முகவரி

இது குளியல் காட்சிங்கோ...

noreply@blogger.com (கோவில்பட்டி முத்தால்ராஜ்) — Fri, 22 Jun 2012 08:17:23 PDT

இந்தப் புத்தாண்டில் ...

noreply@blogger.com (கோவில்பட்டி முத்தால்ராஜ்) — Thu, 21 Jun 2012 09:59:33 PDT

எனக்குத் தெரியும்

என்றாலும்

எதிர்மாடித் தமிழனைக் கேட்டேன்,

எப்போது வரும் தமிழ்ப் புத்தாண்டு?

'எப்போதும்

தமிழ்ப் புத்தாண்டு

ஏப்ரலில்

தப்பாது வரும்' என்றான்!

'கண்ணீர் வடிக்கும்

சித்திரையாளுக்குக் கைகுட்டை

கொண்டுபோ' என்றேன்.

'எங்கும்

இன்பத் தமிழ் ஒலிக்க வேண்டும்'

ஏமாற்றமா?

இல்லவே இல்லை என் ஆசைக்கு!

காதாரத்

தமிழ்ப் பேச்சைக் கேட்கிறேன்

கல்லறைகளிலிருந்து!

மறைமலை, திரு.வி.க.,

பாரதிதாசன், பாவணர்

தனித் தமிழில்

இனிக்க உரையாடுகிறார்களே...

கேட்கலையா உங்கள் செவிகள்?

ஆனாலும்

ஆவலினால் அன்றைய

தொல்காப்பியன் திரும்பி வந்தான்.

மழலையர் பள்ளியில்

ஆங்கிலம் படித்தான்

அதிலே தவறி ஐந்தாம் வகுப்பிலேயே

கல்வியை முடித்தான்.

ஆர்வத்தால்

வள்ளுவனும் திரும்பி வந்தான்.

தமிழில் படிக்க

வாய்ப்பில்லாக் காரணத்தால்

கதைகள்

அவனுக்குப் போட்டு வைத்திருந்த

தறிக் குழியில் போய் விழுந்தான்.

இங்கு

தமிழ் நாடு

சரியில்லை என்பதனால்

பள்ளிகளில் அயல் நாட்டைப்

பயிரிடுகிறோம்!

பெற்ற பிள்ளைகளையே

மறு பிரசவம்

செய்கின்றோம்

ஆங்கிலப் பிள்ளைகளாய்.

கோவில்களில்

குருக்கள் தொப்பை

தெய்வத்தை மறைக்க,

மந்திரங்கள்

தமிழை மறைக்கும்.

தமிழ்ப்பால் ஊட்டிய

தாய் உமையாள் தன்

மார்புக் கச்சையை இறுக்கிக் கொண்டு,

புட்டியில் வடமொழிப்பால்

புகட்டுகிறாள்!

சம்பந்தன் - தமிழ்ச் சம்பந்தம்

இழந்தான்!

நியாயத்தைப்

பார்க்க மாட்டேன் என்று

கண்களைக்

கட்டிக் கொண்ட நம்

நீதி தேவதை

காதுகளையும் கட்டிக் கொண்டாள்!

தமிழ் கேட்க மாட்டாளாம்.

தமிழுக்குச்

சவப் பெட்டியா இந்தத்

தொலைக்காட்சி பெட்டி?

அலைவரிசையெல்லாம்

ஆங்கிலத்தின் கைவரிசை!

தமிழை

விற்ற காசில்

வேறு மொழிப் பெயர்ப்பலகை

கடைத் தெருவில்!

தமிழை விற்றவன்

தகப்பனையும் ஒரு நாள்

மலிவு விலையில் விற்பான்!

தாயை விற்க ஒரு நாள்

தாமதிப்பான்.

இந்தப்

புத்தாண்டில்

சிந்திக்க என்ன உண்டு?

இனிமேல்

தமிழைப் பரப்ப எங்கும் இடம் கிடையாது.

எங்கும் தான் பரப்பி விட்டோமே!

அதனால்

புத்தாண்டில்

புது நாடுகளை உருவாக்கிப்

பூந்தமிழைப் பரப்புவோம் அங்கெல்லாம்!

புது மனிதர்களை உண்டாக்கிப்

புகட்டுவோம் அவர்க்கெல்லாம்

செந்தமிழை!

-ஈரோடு தமிழன்பன்

தொட்டால்சிணுங்கி இலையில் புதிய வகை ஆடை: கவுகாத்தி ஐ.ஐ.டி., மாணவர் சாதனை

noreply@blogger.com (கோவில்பட்டி முத்தால்ராஜ்) — Wed, 20 Jun 2012 08:10:43 PDT

உங்களின் சட்டையோ அல்லது கவுனோ, இலைகளைப் போல, வெளியில் உள்ள கார்பன் -டை- ஆக்சைடை உள்ளே இழுத்து, உங்களின் உடலுக்கு ஆக்சிஜனை தரும் என்ற தகவலை இதுவரை கேள்விப்பட்டிருக்கிறீர்களா? ஒளிச்சேர்க்கை போன்ற செயலைச் செய்யும் இத்தகைய உடையை கவுகாத்தியில் உள்ள இந்திய தொழில்நுட்ப நிறுவன (ஐஐடி-ஜி) மாணவர் உருவாக்கியுள்ளார். குழந்தைப் பருவத்தில் இருக்கும்போது, பலர் தொட்டு விளையாடி இருக்கும் தொட்டால் சிணுங்கி இலைகளுடன் நூலை ஒன்றிணைத்து இத்தகைய ஆடையை உருவாக்கியுள்ளார். விளையாடும்போது அணிவதற்கும், மிக சிக்கலான காலநிலைகளில் அணிவதற்கும் இந்த உடை மிகவும் ஏற்றது.

விருது: உயிரியல் தொழில்நுட்பத்திலான இத்தகையை ஆடையை தயாரித்ததற்காக, ராஜதேஷ் நாத் பார்பூயியா, 27, என்பவரும், கவுகாத்தி இந்திய தொழில்நுட்ப நிறுவனத்தின் வடிவமைப்பு பிரிவு பேராசிரியர் பிரதீப் யம்மியாவரும், "சில்வர் டிசைன் விருதை' பெற்றுள்ளனர். டிசைனர்களுக்காக, ஐரோப்பிய டிசைன் சங்கம் இத்தாலியின் கோமோ நகரில் நேற்று ஏற்பாடு செய்திருந்த இந்த நிகழ்ச்சியில் விருது வழங்கப்பட்டுள்ளது. 36 பிரிவுகளில் புதுமையான படைப்புகளை உருவாக்கியுள்ளவர்களும், நிறுவனங்களும் இந்த நிகழ்ச்சியில் பங்கேற்றனர். "தங்களின் தயாரிப்பான "உயிரி ஆடை'யானது, தொட்டால்சிணுங்கி தாவரத்துடன் வழக்கமான நூலைச் சேர்த்து உருவாக்கப்பட்டுள்ளது. இது ஒன்றும் அதிக செலவிலானது அல்ல' என்கிறார் கவுகாத்தி ஐ.ஐ.டி.,யில் இந்த ஆண்டு வடிவமைப்பு பிரிவில் முதுகலைப் பட்டம் முடிக்கும் பார்பூயியா. "இந்த ஆடையானது வெளிப்புற சூழ்நிலைக்கு ஏற்ற வகையில் மாறும் தன்மை கொண்டது. இந்த வகை ஆடையை அணிபவர், வியர்வையில் நனையாமல் இருப்பதோடு, ஆக்சிஜன் குறைவான இடங்களில், அதை சீர் செய்யும் வகையில், உடலுக்குத் தேவையான ஆக்சிஜன் தரும் தன்மையும் கொண்டது' என்றும் அவர் மேலும் கூறினார்.

நோக்கம் என்ன? பார்பூயியாவுக்கு இந்த ஆடை தயாரிக்க உதவிய யம்மியாவர் கூறுகையில், ""மாறும் தொழில்நுட்பத்திலான இந்த ஆடையைத் தயாரிக்க எங்களுக்கு ஆறு மாதம் ஆனது. கடந்த ஆண்டு மே மாதம்தான் இதைத் தயாரித்தோம். இயற்கையான முறைகளில் உள்ள அடிப்படையான மற்றும் புதுமையான விஷயங்களையும், செயற்கையான முறையில் அவற்றை எப்படி இணைத்து அமல்படுத்துவது என்பதையும் வெளிப்படுத்துவதே தயாரிப்பின் நோக்கம்,'' என்றார். பார்பூயியாவுடன் படிக்கும் மஞ்சுநாத் பூட்டா என்பவர், தெரு வியாபாரிகள் மற்றும் பொருட்களை கூவி விற்பவர்களுக்கான, எங்கும் எடுத்துச் செல்லக்கூடிய, மடக்கும் வசதி கொண்ட சிறிய அளவிலான அலமாரி ஒன்றைத் தயாரித்து, தேசிய புதிய கண்டுபிடிப்புகள் கவுன்சிலின் கவனத்தை ஈர்த்தார் என்பது குறிப்பிடத்தக்கது.

