जागरूक लोकमत समाचार

गोरगरीब रुग्णांसाठी भूमाता वैद्यकीय सहाय्यता कक्ष’चा पुढाकार

noreply@blogger.com (Unknown) — Thu, 19 Mar 2026 05:30:00 +0000

पुणे – प्रतिनिधी : कालिदास उबाळे: राष्ट्रवादी काँग्रेस पार्टी वैद्यकीय मदत कक्षाचे पुणे जिल्हा अध्यक्ष मा. श्री. निनाद संगिता मल्हारी टेमगिरे (पाटील) यांच्या मार्गदर्शनाखाली गोरगरीब तसेच आर्थिकदृष्ट्या दुर्बल घटकातील रुग्णांना वैद्यकीय मदत व मार्गदर्शन करण्यात येत आहे.

भूमाता वैद्यकीय सहाय्यता कक्षाच्या माध्यमातून गरजू रुग्णांना मदत

“भूमाता वैद्यकीय सहाय्यता कक्ष” अंतर्गत महागड्या शस्त्रक्रियांसाठी धर्मदाय योजना, पंतप्रधान वैद्यकीय मदत निधी, मुख्यमंत्री सहायता निधी तसेच विविध खाजगी ट्रस्ट यांच्या माध्यमातून आर्थिक मदत मिळवून देण्यासाठी समन्वयकाची भूमिका पार पाडली जाते. यामध्ये गरजू रुग्णांना अल्प दरात अथवा मोफत उपचार उपलब्ध करून देण्याचा प्रयत्न केला जात आहे.

मुख्यमंत्री सहायता निधी योजनेत कॉकलियर इम्प्लांट, हृदय, यकृत, किडनी, फुफ्फुस, अस्थिमज्जा व हात प्रत्यारोपण, हिप व गुडघा बदल, कर्करोग शस्त्रक्रिया, अपघात शस्त्रक्रिया, बालकांच्या शस्त्रक्रिया, मेंदूचे आजार, डायलिसीस, कर्करोगासाठी किमोथेरपी/रेडिएशन, हृदयरोग, नवजात शिशूंचे आजार, बर्न व विद्युत अपघात अशा विविध गंभीर आजारांचा समावेश आहे.

तसेच “महात्मा ज्योतिराव फुले जन आरोग्य योजना” अंतर्गत बहुतेक सर्व प्रकारच्या शस्त्रक्रिया उपलब्ध असून, पात्र रुग्णांनी या योजनेचा लाभ घ्यावा असे आवाहन करण्यात आले आहे.

या योजनेचा लाभ घेण्यासाठी आधार कार्ड, रेशन कार्ड, उत्पन्न दाखला, फोटो, हॉस्पिटल कोटेशन आणि आजाराचे रिपोर्ट ही कागदपत्रे आवश्यक आहेत.

पुणे जिल्ह्यातील विविध मान्यताप्राप्त रुग्णालयांमध्ये ही सुविधा उपलब्ध आहे.

अधिक माहितीसाठी संपर्क : 9623988940 / 9850620404

पुरंदरच्या प्रांत अधिकारी वर्षा लांडगे यांच्या कार्यप्रणालीचा निषेधार्थ रिपाइंचे आंदोलन

noreply@blogger.com (Unknown) — Wed, 18 Feb 2026 12:20:00 +0000

पुरंदरच्या प्रांत अधिकारी वर्षा लांडगे यांच्या कार्यप्रणालीचा निषेधार्थ रिपाइंचे आंदोलन

पुरंदरच्या प्रांत अधिकारी वर्षा लांडगे यांच्या कार्यप्रणालीचा निषेधार्थ रिपाइंचे आंदोलन – विष्णुदादा भोसले

पुरंदर :

पुरंदर तालुक्यातील आंबोडी येथील अनुसूचित जाती प्रवर्गातील महारवतन धारक वर्ग २ शेतकऱ्यांच्या शेतजमिनीतून कायद्याचे उल्लंघन करत बेकायदेशीरपणे १२ फूट रुंदीचा रस्ता मंजूर करून पीडित शेतकऱ्यांचे कधीही भरून न येणारे नुकसान करण्यात आले आहे. ही कारवाई पुरंदरचे तहसीलदार विक्रम राजपूत यांनी आर्थिक तडजोडीतून अधिकाराचा गैरवापर करत केल्याचा आरोप करण्यात आला आहे.

याचप्रमाणे सासवडचे मंडलाधिकारी सुहास कांबळे यांनी खोटा स्थळ पाहणी अहवाल सादर करून संबंधित अर्जदारास मदत केल्याचा गंभीर आरोप आहे. या दोन्ही अधिकाऱ्यांवर प्रशासकीय तसेच फौजदारी कारवाई करण्यास परवानगी द्यावी, अशी मागणी पीडित शेतकऱ्यांकडून करण्यात येत आहे.

या मागणीसाठी अनुसूचित जाती प्रवर्गातील महारवतन धारक शेतकरी गेल्या ३१ दिवसांपासून पुरंदरच्या प्रांत कार्यालयासमोर आंदोलन करीत आहेत. मात्र पुरंदरच्या प्रांत अधिकारी वर्षा लांडगे या संपूर्ण प्रश्नाकडे जाणीवपूर्वक दुर्लक्ष करत असल्याचा आरोप आंदोलनकर्त्यांनी केला आहे.

“पुरंदरच्या प्रांत कार्यालयात आणि तहसील कार्यालयात आंधळं दळतंय आणि कुत्रं पीठ खातंय असा सावळा गोंधळ सुरू आहे. जनतेचे सेवक आज मालक म्हणून वावरत असून रखवालदार चोराच्या भूमिकेत आहेत,” अशी तीव्र प्रतिक्रिया व्यक्त करण्यात आली आहे.

विभागीय आयुक्त साहेब पुणे विभाग यांनी जिल्हाधिकारी यांना पत्र देऊन, कारवाई करुन अहवाल सादर करा असे पत्र दिले आहे, तसेच जिल्हाधिकारी साहेब यांनी पुरंदरच्या प्रांत यांना कारवाई करुन अहवाल सादर करा असे लेखी पत्र दिले आहे. तरीही पुरंदरच्या प्रांत आंदोलनाकडे दुर्लक्ष करुन पळ काढीत आहेत. त्यामुळे सर्व सामान्य माणसाला न्याय मिळणे कठीण झाले आहे. त्यामुळे पुरंदरचे तहसिलदार विक्रम राजपूत व पुरंदरच्या प्रांत वर्षा लांडगे यांनी महसुली खटल्यात दिलेल्या सर्व निकालाची चौकशी करुन कारवाई करण्यात यावी या मागणीसाठी, व पुरंदरचे तहसिलदार विक्रम राजपूत व सासवडचे मंडलाधिकारी सुहास कांबळे यांच्यावर कारवाई करण्यात यावी यासाठी व पुरंदरच्या प्रांत वर्षा लांडगे यांच्या कार्यप्रणालीचा जाहीर निषेध करण्यासाठी रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांच्या नेतृत्वाखाली वरिष्ठ अधिकारी यांना निवेदन देऊन पुरंदर प्रशासकी इमारत सासवड रिपब्लिकन श्रमिक ब्रिगेडच्या वतीने निषेध आंदोलन घेण्यात येणार आहे .असा इशारा रिपब्लिकन पार्टी ऑफ इंडिया आठवले श्रमिक ब्रिगेडचे प्रदेश सरचिटणीस विष्णुदादा भोसले यांनी आंदोलनाला पाठिंबा देताना दिला.

प्रतिनिधि : कालिदास उबाळे

उरुळी देवाचीतील इनाम वर्ग ६-ब महार वतन जमिनीवरील बेकायदेशीर बांधकामप्रकरणी जिल्हाधिकारी यांचा कडक इशारा

noreply@blogger.com (Unknown) — Fri, 13 Feb 2026 14:24:00 +0000

पुणे | दि. १२ फेब्रुवारी २०२६

मौजे उरुळी देवाची, ता. हवेली, जि. पुणे येथील सर्वे नं. १११, २२१ व २२२/६ या इनाम वर्ग ६-ब महार वतन जमिनीवर मोठ्या प्रमाणावर बेकायदेशीर बांधकामे व अनधिकृत खरेदी-विक्री व्यवहार झाल्याचे गंभीर प्रकरण समोर आले आहे. या प्रकरणाची दखल घेत पुणे जिल्हाधिकारी कार्यालय यांनी कठोर भूमिका घेतली आहे.

ही बाब श्री. अमोल अशोक बहुले यांनी केलेल्या तक्रारीनंतर उघडकीस आली. प्राथमिक तपासात शासनाच्या संरक्षित जमिनीवर नियमबाह्य व्यवहार व बांधकाम झाल्याचे संकेत मिळाले आहेत. तपास अहवालानुसार—

सक्षम प्राधिकरणाची परवानगी नसताना खरेदी-विक्री व्यवहार झाल्याचे संकेत,

जमिनीवर अनधिकृत बांधकाम झाल्याची नोंद,

वापर बदलासाठी आवश्यक बिनशेती सारा व ५०% नजराणा शासनाकडे जमा झाला आहे की नाही, याबाबत स्पष्ट माहिती उपलब्ध नसणे—अशा गंभीर बाबी समोर आल्या आहेत.

या संदर्भात तहसीलदार, हवेली यांना यापूर्वी वारंवार पत्रव्यवहार करून सविस्तर अहवाल सादर करण्याचे आदेश देण्यात आले होते. मात्र अडीच महिन्यांचा कालावधी उलटूनही अहवाल सादर न झाल्याने जिल्हा प्रशासनाने तीव्र नाराजी व्यक्त केली आहे.

