මට හිතෙන දේවල්

අන්තර්ජාල සම්බන්ධතාවක් ගන්න හදන ඔයාලට..

noreply@blogger.com (Januka) — Thu, 07 Jan 2010 10:24:00 +0000

මම දන්නව internet conection එකක් ගන්න තියන අමාරුව.විශේශයෙන්ම බෝඩිමක නැවතිලා ඉන්න කෙනෙක්ට SLT land phone එකක් නැත්නම් internet conection එකක් ගන්න එක ගොඩක්ම අමාරු දෙයක්..
වාසනාවකට ලoකාවෙ දැන් ගොඩාක් අන්තර්ජාල සේවා සපයන්නන් ප්‍රමානයක් ඉන්නවා.
SLT ඇරුනම දැන් Dialog,Mobitel,Airtel,Lankabell,Suntel වගේ සේවා සපයන්නන් ගොඩාක් ඉන්නවා. මම මෙවයින් lankabell ඇරුනම අනිත් ඔක්කොම භාවිතාකරල තියෙනව.
මම මෙ කියන්න යන්නෙ ඔයලට හොඳම සේවා සපයන්නනා තෝරගන්න විදිය.

* මුලින්ම අපි SLT -ADSL conection එකක් ගන්න විදිය බලමු.

මේ දැනට SLT ලබාදෙන සම්බන්ධතාවන් ගැන තොරතුරු.

මේවයින් ගෙදර පාවිච්චියට Entrée, Home , Xcite යන සම්බන්ධතා හොඳයි..

මෙතනින් Entrée package එක හදල තියෙන්නෙ internet අඩුවෙන් භාවිතා කරන අය වෙනුවෙනුයි. මොකද මේකෙන් අපිට මසකට හිමිවෙන්නෙ 1024mb ඒ කියන්නෙ 1GB තරම් දත්ත ප්‍රමානයක්.
මේක internet ගොඩාක් බරපතලලෙස භාවිතා නොකරන අයට හොඳ package එකක්.
රු500 කින් සම්බන්ධය අරගෙන මාසිකව රු500 ක internet බිලක් තමයි ඔයලට ගෙවන්න වෙන්නෙ.

Home එකයි Xcite එකයි internet heavy භාවිතාකරන අයට හොඳයි.ඒ දෙකටම මසකට ලැබෙන දත්ත සීමාවක් නෑ.ඉතින් ඔයාලට අසීමිතව අන්තර්ජාලය භාවිතාකරන්න පුලුවන්.
-------------------------------------------------------------------------------------------------------------

Mobitel Zoom

මෙහිදී ඔබට ලැබෙන්නෙ sim card එකක්.වේගය අතින්නම් mobitel අනිත් ඔක්කොම තරඟකරුවන්ගෙන් ඉදිරියට එනව.කියන වේගය ඒවිදියටම (ගොඩවෙලාවට) දෙන අන්තර්ජාල සේවා සපයන්නෙක් විදියට mobitel ප්‍රසිද්ධයි.

මේ එයලගෙ පැකේජයන් ගැන තොරතුරු.

මේක පාවිච්චිකරන්න ඔයාලට HSPA මොඩමයක් ඔන වෙනවා. HSPA මොඩමයක් හරි HSPA පහසුකම තියෙන ජoගම දුරකතනයක් උනත් ඔයලට භාවිතාකරන්න පුලුවන්.

HSPA එකක් හොයාගන්න නැත්තම් 3G පහසුකම තියෙන ජoගම දුරකතනයක් උනත් භාවිතාකරන්න පුලුවන්.හැබැයි ඔයාලට ලැබෙන්නෙ 512kb වේග ප්‍රමානයක් පමනයි.මේකෙත් මාසිකව නොමිලේ ලබදෙන දත්ත ප්‍රමානයක් තියෙනවා.

හැබැයි මේකෙ Global ip Address එකක් භාවිතාකරන්නෙ. ඉතින් rapidshare වගේ අඩවි වලින් භාගතකිරීම් නම් ටිකක් අමාරුයි..
---------------------------------------------------------------------------------------------------------------

Dialog Wimax

මෙන්න මෙයින් එකක් තමයි දැනට මම භාවිතාකරන්නෙ. මේකෙ පාරිභෝගික සේවාවනම් ඉතාමත් ඉහලයි.. මොකද මට ඒ ගැන අත්දැකීම් තියෙනවා.. ඒවගේම සේවා තත්වයත්, වේගයත් ඉතා හොදයි.. දවල්ටනම් පොඩ්ඩක් විතර slow ගතියක් තියෙනවා,ඒත් ඒක එච්චර ලොකු දෙයක් නෙවෙයි.. මම මේක ගත්තෙ ඒගොල්ලොන්ගෙ අළෙවි ප්‍රරවර්ධ කාලයක්දි රු5500 කට.. නමුත් දැන් සේවාව ලබාගන්න 8000 ක පමන මුදලක් අවශ්‍ය කරනවා..
මේකෙදි එයාල උස ඇන්ටනාවක් ගෙදර සවිකරනවා.. සිග්නල් බලය අනුව තමයි උස තීරනය වෙන්න.. මේක සම්බන්ධ වෙන්නෙ pppoe කියන ක්‍රමයටයි..

HomeNet - 512kb රු2500+tax
HomeNet + -1mb රු3500+tax

කියන ඒව තමයි නිවෙස් සඳහා තියෙන්නෙ..
මේකගැන වැඩිවිස්තර (011) 7 100 100 කියන එයාලගෙ අoකයට කතාකරල දැනගන්න පුලුවන්...

-------------------------------------------------------------------------------------------------------------

Airtel

මේකත් මම භාවිතාකරල තියෙනවා.. දැන්නම් කොහොමද දන්නෙ නෑ මම ගන්න කාලෙනම් Airtel පාරිභෝගික සේවාව අන්තිමයි.. මම connection එක ගත්තුදවසෙ මට හිස් පැකට් එකක් දීල තියෙන්නෙ.. ගෙදර ඇවිත් බැලුවම තමයි දැක්කෙ ඇතුලෙ sim එක නෑ කියල.. ඉතින් මට ආයෙත් යන්නවුනා sim එක අරන් එන්න.. : /

මේකෙ සේවාව ගැනත් මටනම් හොඳක් කියන්න නෑ.. ඒකත් අන්තිමයි.. ලoකාවෙම servers වලටත් මේකෙ ping එක ඉතා ඉහල අගයක් ගත්තා..
මේකත් Global ip Address එකක් භාවිතාකරන්නෙ..

වැඩිවිස්තර www.airtel.lk අඩවියෙන් ලබාගන්න පුලුවන්..

-------------------------------------------------------------------------------------------------------------

මෙන්න මේව තමයි.. මම lankabell පාවිච්චිකරල නෑ.. ඉතින් මට ඒගැන මුකුත් කියන්න බෑ.. ඉතින් connection එකක් ගන්න ඉන්නවනම් හොඳට හොයල බලල තමන්ගෙ භාවිතයට,සාක්කුවට ගැලපෙන තරමෙ එකක් ගන්න.. ඒ එක්කට සේවාව ගැනත් බලන්න..

පොරොන්දුවක්..

noreply@blogger.com (Januka) — Thu, 07 Jan 2010 09:35:00 +0000

" ඔයා මට ජනූ කියන්න.. ම්ම්.. මම ඔයාට මොකක් කියලද කියන්නේ..?" කතාව පටන් ගන්න හිතාගෙන මම එයාගෙන් ඇහුවා..

"ම්ම්..මට වෙන කව්රුවත්ම කියන්නෙ නැති නමක් ඔයා මට කියන්න.."

"මම ගොඩාක් ආසයි මයාගෙ මෙත්මලී කෑල්ලට..මම ඔයාට මෙත් කියල කියන්නද..?"

"අනේ.. ඒක ගොඩාක් අය මට කියනවා.. ඒක එපා.."

"ම්ම්... එහෙනම් මම ඔයාට මලී කියල කියන්නද..?"

"හා.. ඒහෙම මට කව්රුවත් කියල නෑ.."

"හරි එහෙනම් මම ඔයාගෙ ජනූ..ඔයා මගේ මලී..හරිද?"

"හ්ම්ම්.."

"ඔයා තමයි මගේ වන මලී..."

"අනේ මම තරහයි මට වන මලී කිව්වොත්.."

"නෑ නෑ ඔයා වන මලීම තමයි.."

