.

தமிழரசுக் கட்சியின் தேசிய மாநாடு வெற்றியா? தோல்வியா?

noreply@blogger.com (சந்ரு) — Mon, 28 May 2012 17:04:00 +0000

பிள்ளையானின் பின்னால் ஒன்று பட்ட மட்டக்களப்பு மக்கள்

தமிழரசுக் கட்சியின் 14வது தேசிய மாநாடு 25, 26, 27ம் திகதிகளில் மட்டக்களப்பில் இடம் பெற்று முடிந்திருக்கின்றன. இந்த மாநாடு வெற்றிகரமாக நடந்து முடிந்ததா அல்லது தோல்வியில் முடிவடைந்ததா என்பதனை ஆராய்வதற்கு முன்னர் இம் மாநாடு ஆரம்பிப்பதற்கு முன்னரும் இறுதி வரையும் நடைபெற்ற சில சம்பவங்களையும், விடயங்களையும் நாம் ஆராய வேண்டும்.

தமிழரசுக் கட்சியின் தேசிய மாநாடு மட்டக்களப்பில் இடம்பெற இருக்கின்றது எனும் செய்தி வெளியாகிய நாள்முதல் இம் மாநாட்டுக்கு மட்டக்களப்பில் பாரிய எதிர்ப்பு இருந்தது என்பதனை எவராலும் மறுக்க முடியாது. இன்று சில இணையத்தளங்கள் பிள்ளையான் குழுவினர் மாநாட்டை குழப்ப சதி செய்தனர் என்று குறிப்பிட்டு இருக்கின்றன. இது முற்று முழுதான உண்மையல்ல என்பதனை மட்டக்களப்பு மக்கள் அறிவர்.

உண்மையில் இன்றைய கால கட்டத்தில் மட்டக்களப்பு மக்கள் மத்தியிலே முதலமைச்சர் பிள்ளையான் மீது நம்பிக்கையும் ஒரு பற்றும் இருக்கின்றது. காரணம் அவரது அயராத உழைப்பும் கிழக்கின் துரித அபிவிருத்தியுமாகும். இன்று எந்த ஒரு விழா மட்டக்களப்பில் இடம்பெற்றாலும் முதலமைச்சரை பிரதம அதிதியாக அழைத்து விடுவார்கள். அவர் மீது மக்களுக்கு நம்பிக்கையும் மதிப்பும் இருக்கின்றது.

மறு புறத்திலே கிழக்கில் ஒரு தனித்துவ கட்சி இருக்கின்றபோதுதான் கிழக்கை துரிதமாக அபிவிருத்திப் பாதைக்கு கொண்டு செல்ல முடியும் என்பதனையும் மக்கள் உணர்ந்திருக்கின்றனர். இது ஒரு புறமிருக்க கூட்டமைப்பினரின் அண்மைக்கால நடவடிக்கைகள் தொடர்பாக பாரிய அதிருத்தியில் மட்டக்களப்பு மக்கள் இருந்தனர். பல அமைப்புக்கள் இம் மாநாட்டினை புறக்கணிக்கும்படி அழைப்பு விடுத்திருந்ததுடன் கறுப்பு கொடிகளை பறக்கவிட்டு கறுப்பு கொடி போராட்டத்தினையும் நடாத்தி இருந்தனர்.

தமிழரசுக் கட்சியினர் தமது மாநாட்டை தேவநாயகம் மண்டபத்திலே நடாத்துவதற்கு ஏற்பாடுகளைச் செய்திருந்தனர். மட்டக்களப்பு மக்களின் ஆதரவு தமக்கு இல்லை என்பதனை படிப்படியாக உணர்ந்து கொண்ட தமிழரசுக் கட்சியினர். மாற்று வழிகளிலே தமக்கு ஆதரவு தேடவும் முன் வந்திருந்தனர்.

தமிழரசுக் கட்சியின் மாநாடு இடம்பெற இருந்த தேவநாயகம் மண்டபம் தீப்பிடித்து மேடைப்பகுதி எரிந்தது. இது மாநாட்டைக் குழப்ப சிலர் சதி செய்வதாக கூட்டமைப்பினர் கூறினர். சின்னச்சின்ன விடயங்களுக்கெல்லாம். பெரிதுபடுத்தி அறிக்கைகளைவிடும் கூட்டமைப்பினர் இத் தீப்பிடித்த விடயத்தினை சாதாரண விடயமாக மட்டுமே எடுத்துக் கொண்டு சிலர் சதி செய்கின்றனர் என்று பிரச்சாரம் செய்தனர்.

மட்டக்களப்பில் தமக்கு ஆதரவு இல்லை என்பதனை உணர்ந்த கூட்டமைப்பினர். ஆதரவு தேடுவதற்கு தாம் மேற்கொண்ட யுக்தியே மண்டபத்தின் மேடைப்பகுதி எரிப்பு. இது கூட்டமைப்பினர் திட்டமிட்டு செய்த செயலாகும்.

உடனடியாக மாநாடு இடம்பெறும் இடம் மட்டக்களப்பு ஊறணி அமேரிக்கன் மிஷன் மண்டபத்திற்கு மாற்றப்பட்டது. 27ம் திகதி மாநாடு இடம்பெற்றது. இம் மாநாடு வெற்றியா? தோல்வியா? பாரிய வெற்றியாக கூட்டமைப்பினர் மார் தட்டிக் கொள்கின்றனர்.

உண்மையில் வெற்றியா? அமேரிக்க மிஷன் மண்டபத்தில் 300ர-400 பேர்தான் இருக்க முடியும். இம் மாநாட்டுக்கு யாழ்ப்பாணத்திலிருந்து இரண்டு பஸ்களிலும், திருகோணமலையிலிருந்து இரண்டு பஸ்களிலும், அம்பாறையிலிருந்து ஒரு பஸ்ஸிலும் கொழும்பிலிருந்தும் மலையகத்திலிருந்தும் ஆதரவாளர்கள் வந்திருந்தனர்.

யாழ்ப்பாணம் , திருகோணமலை, அம்பாறை மாவட்ட்ளிலிருந்து வருகை தந்தவர்கள் ஒரு பஸ்ஸில் 50 பேர் வீதம் பார்த்தால் 250 பேர். தனிப்பட்ட வாகன்களிலும் பலர் மூன்று மாவட்டங்களிலிருந்தும் வருகை தந்திருந்தனர். அதனைவிட கொழும்பு மற்றும் மலையகத்திலிருந்தும் ஆதரவாளர்கள் வருகை தந்திருந்தனர். அதனைவிட கூட்டமைப்பின் முக்கியஸ்தர்கள் 50 மேற்பட்டவர்கள்.

மொத்தமாக மண்டபத்தில் 300-400 பேர் மட்டுமே இருக்க முடியும் மேலே சொன்ன கணக்கின்படி பார்த்தாலே மண்டபம் நிநை்துவிடும். ஆனாலும் மாநாட்டை குழப்ப வந்ததாக கூட்டமைப்பினர் கூறும் மண்டபத்திற்குள்ளே சர்ச்சையை ஏற்படுத்தியவர்கள் 50 க்கு மேற்பட்டவர்கள். இவை அனைத்தையும் ஒப்பிட்டு பார்க்கின்றபோது மாநாட்டுக்கு மட்டக்களப்பிலிருந்து சென்றவர்கள் 50 க்கும் குறைவானவர்களே எனது களுதாவளைக் கிராமத்தினைச் சேர்ந்தவர்தான் முன்னாள் பாராளுமன்ற உறுப்பினர் த.கனகசபை களுதாவளைக் கிராமத்திலிருந்து மாநாட்டுக்கு சென்றவர்கள் இரண்டு பேர் மட்டுமே. கனகசபை மற்றும் இன்னொருவர். இந்த மாநாட்டின் உப தலைவரான கனகசபை தனது சொந்தக்காரர்களைக்கூட மாநாட்டுக்கு அழைத்துச் செல்லவில்லை.

தமிழ் மக்கள் விடுதலைப் புலிகள் கட்சியின் தேசிய மாநாட்டுக்கு களுதாவளையில் இருந்து சென்றவர்கள் 374 பேர். இவர்களை யாரும் வற்புறுத்தி அழைக்கவில்லை தாமாகவே மாநாட்டுக்கு வந்தவர்கள்.

கறுப்புக் கொடிகள் கட்டியது துண்டுப் பிரசுர்கள் வெளியிட்டது பிள்ளையான் குழுவினர் என்று யோகேஸ்வரன் சொல்கின்றார். அப்படியானால் மட்டக்களப்பு மக்கள் ஏன் மாநாட்டுக்கு வரவில்லை. மாநாட்டை புறக்கணித்தனர். பிள்ளையான் சொல்வதனை கேட்கின்றனர். பிள்ளையானின் பக்கம் மட்டக்களப்பு மக்கள் நிக்கின்றார்கள் அல்லவா?

இந்த மாநாடு தோல்லியா வெற்றியா என்பதனை மட்டக்களப்பு மக்கள் புறக்கணித்ததனை வைத்தே தீர்மானிக்கலாம். இம் மாநாடு மட்டக்களப்பு மக்கள் கூட்டமைப்பினரை தூக்கி எறிந்துவிட்டனர் பிள்ளையானின் பின்னால் ஒன்று பட்டுவிட்டனர் என்பதனை பறை சாற்றுகின்றன.

இறுதியாக யோகேஸ்வரனிடம் ஒரு கேள்வி உங்கள் ஊரிலிருந்து எத்தனைபேர் மாநாட்டுக்கு வந்திருந்தனர் என்று சொல்ல முடியுமா?

யார் இந்த இராஜதுரை பகுதி -02

noreply@blogger.com (சந்ரு) — Tue, 22 May 2012 19:53:00 +0000

அடுத்துவந்த 1956 ஆம் ஆண்டு தேர்தலுக்கு மட்டக்களப்பு மாவட்டத்தின் மூன்று தொகுதிகளிலும் தமிழரசுக்கட்சியை போட்டியிட வைப்பதிலும் இராஜதுரை மும்முரமாக உழைத்தார். கல்குடாவில் மாணிக்கவாசகரும், பட்டிருப்பில் இராஜமாணிக்கமும் இராஜதுரையால் தமிழரசுக்கட்சிக்காக உள்வாங்கப்பட்டனர். மட்டக்களப்புத் தொகுதியில் தானே முன்வந்து போட்டியிட துணிந்தார்.

பகுத்தறிவு இயக்கம், மட்டக்களப்பு முற்போக்கு வாலிபர் சங்கம், வரியிறுப்பாளர்கள் சங்கம், இலக்கியம், எழுத்துலகம் என்று விரிந்துகிடந்த தனது ஆற்றல்களையும் அனுபவங்களையும் தமிழரசுக்கட்சிக்காக தாரைவார்த்தவர் இராஜதுரையாகும். தமிழரசுக்கட்சியால் வளர்ந்தவர்கள் பலர் உண்டு. இன்றும் தமிழரசுக்கட்சியின் பெயரை உச்சாடனம் செய்வது ஒன்றே பதவி சுகத்தை தக்கவைப்பதற்கான அரசியல் மந்திரமாக பலருக்கு இருக்கின்றது. (இந்த பட்டியல் இரா.துரைரெட்ணம் வரை நீண்டு செல்கிறது) இராஜதுரை விடயத்தில் இந்த சூத்திரம் தலைகீழானது. இராஜதுரை தமிழரசுக்கட்சியால் வளர்ந்தார் என்பதைவிட இராஜதுரையால்தான் தமிழரசுக்கட்சி வளர்ந்தது என்பதே சாலப்பொருத்தமும் சத்தியமுமாகும். 1956 ஆம் ஆண்டு தேர்தலில் மட்டக்களப்பு தொகுதியின் இரண்டு முன்னாள் பாராளுமன்ற உறுப்பினர்களை கட்டுக்காசு இழக்கவைத்து அபார வெற்றியீட்டினார் இராஜதுரை. அன்று தொடங்கி ஆறு தேர்தல்களில் தொடர்ச்சியாக ஒரே தொகுதியில் வெற்றியீட்டிய தமிழ் தலைவர்கள் இராஜதுரையை தவிர வேறு யாருமிலர்.

தமிழர்களுடன் முஷ்லிம்களும் இணைந்து வாழும் மட்டக்களப்பு தொகுதியில் தன்னால் தோற்றகடிக்கப்பட்ட சின்னலெவ்வை அவர்கள் பதவியை இழந்ததன் ஊடாக முஷ்லிம்களுக்கான பிரதிநிதித்துவம் இழக்கப்பட்டதென்பதை இராஜதுரை உணர்ந்துகொண்டார். அதன் அடிப்படையில் முஷ்லிகளின் பிரதிநிதித்துவத்தை தொடர்ச்சியாக உறுதிப்படுத்திக்கொள்ள மட்டக்களப்பு தொகுதியை இரட்டை அங்கத்தவர் தொகுதியாக்கும் முயற்சியில் இராஜதுரை இறங்கினார். தேர்தல் ஆணையாளர் தல்கொட பட்டியா முன்னிலையில் சாட்சியம் அளித்து மட்டக்களப்பில் இரட்டை அங்கத்துவ தொகுதியின் அவசியம் பற்றி விளக்கிக் கூறினார்.

அதன்பலனாகவே மட்டக்களப்பு தொகுதியானது இரட்டை அங்கத்துவ தொகுதியாக்கப்பட்டமையும் தொடர்ச்சியாக முஷ்லிம்களின் பிரதிநிதித்துவம் காப்பாற்றப்படவும் ஏதுவாயிற்று.
1956 ஆம் ஆண்டு முதற்தடவையாக பாராளுமன்றத்திற்கு தெரிவான போது மட்டக்களப்பு நகரின் கூலித்தொழிலாளர்களும், நகரசுத்தித் தொழிலாளர்களும் உரிய வசிப்பிடம் இன்றி அல்லலுற்றதை கண்ணுற்றார். புகையிரத நிலையத்தை அண்டிய முடிக்குரிய காணிகள் அனைத்தையும் காடுவெட்டி குடிசைகள் அமைக்கத் தூண்டினார். அதற்காக அரசஅதிகாரிகளால் நீதிமன்றத்தில் குற்றவாளியாக நிறுத்தப்பட்டார். தனது பாராளுமன்றப் பதவியை பயன்படுத்தி பாராளுமன்றில் தொழிலாளர்களின் காணிப்பிரச்சனையை எழுப்பியதின் ஊடாக அன்றைய காணிஅமைச்சர் சி.பி.டி.சில்வாவைக் கொண்டு அவர்களுக்கு காணி உறுதி வழங்கச்செய்தார். அந்த குடியேற்றப்பிரதேசங்களை இன்று இருதயபுரம் எனும் பெரும் பிரதேசமாக எழுந்துநிற்கின்றது.
கடல் கடந்த நாடுகளில் நிறுவப்பட்ட முதலாவது காந்திசிலையை மட்டக்களப்பு மாநகரில் இராஜதுரையே திறந்துவைத்தார். அண்மையில் மட்டக்களப்பு நகரில் உடைக்கப்பட்ட மகாத்மாகாந்தியின் சிலையே அதுவாகும்.

1960 ஆம் ஆண்டுவரை சிறுநகரசபையாக இருந்துவந்த மட்டக்களப்பை பெருநகரமாக மாற்ற இராஜதுரை அவர்கள் பெருமுயற்சி எடுத்தார். மட்டக்களப்பின் புறநகர் பகுதியாக இருந்துவந்த கல்லடி கிராமசபைக்குட்பட்ட கிராமங்களை மட்டக்களப்பு நகருடன் இணைத்து மாநகரசபையாக மாற்றினார். மட்டக்களப்பு மாநகர சபைக்கு முன்னே வெறிச்சோடிக்கிடந்த முற்றவெளி மைதானத்தை புனநிர்மானம் செய்து ஷ்ரேடியங்கள் அமைத்து மட்டக்களப்பின் விளையாட்டுத்திறனை தேசிய அளவில் பரிணமிக்கச் செய்த அருட்தந்தை வெபர் அவர்களின் பெயரை அந்த ஷ்ரேடியத்துக்கு சூட்டி மகிழ்ந்தார்.
1961 ஆம் ஆண்டு தமிழரசுக்கட்சியில் முதற்தடவையாக மே தினக்கூட்டம் ஒன்றை மட்டக்களப்பில் நடத்தி சாதனை படைத்தவர் இராஜதுரை. வைரமுத்து என்கின்ற ஒரு சாதாரண தொழிலாளியை அம்மேதின ஊர்வலத்திற்கு தலைமை ஏற்கச்செய்து தமிழரசுக்கட்சியின் பாரம்பரிய மேட்டுக்குடிப் போக்கில் மாற்றத்தை ஏற்படுத்த முயன்றார். அதுமட்டுமன்றி தமிழரசுக்கட்சியின் சார்பிலான அந்த மே தினக்கூட்டத்தை கம்ய+னிசக்கட்சிக்காக மட்டக்களப்பில் அயராது பாடுபட்டுக்கொண்டிருந்த கிரு~;ணகுட்டியை கௌரவிக்கும் விழாவாக மாற்றினார். மட்டக்களப்பு மக்களுக்கு தன்னால் முடிந்த சேவைகளையாற்றி தொடர்ச்சியாக பாடுபட்டுவந்த இராஜதுரைக்கு உரிய கௌரவம் கட்சியில் வழங்கப்படவில்லை. தந்தை செல்வா இறந்தபின்னர் தலைமைப் பொறுப்புக்கு தகுதியாக இருந்த இராஜதுரை திட்டமிட்டவகையில் கட்சியால் ஒதுக்கப்படத் தொடங்கினார். கட்சியின் உருவாக்க காலத்தில் இருந்து தந்தை செல்வாவின் வலதுகையாக செயற்பட்டுவந்த இராஜதுரை அவர்கட்கு தந்தையின் மறைவை அடுத்து தலைமைப்பதவி வழங்கப்பட்டிருக்க வேண்டும். அந்த உரிமை மறுக்கப்பட்டது மட்டுமல்ல அவரை கட்சியில் இருந்து நீக்கிவிடுவதற்கான சதிகள் மெதுமெதுவாக பின்னப்பட்டன.

