The Voice Of Somaliland diaspora-Ottawa

Kulmiye oo ku guulaystay doorashaddii madaxweynaha

noreply@blogger.com (Ahmed Quick) — Fri, 02 Jul 2010 15:53:00 +0000

(Waridaad)-Xisbiga Kulmiye iyo musharaxiintiisa ayaa ku guulaystay doorashaddii ka dhacday dalka June 26, 2010, taasoo ay ku kala guulaysteen Madaxweyne Axmed Maxmed Maxamuud Siilaanyo jagadda Madaxweynaha shanta sanadood ee soo socota, halka uu isna ku guulaysta Madaxweyne ku xigeen Cabdiraxman Saylici.

Xisbiga Kulmiye waxuu helay 49.59% halka Udubna ay heshay 33%, Ucidna ay heshay 17%.

Waxaa isna xalay hambalyeey madaxweynaha cusub mudane Faysal Cali Waraabe, waxaa isna maanta hambalyeeyey madaxweynaha cusub, mudane Daahir Riyaale Kaahin oo cadeeyey inuu si xarag leh ku wareejin doono xilka.

Waxaa madaxweyne Siilaanyo mar saxaafaddu ay ku booqatay hoteel Mansuur oo ay hadda ku jiraan labada masuul uu sheegay in sharciga degdega ah la lalin doono, isagoo xusay in xeerka argagixsadda uu sidiisa ahaan doono, fariin u diray cida ay khusayso in ay ooda ka rogaan cidii aan wax danbi ah lagu haysan marka laga reebo inta u xidhan arrimo argagaxnimo.

Waxaa maanta oo jimce ah ay tahay ummadda reer Soomaaliland ku cibaadaysanayaan masaajidada dalka iyagoo ilaahay ugu mahad naqaya si fiican ee doorashadu ugu dhamaatay iyo isu hambalyanta ka soo yeedhay labada musharx ee kale.

Dhinaca kale wararka caalamka ka imanaya ayaa sheegaya in doorashada ka qabsoomtay Soomaaliland ay tahay mid caalamku u qushuucay noqonaysona mid u horseeda Soomaaliland inay himilooyinkooda jawaab fiicaan ka bixin doonta, caalamkuna aanu maanta indhaha ka qarsan doonin.

Waxaa iyana ah fariin 26kii June oo ahayd maalintii Soomaaliland ka qaadatay Ingiriiska, kuna beegeen doorashadii madaxweynaha Soomaalinad kuna dhawaaqeen 1dii July oo ahayd maalintii Soomaaliland calankeedii u qaaday koonfur, iyagoo doortay madaxweyne cusub oo ku yimi rabitaan shacab, dhambaal u ah cid kasta oo gooni isu taaga Soomaaliland muran gelisay.

Axmed Quick

Hargaysa, Somaliland

Natiijooyinkii madaxtooyadda oo goor dhow lagu dhawaaqaayo

noreply@blogger.com (Ahmed Quick) — Wed, 30 Jun 2010 08:58:00 +0000

(Waridaad) - Wasaaradda Daakhilaga ayaa xalay ilaa maanta ku hortaagnayd sanaaduuqdii, Garadag iyo Awdal iyagoo u soo socda xarunta guud ee komishinka.

Waxaa gudoomiyaha doorashooyinka mudane, Ciise Xamari la hadlay taliyaha ciidanka poliska qaranka isagoo waydiiyey sababta ay u xayireen sanaaduuqdaa, kuna jawaabay inay wasaaradda daakhiligu amarkaas xanibaada bixisay, isagoo ka cudur daartay inuu sii daayo, una janjeediyey eedaa wasiirka daakhiliga.

Gudoomiyaha oo arrintaa daba socdaana la xidhiidhay wasiirka daakhilga taasoo wasiirku qaban waayey telephonkiisa, taasoo ka cadhaysiisay gudidda doorashooyinka una sheegay inay cododka dalka oo dhan ay hayaan, haday sii dayn waayeen iyo haddii kalena aanay habsami u socda waxba u yeelayn, haystaana natiijooyinka dalka ka soo baxay oo dhan.

Haddaba sida warwar u dhawdhaw ay sheegayaan waxaa lagu dhawaaqayaa natiijada ka ma danbaysta ah maanta oo ay tahay Arbaca.

Halkan kala soco wixii soo kordha.

Axmed Quick

Hargaysa, Somaliland

Gudoomiyahii Guurtida oo maanta ku soo laabtay dalkii hooyo

noreply@blogger.com (Ahmed Quick) — Fri, 15 Jan 2010 11:44:00 +0000

(Waridaad)-Waxaa maanta oo Jimce ah ku soo laabtay dalka, Gudoomiye, Saleebaan Nuur iyadoo maalinta sabtida ay ku simayaashiisu u balansan yahiin wax kabadalka gudi hoosaayadda si loo fudeedeeyo bedelista gudoomiyaha, uguna hawl fududaato mashruuca Riyaale ee mudo kordhineed ee loo xil saaray Fure iyo ku xigeenadiisa.

Arrinkan ayaa dadweynahu aad u soo dhaweeyeen, kuna noqotay afkla qaad, Udub iyo kaaliyaashooda guurtida u dhex fadhiya.

Waridaad media centre

BAAQ KU WAJAHAN SHIRGUDOONKA GOLAHA GUURTIDA.

noreply@blogger.com (Ahmed Quick) — Sun, 10 Jan 2010 21:59:00 +0000

(Waridaad)- BAAQ KU WAJAHAN SHIRGUDOONKA GOLAHA GUURTIDA.
　
　
KU: Gudoomiye kuxigeenka koowaad iyo labaad ee
Golaha guurtida; sheekh Axmed Nuux Furre iyo Siciid Jaamac Cali.
　
KA. Golaha qurba jooga S/land ee Yurub iyo Waqooyiga America.
　
Iyadoo Somaliland sanadihii u danbeeyeyba ay shicibkoodu la tacaalayeen , lana kacaa kufayeen horumar la’aanta dhinacyada; dhaqaalaha, caafimaadka, waxbarashada iyo guud ahaan adeegyada bulshada, ayaa waxaa labadii sano ee u danbeeyeyna dalka gil-gilay khilaafka siyaasadeed iyo mudo kordhin aan dastuuri ahayn oo golaha guurtidu xukuumadda Riyaale ugu Kordhiyeen Mudo dhawr jeer ah.

Heshiiskii ka koobnaa lixda qodob ee sodonkii bishii September lagu kala saxeexday maxadtooyada Somaliland ,ayaa ahaa midkii lagu soo afjaray khilaafkaa ka dhashay mudo kordhinta iyo dibu dhaca mudada doorashada, kaasi oo soo afjaray;

1- Doodii maamuus ka xayuubinta Madaxweynaha iyo ku xigeenkiisa ee ka socotay golaha wakiilada.

2- Mooshinkii xukuumaddu dabada ka waday ee mudo kordhinta oo isna yaakay golaha guurtida, kaasoo ay isku maan dhaafsanaayey xubnaha golaha ku jiraa, shicibkuna kaga soo horjeesteen isu soo bax ay ku sameeyeen golaha guurtida hortiisa.

3- Go’aankii labada xisbi mucaarid ee ku salaysanaa in marka la gaadho sagaal iyo labaatanka October labada kun iyo sagaalka aanay jiri doonin xukuumad uu Madaxwe
yne ka yahay Daahir Riyaale.

Hadaba haddii aanu nahay xubnaha hoos ku xusan, kuna bahoobay golaha qurba jooga S/land, waxaanu u aragnaa muranka ka soo cusboonaaday golaha guurtidu inuu dib u abuurayo khilaafkii siyaasadeed, carqaladna galinayo hawlaha doorashada ee hadda gacanta lagu hayo, iyadoon wakhtigan xaadirka ah loo baahnayn xeer iyo gudi wax laga badalo.
　
Waxaanu ugu baaqaynaa gudoomiye ku xigeenka labaad ee golaha guurtida Sheekh Axmed Nuux Furre, ahna sii hayaha jagada gudoomiyenimo ee golaha guurtida iyo ku xigeenkiisa Siciid Jaamac Cali, inay ka fogaadaan wixii dalka iyo dadkaba ku keenaya khilaad hor leh, khilaafkaasoo aan dalka iyo dadkaba dan u ahayn dulqaad danbana aan loo lahayn.

Waxa kale oo aanu halkan hanbalyo ugu soo jeedinaynaa gudida komishanka qaranka oo ka hawl galay deminta khilaafkaa cusub ee golaha guurtida, una arkay mid lagu waxyeelaynayo hawlaha doorasho ee ay hadda gacanta ku hayaan.