"හ්ම්ම්..කමක් නෑ.. ඔයා මට කැමති විදියට කියන්නකෝ..ඔයානම් මගේ ජනූම තමයි.."

"අය්යෝ.. මම විහිලුවක් කලේ නoගි බබෝ.. තරහ ගන්න එපා හොදේ.."

"ම්හ්.. මට ඔයත් එක්ක තරහවෙන්න බෑ මගෙ අය්යෙ.."

"ඔයා මගේම නoගි පැටිය නේද?"

"හ්ම්ම් ඔව්.. මම ඔයාගෙම විතරයි.."

"මලී මට පොරොන්දුවක් වෙන්න.."

"ම්ම්..මොකක්ද..?"

"අපි දෙන්න අතරෙ මොනව උනත් කවදාවත් මාව දාලයන්නෙ නෑ කියල.."

"ම්..මම පොරොන්දු වෙන්නම්..ඒත් ඒක මට පොරොන්දුවෙන්න ඕන් නෑ අයියෙ..මට ඒක කවදාවත් කරන්න බෑ,මට විශ්වාසයි..."

කම්පියුටරේට මැක් ඕඑස් (Apple Mac OS X) දැමීම..

noreply@blogger.com (Januka) — Sat, 19 Dec 2009 07:57:00 +0000

ගොඩ කාලෙක ඉන්ඳන් මට ආසාවක් තිබ්බ ඇපල් පරිගනකයක් ගන්න.. ඒත් ඒව පොඩි ගානක් නෙමේනෙ.. ඉතින් කොහොම කොහොම හරි මට අදවෙනකම් ඇපල් පරිගනකයක් ගන්න තියා අල්ලන්නවත් පුලුවන් උනේ නෑ..
ම්ගේ හිතට හරි නෑ.. මට මැක් එකක් use කරන්නම ඕන.. ඉතින් මම මේක ගැන පොඩි ගූගල් පාරක් දැම්ම.. එතකොට මට අහු උනා osx86 කියල project එකක්.. එයාල කරන්නෙ මැක් ඕඑස් එක අපිට අපේ සාමාන්ය පරිගනකයක දාන්න ඇහැකිවෙන විදියට හදල දෙන එක..
ඒගැන විස්තර මෙතනින් බලන්නකෝ..

ඉතින් ඔන්න මම iATKOS_v7 කියන ඒගොල්ලො හදපු මැක් ඕඑස් එක බාන්න දැම්මා.. මුලින්ම කියන්න ඕනි නම වෙනස් වුනාට මේක මැක් ඕඑස් එකම තමයි.. හැබයි අලුත්ම Snow Leopard නෙමෙයි. මේක leopard . ඒත් මුලින්ම Snow Leopard දාන්න කලින් මේක දාල ඉන්න..

ISO file එකේ සයිස් එක 3.50gb.. ඔන්න දවස් දෙකක් පරිගනකය off කරන්නෙ නැතුව තියන් ඉඳල මම මේක බාගත්ත..

මුලින්ම virtual box දාන්න බලුවට දාන්න බෑ.. vmware එකේනම් පුලුවන්ලු ඒත් ඒක ලොකු වැඩක්.. ඉතින් මම ඕන දෙයක් වෙත්දෙන් කියල dvd එකක් පුච්චගෙන ඒකෙන් boot කලා.. මෙන්නෙ බොලේ වැඩ.. :)

මෙන්න මෙහෙම තමයි මැක් එකේ Darwin කියන් boot loader එක load වෙන්නෙ.. මගේ යතුරු පුවරුව PS2 එකක්.. මවුස් එක USB. මවුස් එක නම් කිසි ප්‍රශ්නයක් නැතිව වැඩකලා..

මේතිරය විනාඩි කිහිපයක් තියේවි.. ඊටපස්සෙ ලස්සන ඇපල් logo එකත් එක්ක මෙන්න මේක ඒවි.. එතන ඉඳල නම් හරි ලේසියි..

මේතිරය next කලාම Installer එක ලෝඩ් වෙන්න ගනී.. ටිකක් වෙලා යාවි ඒක ලෝඩ් වෙන්නත්..

හරි මේකට පස්සෙ welcome screen එකක් එයි..

හරි දැන් තමයි වැදගත්ම වැඩේ.. ඒ පාර්ටිශන් හදාගන්න වැඩේ..
මුලින්ම කියන්න ඕන මැක් දාන්න Primary Partition එකක් ඕනෙ.. ඒකියන්නෙ හිස් Logical Partition එකක මේක ඉන්ස්ටෝල් කරාට boot වෙන්නෙ නෑ.. හොඳම වැඩේ තමයි ඔයාල වින්ඩෝස් දාල තියන partition එකේ ඉඩතියනම් ඒක දෙකට කඩල 10gb වගේ හිස් partition එකක් හදාගන්න එක. මේ මගේ partition table එක..

මේකෙ 12.69 partition එකේ තමයි මම මැක් දාල තියෙන්නෙ.. windows disk manager එකෙන් මේ වැඩේ ලේසියෙන්ම කරන්න පුලුවනි..

හරි partition එක හදාගත්තා.. දැන් අපි ඒක මැක්ට ඕන ජාතියෙ partition එකක් කරන්න ඕන.. මේක කරන්න අර උඩ කිව්ව mac welcome screen එක ආවම එතන උඩ බාර් එකේ Utilities click කරන්නෙ. ඒකෙ ඇති Disk Manager කියල එකක් ඒකට යන්න..

මෙන්න මෙහෙම එකක් ඒවි.. දැන් ඔයා මැක්ට වෙන් කරපු partition එක click කරල දකුනු පැත්තෙ තියෙන Erase එක ඔබන්න. එතකොට ඔයගෙන් Partition Tyepe අහවි.. එතනට macosx extended with journiling කියන type එක තෝරන්න.. ඊටපස්සෙ Erase කරන්න..

ඊටපස්සෙ ඒක close කරල next කරගෙන යන්න. Instal Partition තෝරන තැනදි දැන් ඔයා කලින් හදපු partition එක පෙන්නනව ඇති. ඒක click කරල next කරන්න.. එතකොට මේක ඒවි..

මෙතනදි එකපාරට Instal කරන්නෙ නැතිව Customize යන්න.. ඒකෙ ඇති අපේ පරිගනක වලට ඕනිකරන Drivers.. ඔයාගෙ පරිගනකයෙ තියෙන hardware අනුව ඒ drivers තෝරගන්න

මේකෙ Boot Loader කියන එකට Chameleon 2 කියන් එක තෝරගන්න.. හරි දැන් ඒක close කරල Install කරන්න.. Install වෙන්න සාමාන්යයෙන් විනාඩි 20-30 යනවා.. පරක්කු උනාට බයවෙන්න එපා.. :)

Install උනාට පස්සෙ dvd එක අරගෙන re-start කරන්න.. දැන් කෙලින්ම ඇපල් වලට boot වේවි.. ලස්සන සින්දුවකුත් එක්ක ඔයාගෙන් පොඩි පොඩි ප්‍රශ්න ටිකක් අහවි.. ඒවට උත්තර දීල ලස්සන පොඩි video එකක් එහෙම play උනාට පස්සෙ ඔයාල මැක් එකට ලෝඩ් වෙයි.. :)

හරි දැන් අපි නැතිවුනු වින්ඩෝස් හදාගමු.. වින්ඩෝස් dvd එක දාල re-start කරන්න..dvd එකෙන් boot කරන්න.. එතකොට ඔයාලට මෙහෙම තිරයක් එයි.. එතනින් Repair Your Computer කියන එකට යන්න

ඊටපස්සෙ එන එකේ Use Recovery Tools.. කියන එක select කරන්න.. එතන ඔයාගෙ වින්ඩෝස් OS එක නොපෙන්නුවට බයවෙන්න එපා.. Next කරන්න..

ඊලඟට එන tools list එකේ යටම තියෙන Command Prompt එක click කරන්න.. එතකොට ඔයාලට dos window එකක් ඒවි..

ඒකෙ මෙන්න මේ කමාන්ඩ්ස් ටික ගහන්න..

diskpart

select disk 0

select partition 1

active

exit

මෙකෙන් අපි කලේ හැන්ගිල හිටි වින්ඩෝස් පාර්ටිස්ශන් එක තෝරපු එක..

ඊටපස්සෙ..

bootrec/RebuildBcb ගහන්න.. Y/N ඇහුවම Y ගහන්න..

