Call me, Ishmael

Sommarferie, døgn 9-11

2011-08-11T21:09:00.001+01:00

Trondheim, Sognefjell, Hella!

Sommarferie, døgn 3-8

2011-08-08T18:55:00.001+01:00

Me koser oss i Trondheim :)

Sommarferie, døgn 2

2011-08-02T17:25:00.001+01:00

Molde, Orkanger, Agdenes!

Sommarferie, første døgn

2011-08-01T14:32:00.001+01:00

I bilder!

Hurtigruta, Ålesund bibliotek, Seilet hotell Molde :) Me koser oss!

Vi ere en nasjon vi med...

2011-05-17T13:42:00.004+01:00

...me som ikkje nett har stressfaktoren i taket sjølv om det er nasjonaldagen ;) Men me har kosa oss finfint i dag, uten spesielle planar og med berre vårt eige selskap!

Etter ein heilt normal frukost fekk me på oss finkleda (ikkje heilt uten protester frå Dronninga Av Røffe Klede) og køyrde inn til byn for å sjå på barnetoget. Parkerte ved Husbondens jobb, knytta den lille damen opp på ryggen for å koma raskt og greit gjennom folkemengdene (minuset var at ho då fekk flagget sitt i vanlige folks øyehøyde, men jammen gjekk det godt) og fant oss ein prima plass for togobservasjon.

Her er me på post og S nekter å sjå på kameraet:

Så kom toget! Flaggborg og korps og fleire flaggborger og fleire korps og i det heile tatt. S hadde tatt oppstilling på eigne bein og var veldig imponert over dei stoooore flagga og dei fine uniformene.

Etter kvart vart det litt i overkant spennande med skarptrommer og sånn, så det var best å innta posisjon på pappa sin arm. Då vart det passelig trygt igjen.

Skulane, her ved ein av dei (ingen nevnt ingen glemt), gjorde som vanlig ein fin figur. Mange engasjerte lærarar, og ungane song, ropte ut skulevers og hurra-a over ein lav sko.

Haugesund Drillkorps imponerer med stilreine antrekk inkludert pilotsolbriller på alle sammen. Absolutt ein av dei tinga S har snakka mest om i etterkant!

Me tok ein is- og kaffipause og rusla deretter oppover mot sentrum for å studera folkelivet. S nekta framleis å sjå på kamera...

Men når ho kom forbi sin gode venn "Ulven" (som vel er ei gaupe, men det får vera grenser for detaljorientering) og kunne ta ein ridetur tødde ho opp nok til å posera litt i mamma sin retning. Ballongen er som de ser godt fastknytt i eit knapphol.
Me runder av med eit sjeldent nesten-heilfigur-ståande-uten-grimaser-portrett, som altså vart teke på ein lite dekorativ stad i stova, men ein forhandler ikkje om bakgrunn når S velger å stilla seg opp altså. Her er dagens antrekk, inkludert hårklemmer (som ho nettopp har funne ut at er OK å bruka av og til) og ballongen ;)
No er rjomegrauten fortært (den var veldig god, med spekemat, flatbrød, kanel/sukker og rosiner, og vart servert på finserviset i anledning dagen) og fleire av medlemene i husstanden har teke seg ein lur. Så får me sjå om dagen har meir å by på når dei vaknar opp att!

Riktig god 17. mai alle sammen :)

Påske og turtid!

2011-04-24T21:16:00.003+01:00

Tida stikk av i alle retningar, men her er iallefall ein liten bildekavalkade frå den fantastiske utevêr-påsken me har hatt!

Mykje tid er brukt i hagen, der kjøkkenhage-delen er nysådd og fin:

Solveig er ein flink assistent som liker spesielt godt å vatna. "Va det godt, joro? Ve du ha meir? Eg ska henta. Straks tebake!"

Palmesøndag: Tur på stien mot Kvalsvik.
Me fann ein planke og lagde bilbane!

Varmt og disig ver (det er Solveig sjølv som insisterer på å ha på hetta, for det er nemlig "tøft"...).

Og lam som sprang rundt og vart bræææka etter av mødrene sine (omtrent som S i grunnen).

Skjærtorsdag: Bukkøy ved Avaldsnes, masse folk i området ved Vikinggarden!

Bolle må til på tur.

...og klatring, så klart.

Påskedag (i dag, altså) - Tuastadvatnet.
Me fann ei forlatt fiskestang uten snøre og snelle, men mor har då tau og kniv i sekken sin (ein veit aldri kva ein får bruk for!). Så då vart det "orntli fiskestång" til S.

B improviserer fiskeundervisning...

Panorama over Tuastadvatnet sett frå neset me rasta på!

