உதயம்

பின்லேடன் இருப்பும், மரணமும் யாருக்காக?

noreply@blogger.com (Shahull Hameed Mohamed Rizvy) — Wed, 18 May 2011 09:16:00 +0000

மே 2-ம் தேதி. அதிகாலை நேரம். பாகிஸ்தான் தலைநகர் இஸ்லாமாபாத்திலிருந்து இரண்டு மணிநேர பயண தூரத்தில் உள்ள அபோதாபாத் நகரத்தில் இருக்கும் காக்கூல் இராணுவ பயிற்சி மையத்திலிருந்து கூப்பிடு தூரத்தில் இருக்கும் அந்த பெரிய கட்டிடத்தை நான்கு உலங்கு வானூர்தியில் வந்த 79 அமெரிக்க சீல்(seals) படையினர் தாக்குகின்றனர். நாற்பது நிமிடங்கள் நீடித்ததாகச் சொல்லப்படும் அந்த சண்டையின் இறுதியில் தமது இலக்கைத் தாக்கியழித்து விட்டு அமெரிக்க வீரர்கள் 'வெற்றியுடன்' திரும்புகின்றனர்.

அதற்குச் சற்று நேரத்தில் அமெரிக்க வெள்ளை மாளிகையில் செய்தியாளர்களைச் சந்திக்கும் பாரக் ஒபாமா, அமெரிக்கர்களுக்கு நீதி கிடைத்து விட்டது என்கிறார். கடந்த பத்து ஆண்டுகளாக வலை வீசித் தேடி வந்த உலகின் நம்பர் ஒன் தீவிரவாதியான ஒசாமா பின்லேடனை அமெரிக்க வீரர்கள் அபோதாபாத்தில் நடந்த சண்டையில் கொன்று விட்டனர் என்று தெரிவிக்கிறார். அப்பாவி மக்களையும் குழந்தைகளையும் கொன்ற பயங்கரவாதிக்கான நீதியை வழங்கி விட்டதாகவும், ஆனாலும் பயங்கரவாதத்திற்கு எதிரான தமது போர் தொடரும் என்றும் அறிவிக்கிறார்.

அதைத் தொடர்ந்து இந்த விசயம் உலகெங்கும் உள்ள ஊடகங்களில் ஒரு பெரும் விவாதப் பொருளாகியுள்ளது. உலகத்தின் நாகரீக சமூகத்திற்கே ஆகப் பெரிய சவாலாக விளங்கிய படுபயங்கரமான தீவிரவாதி கொல்லப்பட்டதை உலகெங்கிலுமுள்ள முதலாளித்துவ ஊடகங்கள் கொண்டாடின. ஆனால், இவர்களுக்கும் முன்னதாக இந்த 'நரகாசுரவதத்தைக்' கொண்டாடத் துவங்கியது அமெரிக்கர்கள் தான். செய்தி வெளியானதும் வெள்ளை மாளிகையைச் சூழ்ந்து கொண்ட நூற்றுக்கணக்கான அமெரிக்கர்கள் ஆடிப் பாடி மகிழ்ந்துள்ளனர். தேசிய வெறி முழக்கங்களைத் தெரிவித்து மகிழ்ந்துள்ளனர்.

இன்னொரு பக்கம் பாகிஸ்தானில் திரளான மக்கள் ஒசாமா கொல்லப்பட்டதை அடுத்து அமெரிக்க எதிர்ப்புப் பேரணிகளை நடத்தியுள்ளனர். புனிதப் போராளியான ஒசாமா பின்லேடனுக்கு சொர்கத்தில் இடம் நிச்சயம் என்று சொல்கின்றனர். வசதியான வீட்டுப் பிள்ளையான ஒசாமா, இசுலாத்தையும் இசுலாமியர்களையும் காப்பதற்காகவே தனது சுகவாழ்க்கையைத் தியாகம் செய்து காடு மலையெல்லாம் அலைந்து திரிந்தார் என்று இவர்கள் நம்புகிறார்கள். அமெரிக்கா என்றாலே இசுலாமிய எதிர்ப்பு என்பது பட்டவர்த்தனமாக நடந்து வரும் வேளையில் ஒரு சராசரி முசுலீம் கூட பின்லேடன் கொல்லப்பட்டது குறித்து வருந்துவார் என்பதில் ஆச்சரியமில்லை. அதைத் தவறாக எண்ணவேண்டிய அவசியமும் இல்லை.

பொதுவில் அமெரிக்காவின் இந்த சாகச நடவடிக்கையைப் போற்றிப் புகழும் ஊடகங்களை விடுத்துப் பார்த்தால், வெகு சில அமெரிக்க எதிர்ப்பு ஊடகங்களிலோ இது மொத்தமும் பெரிய மோசடியென்கிறார்கள். ஒசாமா பின்லேடன் ஏற்கனவே மரணமடைந்து விட்டாரென்றும், இப்போது அமெரிக்கா சொல்வதே பச்சையான பொய் என்றும் சொல்கின்றனர். சர்வதேசப் பெருமந்தம் என்கிற பெரும் பொருளாதாரப் புதைகுழியிலும் ஆப்கான் போர் என்கிற இராணுவரீதியிலான புதைகுழியிலும் மீளமுடியாமல் சிக்கியிருக்கும் அமெரிக்கா, அதிலிருந்து மக்களின் கவனத்தை திசை திருப்பவே இப்படி ஒரு நாடகத்தை நடத்தியிருப்பதாகச் சொல்கிறார்கள்.

இவர்களில் சிலர் இன்னும் ஒரு படி மேலே போய், எதிர்வரும் தேர்தலுக்குள் சரிந்து போன தனது செல்வாக்கை நிமிர்த்தும் முகமாகவே பராக் ஒபாமா இப்படி ஒரு நாடகத்தை அரங்கேற்றியிருக்கிறார் என்று சொல்கிறார்கள். ஒசாமா பின்லேடனை அமெரிக்கத் தயாரிப்பு என்று ஒப்புக் கொள்ளும் சிலரும் கூட, அவரால் அமெரிக்கா படுபயங்கரமான பாதிப்புக்குள்ளாகி விட்டதைப் போன்றும், அவர் அமெரிக்காவுக்கு தீர்க்க முடியாத ஒரு பெரும் சவாலாக விளங்கினார் என்றும் இப்போது படாதபாடெல்லாம் பட்டு அமெரிக்கா அவரைத் தீர்த்துக் கட்டியிருக்கிறது என்றும் சொல்கிறார்கள்.

இந்த அம்சங்களை நாம் தனித்தனியே பிரித்துப் பார்த்து பொருள் கொள்ள முடியாது. ஒசாமா யாருக்காக வாழ்ந்தார் என்பதைப் புரிந்து கொள்வதில் இருந்து தான் அவர் யாருக்காக செத்தார் என்பதை விளங்கிக் கொள்ள முடியும். யாருக்காக செத்தார் என்பதை விளங்கிக் கொள்ளும் போது தான் எதற்காகச் சாக வேண்டும் என்பது தெரியவரும். இந்தப் பரிசீலனைகளின் நீட்சியாக எப்போது செத்தார் என்கிற ஆராய்ச்சியின் தேவையும் தேவையின்மையும் அதன் மெய்யான பொருளில் நமக்கு விளங்கும்.

ஒசாமா இறந்தாலும் ஆயிரம் பொன், இருந்தாலும் ஆயிரம் பொன்!

ஒப்பீட்டளவில் ஒசாமாவைக் காட்டிலும் உள்நாட்டு மக்களிடையே ஓரளவு செல்வாக்கு பெற்றிருந்த சதாம் உசேன் பிடிபட்டதையும், விசாரணை என்கிற பெயரில் அவர் அவமானப்படுத்தப்பட்டதையும், பின்னர் அவர் அநீதியான முறையில் கொல்லப்பட்டதையும் வீடியோக்களாக 'கசிய' விட்டு ஈராக்கியர்களிடையே பயபீதியை ஏற்படுத்திய அமெரிக்கா, ஒசாமா கொல்லப்பட்டதும் அவரது உடலை வெளியே காட்டாமல் அவசர அவசரமாக கடலில் வீசியெறிந்து விட்டதாகச் சொல்கிறது.

ஒசாமாவைக் கொல்வதற்காக நடத்தப்பட்ட ஆப்பரேஷன் ஜெரோனிமா பற்றிய தகவல்களைக் கூட அமெரிக்க சி.ஐ.ஏவின் உயரதிகாரிகளும் வெள்ளை மாளிகளை அதிகாரிகளும் முன்னுக்குப் பின் முரணாகத் தான் சொல்லி வருகிறார்கள். ஒசாமாவோடு அவரது மனைவியும் மகனும் கொல்லப்பட்டார்கள் என்று ஆரம்பத்தில் சொன்னார்கள் – பின்னர் இல்லையில்லை அது அவரது கூட்டாளியின் மனைவியும் மகனும் என்று மாற்றினார்கள். அடுத்து, ஒசாமாவே துப்பாக்கியை தூக்கிக் கொண்டு சண்டையிட்டார் என்றார்கள். ஒசாமாவின் உடல் நலிவைப் பற்றி ஊடகங்கள் எழுதத் துவங்கிய பின் இல்லையில்லை அவர் கைது நடவடிக்கையை எதிர்க்கும் விதமான செய்கைகளைச் செய்தார், எனவே தற்காப்புக்காக கொன்றோம் என்கிறார்கள்.

இப்படி மாற்றி மாற்றி அமெரிக்கர்கள் உளறிக் கொட்டுவதைச் சுட்டிக் காட்டும் சிலர், இது மொத்தமுமே ஒரு நாடகம் என்கிறார்கள். ஒசாமா 2001 டிசம்பரிலேயே கொல்லப்பட்டு விட்டதாகவும், தமது 'தீவிரவாதத்துக்கு எதிரான' போருக்கு மக்களிடையே ஒரு ஆதரவு தளத்தை உண்டாக்கவும், ஒசாமாவை மோசமான எதிரியாகச் சித்தரித்து அமெரிக்கர்களிடையே போருக்கு ஆதரவானதொரு பொதுக் கருத்தை காட்டமைக்கவே இத்தனை நாளும் அதை மறைத்தார்கள் என்று இவர்கள் கருதுகிறார்கள்.

இரட்டை கோபுரத் தகர்ப்புக்குப் பின் பகிரங்கமாக ஒசாமா வெளியே தலைகாட்டாமல் இருந்ததையும் அதன் பின் வெகு சில சந்தர்பங்களில் வெளியான அவரது வீடியோக்களின் நம்பகத்தன்மை சுயேச்சையான ஆய்வுகளில் (ஃபோரன்சிக் ஆய்வு) கேள்விக்குள்ளாக்கப் பட்டிருப்பதையும் சுட்டிக் காட்டும் இவர்கள், இப்போது ஆப்கானில் இருந்து வெளியேற முடியாமல் அமெரிக்கா தவிப்பதாகவும், போருக்கான செலவினங்கள் அதிகரித்து அமெரிக்கப் பொருளாதாரத்தின் கழுத்தை நெறிப்பதாகவும், இதனால் ஆப்கான் போரை ஒரு கவுரவமான வெற்றியாக சித்தரிக்கும் முகமாகவே இப்போது ஒசாமா கொல்லப்பட்ட நாடகம் நடத்தப்படுவதாகச் சொல்கிறார்கள். இது இன்னொரு பக்கத்தில் ஒபாமாவின் சரிந்து போன செல்வாக்கை உயர்த்தவும் பயன்பட்டுள்ளது என்றும் சொல்கிறார்கள்.

மேற்கண்ட வாதங்கள் முழுமையும் பொய் என்று ஒதுக்கிவிட முடியாது. ஆனால், ஒரு அடிப்படையான அம்சத்தை இவர்கள் காணத் தவறுகிறார்கள். போரிலிருந்து பின்வாங்குவது தான் அமெரிக்காவின் நோக்கம் என்றால், இப்போது லிபியாவின் மேல் ஏன் போர் தொடங்க வேண்டும்? அடுத்து சிரியாவின் மேல் ஏன் குறிவைக்க வேண்டும்? நிதர்சனம் என்னவென்றால்,ஏகாதிபத்தியம் போர்களில் இருந்து விலகுவதன் மூலம் தனது நெருக்கடிகளைத் தீர்த்துக் கொள்ள விளைவதில்லை – அது மேலும் மேலும் போர்களில் ஈடுபடுவதன் மூலமே தனது நெருக்கடிக்கான தீர்வை அடைய விரும்புகிறது. அதுதான் ஏகாதிபத்தியங்கள் உயிர்வாழ்தலின் ரகசியம்.

அதே நேரம் ஒசாமா கொலை பற்றி அமெரிக்கர்கள் மாற்றி மாற்றி முரண்பட்ட தகவல்களை அளிப்பதையும், 2007-க்குப் பிறகு ஒசாமா வீடியோ / ஆடியோ உள்ளிட்ட எந்த ரூபத்திலும் தலைகாட்டாத எதார்த்த உண்மையையும், இரட்டை கோபுரத் தகர்ப்பிற்குப் பின் நடந்ததாகச் சொல்லப்படும் 'இசுலாமிய தீவிரவாத' தாக்குதல்கள் எதையும் ஒசாமாவின் நேரடிக் கட்டளையின் பேரில் நடக்கவில்லை என்று ஏகாதிபத்தியவாதிகளே சொல்வதையும் நாம் கவனத்தில் கொள்ளாமல் இருக்க முடியாது.

ஆக, உண்மை என்பது இந்த இரண்டுக்கும் இடையில் தான் இருக்கிறது.

ஒசாமா 2001-ல் இறந்தாரா – இல்லை 2011-ல் இறந்தாரா என்பதைப் பற்றிய பரிசீலனைக்குள் போவதற்கு முன், ஒசாமா பின்லேடன் என்கிற பெயர், அதைச் சுற்றி கவனமாக கட்டப்பட்ட பிம்பம், அந்த பிம்பத்தைப் பற்றி அமெரிக்க மற்றும் உலக மக்களின் பொதுக்கருத்தில் முதலாளித்துவ ஊடகங்களால் தொடர்ச்சியாகத் திணிக்கப்பட்ட பயபீதி, இந்த பயபீதியினால் ஏற்பட்ட விளைவுகள் என்ன – அது யாருடைய நலனுக்கு சேவை புரிந்துள்ளது என்பதைக் குறித்து நாம் புரிந்து கொண்டால் தான் முந்தைய கேள்விக்கான பதில் நமக்கு விளங்கும்.

அமெரிக்க அரசின் இயக்கமும் அதன் செயல்பாடுகளும் – அந்தச் செயல்பாடுகளினால் விளையும் நன்மைகளும் முழுக்க முழுக்க பன்னாட்டு முதலாளிகளின் நலன் சார்ந்த ஒன்று. போர் என்பதை நாம் எப்படிப் பார்க்கிறோம்? போர் என்றால் அப்பாவி மக்கள் சாவார்கள். ஒன்றுமறியாத குழந்தைகள் அநியாயமாகச் சாவார்கள். போர் என்றால் ஒரு சமூகத்தின் சர்வநாசம். அதன் சமூகப் பொருளாதாரக் கட்டமைவின் பேரழிவு. இப்படித்தான் போரைப் பற்றி ஓரளவுக்கு விவரம் புரிந்தவர்கள் கூடப் புரிந்து கொண்டிருக்கிறார்கள். சரிதானே?

ஆனால், முதலாளிகளைப் பொருத்தளவில் போர் என்பது ஒரு அள்ள அள்ளக் குறையாத அட்சய பாத்திரம். போர் என்றால் ஆயுத விற்பனை – ஆயுத வியாபாரிகள் கொழிப்பார்கள். போரின் அழிவு என்றால் உட்கட்டமைப்பு வசதிகள் மேம்பாடு – கட்டுமானக் கம்பெனிகளின் கொழிப்பு. போரின் இறுதியில் தோற்றுப் போகும் நாட்டின் வளங்களின் மறுபங்கீடு. தமது பொருட்களுக்கான சந்தை. இதையெல்லாம் கடந்து வெல்லப்பட்ட நாட்டின் மீது வென்ற நாட்டின் மேலாதிக்கம்.

ஒசாமா பின்லேடன் என்று ஒருவர் இல்லாமல் போய் – இரட்டை கோபுரம் தகர்க்கப்படாமல் இருந்திருந்தாலும் கூட ஆப்கான் போர் என்பது சர்வ நிச்சயமாய் நடந்திருக்கும். அதற்கு இரட்டை கோபுரத் தகர்ப்பு என்பதையும் மனிதகுலத்துக்கே சவால் விடுக்கும் 'படுபயங்கர' சாத்தானாகச் சித்தரிக்கப்படும் ஒசாமா பின்லேடனையும் கடந்து பல்வேறு தேவைகளும் காரணங்களும் அமெரிக்காவிடம் இருந்தன. அந்தக் காரணங்கள் என்னவென்பதைப் பற்றி நாம் விரிவாக விளக்கும் முன், ஈராக் போருக்கான முக்கியமான காரணமாக அமெரிக்காவால் சொல்லப்பட்ட பேரழிவிற்கான ஆயுதங்கள் என்பது ஒருபோதும் ஈராக்கில் கண்டெடுக்கப்பட்டதில்லை என்பதை நீங்கள் கணக்கில் கொள்ள வேண்டும்.

கேந்திர முக்கியத்துவம் வாய்ந்த ஆப்கானும், அமெரிக்காவின் ஆக்கிரமிப்பும், அல்-காய்தா, தாலிபான் உருவாக்கமும்: ஒரு சுருக்கமான வரலாறு!

சோவியத் யூனியனின் முன்னாள் உறுப்பு நாடுகளாயிருந்த மத்திய ஆசிய நாடுகள் மற்றும் மத்திய கிழக்கு ஆசிய நாடுகளின் நிலங்களின் அடியில் அள்ள அள்ளக் குறையாத இயற்கை வளங்கள் கொட்டிக் கிடக்கின்றன. உஸ்பெகிஸ்தானில் கொட்டிக் கிடக்கும் தங்கம், தஜிகிஸ்தானில் புதைந்து கிடக்கும் ஏராளமான வெள்ளி, கஜாக்கிஸ்தானின் யுரேனிய இருப்பு ஆகிவற்றைக் கடந்து, இந்நாடுகளின் நிலத்தினடியில் ஏராளமான இயற்கை எரிவாயு ரிசர்வும் உள்ளது. கஜாக்ஸ்தான், துர்க்மெனிஸ்தான், அசர்பெய்ஜான் ஆகிய நாடுகளில் மட்டும் சுமார் 6.6 டிரில்லியன் கன மீட்டர் எரிவாயு நிலத்தினடியில் இருக்கிறது.

கிழக்கிலும் தெற்கிலும் பாகிஸ்தான், மேற்கே ஈரான், வடமேற்கே துர்க்மெனிஸ்தான், வடக்கே உஸ்பெக்கிஸ்தான் மற்றும் தாஜிகிஸ்தான், வட கிழக்கே சீனாவின் ஜின்சியாங் மாநிலம் ஆகியவற்றைத் தன் எல்லைகளாகக் கொண்டிருக்கும் ஆப்கான் போர்தந்திர ரீதியில் ஒரு புவியியல் கேந்திரமான இடத்தில் அமைந்துள்ளது. மத்திய ஆசியாவின் எரிவாயுவை ஐரோப்பியச் சந்தைக்குக் கடத்திச் செல்ல வேண்டுமானால் ஒன்று ஈரான் வழியே கொண்டு சென்றாக வேண்டும் அல்லது ஜார்ஜியா வழியே கொண்டு சென்றாக வேண்டும்.

ஈரான் அமெரிக்காவுக்குப் படியாத நாடு என்பதைக் கடந்து, ஈரான் வழியே துருக்கியை குழாய் மூலம் இணைப்பது என்பது துருக்கிக்கும் ஈரானுக்கும் பொருளாதாரத்தின் அடிப்படையில் வலுவானதொரு நட்புறவு தோன்றி விட அடிப்படையாய் அமைந்து விடும். ஈரானைத் தனிமைப்படுத்துவதைத் தனது அடிப்படையான மத்தியகிழக்குக் கொள்கையாகக் கொண்டிருக்கும் அமெரிக்காவுக்கு இது கொள்ளிக்கட்டையை எடுத்து தலையைச் சொறிந்த கதையாகி விடும்.

ஜார்ஜியா வழியே குழாய் அமைக்கலாம் என்றால் அங்கே ஆயுந்தாங்கிய மாஃபியா கும்பலின் தொல்லை. அதுவுமின்றி ஜார்ஜியாவின் தெற்கு எல்லைப் பிராந்தியமான ஒஸ்ஸேடியாவை ரசியா சொந்தம் கொண்டாடுகிறது. இவ்விரு நாடுகளுக்குள்ளும் இருக்கும் எல்லைத் தகறாரின் காரணமாக ரசியா அவ்வப்போது ஜார்ஜியாவின் மேல் ராணுவத் தாக்குதல்களைத் தொடுத்து வருகிறது. ஜார்ஜியாவை நேட்டோ நாடுகளின் கூட்டமைப்பில் இணைப்பதையும் ரசியா எதிர்த்து வருகிறது. மேலோட்டமாகப் பார்த்தால் ரசியாவுக்கும் ஜார்ஜியாவுக்கும் இடையேயான எல்லைப் பிரச்சினையாகத் தோற்றமளித்தாலும், ஜார்ஜியாவின் ஊடாக மேற்கு நாடுகள் எண்ணைக் குழாய் அமைத்து விடக் கூடாது என்பதில் ரசியா குறிப்பாக இருப்பது புரியும்.

இவ்விரு பாதைகளும் அடைபட்டதும் அமெரிக்காவின் முன் இருக்கும் எஞ்சிய வாய்ப்பு ஆப்கான் – பாகிஸ்தான் – அரபிக்கடல் என்கிற குழாய்ப் பாதை தான். மேலும் இது மேலே சொல்லப்பட்ட இரண்டு பாதைகளையும் விட குறைந்த செலவு பிடிக்கக் கூடியது. அரபிக்கடலில் இருந்து ஐரோப்பியச் சந்தைக்கும் இந்தியச் சந்தைக்கும் கப்பல் மூலம் எண்ணையை ஏற்றுமதி செய்வது சுலபம். இறுதியாக அமெரிக்காவின் போட்டியாளர்களாக உருவெடுத்து வரும் ரசியா, சீனா இரண்டு நாடுகளையும் கண்காணிப்பதற்கும், பயமுறுத்துவதற்கும், தேவையான இராணுவத் தளங்களை ஆப்கானில் வைத்திருப்பதும் முக்கியமானது.

ஆப்கானின் புவியியல் கேந்திர முக்கியத்துவத்தை உணர்ந்திருந்ததால் தான் பனிப்போர் காலத்திலேயே சமூக ஏகாதிபத்தியமாய் சீரழிந்திருந்த சோவியத்திற்கும் அமெரிக்காவுக்கும் இடையே ஆப்கானைக் கைப்பற்ற கடும் போட்டி நிலவியது. இந்தப் போட்டியில் எழுபதுகளின் இறுதியில் ரசியாவின் கை ஓங்கியிருந்தது. அப்போது அங்கிருந்து ரசியாவை விரட்ட அமெரிக்கா பெற்றெடுத்த சொந்தப் பிள்ளைகள் தான் தாலிபானும் அல்-காய்தாவும்.

நாத்திகர்களான கம்யூனிஸ்ட்டுகளை இசுலாமிய மண்ணான ஆப்கானில் இருந்து விரட்டுவதற்காகப் பல்வேறு இசுலாமிய நாடுகளில் இருந்து தெரிவு செய்யப்பட்ட ஆயிரக்கணக்கான இளைஞர்களைப் பாகிஸ்தானில் குவித்தது அமெரிக்க உளவுத்துறையான சி.ஐ.ஏ. அங்குள்ள மதரஸாக்களில் வைத்து அவர்களுக்கு சித்தாந்தப் பயிற்சியும் ஆயுதப் பயிற்சியும் அளித்தது பாகிஸ்தானின் உளவுத்துறையான ஐ.எஸ்.ஐ. இதற்கு தேவையான நிதி உதவியை அமெரிக்க அடிமைகளான சவுதி ஷேக்குகள் அளித்தனர். இப்படியாகத் தான் அரபு நாடுகளில் கட்டுமானத் தொழிலின் மூலம் பெரும் செல்வம் ஈட்டி சவூதி அரச குடும்பத்துக்கு நிகரான பணக்காரக் குடும்பத்தைச் சேர்ந்த ஒசாமா பின்லேடன் ஆப்கான் வந்திறங்கினார்.

பணக்காரக் குடும்பத்தைச் சேர்ந்த ஒசாமாவே சுகவாழ்க்கையை விடுத்து நாத்திகர்களை எதிர்த்து ஜிஹாத்தில் குதித்துள்ளார் என்கிற பிரச்சாரம் ஏழை முசுலீம்களிடம் சிறப்பாக எடுபடும் என்பது அமெரிக்காவின் கணக்கு. அமெரிக்காவின் அந்தக் கணக்கு தப்பவில்லை; ஆனால், அவர்கள் கணக்குப் பண்ணிப் பார்க்க வேண்டும் எண்ணியிராத எதிர்பாராத ஒரு இலக்கிலிருந்து தான் அடுத்த தாக்குதல் இறங்கியது. கம்யூனிச 'அபாயத்தைக்' களையும் நோக்கத்திற்காகப் அமெரிக்கா பெற்றுப் போட்ட தாலிபானும், அல்-காய்தாவும் தமது பிறவி நோக்கத்தை செவ்வனே நிறைவேற்றினர். எண்பதுகளின் இறுதியில் சோவியத் படைகள் ஆப்கானில் இருந்து பின்வாங்கின.

அல்-காய்தாவுக்கும் ஆப்கான் போரில் பங்கேற்க முஜாஹிதீன்களைத் திரட்டவும் இசுலாமிய நாடுகளின் இளைஞர்களிடையே ஒரு பிரச்சார முழக்கமாக அமெரிக்கா முன்வைத்திருந்த சித்தாந்தமான இசுலாமிய சர்வதேசியம் பூமராங் போல் திருப்பித் தாக்கும் சந்தர்பமும் உடனடியாக வந்து சேர்ந்தது அமெரிக்காவே எதிர்பார்த்திராத ஒரு சுவாரசியமான திருப்பம். ஆப்கான் போர் முடிந்து சவூதி திரும்பிய பின்லேடனை ஈராக்கின் குவைத் ஆக்கிரமிப்பு எதிர்கொள்கிறது.

இவ்விவகாரத்தில் அமெரிக்கத் தலையீட்டை பின்லேடன் எதிர்க்கிறார். ஈராக்கை தனது அல் காய்தாவையும் முஜாஹித்தீன்களையும் வைத்தே எதிர்கொள்ளலாம் என்கிற பின்லேடனின் விருப்பம் நிராகரிக்கப்படுகிறது. மேலும் சவூதி அரசின் அமெரிக்க விசுவாசமும் சவூதியில் நிலைகொண்டிருந்த அமெரிக்கப் படைகளும், வரலாற்று ரீதியிலான யூத இசுலாமிய முரண்பாடுகளின் பின்னணியில் பின்லேடனுக்கு இருந்த இசுரேல் எதிர்ப்பும், அதற்கு எண்ணை வார்க்கும் இசுரேலின் பிராந்திய ரவுடித்தனமும், அந்த ரவுடித்தனத்தில் குளிர்காய்ந்து கொண்டிருக்கும் அமெரிக்காவின் தாதாத்தனமும் பின்லேடனுக்குள் ஆழமான அமெரிக்க எதிர்ப்புணர்வை உண்டாக்குகிறது. இது பின்லேடனுக்குள் மட்டுமல்ல மத்திய கிழக்கில் உள்ள அமெரிக்க அடிமை ஆட்சியாளர்களைத் தவிர்த்த இசுலாமிய மக்கள் அனைவருக்குள்ளும் உருவாகிறது.

