Report Lanka

වසා දැමූ පාසල් අද යළි විවෘත වේ

noreply@blogger.com (Unknown) — Sun, 24 Jul 2022 22:13:00 +0000

රජයේ නිවේදනය ප්‍රකාරව අද (25) සිට යලි විවෘත වන නමුත් පවතින ඉන්ධන අර්බුදය නිසා සතියේ දින 3 කට පාසල් පැමිණීම සිමා කරන්නටත් අනෙක් දින 2 ‘ඔන්ලයින්‘ පැවැත්වීමටත් රජයව තීරණය කර තිබුණි.

කෙසේ වෙතත් දකුණු පළාත් සභාව යටතේ පාලනය වන සියලුම පාසල් අද (25) සිට සතියේ දින පහම පැවැත්වෙන බව දකුණු පළාත් අධ්‍යාපන දෙපාර්තමේන්තුව පවසයි. අධ්‍යාපන අමාත්‍යංශය යටතේ පාලනය වන පාසල් වලට මෙම තීරණය අදාළ නොවේ.

සංචාරක පැමිණීම දෙලක්ෂයට ළඟා වේ

noreply@blogger.com (Admin) — Sun, 09 Dec 2018 11:27:00 +0000

දිවයිනට පැමිණි සංචාරකයින්ගේ සංඛ්‍යාව නොවැම්බර් මාසයේදී එක්ලක්ෂ 95,582 ක් ලෙස සියයට 16 යි දශම 8 කින් වර්ධනය වී තිබේ.

ඉන්දියාවෙන් සහ එක්සත් රාජධානියෙන් පැමිණි සංචාරකයින්ගේ සංඛ්‍යාව ඉහළ යාම ඊට ප්‍රධාන හේතුව බව සංචාරක ප්‍රවර්ධන කාර්යාංශය සඳහන් කරයි. විශේෂයෙන් එක්සත් රාජධානියෙන් පැමිණි සංචාරකයින්ගේ සංඛ්‍යාව 21,971 ක් ලෙස සියයට 61 යි දශම 01 කින් ඉහළ ගොස් ඇති බව සඳහන්. ඒ සදහා එංගලන්ත ක්‍රිකට් කණ්ඩායමේ ශ්‍රී ලංකා සංචාරය සඳහා බ්‍රිතාන්‍ය “බාමි ආමි” ක්‍රිකට් රසිකයින් විශාල වශයෙන් පැමිණීම හේතුවී තිබේ. ජනවාරි සිට නොවැම්බර් දක්වා කාලය සැලකූ විට දිවයිනට පැමිණි සංචාරකයින්ගේ සංඛ්‍යාව මිලියන 2.8 ක් වන අතර, එය සියයට 11යි දශම 2 ක වර්ධනයකි.

ශ්‍රී ලංකා ගුවන් ගමන් බලපත්‍රය ගෝලීය දර්ශකයේ ඉහළට

noreply@blogger.com (Admin) — Sun, 09 Dec 2018 11:25:00 +0000

ශ්‍රී ලංකාවේ ගුවන් ගමන් බලත්‍ර සඳහා ලබාදෙන ගෝලීය වර්ගීකරණය ඉහළ නංවා තිබේ. පසුගිය වසරට වඩා ස්ථාන 9 කින් එය ඉදිරියට පැමිණීම විශේෂත්වයකි.

මේ වනවිට එයට හිමිව ඇත්තේ, ගෝලීය වර්ගීකරණය යටතේ 84 වැනි ස්ථානයයි. වීසා නොමැතිව රටවල් වෙත ගමන් කිරීමට ඇති හැකියාව සහ පැමිණීමට ඇති හැකියාව මෙන්ම අදාළ රටේ මානව සංවර්ධන දර්ශකය මෙම වර්ගීකරණය සඳහා උපයෝගී කර ගැනේ. දැනට ශ්‍රී ලංකා ගමන් බලපත්‍රය යටතේ රටවල් 16 කට වීසා නොමැතිව ගමන් කළ හැකි අතර, ලංකාවට පැමිණ වීසා ලබාගත හැකි රටවල් සංඛ්‍යාව 29 කි. කෙසේ නමුත් ලොව රටවල් 153 ක් සඳහා ශ්‍රී ලංකාවේ ගමන් බලපත්‍රය යටතේ තවදුරටත් වීසා බලපත් ලබාගත යුතු වේ. ගෝලීය දර්ශකයේ අංක එකේ ගමන් බලපත්‍රය ලෙස නම් කර ඇත්තේ එක්සත් අරාබි එමීර් රාජ්‍යයේ ගමන් බලපත්‍රයයි. සිංගප්පූරුවට එහි දෙවන තැනත් ජර්මනියට තුන්වන ස්ථානයත් හිමිව ඇත.

ශ්‍රී ලංකාව 2020 වනවිට බිම්බෝම්බ වලින් තොර රටක්

noreply@blogger.com (Admin) — Sun, 09 Dec 2018 11:22:00 +0000

ශ්‍රී ලංකාව වසර 2020 වනවිට බිම්බෝම්බ වලින් තොර රටක් බවට පත්වීමේ ඉලක්කය සාර්ථකව සපුරා ගනිමින් සිටින බව එක්සත් ජාතීන්ගේ විශේෂ නියෝජිත මිරෙඩ් බින් රාද් බින් සයිද් අල්හුසේන් කුමරු පවසයි.

