www.GraminPatrika.com

તંત્રમાં રહીને તંત્રને આપી શીખ

2013-09-02T01:35:00.001+05:30

દુનિયામાં અનેક લોકો છે જેમને અનોખું કરીને રેકોર્ડ બનાવી ઈચ્છા હોય છે. જે માટે તેઓ અનેક કરતબો, કલા અને કંઈક અલગ કરવાની કોશિશ કરતા હોય છે. See more

એક દિવસ માટે પોલીસ કસ્ટડીમાં આસારામ

2013-09-01T19:30:00.001+05:30

સગીરા સાથે યૌન શોષણ મામલે આસારામ બાપુની ધરપકડ 31મી ઓગષ્ટના રોજ મધરાતે થઈ હતી. ઈન્દોર આશ્રમથી આસારામને દિલ્હી અને ત્યારબાદ જોધપુર ખાતે લાવવામાં આવ્યા હતાં. જ્યાં તેમને ફર્સ્ટ બટાલિયન ગેસ્ટ હાઉસમાં રાખવામાં આવ્યા હતાં. જોધપુર કોર્ટે પોલીસને આસારામના એક દિવસના રિમાન્ડ આપ્યાં છે. જોકે પોલીસે બિ દિવસના રિમાન્ડની માંગણી કરી હતી. See more

આસારામ પહોંચ્યા વૈકુંઠ

2013-09-01T02:17:00.001+05:30

યૌનશોષણના આરોપી આસારામ બાપુની જોધપુર પોલીસે ધરપકડ કરી છે. ઈન્દોર આશ્રમથી રાતે 12.25 વાગ્યે ધરપકડ કરવામાં આવી છે. જોકે ધરપકડ દરમ્યાન આશ્રમ ખાતે સમર્થકોએ ભારે હોબાળો મચાવ્યો હતો. See more

બોરસદ સજ્જડ બંધ

2013-08-31T10:36:00.002+05:30

ગુરૂવારે આણંદ જિલ્લાના બોરસદ શહેર ખાતે એક બાળકનું અપહરણ થયું હોવાની ફરિયાદ થવા પામી હતી. જેથી પોલીસ દોડતી થઈ જવા પામી હતી. અપહરણકર્તાઓ દ્રારા 50 લાખની ખંડણી માંગવામાં આવી હતી. જોકે અપહ્યત બાળકના પિતા આ રકમ આપવાની તૈયારી બતાવી હતી તેમ છતાં બાળકની હત્યા કરી દેવામાં આવી છે.વધું વાંચો. See more

ખાસ ટ્રેનિંગ લઈ રહેલા પોલીસ જવાનો

2013-08-31T09:59:00.001+05:30

દર વર્ષે અંબાજી ખાતે ભાદરવા સુદ નોમથી શરૂ થતો સાત દિવસીય મહામેળામાં સુરક્ષા માટે પોલીસ જવાનોને ખાસ ટ્રેનિગં આપવામાં આવી રહી છે. આ વખતે નવા હથિયારોથી સજ્જ સુરક્ષા જવાનો હશે. જે અંદાજે ત્રીસ લાખ યાત્રિકોની સુરક્ષા કરશે. આ વખતે મહામેળામાં સુરક્ષા વધારે ચુસ્ત બનશે.વધું વાંચો

રાકેશ પંચાલ

પકડદાવના ખેલમાં બાપુ જીત્યાંને તંત્ર હાર્યું !

2013-08-31T09:03:00.001+05:30

30મી ઓગષ્ટ, શુક્રવારની રાતે બાપુ ગાડી મારફતે ભોપાલથી ઈન્દોર નીકળી ગયા. બાપુનું ઈન્દોર જવાના અમુક પ્રબળ કારણો છે. બાપુના સૌથી વધારે હાઈપ્રોફાઈલ ભક્તો ઈન્દોરમાં આવેલા છે. અને ત્યાં બાપુ પોતાને વધારે સુરક્ષિત માને છે. જ્યાં તે વધારે સુરક્ષિત રહી શકે છે. શુક્રવારની સવારથી જ તંત્ર અને બાપુ વચ્ચે જોધપુરથી ભોપાલ સુધી પકડદાવનો ખેલ ખેલાયો , હવે આજે શનિવારે ભોપાલથી ઈન્દોર સુધી ખેલાઈ રહ્યો છે. જેમાં બાપુ શુક્રવારની મોડી રાતે જ ગાડી મારફતે અગાઉથી જ આસારામ પહોંચી ગયા છે. જ્યારે તંત્ર માત્ર દોડી રહ્યું હોવાનો અહેસાસ કરાવે છે પરંતુ ક્ઈ દિશામાં દોડી રહ્યું છે તે બાબતે શંકા છે. વધ વાંચો...ક્લિક કરો.

રાકેશ પંચાલ

નયનરમ્ય દ્રશ્ય ચરોતરના આંગણે

2013-08-16T19:25:00.004+05:30

ચરોતર પંથકમાં આજે ઉમરેઠ શહેર ખાતે મેઘધનુષ્ય જોવા મળ્યું હતું. જેનો લ્હાવો ઉમેરઠવાસીઓએ મન ભરીને લીધો હતો. અનેક લોકોઓ પોતાના કેમેરામાં આ અનોખો નજારો કેદ કર્યો હતો. જેના અમુક ફોટા અહીં પ્રકાશિત કરવામાં આવ્યાં છે.

જોકે આ અલ્પ સમય માટે દેખાતા મેઘધનુષ્ય પાસેથી શીખવા માટે ઘણું છે. તે દેખાવમાં કેટલું ભવ્ય છે. આ સાથે, મનને વિશાળતા પ્રદાન કરે તેવું તેનું એક આંતરિક મહત્વ પણ છે. વિવિધ પ્રકારના સાત રંગોના સુમેળથી તે બને છે. જે તેને મનોહર તેમજ વિલક્ષણ બનાવે છે. આ જ પ્રમાણે વિવિધ ધર્મો, વિવિધ રાષ્ટ્રીયતા, વિવિધ ભાષા અને વિવિધ સંસ્કૃતિ વચ્ચે રહેલા બાહ્ય ભેદભાવનો સ્વીકાર કરી, તેની કદર કરવાની ક્ષમતા આપણે કેળવવી જોઇએ. મનુષ્યત્વ અને માનવત્વને પ્રાથમિક મહત્વ આપી, સાથે મળીને આપણે આગળ વધવાનું છે. બાહ્ય ભેદભાવથી પર, મનુષ્ય અને સંસારને પરસ્પર બાંધતી, આત્મશક્તિમાં વિશ્વાસ દ્વારા જ આ ઐક્ય શક્ય છે. ફક્ત થોડી ક્ષણો માટે મેઘધનુષ્ય આકાશમાં પ્રત્યક્ષ થાય છે. તેમ છતાં, તે થોડી ક્ષણોમાં પણ તે બીજાને આનંદ આપે છે. મેઘધનુષ્યના આધારમાં આ તત્વ રહેલું છે. અનંત આકાશમાં, થોડી ક્ષણો માટે પ્રકટ થતા મેઘધનુષ્યની જેમ, અનંત એવા સમયના ગાળામાં મનુષ્ય આયુષ્ય પણ તુચ્છ છે.

રિતેષ પટેલ, રાકેશ પંચાલ

તંત્ર ક્યારે કડક બનશે !!

2013-08-16T18:47:00.001+05:30

આજનો શુક્રવારનો દિવસ ચરોતર પંથક ખાતે 14 લોકોનો કમકમાટીભર્યા મોત નિપજ્યાં છે. અને અન્ય એક વ્યક્તિ સારવાર હેઠળ છે. નડિયાદ મહેમદાવાદ રોડ ઉપર અંધેજ પાટીયા પાસે બસ અને પિયાગો રીક્ષા વચ્ચે અકસ્માત થતાં તેર લોકોનો મોત નિપજ્યાં હતા. એક તરફ વરસાદ પડી રહ્યો હતો. અને બીજી તરફ ઘટનાસ્થળે લોકોની ભીડ જામી ગઈ હતી. જે કારણોસર તંત્રને કામગીરી કરવામાં ભારે કમરકસવી પડી હતી.

લોકો માની રહ્યાં છે નડિયાદથી અમદાવાદ વાયા મહેમદાવાદ જવા માટે આ એક માત્ર રસ્તો છે. જેનો નાના-મોટા દરેક વાહનો વપરાશ કરે છે. ચોવીસ કલાક આ રસ્તો વ્યસ્ત રહે છે. આ રસ્તો સાંકળો છે જેથી થોડી પણ ભુલ મોટો અકસ્માત કરાવી શકે છે. ચરોતર પંથકમાં ઓટો પેસેન્જર દરેક ઠેકાણે ચાલે છે. જેમા નડિયાદથી ખાત્રજ ચોકડી સુધીના પેસેન્જર ઓટો પણ ચાલે છે. તંત્રએ પેસેન્જર ઓટો પર રોક લગાવીને કડક કાર્યવાહી કરવાની જરૂર છે નહીં તો આ પ્રકારના અકસ્માતોમાં લોકોનો ભોગ લેવાતો રહેશે. આ બાબતે તમે શું વિચારો છો જણાવો

સિદ્ધાંત મહંત, રાકેશ પંચાલ

વિક્રાંતે વધારી દેશની આન-બાન-શાન

2013-08-12T12:52:00.002+05:30

આજે બારમી ઓગષ્ટ, 2013ના રોજ ભારત દેશ અન્ય અમેરિકા, બ્રિટેન, રૂસ અને ફાંસ જેવા દેશોની હરોળમાં આવી જશે કે જેમની પાસે વિમાનવાહક જહાજ બનાવાની ક્ષમતા છે. ભારતીય નૌસેનાને વધારે મજબૂત કરવાના અર્થે આઈએનએસ વિક્રાંતની ભૂમિકા અત્તિમહત્વની બની રહેશે.

