്റെ , മനസ്സിന്റെ , ചിന്തയുടെ , ശരീരത്തിന്‍റെ കാവല്‍ലാവാന്‍ വിധിക്കപെട്ടവള്‍.......///... .............

അതാണ്‌ ന്‍റെ പെണ്ണ് ....

2011-07-26T17:18:00.000-07:00

അവസ്ഥകള്‍ മരിക്കുന്നില്ല .....
വിശപ്പ്‌ ( വീടിനെക്കുരിചോര്‍ക്കുമ്പോള്‍ ) ,
ദാഹം( ഉത്തരങ്ങളില്ലാതാവുമ്പോള്‍),
കാമം ( ഓര്‍മകളിലേക്കൂളിയിടുമ്പോള്‍ ),
വാഗ്ദാനം ( അത് ലങ്കിക്കല്‍) ,
ദുഃഖം (നിറഞ്ഞു ഒഴുകല്‍) ,
സന്തോഷം ( നൈമിശികം) ,
പൊട്ടിച്ചിരി ( നിങ്ങള്ക്ക് മാത്രം ) ,
മൌനം ( ഉറ്റവരോട് ),
ഒളിച്ചോട്ടം (സ്വയം രക്ഷ ) ....

എന്നിലെ എനിക്ക് മരണമില്ല :)