රටවල් 160ක නියෝජිතයින්ගේ සහභාගිත්වයෙන් ස්විට්සර්ලන්තයේ ජිනීවා නුවර පැවැති “බිම් බෝම්බ පිටුදැකීමේ ඔටාවා සම්මුතිය” පිළිබඳ 17 වැනි අන්තර්ජාතික සැසිවාරය දී ඔහු මේ බව පෙන්වා දී තිබේ. ඒ හා සමගාමීව ජිනිවාහී ශ්‍රී ලංකා නිත්‍ය නියෝජිත කාර්යාලය විශේෂ සාකච්ජාවක් සංවිධාන කළේය. බිම් බෝම්බ ඉවත් කිරීමේ වැඩපිළිවෙළ පිළිබඳ ප්‍රගතිය අන්තර්ජාතික ප්‍රජාවට පැහැදිළි කරදීම එහි අරමුණයි. ශ්‍රී ලංකාවේ ප්‍රගතිය මෙරට චාරිකා කිරීම තුළින් නිරීක්‍ෂණය කළ එක්සත් ජාතීන්ගේ විශේෂ නියෝජිත අල් හුසේන් කුමරු එහිදී අදහස් දක්වමින් කියා සිටියේ, බිම් බෝම්බ පිටු දැකීමේ වැඩසටහන මනා සම්බන්ධීකරණයකින් යුතුව ක්‍රියාත්මක බවයි.

සමූද්‍රීය ආරක්ෂාව වෙනුවෙන් ක්‍රියාත්මක 31 වැනි නෞකා කණ්ඩායම රාජකාරියට අනුයුක්ත වේ

noreply@blogger.com (Admin) — Sun, 09 Dec 2018 11:21:00 +0000

චීන නාවික හමුදාවට අයත් 31 වැනි පරිවාර නෞකා කණ්ඩායම පිටත් වෙයි. චීන නාවික හමුදාව ආරක්ෂක දූත ක්‍රියාන්විතයේ වසර 10ක කාලයක් නිරතව සිටී.

ආරක්ෂක දූතයන් ලෙස ක්‍රියා කිරීමට 31 වැනි පරිවාර නෞකා කණ්ඩායම 9 වැනි දින ඇඩේන් බොක්ක සහ සෝමාලියා මුහුදු ප්‍රදේශය බලා පිටත්ව ගොස් ඇත. 2008 වසරේ සිට මේ දක්වා වූ වසර 10 ක කාලයක් තුළ චීන නාවික හමුදාව පරිවාර නෞකා කණ්ඩායම් 31ක් යවා 6500කට වැඩි දෙස් විදෙස් නෞකා ආරක්ෂා කර 60 කට වැඩි නෞකා වෙනුවෙන් අනතුරු සහානාධාර ලබා දී තිබේ.

කැනඩාවේ අත්තනෝමතික ක්‍රියාවලිය චීනය හෙළා දකී

noreply@blogger.com (Admin) — Sun, 09 Dec 2018 11:14:00 +0000

චීනයේ ප්‍රකට පෞද්ගලික ව්‍යාපාරිනියක වන Huawei සමාගමේ ප්‍රධාන විධායක නිළධාරී මෙන්ග් වුඅන් චෞ මහත්මිය කැනඩා දේශ භූමියේදී එරට පොලීසිය විසින් අත්අඩංගුවට ගෙන තිබේ.

ඒ ඇමරිකාවේ ඉල්ලීමක් අනුගමනය කිරීමකි. ජගත් ප්‍රජාව ඊට දැඩි අවධානය යොමු කරමින් සිටී. අත්අඩංගුවට ගැනීමේ හේතුව ලෙස දක්වා ඇත්තේ, Huawei සමාගම ඇමරිකාව ඉරානයට එරෙහිව පැනවූ සම්බාධක උල්ලංඝනය කර ඇති බවයි. ඒ පිළිබඳව Huawei සමාගම ප්‍රකාශ කර ඇත්තේ, තම සමාගමේ සේවාවන්ට සම්බන්ධ සියලු රටවල නීති හා පටිපාටියන්ට අනුකූලව ක්‍රියා කර ඇති බවයි. චීන ජනතාවට හිමි නීත්‍යානුකූල අයිතිවාසිකම් කැනඩාව විසින් සිතාමතාම උල්ලංඝනය කිරීමකි. එය මානව හිමිකම් සුරක්ෂිතභාවයටත්, ලෝක සාමයටත්, ස්ථාවර සංවර්ධනයටත් හානියක් වන බව චීනය පවසයි. කැනඩාව මෙන්ග් වුඅන් චෞ මහත්මිය අත්අඩංගුවට ගැනීමෙන් චීන - කැනඩා සබඳතාවට ගැඹුරු මෙන්ම දීර්ඝකාලීන ඍණාත්මක බලපෑමක් සිදුවන බව ද පැවසේ.

