நான் தமிழ்

இன்றைய நிலையில் இந்தியாவிற்கு கம்யூனிசம் தேவையோ ?

noreply@blogger.com (Jesh) — Wed, 27 Nov 2019 01:45:00 +0530

தலைப்பை பார்த்ததும் பலரும் இது ஒரு சராசரியான கம்யூனிச ஆதரவு இடுகை என்று எண்ணுதல் கூடும். நம்மை பொறுத்தவரை கம்யூனிசம் என்றால் கத்தி திரைப்பட "இட்லி" வசனம் தான் நினைவிற்கு வரும். அதையும் தாண்டி கம்யூனிசத்திற்கு ஒரு (உண்மையான) வரலாறு இருப்பது நம்மில் பலருக்கு தெரிந்திருக்க வாய்ப்பில்லை. அக்கதைகளை சற்று சுருக்கமாக எழுத முற்பட்டுக்கொண்டிருக்கிறேன். விரைவில் வெளியிடுவேன் என நம்பிக்கையோடு......

பெப்சி கோக் வேண்டாம், விசா மாஸ்டர் வேண்டுமா! ஒரு அலசல்

noreply@blogger.com (Jesh) — Tue, 5 Sep 2017 15:31:00 +0530

கடந்த சில வருடங்களாக தமிழகத்தில் பெப்சி கோக் பானங்களின் விற்பனை வெகுவாக குறைந்துள்ளது. இதற்கு வாடிக்கையாளர் மனமாற்றமே காரணம். இதன் பின்னணி அனைவருக்கும் தெரிந்ததே.

ஆனால் இந்த குளிர்பான நிறுவங்களை விட அதிக ஆதிக்கம் செலுத்துவதும் , நாட்டின் இறையாண்மைக்கு அச்சுறுத்தலாக இருப்பதும் , பொருளாதார இழப்பை ஏற்படுத்துவதிலும் அதிக பங்கு வகிப்பது விசா மாஸ்டர் போன்ற அந்நிய மென்-கட்டண-நுழைவாயில் (PaymentGateway) நிறுவனங்கள் .

ஏன் ?:

கடந்த சிலபல வருடங்களில் ரஷ்யா சந்தித்த நெருக்கடிகளில் சிலவற்றை நாம் அறிந்துகொள்ள வேண்டியது அவசியமாகிறது. எப்பொழுதெல்லாம் ரஷ்யா அரசின் மீது பொருளாதார தடை விதிக்க படுகிறதோ அப்போழுதெல்லாம் , அமெரிக்கா மற்றும் வேற்று நாட்டு மென்-கட்டண-நுழைவாயில்கள் ரஷ்யாவில் செயல்படுவதை நிறுத்தவோ அல்லது குறைத்துக்கொள்ளவோ செய்துவிடும்.

இந்த தொடர் நிகழ்வினால் கோபமுற்ற ரஷ்யா அரசு , தன்னுடைய உள்நாட்டு தயாரிப்பான மீர் (Mir Payment ) முறையை அறிமுகப்படுத்தி செயல்படுத்தி வருகிறது. இதை தாமதமாக செய்ததனால் பெரிய அளவில் பொருள் மற்றும் இதர இழப்புகள் ஏற்பட்டன.

இந்த நிகழ்வில் இருந்து பாடம் கற்றுக்கொண்ட இந்திய அரசு , NPCI என்ற RBI உதவியுடன் நிறுவப்பட்ட அமைப்பின் உதவியுடன் RuPay என்ற உள்நாட்டு சேவையை 2012-ஆம் ஆண்டு நிறுவியது. ரூபே ஒப்பீட்டை கீழே படிக்கவும்

	ரூபே (Rupay)	மாஸ்டர் / விசா (Master/Visa)
பணபரிமாற்ற சர்வர் அமைந்துள்ள இடம்	இந்தியா	அமெரிக்கா போன்ற வெளிநாடுகள்
தினசரி பணபரிமாற்றங்கள்	20% (மொத்த பரிமாற்றத்தில்)	வெளியிடப்படவில்லை
வங்கிகள் சராசரியாக ஒவ்வொரு பணபரிமாற்றத்திற்கும் செலுத்தும் தொகை	45 பைசா	3 ரூபாய்
நிறுவனர்	இந்திய அரசு	வெளிநாட்டு தனியார் நிறுவனங்கள்
அதிக பயன்பாட்டின் விளைவு	1)இந்திய பொருளாதாரம் நிலைத்தன்மை அடைய உதவும் (அந்நிய செலவாணி கையிருப்பு). 2) வெளிநாட்டு அமைப்புகள் அல்லது அரசுகளின் தடைகள் நம்மை பாதிக்காது	1)அந்நிய செலவாணி கையிருப்பு குறைகிறது, 2) அந்தந்த நாடுகளின் சட்டங்களை பின்பற்றவேண்டிய நிலையில் இந்நிறுவனங்கள் இருப்பதனால் அவசரகாலங்களில் நம் நாட்டிலும் ரஷ்யா போன்ற நிலை ஏற்படலாம்.
குறைகள்	மாதாந்திர பயன்பாட்டு அளவுகள் விதிக்கப்பட்டுள்ளதால் . குறைந்த அளவே பணப்பரிமாற்றம் செய்ய முடிந்தது . ஆனால் பிளாட்டினம் சேவை மூலம் அந்த குறையை போக்கியுள்ளது.	தனிமனித அளவில் குறைகள் எதுவும் இல்லை என்று கூறலாம் , ஆனால் ஒரு நாட்டின் அந்நிய செலவாணி கையிருப்பு குறைகிறது. இது அந்த நாட்டின் பணமதிப்பை சர்வதேச நிலையில் பாதிக்கிறது.

