සැදැහැතිසුවද

ඡත්ත මානවක ගෘථා - Chaththa manawaka gatha.pdf

noreply@blogger.com (sadahathisuwada) — Sun, 21 Feb 2016 12:34:00 +0000

අන්තර් ජාලය තුල මෙම ගාථා රත්නය මුද්‍රණය කළ හැකි අයුරන් නොමැති නිසා මෙලෙස උඩුගත කරන්නට සිතුවෙමු. තෙරුවන් සරණයි...!
අවශ්‍ය විටකදී භාගත කර ගන්න.

බෞද්ධ පොත් නොමිලේ නිවසටම

noreply@blogger.com (sadahathisuwada) — Fri, 09 Oct 2015 19:50:00 +0000

බෞද්ධ පොත් පත් කිහිපයක්ම නොමිලේ ගෙදරටම ගෙන්වා ගන්න ඔබට පහසුකම් ලබා දෙන වෙබ් පිටුවක් පිළිබඳවයි මේ සටහන.
විශේෂයෙන් මට මේ පිළිබඳව සදහන් කල මාගේ මිතුරාද මේ අවස්ථාවේ මතක් කරන්නේ මා මේ සත්කාරය පිළිබදව දැනුවත් කිරීමේ පින නිතැතින්ම හිමිවන නිසාවෙනි.
මේ විශේෂ වෙබ් පිටුව හරහා එහි සඳහන්ව ඇති පොත් පත් ගෙදරටම ගෙන්වා ගත හැකි අතර මාස 1ත් 2ත් අතර කාලය තුල එය ඔබ අතට පත්වනු ඇත. දන්නා තරමින් තායිවානයේ සිට මෙහෙයවනු ලබන
මෙම උතුම් පින්කම හරහා සිංහල ඇතුළු තවත් භාෂා ගණනාවකින් පරිවරථනයට ලක්වු පොත් ගෙන්වා ගැනීමට හැකියා ව පවතිනවා. මේ වැඩ සටහන හරහා එක් පුද්ගලයකුට පොත් 5ක් පමණක් ලබාගත හැකි අතර විශේෂ අවසරයක් හරහා ඊට වැඩි
පොත් සංඛ්‍යාවක් ලබාගැනීමටද ඔබට හැකියාව පවතී. මා මෙහිලා විශේෂයෙන් සඳහන් කරන්නේ එම පොත් පත් වලින් යම් දැනුමක් ලබා ගැනීමට කැමතිනම් පමණක් ඒවා ගෙන්වා ගන්නා ලෙසයි. එයට හේතුව නම් මේ සත් ක්‍රියාව වෙනුවෙන් ඔවුන් විශාල මුදලක් වැයකිරීමයි. තෙරුවන් සරණයි!
මේ පිළිබඳව වැඩි විස්තර දැනගැනීමට හෝ පොත් ගෙන්වා ගැනීමට පහක වෙබ් ලිපිනයට පිවි‍සෙන්න.
වෙබ් අඩවිය - http://www.budaedu.org/en/

ධර්මාවබෝධය ලැබේවා...!

සේරුවාවිල අහසින් මතුවූ අසිරිමත් බුදුරුව

noreply@blogger.com (sadahathisuwada) — Thu, 08 Oct 2015 18:23:00 +0000

සේරුවාවිල චෛත්‍යය රාජයාණන් වහන්සේ අභියස පසුගිය වෙසත් පුර පසලොස්වක පොහෝ දිනයේ පැවැත්වූ පින්කමක් අතරතුර බැතිමතුන්ගේ දෑස් ඇදහිය නොහැකි අන්දමින් ගුවන් තලය සිසාරා මහා ආලෝකයක් විහිද ගොස් තිබුණා.. අනතුරුව මෙම ආලෝකය අතරින් සැමටම දැකගත හැකිවූයේ ගුවන සිසාරා පැතිරී ගිය සැතපෙන බුදුරුවකට සමාන දසුනක්... කෙසේ නමුදු මෙයින් ගම්‍ය වන්නේ උතුම් බුදුගුණයට නමස්කාර කරන්නාවූ දෙවියන් බඹුන් අදටත් මේ ලෝ තලයේ අප විස්වාශ නොකරන කථාවක් අපට කියන්නට උත්සහ ගන්නා අයුරු නොවේද? එ් අන් කිසිවක් නොව ලොව උතුම්ම සත්‍යය අදටත් වලංගුය යන කරුණම නොවේද? ඉතිරිය ඔබට භාරයි.... තිලොවක් සනසා වදාල උත්තම බුදුන් වහන්සේට නමස්කාර වේවා...! (විඩියෝව පහලින්)

දෙතිස් මහා පුරුෂ ලක්ෂණ - ලක්ඛන සූතුය ඇසුරෙන්

noreply@blogger.com (sadahathisuwada) — Fri, 06 Mar 2015 20:20:00 +0000

අප තිලොගුරු සම්මා සමුබුරජාණන් වහන්සේ මේ බව දේශණා කලේ ලක්ඛණ සුත්‍රය ඇසුරිණී.

1. සුප්පතිට්ඨිත පාදතා (මනාව පිහිටි පාද)
2. පාදතලෙසු චක්ක ලක්ඛණතා (දෙපතුල්හි චකු ලක්ෂණ)
3. ආයත පණ්හිතා (දික් ව පිහිටි විලුඹ )
4. දීඝංගුලිතා (දික්ව පිහිටි ඇගිලි)
5. මුදුතළුණ හත්තපාදතා(මෘදු මොළොක් අත් පා)
6. ජාල හත්තපාදතා(දැල් කවුළු බඳු අත් පා)
7. උස්සංඛ පාදතා (උස් වූ පාද)
8. ඒණි ජංඝතා (ඒණි මුවන්ගේ වැනි කොණ්ඩා)
9. ආජානුලම්බී හත්ථා (සෘජුව ද, දිග්ව ද පිහිටි දෙඅත්)
10. කෝසෝහිත වත්ථා ගුය්හතා(කය තුඝ සැඟවුණු පුරැෂ නිමිත්ත )
11. සුවණ්ණ වණ්ණතා (රන්වන් පැහැය)
12. සුබුමච්ඡවිතා (සියුම් ව පිහිටි සම)
13. ඒකේක ලෝමතා (එක් රෝම කුපයක ඇත්තේ එක් ලෝමයකි)
14. උද්ධග්ග ලෝමතා (උඩට නැමී දකුණට කැරකුණු ලෝම)
15. බ්‍රහ්මජ්ජුගතා (සෘජු වූ ශරීරය)
16. සන්තුස්සදතා (සත් තැනකින් පිරිපුන් බව)
17. සීහ පුබ්බද්ධකායතා (සිංහයකුගේ මෙන් පිරිපුන් කය)
18. චිතන්තරංසො (පිරිපුන් පිටක් ඇති බව)
19. නිග්‍රෝධ පරිමණ්ඩලතා (උසට ගැලපෙන මහත)
20. සමවත්තක්ඛන්ධතා (මනාව පිහිටි ග්‍රීවය)
21. රස්ග්ගසග්ගිතා (රසනහර ඇති බව)
22. සීහහනුතා (සිංහයකුගේ මෙන් පිරිපුන් හනු ඇති බව)
23. චත්තාලීස දන්තතා(සම සතලිස් දත් ඇති බව)
24. සමදන්තතා (සමව පිහිටි දත්)
25. අවිවර දන්තතා (විවර නොමැති දත්)
26.සුසුක්ක දඨතා (ඉතා සුදු පැහැති දත්)
27. පහූත ජීවහතා (දිග් වූ ගළල් වූ දිග)
28. බ්‍රහ්මස්සරතා (මිහිරි වූ කටහඩ)
29. අභිනීල නෙත්තතා (නිල්වන් දෙනෙත්)
30. ගෝපබුමතා (වසු පැටියකුගේ මෙන් සිනිඳු දෙනෙත්)
31. උණ්ණාලක්ඛණතා (ඌර්ණ රෝම ලක්ෂණය)
32. උණ්හීස සීසතා (පිරිපුන් නළල හා පිරිපුන් සිරස)

වැඩි විස්තර සදහා මෙම සූත්‍රය කියවන්න.... (http://www.nirvanadhamma.com/lk/dam-asura/tipitaka-grantha-asura!/thun-pitaka-asura!/tipitaka-index/l/lakkhana-sutta/
)

මැදින් පොහොය

noreply@blogger.com (sadahathisuwada) — Thu, 05 Mar 2015 12:00:00 +0000

සිදුහත් තවුසාණන් බුදු බව ලැබීමෙන් අනතුරුව කාළුදායි තෙරුන්ගේ මඟ පෙන්වීම යටතේ ශාක්‍ය දේශයට වැඩම කළේ මැදින් පුර පසලොස්වක පොහොය දිනකදීය. විසිදහසකට අධික මහා සංඝ රත්නය සමඟ එහි වැඩම කළ උන් වහන්සේ මානයෙන් උදම්ව සිටි තම ඥාතීන්ගේ සැකය දුරැ කිරීමෙහිලා යමා මහ පෙළහරද පෑ සේක. එසේම වෙස්සන්තර ජාතකයද දේශනා කල සේක. ගිහිකල පියාණන් වු ශුදොවුන් රජුගේ තුන්වන වැඳීම සිදුවූයේද මෙදිනමය.

බුදුන් වහන්සේ කිඹුල්වත් නුවරට වැඩීමෙන් පසු සියළු සැප සම්පත් පසෙකෙහිලා අල්පේච්ච දිවිපෙවෙතකට පත්ව සිටි යශෝදරාවන් බැහැදුටු උන් වහන්සේ පෙර ආත්මභාවයන් සිහිකොට සඳතිඳුරැ ජාතකය දේශනා කළ සේක.

(මෙම ලිපිය හා සබැදි ඔබ දන්නා වෙනත් කරැණු වේ නම්, ඒ පිධිබදව අප දැන්වත් කරන්න- තෙරැවන් සරණයි.
)

කර්මය(1.කොටස- මිනිසුන්ගේ විවිධත්වය)

noreply@blogger.com (sadahathisuwada) — Sat, 14 Sep 2013 11:03:00 +0000

තෙරුවන් සරණයි මා ප්‍රිය මිතුරනි. හුගක් කාර්යය බහල අවදියකයි මම පසු වුනේ.. නමුත් මේ වන විට පුංචි නිදහසක් ලැබී තියෙනවා.
වෙන මුකුත් නිසා නෙමෙයි. මම පුංචි අනතුරකට මුහුණ පෑවා. මාගේ වෛද්‍යයතුමා පවසන ලෙසට ටික දවසක් එකතැන් වන්නට මට සිදුව තිබෙනවා.

