MoSaic

يناير اللي جاي

2012-01-06T05:14:00.004+02:00

V for vendetta مع قرب 25 يناير ... طبعا مسيطر عليّ فيلم

ومش عارفة ليه مسيطرة عليّ فكرة اني مبقتش عارفة مصر كويس ، انا عارفة مصر قبل الثورة كويس جدا ، كل تكشيرة وكل ضحكة م القلب ، كل طابور وكل ميكروباص ، كل حارة وكل بلاعة مجاري وكل قهوة وكل بار ...

كنت حافظاها بس دلوقتي مش قادرة اتخيل قد ايه هي اتغيرت ، ناس كتير بيقولوا مفيش حاجة اتغيرت ، بس هما نفس الناس دول اللي بصيرتهم معدومة ومكانوش بيشوفوا حاجة م الاول ... او يمكن بيشوفوا الدنيا من ورا نضارتهم السودا او البمبي على حسب الشخصية كلها لون واحد ومفيش حاجة بتتغير بالنسبة لهم .

بس انا عارفة ان مصر اتغيرت ... ومش عارفة مصر بعد ما اتغيرت بقت عاملة ازاي ؟!

ومش قادرة اتوقع ايه اللي ممكن يحصل !!!! في 25 يناير اللي جاي

الرجاء مراعاة التوقيت المقدر لتحقيق الأحلام

2012-01-05T20:15:00.001+02:00

حاسة انى اخدت كل حاجة كنت عاوزاها بجد، كل حلم .. كل طعم كان نفسي ادوقه ، كل حب كان نفسي فيه ، وكل حضن كنت اتمنى يضمني، كل حاجة بس منفصلة وفي مراحل زمنية مختلفة ... عاملة زي ما اكون كنت جعانة ورحت اتعشى في مكان، وكالعادة نزلوا الشرب وغابوا، وبعدين السلطة والمشهيات وغابوا وبعدين الطبق الرئيسي وغابوا .... وبعدين ادينا مستنين الحلويات بقى

بقالي بتاع عشرين سنة قاعدة على الترابيزة، باخد كل اللي بطلبه حتى لو كان متأخر، عشرين سنة اتعلمت فيها ان كل المطالب مجابة لو في ايديك ثمنها، بس توقيت وصولها مش في ايدك ... في ايد الخالق وحده

* الصورة من تصويري ومن شباك بيتي

الحلم اللي فاضل م الحدوتة

2011-12-08T22:42:00.001+02:00

فجأة وبعد فترة .. اكتشفت انك لازلت موجودا بداخلي ، فجفاني النوم ، اتحجج بأنني شربت الكثير من القهوة ، واظل مستيقظة لساعات ، حتى يغالبني سلطان النوم فأحلم بك ، توقظني في احلامي ، تملأ كفك بقطرات ماء ، وكأنك تعلم انني سأستيقظ عطشى ، تقربها من وجهي ، فأبدأ في رشف الماء من كفك وكأني قطة .. انتهي من الماء وابدأ في تقبيل كفك ، فتلمس وجهي .. تحتضن ملامحي بأصابعك اتمسح بك أكثر وكأني اريد الولوج إلى جسدك من خلال هذه الكف ، استيقظ والدموع تملأ عيناي ...
أ لهذه الدرجة أحبك !

عن 6 أكتوبر ... و أبويا اللي على غير العادة مكنش قاعد ع القهوة

2011-10-05T18:30:00.000+02:00

من قديم الازل

اشهر مشهد فى كل افلام حرب اكتوبر 1973

الناس قاعدة على القهوة بيشدو شيش

... وبيشربو شاى وحلبة وينسون والذى منه

... وفجأة يطلع المذيع على الراديو يقول :

نجحت قواتنا المسلحة فى عبور قناة السويس واسقاط خط بارليف المنيع

وتدمير جميع المواقع العسكرية للعدو بنجاح

تقوم الناس مهيصة ومسقفة ويطلع واحد فلوط ويقول\

: يا جماعة كل مشاريب القهوة دى على حسابى

طب انا عايز افهم حاجة واحدة بس

مش احنا المفروض حاربنا يوم 10 رمضان فى عز الظهر............

ولا القهوة دى كانت فى تل أبيب

تعليق مضحك كان منشور على صفحة من صفحات الفيس بوك

بس فكرني بحاجة حسيت اني عاوزة اقولها

-------------------------------------------

أبويا اللي قضى ربع عمره نايم .... و نص عمره على القهوة .... حارب في حرب اكتوبر

وكان معاه شهادة كده عن كفاءته في حرب اكتوبر في سلاح المظلات

ابويا الله يرحمه ... كان نجار ... وكان مصري أمي ... يعني مش متعلم ... ولا حتى كان معاه ابتدائية

الشهادة الوحيدة اللي شفت عليها اسمه كانت شهادة التقدير دي

انا طول عمري كنت بعيدة عنه ...

عمري ما كنت سعيدة بحاجة عملها

وعمري ما حسيت انه عمل حاجة بجد علشاني

بعد شهر هتكون السنوية بتاعته

عدا سنة بالظبط على وفاته

بس ع الاقل انا بقيت مدركة دلوقتي انه عمل حاجة

ويوم 6 اكتوبر مكنش قاعد ع القهوة

الناس دي هي اللي حاربت بجد .... مش اللواءات والرتب

حاربوا اعداء كتير وماتوا من غير تمن

الله يرحمك يابا

GYM عن قصة شعري والست العجوزة اللي ف الـ

2011-10-05T10:42:00.000+02:00

في الحقيقة انا كانت طالبة معايا أكتب تدوينة

كان بقالي كتير مدونتش ....

لطيفة قوي الدعوات بتاعة .. شهر التدوين اليومي ... أو التدوين من أجل قضية معينة

بس انا لسه برضه ... مش قادرة أدون بدافع تاني غير المزاج

وناس تقولي بتكتبي ليه ؟

أقول : مزاجي كده

طب من بقالك 6 سنين بتكتبي لمين ؟

أقول بأكتب لنفسي

حتى لو مجاليش تعليق واحد ولا مر على مدونتي مخلوق بعنيه ...

التدوين .. غير نوتات الفيس بوك ... وغير التويتات ...

التدوين ... هو الشيكولاتة اللي بالبندق اللي بهادي بيها نفسي لما أبقى مبسوطة

المهم .....

كنت عاوزة تكتبي عن ايه يا سماح ... عن ايه ... عن ايه ؟

آهـ ... كنت عاوزة اتكلم عن قصة شعري الجديدة ... "قصة الولد" اللي دايما حلمت بيها وكنت باخاف اقصها .... وقد ايه هي مريحاني ... وحساني انا قوي بجد ...

الجميل في فكرة الشعر القصير ... واللي لقيتها بتتفق جدا مع شخصيتي ... هو فكرة التغيير اللي بيحصل في مدى زمني قصير .... احساسي بشعري وهو بيطول سنتي بسنتي ... واللي أكيد هيخلي شعري يكون له شكل مختلف من شهر للتاني .

البنت ما بتحسش لو شعرها الطويل أصلا طول شوية .... لكن لما بيكون قصير وبيطول الموضوع بيبان قوي على شكلها ....

الفكرة كمان أني باحس ان شكلي بقى حلو كبني آدم بأقل مجهود ، معرفش بقى انوثتي ايه وضعها لأن الموضوع نسبي ... بس انا مرتاحة .

وكنت عاوزة كمان أكتب عن الست العجوزة جدااااااااااا ، اللي كانت معانا في حصة الاكوا فورم وبتعمل تمارين في حمام السباحة ... ماحدش هيعرف يتخيل شكل وشي المندهش لما عنيا خبطت فيها بالصدفة في اوضة اللبس وشفت كمية التجاعيد اللي على جسمها واللي من كترها اتحولت لعقد صغير ة ... صغيرة زي عقد الخيط .....

بس الست كانت واقفة على رجلها ... ضهرها محني شوية بس عملت تمارين يجي 50 دقيقة .. وقلعت المايوه ولبست لوحدها ... وبنتها كانت معاها بتاعة 50 سنة كده ... انما الحاجة أنا متأكدة انها عدت الـ80 بزمن ، المهم أكتر حاجة فجأتني أكتر انها لبست الشراب والكوتشي وهي واقفة ... وانا اللي عندي 30 سنة ، اضطريت اقعد عشان البسهم عشان لياقتي مش مساعدني اوطي او ارفع رجلي زيها .

واللطيف انها وهي خارجة بنتها " الحاجة الخواجاية الصغيرة" سألتها على حاجة وهي افتكرت انها نسيتها .... رجعت بشكل مباشر على الدولاب بتاعها ... من غير ما تنسى الرقم او ترتبك لأن الدواليب شبه بعض .... زي ما بيحصل معايا كتير ... بس انا طبعا ليّ عذري لأني عندي زهايمر وراثي.

ودي حاجة م الحاجات اللي غيظاني قوي من اللي كانوا بيحكموا في مصر ، الناس هنا عواجيز بس بجد صحتهم احسن من الشباب عندنا ، وده طبعا نتيجة حاجات كتير قوي ... لو فتحت فيها ... هاكتب كتب في الظلم الإجتماعي ... وعشان كده برضه احنا هنا واثقين ان مبارك مش هيموت دلوقتي وانه سليم وزي القرد وانه ممكن يعيش 30 سنة كمان .... اصله ماكنش عايش عيشتنا ...

عموما كفاية كده إلى تدوينة جديدة ان شاء الله

عندما يكون العيد سعيداً

2011-08-30T19:13:00.001+02:00

محظوظة أنا ... عليّ أن أعترف

فبجانب كل الأعياد السعيدة الجميلة التي قضيتها في مصر ، والتي تحفل بتفاصيل صغيرة جميلة مع العائلة ، مثل اجتماع البنات في حملات نضافة الشقق وغسيل السجاد على موسيقى عدوية ومواويل العزبي ، والتنظيف ربع ساعة والرقص ساعة ، بجانب التفافنا حول ماما أثناء عجين الكحك والبسكويت ومين يلف الماكينة ومين يلتقط قطع العجين ويضعها في الصاج، من يستخدم المنقاش في نقش الكحك ومن يستخدم القوالب التي على شكل زهرة ، الجوع في الفجر والانصياع للرغبة العارمة في أكل الرنجة، انتظار صلاة العيد والنوم قبلها بنصف ساعة ، لنصحو وقت الظهيرة على صوت شادية في مسرحية " ريا وسكينة " تغني حبك جننا يا اسمك ايه " التي يعرضها التليفزيون المصري كل عيد ، تأجير شرائط الفيديو، والضحك المتواصل على طرائيعو أو ألابندا او أي مسرحية من مسرحيات هنيدي او علاء ولي الدين ، التليفونات الليلية للحبيب الغائب ليقضي العيد مع أهله في البلد ، زحمة السينما وجيلاتي قويدر ، مغامرة الخروج في العيد ، الملابس الجديدة ، والعودة بخطوات عرجاء في المساء بسبب ضيق الجزمة أو طول الكعب ....

محظوظة أنا عليّ أن أعترف

لأن أمي كانت تصنع أنعم كحك في العالم ، واحلى غريبة ، واجمل بيتي فور ، واجمد قراقيش بالعجوة تقضي أختي عليها تماما قبل حتى أن تنتهي الثلاث ايام الاولى للعيد .

محظوظة أنا عليّ أن أعترف

أن لي أخت لها حس كوميدي عالي لا نتوقف عن الضحك عندما نكون معا.

محظوظة انا لأن لي عائلة تحبني وأنا اعشقهم جميعا بلا استثناء ، وان كنت احيانا اكون حادة وغريبة الأطوار معهم احيانا.

محظوظة أنا عليّ أن أعترف

أثناء دراستي في امريكا ... كانت اول تجربة لي مع عيد بدون أمي وأختي وعائلتي الصغيرة ، ولكن ربنا رزقني بعيد سعيد جدا لا استطيع نسيان تفاصيله الصغيرة التي تتلخص في يوم طبيخ طويل ، صنعت فيه كل الاصناف المصرية اللي أحبها ويحبها أصدقائي ،وعزومة كبيرة كنت سيدتها الأولى ، اجتمع فيها المصريين اللذين اعرفهم وزملائي في المنحة وعائلة اردنية والمنسقة الامريكية لبرنامج منحتنا ولمسة صغيرة من صديقة امريكية أخرى، جائت بسلة فواكه وشيكولاتة تعبيرا عن امتنانها لخدمة أديتها لها ومشيت على الفور ، وصديق اطلقت عليه " أحمد بتاع العيد " لاحقا ، أجر سيارة وأخذنا إلى صلاة العيد في الصباح.