ඇමරිකාව සිරියාවේ කැරළිකරුවන් වෙනුවෙන් පෙනී සිටින බවට රුසියාවෙන් චෝදනා

noreply@blogger.com (Admin) — Sun, 09 Dec 2018 11:02:00 +0000

සිරියානු රාජ්‍ය විරෝධී සන්නද්ධ කණ්ඩායම් සිදුකරන ක්‍රියාවන් ඇමරිකාව නීත්‍යානුකූල කරමින් පෙනී සිටින බවට රුසියානු ජාතික ආරක්ෂක අමාත්‍යංශය චෝදනා කරයි.

පසුගියදා සිරියාවේ උතුරු ඇලෙප්පෝ ප්‍රදේශයේ ඇති වූ රසායනික අවි ප්‍රහාරය රාජ්‍ය විරෝධී සන්නද්ධ කැරළිකරුවන් විසින් එල්ල කරන ලද්දක් නොවූ බව පසුගියදා ඇමරිකානු රාජ්‍ය මණ්ඩලය ප්‍රකාශ කළේය. ඔවුන් කියා සිටියේ එය සිරියානු රාජ්‍ය හමුදාව විසින් එල්ල කළ කඳුළු ගෑස් ප්‍රහාරයක් බවයි. ඒ අනුව මෙවැනි ප්‍රකාශ සිදු කරමින් ඇමරිකාව සිරියාවේ රාජ්‍ය විරෝධී කැරළිකරුවන් වෙනුවෙන් පෙනී සිටින බව රුසියාවේ තර්කයවී තිබේ. එම රසායනික අවි ප්‍රහාරයෙන් සිරියාවේ නැගෙනහිර කලාපයේ සාමාන්‍ය වැසියන් විශාල පිරිසක් ජීවිතක්ෂයට පත්වූ අතර, ‍බොහෝ පිරිසක් තුවාල ලැබීය. මෙම සිදුවීම හා පවතින සත්‍ය වසන් කිරීමෙන් ජගත් ප්‍රජාවේ අවධානය වෙනත් දිශාවකට හැරවීමට ඇමරිකාව උත්සහ කරන බව රුසියානු ජාතික ආරක්ෂක අමාත්‍යංශය ප්‍රකාශ කරයි.

සඳ ගවේෂණයට චීනයෙන් ගවේෂණ යානයක්

noreply@blogger.com (Admin) — Sun, 09 Dec 2018 06:23:00 +0000

මෙතෙක් ගවේෂණයට ලක් නොවූ ස‍ඳෙහි නොපෙනෙන ප්‍රදේශය ගවේෂණය කිරීම සඳහා Chang’e – 4 මෙහෙයුම චීනය දියත් කරයි. මෙය සඳ ගවේෂණය පිළිබඳව නව පරිච්ඡේදයක ඇරඹුමකි.

Long March - 3B රොකට්ටුව ආධාරයෙන් මෙම චන්ද්‍ර ගවේෂණ විශේෂ යානය නිරිතදිග චීනයේ ස්චුවාන් පළාතේ පිහිටි Xichang චන්ද්‍රිකා මධ්‍යස්ථාන‍යේ සිට සෙනෙසුරාදා උදෑසන දියත් කෙරිණ. චීනයේ ජාතික අභ්‍යවකාශ පරිපාලනය නිවේදනය කළේ, මෙම යානයෙන් සඳේ පාෂාණ සහ පාංශු කොටස් තවදුරටත් ගවේෂණය කිරීමට අපේක්ෂා කෙරෙන බවයි. චීනයේ චන්ද්‍ර ගවේෂණ වැඩසටහන තුළ අන්තර්ජාතික සහයෝගීතාවය ප්‍රවර්ධනය කිරීම සඳහා නෙදර්ලන්තය, ජර්මනිය, ස්වීඩනය සහ සෞදි අරාබියේ විද්‍යාඥයින්ගේ සහය මෙම Chang’e – 4 මෙහෙයුම සඳහා ලැබී තිබේ. මෙය Long March රොකට් මෙහෙයුමේ 294 වැනි ක්‍රියාන්විතයයි.

ඉන්දියානු ප්‍රාන්ත මැතිවරණ තියුණු තරඟයක්

noreply@blogger.com (Admin) — Sun, 09 Dec 2018 06:18:00 +0000

ලබන වසරේ පැවැත්වෙන ඉන්දීය මහ මැතිවරණයේ පිළිබිඹුවක් ලෙස සැළකිය හැකි ප්‍රාන්ත 5 ක මැතිවරණ ප්‍රතිඵල ඉදිරි සතියේ ප්‍රකාශයට පත්වන අතර, මත සමීක්ෂණ පළවන්නේ පාලක භාරතීය ජනතා පක්ෂය සහ ගාන්ධිවරුන්ගේ කොංග්‍රස් පක්ෂය අතර තියුණු තරඟයක් පවතින බවයි.
ඉන්දියානු මධ්‍ය ප්‍රාන්ත ලෙස සැළකෙන මධ්‍ය ප්‍රදේශ්, චටිස්ගාර් සහ රාජස්ථාන් ප්‍රාන්තවල මෙන්ම දකුණේ තෙලංගානා සහ ඊසාන දිග ඉන්දියාවේ මීසෝරාම් ප්‍රාන්තයේද මැතිවරණ පසුගියදා පැවැතිණ. එහිදී කොංග්‍රස් පක්ෂය ප්‍රාන්ත හතරකම තියුණු ලෙස ඉදිරියෙන් සිටින අතර මධ්‍ය ප්‍රදේශ් ප්‍රාන්තය සඳහා දැඩි තරඟයක් පවතින බව සමීක්ෂණයකින් හෙළිවේ.