මේ කාලය මට සේම ඔබටත් වටින ලිපි පෙළක් දාන්න මම අදහස් කරනවා.

මේ කර්මය ගැන ලියවුනු ලිපියක්

සැදැහැ සිතින් කියවා අවබෝධ කරගනිත්වා.

කර්මය හා පුනර්භවය බුදුදහමේ මුලික ඉගැන්වීම් වලින් එකකි.

බුදුන් වහන්සේ පහළවීමට පෙර සිටම මෙම ඉගැන්වීම භාරතයේ පැවතුනද මෙම කරුණ පිළිබදව නිසි ලෙස විග්‍රහ කලේ බුදුන් වහන්සේ විසින්ය.

මෙළොව උපදින මිනිසා විවිධව විෂමව උපදින්නේ නිසැකවම කුමන හෝ හේතුවක් ඇතිව බව නොරහසකි.
ඇතැමෙක් බොහෝ ධන-ධාන්‍ය, යාන- වාහන අතැතිව ධන කුවේරයන් සේ බිහිවන්නා සේම.
තවත් කෙනෙක් හිගන්නන් සේ දිවි ගෙවති.
නමුත් මෙසේ මිනිසාට පළ දෙන විපාකයන්හි හේතුව දැනගැනීමට නොහැකි වනවා සේම.. එම හේතු (චුතිය සහ උප්පත්තිය පිලිබඳව)තොරතුරු
දැනගන්නට අභිඥ්ඥා ලාභින්ට හැකි බව බුදුදහමෙහි ඉගැන්වේ.

මිනිසුන්ගේ බොහෝ දෙනා විශ්වාස කරන්නේ කවුරුන් හෝ විසින් මෙම ලෝකය මැවූ බවයි. නමුත් බුදු දම මෙම අදයස සම්පූර්ණයෙන්ම බැහැර කරයි.
ඇතැම් විට බොහෝ දෙනා අතර සමානකම් ජානගතව පැවතෙනවා යැයි කීම සාධාරණ වූවද, අසමානකම් එසේ විග්‍රහ කළ නොහැක්කේ මන්ද?
මෙළොව උපදින නියුන් දරුවන් වූවද විවිද ගති ලක්ෂණ වලින් සමන්විත වීම මෙයටහොදම උදාහරණයකි..
බොහෝ පින්වත් පවුලක වූවද පාපකාරී දුසිල්වත් දරුවන් ලද අවස්ථා කොතෙකුත් අප දැක අත්ද?
එසේම පාපයෙහි ඇලී ගැලී සිටින පවුලක රහත්වීමට පිනැති දරුවන් ඉපදුනු බව පිලිබද කාථා පුවත් ධර්මයෙහි කොපමණක් නම් සඳහන් වෙයිද?
සැබැවින්ම ආරය පිලිබද කරුනේදී බො‍හෝ විට භෞතික ස්වභාව යම්තාක් දුරට විවරණය කළ හැකි වුවද බුද්ධිය හා හැසිරීම පිළිබදව විවරණය සාධාරණීකරනය කළ නොහක.

බුදු දහමට අනුව මේ අසමානතාවයට හේතුව ආරය හා පරිසරය පමණක්ම නොවේ. කම්ම නියාමයෙහි ක්‍රියාකාරීත්වය හෙවත් අප අතීතයේ කළ කියාවන් නිසා අප රැස් කරගත්
උරුමය සහ වත්මන් ක්‍රියා කළාපයේ ප්‍රථිපලයයි.

සැබැවින්ම මේ සෑම දේටම වගකිව යුත්තේ අපමයි. අප නොපිළිගන්නා කටුක සත්‍යය එයයි.

මෙම අසමානත්වයට හේතු
මිනිසුන් අතර පවත්නා විග්‍රහ කිරීමට අපහසු මෙම අසමානතාවයට හේතුව දැන ගැනීමට කැමැත්තෙන් පසුවූ සුභ නම් තරුණයෙක් දිනක් පුදුන් වහන්සේ අභියසට පැමින මේ පිළිබඳව විමසීය.
ස්විමීනි භාග්‍යවතුන් වහන්ස

මිනිසුන් අතර ඇතැමෙක් අල්පායුෂ(අඩුකාලයක් ජීවත් වීම) වන්නටත්
තවත් සමහරෙක් දීර්ඝායුෂ(වැඩි කාලයක් ජීවත් වීම) වන්නටත්,

ඇතැමෙක්ට ලෙඩ රෝග වැඩි වන්නටත්,
තවත් සමහරෙක්ට ලෙඩ රෝග අඩු වන්නටත්.

ඇතැමෙක් දුර්වර්ණ වන්නටත්,
තවත් සමහරෙක් පැහැපත් වන්නටත්.

ඇතැමෙක් අල්පේශාක්‍යව(දුබලව)සිටියදී,
තවත් මහේශාක්‍යව(ප්‍රභලව) සිටීමටත්.

සමහරුන් දුප්පත් ව සිටියදී,
තවත් සමහරෙක් පොහොසත් වන්නටත්.

සමහරුන් පහත්ව උපදිත්දී
තවත් සමහරෙක් උසස්ව උපදින්නටත්.

සමහරුන් මන්ද බුද්ධිකව උපදිත්දී
තවත් සමහරෙක් ප්‍රඥාවන්තව උපදින්නටත්

හේතුව කුමක්ද? යැයි ඇසීය

එයට පිළිතුරු වශයෙන් උන්වහන්සේ මෙසේ දේශනා කළ සේක.
කම්මස්සකා මානව සත්තා,කම්මදායාදා , කම්මයොනි, කම්ම බන්ධු,කම්මපටිසරණා,කම්මං සත්තේ විභජති යදිදං හීනප්පණීතතාය.(මජ්ඣිම නිකාය -අංක 135 චුල්ල විභංගසූත්‍රය)
තේරුම- සියළු සත්ත්වයෝ කර්‍මය ස්වකීය (තමා අයත් කොට) ඇත්තාහ. කර්‍මය උරුම කොට ඇත්තාහ. කර්‍මය උප්පත්ති ස්ථානය කොට ඇත්තාහ. කර්‍මය ඥාතියකු කොට ඇත්තාහ.
කර්‍මය උරුම කොට ඇත්තාහ. කර්‍මය උරුම කොට ඇත්තාහ,කර්‍මය සත්ත්වයන් උස් පහත් වශයෙන් බෙදන්නේ වෙයි.

පසුව උන්වහන්සේ කර්මය හා විපාකය පිලිබඳ නියාමයට අනුව මේ විෂමතාව මෙසේ විග්‍රහ කළ සේක.

ආයුෂ අඩුවීම හෝ වැඩිවීම
යමෙක් ප්‍රාණවධයෙහි යෙදෙයි නම්, ලේ තැවරුණු අතින් මරමින්, හිරිහැර කරමින්, අනුකම්පාවකින් තොරව දිවි ගෙවයි නම්, මිනිසුන් අතර උපදින විට අල්පායුෂ(ආයුෂ අඩුව) උපදී.

යමෙක් ප්‍රාණඝාතයෙන් වැළකී, අවි ආයුධ ඉවත දමා සියළු සතුන් වෙත අනුකම්පාවෙන් වසයි නම් එහි අනුහසින් මිනිසුන් අතර උපදින විට දීර්ඝායුෂ(ආයුෂ වැඩිව) උපදී.

ලෙඩ වීම හා නොවීම
යමෙක් අතින් පයින්,පොලු වලින් හෝ අනුන්ට පහර දෙමින් හිරිහැර කරයි නම් එහි විපාක ලෙස මිනිසකුව ලෙස උපන් විට විවිධ ලෙඩ රෝග වලින් පීඩා විදියි.

එසේම යමෙක් අනුනට හිරිහැර පීඩා නොකරයි නම්, එම කුසලය හේතුවෙන් මිනිස් ලොව උපන් විට මනා සෞඛ්‍යය ඇතිව උපදී.

විරෑපි වීම හා සුරූපී වීම
යමෙක් දිවේශ සහගතව,කෝප බහුලව, ඉතා සුළු දෙයින් පවා කිපෙමින් කෝපය ප්‍රකට කරයි නම්, මිනිසුන් අතර උපදින විට විරූපී වෙයි.
එසේම යමෙක් දිවේශයකින් තොරව,කෝපයකින් තොරව, මිනිසුන් හා අමනාප නොවී ප්‍රසන්නව වසයි නම්, මිනිසුන් අතර උපදින විට සුරූපී වෙයි.

දුබල වීම හා ප්‍රභල වීම
යමෙක් ඊර්‍ෂ්‍යා සහගතව,අනුන්ගේ දියුනුවට ඊර්‍ෂ්‍යා කරමින් හදෙහි එය රඳවා ගනියි නම් මිනිසුන් අතර උපදින විට අල්පේශාක්‍යව(දුබලව) වෙයි.
යමෙක් ඊර්‍ෂ්‍යා විරහිතව,අනුන්ගේ දියුනුවටසතුටු වී හදෙහි එය රඳවා ගනියි නම් මිනිසුන් අතර උපදින විට මහේශාක්‍යව(ප්‍රභලව)වෙයි.

දුගී බව හා පොහොසත් බව
යමෙක් කිසිවක් කිසිවෙකුට නොදෙමින්, දන්දිමෙන් වැළකී සිටී නම් මිනිසුන් අතර උපදින විට දුගී බවට පත්වෙයි.
යමෙක් දන් දීමෙහි නිරත වෙයි නම් මිනිසුන් අතර උපදින විට පොහොසත්ව බවට පත්වෙයි.