நாய் சேகர்...?

noreply@blogger.com (கோவில்பட்டி முத்தால்ராஜ்) — Tue, 19 Jun 2012 08:16:39 PDT

இனிதாகட்டும் இந்திய கிராமங்கள்

noreply@blogger.com (கோவில்பட்டி முத்தால்ராஜ்) — Mon, 18 Jun 2012 08:27:10 PDT

ச.சிங்கராயர்

அமெரிக்கா என்றவுடன் நமது நினைவுக்கு வருவது, அதன் மிகையான அதிகார பலம். அதுபோல், ஆப்பிரிக்கா என்றால், அதன் இயற்கை வளமும்; ஜப்பான் என்றால், அதன் அயரா உழைப்பும் தான், நமது நினைவிற்கு வரும். ஆனால், இந்தியா என்றால் உலகில் உள்ள எவருக்கும் உடனடியாக நினைவிற்கு வருபவை, அதன் கிராம சமுதாயம். அங்கு குடிகொண்டிருக்கும் சமூக ஒற்றுமை, எளிமையான வாழ்க்கை முறை, அமைதியான சூழல், பாடுபடும் விவசாயப் பெருங்குடிகள், கூட்டுக் குடும்ப வாழ்க்கை முறை, வந்தோரை உபசரித்து மகிழும் மாண்பு போன்றவைகளே.

ஏறத்தாழ ஆறு லட்சம் கிராமங்களின் தொகுப்பே, நமது இந்தியத் திருமண். ஒவ்வொரு கிராமமும் அதற்கென உரிய சமூக நெறியோடு, தேவையான சட்ட திட்டங்களை வகுத்து, கட்டுப்கோப்பாக, ஒரு சிறிய தேசம் போன்று இயங்கி வந்திருக்கின்றன என்பது வரலாறு. தேசப்பிதாவின் சிந்தனையில், தேசத்தின் சுதந்திரமானது கிராமத்தை மையப்படுத்தியதாகவே இருந்தது. வளர்ச்சிக்கான ஆயத்தம், அடித்தள கிராம அளவில் இருந்து துவங்க வேண்டுமென்பதும், நமது வளர்ச்சிக்கான அணுகு முறை அங்கு நிலவும் நல்ல பண்புகளையும், பழக்க வழக்கங்களையும் வலுப்படுத்துபவையாக இருக்க வேண்டுமே ஒழிய, எந்த வகையிலும் சிதைத்து விடக்கூடாது என்பதில் ஆழ்ந்த நம்பிக்கை கொண்டிருந்தார். ஐம்பதாண்டுகளுக்கு முந்திய நமது கிராம சமுதாயம் எவ்வாறு இருந்தது என்பது, இன்றுள்ள தலைமுறைக்கு தெரிந்திருக்க வாய்ப்பில்லை. விவசாயம் என்பது, அன்றைய கிராம சமுதாயத்திற்கு வியாபாரமாக இல்லை; அது ஒரு வாழ்க்கை நெறியாகவே கருதப்பட்டு வந்தது. வறுமையும், பஞ்சமும் வாட்டியெடுத்த போதிலும் அதைச் சமாளித்து வாழும் திறன் கொண்ட சமூகமாக விளங்கியது. ஊரில் உள்ள குடும்பங்கள் அனைத்தும், சமூகப் பிணைப்பால் கட்டுண்டு, ஒருவருக்கொருவர் ஆதரவாகவும், அரவணைப்பாகவும் மகிழ்வோடு வாழ்ந்து வந்தனர். ஊருக்கு அழகு சேர்க்கும் பாரம்பரிய மரங்கள், ஆலோலம்பாடும் அரிய வகை பறவை இனங்கள், ஊரின் மகிழ்ச்சிக்குக் கட்டியம் கூறின. எப்போதும் நீரைத் தாங்கி நிற்கும் குளங்கள், ஓடைகள், கண்மாய்கள், அங்கு தாவிக் குதித்து நீந்தி விளையாடும் இளம் சிறார்கள் என, கண்ணைக் கவரும் காட்சிகளாக எங்கும் நிறைந்திருக்கும்.

இவ்வாறு இருந்து வந்த நமது கிராம வாழ்க்கை முறையில் குறிப்பிடும்படியான மாற்றம் நிகழ ஆரம்பித்தது, 1960 களின் தொடக்கமே. பசுமைப் புரட்சியெனும் வேளாண் தொழில்நுட்பம், அப்போது தான் அறிமுகமாகியிருந்தது. புது ரக வித்துக்கள், உரம், பூச்சி மருந்து என, நமது விவசாயிகள் நவீன சாகுபடி முறைக்குப் பழக்கப்படுத்தப்பட்ட பின், விவசாயத்தில் உற்பத்தி கூடியது உண்மை. ஆனால், அதைவிட அது ஏற்படுத்திய பக்க விளைவுகள் அதிகம். விவசாயம் என்பது வாழ்க்கை நெறியாக இருந்த நிலைமாறி, மூலதனத்தையும், இயற்கை வளத்தையும் அதிகம் எடுக்கக்கூடிய தொழிலாக மாறிப் போயிற்று. இதனால் விவசாயம், கட்டுப்படியாகாத தொழிலாக மாறிவிட்ட படியால், விவசாயத்தை தொடர்ந்து மேற்கொள்ள சாதாரண விவசாயிகளிடத்தே தயக்கம் மேலோங்கி நின்றது. ஆகவே, இரண்டரை ஏக்கர் விவசாய நிலத்தை விற்று விட்டு, நகரத்தை ஒட்டி இரண்டு சென்ட் நிலம் வாங்கிப் போடும் அவலநிலைக்கு, விவசாயக் குடும்பங்கள் தள்ளப்பட்டன. பணப் பொருளாதாரத்திற்கு வாழ்க்கைப்பட்டு விட்ட, நமது கிராம சமுதாயம், வாய்ப்புகளைத் தேடி நகரத்திற்கு இடம் பெயரத் துவங்கியது. உழைப்பே மூலதனம் என்றிருந்த கிராமத்து சமூகம், இன்று உழைக்கத் தயங்குகிறது. குறுக்கு வழியில் முன்னேற வழியைத் தேடுகிறது. நமது பாரம்பரிய தானியங்களான சோளம், கம்பு, கேழ்வரகு, சாமை, வரகு, குதிரைவாலி போன்றவற்றை ஏறக்கட்டி விட்டு, இன்று ரேஷன் அரிசி சோறுக்கு தன்னைப் பழக்கப் படுத்திக் கொண்டு விட்டது. வீட்டுக்கு வீடு, "டிவி' வந்துவிட்டபடியால், இரவு 8 மணிக்கெல்லாம் கிராமத்துத் தெருக்களில், ஆள் நடமாட்டம் காண்பதே அரிதாகி விட்டது. தேசிய அளவில் ஏற்பட்டிருக்கும் வளர்ச்சியின் தாக்கம், கிராமங்களிலும் பிரதிபலிப்பதால், கிராமங்களில் பணப்புழக்கம் அதிகரித்திருப்பதை உணர முடிகிறது. இம்மாற்றமானது கிராமத்து இளைஞர்களிடையே குடிப்பழக்கத்தை வெகுவாக உருவாக்கி இருக்கிறது. உன்னதத் தலைமையின் செயல்பாடுகளால், ஒரு தாய் போல் இருந்து சச்சரவுகளின்றி கிராமத்தைப் பாதுகாத்து வந்த காலம் போய், இன்று கணவன், மனைவி சண்டைகளும், தகப்பன், மகன் சச்சரவுகளும் கூட, காவல் நிலையங்களைத் தேடி வரும் அவல நிலை உள்ளது.

வளர்ச்சியின் தாக்கத்தால் இன்று கல்வி, சுகாதாரம் பற்றிய விழிப்புணர்வும் அதை அடையும் தகுதியும், கிராமங்களில் அதிகரித்திருப்பது உண்மை. இதைப் பயன்படுத்தி கந்து வட்டிக்காரர்கள், மெட்ரிக் குலேஷன் பள்ளிகள், உள்ளூர் டாக்டர்கள் இந்த மூன்று தரப்பினரும், கிராம சமுதாயத்தைப் போட்டி போட்டுச் சுரண்டும் நிலை உருவெடுத்துள்ளது. நேர்மைக்கும், நாணயத்திற்கும் பேர் பெற்ற கிராம சமுதாயம், இன்று சுயநலத்திற்காக யாரையும் ஏமாற்றலாம், எவரையும் கெடுக்கலாம் என்ற மனோபாவம் மேலோங்கப் பெற்றவர்களாக மாறிப்போனது காலத்தின் கோலம். விவசாய முறைகள் சிதைந்து போனதால், இன்று கிராமங்களில் மாடுகள் அரிதாகி விட்டன. அதிலும், குறிப்பாக பாரம்பரிய இனங்களான தாடிக்கொம்பு, வாடிப்பட்டி, உம்பளாச்சேரி உழவு மாடுகள், இன்றைக்கு கண்காட்சியில் தான் என்ற நிலைக்கு, தற்போதைய பொருளியல் மயம் மாற்றிவிட்டது. கொள்கை அரசியல் போய், கொள்ளை அரசியல் கிராம சமுதாயத்தையும் விட்டு வைக்கவில்லை. இன்றுள்ள தலைமுறை வரவுக்கு மீறி செலவு செய்யும் பழக்கத்தை கைகொள்வதால், "சேமிக்கும் சமூகம்' என்ற அந்தஸ்திலிருந்து வழுக்கி, "செலவாளிச் சமூகம்' என்ற நிலையை நோக்கிச் சென்று கொண்டிருக்கிறோம். ஆக, நமது கிராம சமுதாயமானது தனது குணத்தை இழந்து, சிறப்பு அம்சங்களை இழந்து, நன்னெறிகளை மறந்து, பணப் பொருளாதாரத்தின் மாற்றத்தினால் விளைந்த தாக்கத்தை நல்லபடி பயன்படுத்திக் கொள்ளத்தவறிய ஒரு சமூகமாக உருவெடுத்து வருகிறது. இங்கு கிராமத்திற்கே உரித்தான கடின உழைப்பு, நேர்மையான செயல்பாடு, நல்ல உபசரிப்பு, சொந்த பந்தங்களோடு உறவாடி மகிழும் மாண்பு இவைகள் எல்லாம் அரிதாகி வருகின்றன.