හමාස් සංවිධානයට එරෙහි ඇමෙරිකානු යෝජනාව පරාජ වේ

noreply@blogger.com (Admin) — Sun, 09 Dec 2018 05:46:00 +0000

එක්සත් ජාතීන්ගේ සංවිධානය හරහා ගාසා තීරයේ පලස්තීන හමාස් සංවිධානයට එරෙහිව යෝජනාවලියක් ගෙන ඒමට ඇමෙරිකාව උත්සාහ කළ නමුත් එය අසාර්ථක විය.

ඇමෙරිකාව ගත් එම උත්සාහය අසාර්ථක වූයේ යෝජනාවලිය සම්බන්ධයෙන් කළ ඡන්දය විමසුමේදී තුනෙන් දෙකක බලය හිමි නොවුණු නිසාය. පලස්තීන හමාස් සංවිධානය මර්දනය කිරීමේ අරමුණින්, ඊශ්‍රායලය දිගින් දිගට කළ බලපෑම් මත ඇමෙරිකාව එම යෝජනාවලිය එක්සත් ජාතීන්ගේ සංවිධානයට ඉදිරිපත් කර තිබුණි. ඒ සම්බන්ධයෙන් මැදිහත් වූයේ එක්සත් ජාතීන්ගේ ඇමරිකා තානාපතිනී නිකී හේලිය. එම යෝජනාවට පක්ෂව සාමාජික රටවල් 87 ක් ඡන්දය ප්‍රකාශ කළ අතර විරෝධය දක්වමින් ඡන්දය ප්‍රකාශ කළේ රටවල් 57 කි. රටවල් 33 ක් ඡන්දය ප්‍රකාශ කිරීමෙන් වැළැකී සිටියේ යැයි පැවැසෙයි. එම රටවල් සහ විරෝධය දැක්වූ රටවල් අනුව සලකා බැලීමේදී යෝජනාව සම්මත කර ගැනීමට ඇමෙරිකාවට නොහැකි විය

ඛනිජ තෙල් නිෂ්පාදනය පිළිබද ඔපෙක් සංවිධානයේ අදහස්

noreply@blogger.com (Admin) — Sun, 09 Dec 2018 05:38:00 +0000

ඛනිජ අපනයනකරුවන්ගේ සංවිධානයේ සාමාජිකයන් (ඔපෙක්) සහ අනෙක් තෙල් නිෂ්පාදනය කරන රටවල නියෝජිතයින් ඔස්ට්‍රියාවේ වියානා නුවරදී හමුවී තෙල් නිෂ්පාදනය කළමනාකරණය කිරීම, අධි සැපයුම සහ ඉල්ලුම අවම කිරීම සම්බන්ධයෙන් එහිදී සාකච්ඡා කෙරිණ.

තෙල් නිෂ්පාදනය කප්පාදු නොකරන ලෙසත්, යුරෝපීය මිණුම් දඩු සහ දැනට පවතින මිල සම්බන්ධයෙන් අවදානය යොමු කරන ලෙසත් ඔපෙක් සංවිධානයේ සාමාජිකයන්ගෙන් ඇමරිකානු ජනාධිපති ඩොනල්ඩ් ට්‍රම්ප් මහතා ඉල්ලා සිටියේය.

මේ අතර, පහල යන බොරතෙල් මිල පාලනය සඳහා බොරතෙල් නිෂ්පාදනය සීමා කිරීමට ඔපෙක් සංවිධානය තීරණය කර තිබේ. කෙසේ වෙතත් එම සංවිධානයේ ප්‍රබල සාමාජිකයෙක් වන රුසියාව මෙතෙක් ඒ සම්බන්ධයෙන් ප්‍රතිචාර දක්වා නොමැති බවද විදෙස් වාර්තාවල වැඩිදුරටත් සඳහන් වෙයි. කෙසේ වුවත් දිනකට තෙල් නිෂ්පාදනය බැරල් මිලියන 1.3ක් දක්වා අඩු කිරීමට ඔපෙක් මිත්‍ර පාර්ශ්ව එකඟතාවට පැමිණෙනු ඇති. මේ වන විට ලෝක ආර්ථිකය දැඩි පසුබෑමකට ලක් වීමත්, අමෙරිකාවේ නිෂ්පාදනය වැඩි වීමත් නිසා තෙල් අතිරික්තයක් ඇති වනු ඇති බවට පවතින සැකය හේතුවෙන් බොර තෙල් මිල පහත වැටෙමින් පවතියි.