આ પ્રકારના વિમાનવાહક જહાજની મદદથી જ અમેરિકાએ ઈરાક અને અફઘાનિસ્તાન જેવા દેશો સુધી આંતકવાદ વિરોધી જંગ લાંબા સમય સુધી લડવામાં સફળતા મેળવી છે. આઈએનએસ વિક્રાંત ભારતનું સ્વદેશી વિમાનવાહક જહાજ છે. જેનું નિર્માણ કોચી શીપયાર્ડમાં થયું છે. જેને સ્વતંત્રતા દિવસથી બે દિવસ અગાઉ 12મી ઓગષ્ટે લોંચ કરવામાં આવ્યું છે. જે વર્ષ 2018 સુધીમાં નૌકાદળને સોંપવામાં આવશે.

આઈએનએસ વિક્રાંતનો વીડીયો જોવો..

ઉલ્લેખનીય છેકે વિમાનવાહકની ક્ષમતા ધરાવતું વિશાળકાય જહાજ બનાવવું કોઈ દેશ માટે સરળ નથી. તેવી પરિસ્થિતિમાં ભારત માટે પણ અનેક સંકટો પેદા થયા જેમાં સૌથી પહેલા વેપન ગ્રેડ સ્ટીલ બનાવટમાં થઈ હતી.આ પ્રકારનું સ્ટીલ બનાવવાની તકનીક કોઈ પણ દેશ ભારતને આપવા તૈયાર ન હતો. જેથી ભારતના વૈજ્ઞાનકોએ પોતાની જાતે જ વેપન ગ્રેડ સ્ટીલ બનાવવા માટે ફોર્મ્યુલા શોધી કાઢ્યો અને સફળતા મેળવી હતી. આ જરૂરી વેપન ગ્રેડ સ્ટીલનું નિર્માણ સ્ટીલ ઓથોરીટી ઓફ ઈન્ડિયા વર્તમાન સમયમાં કરી રહ્યું છે. જેથી હવે ભારતની આત્મનિર્ભરતામાં વધારો થવા પામ્યો છે.

વિક્રાંત સાથે સંકળાયેલી હકીક્તો

‘વિક્રાંત’નું સ્થાન લેવા માટે એ જ નામવાળા 40,000 ટનના અને 260 મીટર લાંબા જે વિમાનવાહક જહાજના બાંધકામ માટે જાન્યુઆરી, 2003માં ગ્રીન સિગ્નલ અપાયું હતું નૌકાદળને આવશ્યકતા તો 65000 ટનના વિમાનવાહક જહાજની છે, પણ મુંબઇના મઝગાંવ જહાજવાડામાં તથા કોચિનના જહાજવાડામાં તેનું બાંધકામ હાથ ધરવા માટે જગ્યાની એટલી મોકળાશ ન હતી. આથી મઝગાંવના વહીવટીતંત્રએ નૌકાદળનો પ્રસ્તાવ સ્વીકારી ગુજરાતના ખાનગી માલિકીના બંદર પીપાવાવ જોડે સહયોગ કર્યો હતો. આ બંદર 500 એકરમાં પથરાયેલું છે અને બાંધકામ માટેની ગોદી પૂરા 680 મીટર લાંબી તેમજ 62 મીટર પહોળી છે. વિમાનવાહક જહાજનો રૂપિયા 2975 કરોડનો ઓર્ડર મળ્યો, એટલે ગોદીના મેનેજમેન્ટે તેને ઓર વિકસાવવા કરોડો ડોલર હોમી દીધા હતા અને અંતે તો ખર્ચ વ્યર્થ ગયો હતો કારણ કે સપ્ટેમ્બર, 2011માં સંરક્ષણ મંત્રાલયે પીપાવાવ-મઝગાંવના પ્રોજેક્ટને અટકાવી દીધો હતો.

તે વખત મુખ્ય પ્રશ્ન પેદા થયો હતો કે 65000 ટનનું વિરાટ કદ ધરાવતું વિમાનવાહક જહાજ ‘વિક્રાંત’ બાંધવા માટેની ઢાંચાગત વ્યવસ્થા એકમાત્ર પીપાવાવ ખાતે હોય તો બાંધકામ તાત્કાલિક શરૂ ન કરી દેવું જોઇએ ? તેમ છતાં તે પ્રમાણ ન થયું કારણ કે મનાઈ રહ્યું હતું કે પીપાવાવ ગુજરાતમાં છે. દેશનું તે પહેલું ખાનગી ક્ષેત્રનું બંદર છે, જેનો હજી પણ ભારતભરમાં જોટો નથી. વિમાનવાહક જહાજનું પીપાવાવ ખાતે સર્જન થાય અને ગુજરાતના વિકાસમાં તે નવું છોગું ગણાય એ કદાચ દિલ્લી સરકારને કઠે તેમ ન હતું.

રાકેશ પંચાલ

સાધારણ પરંતુ ફાયદાકારક વિચાર

2013-08-10T19:23:00.001+05:30

પેટ્રોલના ભાવમાં કૂદકેને ભુસકે વધારો નોંધાય રહ્યો છે. જેની સીધી અસર મધ્યમવર્ગને થાય છે. આ બિન નવીનીકરણ બળતણ પેટ્રોલનો ઉપયોગ પરિવહનમાં મોટાપાયે થાય છે.પરંતુ આ સિવાય અન્ય કુદરતી સ્ત્રોતનો ઉપયોગ કરીને પણ ઊર્જા મેળવી શકાય છે.

આ પ્રકારે કુદરતી સ્ત્રોતનો ઉપયોગ કરવામાં આવે તો અન્ય કુદરતી સ્ત્રોતની ઉર્જા બચાવી શકાય છે. આ પ્રકારનો એક વિચાર ચરોતરની એન્જીન્યરીંગ કોલેજના વિધાર્થીઓ દ્રારા નવી સિસ્ટમ વિકસિત કરીને રજૂ કરવામાં આવ્યો છે. વિધાર્થીઓ દ્રારા રજૂ થયલો સામાન્ય પણ અસરકારક વિચારને ધ્યાને રાખીને તેમની બનાવેલ મોબાઈલ પવનચક્કી સિસ્ટમનો ઉપયોગ થાય તો કુદરતી સ્ત્રોતમાંથી વિધુતઊર્જાનો મહત્તમ ઉપયોગ થઈ શકે તેમ છે.

આણંદ જિલ્લાના પેટલાદ તાલુકામાં ચાંગા ખાતે આવેલી ચારૂસેટ યુનિવર્સિટીની એન્જીન્યરીંગ કોલેજમાં ઈલેક્ટ્રોનિક્સ અને કોમ્યુનિકેશન એન્જીન્યરીંગ શાખામાં અભ્યાસ કરી રહેલા વિધાર્થીઓ દ્રારા સામાન્ય પરંતુ ઊર્જા ઉત્પાદનમાં વધારે કરી શકે તેવો વિચાર મોબાઈલ પવનચક્કી સિસ્ટમ દ્રારા રજૂ કરવામાં આવ્યો છે. તેનો વિડીયો ડેમો સ્વરૂપે યુ-ટયુબ ઉપર મુકવામાં આવ્યો છે. આ પ્રોજેક્ટ સાથે સંકળાયેલ વિધાર્થી વિશાલ ફેરવાણી, આદિત્ય દ્રિવેદી, અભી મહેતા અને અભિષેક પુરોહિતે આ પહેલા પોતાનો વિચાર ગત સપ્ટેમ્બર મહિનામાં યોજાયેલ સંયોજિત કન્સેપ્ટ ફેસ્ટમાં પ્રદર્શિત કર્યો હતો. તેમને 50-60 કિ.મી/કલાકની ઝડપે ચાલતી કારના બોનેટ પર તેમની સિસ્ટમમાં 300 આરપીએમ 12 વોલ્ટ ડીસી જનરેટરમાંથી 6ન મહત્તમ આઉટપુટ વોલ્ટેજ મેળવી સફળ રહ્યાં હતાં.

જોકે આ વિચાર બાબતે ઈ.સી વિભાગના પ્રાધ્યાપક તૃષીત ઉપાધ્યાયના મતે ગુણવતાવાળા ડીસી જનરેટર અને આવી ઘણી પવનચક્કી બનાવેલ સિસ્ટમથી વધારે ઊર્જા મેળવી શકાય છે. અને તે ઊર્જાનો ઉપયોગ વાહનની અંદર કરી શકાય છે. અને ભવિષ્યમાં આ પ્રકારનું વાહન બનાવી શકાય છે. કે જે પોતાની ઊર્જા પોતે જ મેળવી શકે.

વિધાર્થીઓ રજૂ કરેલ ડેમો તમે નીચે જણાવેલ લિંક પર જોઈ શકો છો.

રાકેશ પંચાલ

કરે કોઈ ભરે કોઈ - શેરી નાટક

2013-08-06T20:18:00.004+05:30

કોલેજના મિત્રોને ધ્યાને રાખીને શેરી નાટક લખવામાં આવ્યું છે. એઈડ્સની બિમારીને લઈને અનેક અપપ્રચાર રહેલો છે. ભણેલો ગણેલો વ્યક્તિ પણ એઈડ્સનું નામ સાંભળતાની સાથે જ ગભરાઈ જાય છે. તેવી પરિસ્થિતિમાં કરે કોઈ ભરે કોઈ નામનું શેરી નાટક લખવામાં આવ્યું છે. દસ મિનિટનું આ શેરી નાટકમાં પાંચ દ્રશ્યો છે. આ શેરી નાટક પચ્ચીસ લોકોની મદદથી આરામથી ભજવી શકાય છે. દરેક વસ્તુની સુંદર છણાવટ કરેલી છે. આશા છેકે કોલેજના વિર્ધાથીઓને ઉપયોગી થશે. તેઓ પોતાની સોશ્યલ એક્ટિવટી દરમ્યાન શેરી નાટકમાં આ વિષયને લઈને એક પ્રયાસ કરી શકે છે.