இந்திய அளவில் அனைத்து ATM மையங்களிலும் , 90% விற்பனை முனையங்களிலும் (PoS) ரூபே பயன்படுத்தலாம். அடுத்தமுறை வங்கிக்கு செல்லும்போது இந்த ரூபே அட்டையை வாங்கி பயன்படுத்தி பார்த்துவிடுங்கள் .

திருமுருகன் காந்தி சொல்வது உண்மையா ?

noreply@blogger.com (Jesh) — Tue, 22 Aug 2017 02:49:00 +0530

திருமுருகன் காந்தி அவர்கள் சில தகவல்களை பரப்பி வந்தார் . அவற்றுள் மிகவும் முக்கியமானது இந்திய அரசு உலக வணிக அமைப்பு (WTO )(குறிப்புதவி-1) என்ற சர்வதேச அமைப்புடன் செய்த ஒப்பந்தம்.

அவருடைய கருத்து :
இந்திய அரசு ஒரு ஒப்பந்தம் மூலமாக நியாய விலை கடைகளை மூட திட்டமிட்டுள்ளதாகவும் . இந்த ஒப்பந்தம் உலக வணிக அமைப்பு உடன் செய்யப்பட்டுள்ளது எனவும் கூறி இருந்தார்(குறிப்புதவி-5)

உண்மை நிலவரம் :
உலக வணிக அமைப்பு பொதுவாக இரண்டு ஒப்பந்தங்களால் , ஒவ்வொரு உறுப்பு நாட்டு ஏற்றுமதியும் மற்ற உறுப்பு நாடுகளில் சரியான முறையில் சந்தை படுத்த துணை புரிகிறது .

அவ்விரு ஒப்பந்தங்கள் :
(1) வர்த்தக எளிமையாக்க ஒப்பந்தம் (குறிப்புதவி-2)
(2) உணவு பொருட்கள் சேமிப்பு மற்றும் கையிருப்பு வைத்தல் தொடர்பான ஒப்பந்தம் (குறிப்புதவி-3)

இவற்றுள் வர்த்தக எளிமையாக்க ஒப்பந்தம், பொருட்களை துறைமுகங்களில் இருந்து வேகமாக அனுப்பவும் , பெறவும் வழி செய்யும் ஒரு ஒப்பந்தமாகும். இந்த ஒப்பந்தத்தை இந்திய அரசு நிராகரித்து வந்தது. அதற்கு காரணம் , மேற்குறிப்பிட்டுள்ள இரண்டாவது ஒப்பந்தமாகும்.

இரண்டாவது ஒப்பந்தத்தின் படி விவசாயிகளுக்கு மானியம் வழங்கும்போது , "மொத்த மானியத்தொகையானது 1986-88 ஆம் ஆண்டு விலைகளின் அடிப்படையில் ஒட்டுமொத்த வேளாண் உற்பத்தியின் மதிப்பில் 10%க்கும் மேல் இருக்கக் கூடாது" என்பதாகும். இதனை இந்திய அரசு எதிர்த்து வந்தது.

உலக வணிக அமைப்பின் சட்டபடி அனைத்து உறுப்பு நாடுகளும் ஏற்று கொண்டால் தான் ஒரு ஒப்பந்தம் நிறைவேற்றப்பட்டதாக அறிவிக்கப்படும். அனால் இந்திய அரசு மேற்கூறிய இரு ஒப்பந்தங்களையும் ஏற்றுக்கொள்ளவில்லை. எனவே இவ்விரு ஒப்பந்தங்களை நிறைவேற்ற முடியாத நிலை இருந்தது

அமெரிக்கா மற்றும் ஐரோப்பிய நாடுகள் இதை கண்டித்தன. அனால் இந்திய அரசு விடா பிடியாக இருந்ததன் விளைவாக "அமைதி ஒப்பந்தம் " மூலமாக இந்திய நாட்டிற்கு மட்டும் இந்த மானிய ஒப்பந்தத்தில் இருந்து விதி விலக்கு அளிக்கப்பட்டது . அதன் விளைவாக இந்திய அரசு "வர்த்தக எளிமையாக்க ஒப்பந்தத்தை " ஏற்று கொண்டது. (குறிப்புதவி-6)

இந்த ஒப்பந்தங்களில் நியாயவிலைக்கடை பொருட்கள் பற்றி எந்த ஒரு பிரிவும் கையெழுத்தாகவில்லை.

இதிலிருந்து திருமுருகன் காந்தி அவர்கள் மக்களிடம் தவறான தகவலை பரப்புகிறார் என தெரிய வருகிறது.

இந்திய அரசு அவர் கூறுவது எதுவும் உண்மை இல்லை என்று அதிகாரப்பூர்வ அறிவிப்பும் வெளியிட்டுள்ளது குறிப்பிடத்தக்கது

உலக வணிக அமைப்பின் செய்திகள் மிகவும் கடினமான முறையில் , சாதாரண மக்களுக்கு புரியாத நிலையில் இருக்கும். அதனால் தகவல்களை தவறாக புரிந்துகொண்டாரா ? இல்லையேல் அரசியல் எண்ணம்கொண்டு , பொய்யுரைத்தாரா ?

குறிப்புதவிகள் :

1.https://ta.wikipedia.org/wiki/%E0%AE%89%E0%AE%B2%E0%AE%95_%E0%AE%B5%E0%AE%A3%E0%AE%BF%E0%AE%95_%E0%AE%85%E0%AE%AE%E0%AF%88%E0%AE%AA%E0%AF%8D%E0%AE%AA%E0%AF%81

2. https://www.wto.org/english/tratop_e/tradfa_e/tradfa_e.htm

3. http://www.business-standard.com/article/news-ians/india-working-for-solution-to-wto-food-stockholding-issue-115072201514_1.html

4. http://pib.nic.in/newsite/PrintRelease.aspx?relid=144868

5. https://www.youtube.com/watch?v=CZk6oNcIKLs

6. http://www.thehindubusinessline.com/opinion/all-you-wanted-to-know-about-peace-clause/article6280907.ece

முட்டை வறுவல் செய்வது எப்படி?

noreply@blogger.com (VINU) — Tue, 21 Aug 2012 13:33:00 +0530

தேவையான பொருட்கள் :

முட்டை-2

தேங்காய்- ¼ மூடி (திருவியது)

சிறிய வெங்காயம் -5

நல்லமிளகு பொடி- ½ ஸ்பூன்

உப்பு-½ ஸ்பூன்

கறிவேப்பிலை -1 கொத்து

செய்முறை விளக்கம் .

