Cavite Exposé

WANTED SA PANANAKIT NASAKOTE

2014-01-23T23:46:00.002-08:00

CAVITE CITY––Isang 32 anyos na binata, tricycle driver na wanted sa kasong slight physical injuries, ang naaresto ng mga elemento ng Warrant at Intelligence section sa isinagawang operasyon kontra wanted person sa Brgy 47-M A. Del Rosario Street nitong nakalipas na Nobyembre 20,bandang alas 3:00 ng hapon.

Sa direktang superbisyon ni P Supt. Ruben Bawaan Andiso, hepe ng pulisya inaresto nina PO2 Edgie Portacio, Warrant section, PO2 Michael Marquez, PO3 Marbert Sto Domingo, PO1 Dann Czar Rosales at PO3 Ronald Nabos ng Intelligence section ang isang Jeffrey Molina y Briones residente ng nasabing lugar.

Base sa ulat inaresto ang suspek sa bisa ng warrant of arrest na inisyu at nilagdaan ni Hon. Judge Zandra T. Bato, MTC Branch 2 Cavite City nitong Setyembre 3,2013 sa ilalim ng criminal case number 113-2012 na may kaukulang piyansang Php1,000.

Sa ulat ng korte dakong alas 8:00 ng gabi noong Agosto 2011 ng ipagharap ang suspek ng biktimang si Nerrisa Guevara na umano'y pinalo ng barangay logbook nito sa ulo na naging dahilan ng pagkasugat nito. (REY MORALES)

VOL. 11 BLG. 20 DISYEMBRE 1-7, 2013

BAHAY NI RAID: SHABU, BARIL, BALA AT GRANADA NAKUMPISKA

2014-01-23T23:42:00.002-08:00

NAIC, Cavite––Nagsagawa ng operasyon ang mga elemento ng Naic Municipal Police Station sa isang bahay sa BLISS Brgy Labac, Naic Cavite, nitong Nobyembre 26, bandang ala 1:45 ng hapon.

Isinagawa ang operasyon sa bisa ng Search Warrant na may mga numerong 208,209,210 na inisyu at nilagdaan ni Hon. Judge Leroi C Castigador RTC Branch 15 Naic Cavite na may petsang Nobyembre 19,2013.

Sa direktang superbisyon ni P/ Supt. Hermogenes Duque Cabe OIC, pinamununan ni P/Insp. Rodel Sarmiento Salvador, PO3 Richard Atienza, PO3 Edwin Tabucol, PO3 Climacosa, PO2 Joel De Castro, PO2 Sonny Boy Monzon, PO1 Mariano, PO1 Eroles at PO1 Senorin, ang pagsalakay sa bahay ng isang Jayson Alaman, na nagbunga ng pagkakumpiska ng 10 small heat sealed plastic sachet na naglalaman ng pinaghihinalaang shabu, drug paraphernalias, isang hi cap caliver 45 pistol na may serial number 909714, isang magazine para sa 45 caliver pistol (armscor), 21 live ammunitions para sa kalibre 45, isang hand grenade, isang kapsula na hindi batid ang nilalaman.

Isinagawa ang search warrant operation na sinaksihan ni Rossel Calderon Media representative buhat sa
Abante, at Brgy Councilor Florente Abad.

Sinampahan ng kasong paglabag sa Section 11, ng RA9165, PD 1866 na naamyendahan ng RA 8294 at RA 9516 ang suspek na si Alaman na nagawang makatakas bago pa isagawa ang operasyon ng mga otoridad. (REY MORALES)

VOL. 11 BLG. 20 DISYEMBRE 1-7, 2013

BRGY. KAGAWAD, 1 PA ARESTADO SA ARMS CACHE

2014-01-23T23:37:00.000-08:00

IMUS CITY, Cavite-–– Naghihimas ng rehas na bakal ang isang barangay kagawad at isa pang lalaki matapos arestuhin ng mga operatiba ng pulisya dahil sa pag-iingat ng malalakas na kalibre ng baril at mga bala sa isinagawang operasyon sa Barangay Anabu 1 D, Imus City, Cavite nitong Nobyembre 21 ng gabi.

Sinampahan ng kaso sa lokal na pisklaya ang mga suspek na kinilalang sina Kagawad Ferdinand Camia 43, ng #917 Brgy. Anabu 1C, Imus City, Cavite; at Jimmy Camia, 43, ng #463 Brgy. Anabu.

Kabilang sa mga armas na nakumpiska ay ang M16 Armalite rifle, AK47 rifle, 3-magazines ng M-16 rifle at iba’t ibang uri ng bala para sa malalakas na kalibre ng baril. (LARRY MACABUAT/JAFO)

VOL. 11 BLG. 20 DISYEMBRE 1-7, 2013

DESPERADANG TEACHER NAGBITI

2014-01-23T23:32:00.000-08:00

INDANG, Cavite–– Isang 28 anyos na teacher ang winakasan ang sariling buhay sa pamamagitan ng pagbibigti sa kanilang bahay sa Brgy. Alulod Indang Cavite nitong nakalipas na Nobyembre 21 ng
gabi.

Sa ulat ng pulisya sinasabing bandang alas-10 ng umaga nang matagpuan ang nakabiting katawan ni Juliet Diloy, guro sa Cavite State University.

Sa Imbestigasyon ni PO1 Zidney Divina Manglo, base sa salaysay ng mister nito na kinilalang Nelson Diloy may karamdaman ang kanyang misis na hindi na binanggit na posibleng dahilan kung bakit ito nag-suicide.

(JAFO/ LARRY MACABUAT)

VOL. 11 BLG. 20 DISYEMBRE 1-7, 2013

Oath Taking Cavite City

2014-01-23T23:25:00.002-08:00

Cavite City oathtaking of Brgy. Captains and kagawads held at Montano Hall last
November 21,2013 with Cavite Governor Jonvic Remulla and Cavite City Mayor
Bernardo”Totie” Paredes, Councilor Jet Barrera,Coun.Michael Lu, Vice Mayor
Penchie Consigo and Head of DILG. (REY MORALES)

VOL. 11 BLG. 20 DISYEMBRE 1-7, 2013

Oath Taking of Barangay Officials at San Rafael IV, Noveleta, Cavite

2014-01-23T23:20:00.000-08:00

Noveleta, Cavite – Isang karangalan at kagalakan ng mga nanalong kapitan at mga kagawad ang pagdalo ni
Vice Pres. Jejomar Binay na siyang namuno sa panunumpa ng mga na halal na mga opisyales ng may 16 na
Barangay ng Noveleta. Ito ay pinangunahan ni Board Member Dino Chua kasama sina Konsehal Denver Chua,
ABC Pres. Gloria Fernandez, Konsehal Ellen Cerezo, Dating Kapitan Hernan Alvarez, Kapitan Emelito Lontoc,
Konsehal Davey Chua, Kapitan Angel Cruz, Kapitan Winnie Aquino, Kapitan Rolando Reyes, Kapitan Renielito
Castro, Kapitan Allan Villaluz, Kapitan Erwin Alvarez at Kapitan Dennis Bacquiran. Ang lahat ay sumisenyas ng
numero uno bilang pagkakaisa kay Vice President Binay ng United Nacionalist Alliance (UNA) party

VOL. 11 BLG. 20 DISYEMBRE 1-7, 2013

Maraming salamat! Negros Press Club

2013-01-26T06:37:00.001-08:00

BAGO ako magsimula, nais kong magpasalamat una sa Poong Maykapal na andito pa rin tayo at patuloy na nakikibaka sa buhay. Nawa’y isang masaganang taon at payapa ang taong 2013. Itong January 15, limang taon na akong nagsusulat sa Operation Expose at ganito na rin katagal ang pamamalagi ko dito sa Cavite.

Malayo na rin ang aking narating, mula sa City of Smile Bacolod City dito ako napadpad sa lugar ng mga bayani, ang lalawigan ng Cavite. Nagkaroon ako ng maraming kaibigan dito.

Maraming pamilya na maituturing na kong aking isa-isahin ay kukulangin ang aking espasyo. Nais kong pasalamatan ang Negros Press Club, kong hindi ako naging scholar ng NPC marahil ay wala ako ngayon dito sa Cavite. Maraming tao na ang aking nakasalamuha, mga politiko, artista, mga lider ng iba’t-ibang grupo at marami pang iba. Ngayon lang ako nagkaroon ng pagkakataon na lumingon sa aking pinanggalingan. Sabi nga, “ang hindi marunong lumingon sa pinanggalingan ay hindi makakarating sa paroroonan.”