ඊටපස්සෙ ආයෙත්

diskpart

select disk 0

select partition 2 (මේ මැක් partition එක.)

active

exit

දැන් ඔක්කොම හරි.. ඔක්කොම close කරල re start කරන්න.. ඔයාලට Chameleon 2 කියන ලස්සන් boot loader එක ඒවි.. ඒකෙ ඔයාගෙ windows එකයි mac එකයි දෙකම පෙන්නයි..

ඔච්චරයි.. දැන් ඔයාගෙ පරිගනකයත් හැකින්ටොශ් (hackingtosh) එකක්.. :)

මිනිහෙක් ජීවිතේ එකපාරක වත් Mac එකක් use කරල තියෙන්න ඕනෙ කියල කතාවක් තියෙනවනෙ.. ඔන්න මමත් use කලා.. ඔයාලත් try කරල බලන්න.. Challenge එකකට මරු..

අද මම Snow Leopard බාන්න දැම්මා.. ඊලග පියවර Snow Leopard දැමීම.. :)

මෙහෙව් රටේ..

noreply@blogger.com (Januka) — Thu, 17 Dec 2009 14:51:00 +0000

මේ දවස්වල facebook එකේ මාර යුද්දයක්..කට්ටියක් සරත් දිනවන්න vote කරනවා..කට්ටියක් මහින්ද දිනවන්න vote කරනවා.. live feed එකේ මේදවස් ටිකටම ගියේ ඔව විතරයි.. ඉතින් ඒක දැකපු මටත් හිතුනා ඒක ගැන මට හිතෙන දේ ලියන්න..

මුලින්ම කියන්න ඕන මම ඔය "කැපුවත් කොල" වත් "කැපුවත් නිල්" වත් කෙනෙක් නෙමේ.. අනිත් පාටවල කෙනෙකුත් නෙමේ.. කොටින්ම මම මගේ මුල්ම චන්න්දෙ දාන්නවත් ගියේ නෑ.. :D

සරත් තනියමවත් මහින්ද තනියමවත් නෙමෙයි මේ යුද්දෙ දිනෙව්වෙ.. මේ දෙගොල්ලොම එකතුවෙලා.. ඇත්ත.. ඉස්සරත් හමුදාපතිවරු හිටියා.ජනාධිපති වරුත් හිටියා..යුද්දත් කලා.. ඒත් අපිට දිනාගන්න බැරිවුනානෙ..
අපේ රටේ පිනකට මේකට නියමෙටම ගැලපෙන නායකත්වයකුත්, අනදෙන්නෙකුත් එකට එකතු වුනා..
පර සුද්දො තුවක්කු වලින් යුද්දකරද්දි ඒ යුද්ද, කඩු ඊතල වලින් යුද්දකරල දිනාගන්න පුලුවන්වුනු එඩිතර ඉතිහාසයක් තියෙන අපේ රටේ හමුදාවට කවදාවත් කොටි පරද්දන්න නොහැකියාවක් තියෙන්න නැතුවැති.. ඒ කොල්ලො ටිකට නැතිවෙලා තිබුනෙ හොඳ නායකත්වයක්.. මහින්ද,සරත් දෙන්නා ඒ ගොඩාක් කාලයක් තිබ්බ අඩුව නැතිකලා කියන්න පුලුවන්..

කොහොම කොහොම හරි දැන් මේ දෙන්න දෙපැත්තට බෙදිල.. අපි දන්නෑ කව්ද හරි, කව්ද වැරදි කලේ කියල.. මට හිතෙන්නෙ ශක්රයටවත් බැරිවෙයි ඒක දැනගන්න.. කොහොම කොහොමහරි දැන් ඔන්න දෙන්න දෙපැත්තක ඉඳන් එකම පුටුවකට පොරකනව..

මහින්ද ජනදිපති තුමාගැන මට ලොකු ගව්රවයක් තියෙනවා.. එතුමා ගමේ හදිච්ච ගමේ මිනිහෙක් .. අපේ ගම් පැත්තෙ කෙනෙක්.. ඒත් එයා ගාල්ලට මොකක්ද කලේ.. 13ට වෙනකම් වත් ඉස්කෝලෙ ගියාද දන්නෙ නැති, හරියට සින්හල කතාකරගන්නවත් බැරි කෙල්ලෙක්ව චන්දෙ ඉල්ලන්න දැම්මා.. ඊටකලින් එයා ගාල්ල දන්නවද දන්නෙත් නෑ.. අපේ මිනිස්සුත් ඉතින් ඉපදිච්චදවසෙ ඉඳන් ගාල්ලෙ හිටපු මිනිස්සුන්ට චන්දෙ නොදා මෙයාව දිනෙව්වා..
ඊටපස්සෙ තවත් එක්කෙනෙක්..එයාට අත්දෙකෙන්ම වෙඩිතියන්නත් පුලුවන්ලු.. එයා දැන් ලoකාවෙත් නැත්ද කොහෙද.. ඉතින් එයාලට චන්දෙ දීපු මිනිස්සුන්ගෙ චන්දවලට මොකදවෙන්නෙ ??
ඊටපස්සෙ කැළනියෙ පොර.. මේදවස් වල කැළනියට එන සුද්දෙක්ට හිතෙන්නෙ එයා Washington DC වලට ගියාවගේ හැගීමක් වෙන්න ඇති.. ජනාදිපත් මන්දිරේවත් නැතිතරම් ජනාදිපති තුමාගෙ පින්තූර ටිකක් කැළනියෙ තියෙනව..
කැළනියට ඇතුල්වෙන මිනිහෙකුට ඒකද දැනෙන්න ඕන දේ ? බුදුන් වැඩපු භූමියකට ඇතුල්වෙනව කියන පින්බර පූජනීය හැඟීමක් නේද අපිට හරිනම් එන්න ඕනෙ ?

සරත් ෆොන්සේකටත් මම ගොඩාක් ගරු කරනව.. ඒයා අභීත සෙන්පතියෙක්.. දක්ශ,නිවැරදි තීරන ගන්නෙක්.. කෙලින් ඉන්න මිනිහෙක්.. ඒත් යුද්දකිරීමයි,රටක් පාලනය කිරීමයි සම්පූර්නයෙන් වෙනස් දෙකක් නේද.. මෙයා සමහරවිට හොඳ වෙන්න පුලුවන් . ඒත් කවදාවත් අපිට මෙයා යුද්දකරපු දිහාබලල රට පාලනය කරන හැටිගැන හිතන්න බෑනෙ.. අනික චන්දෙන් දින්නට පස්සෙ ඒකට උදව්කරපු මිනිස්සු ටිකට කොහොමත් සලකන්න වෙනවනෙ.. "මම ඔයාට මේක කලා මට මේක ඕන" කිව්වම ඔය දැන් කියන මොන ප්‍රතිපත්තිය තිබ්බත් අර මිනිහට උදව්කරන්න වෙනවනෙ.. ඒක සාමාන්ය දෙයක්..

ජනාදිපතිවරනයක් තිබ්බ හැම පාරම මිනිස්සු පිල් බදිලා වාද විවාද කලා..ගහමරාගත්තා..අන්තිමේ කෝටිගානක් වියදම්කරල කෙනෙක්ව පත්කරගත්තා.. ඒත් අපේ මිනිස්සුන්ට අමතක වුනුදෙයක් තියෙනවා.. අපේ රට තාමත් තුන්වෙනි ලෝකයේ දුප්පත් රටක්.. එදත් එහෙම්යි තිබ්බෙ.. අදත් එහෙමයි.. කෝ දියුනුව ?

පිල්බෙදිල මරගන්නෙ නැතිව හැමෝම එක හඬින් නැගීසිටින දවසක් එනකම් මේරට මෙහෙම්මම තියේවි කියලයි මට හිතෙන්නෙ..

හ්ම්ම්.. ඉතින් මෙහෙව් රටේ කාටද චන්දෙ දෙන්නෙ.. අනේ මන්දා.. හිතුනොත් මේපාරත් නොදාඉන්නවා... :D

අපි නුවරඑළියෙ ගියා..

noreply@blogger.com (Januka) — Mon, 14 Dec 2009 15:49:00 +0000

ගොඩ දවසකට පස්සෙ ඔන්න මම පෝස්ට් එකක් දානවා..ඇත්තටම මම පහුගිය සතියෙම බෝඩිමේ හිටියෙ නෑ..ඉතින් බ්ලොග් ලියන්න තියා ඉන්ටනෙට් එන්නවත් විදියක් තිබ්බෙ නෑ..