1- Maxamuud Caydiid Lafcanbe.
2- Cali Aadan Cawaale.
3- Cabdirisaaq Ibrahim ( Alpho ).
4-Xaaji cumar Cismaan.
5- Xaaji Yusuf Xasan Umal.
6- Maxmuud xasan ( Nugidoon )
7- Xasan Axmed Geedi ( Hunbus )
8- C/llaahi M. Saleebaan.
9- Max’d Cismaan Axmed.
10-Mukhtaar Xaaji Aadan.
11- C/risaaq Xuseen Balayax.
12- Maxamed cusmaan.
13- Xuseen Axmed Caydiid
14- M. M. Muumin
15- Cumar Xaaji Aadan.
16- Yaasiin Xasan Xaaji Aadan
17- sarmad Sheekh Culujoog.
18-Fu’aad Yusuf Maxamed.
19- Ismaaciil Ducaale Cilmi.
20 Maxamed Xaashi Bacado.
21- Yusuf Xirsi Axmed xariir
22- C/raxmaan Iiman war same
23- Axmed xasan Cunaaye.
24- Khadra Ibrahim Warsame
25- Maryan Maxamuud Cali.
26- Jaamac cabdi Badhaadhe.
27-Cabdi cabdillaahi jannaale.
28- Mubaarig Yusuf ( Bidhi ).
29- Bashe A. Cumar.
30- Cali Maxamuud Jaamac
31- Axmed Xasan Axmed ( Quick )
32- Cabdoo Aayir.
33- Maxamuud Nuur ( Xariif )
34- Maxamed Baashe Aw Cali.
35- Xasan Xaaji.
36- Maxamed Axmed Madar.
37- Faysal Axmed Caydiid.
38 Cabdillaahi Sellin
39- Suldaan Siciid Kabadhe ( Sulaan Kabadhe ).

WAA TAHAY WADAAD SHARIIF MAANTANA MAXAAD TIDHI….?

noreply@blogger.com (Ahmed Quick) — Fri, 04 Dec 2009 05:58:00 +0000

(Waridaad)-
WAA TAHAY WADAAD SHARIIF MAANTANA MAXAAD TIDHI….?
Bani Aadamka Ilaahay abuuray tasarufaatkiisa waxbaa xakameeya: Hanoqota mid Diineed, mid dhaqan, mid dadnimo oo damiirku ka xishood waxyaabaha qaarkood. Ma haddiise Aadamaha joojiyuhu u fakado wax la xeeriyaaba ma jirto. Hab dhaqanka siyaasiyiinta Soomaali konfureed ayaa manta ka dhigan moodhikaar injiinkii u fakaday. Wadaad Shariif iyo ina Cabdirashiid, kuwii ka horeeyey, iyo kuwa ka dambeeyaba xaaloodu waa siduu Ilaahay Qura’anka Kariimka ku sheegay: “ Man kaana fii haadihii acmaa fa huwa fil aakhirati acmaa wa adalu sabiilaa.” Ragga tamartoodii dhaafiweydey in ay adduunka ka dhowteystaan oo ay kiish kunta ka daloola hadba meel ula cararaan oo ay gacmaha hoose hoorsadaan ajnebi. Weli ma dareensana magacii xumaa ee la kowsaday dowladdii lagu hungoobay ee lixdankii dhalatay eek u caanbaxday qabrigii qaraamaadka addunka. Wadaad Shariif iyo ina Rashiidoow ummadda reer Somaliland indinka iyo qeyrkiin midna wax ka sugimeyso dibna wax ula wadaagimeysoe, samir iyo iimaan Ilaahay ha idinka siiyo midnimo Soomaaliyeed oo dib loosoo yagleelo.

Wuxuu yidhi: Maandeeq markay curatay ay laba mataanaysay eed midig ka Haaneeday, markayaal markaad heemiseen ee maataadii qadisey, maantana midaad soo waddaa sow macaac ma ? aha//: Waa taan isniintii dhoweyd awrta kuu raraye, maantana maxaa I kaa ag dhigay sow arbaca ma aha? Nin indho la’ oo dhego la’ oo hadba dhinac u rooraya wuxu halis u yahay in uu aakhirataanka haadaan ka shalwado. Hore waxa loo yidhi waano dhalan baa ka adage miciin ha moodo kub aan daalin, kubo an dhergin, iyo kas aan garan. Wanaag iyo walaatinimo hore ayey Walaweyn u deeqi weydeye ilaa inta suurtii yumal qiyaamaha la afuufayo midnimo Soomaaliyeed weligiinba ku eedaama, taasi u ka dhian siduu Qur’aan sheegay: “ Kamaa ya’isal kufaaru min asxaabil qubuur” ama “Xattaa yalujal jemelu fii simmil khayaad.” Nin hoggaan siyaasadeed u hanqal taagay seddex hal in uu ku sifoobo waa xaraan: Ma quuste, ma qabsoome, iyo ma qaderiye! Wax yaab noqotay labaatankan sannadood ee u dambeeyey siyaasiyiintii koonfureed seddexdaa hal ayey ka masoobeen. Nin kaa tashaday oo dalkoodii dhistay wax idin kulmiyaaba jirin waxaad u daba gebleysaaba waa gardaro. Marka hore Soomaali koonfureed ha is weydiiso waxa looga tegey. Markay Soomaali koonfureed teeda meel dhigto tu cid kale haka hadasho.

CULIMADII SHALAY IYO KU MAANTA?

Werdi iyo kitaab, wacdi iyo wax sheeg intii la xidhiidha Diinta Islaamka waxa lagu ogaa wadaad caalim ah oo bulshada ka mudan qaderin, sharaf, maamuus, iyo karaamo gaar ah oo salka ku haysa xadiiska odhanaya, “ Culimaa’u ummati ka anbiyaa bani Israaiil.” Oo macnihiisu yahay culimada ummadeydu waxay la midyihiin nebiyadii reer Israaiil.

Marka aynu is barbar dhigno culimadii hore ee Soomaaliyeed iyo kuwomaantajooga ayaa faraq weyni u dhexeeyaa. Hirdanka culimadii hore iyo kuwa manta ayaa salka ku haya dagaal qadhaadh oo dibadda laga soo maamulayo looguna talo galay in ummadda Soomaaliyeed caqiidadeedi shaki la geliyo hilfahana loogu laabo Madhabtii Shaaficiyada ee boqolaalka sannadood aynu ku soo dhaqmayney. Aaafadan ayaa si gaar ah ugu habsatay Soomaali Konfureed ka dib markay hadhaagii Siyaad Barre ay qori u adeegsadeen Kitaabkii Ilaahay.

Waa masiibadii bilowga boqol guurada shan iyo tobnaad ee tariikhdii Hijradii Nebi Muxamed Sallalaahu Calayhi wa Salam, oo lagu tijaabinayo deegaanada Soomaalida dhammaantood.

RAADRAACKOOBAN TAARIIKHDII ISLAAMKA

Hadaba marka aynu bilowga taariikhda Islaamka dib u raacno, ayaa waxa jirta in markasta oo ay boqol guuro buuxsantaba in fitno aan hore loo arag lana maqalini dhacdo. Tii ugu dambeyseyna waatan riiqdeedii sii qoyantahay(1399H). Bal hada aynu dib u raadraacno siddeedii boqol ee sannadood ee taariikhda Islaamka u horesey iyo waxyaabihii dhacay:

Masiibadii u horessey: Waxa dhacday fidmadii Xujjaaj Bin Yuusuf Al Thaqafi, waa tii uu masaajid kaga khudbadeeyey, “ Yaa Ah-lal Ciraaq, yaa Ahlal-kurfi wal-nifaaqi waash-shirki, innii araa ru’uusan qad aynacat wa xaana waqtu qidaafuhaa; la tacrifuunii mattaa adicu cimaamati..”=” Reer Ciraaqoow, waxa la bahaowdeen Gaalnimo, munaaqnimo, iyo Ilaahay oo cid kale ku lammaaneyseen; waxa ii muuqda madaxyo bislaaday oo xiligii la goyn lahaa gaadhay; waxay dun I garan markaan cimaamadda dhigto..” Xujjaaj hadalkiisii wuu kaga dhabeeye oo ummad farabadan ayuu dilay.

Tii labaadna: Waxay la kowsatay dagaal ba’an oo dhexmaray Ma’muun [Cabdallah Abu Al-Cabbas ibn Rashiid] iyo walaalkiis oo uu si foolxun u dilay. Waxa kale oo taa ka darneyd in Ma’muun ummaddii ula shir yimaado wax aan hore loo maqal ooo ahayd in Qur’aanka Kariimka ah la abuuray- Sumxaan Allaah min Ma’muun.

Tii Seddexaadna: Waxa soo baxay nin la yidhaa Alqurmudi iyo wixii ka dhacay caleemo saarkii Al-Muqtadir Billaah Abu Al Fadl Jacfar Ibn Muctadad Ibn Al-Muwafaq Dalxa Ibn Mutawakil Ibn Al-Muctassim Ibn Rashiid,wakhti yar ka dib xilkii ayaa Muqtadir laga xayuubiyey, waxana lagu bedeley Ibn Ul-Muctas Billah Muxamed Abu Cabdallah Ibn Mutawakil Ibn Muctasim Ibn Rashid. Ibn Ul-Muctas isna xilkii ayaa laga xayuubiyey, khilaafadiina waxa dib loogu caleemo saaray Al-Muqtadir, isna markiiba wuxu ku dhaqaaqay in uu gowraco Qaadigii iyo Culimo kale oo fara badan, dil, dhac, boob, iyo tacadiyo kale ayaa dowladdii Islaamka hadheeyey.