وهو نفسه " أحمد بتاع العيد" والذي هاجر إلى كندا قبل مني ، الذي أخذني لصلاة العيد العام الماضي وبعدها إلى تورنتو لأقضي عيد حقيقي برنجته ولمونه وبابا غنوجه مع ياسمين صديقة الصدفة ورفيقة الظروف المتشابهة ، ولنذهب في اليوم التالي إلى شلالات نياجرا ، ليكون العيد عيدا بحق وحقيق " وان هندرت برسنت" :)

وحتى ظهيرة الأمس لم ارتب أي شئ للعيد ... أبدا، لم احاول حتى التفكير فيه لكي لا أتذكر انه لأول مرة يمر علي ثلاث أعياد متتالية دون أن أرى امي وأختى، اتصلت امي تخبرني أن العيد غدا وانه كان مفاجأة لكل المصريين ، وفي المساء أخذتني الصدفة إلى فطار دعت إليه صديقة مسيحية جميلة ، فأفطرنا كلنا في قصر الكباب آخر افطار رمضاني لهذا العام ، وبعدها ذهبنا إلى كافيه اسمه البغدادي ، وحول الشيشة والكنافة النابلسية والشاي الاخضر والنعناع أحتفلنا بليلة العيد ، وانطلقت ضحكاتي مجلجلة "كان بجد بقالي كتير مضحكتش كده"

في الاتوبيس احتضنت صديقة – اخت جديدة لم تلدها امي – وقلت لها أنني شعرت بالعيد جدا هذه الليلة ، هي الأخرى فوتت محطتها وهي تؤكد لي أننا أهل بعض في الغربة .

محظوظة أنا عليّ أن أعترف

لأن عيدي عادة ما يكون عيدا سعيدا فعلا

بحبكم كلكم

بالونة

2011-08-23T04:08:00.000+02:00

بقالي فترة حاسة بالوحدة، والفراغ في دنيا مليانة ناس

رغم ان كل يوم بيدخل حياتي ناس كتير

من باب الشغل والعلاقات

لكن بيدخلوا ويقعدوا شوية

يسيبوا شوية تفاصيل عنهم، عن بلدهم الأصلي وحاجات بيحبوها

وبيودعوني ويخرجوا من نفس الباب اللي دخلوا منه

بعد ما كل واحد مننا ببساطة يتمنى للتاني يوم سعيد

كل يوم ناس جديدة

او حتى قديمة بس بتجمعهم كلهم صفة واحدة

ان كلهم اغراب

عني ، عن بلدهم ، عن نفسهم

جزر منعزلة ... اقرب حد ليها ع الشط التاني ... زي ما بيقولوا

بقالي فترة بأفكر أتصل بوحدة صحبتي

عشان أقولها وحشتيني قوي وقد ايه محتاجة حضنك !

واننا نقعد نربع على السرير قصاد بعض واحكيلك .

نفسي اتكلم معاكي ... بس كل ما افكر ، انا عاوزة اتكلم في ايه بالظبط ؟

بتروح مني فكرة الاتصال

اوقات كتير زحمة الأفكار بتكون بالظبط زي عدمها

لما تتجمع كل أفكار الواحد عشان تخرج كلها مرة واحدة

وقتها ينحشروا كلهم ومفيش حاجة تخرج.

بقالي فترة حاسة اني بأقول حاجات غير اللي عاوزة فعلا اقولها

وباكتب حاجات غير اللي انا عاوزة فعلا اكتبها

بقالي فترة حاسة اني مش لاقياني

ولما بأحاول أدور علي

بتفاجئني واحدة تانية غريبة عني

شبه الناس اللي بقابلهم كل يوم

اتبادل انا وهي حديث قصير عن اللي حاصل واللي لازم يتعمل

وتسبني بعد ما تتمنى لي يوم سعيد

وتروح متكومة على نفسها وعايشة حالة انتظار غريبة

انتظار من غير امل ولا حماس ولا شوق للي جاي

وكأن جواها فاضي ...

شفت صور لواحدة صحبتي سننا قريب

شكلها كبر قوي

ملامحها فكرتني اني انا كمان بكبر

حاسة اني ما شفتنيش بقالي كتير

بس انا مش عارفة ليه حاسة اني عمري واقف في مكانه

لا باكبر ولا باصغر ولا حاسة بالتلاتين سنه اللي انا شيلاهم على كتافي

زي ما اكون انفصلت عن العالم بتاعي

وودعت معاه جزء من وعيي بكل شئ حواليا

الناس بتعرف حالها من اللي حواليها

وانا اللي حواليا كله جديد

ارض مفيهاش من الجاذبية اللي يشدني ليها

وعشان كده مش حاسة بوزني ولا بعمري

اتحولت لبلونة هيليوم، فلتت من ايد صاحبها وطلعت لفوق

وفي رحلة صعودها

حاسة بالوحدة والفراغ

وانعدام الوزن

ومش عارفة امتى هتنفجر!

كندا والحقيبة المغلقة

2011-08-01T23:57:00.002+02:00

تتراقص كلمات صديقي فرحاً على شاشة الدردشة ، يخبرني أنه قادم قريبا إلى كندا، يحذرني بأنني المصرية الوحيدة التي يعرفها هناك ، أضحك لعدم ادراكه لبعد المسافات "هناك"، وانه سيسكن مدينة تبعد عني – بُعد مصر عن ليبيا – فأطمئنه بأنه سيجد الكثير من الأصدقاء عندما يصل.

يرسل صديق آخر رسالة الكترونية ليخبرني بقبول طلب هجرته، يسألني النصيحة وبعض المعلومات، يرسل صديق ثالث رسالة قصيرة شاكياً مصر قائلاً:" ان هذه البلد طلعت عين أهله " فأجيبه بأنها " طلعت عين أهلنا كلنا"، يسألني أحد المعلقين على مقالتي السابقة " طالما تحبين بلدك فلماذا تركتيها ؟" او آخر يسألني "لماذا لا تعودين؟" فأرد ببساطة " ايه اللي رماك ع المُر ...." ثم امسح ردي، لأكتب" انه الجري وراء الأحلام وضريبة أن تكون طموحاً".

على مائدة عشاء يدور حديث عن الأحلام فيجيب صديق بأن كل الناس هنا يأجلون أحلامهم لسن التقاعد، لأنهم قبل ذلك يكونون مشغولون بتكوين مستقبلهم الذي يبدأ بعد الستين، فأسأله : ألا يوجد امل أن نحصل على أحلامنا في وقت أقرب من سن المعاش؟!

فتحكي لي صديقتي عن شخصية مهاجرة ناجحة عندما سألوها عن سر نجاحها أجابت" ان كل مهاجر يأتي إلى كندا ، يحمل معه حقيبة مغلقة، حقيبة معدة مسبقا، ليكون على استعداد للعودة إلى وطنه الأصلي في أي وقت، أما هي فسر نجاحها هو انها فتحت هذه الحقيبة ، أخرجت محتوياتها وقررت البقاء في كندا للأبد ، قررت ان تحيا هنا ، فأستطاعت أن تنجح هنا" .

تحضر قصتها إلى ذهني كلمات صديقي الطبيب الشاب المهاجر حديثاً أيضاً على لسان واحد من ذوي الخبرة " إذا كنت عاوز تنجح في كندا لازم تنسى مصر خالص".

ولكن من يستطيع أن ينسى!؟

حمزة نميرة في أغنيته الجديدة المميزة جدا "التغريبة" يلعب على وتر هذا الاحساس، فيتحدث عن الغربة وأوجاعها ثم ينهي كل المقاطع بتلك الجملة المفرحة "لكني مش قلقان ... تذكرتي .... رايح ... جاي"، فالنسيان ليس بهذه السهولة أبداً، فنحن نرحل محملين بحلم العودة بإنتصار الابطال وفرحتهم ، لنحقق أمال الأهل والأصدقاء فينا، نرحل في الحقيقة وبداخلنا رغبة وحيدة هي أننا يجب أن نعود أقوى وأنفع لمن حولنا، وإلا لن يكون لحياتنا أو لغربتنا أي قيمة، لذلك نظل نردد لأنفسنا بأن " التذكرة ....رايح ... جاي".

تخبرني صديقة ولدت في مصروتربت في دولة عربية والآن هاجرت إلى كندا" اعرف ما تعنيه "الحقيبة المغلقة" و"الأحلام المؤجلة" لقد عاش أبي وامي طوال عمرهم يأجلون الأشياء قائلين : سنفعل كذا وكذا عندما نعود إلى مصر .... ولكننا لم نعود ابدا إلى مصر، أحاول تخيل حياتنا لو لم نكن أجلناها ، بالتأكيد ستكون مختلفة ، الآن أنا أريد أن أعيش هنا، لا أريد تأجيل حياتي".

الغريب ان هذه القصص لا تقتصر على المهجر وحده ، فهناك وعلى الشاطئ الآخر، حيث يحلم المهاجرون بالعودة والاستقرار ولمة الأهل والأصدقاء ، قصص أخرى وحقائب مغلقة تنتظر حلم الهجرة والتحليق بعيدا، أحلام من نوع آخر مؤجلة إلى حين إيجاد عقد عمل في دولة خليجية أو صدور الموافقة على الهجرة ، لقد تعودنا الغربة والحقيبة المغلقة والحلم الذي لا يسعه الوطن.

لن أكذب عليكم وأقول ان الفروق بين هنا وهناك ليست كثيرة، ولكن الأمل المخبأ في الحقيبة، هو الذي يصنع الغد، هو ما يجعلنا نركض في طريق المستقبل وإن كان غامضاً وغائماً، ربما نعود وتعود معنا كل الاشياء الجميلة ، وربما نرحل وترحل معنا كل الذكريات الحزينة، ربما نستطيع يوما أن نقلل الفجوة بين هنا وهناك، أو نوجد منطقة وسط فيها دفء وحب وراحة البال هنا مع نظام وأخلاق ونظافة وقوانين هناك.

وربما لو توقفنا قليلا قبل سن التقاعد ، ونظرنا حولنا في المكان الذي نعيش فيه أياً كان، لرأينا ما يستحق أن نعيشه الآن دون تأجيل، أشياء تحتاج أن نفعلها دون انتظار او تردد، وقتها سنفرغ كل حقائبنا ، ونهمس لأنفسنا " لقد قررنا أن نحيا الآن ... هنا... وللأبد "، وقتها فقط يمكننا أن ننجح في أي مكان نكون فيه.

وعشان كده

باحبك يا كندا

حد ضامن يمشي آمن ..أو مِـآمن يمشي فين *

2011-06-30T16:23:00.001+02:00

من فترة قمت بتتبع لؤي نجاتي عبر موقع تويتر ، لنا اصحاب مشتركين، وزقزقاته موضوعية وصادقة لذلك تعجبني، ويبدو من صورته الصغيرة التي تظهر جانب وجهه ، شبهنا كلنا ، شبهي وشبه اصحابي ، ليلة 28 في مصر، كنت لتوي عائدة من شغلي وكان وقت المغربية في مونتريال، صعقتني استيوتس الكاتب ابراهيم فرغلي عن هجوم كلاب الداخلية على أهالي الشهداء ، كتبت له تعليق مليء بعلامات الاستفهام ، بعدها افادتني "الهوم بيدج"بتاعة الفيس بوك بكل ما فاتني من احداث.

من اللحظة الأولى التي رأيت فيها الاخبار والتعليقات حول ما يحدث ، شعرت بوجوب العودة الى ميدان التحرير ، لم اسمع لأصدقائي الذين أكدوا لي ان من بالميدان بلطجية ، إجابتي كانت انني بنت احد المناطق العشوائية وان نصف أهلي لو قابلتوهم في الشوارع ستقولوا عليهم بلطجية وهم مجرد ناس غلابة، ولو كل غلبان قلنا عليه بلطجي يبقى 40% من سكان مصر الذين يعيشون تحت خط الفقر بدون نصيب من تعليم او علاج او مسكن او طعام ، لهم عذرهم في أن يتحولوا لبلطجية .