ගියසතියෙ මගේ හොඳම යාලුවෙක් අවුරුදු දෙකකට විතර පස්සෙ ලoකාවට ආවා.. ඉතින් අපේ පරන කොල්ලොටිකත් එහේ මෙහේ විසිරිලා හින්ද කට්ටියම එකතුකරගෙන ට්‍රිප් එකක් යන්න අපි තීරනය කලා..

බෝඩිමේ සීතලට අඳින්න ඇඳුම් නොතිබ්බ නිසා මම සෙනසුරාද ගියා ගාලු,ගාල්ලෙන්ම කෝච්චියට නගිනව කියල හිතාගෙන..ගියාට පස්සෙ තමයි දැනගත්තෙ කෝච්චිය ගාල්ලෙන් යන් නෑ කියල.. මොනව කරන්නද ඉතින් සදූදා උදේ දෙකට විතර නැග්ගා කතරගම-කොළඹ බස් එකක.. බස් එකේ කට කපල සෙනග..මොනව ක්අරන්නද ඉතින් හිටගෙනම කොළඹ ආව.අපරාදෙ කියන්න බෑ බස් ඩ්‍රයිවර් formula one රේස් පැදපු කෙනෙක් ද කොහෙද පිඹගෙන කොළඹට ආවා..

train එක කොළඹින් ගියේ උදේ 5.45 ට..ගමන නම් කියල වැඩක් නෑ..මාරයි... ලoකාවෙ ඉපදෙන්න අපි කොච්චර පින් කරල තියෙනවද කියල හිතෙන්නෙ නුවර එළියෙ ලස්සන දැක්කම.. එකම අඩුවකට තිබුනෙ අපි සුද්දො හදපු පාරක් ගියපු එක. ඒකත් අපේ අය කරල තිබ්බනම් කොච්චර ආඩම්බරයක්ද..

අනේ ඉතින් අපි වැඩිය ඇවිද්දෙනම් නෑ.. මල් වත්ත බලන්න ගියා.. හැමදාම කෙල්ලොත් එක්ක මල් කඩපු අපි කට්ටියට ඒක ලොකු change එකක් උනා.. :D

ග්‍රෙගරි වැවේ බෝට්ටුත් පැදල, ලබන ජනවාරිවල සීගිරි යමු කියල කට්ටියම සෙට්වෙලා,නුවර එළියෙ දවස් තුනක් ඉඳල අපි බදාද ගාලු ආවා..

ඒ ගමන නම් කවදාවත් අමතක වෙන එකක් නෑ..

අනිත් කෙනාට..

noreply@blogger.com (Januka) — Sun, 29 Nov 2009 15:47:00 +0000

"ජීවිතය විඳගන්න ලෝකෙන් ඉඩක් නොදෙන..මට මම ම වී ඉන්න ලෝකෙන් ඉඩක් නොදෙන.."

කසුන් කල්හාරගෙ 'සඳ මිතුරි' සින්දුව අහ අහ ඉන්න ගමන් ඒකෙ තිබ්බ පද පේලියක් මගේ හිතට ගොඩක් වැදුනා..
ඇත්තටම අපිට ජීවිතය විඳින්නවත්, තමන්ට තමන් වෙන්නවත් මේ ලෝකෙ ඉඩක් නැත්ද?

අපි ඉපදුනු දවසෙ ඉඳල කරපු ඔක්කොම දේවල් වෙනත් කෙනෙකු සඳහා අපි කරපුව නේද.. අපි අපිට ඕන ඒව කොච්චර පොඩ්ඩද කරල තියෙන්නෙ..

"ඔහොම ඉඳල කවදහරි උඹට හිඟාකන්න තමයි වෙන්නෙ"කියල අම්ම කියපු එකට බයේ හැමදාම ඉස්කෝලෙ ගියා..පන්තිගියා..

"ඔන්න ආවෙ නැතොත් මම තරහයි" කියල කෙල්ල කියපු නිසා කොහොමහරි මොන කට්ට කාල හරි කෙල්ලගෙ පස්සෙ හියා..

මේක කරන් ආවෙ නැතොත් පන්තියෙන් එලියට දානවයි කියල ටීචර් කියපු නිසා වැඩටික කරන් ගියා... නැත්තම් උදේට කොප්පයක් ගැහුවා..

කෙල්ලගෙ අතින් අල්ලන් යන්න කොච්චර ආස උනත් වට පිට මිනිස්සු මොනව හිතයිද කියල අල්ලන් නැතුව ගියා..

මේ ඇඳුම ඇන්දම මිනිස්සු මේක හිතයි කියල අපි කොච්චර ආසවුනත් සමහර ඇඳුම් නොඇඳ හිටියා..

බලන් ගියාම අපි ජීවිතේ කරල තියෙන ගොඩක්ම දේවල් කරල තියෙන්න අපි අපිට ඕන නිසා නෙමේ..අනිත් අයට ඕන නිසා..

මේ ලෝකෙ දියුනුවූනු,ඉස්සරහට ආපු ගොඩක් මිනිස්සු ඔන්න ඔය "ලෝකෙට කරනව" කියන සිතුවිල්ලෙන් මිදිච්ච අය කියලයි මට හිතෙන්නෙ..

මම මේකෙන් කියන්නෙ තමන් ගැනම හිත හිත ආත්මාර්තකාමියෙක් වෙන්න කියල නෙමෙයි.. ඒත් ලෝකෙට කරනව කියන ඒ සිතුවිල්ලෙන් පොඩ්ඩක් මීදිල බලන්න අපිට ඇත්තටම කරන්න ඕන දේවල් කොච්චර තියෙනවද කියලා..

මටනම් හිතෙන්න මිනිස්සු මොනව හිතුවත් කමක් නෑ.. තමන් කරන දේ තමන්ට හොඳයි කියල හිතෙනවනම් ඒක කරන්න ඕනා..

තමන්ට ඕන දේ නැතුව වෙන අයට ඕනදේවල් කරානම් සමහරවිට අද facebook , google ඔය මුකුත් අද අපිට නැතිවෙන්න තිබ්බා..

ජීවිතේ මොනදේද භාදා නැත්තෙ.. මිනිස්සු සීයක් දේ කියයි.. ගල් ගහයි.. ගරහයි.. නඩු දායි.. ඒත් තමනුයි,තමන්ගෙ හදවතයි කැමතිනම් ඒදේ කරන්න..

බිල් ගේට්ස්ට.. මාක් සකර්බර්ග්ට පුලුවන් වුනානම් ඇයි අපිට බැරි..

අමතක කරන්න

noreply@blogger.com (Januka) — Sun, 22 Nov 2009 17:10:00 +0000

අපිට ගොඩාක් ලන්වෙලා හිටි කෙනෙක්ව අමතක කරන්නෙ කොහොමද ? කම්පියුටර්වල වගේ අපේ මොලෙත් delete button එකක් තිබ්බනම් කොච්චර හොඳද කියල හිතෙන්නෙ මෙන්න මේ වෙලාවට තමයි.. අම්මගෙ උපන්දිනේ තාත්තගෙ උපන්දිනේ වගේ අපේ ජීවිතේට ගොඩාක්ම වැදගත් දේවල් අපිට ඉබේම අමතක වෙද්දි,හිතෙන් අපිට අයින්කරගන්න ඕනි දෙයක් හැමදාම හිත ඇතුලෙ පැල් බැඳගෙන ඉන්නෙක ගැන වෙලාවකට තරහත් යනවා.. මට හිතෙන්නෙ අපි අමතක කරන්න ඕන දේ ගැන තමයි වැඩිපුරම හිතන්නෙ..මතකතියාගන්න ඕන දේවල් ගැන චුට්ටක්වත් හිතන් නැතුව ඉද්දි, අමතක කරන්න ඕන ඒව ගැන පැය විසිහතරෙම කල්පනාකරන්න ගත්තම කොහොම ඒක අමතක වෙන්නද..

මම ඔයාට ආයෙ ලන්වෙන්න මට පුලුවන් හැම දෙයක්ම කරා..

ඔයාගෙ ගෙදර ඇවිත් ඔයා ඉස්සරහ ඇඬුව..
ආයෙත් දවසක ආවම ඔයා මගේ මූනට දොර වැහුවා..
මම හැමදාම ඔයාගෙ අම්මගෙන් ඔයාගැන ඇහුව..හෙව්වා..
ඔයාවටේ ඉන්න යාලුවොන්ගෙන් ඔයාගැන අහුව..
ඒත් තාමත් මට ඔයාගෙ හිත නම්මගන්න බැරිවුනා..මම හිතන්නෙ මට ආයෙ කවදාවත්ම බැරිවේවි..