રાકેશ પંચાલ

દિવાળી વખતે આવશે આ તોફાન

2013-08-06T14:23:00.002+05:30

વર્ષ 2013ની દિવાળી દરમ્યાન 250 કરોડનો ધંધો કરી શકે તેવી ફિલ્મ ક્રિશ 3 આવી રહી છે. માનવામાં આવી રહ્યું છેકે આ ફિલ્મ થોડા સમયમાં સારો એવો વેપાર કરી લેશે. અને અગાઉના તમામ રેકોર્ડ તોડી નાખે તેવી ધારણાઓ બંધાઈ રહી છે. આ ફિલ્મનું ટ્રેલર લોન્ચ થઈ ગયું છે. જેને જોતાં ફિલ્મમાં આધુનિક ટચ વધારે છે. અને હોલિવુડનો તડકો જોવા મળશે. જોકે આ અગાઉ પણ કોઈ મિલ ગયા અને ક્રિશમાં નાની-મોટી ઝાંખી જોવા મળી છે, પરંતુ આ વખતે ફિલ્મ નિર્માણમાં સારો એવો ખર્ચો થયો છે જે તમને હોલિવુડ ફિલ્મ જેવી દેખાશે.

રાકેશ પંચાલ

આણંદ ખાતે મુખ્યમંત્રીની ભેટસોગાદોની હરાજી

2013-08-05T19:53:00.001+05:30

મુખ્યમંત્રી નરૈન્દ્ર મોદીને રાજ્યભરમાં પોતાના પ્રવાસ દરમ્યાન અનેક ચીજ-વસ્તુઓ ભેટ સ્વરૂપે મળતી હોય છે. જાહેર સમારંભો અને પ્રજાજનો તરફથી તેમને મળતી તમામ પ્રકારની કિંમતી ભેટસોગાદો રાજય સરકારના તોષાખાનામાં તેઓ શાસનની શરૂઆતથી જ જમા કરાવતા રહ્યા છે અને જાહેર હરાજીથી તેનું પ્રજામાંથી જ ભંડોળ એકત્ર કરી મુખ્‍યમંત્રી કન્‍યા કેળવણી નિધિ દ્વારા કન્‍યાઓના શિક્ષણ માટે તે વાપરવામાં આવે છે.

આણંદ ખાતે આજથી ગુજરાતના મુખ્યમંત્રી નરેન્દ્ર મોદીને મળેલી ભેટ સોગાદો જાહેરમાં હરાજી તેમજ પ્રદર્શન માટે ખૂલ્લી મુકવામાં આવી છે. બે દિવસ માટે ખુલ્લી મુકાયેલ ભેટ સોગાદોને નાગિરકો સવારે દસ વાગ્યાથી સાંજના પાંચ કલાક સુધી જોઈ શકશે.

આણંદ શહેરમાં ભાલેજ રોડ વિસ્તારમાં આવેલ સરદાર પટેલ એજ્યુકેશન ટ્રસ્ટના ચંચળ બા હોલ ખાતે આજે પાંચમી અને છઠ્ઠી ઓગષ્ટે મુખ્યમંત્રી નરેન્દ્ર મોદીને મળેલી ભેટસોગાદોને પ્રદર્શન સહિત હરાજી માટે ખુલ્લી મૂકવામાં આવી છે. આ પ્રદર્શન સહ વેચાણ જોવા માટે કોઈ પ્રવેશપત્ર કે પાસની જરૂર નથી.

આણંદના પ્રદર્શનમાં મુખ્યમંત્રીને મળેલી કુલ 1144 ભેટસોગાદો મૂકવામાં આવી છે. પ્રદર્શનના નિયત સમય દરમિયાન કોઈ પણ નાગરિક ભેટસોગાદ ખરીદવા માટે ઓફર ફોર્મ રજૂ કરી શકશે.

ઉલ્લેખનીય છે કે ભેટસોગાદોના વેચાણથી થતી આવક મુખ્યમંત્રી કન્યા કેળવણી નિધિમાં જમા કરવામાં આવે છે. આ ભંડોળ તેજસ્વી વિદ્યાર્થીનીઓને પ્રાથમિક શિક્ષણથી લઈને ઉચ્ચ અભ્યાસ માટે શિષ્યવૃત્તિ તેમજ શિક્ષણ માટે જરૂરી સાધન સહાય પૂરી પાડવા માટેના પ્રોત્સાહક આયોજન પાછળ વપરાય છે.

કન્‍યા કેળવણીને પ્રોત્‍સાહન આપવા મુખ્‍યમંત્રી કન્‍યા કેળવણી નિધિની રચના થયેલી છે. રાજ્યમાં શાળા પ્રવેશ કરતી પ્રત્‍યેક નાનકડી કન્‍યાને રૂ. ૧૦૦૦નું વિધાલક્ષ્‍મી બોન્‍ડ અપાય છે અને પ્રાથમિક શાળાનો અભ્‍યાસ પૂરો કરનારી કન્‍યા આગળ અભ્‍યાસ માટે તેની વ્‍યાજ સહિત મળતી કુલ રકમમાંથી પ્રોત્‍સાહન મેળવે છે.

આ ઉપરાંત પ્રત્‍યેક તાલુકામાં ધો-૧૦ અને ધો-૧૨ની જાહેર પરીક્ષામાં તાલુકા દીઠ પ્રથમ ત્રણ ક્રમાંકે આવેલી તેજસ્‍વી કન્‍યાઓ તથા તાલુકા દીઠ પ્રથમ ત્રણ ક્રમાંકે આવેલી વિકલાંગ દીકરીઓને પુરસ્‍કાર આપવામાં આવે છે. આ ઉપરાંત કન્‍યાઓને મેડીકલ-ઇજનેરી-પી.ટી.સી. અને બી.એઙ જેવા ઉચ્‍ચ શિક્ષણ અને સેવાઓની સ્‍પધાર્ત્મક પરીક્ષામો માટે પણ મુખ્‍ય મંત્રીશ્રી કન્યા કેળવણી નિધિમાંથી માતબર સહાય આપવામાં આવે છે.

પ્રથમ દિવસે જ રૂપિયા પચ્ચાસ લાખની આવક વિવિધ વસ્તુની ખરીદીમાં થઈ હતી. આ ખરીદીમાં વિવિધ મહાનુભાવો, ભગવાનની મૂર્તિ, તલવાર સહિતની વસ્તુનો સમાવેશ થાય છે. સોમવારની સાંજ સુધીમાં સ્વામી વિવેકાનંદજીની મૂર્તિ, પ્રમુખ સ્વામીની મૂર્તિ, શિવજી ભગવાનની મૂર્તિ, તલવાર, શાલ, ખેસ, પાઘડી, સહિતની વસ્તુના પચ્ચાસ લાખ રૂપિયા જેવી રકમ ભેગી થઈ હતી. ઉલ્લેખનીય છેકે આણંદના પ્રદર્શનમાં મુખ્યમંત્રીને પ્રતિકરૂપે મળેલી 1144 ભેટસોગાદો મુકવામાં આવી હતી.

રાકેશ પંચાલ

રમઝાન માસ દરમ્યાન શબે-કદ્રનું વિશેષ મહત્વ

2013-08-05T19:08:00.000+05:30

મુસ્લિમ સમાજનાં પવિત્ર રમઝાન માસનું ચાલુ વર્ષે હવે અંતિમ ચરણ ચાલી રહ્યું છે. ત્યારે મુસ્લિમ બિરાદરોએ રમઝાન માસની બરકતો અને રહેમતોનં પુણ્ય કમાવા એક અલ્લાહની બંદગીમાં તરબતર જોવા મળી રહ્યાં છે. રમઝાન માસની અનેકાનેક વિશેષતાઓ રહેલી છે જેમાંની એક વિશેષતા શબે-કદ્ર છે જેમાં રમઝાન માસની આ રાત્રિ તરીકેનું અનેરૂં મહત્વ છે.

ઈસ્લામ ધર્મના પવિત્ર ધર્મગ્રંથ કુરાન શરીફનું અવતરણ આ રાત્રિએ પૂર્ણ થયું હતું. અન્ય રાત્રિની તુલનામાં આ રાત્રિએ ઈબાદતનો સવાબ પણ વધુ મળે છે. શબે-કદ્રની રાત્રિએ રાતભર વિશેષ નફીલ નમાઝ અને કુરાન શરીફના પઠન દ્ર્રા અલ્લાહની બંદગી માટે મસ્જીદો નામાંઝીઓથી ભરપુર જોવા મળે છે.

શબે-કદ્ર માટે કોઈ નિશ્ચિત રાત્રિ હોય તેવું નથી મુહમ્મદ ( સલ્લલ્લાહો અલયહે વસલ્લમે ) ફરમાવ્યું કે શબે-કદ્રેને રમઝાનુલ મુબારકની અંતિમ દસ રાતોમાંની એક રાતોમાં તલાશ કરો. એટલે કે 21,23,27 અને 29માંથી કોઈ પણ એક રાતમાં શબે-કદ્ર છુપાયેલી છે.

કુરાન શરીફમાં શબે-કદ્રની ફઝીલત સુર-એક-કદ્રમાં વર્ણવવામાં આવી છે. જેમાં કહેવામાં આવ્યું છેકે શબે-કદ્રની આ રાત્રિએ અલ્લાહના માનવંત ફરિશ્તા હઝરત જીબ્રઈલ ( અલૈહીસ્સ્લામ) તેના અન્ય સાથીઓની સાથે આકાશેથી ઉતરે છે અને આ રાત્રિએ જે બંદો અલ્લાહના ઝીક્ર અને બંદગીમાં પરોવાયેલા હોય તેના માટે રહેમતની દુઆ કરે છે.

