Sindhuli Darpan

सिन्धुलीमा कामै नगरी रकम माग

2013-06-19T14:40:00.000+05:30

मिनकुमार दाहाल,

सिन्धुली,असार ५ ।
जलकन्या गाँउ विकास समितीको जयमान पोखरी निर्माण गर्न गाविसले छुट्याएको २ लाख १२ हजार रुपैयाँ स्थानिय उपभोक्ताले कामै नगरी योजना सम्पन्न भएको विल पेश गरेको जिल्ला विकास समितीका लेखा अधिकृत पदमवहादुर कार्कीले वताउनुभयो ।
रकम भुक्तानीको लाखी समितीका पदाधिकारीले दुई पटक भुक्तानीको माग गर्दै जिल्ला विकास आएको लेखा अधिकृत कार्कीले वताउनुभयो । उपोक्ता समितीले काम नगरेको जानकारी पछि सो योजना हेर्न जिल्ला विकास समितीका लेखा अधिकृत सहितको एक टोली मंगलवार चपौलीको जयमान पोखरी पुगेको थियो । कमै नगरी भुक्तानी माग्ने समितीलाई कारवाही गरिने खेता अधिकृत कार्कीले वताउनुभयो ।

जलकन्या गाँउ विकास समितीको खाता जिल्ला विकास समितीका लेखा अधिकृत पदवहादुर कार्की र गाविस सचिव विष्णु भण्डारीको संयुक्त दस्तखतमा संचालित छ । स्थानिय निकायमा निर्वाचित जन प्रतिनिधी नभएको कारण नेपाल सरकारले गाविस सचिव र जिल्ला विकास समितीका अधिकृत कर्मचारीहरुको संयुक्त दस्तखतवाट गाविसको खाता संचालन हुँदै आएको छ ।
जलकन्या गाविसका सचिव विष्णु भण्डारीले गाविसका प्राविधिक सहायक विरन्द्र देवकोटाले काम सम्पन्न भएको प्रतिवेदन दिए पछि जयमान पोखरी निर्माण समितीलाई रकम दिन प्रकृया अगाडी वढाएको वताए । प्राविधिकले हेरेर सिफारिस गरेका होलान भन्ने लाग्यो भण्डारीले भने । कामै नगरी रकम दिन प्राविधिकले सिफारिस गरे छन् झण्डै फसिएन । लेखा अधिकृतले सो योजना हेर्न पठाए पछि मलाई थाहा भयो पोखरीको काम भएको रहेन छ सचिव भण्डारी भन्नुहुन्छ । गाविस प्राविधिक सहायक देवकोटा अनुगमन टोलीको सम्पर्कमा आएनन ।
उपभोक्ता समितीका अध्यक्ष गोपाल विकले पोखरी निर्माणको प्रकृया सुरु नभएको अनुगमन टोलीलाई वताए । विक भन्छन् काम नगरेको योजनालाई सम्पन्न भयो भनेर कस्ले कार्यालयमा कागज पेश गरे मलाई थाहा छैन । लामो समय खाडी मुलुक वसेर आएका विक अहिले रोजगारीको लागी काठमाडौंमा वस्ने गरेका छन् । मलाई उपभोक्ता समितीको अध्यक्षमा राखी दिएका मात्रै हुन । म घर वस्दिन, यो योजनाको वारेमा आफु अनविज्ञ भएको अध्यक्ष विकले वताउनुहुन्छ ।
लेखा अधिकृत कार्कीको अनुगमन टोलीमा जयमान पोखरीमा पुननिर्माणको योजना हेर्न गएका एकिकृत नेकपा माओवादी नेता गणेश वुढाथोकीले उपभोक्ता समितीले पोखरी निर्माणको काम लागी एक चपरी माटो पनि नखनेको वताउनुभयो ।

एसएलसी दिएका सिन्धुलीका चार विद्यार्थीको नतिजा गायव

2013-06-19T14:38:00.002+05:30

मिनकुमार दाहाल,

सिन्धुली,असार ५ ।
परिक्षा नियन्त्रण कार्यालयले सानोथिमीले प्रकाशन गरेको एसएलसी परिक्षाको नतिजामा सिन्धुलीको एकै विद्यालयका चार जना विद्यार्थीको सिम्वल नम्वर गायव भएको छ । कमलामाई नगरपालीका–१६ को प्रगतिशिल मावी धामीडुरियाका चार जना एक्जाम्टेड विद्यार्थीले एसएसली परिक्षा दिएका थिए । चारै जना विद्यार्थीको सिम्वल नम्वर उत्र्तिण वा अनुर्तिण दुवै थाहा हुन नसकिएको अभिभवकहरुले वताएका छन् ।

एक्जाम्टेड एसएलसी परिक्षामा सहभागी भएका यमकुमारी रायको सिम्वल नम्वर ११९०३० एल , मेनुकाकुमारी चौहानको ११९०६२७ आई ,राजकुमार कार्कीको ११९०६२८ जे र सुजन खड्काको ११९०६२९ के रहेको छ । जिल्ला शिक्षा अधिकारी चन्द्रप्रसाद लुईटेलले उनीहरुले परिक्षाको फारम समयमा नभरेको कारणले गर्दा परिक्षाको नतिजा रोकीएको हुन सक्ने वताउनुभयो ।

जिल्ला कारागार सिन्धुलीमा कैदीवन्दीद्धारा आन्दोलन

2013-06-16T18:48:00.001+05:30

चिना थापा,सिन्धुली,असार २ ।

सिन्धुली जिल्ला कारागारका कैदीवन्दीहरु विभिन्न मागहरु राखेर आन्दोलनमा उत्रेका छन् । आईतवार कारागारको मूलगेट अगाडि शम्भु चौधरी मूल नाईके मुर्दावाद, चौकीदार निरञ्जन खनाल मुर्दावाद, हाम्रो ज्यानको सुरक्षा गर, शोषण गर्न पाईदैन जस्ता नारा लगाएका छन् । विहान ७ वजेदेखि नारा लगाउँदा पनि प्रशासनले वेवास्ता गरेको कैदीवन्दीको गुनासो छ ।

आफ्नो माग पुरा नभएसम्म आन्दोलन जारी राख्ने उनीहरुले वताएका छन् । नाइके र चौकीदारले शोषण गरेको भन्दै नाइके चौकीदारलाई हटाउनुपर्ने उनीहरुको माग छ । ५ हजारको दाउरा ल्याएर ९ हजार लिे गरेनको, महिनै पिच्छे मेशको कमिशन उठाउने गरेको र मान्छे लगाएर कुठाउने गरेको उनीहरुको आरोप छ । मान्छे लगाएर इन्द्र वहादुर भोलनलाई कुटाएको कैदी राजु दनुवारले जानकारी दिए ।

पटक पटक मान्छे लगाएर कुटाउने प्रयास गरेको भन्दै आफुहरुको ज्यानको सुरक्षा हुनुपर्ने दनुवारले वताए । उनीहरु दुई जनालाई कानुनी कार्वाही हुनुपर्ने उनको भनाई छ । सिन्धुली कारागारमा ८८ जना कैदीवन्दी छन् भने त्यसमा १० जना महिला रहेका छन् । जिल्ला कारागार सिन्धुलीमा यस्ता आन्दोलनहरु अहिले मात्र भएको हैन् ,पटक पटक हुने गरेको छ ।