අද මම the Notebook කියල ලස්සන film එකක් බැලුව.. ඒකෙ කතාවත් හරියට අපි දෙන්නගෙ ආදර කතාව වගේමයි.. හැබැයි ඒකෙ අන්තිමට ඒ කෙල්ල එයාගෙ ආදරේ හොයාගෙන එනවා..
එයත් එක්ක ජීවත් වෙලා එයාගෙම අතේ මැරෙන්න තරම් ඒ කොල්ල වාසනාවන්ත වෙනවා..ඒත් මම එච්චර පින්කරල නෑ වගේ..

අදත් ඔයා හොඳටම මම ගැන කියල ඔයා අම්මට බැන්න කියල මට ඔයාගෙ අම්ම කිව්වා.. මගේ හිතේ ඇතිවෙල තිබ්බ ඒ අන්තිම පුන්චි බලාපොරොත්තුවත් ඔයාගෙ අම්ම මට කියපුවයින් මැකිලගියා..

"අනේ ඔයා එයාව අමතක කරල දාන්න පුතේ" කියල ඔයාගෙ අම්ම කිව්වම මට පුන්චිවෙලාවකට මුකුත්ම හිතාගන්න බැරුව ගියා..
අන්තිමේ යන්තම් වචන ටිකක් ගැටගහල "මට බෑ ඇන්ටි ඒක කරන්න" කියල කෝල් එක කට්කරේ තවත් මට කතාකරන්න පුලුවන් කමක් නොතිබුනු නිසා..

ඔයාගෙ මෙච්චර නපුරු පැත්තක් කවදාවත් මම දැකල තිබ්බෙ නෑ.. මේ ඉන්නෙ මම ආදරේ කරපු කෙල්ලද කියල හිතෙන තරමට ඔයා වෙනස් වෙලා..

අපි යාලුවෙන්න කලින් එකපාරක් ඔයා මාත්එක්ක හොඳටම රන්ඩුවෙලා අපි කතාකරන එක නවත්තමු කියල ඔයා මට කිව්ව.. අපි මුනගැහුනු අලුත නිසා මටත් ඔයා නැතිවුනා කියල ගානක් තිබ්බෙත් නෑ.. මමත් හා කිව්වා..
ඒත් ටිකදවසකට පස්සෙ ඔයා අපේ ගෙදර phone එකට අරගෙන හොඳටම අඬ අඬ "ඔයාට මාව අමතක කරන්න පුලුවන්ද අයියෙ" කියල ඇහුවම, මගේ හිතේ කොච්චර තරහක් තිබ්බත් "බෑ නoගියෙ" කියල මට කියවුනා..
ඒ ඔයාම, මම ඔයාගෙ ගෙදරට ඇවිත් ඔයාගෙන් ඕකම ඇහුවම ඔයා "පුලුවන්" කියල කිව්වෙ කොහොමද..?

ඔයාව අමතක කරන්නනම් මට කවදාවත්ම බැරිවේවි.. ඒත් මෙහෙම මට ජීවත් වෙන්නත් බෑනෙ.. මගේ මුලු හිතේම අරක්ගෙන හිටි ඔයාව, හිතේ පුන්චි මුල්ලකට තල්ලුකරන්න මට අකමැත්තෙන් උනත් කරන්න වෙනවා.. මොකද මාව නපුරු විදියට දාලගිය කෙල්ලෙක් ගැන හිත හිත නාස්තිවෙනවට වඩා, මම ඉපදිච්ච දවසෙ ඉඳල මට අඩුවක් නැතිව ආදරේ කරපු මගේ අම්මගෙ තාත්තගෙ හීන කඩල දාන්න මට බැරිනිසා..

ජීවිතේ අපිට ඕන හැම දෙයක්ම අපිට ලබාගන්න බෑ නේ...
සමහරවිට මට කවදාවත් කරන්න බැරිවුනු විදියෙ ආදරයක් දැන් ඔයාට ලැබෙනව ඇති.. මාත් එක්ක කවදාවත් නොහිටපු තරම් සතුටකින් ඔයා දැන් ඉන්නව ඇති..

ඒකත් මට සතුටක්..

හීනෙන් ඔබ මට පෙනෙනවනම්..

noreply@blogger.com (Januka) — Sat, 21 Nov 2009 09:49:00 +0000

දැන් වෙලාව දවල් දෙකට විතර කිට්ටුයි..අදත් මම පන්තිගියේ නෑ.. අහස හොඳටම කලුකරල හරියට හවස හයට විතර කිට්ටුයි වගේ..පුන්ච් පොදක් වැටෙනව.. හිතට පුන්චි නිදිමතක් දැනුනට මට නිදාගන්න හිතෙන්නෙම නෑ..
පිට පිට හතර වෙනිපාරටත් මම අද ඔයාව හීනෙන් දැක්කා.. ඔයත් එක්ක ජීවත්වුනා.. හීනයක් අපේහිතේ මැවෙන්නෙ පුන්චි විනාඩි දෙකකට වගේ කියල මම කියවල තිබුනට ඔයාහිටිය ඒ හීන හරියට පැයගානක් වගේ..
මේක ඇත්තටම වෙන දෙයක්,මෙච්චර වෙලා මම ඔයා නැති නපුරු හීනයක් දෙක්කෙ කියල මගේ හිත පිලිගන්න හදනකොටම මම අවදිවෙනවා.. අනේ ඒවෙලාවට හිතට පුදුම දුකක් එන්නෙ.. ඔයා එක්ක ලස්සන ලෝකෙක තුරුල්වෙලා ඉඳල එකපාරටම මේ පාලු බෝඩිම්කාමරේ අවදිවුනාම හිතට ඇඬෙන්න තරම් දුකක් එනවා.. ඇඬෙන්න තරම් පාලුවක් එනවා.. ඇහැට උනන කඳුලු බින්ඳුවක් ඔයා කියල බදාගෙන හිටි කොට්ටෙම පිහිදාල, ඉබේම ඒ කොට්ටෙම මූන ඔබාගන්නෙ, මගේ හිතේ පොඩ්ඩකට රැඳිච්ච ඔයාගෙ සුවඳ.. ඔයාගෙ උනුහුම ඒ කොට්ටෙන්වත් ඒවි කියල හිතිලා..

ඔයා මගේ අතින් අල්ලන් හිටි විදිය,කන ලඟට වෙලා මුමුනපු වචන හිතේ කොච්චර පිරිල තියද කිව්වොත් ඒ හිතම මේක හීනයක් කියල පිලිගන්නම ලෑස්ති නෑ.. හිතට පුන්චි බයකුත් එනවා මට පිස්සු හැදීගෙන එනවවත්ද කියලා..
iPod එකයි phone එකයි දෙකම ඇඳේ පැත්තක තිබුනට ඒ දෙක අතට ගන්න හිත මැලිකරන්නෙ ඒ හීනෙන් මගේ හිතේ මැවුනු හැඟීම්, ආදරේ අතරෙ ඔයාගේ චූටි ලස්සන මූන මිනිත්තුවක් හරි රසවිඳින්න ඕන නිසා..මොකද ඔය මූන ඇත්ත ජීවිතේ ආයෙ කවදා දකින්න වෙයිදකියල මම දන්නෙ නැතිනිසා..

ඉස්සර හැමදාම උදේට මම අවදිවෙන්නෙ, මම ඔයාට අරන්දීපු මොබිටෙල් සිම් එකට "අනේ සුදූ මට සමාවෙන්න" කියල යවපු sms එකක් sending failed වෙලා ආපහු මට ආවම ඒ සද්දෙට.. ඒත් දැන් මම අවදිවෙන්නෙ ඔයාව හීනෙන් දැකල.. ඔයයි මමයි,මගේ හිත ඇතුලෙ පුන්චි වෙලාවකට ජීවත්වෙලා.. ඒත් ඒ ලස්සන හීන සැබෑවෙනවනම්..
මට ඇත්තටම ආයෙත් දවසක ඔයාගෙ අතින් අල්ලගෙන "මම ඔයාට ආදරෙයි" කියල ඔයාගෙ කනට කොඳුරන්න ඇත්නම්.. එහෙම කියල ඔයා "කොච්චර ආදරේද" කියල ඇහුවම "මෙන්න මෙච්චරයි" කියල ඇඟිලි දෙකක් එකතුකරල "චූචූට්ටක්" කියල කියල ඔයාගෙන් ගුටියක් කන්න තියෙනම්..