Isa ako sa mga napagtapos ng Negros Press Club sa kursong Mass Communication sa University of Negros Occidental taong 1993. Si Daddy Monette Padilla noon ang siyang nangangasiwa ng scholarhip program ng NPC na naging presidente din ng samahan. Nitong umuwi ako ng Bacolod City, sinadya kong bumisita sa opisina ng NPC at napag-alaman ko na ang presidente ngayon ay si Arman P. Toga, Editor ng Negros Daily Bulletin. Very accommodating si Sir Arman at masaya ako sa aking narinig sa kanya na maganda ang samahan ng mga Media sa Bacolod City. “Magkaiba man ng mga paniniwala, naroon pa rin ang respeto sa isa’t-isa. Naging tambayan na ng mga mamamahayag ang opisina sa press club. Nagkakaisa ang lahat at maganda ang camaraderie “ .

Nakaraang taon October 24, 2012 nagkakilala kami ni Mr. Benny Antiporda ang Presidente ng National Press Club. Naging bisita si Sir Benny sa Symposium na isinagawa ng Asian Star Express Balita sa tema nitong “Fostering positive change through Enhanced Relationship between PIOs and the Media”. Ito ay sa pangunguna naman nina Mrs. Whelma G. Apolo ang Publisher ng Asian Star at Senior Director for Operations & Marketing Ms. Marilou Apolo. Isang makabuluhang okasyon na nakapag pahayag ng saloobin at opinion ang Media at mga bisita. Nabanggit ko kay Sir Benny Antiporda ang tungkol sa Negros Press Club at nakita ko ang kanyang pagka mangha at sinabi niya na ito ang oldest press club sa buong Bansa. Marami ang mga napag-usapan sa nasabing symposium at nabanggit dito ang mga salitang “Hao Shao” na tumutukoy sa ilang mga Media na ang kanilang pahayagan ay lilitaw, lulubog! At una rin nilang narinig sa akin ang salitang “tamburong brigade” wala naman ito sa Cavite, dahil pag “on-air” dapat sa airwaves pero ang mga kasapi ng “tamburong brigade” ay sa ilalim ng lupa.

Tumutukoy naman ito sa mga Media na nagsasabit ng halos ¼ size ng ID na wala namang mga outlet. Naibahagi ko rin ang expression naming mga Media sa Bac olod City na inutusan lamang na bumii ng suka sa tindahan pagbalik may nakasabit ng Media ID. Sa pangkalahatan masaya pa rin ang maging bahagi ng mamamahayag ma pa radio man, television, newspaper at ngayon pati sa internet. Isa pa rin ang aming hangarin na mapaabot sa madla ang mga impormasyon.

Media Night ng SM Bacolod City Bongga!

Labis ang aking pasasalamat kay Negros Press Club Pres. Arman Toga na naging bahagi ako ng Media Night ng SM Bacolod City.

Siyempre kay SM Cavite PR Officer Ms. Jen Paus at SM Cavite PR Manager Ms. Cathie Antonio na agad kong na text na ako ay invited sa Media Night. Masaya naman sila na ang kanilang Media Partner sa Cavite ay naimbitan din sa Media Night ng Bacolod City. Maraming salamat sa inyo, masaya akong nakasama ang mga dati kong kasama na mga Media sa Bacolod City. Maraming salamat din kay SM Bacolod City PR Manager May Castro na very accommodating din.

Nasabi kong bongga ang kanilang paghahanda at malumanay naman sumagot si Ms. May na siya ay tinulungan ng kanilang Marketing kaya naging bisita nila si Giselle Sanchez. Naaliw ang lahat sa kahusayang ipinakita ni Giselle na isa ring mamamahayag sa radio, member ng KBP, kolumnista, V blogger, singer at actress.

page 11 -

"Maraming salamat! Negros Press Club" by: MARITES L. LEONILLO │ Operation Eposé VOL. 10 BLG. 28 ENERO 13-19, 2013

MAYOR MALIKSI NANAWAGAN SA MGA NEGOSYANTE NA MAAGANG MAG-RENEW NG BUSINESS PERMIT

2013-01-26T06:33:00.000-08:00

FLAG City, Imus –”Please process your application for renewal of business permits the earliest time possible to avoid the rush and payment of penalties.”

Ang panawagan sa maagang pagpoproseso at pagbabayad ng permiso sa negosyo ay inihayag ni City Mayor Emmanuel L. Maliksi matapos ang pagtataas ng pambansang bandila sa Gen. Licerio Topacio City Plaza nitong nakaraang Lunes na sinaksihan ng madla at ng mga opisyal at mga kawani ng pamahalaang lungsod.

Kasunod nito, inatasan ni Maliksi ang mga kawani ng mga opisinang may kinalaman sa pagpoproseso ng permiso na palawigin ang oras ng trabaho upang maasikaso ang maraming kliyenteng magre-renew ng kanilang business permit.

Nabatid na hanggang Enero 21 lamang ang pagtanggap at pag-aayos ng mga dokumento sa renewal ng permiso sa negosyo.

“Pakiusap ko po sa ating mga minamahal na businessmen, agahan po natin ang pagre-renew (ng business permit) ngayong 2013 … may penalty po kayong babayaran kung male-late kayo,” paliwanag ni Maliksi.

Sinabi ni Miss Jasmin Ramos, hepe ng city Business Permits and Licensing Office (BPLO) na may multang aabot sa 25 porsiyento, bukod ang iba pang bayarin kada buwan sa mga huling maghaharap ng kahilingang mabigyan uli ng permiso sa negosyo.

Nang tanuning ng mga reporter kung palulugitan ang mga araw para mabigyan ng renewal ang mga huling magbabayad ng permit, sinabi ng alkalde na depende sa magiging rekomendasyon ni Ms. Ramos.

“Siyempre po, depende sa dami ng magre-renew, malalaman po natin ito, ayon sa rekomendasyo ni Ms.Ramos,” sabi ni Maliksi.

Pinaalalahanan ni Ms. Ramos ang mga magre-renew ng permiso na dalhin ang orihinal na kopya ng 2012 business permit para maging mabilis ang pagpoproseso ng bagong pahintulot sa negosyo.

Noon pang nakaraang linggo, iniutos ng alkalde na maglagay ng mga mesa, upuan at tolda sa harap at sa loob ng bulwagan ng city hall para maliksing maasikaso ang mga kliyente at maging maginhawa ang mga aplikante habang pinoproseso ang kanilang business permit.

Makakuha ng application forms sa opisina ng BLP0 sa ground floor ng city hall. /City of Imus Information Services.

page 11 -

"MAYOR MALIKSI NANAWAGAN SA MGA NEGOSYANTE NA MAAGANG MAG-RENEW NG BUSINESS PERMIT" by: ELI TAPARAN II │ Operation Eposé VOL. 10 BLG. 28 ENERO 13-19, 2013

CAVITE INTERNATIONAL AIRPORT IKOKONSTRAK SA KAWIT

2013-01-26T06:30:00.004-08:00

MARAMING Caviteno ang tuwang-tuwa sa balitang binabalak ng administrasyong Aquino na magtayo ng bagong international airport sa munisipalidad ng Kawit.

Bukod sa lumabas ang planong ito sa mga pahayagan, ilang radio broadcast ang nagsabi na ang balak na paliparan ay ikokonstrak sa nire-reclaim na lupa sa dagat ng Kawit at ito ay pinangangasiwaan na ng Public Estate Authority.

Ayon pa sa balita, unang naisip na itayo ang modernong paliparan sa dating Sangley Point Airport sa Cavite na dating ginagamit noong nasa Cavite City pa ang pasilidad ng United States Navy.

Iniwan ng lakas dagat ng USA ang pasilidad nang matapos ang kasunduan ng US at Pilipinas tungkol sa pananatili ng mga base military nito sa bansa.

Lahat ng pasilidad at base military ng America sa bansa, kabilang ang US Naval Base sa Cavite City at Olongapo City, ay inalis matapos ang kasunduang ito.

Sinabi naman ng ilang sources sa Department of Transportation and Communicationsn na ang planong International airport sa Kawit ay inaokeyan na ni Pangulong Aquino, at nabatid din na sa Abril 2013, maaaring maumpisahan na ang proyektong Light Railway Transit Extension mula Baclaran patungong Las Pinas at Bacoor City.

Ayon kay DoTC Sec. Joseph Emilio A. Abaya, malapit nang matapos ang bidding process sa proyektong LRT Cavite Extension na sinabing mamadaliin ito para matapos bago ang 2016.

Bago rin matapos ang 2016, uumpisahan din ang planong pagtatayo ng isang bagong pantalan ng Bureau of Customs sa coastal town ng Ternate.

