నేను

'గబ్బర్ సింగ్' ఆగలేదు కానీ నిర్మాత మారాడు!!

2011-05-04T22:02:00.001-07:00

my other blog: http://engineer-today.blogspot.com/

పవన్ కళ్యాణ్, హరీష్ శంకర్ ల కాంబినేషన్ లో రూపొందనున్న గబ్బర్ సింగ్ చిత్రం ఆగిపోయినట్లు ఫిల్మ్ సర్కిల్స్ లో గత కొద్ది రోజులుగా వినపడుతున్న సంగతి తెలిసిందే. అయితే ఈ చిత్రం ఆగిపోలేదని పవన్ నిర్మాతగా చేద్దామనుకున్న ఈ చిత్నాన్ని గణేష్ కి అప్పచెప్పాడని విశ్వసనీయ సమాచారం. తీన్ మార్ చిత్రం యావరేజ్ టాక్ తెచ్చుకున్నా నిర్మాణ పరంగా గణేష్ అద్బుతంగా చేసాడని పవన్ నమ్మటం వల్లే ఈ ప్రాజెక్టుని గణేష్ కి అప్పచెప్తున్నట్లు తెలుస్తోంది. ఇక త్వరలో ప్రారంభం కానున్న ఈచిత్రంలో హీరోయిన్ ఎంపిక ఇక మిగిలి ఉంది. ఇక హిందీ చిత్రం దబాంగ్ రీమేక్ గా రూపొందే ఈ చిత్రం స్క్రిప్టుని గత కొద్ది రోజులుగా హరీష్ శంకర్ రూపొందిస్తున్నారు.

ఈ మధ్యన ఓ రెండు డైలాగులను హరీష్ శంకర్ ట్విట్టర్ లో పెట్టారు.మిరపకాయతో విజయం సాధించిన హరీష్ శంకర్ ఈ చిత్రంలో పంచ్ డైలాగ్ లుతో ఆకట్టుకుంటారని నమ్మి పవన్ ఈ ప్రాజెక్టు అప్పచెప్పారు. అయితే పవన్ దీనిని పక్కన పెట్టి షాడో చిత్రం షూటింగ్ కి సై అనటంతో ఈ రకమైన అనుమానాలు అందరిలో రేగుతున్నాయి. మరో ప్రక్క హరీష్ శంకర్, హరీష్ శంకర్ తో కలిసి సుబ్రమణ్యం ఫర్ సేల్ అనే చిత్రం చేయనున్నారని వార్తలు వస్తున్నాయి.

మహేష్ బాగానే రోజాకు ఉపయోగపడుతున్నాడు??

2011-05-04T22:01:00.000-07:00

my other blog: http://engineer-today.blogspot.com/

ఎవడు కొడితే మైండ్ బ్లాక్ అవుతుందో వాడే జగన్ అంటూ రోజా..మహేష్ బాబు పోకిరి చిత్రంలోని డైలాగులు విసురుతోంది. ఈ డైలాగు విసిరినప్పుడు సభికులు పెద్ద ఎత్తున హర్షద్వానాలు చేస్తున్నారు. ఎన్నికల ప్రచారంలో భాగంగా జగన్ పార్టీ నాయకురాలిగా ప్రజల్లోకి వెళ్థున్న రోజా ఈ డైలాగులని చెప్పి జనాల్ని బాగానే ఉత్సాహపరుస్తోంది. తన సినిమా టెక్ వాగ్దాటితో, డైలాగులతో అదరకొడ్తోంది. అలాగే చిరంజీవి, చంద్రబాబులు ఎక్కడి నుంచో వచ్చి ఇక్కడ తొడగొడుతున్నారని, మీసాలు తిప్పుతున్నారని, వారేకేనా పౌరుషం ఉంది, ఇక్కడ పుట్టి, ఇక్కడ పెరిగిన మీకెంత పౌరుషం ఉండాలి. మీకేం తక్కువ పౌరుషం లేదు. కనుక మీరు కూడా మీసాలు తిప్పండి, తొడగొట్టండి అంటూ మాట్లాతున్నప్పుడు జనంలో చప్పట్లు మార్మోగుమోతున్నాయి. రోజా అప్పట్లో తెలుగు మహిళ అధ్యక్షురాలిగా, ఇప్పుడు జగన్ పార్టీ నాయకురాలిగా బాగా రాణిస్తోంది. పంచ్ డైలాగులతో, పొలిటికల్ సెటైర్స్ తో రోజా తన ప్రసంగాలతో జనాన్ని ఉర్రూతలూగిస్తోంది. అలా పోకిరి డైలాగులు ఆమెకు బాగా ఉపయోగపడుతున్నాయి. మహేష్ తో సినీ కెరీర్ లో నటించలేకపోయిన ఆమె ఇలా మహేష్ డైలాగులును చెప్పుకుంటూ ఓట్లు సంపాదించే దిసగా ప్రయత్నాలు చేస్తోంది.

రజనీకాంత్‌కు మళ్లీ అస్వస్థత!!

2011-05-04T21:59:00.001-07:00

my other blog: http://engineer-today.blogspot.com/

తమిళ సూపర్ స్టార్ రజనీకాంత్ మళ్లీ అస్వస్థతకు గురయ్యారు. ఛాతీ నొప్పితో బాధపడుతున్న రజనీకాంత్‌ను సెయింట్ ఇసాబెల్ ఆస్పత్రిలో చేర్చారు. ఆయన వైరల్ ఇన్‌ఫెక్షన్, బ్రాంకైటిస్‌లతో బాధపడుతున్నట్లు వైద్యులు చెప్పారు. మూడు రోజులు విశ్రాంతి తీసుకోవాలని వైద్యులు ఆయనకు సలహా ఇచ్చారు. రాణా షూటింగ్ ప్రారంభోత్సవం జరిగిన గత శుక్రవారం కూడా ఆయన అస్వస్థతకు గురయ్యారు. దీంతో అప్పుడు ఇదే ఆస్పత్రిలో చేరారు. అదే రోజు సాయంత్రం ఆయనను ఆస్పత్రి నుంచి డిశ్చార్జీ చేశారు.

అయితే, అప్పటి నుంచి రజనీకాంత్‌కు విశ్రాంతి లేకుండా పోయింది. అది ఆయన ఆరోగ్యంపై ప్రభావం చూపిందని వైద్యులు అంటున్నారు.

జూనియర్ ఎన్టీఆర్ పెళ్లి వేదిక సెట్టింగ్‌కు రూ.3 కోట్లు!!

2011-05-04T21:58:00.001-07:00

my other blog: http://engineer-today.blogspot.com/

సినీ హీరో జూనియర్ ఎన్టీఆర్, లక్ష్మీప్రణతి వివాహ వేదిక సెట్టింగ్‌ను మూడు కోట్ల రూపాయల వ్యయంతో ప్రత్యేకంగా తయారు చేశారు. గురువారం అర్థరాత్రి దాటిన తర్వాత శుక్రవారం తెల్లవారు జామున జూనియర్ ఎన్టీఆర్ లక్ష్మీప్రణతి మెడలో మూడు ముళ్లు వేస్తాడు. తూర్పు గోదావరి జిల్లా నుంచి 36 మంది వేద పండితులు, పురోహితులు వచ్చారు. మరింత మంది ఇతర ప్రాంతాల నుంచి వచ్చారు.

మండపేటకు చెందిన భగవాన్ మాస్టారు జూనియర్ ఎన్టీఆర్ పెళ్లికి వ్యాఖ్యాతగా వ్యవహరిస్తారు. పెళ్లిలో వధూవరులు పట్టుకునే కొబ్బరి బొండాలను కూడా ప్రత్యేకంగా తెప్పించారు. మండపేటకు చెందిన కాజులురి వెంకటరెడ్డి వాటిని ప్రత్యేకంగా తయారు చేశారు. హైటెక్స్‌లో జరిగే జూనియర్ ఎన్టీఆర్ పెళ్లికి 12 వేల మందికి పైగా అతిథులు వస్తారని అంచనా వేస్తున్నారు.