Tii Afraadna: Waxa yahayd Fidmadi Al Xaakim Bi-Amrillah[Abu A- Cabbaaas Axmed bn Abi Cali Al-Xasan Ibn Abi Bakr Ibn Al Xasan Ibn Cali Al-Qubi Ibn Al-Khaliifah Al-Mustarshid Bilah Ibn Al-Mustadhir Bilah] iyadana sheekadeeda. Halkan laguma soo koobi karo.

Tii Shanaadna: Waxay dhacday markay Saliibiyiintu la wareegeen Beit Ul-Muqadas iyo dhulkii la odhan jirey Sham.

Ta Lixaadna waxa dhacay sicir barar aan hore loogu ilaa sebenkii Nebi Yuusuf
Ta todobaadna waxay ahayd weeraradii Tataarku ku soo qaadeen dowladdii Islaamka oo dad aad u tiro badani ku nafwaayeen oo dhiig badani ku daatay.
Ta Siddeedaadna wa dagaaladii dhexmaray Islaamka iyo Tamerlane.

HADALADA KOOXDA WADAAD SHARIIF

Intaa haddiii aan ku dhaafo hordhacii tusmadan, waxan jecelahay in aan waxooga ka idhaado hadalo aad u macno daran oo had iyo jeer ka soo yeedhay hadba ciddii loo cumaamado talada Soomaali koonfureed oo ay ugu dambeysey tan wadaad Shariifka Muqdusho lahaa Somaliland annaga ayey sugeysaa inta aanu xasileyno ee xiska iyo maanku dib noogu soo noqonayaan. Waxaad aad moodaa in tubtii uu kii u horeeyey maray in kuwa dambena ku raadjoogo oo ay taxliil wada cabeen. Aadamaha sidiisaba waxa uu hadalku ku habooyahay in uu marka hore u meeldayo oo aanu ka noqon waran isaga dib ugu soo noqda. Waxa dunidii waakeeyey wadaad werdigii, wacdigii, weysadii, iyo Kitaabkii lagu ogaa intuu xooray yidhi siyaasad ayaan u xuubsiibtay oo anna wey kan. Isla markiiba waxa ka barbar oogsaday kuwo aan Kitaab iyo Diintoona ehel u ahayn oo Kitaabkii Ilaahay ka dhigtay wadkii Soomaali dabargoynayey. Wadaad Shariif iyo kooxda uu horboodayaa marka ay maareeyaan halaaga ay ummadoodii u horseedeen ka dib arrimo kale ha ka hadlaan. Gaar ahaan wadaadka waxa la gudboon marka u horeysa in uu isku dayo bal in uu midigtiisa iyo bidixdiisa mattaaneeyo oo meel isugu keeno inkastoo aanya taasi marnaba u suurto geleyn.

WADAAD IYO DOWLADNIMADII LIXDANKII?

Ilaa intii ka dambeysey gobanimadii lixdankii koleyba wadaada waxbaa laga urinayey oo haddii aynu tilmaan u soo qaadano berigii[1961] loo codeynayey Distoorkii/Xeerkii Israaca waxay kaba caddu ku balweyn jirtey:

Waa tahay wadaad wadadii cadeyd naga weecise; Waa tahay wadad wan dambood cuntaa waa kaa wallee.

Isla wakhtiyadaa ayaa Webi Shabeele iyo Juuba dulkii konfureed ku fataheen oo dad iyo xoolaba galaafteen. Addun weynaha ayaa soo gurmaday oo deeqo raashin iyo daawooyin isugu jira deg deg u soo gaadhsiiyey. Waxay kale oo jirtey in dowladdii Soomaaliyeed ee xiligaa jirtey dadkii hormoodka ka ahaa in ay ku taliyeen in mucaawinooyinka laga soo dejiyo Boosaaso! Weynu qiyaasi karnaa goobta dadku ku tabaaloobay iyo halka wax laga so dejinayaa inta ay isu jiraan. Fikradda noocan ihi waa mid soo jirtey tan iyo maalintii wixii la isku odhan jirey Jamhuuraddii Soomaaliyeed iskeed u haligantay. Tusaalo kale haddii aynu soo qaadano waxa tan hore la mid ah wersheddii sibidhka ee Berbera laga dhisay muddo shan iyo tan sannadood ah ayaa la hadal hayey oo waxa dhacday golihii kacaanka oo maalin arrinta ka hadlaya in nin madasha fadhiyey soo jeediyey in dhagaxa Berbera baabuur lagu soo qaado wersheddana laga dhiso Buur Xakaba! Tani waxa markhaati ka ah mashaariicdii Soomaaliya laga hirgeliyey mudadii dhexeysey 1985-1990 oo qiimahoodu ku kacay US$4.3605 Billion, waxa Somaliland ka soo gaadhay US$142.00

Million, oo US$68.00 Million oo ka mid ihi ku baxday wersheddii sibidhka.
Dhalinyaro iyo waayeel meesha wax isdhaamaba kuma dhaqnee ma dhambal ayaa caqliga loogu shubay. Berigaa webiyadu fataheena dhalinyaradii kaba cadda la odhan jirey waxay ku heeseen:
Ilaahii Walaweynta webiga ku rogoow waraabahan shacabka rooraayiyo weeggan naga qabo wadaadada.

Toloow berigaana xagay wax ka qaloocdeen ee culimada laga raacay? Waa su’aal iswediin mudan.

SOOMAALI KONFUREED MAXAY KU HIRDAMAYSAA?

Si kastaba wax ha u dhaceen dhibaatada loo caalwaayey ee Soomaali koonfurees ragaadisey waa mid ay iyagu gacmohooday ku abuureen ee dowladdii Siyaad Barre wixii ay Somaliland ka geysatey iyo mid u dhow toona koonfur kulamay kicin. Tii oo koonfuri fayowdahay ayuu Siyaad Bare ka tegay, dabadeedna Cali Mahdi iyo Maxamed Faarax Caydiid ayaa xukunkii isku qabsaday oo Magaaladii Muqdusho ayaa noqotay goob dagaal oo laba dhinac u kala saffan. Markii xigaeyna Cabdiqaasim-Qasbaaye ayaa Carta, Djibouti lagu soo caleemo saaray. Isna Cabdillaahi Yuusuf iyo xulafadiisii ayuu tab ka rogi waayey wakhtigiina sidaas ayuu kaga dhammaaday. Waxa xigay Cabdillaahi Yuusuf oo isna Embagathi lagu soo caleemoo saaray; isaga iyo gacan yarihiisii Cali Geedi waxa ka horyimid kooxdii labaxday Maxaakiimta. Xasuuqyadaii Xamar ka dhacay dunidu wey ogtahay oo halkan laguma soo koobi karo. Cabdillaahi ujeedadii u kala haa markuu gaadhay ayuu Yaman magangelyo siyaasadeed isku dhiibay. Isbahaysigii Maxakiimtuna wuxu u kala jabay laba kooxood oo iskasoo horjeeda: Kooxda Asmara iyo Kooxda uu horboodayo wadaad Shariif ee Djibouti lagu soo dhoobdhoobay oo hadda dagaal qadhaadhi ku dhexmarayo meelo badan oo koonfur ka mid ah. Waa tabtii ninkii Carbeed ee gabyey laha:
Acdatu lil shcaraa’I summan naaqican; fa asqaytu aakhirahum ka’asal aweli= Waxan gabayaagii u diyaarshay sun ay ku go’aan,Kii u dambeeyeyna waxan ku waraabshey koobkuu kii u horeeyey ku cabbay!

Suntaa lagu le’day waxa manta ka dhigan hoggaanka madaxtinimo ee Soomaali konfureed ku halaagantay. Dambarkii maadeeq laga lisay oo sun isu bedel ayaa hadba mid cumaad madaxweyne duubtay leeyahay anna aan dhadhamiyee markayga ii dhiiba.

Halkaa ha inoo joogto

Axmed Cali Ibrahim Sabeyse

War degdeg ah: Xafiiskii Idaacadda Horyaal ee Hargeysa oo gubtay

noreply@blogger.com (Ahmed Quick) — Mon, 30 Nov 2009 17:14:00 +0000

(Waridaad)-Xafiiskii Idaacadda Madaxa bannaan ee Horyaal ee Magaalada Hargeysa, ayaa gubtay ka dib markii sida la sheegay uu qabsaday Dab ka dhashay Korontada Xafiisku.
Sida uu Somaliland.Org u sheegay Agaasimaha Idaacaddaas Cabdirisaaq Maxamed Dubbad, Dabkan oo ka kacay guud ahaan dhismaha Xafiiska Idaacadda Horyaal duhurnimadii maanta, ayaa baabi’iyay qalab iyo hanti badan oo Idaacaddaasi lahayd. Hase ahaatee, ma jiro khasaare nafeed oo uu Dabkani sababay.