උසස් වීම හා පහත් වීම
යමෙක් තද ගති ඇතිව අනුන් හෙළා දකිමින් ගරුකළ යුත්තන්ට ගරු නොකරමින් වසයි නම්, ඒ හේතුවෙන් මින්සුන් අතර උපදින විට පහත්ව උපදී.
යමෙක් නිරහංකාරව අනුන්ට ගරැ කරමින් දිවි ගෙවයි නම් අනතිමානය හේතුවෙන් මින්සුන් අතර උපද්න විට උසස් ජන්මයකි ලබයි.

අඥානවීම හා නැණවත් වීම

යමෙක් සිල්වත් ගුණවත් උතුමන් හමුවී කුසල්-අකුසල් , හරි වැරදි පිළිබඳව හා අභිවෘද්ධියට හා පරාභවයට හේතු පිලිබඳව නොවිමසයි නම් එහි ප්‍රථිපල වශයෙන් මින්සුන් අතර උපදින විට අඥානව උපදියි.

යමෙක් සිල්වත් ගුණවත් උතුමන් හමුවී කුසල්-අකුසල් , හරි වැරදි පිළිබඳව හා අභිවෘද්ධියට හා පරාභවයට හේතු පිලිබඳව නොවිමසයි නම් එහි ප්‍රථිපල වශයෙන් මින්සුන් අතර උපදින විට නැණවත්ව උපදියි.

අපි අපදින විට අපට ආරය නිසා ලැබෙන ජන්මීය ලක්ෂණ ඇතිබව ප්‍රතික්ෂේප කළ නොහැක.
නමුත් විද්‍යාවට පැහැදිලි කළ නොහැකි වෙනත් සහජ හැකියාවන්ද අපට උරුම වන බව සත්‍යයකි.
අපගේ පැවැත්මේ න්‍යෂ්ටිය බඳු වූ ශුක්‍රාණු හා ඩිම්බය නම් දළ සාධකය වෙනුවෙන් අපි අපේ මාපියන්ට ණය ගැති වෙමු.
නමුත් කළලය සම්භවය වීමට අවැසි කර්ම ශක්තිය ලැබෙන තුර එම බීජ උදාසීනව පවතියි.
මේ සියල්ලෙන්ම ගම්‍ය වන්නේ අපේ උපත සඳහා වැදගත්ම කාරණය වන්නේ කර්මය බවයි.

අපගේ කායික හා චෛතසික ලක්ෂණ සකස් වීමෙහා ලා ඇතැම් විට මාපියන්ගෙන් ලැබෙන සෛලයන්ට වඩාබෙහෙවින් වැදගත් වන්නේ රාශිභූතව වූ පූර්‍වකර්මයන් බව පෙනේ.
මේ සඳහා හොඳම උදාහරණය වන්නේ අසමසමවූ මහා කාරුණිකත්වයෙන් පිරිපුන් උතුමු භාග්‍යයවතුන් වහන්සේයී
උන්වහන්සේටද දෙමාපියන් වෙතින් ජනක සෛල හා ජාන සෛල ලැබිනි. නමුත් රජ පරපුරේ අන් අය සේ සැප සම්පත් කෙරෙහි ගිජු නොවූඋන්වහන්සේ
සැමටම වඩා ශාන්ත, පිවිතුරු චරිතයක් වූ සේක. තවද, ලක්ඛණ සූත්‍රදැක්වෙන පරිදි උන්වහන්සේ දෙතිස් මහා පුරුෂ ලක්ෂනයන්ගෙන් හෙබි වූ රූප -කාය සම්පත්තියකින් හෙබී වූයේ
අන් කිසිවක් නිසා නොව පෙර ආත්මභාව වලදී කරන ලද කුශල කර්මයන්හි විපාක වශයෙනි.

එබැවින් මේ සියල්ලෙන්ම පැහැදිලි වන්නේ සැබැවින්ම අපි අපගේ උරුම කරුවෝ බවයි.
මෙම විෂමතා පිළිබද ගැටළුව විස්තර කරමින් අත්තසාලිනියේ මෙසේ විස්තර කරයි.
කර්මය විවිදත්වය හේතුකොටගෙන උත්පත්තියේදී, උසස්-පහත්,හීණ-ප්‍රහීණ, සුඛිත හා දුක්ඛිත යනාධි විවිධත්වයෙන් ඇතිවේ.
කර්මයේ විවිධත්වය හේතුවෙන්ම සුරුපි විරූපී,උත්තම-අධම, පර්පූර්ණ-විකලාංග,ආධි වශයෙන් ඇතිවේ. කර්ම විවිධත්වය හේතුවෙන්ම පුද්ගලයන් අතර
ලාභ-අලාභ,යස-අයස,නින්දා -ප්‍රසංශා,සැප-දුක ආදී ධර්මතාවයන්ද පහළ වේ.

මේ අනුව බෞද්ධ ඉගැන්වම් වලට අනුව බලන කල,අප තුළ පවතින වර්තමාන මානසික,චර්යාමය හා බුද්ධිමය ගති ලක්ෂණ බහුල වශයෙන් බලපාන්නේ අතීත හා වර්තමාන කර්ම නිසා බව සඳහන් කිරීම වරදක් නැත.

නමුත් පින්වත් මිතුරනි,

සියල්ලම සිදුවන්නේ කර්මයෙන් යැයි කීමද බුදු දහම බැහැර කරන අතර එසේ වන්නට හේතු වන නියාම ධර්මයන් 5ක් ගැනද බුදු දහම තුල සැකෙවින් දක්වයි.
කර්මය නිසාම හැම දේ නොවේ යන ලිපියෙන් මීලගට හමුවෙමු.. එතෙක් ඔබ සැමට තෙරුවන් සරණයි.

ඔබේ ගැටළු -යෝජනා ඇත්නම් අපවෙත සදහන් කරන්න. ස්තූතියි.

Karma vipaka

noreply@blogger.com (sadahathisuwada) — Wed, 11 Sep 2013 18:34:00 +0000

download from here http://www.mediafire.com/view/323gply5me593ld/KARMA_VIPAKA_E_-Version-www.buddhistvision.net.pdf

සුභ අළුක්‍ අවුරුද්දක් වේවා!

noreply@blogger.com (sadahathisuwada) — Sun, 14 Apr 2013 06:19:00 +0000

ගුණවත් සිල්වත් ආදරණිය ඔබ සැමට සුභ අළුක්‍ අවුරුද්දක් වේවා!
---------------------------------------------------------------------------------
නවමු ලිපි සමූහයක් සමගින් අපි ලඟදීම ඔබ හමුවට.....

අපේ ඉරණම කුමත් වේවිද?

noreply@blogger.com (sadahathisuwada) — Wed, 16 May 2012 05:16:00 +0000

බුදු පි‍යාණනි ඔබ දෙසූ ධර්මය සැබවින්ම නිර්මලයි.තවමත් නිර්මලයි...එම නිසා ඔබවහන්සේ දෙසූ දහමට කිසිවක් සමාන නැත.
එම නිසා එම සද්ධර්මය සැමදා පරම පිවිතුරුයි.ඔබවහන්සේ තවමත් අප අතර
ජීවමාන‍යි.
නමුත් ඔබ වහන්සේ දෙසු දහම විනාශ කරන්න සමහර මිත්‍යාදෘෂ්ටිකයින්
එදා වගේම අදත් උත්සහ කරනවා.ඒවාට ඉඩ නොදී බුදු දහම ආරක්ෂා
කර ගැනීම‍ට අපි වෙර දරන්නමු.

ඒ නිරමල වූ පරම පිවිතුරුවූ බුදු දහමේ පෝෂණය වූ ආදරණීය ‍බෞද්ධ
හිතවතුනි අප ජීවත්වන මේ මොහොතේ පවා විවිධ ජාත්‍යන්තර
මෙන්ම දේශීය බලවේග බුදු දහම විනාශ කිරීමට විවිධාකාර වූ සැලසුම් දියත් කරමින්
සිටියි.
සත්‍ය වශයෙන්ම‍ මේ අපලගේ නෙ‍ත් අවදියෙන් තිබිය යුතුම කාලයයි.
මන්ද අප එකිනෙකා පරයන්නට සිතනා විටදී,
මෙවන් බලවේග අප සැමටමවඩා ඉහලින් වැජඹෙන නිසාවනි. තව වසර දහයක් පමණ ගතවන විට ‍බෞද්ධයාගේඉරණම වෙනස් කරන්නට සැරසෙන ඔවුන් දැන් දැන් ඒවාට මුල්ගල්
තබමින් සිටියි.
ඇතැම්විට මොවුන් මිනිසුන්ගේ අසරණ බාව‍යෙන් ප්‍රයෝජන ගන්නා
බව නොරහසකි.
තවත් විටක සංඝ සමාජය කෙරෙහිද ‍බෞද්ධයා කල කිරවීමට
අසරණ සංඝයාට විවිධ උදව් දෙන පරිද්දෙන් උන් වහන්සේලා ලවා
විවිධ අකටයුතූකම් කර වීමට පටන් ගෙන තිබේ.සැබවින්ම මෙවන් යුගයක අප කල්පනාකාරී
විය යුතුමය.මේ උතුම් පින් බිමේ සත්‍යවාදී බුදු දහම අසාධාරණ ලෙසින් වියැකී යවන්නට ඉඩ නොදෙමු.

බොරුවට මුලා නොවී ඇත්ත ඇති සැටියෙන් දකින්න.උපන් රටට,ආගමට ගරුකරන්න බොරුවට හිස නොනමා සත්‍යයට ගරු කරන්න.
එවිට බුදු දහමේ නිර්මල බව ‍ඔබට වැටහෙන බව සහතිකය.

කොතරම් අසරණ වුවත් ආත්මය පවා නොදෙන්න.ආගම දහම රැක ගන්න......