ઈસ્લામ ધર્મના અંતિમ પયગંબર હઝરત મુહંમદ ( સલ્લ્લાહો અલયહે વસલ્લમ )એ આ રાત્રિ વિશે ફરમાવ્યું છેકે “ માહે રમઝાનુલ મુબારકમાં એક રાત એવી છેકે જે હજાર મહિનાઓથી પણ વધુ ઉત્તમ છે. જે બંદો આ રહેમતવાળી, બરક્તવાળી અને ફઝીલતવાળી રાત્રિએ અલ્લાહની બંદગી કરવાથી વંચિત રહ્યો તે તમામ ભલાઈઓથી વંચિત રહ્યો તથા મુસ્લિમોમાં કુરાને પાક બાદ સૌથી વિશ્વસનીય ધાર્મિક ગ્રંથ શરીફમાં મુહંમદ(સલ્લ્લાહો અલયહે વસલ્લમ)નું ફરમાન છેકે શબે-કદ્રમાં જે કોઈ ઈમાન અને નિક નિયત સાથે ઈબાદત કરશે તેના અલ્લાહ આગળના ગુનાહો માફ કરશે.

ઈલ્યાસખાન પઠાણ, વાંકાનેર, પત્રકાર

નવનિયુક્ત હોદેદારોને માર્ગદર્શન

2013-08-01T18:20:00.002+05:30

આજે પહેલી ઓગષ્ટ,ગુરૂવારના રોજ ખેડા જિલ્લા ભારતીય જનતા પાર્ટી નડિયાદ દ્રારા ભારતીય જનતા પાર્ટીના નવનિયુક્ત હોદેદારો માટે માર્ગદર્શન સેમિનારનું મંગલદીપ પ્રગટાવી ઉદ્ધાટન કરવામાં આવ્યું હતું. નડિયાદમાં આવેલ ઈપ્કોવાલા હોલ ખાતે યોજાયેલ આ સેમિનારમાં પ્રભારી મંત્રી રમણભાઈ વોરા, વિધાનસભાના મુખ્યદંડક તેમજ નડિયાદના ધારાસભ્ય પંકજભાઈ દેસાઈ , મંત્રી ભરતભાઈ પંડ્યા, માજી શિક્ષણ મંત્રી જયસિહંજી ચૌહાણ, પ્રદેશ મંત્રી નયનાબેન પટેલ, જિલ્લા ભાજપ પ્રમુખ સુરેશભાઈ ભટ્ટ, કોષાધ્યક્ષ સુરેન્દ્રભાઈ પટેલ, કનુભાઈ ડાભી, પપ્પુભાઈ પાઠક તેમજ અન્ય મહાનુભાવો સહિત કાર્યકર્તાઓ ઉપસ્થિત રહ્યાં હતા.

સિદ્ધાંત મહંત

પ્રજા પરેશાન તંત્ર બેધ્યાન

2013-08-01T17:56:00.001+05:30

સરપંચો સહિત ગ્રામજનોની વ્યથા

સરકાર તરફથી નવા જિલ્લા કે તાલુકાની રનચા કરવામાં આવે છે ત્યારે તેનો મુખ્ય હેતું વહીવટી સરળતાનું કારણ બતાવામાં આવે છે. પરંતુ મે મહિના પહેલી તારીખથી કપડવંજના ગ્રામજનો સહિત અગ્રણી નાગરિકો હેરાન પરેશના થઈ ગયા છે કારણ કે ગુજરાતના મુખ્યમંત્રી નરેન્દ્ર મોદીએ મે મહિનાની પહેલી તારીખે ગુજરાત રાજ્યના ત્રેપનમાં સ્થાપના દિન નિમિત્તે રાજ્યમાં સાત નવા જિલ્લાઓ અને બાવીસ નવા તાલુકાઓના અમલીકરણની જાહેરાત કરી હતી. જેમાં નવા તાલુકામાં ખેડા જિલ્લાના કપડવંજ તાલુકાના ગામો ફાગવેલ તાલુકામાં સમાવેશ કરવામાં આવ્યો હતો. જેથી ત્યારબાદ કપડવંજ તાલુકાના અનેક ગામાનો સરપંચોએ કલેક્ટર કચેરી ખાતે લેખિત રજૂઆત કરીને વિરોધ નોંધાવ્યો હતો જેમાં તેમણે જણાવ્યું હતું કે કપડવંજ શહેર ભૌગોલિક દ્રષ્ટ્રિએ આ ગામોથી ઘણું નજીક છે અને ફાગવેલ તાલુકામાં સમાવેશ થયેલા કપડવંજ તાલુકાના તમામ ગામોનો મોટાભાગનો વ્યવહાર કપડવંજ અને નડિયાદ શહેર સાથે છે, પરંતુ તેમ છતાં સરકાર તરફથી આ બાબતે કોઈ પ્રકારના પગલાં ભરવામાં આવ્યા નથી. જેથી આજે ફાગવેલ તાલુકામાં સમાવેશ થવાનો વિરોધ કરી રહેલા કપડવંજ તાલુકા પૈકીના 32 સરપંચોએ આજે પહેલી ઓગષ્ટના રોજ સાંજે ચાર વાગ્યાની આસપાસ નડિયાદ કલેક્ટર કચેરી ખાતે લેખિતમાં રજૂઆત કરી હતી.

ઓગષ્ટ મહિનાની 10મી તારીખથી નવા જીલ્લા અને તાલુકા કાર્યરત થઈ રહ્યાં છે. આ અગાઉ રાજ્ય સરકાર દ્વારા ખેડા જિલ્લાનું વિભાજન કરીને નવો મહિ‌સાગર જિલ્લો તથા ફાગવેલ તાલુકો બનાવવાની જાહેરાત કરી હતી ત્યારે ફાગવેલ તાલુકામાં કપડવંજ તાલુકાના ગામો પૈકી ૩૨ ગામોનો સમાવેશ કરવામાં આવ્યો હતો. જેથી આ ગામો પૈકી થવાદ, વિરણીયા, ઘઉંઆ, દંતાલી, કાવટ, દનાદરા, ભૂતિયા, લેટર, કાશીપુરા, ઓટા, વઘાસ, દાંડિયા, અંતિસર, નારના મુવાડા, ઘરોડ, સોરણા, દાણા, દહીંઅપ, સાવલી સહિ‌તના ૨૮ ગામોના સરપંચોએ નવા બનનારા ફાગવેલ તાલુકા તથા મહિ‌સાગર જિલ્લામાં નહીં જોડાવવા અંગે સખત વિરોધ નોંધાવયો હતો. જેમાં તેમણ લૈખિતમાં જણાવ્યું હતું કે કપડવંજ તાલુકાના ૨૮ ગામોનો સીધો વ્યવહાર કપડવંજ અને ખેડા જિલ્લા સાથે જ સંકડાયેલો છે. નવા તાલુકા જિલ્લામાં સમાવવામાં આવશે તો, આ ગામોના પ્રજાજનોને સગવડતાના બદલે મોટી અગવડતાની સમસ્યા સર્જા‍ય તેમ છે.

પરંતુ તેમ છતાં હજુ તેમની રજૂઆત બાબતે કોઈ પગલાં સરકાર તરફથી ભરવામાં આવ્યા નથી. જેથી તેમણે આજે નડિયાદ કલેક્ટર કચેરી ખાતે આપેલી લેખિત રજૂઆતમાં ચિમકી ઉચ્ચારી છે કે જો અધિકારીઓ આ બાબતે લોકલાગણીને ધ્યાને રાખીને યોગ્ય પગલાં નહી ભરે તો કોર્ટના સહારે ઉગ્ર આંદોલન કરવામાં આવશે.

જે ગામા નવા ફાગવેલ તાલુકામાં સમાવેશ થવાનો વિરોધ કરી રહ્યાં છે તે ગામો ફાગવેલથી ચાલીસથી પિસ્તાળીસ કિલોમીટરના અંતરે છે જ્યારે કપડવંજ ત્રણથી પંદર કિલોમીટરના અંતરે છે.

સિદ્ધાંત મહંત

છોટા નરેન્દ્ર મોદીની વધી રહેલી લોકપ્રિયતા

2013-07-30T15:37:00.001+05:30

ખાતો નથી ખાવા દેતો નથી - છોટા નરેન્દ્ર મોદી

છોટા નરેન્દ્ર મોદી આરવ પંકજ નાયક જ્યાં જાય છે ત્યાં ઉપસ્થિત દરેક વ્યક્તિ નરેન્દ્ર મોદીની સ્પીચ તેની પાસેથી સાંભળવા માટેની ઈચ્છા વ્યક્ત કરે છે. તેવી જ પરિસ્થિતિ સર્જાઈ જ્યારે છોટા નરેન્દ્ર મોદી એટલે આરવ પંકજ નાયક, તા. 27મી જૂલાઈના રોજ સાંજે તેના માતા-પિતા સાથે અમદાવાદમાં એલિસ બ્રિજ ખાતે આવેલ ટાઉન હોલમાં ગઝલ કાર્યક્રમમાં ગયો હતો. ત્યાં ગઝલ કાર્યક્રમ નિહાળવા ગયેલા આરવની મુલાકાત તેના પિતા પંકજ નાયકના મિત્ર સાથે થઈ . પંકજ નાયકના બાળપણના મિત્ર ધવલ હસમુખભાઈ ઠક્કરને જાણ થઈ કે સાડા ત્રણ વર્ષનો આરવ ગુજરાતના મુખ્યમંત્રી નરેન્દ્ર મોદીની સ્પીચ આપે છે તે સાથે જ તેમણે ગઝલ કાર્યક્રમમાં આરવનું ભાષણ ગોઠવી દીધુ હતું . ગઝલ કાર્યકર્મમાં ઉપસ્થિત પ્રેક્ષકોએ છોટા નરેન્દ્ર મોદીની સ્પીચ સાંભળીને આશ્ચર્યચકિત રહી ગયા હતા. લોકોના મતે સાડા ત્રણ વર્ષનો આટલો નાનો બાળક નરેન્દ્ર મોદીનું ભાષણ આપે તે નવાઈની વાત છે.