Agaasimuhu wuxuu intaa ku daray in Dabkani ka dhashay Korontada ama Laydhaka Guriga ku jirtay oo Shoodh qabsaday, taasina waxay keentay sida uu Cabdirisaaq sheegay in guud ahaan Xafiisku gubto. “Qalabkii iyo Hantidii Idaacadda badhkood way gubteen, balse markii dambe waxa lagu guulaystay in la bakhtiiyo” ayuu yidhi Cabdirisaaq Maxamed Dubbad.

Xigasho: somaliland.org

War Degdeg ah: Wasiir ka tirsan Xukuumadda Somaliland oo geeriyooday

noreply@blogger.com (Ahmed Quick) — Fri, 20 Nov 2009 16:50:00 +0000

(Waridaad)-Wasiirkii Macdanta iyo Biyaha Somaliland Qaasim Sh. Yuusuf, ayaa maanta ku geeriyooday Magaalada Makka ee Sucuudiga.

Allaha u naxariistee sida uu sheegay Agaasimaha Wasaaradda Warfaafintu, Marxuum Qaasim Sheekh Yuusuf oo dalka Sucuudiga u tegay gudashada waajibaadka Xajka, ayaa halkaa ku geeriyooday.

Waridaad media centre

Tacsi ka timi Jaaliyadda Somaliland ee Ottawa

noreply@blogger.com (Ahmed Quick) — Thu, 19 Nov 2009 13:53:00 +0000

(Waridaad)-Anagoo ah jaaliyadda Somaliland ee Ottawa, waxaanu tacsi tiiraanyo leh u diraynaa, ehelkii, qaraabaddii iyo asxaabtii uu ka baxay Marxuum Cabdi Xaaji Yasin, oo ku geeriyooday magaaladda Ottawa Salaasaddii bishu ahayd 17th November, 2009 @ 5:30pm.

Waxaa marxuumka aaskiisii ka soo qayb galay dadweyne tiro badan oo ka kala yimi goboladda Kanada. Waxaanu ilaahay uga baryeynaa inuu marxuumka janaddii Fardosa ka waraabiyo, qabrigana u nuuriyo, samir iyo iimaana inaga wada siiyo.

Aamiin Amiin Amiin,

Jaaliyadda Ottawa Somaliland

Axmed X. Axmed - Quick

Komshinkii Qaranka oo lawada ansixiyey

noreply@blogger.com (Ahmed Quick) — Sat, 24 Oct 2009 16:28:00 +0000

(Waridaad)-Golaha Wakiilada Somaliland ayaa saaka Cod-aqlabiyad ah ku ansixiyay dhamaan Toddobada Xubnood ee loo soo xulay Guddida Komishanka doorashooyinka, kuwaasi oo Madaxweynuhu u todobaadkii ina faadhay uu Golaha Wakiilada u soo gudbiyay in ay ansixiyaan.

Magacyada xubnaha cusub ee la ansixiyay:

Magacyada saddexda xubnood ee madaxweynuhu magacaabay waxay kala yihiin:
1. Maxamed Axmed Xirsi Geele.

2. Eng: Ciise Yuusuf X.Maxamed (Egn; Ciise Xamari)
3.Faarax Abiib Aadan.

Labda xubnood ee golaha guurtidu soo xuleen waxay kala yihiin.

1.Raabi Shariif Cabdi Maxamed.

2.Cabdiraxmaan Maxamed Ismaaciil.

Xubinta uu soo xulay xisbiga Kulmiye waa:

1.Cali-Khadar Xasan Cismaan

Xubinta Xisbiga UCID

2.Cabdifataax Ibraahim Xasan.

Waridaad media centre

Xubno iska casilay Komishinka Qaranka

noreply@blogger.com (Ahmed Quick) — Sat, 03 Oct 2009 10:47:00 +0000

(Waridaad)-Ismaaciil Muse Nuur oo ah xubintii laga soo magacaabay madaxtooyadda iyo Khadar Maxamed Guuleed oo uu soo magacaabay xisbiga UCID, ayaa maanta si rasmi ah isaga casilay xubinnimaddii iyo xilalkii ay ka hayeen Komishinka Qaranka.

Waxaa ilaa iminka la sugayaa xubinihii abuuray ismaandhaafkii siyaasadeed ee dalku galay, kuna sigtay in uu burbur gaadho oo weli muusanaab iyo reer baan ku nimi la soo taagan.

Waxaa heshiishkii sadexda xisbi qaran kala saxeexdeen ka mid ah in komishinka la bedelo, xisbiyadduna ku heshiiyeen, taasoo kalsoonidii Komishinka baabi'isay.

Waridaad media centre

DEG-DEG - Kulmiye iyo Ucid oo guulaystay

noreply@blogger.com (Ahmed Quick) — Fri, 25 Sep 2009 07:42:00 +0000

(Waridaad)-Waxaa saaka ku soo galay dhuumasho golaha Guurtida xildhibaanaddii muxaafidka ahaa oo dhamaan xalay seexday gurigii cusbaa ee ina Riyaale dhistay ee ka danbeeyey golaha Guurtida iyo shacabkii oo isoo bax iyo isuruursi ku jira.

Madasha golaha markii xildhibaanadu ku soo dhamaadeen ayaa codkii mudo kordhinta la qaaday laguna ansixiyey in mudada Madaxweynaha iyo ku-xigeenkiisu noqoto bil lagu daray mudada Server-ka ay khubaradu ku hagaajiso, isla xiligaana doorashadu dhacdo taasoo waafaqsan heshiiskii sadexda xisbi wada qaatay ee deeqbixiyayaashu soo jeediyeen.

Wixii ka soo baxa halkan kala socda.

Waridaad media centre

Labada Xisbi Mucaarid Ayaa Caawa Ku Dhawaaqay Inay Aroorta Dhisayaan Dawladd Ay Leeyihiin

noreply@blogger.com (Ahmed Quick) — Thu, 24 Sep 2009 18:26:00 +0000

(Waridaad)-Labada Guddoomiye Xisbi Axmed Siilaanyo iyo Feysal Cali Waraabe oo shir jaraa’id caawa ku qabtay Hargeysa ayaa ku hanjabay Golaha Guurtidu haddii ay joojin waayaan aroorta codka ay u qaadayaan inay sanad ugu kordhiyaan Madaxweyne Rayaale inay dhisanayaan Dawladd labada ka kooban.

Sidoo kale waxa ay dadweynaha iyo taageerayaashooda ugu baaqeen aroorta salaada subax inay isugu soo baxaan mudaharaad ay ku xidhayaan jidadka soo gala Golaha Guurtida iyo Madaxtooyada iyo Gobolada oo dhan si ay uga hor istaagaan xildhibaanadu inay fursad ugu helaan inay sameeyaan muddo kordhin.

Qoraal wada jir ah oo ay arrimahaasi kaga hadlayeen oo ay akhriyeen hogaanka labada xisbi ayaa waxay ku sheegeen talaabooyinkaasi inay u qaadayaan Madaxweyne Rayaale oo diiday heshiiskii saddexda Xisbi shalay wada aqbaleen ee ay beesha Caalamku u soo jeediyaan si ay Doorashadu ugu dhacdo wax heshiis lagu yahay.

Waxaanay labada Xisbi dusha ka saareen wixii dhib ah ee ay arrintaasi keensato inuu Madaxweynuhu Masuul ka yahay.

Waridaad media centre

Madaxdhaqameed, odayaal iyo Ganacsato ka Tirsan 18-ka Ardaa Beesha Habaryoonis oo ku Dhawaaqay in ay ka soo horjeedaan Siyaasadda Rayaale

noreply@blogger.com (Ahmed Quick) — Tue, 15 Sep 2009 23:36:00 +0000

(Waridaad)-Maxay ka yidhaahdeen tuhunka taageerada beesha ee Xukuumadda Rayaale iyo Aragtidooda Xil-ka-qaadista Guddoomiyaha Wakiillada?

“Haddii aannu nin Habaryoonis ah oo dawladda ku jiraa dhibaato wadin, meel Habaryoonis ay isugu timi oo tidhi dadka aynu ka gaar noqono, markii la isweydiiyey waa la waayey”
Suldaan Maxamed Sul. Xasan Bulbul

43 xubnood oo isugu jira madaxdhaqameed (salaadiin iyo cuqaal), ganacsato, aqoonyahan iyo odayaal ka kooban 18-ka ardaa ee beesha Habaryoonis, ayaa ku dhawaaqay inay si buuxda ugasoo horjeedaan siyaasadda ay ku socoto xukuumadda Madaxweyne Rayaale, isla markaana ka digay weerarka xukuumadda ee Golaha Wakiillada.
Kulan ballaadhan oo xubnahaasi ku yeesheen huteelka Xamdi ee magaalada Hargeysa, waxay shaaca kaga qaadeen in aanay beesha Habaryoonis xukuumadda talada haysa ku taageerayn siyaasadda khaldan ee ay ku socoto, isla markaana uu jiro tuhun khaldan ay ka qabaan beelaha kale ee reer Somaliland oo ah in beeshu gar iyo gardaraba xukuumadda talada haysa ku garabtaagan tahay oo ay dhabteeda ku fadhido. Waxa kale oo ay ka digeen cawaaqib-xumo ka dhalan karta gulufka xukuumaddu ku hayso Golaha Wakiillada ee shacabka matalaya, gaar ahaan Guddoomiyaha golaha oo hayb ahaan ka soo jeeda beelahaas.