osho

2010-05-30T15:06:00.001-07:00

http://www.youtube.com/watch?v=kK4aVB1uPOg

ദിയ എന്ന പെണ്‍കുട്ടി

2010-05-16T15:07:00.001-07:00

മഴ തിമിര്‍ത്തു പെയ്യുകയാണിവിടെ..
മുറിയില്‍ നിന്നും ജനവാതിലിലുടെ പുറത്തേക്കു നോക്കിയിരുന്നു മഴയെ ആസ്വദിക്കുമ്പോള്‍ മനസ്സെങ്ങോട്ടോ വ്യതിചലിച്ചു പോയി.....എത്തിയതോ എന്റെ പഴയ ഒരു മൈസൂര്‍ കാലിക്കറ്റ്‌ യാത്രയിലായിരുന്നു .....ഏകദേശം 4 വര്‍ഷം ആയിക്കാണും , മൈസൂരില്‍ പഠിക്കുന്ന കാലം... ഉമ്മയെ കാണാനുള്ള യാത്ര , മൈസൂര്‍ സ്റ്റാന്‍ഡില്‍ ബസ്‌ കാത്തു നില്‍ക്കുന്നു...സമയം രാത്രി 11.30, ഇനിയും അര മണിക്കൂറുണ്ട്‌ ബസ്‌ എടുക്കാന്‍....റിസര്‍വ് ചെയ്തില്ല, സീറ്റ്‌ കിട്ട്വോ എന്തോ എന്നലോജിച്ചിരിക്കുംബോഴാണ് ഒരു പെണ്‍ കുട്ടി ഇടയ്ക്കിടക്ക് എന്നെ നോക്കുന്നത് ഞാന്‍ ശ്രദ്ധിച്ചത് :) മനസ്സില്‍ ഒരു ലഡ്ഡു പൊട്ടിയോ ? ഹേയ്..
ദേ ആ കുട്ടി എന്നെ നോക്കി പുഞ്ചിരിക്കുന്നു , അല്ല പുഞ്ചിരിച്ചു എന്ന് പറയുന്നതാവും ശെരി ...ഞാന്‍ തിരിച്ചും കൊടുത്തു, ഞാന്‍ ആരാ മോന്‍ ..ഹല്ലാ പിന്നെ ..ബസ്‌ എടുക്കാന്‍ തുടങ്ങിയപ്പോ ഞാന്‍ ഓടിച്ചാടി ബസില്‍ കയറി, ഭാഗ്യത്തിന് സീറ്റും കിട്ടി..അപ്പോഴാണ് അപ്പുറത്ത് നിന്നൊരു ശബ്ദം 'കോഴിക്കൊട്ടെക്കാണോ '. വീണ്ടും ആ പെണ്‍കുട്ടി എന്റെ തൊട്ടപ്പുറത്തെ സീറ്റില്‍... ................ .. ഞാന്‍ ഒന്ന് മൂളി..(ജാട) 'കോഴിക്കോട് എവിടെയാ വീട്' വീണ്ടും ചോദ്യം. കോഴിക്കൊടല്ല, പരപ്പനങ്ങടിയെന്നു ഞാന്‍....... ......, ബസ്‌ എടുത്തു, ഞാന്‍ ഉറങ്ങാനുള്ള പുറപ്പാടിലാണ്....ചുമ്മാ ഒന്ന് തലതിരിച്ചു നോക്കിയപ്പോ കണ്ടത് ആ കുട്ടി ചോകാലൈറ്റ് കഴിക്കുന്നതാ..കഷ്ടകാലത്തിന് ഞാന്‍, നോക്കിയത് അത് കണ്ടുതാനും..എന്റെയടുത്തേക്ക് കൈ നീട്ടി 'വേണോ '? ഞാന്‍ 'വേണ്ട' എന്നും( ജാടയോടെ) ..
നല്ല ഒരു ഉറക്കത്തിനു ശേഷം കണ്ണ് തുറന്നപ്പോ താമരശേരി ചുരം വളരെ ഭംഗിയായി ഇറങ്ങിക്കൊണ്ടിരിക്കുന്ന ബസ് ..
കോഴിക്കൊടെത്തെയിപ്പോഴാണ് ഞാന്‍ ആ കുട്ട്ടിയെ ശ്രദ്ധിച്ചത്, ഫോണില്‍ ആരോടെ പതുക്കെ സംസാരിക്കുന്നത് കണ്ടു..എന്റെ മുഖത്തേക്ക് നോക്കി വീണ്ടാമതും ഒന്ന് മന്ദഹസിച്ചു, ഞാന്‍ അങ്ങോട്ടും..കോഴിക്കോട് എത്തിയപ്പോള്‍ അവള്‍ പരപ്പനങ്ങാടി എവിടെയാ വീടെന്നായി ചോദ്യം...എന്ത്യേ അവിടെ അറിയ്യോ എന്നു ഞാന്‍ , 'ങ്ഹാ ഞാനും അങ്ങോട്ട്‌ തന്നെയാ' എന്നവള്‍..
എനിക്കെന്തോ പന്തികേട്‌ മണത്തു തുടങ്ങി..ഞാന്‍ പിന്നെ ഒന്നും മിണ്ടാതെ പരപ്പനങ്ങാടിയിലോട്ടുള്ള
ബസില്‍ കയറി സ്ഥാനം പിടിച്ചു.അവള്‍ വേരെയൊരു സീറ്റിലും. ...അതിനിടയില്‍ അവള്‍ അപ്പുറത്തിരിക്കുന്ന ആളോട് ഇത് 8 മണിയാവുമ്പോഴേക്കും പരപ്പനങ്ങാടി എത്തുമോ എന്നു ചോദിക്കുന്നത് കേട്ടു..അങ്ങിനെ ഒരു നീണ്ട യാത്രക്കൊടുവില്‍ എന്‍റെ നാടായ പരപ്പനങ്ങാടി എത്തി..എല്ലാവരും എന്നെ അറിയുന്നവര്‍. എന്‍റെ കൂടെ ഈ കുട്ടിയും ഇറങ്ങിയിരിക്കുന്നു..എന്‍റെ കയ്യില്‍ വല്യ രണ്ടു ബാഗുകള്‍ (അലക്കാനുള്ള ഡ്രസ്സ്‌ ) ഈ കുട്ടിയുടെ കയ്യിലും(അതില്‍ എന്ത് പണ്ടാരമാണെന്നു എനിക്കറിയില്ല )..ആളുകളൊക്കെ എന്നെയിങ്ങനെ അന്തം വിട്ടപോലെ നോക്കാന്‍ തുടങ്ങി..ആ കുട്ടിയുടെ വേഷമാനെങ്കിലോ ഒരു ജീനും ഇറക്കം കുറഞ്ഞ ഒരു ടി ഷര്‍ട്ടും..
പിന്നെ അവരുടെ ഒരു അഭ്യര്‍ഥന മാനിച്ച് ഒരു 10 മിനിറ്റ് കൂടി അവരുടെ കൂടെ ബസ്റ്റ് സ്റ്റാന്‍ഡില്‍ നിക്കേണ്ടി വന്നു. (അവരുടെ ഒരു പരപ്പനങ്ങാടിക്കാരന്‍ സുഹുര്‍ത്ത് വരുവോളം ) ..അവര്‍ പറഞ്ഞ സമയവും കഴിഞ്ഞപ്പോ
സഹികെട്ട് ഞാനവളോട് ചോദിച്ചു 'കുട്ടിക്കെന്താ വേണ്ടേ'?
പിന്നെ ഒരു വല്യ കഥ പറച്ചിലായിരുന്നു..അവള്‍ മംഗലാപുരത്ത് സ്ഥിര താമസമാക്കിയ മലയാളി കുടുംബമാനെന്നും അവിടെ പഠിക്കുമ്പോ പരപ്പനങ്ങടിയിലുള്ള ഒരു പയ്യനുമായി ഇഷ്ടതിലായെന്നും അവന്‍ എന്നോട് ഇന്ന് ഇവിടെ വരാന്‍ പറഞ്ഞിരുന്നെന്നും, 8 മണിക്ക് സ്റ്റേഷനില്‍ എത്തണമെന്നും, ഒരുമിച്ച് ചെന്നൈയിലോട്ട് പോവാമെന്നുമെല്ലാം ...
എന്നിട്ടിപ്പോ എന്തിനാ ചെന്നൈയില്‍ പോവുന്നെ.....? ഞാന്‍ ചോദിച്ചു. എന്നോട് സംസരിക്കുന്നതിന്ടയ്ക്കെല്ലാം അവള്‍ മൊബൈലില്‍ ആരെയോ ട്രൈ ചെയ്യുന്നുണ്ടായിരുന്നു ..വീട്ടുകാര്‍ ഞങ്ങളുടെ ബന്ധത്തിനു സമ്മധിക്കുന്നില്ലെന്നും അതുകൊണ്ട് ഞങ്ങള്‍ ഇവിടം വിട്ടു പോകാന്‍ തീരുമാനിച്ചതനെന്നുമൊക്കെ...എന്നിട്ട് അവനെവിടെ...? എനിക്ക് സഹികെട്ട് തുടങ്ങിയിരുന്നു( കല്യാണ പ്രായമേ ചെക്കനല്ലേ ഞാന്‍ , അതിനു പുറമേ അതിസുന്ധരനും) ....'ഇതുവരെ റിംഗ് ചെയ്തിരുന്നു ...ഇപ്പൊ സ്വിച്ച് ഓഫാണ് പറയുന്നെ' അവള്‍ കരച്ചിലിന്റെ വക്കിലെത്തിയിരുന്നു..അല്‍പ സമയത്തിനുള്ളില്‍ ചെന്നൈയിലോട്ടുള്ള ട്രെയിനും പോയി..ഞാനും ആ കാമുകനെ ഒരുപാട് വിളിച്ചു നോക്കി..എവിടെക്കിട്ടാന്‍...... ,
....ഇവള്‍ മനോഹരമായിട്ട് വന്ജിക്കപ്പെട്ടിരിക്കുന്നു,എന്‍റെ മനസ്സ് പറഞ്ഞു..ഇനി എന്ത് എന്നു എനിക്ക് ചിന്തിച്ചിരിക്കാന്‍ സമയമില്ലായിരുന്നു, അവള്‍ക്കുണ്ടയിട്ടുണ്ടാവാം...എനിക്കെങ്ങിനെയെങ്കിലും ഒന്ന് തടി തപ്പിയാല്‍ മതിയെന്നായിരുന്നു അപ്പൊ ചിന്ത...അവള്‍ക്ക് ഞാനെന്‍റെ മഹത്തായ ഉപദേശങ്ങള്‍ നല്‍കി മംഗലാപുരം ട്രെയിനില്‍ കയറ്റി വിട്ടു...ചെറിയൊരു വിശമം തോന്നിയെങ്കിലും കൂടെ വല്ലാത്തൊരു ആശ്വാസവും തോന്നിയെനിക്ക്..അവളെ ട്രെയിനില്‍ കയറ്റി വിടുമ്പോഴയിരുന്നു ഞാനവളുടെ പേര് ചോദിച്ചത്..ദിയ എന്നവളുടെ പേര്..

