KACHINBEE

Blogger manang ni yawng hpang de

2011-11-19T11:38:00.000+06:30

De,

Myit rum manang Jinghpaw blogger ni yawng hpang de ngai KACHINBEE hku na ndai post hte shadum, shana dat n-ngai.
Ya ten gaw, Myen hte Shang Lawt ni dinghku majan byin nga ai re majaw, an hte Blogger ni mung dang du/ dang dep ai ram shiga ni hpe post galaw ai zawn Myen a nchyang mayam ni rai nga ai, myen a n-gyi kasha ni mung Myen a matu propaganda shiga site (blog) ni hpe galaw nga ai hpe yawng mung chye sai.

Dai hta ahkyak ai gaw, ndai zawn re ten hta, Myen a n-gyi kasha ni gaw, zim n-nga ai. An hte a Email, Facebook hte blog ni hpe hack ai lam ni nga wa na re majaw, tinang a Email, Facebook hte blog ni hpe shim lam nga na matu shadum shana dat n-ngai.

Gara hku sadi ra na lam ni hpe gaw laksan n-tsun sai, yawng sadi ga. Shada shadum hkat ga. Yawng ta gindun ga. Blogger ni dang di ai daram Myu Sha Lam yan hta rau shakut sa wa ga ngu shadum shana dat n-ngai..

Yawng hpe hkungga let
KACHINBEE

Mare Masha ni hpe zingri jat

2011-11-12T23:49:00.004+06:30

Dai ni Nov, 12 ya Hking 1:00pm grup yin hta (Tat Ma) 88 Myen Dap, Tai hpyen ni gaw Sadung Lu Htawng Mare na Salang Sum lut Gun Awng (Na n-na ai wa) hpe shaga ai shaloi n-na ai majaw, shaga yang n-htan ai sha hkawm taw ai hpe hprawng ai ngu tsun n-na Rim la n-htawm Gyit Zing ri, Lata hta Mung gadoi ashep ai lam, shi nan hprawng lawt wa n-na bai wa shana tsun dan ai majaw na chye lu ai.

Bai n-na Nov, 8 ya shani Bum Tawng, Wu Yan Tsan Lun lawk na Salang Jan Makawk Tawng asak(42) hpe shani hkying 1:30pm daram hta shani shat sha nga ai shaloi Myen (Tat Ma) 88 kata na Tai hpyen dap ni sa gap ai majaw dai Hpawmi Jan a Sin Da kaw nan gap hkra ai majaw, dai kaw nan si mat ai lam hpe dai buga masha ni nan tsun shateng sai.

Dai shani sha Bum Tawng, Hpawlam Jan Ah Si Htu hpe shi a Yi Yang hta Mam Mu nga ai shaloi, Baw kaw Gap hkra kau dat ai lai chye lu ai. Raitim n-si ai sha bai lu hprawng Lawt wa ai re hpe Shi nan bai wa tsun dan ai majaw chye lu a.

Wan Nat hkrum ai Nam San Yang Mare

2011-11-07T15:19:00.000+06:30

October shata 16 - 28 ya lapran hta Myen Hpyen Hka-L-Y (121) hte Hka-M-Y (348) ni nat kau ya ai, Nam Sang Yang na Nta Sumla ni re. Nat kau hkrum ai nta yawng 30 jan re lam hpe buga masha ni kawn chye lu ai.

N-Dung Dabang hta matut gap

2011-10-29T23:43:00.001+06:30

Oct. 29, 2011 ya shani hta,N-Dung Dabang kaw bai matut gap hkat ai hta, Myen de na marai (3) si, 5,6 hkala ai lam sagawn chye lu ai. Dai hta sinat (1) mung bai lu la ai lam chye lu ai.

N-Dung Dabang hpe tsan ai kaw na mu lu yang

Ndai lahkawng ya laman gap hkat ai hta, yawng pawng yang, Myen de na marai (5) si, 5,6 hkala nhtawm, sinat (2) lu la sai re lam chye lu ai.

Shana maga de gaw, Myen ni hprawng yu wa n na Ding Ga Yang Mare, Hkalup Hpung Nawku Jawng kata hta hprawng makoi let, Shat shadu sha la n-na, Daw Hpum Yang Mare de bai Matut hprawng yu wa sai lam hpe buga masha ni kawn chye lu ai.