Sommarferieturen 2010, del 3

2010-12-19T11:53:00.003Z

Ein må jo ha seg ein strandtur når ein er på Lindesnes, sjølv om vatnet var iiiiiskaldt!

Mystiske byggverk

Problemet med sandstrender er at ein får sand på hendene. Og føtene. Og beina. Og sånn.
Dette er ikkje akseptabelt, seier Solveig.

Då er det bedre å ta ein drikkepause på strandteppet!

Me runda av med eit besøk hjå Unnibesto i Kristiansand...

...og så bar det heimover - her er utsikta frå den endelause ferjekøen ved Boknafjorden.

Alle var samde om at det hadde vore ein gild tur ;)

Sommarferieturen 2010, del 2

2010-12-19T11:25:00.015Z

Så kjem omsider sommarferiebildene, del 2!

Etter Austlandet køyrde me sørover, og hadde ein liten lunsjstopp i Risør for å sjå litt på Sørlandslivet. Stas å koma nær båtane!

Målet var det same som i fjor, Lindesnes Camping og ei lita raud hytte.
Solveig trur no at all sommarferieaktivitet finn stad med base i små "røøøøe huuus".

Mykje fint berg å gå på tur med pappa i rett ved hytta!

Ikkje så langt frå campingen ligg Barnas Dyrepark. Der kan ein møta alle slags gardsdyr og helsa på dei om ein tør ;)

Geitene har ein liten krangel på gang...

Solveig gjev hesten strå.

...og poserer sammen med hønene (åpenbart litt usikker på kvifor det, og det kan ein jo godt spørja om. Mødre med kamera altså.)

Fotografen: "Kan du gå litt nærmare hønene?"
Mannen: "Nei æ kan itj det tenk!"

Det fins mange rare fuglar, og dette er ikkje den minst rare.

Tøffing!

...og tøffingens pene nabo.

Solveig fant likesinna å leika med!

Og så kikka me på dei store ungane som rei på hesten.

Så var det tid for Den Store Dyreparken!
Dei små apane er alltid populære.

Det som var mest stas i år var nok klatreløypa. Full konsentrasjon og stor innsats frå klatredamen!

Pappa hjelper til med dei høgaste trinnene, ellers var det "Eg KLARE SJØL!"
Og det gjorde ho jammen også. Skal sei ho har vokst på eitt år!

Me måtte ta bilde av lemurane sidan S har ein kose-lemur. Dei er snurrige typar!

Så var små bein trøtte og fekk avslutta turen på rygg.

...eller, forresten, måtte jo innom ein jeep også!

Strandtur avslutter i neste innlegg ,)

Ved trappa står ein liten nisse

2010-12-16T17:46:00.002Z

I dag var det Nissegrøt i barnehagen - og her er vår vesle nisse, med ullbukse frå forrige vinter og lue som eg sydde i ein svusj og ein sving i går kveld ;) Ho er godt fornøyd både med nisselua si og at ho har lært seg første vers av "På låven sitter nissen me en julegøt, å go å søt å go å søt".

Og tida den går...

2010-12-05T13:06:00.004Z

Det har vore litt av eit år, 2010. Mykje sjukdom og mykje styr. Så denne bloggen har ikkje blitt fulgt opp så mykje som eg ynskjer, og det er dumt når me har familie og vener så langt borte. Eg håper eg skal koma bedre på sporet framover!

Før eg fortsetter med sommarferien, så tar me eit raskt blikk på notida ;)
I går var me ein tur på julemarknaden på Rådhusplassen, det var kaldt men koselig.
Eg syns juletreet er veldig staselig pynta, eit skikkelig fargesjokk!

Solveig tøyser, evt øver til ein karriere som skihoppar. Ho fortalte meg i går at ho skulle læra seg å gå på ski når ho vart 3 år. "Kan du gå på ski mamma?" "Nei, det kan eg ikkje." "Pappa kan!" "Ja, det kan han." "Då må du og øva deg mamma!" Akkurat ja...

Alle barnehagane i byn har pynta kvar sitt juletre. Det er storbarnsavdelingane som har gjort det, trur eg, S har ikkje vore involvert, men ho var svært nøgd med å finna treet til "MIN banehagge!". Pynta med diverse sølvspraya sportsrekvisita, såklart - det er då ein idrettsbarnehage!

Så tar me med eit bilete frå besøket på Steinerskolens julemarked også, det var for nokon helger sidan, og S stilte villig opp for fotografering sammen med denne pepperkakedamen.