என்னதான் அமெரிக்கத் தயாரிப்பாக இருந்தாலும் – அமெரிக்கப் பாடதிட்டமான இசுலாமிய சர்வதேசியத்தைப் பயின்றிருந்தாலும் பின்லேடன் அதை உணர்வுப்பூர்வமாக பற்றி நின்றிருக்கிறார். இங்கே பின்லேடனிடம் வெளிப்படும் அமெரிக்க எதிர்ப்புணர்வும் பொதுவில் உலகெங்கும் உள்ள கம்யூனிஸ்டுகள் மற்றும் ஜனநாயக சக்திகளிடம் வெளிப்படும் அமெரிக்க எதிர்ப்புணர்வும் அடிப்படையிலேயே வேறு வேறானது. பின்லேடனிடமோ தாலிபானிடமோ வெளிப்படும் அமெரிக்க எதிர்ப்புணர்வு என்பது மக்கள் விடுதலை உரிமை என்கிற அடித்தளத்தின் மீது கட்டப்பட்டதல்ல – அது அமெரிக்க ஏகாதிபத்தியத்தின் இடத்தில் இசுலாமை மாற்றீடு செய்ய வேண்டும் – இழந்த தமது மேண்மையை மீட்க வேண்டும் என்கிற நோக்கத்தின் மீது கட்டப்பட்டது. அரபுலகில் மக்களது ஜனநாயகம் தழைக்க வேண்டுமென்பது அல் காய்தாவின் கோரிக்கையல்ல. அங்கிருக்கும் ஆட்சியாளர்களைத் துறத்திவிட்டு தூய இசுலாமிய சர்வாதிகாரத்தை நிறுவுவதுதான் அவர்களது நோக்கம்.

அதன் பின் 1996-ல் ஆப்கான் திரும்பும் ஒசாமா, தாலிபான்களின் பராமரிப்பில் தனது அமெரிக்க எதிர்ப்புப் போருக்கு ஆயத்தமாகிறார். தாலிபானின் பச்சையான மனித உரிமை மீறல்கள் மற்றும் காட்டுமிராண்டித் தனமான சட்டங்களின் காரணமாக அமெரிக்காவால் ஆப்கான் அரசை வெளிப்படையாக அங்கீகரிக்க முடியா விட்டாலும் அமெரிக்க அடிவருடிகளான பாகிஸ்தானும் சவூதியும் ஆப்கானை அங்கீகரித்திருந்தன. இவர்கள் மூலம் அமெரிக்கா ஆப்கானுடன் தொடர்புகளைப் பேணிக் கொண்டிருந்தது. எண்ணை ஒப்பந்தங்களுக்காக தாலிபான்களின் பிரதிநிதிகள் அமெரிக்காவுக்கும் சென்றுள்ளனர்.

வெளிப்படையான அமெரிக்க எதிர்ப்பு மற்றும் அமெரிக்காவுக்கு எதிரான பின்லேடனின் போரை ஆரம்பத்தில் தாலிபான்கள் தங்கள் சொந்தப் பிரச்சினையாகக் கருதவில்லை. முல்லா ஓமர் 98-ன் மத்தி வரையில் பின்லேடனின் இந்த முடிவை எதிர்த்துள்ளதாக அவரை மூன்று முறை பேட்டி கண்ட பாக்கிஸ்தான் பத்திரிகையாளர் ரஹிமுல்லாஹ் யூஸுஃப்ஸாய் தெரிவிக்கிறார். ஆனால் இந்த முரண்பாடு ஓரளவுக்கு மேல் நீடிக்க முடியவில்லை. தூய இசுலாமிய அடிப்படைவாதத்தின் மேல் கட்டப்பட்ட தாலிபான்களும் அவர்களின் முஜாஹித்தீன்களும் ஓரளவுக்கு மேல் அமெரிக்காவோடு உறவாடுவது அவர்களின் அடிப்படையையே அசைத்து விடக்கூடிய அபாயம் கொண்ட விளையாட்டு. தொண்ணூறுகளின் இறுதிப் பகுதியில் ஆப்கானில் இருந்தவாறே பின்லேடன் அமெரிக்கத் தூதரகங்களின் மேல் தொடுத்த தாக்குதல்களை தாலிபான்கள் தடுக்கவில்லை. பின்லேடனின் சர்வதேசிய இசுலாமிய முன்னணியின் செயல்பாட்டையும் முடக்கவில்லை.

இது ஆப்கானை எளிதில் மேய்ந்து விட்டுப் போய்விடலாம் – அதைத் தொடர்ந்து மத்திய ஆசிய எண்ணை வயல்களை சுலபத்தில் வளைத்துப் போட்டு விடலாம் – என்றெல்லாம் நாக்கில் எச்சில் ஊற கணக்குப் போட்டுக் காத்திருந்த அமெரிக்காவுக்கு ஆத்திரத்தைக் கிளப்புகிறது. தொண்ணூறுகளின் இறுதியிலிருந்தே ஆப்கானைத் தாக்கிக் கைப்பற்ற அமெரிக்கா தருணம் பார்த்துக் காத்துக் கிடந்த நிலையில் தான் இரட்டை கோபுரத் தகர்ப்பு நடக்கிறது.

உலக வரலாற்றில் மிகவும் ஆச்சரியப்படவைக்கும் இந்தத் தாக்குதலை அல் காய்தா நிறைவேற்றியதாக சொல்லப்படுகிறது. அதே நேரம் இந்த தாக்குதல் நடப்பதை அமெரிக்க அறிந்து தனது அரசியல் நோக்கத்திற்காக வேண்டுமென்றே நடக்க அனுமதித்தது என்றெல்லாம் கூட சிலர் கூறுகின்றனர். எது எப்படியோ இந்த தாக்குதலை வைத்து அமெரிக்கா அறுவடை செய்த அரசியல் நடவடிக்கைகள்தான் நம்மைப் பொறுத்த வரை முக்கியமானது.

ஆப்கானின் மேலான அமெரிக்க நிலைப்பாடு பற்றியெறியத் தயாரான நிலையில் இருந்த காய்ந்து போன வைக்கோல் போர் என்றால், இரட்டை கோபுரத் தகர்ப்பு என்பது அதன் மீது விழுந்த சிறு பொறி. அதன் பின் அமெரிக்கா தீவிரவாதத்திற்கு எதிரான தனது போரைத் துவக்குகிறது. அதுவரை தானே தனது நலனுக்காக ஊட்டி வளர்த்த இசுலாமிய சர்வதேசியத்தையும் முஜாஹிதீன்களையும் இப்போது புதிய சூழ்நிலைகளுக்கு ஏற்ப தனது நலனுக்காகவே வில்லனாகச் சித்தரிக்கத் துவங்கியது அமெரிக்கா. இப்படித்தான் விடுதலைப் போராளிகள், பயங்கரவாதிகளாக மறு நாமகர்ணம் சூட்டப்பட்டார்கள்.

தீவிரவாத ஒழிப்பு என்கிற பெயரில் முதலில் ஆப்கான் மேலும் அதைத் தொடர்ந்து ஈராக் மேலும் குண்டுகளைப் பொழிந்ததும், அவற்றைத் தனது நேரடிக் கட்டுப்பாட்டில் கொண்டு வந்ததையும், அப்போரில் அநியாயமாய்க் கொல்லப்பட்ட லட்சக்கணக்கான அப்பாவிகள் பற்றியும் நீங்கள் கேள்விப்படாமல் இருந்திருக்க மாட்டீர்கள் – ஆனால், இதில் நீங்கள் கேள்விப்படாத இன்னொரு அம்சமும் இருக்கிறது. ஆப்கான் போருக்காக மட்டும் ஒவ்வொரு வருடமும் நூற்றுக்கணக்கான பில்லியன் டாலர்களை அமெரிக்கா செலவிட்டு வருகிறது. இன்றைய நிலையில் ஈராக் மற்றும் ஆப்கான் போர்களுக்காக சுமார் 4 ட்ரில்லியன் அமெரிக்க டாலர்கள் செலவிடப்பட்டுள்ளது.

அமெரிக்கர்களின் வரிப்பணத்திலிருந்து செலவிடப்படும் இத்தொகையானது ஆயுதக் கம்பெனி முதலாளிகளும், கட்டுமானக் கம்பெனி முதலாளிகளுக்கும், எண்ணைக் கம்பெனிகளுக்கும் தான் பாய்ச்சப்படுகின்றன. இது இந்தப் போரின் பொருளாதார முகம் என்றால், இந்தப் பிராந்தியத்தில் தனது மேலாதிக்கத்தை நிறுவியுள்ளது அதன் இராணுவ முகம்.

ஆக, இசுலாமிய தீவிரவாதம் என்கிற வளர்த்த கடா அமெரிக்கா விரும்பிய திசையில் பாய்ந்த போதும் சரி – திரும்பி அமெரிக்காவின் மார்பிலேயே பாய்ந்த போதும் சரி; அதன் பலன்கள் என்னவோ அமெரிக்க ஏகாதிபத்தியவாதிகளுக்கும் அதன் ஆன்மாவாக இருக்கும் அமெரிக்க முதலாளிகளுக்கும் தான்.

இந்தப் போரின் ஒரு இடைக்கட்டமாக இப்போது ஒசாமா பின்லேடன் கொல்லப்பட்டுள்ளதாக அமெரிக்கா அறிவித்திருந்தாலும், அந்த வாக்கியத்தின் இறுதிப் பகுதியான 'தீவிரவாதத்திற்கு எதிரான போர் இன்னமும் ஓயவில்லை' என்பதே நமது அக்கறைக்கும் கவனத்திற்கும் உரியதாகும். கடந்த பத்தாண்டுகளாக போதுமான அளவிற்கு ஒசாமா பின்லேடன் என்கிற பூச்சாண்டியைக் காட்டிக் காட்டியே அமெரிக்கர்களிடம் பயபீதியை உண்டாக்கி ஒரு பொதுக்கருத்தை கட்டமைத்து போர் நடத்தியாகிவிட்டது. இப்போது எதார்த்தம் சாமானிய அமெரிக்கர்களைச் சுடும் நேரம் வந்து விட்டது.

இனிமேலும் இந்தப் பூச்சாண்டியைக் காட்டி கிளைமேக்சே இல்லாமல் ஒவ்வொரு ஆண்டும் அமெரிக்க பட்ஜெட்டிலும் மக்கள் நலத்திட்டங்களைச் சுருக்கி நூற்றுக்கணக்கான பில்லியன் டாலர்களை முதலாளிகளுக்குப் படையலிட்டுக் கொண்டிருக்க முடியாது. அதவாது மக்கள் தொட்டறியத்தக்க ஒரு வெற்றி வேண்டும். ஆக, அமெரிக்கா நடத்தி வரும் மெகா சீரியலில் இப்போதைக்கு ஒரு வில்லனைக் காவு கொடுத்து நேயர்களை கொஞ்சம் மகிழ்ச்சிப் படுத்தியாக வேண்டிய தருணம் வந்துள்ளது – ஒசாமா வதமும் நிகழ்ந்துள்ளது.

பின்லேடன் கொல்லப்பட்டதை அறிவித்த பராக் ஒபாமா, அந்த வாக்கியத்தின் இறுதியிலேயே போர் இன்னமும் முடியவில்லை என்பதைத் தெளிவாக அறிவித்திருக்கிறார். இனிமேல் வெறுமனே தீவிரவாதத்தை மட்டுமே எதிர்த்துப் போர் புரிந்து கொண்டிருப்பது என்பது சராசரி அமெரிக்கர்களின் பொதுக்கருத்தைத் திரட்டுவதற்குப் போதுமான அளவுக்குப் பயனளிக்காது. எனவே, தீமையை அழித்த நன்மையானது அடுத்து தனது நிலையை ஸ்திரப்படுத்திக் கொள்ள வேண்டுமல்லவா? எனவே எங்கெல்லாம் நன்மை போதுமான அளவுக்கு இல்லையோ அங்கெல்லாம் அமெரிக்க ஏவுகணைகள் நன்மையின் நற்செய்தியைச் சுமந்து செல்கின்றன. லிபியாவிலும், சிரியாவிலும் அமெரிக்கத் தலையீடுகள் இப்படித்தான் நியாயப்படுத்தப்படுகின்றன – அதாவது 'மனிதாபிமான அடிப்படையிலான' தலையீடு.

சீரியலின் ஒரு எபிசோடில் இருந்து அடுத்த எபிசோடுக்குச் செல்லும் முன் ஒரு சுப முடிவு தேவை – அந்த சுப முடிவு தான் தீமையின் வடிவமான ஒசாமா பின்லேடனின் கொலை. இதில் ஒசாமா இப்போது செத்தாரா முன்பே செத்தாரா என்பதற்குள் நாம் விரிவாக ஆராயத் தேவையில்லை. இரட்டை கோபுரங்கள் தகர்க்கப்பட்ட பின் கடந்த பத்தாண்டுகளில் ஒசாமா பின்லேடன் என்கிற பெயர் அமெரிக்காவுக்கு அள்ளிக் கொடுத்தது என்னவென்பதும் இப்போது கொல்லப்பட்ட பின் அள்ளிக் கொடுக்கப்போவது என்னவென்பதும் தான் நமது கவனத்திற்குரியது. ஒருவேளை முன்பே செத்திருந்தாலும் அது அமெரிக்க நலன்களுக்கே பயன்பட்டுள்ளது – இப்போது செத்ததும் அமெரிக்க நலன்களுக்கே பயன்படப் போகிறது.

கடந்த பத்தாண்டுகளாக அமெரிக்க முதலாளிகளுக்குப் பொன்முட்டையிடும் வாத்தாக இருந்த அமெரிக்காவின் தீவிரவாதத்துக்கு எதிரான போருக்கான ஒரு நொண்டிச் சாக்காக ஒசாமா இருந்தார் என்றால் இனி அடுத்து வரப்போகும் 'நல்லெண்ண அடிப்படையிலான' போர்களுக்கு அமெரிக்கர்களை உளவியல் ரீதியில் தயார்படுத்த இப்போது செத்துள்ளார்.

யானை இருந்தாலும் ஆயிரம் பொன், இறந்தாலும் ஆயிரம் பொன் என்பது போல் ஒசாமா பின்லேடனின் வாழ்வும் அமெரிக்க நலன்களுக்குச் சேவை செய்வதாகவே இருந்தது – இப்போது அவரது சாவும் அமெரிக்க நலன்களுக்குச் சேவை செய்வதாகவே அமைந்துள்ளது.

யார் பயங்கரவாதி? அல் காய்தாவா, அமெரிக்காவா?

பின்லேடன் கொல்லப்பட்டதைத் தொடர்ந்து அச்செய்தியை வெள்ளை மாளிகையில் வைத்து செய்தியாளர்களுக்கு அறிவித்த பராக் ஒபாமா, அப்பாவி மக்களையும் குழந்தைகளையும் அநியாயமாகக் கொன்ற ஒரு பயங்கரமான தீவிரவாதியை ஒழித்து நீதியை நிலைநாட்டி விட்டதாகவும், இத்தோடு நில்லாமல் தீவிரவாதத்திற்கு எதிரான அமெரிக்கப் போர் தொடரும் என்றும் அறிவித்துள்ளார். அதாவது இதுவரை நிலைநாட்டியதைக் கடந்து இன்னமும் நிலைநாட்டப்படுவதற்கு இன்னமும் நீதியை அமெரிக்கா ஸ்டாக் வைத்துள்ளது என்பதே அந்த அறிவிப்பின் உள்ளார்ந்த அர்த்தம்.

பராக் ஒபாமாவின் வார்த்தைகள் ஒரு அம்சத்தில் உண்மையானது தான் – அதாவது அப்பாவி மக்களையும் குழந்தைகளையும் கொல்பவன் ஒரு பயங்கரமான தீவிரவாதியாகத் தான் இருக்க முடியும். அவன் அழித்தொழிக்கப்பட வேண்டும் என்கிற ஒபாமாவின் ஆசையைப் புரிந்து கொள்ளவும் முடிகிறது – அது நியாயமானது தான். எமது ஆசையும் கூட அதுவே தான். நாம் எமது வாசகர்களையும் பொதுமக்களையும் ஒபாமாவின் இந்த ஆசையை நிறைவேற்றி வைக்குமாறு கோருகிறோம். ஆனால், ஒசாமா பின்லேடன் ஒழிந்த பின் இப்போது உலகிலேயே பயங்கரமான தீவிரவாதி யாராக இருக்கும் என்கிற சந்தேகம் உங்களுக்கு இருக்கலாம். அது நியாயமானது தான். எனவே அப்படியொரு தீவிரவாதியை உங்களுக்கு அறிமுகம் செய்து வைப்பது வினவின் தலையாய கடமையாக கருதுகிறோம்.

இந்த பயங்கரவாதியை நீங்கள் லேசில் எடை போட்டு விடலாகாது. உலகின் அத்துனை கண்டங்களிலும் அதன் சகல மூலைகளிலும் இந்த பயங்கரவாதி கால் வைத்த இடத்திலெல்லாம் சர்வநாசத்தை விளைந்துள்ளான். அப்பாவி மக்கள் அநியாயமாகக் கொல்லப்பட்டுள்ளனர். இளம் பெண்கள் தம் பெற்றோர் கண்முன்னேயே கற்பழிக்கப்பட்டுள்ளனர். தாய்மார்கள் தமது பிள்ளைகள் முன்பே மானபங்கப்படுத்தப்பட்டுள்ளனர். ஒன்றுமறியாத சிறு பிள்ளைகள் இந்த பயங்கரவாதி வீசிய குண்டுகளில் சிதைந்து போயுள்ளன. கருவிலிருக்கும் சிசு வரையில் ஊடுருவும் வீரியம் மிக்க அந்த குண்டுகளினால் பிறக்கும் குழந்தைகள் உருவமற்ற வெறும் சதைக்கோளங்களாகப் பிறந்துள்ளன.

ஒசாமா பின்லேடனாவது எந்த நீதிமன்றத்தாலும் விசாரித்து குற்றம் நிரூபிக்கப்பட்டவனில்லை – ஆனால், நாங்கள் அடையாளம் காட்டுவதோ சர்வதேச நீதிமன்றத்தாலேயே குற்றவாளி என்று தீர்ப்பளிக்கப்பட்ட பயங்கரவாதியை. இன்னமும் தண்டிக்கப்படாமல் சுதந்திரமாக உலாவும் அந்தத் தீவிரவாதி வேறு யாரும் இல்லை – அது அமெரிக்கா தான். உலகெங்கும் ஒரு ஆக்டோபஸின் கரங்களைப் போல் விரியும் அமெரிக்காவின் பயங்கரவாதக் கொலைக் கரங்கள் விளைவித்த சர்வநாசங்களைப் பற்றி ஒரு சிறிய தொகுப்பை இங்கே வழங்குகிறோம். முதலில் அமெரிக்காவின் கொல்லைப்புறமான லத்தீன் அமெரிக்க நாடுகளில் இருந்து துவங்குவோம்.

அமெரிக்க பயங்கரவாதம் – தென் அமெரிக்க சாட்சியங்கள்!

வட அமெரிக்க கண்டத்தையும் தென்னமெரிக்க கண்டத்தையும் இணைக்கும் மெல்லிய நிலப்பரப்பில் அமைந்திருக்கும் சின்னஞ்சிறிய நாடு நிகரகுவா. 1936-ல் தொடங்கி சுமார் நாற்பதாண்டுகளுக்கும் மேலாக அந்நாட்டைத் தன் இரும்புப் பிடிக்குள் வைத்திருந்தது சோமோசா சார்வாதிகார கும்பல். இன்றைக்கு உலகமக்களுக்கு ஜனநாயக விரிவுரை நிகழ்த்திக் கொண்டிருக்கும் இதே யோக்கிய அமெரிக்கா தான் அன்று மக்களைக் கசக்கிப் பிழிந்து கொண்டிருந்த சோமோசா கும்பலுக்கு உற்ற பங்காளி.

காலம் காலமாக அடக்கி ஒடுக்கப்பட்ட மக்களின் விடுதலை உணர்வுகள் ஒரு பௌதீக வடிவமாக ஸான்டினிஸ்ட்டா புரட்சியாளர்கள் வடிவில் உருக்கொண்டு எழுந்து சூறாவளியாய்ச் சுழன்றடித்ததில் சோமோசா குடும்பத்தின் கடைசி வாரிசும் அப்போது அதிகாரத்திலிருந்த கொடும் சர்வாதிகாரியுமான அனடேஸியோ சோமோசா டெபாயேல் 1979-ம் ஆண்டு அதிகாரத்திலிருந்து தூக்கியெறியப்பட்டார். மக்களின் விடுதலை உணர்வுகள் வெற்றி பெற்றால் என்ன நடக்கும் என்பதை அமெரிக்கா உணர்ந்திருந்தது. 77-ம் ஆண்டே இதை முன்னறிந்திருந்த அமெரிக்க ஜனாதிபதி ஜிம்மி கார்ட்டர் இராணுவ உதவிகளை வழங்கியிருந்தார். ஆனாலும் சுழன்றடித்த மக்களின் கோபக் கனலில் சோமோசா சர்வாதார ஆட்சி கவிழ்ந்து சான்டினிஸ்ட்டா புரட்சியாளர்கள் அதிகாரத்தைக் கைப்பற்றினர்.

அதிகாரத்திலிருந்து விரட்டியடிக்கப்பட்ட சோமோசா கும்பலுக்கு விசுவாசமான கூலிப்படையினரைப் பொறுக்கியெடுத்த அமெரிக்க உளவுத்துறையான சி.ஐ.ஏ, அவர்களுக்கு கான்ட்ராஸ் என்று பெயரிட்டு பயங்கரவாத நாசவேலைகள் செய்வதற்கு பயிற்றுவித்தனர். இதற்காகவே "ஸ்கூல் ஆப் அமெரிக்கானாஸ்" என

ஏகாதிபத்ய இராணுவ நடவடிக்கையால் யுத்தகளமாக மாறியுள்ள லிபியா

noreply@blogger.com (Shahull Hameed Mohamed Rizvy) — Tue, 26 Apr 2011 09:40:00 +0000

அமெரிக்கா உட்பட மேற்கு வல்லரசு நாடுகள் மனிதாபிமானத் தலையீடு என்ற போர்வையில் லிபியாவின் மீது மேற்கொண்டுவரும் இராணுவ நடவடிக்கைகளின் விளைவாக லிபியா மற்றுமொரு ஈராக் ஆகவோ அல்லது ஆப்கானிஸ்தானாகவோ போர்கள் நிறைந்த பூமியாக உருமாறி வருகின்றது. ஓய்வின்றி நாட்டின் நாலபாகங்களிலும் தொடரும் யுத்தத்தினால் மனிதாபிமான அவலங்கள் நாளுக்குக் நாள் அதிகரித்த வண்ணம் உள்ளது. கடாபியின் ஆதரவு படைகளுக்கும் எதிர்ப்பு படைகளுக்குமிடையே மாறிமாறி இடம்பெற்றுவரும் மோதல்களால் அப்பாவி பொதுமக்கள் பலியாக்கப்பட்டுக்கொண்டிருக்கிரார்கள்.

பிரெஞ்சு, பிரிட்டிஷ், அமெரிக்க விமானங்கள் லிபியாவில் குண்டுவீசி கடாபியின் பிடியிலிருந்து மனித உயிர்களைக் காப்பாற்றுவது என்ற போலியான கோஷத்திட்கெதிராக ஆயிரக்கணக்கான அப்பாவி பொதுமக்கள் கொள்ளப்பட்டுவருகின்றனர். சகல இராணுவ பலங்களையும் கொண்ட இராணுவ வல்லரசுகள் ஒன்றுசேர்ந்து கடாபியின் எதிர்ப்பு படைகளுடன் இணைந்து கடாபியின் ஆதரவுப்படைகளை இதுவரை தோற்கடிக்க முடியவில்லை. ஏகாதிபத்திய போட்டிகளுக்கு மத்தியில் அரசியல் பொருளாதார நலன்களை பெற்றுக்கொள்ளும் நோக்கில் லிபியாவில் செயற்படும் வல்லரசு படைகள் தமது நலன்கள் அடையப்படும் வரை ஈராக், ஆப்கானிஸ்தான் போன்ற நாடுகளில் நடந்ததைப் போன்று லிபியாவையும் யுதத்தக் களமாக்கி வேடிக்கை பார்க்கும் பழக்கத்தை தொரந்தும் முன்னடுத்துக்கொண்டிருக்கின்றன. இது ஓர் ஏகாதிபத்திய யுத்தமாகும். . லிபியா ஒரு ஒடுக்கப்பட்ட, முன்னாள் காலனித்துவ நாடாகும். இத்தகைய நாடுகளின்மீது ஏகாதிபத்திய சக்திகளால் நடத்தப்படும் இராணுவ நடவடிக்கைகள் நாட்டில் ஒருபோதும் சுபீட்சத்தை ஏற்படுத்தாது. மாறாக அவை நாட்டை அழிவுப்பாதைக்கே இட்டுச்சென்று கொண்டிருக்கின்றன.

எல்லாவற்றிற்கும் மேலாக, இந்த யுத்தம் ஜனநாயகரீதியான எந்த அங்கீகாரமும் இல்லாமல் நடந்தேறி வருகின்றன. மேலும் சம்பந்தப்பட்ட நாடுகளின் மக்கள் இதனை ஆதரிப்பதான எந்த அறிகுறியும் தெரியவில்லை. சமூகத் திட்டங்களுக்கு பணமில்லை என்று அறிவிக்கும் அதே அரசாங்கங்களாலேயே மீண்டுமொருமுறை ஒரு யுத்தத்திற்கு பெரும் தொகை செலவிடப்பட்டு வருகிறது.

கடாபியின் தளங்கள் மீது தாக்குதல் நடத்துவது தான் ஒரு இரத்தக்கறை படிந்த சர்வாதிகாரத்திற்கு எதிரான ஒரு ஜனநாயக எதிர்ப்பு இயக்கத்தை தாங்கிப் பிடிக்கும் என்று கூறுவோர் பின்வரும் கேள்விக்கு பதிலளித்தாக வேண்டும்: ஆப்கானிஸ்தானிலும், பாகிஸ்தானிலும் எழும் அனைத்துவித எதிர்ப்புக்கு எதிராகவும் காட்டுமிராண்டித்தனமான வன்முறையைக் காட்டிவரும் ஆட்சிகளுக்கு எதிராக, இந்த பெரும் சக்திகள் ஏன் இதே மாதிரியான முன்னெடுப்புக்களை மேட்கொள்ளவில்லை? அடுத்து, அமெரிக்காவின் ஐந்தாவது கப்பற்படைத் தொகுதியின் தலைமையிடமாக இருக்கும் பஹ்ரெயினில், ஷேக் அல் கலீஃபா சவூதி ஆதரவுடன், நிராயுதபாணியான போராட்டக்காரர்களை சுட்டுத்தள்ளி உள்ளார், அதற்கென்ன பதில்? காசாவில் என்ன நடக்கிறது, இதே சக்திகள் தானே இஸ்ரேலியர்கள் பாலஸ்தீனியர்களைப் படுகொலை செய்வதில் சேர்ந்து நிற்கின்றன? ஏமனில் என்ன நடக்கிறது, அங்கே மேற்கத்திய நாடுகளின் ஆதரவு பெற்ற ஜனாதிபதி அலி அப்துல்லாஹ் சலே ஒரு சில வாரங்களுக்கு முன்னர் சுமார் 50 போராட்டக்காரர்களை சுட்டுத்தள்ளினாரே? மேலும் சிரியாவில் பொதுமக்கள் தொடர்ந்தும் இராணுவ நடவடிக்கையால் பலியாக்கப்பட்டுக்கொண்டிருக்கிரார்களே

துனிசிய ஆட்சியிலிருந்து ஜைன் எல் ஆப்தீன் பென் அலி, மக்கள் பேரெழுச்சியால் தூக்கிவீசப்பட்டு வெறும் இரண்டு மாதங்கள் தான் ஆகிய நிலையில் அதனைத் தொடர்ந்து அதற்கடுத்த ஒரு மாதத்திலேயே எகிப்திய ஜனாதிபதி ஹுஸ்னி முபாரக்கும் தூக்கியெறியப்பட்டார். அவற்றின் விளைவு, மேற்கத்திய சக்திகள் அப்பிராந்தியத்தில் அவற்றின் முக்கியமான இரண்டு கூட்டாளிகளை இழந்துள்ளது.

அமெரிக்காவும், ஐரோப்பாவும் கடாபியோடும், இந்த சர்வாதிகாரிகளோடும் கடைசி நிமிடம் வரையில் நெருக்கமாக இணங்கியிருந்தனர். லிபியாவிற்கு எதிராக இராணுவ நடவடிக்கைக்கு உரக்க கூச்சலிட்ட பிரான்ஸ், பென் அலிக்கு எதிராக முழுவீச்சில் எழுச்சிகள் நடிபெற்ற போது அவருக்கு பொலிஸ் உதவியை அளிக்க முன்வந்தது.