1.சிறிய வெங்காயம் மற்றும் கறுவேப்பிலையை நன்றாக பொடி பொடியாக நறுக்கி இவற்றுடன் நல்லமிளகு, உப்பு, தேங்காய் மற்றும் முட்டை சேர்த்து நன்றாக கலக்கவும்.

2.அடுப்பில் கடாய் சூடானதும் முட்டை கலவையை விட்டு, முட்டை பொறு பொறுவென்று ஆகும் வரையில் நன்றாக வறுக்கவும்.

3.சுவையான முட்டை வறுவல்/முட்டை துவரன் தயார்.இதனை சாதத்துடனும் சாப்பிடலாம்,அல்லது மாலை நேர சிற்றுண்டியாகவும் உண்ணலாம்.

சுவையான அவியல் செய்வது எப்படி?

noreply@blogger.com (VINU) — Mon, 20 Aug 2012 16:31:00 +0530

தேவையான காய்கறிகள் :

வழுதனங்காய்-1

வாழைக்காய் -2

முருங்கக்காய் -1

அவரைக்காய் -5

பச்சை மிளகாய் -2

வெண்டைக்காய்-1

காரட் -1

உப்பு - ½ ஸ்பூன் /தேவைக்கேற்ப

தயிர் -2 ஸ்பூன்

தண்ணீர் -1 அல்லது 1 ½ கப் /தேவைக்கேற்ப

அரைப்பதற்கு தேவையான பொருட்கள் :

தேங்காய் -1 மூடி (துருவியது )

சீரகம் -1 டீஸ்பூன்

பூண்டு -2 பல்

மஞ்சள் பொடி-1/2 டீஸ்பூன்

பச்சை மிளகாய் -2

கறிவேப்பிலை

செய்முறை விளக்கம் .

1.மேற்குறிப்பிட்டுள்ள காய்கறிகள் அனைத்தையும் நீள வாக்கில் வெட்டிக் கொள்ளவும்.

2. தேங்காய் ,சீரகம் ,பூண்டு ,மஞ்சள் பொடி ,பச்சை மிளகாய் மற்றும் கறிவேப்பிலையை மிக்சியில் போட்டு அரைத்து எடுக்கவும்.(மை போன்று அரைக்க வேண்டியதில்லை)

3.அரிந்து வைத்துள்ள காய்கறிகள் மற்றும் அரைப்பினை ஒரு கடாயில் வைத்து தேவைக்கேற்ப தண்ணீர் மற்றும் உப்பு சேர்த்து மூடி வைத்து வேக விடவும்.

4.காய்கறிகள் நன்றாக வெந்த பின்னர் தயிர் சேர்த்து நன்றாக கிளறி விடவும்.

5.கடைசியாக தேங்காய் என்னை விட்டு கிளறி இறக்க வேண்டும்.சுவையான கேரளா ஸ்டைல் அவியல் தயார்.

குறிப்புகள்:

காய்கறிகளை சற்று மெலிதாக அரிந்தால் இன்னும் சிறப்பாக இருக்கும்.

சற்று இளம் தேங்காய் (அதிகமாக முற்றாதது ) உபயோகித்தால் அவியலின் சுவை கூடும்.

அவியலினை வாழை இலை கொண்டு மூடி வேக வைத்தால் வித்தியாசமான ஓர் சுவையினை உணரலாம்.

தயிருக்கு பதிலாக மாங்காய் அல்லது புளி உபயோகிக்கலாம். (தயிர் இல்லையென்றால் மட்டும்)

கடைசியில் தேங்காய் எண்ணெய் விடுவதிற்கு பதிலாக கடுகு, கறிவேப்பிலை போட்டு தாளித்து விடலாம்.

இந்தியாவிற்கு 4G வரப்போகுது டோய் !

noreply@blogger.com (Jesh) — Sat, 16 Jul 2011 02:10:00 +0530

நான்காவது தலைமுறை தகவல் தொடர்பு தொழில்நுட்பம் இந்தியாவிற்குள் வெகு விரைவில் நுழைய இருக்கிறது. மத்திய அரசின் நிறுவனமான (TRAI) இந்திய தகவல் தொழில்நுட்ப கூட்டமைப்பு இது பற்றிய சில தகவல்களை வெளியிட்டுள்ளது. ஆகஸ்ட் மாதம் சில ஆரம்பகட்ட முடிவுகள் எடுக்கப்பட்டு பின்னர் அக்டோபர் மாதம் 4G அலைகற்றை ஒதுக்கீடு தொடர்பான பரிந்துரைகள் வெளியடப்படும் என தகவல் வெளியாகியுள்ளது மகிழ்ச்சி அளிக்கிறது.

5 முதல் 12 Mbps வேகத்துடன் இந்த சேவை அளிக்கப்படும் என சில தகவல்கள் வெளியாகின்றன. VOIP எனப்படும் இணையத்தில் இருந்து தொலைபேசிக்கு பேசும் தொழில்நுட்பத்திற்கு இந்தியாவில் அனுமதி அளிக்கப்பட இருக்கிறது என்பது இதில் மகிழ்ச்சி தரும் செய்தி . எது எப்படியோ , இந்த ஏலத்திலும் கொள்ளை நடக்காமல் இருந்தால் மிக்க மகிழ்ச்சி

தயாளு அம்மாள் தலைகாத்த தமிழ்

noreply@blogger.com (Jesh) — Tue, 26 Apr 2011 12:03:00 +0530

2ஜி அலைக்கற்றை வழக்கில் தாக்கல் செய்யப்பட்ட துணைக் குற்றப்பத்திரிகையில் முதல்வரின் மனைவி தயாளு அம்மாளின் பெயர் குற்றம் சாட்டப்பட்டோர் வரிசையில் சேர்க்கப்படாதது குறித்து சிபிஐ விளக்கமளித்துள்ளது.