I dag blir det førebuingar til julebakst i heimen også, så tenker eg det skal bli ein fin desember for alle i hop. Skal prøva å koma med nokon fleire bilete frå sommaren og hausten i løpet av adventstida :)

Sommarferieturen 2010, del 1

2010-09-29T21:46:00.007+01:00

Årets sommarferie gjekk over Haukeli til Vestfold og vidare til Lindesnes.

Her kjem litt bilete frå turen!

Fyrste stopp Haukeliseter, der Solveig finn ein "fiiiiiin stol" (og rjomegraut).

Me overnatta i Morgedal og køyrde så nedover om Bø.
Kulturell stopp på Ulefoss, der me vitja Hovedgaarden - ein staseleg bygnad som kunne skilta med eige Toppen Bech-program og hadde ein dyktig guide som viste oss rundt. Solveig likte å springa i dei laaaange stovene ;-)

Hovedhuset

Stallbygget

Mor, barn og Niels Aall

I denne vogna hadde ein Aall køyrd heilt til Sverige!

...og her er ein landauer, til glede for andre Sherlock Holmes-fans der ute ;-)

Medbrakt niste ved slusene på Ulefoss

Mor poserer, Solveig er meir opptatt av å få med seg resten av egget sitt!

Bevis

Slusene.

Så kom me til Tønsberg og "Bistemoooor!"
Tønsberg vandrerhjem by night. Ein fin plass, dessverre invadert av trønderske håndballspelarar i tenårene på turnering, så det var lite nattesøvn på oss. Men sånn er det om sommaren.
Solveig demonsterer eit uttrykk prega av mangel på nattesøvn...
....men er snart klar for å tøysa litt med mamma igjen!
Me fekk med oss Landstreffet for tettinntil.no - bæreforumet der eg har fått mange gode vener og lært det eg kan om bæredingsar + masse anna.
Alle dei flotte damene får her bli representert av vår kjære An-Magritt, i skuggen under eit tre. Vêret var aldeles nydelig heile helga, og me storkosa oss!
Solveig med lånt (muligens litt liten...) solhatt og Den Evige Tunge

Bittelitt av bæretøyet som var på treff!

Rapporten fortsetter med Sørlandsdelen av ferien i morgon :-)

Fintfolk på vitjing!

2010-08-02T21:03:00.002+01:00

I juli var me så heldige å få heile familien Ferkingstad-Holmefjord-Tufte-Tyssen på besøk (eg veit at de ikkje heiter alt det, men når de kunne heitt det, så går det for det samme!). Lenge sidan sist, småbarnstid og alt med seg, men alltid like kjekt!

Bileta er noko mørke og rare sidan 1) vêret var typisk vestlandsk julivariant og 2) kameraet var i ferd med å avgå ved ein stille død. Men likevel!

Barne-TV samler liten og stor, og me kan fastslå at stova tilbyr akkurat nok sitteplassar.

Jarand er blitt seriøst stor sidan sist. Og han likar druer!

Han hadde dessutan vald ut presang til Solveig: ein skikkelig bilpark med brannbil, kranbil og lastebil (her plassert sammen med dei ho hadde frå før - det kjem seg!) som han også instruerte i bruken av (S er håplaus på trafikkreglar, kunne han fastslå) og var noko skeptisk til å forlata hjå oss når det kom til stykket. Dei er flittig i bruk og me takkar og bukkar :-)

Som den smarte lillesøster ho er sikra Mari seg 2 koppar...

...og ho veit å bruka dei også!

Jarand vart S sin store helt umiddelbart, og ho snakkar framleis om "Asti og Linge og Jaran og Marinn" kvar dag. Men her synst ho visst Mari lagar mykje lyd...

...nesten litt skummel?

...nei, det går visst bra. Me får smila til fotografen!

Kjekt med besøk, neste gong får det vera me som tek turen opp til Steinsdalen!

Gid man bare kunne ha sånn en ferie hver da'

2010-07-25T14:24:00.005+01:00

Fyrste feriedag, og vêret kunne vel strengt tatt ikkje vore betre - sol og akkurat passe varmt.

Ein veit at ein er veldig heldig når ein kan tenka: Oi, rosebuketten er visna, jaha, då går eg vel ut og hentar ein ny då! Den ekstremt overproduserande rosebusk A har ikkje tenkt å gi seg med det fyrste, så då kan ein finna denne gjengen og ta med inn - og ei lys rose frå den litt meir beskjedne (men så vakre!) rosebusk C fekk også vera med.

Så til dagens dont: ein tur til Åkrasanden. Eg lova S i går kveld at me skulle dra til ein stad det var sand og vann ("Jaaa! Å ha med botta og paden min!"), og det må vel seiast å vera oppfylt her. Fleire kilometer strand, uten reell kamp om plassen, me valde denne:

Vanntemperaturen er testa og funne i kaldaste laget for anna enn rask vassing.
Solveig har vann i kopp, solhatt, lastebil og bøtte m/utstyr, og lagar luringfjes til mamma:

...før ein må ta fatt på viktig arbeid igjen!