அடிப்படை அலகாம் நமது கிராம சமுதாயம், தனது இயல்பான தன்மைகளை இழந்து வருகிறது என்றால், அது தேச அளவில் வெளிப்படுவதும் இயல்பு தானே. அந்த வகையில், நமது தேசமானது தனக்கே உரித்தான கலாசாரம், பண்பாடு, பழக்கவழக்கங்களை இழந்து கொண்டிருக்கிறதென்பது தான் உண்மை. இது பற்றி இப்போதுள்ள தலைமுறை அக்கறை கொண்டே ஆக வேண்டும். இல்லாவிடில், நாம் நமது முகவரியை இழந்து விடுவோம். கிராமத்தில் ஏற்பட்டு வரும் மாற்றங்களை நெறிப்படுத்த, நல்வழிப்படுத்த நமது அரசோ, அரசியல்வாதிகளோ பெரிதாக ஏதும் செய்து விடுவர் என்று நம்புவது வீண் வேலை. தேய்ந்து வரும் பண்பாடுகள், கலாசாரங்களை நிலைநிறுத்த, ஆங்காங்குள்ள கிராம சமுதாயமே முன்வரவேண்டும். கிராமத்தில் படித்த இளைஞர்கள், படித்து வேலைக்காக வெளியூர் சென்ற கிராமத்தினர், கிராம முன்னேற்ற ஆர்வலர்கள், சமூக நோக்குடையோர்கள் ஒன்று சேர்ந்து கிராம அளவில் சிறப்பான செயல்பாடுகளையும், நற்காரியங்களிலும் ஈடுபட வேண்டும். ஊருக்குள் புரையோடிக் கிடக்கும் ஜாதி, மத பாகுபாடுகள் அகல, உள்ளூர் அமைப்புகள் முழு முயற்சி எடுக்க வேண்டும். ஊரின் ஒட்டுமொத்த வளர்ச்சிக்கு அரசின் திட்டங்களை செவ்வனே செயல்படுத்தி, கிராமங்கள் தோறும் சமூக, பொருளாதார, சுற்றுச்சூழல் மேம்பாட்டிற்கு வழி காண வேண்டும். தேய்ந்து வரும் கிராம சமுதாயத்தின் தன்மையை நிலைப்படுத்த வேண்டும். இதற்கு, ஒருங்கிணைந்த முயற்சியே இன்றைய தேவை. அரசியலற்ற பொறுப்புணர்வும், ஜாதி, மத பேதமற்ற புரிந்துணர்வும், கிராமத்தை முன்னேற்றத் துடிக்கிற உந்துணர்வும், நாட்டு நன்மைக்காக செய்யவிருக்கும் எத்தகைய அர்ப்பணிப்பு உணர்வும் தான், இளைஞர்களின் இன்றைய தேவை.

ச.சிங்கராயர், பஞ்சாயத்து திட்டத் தலைவர், தானம் அறக்கட்டளை

உங்க கடமை உனர்ச்சிய பாத்தா எனக்கு புள்ளரிக்குது...

noreply@blogger.com (கோவில்பட்டி முத்தால்ராஜ்) — Sun, 17 Jun 2012 02:44:18 PDT

கணக்கு புதிர் பாகம் - 2

noreply@blogger.com (கோவில்பட்டி முத்தால்ராஜ்) — Sat, 16 Jun 2012 02:41:34 PDT

1-லிருந்து 9-க்குள் ஒரு எண்ணை நினைத்துக் கொள்ளுங்கள் அந்த எண்ணை கீழ்க்கண்ட எண்களால் வரிசையாக பெருக்கினால் நீங்கள் நினைத்த எண்ணே 6-முறை இடம்பெறும்.

முதலில் 7-ஆல் பெருக்கவும், பின்பு 3-ஆல், அதன் பின்பு 11-ஆல், பிறகு 37-ஆல், கடைசியாக 13-ஆல் பெருக்க வேண்டும்.

(உதாரணம்:- 1, 1X7=7, 7X3=21, 21X11=231, 231X37=8,547, 8547X13=111111.)

1-முதல் 9-வரை உள்ள எண்களை வைத்து 9-கட்டங்களை நிறப்பி எப்படி கூட்டினாலும் கூட்டுத் தொகை 15 வரும் படம்

போலி பக்தர்கள்

noreply@blogger.com (கோவில்பட்டி முத்தால்ராஜ்) — Fri, 15 Jun 2012 07:59:23 PDT

இந்த அப்பங்களே இப்பிடிதாயா...

noreply@blogger.com (கோவில்பட்டி முத்தால்ராஜ்) — Thu, 14 Jun 2012 08:25:18 PDT

யாருக்காக வாங்கினோம் சுதந்திரம்?

noreply@blogger.com (கோவில்பட்டி முத்தால்ராஜ்) — Thu, 14 Jun 2012 07:59:46 PDT

ஆர்.நடராஜன்

இந்தியாவின் வளமான மாநிலங்களில் ஒன்று ஆந்திரா. பணக்காரத் தொழிலதிபர்களும், செழிப்பான அரசியல்வாதிகளும் அங்கே அதிகளவில் இருக்கின்றனர். அவர்களில் ஒருவரான ஜெகன்மோகன் ரெட்டிக்கு, "ரொம்பவும் துள்ளாதே' எனச் சொல்லி, குட்டு வைத்திருக்கிறார் கட்சித் தலைவியும், ஆட்சியின் பினாமி தலைவியுமான சோனியா.

ஜெகன் போன்றவர்கள், பணத்தை லட்சம், கோடி என்று எண்ணுவதில்லை. 1,000 ரூபாய் நோட்டுக்கள் இத்தனை கிலோ, 500 ரூபாய் நோட்டுகள் இத்தனை பெட்டிகள் என்று தான் கணக்கு வைத்திருப்பர். தங்கத்தையும், வெள்ளியையும் எடைக்கணக்கில் சொல்லும் போது, ஊழல் பணத்தையும், கிலோ கணக்கில் அல்லது, "வேன், வேகன்' கணக்கில் சொல்வது தான் நியாயம். தந்தையின் மரணத்திற்கு பிறகு, காங்கிரஸ் தலைமையிடம் ஜெகன் முரண்டு பிடித்த போதே, அவரிடம் பல ஆயிரம் கோடிகள் இருப்பதாகவும், பெரும்பாலானது தந்தை, "சம்பாதித்தது' என்றும் சொல்லப்பட்டது. கப்பம்... அது உரிய முறையில், உரிய விகிதத்தில், உரிய இடத்திற்குப் போயிருந்தால், ஜெகன் போயிருக்க வேண்டிய இடம் அமைச்சரவை; சிறைச்சாலை அல்ல. தந்தையைத் தொழிலதிபர்களுக்குச் சலுகை செய்யத் தூண்டி, வருமானம் பெற்றார் ஜெகன். அந்த ஊழல் பணம், 1,172 கோடி ரூபாய் என்கிறது புகார் செய்யும் அரசுத் தரப்பு. எதுவாக இருந்தால் என்ன... இரண்டும் ஒன்று தானே! இதற்காக, சில தொழில் வர்த்தக நிறுவனங்களும் சம்பந்தப்படுத்தப் பட்டிருக்கின்றன.

அதுதவிர, "சாக்ஷி' என்ற நாளிதழை, "டிவி'யை நடத்துவதற்கும், ஊழல் பணம் முதலீடு செய்யப்பட்டிருக்கிறது என்பது ஒரு குற்றச்சாட்டு. அதில், ஜெகன் மோகன் ரெட்டி பெயரில் உள்ள பங்குகள் அதிகம். அவை குறைந்த விலையில் வாங்கப்பட்டன. பிற பங்குதாரர்களின் பங்குகள் குறைவு. அதற்கு அவர்கள் செலுத்திய தொகை அதிகம். அதாவது, ஊழல் பணத்தின் பெரும்பகுதி பங்குகளாக மாற்றப்பட்டு, அவற்றின் விலை நிர்ணயத்தில் ஏமாற்று வேலை நடந்திருக்கிறது என்பது உண்மையாக இருக்கலாம். ஆனால், பங்கு முதலீடுகளை கவனிப்பதற்கென்றே மத்திய அரசில், "செபி' என்ற ஒரு மேஸ்திரி அமைப்பு இருக்கிறதே... அது இத்தனை ஆண்டுகளாக என்ன செய்து கொண்டிருந்தது? பங்குகள் திரட்டப்பட்ட போதும், பதிவு செய்யப்பட்ட போதும் தூக்கத்தில் இருந்ததா? இப்போது ஜெகன் மோகன் ரெட்டி, சோனியாவுடன் மோதியதும், அரசு அமைப்புகள் செயல்படுகின்றனவே. இது எப்படி? இங்கே, "செபி' (செக்யூரிட்டிஸ் எக்ஸ்சேஞ்சஸ் பீரோ ஆப் இந்தியா) வைத்தது சட்டமல்ல, சோனியா வைத்ததே சட்டம்.