1977 ஆம் ஆண்டு தேர்தலையொட்டி கட்சியில் அவருக்கு தேர்தலில் நிற்பதற்கான வாய்ப்பை மறுப்பதற்கு கூட திட்டங்கள் மேற்கொள்ளப்பட்டன. கட்சிக்காக இராஜதுரையால் வளர்த்தெடுக்கப்பட்ட காத்தமுத்து சிவானந்தன் எனும் இளைஞனுக்கு பதவியாசை ஊட்டி மட்டக்களப்பு தொகுதியில் இராஜதுரையை போட்டியிடாமல் தடுக்கும் முயற்சி அமிர்தலிங்கத்தினால் மேற்கொள்ளப்பட்டது. இராஜதுரையை தன் அரசியல் குருவாகவே எண்ணிவளர்ந்த காசி ஆனந்தன் மட்டக்களப்பு தொகுதியில் “நான் களையெடுக்கப்போகின்றேன்” என்று கட்சிப்பத்திரிகையான சுதந்திரனில் அறிக்கை விட்டார். கட்சிக்குள்ளேயே இரண்டு பேர் மட்டக்களப்பு தொகுதியில் ஒரே நேரத்தில் போட்டியிட சதி தீட்டப்பட்டது. இதனால் அதிர்ச்சியடைந்த இராஜதுரை கட்சித்தலைமையை அணுகியபோது அதனை தேர்தல் நியமனக் குழு பார்த்துக்கொள்ளும் என்று அமிர்தலிங்கம் பதிலளித்தார். வேட்புமனு தாக்கல் செய்வதற்கான வேளை வந்தபோது 1952 ஆம் ஆண்டில் இருந்து 1970 ஆம் ஆண்டுவரை கட்சியின் தேர்தல் நியமனக் குழு உறுப்பினராக இருந்து வந்த இராஜதுரை அப்பதவியில் இருந்து நீக்கப்படுவதாக கட்சியின் தலைமை ஒருதலைப்பட்சமாக அறிவித்தது. இது இராஜதுரைக்கு விழுந்த முதுலாவது அடியாகும். அதுமட்டுமல்ல தொடர்ச்சியாக ஐந்து தேர்தல்களில் (இருபது ஆண்டுகள்) வெற்றியீட்டிய இராஜதுரையை தேர்தல் நியமனக் குழுவின் முன்னர் நேர்முகப்பரிட்சைக்கு ஆஜராகுமாறு அழைத்து அவமானப்படுத்தினார் அமிர்தலிங்கம். அந்த நேர்முகப்பரிட்சைக்கு செல்ல வேண்டிய அவசியமில்லை என்றும் செல்லக்கூடாது என்றும் ஆதரவாளர்கள் இராஜதுரையை வேண்டிக்கொண்டனர். ஆனபோதிலும் கட்சி ஒழுங்கும், கட்சியின் நன்மையையும் கருதி தேர்தல் நியமனக்குழு முன்னர் ஒரு புதுமுக வேட்பாளரைப்போன்று இராஜதுரை ஆஜராகினார். அங்கு மட்டக்களப்பு தொகுதிக்கு புதிய வேட்பாளர்கள் எவரையும் போடவேண்டிய அவசியம் ஏதும் இல்லை என்பதற்கான காரணங்களை எடுத்துச் சொன்னதோடு இரட்டை அங்கத்தவர் தொகுதியான மட்டக்களப்பில் ஒரு பிரதிநிதித்துவம் தொடர்ச்சியாக முஷ்லிம்களுக்குரியதாகவே இருந்துவரும் நிலையில் தமிழரசுக்கட்சி சார்பில் இரண்டு வேட்பாளர்கள் களத்தில் நிற்பதுவும் முஷ்லிம்களுக்குரிய பிரதிநிதித்துவத்தை மறுக்கும் செயலாகும் என்றும் விளக்கிக் கூறினார். அவரது எந்த விளக்கங்களும் தேர்தல் நியமனக்குழுவின் தலைமை நீதிபதியாக இருந்த அமிர்தலிங்கத்திடம் எடுபடவில்லை. இறுதியில் தமிழர் விடுதலைக் கூட்டணியில் இராஜதுரையையும், தமிழரசுக்கட்சியில் காசி ஆனந்தனையும் நிறுத்த கட்சி முடிவுசெய்தது. வடக்கு கிழக்கின் அனைத்து தொகுதிகளிலும் தமிழர் விடுதலைக் கூட்டணியாக பரிணமித்து சூரியன் சின்னத்தில் போட்டியிட்ட தமிழரசுக்கட்சியினர் மட்டக்களப்பில் மட்டும் மேலதிகமாக தமிழரசுக்கட்சியை இராஜதுரைக்கு போட்டியாக களமிறக்கினர். சுமார் இருபத்தைந்து ஆண்டுகள் தமிழரசுக்கட்சியின் சின்னமாக இருந்துவந்த வீட்டுச்சின்னம் காசி ஆனந்தனுக்கு வழங்கப்பட்டமை, புதிய சின்னத்தில் போட்டியிட நேர்ந்த இராஜதுரையின் ஆதரவாளர்களுக்கு பெரும் குழப்பத்தை ஏற்படுத்தியது.

தேர்தல் நெருங்கிய வேளைகளில் இராஜதுரையின் தேர்தல் மேடைகளில் உரையாற்ற எந்தவொரு கட்சி முக்கியஷ்தர்களும் முன்வரவில்லை. ஈழவேந்தன், கோவை மகேசன், மாவை சேனாதிராஜா போன்றோர் மட்டக்களப்பில் களமிறக்கப்பட்டு காசி ஆனந்தனுக்கு ஆதரவாக பிரச்சாரம் செய்தனர். அவர்களது விசமத்தனமான பேச்சுகளும் கட்சிப்பத்திரிகையான ‘சுதந்திரனில்’ இராஜதுரைக்கு எதிராக வெளிப்படையாகவே எழுதிய பண்புகெட்ட எழுத்துகளும் அளவற்றன. பட்டிருப்பு தொகுதியிலும் கல்குடா தொகுதியிலும் உதயசூரியனை ஒளிரச் செய்யுங்கள் என்று பேசிய கட்சித் தலைவர்கள் அதே வாயால் மட்டக்களப்பு தொகுதியில் உதயசூரியனை உதிக்காமல் செய்யுங்கள் என்று பேசினர். 1977 ஆம் ஆண்டு தேர்தலில் ஒரே கட்சிக்குள்ளேயே இராஜதுரைக்கு எதிராக நிகழ்த்தப்பட்ட அவமானங்களுக்கும் குத்துவெட்டுகளுக்கும் நிகர்த்த பிறிதொன்று இலங்கை வரலாற்றில் எங்கேனும் நிகழ்ந்ததில்லை.

1977 ஆம் ஆண்டு தேர்தலில் இராஜதுரைக்கு எதிராக அரங்கேற்றப்பட்ட இந்த சதி மட்டக்களப்பு மக்களால் தோற்கடிக்கப்பட்டது. வழமைபோலவே அந்தத் தேர்தலிலும் இராஜதுரை அமோக வெற்றியீட்டினார். வெற்றியின் பின்னர் தேர்தலில் நடந்த கழுத்தறுப்புகளை எல்லாம் மறந்துவிட முயன்று கட்சியில் தொடர்ந்து பணியாற்ற அவர் சித்தம் கொண்டேயிருந்தார். அதன் காரணமாகவே பட்டிருப்பு பாராளுமன்ற உறுப்பினராக தெரிவாகியிருந்த ப+.கணேசலிங்கத்தின் வீட்டில் இடம்பெற்ற கட்சியின் செயற்குழு கூட்டத்திற்கு வருமாறு விடப்பட்ட அழைப்பை ஏற்று அங்கு சென்றார். ஆனால் அவர் எதிர்பார்த்தது போன்று அங்கு சமரச முயற்சியில் யாரும் ஈடுபடவில்லை. செயற்குழுக்கூட்டம் இடம்பெற்றுக்கொண்டிருந்த வேளையில் கூட்டம் இடம்பெற்ற வீட்டைச்சுற்றி திட்டமிடப்பட்ட வகையில் குவிக்கப்பட்டிருந்த கட்சித் தொண்டர்களால் இராஜதுரை கேவலப்படுத்தப்பட்டார். அன்று மாலை பாட்டாளிபுரத்தில் இடம்பெற்ற கட்சியின் நன்றி நவிலல் பொதுகூட்டத்தில் இராஜதுரைக்கு பேச சந்தர்பம் மறுக்கப்பட்டது. தேர்தலில் தோற்ற காசி ஆனந்தன் முன்னணி பேச்சாளராக திகழ்ந்தார். மேடையிலே வீற்றிருந்த அமிர்தலிங்கமும் சிவசிதம்பரமும் செய்த சதியே அதுவாகும். தமிழரசுக்கட்சியின் தூணாக இருந்து கட்சியை வளர்த்தெடுத்த இராஜதுரைக்கு மட்டக்களப்பு மண்ணிலேயே பேசும் சந்தர்ப்பம் மறுக்கப்பட்டமை அவமானத்திலும் அவமானமாகும்.
இந்த நேரத்தில்தான் 1978 ஆம் ஆண்டு மட்டக்களப்பு மாவட்டத்தையே அழித்தொழித்த ‘சூறாவளி” வீசியது. வரலாறு காணாத பேரழிவுக்கு இலக்காகி நூற்றுக்கணக்கான மக்கள் இறந்துகிடக்க, பதினைந்து அடிகளுக்கு மேல் எழுந்த கடல்கொந்தளிப்பு பல கிராமங்களை தடைமட்டமாக்கிவிட, 14 லட்சம் தென்னைமரங்கள் வீழ்ந்துகிடக்க, வீதிகள் எங்கும் உடைந்து மறிபட்டு சிதிலமடைந்து சீரழிந்த நிலையில் அவ்வழிவுகளை பார்வையிட பிரதமர் பிறேமதாசா மட்டக்களப்பிற்கு விஜயம் செய்தார். மக்கள் முன்னிலையில் மட்டக்களப்பின் அழிவுநிலையை எடுத்துச் சொல்லவேண்டிய பொறுப்பும் அவசரமும் மட்டக்களப்பு பாராளுமன்ற பிரதிநிதி எனும் வகையில் இராஜதுரைக்கு இருந்தது. அந்தவகையில் இராஜதுரை பிரதமர் பிறேமதாசாவை சந்தித்து மட்டக்களப்பின் அழிவுநிலையை எடுத்தியம்பினார்.

மட்டக்களப்பின் பரிதாபநிலையை ஆதரவற்றுக்கிடந்த மக்களுக்கான அவசரத் தேவைகளை பிரதமரிடம் எடுத்துக்கூறியது மன்னிக்க முடியாத குற்றம் என்று கட்சியின் மேலிடம் குற்றம் சுமத்தியது. இதற்கான விளக்கம் கோரி உடனடியாக பதிலிறுக்குமாறு கட்சி மேலிடம் இராஜதுரைக்கு நெருக்கடி கொடுத்தது. அந்த வேளையில் யாழ்ப்பாணம் செல்வதோ கட்சியினுடனான சமரச முயற்சிகளில் ஈடுபடுவதற்கோ கால அவகாசம் இருக்கவில்லை. மட்டக்களப்பு மண் அழிந்துகிடக்க உடனடியாக யாழ்ப்பாணம் செல்லமுடியாத நிலை முப்பது நாட்கள் அவகாசம் கேட்டு கட்சி மேலிடத்திற்கு கடிதம் எழுதினார் இராஜதுரை. முப்பது வருடங்கள் கட்சி வளர்த்தவனுக்கு தன் மீது சுமத்தப்பட்ட அபாண்டமான பழி பற்றி சுயவிளக்கம் சொல்ல முப்பது நாட்கள் அவகாசம் மறுக்கப்பட்டது. இன்னிலையில் கட்சித் தலைமையினால் தனக்கு எதிராக இழைக்கப்பட்டு வந்த அலட்சியங்கள், அநீதிகள், உபத்திரவங்கள், உத்தரிப்புகள், கழுத்தறுப்புகள் அனைத்துக்கும் முடிவாக கட்சியை விட்டே விலகிவிடுவதென்ற முடிவுக்கு இராஜதுரை வந்தார். தனது அரசியல் லாபத்திற்காக நாளொரு கட்சிதேடி அலைந்தவர் அல்ல இராஜதுரை. யாழ்ப்பாணத்து மேட்டுக்குடி அரசியல் மட்டக்களப்பானை எப்படியெல்லாம் அலைகழிக்கும் என்கின்ற பாடங்களை வருடக்கணக்கில் அனுபவித்த பின்னரே தமிழரசுக்கட்சி அரசியலை விட்டுத்தொலைக்க அவர் முடிவெடுத்தார். தர்மத்தின் ஆவேசம் அது.

யாழ் மேட்டுக்குடி அரசியலில் மொத்த வடிவமாகிவிட்ட தமிழர் விடுதலைக் கூட்டணியில் இருந்து அவர் தன்னை விலக்கிக்கொண்டார். சூறாவழி காரணமாக நிர்கதியாக கிடந்த மட்டக்களப்பு மக்களின் துயர்துடைக்க அரசாங்கத்தில் இணைவதா? அன்றில் அரசியலை விட்டே ஒதுங்கிவிடுவதா? என்கின்ற கேள்வியில் சிக்கித் தவித்தார். தமது ஆதரவாளர்களினதும் மட்டக்களப்பு புத்திஜீகளினதும் ஆலோசனையின் பேரில் அரசியலில் இருந்து ஒதுங்குவதில்லை எனும் முடிவுக்கு வந்தார். அரசாங்கத்தில் இணைய முன்வந்தபோது அரசாங்கம் அவருக்கு அமைச்சுபதவி வழங்கி கௌரவித்தது. பிரதேச அபிவிருத்தி, இந்துசமய கலாசார தமிழ்மொழி அமூலாக்கல் அமைச்சு எனும் புதிய அமைச்சு ஒன்றை உருவாக்கி வடக்கு கிழக்கு மக்களின் பல அரசியல் கோரிக்கைகளை தீர்க்க அவருக்கு சந்தர்ப்பத்தைக் கொடுத்தது. இலங்கையில் முதன் முதலாக இரண்டு மாகாணங்களை விசேடமாக குறிப்பிட்டு அப்பிரதேசத்திற்கான அபிவிருத்தி செய்வதை நோக்காகக் கொண்டு பிரதேச அபிவிருத்தி அமைச்சு உருவாக்கப்பட்டது. இதனூடாக கல்வி, சுகாதாரம், போக்குவரத்து, வேலைவாய்ப்பு …. போன்ற அனைத்து துறைகளிலும் வடகிழக்கில் அபிவிருத்தி மேற்கொள்ள இவ்வமைச்சுக்கு அதிகாரம் வழங்கப்பட்டது.
அண்ணாமலைப் பல்கலைக்கழகத்தில் மட்டுமல்ல, கொழும்பு பல்கலைக்கழகத்திலும் தமிழ் பேராசிரியராய், இராஜாஜியின் ஆட்சிக்காலத்தில் நிறுவப்பட்ட தமிழ் கலைச்சொல் அகராதி கழகங்கள் அனைத்துக்குமான பொதுத்தலைவராய், 2000 ஆண்டுகால தமிழ் இசையை மீட்டெடுத்து யாழ் நூல் ஆக்கித்தந்த இசைமுனியாய் வாழ்ந்த தமிழ் இலக்கியப் பேரூலகின் ஒரே முத்தமிழ் வித்தகன் விபுலானந்தனின் ஒப்பற்ற சாதனைகளை பிரதேசநலம் பேணும் தமிழ் அறிவுலகம் பேரூவகை கொண்டு அணுக மறுத்து வந்தபோது இராஜதுரை தமது அமைச்சு பதவி உதவியுடன் விபுலானந்தருக்கு பெரும் கௌரவம் அளித்தார்.

விபுலானந்தா இசைநடனக்கல்லூரி என்கின்ற பென்னம்பெரு மையத்தினை அமைத்து அப்பெருமானரின் பெயரை நீக்கமற நிலைக்கச்செய்தார். அந்த இசைநடனக் கல்லூரியே இன்று கிழக்கு பல்கலைக்கழத்தின் நுண்கலைத்துறையாக பரிணமித்துள்ளது. அதுமட்டுமன்றி இலங்கை அரசைக்கொண்டே (1979 ஆம் ஆண்டு) அப்பெருமகனாருக்கு நினைவு முத்திரை வெளியிடச்செய்தார். மட்டக்களப்பு நகரின் மீன்பாடும் வாவியை அழகுபடுத்தும் பெரும்திட்டத்தை ஆரம்பித்தார். விபுலானந்தருக்குரிய மணிமண்டபத்தை அமைத்தது மட்டுமல்ல, யாழ்ப்பாண மக்களின் வேண்டுகோளுக்கிணங்க அங்கு நாவலர் மணிமண்டபத்தை அமைத்தது இந்த இராஜதுரையேயாகும்.

இராஜதுரை தமிழ் மொழி அமுலாக்க அமைச்சராக இருந்த காலத்திலேயே இலங்கையில் தமிழ் மொழி அரசகரும மொழியாக ஏற்றுக்கொள்ளப்பட்டது. 1956 ஆம் ஆண்டு கொண்டுவரப்பட்ட அரசகருமமொழிச் சட்டத்தில் மாற்றத்தை ஏற்படுத்தி 12 வது சட்டதிருத்தத்தை உருவாக்கியதினூடாக தமிழ் மொழிக்கும் சம அந்தஷ்து வழங்கப்பட்டது. இதனை வரலாற்றில் திட்டமிட்டு அனைவரும் மறைத்துக்கொண்டிருக்கின்றார்கள். சட்டமேதைகள் நிறைந்த தமிழரசுக்கட்சியினரால் வாதப்பிரதிவாதங்களை எழுப்ப முடிந்ததே தவிர எதையும் சாதிக்க முடியவில்லை. ஆனால் தமிழ் மொழிக்கு அரசகருமமொழி அந்தஷ்து வழங்கப்பட்டது இந்த இராஜதுரையால் நிகழ்த்தப்பட்ட சாதனையேயாகும். அமைச்சராக இருப்பது துரோகமாய் இருந்தால் அதுவரை காலமும் தமிழ் தலைவர்கள் யாரும் அரசுடன் இணைந்து அமைச்சராய் இருக்கவில்லையா? 1947 இல் ஜி.ஜி.பொன்னம்பலம் அமைச்சராகி பத்து லட்சம் மலையகமக்களின் வாக்குரிமைகளைப் பறிக்க அரசுக்கு துணைபோனாரே, அவரை துரோகி என்று வரலாற்று ஆசிரியர் யாரும் குறிப்பிடுவதில்லையே?

1965 இல் ஐம்பதுக்கு ஐம்பது பெற்றுத்தருகிறேன் என்று அதே ஜி.ஜி.பொன்னம்பலமும் சம~;டி ஒன்றே தீர்வாகும் என்று தமிழரசுக்கட்சியும் கன்னை பிரித்து நின்று தமிழ் மக்களை ஏமாற்றிவிட்டு டட்லி சேனநாயக்காவின் அரசாங்கத்தில் பதவிகளுக்காக சங்கமமானது துரோகமில்லையா? தமிழரசுக்கட்சியினரை சமாளிக்க பட்டிருப்பு இராசமாணிக்கத்திற்கு அமைச்சர் பதவியை வழங்குகிறோம் என்று ஆசை காட்டிவிட்டு தமிழரசுக்கட்சியின் கொழும்பு புறோக்கறான திருச்செல்வத்திற்கு அமைச்சுபதவியை வழங்கியது செல்வநாயகம் செய்த நம்பிக்கைத்துரோகம் இல்லையா? தமது பங்கிற்கு ஜி.ஜி.பொன்னம்பலம் வாங்கிய உபசபாநாயகர் பதவியை பெற்றுக்கொண்ட சிவசிதம்பரத்தை துரோகி என்று யாரும் சொல்வதில்லையே?

இராஜதுரை யாழ் மேட்டுக்குடி தமிழரசுக்கட்சியினால் வஞ்சிக்கப்பட்டு ஆறாத ரணங்களை நெஞ்சிலே சுமந்துகொண்டு அரசாங்கத்தில் இணைந்தது மட்டும் எப்படிக் குற்றமாகும்?

தமிழ் தேசியக் கூட்டமைப்பை உடைக்கும் இரகசிய முயற்சியில் நாடாளுமன்ற உறுப்பினர் திரு.பா.அரியநேந்திரன் - பின்னனியில் சில திரைமறைவு சக்திகள்.

noreply@blogger.com (மக்களின் குரல்) — Wed, 16 May 2012 18:44:00 +0000

தமி;ழ் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர்களில் ஒருவரான திரு.பாக்கியசெல்வம் அரியநேந்திரன், புலம்பெயர்ந்தவர்களால் நடாத்தப்பட்டுவரும் இணையத்தளமான – தினக்கதிருக்கு தெரிவித்திருக்கும் கருத்துக்கள் தொடர்பில், தமிழீழ மக்கள் விடுதலைக் கழகம் (புளொட்) இவ்வறிக்கையை வெளியிடுகின்றது.

தனது செய்தியில், திரு அரியநேந்திரன் - எமது அமைப்பை தமிழ் தேசியக் கூட்டமைப்பில் ஒரு அங்கமாக இணைத்துக் கொள்வதை ஆட்சேபித்திருப்பதுடன், இதனை மீறி நாம் இணைத்துக் கொள்ளப்பட்டால் பாரதூரமான விளைவுகளை சந்திக்க நேரிடும் என்றும் எச்சரித்திருக்கின்றார். மேலும் அரியநேந்திரன், எமது அமைப்பை இராணுவத்துடன் தொடர்புபடுத்தி உண்மைக்கு மாறான ஒரு அபிப்பிராயத்தையும் மக்கள் மயப்படுத்த முற்பட்டிருக்கின்றார். அவர் எமது அமைப்பு தொடர்பில் குறிப்பிட்டிருக்கும் அனைத்து விடயங்களும் அடிப்படையற்றவை.