تمنيت لو كنت استطيع أن ارتدي اي جينز وتي شيرت وانزل اجري على الميدان يمكن اخد رصاصة واخلص من وجع القلب ده ، ككل المصريين اصبحت "مستبيعة" في سبيل أن يكون دمي ثمن للعدالة ، لكني مرمية في النصف الآخر من الكرة الارضية ، لا املك سوى متابعة زقزقات مني سيف وسلمى سعيد وبثينة كامل وعلاء سيف ووائل عباس ولؤي نجاتي ومالك عدلي وجيمي هود ودماغ ماك على تويتر وهم يصفون ما يحدث في الميدان ، حوالي الساعة 2 الفجر بتوقيت القاهرة نقلت عن لؤي تويتة تقول : ان الظابط في ميكروفون المصفحة يسب الثوار وبيقول لهم يا أولاد المتناكة ، لن اضع نقط لأداري الشتيمة او لأتصنع الأدب فمن قالها هو الذي يجب أن يتدارى ويخجل من نفسه وليس انا ، ولأن الفيديو الذي انتشر في اليوم التالي اكد صدق لؤي في روايته وصدقه في العديد من الروايات الأخرى.

قصرك المسحور غيلانه

أغبى من دود الغيطان
بعد مص الغصن الاخضر

ينحتوا عضم العيدان
و اللي خلى الارض خضرا
و اللي خلى الدار آمان
عاش بجور ملو جوفه
مات بخوفه من الغيلان *

لؤي الذي كان يزقزق عبر تليفونه بمعدل مرة كل 5 دقائق او اقل ، الساهر بالميدان ، يحاول نقل الحقيقة أو فهمها ، وان يجعل من نفسه درعا بشريا يحمي اهالي الشهداء والضحايا الذين قد هاجمتهم الداخلية بمنتهى الوحشية ، لؤي الآن في السجن الحربي ، يقول اهله انه مريض بالقلب ويحتاج لأدوية معينة ، لؤي الذي يشبهنا جميعا ، يشبهني ويشبه اصحابي الآن في قبضة العسكر.

أرجوكم أطلقوا سراحه / سراحنا

* العنوان والشعر جزء من قصيدة " كل عين تعشق حليوة " للشاعر احمد فؤاد نجم.

على طريقة ..... أموالهم ونساؤهم غنيمة لنا

2011-06-20T21:32:00.001+02:00

في عالم قبيح هو ليس عالمنا بالطبع! يُحكى أن قوماً كانوا كُلّما أعطوا بناتهم شيئاً.. عادوا وسلبوه منهن من جديد، فبعد أن يعطوا البنت الميلاد والجسد كانوا يقطعون منه الأنوثة بالختان، وبعد أن يعطوها حق التعلم ينتزعونه منها بالتغييب والتضليل، وبعد أن يمنحوها اسماً يغيّرونه فينادونها بـ"أم فلان" و"مدام فلان".

ورغم خضوعها لكل ذلك؛ فقد كانوا بها يتحرّشون.. وفي الشوارع يسمعونها ما لو نطقت به لتخجلون، وعندما تفتح فمها من أجل الشكوى، يقطعون عليها الحديث ويتهمونها بأنها مكمن الشر والسبب في كل المصائب، وإذا تحرش بها أحدهم فالذنب ذنب جسدها وليس عقله الغائب.

لذلك عندما كان يزور هذا العالم بنات من عالم آخر، كان الرجال يستغربون، ويبدءون بأعينهم وأظافرهم في لحمها ينهشون.. طب تعالوا نشوف...

"قررت سائحة هولندية 35 عاماً أن ترتدي المايوه وتستحم في مياه الشلالات بالفيوم، وفجأة ظهر 6 أشخاص فقاموا بتمزيق ملابسها، وتحرشوا بها، وحاولوا اغتصابها؛ ولكن استطاع أهالي المنطقة وزملاؤها في الفوج السياحي أن ينقذوها من بين أيديهم".

"ركبت سائحة إنجليزية 17 عاماً حصاناً بإحدى القرى السياحية، وفوجئت بالسايس وقد قفز خلفها على ظهر الحصان، فظنت أنه يساعدها؛ إلا أنه انطلق بها في الصحراء، وأحست بأنها تبعد مسافات طويلة عن القرية التي تقيم بها، وقام بالاعتداء عليها جنسياً واغتصابها".

"وصلت سائحة روسية 22 عاماً إلى المستشفى مصابة بكسور وكدمات متفرّقة بالجسم بعد أن ألقت بنفسها من شرفة شقة بالطابق الثاني؛ هرباً من مُرافق مجموعات سياحية استدرجها لبيته بحجة إحضار بعض الأشياء، وعندما دخلت أغلق الباب بالمفتاح وحاول اغتصابها".

هذا نموذج لما قد يصلنا من أخبار عبر الصحافة بعد أن تحوّل الحادث بالفعل إلى قضية وضبط وإحضار ومحاكمة.. ولكن الواقع أن نتائج استطلاع الرأي صدر عن المركز المصري لحقوق المرأة خلال الصيف أكد أن 98% من الأجنبيات عانيْن من التحرش في مصر، ومش كلهم أكيد بيبلّغوا لأنهم بيصبّروا نفسهم بأنها إجازة وتعدّي، وأكيد عمرها ما هتتكرر، تعرفوا إن الـ"واشنطن بوست" نشرت في تقرير لها "إن مصر الأولى على العالم في التحرش الجنسي"، وإن بلاد العالم المتقدم بيحذروا النساء المسافرات لمصر بأنهم عرضة للتحرش والنظرات الغير مرغوب فيها، ومش بس التحذير الشفوي.. تعرفوا إن ده بقى مكتوب في الكتيّبات السياحية.. يعني مش بس قلة الأدب لأ وكمان ضربتم السياحة.

طيب قصدنا إيه بالأخبار دي؟ نتكلم على التحرش بالسائحات وإنه عيب وغلط فظيع و... و....

هتلاقي اللي يقول لك يستاهلوا، مش هم اللي بيمشوا عريانين في الشارع، والغلط على الحكومة اللي المفروض تمنع العري في بلدنا.. اشمعنى هم بيمنعوا الحجاب في بلدهم، مش كل بلد لها قوانينها اللي بتمشي مع الأصول والدين، إحنا بقى الستات عندنا لازم يتغطوا.

وبعدين ده هم اللي بيتحرشوا بينا، ده الستات الأجانب بييجوا مخصوص عشان الرجالة المصريين، آه.. بيتجوزوهم واللي بتبلّغ دي بتكون محترمة زيادة، أو الرجل ما دخلش دماغها وضايقها.. هم الستات الأجانب أصلاً مش عاوزين حاجة غير الجنس.

طيب بالراحة علينا.. بلاش السياح... طب وبنات بلدك؟؟؟

"عندك بنت لابسة بادي مثير وبنطلون جينز ضيق، وفوجئت وهي ماشية بشخص ماشي وراها وعمال يقول في كلام مخجل فعلاً، ولسه هيقرب منها ويـ.....

شافه واحد صاحبه وقاله: "مش عيب؟"، رد أخينا عليه وقال: "وإيه اللي بيخليها تلبس كده، هي اللي شجّعتني.. بطريقة لبسها المستفزّة.. ومش عارف إزاي أهلها وافقوا ينزّلوها بالمنظر ده، أكيد دي مش كويسة وما لهاش أهل!".

يعني سيبك من إنها بنت بلدك، والمفروض تحافظ عليها وتغضّ بصرك و... و....

لكن مش خجلان من نفسك.. وحتى لو البنت دي غلطانة... افترض إنها من دين تاني أو متربية في ثقافة تانية.. أو حتى زي ما بتقول "مش كويسة وما لهاش أهل"، هل ده مبرر منطقي عشان تتحول لوحش وتنهشها، أو تعترض طريقها وتتطاول عليها؟؟

تعرفوا الدراسة اللي عملها المركز المصري قالت إيه؟ قالت إن 83% من النساء المصريات عانين من التحرش، وإن 62% من الرجال اعترفوا بأنهم من المتحرشين، وإن 53% صبوا اللوم على البنت نفسها.

طب ودلوقتي بعد انتشار الحجاب وبقى 80% من بنات مصر محجبات طبقاً لإحصائية مركز المعلومات التابع لمجلس الوزراء؛ يعني لو قلنا 20% غير المحجبات.. هيتعاكسوا.. هيتعاكسوا.. ده أساسي يعني.. لا مفرّ... يبقى 64% من اللي بيتم التحرش بيهم محجبات.. يعني حجتكم بطلت لكن...

تعالوا نشوف الحادثة دي..

"كانت ترتدي عباءة وحجاباً وقفازاً باليد، وتسير مع ابنة شقيقتها (٣ سنوات)، ولم يشفع لها كل ذلك، زوجة شابة (٢٣ سنة) تتعرض للتحرش في مدينة ٦ أكتوبر بصورة مُهينة من عامل في المعمار عمره 19 سنة؛ حيث طاردها مسافة 50 متراً، ثم اقترب منها ولمس أجزاء حساسة من جسدها، وأسقطها على الأرض أمام الطفلة".

ها... هتقولوا إيه المرة دي؟؟

أقول لك أنا.. هتقولوا إن الفتاة المتعرية (اللي هم الـ20% اللي فوق)، زائد الفرجة على القنوات الإباحية والكبت كانوا الخلطة السرية، وبرضه البنت هي السبب؛ لأنها تثير غرائز المتحرش وتجعله يعاكس أي أنثى تقابله في الطريق حتى لو محجبة.

عالم قبيح فعلاً.. وقطعاً.. لا يمتّ لعالمنا بِصِلة!

ينظر إلى نصفه الآخر وهو "النساء" على طريقة "كلهن عاهرات والشريفة منهن لم تأتها الفرصة"، وكل رجل يتصور بخياله المريض أنه بتحرشه بالنساء يمنحهن فرصة العمر التي يجلسن في انتظارها.. والمشكلة أننا نسوق له من المبررات ما يجعله ينظر لنفسه باحترام، ويظن أنه بذلك بطل قومي، فهو بتحرشه بالفتاة.. يا إما يرفع من روحها المعنوية.. أو يمتّعها بما هي محرومة منه وتسعى إليه بكونها أنثى.. أو يعلّمها الأدب لكي تغطي نفسها.. أو يحاربها؛ لأنها كافرة وفاجرة وخارجة عن الدين.. أو مسكين يفرغ مكبوته الجنسي الذي ساهمت هي بشكل كبير في ثورته وإشعاله.. يعني الراجل يعمل إيه؟

فضيلة المفتي بنفسه هو الذي سيقول ما الذي يجب أن يفعله الرجل وليس نحن...

يقول فضيلة "الشيخ الدكتور علي جمعة": إن المرأة التي ترتدي هذه الملابس الفاضحة، المخالفة لأمر الله ورسوله صلى الله عليه وسلم ترتكب إثماً ومعصية، وعندما يرتكب الناس من حولي الإثم والمعصية لا يكون ذلك مبرراً لي أن أقلّدهم أو أن أسير في هواهم، إن الله سبحانه وتعالى قال: {ولا تزر وازرة وزر أخرى}، وقال: {وكل إنسان ألزمناه طائره في عنقه ونخرج له يوم القيامة كتاباً يلقاه منشوراً، اقرأ كتابك كفى بنفسك اليوم عليك حسيباً}؛ فكل إنسان سوف يُحاسَب محاسبة مستقلة يوم يفر المرء من أخيه وأمه وأبيه وصاحبته وبنيه، لكل امرئ منهم يومئذ شأن يغنيه.. ولذلك فـ"لا تزر وازرة وزر أخرى" يعدّ مبدأ عاماً في القرآن يكوّن عقل المسلم الذي يستقل بالأعمال، ولا يجعل المعصية التي حوله دافعاً له إلى المعصية، كما يقول النبي صلى الله عليه وسلم: "لا يكُن أحدكم إمّعة، يقول أنا مع الناس، إن أحسن الناس أحسنت، وإن أساءوا أساءت، بل وطّنوا أنفسكم على أنهم إن أحسنوا فأحسنوا وإن أساءوا فلا تظلموا" ولا مبرر لهم.