"Myen ni ya Daw Hpum Yang kaw du nga sai. Shan hte hprawng yu wa ai hpe, Daw Hpum Yang na Myen nkau mi bai gahtap lung htim gasat na gaw tsun ma ai. Rai tim, dai ga gaw Jahkrit tsun ai lam sha mai byin ai" ngu Daw Hpum Yang nan shiga jaw ai wa tsun ai.

N-Dung Dabang hta gasat poi byin

2011-10-28T22:38:00.003+06:30

Oct.28.2011 ya, shani N-Dung Dabang hta Myen hpyen Dap Hk-L-Y 142 ni hte KIA Dap Ba (5) n pu, Dap Dung 24 hte Laiza Mung shawa hpyen Hpung ni gasat poi shani tup laja lana byin ai lam chye lu ai.

N-dung Dabang hpe tsan tsan kaw na mu lu yang

Dai gasat poi hta Myen hpyen maga marai (2) hkrat sum nna Sinat (1) lu hta la ai lam matut chye lu ai.Tinang maga na gaw hpa nbyin ai lam mung chye lu ai .

Dai hta n-ga, Mana Oct, 27, 2011 ya shan hta, Hpun Pyen Bum de Myawk kaba ni grai gap bun ai lam gahtap chye lu ai. Dai zawn gap bun nga ai lam hpe Dap Ba (5) kawn pi mulu ai lam hpe chye lu ai.

Lung Zep Kawng hta gap

2011-10-25T16:17:00.000+06:30

Ya hte laja lana gap gasat ai lam byin ai shara rai nga ai Lung Zep Kawng hta dai ni matut gap hkat ai lam chye lu ai. Dai hta Myen Hpyen ni gaw shawoi shan hte nga ai bum a lawu de hprawng yu mat sai lam, Shan hte nga ai shara hpe gaw, KIA ni lu zing madu la lu sai lam chye lu ai.

KIA ni shachyut gap n htawm dai Myen ni gaw gap hting nut let hprawng yu ai re lam mung matut chye lu ai. Dai gasat poi byin nga ai shara, Lung Zep Kawng npu (Shwe Nyawng Pyin ေရႊေညာင္ပင္) Dap na ni hte Katsu Dap na ni hpe, hpyen n-gun garum na hku shada shana ai rai tim, nsa garum la ai lam hpe matut shagawn chye lu ai.

N-Pawn Bum hta gap

2011-10-25T16:16:00.000+06:30

Oct, 25, 2011 ya shani Hkying 12:00pm hta, Npawn Buga kaw, KIA Mung Shawa Hpyen Hpung hte Nam San Yang Mare kaw nna ya hte hprawng yu wa ai Myen Dap ni "Npawn Bum" kaw bai gap hkat ai lam shiga na chye lu ai.

Myen ni hting nut

2011-10-21T16:12:00.000+06:30

Oct. 21, 2011 jahpaw gaw, Ga Ra Yang kaw du nga ai Myen Hk.L.Y ( 260) ni yawng hprawng mat sai re lam hpe chye lu ai.

Sadung GinWang Ning Tau Du nan dai shara kaw sa du da ai lam mung chye lu ai.

Lawng cha sinat (1) lu la ai lam mung na chye lu ai.

Hkrat sum ai Myen Du jahpan

2011-10-20T16:09:00.001+06:30

Oct.19.2011 ya shani hta Masat(5) Dap Ba, Dung (3) Ginra, Ga Ra Yang Mare kaw Myen Hpyen ni hte Tinang Dap Dung(3) ni Gasat Poi Byin ai hta Hk.L.Y(260) Dap na Bo Mo Thant Zin Htun woi awn ai Hpyen Hpung kaw na Hkrat Sum ai Masum kap(Bo Gyi)
1.(Ney Win Htun)
2.(Aung Naing Htoo)
3.Du masat(41449)( Du Naing Naing Lin).
4. Hkum Dek Masat(767310) Hpyen Ma ( Naung Chyu)
5.Hkum Dek Masat(494431) Hpyen Ma (Soe Paing)
hkrat Sum nna kaga hkala n ba hkrum ai law law re lam hpe dai bu ga masha kaw nna lakap chye lu ai.

Tinang Maga na Myit Rum Share Shagan langai hkala hkrum ai lam matut nna chye lu ai

Porter lahkawn

2011-10-20T16:06:00.000+06:30

Mani Oct. 19, 2011 hta Da Law mare kaw masha 30 jan hpe porter lahkawn la ai lam Mare salang wa kawn chye lu ai.