சமீபத்தில் தமிழ் தேசியக் கூட்டமைப்பின் தலைவர் இராஐவரோதயம் சம்பந்தன் அவர்களின் தலைமையில், தமிழ் தேசியக் கூட்டமைப்பை வலுப்படுத்தும் வகையில் ஓர் ஆரோக்கியமான சந்திப்பு இடம்பெற்றிருந்த சூழலில், உருத்திரண்டு வரும் ஒற்றுமைக்கான சூழலை சீர்குலைக்கும் வகையில், அரியநேந்திரன் திட்டமிட்டு இத்தகையதொரு செய்தியை வெளியிட்டிருக்கின்றார். இதனை நாம் வன்மையாக கண்டிப்பதுடன், இவ்வாறான சீர் குலைவு நடவடிக்கைகள் குறித்து மக்களை விழிப்பாக இருக்குமாறும் கேட்டுக் கொள்கின்றோம்.

தமிழ் மக்களுடைய விடுதலைக்கான போராட்டத்தில் பங்குகொண்ட எந்தவொரு அமைப்போ அல்லது கட்சிகளோ விமர்சனங்களுக்கு அப்பாற்பட்டதல்ல. அந்தவகையில், நாம் கடந்தகாலம் குறித்த ஆரோக்கியமான விமர்சனங்களை எப்போதுமே வரவேற்று வந்திருக்கிறோம். ஆனால் இரண்டாம்தரமான வார்த்தை பிரயோகங்கள் மூலம், எமது அமைப்பை கொச்சைப்படுத்த முற்படும்போது அது குறித்து நாம் அமைதியாக இருக்க முடியாது. இந்த அடிப்படையில், நாடாளுமன்ற உறுப்பினர் அரியநேந்திரனின் அரசியல் நம்பகத்தன்மை குறித்தும், அவரது சமீபகால தீய உள்நோக்கம் கருதிய செயற்பாடுகள் குறித்தும் சில உண்மைகளை மக்கள்முன் வைக்க வேண்டிய நிர்ப்பந்தத்திற்கு நாம் ஆளாகியுள்ளோம்.

நாம் கடந்த காலத்தில், விடுதலைப்புலிகளின் அணுகுமுறைகளையும், அவர்களால் திணிக்கப்பட்ட ஏகப்பிரதிநிதித்துவ அரசியலையும் எதிர்த்து வந்திருக்கிறோம். இது அனைவரும் அறிந்த உண்மை. கடந்த காலத்தில் விடுதலைப்புலிகள் எமது அமைப்பின் உறுப்பினர்களை கொல்லும் நோக்கத்துடன் எதிர்கொண்ட போது, எமது உறுப்பினர்களும் தங்களை தற்பாதுகாத்துக் கொள்வதற்காக புலிகளின் உறுப்பினர்களை எதிர்கொண்டிருக்கின்றனர். இதுவும் அனைவரும் அறிந்த உண்மை. இவற்றை நாம் எந்தவொரு சந்தர்ப்பத்திலும் மறைக்க முயன்றதும் இல்லை. அப்படி மறைத்து அரசியல் செய்ய வேண்டிய எந்தவொரு அவசியமும் எமக்கில்லை. நாம் அப்போது மட்டுமல்ல, இப்போதும் எந்தவொரு ஏகப்பிரதிநிதித்துவ அரசியல் வாதங்களையும் ஏற்றுக் கொள்ளவில்லை. ஏகப்பிரதிநிதித்துவ வாதம் என்பது ஒரு சமூதாயத்தின் பன்முகத் தன்மையை மறுக்கும் ஒரு ஜனநாயக விரோத செயலாகும்.

ஒரு கொள்கைநெறியால் வழிநடத்தப்பட்ட அரசியல் இயக்கம் என்ற வகையில் எம்மால் எம்மை பகிரங்கமாக வெளிப்படுத்த முடியும். ஆனால் எம் மீதான அவதூறுகளை பரப்ப முற்படும் அரியநேந்திரனால் அது முடியாது.

பாக்கியசெல்வம் அரியநேந்திரனின் அரசியல் நம்பகத்தன்மை எத்தகையது?

தொழில் ரீதியாக மிருக வைத்தியரின் உதவியாளரான(மிருக சினைப்படுத்தும் அலுவலர்), திரு.அரியநேந்திரன், அடிப்படையில் ஓரு ஜக்கிய தேசியக் கட்சியின் ஆதரவாளராவார். அன்று மட்டக்களப்பில் இருந்து வெளிவந்து கொண்டிருந்த தினக்கதிர் என்னும் செய்தி பத்திரிகையில் ஒரு செய்திசேகரிப்பாளராக இவரும் இணைந்து கொண்டார். மிருகவைத்திய உதவியாளர்(மிருக சினைப்படுத்தும் அலுவலர்), செய்தியாளர் என்னும் இரு முகங்களுடனும் சமூகத்துடன் ஊடாடிய அரியநேந்திரன், அப்போது விடுதலைப்புலிகளின் மட்டக்களப்பு முக்கியஸ்தர்களில் ஒருவராக இருந்த கௌசல்யனுடன் இருந்த உறவுமுறையைப் பயன்படுத்தி புலிகளின் விசுவாசியாக தன்னை உருமாற்றிக் கொண்டார். புலிகளின் தொடர்பு ஜக்கிய தேசியக் கட்சியின் அரியநேந்திரனை, தமிழ் தேசியவாதியாக காட்டிக்கொள்ள உதவியது.

2004 இல் இடம்பெற்ற பாராளுமன்ற தேர்தலில் புலிகளின் மட்டக்களப்புக்கான வேட்பாளர்கள் பட்டியலில் கௌசல்யனூடாக இடம்பிடித்துக் கொண்ட அரியநேந்திரனால் தேர்தலில் வெற்றிபெற முடியவில்லை. அன்று புலிகள் இயக்கத்தில் கருணாவின் பிரிவால் ஏற்பட்டிருந்த குழப்பநிலையை சாதுரியமாக பாவித்து அப்போது வெற்றிபெற்றிருந்த சிறந்த சமூக சேவையாளரான கிங்ஸ்லி ராசநாயகத்தை பதவியில் இருந்து விலக்குவதன் மூலம் தான் பாராளுமன்ற உறுப்பினர் பதவிக்கு வருவதற்கான சதி முயற்சியை அரியநேந்திரன் எடுத்தார். கௌசல்யனின் ஊடாக கிங்ஸ்லி ராசநாயகத்தை இராஜினாமா செய்யுமாறு அரியநேந்திரன் தூண்டியிருந்தார். ஆனால் ராசநாயகம் மக்களால் தெரிவு செய்யப்பட்டவர் என்றவகையில் புலிகளின் அழுத்தங்களுக்கு அடிபணிந்திருக்கவில்லை. இதன் விளைவாக ஒக்டோபர் 14-2004 அன்று நாடாளுமன்ற உறுப்பினர் கிங்ஸ்லி ராசநாயகம் படுகொலை செய்யப்பட்டு அவரது இடம் அரியநேந்திரனுக்கு வழங்கப்பட்டது. கிங்ஸ்லியின் கொலைக் குருதியால் பாக்கியசெல்வம் அரியநேந்திரன் தனது பட்டாபிசேகத்தை நிறைவு செய்து கொண்டார்.

விடுதலைப் புலிகளிலிருந்து கருணா பிரிந்தபோது, கருணாவின் பிளவை நியாயப்படு;த்தி அரியநேந்திரன் செயற்படலானார். ராஐன் சத்தியமூர்;த்தி, ஜெயானந்த மூர்;த்தி, சிவராம் ஆகியோருடன் இணைந்து கருணாவின் செயற்பாட்டை பிரதேசவாதம் பேசி நியாயப்படுத்தினார். ஜக்கிய தேசியக் கட்சியில் இருந்து தமிழ் தேசியத்திற்கு தாவிய அரியநேந்திரன் இறுதியில் மட்டக்களப்பு வாதத்திற்கு தாவினார். ஆனால் தமிழீழ விடுதலைப் புலிகள் தம்மை மீளவும் ஸ்திரப்படுத்திய பின்பு அரியநேந்திரன் தடாலடியாக கருணாவிற்கு எதிராக திரும்பியதுடன், புலிகளின் ஆதரவாளனாகவும் தன்னை காட்டிக் கொண்டார். ஒருவேளை கருணாவின் கை மட்டக்களப்பில் ஓங்கியிருந்திருந்தால், இன்;றைய தமிழ் தேசியக் கூட்டமைப்பின் நாடாளுமன்ற உறுப்பினர் அரியநேந்திரன் கருணாவின் விசுவாசியாக இயங்கியிருப்பார். இத்தகைய சந்தர்ப்பவாத அரசியலை மேற்கொண்டு வரும் அரியநேந்திரன் என்பவரே, எமது அமைப்பின் நம்பகத் தன்மை பற்றி பேசியிருக்கிறார்.

அரியநேந்திரன் இவ்வாறு செயற்படுவதன் பின்னணி என்ன?

சமீபகாலமாக அரியநேந்திரன் அவ்வப்போது அறிக்கைகளை வெளியிடுவதன் மூலம் தன் மீதான கவனஈர்ப்பை ஏற்படுத்த முயற்சித்து வருகின்றார். இதன் தொடர்ச்சியாகவே தற்போது மட்டக்களப்பு தமிழசுக் கட்சியை மீறி, தமிழ் தேசியக் கூட்டமைப்பில் எமது அமைப்பை இணைத்துக் கொண்டால் பாரதூரமான விளைவுகளை சந்திக்க வேண்டிவரும் என்றும் எச்சரிக்கை ஒன்றை விட்டிருக்கின்றார். இதன் மூலம், தன்னை மட்டக்களப்புக்கான தமிழரசுக் கட்சியின் தலைவராக காண்பிக்க முயன்றிருக்கிறார். இந்த இடத்தில் கருணாவின் மட்டக்களப்பு அரசியலை ஆதரித்து புலிகளை உடைக்கத் துணைபோனது போன்று, மட்டக்களப்புக்கான தமிழசுக் கட்சியின் தலைமையாக காட்டி, தமிழ் தேசியக் கூட்டமைப்பை உடைக்க முற்படுகின்றார். நாம் மேலே குறிப்பிட்ட பாக்கியசெல்வம் அரியநேந்திரனின் தீய உள்நோக்கம் இதுவே ஆகும். சூழ்ச்சியாலும் சதியாலும் நாடாளுமன்ற கதிரையில் அமர்ந்த அரியம், தன்னை மட்டக்களப்பின் ஏகதலைவனாக காட்டிக்கொண்டு தனது பதவி-பட்டங்களுக்கு இடைய+று வந்துவிடக்கூடாதென்ற முன்னெச்சரிக்கையுடன் தமிழ் மக்களின் ஒற்றுமையையும், கட்சிகளின் கூட்டினையும் சவாலுக்கு உட்படுத்துகின்றார். அண்மையில் தமிழ் தேசிய கூட்டமைப்பின் பாராளுமன்றக் குழு கூட்டத்தின்போது கூட்டமைப்பின் தலைவர் இரா சம்பந்தனை பல தடவைகள் துரோகி என விளித்துப் பேசியதும் கூட்டமைப்பை சிதைக்கும் முயற்சியின் ஒரு அங்கம் என்பதில் சந்தேகமில்லை.

இலங்கைக்குள் ஒரு நியாயமான அரசியல் தீர்வுக்கான முயற்சியில் தமிழ் மக்களாலும், சர்வதேசத்தாலும் தலைவராக அங்கீகரிகப்பட்டிக்கும் திரு. இராஜவரோதயம் சம்பந்தன் அவர்கள் எடுத்துவரும் முயற்சிகளை சீர்குலைக்கும் வகையில், இலங்கைக்குள்ளும் வெளியிலிருந்தும் சில தீய சக்திகள் மிகவும் நுட்பமாக செயற்பட்டுவருவதாகவே எமது அமைப்பு திட்டவட்டமாக நம்புகிறது. அத்தகையதொரு சக்தியின் ஏவலாளியாக நாடாளுமன்ற உறுப்பினர் திரு.அரியநேந்திரன் செயற்பட்டு வருகின்றாரா என்னும் சந்தேகம் வலுக்கின்றது.

இதன் மூலம் அத்தகைய சக்திகள் இரண்டு விடயங்களை எதிர்பார்க்கின்றன…

1. இன்றைய இக்கட்டானதொரு அரசியல் சூழலில், தமிழ் மக்களின் அரசியல் சக்தியாகவும், மக்களின் ஒன்றுபட்ட குரலாகவும் செயற்பட்டுவரும் தமிழ் தேசியக் கூட்டமைபபில் இருந்து ஒரு சில கட்சிகளை வெளியேற்றுவதன் மூலம் தமிழ் தேசியக் கூட்டமைப்பு என்பதற்கான அரசியல் கட்டமைப்புசார் பலத்தை சிதைப்பது.

2. ஜக்கியப்பட்ட இலங்கைக்குள் நியாயமான தீர்வு என்னும் இலக்கில் முன்னேறி வரும் இராசம்பந்தருக்கு உள்ளுக்குள்ளும் வெளியிலும் நெருக்கடிகளை கொடுப்பதன் மூலம் அவரின் மீது ஒருவகை உளவியல் தாக்குதலை தொடுப்பதன் மூலம் அவரை அரசியலில் இருந்து ஒரங்கட்டுவது.

இந்த இரண்டு விடயங்களையும் மேற்கோள்ளும் நோக்கிலேயே நாடாளுமன்ற உறுப்பினர் பாக்கியசெல்வம் அரியநேந்திரன் களமிறங்கியிருக்கின்றார். இது போன்ற செயற்பாடுகளை எமது அமைப்பு வன்மையாக எதிர்த்து நிற்கும் என்பதை நாம் இந்த சந்தர்ப்பத்தில் தெரிவித்துக் கொள்கின்றோம். இது போன்று எத்தகைய அவதூறுப் பிரச்சாரங்களை அரியநேந்திரன் போன்றவர்கள் மேற்கொண்டாலும், எமது அமைப்பு எந்தவொரு சந்தர்ப்பத்திலும் எமது மக்களை மேலும் அழிவுப்பாதைக்கு இட்டுச் செல்லும் எந்தவொரு செயற்பாடுகளையும் அனுமதிக்கப் போவதில்லை என்பதையும் இந்த சந்தர்ப்பத்தில் உறுதியாக தெரிவித்துக் கொள்கின்றோம்.

ரி. பாலசிங்கம்,

மட்டக்களப்பு மாவட்ட இணைப்பாளர்,

தமிழீழ மக்கள் விடுதலைக் கழகம்,

15.05.2012.

வடக்கு அரசியல்வாதிகள் கிழக்கிற்கு வந்தால் கறுப்புக்கொடி போராட்டம் நடத்துவோம் - மாற்றத்திற்கான மக்கள் அமைப்பு

noreply@blogger.com (மக்களின் குரல்) — Wed, 16 May 2012 18:25:00 +0000

மாற்றத்திற்கான மக்கள் அமைப்பு

People Organization for Change

அண்மையில் வடக்கில் இடம்பெற்ற தந்தை செல்வாவின் நினைவு தினத்திற்கு கிழக்கு மக்களால் சொல்லின் செல்வர் என போற்றப்படுகின்ற இராஜதுரை அழைக்கப்பட்டு சிவாஜிலிங்கம் அவர்களால் கறுப்புக்கொடி காட்டப்பட்டு மட்டக்களப்பான் துரோகி என்றும், சக்கிலியன் என்றும் திட்டமிட்டு அவமானப்படுத்தப்பட்டார்.

இவ் விடயம் இடம்பெற்று வாரங்கள் கடந்துவிட்ட இன்றைய நிலையில் தமிழ் தேசியக் கூட்டமைப்பினர் சிவாஜிலி்ங்கம் அவர்களின் இச் செயற்பாடு தொடர்பில் இதுவரை எந்தவிதமான நடவடிக்கையும் எடுக்கப்படவில்லை. கூட்டமைப்பினர் இவ்வாறு எந்தவிதமான நடவடிக்கையும் எடுக்காமை சிவாஜிலி்கத்தின் கூற்றை ஆதரிப்பது போன்று அமைந்திருக்கின்றது.

ஆகவே மட்டக்களப்பான் மடையன் என்றும் சக்கிலியன் என்றும் கூறிய சிவாஜிலிங்கத்துக்கு எந்தவித நடவடிக்கையும் எடு்காமல் அவரின் கூற்றை ஆதரிக்கும் கூட்டமைப்பின் வடக்கு பாராளுமன்ற உறுப்பினர்கள் யாராவது மட்டக்களப்புக்கு வருவார்களானால் அவர்களுக்கு எதிராக கறுப்புக்கொடி போராட்டத்தினை முன்னெடுப்பதோடு மக்கள் அவர்களுக்கெதிராக வீதியில் இறங்கிப் போராடுவார்கள்

மாற்றத்திற்கான மக்கள் அமைப்பு

கிழக்கிலங்கை

15.05.2012

கிழக்கில் இடம்பெற இருக்கின்ற மாகாணசபை தேர்தல் தொடர்பில் கிழக்கிலங்கை மாற்றத்துக்கான மக்கள் அமைப்பு வெளியிட்டுள்ள அறிக்கை

noreply@blogger.com (மக்களின் குரல்) — Tue, 15 May 2012 20:23:00 +0000

மாற்றத்திற்கான மக்கள் அமைப்பு

people Organization for Change (POC)

கிழக்கு மாகாணசபை கலைக்கப்படும் என பரவலாக தமிழ் ஊடகங்களில் பேசப்படுகின்ற இன்றைய நிலையில் கிழக்கு மாகாணசபைத் தேர்தலில் தமிழ் தேசியக் கூட்டமைப்பு போட்டியிடும் என்று மட்டக்களப்பு மாவட்ட கூட்டமைப்பு பாராளுமன்ற உறுப்பினர்கள் தெரிவித்து வருகின்றனர்.

தமிழ் தேசியக்கூட்டமைப்பினர் கிழக்கு மாகாணசபைத் தேர்தலில் போட்டி இடுவதன் உண்மை நோக்கம் வெறுமனே கிழக்கு மாகாணத்தின் மீதும் கிழக்கு மக்கள் மீதும் இருக்கின்ற அக்கறை அல்ல. கிழக்கிலே இடம்பெறுகின்ற துரித அபிவிருத்தியினை இல்லாமல் செய்ய வேண்டும் என்பதே அவர்களின் உண்மை நோக்கம்.

பரவலாக அவர்கள் இப்போது மேடைகளில் பேசுகின்ற விடயம் பிள்ளையான் முதலமைச்சராக வரக்கூடாது என்பதாகும். இவர்கள் மாகாணசபை தேர்தலில் போட்டியிடுவது கிழக்கு மக்களின் மீதும் கிழக்கின் மீதும் இருக்கின்ற அக்கறை இல்லை. கிழக்கில் பிள்ளையான் அவர்கள் முதலமைச்சராக இருக்கக்கூடாது. என்பது மட்டுமே.

கிழக்கில் பிள்ளையான் முதலமைச்சராக இருப்பதனால் கூட்டமைப்பினர் கிழக்கு மக்களை ஏமாற்ற முடியாது. மறு பக்கத்தில் கிழக்கு மாகாண துரிதமாக அபிவிருத்தி கண்டு வருகின்றது கிழக்கை அபிவிருத்தி அடைய விடக்கூடாது எனும் யாழ்ப்பாண தலைமைகளின் எண்ணங்களுக்கு மட்டக்களப்பு மாவட்ட கூட்டமைப்பு பாராளுமன்ற உறுப்பினர்கள் செயலுருவம் கொடுத்து வருகின்றனர்.

உண்மையாகவே கிழக்கில் மாகாணசபை தேர்தல் ஒன்று நடக்குமாக இருந்தால் கூட்டமைப்பு தனித்து போட்டியிட்டால் தமிழர்களின் வாக்குகள் சிதறடிக்கப்பட்டு தமிழ் முதலமைச்சரை இழக்க நேரிடும். இது கூட்டமைப்பினருக்கு தெரியும். அதனையே கூட்டமைப்பினரும் விரும்புகின்றனர். தமிழ் முதலமைச்சரை பெற முடியாமல் போணால் கிழக்கின் அபிவிருத்தி தடைப்படும் கூட்டமைப்பினரின் நோக்கமும் அதுதான்.