హైటెక్ విఫలం, ఖండూ దేహాన్ని గ్రామస్థులు కనిపెట్టారు!!

2011-05-04T21:57:00.001-07:00

my other blog: http://engineer-today.blogspot.com/

హైటెక్ విఫలమైన చోట గ్రామస్థులు విజయం సాధించారు. అరుణాచల్ ప్రదేశ్ ముఖ్యమంత్రి భౌతిక కాయాన్ని గ్రామస్థులు కనిపెట్టగలిగారు. ఖండూతో పాటు మరో నలుగురి మృతదేహాలు తవంగ్ జిల్లాలోని మారుమూల గ్రామంలో బయటపడ్డాయి. ఆర్మీ, ఐఎఎఫ్, ఎస్ఎస్‌బి, ఐటిబిపి సహాయక బృందాలు ఖండూ ప్రయాణించిన హెలికాప్టర్ కోసం విస్తృతంగా గాలింపు చర్యలు చేపట్టాయి. ఇస్రో శాటిలైట్ చిత్రాలు, సుఖోయ్ ఎయిర్‌క్రాఫ్ట్ మ్యాపింగ్ కూడా హెలికాప్టర్ కూలిపోయిన స్థలాన్ని గుర్తించలేకపోయాయి. కాలినడకన బయలుదేరిన గ్రామ ప్రజలు ఆ స్థలాన్ని పట్టుకున్నారు.

తుప్టెం అనే గ్రామ సంరక్షక దళం సభ్యుడు ఖండూ భౌతిక కాయాన్ని గుర్తించాడు. మూడు మృతదేహాలు గుర్తించలేని స్థితిలో ఉన్నాయి. కేయ్లా గ్రామానికి చెదిన తుప్టెం, అతని అనుచరులు సముద్ర మట్టానికి 14 వేల అడుగుల ఎత్తులో పడి ఉన్న హెలికాప్టర్ శకలాలను గుర్తించారు. సంఘటనా స్థలాన్ని వారు ఎలా గుర్తించారనేది ఇంకా తెలియాల్సి ఉంది. ఖండూ ప్రయాణిస్తున్న హెలికాప్టర్ శనివారంనాడు కనిపించకుండా పోయింది. ఆయనతో పాటు మరో నలుగురు హెలికాప్టర్‌లో ఉన్నారు. వారంతా ప్రమాదంలో మరణించారు.

మలేషియా గ్రాండ్ ప్రి గోల్డ్ టోర్నీ: సైనా గెలుపు!

2011-05-04T21:55:00.001-07:00

my other blog: http://engineer-today.blogspot.com/

మలేషియా గ్రాండ్ ప్రి గోల్డ్ టోర్నమెంట్లో పురుషుల సింగిల్స్‌లో భారత్ పోరు ముగిసింది. మహిళ సింగిల్స్‌లో టాప్ సీడ్ సైనా నెహ్వాల్ శుభారంభం చేసింది. బుధవారం జరిగిన తొలి రౌండ్లో సైనా నెహ్వాల్ 21-16, 21-12 పాయింట్ల తేడాతో జియాయువాన్ చెన్ (సింగపూర్)పై గెలుపును నమోదు చేసుకుంది. ప్రత్యర్థిపై ఆద్యంతం మెరుగ్గా రాణించిన సైనా నెహ్వాల్ విజేతగా నిలిచింది.

పురుషుల సింగిల్స్ విభాగంలో భారత్ తరఫున ఆరుగురు బరిలోకి దిగగా... ముగ్గురు తొలి రౌండ్‌లో, మరో ముగ్గురు రెండో రౌండ్‌లో ఇంటిముఖం పట్టారు. ప్రపంచ 24వ ర్యాంకర్ పారుపల్లి కశ్యప్‌కు రెండో రౌండ్‌లో అనూహ్య ఓటమి ఎదురైంది.

ప్రైస్ లెవెర్‌డెజ్ (ఫ్రాన్స్)తో జరిగిన మ్యాచ్‌లో 12వ సీడ్ కశ్యప్ 21-17, 15-21, 18-21తో ఓటమిని చవిచూశాడు. ఇతర రెండో రౌండ్ మ్యాచ్‌ల్లో అరవింద్ భట్ 21-13, 20-22, 15-21తో షో ససాకి (జపాన్) చేతిలో, అనూప్ శ్రీధర్ 18-21, 7-21తో సోనీ ద్వి కున్‌కొరో (ఇండోనేసియా) చేతిలో ఓడిపోయారు.

సెరెనా ను ప్రేమిస్తున్నానని వేధించిన వ్యక్తి అరెస్ట్!

2011-05-04T21:54:00.001-07:00

my other blog: http://engineer-today.blogspot.com/

అమెరికా టెన్నిస్ స్టార్ సెరెనా విలియమ్స్‌ను ప్రేమిస్తున్నానని వేధించిన ఓ వ్యక్తిని పోలీసులు అరెస్ట్ చేశారు. విలియమ్స్ కదలికలను గమనిస్తూ, సెరెనా ట్విట్టర్‌ను ఫాలో అవుతున్నట్లు ఔడ్రేగో పోలీసుల ఎదుట అంగీకరించాడు. తాను సెరెనాను ప్రేమిస్తున్నానని... ఆమె కూడా తనపై ఇదే అభిప్రాయంతో ఉందని పట్టుబడ్డ 40 ఏళ్ల వయసున్న పాటెనమా ఔడ్రేగో పోలీసులకు తెలిపాడు.

ఇంతకుముందు మూడుసార్లు ఇలాగే ప్రవర్తించడంతో అతడి బారి నుంచి తప్పించాలని కోర్టు నుంచి ఉత్తర్వులు కూడా తెచ్చుకున్నామని సెరెనా తరఫు లాయర్ మాల్కమ్ కన్నింగ్‌హమ్ వెల్లడించారు. ఈ ఏడాది ఓసారి విలియమ్స్ అసిస్టెంట్‌గా చెప్పుకుంటూ ఆమె డ్రెస్సింగ్ రూమ్‌లోకి ప్రవేశించేందుకు ప్రయత్నించి గార్డ్‌లకు దొరికిపోయాడని కన్నింగ్‌హమ్ తెలిపారు.

మావోయిస్టులతో తమకెలాంటి సంబంధాలు లేవు: మమతా!

2011-05-04T21:47:00.000-07:00

my other blog: http://engineer-today.blogspot.com/
మావోయిస్టులతో తమకెలాంటి సంబంధాలు లేవని తృణమూల్ కాంగ్రెస్ అధినేత్రి మమతా బెనర్జీ స్పష్టం చేశారు. ఈ విషయంలో పశ్చిమబెంగాల్ రాష్ట్ర ముఖ్యమత్రి బుద్ధదేవ్ భట్టాచార్య చేసిన ఆరోపణలను ఆమె కొట్టిపారేశారు. ఆ రాష్ట్ర అసెంబ్లీకి జరుగుతున్న ఎన్నికల ప్రక్రియలో భాగంగా ఐదో విడత ఎన్నికల ప్రచారంలో పాల్గొన్నారు. ఈ సందర్భంగా ఆమె మాట్లాడుతూ.. సీపీఎం, మావోయిస్టులు నాణేనికి ఉండే బొమ్మా-బొరుసు లాంటివారని దుయ్యబట్టారు.