मा. जिल्हाधिकारी, पुणे यांनी थेट हस्तक्षेप करत दि. १२ फेब्रुवारी २०२६ पूर्वी अहवाल सादर करण्याचे स्पष्ट निर्देश दिले असून, आदेशांचे पालन न झाल्यास महाराष्ट्र नागरी सेवा (शिस्त व अपील) नियम, १९७९ अंतर्गत संबंधित अधिकाऱ्यांविरुद्ध शिस्तभंगाची कारवाई करण्यात येईल, असा कडक इशाराही दिला आहे.

जिल्हा प्रशासनाने स्पष्ट भूमिका मांडली आहे की—

शासकीय व इनाम जमिनींचे संरक्षण काटेकोरपणे केले जाईल,

जमीन माफिया व बेकायदेशीर बांधकाम करणाऱ्यांविरुद्ध कठोर कारवाई केली जाईल,

कर्तव्यात कसूर करणाऱ्या अधिकाऱ्यांना जबाबदार धरले जाईल.

या प्रकरणातील कायदेशीर मुद्दे अ‍ॅड. सुरज जाधव यांनी प्रशासनाच्या निदर्शनास आणून दिले असून, वेळेची मर्यादा घालून अहवाल सादर करण्याची व शासनाचा महसूल बुडवणाऱ्यांविरुद्ध सक्त कारवाई करण्याची मागणी करण्यात आली आहे. तसेच महार वतन जमिनीवरील बेकायदेशीर बांधकाम तात्काळ थांबवावे, अशीही ठाम भूमिका मांडण्यात आली आहे.

सदर अहवाल प्राप्त झाल्यानंतर कायद्याच्या चौकटीत राहून पुढील कठोर कारवाई करण्यात येणार असल्याचे जिल्हा प्रशासनाने स्पष्ट केले आहे.

जागरूक लोकमत मीडिया

कामगार हिताच्या होणाऱ्या अन्यायाविरोधात जिल्हाधिकारी कार्यालय येथे तीव्र आंदोलन

noreply@blogger.com (Unknown) — Fri, 13 Feb 2026 13:33:00 +0000

पुणे प्रतिनिधी :

पुणे जिल्हा राष्ट्रीय मजदूर काँग्रेस (INTUC) यांच्या वतीने केंद्र सरकारने २९ कामगार कायदे रद्द करून त्याऐवजी चार कामगार संहिता लागू केल्याच्या निषेधार्थ १२ फेब्रुवारी रोजी पुणे जिल्हाधिकारी कार्यालयासमोर धरणे आंदोलन करण्यात आले.

राष्ट्रीय मजदूर काँग्रेस INTUC महाराष्ट्र प्रदेशाध्यक्ष डॉ. कैलास भाऊ कदम यांच्या मार्गदर्शनाखाली हे आंदोलन शांततामय मार्गाने पार पडले. कामगार हिताच्या दृष्टीने अस्तित्वात असलेले २९ कायदे रद्द करून चार नवीन कामगार संहिता लागू केल्यामुळे कामगारांचे वेतन, नोकरीची सुरक्षितता, सामाजिक सुरक्षा व संघटन स्वातंत्र्यावर गदा येत असून कामगारांच्या संविधानिक हक्कांना धोका निर्माण झाल्याची तीव्र भावना कामगार वर्गातून व्यक्त करण्यात आली.

पुणे जिल्हाधिकारी कार्यालय येथे पुणे जिल्हा INTUC जिल्हाध्यक्ष मा. विजय सुदामराव जाधव यांच्या नेतृत्वाखाली हे धरणे आंदोलन करण्यात आले. यामध्ये पुणे शहर अध्यक्ष मा. अग्रवाल साहेब, हिंद कामगार संघटनेचे सुपेकर साहेब तसेच विविध कामगार संघटनांचे प्रतिनिधी मोठ्या संख्येने सहभागी झाले होते.

या आंदोलनात शेकडो कामगार सहभागी झाले होते. यामध्ये जिल्हा कार्याध्यक्ष शंकर जाधव, उपाध्यक्ष दीपक पकाले, उपाध्यक्ष गोविंदराव अटक, सरचिटणीस संग्राम जाधव, खजिनदार पिंकी जाधव, प्रवक्ते नितीन चव्हाण, मोहन शिंदे, संघटक गंगाराम शेगर, दत्ता शिंदे, जिल्हा समन्वयक दगडू पवार, मोहन निंबाळकर, श्री पवार साहेब, संतोष चुकते, सचिन गंगावणे तसेच शेकडो महिला पदाधिकारी व कार्यकर्त्या उपस्थित होत्या.

यावेळी केंद्र सरकारने कामगार कायद्यांमध्ये केलेल्या बदलांचा तीव्र निषेध करण्यात आला. पुणे जिल्हा INTUC कडून पुणे जिल्हाधिकारी मा. जितेंद्र डूडी साहेब यांना निवेदन देण्यात आले. कामगारांचे हक्क अबाधित ठेवावेत, रद्द करण्यात आलेले कामगार कायदे पुन्हा लागू करावेत तसेच कामगारांच्या हिताचे निर्णय घ्यावेत, अशी ठाम मागणी निवेदनाद्वारे करण्यात आली.

भटक्या विमुक्त वंचित घटकांसाठी भैरव शिक्षण प्रसारक मंडळाची स्थापना संस्थापक अध्यक्ष विजय जाधव

noreply@blogger.com (Unknown) — Sun, 08 Feb 2026 18:24:00 +0000

भटक्या विमुक्त वंचित घटकांसाठी भैरव शिक्षण प्रसारक मंडळाची स्थापना.

पुणे: समाजातील गोरगरीब, भटक्या विमुक्त, वंचित व दुर्लक्षित घटकांना शिक्षणाच्या मुख्य प्रवाहात आणण्यासाठी भैरव क्रांती सेनेचे संस्थापक अध्यक्ष विजय जाधव यांनी एक महत्त्वपूर्ण सामाजिक पाऊल उचलले आहे. त्यांच्या संकल्पनेतून भैरव क्रांती सेना संचलित भैरव शिक्षण प्रसारक मंडळ या संस्थेची अधिकृत स्थापना करण्यात आली आहे.

शिक्षण हेच समाज परिवर्तनाचे प्रभावी माध्यम असून कोणताही विद्यार्थी केवळ आर्थिक परिस्थितीमुळे शिक्षणापासून वंचित राहू नये, हा या उपक्रमामागील मुख्य उद्देश असल्याचे यावेळी सांगण्यात आले. ग्रामीण तसेच शहरी भागांतील भटक्या विमुक्त वंचित घटकांपर्यंत शिक्षणाची गंगा पोहोचविण्याचा ठाम निर्धार या संस्थेमार्फत व्यक्त करण्यात आला आहे.

भैरव शिक्षण प्रसारक मंडळाच्या माध्यमातून दर्जेदार शिक्षण, स्पर्धा परीक्षांचे मार्गदर्शन, नैतिक मूल्यांची जोपासना तसेच सामाजिक जाणीव निर्माण करणारे विविध उपक्रम महाराष्ट्रभर राबविण्यात येणार आहेत. शिक्षणाच्या प्रकाशाने प्रत्येक घर उजळावे आणि समाज सक्षम व्हावा, हा या संस्थेच्या कार्यामागील मूलमंत्र असल्याचे स्पष्ट करण्यात आले.

भैरव क्रांती सेनेच्या या शैक्षणिक चळवळीमुळे समाजात सकारात्मक परिवर्तन घडेल आणि शिक्षणाच्या बळावर स्वाभिमानी, सक्षम व जबाबदार पिढी घडेल, असा विश्वास संस्थापक अध्यक्ष विजय जाधव यांनी व्यक्त केला. शिक्षणाची गंगा महाराष्ट्राच्या कानाकोपऱ्यात पोहोचवून सामाजिक समता व प्रगती साधण्याचा निर्धार यावेळी व्यक्त करण्यात आला.

प्रतिनिधी : जागरूक लोकमत मीडिया

सातारा जिल्हाधिकारी मा. संतोष पाटील व भैरव क्रांती सेनेचे अध्यक्ष विजय जाधव सातारा जिल्ह्यातील भटक्या विमुक्त जाती जमातीच्या संदर्भामध्ये महत्वपूर्ण बैठक संपन्न

noreply@blogger.com (Unknown) — Fri, 31 Oct 2025 14:12:00 +0000

सातारा : सातारा जिल्हाधिकारी मा. संतोष पाटील यांच्या उपस्थितीत भटक्या व विमुक्त जाती-जमातींच्या विविध प्रलंबित प्रश्नांवर भैरव क्रांती सेनेच्या वतीने एक महत्त्वपूर्ण बैठक पार पडली.

या बैठकीत भैरव क्रांती सेनेचे संस्थापक अध्यक्ष मा. विजय जाधव यांनी लोणंद, खंडाळा, कोरेगाव, सातारा, फलटण आणि म्हसवड तालुक्यातील भटक्या-विमुक्त समाजासमोरील अडचणी सविस्तरपणे मांडल्या. विशेषतः घरकुल, जमीन हक्क तसेच महत्त्वपूर्ण शासकीय दस्तऐवज मिळविण्यात येणाऱ्या अडचणींबाबत त्यांनी प्रशासनाचे लक्ष वेधले.

तसेच, “यशवंतराव चव्हाण मुक्त वसाहत योजना” जलद आणि सुलभ पद्धतीने राबविण्याची मागणी अध्यक्ष जाधव यांनी केली.

या मागणीवर जिल्हाधिकारी मा. संतोष पाटील यांनी तत्काळ प्रतिसाद देत, महसूल विभागामार्फत आवश्यक ती कार्यवाही करून सर्वतोपरी सहकार्य केले जाईल, असे आश्वासन दिले.