एमाले नेता ईश्वर पोखरेलले सिन्धुलीमा यसो भने

2013-06-14T20:38:00.001+05:30

चिना थापा,सिन्धुली,जेठ ३१ ।

नेकपा एमालेका महासचिव ईश्वर पोख्रलेले नेकपा माओवादीले निवार्चनको कुरा गरे पनि मनदेदी नै निवार्चनको पक्षमा नरहेको वताए । आज सिन्धुलीमाढी भएको नेकपा एमाले सिन्धुलीले छैठौं जिल्ला अधिवेशन उट्घाटन कार्यक्रमलाई सम्वोधन गर्दै पोखरेलले चुनावको मिती तोकेपनि चुनाव हुने या नहुनेमा अन्यौल रहेको वताए । कार्यक्रमका प्रमुख अतिथि समेत रहनुभएका महासचिव पोखरेलले संविधान सभाको चुनाव तोकिरहदा विगतका दिनमा संविधानसभा किन विघटन भयो र किन संविधान बनाउन सकिएन भन्ने कुरा जनतालाई प्रष्ट पार्नु पर्ने वताए ।

एनेकपा माओवादीले हिजो जनता लाई अनेकन त्रास र आश देखाएर भ्रम फैलाएको भन्दै त्यो आश अहिले पानीको फोका जस्तै फुटिसकेको वताए । उनले निवार्चनमा जानु वाहेक अरु केही विकल्प नभएको वताउँदै निवार्चन स्वच्छ तरिकाले हुनुपर्ने वताए । आईतवारे, शुक्रवारे पार्टी भई भन्दैमा संविधान सभाको निवार्चनमा उठ्न नपाईने उनको धारणा थियो ।

उनले आगामी वन्ने संविधान जनताको र लोकतान्त्रिक संविधान वन्नुपर्ने उनको भनाई थियो । अधिवेशन सफलताको कामना गर्दै पोख्रेलले एमालले पनि कहि कतै कमिकमजोरी गरेको छ भने सच्चीएर अघि बढ्ने दृढ संकल्प गर्नुपर्ने वताए । यो देशलाई सहि बाटोमा लानका लागि नेकपा एमालेको नेतृत्वको खाँचो औल्याउँदै त्यसकालागि सबैले सहयोग गर्नु पर्ने वताए । उनले माओवादीले वाईसियलको नाममा १९ अरव ७५ करोड भ्रष्टाचार गरेको आरोप लगाए । महासचिव पोखरेलले ४ महिनामा विभिन्न पार्टीवाट नेकपा एमालेमा २८ हजार भन्दा वढी प्रवेश गरेको वताउँदै अव हुने संविधान सभाको चुनावमा नेकपा एमालेले वहुमत ल्याउने वताए ।

नयाँ संविधान, राजनैतिक स्थायित्व र आर्थिक विकासका लागि हाम्रो भियान,यथास्थिति,अराजकता र विखण्डनका विरुद्ध शसक्त पार्टी निर्माणका लागि छैठौं जिल्ला अधिवेशन भन्ने मूल नाराका साथ सिन्धुलीमाढीमा सुरु भएको एमालेको जिल्ला अधिवेशन उद्घाटन कार्यक्रममा जनकपूर अन्चल इन्चार्ज केशवप्रसाद देवकोटा, राष्ट्रिय प्रतिनीधि परिष्द् केन्द्रिय अध्यक्ष शिद्धिलाल सिंह,राष्ट्रिय प्रतिनीधि परिष्द् केन्द्रिय सल्लाहाकार गोमा देवकोटा, बैकल्पिक केन्द्रिय सदस्य विषमलाल अधिकारी दनुवार, बैकल्पिक केन्द्रिय सदस्य श्रीप्रसाद शाह, वागमती अञ्चल समन्वय समितिका सदस्य कैलास ढुङगेल, जिल्ला कमिटी सदस्य मनोज देवकोटा, नेकपा एमालेका रकमेछाप जिल्ला अध्यक्ष शान्तिप्रसाद पौडेल,, काभ्रे जिल्ला अध्यक्ष गोकुल वास्तोला लगाएतले सिन्धुली अधिवेशन सफलताको शुभाकाना व्यक्त गरेका थिए । कार्यक्रममा सहभागिहरुलाई नेकपा एमालेका उपाध्यक्ष लक्षुमण कार्कीले स्वागत गर्नुभएको थियो ।

कार्यक्रममा विभिन्न पार्टी परित्याग गरी १ सय ४० जना भन्दा वढी नेकपा एमालेमा प्रवेश गरेका छन् । नेकपा एमाले सिन्धुलीका अध्यक्ष कमलजंग राईको अध्यक्षतामा भएको उद्घाटन कार्यक्रममा मधु गरुङ लगायतका कलाकारहरुद्धारा नृत्य तथा सांगितक प्रस्तुतिहरु पनि प्रस्तुत गरेका थिए ।

अधिवेशन सफल पार्नका लागि एमाले निकट हजारौं कार्यकर्ताहरु गाउँ गाउँ बाट आज सिन्धुलीमाढी उत्रिएका थिए भने भण्डै ६ सय अधिवेशन प्रतिनीधिहरु सिन्धुलीमाढीमा भेला भएका छन् । अधिवेशनको बन्दसत्र राति ९ वजेदेखि सुरु हुने नेकपा एमाले सिन्धुलीले जनाएको छ ।

सिन्धुलीमा भाषाविद् अमृत योञ्जनले यसो भने

2013-06-13T20:32:00.000+05:30

सिन्धुली , जेठ ३० ।
भाषाविद् अमृत योञ्जन तामाङले मातृभाषा जातीय पहिचानको महत्वपूर्ण भएकाले मातृभाषालाई जोगाउनुपर्ने वताएका छन् । बुधबार सिन्धुलीमाढीमा भएको बहुभाषिक शिक्षा नीति कार्यान्वयनका चुनौतीहरु विषयक अन्तक्र्रिया कार्यक्रममा धानणा राख्दै भाषाविद् योन्जनले मातृभाषा समुदायका बालबालीकाका लागी नेपाल सरकारले बहुभाषिक शिक्षाको अवधारणा विकास भएको बताए ।
कार्यक्रम तामाङ भाषाको सस्था प्राङ्बोला छार न्हान सिन्धुलीको आयोजनामा भएको हो । कार्यक्रममा सस्थाका अध्यक्ष काजीमान थिङ र सिन्धुलीका जिल्ला शिक्षा अधिकारी चन्द्रप्रसाद लुँइटेलले कार्यपत्र प्रस्तुत गरेका थिए । अध्यक्ष थिङद्वारा प्रस्तुत कार्यपत्रमा तामाङ व्याकरणमा शोधपत्र तयार पारेका शिक्षक मोहन गौतम र शिक्षा अधिकारी लुँइटेलद्वारा प्रस्तुत कार्यपत्रमाथि नेपाल आदिवासी जनजाति महासंघ सिन्धुलीका सल्लाहकार बुद्धिजीवि सोवितकुमार स्याङ्तानले टिप्पणी गरेका थिए ।
अन्तक्र्रिया आदिवासी जनजाति जिल्ला समन्वय समिति, जिविस सिन्धुली र प्लान नेपाल सिन्धुली कार्यक्रम इकाईको सहगोगमा भएको हो । अन्तक्र्रियासँगै तामाङ मातृभाषी शिक्षकहरुका लागि शैक्षिका जनशक्ति विकास केन्द्र धनुषाको सहयोगमा १० दिने शिक्षकरूको पेशागत क्षमता विकास तालिमको टिपिडीको समेत उद्घाटन गरिएको छ । कार्यक्रममा स्थानिय विकास अधिकारी धे्रव वहादुर खड्का, प्लान नेपाल सिन्धुलीका शिक्षा संयोजक आत्माराम भट्टरार्ई, एकिकृत माओवादीका राजन दाहाल नेकपा माओवादीका ढकप्रसाद देवकोटा नेपाली कांग्रेसका खड्गबहादुर वाईवा लगाएतले मन्तव्य राख्नुभएको थियो । कार्यक्रममा १० दिनसम्म सञ्चालन हुने टिपिडी तालिममा तामाङ बालबालीका बहुल्यता रहेका ५० विद्यालयबाट ५० जना शिक्षकहरूको सहभागीता रहने प्राङ्बोला छार न्हान, सिन्धुलीले जनाए ।