నక్సల్స్ వ్యతిరేక చర్యలని చెప్పి అమాయక ప్రజలపై సీపీఎం కేసులు బనాయిస్తోందని ఆరోపించారు. ఇక్కడి బోర్జొరా, సోనాముఖి ప్రాంతాల్లో జరిగిన ఎన్నికల సమావేశంలో పాల్గొన్న మమత... సీపీఎం పాలనను వ్యతిరేకించే ఎవరినైనా సరే ఆ ప్రభుత్వం మావోయిస్టులుగా ముద్రవేస్తుందని ఆరోపించారు.

అలాగే, ఇపుడు తమపైనా మవోయిస్టు ముద్ర వేసేందుకు ప్రయత్నిస్తోందన్నారు. ఇలాంటి వారికి తగిన గుణపాఠం నేర్పాలంటే ఓటర్లు చారిత్రాత్మక తీర్పును ఇవ్వాలని ఆమె పిలుపునిచ్చారు. గత రెండు దశాబ్దాలుగా రాష్ట్రాన్ని లెఫ్ట్ అధికార కూటమి అధోగతి పాలు చేసిందని ఆమె ఆరోపించారు

మాఫియా సొమ్ముతో జగన్ స్వైర విహారం: తెదేపా

2011-05-04T21:45:00.001-07:00

my other blog: http://engineer-today.blogspot.com/

మైనింగ్ మాఫియా ద్వారా అక్రమంగా అర్జిన సొమ్ముతోనే వైఎస్.జగన్మోహన్ రెడ్డి కడపలో స్వైర విహారం చేస్తున్నారని తెలుగుదేశం పార్టీ సీనియర్ నేతలు ఆరోపించారు. ఈ అంశంపై ఆ పార్టీ సీనియర్ నేతలు దాడి వీరభద్రరావు, గోరంట్ల బుచ్చయ్య చౌదరి, కళా వెంకట్రావులు మీడియాతో మాట్లాడుతూ కడప ఉప ఎన్నికల్లో ప్రచారం ముగియకముందే కాంగ్రెస్, వైఎస్ఆర్ కాంగ్రెస్ పార్టీలు డబ్బు పంపిణీ చేస్తున్నాయన్నారు. మైనింగ్‌ మాఫియా ద్వారా అక్రమంగా సంపాదించిన సొమ్ముతో జగన్‌ స్వైర విహారం చేస్తున్నారని ఆరోపించారు. దీన్ని ఎన్నికల సంఘం, కేంద్ర ప్రభుత్వం దీనిని గుడ్లప్పగించి చూస్తున్నాయని వారు ఆగ్రహం వ్యక్తం చేశారు.

ఓటర్లను బెదిరించేందుకు జగన్‌ ప్రయత్నిస్తున్నారని, దీనిని అడ్డుకునేందుకు రాష్ట్ర ప్రభుత్వం అదనపు పోలీసు బలగాలను రప్పించాలని వారు డిమాండ్‌ చేశారు. ఇప్పుడు కేవలం 17 కంపెనీల పోలీసు బలగాలు మాత్రమే ఉన్నాయన్నారు. జగన్‌ అక్రమాలను అడ్డుకోవాలంటే వంద కంపెనీల పోలీసు బలగాలు అవసరమన్నారు.

ప్రాజెక్టులపై వాగ్దానాలు చేస్తూ ఓటర్లను ముఖ్యమంత్రి ప్రలోభపెట్టేందుకు ప్రయత్నిస్తున్నారని, దీనిపై ఎన్నికల సంఘానికి ఫిర్యాదు చేయనున్నట్లు వారు తెలిపారు. ఉప ఎన్నికలను వెబ్‌క్యాస్టింగ్‌ ద్వారా అందరూ తెలుసుకునే విధంగా ఎన్నికల సంఘం చర్యలు తీసుకోవాలని వారు డిమాండ్‌ చేశారు.

ఇకపోతే.. తెలుగుదేశం పార్టీ శివాలయం లాంటిదని, కాంగ్రెస్‌, జగన్‌ పార్టీలు వైష్ణవాలయాలంటివని తెలుగుదేశం పార్టీ వ్యాఖ్యానించారు. కడప ఉప ఎన్నికల్లో చక్కెర పొంగలి, దద్దోజనం, లడ్డూల్లాంటి ప్రసాదాలతో ఓటర్లను ఆకర్షించే ప్రయత్నాలను వారు ముమ్మర ప్రయత్నాలు చేస్తున్నారని ఆరోపించారు.

మారని యువీ వారియర్స్, ముంబై ఇండియన్స్‌పై ఓటమి!

2011-05-04T21:10:00.001-07:00

my other blog: http://engineer-today.blogspot.com/

యువరాజ్ నాయకత్వంలోని పూణే వారియర్స్ మరోసారి చేతులెత్తేసింది. బుధవారం జరిగిన మ్యాచ్‌లో ముంబయి ఇండియన్స్‌ 21 పరుగుల తేడాతో పుణెపై గెలిచి సెమీఫైనల్‌కు చేరువైంది. మరొక్క మ్యాచ్‌లో గెలిస్తే ముంబయి సెమీస్‌ చేరడం ఖాయం. తిరుమలశెట్టి సుమన్‌ (36; 16 బంతుల్లో 3X4, 3X6), పొలార్డ్‌ (28; 21 బంతుల్లో 2X4, 2X6) రెచ్చిపోవడంతో మొదట 7 వికెట్లకు 160 పరుగులు సాధించిన ముంబయి.. పుణెను 139 (7 వికెట్లకు) పరుగులకే కట్టడి చేసింది. ఏడో విజయంతో ముంబయి పాయింట్ల పట్టికలో తిరిగి అగ్రస్థానానికి చేరుకుంది. రాహుల్‌ శర్మ (2/7)కు 'మ్యాన్‌ ఆఫ్‌ ద మ్యాచ్‌' అవార్డు లభించింది.

పుణె లక్ష్యఛేదన కష్టంగా సాగింది. భజ్జీ బౌలింగ్‌లో ఇన్నింగ్స్‌ తొలి బంతికే రైడర్‌ వికెట్‌ కోల్పోయిన ఆ జట్టు ఏ దశలోనూ గెలుపు వైపు సాగుతున్నట్లనిపించలేదు. 10 ఓవర్లయ్యేసరికి స్కోరు 3 వికెట్లకు 48 పరుగులు మాత్రమే. ఐతే మరోవైపు మనీష్‌ పాండే (59; 47 బంతుల్లో 4X4, 3X6) నిలబడగా, కెప్టెన్‌ యువరాజ్‌ (20; 16 బంతుల్లో 1X4, 2X6) రెండు సిక్స్‌లు బాదడంతో పుణె పుంజుకునేలా కనిపించింది. కానీ కీలక సమయంలో మలింగ (13వ ఓవర్లో) ఓ అద్భుతమైన డెలివరీతో యువరాజ్‌ను ఔట్‌ చేసి పుణెను దెబ్బతీశాడు. ఆ తర్వాత పాండే, ఉతప్ప (34 నాటౌట్‌; 26 బంతుల్లో 2X6) మెరుపులు మెరిపించినా ఫలితం కనిపించలేదు.

అంతకుముందు టాస్‌ ఓడి బ్యాటింగ్‌కు దిగిన ముంబయి ఇండియన్స్‌ మూడో ఓవర్లోనే ఓపెనర్‌ బ్లిజార్డ్‌ (6) వికెట్‌ కోల్పోయింది. ఐతే పుణెకు వెంటనే మరో వికెట్‌ దక్కలేదు. సచిన్‌ (24; 24 బంతుల్లో 5X4), రాయుడు (27; 28 బంతుల్లో 2X4) రెండో వికెట్‌కు 40 పరుగులు జోడించారు. 11వ ఓవర్‌ ముగిసేసరికి ముంబయి స్కోరు 69 మాత్రమే. ఆ దశలో క్రీజులోకి వచ్చిన సుమన్‌ రెచ్చిపోయాడు. రైడర్‌ బౌలింగ్‌లో సిక్స్‌, యువీ బౌలింగ్‌లో ఫోర్‌, టేలర్‌ బౌలింగ్‌లో మరో సిక్స్‌ కొట్టాడు. కానీ రోహిత్‌ శర్మ (12) ధాటిగా ఆడబోయి 15వ ఓవర్లో ఔటయ్యాడు.