අනේ දෙවියනේ.... මොකද මෙයාලට උනේ.........

noreply@blogger.com (sadahathisuwada) — Tue, 15 May 2012 10:31:00 +0000

පින්තූරෙ බලපු ගමන් ඔයාලට පුදුමත් හිතෙක්‍නවා ඇති. මොකද කාලෙකට පස්සේ මේ වගේ පොස්ට් එකක් දා‍න්නෙ කියල.ඒත් ඇත්තටම මේක හරිම අවාසනාවන්ත සිද්ධියක්.
මෙන්න මෙහමයි මේක වුනේ.
හරියටම මෙයාලා 2012-පෙබරවාරි 04 වෙනිදා නිදහසේ ඉන්න කියලා නිදහස් තැනකට ආපු කට්ටියක්.
බැලූ බැල්මට අපි පුදුමත් වුනා. මොකද මේ හැමෝම ඔළුව ගහගෙන ඉන්නෙ කියලා. ටික වෙලාවක් ගියත් කිසිම වෙනසක් සිද්ධ වුනේ නෑ. පස්සෙ කෝකටත් කියලා අපි ජායාරූපයක් ගත්තා. ටිකකට පස්සෙ මොටර් සයිකල් එකකින් කට්ටියම එක්කන් ගියා. හැබැයි මේ කවුරුවත් හොද සිහියකින් හිටියෙ නෑ. හැමෝම මොනව හරි මත්ද්‍රව්‍යය වගයක් අරගෙන හිටියේ. කෙලින් හිටගන්නවත් හයියක් මේ අයට තිබුණෙ නෑ.

මෙච්චර හරියක් වුනාට අම්මලා තාත්තලා ඒ බව දන්නැති හැටි.
පන්ති යන්න කියලා ගෙදරින් දොට්ට බැස්සේ මේකටද?

ඇත්තටම හරිම දුක හිතෙනවා. උදේ හවා පන්සිල් ගන්න මේ රටේ අපේ තරුණ පරපුරට මොන හෙනයක් වැදිලද?

ආදරණීය සොයුර.....
ලොකු මනුස්සයකු වනවට වඩා, ගුණ ධර්ම වලින් පිරි මිනිසෙකු වීම මහත් වටිනු ඇත.

හිතන්න....
ජීවිතය ජයගන්නවා වෙනුවට විනාශ වෙන්නට කවදාවත් ඉඩ දෙන්න එපා. මන්ද මේ ඔබේ ජීවිතයයි.

බේබදුකම දුදන ඇසුරේ අතුරු ප්‍රථිපලයකි.

අපේ පුංචි රටේ දියුණුවට ඇප කැප වෙමු. ශීලාදී ගුණධර්ම වඩමු.එවිට අපිටත් පින්බර අනාගතයක් උදාවේවි.

මරණ භය- අනියත ජීවිතය හා නියතය මරණය(2)

noreply@blogger.com (sadahathisuwada) — Fri, 16 Sep 2011 12:14:00 +0000

මිනිසා දුක් විදින්නේ භාහිර දේ නිසා නොව තමාගේ සිතෙහිම ඇතිවන මනඃකල්පිත
හැගීම් මෙන්ම වැරදි නිගමන නිසාමය. මරණයෙන් මතු මොන තැනක උපදීදැයි සැකයක් පවතී.
ආනාගත බලාපොරොත්තුව නිසාම ජීවිතය ගැන බිය ඇතිකරනු ඇත. මරණය හුදෙක් භයානක නොවෙයි.
නමුත් ඒ ගැන සිතීම නිසාම බිය උපදවයි. ජීවිතයේ යථාස්වභාවය දකින්නට ඇති අකමැත්ත නිසා අපි සත්‍යය ඉදිරියේ බියට පත් වන්නෙමු.
තමුත් සත්‍යය අවබෝධය තුලින් බිය තුරන් වේ. එවිට මරණයට නොබියව මුහුණදෙන්නට හැකිවේ.
උපන් සත්වයා ඊතලයක් මෙන් මරණය කරා දිව යයි. එය වලක්වන්නට අපට නොහැකිය.

විද්‍යාවට අනුව මරණය යනු කයේ විනාශ වීමක් පමණි.
අවිද්‍යාමාණ දේ ගැන සිතීම නිසා අපි දුක් විදින්නෙමු.
සැබැවින්ම බොහෝ දෙනා මරණ භයෙන් දිවි ගෙවති.
නමුත් මෙය ඉතාමත් අවාසනාවන්ත දෙයකි.
මන්ද මරණයට පත්වීම ස්වාභාවික දෙයක් නිසාවෙනි.

මරණයට පත්වන මොහොතේ පුදුමාකාර ලක්ෂණයක් මිනිසුන් තුල දැකිය හැක.
සියළු බිය සැක දුරැවී ඔහුගේ ඇස් දෙකින් විස්මිතව බලයි.
මෙය ස්වාභාවික ලක්ෂණයකි.
සිතින් දුක් බිය පහවේ.
මිනිසා තණ්හාවෙන් ඇලී ගැලී සිටීම නිසාම මරණයට බියවේ.
ජීවත්වන්ට ඇති ආශාව අධික වු විට සාංකාවක් ඇතිවේ.
මෙවැන්නන් හොද වැඩ නොකරති.
යම් අසනීපයක් හෝ කරදරයක් වේ යැයි සිතමින් කිසිවක් නොකර කල් ගෙවති.
සමහරුන් ජීවත්වීමේ ආශාවෙන් විවිධාකාරයේ යඥා කරති. තමාගේ ආත්මය මරණින් මතු දේව ලෝකයේ සදාකාලික වේවායි සිතා යාඥා කරති.
මෙවන් වූ අසීමිත බය හා බලාපොරොත්තු අතර ජීවත් වීම මහා කුණාටුවකට අසූවිම වැනිය.
නමුත් ආත්මාර්ථය රැකගැනීමට මිනිසාට ඇති ආශාව නිසා මෙසේ දුක්වීම ස්වාභාවික දෙයකි.

මේ බිය දුරුකර ගැනීමේ මාර්ගයක් ඇත.
එයනම් මම මගේ යන ආත්මාර්ථකාමී සිතුවිලි අවම කරගෙන තමන් තමන්හට ඇති ආදරය අනුන් වෙත පිරිනැමීමයි.
එනම් මුළු මිනිස් වර්ගයාටම ආදර කරුණාවෙන් සේවය කිරීමයි.

ඔබ මරණය ගැන සිතනවානම් මරණයට පෙර යුතුකම් ඉටුකිරීමට වගබලා ගනු ඇත. ඒ නිසාවෙන් බුද්ධියෙන් මෙලොව පරලොව සියළු සැප සාදාගන්නට හැකිවනු ඇත.
සැබැවින් පරාර්තකාමීත්වයෙන් වැඩකිරීම ඔබට මෙන් මුළු මහක් ලෝක ධාතුවටම අමිල නිමල සේවයක් වනු ඇත.
ඒ නිසා දිනෙන් දින මරණයට පත්වන මේ ජීවිතය අර්ථවත් ලෙස ගතකරමින්.
මරණය නම් වූ දුක්ඛ ස්වභායට නොබියව මුහුන දෙන්න සිත හක්තිමත් කරගන්න.
අනිත්‍යතාව තමන්ම අවබෝධකරගෙන මේ සංසාර දුකෙන් මිදෙන්නට එක් පියවරක් හෝඉදිරියට තබන්න.

අද අද එයි මරු පින්කර ගන්නේ
කෙලෙසද හෙට මරු නේති සිතන්නේ

ස්වභාවදහම හා යා වුන මනුසත්කම- - -කරදර වලින් මිදෙන්න (2)

noreply@blogger.com (sadahathisuwada) — Thu, 15 Sep 2011 05:54:00 +0000

භෞතික සැප සම්පත්, ලාබ ප්‍රයෝජන බලාපොරොත්තුව නිසාම අදවනවිට මිනිසා ස්වභාවධර්මයේ
හඩට ඇහුම්කන් නොදී අනාගත ජීවිතයේ සතුට ගැන ඉහවහා ගිය සිතුම් පැතුම් වලින් මනස ස්වයං
මුලාවකට පත්කගෙන ඇත.
ඒ නිසාම අනාගතය ගැන සිහින මවනවා හැරෙන්නට අමිල වටිනාකමක් ඇති වර්තමානය පිළිබදව
සහමුලින්ම අමතක කොට ඇත.

සත්තකින්ම මුළු මහත් මනුෂ්‍ය සංහතියම මෙවන් වූ ආකාරයෙන් අස්වාභාවික ලෙස හැසිරෙන්නේ
අපගේ වටිනා වූ මනුෂ්‍ය ජීවිතය හා අවසන් අරමුණ පිළිබදව ඇති වැරදි ආකල්පයන් නිසාය.
මේ නිසාම වත්මන් සමාජයේ බොහෝ පසුතැවුල්, බිය හා අනාරක්ෂිත තත්වයන්ට මෙය
පැහැදිලි ලෙසම බලපා ඇත.

ඔබ සාමයට කොතරම් කැමතිද?
නිවසේ සිටින ඔබේ ආදරණීයන් සමගින් මෙන්ම, සමාජයේ සිටින සියළුදෙනා සමගියෙන් ඉන්න
අවශ්‍යයි කියන හැගීම ඔබගේ සිත තුල පවතිනවා නේද?

සබද නිසැකවම ඔබ සාමයට ඇළුම් කරන්නෙකු නම් අන් අයගේ නිදහසට කිසිම ලෙසකින්
බාධා කරන්න එපා.විහිළුතහළු කරමින් සිටින්නට කොතරම් කැමති වූවත් තවත් කෙනෙකු
රවටා සතුටු වනවාට වඩා ඔහුත් සමගම සිනාසෙන්නට ඔබට හැකිනම්,සැබැවින්ම ඔබ සැබෑ
මිනිසත්කමෙන් පිරිපුන් උතුම් කොනකි.

මනසින් උසස්ම මිනිසුන් යැයි කියා ගන්නා අපම සමහරවිටෙන කිරිසන් සතුන් පවා නොකරන
දේ කරන්නට ගිය අවස්ථා කොපමණ තිබෙනවාද යන්න ඔබම දන්නවා ඇත.
කෘර සහ අධම මිනිසුන් විසින් විශ්වයේ නීතීන්ට එරෙහිව වැඩකරමින් ආත්මාරථයෙන් ක්‍රියා කරනා විටදී
එවැන්නන්ගේ වචන මෙන්ම සිතුවිලි වලින් මුළුමහත් පරිසරයම අපවිත්‍ර වනු ඇත.
එවැනි නොහොබිනා ක්‍රියා නිසා අදවනවිට ස්වභාවදහම අපට දෙන දායාද වන්නේ රොග වසංගත හා ස්වාභාවික විපත්ය.
නමුත් එවන් අවස්ථාවලදී බොහෝ දෙනා කරන්නේ අන් අය මත වැරැද්ද පැටවීමයි.
සැබැවින්ම සිදුවිය යුත්තේ එයද? සිතන්නට ඔබට බාරයි.