"Nta langai mi hta marai 2, 3 lawm ai mung nga ai. Lahkawn la ai porter 3 ram hpe shawng kaw hkawm shangun n htawm, Myen hpyen la gaw hpang e hkawm ma ai lam hpe lu hprawng lawt wa ai ni wa tsun ai" lam Mare salang wa nan Dap Ba (5) de phone hte ya ya sha shana wa ai lam, Ba (5) shiga lawk kawn chye lu ai.

Maran Kaw Bu

2011-10-20T16:04:00.000+06:30

Oct. 18, 2011 ya shani hta, Waing Maw mare na Num kasha Maran Kaw Bu asak 19 ning hpe Nam san Yang mare kaw Myen hpyen ni chyawm Roi Sat kau nna, Moi na Nam San hka mahkrai pawt lahta maga kabai da ai hpe myi chyaw mu masha ni kawn chye lu ai.

Masha hpe sat Mare kahtawng hpe wan hte nat

2011-10-20T15:56:00.000+06:30

Nam San Yang mare makau, Lai Lum Lisu mare kaw na Slg. Lasang Yaw, asak (30) ni hpe Myen Hka-La-Ya (438/141) ni Oct. 17, 2011 hta gap sat kau da ai lam hpe myi chyaw mu ni kawn chye lu ai. Slg. Lasang Gam ngu ai wa hte rau nga nga yang gap sat kau ai rai n htawm, ya jahtum na lu ai hta, Slg. Lasang Gam hpe mung sat kau sai lam na chye lu ai.

Wan hkru nga ai Nam San Yang Mare hpe tsan ai kaw na mu ai sumla

Bai n na Lai Lum Li Su mare kaw Wu Loi Wu la Kaba 8 Wuyi 2 Dum Su 2 hpe mung majoi gap a ru sat kau da ai lam chye lu ai.
Hta n ga, Mare n ta hpe mung nat kau da ai lam mung gahtap chye lu ai.

Wan Hkru nga ai Nam San Yang mare hpe tsan ai kaw na mu lu yang

72 ning re Dingla hpe Myen ni gap

2011-10-20T15:50:00.000+06:30

Oct. 17, 2011 shana maga hking 3 aten hta, Myen Hka-La-Ya ( 438/141) ni Nam San Yang mare Lawk 3 de shang wa n htawm, Nta nhpan kum nga ai Slg. Jang Hkam Naw , Asak 72 ning hpe si na daram (grai nan sawng hkra) gap kau da ai lam Myi chyaw mu ni kawn chye lu ai. Ya ten Slg. Jang Hkam Naw gaw Laiza Mung Shawa Tsi rung hta tsi tsi hkam la nga ai lam chye lu ai.

slg. Jang Hkam Naw

The Open University of Hong Kong a Scholarship Program

2011-09-22T21:19:00.006+06:30

Manang ni e, Ndai application letter gaw The Open University of Hong Kong a Scholarship Program re.
Myit lawm ai ni shakut yu ga. October 21 ya hta jahtum application ning htoi re. Dai majaw loi lawan ai hku shakut yu ga.
Shan hte ni Marai 25 hpe sha lata na re majaw lawan ai hku shakut yu ga. Lu ai ni hpe shan hte ni hku na Kyats 1,00,000 hpe stipend a matu jaw na re da.

Ndai kaw Download galaw la ga.

Bangkok Post de sa du yang

2011-07-10T00:35:00.000+06:30

Ya hte July 6, 2011 ya shani hta Journalist class hte Bangkok Post de sa ai. Dai kaw du ai shaloi dem da ai sumla nkau mi hpe madun dat ai.

Moi lang lai wa sai. Printing Jak re.

Bangkok Post a reporters ni ndai zawn

Shi laika pru wa yang

Film a matu hpri hpraw hpe ndai zawn galaw la ai.

Shi laika ni Ngut na pru jahtum pru wa yang.

Film dem la ai shara. Ndai zawn kata kaw ahtoi re wan hpe hpaw da na dem la ai.

Ndai zawn grai tsaw ai Germany jak re.

Film dem ngut sai hpri hpraw ni hpe kalang ai n mai lang sai hku re.

