Gwenu dan Fysiau

Oi, Gwynfryn! Noooooooooo

2009-10-28T19:28:00.004-01:00

Esgusodwch fi tra dw i'n newid i mewn i fy nghostiwm spandex ' Mr Pedant'.

Dyna welliant.

Prynnias i gopi o Golwg yr wythnos diwethaf (Hydref 15). Rhaid i mi ddeud mae yna ambell i beth reit diddordol ynddo. Mae colofn Mike Parker yn werth ei ddarllen pob tro, er alla i ddim dweud yr un peth am rai o'r colofnwyr eraill. Dau golofn a dynnodd fy sylw i yn y rhifyn yma oedd un Angharad Mair a oedd yn reit feirniadol o ddefnyddiwyr maes-e ac un gan Hywel Gwynfryn yn trafod 'hanes' blogio.

Fel y gwyddoch (neu mwy na thebyg, fel na wyddoch), mae BBC Cymru yn cynnal 5 blog Cymraeg. Mae pob un yn dra wahanol, Ar y Marc (yn trafod pêl-droed), Vaughan Roderick (gwleidyddiaeth), C2 (cerddoriaeth), Blog Cylchgrawn (y pethe) ac un Hywel Gwynfryn (malu cachu Radio Cymru-aidd, ond gyda LOT o luniau).

Mae ansawdd y gwahanol flogiau yn amrywio hefyd. Er mai pêl-droed yw fy nileit mwyaf i, credaf mai blog Ar y Marc yw'r salaf, mae'n cael ei ddiweddaru'n anghyson, ar cynnwys yn reit arwynebol. Mae blog C2 yn reit bywiog ac mae sawl cyfranwr iddo, ac mae ganddo botensial gwych i allu rhestru playslists a rhoi rhaglfas o raglenni'r dyfodol, ond am ryw reswm dw i braidd byth yn yn ei ddarllen. Mae Blog y Cylchgrawn yn cael ei ddiweddaru'n gyson , mae'r cofnodion yn amrywiol ac yn gynhwysfawr, ac eto tydy o ddim cweit at fy nant i. Un peth sy'n gyffredin am y tri yma yw does neb yn gadael sylwadau, tra ar y llaw arall blog Vaughan Roderick yn ddi-os yw y blog Cymraeg mwyaf poblogiadd o ran darllenwyr ac o ran faint sy'n gadael sylwadau, a chi'n cael yr argraff ei fod yn wir mwynhau blogio ac ymateb i sylwadau eraill, rhywbeth holl bwysig.

Ond y blog sydd wedi fy synnu i yw un Hywel Gwynfryn, mae o wedi cymryd at flogio gyda argyhoeddiad. Mae'n blogio'n rheolaidd a hefyd mae o leaif un llun gyda phob cofnod (weithiau hyd at bump).

Yn ôl at bwynt y cofnod yma. Yn ei golofn yn Golwg mae Mr G yn nodi bod y gair 'blog' yn dalfariad o 'web+log' ac mai diffiniad 'swyddogol' am flog yw

Dyddiadur personol, sy'n cynnwys sylwadau diddorol ac yn adlewyrchu diddordeb y blogar [sic]

Mae'n dilyn y dyfniad yma (ond ddim yn nodi o ble daw'r diffiniad) gyda

Felly, roedd Capten Cook yn cadw blog

Mae'n dod i'r casgliad yma dw i'n meddwl achos roedd Capten Cook yn cadw log, a'u bod nhw wedi cael eu ddigideiddio (er na nodwyd URL yn golofn) . Iesu, sôn am ddryswch.

Roedd colofn Angharad Mair yn gwneud llawer mwy o synnwyr. Teitl ei cholofn oedd Mae'n bryd rhoi gorau i'r ffug enw. Mae hi'n dechrau i ffwrdd drwy ddweud na oes ganddi ddim diddordeb yn Twitter, Facebook na MySpace, sy'n ddigon teg a rhesymol. Mae hi wedyn yn cyfeirio at stori ddiddorol (nad oeddwn i'n gyfarwydd a hi), ble wnaeth model o'r enw Liskula Cohen ennill achos llys oedd yn gorfodi Google i ddatgelu pwy oedd y person fu'n blogio'n ddienw gan gan ei galw hi'n bob math o enwau ffiaidd. Mae'n debyg bod Angharad yn gallu uniaethu a'r stori, gan iddi hefyd ysgrifennu

Mae maes-e ers blynyddoedd wedi bod yn gorlifo o sothach gwenwynig a phlentynaidd. Onid yw hi'n hen bryd i ni yng Nghymru i dyfu i fyny?

Dw i'n cytuno mai peth diflas iawn yw'r busnes yma o bobl yn mynd ar-lein yn ddienw a phostio pethau digon cas am bobl (enwog fel arfer) ac mae tipyn o hyn yn digwydd ar maes-e yn anffodus, er gwaethaf ymdrechion cymedrolwyr i atal/ddileu hyn. Er teimlaf bod Angharad yn lladd gormod ar y cyfrwng yn hytrach na'r cynnwys, ac hefyd rhaid cofio fe gewch chi grancs cenfigenus ymhob man mewn bywyd.

Byddai'n ddiddorol hefyd gwybod beth yw barn Angharad am golofn 'Jac Codi Baw' (nid ei enw go iawn!) yng nghefn Golwg, sydd yn yr union rifyn yn ac y mae Angharad wedi ysgrifennu'r uchod, yn nodi iddo fod yng Ngwesty'r Celt yng Nghaernarfon yr un pryd a chystadleuwyr Fferm Ffactor, a bod sawl un ohonynt wedi bod yn 'or-gyfeillgar' a'i gilydd.

Yn eisiau: Siaradwyr Cymraeg yn ardal Caerdydd ar gyfer Cynllun Pontio

2009-10-02T09:17:00.004-01:00

Efallai bydd hwn o ddiddordeb i chi os ydych chi'n byw yng Nghaerdydd neu'r cyffiniau:

Mae Canolfan Cymraeg i Oedolion Caerdydd a Bro Morgannwg eisiau gwirfoddolwyr i ymweld â llu o’i dosbarthiadau er mwyn helpu dysgwyr i ymarfer eu Cymraeg ar eu taith i ddysgu’r iaith. Mae cynnal sgwrs â Chymry Cymraeg yn beth fuddiol iawn i ddysgwyr ac felly byddwn wir yn gwerthfawrogi eich help chi!
Dych chi’n gallu dewis faint o ddosbarthiadau dych chi’n ymweld â nhw. Gallwch ymweld ag un yn unig neu lan at 20. Does dim ots! Byddwch yn derbyn tâl o £20 bob tro dych chi’n gwneud hefyd a dim ond tua awr neu’n llai bydd y sesiynau yn para bob tro!
Os hoffech fod yn rhan o'r Cynllun Pontio cwblhewch yr holiadur a'i anfon yn ôl at Gwenllian Willis, Canolfan Cymraeg i Oedolion, Adran y Dyniaethau, Prifysgol Caerdydd, Colum Road, Caerdydd , CF10 3EU.

Gwenllian

Gwenllian Willis
Swyddog Dysgu Anffurfiol / Informal Learning Officer
Canolfan Cymraeg i Oedolion Caerdydd a Bro Morgannwg
Cardiff & the Vale of Glamorgan Welsh for Adults Centre
029 20 876 451
www.learnwelsh.co.uk

Blogiau 'newydd'.

2009-08-31T06:54:00.002-01:00

Newydd i fi ta beth.

Dw i'n ceidio peidio ychwanegu mwy o flogiau at fy rhestr bloglines, achos mae'n amhosib dilyn popeth, ond dw i wedi ychwanegu'r canlynol yn ddiweddar:

Iaith a Thechnoleg
Young, Single, Multilingual - blog gan ŵr o'r Weriniaeth Siec sy'n byw yn Iwerddon ac yn gyfrifil am wefan Focal.ie

Pêl-droed
Pitch Invasion - erthyglau trylwyr ar byth sy'n mynd ymlaen ar ac oddi ar y cae gyda chlybiau'r MLS (UDA) a chynghreiriau Ewrop, ac hefyd round up o Ogledd America ac Ewrop.
TwoHundredPercent - eto, erthyglau manwl yn trafod pynciau llosg yn ymwneyd â phêl-droed yn Lloegr yn bennaf gyda llawer o sylw yn ael ei roi i'r adrannau is a non-league.