ఆ ఓవర్‌ ముగిసేసరికి స్కోరు 97/5. ఆ తర్వాతి ఓవర్లో (థామస్‌) రెచ్చిపోయిన సుమన్‌ రెండు ఫోర్లు, సిక్స్‌ కొట్టాడు. అదే ఊపులో ఆడబోయి రాహుల్‌శర్మ బౌలింగ్‌లో వెనుతిరిగాడు. సుమన్‌ నిష్క్రమణ తర్వాత పుణె బౌలింగ్‌ను తుత్తునియలు చేసే బాధ్యతను పొలార్డ్‌ తీసుకున్నాడు.

కడపలో డబ్బు!!

2011-05-04T21:08:00.001-07:00

my other blog: http://engineer-today.blogspot.com/

ఉప ఎన్నికల సందర్భంగా పులివెందులలో ఓటర్లకు డబ్బు పంచుతున్న నలుగురిని పోలీసులు అరెస్ట్ చేశారు. వీరు కాంగ్రెస్, వైఎస్ఆర్ కాంగ్రెస్ కు చెందిన వ్యక్తులుగా తెలుస్తోంది. నిందితుల నుంచి రూ. 1.61లక్షలను పోలీసులు స్వాధీనం చేసుకున్నారు. వారిని విడిపించడానికి కాంగ్రెస్ పార్టీ అభ్యర్థి వైఎస్ వివేకానందరెడ్డి పోలీసులతో మంతనాలు జరిపారు. వారు అంగీకరించలేదు. కేసు నమోదు చేయడానికే పోలీసులు మొగ్గు చూపారు. దాంతో కాంగ్రెస్ పార్టీ కార్యకర్తలతో కలసి ఆయన పోలీస్ స్టేషన్ ముందు బైఠాయించారు. ఆ తరువాత ఆయన మళ్లీ స్టేషన్ లోపలకు వెళ్లి పోలీసులతో మాట్లాడారు. ఆయన ఏమి మాట్లాడారో తెలియదు, వారి నుంచి ఏం సమాధానం వచ్చిందో కూడా తెలియదు. ఆయనతోపాటు కార్యకర్తలు కూడా తిరిగి వెళ్లిపోయారు.

బాబానే ట్రస్టు శాశ్వత అధ్యక్షుడు!!

2011-05-04T21:05:00.001-07:00

my other blog: http://engineer-today.blogspot.com/

సత్యసాయి సెంట్రల్ ట్రస్ట్ శాశ్వత అధ్యక్షుడిగా సత్యసాయిబాబాయే ఉంటారని సత్యసాయి సేవా ఆర్గనైజేషన్ ఆల్ ఇండియా ప్రెసిడెంట్, సెంట్రల్ ట్రస్టు సభ్యుడు మద్రాస్ శ్రీనివాసన్ స్పష్టం చేశారు. ట్రస్ట్ శాశ్వత అధ్యక్షుడి స్థానంలో వేరొకరిని నియమించే స్థాయి, అర్హత తమకెవరికీ లేదన్నారు. బాబా దశదిన ఆరాధన సందర్భంగా బుధవారం రాత్రి ఆయన ప్రశాంతి నిలయంలోని సాయికుల్వంత్ హాలులో సత్యసాయి మహాసమాధి వద్ద భక్తులనుద్దేశించి మాట్లాడారు. బాబా తన సంకల్ప బలంతో ఈ ట్రస్టును ప్రపంచంలోని ఇతర ధార్మిక సంస్థల కంటే ఉన్నతంగా తీర్చిదిద్దారని అన్నారు. ఇక ముందు కూడా భక్తుల సహకారంతో ట్రస్ట్ వ్యవహారాలు పారదర్శకంగా నిర్వహిస్తామన్నారు.

ట్రస్ట్ సభ్యులమంతా బాబా సూచించిన మార్గంలో నడుస్తూ ఐక్యంగా ఉంటామన్నారు. ట్రస్టు వ్యవహారం పారదర్శకంగా ఉందని.. ట్రస్టు వార్షిక నివేదికను ప్రతి ఏటా బహిర్గతపరుస్తామని అన్నారు. బాబా భౌతికంగా ఉన్నప్పుడు జరిగిన విధంగానే ఆధ్యాత్మిక, సాంస్కృతిక వ్యవహారాలకు సంబంధించి జాతీయ, అంతర్జాతీయ సమావేశాలు, సభలు, సేవా కార్యక్రమాలు యథావిధిగా కొనసాగిస్తామన్నారు. సత్యసాయి ట్రస్టు ప్రతిష్టకు భంగం కలిగేలా కొన్ని పత్రికలు, టీవీ చానళ్లు పనిచేస్తున్నాయని విమర్శించారు. ట్రస్టుపై కుట్రలు పన్నుతూ సాయి భక్తుల మనోభావాలను దెబ్బతీసే విధంగా దుష్టశక్తులు పనిచేస్తున్నాయని, వాటిని ఎవరూ నమ్మరాదని పిలుపునిచ్చారు

తెదేపా - వైఎస్సార్ కాంగ్రెస్ సెంటిమెంట్ ఫార్ములా !!

2011-05-04T21:04:00.001-07:00

కడప ఉపఎన్నికలకు ఇక మూడంటే మూడే రోజులు మిగిలి ఉన్నాయి. బరిలో నిలిచిన తెలుగుదేశం - కాంగ్రెస్ పార్టీ ప్రధాన నేతలు తమ పర్యటనలను చాలించి హైదరాబాదుకు చెక్కేశారు.

ఇపుడు ద్వితీయశ్రేణి నాయకులు కడపలో తమతమ పర్యటనలు సాగిస్తున్నారు. వైఎస్సార్ కాంగ్రెస్ పార్టీ తరపున వైఎస్ జగన్ మోహన్ రెడ్డి సోదరి షర్మిళ ఇంటింటికీ తిరిగి ఓట్లు తమ పార్టీకే వేయాలని అభ్యర్థిస్తున్నారు.

తన తండ్రి మరణించాక కాంగ్రెస్ పార్టీ తమను చిన్నచూపు చూసినందువల్ల ఆ పార్టీలో ఇమడలేక మీ ముందుకు వచ్చామని చెపుతున్నారు. తన తండ్రి ప్రవేశపెట్టిన పథకాలను మూలనపడేసిన ఈ ప్రభుత్వానికి బుద్ధి చెప్పాలంటే వైఎస్సార్ కాంగ్రెస్ పార్టీకే ఓటేయాలని అంటున్నారు.

మరోవైపు తెలుగుదేశం పార్టీ కూడా పరిటాల రవి సతీమణి సునీతను రంగంలోకి దించింది. కడప - అనంతపురం సరిహద్దు ప్రాంతాల ఓటర్లను ఆకట్టుకునేందుకు యత్నం చేస్తోంది. పరిటాల సునీత తన భర్త పరిటాల రవికి అక్కడి ప్రజలతో ఉన్న బంధాన్ని ఓటర్లకు గుర్తు చేస్తున్నారు. తెలుగుదేశం పార్టీ హయాంలోనే మేలు జరుగుతుందని చెపుతున్నారు. మరి ఈ సెంటిమెంట్ పర్యటనలు ఏ పార్టీకి లాభం చేకూర్చుతాయో తెలియాలంటే మరికొన్ని రోజులు ఆగాల్సిందే.

my other blog: http://engineer-today.blogspot.com/

మే 22 నుంచి వెంకటేష్‌ చిత్రం షూటింగ్‌!!