Far er nøgd.

Ut på tur: "Mamma!!! Kan isse gå her! Vann i sanden! Bæææææra meg!"
S har strikte reglar om korleis sand kan vera for at den skal vera gangbar.

No går det bedre!

Til slutt opp på haugen og studera utsikt/plukka blomar (berre nokon særs få, dei skal jo helst stå i fred)/klatra opp og ned bakken. "Sollo klare søøøl, Sollo får det te!"

Og så "Sei hada bolster, hada haugen" og heim til ein god før-middagslur.
For å sei det med trønderen: "Etpar sånne daga te no, så e ferien godkjent!"

Nei, en bestemor som min...

2010-07-18T21:12:00.006+01:00

...finnes ikke, hva med din?

- som det står i sangen!
Me har hatt Solveig si "bistemoooor" på besøk denne veka, til stor glede for alle partar.
Ho er gjestefotograf for dei aller fleste bileta i dag, takk for det!!!! :-)

Tilogmed Dokko fekk nyta godt av besøket...

Duplo-landskap er bygde, befolka, reorganiserte og rivne for så å bli bygd opp att. Her er alle Duplofigurane i akebakken (boblekonvoluttar er ein kjekk ting)!

Mammo, jento, gutten og den nyankomne Postmannen på Motorbilsykkelen pluss ein respektabel gjeng med dyr.

"Sjå Sollo bildeeee!" Det viktigaste er å få sjå seg sjølv etterpå...

Mor trår til som lesemeister som vanleg. Her er det "Ellens blomsterbok", passande med tanke på bistemooors eigentlege namn og særs populær i heimen for tida!

Ut på tur må ein når ein har fint besøk - så me tok bussen. S litt småsjuk og ikkje minst kosesjuk, så då vart det "sitta ryggen" til byn!

Ingen byturar uten bollestopp! Kanelbolle og epledrikk er gode greier.

Og så kosar me litt igjen, sidan mamma bruker så lang tid på "paffin" sin.Nybada og i pysjen smiler me stort til bistemor!

Kos med pappa er også fine saker.

Og å dilla med håret høyrer med!!!

Truande skyer i bakgrunnen, og nabohestane som vert grundig studert. "Bejbihesten" har lagt seg ned for å kvila.

Flotte dyr som ofte vandrar forbi huset vårt (då med ryttar)!

Og så eit siste kafébilete med mor og datter i samtale om noko koselig, trur eg.

Så rundar me av dagens rapport med Solveig på bytur i heimestrikka jakke...

...og ein bukett roser frå hagen (ei grein som knakk på eine klatrerosa - den har usannsynleg mykje blomar!).

Godt sommarliv ynskjest frå Haarbergheimen!

Å Vestland Vestland

2010-06-25T14:05:00.005+01:00

Dei fyrste feriedagane i år tok me på Lofthus, heldige med vêret, fin hytte, godt selskap - ein perfekt start på sommaren!

Her er utsikten frå hytta vår :)

Og her ser ein Lofthus camping "frå oven" - hytta ligg gøymd bak eit tre langt opp til venstre i biletet.

Solveig fann ein båt å leika i...

...og ei "lita jentaaaaa" - Lotta frå Tyskland, like gamal som S og sosialt anlagt.
Her samlar dei gras oppi sandbåten.

Perlevener frå fyrste stund!

Mor koser seg med kveldsmat på verandaen, sol og varmt kl 20. Hytta hadde soverom og bad, så det var reine luksuslivet!

Me drog på besøk til Kari som no bur på Skredhaugen (friluftsmuseet) i det gamle huset til Herr Greve - kjempekoseleg. Vêret var framleis på topp, og etter middag var det kaffi på plenen!

Solveig fekk ei bøtte å bada Duplo-hunden og pusekatten i, stor stas.

Eit glimt av huset - meir fylgjer lenger ned!

Dagen etter heldt me fram turnéen med vitjing hjå Guro og jentene på Lægena.
Vesle Gunnhild var trøytt men blid :)

Kirsten er rockering-mester...

...og Ingrid er solkrem-dronning! Dette biletet er ikkje det same uten lydeffektar - S meinte nemlig at det var uakseptabelt å bli fotografert og uttrykte det i 190 decibel.

Men humøret tok seg opp att - her har ho ete ein respektablel porsjon hakkasteik og flatbrød (= sjøtt og flaffer) på Gjesteheimen.