Lajang dai ngut sai Shilaika ni

Npu htum kaw ndai zawn maisau gumdin kaba hte hpang mat wa ai. Jahtum hta Shi Laika pru wa hkra re.

Ndai zawn ntsa de lung mat wa ai.

Jahtum hta ndai kaw pru wa ai re.

C box a mahtai ( File Recover a lam)

2011-06-07T22:16:00.001+06:30

Hkau Zau Ring a matu ndai software hte mai na re ngu kam ai. Software gaw PC Tools File Recover Software re.

Tinang delete galaw hkrup ai Database, Video, Music, Sumla, Documents ni hpe bai mai gang la ai hku re.

Install galaw na ladat gaw,User name hpe Black Riders bang na,register key hpe 5324-098E-4C80-DE71-F64C-14C6-6B0C-0DD7-D21D-DAC9-A482 ndai la bang jang full version lu sai.

Aten nau nlu jaw ai majaw. Nau nlu sang lang dan ai a majaw ma chye na ya rit. Awng dang u ga.

Bangkok hta Internet hpe free lang ga

2011-05-31T22:26:00.001+06:30

Ngai Jawng Laika ni hte kyin nga ai majaw blog update nlu galaw mat ai. Dai a majaw yawng hpe shawng ning nan, tawng ban dat n-ngai. Ngai Bangkok kaw du ai laning mi na mat sai.

Ndai zawn re page hta shang ra na re
Bangkok kaw gaw internet hpe Miwa mung hkan na zawn (eg. Hotel)free n-mai lang ai. Du ga ai ni gaw chye na re. La ma wa, malet n-hprang e du yang, Internet hpe free mai lang na matu true wifi ngu ai hte lang ga.

User name hte password gaw ra ai. Dai hpe gaw n dai shara hta n jaw da ai. Bangkok sa wa na rai jang ngai(KACHINBEE) hpang de email hku shana wa jang jaw dat na.SNR Chat Box (shout box) kaw madu a email mai jaw da ai. Ngai hku na shagun ya na. Dai gaw lawan dik re.

Free re majaw loi gaw gau ngwi na re. Phone hkan e lang yang gaw grau manu na re.
Lang na matu gaw computer snr phone hta truewifi ngu ai line hpe shawng tam ra na re. Dai hpe mu jang connected byin hkra matut dat u.

Ndai hku mu jang mai lang sai

Lu sai nga hte internet hpe lang mai sai. Dai shaloi user name hte password hpyi na ra ai.Ngai shagun ya ai user name hte password hpe bang na lang yang mai sai.

New feature on Facebook

2011-03-20T14:53:00.001+06:30

Blog update n-galaw ai mung ram ram na sai. Ndai lang gaw, facebook kaw jat wa ai ladat 1 hpe tsun dan mayu ai. Jawng kaw ngai na mang 1 san na facebook kaw tam yu ai. Ndai lam hpe ngai na mang ni yawng mung chyelu hkra mara dat ya ai re.

Facebook hkan e comment hte post hkan e mu ga na re. Post shing nrai comment galaw ai hta manang a mying shara kaw, shi profile hte hpawn lawm ai. Shing nrai web link ni lawm ai ladat re.

Galaw na ladat gaw, a loi sha re. Manang a mying n ka shi yang " @ " hpe dip da ra ai.
Ngut jang ka mayu ai mying shing nrai web a shawng na laika ka dat ai hte ntsa na sumla zawn mu lu na re.
" @ " hpe facebook kaw jai lang ga.

Japan N'nang Nawn hta gadai wa mat nga ai kun?

2011-03-11T18:16:00.003+06:30

N'nang nawn byin ai majaw, dai shara hta nga ai ( du nga ai/mu galaw nga ai ) Jinghku jingyu ni hpe tam mayu yang ndai site hpe lang let tam ga.

8.9 Earthquake struck Japan triggering a Tsunami Alert

2011 Japanese Earthquake and Tsunami

Tsunami Messages for All Regions (Past 30 days)

Latest news

Miwa ga, Yiang Jang hta byin ai hpe ndai kaw yu ga...