O'r Alban
Tocasaid - dyma'r blurb: A blog about and promoting whisky, politics, philosophy and Gaelic culture. A natural combination. Oes rhaid dweud mwy?

Cymru
WalesHome - datblygiad cyffrous i'r byd cyfryngau yng Nghymru bel mae nifer o gyfrannwyr gwahanol yn trafod gwleidyddiaeth yn bennaf.

Yn Gymraeg
Does dim lot o bethau newydd yn digwdd yn y byd blogio Cymraeg, ond dw i'n mynhau cofnodion diweddar Emma Rees yn adrodd hanes ei hymweliad â gogledd orllewin Cymru.

Fy enw i ydw Rhys a dw i'n gwylio Come Dine With Me

2009-08-26T19:52:00.003-01:00

Dw i fel arfer yn eithafol o snobyddyddlyd pan mae'n dod i raglenni teledu, yn enwedig rhai trashy, ond allai'm stopio gwylio Come Dine With Me. Dois ar ei draws ar ryw sianel Freeview pan oedd rhaglenni'n cael eu hail ddangos. Mae'r fformat yn un da, 4/5 dieithryn yn coginio pryd tri cwrs i'w gilydd yn eu cartrefi eu hunain, ac yn marcio ei gilydd yn gyfrinachol. Nid dim ond y bwyd, ond hefyd y lletygarwch sy'n cael ei farcio ac mae'r person gyda'r marciau uchaf ar y diwedd yn cael £1,000. Ond uchafbwynt y rhaglen heb os yw sylwadau y dyn voice over, Dave Lamb.

Fel dwedais i, ailddangosiadau dw i wedi eu gwylio, ond pan gyhoeodd Sioned bod cyfres newydd ar fin dechrau, roeddwn yn edrych ymlaen.

Fel arfer mae'r criw o bobl yn dod o ddinas, tref neu ardalpenodol. Yr unig un o Gymru oeddwn wedi ei weld oedd un yng Nghaerdydd, ble roedd yna un gotsan uffernol yn tynnu pawb i'w phen.

Yn y gyfres newydd, Abertawe yw'r lle cyntaf i gynnal y nosweithiau yma, ac mae nhw wedi llwyddo dod o hyd i gystadleuwyr 'gwahanol' eto. Tro hyn, mae dwy gotsan wirion, sydd, nid yn annisgwyl, yn casau ei gilydd. Mae un yn rhedeg tafarn o'r enw'r Found Out Inn yn Dyfnant (un i'w osgoi dybiwn i!), a'r llall yn hen wrach sydd â obsesiwn gyda Dylan Thomas (i'r fath raddau ei bod wedi prynu ei gartref enedigol) ac yn mynd ymlaen ac ymlaen bod popeth Cymreig yn well na dim arall - ond yn mynnu ynganu Dylan fel Dilun, yn hytrach na Dul-ann -AAARGH! Ar ben hyn i gyda, o'r tri cyntaf sydd wedi bod wrthi nos Lun, neithiwr a heno, does dim un yn llawer o gwc chwaith.

Ta waeth, mae'n werth gwylio'r wythnos yma i weld y ffrîcs, ond fel arall mae'n gyfres reit da, a gyda phobl sy'n gallu coginio ac ymddwyn yn hanner call o leiaf.

MicroBEER Festival 2009: 1af ac 2ail o Awst, Caerdydd

2009-07-27T16:58:00.004-01:00

Os na fydda i'n gorfod gweithio y dydd Sadwn hwn (mae mab y bos yn sâl gyda 'ffliw' ar hyn o bryd!) dw i'n gobeithio mynd i hwn.

Os ydych mewn band sy'n chwarae cerddoriaeth reit chilled a ddim wedi mynd i'r Eisteddfod eto, danfonwch e-bost gyda dolen at eich MySpace at Artisan Brewing Co.

MicroBEER Festival 2009

1st & 2nd August 2009

Artisan Brewing Co.in conjunction with the Kings Road Art Studios is pleased to announce the second follow-on MicroBEER Festival

Starting 10am Saturday (12noon Sun)

Market Stalls, Open Studios, Live Music, BBQ and specialty beers on tap.

Sunday is a little more relaxed with beer flowing, music throughout the day, home made chilli beef burgers from the BBQ.

Join us... entry is free

Hyrwyddor digwyddiadau'r Eisteddfod

2009-07-21T19:43:00.007-01:00

Mae'n debyg na fydda i'n gallu mynd i'r Eisteddfod eleni, ac felly byddaf yn colli allan ar Gorsedd y Gîcs ar y dydd Iau a nifer o bethau gwych eraill mae'n siwr. eleni fydd yr Eisteddfod cyntaf ble bydd twitro'n wirioneddol boblogaidd, felly bydd yn werth dilyn #eisteddfod09 yn ystod yr wythnos i weld beth yw'r diweddaraf.

Newydd weld map handi iawn isod gan Rhys Llwyd (sy'n gwneud i ymdrech ar fap gan y BBC edrych yn so 1990's!)

View Eisteddfod 2009 in a larger map

Ond beth bod yn bygio fi ers rhai blynyddoedd yw pa mor anodd - na amhosib yw dod o hyd i wybodaeth am y gwanaol ddiwyddiadau sy'n digwydd ar y Maes. Rhiad i chi rywsut fod in the know gyda phob sefydliad i fod ag unrhyw siawns o wybod o flaen llaw am unrhywbeth.

Sylwais bod defnyddiwr Facebook (pawb yn cofio'r wefan?) o'r enw Eisteddfod Genedlaethol Cymru wedi creu grŵp o'r enw Eisteddfod Genedlaethol Cymru Meirion a'r Cyffiniau. Mae 674 aelod i'r grŵp, ond dw i ddim yn siwr os os yw'r Eisteddfod yn gwybod beth i wneud efo'r grŵp.
Danfonais neges at fo neu hi heddiw, ac mae wedi cytuno i ychwnaegu unrhyw ddigwyddiau at y grŵp a'u danfon at yr aelodau i gyd.
Manteisiwch ar y cyfle, ac i wneud pethau'n haws i weinyddwr y grŵp, danfonwch wybodaeth yn y fformat canlynol:

Enw'r Digwyddiad (gofynnol):
Disgrifiad byr:
Math o Ddigwyddiad (gofynnol):
Disgrifiad:
Dyddiad ac amser dechrau:
Dyddiad ac amser gorffen:
Lleoliad (gofynnol):
Stryd:
Dinas:
Ffôn:
Ebost:

(Nodyn i'r Eisteddfod - plis ticiwch y blwch ar waelod yr ail dudalen sy'n dweud: Hysbysebu - Dangos y digwyddiad hwn mewn canlyniadau chwilio)

Deutsche Homo-Erotik, ja, ja

2009-07-07T09:36:00.003-01:00

Os oes yna un peth yn fwy trist na gwneud twat o'ch hun drwy fynychu gemau pêl-droed jyst er mwyn achosi helynt ac ymddwyn fel plant, yna gwneud sticeri bach i gyd fynd â'ch criw ydy hynny (gweler isod).

Mae'r sticer yma bron a difalanu oddi ar bostyn lamp wrth groesfan dw i'n defnyddio'n ddyddiol. Mae wedi bod yna ers i Gymru chwarae'r Almaen yn ddiweddar yn Stadiwm y Mileniwm. Dw i ddim yn gwybod os mai er ein budd ni y mae'r sticer yn yr iaith Saesneg ac nid Almaeng, neu oes gan y ffyliaid yma gyn lleied o hunan barch fel eu bod yn ystyried hwligniaid Seisnig fel eilunod ac eisiau eu hefelychu ym mhob modd posib?Efallai mai fy sgiliau Gwglo i sy'n wael, ond pan chwiliais am Cologne Street Fighters, does fawr ddim canlyniadau heblaw am ychydig o fideos YouTube. Mae nhw mor chwerthinllyd, ac yn gasgliad o luniau camra wedi eu gosod gyda'i gilydd hefo sain cefndir o unai cerddoriaeth dawns mwya cawslyd neu ryw ganu gwerin/gwlad sy'n gwneud i arlwy Radio Cymru swnio'n hanner derbyniol. Ond os ydych yn joio sbio ar criw o lanciau penfelen heb grysau ymlaen yn esgus ymladd gyda'i gilydd, dyma'r lle i fod.

