ბიზნეს ბლოგი, ბიზნეს სიახლეები, ბიზნეს იდეები, ელ წიგნები, ვიდეო გაკვეთილები

თანამედროვე მეწარმეების აუცილებელი უნარ-ჩვევები

noreply@blogger.com (giorgi) — Sat, 4 Nov 2017 08:37:00 -0700

დღევანდელ დღეს, მეწარმეებს სჭირდებათ ახალი უნარები, რათა მოიპოვონ წარმატება, თანამედროვე კონკურენტულ გარემოში. წარმოგიდგენთ ოთხ ასეთ ძირითად უნარ-ჩვევას:

1. წერითი უნარები

გამართულად და დამაჯერებლად წერა გეხმარებათ დაარწმუნოთ ადამიანები, არამხოლოდ იყიდონ თქვენი პროდუქტი/მომსახურება, არამედ შთააგონოთ ისინი, მოახდინოთ მათზე პოზიტიური გავლენა, რაც მომავალში დაგეხმარებათ თქვენი მიზნების განხორციელებაში.

2. ისწავლეთ პროგრამირების ძირითადი უნარები

ტექნოლოგია არის ბიზნესის აწმყო და მომავალი. აუცილებელი არ არის იყოთ პროგრამისტი, რათა აითვისოთ ინოვაციური ტექნოლოგიები, მაგრამ მნიშვნელოვანია გესმოდეთ პროგრამირების და ტექნოლოგიების ძირითადი საკითხები. აღნიშნული ძალიან დაგეხმარებათ თქვენს ბიზნეს საქმიანობაში, რადგან მომავლის ბიზნესი მთლიანად ტექნოლოგიურ ინოვაციებზე იქნება დამოკიდებული.

3. ისწავლეთ როგორ გამოიყენოთ ვორდპრესი

ვორდპრესის ვებ-საიტებს უკავიათ უმნიშვნელოვანესი როლი ინტერნეტ სივრცეში, ასეთი ტიპის ვებ-საიტები სულ უფრო მეტად იძენს პოპულარობას. მათი აწყობა და შესწავლა ნებისმიერ ადამიანს შეუძლია, მათ შორის იმათ, ვინც არ არის პროგრამისტი.

ამდენად, ვორდპრესის ცოდნა დაგეხმარებათ ეფექტური საიტის დამზადებაში და მრავალი ხარჯის თავიდან აცილებაში.

4. ისწავლეთ როგორ მუშაობენ საძიებო სისტემები

ინტერნეტ სივრცის განვითარებამ რევოლუცია მოახდინა კლიენტების მოზიდვის ხერხებთან დაკავშირებით.

ერთ-ერთი ყველაზე ძლიერი საშუალება ეფექტურად მოიზიდოთ კლიენტები არის საძიებო სისტემებში თქვენი საიტის წამოწევა.

ამ მიზნის მისაღწევად საჭიროა ფლობდეთ ცოდნას კონტენტ მარკეტინგის პრინციპებისა და SEO ოპტიმიზაციის საფუძვლების შესახებ.

კონტენტ მარკეტინგი გულისხმობს საინტერესო სტატიების შექმნასა და განთავსებას თქვენს ვებ-საიტზე, ხოლო SEO ოპტიმიზაციის მეშვეობით ხორციელდება საიტის საძიებო სისტემების მიმართ ეფექტური ურთიერთკავშირის დამყარების უზრუნველყოფა.

