Abhyaskram

TAT-2

noreply@blogger.com (Kamlesh Zapadiya) — Tue, 12 Aug 2014 08:09:00 +0530

http://www.edusafar.com/2014/08/secondary-tat-2014-result.html

ગુજરાતી જનરલ નોલેજ ક્વીઝ ગેમ

noreply@blogger.com (Kamlesh Zapadiya) — Sat, 2 Nov 2013 23:29:00 +0530

જનરલ નોલેજ

નમસ્કાર મિત્રો,
જનરલ નોલેજ માટે ઘણા ખાંખા ખોળા કાર્ય હશે..અને વિવિધ સામગ્રી પણ મળી હશે...આપને જનરલ નીલેજ માટે ગુજરાતીમાં ક્વીઝ ગેમ તૌયાર કરી છે. જે ભરાડ ફાઉન્ડેશન દ્વરા મળી છે. તેથી અહી તેમનો આભાર માની ગેમ વિષે આગળ વાત કરીએ...
જનરલ નોલેજની કુલ ૫ ગેમ રમી શકાય તેવી મુકવામાં આવી છે. દરેક ગેમમાં ૨૫ પ્રશ્નો મુકેલ છે. દરેકના ૪ ગુણ છે એટલે જયારે તમે ગેમ રમશો ત્યારે ૧૦૦ ગુણ માંથી તમને ગુણ મળશે...
આ ગેમ એજ્યુસફર(www.edusafar.com) પર મુકવામાં આવી છે.
જેની લીંક નીચે મુજબ છે...
http://www.edusafar.com/2013/11/General-Knowledge-In-Gujarati.html

સૌ પ્રથમ ઉપરની લીંક પર ક્લિક કરો.
ત્યાર બાદ ટેરાફોન્ટ ન હોય તો ડાઉનલોડ કરો.
પોસ્ટ પર પાંચ લીંક આપેલ છે તેના પ ક્લિક કરતા ગુજરાતી જનરલ નોલેજ ક્વીઝ ગેમ ખુલશે.
થોડો સમય રાહ જોશો જેથી ધીમું નેટ કનેક્શન હશે તો થોડીક વાર લાગશે.
ગુજરાતી જનરલ નોલેજ ક્વીઝ ગેમ રમવાનું શરુ કરો...

આ ગુજરાતી જનરલ નોલેજ ગેમ કેવી લાગી ?

તે અંગે આપના અભિપ્રાય જરૂર આપશો....

Download Gujarat Rojgar Samachar (16/10/2013) ~ Edusafar.com

noreply@blogger.com (Kamlesh Zapadiya) — Fri, 18 Oct 2013 20:04:00 +0530

Download Gujarat Rojgar Samachar (16/10/2013) ~ Edusafar.com

Gujarati Laghulipi (shorthand) (Gujarati E-Book) Download-10 ~ Edusafar.com

noreply@blogger.com (Kamlesh Zapadiya) — Fri, 18 Oct 2013 19:46:00 +0530

Gujarati Laghulipi (shorthand) (Gujarati E-Book) Download-10 ~ Edusafar.com

CCC Quiz KBC Game

noreply@blogger.com (Kamlesh Zapadiya) — Mon, 26 Aug 2013 17:59:00 +0530

CCC Quiz KBC Game Play Onlaine.

વધુ ગેમ માટે www.edusafar.com પર સંપર્ક કરો.

રાજા રવિવર્મા 29 એપ્રિલ

noreply@blogger.com (Kamlesh Zapadiya) — Sun, 29 Apr 2012 10:09:00 +0530

શ્રી એલ.વી.જોષી

મહાન ચિત્રકાર શ્રી રવિવર્માનો જન્મ 29/4/1848 ના રોજ કેરળના કિલિમનૂર ગામમાં થયેલો. પૂર્વભવના કોઇ સંસ્કારને બળે હોય કે ગમે તેમ પણ રવિવર્માને બાળપણથી જ ચિત્રો દોરવાનો શોખ. અભ્યાસમાંથી નવરો પડે એટલે એ નાનકડો કુમાર જમીન પર કે ભીંતો પર કોલસા વડે માતાના મુખે સાંભળેલા પૌરાણિક પાત્રોને જીવંત કરી દે. અઢારમાં વર્ષે ત્રાવણકોરની એક રાજકન્યા સાથે લગ્ન થયું. હવે તેમને તૈલચિત્રો બનાવવાની હોંશ જાગી. ભારતભરમાં ભરાતા ચિત્રપ્રદર્શનોમાં રવિવર્માની કલાકૃતિ હંમેશા હોય જ, એટલું નહીં પારિતોષિક પણ એમને જ મળતા. જગવિખ્યાત ચિત્ર ‘શકુંતલા-પત્રલેખન’ દ્વારા તો શકુંતલાની રમણીય મીઠી મૂંઝવણને શાશ્વત બનાવી દીધી. વડોદરા નરેશ સયાજીરાવે દરબારમાં બે વર્ષ રાખી તેમની પાસે ચૌદ પૌરાણિક પ્રસંગોનાં ચિત્રો દોરાવ્યાં હતાં. આપણે જે લક્ષ્મી, સરસ્વતી, વિષ્ણુ, ગણપતિ કે કૃષ્ણના જે સ્વરૂપના દર્શન કરીએ છીએ તે મૂળ તો રવિવર્માના મોડેલ હતા. તેઓ ભારતીય ધર્મગ્રંથોનો જો ઊંડાણથી અભ્યાસ કરીને પોતાની ચિત્રકારીને ચાર ચાંદ લગાવવામાં જાન રેડી દેતા. રવિવર્માની કદરરૂપે બ્રિટિશ સરકાર તરફથી તેમને ‘કૈસરેહિંદ’ નો ઇલકાબ મળ્યો હતો. 500 જેટલાં ચિત્રોનો સંગ્રહ ભેટ ધરી 58 વર્ષની વયે ઇ.સ.1906 માં આપણાં સાચા કલાકારનું અવસાન થયું. આજની કલાપદ્ધતિઓના તેજવલયોમાં પણ રાજા રવિવર્માની કલાને ભૂલી શકાય એમ નથી.