ඔපෙක් සංවිධානයේ වැඩිම ඛනිජ තෙල් ප්‍රමාණයක් නිශ්පාදනය කරන රට වන සෞදි අරාබිය දැනටමත් සිය දෛනික ඛනිජ තෙල් නිශ්පාදනය පාලනය කරමින් තෙල් මිල පහල වැටීම නැවැත්වීමට උත්සාහ කරන බවට ප්‍රකාශ කර තිබේ.

ඒ සඳහා තවත් ප්‍රධානතම ඛනිජතෙල් නිෂ්පාදකයෙකු වන රුසියාවේ ද සහාය ලැබී ඇති බව සඳහන් වේ. මේ අතර ලොව විශාලතම ස්වභාවික ද්‍රව ඉන්ධන නිෂ්පාදකයා වන කටාර් රාජ්‍ය ඔපෙක් සංවිධානයෙන් ඉවත් වන බවට පසුගියදා නිවේදනය කළේය. ඒ අනුව ලබන වසරේ ජනවාරි මාසයේ පටන් ඔවුන් සංවිධානයෙන් වෙන්ව හුදෙකලාවේ තෙල් අපනයනයේ නිරතවීමට නියමිතයි.

2018 ලෝක රූ රැජින කිරුළ මෙක්සිකෝවේ - වැනෙසා පොන්ස් ඩි ලියොන්

noreply@blogger.com (Admin) — Sun, 09 Dec 2018 05:25:00 +0000

මෙවර ලෝක රූ රැජින ලෙස කිරුළ පැලදුවේ මෙක්සිකෝ රූ රැජිනයි. චීනයේ හයිනෑන් නගරයේ සන්‍යා හිදී මෙවර ලෝක රූ රැජින තරගය පැවැත්විය.

වැනෙසා පොන්ස් ඩි ලියොන් නැමති 26 හැවිරිදි ඇය ජාත්‍යන්තර ව්‍යාපාර පිළිබඳ උපාධිධාරිනියක් මෙන්ම ස්වේච්ඡා සේවිකාවක්ද ලෙස කටයුතු කරන බව විදේස් මාධ්‍ය වාර්තා කරයි. මෙවර ලෝක රූ රැජින තරගාවලියේ අනුශූරතාව තායිලන්ත රූ රැජිනට හිමිවූ අතර, තුන්වන තැන දිනාගත්තේ බෙලරූස් ජනරජයේ රූ රැජිනයි. ජැමෙයිකා සහ උගන්ඩා රූ රැජිනියන් එහි හතරවන සහ පස්වන ස්ථාන දිනාගත්තේය. බටහිර පොප් සංගීත කණ්ඩායමක සහභාගීත්වයෙන් පැවති මෙම වර්ණවත් අවසන් මහ තරගයේදී ජයග්‍රාහිකාවට කිරුළ පැළඳවූයේ පසුගිය වසරේ ලෝක රූ රැජින වූ ඉන්දියාවේ මනුෂි චිල්ලාර් විසිනි.

“ක්‍රිස්ටියන් ඩිමොක්‍රටික්” පක්ෂයට නව නායකයකු පත් කෙරේ

noreply@blogger.com (Admin) — Sun, 09 Dec 2018 05:12:00 +0000

ඇන්ගෙලා මර්කෙල්ගේ “ක්‍රිස්ටියන් ඩිමොක්‍රටික්” පක්ෂයට නව නායකයකු පත් කරගැනෙන ඡන්ද විමසීම 7 වැනි දින පැවැත්විය.
දැනට පක්ෂයේ මහලේකම් ධුරය දරණ ඇනාග්‍රෙට් ක්‍රම්ප් කරේන්බර් පක්ෂ නායක සටනෙන් ජය ගත්තේ, ප්‍රතිවාදී ෆ්‍රෙඞ්රිච් මර්ස්ය පරාජය කරමිනි. ඇන්ගෙලා මර්කෙල්ගේ සහාය හිමි වූයේ ද ඇනාග්‍රෙට් ක්‍රම්ප් කරේන්බර් හටය. කෙසේ වුවත් 2020 වන තෙක් ඇන්ගලා මර්කල් ජර්මන් චානසලර් ලෙස කටයුතු කරන්නීය.

ජාතීන්ගේ සංවිධානයේ ඇමරිකානු තානාපති ධූරයේ වෙනසක්

noreply@blogger.com (Admin) — Sun, 09 Dec 2018 05:06:00 +0000

එක්සත් ජාතීන්ගේ සංවිධානයේ ඇමරිකානු නව තානාපතිනිය ලෙස අමෙරිකානු රාජ්‍ය දෙපාර්තමේන්තු ප්‍රකාශිකා හීදර් නැවර්ට් නම් කිරීමට ජනාධිපති ඩොනල්ඩ් ට්‍රම්ප් තීරණය කරයි.