სტატის ავტორი: მარიამ ქობლიანიძე

მსუბუქი მრეწველობის კოლეჯიდან ბიზნესში - „ვისურვებდი, მცირე ბიზნესს სახელმწიფოსგან მეტი ხელშეწყობა ჰქონდეს"

noreply@blogger.com (giorgi) — Tue, 15 Nov 2016 06:51:00 -0800

ომერსანტის" დღევანდელი რესპოდენტი საკმაოდ პრაქტიკულ და მოთხოვნად ბიზნესს აკეთებს. 30 წლის მარიამ კვირკვიას მიაჩნია, რომ ქვეყანაში ეკონომიკურად არასახარბიელო მდგომარეობაა, რაც მის ბიზნესზე გავლენას გარკვეულწილად ახდენს. M.K - ხელნაკეთი ნივთების დამფუძნებელი მუდმივად ცდილობს საკუთარ მომხმარებელს სიახლე შესთავაზოს.

როგორც კვირკვია ჩვენთან საუბრისას განმარტავს, ბიზნესის წამოწყებამდე მან თბილისის მსუბუქი მრეწველობის კოლეჯი ტანსაცმლის მოდელირებისა და კონსტრუირების განხრით დაამთავრა.

-მოგვიყევით M.K - ხელნაკეთი ნივთების შექმნის იდეა როდის გაგიჩნდათ. თავიდან საიდან ყიდდით ნივთებს და რა იყო ეს ნივთები?

- ერთ დღეს გაწყვეტილ სამაჯურს ვაახლებდი და ამ დროს დამებადა იდეა საახალწლო სათამაშოები გამეფორმებინა. გავაკეთე და კარგი გამომივიდა, მაგრამ მივხვდი, რომ უკეთესის მოფიქრებაც შეიძლებოდა. ბევრი ფიქრის შემდეგ ძველი არყის სასმისი და ჭიქები გავაფორმე. ამის შემდეგ რისი გაფორმებაც შეიძლებოდა, ყველაფერს ვალამაზებდი და სადღესასწაულო დღეებზე ახლობლებისათვის საჩუქრად მიმქონდა. ჩემი გაფორმებული ჭურჭელი ყველას აღფრთოვანებას იწვევდა, შემდეგ გადავწყვიტე საყვარელ საქმეს მივყოლოდი და ჩემი პატარა ბიზნესიც ამეწყო. საუკეთესო ნამუშევრებს გადავუღე ფოტოები და facebook- ის საკუთარ გვერდზე განვათავსე. მოლოდინმა გაამართლა და ჩემი ნამუშევრები სოციალური ქსელის მეშვეობით მალევე პოპულარული გახდა. ნივთები, რომელიც პირველად საზოგადოებას წარვუდგინე ჭიქები,თეფშები და ჩარჩოები იყო. სამწუხაროდ ჯერ-ჯერობით მაღაზია არ მაქვს და ამ ნივთებს facebook- ის მეშვეობით ვყიდი .

- როდის და რატომ შეარჩიეთ სახელწოდება M.K- ხელნაკეთი ნივთები?

- სახელწოდება M.K - ხელნაკეთი ნივთები შევარჩიე დაახლოებით წლისნახევრის წინ, ამ სახელზე ბევრი არ მიფიქრია,მინდოდა ჩემს ხელნაკეთ ნივთებს ჩემი სახელი ეტარებინა.

-საიდან მოგაქვთ ის დეკორაცია, რასაც ჭურჭელს უკეთებთ? ან ჭურჭელს სად ყიდულობთ?

- ჭურჭელს, ბისერებსა და თვლებს სპეციალურ მაღაზიაში ვყიდულობ, სხვადასხვა დეკორაციას სხვადასხვა ფასად ვყიდულობ. ხოლო რაც შეეხება ფიგურებს, მას მე თვითონ ვამზადებ.

- მხოლოდ ჭურჭელს აფორმებთ?

- ვმუშაობ ჩარჩოებზეც და მათაც სხვადასხვანაირად ვაფორმებ. ჩარჩოებზეც იგივე მასალას ვიყენებ, რასაც ჭურჭლის გაფორმებაზე. რაც შეეხება ფასებს, ისიც სხვადასხვაა.

- ბოლო პერიოდში თბილისში მსგავსი პროდუქტების რაოდენობამ იმატა, რითია გამორჩეული M.K - ხელნაკეთი ნივთები სხვებისგან?