ગગનવિહારી મહેતા 28 એપ્રિલ

noreply@blogger.com (Kamlesh Zapadiya) — Sun, 29 Apr 2012 10:05:00 +0530

શ્રી એલ.વી.જોષી

ગગનવિહારી મહેતા 28 એપ્રિલ

પ્રખર અર્થશાસ્ત્રી અને તેજસ્વી પત્રકાર શ્રી ગગનવિહારી મહેતાનો જન્મ ઇ.સ.1900 માં ભાવનગરના કુલીન નાગર કુટુંબમાં થયો હતો. એમના પિતામહ શામળદાસ ભાવનગર રાજયના દીવાન હતા. મુંબઇમાં શિક્ષણ લઇ સ્નાતક થયા. રાજકારણ તેમનો પ્રિય વિષય હતો. મુંબઇના વિખ્યાત રાષ્ટ્રીય દૈનિક ‘બોમ્બે ક્રોનિકલ’ ના સહાયક તંત્રી બન્યા. તેઓ બહુમુખી પ્રતિભા ધરાવતા હતા. જાહેર સેવાની એમના કુટુંબની પ્રણાલિકાને અનુરૂપ એમણે પ્રામાણિકતા અને દેશપ્રેમના ગુણો દાખવ્યા હતા. એમનું મોહક વ્યક્તિત્વ, ચારુતા અને વિનોદવૃતિને લીધે ટેરિફ કમિશન અને પ્લાનીંગ કમિશનમાં સૌથી લાયક વિશિષ્ટ વ્યક્તિ તરીકે તેમની પસંદગી થઇ હતી. તેનનો ગુજરાતી હાસ્યસંગ્રહ ‘આકાશના પુષ્પો’ પ્રગત થયેલો. અનેક સંસ્થાઓના પ્રતિનિધિ તરીકે તેઓ વિદેશયાત્રા કરી ચૂક્યા હતા. ત્યારબાદ અમેરિકા ખાતે હિંદના રાજદૂત તરીકે એમની નિમણૂક થઇ અને પછી તો પંડિત જવાહરલાલના અત્યંત વિશ્વાસુ મિત્ર તરીકે એમણે અભૂતપૂર્વ કામગીરી બજાવી જાહેર જીવનમાં અનેક મહિમાવંત પદો તેમણે શોભાવ્યા. પોતાનો પ્રામાણિક અભિપ્રાય નિર્ભયપણે જાહેર કરવામાં એમને કદી સંકોચ થતો નહોતો. લેખનકળા અને વકતૃત્વકળાના તો તેઓ ‘બેતાજ બાદશાહ’ હતા. 28/4/1974 ના રોજ તેમનું અવસાન થતા સમકાલીન ભારતીય સમાજમાંથી એક સમૃદ્ધ વ્યક્તિત્વ અદ્દશ્ય થયું.

ડૉ.મણિભાઇ દેસાઇ 27 એપ્રિલ

noreply@blogger.com (Kamlesh Zapadiya) — Fri, 27 Apr 2012 06:18:00 +0530

શ્રી એલ.વી.જોષી
ગાંધીયુગના મહામૂલા રત્ન ડૉ.મણિભાઇ દેસાઇનો જન્મ 27/4/1920 ના રોજ સુરત પાસેના કોસમાડ ગામે થયો હતો. કૉલેજનું છેલ્લું વર્ષ હોવા છતાં કૉલેજ છોડીને આઝાદીની લડતમાં જોડાઇ ગયા. માત્ર પચીસ વર્ષની વયે જ બાપુના રંગે રંગાઇ ગયા. બાપુએ તેમને સેવાગ્રામ આશ્રમમાં બોલાવ્યાં. એમણે સમાજસુધારાનું કામ પણ આદર્યું. ઉરુળી જેવા ગામમાં કામ માટે જીવન સમર્પિત કરવાનો મણિભાઇએ મનોમન નિર્ણય કર્યો અને ગાંધીજીના ખોળામાં માથુ મૂકીને એ બોલ્યા ‘બાપુજી મારી રાખ ઉરુળી કાંચનમા પડશે, એ મારી પ્રતિજ્ઞા છે.’ પછી તો લોકોની વ્યસનમુક્તિ, કરજમુક્તિ, પડતર જમીનનો વિકાસ, શિક્ષણ વગેરે કાર્યક્રમો હાથ ધર્યા. ગાંધીજીની સૂચનાથી ગૌશાળા વિકસાવવા એમણે ગાયના શરીરશાસ્ત્રનો અભ્યાસ કર્યો. ડેન્માર્કથી 200 જેટલી વાછરડીઓને લાવ્યા અને સંકર ગાયોનું સંવર્ધન કરી ખરા અર્થમાં ગાયોને કામધેનુ બનાવી. બાયફ સંસ્થા દ્વારા કૃષિવિદ્યા, ઘાસચારા ઉત્પાદન, રેશમકીડા સંવર્ધન, પશુ સંવર્ધન વગેરે અનેક પ્રકારના કાર્યક્રમો એમણે ચલાવ્યા. મણિભાઇ મેગ્સેસે એવોર્ડના નાણાંમાંથી ‘બાયફ’ જેવું અખિલ વિશ્વ કક્ષાનું ફાઉન્ડેશન ઊભું કરવાની અને એવોર્ડના નાણા તેમાં ફંડ તરીકે આપવાની જાહેરાત પણ કરી હતી. મણિભાઇઅનું ઇ.સ.1993 માં 73 વર્ષની વયે ઉરુળીમાં અવસાન થયું. મણિભાઇ માત્ર ‘મણિ’ જ નહોતા, એ ‘ભારતરત્ન’ હતા.