Så bar det ut på Røyse for å sjå på jonsokbryllup! Hest og vogn, to brurepar og fullt fylgje.
Og sola skein framleis like gildt! For dei som vert uroa av alderen på brurepara, så er det altså berre på liksom.Alle gjekk i tog til hotellhagen, der det var dans til ære for fotografane.

"Sollo dansa! Dokko og dansa!" Me har ei danseglad dame :)

Siste dagen stakk me innom til Kari att før heimturen, og denne gongen var Katten heime og ville kosa og leika.

Me fekk kaffi på trappa...

...og nokon tok litt gymnastikk i hagen!

Litt posering med pappa før avreise...

...men no er eg trøytt, altså! Ferie tek på.

Så då køyrde me heim, S sov frå Sekse til Aksdal, og huset stod når me kom heim.
Og alle var samde om at det var ein gild tur!!!!

Ein tur i hagen, del 3

2010-06-08T18:08:00.006+01:00

Her har me det sørvestre hjørnet - også her to klatreroser, og den venstre har eg aldri komme så langt som til å klippa i år. Den er som ein kan sjå altfor høg og veldig skranten nederst, så det spørs om det ikkje må setjast inn drastiske tiltak neste vår.

Heilt til venstre var det tre stygge gyvel-buskar som eg har sagd ned, i år har eg berre rota litt i jorda og putta ned nokon erter som kanskje er så venlege å spira, neste år er det meininga å fjerna gyvel-røtene og laga eit ordentlig klatregrønnsakbed med squash og bønner også.

Inne i hjørnet ved klatrerose nr 2 veks det også ei hyll (som mamma meiner eg bør saga ned, men som eg eigentleg likar), nokon astilber (i forgrunnen) og nokon peonar.

Vakker vakker djupraud peon!!!

Bak ein veldig stor, rar og ganske død busk som vart sagd ned sammen med gyvlane dukka det opp noko som liknar veldig på ein ripsbusk! Me venter i spenning på kva slag bær han har. Og bak den igjen kan ein skimta ein eføy som tydeleg har vore klipt heilt ned, men har stått opp frå dei døde under verandaen og no arbeider seg ut i det fri.

Herr Eføy er og på veg opp på verandaen...

...og sånn ser det ut under verandaen om dagen, her er det litt av kvart å ta tak i, bl.a. fundamenteringa av stolpane (ikkje bra), oppsamla pas (igjen) og altså den rabiate eføyen som gjerne vil inn vindauget til syrommet. Solveig eeeeeeelskar å leika under her (og er den einaste som kan stå oppreist i denne takhøgden...), så det er vel sannsynlig at det blir ei slags leikestove etter kvart.

For å illustrera forrige-forrige eigar si holdning til estetikk og sånt, her er nedre del av espalieret - komplett med fastmala grasklipp!!! Kvifor kosta av gjerdet før du maler det, det er då så nydelig med litt naturinnslag... Hu hei.

Fruktavdelinga langs sørhekken. 4 tre og 2 buskar, buskane er nok rips, det eine treet er japankirsebær (altså berre pynt), det andre er kanskje plomme og dei to nærast her er... øøøøh....

...pære? Eple? Og eg som liksom skal vera frå Hardanger... pinlig. Går ut frå at det er eple sidan dei er rimelig nyplanta og det ikkje er så "in" med pæretre.

Til slutt litt oversyn: hagen sett frå aust (med vakker hageslangedetalj...). Meininga er å laga ein kjøkkenhagedel ein stad på plenen, må berre avgjera kor. Oppe nær klesstativet er den mest solrike delen, men det er samtidig der S går gjennom hekken når ho vil bort til naboblokkene og "leika sandkasse"...

... og hagen + huset sett frå sørvest...

...og utsikta frå terrassen (klikk på biletet så blir det større) - naboen sitt hus til høgre er like gamalt som eldste delen av vårt, ca 1850.

Heilt til slutt panorama over utsikta mot aust, Norheim og Spanne, sett frå hagen!

Det var årets rundtur :-)

Ein tur i hagen, del 2

2010-06-08T17:05:00.005+01:00

Her er den gamle og temmelig slitne rhododendronen som tronar midt på plenen. Den vart klipt ganske kraftig i våres, men endå kan eg nok ta han ganske mykje meir... hadde berre ikkje hjarte til å klippa av lange nesten-døde greiner som hadde ein einslig blomsterknopp aller ytterst...

No kikkar han fram med lys lys lilla blomar som takk for tilliten. Litt gjødsel og godt stell i sommar, så kanskje det blir nytt liv for ein gammal busk?

Det kan vera vakkert med gamle greiner også, spesielt når dei får selskap av fine blå klokkeblomar!