තානාපති ධූරයේ කටයුතු කළ නිකී හේලි මේ වසර අවසානයේදී එම ධූරයෙන් ඉල්ලා අස්වන බව පසුගිය ඔක්තෝබර් මාසයේදී නිවේදනය කර තිබිණ. ඒ අනුව ට්‍රම්ප් ජනාධිපතිවරයා විසින් රාජ්‍ය දෙපාර්තමේන්තු ප්‍රකාශිකා හීදර් නැවර්ට් එම ධූරය සඳහා නම් කළේය. අමෙරිකානු මාධ්‍ය ආයතනයක නිවේදිකාවක් ලෙස කටයුතු කර ඇති නැවර්ට් රාජ්‍ය දෙපාර්තමේන්තුවේ සේවය සඳහා එක්වී ඇත්තේ පසුගිය වසරේ අප්‍රේල් මාසයේදීය.

ජනපති පොළොන්නරුව දිය මං පාලමේ ඉදිකිරීම් නිරික්ෂණය කරයි

noreply@blogger.com (Admin) — Sun, 09 Dec 2018 05:02:00 +0000

පොළොන්නරුව ගිනිපෙට්ටි පාලමට සමාන්තරව ඉදිකෙරෙන නව දිය මං පාලමේ ඉදිකිරීම් කටයුතු ජනාධිපති මෛත්‍රීපාල සිරිසේන මහතාගේ නිරීක්ෂණයට ලක්වේ.

පොළොන්නරුව විජයබාපුර ප්‍රදේශයේ පිහිටි මෙම පාලම පරාක්‍රම සමුද්‍රයෙන් ගොවිබිම් වෙත ජලය ගෙන යන එකේ ඇළට අයත් වෙයි. “පිබිදෙමු පොළොන්නරුව” වැඩසටහන යටතේ දිගුකාලීන පියවරක් ලෙස මෙම පාලම ඉදිකෙරෙන අතර වැය කෙරෙන මුදල රුපියල් ලක්ෂ 2500 කි. මෙයින් කුඹුරු අක්කර 18,000 කට ජලය සැපයීමට නියමිතයි.

අයිෆල් කුළුණ තාවකාලිකව වසා දැමේ

noreply@blogger.com (Admin) — Sun, 09 Dec 2018 01:38:00 +0000

ඇති විය හැකි දැවැන්ත කහ විරෝධතාකරුවන් ගේ උද්ඝෝෂණයක් හේතුවෙන් ප්‍රංශයේ අගනුවර වූ පැරිසියේ ආරක්ෂා තත්වය තර කර ඇත.

මේ වන විට සමස්ත පැරිස් නුවර ආරක්ෂාව සඳහා පොලිස් නිලධාරීන් 89,000 ක් සේවය සඳහා යොදවා ඇති බවට ප්‍රංශ අගමැති එඩුවාර්ඩ් ෆිල්ප් ප්‍රකාශ කර ඇත. ඒ අනුව අයිෆල් කුළුණ හා ඒ අවට සංස්කෘතික ස්ථාන, අවන්හල් හා සුප්‍රකට කෞතුකාගාර සියල්ල වසා දැමේ. පසුගිය 01 වැනිදා කහ විරෝධතාකරුවන්ගේ දැවැන්ත උද්ඝෝෂණයේ දී සුප්‍රසිද්ධ ස්ථානයක් වූ Arc de Triomphe ස්ථානය විනාශ කර දැමීම හේතුවෙන් මෙම ක්‍රියාමාර්ගය ගෙන ඇත.

යේමන් සාම සාකච්ඡා ස්වීඩනයේ දී ඇරඹේ

noreply@blogger.com (Admin) — Sun, 09 Dec 2018 01:23:00 +0000

වසර 4 ක් තිස්සේ පැවති යේමනයේ සිවිල් යුද්ධය අවසන් කරමින් හූති සටන් කාමීන් හා යේමන් රජය එක්සත් ජාතීන්ගේ සංවිධානයේ විශේෂ නියෝජිතයෙකු යටතේ සාම සාකච්ඡා ඇරඹීමට තීරණය කර ඇත.

ඒ අනුව එහි ප්‍රථම වටය ස්වීඩනයේ දී ආරම්භ විය. මෙහි ප්‍රධාන දූතයා වන මාටින් ග්‍රිෆිත් විසින් ආරම්භයේ දී සිරකරුවන් හුවමාරු කිරීමේ වැඩ සටහනක් ඇරඹීමට තීරණය කර ඇත. මෙම සාකච්ඡා හරහා රතු මුහුදට ආසන්න Hudaydah වරායේ හූති සටන්කාමීන් විසින් බලෙන් රඳවා සිටින රැඳවියන් දහස නිදහස් කර ගැනීමට අපේක්ෂා කරයි. නමුදු තවමත් හූති සටන්කාමීන් ගේ පාලන මධ්‍යස්ථානය වන “සානාන්” වෙත පැමිණීමට කිසිදු නියෝජිතයෙක්ට අවසර දී නොමැත.

පාර්ලිමේන්තුවේ අලාභය රු. 260,000ක්

noreply@blogger.com (Admin) — Sun, 09 Dec 2018 01:19:00 +0000

පාර්ලිමේන්තුවේ ඇති වූ කළහකාරී සිදුවීම් හේතුවෙන් පාර්ලිමේන්තුවේ දේපළවලට රුපියල් 260,000ක පමණ අලාභයක් සිදුව ඇති බවට තක්සේරු කර ඇති බව පාර්ලිමේන්තු පාලනාධිකාරිය සඳහන් කරයි.