શ્રી નિવાસ રામાનુજન 26 એપ્રિલ

noreply@blogger.com (Kamlesh Zapadiya) — Thu, 26 Apr 2012 06:16:00 +0530

webnews.textalk.com

શ્રી એલ.વી.જોષી

ભારતના મહાન ગણિતશાસ્ત્રી શ્રી નિવાસ રામાનુજનનો જન્મ ઇ.સ.1887 માં તામિલનાડુ પાસેના એરોડ ગામમાં થયો હતો. ગણિતના અભ્યાસના પુસ્તકો મેળવીને ઘરે અભ્યાસ કરતા ને પોતાની બુદ્ધિપ્રતિભાથી તેઓ ગણિતના પ્રશ્નોના ઉત્તર નવી નવી તરકીબથી કરતા હતા. દશકાઓથી સાબિત નહીં થયેલા ગણિતના કેટલાક અતિ કઠિન પ્રશ્નો સરળ રીતે તેમણે સાબિત કરી આપ્યા. એમની સ્મરણ શક્તિ અનન્ય હતી. સંખ્યાઓને યાદ રાખવી એમના માટે રમત હતી. એમનામાં એક અદ્વિતીય મૌલિકતા તથા વિચિત્ર પ્રતિભા હતી. પ્રો.જી.એચ. હાર્ડીએ ગણિતના સંશોધન માટે સગવડ આપી. તેમના વિશે પ્રો.હાર્ડીએ લખ્યું છે કે : રામાનુજન નિ:સંદેહ આધુનિક સમયના સર્વશ્રેષ્ઠ ભારતીય ગણિતજ્ઞ છે. તેમની કાર્યપદ્ધતિ સર્વથા નવીન અને વિલક્ષણ છે’. ઇંગ્લેન્ડમાં રહ્યા તે સમયમાં વિશ્વભરની અનેક સંસ્થાઓને તેમનું વારંવાર ભવ્ય સન્માન કોઇ ભારતીય ગણિતજ્ઞ વિદ્વાનનું કદી થયું ન હતું. શારીરિક માનસિક શ્રમને કારણે તેમને ક્ષય રોગ લાગુ પડ્યો. સારવાર કારગત નીવડી નહીં. માત્ર 32 વર્ષની વયે આ વિદ્વાન જયોતિપુંજ 26/4/1920 ના રોજ મહાજયોતિમાં ભળી ગયો. રામાનુજન જગતના ગણિત નભોમંડળમાં એક ધૂમકેતુની જેમ અચાનક આવ્યા, આંજી નાખે તેવા તેજથી થોડાંક વર્ષ પ્રકાશ્યા અને ધૂમકેતુની જેમ જ અકાળે વિદાય થઇ ગયા.

ફ્રુટ ક્વિજ ગેઇમ

noreply@blogger.com (Kamlesh Zapadiya) — Wed, 25 Apr 2012 20:01:00 +0530

ફળોની ક્વિજ છે. જેમાં ગુજરાતી ફળનું નામ પરથી અંગ્રેજી શબ્દ શોધી તેના પર ક્લિક કરી રમવાની આ ગેઇમ છે. તો આ ક્વિજ ડાઉનલોડ કરો અને તમારા બાળકને ભેટ આપો. ફાઈલ ડાઉનલોડ થઇ ગયા પછી જો તમારી પાસે 7 જીપ સોફ્ટવેર ન હોય તો ડાઉનલોડ કરવો પડશે આ માટે વધારે વિગત નીચેની લિંક પર ક્લિક કરો. ઝિપને ફાઇલને અનઝિપ કરતો સોફ્ટવેર ત્યાર બાદ ફાઈલને અનજીપ કરો. અનજીપ કરતી વખતે પાસવર્ડ માગશે. પાસવર્ડ ok છે. અને ક્વિજ શરું કરો ત્યારે પણ ok પાસવર્ડ આપજો. ક્વિજ ડાઉનલોડ કરવામાટે અહી ક્લિક કરો.