Her er klatrerosene på søraust-sida, som og fekk seg ein kraftig klipp i vår. Spesielt den til høgre likte det veldig godt og er allereie blitt fin og frodig. Eg hadde ikkje nerver til å klippa den venstre så langt ned som eg burde... Kanskje neste vår?

Under rosene veks det storhjelm. Den er vakker, men dessverre giftig. Eg har ein debatt gåande med meg sjølv om eg skal grava den opp eller ikkje - det er bæra som er farligst (dei er mest lokkande å spisa for små barn), så evt kan eg skjæra dei ned når bæra kjem. Spørs jo dog om dei setter pris på det.

Lange elegante klokker som på sett og vis ser giftige ut, syns eg...

Og her har me altså "dei mistenkte akeleiene som ser ut til å vera valmuer" igjen.

Dei er no ganske søte? Nokon av dei som står på forsida er djup appelsinfarga, men resten er sitrongule som denne.

I hjørnet mot veien og naboen ligg "steinrøysa nedi bakken", som iflg forrige eigar dekker over ein gammal brønn. Eg kjenner ville idear om springvatn og denslags koma boblande når eg ser på røysa, men foreløpig får ho ligga i ro. Sammen med røysa bur verdens mest livskraftige busk av totalt ukjent type.
Det flotte treet er ein sort hagelønn, trur eg. Det har suspekt mykje nærkontakt med ledningen over seg, så eg antar at nokon bør kontaktast for litt stussing...

Einkvar hage med respekt for seg sjølv har eit rotehjørne, og her er vårt... Ein merkverdig kompostkasse som sto att etter forrige-forrige eigar, ein stor haug pas (= greiner og hagerask) og ei diger tue rabarbra, hurra! Målet er å få rydda opp litt og plassert den ordentlige kompostdunken (som me venter på at Karmøy kommune skal komma med...) ved sida av rabarbraen.

Heile hekken måtte fjernast her i vår, alt var dødt - men så var det ei tue storhjelm som no gjev seg ut for hekk der i staden. Så får me tenka litt på kva som skal gjerast - eg er så måtelig begeistra for snøbærbuskane, mulig at det blir å planta inn ein annan buskvekst i staden.

Og viss du trudde dette var slutten, så kjem det ein del 3 også ;-)

Ein tur i hagen, del 1: foran huset

2010-06-08T14:31:00.003+01:00

No er sommaren her, så eg tenkte eg ville ta dykk med rundt i hagen vår ein tur, sånn som den ser ut for øyeblikket! Me startar framfor huset + inngangspartiet.

Her veks det masse rart, eg trudde det var akeleier som dominerte bedet her, men det er visst gule valmuelignande blomar! (meir å sjå til dei seinare) Ei diger tue grasløk har me allerede klipt ned ein gong, og frose ned i buntar (takk mamma!) til vinteren. No er tua snart klar for ein ny klipp, faktisk :-)
Berre sol her om morgonen, så dei to rosene er litt skeptiske til heile opplegget trur eg...

Inngangspartiet sett frå trappa og ut mot vegen. Thujaen ved sida av porten tok den harde vinteren overraskande godt, mens klematisen på motsatt side ikkje overlevde (for alt eg veit var han allerede død i november når me overtok huset...).

Ved sida av thujaen står ein gigantisk peon og slåss om plassen med ei like gigantisk lilje + fleire "ikkje-akeleier".

Sjølv framfor døra til vedboden dukkar det opp valmuer eller kva dei no er!

Bak vedboden, i ingenmannsland sånn i forhold til husets dagligliv, står det nok ein gjeng frodige planter eg ikkje aner kva er. Populære blant lokale åmer er dei iallefall... Tips mottas med takk frå dei plantekyndige!

Nr 1:

Nr 2, blå "tårnblomar" ser ut til å vera på gang:

Ikkje vår, men naboens syrin, som lener over gjerdet til oss og er i gang med bløminga.

Sett frå bakom vedboden:

Og sett frå framsida. Ikkje dårlig å ha syriner rett utanfor inngangsdøra!

Diverre kan eg ikkje få med syrinduften på biletet. Nydelig!

Nokon liljer budde i denne balja frå før av, no har dei fått selskap av blomkarsefrø som eg vonar skal spira snart.

Det var framsida, heng med så kjem neste kapittel snart - fyrst er det sommarfest i barnehagen!

Sandlivets gleder

2010-05-02T14:28:00.003+01:00

Typisk turvêr i dag, så då la me ut på "langferd" til Åkrasanden etter gamalt.
Littegrann vind, men ikkje meir enn at god påkledning gjorde susen!