Anang isang opisyal ng BoC, luluwag ang South Harbor sa Maynila na nandito ang Port of Manila, Manila International Container Port at ang Customs Collection District sa Ninoy Aquino International Airport. /ET

page 11 -

"CAVITE INTERNATIONAL AIRPORT IKOKONSTRAK SA KAWIT" │ Operation Eposé VOL. 10 BLG. 28 ENERO 13-19, 2013

City Mayor Strike B. Revilla Leads Groundbreaking of School Building in Brgy. Molino 3, City of Bacoor

2013-01-26T06:28:00.004-08:00

Starting the Year Right. It was a working holiday for City of Bacoor Mayor Strike B. Revilla as he led the groundbreaking ceremony of the eight-classroom school building in Camella Springville, Brgy. Molino 3, on 01 January. The building will be constructed on a 4,000sq-m lot donated by the Federation of Camella Springville HOA, through the support of Pro-Friends. Joining Mayor Revilla during the event were wife Ms Chaye Cabal Revilla, Coun. Rey Palabrica, other city and barangay officials, officers of various homeowner associations and non government organizations, and officers of Pro-Friends, led by Ms Jocelyn Guzman. Building additional school buildings and classrooms is one of the city government’s measures in providing quality and accessible education to Bacoorenos.

page 10 -

"City Mayor Strike B. Revilla Leads Groundbreaking of School Building in Brgy. Molino 3, City of Bacoor" by: (BPIO/Photos: Ruben Gabalfin) │ Operation Eposé VOL. 10 BLG. 28 ENERO 13-19, 2013

LTFRB, MATUWID KA NGA BA?

2013-01-26T06:26:00.001-08:00

MAGANDANG araw po sa aking mga tagasubaybay sa aking kolum “Ang inyong lingkod ang Tigre ng Lansangan.

Ito’y karugtong lang po ng aking naisulat nitong huling isyu na bagay lang na dapat malaman ng ating mga kababayan, patungkol sa mga pinaupong opisyal ng gobyerno ni Pangulong Roxas ay este mali pala, mahal na Pangulong Noynoy Aquino, tulad nitong si Chairman Jacob ng LTFRB na halos lahat ng aking napagtanungan para rito kay Chairman ay puro negatibo ang mga sinasabi, dahil sa kanyang pamamalakad, kasama na ang kanyang board member sa aspetong hindi makamasa sa mga hinaing ng mga operator ng mga pampublikong sasakyan na lubusang pagpapahirap ang mga tugon ng mga ito.

Negatibo nga ba ang pamamalakad ng mga ito? LTFRB mga sir, sa aking palagay sir, dapat lang po nating bigyang pansin ang mga hinaing ng mga ito, dahil kung wala ang mga nasabing operator ay wala rin kayong ahensiyang paglilingkuran, kaya po kayo inilagay sa puwesto upang paglingkuran ang sambayanang Pilipino sa legal na pamamaraan. At huwag na nating pahirapan at gayahin ang bulok na sistema ng nakaraang administrasyon, maawa kayo sa mga ito mga sir. Ang buong akala ko, matuwid ang landas na tinatahak ninyo katulad ng ating Pangulong PNoy na dinidinig ang mga hinaing ng sambayanang Pilipino, magbago na sana kayo ng estratehiya sa pamamalakad patungkol sa mga prangkisang problemang kinakaharap ng mamamayang Pilipino, upang maibahagi naman natin sa lahat na tayo ay may natutunan sa nagdaang administrasyon. Na may maling panuntunan sa pagsasaayos ng isang ahensiya, dahil sa lagayan system kaya sir umaasa po kami na hindi kayo kaisa sa mga ganuung sistema matakot kayo sa Diyos Ama, baka bigyan kayo ng matalim na kidlat at hindi nyo mailagan mga sir.

Hanggang sa muli. Grawwwl..

page 10 -

"LTFRB, MATUWID KA NGA BA?" by: GENER TOSCO │ Operation Eposé VOL. 10 BLG. 28 ENERO 13-19, 2013

CAVITE’S BEAUTY AND BRAIN: Ms. Angela Patricia Medina

2013-01-26T06:24:00.000-08:00

CAVITE’S BEAUTY AND BRAIN: Congratulations to Ms. Angela Patricia Medina who garned a title of Miss Cavite 2013 and Cavite Councilors League, Lakambini ng Cavite 2012. Earlier she won Mutya ng Imus 2006.

She obtained Bachelor of Science in Nursing at St. Paul University of Manila. She is a Registered Nurse as a result of the Licensure Examination for Nursing administered by the Professional Regulatory Commission (PRC) and currently enrolled as second year proper in the College of Medicine at Perpetual Help Las Piñas. We are proud of you….

page 10 -

"CAVITE’S BEAUTY AND BRAIN" │ Operation Eposé VOL. 10 BLG. 28 ENERO 13-19, 2013

Pagiging sensitibo sa Sports, papaanong makakatulong?

2013-01-26T06:19:00.001-08:00

UNA sa lahat, ang aba ninyong lingkod ay lubos na nagpapasalamat sa lahat ng tumangkilik at patuloy na tumatangkilik sa pahayagang ito, Cavite Expose, mula pa noong 2009 nang ako ay magsimulang magsulat dito mismo sa pahayagang ito. Higit sa lahat, ang pamunuan ng Cavite Expose sa pangunguna ni Kuya Rey Morales, ang ating publisher na si Doy Nava, ang lahat ng staff, maraming maraming salamat po sa pagsuporta sa hangaring mabigyan ng ibang angulo patungkol sa sports.

At sa patuloy na nagbibigay ng kritiko at komento sa mga nakalipas na panahon, marami pong salamat sa inyong payak at hindi matatawarang ideya para patuloy po naming mapabuti ang pahayagang ito, na siyang nagpapasulong sa mga bagay na nararapat na pasulungin. Marami pong salamat.

***

Maituturing ka bang isang taong sensitibo?

Saang aspeto ba tayo masasabing sensitibo?

Kung sa ating pangangatawan ang paguusapan, alin kaya sa limang ‘senses’ ang pinaka “sensitive” sa atin?

Bigyang pansin natin ang isang bulag. Ang bulag ay walang kakayahang makakita, pero hindi dahilan ito para sabihing wala na syang silbi at mapipigilan na siyang magpatuloy sa buhay.

Siyempre hindi, ipagpapatuloy niya ang buhay kahit wala siyang nakikita. Wala man ang kanyang mga mata, subalit napagtutuonan niya ng pansin ang iba pang pamamaraan para siya ay makakilos ng hindi kinakailangan ng mata. Tulad halimbawa ang pagiging sensitibo niya sa pandinig, na kung mayroong dumarating o nagsasalita, matamang nakatuon ng buong buo ang kanyang pagiisip sa kung saan ito nanggagal ing at ang bawat salita o pamamaraan kung papaano ito naibubulalas ng isang tao. Higit pa riyan, naitatala niya ito ng mas matagal sa kanyang isipan kumpara sa ibang ordinaryong tao. At kung kakayanin ay maaari pa nitong gayahin ang gayung gayong pagkakabanggit, pati na ang tono nito.

Minsan, napadaan ako dito sa MRT-LRT sa may bandang EDSA sa Pasay City, nakarinig ako ng isang tinig na tila huni ng isang ibong umaawit, na para bang tinig ni Regine Velasquez! Malayo pa lang ito ay kapansin pansin na ang kanyang tinig. Nuong napatapat na ako sa kanya, napansin ko na isang babaeng bulag ang umaawit, habang hinahawakan ng isang bata ang mikropono, at isang tabo na kinalalagyan ng kaunting barya.

Tunay na nakakaaliw ang kanyang boses sa pag awit yun nga lang mayroon itong kakulangan sa paningin. Paano naman natin magagamit ang pagiging sensitibo sa larangan ng sports? At ano naman ang matututuhan natin sa nabanggit na bulag? Buweno, sa larangan ng sports, isang matinding konsentrasyon ang kinakailangan. Gamit ang iisang pandama (mata, tenga, ilong, panlasa, pakiramdam) para hindi ito makapagpagulo sa gagawing pagkilos. Halimbawa, kung ang sports mo ay ang pagpapana (archer), dapat lamang na buong buo ang pagiging sensitibo mo sa iyong mga mata. Pipilitin mong isang tabi ang ilang pandama, at ibubuhos ng lahat para lamang sa iyong mata, at dahilan din ito para hindi magkaroon ng kakaibang kaguluhan sa isip at maiba ang diskarteng gagawin sa oras ng pagpana.

Tulad ng isang bulag, hindi siya nagbibigay pansin sa kanyang nakikita sa halip kung ano ang kanyang natutuhan noong naririnig nito ang orihinal na tono ng awit, na siya namang kanyang ginagaya. Kung maganda ang pinanggalingan, natural lamang siyempre na magagaya nito ang magandang pagkakaawit ng awitin. Buong buo ang magagamit ng isang manlalaro ang kanyang sangkap para ituon sa iisang bagay at hahayan muna nitong isantabi ang ilang pandama para doon lamang nakasentro ang kanyang gawain.