Jane Davidson AC vs Mark Thomas

2009-07-07T07:19:00.006-01:00

Es i wylio Mark Thomas yn y Sherman neithiwr (mae o yno heno hefyd, ac yn Aberhonddu yfory). Enw ei daith ydy Its the Economy, Stupid!. Doedd y sioe yma ddim wedi ei ffocysu cymaint ar un testun o'i chymharu a'i daith diwethaf oedd yn canolbwyntio ar y diwydiant arfau, ond roedd yn lot o hwyl.

Un elfen o'r daith yw bod y gynulleidfa yn cael cyfle o flaen y sioe ac yn ystod yr egwyl i gynnig polisi ar gyfer maniffesto newydd, yna ar ddiwedd pob sioe bydd un polisi newydd yn cael ei ddewis a'i ychwanegu at y maniffesto. Ar ddiwedd ei daith, bydd Mark Thomas yn mynd ati i weld pa mor ymarferol yw pob polisi (ddim o gwbl yn achos rhai!) ac yn ceisio eu gwireddu.

Mae eisoes wrthi'n ceisio gwireddu polisi buddugol gig Huddersfield, sef bod rhaid i Margaret Thatcher dalu am ei hangladd ei hun. Gan mai'r Frenhines sy'n penderfynu (as if!) pwy sy'n cael angladd gwladol neu beidio, mae cardiau post ar gael i unigolion ddanfon ati yn gofyn iddi hi beidio gorfodi cymdeithas i dalu am angladd rhywun sydd ddim/nad oedd yn credu bod y fath beth a chymdeithas yn bodoli.

Un cwyn bach am ei sioe, ac efallai bod o ond i'w ddisgwyl gan ffigwr o'r chwith Brydeinig, ond doedd ei sioe ddim wedi cymeryd i ystyriaeth y deimensiwn Gymreig (heblaw am ddefnyddio acen y Cymoedd pob tro roedd o'n dynwared pobl o Gaerdydd). Cododd dau beth:

Cynnig i ddod o hyd i anthem 'genedlaethol' newydd, gan bod God Save the Queen yn anaddas i 'ni Brydeinwyr' gweriniaethol. Wnaeth neb ei atgoffa bod gyda ni anthem yn barod.
Yn un o'r sioeau blaenorol, y polisi buddugol oedd: To create a measure for politicians performance along the lines of school SATs - sy'n syniad ardderchog ( i raddau mae modd mesur perfformiadau yn barod drwy TheyWorkForYou). Yn ystod yr egwyl, dyma rhywun yn 'dob in' (geiriau Mark Thomas) bod Jane Davidson yn y gynulleidfa. Yn amlwg doedd o ddim am golli'r cyfle i dynnu coes gwleidydd, a dyma fo'n bygwth rhoi prawf SATs iddi - ond hi gafodd y gair olaf drwy ei ateb yn ôl a dweud ei bod hi wedi eu diddymu yng Nghymru!

Yfed tu allan i'r bocs

2009-06-29T18:55:00.003-01:00

Roeddwn wedi darllen am Artisan Brewery o Gaerdydd mewn rhifyn o Buzz ond heb erioed flasu'r cwrw. Diolch i Brew Wales, dyma osgoi trychineb ar y penwythnos, sef beth fyddai wedi bod petawn wedi methu Meicro Ŵyl Gwrw lleol (aeth ebost o restr postio Artisan i fy mlwch spam).

Ar y dydd Sul es i ac roedd ychydig tawelach na'r diwrnod cynt o beth dw i'n ddeall, ond roedd llwyfan bach i'r bandiau, bwyd cartref hyfryd (burgers cig a llysieuol, salads ac amryw o gacs) ac wrth gwrs o'r diwedd ces flasu'r cwrw. Anghofiais fynd i'r peirant twll-yn-wal ar y ffordd yno, felly cael a chael oedd hi ond blasais y tri cwrw oedd ar gael, sef math o Pilsnser, cwrw Bafaraidd a fy ffefryn Chocolate Wheat Beer. Dw i'n meddwl mod i wedi perswadio Sarah y byddai poteli o'r rhain yn anrheg addas i ben-blwydd ei thad yn 65! Roedd y cwrw i gyd yn neis iawn, ac mae mae £2 y botel (am un maint 660ml) yn rhesymol iawn. Dw i'n hoffi eu polisi o ddychwelyd y poteli hefyd:

In an attempt to promote our ethical standards for a cleaner and greener world, we are pleased to introduce a bottle return policy. Simply return your empty bottles (rinsed), and we will refund you £1 cash for every 6 bottles returned. It’s the beer that keeps on giving you might say!

Ar hyn o bryd, mond yn mariau Gwdihw a Cwtsh mae modd prynnu'r cwrw.

Iwerddon fel 100 person

2009-06-14T06:44:00.006-01:00

Dw i wedi tanysgrifio i ffrwd blog ffantastig o'r enw Strange Maps. Fel mae'r enw'n awgrymmu, mae'n gasgliad o fapiau anarferol hen a newydd, yn aml ble mae'r dylunydd yn defnyddio'r ddelwedd i gyfleu negeseuon gleidyddol a/neu chymdeithasol. Mae'r un diweddaraf yn cyfleu natur ieithyddol Iwerddon, wedi ei selio ar y cyfrifiad diwethaf.

If there were only 100 people in Ireland, 55 of them would be speaking only English (Coch), 39 of them would be speaking mainly English, and occasionally Irish (Glas), 2 of them would be speaking mainly Irish (Gwyrdd) and one would be speaking Polish. Three would be speaking other languages.

Michal Boleslav Mechura collected these and other data from the Irish Census 2006, and crafted them into a few interesting cartograms.

Many thanks to him for sending in this map. Visit his website here for more, reflecting immigration, religion and residence intrapolated (if that’s the right word) from Republic of Ireland’s 4.24 million actual residents (Census 2006) to only 100 representative ones.

Mae degau o fapiu eraill hoofwn eich cyfeirio atynt, ond yma un neu ddau
-Europe Beyond ASCII - Pa wledydd sy'n defnyddio pa ffontiau/ysgrif
-City Maps As A Rorschach Test - Faint o dir mae dinasoed o wahanol feintiau poblogaeth yn eu gorchddio
-The Population of China’s Provinces Compared - Cymharu poblogaeth taleithiau Tseina gyda phoblogaeth gwledydd eraill.

Mapumental - mae o'n...mental?

2009-06-09T11:52:00.003-01:00

Ydych chi'n cofio cofnod ar Metastwnsh gan Rhodri am wefan ScenicOrNot? Gwefan gan MySociety oedd o ble gofynwyd i bobl gyfrannu at bosiect "hush, hush" drwy raddio gwahanol golygfeydd ar draws ynys Prydain.

I'r rhai ohonoch a gymerodd ran, ffrwyth eich llafur yw Mapumental. Ar hyn o bryd mae mewn BETA preifat, felly rhaid cofrestru cyn cael dolen ato (fe gewch chi un yn syth).

Yn fras, gwefan ydy o sydd wedi ei anelu'n bennaf at gynorthwyo pobl sydd ar fin symud i ardal newydd i allu penderfynu ble hoffent fyw, yn seiliedig ar dri peth:

pa mor gyflym gellir cyrraedd y gwaith yn defnyddio trafnidiaeth cyhoeddus
ble mae'r prisiau tai rhataf
ac yn olaf ble mae'r golygfeydd harddaf

Gall hefyd fod o ddefnydd os ydych yn mynd ar wyliau ac eisiau gweld pa mor bell allwch chi aros tu allan i ganol dinas drud a dal fod o fewn cyrraedd y prif atyniadau.

Dyma eisamplau wedi ei selio ar fy swyddfa i yng nghanol Caerdydd

Map 1: O ble gallaf diethio i'm gwaith o fewn awr

Map 2: O ble gallaf gyrraedd y gwaith o fewn hanner awr

Map 3: O ble gallaf gyrraedd y gwaith o fewn hanner awr AC lle mae prisiau tai o dan £150,000

Unrhyw un yn defnyddio WordPress?