- M.K - ხელნაკეთი ნივთები სხვებისგან ორიგინალურობითა და მდგრადობითაა გამორჩეული. ჩემი პროდუქტი ყოველთვის სიახლეებზეა ორიენტირებული, ვცდილობ მომხმარებელს ახალი იდეები მივაწოდო, ყველაფერს ხარისხიანად ვაკეთებ და რაც მთავარია თითოეული ნივთის შექმნაში დიდ ძალისხმევას ვხარჯავ. ასე რომ, ჩემი საქმე სიყვარულს, სილამაზეს ემსახურება.

- რამდენად ხელმისაწვდომია M.K - ხელნაკეთი ნივთების ფასები და რომელ სეგმენტზეა გათვლილი?

- ჩემი აზრით M.K - ხელნაკეთი ნივთების შეძენა ხელმისაწვდომია ყველა მოქალაქისთვის, იქნება ეს საშუალო, მაღალი თუ დაბალშემოსავლიანი ფენა.

- აპირებთ თუ არა გაფართოებას სხვა ქალაქებშიც, ან თბილისის სხვა უბნებში ქსელის შექმნას?

- ჯერ-ჯერობით ქსელის გაფართოებაზე საუბარი ზედმეტად მიმაჩნია, რადგანაც მფლობელი მარტო მე ვარ და ეს საქმე ძალიან შრომატევადია. ამასთანავე ყველაფერი თანხებზეა დამოკიდებული.

- ქვეყანაში მიმდინარე ეკონომიკური პროცესები, თუნდაც ლარის გაუფასურება თქვენ ბიზნესზე რა გავლენას ახდენს?

- ჩემი აზრით, ქვეყანაში ეკონომიკური მდგომარეობა არასახარბიელოა და თუნდაც ლარის კურსის მერყეობა რა თქმა უნდა, ჩემს ბიზნესზეც აისახება, რადგანაც უფრო დიდი თანხის გაღება მიწევს და ყველაფერი ძვირია.

- რას შეცვლიდით დღეს ეკონომიკაში, რაც ბიზნესის წარმართვას მეტად გაგიადვილებდათ?

- ვისურვებდი სახელმწიფოსგან მეტი ხელშეწყობა ჰქონდეს ყველას, მათ შორის იმათაც, ვისაც მცირე ბიზნესის წარმართვა სურს, უნდა შეიქმნას ბიზნესის განვითარების ფონდები. ჩვენი მხრიდან კი მთავარია მონდომება, შრომისმოყვარეობა და ყველაფერი გამოვა.

- ბოლოს, რას მეტყვით სამომავლო გეგმებზე?

- სამომავლო გეგმებს რაც შეეხება, ამჟამად უკვე ვმუშაობ სამკაულების შექმნაზე და მინდა ამ კუთხითაც წარმოვაჩინო შესაძლებლობები. ძალიან დიდი სურვილი მაქვს იმისა, რომ ჩემი სახელოსნო მქონდეს, ეს საქმიანობის გამრავალფეროვნებაში დამეხმარება და ჩემი შესაძლებლობები ამ სფეროში უფრო ნათელი გახდება.

რჩევები დამწყებ მეწარმეებს

noreply@blogger.com (giorgi) — Mon, 14 Nov 2016 11:37:00 -0800

ყველას გვსმენია მცირე ბიზნესხრიკების შესახებ. ჩვენ ვიცით წესები, თუმცა ისინი ხშირად არ მუშაობენ რეალურ სამყაროში. ამიტომ, დროდადრო ინტერპრეტაციას ვუკეთებთ მათ.