2011-05-04T21:03:00.000-07:00

my other blog: http://engineer-today.blogspot.com/

విక్టరీ వెంకటేష్‌ హీరోగా త్రిష హీరోయిన్‌గా గోపీచంద్‌ మలినేని దర్శకత్వంలో మల్టీ డైమన్షన్‌ ఎంటర్‌టైన్‌మెంట్స్‌ ప్రై. లి. సమర్పణలో శ్రీ సాయిగణేష్‌ ప్రొడక్షన్స్‌ ప్రైవేట్ లిమిటెడ్ పతాకంపై నిర్మిస్తున్న ప్రొడక్షన్‌ నెం.3 చిత్రం రెగ్యులర్‌ షూటింగ్‌ మే 22న వైజాగ్‌లో ప్రారంభమవుతుంది.

ఈ సందర్భంగా నిర్మాత బెల్లంకొండ సురేష్‌ మాట్లాడుతూ - ''నాగవల్లి తర్వాత వెంకటేష్‌బాబుతో చేస్తున్న మరో భారీ చిత్రమిది. వెంకటేష్‌బాబు, త్రిష కాంబినేషన్‌లో మూడో సినిమాగా వస్తున్న ఈ చిత్రం రెగ్యులర్‌ షూటింగ్‌ మే 22న ప్రారంభిస్తున్నాం. ఆల్‌మోస్ట్‌ సింగిల్‌ షెడ్యూల్‌లో ఈ చిత్రాన్ని పూర్తి చేయడానికి ప్లాన్‌ చేశాం. వెంకటేష్‌బాబు కెరీర్‌లో ఇది మరో విభిన్న చిత్రమవుతుంది'' అన్నారు.

వెంకటేష్‌, త్రిష హీరోహీరోయిన్లుగా నటిస్తున్న ఈ చిత్రంలో ప్రకాష్‌రాజ్‌, డా|| బ్రహ్మానందం, ఆలీ, వేణుమాధవ్‌, చంద్రమోహన్‌, తనికెళ్ళ భరణి, సుబ్బరాజు తదితరులు మిగతా పాత్రలు పోషిస్తున్నారు. ఈచిత్రానికి రచన: కోన వెంకట్‌, డాన్స్‌: రాజు-సుందరం, ప్రొడక్షన్‌ కంట్రోలర్‌: కిషోర్‌, కో డైరెక్టర్‌: ఎస్‌. సురేష్‌కుమార్‌, ఆర్ట్‌: ఎ.ఎస్‌. ప్రకాష్‌, ఎడిటింగ్‌: గౌతంరాజు, ఫైట్స్‌: రామ్‌-లక్ష్మణ్‌, కెమెరా: శ్యామ్‌ కె.నాయుడు, సంగీతం: ఎస్‌.థమన్‌, ఎగ్జిక్యూటివ్‌ నిర్మాత: బి.మహేంద్రబాబు, నిర్మాత: బెల్లంకొండ సురేష్‌, స్క్రీన్‌ప్లే-దర్శకత్వం: గోపీచంద్‌ మలినేని.

టాప్‌లెస్‌గా ఫోజివ్వడానికి నేనేమైనా వెర్రి....

2011-05-04T21:02:00.000-07:00

my other blog: http://engineer-today.blogspot.com/

కొంతమంది వెర్రిపప్పలు ఇస్తున్నట్లుగా టాప్‌లెస్‌గా కనిపించడానికి తానేమైనా వెర్రిపప్పనా అని ప్రశ్నిస్తోంది బాలీవుడ్ నటి సోఫియా హయత్. తనమటుకు తాను ఎద అందాలను ఎట్టి పరిస్థితుల్లోనూ ప్రదర్శించనని గంట కొట్టి మరీ చెపుతోంది. ఈమె నటించిన "డైరీ ఆఫ్ ఎ బట్టర్ ఫ్లై" హిందీ చిత్రం త్వరలో విడుదల కానుంది.

ఈ ముద్దుగుమ్మ అత్యంత పొదుపైన బికినీ ధరించి... అంటే దాదాపు ముప్పావు ఎద అందాలను బయటపెడుతూ నడుము దిగువ భాగాన్ని ఎక్స్‌పోజ్ చేయాల్సినంత చేసి చూపిస్తూ ఓ హాట్ బికినీ ఫోటో షూట్‌లో పాల్గొంది. ఆ బొమ్మలను చూసిన కుర్రజనం ఆమె ఫోటోలకోసం నెట్‌పై తెగ ఎగబడుతున్నారట. ఇది చూసిన ఓ నిర్మాత టాప్‌లెస్‌గా నటిస్తే కోట్ల రూపాయలు ముట్టజెపుతానని ఆఫర్ చేశాడట.

ఈ ఆఫర్ అందుకున్న హయత్, తన ఎద అందాలను పూర్తిగా బయటపెట్టడానికి తానేమీ వెర్రిపప్పను కాదని తిరస్కరించిందట. మరి.. ఫోటో షూట్‌లో దాదాపు అన్నీ కనిపిస్తున్నట్లే ఇచ్చావ్‌గా అని అతడు అడిగితే... "కానీ కనిపించలేదుగా...? ఇక ఎప్పటికీ చూపించను. గీత ఎక్కడ గీసుకోవాలో నాకు తెలుసు, దాని ప్రకారమే నడుచుకుంటా"నని చెప్పిందట హయత్.

మీసం మెలేసి తొడగొడితే ఓట్లు రాలవ్: రోజా !!

2011-05-04T21:01:00.001-07:00

my other blog: http://engineer-today.blogspot.com/

కడపలో చిరంజీవి మీసం మెలేసి తొడ కొడితే ఓట్లు పడతాయనుకుంటున్నారనీ, ఆయనను చూసి ఇక్కడి నవ్వుకుంటున్నారని వైఎస్సార్ కాంగ్రెస్ పార్టీ నాయకురాలు రోజా అన్నారు.

స్థాపించిన పార్టీని నడపలేక దుకాణం మూసేసి కాంగ్రెస్ జెండా భుజాన వేసుకున్న చిరంజీవి కాంగ్రెస్ ప్రభుత్వాన్ని కూలగొడితే తాను నిలబెడతానని చెప్పడం హాస్యాస్పదంగా ఉన్నదన్నారు.

చిరంజీవి వెండితెరపై హీరో కానీ రాజకీయాల్లో జీరో అని అందరికీ తెలిసిపోయిందన్నారు. ఇక జగన్‌పై ఇటీవల రాజశేఖర్ దంపతులు చేసిన విమర్శలు పిల్లకాయ చేష్టలని కొట్టి పారేశారు.

లక్ష్య దీక్షలో రాజశేఖర్‌ను చూసి జనం చప్పట్లు కొట్టారనీ, అది చూసి జగన్ ఉడుక్కున్నారనీ చెప్పడం చూస్తే వారి ఆలోచన ఏ స్థాయిలో ఉన్నదో అర్థమవుతుందన్నారు. ఆ సభలో ఎవరు మాట్లాడినా ప్రజలు అందరినీ ఉత్సాహపరుస్తూ చప్పట్లు కొట్టారని చెప్పుకొచ్చారు.

కడప, పులివెందులలో వైఎస్సార్ కాంగ్రెస్ పార్టీ అభ్యర్థులైన వైఎస్ జగన్ మోహన్ రెడ్డి, విజయమ్మలు భారీ మెజార్టీతో విజయం సాధిస్తారని జోస్యం చెప్పారు. ముఖ్యంగా జగన్ 3 లక్షల ఓట్ల పైచిలుకు ఓట్ల తేడాతో విజయం సాధించబోతున్నారని అన్నారు.