Shirkaas oo ay ka hadleen salaadiin, ganacsato, aqoonyahan iyo odayaal ka tirsanaa kuwii ka qaybgalay, waxay isku arti ka noqdeen in beesha Habaryoonis ula siman tahay xukuumadda beelaha kale ee Somaliland oo aanu jirin wax dheef ah oo ay ku qabaan, dhib mooyaane.
Suldaan Maxamed Suldaan Xasan Bulbul, ayaa sheegay in shirkaasi laba qodob oo muhiim ah lagu lafo-guray, kuwaas oo ay si buuxda isula qaateen dadka ka qaybgalay oo uu ku sifeeyey muraayadda beelaha Habaryoonis.

Suldaan Maxamed Suldaan Xasan Bulbul waxa uu sheegay in aanay habayaraatee jirin dhibaato beelaha Habaryoonis wado iyo meel ay isula qaadatay inay dadka kale ee Somaliland ay gaar ka noqoto midna.

“Shirkan laba qodob ayuun baa lagaga hadlay, ka kowaad waxa weeye dadku waxa uu inoo haystaa Habaryoonis inay dhibaato ummadda ka gaar ah iyadu wado. Qodobka kale waa ninka Guddoomiyaha Baarlamanka ah ee Habaryoonis oo isna hadalkiisa lagu soo qaaday. Labadaa xaalaba meel baa la dhigay,” ayuu yidhi Suldaan Maxamed Sul. Xasan, waxaannu intaa ku daray, “Waxaan horreysiinayaa dhibaato ayey Habaryoonis wadaa dadka ka dheeraad ah, taa waa la isweydiiyey, haddii nin Habaryoonis ah oo dawladda ku jiraa aannu dhibaato wadin, wax Habaryoonis ah oo meel isugu yimi oo yidhi dadka aynu ka gaar noqono oo aynu dhibaato samayno, markii la isweydiiyey waa la waayey taas, wax ummadda ka mid ah oo nabadgelyo doonaya oo aan ku tashanin xumaan bay noqotay Habaryoonis, taa waa la waayey.”

Suldaan Maxamed waxa uu si kulul u cambaareeyey tallaabadii xukuumaddu ku xidhay Golaha Wakiillada iyo tacadi uu sheegay in loo geystay Guddoomiyaha Wakiillada, kaas oo uu tilmaamay in aanay ka raali ahayn, una dulqaadan doonin.

“Madaxdu waxay ka doodaa oo ay wax iska tidhaa warbaahinta, laakiin nin masuul ah oo gacanta loola tagay isaga ayuun baa jira. Haddaba haddii isagu gardaran yahayna inaga ayaa qabanayna, haddii lagu gefayna in aan dib loogu gefin ayaa la isku raacay,” ayuu yidhi Suldaan Maxamed Sul. Xasan Bulbul.

Suldaanku waxa kale oo uu ka hadlay dadkii dhibaatadu ka soo gaadhay mudaharaadkii Sabtidii Hargeysa ka dhacay oo uu sheegay in cidii geysatay aan la cafiyi doonin. Isagoo arrintaa ka hadlayeyna waxa uu yidhi; “Dadkii maalintii dhaweyd waxyeeladu gaadhay wixii dhintay iyo wixii dhaawacmay labadaba tacsi ayaanu u diraynaa ee Ilaahay ha ka cafiyo, wixii ku gardaroodayna aakhiro iyo ifkaba waa laga jasaa’i siin doonaa.”

Oday Cabdi Yuusuf Jaamac oo kulankaas ka hadlay, ayaa isaguna meesha ka saaray inuu jiro qorshe beesha Habaryoonis isu ogtahay oo ah inay taageero buuxda siiso xukuumadda talada haysa.

“Tuhun laga inaga qabo ee ah in beeshani duulaan ku tahay beelaha kale ee Somaliland degan, xukuumadda maanta jirtana xoog ku difaacaysa. Taa waxaannu leenahay beelaha Somaliland-now idinka oo dhan arrinkaasi waa tuhun ee midh aannu qabno maaha, meel beeshu ku go’aansanay in lagu difaaco dawladda ma jiro, wax dhacaya oo aanu diyaar u nahayna maaha, haddii cid laga maqlay iyo haddii ay xamxam ahaydba, waxaannu halkan ka caddaynaynaa in aannu arrinkaas waxba ka jirin,” ayuu yidhi Cabdi Yuusuf Jaamac, waxaannu intaa raaciyey isagoo ka hadlayey aragtidooda ku wajahan Golaha Wakiillada iyo qorshayaasha xukuumaddu ku burburinayso, “Ta labaad ninka Shirguddoonka ah ee Cabdiraxmaan Cirro waxa dhacday in lagu soo xadgudbay, waxa dhacday in Golihii Wakiillada ee shacabku doorteen oo haddii qiyaas la qaado ka taageero badan xukuumadda inay rag u adeegsatay oo daaqadaha uga dhacay oo Baarlamankii xidhay. Cabdiraxmaan Cirro, Shirguddoonka iyo Golaha Wakiilladaba caawa [xalay) taageero buuxda ayaanu siinaynaa, sababta oo ah sharcigii loo doortay ayey wadadiisii mareen.”

Ganacsade Cali Ducaale Faarax oo kulankaas ka hadlay, ayaa isaguna ku raacay odayaashaas hore in tuhun khalad ah laga aaminsan yahay beelaha Habaryoonis iyo taageerada ay u fidiyeen Guddoomiyaha Wakiillada oo uu sheegay in la dulmiyey, waxaannu yidhi; “Hadalka badan ee soo baxay ee leh nidaamka jiraa dhabta Habaryoonis ayuu ku fadhiyaa, waxaannu caddaynaynaa in aannu annaga dhabtayada nidaamkaasi ku fadhiyin, wax gooni ah oo aannu ku qabno oo aannu dhabtayada ugu fadhiisinaana ma jiro, waxaaba laga yaabaa in nidaamkani dhibaatada ugu badan inagu hayo. Ta kale in Guddoomiyaha Golaha Wakiillada la dulmiyey shaki kuma jiro oo daaqada looga soo dhacay, waxaan leeyahay walaalayaal aynu manaasibta ixtiraamno.”
Sidoo kale, waxa shirkaas ka hadlay Oday Xaaji Maxamed Ducaale (Golos), Guddoomiyaha beesha Muuse Cabdalle Xariir Jaamac Yasir, Caaqil Farxaan Xasan Cabdi iyo Oday Aadan Cumar Dayuur, kuwaas oo dhammaantood la fikrad ahaa odayaasha hore.

Xigasho: http://www.jamhuuriya.info/

G/Wakiilada Somaliland Oo Ansixiyay Inay Ku Sii Shaqeeyaan Kal-fadhi Aan Caadi Ahayn Iyo Xildhibaanada Muxaafidka Ah Oo Mar Kale Cod Lagu Muquuniyay.

noreply@blogger.com (Ahmed Quick) — Tue, 15 Sep 2009 12:03:00 +0000

(Waridaad)-Golaha Wakiilada Somaliland ayaa maanta ansixiyay inay muddo bil ah oo kale ku sii shaqeeyaan kalfadhi aan caadi ahayn,ka dib markii ay dhammaaday kalfadhigii aan caadiga ahayn ee aydhawaan galeen. Markii uu dhamaaday kalfadhigoodii 9-aad.

Fadhigan maanta oo uu Guddoominayay Guddoomiyaha Golaha Wakiilada Somaliland Md. C/Raxmaan Maxamed Cabdilaahi (C/Raxmaan Cirro) waxa madasha ku sugnaa 70 Mudane, waxaana goob joog ka ahaa fadhigaas Salaadiintii ku hawlanaa xal u helida khilaafaadka Golaha.

Fadhigan oo ku qabsoomay jawi degan hadal uu Guddoomiyuhu u jeediyay Mudaneyaasha Golaha Wakiilada ayuu Dhambaalo tacsi ah u diray eheladii qoysaskii dadkii ku dhintay mudaharaadkii lagu taageerayay Baarlamaanka ee ka dhacay magaalada Hargeysa Sabtidii todobaadkan, waxaanu dadkii ku dhintay eebe uga baryay inuu samir iyo iimaan ka siiyo, qoysaskoodii iyo shacbiga Somaliland ee ay ka baxeena uu samir iyo iimaan ka siiyo.
Sidoo kale wuxuu ilaahay uga baryay inuu caafiyo dadkii iyo askartii ku dhaawacantay mudaharaadkaas.