ჩამოწერეთ თქვენი შიშები და არა მიზნები

როდესაც შენი შიშები ფურცელზე გადაგაქვს, ანიჭებ მათ მნიშვნელოვნების დონეს და ფურცელზე ყოფნისას ისინი ნაკლებად გამოიყურებიან შემზარავად. როდესაც გადაარჩევთ თქვენს შიშებსა და რისკებს, თავადვე გაგიკვირდებათ რაოდენ მამაცურად მიუდგებით საქმეს.

დაუშვით შეცდომები

კრის ბროგანი, CEO of owner Media Group და New York Times ბესტსელერი ავტორი, ამბობს, რომ ერთადერთი შემთხვევა როდესაც შეცდომა სავალალოდ მთავრდება არის მაშინ, როდესაც ვერაფერს სწავლობ. თუ თქვენ წარუმატებლად დაასრულებთ საქმეს, განსაზღვრეთ იგი როგორც უბრალოდ მოულოდნელი შედეგი. აქტიურად იმუშავეთ მის გამოსწორებაზე.

გააკეთე ის, რაც კარგად გამოგდის

მაიკლ საკა, WithCircle-ის ერთ-ერთი დამფუძნებელი ამტკიცებს, რომ შეიძლება არ იცოდეთ მარკეტინგი ან ბუღალტერია, თუმცა თქვენი ბიზნესის ყოველი დეტალის ცოდნა სავალდებულოა.

დრო

თქვენ ყოველთვის შეგიძლიათ აკეთოთ მეტი ფული, მაგრამ ვერ შეძლებთ მეტი დროის ქონას. დრო თქვენი ყველაზე ძვირფასი იარაღია და სანამ გადაწყვეტთ დახარჯოთ ის აზრიანად, ის უკვე გაუფასურდება.

მარიამ ფაღავა

www.startup.ge

დამწყები ბიზნესმენის შეცდომები

noreply@blogger.com (giorgi) — Mon, 14 Nov 2016 08:11:00 -0800

ადამიანებს ყველაზე მეტად ვერ იტანენ წარუმატებლობას, პირველი პატარა წარუმატებლობა და ადამიანების უმრავლესობა თავს ანებებს დაწყებულ საქმეს.

ბიზნესიც არ არის გამონაკლისი.

დამწყები ბიზნესმენების შეცდომები:

1. თითქმის ყველას უნდა ნულიდან გახდეს სერიოზნული ბიზნესის მფლობელი.

მართველი. დიდი ბიზნესმენების უმრავლესობამ ნულიდან ნელ-ნელა, ნაბიჯ-ნაბიჯ დაიწყეს ბიზნეს იმპერიების შენება, ხოლო სანამ მწვერვალ მიაღწევდნენ ყველაზე შეუფასებელი გამოცდილება და ცოდნა მიიღეს, ამის გარეშე ისინე ვერ გახდებოდნენ "დიდი ბიზნესმენები".

2. უსარგებლო ან ზედმეტად გავრცელებული პროდუქცია.

ზოგიერთ ბიზნესმენი კრეატიურლი პროდუქტის ძიების პროცესში ფანტასტიკაში გადადის და ბაზარსე სრულიად უსარგებლო პროდუქტი გააქვს გასაყიდად. მეორე შემთხვა კი პირიქითა ბიზნესმენს არ ყოფნის ფანტაზია და ბაზარზე ისეთ პროდუქტი გააქვს, რომელსაც ,,ნახევარი მსოფლიო აწამოებს'' და თავს ყოფს ბაზარზე სადაც უკვე გამოდილი მონოპოლისტები ოპერირებენ.

3. ზედმეტად თეორიული მიდგომა ბიზნესის მიმართ.

რათქმაუნდა ბიზნესმენი შემოქმედებითად უნდა იყოს თავის საქმიანობას, მაგრამ არ უნდა დავიწყდეს, რომ იგი თავისი საქმის მენეჯერია პირველრიგში და პრაქტიკულობაა მთავარი ვიდრე ბიზნეს ფილოსოფიის გენერირება.