இரண்டு காரணங்களை கூறியுள்ளது சிபிஐ அவை "1 . அவருக்கு தமிழ் தவிர வேறு எந்த மொழியும் அறவே தெரியாது 2 . அவருக்கு உடல்நலம் சரியில்லாததால் அனைத்து பொறுப்புகளும் சரத்குமாரிடம் தான் இருந்தன "

கலைஞர் டி.வி.யில் தயாளு அம்மாள் பெரும்பான்மை பங்குகளை வைத்திருந்தாலும், நிறுவனத்தின் செயல்பாடுகளிலும், பணிகளிலும் அவருக்கு பங்கில்லை. அவர் ஒரு செயல்படாத பங்குதாரராகவே இருந்திருக்கிறார் என சிபிஐ தெரிவித்திருக்கிறது.

இருப்பினும் அவரது பெயரை 154 சாட்சிகளில் ஒன்றாக வைக்க சிபிஐ பரிந்துரைத்துள்ளது.

தர்மம் தலைகாக்கும் என படித்திருக்கிறேன் ,முதல்முறையாக இங்கு ஒருவரை தமிழ் தலைகாத்திருக்கிறது.

கூகுள் வீடியோ மற்றும் யாகூ பஸ் சேவைகளுக்கு முற்றுப்புள்ளி

noreply@blogger.com (Jesh) — Thu, 21 Apr 2011 12:11:00 +0530

கூகுள் வீடியோ சேவை மே மாதம் 13 -ஆம் தியதியுடன் நிறுத்தப்படும் என கூகுள் அறிவித்துள்ளது. மேலும் ஏப்ரல் 29 -முதல் கூகுள் வீடியோவில் தகவலிறக்கம் செய்துகொள்ளலாம் எனவும் , youtube சேவையை அனைவரும் பயன்படுத்தலாம் எனவும் அறிவித்துள்ளது.

இந்த வேழையில் யாஹூ நிறுவனமும் தனது பஸ் சேவையை ஏப்ரல் 21 -ஆம் தியதியுடன் முடித்துக்கொள்வதாக செய்தி வெளியிட்டுள்ளது. twitter , facebook போன்ற சேவைகள் போன்றவற்றிற்கு கிடைக்கும் வரவேற்பு இதற்கு இல்லாதது ஒரு காரணமாக இருக்கும். கூகுளே பஸ் என்ன ஆக போகிறது என்று பொறுத்திருந்து தான் பார்க்க வேண்டும்.

ஜன லோக்பால் கமிசனின் முக்கியமான பத்து அம்சங்கள்

noreply@blogger.com (VINU) — Thu, 7 Apr 2011 15:46:00 +0530

ஜன லோக்பால் என்பது எந்த ஒரு அரசியல் தலையீடுமின்றி தனித்து இயங்கும் ஒரு கமிசன். ஊழல் , லஞ்சம் போன்ற வேலைகளில் ஈடுபடும் நபர் யாராக இருந்தாலும் ( உச்ச நீதிமன்ற நீதிபதி , இந்திய பிரதமர், முதலமைச்சர் என யாரும் விதி விளக்கு அல்ல) வெறும் ஒரு ஆண்டில் விசாரணையை முடித்து , அடுத்த ஆண்டில் சிறையில் அடைப்பதே இவர்களின் பணியாகும் .

இப்போது தெரிகிறதா ஏன் காங்கிரஸ் அரசு இதனை ஆதரிக்கவில்லை என்று . இனி மேற்சொல்லிய பத்து அம்சங்களையும் பார்ப்போமா.

1 ) மத்தியில் லோக்பால் என்ற அமைப்பும் , ஒவ்வொரு மாநிலங்களில் லோகயுக்ட எனும் அமைப்பும் அமைக்கப்படும் (இவை இரண்டின் பணியும் ஒன்றே )

2 ) தேர்தல் கமிசன் , உச்ச நீதிமன்றம் போன்று இதுவும் யாருடைய தலையீடும் இன்றி இயங்கும் அமைப்பாகும். எந்த அமைச்சரோ அல்லது அரசு நிறுவனங்களோ இதனை கட்டுபடுத்த முடியாது.

3 ) யார் மீது ஊழல் குற்றச்சாட்டு வந்தாலும் ஒரு வருடத்தில் அதனை

விசாரித்து , இரண்டு வருடங்களுக்குள் அவர்கள் சிறையில் அடைக்கபடுவார்கள் (இதன் தீர்ப்பில் எவரும் தலையிட முடியாது )

4 ) ஊழலால் நாட்டுக்கு ஏற்பட்ட இழப்பு , குற்றம் நிருபிக்கப்பட்ட உடன் இழப்பீடு செய்யப்படவேண்டும்.

5 ) சாதாரண குடிமகனுக்கு அரசு அலுவலகங்களிலோ அல்லது அரசு தலையீடு உள்ள நிறுவனங்களிலோ ஏதேனும் சேவை பெறும்போது காலதாமதம் ஆனால் அதற்கு பொறுப்பான அலுவலர் மீது அபராதம் விதிக்கப்பட்டு அந்த தொகை பாதிக்கப்பட்டவருக்கு இழப்பீடாக அளிக்கப்படும்.