Md. C/Raxmaan Cirro, wuxuu u mahad celiyay salaadiinta Somaliland ee ka hawl galay wax uu ku tilmaamay dib u furista Golihii Wakiilada ee sifaha sharci darrada ah lagu xidhay, waxaanu tilmaamay in kulamo is daba joog ah oo ay yeesheen Golaha iyo Salaadiintu ay isku raaceen qodobo dhawr ah waxaanu yidhi “In la isa saamaxo, in Goluhu si caadi ah u furmo oo uu hawlihiisa u guto, In Shir-gudoonku aqbalo cabashooyinka Mudaneyaasha muxaafidka ah, taasi oo uu shirgudoonkuna aqbalay.”

Guddoomiyaha Wakiiladu wuxuu cambaareeyay talaabo saaka saacadihii u hore ciidanka Boolisku Saxaafada ugu diiday inay galaan golaha.

Intaasi ka dib waxa Goluhu dhegaystay laba Xildhibaan oo ka tirsan Golaha Wakiilada Somaliland oo kala ah Mudane Cali Maxamed Aadan (Cali Barre) iyo Mudane Maxamed Jaamac, kuwaasi oo soo kala jeediyay laba fikradood oo kala ah in Goluhu fasax galo oo aanu qaadan mar kale kal fadhi aan caadi ahayn iyo in Goluhu uu galo kalfadhi aan caadi ahayn si uu u gudo galo arrimo badan oo muhiim ah.

Guddoomiyuhu wuxuu ku dhawaaqay in cod loo labadaasi fikradood, oo ay kala wateen mudaneyaasha mucaaridka ah iyo kuwa muxaafidka ahi.

36 Mudane ayaa ogolaaday in Goluhu galo kalfadhi aan caadi ahayn, kuwaasi oo ahaa Mudaneyaasha Mucaaridka ah, halka 32 Mudane oo muxaafid ahina ay soo u coddeeyeen in Goluhu galo fasax bil ah. Hase ahaatee waxa meel maray hindisihii mucaaridku soo dhigeen ee ahaa in Goluhu galo kalfadhi aan caadi ahayn.

“Codayntani waa dhoola tuska mooshinka maamuus ka xuyuubinta Madaxweynaha ee golaha Horyaala, waxaana cad in Mudaneyaasha mucaaridka ahi ay raaci doonto gacanta sare,”sidaasi waxa yidhi Mudane Siciid Cilmi Rooble.

Waridaad media centre

Tacsi Marxuum Siciid Macalin

noreply@blogger.com (Ahmed Quick) — Sat, 12 Sep 2009 23:08:00 +0000

(Waridaad)-Bahda Waridaad media centre waxay Tacsi u direyaan qoyskii iyo qaraabadii iyo asaxaabtii ka baxay maruum Siciid macalin Maxamed oo maanta ku geeriyooday shaqaashooyinkii ka dhacay magaalada Hargeysa.

Illaahayna waxay uga beryayaan inuu naxariistii janno ka waraabiyo qoyskii, eheladii iyo qaraabadii uu ka baxayna samir iyo iimaan ka siiyo.Aamiin Aamiin aamiin

Marxuumka waxa dhalay Macalin Maxamed oo ah macalin si weyn looga yaqaan magaalada hargeysa oo malcaabadiisa ay ka soo aflaxeen araday badan oo reer hargeysa ahi.

Waridaad media centre

Mr. President it is time for you to Resign!

noreply@blogger.com (Ahmed Quick) — Sat, 12 Sep 2009 22:42:00 +0000

(Waridaad)-Confrontations between demonstrator and the police caused a number of deaths and wounded in Hargeysa today. The disturbance was caused when crowds gathered to watch members of parliament attempting to re-enter the Parliament building after the Somaliland administration closed the building down when a resolution to impeach the president was introduced in the chamber earlier in the week.

Allowing the Parliament to come back to session today came to being after negotiation between the president and the chairman of the Elders (Guurti) Mr. Suleban Mohamud Adan. Apparently the president expected the impeachment proceedings to be tabled now that he has allowed Parliament to come back to session, and the chairman of the Guurti was under the impression that there were no conditions attached to allowing the parliament to come back into session, nor could he negotiate on behalf of the Parliament.

Click here to continue

Madaxii Taliyaha Ciidanka Mr Nuux Taani oo diiday in Ciidamadiisu Soo Galaan Caasimada

noreply@blogger.com (Ahmed Quick) — Sat, 12 Sep 2009 13:44:00 +0000

(Waridaad)-Taliyaha Ciimada Qaranka Nuux Taani ayaa Diiday inuu Ciidamadu Milateriga u Adeegsado shacabka Kacdoonka samaynaya.

Waxaase la sheegayaa in Riyaale ku bedeshay Ciidamo Gaar u ah oo qoyskiisa iyo kuwa uu keenay Mr Xaabsade dhawaan. Ciidamadaas ayaa loo adeegsaday si Rasaasta hoos ugu dhigaan dadweynaha.

Arintani waxa ay keentay in dhimasho keento, ilaa iminkana waxaa tirada dhimashadu gaadhaysaa 6 qof, inkasta oo tirada marba is bad badelayso, oo ilaa iminka tiro sugan aan lahayn. Tirada dadka dhaawacmay ayaa aad u faro badan, waxaana la sheegayaa in dadka dhaawacmay ay ku jiraan qaar ka mid ah xildhibaanadii Baarlamaanka Somaliland.

Taliyaha ciidanka ayaa ku sababeeyey inaan Ciidamada qaranku Aanay nin difaacin ee loo sameeyey inay cadwoga iyo xuduudaha Somaliland Difaacaan.

Xigasho: www.somaliland.org

Hargeisa Oo Kacdoon Weyne Ka Dhacay Iyo Ciidamadii Madaxtooyadu Oo Dilay Lix Dhalinyaro Ah

noreply@blogger.com (Ahmed Quick) — Sat, 12 Sep 2009 13:41:00 +0000

(Waridaad)-Wararka iminka ka imanaya caasimada Haregeisa ayaa sheegaya in caasimadii Hargeisa xabadi ka dhacayso. Wararku waxa ay sheegayaan in shacab gadoodsan ay ciidamadii Madaxtooyadu ku ridayaan xabado. Ilaa iminkana waxaa ku dhintay lix dhalinyaro ah, dhaawacana ilaa iminka tiradooda lama hayo. Ilaa iminka lama soo sheegin magacyada dhalinyarada dhimatay.

Daawo sawiradda

Waridaad media centre

Amin Arts oo UDUB kiraysatay- Awr kiraale!

noreply@blogger.com (Ahmed Quick) — Thu, 10 Sep 2009 22:14:00 +0000

(Waridaad)-Amiin Caamir SNM-tu Waa Qarandumis Ayuu Lahaa Siddeetanadii …
Iminkana KULMIYE iyo UCID Waa Qarandumis Ayuu Leeyahay

Amir Camir in kasta oo uu farshaxan yahay, maskaxdiisu dimoqraadiyada iyo xaq u dirirka may ay soo gelin cagaha. Isbeddel kasta isaga iyo kuwo la mid ah waxa uu ka

khalkhalinayaa danahooda gaarka ah, markaa dhaqdhaqaaq kasta oo danaha gaarka ah iyo DAKHLIGIISA dhawaacaya waa dumin. HABAYARAATE, ma laha dareenka aqoonyahan iyo farshaxan. Aqoonta dibeda ayuu ka taaganyahay. In yarna ma akhriyin, ma dirsin mana dhuuxin dulucda isqabadka ee siyaasada Somaaliland. Haddii u xataa in yar derso waxa uu u hiilin lahaa mucaaridka.

Ilaa hadda aniga oo sinaayaan waxa luqada ingiriiska lagu dhaho ‘benefit of the doubt’ ama faa’iidada shakhiga. Waan ka reebaya nin dhuuniqaate noqdey oo hungri meeshaas mariyay. Waxaan ilaa hadda ku ekaynayaa in aan idhaahdo aqoon baa halkaa marisay.

Waxaan sugayaa in u fasiri karo ummad isbedel dimoqradi doon ah dareenkeed oo farshaxnimadiisu fakirka leedahay iyo in ay muuqato in HUNGO MADHAN YAHAY oo fakir loo dhibo oo waxii loo dhibo ee hungri ku jiro sawiro.

Laba sawir oo dhawaanahan sawirey labaduba waa dacaayada UDUB oo canshuurta ummada laga ururiyo laaluush u bixisa. Waxa uu mucaaradka ku eedeyey in ay doorosho diid yihiin. DEEQBIXIYAHU Xukumada ayuu ku eedeey taas. Maantana reer Somaliland waa u kala caddahay xukuumada ciidamada sidii Siyaad Barre u adeegsaneysa iyo mucaariidka bannaanbaxa salmiga ah wada kooda qarandumis ah.

Amiir Caamirow waa noo caddaatey in aad Hungo madhan oo la kireysto tahay.

Wa Bilahi Tawfiiq.