அதாவது, நாட்டில் எங்கெல்லாம் பணம் புழங்குகிறதோ, அங்கெல்லாம் சோனியா சொல்வதே சட்டம். அரசின் ஊழல் தடுப்பு அமைப்புகள், சோனியா ஏவினால் மட்டும் ஏவியபடி வேலை செய்யும். குலை என்றால் குலைக்கும்; கடி என்றால் கடிக்கும்; நிறுத்து என்றால் நிறுத்தும். சோனியா கட்சித் தலைமையை ஏற்ற பிறகு, ஆட்சியில் மறைமுகப் பொறுப்புகள் ஏற்ற பிறகு, எந்தெந்த அரசியல்வாதிகள், தொழிலதிபர்கள் மீது வருமான வரித்துறை மற்றும் பிற துறைகள் வழியாக என்னென்ன தண்டனை நடவடிக்கைகள் எடுக்கப்பட்டன என்பதைப் பட்டியலிட்டு, ஒவ்வொன்றையும் ஆராய்ந்தால், அவரது சுயநலமும், அதிகார துஷ்பிரயோகமும் நன்றாகத் தெரியவரும். தந்தை இறந்தவுடன் ஜெகன்மோகன் ரெட்டி, சோனியாவுடன் இணக்கமாகப் போயிருந்தால், உடனே மத்திய அமைச்சராகி இருப்பார். சிதை மேல் பதவியேற்பது, நம் வழக்கமாயிற்றே. ஆனால், அவருக்கிருந்த பேராசை... உடனே ஆந்திராவின் முதல்வராகி விட வேண்டு மென்பது. பெரிய பண்ணைக்கும், சின்னப் பண்ணைக்கும் வித்தியாசம் தெரியாத அவர், பிரதமர் மகன் பிரதமரான போது, முதல்வர் மகனான தான் முதல்வராகக் கூடாதா என்று நினைத்தார். என் மகன் ராகுலே காத்துக் கொண்டிருக்கிறார். உனக்கென்ன அவசரம் என்பதை, சொல்லில் அல்லாமல் செயலால் உணர்த்தினார் சோனியா. ஜெகனும் மத்திய அமைச்சராகி, ராகுலுடன் நட்பு வைத்துக் கொண்டிருந்தால், உரிய காலத்தில் முதல்வராகலாம். காத்திருக்கும் அளவுக்கு அவருக்குப் பொறுமை இல்லை. ஏன் அப்படி? தந்தை சேர்த்த சொத்துக்கள், அவரது மறைவுக்குப் பின் தனக்கு வருவது போல், ஆந்திர மாநிலமும் தன் சொத்து. அதன் ஆட்சி தனக்கு வரவேண்டு மென்று நினைத்தார். அதுவும் சரி தான்.

அரசியல்வாதிகளைப் பொறுத்தவரை மக்கள் ஆட்டு மந்தை தானே. ஊழலின் அளவைக் கண்டு வருத்தப்படுவதை விட, கூடுதலாக நாம் வருத்தப்பட வேண்டியது, "நாடு தம் சொத்து' என, நினைத்து அரசியல்வாதிகள் செயல்படுவதே. இதுதான் நம் ஜனநாயகத்தின் விபரீதப் போக்கு. மக்கள் ஒரு பொருட்டல்ல என்ற நினைப்பு இவருக்கும், இவரைப் போன்ற இளம் தலைமுறையினருக்கும் வந்திருப்பது, இந்திய ஜனநாயகத்தின் எதிர்காலத்தைக் கேள்விக்குறியாக்கி இருக்கிறது. சுயநல அரசியல்வாதிகள், தொழிலதிபர்கள் ஒன்று கூடி, தனி சாம்ராஜ்யம் அமைத்துக் கொள்கின்றனர். இதனால், உயரும் விலைவாசியைப் பொதுமக்களே தாங்குகின்றனர். மக்களைக் காப்பதற்காக அரசு இயங்கவில்லை.

அரசு என்பதே அரசியல்வாதிகளின் கூட்டணியும், அதற்கு குற்ற வேல் புரியும் அதிகார வர்க்கமும் என்ற நிலையில், தனித்து விடப்பட்ட, தவிக்க விடப்பட்ட மக்கள், தங்கள் வாழ்க்கையைத் தாகங்களே நிர்ணயிக்க முடியாத நிலையில் இருக்கின்றனர். இதில், இவர்கள் இந்நாட்டு மன்னர்கள் என்று சொல்வது சோக மயமான கிண்டல் அல்லவா? மக்கள் எதையுமே மக்களாட்சியில் முடிவு செய்வதில்லை என்றால், இது யாருடைய ஆட்சி, எதற்காக சுதந்திரம் வாங்கினோம் என, கேட்டுப் பார்த்துக் கொள்ள வேண்டியிருக்கிறது. அதைவிட முக்கியமான கேள்வி, சுதந்திரம் பெற்ற பிறகு, மக்களாகிய நாம் எப்படி நடந்து கொண்டோம் என்பதே. மந்திரி சபை என்பது மக்கள் பிரதிநிதிகளைக் கொண்டது. மக்கள் பிரதிநிதிகளில் பெரும்பாலோர் சேர்ந்தே அரசை அமைக்கின்றனர்.

நாட்டு நிர்வாகத்திற்கான கொள்கை முடிவுகளில் பெரும்பான்மையான மக்கள் பிரதிநிதிகள் சொல்வதையே ஏற்று, நிர்வாகத் திட்டங்களை வகுக்க வேண்டும் என்பதே, ஜனநாயக ஆட்சி முறை. அதுதான் வளர்ந்த நாடுகளில் இருந்து வருகிறது. அங்கேயும் ஊழல் புகார்கள் எழுந்து, பெருந்தலைகள் உருள்வதைப் பார்க்கிறோம். ஆனாலும், நம் நாட்டின் நிலைமை ஒப்பிடப்பட முடியாத அளவுக்குப் படுமோசமாக இருக்கிறது. இங்கே மாநிலங்களில், ஊராட்சி கவுன்சிலர்கள் முதல், முதல்வர்கள் வரை, பார்லிமென்ட் உறுப்பினர்கள் முதல், பிரதமர் வரை, ஊழல் செய்யாதவர் வெகு குறைவு. அவர்களாக ஊழல் செய்யவில்லை. எந்த கவுன்சிலரும் வீடு தேடி வந்து காசு கேட்கவில்லை. நமக்கு ஏதாவது காரியம் ஆக வேண்டும். அதைச் செய்ய அவர் உதவியாக இருப்பார். கவுன்சிலர் மூலம் மேயர், மேயர் மூலம் மந்திரி, மந்திரி மூலம் முதல்வர் என, எல்லாரையும் தரகர்கள் ஆக்கியது நாமே. மத்திய அரசில் நிர்வாகப் பொருளாதாரக் கெடுபிடிகள் இருந்த காலத்தில் தொழிலதிபர்களும், வர்த்தகர்களும் பார்லிமென்ட் உறுப்பினர்களின் சிபாரிசின் பேரில், அமைச்சர்களைப் பார்த்துக் காரியம் சாதித்துக் கொண்டனர். தமக்கு அதில் ஆதாயம் இருந்தால், ஏதோ கொஞ்சம் அன்பளிப்பு கொடுத்தனர். ஆக, மக்கள் கொடுத்தனர்; மக்கள் பிரதிநிதிகள் வாங்கிக் கொண்டனர். பிறகு மக்கள் பிரதிநிதிகள் தாமாகக் கேட்க ஆரம்பித்தனர். கொடுத்துப் பழக்கப்படுத்தப்பட்டது. இப்போது கேட்டு பெறப்படுகிறது. இதனால், நம் ஜனநாயகம் விபரீதப் பாதையிலேயே செல்கிறது. கொடுப்பது போய், கேட்பது வழக்கமாகி விட்டது. கேட்கும் தொகையும் அதிகமாகி விட்டது என்ற ஒரு நிலை இருந்தது, இப்போது அதுவும் போய்விட்டது. இன்றைய நிலைமை ஒரு கொடுமை.

"தொழில் துவங்குகிறாயா, அரசுத் தரப்பில் செய்ய வேண்டியதைச் செய்து தருகிறோம். முதல் இரண்டு ஆண்டு லாபத்தைக் கப்பமாகக் கொடு' என, நிபந்தனை விதிக்கின்றனர் அல்லது, "தொழிலில் எங்களை பினாமி கூட்டாளிகளாக வைத்துக் கொள்' என்று வற்புறுத்துகின்றனர். ஏற்கனவே களத்தில் உள்ள தொழிலதிபர்களில் பெரும்பாலானவர்கள், ஏதோ ஒரு விதத்தில் செல்வாக்கான அரசியல்வாதிகளுக்கு செய்ய வேண்டியதைச் செய்து, அதற்கான தொகையை தாம் விற்கும் பொருட்கள் மீது சுமத்தி, மக்களைக் கஷ்டப்படுத்துகின்றனர். அரசியல்வாதிகளுடன் கூட்டு சேர்ந்து கொள்ளும் புதுத் தொழிலதிபர்கள் மூலமாக, மக்கள் மேலும் எப்படி அவதிப்படப் போகின்றனரோ. இது ஏன் மக்களுக்குப் புரியவில்லை? புரிந்தால் அவர்கள் ஊழலுக்கு எதிராக அணி திரள வேண்டாமோ? இப்படியே தொடர்ந்தால், இனி வர்த்தகர்கள், தொழிலதிபர்கள் என்று தனியாக யாரும் இருக்க மாட்டார்கள். எல்லாமே அரசியல்வாதிகள் என்றாகி விடும். அந்த நிலைமையை நோக்கிப் போய் கொண்டிருக்கிறது நாடு. அட கடவுளே, அரசியல்வாதிகளுக்காகவா சுதந்திரம் வாங்கினோம்?

- ஆர்.நடராஜன் -கட்டுரையாளர், அமெரிக்கத் தூதரக முன்னாள் அரசியல் ஆலோசகர்

விடுகதைகள் பாகம் - 3

noreply@blogger.com (கோவில்பட்டி முத்தால்ராஜ்) — Wed, 13 Jun 2012 07:35:25 PDT

(விடுகதைகள் பாகம் - 2 படிக்க இங்கே சொடுக்கவும்.)

1) எல்லாருக்கும் கிடைக்காத மதி ஆனால் எல்லாரும் விரும்புவது மதி. அது என்ன?