ગુગ્લીલ્મો માર્કોની 25 એપ્રિલ

noreply@blogger.com (Kamlesh Zapadiya) — Wed, 25 Apr 2012 06:14:00 +0530

શ્રી એલ.વી.જોષી

મહાન વૈજ્ઞાનિક અને સંશોધક માર્કોનીનો જન્મ 25/4/1874 ના રોજ ઇટાલીમાં થયો હતો. અભ્યાસ દરમિયાન જ તેજસ્વી વિદ્યાર્થી તરીકે તેમણે પોતાનું નામ રોશન કર્યું હતું. બાળપણથી જ તેમને વિદ્યુત સંશાધનોમાં અનોખો રસ હતો. ઘરમાં જ પુસ્તકાલય હોવાથી તેઓ સતત વાંચતા રહેતા. માર્કોની અને તેના ભાઇ બંનેએ મળીને વીજળીના તરંગો મોકલવાના પ્રયાસો કર્યા અને એક દિવસ સફળતા મળી. કોઇપણ જાતના તાર વગર અવાજ એક સ્થળેથી બીજે સ્થળેથી બીજે સ્થળે મોકલવાનું સંશોધન કર્યું. માર્કોનીના આ આવિષ્કારે વિશ્વને હલબલાવી નાખ્યું. ઇટાલીના સમ્રાટ અને સામ્રાજ્ઞીને પણ તેમનો પ્રયોગ જોવાની ઇચ્છા થઇ અને પ્રસન્ન થયાં. માર્કોનીને હવે પ્રથમ કરતા વધારે મદદ મળવા લાગી. કેનેડાની સરકારે માર્કોનીને આમંત્રણ આપી સંદેશા-વ્યવહારનું સેન્ટર ઊભું કર્યું. ત્યારબાદ તેમણે ‘અલ્ટ્રા શોર્ટ એન્ડ માઇલ વેવ્ઝ’ પર પોતાનું ધ્યાન કેન્દ્રિત કર્યું, જેની મદદથી રેડિયોની શોધ થઇ. માર્કોનીને ભૌતિક વિજ્ઞાનનો ‘નોબેલ પુરસ્કાર’ મળ્યો. ઇટાલિયન સરકારે એનું ભારે સન્માન કર્યું. ઇટાલીના રાજાએ તેને માટે વારસાગત ઉમરાવપદ પણ આપ્યું. સંદેશા-વ્યવહારમાં ક્રાંતિકારી શોધ કરી દુનિયાને ઉપયોગી થનાર માર્કોનીનું ઇ.સ.1937 માં 64 વર્ષની ઉંમરે અવસાન થયું. રેડિયોના પ્રચાર અને પ્રસારથી જ વિશ્વને એક તાંતણે ગૂંથ્યું છે એ ચમત્કાર સર્જનાર માર્કોની જ હતા.

ઈંગ્લીશ વોકેબ્યુલરી ગેઇમ

noreply@blogger.com (Kamlesh Zapadiya) — Tue, 24 Apr 2012 16:49:00 +0530

EnglishFlashGames.blogspot.com પરથી આભાર

વધુ નીચેના લીસ્ટ ૫ર ક્લિક કરો.અને રમો.

VOCABULARY GAMES

એક્શન વર્બ ગેઇમ

noreply@blogger.com (Kamlesh Zapadiya) — Tue, 24 Apr 2012 16:42:00 +0530

EnglishFlashGames.blogspot.com પરથી આભાર.

એનીમલ મેમરી ગેઇમ

noreply@blogger.com (Kamlesh Zapadiya) — Tue, 24 Apr 2012 16:34:00 +0530

કોઈ પણ કાર્ડ પર ક્લિક કરો અને તેને યાદ રાખો. દા.ત. ગાયનું ચિત્ર યાદ રાખી cow શબ્દ ક્લિક કરશો એટલે જવાબ સાચો પડશે. http://englishflashgames.blogspot.in/ પરથી આભાર.

ચાંપસીભાઇ ઉદ્દેશી 24 એપ્રિલ

noreply@blogger.com (Kamlesh Zapadiya) — Tue, 24 Apr 2012 06:08:00 +0530

શ્રી એલ.વી.જોષી

સાહિત્યિક સામયિક પ્રગટ કરવાનો આતશ જેમનામાં હતો તેવા ગુજરાતના વિખ્યાત પત્રકાર ચાંપશીભાઇ ઉદ્દેશીનો જન્મ 24/4/1892 ના રોજ થયો હતો. મેટ્રિકમાં નાપાસ થવાથી કલકત્તામાં સામાન્ય નોકરી સ્વીકારી લીધી. પરંતુ તેમના મનમાં એક શિષ્ટ અને સાંસ્કારિક સામયિક પ્રગત કરવાની ઝંખના હંમેશા થયા કરે. તેઓ ‘નવચેતન’ સામયિકને ટકાવી રાખવા, સમૃદ્ધ કરવા જ સદા સર્વદા મશગૂલ રહેતા. તેને ખાતર તેમણે અત્યંત મુસીબતો વેઠી, છતાં ‘નવચેતન’ ના ઉત્કૃષ્ટ પ્રકાશનને જીવનમંત્ર બનાવી જીવનના અંત સુધી કર્તવ્ય નિભાવ્યું. ત્રણ દાયકા સુધી કલકત્તામાંથી પ્રગટ કરીને પાછળથી ચાંપશીભાઇ અમદાવાદ આવતા ત્યાંથી જ પ્રગત થવા લાગ્યું. આવું શિષ્ટ સામયિક સતત ચાલતું રહે તેની પાછળ એને સાહિત્યના લગાવ સિવાય બીજું શું હોય શકે ? ગુજરાતી રંગભૂમિ પર રજૂ કરી શકાય તેવા પાંચેક નાટકો પણ તેમણે લખ્યા હતા. ઉપરાંત ફિલ્મ અને ક્રિકેટનો જબરો શોખ હતો. એમની બે કથાઓ પરથી ફિલ્મ પણ ઊતરી હતી. ક્રિકેટમાં તેમની નિયમિતતા અને રસિકતાથી પ્રભાવિત થઇ ‘રેઇન્જર્સ કલબ’ નામની કલકત્તાની યુરોપિયન કલબે ચંદ્રક અર્પણ કરી બહુમાન કર્યું હતું. ઇ.સ.1974 માં ચાંપશીભાઇએ પોતાની જીવનલીલા સંકેલી લીધી.