මම ඒ වෙනුවෙන් ඕනදෙයක් කරන්නම්...ඕනම කාලයක් බලන් ඉන්නම්...

ඒ මතකයෙන් බිඳක්..

noreply@blogger.com (Januka) — Thu, 19 Nov 2009 15:59:00 +0000

මලීට..

ඔයාගෙ කතාව.. ඒ හිනාව.. ඔයා ඉකි ගගහ අඬන සද්දෙ.. phone එකෙන් ඔයා මාත් එක්ක තොඳොල් වෙවී හුරතල් වෙන විදිය, මේ පාලු බෝඩිමේ තනියම ඉන්නකොට මට තාමත් ඇහෙනව.. හරියට අද ඊයෙ උනාවගේ දැනෙන්නෙ..

අපි දෙන්නා ආදරේ කරපු විදිය..රන්ඩුවුනු හැටි දන්නෙ ඔයත් මමත් මේ බෝඩිමේ බිත්ති හතරත් විතරයි..

අපි දෙන්නා කොච්චර ලන්වුනාද..කොච්චර දේවල් කතාවුනාද.. අපි අපිදෙන්න ගැන අපේ අම්මල තාත්තල දන්නවට වඩා දැනන්හිටියා.. දුක සතුට අපි බෙදාගත්තා..

ඔයා කන්නෙ නැති දවසට මම නොකා හිටියා..මම කන්නැති දවසට ඔයා නොකා හිටියා..එහෙමත් දවසක මම ඔයාව බඩගින්නෙ තියන්න බැරිනිසා බොරුවට මම කනවා කියල අනන්තවත් කියල ඇති..

උදේට මට නැගිටින්න කම්මැලිහිතුනම ඔයා මට බනිනහැටි.. ඒත් ඒ බැනුම් යට තිබ්බෙ උතුරන් යන ආදරේ කියල මම දැනන්හිටියා..සමහර දවස්වල මම ඕනකමින්ම කම්මැලිවෙනව ඔයාගෙන් බැනුම් අහන්න ආසාවෙ..

ඒත් මට කවදාවත් ඔයා උදේට කම්මැලිවුනාම බනින්න බැරිවුනා..

"අනේ බබාට දොයිමතයි.." කියල ඔයා කියන විදියට කාටද තරහයන්නෙ.. ඉතින් මමත් බොරු තරහක් මවාගෙන "බෑ බෑ බබා දැන් නැගිටින්න ඕන" කියල සද්දෙට කියනවා..

"බබා තරහයි තාත්තත් එක්ක..බබාට දොයියන්න දෙන්නෑනෙ..ඔයා නපුරුයි.." කියල ඔයා කියන විදියට මැරෙනකම්ම ඔයාලඟට වෙලා හාදු දිදී ඉන්න තරම් ආදරේ හිතෙනවා..

කව්රුවත් ඔයාට නොකියන නමක් ඔයාට කියන්න කිව්වම මම ඔයාට 'මලී' කිව්වා..ඔයා ඒකට කොච්චර ආසකලාද..

ගොරව ගොරව වහිනකොට..රෑට හීනයක් දැක්කම ඔයා මට ring කරල කරල කොහොමහරි අවදිකරගන්නව.. ඊටපස්සෙ ඉතින් දෙන්නත් එක්ක එලිවෙනකම් කතාව තමයි..

ඔයා ඉන්නකම් මට ඔයාගෙ ඇත්ත වටිනකම තේරුනේ නෑ.. දෙයක් නැතිවුනාම ඒ දේ ඕනවෙනව වගේ ඔයාවත් මට නැතිවුනාම තමයි ඔයාගෙ අගේ මට තේරෙන්න ගත්තෙ.. ඔයා මාත් එක්ක ඉන්න කාලෙ මේව ඔයාට ලිව්වනම් ඔයා කොච්චර ආසවෙයිද..කොච්චර ආදරෙන් කියවයිද...

අනේ. ඔයා මේව කියවනවනම්..

මයාගෙම ජනුක.

මලීට..

noreply@blogger.com (Januka) — Wed, 18 Nov 2009 15:16:00 +0000

මලී,

ඉස්සරනම් මේවෙලාවට ඔයත් එක්ක මොනාහරි කියව කියව ඉන්නව..නැත්තම් පුන්චි රන්ඩුවක් වෙලා දෙන්නත් එක්ක අඬ අඬ ඉන්නව..මම තමයි ඉතින් වැරැද්දක් කරොත් කරන්නෙ.. ඉතින් ඔයාට තරහ ගියාම තමයි මගේ තරහ නිමෙන්නෙ.. ඒ ඇයිද මන්දා.. ඔයා තරහෙන් පුපුරනකම් මම ඔයාට බනිනවා.. ඒත් ඔයාට තරහ ගියගමන් මට හිතෙනව අනේ පවු මේ කෙල්ල කියලා.. ඉතින් ඒ වෙලාවෙ ඉඳන් මම අඬ අඬ ඔයාගෙන් සමාව ඉල්ලනව..
මහ වරුසාවට පසුව නැගෙන හඳ වෙනදාටත් වඩා එලියයි වගේ අපි දෙන්නත් එහෙම රන්ඩුවකින් පස්සෙ යාලු උනාම පුදුම විදියට ආදරෙයි..

දැන් ඔයා වෙන කෙනෙක් එක්ක කියල මතක් වෙනකොට මට ගොඩාක් අමාරුයි.. මම ඔයාට කතා කරන්න කොච්චර උත්සහ කලාද.. ඒත්..
මට ඔයාට කියන්න ගොඩාක් දේවල් තියෙනවා..

මතකද phone එකෙන් මට හාදු දීල "අපිට අපි නැතිඋනොත් වෙනකාවවත් කවදාවත් බන්දින්නෙ නෑ" කියල දෙන්නම පොරොන්දුවුනා..

මතකද අපිදෙන්න හදන ගෙදර ගැන අපි කතාකරපු දවස? එදා ඔයා කිව්වා "අපෝ ඔන්න computer room එක නම් අපේ bed room එක පලාතෙවත් හදන්න බෑ..!! ඔයා ඒකෙම නිදාගන්න යාවි" කියලා..

ඔයා මට තාත්තෙ කියල කතාකලේ..මම ඔයාට අම්මෙ කිව්වා..අපි දෙන්නම අපි දෙන්නගෙ දුවයි පුතයි උනා..
ඇත්තටම මම ඔයාට මගේ අම්මට වඩා ආදරේ කාලා..

මතකද ඔයා මාව දාල රට යන්න බෑ කියල ඔයා scholarship එකක් ගත්තෙ නෑ..ඔයාව දාල කොහේවත් යන්න එපා කියල මගෙන් පොරොන්දුවක් ගත්තා..

අපේ ජීවිතවල මොනතරම් දේවල් උනාද..මොනතරම් මතක එකතු උනාද..

ඔයා කොහොමද ඒ ඔක්කොම අමතක කරේ.. මට තාමත් හිතාගන්න බෑ.. කවදාවත් හිතාගන්න බැරි වෙයි..
ඔව් ඇත්ත මගේ අතින් ඔයාට පුදුම විදියට වැරදි උනා.. ගොඩාක්.. ඒත් අම්ම කෙනෙක්ට එයාගෙ දරුව අමතක වෙන්න තරම් වැරදිකලාද මම ?
මම දන්නව ඔයා කාත් එක්ක යාලු උනත් ඔයාට මාව අමතක කරන්න බැරිවෙන බව.. ඒ තරමට අපේ ජීවිත ලoවෙලා තිබ්බ.. අපි දෙන්න එක්කෙනෙක් වෙන තරමටම...

