Marathi Khazana

यशस्वी जीवनाच्या सात पायऱ्या.......

j.kasliwal09@gmail.com (Jitendra) — Sun, 26 Aug 2012 17:03:00 +0000

प्रत्येक परिणामाला कारण असते आणि प्रत्येक कारणाचा एक विशिष्ट परिणाम होणे हे अपरिहार्य आहे. यश हा अपघात नाही, तर तो जाणीवपूर्वक केलेल्या कामाचा परिणाम असतो.
आपल्याला जर यशस्वी व्हायचे असेल, तर यशस्वी होण्यासाठी लागणारे मूलभूत गुण आपण अंगी बाळगायला हवेत. त्याचप्रमाणे अयशस्वी व्यक्तिमत्त्वात असणारे मूलभूत दोष दूर करायला हवेत. त्यासाठी उच्च परिणाम साधणारी मनोधारणा असणे आवश्यक आहे आणि ती मिळविण्यासाठी उपयोगी पडतील अशा सात पायऱ्या आज आपण बघणार आहोत नव्हे तर त्या चढून आपण सर्वजण यशस्वी होणार आहोत.

१) प्रबळ इच्छाशक्ती : इच्छा ही प्रत्येक कृतीचा उगम असतो . आपले उद्दिष्ट गाठण्याची प्रेरणाच प्रबळ इच्छेतून निर्माण होत असते. महान तत्त्वज्ञानी नेपोलियन हिल यांनीही म्हटले आहे, की माणसाचे मन ज्या कल्पना करते त्याच्यावर त्याची श्रद्धा बसते आणि नंतर तो ते करूनही दाखवितो. प्रबळ इच्छा हीच सर्व ध्येयप्राप्तीची सुरवात असते. छोटी ठिणगीच पुढे जाऊन मोठा वणवा निर्माण करते. कमकुवत इच्छा मात्र काहीच करू शकत नाही.

२) वचनबद्धता : सचोटी आणि शहाणपण या दोन मजबूत खांद्यावरच वचनबद्धता उभी राहू शकते. शहाणपण म्हणजे अवास्तव शब्द न देणे. सचोटी म्हणजे दिलेला शब्द पाळायचा.
आणि मुळातच मूर्खपणाचा शब्द न देणे म्हणजे शहाणपणा. यश हे आपले विचार आणि निर्णय याचं फलित असत. ज्ञान म्हणजे प्रचंड सामान्यज्ञान, तर शहाणपण म्हणजे मिळवलेल्या ज्ञानाचा उचित वापर.

३) जबाबदारी : एखाद्या गोष्टीची जबाबदारी घेणे नेहमीच अवघड वाटत असते. त्यामुळेच बरेच लोक आपल्याला ठराविक मर्यादा घालून घेतात आणि कोणतेही जबाबदारी न स्वीकारताच सर्वसाधारण निष्क्रिय आयुष्य जगत असतात. अशी माणसे चमत्कार घडविण्यापेक्षा चमत्काराचीच वाट पाहत आपले आयुष्य घालवीत असतात.यशस्वी होण्यासाठी जबाबदारी घेणे खूप आवश्यक गोष्ट आहे.

४) कठोर परिश्रम :- यश मिळवायचे असेल, तर कठोर परिश्रमाला पर्याय नाही. उत्कृष्ट कामगिरी ही काही अपघाताने होत नाही. त्यासाठी तयारी आणि प्रत्यक्ष काम यांची आवश्यकता असते. प्रत्येकाला यशस्वी व्हायची इच्छा असते; परंतु त्यासाठी श्रम घेण्याची, वेळ देण्याची तयारी फारच थोड्या लोकांची असते. स्वप्न पाहणे आवश्यक आहे; परंतु त्याचबरोबर त्या स्वप्नाची पायाभरणी करण्यासाठी श्रमही घ्यायला हवेत. त्यासाठी दिशा, समर्पण, निर्धार, शिस्त आणि कालमर्यादा ही पायाभरणी आहे. यामुळेच स्वप्नाचे रूपांतर सत्यात करता येते.

५) सकारात्मक श्रद्धा/विश्वास : सकारात्मक विश्वास हा सकारात्मक विचारांपेक्षा खूप श्रेष्ठ असतो. सकारात्मक विचारसरणीचा फायदा होईल, असं निश्चितपणे वाटणे म्हणजे सकारात्मक विश्वास. नुसत्या इच्छेला किंवा स्वप्नांना येथे वावच नसतो. सामना हा पराभव टाळण्यासाठी नाही तर जिंकण्यासाठीच, खेळण्याची जिद्द हा सकारात्मक विश्वास देते.

६) सातत्य :- सातत्य म्हणजे आपण ठरवलेल्या ध्येयावरची निष्ठा.म्हणजेच हाती घेतलेले काम पूर्ण होईपर्यंत अविचल प्रयत्न करण्याची तयारी, अविश्रांत प्रयत्न करणे.एडिसनने दिव्याचा शोध लावण्यासाठी हजार अपयश पचवलीत. प्रत्येक प्रयत्नाकडे अपयश म्हणून न बघता एका अयोग्य मार्गाचा शोधच मला लागला, ही जिद्द बाळगली. अपयशी माणसांची सुरवात तर उत्तमच असते; परंतु ते शेवटी गडबडतात, थकतात आणि प्रयत्न थांबवतात. योग्य हेतूमधूनच सातत्य निर्माण होते. हेतूच जर पक्का नसेल तर आयुष्य कच खाते, घसरडे, निसरडे होते.