2009-05-25T14:20:00.003-01:00

Y rheswm dw i'n gofyn yw oherwydd bod WordCamp UK 2009 yn cael ei gynnal yng Nghaerdydd (fel soniwyd ar Metastwnsh sbel yn ôl). Dyma gynhadledd blynyeddol ar gyfer defnyddiwyr a datblygwyr WordPress. Mae'n cymryd lle mewn gwesty yn y bae ar benwythnos y 18fed a'r 19eg o Orffennaf.

Gan bod tipyn o wefannau a blogiau Cymraeg yn defnyddio WordPress erbyn hyn, bues i mor wirion ag awgrymu ar wici'r digwyddiad bod sesiwn yn cael ei gynnal ar leoleiddio.

SON AM GAMGYMERIAD.

Mae sesiwn am leoleidido wedi ei neilltuo ar gyfer y bore Sul, ac yn ôl Carl, fi sy'n ei arwain! I ddweud y gwir, prin iawn ydy fy mhrofiad i o WordPress, er dw i am drio gosod blog/gwefan yn defnyddio'r meddalwedd rhwng rwan a'r gynhadledd ac hefyd ceisio gosod y ffeiliau Cymraeg.

Fel mod i ddim yn edrych fel prat llwyr ar y diwrnod, oes gyda rhywun unrhyw sylwadau ar ddefnyddio WordPress (.org neu .com), yn benodol ynglŷn a'r fersiynnau Cymraeg?

Gwell fyth os fyddai chi'n dod i'r sesiwn a chymryd rhan. Mae tocyn ar gyfer y dau ddiwrnod yn costio £35 (£25 os archebwch chi cyn Mai 31ain). Dw i eisoes wedi prynu tocyn, ond ddim yn siwr os byddaf yn mynd ar y dydd Sadwrn, felly buaswn yn ystyried ei rannu â rhywun.

Golwg 360

2009-05-17T07:23:00.003-01:00

Fel cefnogwr i'r syniad o bapur newydd Cymraeg (nes i bobl tu cefn i Y Byd wneud tro-pedol a dweud bod nhw eisiau grant), roeddwn yn edrych ymlaen at y lawnsiad hir ddisgwyliedig Golwg 360 echdoe. Roedd gyda fi rhai ofnau am safon y newyddiaduraeth ac hefyd safon y wefan, ac yn anffodus dw i'n meddwl fe wireddwyd y ddau ofn.

Hyd yn oed gyda'r grant, rhaid derbyn na fydd gan y gwasanaeth byth yr un math o adnoddau a'r papurau mawrion ond cefais fy synnu pa mor fyr ac arwynebol ydy'r erthyglau. Os rhywbeth, maen nhw'n fyrrach na rhai y BBC. Yn ôl Vaughan Roderick, esboniad Dylan Iorweth am hyn oedd er mwyn gwahaniaethu rhwng y wefan a chylchgrawn Golwg. Wel, i mi, gan bod erthyglau cylchgrawn Golwg yn rhai arwynebol iawn ar y cyfan, yna dylai'r rhai ar y wefan fod yn fwy swmpus a gyda mwy o sylwedd, nid y ffordd arall rownd. Dyma i chi'r erthygl cyntaf i ymddangos ar y wefan am fy nghlwb pêl-droed i, CPD Wrecsam, yn ei chyfanrwydd:

Dylai clybiau pêl-droed fel Wrecsam gael mwy o arian er mwyn adlewyrchu’r gwaith y maen nhw’n ei wneud yn y gymuned.

Dyna farn gweinidog diwylliant yr wrthblaid yn San Steffan, a fu’n ymweld â’r clwb a’n siarad gyda’i gyfarwyddwyr ddoe.

Dywedodd bod angen cydnabod y budd y mae clybiau bychain yn ei gael ar y gymuned.

“Mae’n sicr yn rhywbeth y byddwn i’n siarad gyda’r FA amdano,” meddai.

68 gair! Tydyn nhw heb hyd yn oed mynd i'r drafferth o enw'r gweinidog dan sylw! Mae'n anodd plesio pawb, ond efallai byddai'n well cyhoeddi llai o erthyglau, ond mynd i fwy o fanylder, neu mewn gwirionedd does dim newyddion yn cael ei adrodd yma, ond yn hytrach penawdau wedi eu hymestyn.

Er ddim yn ffantastig o ddeniadol, fy argraff cyntaf o edrychiad y hafan oedd ei fod yn 'lan' iawn, ond fel sydd wedi eu nodi'n barod ar ambell bost ar Metastwnsh, mae yna amryw o ddiffygion, gyda rhai ohonynt yn rhai sylfaenol dros ben. Wna i ddim eu hailadrodd i gyd, ond dyma'r rhai sydd wedi fy nharo i:

Does dim RSS. Dyma yn fy marn i yw'r gwendid mwyaf, ac mae'n anfaddeuol nad ydy gwefan newyddion yn 2009 yn darparu porthiant RSS. Mae'n ei wneud yn anodd i unigolyn wybod pryd mae'r wefan wedi ei diweddaru, ac hefyd dw i'n siwr byddai blogwyr Cymraeg yn fodlon gosod RSS y wefan (at adran a fyddai o ddiddordeb iddyn nhw) ar eu blog.

Cofrestru. Does dim esboniad o fanteision cofrestru gyda'r wefan. Dw i wedi ceisio ddwywaith gyda dau gyfeiriad e-bost gwahanol heb fawr o lwc - efallai mai fi sy'n dwp.

Digwyddiadau. Mae'r adran Calendr yn syniad da, yn enwedig y gallu i chwilio yn ôl lleoliad, dyddiad a math o ddigwyddiad, ond mae edrychiad y peth yn reit difflach. Byddai defnydd o Googlemaps neu tagio yn well na dewislen (dw i'n casau mynd i chwilio am drama yn Dinbych/Rhuthun mond i ffeindio allan does yna ddim un.) Hefyd, mae'r lleoliadau braidd yn random. Am ryw reswm mae 'Llantrisant a Bro Morgannwg' wedi eu gosod â'u gilydd, er bod Llantrisant yn Rhondda Cynon Taf, ac mae yna ddewis am 'Cymoedd Gwent' ond hefyd mae yna 'Blaenau Gwent' a 'Cwmbran, Pontypwl'. Wrth gwrs nid pawb sy'n meddwl yn ôl ffiniau siroedd 1994, ond byddai'n well cadw rhyw fath o gysondeb.
Eto petai modd cael RSS i ddigwyddiadau mewn ardal penodol, os oes gan y bapur bro neu gyngor tref/cymuned leol wefan, gallant fod a rhestr ready made o ddigwyddiadau ar eu gwefan, a fyddai yn ei dro yn gallu gyrru traffig yn ôl at wefan golwg.

Dyluniad a dolenni hysbysebion. Er mor fawr ydy rhai o'r blychau hysbysebu, dw i ddim yn meddwl ey bod yn obtrusive o gwbl i'r darllenwr, sy'n beth da. Ond tydy rhai o'r dolenni banner ar y top ddim yn arwain ar wefannau. Efallai mai dewis yr hysbysebwr yw hun, ond dw i'n synnu na fyddai Calon Wen eisiau dolen i'w gwefan nhw. Hefyd, mae gormod o destun a hwnnw'n rhy fan i'w ddarllen yn y blychau ochr dde, eto gall fod mai bai yr hysbysebwr yw hyn, ond dylai Golwg bwyntio allan iddynt nad yw ail ddefnyddio graffeg poster yn addas i hysbyseb ar-lein.

To Bach. Dw i ddim yn siwr os mai nam technegol ta dynol yw hyn, achos mae to bach yn ymddangos yn yr erthygl uchod am Wrecsam, ond does dim un yn yr erthygl yma am y coc-oen Chris Bryant.

Mae'r post yma yn hynod o negyddol, dw i'n cyfaddef, ond dw i'n gobeithio os caiff ei ddarllen gan staff Golwg y byddant yn ei dderbyn fel beirniadaeth adeiladol y gallant ei ddefnyddio i wella'r wefan. Dw i ddim wedi mynd mor bell ag ail-ddylunio'r wefan iddyn nhw (fel mae Dafydd wedi wneud!), ond yn ei ffurf presenol, dw i ddim yn ei weld y math o wefan y byddaf yn gweld eisiau ail ymweld â fo, ac os na fydd pobl yn ymweld â'r wefan yna mae'n annhebygol y bydd yn cael unrhyw nawdd pellach yn y dyfodol.