அது ஒரு புறமிருக்க வடக்கு, கிழக்கு இணைப்பே கூட்டமைப்பின் கொள்கை ஆனால் தனியாக பிரிந்திருக்கின்ற கிழக்கு மாகாணசபைத் தேர்தலில் போட்டியிடுவது. அவர்களின் கொள்கைக்கு முரணானது இல்லையா? அல்லது கொள்கைகளை கைவிட்டு விட்டனரா? அல்லது தொடர்ந்தும் மக்களை ஏமாற்ற நினைக்கின்றனரா எனும் கேள்விகள் எழுகின்றன.

கூட்டமைப்பினர் கிழக்கு மாகாணசபை தேர்தலில் போட்டியிட்டு ஆட்சி அமைக்கவும் முடியாது தமிழர்கள் எதிர்க் கட்சிக்கே செல்ல வேண்டும். அதனால் தமிழர்களால் எதுவும் செய்ய முடியாது என்பதும் கூட்டமைப்பினருக்கு தெரியும். இவை அனைத்தையும் அறிந்தும் கிழக்கில் பிள்ளையான் முதலமைச்சராக இருக்கக்கூடாது கிழக்கில் அபிவிருத்தி இடம்பெறக்கூடாது என்பதற்காக மாகாணசபை தேர்தலில் போட்டியிட தீர்மானிக்கும் கூட்டமைப்பின் செயற்பாட்டை நாம் வண்மையாகக் கண்டிப்பதோடு வடக்கு மேலாதிக்க தலைமைகளின் கிழக்கு மீதான மேலாதிக்க சிந்தனைகளுக்கு துணைபோகும் கூட்டமைப்பின் மட்டக்களப்பு மாவட்ட பாராளுமன்ற உறுப்பினர்களுக்கு எதிராக குரல்கொடுக்க வேண்டும்

மாற்றத்திற்கான மக்கள் அமைப்பு

கிழக்கிலங்கை

06.05.2012

இன்னும் சில நிமிடங்களில் நேரடியாக ஒளிபரப்பாகும்

noreply@blogger.com (சந்ரு) — Sat, 12 May 2012 04:34:00 +0000

இன்னும் சில நிமிடங்களில் நேரடியாக ஒளிபரப்பாகும். குமாரதுரை அருணாசலம் அவர்கள் எழுதிய "இலங்கை அரசியல் வரலாறு இழப்புக்களும் பதிவுகளும்" எனும் நூல் வெளியீடு நேரடி ஒளிபரப்புச் செய்யப்பட இருக்கின்றன

Watch live streaming video from puthiyavidiyal at livestream.com

இலங்கை அரசியல் வரலாறு இழப்புக்களும் பதிவுகளும்" எனும் நூல் வெளியீட்டு நிகழ்வுகள் நேரடி ஒளிப்பரப்பப்படும்

noreply@blogger.com (சந்ரு) — Fri, 11 May 2012 18:07:00 +0000

குமாரதுரை அருணாசலம் அவர்கள் எழுதிய "இலங்கை அரசியல் வரலாறு இழப்புக்களும் பதிவுகளும்" எனும் நூல் வெளியீடு நாளை (12.05.2012) சனிக்கிழமை காலை 10.00 மணிக்கு மட்டக்களப்பு பொது நூலக கேட்போர் கூடத்தில் இடம்பெற இருக்கின்றது. இப் புத்தக வெளியீட்டு நிகழ்வுகள் காலை 10.00 மணிமுதல் நேரடி ஒளிபரப்புச் செய்யப்பட இருக்கின்றன .

நேரடி ஒளிபரப்பு செய்யப்படும் இணையத்தளங்கள்

www.meenmagal.net
www.puthiyavidiyal.com
www.shanthru.com
www.unmaikal.com
www.makkalinkural.com

Watch live streaming video from puthiyavidiyal at livestream.com

மட்டக்களப்பில் இடம்பெறும் மேதின நிகழ்வுகள் நேரடியாக ஒளிபரப்பு

noreply@blogger.com (சந்ரு) — Tue, 01 May 2012 02:01:00 +0000

மட்டக்களப்பில் இடம்பெறும் மேதின நிகழ்வுகள் நேரடியாக ஒளிபரப்பு செய்யப்பட இருக்கின்றன. இவ் ஒளிபரப்பானது இன்று (01.05.2012) மாலை 03.00 மணிமுதல் மட்டக்களப்பிலிருந்து நேரடியாக ஒளிபரப்பாகும்.

ஒளிபரப்பாகும் இணையத்தளங்கள்

www.shanthru.com
www.puthiyavidiyal.com
www.meenmagal.net
www.unmaikal.com
www.makkalinkural.com

puthiyavidiyal on livestream.com. Broadcast Live Free

மட்டக்களப்பில் கூட்டமைப்பினருக்கு எதிராக ஆர்ப்பாட்டம்

noreply@blogger.com (சந்ரு) — Sat, 28 Apr 2012 19:11:00 +0000

களுதாவளைக் கிராம மக்களால் இன்று மாலை வேளையில் ஆர்ப்பாட்டம் ஒன்று மேற்கொள்ளப்பட்டது. இவ் ஆர்பாட்த்தில் நூற்றுக்கும் மேற்பட்ட பொது மக்கள் கலந்து கொண்டதோடு சிவாஜிலிங்கம் அவர்களின் கொடும்பாவியும் எரிக்கப்பட்டது.

அண்மையில் யாழ்ப்பாணத்தில் இடம்பெற்ற தந்தை செல்வாவின் நினைவுதின நிகழ்விற்கு அழைக்கப்பட்டு சென்றிருந்த கிழக்கிலே எல்லோராலும் மதிக்கப்படுகின்ற அரசியல் தலைவர் இராஜதுரை அவர்கள் மேடையில் பேசச் சென்றபோது கறுப்புக் கொடி காட்டி தகாத வார்த்தைகளால் சிவாஜிலிங்கம் அவர்கள் நாகரிகமற்ற முறையில் அவமானப்படுத்திய செயலை கண்டித்து ஆர்ப்பாட்டத்தினை மேற்கொண்டனர்.

இதன்போது கருத்துத் தெரிவித்த விவசாயி யோகராஜா கிழக்கு மாகாணத்துக்கு பெருமை சேர்த்த கிழக்கு மாகாண மக்களால் சிறந்த அரசியல் தலைவராக போற்றப்படுகின்றவரை யாழ்பாணத்துக்கு அழைத்து துரோகி சக்கிலியன் போன்ற நாகரிகமற்ற வார்த்தைகளால் பேசியமை எமது ஒட்டுமொத்த கிழக்கு மாகாண மக்களையும் அவமானப் படுத்தியமைக்கு சமமானதாகும். கிழக்கு மக்களால் நேசிக்கப்படுகின்ற ஒரு அரசியல் தலைவரை அழைத்து மேடையில் வைத்து அவமானப்படுத்தியமை வேண்டுமென்று திட்டமிட்டு செய்யப்பட்ட ஒரு செயலாகும்.

இராஜதுரை ஐயா அவர்கள் தானாக செல்லவில்லை அவர்களே அழைத்தார்கள் அவர்களின் அழைப்பின் பேரின் சென்றவருக்கு அவர்கள் கொடுத்த பரிசுதான் இது. இது வேண்டுமென்று திட்டமிட்டு செய்யப்பட்ட ஒரு செயல் எங்களால் நேசிக்கப்படுகின்ற ஒரு அரசியல் தலைவருக்கு செய்யப்பட்ட இச் செயலானது கிழக்கு மக்கள் எல்லோருக்கும் செய்யப்பட்ட ஒரு செயலாகும்.

வடக்கு சாதிவெறி பிடித்த மேலாதிக்க சக்திகள் கிழக்கு மக்களை சாதி குறைந்தவர்களாக பார்க்கின்ற பார்வை இன்னும் இருக்கின்றது. அதன் வெளிப்பாடே ஐயா இராஜதுரை அவர்களை சக்கிலியன் என்றும் துரோகி என்றும் வசை பாடச் செய்திருக்கின்றது.

கிழக்கைச் சேர்ந்த ஒரு அரசியல் தலைவருக்கு செய்யப்பட்ட இச் செயலை கூட்டமைப்பிலே இருக்கின்ற மட்டக்களப்பு பாராளுமன்ற உறுப்பினர்கள் எந்தஒரு அறிக்கையினையும் எதிர்ப்பையும் வெளிப்படுத்தாமல் இருப்பது கவலைக்குரிய விடயம். இவர்கள் தொடர்ந்தும் வடக்கு மேலாதிக்க சக்திகளுக்கு துணை போகின்றவர்களாகவே இருக்கின்றனர். இச் செயலை கிழக்கு மக்கள் சார்பில் வண்மையாகக் கண்டிப்பதோடு மட்டக்களப்பு மாவட்ட பாராளுமன்ற உறுப்பினர்கள் இச் செயல்தொடர்பில் மெளனிகளாக இருப்பார்களானால் அவர்களுக்கெதிராகவும் நாம் வீதியில் இறங்க தயாராக இருக்கின்றோம் என்றார்.

பிரதேசவாதம் பேசும் பினாமிகள் யார்?

noreply@blogger.com (சந்ரு) — Thu, 26 Apr 2012 17:18:00 +0000

பிரதேசவாதம் பேசும் பினாமிகள் யார்? கிழக்கு மக்களே சிந்தியுங்கள்

யாழிலுள்ள தந்தை செல்வநாயகத்தின் நினைவு சதுக்கத்தில்தந்தை செல்வாவின் நினைவு தினம் கூட்டத்திம் இன்று (26.04.2012) வியாழக்கிழமை நடைபெற்றது. முன்னாள் அமைச்சர் செல்லையா இராஜதுரை உரையாற்றுவதற்குஅமைப்பின் முன்னாள் நாடாளுமன்ற உறுப்பினர் எம்.கே.சிவாஜிலிங்கம் கறுப்பு கொடிகாட்டி எதிர்புப் போராட்டத்தில் ஈடுபட்டார்

சிவாஜிலிங்கம் தனது கறுப்பு கொடி எதிர்ப்பின் போது, “தமிழ் தேசிய துரோகி இராஜதுரையை வெயேற்று எனவும் மட்டக்களப்பு துரோகி அரசின் அடிவருடி துரோகியை வெளியேற்ற வேண்டும்” என போராட்டத்தில் ஈடுபட்டார்.

இதன்போது தந்தை செல்வாவின் நினைவஞ்சலிக் கூட்டத்தில் குழப்ப நிலை ஏற்பட்டது. மட்டக்களப்பு மகானுக்கா இந்த நிலை நான் ஒரு மட்டக்களப்பான் என்ற வகையில் நான் படித்த அரசியல் வரலாறுகளையும் அழியாத மட்டக்களப்பின் அரசியல் சரித்திரத்தையும் இன்று வெளிப்படுத்த வேண்டும் யார் துரோகி ? மட்டக்களப்பு நாடாளுமன்ற உறுப்பினராக 33ஆண்டுகள் தொடர்ச்சியாக பதவி வகித்த பெருமைக்குரிய இராசதுரை துரோகியா ? அல்லது இன்றய கூட்டமைப்பின் தலைவர் சம்பந்தன் துரோகியா சங்கரி துரோகியா என வெளிப்படுத்த வேண்டும் இன்று ரெலோ அமைப்பின் அரசியல் பிரிவு தலைவரும் முன்னாள் நாடாளுமன்ற உறுப்பினரும்; எம்.கே.சிவாஜிலிங்கம் கறுப்பு கொடிகாட்டி மட்டக்களப்பு துரோகி யை வெளியேற்ற வேண்டும் என கோசம் இட்டுள்ளார் இவர் இராசதுரைக்கு இட்ட கோசம் அல்ல ஒட்டு மொத்த மட்டக்களப்பு மக்களுக்கு இட்ட கோசம் 33 வருடம் பாராளுமன்ற உறுப்பினராக இருந்த மக்கள் பிரதி நிதிக்கு கொடுத்த பட்டம் மக்களுக்கும் கொடுக்கப்பட்டது என்பதே பதே உண்மை இதற்க்கு பின்னும் வெட்கம் கெட்ட மட்டக்களப்பு கூட்டமைப்பு நாடாளுமன்ற உறுப்பினர்கள் வாய் முடியுள்ளனர் ?

யார் இந்த இராஜதுரை ?

சொல்லின் செல்வன் செல்லையா இராசதுரை என்று மட்டக்களப்பில் பெரும்பாலானவர்களால் அழைக்கப்படும் இராசதுரை 1956ஆம் ஆண்டு தமிழரசுக்கட்சியில் போட்டியிட்டு மட்டக்களப்பு தொகுதி பாராளுமன்ற உறுப்பினராக தெரிவு செய்யப்பட்ட போதிலும் அதற்கு முதல் 1950ஆம் ஆண்டுகளில் தமிழரசுக்கட்சியில் இணைந்து மட்டக்களப்பு மாநகரசபையின் முதல்வராக தெரிவு செய்யப்பட்டதன் மூலம் அரசியலுக்கு பிரவேசித்திருந்தார்.

1956ஆம் ஆண்டிலிருந்து 1979ஆம் ஆண்டுவரை 23ஆண்டுகள் தமிழரசுக்கட்சியிலும் அதன் பின்னர் தமிழர் விடுதலைக் கூட்டணியிலும் இருந்தவர்

தந்தை செல்வநாயகத்தின் பின் தமிழர் விடுதலைக் கூட்டணியின் செயலாளர்நாயகமாக தெரிவு செய்யப்பட்டவர் அப்பாபிள்ளை அமிர்தலிங்கம், இராசதுரையும் அமிர்தலிங்கமும் 1956ஆம் ஆண்டில் சமகாலத்தில் பாராளுமன்ற உறுப்பினர்களாக தெரிவு செய்யப்பட்ட போதிலும் அமிர்தலிங்கம் 1970ஆம் ஆண்டு தேர்தலில் வட்டுக்கோட்டை தொகுதியில் தோல்வியடைந்திருந்தார்.

இராசமாணிக்கத்திற்கு பின்னர் கிழக்கில் தமிழரசுக்கட்சியிலும் அதன் பின் தமிழர் விடுதலைக் கூட்டணியிலும் இராசதுரையே மூத்தவராக இருந்தார். தந்தை செல்வநாயகத்தின் பின் தமிழர் விடுதலைக் கூட்டணியின் தலைமைப்பதவி தனக்கே கிடைக்கும் என எதிர்பார்த்திருந்த இராசதுரைக்கு அமிர்தலிங்கம் அப்பதவியை பெற்றுக்கொண்டது முதல் கசப்புணர்வு வளர ஆரம்பித்தது. தமிழர் விடுதலைக் கூட்டணியில் தலைவர் அல்லது செயலாளர் பதவிகளில் ஒன்று கிழக்கை சேர்ந்தவர் ஒருவருக்கு வழங்கப்பட வேண்டும் என்ற கோரிக்கை அமிர்தலிங்கம் போன்ற தலைவர்களால் நிராகரிக்கப்பட்டது அன்றே வடக்கு கிழக்க பிரிவினை உருவாகியது தவிர இன்றல்ல என்பதை யாராவது மறுக்கமுடியுமா?

1977ஆம் ஆண்டு பொதுத்தேர்தலில் வடக்கு தலைமைக்கு கிழக்கு மக்கள் மரண அடி கொடுத்தனர் கிழக்கு தலைமையை அழிக்க நினைத்த தமிழர் விடுதலைக் கூட்டணியின் செயலாளர் நாயகமாக இருந்த அமிர்தலிங்கம்.அந்த தேர்தலின் மூலம் காசி ஆனந்தனை மட்டக்களப்பு தொகுதியில் போட்டியிட வைத்து இராசதுரையை தோற்கடிக்க வேண்டும் என அமிர்தலிங்கம் திட்டமிட்டார்.

தொகுதிவாரியான தேர்தலில் ஒரு தொகுதியில் ஒரு கட்சியை சேர்ந்த ஒருவர் மட்டுமே போட்டியிட முடியும் என்பதால் மட்டக்களப்பு தொகுதியில் தமிழர் விடுதலைக் கூட்டணியின் உதயசூரியன் சின்னத்தில்இராசதுரைக்கே சந்தர்ப்பம் வழங்கப்பட வேண்டும் என மட்டக்களப்பில் உள்ள தமிழர் விடுதலைக் கூட்டணி கிளைகளும் பொது அமைப்புக்களும் பெரும் போராட்டம் செய்தன இதனால் இராசதுரைக்கு மட்டக்களப்பு தொகுதியில் தமிழர் விடுதலைக் கூட்டணியில் போட்டியிடுவதற்கு சந்தர்ப்பம் வழங்கிய போது அடுத்த கபட நாடகத்தை அமிர்தலிங்கம் திட்டம் தீட்டினார். அதேதொகுதியில் செயலிழந்து போய் இருந்த தமிழரசுக்கட்சியில் காசி ஆனந்தனை மட்டக்களப்பு தொகுதியில் போட்டியிடவைத்தார்

இராசதுரையின் தேர்தல் பிரசார மேடைகளில் யாழ்ப்பாண அரசியல் தலைமைக்கு எதிராக மிக காரசாரமான விமர்சனங்கள் முன்வைக்கப்பட்டன. யாழ்ப்பாண தலைமையின் கீழ் நாம் இருக்க கூடாது என்று கூட சிலர் பேசினர்.அன்றய தலைமைகள் குரல் எழுப்பின அன்று எடுத்த முடிவின் வெளிப்பாடு மட்டக்களப்பில் இன்னும் சில காலத்தில் எடுக்கப்படும் என்பது இன்றய அரசியல் நிரோட்டத்தில் இருந்து உணரக்குடியதாகவுள்ளது

தேர்தலில் இராசதுரை அமேக வெற்றி பெற்றார்

இந்நிலையில்தான் 1978ஆம் ஆண்டு நவம்பர் மாதம் கிழக்கு மாகாணத்தை சூறாவளி முற்றாக அழித்திருந்தது. சிதைந்து போன பகுதியை சிரமைக்கும் பணியில் இடுபட அரசின் உதவியை நாடினார் மட்டக்களப்பு தொகுதி பாராளுமன்ற உறுப்பினர் செல்லையா இராசதுரை அனால் மட்டக்களப்பின் சிதைவை அழிவை சிந்திக்காத யாழ்பானத்தலமை

தமிழர் விடுதலைக் கூட்டணி நாடாளுமன்ற உறுப்பினர்கள் யாரும் அரசாங்க அமைச்சர்கள் கலந்து கொள்ளும் எந்த கூட்டத்திலும் கலந்து கொள்ளக் கூடாது என உத்தரவு இட்டிருந்தது

சூறாவளியால் பாதிக்கப்பட்ட சிதைவடந்துள்ள புனரமைப்பு பணிகள் பற்றி ஆராய்வதற்குமாக 1979ஆம் ஆண்டு பிரதமராக இருந்த பிரேமதாஸ மட்டக்களப்புக்கு வருகை தந்தார்.பிரேமதாஸாவை பாராளுமன்ற உறுப்பினர் செல்லையா இராசதுரை மட்டக்களப்பு மக்களுக்காக சென்று வரவேற்றார். மாவட்ட செயலகத்தில் பிரேமதாஸ தலைமையில் நடைபெற்ற கூட்டத்திலும் இராசதுரை கலந்து கொண்டார்.

அதில் இருந்த கட்சி தலமைக்கும் இராசதுரைக்கும் கடிதப் போராட்டம் நடைபெற்றது அழிந்து போன மட்டக்களப்பை மீட்டெடுப்பதற்காக அந்த கூட்டத்தில் கலந்து கொள்ள வேண்டியது மக்கள் பிரதிநிதி என்ற வகையில் எனது கடமை. அந்த கடமையை செய்த என் மீது கட்சி தலைமை கேள்வி கேட்க முடியாது. விளக்கம் கேட்க முடியாது என இராசதுரை பதிலளித்திருந்தார்.