या बैठकीस प्रदेश संघटक मोहन शिंदे, प्रदेश सदस्य विक्रम पवार, सातारा महिला जिल्हाध्यक्षा सौ. प्रिया पवार, सुनील चौगुले, फलटण तालुका अध्यक्ष विकास शिंदे, खंडाळा तालुका अध्यक्ष अविनाश पवार, लोणंद शहराध्यक्ष करण चव्हाण, कोरेगाव तालुका अध्यक्ष रवी जाधव यांच्यासह मोठ्या संख्येने महिला व पुरुष पदाधिकारी उपस्थित होते.

साताऱ्यात धक्कादायक घटना: महिला डॉक्टरची आत्महत्या, PSIसह दोघांवर बलात्कार व छळाचे गंभीर आरोप

noreply@blogger.com (Unknown) — Fri, 24 Oct 2025 18:14:00 +0000

प्रतिनिधि:

सातारा जिल्ह्यातील एका महिला डॉक्टरच्या आत्महत्येच्या प्रकरणाने संपूर्ण महाराष्ट्रात तीव्र खळबळ उडवली आहे. आत्महत्येपूर्वी तिच्या हातावर लिहिलेल्या नोटमध्ये अत्यंत गंभीर स्वरूपाचे आरोप समोर आले असून या तपासाकडे संपूर्ण राज्याचे लक्ष लागले आहे.

नोटनुसार, पोलीस उपनिरीक्षक (PSI) गोपाल बदने यांनी तिच्यावर चार वेळा बलात्कार केला. तसेच प्रशांत बनकर यांनी काही महिन्यांपासून सातत्याने शारीरिक आणि मानसिक छळ केला असल्याचे तिने लिहिले आहे. याशिवाय आरोपींकडून पोस्टमॉर्टम रिपोर्ट बदलण्यासाठी दबाव आणल्याचा घोर आरोपही समोर आला आहे.

या क्रूर आणि अमानुष छळामुळेच आत्महत्येचा टोकाचा मार्ग स्वीकारावा लागला, असा दावा हातावर लिहिलेल्या संदेशातून होत आहे. घटनेनंतर महिलांच्या सुरक्षेबाबत दुजोरा लागला असून समाजात संतापाची लाट उसळली आहे.

सातारा पोलिसांनी प्रकरणाची सखोल चौकशी सुरू केली असून दोषींवर कठोर कारवाई होईल, असे वरिष्ठ अधिकाऱ्यांनी आश्वासन दिले आहे. ही घटना पोलिस यंत्रणेची जबाबदारी, सुरक्षा प्रणालीतील त्रुटी आणि स्त्रीसुरक्षेची चिंता पुन्हा अधोरेखित करते.

न्याय मिळण्यासाठी नागरिकांच्या अपेक्षा वाढल्या आहेत आणि संपूर्ण राज्य या प्रकरणाकडे बारकाईने लक्ष ठेऊन आहे.

भैरव क्रांती सेना व संस्थापक अध्यक्ष मा. विजय जाधव साहेब यांच्या पुढाकाराने आयोजित कार्यकर्ता मार्गदर्शन शिबिर यशस्वीरीत्या संपन्न झाले.

noreply@blogger.com (Unknown) — Wed, 15 Oct 2025 10:40:00 +0000

पुणे – सेवा हीच ओळख” या तत्वावर काम करणाऱ्या भैरव क्रांती सेनेचे संस्थापक अध्यक्ष मा. विजय जाधव साहेब यांच्या पुढाकाराने कार्यकर्ता मार्गदर्शन शिबिराचे आयोजन करण्यात आले. या शिबिरामध्ये सर्वप्रथम भैरव क्रांती सेनेच्या पदाधिकारी व कार्यकर्त्यांची ओळख करून देण्यात आली, तसेच संघटनेचे सामाजिक कार्य आणि जनतेशी असलेले नाते अधोरेखित करण्यात आले. यानंतर भटक्या-विमुक्त समाजाच्या सामाजिक, शैक्षणिक आणि आर्थिक प्रश्नांवर सखोल चर्चा झाली.

या चर्चेसाठी रेणके आयोगाचे माजी केंद्रीय अध्यक्ष श्री. बालकृष्ण रेणके, महाराष्ट्र प्रदेश काँग्रेस कमिटी (VJNT विभाग) अध्यक्षा अ‍ॅड. पल्लवीताई रेणके, तसेच वरिष्ठ पोलीस निरीक्षक श्री. शिवनाथ शिंदे हे प्रमुख पाहुणे म्हणून उपस्थित होते. भैरव क्रांती सेना व संस्थापक अध्यक्ष मा. विजय जाधव साहेब यांच्या पुढाकाराने आयोजित कार्यकर्ता मार्गदर्शन शिबिरात भटक्या-विमुक्त समाजाच्या प्रश्नांवर सखोल चर्चा करण्यात आली. या शिबिरामध्ये शासनाच्या विविध कल्याणकारी योजना भटक्या-विमुक्त समाजापर्यंत प्रभावीपणे कशा पोहोचतील, याबाबत कायदेशीर मार्गदर्शन देण्यात आले. शासनाच्या तसेच भैरव क्रांती सेनेच्या माध्यमातून समाजातील प्रत्येक घटकापर्यंत योजनांचा लाभ पोहोचविण्यासाठी ठोस प्रयत्न करण्याचा निर्धार या वेळी व्यक्त करण्यात आला.

या कार्यक्रमात प्रमुख पाहुणे आणि संस्थापक अध्यक्ष मा. विजय जाधव साहेब यांनी सर्व पदाधिकारींना समाजातील जबाबदारीची जाणीव करून दिली आणि कार्यकर्त्यांनी सेवाभावाने समाजकार्यात योगदान द्यावे, असे मार्गदर्शन मा. विजय जाधव साहेबांनी समाजातील प्रत्येक कार्यकर्त्याने “सेवा, संघटन आणि संवेदनशीलता” या तीन तत्त्वांवर काम करून समाजाला पुढे नेण्याचे आवाहन केले. प्र.उपाध्यक्ष शंकर जाधव, विलास अटक ,प्र.महिला उपाध्यक्ष समाजप्रेरक सुजाताताई गुरव,प्र.मार्गदर्शक अनिल शिंदे, प्र. समन्वयक विक्रम पवार, सामाजिक कार्यकर्ते संग्राम माळवे व सर्व कार्यकारणी सदस्य उपस्थित होते

कार्यसक्षम आमदार मा. योगेश अण्णा टिळेकर साहेब व भैरव क्रांती सेनेचे संस्थापक अध्यक्ष मा.विजय जाधव यांच्या शिष्टमंडळाची महत्त्वपूर्ण बैठक संपन्न

noreply@blogger.com (Unknown) — Sat, 11 Oct 2025 19:50:00 +0000

कोंढव्यात भैरव क्रांती सेनेची आमदार योगेश टिळेकर यांच्या उपस्थितीत बैठक संपन्न

कोंढवा, पुणे : कार्यसक्षम आमदार मा. योगेश अण्णा टिळेकर साहेब यांच्या उपस्थितीत भैरव क्रांती सेनेचे संस्थापक अध्यक्ष मा. विजय जाधव यांच्या नेतृत्वाखालील शिष्टमंडळाची महत्त्वपूर्ण बैठक आमदार टिळेकर साहेबांच्या कार्यालयात पार पडली.

या बैठकीत येवलेवाडी येथे भटक्या-विमुक्त समाजासाठी आयोजित शिबिराची माहिती सादर करण्यात आली. आगामी काळात शासनाच्या माध्यमातून समाजाच्या पुनर्वसनासाठी राबविण्यात येणाऱ्या योजना आणि निर्णयांवरही सविस्तर चर्चा झाली.

मा. आमदार योगेश अण्णा टिळेकर यांनी घरकुल योजना, आवश्यक कागदपत्रांची पूर्तता आणि शासन लाभ मिळविण्यासाठी सर्वतोपरी सहकार्याचे आश्वासन दिले. त्यांच्या या मार्गदर्शनामुळे भटक्या-विमुक्त समाजाच्या पुनर्वसनाला गती मिळेल, असा विश्वास उपस्थितांनी व्यक्त केला.

बैठकीदरम्यान भैरव क्रांती सेनेच्या प्रदेश कार्यकारिणी सदस्यांचा परिचय करून देण्यात आला तसेच त्यांच्या समाजसेवेतील उल्लेखनीय कार्यावर प्रकाश टाकण्यात आला.

उपस्थित मान्यवर :

प्रदेश उपाध्यक्ष गोविंदराव अटक, शंकरराव जाधव, सरचिटणीस दीपकराव पकाले, दीपकराव कुमावत, प्रदेश मार्गदर्शक अनिलजी शिंदे, दिनेश गवळी, महिला प्रदेश उपाध्यक्षा सुजाता गुरव मॅडम, सचिव बागल मॅडम, मार्गदर्शक सातपुते ताई, तसेच मोहन निंबाळकर, दगडू पवार, विशाल पवार, सचिनराव जाधव आदी पदाधिकारी उपस्थित होते.

बैठकीचा समारोप समाजाच्या सर्वांगीण उन्नतीसाठी एकजुटीने कार्य करण्याचा निर्धार करून करण्यात आला.

महाराष्ट्रात पहिल्यांदाच हवेली तालुक्‍यातील भटक्या-विमुक्त समाजाला मिळाले फिरते रेशनिंग कार्ड व इतर योजनांचा शासकीय लाभ

noreply@blogger.com (Unknown) — Thu, 09 Oct 2025 22:11:00 +0000

भैरव क्रांती सेनेच्या पुढाकाराने हवेली तालुक्यात भव्य शिबिर – शेकडो नागरिकांना शासन योजनांचा लाभ

पुणे प्रतिनिधी | हवेली तालुका :

हवेली तहसीलदार कार्यालय आणि भैरव क्रांती सेना यांच्या संयुक्त पुढाकारातून येवलेवाडी येथे भटक्या-विमुक्त जाती-जमातींसाठी एक भव्य शिबिर आयोजित करण्यात आले. या शिबिरात महाराष्ट्र राज्यात पहिल्यांदाच येवलेवाडीतील नागरिकांना फिरते रेशनिंग कार्ड देण्यात आले तसेच संजय गांधी निराधार योजना, विधवा योजना, अपंग योजना यांसारख्या विविध शासकीय योजनांचा लाभ त्वरित देण्यात आला.