4. ძალიან დიდ მნიშვნელობას ანიჭებენ გარშემომყოფთა აზრს.

აუცილებლად უნდა მოუსმინოთ და გაანალიზოთ სხვისი რჩევები, მაგრამ თვენი ბიზნესისთვის შეიძლება დამღუპველი იყოს გაუაზრებლად სხვისი ნათქვამის ათვეისება და განხორცეილბა. ყოველთვის დაფიქრდით თქვენს გადაწყვეტილებებზე, გადადგით გაწონასწორებულად რისკიანი ნაბიჯები.

5. პროდუქციის არასწორი რეკლამირება.

უმრავლესობა დამწყები ბიზნესმენის ცდილობს თავის პროდუქციაზე მიაწოდოს ინფრომაცია, რაც შეიძლება ბევრ ადამიან სწორედ აქ არის შეცდომა, ეს გაგიზრდით ხარჯების და არ გაგიზრდით შემოსავლებს. მთავარია შეარჩიოთ ის აუდიტორია, რომელიც შეიძენს თქვენს პროდუქტს და სწორეთ მათზე იმუშაოთ.

მოტივაცია

noreply@blogger.com (giorgi) — Mon, 14 Nov 2016 07:37:00 -0800

ადამიანს ხშირად აქვს ცხოვრებაში ისეთი მომენტი, როცა მიზანი დასახულია, მიზნის მისაღწევი გზა ცნობილია, მაგრამ ის რატომღაც არაფერს არ აკეთებს.

ალბათ ბევრ თქვენთაგანს ჰქონია სურვილი - დაეწყო ფიზიკური ვარჯიშები, დაეცვა დიეტა, თავი დაენებებინა მოწევისათვის, შეედგინა ბიზნეს-გეგმა ახალი ბიზნესის დასაწყებად, გაეცნო მისთვის სასურველი გოგონა (ან მამაკაცი) და ა.შ... გაეკეთებინა მრავალი ისეთი სასარგებლო საქმე, რაც უკეთესობისკენ შეცვლიდა თქვენს ცხოვრებას, მაგრამ რატომღაც, ყოველდღიურად თქვენ, გადადებთ ხოლმე ამ მოქმედებებს...

ალბათ ცნობილი მომენტია, იწყებთ ორშაბათიდან, შემდეგი კვირის ორშაბათიდან, კიდევ შემდეგი ორშაბათიდან და ა.შ.

ან დაიწყებთ რომელიმე გადაწყვეტილების შესრულებას, 2-3 დღის შემდეგ კი თავს მიანებებთ და ყოველთვის პოულობთ „ობიექტურ მიზეზებს“ თავის გასამართლებლად...

სამწუხაროდ ასეა, ძალიან კარგად იცით, სრულყოფილ ინფორმაციას ფლობთ, ბოლომდე დარწმუნებული ხართ, აუცილებლობასაც გრძნობთ, მაგრამ მიუხედავად ამ ყველაფრისა, ვერ წყვეტთ გადადგათ რეალური ნაბიჯები...

რა არის ამის მიზეზი? რაშია პრობლემა და სად უნდა ეძებოს ადამიანმა ამ ჩიხიდან გამოსვლის გასაღები?

მომეცით საყრდენი წერტილი და მე დავძრავ დედამიწას

ალბათ გახსოვთ არქიმედეს ცნობილი ფრაზა - „მომეცით საყრდენი წერტილი და მე დავძრავ დედამიწას“

ასეთ ბერკეტს, ზემოთ აღწერილ სიტუაციაში, წარმოადგენს მოტივაცია, უფრო ზუსტად კი თვითმოტივაცია, ანუ საკუთარი თავისთვის მოქმედების აუცილებლობის შთაგონების ნიჭი.

რა არის მოტივაცია? - მოტივაცია არის მამოძრავებელი ძალა, რომელიც უბიძგებს ადამიანს მოქმედებისკენ.