මයික්‍රොෆෝනවලට සිදුව ඇති අලාභය රුපියල් 230,000 ඉක්මවයි. සභාගර්භය වටා ඇති කණු දෙකකට හානි සිදුව ඇති අතර ඒ සඳහා රුපියල් 30000ක් පමණ වැය වන බවට තක්සේරු කර තිබේ. පාර්ලිමේන්තු ඉන්ජිනේරු අංශය මගින් මෙම තක්සේරු කිරීම් සිදු කර ඇතැයි ද පාර්ලිමේන්තු පාලනාධිකාරිය සඳහන් කළේ ය.

ඉරණමඩු ජලාශයේ අතිරික්ත ජලය ඉදිරියේදී යාපනයට

noreply@blogger.com (Admin) — Sun, 09 Dec 2018 01:16:00 +0000

ඉරණමඩු ජලාශයේ අතිරික්ත ජලය ඉදිරි කාලය තුළදී යාපනය ප්‍රදේශයට රැගෙන යාමට අවශ්‍ය පියවර ගෙන ඇති බව උතුරු පළාත් ආණ්ඩුකාර රෙජිනෝල්ඞ් කුරේ මහතා පවසයි.

මොරගහකන්ද ජලාශය ජනතා අයිතියට පත් කිරීමෙන් පසු දෙවන ක්‍රියාන්විතය වන ප්‍රතිසංස්කරණය කරන ලද ඉරණමඩු ජලාශය අක්කර 21,000ක භූමි ප්‍රමාණයක ඉදි කර තිබේ. ඉරණමඩු ජලාශය යුධ සමයේ අඩාල වූ වාරි කර්මාන්තය සහ ජන ජිවිත යලි ගොඩනැගීමේ අරමුණ මූලික කර ගනිමින් ප්‍රතිසංස්කරණය කිරීම සඳහා රුපියල් මිලියන 2000කට වැඩි වියදමක් සිදු කර තිබේ.

ගර්භාෂයක් බද්ධ කිරීමෙන් සාර්ථක දරු උපතක්

noreply@blogger.com (Admin) — Sun, 09 Dec 2018 01:11:00 +0000

මිය කාන්තාවකගේ ගර්භාෂයක් බද්ධ කිරිමෙන් පසුව බ්‍රසීලයේ කාන්තාවක් සාර්ථක ලෙස දරු උපතක් සිදු කර ඇති බව වාර්තා වේ.

මෙවැනි ක්‍රියාවක් සාර්ථක වු පළමු අවස්ථාව මෙයයි. ඉන්ද්‍රීය බද්ධ කිරිමේ සැත්කම සිදු කිරීමට පැය 10 ක් ගත වී තිබේ. මෙම දරු උපත සිදු කළ කාන්තාව ගර්භාෂයක් නොමැතිව උපත ලබා ඇත. මොළයේ ලේ ගැලීමකින් මියගිය 40 හැවිරිදි කාන්තාවකගේ ගර්භාෂයක් ඇයට පරිත්‍යාග කර ඇති බව පැවසේ.

ඉන්ටර්පොල් නව සභාපති දකුණු කොරියාවෙන්

noreply@blogger.com (Admin) — Sun, 09 Dec 2018 01:08:00 +0000

ජාත්‍යන්තර පොලිසිය හෙවත් ඉන්ටර්පෝල් ආයතනයේ නව සභාපතිවරයා ලෙස දකුණු කොරියානු ජාතික කිම් ජොං යැන් පත් කෙරේ.

ඒ සභාපති ධුරයට ඉදිරිපත් වූ රුසියානු ජාතික අපේක්ෂකයා පරාජයට පත් කරමිනි. රටවල් 194 ක් සාමාජිකත්වය දරන ජාත්‍යන්තර පොලිසියේ නව සභාපතිවරයා තෝරා ගැනීම ඩුබායි හිදී පැවති වාර්ෂික සම්මේලනයේදී සිදුකර තිබේ. ඒ අනුව දකුණු කොරියානු ජාතික කිම් ජොං යැන් ඉන්ටර්පෝල් ආයතනයේ සභාපතිවරයා ලෙස 2020 වසර දක්වා කටයුතු කරනු ඇති. ඔහු දකුණු කොරියාවේ හිටපු පොලිස් ප්‍රධානියෙකු වන අතර ඉන්ටර්පෝල් ආයතනයේ වැඩබලන සභාපතිවරයා ලෙසද කටයුතු කර තිබේ.

ජල විදුලි නිෂ්පාදනය ඉහළට

noreply@blogger.com (Admin) — Sun, 09 Dec 2018 00:57:00 +0000

ජල විදුලි නිෂ්පාදනය ඉහළගොස් තිබේ. වැසි තත්ත්වය හේතුවෙන් ජලාශවල ජල මට්ටම ඉහළ යාම ඊට හේතුව වේ.