കാലം കഴിഞ്ഞു, വീണ്ടും ഒരുപാട് മൈസൂര്‍ പരപ്പനങ്ങാടി യാത്രകള്‍ ......ഈ സംഭവം കഴിഞ്ഞു ഏതാണ്ട് രണ്ടു വര്‍ഷം കഴിഞ്ഞുകാണും ,മൈസൂരില്‍ നിന്നും നാട്ടിലോക്ക് വരുന്ന വഴിയില്‍ നിന്നും തന്നെ ഞാനവളെ വീണ്ടും കാണാനിടയായി..അവള്‍ ജീനില്‍ നിന്നും സാരിയിലോട്ട്ട് മാറിയിരിക്കുന്നു, കുറച്ചു വണ്ണവും വെച്ചിട്ടുണ്ട് ...മാനന്തവാടിയില്‍ വെച്ചാണ്‌ ഞാന്‍ യാത്ര ചെയ്യുന്ന ബസില്‍ അവള്‍ കയറിയത് ...എനിക്കവളെ മനസ്സിലായതേയില്ല..അവള്‍ ഇങ്ങോട്ട് വന്നു സംസാരിക്ക്കുകയായിരുന്നു..കല്യാണം കഴിഞ്ഞെന്നും ഭര്‍ത്താവിന്റെ വീട് ഇവിടെയനെന്നും ഇവിടെ ഒരു സ്കൂളില്‍ ടീച്ചര്‍ ആയി ജോലി കിട്ടിയെന്നും പറഞ്ഞു..അന്നു സഹായിച്ചതില്‍ ഒരുപാട് നന്ദിയുണ്ടെന്നും, ഇനി കാണുമെന്നു കരുതിയിരുന്നില്ല എന്നൊക്കെ പറഞ്ഞു ....
എന്നാലും ആ പരപ്പനങ്ങാടിക്കാരന്‍ ആരായിരിക്കും......?
ഒരു എത്തും പിടിയും കിട്ടുന്നില്ല :)