උතුම් මනසක් ඇති අපට වෙනස්කල නොහැක්කක් නොමැති බව අප වටහා ගත යුතුය.
මගේ හැගීම නම් තවමත් ඔබ ප්‍රමාද නැත යන්නයි.
සත්තකිනම ස්වබාවදහමට ගරු කරමින් දිවිගෙවන්නට ඔබට හැකිනම් එය නිසැකවම ඉතා වටිනු ඇත.

කොතරම් කාර්‍යබහුල කෙනෙක් වූවත් දිනකට පුංචි වේලාවක් හෝ භාවනාවේ යෙදෙන්න,
වටිනා පොතක්පතක් කියවා ජීවිතයට දැනුම මෙන්න සැනසිල්ලද උදාකරගන්න.
මෙවන් පුරුදු මගින් ඔබට විශාල සහනයක් උදාවනබව මට විශ්වාසයි.
දුක් කම්කටොළු සහමුලිනම අමතක කර මානසික සංවර්ධනයක් ඇතිකරගන්නටද
ඔබට නිබදව හැකිවනු ඇත.

තවත් එක දෙයක් ලෙස ඔබට ආගමක් දහමක් ඇතිබව අමතක කරන්න එපා.
දිනකට විනාඩි කිහිපයක් හෝ ඔබගේ ආගම මෙනෙහි කිරීමට මෙන්ම ආගමික කටයුතුවලටත් සම්බන්ධ වෙන්න.

කොතරම් ප්‍රශ්ණ බාධක මැද වුවද,
ජීවිතය නිදහසේ ගලාගෙන යනු ඇත.
සොදුරැ සොබාදමට උරණ නොවී....
ජීවිතයේ අයාලේ යන්නට ඉඩ නොදී...
සිතුවිලි බදුවූ හබලෙන් පහරින්...
හරිමග,හරිලෙස යන්නට...
ජීවිතය අර්ථාන්විත කරගන්නට ඔබට සදා හැකියාව ලැබේවා.
මනුසත්කමින් සුපෝෂිත ඹබට සියළු යහපත උදා වේවා.

තෙරුවන්සරණයි.

කනස්සල්ල හා බිය- - -කරදර වලින් මිදෙන්න (1)

noreply@blogger.com (sadahathisuwada) — Sun, 11 Sep 2011 13:55:00 +0000

කනස්සල්ල හා බිය යනු එකිනෙකටයා වුනාවූ ද්විත්ව අපලයකි.
සත්තකින්ම එය මේ මුළු ලෝකය පුරාම පවතී. ඔබ කණගාටුවෙන් සිටී කියා සිතෙන විට ඔබ සිටින්නේ
දුකිනි.ඔබ දුකින් සිටී කියා සිතෙන විට ඔබ සිටින්නේ කණගාටුවෙනි.අපි මේ දෙයට සත්‍යය ලෙස මුහුණ දිය යුතුය.අපට මේවායින් පැන යා නොහැකිය.එනමුත් දුක සහ බිය යන මේවාට අප ඉක්මවා යාමට ඉඩ නොදිය යුතුය.අනිවාර්යෙන්ම අප ඒවා ජයගත යුතුය.අපේම වීර්යය නිවැරදි ලෙස හොද අධිෂ්ඨානයක් සහ ඉවසීම සහිතව යෙදුවහොත් එය කල හැකි වේ.චිත්ත වේගාත්මක හැගීම් මැනවින් හදුනාගෙන බුද්ධිය ප්‍රවේශමෙන් යෙදවීම මගින් අපගේ දුක හා කණගාටුව මැඩපවත්වා පලවා හැරිය හැක.

සැබැවින්ම අපගේ දුක් කරදර අප විසින්ම ඇතිකරගන්නා ඒවා යැයි කිවතොත් නිවැරදියි. අප තුල ඇති ආත්මාර්ථකාමීකම,උඩගුකම හා විවිධ දේ පිළිබදව අපගේ වැරදි අවබෝධය නිසා මනස තුල දුක හා මෙම කණගාටුව නිර්මාණය වේ.මෙම ආත්මාර්ථකාමීත්වය නොහික්මවූ මනස තුල දිවයන වැරදි පරිකල්පනයක් වන අතර එවිට දුක හා කණගාටුව සිත තුල රජයයි. ඒ නිසාම මනුෂ්‍යත්වය වැනි ගුණධර්ම සිත තුල දියුණු කල යුතුය. මමත්වය වනසා දැමිය යුතුය.

බොහො දෙනා තුල අධික ආශාව ‍,ලොල් බව,හා බිය,තැවුල් ඇත.ඒවා මැඩගැනීම කෙසේ වූවත් ඒවා පිලිගැනීමටද කැමති නොවෙන්නේ එවන් වූ චිත්තාවේගයන්ට අප මුලා කිරීමේ බලයක් ඇති නිසාවෙන්මය.මේ නිසාම භෞතික ශරීරයේ විවිධාකාරවූ නිදන් ගත රෝග පවා ඇතිවේ.නමුත් මෙම සියල්ල නිවැරදිව හුරුකරගත් භාවනාව මගින් හෝ මනසේ සංවර කම ඇති කරගැනීම මගින් මගහැරගත හැක.මන්ද මේ සියළු දෙටම හේතුව මනසේ නොහික්මුණු බවයි.

"ඔබ දුකින් සිටින විට ඔබගේ බුම්මාගත් මුහුණ හැමෝටම පෙන්නන්න එපා". ඇත්තෙන්ම ඔබට උදවි කල හැකි අයට පමණක් එය කියන්න. කොතරම් කරදර බාධක පැමිණියත් සිනාසී ඉන්න ඔබට හැකිනම් එය කෙතරම් ප්‍රියජනකද? උත්සහ කලහොත් එය කරන්නට අපහසුවක් නොවනු ඇත.

යොවුන් වියේ සිටින බොහෝදෙනා තම ආදර සම්බන්ධතා බිදවැටුන විට ඉමහත් දුකට පැමිණෙයි.ඇතැමුන් සියදිවි නසාගැනීම්වලට පවා යොමුවෙයි. තවත් සමහරුන් බේබද්දන් මෙන් දිවිගෙවති.
මෙවැනි දේ සිදුවන්නේ ජීවිතයේ අනියත බව පිළිබදව කිසිදු අවබෝධයක් නොමැති නිසාවෙනි.වෙන්වීම යන සතයයට මුහුණදීම ධෛර්ය ඇති කර ගත යුතුය.

"බිය කොතැනක හෝ උපදීද? එය අණුවනයන් තුලම උපදී.ඥාණවන්තයන් තුල නොපවතී." යනුවෙන් බුදුන්වහන්සේ දේශනා කර ඇත්තේ බිය යනු මනසේම යම් තත්වයක් නිසාය. මෙම ස්වභාව අපටම පාලනය කල හැක.ඍණාත්මක සිතුවිලි බිය උපදවයි.ධනාත්මක සිතුවිලි අපගේ බලාපොරොත්තු සඵල කරයි.ස්වභාවධර්මය මිනිසාට තම සිතුවිලි පාලනය කර ගැනීමේ හැකියාව මිනිසාට දයාද කර ඇත.සිතුවිලි හොදින් පාලනය කිරීමෙන් බිය අභිබවා යා හැකිය.

මහළු වනවාට වඩා ඩක්මනින් දුක් කම්කටොළු මගින් අපගේ රුධිරය නරක් කරයි.සැබැවින්ම මෙම දුක් කම්කටොළු මිනිස් සිරුරේ සැබෑ සතුරන්ය.එමගින් සාමාන්‍ය ශාරීරික කටයුතු අඩපන කරයි.

අන් අය සතුටු කරන්නට ඔබ ඉගන ගත්තොත් ඔබට නිරන්තරයෙන් සතුටින් සිටිය හැක. ඒ නිසාම ආදරණීය පින්වත් ඔබ සෑම මොහොතකම සතුටින් නිර්ලෝභිව සිටින්නට උත්සහ කරන්න. එවිට සදා සැනසිල්ල ඔබ ලග තියේවී.
මනසේ විවිධ ස්වරූපයන්ට මුලා නොවී උත්සහවන්තව කටයුතු කරන්නට ඔබට හැකිවේවා. සැමට තිසරණ සරණයි.

මීලග ලිපියෙන් හමුවෙමු.
මේ ලිපි බලන ඔයාගේ අදහස් මට හුගක් වටිනවා. ඔබට හිතෙන දේ පහලින් කියල යන්න.

හලාවත සිදුවෙන්න යන බිලි පුජාව වහා නවත්වමු.