డీజిల్ ధరలు పెంచేందుకు సిద్ధమైన ప్రభుత్వం..???

2011-05-04T05:53:00.000-07:00

my other blog: http://engineer-today.blogspot.com/

చాలా కాలం తర్వాత డీజిల్ మరోసారి భగ్గుమనబోతుంది. ఇప్పటి వరకూ వివిధ రాష్ట్రాల

అసెంబ్లీ ఎన్నికల కారణంగా డీజిల్ ధర పెంపును వాయిదా వేస్తూ వస్తున్న ప్రభుత్వం మరో వారంలో డీజిల్ ధరలు పెంచి వినియోగదారుల నడ్డి విరిచేందుకు సిద్ధమవుతోంది. డిజీల్‌తో పాటుగా పెట్రోల్ ధరలను కూడా మరోసారి సవరించే అవకాశం ఉంది. గతేడాడి జూన్‌లో పెట్రోల్ ధరల ప్రభుత్వ నియంత్రణ ఎత్తివేసిన సంగతి తెలిసిందే. ఫలితంగా పెట్రోల్ ధరల పెంపు చమురు సంస్థల అధీనంలోకి వెళ్లిపోయింది.

కానీ ఆ సమయంలో ప్రభుత్వం డీజిల్ ధరలపై మాత్రం నియంత్రలను తొలగించలేదు. ఇప్పటికే చమురు కంపెనీలు సబ్సిడీ ధరలకే డీజిల్‌ను విక్రయిచడం వల్ల భారీగా నష్టపోతున్నాయి. ధరల పరిస్థితిని అంచనా వేసేందుకు కేంద్ర ఆర్థకమంత్రి ప్రణబ్ ముఖర్జీ ఆద్వర్యంలో మంతృల సాధికారక బృందం ఈ నెల 11న సమావేశం కానున్నట్లు ఓ ప్రభుత్వ ఉన్నతాధికారి వెల్లడించారు. ఈ మేరకు అసెంబ్లీ ఎన్నికలకు ముందే ధరలు పెంచే అంశపై చమురు శాఖ అధికారులు ఎన్నికల సంఘంతో చర్చలు జరిపారు, వీటి ఫలితాలను మే 13న వెల్లడించనున్నారు.

పడిపోయిన హీరో హోండా లాభాలు!!

2011-05-04T05:48:00.001-07:00

my other blog: http://engineer-today.blogspot.com/

దేశీయ అతిపెద్ద ద్విచక్ర వాహన తయారీ సంస్థ హీరో హోండా నాలుగో త్రైమాసిక లాభాలు 16 శాతం పడిపోయినట్లు కంపెనీ ఓ ప్రకటనలో పేర్కొంది. 2010-11 ఆర్థిక సంవత్సరానికి గానూ మార్చి 31, 2011తో ముగిసిన నాలుగో త్రైమాసికంలో కంపెనీ నికర లాభం 16.23 శాతం క్షీణించి రూ. 501.61 కోట్లకు పడిపోయింది. అంతకుముందు సంవత్సరం ఇదే సమయంలో కంపెనీ నికర లాభాలు రూ. 593.81 కోట్లుగా ఉన్నట్లు హీరో హోండా వెల్లడించింది. ఈ త్రైమాసికంలో నిర్వహణ ద్వారా వచ్చిన కంపెనీ ఆదాయం మాత్రం 30.77 శాతం వృద్ధి చెంది గతేడాదితో పోలిస్తే రూ. 4,122.32 కోట్ల నుంచి రూ. 5,390.93 కోట్లకు పెరిగింది.

జనవరి - మార్చి 2011 కాలంలో కంపెనీ మొత్తం ద్విచక్ర వాహన విక్రయాలు 22.58 శాతం వృద్ధిని సాధించి 11,86,536 యూనిట్ల నుంచి 14,54,431 యూనిట్లకు పెరిగాయి. కాగా.. 2010-11 పూర్తి ఆర్థిక సవంత్సరానికి గానూ కంపెనీ నికర లాభం 13.62 శాతానికి తగ్గి రూ. 2,231.83 కోట్ల నుంచి రూ. 1,927.90 కోట్లకు పడిపోయింది. గత ఆర్థిక సంవత్సరంలో నిర్వహణ ఆదాయం 22.32 శాతం పెరిగి రూ. 15,860.51 కోట్ల నుంచి రూ. 19,401.15 కోట్లకు పెరిగింది. అలాగే మొత్తం కంపెనీ విక్రయాలు 17.44 శాతం వృద్ధితో 46,00,130 యూనిట్ల నుంచి 54,02,444 యూనిట్లకు పెరిగాయి.

ముద్దులతో గాడితప్పుతోన్న హీరోల సినిమాలు..???

2011-05-04T05:47:00.000-07:00

ఇంగ్లీష్ ముద్దు..లిప్ లాక్..ఎలా పిలిస్తే అలా ఓకే కానీ కవులు మాత్రం మధురంగా వర్ణించే అధరచుంబనం మెగా హీరోలకి మాత్రం కలిసి రావట్లేదు. తెలుగు సినిమా ప్రేక్షకులు ఇంకా అలవాటు పడని ఈ లిప్ లాక్ కల్చర్ ని సీరియస్ గా ఫాలో అవుతున్న వారిలో అల్లు అర్జున్ ముందుంటాడు. ఆర్య2, వరుడు, వేదంలో అతను లిప్ కిస్ లు లాగించేశాడు. అలాగే ఇన్నాళ్లూ రాముడు మంచి బాలుడు అన్నట్టుండే పవన్ కూడా బలవంతంగా తీన్ మార్ లో లిప్ లాక్ సీన్ చేశాడు. ఈ నాలుగు సినిమాలు అంచనాలని అందుకోలేక బోల్తా కొట్టాయి. కారణం ముద్దేనని అనలేం కానీ సెంటిమెంట్ ని బట్టి ఇంగ్లీష్ ముద్దు మెగా హీరోలకి కలిసి రానట్టుంది. అందుకే ఇక మీదట ఎంత అవసరమైనా కానీ వాటికి వారు దూరంగా ఉంటే మంచిది. రొమాంటిక్ హీరో అనిపించుకోవాలని చూస్తున్న అల్లు అర్జున్ కెరీర్ గాడి తప్పింది. సరిగ్గా ఈ వేషాలు మొదలు పెట్టాకే కాబట్టి ఇకనైనా అతను తన పెదాల్ని కెమెరా ముందు మాత్రం కట్టి పెట్టి తీరాలి.
my other blog: http://engineer-today.blogspot.com/

తీహార్ జైలుకు కల్మాడీ..

2011-05-04T05:44:00.000-07:00

my other blog: http://engineer-today.blogspot.com/

కామన్వెల్త్ క్రీడల నిర్వహణలో అవినీతి ఆరోపణలపై అరెస్టయిన సురేష్ కల్మాడీకి సీబీఐ ప్రత్యేక కోర్టు బుధవారం మరో 14 రోజుల జ్యూడీషియల్ కస్టడీ విధించింది. దీంతో ఆయనను పోలీసులు తీహార్ జైలుకు తరలించారు. కామన్వెల్త్ క్రీడల నిర్వహణ కమిటీ మాజీ అధ్యక్షుడు, కాంగ్రెస్ ఎంపీ అయిన సూరేష్ కల్మాడీ ఎనిమిది రోజుల రిమాండ్ బుధవారం పూర్తికావడంతో సీబీఐ అధికారులు కోర్టులో హాజరు పర్చగా ఈ మేరకు కస్టడీ విధించింది.