إن التحرش بالنساء واغتصاب النساء من الكبائر، ولذلك يجب على كل مسلم غضّ البصر، وقال رسول الله صلى الله عليه وسلم: "يا معشر الشباب من استطاع منكم الباءة (أي كلفة الزواج) فليتزوج، ومن لم يستطع فعليه بالصوم فإنه له وِجَاء".

لم يبرر رسول الله صلى الله عليه وسلم للشباب معصيتهم، كما يحب بعض الناس أن يبرّر لنفسه، إنه قد اضطر للاغتصاب أو التحرش، بل دعاه إلى الصيام وإلى العفاف، وإلى أن يكون ذلك الإنسان الطيب الرباني الذي لا تؤثر فيه ما حوله من المعاصي". انتهى كلام الدكتور علي جمعة.

طيب قبل ما ننتهي مع طرح القضية دي.. تعالوا نلتفت لحاجة مهمة.. ليه في الأحياء الشعبية الأصيلة زي باب الشعرية والجمالية وشبرا والسيدة زينب ممكن تحسوا المعاكسات أقل؟ يمكن عشان لسه فيه ولاد بلد جدعان؟ يمكن عشان تعودوا على وجود السياح وأخواتنا المسيحيات بينهم؟ طب ليه في الأحياء الراقية برضه نسبة التحرش قليلة؟ وسرطان التحرش مستشري في مصر أكتر في العشوائيات والمناطق الجديدة؟ يا ترى فيه تفسير؟

وأنتم كمان من خلال تجاربكم... قولوا لنا

هل تبرير محاولات التحرش بحجة ارتداء البنات ملابس غير لائقة ومثيرة للغرائز

تبرير مقنع، أم حجة واهية؟؟

طيب لو بنت لا دينها ولا ثقافتها بتفرض عليها الحجاب.. تعمل إيه؟

ويا ترى حتى لو البنت "سيئة السمعة" من حق الناس تتحرش بيها؟

********

*كتبت هذا المقال لباب اول كلمة في مجلة بص وطل وتم نشره بتاريخ 17 يونيو 2010 يعني من سنة بالظبط

ما تحطش عليه اسمي لأنه كان افتتاحية العدد اللي كان بيكتبها عادة واحد او مجموعة مننا

فاكرة ان رئيس التحرير بعدها قاللي ان مقالي عمل رقم قياسي في عدد التصفح وعمل 92 تعليق

النهاردة بنشره تاني على مدونتي بمناسبة يوم التدوين ضد التحرش الجنسي .. وبقراه من جديد وسعيدة جدا بيه ... لأني عملت فيه شغل جامد الحقيقة

هلاوس حمل

2011-05-17T16:14:00.001+02:00

كالعادة تأتي أمي من الخارج محملة بما لذ وطاب، تخبرنا أنها احتفالا بشئ ما لا أتذكره قد قررت ان تعزم كل منا على رغيف جمبري وسمكة ، في سري أطالب بسمكتين لأنني جائعة جدا، في الجلسة تسأل أمي كل فرد في العائلة كيف يفضل سمكته مقلية ام مشوية ، وعندما تصل لعندي تخبرني ، انني خصوصا لي سمكتان لأني حامل ، فأتمنع خجلانة قائلة أنني لا أريد سوى سمكة بلطي مقلية مع رغيف الجمبري ويارب بس أعرف اكملهم .

أصحو وأمي تدخل يدها في الشنطة لتخرج السمكة ، انها الرابعة فجرا ، وامي في النصف الآخر من الكرة الأرضية ، أفكر أن اسأل صديقتي هنا عن محل سمك شهير اسمه "الريان" سأذهب إليه بحثاُ عن رغيف جمبري وسمكة مقلية على الطريقة المصرية ، أعد نفسي بأنني سأرسل لها رسالة في الصباح لأسألها عن محل السمك .

أذهب للحمام ... ثم اغلق باب غرفة النوم على زوجي وأذهب للمطبخ أبدأ في أعداد خلطة غذائية ، عبارة عن شوية من كل حاجة في الثلاجة ، قطع جبن من انواع مختلفة ، توست ، برتقالة – لبن بالشيكولاتة – وزيتون . أجلس مربعة على الكنبة وآكل بنهم ، يبدو أن هذا العفريت أستنفذ كل سعر حراري في جسدي، وصحاني في عز الفجر لأملأ التنك.

في ممر المول يجلس وبين يديه طفل لا يتعدى الثلاث شهور ، تتعلق عينا الطفل بي ويبدأ في الضحك والملاغية ، أتلفت حولي فلا أجد غيري ، وجهي جاد ومرهق ، ارتدي ألوان غامقة كعادتي ، فلمن يضحك هذا العفريت الصغير ، أتخيله يرى عقلة الأصبع في بطني ويضحك لها ، فربما يكون الحمل قد جعلني شفافة لهذه الكائنات الصغيرة ، أفكر في الاقتراب والسؤال عن جنس الطفل لأعتقادي بأن ضحكته القوية تنم عن أني أحمل جنينا مخالف لجنسه ، ابتعد موبخة نفسي على أفكاري الغريبة والطفل مازال ينظر لي ويضحك ويحرك جسده كله من الانفعال .

في الصباح عادة ما تقابلني طوابير صغيرة من الاطفال في سن الحضانة ، تحت اشراف عدد كبير من المدرسات تمشي بإنتظام في الشارع ، يبدو الأطفال فيها كقطيع أغنام صغير وجميل، سعداء بالتمشية يلوحون " باي باي" للسائرين حولهم وسائقي السيارات، تتعلق عيناي دائما بالأطفال السمر منهم ،فطفلي بالتأكيد سيكون أسمر فاتح أو قمحي زي ما بنقول في مصر ، ليته يكون ذو عيون عسلية ، وابتسامة واسعة ، لا اريد له وجها جادا أو شخصية عصبية تشبهني ، أتذكر كل أطفال أقاربي الذين قمت بالسخرية من أشكالهم واتخيل أنني سأنجب طفل به كل العيوب التي طالما تتبعتها في أطفال غيري ، أستغفر الله وأقوله " والنبي لأ يارب ... أنت عارف والله أنا كنت بهزر ومكنش قصدي "

عن(ماري ) التي ماتت و(م) التي أسلمت و(هـ) التي ارتدت النقاب

2011-05-09T09:13:00.001+02:00

دي فتنة طائفية فعلا ولا فلول ومؤامرة على الثورة وكده نفسي أفهم !

انهالت الذكريات عليّ واستعدت مشاهد قديمة جدا من طفولتي ، كان لنا فيها جارة مسيحية، بابها لصق بباب جدتي، كانوا كما تقول جدتي عشرة عمر، ومات زوجها ، وظلت هي وأربع أطفال ، أكبرهم كانت فتاة من عمر قريبة لي تكبرني ب 7 سنوات وعمرهما في ذلك الوقت كان حوالي 12 او 13 سنة واصغرهم كانت من عمر أختي الصغيرة التي كانت في ذلك الوقت في الرابعة او الخامسة من عمرها.

كنا بنلعب دايما مع بعض في الشارع، فاكرة كنا كمان بناكل مع بعض، بيتهم كانت ريحته مختلفة شوية عن بيتنا ، بس كان السطوح بتاعنا كلنا.

لغاية يوم مشئوم كما بنلعب في الشارع وبعدين البنت الصغيرة فاكرة كان اسمها "ماري" ، شافت ولد بيحط عصاية في صندوق الكهرباء وبيضحك عليها لأنها كانت عمالة تتحرك وترقص بفضول طفلة راحت ماري مسكتها ، ومسكت فيها الكهرباء ، وقفنا مذهولين شايفنها بتزرق والحياة بتروح منها .

فاكرة ان محدش في الشارع اتجرأ يلمسها ، خرجت جدتي على الصريخ وجابت في ايدها سجادة ولفيتها حواليها وشديتها بقوة ، فاكرة شكل جدتي وهي قاعدة على درجتين السلم في الحوش وحاضنة ماري جوه السجادة بعد ما كانت خلاص طلعت روحها، وفاكرة كويس حزن أختي الصغيرة عليها لفترة لأنها كانت أكثرنا ارتباطا بيها،أنا كنت مركزة على فكرة الموت اللي شفته بعيني ، وقتها جدتي قعدت تحكي لي عن موت ابو ماري ووقفتها زي الرجالة برضه ساعتها، وحكت لي برضه على ابو ياسر اللي ولع في نفسه جوه الشقة وهي الوحيدة اللي اتجرأت ودخلت عشان تطفيه، قلبها جامد قوي جدتي .

بس مامة ماري اللي مكنتش بتقلع الأسود كانت خلاص قلبها اتفتفت والحزن بقى باين عليها تقريبا مابقتش قادرة تستحمل البيت اللي مات فيه جوزها وبنتها ورا بعض، فعزلت وراحت على ما افتكر الحوامدية، ساعتها قالوا انها حتة بعيدة في الناحية التانية من النيل ولازم عشان نروح نركب مركب.

قريبتي (هـ) هي اللي فضلت على علاقة كويسة ببنتها الكبيرة (م) ، كانت بيجمعهم سن واحد وذكريات المراهقة، فاكرة كانت (م) بتيجي من الحوامدية في العيد بتاعنا وهي و(هـ) يروحوا الكوافير ويعملوا شعرهم ويخرجوا ، ولما كنا بنخرج معاهم كان الولاد يقعدوا يعاكسوهم واحنا لاء .

السنين عدت ... سنين كتير عدت على الكلام ده

أمي بعد ما كانت بشعرها بعدها ربطت ايشارب صغير وبعده لبست خمار، بس جدتي فضلت زي ماهي، و(هـ) اتجوزت وخلفت واتحجبت وفي يوم لقيتها بتقولي بفرحة مش (م) أسلمت، رديت باستغراب (م) مين ؟ وفجأة الزمن رجع لورا .

(م) أسلمت وجاية تزورني قالت هي ، كنت مستنية بشوق أعرف تفاصيل القصة ، يوم الزيارة خلص ، وكلمتها عشان اعرف ايه اللي حصل ، (هـ) اللي كانت رايحة بتمني نفسها بمقابلة صديقة الطفولة بعد ما ربنا هداها، وفاكرة انها هتلاقيها لابسة خمار ولا نقاب، اتفاجأت بيها لابسة بنطلون ضيق وبدي كت ، على لسانها بتقول انها كانت عريانة لدرجة خليتها مكسوفة تمشي جنبها في الشارع ، وكانت قلقانة تاخدها معاها البيت لأحسن جوزها عينه تزوغ عليها خصوصا وهما كانوا بيهزروا في الليلة اللي قبلها من كتر الحكايات عن مدى صداقتهم بأنها طالما اسلمت هيتجوزها عليها.

لما قعدوا سوا (م) حكت لها عن حبها لواحد مسلم واسلامها عشانه لكن بعد ما سيبها بيتها واهلها وهربت معاه على شرم الشيخ ، فوجئت انه عاوز يشغلها لحسابه وياخد فلوسها، هربت منه ومن كل حاجة وبدأت تشتغل وتعيش لنفسها.

بعد اليوم ده انتهت الصداقة دي نهائيا على ما أظن

(هـ) اللي انتقبت منذ عدة سنوات هي وبعض نساء العائلة راحت على عماها الشهر اللي فات مع زمايلها في المعهد الديني تقول نعم على التعديلات الدستورية بعد ما شحنوهم كلهم وخرجوهم بدري في نفس اليوم عشان يقولوا نعم للدين- وطبعا ده تخدير ولعب بعقول الناس السذج - ويهللوا لهم بعد كده بأنهم كسبوا غزوة الصناديق.

هي نفسها اللي بنتها كانت السنة اللي فاتت قاعدة قدام التليفزيون في بيتنا بتقول انها بتكره البابا شنودة وعشان كده كتبت أنا مقالة (اللي قتل المسلمين في صلاة الجمعة هو اللي خلى مريم تكره البابا شنودة) والتي نشرت في بص وطل، وكنت بهاجم وقتها التفكير الجامد لبعض العقليات اللي بتكفر حتى المسلمين من المذاهب والطوائف الأخرى، فكيف الحال اذا كانوا نصارى كمان.

البنت (م) اللي أسلمت دي معرفش مصيرها إيه دلوقتي الحقيقة ! بس هي أكيد مش محبوسة في كنيسة في الغالب بتشتغل في الغردقة ولا شرم ،وانا لو منها بعد التجربة المرة دي ممكن ارجع لديني واترهبن وأخلص .

