Latest News Updates

ટનબંધ સોનુ અને ગાડીઓ ભરીને રોકડ સાથે ગદ્દાફીએ દેશ છોડ્યો

2011-09-07T14:22:00.000+05:30

- પશ્ચિમ આફ્રિકન દેશ બુરકિના ફાસો તરફ ગદ્દાફી નાસી ગયાની શક્યતા
- પોતાને વફાદાર એવા 250 લડાકૂઓ સાથે ગદ્દાફીએ બોર્ડર ક્રોસ કરી
- ગદ્દાફીનો કાફલો ગઈકાલે સાંજે નાઈઝર દેશની રાજધાની નિઆમે પહોંચ્યો હતો

છેલ્લા સાત મહિનાની આકરી લડત પછી આખરે લિબિયામાંથી ગદ્દાફીના શાસનને ઉખાડી ફેંકવામાં સફળ રહેલા વિદ્રોહીઓ હાલમાં જ્યારે ભાગેડુ ગદ્દાફીને શોધવા માટે આકાશપાતાળ એક કરી રહ્યા છે ત્યારે ગદ્દાફી 250 જેટલા હથિયારધારી સૈનિકોના કાફલા સાથે બોર્ડર ક્રોસ કરીને નાસી છુટ્યો હોવાની ચર્ચા થઈ રહી છે. ગદ્દાફી પોતાની સાથે ગાડીઓ ભરીને રોકડ તેમજ સોનુ પણ લઈ ગયો હોવાના અહેવાલ છે.

લિબિયા પર છેલ્લા 42 વર્ષથી કબ્જો જમાવનારો આ આપખુદ શાસક પશ્ચિમ આફ્રિકામાં આવેલા દેશ બુરકિના ફાસો તરફ નાસી રહ્યો હોવાનો હાલમાં અંદાજ વ્યક્ત કરાયો છે. આ દેશમાં શરણ મેળવવાની સમજૂતી ગદ્દાફીએ દક્ષિણ આફ્રિકાની મદદથી કરી હોવાની શક્યતા છે.

ગદ્દાફીના આ કાફલામાં તેની સુરક્ષાનો વડો મનસુર ધાઓ અને અન્ય આદિવાસી લડવૈયાઓ પણ છે. આ કાફલો ગઈકાલે સાંજે રણને ઓળંગીને પાડોશી દેશ નાઈઝરની રાજધાની નિઆમે પહોંચ્યો હતો.

જોકે, ગુપ્તચર અધિકારીઓના જણાવ્યા અનુસાર ગદ્દાફી તેમજ તેના પરિવારને દેશની બહાર મોકલવાની સમજૂતી દક્ષિણ આફ્રિકા અને ફ્રાંસે લિબિયામાં વધુ રક્તપાત રોકવા માટે નાટો વતી કરવામાં આવી હતી.

ઉલટી, ઉબકા કે અપચો ગમ્મે તે બીમારી, અક્સીર ઉપાય છે ડુંગળી

2011-09-07T14:08:00.000+05:30

પેટને લગતી કોઈપણ સમસ્યા માટે રામબાણ ઈલાજ કહી શકાય ડુંગળીને, આપ પણ તેનાં અકસીર ગુણો જાણી લો

-લોહી વિકારને દૂર કરવા માટે 50 ગ્રામ ડુંગળીના રસમાં 10 ગ્રામ ખાંડ તથા 1 ગ્રામ અને સફેદ જીરુ શેકીને ઉમેરો આ રસ પીવાથી લોહીને લગતી બીમારી દુર થાય છે.

-કબજિયાતની બીમારી દુર કરવા દરરોજ ખાવામાં એક કાચી ડુંગળી લેવી જોઈએ

-જો અપચાની તકલીફ હોય તો ડુંગળીના નાના નાના ટુકડા સમારી તેમાં લીંબુ નીચોવી તેમાં વિનેગર ભેળવી જમવામાં લો તેનાંથી અપચાની તકલીફ દુર થશે.

-નાના બાળકોને થતી અપચાની બીમારીમાં ડુંગળીના રસના ત્રણ-ચાર ટીપા ચટાડો તેનાથી લાભ થશે.

-ડાયેરિયાની બીમારી દુર કરવા પણ ડુંગળી અકસીર છે. ડુંગળીને પીસીને તેનો લેપ નાભની આસ પાસ લગાવો કાં તો કપાડંમાં બાંધી નાભી ઉપર બાંધી દો. તેનાંથી ફાયદો થશે

-નાના બાળકોમાં નસકોરી ફુટવાની (નાકમાંથી લોહી નિકળવાની) તકલીફ હોય તો નાની ડુંગળી ગળામાં બાધી દેવામાં આવે તો રાહત મળે છે.

-ઉબકા કે ઉલટીની તકલીફ હોય તો દર્દીને ડુંગળીના રસમાં થોડુ મીઠું ઉમેરીને પીવડાવવામાં આવે તો તેને રાહત મળે છે.

ગર્ભવતી ઐશ્વર્યાને કરિના કપૂર પર આવ્યો ગુસ્સો!

2011-09-07T14:07:00.002+05:30

કરિશ્મા-અભષિકેની સગાઈ તૂટી જતાં કપૂર-બચ્ચન પરિવાર વચ્ચે કડવાશ

મધુર ભંડારકરની ફિલ્મ હિરોઈનને લઈને જે વિવાદ થયો તે હજી પણ ચાલી રહ્યો છે. લાગે છે કે, જ્યાં સુધી આ ફિલ્મ રીલિઝ નહીં થાય ત્યાં સુધી આ વિવાદ ચાલ્યો રહેશે.

કરિના કપૂર અને બચ્ચન પરિવાર વચ્ચે પહેલેથી જ અણબનાવ રહ્યો છે. કરિશ્મા કપૂર અને અભિષેક બચ્ચનની સગાઈ તૂટી જતાં કપૂર પરિવાર અને બચ્ચન પરિવાર વચ્ચે કડવાશ ઉત્પન્ન થઈ છે.

હવે, બચ્ચન બહૂ ઐશ્વર્યા રાય કરિના કપૂરના નિર્ણયથી ખુશ નથી. કરિના કપૂરે મધુર ભંડારકરની ફિલ્મ હિરોઈન સ્વીકારી લીધી છે. આ ફિલ્મનું શૂટિંગ ઐશ્વર્યા સાથે આઠ દિવસ સુધી કરવામાં આવ્યું હતું. જોકે, આ સમય દરમિયાન એશ ગર્ભવતી થઈ જતાં તે આ ફિલ્મમાંથી નીકળી ગઈ હતી. આટલું જ નહીં એશે આ ફિલ્મની સાઈનિંગ અમાઉન્ટ પણ પાછી આપી દીધી છે.

જોકે, તાજેતરમાં જ એશે ફિલ્મ નિર્માતા અને દિગ્દર્શકને એક નોટિસ ઈશ્યૂ કરી છે. આ નોટિસમાં જણાવવામાં આવ્યું છે કે એશે જેટલું શૂટિંગ કર્યું છે તેનો ક્યાંય ઉપયોગ કરવો નહીં. ફિલ્મના સ્ટીલ ફોટો અને વીડિયો ફૂટેજનો ભવિષ્યમાં ઉપયોગ કરવો નહીં. એશના આ વર્તનથી સ્પષ્ટ થાય છે કે, કરિનાએ હિરોઈન સાઈન કરી તે અભિનેત્રી(એશ) બિલકુલ પસંદ આવ્યું નથી.

સૂત્રોના જણાવ્યા પ્રમાણે, બેબોએ જ્યારે હિરોઈન કરવાની ના પાડી ત્યારે એશે આ ફિલ્મ સ્વીકારી હતી. જોકે, એશ નીકળી જતાં તરત જ બેબોએ આ ફિલ્મ સ્વીકારી લીધી.

અલબત્ત, કરિના જણાવે છે કે, ફિલ્મ હિરોઈન તેને ધ્યાનમાં રાખીને જ લખવામાં આવી હતી તથા મધુર અને યુટીવી પણ ઈચ્છતા હતા કે તે આ ફિલ્મ સાઈન કરે.

કોસ્મેટિક્સ વગર જ મેળવો કોમળ ત્વચા, માત્ર થોડી મિનિટોમાં

2011-09-07T14:06:00.002+05:30

સુંદર અને આકર્ષક દેખાવા માટેની પહેલી શરત છે સ્વસ્થ અને સુંદર ત્વચા

-ભલે ને તમે વર્કિંગ વુમન હોવ કે હોમ મેકર પણ તમારી ત્વચાને વાતાવરણમાં રહેલું પ્રદુષણ, ધુળ – માટી વગેરેનો સામનો તો કરવો જ પડે છે.જેને કારણે તમારી ત્વચામાંથી નિખાર જતો રહે છે અને ત્વચા કરમાયેલી લાગે છે.