या शिबिराचे आयोजन तहसीलदार किरण सुरवसे, निवासी नायब तहसीलदार स्वाती नरोटे, तसेच कोंढवा मंडळ अधिकारी संदीप शिंदे, कात्रज मंडळ अधिकारी साधना चव्हाण, श्री. संदिप शिंदे (मंडलअधिकारी कोंढवा) श्री.विकास खोटे (तलाठी),श्री.सुधीर गिरमे (तलाठी),श्री.केतन जाधव,(तलाठी),सुनंदा पाटील (मदतनीस) श्री.तानाजी भोई (मदतनीस),राजेंद्र मसुगडे(मदतनीस)

अधिकाऱ्यांनी व कर्मचाऱ्यांनी थेट शिबिरस्थळी उपस्थित राहून नागरिकांचे अर्ज, आवश्यक कागदपत्रे, तसेच योजनांची नोंदणी तात्काळ पूर्ण केली. शिधापत्रिका वाटप, आधार कार्ड व मतदार ओळखपत्र दुरुस्ती, जन्मदाखले, उत्पन्न व रहिवासी दाखले, तसेच आरोग्य व सामाजिक सुरक्षा योजनांची माहिती नागरिकांना देण्यात आली.

या उपक्रमामुळे नागरिकांना दूरवर असलेल्या शासकीय कार्यालयांमध्ये जाण्याची वेळ व खर्च दोन्ही वाचले. शासनाच्या योजनांचा थेट लाभ स्थानिक पातळीवर मिळाल्याने नागरिकांमध्ये समाधानाचे वातावरण निर्माण झाले.

भैरव क्रांती सेनेचे संस्थापक अध्यक्ष विजय जाधव यांनी सांगितले की, हवेली तालुक्यातील हा उपक्रम म्हणजे येवलेवाडी आणि परिसरातील भटक्या-विमुक्त समाजासाठी नव्या युगाची सुरुवात आहे. शासनाच्या सहकार्याने आम्ही समाजातील वंचित घटकांपर्यंत योजना पोहोचवण्याचा प्रयत्न सुरू ठेवणार आहोत. लवकरच महाराष्ट्रभर अशा शिबिरांचे आयोजन करून भटक्या-विमुक्त समाजाच्या सर्वांगीण विकासाचा पाया मजबूत करू. यावेळी भैरव क्रांती सेनेचे प्रमुख पदाधिकारी उपाध्यक्ष संजय भोसले प्रदेश उपाध्यक्ष शंकर जाधव प्रदेश उपाध्यक्ष गोविंद अटक प्रदेश सचिव दिनेश गवळी सरचिटणीस दीपक पकाले मार्गदर्शक अनिल शिंदे महिला उपाध्यक्ष समाज प्रेरक सुजाताताई गुरव प्रदेश प्रवक्ते नितीन चव्हाण महिला प्रदेश सचिव कविता बागल महिला समन्वयक प्रिया विक्रम पवार संघटक मोहन शिंदे सुमन सातपुते सागर पवार विक्रम पवार पोपट चौगुले दीपक कुमावत गोपाल ओरसे मोहन निंबाळकर

या शिबिरात शेकडो नागरिकांनी सहभाग नोंदवला. स्थानिक नागरिक, अधिकारी आणि सामाजिक कार्यकर्त्यांनी या उपक्रमाचे स्वागत करत भैरव क्रांती सेनेच्या कार्याची प्रशंसा केली.

पुणे जिल्हाधिकारी जितेंद्र डुडी यांच्या उपस्थितीत भैरव क्रांती सेनेचे संस्थापक अध्यक्ष विजय जाधव व प्रदेश कार्यकारिणी यांची महत्त्वपूर्ण बैठक संपन्न

noreply@blogger.com (Unknown) — Thu, 09 Oct 2025 09:19:00 +0000

प्रतिनिधि:पुणे जिल्हाधिकारी मा. जितेंद्र डुडी साहेब यांच्यासमवेत भैरव क्रांती सेनेचे संस्थापक अध्यक्ष विजय जाधव आणि प्रदेश कार्यकारिणी यांची महत्त्वपूर्ण बैठक पार पडली. भटक्या-विमुक्त जाती जमातीतील नागरिकांना त्यांच्या हक्काचे घर मिळावे, यासाठी झालेल्या मागण्यांवर सविस्तर चर्चा करण्यात आली.

चर्चेला सुरुवात होताच जिल्हाधिकारी जितेंद्र डुडी साहेबांच्या चेहऱ्यावरचे स्मितहास्य हेच दर्शवत होते की भटक्या-विमुक्त समाजाचे काम कायदेशीर आणि सकारात्मक मार्गाने पूर्णत्वास जात आहे. त्यांच्या भावनेतून समाधान आणि आनंद दोन्ही झळकत होते.

जिल्हाधिकारी महोदयांनी मागील महिन्यांमध्ये जय भैरवनाथ संस्थेचे संस्थापक अध्यक्ष विजय जाधव यांच्या मागणीप्रमाणे महत्त्वपूर्ण निर्णय घेतले असून, अनेक भटक्या-विमुक्त समाजातील लाभार्थ्यांना त्यांच्या हक्काचे घर मिळण्यासाठी मार्ग मोकळा झाला आहे. जिल्हाधिकारी डुडी यांनी स्पष्टपणे सांगितले की पात्र असलेल्या एकाही नागरिकाला घरापासून वंचित ठेवले जाणार नाही. महसूल विभागाच्या माध्यमातून सर्वतोपरी प्रयत्न करून हे कार्य वेगाने राबविण्यात येईल, असे त्यांनी आश्वासन दिले.

या बैठकीत नुकत्याच राबवलेल्या जात दाखला अभियान, फिरती शिधापत्रिका आणि विविध शासकीय योजनांच्या शिबिरांविषयी सविस्तर चर्चा झाली. जिल्हाधिकारी यांनी जय भैरवनाथ संस्था आणि भैरव क्रांती सेनेच्या सामाजिक कार्याचे विशेष कौतुक केले.

या वेळी भैरव क्रांती सेनेचे प्रदेश उपाध्यक्ष शंकर जाधव, प्रदेश मार्गदर्शक अनिल शिंदे, सचिव दिनेश गवळी, प्रदेश उपाध्यक्ष गोविंदराव अटक,प्रदेश महिला उपाध्यक्ष गुरव मॅडम, प्रदेश प्रवक्ते पत्रकार नितीन चव्हाण आणि इतर मान्यवर कमिटीचे पदाधिकारी उपस्थित होते.

बैठकीचा समारोप समाधानकारक वातावरणात झाला. जिल्हाधिकारी जितेंद्र डुडी साहेब यांनी भटक्या-विमुक्त समाजाच्या प्रश्नांबाबत प्रशासन व शासन स्तरावर सर्वतोपरी प्रयत्न करण्याचे आश्वासन दिले. या चर्चेमुळे समाजाच्या घरकुल, जात दाखला, फिरती शिधापत्रिका आणि विविध शासकीय योजनांच्या अंमलबजावणीसाठी नवा मार्ग खुला झाला आहे. उपस्थित सर्व पदाधिकाऱ्यांनी व संस्थापक अध्यक्ष विजय जाधव यांनी जिल्हाधिकारी महोदयांचे मनःपूर्वक आभार मानले.

सरन्यायाधीशांवरील हल्ल्याच्या निषेधार्थ राष्ट्रवादी काँग्रेसचे आंदोलन शहराध्यक्ष प्रशांत जगताप यांच्या नेतृत्वाखाली

noreply@blogger.com (Unknown) — Tue, 07 Oct 2025 18:46:00 +0000

पुणे | प्रतिनिधी

(फोटो : राष्ट्रवादी काँग्रेस आंदोलन, पुणे)

भारताचे सरन्यायाधीश आणि महाराष्ट्राचे सुपुत्र तसेच भारतरत्न डॉ. बाबासाहेब आंबेडकरांच्या विचारांचा आदर्श ठेवणारे न्यायमूर्ती बी. आर. गवई यांच्यावर न्यायालयात झालेला हल्ला हा अत्यंत निंदनीय आहे. शासन पुरस्कृत धर्मांध शक्तींना मिळालेली मोकळीक आता थेट न्यायपालिकेवर हल्ला करण्यापर्यंत पोहोचली आहे. हा हल्ला केवळ एका व्यक्तीवर नसून भारताच्या संविधानावर आणि सामाजिक समतेवर झालेला हल्ला आहे.

राष्ट्रवादी काँग्रेसचे निषेध आंदोलन

या घटनेचा तीव्र निषेध व्यक्त करण्यासाठी राष्ट्रवादी काँग्रेस पार्टी (शरदचंद्र पवार पक्ष) तर्फे शहराध्यक्ष प्रशांत जगताप यांच्या नेतृत्वाखाली आंदोलन करण्यात आले. या आंदोलनाच्या माध्यमातून धर्मांध शक्तींना बळ देणाऱ्या आणि संविधानिक मूल्यांना कमकुवत करणाऱ्या प्रवृत्तींचा तीव्र निषेध व्यक्त करण्यात आला.

प्रशांत जगताप यांची प्रतिक्रिया

“हा हल्ला केवळ एका व्यक्तीवर नाही, तर संविधानावर, सामाजिक समतेवर आणि दलित समाजावर झालेला हल्ला आहे,” अशी तीव्र प्रतिक्रिया शहराध्यक्ष प्रशांत जगताप यांनी दिली.