७) कामगिरीचा अभिमान, गर्व : आपण अंगीकारलेल्या कामात सन्मान असला तरच त्यातून उत्कृष्टता निर्माण होते. कामगिरीचा अभिमान म्हणजे अहंकार नव्हे. यात नम्रता आणि आनंद असतो. माणसाची गुणवत्ता आणि त्याच्या हातून घडणाऱ्या कामगिरीची गुणवत्ता या अविभाज्य गोष्टी आहेत. साशंक हृदयाने केलेले प्रयत्न अर्धवट नाही तर शून्य परिणाम साधतात. प्रत्येक कामगिरी ही त्या माणसाचे स्वतःचे चित्रच उभे करत असते. मग त्याचे काम काही का असेना; कार धुणे, अंगण स्वच्छ करणे किंवा घराला रंग देणे. माणसाचा दर्जा कामाने नाही तर ते काम तो कशा पद्धतीने करतो, त्यावर ठरत असतो. उत्कृष्टता ही आतून येत असते आणि तीच विजेत्याचे रूप घेत असते...

माझी एक कविता

j.kasliwal09@gmail.com (Jitendra) — Wed, 09 May 2012 18:03:00 +0000

माझी एक कविता खूप दिवसापासून अपूर्ण आहे
म्हणून वहीच शेवटचं पान अजून कोर आहे
इथे संपत आल्याचाही लोक वापर करत असतात
तुटलेल्या तर दिसल्या कि त्यालाही काही तरी मागत राहतात
तुटलेले धागे पुन्हा जोडता येतात
पण जोडाच्या जागी गाठी कायम असतात
चेतल्या माझ्या मनात कोळसा तू होवू नकोस
राख झाली जिंदगी तरी लाचार तू होवू नको
फुलांच्या सन्मान इथं काटयांचा रोष आहे
स्वतःच स्वतःची रक्षा करण इथं काटयांचा दोष आहे
कुणाशी मैत्री करायची ठरवली तर अशी करावी
स्वत: उन्हात उभं राहून त्यावर सावली धरावी
पिंजऱ्यातल्या त्या पक्षाला उडता पतंग जळवत होता
खर तर त्या पतंगालाही एक माणूसच खेळवत होता
जनावरांसारख वागायचं माणसांनीच ठरवलंय
माणसांच्या या बाजारात माणूसपणचं हरवलंय
चार दिवसांच्या तारुण्यानंतर पुढे कायमचे म्हातारपण
त्यात नुसत्या आठवणी आणि सोबतीला वेगवेगळे आजारपण
पुसणारं कोण असेल तर डोळे भरून यायला अर्थ आहे
कुणाचे डोळे भरणार नसतील तर मरण सुद्धा व्यर्थ आहे.
- विजय साळवे

रिमिक्स

j.kasliwal09@gmail.com (Jitendra) — Sat, 05 May 2012 17:53:00 +0000

थोडं जून, थोडं नवं ते असतं रिमिक्स,
सूर हरवलेले असतात हे मात्र फिक्स,
जुन्या संगीताची केली मोड तोड,
लोकांना जुन्या गाण्यांची महाला कळाली,
त्यातून जुनी गाणी एकायला तरी मिळाली,
नवी गाणी तरी कुठे सरस असतात,
खर तर त्यांना काही अर्थच नसतात,
युवा जगतात रिमिक्सने धमाल केली,
वृद्धांना जुन्या गाण्यांची,
गोष्टीची आठवण झाली.
- समाधान धुमाळ

जीवन चक्र

j.kasliwal09@gmail.com (Jitendra) — Thu, 03 May 2012 02:45:00 +0000

जीवनाचे हे चक्र असते
सुख-दु:खा सोबत जगायचे असते
सुखाला ही दु:खात बघायचे असते
दु:खात ही सुख जाणवायचे असते
प्रयत्नांना यश असते
विचारांना ही भ्रम असते
शब्दांना ही कोडे असते
जगणाऱ्याचे प्राण असते
जीवनाचे हे चक्र असते
सत्याला ही फटके असते
पाप्याला ही साथ असते
फुलांना ही क्षणिक सुख असते
आठवणीत ही सौदर्य असते
जीवनाचे हे चक्र असते
ओझे वाहून न्यायचे असते