વિલિયમ શેકસપિયર 23 એપ્રિલ

noreply@blogger.com (Kamlesh Zapadiya) — Mon, 23 Apr 2012 06:06:00 +0530

શ્રી એલ.વી.જોષી

people.brandeis.edu

મહાન નાટ્યકાર વિલિયમ શેક્સપિયર વિલિયમ શેક્સપિયરનો જન્મ 23/4/1564 ના રોજ ઇંગ્લેન્ડના સ્ટ્રેટફોર્ડ ગામમાં થયો હતો. પિતાને આર્થિક ટેકો મળે તે માટે વિલિયમ નોકરી ધંધામાં જોડાયો. દરમિયાન લંડનની એક સારી ગણાતી કંપનીમાં તેને થોડુંક મનગમતું કામ મળી ગયું. નાટક લખવાની ઇચ્છા થઇ અને જુદા જુદા થિયેટરોમાં થોડી કલમ ચલાવ્યા પછી ગ્લોબ થિયેટરમાં તેમની કલમ ઝળકી ઊઠી. જોતજોતામાં તો તેમની નાટ્યલેખક તરીકેની પ્રતિષ્ઠા જામી ગઇ. તેમણે ઘણાં સુખાંત નાટકો પણ લખ્યાં. નાટકોના કથાનકો કે વિષયો જડ્યાં ત્યાંથી શેક્સપિયરે ઉપાડયાં હતાં. રોબર્ટ ગ્રીન નામના એક નાટયલેખકે ઇર્ષ્યાથી ખિજાઇને શેક્સપિયરને ‘પારકા પીંછાથી શોભતો કાગડો’ કહી નાખેલો. મેકબેથ, જુલિયસ, સિઝર, ઓથેલો, હેમ્લેટ, રોમિયો અને જુલિયેટ, કિંગલીઅર સહિત તેમણે 37 નાટકો અને 154 સોનેટોની વિપુલ સમૃદ્ધિ આપી. તેમણે 1600 થી વધુ શબ્દો અંગ્રેજી ભાષાને ભેટ આપીને જાણે કે તેઓ અંગ્રેજી ભાષાના સમ્રાટ બન્યા છે. એમની સર્વતોમુખી પ્રતિભા વડે જોતજોતામાં તે પોતાના સમકાલીન કવિઓમાં મોખરે જઇને ઊભા રહ્યા. એટલું જ નહીં પણ વિદ્વાન બેન જોન્સનના શબ્દોમાં કહીએ તો ‘સર્વકાળના સર્વશ્રેષ્ઠ કવિ’ તરીકે પોતાની નામના તેમણે અંકિત કરી. જીવનના 50 વર્ષ વટાવ્યા પછી તેમની તબિયત લથડવા માંડી. પોતાની જન્મ તારીખ, એપ્રિલની 23 મી તારીખે ઇ.સ.1616 માં શેક્સપિયરે આ જગતમાંથી ચિરવિદાય લીધી.

તમારા બ્લોગનું શીર્ષક આકર્ષક બનાવો.

noreply@blogger.com (Kamlesh Zapadiya) — Sun, 22 Apr 2012 23:39:00 +0530

સૌ પ્રથમ નીચેની લિંક પર કરી ત્યાં તમારા બ્લોગનું શીર્ષક લખો.
http://cooltext.com/
http://cooltext.com/Render-Image?RenderID=684801660
ત્યાર બાદ તેને જેપીઈજીમાં સેવ કરવા માટે જેપીઈજી પસંદ કરો. Render Logo પર ક્લિક કરો. નવું પેઈજ ખુલશે. તેમાં Download Image પર ક્લિક કરી ડાઉનલોડ કરી સેવ કરો.

હવે તમારા બ્લોગમાં ડેશબોર્ડ પર જઈ ડિજાઈન પર જાઓ.નેવીબારની નીચે શીર્ષક પર તમે ડાઉનલોડ કરેલી ઈમેજ સેટ કરો.