ભારત માતાની જય સાથે સ્પીચની શરૂઆત કરવાની સાથે જ ટાઉન હોલ દેશભક્તિના રંગે રંગાઈ ગયો હતો. સ્પીચ દરમ્યાન પ્રેક્ષકોએ તાળીઓ પાડીને છોટા નરેન્દ્ર મોદીને વધાવી લીધો હતો.

છોટા નરેન્દ્ર મોદીની પોતાની સ્પીચમાં “ભાઈઓ બહેનો, આ નરેન્દ્ર મોદી, કોઈનો પૈસો ખાતો નથી અને કોઈને ખાવા દેતો નથી” બોલ્યો ત્યારે ટાઉન હોલ તાળીઓથી ગુંજી ઉઠ્યો હતો.

છોટા નરેન્દ્ર મોદીની સ્પીચ બાદ સમય પ્રમાણે ગઝલ કાર્યક્રમ આગળ વધ્યો હતો.

છોટા નરેન્દ્ર મોદી વિશે વધારે વાંચો. ક્લિક કરો.

રાકેશ પંચાલ

વાંકાનેરના અમુક વિસ્તારો રામ ભરોસે !!

2013-07-30T15:05:00.001+05:30

તંત્ર જાગે તો સારું નહીં તો રોગચાળો નક્કી

ગુજરાતભરમાં મેઘમહેર થવા પામી છે. તેની સાથે ગંદકીના કારણે રોગચાળો ફેલાઈ જવાનો ખતરો વધી જવા પામ્યો છે. તેવી પરિસ્થિતિમાં રાજકોટ જિલ્લાના વાંકાનેર શહેર ખાતે કચરાના કારણે નાગરિકો પરેશાન થઈ જવા પામ્યાં છે.

વાંકાનેર શહેરન વોર્ડ નબંર પાંચ ના વિસ્તારોમાં યોગ્ય સફાઈના અભાવે ગંદકીના થર જામી ગયા છે. જેથી લોકોને અતિશય દુર્ગંધવાળી જગ્યામાંથી પસાર થવું તેમજ તે વિસ્તારમાં રહેવાની મજબૂરી બની ગઈ છે. છેલ્લા પાંચ દિવસથી સિપાઈશેરી એક અને બે તથા વાણીયાશેરી વિસ્તારમાં સફાઈ કામ થયું નથી.

સ્થાનીય નાગિરકોના જણાવ્યા અનુસાર, વાંકાનેર નગરપાલિકાનો સેનિટેશન વિભાગ આ વિસ્તારો પ્રત્યે ઓરમાયું વર્તન કરી રહ્યો છે. કામદારો ગટરનું સફાઈકામ કરી જાય છે. પરંતુ તેમાં નીકળતો કાદવ ત્યાંનો ત્યાં રાખીને જતા રહે છે. જેમાં વરસાદી પાણી ભળી જતાં અસહ્ય દુર્ગંધ ફૈલાઈ જવા પામે છે.

હવે જ્યારે રોગચાળો ફેલાવાની ભીતિ સેવાઈ રહી છે ત્યારે તંત્ર જાગે અને વાંકાનેર શહેરના નજરઅંદાજ કરાયેલા વિસ્તારોમાં સત્વરે ગંદકી દૂર કરીને યોગ્ય પગલાં ભરે તેવી લોકો માંગણી કરી રહ્યાં છે.

ઈલ્યાસખાન પઠાણ, વાંકાનેર

સીતાફળ કરાવશે ફાયદો

2013-07-28T14:58:00.003+05:30

ખેડૂતો સહિત વેપારીવર્ગને થશે ફાયદો

સીતાફળમાંથી તૈયાર કરાયેલા માવો મોટાભાગે ડેરી પ્રોડક્ટમાં થતો હોય છે. પરંતુ આ માવો જલ્દીથી ખરાબ થઈ જતો હોય છે. પરંતુ રાજસ્થાનની એક મહાવિદ્યાલયે નવી ટેક્નોલોજી શોધી છે જેનાથી સીતાફળનો માવો લાંબા સમય સુધી વાપરવા યોગ્ય બની રહેશે. જેનો સીધો લાભ સીતાફળનું ઉત્પાદન કરનારા ખેડૂતોને થશે.

સીતાફળનું દેશના રાજસ્થાન, આંધ્રપ્રદેશ, કર્ણાટક, મહારાષ્ટ્ર જેવા રાજ્યોમાં સૌથી ઉત્પાદન થાય છે. સીતાફળની જરૂરિયાત ગુજરાત અને રાજસ્થાન જેવા રાજ્યોના ઘણા ક્ષેત્રોનું પ્રચલિત ફળ છે. જેમાં ખાદ્ય ઉદ્યોગ, પીણાં ઉદ્યોગ તેમજ પરંપરાગત ભારતીય ડેરી ઉત્પાદન મોખરે છે. સીતાફળનો માવવો હાથથી કાઢવો મુશ્કેલ હોય છે. જે માવો કાઢવાની પદ્ધતિ નથી જેથી તેમાં જલ્દી જીવાણું આવી જાય છે અને માવા કાળો પડી જાય છે. આ કારણોસર સીતાફળનો માવો લાંબા સમય સુધી સંગ્રહ થઈ શક્તો નથી.

તાજેતરમાં રાજસ્થાનમાં ઉદયપુર ખાતે આવેલી મહારાણા પ્રતાપ કૃષિ તથા પ્રોદ્યોગિકી વિશ્વવિદ્યાલયને વૈજ્ઞાનિકો દ્રારા સીતાફળનો માવો કાઢવાની ટેક્નોલોજી વિકસાવામાં આવી છે. આ ટેક્નોલોજીના ઉપયોગથી સીતાફળનો શુદ્ધ, સફેદ અને ગુણવત્તાયુક્ત માવો કાઢી શકાય છે. આ ટેક્નોલોજીના વિકાસથી સીતાફળના માવાનો આઈસ્ક્રીમ, રબડી તેમજ પીણામાં વધારે પ્રમાણમાં ઉપયોગ થશે. તેની સથે સીતાફળના શુદ્ધ માવાની વધુ કિંમત મળશે.

મહારાણા પ્રતાપ કૃષિ તથા પ્રોદ્યોગિકી વિશ્વવિદ્યાલયના બાગાયત વિભાગના પ્રોફેસર અને હેડ ડૉ. આર.એ કૌશિક તેમજ સહાયક પ્રોફેસર ડૉ.સુનીલ પરીખ જેમણે આ ટેક્નોલોજી વિકસાવામાં વી છે. આ ટેક્નોલોજી વિશે વધુમાં જણાવતાં ડૉ. આર.એ કૌશિક કહે છેકે આ ટેક્નોલોજી બે ભાગમાં છે. મશીનના એક ભાગમાં ફળમાંથી બીજ સાથે માવો બહાર નીકળ છે અને બીજા ભાગમાં માવામાંથી બીજ અલગ થાય છે. જેથી માવો શુદ્ધ મળે છે. જેને એક વર્ષ સુધી સુરક્ષિત સંગ્રહ કરી શકાય છે.

રાજસ્થાન સિવાય દૂરના અન્ય રાજ્યોના લોકો પણ આ ટેક્નોલોજીનો લાભ લઈ શકે તે હેતુથી આ વિશ્વવિદ્યાલય દ્રારા ગુજરાતની બે કંપનીઓ સાથે ટેક્નોલોજીનું વ્યવસાયીકરણ કરવામાં આવ્યું છે. આ સાથે ઉદયપુર સ્થિત એક બાયોફ્રૂટ્સ કંપની દ્રારા આ ટેક્નોલોજીનો ઉપયોગ શરૂ થઈ ગયો છે.

આ ટેક્નોલોજી સાથે સંકળાયેલા અન્ય લોકોને આશા છેકે વિશ્વવિદ્યાલય દ્રારા વિકસાવામાં આવેલી આ ટેક્નોલોજીથી રાજસ્થાન, ગુજરાત સહીત દેશના અન્ય રાજ્યોની આદિવાસી જનજાતિના લોકોને આજીવિકા પૂરી પાડવામાં મદદગાર સાબિત થશે. સીતાફળનો માવો કાઢવામાં જે અવરોધ હતાં તે આ ટેક્નોલોજીના ઉપયોગથી દૂર કરી શકાય તેમ છે. જેથી સીતાફળનો વપરાશ વધશે જેનો સીધો લાભ સીતાફળના ઉત્પાદન કરનારા ખેડૂતોને થશે.

દર વર્ષે શિયાળા દરમ્યાન સીતાફળ બજારોમાં આવી જાય છે. વર્ષ 2009માં સીતાફળના ભાવ આસમાને પહોંચી ગયા હતા. સીતાફળનું ઉત્પાદન વધારે પ્રમાણમાં થયું હોવા છતાં બજારોમાં બી વાળા સીતાફળનો હોલસેલ ભાવ દસ રૂપિયે કિલો અને માવાવાળા સીતાફળનો ભાવ વીસ રૂપિયે કિલો હતો. પરંતુ માવાવાળા સીતાફળની ડિમાન્ડ વધવાથી તે સાઈઠ થી સિત્તેર રૂપિયે કિલો વેચાઈ રહ્યા હતાં . કારણ કે તેની ડિમાન્ડ વધી હતી જેથી માવાવાળા સીતાફળ ચારથી પાંચગણા વધુ ભાવમાં વેચાઈ રહ્યાં હતા.