यस्तो छ सिन्धुलीको एसएलसी नालिबेली

2013-06-12T20:06:00.002+05:30

चिना थापा,

सिन्धुली,जेठ २९ ।

यस वर्षको एसएलसी परीक्षामा सिन्धुलीमा न्यून नतिजा आएको छ । सिन्धुलीमा यो वर्ष ३२.३७ प्रतिशत परीक्षार्थी मात्र उत्तीर्ण भएका छन् । गएको वर्ष ५९ प्रतिशत परीक्षार्थी उत्तीर्ण भएका थिए । गत वर्षको तुलनामा यस वर्ष २७.६३ प्रतिशतले कमी आएको छ । जिल्लामा नियमित र ईग्जामटेड गरेर कुल ५ हजार १ सय ८३ जना परीक्षार्थी मध्ये १ हजार ६ सय ७८ जना मात्र उतिर्ण भएका थिए ।

सिन्धुलीमा ८० जना विशिष्ट श्रेणिमा, ५ सय २५ जना प्रथम श्रेणीमा, ९ सय ९६ जना द्वितीय श्रेणीमा र ७६ जना तृतिय श्रेणीमा उत्तीर्ण भएका छन् । त्यस्तै सिन्धुलीमा यो वर्ष ५ वटा विद्यालय निल भएका छन् । यी विद्यालयले परीक्षामा सहभागी मध्ये एक जनापनि उत्तीर्ण भएनन् । १ सय ११ विद्यालयमध्ये ५ विद्यालयले एक जना पनि विद्यार्थी उत्तिर्ण गराउन नसकेको जिल्ला शिक्षा कार्यालय सिन्धुलीले जनाएको छ । निल जाने विद्यालयहरुमा वेलघारीको कमला मावि छरछरे, रानीचुरीको मावि टंसार, मावि भिरगाउँ, उमावि गडौली र उमावि कमला ढेङ्ग्रेवासको खुल्ला तर्फको रहेको जिल्ला शिक्षा कार्यालय सिन्धुलीका जिल्ला शिक्षा अधिकारी चन्द्र प्रसाद लुईटेलले जानकारी दिए ।

जिल्ला शिक्षा कार्यालय सिन्धुलीका अनुसार सिन्धुलीका एउटा सामुदायिक विद्यालय र ६ वटा वोडिङ स्कूल गरी ७ वटाले शतप्रतिशत विद्यार्थी उर्तिण गराउन सफल भएका छन् । शतप्रतिशत उर्तिण गराउने विद्यालयहरु देवीस्थान मावि सामुदायिक विद्यालय वालुवा दुम्जा रहेको छ भने वोर्डिङहरुमा भगवती आवासीय वोर्डिङ, सूर्याेदय वोर्डिङ, सिद्धस्थली वोर्डिङ, न्यू सिद्धस्थली वोर्डिङ, विद्याश्रम वोर्डिङ र लिटिल प्लावर वोर्डिङ भिमान रहेका छन् । जिल्ला प्रथम, द्धितृय र तृतिय को भयो भनेर थाहा पाउन नसकिएको लुईटेलले वताउनुभयो । त्यस्तै सिन्धुलीको उमावि लदाभिरबाट एसएलसिमा सहभागी भएका दुईजना दृष्टिविहिनहरु राम औतार मण्डल र राकेश ठाकुर दोश्रो श्रेणीमा उत्तिर्ण हुनुभएको छ । उहाँ क्रमशः ५८ र ५६ प्रतिशत अंक ल्याई उतीर्ण हुनु भएको स्थानीय प्रदिप देवकोटाले जानकारी दिनुभयो ।

विद्यार्थीहरुले मेहनत नगरेका कारणले सिन्धुलीको नतिजा कम आएको जिल्ला शिक्षा कार्यालय सिन्धुलीका जिल्ला शिक्षा अधिकारी चन्द्र प्रसाद लुईटेलले वताउनुभयो । अभिवाकहरुले पनि आफ्ना वालवालिकाहरुलाई वेवास्था गरेको र वालवालिकाको पढाई प्रति जिम्मेवार नभएको उहाँको भनाई छ । विद्यार्थीको तयारी र परिक्षाको वातावरण विद्यार्थीसँग नमिलेकाले गर्दा उर्तिण प्रतिशत कम आएको लुईटेलको धारणा थियो । यस वर्ष देशभरका गरी ४१ दशमलव ५७ प्रतिशत विद्यार्थी उत्तीर्ण भएका छन् ।

सजिलै एसएलसीको नतिजा थाहा पाउनको लागी

2013-06-11T17:28:00.002+05:30

दिईएको लिकंमा क्लिक गर्नुस् ।

1) Link1: SLC Result 2069 Regular .pdf
Link2: SLC Result 2069 Regular .txt

2) Link1: SLC Result 2069 Exempted .pdf
Link2: SLC Result 2069 Exempted .txt

क्लिक गरिसकेपछि ~
कन्ट्रोल एफ (Ctrl + F) गर्दै आफ्नो नम्वर राखेर सजिलै नजिता थाहा पाउनुस् ।

"शुट" असार २१ देखी देशभरका हलहरुमा

2013-06-10T15:59:00.000+05:30

काठमाण्डौ,जेठ २७ ।

नेपाली "शुट" असार असारको तेश्रो हप्तादेखी नेपालभरका हलमा लाग्ने भएको छ । सिन्धुलीका विश्वदिप घिमिरेले निर्देशन गर्नुभएको चलचित्र "शुट" असार २१ गतेदेखी सिन्धुलीको लगायत ३४ हलहरुमा एकै साथ लाग्ने निर्देशक घिमिरेले सिन्धुली दर्पणलाई जानकारी दिनुभयो । भैतिक शुटभन्दा बौद्धिक सुट कैयौ गुणा शक्तिशाली हुन्छ भन्ने भावलाई समेटेर वनाईएको चलचित्र शुट (फायर दि माईन्ड) को लेखन पनी घिमिरेनै गर्नुभएको हो ।

चलचत्रिमा दिनेशजंग खड्का, नीता पोखरेल, दीपक क्षेत्री, सुभाष गजुरेल, रामचन्द्र अधिकारी, सुरज रानभाट, विशाल केसी, दक्षिण थापा, रञ्जिता लिम्बू, जिएस पाण्डे, उपदेश तिमिल्सिना लगायतका कलाकारको अभिनय रहेको छ । यो सिनेमालाई एम आलेले छायाँकन गरेका हुन् । चलचित्रमा वनचुन चेम्जोङको द्वन्द्व, सरोज-राजु एवम् भोजराज प्रसाईंको सङ्गीत तथा अच्युत घिमिरे नृत्य रहेको छ । चलचित्रलाई अनुष्का खड्का र रिता केसीले निर्माण गरेका हुन् ।