पदाधिकारी व कार्यकर्त्यांची उपस्थिती

या आंदोलनावेळी राष्ट्रीय युवती अध्यक्षा सक्षना सलगर, पंडीत कांबळे, मनाली भिलारे, भगवानराव साळुंखे, सुनील माने, किशोर लकांबळे, आशा साने, पांडुरंग लव्हे, अजिंक्य पालकर, गणेश नलावडे, शैलेंद्र बेल्हेकर, मजहर माणियार, लखन वाघमारे, अर्जुन गांजे तसेच राष्ट्रवादी काँग्रेस पार्टी (शरदचंद्र पवार पक्ष) चे अनेक पदाधिकारी आणि कार्यकर्ते मोठ्या संख्येने उपस्थित होते.

निष्कर्ष

सरन्यायाधीशांवरील हल्ला हा केवळ वैयक्तिक नव्हे तर संविधान आणि लोकशाहीच्या मूलभूत तत्त्वांवर झालेला आघात असल्याचे मत आंदोलनकर्त्यांनी व्यक्त केले.

#NCP #SharadPawar #BRGavai #Protest #PuneNews #MaharashtraPolitics

भटक्या-विमुक्त समाजाच्या हक्कासाठी भैरव क्रांती सेनेची धडपड उपविभागीय अधिकारी विजयानंद शर्मा व संस्थापक अध्यक्ष विजय जाधव यांची महत्त्वपूर्ण बैठक संपन्न

noreply@blogger.com (Unknown) — Tue, 07 Oct 2025 06:40:00 +0000

उल्हासनगर प्रतिनिधी:

भटक्या आणि विमुक्त जाती जमातीच्या बांधवांना जात प्रमाणपत्र तसेच विविध शासकीय योजनांचा लाभ मिळावा या हेतूने भैरव क्रांती सेनेचे संस्थापक अध्यक्ष विजय जाधव यांनी ठाणे जिल्ह्यातील उल्हासनगर उपविभागीय अधिकारी तथा उपविभागीय दंडाधिकारी मा विजयानंद शर्मा आणि तहसीलदार सुरज सागर यांची महत्त्वपूर्ण बैठक घेतली

पुणे शहर आणि जिल्ह्यात भटक्या विमुक्त समाजासाठी राबवण्यात आलेली जात दाखला मोहीम यशस्वीरीत्या पूर्ण केल्यानंतर आता हीच मोहीम अंबरनाथ कल्याण उल्हासनगर परिसरात राबविण्याचा निर्धार भैरव क्रांती सेनेने केला आहे

बैठकीदरम्यान भैरव क्रांती सेनेच्या प्रदेश समिती सह अकरा समाजांचे प्रतिनिधी उपस्थित होते समाजाच्या सातत्याने स्थलांतरामुळे त्यांच्याकडे वास्तव्याचे वा जात सिद्धतेचे पुरावे नसल्याने अनेक बांधव जात प्रमाणपत्रापासून वंचित राहिले आहेत अशी माहिती श्री जाधव यांनी अधिकाऱ्यांना दिली

त्यांनी पुणे येथे राबवण्यात आलेल्या यशस्वी मोहिमेची संपूर्ण कायदेशीर कागदपत्रे सादर करून त्याच धर्तीवर ठाणे जिल्ह्यातही मोहीम राबविण्याची मागणी केली जात प्रमाणपत्र प्रक्रियेत शासकीय अधिकारी सहभागी होऊन सोप्या आणि पारदर्शक पद्धतीने प्रत्येक पात्र व्यक्तीपर्यंत लाभ पोहोचावा यासाठी आदेश आणि परिपत्रक जारी करावे अशी विनंती त्यांनी केली

उपविभागीय अधिकारी विजयानंद शर्मा यांनी या संदर्भात तत्काळ कारवाई करण्याचे आश्वासन दिले आणि सर्व संबंधित अधिकाऱ्यांची बैठक बोलावून मार्गदर्शक सूचना देण्याचे आश्वासन दिले

या बैठकीत श्री भीमराव इंगोले यांनी अंबरनाथ येथील सर्कल मैदान परिसरात वास्तव्य करणाऱ्या सुमारे पाचशे तीस कुटुंबांबाबत शासनाकडून दुर्लक्ष झाल्याचे निदर्शनास आणून दिले

बैठकीस उपस्थित मान्यवरांमध्ये नाथपंथी डवरी गोसावी संघटनेचे अध्यक्ष भीमराव इंगोले चित्रकथी समाजाचे नेते संजय भोसले बेलदार समाजाचे नेते दिपकराव कुमावत वासुदेव समाजाचे नेते गोविंदराव अटक वडार समाजाचे नेते पोपटराव चौगुले गवळी समाजाचे नेते दिनेश गवळी मरीआई समाजाचे नेते मोहन निंबाळकर आणि लमान समाजाचे नेते दशरथ माळी आदी मान्यवरांचा सहभाग होता

बैठकीच्या शेवटी संस्थापक अध्यक्ष विजय जाधव यांनी सांगितले की भटक्या विमुक्त शोषित वंचित कष्टकरी कलाकार आणि शेतकरी समाजाच्या न्यायहक्कासाठी भैरव क्रांती सेना महाराष्ट्रभर पोहोचणार असून प्रत्येक वंचिताला त्याचा हक्क मिळवून देण्यासाठी लढा अखंड सुरू राहील

संस्थापक अध्यक्ष विजय जाधव यांच्या मार्गदर्शनाखाली भैरव क्रांती सेनेच्या प्रदेश कार्यकारिणीवर नवीन १५ सदस्यांची नियुक्ती

noreply@blogger.com (Unknown) — Mon, 06 Oct 2025 07:29:00 +0000

पुणे: भैरव क्रांती सेना महाराष्ट्राचे संस्थापक अध्यक्ष विजय जाधव साहेब यांच्या मार्गदर्शनाखाली सर्वानुमते प्रदेश कार्यकारिणीवर विविध समाजघटकांतील नवीन १५ सदस्यांची निवड करण्यात आली. सामाजिक कार्यात सक्रिय असलेल्या या सर्व सदस्यांना पुढील काळात संघटनेच्या विविध उपक्रमांची जबाबदारी सोपविण्यात येणार आहे.

निवड झालेल्या नवीन प्रदेश कार्यकारिणी सदस्यांची नावे:

अक्षय शंकर शिंदे, दत्ता धोंडिराम शेगर, सागर दत्तात्रय पवार, प्रिया विक्रम पवार, रेखा विनायक काटे, कविता प्रशांत बागल, दीपक राजाराम कोष्टी, रमेश गणपत सावंत, अनिल हरिभाऊ चौगुले, अनिल राम लगस, धनंजय माळवे, शुभम प्रदीप पवार, धिरज अनिल जाधव, संजय गंगाधर पवार, सानवी संदीप शिंदे.

विशेष म्हणजे, कार्यकारिणीत महिलांनाही योग्य स्थान देण्यात आले असून समाजातील महिलांचे विविध प्रश्न सोडविण्यासाठी संघटनेतून ठोस पावले उचलली जाणार आहेत.

महाराष्ट्र शासनाच्या मार्गदर्शनाखाली आणि भैरव क्रांती सेनेच्या माध्यमातून फिरते रेशनिंग कार्ड, विधवा योजना, देवदासी योजना तसेच कलाकार योजना या शासकीय योजनांचा लाभ देण्यासाठी दि. ८ ऑक्टोबर २०२५ रोजी येवलेवाडी भैरवनाथ मंदिर येथे एक विशेष शिबिराचे आयोजन करण्यात आले आहे. हे शिबिर हवेली तालुक्यातील भटक्या विमुक्त समाजातील लाभार्थ्यांसाठी आयोजित करण्यात आले असून सर्व कायदेशीर प्रक्रिया पूर्ण केल्या जाणार आहेत.

शिबिरासाठी तहसीलदार, नायब तहसीलदार तसेच विविध विभागांचे वरिष्ठ अधिकारी उपस्थित राहणार आहेत.

मंगळवारी दुपारी ४ वाजता सर्व नवनियुक्त प्रदेश कार्यकारिणी सदस्यांचा पदग्रहण समारंभ व सत्कार सोहळा पार पडणार असून त्यांना संघटनेतील जबाबदाऱ्या देण्यात येणार आहेत.

संस्थापक अध्यक्ष विजय जाधव साहेब म्हणाले, संपूर्ण महाराष्ट्रातील भटक्या विमुक्त, गोर-गरीब, वंचित, कष्टकरी, शेतकरी आणि कलाकार समाजातील लोकांच्या सर्वांगीण विकासासाठी आमचे प्रयत्न सुरू आहेत. ही चळवळ सर्व स्तरावर पोहोचविण्याचा आमचा संकल्प आहे.

स्वप्निल भैय्या पाटोळे, युवक अध्यक्ष, आरपीआय (आठवले गट)पुरंदर यांच्या नेतृत्वाखाली नायगाव ग्रामपंचायतविरोधात आंघोळ आंदोलन

noreply@blogger.com (Unknown) — Thu, 02 Oct 2025 08:41:00 +0000

पुरंदर (नायगाव)-महाराष्ट्रात दुष्काळी परिस्थिती नसून ओढे-नाले तुडुंब वाहत आहेत, तरी नायगाव ग्रामपंचायतच्या हद्दीत गेल्या चार-पाच दिवसांपासून नळातून एक थेंबही पाणी मिळालेले नाही.

दरम्यान, नायगावमध्ये मोठ्या उत्साहात सिद्धेश्वर माता जोगेश्वरीचा दसऱ्याचा उत्सव पार पडणार आहे. परंतु गावात पाण्याचा गंभीर प्रश्न निर्माण झाला असून, ग्रामस्थांना आंघोळीला देखील पाणी उपलब्ध नाही.