இராசதுரை உரிய காலத்தில் சரியான பதிலை கட்சி தலைமைப்பீடத்திற்கு வழங்கவில்லை என்றால் அவரை கட்சியிலிருந்து நீக்க வேண்டும் என அமிர்தலிங்கம் தரப்பு கூறிக்கொண்டிருந்தது. அப்போது உயிருடன் இருந்த திருமதி செல்வநாயகம், திருமதி திருச்செல்வம், ஆகியோருக்கு இராசதுரை உருக்கமான கடிதம் ஒன்றை எழுதியிருந்தார். தந்தை செல்வநாயகம் உயிருடன் இருந்திருந்தால் தான் இவ்வாறு பழிவாங்கப்பட்டிருக்க மாட்டேன் என்றும் தன்னை திட்டமிட்டு ஒதுக்கி ஓரங்கட்ட வைப்பதும் கட்சியிலிருந்து நீக்க நினைப்பதும் மட்டக்களப்பு மக்களுக்கு செய்யும் துரோகம் என எழுதியிருந்தார். மக்களை பற்றி சிந்தித்த தலைவன் சிதைந்த தனது மண்னை கட்டியேழுப்ப 1979ஆம் ஆண்டு மார்ச் மாதமளவில் இராசதுரை ஆளும் கட்சிக்கு மாறினார். அவருக்கு பிரதேச அபிவிருத்தி அமைச்சர் பதவி வழங்கப்பட்டது. இதுதான் இராசதுரையின் வரலாறு மட்டக்களப்பு மக்களை மதிக்காத கட்சியை விட்டு ஒதுங்கினார்

1978ல் அன்று ஜனாதிபதியாக இருந்த ஜே.ஆர்.ஜெயவர்த்தனாவுடன் உறவாடி பயங்கரவாத தடைச்சட்டத்திற்கு ஆதரவாக வாக்களித்த அமிர்தலிங்கம் தலைமையிலான தமிழர் விடுதலைக் கூட்டணி தமிழ் மக்களுக்கு செய்த அநீதியை போல இராசதுரை தமிழ் மக்களுக்கு அநீதி செய்ய வில்லை

அமிர்தலிங்கம், சிவசிதம்பரம், சம்பந்தன், ஆனந்தசங்கரி போன்றோர் நாடாளுமன்றத்தில் ஆதரவாக வாக்களித்து நிறைவேற்றிய பயங்கரவாத தடைச்சட்டத்தால்சிறையில் அடைக்கப்பட்டனர். கொல்லப்பட்டனர். இன்றும் அந்த பயங்கரவாத தடைச்சட்டத்தின் தமிழர்கள் சிறையில் அடைத்து வைக்கப்பட்டிருக்கின்றனர் இன்று உயிருடன் உள்ள சம்பந்தன் ஆனந்தசங்கரி போன்றவர்களின் இந்த மகா தவறை விடவா இராசதுரை அரசின் பக்கம் சேர்ந்து அமைச்சர் பதவி பெற்றது பிழையா ?

இன்று தமிழ் மக்கள் விடுதலை புலிகள் கட்சி செய்யும் போரினால் அழிந்த தேசத்தை கட்டமைப்பதை அன்று இராசதுரை சூறாவளியால் பாதிக்கப்பட்ட புனரமைப்பு பணிகளில் இடுபட்டவர் இவருக்கு ரெலோ அமைப்பின் அரசியல் பிரிவு தலைவரும் முன்னாள் நாடாளுமன்ற உறுப்பினரும் எம்.கே.சிவாஜிலிங்கம் கறுப்பு கொடிகாட்டி மட்டக்களப்பு துரோகியை வெளியேற்ற வேண்டும் என கோசம் இடுவது. எந்த வகையில் நியாயம் யார் துரோகி இன்றும் வடக்கு தலைவர்கள் மட்டக்களப்பு தலைவர்களை மக்களை துரோகியாய் பார்க்கும் படலம் இன்றும் தொடர்ந்துள்ளது ? இவர்களிடம் இன்னும் கைகோர்த்து பயனிப்பது சரியா பிழையா என தீர்மாணித்து தீர்க்கமாண முடிவெடுத்து கூட்டமைப்பிற்க்கு மரண அடி கொடுப்பது மாணமுள்ள மட்டக்களப்பானின் கடமையாகும்.

கொள்கைகளை குழி தோண்டிப் புதைக்கும் கூட்டம்

noreply@blogger.com (சந்ரு) — Tue, 17 Apr 2012 10:35:00 +0000

முன்னைய பதிவின் தொடராகவே இப் பதிவு

முன்னைய பதிவு

கிழக்கு மாகாணசபைத் தேர்தலில் தமிழரா முஸ்லிமா முதலமைச்சர் பகுதி -01

கிழக்கு மாகாணசபை கலைக்கப்பட்டு விரைவில் மாகாணசபை தேர்தல் இடம்பெறும் என்று இன்று பரவலாகப் போசப்படுகின்ற நிலையில் கிழக்கு மாகாணசபை கலைப்பு மற்றும் மாகாணசபை தேர்தலும் மக்கள் மத்தியில் பெரும் எதிர் பார்ப்புக்களையும் குழப்பங்களையும் ஏற்படுத்தி இருக்கின்றன. மக்கள் மத்தியில் மட்டுமல்ல அரசியல் கட்சிகள் அரசியல்வாதிகள் என்று எல்லோருமே பல குழப்பங்களுக்கு மத்தியில் பல சதித்திட்டங்கள் வயூகங்களை வகுத்துக் கொண்டிருக்கின்றனர்.

தமிழரா முஸ்லிமா முதலமைச்சர் என்பதிலே பாரிய எதிர்பார்ப்புக்களும் தமிழ் மக்கள் மத்தியில் பாரிய சவாலும் இருக்கின்றது. தமிழ் முதலமைச்சர் வரக்கூடாது என்பதிலே பிரதான தமிழ் கட்சிகள் உறுதியாக இருப்பதுடன் பல சதித் திட்ட்களையும் மேற்கொள்ள திட்டமிடுகின்றன. தமிழ் கட்சிகளைப் பொறுத்தவரை பல தமிழ் கட்சிகள் தனித்து போட்டியிட தீர்மானித்திருப்பதாக அறிய முடிகின்றது. இதனால் தமிழ் மக்களின் வாக்குகள் சிதறடிக்கப்பட்டு தமிழ் முதலமைச்சரை நாம் இழக்க நேரிடும்.

மறு புறத்திலே முஸ்லிம் மக்கள் தாங்கள் முதலமைச்சரை பெற வேண்டும் என்பதில் உறுதியாக இருக்கின்றனர். அதற்குரிய திட்டங்களையும் முஸ்லிம் கட்சிகள் தீட்டிக்கொண்டிருக்கின்றனர். முஸ்லிம் மக்கள் ஒன்று படுகின்றபோது இலகுவாக முஸ்லிம்கள்முதலமைச்சரைப் பெற முடியும். தமிழர்களின் வாக்குகள் சிதறடிக்கப்பட வாய்ப்புக்கள் அதிகமாகவே இருக்கின்றன.

தமிழர் ஒருவர் மதலமைச்சராக வரவில்லை என்றால் அதற்கான முழுப்பொறுப்பையும் தமிழ் தேசியக் கூட்டமைப்பினரே ஏற்க வேண்டும். கிழக்கிலே தமிழ் முதலமைச்சரை இல்லாமல் செய்த வரலாற்றுத் தவறினை கூட்டமைப்பினர் செய்ய இருக்கின்றனர். கிழக்கு மாகாணத்தின் அபிவிருத்தியினை சகித்துக் கொள்ள முடியாத கூட்டமைப்பினர் காலங்காலமாக கிழக்கு மக்களுக்கு பல வரலாற்றுத் தவறுகளை செய்து வருபவர்கள் இம் மாகாணசபை தேர்தலையும் கிழக்கு தமிழ் மக்களுக்கு எதிராக பயன் படுத்த திட்டமிடுகின்றனர்.

கிழக்கு மாகாணத்தில் கிழக்கு மாகாணசபை உருவாக்கப்பட்டு கிழக்கு மாகாணம் துரிதமாக அபிவிருத்தி கண்டு வருவதை வடக்கு தலைமைகளால் பொறுத்துக் கொள்ள முடியவில்லை. கிழக்கின் அபிவிருத்தியை இல்லாமல் செய்ய பல சதித்திட்டங்கள் தீட்டுகின்றனர். அதற்கு மட்டக்களப்பு மாவட்ட மூன்று பாராளுமன்ற உறுப்பினர்களும் உடந்தையாக இருந்து கிழக்கு மக்களுக்கு துரோகம் செய்கினறனர். இவர்களின் துரோகங்களை கிழக்கு மக்கள் மறந்துவிடக் கூடாது.

இன்று கூட்டமைப்பினர் கிழக்கு மாகாணசபை தேர்தலில் போட்டியிட இருப்பதாக அறிய முடிகின்றது. கூட்டமைப்பினரின் நிலைப்பாடுகள் என்ன? கொள்கைகள் என்ன? வடக்கு கிழக்கு இணைக்கப்பட வேண்டும் என்பதே அவர்களின் நிலைப்பாடு. கிழக்கு மாகாணசபையை சந்திரகாந்தன் பொறுப்பேற்றபோது சம்பந்தன் அவர்களை முதலமைச்சர் சந்திரகாந்தன் அவர்கள் சந்திக்க சென்றபோது கிழக்கு மாகாணசபை ஒன்று இல்லை கிழக்கில் ஒரு முதலமைச்சரும் இல்லை. கிழக்கு மாகாணசபையை நாம் ஏற்கவில்லை என்று திருப்பி அனுப்பியிருந்தார்.

இன்று கிழக்கு மாகாணசபையில் போட்டியிட தீர்மானிப்பதன் நோக்கம் என்ன? தமது வடக்கு கிழக்கு இணைந்த மாகாணசபை கொள்கையை குழி தோண்டிப் புதைத்துவிட்டனரா? இவர்களிடம் நிரந்தர கொள்கைகள் இல்லையா? தமிழ் மக்களை இவ்வாறு தொடர்ந்து ஏமாற்றப் போகின்றனரா?

தமிழீழம் தமிழீழம் என்று இலச்சக்கணக்கான தமிழர்களை உரிமைப் போராட்டம் என்று அழித்தவர்கள். இதுவரை தமிழர்களுக்காக எதனைச் செய்தனர். கிழக்கு மாகாணசபை உருவாக்கப்பட்டு மாகாணசபை மூலம் தமிழர்களுக்கான தீர்வுகளை பெற முடியும் என்று கிழக்கு மாகாண முதலமைச்சர் சி;. சந்திரகாந்தன் சாதித்துக் காட்டியதன் பின்னர். இன்று கூட்டமைப்பினருக்கு மாகாணசபை மீது ஆசை வந்துவிட்டது. மாகாணசபைக்கு கனவு காண்கின்றனர்.

அண்மையில் அரியநேத்திரன் அவர்கள் ஒரு நிகழ்வில் பேசியிருந்தார் மக்கள் சாகலாம் கொள்கை சாகாது என்று கொள்கைகள் சாக வைக்காத கொள்கைகளாக இருக்க வேண்டும். கொள்கைகளுக்காக மக்களை சாக வைப்பவர்கள் இவர்கள்.அது ஒரு புறமிருக்க கொள்கை சாகாது என்று சொல்பவர்கள் வடக்கு கிழக்கு இணைந்த மாகாணம் வேண்டும் என்ற கொள்கைகளுடன் இருப்பவர்கள். கொள்கைகளை சாக வைத்து குழி தோண்டி புதைத்துவிட்டா கிழக்கு மாகாணசபை தேர்தலில் போட்டியிடப் போகின்றார்கள்.

தொடரும்...

கிழக்கு மாகாணசபைத் தேர்தலில் தமிழரா முஸ்லிமா முதலமைச்சர் பகுதி -01

noreply@blogger.com (சந்ரு) — Sat, 14 Apr 2012 17:14:00 +0000

இன்று கிழக்கிலே எல்லோராலும் பரவலாகப் பேப்படுகின்ற விடயம் கிழக்கு மாகாணசபைக் கலைப்பும் மாகாணசபைத் தேர்தலும் முதலமைச்சர் தமிழரா அல்லது முஸ்லிமா என்கின்ற விடயமுமாகும். இன்றைய கால கட்டத்தில் இவ்விடயங்களை கிழக்கு மாகாணத்தைச் சேர்ந்த தமிழ் மக்கள் சிந்தித்து செயற்பட வேண்டும்.

கிழக்கு மாகாணசபை கலைப்பும் தொடர்ந்து இடம்பெறும் தேர்தலும் முதலமைச்சர் தெரிவுமே கிழக்கு தமிழர்களின் தலைவிதியை தீர்மானிக்கின்ற ஒன்றாக அமைய இருக்கின்றது. இம் மாகாணசபைத் தேர்தலானது தமிழ் மக்களிடையே சாவால் நிறைந்த ஒன்றாகவும் கிழக்கு வாழ் தமி்ழ் மக்களின் தலைவிதியினைத் தீர்மானிக்கின்ற ஒரு தேர்தலாகவும் அமைய இருக்கின்றது.

இத் தேர்தலில் முதலமைச்சரை தீர்மானிப்பதில் பல சவால்களை கிழக்கு தமிழ் மக்கள் எதிர்நோக்க இருக்கின்றனர். கடந்த மாகாணசபை தேர்தலையும் இன்றைய கால சூழ்நிலைகளையும் அரசியல் நிலைமைகளையும் நாம் ஆராய்ந்து பார்க்கவேண்டி இருக்கின்றது. கடந்த மாகாணசபைத் தேர்தலிலே முதலமைச்சர் சிவநேசதுரை சந்திரகாந்தனா அல்லது ஹிஸ்புல்லாவா என்று தீர்மானிப்பதிலே பல சவால்களை எதிர்நோக்கி தமிழ் மக்கள் வெற்றி பெற்று இருந்தனர் சிவநேசதுரை சந்திரகாந்தன் முதலமைச்சராக தெரிவு செய்யப்பட்டார்.

சந்திரகாந்தன் அவர்கள் முதலமைச்சராக தெரிவு செய்யப்பட்டதன் வெளிப்பாடுதான் இன்றை கிழக்கின் துரித அபிவிருத்தியாகும். ஹஸ்புல்லாவோ அல்லது வேறு ஒருவரோ அன்று முதலமைச்சராக பதவி ஏற்றிருந்தால் கிழக்கு மாகாணம் குறிப்பாக தமிழர் பிரதேசங்கள் இந்தளவிற்கு அபிவிருத்தியினைக் கண்டிருக்க முடியாது.

அன்று மாகாணசபைத் தேர்தல் இடம்பெற்ற சூழ்நிலைக்கும் இன்றைய சூழ்நிலைக்கும் பாரிய வேறுபாடுகளும ;தமிழ் மக்களுக்கு பாரிய சவால்களும் இருக்கின்றன. அன்று மாகாணசபை தேர்தல் இடம்பெற்றபோது தமிழ் கட்சிகளுக்கிடையே போட்டி இருக்கவில்லை தமிழ் மக்கள் அனைவரும் ஒரு கட்சிக்கே வாக்களித்திருந்தனர். அனைவரும் ஒருமித்து ஒரு கட்சிக்கு வாக்களித்தும் கூட தமிழ் முதலமைச்சரை தீர்மானிப்பதிலே பல சவால்கள் நிறைந்திருந்தன.

அன்றை நிலையைவிட இன்றைய நிலை மிக மோசமான பல சவால்கள் நிறைந்ததாக அமைய இருக்கின்றது. தமிழ் தேசியக் கூட்டமைப்பு உட்பட தமிழ் கட்சிகள் பல இத் தேர்தலிலே போட்டியிட தீர்மானித்திருப்பதாக அறிய முடிகின்றது. இதனால் தமிழ் மக்களின் வாக்குகள் சிதறடிக்கப்பட இருக்கின்றது. இதன் காரணமாக தமிழ் முதலமைச்சரை இழக்கக்கூடிய துப்பாக்கிய நிலையினை தமிழ் மக்கள் பெறப்போகின்றார்கள்.

பல கட்சிகள் போட்டியிட்டு தமிழர்களின் வாக்குகள் சிதறடிக்கப்பட்டு தமிழ் முதலமைச்சரை பெற முடியாமல் போகின்றபோது. நேரடியாகவே ஒரு முஸ்லிம் வேட்பாளர் முதலமைச்சராக வரப் போகின்றார். இதனால் அபிவிருத்தி கண்டு வரும் தமிழ் பிரதேசங்களின் அபிவிருத்திகள் தடைப்பட வாய்ப்புக்கள் இருக்கின்றன. இவ்வாறு பல பிரச்சினைகள் இருக்கின்றன.

இவ்வாறான பிரச்சினைகளை தமிழ் கட்சிகள் உணராமலும் இல்லை. கூட்டமைப்பு உட்பட பல தமிழ் கட்சிகள் கிழக்கில் ஒரு தமிழ் முதலமைச்சர் வரக்கூடாது என்பதற்காகவே தமிழர்களின் வாக்குகளை சிதறடிப்பதற்காக தேர்தலில் போட்டியிட தீர்மானித்திருக்கின்றனர்.

மறு புறத்தில் முஸ்லிம்கள் தாங்கள் முதலமைச்சரை பெற வேண்டும் என்பதற்காக ஒன்று பட்டு செயற்படுகின்றனர்.

தொடரும்..

கிழக்கு மாகாணசபைத் தேர்தலில் தமிழ் முதலமைச்சர் வரக்கூடாது என்பதற்காக திட்டமிடும் கூட்டமைப்பினர்

noreply@blogger.com (சந்ரு) — Thu, 12 Apr 2012 19:51:00 +0000

இன்று கிழக்கிலே அதிகம் பேசப்படுகின்ற விடயம் கிழக்கு மாகாணசபை விரைவில் கலைக்கப்படும் என்ற செய்தியாகும். இச் செய்தியுடன் தொடர்பு பட்ட பல விடயங்கள் பேசப்படுகின்றன. அவற்றில் மிக முக்கியமான பிரச்சினைக்குரிய விடயம் முதலமைச்சர் முஸ்லிமா? தமிழா? என்பதாகும்.

முஸ்லிம்கள் தாங்கள் முதலமைச்சரை பெற வேண்டும் என்பதில் உறுதியாக பல முயற்சிகளை மேற்கொண்டு வருகின்றனர். ஆனால் தமிழ் கட்சிகள் தமிழ் முதலமைச்சர் வருவதனை விரும்பாதவர்கள் போன்று செயற்பட்டு வருகின்றனர். பல தமிழ் கட்சிகளும் சுயேற்சைக் குழுக்களும் போட்டியிட இப்பொழுதே முயற்சிகளை மேற்கொண்டு வருகின்றனர்.

இவ்வாறு தமிழ் கட்சிகள் பிரிந்து தமிழர்களின் வாக்குகளை சிதைத்து தமிழ் முதலமைச்சரை இல்லாமல் செய்ய முயற்சிகளை மேற்கொண்டு வருகின்றனர். இன்று சிவநேசதுரை சந்திரகாந்தன் அவர்கள் முதலமைச்சர் பதவியினை பொறுப்பேற்றதன் பின்னரே கிழக்கு மாகாணம் துரிதமாக வளர்ச்சி அடைந்து வருகின்றது. கிழக்கு மாகாணத்தின் துரித வளர்ச்சியினை பொறுத்துக் கொள்ள முடியாத சிலர் பல சதித் திட்டங்களை தீட்டி வருகின்றனர்.

தமிழ் தேசியக் கூட்டமைப்பினரும் கிழக்கிலே தமிழ் முதலமைச்சர் வரக்கூடாது என்பதிலே உறுதியாக இருக்கின்றனர். அவர்களின் இச் சதித் திட்டங்களுக்கு கூட்டமைப்பின் மட்டக்களப்பு பாராளுமன்ற உறுப்பினர்கள் துணை போவது கவலைக்குரிய விடயம்.