Marahil masasabi mong marami ang nagkakaroon ng iisang kaisipan kapag ginagamit nila ang kanilang abilidad, tulad sa pagkanta gamit ang kanilang tenga sa pandinig, ang paguhit na gamit ang kanilang kamay at sensitibong mga mata, ang mga taga-luto gamit ang kanilang ilong at dila para makapagluto ng mga kakaibang pagkain at katanggap tanggap sa marami.

Sa lahat ng pagkakataon, ang kahinaan o kawalan ng isang sangkap ay hindi hadlang sa anu mang bagay para mapasulong ang kaniyang kalagayan. Hindi ibig sabihin na ikay ay pilay, hindi ka na pupwedeng makilahok sa sports, bakit hindi laruin ang Chess? Na kung saan hindi kailangan ng mga paa para maging isang atleta nito.

Huwag sanang mawalan ng kawalan ng pagtitiwala sa sariling kakayahan, hindi ito hadlang sa hinaharap ng isang tao, bagkus, marami sa mga may kakulangan ay maituturing pa ngang kilala at tagumpay sa larangan ng sports. At sana, maging inspirayon sila para sa mga may kakulangan, dahil ginamit nila kung ano ang meron sila at ginawa itong sensitibo sa paraan na binubuhos ang lahat para maging ganap na kapaki-pakinabang sa kanyang hinaharap.

Hanggang sa muli!

***

Greetings to Mr. Alex of DSWD of Cavite City!

Sana po ay makita nila ang inyong kalagayan,

na hindi ininda ang kapansanan at ginamit ang pagiging sensitibo bilang mababa ang loob para sa ating mga kababayan, at isa lamang kayo sa mga patotoo ng kolumn na ito.

page 10 -

"Pagiging sensitibo sa Sports, papaanong makakatulong?" by: EMAN CAYABYAB │ Operation Eposé VOL. 10 BLG. 28 ENERO 13-19, 2013

PUTAHENG PANGASIUS: MASARAP!

2013-01-26T06:13:00.002-08:00

MATAGUMPAY ang presentasyon kung paano ang pagluluto sa isdang Pangasius na idinaos kamakailan sa Republic of Cavite Restaurant sa Trece Martires City.

Layunin ng “patikim” ng iba-ibang putahe sa restoran na maengganyo ang maraming mahilig kumain ng isda na subukan ang Pangasius na pamalit sa mga isdang madalas ay inihahaing ulam ng pamilyang Caviteno.

Pinuri ng mga nakatikim sa masasarap na putahe si Chef Renato Onabia ng Republic of Cavite Restaurant ang apat na putaheng niluto niya tulad ng:

• fish roll in honey mustard,

• nilasing na Pangasius,

• Pangasius au gratin, at Pangasius salad with banana.

Nais na pasiglahin ng Department of Trade and Industry sa Cavite ang kampanya para tangkilikin ang Pangasius bilang ulam at putahe, at sa tulong naman ng Bureau of Fisheries and Aquatic Recources ng Department of Agriculture, pararamihin ang pag-aalaga at pagpaparami ng isdang ito sa mga palaisdaan sa lalawigan.

Bukod sa maraming forum at sanayan sa pagluluto at pag-aalaga ng Pangasius, nabatid na mayroon nang isang paitlugan (hathcedry) ng isdang ito sa Cavite.

Nabatid pa na may 16 tao ang nag-aalaga at nagpaparami ng Pangasius at inaasahang dadami ang tatangkilik sa isdang ito na pamalit putahe sa mga kainan at handaan.

page 9 -

"PUTAHENG PANGASIUS: MASARAP!" by: Franz Orlain, PIA-Cavite │ Operation Eposé VOL. 10 BLG. 28 ENERO 13-19, 2013

MGA UNANG BIKTIMA NG KARAHASAN SA 2013

2013-01-26T05:57:00.001-08:00

MAGANDANG araw sa inyo. Gumimbal na naman sa ating bansa ang sinapit ng ating mga kababayan sa Kawit, Cavite. Sa isang iglap o ilang minuto ay 7 ang patay kasama ang bata at isang buntis at 6 na sugatan sa tama ng isang cal .45 na baril ng isang lalaking walang-awa na nag-amok na ginaya yata ang mga palbas sa TV o sa sine. May assistant pa na tao na tagalagay na bala.

Grabe talaga systematic ang ginawang pamamaril at pagpatay, iba talaga ang mga Caviteño. Kawawa ang mga nabiktima nito. Dapat magkaroon ng mga paghahanda ang bayan ng Kawit sa ganitong uri ng pangyayari 2 beses na itong nagaganap sa bayan ng Kawit, desperadong negosyante, ngayon naman mas grabe pa ang nangyari sa ‘di kalayuang baryo na halos magkatabing barangay sa bayan ng Kawit, Cavite.

WALANG PUSONG NILALANG SANA MAKARMA KA

KUNG SINO KA MAN

Talagang tarantado at hunghang ang taong responsable sa pagpapaputok ng baril sa Caloocan City na ikinamatay ng tinamaan ng bala si Nicole Ella, na isang pre-schooler.

Sayang at matalino pa naman itong si Nicole na halos nagkamit na ng 12 medalya sa kanilang school na tinapos lang ang buhay sa murang edad, gawa lang ng ligaw na bala noong nagpapalit ang taon. Itong si Mr. Agus ay dapat patawan din ng mga kaso, sapagkat umamin na nagpapaputok sila ng baril noong New year 2013 malapit sa bahay ng mga pamilyang Ella sa Caloocan City.

Na halos pinagbabawal ng gobyerno ang nasabing pagpapaputok ng baril eh isa ka pa rin tarantado. Ayon sa statistic ng halos 22 tao ang tinamaan ng ligaw na bala sa buong bansa sa nakaraang pagpapalitan ng taon. Grabe talaga, dapat maghigpit na rin ang gobyerno sa pagbibigay ng permit to carry o pagbebenta ng baril. Sapagkat halos paulit-ulit ang pangyayaring ito, taon-taon. Ang nangyayari everybody ay puwedeng magkaroon ng baril na lisensiyado basta may pera na pambayad, hindi na nasusunod ang regulasyon sa mga aplikante ng lisensiya ng baril.

Dahil ginagawa na ding hanapbuhay ng mga gun store o ilang PNP official ang tungkol sa lisensiya ng baril na hindi na nila inisipna responsable ba ito o masamang tao ito.

Wala ng tamang papeles, katulad ng DI Clearance, drug test o Neuro test. Basta may pera, okey na maski walang kasamang NBI clearance. Litrato lang o isang valid ID na xerox okey na basta sobra- sobra ang bayad.

AYAN NGA ANG MANGYAYARI, PATAYAN DITO AT HOLDAPAN DITO, PAPUTOK NG BARIL PAG NAG-IINUMAN,

hehehe... “May license naman ang baril.”

page 7 -

"MGA UNANG BIKTIMA NG KARAHASAN SA 2013" by: BOBBIT BENITEZ │ Operation Eposé VOL. 10 BLG. 28 ENERO 13-19, 2013

Salamat po, Don Ramon … BACOOR CITY HOSPITAL, HANDOG SA MAHIHIRAP

2013-01-26T05:46:00.000-08:00

Nina Becka Velasquez & Eli Taparan II

HINDI na kailangang magpunta pa sa mga pribadong ospital o mga ospital sa Metro Manila ang mahihirap na residente na nangangailangan ng serbisyong medikal.

Mangyayari ito sa oras na pormal na mabuksan ang operasyon ng bagong City of Bacoor Disrict Hospital na pinasinayan noong nakaraang taon ang tatlong gusali nito.

“Ang bagong district hospital po ng ating lungsod ay inihahandog po ng city government sa lahat ng mamamayan ng Bacoor, at maging ng taga-ibang lungsod at bayan dito po sa Cavite,” sabi ni Mayor Strike Revilla sa panayam ng pahayagang ito matapos ang pasinaya noon Dis. 21, 2012.

Sa kanyang maikling mensahe, malugod na pinasalamatan ni Mayor Revilla ang kanyang ama – si Don Ramon B. Revilla Sr. – na idinonasyon ang kalahating ektaryang lupa sa ReyVille Subd., Brgy. Habay 2 na kinatitirikan ng bagong gusali ng modernong ospital ng siyudad.

Ayon sa alkalde, ang donasyon ay handog ng ama na dating senador, bilang pamana sa bayan at lalawigan na nagkaloob ng maraming biyaya at pagpapala sa pamilya Revilla.