ஒரு காட்டுமிராண்டித்தனமான சர்வாதிகாரியும், மேற்கத்திய சக்திகளின் ஒரு நெருங்கிய கூட்டாளியுமான கடாபிக்கு எதிரான உள்நாட்டு எதிர்ப்பு, தொடக்கத்தில் வேண்டுமானால் லிபிய மக்களின் நிஜமான மனக்குறைகளை வெளிப்படுத்தி இருக்கலாம். ஆனால் அபிவிருத்தி குன்றிய பாலைவன அரசான லிபியாவில் பெரிய சக்திகளின் அசிங்கமான வேலைகளைச் செய்யத் தயாராக இருந்த சக்திகள் உடனடியாக ஒன்றுதிரண்டன. தேசிய இடைமருவு சபை (National Transitional Council)யின் பிரபலங்களிடையே அந்த சக்திகள் காணத்தக்கதாய் இருந்தன, இவர்கள் நாட்டின் கனிம வளங்களை மறைமுகமாகச் சுரண்ட சர்வதேச எண்ணெய் நிறுவனங்களுக்கு உத்தரவாதம் அளித்ததோடு மட்டுமில்லாமல், தங்களின் சொந்த நாட்டின்மீதே குண்டுவீசவும் அழைப்பு விடுத்தனர். தேசிய இடைமருவு சபை என்பது, ஏகாதிபத்திய சக்திகளின் நிலைப்பாட்டிலான நகர்வுக்குப் பதிலிறுப்பாக கடாபியிடம் இருந்து முகத்தைத் திருப்பிக் கொண்டு விட்ட பழைய ஆட்சியின் மூத்த அதிகாரிகள் கொண்டதாகும்.

பில்லியன் கணக்கில் வியாபார உடன்பாடுகளைப் பேச பாரீசில் பெரும் ஆரவாரத்துடன் நான்கு ஆண்டுகளுக்கு முன்னர் கடாபியை வரவேற்ற ஜனாதிபதி சார்க்கோசி இப்போது, தனது நேட்டோ கூட்டாளிகளை விடுங்கள், தனது சொந்த வெளியுறவுத்துறை அமைச்சரைக் கூட கலந்தாலோசிக்காமல் தேசிய இடைமருவு சபையை (National Transitional Council) லிபியாவின் உத்தியோகப்பூர்வ பிரதிநிதியாக அங்கீகரித்துள்ளார்.

மத்தியதரைக்கடல் பகுதியில் ஐரோப்பாவின் மிக அண்மையில் இருக்கும் ஒரு நாடான லிபியாவில் ஒரு நீண்டகால யுத்தத்தால் ஏற்படக்கூடிய பொருளாதாரரீதியான, பூகோள-அரசியல்ரீதியான மற்றும் பாதுகாப்புரீதியான தாக்கங்களைக் குறித்து யாரும் அக்கறை கொண்டதாக தெரியவில்லை. இராணுவ நடவடிக்கையின் விளைவுகளைக் குறித்து எச்சரிக்கை விடுக்கும் பெரும்பான்மையினர், ஆப்கானிஸ்தான் மற்றும் ஈராக்கிற்குப் பின்னர், மற்றொரு இராணுவ சாகசத்தில் பெரிய விருப்பமில்லாத இராணுவத்தின் பழமைவாத வட்டாரங்களைச் சேர்ந்தவர்களாய் உள்ளனர்.

எகாதிபத்ய போட்டி

லிபிய ஏகாதிபத்திய தாக்குதலில் முக்கிய பங்காளர்களாக இருக்கும் அமெரிக்காவும், பிரிட்டனும், பிரான்ஸூம் எதிர்கால கொள்ளைப்பொருட்களை அவற்றின் கட்டுப்பாட்டில் பெறுவதற்காக ஒன்டோடொன்று போட்டியிட்டு வருகின்றன. இந்த மோதல், இராணுவ நடவடிக்கையை யார் கட்டுப்படுத்துவது என்பதன்மீது ஒரு முரண்பாட்டிற்கு இட்டுச் சென்றுள்ளது. லிபியாவில் குண்டுவீசுவதில் பங்கெடுத்திருக்கும் கூட்டணியில் உள்ள அனைவரும் இதில் கட்டுப்பாட்டைக் கொண்டிருக்க வேண்டுமென்ற பிரான்சின் முறையீட்டை விடுத்து, நேட்டோவின் கண்காணிப்பு இருக்கட்டும் என்பது ஒப்புக்கொள்ளப்பட்ட பின்னர், அந்த விஷயத்தில் வாஷிங்டனும், இலண்டனும் வெற்றி பெற்றன.

எவ்வாறிருப்பினும், லிபியாவின் மீதான கட்டுப்பாட்டைக் காப்பாற்றிக் கொள்வதற்கும் அதிகமாக, பல விஷயங்கள் பணயத்தில் உள்ளன. ஏகாதிபத்திய சக்திகள் மத்தியகிழக்கு மற்றும் ஒட்டுமொத்த ஆபிரிக்கா முழுமையையும் அவற்றின் நோக்கத்தில் கொண்டிருக்கின்றன.

தந்திரோபாய முக்கியத்துவம்

உலகின் முக்கிய எண்ணெய்வள பிராந்தியமாக இருக்கும் மத்தியகிழக்கில் ஏகாதிபத்தியத்திற்கான தந்திரோபாய முக்கியத்துவம் குறித்து குறிப்பிட வேண்டிய அவசியமே இல்லை. ஆனால் ஆபிரிக்காவிலும் கணிசமான அளவிற்கு எண்ணெய் மற்றும் எரிவாயு வளங்கள் கண்டறியப்பட்டுள்ளதால் இதுவும் பெரிய மதிப்பார்ந்த ஒரு பரிசாக கருதப்படுகிறது.

பிரிட்டிஷ் பெட்ரோலியத்தின் 2008 எரிசக்தி ஆய்வின்படி, 2007இன் இறுதியில் ஆபிரிக்கா 117,481 பில்லியன் பரல்களை அல்லது உலக எண்ணெய்வளத்தில் 9.48 சதவீதத்தைக் கொண்டுள்ளதாக நிரூபிக்கப்பட்டுள்ளது. ஆபிரிக்காவின் எண்ணெய் உற்பத்தியில் நைஜீரியா, லிபியா, அல்ஜீரியா, எகிப்து மற்றும் அங்கோலா ஆகிய ஐந்து நாடுகள் பெரும் பங்கு வகிக்கின்றன. இவை ஆபிரிக்காவின் மொத்த உற்பத்தியில் 85 சதவீத பங்களிப்பைக் கொண்டுள்ளன.

பல தசாப்தங்களாக லிபியாவின் எரிசக்தி வளங்கள் ஏகாதிபத்திய சதிவேலைகளின் இலக்காக அந்நாட்டை மாற்றியிருக்கும் நிலையில், அங்கு இராணுவத் தலையீடு என்பது அங்கிருக்கும் எண்ணெய் வளத்தைக் கைப்பற்றவும், அப்பிராந்தியத்தில் ஏகாதிபத்திய சக்திகளின் நலன்களுக்கு எதிராக தீவிரமாக திரும்பியிருக்கும் புரட்சிகர இயக்கங்களை அடக்கி வைக்கவும் இந்த யுத்தம் பயன்படுத்தக் கூடியதாக அமைந்துள்ளது. கிழக்கில் எகிப்தையும், மேற்கில் துனிசியாவையும் எல்லைகளாக கொண்டிருக்கும் லிபியாவில் இராணுவத்தை நிறுத்துவதென்பது, அரபு உலகம் முழுவதிலும் உள்ள புரட்சிகர இயக்கங்களை மிரட்ட பெரிய சக்திகளுக்கு உதவியளித்துள்ளது..

அந்நாட்டில் வெளிநாட்டுத் துருப்புகள் இராணுவ ஆக்கிரமிப்பு செய்வதை நடவாமல் பார்த்துக் கொள்வது என்று ஐக்கிய நாடுகள் அமைப்பின் தீர்மானத்தில் உள்ள குறிப்பு வெறும் கண்துடைப்பாகும். இராணுவ அவசியமென்பது(Military necessity) அதன் சொந்த தர்க்கத்தைக் கொண்டுள்ளது. ஆப்கானிஸ்தானும் சரி, ஈராக்கும் சரி அமெரிக்கத் துருப்புகளால் உத்தியோகபூர்வமாய் "ஆக்கிரமிக்கப்படவில்லை" என்பதால் அந்த இரண்டு நாடுகளிலும் ஆயிரக்கணக்கான அமெரிக்க சிப்பாய்கள் நிரந்தரமான நிலைகொண்டிருக்கிரார்கள் என்ற உண்மையை மாற்றிவிடாது.

அமெரிக்கா மற்றும் அதன் ஏகாதிபத்திய கூட்டாளிகள் இராணுவத் தலையீட்டில் இறங்க வசதியாய் "பிராந்திய ஆதரவு(Regional cooperation)" என்கின்ற போர்வையை அளிக்கும் வகையில், லிபியாவின்மீது பறக்கத்தடைவிதிக்கப்பட்ட வலயம்(No-fly zone) ஒன்றுக்கு அரபு லீக் தான் அழைப்புவிடுத்தது என்பது முக்கியமான விடயமாகும். தங்களின் சொந்த ஆட்சிக்கு எதிராக கிளர்தெளுந்துள்ள எதிர்ப்பாளர்களைக் கைது செய்யும், சித்திரவதைப்படுத்தும், சுட்டுத்தள்ளும் வேலைகளில் இருக்கும் சவூதி அரேபியா, பஹ்ரெயின், மற்றும் ஏனைய எமிரேட்களின் பிரதிநிதிகள் எல்லாம், லிபியாவில் ஜனநாயகத்தை வலுப்படுத்துவதான நோக்கத்தைக் கொண்டிருப்பதாய் கூறி இராணுவத் தலையீட்டிற்கு ஆதரவாக வாக்களித்துள்ளனர்!

மேலும் உலக இயற்கை எரிவாயு வளங்களில் 8.22 சதவீதத்தைக் கொண்டிருக்கும் ஒரு இடமாகவும் இப்பிராந்தியம் விளங்குகிறது. பாக்ஸைட், கோபால்டு, தொழில்துறை வைரம், பாஸ்பரேட், பிளாட்டினம் மற்றும் ஜிர்கோனியம் போன்ற தரமான உலக கனிமங்களைக் கொண்டிருப்பதில் முதலாவதாகவோ அல்லது இரண்டாவதாகவோ இருக்கிறது. மேலும் கணிசமான அளவிற்கு தங்க படிமானங்களையும் இப்பிராந்தியம் கொண்டுள்ளது.

லிபிய மீதான ஐ.நா வின் தீர்மானம்

லிபியா மீதான ஐ.நா வாக்கெடுப்பை பிரேசில், ரஷ்யா, இந்தியா மற்றும் சீனாவை உள்ளடக்கிய BRIC நாடுகள் அனைத்துமே புறக்கணித்துள்ளன. அதன்பின்னர், இந்த குண்டுவீச்சு குறித்த சீனா அதன் "கவலையைத்" தெரிவித்துள்ளது. அதேநேரத்தில் People's Daily, "மனிதாபிமான தலையீடென்பது மற்றொரு நாட்டின் உள்நாட்டு விவகாரங்களில் இராணுவ தலையீடு செய்வதற்கான ஒரு மன்னிப்பு மட்டும் தான்," என்று தெரிவித்துள்ளது. "நீதியால் உந்தப்பட்டது" என்று கூறுபவர்கள் "ஆழமான அரசியல் மற்றும் பொருளாதார நலன்களால் உந்தப்பட்டுள்ளனர்" என்பதற்கு ஓர் எச்சரிக்கையாக, ஈராக்கில் நடத்தப்பட்ட "இரத்தத்தில் ஊறிய தலையீட்டை" அந்த அறிக்கை மேற்கோளிட்டுக் காட்டியது.

"பாதுகாப்பதற்கான பொறுப்புணர்வு(Responsibility for security)" என்ற அடிப்படையில் ஐ.நா. பாதுகாப்பு சபையின் 1973 தீர்மானத்தின் ஒரு புதிய நீட்சி, "உலக அரசியலமைப்பின்" மாதிரியில் இப்போது இருக்கிறது என்று கடந்த வாரம் ஐரோப்பிய ஒன்றிய மாநாட்டில் பிரெஞ்சு ஜனாதிபதி நிக்கோலா சார்க்கோசி தெரிவித்தார்.

"இந்த நிமிடத்திலிருந்து சர்வதேச சமூகத்தின் மற்றும் ஐரோப்பாவின் பிரதிபலிப்பு ஒவ்வொரு முறையும் ஒரேமாதிரியாக தான் இருக்கும் என்பதை ஒவ்வொரு ஆட்சியாளரும், குறிப்பாக ஒவ்வொரு அரேபிய ஆட்சியாளரும் புரிந்துகொள்ள வேண்டும்," என்று சார்க்கோசி அறிவித்தார். ஐவரி கோஸ்ட் மற்றும் சிரியாவிற்கு தடைவிதிப்பதன் மூலமாக ஐ.நா தலையீடும் செய்யக்கூடுமென்றும் அவற்றின் பெயரை அவர் குறிப்பிட்டார்.

இங்கிலாந்தின் வெளியுறவுத்துறை செயலர் வில்லியம் ஹாக் கடந்த மாதம் , டைம்ஸ் நாளிதழால் ஆதரவளிக்கப்பட்ட "ஆபிரிக்க தலைமை நிர்வாக அதிகாரிகள்" மாநாட்டில் பேசினார். "21ஆம் நூற்றாண்டின் தொடக்கத்தில் நிகழ்ந்த மிக முக்கியமான நிகழ்வுகளான 2008 நிதியியல் நெருக்கடி மற்றும் 9/11 சம்பவத்தினையும் வட ஆபிரிக்கா மற்றும் மத்தியகிழக்கு சம்பவங்கள் ஏற்கனவே தாண்டிச் சென்றுவிட்டன" என்ற அறிவிப்புடன் பேசியிருந்தார் .

இந்த "மிக முக்கியமான சம்பவங்கள் அரேபிய உலகின் எல்லைகளோடு நின்றுவிட வேண்டிய அவசியமில்லை," என்றார். "அவர்களின் நாட்டின் சிறந்த எதிர்காலத்திற்குரிய பாதையில் தடையாய் நிற்கும்" கடாபி போன்ற "ஏனையவர்கள்" இருக்கும் நாடுகளான சூடான், சிம்பாவே, ஐவரி கோஸ்ட் ஆகியவற்றையும் அவர் சுட்டிக்காட்டினார்.

ஐ.நா. பாதுகாப்பு சபையின் 1973 தீர்மானத்தை ஒரு திருப்புமுனையாக மேற்கோளிடுவது சார்க்கோசி மட்டுமல்ல. மேலும் "பாதுகாக்கும் உரிமை" (Right to Protect) அல்லது R2P என்றறியப்படும் கோட்பாட்டின் அடிப்படையில் இராணுவ நடவடிக்கைக்கு ஐ.நா. சபை அங்கீகாரம் அளித்திருப்பது இதுவே முதல்முறையாகும்.

ஐக்கிய நாடுகள் சபையால் 2005இல் மட்டும் தான் R2P கையாளப்பட்டது. இந்த தீர்மானம் தேசிய இறையாண்மையைக் கடந்து "பொதுமக்களும், பொதுமக்கள் நிறைந்த பகுதிகளும் தாக்குதல் அச்சுறுத்தலின்கீழ் வரும் போது" அவர்களைக் காப்பாற்றும் அடித்தளத்தில், ஏகாதிபத்திய சக்திகளுக்கு எங்கெல்லாம் அவற்றிற்குப் பொருத்தமாக இருப்பதாக காண்கின்றனவோ அங்கெல்லாம் யுத்தம் தொடுக்க அவற்றிற்கு இத்தீர்மானம் முழு சுதந்திரம் அளிக்கிறது.

இராணுவ நடவடிக்கையை அனுமதிக்கும் ஐ.நா. சட்டவரைவின் 7ஆம் பிரிவின்கீழ் இருக்கும் "அமைதியின் மீது அச்சுறுத்தல்கள்", "தாக்குதல் நடவடிக்கைகள்" குறித்த தீர்மானங்கள், கடந்தமுறை ஆப்கானிஸ்தான், சோமாலியா மற்றும் சியாரா லியோனில் (Sierra Leone) நடத்தப்பட்ட தலையீடுகளை நியாயப்படுத்த பயன்படுத்தப்பட்டது.

தலையீட்டின் அரசியல் காரணங்கள்

ஜனாதிபதி சார்க்கோசியும் சரி, பிரிட்டிஷ் பிரதமர் டேவிட் கேமரோனும் சரி இருவருமே தலையீடு செய்வதில் அவர்களின் சொந்த உள்நாட்டு அரசியல் காரணங்களைக் கொண்டுள்ளனர். இன்னும் ஒரு வருடத்தில் ஜனாதிபதி தேர்தல் வரவிருக்கும் நிலையில், கருத்துக்கணிப்புகளில் வீழ்ச்சி கண்டிருக்கும் சார்க்கோசி, ஒரு மூர்க்கமான வெளிநாட்டு கொள்கை மூலமாக அந்நிலையைச் சரிசெய்து கொள்வதற்கு நம்பிக்கை கொண்டிருக்கிறார்.

தனது அரசாங்கத்தின் சிக்கன நடவடிக்கைகளுக்கு பெருகிய எதிர்ப்பை முகங்கொடுத்துவரும் கேமரோன், அவருடைய முன்மாதிரி மார்கிரட் தாட்சர் 1982 மால்வினாஸ் யுத்தத்தை செய்ததைப் போன்று, லிபியாவிற்கு எதிரான ஒரு யுத்தம் மக்களின் கவனத்தை திசைதிருப்பும் என்று நம்புகிறார். ஈராக் மற்றும் ஆப்கானிஸ்தான் யுத்தங்களால் பிரிட்டிஷ் இராணுவம் பலவீனப்பட்டிருக்கும் நிலையில், சுயாதீனமாக தலையீடு செய்ய முடியாமல், கேமரோன் அமெரிக்காவை இதில் ஈடுபடுத்த பெரும் பிரயத்தனம் செய்துள்ளார்.

S.H.M Rizvy LL.B(Col.)

அதேசமயம்...சிரியாவவில் சிறு வெளிச்சம்!

noreply@blogger.com (Shahull Hameed Mohamed Rizvy) — Fri, 22 Apr 2011 12:41:00 +0000

'கவர்னரை பதவியிலிருந்து அகற்று'
'ஜனநாயகம் மலரட்டும்'
சிரியாவின் தேரா நகரில் திடீரென ஆர்ப்பாட்டங்கள் வெடிக்கின்றன...

அதேசமயம், சகல பிரதான ஊடகங்களும் அதை "மக்கள் புரட்சி" என
கோசமிடுகின்றன.

அதேசமயம், உள்ளுர் கவர்னர் பதவியகற்றப்படுகிரார்.

அதேசமயம், சகல உள்ளுர் அரச எதிர்ப்பு படைகளும், பிரத்தியேகமாக வெளிநாடுகளில் வசிக்கும் சிரியர்கள் அனைவரும் ஊடகங்களால் 'பேட்டி' காணப்படுகின்றனர்...செய்திகளின் முக்கிய தலைப்புக்களாக அவை வெளிவருகின்றன.

அதேசமயம், முன்னொருபோதும் இப்பிரதேசங்களில் காணப்பட்டிராத பல்வேறு ஊடகங்களின் செய்தியாளர்களால் பல செய்தி அறிக்கைகள் தயாரிக்கப்படுகின்றன. எப்போதும் இல்லாதவாறு அனைத்தும் இடம்பெறுகின்றன.

அதேசமயம், எனது வாசிப்பு கண்ணாடியை சுத்தம் செய்து எனது பேனா முனையை கடதாசியில் வைத்து எழுத தொடங்குகிறேன்..."சிரியா மட்டுமல்ல மழு மத்திய கிழக்கும், முழு முஸ்லிம் நாடுகளும் மாற்றமுறும் மிக விரைவில்...அராஜகங்களிலும் கொடுங்கோண்மைகளிலுமிருந்து...இஸ்லாமிய எழுச்சியை நோக்கி"

By S.H.M Rizvy.

லிபிய பொதுமகனின் நீண்ட பயணம்

noreply@blogger.com (Shahull Hameed Mohamed Rizvy) — Fri, 22 Apr 2011 11:33:00 +0000

லிபிய பொதுமக்கள்

அனாதைகள்

வெளிநாட்டு வேலையாட்கள்

மீண்டும் வீடு நோக்கி...!!

லிபிய பொதுமகனின் நீண்ட பயணம்

"நேட்டோ படைகள் லிபிய பொதுமக்களுக்கு பாதுகாப்பளிக்கும்"
இவ்வாறுதான் எங்களுக்கு சொல்லப்பட்டது...
எந்த பொதுமக்களுக்கு பாதுகாப்பளிக்கப்படும்??
கடாபிக்கு ஆதரவளிக்கும் பொதுமக்களுக்குமா??..... அவ்வாறு நான் நினைக்கவே இல்லை!!

அவ்வாறாயின், கடாபியை எதிர்க்கின்ற பொதுமக்களுக்கு மட்டும் தான் பாதுகாப்பளிக்கப்பட வேண்டும்.

ஆனால் கடாபியை எதிர்க்கின்ற ஒரு பொதுமகன் ஆயுதம் தரித்து போராடத் தொடங்கினால்...?
அவன் அப்போதும் "பொது மகனாகவே" கருதப்படுவானா??... நான் அவ்வாறு நினைக்கவே இல்லை!!
இருப்பினும், நேட்டே படைகள் அவனுக்கு பாதுகாப்பளிக்கும். ஏனெனில்,
"நேட்டோ படைகள் லிபிய பொதுமக்களுக்கு பாதுகாப்பளிக்கும்"
அவ்வாறுதான் அவர்களுக்கும் சொல்லப்பட்டது.

ஆனால்,
சில லிபிய பொதுமக்கள் மீன்பிடி வள்ளங்கள் மூலம் இத்தாலியின் தென் பகுதியை அபாயங்களுடன் சென்றடைந்து அங்கு அரசியல் தஞ்சம் கோரினால்...?
அவர்களுக்கு அது வழங்கப்படுமா??.....இல்லை, நான் அவ்வாறு நினைக்கவே இல்லை!!
அவர்கள் கடத்தப்படுவார்கள்,
அல்லது பிரான்ஸின் எல்லைகளில் அனாதைகளாக கைவிடப்படுவார்கள்.
பின்னர் அவர்களுடைய எசமான்கள் அவர்களை லிபியாவுக்கு திருப்பியனுப்பும் வரை பிரான்ஸ் அவர்களை ஜேர்மனிக்கு சட்டவிரோத தொழிலாளர்களாக கள்ளக்கடத்தல் செய்து பொதுமகனுக்குரிய சிவில் உரிமைகளை களையும்! (மற்றும்படி, அவர்கள் சட்டவிரோத வேற்றுவாசிகளாகவே அறியப்படுவர்.)

மீண்டும் ஒருவேளை லிபியாவுக்கு அவர்கள் திரும்பி வந்தால்...?
கடாபி அவர்களுக்கு வீடு கொடுத்து வரவழைப்பார்?
தொழிலும் கொடுத்து அவர்களின் பிள்ளைகளுக்கு இலவச கல்வியும் கொடுப்பார்?
அவ்வாறு ஒருவேளை கொடுத்தாலும், அவர்களுடைய பிள்ளைகள் வளர்ந்து பெரியாட்கள் ஆனதும் மீண்டும் கடாபியின் கொடுங்கோண்மையை அகற்றும் படியே கோறுவர்...
ஏனெனில்...ஏனெனில் கடாபி சார்கோஸியைப் போன்றோ அல்லது பேர்லுஸ்கோனியைப் போன்றோ ஜனநாயகவாதி அல்ல!!
...நான் அவ்வாறு நினைக்கவும் இல்லை.

(This is a translation of a novel by novolist Sherlock Hommos)
Translated by me, S.H.M Rizvy.

ஆடை அணிந்தும் அணியாதது போன்ற பெண்கள்..!

noreply@blogger.com (Shahull Hameed Mohamed Rizvy) — Wed, 20 Apr 2011 18:58:00 +0000

பெண்கள் இறுக்கமான அல்லது மெல்லிய ஆடை அணிந்து வெளியே செல்வதற்கு இஸ்லாத்தில் ஏன் அனுமதி இல்லை?

இஸ்லாம் மார்க்கம் பெண்களை கண்ணியமானவர்களாகக் கருதுகிறது. அவர்களை அரைகுறை ஆடையுடன் ஆணாதிக்கவாதிகள் தங்களது விருப்பப்படி பயன்படுத்தும் செக்ஸ் அடிமைகளாகவோ அல்லது கவர்ச்சிப் பொருளாகவோ பார்ப்பதில்லை!
…
இதை இன்று நாம் சர்வ சாதாரணமாகக் காண்கிறோம். ஆண்கள் பயன்படுத்துகின்ற உள்ளாடை முதற்கொண்ட அனைத்து பொருள்களின் விளம்பரங்களிலும் அரை குறை ஆடையுடன் கூடிய பெண்களின் கவர்ச்சியையே முன்னிறுத்தி விளம்பரம் செய்யப்படுகிறது. மேலும் அனைத்து துறைகளிலும் பெண்களின் கவர்ச்சியே வியாபார வளர்ச்சிக்கு முக்கியமானதாக விளங்குவதைப் பார்க்கலாம்.

பெண்களும், 'நாங்கள் நவநாகரீக மங்கைகள்' எனக் கூறிக் கொண்டு ஆணாதிக்க வர்க்கங்களின் வக்கிர புத்திக்கு இரையாகின்றனர். நாகரிகம் என்பது நாம் உடுத்துகின்ற ஆடையைக் குறைப்பதில் இல்லை என்பதை ஏனோ பெண்கள் உணர்ந்துக் கொள்வதில்லை! இன்றைய சமூக சீர் கேட்டிற்கும், பெண்கள் பாலியல் வன்கொடுமைகளுக்கு அதிகம் உள்ளாவதற்கும் மூலகாரணமாக விளங்குவது நாகரீகம் என்ற பெயரில் பெண்கள் தங்களின் ஆடை குறைப்பில் ஈடுபட்டது என்றால் அது மிகையாகாது.

இஸ்லாம் பெண்களைக் கண்ணியமானவர்களாகக் கருதுவதால் இத்தகைய சீர்கேட்டை ஒரு போதும் அனுமதிப்பதில்லை. இறுக்கமான அல்லது உள்ளே உள்ளவைகளை வெளியே காண்பிக்கும் அல்லது மறைப்பதை விட அதிகம் வெளிப்படுத்திக் காண்பிக்கும் மெல்லிய ஆடைகளை அணிபவர்களை, 'ஆடை அணிந்தும் அணியாதது' போன்றவர்களாவார்கள் என்று கூறி இதை இஸ்லாம் வன்மையாக கண்டிக்கிறது.

நபி (ஸல்) அவர்களால் சபிக்கப்பட்டவர்கள்:-

நபி (ஸல்) அவர்கள் கூறுகின்றார்கள்: 'ஆடை அணிந்தும் அணியாதது போன்றும் ஒட்டகத்தின் மிதிலைப் போன்று தங்களின் தலையில் ஏற்படுத்திக் கொண்டு பெண்கள் என் சமுதாயத்தில் தோன்றுவார்கள். அவர்களை சபியுங்கள். அவர்கள் சபிக்கப்பட்டவர்கள் ஆவார்கள்' ஆதாரம்: தபரானி.

சுவர்க்கத்தின் நறுமணத்தைக் கூட நுகராத பெண்கள்:-

மற்றொரு நபிமொழியில் அல்லாஹ்வின் தூதர் (ஸல்) அவர்கள் இந்த பெண்களை (அதாவது மேற்கூறப்பட்ட பெண்களைக்) குறிப்பிட்டுக் கூறுகிறார்கள்: 'அவர்கள் சுவர்க்கத்தில் அனுமதிக்கப்பட மாட்டார்கள். மேலும், அதன் சுகந்தத்தைக் கூட நுகர மாட்டார்கள். அதன் சுகந்தமோ நீண்ட தூரத்திற்கு பரவக்கூடியதாகும். அதாவது அவர்கள் சுவர்க்கத்தை விட்டு மிக அதிக தொலைவில் இருப்பார்கள்' (ஸஹீஹ் முஸ்லிம்).

மேலும் பிற்காலத்தில் வரக்கூடிய பெண்கள் ஆடைக் குறைப்பில் ஈடுபாடுவார்கள் என்பதை 1400 ஆண்டுகளுக்கு முன்னரே இறைவனின் இறுதித் தூதர் முஹம்மது நபி (ஸல்) அவர்கள் விளக்கிக் கூறி அவர்களின் செய்கைகள் இவ்வாறு இருக்கும் எனவும் எச்சரித்துவிட்டு சென்றிருக்கிறார்கள். எனவே தான் முஸ்லிம்கள் 'நவநாகரீக மங்கைகள்' என்ற பெயரில் ஆடைக் குறைப்பு செய்வதை தவிர்த்து கண்ணியமான முறையில் ஆடை அனிந்து வெளியே செல்கிறார்கள்.