اللي افتكرته الليلة دي كمان ، ولد صغير بس تربية زبالة كان راكب معايا في ميكروباص المرج ألف مسكن ، والميكروباص ماشي في شارع أحمد عصمت ، واللي راح هناك عارف المكان ده كله مسيحيين وكنايس ، كان الولد من جوه الميكروباص وكل ما يجي قدام كنيسة يقعد يشتم شتايم قبيحة جدا ، المشكلة ان ماحدش قاله عيب أو حتى قاله عيب عشان صوته المزعج ، أنا شخصيا كان نفسي اديله بالقلم على وشه ، لكن كنت خايفة يبهدلني انا كمان شتيمة من النوع ده ، كنت بأكتفي بأني أكرهه جوايا وأكره كل حاجة وصلت له أن المسيحيين كذا وكذا زي ما هو كان فاكر.

أكيد في علاقة بين الحكايات دي ومشهد الكنايس المحروقة اللي أنا شفته في النشرة الكندية النهاردة ، وحسيت بعده كأن حد عراني قدام الناس ، وكأني بكرة بعد كنت بأرفع راسي وأقول اني مصرية هضطر ارجع أنكسها وأقول أنا آسفة والله بس احنا مش عارفين مين الكلاب اللي عملوا كده

أو يمكن عارفين ومش عاوزين نقول ؟ او مش عاوزين نصدق أن في حالة حصلت في ال20 سنة الأخيرة جوه مصر خلت الناس مبقتش زي الأول الفساد داس على رقبة الكل والفقر والجهل بقوا مرض عضال زي السرطان.

هل توجد فعلا فتنة طائفية في مصر ؟

سؤال أردت أن اجيب نفسي عليه بمنتهى الأمانة، قبل أن أحاول الإجابة عليه لأي شخص آخر.

مشهد الكنائس المحترقة في نشرة الليلة لا تفارق مخيلتي، وكذلك تقرير المراسل من الشرق الأوسط والذي كتب تحت اسمه مكان تواجده أثناء بث التقرير ( أورشليم) أو القدس كما نسميها يعني اسرائيل م الآخر.

بعيدا عن علاقاتي الجيدة جدا بالكثير من المسيحيين، وعن حبي لهم واعتباري للبعض منهم انهم افضل اصدقائي على الإطلاق ، بل أنهم من أفضل من عرفت من البشر، وبعيدا أيضا عن حبي لمصر وخوفي على مستقبلها وعدم رغبتي في أن أكون واحدة من الليبراليين الشامتين في المسلمين المحافظين أو المهاجرين الذين يحاولون تبرير عدم قدرتهم على دخول الكرم بأن عنبه حامض.

في مسلمين كتير مؤمنين أن المسيحيين مواطنين درجة تانية ودي في حد ذاتها كارثة تمييز، ومصدقين أن الكنايس فيها سلاح وأسود ، مع ان الكنايس دايما فاتحة أبوابها وعمر ما واحدة اتسألت هي داخلة ليه حتى ولو لابسة حجاب، وعمري ما شفت هناك اسود ولا أسلحة بس شموع وقزاز ملون بيخش منه النور يكشف رسومات بديعة على الخشب والحيطان بتحكي حكايات.

زمان كنا بنندر شمع للعدرا زي ما كنا بنندر نصلي في السيدة نفيسة ، الرجل اللي ظهر في الفيديو بيقول النصارى الكلاب غايظني قوي وحارق دمي، حرق دمي أكتر لما قال منبقاش رجالة لو مولعناش في كنايس امبابة كلها، حسيت انه بيهددني يولع في بيتي وأهلي كمان لو في يوم ماعجبنيش اللي بيقوله.

منظر الكنيسة المحروقة مش عاوز يفارق عيني ، وبتخايلني معاه صورة اختي المحجبة اللي اتصورتها من كام اسبوع على سلالم كنيسة ماري جرجس وحطيتها على البروفايل وكلها انطلاق.

احنا ليه بنموت الحاجات الحلوة بهبل كده

أنا بأعترف لنفسي وبأقولها بصراحة أن في فتنة طائفية في مصر ومفيش حرية عقيدة

وفي كمان حالة من الغباء المستشري الناجم عن سنين من الأفكار السودا صدرتها القنوات الدينية، بالخطاب اللي كله تمييز عن اننا احسن خلق الله وخير أمة اخرجت للناس واننا هناخد الجنة تمليك ومش هنرضى نأجرها لحد.

فرقنا ايه عن اليهود لما قالوا انهم شعب الله المختار

ولا عن هتلر لما شاف الألمان هما الحلوين والباقي سلطة

واللي مش مصدقني أن في غباء مستشري وعنصرية مفرطة ... اقروا بس تعليقات الناس على المقالات المتعلقة بالموضوع .

بجد انا زعلانة قوي ومش عارفة أعمل ايه ؟

ومش عارفة لو كنت مسيحية في مصر كان هيبقى احساسي ايه دلوقتي بس بجد ربنا يصبركوا ويصبرنا على ما بلانا .

* الصورة من تصوير د. احمد الشامي أثناء أحد المليونيات واتحدى أي شخص اذا كان يقدر يحدد دين البنت دي ايه !

عندما رأيت عقلة الأصبع

2011-04-12T22:23:00.000+02:00

وكأن الله قد أراد لي أن أمر بكل المشاعر الإنسانية المصاحبة لتجربة الحمل، حتى ذلك الإحساس المؤلم بالفقد، عندما تتفاجئ المرأة بذلك السائل الساخن اللزج يندفع بقوة منها وكأنه فيضان لا يوقفه سد، دم أحمر قان وحار، ولم يستطيع عقلي البسيط تحديد هل هي دماء تخصني أم تخص ذلك المخلوق الذي نبت بداخلي.

وكما الحال مع كل دقيقة تمر عليّ هذه الأيام من مشاعر متناقضة، تحمل قدراً من الفرحة كما تحمل قدرا من الحزن، تغرقني في اللذة وتحيطني بالخوف ، كان شعوري بهذا النزيف متأرجحاً بين التحرر من قيود المسئولية والإرهاق المصاحب لي خلال الاسابيع الماضية، وبين تلك المرارة التي تتبع كل احساس بالفقد.

عايشت ساعات صعبة، وعرفت فعلا معنى أن تكون غريباً في بلاد غريبة وليس لك أصدقاء حقيقيون أو أهل، ان الألم المعنوي في هذه اللحظات أشد وقعا من الألم الجسدي أو المادي .

حتى انه من الصعب جدا ان نوصفه أو نضعه في قالب الكلمات، لذلك عادة ما اكتب عن تجاربي بعد ان أفيق من دوامتها، عندما اخرج من براثنها واجلس وحدي لأشاهدها من الخارج.

لم يكن معي أحد سواي ، مرة أخرى، أواجه قدري بمفردي، بعد ان قام زوجي بكل الأمور المادية التي تتوجب عليه في مثل هذه الظروف، لم يدرك بحاسته الانسانية او الرجولية، إنني أحتاج دعماً معنويا أكبر.

همست لنفسي كالعادة الوحدة ليست جديدة عليك ، والدعم الذي تحتاجينه، قد تعودتي أن تحصلي عليه من داخلك ، كوني قوية ، وتماسكي ، ودعي الأمور تمر.

كانت الخطوة الأخيرة في الرحلة هي اكتشاف هل فقدته فعلا ؟ ام انه لازال موجوداً ؟ امام موظفة الاستقبال ابتسمت بآلية رداً على كلامها، الذي طلبت أن يكون بالانجليزية فأخبرتني أنها لا تجيدها، هززت رأسي بآلية اسمع تعليماتها بالفرنسية عن انني يجب ان اتجه الى اليمين لأجد شيئا ما واخلع ملابسي وارتدي جاكيت واذهب الى اليسار لانتظر دوري.

غير متأكدة ان ما فهمته من كلامها صحيحا، حاولت بعقلي أكتشاف ما يجب أن أفعله.

عندما وصلت إلى قاعة الانتظار، زاد من وحدتي كون كل الموجودين يملكون مرافقين إلا انا، سمعت اسمي الأخير من خلال النداء فهرولت محملة بملابسي وحقيبتي على يدي مرتدية ملابس المستشفي أبحث عن رقم الغرفة، تمددت على الشيزلونج ووضعت الممرضة سائلها اللزج على بطني ، وبدأت تكشف عن رحمي بالموجات فوق الصوتية، على الشاشة كنت أرى كيان رمادي بداخله ثقب اسود كبير.

قصصت لها بالإنجليزية قصة النزيف وطلب طبيبي أن اقوم بالايكوجرافي لأعرف هل مازلت حامل أم لا ؟ قالت لي : انني ارى دقات قلب هنا واشارت الى مكان على الشاشة.

كانت نقطة صغيرة تضئ وتطفئ في انتظام، قالت لي : انه مازال موجوداً ، ولكنه صغير جدا حوالي سنتيمتر واحد ، وهذا حجم طبيعي لأن عمره 7 اسابيع، دعيني أسأل الدكتور واعود اليك، سألتها عن الثقب الأسود الكبير قالت لي انه الماء الذي يحيط به. وذهبت .

دخل الطبيب الأسيوي الأصل وقال لي : نعم انه موجود ، وفي مكانه الطبيعي، فلا تقلقي ، فقط عودي بالتقرير لطبيب الطوارئ أو اذهبي لطبيب نساء وتوليد.

استلمت التقرير، وخرجت بمشاعر مضطربة، تتعلق بذاكرتي صورة عقلة الأصبع العنيد الذي قرر الالتصاق بي، ولذلك قررت أنا الأخرى احتضانه.

بانجي جامبينج الأمومة

2011-04-05T10:08:00.000+02:00

أنا دلوقتي في الشهر الثاني ... بيقولوا الهرمونات في الفترة دي بتلغبط كيان الست، أختي بتكلمني وتضحك أقولها :إيه ؟ تقولي من وقت ما حملتي وأنتي كل يوم في حال!

ده حقيقي جدا ... إحساسي في الفترة دي بالظبط زي لعبة " البانجي جامبينج " لما بيشدوا حبلين مطاطين جامد ويربطوك فيهم ، وبعدين فجأة يفكوك فتبدأ تترفع لفوق آخر حاجة وبعدين تنزل لتحت تاني وترجع ترد فوق تاني، بالظبط وكأنك يويو في إيد طفل شقي، عامل يلعب بيه ويحدفه في كل الإتجاهات.

ولو استنيت شوية كده ، وقلت أفكر آخد نفسي ، أصبر حبة ، ألاقي ستين عفريت بيتنططوا في دماغي ، وكل واحد بيبص للـ 59 الباقيين ويقولهم " من أنتم ؟ من أنتم ؟ "

بيقولوا بعد أول ثلاث شهور الواحد بيبدأ يستقر أكتر ويهدا ، جوزي بيقولي "مشكلتك أنك مش بتبطلي تفكير " وهو ده اللي بيقلقك بالليل ، وبيجيب لك كوابيس.

امبارح حلمت أن الشباك اتفتح ودخل منه ناموس كتير وصحيت على الوجع من قرص الناموس اللي مش موجود غير ف أحلامي طبعا ... زائد أن ساعات جسمي بيسخن قوي وده ممكن يصحيني ومعرفش انام بعدها ... حاولت أفهم جوزي أني والله مش بفكر في أي حاجة ، وبيكون نفسي أنام تاني بس مبعرفش .

وف الآخر بتسحب لبره واعمل كوباية كاموميل ، القهوة والشاي ممنوعين عشان الكافيين ، وافتح الكمبيوتر وافضل أكتب واكتب .

الغريب أن بقالي فترة باكتب ومش بابعت للنشر ، مش عارفة ليه ؟ فجأة بقيت حاسة ان شغلي ناقص ، دايما أقول هكمله ومش باكمله وبعدين يعدي الوقت ، ويبقى الموضوع بايت، ويتركن بدون ما حد يقراه غيري.

مع أن شغلي مهم ليّ قوي، بس بقيت حاسة إني عاجزة عن عمل حاجة كاملة في الفترة دي ! ولا دي وساوس الحمل ؟ والله مش عارفة .

هابقى أم

2011-04-02T14:59:00.003+02:00

إحساس غريب قوي، في البداية مكنتش مصدقة نتيجة اختبار الحمل، أنا مش مصدقة أني حامل

وهابقى أم .