સવાલ જવાબ

noreply@blogger.com (Kamlesh Zapadiya) — Sun, 22 Apr 2012 19:46:00 +0530

સવાલ જવાબના આ વિભાગમાં આપનું સ્વાગત છે. ઘણા વાચક મિત્રો બ્લોગ અંગેના કેટલાક સવાલો પૂછે છે. પણ જુદા જુદા વિભાગમાં પૂછવાને કારણે ઘણી વખત જવાબ આપવાનું રહી જાય છે. તો આ વિભાગમાં કોઈ શૈક્ષણિક સવાલ પૂછી શકો છો. અને હા મિત્રો કોઈ સવાલનો જવાબ પણ આપી શકો છો. આ સવાલ જવાબ ચર્ચા વિભાગ બની રહેશે તેવી ધારણા છે. અમારી જાણકારી અને સમજ પ્રમાણે શક્ય તેટલા જવાબ આપવાનો પ્રયત્ન કરીશું. કોમેન્ટ બોક્ષમાં અથવા ફેઇશબુક કોમેન્ટબોક્ષમાં સવાલ પૂછી શકો છો. આ વિભાગથી કંઈક ચર્ચા થાય, જાણવાનું મળે તેવી પણ એક આશા છે. તો ચાલો આ સવાલ જવાબ વિભાગમાં સૌ સાથે મળીને જોડાઈએ.

વિકિપીડિયા સોફ્ટવેર ડાઉનલોડ

noreply@blogger.com (Kamlesh Zapadiya) — Sun, 22 Apr 2012 15:12:00 +0530

સૌ પ્રથમ ટોરેન્ટ ડાઉનલોડ કરો. અહીથી
ત્યાં બાદ ટોરેન્ટ ફાઈલ ડાઉનલોડ કરી તેના પર ડબલ ક્લિક કરો.૨.૯૦ જી.બી. સાઈજ છે જેથી ડાઉનલોડ થતાં ઘણો સમય લાગશે પણ ટોરેન્ટ એની મેળાએ કામ કરતું રહેશે.

MS Officeથી PDF ફાઈલ કેવી રીતે બનાવશો ?

noreply@blogger.com (Kamlesh Zapadiya) — Sun, 22 Apr 2012 13:50:00 +0530

કમલેશ ઝાપડિયા

મિત્રો, તમારે PDF ફાઈલ બનાવવી છે?

નીચેના સ્ટેપ અનુસરો.

1. સૌ પ્રથમ એક નાનકડો સોફ્ટવેર ડાઉનલોડ કરવા અહી ક્લિક કરો.(933kb)

2. એ સોફ્ટવેર ઇન્સ્ટોલ કરો.

3. નીચે ચિત્રમાં બતાવ્યા પ્રમાણે ઓફિસ શરું કરી PDFમાં સેવ કરો.

૨૦૦૭ની ઓફિસમાં અને ૨૦૧૦ની ઓફિસમાં શક્ય છે.

આ ટ્રીક્સ કેવી લાગી? તમારો પ્રતિભાવ આપશો.

મુરલી ઠાકુર 22 એપ્રિલ

noreply@blogger.com (Kamlesh Zapadiya) — Sun, 22 Apr 2012 04:03:00 +0530

શ્રી એલ.વી.જોષી
ગાંધીયુગના ગુજરાતી કવિ મુરલીધર ઠાકુરનો જન્મ ઇડર પાસેના સુવેર ગામમાં થયો હતો. પ્રાથમિક શિક્ષણ પૂર્ણ કરી, ઉચ્ચ શિક્ષણ માટે આર્થિક સ્થિતી સારી ન હોવાથી અનેક યાતનાઓ વેઠી, આપબળે જ કૉલેજનું શિક્ષણ લીધું. નરસિંહરાવ દિવેટિયા જેવા વિદ્વાનોની મમતાએ એમનું જીવન ઘડ્યું અને પોષ્યું. ત્યાર પછી મુંબઇની કૉલેજમાં પ્રાધ્યાપક તરીકે કાર્યરત થયા. એમની વાક્છટાને કારણે વિદ્યાર્થીઓમાં માનીતા બની રહ્યા. ‘સફરનું સખ્ય’ માં માતા વિશે એમણે માતૃપ્રેમને ભાવસભર અંજલિ અર્પી છે. પ્રકાશન કાર્ય, ફિલ્મ સેન્સર બોર્ડમાં સભ્યપદ અને મુંબઇ આકાશવાણીના ગુજરાતી વિભાગનું નિર્માતાપદ-એમ વિવિધ ક્ષેત્રે પોતાના વ્યક્તિત્વની મહેકથી આગવી પ્રતિષ્ઠા સંપાદિત કરી હતી. જે કાર્ય હાથમાં લે તેને દ્રઢ આત્મવિશ્વાસથી પાર પાડતા. રેડિયો સ્ટેશન પર જ એમને હ્રદયરોગનો હુમલો આવ્યો. સારવાર કારગત ન નીવડતાં મુરલીધર ઠાકુરે 22/4/1975 ના રોજ વહેલી સવારે અંતિમ શ્વાસ લીધા, પણ મુરલી ઠાકુર એના સર્જન સાથેના સાહિત્યમાં અને સાહિત્ય રસિકોમાં સદૈવ જીવંત છે. નાનાં ભૂલકાં જેવાં રમવા જોગાં બાળ, રમતાં રમતાં શિખવે એવી શાળાઓ કયાં આજ ! અરે, મને ખૂંચતું એટલું આજ.