या निष्काळजीपणाविरोधात ग्रामस्थांनी संताप व्यक्त केला आहे. स्वप्निल भैय्या पाटोळे, युवक अध्यक्ष, आरपीआय पुरंदर यांच्या नेतृत्वाखाली आंदोलन सुरू केले जात आहे.

या आंदोलनाचा उद्देश कोणत्याही व्यक्तीविरुद्ध नसून, केवळ ग्रामपंचायतच्या भोंगळ कारभाराविरोधात आहे.

ग्रामस्थांकडून सरपंच, ग्रामसेवक व गटविकास अधिकारी पुरंदर यांना पत्राद्वारे निवेदन देण्यात येणार आहे.

आंदोलन स्थळ: सिद्धेश्वर जोगेश्वरी माता मंदिरासमोर

जोपर्यंत गटविकास अधिकारी मॅडम येऊन तोडगा काढत नाहीत, तोपर्यंत आंदोलन सुरूच राहणार.ग्रामस्थांनी मोठ्या संख्येने आंदोलनात सहभागी व्हावे, अशी नम्र विनंती स्वप्निल भैय्या पाटोळे यांनी केली आहे.

भैरव क्रांती सेनेची महाराष्ट्र प्रादेशिक कार्यकारिणी संस्थापक अध्यक्ष विजय जाधव यांच्या नेतृत्वाखाली जाहीर

noreply@blogger.com (Unknown) — Mon, 29 Sep 2025 08:30:00 +0000

पुणे (कामठे पाटील नगर), दि. 28 सप्टेंबर –संस्थापक अध्यक्ष विजय जाधव यांच्या नेतृत्वाखाली भैरव क्रांती सेनेची महाराष्ट्र प्रादेशिक कार्यकारिणीची महत्त्वपूर्ण बैठक उत्साहात पार पडली.

बैठकीत गोरगरीब, शोषित, वंचित, कष्टकरी, शेतकरी आणि कलाकार बांधवांच्या विविध सामाजिक, शैक्षणिक आणि आर्थिक प्रश्नांवर सखोल चर्चा करण्यात आली. समाजहितासाठी ठोस पावले उचलण्याचा निर्धार व्यक्त करत, शासनाच्या योजनांचा प्रत्यक्ष लाभ प्रत्येक गरजूंपर्यंत पोहोचविण्याचा निर्णय घेण्यात आला.

या पार्श्वभूमीवर महाराष्ट्र प्रादेशिक कार्यकारिणी जाहीर करण्यात आली. समाजाच्या सर्व घटकांचे प्रतिनिधित्व सुनिश्चित करत खालील सदस्यांची निवड करण्यात आली आहे:

शंकर जाधव - उपाध्यक्ष महाराष्ट्र प्रदेश

संजय भोसले उपाध्यक्ष महाराष्ट्र प्रदेश

गोविंदराव अटक - उपाध्यक्ष महाराष्ट्र प्रदेश

दिपक कुमावत - सरचिटणीस महाराष्ट्र प्रदेश

दिनेश गवळी - सचिव महाराष्ट्र प्रदेश

दिपक पखाले - सरचिटणीस महाराष्ट्र प्रदेश

मोहन निबांळकर - कलाकार समन्वयक महाराष्ट्र प्रदेश

गोपाल ओरसे - सल्लागार महाराष्ट्र प्रदेश

मोहन शिंदे - संघटक महाराष्ट्र प्रदेश

प्रकाश सावंत - समन्वयक महाराष्ट्र प्रदेश

अनिल ओरसे - सल्लागार महाराष्ट्र प्रदेश

जगन्नाथ हादवे - सहसरचिटणीस महाराष्ट्र प्रदेश महेश हादवे - सरचिटणीस महाराष्ट्र प्रदेश

सुनील चौगुले - सहसंघटक महाराष्ट्र प्रदेश

नितीन चव्हाण - प्रवक्ते महाराष्ट्र प्रदेश

अंकुश शेगर -

सहकार्याध्यक्ष महाराष्ट्र प्रदेश

दगडु पवार -

समन्वयक महाराष्ट्र प्रदेश

पोपट चौगुले -

सल्लागार महाराष्ट्र प्रदेश

संस्थापक अध्यक्ष विजय जाधव म्हणाले,“शासनाच्या योजना गोरगरीब, शोषित, वंचित, कष्टकरी, शेतकरी व कलाकारांपर्यंत पोहोचवून त्यांना न्याय देणे हेच आमचे मुख्य उद्दिष्ट आहे. भैरव क्रांती सेना समाजहितासाठी सदैव आघाडीवर राहील.”

अलीकडेच जय भैरवनाथ सामाजिक संस्थेच्या माध्यमातून पुण्यात राबविण्यात आलेले जात दाखला अभियान हे भैरव क्रांती सेनेच्या कार्याचा उत्तम नमुना ठरले. शासनाच्या कायदेशीर मार्गदर्शनाखाली शेकडो नागरिकांना त्यांच्या हक्कांचे दस्तऐवज मिळवून देण्यात आले.

बैठकीत घेतलेल्या महत्त्वपूर्ण निर्णयानुसार, संघटना राज्यभर जात प्रमाणपत्र, रहिवासी दाखला, उत्पन्न दाखला, आधार कार्ड, राशन कार्ड आणि इतर शासकीय दस्तऐवज मिळवून देण्यासाठी नागरिकांना मदत व मार्गदर्शन करणार आहे.

शासनाच्या योजना अनेक असल्या तरी दस्तऐवजांच्या अडचणींमुळे खऱ्या लाभार्थ्यांपर्यंत त्या पोहोचत नाहीत. या अडचणी दूर करण्यासाठी भैरव क्रांती सेना राज्यभर ठोस उपक्रम राबविणार आहे.

या निर्णयामुळे हजारो वंचित आणि कष्टकरी बांधवांना शासनाच्या योजनांचा थेट लाभ मिळण्याचा मार्ग सुकर होणार आहे. बैठकीतील सर्व ठराव सर्वानुमते मंजूर झाले आणि सदस्यांनी समाजहितासाठी एकजुटीने कार्य करण्याचा संकल्प व्यक्त केला.

विजय जाधव यांचा पुढाकार आणि प्रांत अधिकारी सुरेंद्र नवले यांच्या मार्गदर्शनाखाली मावळ-मुळशी तालुका भटक्या विमुक्त जाती जमातीसाठी जात प्रमाणपत्र अभियान यशस्वी

noreply@blogger.com (Unknown) — Sat, 27 Sep 2025 09:43:00 +0000

पुणे प्रतिनिधी – मावळ-मुळशीतील भटक्या विमुक्त जाती जमातीसाठी जात प्रमाणपत्र अभियान यशस्वीरीत्या पार पडले हे अभियान जय भैरवनाथ सामाजिक सहकारी संस्था चे संस्थापक अध्यक्ष विजय जाधव यांच्या पुढाकाराने आणि मा जिल्हाधिकारी पुणे मावळ-मुळशी चे उपविभागीय अधिकारी सुरेंद्र नवले यांच्या मार्गदर्शनाखाली राबवण्यात आले

अभियानाद्वारे मावळ-मुळशीतील शेकडो समाज बांधवांना जात प्रमाणपत्र मिळवण्यासाठी युद्ध पातळीवर काम केले गेले या कामात प्रांत अधिकारी सुरेंद्र नवले, मुळशी तहसीलदार विजयकुमार चोबे, नायब तहसीलदार श्री ढमाले, नायब तहसीलदार श्रीमती दर्शना सूर्यवंशी, पिंपरी-चिंचवड महानगरपालिकेचे वार्ड ऑफिसर श्री ननवरे, गटविकास अधिकारी श्री पंडित, सर्व मंडल अधिकारी आणि ग्रामसेवक यांनी सक्रिय सहभाग घेतला

अभियानाचे आयोजन बावधन येथे प्रांत अधिकारी सुरेंद्र नवले यांच्या दालनामध्ये करण्यात आले या बैठकीत वासुदेव समाज, वडार समाज, नाथपंथी, डवरी, गोसावी समाज यांचे बांधव उपस्थित होते तसेच युवक, युवती, महिला आणि जेष्ठ नागरिकांनी सहभाग नोंदवला विशेष योगदान देणारे थेरगावचे मंडल अधिकारी विष्णू भोसले, मंडल अधिकारी श्रीमती अर्पणा अमोल जमदाडे, चाले ग्रामसेविका श्रीमती व्ही बी केदारी, जय भैरवनाथ सामाजिक संस्थेचे समन्वयक गोविंदराव अटक, वडार समाजाचे पोपटराव चौगुले, डवरी गोसावी समाजाचे दादाराव सावंत, बेलदार समाजाचे नेते दिपकराव कुमावत, गवळी समाजाचे नेते दिनेशराव गवळी आदी मान्यवर उपस्थित होते

संस्थापक अध्यक्ष विजय जाधव यांनी या यशस्वी अभियानाबद्दल समाधान व्यक्त केले आणि सर्व समाज बांधवांचे सहकार्याबद्दल आभार मानले भविष्यात भटक्या विमुक्त जातीसाठी विविध शासकीय योजना आणि माहिती समाजापर्यंत पोहोचवण्याचे कार्य आमची संस्था सातत्याने करत राहणार आहे असे विजय जाधव यांनी सांगितले.