Yr hawl i sefyll mewn gêm bêl-droed (Bradford City yn arwain y ffordd)

2009-05-12T19:00:00.003-01:00

Es i a'm ffrind i wylio Everton ar y penwythnos. Dyna'r tro cyntaf i fi wylio gêm byw yn Uwch Gynghriair Lloegr ers i mi fod â thocyn tymor i wylio Everton yng nghanol y 1990'au. Pendefynais roi'r gorau i fy nhocyn tymor pryd hynny gan fy mod i ar fin dechrau yn y brifysgol ac i fod yn onest roedd yn llawer mwy o hwyl sefyll ar y kop yn Wrecsam (a oedd yn gwneud yn reit da ar y pryd) - roeddwn yn teimlo'n agosach at gefnogwyr Wrecsam (yn llythrenol weithiau!).

Tros y blynyddoedd dw i wedi bod yn ymweld â gwahanol faesydd pêl-droed i wylio Wrecsam a Chymru, a dw i'n gweld bod llai o glybiau yn caniatau sefyll. Yn un peth, mae'n llawer gwell gyda fi sefyll - dw i'n teimlo'n rhan o'r gêm bron, tra'n teimlo'n reit detached wrth eistedd. Hefyd os meiddiwch chi sefyll a chanu, mae stiwardiaid ar eich cefn yn syth yn bygwth eich taflu allan o'r maes.

Gan nad ydw i'n gwerthfawrogi cael fy nhrin fel plentyn/dihiryn ar ôl talu tua £20 am docyn a gwario arian a threulio oriau'n teithio i'r gêm, dw i wedi penderfynnu mynychu llai a gemau, a dim ond mynd i faesydd ble mae modd sefyll. Yn anffodus, mae Wrecsam wedi cau'r Kop y tymor yma sydd newydd ddod i ben, gyda'r gobaith o adeiladu EISTEDDle newydd yn ei le, felly does dim opsiwn sefyll i'w gael bellach ar y Cae Ras. Mae Abertawe a Caerdydd rwan yn chwarae mewn meysydd seddi'n unig hefyd.

Daeth llygedyn o obaith wythnos diwethaf pan dderbyniais e-bost gan Ffederasiwn Cefnogwyr Pêl-droed gyda'r newyddion am arbrawf yn Bradford.

Safe Standing a step closer at Bradford

Back in 2008 we wrote that Bradford were sympathetic towards supporters' wishes to stand so it’s pleasing to see the Bantams' wait for Safe Standing could soon be over. Every survey shows that around 90 per cent of fans are in favour of Safe Standing areas and Stand Up For The Bantams is campaigning to raise funds in order to pay for a trial at Valley Parade. If you would like to get involved email Stand Up For The Bantams today. To hear more about the FSF's work on Safe Standing email Colin Hendrie.

Yn ddigon eironig, yn Valley Parade tua 3 tymor yn ôl y profias i stiwradiad mwya bygythiol tuag at bobl oedd yn meiddio sefyll (yn rhes gefn yr eisteddle o bob man!), ond mae'n newyddion da - gobeithio bydd mwy o wybdaeth ar gael yn fuan.

Beth sy'n amlwg yw y bydd yna rywfaint o gost (er ddim llawr) yn gysylltiedig a'r cynllun uchod, a bydd eisiau rhyw rigmarol o adroddiadau iechyd a dioglewch a stiwardio 'arbennig' ayyb. Byddai'n arbed llawer o amser ac arian petai cynllun o'r fath yn cael ei ystyried wrth adeiadu neu addasu meysydd pêl-droed o hyn ymlaen.

Beth sy'n gwneud yr holl beth yn fwy annheg yw'r anhysondeb. Mae Scarlets Llanelli newydd adeiladu stadiwm newydd gyda ardal sefyll pwrpasol, a deallaf bof Dreigiau Gwent am wneud yr un fath. Cewch sefyll i wylio rygbi a rasio ceffylau ac hefyd mewn rhai o'r meysydd pêl-droed mwyafmodern yn Yr Almaen.

Hefyd, tra'n gwylio Everton ar y penwythnos, fe sefodd pob un o gefnogwyr eu gwrthwynebyr (Spurs) drwy gydol y gêm heb unrhyw ymyraeth - da iawn nhw ddweda i. A'r gwahaniaeth mawr oedd fe wnaeth y 1,500 o gefnogwyr Spurs ganu drwy'r gêm, tra na wnaeth cefnogwyr Everton smic. Mae mynd i wylio Cymru yn chwarae yn Stadiwm y Mileniwm yn brofiad digalon hefyd, gan bod dim awyrgylch yno.

Mae erthygl dda yn y Guardian (o 2007) yn rhoi'r dadl yn glir iawn mai camgymeriad oedd y gwaharddiad ar sefyll yn dilyn trychineb Hillsbrough.

Hefyd ar wefan Stand Up Sit Down mae erthyglau gwych yn esbonio manteision sefyll o ran y clybiau ac o ran y cefnogwyr.

Llwybr Llaethog: Spillers Records 18.4.09

2009-04-17T12:32:00.002-01:00

Jyst i chi gael gwybod, fel rhan o Record Store Day bydd Llwybr Llaethog (a Funeral for a Friend a Truckers of Husk) yn perfformio yn Spillers, Caerdydd yfory (Sadwrn 18fed o Ebrill).

Y Cymro slopi

2009-03-31T12:26:00.002-01:00

Nid teitl nofel newydd gan Mihangel Morgan yw hwn ond fy nisgrifiad i o'r papur newydd Y Cymro (buaswn yn rhoi dolen at wefan y papur petai un).

Yn rhifyn wythnos diwethaf, mae'n frith o wallau teipio (ok, mae fy nghofnodion blog innau'n frith o wallau hefyd, ond nid papur cenedlaethol mo GdF).

Dyma enghreifftiau i chi:
-mewn ambell erthygl, roedd bwlch rhwng geiriau ar goll
-mae gwr o Langernyw yn mynd i fod yn 'padlo' ar ei feic o Gaerdydd i Fae Colwyn - siawns mai 'pedlo' fydd o?
-mewn erthygl am yr ymwybyddiaeth isel ymysg y boblogaeth am y drafodaeth am drosglwyddo grym i'r Cynulliad, mae 'per cent' yn cael ei ddefnyddio tair neu bedair gwaith pan yn trin canranau (yn hyrach na 'y cant')
-mewn hysbyseb gan Fwrdd yr Iaith, yn eironig ddigon i hyrwyddo'r defnydd o feddalwedd Cymraeg o dan y teitl Y Gymraeg a'r Chwyldro Technolegol, mae'r frawddeg canlynol:

...os nad yw pawb yn y swyddfa neu'r t⁯ yn siarad Cymraeg...

Dw i ddim yn gwybod os mai camgymeriad yn yr hysbyseb wreiddiol gan y Bwrdd oedd o, neu gan Y Cymro, ond y naill ffordd roedd yn edrych yn wael. I ddweud y gwir roedd yr hysbyseb yn hynod o sal, roedd yn darllen fel traethawd - redd rhaid darllen hyd at yr 8fed llinell cyn deall mai erthygl am y Gymraeg ar y we ydoedd, a hyd yn oed wedyn doedd ddim yn dweud llawer. Dylai yna fod lai o ysgrifen, a dylid dangos ychydig o sgrinluniau, yn enwedig gan fod yr hysbyseb yn hanner tudalen. Mae sôn am Facebook, Googl a Microsoft, ond dim sôn am Firefox nac Open Office.

Google Street View yn dod i Gaerydd, Abertawe A'R BARRI A PHENARTH

2009-03-20T12:22:00.004-01:00

Yn mis Mehefin, soniodd Mei fod cerbyd Google yn mynd o gwmpas Cymru er mwyn casglu delweddau ar gyfer Google Street View, sy'n eich galuogi chi i weld strydoedd mewn 3-D.