મોરિસ વિલ્સન 21 એપ્રિલ

noreply@blogger.com (Kamlesh Zapadiya) — Sat, 21 Apr 2012 06:00:00 +0530

શ્રી એલ.વી.જોષી
હિમાલયના સર્વોતુંગ શિખર એવરેસ્ટને ચડવાનો નિશ્વય કરનાર પર્વતારોહક મોરિસ વિલ્સનનો જન્મ ઇંગ્લેન્ડમાં 21/4/1898 ના રોજ થયો હતો. બાળપણથી જ તેમનામાં પૂર્ણ આત્મવિશ્વાસ અને અદભુત સાહસશક્તિ હતી. પ્રથમ વિશ્વ યુદ્ધ દરમિયાન તો સૈનિક તરીકે જોડાઇને બહાદુરી માટે ‘મિલટરી ક્રોસ’ મેળવેલો. તેમને અચળ શ્રદ્ધા હતી કે દુનિયાના તમામ રોગ-સંતાપનું નિવારણ માત્ર પ્રાર્થના અને ઉપવાસમાં રહેલ છે. પોતાની આ શ્રદ્ધાનો પરચો જગતને બતાવવા માટે તેણે એવરેસ્ટના દુર્દાન્ત શિખર ઉપર એકલા પહોંચવાનું સાહસ કરવાનું નક્કી કર્યું. એ માટે એમણે હિમાલયને લગતાં અનેક પુસ્તકો અને નકશાઓનો તેમણે અભ્યાસ કર્યો. મોરિસે અમુક ઊંચાઇ સુધી એવરેસ્ટ પર વિમાનમાં જવાનું નક્કી કર્યું. એક જૂનું વિમાન ખરીદી પોતાનો જવાનો દિવસ જાહેર કર્યો, પરંતુ સરકારે પરવાનગી ન આપી છતાં ત્રણ અનુભવી શેરપાઓની મદદથી તેઓ 5000 મીટરની ઊંચાઇએ પહોંચ્યા. થોડે ઊંચે જતાં જ તેની કસોટી શરૂ થઇ. એની શક્તિ હણાઇ ચૂકી હતી. તેમનો ઉત્સાહ અદમ્ય હતો. ઇ.સ.1934 ની 31 મે ગુરૂવારે વહેલી સવારે વિલ્સને પોતાની ડાયરીમાં નોંધ્યું છે ‘પુન:પ્રયાણ કેવો મહાન છે આ દિવસ’ વિલ્સનની ડાયરીનું આ અંતિમ લખાણ. મહામુશ્કેલીએ આગળ વધતાં રાત પડી એ રાતે સૂતા, પછી ફરી જાગવા પામ્યા નહીં.

પન્નાલાલ ઘોષ 20 એપ્રિલ

noreply@blogger.com (Kamlesh Zapadiya) — Fri, 20 Apr 2012 05:59:00 +0530

શ્રી એલ.વી.જોષી
બાંસુરીના સંગીતસ્વામી પન્નાલાલ ઘોષનો જન્મ ઇ.સ.1911 માં પૂર્વ બંગાળના બારિસાલ મુકામે થયો હતો. બાળપણથી જ તેમને સંગીત પ્રત્યે લગની, વળી વારસામાં જ સાંગીતિક વાતાવરણ મળ્યું. ‘ન્યૂ થિયેટર્સ’ ની પ્રખ્યાત ચિત્રપટ સંસ્થામાં પાશ્વસંગીત માટેના વાદ્યવૃંદમાં જોડાઇ ગયા. જુદા જુદા કલાગુરુઓ પાસેથી સંગીતની પદ્ધતિસરની તાલીમ લીધી. દરમિયાન તેઓ કલકત્તાના આકાશવાણી વિભાગમાં આર્ટિસ્ટ તરીકે જોડાયા. ગાંધીજી પણ પન્નાલાલના બંસીવાદનથી મુગ્ધ થયા હતા. પોતાના હસ્તાક્ષરમાં પ્રમાણપત્ર આપ્યું: ‘બંસી બહુત મધુર બજાઇ’ સાચા સૂરવાળી વાંસળી બનાવવા માટે તેઓ સ્વયં કાળજી લેતા, શાસ્ત્રીય સંગીતના અંગોની રજૂઆત તેમણે વાંસળીમાં જ કરવા માંડી. ખયાલ, ઠુમરી, ખટક, મુરકી વગેરે રાગો ઉતારી વાંસળીમાં આ બધું વાગી શકે તે તેમણે સાબીત કર્યું. હાથની આંગળીઓ પર સોજા આવી જાય તો પણ પોતાની સાધના ચાલુ રાખતા. શાસ્ત્રીય સંગીતમાં પણ મહાન ઉસ્તાદોની નજરમાં બંસરીને આદરપાત્ર બનાવનાર પન્નાલાલ ઘોષ 20/4/1960 ના રોજ સંગીતની મહાજયોતમાં વિલીન થઇ ગયા. પન્નાલાલ ભલે દેહે મૃત્યુ પામ્યા છે પણ સૂર દેહે અમર થયા છે. તેઓ કહેતા ‘પૂર્ણતા એટલે પ્રભુપ્રાપ્તિ, તેથી હું વાંસળીમાં પૂર્ણતા પામવા ઇચ્છું છું. ઇશ્વરની જરા સરખી પણ જયોત જોવા મળી જાય તો જીવન સફળ બને અને એ જ મારું જીવનધ્યેય છે.’