Pinasalaamtan din ni Mayor Revilla ang malaking tulong ng Department of Health, si Gov. JonVic Remulla at Kongresista Lani MercadoRevilla sa paglalaan ng pondo para maitayo ang gusali at pangakong financial subsidy kapag nabuksan na sa publiko ang ospital.

Ang pasinaya ay binasbasan ni Fr. Jose Demoy. Ang district hospital ay unang-unang naitayo sa Cavite mula nang hatiin ang lalawigan sa pitong distritong politika.

Binubuo ng ospital ay binubuo ng tatlong gusali na handang tumanggap ng 100 pasyente, at kasalukuyang inihahanda na ang kakailanganing mga gamit-medikal, mahahalagang pasilidad at iba pang gamit.

Mangangasiwa sa ospital bilang administradora si Dr. Joy Caballes, katuwang ang Bacoor City Health office, at mayroon na itong 10 kama, may kasunod pang 25 kama para sa pasyente, at inaasahang makukumpleto ang 100 kapasidad na kama sa mga susunod na buwan, ayon kay Mayor Strike.

Magkakaloob ng tulong pinansiyal ang DoH, ang pamahalaang panlalawigan para sa sahod ng mga doktor at kawani ng ospital, at may pondong mula sa congressional development fund (CDF) ni Cong. Mercado-Revilla para sa iba pang gastusin ng opsital ng Bacoor.

Bahagi rin ng pondo nito ay magmumula sa DOH, pondong alokasyon mula sa tanggapan ni Rep. lani mercado at subsidiya mula sa pamahalaang lungsod.

Sa kanyang mensahe, nangako si Gov. Remulla ng patuloy na suporta sa prograang pangkalusugan sa lahat ng mamamayang Caviteno.

Dumalo rin sa pasinaya si Health Undersecretary Teodoro J. Herbosa bilang kinatawan ni Health Sec. Enrique T. Ona; mga opisyal ng Cavite Provincial Health Office sa pangunguna ni Dr. George Repique, Bokal Jolo Revilla III, City Health Officer Dr. Reynaldo San Luis III, Ms.Rowena Bautista-Mendiola, mga konsehal ng City Council, mga kinatawan ng ibat ibang organisasyon, mga kapitan ng barangay, mga kawani at mga mamamayan ng Bacoor.

page 06 -

"Salamat po, Don Ramon … BACOOR CITY HOSPITAL, HANDOG SA MAHIHIRAP" │ Operation Eposé VOL. 10 BLG. 28 ENERO 13-19, 2013

Labis na Katabaan, Iwanan na sa Taong Nagdaan

2013-01-26T05:41:00.002-08:00

KAPAG nag-uumpisa ang taon ay hindi nawawala sa mga new year’s resolutions ang pagpapapayat at pagpapaganda ng hubog ng katawan.

Sa dami ng mga handaang naranasan natin nung nagdaang kapaskuhan at bagong taon ay di kataka- takang marami rin sa atin ang tumaas ang timbang.

Marahil para sa mga may katamtamang timbang hindi ito magiging suliranin ngunit sa mga taong may mataas ng timbang ito ay mauuwi lamang sa labis na katabaan o yaong tinatawag na “obesity”.

Ang obesity ay isang kondisyong dulot ng sobrang dami ng tabang naiipon sa katawan.

Ito ay ang pagkakaroon ng timbang nang higit sa 20% ng rekomendadong itinalagang normal na timbang.

Ito ay itinuturing na isang epidemyang lumalaganap sa buong mundo at isang suliraning hindi lamang dahil sa panlabas na kaanyuan kundi dahil sa mga napatunayang kaakibat nitong panganib sa ating kalusugan tulad ng:
• Diabetes

• Mataas na presyon
• Stroke
• Atake sa puso
• Kanser (colon, apdo, prostate, suso, matris)
• Bato sa apdo (Gallstones)
• Rayuma (Osteoarthritis at Gouty Arthritis)
• Problema sa paghinga habang natutulog
• Pag-akyat ng asido sa tiyan pataas sa bahagi ng dibdib
• Hindi normal na regla at mga suliraning may kinalaman sa pagkabaog (infertility)
• Mabagal na paggaling ng mga sugat sa katawan

Ito rin ay ang itinuturing na pangalawa sa paninigarilyo bilang nangungunang dahilan ng kamatayang dapat sana’y maiiwasan.

Maliban sa mga nabanggit ay may malaki ring epekto ito sa emosyonal na aspeto sapagkat ang mga taong “obese” ay kalimitang nakararanas ng pangungutya dahil sa deskriminasyon lalo na kapag naghahanap ng trabaho.

Ito marahil ay sa kadahilanang kaakibat ng ganitong timbang ang paniniwalang sila’y tamad at walang disiplina sa sarili.

Nararapat ring malaman na ang kalagayang ito ay namamana sapagkat kalimitang ang mga batang sobrang taba ay may mga magulang ring ganito ang kundisyon.

Ito ay dulot ng kawalan ng ehersisyo, maling pagkain, di aktibong pamumuhay at kung minsan ay dulot ng mga suliranin sa buhay.

Ang isang taong may problema ay sinasabing lumalakas kumain sapagkat ito ay nagdudulot ng paglalabas sa utak ng kemikal na natural na nagdudulot ng masayang pakiramdam.

Nakababahala rin ang pagdami ng mga kabataang nagiging “obese” at narito ang mga itinuturong dahilan:
• Labis na panonood ng TV at pagharap sa computer
• Kakulangan ng ehersisyo at sports
• Mga larong hindi nangangailangan ng pisikal na aktibidad tulad ng “xbox”, “gameboy” at “playstations”
• Mga anunsyong nanghihikayat ng mga pagkaing mataas sa kolesterol at asukal
• Paglaganap ng mga kainan na tinatawag na “fast-food chains”
• Pagbibigay ng pagkain bilang pabuya sa kabutihang nagagawa ng bata

Narito ang ilang rekomendasyong makakatulong upang maiwasan ang labis-labis na timbang:
• Maglaan ng oras upang ang buong pamilya ay magkaroon ng pisikal na aktibidad habang naglilibang tulad ng paglalakad sa liwasan o pamimisikleta.
• Maglaan ng mga gawaing-bahay sa lahat ng myembro ng pamilya at ibahin ito bawat linggo upang hindi mabagot sa paggawa nito.
• Hikayatin ang inyong anak na makibahagi sa sports.
• Magkaroon ng limitasyon sa panonood ng TV at pagharap sa computer.
• Kumain ng sabay-sabay sa hapag-kainan sa tamang oras.
• Maghanda ng masustansyang pagkain sa meryenda tulad ng prutas at pasas.

Paano ito Malulunasan? Iba’t ibang paraan ang mapagpipilian upang mabawasan ang timbang.

May mga gamot na tulad ng Sibutramine (Reductil) na nakapagpapabawas ng gana sa pagkain at Orlistat (Xenical) na humaharang sa taba upang hindi pumasok sa sistema ng katawan.

Ang inyong doktor ang magsasabi ng tamang gamot para sa inyo.

Maaari rin namang piliin ang ilang operasyon tulad ng pagpapasikip sa tiyan upang mabawasan ang dami ng pumapasok na pagkain.

Nangangailangan rin ng malaking suporta sa pamilya upang masolusyunan ito. Nararapat tandaan na ang mga magulang ay may malaking impluwensya sa mga pagkaing pinipili ng kanilang anak.

Oo nga’t maraming mapagpipiliang paraan upang magbawas ng timbang subalit ang pinakamahalagang aspeto ay nakatutok sa ehersisyo at tamang pagkain. Inirerekomenda rin ang mga sumusunod:
• pagkakaroon ng maililiit na subo kapag kumakain
• matagal na pagnguya sa pagkain bago ito lunukin
• pag-iwas sa mabilis na pagkain sa pamamagitan ng pagbababa sa kubyertos sa bawat pagsubo
• at pagiging maalam sa pagbabasa ng pabalat ng mga binibiling pagkain upang malaman kung ano dito ang nagtataglay ng tamang nutrisyon para sa inyo.

Tunay ngang ang mga taong “obese” ay hindi dapat kutyain. Sa halip, sila ay nararapat na tulungan lalo na kung ito ay isa sa inyong mahal sa buhay.

Kung sila ay tunay na mahal ninyo ay huwag pagbigyan ang kanilang mga hilig sa pagkain at sa halip ay tulungan sila tungo sa isang malusog na pangangatawan .
page 05 - CAVITE HEALTH WATCH

"Labis na Katabaan, Iwanan na sa Taong Nagdaan" by: EDWIN POBLETE, M.D.│ Operation Eposé VOL. 10 BLG. 28 ENERO 13-19, 2013

ALAK + DROGA + BOGA = TRAHEDYA

2013-01-26T05:29:00.003-08:00

MAKAPANINDIG BALAHIBO at sobrang nakakagalit ang nangyaring pamamaril sa Kawit nitong Enero 4. Masaklap na trahedya na uukilkil sa unawa kaisipan sa matagal na panahon sa mga naulila ng mga biktima, ganundin sa pamilya ng iba pang nasaktan. Pero tiyak din na ‘di makakatulog nang mahimbing ang pamilya ng napatay din salarin na si Ronald Bae.