Tonight I Can Write The Saddest Line

2010-05-16T03:52:00.001-07:00

http://www.youtube.com/watch?v=00oapq5eg88

പിറക്കാത്ത മകന്

2010-05-16T03:47:00.000-07:00

http://www.youtube.com/watch?v=-sFKK8Fp42

LONDON

2010-05-15T15:56:00.000-07:00

ഇവിടെ ഓട്ടമാണ് ....

തിടുക്കം പിടിച്ച ഓട്ടം .....

ആര്‍ക്കും ആരെയും ശ്രദ്ധിക്കാന്‍ സമയമില്ലാത്ത ഓട്ടം .....

അത്കൊണ്ട് തന്നെ കുറ്റം പറച്ചിലും , സൊറ പറച്ചിലും ഇല്ലെന്നു തന്നെ പറയാം...

ഇവിടെ ആളുകള്‍ വേഗത്തില്‍ നടക്കുന്നത് കണ്ടിട്ട് ഞാന്‍ ആശ്ച്ചര്യപ്പെടാറുണ്ട്..ഇവരെങ്ങോട്ടാനെന്നോര്‍ത്തു .. ...വീക്ക്‌ ഏന്‍ഡ് എന്ന് പറയപ്പെടുന്ന ശനിയും ഞായറും കൂട്ടുകാരെ കാണാമെന്നു വെച്ചാല്‍ അന്നും തിരക്ക് തന്നെ,ഈയുള്ളവനും ......
ഇവിടെയിപ്പോള്‍ ആകെ ഒരാശ്രയം ഈ ലാപ്‌ ടോപ്‌ മാത്രമാണ്..ഏകാന്തതയില്‍ ഇവനെക്കൊണ്ട് ചിലപ്പോള്‍ ഒരു സമാധാനം കിട്ടും ..അല്ലെങ്കില്‍ തികച്ചും ഒറ്റയ്ക്ക് തന്നെ..ഇവിടെ ആകെ കേള്‍ക്കാവുന്നത് കാശിന്‍റെ കാര്യം മാത്രം....എല്ലാവര്ക്കും പറയാനുള്ളത് ഒരേ കാര്യം..
ഇപ്പോ നാട്ടിലെ പീടികതിന്നയിലിരുന്നു പരദൂഷണം പറയുന്നത് കേള്‍ക്കാനും പറയാനും കൊതിയാവുന്നു .......
അതിന്റെ ഒരു സുഖം വേറൊന്നു തന്നെ ല്ലേ....? ശെരിക്കും ഏകാന്തത അനുഭവപ്പെട്ടു തുടങ്ങുന്നു....ഒരു പറിച്ചു നടലയിരുന്നല്ലോ...ഇണങ്ങാന്‍ സമയമെടുക്കുംയിരിക്കും....എല്ലാം മാറി..കൂട്ടുകാര്‍ , കാലാവസ്ഥ ,ഭക്ഷണം ,ഭാഷ, വേഷം അങ്ങിനെ എല്ലാം..ഇനി ഈ ഞാനും മാറുമോ എന്നാണ് എന്റെ ഭയം..
മാറാതിരിക്കട്ടെ ....

Alone

2010-05-15T15:19:00.001-07:00