- જો તમે પણ ગુલાબ જેવી તરોતાજા ત્વચા મેળવવા માંગતા હોવ તો તે માટે યોગથી સારો બીજો કોઇ ઉપાય નથી.

-અહીં એક એવી મુદ્રા આપીએ છીએ જે દરરોજની માત્ર 15 થી 20 મિનિટ કરવાથી તમારી ત્વચા કોમળ અને મૃદુ બનશે તે સાથે ત્વચામાં કુદરતી નિખાર પણ આવશે.

- આવો જાણીએ આ વરૂણ મુદ્રા વિશે

કેવી રીતે બનાવશો વરૂણ મુદ્રા – નાની આંગળી તથા અંગુઠાનાં ટેરવાને એકબીજા સાથે જોડો અને બાકીની આંગળીઓને સીધી રાખવી આને વરૂણ મુદ્રા કહે છે.

- લાભ – આ મુદ્રા શરીરમાં લોહીનું સંચાર કરીને ચર્મરોગથી મુક્તિ અપાવે છે તે સાથે એનિમિયા દુર કરવામાં પણ આ મુદ્રા અતિ લાભકારી છે.

- આ મુદ્રાનાં નિયમિત અભ્યાસથી તમારા શરીરમાં જળ તત્વની ઉણપથી થતાં વિકાર દુર થાય છે. જળ વિકાર જે તમારા શરીરમાં લોહી વિકાર પણ કરે છે.

આ લોહી વિકાર (લોહીની અશુદ્ધિઓ)ને કારણે ત્વચા કુદરતી ચમક અને મુલાયમતા ગુમાવે છે.

- આ મુદ્રાનો રોજિંદો પ્રયોગ તમને સ્નિગ્ધ અને સુંદર ત્વચા અપાવશે.

'તમારી સાથે જે યુવતીઓ સેક્સ માણશે તે તમને આપશે આનંદ'

2011-09-07T14:05:00.000+05:30

સેક્સ રેકેટમાં આખરે સુરત એસ્કોર્ટ્સ.ઇન વિરુદ્ધ ગુનો સુરત એસ્કોર્ટ્સ.ઇન નામની વેબસાઇટ સાથે સંકળાયેલા રોહન, પટેલ, મિસ હેતલ તથા આ વેબસાઇટ બનાવનારી શ્રુતિ સક્સેના વિરુદ્ધ ક્રાઇમ બ્રાંચે ગુનો નોંધ્યો

આ વેબસાઇટ દ્વારા કરાતા લોહીના કારોબાર અંગે ભાસ્કરે સૌપ્રથમ ૨૪ ઓગસ્ટના દિવસે સમાચાર પ્રકાશિત કર્યા હતા
વેબસાઇટ પર સુરત એસ્કોર્ટ્સ નામની વેબસાઇટ બનાવી તેની પર અર્ધનગ્ન મહિલાઓની તસવીરો મૂકી વેશ્યાવૃત્તિની સાથોસાથ બ્લેક મેઇલિંગનો ધંધો કરનારી એક ટોળકી વિરુદ્ધ ક્રાઇમ બ્રાંચે ગુનો નોંધ્યો છે. આ એ જ ટોળકી છે કે જેણે ૧૦ દિવસ અગાઉ ઘોડદોડ રોડ પર રહેતા એક વેપારીને થ્રી સ્ટાર હોટલમાં બોલાવી બ્લેક મેઇલ નહીં કરવાની બાંયધરી આપી R પાંચ લાખ વસૂલ્યા હતા.

આ વેપારી જ્યારે ઠગાયા ત્યારે તેઓ ‘દિવ્ય ભાસ્કર’ના પત્રકારને મળ્યા અને આપવીતી જણાવી હતી અને પોલીસ પાસે જવું કે નહીં તે મુંઝવણ અનુભવી રહ્યા હતા. આથી ‘દિવ્ય ભાસ્કર’ના પત્રકાર તેમને સીધા જ પોલીસ કમિશનર રાકેશ અસ્થાના પાસે લઈ ગયા અને રાજ્યવ્યાપી આ આખું વેબસાઇટ થકી ચાલતા સેક્સ એન્ડ બ્લેક મેઇલિંગ રેકેટનો પર્દાફાશ થઈ ગયો.

ક્રાઇમ બ્રાંચના જણાવ્યા અનુસાર બે માસ પહેલાં ઘોડદોડ રોડ પર રહેતા મગનભાઈ (નામ બદલ્યું છે)એ ઇન્ટરનેટ પર સુરતએસ્કોર્ટ્સ.ઇન નામની વેબસાઇટ વિઝિટ કરી હતી. આ વેબસાઇટ પર અર્ધનગ્ન મહિલાઓના ફોટો દર્શાવવામાં આવ્યા હતા અને એવું લખાણ લખવામાં આવ્યું હતું કે તમને સેક્સ માટે સુંદર યુવતીઓ મળશે.

એક કલાકના ૧૦,૦૦૦, બે કલાકના ૧પ,૦૦૦ અને આખી રાતના ૨પ,૦૦૦. આટલું જ નહીં વેબસાઇટ પર એમ લખાયું હતું કે જે યુવતીઓને તમારી પાસે મોકલવામાં આવશે તે બેંકની કર્મચારી, કોલેજની વિદ્યાર્થિની, હોટેલમાં કામ કરતી સુંદર યુવતી અથવા તો સારા ઘરની યુવતીઓ હશે. તમે જેટલી અપેક્ષા રાખો છો તેના કરતાં તમને વધુ આનંદ આવશે. આ વેબસાઇટ પર કોલગર્લ બોલાવવા માટે રોહનનો મોબાઇલ નંબર પણ લખવામાં આવ્યો હતો. આ ઉપરાંત પટેલ તથા મિસ હેતલનું નામ પણ આ વેબસાઇટ પર લખવામાં આવ્યું હતું.

પ૭ વર્ષીય મગનભાઈએ આ વેબસાઇટ વિઝિટ કરી અને રોહનના મોબાઇલ નંબર ઉપર ફોન કર્યો અને સંપર્ક કરી એક હોટલમાં યુવતીને બોલાવી. આ સમયે તેની સાથે શરીરસુખ માણ્યા બાદ મગનભાઈએ નક્કી થયેલી રકમ તેને ચૂકવી દીધી હતી પરંતુ ત્યારબાદ રોહન નામની વ્યક્તિએ તેમની પાસે રૂપિયાની જરૂર હોવાની વાતો કરી રૂપિયા ખંખેરવાની શરૂઆત કરી. દસેક દિવસ પહેલા મગનભાઈએ નક્કી કર્યું કે હોટલમાં બોલાવી વાત જ પૂરી કરી દેવી છે.

હોટલમાં તેમણે R પાંચ લાખ આપી દીધા અને ફરીથી રૂપિયા નહીં માગવાનું નક્કી કર્યું પરંતુ મગનભાઈના મનમાં એવી શંકા ઘર કરી ગઈ કે આ લોકો ફરીથી મને બ્લેક મેલ કરશે. આથી તેમણે પોતાના શરીર પર જ ચપ્પુના ઘા મારી લીધા હતા અને પોતાના ઘરે ખોટી હકીકત વર્ણવી હતી. કમિશનરે આખી વાત ગંભીરતાથી લીધી અને ક્રાઇમ બ્રાંચને તપાસ સોંપતા પીઆઈ એન.પી. ગોહિલ અને જે.કે. રાવે કરેલી તપાસના અંતે વેબસાઇટના સંચાલક શ્રુતિ સકસેના વિરુદ્ધ ગુનો નોંધાયો છે.

આખા નેટવર્કમાં શ્રુતિ સકસેના સૂત્રધાર

આ વેબસાઇટ બનાવવાની સૂત્રધાર શ્રુતિ સક્સેના નામની મહિલા છે. આ મહિલાના નામથી વેબસાઇટ તા. ૨પ-૦૯-૨૦૧૦ના રોજ બનાવવામાં આવી હતી. આ વેબસાઇટ ચલાવવામાં અને આખું રેકેટ ઓપરેટ કરાવવામાં રોહન, પટેલ તથા હેતલ નામની ત્રણ વ્યક્તિનો ઉપયોગ કરાયો છે. ક્રાઇમ બ્રાંચને શંકા છે કે આ ત્રણેય વ્યક્તિનાં નામો બોગસ છે અને આખા રેકેટમાં ૧૦થી વધુ લોકો સંકળાયેલા હોવાનું પોલીસ જણાવી રહી છે.