noreply@blogger.com (sadahathisuwada) — Fri, 09 Sep 2011 08:25:00 +0000

ඇත්තටම මේ වෙලාවේ මේ වගේ පෝස්ට් එකක් දාන්න වෙයි කියලා කවදාවත් මම හිතුවෙ නෑ.
ඒත් අවාසනාවන්ත ලෙස සිදුවෙන්න යන මහා අපරාධයක් වෙනුවෙන් අප නිසැකවම නැගී සිටිය යුතුයි
යන්න මගේ හැගීමයි. මම දන්න තරමින් අහිංසක සතුන් අමු අමුවේ බොහෝ දෙනා ඉදිරියේ දෙවියන් උදෙසා යයි කියමින් නිරපරාදේ
මෙලොවින් තුරන් කිරීම් කිසිවිටකත් අනුගමනය කල නොහැක. සුන්දර බුදු දහමින් පෝෂීත වූ අපිට මෙවන් අපරාධ වන්නට ඉඩ දිය හැකිද?
මෙවන් කටයුතු වලින් සිදුවන්නේ සතුන්ගේ ජීවිත අහිමීවීම පමණක්ම නොවේ. සත්තකින්ම මේ හරහා මිනිස් ජීවිතවල තිබෙන්නාවූ සුළු හෝ මනුසත් කමත්
වියැකී යනු ඇත. මිට සුළු කාලයකට පෙර ජාතියක් ලෙස අපි අපේ ජීවිත කෙරෙහි කොතරම් බියෙන් සිටියෙමුද? අපේ හිත මිතුරන් තකාපමණක් අපෙන් සදහටම වෙන්ව ගියේද?
ලේ ගංගාවලින් මිහිතලයම කම්පා කරවූයේද? ඒ යුගය මතක් කරන විටත් සිතට කොතරම් නම් දුකක් දැනෙන්නේද? සත්ව ජීවිතත් අපේ ජීවීත මෙන්ම සංවේදීතාවයෙන් පිරී ගොස් ඇති බව අපි මෙන්ම මෙවන්
අපරාධ සිදුකරණු ලබන ඝාතකයින් පවා සන්සුදක් සේ දන්නා බව නොරහසකි. මෙරට සිටින මිනිසුන්ගෙන් හැම ආගමකම ආභාශය අරගෙන ආගම නිගාවට පත් කරන්නේද අපේම උදවියම බවද කණගටෙුවට කරුණකි.
හිත් පිත් නැති අධමයින් සේ සිදු කරන මෙවන් අපරාධ වහාම නැවැත් විය යුතුය. ඒ සදහා අපි එකාවන්න කටයුතු කරමුග 12 වැනි දිනට ඇත්තේ තව ටික දිනකි. අපිට මේ වෙනුවෙන් කරන්නට හැක්කේ කුමක්ද යන්න පිළබදව
මම මෙන්ම බොහෝ දෙනා දැනගැනීමට කැමැත්තෙන් ඇති බව මම දනිමු. එන්න මේ ගැන කතාකරන්න විතරක් නෙමෙයි ඒ වෙනුවෙන් පෙළගැසෙන්න.

ඔබ කවර ලෙස කිපෙන කෙනෙක්ද? (පුද්ගල වර්ග 3)

noreply@blogger.com (sadahathisuwada) — Wed, 07 Sep 2011 12:37:00 +0000

මේ ලෝකය හරිම පුදුමාකාරයි. මිනිස්සු හරිම විවිධයි. මේ විවිධාකාර වූ පුද්ගලයන් ප්‍රධාන වශයෙන් වර්ග 3කි.
මෙම පුද්ගලයන් මෙසේයී.(අංගුත්තර තික නිපාත-130)

1.ගල මත ලිවීම සේ උපමා කල පුද්ගලයා
2.පොලොව මත ලිවීම සේ උපමා කල පුද්ගලයා
3.ජලය මත ලිවීම සේ උපමා කල පුද්ගලයා

1.ගල මත ලිවීම සේ උපමා කල පුද්ගලයා

නිතර නිතර කිපෙන පුද්ගලයකුගේ ක්‍රෝධය දිගු කලක් සිත තුල රුදී පවතියී නම්,ගලක් මත ලියූ දෙයක් වාතයෙන් හෝ ජලයෙන් පහසුවෙන් නොමැකී යන්නා
සේ සිත තුල ක්‍රෝධය,තරහව පැසවමින් පවතියි. එවන් පුද්ගලයින් මෙයින් විග්‍රහ කර ඇත.

2. ලිවීම සේ උපමා කල පුද්ගලයා

යම් පුද්ගලයකු නිතර කිපෙන පුද්ගලයකු වූවත් ඔහුගේ ක්‍රෝධය දිගු කලක් සිත තුල රුදී නොපවතියී නම්,
පොලොව මත ලියූ දෙයක් වාතයෙන් හෝ ජලයෙන් පහසුවෙන් මැකී යන්නා
සේ සිත තුල ක්‍රෝධය,තරහව පැසවමින් නොපවතියි. එවන් පුද්ගලයින් මෙයින් විග්‍රහ කර ඇත.

3.ජලය මත ලිවීම සේ උපමා කල පුද්ගලයා

යම් පුද්ගලයකු රළු වචන ද,පරැෂ වචන ද, අමනාප බස් ද ඇසුවද, ඒ සැම ඉවසා සාමදානව එක්වී සතුටු වේ නම්,ජලය මත ලියූ දේ ඉතා පහසුවෙන් මැකී යන්නා සේ ඔහු ඒ සැම ඉවසා සතුටින් දිවි ගෙවයි.එවන් පුද්ගලයින් මෙයින් විග්‍රහ කර ඇත.
එසේනම් මේ ත්‍රිවිධාකාර වූ පුද්ගලයන්ගෙන් ඔබකුමන ආකාරයේද යන වග අන් සැමටම වඩා එබ දන්නවා ඇත. සුදුසු දේ තොරාගෙන යහපත් ලෙස දිවි ගෙවීමට ඔබට
හැකිවේවායි පතමි. ඔබට සම්මා සම්බුදු සරණයි.
(වෙනස් කල නොහැක්කක් නොමැත-බුද්ධියෙන් විමසා බලනු මැන)

මීලග ලිපියෙන් හමුවෙමු.

අනියත ජීවිතය හා නියතය මරණය(1)

noreply@blogger.com (sadahathisuwada) — Wed, 07 Sep 2011 04:55:00 +0000

ජීවිතං අනියතංමරණං නියතං- එනම් "ජීවිතය අනියතයි මරණය නියතයි" යනු බුදු දහමේ ඉතා ප්‍රසිද්ධ දේශනාවකි. මෙලොව උපන් සෑම සත්වයෙක්ම මරණයට පත්වන බව අපි දනිමු. එය ස්වභාවික දෙයකි. නමුත් අපි අපි සැවොම මරනණයට අකමැතිය. සත්තකින්ම මහත් වු බියක් දරන්නේය.සැබැවින්ම ඒ අපට මේ ස්වභාවය කත්රැම් ගත නොහැකි නිසාම සිදුවන දෙයකි. එසේම අපි අපේ මේ කුණුකයට මහත් අශාවක් ඇති නිසාවෙනි.
කුඩා දරැවෙක් මෙලොව එළිය දකින විට නෑදෑ හිත මිතුරන් මහත් සේ සතුටු වන්නේය. දරැවා බිහිකිරීමට මව දරණ වෙහෙස දරුවා දුටු සැනින් ඇයට අමතක වී යන්නේය. එහෙත් උපදින දරැවා හඩන්නේ ඔහුටද මෙලොව බිහිවන විට දුක් විදින්නට සිදුවන නිසා බව පැහැදිලිය. මෙසේ නොයක් දුක් විදිමින් තරුණ වියට පැමිණෙන මොහුද දිනෙන් දින වයසට ගොස් කාලයක් ගත වත්ම නෑදෑ හිතමිතුරු සියල්ලන්ම දුක් සයුරේ ගිල්වමින් මොලොවින් සමුගන්නේද මේ ලොව පවතින එකම දේ අනියත බව යන්න සැමට පසක් කරමිනි. මරණයෙන් බේරීමට කුමන උපක්‍රමයක් යෙදුවත් ඉන් මිදිමට කිසිසේත් නොහැකිය.මරණ අවස්ථාවේදී තමා රැස් කල ධනය මතකයට පැමිණේ. තමා වටේ සිටින දූ දරුවන් කමපා වන විට ඉමහත් දුකක් දැනේ.මේසාවූ කාලයක් අපහසුවෙන් රැකගත් මේ කය අතහැර දමා යන්නට කොතරම් දුකක් දැනුනත් අවසන අපට එය කරන්නටම සිදුවේ.නොයෙක් සිතුවිලි මැද මරණයට පත්වේ.මරණය නිසා ඇතිවන දුක භයංකාර වන්නේ අපේම නොදැනීම මුලාව නිසාමය. ඉමහත් ආශාවන් පොදි බැදගෙන ඒවා මතම වැඩ කරන නිසාමය. එබැවින් පින්වත් හිතවතුනේ... පරතෙරක් නොමැති ආශාවන් පොදි බැදහන්නවාට වඩා. මැදිහත්ව යහපත් සිතින් වැඩ කිරීම මහත් වටින බව පිළිගතයුතුම නොවේද? සිකන්න.. එය ඔබට බාරයි.

මීලග ලිපිය මරණ භය

බුදු දහමින් පොෂණය වූ ආදරණීය ඔබ මේ ගැනත් සිතන්න

noreply@blogger.com (sadahathisuwada) — Wed, 24 Aug 2011 03:28:00 +0000

ආදරණීය පින්වත් හිතවතුනේ,අප සෑම දෙනාම කොතරම් පින්වත්ද? සත්තකින්ම අපි ඉතා වාසනාවන්තයි. ඒ මේ පින්බිමේ ඉපදීමේ භාග්‍යය අප සැමට ලැබුනු නිසාවෙනි.
නමුත් බෞද්ධයකු ලෙස ඉපිද ඇතැමුන් කරන අනුවණ ක්‍රියා පිලිබදව අසන්නට දකින්නට ලැබෙනවිට සිතය දැනෙන්නේ අසීමිත සෝකයකි.
බුදු දහමේ ඇති සත්‍යවාදීබව හා නිදහස් චින්තනය මුළුමහත් ලෝකයම පිළිගන්නා මෙවන් යුගයක, අසරණකම නැතිබැරිතමට පිහිටවන මුවාවෙන් ඒ උතුම් දහම විනාශ කරන්නට ඇතැමුන් උපක්‍රම ක්‍රියාත්මක කරන බව අප දත යතු කරුණකි.
සියල්ලන්ටම තමා කැමති දේ කිරීමට අයිතියක් ඇත. නමුත් එවැනි දේ බියවද්දා හෝ තවත් අයෙකු මුලාකර,පීඩනයට පත්කර සිදුකිරීම අනුමත කල නොහැක.
සුනිමල බුදු දහම ඉදිරියට ගෙනයන අපේ පැවිදි උතුමන්ගේ සිත් සතන් පවා පවිටුකම් වලින් පුරවා උන්වහන්සේලා ලවාම මේ උතුම් බුදු දහම විනාශ කරන්නට ඇතැමෙක් වෙර දරණ බව ඇතැම් ප්‍රචේශ වලින් වාර්ථාවේ.
සමාජය ක්‍රමයෙන් නවිකරනය වන මෙවන් යුගයක, තාප්ප-බැමිවලින් සිරවුනු හදවත් ඇති බොහෝ දෙනා පන්සලකට පය තබන්නේද ඉදහිටය.මේ නිසාම ගිහි-පැවිදි සබදතාව බොහෝ දුරස් වීම නිසාම උන්වහන්සේලාට දැක්විය යුතු ගෞරවය පවා විහිළුවක් බවට පත්ව ඇත.
එසේම ලාබ ප්‍රයෝජන වෙනුවෙන් පමණක් සසුන්ගතව එකක් කියමින් එකක් කරන චිවරධාරීන්ද සිටින බව කිව යුතුය. සත්තකින්ම මාගේ මතයේ හැටියට තමන්ට යමක් නිවැරදිව කල නොහැකිනම් එතනින් ඉවත් වීම මහා සෙතක් වනු ඇත.අවලාද බස් අසමින්,වැරදිකරමින් සීටීම කිසිසේත් ගැලපෙන්නේ නැත.
විවිධ මිත්‍යාමත සමාජයට ගෙනදෙමින් ලෙඩ රෝග සුවකරන,සෙත සලසාදෙන,ගෙදරට අවශ්‍ය දෑ දෙන, දරුවන්ට පොත් පත් ලබා දෙන දුප්පත්කමට පිහිටවන හිතවතුන් සේ ඔබ මුලාකරන්න වෙරදරනවුන්ට ආගම දහම පාවා නොදෙන්න...... ඔබට සම්මා සම්බුදු සරණයි.