2) எரியும் ஆனால் குளிரும் அது என்ன?

3) ஊருக்கெல்லாம் ஒரு துப்பட்டி அது என்ன?

4) உயர்ந்த வீட்டில் இருக்கும், ஊரார் தாகம் தீர்க்கும் அது என்ன?

5) கவிழ்ந்து பூப்பூத்து, நிமிர்ந்து காய் காய்கும். அது என்ன?

6) அகன்ற வாய் உடையவன், திறந்த வாய் மூடாதவன். அவன் யார்?

7) ஆளில்லாத இடத்தில் அங்கம்மாள் குடை பிடிக்கிறாள். அவள் யார்?

8) உரித்த கோழி, ஊரெல்லாம் சுற்றி வருகிறது. அது என்ன?

9) கணுக்கால் நீரில் கரடி நீச்சல் போகுது அது என்ன?

10) வெள்ளைப் பெட்டிக்குள் மஞ்சள் தங்கம். அது என்ன?

11) விழுந்தால் படுக்காது, எழுந்தால் நிற்காது அது என்ன?

12) காட்டில் கிடைத்த கட்டை, கான மழை பொழிகிறது அது என்ன?

13) வெள்ளைத் திடல்; கறுப்பு விதை அது என்ன?

14) பச்சைச் செடியில் தயிர்ச் சாதம். அது என்ன?

15) நாலு காலுண்டு, வீச வால் உண்டு. அது என்ன?

16)என்னைப் பார்த்தால் உன்னைக் காட்டுவேன். அது என்ன?

17) எங்கள் வீட்டுத் தோட்டத்திலே மஞ்சல் யானை நிற்கும். அது என்ன?

18) குழியிலே மலரும் குச்சியிலே தொடுக்கும், கும்பி போகும். அது என்ன?

19) இரவெல்லாம் பூங்காடு, பகலெல்லாம் வெறுங்காடு. அது என்ன?

20)உலகமெங்கும் படுக்கை விரித்தும் உறங்காமல் அலைகிறாள். அவள் யார்?

விடைகள்:-

(முயற்சி செய்யுங்கள், விடைகள் அடுத்த வாரம் இதே இடத்தில்.)

அலைகளின் அழுகை

noreply@blogger.com (கோவில்பட்டி முத்தால்ராஜ்) — Tue, 12 Jun 2012 06:57:19 PDT

ஊரே ஒன்னு கூடீருச்சுயா... ஆகா...

noreply@blogger.com (கோவில்பட்டி முத்தால்ராஜ்) — Mon, 11 Jun 2012 09:01:45 PDT

கிழிபடும் இந்திய இறையாண்மை!

noreply@blogger.com (கோவில்பட்டி முத்தால்ராஜ்) — Sat, 09 Jun 2012 20:07:55 PDT

இந்திய பாராளுமன்றம்

இந்திய நாடாளுமன்றத்துக்கு வயது அறுபது. தனது அறுபதாண்டு நிறைவு நாளை அண்மையில் கொண்டாடி மகிழ்ந்திருக்கிறது இந்திய நாடாளுமன்றம். ஒரு நாடாளுமன்றத்தின் முழுமுதற் கடமை, அந்த நாட்டின் இறையாண்மையைப் பாதுகாப்பதுதான். இந்தக் கடமையை இந்திய நாடாளுமன்றம் நிறைவேற்றி வருகிறதா? இந்தக் கேள்விக்கு இன்னொரு நாட்டுப் பாராளுமன்ற நடவடிக்கையோடு ஒப்பிட்டு விடை காண்பதே சரியானதாக இருக்கும். அவ்வாறு விடை காண நாம் வரலாற்றில் ஒரு நூற்றாண்டு காலம் பின்னோக்கி நடைபோட வேண்டும்.

இந்திய விடுதலைப் போராட்டக் காலம். இருபதாம் நூற்றாண்டின் துவக்கம். வெள்ளையருக்கு எதிரான ஆயுதப் போராட்டம் இந்தியாவில் மட்டுமின்றி, இந்தியாவிற்கு வெளியேயும் பல இடங்களில் மையம் கொண்டிருந்தது. அவற்றில் ஒன்றுதான் இலண்டன் இந்தியா ஹவுஸ் மாளிகை. இந்த மாளிகை குஜராத்தைச் சேர்ந்த செல்வந்தர் ஷியாம்ஜி கிருஷ்ண வர்மாவுக்கு சொந்தமானது. சிறந்த நாட்டுப் பற்றாளரான அவர், லண்டனில் தங்கிப் படித்து வந்த, இந்திய விடுதலையில் ஆர்வம் கொண்ட, இந்திய மாணவர்களின் விடுதியாக அதனை மாற்றிவிட்டார். இந்திய மாணவர்களின் விடுதியாக மட்டுமல்லாமல், இந்திய விடுதலைப் போராளிகளின் வேடந்தாங்கலாகவும் அது விளங்கியது. “இந்தியன் லீக்” என்ற புரட்சிகர அமைப்பு அங்கிருந்துதான் செயல்பட்டது. மராட்டிய மாவீரன் வீரசாவர்க்கர், தமிழகத்தின் வ.வே.சு. ஐயர், டி.எஸ்.எஸ்.ராஜன் போன்றோர் அதன் முக்கிய உறுப்பினர்கள்.

அதே காலகட்டத்தில்,1908 ஆம் ஆண்டு வாக்கில், இந்தியாவிலிருந்த இங்கிலாந்து அரசாங்கம், இந்தியத் தலைவர்களைக் கடுந் தண்டனைகளுக்கு உள்ளாக்கியது.

திலகர் பர்மாவுக்கு நாடு கடத்தப்பட்டு மாந்தலேயில் சிறைவைக்கப்பட்டார். வ.உ.சிக்கு நாற்பது ஆண்டு கால சிறைத் தண்டனை. சுப்பிரமணிய சிவாவுக்கு பத்து ஆண்டு சிறைத் தண்டனை. லாலா லஜபதிராய், அஜித்சிங் (பகத் சிங்கின் சித்தப்பா) ஆகியோர் செர்மனிக்கு நாடு கடத்தப்பட்டனர். வீர சாவர்க்கரின் தமையன் கணேஷ் தாமோதர் சாவர்க்கர் அந்தமான் சிறையில் அடைக்கப்பட்டார்.

இவ்வளவுக்கும் காரணம், இங்கிலாந்து நாட்டிலுள்ள, இந்தியாவுக்கான அமைச்சரின் ஆலோசகர் கர்சான் வில்லிதான் என்று முடிவு செய்த “இந்தியா லீக்” அமைப்பினர் அவனுக்கு நாள் குறித்தனர்.

1909 ஆம் ஆண்டு ஜூலை முதல் நாள் இலண்டன் நகரின் மையப் பகுதியில், ஜகாங்கீர் மாளிகையில் ஒரு இசை நிகழ்ச்சிக்கு வந்த கர்சான் வில்லியை, மாவீரன், மதன்லால் திங்கரா நேருக்கு நேர் நின்று சுட்டுக் கொன்றார். அவரைப் பின்னிருந்து இயக்கியவர்கள் இந்தியா லீக் அமைப்பினர். குறிப்பாக வீரசாவர்க்கர் மற்றும் வ.வே.சு.ஐயர், மாவீரன் மதன்லால் யாரையும் காட்டிக் கொடுக்காமல் குற்றத்திற்கான முழுப் பொறுப்பையும் தானே ஏற்றுக்கொண்டு, தன்னந்தனியனாய் 1909 ஆகஸ்ட் மாதம் ஒன்பதாம் நாள் தூக்குக் கயிற்றை முத்தமிட்டார்.

“இந்தியா லீக்” அமைப்பினர் தொடர்ந்து, தடங்கலின்றி செயல்படலாயினர். ஆனால் வீரசாவர்க்கருக்கு சிக்கல் ஒன்று தாய்நாட்டில் இருந்து வேறு வடிவில் வந்தது. வீரசாவர்க்கரின் சகோதரர் தாமோதர் சாவர்க்கரை அந்தமானுக்கு நாடு கடத்திய நாசிக் நகர நீதிபதி ஜாக்சனை பதினெட்டே வயது நிரம்பிய மாவீரன் ஆனந்த் லட்சுமண் கான்கரே 1909 ஆம் ஆண்டு டிசம்பர் 21 ஆம் தேதியன்று நாசிக் நகர நாடக அரங்கில் வைத்துச் சுட்டுக் கொன்றார். இதற்காக ஆனந்த் கான்கரே 1910 ஏப்ரல் 19 அன்று தூக்கிலிடப்பட்டார். அவர் யாரையும் காட்டிக்கொடுக்கவில்லை. ஆனால் அவரோடு கைது செய்யப்பட மற்றொருவன் ஆனந்த் கான்கரே பயன்படுத்திய துப்பாக்கியை அனுப்பித் தந்தது லண்டனில் உள்ள வீர சாவர்க்கர் என காட்டிகொடுத்ததோடு அரசுத் தரப்பு சாட்சியாகவும் மாறிவிட்டான்.

வீர சாவர்க்கர்

உண்மையும் அதுதான். லண்டன் இந்தியா ஹவுசில் தங்கிச் செயல்பட்டு வந்த வீர சாவர்க்கர் வெடிகுண்டு செய்யும் செயல்முறை விளக்கக் குறிப்பையும், இருபது ரிவால்வார்களையும், ரஷ்ய புரட்சி பற்றி விவரிக்கும் அறிக்கைகளையும், மராட்டியத்தில் உள்ள தனது சகோதரர் தாமோதர சாவர்க்கருக்கு முன்னரே அனுப்பி இருந்தார். அவர் அனுப்பிய ரிவால்வார்களில் ஒன்றைத்தான் மாவீரன் கான்கரே பயன்படுத்தி ஜாக்சனை சுட்டுக் கொன்றார்.