માલેતુજારો પાસેથી કરોડો રૂપિયા વસૂલ્યાની શંકા

પોલીસને શંકા છે કે સેક્સ રેકેટ ચલાવતી આ ટોળકીઓએ મગનભાઈની જેમ ઘણા લોકોને છેતર્યા છે પરંતુ કોઈ ફરિયાદ કરવા માટે આગળ આવતું નથી. એક વર્ષથી આ ટોળકી સક્રિય છે એમાં કોઈ બે મત નથી.

રાજ્યમાં પહેલી વખત આવો ગુનો નોંધાયો

વેબસાઇટ પર સેક્સ રેકેટ ચલાવતી ટોળકી વિરુદ્ધ રાજ્યમાં પહેલી વખત સુરત ક્રાઇમ બ્રાંચે ગુનો નોંધ્યો છે. પોલીસે આઇપીસી ૨૯૨, ૧૨૦ બી, ૧૧૪ તથા ધી ઇન્ફોર્મેશન ટેક્નોલોજી એક્ટ-૨૦૦૦ની કલમ ૬૭, ૬૭(એ) મુજબનો ગુનો નોંધ્યો છે. એન.પી. ગોહિલ, ક્રાઇમ બ્રાંચ

પાર્થિવ પટેલ થયો આઉટ અને વધુ એક વખત જાગ્યો વિવાદ

2011-09-07T14:01:00.000+05:30

પ્રથમ વન ડેમાં ભારતીય બેટ્સમેન રાહુલ દ્રવિડ વિવાદાસ્પદ નિર્ણયનો ભોગ બન્યો હતો. જેને લઈને હોટ સ્પોટ ટેક્નોલોજી સામે પ્રશ્નો ઉભા થયા હતા. તે વિવાદ હજી શાંત નથી થયો ત્યાં બીજી વન ડેમાં આ ટેક્નોલોજી વધુ એક વખત નિષ્ફળ જતા પાર્થિવ પટેલને તેનું નુકશાન ઉઠાવવું પડ્યું.

સાઉથમ્પ્ટન ખાતે રમાયેલી બીજી વન ડેમાં ઈંગ્લિશ ઝડપી બોલર જેમ્સ એન્ડરસનના બોલ પર ભારતીય ઓપનર પાર્થિવ પટેલને વિકેટ પાછળ કેચ આઉટ જાહેર કરવામાં આવ્યો હતો.

જો કે ત્યારે મેદાન પર હાજર અમ્પાયરે જ પાર્થિવ પટેલને આઉટ જાહેર કર્યો હતો. પરંતુ બાદમાં રીપ્લેમાં જોવા મળ્યું હતું કે હોટ સ્પોટમાં પાર્થિવનું બેટ બોલ સાથે નહોતું ટકરાયું. જો કે સ્નિકોમીટરમાં થોડી હલચલ જોવા મળી હતી.

આ જ પ્રકારની ઘટના પ્રથમ વનડેમાં જોવા મળી હતી. ચેસ્ટર-લી-સ્ટ્રીટ ખાતે રમાયેલી વન ડેમાં રાહુલ દ્રવિડને થર્ડ અમ્પાયર દ્વારા આઉટ જાહેર કરવામાં આવ્યો હતો. પરંતુ હોટસ્પોટમાં તેના બેટ અને બોલ વચ્ચે કોઈ જ સંપર્ક નહોતો થયો.

જો કે યુડીઆરએસનો ભાગ નથી તેવા સ્નિકોમીટરમાં જણાતું હતું કે દ્રવિડના બેટ અને બોલ વચ્ચે સંપર્ક થયો હતો. દ્રવિડને વિવાદાસ્પદ રીતે આઉટ અપાયા બાદ ટેક્નોલોજી સામે સુકાની ધોનીએ પ્રશ્નો ઉઠાવ્યા હતા અને ક્રિકેટ નિષ્ણાંતોએ પણ ટેક્નોલોજી સામે સવાલો ઉભા કર્યા છે.

27મી સપ્ટેમ્બરના રોજ હોન્ડા કરશે મોટો ધમાકો!

2011-09-07T14:00:00.000+05:30

- આ દિવસે હોન્ડા ભારતીય બજારમાં પોતાની સૌથી સસ્તી કાર બ્રિયોને રજૂ કરવાની છે
- બ્રિયોના દમ પર હોન્ડા ભારતમાં નાની કારોના મોટા બજારમાં પોતાનું પગ જમાવશે
- બ્રિયોમાં 1.2 લિટરનું 'આઇવીટેક' પેટ્રોલ એન્જિન લાગેલું હોય છે
- આ એ જ એન્જિન છે તેનો ઉપયોગ કંપની પોતાની હેચેક કાર જૈજમાં કરે છે
- આ કાર એક લિટરમાં 18.4 કિલોમીટરનું અંતર કાપશે
- અંદાજ લગાવામાં આવી રહ્યો છે કે તેની કિંમત 4 લાખ રૂપિયાની આસપાસ હોઇ શકે છે
જાપાનની જાણીતી ઓટો કંપની હોન્ડા મોટર્સ આ મહિનાની 27મી તારીખે ભારતીય બજારમાં મોટો ધમાકો કરવાની છે. આ દિવસે હોન્ડા ભારતીય બજારમાં પોતાની સૌથી સસ્તી કાર બ્રિયોને રજૂ કરવાની છે. કંપનીને આશા છે કે બ્રિયોના દમ પર હોન્ડા ભારતમાં નાની કારોના મોટા બજારમાં પોતાનું પગ જમાવશે.

તમને બતાવી દઇએ કે બ્રિયોમાં 1.2 લિટરનું 'આઇવીટેક' પેટ્રોલ એન્જિન લાગેલું હોય છે. આ એ જ એન્જિન છે તેનો ઉપયોગ કંપની પોતાની હેચેક કાર જૈજમાં કરે છે. જો કે વજનના મામલામાં બ્રિયો જૈજ કરતાં અંદાજે 100 કિલોગ્રામ હલકી હશે. તેના લીધે સારી માઇલેજ આપે એવી ધાપણા છે. સમાચાર મળી રહ્યા છે કે આ કાર એક લિટરમાં 18.4 કિલોમીટરનું અંતર કાપશે.

માનવામાં આવી રહ્યું છે કે ભારતીય બજારમાં આ કારની સરખામણી મારૂતિ સ્વિફટ્, ફોક્સવેગન પોલો અને ફોર્ડ ફીગો સાથે થશે. પરંતુ જાણકારો આ કાર માટે સૌથી મોટો પડકાર હ્યુન્ડાઇ 10 અને સેવ્રલે બીટને જોઇ રહ્યા છે. કંપનીની તરફથી હાલ બ્રિયોની કિંમતને લઇને કંઇ પણ કહી રહ્યા નછી. પરંતુ અંદાજ લગાવામાં આવી રહ્યો છે કે તેની કિંમત 4 લાખ રૂપિયાની આસપાસ હોઇ શકે છે.

તસવીરોમાં જુઓ કરિનાનું ધમાકેદાર પર્ફોમન્સ

2011-09-07T13:58:00.003+05:30

બેંગ્લોરની નેશનલ કોલેજમાં 49મો બેંગ્લોર ગણેશ ફેસ્ટિવલ ઉજવાઈ ગયો. આ પ્રસંગે કરિના કપૂરે ધમાકેદાર પર્ફોમન્સ આપ્યું હતું.

કરિનાનું પર્ફોમન્સ તસવીરોમાં....

વધુ પડતા સેક્સી ફોટા પડાવવાની મળી ઈટાલીયન બ્યૂટીને સજા

2011-09-07T13:58:00.000+05:30

- ત્રણ સ્પર્ધકોને હોટ ફોટોશૂટ કરાવવા બદલ કાઢી મુકાઈ
- ત્રણેયના ફોટો તેમજ વીડિયો આયોજકોએ ઈન્ટરનેટ પર શોધી કાઢ્યા
- જોકે, મોડેલોએ પોતે કલાત્મક કાર્ય કરી રહી હોવાની દલીલ કરી બચાવ કર્યો

આ વર્ષે ઈટાલીમાં યોજાઈ રહેલી મિસ ઈટાલી બ્યૂટી કોન્ટેસ્ટમાંથી 3 પ્રતિસ્પર્ધીઓને વધુ પડતા ઉત્તેજક ફોટોગ્રાફ પડાવવા બદલ સ્પર્ધામાંથી કાઢી મુકવામાં આવી હતી. આ ત્રણમાંથી સૌથી પહેલી સુંદરીનું નામ હતું એલિસ બેલેટો (ઉં.22). સ્પર્ધાના જજોએ તેના ગુલાબી રંગના નાઈટડ્રેસમાં પડાવેલા ઉત્તેજક ફોટોગ્રાફ્સને કારણે તેને કાઢી મુકી હતી.