இறைவன் கூறுகிறான் : -

"நபியே! நீர் உம் மனைவிகளுக்கும், உம் பெண் மக்களுக்கும் ஈமான் கொண்டவர்களின் பெண்களுக்கும், அவர்கள் தங்கள் தலைமுன்றானைகளைத் தாழ்த்திக் கொள்ளுமாறு கூறுவீராக; அவர்கள் (கண்ணியமானவர்கள் என) அறியப்பட்டு நோவினை செய்யப்படாமலிருக்க இது சுலபமான வழியாகும். மேலும் அல்லாஹ் மிக மன்னிப்பவன்; மிக்க அன்புடையவன்"
(அல் குஆன் 33:59)

Powerpoint presentations: Politics and History of Islam- Analytical perspectives

noreply@blogger.com (Shahull Hameed Mohamed Rizvy) — Sat, 16 Apr 2011 06:59:00 +0000

Direct Download links (Click on the link to download)

1. UN danger! What's wrong with the U.N?

2. Egyptian uprising: causes, implication and communication

3. Mass media and prejudice against Islam and Muslims in the Europe

4. Development of Islam throughout the world: Historical perspective

5. From the Crusades to new Muslim empires

பிரான்ஸின் புர்கா தடை- இஸ்லாத்திற்கெதிரான சதி முயற்சி

noreply@blogger.com (Shahull Hameed Mohamed Rizvy) — Thu, 14 Apr 2011 14:47:00 +0000

முஸ்லிம் பெண்கள் பொது இடங்களில் புர்கா அல்லது நிகாப் என்று அழைக்கப்படும் முகத்திரை அணிவதை முற்றாக தடை செய்யும் சர்ச்சைக்குரிய இனவாத சட்டமொன்றை பிரான்ஸ் கடந்த திங்கட் கிழமை (ஏப்ரல் 11) அமுலுக்கு கொண்டுவந்துள்ளது. இச்சட்டமானது 2004 இல் இருந்து அமுலில் இருந்து வரும் பாடசாலைகளில் மாணவிகள் ஹிஜாப் அணிவதை தடை செய்யும் சட்டம் மற்றும் அரச அலுவலகங்களில் புர்கா அணிந்து வேலைசெய்வதை தடைசெய்யும் சட்டம் என்பற்றின் முற்றிலுமான நீடிப்பாகக் கொண்டுவரப்பட்டுள்ளது.

இச்சட்டத்தை மீறி புர்கா அணிபவர்களிடமிலுந்து 150 யூரோகள் அபராதமாக அறவிடப்படும் என்றும் நிகாப் அணிய வற்புறுத்துபவர்கர் எவரும் ஒரு வருட சிறைத்தண்டனைக்கும் 41000 டொலர்கள் அபராதமாக செலுத்த நேரிடும் என்றும் இச்சட்டம் குறிப்பிடுகின்றது.

பிரான்ஸ் 70 இலட்சம் முஸ்லிம்களை சிறுபான்மையாகக் கொண்ட நாடாகும். ஐரோப்பாவில் இது மிகப்பெரும் முஸ்லிம் பெரும்பான்மையாகக் கருதப்படுகின்றது. முஸ்லிம்கள் இங்கு சிறுபான்மையாக இருப்பதால் இப்புர்கா தடை சட்டம் இனவாத அல்லது இனத்துவேச சட்டமாகவே பலராலும் நோக்கப்படுகின்றது.

இச்சட்டம் அமுழுக்கு கொண்டுவரப்பட்டதையடுத்து பாரிஸ் நகரில் இச் சட்டத்தின் மீதான தமது அதிருப்தியை தெரிவித்து ஆர்ப்பாட்டத்தில் ஈடுபட்ட இரு பெண்கள் பொலிஸாரால் கைது செய்யப்பட்டனர். இத்தடை சட்டம் உலகம் பூராகவும் உள்ள முஸ்லிம்கள் மத்தியில் பலத்த எதிர்ப்பையும் மேற்குலகின் மீதான அதிருப்தியையும் தோற்றுவித்துள்ளது.

ஐரோப்பாவில் ஏற்பட்டுள்ள இஸ்லாத்தின் அதீத வளர்ச்சியை பொறுத்துக்கொள்ள முடியாத இஸ்லாத்தின் எதிர்ப்பு சக்திகள் இஸ்லாத்தின் இருப்பை கேள்விக்குட்படுத்தும் வகையில் பல்வேறு சதி முயற்சிகளில் ஈடுபட்டுள்ளனர். அத்தகைய இஸ்லாத்திற்கெதிரான சதி முயற்சிகளில் ஒன்றாகவே பிரான்ஸின் புர்கா தடையும் நோக்கப்பட வேண்டும்.

இத்தடை சட்டமானது பல்வேறு மனித உரிமை அமைப்புக்களால் மனித உரிமை மற்றும் சிறுபான்ம உரிமைகளின் ஒட்டுமொத்த மீறலாக சுட்டிக்காட்டப்படுகின்றது. இத்தடை சட்டம் மனித உரிமை தொடர்பான ஐரோப்பிய சமவாயத்திற்கு(European Convention on Human Rights-ECHR) முற்றிலும் முரணானதாகும். மத சுதந்திரம் (Freedom of religion), தனியாள் சுதந்திரம் (Personal liberty), கலாசார சுதந்திரம் என்பன பல்வேறு சர்வதேச சமவாயங்கள் மற்றும் உள்ளாட்டு சட்டங்களால் உறுதிப்படுத்தப்பட்டுள்ளதன.

மனித உரிமை மற்றும் ஜனநாயகத்தின் ஜாம்பவான்கள் என்றும் முன்னோடிகள் என்றும் தம்மைத்தாமே புகழ்ந்துரைத்துக்கொள்ளும் மேற்கத்தியவாதிகள் தமது சொந்த நாட்டிலேயே முஸ்லிம்களின் மத சுதந்திரத்தையும் கலாசார சுதந்திரத்தையும் பட்டாப்பகலில் குழிதோன்றி புதைத்துவிட்டனர்.

பன்மைத்துவத்தை (Plurality) தமது நாடுகளில் முன்னேற்றுகின்றோம் என பெருமையடித்துக்கொள்ளும் மேற்கத்திய ஆட்சியாளர்ளர் சிறுபான்மை முஸ்லிம்களின் கலாசார, சமய அனுஷ;டானங்களையும் விழுமியங்களையும் இல்லாதொழித்து இஸ்லாத்தின் வளர்ச்சிக்கு முட்டுக்கட்டை போட எண்ணுகிறார்களா? அல்லது இவற்றின் மூலம் அரசியல் இலாபம் தேடிக்கொள்ள முனைகின்றார்களா?

பேஷன் என்ற பேரிலும் மொடல்ஸ் என்ற பேரிலும் பெண்களை முழு நிர்வாணமாக்கி ஆண்களுக்கு காட்சிப்பொருட்களாகவும் பொதுச்சொத்துக்களாகவும் மாற்றி, அனாகரிகங்களையும் அசிங்கங்களையும் அதி சிறந்தவைகள் என்று மாயை போட்டு நவீன முட்டாள்களை உருவாக்கிக்கொண்டிருக்கும் மேற்கத்திய சடவாதம் இஸ்லாம் பெண்களுக்கு வழங்கியுள்ள அந்தஸ்தையும் கௌரவத்தையும் குறைத்து மதிப்பிடுகின்றது.

மேற்கு நாகரீகங்களோ அல்லது புகழின் உச்சத்தில் கொடிகட்டிப் பறந்த கிரேக்க நாகரிகமோ பெண்களுக்கு எந்தவொரு அந்தஸ்தையும் வழங்கவில்லை. சுருங்ககூறின், பெண்களை பெண்கள் என்றே கருதவில்லை. பெண்களை தாழ்ந்த படைப்புக்கள் என்றும் ஆண்களுக்கு அடிமைகள் என்றும் சாத்தான்களின் சின்னமாகவுமே அவை கருதின. இஸ்லாம் 1400 ஆண்டுகளுக்கு முன்பே பெண்களுக்கு உரிய அந்தஸ்தை வழங்கியது. பெண் பிள்ளைகளை உயிரோடு புதைத்த ஜாஹிலிய்ய அரேபிய சமூகத்திலிருந்து பெண்களை மீட்டெடுத்தது. பெண்களுக்கு முதன் முதலில் சொத்துரிமை வழங்கிய மார்க்கம் இஸ்லாமே.

இஸ்லாம் பெண்களை தாய் என்ற நிலையிலும் மனைவி என்ற நிலையிலும் சகோதரி என்ற நிலையிலும் வைத்து கௌரவப்படுத்துகின்றது. பெண்களை சமூகத்தின் தூண்களாக முக்கியத்துவப்படுத்தி பெருமைப்படுத்துகின்றது. மேற்குலக நவீனத்துவ மற்றும் சடவாத கொள்கைகளை போன்று பெண்களை நிர்வாணப்படுத்திப் பார்க்காமல் அவர்களின் ஒழுக்கம் மகிமை என்பவற்றை முன்னேற்றுகின்றது.

பெண்கள் தமது உடலை வெளிக்காட்டுவதையே அவர்களின் சுதந்திரமாகக் கருதும் நவீன சடவாதம் ஒழுக்க விழுமியங்களை முற்றாக குழிதோன்றி புதைத்துவிட்டது.

முழு நிர்வாணம் (nudity or nakedness) அல்லது பொது இடங்களில் தமது உடலை காட்சிப்படுத்தல் (Public exposure) போன்ற குற்றங்களுக்கெதிராக தடைச்சட்டங்கள் எதனையும் கொண்டிராத பிரானஸ் முஸ்லிம் பெண்கள் நவீன அநாகரிகங்களிலிருந்து தம்மை பாதுகாத்துக் கொள்வதற்காக அணியும் புர்காவுக்கெதிரான முழுமையான தடைச்சட்டத்தை அமுழுக்கு கொண்டுவந்தமை தான் வேடிக்கையான விடயமாகும். இத்தகைய குற்றங்கள் மேற்கு நாடுகளில் மலிந்து வருகின்றன என்பது குறிப்பிடத்தக்க விடயமாகும்.

கற்பழிப்பு, கன்னிகலைப்பு, குடும்ப உடலுறவு (Incest) போன்ற அசிங்கமான குற்றங்களின் தோற்றுவாய்கள் மேற்கு நாடுகளே. இவை இன்று சர்வசாதாரண விடயங்களாக மாறிவிட்டன. இவற்றுக்கெல்லாம் காரணம் மேற்குலகம் பெண்களுக்கு வழங்கியுள்ள மிதமிஞ்சிய பெருமானமற்ற சுதந்திரமாகும்.

மேற்குலகு பெண்களுக்கு வழங்கியுள்ள உரிமைகள் பொருளற்றவை, பெருமதியற்றவை. அவை ஒழுக்க விழுமியங்களை உள்ளடக்காதவை. பெண்களின் சுபீட்சத்திற்கோ அவர்களின் முன்னேற்றத்திற்கோ எந்த வகையிலும் உதவியளிக்காதவை. அவை குற்றங்கைளை அதிகரிக்கச் செய்யும். அசிங்கங்களையும் அநாகரிகங்களையும் புதிது புதிதாக தோற்றுவிக்கவல்லவை.

பெண்களின் சுபீட்சத்திற்கும் முன்னேற்றத்திற்கும் இட்டுச்செல்லக்கூடிய பெருமானமுடைய, உன்னதமான, உண்மையான உரிமைகளையும் சுதந்திரத்தையும் இஸ்லாம் இவர்களுக்கு வழங்கியுள்ளது. ஆனால் இவை 'குருடன் கண்களுக்கு யாவும் இருட்டுத்தான்' என்றாற் போல் மேற்கத்திய வாதிகளின் கண்களுக்கு பெண்கள் மீதான அடக்குமுறைகளாகவே காட்சியளிக்கின்றன. அதனால்தான் இவர்கள் புர்கா தடை போன்ற இஸ்லாத்திற்கெதிரான நடவடிக்கைகளில் ஈடுபட்டுள்ளார்களோ என்று சிந்திக்க தோன்றுகிறது.

S.H.M Rizvy LL.B(Col)
Freelance writer.

References:

Al-Jazeera.english.net
Abdullahhasan.net
Onislam.net

----------------------------------------

http://uthayem.blogspot.com/

லிபியா மீது ஐநாவின் தீர்மானங்கள் !

noreply@blogger.com (Shahull Hameed Mohamed Rizvy) — Tue, 01 Mar 2011 02:35:00 +0000

ஐநா பாதுகாப்பு சபையில் காடாபி மக்கள் ஆர்பாட்டங்களை மோசமாக அடக்க முயன்றமைக்கு எதிரான தீர்மானங்கள் நேற்று 15 உறுப்பு நாடுகளினாலும் ஆதரவை பெற்று நிறைவேறியுள்ளது லிபியாவுக்கு ஆயுதங்கள் விற்பனை தடை, கடாபியின் சொத்துக்கள் முடக்கம் அத்துடன் கடாபி ஆர்ப்பாட்டம் செய்யும் மக்களை மிகவும் மோசமாக் ஒதுக்கியமை தொடர்பில் சர்வதேச குற்றவியல் நீதிமன்றத்தில் நிறுத்தவும் குற்றவாளிகள் தண்டிக்க படவேண்டும் என்றும் பரிந்துரைத்துள்ளது.

மேலும் கடாபி மற்றும் அவரின் வயது வந்த பிள்ளைகள் அவரின் தளபதிகள் உதவியாளர்கள் போன்றவர்களுக்கு எதிராக பிரயாணத் தடை விதித்துள்ளது , அமெரிக்க ஜனாதிபதி ஒபாமா கடாபி உடனடியாக பதவி விலகவேண்டும் நாட்டை விட்டு வெளியேறவேண்டும் என்று தெரிவித்துள்ளார் விரிவாக அதேவேளை கடாயின் அரசாங்கத்தில் நீதி அமைச்சராக இருந்து சில கடந்த வாரம் இராஜினமா செய்த முஸ்தபா அப்துல் ஜலீல் லிபியாவின் கிழக்கு பிரதேசத்தில் ஆர்பாட்ட தரப்புடன் பேசி வருவதாவும் ஒரு லிபிய இராணுவம் மற்றும் ஆர்ப்பாட்டம் செய்யும் தரப்பையும் உள்ளடக்கிய அமைப்பு ஒன்று தேர்தலை எதிர்கொள்ள மூன்று மாதங்களுக்குள் தோன்றும் என்று தெரிவித்ததாக சர்வதேச செய்திகள் தெரிவிக்கின்றன இந்த முயற்சிகளுக்கு லிபியாவின் ஐநாவுக்கான் பிரதிநிதிகள் ஆதரவு தெரிவிதுள்ளதாகவும் தெரிவிக்கப்படுகின்றது

அதேவேளை அனைத்து வன்முறைகளையும் அடக்குவோம். நான் மக்கள் மத்தியில் இருக்கிறேன். தொடர்ந்து போராடுவேன். எந்த வெளிநாட்டு ஆக்கிரமிப்புகளையும் தோற்கடிப்போம் லிபியா பற்றி எரியும் என்று கடாபி நேற்று தெரிவித்துள்ளார்

அதேவேளை இஹ்வானுல் முஸ்லிமீன் அரபு நாடுகளில் வெளிநாடுகளின் தலையீட்டை தாம் ஆதரிக்க போவதில்லை என்று தெரிவித்துள்ளது.

Courtesy to Ourummah

இரத்தக் களரியில் கடாபியின் லிபியா

noreply@blogger.com (Shahull Hameed Mohamed Rizvy) — Thu, 24 Feb 2011 02:04:00 +0000

மேற்குலக நாடுகள், முக்கியமாக அமெரிக்கா, பதவியில் இருந்து விலக்க நினைக்கும் அரசத்தலைவர்களில் வட கொரியாவின் கிம் ஜொங், ஜிம்பாவேயின்ரொபேர்ட் முஹாபே, கியூபாவின் fஇடெல் காஸ்ரோ, லிபியாவின் மும்மர் கடாபி ஆகியோர் முக்கியமானவர்.

நீண்டகால ஆட்சியாளர்.
இப்போது உள்ள அரச தலைவர்களில் மிக நீண்ட காலம் பதவியில் இருப்பவர் லிபியத் தலைவர் மும்மர் கடாபி. மேற்கத்திய ஆதிக்கத்திற்கு எதிராக குரல் கொடுப்பவர். உலகெங்கும் உள்ள பல விடுதலை இயக்கங்களுக்கு உதவுபவர் என்று பல மூன்றாம் உலகநாடுகளின் மக்களால் போற்றப் படுபவர் மும்மர் கடாபி. 1969-ம் ஆண்டு ஒர் ஆயுதப் புரட்சி மூலம் அப்போது அரசாராக இருந்த இட்றிஸை பதவியில் இருந்து அகற்றி ஆட்சியைக் கைப்பற்றியவர் மும்மர் கடாபி. அப்போது அவருக்கு வயது 27. அப்போது அவர் சிறந்த புரட்சியாள்ராகவும், புதிய சேகுவேராவாகவும் மதிக்கப்பட்டார்.
கடாபி இஸ்லாமையும் சோசலிசத்தையும் கலந்து பசுமைப் புரட்சி என்ற நூல் எழுதினார்.

விடுதலை இயக்கங்களுக்கு உதவிய கடாபி
காடாபி கறுப்பு செப்டம்பர் இயக்கத்திற்கு நிதி உதவுவதாக கூறப்பட்டது. 1972இல் ஜேன்மன் முனிச்சில் நடந்த ஒலிம்பிக் போட்டிகளில் கலந்து கொள்ளச் சென்ற இஸ்ரேலிய விளையாட்டு வீரர்களைக் கொன்றது கறுப்பு செப்டம்பர் இயக்கம் என்றும் குற்றம் சாட்டப்பட்டது. கடாபி பல்வேறு விடுதலை இயக்கங்களுக்கு செய்த உதவியால் அவரை ஒரு பயங்கரவாதிகளிக்கு நிதி வழங்குபவராக அமெரிக்கா கடுமையாக விமர்சித்தது. முன்னாள் அமெரிக்கக் குடியரசுத் தலைவர் ரொனால்ட் ரீகன் கடாபியை மத்திய கிழக்கின் விசர் நாய் என்றும் அவரது லிபியா ஒரு பறையர் நாடு என்றும் விமர்சித்தார்.( தமிழில் இருந்து ஆங்கிலத்திற்கு போன வார்த்தைகளுக்குள் பறையர் உம் ஒன்று).

கடாபியை கொல்ல முயன்ற ரீகன்
1986இல் அமெரிக்க விமானங்கள் லிபியாவின் கடாபியின் இருப்பிடங்களில் குண்டுகளை வீசி அவரைக் கொல்ல முயன்றன. நிலக்கீழ் அறையில் இருந்ததால் கடாபி உயிர் தப்பினார். கடாபியின் வளர்ப்பு மகன் அதில் கொல்லப்பட்டார்.

மும்மர் கடாபியின் மீது இப்போது வைக்கப்படும் குற்றச்சாட்டுக்கள்:

அவரது ஆட்சி உலகிலேயே மோசமான அடக்கு முறையை மக்கள் மீது கட்டவிழ்த்து விட்ட ஆட்சி
மும்மர் கடாபியின் லிபிய நாட்டில் எந்த பத்திரிகைச் சுதந்திரமும் இல்லை.
முறை கேடான ஆட்சி
பெண்பித்தர்.

மும்மர் கடாபி ஒர் உக்ரேய்ன் நாட்டு கவர்ச்சிகரமான மருத்துவத் தாதியுடன் காதல் வசப்பட்டதாக விக்கிலீக் தகவல்கள் கசியவிட்டது

.
இரு வேறுபட்ட கொள்கைகளைக் கொண்ட பிள்ளைகள். சர்வாதிகார அடக்கு முறையாளராகினாரா இளம் புரட்சியாளர்?
லிபிய மக்கள் பலர் மும்மர் கடாபியின் ஆட்சியில் அதிருப்தி அடைந்து எகிப்து துனிசியா பாணி ஆர்ப்பாட்டங்களில் ஈடுபட்டுள்ளனர். அவர்களின் எண்னிக்கையையும் ஆவேசத்தையும் பார்க்கும்போது புரட்சியாளராக வந்தா கடாபி இப்போது ஒரு அடக்குமுறைச் சர்வாதிகாரியாக மாறிவிட்டார் என்பதை உறுதி செய்கிறது. மும்மர் கடாபியின் ஒரு மகனான சயிf கடாபி லிபியாவில் ஒரு மேற்கத்திய பாணி அரசு அமைவத விரும்புகிறார். ஆனால் அவரது தம்பி முத்தாசிம் அதற்கு முற்றிலும் மாறுபட்ட கொள்கைகளைக் கொண்டவர். லிபியாவில் அரசுக்கு எதிராக மக்கள் கிளர்ந்து எழத் தொடங்கியபின் இருவருக்கும் இடையில் மோதல்கள் ஆரம்பித்து விட்டதாக பெப்ரவரி 20-ம் திகதி சில வதந்திகள் பரவின. அதில் சயிf கொல்லப்பட்டதாகவும் வதந்திகள் பரவின. பின்னர் சயிf தொலைக்காட்சியில் தோன்றி தந்தையின் அரசுக்கு எதிராக கிளர்ச்சி செய்வோரைக் கடுமையாக எச்சரித்துள்ளார். கடைசி நிமிடம் வரை கடைசித் துப்பாக்கிக்குண்டு இருக்கும்வரை தாம் போராடுவேம் என்று அறிவித்தார். கடாபியின் மகன் கூறிய முக்கியமானவை:

நாம் துனிசியர்களோ அல்லது எகிப்தியரோ அல்லர்.
எமது நாட்டை இத்தாலியர்களுக்கோ அல்லது துருக்கியர்களுக்கோ விட்டுக் கொடுக்க மாட்டோம்.
சில படைத்தளங்கள் ஆயுதங்கள் கிளர்ச்சிக்காரர்களால் கைப்பற்றப்பட்டுள்ளன.
லிபியப்பாரளமன்றம் இன்று(திங்கட்கிழமை) கூடி அரசியல் சீர்திருத்தங்கள் பற்றி ஆராயும்.
சில தடைகள் நீக்கப்படும்.
லிபியா விழ்ச்சியடைந்தால் இங்கு மேற்கு நாடுகள் தளம் அமைக்கும்.

சயிf கடாபியின் கூற்றை எதிர்க்கட்சிகள் ஏற்றுக் கொண்டதாகத் தெரியவில்லை. கடாபி அரசு மற்ற ஆபிரிக்க நாடுகளில் இருந்து வந்த கூலிப்படையினரை ஆர்ப்பாட்டக்காரர்கள் மீது ஏவி அவர்களைக் கொல்கிறது என்று குற்றம் சாட்டப்படுகிறது. எகிப்தில் கொல்லப்பட்ட மக்களிலும் பார்க்க அதிக மக்கள் லிபியாவில் கொல்லப்படுகின்றனர். அரச படைகள் சில ஆயுதங்களுடன் பிரிந்து ஆர்ப்பாட்டக்காரர்களுடன் இணைந்து விட்டனர். லிபியாவின் வளம் மிக்க கிழக்குப் பகுதி ஆர்ப்பாட்டக்காரர்களின் கைகளில் விழுந்து விட்டது. மேலும் பல பகுதிகள் விழுந்து கொண்டிருக்கின்றன.

பென்காஜி ஆர்ப்பாட்டக்காரர்கள் வசம்
லிபியாவின் கிழக்குப் பிராந்திய நகரான பென்காஜி ஆர்ப்பாட்டக்காரர்கள் கையில். அங்குள்ள வானொலி நிலையத்தை அவர்கள் கைப்பற்றி வலைத்தளங்கள் மூலம் தங்கள் செய்திகளை பரப்பி வருகின்றனர்

மோசமான இரத்தக்களரி
எகிப்தைப் போலவோ அல்லது துனிசியாவைப்போலவோ லிபியாவில் அதன் தலைவர் கடாபி இலகுவில் பதவியில் இருந்து விலகிவிடப்போவதில்லை. அவருக்கு விசுவாசமான படையினர் கணிசமாக இருக்கின்றனர். கடாபிக்கு ஆதரவானவர்கள் கடாபிக்கு எதிரான ஆற்ப்பட்டக்காரர்கள்மீது தாக்குதல்கல் நடத்துகின்றனர். உலங்கு வானுர்தியில் வந்தும் கடாபியின் படையினர் ஆர்ப்பாட்டக்காரர்கள் மீது தாக்குதல் நடாத்துகின்றனர். அரச படையில் இருந்து விலகியவர்க்ளுக்கும் அரசின் சிறப்புப் படையணிக்கும் மோதல் வெடித்தால் விளைவுகள் மோசமானதாக இருக்கும். வரும் நாட்களில் மோதல்கள் தீவிரமடையும். உயிரிழப்புக்களும் அதிகமாக இருக்கும்.

கடாபியை சுடுமாறு யூசுப் அல் கர்ழாவி லிபிய இராணுவத்தை கேட்டுள்ளார்

noreply@blogger.com (Shahull Hameed Mohamed Rizvy) — Wed, 23 Feb 2011 18:03:00 +0000

லிபியாவின் மக்களின் நிலை மிகவும் மோசமடைந்து வருவதாக சர்வதேச தகவல்கள் தெரிவிகின்றன இது வரை 1000பேராவது கொல்லப்பட்டுள்ளனர் என்று மனித உரிமை அமைப்புகள் குற்றம் சாட்டுகின்றன என்று பிரஸ்டிவி தெரிவிக்கின்றது லிபியாவின் ராஜதந்திரிகள் பலரும் தமது பதவிகளை ராஜினாமா செய்துள்ளதுடன் கடாபி பதவி விலக வேண்டும் என்று கோரியுள்ளனர்.

ஆர்பாட்டம் செய்யும் மக்கள் நேரடியாக சுட்டு கொல்லப்படுகின்றனர் கடாபிக்கு ஆதரவான இராணுவம் மக்கள் வீதிக்கு இறங்கவேண்டாம் என்று ஒலி பெருக்கில் மூலம் அறிவித்து வருகின்றது.யுத்த களங்களில் பயன்படுத்தப்படும் விமானங்கள் திரிபோலி நகரங்களில் குண்டுகளை வீசி வருகின்றது இந்த நிலை தொடர்பாக அல் ஜஸீராவுக்கு கருத்துரைத்துள்ள சர்வதேச முஸ்லிம் புத்திஜீவிகள் அமைப்பின் தலைவரும் உலக புகழ்பெற்ற இஸ்லாமிய புத்ஜீவியுமான விரிவாக Video டாக்டர் யூசுப் அல் கர்ழாவி 'லிபிய இராணுவத்தில் யாருக்கு கடாபி மீது சுட முடியுமோ அவர் அவ்வாறு செய்யவேண்டும்' என்றும் பொதுமக்களை கொலை செய்ய பிறப்பிக்கப்படும் கட்டளைகளுக்கு இராணுவம் அடிபணிய வேண்டாம் என்றும் லிபிய இராணுவத்தை கோரியுள்ளார்.

கடாபி தற்கொலை செய்துகொள்வார் அல்லது கொல்லப்படுவார்: லிபிய உள்ளநாட்டு அமைச்சர்

noreply@blogger.com (Shahull Hameed Mohamed Rizvy) — Wed, 23 Feb 2011 17:46:00 +0000

லிபிய தேசிய தொலைக் காட்சியில் நேற்று மலை தோன்றிய கடாபி நாட்டின் கிளர்ச்சிக்கு எதிராக இறுதி வரை போராடுவேன் , லிபிய மண்ணில் வீரனாக மரணத்தை தழுவுவேன் நான் பதவி விலகுவதற்கு ஜனாதிபதியல்ல இந்த நாடு என்னுடையது இந்த நாட்டின் தலைவன் நான் நான் அமெரிக்காவுக்கும், பிரிட்டனுக்கும் எதிராக தொடர்ந்து போராடுவேன் நான் ஒரு புரட்சியாளன் நான் புரட்சி முகாமில் இருந்து வந்தவன் இறுதியில் வீரனாக மரணத்தை தழுவுவேன் மேற்குலகின் எந்த அழுத்ததுக்கும் அடிபணியமாட்டேன் என்று தெரிவித்துள்ளார்.