Mae'r gwasanaeth ar gael rwan ar gyfer lleoliadau yn y DG, gan gynnwys Caerdydd, Abertawe, y Barri a Phenarth yng Nghymru (er mai mond Abertawe a Chaerdydd sy'n cael eu crybwyll yn y cyfryngau).

Mae fy hen gar i wedi cael ei anfarwoli ar y gwasanaeth.

Dyma'r adeilad dw i'n gweithio ynddo.

Diddorol oedd darllen y blog Google Blogscoped, ble rodd sylwadau'n son am sut mae'r meddalwedd cuddio wynebau hyd yn oed yn ymestyn i furluniau ym Melffast, ac yn yr Iseldiroedd mae 'sgandal' wedi i gyflwynydd adnabyddus gael ei weld gyda dynes arall (er sut, mond sefyll neas i'w gilydd maent).

Gallaf weld gwerth i'r gwasanaeth. Cyn mynd i lefydd diarth, mae mapiau yn help o flaen llaw, ond os nad ydych eisiau bod yn cerdded rownd gyda'ch trwyn mewn map, mae Google Street View yn rhoi gwell syniad o sut bydd y lle'n edrych a beth i edrych allan amdano.

All rhwyun feddwl am bethau creadigol y gelli'r wneud gyda hwn? Efallai y gwnaf recordiad o fy nhaith seiclo i'r gwaith.

Mae blogiau eraill fel Inside Cardiff a Wales Social Media hefyd yn trafod y gwasanaeth, gyda WSM yn trafod hawliau preifatrwydd unigolion.

An Englishman abroad writes...

2009-03-02T20:17:00.002-01:00

Darllenais y rhifyn diwethaf o Gair Rhydd (papur myfyrwyr Prifysgol Caerdydd) a gweld llythyr (tud. 16) fyddai'n gwneud i'r mwnciod sy'n sgwennu rhai at y Weatern Mail edrych yn hanner call. I ddechrau mae'n cwyno am safon y Saesneg, yna'n mynd gêr yn uwch a mynd ymlaen i gwyno am y ffaith bod sylw'n cael ei roi i chwaraeon o Gymru yn y papur, sydd wedi'r cyfan yn ei farn o, yno i wasanaethau myfyrwyr Seisnig y brifysgol. Mae'n gorffen mewn crescendo o lith wrth gwrth-Gymreig a gwrth-Gymraeg cyn boddi yn ei lofaer a'i anwybodaeth ei hun - campwaith.

It's All Propaganda!
Dear gair rhydd,In reference to the article "alovely protest" in issue 889, I feelthe need to bemoan another lackof correct use of the Englishlanguage. It is not the first time American spelling has appeared inthe paper - the spellings of organized/program/defense to name but a few are incorrect and sub-editors are clearly not doing their jobs.
In a time when proper English is being devalued by text/slang variations, the media should be
maintaining appropriate standards and therefore correct British English grammar should be adhered to.

I will also take this opportunity to complain about the prevailing pro-Welsh ideology of the paper. In a university where the majority of students are English and many others hail from all over the British Isles, they should not be subjected to Welsh propaganda. If I wanted suchcoverage, I would buy the South Wales Echo. This predominantly applies to the sports section, whose Six Nations preview was nothing short of a disgrace. It was the most one-sided
analysis I have ever read - doing no justice to any of Wales' opponents - and must have been composed while the authors listened to Sosban Fach on repeat.

In this week's edition, the drama and controversy of the rearranged test-match in Antigua is overlooked for an interview with Shane Williams, not surrounding the upcoming match
against France, but about his personal ambitions and release of his autobiography.
A story that would engage everybody from Great Britain is overlooked to promote Welsh rugby.

One can just about stomach the Welsh-language page on political correctness grounds, but articles promoting the teaching of the Welsh language are not highlighting the debate, but an attempt to tap into Welsh nationalism. Is Gair Rhydd subsidised by Plaid Cymru? Gair Rhydd is the mouthpiece of an educational institution seeking to promote their students in the workplace. Promoting the use of the Welsh language completely defies those aims. Chinese, western-European and increasingly Arabic languages are those that will benefit society - where was the discussion about that?

Nowhere to be seen, as the pro-Welsh ideology rolls on. There is no use for the Welsh
language in modern society and the promotion of its use - such as a deplorable article from the Welsh officer complaining about the lack of Welsh from the Taf bar staff - is simply an attempt to appease those who claim a lack of coverage for Wales from the media.

I wish to see a severe review of the political stance of Gair Rhydd to properly reflect the readership and not to hide behind the principality the University lies in in order to justify the
inclusion of pro-Welsh propaganda.

Alex J. Winter

Darllen yr Echo er mwyn cael propoganda Cymreig?
Cael a chael gallu stumogi erthygl Gymraeg?
Dim lle i'r Gymraeg yn y gymdeithas gyfoes?

Ac mae hyn gan berson 'addysgiedig' i fod. Efallai bod mwyafrif llethol myfyrwyr Prifysgol Caerdydd yn dod o Loegr, ond mae canran sylweddol ohonynt yn dewis aros yma i weithio ac i fyw wedyn, a rhaid dweud o'r rhai dw i wedi bod yn ddigon yn ffodus i ddod i'w nabod, tydy nhw ddim mor chwerw a di-glem a hwn (wel, mae un neu ddau ohonynt yn). Gobeithio ddoith y creadur yma o hyd i swydd neis dros y ffin pan ddaw ei dair blynedd i ben a fydd ddim rhaid iddo weld na chlwyed yr heniaith byth eto.

Tra dan ni'n sôn am Brifysol Caerdydd, dw i wedi dechrau dysgu iddynt rhan amser fel tiwtor Cymraeg i Oedolion ac yn mynychu cwrs ar gyfer cymhwyster newid i fod yn diwtor yn y maes. Bu rhaid llenwi ffurflen ethnigrwydd, a thra roedd modd nodi fy nghedligrwydd fel Cymro, Sais, Gwyddel, neu Albanwr (neu Welsh, English, Irish a Scottish, gan mai ffurflen uniaith Saesneg ydoedd), pan ddaeth i'r golofn ethnigrwydd, 'mond White British, White Scottish, White Irish, neu Irish Traveller gallwn fod.

Twpdra (?) adranau'r llywodraeth a lladron penffordd y diwydiant creu gwefannau.

2009-02-14T07:04:00.002-01:00

Mae Vaughan Roderick yn reit damniol o'r stori fod y Weinyddiaeth Gyfiawnder wedi comisiynu system ar gyfer llysoedd ynadon Cymru a Lloegr, ond wedi "anghofio" y byddai angen i'r system honno weithredu'n ddwyieithog yng Nghymru. Ydy, mae'n gywilyddo beth bod nhw wedi anghofio (neu anghofio'n fwriadaol yn ôl sylw MH ar flog Vaughan), ond beth sy'n fy nychryn i ydy'r gost. Yn gyntaf fe gostiodd y system £444 miliwn a'r amcangyfrif i'w alluogi i ddanfon gwysi'n ddwyieithog yw £4 miliwn arall!

Tydy i ddim yn arbennigwr dylunio meddalwedd, ond i mi mae'r system danfon yn un gymharol syml. Pan dderbyniais i wys (dwyieithog!) tua 18 mis yn ôl, y cwbwl oedd o oedd taflen wybodaeth cyffredinol sydd wedi ei argraffu'n barod yn eu miloedd, gyda fy enw i, new'r llys a'r dyddiad wedi ei ychwanegu ato. I ryngwladoli'r meddalwedd er mwyn gallu gwneud hyn yn Gymraeg hefyd, a'i gyfyngu i bobl sy'n byw yng Nghymru, siawns mai dim ond ychwanegu colofn arall, neu 'querry' côd post at fas-data sydd angen.

Mae Vaughan yn gorffen gyda;

Dyw "anghofio" ddim yn esgus digon da. Mae hwn yn fethiant llwyr wrth gyflawni dyletwydd sylfaenol. Mae hynny'n haeddu ymchwiliad llawn gyda'r rheiny oedd yn gyfrifol yn cael eu disgyblu neu eu diswyddo.

Dw i hefyd yn meddwl bod angen disgyblu ac addysgu pwy bynnag oedd yn gyfrifol, yn gyntaf am eu dyletswydau at siaradwyr Cymraeg, ond yn ail am sut i fod yn gall mewn proses caffael.