તમારા જીમેઇલ એકાઉન્‍ટની સિક્યુરિટી કેવી રેતે વધારશો?

noreply@blogger.com (Kamlesh Zapadiya) — Fri, 20 Apr 2012 00:25:00 +0530

કમલેશ ઝાપડિયા
કેમ છો મિત્રો!
તમને પાસ્‍વર્ડનો સતત ભય રહેતો હોય અને વારંવાર પાસ્‍વર્ડ બદલવો પડતો હોય તો તમારા માટે એક સરસ ઉપાય છે. તમે જીમેઇલ એકાઉન્‍ટમાં તમારો મોબાઇલ નંબર ઉમેરી દો એટલે જ્યારે તમે લોગીન થશો એટલે તમારા ઈમેઇલ આઇડી, પાસ્‍વર્ડ ઉપરાંત એક કોડ માગશે. એ કોડ તમારા મોબાઇલ પર ટેક્સ મેસેજ કે વોઇસ મેસેજથી તરતજ તમને મળશે. તમે જે પસંદ કર્યુ હશે તે પ્રમાણે કોડ મળશે. જો તમે આ સુવિધાનો લાભ લેવા ઈચ્‍છતાં હો તો નીચેના સ્‍ટેપ અનુંસરો.
સૌ પ્રથમ લોગીન થાઓ.

ત્યાર બાદ માય એકાઉન્ટ પર ક્લિક કરો.

ચિત્ર પ્રમાણે એડીટ પર ક્લિક કરો.

હવે દેશ પસંદ કરી તમારો મોબાઈલ નંબર લખો.

નીચેના ચિત્ર પ્રમાણે એક વિકલ્પ પસંદ કરો. જો તમારે ટેક્ષ મેસેજ જોઈતો હોઇ તો પ્રથમ વિક્લપ પસંદ કરો. વોઇસ મેસેજ જોઈતો બીજો વિક્લપ પંસંદ કરો. અને આગળ વધો.

તમારા મોબાઇલ પર આવેલો કોડ લખો.

ફરીથી તમારો આઇડી પાસ્‍વર્ડ લખો. અને સાઇનઇન થાઓ.

જો તમારે આ સુવિધા બંધ કરવી હોય તો નીચેના ચિત્રમાં બતાવ્‍યા પ્રમાણે પેલું સ્‍ટેપ અનુંસરો. અને તમારો મોબાઇલ એડ કરવા બીજુ સ્‍ટેપ અનુંસરો.

બસ તમારી સુવિધા શરું થઇ ગઈ. જયારે તમે લોગીન થશો ત્યારે તમારા મોબાઇલમાં કોડ મળશે જે તમારે લખવાનો રહેશે પછી જ જીમેઇલ ખૂલશે. પણ તમે તમારા બ્રાઉજરમાં પાસ્વર્ડ સેવ ન કરેલો હોવો જોઇએ.

તારાબહેન મોડક 19 એપ્રિલ

noreply@blogger.com (Kamlesh Zapadiya) — Thu, 19 Apr 2012 05:56:00 +0530

શ્રી એલ.વી.જોષી
ભૂલકાંઓના સાથી અને લેખિકા શ્રીમતી તારાબહેન મોડકનો જન્મ 19/4/1892 ના રોજ થયો હતો. અનેક મુશ્કેલીઓનો સામનો કરીને, પોતાની બધી શક્તિઓને એમણે બાલશિક્ષણમાં વાપરી, તેનો રચનાત્મક ઉપયોગ કરી, સમાજની સેવા કરી. રાજકોટની બાર્લ્ટન ફીમેલ ટ્રેઇનીંગ કૉલેજની પ્રિન્સિપાલ પદની મોટા પગારની અને અધિકારની નોકરી છોડી તેઓ શ્રી દક્ષિણામૂર્તિ બાલમંદિરમાં જોડાયા. તારાબહેને ગાંધીજીની પ્રેરણાથી કોસવાડમાં આદિવાસી બાળકો માટે પારણાઘર, બાલવાડી, પ્રાથમિક શાળા, રાત્રીશાળા એમ શિક્ષણ સંસ્થાઓની પરંપરા શરૂ કરીને કેળવણીનો યજ્ઞ શરૂ કર્યો. તેઓ મોન્ટેસરી સંમેલનમાં ભાગ લેવા યુરોપ પણ ગયા હતા. તેમણે બાળસાહિત્યના પુસ્તકો ઉપરાંત શિક્ષણ અંગેના પુસ્તકો પણ લખ્યાં છે. શિક્ષણક્ષેત્રે તેમણે આપેલી અનેકવિધ સેવાઓની કદરરૂપે ભારત સરકારે તેમણે ‘પદ્મભૂષણ’ ખિતાબ અર્પણ કરી તેમનું બહુમાન કર્યું હતું. બાળકોને સમજવાની અને તેમને પ્રેમથી વશ કરી લેવાની તેમનામાં જન્મજાત શક્તિ હતી. શિક્ષણ સંબંધી વિચારોને સાકારિત કરવા એ બધું જ કરી છૂટતાં. ગુજરાતમાં પૂર્વ પ્રાથમિક ક્ષેત્રે એમણે એટલું બધું રચનાત્મક કામ કર્યું છે કે ઇ.સ.1973 માં 81 વર્ષની વયે મુંબઇમાં જયારે એમનું અવસાન થયું ત્યારે આ સન્નારીને કેળવણીકારોએ ‘ગુજરાતના મોન્ટેસરી’ કહીને બિરદાવી આદરાંજલિ અર્પણ કરી હતી.