நான் எனது படைகளுக்கு பலவந்தத்தை பயன்படுத்துமாறு இன்னும் கட்டளை பிரபிக்கவில்லை ஒரு குண்டை சுடுமாரும் ஏவவில்லை நான் கட்டளையி டும்போது அனைத்தும் பற்றி எரியும் , எனது ஆதரவாளர்கள் வீடுகளை விட்டு வெளியே வாருங்கள் வீதிகளை நிரப்புங்கள் ஆர்பாட்டகாரர்களை தாக்குங்கள் நாளை – இன்று – முதல் பாதுகாப்பு படையின் முற்றுகை நீக்கப்படும் கடாபியை காதலிக்கும் நபர்கள் உங்களில் வீடுகளில் இருந்து வெளியில் வாருங்கள் விரிவாக Video லிபிய மக்களும், மக்கள் புரட்சியும் லிபியாவை கட்டுப்படுத்தும் உங்களை எனது ஆதரவாளர்களாக அடையாளப்படுத்தி கொள்ள கையில் பச்சை துணி ஒன்றை கட்டிவாருங்கள் என்று தெரிவித்துள்ளார் பங்காசி முதலான பல நகரங்களில் கடாபிக்கு எதிரான மக்களில் செல்வாக்கு அதிகரித்து வருவதாக செய்திகள் தெரிவிக்கின்றது அதேவேளை இன்று லிபிய உள்நாட்டு அமைச்சர் இராஜினாமா செய்துள்ளதுடன் கடாபி தற்கொலை செய்துகொள்வார் அல்லது கொல்லப்படுவார் என்று தெரிவித்துள்ளார் .

தற்போது லிபியாவில் கடாபியின் நிர்வாகம் மக்கள் மத்தியில் பிரதேச வேற்றுமையை தூண்டவும் , மக்களிடம் வளர்ந்துள்ள மேற்கு உலகிற்று எதிரான மனநிலையை தமக்கு சாதகமான முறையில் திசை திருப்பவும் முயல்வதாகவும் அதேவேளை அல் காதா போன்ற அமைப்புகள் நிலைமையை பயன்படுத்தி இஸ்லாமிய குடியரசு ஒன்றை உருவாக்கி வருவதாகவும் இது மிக பாரிய ஆபத்தானது என்று காட்டும் நாடகங்களில் ஈடுபடுவதாகவும் அரசியல் ஆய்வாளர்கள் சுட்டிகாட்டுகின்றனர்

இதேவேளை கடாயின் நிர்வாகத்துக்கு எதிரான சர்வதேச நிறுவனமயப்படுத்தபட்ட அழுத்தங்கள் அதிகரித்து வருகின்றது டாக்டர் யூசுப் அல் கர்ழாவி 'லிபிய இராணுவத்தில் யாருக்கு கடாபி மீது சுட முடியுமோ அவர் அவ்வாறு செய்யவேண்டும்' என்றும் பொதுமக்களை கொலை செய்ய பிறப்பிக்கப்படும் கட்டளைகளுக்கு இராணுவம் அடிபணிய வேண்டாம் என்றும் லிபிய இராணுவத்தை கோரியுள்ளார் என்பதும் குறிபிடத்தக்கது.

courtesy to ourummah.

லிபியாவின் பல பிரதேசங்களில் இராணுவம் மக்களுக்கு ஆதரவு !

noreply@blogger.com (Shahull Hameed Mohamed Rizvy) — Wed, 23 Feb 2011 17:42:00 +0000

லிபியாவில் கடந்த 14 ஆம் திகதி தொடக்கம் மக்கள் ஆர்பாட்டங்கள் தொடர்ந்து நடைபெற்று வருகின்றது கடாபிக்கு விசுவாசமான படைகளில் தாக்குதல்கள் மத்திலும் மக்கள் ஆர்பாட்டங்களில் தொடர்ந்து ஈடுபட்டு வருகின்றனர் பாய்டா, பெகாசி , டோப்றுக் போன்ற லிபியாவின் கிழக்கு பிரதேசங்கள் முழுவதுமாக மக்களின் கட்டுபாட்டில் இருப்தாகவும் அங்கு இராணுவம் மக்களுடன் மோதும் நிலை இல்லை என்றும் சர்வதேச செய்திகள் தெரிவிக்கின்றன.

அதேவேளை டோப்றுக் பிரதேசத்தில் இராணுவத் தளபதி தாம் தமது விசுவாசத்தை மாற்றிவிட்டதாகவும் தற்போது மக்களுக்கு விசுவாசமாக தானும் டோப்றுக் இராணுவமும் இருப்பதாகவும் அல் ஜஸீரா செய்தியாளருக்கு தெரிவித்துள்ளார் அல் ஜஸீரா செய்தியாளர்கள் குழுவொன்று எகிப்தில் இருந்து லிபிய எல்லையை கடந்து 140 கி. மீ பயணித்து டோப்றுக் பிரதேசத்தை அடைந்துள்ளது விரிவாக தாம் பயணித்த எந்த பகுதிலும் எகிப்து , லிபியா எல்லை உட்டபட எங்கும் இராணுவத்தின் நடமாட்டம் காணப்படவில்லை என்று தெரிவிக்கின்றனர்.

பாய்டா, பெகாசி பிரதேசங்களில் இரவு வேலைகளில் ஆயுததாரிகள் குறிப்பாக பிரான்ஸ் மொழி பேசும் ஆபிரிக்க மனிதர்கள் நடமாடுவதாக இவர்கள் சாட் நாட்டை சேர்ந்தவர்கள் என்றும் மக்கள் தெரிவிப்பதாக தெரிவித்துள்ளனர்.

லிபிய ஆர்பாட்டங்கள்..

noreply@blogger.com (Shahull Hameed Mohamed Rizvy) — Wed, 23 Feb 2011 17:37:00 +0000

கடந்த 14ஆம் திகதி தொடக்கம் நிகழ்ந்து வரும் ஆர்பாட்டங்கள் நேற்று திங்கள் கிழமை இரவு லிபிய தலைநகரிலும் தடைகளை உடைத்தவண்ணம் இடம்பெற்றுள்ளது நேற்று நடந்த மக்கள் ஆர்பாட்டங்கள் மீது கடாபியின் இராணுவம் சுட்டதிலும் , விமானம் மூலம் குண்டுகளை வீசியதிலும் 60 பேர் கொல்லபட்டுள்ளனர் கடாபிக்கு ஆதரவான இராணுவம் மக்களை கடுமையான முறையில் ஒடுக்கிவருகின்றது.

இது வரை 400 க்கும் அதிகமானவர்கள் கொல்லப்பட்டுள்ளதாக மனித உரிமை அமைப்புகள தெரிவித்துள்ளன.

இந்த இராணுவ கொலைகளை கண்டித்து லிபியாவின் நீதி அமைச்சர் இராஜினாமா செய்துள்ளார் அமெரிக்காவுக்கான லிபிய தூதுவர் படுகொலைகளை தான் கண்டிபதாக தெரிவித்துள்ளார் அதேவேளை ஐநா வுக்கான லிபிய ராஜதந்திரிகள் சர்வதேச நாடுகள் தலையிட்டு லிபிய அரசின் படுகொலைகளை தடுத்து நிறுத்த வேண்டும் என்று கேட்டுள்ளனர்.

நடை பெரும் மனித படுகொலைகள் சர்வதேச சமுகத்தை தூண்டும் செயல் என்றும் ஐநா இந்த விடையத்தில் தலையிடவேண்டும் என்றும் குற்றவாளிகள் சர்வதேச இராணுவ நீதிமன்றில் நிறுத்தப்படவேண்டும் என்றும் குரல்கள் ஒலிக்க தொடங்கியுள்ளன இதேவேளை கடாபி நாட்டை விட்டும் வெளியேறி சென்றுள்ளார் என்ற தகவல் வெளியானது இதனை மறுக்கும் வகையில் லிபியா தேசிய தொலைக் காட்சியில் தோன்றிய கடாபி தான் திரிபோலியில்தான் இருப்தாகவும் சர்வதேச ஊடகங்கள் குரைக்கும் நாய்கள் என்றும் தெரிவித்துள்ளார்.

இதை தொடர்ந்து ஐநா பொது செயலாளர் பாகீ மூன் லிபியாவில் மனித உரிமை , மக்கள் ஒன்று கூடும் உரிமை , கருத்துரிமை ஆகியன கண்டிப்பாக முழுமையாக பாதுக்காக்கப் படவேண்டும் என்று தனது அறிக்கையில் தெரிவித்துள்ளார் இதேவேளை லிபிய இராணுவ அணி ஒன்று மக்களின் ஆர்பாட்டங்களுக்கு இராணுவ வீரர்கள் ஆதரவு வழங்கவேண்டும் என்று அது வெளியிட்ட பிரசுரம் ஒன்றில் வலியுறித்தியுள்ளது நேற்று முன்தினம் லிபியாவின் 50 இமாம்கள் கூட்டாக லிபிய இராணுவத்துக்கு விடுத்துள்ள வேண்டுகோளில் பொதுமக்களை சுட்டு கொல்வதை நிறுத்துமாறும் பொது மக்களை கொலைசெய்வதை அல்லாஹ்வும் அவனில் தூதரும் தடுத்துள்ளார் என்றும் தெரிவித்திருந்தனர் என்பது குறிபிடத்தக்கது லிபியாவின் மக்களுக்கு ஆதரவு தெரிவித்து மக்களை சுட மறுத்த இராணுவ வீரர்கள் இராணுவத்தினால் கொலைசெய்யப்பட்டு எரிக்கபட்டுள்ள காட்சிகள் அடங்கிய வீடியோகள் youtube இல் வெளியாகியுள்ளது

கடாபியின் மகனின் தலைமயில் இராணுவம் மக்களை மிகவும் கடுமையாக ஒடுக்கி வருவதாக செய்திகள் தெரிவிக்கின்றன நேற்று லிபியா தேசிய தொலைக் காட்சியில் தோன்றிய கடாபியின் மகன் ஸைபுல் இஸ்லாம் அரசியல் மறு சீரமைப்பு ஒன்றை வாக்களித்ததுடன் அவர் தலைவர் கடாபி முன்வைக்கும் அரசியல் மறு சீரமைப்பை ஏற்றுகொள்ளுமாரும் தவறினால் லிபியா 30- 40 வருடங்கள் உள்நாட்டு யுத்தத்தை சந்திக்கும் என்றும் லிபியா துனுசியா அல்லது எகிப்து போன்றது அல்ல இறுதி வரை போராடும் என்றும் நாட்டின் இராணுவம் கடாபிக்கு பக்கபலமாக இருப்தாகவும் இறுதி துப்பாக்கி குண்டு இருக்கும் வரை போராடும் என்றும் தெரிவித்துள்ளார் என்பது குறிபிடத்தக்கது இன்றும் மக்கள் போராட்டத்துக்கு அழைப்பு விடுக்கப்பட்டுள்ளது- இணையம் , தொலை தொடர்பு அனைத்து வகை தொடர்பாடல்களும் துண்டிக்கப்பட்டுள்ளது

ஆர்பாட்டம் செய்யும் மக்கள் நேரடியாக சுட்டு கொல்லப்படுகின்றனர் கடாபிக்கு ஆதரவான இராணுவம் மக்கள் வீதிக்கு இறங்கவேண்டாம் என்று ஒலி பெருக்கில் மூலம் அறிவித்து வருகின்றது.யுத்த களங்களில் பயன்படுத்தப்படும் விமானங்கள் திரிபோலி நகரங்களில் குண்டுகளை வீசி வருகின்றது இந்த நிலை தொடர்பாக அல் ஜஸீராவுக்கு கருத்துரைத்துள்ள சர்வதேச முஸ்லிம் புத்திஜீவிகள் அமைப்பின் தலைவரும் உலக புகழ்பெற்ற இஸ்லாமிய புத்ஜீவியுமான டாக்டர் யூசுப் அல் கர்ழாவி 'லிபிய இராணுவத்தில் யாருக்கு கடாபி மீது சுட முடியுமோ அவர் அவ்வாறு செய்யவேண்டும்' என்றும் பொதுமக்களை கொலை செய்ய பிறப்பிக்கப்படும் கட்டளைகளுக்கு இராணுவம் அடிபணிய வேண்டாம் என்றும் லிபிய இராணுவத்தை கோரியுள்ளார்.

எகிப்து வெற்றியும், தோல்வியும்! சில துளிகள்...

noreply@blogger.com (Shahull Hameed Mohamed Rizvy) — Sun, 13 Feb 2011 07:23:00 +0000

பெப்ரவரி 11, வெள்ளிக்கிழமை : எகிப்து அதிபர் ஹோஸ்னி முபாரக் தனது 30 வருடகால சாம்ராஜ்ஜியத்திலிருந்தும்,
தனது அதிபர் பதவியிலிருந்தும் தூக்கியெறியப்பட்ட நாளாக, ஓர் வரலாற்றுப்பதிவு நிகழ்ந்த தினமாக மாறிவிட்டது.
- தனது அனைத்து அதிகாரங்களையும், இராணுவத்தின் சுப்ரீம் கவுன்சிலுக்கு கையளித்துவிட்டு, முபாரக் அதிபர் பதவியிலிருந்து விலகிக்கொள்வதாக துணை அதிபர் ஒமர் சுலைமான் வெள்ளிக்கிழமை மாலை தொலைக்காட்சியில் தோன்றி அறிவித்தார்.

- வீடு, உற்றம் சுற்றம் எல்லாவற்றையும் விட்டுவிட்டு 19 நாட்களாக தஹ்ரீர் சதுக்கத்தில் கூடாரம் அடித்து காத்திருந்த மக்கள் கூட்டம் இவ் அறிவிப்பு வெளியானதும், கண்ணீருடனும், வெற்றிப்பெருக்குடனும், மகிழ்ச்சியுடன், நன்றியுடன், பெருமையுடனும் ஒருவரை ஒருவரை ஆரத்தழுவிக்கொண்ட காட்சி படம் பிடித்துக்கொண்டிருந்த ஊடகவியலாளர்களையும் நெகிழச்செய்தது.

- இப்பொழுது எகிப்திய அரசியல் மட்டத்தில் மட்டுமல்லாது, உலகமே கண்காணித்துக்கொண்டிருக்கும், புதிய நபர் எகிப்திய பாதுகாப்பு அமைச்சர் ஹுசெய்ன் தன்தாவி. மக்கள் மத்தியில் பெரும் நம்பிக்கைக்குரியவராக இப்போது திகழ்பவர். இவர் இடையில் ஒரு நாள் ஆர்ப்பாட்டக்காரர்களுடன் பேச வந்த போது, எதிர்பாராத விதமாக ஆர்ப்பாட்டக்காரர்களே அவருக்கு உரிய பாதுகாப்பையும், தக்க மரியாதையும் அளித்திருந்தனர்.

- எதிர்க்கட்சி தலைவரும், நோபல் பரிசு வென்ற எழுத்தாளருமான மொஹ்மட் எல்படரெய், 'எகிப்திய மக்களின் கனவு தற்போது நிறைவேறியுள்ளது என்று கூறியுள்ளார்.
- எகிப்திய மக்கள் இன்று எப்படி உணர்கிறார்கள் என என்னால் கூறமுடியாது என அல்ஜசீரா செய்தி சேவைக்கு கூறிய அவர், எமது மனித உரிமைகளையும், சுதந்திரத்தையும் மீள் கட்டியெழுப்ப வேண்டிய தருணமிது என அவர் கூறினார்.

- எகிப்து புதிதாய் பிறந்தது போன்றும், அம்மக்கள் புதிதாய் பிறந்தது போலவும் காட்சியளிப்பதாகவும் இருக்கிறார்கள் என்கிறார்கள் தஹ்ரீர் சதுக்கத்திலிருக்கும் ஊடகவியலாளர்கள்!

- இது முபாரக்கை பதவியிலிருந்தி இறக்கிய தருணம் மட்டுமல்ல, ஒவ்வொரு சாதாரண குடிமகனுக்கும் எவ்வளவு பெரிய சக்தி இருக்கிறது என்பதை உலகுக்கு உணர்த்திய தருணமிது என எகிப்தின் இரண்டாவது மிகப்பெறும் நகரமான அலெக்ஸ்டாண்ட்ரியாவில் கூடியிருக்கும் ஆர்ப்பாட்ட காரர்களில் ஒருவர் தெரிவிக்கிறார்.

- ஐரோப்பிய யூனியனில் அங்கம் வகிக்கும் 27 நாடுகளும் முபாரக்கின் முடிவுக்கு மரியாதை செலுத்துவதாக ஐரோப்பிய ஒன்றியத்தின், வெளிநாட்டு பிரிவு தலைவர் கதெரின் அஷ்டொன் தெரிவித்துள்ளார். ஐரோப்பிய ஒன்றியம், எகிப்திய மக்களின், முயற்சிக்கு கௌரவமளிக்க வேண்டுமென தெரிவித்த அவர், இடைக்கால அரசாங்கத்தின் அனைத்து செயற்பாடுகளுக்கும் தொடர்ந்து ஆதரவளிப்பதாகவும், எகிப்தை புதிய பாதையில் கட்டியெழுப்ப அனைத்து வகையிலும் உதவ தயாராக இருப்பதாகவும் அறிவித்துள்ளார்.

- இவ்வெள்ளிக்கிழமை இறுதி நாள் ஆர்ப்பாட்டட்தை, பிரியாவிடை ஆர்ப்பாட்டமாக மக்கள் அறிவித்துள்ளனர். முன்னைய வியாழக்கிழமை இரவு, தான் செப்டெம்பர் வரை பதவியில் தொடர்ந்து நீடிக்க போவதாக முபாரக் அறிவித்த போது, கோபத்தின் உச்சிக்கே சென்றுவிட்ட மக்கள் கூட்டம், ஆர்ப்பாட்டத்தை மேலும் அதிகரிக்கத்தான் போகிறது என்பதை முபாரக் சற்றும் எதிர்பார்த்திருக்க மாட்டார். வெள்ளிக்கிழமை, எகிப்து தேசிய தொலைக்காட்சி, அதிபர் மாளிகை, தஹ்ரீர் சதுக்கம் ஆகியவற்றை முற்றுகையிட்ட பொதுமக்கள் கூட்டத்தை பார்த்து, அன்றைய தினமே பதவிவிலகுவதை தவிர வேறு வழியில்லை என்பதை முபாரக் புரிந்துகொள்வார் என மக்களும் எதிர்பார்த்திருக்க மாட்டார்கள்.

- வேறு வழியில்லாது, இன்று வெள்ளிக்கிழமை முபாரக்கின் ஜனாதிபதி மாளிகையை முற்றுகையிடுவதற்கு மக்கள் கூட்டம் ஊர்வலமாக படையெடுக்கத்தொடங்கியதும், அதை தடுக்க இராணுவம் படாத பாடு பட்டதும், இக்கலவரங்களுக்கு இடையில் ஒருவர் உயிரிழந்ததும் முபாரக்கின் பதவி விலகல் முடிவை உடனடியாக எடுக்க வைத்திருக்க கூடும் என தெரிவிக்கப்படுகிறது.
- அடுத்த மக்கள் தேர்தல் வரை, இடைக்கால அரசை தாம் பொறுப்பெடுத்துள்ளதாகவும், ஆக்கபூர்வமான முறையில் நாட்டைகட்டியெழுப்ப முனைவதாகவும் இராணுவம் அறிவித்துள்ளது.

- எகிப்திய மக்கள் புரட்சி வெற்றிபெற்றது தொடர்பில் சவுதி அரேபியா, ஹமாம் இயக்கம், உட்பட இஸ்லாமிய நாடுகள் பலவும், ஜேர்மனி, சுவிற்சர்லாந்து உட்பட பிரான்ஸ் நாடுகள் பலவும், தமது வாழ்த்துக்களை பகிர்ந்துகொண்டுள்ளனர்.

- அமெரிக்க வெள்ளை மாளிகையின் ஓவல் அலுவலகத்திலிருந்து இம்மக்கள் புரட்சியின் வெற்றியை தொலைக்காட்சி வழியாக பார்த்துக்கொண்டிருந்தார் அமெரிக்க அதிபர் பாரக் ஒபாமா!

- இப்போது என்ன சொல்ல போகிறார் அவர்? மத்திய கிழக்கை தன் கட்டுப்பாட்டுக்குள் வைத்திருக்க முயற்சித்த நாட்டிற்கு இப்போது கிடைத்திருப்பது தோல்வியா? அல்லது பாடமா?

- பதவி விலகிய முபாரக்கிற்கு தனது 30 வருட ஆட்சியில் இறுதியில் கிடைத்திருப்பது தோல்வியா? பாடமா?

-எகிப்திய மக்களின் விடிவுக்காக, உலகில் யாருக்கும் இலகுவில் கிடைத்திடாத கூகுள் நிறுவன உயர் பதவியையும் துறந்து, சிறைக்கு சென்று வந்து, உயிரை விடவும் தயார் என கூறிய ஆர்ப்பாட்டத்தை தொடங்க காரணமாக இருந்த இளைஞர் வேல் கோனிமுக்கு கிடைத்திருப்பது வெற்றியா? இல்லை வெகுமானமா?

Courtesy to 4tamilmedia

அல்ஜஸீராவின் இணையதளத்தை செயலிழக்க வைத்தவர்கள் ஜனநாயக விரோதிகள் - அல்ஜஸீரா

noreply@blogger.com (Shahull Hameed Mohamed Rizvy) — Sun, 06 Feb 2011 09:25:00 +0000

எகிப்தில் ஜனநாயக விரோதிகள் தங்கள் இணையதளத்தில் நுழைந்து அதனை செயலிழக்க வைத்தனர் என அல்ஜஸீரா தொலைக்காட்சியின் நெட்வர்க் வட்டாரம் வெளியிட்டுள்ள செய்தி அறிக்கை கூறுகிறது.

இதுத் தொடர்பாக விசாரணை துவங்கியதாகவும் அல்ஜஸீராவின் செய்தித் தொடர்பாளர் தெரிவிக்கிறார்.

நேற்று காலை அல்ஜஸீராவின் இணயதளத்தில் ஹேக்கர்கள் நுழைந்தனர். இணையதளத்தில் அல்ஜஸீராவுக்கெதிரான கருத்துகள் தென்பட ஆரம்பித்தன. 'எகிப்தின் நாசத்திற்கான ஒருங்கிணைப்பு' என்ற பெயரில் தென்பட்ட பேனரை க்ளிக் செய்தால் அல்ஜஸீராவுக்கெதிரான கடுமையான விமர்சனங்கள் காணப்பட்டன.

இச்சம்பவத்தை கண்டவுடன் தங்களின் பொறியாளர்கள் உடனடியாக அதனை நீக்கிவிட்டு இணையதளத்தின் செயல்பாட்டை வழக்கமான நிலைக்கு கொண்டுவந்தனர் என அல்ஜஸீராவின் செய்தித் தொடர்பாளர் தெரிவிக்கிறார்.

எகிப்தில் பிரச்சனைகள் துவங்கியது முதல் தங்களுடைய இணையதளத்தின் மீது தொடர் தாக்குதல்கள் நடத்தப்பட்டன.

பத்திரிகையாளர்களை சிறையிலடைத்தல், கேமரா மற்றும் உபகரணங்கள் பறிமுதல் செய்தல், சிக்னலை செயலிழக்கச் செய்வது உள்பட பல்வேறு நடவடிக்கைகள் அல்ஜஸீராவுக்கெதிராக மேற்கொள்ளப்பட்டன. இறுதியாக ஹேக்கரிகளின் தாக்குதல் நிகழ்ந்துள்ளது. இதுத் தொடர்பாக விரிவான விசாரணை நடத்தப்படும்.

எல்லா பிரச்சனைகளையும் எதிர்கொண்டு எகிப்திலிருந்து செய்திகளை ஒளிபரப்புவோம். எகிப்தில் கைதுச் செய்யப்பட்ட பத்திரிகையாளர்களை விரைவில் விடுதலைச்செய்ய வேண்டும் என அல்ஜஸீரா நெட்வர்க் கோரிக்கை விடுத்துள்ளது. இதற்கு பிறகு இன்னொரு நபரையும் காணவில்லை. இவர்களின் பாதுகாப்பு மற்றும் நலனில் அல்ஜஸீராவுக்கு மிகுந்த அக்கறை உண்டு என செய்தித் தொடர்பாளர் தெரிவித்துள்ளார்.

அரபு உலகை கதிகலங்கச் செய்யும் எகிப்தின் மக்கள் புரட்சி

noreply@blogger.com (Shahull Hameed Mohamed Rizvy) — Sun, 06 Feb 2011 09:12:00 +0000

அரபு உலகை கதிகலங்கச் செய்யும் எகிப்தின் மக்கள் புரட்சி

எகிப்தில் கடந்த 3 தசாப்த காலமாக சர்வாதிகார ஆட்சிபுரிந்துவரும் ஹுஸ்னி முபாரக்கிற்கு எதிராக எகிப்து மக்கள் கடந்த ஒன்பது தினங்களுக்கும் மேலாக போராட்டத்தில் குதித்திருக்கிறார்கள்.

அ ஹுஸ்னி முபாரக் ஆட்சியிலிருந்து விலகி வீட்டுக்குச் செல்லும் வரை நாம் எமது வீடுகளுக்குச் செல்லமாட்டோம் ஞ என விடாப்பிடியாக நிற்கும் எகிப்திய இளைஞர்கள் முழு உலகின் கவனத்தையும் ஈர்க்கும் வகையில் தமது போராட்டத்தை நகர்த்திக் கொண்டிருக்கிறார்கள்.

நேற்று முன்தினம் கெய்ரோவிலும் அலெக்சாந்திராவிலும் ஒன்று கூடிய சுமார் ஒரு மில்லியனுக்கும் அதிகமானோர் நடத்திய அமைதியான ஆர்ப்பாட்டப் பேரணி ஹுஸ்னி முபாரக்கை மட்டுமன்றி முழு அறபு நாடுகளினதும் ஆட்சியாளர்களையும் கதிகலங்கச் செய்திருக்கிறது.

கடந்த 3 தசாப்த காலமாக எகிப்து மக்களின் அடிப்படை உரிமைகள் மீது கைவைத்து ஆட்சியைத் தொடர்ந்துவரும் முபாரக்கைப் பொறுக்க முடியாத இளைஞர் சக்தி ஒன்றே இன்று இந்தப் பாரிய போராட்டத்தை முன்னின்று நடத்துவது இங்கு சுட்டிக்காட்டப்பட வேண்டிய ஒன்றாகும்.

`ஏப்ரல் 6 இளைஞர் இயக்கம்' எனும் பெயரைக் கொண்ட இந்த இளைஞர் படையணியானது மிகவும் திட்டமிட்டவகையில் இந்தப் போராட்டத்தை முன்னின்று நடத்திவருகிறது. அரசியல் பின்னணியின்றி, கட்சி, இயக்க அடையாளங்களின்றி மேற்கொள்ளப்பட்டுவரும் இந்தப் போராட்டமானது முழுக்க முழுக்க மக்கள் மயப்பட்டதாகவே அமைந்திருப்பதும் இங்கு குறிப்பிடத்தக்கதாகும்.

வன்முறைகளில் ஈடுபடாத, இராணுவத்தின் மீது தாக்குதல் நடத்தாத வகையில் மிகவும் கட்டுக்கோப்பான ஒழுங்கில் இடம்பெற்று வரும் இந்த போராட்டமானது முழு உலகிற்கும் ஒரு முன்மாதிரியான ஒன்றாகவே நோக்கப்படுகிறது. அதனால்தான் முபாரக்கின் உத்தரவையும் மீறி எகிப்து இராணுவம் இந்த மக்கள் போராட்டத்திற்கு பகிரங்க ஆதரவை வழங்கி வருகிறது. போராட்டத்தில் ஈடுபட்ட மக்களும் இராணுவ வீரர்களை நோக்கி மலர்ச் சண்டுகளை நீட்டும் காட்சி இதற்குச் சான்று பகர்கிறது.

இதேவேளை ஐ.நா. மனித உரிமைப் பேரவை உள்ளிட்ட பல மனித உரிமைக் குழுக்களும் எகிப்திய மக்களின் போராட்டத்தை வரவேற்றுள்ளதுடன் மக்களின் ஜனநாயக விழுமியங்களை தலைவர்கள் மதித்து நடக்க வேண்டும் என்பதற்கு எகிப்து நல்லதோர் படிப்பினையாகும் என்றும் சுட்டிக்காட்டியுள்ளன.