සදාදරණීය හිතවතුනේ

noreply@blogger.com (sadahathisuwada) — Fri, 29 Jul 2011 05:50:00 +0000

හුග දවසක් ගතවුනා. ඒත් බ්ලොග් එකට ලිපියක් එක්කරන්න බැරිවුනා. සමාවෙන්න මේ ටිකේ ටිකක් වැඩ වැඩියි. අගෝස්තු මාසේ 23න් පස්සේ අනිවාර්යෙන් හොද ලිපි ‍ඔයාලා වෙනුවෙන් ලියන්න අපි බලාපොරොත්තු වෙනවා. ඒ අතරතුර හැකියාවක් ලැබුන විගසම අපි ලියන්නම් එතකන් මේ බ්ලොග් බලන්න

බුද්ධ රශ්මි
මහමෙවුනාව
http://rightmindfulness.wordpress.com

මිහින්තලාවම එකළු වුණා මහින්ද මා හිමි වැඩම කලා

noreply@blogger.com (sadahathisuwada) — Tue, 14 Jun 2011 11:21:00 +0000

උතුම් බුදුහිමියන් තෙවරක්ම පා තැබූ මේ පින්සාර භූමියේ පැවතුණාවූ අවිදු අදුර දුරලමින් සොදුරු නිර්මල අමා දහම් පදයෙන් ලක්දනගේ හදවත් නහවන්නට උදාවූ සුවිශාල ආගමික වැදගත්කමක් ඇති පින්බර පොහෝ දිනයකි පොසොන් පොහෝ දිනය...
තවත් පැය කිහිපයකින් ඒ උතුම් දිනය උදාවනු ඇත.. බොහෝ බැතිමතුන් මේ වන විටත් අනුරාධපුරය ආශිත සිද්ධස්ථාන වැදපුදා ගැනීමට එහි ගොස් ඇත.
එවන් වූ වැදගත්කමක් මේ දිනයට ලැබී ඇත්තේ සුන්දර බුදු දහම මේ පින්බිමේ මුල්බැස ගත්තේ බු.ව. 237 දී පමණ උදාවූ පොසොන් පොහෝ දින අනුබුදු මිහිදු හිමියන් මෙහි වැඩම කල නිසාය... සත්තකින්ම හදවත් කරැණා දියෙන් තෙතබරිත වූ නිසාය.

මහින්දාගමනය

අශෝක අධිරාජ්‍යාගේ අග්‍ර දායකත්වයෙන් හා මොග්ගලීපුත්ත තිස්ස මහ රහතන් වහන්සේගේ ප්‍රධානත්වයෙන් තෙවන ධර්ම සංගායනාව සිදුවිය. එහි ප්‍රතිඵලයක් ලෙස අශෝක රජුගේ පුතනුවන් වූ මිහිදු මහ රහතන් වහන්සේ ප්‍රධාන ධර්ම දූත පිරිසක් ලංකාදීපයට එවීමට කටයුතුද සැලසුනි.
මේ වන විට මිහිදු හිමියන් වැඩ සිටියේ මෑණියන් විසින් කරවන ලද වේදිස ගිරි විහාරයේය.ලක් රජුගේ දෙවන අභිෂේකය හා දහම් පණිවිඩය අසා සිටි උන්වහන්සේ ලග එන පොසොන් පොහෝ දින ලක්දිව මිස්සක පව්වට වැඩම කරන්නට සිතා ගත්තේය.
එවිටම සක් දෙවිදුන් කාරණය දිවැසින් දැක මිහිදු හිමියන් කරා එළඹ "ඔබ වහන්සේ ලංකාදීපයට වඩිනු මැනව. බුදුන් වහන්සේද මේ බව පරිණිර්වාණ මංචකයේදී වාදාලේය. අපිදු සියලු උපකර කරන්නෙමු" යි කීය.
සීත සුළන් රැලි දසතම සුසීතල කරමින්.. පොසොන් සදේ රැස් දහර දසතම ආලෝකමත් කරමින් පොසොන් පොහෝ දින උදාවිය. තිස්ස රජු චිරාගත චාරිත්‍ර අනුව රටවැසියාට සැනලකළි පවත්වන්නට නියම කර,තෙමේද හතලිස්දහසක් පිරිවර සමග දඩකෙළිය සදහා මිහින්තලා පව්ව වෙත ගියේය.මිහිදු හිමි කාරනට දිවසින් බලා පිරිවර සමග මිස්සක පව්වට ඍද්ධියෙන් වැඩම කලහ. රජු සිය පිරිසගෙන් ඇත් වූ නිසා තන කමින් සිටි මුවකු (වෙස්ගත් පර්වත දේවතාවෙක්) දැක සන් කොට(දුවන්නට හැර) ඌ පසුපසින් මිස්සක පව්ව අසලින් යන විටදී...මිහිදු හිමියන් "තිස්ස මෙහි එන්න" යැයි මධුරස්වරයෙන් රජු ඇමතීය. ඒ වදනින් තැති ගත් රජු ඇමතූ හිමියන් "මහරජ ,අපි ධර්මරාජ වූ බුදුපියාණන්ගේ ශ්‍රාවකයන්ය.තොපට අනුකම්පාවෙන් දඹදිව සිට මෙහි පැමිණියෙමු" යි වදලහ.
එයින් පැහැදුන මෙසේ ඇසුවේය"ඔබ වහන්සේ කෙලෙසක මෙහි පැමිණියෙද?" එවිට තමන් ගොඩින් හෝ දියෙන් නොපැමිණි බව මිහිදු හිමි පැවසීය.(ඍද්ධි බලයෙන් පැමිණි බව) රජුගේ දැනුම විමසූ හිමියන් "චුල්ල හත්ථි පදෝපම සූත්‍රය" දේශනා කල සේක. අවසානයේ රජු සහ පිරිස සරණ සීලයේ පිහිටියහ. නික්ම යාමට පෙර දනට රජ මාලිගයට වඩින ලෙසද ආරාධනා කලේය.
එතැන් පටන් පුරාණගත ඇදහිලි ක්‍රමයෙන් අඩුවියග සත්‍ය වාදීත්වය මුහුපුරා ගියේය.. ජනී ජනයා වෙලී සිටි අවිදු අදුර පොසොන් සද සමග පෑයූ අසමසම මිහිදු හිමියන්ගේ තේජාන්විත බාවයෙන් හා සුවසූදහසක් ධර්මස්කන්ධයේ ආනූභාවයෙන් වියැකි ගියේ මේ පින්වත් රටේ හදවත් පිංබර සිතිවිලි වලින් පුබුදුවාලමිනි.
එද මෙදා තුර කාළයේ බුදු දහම මහත් සේ පිළිගැනීමට ලක්විය.. බාදක අභියස නිබදව නොසැලෙන මෙවන් වූ සත්‍යවාදී දහමක් නම් නැත. හිමිවුන ඒ පින රැකගමු අපි අපේ දිවි හිමියෙන්. බුදුසරණයි!

__________________‍මෙන්න මේකත් කියවන්න__________

තව දෙයක් කියන්න ඕන පුළුවන් හැමොම ගිහින් මහින්දාගමනය චිත්‍රපටිය බලන්න. අති විශිෂ්ඨයි.
මෙන්න ඒකෙ වීඩියෝ කෑල්ලක්.

ඔයාගේ අදහස් දැනගන්න මමත් කැමතියි. ඇත්තටම ඒක ම‍ට ලොකු හයියක්..

ඔබේ ලිපි, නිර්මාණ වලට ඉඩක්

noreply@blogger.com (sadahathisuwada) — Sun, 12 Jun 2011 13:09:00 +0000

අසමසම ගුණ සහිත බුදුපියාණන් වහන්සේගේ ඒ උතුම් ගුණයන් ගැන ඔබේ සිතුවිලි වලටත් ඉඩක් දෙන්න අපි සූදානම්... එක්වන්න කැමතිනම් අපත් සමග................
කැමතිනම් මේ ලිපිනයට ඊමේල් කරන්න
sadahathisuwada@gmail.com
නිර්මාණ පිටවට යන්න මෙතනට ක්ල්ක් කරන්න

.....බුදු දහම, දහම් අධ්‍යාපනය සහ අපි.....

noreply@blogger.com (sadahathisuwada) — Fri, 10 Jun 2011 10:33:00 +0000

තිලොවක්ම එකළු කරමින්, සැමටදනාටම අමා සුවය ගෙනදුන් ඒ බව දුකට වෙදැදුරාණන් බදු වූ තිලෝතිලක සම්මා සම්බුදුරජාණන් වහන්සේගේ ශ්‍රී සද්ධර්මය වසර 2500 කට වැඩි කාලයක් ගතව ගියද නොනැසී පවතී. ඒ උතුම් සත්‍යය සැමවිටම පසක් කරමින් විවිධ කාලයන්හි විවිධාකාරවූ අසිරිමත් සිදුවීම් පවා අපට අහන්නට දකින්නට ලැබුණි.