बलात्कृत भएर गाउँ निकाला भएकी सिन्धुलीकी चेलीको अपिल

2013-06-10T11:29:00.000+05:30

बाख्रो गोठमा सुतिरहेको बेला जबरजस्ति गरे, त्यसपछि गाँऊ निकाला भए, अहिले बाच्नु न मर्नु भएको २३ बर्षिय सबिना पुलामीलाई आफन्त पर्ने रामबहादुर पुलामिले घरबाट अलि टाढाको बाख्रोगोठमा सुतिरहेको ठाँउमा जवरजस्तिकरणी गरेका हुन् । गाँउलले निकाला गरेपछि राम बहादुर पुलामीले काठमाण्डौको एउटा गल्ली भित्रको कोठामा लगेर छाडी दियो, आफन्त भन्नेहरुले घर पठाउने नाममा अन्यत्र कतै पठाए । कहिले काठमाण्डौ, कहिले पोखरा, कहिले सर्लाही त कहिले सिन्धुली यो जीवन देखि विरक्त भईसके आत्महत्या गरौँ भने यो सानी छोरीको मायाले सक्दीन, नगरौँ जीवन चलाउने उपाय केही छैन ।

३९ इन्च उचाई भएकि सिन्धुली जिनाखु गाउँ विकास समिति वडानं. ५ सिन्कउलेकि सबिना सामान्य हिडहहुल मात्रै गर्न सक्छिन् । आफुमाथी जबरजस्ति करणी भएकि सबिनाले नौ महिनो यउटी छोरीको जन्म दिईन् । के थाहा असक्त जीवन वाँची रहेकी यीनको त्यही एक रात भएको ज्यादतीले सम्पुर्ण समाजवाट तिरस्कृत र यो विधिको कष्ट साध्य हुन्छ भनेर । सबिनाका अरु चार दिदी वहिनी पनि छन्, उनी साहिली हुन् । वाल्यवस्था देखि उनको सारिरिक वृद्धी असाध्ययी न्युन भयो । दुःखजिलो गरेर गुजारा गरी रहेको उनको परिवारले सके सम्रु म उनलाई माया गरेरै पाल्यो । विद्यालय जाने उमेर भयो तर सामान्य मात्र हिँड्ने उनलाई टाडाको विद्यालय जान समस्या भयो र जान सकिनन् । उमेर वढदै गयो उनको काम वाख्राले वाली खायो की हेर्ने र घरवाट आधाघण्टा टाडा रहेको वाख्रा गोठ रुङ्गने काम उनको हुन थाल्यो । यस्तैमा एक रात उनि वसी रहेको गोठमा भदाहा पर्ने रामवहादुर पुलामी आयो र जवर जस्ती करणी ग¥यो । त्यही जवस्जती करणीको परिणम सविनाले छोरी जन्माईन् । छोरी जन्मीना साथ गाउँले जम्मा भएर केरकार गरे ।
हाड्नातामा पर्ने भन्दै उनिहरुलाई गाउँ निकाला गरियो । रामवहादुरले छोरी र सविनालाई डोकोमा वोकेर दुधौली ल्यायो र काठमाण्डौ लिएर गयो । काठमाण्डौ लगेको १० दिन पछी नै रामवहादुर वेपत्ता भयो ।

घर परिवारमा सामान्य जीवन वाँची रहेकी सविना नौ महिना अघी गाउँ निकाला भईन् । आज उनकी छोरी पनि नौ महिनाको पुगिन् । अहिले सविनाकी छोरी श्रृष्टी विस्तारै हिँडन थालेकी छिन् । उनलाई आफ्नै छोरी स्याहार्न पनि हम्मे हम्मे परेको छ । खुवाउन प्याउन पनि समस्या छ । कहिले कस्को कहिले कस्को घरम फिरन्ते जीवन वाँच्न विवश छिन् । उहिले उनलाई कमलामाई ६ अंधेरी स्थित प्रगतीशिल महिला कृषी सहकारी संस्थाका महिलाहरुले सहयोगी भुमिका निर्वाह गरी रहेका छन् । त्यसमा आवद्ध महिलाहरुले दुइ दिन चार दिनका दरले पालै पालो पाली रहेकाछन् । यो हर्दा लाग्छ सविनाको जीवन यहीरुपमा काट्दैन ।

आफु मात्रै पनि सजिलो सँग बाच्न सक्ने अवस्थामा नरहेकी सबिनालाई अहिले छोरीलाई बचाउन हम्मेहम्मे परेको छ । कसैको जवजस्तीवाट जन्मीएकी छोरी र आफु कसरी वाँच्न सकिन्छ भनेर अलपत्र छिन् उनी । मन भत्भत् पोल्छ । केही गरौँनता भन्दा शरिरले साथ दिँदैन । जिल्लामा थुप्रै महिला र अपाँगका अधिकारका वकालत गर्ने धेरै सुनेकी छन् तर कसैले दिर्घकालिन सहयोगको हात अगाडी वढाएको छैन । कसैले गरेको अपराधवाटै जन्मीएको भए पनि यो मेरो वुढेसकालको साहारा वन्छे त्यसैले कसैले लगेर यसको पालन पोषण र शिक्षा दिक्षा गरिदिए धेरै राम्रो हुने सविनाको भनाई छ ।

सविना अहिले जीवनका लागि संघर्ष गरी रहेकीछिन् । उनलाई आफु र छोरी पालिने समस्या छ । यीनको दैनिक गुजाराका लागि आआफ्नो क्षेत्रवाट सकेको सहयोग गरी दिन समेत अनुरोध गर्दछु ।

- कृष्णहरी घिमिरे,सिन्धुली ।

बजेटमा सरकारको तयारी तिव्र

2013-06-10T10:56:00.002+05:30

काठमाण्डौ,जेठ २७ ।

सरकार बजेटको तयारीमा जुटेको छ । बजेटका ल्याउने कार्यक्रम, बजेटको आकार लगायतका विषयमा लगातार छलफल गर्दै आएको सरकारले आज सरोकारवाल मन्त्रालय र निकायसँग पनि छलफल गर्दैछ । अहिले बिहान ९ बजेपछि अर्थमन्त्रालयमा हुने छलफलमा मन्त्रालयले पेश गर्ने कार्यक्रम बजेटको सिलिङ र अर्थमन्त्रालयले गरेको योजनाका विषयमा छलफल हुनेछ । सरकारले आगामी २७०÷०७१ का लागि विभिन्न मन्त्रालयले ७५० अर्बको बजेट माग गरेका छन् । सरकारले भने बढीमा ५ सय ५० अर्बको बजेट ल्याउने तयारी गरेको छ ।

यातायात बजदुरको बन्दले राजमार्ग ठप्प

2013-06-10T10:53:00.001+05:30

प्रकाश सुन्दास,

काभ्रे, जेठ २७ ।

नेकपा एमाले निकट नेपाल यातायात स्वतन्त्र मजदुर संगठन वाग्मती अञ्चल कमिटीले आज राजधानी पूर्वका पाँच जिल्लामा यातायात बन्द आह्वान गरेको छ । ३५ सुत्रीय माग राखेर भक्तपुर, काभ्रेपलाञ्चोक, सिन्धुपाल्चोक, दोलखा र रामेछाप जिल्लामा यातायात बन्दको आह्वान गरिएको कमिटीका अध्यक्ष नवराज घिमिरेले जानकारी दिनुभयो । बन्दका कारण आज बिहानैदेखि अरनिको र बीपी राजमार्गमा यात्रुबहाक सवारी साधन सञ्चालनमा आएका छैनन् ।