पुरंदर तालुक्यात जात प्रमाणपत्र मोहिमेचे यश – जय भैरवनाथ संस्था, अध्यक्ष विजय जाधव व प्रांत अधिकारी वर्षा लांडगे यांच्या मार्गदर्शनाखाली

noreply@blogger.com (Unknown) — Wed, 24 Sep 2025 12:26:00 +0000

सासवड (पुरंदर): जय भैरवनाथ सामाजिक सेवाभावी संस्थेचे संस्थापक अध्यक्ष विजय जाधव यांच्या मार्गदर्शनाखाली पुरंदर तालुक्यात भटक्या विमुक्त जाती-जमातीच्या नागरिकांसाठी आयोजित जात दाखला मोहिमेचे यशस्वी आयोजन करण्यात आले. या मोहिमेचा मुख्य उद्देश गरजू नागरिकांना कायदेशीर जात प्रमाणपत्र उपलब्ध करून देणे आणि प्रशासनाशी थेट संपर्क साधण्याची संधी प्रदान करणे हा होता.

कार्यक्रमात कुमारी कल्याणी सावंत व कुमारी दिव्या सावंत यांना उपविभागीय अधिकारी व प्रांत अधिकारी श्रीमती वर्षा लांडगे आणि तहसीलदार श्री विक्रम राजपूत यांच्या हस्ते प्रमाणपत्र प्रदान करण्यात आले. या कार्यवाहीबद्दल प्रशासनानेही कौतुक व्यक्त केले. उपविभागीय अधिकारी वर्षा लांडगे यांनी संस्थेच्या पुढाकाराचे कौतुक करत, भविष्यातील सामाजिक उपक्रमांसाठी बैठक घेण्याची घोषणा केली.

कार्यक्रमात संस्थेचे सर्व समन्वयक व सदस्य मोठ्या संख्येने उपस्थित होते. तसेच निवासी नायब तहसीलदार संदीप पाटील, महसूल नायब तहसीलदार वाघ मॅडम, मंडल अधिकारी जेजुरी बडदे, परिंचे बनसोडे, वाल्हे भिसे यांनीही सक्रिय योगदान दिले. यावेळी समाजातील मान्यवर नेते, जसे की दशरथ माळी (लमान समाज), मोहन निंबाळकर (कडकलक्ष्मी समाज), विलास पवार व प्रल्हाद गायकवाड (मरीआई समाज), विलास जगताप (नाथपंथी डवरी गोसावी समाज) उपस्थित होते.

या यशस्वी मोहिमेमुळे समाजात आनंदाचे वातावरण निर्माण झाले असून, नागरिकांना त्यांच्या हक्कांची जाणीव व न्याय मिळविण्याची संधी प्राप्त झाली आहे. संस्थापक अध्यक्ष विजय जाधव हे सामाजिक कार्यात निपुण असून, गरजू समाजासाठी विविध कल्याणकारी उपक्रम राबविणारे आणि ग्रामीण भागातील विकासकामांसाठी परिचित आहेत. त्यांच्या नेतृत्वाखाली जय भैरवनाथ सामाजिक सेवाभावी संस्था भविष्यातही समाजकल्याणाच्या विविध उपक्रमांमध्ये सक्रिय राहणार आहे.

भटक्या विमुक्त जाती-जमातींची महत्वपूर्ण बैठक कार्यसक्षम आमदार मा. योगेश अण्णा टिळेकर यांच्या दालनात संपन्न

noreply@blogger.com (Unknown) — Sun, 21 Sep 2025 18:39:00 +0000

भटक्या विमुक्त जाती-जमातींची महत्वपूर्ण बैठक

पुणे प्रतिनिधी :

कार्यसक्षम आमदार मा. योगेश अण्णा टिळेकर यांच्या दालनामध्ये जय भैरवनाथ सामाजिक सेवाभावी संस्थेचे संस्थापक अध्यक्ष विजय जाधव तसेच ओबीसी समाजाचे माजी अध्यक्ष संजय टिळेकर यांच्या उपस्थितीत भटक्या विमुक्त जाती-जमातींची एक महत्वपूर्ण बैठक पार पडली.

या बैठकीत सर्व समाजाचे समन्वयक, पदाधिकारी उपस्थित होते. यावेळी आमदार टिळेकर यांनी भैरवनाथ सामाजिक सेवाभावी संस्थेचे कार्य व समाजकारणाचे कौतुक केले तसेच संस्थेच्या कार्याबाबत सविस्तर माहिती जाणून घेतली.

आमदार टिळेकर म्हणाले की, “आगामी काळात संस्थेच्या माध्यमातून शासन दरबारी भटक्या विमुक्त जाती-जमातींसाठी असणाऱ्या प्रलंबित योजना तातडीने मिळवून देण्यासाठी मी स्वतः लक्ष घालणार असून मुख्यमंत्री व प्रशासनाच्या मार्फत योग्य त्या उपाययोजना करून न्याय मिळवून देणार आहे.”

या बैठकीत भराडी समाजाचे नेते शंकर जाधव, चित्रकथी समाजाचे नेते संजय भोसले, बेलदार समाजाचे नेते दीपक कुमावत, लोहार समाजाचे नेते दीपक पखाले, मरीआई समाजाचे नेते मोहन निंबाळकर, विलास पवार, दगडू पवार, वासुदेव समाजाचे नेते गोविंदराव अटक, गवळी समाजाचे नेते दिनेश गवळी, वडार समाजाचे नेते वोरसे, नाथपंथी डवरी गोसावी समाजाचे नेते सागर पवार व अंकुश शेगर, लमान समाजाचे नेते दशरथ माळी, तसेच महिला मान्यवर गजराबाई लगस, गजराबाई बाबर, कविताताई बागल उपस्थित होते.

या बैठकीमुळे विविध समाजातील प्रश्नांवर एकत्रित चर्चा होऊन शासनापर्यंत भटक्या विमुक्त समाजाचा आवाज पोहचवण्यासाठी पुढील दिशा ठरवण्यात आली.

गोपीचंद पडळकर यांच्या वक्तव्याचा राष्ट्रवादीकडून निषेध — बालगंधर्व रंगमंदिर चौकात तीव्र आंदोलन

noreply@blogger.com (Unknown) — Fri, 19 Sep 2025 14:55:00 +0000

बालगंधर्व रंगमंदिर चौकातील आंदोलनादरम्यान राष्ट्रवादी काँग्रेसचे शहराध्यक्ष प्रशांत जगताप व पदाधिकारी-कार्यकर्ते उपस्थित

पुणे :

भारतीय जनता पक्षाचे आमदार गोपीचंद पडळकर यांनी स्व. राजारामबापू पाटील तसेच राष्ट्रवादी काँग्रेस पार्टी शरदचंद्र पवार पक्षाचे ज्येष्ठ नेते व विरोधी पक्षनेते जयंतराव पाटील यांचा केलेला अपमान संतापजनक असल्याचा निषेध राष्ट्रवादी काँग्रेस पक्षाने व्यक्त केला.

या निषेधार्थ पुणे शहराध्यक्ष प्रशांत जगताप यांच्या नेतृत्वाखाली बालगंधर्व रंगमंदिर चौकात तीव्र आंदोलन करण्यात आले. आंदोलनादरम्यान पडळकर यांच्या प्रतिमेला जोडे मारण्यात आले तर त्यांना पाठीशी घालणाऱ्या मुख्यमंत्री देवेंद्र फडणवीस यांच्याविरोधातही घोषणाबाजी करून धिक्कार करण्यात आला.

या आंदोलनात ॲड. निलेश निकम, किशोर कांबळे, डॉ. सुनील जगताप, डॉ. शशिकांत कदम, रोहन पायगुडे, स्वप्निल जोशी, केतन ओरसे, मनाली भिलारे, विद्या ताकवले, विक्रम जाधव, अजिंक्य पालकर, तानिया साळुंखे, रमिझ सय्यद, प्राजक्ता जाधव, दिलशाद अत्तार, शैलेंद्र बेल्हेकर, आसिफ शेख आदींसह शहरातील पदाधिकारी व मोठ्या संख्येने कार्यकर्ते उपस्थित होते.

सासवडमध्ये वीर येलोजी गोठे समाधीस्थळ वाचवण्यासाठी बेमुदत उपोषण – पुरोगामी संघर्ष परिषदेच्या नेतृत्वाखाली लढा

noreply@blogger.com (Unknown) — Sat, 13 Sep 2025 12:03:00 +0000

सासवडमध्ये वीर येलोजी गोठे समाधीस्थळ वाचवण्यासाठी बेमुदत साखळी उपोषण

सासवड (ता. पुरंदर, जि. पुणे) : मातंग समाजाचे व स्वराज्याचे शिलेदार वीर येलोजी गोठे यांच्या समाधीस्थळावरील अतिक्रमणाविरोधात तसेच संवर्धनाच्या मागणीसाठी नगरपरिषदेसमोर ११ सप्टेंबरपासून बेमुदत साखळी उपोषण सुरू झाले आहे. हे उपोषण पुरोगामी संघर्ष परिषदेच्या नेतृत्वाखाली सुरू असून युवक राज्याध्यक्ष मनोज दादा भिसे मार्गदर्शन करीत आहेत.

उपोषणाद्वारे समाधीचे काम पूर्ण करणे, परिसरातील अतिक्रमण हटवणे आणि वीर येलोजी गोठे यांचा पुतळा उभारणे या प्रमुख मागण्या व्यक्त केल्या आहेत. समाधीस्थळाची विटंबना होत असल्याने हा प्रकार अनुसूचित जाती-जमाती अत्याचार प्रतिबंधक कायद्यांतर्गत गुन्हा ठरतो. त्यामुळे गुन्हे दाखल करण्याची मागणीही उपोषणाद्वारे केली जात आहे.

या उपोषणाला रिपब्लिकन पार्टी ऑफ इंडिया (आठवले) तर्फे अधिकृत पाठिंबा देण्यात आला आहे. युवक अध्यक्ष स्वप्निल पाटोळे व कार्याध्यक्ष कालिदास उबाळे उपाध्यक्ष सचिन कांबळे यांनी समर्थन पत्र सादर केले.