વર્તમાન સમયમાં માવાવાળા સીતાફળની ડિમાન્ડ જયુસ સેન્ટર, આઈસ્ક્રીમ પાર્લરમાં વધવા લાગી છે. આ વેપારીઓ આ સીઝનમાં સીતાફળનો માવો બનાવીને સ્ટોર કરે છે, જે આખા વર્ષ દરમિયાન ચાલે છે. જેના કારણે માવાવાળા સીતાફળના ભાવોમાં વધારો થાય છે. પહેલા સીતાફળના માવાના સ્ટોરેજની કોઈ સિસ્ટમ ન હતી. પણ, હવે સુવિદ્યાઓ વધવાથી જયૂસ પાર્લર, આઈસ્ક્રીમ પાર્લરવાળા આ સીઝનમાં સીતાફળની ખરીદી કરીને તેનો માવો બનાવી રાખે છે. જેને તેઓ ઠંડકવાળી જગ્યાએ સ્ટોર કરીને આખા વર્ષ દરમિયાન ઉપયોગ કરે છે. તેવી પરિસ્થિતિમાં હવે વિશ્વવિદ્યાલય દ્રારા બનાવેલી ટેક્નોલોજી વેપારીવર્ગને મોટાપાયે સહાયક બનશે તેવી આશા છે.

સીતાફળ વિશે જાણો..

સીતફળ એ એક મીઠું બહુ બીજી ફળ છે. તેના વૃક્ષને સીતાફળી કહેવાય છે. આ ફળનું શાસ્ત્રીય નામ એનોના સ્ક્વોમાસા છે. આ ફળ મૂળ અમિરિકાના ઉષ્ણ કટિબંધીય ક્ષેત્રનું મનાય છે. હાલમામ્ તેન્ અકોલંબિયા, એક સાલ્વાડોર, ભારત , બાંગ્લાદેશ, પાકિસ્તાન અને ફીલીપાઈન્સમાં ઉગાડવામાં આવે છે. આની ઉત્પતિનું ચોક્ક્સ સ્થળ તો જાણી શકાયું નથી. તેમ છતાં તેને જેમૈકા કે કેરેબિયન ક્ષેત્રનું મનાય છે. વિશ્વના અમુક ક્ષેત્રોમાં સીતાફલને કસ્ટર્ડ ઍપલ કહે છે.

રાકેશ પંચાલ

તે મળશે તને અહીંયા રે

2013-07-27T01:18:00.001+05:30

પહેલા વરસાદે જ્યારે તે ભીંજાતી ,

જાણે કે સોળ કળાએ તે મલકાતી ,

અનોખી મહેક તેની એવી લલચાવે,

જાણે કે પેહલો પ્રેમ મને યાદ આવે,

કરે છે વાતો ઘણાં પણ માણે ઓછા,

દરેક ઋતુએ તેના પ્રકાર અનોખા,

પાણીને મળે તો મલકને મહેકાવે,

તાપને ભળે તો મલકને દઝાડે,

જીલે અનેક ઘાવ તેની છાતી પર,

જીવાડે મને વગર કોઈ શર્ત પર,

મજબૂરીથી છોડે દિકરા અનેક,

પણ પ્રાણથી વધારે ચાહે તને,

મારી માટીની એ સુંગધ,

અજબની તાજગી યાદોની,

જાણે ઘણું જે પણ ન જાણે જે,.

વતનની યાદ ન સતાવે જે,

જે કિંમતે તોલે આ માટીની,.

જાણે ભરબજારે વેચે જાતને.

જીવનમા મળશે બધું જ,

રૂપિયા માથે શોધે તુ બજારે,

તે મળશે તને અહીંયા રે,

રાકેશ પંચાલ

કલંક નાબૂદી અભિયાન

2013-07-26T15:26:00.000+05:30

બે ટંકમાં તોલે અમને સરકાર,

હક્કોથી વંચિત રાખે સરકાર,

પાપ અમારાથી એવું ક્યારે થયું,

ગુલામ મટી ફરી ગુલામી મળી,

અમારા ટેકે બને અમીર હજાર,

અમારી માટે ન લડે તે હજાર,

વર્ષોથી અમને બાંધી બેડીઓ હજાર,

ન છૂટે છૂટાય એવી બેડીઓ હજાર,

રાજરમતથી રમાતો હું હમેશા,

આંકડાઓથી મરાતો હું હમેશા,

દેશમાં આંકડાના જાદૂગરોની ભરમાર,

આંકડાની રમતમાં પારંગત છે સરકાર,

વિકાસશીલ દેશના કલંક બન્યા ત્યારે,

પોતિકા જ અમને દાટવા ભાગે ત્યારે,

રાકેશ પંચાલ

ગરીબી નહીં ગરીબોને હટાવો

2013-07-26T02:39:00.003+05:30

આંકડાઓની રાજરમતથી પર પ્રજા

મોંઘવારીને ડામવામાં નિષ્ફળ ગયેલી સરકાર આંકડાઓની રાજરમત રમીને પ્રજાને સરકારી લાભથી વંચિત રાખવાની રમત રમી રહી છે. તેનો તાજો દાખલો જોવા મળ્યો જ્યારે દેશમાંથી 17 કરોડ ગરીબો રાતોરાત સરકારી ચોપડેથી ગાયબ થઈ ગયા. છેલ્લા દાયકામાં સરકારે અનેક ગરીબોને સરકારી ચોપડેથી મોટાપાયે ગાયબ કરી દીધાં છે. તો મોંઘવારીને રોકવા માટે નિષ્ફળ ગયેલી સરકારે ગરીબી રેખાની સતત નીચે લાવીને ચોપડે ઈતિહાસ લખવાની નાકામ કોશિશ કરી રહી છે. આયોજન પંચે ગુજરાત, મહારાષ્‍ટ્ર, હરિયાણા, પંજાબ અને દિલ્‍હી જેવા ધનાઢય રાજયોની ગરીબી રેખાનુ સ્‍તર રાષ્‍ટ્રીય સરેરાશથી ઘણુ ઉંચુ રાખ્‍યુ છે. બિહારમાં ગામડા માટે ગરીબી રેખાનું સ્‍તર માત્ર રૂ.૭૭૮ અને શહેર માટે ૯ર૩ નક્કી કરાયુ છે. યુપી માટે તે અનુક્રમે રૂ.૮૮૦ અને રૂ.૯૩૭ નક્કી કરાયુ છે. આ બંને રાજયોમાં ગરીબી રેખાનું સ્‍તર રાષ્‍ટ્રીય સરેરાશથી ઘણુ ઓછુ છે.

જો તમે ગામડામાં રોજના 27.20 પૈસા અને શહેરમાં રોજના 33.30 પૈસાથી વધુ કમાઈ રહ્યા છો તો તમે ગરીબ નથી. અને તમને સરકારી યોજનાઓનો લાભ નહીં મળે. પરંતુ ગ્રામીણ વિસ્તારનું કડવું સત્ય અલગ છે. વર્તમાન સમયમાં મનરેગામાં મહિનામાં દસ દિવસ કામ કરનારો વ્યક્તિ પણ ગરીબી રેખાની વટાવી શકે તેવી પરિસ્થિતિમાં છે પરંતુ મનરેગાની દસ દિવસની આવકથી તેના પરિવારનું ભરપોષણ કરવું શક્ય નથી. માત્ર સરકારી કાગળ પર ગરીબો હટાવીને સરકાર શું સાબિત કરવા માંગે છે.

ગ્રામીણ પ્રજાને સરકારી આંકડાઓમાં કોઈ રસ નથી તેમને સરકારી લાભો મળે તેમાં રસ હોય છે. સૌથી મોટી મુશ્કેલી એપીએલ અને બીપીએલ કાર્ડધારકોને થાય છે. ગ્રામીણ વિસ્તારોમાં જે લોકોની આવક દૈનિક 28 રૂપિયાથી વધારે હોય છે તેમના રેશનકાર્ડ બીપીએલમાંથી એપીએલ થઈ જાય છે. જે કારણોસર તેમને કેરોસીન સિવાય કશું જ મળતું નથી. ગરીબીના આંકડા બદલાઈ જવાથી સૌથી મોટી અસર આ ગ્રામીણ તેમજ શહેરી પ્રજાને થાય છે. જેમના રેશનકાર્ડ બીપીએલમાંથી એપીએલ થઈ જાય છે. જેથી તેમને મળતું સસ્તું અનાજ બંધ થઈ જાય છે.

તેમને તે પણ ખબર પડતી નથી કે તેમનું રેશનકાર્ડ બીપીએલમાંથી એપીએલ કેમ થઈ ગયું . અને જ્યારે સરકારી દુકાનદાર તેમને અનાજ આપવાનું બંધ કરી દે છે ત્યારે પણ ખબર નથી પડતી કે તેમની સાથે શું રાજરમત રમાઈ ગઈ છે.મોટાભાગના લોકો પાસે પહેલા બીપીએલ કાર્ડ હતાં જેથી તેમને સસ્તું અનાજ મળતું હતું. પરંતુ તેમનાં કાર્ડ બીપીએલમાંથી એપીએલ થઈ જતાં સરકારી દુકાનદારો આ નવા કાર્ડ પ્રમાણે માત્ર કેરોસીન જ આપે છે જ્યારે સસ્તું અનાજ આપવાનું બંધ કરી દે છે.

અન્ય માહિતી

ગુજરાતમાં એ વ્‍યકિતને ગરીબ માનવામાં આવશે જેનો ગામડામાં મહિનાનો ખર્ચ રૂ.૯૩ર અને શહેરોમાં રૂ.૧૧પરથી ઓછો છે. જ્યારે અન્ય રાજ્યો પર નજર કરીએ તો આ આકંડાઓ નીચે પ્રમાણે છે.