Dylid hefyd mynnu gan y cwmni sy'n gwneud y gwaith eu bod yn dangos sut maen nhw wedi cyrraedd y ffigwr o £4 miliwn am y gwaith ychwanegol. Dw i'n meddwl eu bod yn cymryd y piss, i fod yn garedig - byddwn i hyd yn oed yn mynd mor bell a dweud eu bod yn euog o dwyll.

SNP a'r teulu brenhinol

2009-02-14T06:32:00.003-01:00

Fel y gwyddoch mae'n siwr, cewch chi ddim cefnogwr mwy slog i frenhiniaeth Lloegr na fi, felly gwirionais yn lan o weld erthygl yn y Guardian an ail wampiad gwefan Y frenhiniaeth.

Un nodwedd newydd defnyddiol yw map yn dangos ble bydd ymweliadau nesaf y teulu breintiedig - felly bydd digon o rybudd gyda chi i brynu wyau.

Mae rhai tudalennau wedi eu trosi i'r Gymraeg a Gaeleg yr Alban - sgwn i beth mae Alex Salmond yn feddwl o'r llun canlynol ar ben y dudalen Gaeleg!

Wylit, Wylit Clewelin

2009-02-08T21:26:00.003-01:00

Tra'n edrych ar MySpace Brigyn i weld os ydynt yn chwarae yng Nghaerdydd yn fuan (maen nhw, ar yr 20fed o Chwefror GIG AM DDIM), mi sylwais hefyd eu bod yn Mhontyridd ar yr 28ain. Diawcs, i'r dim meddyliais - cwpwl o beints yng Nghlwb y Bont ac yna ymlaen i'r Miwni am gig.

Ond och! O fynd i wefan y Miwni i weld y manylion, beth sydd ymalen y diwrnod/noson hwnnw yw...

..Taffyfest

Dyma ddisgrifiad o'r digwyddiad hynod yma:

Proud to be Welsh? Are we still the ‘Land of Song’? Will Wales win the Arts Grand Slam of 2009? Answers to all these questions and more will be found in our day-long celebrations on the eve of St. David’s Day. Join us for a festival of contemporary Welsh culture including dance/music/story-telling/poetry-slam/twmpath dawns and much more – and not a male voice choir or brass band in sight!

Featured performers include the great Welsh young hopes CALAN (fresh from their tour of Wales with Genticorum) and RCT based leading storyteller Megan Lloyd. We may just sneak in a Breton Bagad too.

Efallai mai fi sy'n siwr o fod yn or-sensitif (eto), ond alla i ddim dioddef y gair Taffy. I mi, enw sarhaus gan Saeson ydy o, a thra mae'r Miwni'n meddwl bod yna rywbeth ystradebol mewn corau meibion a bandiau pres, tydyn nhw'n gweld dim o'i le ar gyfeirio at eu hunain a'u cyd-Gymry fel Taffy's! Nid nhw ydy'r unig rai chwaith yn anffodus.

Alla i ddim cadarnhau bod adran hyrwyddo digwyddiadau cyngor Rhoindda Cynon Taf wedi bod yn rhoi help llaw i drefnwyr yr Oktoberfest a bydd o hyn ymlaen yn cael ei adnabod fel Jerryfest. Hefyd mae Carnifal Notting Hill o bosib yn mynd i newid ei enw i Wogfest.

Mae ffrind i mi wedi ymuno a chwmni yng Nghasnewydd sydd ynghlwm a'r diwydiant amddiffyn. Fel y gallwch ddisgywl mae llawer o gyn filwyr yn gweithio yno. Mae fy ffrind yn Sais, a soniodd pa mor ryfedd oedd hi gweithio i gwmni yng Nhymru ac un cydweithiwr yn cerdded heibio'r llall, gyda un yn dweud; "Alright Taff", a'r llall yn ateb gyda; "Alright Taff" - dim ond yng Nghymru!

WhatDoTheyKnow.com

2009-01-20T19:30:00.006-01:00

Os ydych chi'n berson busneslud fel fi, yna bydd ganddoch diddordeb ym mhrosiect diweddara mySociety, sef WhatDoTheyKnow.com.

Pwrpas y wefan yw ei wneud yn haws i bobl wneud ceisiadau am wybodaeth i wahanol sefydliadau cyhoeddus o dan y Ddeddf Rhyddid Gwybodaeth.

Os ydych am wneud cais am wybodaeth, mae sawl mantais defnydido'r wefan yma:
1. Does dim rhaid pori drwy wefannau unigol y gwahanol sefydliadau am gyfeiriad e-bost
2. Gall pobl eraill weld pa fath o gwestiynnau rydych yn ei gofyn, ac yr atebion rydych yn dderbyn
3. Gallwch danysgrifio at ffrwd RSS gwahanol sefydliadau er mwyn cael gwybod pa geisiadau maent yn dderbyn, ac yna gallwch weld os ydynt yn ymateb o fewn amser

Rhywbeth arall, sydd efallai ddim yn cael ei bwysleisio gan mySociety yw'r mantais a all y wefan fod i sefydlaidau. Gan bod modd ymchwilio am wybodaeth sydd eisioes wedi ei ryddhau (dim ond gan geisiadau drwy'r wefan yma), fe all osogoi gwahanol bobl yn gwneud ceisiadau am yr un wybodaeth dro ar ôl tro.

Dwi wedi tanysgrifio i ffrwd Cyngor Caerdydd, Llywodraeth y Cynulliad, S4c a Bwrdd yr Iaith. Tydy S4C na BYI wedi derbyn cais eto. Y diwethaf i Gyngor Caerdydd ei dderbyn oedd hwn:

Could you please indicate whether or not your organisation operates
a bi-lingual policy.

If it does could you please answer the following questions:-

1. What percent of staff are able to speak fluent Welsh. 2. What
percentage of staff speak and write fluent welsh. 3. Do you have a
unit specifically for translation. 4. How many staff work in your
translation unit. 5. What is the approximate overall cost of having
a bi-lingual policy in place (this should take into account the
cost of the running the translation unit, extra stationary extra
postage and the time taken to get documents translated) Furthermore
could this please be broken down by year since the last Local
Government reorganisation)

Many thanks

Yours faithfully,

Barnacle Bill

Mae 'Barbacle Bill' (ddim ei enw iawn mae'n siwr) wedi gofyn yr un peth i sawl awdurdod lleol arall yng Nghymru, ond o glicio ar ei broffeil, mae'n gwneud nifer o ymholiadau amrywiol - eto, gallwch danysgrifio i ffrwdd RSS unrhyw ddefnyddiwr y wefan.

Son am Ddeddf Rhyddid Gwybodaeth, mae gyda chi tan yfory i gysylltu â'ch AS i ofyn iddynt wrthwynebu newidiadau i'r ddeddf fydd yn eithrio eu manylion treuliau nhw nhw a'r Arglwyddi rhag cael eu rhyddhau.

Story Raunchy am Golwg.

2008-11-28T12:10:00.005-01:00

Mae 'deryn bach wedi dweud wrtha i bod Golwg wedi bod yn ddrwg a defnyddio lluniau heb ganiatad. Yn rhifyn wythnos diwethaf, roedd erthygl am ddawnsio Burlesque, ac roedd tri llun yn cyd fynd â'r erthygl, ac un ar flaen y cylchgrawn ac un arall ar y dudalen cynnwys. Yn anffodus, mae'r sawl a dynnodd y lluniau yma i gyd, sy'n brysur yn ceisio datblygu ei yrfa fel ffotograffydd wedi dod i wybod am y peth ac yn flin uffernol fel gallwch ddychmygu. Mae wedi danfon bil at Golwg Cyf.

Mae ambell i berson wedi sylwi bod eu lluniau Flickr nhw'n ymddanogs yn y cylchgrawn hefyd (sy'n berffaith iawn wrth gwrs os ydy'r person yn cyhoeddi eu lluniau ar drwydded Creative Commons a bod y cylchgrawn yn cofio rhoi cydnabyddiaeth)

Golygwyd.
Wnes i ddim enwi'r person oedd yn berchen ar y delweddau, ond mae Owen wedi postio dolen at ei flog ei hun ble mae'n adrodd y stori.