ඒ නිසාමයි මට ඔයාව අමතක කරල වෙනකෙනෙක් එක්ක යාලුවෙන්න බය.. මම එයාගෙනුත් ඔයාව බලාපොරොත්තු උනොත් ? මට හොඳටම ශුවර් මම ඒක බලාපොරොත්තු වෙනවා.. මට ඒක ලැබෙන්නෑ කියලත් මම දන්නව..
මට මේව ඔයාට කියන්න ඕන උනාට,කියන්න විදියක් නෑ නෙ..
ඉතින් මේක මෙහෙම කවුරුවත් බලන්නෙ නැති blog එකක ලියනව ඇරෙන්න මට වෙන කරන්න දෙයක් නෑ.. අඩුමගානෙ මට ඔයාට තියෙන ආදරේ ගැන දවසක internet එක වත් සාක්ශි දරාවිනෙ..
මගේ හිත කිව්වට ඔයාව ආයෙ කවදාවත් මට ලැබෙන්නෙ නෑ කියල,මගේ හදවත කියනව ඔයා කවදහරි දවසක ආයෙත් මාව හොයාගෙන ඒවි කියලා..
අපි දෙන්නත් එක්ක මම මේ ලියපු එක හිනාවෙවී කියවන දවසක් ඒවි කියල මට හිතෙනව..
මම ඒ දවස එනකම් ඔයව බලාපොරොත්තුවෙන් ඉන්නවා..

ඉතින් එතකම්.. ඔයාට බුදු සරණයි..පරිස්සමෙන් ඉන්න.. අපේ හැම කෝල් එකක්ම ඉවර කරනව වගේ..I love you..!!

ඔයාගෙම ජනුක..

අලුත් ගූගල් භාශාව (Google GO)

noreply@blogger.com (Januka) — Wed, 11 Nov 2009 17:18:00 +0000

අපි කවුරුත් දන්න,අලුත් අලුත් දේ කරන Google ඔන්න අලුත් වැඩකට බැහැලා..ඒ අලුත් ක්‍රමලේකන භාශාවක් හදන එක.අනේ අපිට මේ තියෙන භාශාටිකත් කරගන්න බරුව ඉන්න එකේ ඔන්න තවත් එකක්..මේකෙ නම තමයි Go..කොහොමහරි google අකුරුදෙකක් ඒකටත් බස්සල තියෙනවා..
මේක Open Source භාශාවක්..තාමත් මේක පරීක්ශන මට්ටමේ තමයි තියෙන්නෙ...මේකට C++ හා Python යන භාශා ඇසුරුකරගෙන තියෙනවා..

වැඩි විස්තර මෙතතනින් බලන්න..

අපිටත් නොදැනිම හිමින් හිමින් google ඒකාධිපත්‍යක් වත් හදන්න හදනවද....

මෙන්න sample කෝඩ් එකක්...

package main
import fmt “fmt” // Package implementing formatted I/O.
func main() {
fmt.Printf(”Hello, world" );
}

සුභ උපන්දිනයක් ගිනි නරියා (firefox)

noreply@blogger.com (Januka) — Wed, 11 Nov 2009 16:26:00 +0000

මේ වැඩ අස්සෙ තවපොඩ්ඩෙන් මට අමතකත් වෙනව..

මේ නොවැම්බර් 9 අපි කව්රුත් දන්න අන්දුනන,ආදරේකරන කෙනෙක් එයාගෙ 5වෙනි උපන්දිනේ සැමරුවා..
ඒ අපිට නැතුවම බැරි අපේ ගිනි නරියා..Firefox Web Browser එක..

ඉතින් මේක firefox අපිත් එක්ක ඒ ගතකරපු 5 අවුරුද්දට ගරුකිරීමක් විදියට මම ලියන්න හිතුවා..

ඔන්න මීට අවුරුදු පහකට කලින් Dave Hyatt සහ Blake Ross සහ තවත් ක්‍රමලේකකයන් පිරිසක් විසින් Phoenix කියල application එකක් ලිව්වා..ඊටපස්සෙ ඒක Firebird වුනා..ඊටපස්සෙ 2004 අවුරුද්දෙ නොවැම්බර් 9 වෙනිදා අපි කව්රුත් දන්න firefox මේ ලෝකෙට බිහිවුනා..
firefox වලට ඒවෙනකොට තිබ්බ microsoft IE ආදිපත්‍ය බිඳින එක ලේසිවුනේ නෑ..ඒත් කොහොමහරි එයාල ලෝකෙ හොඳම browser එක බවට පත්වෙලා තියෙනවා...

තවත් ලස්සන දෙයක්..ඔයාලා firefox address bar එකේ about:mozilla ගහලා බලන්නකෝ.. : )

සුභ උපන්දිනයක් firefox !!! ඔබට සුභ අනාගතයක්..

මේ පුන්චි වීඩියෝ එක ගිනි නරියා වෙනුවෙන්..

හිතේ දුක යන්නත් එක්ක...

noreply@blogger.com (Januka) — Wed, 11 Nov 2009 14:30:00 +0000

කෙල්ලෙක් නැතිකාලෙ "මූදෙ මාලු එකද ඉන්නෙ","කෙල්ලන් පාරෙයන බස් වැනිය.එකක් මිස් උවහොත් තවකෙක යාහැකිය" කියල පොර talks දුන්නට,love කරල කෙල්ල නැතිවුනාම තමයි මිස් වෙච්ච බස් එක කොච්චර අමාරු දෙයක්ද කියල හිතෙන්නෙ..මොකද මමත් කෙල්ලෙක් නැතිකාලෙ අනන්තවත් ඔය වගේ උපදෙස් දීල තියෙනව..ලව් එක නැතිවෙලා දුකෙන් ඉන්න කොල්ලොන්ට බැනලත් තියෙනව..
ඒත් මගේ love එක නැතිවෙනකම්ම මම දැනන් හිටියෙ නෑ ඒක කොච්චර අමාරු දෙයක්ද කියලා...විශේශයෙන්ම තමන්ගෙ අතින්වුනු වැරැද්දකට love එක නැතිවුනාම,තමන්ගෙ අතින් වැරැද්දක් උනා කියන ඒ feeling එක මරෙනකම්ම තමන් එක්ක තියෙනකොට..
මේ දවස්වලනම් ආදර සින්දුවක් අහන්නත් බෑ..ඇහුවොත් දවසම ඉවර වෙනවා..ඒනිසා මම මේදවස්වල උදේට එහෙම bus එකේ යනකොට ipod එක කනේ ගහගෙන යන්න අමතක කරන්නෙ නෑ...කරුමෙට හරි radio එකේ love song එකක් ගියොත් කාටකියන්නද...

මොනවකලත් මේ හැඟීම් හිතෙන් අයින්කරන්න බෑ කියල දන්නව..ඒත් ඉතින් හිතේ දුක පුරවන් පන්තියෙ වැඩක් කරන්නවත් බෑනෙ..
ඔන්න ඔහොමයි මේදවස්වල මගේ ජීවිතේ..කන පැලෙන්න rock,hip-hop සින්දු ටිකක් අහනව..Game එකක් ගහනව..facebook එකේ කරකිල එනව..දුක මකාගන්නම බැරිවූනාම blog එකේ මොනවහරි ලියනවා..ඇත්තටම blog ලියන එකෙන් හිතට පුදුම සහනයක් එන්නෙ...

වෙලාවට ලඟකදි exam එකක් එහෙම නෑ..තිබ්බනම් එහෙම exam එකට බුදු සරණයි තමා..

ඔන්න හිතේ දුක යන්නත් එක්ක කියල දැම්මා...

මේක ලස්සන ලෝකයක්!! Boom-Di-Ya-Da Song

noreply@blogger.com (Januka) — Mon, 09 Nov 2009 20:19:00 +0000

මේක මම facebook එකේ උදාන සහෝදරය share කරල තියෙද්දි දැක්කෙ...
මේක Discovery Channel එකේ ad එකක්..මේ video එකේ ඉන්න ඔක්කොම අය එක එක දේවලින් ලෝක ප්‍රසිධවුනු අය...
මේ video එක මුලු ලෝකෙම ගොඩාක් ප්‍රසිද්ධ වුනා..

මේ ඒකෙ 2008 වසරෙ කරපු video එක..

2008 video එකේ ප්‍රසිද්ධිය නිසාම 2009 වසරෙත් ඒ ad එකම අලුත් විදියකට එයාල කරා...