கடந்த மாத இறுதியில் ருனீசியாவின் சர்வாதிகார ஆட்சியாளர் பென் அலி நாட்டைவிட்டுத் தப்பியோடியதையடுத்து உத்வேகம் பெற்ற எகிப்திய இளைஞர்கள் தமது நாட்டின் சர்வாதிகாரத் தலைவரையும் வீட்டுக்கு அனுப்புவதில் குறியாகவிருக்கிறார்கள். அவர்களின் இந்த தாகத்துக்கு இஸ்ரேல் மற்றும் அமெரிக்கா தவிர்ந்த பெரும்பான்மையான நாடுகள் அனைத்துமே ஆதரவை வெளிப்படுத்தியிருக்கின்றன.

பலஸ்தீன மக்களின் இரத்தத்தை உறிஞ்சிக் குடிக்கும் இஸ்ரேலிய அரசுடன் மிக அந்நியோன்னிய உறவைப்பேணும் தலைவராகவே ஹுஸ்னி முபாரக் அடையாளப்படுத்தப்படுகிறார். இதனால்தான் முபாரக்கை பாதுகாப்பதற்கான மறைமுக முயற்சிகளில் இஸ்ரேல் ஈடுபட்டு வருவதாக தெரிவிக்கப்படுகிறது.

ஆனாலும் இஸ்ரேலிய அரசையும் கிலி கொள்ளச் செய்திருக்கும் இந்த மக்கள் புரட்சியானது வெற்றி பெறுமானால் மத்திய கிழக்கில் மிகவும் முக்கியத்துவம் வாய்ந்த அரசியல் மாற்றங்கள் நிகழக்கூடும் எனவும் குறிப்பாக இஸ்ரேலின் இருப்பு மற்றும் அதன் ஆதிக்கத்திற்கு முற்றுப்புள்ளி வைப்பதற்கான அத்தியாயம் இதன் மூலம் தொடக்கி வைக்கப்படும் என்றும் அரசியல் ஆய்வாளர்கள் சுட்டிக்காட்டுகின்றனர்.

அண்மைக் காலமாக அரபுலக நாடுகளில் மலிந்துள்ள ஊழல், அதிகார துஷ்பிரயோகம், வேலையில்லாத் திண்டாட்டம் மற்றும் கருத்துச் சுதந்திரமின்மை என்பவற்றுக்கு எதிரான மக்கள் கிளர்ச்சி எங்கு போய் முடியப் போகிறது என்பதே இன்று எல்லோரினதும் எதிர்பார்ப்பாக மாறியிருக்கிறது. அதனால்தான் ருனிசியாவினதும் எகிப்தினதும் நிலைமைகளை கூர்மையாக அவதானித்துவரும் அமெரிக்க சார்பு அரபு நாடுகள் தமது ஆட்சியைத் தக்கவைப்பதற்கான திரைமறைவு முயற்சிகளில் ஈடுபடத் தொடங்கியுள்ளன.

உலக வரலாறுகளைப் புரட்டிப் பார்க்கும்போது தூய்மையான மக்கள் எழுச்சிகள் எதுவுமே தோற்றுப் போன பக்கங்களைக் காணமுடியாது. அதனால்தான் எகிப்து மக்களின் போராட்டமும் வெற்றியை நோக்கிப் பயணித்துக் கொண்டிருக்கிறது. இறுதியாக கிடைக்கும் தகவல்களின்படி முபாரக் சற்றுக் கீழிறங்கி வந்திருக்கிறார். பாராளுமன்றத்தை இடைநிறுத்தி வைத்திருப்பதுடன் இறுதியாக நடந்து முடிந்த தேர்தல் முடிவுகளை மீள்பரிசீலனைக்குட்படுத்தவும் சம்மதம் தெரிவித்திருக்கிறார்.

அடுத்த கட்டமாக என்ன வகையான தீர்மானங்களை அவர் மேற்கொள்ளப் போகிறார் என்பதைப் பொறுத்திருந்துதான் பார்க்க வேண்டியிருக்கிறது.

ஆனாலும் அவர் மீண்டும் மக்களைச் சமாளித்து அமெரிக்காவுக்கும் இஸ்ரேலுக்கும் தலைசாய்த்து நடக்க முற்படுவாரேயானால் எகிப்து மக்கள் பொறுமையை இழப்பார்கள் என்பதையும் சில வேளைகளில் டியூனீசிய ஜனாதிபதிக்கு நடந்ததை விடவும் மோசமான ஒரு நிலையையே தானும் சந்திக்க வேண்டி வரும் என்பதையும் முபாரக் உணராமலில்லை.

அவ்வாறானதொரு துரதிஷ்டமான நிலை ஏற்படுவதற்கு முன்னர் முபாரக் நாட்டைவிட்டு வெளியேறி விட வேண்டும் என்பதுதான் அனைவரதும் எதிர்பார்ப்பாகும்.

எகிப்தின் மக்கள் திரள் போராட்டத்திற்கு துருக்கி, ஈரான் ஆதரவு, கவலையில் இஸ்ரேல்

noreply@blogger.com (Shahull Hameed Mohamed Rizvy) — Sun, 06 Feb 2011 09:04:00 +0000

அங்காரா,பிப்.2:எகிப்தின் மண்ணில் புயலாக வீசும் மக்கள் திரள் போராட்டத்தினால் முப்பது ஆண்டுகளாக சர்வாதிகார ஆட்சி நடத்திவந்த ஹுஸ்னி முபாரம் மேலும் தனிமைப்படுத்தப்பட்டுள்ளார்.

முபாரக்கை ஆட்சியை விட்டு அகற்றியே தீருவோம் என்ற உறுதியுடன் தஹ்ரீர் சதுக்கத்தில் பெருந்திரளாக கூடியிருக்கும் லட்சக்கணக்கான எகிப்திய மக்களுக்கு துருக்கியும், ஈரானும் ஆதரவளித்துள்ளன.

எகிப்து நாட்டில் சர்வாதிகாரி ஹுஸ்னி முபாரக்கிற்கு எதிரான மக்கள் போராட்டம் துவங்கி ஒருவாரம் கழிந்தபிறகும் மெளனம் சாதித்து வந்த துருக்கி பிரதமர் ரஜன் தய்யிப் உருதுகான் தற்போது எகிப்திய மக்களுக்கு தனது பரிபூரண ஆதரவை தெரிவித்துள்ளார்.

நாட்டின் ஸ்திரத்தன்மையும், பாதுகாப்பும் நிலைப்பெற வேண்டுமானால் மக்களின் குரலுக்கு மதிப்பளிக்க வேண்டுமென பாராளுமன்றத்தில் நடத்திய உரையில் அவர் தெரிவித்தார்.

எகிப்திற்கு நன்மையை ஏற்படுத்தும் காரியங்களை செய்யுங்கள். மக்களை திருப்தி படுத்துவதற்கான நடவடிக்கைகளை மேற்கொள்ளுங்கள் என முபாரக்கிடம் உருதுகான் தெரிவித்துள்ளார்.

எகிப்து சுமூகமான சூழலுக்கு மாறினால் தான் கெய்ரோவுக்குச் செல்லப்போவதாக அவர் அறிவித்துள்ளார். அதேவேளையில், போராட்டம் அமைதியான வழியில் நடத்த வேண்டுமெனவும், நாட்டின் கலாச்சாரத்தையும், பாரம்பரியத்தை பாதுகாக்க வேண்டுமெனவும் அவர் எகிப்து நாட்டு மக்களுக்கு வேண்டுகோள் விடுத்துள்ளார்.

எகிப்திலும், துருக்கியிலும் விரைவில் சீர்திருத்தம் வரவேண்டுமென நாங்கள் விரும்புகிறோம். அத்துடன் அமைதியும், பாதுகாப்பும் தேவை. ஜனநாயக்த்திற்கான போராட்டங்களுக்கு துருக்கி என்றுமே ஆதரிக்கும் என உருதுகான் அறிவித்தார்.

எகிப்தில் சர்வாதிகார ஆட்சிக்கு எதிராக போராடிவரும் மக்களுக்கு ஈரானும் தனது பரிபூரண ஆதரவை தெரிவித்துள்ளது. உலகில் சுதந்திரத்திற்காக போராடக் கூடியவர்களுடன் நாங்கள் இருப்போம். மகத்தான நாடான எகிப்தில் புரட்சிக்கு நாங்கள் எங்களுடைய ஆதரவை பிரகடனப்படுத்துகிறோம் என ஈரானின் வெளியுறவுத்துறை அமைச்சர் அலி அக்பர் ஸாலிஹி தெரிவித்துள்ளார்.

எகிப்தின் புரட்சி இஸ்லாமிய மேற்காசியா உருவாக உதவும் என நம்புவதாக ஈரான் தெரிவித்தது. அதேவேளையில் அரபுலகத்தை அதிரவைத்துள்ள போராட்டத்தில் அமெரிக்கா தலையிடுவதாக ஸாலிஹி குற்றஞ்சாட்டினார்.

பிராந்தியத்தில் மாற்றம் தேவை. மக்கள் ஆதரவு இல்லாத ஆட்சி கவிழவேண்டும். மேற்கத்திய சக்திகளின் கட்டுப்பாட்டிலுள்ள அரசுகள் கவிழ்வதற்கான நேரம் வந்துவிட்டது என்பதை நிரூபிக்கின்றனர் துனீசியா மற்றும் எகிப்து நாட்டு மக்கள் என ஸாலிஹி தெரிவித்துள்ளார்.

அதேவேளையில் எகிப்தில் ஈரானில் ஏற்பட்ட புரட்சிபோல நிகழ்ந்துவிடுமோ என்ற கவலையில் இஸ்ரேல் உள்ளது. அராஜகங்கள் நிறைந்த சூழலில் ஒரு கட்டமைக்கப்பட்ட இஸ்லாமிய சக்திக்கு நாட்டின் கட்டுப்பாட்டை தங்கள் வசம் கொண்டுவர இயலும். ஈரானில் அதுதான் நடந்தது. மற்ற சில இடங்களிலும் அதுதான் சம்பவித்தது என நேற்று முன்தினம் ஜெர்மனி சான்ஸ்லர் ஆஞ்சலா மெர்க்கலுடன் நடத்திய பத்திரிகையாளர்கள் சந்திப்பில் இஸ்ரேல் பிரதமர் பெஞ்சமின் நெதன்யாகு தெரிவித்தார்.

தங்களின் உற்றத் தோழனான முபாரக் தனிமைப்படுத்தப்படுவதை இஸ்ரேல் கவலையுடன் பார்க்கிறது.முபாரக்கிற்கு எதிரான நிலைப்பாட்டை எடுக்காதீர்கள் என இஸ்ரேல் அமெரிக்காவுடனும், மேற்கத்திய நாடுகளிடமும் வேண்டுகோள் விடுத்துள்ளது. இதற்கு அழுத்தம் கொடுக்க பல்வேறு நாடுகளில் செயல்படும் தங்களது தூதரக பிரதிநிதிகளுக்கு உத்தரவிட்டுள்ளது இஸ்ரேல்.

ஹுஸ்னி முபாரக்கிடமிருந்து அதிகாரத்தை ஏற்க உமர் சுலைமான் முயற்சி

noreply@blogger.com (Shahull Hameed Mohamed Rizvy) — Sun, 06 Feb 2011 08:54:00 +0000

கெய்ரோ,பிப்.6:எகிப்திய சர்வாதிகாரி ஹுஸ்னி முபாரக்கிடமிருந்து அதிகாரத்தை பெறுவதற்கான முயற்சியாக துணை அதிபர் உமர் சுலைமான் ராணுவத் தலைவர்களுடன் பேச்சுவார்த்தை நடத்தி வருவதாக செய்திகள் கூறுகின்றன.

முபாரக் பதவி விலகவேண்டுமெனக் கோரி லட்சக்கணக்கான மக்கள் எகிப்தில் நேற்று முன்தினம் போராட்டம் நடத்தினர். ஆனால், 1981 ஆம் ஆண்டுமுதல் அதிபர் பதவியில் நீடித்துவரும் ஹுஸ்னி முபாரக் பதவி நாற்காலியிலிருந்து விலக மனமில்லை.

அதிகார மாற்றத்தை உடனடியாக ஆரம்பிக்கவேண்டுமென அமெரிக்க அதிபர் பாரக் ஒபாமா கோரிக்கை விடுத்தைத் தொடர்ந்து உமர் சுலைமான ராணுவ தலைவர்களுடன் தீவிரமான ஆலோசனையில் ஈடுபட்டுள்ளார்.

முபாரக்கின் அதிகார வரம்பை குறைக்கவும், கெய்ரோவில் அதிபர் மாளிகையிலிருந்து ஹுஸ்னி முபாரக்கை வெளியேற்றவும் முயற்சி செய்துவருகிறார் சுலைமான். பெயரளவில் முபாரக் அதிபராக தொடர்வார். எகிப்திய, அமெரிக்க வட்டாரங்களை சுட்டிக்காட்டி நியூயார்க் டைம்ஸ், வால்ஸ்ட்ரீட் ஜெர்னல் ஆகிய பத்திரிகைகள் இத்தகவல்களை வெளியிட்டுள்ளன.

ஜனநாயக நடவடிக்கைகளை துவங்குவதுதான் இத்திட்டத்தின் முதல்படி. ஒன்று, அதிபர் மாளிகையிலிருந்து வெளியேறி ஷரமு ஷேக்கில் தனது வீட்டிற்கு செல்லவேண்டும். அல்லது, வருடாந்திர மருத்துவ பரிசோதனை என்றபெயரில் ஜெர்மனிக்கு செல்லவேண்டும் - இவை முபாரக்கின் முன்னால் வைக்கப்பட்டுள்ள நிபந்தனைகளாகும். இது, முபாரக்கிற்கு மானம் போகாமல் பதவியை விட்டு விலகவும், எதிர்கட்சியினரின் போராட்டத்தை தணிக்கவுமான நடவடிக்கைகளாக கருதப்படுகிறது.

நீண்டகால எகிப்தின் இண்டலிஜன்ஸ் பிரிவு தலைவராக பணியாற்றிய உமர் சுலைமான் அமெரிக்கா மற்றும் இஸ்ரேலின் நெருங்கிய நண்பராவார். சுலைமானை அதிபராக்குவது அமெரிக்காவின் அஜண்டாவில் உள்ளதாகும். ஆனால், போராட்டத்தில் ஈடுபட்டுள்ள மக்கள் முபாரக்கை எதிராக முழக்கமிடுவதுப் போலவே உமர் சுலைமானுக்கெதிராகவும் முழக்கமிடுகின்றனர்.

அதேவேளையில், போராட்டத்தின் மையமாக விளங்கும் தஹ்ரீர் சதுக்கத்தில் 12-வது நாளாகவும் ஆயிரக்கணக்கான மக்கள் போராட்டத்தில் ஈடுபட்டுள்ளனர். குறைந்தது 10 ஆயிரம் பேராவது இங்கு கூடியுள்ளனர். மேலும் அதிகமானபேர் அங்குவர தயாராகியுள்ள சூழலில் அதனை தடுக்க ராணுவம் முயன்றுவருகிறது.

Courtesy to பாலைவனத் தூது

பலஸ்தீனம் – மனித இரத்தம் குடிக்கும் எண்ணெய் கிணறுகள்

noreply@blogger.com (Shahull Hameed Mohamed Rizvy) — Sat, 21 Aug 2010 11:05:00 +0000

சில நாட்களுக்கு முன் பலஸ்தீனத்தின் காசா பகுதிக்கு இஸ்ரேல் ராணுவத்தின் முற்றுகையை மீறி உணவு, மருந்துப் பொருட்களுடன் சென்ற படகுகள் தாக்கப்பட்டதும் அதிலிருந்தவர்கள் கொல்லப்பட்டதும் நாம் அறிவோம். 2006-ம் ஆண்டு முதலேயே இஸ்ராயீல் ராணுவம் காஸா பகுதியின் அனைத்து வழிகளையும் மூடிவிட்டது. உணவு, மருந்து பொருட்கள்கூட வெளியிலிருந்து உள்ளே செல்ல முடியாது. இதனால் காஸா பகுதி மக்கள் பஞ்சத்தாலும், பட்டினியாலும், நோய்களாலும் கும்பல் கும்பலாக செத்து மடிகின்றனர். இந்த மனிதாபிமானமற்ற செயலைக் கண்டித்து உலகம் முழுவதுமுள்ள மனித நேய ஆர்வலர்கள் ‘‘காஸாவை விடுவிப்போம்’’ – என்ற முழக்கத்துடன் உணவு, மருந்து பொருட்களை படகுகளில் ஏற்றிக் கொண்டு காசாவுக்கு செல்ல முயற்சி செய்தனர்.

     இவர்கள் இத்தாலி, அயர்லாந்து, கனடா, கிரேக்கம், துனிசியா, ஜெர்மனி, ஆஸ்திரேலியா, அமெரிக்கா, இங்கிலாந்து, ஸ்காட்லாந்து, டென்மார்க், சைப்ரஸ், லெபனான் போன்ற பல்வேறு நாடுகளை சேர்ந்தவர்கள். பல்வேறு சமூக தளங்களிலிருந்து வந்தவர்கள். பல்வேறு பணிகளில் உள்ளவர்கள். 2008-ம் வருடம் ஆகஸ்ட் மாதம் முதன் முதலாக 17 நாடுகளைச் சேர்ந்த 44 ஆர்வலர்கள் உணவு மற்றும் மருந்துப் பொருட்களுடன் படகில் ஏறி காஸாவுக்குள்நுழைந்தனர்.

      இதுபோல ஏறத்தாழ 10 முறைக்கும் மேலாக இவர்கள் நிவாரணப் பொருட்களைக் கொண்டு வந்தனர். பலமுறை இஸ்ராயீல் ராணுவத்தின் தாக்குதலுக்குள்ளாயினர். கடைசியாக கடந்த மே மாதம் இவர்களின் படகுகள்மீது இஸ்ராயீல் ராணுவம் தொடுத்த மிருகத்தனமான தாக்குதலில் 9 பேர் உயிரிழந்தனர். இவர்களெல்லாம் பலஸ்தீன பஃதா இயக்கத்தினரோ அல்லது காசாவிலுள்ள ஹமாஸ் இயக்கத்தினரோ அல்லது ஆயுதம் தரித்த வீரர்களோ அல்ல. மாணவர்கள், வழக்கறிஞர்கள், பாராளுமன்ற உறுப்பினர்கள், மருத்துவர்கள், எழுத்தாளர்கள், பத்திரிகையாளர்கள், நோபல் பரிசு பெற்றவர்கள், மனித உரிமை ஆர்வலர்கள் போன்ற சமூகத்தின் பல்வேறு தளங்களிலிருந்து வந்தவர்கள். இவர்கள் தரித்திருந்தது ‘மனித நேயம்’ என்ற ஆயுதம் மட்டுமே. இவர்களின் மீதான கொலை வெறித் தாக்குதலுக்குப் பிறகு சர்வதேச அளவிலே இஸ்ராயீலின் கோர முகம் வெளிப்பட்டு பல்வேறு நாடுகளும் தம் கண்டனங்களைப் பதிவு செய்துள்ளன.

     இத்துணை கண்டனங்கள், எதிர்ப்புகள், அனைத்தையும் மீறி இன்றளவும் காஸா பகுதியின் அனைத்து வழிகளையும் இஸ்ரேல் அடைத்தே வைத்துள்ளது. குறிப்பாக காஸாவின் கடல் பகுதி முழுக்க இஸ்ராயீல் ராணுவத்தின் கட்டுப்பாட்டில்தான் உள்ளது. இதற்கென்ன காரணம்? ஹமாஸ் ஒரு பயங்கரவாத அமைப்பு என பிரகடனப்படுத்தப்பட்டிருப்பதாலா? அல்லது ஹாமாஸ் அமைப்பு காஸாவிலே மிகுந்த செல்வாக்கோடு இருப்பதாலா? ஹாமாஸ் 2006ரூம் வருடம்தான் காஸா தேர்தலில் பெரும்பான்மை பெற்றது. ஆனால், காஸா முற்றுகைக்கான காரணம் 1999லேயே தொடங்கிவிட்டது என்பது உங்களுக்கு தெரியுமா?

காஸா மீனவர்கள்
     நாம் காஸாவைப் பற்றிய தகவலில் சற்று பின்னோக்கி செல்வோம். காசா கடல் பகுதியில் காஸா மீனவர்கள் சுமார் 3000 பேர் மீன்பிடி தொழிலில் ஈடுபட்டு வந்தனர். சிறிய, நடுத்தர, பெரிய படகுகள் என சுமார் 700 படகுகள் இத்தொழிலில் ஈடுபட்டு வந்தன. ஐ.நா.வின் கடல் சார் பொரு ளாதார சட்டம் பிரிவு 5-ன்படி ஒரு நாட்டின் கரையிலிருந்து சுமார் 200 கடல் மைல் தொலைவு வரையிலான பகுதி கடல்சார் சிறப்பு பொருளாதார பகுதியாக கருதப்பட்டு அந்த நாடு அந்த பகுதியிலுள்ள கடல் செல்வங்களை அனுபவிக்கலாம் எனக் கூறுகிறது.

1993-ம் ஆண்டு ஓஸ்லோ ஒப்பந்தத்தின்படி பலஸ்தீனம் காசாவின் கடற்கரையிலிருந்து 20 கடல் மைல் தொலைவு வரையிலான பகுதியில் மீன் பிடிக்க அனுமதிக்கப்பட்டது. 1978-க்கு முன்பு சினாய் கடற்கரை பகுதி வரையி லான சுமார் 75,000 சதுர கி.மீ. பரப்பளவில் மீன் பிடித்துக் கொண்டிருந்த பலஸ்தீன மீனவர்கள் இதன் மூலம் வெறும் 600 சதுர கி.மீட்டருக்குள் முடக்கப்பட்டனர். 1994-ம் வருடம் பலஸ்தீன விடுதலை அமைப்பின் தலைவர் யாஸர் அரபாத்தும் அன்றைய இஸ்ராயீல் பிரதமர் இட்ஜக் ரபினும் காசா-ஜெரிக்கோ ஒப்பந்தம் என்ற ஒப்பந்தத்தில் கையெழுத்திட்டனர். இதன்படி காசா கடல் பகுதியில் 20 கடல் மைல்கள் தொலைவு வரை மீன் பிடித்துக் கொள்ளலாம் எனவும் எகிப்து – இஸ்ராயீல் கடல் எல்லைப் பகுதிகளில் பலஸ்தீன மீனவர்கள் மீன் பிடிக்க நுழையக் கூடாது எனவும் தீர்மானிக்கப்பட்டது.

காஸாவின் எண்ணெய் வளம்
   இந்நிலையில் 1999-ம் வருடம் இங்கிலாந்தைச் சேர்ந்த பி.ஜி. குரூப் என்ற பெட்ரோலிய கம்பெனி ஒன்று காஸா கடல் பகுதியில் எண்ணெய் வளம் இருப்பதைக் கண்டுபிடித்தது. கடற்கரையிலிருந்து ஏறக்குறைய 10 முதல் 15 கடல் மைல் தொலைவு வரை இந்த எண்ணெய்ப் படுகைகள் பரந்து விரிந்து கிடப்பதையும் இதிலிருந்து சுமார் 1.3 டிரில்லியன் கன அடி இயற்கை எரிவாயு கிடைக்க வாய்ப்புள்ளதையும் கண்டறிந்தது. இதன் மதிப்பு சுமார் 400 கோடி டாலர்களாகும்.

இன்னும் தீவிரமாக ஆய்வு செய்தால் இதைவிட பல மடங்கு எண்ணெய் இருப்பதற்கான வாய்ப்பு அதிகமாக உள்ளது எனவும், காஸா பகுதி இன்னொரு துபையாக மாற வாய்ப்புள்ளதையும் வெளிப்படுத்தியது. இந்த எண்ணெய் வளம் பலஸ்தீனத்தின் 10 வருட மின்சார தேவையை நிறைவேற்றுவதோடு, ஏற்றுமதி செய்யும் வகையில் ஏராளமாக உள்ளது என கண்டுபிடிக்கப்பட்டதும், யாசர் அரபாத் அந்த நிறுவனத்துடன் ஒரு ஒப்பந்தம் செய்து கொண்டார். அதன்படி கடலுக்கடியில் குழாய்களை பதித்து எரிவாயு காஸாவுக்குள் கொண்டுவரப்பட்டு மின்சார உற்பத்தியை துவக்குவது எனவும், உபரி எரிவாயுவை ஏற்றுமதி செய்வது எனவும் திட்டமிடப்பட்டது.

எரிவாயுதிட்டம்

        27.09.2000 அன்று எரிவாயு எடுக்கும் திட்டம் காஸாவின் கடற்கரையிலிருந்து 19 கடல் மைல்கள் தாண்டி கடலிலே யாசர் அரபாத் அவர்களால் தொடங்கியும் வைக்கப்பட்டது. இந்த எரிவாயுவை இஸ்ராயீலுக்கு விற்பது குறித்து பி.ஜி. குரூப் நிறுவனம் அணுகியபோது, பலஸ்தீனத்திலிருந்து எரிவாயுவை வாங்கத் தமக்கு விருப்பமில்லை எனக் கூறி இஸ்ராயில் மறுத்துவிட்டது.

எனவே அந்நிறுவனம் எகிப்துடன் பேசி முடிவு செய்து அதன்படி கடலுக் கடியில் குழாய்கள் அமைத்து, அதன் வழியாக எரிவாயுவை எகிப்துக்கு கொண்டு சென்று அங்கிருந்து இஸ்ரே லுக்கு ஏற்றுமதி செய்ய முடிவு செய்தது. ஆனால், இஸ்ராயீல் அதற்கும் உடன்படவில்லை. இங்கிலாந்து பிரதமர் டோனி பிளேர் இந்த விவகா ரத்தில் தலையிட்டு பி.ஜி. குரூப் நிறுவனம் இஸ்ரேலுக்கு நேரடியாக எரிவாயுவை அனுப்ப நிர்பந்தித்தார். அதற்கான பேச்சு வார்த்தை இஸ்ராயீ லுடன் நடத்த வேண்டும் எனவும் நிர்பந்தம் செய்தார். அதன்படி அந்நிறுவனம் இஸ்ரேலில் தன் அலுவலகத்தை திறந்தது. பல்வேறு கட்ட பேச்சு வார்த்தைகள் நடந்தன. கடைசிவரையிலும் இஸ்ரேல் இழுத்தடிக்கவே பி.ஜி. குரூப் நிறுவனம் தன் இஸ்ரேல் அலுவலகத்தை மூடிவிட்டது. பேச்சு வார்த்தையையும் நிறுத்திக் கொண்டது.
திட்டமிட்ட கலவரம்

       இந்த சமயத்தில்தான் ஏரியல் ஷரோன் காட்சிக்கு வருகிறார். பாலஸ்தீனத்திடமிருந்து எரிபொருள் வாங்க முடியாது என சபதமிடுகிறார். 28.09.2000 அன்று ‘டெம்பிள் மவுண்ட்’ என்ற இடத்துக்கு யாசர் அரபாத் அவர்களின் எச்சரிக்கையையும் மீறிச் செல்கிறார். இந்துத்துவ மத வெறியாளர்களின் ரத யாத்திரை போல திட்டமிட்ட கலவரங்களை விதைக்கிறார். படுகொலைகள் அரங்கேறுகின்றன. நாடு முழுவதும் கலவரம். இதன் பலனாக 2001 பிப்ரவரியில் இஸ்ராயில் பிரதமராக ஷரோன் தேர்ந்தெடுக்கப்பட்டார். உடனே காஸா முற்றுகை ஆரம்பமா னது. அத்தியாவசிய பொருட்களை காஸாவுக்குள் கொண்டு செல்லும் வாகனங்கள் தடுத்து நிறுத்தப்பட்டன.

   இந்நிலையில் காஸா மீனவர்கள் தங்கள் கடல் எல்லைக்குள் மீன் பிடித்துக் கொண்டிருக்கும்போது இஸ்ராயீல் கடற்படையின் கப்பல்கள் ஆறு கடல் மைல் தொலைவிலேயே மீன் பிடி படகுகளைத் தாக்கின. கண்மூடித்தனமாக இயந்திரத் துப்பாக்கிகளின் தாக்குதல்கள். 15 மீனவர்கள் கொல்லப்பட்டனர். 200-க்கும் அதிகமானோர் காயமடைந்த னர். இந்த தாக்குதலுக்கு ஹாமாஸ் அமைப்போ அல்லது இஸ்ரேலின் பாதுகாப்போ காரணமல்ல. காஸா கடல் பகுதியில் கொட்டிக் கிடக்கும் எண்ணெய் வளம்தான் காரணம்.