არსებობს ორი სახის მოტივაცია - შინაგანი და გარეგანი. ვნახოთ რით განსხვავდება ეს ორი ცნება ერთმანეთისგან.

გარეგანი მოტივაცია - მათრახი თუ თაფლკვერი

ალბათ ყველა თქვენთაგანს ბავშვობიდან დღემდე, ხშირად სმენია ასეთი ფრაზები - „ისწავლი გაკვეთილებს და გაგიშვებ მეგობრებთან“, „არ მიიღებ კარგ ნიშნებს და არ გიყიდი იმას, რაც გსურს“, „ჩააბარებ გამოცდებს და წახვალ ზღვაზე“, „ვერ მიიღებ დროულად ჩათვლას? - გაგრიცხავ“, „აამაღლებ გაყიდვების დონეს? - მიიღებ ბონუსებს და პრემიას“ და ა.შ...

ამ შემთხვევაში, მოტივაცია ყალიბდება სქემით - „სტიმული - რეაქცია“, სადაც სტიმული არის ერთგვარი „თაფლკვერი“, რომელსაც იღებს ადამიანი ვინმესთვის საჭირო მოქმედების შედეგად, ან პირიქით, „მათრახი“, რომელსაც ცდილობს თავი აარიდოს შესაბამისი მოქმედებით.

ეს არის მოტივაციის ყველაზე უფრო გავრცელებული ფორმა, ეგრეთ წოდებული გარეგანი მოტივაცია, როცა ადამიანი შესაბამის მოქმედებას ან სამუშაოს ასრულებს გარეგანი ზემოქმედების ან მოთხოვნის შესაბამისად, ჯილდოს მიღების, ან დასჯის შიშის გამო.

შინაგანი მოტივაცია

განვიხილოთ მეორე სიტუაცია - ბავშვი თავად ჯდება მაგიდასთან, იღებს საღებავებს და იწყებს ხატვას. ის იმდენადაა ამ საქმიანობით გართული, რომ საერთოდ ვერ ამჩნევს რა ხდება მის ირგვლივ.

სხვათა შორის ბევრი ნიჭიერი ადამიანი, ბავშვობიდან სწორედ ასე ამჟღავნებს საკუთარ ნიჭს, თავდავიწყებითა და გატაცებით იგი საათობითაა დაკავებულია იმ საქმიანობით, რომელსაც არავინ ავალდებულებს.

ეს შინაგანი მოტივაციის მაგალითია. მაგრამ როგორ მჟღავნდება იგი ზრდასრულ ადამიანში?

იგი ისეა უამრავი პრობლემებითა და ვალდებულებებით დატვირთული, რომ მისი მოტივაცია მინავლულია და სადღაც კუნჭულშია მიყუჟული.

მხოლოდ იშვიათ შემთხვევაში შეიძლება მისმა მოტივაციამ იფეთქოს მთელი ძალით, მაგალითად მაშინ, როცა საყვარელი ჰობითაა დაკავებული.

სამწუხაროა, მაგრამ ძალიან ცოტა ადამიანს გააჩნია ძლიერი შინაგანი მოტივაცია, ანუ თვითმოტივაცია.

რისთვისაა საჭირო მოტივაცია

ადამიანებს, რომლებიც ფლობენ განსაზღვრული სახის (შინაგან ან გარეგან) მოტივაციას, გააჩნიათ სხვადასხვა შედეგები ცხოვრებაში, გლობალური მასშტაბით კი სხვადასხვა ბედიც კი.