આ ઉપરાંત એલિસે ડેનિમ પેન્ટ તેમજ હાઈ હિલ્સ પહેરીને પણ ઉત્તેજક ફોટોગ્રાફ પડાવ્યા હતા. આ સ્પર્ધામાં ઈટાલીના વેનેતો પ્રાંતનું પ્રતિનિધિત્વ કરતી એલિસ પછી મીસ કર્વી ઈટાલી તરીકે જાણીતી રોમની રાફેલા મોદુગ્નોને પણ આ જ કારણસર સ્પર્ધામાંથી હાંકી કાઢવામાં આવી હતી.

રાફેલાના લેધર સોફા પર સિલ્કી અંડરવેરમાં પડાવેલા ઉત્તેજક ફોટોગ્રાફ્સ જજની નજરે આવી જતા તેને પણ સ્પર્ધાની બહાર કરવામાં આવી હતી. તેની તસવીરો તેમજ ટોપલેસ વીડિયો ફૂટેજને આયોજકોએ ઈન્ટરનેટ પર શોધી કાઢ્યા હતા.

જ્યારે તિઝિઆના પિઅરગિઆન્ની નામની એક સ્પર્ધક તેમજ મોડેલને પણ ટોપલેસ ફોટો પડાવવા બદલ સ્પર્ધામાંથી બહાર કરવામાં આવી હતી.

એલિસ નામની આ સુંદરીને નાઈટડ્રેસમાં કરાવેલા હોટ ફોટોશૂટ બદલ મિસ ઈટાલી કોન્ટેસ્ટમાંથી બહાર કાઢી મુકાયેલી

મીસ કર્વી ઈટાલી તરીકે જાણીતી રોમની રાફેલા મોદુગ્નોને પણ સિલ્કી અંડરવેરમાં કરાવાયેલા હોટફોટોશૂટ બદલ સ્પર્ધામાંથી બહાર કરવામાં આવેલી.

તિઝિઆના પિઅરગિઆન્ની નામની એક સ્પર્ધક તેમજ મોડેલને પણ ટોપલેસ ફોટો પડાવવા બદલ સ્પર્ધામાંથી બહાર કરવામાં આવી હતી.

અંબાજી મંદિર: તમે જે જાણવા માંગો છો એ બધું જ તસવીરો સાથે

2011-09-07T13:56:00.000+05:30

આરાસુરી અંબાજીના ઘામમાં થાય છે 'શ્રી વિસાયંત્રની પૂજા'

ગુજરાતના બનાસકાંઠા જિલ્લામાં આવેલું અંબાજી 51 શક્તિપીઠ પૈકીનું એક પરમ પવિત્ર શક્તિપીઠ છે. ગુજરાત અને દેશના લાખો-કરોડો શ્રધ્ધાળુઓની આસ્થાનું પ્રતીક અંબાજી, જેમનાં મંદિરની મુલાકાતે રોજ સેંકડો લોકો આવે છે. પાલનપુરથી આશરે 65 કિ.મી.ના અંતરે આવેલું અંબાજી માતાનું મંદિર માઉન્ટ આબુથી 45 કિ.મી. અને ગુજરાત-રાજસ્થાન સીમા નજીકના આબુરોડથી માત્ર 20 કિ.મી.નું અંતર ધરાવે છે. ''આરાસુરી અંબાજી'' માતાજીના સ્થાનકમાં કોઇ પ્રતિમા અથવા ચિત્રની નહીં 'શ્રી વિસાયંત્ર'ની પૂજા કરવામાં આવે છે.

લોકો આ યંત્રના ફક્ત દર્શન જ કરી શકે છે, તેનો ફોટોગ્રાફ લેવાની સખત મનાઇ છે. જુલાઈ મહિનામાં ગુજરાત તથા દેશના ખૂણેખૂણેથી લોકોમાં અંબામાં શ્રધ્ધા સાથે છેક માતાજીના મંદિર સુધી પગપાળા આવે છે. દિવાળીના દિવસોમાં અંબાજી મંદિરને ભવ્ય રીતે સજાવવામાં આવે છે. શ્રી વિસાયંત્રની પૂજા ફક્ત આંખે પાટા બાંધીને જ કરી શકાય છે. હિંદુ માન્યતા અનુસાર અને તંત્ર ચુડામણિમાં દર્શાવવામાં આવેલી હકીકત પ્રમાણે ગબ્બર પર્વત ઉપર માતા સતીનાં મૃત શરીરનો હ્રદયનો હિસ્સો પડ્યો હતો.

ગબ્બરની ટોચે આવેલા અંબાજી મંદિરે જવા માટે 999 પગથિયાં ચડીને જઇ શકાય છે. માતા શ્રી આરાસુરી અંબિકાના નીજ મંદિરમાં રહેલા શ્રી વિસાયંત્રની સામે હંમેશા અખંડ દીવો પ્રજ્વલિત રહે છે. ગબ્બરની નજીકમાં જ સનસેટ પોઇન્ટ છે, જ્યાંથી સૂયૉદય અને સયૉસ્તનો નજારો જોવા જેવો હોય છે. આ સિવાય પર્વતની ગુફા, માતાજીના ઝૂલા તથા રોપ-વે દ્વારા ટ્રિપની મજા માણવા જેવી હોય છે.

ચાર નવરાત્રી ઉત્સવ

અંબાજીમાં વર્ષે ચાર વખત નવરાત્રીનો ઉત્સવ મનાવવામાં આવે છે. જે પૈકી શરદ (આસો), વસંતિક (ચૈત્ર), મહા અને અષાઢમાં નવરાત્રી ઉજવાય છે, જેમાં શક્તિ સંપ્રદાયની રીત-રસમો અનુસાર યજ્ઞ સહિતની ધાર્મિક વિધિઓ યોજાય છે. શક્તિ સંપ્રદાય પ્રમાણે વસંતિક નવરાત્રીના તમામ આઠ દિન અને નવ રાત્રીનું વિશેષ મહત્વ છે, તેથી જ ચૈત્ર માસના પ્રથમ દિવસે ગર્ભ દીપના વાસણ ઉપર જ્વારા વાવીને ઉજવણીઓ શરૂ કરવામાં આવે છે. ચૈત્રી નવરાત્રીમાં શ્રધ્ધાળુઓ આ ગર્ભ દીપની ફરતે નૃત્ય કરે છે, તેમજ આરાસુરી અંબાજીના ગરબા ગાય છે.

છેલ્લાં 60 વર્ષથી ચૈત્રી નવરાત્રીના નવ દિવસ દરમિયાન દિન-રાત જય અંબેમાં જય અંબેની અખંડ ધૂન ચાલે છે. દર વર્ષે ખાસ કરીને પૂનમના દિવસોએ અંબાજી માતાના મંદિરમાં ભાવિકભક્તોનો માનવ સાગર ઊમટી પડે છે. અંબાજી નગરમાં ગબ્બર પર્વતની ટોચે આવેલા અંબાજી માતાના મંદિરે નવા વિક્રમ સંવત વર્ષના પ્રારંભના પાંચ દિવસ (કારતક સુદ એકમથી પાંચમ) માતાજીને અન્નકૂટ ધરાવવામાં આવે છે. આ પાંચેય દિવસ મંદિરમાં માતાજીના આશીર્વાદ મેળવવા કુલ 10થી 15 લાખ દર્શનાર્થીઓ આવે છે.

પોષ સુદ પૂનમના દિવસે અંબાજીમાં માતાજીની ભવ્ય રથયાત્રા યોજાય છે. ચૈત્રી નવરાત્રીના દિવસોમાં અંબાજીમાં ભક્તિનો સાગર ઉમટી પડે છે. શ્રાવણ વદ તેરસ અને અમાસે ગુજરાતના વિવિધ ભાગમાંથી લોકો અંબાજીના દર્શન કરવા આવે છે. ભાદરવી પૂનમે અંબાજીમાં ભવ્ય મેળો યોજાય છે, જે ગુજરાતમાં યોજાતો સૌથી વિશાળ મેળો છે. આ મેળાના સહેલાણીઓની સંખ્યા સામાન્ય રીતે 20 લાખની રહેતી હોવાનો અંદાજ છે. આસો સુદ નવરાત્રીના નવ દિન મંદિરના ચાંચરચોકમાં ગરબા-રાસની રમઝટ જામે છે.

નવરાત્રીના આઠમા દિવસે અંબાજી મંદિરમાં દાંતા દરબાર મોટો યજ્ઞ કરે છે. શ્રી આરાસુરી અંબાજી માતા દેવસ્થાન ટ્રસ્ટના સાથ અને સહકારથી અંબાજીનાં ધાર્મિક સંગઠનો દ્વારા જન્માષ્ટમી, દશેરા, અષાઢ સુદ બીજની રથયાત્રા જેવા પવિત્ર હિંદુ તહેવારો ધામધૂમપૂર્વક ઊજવવામાં આવે છે. અંબાજીમાં આવેલા શીતળામાતાના મંદિર પણ શીતળા સાતના દિવસે મેળો યોજાય છે.