20,000 erthygl ar y Wicipedia (Y Wikipedia Cymraeg)

2008-11-24T20:23:00.004-01:00

Ar y diwrnod y cyhoeddwyd bod y Gymraeg wedi ei defnyddio yn swyddogol am y tro cyntaf wrth annerch Cyngor y Gweinidogion yr Undeb Ewropeaidd, fe gyrhaeddwyd carreg filltir arall hefyd, gan i'r Wicipedia gyrraedd 20,000 erthygl.

Dw i'n hoff iawn o'r Wicipedia, ac er mod i'n cyfrannu un neu ddau erthygl nawr ac yn y man, dw i'n tueddu gwneud pethau fel twtio iaith, trwsio dolenni, a chategoreiddio erthyglau'n bennaf.

I geisio denu ychydig o sylw i'r Wicipedia - ac hefyd gobeithio denu mwy o gyfranwyr, mae rhai o'r golygwyr wedi ceisio llunio rhyw ddatganiad bach, sydd wedi ei danfon i bapurau a chylchgronau. os ydych yn nabod rhywun sy'n debygol o fod a rhyw ddylanwad - boed yn bapur newydd neu'n bapur bro, plîs, pasiwch hwn ymlaen;

20,000 O ERTHYGLAU CYMRAEG AR-LEIN

Mae’r Wicipedia Cymraeg (http://cy.wikipedia.org), gwyddoniadur rhydd ar-lein sy'n rhan o gywaith Wikipedia, wedi cyrraedd carreg filltir bwysig yn ei hanes, sef 20,000 o erthyglau.

Er nad yw nunlle’n agos i’r 2 filiwn a rhagor o erthyglau sydd ar ei gefnder, y Wikipedia Saesneg, mae’n dipyn o gamp o ystyried y gwahaniaeth yn y nifer o siaradwyr.

Gwirfoddolwyr sy’n gyfrifol am ychwanegu cynnwys ar y wefan, mae croeso i unrhyw un gyfrannu ac mae criw cyfeillgar o olygwyr wrth law yn 'Y Caffi' i ateb unrhyw gwestiynau gan newydd ddyfodiaid.
Mae amrediad eang o erthyglau sydd ddim wedi eu cyfyngu i bynciau am yr iaith Gymraeg na Chymru yn unig. Yn wir, bwriad y Wicipedia yw darparu ystod eang o erthyglau am bob pwnc dan haul, ac mae eisoes yn cynnwys gwybodaeth am bynciau na chafwyd ymdriniaeth amdanynt yn Gymraeg o'r blaen. Ein gobaith yn y tymor hir yw tyfu i fod y gwyddoniadur Cymraeg mwyaf cynhwysfawr ac amrywiol erioed.

*Yr 20,000fed erthygl i ymddangos oedd Seiclo yng Ngemau Olympaidd yr Haf 1984

*Dechreuodd y Wicipedia Cymraeg ym mis Gorffennaf 2003 ,
*Ymhlith yr erthyglau ar y Wicipedia mae Diwydiant llechi Cymru, Apartheid ac India

Pan rois gyflwyniad am wefannau cymdeithasol Cymraeg yn Awst 2007, roedd 10,558 erthygl (sleid 27), felly mae'r Wicipedia wedi dyblu ers hynny.

Angen ysbrydoliaeth?
Os ydych wedi bod eisiau cyfrannu ond ddim yn siwr sut, neu am beth i ysgrifennu, gadewch i mi wybod. Byddai'n dda cael rhai o'r blogwyr Cymraeg tramor i greu/ehangu ar erthyglau am yr ardaloedd maent yn byw neu'n dod ohonynt yn wreiddiol. Dw i'n ceisio argyhoeddi ffrind o'r Almaen sy'n dysgu Cymraeg y byddai'n ymarfer da iddi greu erthygl am ei thref genedigol sef Passau. Gall gyfieithu darn o'r erthygl Saesneg neu Almaeneg, ac hyd yn oed os ydy hi'n gwneud camgymeriad gyda'r iaith (er bod ei Chymraeg yn ardderchog), mae'n hawdd i olygwyr eraill ei gywiro. Beth sy'n dda am Wicipedi, ydy y gallwch gymharu newidiadau.

Cefais fy ysbrydoli i greu erthygl am Evan Jones ar ôl darllen amdano ar flog Emma Reese. Fe gyfieithodd Evan Jones y beibl i'r iaith Cherokee, ac fe soniodd Emma wedyn bod arwyddion yn yr iaith Cherokee yn ei thref hi, sef Tahlequah, Oklahoma. Plagiais Emma am luniau, a dyma hi'n danfon rhain ataf, sydd nawr yn ymddangos ar erthyglau am dref Tahlequah a'r iaith Cherokee.

Gwladwriaeth Prydain yn gorfodi ei dinasyddion i ddefnyddio Meddalwedd Rhydd

2008-10-18T13:23:00.005-01:00

Efalle mod i wedi gorlywio'r teitl, ond dyma fi'n cael sgwrs gyda fy nhad yn ddiweddar ar y ffôn (dw i yn eu ffonio'n wythnosol gyda llaw, rhag ofn bod y frawddeg yn gwneud i mi swnio fel tydw i byth yn siarad â'm rhieni) a cefaid tipyn o sioc.

Mae fy nhad yn ffarmwr, ac wedi iddo orffen ei wythnos gwaith 80+ awr yn y gwynt a'r glaw, y cwbl sydd rhaid iddo wneud wedyn ydy treulio ychydig oriau eto'n gwneud y gwaith papur. Bu rhaid i Dad gael cyfrifiadur newydd rhai wythnosau'n ôl, a cafodd tipyn o fraw gweld MS Vista ac ail-ddysgu ble mae'r holl fotymau.

Pan ddaeth hi'n amser cofrestru ymadawiad un o'r bustych a werthwyd ar y System Olrhain Gwartheg ar-lein*, doedd fy nhad yn methu deall pam nad oedd yn gweithio. Mae dad yn gweld eu gwasaneth ar-lein yn tipyn llai o sdrach na gorfod danfon newidiadau drwy'r post, felly ffoniodd eu llinell gymorth. Dwedon nhw nad oedd eu gwefan yn addas ar gyfer Internet Explorer 7, ac fe awgrymon nhw bod Dad yn defnyddio Firefox. Dw i wedi bod yn trio cael dad i ddefnyddio Firefox ond tydy o ddim yn hoffi fi'n potsian gyda ei gyfifiadur yn ormodol wedi i mi ladd ei liniadur gwaith (pan fu'n gweithio i'r Weinyddiaeth Amaeth tua 15 mlynedd yn ôl)!

Er fod gosod Firefox yn hawdd uffernol (dw i wedi llwyddo for God sake), mi gynnigodd y boi ar y llinell gymorth y byddai'n ffonio fy nhad yn ôl a'i helpu i lawrlwytho a gosod Firefox. Er fod y ffaith nad yw eu gwefan dal ddim yn gweithio ar IE7 yn dangos pa mor ar ei hol hi mae adrannau'r llywodraeth wrth gadw i fyny gyda datblygiadau technolegol, roedd yn fy synnu bod nhw mor barod wedyn i helpu fy nhad i ddefnyddio Firefox - yn enwedig gan mai'r unig borwyr mae eu tudalen Gwybodaeth am Dechnoleg y We* yn grybwyll ydy IE, Netscape ac AOL. Get with the pogramme myn uffar.

Rhagor bosteri Meddal yma.

* Byddwn wedi eich cyfeirio ar y fersiynnau Cymraeg gan bod eu gwefan yn hollol ddwyieithog, ond allai'm rhoi dolen atynyt, gan mae drwy ddefnydio Java-script mae newid iaith!

Gol. Wedi i dad fynd i'r trafferth (a'r gost - mae dad dal ar dial-up) o lawrlwytho a gosod Firefox, dyma sylweddoli mai dim ond Firefox 1.5 mae'r wefan yn gefnogi. Does unman y gallwch lawrlwytho hwn o'r we hyd y gwela i, ond daeth Meddal.com i'r adwy unwaith eto, gan mod i wedi prynnu CD-ROM ganddynt yn Eisteddfod Abertawe oedd yn cynnwys Firefox 1.5. Iesu, sôn am drafferth!