`રાજય`	`ગામ`	`શહેર`
`યુપી`	`૮૮૦`	`૧૦૮ર`
`બિહાર`	`૭૭૮`	`૯૩ર`
`દિલ્‍હી`	`૧૧૪પ`	`૧૧૩૪`
`ઝારખંડ`	`૭૪૮`	`૯૭૪`
`ઉત્તરાખંડ`	`૮૮૦`	`૧૦૮ર`

કયારે કેટલી ગરીબી રેખા

`વર્ષ`	`ગામ`	`શહેર`
`૨૦૧૧-૧ર`	`૮૧૬`	`૧૦૦૦`
`૨૦૦૯-૧૦`	`૬૭૨.૮`	`૮૫૯.૬`
`૨૦૦૪-૦૫`	`૪૪૬.૬૮`	`૫૭૮.૮૦`

રાકેશ પંચાલ

હું ગુજરાતી..

2013-07-25T18:55:00.002+05:30

હું હસતો રમતો ભમતો ગુજરાતી

જગતભરની ચર્ચામાં રહેતો હું પ્યારો ગુજરાતી ,

સદાય હસતો ભમતો રમતો હું પ્યારો ગુજરાતી ,

પ્રેમથી લોકોમાં ભળી જાતો હું પ્યારો ગુજરાતી,

દરેકની ભાષાને માન કરતો હું પ્યારો ગુજરાતી,

પ્રેમથી પ્યારો બની રહેતો હું પ્યારો ગુજરાતી..

સ્વભાવે સરળ જલેબી જેવો હું પ્યારો ગુજરાતી,

ચરિત્રએ દૂધ જેવો ધોળો હું પ્યારો ગુજરાતી,

કપડાનો શોખીન એવો હું પ્યારો ગુજરાતી,

ધંધામાં અવ્વલ બનતો હું પ્યારો ગુજરાતી,

પ્રેમથી પ્યારો બની રહેતો હું પ્યારો ગુજરાતી..

હાથમાં હાથ દઈ વિકાસ કરતો હું પ્યારો ગુજરાતી,

સદાય દુશ્મનોને હાર આપતો હું પ્યારો ગુજરાતી,

પોતિકાને માન કરતો હું પ્યારો ગુજરાતી,

વડિલોનુ સન્માન કરતો હું પ્યારો ગુજરાતી,

દેશનાં સપનાને સાકાર કરતો હું પ્યારો ગુજરાતી,

નકામા વિવાદથી દૂર રહેતો હું પ્યારો ગુજરાતી,

વિકાસના કામ કરતો હું પ્યારો ગુજરાતી,

એક-મેકના સાથે ચાલે હું પ્યારો ગુજરાતી,

પ્રેમથી પ્યારો બની રહેતો હું પ્યારો ગુજરાતી..

સંકટ સમયે આગળ રહેતો હું પ્યારો ગુજરાતી,

ખોટી વાતે વિરોધ કરતો હું પ્યારો ગુજરાતી,

અપમાનને ભુલીને માફ કરતો હું પ્યારો ગુજરાતી,

સદાય અહિંસાથી લડત લડતો હું પ્યારો ગુજરાતી.

સમય પ્રમાણે જવાબ દેતો હું પ્યારો ગુજરાતી,

અસ્મિતાની લડાઈ લડતો હું પ્યારો ગુજરાતી,

પ્રેમથી પ્યારો બની રહેતો હું પ્યારો ગુજરાતી..

રાકેશ પંચાલ

ચરોતરની ચૈતન્ય ધરા.. સોજીત્રા નગર.

2013-07-25T12:40:00.002+05:30

વ્હાલું વ્હાલું મને મારું વતન

ચરોતરની ચૈતન્ય ધરા એ માત્ર ગુજરાતમાં જ નહિ પરંતુ ભારતવર્ષ અને દુનિયામાં તેની સમૃદ્ધિ માટે મશહુર છે. ચરોતરની ધિંગીધરાનું પાણી એવું તો ખમતીધર છે કે, આજે દુનિયાનો કોઈ છેડો આ ધરતીના સપૂત વિનાનો ભાગ્યે જ હોય ! આવી ચરોતરની ધરાના વિશિષ્ટ નગરોની યાદી તૈયાર કરવામાં આવેતો સોજીત્રા નગરનું નામ સરતાજ સ્થાને આવે. સોજીત્રા નગરના અતિતનું વિહંગાવલોકન કરવામાં આવે તો તેની ભવ્યતાથી તેની શાનનો અંદાઝ આવે. આવા સોજીત્રા નગરના વતનીઓને આ નગરના વતની હોવાનુ ગૌરવ અવશ્ય થાય જ.

અગાઉના સમયમાં સોજીત્રા નગર ગુજરાતના મહત્વના નગરોની યાદીમાં મોખરાનું સ્થાન ધરાવતું હતું. ગુજરાતના પાટીદારોમાં ચરોતરના પાટીદારોનો રુઆબ અનેરો હતો. આ કોમના વિવિધ ગામોના જથ્થાઓ ગોળના નામે ઓળખાતા.સોજીત્રા નગરના પાટીદારો છ ગામના પાટીદારો તરીકે ઓળખાય છે. ચરોતર વિસ્તારમાં લેઉઆ પાટીદારોની કોમમાં છ ગામના પાટીદારોનુ સ્થાન અગ્રણી ગણાય છે. તેમા પણ આ નગરના દીકરાઓ તો "કેસરિયા" તરીકે જાણીતા હતા. આ નગરની વિશિષ્ટ શાનના કારણે અગાઉના સમયમાં અન્ય ગામના પાટીદારો તેમની દીકરીઓને સોજીત્રા પરણાવવા માટે સ્વપ્ના સેવતા અને ખુબજ આગ્રહી રહેતા.અને જો આ નગરમાં તમની દીકરીનું લગ્ન થાય તો તેને ધન્ય સમજતા અને તેઓનો પણ મોભો વધી જતો .આવી શાન આ નગરની હતી.આ નગરની અન્ય જ્ઞાતિઓમાં પણ પાટીદાર જ્ઞાતિની સમાંતરે તેમની શાખ પણ ઉંચેરી અંકાતી હતી. અને સોજીત્રામાં દીકરીઓને આપવા માટે ખાસ પ્રકારની હોડ જોવા મળતી.આવો હતો સોજીત્રા નામનો પ્રભાવ.

સોજીત્રા નગરમાં તેની શાખને અનુરૂપ માળખાકીય સુવિધાઓ અન્ય નગરના અપેક્ષાઓએ લગભગ ઘણી પહેલી શરુ થયેલી હતી.પીવાના પાણીનું વોટર વર્કસ અને ભૂગર્ભ ગટરની કામગીરી આ નગરની ખાસ ઓળખ ગણાતી.સોજીત્રની પાણીની ટાંકીનું બાંધકામ થયું ત્યારે આજુબાજુના વિસ્તારોમાંથી કુતુહલતાની દ્રષ્ટિએ તેની ઊંચાઈ અને બાંધકામને જોવા ટોળેટોળાં આવતા.આની ઉપરથી પણ નગરની અગાઉના સમયમાં મળેલી આવી આગોતરી સુવિધાઓનો અંદાઝ આવે. મોટા બજારમાં કાપડ અને સોનાચાંદીના વ્યાપારની જાહોજલાલીની કારણે આજુબાજુના સમગ્ર મુલકના ગ્રાહકો અહીંથી જ ખરીદી કરીને સંતોષ અનુભવતા. અનાજ કરિયાણા બજાર અને સોનાકારી,કુમ્ભ્કારી, કડિયા, સુથારી, લુહારી તેમજ હુન્નરના અન્ય વ્યવસાયો પણ આ નગરના નામની શાખ અને અગ્રતામાં અભિવૃદ્ધિ કરતા. હાથ વણાટના ઉત્પાદનો પણ તેની ઉમદા ક્વોલીટીના કારણે જાણીતા હતા.

ચરોતરની શિક્ષણની સંસ્થાઓમાં સોજીત્રાની એમ.એમ.હાઈસ્કુલનું નામ સમગ્ર ગુજરાતની અગ્રણી સંસ્થાઓમાં ગણાતું.આજુબાજુના ગામોમાંથી વિદ્યાર્થીઓ અહી ભણવા માટે ખાસ આવતા.આ હાઈસ્કુલ ખુબ જ જાણીતી અને જૂની સંસ્થા તરીકે ગામની શાનને વધારતી હતી. આ સ્કૂલના શિક્ષીત અનેકાનેક વિદ્યાર્થીઓએ ભારતભરમાં તથા વિશ્વના લગભગ અનેક દેશોમાં ડોક્ટર્સ,ઈજનેર, ચાર્ટર એકાઉન્ટન્ટ, વિજ્ઞાન, કલા,સાહિત્યના ક્ષેત્રે તથા અનેક પ્રકારના પ્રોફેશનલ અને વ્યાપારમાં આગળ વધીને આ ગામને અને સ્કૂલને ગૌરવ અપાવેલ છે. શિક્ષણક્ષેત્રે આ વિસ્તારના તમામ નગરોની સરખામણીમાં સહુ પ્રથમ છોકરાઓ તથા છોકરીઓની અલગ અલગપ્રાથમિક અને માધ્યમિક શાળાઓની શરૂઆત પણ આ નગરમાં થઇ હતી. ગામના સ્ટેશન રોડ ઉપર આવેલી ઐતિહાસિક બોર્ડીન્ગનુ મકાન આ ગૌરવવંતિ વાતની સાક્ષી પુરાવે છે. તદુપરાંત આ નગર ગાયકવાડી હોવાના કારણે માતબર અલભ્ય પુસ્તકોના ભંડાર ધરાવતી વિશાળ પુસ્કાલય આ નગરની આગવી ઓળખ હતી.નગરનો જ્યુબીલી બાગ એ ઘરેણાં સમાન તથા રૂપ રૂપની અંબાર કન્યાજેવી રમણીયતા ધરાવતો હતો, તથા બાળક્રિડાંગણમા બાળકોનો કિલ્લોલ આવતી કાલના ઉજળા દિવસોને આમંત્રણ આપતું હતું.