पाणी स्वप्नाचे

j.kasliwal09@gmail.com (Jitendra) — Tue, 01 May 2012 13:12:00 +0000

तुझ्याच प्रेमामध्ये
स्वत:ला विसरतो
जाग असतानाही
स्वप्नांच्या दुनियेत जातो
                       स्वप्नात पाहतो मी तुला
                       तुझ्या निरागस चेहर्याला
                       तेव्हा समजावतो नयनांना
                      सांभाळा माझ्या स्वप्नाला
तुझ स्मित असच टिकू दे
त्यात माझाच स्वार्थ आहे
कारण माझ्या स्वप्नांचा
तोच रहस्यार्थ आहे
                      माझ्या चेहऱ्यावरील स्मितासाठी
                      तुझ स्मित असच टिकाव
                      तुझ्या सुखासाठी वाटतंय मला
                      रडताना हसायला शिकावं
जेव्हा दिसतेच तू मला
एक गोड स्वप्न वाटते
होतेस नजरेआड जेव्हा तू
स्वप्नात पाणी होऊन कंठात दाटते

जीवन

j.kasliwal09@gmail.com (Jitendra) — Tue, 01 May 2012 07:24:00 +0000

जीवनाच्या प्रवासात
खूप काही मिळवायचं असतं
वास्तवातून वेगळं
स्वप्नात घडावयाच असतं
         एकदा ठेच लागली म्हणून
         तिथून परतायचं नसतं,
         जीवनाच्या मार्गावर
         अर्ध्यातच थांबायचं नसतं
जीवनात कितीही दु:ख आलं तरी
निराश व्हायचं नसतं
आपलं सुख आपल्यातच
शोधून काढायचं असतं

प्रेम

j.kasliwal09@gmail.com (Jitendra) — Tue, 01 May 2012 07:06:00 +0000

प्रेम काय असत
               ते जानायच नसत
प्रेम फक्त
              करायचं असत
प्रेम म्हणजे
              मनाचा खेळ असतो
दोन इवल्या जीवांचा
             मेळ असतो
तसा तो बुद्धीने खेळायचा
             बुद्धीबळाचा खेळ असतो
कुणी हरायचा असतो
             कुणी जिंकायचा असतो
हे सर्वाना जमतच
            अस नाही
पण ज्यांना जमत नाही
            त्यांना प्रेम कधीच कळत नाही

अभिजित दहीवलकर

क्षणभर विश्रांती

j.kasliwal09@gmail.com (Jitendra) — Sun, 25 Mar 2012 13:13:00 +0000

क्षणभर विश्रांती फ्री डाऊनलोड

Click On Song To Download

1. तू (रिमिक्स)

2. क्षणभर विश्रांती (टायटल)

3. बावरा.......

Prem Mhanje fakt tu aani me

j.kasliwal09@gmail.com (Jitendra) — Fri, 02 Mar 2012 07:27:00 +0000

Prem Mhanje fakt tu aani me

Maza sukh he tuza aahe

Tuza du:kh he maza aahe

Paulavar paul dyayach aahe

Mhanjech prem fakt tu aani me

Ishwar charni ek prarthana aahe

Tuze ashru mazya dolytun nighave

Mazya aayushatale aanadache kshan

Tuzya dolyani baghave

Mhanjech prem fakt tu aani me

Aaplya premachya sugandhan

Aayushya ajun bharayach aahe

Harsh aaplya manatala

Sarva jagala dakhavayacha aahe

Mhanjech prem fakt tu aani me

Ek chhotasa gharta

Aahe ajun bandhayach

Mand dhund jivanat

Aaplyala aahe premana jagayach

Mhanjech prem fakt tu aani me

- Sharayu Khachane

Arjun Movie Trailer

j.kasliwal09@gmail.com (Jitendra) — Mon, 27 Feb 2012 11:29:00 +0000

Arjun

Cast : Suchit Patil, Amruta Khanvilkar, Vidyadhar Josh, Varsha Usgaonkar, Snigdha Sapnis, Kamlesh Savant, Mamta Josh, Anant Jog, Uday Sapnis
Director: F.M. Ilyas
Release Year: 2011

पाऊल

j.kasliwal09@gmail.com (Jitendra) — Sat, 25 Feb 2012 08:36:00 +0000

" जपुन टाक पाऊल...
इथे प्रत्येक वाट आपली नसते
जपुन ठेव विश्वास...
इथे प्रत्येक माणुस आपला नसतो
जपुन घे निर्णय...
इथे प्रत्येक पर्याय आपला नसतो
जपुन ठेव आठवण...
इथे प्रत्येक क्षण सारखा नसतो
जपता जपता एक कर..
जपुन ठेव मन कारण... ते फक्त आपलं असतं.......;)

शापित

j.kasliwal09@gmail.com (Jitendra) — Fri, 24 Feb 2012 08:02:00 +0000

तुझे अबोल डोळे काय बोलून गेले,
आसे कोणते प्रश्न मांडून गेले?

बोले तुझे ते, हृद्य छेडून गेले,
तुझं सागू कसे, मज माझे प्रारब्ध बाधून गेले.

हा दोष न माझा , शापित मी
मज माझे, कर्तव्य शापून गेले.

तूच दिलास, शब्दांना आकार माझ्या,
त्या शब्दाचे, इमान राखीत गेले.

घे उभा असा, गुन्हेगार तुझा,
वर्षाव अश्रूचा, तुझं टाळीत गेले.

का भेटलो, या वळणार,
मन माझे, आश्रुत वाहून गेले.

- सतीश दंताळ.