Me fann oss ein lun krok med gode sandforhold...

...og far vart sett i arbeid med å henta vatn til byggeprosjektene.
(Finn far på bildet! Han var visst litt kamuflasjefarga i dag.)

Klatra i fjell er også viktig...

...far observerer og S er veldig flink til å klatra.

Hei hei!

Mor tar ein velfortjent (?) pause i sola.

Men det er ikkje lov å ta pause...

Vitsefortelling? Trommekonsert? Kven veit.

Fin dag, fin tur :-)

Fortsatt søt når ho søv!

2010-04-27T15:29:00.003+01:00

Solveig sovna på magen min på veg heim frå bussen.
Som de ser er me vel utstyrt med sydvest og felles regnfrakk (sjølv om me vel muligens burde hatt eit skjerf i halsen... det er ikkje kaldt her for tida, så det går bra).

Ekte kos!

Vi velger oss april!

2010-04-25T19:57:00.003+01:00

...til å legga ut litt tilfeldige bilder frå kvardagslivet i heimen i det siste.

Solveig går no på sine små bein til butikken og rundtomkring der, men når me skal heim att er ho oftast trøtt og går berre nokon meter før ho setter seg ned og brøler "Mamma bæraaaa!". Då er det meiningen at eg skal bera ho i armane, noko eg nekter. Sidan me er like sta, men eg er større, ender det med at ei furten frøken blir knytta på rygg så me kjem oss heim omsider...

Når ho først sit der blir ho riktig så blid, og her er me nett komne heim frå tur på ein varm dag midt i mnd ein gong. Smokken er me egentlig slutta med, men jammen fant ho ein i veska den dagen...

"Solla sjå Timmi-bæææ på sinen!" = S skal sjå Timmy-tid på datan kvar gong ho observerer at eg sit der. Og eg gir ofte etter, for Timmy-tid er morsomt ;-)

Sære vaner skal ein jo vidareføra til sine barn, så då passar det bra at S fekk ein dokke-meitai i gåve her forleden. Her er ho stolt dokkebæremamma...

...som raskt oppdager gledene ved multitasking!

Og til slutt: denne helga har S og eg husert aleine heime (dvs, me har ikkje vore så veldig aleine, hatt besøk eller vore på besøk kvar einaste dag faktisk!), og i dag underholdt me oss med å produsera eit maleri som er like langt som spisebordet. Papirrullar er ein staselig ting.

Her figurerer "dæisi og pikkel" (= Hoppsi Deisi og Hinkel Pinkel frå Drømmehagen på TV) fleire gonger, samt ein del æppelei, pæææra, sjænna, hjætta og sjølvsagt laaaaang stek. Mamma maler etter ordrer frå S og S maler oppå og rundtomkring sånn etter impulsmetoden.

Så slik lever me her, og kos er det også :-)

Påskestemning

2010-04-02T13:51:00.004+01:00

I dag har me gått ein deilig påsketur - dagen starta med regn, men snudde til sol og litt vind, så me kledde oss varmt og la i veg til dagens utgangspunkt: Haraldsstøtta.

Solveig er blitt kjempeflink til å gå no, og la trøstig i veg over bakkar og sti. Å klatra alle trappetrinnene opp til toppen av støtta var særlig stas. Og posera med pappa undervegs:

Heilt på toppen!

Eit panoramabilde av utsikten. Flott, ja?

Det tek si tid å gå tur når alle småsteinar skal undersøkast, ferister skal kryssast "søøøl" og ein helst vil gå alle andre vegar enn der mamma og pappa vil. Men omsider kom me oss ned til sjøen på ein lun plass og kunne "laga plaks" (= kasta stein i vatnet) og grava litt.

Heimebakte sjokoladekjeks frå besto i Tønsberg er fin niste ;-)Når små føter har gått langt, og veien tilbake er ein lang oppoverbakke, er det godt å ha med seg ein bæredings. Kvila på ryggen til me var oppe og så "gå søl" bort til bilen.
Her skodar me ut til havs, der ute kan skimtast Sørhaugøy lykt (lokalt kjent som Tonjer fyr).

Og alle var samde om at det hadde vore ein gild tur!

Vår vår i vår!

2010-03-25T09:15:00.005Z

Då var det vel på tide med litt bilder frå heimen igjen? Me slit framleis med sjukdom, no er eg i gang med ein stor penicillinkur som forhåpentlig tar knekken på streptokokkane i halsen, og Solveig held på med nokon schwære jekslar som forstyrrer nattesøvnen kraftig. Men me gir ikkje opp av den grunn!!!