కాగా గత మంగళవారం (ఏప్రిల్ 26వ తేదీ) సురేష్ కల్మాడీని సీబీఐ అధికారులు పాటియాల కోర్టుకు తీసుకువెళుతుండగా కోర్టు ఆవరణవద్ద మహారాష్ట్రకు చెందిన ఓ వ్యక్తి కల్మాడీపైకి చెప్పులు విసిరిన నేపథ్యంలో ఈసారి అలాంటి సంఘటనలు జరగకుండా కోర్టు ఆవరణలో గట్టి భద్రతను ఏర్పాటు చేశారు.కామన్‌వెల్త్ క్రీడల నిర్వాహక కమిటీ మాజీ ఛైర్మన్ సురేష్ కల్మాడీపై అవినీతి, మోసంపై కేసులు నమోదు, టైమింగ్ స్కోర్ రిజల్ట్ సిస్టమ్ కోసం స్విస్ కంపెనీకి కల్మాడీ అక్రమంగా కాంట్రాక్టులు కట్టబెట్టారని, దీని వల్ల ప్రభుత్వ ఖజానాకు 95 కోట్ల రూపాయల నష్టం వాటిల్లిందని ఆరోపణలు ఉన్న నేపథ్యంలో కల్మాడీని సీబీఐ అధికారులు సోమవారం (ఏప్రిల్ 25) అరెస్ట్ చేసిన విషయం విదితమే.

చరణ్ తో గ్యాంగ్ లీడర్!!

2011-05-04T03:51:00.000-07:00

my other blog: http://engineer-today.blogspot.com/

ఆ మధ్యన మెగాస్టార్ చిరంజీవి ఇచ్చిన ఓ ఇంటర్వ్యూలో మీ హిట్ సినిమాల్లో రామ్ చరణ్ కి ఏది ఫర్ ఫెక్ట్ గా సూట్ అవుతుంది, చరణ్ ని ఏ సినిమా చెయ్యమని సలహా ఇస్తారని చిరంజీవిని అడిగితే ‘అందరికీ రీచ్ కావాలంటే గ్యాంగ్ లీడర్ చేస్తే బాగుంటుందని నా అభిప్రాయం అన్న సంగతి గుర్తుండే ఉంటుంది. ఇప్పుడది నిజం కాబోతోందని సమాచారం. రామ్ చరణ్ త్వరలో గ్యాంగ్ లీడర్ గా కనిపించనున్నారు. మాగంటి రవీధ్రనాధ్ చౌదరి కుమారుడు మాగంటి రామ్ జి ఈ చిత్రం నిర్మించాలని ఆసక్తిగా ఉన్నారు. ఈ మేరకు ఆయన ఆ టైటిల్ ని నమ్మి పూరి జగన్నాధ్ ని ఈ చిత్రానికి దర్శకుడుగా ఎంపికచేసుకుని అడ్వాన్స్ ఇచ్చారు. అయితే గ్యాంగ్ లీడర్ అనే టైటిల్ మాత్రమే ఉంటుందని పూరీ కొత్త కథను రెడీ చేస్తున్నారని కూడా వినపుడుతోంది. ఏదైమైతేనేం గ్యాంగ్ లీడర్ టైటల్ తో రామ్ చరణ్ హీరోగా సినిమా మాత్రం కన్ఫర్మ్ గా వస్తుంది. ప్రస్తుతం రామ్ చరణ్...సంపత్ నంది దర్సకత్వంలో రచ్చ చిత్రం లో నటించటానికి సన్నాహాలు చేసుకుంటున్నారు.

వార్న్ చేసిన వ్యాఖ్యలు అర్దంలేనివి!!

2011-05-04T03:46:00.000-07:00

my other blog: http://engineer-today.blogspot.com/

జైపూర్ లోని సవాయి మాన్‌సింగ్ స్టేడియంలో ఏప్రిల్ 29న ముంబై ఇండియన్స్, రాజస్దాన్ రాయల్స్‌కి మ్యాచ్ జరిగిన విషయం తెలిసిందే. ఈ మ్యాచ్‌లో ముంబై ఇండియన్స్ కేవలం 94 పరుగులకే 8 వికెట్లు కోల్పోయిన విషయం తెలిసిందే. ముంబై ఇండియన్స్‌పై రాజస్దాన్ రాయల్స్ అలవోకగా విజయం సాధించింది. మ్యాచ్ అనంతరం ముంబై ఇండియన్స్ కెప్టెన్, క్రికెట్ దేవుడు సచిన్ టెండూల్కర్ పిచ్‌పై విమర్శలు చేసారు. అంతేకాకుండా మాన్‌సింగ్ స్టేడియం పిచ్‌పై సచిన్ పలు అనుమానాలు వ్యక్తం చేశారు.

ఆ తర్వాత నిన్న మంగళవారం ముంబై ఇండియన్స్ అఫీసియల్‌గా జైపూర్‌లోని మాన్‌సింగ్ స్టేడియం పిచ్‌పై మేము ఎటువంటి కంప్లైంట్ ఐపిఎల్‌కి ఇవ్వలేదని అన్నారు. అంతేకాకుండా రాజస్దాన్ రాయల్స్, రాజస్దాన్ క్రికెట్ అసోసియేషన్‌లో ఒక సీనియర్ అఫీసియల్ కావాలనే ఈ విషయాన్ని రాద్దాంతం చేస్తున్నారని ఆరోపించారు. అసలు ఇదంతా జరగడానికి కారణం సచిన్ టెండూల్కర్. ఆరోజు జరిగినటువంటి పోస్ట్ మ్యాచ్ ప్రజంటేషన్‌లో రవిశాస్త్రి 94 పరుగులకే ఎనిమిది కోల్పోవడానికి కారణం ఏమిటని అడగగా సచిన్ బాల్ చాలా తక్కువ ఎత్తులో వస్తుంది. బహుశా ఇది పిచ్ ప్రాబ్లమ్ అనుకుంటాను అని సమాధానం చెప్పారు.

ఆ తర్వాత రాజస్దాన్ రాయల్స్ కెప్టెన్ షేన్‌వార్న్ తమపై ఓటమి తర్వాత పిచ్ బాగోలేదనడం సచిన్ స్థాయికి తగదని అన్నాడు. స్టార్ ఆటగాళ్లున్న ముంబై ఓటమికి కారణాలు వెతుక్కుంటోందని రాజస్దాన్ రాయల్స్ కెప్టెన్ షేన్‌వార్న్ విమర్శించాడు. అంతేకాకుండా స్టేడియం పిచ్‌ని పరిశీలించడానికి పిచ్ ఇన్‌స్పెక్టర్ వెంకట్ సుందరం ఉన్నారని తెలిపారు. ఇకపోతే పిచ్‌పై ముంబై ఇండియన్స్ చేసినటువంటి కంప్లైంట్‌పై రాజస్దాన్ రాయల్స్ కూడా కొంచెం నమ్ముతుంది. దానికి కారణం రాజస్దాన్ రాయల్స్ ఆడినటువంటి 18 మ్యాచ్‌లలో కేవలం 4 మ్యాచ్‌లలోనే వారు ఓడిపోవడం జరిగింది. అదికాక ఈ పిచ్‌‌పై రాజస్దాన్ రాయల్స్ ఎప్పుడు కూడా ఒత్తిడికి గురైనటువంటి సందర్బాలు లేవు.

గూగుల్ టివి కమర్షియల్ యాడ్!!