Ayon sa imbestigasyon, lango sa alak at ipinagbabawal na gamot si Bae at kasama nito sa ‘jamming’ ang alalay niyang si John Paul Lopez,bago naganap ang malagim na trahedya. Sinasabi sa ulat na bago ‘naburyong’ si Bae ay nag-away sila ng asawa nito na tila ayaw ng makisama pa nito na tila ayaw ng makisama pa sa kanya kaya iniwan ang misis sa Pampanga at solong bumalik sa kanilang bahay sa Kawit. Ang dahilan ng pagayaw ni misis ay nananakit umano itong si Bae at sinubuan pa minsan ng gun barrel minsang lango ito sa droga. Ang revelation ay naganap sa isang TV interview kamakailan. Take note, dear readers, alam ng misis at siguro pati magulang ni Bae na ito’y adik at meron licensed na baril, bakit kaya ‘di isinuplong sa awtoridad ito? At meron na palang record ito tungkol sa illegal drugs bakit naisyuhan pa rin ng gun license?

WOW! Something is very very here... Kilala umano si Bae sa kanilang lugar bilang ‘Robinhood’ pero nangangahulugan bang magbulag-bulagan ang kanyang mga kalugar sa kanyang pagmamalabis tuwing lasing sa droga at alak? Marahil, kung meron naglakasloob na isuplong sa otoridad sa kanyang pagmamalabis at pagiging marahas itong si Bae tuwing lango sa alak at droga (lalo na ang kanyang kapamilya), baka walang trahedyang naganap. Bagama’t sa pahayag ng misis ni Bae na pinakiusapan niya ang mister para magpa-REHAB, kapus ito sa pursigi.

SAYANG... LALO NA SA MGA BUHAY NA NASIRA!

page 05 -

"ALAK + DROGA + BOGA = TRAHEDYA" by: DANN FABROS│ Operation Eposé VOL. 10 BLG. 28 ENERO 13-19, 2013

The Need To Standardize Chabacano Spelling and Grammar

2013-01-26T05:24:00.002-08:00

Chabacano has always been an oral language. Few pieces have been written in Chabacano and noticeably, there has been no consistency in the spelling and usage of the language since the words were written as spoken.

Indeed, Chabacano is a delightful blend of Spanish and Tagalog. Many of its words are Spanish in origin and its grammatical structures are mostly Tagalog. Perhaps , we can all it ‘Spanlog’ in modern terminology.

Many have been asking/curious about issues and concerns of the language and through this column, we will try to clarify points and observations.

The Case of Asao

There is a small restaurant in Caridad named Asao pronounced [a-SAW] and not [a-sa-O]. That is truly a Chabacano word meaning a roast or roasted. It comes from the Spanish word asado with the same meaning. But, how did asado become asao. Most likely,the change happened when we adopted the Mexican way of dropping the d from words ending in ado. Hence, we have abogao from abogado, mechao
from mechado, cuñao
from cuñado, pescao
from pescado, tarantao
from tarantado, champurao
from champurado, etc.

Similarly, market is mercado in Spanish but mercao in Chabacano (native speakers also use plaza and palenque, a Mexican word).

The Holiday Greetings

A number of greetings on tarpaulins were posted around the city and a few attempted to do so in Chabacano.

Merry Christmas was presented as Felices Pascua. This is not right in Spanish. Pascua here is singular while Felices is plural. The Spanish greeting will be either Felices Pascuas (both adjective and noun are plural) or Feliz Pascua (both are singular) since Spanish grammar dictates that noun and adjectives must be of one gender and number.

The word feliz or felices is rarely used in Chabacano. More often, the word alegre is used to convey happiness or merriment so Alegre Pascua would sound more Chabacano than Spanish.

Año Nuevo is the Spanish word for New Year but Añonuevo written as one word is the surname of someone.

Adoptations in Chabacano

Chabacano , as long as it keeps adopting new words, will be a living language unlike Latin with all its rigid rules ’died’. However, if a word is not bound in the language but can be derived from the original source, be it Spanish, Tagalog or English), such can be used. If it is even possible to coin new words to fit in the language, so much the better. Since there is no word for congratulations in Chabacano, native speakers use the Spanish enhorabuena or the English congratulations.

In the case of the word welcome, the Spanish term in bien venida. Inasmuch as the native speaker does not use venida but llegada (meaning arrival). Also, buen is used oftener than bien, thus it could be better to use buen llegada for welcoming someone. Similarly, very few Chabacano speakers know what a biblioteca is (Spanish for library). Why not use casa/cuarto de libros house/room of books) instead? This would be much easier to be understood.

page 4. Platica nisos Chabacano por Ñol Iking Vol. 10 blg. 28 ENERO 13-19, 2013

...To be continued

AKO BILANG ISANG DEBOTO NG MAHAL NA PATRONG JESUS NAZARENO

2013-01-26T05:16:00.002-08:00

MILYON MILYONG deboto ng Black Nazerene amg sumama at tumupad ng panata sa kanyang kapistahan nitong Enero 9 sa Quiapo, halos hindi mahulugan ng karayom ang dami ng mga debotong napanood natin sa telebisyong naghahangad na makaakyat sa karo ng Mahal na Señor, upang tuparin ang isang pangako, sa mga pagpapala at milagrong naranasan sa milagrosong Patron.

Mga debotong iniukol ang sarili sa paghila ng lubid na mistulang pasan ang krus upang makarating sa kanyang andas makaakyat at makahalik tanda ng pasasalamat sa maraming bagay na ipinagkakaloob nito sa mga nanampalataya sa Patron, Matanda bata, paslit mga maysakit.na ng pakitaan ng milagro at gumaling sa mga mabibigat na karamdaman ay nagpasyang mamanata upang magpasalamat at ang iba naman ay sumasama sa prusisyon upang makamit ang mga kahilingan tanging siya lamang ang inaasaahang makapagbibigay.

Tulad ng nakakararaming Katoliko ang aming pamilya ay deboto ng Nuestro Padre Señor Jesus Nazareno sa Quiapo Sa edad ko na 7 taong gulang ay isinama na ako ng aking Lolo George sa prusisyon at nag umpisang humila na kasama ang mga batang tulad ko sa tinatawag na “Paso” o ang kade kadenang magkakapit na braso.

Hindi ko mallilimutan ang isang pangyayaring naganap sa akin noong ako ay nasa ikalawang taon ng pagsama sa prusisyon, namamaga ang aking kanang hinlalaki sa paa at halos hindi makalakad bunga ng isang aksidente, ayaw ko na sanang tumupad noon dahil sa iniindang sakit subalit sinabi ng aking Lolo na mawawala iyon kapag tumupad at ginampanan ko iyon ng may pananalig at pananampalataya.

Sa hindi sinasadyang pagkakataon habang kade kadena kaming mga kabataan humihila, ang kinakapitang lubid ng nasa unahan ay nakaalpas at sama sama kaming nabuwal at dahil nga sa ang napuntahan namin ay pababang eskinita mistula kaming suman na nagkadikit dikit at nagkapatong patong, isang artistang lalaki na si Resty Sandel ang nagtayo sa akin at hindi ko namalayan na ang namaga kong hinlalaki ay natapakan na pala at ang nana ay lumabas lahat tanggal ang aking kuko subalit ni kapirasong kirot ay wala akong naramdaman maliban sa mainit na dugong dumadaloy sa aking paa.

Kay laking ginhawa nawala din ang aking lagnat na nararamdaman. Simula noon hanggang sa ngayon ay patuloy akong namamanata sa kanya hindi nga lamang nakasama sa araw ng kanyang kapistahan ngayon, subalit bumabawi naman ako tuwing Mahal na Araw.

Sa tuwina rin na may mga dinadala akong suliranin ay ang aking Patron ang aking takbuhan at patuloy ko na nararanasan naman ang kanyang pamamatnubay, patuloy din akong hihila ng lubid hanggang sa makakaya ng aking katawan bilang pasasalamat at pangako sa kanyang kabutihan.

Ang aking pananalig, pananampalataya bilang deboto sa itim na Nazareno ay babaunin hanggang bawiin ang hiram na buhay.

page 4. Hotshots Vol. 10 Blg. 28 ENERO 13-19, 2013

MGA KAGANAPANG DAPAT NA MATUTUNAN NGAYONG 2013

2013-01-26T05:13:00.000-08:00

page 4. Editoryal Vol. 10 Blg. 28 ENERO 13-19, 2013

Umabot sa 697 ang bilang ng mga nabiktima ng paputok kaugnay ng pagsalubong sa Bagong Taon base sa ulat ng Department of Health (DOH).