هابقى أم ... يعني إيه هابقى أم ؟ تختلط في ذهني المعاني، وتتصارع بداخلي الأحاسيس، بالتأكيد دي حاجة كويسة إني أكون أم ... طب ليه أنا خايفة كده وجوايا رغبة شديدة في البكاء، لا ده مش بس خوف ، ده رعب ، رعب من المسئولية ومن فكرة إني ممكن مرجعش أبداً البنت الحرة اللي كنتها.

بس في الوقت نفسه إحساس قوي بالتميز، بأن ربنا أداني حاجة ولازم احافظ عليها، بأن في طاقة نور بتفتح جوايا وحياة بتتولد وادراك لأني خلاص مبقتش واحد، بقيت اتنين في واحد، مش عارفة ليه بدأت أهدا لما حسيت إني أخيرا هلاقي الحب الغير مشروط ، الطفل اللي هيتولد ده أكيد هيحبني ، حتى لو عاقبته أو تعبته معايا وان شاء الله ده عمره ما هيحصل بس هو هيفضل برضه يحبني، عشان احنا بنتولد كده بنحب أهلنا ، ومهما عذبونا بنفضل نحبهم ، حتى لو هنتعذب بالحب ده.

بس إيه ده يعني مش هينفع اشتري عجلة في الصيف ! وبعد كده خلاص ولمدة كام سنة هيبقى صعب اسافر او اخرج لوحدي من غير الطفل ده ، وهاتخن وبطني هتكبر ! طب هعرف ارجع تاني لجسمي بعد الولادة ولا لاء ؟ ده انا مصدقت خسيت ياربي !

نظرة جوزي ليّ بقت مختلفة بقى حاسس أننا واحد ، وبقى خايف علي زي ما بيخاف على نفسه ، آهـ ماكنتش باحس الحاجات دي قبل كده، دلوقتي بيبص لي وكأنه نفسه يقشرني ويطلع البيبي، أو نفسي ينط في بطني ويقعد جوه هو كمان J

حاجة تضحك .... أول ماعرفت قعدت اعيط كتير، ما كنتش عارفة بأعيط ليه، وعشان جوزي ما يزعلش قلت له ارجوك ما تاخدش بكايا بشكل شخصي، صدقني أنا شخصيا مش عارفة أنا باعيط ليه ! قاللي طب ممكن تهدي بقى عشان البيبي هايبقى حاسس بكل حاجة.

"انا مالي انا يبقى حاسس بكل حاجة ولا عن أهله ما حس هو هيقرفني ويكبس على نفسي من قبل حتى ما يجي للدنيا"، وبطلت عياط وهديت.

وخرجت جوزي بالليل في البرد يمشيني ونجيب حاجات من الصيدلية.

في الجيم بنات صغيرين كانوا بيتحضروا لدرس السباحة، فراشات صغيرة في مايوهات ملونة، يا ترى البيبي هيكون زيهم ، لازم اخليه يتعلم سباحة ، ويعزف مزيكا ، ويتزحلق على التلج ، بس لو طلع بيحب الهوكي وقرر يلعبه انا هاطرده من البيت، الهوكي ده صعب قوي وبيضربوا بعض جامد أنا عندي يلعب مصارعة أرحم .

لا انا مش هاقول له يعمل ايه وما يعملش ايه؟

هربيه كويس وهو اللي يختار بنفسه

انا عاوزة ابقى صاحبته أو صاحبتها

ومش عاوزة أبقى أم.

لما الإخوان بقوا معتدلين وعبود الزمر معتدل .... أمال مين اللي متطرف "أمي"؟؟؟

2011-03-20T18:33:00.001+02:00

والنبي يا جماعة أنا عاوزة أفهم دلوقتي !

لما الإخوان بقوا معتدلين وعبود الزمر معتدل .... أمال مين اللي متطرف "أمي"؟؟؟ !!!!!!!!!!!!!

مع الإعتذار لأمي طبعا عشان هي ست كمل وضفرها برقبة 100 راجل ، وشقيت وتعبت وربت بنتين زي الفل لغاية ما اتخرجوا م الجامعة ، وكل ده من شقاها وعرقها وشغلها وكفيتها ليل ونهار ....

مش أمي بس ... أمهات كتير قوي ... 30% من أسر مصر بتعولهم ستات .... ستات أحسن من الرجالة وأشرف وأطهر و أكثر إحتراماً ... مع انهم بيخرجوا لوحدهم وبينحشروا في الميكروباصات وبيتعاكسوا في الشارع ، ومنهم اللي شغالين في وزارة الاعلام والدفاع وكان ممنوع يلبسوا الحجاب ، ومنهم اللي لابسينه عن اقتناع ، ومنهم اللي لابسينه ستر ، ومنهم اللي مش لابسينه وده ميقللش من قيمتهم وحشمتهم واحترامنا ليهم واحترامهم لأنفسهم .

بس لو فرضنا انها "أمي " اللي متطرفة وعاوزة مصر اسلامية .

فليه يا ماما تعملي كده .. هه؟ ليه .... ردي عليّ ؟

عاوزة يقعدوكي في البيت وتبقى اسلامية ، طب ابويا الله يرحمه ، ما تجوزش عليه دلوقتي غير الرحمة ، كان زي رجال كتير دلوقتي حوالينا مش متحمل للمسئولية ، كنت ازاي هتشتغلي ليل والنهار بالنقاب ؟ ازاي كنتي هتوفري لنا المم و ازاي كنت هتتحركي بحريتك وانت ست وحيدة ومعاها بنات وملهاش محرم ، انت مش بتشوفي الستات بيحصل لهم ايه في حكم طالبان يا ماما؟؟!!

الأخت المنقبة اللي قاعدة في البيت هتعملي ايه لو جوزك مات ، هتمدي ايدك لأهلك اللي اصلا غلابة عشان يريوا ولادك ، ولا هتشحتي، ولا هتشتغلي بالنقاب بملاليم وأنا وانتي عارفين وكل ده ليه ؟ عشان انتي مش شايفة نفسك بني آدم يستحق الحرية . ليه؟ ليه تبقي دكتورة ولا ومهندسة ولا مدرسة وتقرري تلبسي النقاب وتقعدي في البيت ، وايه قيمة حياتك ؟ لو محققتيش نفسك ؟ وعمرتي الدنيا زيك زي الرجالة ؟

ولا كل همك تخلفي عيال وتربيهم عشان يطلعوا معقدين زيك وزي أبوهم ؟؟؟!!! سامحيني أيون ... انتوا معقدين .... والله العظيم تلاتة معقدين وبتطلعوا عقدكوا على بعض . ومن يأسكوا في الدنيا وفقركوا وغلبكوا فيها ، فقدتوا الامل وفاكرين الآخرة هتبقى أحسن .... افرضي مكنتش أحسن ... عشان انتوا معملتوش حاجة ليها اصلا ، اتقوقعتوا واتجوزتوا افرغتوا رغباتكوا في الحلال وجبتوا عيال ، عملتوا ايه للعالم ؟ قدمتوا ايه للإنسانية غير بؤساء زيكم ؟ لا قادرين يحبوا نفسهم ولا غيرهم وبيداروا جهلهم في معرفة شيخهم اللي هو اصلا دجال وبيضحك عليكم .

عايزة تبقى زي ستات السعودية،طب ستات السعودية عندهم بترول وعربيات ومشكلاتهم انهم ماينفعش يسوقوا او يخرجوا بدون محرم،انتي بقى يا حلوة هتلاقي محرم عشان تركبي الميكروباص والاتوبيس ، ولا هتتحدد اقامتك وتعيشي كأنك في سجن زائد السجن الاسود اللي انتي حاطة نفسك فيه اصلا .

طيب هتقدري ماتتفرجيش على منى الشاذلي ولا هاينقبوها ويسموا البرنامج السادسة مساءا عشان العاشرة متأخر قوي ،ومنى زكي هيعملوا فيها ايه!هيخلوها تمثل مع حلمي بس،واحمد السقا ميلاقيش حد يمثل قدامه!!!!!

ولا هيلغو السينما من اصله والتليفزيون ... ايه اللي يقعده ... ده اسمه المفسديون مش التليفزيون

ويلغوا الأدب بالمرة .... والمزيكا حرام طبعا

واقطعوا مواقع الانترنت .... مينفعش اصلا ستات تخش على الانترنت بدون محرم

والتليفونات أم كاميرا ... وحشة .... وحشة .... عاوزين تفضحوا الفساد ولا تصوروا فيديوهات اباحية يا كلاب

والرجالة تلبس جلاليب والستات نقاب

واعملوا هيئة امر بالمعروف ونهي عن المنكر ..... وافصلوا الولاد عن البنات في الجامعة والمدارس

وخلوا الشذوذ عندنا يبقى في أبهى صوره زي ما بنسمع عن الدول اللي مفيهاش اختلاط

واعملوا لجنة تكفير وابدأوا بالفنانين والمثقفين ... حطوهم في الميداين العامة وولعوا فيهم

وديمقراطية ايه ؟ الديمقراطية دي حرام زي الخمر ولحم الخنزير ... مفيش ديمقراطية في طاعة ولي الأمر

مش هو ده الاسلام الجديد ؟ اللي بقالوا سنين سايب كل الحاجات الحلوة اللي في جوهر الاسلام وبيتكلم في جواجب المرأة ، والكاسيات العاريات ، واللحية سنة ولا فرض .

ليه يا ماما ليه؟ ليه تكوني متطرفة كده وعاوزة دولة اسلامية ؟

ليه متبقيش معتدلة زي الإخوان يعني يدوب ترضي بأن الستات يمشوا ورا والرجالة قدام ... ليه عاوزة الستات مايمشوش خالص.

أنا طبعا مش بقولك يمشوا جنب بعض يعني لأن ده طبعا ضد القوامة وضد الدين الإسلامي الجديد ، اللي بيقول ما ينفعش ست تبقى ريس أو مدير أو اي حاجة قدام ... أو في الجنب... لازم تبقى ورا ....

يا ماما كان كفاية تبقى معتدلة وترجعينا ورا .... ليه مصممة تدفنينا في التراب وتوأدينا في النقاب.

ليه ياماما ليه ؟ ليه تكوني متطرفة وما تبقيش يدوبك زي العبودي ... بودي ...بودي ... أنكل الزمر اللي قتل السادات ؟

يدوبك تقتلي الريس اللي يضايقك ؟

ليه يا ماما عاوزة الناس تتقسم ؟؟ وتبقى الدولة اسلامية ؟؟

واصحابي الأقباط الوحشين اللي بيقولوا الله تالت تلاتة .... الكفرة .....

هتعملي معاهم ايه ؟؟؟؟

عاوزة يدفعوا الجزية أو تحاربيهم وتفجريهم ... ليه يا ماما .....؟؟؟

ولا هتصدريهم لأمريكا ؟

عموما لو راحوا امريكا هما الكسبانين ؟ بس على الله ماتبعتيش حد يموتهم هناك ؟؟

يا مصر يا أمي .... لو بقيتي اسلامية ... لـ أنتي أمي ولا أعرفك ....

طول عمرك حاضنة الناس وبتحترمي أهلك بدون ما تميزي بجنس ولون أو دين

إبه اللي حصلك يا مصر ....

ملحوظة:

المقال فيه أجزاء مكتوبة بطريقة ساخرة والمقصود بيها هو عكسها تماما؟ أنا عارفة ناس كتير مخها متربس وهتفهم غلط

ملحوظة تانية:

أيون أنا وحشة وبنت كلب وبهاجم النقاب .... والاخوان .... والزمر ..... وكل اللي بيدعوا لدولة اسلامية ... لأنهم ظلمة .... والحكم لله وحده بيننا .

ترجمة مقالي المنشور اليوم بالسياتل تايمز .. مصر ملك لنا وحدنا

2011-02-03T17:21:00.001+02:00

اليوم يناضل الناس في مصر من أجل حقوق الإنسان والكرامة ، مثلنا مثل باقي البشرية نريد أن نوفر الاحتياجات الأساسية لعائلاتنا ، وثورتنا لم تأتي فجأة ولم تكن مجرد امتداد لثورة الياسمين في تونس ، ولكنها كانت نهاية القمع والظلم والتعذيب لسنوات طويلة على يد نظام مبارك.