ადამიანებს, რომელთაც აქვთ შინაგანი მოტივაცია, გააჩნიათ:

• საკუთარი, წარმატებული საქმე და მაღალი შემოსავალი;

• საინტერესო ცხოვრება, რომლის განმავლობაშიც ისინი აღწევენ ყველზე გაბედულ მიზნებსაც კი;

• გარშემომყოფთა პატივისცემა, ხედავენ რა, თუ როგორ სწრაფად ვითარდება იგი;

• კმაყოფილების გრძნობა;

• ენერგიულობა და სიმხნევე;

• პოზიტიური დამოკიდებულება ცხოვრებისა და ადამიანების მიმართ;

• საკუთარი თავის რწმენა, რომელიც ეხმარებათ ცხოვრებაში რთული მომენტების გადალახვაში;

• ბევრი თანამოაზრე;

• დამოუკიდებლობა და თავისუფლება;

ხოლო ადამიანებს, შინაგანი მოტივაციის გარეშე:

უკმაყოფილება საკუთარი საქმისა და შემოსავლის მიმართ;

პრობლემები ახლობელ ადამიანებთან, რადგან ისინი ელიან მისგან გადამწყვეტ მოქმედებებს;

სიზარმაცე;

მოწყენილობა და რუტინული ცხოვრების წესი;

დროში ჩარჩენილობა;

უკმაყოფილება ცხოვრების მიმართ;

უკმაყოფილება გარშემომყოფების მიმართ;

შიშები;

საქმის შემდგომისთვის გადადება;

უნდობლობა საკუთარი თავისა და შესაძლებლობების მიმართ;

შესაძლებელია თუ არა განავითარო საკუთარი შინაგანი მოტივაცია

რა თქმა უნდა შესაძლებელია, მაგრამ პირველ რიგში, უნდა გაერკვეთ, თუ რა არის თქვენი შინაგანი მოტივაციის ნაკლებობის მიზეზი.

უნდა გაერკვეთ, თუ რა არის ის, რაც გამუხრუჭებთ, გაზარმაცებთ და არ გაძლევთ საშუალებას გააკეთოთ ის, რისი გაკეთებაც გსურთ.

ყველაზე გავრცელებული მიზეზებია:

ცუდი ჯანმრთელობა, როცა ფიზიკური მდგომარეობა არ იძლევა აქტიური მოქმედებების საშუალებას;

ძალისა და ენერგიის ნაკლებობა, რომელიც შეიძლება დაკავშირებული იყოს, როგორც ჯანმრთელობის პრობლემებთან, ასევე არასაკმარის ფსიქოჰიგიენასთან, გულში ჩადებული ძველი წყენები, ბრაზი გარესამყაროს მიმართ, გარშემომყოფთა წრე რომელიც არ გამხნევებთ და თანაგიგრძნობთ, რეაქცია ზედმეტ სტრესზე - ეს ყველაფერი იწვევს ენერგიის შთანთქვას;

გადაღლილობა, რამაც შესაძლოა თავი იჩინოს ცხოვრების რომელიმე აქტიური პერიოდის შემდეგ, ამ შემთხვევაში გადაღლილი და დაქანცული სხეული აღარ ემორჩილება ახალ, აქტიურ ჩანაფიქრებსა და მოქმედებებს;

როცა დასახული მიზანი, სინამდვილეში თქვენი არ არის. ამ დროს, თქვენ მხოლოდ ფიქრობთ, რომ გინდათ ეს, სულის სიღრმეში კი გრძნობთ, რომ არ გსურთ, ან სურთ გარშემომყოფებს, ან მიაქვს ზედმეტი ენერგია, რაც იწვევს მოტივაციის ნაკლებობას;

არ ხართ დაკავებული თქვენი საქმით, ის რასაც აკეთებთ, არ მოგწონთ და არც შეესაბამება თქვენს ნიჭსა და შესაძლებლობებს;

შიშები და შემზღუდავი შეხედულებები - „შეიძლება არ გამოვიდეს“, ან „არ გამოვა, რადგან უკვე ხანდაზმული ვარ/ახალგაზრდა ვარ/არ მაქვს გამოცდილება/არ მაქვს ფული და ა.შ ასეთი ფიქრები, აქტიურობის პარალიზებას იწვევს;

რა მოვუხერხოთ ამ ყველაფერს?