ආදරය..

noreply@blogger.com (Januka) — Mon, 09 Nov 2009 19:11:00 +0000

ම්ම්..ආදරේ ඇත්තටම හරි පුදුම දෙයක් නෙ? මටනම් හිතෙන්නෙ මිනිස්සු බිහිවෙලා තියෙන්නෙ ආදරය කරන්න..සමහරවිට ඔයාල මාත් එක්ක එකඟ වෙන එකක් නෑ..ඒත් ටිකක් හිතන්න.මේ ලෝකෙ මිනිස්සු තරම් ලස්සනට ආදරේ කරන වෙන කිසිම සත්තු ජාතියක් නෑ. ආදරයට අපේ මනසෙ එච්චර ලොකු තැනක් හිමිවෙලා තියෙනවා..
මමත් ආදරය කරල තියෙනව. ආදරය විඳල තියෙනව.. ඒ ආදරය මගේම මෝඩකම් වලින් නැතිකරගෙන තියෙනව..
වෙන විශයන් වෙගේ නෙමේ,computer එක්ක ඉන්න කොල්ලෙක්ට ,කෙල්ලෙක්ගෙ සිතුවිලි අඳුරගන්න ගොඩාක් අමාරුයි..මම මේ කියන්නෙ computer එකෙන් film එකක්, සින්දුවක් අහල computer එක off කරන ජාතියෙ අය ගැන නෙමෙයි..computer hardcore use කරන අය ගැන.. මට මගේ GF කියපු කතාවක් මතක්උනා..

"ජනුක කෙල්ලෙක් කියන්නෙ computer එකක් වගේ එකක් නෙමෙයි..ඔයා වැරැද්දක් කරල computer එකේ ඒක හරිගැස්සුවට,කෙල්ලෙක්ට වැරැද්දක් කරල ඒක හරිගස්සන එක ගොඩාක් අමාරුයි"

මම එකාලෙ ඒව ගනන් ගත්තෙ නෑ..මොනව නැතිඋනත් computer එක තියෙනවනම් මට ජීවත් වෙන්න පුලුවන් කියල මම හිතන් හිටියෙ..

ඉතින් මේක කියවන ඔයාලට මම කියන්නෙ..computer එකත් එක්ක අපිට මුලු ජීවිතේම ගෙවන්න පුලුවන් කියල අපිට හිතෙනව..ඒත්..කවදහරි දවසක ඔයාලටත් තේරේවි මේ ලෝකෙ computer එකට වඩා ලස්සන දේවල් තියෙනව කියල....

ඉතින්..off කරන්න computer එක විනාඩි පහකට.. ඇඳට ගිහින් කල්පනා කරන්න..
මම මගේ කෙල්ලට කොච්චර ආදරේ කරනවද..
මම එයා වෙනුවෙන් කොච්චර වෙලා වෙන්කරල තියෙනවද..
ඒ ඇතිද කියල...

මොකද computer එක අපිට backup ගහගෙන මොනවහරි උනොත් අයෙත් තිබ්බ විදියටම හදාගන්න පුලුවන්.. ඒත් කෙල්ලෙක්ගෙ ආදරේ නැතිඋනොත් අයෙ කවදාවත් එක ආපහු ලබගන්න බෑ...

අන්තර්ජාලයෙ online games ගහනහැටි සින්හලෙන් දැනගන්න

noreply@blogger.com (Januka) — Mon, 09 Nov 2009 17:26:00 +0000

මම Gamer කෙනෙක්.. ඒ කියන්නෙ පරිගනක ක්‍රීඩා කරන කෙනෙක්.. ඔයාලා දන්නවද ඔයාලා දැන් ගහන ගොඩාක් Games,අන්තර්ජාලය හරහා ගහන්න පුලුවන් කියලා? ඒ කියන්නෙ ඔයා වගේම ඒ game එකම ගහන තවත් අය එක්ක ඔයාට සජීවීව play කරන්න පුලුවන්..
මම දැන් ඔයාලට ලෝක ප්‍රසිද්ද Call of Duty 4 - Modern Warfare කියන ගේම් එක online play කරන්න සකස් කරගන්න හැටි කියල දෙන්නම්..

මුලින්ම ඔයාල මේ ගේම් එක පරිගනකෙයෙ install කරගන්න ඕන. DVD එකක් හරි,ටොරෙන්ට් එකකින් හරි game එක අරගෙන පරිගනකෙයෙ install කරගන්න.
(මම ඔයාලට software හොරකම් කරන්න අනුබල දෙන්නෙ නෑ. ගේම් එක ගැන වැඩි තොරතුරු මෙතනින් බලාගන්න පුලුවන් )

හරි..ගේම් එක දැම්මට පස්සෙ ඔයාගෙ desktop එකේ icon 2ක් හැදිල තියෙවි. මෙකෙන් අපිට ඕන Call of Duty(R) 4 - Modern Warfare(TM) Multiplayer කියන icon එක.

හරි..දැන් අපි ගේම් එකට ආපු patches දාගන්න ඕනා.දැනට patches 7ක් ඇවිත් තියෙනවා.ඒවයින් 1.6 සහ 1.7 බාල install කරන්න.
ඒවා නොමිලේම මෙතනින් බාගන්න පුලුවන්..

1.6
1.7

මේ 2 ම දල ප්‍රමානය 320MB.

දැන් ඔක්කොම හරි.
දැන් මේකට ගිහින් xfire application එක බාගන්න.මකෙන් online gaming වලට අදාල ගොඩක් දේවල් කරන්න පුලුවන්.
මේකෙ register වෙන්න. මාවත් add කරන්න අමතක කරන්න එපා.මගෙ id එක mahasona ..

දැන් ඉතින් ලoකාවෙ server එකකට join වෙලා අනිත් අයත් එක්ක play කරන්න.
ඔන්න ඔච්චරයි තියෙන්නෙ.. ලේසියි නෙ??
මොනව හරි ගැටලුවක් ආවොත් මෙකෙ ලියන්න.මම උදව් කරන්නම්..
Happy Gaming.

වැස්ස..වැස්ස...

noreply@blogger.com (Januka) — Mon, 09 Nov 2009 15:40:00 +0000

මම මේකට ලියන්න එකක් කල්පනා කර කර ඉන්නකොට ඔන්න වැස්සක් වහින්න පටන් ගත්තා.රෑට වහිනකොට පුදුම සනීපයක් දැනෙන්නෙ.වහිද්දි නිදියන්න පුලුවන් දවසම උනත්.හැබැයි වැස්සත් එක්ක මල පනින වෙලාවල් නැතුවමත් නෙවෙයි.කොහොමද උදේට පන්ති යන්න එලියට බහිනකොටම වැස්ස පටන්ගන්නකොට ?..TV එකේ හොඳ වැඩසටහනක් යනකොටම ගොරව ගොරව වහිනකොට ? වැස්සත් එක්ක ඒ වෙලාවට පුදුම තරහක් එන්නෙ..
ඇයි ඊටපස්සෙ දවසෙම වැහැල වැහැල හෝදපු රෙදිටික වේලගන්න බැරිඋනාම ?
ඉස්සර මට මටකයි මම උදේට ඉස්කෝලෙ යන්න කම්මැලි හිතුනම ඇඳේ ඉඳගෙනම හිතනව "අනේ වැහැපන්..අනේ වැහැපන්" කියලා..ඊටපස්සෙ වැස්සෙ නැතිඋනාම ඒකටත් වැස්සටම තමයි බනින්නෙ.
මොන මොන වෙලාවට මොනව හිතුනත් මම එක දෙයක් දන්නව..ඒ අපි ඔක්කොම බාල මහලු භේදයක් නැතිව වැස්සට ගොඩාක් ආසයි..

මේක කොච්චර ලස්සන ලෝකයක්ද...

ඔන්න මමත් පටන්ගත්තා..

noreply@blogger.com (Januka) — Mon, 09 Nov 2009 14:31:00 +0000

මාත් එක්ක හිටි යාලුවො ගොඩාක් දැන් බ්ලොග් ලියනව.සමහරු එයාලගෙම Domain අරගෙනත් බ්ලොග් කරනවා.මමත් ඒවා ආසාවෙන් කියවනව.තමන්ගෙ හිතේ තියෙන දෙයක් මුලු ලෝකෙටම පේන්න,තමන්ගෙ වගේම සිතුවිලි තියෙන කට්ටියක් එක්ක බෙදාගන්න තියෙන එක ඇත්තටම පුදුම හිතෙන දෙයක්..
ඉතින් ඔන්න මමත් පටන්ගන්නව අද ඉදන්,මට හිතෙන දේවල් ඔයාලත් එක්ක බෙදාගන්න එක..

මේ වැඩේ පටන්ගන්න වැඩියත්ම හිතුනෙ ඉසිර සහෝදරයගෙ බයිස්කෝප් සිංහලෙන් බ්ලොග් එක දැකල තමයි.ඉතින් එයාටත්,රචින්ත සහෝදරයටත්, Blogger එකේ ඔක්කොටමත් ගොඩාක්ම පින් :)

එහෙනම් පටන්ගමු...