સોજીત્રા નગરની તમામ ભાગોળોએ આવેલી વણઝારી વાવો,પીવાના પાણીના કુવાઓ, વિશાળકાય તળાવો ગામની ભવ્યતાને ચાર ચાંદ લગાડતા હતા.તો હરીકૃષ્ણનું મંદિર,ક્ષેમ કલ્યાણી માતાનું મંદિર,પ્રખ્યાત કુંડ, તળાવો અને જૈન મંદિરો નગરની સ્થાપ્ત્યતા અને ભવ્ય ભૂતકાળની આજે પણ ઝાંખી કરાવતા અણનમ યોધ્ધાની પેઠે વિદ્યમાન છે. ગામની દરેક ભાગોળે અને દરેક ખુણાઓ પર આવેલ મંદિરો અને શિવાલયો નગરના ધર્મપ્રેમની તથા ગામની અખંડ એકતાની ગવાહી આપે છે.જેમાં જ્યોતેશ્વર, જબરેશ્વર, મુક્તેશ્વર, રામનાથ, વૈદ્યનાથ અને ભીમનાથ વિ. મહાદેવના મંદિરો તથા અંબાજી, ખોડીયાર,મહાકાલી, વારાહી, અન્નપૂર્ણા તથા શિકોતર વિ.માતાના મંદિરો તથા પ્રાચીનતમ એવમ નગરની શાનસમા શ્વેતામ્બર અને દિગંબર વિશાળ જૈન મંદિરો સમસ્ત ગામની ધર્માનુરાગની ભાવનાઓના દર્શન કરાવે છે. નવનિર્મિત શ્રી સંતરામ મંદિર આ નગરની વણથંભી શ્રધ્ધાની તેમજ સર્જનાત્મક અભિગમના દર્શન કરાવે છે.

આટઆટલી ભવ્ય ઝાંખીઓ આપતું આ નગર આજે કોઈ અનજાન અને અસાધ્ય રોગથી પીડાઈ રહ્યું હોય તેવો આભાસ નગરના પ્રવેશ અને નગરની મુલાકાત દરમ્યાન થાય છે. સક્ષમ નેતૃત્વ અને સર્વાનુમતના આભાવે આ નગરના વિકાસને કોઈ ગ્રહણ લાગી ગયું હોય તેવું ભાસે છે.અને નગરના હિતચિંતકો નગરના હિતને નહિ વિચારે તો ભાવિની પેઢીઓને વિકાસના આભાવે ઘણુ સહન કરવાનો વારો આવશે. નગરના વિકાસમાં રસ અને હિત ધરાવતા મહાનુભાવોએ હવે એકમત થઈને વિચારવાનો સાચો સમય ઓળખી લેવાની જરૂર છે. નહીતર આ નગર હજુ પણ વધારે અધોગતિએ પહોંચશે અને છેલ્લે નગરના અસ્તિત્વનો પ્રશ્ન પણ ગંભીર બનશે. નગરના હિતમાં સહુ એક થઈને મતભેદ જરૂર રાખજો કેમકે તે તંદુરસ્ત લોકશાહીની પ્રણાલી છે,પણ મનભેદને અલવિદા કરીને સંઘ શક્તિનો ઉપયોગ નગરના વિકાસમાં થાય તેવું અમલમાં મુકશો તો નગર માટે તે ઘડી મહામહોત્સવની ધન્યઘડી ગણાશે.

અંતમાં મારી કલમને વિરામ આપું તે પહેલા પરમપિતા પરમાત્માને અંતઃકરણની પ્રાર્થના કે સોજીત્રાનો એ કેશરીયો માહોલ પુનઃ સ્થાન પામે અને ભવ્યતા પુનઃસ્થાપિત થાય.

કાર્તિક ઝવેરી. ( ન્યુ જર્સી/યું એસ એ )

હિન્દુ રાષ્ટ્રવાદી નેતા લખવું અયોગ્ય !!

2013-07-25T01:43:00.001+05:30

પોસ્ટર બાબતે એસ.પી નેતાનો વિરોધ

દેશમાં ચૂંટણી નજીક આવે તેમ તેમ ગરીબો, વિકાસ અને ધર્મ, જાતિની યાદ આવે છે. હિન્દુત્વની વાત આવે ત્યારે દેશ બે ભાગે વહેચાયેલો જણાય છે. અનેક મહિનાથી હિન્દુ રાષ્ટ્રવાદી શબ્દના કારણે રાજનીતિ ગરમાઈ જવા પામી છે. મુંબઈમાં જૂલાઈ મહિનામાં નરેન્દ્ર મોદીના પોસ્ટર્સ જોવા મળી રહ્યાં છે. જેમાં મોદીને હિન્દુ રાષ્ટ્રવાદી તરીકે દર્શાવામાં આવે છે અને તે બાબતે સવિશેષ ભાર મુકવામાં આવ્યો છે. જેથી સમાજવાદી પાર્ટીના નેતા અબુ આઝમીએ જોરદાર વાંધો ઉઠાવ્યો છે. આ મુદ્દે મોદી પર ચૂંટણી લડવાનો પ્રતિબંધ મૂકી દેવાની માગણી કરતો પત્ર ચૂંટણી પંચને લખ્યો છે.

આઝમીએ પત્રમાં લખ્યું છે કે ‘હું હિન્દુ રાષ્ટ્રવાદી છું, હું દેશભક્ત છું, હું જન્મે હિન્દુ છું' એવું લખાણ દર્શાવતા મોદીના પોસ્ટરો દેશમાં કોમી લાગણીને ભડકાવનારા છે.ઉલ્લેખનીય છે કે મોદી વિશે આ પ્રકારના લખાણો અને તસવીર દર્શાવતા પોસ્ટરો ભાજપના મુંબઈ એકમના અધ્યક્ષ એડવોકેટ આશિષ શેલાર દ્વારા મૂકવામાં આવ્યા હતા.

વર્ષો જૂની સમસ્યાઓ પ્રજા એકસરખી રીતે ભોગવી રહી છે. તેમાં અસહ્ય મોંઘવારી અને દેશની નબળી આર્થિક સ્થિતિ ચિંતાનો વિષય બની જવા પામી છે. તેવી પરિસ્થિતિમાં દેશની રાજનીતિ ફરી પાછી જૂના મુદ્દાઓ અને રંગે રંગાઈ રહી છે. દરેક ચૂંટણી વખતે રાજકીય પક્ષ પોત પોતાનું હુકમ નુ પત્તું રમવાની ગણતરીમાં હોય છે. ભાજપ માટે રામ અને કોંગ્રેસ માટે ગરીબીનો દાવ હારને જીતમાં ફેરવી આપે તેવા પત્તાં છે .તેવી પરિસ્થિતિમાં કોઈ પણ પાર્ટી એકબીજા પત્તાં છોડવા માંગતી નથી. લોકજાગૃતિ જોઈને માત્ર રંગ અને ઢંગ બદલાઈ જાય છે પરંતુ પત્તાં તો જુના જ હોય છે. બસ માત્ર કહેવા કહેવામાં ફેર હોય છે. દેશની રાજનીતિમાંથી ધર્મ અને જાતિને બાકાત કરી દેવામાં આવે તો સમાજનો આર્થિક તેમજ સામાજિક રીતે કેટલો મજબૂત થયો તે પ્રશ્ન રહી જાય છે . ભવિષ્યની વાતો દરેક રાજકીય પક્ષ કરે છે પરંતુ જ્યારે સત્તામાં બેસી જાય છે તેમનો જાહેર કરાયેલો ચૂંટણી ઢંઢેરો ખોટો સાબિત થાય છે.

મારી કલમ....

ભાગલા પાડોને રાજ કરોની નીતિ દેશને ગુલામીમાંથી મળી છે અને તે સંસ્કાર પ્રજામાં પેઢી દર પેઢી વારસામાં મળતાં રહ્યાં છે. પોતાના ધર્મ અ્ને જાતિ પ્રત્યે ગર્વ હોવો જરૂરી છે પરંતુ તેમાં પણ સર્વોપરી રાષ્ટ્રગર્વ છે. જોકે ભારતીય રાજનીતિએ ધર્મ અને જાતિનો પાયાને ક્યારેય નબળો પડવા દીધો નથી. વિકાસની રાજનીતિનું આગમન ભારતીય રાજનીતિમાં થયું છે અને પ્રજાએ તેનો સ્વીકાર પણ કર્યો છે. તેમ છતાં ધર્મ અને જાતિ આધારિત વોટબેંક પર દરેક રાજકીય પક્ષની નજર હોય છે કદાચ તેમને વિકાસની રાજનીતિ પર પૂર્ણ ભરોસો થયો નથી. જે દિવસ કામ કરીને વોટ માંગવાની આદત ભારતીય રાજનેતાઓને થશે ત્યારે ખરેખર ભારતીય રાજનીતિ સફેદ પહેરવેશ જેવી પવિત્ર બનશે અને ત્યારે દેશ વર્ષોની ગુલામીમાંથી મુક્ત બનશે અને પ્રજા પૂર્ણ સ્વતંત્રતાને પામશે.

વર્ષ 2009ની લોકસભાની ચૂંટણી વખતેના ફોટાઓ પર એક નજર કરો...

રાકેશ પંચાલ