எண்ணெய் திருட்டு

        இதுதவிர காசாவின் வடக்கு கடல் பகுதியில் இஸ்ராயில் ஒரு எண்ணெய் கிணற்றுக்கான தளம் அமைத்துள்ளது. உயர் தொழில்நுட்பம் மூலம் 10,000 அடி முதல் 15,000 அடி வரை பூமிக்குள் சாய்வாக துளையிட்டு காஸாவின் எண்ணெய் வளத்தை திருட்டுத்தனமாக உறிஞ்சி எடுப்பதுதான் அதன் திட்டம். குவைத் இது போலவே தன் நாட்டு எண்ணெய் வளங்களை திருடுவதாக ஈராக் புகார் கூறியது நாம் அறிந்ததே.

சர்வதேச நெருக்கடி

காசாவுக்கான உணவு, மருந்து பொருட்களின் விநியோகத்தை நிறுத்தியது, மீனவர்களைப் படுகொலை செய்தது – போன்ற இஸ்ராயீலின் மனிதாபிமானமற்ற கொடுஞ்செயலுக்கு உலகம் முழுவதும் கடும் கண்டனங்கள் வெளிப்பட்டன. பன்னாட்டு நெருக்குதல் காரணமாக ஐக்கிய நாடுகள் சபையின் பொதுச் செயலர் தன்னுடைய தூதராக கேதரின் பெர்ட்டினி அவர்களை காசாவுக்கு அனுப்பி வைத்தார். அங்குள்ள மனிதாபிமான தேவைகளை ஆய்வு செய்ய பணிக்கப்பட்டார். 2002ரூம் வருடம் ஆகஸ்ட் மாதம் காசாவுக்கு வந்து ஆய்வு செய்த கேதரின் பெர்ட்டினி விரிவான அறிக்கையையும் தன் பரிந்துரைகளையும் ஐ.நா. பொதுச் செயலரிடம் சமர்ப்பித்தார்.

அந்த பரிந்துரைகளில், காஸா மீனவர்கள் 12 கடல் மைல் எல்லை வரையிலாவது மீன் பிடிக்க அனுமதிக்கப்பட வேண்டும் என கூறப்பட்டிருந்தது. ஆனால், 3 கடல் மைல் தொலைவை கடக்கும்போதே மீனவர்களை இஸ்ராயீல் கடற்படை தாக்கிக் கொண்டிருந்தது என்பதுதான் உண்மை. சர்வதேச நெருக்கடி காரணமாக இஸ்ராயீல் காஸா மீதான தன் பிடியை விலக்கிக் கொள்வதாக 12.09.2005-ல் அறிவித்திருந்தது. ஆனால், வான்வழி, தரைவழி, கடல் வழி என காஸாவின் அத்தனை வழிகளையும் இஸ்ரேல் அடைத்துக் கொண்டு நின்றது. ஆதிக்கம் செலுத்தியது.

ஹமாஸ் வெற்றியும் ராணுவ ஊடுறுவலும்

      25.1.2006-ல் காஸா சட்டமன்ற தேர்தல். மொத்தம் 132 இடங்களில் 76 இடங்களை கைப்பற்றிய ஹமாஸ் இயக்கம் காஸாவை தன் கட்டுப்பாட்டிற்குள் கொண்டு வந்தது. உடனே இஸ்ராயீலும், அமெரிக்காவும் ஹமாஸ் இயக்கத்தை ‘பயங்கரவாத இயக்கம்’ என பிரகடனப்படுத்தின. காஸாவின் அனத்து எல்லைகளையும் இஸ்ரேல் இராணுவம் மூடிவிட்டது. காசாவுக்குள் உணவு மருந்து பொருட்கள் எதுவுமே நுழைய முடியாமல் போனது. காஸா நகர மக்கள் பசி, பஞ்சம், பட்டினியாலும், நோய்களாலும் நூற்றுக்கணக்கில் மாண்டனர்.

      மீண்டும் 2008ரூல் இஸ்ராயீல் பி.ஜி. குரூப் எண்ணெய் நிறுவனத்துடன் பேச்சு வார்த்தை நடத்தியது. அதே வருடம் ஜூன் மாதம் இஸ்ரேலின் பாதுகாப்பு அமைச்சர் எஹூத் பராக் தன் இராணுவ துருப்புகளை காசாவுக்குள் ரகசியமாக ஊடுருவ உத்தரவிட்டார். 19.06.08-ல் இஸ்ராயீலுக்கும் ஹமாஸுக்குமிடையே போர் நிறுத்த ஒப்பந்தம் கையெழுத்தாகியது. உணவு, மருந்து பொருட்கள் ஒரு நாளைக்கு 900 டிரக்குகள் காசா நகருக்குள் சென்று கொண்டிருந்த நிலை மாறி 70 டிரக்குகள் மட்டுமே சென்று கொண்டிருந்த நேரம் அது.

இந்த ஒப்பந்தம் மூலம் மீண்டும் பழைய நிலை திரும்பும் என எதிர்பார்த்த ஹமாஸ் இயக் கத்துக்கு பலத்த ஏமாற்றம். 70 டிரக்குகள் வெறும் 90 டிரக்குகளாக உயர்ந்ததுதான் பலன். எனவே பழையபடி சுரங்கப் பாதை மூலமே அத்தியாவசிய பொருட்களை காஸா நகருக்குள் கொண்டு வர ஹமாஸ் இயக்கம் முடிவு செய்தது. இஸ்ராயீல் ராணுவம் இந்த சுரங்க பாதையை தேடுவதாகக்கூறி 6 பலஸ்தீனர்களை படுகொலை செய்தது. 5.11.2008-ல் போர் நிறுத்த ஒப்பந்தம் மீறப்பட்டது. உடனே ஹமாஸ் பதில் தாக்குதல் தொடுத்தது. 5 வார காலத்தில் சுமார் 237 ராக்கெட்டுகளை இஸ்ராயீல்மீது ஏவியது ஹமாஸ். காஸாவுக்குள்ளான இஸ்ராயீலின் ஊடுருவலுக்கு இந்த தாக்குதல்கள் நியாயம் கற்பித்துவிட்டன.

எகிப்து நீதிமன்றம்

       இந்த நிலையில் இஸ்ரேல் எகிப்துடன் ஒரு ஒப்பந்தம் செய்து கொண்டிருந்தது. சுமார் 15 வருட காலத்திற்கு 1.7 மில்லியன் கனஅடி இயற்கை எரிவாயுவை இஸ்ராயீலுக்கு விற்க 2005-ல் எகிப்து ஒப்பந்தம் செய்திருந்தது. இந்த ஒப்பந்தம் எகிப்து பாராளுமன்றத்தின் ஒப்புதல் பெறப்படாததால் சட்டப்படி செல்லாது என எகிப்து நீதிமன்றத்திலே ஒருவர் வழக்கு தாக்கல் செய்திருந்தார். வழக்கை விசாரணை செய்து வந்த எகிப்து நீதிமன்றம் 18.11.2008-ல் இந்த ஒப்பந்தம் செல்லாது என அறிவித்துவிட்டது. எகிப்து எரிவாயுவை வாங்கும் இஸ்ரேலின் திட்டம் நின்று போனதால் எவ்வாறேனும் காஸாவின் எரிவாயு வளத்தை அடைந்தே தீரவேண்டும் என இஸ்ரேல் முடிவு செய்தது. எகிப்து நீதிமன்ற தீர்ப்பு வெளியான அன்றே இஸ்ராயீலின் கப்பற்படை கப்பல்கள் தாக்குதலைத் தொடங்கின காஸா -ஜெரிக்கோ ஒப்பந்தபடி 20 கடல் மைல் தொலைவு வரை காஸா மீனவர்கள் மீன் பிடிக்கலாம் என்றிருந்தாலும் 7 கடல் மைல் தொலைவில் மீன் பிடித்துக் கொண் டிருந்த காஸா மீனவர்கள் மீது குண்டு மழை பொழிந்தது. மீன்பிடி படகுகள் நாசமாக்கப்பட்டன. மீனவர்கள் சட்ட விரோதமாக கைது செய்யப்பட்டனர்.

ஆபரேஷன் கேஸ்ட் லீட்

கடல் பகுதியில் தாக்குதல் நடத்திய இஸ்ரேல் ‘‘ஆபரேஷன் கேஸ்ட் லீட்’’ என்ற பெயரில் காஸா நகரத்தின் மீதே கடுமையான தாக்குதலை 27.12.08-ல் தொடங்கியது. காஸா முழுவதும் குண்டு மழை பொழிந்தது. மீண்டும் சர்வதேச சமூகம் இஸ்ராயீலை கண்டித்தது. நெருக்கடிக்குள்ளான இஸ்ரேல் வேறு வழியின்றி 18.1.09-ல் போர் நிறுத்தத்தை அறிவித்தது. ‘ஆபரேஷன் கேஸ்ட் லீட்’ முடிவுக்கு கொண்டு வரப்பட்டது.

ஆனாலும், காஸாவின் கடல் பகுதியை தன் ஆதிக்கத்திலேயே இஸ்ரேல் வைத்துள்ளது. 24.1.09-ல் காசா கடற்கரையில் நடை பயின்று கொண்டிருந்த ஒரு தந்தையும் மகளும் இஸ்ராயீல் கப்பற் படையால் சுடப்பட்டனர். கடற்கரைக்குக்கூட யாரும் வரமுடியாத நிலையை இஸ்ராயீல் ருவாக்கியது. இறுதி யாக 14.02.09 அன்று காஸா கடல் பகுதி முழுமையாக தடை செய் யப்பட்ட பகுதியாக இஸ்ராயீல் அறிவித்து விட்டது.

       ஒரு நாட்டின் கடற்கரையிலிருந்து 200 கடல் மைல்கள் தொலைவு வரை ‘கடல் சார் சிறப்பு பொருளாதார மண்டலம்’ என அழைக்கப்படுகிறது. இந்த பகுதியில் உள்ள அனைத்து இயற்கை பொருளாதார வளங்களையும் அந்த நாடு யாருடைய தலையீடுமின்றி அனுபவிக்கலாம் என ஐ.நா.வின் ‘கடல் சார் பொருளாதார சட்டம்’ கூறுகிறது. காசாவின் கடற் கரையிலிருந்து 10 முதல் 15 கடல் மைல் தொலைவுக்குள்ளாகவே எண்ணெய் படுகைகளும் அதில் இயற்கை எரிவாயு ஏராளமாக இருப்பதும் கண்டுபிடிக்கப்பட்டுள்ளது. காஸா இன்னொரு துபை என்ற அளவிலே மாற்றம் பெறுவதற்கு இந்த எண்ணெய் வளம் உதவும். இந்த இயற்கை வளத்தை திருடுவதற் காகத்தான் இஸ்ரேல் காஸா மீதான தாக்குதலையும், முற்றுகையையும் தொடர்கிறது. உலகம் முழுவதும் உள்ள எண்ணெய் வளங்களை கொள்ளையடிப்பதற்காக பல ஆயிரம் மக்களை படுகொலை செய்து பழக்கப்பட்டது அமெரிக்கா. அதன் ஏவல் நாய் இஸ்ராயீலும் அதே வழியில்…

-வெ- ஜீவகிரிதரன்
Courtesy to http://mudukulathur.com/?p=719

பாகிஸ்தான் வெள்ள அனர்த்தத்தை தொடர்ந்து இந்து நதிப்பெருக்கெடுப்பால் பாரியளவில் பொதுமக்கள் இடப்பெயர்வு

noreply@blogger.com (Shahull Hameed Mohamed Rizvy) — Mon, 16 Aug 2010 17:04:00 +0000

பாகிஸ்தான் மற்றும் இந்தியா போன்ற நாடுகளில் அண்மையில் ஏற்பட்டுள்ள கடும் மழைவீழ்ச்சியால் இந்து நதி பெருக்கெடுத்துள்ளதுடன் பாகிஸ்தானின் தென் மாகாணமான சிந்த் மாகாணத்திலுள்ள நூற்றுக்கணக்கான நகரங்களும் கிராமங்களும் அடித்துச் செல்லப்பட்டுள்ளது.

இதன் விளைவாக அங்குள்ள இலட்சக்கணக்கான மக்கள் இடம்பெயர்ந்துவருகின்றனர். மக்களை அவ்விடங்களிலிருந்து வெளியேற்றும் நடவடிக்கை பாரியளவில் துரிதப்படுத்தப்பட்டுள்ளது. சிந்த் மாகாணத்தின் ஜகோபாபாத் என்ற நகரில் கடந்த திங்கள் அன்று ஏற்பட்ட இந்து நதிப்பெருக்கெடுப்பால் மக்கள் வெள்ளத்தில் மூழ்கடிக்கப்பட்டவாறு ஹெலிகொப்டர்கள் மூலம் மீட்பு செய்யப்பட்டனர்.

ஏற்கனவே இந்நகரை விட்டும் பல்லாயிரக்கணக்கான மக்கள் பாதை வழியாக வெள்ளம் முழுமையாக நகரை துண்டிக்க முன்னர் வெளியேறி சென்றுள்ளனர்.

இதேவேளை ஐ.நா செயலாளர் நாயகம் பான் கீ மூன் பாகிஸ்தானில் பாதிக்கப்பட்ட மக்களுக்கான உதவிகளை துரிதப்படுத்துமாறு சர்வதேச சமூகத்திடம் கோறிக்கை விடுத்துள்ளார்.

மேலும் ஐ.நா பேச்சாளர், 3.5 மில்லியன் சிறுவர்கள் வெள்ளப்பெருக்கால் பரவக்கூடிய உயிர்கொல்லி நோய் தொற்றுக்களுக்கு ஆளாகக்கூடிய அபாயம் ஏற்பட்டுள்ளதாக கடந்த திங்கள் அன்று எச்சரிக்கை விடுத்துள்ளார்.

இதற்கிடையே சிந்த் மாகாணத்திலுள்ள பாதிக்கப்பட்ட மக்களில் பல்லாயிரக்கணக்கானோர் உதவிகள் மிக தாமதமாகவே கிடைத்துவருவதாக கூறி ஆர்ப்பாட்டத்தில் ஈடுபட்டுள்ளனர்.

உணவுப் பொதிகள் நாய்களுக்கு போன்று ஹெலிகொப்டர்கள் மூலம் வீசப்படுவதாகவும் அவற்றுக்காக மக்களிடையே சண்டையை ஏற்படுத்துவதாகவும் ஆர்ப்பாட்டக்காரர்களில் ஒருவர் தெரிவித்தார்.

உள்நாட்டு மற்று சர்வதேச நிறுவனங்கள் இலட்சக்கணக்கான மக்களுக்கு உதவிகளை வழங்கி வருகின்ற போதிலும் பாதிக்கப்பட்டவர்களின் எண்ணிக்கை மிகவும் அதிகம் என்பதால் சில மக்களுக்கு இன்னும் உதவிகள் மிகக் குறைவாகவே கிடைத்துள்ளன அல்லது அறவே கிடைக்கப்பெறவில்லை எனத் தெரிவிக்கப்படுகின்றது.

பாகிஸ்தான் வெள்ளப்பெருக்கு சுமார் 1500 உயிர்களையும் 7.9 மில்லியன் ஹெக்டேர் தானிய நிலங்களையும் காவுகொண்டுள்ளதாக மதிப்பிடப்பட்டுள்ளது.

Source: Al-Jazeera English

ஊடக வரலாற்றில் புரட்சி- “விகிலீக்ஸ்”- அமெரிக்காவின் இரகசிய தன்மைக்கு பேரிடி

noreply@blogger.com (Shahull Hameed Mohamed Rizvy) — Tue, 10 Aug 2010 09:19:00 +0000

அண்மையில் ‘விகிலீக்ஸ்’ என்ற இணைய உளவறிக்கையிடல் நிறுவனம் அமெரிக்க இராணுவத்தின் இரகசிய தகவல்களை உள்ளடக்கிய 90000ற்கும் மேற்பட்ட ஆவணங்களை வெளியிட்டது. இவ் ஆவணங்கள் அமெரிக்க இராணுவ வரலாற்றிலேயே மிகப்பெரிய அனர்த்தத்தை ஏற்படுத்தியுள்ளது. அமெரிக்காவின் இராணுவ இரகசிய தகவல்கள் கசிவுறுவதென்பது மிகவும் அறிதானதும் சாத்தியமற்றதுமாகும். அந்நிலையில் ‘விகிலீக்ஸ்’ ஆல் வெளியிடப்பட்ட தகவல் ஆவணங்கள் அமெரிக்க இராணுவ தகவல்களின் இரகசியத்தன்மைக்கு ஏற்பட்ட பாரிய இடி என்றே கொள்ளப்பட வேண்டும்.

அண்மையில் இடம்பெற்ற லண்டன் செய்தியாளர் மாநாட்டில் விமர்சகர்களால் “உலகின் மிகவும் அபாயகரமான மனிதர்களில் ஒருவர்” என வர்ணிக்கப்படும் விகிலீக்ஸ் இன் தாபகர் ஜூலியன் அஸ்ஸேன்ஜ் கலந்துகொண்டார். இவரின் ஆதரவாளர்கள் இவரை ஒரு வீரனாக நோக்குகின்றனர்.

அமெரிக்க அதிகாரிகள் இவ் இராணுவ இரகசிய தகவல் கசிவு தொடர்பில் அஸ்ஸேன்ஜ் உடன் பேசுவதற்கு விரும்புவதாக அழுத்தம் திருத்தமாகத் தெரிவித்துள்ளனர். ஆனால் இவர் எப்போதும் இவ்வாறு பேச்சுகள் நடத்துவதற்கு விரும்புவதில்லை எனவும் இவற்றிலிருந்து நழுவித் தப்பித்துக்கொள்ளக்கூடியவர் எனவும் அவுஸ்திரேலிய பத்திரிகையாகளர் அன்ரு fபௌலர் தெரிவத்துள்ளார்.

இவ் இரகசிய ஆவணங்கள் தொடர்பிலான பல்வேறு உண்மைகள் வரைவில் வெளிவரலாம். ஆனால் அமெரிக்காவை பொறுத்தவரை இத்தகைய அதி இரகசியத்தன்மைவாய்ந்த இராணுவ தகவல்கள் எவ்வாறு விகிலீக்ஸ் க்கு பரிமாறப்பட்டது என்பது முக்கிய வினாவாக அமைந்துள்ளது என அல்-ஜெஸீரா வெளியிட்டுள்ள செய்தி அறிக்கையில் தெரிவித்துள்ளது. அரசாங்கங்களும் வர்த்தக நிறுவனங்களும் தமது உள்ளாந்த செயற்பாடுகள் தொர்பான இரகசிய தகவல்களை கசிவுறாமல் பாதுகாப்பதென்பது அவற்றின் மிகப் பிரதான நடவடிக்கையாகும்.

விகிலீக்ஸ் இணையத்தளத்தின் வாத்தின் படி, மக்கள் தாம் தாபித்த அரசாங்கங்கள் தம்சார்பில் முடிவுகளை மேற்கொள்ளும் போது அல்லது அத்தகைய முடிவுகள் அவர்களின் வாழ்வில் பாதிப்பை ஏற்படுத்துவதாக அமையும் போது மக்கள் அத்தகைய முடிவுகள் தொடர்பில் அறிந்து கொள்வதற்கு உரிமையுடையவர்கள் (Right to know). அந்தவகையிலேயே எமது நிறுவனத்தின் செயற்பாட்டாளர்கள் சர்வதேச அளவிலான உண்மைத் தகவல் இயந்திரமென்றை உருவாக்கும் முயற்சியில் ஈடுபட்டுள்ளனர்.

பல்வேறு நாடுகளில் கணனி வளைத்தள வழங்கன்களை (Computer Network Servers) நிறுவி தகவல் சுதந்திர வளயம் Information Freedom Zone) ஒன்றை உருவாக்கும் இலக்குடன் செயற்பட்ட, எப்போதும் மிகவும் அமைதியாகப் பேசக்கூடிய தயக்கமுடையவரான விகிலீக்ஸ் இன் தாபகர் ஜூலியன் அஸ்ஸென்ஜ் இன்று வித்தியாசமான செயற்பாடுகள் தொடர்பில் உலகம் பூராக பேசப்படக்கூடியவராக உருவெடுத்துள்ளார் என அல்-ஜெஸீராவின் செய்தி அறிக்கை மேலும் குறிப்பிடுகின்றது.

விகிலீக்ஸ் இணையத்தளம், அமெரிக்காவின் ஹெலிகப்டர் ஒன்று பக்தாத்தில் குண்டு மழை பொழிந்து ஊடகவியலாளர்கள் உட்பட நூற்றுக்கணக்கான பொதுமக்களை கொன்று குவித்த போது பதிவு செய்யப்பட்ட ஒளிநாடாவை இவ்வருட ஆரம்பத்தில் வெளியிட்ட போது பிரபல்யம் அடைந்தது.

இவ் ஒளிநாடா அம்பலப்படுத்தியவர்களை வெளிப்படுத்தும் இலத்திரனியல் கைரேகைகள் நீக்கப்பட்டு “Collateral Murder” என்ற பெயரில் விகிலீக்ஸ் இணையத்தளத்தில் வெளியிடப்பட்டது.

விமர்சகர்கள் இந்த அசட்டுத்துணிவாக அபாயகரமான செயற்பாடு ஊடக செயற்பாடாக அமைய முடியாதென விமர்சனங்களை முன்வைத்திருந்தனர். ஆனால் உண்மையில் விகிலீக்ஸ் உலகின் பிரதான ஊடகங்களால் வெளிச்சத்திற்கு கொண்டுவர தவறிய தகவல்களையே மக்கள் மத்தியில் முன்வைத்தள்ளது என்பது நிசர்சனமான உண்மையாகும். அஸ்ஸேன்ஜ் இன்று அமெரிக்க அரசாங்கத்தின் எதிரியாகக் கொள்ளப்படுகின்றார்.

இணைய உளவறிக்கையிடல் நிறுவனமான விகிலீக்ஸ், அரசுகளின் இரகசிய தகவல்கள் வெளியிடுவதை நிறுத்த வேண்டும் என்ற அமெரிக்காவின் கடுமையான எச்சரிக்கைகளுக்கு மத்தியிலும் உலகம் பூராகவுள்ள அரசாங்கங்கள் தொடர்பில் மேலும் தம்மிடமுள்ள இரகசிய தகவல்களை வெளியிடவுள்ளதாக தெரிவித்துள்ளது.

பெண்டகன் மற்றும் அமெரிக்க அரச திணைக்களங்களின் இரகசிய ஆவணங்கள் வெளியிடப்படும் என்ற விக்கிலீக்ஸின் கூற்று, இவ்விரகசிய அரச ஆவணங்கள் அம்பலப்படுத்தப்படுவதை தடுப்பதற்கு அமெரிக்க அரசு சட்டரீதியாக அல்லது இராணுவ ரீதியாக என்ன செற்யும் அல்லது என்ன செய்ய முடியும் போன்ற முக்கியமான வினாக்களை எழுப்பியுள்ளது.

கடந்த சனிக்கிழமை ஏ.பி செய்தி சேவைக்கு அளித்த பேட்டியில் தனது அடையாளத்தை டேனியல் சிமிட் என பாதுகாப்பு காரணங்களுக்காக பிழையாக வெளிப்படுத்திக்கொண்ட விகிலீக்ஸின் பேச்சாளர்களில் ஒரவர், அமெரிக்காவின் இரகசிய தகவல்கள் தொடர்ந்தும் வெளியிடப்படும் என்றும் இது அரசுகள் மக்களுக்காக தீர்மானங்களை மேற்கொள்ளும் போது அவர்களுடன் வெளிப்படையாக நடந்துகொள்ள வேண்டும் என்பதையும் மக்களின் தகவல் பெறும் உரிமையையும் உரிதிப்படுத்துவதற்காக மேற்கொள்ளப்படும் பணி என்றும் தெரிவித்தார்.

வெளியிடப்படவுள்ள தகவல்கள் தொடர்பில் எதனையும் குறிப்பிட முடியாதென தெரிவித்த விகிலீக்ஸின் பேச்சாளர், ஆப்கானில் அமெரிக்கா மேற்கொண்ட யுத்தம் தொடர்பில் தமது இணையத்தளத்தில் வெளியிடப்பட்ட மறைக்கப்பட்ட தகவல்கள் இந்த யுத்தம் தொடர்பில் மக்கள் உண்மையை புரிந்து கொள்வதில் நேரடி பங்களிப்பு செய்துள்ளதாக குறிப்பிட்டார்.

இவ் இரகசிய தகவல்கள் வெளியிடுவது அமெரிக்க அரசாங்கத்தின் தேசிய பாதுகாப்புக்கு அசு;சுறுத்தலை ஏற்படுத்தும் என்ற குற்றச்சாட்டை அவர் மறுத்துள்ளார்.

இதற்கிடையில் அண்மையில் ஆப்கான் யுத்தம் தொடர்பில் விக்கிலீக்ஸ் இணையத்தளம் 76,900ற்கும் மேற்பட்ட புலனாய்வு அறிக்கைகள், இரகசிய இராணுவ தகவல்கள் மற்றும் அமெரிக்காவால் மறைக்கப்பட்ட பல்வேறு அசிர்ச்சியளிக்கும் உண்மைகள் உள்ளடங்கிய ஆவணங்களை வெளியிட்டிருந்தது.

அமெரிக்காவுக்கு இவ்விரகசிய தகவல்கள் எவ்வாறு கசிவுற்றது என்பது தொடர்பில் பெரும் தலையிடியை ஏற்படுத்தியுள்ளதுடன் இவ்விரகசிய தகவல் வெளியிடப்படுவதை வெள்ளை மாளிகை கடுமையான முறையில் கண்டித்துள்ளதுடன் இது ஆப்கானிலுள்ள அமெரிக்க துருப்புக்களை ஆபத்தில் தள்ளும் என்றும் தெரிவித்துள்ளது.

இவ்விரகசிய தகவல்கள் எவ்வாறு விகிலீஸ_க்கு கிடைக்கப்பெறுகின்றது என்பது இன்னும் புரியாத புதிராக இருக்கின்ற அதேவேளை தமது நிறுவனத்தில் நிறுவனத்தின் தாபகரும் பிரதம ஆசிரியருமான ஜூலியன் அஸ்ஸேன்ஜ் உட்பட 800 தொடக்கம் 1000 வரையான ஊழியர்கள் பணியாற்றுவதாக தெரிவித்தார்.

இதேவேளை விகிலீஸ் பல்வேறு நாடுகளில் தனது வளையமைப்பை கொண்டு செயற்படுவதாக தெரிவிக்கப்படுவதுடன் இதன் செயற்பாடுகள் ஊடக வரலாற்றில் ஒரு புரட்சியை உருவாக்கியுள்ளன என்று சர்வதேச ஆய்வாளர்கள் பலர் தெரிவித்துள்ளனர்.

References:

Al-Jazeera's news report on Wikileaks
AP News Reports
BBC News Report
The Gaurdian's report
http://wikileaks.org

-Shahull Hameed Mohamed Rizvy
University of Colombo.

பிளக்பரி கையடக்கத் தொலைபேசிகளின் சில தொழிற்பாடுகளுக்கு அரபு நாடுகளில் தடை

noreply@blogger.com (Shahull Hameed Mohamed Rizvy) — Tue, 03 Aug 2010 07:06:00 +0000

உலகின் முன்னணி கையடக்கத் தொலைபேசிகளில் ஒன்றாகக் கருதப்படும் பிளக்பரி தொலைபேசிகளின் சில தொழிற்பாடுகளுக்கு அரபு நாடுகளில் தடை விதிக்கப்பட்டுள்ளது.

குறிப்பாக சவூதி அரேபியா மற்றம் ஐக்கிய அரபு இராச்சியம் ஆகியவற்றில் பிளக்பரி கையடக்கத் தொலைபேசியின் சில தொழிற்பாடுகளுக்கு தடை விதிக்கப்பட்டுள்ளது.

பிளக்பரி கையடக்கத் தொலைபேசியின் சில தொழிற்பாடுகள் பாதுகாப்புக்கு அச்சுறுத்தல் ஏற்படும் வகையில் அமையப் பெற்றுள்ளதாக குற்றம் சுமத்தப்படுகிறது.

இணைய பாவனை மற்றும் மின் அஞ்சல் பாவனைகளுக்கு சவூதி அரேபியா தடை விதித்துள்ளது.

ஹெட் செற்களின் ஊடாக இணைய பாவனை மேற்கொள்ளப்படும் போது அவற்றை கண்காணிக்க முடியாத நிலைமை காணப்படுவதாகவும் இதனால் இந்த தொழிற்பாட்டிற்கு தடை விதிக்கப்பட்டுள்ளது.

ஐக்கிய அரபு இராச்சியத்தில் 500,000 பிளக்பரி பாவனையாளர்களும், சவூதி அரேபியாவில் 400,000 பிளக்பரி பாவனையாளர்களும் காணப்படுவதாகத் தெரிவிக்கப்படுகிறது.