வீரசாவர்க்கரை லண்டனில், லண்டன் போலீசார் கைது செய்தனர்.

அவரை லண்டனில் வைத்து விசாரிக்காமல் உடனடியாக இந்தியாவிற்கு அனுப்பி அங்கே வைத்து விசாரிக்க இங்கிலாந்து அரசாங்கம் முடிவு செய்தது. இதற்கு காரணம் இருந்தது. சாவர்க்கர் இங்கிலாந்தில் மட்டும் அல்லாமல், அடிக்கடி ஜெர்மன், பிரான்ஸ் சென்று அங்குள்ள இந்திய புரட்சியாளர்களுடனும் தொடர்பு ஏற்படுத்தி இருந்தார். மேலும் இங்கிலாந்து நாட்டு ஆதிக்கத்தை எதிர்த்துப் போராடிய அயர்லாந்து விடுதலை வீரர்களுடனும் அவர் அதிக நெருக்கம் கொண்டிருந்தார். அந்த அயர்லாந்து வீரர்கள் எப்படியேனும் சாவர்க்கரை லண்டன் போலீசாரிடமிருந்து விடுவிக்க பல வகைகளிலும் முயன்று வந்தனர்.

எனவே 01-07-1910 அன்று எஸ்.எஸ்.மோரியா என்ற கப்பலில் சாவர்க்கரை ஏற்றி இந்தியாவிற்கு இங்கிலாந்து அரசாங்கம் அனுப்பி வைத்தது. அந்தக் கப்பலை எங்கும் நிறுத்தாமல் இந்தியா சென்றுவிட வேண்டும் என்பதே இங்கிலாந்து அரசின் திட்டம். ஆனால் இந்தியா சென்று விசாரனைக்குள் சிக்கி வீணாக உயிரைவிட சாவர்க்கருக்கு விருப்பமில்லை. அதனால் சிறையில் இருந்தபடியே வ.வே.சு.ஐயருடன் ஒரு திட்டம் தீட்டியிருந்தார். அதன்படி எப்படியும் எஸ்.எஸ். மோரியா என்ற அந்தக் கப்பல் பிரான்ஸ் நாட்டின் மர்சேல்ஸ் துறைமுகத்துக்கு வெளியே நின்றுதான் தீரவேண்டும். அப்போது கப்பலில் இருந்து கடலில் குதித்து நீந்தி சாவர்க்கர் பிரான்ஸ் நாட்டுக் கரையை அடைந்துவிட வேண்டும். மர்சேல்ஸ் கடற்கரை சாலையில் காருடன் வ.வே.சு.ஐயர்( மேடம் காமா அம்மையாருடன்) காத்திருந்து சாவர்க்கரை அழைத்துச் சென்றுவிட வேண்டும். திட்டமிட்டபடியே எல்லாம் நடந்தது. ஒன்றைத் தவிர.

1-7-1910 இங்கிலாந்தை விட்டுப் புறப்பட்ட எஸ்.எஸ்.மோரியா கப்பல் சாவர்க்கர் எதிர்பார்த்தபடியே 7-7-1910 அன்று இரவு வேளையில் பிரான்ஸ் நாட்டின் மர்சேல்ஸ் துறைமுகத்துக்குச் சற்று தொலைவில் நங்கூரமிட்டு நிறுத்தப்பட்டது. கப்பலில் ஏற்பட்ட சிறு பழுதைச் சரிசெய்யவும் எண்ணெய் நிரப்பவுமே கப்பல் நிறுத்தப்பட்டது.

அதிகாலையில் ஸ்காட்லாந்து யார்ட் அதிகாரி அனுமதி பெற்று கப்பலின் கழிவறைக்குள் சென்ற சாவர்க்கர், கழிவறையில் இருந்த குறுகிய வட்டமான சாளரத்தின் கண்ணாடியை உடைத்துக் கொண்டு கடலில் குதித்து விட்டார். கண்ணாடித் துண்டுகள் கிழித்து அவரது உடலெங்கும் குருதி வடிய கரையை நோக்கி நீந்தத் தொடங்கினார். அவர் கடலில் குதித்து நீந்துவதைக் கண்டுகொண்ட லண்டன் போலீசார், அவரைச் சுடத் தொடங்கினர். சாவர்க்கர் தலையை உள்ளுக்குள் இழுத்துக் கொண்டு கடலுக்குள்ளேயே நீந்தி கரையை நெருங்கிவிட்டார். லண்டன் போலீசார், ஒரு படகை கப்பலிலிருந்து கடலுக்குள் இறக்கி அதில் ஏறி அவரைத் துரத்தினர். அதற்குள் சாவர்க்கர், கரையேறி சாலையில் ஓடத் தொடங்கினார். அவரைப் படகில் துரத்தி வந்த லண்டன் போலீசாரும், கரையேறி, திருடன் திருடன் என்று கத்திக்கொண்டே அவரைத் துரத்திக் கொண்டு ஓடினார்கள். குருதியும் கடல் நீரும் சொட்டச் சொட்ட ஓடிய சாவர்க்கரை அவருக்கு எதிரே வந்த ஒரு பிரெஞ்சு போலீஸ்காரன், அவரை திருடன் என்று கருதி தடுத்து நிறுத்தி விட்டான். “நான் திருடன் அல்ல. இந்திய விடுதலைக்குப் போராடும் இந்திய அரசியல்வாதி. தஞ்சம் கேட்டு பிரான்ஸ் நாடு வந்திருக்கிறேன். என்னை உனது பிரான்ஸ் நாட்டு அரசின் அனுமதி இன்றி லண்டன் போலீசாரிடம் ஒப்படைப்பது சட்டப்படி தவறு” என்று தனக்குத் தெரிந்த அரைகுறை பிரஞ்சு மொழியில் அவனிடம் வாதாடினார். அதை விளங்கிக் கொள்ளாத அந்தப் பிரெஞ்சு போலீஸ்காரன் சாவர்க்கரை லண்டன் போலீசாரிடம் ஒப்படைத்து விட்டான்.

திட்டமிட்டபடி காருடன் வந்து காத்திருக்க வேண்டிய வ.வே..சு.ஐயரும், காமா அம்மையாரும் மூன்று நிமிடம் தாமதமாக அங்கே வந்து சேர்ந்ததால், சாவர்க்கரை லண்டன் போலீசார் மீண்டும் கப்பலுக்கு அழைத்துச் சென்ற காட்சியை அவர்களால் வேடிக்கை மட்டுமே பார்க்க முடிந்தது. வேதனை மீறி இருவரும் விம்மி அழத் தொடங்கிவிட்டார்கள். விரைவிலேயே வேதனையையும் விம்மலையும் அடக்கிக் கொண்டு அடுத்தகட்ட செயலில் இறங்கினார்கள்.

பிரெஞ்சு மண்ணில் கால் வைத்து விட்ட சாவர்க்கரை லண்டன் போலீசார் கைது செய்தது சர்வதேச நியதிக்குப் புறம்பான அநீதி என்பதைப் பத்திரிகைகள் வாயிலாக உலகறிய அம்பலப்படுத்தினார்கள்.

பாரிசிலிருந்து வெளிவரும் “எல்ஹியூமனிட்டே” என்ற இதழின் ஆசிரியர் ஜீன் லாங்கெட் என்பவர் “பிரெஞ்சு நாட்டின் மர்சேல்ஸ் நகரில் வைத்து சாவர்க்கரை ஆங்கிலேயர் கைது செய்தது, பிரெஞ்சு நாட்டுக்கு இழைக்கப்பட்ட அவமானம்” என எழுதினார். இவர் காரல்மார்க்சின் பேரன் என்பது குறிப்பிடத்தக்கது.

இதே போல பிரான்சின் வேறுபல ஏடுகள் மட்டுமின்றி ஜெர்மனி முதலான பல ஐரோப்பிய நாடுகளின் ஏடுகளும் பிரிட்டனைக் கண்டித்து எழுதின. வலதுசாரி, இடதுசாரி என்ற பேதமின்றி அனைத்து பத்திரிகைகளும், அரசியல் கட்சிகளும் ஒன்று சேர்ந்து சாவர்க்கரை பிரிட்டன் அரசாங்கம் பிரான்சிடம் ஒப்படைக்க வேண்டும் எனத் தீர்மானமே நிறைவேற்றின. சர்வதேச நீதிமன்றத்திற்கு இவ்வழக்குப் போனது. சர்வதேச அரங்கில் அன்று பிரிட்டனுக்கு இருந்த செல்வாக்கு காரணமாக தீர்ப்பு பிரிட்டனுக்குச் சாதகமாக அமைந்தது. சாவர்க்கர் லண்டன் போலீசாரால் இந்தியா கொண்டுசெல்லப் பட்டார்.

ஆனால் பிரான்ஸ் நாட்டு இறையாண்மைக்கு இழைக்கப்பட்ட அவமானமாக இதனைக் கருதிய பிரான்ஸ் நாட்டுப் பாராளுமன்ற உறுப்பினர்கள், இந்த விஷயத்தை விட்டுவிடுவதாக இல்லை. ஆளும் கட்சி, எதிர்க்கட்சி என்ற பேதமின்றி பிரான்ஸ் நாட்டுப் பிரதமரையும் அவரது அமைச்சரவையையும் கடுமையாகச் சாடினார்கள். பல உறுப்பினர்கள் பிரிட்டனுடன் போர் தொடுத்தே ஆக வேண்டும் என வலியுறுத்தினார்கள்.