6 ) ஒவ்வொரு குடிமகனும் தனக்கு தேர்தல் அடையாள அட்டை, ரேசன் அட்டை,

7 ) அரசு ஊழல் பேர்வழிகளை லோக்பால் கமிசனில் தலைவர்களாக பதவி கொடுத்தால் ? இந்த கேள்விக்கே இடமில்லை , ஏனெனில் இதன் ஊழியர்களும் தலைவர்களும் நீதிபதிகளாலும் மக்களின் நம்பிக்கை பொருந்திய பிரதிநிதிகளாலும் தேர்ந்தேடுக்கபடுவர். எந்த ஒரு அரசியல்வாதியும் இதில் தலையிட முடியாது.

8 ) லோக்பால் ஊழியரே ஊழலில் ஈடுபட்டால் ? இது நடக்க வாய்ப்பே இல்லை

ஏனெனில் இந்த கமிசனின் அனைத்து செயல்பாடுகளும் நன்றாக ஒவ்வொரு ஊழியர் மட்டுமல்லாமல் மக்களாலும் கண்காணிக்கப்படும். ஏதேனும் புகார் என்றால் அந்த ஊழியர் மீது விசாரணை நடத்தப்பட்டு இரு மாதங்களில்

தண்டிக்கப்படுவார்.

9 ) தற்போது இருக்கும் அனைத்து ஊழல் தடுப்பு மற்றும் லஞ்ச ஒழிப்பு துறை

(சிபிஐ, vigilence ) லோக்பால் கமிசனுடன் இணைக்கப்பட்டு முழு சுதந்திரம்

அளிக்கப்படும்.

10 ) புகார் அளிப்பவரின் பாதுகாப்பை உறுதி செய்வது லோக்பலின் பொறுப்பாகும்.

சும்மா அதிருதுல்ல .. இப்போ தெரியுதா ஏன் அரசியல் கட்சிகள் இதை எதிர்குதுன்னு....

மிகமோசமாக போடப்பட்ட சாலைகள் போன்ற சேவைகளை பெறும்போது தாமதம் அடைந்தாலோ அல்லது ஊழல் நடந்தாலோ லோக்பல்க்கு ஒரு மனு கொடுத்தால் ஒரு மாதத்திற்குள் நடவடிக்கை எடுக்கப்படும். காரணமான அலுவலர் வெகு விரைவில் சிறையில் அடைக்க படுவார் (அதிகபட்சம் 2 ஆண்டுக்குள் தண்டிக்கப்படுவார்).

அன்ன ஹசாரே ஏன் உண்ணா விரதம் இருக்கிறார் தெரியுமா ?

noreply@blogger.com (Jesh) — Wed, 6 Apr 2011 20:22:00 +0530

அன்ன ஹசாரே ஏன் உண்ணா விரதம் இருக்கிறார் என்றுகூட தெரியாமல் நம்மில் சிலபேர் அவரை பார்த்து "சாகும் வயதில் இது என்ன வேலை இந்த தாத்தாவுக்கு " என்று சொல்கிறோம் . அதற்கான காரணத்தை உங்களுடன் பஹிர்ந்து கொள்ள நான் பெருமை படுகிறேன் .

ஜன லோக்பால் பில் ( அரசு தலையீடு இன்றி அரசையே தண்டிக்கும் வலிமை கொண்ட தனித்து இயங்கும் ஒரு அரசு நிறுவனம் ) என்னும் ஒரு சட்டத்தை பாராளுமன்றத்தில் நிறைவேற்றவே அவர் இந்த முயற்சியில் ஈடுப்பட்டுள்ளார்.

இந்த அமைப்பு மட்டும் நிறுவபட்டால் எந்த ஒரு அரசியல்வாதியோ அரசு ஊழியரோ ஏன் உச்ச நீதி மன்ற நீதிபதிகூட சிறைக்கு செல்லவேண்டி வரும் .. இதன் பத்து மிகச்சிறந்த அம்சங்களை அறிய எனது முந்தய இடுகையை வாசியுங்கள் .. படிதததற்கு பிறகு மறக்காமல் உங்கள் எண்ணங்களை பஹிர்ந்து விட்டு செல்லுங்கள் .

இந்திய சட்டம் குறித்து அம்னஸ்டி (மனித உரிமை அமைப்பான சர்வதேச மன்னிப்புச் சபை) விமர்சனம்

noreply@blogger.com (VINU) — Mon, 4 Apr 2011 13:45:00 +0530

பொதுப் பாதுகாப்புச் சட்டம் என்னும் இந்தச் சட்டத்தின் கீழ், அரசுக்கு அச்சுறுத்தலாக திகழ்வதாக கருதப்பட்டால், மக்களை இரு வருடங்கள் வரை குற்றச்சாட்டுக்கள் எதுவும் சுமத்தப்படாமல் சிறையில் அடைத்து வைக்கமுடியும்.

1989 இல் காஷ்மீரில் இந்திய ஆட்சிக்கு எதிராக கிளர்ச்சி ஒன்று ஆரம்பமானதை அடுத்து இதுவரை இந்தச் சட்டத்தின் கீழ் சுமார் இருபதினாயிரம் பேர்வரை சிறையில் அடைத்து வைக்கப்பட்டு வந்திருப்பதாக அது மதிப்பிட்டிருக்கிறது.

இந்தச் சட்டம் ஒழிக்கப்பட வேண்டும் என்று மன்னிப்புச் சபை கோரியுள்ளது.

புனித பிரான்சிஸ் சவேரியார்

noreply@blogger.com (VINU) — Mon, 7 Mar 2011 10:03:00 +0530

புனித பிரான்சிஸ் சவேரியார் ஸ்பெயின் நாட்டில் ஏப்ரல் 7,1506 அன்று புகழ்மிக்க சவேரியார் அரண்மனையில் பிறந்தார்.

தன்னுடைய ஒன்பதாம் வயதில் தந்தையை இழந்த இவர் தாயின் பராமரிப்பிலேயே அதே அரண்மனையில் படித்து வந்தார்.