தமிழ் தேசியக் கூட்டமைப்பினர் கிழக்கு மாகாணசபைத் தேர்தலில் போட்டியிட இருப்பதாக நம்பத்தகுந்த வட்டாரங்கள் தெரிவிக்கின்றன. வடக்கு கிழக்கு இணைப்பு பற்றி பேசும் தமிழ் தேசியக் கூட்டமைப்பினர் தனித்த கிழக்கு மாகாணசபை தேர்தலில் போட்டியிடுவது அவர்களின் கொள்கைகளுக்கு முரணானது இல்லையா?அன்று கிழக்கு மாகாணசபையை சந்திரகாந்தன் அவர்கள் பொறுப்பேற்றபோது கிழக்கு மாகாணசபை ஒன்று ல்லை என்று சம்பந்தனுடன் பேசச் சென்ற சந்திரகாந்தனை வர வேண்டாம் என்று திருப்பி அனுப்பியவர் கூட்டமைப்பின் தலைவர். இன்று கிழக்கு மாகாணசபைக்கு ஆசைப்படுவது ஏன்? நிரந்தர கொள்கை இல்லாததன் வெளிப்பாடா?

கிழக்கு மாகாணத்தின் இன விகிதாசார அடிப்படையில் கூட்டமைப்பினர் தனித்து போட்டியிட்டு முதலமைச்சர் பதவியினை பெறுவது முடியாத காரியம். இவர்கள் தமிழர்களின் வாக்குகளை வேட்டையாடி கிழக்கிலே இடம்பெறும் துரித அபிவிருத்தித் திட்டங்களை இல்லாமல் செய்ய நினைக்கின்றனர்.

கூட்டமைப்பினர் அதிக ஆசனங்களை பெற்றால்கூட ஆட்சியமைக்க முடியாது. எதிர் கட்சி ஆசனங்களில் இருந்து அறுபது வருடங்களுக்கு மேலாக செய்துவரும் கதிரைகளை மட்டும் சூடேற்றும் வேலைகளை மட்டுமே செய்ய முடியும்.

இன்று என்னுடைய நண்பர் ஒருவர் மட்டக்களப்பு மாவட்டத்திலே அறிக்கை மன்னனாக திகழும்ஒரு பாராளுமன்ற உறுப்பினருக்கு தொலைபேசி அழைப்பினை எடுத்தார். வழக்கமாக அவருடன் பேசுபவர்தான் நண்பர். நண்பர் மாகாணசபை கலைப்பு விடயத்தையும் கூட்டமைப்பினர் கிழக்கு மாகாணசபை தேர்தலில் போட்டியிடுமா என்றும் கேட்டார்.

அதற்கு அவர் சொன்ன பதில் கேட்போம். அப்போது நண்பர் கேட்டார் வடக்கு கிழக்கு இணைப்பு பற்றி பேசும் நீங்கள் தனியாக இருக்கும் கிழக்கு மாகாணசபையில் போட்டியிடுவதா என்று தேர்தலில் போட்டியிடுவதற்காக கொள்கைகளில் மாற்றம் வரும் என்று சொன்னதுடன் நின்று விடாமல் பல விடயங்களை பேசினார் அப்போது நண்பர் கேட்டார் கூட்டமைப்பு போட்டியிட்டால் முதலமைச்சர் பதவி கிடைக்குமா என்று அதற்கு பாராளுமன்ற உறுப்பினர் சொன்ன பதில் நிட்சயமாக கிடைக்காது அது எமக்குத் தெரியும். இன்றை நாள் நேரத்தை குறித்து வையுங்கள் நான் ஒரு விடயம் சொல்கின்றேன் கிழக்கிலே இனிமேல் ஒரு தமிழ் முதலமைச்சர் வரமாட்டார் நான் இவ்வாறு குறிப்பிட்ட நாளை ஞபகத்தில் வைத்திருங்கள் என்று சொன்னார்.

பாருங்கள் தமிழ் முதலமைச்சர் வரக்கூடாது என்பதிலே இவர்கள் எவ்வளவு அக்கறையாக இருக்கின்றார்கள். இவர்கள் கிழக்கு மக்களுக்கு தேவையா?

விரச்சமர்கள் பல புரியந்து வீர வரலாறு படைத்த கிழக்கு போராளிகளுக்கு வன்னிப் புலிகள் கொடுத்த பரிசு வெருகல் படுகொலை

noreply@blogger.com (சந்ரு) — Tue, 10 Apr 2012 18:44:00 +0000

விடுதலைப் புலிகள் அமைப்பின் பல வரலாற்று வீரச்சமர்களுக்கும் சரித்திர

வெற்றிகளுக்கும் பின்னால் ஒவ்வொரு வரலாறு இருக்கின்றது. வரலாற்றின்

கதாநாயகர்கள் கிழக்குப் போராளிகளே. விடுதலைப் புலிகள் அமைப்பின் ஒவ்வொரு

வெற்றிக்குப் பின்னாலும் இருப்பவர்கள் கிழக்குப் பொராளிகளே. சரித்தர

முக்கியத்துவம் வாய்ந்த வெற்றிகளை தேடிந்த பெருமை கிழக்குப் போராளிகளையே

சேரும். புலிகள் அமைப்பு வலுவான ஒரு அமைப்பாக அருப்பதற்கு தூண்களாக

இருந்தவர்கள் கிழக்குப் போராளிகளே.

கிழக்குப் போராளிகள் வீர வரலாறு படைத்த சரித்திரங்களை எழுதுவதென்றால்

எழுதிக் கொண்டே போகலாம். வரலாற்று வெற்றிகளைப் படைத்த கிழக்கு மண்

ஈன்றெடுத்த போராளிகளின் வரலாறுகள் சாதனைகள் மறைக்கப்படுவது ஒரு

புறமிருக்க. தமிழீழமே எமது மூச்சு என்று தமது சொந்தங்கள் பந்தங்கள்

சொத்து சுகங்களை இழந்து போராடப் புறப்பட்ட கிழக்குப் பொராளிகளை வன்னிப்

புலிகள் கொன்றொழித்த வரலாறுகளும் இருக்கின்றன.

கடந்த வருடங்களுக்கு முன்னர் கருணா புலிகள் அமைப்பிலிருந்து பிரிந்து

வந்தபோது கிழக்குப் போராளிகளும் புலிகள் அமைப்பிலிருந்து பிரிந்து

வந்தனர். அவர்கள் யுத்தத்தை விரும்பவில்லை நிம்மதியான வாழ்க்கையை

விரும்பியிருந்தனர். ஆனாலும் அவர்கள் புலிகள் அமைப்பிலிருந்தபோது பல

வெற்றிச் சமர்களை புரிந்து வீர வரலாறு படைத்தவர்கள்.

புலிகள் அமைப்பிலிருந்து பிரிந்து வந்து யுத்தம் வேண்டாம் ஆயுதக்

கலாச்சாரம் வேண்டாம் நிம்மதியாக வாழ வேண்டும் என்று இருந்த கிழக்குப்

போராளிகளுக்கும் கிழக்கு மக்களுக்கும் புலிகள் பேரிடியினைக் கொடுத்தனர்.

தமது அமைப்புக்காகவே போராடி பல சரித்திர வெற்றிகளை நிலைநாட்டி வீர வரலாறு

படைத்த ஒன்றாக உணவருந்தி ஒன்றாகவே படுத்துறங்கிய தமது சகோதர போராளிகளை

கொன்றொழிக்க புலிகள் அமைப்பு திட்டமிட்டது.

அவர்களின் திட்டங்களை சாதித்தும் காட்டினார்கள் ஏப்ரல் 10 அன்று

வெருகலில் கிழக்குப் போராளிகளை நோக்கி தமது துப்பாக்கிகளை நீட்டினர்.

வெறுமனே துப்பாக்கிகளோடு மட்டும் நின்றுவிடாமல் பல சித்திரவதைகளையும்

செய்தனர். அன்று அவர்கள் வெருகலில் நிராயுதபணிகளாக இருந்த போராளிகளை கொலை

செய்தது மட்டுமல்லாமல் பெண் போராளிகளை சொல்லொண்ணா சித்திரவதை செய்ததுடன்

பலாத்காரப் படுத்தியும் கொலை செய்தனர். இது ஒரு புறமிருக்க மறு புறத்தில்

வன்னியிலே இருந்த கிழக்குப் போராளிகள் சித்திரவதை செய்யப்பட்டமை வேறு

கதை. இவ் வெருகல் படுகொலையில் 210 க்கு மேற்பட்ட கிழக்குப் போராளிகளை

கொன்று குவித்தனர்.

புலிகள் அமைப்பு தமது கொள்கைகளுக்கு எதிரானவர்களுக்கு இவ்வாறான

நடவடிக்கைகளை எடுப்பார்கள் என்பது அனைவருக்கும் தெரிந்திருந்தாலும்

தம்மோடு ஒன்றாக இருந்து பல சரித்திர வெற்றிகளை பெற்றுத்தந்த போராளிகளை

இவ்வாறு கொடுரமாக கொன்று குவிப்பார்கள் என்று எவரும்

எண்ணிப்பார்க்கவில்லை.

இன்று கிழக்கு மாகாணசபை உருவாக்கப்பட்டு கிழக்கு மாகாணம் துரிதமாக

அபிவிருத்தி கண்டு வருகின்றதென்றால் அது அன்று கிழக்குப் போராளிகளின்

வெருகலில் சிந்திய குருதியும் அவர்களின் உயிர்தியாகங்களுமாகும். கிழக்கு

மாகாணத்துக்காக அன்று வெருகலில் உயிர் நீத்த கிழக்குப் போராளிகளின்

நினைவு தினமாகிய இன்றைய நாளில் அன்று உயிர் நீத்த அந்தப் போராளிகளின்

கனவுகளை நோக்கிப் பயணிக்க நாம் சபதம் எடுப்போம்.

வடக்கு கிழக்கில் தொடர் கதையாகும் சிலை உடைப்புக்களும் அரசியலாக்க நினைக்கும் அரசியல் அசிங்கங்களும்

noreply@blogger.com (சந்ரு) — Sun, 08 Apr 2012 21:46:00 +0000

இன்று வடக்குக் கிழக்கில் சிலைகள் உடைக்கப்படுவது தொடர் கதையாகிவிட்டது. இது யாரால் செய்யப்படகின்றது என்பதற்கு அற்பால் சிலை உடைப்பினை அரசியலாக்கி அரசியல் இலாபம் தேடும் முயற்சியில் சில அரசியல்வாதிகள் இறங்கியிருப்பது கவலைக்குரிய விடயம்.

இன்று தமிழ் மக்கள் நிம்மதியாக வாழ்ந்து வருவதனை பொறுத்துக் கொள்ள முடியாதவர்களும் மக்களை குழப்பி அரசியல் இலாபம் தேட முனைபவர்களும் இவ்வாறான நடவடிக்கைகளில் ஈடுபட்டு வருகின்றனர். இவ்வாறான நடவடிக்கைகள் தொடர்வதன் பின்னணி என்ன? எதற்காக இவ்வாறான செயற்பாடுகள் மேற்கொள்ளப்படுகின்றன என்பது கேள்விக்குறியே.

சிலை உடைப்பு என்பது மட்டக்களப்பில் மட்டும் இடம்பெறவில்லை. அண்மையில் யாழ்ப்பாணத்தில் உடைக்கப்பட்டது. திருகோணமலையில் தந்தை செல்வாவின் சிலை என்பன உடைக்கப்பட்டன. மட்டக்களப்பில் அண்மையில் சுவாமி விவேகானந்தர்சிலை உடைக்கப்பட்டது. பின்னர் இப்போது நான்கு சிலைகள் உடைக்கப்பட்டிருக்கின்றன.

இச் சிலைகள் யாரால் எதற்காக உடைக்கப்படுகின்றன என்பது ஒரு புறமிருக்க இச்சிலை உடைப்பு விடயத்தை வைத்து கூட்டமைப்பினர் அரசியல் நடாத்த நினைக்கின்றனர். மட்டக்களப்பில் இடம்பெற்ற சிலை உடைப்பு விடயத்தை அரசியலாக்க நினைக்கும் கூட்டமைப்பினர். பிள்ளையான் குழுவினரே சிலையினை உடைத்தனர் என்று தம்பட்டம் அடிக்கின்றனர்.

எதை வைத்து அரசியல் நடத்தலாம் என்று எதிர்பார்த்துக் கொண்டிருக்கும் கூட்டமைப்பினருக்கு சிலை உடைப்பு நல்ல வாய்ப்பாகிவிட்டது. இன்று பிள்ளையான் குழுவினருக்கு மக்கள் செல்வாக்கு அதிகரித்துவிட்டது எப்படி மக்களை மடையர்களாக்கலாம். பிள்ளையானைக் கவிழ்க்கலாம் என்று திட்டமிட்டுக் கொண்டிருந்த கூட்டமைப்பினருக்கு சிலை உடைக்கப்பட்டமை சிலை உடைப்பை வைத்து அரசியல் நடாத்தலாம் என்று நினைத்துவிட்டனர்.

பிள்ளையான் குழு சிலையை உடைத்துவிட்டது என்று அறிக்கைகள் விடும் கூட்டமைப்பினர் மக்களை மடையர்கள் என்று நினைத்துவிட்டனர். மட்டக்களப்பான் மடையன் என்று யாழ்ப்பாணத்தலைமைகள் சொல்வது புதிய விடயமல்ல. ஆனால் மட்டக்களப்பு மக்களால் தெரிவு செய்யப்பட்ட கூட்டமைப்பு பாராளுமன்ற உறுப்பினர்களே கிழக்கு மக்களை மீண்டும் மடையர்களாக்க நினைப்பது கவலைக்குரியது.

மட்டக்களப்பில் மட்டும் சிலை உடைக்கப்படவில்லை. வடக்கு கிழக்கில் பரவலாக சிலை உடைக்கப்படுகின்றது. மட்டக்களப்பில் சிலை உடைக்கப்பட்டபோது மட்டும் பிள்ளையான் உடைத்தான் என்று சொல்வது முட்டாள் தனமானது. அப்போ யாழ்ப்பாணத்தில் சிலை உடைக்க பிள்ளையான் சென்றாரா? திருகோணமலையில் சிலை உடைக்க சென்றாரா? கூட்டமைப்பினரின் முட்டாள்தனமான அறிக்கைககளும் வக்காளத்து வாங்கும் தமிழ் ஊடகங்களும்.

கூட்டமைப்பினர் சிலை உடைப்பு விடயத்தை அரசியலாக்கும் அதே வேளை சிலை விடயத்திலும் கூட மட்டக்களப்பை ஓரக்கண்ணால் பார்க்கின்றது. புறக்கணிக்கின்றது. யாழ்ப்பாணத்தில் சிலை உடைக்கப்பட்டபோது கூட்டமைப்பினர் என்ன செய்தனர். திருகொணமலையில் சிலை உடைக்கப்பட்டபோது என்ன செய்தனர் இன்று மட்டக்களப்பில் சிலை உடைக்கப்பட்டபோது என்ன செய்கின்றனர்.

யாழ்ப்பாணத்தில் சிலை உடைக்கப்பட்டபோது பாரிய எதிர்ப்பினை தெரிவித்ததோடு உடனடியாக சிலை நிறுவுவதற்கு நடவடிக்கை எடுத்து நிறுவினர். அதே போன்று தந்தை செல்வாவின் சிலை உடைக்கப்பட்டபோது தமது தலைவர் என்பதற்காக பாரிய எதிர்ப்புக்களை தெரிவித்து உடனடியாக சிலைகளை நிறுவினர்.

மட்டக்களப்பில் சுவாமி விவேகானந்தர் சிலை உட்பட 5 சிலைகள் உடைக்கப்பட்டிருக்கின்றன. இவற்றுக்கு கூட்டமைப்பினர் என்ன நடவடிக்கை எடுத்திருக்கின்றனர். ஒரு சிலையையாவது நிறுவ முன்வந்தனரா? வெறுமனே சிலை உடைப்பை வைத்து அரசியல் நடாத்த மட்டுமே நினைக்கின்றனர். இவர்கள் யாழ்ப்பாணத்தில் உடனே சிலைகளை நிறுவ முன் வந்தவர்கள் ஏன் மட்டக்களப்பில் நிறுவ முன்வரவில்லை. மட்டக்களப்பு என்பதனாலா?

மட்டக்களப்பில் உடைக்கப்பட்ட சிலைகளை உடனே நிறுவ நடவடிக்கை எடுத்ததைக்கூட எதிர்த்து அரசியல் செய்ய நினைக்கின்றனர் கூட்டமைப்பினர். அவர்கள் யாழ்ப்பாணத்தில் சிலையை உடனே நிறுவ முடியும் மட்டக்களப்பில் நிறுவக்கூடாது. இவர்களுக்கு மட்டக்களப்பான் எதுவும் செய்யக்கூடாது என்ற எண்ணம். அவர்கள் எதனையும் செய்யலாம் மட்டக்களப்பான் எதைச் செய்தாலும் எதிர்த்து அரசியல் செய்வதும் வர்கள் வேலை.

வர்களுக்கெல்லாம் பக்கப்பாட்டுப்பாடி கிழக்கு மக்களை ஏமாற்றி அரசியல் நடாத்தும் யோகேஸ்வரன் போன்றவர்கள் தொடர்ந்தும் கிழக்கு மக்களை ஏமாற்ற முடியும் என்று நம்பிக் கொண்டு இருந்தனர். ஆனால் அண்மையில் இடம்பெற்ற தமிழ் மக்கள் விடுதலைப் புலிகள் கட்சியின் தேசிய மாநாட்டிற்கு 15000 க்கு மேற்பட்ட மக்கள் வருகை தந்ததமை கூட்டமைப்பினருக்கு கடும் தலையிடியை ஏற்படுத்தி இருந்ததது.

வெறுமனே ஒருவரை ஒருவர் குற்றம் சொல்வதை விடுத்து சிலை உடைப்பின் சூத்திரதாரிகளை பிடிப்பதற்கு நடவடிக்கை எடுக்க அரசியல் தலைவர்கள் மாத்திரமல்ல சமூகமும் ஒன்றிணைந்து செயற்பட்டு குற்றவாளிகளுக்கு சரியான தண்டனை வழங்க நடவடிக்கை எடுக்க வேண்டும்.

மட்டுநகர் சிலை உடைப்புக்கும் சில அரசியல்வாதிகளி்ன் செயற்பாடுகளுக்கும் கிழக்கிலங்கை மாற்றத்திற்கான மக்கள் அமைப்பு கண்டனம்

noreply@blogger.com (சந்ரு) — Sun, 08 Apr 2012 01:40:00 +0000

மாற்றத்திற்கான மக்கள் அமைப்பு

People Organisation for Change (POC)

மட்டக்களப்பு நகரிலுள்ள மகாத்மா காந்தியின் திருவுருவச்சிலையும், சாரணியத்தின் தந்தை என போற்றப்படும் பேடன் பவுலின் சிலையும், கிழக்கிலங்கைக்கு புகழ்சேர்த்த சுவாமி விபுலானந்த அடிகளின் சிலையும், மட்டக்களப்பிற்கு புகழ் சேர்த்த மண்டூர் பெரியதம்பிப்புலவரின் சிலையும் (06.04.2012) வெள்ளிக்கிழமை அதிகாலை விஷமிகளால் உடைத்து சேதப்படுத்தப்பட்டுள்ளைமையை நாம் வண்மையாகக் கண்டிக்கின்றோம்.

கிழக்கு மாகாண மக்கள் பல தசாப்தங்களின் பின்னர் நிம்மதிப்பெருமூச்சு விட்டு வாழ்ந்துவரும் காலம் இது. யுத்தத்தால் சின்னாபின்னமாக்கப்பட்ட கிழக்கு துரிதமாக வளர்ச்சி அடைந்துவரும் இவ்வேளையில் கிழக்கு மக்களின் நிம்மதியான வாழ்க்கையையும் கிழக்கின் துரித அபிவிருத்தியையும் பொறுத்துக் கொள்ள முடியாத ஒரு கும்பலின் செயற்பாடே இது.

இச்சிலை உடைப்பு விவகாரத்தினை அரசியலாக்க நினைக்கும் யோகேஸ்வரன் போன்றோரின் செயற்பாடுகளையும் நாம் வண்மையாகக் கண்டிக்கின்றோம். குற்றவாளிகளை பிடிப்பதற்குரிய முயற்சிகளை செய்வதனை விடுத்து. வெறுமனே பிள்ளையான் குழு செய்தது என்று மக்களை குளப்பி அரசியல் இலாபம் தேட முயலும் யோகேஸ்வரன் போன்றோர் மக்களை குளப்பி அரசியல் நடாத்தும் கைங்கரியங்களை விடுத்து மக்களுக்காக செயற்பட முன்வர வேண்டும்.