لقد قاومنا طويلا وقمنا بمظاهرات واحتجاجات كثيرة خلال السنوات الماضية في كل أنحاء مصر لكن هذه الأحداث لم تكن تحظى بالتغطية الإعلامية الدولية ولن أنسى أبداً: اعتصام ذوي الاحتياجات الخاصة أمام وزارة الصحة ، ونوم هؤلاء على الرصيف في مواجهة نافذة الوزير لأسابيع ، يطالبون برعاية صحية أو عمل مناسب أو طعام لأطفالهم ، لكن لا أحد من حكومة مبارك قرر أن يستمع لهم أو يساعدهم .

مبارك جعلنا نكره أنفسنا ، ونكره بلادنا ونشعر إننا لن نحصل على حقوقنا ولن نحيا بكرامتنا إلا عندما نرحل عن هذا الوطن.

الآن ولأول مرة ، نحن أحرار ومدركون أننا نشكل قوة حقيقية، نحن ملاك هذا الوطن وأن المصريون وحدهم هم أصحاب الحق في إختيار حكومتهم، مثلهم تماما مثل الأمريكان ... من حق الشعب المصري ان يختار حكومته ورئيسه، فلا أحد يتدخل في اختياركم لرئيس الولايات المتحدة الأمريكية ، فلم يملي أحد عليكم أختياركم لبوش في فترة رئاسة ثانية رغم احتلاله للعراق وكراهية العرب له ، ولم يشير لكم أحد بإختيار أوباما لقد كان قراركم وحدكم .

لذلك من حق الشعل المصري حين يختار حكومته أن ينظر ككل شعوب العالم لمصالحه ومتطلباته أولاً ، وليس إلى مصلحة إسرائيل التي تخشى على معاهداتها أو على مصلحة أمريكا التي تخشى سيطرة الإخوان المسلمون.

نحن ولأول مرة بعد أعوام من التخلف والخوف والقهر ، نصحو ونفيق ونقرر أن من حقنا تغيير نظام يسرقنا و يعتقلنا ويجوعنا ولا تهمه مصالحنا ، نظام أغرقنا في المشاكل والديون والجوع والفقر وجعل الشباب المصريين يلقوا بأنفسهم إلى البحر المتوسط بحثاً عن هجرة غير شرعية حتى لو هدد الموت حياته.

فلماذا تملون علينا إختياراتنا ، ولماذا ينادي خبراء الخارجية الأمريكية والمحللين السياسين بالإبقاء على نظام مبارك دعوني أسألكم سؤال واحد : لماذا لا تظهر الآن تلك الدعوات الكريمة لحقوق الإنسان والديمقراطية والحرية ... الآن أصبحت كل قضيتكم هو حماية مصالحكم وصديقكم مبارك؟؟

الكثير يخافون في حال حصولنا على الديمقراطية أننا سننتخب المتطرفين ، والبعض يقول ديكتاتور أفضل من متطرف ، وأين حق الأمم في تقرير مصيرها ، الكثير يخافون على مستقبل قناة السويس أو مستقبل اسرائيل ؟ مرة ثانية أحب أن أسألكم ، أين الحرية والديمقراطية وحقوق الإنسان التي أعتبر الأمريكان أنفسهم رسلا لها ، أين الرسالة ؟

رسالتكم وجدناها على القنابل المسيلة للدموع المصنوعة في أمريكا والتي استخدمت لقمع المتظاهرين، رسالتكم وجدناها من مساندتكم لديكتاتور طوال هذه السنوات، رسالتكم ليس لها علاقة بالحرية ولا الديمقراطية ولا حقوق الإنسان، ولكن لها علاقة بالرعب الذي زرعه مبارك في قلب الإدارة الأمريكية من فكرة قفز الإسلاميين على الحكم في مصر في حال سقوطه ، الرعب الذي تتجاهلون الملايين الذين يطالبون بحرياتهم وأبسط الاحتياجات الإنسانية.

لكن اسمحوا لي أن أقول لكم ،ان الخطر الحقيقي الذي تواجهه أمريكا الآن في مصر ليس الأخوان المسلمون ، في الحقيقة يستطيع مراسليكم في شوارع القاهرة الآن أن يخبروكم عن حجم الإخوان الحقيقي في الشارع المصري .

ان صلاة الناس في الشارع لا تعني بأي شكل من الأشكال أنهم متطرفين، انها نوع من أنواع التعبير عن الايمان والصلاة لله أن يساعدهم ، إرتداء النساء للحجاب لا يعني أنهم متطرفين، حتى لو كانوا أعضاء في جماعة الإخوان المسلمون ، فلعلمكم جماعة الإخوان المسلمون غير مسجلة في قائمة الجماعات الارهابية التي تهدد أمريكا في الخارج.

ليس من حقكم أن تدعو لحقوق الانسان والحرية ثم تقتصروها على عرق أو جنسية أو ديانة ، فالحرية يجب أن تكون لكل البشر .

إن الخطر الحقيقي الذي يهدد أمريكا الآن هو فقدها لمصداقيتها في المجتمعات العربية التي تسعى للتحرر والديمقراطية ، فالكثير من العرب الآن يؤمنون أن أمريكا تقمع 80 مليون مصري وتفضل بقاء الحكام العرب الطغاة طالما أفكارهم المستبدة لا تؤثر على مصالحها.

أن الخطر الحقيقي أن تبدأ الشعوب العربية في تصديق المتطرفين والإيمان بأن " الحرية والديمقراطية وحقوق الإنسان للأمريكان فقط ".

* لقراءة المقال على سياتل تايمز اضغط هنا

* لمتابعة التعليقات اضغط هنا

سماح صادق

صحفية مصرية

أسماء الخمسين شخص المسئولين عن مستقبل مصر

2011-01-31T04:55:00.002+02:00

عندما أخرج صديقي بعض نسخ من البيان من حقيبته ، وقرأته قررت أن أوقعه ، البيان كان قد أنتشر بعد إجتماع البرادعي مع المعارضة ومختلف ممثلي القوى الوطنية معلناً إنشاء الجمعية الوطنية للتغيير، كانت مفاجأة أن نجد صور تملأ الجرائد تضم معظم رموز المعارضة المصرية بمختلف توجهاتهم.

لقد أختلفوا في وقت لاحق " حاجة تكسف طبعا"، ورغم ذلك عمل الشباب على جمع التوقيعات بطرق شتى ، كنت سعيدة أتتبع حملة طرق الأبواب ، أسخر من قيام البعض بحملة مشابهة مؤيدة لجمال مبارك وما لم يعلمه الملايين ممن لم يروا البيان هو أن البيان لم يكن لصالح أي شخص لا البرادعي ولا غيره.

فالبيان لم يكن له علاقة بالبرادعي ولا يختاره كرئيس ، البيان كان مجرد إعلان عن رغبة كل مصري في تغيير الدستور والحياة السياسية والظروف الإقتصادية في مصر.

وكان من السهل جدا على البرادعي إن كان يسعى حقاً للسلطة أن يصدر اسمه خلال البيان سعياً للسلطة ولكني أظن أن مكانة البرادعي بالفعل تفوق مكانة أي حاكم عربي يكرهه الملايين ، وأنه في غير حاجة لهذا المنصب بل نحن في الحقيقة نحن من نحتاج إليه كحاكم إنتقالي لن يطمع في السلطة وسيتفهم حاجة الشعب إلى الحرية والى الديمقراطية والى انتخابات نزيهة.

أنا أؤيد البرادعي ، وأظن أن آلاف المصريين الموقعين على البيان مثلي، ليس لأن البرادعي هو الأفضل، فهو مجرد شخص سيتم تعيينه لفترة مؤقتة ليساعد مصر على المرور بهذه الفترة العصيبة ، وحكومته كما تم وصفها سوف تكون حكومة إنقاذ .

إلى كل من أختلفوا مع البرادعي واعترضوا عليه ولم يفوضوه بالأمس ، سأقول لهم تذكروا البيان الذي وقعتم عليه جميعا بمحض إرادتكم .

· (2) ابو العز الحريرى

· (3) ايهاب الخولى

· (5) اسامة الغزالى

· (6) امين اسكندر

· (7) ايمن نور

· (8) جورج اسحاق

· (9) حسام الدين عيسى

· (10) حسن نافعة

· (11) حمدين صباحى

· (12) سعيد الجمل

· (14) سكينة فؤاد

· (15) صلاح عبدالمتعال

· (16) صلاح عدلى

· (17) عبدالجليل مصطفى

· (18) عبدالخالق فاروق

· (20) عبدالرحمن يوسف عبدالله

· (23) عبدالمجيد المهيلبى

· (24) علاء الدين عبد العزيز عباس الأسواني

· (25) كريمة الحفناوى

· (27) محمد عبدالقدوس

· (28) يحيى الجمل

· (29) محمد احمد ابو الغار

· (30) ابراهيم زهران

· (31) احمد دراج

· (32) محمد أحمد غنيم

· (33) اسامة محمد البحر

· (35) أمل مصطفى عباس أحمد

· (36) محمد أكرم عبد الرحمن أحمد نوح

· (37) مديحة إميل توفيق دوس

· (38) مديحة محمد احمد الصاوى

· (39) على صادق محمود صادق

· (40) مينا مينا جرجس يوسف

· (41) هالة احمد سمير العايدى

· (42) رائف عبد الرؤوف على أبو السعد

· (43) ملك رامز لبيب سامي

· (44) شريف اسماعيل محمد إبراهيم يونس

· (45) شمس رامز لبيب سامي

· (47) علي مصطفى محمد البرادعي

· (48) خالد محمد عبد الرحمن حال

· (49) محمد عنتر ابراهيم عبد اللطيف

· (50) عبدالرحمن سمير عبدالحميد المنشاوى

هؤلاء أول خمسين شخص قد وقعوا على بيان الجمعية الوطنية للتغيير ، نعرفهم جميعا ونحترمهم ونقدرهم ....

أرجوكم ما تسيبوش الثورة تضيع وتدوا فرصة لمبارك ونظامه يعيدوا تنظيم نفسهم ويدبحونا

ما تضيعوش دم الشباب عشان مصالحكم الشخصية وخلافاتكم

أرجوكم أتجمعوا ولو نسيتوا اليوم ده افتكروه ... كان اجتماعكم أول بشارة حقيقية للتغيير

أرجوكم مصر محتاجة لنا أيد واحدة ... وماحدش فيكم كان مضطر أو كان تحت ضغط لما وقع على البيان ..... البيان ده فيه حريتنا .... فيه كرامتنا .... فيه إلغاء الطوارئ ... فيه انتخابات نزيهة كلنا بنحلم بيها... وفيه اصلاح اقتصادي واجتماعي .... ومافيهوش اسم حد ... لكن عليه توقيع كل واحد فيكم .

أرجوكم ... انقذوا مصر ...

السيناريوهات المحتملة لـ "يوم الوفاء" 25 يناير

2011-01-24T19:35:00.001+02:00

بعدما نجح الشعب التونسي بالإيقاع برئيسه السابق، في البداية بإجباره على الظهور ليلة الجمعة على شاشة التليفزيون في خطاب سماه بعض محللي الغرب " خطاب الاستربتيز" حيث عرى فيه بن علي كل مساوئه وفضح نفسه بنفسه ووقف كما ولدته أمه يرجو الشعب التونسي بأن يرحمه ويمنحه فرصة جديدة لأنه لمدة ثلاثة وعشرون عاما هي فترة حكمه لتونس لم يكن فاهماً والآن فقط فهم ووعى الدرس ويريد فرصة مدتها ثلاث سنوات أخرى حتى الإنتخابات القادمة، ولكن الشعب لم يمهله وفي اليوم التالي كانت النهاية السريعة والغير متوقعة بهروبه على طائرة محملة بأطنان الذهب التي هربتها زوجته ليتضح في النهاية أن سيادة الرئيس كما فضحته وثائق الويكليكس في وقت سابق ليس أكثر من "حرامي" وأن اسرته الكريمة مجرد "مافيا".

وأعتبر البعض صحوة تونس وثورة الياسمين هي البشارة برحيل الظلم ونهاية الظالم، وامتلأت الصحف والمواقع الإخبارية العربية والغربية بتحذيرات للحكام الذين يتبعون نفس سياسات بن علي، من اللعب بالدساتير لمصلحة إلتصاقهم بالكرسي وتجويع شعوبهم لصالح عائلاتهم وأصدقائهم وثلتهم الحاكمة، والحكم بالحديد والنار وقمع حريات التعبير والصحافة والحرية الدينية.