பிரான்ஸ் பாராளுமன்றம்

பிரான்ஸ் பிரதமர் பிரியான்ட் திணறிப் போனார். மூன்று நாட்கள் குழம்பித் தவித்த அவர், இறுதியில் தெளிந்த மனதுடன் சாவர்க்கர் கைது தொடர்பாக பிரிட்டனால் பிரான்ஸ் நாட்டு இறையாண்மைக்கு இழைக்கப்பட்ட அவமானத்தைத் தடுக்கத் தவறியதற்காகத் தார்மீகப் பொறுப்பேற்று தானும் தன் அமைச்சரவை சகாக்கள் அனைவரும் பதவி விலகுவதாக அறிவித்தார்.

யாருக்காக? ஆறாயிரம் மைல்களுக்கு அப்பால் உள்ள ஒரு அடிமை நாட்டுக் குடிமகனை, அடைக்கலம் என்று தன் நாட்டு மண்ணை வந்து அடைந்தவனை காப்பாற்ற தவறியதை தன்னாட்டு இறையாண்மையையே காக்கத் தவறிய குற்றமாகக் கருதி பிரெஞ்சு பிரதமர் பிரியான்ட் கூண்டோடு பதவி விலகினார். அன்று உலகமே அவர் செயலைப் போற்றியது. (ஆதாரம்: சிவலை இளமதி எழுதிய ‘சரித்திரத்தை மாற்றிய சதி வழக்குகள்’ இரண்டாம் பதிப்பு- அலைகள் வெளியீட்டகம்)

இன்று விடுதலை பெற்ற இந்தியாவில் என்ன நடக்கிறது? இந்திய குடிமக்களான தமிழக மீனவர்களை 1983 ஆம் ஆண்டிலிருந்து இன்றுவரை நமது கடல் எல்லைக்குள் ஏறிவந்து சிங்கள கடற்படை தாக்காத நாளில்லை. இதுவரை ஐநூறுக்கு மேற்பட்ட இந்திய குடிமக்களான தமிழக மீனவர்களை சிங்களர்கள் இந்திய கடல் எல்லைக்குள் புகுந்து சுட்டுக் கொண்டிருக்கிறார்கள். ஆயிரக்கணக்கில் காயப்படுத்தி இருக்கிறார்கள். பல்லாயிரம் கோடி மதிப்புள்ள படகுகள், வலைகள், மீன்களை கொள்ளை யடித்திருக்கிறார்கள். ஆயிரக்கணக்கில் கைது செய்து கொண்டுபோயிருக்கிறார்கள். நூற்றுக் கணக்கான மீனவர்களின் கதி என்னவாயிற்று என்றே தெரியவில்லை. சிங்களனிடம் பிடிபடும் தமிழக மீனவர்கள் படும் சித்திரவதைகளை விவரிக்க வார்த்தைகள் இல்லை. அவர்களை அம்மணமாக்குகிறான். மீனவர் படகுகளிலிருந்த இந்திய தேசியக் கொடியை சிங்களன் பூட்ஸ் கால்களில் நசுக்கி நாசப்படுத்தி “இதைக் கோவணமாகக் கட்டிக் கொள்ளடா இந்திய வேசி மகனே” என தமிழக மீனவர்களை துன்புறுத்துகிறான்.

பல்லாயிரம் தாக்குதல்களை இந்திய கடல் எல்லைக்குள் நமது மீனவர்கள் மீது சிங்கள கடற்படை நடத்தியபோதும் ஒருமுறையேனும் நமது மீனவர்களின் உதவிக்கு இந்திய கடலோர காவல்படை சென்றதே இல்லை. சிங்களன் மீது ஒரு வழக்கு இல்லை. வாய்தா இல்லை.

கீழைக் கடலெங்கும் சிங்கள கடற்படையால் கிழிபடுகிறது இந்திய இறையாண்மை. இந்திய நாடாளுமன்றத்தின் உச்சியில் பட்டொளி வீசிப் பறக்கிறது பாரத மணிக்கொடி.

அன்றே தொல்காப்பியர் சொன்னபடி இரங்கலும் இரங்கல் நிமித்தமுமாய் இன்றும் கழிகிறது எமது நெய்தல் நில மக்களின் அன்றாட வாழ்க்கை. கட்சி வேறுபாடுகளைக் களைந்து, சாதி மத வேறுபாடுகளைத் துறந்து, ஓரணியில் திரண்டு தமிழக மீனவர்களைக் காக்க வேண்டிய தார்மீகக் கடமை தனக்கிருந்தும் வாய்மூடிக் கிடக்கிறது தமிழகம்.

வாழ்க பாரதம்!

நன்றி: www.siragu.com

கணக்கு புதிர் பாகம் - 1

noreply@blogger.com (கோவில்பட்டி முத்தால்ராஜ்) — Sat, 09 Jun 2012 10:27:47 PDT

இது ஒரு கணக்கு புதிர், கீழ்கண்ட நடை முறைகளை, பின் பற்றி கணக்கு செய்தால் விடை "2" மட்டுமே வரும்...

1) ஒரு நம்பரை மனதுக்குள் நினைத்துக் கொள்ளுங்கள்...

2) அதை 3-ஆல் பெருக்கிக் கொள்ளுங்கள்

3) வரும் விடையுடன் 6-யை சேர்த்துக் கொள்ளுங்கள்

4) பின்பு மீதியை 3-ஆல் வகுத்து விடுங்கள்

5) கடைசியில் நீங்கள் மனதில் நினத்த எண்ணால் கழித்தால் எப்பொழுதும் "2" மட்டுமே வரும்

இவைகளும் ஒரு கணக்கு புதிர் தான்...

தமிழ் நாடு அப்டேட்'ஸ்...

noreply@blogger.com (கோவில்பட்டி முத்தால்ராஜ்) — Fri, 08 Jun 2012 07:40:13 PDT

ஜனாதிபதி போட்டியில் கருணாநிதி # கோட்போட்டு, மஞ்சள் துண்டு - சூப்பர்மச்சி இன்னும் என்ன என்ன கொடுமை எல்லாம் பார்கனுமோ???

அரசியலுக்கும் எனக்கும் சம்பந்தமில்லை" - ஸ்டாலின் மகன் பேச்சு! # அப்பிடியா தம்பி டான்ஸுக்கும் உனக்கும் சம்பந்தமில்லைனு மட்டும்தான் நெனச்சோம்

விலையேற்றம் என்பது ஒரு கசப்பான மருத்து தான் ! என்ன செய்வது மக்கள் குடித்து தான் ஆக வேண்டும் ப.சிதம்பரம் . # எலெக்சன் அப்ப சொல்லு பாக்கலாம்

தம்மடிக்கும் காட்சிகளில் நடிக்க மாட்டேன் - உதயநிதி ஸ்டாலின் # அப்படியே டான்ஸ் ஆடும் காட்சிகளையும் சேர்த்துக்கங்க முடியலடா

மும்பை கிரிக்கெட் வாரியத்திடம் நான் மன்னிப்பு கேட்கவில்லை- ஷாருக்கான் பல்டி # அவர் ஹிந்தி கருணாநிதி போல

ப்ரதீபாபாட்டிலை பார்க்கும் போதெல்லாம் யானை மாலை போட்டு பிச்சைக்காரியை ராணியாக்கிய சரஸ்வதி சபத காட்சிதான் மனசுக்குள் விரிகிறது.

ராஷிடிரபதி பவனில், டம்ளர், பாத்திரங்கள் காணாமல் போகக் கூடிய நேரமிது. காவலர்கள் கவனமாக இருக்கவும் # சோனியாவின் வீட்டு வேளைக்காரி (ப்ரதீபாபாட்டில்) ஓய்வு பெறுகிறார்

காம கொடூரனுக்கு தென் கொரியாவில் காயடிக்க முடிவு # நாங்களெல்லாம்... ஆதீனமாக்கி அழகு பார்ப்போம்

பெட்ரோல் விலையை ஏத்தியது கொடுமைனா. # அதுக்கு இந்த அரசியல்வாதிகள் விடுற முதலைக் கண்ணீர் பெருங்கொடுமை இருக்கு

ஒரு பெண் தனக்கு விலை கூறினால் அது விபசாரம் # அதுவே ஒரு விளையாட்டு வீரன் தனக்கு விலை கூறினால் அது IPL

ஊழலை ஒழிக்க சட்டரீதியிலான நடவடிக்கை எடுக்கப்படும்-பிரதமர் அறிவிப்பு # வாயி வேலை செய்யுதான்னு அப்பப்ப எதாவது பேசி செக் பண்ணுறிங்க போல!

காலா காலமாய் பெண்களுக்கு விட்டுக் கொடுக்கும் மனப்பான்மை கொஞ்சமும் இல்லை என்பதற்கு 10th, +2 ரேங்க்கிங் சாட்சி!

சிகப்பு அழகல்ல அது ஒரு நிறம்! # ஆங்கிலம் அறிவல்ல அது ஒரு மொழி! அவ்வளவுதான்

தண்ணி அடிக்கபோன ஆம்பிளையும் # தண்ணி புடிக்க போன பொம்பிளயும் சண்டை போடாம வந்ததா சரித்திரமே இல்ல.

நன்றி: சசிகுமார்

சாவில் கிடைக்கும் வாழ்வு

noreply@blogger.com (கோவில்பட்டி முத்தால்ராஜ்) — Fri, 08 Jun 2012 05:35:22 PDT

அகல் விளக்காக இரு

noreply@blogger.com (கோவில்பட்டி முத்தால்ராஜ்) — Thu, 07 Jun 2012 07:27:32 PDT

அகல் விளக்காக இரு;
அது முடியாவிட்டால் பரவாயில்லை.
சூரியன் மேல் சாணி அடிக்காதே!