12 killed, hundreds injured in SW China earthquake ( Kachinnews )

Earthquake sends alarm to hydraulic planning ( China Daily )

NBa Pa Manau Poi saw shaga ai lam

2011-02-15T12:16:00.001+06:30

SAW SHAGA AI LAM

Jinghpaw Wunpawng Htung Hking Labau Hkridun Masat Manau Poi hpe Man Maw Gin wang, NBa Pa Mare hta npu na Lamang hte maren galaw na rai ga ai majaw hkawp myitsu Du salang kanu kawa ni yawng sa du shang lawm ya na matu hkungga let saw shaga dat ga ai.

Manau Poi Shabyin Shatai Komiti

POI LAMANG

Ninghtoi: - 20 March, 2011 - Manam Zup

21-22 March, 2011 - Manau

23 March, 2011 - Manam Bra

Shara: - Man Maw Ginwang, NBa Pa Mare.

Tel: - +86-(0)692-6233563

+86-13759232412

+86-15184920800

Rawt Malan Mungga 2011

2011-02-04T17:01:00.000+06:30

(50) Ning hpring Amyu Sha Rawt Malan Masat Ninghtoi hta maigan mungdan shara shagu de du nga ai Wunpawng Amyu Sha ni yawng hpe htet shana dat ai.

Wunpawng Mungdan Shanglawt Hpung (KIO) gaw jet ai Munghpawm (Federal Union) byin tai wa hkra n’gun kaba hte lahkam sa wa nga ai re.

Dai zawn byin tai wa lu na matu;-

- Mungdan kata na rudi amyu sha laknak lang rawt malan hpung ni yawng hte rudi amyu sha wuhpung wuhpawng yawng myit hkrum n’gun kahkyin wa lu hkra lam tam myit ningchyan shaw shakut nga ai.

- Jet ai munghpawm byin tai wa na hpe ra sharawng ai mungdan kata na mungmasa wuhpung wuhpawng ni hte lata gindun n’gun gumhpawm lu hkra shakut nga ai.

Ndai zawn aten ladaw sat lawat kaja aten hta maigan du nga ai Wunpawng Amyu Sha ni yawng mung ningmu hkrum, makai hkak hkak hte Amyu Sha lam yan hpe tinang du nga ai shara kaw nna mahkrun tam shang lawm na gaw madung rai nga sai.

Amyu sha rawt malan magam lit hta ladat amyu myu hku nna madi shadaw shang lawm nhtawm myit mada ai pandung de du hkra jawm shakut sa wa ga.

Amyu sha mungmasa magam lit hpe Mali Hka nu lwi ai zawn matut n di ginlen sa wa na matu Wunpawng Amyu Sha Ramma yawng hpe lit jaw shatsam dat ai.

(50) Ning hpring Amyu Sha Rawt Malan Masat Ninghtoi hta Wunpawng Mungdan Shanglawt Hpung, Ginjaw Komiti Tingnyang Up kaw nna Wunpawng Amyu Sha yawng hpang de htet shana ai Rawt Malan Mungga hpe mung shagun jaw dat ai.

Ginjaw Komiti

Wunpawng Mungdan Shanglawt Hpung

Rawt Malan Mungga 2011

PKDS 16 ning hpring chyeju shakawn poi

2011-01-04T22:13:00.000+06:30

Jinghpaw Wunpawng Amyu Sharawt Hpung a 16 ning hpring Chyeju shakawn poi hpe Chinang Mai, Thailand, kaw Feb. 2-4 , 2011 hta galaw na ga ai.

Yawng sa du n-gun jaw la na hpe saw shaga dat ga ai.

Pkds 16 Ning Ladu Hkrum Poi English

Facebook Kaw MP3 mara ai ladat

2010-12-27T14:30:00.001+06:30

Facebook kaw MP3 mara ai ladat gaw, DivShire hte MixPod Music Playlist ni rau mai ai lam gaw yawng chye sai. Sumla hte video ni gaw share galaw loi tim MP3 gaw loi yak ai hku re.

Dai majaw, MP3 hpe gara hku mara ai. Gara hku share(garan) ya mai ai. Ningmu (comment) ni mai jaw hkra galaw ai ladat hpe tsun dan na.

Ndai ladat hpe ngai KNG Facebook kaw "Christmas Laksan Lamang" a matu tam let mu la ai majaw gara dat ya ai re.

Galaw ra na lam gaw:
1. Tinang a MP3 file hpe Upload galaw ra ai. Dai hpe gaw facebook kaw n-galaw ai sha Ndai shara kaw register galaw na mara dat ga. Register mung grai loi ai. Email hte password lata bang sha re.