कमिटीले मजदुरहरुको तलब बृद्धि, नियुक्ती पत्रको ब्यवस्था, यातायात ब्यवस्था विभागले ट्राफिक प्रहरीलाई दिएको अधिकार तत्काल फिर्ता हुनुपर्ने, शान्ति सुरक्षाको ग्यारेन्टी गराउनुपर्ने, लाइसेन्समा लागु गरिएको नयाँ ब्यवस्था तत्काल खारेजी हुनुपर्ने, पेट्रोलियम पदार्थको सहज आपुर्ती कामय राख्नुपर्नेलगायतका माग अघि सारेको छ । बन्दले पूर्वका ५ जिल्लाको जनजीवन प्रभावित भएको छ ।

दोलखा र रामेछाप जिल्लामा भने छोटो दुरीका यातायात सञ्चालानमा रहेको अरनिको यातायात सेवा समितिका सचिव श्याम लामाले जानकारी दिनुभयो । साना सवारी बाहेक राजधानी भित्रने र बाहिरिने कुनै पनि यातायातका साधन सञ्चालनमा नरहेको जगती चेक पोष्ट भक्तपुरले जनाएको छ । कमिटीले आफुहरुको माग पुरा नभए ३० गते नुवाकोट, रसुवा र धादिङ, असार ३ गते ललितपुर र ७ गते वाग्मति अञ्चलका साथै दोलखा र रामेछाप जिल्ला बन्दको कार्यक्रम सार्वजनिक गरेको छ ।

जापान सरकारले निर्माण गरेको सिन्धुली धमिले पुल उद्घाटन

2013-06-09T21:08:00.002+05:30

मिनकुमार दाहाल,

सिन्धुली,जेठ २६ ।

रानीचुरी गाँउ विकास समितीको धमिले खोलामा जापान सरकारको सामुदायीक पहुँच सुधार परियोजना अन्तर्गत अनुदान सहयोगमा निर्माण उद्घाटन गरिएको पुल आइतवार उद्घाटन गरिएको छ ।
ग्रामिण क्षेत्र र शहरको आर्थिक असमानता र द्धन्द्धको कारणले रहेको गरिवी हटाउने प्रयास स्वरुप नेपाल सरकार र विभिन्न दातृ निकायहरु द्धारा ग्रामिण क्षेत्रमा सडक संजाल सुधारको लागी जापान सरकारले नेपाललाई सहयोग गरि रहेको छ ।
निर्माणाधीन विपी राजमार्गको आसपास जापान सरकारको अनुदान सहयोगमा शुरु गरिएको सामुदायीक पहुँच सुधार परियोजना अन्तर्गत मध्यमाञ्चल विकास क्षेत्रका सिन्धपाल्चोक,काभ्रपलान्चोक,रामेछाप,सिन्धुली र महोत्तरी जिल्लाको विभिन्न स्थानमा ३२ वटा पुलनिर्माण कार्य संचालन गरेको छ । परियोजनाले सिन्धुलीमा मात्रै १८ वटा पक्की पुल निर्माण भै रहेको छ ।

धमिले खोलाको पुल उद्घाटन गर्दै दुतावासका प्रथम सेक्रेटरी हासिनोले नेपाल सरकारले जापान सरकारलाई अनुरोध गरे पछि जापानले नेपाललाई सामुदायीक पहँुच परियोजना कार्यक्रममा ९ करोड रुपैयाँ सहयोग गरेको वताउनुभयो ।
सिन्धुलीको पुर्वी भेटलाई सदरमुका जोड्ने सो पुन निर्माण सम्पन्न भए पछि यहाँका कृषकको आर्थिक वृद्धि र गरिवी निवारणलाई सहयोग पु¥याउने परियोजनाको लक्ष रहेको उहाँले वताउनुभयो । धमिले खोलाको पुल जापान नेपाल विचको ऐतिहासिक सम्वन्धको चिनो रुपमा भएको प्रथम सेक्रेटरीको भनाई छ ।
डोलीडारका महानिर्देशक भुपेन्द्रवहादुर वस्नेतले विकास निर्माणको काम निर्माण व्यवसायीहरुले समयमै गर्न नसकेको वताउनुभयो । जति चाडो निर्माण व्यवसायीहरुले काम सम्पन्न गर्छन । त्यतीनै बिकास निर्माणले गतिलिने वस्नेतको भनाई छ ।
जिल्ला विकास समितीका स्थानिय विकास अधिकारी ध्र्रुववहादुर खड्काले विकास निर्माणको काममा जापान सरकारले नेपाललाई गरेको सहयोग विर्सि नसक्नु भएको वताए । जाईका नेपालले सिन्धुली जिल्लालाई पुल निर्माणको लागी उच्च प्राथमिकतामा राखेको भन्दै स्थानिय विकास अधिकारीले जाईकाको प्रसम्सा गरे । सो पुल पौने चार करोडको लागतमा निर्माण सम्पन्न भएको हो ।
रानीचुरी गाविसका स्थानिय वासिन्दा राजन कार्कीले सिन्धुलीको पुर्वी भेगलाई धमिले खोलामा निर्माण गरिएको पुलले सदरमुका जोड्न महत्व पुर्ण भुमिका खेल्ने वताउनुभयो ।

हर्षाही गाविस खुल्ला दिशामुक्त घोषणा

2013-06-09T09:46:00.001+05:30

सिन्धुली,जेठ २६ ।
सवै जनता सवै दल सरसफाईमा लगाऔँ वल भन्ने मूल नाराकासाथ सिन्धुलीको हर्षाही गाविसलाई शनिवार खुल्ला दिशामुक्त गाविस घोषणा गरिएको छ । नेपाल रेडक्रस अन्र्तगत पर्ने रेड च्यारेटीको सहयोग तथा हर्षही खानेपानी सरसफई तथा स्वच्छता समन्वय समिति सिन्धुलीको आयोजनामा भएको घोषणा कार्यक्रममा खुल्ला दिशामुक्त वनाउने अभियानमा सहयोग गर्ने हर्षही गाविसका विभिन्न सरकारी तथा गैर सरकारी संघ संस्था, महिला सहकारी, वाल क्लव, युवा क्लव, राजनितिक दलहरु, समाजसेवी लगाएतलाई सम्मान पत्र प्रदान गरिएको छ । त्यस्तै गाविसमा सवभन्दा पहिला चर्पी वनाउने वडा नम्वर १ का राजकुमार कार्की, २ का गोपाल कुमर, ३ का ओम वहादुर वस्नेत, ७ का निर्मल मोक्तान, ८ का उमाकान्त दाहाल र ९ का विष्णु बहादुर लामिछाने मगरलाई सम्मान पत्र प्रदान गरिएको छ ।

त्यसैगरी नेपाल रेडक्रस सोसाईटी जिल्ला शाखा सिन्धुलीलाई पनि सम्मान गरिएको छ । १४ औँ राष्ट्रिय सरसफाई सप्ताह २०७० को अवसरमा गाविसलाई खुल्ला दिशामुक्त क्षेत्र घोषणा गरिएको हो भने सिन्धुलीलाई सन् २०१६ भित्र खुल्ला दिशामुक्त जिल्ला घोषणा गर्ने लक्ष्य अनुरुप सिन्धुलीका महादेवडाडा, वाउनतिल्पुङ्, तोर्सामखोला र ककुरठाकुर गाविस यस अगाडि नै खुल्ला दिशामुक्त गाविस घोषणा भईसकेका छन भने रत्नावती गाविस सोमवार खुल्ला दिशामुक्त गाविस घोषणा हुँदै छ ।