பாதை போட
வர மறுத்தாய்; பாதகமில்லை,
பாதையில்
முள்ளையும், கண்ணாடித்
துண்டையும் தேடாதே.

சத்தியத்தின்
பாதவிலங்கை உடைத்தெறிய
முடியவில்லையா?
சங்கடப்படாதே!
பொய்யின் உதட்டுக்கு
புன்னகை தயாரிக்க
உலகை உருக்காதே!

அறத்திற்கு ஆதரவாகப்
பேசத்தவறினாய்;
அது குற்றமில்லை.
ஊளையிட்டபடி
ஓடி வராமல் உன் வார்தைகளைச்
சங்கிலியால்
கட்டிபோடக் கூடாதா?

கொடுமைக்கு எதிராக
இரத்த முழக்கம் செய்!
முடியவில்லையா?
தப்பில்லை.
அநியாங்களின்
படுக்கை அறைக்கு
ஆள் அனுப்பும் வேலை உனக்கு
நல்லதா?

மகத்தான
மானுட இசை பெருக்கில்
உன் குரலை சங்கமிக்கச் செய்!.
ஒப்பவில்லையா?
ஒதுங்கிக் கொள்.
ஒளிந்திருந்து
அபஸ்வரங்களை விட்டெறிந்து
காயங்களைக் கண்டு
கை கொட்டிச் சிரிக்காதே!

மாறாக...

குயிலோடு
உனக்குக் கோபம் என்பதால்
கழுதையிடமா போய்ச்
சங்கீதம் கேட்பாய்?

புலியோடு
முற்றிவிட்டது பகை என்றால்
போராடு! அதை விட்டு விட்டு
ஓடிப்போய்
நரியிடம் நட்புக் கொள்ளாதே.

கடலிடம்
ஒறு முறை தோற்றால்
மறு முறையும் மோது.
ஒடைகளோடு சேர்ந்துகொண்டு
அறிக்கை விடாதே!

நீ உயர முடியவில்லை
என்பதற்காக மலை மீது
கற்களை விட்டெறியாதே!

மற்றவர்களின்
மகுடங்களை மட்டம் தட்டக்
குப்பைக் கூடையைச்
சூட்டிக் கொள்ளாதே
உன் தலையில்.

உனக்கும்
உண்மைக்கும் ஊடல் என்றால்
பொய்யின் கன்னத்திலா
போய் முத்தமிட்டுக் கொண்டிருப்பாய்?

வாழ்க்கை உனக்கு
அறைகூவல் விட்டால் நீயே சமாளி!
சாவிடம் போய்
யோசனை கேட்காதே!

-ஈரோடு தமிழன்பன்

விடுகதைகள் பாகம் - 2

noreply@blogger.com (கோவில்பட்டி முத்தால்ராஜ்) — Wed, 13 Jun 2012 07:36:37 PDT

(விடுகதைகள் பாகம் - 1 வாசிக்க இங்கே சொடுக்கவும்)

1) அவன் நிறம் நீலம், அவன் எல்லை நெடுந்தூரம், அது எது?

2) ஆடி, ஆடி நடப்பான். அரங்கதிர நடப்பான் அவன் யார்?

3) ஆவணி பிறப்பது எதனால்? நாடகம் முடிவது எதனால்?

4) ஆண்டுதோறும் வரும் வரி. அடுத்தடுத்து வரும் வரி அது என்ன?

5) உயிரோடு இருந்தால் சிவப்பு இறந்ததும் கறுப்பு அது என்ன?

6) ஒட்டுத் திண்ணையில் பட்டுப் பாவாடை அது என்ன?

7) வேலியைச் சுற்றி நீலிப் பாம்பு அது என்ன?

8) வண்ண நிலா விண்ணிலே, மலர்ந்திடுவாள் மண்ணிலே அது என்ன?

9) வெட்ட வெட்ட முளைக்குது தைலமெல்லாம் கேட்குது அது என்ன?

10) முப்பத்திரண்டு காவலாளி நடுவில் ஒரு சின்னப்பெண் அது யார்?

11) மூடாத தொட்டியில் எடுக்க எடுக்க நீர் அது என்ன?

12) போன ரயில் திரும்ப வராது அது என்ன?

13) மறப்புடன் வந்தது; இறப்புடன் நிற்கும் அது என்ன?

14) பரந்த காட்டேரிக்குப் பக்கமெல்லாம் சடை அது என்ன?

15) பகலில் தங்கத்தட்டு, இரவில் வெள்ளித்தட்டு அவை என்ன?

16) நேற்று பிறந்தவன், இன்று கட்டுகிறான் அது என்ன?

17) நாக்கு இல்லாதவன், நல்லது சொல்வான் அவன் யார்?

18) நெட்டி இல்லாத வட்ட இலை அது என்ன?

19) ஒரு எழுத்து எழுத உதவும் அது என்ன?

20) ஒற்றைக்கால் மனிதனுக்கு எட்டுக்கை. அது என்ன?

விடைகள்:-

1) கடல் 2)யானை 3)ஆடி முடிவதால் 4)ஜனவரி, பிப்ரவரி 5)நெருப்பு 6)தோடு 7)அரைஞாண் 8)அல்லிப்பூ 9)தலைமுடி 10)பற்கள், நாக்கு 11)கிணறு 12)உயிர் 13)மூச்சு 14)ஆலமரம் 15)சூரியன், சந்திரன் 16)ஊசி 17)புத்தகம் 18)அப்பளம் 19)கை 20)குடை

(விடுகதைகள் பாகம் - 3 வாசிக்க இங்கே சொடுக்கவும்)

அப்பிடியேவா...?

noreply@blogger.com (கோவில்பட்டி முத்தால்ராஜ்) — Tue, 05 Jun 2012 08:41:31 PDT

போலிக் குருமார்கள்

noreply@blogger.com (கோவில்பட்டி முத்தால்ராஜ்) — Tue, 05 Jun 2012 07:41:46 PDT

ரெண்டு பொண்டாட்டி காரர்

noreply@blogger.com (கோவில்பட்டி முத்தால்ராஜ்) — Mon, 04 Jun 2012 08:51:25 PDT

‘பாசமு’ம் ‘நேசமு’ம்

noreply@blogger.com (கோவில்பட்டி முத்தால்ராஜ்) — Mon, 04 Jun 2012 08:01:08 PDT

கொள்கைவேறு குணம்வேறு

noreply@blogger.com (கோவில்பட்டி முத்தால்ராஜ்) — Sun, 03 Jun 2012 08:13:02 PDT

விடுகதைகள் பாகம் - 1

noreply@blogger.com (கோவில்பட்டி முத்தால்ராஜ்) — Fri, 08 Jun 2012 22:13:29 PDT

1) விடிய, விடிய பூந்தோட்டம் விடிந்து பார்த்தால் வெறுந்தோட்டம்

2) சித்தூர் சிறு மணலிலே காய்க்கும் கத்தரிக்காய் கூட்டிப் பார்த்தால் கொம்புக்கு முப்பது காய் அது என்ன?

3) அத்துவானக் காட்டுக்குள்ளே குடை பிடிக்கிறார். அவர் யார்?

4) பாய் சுருட்டவும் முடியாது, பாக்கு எண்ணவும் முடியாது. அது என்ன?

5) காட்டிலே இருக்கும் குடை, வீட்டில் இல்லாத குடை அது என்ன?

6) கிண்ணத்து நிறையத் தண்ணீர் இருக்கு, குருவி குடிக்க வழியில்லை அது என்ன?

7) இரத்தத்தில் வளர்வது ஆனால், இரத்தம் இல்லாதது அது என்ன?

8) பற்கள் பல உண்டு ஆனால், கடிக்கத் தெரியாது அது என்ன?

9) தண்ணீரில் நீந்தி வரும், தரையில் தாண்டி வரும் அது என்ன?

10) ஆடையில்லாத கறுப்பழகி, ஆடிச் சுழன்று பாடுகிறாள் அவள் யார்?

11) வெட்டிக் கூறு படுத்தி வைக்கிறார்களே தவிர எவரும் தின்பதில்லை அது என்ன?

12) மூன்று நிறக் கிளிகளாம் கூண்டில் போனால் ஒரு நிறம் அது என்ன?

13) அடித்தால் விலகாது அணைத்தால் நிற்காது அது என்ன?

14) எண்ண, எண்ண எண்ணும் போது காசுகளோ... அது எது?

15) குளம்படிச் சத்தக்காரன் போருக்கு கெட்டிக்காரன். அவன் யார்?

16) பச்சையாய் விரிச்சிருக்கு, பருவம் கழிந்தால் மணிகள் குவியும். அது என்ன?

17) நீரில் உள்ள கல் எது?

18) தாளமில்லாத ஆட்டம், தாய்மார்கள் விரும்பாத ஆட்டம் அது எது?

19) கேடயமுள்ள வீரனுக்கு வாள் இல்லை அவன் யார்?

20) ஊசி போல் இருப்பான், ஊரையே எரிப்பான் அவன் யார்?

விடைகள்:

1) நட்சத்திரங்கள் 2) காப்பிச் செடி 3) காளான் 4) வானம், நட்சத்திரம் 5) காளான் 6) இளநீர் 7) நகம் 8) சீப்பு 9) தவளை 10) இசைத்தட்டு 11) சீட்டுக்கட்டு 12) தாம்பூலம் 13) தண்ணீர் 14) தந்தி 15) குதிரை 16) நெற்கதிர் 17) கலங்கள் 18)சூதாட்டம் 19) ஆமை 20) தீக்குச்சி

(விடுகதைகள் பாகம் - 2, வாசிக்க இங்கே சொடுக்கவும்.)