2. Lu wa ai shara kaw shang n-htawm, tinang share ( garan ) ya mayu ai Mp3 hpe Upload galaw ga. ( Matsing: MP3 sha nre, dai kata kaw grai nga ai hpe mu na re. Mying ni hpe mung mai galai ai. )

3.Mying galai ai ngu ai hta npu kaw na sumla kaw dip na galai mai ai. Dai kaw kalang dip yang Mahkret langai ( - ) byin mat na re. Dai hku sha di da jang gaw n mai garan sai. Dip yu yang chye na ra ai.

4. Lu wa ai link hpe dip let download mai galaw ai zawn. Download ngu ai shara kaw dip dat ai hpang pru wa ai RUL link hpe copy di da ga. Dai hpe facebook kaw bang na re.
( Ndai zawn re link re: http://f.cl.ly/items/0r1G0M17181U1c133z0Q/L122010_Hkrisamat.mp3 hpang kaw .mp3 hte htum ra ai. Ndai link hpe facebook kaw chyam yu yang mung mai ai.)

5. Copy galaw da ai RUL link hpe madu a facebook kaw sa nhtawm, Link nga ai shara kaw dip na bang dat ga. Ngut jang Attach galaw na hkum malap.

6. Attach ngut jang gaw mai madat sai. Manang ni hpe mung mai garan ya sai. Comment hte like mung mai jaw sai.

Yawng Aung dang u ga. Tinang a nsen ni hpe mung mai sa ya sai hku re. Myit ra ai hku galaw mai sai.

Chyeju kaba sai.

Japanese Government Scholarships for International Students

2010-12-21T16:38:00.002+06:30

Email kaw du ai gaw loi na sai. Yawng a matu akyu rawng na re ngu kam let garan ya dat ai.

2011 Applications to Japanese Government (Monbukagakusho) Scholarships
is now open to international students around the globe including
Africans, Asians, Latin Americans, and South/East Europeans. Pursue an
Undergraduate or Postgraduate Degree at one of the Universities in
Japan. Deadline varies per country but is around March-April 2011.

Form hpe ndai kaw Download galaw la ga.
--
Myanmar Egress Scholarship Resource Center
1st Floor,Thamada Hotel Business Suite,Yangon.
Tel: +95 1 255604,388367 Ext - 105
--
You received this message because you are subscribed to the Google
Groups "Myanmar Egress Scholarship Resource Center" group.

To post to this group, send email to
To unsubscribe from this group, send email to
For more options, visit this group at

2010 Wunzup Hkristmas Nawku Hpawng De Saw Shaka Dat Ai

2010-12-20T01:26:00.001+06:30

Hkristu Hta Tsawra ai.............

Nu, Wa, Hpu, Nau,Na ni yawng hpang de ngwi pyaw ai
Hkristmas ten rai u ngu shakram dat nngai law.

Karai Kasang ai chyeju shingnip hta hkawm sa let 2010 ngu ai nhtoi ladaw ni
hpe pri nem ai hku lai di wa lu saka ai. Aw .. ya.. n dum shani Yesu shangai wa ai
Hkristmas ten bai du sai i?/??/? Ma prat ten gaw Hkristmas grai du yak la ai zawn nga ai, raitim ya gaw hpa rai ya sha ya sha Hkristmas bai du wa wa re ai zawn nga hkam sha a ta?///?? Sawn yu hpa langai rai nga...i.....hey...malap nga n ni.Ya mung Hkristmas du wa ra ai.Na myit kraw kata kaw rai n hkristmas shi ai kun ?? ...Hkristu hte rau Shi a shangai n-htoi

( Hkristmas ) hta kabu gara shanglawm ga. Hkristu nlawm ai sha shi a birthday ( Hkristmas )
n galaw ga. Anhte a Hkristmas Poi hta Hkristu shang lawm u ga shara jaw ga. Shi hpe shara jaw na hkum malap kau re lu yaw . Hkristmas a matu hkyen ra ai lam, lajang ra ai lam , shajin ra ai lam ni hpe sha n rau nhtau rai hkyen lajang nga let Hkristu hpe shara jaw na hkum malap kau lu.
Dai ni na na a Hkristmas hta Hkristu n mat mat u ga kyu hpyi ya let,
Hkristu Hta,

Maran Hka Li
Kachin Chruch Bangkok