2011-05-04T03:45:00.001-07:00

my other blog: http://engineer-today.blogspot.com/

గూగుల్ ఏది చేసినా అందులో తన ప్రత్యేకతను కనబరుస్తుంది. అందులో భాగంగానే ప్రస్తుతం ఉన్నటువంటి బ్రౌజర్ మార్కెట్‌లో నెంబర్ వన్ స్దానాన్ని కైవసం చేసుకోవాలనే లక్ష్యంతో మార్కెట్‌లోకి ఓ వినూత్నమైన ఐడియాని ప్రయోగించింది. ఏమిటా ఆ ఐడియా అని అనుకుంటున్నారా... డియర్ సోఫి అనే కమర్షియల్ యాడ్‌ని రూపోందించింది. ఈ యాడ్‌లో ఫాదర్ తన బేబికి తన జీవితం మొత్తం ఈమెయల్ నోట్స్, ఫోటోస్, వీడియోస్ లాంటి పంపుతు ఉంటాడు. చూసేవారికి ఈ యాడ్ చాలా అందంగా ఇట్టే ఆకట్టుకునే విధంగా రూపోందించారు.

ఈ యాడ్ క్యాంపెయిన్ చేసినటుంటి గూగుల్ క్రియేటివ్ లాబ్ విపి ఆండీ బెర్నట్, యాడ్ ఏజెన్సీ హెడ్ బొంగ్లే హెర్టీ గురించి మాట్లాడుతూ యాడ్ చూడడానికి చాలా లుక్ అండ్ ఫీల్‌గా, సెంటిమెంటల్ మ్యూజిక్‌తోటి ఆకట్టువిధంగా విజువల్స్ కూడా రూపోందించామని తెలిపారు. ఇక్కడ మేము ప్రోడక్ట్‌ని హైలెట్ చేయడం కంటే కూడా గూగుల్ క్రోమ్ అనేది కంపెనీ అప్లికేషన్స్‌కి ఎలా ఉపయోగపడుతుందనే ఉద్దేశ్యంతో రూపోందించామని అన్నారు. ముఖ్యంగా ఈ యాడ్ 90 సెకన్లలో జీమెయిల్, పికాసా, యూట్యూబ్ అప్లికేషన్స్ గురించి క్లుప్తంగా వివరించడం జరిగింది.

గూగుల్ కంపెనీ నిర్వహించిన 'వెబ్ ఈజ్ వాట్ యూ మేక్ ఆఫ్ ఇట్' అనే క్యాంపెయిన్ గూగుల్ కంపెనీ ఇప్పటి వరకు నిర్వహించినటువంటి ఆఫ్‌లైన్ క్యాంపెయిన్‌లలో బాగా కమర్షియల్‌గా పేరు ప్రఖ్యాతులు సంపాదించిందని ది న్యూయార్క్ టైమ్స్ వెల్లడించిన రిపోర్ట్స్‌లలో తేలింది. సాధారణంగా గూగుల్ కంపెనీ తన ప్రోడక్ట్స్ గురించి ఇంటర్నెట్‌లో కాకుండా పబ్లిసిటీ చేయడం కూడా ఇదే మొదటసారని అన్నారు. చాలా మంది కంప్యూటర్ ఓనర్స్‌కు కొత్త బ్రౌజర్స్‌ని ఎలా డౌన్‌లోడ్ చేసుకోవాలో తెలియదని అన్నారు. ఈ యాడ్‌తో సెంటిమెంటల్ వాల్యూ పెరిగి గూగుల్ క్రోమ్ చూసేవారుగానీ, డౌన్‌లోడ్ చేసుకునే వారి సంఖ్య పెరుగుతుందని విశ్వాసాన్ని వ్యక్తం చేశారు.

రాబోయే వారంలో గూగుల్ కంపెనీ మరిన్ని యాడ్స్ ఇంటర్నెట్‌లో విడుదల చేయనున్నాయి. గూగుల్ కంపెనీ విడుదల చేయనున్న యాడ్స్ మేక్ ఎ బ్లాగ్, మేక్ యాన్ అబ్జర్వేషన్, మేక్ ఎ డిక్లరేషన్ మొదలగునవి. గూగుల్ విడుదల చేసేటటువంటి ఈ ప్రతి యాడ్ అయిపోయిన తర్వాత ఓ పెద్ద బటన్ స్విచ్ టు ఎ న్యూ బ్రౌజర్, డౌన్ లోడ్ అని దర్శనమిస్తుంది.

క్షమాపణ చెప్పేది లేదు: అమెరికా??

2011-05-04T03:37:00.001-07:00

my other blog: http://engineer-today.blogspot.com/

పాకిస్థాన్‌లో దాగియున్న అంతర్జాతీయ తీవ్రవాది ఒసామా బిన్ లాడెన్‌ను పాక్ ప్రమేయం లేకుండా ఆ దేశ గగన, భూతలాలను వినియోగించుకొని హతమార్చడంపై క్షమాపణ చెప్పేది లేదని అమెరికా స్పష్టం చేసింది. పాకిస్థాన్‌లో బిన్ లాడెన్‌ను ఏకపక్షంగా హతమార్చటంపై వస్తున్న విమర్శలపై అడిగినపుడు వైట్ హౌస్ ప్రెస్ కార్యదర్శి జే కార్నీ క్షమాపణలు చెప్పే ఉద్ధేశం తమకు లేదని పేర్కొన్నారు.

పాకిస్థాన్‌కు లాడెన్ మొదటి శత్రువు, ఆయన ఎంతో మంది ఆ దేశ పౌరులను హతమార్చాడని కార్నీ తెలిపారు. అమెరికా కమెండోల ఆపరేషన్ ఏకపక్షం, మా సార్వభౌమాధికారాన్ని ఉల్లంఘించారని పాకిస్థాన్ నిన్న వ్యాఖ్యానించింది. మరోవైపు తాము ఇస్లాంపై యుద్ధం చేయటం లేదని అమెరికా చెబుతున్నది.

జగన్ వైఎస్ వారసుడేతే తెలంగాణకు కట్టుబడాలి: జీవన్!

2011-05-04T03:36:00.001-07:00

my other blog: http://engineer-today.blogspot.com/

దివంగత మహానేత వైఎస్.రాజశేఖర్ రెడ్డి వారసుడు యువనేత వైఎస్.జగన్మోహన్ రెడ్డి అయితే ఆయన తెలంగాణ రాష్ట్ర ఏర్పాటుకు కట్టుబడి ఉండాలని మాజీ మంత్రి, తెలంగాణ ప్రాంతానికి చెందిన కాంగ్రెస్ పార్టీ సీనియర్ నేత జీవన్ రెడ్డి అభిప్రాయపడ్డారు. ఆయన బుధవారం హైదరాబాద్‌లో మీడియాతో మాట్లాడుతూ కొత్త పార్టీ పెట్టిన జగన్ తన అజెండాను ప్రకటించాలన్నారు.

ముఖ్యంగా తెలంగాణపై తన వైఖరి ఏమిటో బహిర్గతం చేయాలని డిమాండ్ చేశారు. వైఎస్ఆర్‌కు నిజమైన రాజకీయ వారసుడు తానేనని చెప్పుకుంటున్న జగన్‌.. ఇదే నిజమైతే తెలంగాణ రాష్ట్ర ఏర్పాటుకు జగన్ కట్టుబడి ఉండాలని పిలుపునిచ్చారు.

ఇకపోతే.. ప్రత్యేక రాష్ట్ర ఏర్పాటుకు కాంగ్రెస్ పార్టీలో తెరాస విలీనానికి ఎలాంటి సంబంధం లేదన్నారు. కేంద్రంలోని యూపీఏ ప్రభుత్వ ప్రత్యేక రాష్ట్రాన్ని ఏర్పాటు చేస్తుందని, ఆ తెలంగాణలో ఏర్పడే తొలి ప్రభుత్వం కాంగ్రెస్ పార్టీదే ఉంటుందని జీవన్ రెడ్డి జోస్యం చెప్పారు.