ලෝකය සීඝ්‍ර ලෙස තාක්ෂණය දියුණු කරණ මොහොතක මිනිසත්කම වියැකී යනවාදෝ මට සිතේ..
එයට පසක් වු හේතු විශාල ප්‍රමාණයකි. මිනිසුන් තරගයට එකිනෙකාට වඩා ඉහලට යන්නට වෙරදරයි. මේ නිසාම ඔවුන් අතින් නොසිතන ලෙස වැරදිද සිදුවෙයි.
අහංකාරකමින් දරුවන් පවා පුරවාලමින්.. තරගකාරී අධ්‍යාපන රටාවකට පමණක් කොටු කිරීමට දෙමාපියන් වෙර දරයි. එහෙත් ඔවුන් එසේ සිතීමෙන් උගත්කමින් යුතු ගුණමකුවන් පිරිසක් බිහිවන බව අනිවාර්ය කරුණකි. කොතරම් කෑ ගසා තමන් බෞද්ධයකු යැයි කීවත්.. දහම් අධ්‍යාපණයක් නොමැති නිසාම අද වන විට මිනිසුන් අතර ආත්මාර්තය මුහුපුරා ගොස් ඇත. දහම් පාසලක් වෙත දරැවන් යැවීමට උනන්දු නොවීම මා දකින සුවිශාල අඩුපාඩුවකි..
මිනිසත්කමින් සපිරුනු යහපත් සමාජයක් බිහිකිරීමට උගතුන් අවැසි සේම.. ඒ උගත් කම තමන්ගේ ආගම දහමටද යොදාගැනීම අප සතු වගකීමකි. එසේම යුතුකමකි.
බොහෝ දරුවන් හට ඉරිදා දින උදාවන්නේ ටියුසන් පන්තියේ සීනු හඩ සමගිනි..
අපොස සාමාන්‍යපෙල/උසස්පෙල විභාග හදාරන අපි දහම් පාසල් යන්නේ අවසාන විභාගයේ අයදුම් පත්‍ර එනතුරු වීමද කණගාටුවට කරුණකි. නොමිලේ පවත්වන මේ විභාගයේ ප්‍රශ්ණ පත්‍ර මේ වසරේදීත් දස දහස් ගනන් අපතේ ගොස් ඇත. රටේ දියුණුව ගැන කතාකරන අපි අපේ අතින් සිදුවන සාපරාදී ක්‍රියාවන් ගැන සිතන්නේවත් නැත.
බෞද්ධ දර්ශණය තරම් සත්‍යවාදී දහමක් උපන් බිමේ මුල් බැස තිබියදීත් අපෙන් වන සුළු සුළු අගහිගකම් නිසා සමාජයම පිරිහීමට පත්ව ඇත.
අනෙකෙකුට අත දිගු කරණවාට වඩා තමාගේ වටිනාකම හරිහැටි ඉටුකරන්නට අපි වග බලා ගමු. එවිට සුන්දර සිතක් ඔබට හිමිවේවි.

විපත සහ විපතේ මූල(අඝ හා මූල)

noreply@blogger.com (sadahathisuwada) — Mon, 06 Jun 2011 09:00:00 +0000

අපමහා ලෝතුරා බුදුන් වහන්සේ සැවැත්නුවර වැඩවසන සමයේ විපත සහ විපතේ මුල පිළිබදව මෙසේ දේශණා කල සේක.

මහණෙනි

"රූපය විපතයි,

වේදනාව විපතයි,

සංඥාව විපතයි,

සංඛාර විපතයි,

විඥානය විපතයි.

සැබැවින්ම මේ පංචස්කන්ධයම විපතයි"
ඇත්තෙන්ම අප සැමවිටම දුක් වන්නේ අපි ආශා කරණ දෙය අපට නොලැබීම නිසාය.
අප දකින්නට බොහෝ සෙයින් අකමැකි දේ අපට ලැබීම නිසායි.
සංස්කාර වලින් මුළු සිරුරම වෙලාගෙන අවිද්‍යාවෙන් මුලා වී සිටින නිසායී.

මේ සියල්ල විපත නම්,
මැදිබත් බවින් සිටීමෙන් මේවා නැසිය හැකි නොවේද?
විපතේ මුල-
පුනර්භවය ඇති කරන, නන්දි රාග සහගත, ඒ ඒ තැන්හි සිත වසග කරවන, අභිනන්දනය ඇති කරවන ලද කාම තණ්හා,භව තණ්හා හා විභව තණ්හා යන සියල්ල විපතේ මූල යනුවෙන් හදුන්වයි.

ඒ නිසා මෙසියල්ලට අපව පරදන්නට නොදී අපි මේවා පැරදිය යුතුය.

සතුන් ඝාතනය වන්නේ මිලදී ගන්නා නිසා නොවේද?

noreply@blogger.com (sadahathisuwada) — Sun, 05 Jun 2011 16:40:00 +0000

මජ්ඣිම නිකායේ 55 වැනි "ජීවක" සූත්‍රයේ බුදුන් වහන්සේ මෙසේ දේශණා කළ සේක...

"ජීවක,අවස්ථා 3කදී මාංශ අනුභව නොකළ යුතුයි. එනම්,

1.දිට්ඨං-දක්නා ලද නම්(අවබෝධ කරගත්තේ නම්)

2.සුතං-අසන ලද නම්(ඇසීමෙන් දැනගත්තේ නම්)

3.පරිසඩ්කිතං-සැක කළේ නම්(සැක සහිත නම්)

"ජීවක,අවස්ථා 3කදී මාංශ අනුභව කළ යුතුයි. එනම්,

1.අදිට්ඨං-නොදක්නා ලද නම්(අවබෝධ කරගත්තේ නැති නම්)

2.අසුතං-නොඇසූ ලද නම්(ඇසීමෙන් දැනගත්තේ නැති නම්)

3.අපරිසඩ්කිතං-සැක කළේ නැති නම්(සැක සහිත නැති නම්)

වෙළදසල් වලින්, වෙළෙන්දන්ගෙන් සතුන්ගේ (කුකුලන්,එළුවන්,හරකුන්,ඌරන්,මත්ෂ්‍යයින්) මංශ අප මිලදීගනී.

ඒ සතුන්ගේ අසරණ ජීවිත නැතිවීමට හේතුව අපද?

සත්වයන්ගේ ගෙල කයින් වෙන්වන්නේ ඝාතකයන් හට අපි මුදල් දෙන නිසා නොවේද?

"මිල දෙන නිසා ඝාතනය කරති."

සැබැවින්ම මෙයට හේතුඵල දහම ඍජුවම බලපායි.

කන්හ දීපායන ජාතකය මෙයට කදිම උදාහරණයකි.(කන්හ දීපායන ජාතකය මෙතනින් click කර බැලිය හැක.)

ඒ තාපසයානන් උල ගසනු ලැබුයේ පෙර භවයක කුඩා දරුවකුව සිටියදී සමනළයකු කූරකින් උල ගැසූ නිසාය. එයට අපායේද දුක් වින්දේය.

සත්ව මාංශවල පවතින පෝෂක කොටස් සෝයා ආහාර වර්ග,බෝංචි,පරිප්පු ආදියෙහි ඒ හා සමානවම පවතී.

අලි ඇතුන් වැනි සතුන් ‍ගේ ශක්තිය කොතරම් අරුමයක්ද? නමුදු ඔවුන් ශාක භක්ෂකයන්ය...

සිතන්න...

මස් මාංශ ගෙන දිව පිනවා ඝාතනයකට අනුබල දී, තමන්ගේ ශරීරය අමු සොහොනක් කරගන්නවාට වඩා

අවිහිංසාවෙන් ජීවත්වීම වඩා නොවටින්නේද?

noreply@blogger.com (Anonymous) — Fri, 03 Jun 2011 10:21:00 +0000

හැමෝටම ආයුබෝවන්.. මටත් පුංචි ආරාධනාවක් ඇවිත් තිබුණා ගොඩක් හොද වැඩකට.. ඉතින් මමත් අද ඉදන් සැදැහැති සුවද අඩවියත් එක්ක සම්බන්ධ වෙනවා.. හොද ලිපි ටිකක් දාන්නයි මම හිතන් ඉන්නේ..

noreply@blogger.com (sadahathisuwada) — Tue, 17 May 2011 08:49:00 +0000

සසර දුක නිවන මග(නිවන් මග)

මේ සසර දුකින් මිදීමට නම්- සසර ගමන නැවැත්විය යුතුය

සසර ගමන නැවැත්වීමට නම්- නිවන් දැකිය යුතුය(යලි උපත නැති කිරීමට)

නිවන් දැකීමට(යලි උපත නැති කිරීමට) නම්- තෘෂ්ණාව නැතිකල යුතුය (ලෝභ,ද්වේෂ,මෝහ)

තෘෂ්ණාව(ලෝභ,ද්වේෂ,මෝහ) නැති කිරීමට නම්- ලෝක සත්‍යය අවබෝධ කරගත යුතුය(චතුරාර්ය සත්‍ය)

ලෝක සත්‍යය අවබෝධ කරගැනීමට නම්- ප්රඥාව දියුණු කල යුතුය

ප්රඥාව දියුණුකර ගැනීමට නම්- විදර්ශනා භාවනාවන් වැඩිය යුතුය

විදර්ශනා භාවනාවන් වැඩිමට නම් - විසිරෙන සිත එක් තැන් කල යුතුය

විසිරෙන සිත එක් තැන් කිරීමට නම් - සමථ භාවනාවක් වැඩිය යුතුය

සමථ භාවනාවක් වැඩීමට නම් - කුසල ශ්‍රද්ධාව දියුණු කල යුතුය

කුසල ශ්රද්ධාව දියුණු කිරීමට නම් - ශිලයක පිහිටා නිතර ත්‍රිවිධ රත්නයේ ගුණ සිහිකළ යුතුය

ත්‍රිවිධ රත්නයේ ගුණ සිහිකිරීමට නම් - සූවිසි ගුණය පිළිබද අවබෝධයක් ලබාගත යුතුය

සූවිසි ගුණය-බුදුගුණ නවය(9)

දහම් ගුණ හය (6)

සංඝ ගුණ නවය(9)

(සුවිසි ගුණය පිළිබද හැදින්වීම ලගදීම)