பிதுவின்-அரேபிய பழங்குடிகளின் கிராமத்தை இடித்துத் தரைமட்டமாக்கியது இஸ்ரேல்

noreply@blogger.com (Shahull Hameed Mohamed Rizvy) — Fri, 30 Jul 2010 16:14:00 +0000

இஸ்ரேலிய அரசு 300க்கும் மேற்பட்ட பிதுவின்-அரேபிய பழங்குடியின கிராமங்கள் உள்ள தெற்கு நெகவ் பாலைவனப் பகுதியில் உள்ள வீடுகளை இடித்து தரை மட்டமாக்கியது.

இஸ்ரேலால் அங்கீகரிக்கப்படாத 45 கிராமங்களில் அல்-அராகிப் கிராமமும் ஓன்று. இங்கு 40 வீடுகள் உள்ளன. அல்-அராகிப் என்ற கிராமம் முழுவதும் புல்டோசர்களால் இடித்து அழிக்கப்பட்டது அங்கு வாழ்ந்த மக்களின் வீடுகள்,கால்நடைகள்,மரங்கள் மற்றும் உடைமைகள் அனைத்தும் அழிக்கப்பட்டன.

Negev Co-existence Forum-ன் டைரக்டர் ஹை நோச் கூறுகையில்; "இஸ்ரேலிய 5 புல்டோசர்கள் காலை 5.30 மணியளவில் கிராமத்திற்குள் புகுந்தன. 3 முதல் 4 மணி நேரத்திற்குள் எல்லா வீடுகளையும் இடித்துத் தரைமட்டமாக்கிவிட்டன என்று அதிர்ச்சியுடன் கூறினார்.

கிராம மக்கள் மற்றும் 150-க்கும் மேற்பட்ட மனித உரிமை ஆர்வலர்கள் வீடுகளை இடிப்பதை தடுக்க முயன்றனர். ஆனால் அவர்கள் இஸ்ரேலிய காவல் துறையினரால் காயப்படுத்தப்பட்டனர். சிலர் கைது செய்யப்பட்டனர்.

வீடுகளை இழந்த அப்பகுதி மக்கள் பீர்செபா என்னும் கிராமத்திற்கு அருகில் உள்ள இடுகாடுகளுக்கு நகர்ந்து அங்கு கூடாரம் அமைத்து தங்கி உள்ளனர்." என்றும் அவர் கூறினார்.

மேலும் அவர் கூறும்போது "30க்கும் மேற்பட்ட சிறிய வீடுகள் இடித்து தரைமட்டமாக்கப்பட்டன நூற்றுக்கணக்காண மக்கள் ராஹட் என்ற இடத்திற்கு இடமாற்றம் செய்யப்பட்டனர். 3 நபர்கள் அதிகமாக கேள்வி கேட்டதற்காக கைது செய்யப்பட்டனர் பின்னர் அவர்கள் விடுவிக்கப்பட்டனர்.

இஸ்ரேலிய அரசு அல்-அராகிப் கிராமவாசிகளுக்கு வீடுகளை காலி செய்ய சொல்லி ஜூன் 15 அன்று நோட்டீஸ் விநியோகித்தது. இந்த சூழலில் இப்பகுதி எப்பொழுது வேண்டுமானாலும் அளிக்கப்படலாம் என்ற அச்சத்துடனேயே மக்கள் வாழ்ந்து வந்தனர்.

தண்ணீர் தேக்கி வைக்கும் தொட்டிகளையும் இடித்து விட்டனர். மின்சாரத்திற்காக வைத்திருந்த ஜெனரேடர்களையும் அப்புறப்படுத்தி விட்டனர். இது போர் தொடுக்கும் நடவடிக்கையைப் போன்று உள்ளது.மேலும் எங்களை இந்த பகுதிகளில் வாழவும் விடமாட்டார்கள் இது நினைத்து கூடப் பார்க்க முடியாதது.

கிராம மக்கள் தற்போது அடிப்படை உதவி மற்றும் மாற்று ஏற்பாடாக தங்குவதற்கு கூடாரம் அமைப்பதற்கான உதவிகளையும் எதிர்பார்த்து உள்ளனர்."என்றும் நோச் கூறுகின்றார்.

இதுகுறித்து இஸ்ரேலிய காவல்துறை செய்தித் தொடர்பாளர் மிக்கி ரோசன் பிளட் என்பவர் கூறுகையில்; "இங்கு உள்ள வீடுகள் சட்டத்திற்கு புறம்பாக கட்டப்பட்டுள்ளன. நீதி மன்றத்தின் தீர்ப்பு 11 வருடங்களாக செயல்படுத்தப்படவில்லை. இவர்களுக்கு வீடுகளை காலி செய்வதற்கான நோட்டீஸ் கொடுத்தும் காலி செய்யாததால் நீதிமன்ற உத்தரவுப் படி இவர்களை இடம்பெயர்த்தும் நடவடிக்கையில் இறங்கியுள்ளோம்." என்றார்.

Negev Co-existence Forum-ன் படி 1,55,000 பிதுவின்-அரேபிய பழங்குடிகள் நெகவ் பகுதியில் வாழ்கின்றனர். இவர்கள் அனைவரும் இஸ்ரேலிய பகுதியின் குடிமக்கள் தாம். இவர்கள் கிராமங்களில் வாழ்கின்றனர். ஆனால் இஸ்ரேலிய அரசு இவர்களை அங்கீகரிக்க வில்லை மேலும் குடிதண்ணீர், மின்சாரம் போன்ற அடிப்படை வசதிகளையும் செய்து தரவில்லை எனவும் கூறுகின்றனர்.

நன்றி : பாலைவனத் தூது

இஸ்ரேலின் மனிதாபிமானமற்ற யூத செயற்பாடுகளும் மௌனித்துள்ள யூத பெரும்பான்மையும்

noreply@blogger.com (Shahull Hameed Mohamed Rizvy) — Wed, 28 Jul 2010 17:39:00 +0000

காஸாவுக்கான மனிதாபிமான உதவிக் கப்பலுக்கெதிராக அண்மையில் இஸ்ரேல் மேற்கொண்ட மனிதாபிமானமற்ற இராணுவ நடவடிக்கை உலகம் பூராகவும் மட்டுமன்றி இஸ்ரேலினுள்ளேயும் பலமான கண்டனக் குரல்களை எழுப்பியிருந்தது.

அண்மைக் காலங்களில் இஸ்ரேல் பாலஸ்தீன மண்ணுக்கும் அதன் மக்களுக்கும் எதிராக மேற்கொண்டுவரும் காட்டுமிராண்டித்தனமான நடவடிக்கைகளுக்கும் அதன் கொள்கை வகுப்புக்களுக்கும் எதிராக ஐரோப்பா மற்றும் அமெரிக்காவில் வசிக்கும் மனிதாபிமானம் படைத்த யூத செயற்பாட்டாளர்கள் கூட இஸ்ரேலுக்கெதிராக தமது அதிரிப்தியை வெளிப்படுத்தியுள்ளனர். அத்தகையவர்களில் சிலர் காஸா மீதான இஸ்ரேலின் கடின முற்றுகையினை உடைத்து அதன் பலஸ்தீன ஆக்கிரமிப்பினை முடிவுக்கு கொண்டுவரும் நோக்கில் அடம்பெறும் நடவடிக்கைகளுக்கு கூட ஒத்துழைப்பு வழங்க முன்வந்துள்ளனர்.

இவ்வாறு இஸ்ரேலினுடைய பாசிசவாத நடவடிக்கைகளை இஸ்ரேலியர்கள் கூட விமர்சிக்கும், கண்டிக்கும் அல்லது எதிர்த்து குரலெழுப்பும் நிலை ஏற்பட்டுள்ள இவ்வேளை, எந்த யூத மக்களுடைய பெயரால் இஸ்ரேல் இத்தகைய மனிதாபிமானமற்ற செயற்பாடுகளை அப்பாவி பலஸ்தீனர்களுக்கெதிராக அரங்கேற்றி வருகின்றதோ அத்தகைய யூத பெரும்பான்மை ஏன் அமைதியாகவுள்ளது அல்லது இஸ்ரேலின் இத்தகைய நடவடிக்கைகளை கண்டுகொள்ளதில்லையா என்ற வினா எழலாம்.

ஏனெனில் இஸ்ரேல் தனது குற்றங்களை யூத மக்களின் பெயரால் இழைத்து “பொதுமக்கள் அவசியத்தன்மை (Public necessity)” என்ற எதிர்வாதத்தை சர்வதேச சட்டத்தில் முன்வைத்து தப்பித்துக்கொள்ள முயற்சிப்பது இஸ்ரேலின் வழக்கமான செயற்பாடாகிவிட்டது.

முன்னாள் இஸ்ரேல் ஜனாதிபதியான சைமன் பெரஸ், ஒருமுறை யூதர்களின் புலமைத்துவ செயற்பாடுகளை (Jewish intellectual activism), ‘யூத மக்களின் விதியை மாற்றியமைக்க திட்டமிடல்’ மற்றும் ‘உலகின் விதியை மாற்றியமைக்க ஒத்துழைத்தல்’ என இரண்டு பிரிவாக பிரித்துக் கூறியிருந்தார்.

இருபதாம் நூற்றாண்டின் ஆரம்பத்திலிருந்து இவருடைய இக்கருத்தை மெய்ப்பிக்கும் வகையில் உலகம் பூராக யூதர்களின் செயற்பாடு அமைந்திருந்தது. ஐரோப்பா, ரஷ்யா, அமெரிக்கா போன்ற இடங்களில் தமது பலமான இருப்பைக் கொண்டுள்ள குறிப்பாக அத்தகைய யூத சமூகம், யூத தேசியவாதம்(Jewish nationalism) மற்றும் அனைத்துலக மனிதத்துவம்(universal humanism) என்ற இரு பேக்குகளுக்கிடையே பிரிந்து காணப்படுகின்றது. இதில் முதலாவது வகை யூத சமூகம் தமது யூதத்துவத்தை(Jewishness) தேசியவாதமாகவும், இரண்டாவது வகை யூத சமூகம் தமது அனைத்துலகத் தன்மையை(Universality) உலகப் பிரஜைகள் எனவும் கோடிட்டுக் காட்டி நிற்கின்றது.

இந்த இருமுனை நோக்கு இரண்டாம் உலக மகா யுத்தம் மற்றும் அதன் அழிவுகளை தொடாந்து இருபதாம் நூற்றாண்டின் ஆரம்பத்திலிருந்து ஏற்பட்ட அபிவிருத்தியுடன் கடினமடைய ஆரம்பிக்கிறது. எனினும் இஸ்ரேல் என்ற அரச உருவாக்கத்திற்கான நடவடிக்கையை யூதர்கள் முற்கொண்டு செல்றனர்.

இதற்கிடையே, ஐரோப்பாவில் மனிதப் படுகொலைகளிலிருந்து யூதர்கள் நிறையவே படிப்பினை பெறவேண்டியுள்ளதெனவும் கடந்தகால யூத வரலாற்றில் பாரிய மாற்றம் இடம்பெற வேண்டும் எனவும் ஷியோனிஸ்டுகள் நம்பினர். இதன்விளைவாக மூன்றில் இரண்டு மடங்கு பலஸ்தீனர்களை அகதிகளாக்கி பலஸ்தீனத்தின் 78 சதவீதமான நிலப்பரப்பை யூதர்கள் தமது நாடாக பிரகடனப்படுத்தினர். இந்த யூத அரசுப் பிரகடனத்தை தொடர்ந்து 300க்கும் மேற்பட்ட பலஸ்தீன மக்களின் நகரங்களும் கிராமங்களும் உடைத்து தகர்க்கப்பட்டன.

சைமன் பிரஸ் தனது பங்களிப்பாக இஸ்ரேலுக்கு பலம்பெயர்ந்து யூதர்களை தேசியவாதிகளாகவும் (nationalists) நிகழ்வு ரீதியாக காலநித்துவ வாதிகளாகவும் (de facto colonialists) உருமாற்றும் முயற்சியில் ஈடுபட்டுக்கொண்டிருந்த ஷியோனிஸ்டுகளோடு இணைந்து செயட்பட்டார்.

பிரஸே இஸ்ரேல் இராணுவத்தின் அணுவாயுதத் திட்டத்திற்கும் அது தொடர்பில் காலநித்துவ அதிகாரங்களான பிடிட்டன் மற்றும் பிரான்ஸ் போன்ற நாடுகளுடன் தந்திரோபாய உறவுகளை ஏற்படுத்தவும் வித்திட்டவராவார். இத்திட்டமே 1956இல் எகிப்தின் மீது மேற்கொள்ளப்பட்ட முத்தரப்பு தாக்குதலில் முடிவுற்றது.

தார்மீக ரீதியில் உயர்ந்த அந்தஸ்தை உலக மக்கள் மத்தியில் பேணிக்கொள்ளவதற்காக இஸ்ரேல் தலைவர்கள் எப்பொழுதும் தமது செயற்பாடுகளை மனிதாபிமானம் மற்றும் ஜனநாயகம் என்ற போர்வைகளால் மறைக்கும் முயற்கியிலேயே ஈடுபட்டு வந்துள்ளனர்.

முன்னாள் இஸ்ரேல் பிரதமர் கோல்டா மீர், தாம் பலஸ்தீன் சிறுவர்களுக்கெதிராக இழைத்த குற்றங்களை அரபிகள் மீது சுமத்தி அவற்றிலிருந்து பாதுகாப்பு பெற முயற்சித்தமை இதற்கு சிறந்த உதாரணமாகும். இதன்போது அவர் கூறியதாவது, “நமது குழந்தைகளை கொலை செய்தமைக்காக நாம் அரபிகளை மன்னிக்க முடியும். ஆனால் அவர்களுடைய குழந்தைகளை கொலை செய்ய எம்மை தூண்டியமைக்காக நாம் அவர்களை மன்னிக்க முடியாது.”

ஆனால் காலனித்துவ ஷியோனிஸம் யூத மதத்தை தனியுரிமைப்படுத்த மேற்கொண்ட முயற்சிகள் நாட்டிலுள்ள மிகவும் அதிகாரம்மிக்க ஷியோனிஸ சமய வாதிகளாலேயே வெளிப்படுத்தப்பட்டுள்ளது. இஸ்ரேலினுடைய கொள்கைள் மீதான வெளிப்படையான விமர்சகராக கருதப்படுபவர் முன்னாள் இஸ்ரேல் தத்துவார்த்த அறிஞர் யெஷாயாஹ_ லெய்போவிட்ஸ் என்பவராவார். ஆழ்ந்த யூத சமயவாதியான இவர் இஸ்ரேலினுடைய ஆக்கிரமிப்பை கடுமையான முறையில் கண்டித்துள்ளதுடன் இஸ்ரேல் படையினர் நாஷி படையினருடைய மனப்பாங்கினையும் மனிதாபிமானமற்ற போக்கினையும் கொண்டிருப்பதாக குற்றஞ் சாட்டியிருந்தார்.

இதேபோன்று மற்றுமொரு யூத மதவாதியும் இஸ்ரேல் சட்டசபையின் தலைவருமாக பணியாற்றிய அவ்ரஹாம் பேக், தனது நூலில்("The Holocaust Is Over") ஷியோனிசத்தை கடுமையாக விமர்சிக்கிறார். யூதர்கள் தமது சாம்பலிலிருந்து மீண்டெழ வேண்டும் எனக் கூறுகின்றார்.

21ஆம் நூற்றாண்டை நோக்கி…

இஸ்ரேலின் உள்ளேயும் வெளியேயுமுள்ள புலமைவாதிகளுக்கிடையே முரண்பாடு காணப்படுகின்ற போதிலும் இஸ்ரேலில் அல்லது பலஸ்தீனில் இடம்பெற்ற அண்டைய நிகழ்வுகள் வேறுபாடொன்டை பிரதிபளிக்கின்றது.

ஆக்கிரமிக்கப்பட்ட பலஸ்தீனில் உள்ள இஸ்ரேலின் கொள்கைச் செயற்பாட்டாளர்கள் மற்றும் இஸ்ரேலியரற்ற அனேகமான பிரபல்யம் மிக்க யூதப் புலமைவாதிகள் என்போரின் யூத செயற்பாடுகளுக்கான பதில்களை நோக்குகின்ற போது இந்த வேறுபாடு பிரதிபளிப்புச் செய்யப்படுகின்றது.

எலீ வீசல் (a Nobel Laureate), தனது நெருங்கிய நண்பர்களான பெரஸ், ஹென்ரி கிஸ்ஸிங்கர் மற்றும் பிரஞ்சு தத்துவார்த்தவியலாளரான போனார்ட் ஹென்ரி லெவி போன்றோருடன் இணைந்து இஸ்ரேலுக்கு தமது ஆதரவை தெரிவிப்பதில் கடுமையான போக்கினை கையாள்கின்றனர்.

இவர்கள் பொதுவாக இஸ்ரேல் இராணுவத்தின் செயற்பாடுகளை “ஜனநாயக இராணுவ செயற்பாடுகள்” என எதிர்காப்பு வாதங்களை முன்வைத்துள்ளனர். பெரஸின் புலமைத்துவ சமூகத்தில் அங்கத்தவரான பின்னர் இஸ்ரேலினதும் அமெரிக்காவினதும் கொள்கைகளை எதிர்க்காப்புச்செய்வதில் குறிப்பிட்டுக் கூறக்கூடியளவு தீவிரமானவர் ஹென்ரி லெவி ஆவார்.

இதேபோன்று “போரழிவுக் கைத்தொழிலின் தந்தை அல்லது குரு” என விமர்சிக்கப்படும் வீசல், இஸ்ரேலால் ஆக்கிரமிக்கப்பட்ட ஆள்புலங்களில், குறிப்பாக ஆக்கிரமிக்கப்பட்ட கிழக்கு ஜெரூஸலத்தில் இடம்பெறும் இஸ்ரேலின் இரத்தவெறி கொண்ட சட்டவிரோத நடவடிக்கைகளை கண்மூடித்தனமாக ஆதரிப்பதாகவும் எதிர்காப்புச் செய்வதாகவும் பலராலும் விமர்சிக்கப்படுகின்றது.

வீசல் ஒரு நியூ யோர்க் வாசியாவார். இதில் சுவாரசியமான விடயம் என்னவெனில், இவருக்கெதிராக முன்வைக்கப்டும் விமர்சனங்கள் ஜெரூசலத்திலுள்ள யூத வசிப்பிடங்களில் இருந்து வருபவை ஆகும்.

இவர்களுக்கு முற்றிலும் எதிரான கருத்துக்களை அனைத்துலகத்துவவாதிகள் (universalists) என அழைக்கப்படும் யூதர்கள் கொண்டுள்ளதைக் காண முடிகிறது.

ரிஷார்ட் fபோர்க் என்பவர் சர்வதேச சட்ட பேராசிரியரும் பலஸ்தீன் பிரச்சினை தொடர்பான ஐ.நா வின் அறிக்கையிடுபவருமாவார். மற்றும் நோம் சோம்கி என்ற பிரபல்யம்மிக்க யூத தத்துவர்த்தவியலாளர் 20ஆம் நூற்றாண்டின் மிகப்பெரும் புலமைவாதிகளில் ஒருவராகக் கருதப்படுபவர் ஆவார்.

இவ்விருவரும் இஸ்ரேலால் மேற்கொள்ளப்படும் போர்க்குற்றங்கள் உள்ளடங்களாக சகல இடங்களிலும் இடம்பொறும் பேர்க்குற்றங்களுக்கெதிராக தொடர்ச்சியாகக் குரல் கொடுத்துவருபவர்கள் ஆவர்.

இஸ்ரேலால் பலஸ்தீன் மற்றும் லெபனான் நாடுகளில் மேற்கொள்ளப்பட்ட யுத்தம் உள்ளடங்களாக வியட்நாம் மற்றும் ஈராக் ஆகிய நாடுகளில் அமெரிக்காவால் மேற்கொள்ளப்பட்ட யுத்தங்களுக்கெதிராகவும் மேற்கிலிருந்து மனிதாபிமானத்தை ஆதரித்து வெளியிடப்பட்ட பலமான கண்டனக்குரலாக இவர்கள் இருவரும் கருதப்படுகின்றனர்.

இதற்கிடையில், இஸ்ரேலின் மனிதாபிமானமற்ற செயற்பாடுகளை ஆதரித்து குரல் கொடுப்பதுடன் அவற்றுக்கு நியாயப்படுத்தல் கற்பிக்கும் வீஸல் மற்றும் ஹென்ரி லெவி ஆகியோர் இஸ்ரேலுக்கு செல்லும் போது அங்கு மிக முக்கிய நபர்களுக்கா (VIP) கவனிப்பை பெறுகின்ற அதேவேளை fபோல்க் மற்றும் சோம்ஸ்கி ஆகிய புகழ்பெற்ற இவ்விரு இறிஞர்களும் இஸ்ரேலின் எல்லைக்குள் செல்வதற்கு அனுமதி மறுக்கப்படுகின்றனர்.

இவ்வாறு பலஸ்தீன் மீது இஸ்ரேல் மேற்கொள்ளும் குற்றங்கள் தொடர்பில் யூத அறிஞர்களுக்கிடையே வௌ;வேறுபட்ட நிலைப்பாடுகள் காணப்படுகின்ற அதேவேளை இஸ்ரேலின் குற்றங்களை பார்த்துக்கொண்டு அமைதிகாக்கும் பெரும்பான்மையான யூதர்கள் நிலைப்பாடு மற்றும் இது தொடர்பில் மேற்குலகின் பொதுமக்கள் அபிப்பிராயம் என்பனவே முக்கியமாக ஆராயப்பட வேண்டிய விடயமாகும்.

அண்மையில் அல்-ஜெஸீரா தொலைக்கட்சி செய்தி வேவைக்கு கருத்து தெரிவிக்கும் போது ஒரு இளம் யூதப் பெண், இஸ்ரேல் யூத மக்களின் பெயரால் இத்தகைய மனிதாபிமானமற்ற குற்றங்களை மேற்கொள்வது இனிமேலும் அனுமதிக்கப்படக் கூடாது எனக் குறிப்பிட்டார்.

அனேகமான யூதர்கள், குறிப்பாக மதச்சார்பற்ற அல்லது நாஸ்திக கொள்கையையுடைய யூதர்கள் யூத மதத்துடன் இணைந்ததாக தமது அடையாளத்தை அல்லது அரசியலை கொள்கையை வெளிப்படுத்த விரும்புவதில்லை.

மற்றொரு வகையில் நோக்கினால், இஸ்ரேலின் பயங்கரவாத, மனிதாபிமானமற்ற செயற்பாடுகளுக்கெதிராக குரல் கொடுப்பதென்பது இத்தகைய அமைதிகாக்கும் யூதர்களுக்கு இயலாத ஒரு காரியமாக இருக்கலாம். இதற்கு அரசியல் அடக்குமறை மற்றும் பயம் என்பன காரணமாக அமையலாம்.

எவ்வாறாயினும் முக்கியமாக நாம் கவனத்தில் கொள்ள வேண்டிய ஒரு விடயம் என்னவெனில், பயங்கரவாதம் தொடர்பில் எவ்வாறு முஸ்லிம்களை குற்றம் சாட்ட முடியாதோ அதேபோன்று மேற்கு அரசுகளால் பல்வேறு நாடுகளில் மேற்கொள்ளப்பட்ட இனப்படுகொலைகள் மற்றும குற்றங்கள் தொடர்பில் எவ்வாறு கிருஸ்தவர்களை குற்றம் சாட்ட முடியாதோ அதேபோன்று ஹிட்லரின் இனப்படுகொலைக்கு எவ்வாறு ஆரிய மக்களை குற்றம் சாட்ட முடியாதோ அவ்வாறே சாதாரண பொதுமக்களின் கட்டுப்பாட்டுக்கு அப்பால் அவர்களின் பெயரைக் கொண்டு அவர்களின் ஆட்சியாளர்களால் மேற்கொள்ளப்படும் குற்றங்களுக்கு யூதர்களை குற்றம் சாட்ட முடியாது.

References:

"What price Israel?", Alfred M. Lilienth
"The invention of the Jewish people", Shlomo Sand
"Jews against Israeli occupation', Marwan Bishara
Al-Jazeera Magazine

-Shahull Hameed Mohamed Rizvy
University of Colombo.

அவதூறு பிரச்சாரங்களுக்கு மத்தியிலும் இஸ்லாத்தின் நற்செய்தி அடையாளம் காணப்படும்: யுவான் ரிட்லி

noreply@blogger.com (Shahull Hameed Mohamed Rizvy) — Sun, 18 Jul 2010 18:09:00 +0000

அவதூறு பிரச்சாரங்களுக்கு மத்தியிலும் இஸ்லாத்தின் நற்செய்தி அடையாளம் காணப்படும்: யுவான் ரிட்லி

பிரபல பத்திரிகையாளரும், சர்வதேச மனித உரிமைப் போராளியுமான யுவானி ரிட்லி அமெரிக்க, ஐரோப்பிய, இஸ்ரேலிய ஏகாதிபத்திய சக்திகள் எவ்வளவுதான் இஸ்லாத்திற்கெதிராக அவதூறான பிரச்சாரங்களை மேற்க்கொண்டாலும் இஸ்லாத்தின் அன்பு மற்றும் சமாதானத்தின் நற்செய்தி மக்களால் அடையாளம் காணப்படும் ஒரு நாள் வந்தே தீரும் என பிரபல பத்திரிகையாளரும், சர்வதேச மனித உரிமைப் போராளியுமான யுவானி ரிட்லி கூறினார்.

கேரள மாநிலம் குற்றிப்புரம் ஸஃபா நகரில் ஜமாஅத்தே இஸ்லாமியின் பெண்கள் மாநாட்டை துவக்கி வைக்கவிருந்தார் அவர். ஆனால் லண்டனில் இந்திய தூதரகம் அவருக்கு இந்தியா செல்ல விசா மறுத்ததால் வீடியோ கான்ஃப்ரன்சிங் மூலமாக மாநாட்டை துவக்கி வைத்து உரையாற்றினார். "அமெரிக்க ஏகாதிபத்தியம் இஸ்லாத்திற்கெதிராக அவதூறான பிரச்சாரங்களை நடத்திக் கொண்டிருக்கிறது. அவர்களை ஆக்கிரமிப்புகளையும் அருவருக்கத்தக்க நடவடிக்கைகளையும் மறைப்பதற்காகத்தான் இந்தப்பிரச்சாரத்தை மேற்க்கொள்கிறார்கள்.

ஃபலஸ்தீனில் துயரத்தில் ஆழ்ந்துள்ள மக்களுக்கு ஆதரவாக பேசுகிறேன் என்பதற்காகவே என்னை ஏகாதிபத்திய சக்திகள் நோட்டமிடுகின்றன. ஃபலஸ்தீனிலும், ஆஃப்கானிலும், ஈராக்கிலும் கொடூரமான தாக்குதல்கள் மூலமும், கூட்டுக்கொலைகள் மூலமும் குண்டுகளை வீசுவதன் மூலமும் முஸ்லிம்களின் மீது நிரந்தரமாக ஏகாதிபத்திய சக்திகள் போரிட்டு வருகின்றன.

இஸ்லாம் பெண்களுக்கெதிரான மார்க்கம் என்ற மேற்கத்திய வாதிகளின் பொய் பிரச்சாரம் வெற்றிப்பெறாது. ஆஃப்கானிஸ்தானில் தாலிபான்களின் வசம் சிக்கிய என்னை இஸ்லாத்தை நோக்கி திருப்பியது அவர்களுடைய கண்ணியமான நடவடிக்கைகளும் சுத்தமான நிலைபாடுகளும் தான். இஸ்லாம் பெண்களுக்கெதிரான மார்க்கம் என்றால் தாலிபான் போராளிகள் என்னிடம் ஒருபோது கண்ணியமாக நடந்துக் கொண்டிருக்க மாட்டார்கள். மேலும் எனது வாழ்வில் அது திருப்புமுனையும் ஆகியிருக்காது.

ஏகாதிபத்தியமும், சியோனிஷமும் தான் இன்று உலகம் சந்திக்கும் மிகப்பெரிய அச்சுறுத்தல்கள். இவ்விரண்டு சக்திகளும் இஸ்லாத்திற்கு மட்டுமல்ல விரோதிகள் மனிதர்கள் அனைவருக்குமே விரோதிகள் தான். முஸ்லிம் பெண்கள் காலக்கட்டத்தின் சவால்களை புரிந்துக்கொண்டு களமிறங்கவேண்டும்." இவ்வாறு ரிட்லி உரையாற்றினார்.