Mohamed Osman Ahmed ‘Jaaj’

Riyaale oo Golahii Wakiiladda albaabada u xidhay, bandoona soo wada

noreply@blogger.com (Ahmed Quick) — Wed, 09 Sep 2009 00:00:00 +0000

(Waridaad)-Xukuumad ku sheegtii maanta waxay albaabadu u xidhay golahii Wakiiladda, ilaaladii shirgudoonkana xabsi lala beegsaday, shirgudoonkii golahana askari gaaf wareegayaan.

Maanta wax u hadhay ummaddii ma jirto, Riyaalana wuxuu ku sababeeyey inuu nabadgelyada sugayo, golahuna yahay halka nabada khalkhalka lagu galinyo, dibna loo furi doonin inta nabada dib loo soo celinayo.

Ummaddii dooratay Riyaale waakaa ugu abaal guday kale talisnimo, askartiina kala qaybiyey, waxa hadhayna ay tahay iyadoo bandoodii faqashata lagu soo rogo caasimada cidii dhaqdhaqaaqdana mandeera loo dhaadhicyo.

Haddii laga dhiidhiyi waayo, ummaddan waxaa u danbaynaysa hoog iyo halaag ay la damacsanyahiin hadhaagii saamaxa loo fidiyey ee waliba lagu maamuusay kursi aanay geyin.

Waa in ummadda ka soo saartaa Riyaale iyo inta u fulisa burburka dalka meesha ay ku gabanayaan dibadana la soo dhigaa, xabsina lala tiigsadaa, hadii kale wadankan meel fog baa laga dayidoonaa.

Ummaddyahay kaca oo sharftiina soo ceshada oo iska dul qaada daaquudadda iyo basaasiinta lugta ku walaaqaysa wadanka.

Ciidankana waxaanu leenahay ka digtoonaada amarada khaladan ee laydin siinaayo, ogaadana ummaddani inay tahay ummaddiinii, kana reeban yahiin in qorigii ay isku xoreeyeen lagu cabudhiyo ayahoodana lagu dhaxal wareejiyo.

Kaca, oo ummadda yahay is xoreeya, wax idiin hadhay ma jirto, meel danbe oo loo qaxaana ma jirto.

Maanta laba ayaa idin horyaala - Gunimo iyo Gobanimo - idinkay idiin taalaa taa raacaysaan.

Waridaad media centre

Xisbiyada Mucaaridka oo si Wadajira uga hadlay falkii maanta ka dhacay Wakiilada.

noreply@blogger.com (Ahmed Quick) — Tue, 08 Sep 2009 23:04:00 +0000

(Waridaad)-" in Baarlamankii ay soo doorteen la afganbiyey oo maanta gacanta ugu jira ciidanka Booliska in khatar la geliyey deganaanshihii iyo xasiloonidii dalka." Labada Xisbi ee UCID iyo KULMIYE, waxay u arkaan dhacdadaas u danbaysay ee Golihii albaabada loogu xidhay, shir-guddoonkii lagu dhaleeceeyey mid aan waafaqsanayn sharciga........Guji halkan

War degdeg ah: Mudane ka tirsan UDUB oo Bastoolad ula baxay G. Wakiilada

noreply@blogger.com (Ahmed Quick) — Tue, 08 Sep 2009 11:51:00 +0000

(Waridaad)-Fadhigii maanta ee Golaha Wakiilada ayaa Mudane ka tirsan Xisbiga UDUB uu Bastoolad ula baxay Mudanayaasha kale ee Axsaabta Mucaaradka, isla markaana uu isku dayay in uu Toogto.

Fadhigan maanta oo La-taliyaha dhinaca Sharciga ee Wakiiladu Golaha ka hor sheegay in labada Mooshin ee Xil-ka-xayuubinta Madaxweynaha iyo Wax-ka-bedelka Xeer-hoosaadka Golaha oo ay soo kala jeediyeen Mudanayasha Mucaaradka iyo Muxaafadku uu midka hore yahay sharci, loo baahan yahay in laga doodo, halka ka dambe ee wax-ka-bedelka Xeer-hoosaadka Golahana uu tilmaamay inay awood u leeyihiin oo kaliya Gudida joogtada ah ee Goluhu. Taasina waxay keentay inay Golaha qas ka abuuraan Mudanayaasha Muxaafadku.

Fadhigan maanta oo uu guddoominayay Guddoomiyaha Golahaas Cabdiraxmaan Maxamed Cabdilaahi (Cirro), ayaa khilaaf iyo buuq ka abuurmay ka dib, dagaal dhex maray Xil. Cabdiraxmaan-Aw-xoog oo Xisbiga UDUB ka soo baxay iyo Xil. Bashiir Tukaale, taas oo keentay in Cabdiraxmaan Aw-xoog Baastoolad ula baxo Mudanaha kale, isla markaana uu isku dayay in uu ku dhufto, hase ahaatee, waxa u dhici wayday Rasaastii.

Markii uu buuqii sii xoogaystay, ayaa Ciidamada Booliska oo horeba Golaha u joogay iyo kuwo tiro badan oo kale oo xoojin ah oo uu horkacayay Taliyaha Boolisku Saqadhi Dubbad ay la wareegeen Xarunta Baarlamaanka, isla markaana ay xidheen Hoolkii Shirarka.

Waridaad media centre

Riyaale Oo wacad ugu Maray Cawil inuu ka dhiganayo Madaxweyne Ku xigeen xaabsadana Baarlamaanka Ama Guurtida

noreply@blogger.com (Ahmed Quick) — Mon, 07 Sep 2009 23:15:00 +0000

(Waridaad)-wararkii ugu danbeeyey ee ku saabsan Muranka la xidhiidha qalalaasaha Siyaasadeed ee ka taagan Somaliland ayaa waxaa ku soo biiray labo qodob oo kale Kuwaas oo kale ah in Go’aan lagu qaatay labo Duulaan oo waaweyn oo sida la filayo noqon doona kuwa aan la mahadin doonin. wararkan oo laga helay Xubnaha ugu dhow dhow wasiirka Maaliyada isla markaana Codsaday inaan la magacaabin ayaa sheegaya In:

Daahir Riyaale wacad kula qaatay wasiirkiisa Maaliyada Xuseen Cali ducaale (cawil) in uu Ka dhigan doono Madaxweyne xigeenkiisa Doorashadan soo socota oo uu ku bedeli doono, Madaxweyne kuxigeenkiisa waqtigan Mudane Ahmed Yuusuf Yaasiin, Arintaas ayaa la sheegay inay ku xidhan tahay sida cawil uga hawl galo inuu Riyaale ka Badbaado maamuus Ka xayuubin ay golaha wakiiladu ku sameeyaan.

Madaxweyne Riyaale ayaa Arintaas u xil saaray sidii ay u suuro gelin lahaayeen, Wasiirada hawlaha Guud, Duulista hawada iyo Xoghayaha Guud ee Xisbul xaakimka UDUB, Kuwaasi oo talo soo jeedintii ay soo celiyeen Noqotay In Musharaxa Ku xigeenimada Ahmed Yuusuf yaasiin , Lagu bedelo shir la isugu yeedho Xubnaha Golaha Dhexe ee xisbiga UDUB,Sidaana Codayn iyo wax ka bedel loogu sameeyo, Halkaana loogu garto in Xuseen Cali Ducaale cawil loogu Cimaamado Madaxweyne Xigeenka Ku wehelin doona Riyaale Doorashooyinka la Filayo inay Dalka Ka dhacaan , waaba hadii uu ka badbaado Maamuus ka xayuubinta. Dhinaca Kale Cawil cali Ducaale ayaa ka mid ahaa xubno la sheegay inay ka hor istaageen Iscasilaad dhowaan soo baxday oo madaxweynaha La filayay inuu ku dhawaaqo, Isagoo Shuruud uga dhigay in marka hore Riyaale Soo gaadhsiiyo Booska Madaxweyne ku xigeenka ka dibna Markaa ka dib si Fudud isu Casilo Madaxweynuhu, Arintaas oo talo iyo Go’aan weyn lagu kala qaatay.

Qodobka Labaad ee Riyaale Abaabulay ayaa ah In Axmed Cabdi Xaabsade Laga dhigo Gudoomiyaha Baarlamaanka ama Guurtida , inkasta oo sida Muuqata Xaabsade Jeclaa Inuu noqdo gudoomiyaha Golaha Guurtida hadana ma aha mid hawl yar oo si fudud uu ku gaadhi karo, Marka la eego taageerada uu haysto gudoomiyaha Golahaasi guurtidu Saleebaan Maxamuud Aden oo ah Nin aan si fudud inta badan loo Legdi karin.

Qorshahan Ayaa caqabad ka hor timi taasoo la xidhiidha Dhinaca saami qaybsiga Beelaha oo hadii Cawil Cali ducaale ku soo baxo Doorashada madaxweyne ku xigeenka ee UDUB Sidaana Lagaga takhaluso Ahmed Yuusuf Yaasiin taasoo Cawil aaminsanyahay Maadama oo ay isku beel Ka soo wada jeedaan isaga Iyo Cabdiraxmaan Ciro inay qasab tahay in Midkood meesha ka baxo, waana ta keentay inuu dhiiri geliyo in Axmed cabdi Xaabsade Yimaado Golaha Baarlamaanka, una balan qaado wax kasta oo ay ku kacayso, Iyadoo Axmed cabdi xaabsade golaha looga saarayo, Xubin ka mid ah Xubnihii is xambaarka ahaa ee ka soo baxay Xisbiga UDUB oo ka soo jeeda Gobolka SOOL.