புனித சவேரியார் சுமார் 38000 மைல்கள் கடல் மற்றும் தரை மார்கமாகப் பயணம் செய்து இறைப்பணியைச் செய்துள்ளார். கடைசியாக சாங்சோங் தீவில் நோயால் பாதிக்கபட்டார்.

இவரை ஜார்ஜ் அல்வறேஸ் என்னும் போர்த்துக்கீசியர் கவனித்து வந்தார். இருந்தாலும் 1552ஆம் வருடம் டிசம்பர் 3-ஆம் நாள் உயிர் துறந்தார். ஜார்ஜ் அல்வறேஸ் சவேரியாரை அத்தீவிலேயே அடக்கம் செய்துவிட்டுச் சென்று விடுகிறார்.

சுமார் இரண்டரை மாதங்கள் கழித்து ( பெப்ருவரி 17, 1553) அத்தீவின் வழியாக வரும்போது, மீபொருட்களை, அவரின் சொந்த நாட்டுக்கு எடுத்துச்செல்ல கல்லறையை திறந்தபோது அவரது உடல் எந்தப் பாதிப்பும் இல்லாமல் வைத்தது வைக்கப்பட்டது போலவே இருந்தது. நறுமணமும் வீசியது.

பின்னர் அவரது உடலை சண்ட க்ரூஸ் என்னும் கப்பலில் மக்காவு கொண்டு சென்றனர். இக்கப்பலானது மார்ச் 22, 1553ஆம் வருடம் மக்காவுவை வந்தடைந்தது. மீண்டும் ஒரு ஆலயத்தில் வைத்து அவரது உடலைப் பார்த்த போது அது கெட்டுபோகாமல் நறுமணம் வீசியது என்பர். பின்னர் சவேரியாரின் உடல் புனித சின்னப்பர் தேவாலயத்தில் உள்ள கல்லறைத் தோட்டத்தில் அடக்கம் செய்யப்பட்டது.

இரண்டு மாதங்களுக்குப் பின்னர் தந்தை பெய்ரோ புனித சவேரியாரின் உடலைக் கோவா கொண்டுசெல்ல உத்தரவிட்டார். இதன்படி டிசம்பர் 1553இல் புனித சவேரியாரின் உடல் கோவா வந்தடைந்தது. 450 வருடங்களைத் தாண்டிய பின்னரும் அழியாமல் இன்றும் இப்புனிதரின் உடல் மக்கள் பார்க்கும் படியாக வைக்கப்பட்டுள்ளது.

1554 ம் வருடம் அவரது வலது கால் விரலினை ஒரு போர்சுகீசிய பெண் கடித்ததால் அதன்பின் சில வருடங்கள் அவர் உடல் மக்கள் பார்வைக்கு வைக்கப்படவில்லை.

அந்த பெண் கடித்தபோது உயிருள்ள உடம்பிலிருந்து

ரத்தம்

வடிவது போல அவருடைய விரல்களிலிருந்து வடிந்தது.
பின்னர் 1981 ம் ஆண்டு முதல் 10 வருடங்களுக்கு ஒருமுறை மக்கள் பார்வைக்கு வைக்கப்படும்.

மின்சாரம் கடத்தும் பிளாஸ்டிக் கண்டுபிடிப்பு விஞ்ஞானிகள் சாதனை

noreply@blogger.com (Jesh) — Thu, 24 Feb 2011 14:25:00 +0530

மின்சாரம் கடத்தாப்பிரிவை சார்ந்த பிளாஸ்டிக் இப்பொழுது மின்சாரம் கடத்தும் பொருளாக மாற்றப்பட்டுள்ளது .

குயின்ஸ்லாந்து பல்கலைகழக பேராசிரியர் கூறுகையில் " அயனி கற்றையின் உதவியுடன் பிளாஷ்ட்டிக்கை ஓட்டம் செய்கையில் அது மின்கடத்தும் பொருளாக மாற்றம் அடையும் என்றும், இதனை அதிமின்கடத்தியாக (Superconductor) வேண்டுமானாலும் மாற்றிகொள்ளலாம் இதற்கு சிறிதளவு வேப்பமேற்றவேண்டும் " என்றார் . இதனை பல்வேறு தினசரி பயன்படுத்தும் பொருட்களில் பயன்படுத்த ஆராய்ட்சிகள் தொடர்கின்றன.

Facebook எந்த பாலினம் என்று ஒரு முடிவு கிடைத்தது

noreply@blogger.com (Jesh) — Mon, 21 Feb 2011 18:24:00 +0530

தலைப்பை பார்த்ததும் நகைச்சுவையாக இருந்தாலும் சற்று யோசிக்கவும் வைக்கிறதுதானே . இது நடந்தது எகிப்து நாட்டில் . ஜமால் இப்ராகிம் என்பவர் தனது பெண் குழந்தைக்கு " பேஷ்புக் " என பெயர்சூட்டியுள்ளார் .

அந்நாட்டில் ஹோஸ்னி முபாரக் என்ற தலைவருக்கு எதிராக நடந்த புரட்சியில் பேஷ்புக் பெரும்பங்காற்றியதற்கு நன்றி செலுத்தும் வகையில் இது அமைந்திருப்பதாக தகவல். இந்த செய்தி பேஷ்புக் பெண்பாலை குறிப்பதை தானே வலியுறுத்துகிறது.