યાત્રિકોની સુખાકારી માટે સદાય જાગૃત ટ્રસ્ટ

1958માં શ્રી આરાસુરી અંબાજી માતા દેવસ્થાન ટ્રસ્ટની રચના થઇ ત્યારથી લઇ અત્યાર સુધીમાં આ ટ્રસ્ટે યાત્રિકોની સુખાકારી અને સગવડો વધારવા માટે અનેક સીમાચિહ્નરૂપ નિર્ણયો કર્યા છે. યાત્રિકોની અનુકૂળતા માટે ટ્રસ્ટે અંબાજીનગરના હાર્દમાં તમામ આધુનિક સગવડો ધરાવતા અતિથિગૃહો, પથિકાશ્રમ, ધર્મશાળા અને ભોજનાલય સ્થાપ્યાં છે. માતા આરાસુરી અંબાજીના દર્શને આવતા યાત્રિકોની સુખાકારી માટે શ્રી આરાસુરી અંબાજી માતા દેવસ્થાન ટ્રસ્ટે સ્ટેટ હાઇવ અને મંદિરના ચાંચરચોકને જોડતો 120 મીટર લાંબો અને 17 મીટર પહોળો ફ્લાય ઓવરબ્રિજ બાંધ્યો છે, જેથી યાત્રિકો સીધા જ માતાજીના મંદિરે પહોંચી શકે. મંદિરના વિકાસ માટે આ ટ્રસ્ટે કોઈ જ બાંધછોડ કરી નથી.

હાલમાં ટ્રસ્ટ મંદિર સંકુલ તથા આસપાસનાં સ્થળોના જિર્ણોદ્ધારની યોજના હાથ ધરી છે. સ્ટેટ હાઇવેની જોડે જ 71 ફીટ ઊંચો અને 18 ફીટ પહોળો વિશાળ શક્તિદ્વાર બનાવવાની યોજના ઘડવામાં આવી છે, જે ગોપુરમ શૈલીમાં બનશે. ટ્રસ્ટ દ્વારા સંચાલિત શ્રી અંબિકા ભોજનાલયમાં અબાલવૃધ્ધ સહુને રાહતદરે સ્વાદિષ્ટ અને સંતુલિત ગુજરાતી આહાર મળે છે. મંદિર સંકુલની નજીક તથા અંબિકા ભોજનાલયમાં ટ્રસ્ટે જાહેર સુવિધાઓ સ્થાપી છે.

ધાર્મિક વિધિ તથા યજ્ઞાદિક કાર્યો માટે યજ્ઞશાળા બનાવવામાં આવી છે. યાત્રિકોના માલસામાનની સુરક્ષા માટે વિશાળ લોકર રૂમ તથા મંદિરની નજીક અને ગબ્બરની તળેટીમાં વિશાળ પાર્કિગ પ્લોટ સ્થાપવામાં આવ્યા છે. આવનાર યાત્રિકોના સ્વાસ્થ્યની રક્ષા માટે ટ્રસ્ટે 70 બેડની અદ્યતન હોસ્પિટલ પણ સ્થાપી છે, જેમાં સાવ નજીવો ચાર્જ લઇને લોકોને સારવાર આપવામાં આવે છે.

મુંબઈમાં હાઇ એલર્ટ જાહેરઃ દિલ્હીમાં બ્લાસ્ટને પગલે સુરક્ષા વધી

2011-09-07T13:50:00.000+05:30

- લોકોને સાવધાની રાખવા સૂચના
- એરપોર્ટ અને રેલવે સ્ટેશનો સહિતના સ્થળોની સુરક્ષા ચુસ્ત બની
- સાર્વજનિક ગણેશોત્સવના સ્થળોએ પણ સલામતી વધારવા તાકિદ

દેશની આર્થિક રાજધાની મુંબઈમાં હાઇ એલર્ટ જાહેર કરવામાં આવ્યો હોવાનું માધ્યમોના અહેવાલથી જાણવા મળી રહ્યું છે. આજે બુધવારે સવારે નવી દિલ્હીમાં થયેલા શક્તિશાળી બોમ્બ બ્લાસ્ટને પગલે દેશના અન્ય ભાગ સહિત મુંબઈમાં પણ એલર્ટ જાહેર કરીને સુરક્ષા વ્યવસ્થામાં વધારો કરવામાં આવ્યો છે.

એલર્ટને પગલે મુંબઇમાં એરપોર્ટ, રેલવે સ્ટેશન, જાહેર સ્થળો, ગેટ વે ઓફ ઇન્ડિયા, મહાલક્ષ્મી, સિદ્ધિવિનાયક, હાજીઅલી સહિતના ધાર્મિક સ્થળો અને લોકોની વધારે અવરજવરવાળા સ્થળોએ સલામતી વ્યવસ્થામાં વધારો કરવામાં આવ્યો છે.

દિલ્હી હાઈકોર્ટના ગેટ નંબર પાંચની બહાર આ બ્લાસ્ટ થયો છે. આ ગેટ પર સૌથી વધારે ભીડ હોય છે. વિસ્ફોટ એટલો તો પ્રચંડ હતો કે આસપાસના વિસ્તારમાં પણ તેનો અવાજ સંભળાયો હતો. પોલીસે સમગ્ર વિસ્તારને કોર્ડન કરીને તપાસ શરૂ કરી છે. આ વિસ્ફોટ બુધવારે સવારે 10.15 કલાકે થયો હતો.

બોમ્બ વિસ્ફોટના સ્થળે હાજર હતા 200 લોકો

2011-09-07T13:49:00.003+05:30

દિલ્હી હાઇકોર્ટની બહાર આજે સવા દસ વાગે થયેલા મિડિયમ ઇન્ટેન્સિટીના બ્લાસ્ટમાં 25થી વધુ લોકો ગંભીર રીતે ઘાયલ થયા છે. પોલીસના જણાવ્યાં અનુસાર આ બોમ્બ એક સૂટકેસમાં રાખવામાં આવ્યો હતો. આજે બુધવારનો દિવસ હોવાથી કોર્ટમાં જાહેર હિતની અરજીની સુનાવણીઓ થતી હોવાથી મુલાકાતીઓની સંખ્યા વધુ હતી. આ ઉપરાંત દિલ્હી હાઇકોર્ટમાં પાસ લેવા માટેની લાઇનમાં આ વિસ્ફોટ કરવામાં આવ્યો હતો. જ્યારે આ વિસ્ફોટ થયો ત્યારે આજુ-બાજુ બસો જેટલા લોકો હાજર હતા.

બોમ્બ ધડાકા બાદ રાજ્યસભા બપોરે બે વાગ્યાં સુધી મુલતવી

2011-09-07T13:49:00.000+05:30

આજે સવારે દિલ્હી હાઇકોર્ટની બહાર થયેલા બોમ્બ વિસ્ફોટ બાદ રાજ્યસભાને બપોરે બે વાગ્યાં સુધી મુલતવી કરી દેવામાં આવી છે. બોમ્બ વિસ્ફોટ બાદ સરકાર માહિતી એકત્રીત કરી શકે તે માટે તે માટે રાજ્યસભાને મુલતવી રાખવામાં આવી છે.

આજે જ્યારે સવારે ગૃહ મળ્યું ત્યારે ગૃહ ચેરમેન હમિદ અન્સારીએ જણાવ્યું હતું કે, “ દિલ્હી હાઇકોર્ટની બહાર બોમ્બ વિસ્ફોટ થયો છે. અહીં કેટલાક મોત થયા છે.”

અંસારીએ વધુમાં જણાવ્યું હતું કે, “ જેમ બને તેમ જલ્દી સરકાર આ અંગે નિવેદન આપશે. આથી ગૃહને બપોરે બે વાગ્યાં સુધી મુલતવી કરવામાં આવે છે.”

તૈયાર થઈ જાવ, પેટ્રોલના ભાવ રૂ. 3 પ્રતિ લીટર વધારાશે

2011-09-07T13:48:00.000+05:30

નવી દિલ્હી. ઑઇલ કંપની હવે ફરી એક વાર પેટ્રોલની કિંમતો વધારવાની તૈયારીમાં છે. સરકારી કંપની ઇન્ડિયન ઑઇલે આ અંગેનો એક પ્રસ્તાવ તૈયાર કરી લીધો છે.