Sa ulat ni Health Secretary Enrique Ona, ang bilang ng mga naging biktima mula noong Disyembre 21 hanggang Enero 2, 2013, 404 dito ang naputukan,na ang karamihan ay nasa edad na 10 taong gulang at mga lasing.Sinasabing tumaas sa 40 ka-tao ang biktima ng ligaw na bala sa iba’t ibang bahagi ng bansa kaugnay sa pagsalubong ng Bagong Taon. kabilang sa mga biktima ang 7-anyos na si Stephanie Nicole Ella na tinamaan ng ligaw na bala sa kaliwang bahagi ng kaniyang utak habang nanonood ng fireworks sa Caloocan City. Alas-2:26 ng hapon Enero 2 ay binawian na ng buhay ang bata matapos ang dalawang araw na pagka-comatose sa East Avenue Medical Center sa Quezon City.Una rito, nasawi ang 4-anyos na batang lala-king si Ranjelo Nimer, ng Brgy. Addition Hills, Mandaluyong City matapos ding tamaan ng ligaw na bala noong bisperas ng Bagong Taon.Namatay din nitong Enero 21 ng umaga ang 28-anyos na misis na tinamaan ng ligaw na bala sa kasagsagan ng pagsalubong sa Bagong Taon sa bayan ng Kalibo, Aklan.

Ang biktima ay kinilalang si Mayette Tulio, meat vendor na nagtamo ng malalim na tama ng ligaw na bala sa kaniyang dibdib. Sinasabing papasok na sana sa kaniyang kuwarto ang biktima upang matulog matapos ang pagsalubong sa Bagong Taon dakong alas-2 ng madaling-araw noong Enero 1 nang tamaan ng ligaw na bala.Iniulat naman ng National Capital Region Police Office (NCRPO) na 215 katao ang naaresto ng mga operatiba matapos na mahulihan ng illegal na paputok sa serye ng operas-yon sa Metro Manila..Iniulat at ipinahayag ni NCRPO Chief P/Director Leonardo Espina na 9 katao rin ang nasakote sa indiscriminate firing kasunod ng pagkakasamsam ng anim na baril at tatlong basyo ng bala na ebidensya laban sa mga pasaway na indibidwal. Labindalawang insi-dente rin ng sunog ang naitala ng Bureau of Fire Pro-tection sa pagsalubong sa Bagong Taon sa Metro Manila.Sa ulat Bureau of Fire Protection (BFP) -National Capital Region, simula noong Dec 31, 2012 hanggang Enero 1, 2013, umabot sa P4 milyong halaga ng ari-arian ang napinsala.Pito (7) sa mga naganap na sunog ay pawang mga kabahayan sa Quezon City,(3) partikular sa Commonwealth na pinaniniwalaang nag-ugat sa sky lantern na lumamon ng may 15 bahay, isa sa Tondo, Manila at isa sa Marikina CIty.Sa kabuuan sinasabing bago matapos ang taong 2012 umaabot sa P11.9 milyong halaga ng ipinagbabawal na fire-crackers at pyrotechnics ang nasamsam ng mga operatiba ng pulisya sa serye ng crackdown sa buong bansa.

Ang malaking halaga ng nakum-piskang mga bawal na paputok ay simula nang ilunsad ng bagong PNP Chief Director General Alan Purisima ang ma-lawakang crackdown kontra sa mga illegal na paputok upang mabawasan ang mga biktima nito.Sa mga kaganapang nangyari bago matapos at pumasok ang panibagong taon nawa'y matuto at magkaroon ng kadalaan at harinawang maiwasan ang pag gamit ng malalakas na uri ng paputok at ang pag gamit ng pagpapaputok ng baril hindi natin alam kung saan at sino ang magiging biktima nito.harinawang ito ay maiwasan na ng dahil sa kapalaluan ay umutang ng buhay...

Ang Milagro ng Nazareno sa Simbahan ng San Roque

2013-01-23T23:02:00.002-08:00

Noong taong 1724 ng magmilagro ang Jesus Nazareno at pinagaling ang isang banyaga at ito’y nalaman ng mga taong bayan ng San Roque, kaya’t ang kanilang pamimintuho at pamimitagan kay Jesus Nazareno ay lumawak.

Ang lahat ng ito ay mula sa tradisyon o salinsabi, isang banal na alamat na aking sinipi.

Gervasio Pangilinan

Noong ika-18 siglo, tatlongpung taon bago ang digmaan ng Espanya at Pransiya laban sa Inglatera sanhi ng mag-anak na kasunduan ng mga Borbon na namuno sa dalawang naunang bansa. Sa isang bayan ng Albion ay meron isang lalaki na kilala sa kanyang pisikal at marangal na katangian.

Ang kanyang pagiging maharlika at higit sa lahat ang labislabis na kayamanan. Siya ang Baron ng Melville.

Sa kanyang kabataan ang kanyang libangan ay ang pangangaso sa gabi. Isang araw ng buwan ng Mayo taon 1724, dumating ang Conde Willmore isang maharlikang Irlandes. Kasama niya ang kanyang anak na babae at kasambahay at ito ay nalaman sila’y inanyayahan sa palasyo.

Nang sumunod na araw, nakitang lumalabas sa mansiyon ng Melville ang isang pulutong kasama ang “Castillana de Willmore” isang maganda at atletang babae na nakasakay sa isang kulay alasan na kabayo.

Sa isang hanay ay ang mga bata at makisig na lalaki na naimbitahan para sa pangangaso kasama ang ama ni Malvina (Castillana de Willmore). Ang paglisan ng Baron de Melville ay walang nakapuna.

Ang Conde at ang kanyang anak na si Malvina ay hirap sa pagtugis sa isang usa. Pagdating sa isang landas na kung saan nawala ang Baron de Melville ay natagpuan nila ito na nakahandusay sa lupa at duguan.

Nang ang kanyang sinasakyan na kabayo na nakikipagunahan ay hindi niya napansin ang isang umang katawan ng malaking puno. Na nakahambalang sa daraanan at sumabit ang paa ng kabayo at itinapon ang nakasakay sa napakalayong lugar. Nahulog siya at tumama ang ulo sa isang bato, nagsugat at nagdugo dahilan ng pagkawala ng kanyang ulirat.

Ang Baron ay inuwi na walang-malay. Isang di-kilalang estrangherong tao ang nagpakita, ang Baron ay nakadama ng di pangkaraniwang pakiramdam na kanyang nadadama.

Siya ay nakaririnig ng alingawngaw ng makalangit na awitin para sa Diyos na inaawit ng mga korong anghel. Akala niya na siya’y nananaginip. Kinuskos niya ang kanyang mga mata at nakakita siya ng matingkad na liwanag, halimuyak ng pabango sa buong silid. Ang estranghero ay nakatingin sa kanya ng naaawa.

Ang Baron ay umiyak at sinabing: “Panginoon, Panginoon, Panginoon.” Hayaan mong halikan ang iyong kamay. Sabihin mo po sa akin saan ko po kayo matatagpuan, upang ipakita ang aking pagpapasalamat sa mabuting ginawa mo sa akin.” At siya ay ngumiti ng may kabutihang loob at magiliw na sinabi sa kanya na “kung ang sinasabi mo ay totoo at hindi ka natatakot sa susuungin mong panganib sa paghahanap mo sa Akin. Ako ay matatagpuan mo sa kabilang panig ng mundo.

Sa isang bayan na natuklasan ng mga kastila.” Ang pagdiriwang ng Dulce Nombre de Jesus sa San Roque ay isang nakalulugod na araw. Malaking bilang ng mga namimintuho at namamanata sa Padre Nuestro Jesus Nazareno ang nagpupunta sa simbahan pag Enero noong taong 1725. Isang lalaki ang lumuhod sa may paanan ng Nazareno at tumulo ang kanyang mga luha. Siya ay pagod na pagod dahil sa kanyang napakahaba at napakahirap na paghihirap na paglalakbay sa oras na iyon, ang kanyang mukha ay nagliwanag at puno ng kasiyahan. “Panginoon, Panginoon” ang sabi niya “Napakadakila Mo sa pagbigay mo sa akin ng kaaliwan. Pinagaling mo ang aking katawan at kaluluwa.

Sa akin pong pag-aalinlangan sa Iyo, patawarin Mo ako. Ako’y nananalig sa Iyong kabutihan at awa. Nadaig ng emosyon, kaya’t siya ay inilabas ng simbahan. Siya ang Baron de Melville na tinupad ang kanyang pangako. Nilibot niya ang buong kapuluan, hanggang siya ay dinala ng kanyang paa sa simbahan ng San Roque. Dito niya natagpuan ang imahen ng Nuestro Padre Jesus Nazareno. Siya ay napagaling sa kanya di-pangkaraniwang sakit sa kanyang palasyo sa Gran Britanya.