मृत अवस्थामा भेटीएकी युवतीको हत्या भएको भन्दै उजुरी

2013-06-09T09:43:00.004+05:30

रिता चन्द,

वैतडी, जेठ २६ ।
यही जेठ १९ गते मृत अवस्थामा भेटीएकी बैतडी गुजरकी एक युवतीको हत्या भएको भन्दै उजुरी परेको छ । भुमेश्वर ८ की धौली महराको हत्या भएको भन्दै उनका लोग्ने मान सिंह महराले इलाका प्रहरी कार्यालय पाटनमा उजुरी दर्ता गराएका हुन् । यसअघि बिभिन्न धम्की दिने गरेकाले उनको हत्या गरेर भिरमा फालेको भन्दै महराले स्थानीय धरम सिंह महरा बिरुद्ध उजुरी दर्ता गराएका हुन् । महरा मृतक महिलाका गाउँले जेठाजु पर्दछन् । आत्महत्या भन्दै उजुरी दर्ता गर्न नमानेको प्रहरीले स्थानीयहरुको दबावपछि आज मात्रै दर्ता गराउन सफल भएको मृतकका आफन्त मोहन भाटले बताउनुभयो । घटनाबारे थप अनुसन्धान हुने इलाका प्रहरी कार्यालय पाटनले जनाएको छ ।

मोटरसाइकल दुर्घटनामा दुई जनाको मृत्यु

2013-06-09T09:41:00.002+05:30

प्रकाश सुन्दास,

काभ्रे,जेठ २६ ।
मोटरसाइकल दुर्घटनामा परी गएराति काभ्रेमा दुई जनाको मृत्यु भएको छ । बीपी राजमार्ग अन्तर्गत मंगलटारबाट भकुण्डे तर्फ आइरहेको बा ३५ प ११ ०४ नम्बरको मोटरसाइकल गएराति कटुञ्जे बेशी गाविस वडा नम्बर ६ बाट रोशी खोलामा खस्दा घाइते भएका दुवै जनाको उपचारका क्रममा अस्पतालमा मृत्युभएको प्रहरीले जनाएको छ ।

मृत्यु हुनेमा मोटरसाइकल चालक काभ्रे नयाँ गाउँ गाविस वडा नम्ब ६ घरभएका ३१ बर्षीय भरत तिमल्सिना र मोटरसाइकलको पछाडि बसेकी मोरङ मृगौलिया गाविस वडा नम्बर ७ की २२ वर्षीय प्रर्मिला कार्की रहेको जिल्ला प्रहरी कार्यालय काभ्रेले जनाएको छ । उनीहरुको उपचारका क्रममा धुलिखेल अस्पतालमा मृत्यु भएको हो । मोटरसाकइल सडकबाट करिब ५० फिट तल खसेको थियो ।

बेलघारीका स्थानीय नदि नियन्त्रणमा

2013-06-08T21:27:00.001+05:30

कृष्ण अधिकारी,
सिन्धुली, जेठ २६ ।
सिन्धुली बेलघारीका स्थानीयहरु नदि नियन्त्रणमा जुटेका छन् । बर्षाका समयमा लगातारको पानीले स्थानीय खाद्यान्न बालीमा असर पुर्याएपछि उनीहरु नदि नियन्त्रणका लागि जुटेका हुन् ।स्थानीयहरुले हिजोबेलघारी १ झुगाँ र चदाहा खोलाको दोभानमा बाँसको टाटी लगाएका छन् । चदाहाखोला र झुगा, भडार, न्यौपानेटार बेलघारीका किसानहरुको २०० विगाहा भन्दा भढी जग्गामा लगाएको बालीको क्षति हुने भएपछि उनीहरुले यस अभियान थालेका हुन् ।

लामो समयदेखि समस्या झेलीरहेका उनीहरुले पटक–पटक जिल्ला विकास समितिको कार्यलयमा जानकारी गराउँदा पनि बेवास्था गरेको गुनासो गरेका छन् । जिल्ला भूसंरक्षणको कर्यालयले भने बर्षेनी लगभग २० देखि ३० वटा तारजाली बितरण गरिरहेको छ । यस बर्ष कुनैपनि सम्बन्धित निकायले बेवास्था गरेपछि त्यहाका किसानहरु यसपाली बाली भित्र्याउन नपाईने हो की भन्ने चिन्तामा रहेको स्थानीय अशोक अधिकारीले जानकारी दिनुभयो ।

आफनै श्रीमती र छोरीको योजनामा पूर्वसभासद् हकको हत्या भएको खुलासा

2013-06-07T20:39:00.000+05:30

संजीव विक्रम शाह,

राजविराज,जेठ २४ ।

पूर्व सभासद् सदरुल हक मियाको हत्या श्रीमती र छोरी मिलेर गराएको तथ्य केन्द्रिय अनुसन्धान व्यूरो (सीबीआई) र प्रहरीले सार्वजनिक गरेको छ । यी दुबै संगठनका अनुसार हत्याको मुख्य योजनाकार नै आमा छोरी हुन् । पूर्व सभासद् मियाकी पत्नी नुरजहाँ खातुन र छोरी रुबेदा खातुनले अन्य तीन जनासँग मिलेर पाँच महिना अगाडि बनाएको योजनाअनुसार जेठ ६ गते राति हत्या भएको प्रहरी जनाएको छ । जेठ १ देखि योजनालाई सफल बनाउन तिब्रता दिएकी आमाछोरीसहित पाँचजनाले एकअर्कासँँग मोबाइलमा दैनिक कुरा गरेको देखिएको हत्या घटनासम्बन्धी जानकारी दिन आज राजविराजस्थित सगरमाथा अंचल प्रहरी कार्यालयमा आयोजित पत्रकार सम्मेलनमा सिबिआईका डिएसपी दिनेश आचार्यले भन्नुभयो ।

हत्या गर्ने सिरहाको लहान ५ का अब्दुल, सिरहाकै चतुरी २ का ऐनुल शेख र लहानकै जमिरुल शेख रहेको जानकारी प्रहरीले दिएको छ । आमाछोरीले दिएको सूचनाको आधारमा जेठ ६ गते राति तीनैजना लहानबाट मोटरसाइकलमा आएर हत्या गरी फेरि लहान फर्केका थिए । हत्या गर्दै पूर्व सभासद्को दुबै मोवाइल लिएर गएका यिनीहरु आन्दोलन तिब्र बन्दै जाँदा भारत फरार भएका थिए । फरारमध्ये अब्दुललाई भारतबाट र हत्याको योजनाकार आमाछोरीलाई घरबाटै प्रहरीले नियन्त्रणमा लिएको छ ।