- તેઓને પેટ્રોલ વેચવા ઉપર પ્રતિ લીટર R 3નું નુકસાન જઈ રહ્યું છે
- બજારમાં ક્રૂડ ઑઇલની કિંમતો ફરી એક વાર ઉંચાઈઓ સ્પર્શી રહીં છે
- પી. કે. ગોયલે જણાવ્યુ કે પાછલા મહીનાથી નુકસાન વધીને 7 ગણુ થઈ ચુક્યુ છે
- સિંગાપોર સ્પોર્ટ કિંમતોમાં વધારાના કારણે આ ફેરફાર જોવા મળ્યો છે
- પેટ્રોલની કિંમતો વધારવા માટે ઇન્ડિયન ઑઇલને સરકારની પરવાનગી મેળવવી પડશે

ઇન્ડિયન ઑઇલનું કહેવું છે કે તેઓને પેટ્રોલ વેચવા ઉપર પ્રતિ લીટર R 3નું નુકસાન જઈ રહ્યું છે. સરકાર દ્વારા નક્કી કરાયેલી કિંમતે તેઓને પેટ્રોલ વેચવુ પરવડે તેમ નથી.

આંતરરાષ્ટ્રિય બજારમાં ક્રૂડ ઑઇલની કિંમતો ફરી એક વાર ઉંચાઈએ સ્પર્શી રહીં છે, જેનાથી પેટ્રોલ વેચવામાં તેઓને ત્રણ રૂપિયા પ્રતિ લીટરનું નુકસાન જઈ રહ્યું છે.

કંપનીના ફાઇનાન્સ હેડ પી. કે. ગોયલે જણાવ્યુ કે પાછલા મહીનાથી નુકસાન વધીને 7 ગણુ થઈ ચુક્યુ છે. 31 ઑગસ્ટ સુધીમાં પેટ્રોલ સરકારની દરો ઉપર વેચવાથી 41 પૈસા પ્રતિ લીટરનું નુકસાન થઈ રહ્યું હતુ, જે વધીને હવે R 3 પ્રતિ લીટર થવા પામ્યુ છે. સિંગાપોર સ્પોર્ટ કિંમતોમાં વધારાના કારણે આ ફેરફાર જોવા મળ્યો છે.

જોકે પેટ્રોલની કિંમતો બજાર દરો સાથે જોડાયેલી છે, તેમ છતા પેટ્રોલની કિંમતો વધારવા માટે ઇન્ડિયન ઑઇલને સરકારની પરવાનગી મેળવવી પડશે.

લોકલ ટ્રેનોના સ્ટંટબાજોએ પોલીસોને બેલ્ટથી ફટકાર્યા

2011-09-07T13:46:00.002+05:30

જીવને જોખમમાં મૂકનારી હરક્તો બાદ નવું કરતૂત
સીએસટી-થાણે વચ્ચે દોડતી લોકલ ટ્રેનમાં બનેલી ઘટના

મુંબઈની લોકલમાં પ્રવાસ કરતા અતિ સાહસિક સ્ટંટબાજોની હરક્તોનો ત્રાસ વધતો જાય છે અને હવે તો પોલીસ પર પણ હુમલો કર્યાની વાત બહાર આવી છે.

દોડતી લોકલમાં રેલિંગને પકડી ગુલાંટો મારવી, બારી પર લટકી લોકલની બહાર શરીર કાઢી કસરતો કરવી. આવી જીવને જોખમમાં મૂકનારી હરક્તો ચાલુ જ હોય છે. તેમનાં આવાં અતિસાહસિક કરતૂતોને જોઈ કોઈ તેમને સમજાવવાનો પ્રયત્ન કરે તો તે હુમલો કરી ગાળાગાળી કરવા લાગે છે. આવી હરક્તો કરતી વેળા તેઓ પોતાની અને વિકલ્પે બાકી પ્રવાસીઓના જીવ ગળે આવી જાય છે.

અગાઉ આવી હરક્તો પ્રત્યે દુર્લક્ષ કરવામાં આવતું હતું. પરંતુ હવે નાગરિકો દ્વારા વારંવાર થતી ફરિયાદોને કારણે પોલીસે દેખીતી રીતે કાર્યવાહી કરવી પડે છે. આ બાબત જોકે આ સ્ટંટબાજોને રુચિ નથી એટલે તેઓ હવે ફરજ પરના પોલીસો પર પણ હુમલા કરતા હોવાનું જોવામાં આવ્યું છે.

સીએસટી-થાણે લોકલ ટ્રેનમાં તાજેતરમાં બન્યો હતો. મોહસીન શેખ (ઉ.વ.૧૯) અને શાહરુખ ખાન (ઉ.વ.૨૦) નામના બે યુવાનો દ્વારા ઉદય સાળગાંવકર અને એસ. સૂર્યવંશી નામના બે રેલવે પોલીસોને ચામડાના પટ્ટાથી ફટકારવાની ઘટના બની હતી.

લોકલ ટ્રેનના પ્રવાસ દરમિયાન કુલૉ બાદ રેલવેના ફૂટબોર્ડ પર આ બન્ને યુવાનોની હિલચાલ જોઈ સાળગાવકરે આ બન્નેને સમજાવવાનો પ્રયાસ કર્યો હતો.

પરંતુ લોકલ ટ્રેને વિક્રોલી સ્ટેશન છોડ્યા બાદ આ બન્ને શખ્સો રીતસરના પોલીસો પર બેલ્ટથી તૂટી પડ્યા હતા. શિવાજીનગરના રહેવાસી આ બન્ને યુવાનોની પોલીસે ધરપકડ કરી છે.

દિલ્હીમાં ત્રાસવાદી હુમલો, બ્લાસ્ટમાં 11નાં મોત 85 લોહીલુહાણ

2011-09-07T13:44:00.000+05:30

દિલ્હી હાઇકોર્ટની બહાર આજે ફરી એક વાર બોમ્બ વિસ્ફોટ થયો હતો. આ ધડાકો ગેટ નંબર પાંચની પાસે થયો હતો. કેન્દ્રીય ગૃહ સચિવ આર.કે.સિંહના જણાવ્યાં અનુસાર સવારે 10.14 વાગે ધડાકો થયો હતો. આ ધડાકામાં અત્યાર સુધી અગિયાર લોકો માર્યા ગયાની વાતને સમર્થન પ્રાપ્ત થયુ છે. ગૃહ સચિવના જણાવ્યાં અનુસાર આ ધડાકામાં એલઇડી ડિવાઇસનો ઉપયોગ કરવામાં આવ્યો છે.

-એનઆઇએના અધિકારીઓનું એક દળ ઘટના સ્થળે પહોંચી ગયુ
-અતિ વ્યસ્ત ગેટ નંબર પાંચની બહાર વિસ્ફોટ
-મૃત્યુઆંક વધશે એવી આશંકા
-સૂટકેસમાં બોમ્બ રાખવામાં આવ્યો હતોઃપોલીસ, ત્રાસવાદી હુમલાની આશંકા
-દિલ્હી પોલીસના ઉચ્ચ અધિકારીઓ ઘટનાસ્થળે દોડી આવ્યા
-સમગ્ર વિસ્તારના કોર્ડન કરીને તપાસ શરૂ
-સવારે 10.15 કલાકે થયો હતો વિસ્ફોટ
એનઆઇએના ડીજી પ્રકાશ મિશ્રાના જણાવ્યાં અનુસાર એનઆઇએના અધિકારીઓનું એક દળ ઘટના સ્થળે પહોંચી ગયુ છે. બીજુ દળ જલ્દી ત્યાં પહોંચી રહ્યું છે. તેમણે જણાવ્યું કે એનઆઇએ બોમ્બ ધડાકાની તપાસમાં દિલ્હી પોલીસને સહયોગ કરશે. એક નજરે જોનારા સાક્ષીના જણાવ્યાં અનુસાર ઓછામાં ઓછા 11 લોકો માર્યા ગયા છે જોકે તે વાતને સત્તાવાર સમર્થન આપવામાં આવી નથી. આજે હાઇકોર્ટનો ચાલુ દિવસ હોવાના કારણે અદાલતના પરિસરમાં લોકોની મોટી સંખ્યામાં લોકો હાજર હતા. દિલ્હી પોલીસ બોમ્બ ધડાકાનો રિપોર્ટ ગૃહ મંત્રાલયને મોકલી દીધો છે.

જે જગ્યાએ ધડાકો થયો છે ત્યાં લોકો હાઇકોર્ટમાં પ્રવેશ માટે લોકો પાસ બનાવી રહ્યા હતા. ગેટ નંબર પાંચ પરથી જ અહીંથી જ મોટાભાગના વકીલ અને અન્ય લોકો અદાલતના પરિસરમાં પ્રવેશ કરે છે. એક સાક્ષીના જણાવ્યાં અનુસાર તે પાસ બનાવવા માટે જ્યારે લાઇનમાં ઉભો હતો ત્યારે જ જબરજસ્ત મોટો ધડાકો થયો હતો.