Ang balita tungkol sa mga nangyari ay kumalat sa buong Cavite at ang Baron ay di tumigil sa paghahayag ng milagro at makalangit na pangangalaga na ipinagkaloob sa kanya. Ipinahayag ang kanyang mga kasalanan, pananalig at bagong pananampalataya. Ang Baron ay nag-utos at nagpagawa na magtayo ng Maringal na simbahan (Magnifico Templo) sa liwasan bayan (ngayon ay kinatatayuan ng gusali ng pampublikong paaralan (GABALDON) sa San Roque) malaki at malawak. Para sa ikatitibay ng kanyang pader ng simbahan, nag-utos na ang apog at buhangin ay haluan ng puti ng itlog.

Ang Baron ay bumalik sa kanyang bayan at ginawa niyang kapilya ang kanyang silid. Makalipas ang ilang buwan, pinakasalan niya si Malvina ang “Castellana de Willmore.” Sa simbahan na ito ng San Roque ay itinatag ang Confradia de Jesus Nazareno noong ika-2 ng Marso taong 1726. Sa panakop ng mga Ingles (British) noong 22 ng Setyembre, 1762 sa Cavite at Maynila at nang makarating sa bayan ng San Roque hinanap nila ang Gobernadorcillo si Bernardo Carlos, tinanong kung kanino ang simbahan at sinabing sa gobyerno. At iutos ng nakatataas na Ingles na ito ay gibain. Kaya’t ang tawag sa gobernadorcillo ng taong bayan ay “Tumba Iglesia.” Nalipat ang parokya ng San Roque sa simbahan ng Nstra. Sra. Soledad sa Porta Vaga, kung saan ang Confradia de Jesus Nazareno ay nagsasagawa ng pagtitipon mula 1763 hanggang 1770. Ang bagong simbahan ng San Roque ay nasunog dahil sa labanan ng Pilipino-Amerikano noong 1899, nawala ang imahen ng Jesus Nazareno na nagpakita sa Baron de Melville, maliban sa patron San Roque ang peregrino ang naiwan.

–– Ang tradisyon na kasaysayan na ito ay sinipi ni Don Gervasio Pangilinan (1876-1945) sa kanyang aklat na “La Historica Cavite (1926) at isinalin sa Ingles THE HISTORIC CAVITE ni Lourdes Arespacochaga (2001) at sinalin ko sa Pilipino ang tunkol dito.

page 03 - "KASAYSAYAN" Operation Expose VOL. 10 BLG. 28 Enero 13-19, 2013

Headline Makers

2013-01-20T21:25:00.000-08:00

Dann Fabros │ Dampi't Haplit

Rey Morales │ Hotshots

Bobbit Benitez │ Kasangga

Edwin Poblete , M.D. │ Cavite Health Watch

Eman Cayabyab │ Sports Dimension

Marites L. Leonillo │ Rektahan

Ñol Iking │ Platica nisosChabacano

Willy B. Pañgilinan │ Kasaysayan

Gener Tosco │ Tigreng Lansangan

Junn Young │ Imbestigador ng Bayan

Lion Peanut Gonzales │ Civic Action

Rev. E. Alvarez │ Moral Recovery Program

Analyn A. Viesca │ Buhay OFW

Operation Expose Vol. 10 Blg. 28 ENERO 13-19, 2013

2013-01-20T05:33:00.001-08:00

January 13-19,2013 issues

BALANGKAS-PULITIKA SA CAVITE

2012-11-08T06:02:00.001-08:00

Newspaper Archives Vol. 10 Blg. 13
October 07, 2012 - October 13, 2012 issue

KAPANA-PANABIK ang magiging tunggalian sa pagka-gobernador sa lalawigan ng Cavite sa 2013. Dating magkaalyado, ngayo’y mahigpit na maglalaban para sa pagrenda at pangasiwaan ng provincial government sa nalalapit na panahon.

Naghahangad na makabalik sa kapitolyo si dating gobernador Erineo “Ayong” Maliksi na kasalukuya’y kinatawan ng lone district ng Imus. Ang “sixty four dollar question” ay kung bakit gigil na gigil makopo ang provincial capitol samantalang “sure winner” si Cong. Ayong kung hahangarin ay maging reelectionist sa darating na halalan?”

Ang pagtataka ng isang supporter na masugid na tagahanga (ayaw pong magpakilala) ni Cong. Ayong ay kung bakit “susugal” siya sa pagka-gobernador samantalang “nakakatiyak” ito kung re-eleksyunista siya sa pagkaCongressman…na posibleng walang makakalaban. Well, sa pananaw ng manunulat na ito walang ibang kandidato na masasabing “credible” para isagupa sa kasalukuyang Governor Jonvic Remulla na puedeng “basbasan” ni P-Noy kundi si Cong. Ayong lamang.

Dahil ito’y “good team player” bilang kasapi sa partido ng administrasyon PNoy, ang Liberal Party. At stake siyempre is P-Noy’s pride. Ika ng isang political observer from Indang, “Naniniwala ako na hindi maalis-alis sa isipan ni Pres. Noynoy Aquino ang pagbubulgar ni Cong. Boying Remulla sa umano’y malaking scam sa SCTEX noong ito’y tumatakbong pangulo noong 2010. Di nga ba’t nagkamal umano ang pamilya Conjuangco-Aquino sa bentahan ng lote na dapat ay P10/sqm lamang (libu-libong ektarya) pero katakut-takot na “price increment” (more than 1000%?) na ang nadehado sa bentahan ay mga pobreng tenants ng Hacienda Luisita?”

Matatandaan na ang partidong kinakatigan noon ni Cong. Boying ay ang Nationlista Party (NP) ni then presidential candidate Manny Villar. Pero dahil naman sa “C-5 scam” na ibinulgar naman ni then Sen. Jamby Madrigal, ayon nadiskaril ang pangarap ni Villar na maging pangulo at si PNoy ang pinalad na maluklok sa Malakanyang noon 2010.

Ang tanong, di ba’t meron malaking coalition ang mga partido LP-NP-NPC sa kasalukuyan, na tila dapat lamang ay isantabi na ang mga naging hidwaan noong nakaraan? Pero bakit sa Cavite ay tila di umiiral ang nasabing coalition?

Well, sinagot na ‘yan ni outgoing Sen. Manny Villar sa ginanap na “alliance declaration” ng Lakas-Magdalo kamakailan. Ika ni Villar, “Zona-Libre ang Cavite”—meaning kanya-kanyang kayod ang ang mga nagtutunggalian sa pagka-gobernador at bise-gobernador. At sa puntong ito, bagama’t ang suporta ng NP ni Villar ay nakahain pa rin sa mga Remulla, ang banggaang MaliksiRemulla sa 2013 ay sadyang “very exciting”, siyempre ayon pa rin sa ilang political observers.

Opsss, teka lang…Lakas-Magdalo na ang alyansa, di ba? Which means, Remulla-Revilla against Maliksi-Lacson (gunning for vice-governor is Jay Lacson, son of outgoing Sen. Panfilo Lacson). Again, a big question is lingering…what happened to Sen. Bong Revilla and Cong. Ayong’s “good relationship”, if there’s one in the first place? Ika ng peborit kong barber sa Indang na si Ka Angel, “…ganun talaga ang pulitika, kung saan ka puedeng kumabit para makatiyak sa panalo! Wala naman talagang prinsipyo dito kundi ‘personal na interest’. Di ba sabi ni Sen. Bongbong Marcos: ang mga political alliances na ‘yan ay MARRIAGE FOR CONVENIENCE?” Ngek…

Going back to Cong. Ayong’s desire to get back the helm of leadership in Cavite, this writer believes that it’s more than pride that meets the eye. Ngayong nakakatiyak ng todo-suporta mula sa Malakanyang, lalo pa’t nang itaas ni PNoy ang kamay ni Maliksi para sa hangaring maging gobernador ito ng lalawigan na wika ay: “…marami pang magagawa si Manong Ayong sa Cavite”, tila malaking tiwala ni Maliksi na siya’y makakabalik sa kapitolyo. Pero ang TIYAK, hindi papayag siyempre ang mga Remulla na ngayo’y masasabing malaking pader ang babanggain—ang pader ng Palasyo! Pondo por pondo…opsss, punto 4 punto…wait till 2013 folks. He he he…

page 05 - "DAMPI'T HAPLIT" by: DANN FABROS │ Operation Eposé Vol. 10 Blg. 13 October 07, 2012 - October 13, 2012