இச் சிலைகள் யார் உடைத்தாலும் அவர்கள் மீது பாரபட்சமின்றி காவல் துறையினர் நடவடிக்கை எடுக்க வேண்டும். இவ்விடயத்தை ஒருவர்மீது ஒருவர் குற்றம்சாட்டி அரசியல் நடாத்துவதை விடுத்து குற்றவாளிகளை பிடிப்பதற்கு அரசியல்வாதிகள் ஒன்றிணைந்து செயற்பட முன்வரவேண்டும்.

மாற்றத்திற்கான மக்கள் அமைப்பு
கிழக்கிலங்கை

மட்டக்களப்பில் காந்தி சிலை உட்பட நான்கு சிலைகள் உடைப்பு பின்னணி என்ன?

noreply@blogger.com (சந்ரு) — Fri, 06 Apr 2012 07:58:00 +0000

மட்டக்களப்பு நகரிலுள்ள மகாத்மா காந்தியின் திருவுருவச்சிலையும்இ சாரணியத்தின் தந்தை என போற்றப்படும் பேடன் பவுலின் சிலையும்இ கிழக்கிலங்கைக்கு புகழ்சேர்த்த சுவாமி விபுலானந்த அடிகளின் சிலையும்இ மட்டக்களப்பிற்கு புகழ் சேர்த்த மண்டூர் பெரியதம்பிப்புலவரின் சிலையும் இன்று (06.04.2012) வெள்ளிக்கிழமை அதிகாலை விஷமிகளால் உடைத்து சேதப்படுத்தப்பட்டுள்ளது.

இன்று மட்டக்களப்பு சிலை உடைப்பு வரலாறுகள் தொடர்கதையாக மாறி வருகின்றது. அதுவும் மக்களால் போற்றப்படுகின்ற மகான்களின் சிலைகள் உடைக்கப்படுவது வருந்தத்தக்க விடயம். இன்று அதிகாலை இச் சிலைகள் உடைக்கப்பட்டதன் நோக்கம் என்ன? யாரால் உடைக்கப்பட்டது?

இவ்வாறான சம்பவங்கள் தொடர் கதையாக இருக்கக்கூடாது. முதன் முதலில் ஆரையம்பதியில் சுவாமி விவேகானந்தருடைய சிலை உடைக்கப்பட்டபோது சிலை உடைப்பு விடயத்தில் கைது செய்யப்பட்டவருக்கு உரிய தண்டனை வழங்கப்பட்டிருந்தால் இவ்வாறான சிலை உடைப்பு சம்பவங்கள் தொடர் கதையாக இருக்க வாய்ப்புக்கள் குறைவானதாகவே அமைந்திருக்கும்.

முன்னர் சுவாமி விவேகானந்தரின் சிலையினை உடைத்து பாரிய குற்றத்தினை புரிந்தவர் பிணையில் விடுதலை செய்யப்பட்டதன் நோக்கம் என்ன? இன்று நான்கு சிலைகளும் உடைக்கப்பட்டதன் நோக்கம் என்ன?

அதுவும் இன்று உடைக்கப்பட்ட சிலைகள் நகரின் மத்திய பகுதி என்பது குறிப்பிடத்தக்கது. அத்தோடு நான்கு சிலைகள் உடைக்கப்பட்டிருக்கின்றன. கிழக்கு மாகாண மக்கள் நிம்மதியாக வாழ்ந்து வரும் இவ்வேளையில் மக்களை குழப்பமடையச் செய்யும் முயற்சியா?

இந்த நான்கு சிலைகளையும் உடைத்த குற்றவாளிகளையாவது காவல்துறையினர் கைது செய்து உரிய தண்டனை வழங்குவார்களா?

சிலை தொடர்பில் நேற்று நான் எதிர்வு கூறிய என் பதிவு

சுவாமி விவேகானந்தரின் கை கால்கள் உடைக்கப்பட்ட வரலாறு தொடருமா?

noreply@blogger.com (சந்ரு) — Thu, 05 Apr 2012 18:22:00 +0000

கடந்த ஒரிரு மாதங்களுக்கு முன்னர் மட்டக்களப்பு ஆரையம்பதி - காத்தான்குடி எல்லைப்பிரதேசத்தில் ஆரையம்பதி பிரதான வீதியில் சுவாமி விபுலானந்தருடைய சிலை வைக்கப்பட்டது. சிலை வைக்கப்பட்டு ஒருசில மணித்தியாலங்களில் இனம் தெரியாதோரால் உடைக்கப்பட்டது.

சிலை உடைக்கப்பட்டு சில தினங்களில் ஒருவர் பொலிசாரினால் கைது செய்யப்பட்டார். அவர் பிணையில் விடுதலை செய்யப்பட்டார்.

இப்பொழுது மீண்டும் புதிய சிலை ஒன்று அதே இடத்தில் வைக்கப்படுகின்றது. மீண்டும் இச் சிலை உடைக்கப்படமாட்டாது என்பதற்கு என்ன உத்தரவாதம் இருக்கின்றது. சுவாமி விவேகானந்தருடைய சிலை உடைப்பு என்பது மிகவும் பாரதூரமான செயல் மட்டுமல்ல சம்பந்தப்பட்டவர்களுக்கு தகுந்த தண்டனை வழங்க வேண்டிய ஒரு செயலாகும்.

இச் சிலை உடைப்பானது தமிழ் முஸ்லிம் சமூகத்தினரிடையே பாரிய இன விரிசலை ஏற்படுத்தக்கூடிய ஒரு செயலாகும். உலகமே போற்றும் ஒரு மகானின் சிலையை உடைத்தமை இரு சமூகங்களுக்கிடையே விரிசலை ஏற்படுத்த முயற்சித்தமை. என்று குறித்த நபர்மீது பல குற்றங்களை அடுக்கிக்கொண்டே போகலாம் அப்படிப்பட்ட ஒருவரை பிணையில் விடுதலை செய்வது சரியா?

இச் சிலை உடைப்பிலே தொடர்பு பட்டவருக்கு தண்டனை வழங்காமல் பிணையில் விட்டமையானது. இன்னும் பலரை இச் செயலை செய்துவிட்டு தப்பிக் கொள்ளலாம் என்று எண்ணத்தோற்றப்பாட்டை தோற்றுவிக்கலாம்.

அது ஒரு புறமிருக்க முஸ்லிம்களின் இஸ்லாம் சார்ந்த ஒரு சின்னம் இவ்வாறு உடைக்கப்பட்டிருந்தால் அல்லது ஒரு புத்தர்சிலை இவ்வாறு உடைக்கப்பட்டிருந்தால். எந்தளவிற்கு பிரச்சினையாகி இருக்கும். குறித்த நபர் பிணையில் விடுதலை செய்யப்பட்டிருப்பாரா?

உடைக்கப்பட்ட சிலை

பதிய சிலை

இதனையும் பாருங்கள்

சுவாமி விவேகானந்தருடைய கை, கால்கள் உடைக்கப்பட்ட வரலாறு

ஆடைகள் களைந்து இன்பம் காணலாம் வாங்க அழைக்கிறது தமிழ் இணையத்தளங்கள்

noreply@blogger.com (சந்ரு) — Thu, 05 Apr 2012 10:04:00 +0000

முன்னைய பதிவொன்று மீண்டும் பதிவாகிறது காரணம் செக்ஸ் அரட்டை தொடர்பில் பல விடயங்கள் ஆதாரங்களுடன் அடுத்த அடுத்த பதிவுகளாக வரும் அதுவரை தனைப் பாருங்கள்.

படத்தில் இருக்கும் சொற்களுக்கு மன்னிக்கவும்

கலாசார சீர்கேடுகள் இடம்பெறுகின்றன என்று எழுதுகின்ற இணையத்தளங்களும் அதனுடன் தொடர்பு பட்டவர்களுமே மறு புறத்தில் சமூக சீர்கேடான விடயங்களை செய்து வருகின்றனர். என்னுடைய

தமிழ் பெண்களின் நிர்வாண படங்களை விற்பனை செய்யும் இணையத்தளத்திலிருந்து உங்கள் மனைவி பிள்ளைகளை காப்பாற்றிக் கொள்ளுங்கள். எனும் முன்னைய பதிவிற்கு சிலர் தேவையற்ற சிதத்தில் மின்னஞ்சல் அனுப்பி இருந்தனர். அப்பதிவிற்கான சில விளக்கங்களை இங்கே தருகிறேன்.

இன்று அரட்டை இணையத்தளங்களில் பரவலாக ஆடை களையப்படுகின்றன. அரட்டை இணையத்தளங்களில் அரட்டை அடிப்பதற்கு வருகின்ற பலர் செக்ஸ் அரட்டை அடிப்பதற்கென்றே வருகின்றனர். இதில் ஆண்களும் பெண்களும் வயது வித்தியாசமின்றி செக்ஸ் அரட்டையில் ஈடுபடுகின்றனர். இங்கே இளம் பெண்களின் ஆடைகள் மட்டுமன்றி திருமணமான பல பெண்களும் தமது ஆடைகளை களைகின்றனர். இதனை பல தமிழ் இளைஞர்கள் கிழடுகள் பார்த்து இரசித்துக்கொண்டிருக்கின்றனர்.

இவ்வாறு இரசித்தக்கொண்டிருப்பவர்களின் மனைவி மக்கள் தங்கைகள் இவ்வாறான செயற்பாடுகளைச் செய்ய இடம் கொடுப்பார்களா? இவ்வாறான இணையத்தளங்களை செய்பவர்கள் இவ்வாறு பணம் உழைப்பதனை விடத்து தமது மனைவி மக்களை வைத்து விபச்சார விடுதி நடாத்தலாம்.

எனக்கு ஒருவர் மின்னஞ்சல் அனுப்பி இருந்தார் அதிலே அவர் ஒவ்வொரு மனிதனுக்கும் சுதந்திரம் இருக்கின்றது. அதனை எவரும் கட்டுப்படத்த வேண்டிய அவசியமில்லை. ஒருவனோ ஒருத்தியோ தன் உடலை யாருக்கு காட்டினாலும் அதனை கட்டுப்படுத்தும் உரிமை எவருக்கும் இல்லை. என்று குறிப்பிட்டிருந்தார். சரி இணையத்தில் செக்ஸ் அரட்டை செய்வது தவறா தவறு இல்லையா?

இது அப்படியே இருக்க விடயத்துக்கு வருகிறேன். சமூக சீர்கேடு தமிழிழம் தமிழர்கள் என்றெல்லாம் எழுதி வரும் லங்காசிறி இணையத்தளம் மறு புறத்திலே பல சமூக சீர்கேடுகளைச் செய்து வருவதை சமூக ஆர்வலர்கள் எவரும் கண்டுகொள்வதில்லையா? லங்காசிறி வருமானத்திற்காக எதனையும் செய்யும் என்பதற்கு அதன் மற்றொரு இணையத்தளம் சான்றாகின்றது. வெறுமனே தமிழர்களின் உரிமைக்காக தமிழர்களுக்காக தமிழீழத்துக்காக எழுதுகிறோம் என்று சொல்லி தமிழர்களை ஏமாற்றி பணத்தினை உழைத்துக்கொண்டு மறு புறத்தில் பாரிய சமூக சீர்கேடுகளை செய்து வருகின்றார்கள்.

இவர்களால் செய்யப்படும் மற்றுமொரு இணையத்தளம்தான் Hi2 Chat இணையத்தளம். இந்த அரட்டை இணையத்தளத்திற்கு ஒருமுறை சென்று பாருங்கள் அங்கே இணைய விபச்சாரம் நடக்கின்றது. அங்கே ஆடைகள் களையப்படுகின்றன. இந்த இணையத்தளத்தில் அரட்டை அடிப்பவர்கள் பலர் செக்ஸ் அரட்டைக்காகவே இங்கே வருகின்றனர். ஆண்கள் மட்டுமல்ல பல தமிழ் பெண்களும் செக்ஸ் அரட்டையில் ஈடுபடுகின்றனர்.

அவ் இணையத்தளத்திற்கு ஒரு முறை பெண்ணின் பெயருடன் சென்று பாருங்கள் அங்கே உங்களிடம் எவ்வாறான கேள்விகள் கேட்கப்படுகின்றன. உங்களுக்கு யார் யார் எல்லாம் எதை எதை எல்லாம் காட்டுகின்றார்கள் என்பதனை எல்லாம் பாருங்கள். ஆண்கள் மட்டுமல்ல அங்கே பல இளம் பெண்களும் தமது ஆடைகளை களைகின்றனர். அங்கே இருக்கின்ற பெண்களிடம் பேசிப்பாருங்கள் அவர்களே தானாகவே உங்களை செக்ஸ் அரட்டைக்கு கூப்பிடுவார்.

நான் இவ்வாறான செயற்பாடுகளை அவதானித்து அடிக்கடி பதிவிட்டு வருவதனால் ஆண் மற்றும் பெண் பெயர்களில் அடிக்கடி அங்கு சென்று நிலமைகளை அவதானிப்பதுண்டு. சில இளம் பெண்கள் தொடர்ந்து இவ்வாறான செயற்பாடுகளில் ஈடுபடுகின்றனர். திருமணமான பெண்கள்கூட விதிவிலக்கல்ல. ஒவ்வொருவருக்கும் குறிப்பிட்ட நேரம்கூட ஒதுக்குகிறார்கள்.

ஒருசில ஆண் நண்பர்களை அங்கே நான் நண்பர்களாக்கினேன். அவர்களிடம் இவ்விடயங்களை கேட்டேன் அவர்கள் சொன்ன பதில் ஆச்சரியத்தை ஏற்படுத்தியது. இவ் இணையத்தளம் மூலம் பல செக்ஸ் நண்பிகளை தாம் பெற்றிருப்பதாகவும். அரட்டையில் பேசுவதுடன் மட்டும் நின்று விடாது. நேரடியாக செக்ஸ் தொடர்பு வைத்துக்கொள்ளும் சந்தர்ப்பங்கள் பல கிடைப்பதாகவும் குறிப்பிட்டனர். ஒரே நாட்டைச் சேர்ந்த பெண்கள் அரட்டையில் நண்பிகளாகக் கிடைத்தால் அரட்டையில் செக்ஸ் பேசுவோம் பின்னர் நேரடியாக சந்திப்புக்களை ஏற்படுத்திக்கொள்வோம் என்றனர்.

இங்கு பல செக்ஸ் பைத்தியங்கள் சங்கமிக்கும் ஒரு இடமாக இருக்கின்றது. கடும் மோசமான முறையில் முறையில் அரட்டையில் ஈடுபடும் பல பெண்களை நாம் அங்கே காணலாம். நான் குறகிய நாட்கள் அத்தளத்தில் என்ன நடக்கின்றது என்பதனை அறிய அரட்டை செய்தாலும் பல பெண்களின் சுய ரூபங்களை பார்த்து கவலைப்பட்டதுண்டு. சில இளம் பெண்கள் ஏன் இவ்வாறு நடக்கின்றனர் என்பது தெரியவில்லை.

அவ் இணையத்தில் திருமணமான இரு பெண்களின் நட்பு கிடைத்தது. ஒருவர் கனடா இருக்கின்றார். அவருக்கு ஒரு ஆண் ஒரு பெண் இரு பிள்ளைகள் சிறு வயது பிள்ளைகள் அவர் தினமும் இவ் இணையத்தில் அரட்டை செய்பவர் தன் முகத்தை காட்டமாட்டார். ஏன் இவ்வாறு நடக்கின்றீர்கள் என்று கேட்டேன். தான் இலங்கைப்பெண் தனது பெற்றோர் வெளிநாட்டு மாப்பிள்ளை பார்த்து திருமணம் முடித்து கனடாவிற்கு அனுப்பி வைத்திரக்கின்றனர். அங்கே சென்றதும் சொர்க்கம் போன்று இருந்ததாம்.

கணவன் வேலைக்கு சென்று விடுவார் இரவு 12 மணிக்குப் பின்னர் வந்து சாப்பிட்டு விட்டு தூங்கிவிடுவாராம். வெளியில் ஒரு இடமும் செல்வதுமில்லை. அப்போது தனிமையில் இருக்கும் அவருக்கு இந்த இணையத்தளம் உதவியாக இருக்கிறதாம் பல நட்புக்களோடு தினமும் பேசி மகிழ்வதோடு தனிமையில் இருக்கும் உணர்வில் இருந்து விலகுவதாகவும் சொன்னார். தன் உணர்வுகளை கட்டப்படுத்த முடியாதபோது கணவன் இடங்கொடப்பதில்லை எனவும் வேலை வேலை என்றே இருப்பதாகவும் இவ்வாறான வேளைகளில் இவ் இணையத்தளத்தில் செக்ஸ் அரட்டைக்கு தான் செல்வதாகவும் குறிப்பிட்டார்

இன்னுமொரு பெண் இளம்பெண் 27 வயது திருமணமாகி 2 வருடங்கள்தான் இலங்கைப்பெண் தனிமையில் இருக்கின்றார். அழகான பெண் கணவன் வேலைக்கு சென்றால் ஒரு வாரத்தின் பின்னர்தான் விட்டுக்கு வருவாராம். அப்படியானால் தனிமையில் இருக்கும் பெண் என்ன செய்வாள். இதனைவிட பல பாடசாலை செல்லும் மாணவிகள்கூட இங்கு அரட்டை அடிக்கின்றனர்.

லங்காசிறி இணையத்தள நிர்வாகிகளிடம் சில கேள்விகள்….

தமிழர்களுக்காகவும் தமிழீழத்தக்காகவும் கலாசாரத்தக்காகவும் குரல் கொடுப்பதாக சொல்லப்படுகின்ற நீங்கள் இதனை எந்தக் கண்ணோட்டத்தில் பார்க்கின்றிர்கள். இது சமூக சீர்கேடடு இல்லையா? இவ் இணையத்தளத்தினை நீங்கள் நடாத்தவதன் நோக்கம் என்ன? இவ் அரட்டை இணையத்தளம் முலமாக ஏதாவது நல்ல விடயங்கள் இடம்பெறுகின்றதா? மறைமுகமாக விபச்சார கம்பனிகளை நடாத்தகின்றீர்களா?

இவ்வாறு உங்கள் பிள்ளைகள் மனைவி அக்கா தங்கைகள் ஆடைகளைக் களைந்து இன்னொருவருக்கு காட்டுவதற்கு இடங்கொடுப்பீர்களா?

இவ்வாறு தரங்கெட்ட மானங்கெட்ட வேலை செய்வதனைவிட பணம் உழைக்க விரும்பினால் ஏனைய பெண்களின் ஆடைகளை களைந்து பணம் உழைப்பதை விடத்து உங்கள் மனைவி பிள்ளைகள் அக்கா தங்கைகளை வைத்து விபச்சார விடுதி நடாத்தி பணம் உழைக்கலாம்.

படத்தை கிளிக் பண்ணி பெரிதாக்கி பார்க்கவும்

இங்கு படத்தில் இருக்கும் பிரியவும் நான்தான் தாரணியும் நான்தான்

இதனையும் பாருங்கள்.

காம லீலைகள் அரங்கேறும் களம்

தொடர்ந்தும் அவதானிப்போம்… தொடருவோம்…

கிழக்கு மாகாண மக்கள் யார் பின்னால்

noreply@blogger.com (சந்ரு) — Sun, 01 Apr 2012 05:33:00 +0000

கிழக்கு மாகாணம் மூவின மக்களும் ஒற்றுமையாக அன்று தொட்டு வாழ்ந்துவரும் ஒரு பிரதேசமாகும். இவ்வாறு ஒற்றுமையாகவும் நிம்மதியாகவும் வாழ்ந்து வரும் கிழக்கு மக்களை இன மத ரீதியாக பிரித்து குழப்பங்களை ஏற்படுத்தி அதன் ஊடாக அரசியல் நடாத்தும் தீய சக்திகள் அவ்வப்போது கிழக்கிலே வாழ்கின்ற மூவின மக்களையும் மோதவிட்டு வேடிக்கை பார்த்து இலாபம் தேடிக்கொண்டிருக்கின்றனர்.