દિલ્હી પોલીસના સૂત્રોના જણાવ્યાં અનુસાર આ બોમ્બ સુટકેસમાં રાખવામાં આવ્યો હતો. ઉપરાંત આ બ્લાસ્ટને હાઇ ઇન્ટેન્સિટી બ્લાસ્ટ ગણવામાં આવે છે. દુર્ઘટનામાં ઘાયલ થયેલા લોકોને નજીકના હોસ્પિટલમાં મોકલવામાં આવી રહ્યા છે. પોલીસ સમગ્ર વિસ્તારને કોર્ડન કરી દીધો છે. જોકે તપાસ બાદ જ આ અંગે સ્પષ્ટતા કરી શકાશે.

અત્રે ઉલ્લેખનીય છે કે કેટલાક મહિના પહેલા દિલ્હી હાઇકોર્ટના પરિસરમાં પણ ધડાકો થયો હતો. આ ધડાકામાં એમોનિયમ નાઇટ્રેટનો ઉપયોગ કરવામાં આવ્યો હતો. આ ઘટનાની તપાસ હજુ પુરી નથી થઇ ત્યાં બીજો ધડાકો થયો છે.

એક ક્લિક પર દર્શન કરો દેશભરના અનોખા ગણપતિના!

2011-09-07T13:43:00.000+05:30

તસવીરોમાં જુઓ આ વર્ષના અજબ ગજબના ગણપતિ દાદા

આખુ વર્ષ લાંબી રાહ જોવડાવ્યા પછી બુદ્ધિદાતા વિઘ્નહર્તા ગણપતિએ દરેક ઘરમાં પધરામણી કરી લીધી છે. કહેવાય છે કે ગણેશજીનું આ આગમન ઘરમાં સુખ, શાંતિ અને સમૃદ્ધિ લઈને આવે છે. દરેક ભક્તો પોત પોતાની રીતે ગણેશોત્સવ મનાવે છે. મહારાષ્ટ્રમાં ગણેશ ચતુર્થીથી અનંત ચતુર્દશી સુધી ગણેશોત્સવ મનાવવામાં આવે છે. જુઓ આ વખતે સજાવવામાં આવેલા આપણા ગણપતિ દાદાની અનોખી તસવીરો...

ખૂંખાર કેદીઓ માટે જાણીતી દિલ્હીની તિહાર જેલમાં હાલ હાઈ પ્રોફાઇલ વ્યક્તિનો જમાવડો થયો છે. એશિયાની સૌથી મોટી જેલમાં કોમનવેલ્થ ગેમ્સ, 2જી સ્પેક્ટ્રમ વગેરે કૌભાંડોના આરોપીઓને રાખવામાં આવ્યા છે. જેલમાં બંધ સેલિબ્રિટીઓની એક તસવીરી ઝલક...

2011-09-07T13:42:00.000+05:30

દિલ્હી હાઈકોર્ટની બહાર જોરદાર વિસ્ફોટ થયો છે, આ વિસ્ફોટ હાઈકોર્ટના ગેટ નંબર પાંચની બહાર થયો છે. વિસ્ફોટમાં 45થી વધારે લોકો ઘાયલ થયા હોવાના અહેવાલ છે.

કેટલા મહાનુભાવો છે તિહાર જેલમાં, જુઓ તસવીરો

2011-09-07T13:41:00.000+05:30

ખૂંખાર કેદીઓ માટે જાણીતી દિલ્હીની તિહાર જેલમાં હાલ હાઈ પ્રોફાઇલ વ્યક્તિનો જમાવડો થયો છે. એશિયાની સૌથી મોટી જેલમાં કોમનવેલ્થ ગેમ્સ, 2જી સ્પેક્ટ્રમ વગેરે કૌભાંડોના આરોપીઓને રાખવામાં આવ્યા છે. જેલમાં બંધ સેલિબ્રિટીઓની એક તસવીરી ઝલક...

અમર સિંહની 'અમરવાણી' સર્જી શકે છે અનેક માટે મુશ્કેલી!

2011-09-07T13:39:00.002+05:30

“રિશ્તો મેં હમને ઐસી ચોટ પાઇ, હમ બેવફા ઔર વે બેકસૂર હોતે ગએ” હંમેશા શેર-શાયરીતી પોતાની વાતોને કહેતા અને રાજનીતિની અખાડાના પ્રખર ખેલાડી અમરસિંહ અત્યારે કદાચ ઉપરોક્ત શાયરી જ ગણગણાવતાં હશે. વાસ્તવમાં જે ગુન્હાના કારણે અમર સિંહે જેલના સળિયાની પાછળ જવું પડ્યું છે તે સમસ્યાનું મૂળ એક સરકારને બચાવવા માટે રમાયેલી રમત છે. યૂપીએ-1ની સરકારને જુલાઇ 2008 દરમિયાન બચાવવા માટે શું શું રમત રમાઇ હતી તે અંગેની ચર્ચામાં કોર્ટની સક્રિયતાના કારણે કદાચ જ કોઇ પડશે.

જોકે અમર સિંહની નસે-નસથી વાકેફ કોંગ્રેસીઓ તેમની ધરપકડથી ચિંતામાં પડી ગયા છે. એવું માનવામાં આવે છે કે જો અમર સિંહ તેમની અમરવાણી બોલવા માંડશે તો કોંગ્રેસી નેતાઓને ભાગવું પણ મુશ્કેલ પડી જશે. જો પૈસાની લેવડ-દેવડની વાતને કાયદાની પ્રક્રિયા પર છોડી દેવામાં આવે તો પણ એક પણ રાજકીય પક્ષ એ વાતને નકારી ન શકે કે અમર સિંહે સમાજવાદી પાર્ટીના નેતા તરીકે યૂપીએ-1ની સરકારને બચાવવા માટે ખુબ જ અગત્યની ભૂમિકા નિભાવી હતી. ભાજપે એ સવાલ પુછીને કોંગ્રેસની રાજકીય મુશ્કેલીઓ વધારી દીધી છે કે આખરે અમર સિંહ જે પણ કર્યુ તેનો ફાયદો મેળવવા વાળા લોકો કોણ હતા. સમગ્ર ઘટનાના પાછળના ઉદ્દેશ પર સવાલ ઉઠાવવામાં આવી રહ્યા છે.

આથી એક વાત સ્પષ્ટ છે કે જ્યુડિશિયલ કસ્ટડીમાં મોકલી દેવામાં આવેલા અમર સિંહ જો મોઢું ખોલશે તો તેનાથી અનેક રાજકીય નેતાઓ માટે મુશ્કેલી ઉભી થઇ શકે છે. જોકે અત્યારે તેમની પાસે નથી સમાજવાદી પાર્ટી અને નથી કોઇ અન્ય મજબૂત રાજકીય સાથી. સમાજવાદી પાર્ટીમાંથી કાઢી મુકાયા પછી સતત બિમારીની સાથે એકલા પડી ગયેલા અમર સિંહ અનેક મુશ્કેલીઓ સાથે લડી રહ્યાં છે. તેમના ગ્લેમરસ દિવસના સાથી એક એક કરીને તેમનો સાથ છોડી રહ્યા છે.

અનોખા પ્રદર્શન માટે વિદ્યાર્થીઓએ જાહેરમાં કરી ‘કિસ’, તસવીરો!

2011-09-07T13:37:00.000+05:30

શિક્ષણ વ્યવસ્થામાં સુધારો લાવવા માટે વિદ્યાર્થીઓનું પ્રદર્શન

તાજેતરમાં સેન્ટિયાગોમાં યોજાયેલી એક ‘કિસ પાર્ટી’માં સેંકડો સ્ટુડન્સે જાહેરમાં કિસ કરી હતી. આ વિદ્યાર્થીઓ શિક્ષણ વ્યવસ્થામાં સુધારો લાવવા માટે આવું પ્રદર્શન કરી રહ્યા હતા.

ઉલ્લેખનીય છે કે રાષ્ટ્રપતિ સેબેસ્ટિયન પિનેરા દ્વારા શિક્ષણ વ્યવસ્થાના વિકાસમાં આર્થિક કપાત કરવાના નિર્ણયના વિરોધમાં સ્ટુડન્ટ્સ દ્વારા આ પ્રદર્શન કરવામાં આવ્યુ હતું. સ્ટુડન્ટ્સનું કહેવુ હતું કે જ્યારે આ દેશ લેટિન અમેરિકામાં ઝડપથી વિકસતા રાષ્ટ્રોની શ્રેણીમાં આવે છે તો પછી તેનામાં શિક્ષણ ક્ષેત્રમાં કપાતનો શો અર્થ?