यी तीनै जनालाई आज पत्रकार सम्मेलनमा सार्वजनिक गरियो । सीबीआई र प्रहरीको टोलीले पूर्व सभासद्को हत्या सामान्य कारणले आमाछोरी मिलेर गराएको जनाएको छ । पूर्व सभासद्की छोरी रुबेदा गएको २०६९ साल फागुन महिनामा झारफुक गराउन लहानका जमिरुल समक्ष गएको, झाँक्रीको काम गर्ने जमिरुल र रुबेलाबीच त्यहीं हेराहेरीले प्रेमको रुप लिएको र विवाह भएको थियो । पूर्वसभासद मियालाई भने विवाह चित्त बुझेको थिएन र उहाँले आपत्ति जनाउनुभएको थियो । जमिरुलसँग गहिरो प्रेम गरेर निकाह गरेकी रुबेलालाई पूर्व सभासद्ले घरमै राख्नुभएको, त्यही क्रममा छोरीले आफ्ना पिताको हत्या गर्ने योजना बनाएको र आमाले पनि साथ दिएको प्रहरी प्रतिवेदनमा उल्लेख छ । हत्या गराउन नुरजहाँले ऐनुललाई ० हजार र जमिरुललाई ४० हजार समेत दिएको सिबिआई डिएसपी आचार्यले बताउनुभयो । पत्रकार सम्मेलनमा पूर्वाञ्चल प्रहरी प्रमुख डीआईजी पर्शुराम खत्रीले फरार भएका अन्य दुई जनालाई पनि चाँडै नियन्त्रणमा लिइने जानकारी दिनुभयो । उहाँका अनुसार प्रहरीको नियन्त्रणमा आइसकेका तीन जनाविरुद्ध आजै सप्तरी जिल्ला अदालतमा मुद्दा दायर गरिएको छ ।

विपी राजमार्गमा यातायात सेवा अवरुद्ध

2013-06-07T14:18:00.002+05:30

सिन्धुली जेठ २४ ।
दुई दिन देखी लगातार परेको वर्षाको कारण विपी राजमार्ग हुँदै सिन्धुली—काठमाडौं चल्ने यातायात सेवा अवरु भएको छ । वर्षाको कारण विहीवार झागाझोली गाविसको धमिले खोला सडक कटान तथा कुशेश्वर गाविसको साँदीमा सडकमा पैरो झरे पछि सडक अवरुद्ध वनेको छ ।
सडक अवरुद्ध भए पछि ओलढुङ्गा,उदयपुर,सोलुखुम्वु,खोटाङ्ग र भोजपुरवाट विपी राजमार्ग हुँदै काठमाडौं जाने यात्रुहरु सडकमा अलपत्र वनेका छन् ।
अवरुद्ध सडक खुलाउन वनेपा वर्दिवास सडक आयोजनाले सडक खुलाउने तयारी गरेको स्थानिय चक्रवहादुर श्रेष्ठले वताउनुभयो ।

सिन्धुलीमा दृष्टी विहीन विद्यार्थीको हाजीरी जवाफ

2013-06-07T14:18:00.000+05:30

सिन्धुली, जेठ २४ ।
दृष्टी विहिन विशेष परियोजना अन्र्तगत उच्चमावि दुधौलीका दृष्टि विहिन छात्र छात्राहरु आफैले हाजिरी जवाफ प्रतियोगीताको संचालन गरेका छन् । दृष्टि विहिन विद्यार्थीलेनै हाजीरि जवाफ प्रतियोगीताको लागी आवश्यक पर्ने प्रश्नहरु ब्रेन लिपीमा वनाएको शिक्षक लालवहादुर कार्कीले वताउनुभयो ।
हाजीरि जवाफ प्रतियोगीमा दृष्टी विहीन विद्यार्थीका चार समुहले भाग लिएको थियो । हाजिरि जफवा प्रतियोगीमा दृष्टी विहिन विद्यार्थीको ग्रिन हाउस प्रथम भएको थियो । कार्यक्रम संचालन दृष्टि विहीन विद्यार्थी रामअवतार मण्डलले गर्नुभएको थियो । सुन्दर राई,अमिर कला पुर्वे र अमृत लो तामाङ्गले विजेता टिमलाई पुरस्कार वितरण गरेको शिक्षक कार्कीले वताउनुभयो ।

सिन्धुलीमा खोलाले वगाएर तिन जना वेपत्ता

2013-06-06T22:28:00.002+05:30

मीनकुमार दाहाल,

सिन्धुली,जेठ २३ ।
सिन्धुली जिल्लाको झागाझोली गाँउ विकास समिती-५ कालीमाटीका एकै परिवारका तिन जनालाई गगटे खोलाले वगाउँदा वेपत्ता भएका छन् । आज विहान परेको भिषण वर्षा पछि आएको वाढीले रामवहादुर चौलागाई,उनकी श्रीमती पम्फा चौलागाई र नातिनी तुलसा चौलागाईलाई वगाएको स्थानिय मोहन चौलगाईले वताउनुभयो । उनीहरु गगटे खोलाको छेउमा छाप्रो वनाएर वसेका थिए । खोला वगाएका तिनै जनालाई सुन कोशी नदिमा पु¥याएको चौलागाईले वताउनुभयो । जिल्ला प्रहरी कार्यालय सिन्धुलीका अनुसार रामबहादुरको शव फेला परे पनि अन्य दुईको आज साँझसम्म शव फेला पर्न सकेको छैन ।

"गगटे खोलाले १५ वटा भैसी र थुप्रै खसि वाख्रा र गाई गोठ वगाएको छ", मोहन चौलगाईले भन्नुभयो । गगटे खोलाले एक सयौं रोपनी मकै वाली सहितको खेत खोलाले वगाएको छ । त्यसै गरी नेपाल थोक डेरीवाट कालीमाटीमा दुध लिन आएको गाडी पनि खोलाले वगाएको जानकारी चौलागाईले दिनुभयो । पानी रहे पछि स्थानिय वासिन्दा वेपत्ता भएका व्यक्तीहरुको लास खोज्न लागी परेका छन् ।

तस्विर:दिवसचन्द्र चैलागाई/फेसवुक ।

गगटे खोलाको छेउमा अस्थायी घर वनाएर वस्ने सवै घरहरु खोलाले वगाएको स्थानिय शिक्षक मणिराम आचार्यले वताउनुभयो । त्यस क्षेत्रमा २०४१ साल पछि को सवै भन्दा ठुलो वाढी आएको आचार्यको भनाई छ । जिल्लाको उत्तरी क्षेत्रमा परेको अविरल वर्षाको कारण विहिवार निर्माणाधीन विपीमा यातायात सेवा अवरुद्ध भएको छ ।

छोरी बलात्कार गर्नेलाई १६ वर्ष कैदको फैसला

2013-06-06T20:18:00.000+05:30

गणेश खनाल,

अर्घाखाँची,जेठ २३ ।

जिल्ला अदालत अर्घाखाँचीले आङ्खनै छोरीलाई जबरजस्ती करणी गर्ने एक व्यक्तिलाई १६ वर्ष ६ महिना कैदको फैसला सुनाएको छ । सिमलपानी गाविस ५ का जितबहादुर खाम्चालाई आफ्नै छोरीलाई जबरजस्ती करणी गरेको ठहर भएपछि सजाँय सुनाइएको हो । गत वर्षको तीजमा आमा माइत गएको मौका छोपी खाम्चाले छोरीलाई जबरजस्ती करणी गरेका थिए । जिल्ला अदालतका न्यायाधीश माधवेन्द्रराज रेग्मीको एकल इजलासले मुलुकी ऐनको जबरजस्ती करण्ँी महलअन्तर्गत सजाँय सुनाइएको अदालतका श्रेस्तदार गोविन्द्र घिमिरेले जानाकारी दिनुभयो ।