✦ मुख्य मागण्या

समाधीस्थळावरील अतिक्रमण तातडीने हटवावे
समाधीचे संवर्धन व विकास करावा
वीर येलोजी गोठे यांचा पुतळा उभारावा
समाधीस्थळाच्या विटंबनेबाबत अट्रॉसिटी कायद्यान्वये गुन्हे दाखल करावेत

उपोषणाला विविध संघटना, नागरिक व नेत्यांचा मोठा पाठिंबा मिळत आहे. ज्येष्ठ नेते विष्णू दादा भोसले (सरचिटणीस, RPI आठवले श्रमिक ब्रिगेड), नामदेव नेटके (सहसचिव, RPI पुणे जिल्हा) तसेच १८ पगड व बारा बलुतेदार-अलुतेदार संघटनांचे प्रतिनिधी राजेंद्र धोत्रे व मंगेश गायकवाड उपस्थित होते.

नागरिक व कार्यकर्त्यांनी इशारा दिला आहे की –
“समाधीस्थळाचा अपमान सहन केला जाणार नाही. वीर येलोजी गोठे यांच्या स्मृतीचे संवर्धन होईपर्यंत उपोषण सुरू राहील.”

🖊 संपादक – जागरूक लोकमत समाचार

भटक्या विमुक्तांच्या प्रलंबित योजना मार्गी लावण्यासाठी पुण्यात महत्त्वपूर्ण बैठक संपन्न

noreply@blogger.com (Unknown) — Tue, 09 Sep 2025 19:02:00 +0000

पुणे प्रतिनिधी – भटक्या विमुक्त जाती-जमातींच्या प्रलंबित योजनांबाबत पुण्याचे जिल्हाधिकारी मा. जितेंद्र डुडी साहेब यांच्या दालनात महत्त्वपूर्ण बैठक पार पडली.

या बैठकीचे आयोजन आणि पुढाकार जय भैरवनाथ सामाजिक संस्थेचे अध्यक्ष विजय जाधव यांनी घेतला. समाजाच्या न्यायहक्कासाठी सातत्याने लढा देणाऱ्या विजय जाधव यांच्या अथक प्रयत्नांमुळे जिल्हाधिकाऱ्यांनी क्रांतिकारी निर्णय घेतला. स्वातंत्र्यानंतर प्रथमच भटक्या-विमुक्त समाजातील नागरिकांना मोठ्या प्रमाणावर जात प्रमाणपत्रे मिळाल्याने समाजात अपार आनंदाचे वातावरण आहे.

विजय जाधव यांनी सांगितले की, या निर्णयामुळे भटक्या-विमुक्त बांधवांना शासनाच्या मुख्य प्रवाहात येण्याचा मार्ग मोकळा झाला आहे.

याचवेळी जिल्हाधिकारी साहेबांनी यशवंतराव चव्हाण मुक्त वसाहत योजना राबविण्यासंदर्भात तातडीने आदेश दिले असून, शासनाच्या सर्व योजना तळागाळातील प्रत्येक कुटुंबापर्यंत पोहोचतील, यासाठी महसूल विभाग पूर्ण सहकार्य करेल असे आश्वासन दिले.

या बैठकीत खालील महत्त्वाच्या योजना आणि कागदपत्रांच्या अटी सोप्या करण्याबाबत चर्चा झाली :

फिरते रेशनिंग कार्ड

विधवा परितक्ता

अंध-अपंगत्व योजना

देवदासी योजना

श्रावण बाळ योजना

आधार कार्ड, उत्पन्न दाखला, जन्म दाखला

घरकुल योजना

कलाकार मानधन व ओळखपत्र योजना

जेजुरीत नाथपंथी डवरी गोसावी समाजाला जात प्रमाणपत्र – विजय जाधव यांच्या पाठपुराव्याला यश

noreply@blogger.com (Unknown) — Thu, 04 Sep 2025 05:54:00 +0000

जागरूक लोकमत समाचार

जेजुरी (पुरंदर तालुका):

शिवमल्हार मार्तंड खंडेरायाच्या नगरी जेजुरी येथे नाथपंथी डवरी गोसावी समाजाला अखेर जात प्रमाणपत्र मिळाले असून हा नगरपरिषद कार्यक्षेत्रातला राज्यातील पहिलाच यशस्वी प्रयोग ठरला आहे.

गेल्या कित्येक दशकांपासून हा समाज जेजुरीत वास्तव्य करत असून मार्तंड मल्हारीची सेवा, जागरण-गोंधळाची पारंपरिक कला सादर करत शिवकालीन संस्कृती जपत आहे. मात्र, जात प्रमाणपत्र नसल्याने शासनाच्या विविध योजनांपासून समाज वंचित होता.

जय भैरवनाथ सामाजिक संस्थेचे संस्थापक अध्यक्ष विजय जाधव यांनी या समाजाच्या प्रश्नाची दखल घेतली. पुणे जिल्हाधिकारी मा. जितेंद्र डुड्डी, पुरंदर उपविभागीय अधिकारी मा. वर्षा लांडगे, तहसीलदार राजपूत साहेब, जेजुरी नगरपरिषदेचे मुख्याधिकारी मा. इंगवले, निवासी नायब तहसीलदार संदीप पाटील, महसूल नायब तहसीलदार मा. वाघ, मंडल अधिकारी मा. बडदे यांच्या मार्गदर्शनाखाली विशेष मोहीम राबवण्यात आली.

या मोहिमेद्वारे जेजुरीतील नाथपंथी डवरी गोसावी समाज बांधवांना जात प्रमाणपत्र मिळाले. या ऐतिहासिक यशामुळे समाजातील बांधवांनी प्रशासन व संस्थेचे मनःपूर्वक आभार मानले.

याप्रसंगी विलास जगताप, अक्षय शिंदे, अनिल सावंत, शरद शिंदे, सौ. कांताबाई शिंदे, सौ. सानवी शिंदे आदी मान्यवरांनी विशेष सहकार्य केले. आगामी काळात या समाजाच्या रखडलेल्या अनेक योजना शासनामार्फत पूर्ण करण्यासाठी अशाच विशेष मोहिमा राबवण्याचा संकल्प संस्थेने केला आहे.

संपादक-नितीन चव्हाण

सामान्य कार्यकर्त्यापासून जिल्हा सरचिटणीस पदापर्यंतचा प्रवास

noreply@blogger.com (Unknown) — Mon, 01 Sep 2025 05:02:00 +0000

गणेश दुर्योधन भोसले यांचे सेवाभाव आणि निष्ठेचे प्रेरणादायी उदाहरण

भाजप संघटनेतील एक सामान्य कार्यकर्ता म्हणून सुरुवात करून आज गणेश दुर्योधन भोसले हे भाजप पुणे ग्रामीण दक्षिण विभागाचे जिल्हा सरचिटणीस या महत्त्वाच्या पदावर पोहोचले आहेत.

संघटनेत लहानमोठ्या जबाबदाऱ्या पार पाडताना त्यांनी नेहमीच “कार्यकर्त्यांचा कार्यकर्ता” अशी ओळख जपली. महिलांसाठी उपक्रम राबवणे, विद्यार्थ्यांना मार्गदर्शन करणे, तसेच शासनाच्या विविध योजनांचा लाभ सामान्य नागरिकांपर्यंत पोहोचवणे या कामातून त्यांनी समाजाशी थेट नाळ जोडून ठेवली आहे.

लोकांच्या अडचणी ऐकून त्यावर तोडगा काढणे हेच त्यांचे खरे बळ ठरले. याच सातत्यपूर्ण सेवाभाव आणि अथक प्रयत्नांची दखल घेत पक्षाने त्यांच्यावर जिल्हा सरचिटणीस पदाची जबाबदारी सोपवली आहे.

या निर्णयामुळे कार्यकर्त्यांमध्ये प्रचंड आनंद आणि उत्साहाचे वातावरण असून, गणेश दुर्योधन भोसले यांचा प्रवास समर्पण, निष्ठा आणि सेवाभावाचे प्रेरणादायी उदाहरण ठरला आहे.

Full Width Line

संपादक - नितीन चव्हाण

पुणे पोलिसांची मद्यपी वाहनचालकांविरोधात नवी मोहिम

noreply@blogger.com (Unknown) — Fri, 29 Aug 2025 12:00:00 +0000

दारू आणि स्टेअरिंगची जोडी धोकादायक आता पुणे पोलिस करणार कठोर कारवाई

काल्पनिक प्रतिमा

पुणे :

दारू पिऊन वाहन चालवणाऱ्यांवर आता पुणे पोलिसांनी कडक कारवाई करण्याचा निर्णय घेतला आहे. यासाठी वाहतूक शाखेकडून अत्याधुनिक वेब-आधारित ‘स्मार्ट ब्रीथ अॅनालायझर’ यंत्रणा वापरात आणली जाणार आहे.

या यंत्राद्वारे वाहनचालकाने मद्यप्राशन केले आहे की नाही, याची तपासणी केली जाईल आणि त्याचा अहवाल थेट पोलिस नियंत्रण कक्षाशी जोडला जाईल. त्यामुळे तपासणीची प्रक्रिया पारदर्शक, अचूक आणि जलद होणार आहे.

सुरुवातीला १० स्मार्ट यंत्रांची नेमणूक करण्यात आली असून पुढील काळात त्यात वाढ होणार आहे. यंत्रांद्वारे मिळालेली माहिती थेट वरिष्ठ अधिकाऱ्यांकडे पोहोचणार असल्याने कारवाई टाळणे शक्य राहणार नाही.

वाहतुकीत शिस्त राखण्यासाठी आणि अपघातांचे प्रमाण कमी करण्यासाठी या उपक्रमाचा मोठा फायदा होईल, असा विश्वास पुणे पोलिसांनी व्यक्त केला आहे.

संपादक – जागरूक लोकमत समाचार