તસવીરોમાં જુઓ સ્ટુડન્ટ્સનું અનોખુ પ્રદર્શન...

અમદાવાદના કોર્પોરેટરના સંતાનોને નવું રમકડું મળ્યું?

2011-09-07T12:50:00.000+05:30

મ્યુનિસિપલ કોર્પોરેશને ૬૪ વોર્ડના તમામ કોર્પોરેટરોને લેપટોપ આપવાની શરૂઆત કરી દીધી છે, પરંતુ મોટાભાગના કોર્પોરેટરો જનતાની સમસ્યાઓના ઝડપી નિકાલના હેતુ માટે આપવામાં આવેલા આ લેપટોપનો શું ઉપયોગ કરે છે?

અમદાવાદ શહેરની ૬૦ લાખની વસતીને પ્રાથમિક સુવિધા આપવામાં પણ નિષ્ફળ ગયેલા કોર્પોરેશનના સત્તાધિકારીઓએ કોર્પોરેટરોને લેપટોપની લહાણી કરવા માંડી છે. રાજકીય પક્ષા-પક્ષીથી પર રહીને કોર્પોરેશને લીધેલા નિર્ણય મુજબ, શહેરીજનોના હિતમાં ૬૪ વોર્ડના ૧૯૨ કોર્પોરેટરોને લેપટોપ આપવાની શરૂઆત થઈ ગઈ છે.

આ ચૂંટાયેલા પ્રતિનિધિઓ ઈ-મેઈલથી સ્થાનિક વિસ્તારની સમસ્યાઓ અંગે કોર્પોરેશનના સંબંધિત અધિકારીઓ સમક્ષ રજુઆત કરી શકે તે હેતુથી તેમને ઈન્ટરનેટની સુવિધા પણ આપવામાં આવી છે. પ્રાપ્ત માહિતી અનુસાર ઘણા કોર્પોરેટરો લેપટોપના ઉપયોગ અંગે અજાણ હોવાથી હાલ તેમણે આ લેપટોપ પોતાના સંતાનોને આપી દીધા છે અને તેમના સંતાનો આ લેપટોપનો ઉપયોગ ગેમ રમવામાં કરે છે.

ઉલ્લેખનીય છે કે, અગાઉ અનેક વખત બંને પક્ષના ચૂંટાયેલા પ્રતિનિધિઓ તાલીમ મેળવવા માટે વિદેશ પ્રવાસે ગયા હતા. જો કે વિદેશમાંથી તેમણે શું તાલીમ મેળવી અને આ તાલીમ શહેરીજનોને કેટલી ઉપયોગી રહી તે અંગે સૌ કોઈ જાણે છે. આટલું ઓછું હોય તેમ અગાઉ કોર્પોરેશને દરેક કોર્પોરેટરને કમ્પ્યુટર અને મોબાઈલ આપ્યા હતા. કોર્પોરેટરોને મળેલી આ તમામ સુવિધાઓથી શહેરીજનોની સુખાકારીમાં કેટલો વધારો થયો તે એક પ્રશ્ન છે.

બે વર્ષ અગાઉ કોર્પોરેટરોને કમ્પ્યુટરની તાલીમ આપવામાં આવી હતી અને બાદમાં તેમને કમ્પ્યુટર પણ અપાયા હતા. જોકે ગત વર્ષે યોજાયેલી ચૂંટણીમાં મોટાભાગના નવા ચહેરાઓ વિજેતા બન્યા હતા. આ નવા ચૂંટાયેલા પ્રતિનિધિઓને લેપટોપની કોઈ તાલીમ આપતા પહેલા જ તેમને લેપટોપ આપવાની શરૂઆત થઈ ગઈ છે. સામાન્ય રીતે એક લેપટોપની કિંમત રૂ.૩૫૦૦૦ની ગણીએ તો પણ ૧૯૨ લેપટોપની કિંમત લગભગ રૂ.૬૭ લાખ જેટલી થાય. તો રૂ.૬૭ લાખનો આ ખર્ચ ખરેખર શહેરીજનોને કોઈ રીતે ઉપયોગી થશે ખરો?

સંતાનો પાસેથી તાલીમ લઈએ તેમાં ખોટું શું છે?

કેટલાક કોર્પોરેટરે તો આ લેપટોપ તેમના સંતાનોને ગેમ રમવા અને સ્કૂલના પ્રોજેક્ટ બનાવવા માટે આપી દીધા છે. જો કે આ અંગે પોતાનો બચાવ કરતા એક કોર્પોરેટરે એવો ખુલાસો કર્યો હતો કે, તેમને લેપટોપની કોઈ તાલીમ મળી નથી. જેના કારણે બાળકો પાસેથી તેઓ લેપટોપની તાલીમ મેળવી રહ્યા છે અને તેની સામે જો બાળકો ગેમ રમતા હોય કે પ્રોજેક્ટ બનાવતા હોય તો તેમાં ખોટુ શું છે?

બે વર્ષ પહેલા કમ્પ્યુટરની તાલીમ અપાઈ હતી

એક સપ્તાહથી કોર્પોરેટરોને લેપટોપ અપાઈ રહ્યા છે. જેમાં એચપીના લેપટોપ પસંદ કરનારા કોર્પોરેટરોને આ લેપટોપ મળી ગયા છે. અન્ય કંપનીના લેપટોપ આવવાના બાકી હોવાથી હજુ કેટલાક કોર્પોરેટરોને તે મળ્યા નથી. હજુ મને લેપટોપ મળ્યું નથી. બે વર્ષ પહેલા કોર્પોરેટરોને કમ્પ્યુટર આપવામાં આવ્યા ત્યારે તેમને કમ્પ્યુટરની તાલીમ આપવામાં આવી હતી. જો કે લેપટોપની તાલીમ અપાઈ નથી. - સુરેન્દ્ર બક્ષી, નેતા, કોંગ્રેસ

પરિસ્થિતિમાં કોઈ ફરક આવશે?

સ્થાનિક સમસ્યાઓ અંગે કોર્પોરેટરો દ્વારા થયેલી લેખિત રજુઆતનો રેકોર્ડ જાળવવા માટેની યોગ્ય સુવિધા પણ નથી. જેના કારણે અનેક ફરિયાદો ટલ્લે ચડે છે ત્યારે આ ‘ઈ ફરિયાદો’ પર યોગ્ય કાર્યવાહી માટે કોઈ તંત્ર હજુ સુધી ગોઠવવામાં આવ્યું નથી. એક અધિકારીએ નામ નહીં આપવાની શરતે જણાવ્યું હતું કે, આમ તો ઘણા કોર્પોરેટરો લેપટોપના ઉપયોગ અંગે અજાણ છે. આમ છતાં કેટલાક ઉત્સાહી કોર્પોરેટરો લેપટોપ પરથી ફરિયાદો ઈ-મેઈલ કરશે અને બાદમાં સાંજે ફરિયાદ પણ આપશે. આમ, પરિસ્થિતિમાં સુધારો નહીં આવે અને બેવડા રેકોર્ડ સાચવવા પડશે.

ઝડપી ઉકેલ જોઈતો હોય તો રૂબરૂ જ જવું પડશે

લેપટોપના કારણે અમે પ્રજાના પ્રશ્નો અંગે ઓનલાઈન રજુઆત કરી શકીશું. જોકે આ પ્રશ્નોનો ઝડપી ઉકેલ લાવવા માટે અમારે ફરજિયાત કોર્પોરેશનના અધિકારીઓ પાસે જવું જ પડશે અને તપાસ કરવી પડશે. અમારે પ્રજાને નક્કર જવાબ આપવાના હોય છે અને રૂબરૂ મુલાકાત વગર આ જવાબ આપવા શક્ય નહીં હોવાથી અમારે ઓફિસે જઈને રૂબરૂ તપાસ કરવી પડશે. લિયાકત ઘોરી, કોર્પોરેટર, કોંગ્રેસ

ટૂંક સમયમાં લેપટોપની તાલીમ અપાશે

વિશ્વ સાથે તાલ મિલાવવા માટે લેપટોપ આપવાનો નિર્ણય લેવાયો છે. કોર્પોરેટરોના બાળકો લેપટોપ પર ગેમ રમે તેવુ ક્યાંક બનશે, પરંતુ સમય જતાં લેપટોપનો પણ સદુપયોગ થશે. લેપટોપ મેળવનારા કોર્પોરેટરોમાંથી ૮૦ ટકા નવા છે અને મોટાભાગે જાણકાર પણ છે. આમ છતાં તેમને આગામી દિવસોમાં તાલીમ અપાશે. - ગૌતમ શાહ, નેતા, મ્યુનિ. ભાજપ