இந்தியர்கள் அனைவருக்கும் குடியரசு தின நல்வாழ்த்துக்கள்

noreply@blogger.com (Jesh) — Tue, 25 Jan 2011 16:04:00 +0530

அனைத்து தமிழர்களுக்கும் இனிய தை திருநாள் வாழ்த்துக்கள்

noreply@blogger.com (Jesh) — Thu, 13 Jan 2011 11:29:00 +0530

2வது முறையாக கோல்டன் குளோப் விருதுக்கு ஏ.ஆர்.ரஹ்மான் பரிந்துரை

noreply@blogger.com (Jesh) — Wed, 15 Dec 2010 16:00:00 +0530

ஆஸ்கர் நாயகன் ஏ.ஆர்.ரஹ்மான், 2வது முறையாக கோல்டன் குளோப் விருதைப் பெறும் வாய்ப்பை பிரகாசப்படுத்தியுள்ளார். ஸ்லம்டாக் மில்லியனர் படத்தின் இயக்குநர் டேனி பாயில் இயக்கிய 127 ஹவர்ஸ் படத்திற்காக, கோல்டன் குளோப் விருதுக்கு ரஹ்மான் பெயர் பரிந்துரைக்கப்பட்டுள்ளது.

ரஹ்மானுடன் சேர்த்து மொத்தம் ஐந்து பேர் ஒரிஜினல் இசைக்கான போட்டிப் பிரிவில் உள்ளனர்.

ஜேம்ஸ் பிரான்கோ ஹீரோவாக நடித்துள்ள 127 ஹவர்ஸ் படத்திற்கு நல்ல வரவேற்பும், விமர்சனங்களும் கிடைத்து வருவது குறிப்பிடத்தக்கது. மேலும் ரஹ்மானின் இசையும் வெகுவாக பேசப்பட்டு வருகிறது. எனவே ரஹ்மான் மீண்டும் கோல்டன்குளோப் விருதைப் பெறுவார் என்று நம்பப்படுகிறது.

மேலும் அப்படத்தில் நடித்த ஜேம்ஸ் பிரான்கோவிற்கு சிறந்த நடிகர் பட்டியலில் பரிந்துரைக்கப்பட்டுள்ளது. இதுமட்டுமின்றி, சிறந்த திரைக்கதை, சிறந்த பின்னணி இசை, சிறந்த பாடல், என மொத்தம் 4 விருதுகள் '127 ஹவர்ஸ்' படத்திற்கு பரிந்துரைக்கப்பட்டுள்ளது. ஏற்கனவே இதே கூட்டணி ஸ்லம்டாக் மில்லியினர் படத்திற்காக கோல்டன் கோளப் மற்றும் ஆஸ்கார் விருதுகள் தட்டிச் சென்றது என்பது குறிப்பிடத்தக்கது.

கிறிஸ்துமஸ் வால் பேப்பர்கள் மற்றும் கிறிஸ்துமஸ் மரம் கேஜட்டுகள்

noreply@blogger.com (JOHN MOSES) — Tue, 14 Dec 2010 09:45:00 +0530

நண்பர்களே இந்த வலை பக்கத்தில் நீங்கள் பெரிய அளவிலான கிறிஸ்துமஸ் வால் பேப்பர்கள் மற்றும் கிறிஸ்துமஸ் மரம் கேஜட்டுகளை டவுன்லோட் செய்யலாம்.

கிறிஸ்துமஸ் மரம் கேஜட்டுகளை டவுன்லோட் செய்ய இங்கே கிளிக் செய்யவும்.

கிறிஸ்துமஸ் வால் பேப்பர்களை டவுன்லோட் செய்ய உங்களுக்கு பிடித்த வால் பேப்பர் மீது ரைட் கிளிக் செய்து சேவ் இமேஜ் அஸ் என்ற ஆப்ஷனை கிளிக் செய்யவும்.

என்னே ! என் இந்திய தேசியக்கொடிக்கு தமிழக ஆட்சியில் வந்த சோதனை

noreply@blogger.com (Jesh) — Tue, 7 Dec 2010 21:13:00 +0530

நமது தமிழக அரசு இதுவரை எதை கிழித்தது என்று யாரும் கேட்க முடியாத அளவில் ஒரு சாதனை நடந்துள்ளது . நேற்று தமிழக சட்டமன்றத்தில் மேல் நாட்ட பட்டிருந்த இந்திய தேசியக்கொடி திடீரென கிழிந்து போனது . இதற்கு காரணம் பலமாக வீசிய காற்றே என்று கூறியுள்ளனர் .

110 கோடி மக்கள் வாழும் இந்தியாவின் கொடி இவ்வளவு பலவீனமாக இருகிறதே என்று நினைக்கையில் வருத்தமாகத்தான் உள்ளது.

இலவசமென்று கூறி தமிழனை இழிச்சவாயனாக்கும் கூட்டம்

noreply@blogger.com (Jesh) — Sun, 5 Dec 2010 16:48:00 +0530

இன்று திடீரென நான் எனக்கு வந்திருந்த தமிழ் மின்னஞ்சல்களை பார்த்துகொண்டிருந்தேன் . அவற்றில் இந்த ஓன்று மிகவும் அருமையாக இருந்தது, அதை இங்கே பகிர்ந்துள்ளேன் . உங்கள் கருத்துக்களை தவறாமல் பதிவு செய்யுங்கள் .

இந்திய மாணவர்களுக்கு Facebook 38 லட்சம் சம்பளம் அளிக்கிறது

noreply@blogger.com (Jesh) — Sat, 4 Dec 2010 02:40:00 +0530

தலைப்பை பார்த்த உடன் தலை சுற்றுகிறதா ? இது உண்மை தான் இந்திய பொறியியல் கல்லூரி (IIT -M ) சென்னையில் நடந்த வேலை வைப்பு நேர்காணலில் தேர்ந்தெடுக்கப்பட்ட மாணவர்களுக்கு Facebook நிறுவனம் $85000 ( ஏறத்தாழ 38 லட்சம் இந்திய ரூபாய்கள் ) . ஆண்டு சம்பளம் அளிப்பதாக உள்ளது .

இந்த வேலைவாய்ப்பு நேர்காணல் SKYPE எனப்படும் இணையத்தில் முகம் பார்த்து பேசும் மென்பொருளின் உதவியுடன் நடந்தது என்பது இன்னும் சுவையான செய்தி . இதன் உதவியுடன் அமெரிக்காவில் இருந்து கேள்விகள் கேட்கப்பட்டன.