இனங்களுக்கிடையிலான பிரிவினைகளை தோற்றுவிப்பது ஒருபுறமிருக்க கிழக்கிலே வாழ்கின்ற தமிழ் மக்களை தாழ்த்தப்பட்டவர்களாக பார்க்கின்ற யாழ்ப்பாண மேலாதிக்க சக்திகளின் கிழக்கு மக்களை ஏமாற்றுகின்ற அடக்கியாளுகின்ற கைங்கரியங்களை மிக சுலபமாக செய்வதற்கு கிழக்கிலே இருக்கின்ற மக்கள் தலைவர்கள் என்று தங்களை தாங்களே சொல்லிக்கொள்கின்ற கிழக்கு மாகாணத்தை நேசிப்பதாகச் சொல்லிக் கொள்கின்ற சிலர் கிழக்கு மாகாணத்திற்கும் கிழக்கு மக்களுக்கும் வரலாற்றுத் தரோகங்களை செய்து வருகின்றனர்.

யாழ்ப்பாண மேலாதிக்க சக்திகளானது கிழக்கு மாகாணத் தமிழர்கள் ஒற்றுமையாக இருக்கக்கூடாது ஒற்றுமையாக இருந்தால் கிழக்குத் தமிழர்கள் வலுப்பெற்று தங்களைவிட வலுவானவர்களாக தோற்றம் பெற்று விடுவார்கள் என்கின்ற நோக்கத்தின் காரணமாக கிழக்கத் தமிழர்களுக்கிடையே பிரிவினைகளை மறைமுகமாக ஏற்படுத்திவரும் பல வரலாற்றுப் பாடங்கள் எங்களுக்கு படிப்பினைகளை தந்திருக்கின்றன.

எது எப்படி இருப்பினும் கிழக்கு மக்களின் ஒற்றுமையினை சிதறடிப்பதென்பது இலகுவான விடயமல்ல. இருந்தபொதிலும் தமிழ் பற்று தமிழ் உணர்வு என்பன கிழக்குத் தமிழர்களை உணர்ச்சிவசப் படத்தக்கூடியவை. தமிழ் தேசியக் கூட்டமைப்பினரும் கிழக்கு மக்களை காலங்காலமாக ஏமாற்ற நினைப்பவர்களும் கிழக்குத் தமிழர்களை தங்கள் வசம் கட்டிப் பொடுவதற்கு பயன் படுத்திய ஆயுதம் உணர்ச்சி வார்த்தைகளும் அடய முடியாத இலக்கு நோக்கிய பயணமுமாகும்.

அனாலும் கிழக்கு மக்கள் கிழக்கு மண்மீது அதிக பற்றுறுதி கொண்டவர்கள். கிழக்கு மக்களை ஒற்றுமையாக வாழ விடாமல் பிரித்தாள நினைக்கின்ற் வடக்கு மேலாதிக்கத் தலைமைகளினதும் தழிழ் தேசியக் கூட்டமைப்பினரதும் செயற்பாடுகளுக்கும் அப்பால் கிழக்கின் தனித்தவத்திற்காக கிழக்கு மக்கள் ஒற்றுமைப்பட்டு இருக்கின்றார்கள். தமிழ் உணர்வு தமிழ் பற்று அதிகம் கொண்டவர்களாக கிழக்கு மக்கள் இருக்கின்றபோதிலும் கிழக்கின் தனித்துவம் என்று வருகின்றபோது கிழக்கு மண்ணை நேசிப்பவர்களாக ஒற்றுமைப்பட்ட வரலாறுகள் கிழக்கு மக்களை தொடர்ந்தும் ஏமாற்று முடியாது எனும் படிப்பினைகளை கிழக்கை மேலாதிக்க சிந்தனையோடு பார்க்கின்ற வடக்குத் தலைமைகளுக்கும் தமிழ் தேசியக் கூட்டமைப்பு போன்றவர்களுக்கு தெரியும்.

விடுதலைப் புலிகள் அமைப்பிலிருந்து கருணா பிரிந்து வந்தபோது கிழக்கு மக்கள் அனைவரும் ஒன்றுபட்டு வடக்கு தலைமைக்கு எதிராக செயற்பட்டதை எவராலும் மறுக்க முடியாது. தமிழீழ விடுதலைப் புலிகளின் தலைவர் பிரபாகரனை தெய்வம்போல் தங்களின் உயிரக்கு இணையாக போற்றியவர்கள் கிழக்கு மக்கள். கிழக்கு மாகாணம் புறக்கணிக்கப் படகின்றது கிழக்கக்கான தனித்துவம் நிலை நாட்டப்பட வேண்டம் எனும் கருத்து வலுப்பெற்ற அவ் வேளையில் தங்களின் உயிரிலும் மேலாக மதிக்கப்பட்ட விடுதலைப் புலிகளின் தலைவர் பிரபாகரனின் உருவப்படங்களுக்கு செருப்பு மாலை போடடவர்களும் கிழக்கு மக்களே. இதற்கு காரணம் கிழக்கு மக்களுக்கு தமிழ் உணர்வுடன் தேசப் பற்றும் இரத்தத்தில் ஊறிய ஒன்றாகிவிட்டது. கிழக்கு மக்கள் கிழக்கின் தனித்துவத்தை விரும்புகின்றவர்கள். ஆனாலும் கிழக்கு மக்களின் ஒற்றுமை பிரதேசப்பற்று கிழக்கின் தனித்துவம் எனும் உதிரத்தில் ஊறிய உணர்வுகள் அவ்வப்போது பல சதிகளினாலும் உணர்ச்சி வார்த்தைகளாலும் தகர்த்தெறியப் படுகின்றன.

இன்று கிழக்கு மக்கள் உண்மைகளையும் கிழக்கு மக்கள் மீது கடந்த காலங்களில் மேற்கொள்ளப்பட்ட வரலாற்றுத் துரோகங்களையும் உணர்ந்த மக்களாக கிழக்கின் தனித்தவத்தை நோக்கி ஒன்றுபட்டிருக்கின்றனர். கடந்த 18.03.2012 அன்று தமிழ் மக்கள் விடுதலைப் புலிகள் கட்சியின் முதலாவது தேசிய மாநாடு மட்டக்களப்பு கல்லடி சிவானந்த விளையாட்டரங்கில் இடம் பெற்றது. இம் மாநாட்டின்போது கிழக்கிலே திருப்புமுனை ஏற்பட்டிருப்பதனை உணர முடிந்தது. அம் மாநாட்டிற்கு 15000 க்கு மேற்பட்ட மக்கள் கலந்துகொண்டனர். எவருமே இந்தளவிற்கு மக்கள் வருவார்கள் என்று கனவிலும்கூட எதிர்பார்க்கவில்லை.

மாநாட்டினை நடாத்திய தமிழ் மக்கள் விடுதலைப் புலிகள் கட்சியினர்கூட இந்தளவிற்கு மக்கள் வருவார்கள் என்று எதிர்பார்க்கவில்லை. 5000 க்கு உட்பட்ட மக்கள்தான் வருவார்கள் என தாம் எதிர் பார்த்ததாக தமிழ் மக்கள் விடுதலைப் புலிகள் கட்சியின் முக்கியஸ்தர் ஒருவர் குறிப்பிட்டார். இம் மாநாட்டிற்கு வந்த மக்கள் தாமாகவே வந்தவர்கள் கட்டாயத்தின்பேரில் எவரும் அழைக்கப்படவில்லை. கிழக்கு மாகாணத்திலே அதிகளவு மக்கள் கலந்துகொண்ட ஒரு கட்சியின் தேசிய மாநாடு இதுவாகும்.

இம் மாநாட்டில் இவ்வளவு மக்கள் தாமாகவே கலந்துகொண்டமை கிழக்கிலே இடம்பெறுகின்ற அபிவிருத்தித் திடடங்களையும் பாரிய மாற்றங்களையும். நிம்மதியான வாழ்க்கையினையும் விரும்பும் மக்களாகவும். கிழக்கிற்கான தனித்துவத்தினையும் விரும்பும் மக்களாகவே தாமாக இம் மாநாட்டில் பங்குபற்றினர் என்பது வெளிப்படை.

இந்தளவு மக்கள் ஒரு அரசியல் கட்சியின் தேசிய மாநாட்டில் பங்குபற்றுவதென்பது கிழக்கு அம் மக்கள் குறித்த கட்சிக்கு ஒரு திடமான அங்கிகாரத்தை வழங்கி இருக்கின்றார்கள் என்பதில் எவ்வித சந்தேகமும் இல்லை. தமிழ் மக்கள் விடுதலைப் புலிகள் கட்சி கிழக்கு மாகாணசபையை பொறுப்பெடுத்ததன் பின்னர் கிழக்கிலே துரிதமாக அபிவிருத்தித் திட்டங்கள் முன்னெடுக்கப்பட்டு வருகின்றன. கிழக்கு மாகாணசபை உருவாக்கத்தின் பின்னரே கிழக்கு மக்கள் நிம்மதியாக வாழ்கின்றனர் இதுவரை அறுபது வருடங்களாக போராடி பல இழப்புக்களையும் உயிர்களையும் பறிகொடுத்து தமிழருக்கு எந்தவிதமான உரிமையும் கிடைக்காத நிலையில். மாகாணசபை முறைமை மூலம் படிப்படியாக உரிமைகளை வென்றெடுத்துவருவதுடன் அறுபது வருடங்களாக உரிமை உரிமை என்று தமிழ்ர்களை உசுப்பேற்றி தமிழர்களின் அழிவிற்கு காரணமான தமிழ் தேசியக் கூட்டமைப்பினரையே மாகாணசபை முறைமை மூலமே தீர்வுகளை பெற்றுக்கொள்ள முடியும் சிந்திக்க வைத்த தமிழ் மக்கள் விடுதலைப் புலிகள் கட்சியின் கொள்கைகள் செயற்பாடுகளில் நம்பிக்கை கொண்டதன் வெளிப்பாடேயாகும்.

எவரும் எதிர்பாராத விதமாக சிறப்பாக இம் மாநாடு இடம்பெற்றது. கிழக்கு மக்களையும் கிழக்கின் அபிவிருத்தியினையும் கிழக்குக்கான தலைமைத்தவத்தினையும் பொறுத்துக்கொள்ள முடியாத வடக்கத் மேலாதிக்கத் தலைமைகளின் ஊது குழல்;களாக செயற்பட்டுக் கொண்டிருக்கின்ற தமிழ் ஊடகங்கள் இம்மாநாடு தொடர்பாக செய்திகளை சரியாக வெளிப்படுத்தாமை தமிழ் ஊடகங்களின் மேலாதிக்க சிந்தனையையும் காட்டுகின்றது.

ஒரு யானை பள்ளத்தில் விழுந்தாலே பிரதான செய்தியாக்ககின்ற தமிழ் ஊடகங்கள் 15000 க்கு மேற்பட்ட மக்கள் கலந்து கொண்ட ஒரு கட்சியின் தேசிய மாநாட்டினைப் பற்றி செய்திகளை வெளியிடாமை ஒட்டு மொத்த கிழக்கு மக்களும் வேதனைப்பட வேண்டிய விடயமாகும். ஊடகங்கள் இவ்வாறு தொடர்ச்சியாக செயற்பட்டு வருகின்றமை கிழக்கிற்கான தனியான ஒரு ஊடகத்தின் தேவை உணரப்பட்டிருக்கின்றது. கிழக்கின் உண்மை நிலைகளையும் உண்மைசெய்திகளையும் வெளியிடுவதற்கென்று ஒரு ஊடகம் இல்லாதநிலை தோன்றியிருக்கின்றது.

அத்தோடு சமூக நல்லுறவைப் பேணுவதிலும் ஊடகங்களின் பங்கு அளப்பெரியது. ஆனால் ஊடகங்கள் சிறிய விடயங்களை பெரிதாக காட்டி சமூகங்களிடையே பிரச்சினைகளை ஏற்படுத்திய பல சம்பவங்களை நாம் சந்தித்திருக்கின்நோம். எனவே கிழக்கிலே துரித அபிவிருத்தியும் சமூக நல்லுறவும் கட்டியெழுப்பப்பட்டு வரும் இவ்வேளையில் கிழக்கிற்கான தனி ஒரு ஊடகத்தின் தேவை உணரப்பட்டிருக்கின்றது.

கிழக்கின் அபிவிருத்தியிலே அக்கறையோடு செயற்படுகின்ற கிழக்கு மாகாண முதலமைச்சர் அவர்களும் அரசாங்கமும் கிழக்கிலே கிழக்கிற்கான ஊடகம் ஒன்றினை ஏற்படுத்த நடவடிக்கை எடுக்க வேண்டும் என்பதே கிழக்கு மக்களின் எதிர்பார்ப்பாக இருக்கின்றது.

இந்து மதத்தை கேவலப் படுத்த நினைக்கிறதா தமிழ்மணம் பதிவர்களே ஒன்று படுங்கள்

noreply@blogger.com (சந்ரு) — Wed, 28 Mar 2012 10:12:00 +0000

தமிழ் முன்னணி வலைப்பதிவுத் திரட்டி என்று எல்லோராலும் சொல்லப்பட்ட தமிழ்மணம் இன்று பக்கம் சார்ந்து செயற்பட்டு பல அடாவடித்தனங்களையும் செய்து வருகின்றது. இந்த தமிழ் மணம் திரட்டியானது இவ்வாறான நடவடிக்கைகளை நிறுத்த வேண்டும்.

அண்மையில் எனது வலைப்பதிவு தமிழ்மணம் திரட்டியில் இருந்து நீக்கப்பட்டது நீக்கப்பட்டதற்கான காரணம் சரியான காரணம் இல்லை சமூகம் சார்ந்து பல பதிவுகளை எழுதிவரும் நான் சமூகத்தில் இருக்கின்ற சீர்கேடு தொடர்பாக பதிவிட்டு அரை குறை ஆடையுடனான புகைப்படம் ஒன்றையும் வலைப்பதிவில் இணைத்தேன். பின்னர் உடனே அதனை நீக்கிவிட்டேன். நான் ஒருபோதும் இவ்வாறான புகைப்படங்களை பதிவிடவில்லை. அதுவே முதல் தடவை. இது என் பதிவு நீக்கப்பட்டமைக்கு காரணம் அல்ல.

அவர்கள் நீக்கியதற்கு காரணம் காட்டிய பதிவு

தமிழ் பெண்களின் நிர்வாண படங்களை விற்பனை செய்யும் இணையத்தளத்திலிருந்து உங்கள் மனைவி பிள்ளைகளை காப்பாற்றிக் கொள்ளுங்கள்.

என் வலைப்பதிவு நீக்கப்பட்டமைக்கு காரணம் எனது

ஆண்களின் காம வெறிக்கு இரையாகும் தமிழ் பெண்கள்)

எனும் பதிவே காரணம். இப் பதிவு தொடர்பில் ஒட்டு மொத்த மஸ்லிம்களையும் நான் சாடியிருப்பதாகவும் என் வலைப்பதிவை தமிழ் மணத்திலிருந்து நீக்கும்படியும் பலர் தமிழ் மணத்தை கேட்டிருந்தனர்.

இதனையும் பாருங்கள்.

http://www.shanthru.com/2011/12/blog-post_31.html

அண்மைக் காலமாக் இந்து மதத்தினை கேவலப்படுத்துகின்ற பல பதிவுகள் தமிழ் மணத்தில் இணைக்கப்படுகின்றன. அவற்றை முதலிடத்திற்கு தமிழ்மணம் மகுடம் சூட்டி அழகு பார்க்கின்றது. இவ்வாறு இந்து மதத்தினை கேவலப்படுத்தும் பதிவுகளை தமிழ்மணம் நீக்காததன் நோக்கம் என்ன?

முஸ்லிம்களையும் இஸ்லாத்தையும் விமர்சித்தால் உடனே நீக்குகின்ற தமிழ்மணம் இந்து மதத்தினை கேவலமாக விமர்சிக்கும் பதிவர்களுக்கும் பதிவுகளையும் முதலிடத்தில் வைத்து அழகு பார்ப்பது ஏன்?

அனைத்து பதிவர்களும் இவ்விடயம் தொடர்பாக உடனடியாக தமிழ்மணத்திற்கு மின்னஞ்சல் அனுப்புங்கள் இந்து மத்தினை கேவலப்படுத்தி வெளியிடப்படும் பதிவுகளை நீக்கும்படி.

முன்னைய பதிவு

செக்ஸ்.. காமக்கடலில் மூழ்கியவர்களும் தமிழ்மணத்தின் அராஜகமும்

உணர்ச்சி வசனங்களை பேசி தேர்தல் காலங்களில் வாக்கு கேட்டு வீடுகளுக்கு வருபவர்களுக்கு உங்கள் வீடுகளிலுள்ள விளக்குமாறை காட்டி விரட்டியடிக்க வேண்டும் என பொருளாதார அபிவிருத்தி அமைச்சர் பஷில் ராஜபக்ஷ

noreply@blogger.com (சந்ரு) — Sun, 18 Mar 2012 17:51:00 +0000

தமிழ் மக்கள் விடுதலைப் புலிகள் கட்சியின் முதலாவது தேசிய மாநாடு இன்று மட்டக்களப்பு சிவானந்தா விளையாட்டரங்கில் இடம்பெற்றது. இம் மாநாடு தமிழ் மக்கள் விடுதலைப் புலிகள் கட்சிக்கு பாரிய திருப்பு முனையாக அமைந்திருக்கின்றது.

எவரும் எதிர்பார்க்காத விதமாக 15000 அதிகமான மக்கள் திரண்டு வந்திருந்தனர் கிழக்கு மக்கள் தமிழ் மக்கள் விடுதலைப் புலிகள் கட்சிக்கு அங்கிகாரம் வழங்கியிருக்கின்றார்கள்

இன்று இடம்பெற்ற மாநாட்டு நிகழ்வுகளை இங்கு சென்று பார்க்கலாம் ஆரம்பத்தில் சில நிமிடங்கள் சத்தம் இல்லாமல் இருக்கின்றது பின்னர் சரியாகிவிடும்.

நிகழ்வுகளை பார்க்க

http://www.livestream.com/puthiyavidiyal/video?clipId=pla_3622429c-85e4-44ad-be20-9c72928408a7

கிழக்கு மக்கள் மீண்டும் ஒன்று திரண்ட வரலாறு

noreply@blogger.com (சந்ரு) — Sun, 18 Mar 2012 08:15:00 +0000

தமிழ் மக்கள் விடுதலைப் புலிகள் கட்சியின் தேசிய மாநாடு மட்டக்களப்பு சிவானந்தா விளையாட்டு மைதானத்தில் இடம்பெற்றுக் கொண்டீருக்கின்றது 15000 ஆயிரத்திற்கும் மேற்பட்ட மக்கள் இந் மாநாட்டில் கலந்துகொண்டிருக்கின்றனர்.

இந் நிகழ்விற்கு பிரதம அதிதியாக பொருளாதார அபிவிருத்தி அமைச்சர் கௌரவ பசில் ராஜபக்ஷ அவர்கள் கலந்து சிறப்பித்துக் கொண்டிருக்கின்றார்

தமிழ் மக்கள் பிடுதலைப் புலிகள் கட்சியின் 1வது தேசிய மாநாடு நேரடியாக ஒளிபரப்பாகிக் கொண்டிக்கின்றன

Watch live streaming video from puthiyavidiyal at livestream.com

பொருளாதார அபிவிருத்தி அமைச்சர் கௌரவ பசில் ராஜபக்ஷ அவர்கள் உரையாற்றிக் கொண்டிருக்கிறார் நேரடி ஒளிபரப்பாகிறது

noreply@blogger.com (சந்ரு) — Sun, 18 Mar 2012 08:02:00 +0000

Watch live streaming video from puthiyavidiyal at livestream.com

கிழக்கு மாகாணத்தில் சரித்திரத்தில் பொன் எழுத்துக்களால் பொறிக்கப்பட வேண்டிய நாள்

noreply@blogger.com (சந்ரு) — Sun, 18 Mar 2012 07:36:00 +0000

Watch live streaming video from puthiyavidiyal at livestream.com