بدأ ذوي الأقلام في الكتابة ظناً منهم بأن هؤلاء الحكام يقرأون بالفعل، وهذا ما استبعده ! حتى وإن قرأوا فهل يفهمون؟! أم مرحلة الفهم ستأتي متأخرة للغاية كما حدث مع بن على؟؟!

لكن في الوقت نفسه بدأ البسطاء في التعامل مع الأمر بشكل أكثر بدائية، وأقرب لفكرة أنهم هم الآخرين مثلهم مثل حكامهم "حافظين مش فاهمين"، ولأن هناك من اخبرهم أن السبب في ثورة تونس هو الشاب الذي أشعل النيران بنفسه، فلقد بدأ البسطاء في تقليده.

وللأسف لم يخبرهم احد أن هذا الشاب كان في مدينة صغيرة، وبعد قيامه بالانتحار خرج اهل المدينة متظاهرين فعاجلتهم رصاصات الأمن الوطني وأسقطت ما يزيد عن 10 ضحايا، والذين زادوا مع الضحايا من المدن الأخرى في الأيام التالية وتطور الأمر ليس من أجل بوعزيزي وحده ولكن من أجل العشرات من الضحايا ومن أجل كل مظلوم لم يستطع ان ينال حقه بسبب نظام بن علي، وليس من أجل انتحار شاب واحد.

والآن يسعى البعض على الانترنت على نشر دعوة مفادها أن يوم 25 يناير والذي يوافق "عيد الشرطة" هو يوم الثورة، الدعوة لا تفيد بأماكن تجمع أو حتى خطة منظمة او مطالب، الدعوة لا تحمل سوى الدعوة للثورة، في المقابل ظهرت دعوة أخرى تدعو بأن يكون نفس اليوم هو يوم الوفاء للرئيس مبارك، وتنتشر الدعوة يوم بعد يوم مع أخبار المواطنين المصريين الذين أشعلوا النيران في أنفسهم ومع قرار وزارة الداخلية بمنع بيع البنزين في "جراكن" ومع مقالة الواشنطن بوست التي تحذر الرئيس مبارك من "ثورة هائلة".

ولذلك بدأ عقلي في صنع سيناريوهات مختلفة لما قد يحدث في ذلك اليوم في ظل حالة الإحتقان التي يمر بها الشارع المصري وأيضا في ظل حالة الخوف واللامبالاة الذي عانى منها على مدار سنوات طويلة.

السيناريو القديم المكرر

ستنتشر الدعوة بين الشباب على الفيس بوك وأوساط المثقفين بوسط البلد، ولن يعلم عنها الناس العادية الكثير، وحتى لو علموا عن طريق برامج " التوك شو" سيفضل كل منهم أن "يمشي جنب الحيط ويسمع للزيط" كالعادة.

سينزل شباب مصر الحر إلى الشوارع في حين سيجلس رؤوس المعارضة ورؤوس المثقفين أمام شاشات التليفزيون والكمبيوترات في كافيات 5 نجوم او في بيوتهم الدافئة، والنتيجة هي ضرب وسحل مجموعة من أشرف وأنظف شباب مصر، وجر الباقي على الأقسام والمعتقلات بتهمة تكدير الأمن العام في يوم عيده، وأيضا لتعليمهم الأدب واستخدامهم في المستقبل كجواسيس على زملائهم.

لتصبح القضية الأساسية في الأيام التالية هي : دعوات الإفراج عن المعتقلين والناشطين في سجون مبارك. ويتم وأد الثورة من قبل حتى ولادتها.

السيناريو المخيف المرعب

أن تزيد حدة الوضع بإنتحار شاب وراء شاب، وتنتشر الدعوة، ويقرر الناس بالفعل النزول إلى الشارع، وتمتلأ شوارع القاهرة والاسكندرية وباقي المحافظات بجموع البشر، ويقرر النظام أن يستخدم حيلته الغبية في التجمعات الكبري بدس أشخاص بملابس مدنية بين المواطنين، وتبدأ الخلافات والتحرشات، وتبدأ الجموع الغفيرة في الدفاع عن نفسها، وفي ظل الجهل والجوع تبدأ مجموعات في أعمال النهب والسرقة وتكسير السيارات واقتحام المحلات التجارية والمصالح الحكومية، الفوضى العارمة التي ستجعل عمل النظام ينقلب عليه فبعد أن أحاط كل منطقة راقية ومنظمة بأكثر من منطقة عشوائية لكي يظل صعوده من خلال الجهل والرشاوى في الانتخابات مضمونا.

سيظهر غباءه وقتها عندما يهاجم جياع بولاق وميت عقبة شوارع المهندسين والزمالك، وعندما يغلق بلطجية دار السلام شوارع المعادي، وعندما يهجم فقراء الدويقة ومنشية ناصر على المقطم والتجمع الخامس، وعندها ستشتعل مصر فعليا.

وقد يتحول بالفعل كما تقول الواشنطن بوست إلى ثورة هائلة، ليست فقط على الرئيس أو حاكم ولكن على كل أشكال التميز الطبقي وعلى تجويع الملايين لصالح الغنى الفاحش لمجموعة صغيرة منهم.

ولا أعرف وقتها أين سيكون الإسلاميين من هذا ؟! فلقد رأيت بعيني آلالاف مؤلفة من المصريين الفقراء يرتدون الحجاب ولا يحفظون حتى آية، فرغم الصيت الذي يحظى به الإخوان والتيار الإسلامي في مصر إلى أني مازلت مصرة أنه لا يستطيع ولن يستطيع السيطرة على الشارع المصري لا في هدوءه أو في غليانه.

ربما قد يُحل الأمر بتدخل الجيش ولكن هذا سيضع مصر تحت طائلة حكم عسكري جديد وقد سئمنا منه بالفعل ؟؟!!

السيناريو الوردي اللطيف

والبعض قد يظنونه حلم مستحيل التحقق لكن ربنا قادر على كل شئ، يقف المخلصين من رؤوس المعارضة وراء دعوة للتظاهر السلمي في كل أنحاء مصر في أماكن محددة وبمطالب محددة، يوم يخرج فيه الجميع بشرط ألا يعودوا حتى تجاب مطالبهم.

يستجيب لها الشعب بشكل كبير ويجتمع في كل المحافظات في الزمان والمكان المتفق عليهم، مع حالة وعي تام بإحتمالية وجود ناس للقيام بالتخريب أو الشغب، يتصدى لهم الثوار ولا يبقى لهم أي فرصة ، عندما تتناقل وسائل الإعلام ووكالات الأنباء أخبار ملايين المصريين الراغبين في الحرية والتغيير.

وعندما يهز صوت هؤلاء الملايين في هتافهم أو غنائهم مضجع صانعي القرار، سيأتي البيان الرسمي بالإستجابة لمطالب الشعب.

بعد أيام سيتضح جيدا أي من هذه السيناريوهات هو الذي سيتحقق وربما يفاجئنا القدر بأشياء جديدة لم تكن أبداً في الحسبان، ولكن في كل الحالات أرجو من الله ألا يكون لحلم الثورة الكثير من الضحايا، فهذا الشعب قد ذاق بالفعل الكثير من الألم ولم يعد يحتمل المزيد.

ملحوظة :

هذا المقال تم عرضه منذ أكثر من أسبوع على أكثر من مكان ورفض نشره ولم يتم الإهتمام به ... لذلك قررت نشره على المدونة

فكرة مهمة.... يمكن تنفع مصر ... قبل ما تولع في نفسها

2011-01-17T16:26:00.001+02:00

انا النهاردة بسأل نفسي مين ممكن يقود الفكرة دي ؟

يعني 80 مليون لو اتحركوا بشكل عشوائي ... دي فعلا هتكون مصيبة سودة

ليه الناس اللي اتجمعوا يوم الجمعية الوطنية للتغيير وحركة 6 ابريل و كفاية و كل الحركات من أجل التغيير و مراكز حقوق الإنسان والنقابات والحركات الطلابية وغيرها مايقرروش يعملوا حدث سلمي في أي يوم جمعة

ويمشوا صح وبشكل رسمي

يعني ياخدوا تصريح من الداخلية بالتظاهر السلمي في مكان وليكن حديقة عامة

في كل محافظة

أو حي

أنا باسمع ان استخراج تصريح زي ده صعب ... ولو وأني عمري ما جربت ولا سمعت أن حد جرب

والناس والنبي قبل ما تعترض على فكرة التصريح

واننا بكده بندي للداخلية معلومات عشان تأذينا عاوزة أقولهم

انهم كده كده بيبقوا عارفين من خلال اشخاص ليهم مرشقينهم في كل مكان

فليه ما نطلبش منهم انهم يحمونا زي ماهو المفروض يحصل أصلا

بطلبات يقدموها المحاميين المنتميين للجهات اللي فوق دي

وبكده نحطهم في موقف محرج لو قرروا يضربوا المتظاهرين

أو يقمعوهم بأي شكل

ونبدأ نستخدم الفيس بوك وأي دعاية تانية في تجميع الناس

والدعاية لده

يوم جمعة

هنروح الجنينة عشان نغير مصر

وكل الناس تخرج الساعة 8 تروح المكان المتفق عليه

بدون سلاح

وبدون أي استعداد للعنف

تجمع سلمي 100%

للناس اللي نامت على ارصفة مجلس الشعب

والمعاقين اللي ماخدوش حقهم

اهالي ضحايا القديسيين ونجع حمادي والعبارة ومسرح بني سويف والقطارات والعمارات وصخرة الدويقة

الناس اللي مرتباتها مش بتكفيها عيش حاف

والناس اللي مش لاقية شغل

المثقفين والمتعلمين

كل الناس كل الشعب

ونشوف إذا كان الشعب عاوز تغيير أو لاء

عاوز المادة 76 ولا لاء

عاوز جمال ولا البرادعي ولا حمدين ولا ايمن ولا حتى مبارك ولا لاء

نشوف فين الإخوان اللي دايما راعبينا دايما إحنا والغرب بحكمهم الإسلامي

اللي هيقلب مصر لسعودية تانية بس من غير بترول وفلوس

مصر اللي اصلا بيعول 30% من اسرها ستات

ناس كتير هتنزل لو طبطبنا على خوفهم وطمناهم انه تجمع سلمي .... عشان نغني النشيد الوطني

خد ولادك وأمك .... ومراتك

وروح الجنينة وطالب بالتغيير وبحقوقك

لو معملتش كده النهاردة مش بعيد تكون انت أو واحد من ولادك اللي بتولع في نفسك قدام مجلس الشعب بكرة

أو نايم على رصيفه

لازم كلنا مع بعض ... نعرض مطالب كل واحد فينا

زيادة الاجور

مراقبة الانتخابات

تعديل الدستور

تداول السلطة

وغيرها

لو عملنا كده بجد متهيألي العالم كله هينقل صورة فظيعة مش هيقدر أي حد

ينكرها بالتقارير المزورة عن معدلات الرفاهية

ده حلم بس مش عارفة ازاي يتحقق ؟؟؟

زمان كنت أسمع أن لو 100 الف واحد اتجمعوا في ميدان التحرير ... ممكن يغيروا النظام

بصراحة عمري ما صدقت غير لما شفت التوانسة متجمعين في شارع الحبيب بورقيبة بيغنوا نشيد حامي الحمى

وسمعت بعدها خبر رحيل بن علي

ساعتها بس صدقت

وآمنت

بكلمة مارجريت ميد، الخبيرة الشهيرة بعلوم الإنسان أو الأنثروبولجيا

"أن مجموعة مواطنين صغيرة متزنة وملتزمة، يمكن أن تغيّر العالم"

شاركني فيه وانشر الفكرة لو كانت مقنعة

MoSaic: ما تولعش في نفسك

2011-01-16T13:09:00.000+02:00

MoSaic: ما تولعش في نفسك: "ما تولعش في نفسكوماتمتش لوحدك يا عزيزي وما تحلمش بمجد بوعزيزي ولا ثورة ياسمين * في غيرك ماتوا زمان وماكنش لموتهم أتمان وفي تاني..."