सिन्धुलीमा एकाहा प्रवचन

2013-06-06T11:24:00.000+05:30

मिनकुमार दाहाल,

सिन्धुली,जेठ २३ ।
सिन्धुलको पुरानो झागाझोली गाँउ विकास समितीको मुल्कोटमा २०६८ साल अशोज २६ गते वस दुर्घटनावाट मृत्यु भएका आफ्न्त जनले मृत आत्माको चिरशान्तीको कामना गर्दै जिल्ला अस्पताल सिन्धुली एकाहा प्रवचन गराएका छन् । निर्माणाधीन विपी राजमार्गको मुल्कोटमा ०६८ साल असोज २६ गते वस दुर्घटना हुँदा ४१ जनाको मृत्यु भएको थियो । मुल्कोट भएको वस दुर्घटनामा परि मृत्यु भएका कमलामाई नगरपालीका –५ का सन्जीव कार्की तथा ईश्वर पोखरेल सहित ४१ जनाको ज्यान दुर्घटनामा परि गएको थियो । उनीहरुकै नाममा सामुहिक एकाहा लगाएको मृतकका आफन्त उपेन्द्र पोखरेलले वताउनुभयो ।

मृतकहरुको लासलाई पोष्टमार्टम गर्न राखिएको स्थान अस्पताल चौरमा मृतकका परिवारले मृत आत्माको चिरशान्तिको कामना गर्दै एकाहा लगाएका हुन । अस्पताल परिसरमा पन्ध्र जना ब्राम्हणले सामुहिक रुपमा एकाहा वाचन गरेका छन् । केही महिना अघि मृतकका आफन्तले वस दुर्घटना भएको स्थान मुल्कोटमा पुगेर एकाहा लगाएका थिए ।

लगातारको बन्दले तराइको जनजिबन कष्टकर

2013-06-06T11:14:00.001+05:30

शरद शर्मा,

दाङ,जेठ २३ ।
सरकार र कमलरी संघर्ष समितिको आह्वानमा गरिएको अनिश्चितकालिन बन्दको तेस्रो दिन आज पनि बिहानैदेखि बन्दको प्रभाव परेको छ । सरकार र आन्दोलनकारी बिच वार्ता निष्कर्ष बिहिन भएपछि अनिश्चीतकालीन बन्दलाई आज पनि निरन्तरता दिईएको संयुक्त संघर्ष समितिका सचिब सन्तोष दहितले जानकारी दिनुभयो । बन्दका कारण यातायातका साधन सञ्चालनमा आउन सकेका छैनन भने शिक्षण संस्था,उद्योग व्यवसाय पनि ठप्प भएका छन ।

संघर्ष समितिले मृतक सृजना चौधरीलाई कमलरी राख्ने लालीतपुरका युबराज पौडेल र शंकर अधिकारीलाई पक्राउ गरि कारबाही सुरु गर्नुपर्ने,मृतक चौधरीका परिवारलाई राहत तथा आन्दोलनका क्रममा घाइतेलाई उपचार गराउनुपर्ने लगायत माग गरिएको छ । दाङ लालमटीयाकी सृजना चौधरी ललितपुरमा कमलरी बसेकै अबस्थामा रहस्यमय तरीकाले मृत्यु भएपछि कमलरीहरु आन्दोलीत भएका छन । सृजना सहित ५ जना कमलरीको हत्या भएको बताउदै दोषीलाई कारर्बाहीको माग गदै जिल्लामा चरणबद्ध आन्दोलन गदै आएका उनीहरुले केहीदिन यतादेखि राजधानिमा समेत दबाब दिदै आएका छन । संघर्ष समितिको आह्वानमा हिजो मंगलबारदेखि गरिएको अनिश्चीतकालीन बन्दको प्रभाब दाङ लगायत बाँके,बर्दिया,कैलाली र कञ्चनपुरमा परेको छ ।

बांदरमुढे घटनाको ८ वर्ष पुरा

2013-06-06T11:10:00.002+05:30

सरोज खनाल,
चितवन,जेठ २३ ।
बाँदरमुढे बम विष्फोट घटना भएको आज ८ वर्ष पुगेको छ । २०६२ साल जेष्ठ २३ गते तात्कालिन नेकपा माओबादीले थापेको विद्युतिय धरापमा परि ३८ जनाको ज्यान गएको स्थान कल्याणपुरको बांदरमुढे खोलाको परिसरमा आज नवौ शोक सभाको पनि आयोजना गरिएको छ । घटनामा अन्य ७५ जना घाईते भएका थिए । शोकसभा कार्यक्रममा मानवअधिकारकर्मी, पत्रकार तथा विभिन्न राजनितिक दलका प्रतिनिधिको उपस्थिति रहने बांदरमुढे संघर्ष समितीका अध्यक्ष मुक्ति लामिछानेले जानकारी दिनुभयो ।

साथै शोक सभासंगै दिप प्रज्वलन पनि गरिने र संघर्ष समितीका भावि योजनाहरु तय गरिने पनि लामिछानेले बताउनुभयो । यसअघि माडीको बाँदरमुढे घट्ना पिडितका लागि नेपाल सरकारले उपलब्ध गराउने भनिएको ६० लाख रुपैया पिडितहरुले नलिने घोषणा गरेका छन् । फागुनमा भएको प्रथम माडी महोत्सबको उद्घाटनका लागि माडी आईपुग्नु भएका एकीकृत नेकपा माओबादीका अध्यक्ष प्रचण्डले बाँदरमुढे घट्नाका पिडितले आफ्नो स्वबिवेकले खर्च गर्न सक्ने गरी नेपाल सरकारबाट ६० लाख रुपैया उपलब्ध गराउने घोषणा गर्नु भएको थियो ।

रामेछापका चेलीबेटी बेचबिखनमा सुन्यता

2013-06-06T11:05:00.001+05:30

रघुनाथ बजगांई,

रामेछाप,जेठ २३ ।

जेष्ठ–२३ रामेछाप, रामेछापमा चेलीबेटी बेचबिखनमा सुन्यता रहेको प्रहरी प्रमुख गोपालचन्द्र भट्ट्राईले बताउनु भएको छ । चोरी डकैति नस्ता घटनाहरुमा पहिले भन्दा अहिले धेरै कमि भएको भन्दै त्यस्ता जघन्य अपराधका घटना पछिल्ल्व समयमा नभएको उहांले बतउनुभयो । सवारी दुर्घटना घटाउन प्रहरीले बिशेष अप्रेशन अभियान सञ्चालन गरेको भन्दै सडक सुधार जस्ता योजनाले पनि सवारी दुर्घटनामा कमि ल्याउने उहांले बिश्वास ब्यक्त गर्नुभएको छ । यसभन्दा अघि चोरीका सवारीसाधनको जे जस्तो अवस्था भए पनि अहिले भने निक्कै कमि आएको उहांको भनाई छ ।

सामजमा शान्ती सुरक्षा कायम गर्ने सन्र्दभमा आम नागरिकको पनि अहम भुमीका रहने भन्दै उहांले प्रहरीको अभियानमा सामेल हुन र प्रप्त गरेका सुचना जानकारीहरु प्रहरीलाई उपलब्ध गराउन सबैलाई आग्रह गनुभएको छ । आज बिहान हाम्रो कार्यक्रम इस्यु अफ दि डे मा कुराकानी गर्दै उहांले प्रहरीमा आउने गरेका गरेका बिभिन्न घटनाहरुको चुस्त दुस्त र तदारुकताकासाथ अनुसन्धान र छानबिन गरि सत्य तत्थ्य बाहिर ल्याउने गरेको बताउनुभएको छ ।