I dag var det påskefrokost i barnehagen, her ein bildecollage. Det begynner å bli pinlig tydelig at ein ikkje kan ta bilder av toåringar uten speilrefleks, noko eg ikkje har og ikkje har råd til, så de får leva med mine fuzzy variantar ;-) Bildet blir større viss du klikkar på det, forresten!

Ellers er det alltid populært å tegna litt. Tusjane er gjevast, sidan dei ikkje er konstant tilgjengelege... Stor konsentrasjon om oppgaven når lokk skal på og av.

Så var det ut på tur, aldri sur!
Det er endeleg blitt vårstemning, så me tok søndagsturen på Visnes som så ofte før. Herlig mildt, sørpe blautt og mykje spennande å sjå og gjera.

Brynjar og Solveig kaster stein i vannet og snakkar om det etterpå ;-)

Skoddedottar frå Nordsjøen kom sigande forbi.

Ein sjelden augneblink av poseringsvilje. Mor og datter!

Full konsentrasjon i sandkassen - eg lar meg engasjera som vanlig!

På slutten av ein lang turdag er det godt å kvila føtene og kosa litt på mamma sin mage!

Det var alt for i dag - me ynskjer alle ein riktig god påskeferie!!!!!

The easter parade

2010-02-27T14:20:00.003Z

Snart er det påske (berre 4 veker til palmesøndag!),
og for dei som føler for hobbyvirksomhet i den forbindelse, her er ei oppskrift på å laga seg ein kyllingverkstad :-)

Man tager:
eggekartongbunnar som klippes opp ca etter linjene de ser på bildet her

Dersom du har gale arbeidskolleger som tar ditt spørsmål om eggekartonginnsamling veldig seriøst, så ender du opp med sånne mengder som dette. Hjørnene er best.

Så treng du maling, penslar, lim, silkepapir i mange fargar og gjerne glitterlim og anna artig til å pynta med. Jo, og sprittusj til augo, og papp til nebb. Så ordentlig kan det gjerast:

Derefter treng du eit bord som er dekka med plast eller voksduk (dette er grisete business!), og nokon plastskåler du kan ha silkepapiret og limen og malingen i.

Ein entusiastisk kollega og ein ansamling lokale barn (her ved 2 av dei noko-over-10 deltakarane) er heller ikkje å forakta.
No skal nemlig kyllingkroppane (=eggekartong) pyntast med lim, silkepapir oa. og hodene (=vattkulene) malast eller dekkast med silkepapir, få påtegna augo og limt på nebb.
Og så skal sjølvsagt hodet limast på kroppen - her er limpistol kjekt å ha, men det går uten også.
Og vips, så ender du opp med resultat som dette:

...og her er ein større gjeng med kyllingar som Byens Barn har produsert.

God (tidlig) påske på/frå biblioteket!!!!!!!!!
Og grav deg ned i tide!

Hurra for den som fyller sitt år!

2010-02-21T22:33:00.005Z

...om nokon timar, iallefall!!!
Me har feira i dag sidan eg har kveldsvakt i morgon,
med bollar og besøk av heile familien Freim (eit komplett bursdagsselskap i seg sjølv, og dei hadde tilogmed med kake!).

Sånn såg det ut for 2 år sidan - ny i verda og klar for alt, med hanekam:

Eittårsdagen, på pappa sitt fang:

Dagen i dag starta me med eit besøk på bymuseet (ie. Karmsund folkemuseum),
der Solveig likte skulestova og dette roret særleg godt.

Innimellom "gå søl" er det fint å fly gjennom lufta ved hjelp av pappa...

...eller cruisa rundt i sentrum på ryggen til mamma!

Bursdagsgåver: tusen takk alle sammen - masse flotte klede til Solveig,
og i bakgrunnen Duplo i form av gardsdyr og hønsegard (her blir det livet på landet framover!!!)

Fantastisk strikka kjole frå Linn Beate og kompani, denne gler me oss til å bruka!

Og Dokko skal ikkje lida noko naud framover, alle desse kleda er til henne. Tuuuusen takk oldemor og farmor som har laga så mykje fint (pluss eit teppe og ein vognpose som ikkje kom med på bildet)!!! Dokko har alt prøvd det raude settet og var særs nøgd ;-)

Her har me nesten-bursdagsbarnet, komplett med kjole som Tone Helene har strikka og feber som barnehagen antagelig har bidratt med...

"Næj mamma, isse bilde!!!"

Litt blidare når ein får tak i boksen med alle fargestiftane i...
merk forresten potta i bakgrunnen, som berre kan sittast på med kleda på.

2 år og still going forholdsvis strong, altså, så blir det spennande å sjå om morgondagen blir frisk i barnehagen eller småsjuk heime med mor og far!