මේ වනවිට සියලු ජලාශවල එය 83%ක් පමණ ඉහළ ගොස් තිබේ. ජල විදුලි නිෂ්පාදනය 50%කින් ඉහළ යාම හේතුවෙන් නොරොච්චෝලේ බලාගාරයේ යන්ත්‍රයක් නඩත්තු කටයුතු සඳහා නවත්වා දැමූ බව විදුලි බල මණ්ඩලය පවසයි.

උ.කොරියාව නැවත රහසින් මිසයිල මධ්‍යස්ථාන අරඹයි

noreply@blogger.com (Admin) — Sat, 08 Dec 2018 06:00:00 +0000

නව සැටලයිට් ඡායාරූප කිහිපයකට අනුව උතුරු කොරියාවේ යොන්ග්ජියෝ ඩොන්ග් මිසයිල මධ්‍යස්ථානයේ හා ඊට නුදුරු ස්ථාන කිහිපයක රහසින් නැවතත් මිසයිල නිෂ්පාදනය වන බවට සොයා ගෙන ඇත.

ඒ අනුව ඇමෙරිකාව හා උතුරු කොරියාව මෙතෙක් එළඹී ඇති න්‍යෂ්ටික මිසයිලහරණ වැඩසටහනට දැඩි බලපෑමක් එල්ල වනු ඇති බවට සී.එන්.එන් මාධ්‍ය ජාලය අනාවරණය කරයි. මෙම සැටලයිට් ඡායාරූප මඟින් උතුරු කොරියාව රහසේ සිය න්‍යෂ්ටික වැඩ පිළිවෙල සිදු කරන බව පෙනෙයි. එමෙන්ම මෙහි බොහෝදුරට නිෂ්පාදනය වන්නේ දිගු දුර මිසයිල බවට ද අනාවරණය වී ඇත. කෙසේවෙතත් මේ සම්බන්ධයෙන් ඇමෙරිකානු රාජ්‍ය දෙපාර්තමේන්තුව තවම කිසිදු ප්‍රතිචාරයක් දක්වා නැත.

තීන්දුව කල් තබයි …පෙත්සම් විභාගය අවසන්

noreply@blogger.com (Admin) — Sat, 08 Dec 2018 05:59:00 +0000

ජනාධිපතිවරයා විසින් පාර්ලිමේන්තුව විසුරුවා හැරීම නීතිවිරෝධී ප්‍රකාශ කරන මෙන් ඉල්ලා ගොනු කර ඇති පෙත්සම් විභාග කිරීම අවසන් කල සත් පුද්ගල ශ්‍රේෂ්ඨාධිකරණ විනිසුරු මඬුල්ල එහි තීන්දුව ප්‍රකාශ කිරීම කල් තැබීය.

ජනධිපතිගේ ගැසට් නිවේදනය ක්‍රියාත්මක කිරීම වළක්වාලමින් පනවා ඇති තහනම් නියෝගය තීන්දුව ලබා දෙන දිනය තුළ බලපැවැත්වෙන පරිදි දීර්ඝ කිරීමට නියෝග කර ඇත. අගවිනිසුරු නලින් පෙරේරා මහතා එම විනිසුරු මඩුල්ලේ ප්‍රධානියා ලෙස කටයුතු කරයි. එම විනිසුරු මඬුල්ලේ සෙසු සාමාජිකයින් ලෙස ‍ප්‍රියන්ත ජයවර්ධන, ප්‍රසන්න ජයවර්ධන, සිසිර ද ආබෘ, විජිත් මළල්ගොඩ සහ මුර්දු ප්‍රනාන්දු යන විනිසුරුවරු කටයුතු කරති. දින හතරක් පුරා පැවති විභාගය අවසන් කිරීමෙන් පසුව අධිකරණය ඊයේ(07) මෙම නියෝගය ලබා දුන්නේය.

ඇමෙරිකාව හා චීනය අතර එකඟතාවයක්

noreply@blogger.com (Admin) — Wed, 05 Dec 2018 10:56:00 +0000

වෙළඳ යුද්ධය සමනය කිරිමේ දින 90 ක එකඟත්වයක් ඇමෙරිකානු ජනාධිපති ඩොනල්ඩ් ට්‍රම්ප් මහතා හා චීන ජනපති ෂී ජින්පින් මහතා අතර ඇතිවී තිබෙන බව විදෙස් මාධ්‍ය වාර්තා කරයි.

ඇමෙරිකාව විසින් චීන භාණ්ඩ සඳහා 25% බද්දක් පැනවීමට නියමිතව තිබු අතර මෙම එකඟතාවයෙන් දින 90ක කාල සීමාවකට එය අත්හිටුවා තිබේ. ආජන්ටිනාවේ පැවැත්වෙන ජී 20 සමුළුවට සමගාමීව මෙම එකඟත්වය ඇති වී තිබේ. ට්‍රම්ප් මහතාගේ පරිපාලනය විසින් චීන භාණ්ඩ සඳහා මීට පෙර 10% බද්දක් පැනවිණි. එම බද්ද ලබන ජනවාරි 1 වැනි දා සිට ක්‍රියාත්මක කිරිමට සැලසුම් කර තිබිණි.