Dhinaca Kale Madaxweyne Ku xigeenka Ahmed Yuusuf Yaasiin Ayaa la sheegay inuu Arimahan ku hambaabiray Goor shaxdii la qaabaystay , wuxuuna Imika Bilaabay sidii uu u samayn lahaa Xulafaysi kale haba Noqoto heshiis Gaar ah oo uu la samaysto gudoomiyaha Golaha Guurtida Saleebaan Maxamuud Aadan.

Dhinaca Kale Arintan ayaa dareen ku Abuurtay Dhamaan Beelahii Taageeri Jiray Dhaqdhaqaaqii SNM ee dalka Xoreeyey oo ugu badan dadka ku dhaqan Somaliland, waxayna imikuun ku war heleen in sheekadu ka qoto dheertay sidii ay u malaynayeen, wixii ay u soo dhinteen naf iyo maal wixii ay lahaayeena ku waayeen, si yar oo fudud oo sibiq ah gacantoodii uga siibatay mar labaad.

Wararkan oo aan saxaafada lagu soo bandhigin ayaa ah kuwo aad u soo baxay labadii Maalmood ee ugu danbeeyey hadaba bal waxaan eegi doonaa halka ay arimuhu ku danbeeyaan.

Xigasho: http://www.saraarnews.com/

Mudanayaasha Golaha Wakiilada Somaliland Ee U Kala Qaybsan Mucaaradka Iyo Muxaafidka Oo Maanta Badda Soo Dhigay Laba Mooshin Oo Maamuus-ka-xayuubin Ah

noreply@blogger.com (Ahmed Quick) — Sat, 05 Sep 2009 15:24:00 +0000

(Waridaad)-Mudaneyaasha Golaha Wakiilada Somaliland ayaa fadhigoodii maanta waxa ka dhacay wax layaab leh, ka dib markii Xildhibaanada Mucaaradka ahi badda soo dhigeen mooshin xilka lagaga xayuubinayo Madaxweynaha iyo ku xigeenkiisa, halka xildhibaanada muxaafadka ahina ay iyaguna soo gudbiyeen mooshin ay ku dalbanayaan in isbedel lagu sameeyo xeer-hoosaadka Golaha si shirgu-doonka xilka looga tuuro.

Fadhigaas oo uu shir-gudoominayey gudoomiyaha Golaha Wakiilada Md. Cabdiraxmaan Maxamed Cabdilaahi [Ciro], ayaa waxa uu ku furmay jewi aad xasaasi u ah, iyada oo laga dareemayay labadaas daraf [mucaaradka iyo muxaafadka] ee Golaha in koox kastaaba gaarkeeda isu soo abaabushay, isla markaana si habsami leh oo ka go’an isku soo agaasimtay.

Waxaana gudoomiyuhu ku dhawaaqay in mooshinka hore ee xilka lagaga xayuubinayo Madaxweyne Rayaale iyo Ku xigeebkiisa inay Golaha soo hordhigeen 38 Mudane oo isugu jira xildhibaanada Golaha uga soo baxay xisbiyada mucaaradka ah ee KULMIYE iyo UCID, kaas oo ay ku dalbanayaan in Madaxweynaha iyo Madaxweyne ku xigeenka Somaliland in la soo gole-joojiyo oo maamuus-ka-xayuubin lagu sameeyo.

Mudaneyaasha soo jeediyey mooshinkani waxa ay ku eedeen madaxweynaha iyo ku xigeenkiisa inay ku kaceen qodobo ay ka mid yihiin distoor-jebin iyo xil-gusho la’aan gaar ahaan qabashada doorashada madaxtooyada.

Gudoomiyaha Golaha Wakiilada Md. Cabdiraxmaan Maxamed Cabdilaahi [Ciro] waxa uu sheegay ay isla maantaba mooshinkaas maamuus-ka-xabuuyinta ah in ay u gudbiyeen la taliyaha sharciga ee Golaha Wakiilada, si uu u soo darso in mooshinkani waafaqsan yahay xeerarka iyo distoorka Somaliland, isaga oo beritaba ku soo celinaya golaha, si cod loogu qaado in Mudaneyaashu dood ka yeeshaan iyo in kale.

Sidoo kale waxa kaloo Gudoomiye Ciro tibaaxay in mooshinka kale ay u soo gudbiyeen 29 Xidhibaan oo ah mudaneyasha taageera xukuumada, oo doonaya in wax-ka-bedel lagu sameeyo xeer-hoosaadka Golaha Wakiilada.

Waxaa kaloo ay xildhibaanadaasi sheegeen in ay doonayaan in xeer-hoosaadka Golaha Wakiilada in ay ka bedelaan qodobka sheegaya in shirgudoonka Golaha lagu ridi karayo oo keliya saddex meeloodaw labada meelood oo ka mid ah xildhibaanada Golaha Wakiilada, waana marka codka kalsoonida loo qaado oo loo baahan yahay in tirada xildhibaanadu gaadhaan 55 Mudane. Iyaga doonaya inay ka dhigaan cod hal-dheeri ah, taas oo noqonaysaa 42 Mudane.
Mudanayaashi waxa ay xuseen inay rabaan sidii ay xilka uga tuuri lahaayeen shirgudoonka Golaha Wakiilada, oo ay ku eedaynayaan in uu dhinac noqday.

Labadan mooshin ee iska soo hordeeda ee ay kala wataan Mudaneyaasha kala qaybsan ee Golaha Wakiilada Somaliland ka tirsan, ayaa ku soo beegmay waqti ay Golaha dhexdiisa ka taagan tahay khilaafaadka cakiran oo hadheeyey habsami-u-socodkii shaqo ee golaha, arrintaas oo kaliftay in markii dambe shirgudoonku u saaro guddi ka kooban 14 Xildhibaan oo ka kala tirsan ladaba garab ee iska soo horjeeda lana faliyey in gole-weynaha ku soo celiyaan heshiish ka turjumaya isu soo dhawaansho dhex-maraya Xildhibaanada Muxaafadka iyo Mucaaridka u kala qaybsan.

Hasayeeshee waxaa lagu guul-daraystay in guddidaasi natiijo wanaagsan ku soo celiyaan Golaha, ka dib markii ay ku kala kaceen fadhigii ugu dambeeyey ee ay yeesheen.

Xigasho: www.oodweynenews.com

Wasiir Xukuumadda ka tirsan oo sheegay in Maxkamad la soo taagayo Dad UDUB ku mudaharaaday

noreply@blogger.com (Ahmed Quick) — Fri, 04 Sep 2009 17:54:00 +0000

(Waridaad)-Wasiir ka tirsan Masuuliyiintii dadweyne gadoodsani kaga mudaharaadeen Magaalada Wajaale toddobaadkan, ka dib markii ay halkaa u tageen Masuuliyiintu inay ka qayb-galaan Xaflad loo samaynayay dad la sheegay in ay ka soo baxeen Xisbiga KULMIYE oo ay ku biirayeen Xisbiga UDUB, ayaa sheegay in ay Maxkamad soo taaganayaan dadkii la xidh-xidhay.

Wasiiru-dawlaha Wasaaradda Hawlaha guud Mr. Xirsi Aw-Cabdi Sheekh, ayaa sheegay in Maxkamad la soo taagi doono dad dhalinyaro iyo Dumar u badan oo la xidh-xidhay toddobaadkan, kuwaas oo Mudaharaad ka sameeyay Magaalada Tog-Wajaale. “Waxaanu u tagnay Wajaale Xaflad loo samaynayay Rag ka tirsan Muruq-maalka Magaalada oo ku soo biirayay Xisbiga UDUB, taas oo lagu qabanayay meel fagaare ah oo ah Garoonka Kubadda Cagta ee Magaalada Wajaale.” Ayuu yidhi Wasiiru-dawluhu, isaga oo u waramay Laanta Afka Soomaaliga ee VOA-da. Waxaanu dadka xidhan ku eedeeyay inay jajabiyeen Hanti Dawladdu leedahay, taasina wuxuu ku tilmaamay mid mamnuuc ah.

Wasiiru-dawlaha oo wax laga waydiiyay Warar sheegaya in Dumarka la xidh-xidhay ay ku jiraan kuwo Umul ah ama Uur lihi, ayaa wuxuu ku jawaabay, “Dabcan, Dumar Uur lihi way ku jiri karaan dadka xidhan, balse dadkani waa Dhalinyaro iyo Dumar. Hase ahaatee, anigu ma arag Dumar Uur leh.” Ayuu yidhi Wasiiru-dawluhu. Waxaanu Warbaahinta Maxalliga ah ku eedeeyay inay Muacarad yihiin.