பாகிஸ்தான் அரசு இணையதளங்கள் 35 ஹாக் (hack ) செய்து 26 /11 நினைவஞ்சலி

noreply@blogger.com (Jesh) — Fri, 3 Dec 2010 10:40:00 +0530

கடந்த செவ்வாய் அன்று இந்தியன் சைபர் ஆர்மி என்று தங்களை சொல்லிகொள்ளும் ஒரு குழு பாகிஸ்தான் அரசுக்கு சொந்தமான வெழியுறவுதுரை அமைச்சகம் , பாகிஸ்தான் கடல்வழி ராணுவம் உட்பட 35 அரசு இணையதளங்களை தன்வசப்படுத்தி இந்திய கொடியை நாட்டினர் . அவர்கள் தங்களுடைய இணையதள முகவரியை அந்த படங்களில் இட்டு அனைவரின் கவனமும் அவர்கள்மீது திரும்பும்படி செய்தனர்.

indishell என்னும் அவர்களுடைய இணயத்தை பார்க்கையில் ஒவ்வொரு இந்தியனுக்கும் அவர்களை பாராட்ட தோன்றியது ஏனெனில், அவர்களது இணைய முகப்பில் 26 \11 போராட்டத்தில் வீரமரணம் அடைந்த வீரர்களின் புகைப்படங்களுக்கு அஞ்சலி செலுத்தும் வண்ணம் இருந்தது.. நாமும் இதை பாராட்டியே ஆகவேண்டும் .

பெங்களுருவில் செந்தமிழ் சீரழிவு ?

noreply@blogger.com (Jesh) — Thu, 2 Dec 2010 10:39:00 +0530

கடந்த மாதம் நான் பெங்களுருவில் ஒரு தனியார் நிறுவனம் ஒன்றில் பணி புரிந்துவந்தேன் . அங்கு தினமும் தினகரன் நாழிதல் படிக்கும் வழக்கத்தை கொண்டிருந்தேன் . அச்சமயம் கர்நாடக மாநிலம் முழுவதும் கடுமையான மழை பெய்துகொண்டிருந்தது . குறிப்பாக ஷிமோகா மாவட்டத்தில் அதிக அளவு மழை பெய்தது .

அந்த செய்தியை ஷிமோகாவில் மழை நீடிப்பு என்று எழுதுவதற்கு மாறாக , " ஷிமோகாவில் மழை நீட்டிப்பு " என்று எழுதி இருந்தனர் . இதை கண்ட நான் அதிர்ச்சியுற்றேன் . இதை அனைத்து தமிழர்களுக்கும் அறியப்படுத்தவே இந்த இணையத்தில் பகிர்கிறேன் .

விக்கிலீக்ஸ் இணையதள நிறுவனர் மீது உளவு பார்த்த குற்றத்தின்கீழ் வழக்கு

noreply@blogger.com (Jesh) — Wed, 1 Dec 2010 23:14:00 +0530

ராணுவ ரகசியங்களை வெளியிடும் விக்கி லீக்ஸ் இணையதள நிறுவனர் ஜூலியன் அசாஞ்சே மீது உளவு பார்த்த குற்றத்துக்கான வழக்குப் பதிவு செய்யப்படும் என்று தெரிகிறது. அமெரிக்க அரசின் ரகசிய ஆவணங்களை சட்ட விரோதமாகக் கைப்பற்றி அவற்றை அவர் இணையதளத்தில் வெளியிட்டதாக வழக்குப் பதிவு செய்யப்படலாம். இத்தகவலை வாஷிங்டன் ஊடகங்கள் வெளியிட்டுள்ளன.

அமெரிக்க அதிகாரிகள், இணையதளத்தின் தலைமை ஆசிரியராக பொறுப்பு வகிக்கும் அசாஞ்சேயிடம் விசாரணை நடத்தியுள்ளனர்.குற்றவியல் சட்டத்தின்படி நடைமுறை விதிகளை அசாஞ்சே மீறியதாக "வாஷிங்டன் போஸ்ட்' பத்திரிகையில் குறிப்பிடப்பட்டுள்ளது.

உலக கோப்பை கால்பந்து போட்டி முடிவுகளை கணித்த ஆக்டோபஸ் பால் மரணம்

noreply@blogger.com (Jesh) — Tue, 26 Oct 2010 19:05:00 +0530

இந்த ஆண்டு தென்னாப்பிரிக்காவில் நடந்த உலகக்கோப்பை காலபந்துபோட்டியின் போது, காலிறுதி அரையிறுதி மற்றும் இறுதிப்போட்டி உள்பட 8 போட்டிகளின் முடிவுகளை துல்லியமாக கணித்துக் கூறியதால் உலகம் முழுவதும் காலபந்து ரசிகர்களிடையே மிகுந்த பிரபலம் அடைந்தது ஆக்டோபஸ் பால்.

இந்நிலையில், ஜெர்மனியின் ஓபர் அவுசனில் கடல்வாழ் உயிரினங்கள் அருங்காட்சியத்தில் வசித்த 3 வயதான ஆக்டோபஸ் பால் இயற்கையாக மரணம் அடைந்ததாக அருங்காட்சியக மேலாளர் ஸ்டீபன் பார்வோல் தெரிவித்தார். `

எங்களது இடத்திலேயே பாலை புதைத்து அதற்கு சிறிய சமாதி கட்டுவோம். பால் இறந்துவிட்டாலும் அது செல்போன்கள், டீசர்ட் போன்ற ஆடைகள் மூலம் வாழ்ந்து கொண்டிருக்கும்.

அடுத்த ஆண்டு தொடக்கத்தில் அது பற்றிய தொகுப்பையும் வெளியிட இருக்கிறோம் என்று ஸ்டீபன் பார்வோல் தெரிவித்தார்.