»» გამოიკვლიეთ საკუთარი ორგანიზმი, შეეცადეთ გაარკვიოთ რატომ არის თქვენი ჯანმრთელობა სუსტი, იმკურნალეთ და ჩადექით მწყობრში;

»» დაივიწყეთ ყველა ძველი თუ ახალი წყენა, ნუ იქნებით ბრაზიანი, ისწავლეთ მოდუნება და სტრესთან ბრძოლა;

»» მიეცით საკუთარ თავს დასვენების საშუალება, არა მოჩვენებითად, არამედ ნამდვილად, მთელი სულითა და სხეულით. არ გაკიცხოთ ამ პერიოდში საკუთარი თავი უმოქმედობისთვის. თუ დასვენების პერიოდში ურთიერთობა გექნებათ ადამიანებთან, ეცადეთ შეარჩიოთ ისეთები, ვისგანაც მოდის კარგი აურა და დაგმუხტავთ ენერგიით.

»» დაკავდით და აკეთეთ ის საქმე, რომელიც ყველაზე მეტად მოგწონთ, რომლის გამოც არ დაგენენებათ დრო, მზად იქნებით ყველაფერი გააკეთოთ და მისგან მხოლოდ კმაყოფილებას იგრძნობთ.

»» კარგად დაუკვირდით და შეიცანით, თუ რისგან მოდის და რა არის თქვენი შიშების მიზეზები, განსაზღვრეთ რამდენად რეალურია ისინი. შეიძლება შიში მხოლოდ ილუზია აღმოჩნდეს, მაგრამ თუ შიში საფუძვლიანია, მოიფიქრეთ თუ როგორ აღუდგეთ წინ მას და გაანეიტრალოთ წინააღმდეგობა.

თუ დამოუკიდებლად არ გამოგივათ, დახმარება სთხოვეთ გამოცდილ, წარმატებულ და პრაქტიკული გამოცდილების მქონე ადამიანებს.

რამოდენიმე რჩევა თვითმოტივაციისთვის

noreply@blogger.com (giorgi) — Sun, 13 Nov 2016 09:33:00 -0800

შეინახე შენი იდეები შენთვის.
გაანახევრე შენი ყოველდღიური საქმიანობის სია.
ნუ იფიქრებ რომ ოდესმე მოკვდები.
ნუ დაიწყებ ყოველი პატარა გამარჯვების აღნიშვნას.
არ დაისვენებთ თქვენ ჯერ ეს არ დაგიმსახურებიათ.
ნუ იქნები იქნები ლოიალური შენი თავის მიმართ.
არ გინდათ ახალი თვისებები, ძველი საკმარისია.
ბოლომე არასეოდეს არ ენდო შენს მეგობარას.
ყოველთვის ნუ გააკეთებთ იმას რაც გიყვარს.
ნუ იქნებით ყველაფერზე კოცეტრირებული

ეს ყველაფერი გააკეთეთ პირიქით.

23 სასარგებლო რჩევა წარმატებისთვის

noreply@blogger.com (giorgi) — Fri, 30 Jan 2015 04:39:00 -0800

დაიწყეთ ორშაბათიდან, ის ხომ უკვე დადგა! მიამაგრეთ რჩევები კედელზე, მიჰყევით მათ და თქვენ აუცილებლად იქნებით წარმატებული!

1. ირგვლივ შემოიკრიბეთ მხოლოდ ის ადამიანები, ვინც აგამაღლებთ. ცხოვრება ისედაც სავსეა ისეთი ადამიანებით, ვინც დაბლა გექაჩებათ.

2. დღეს გააკეთეთ ის, რაც სხვებს არ სურთ, ხვალ ისე იცხოვრებთ, როგორც სხვებს არ შეუძლიათ.

3. თუკი იპოვით ადამიანს, რომელთანაც შეძლებთ ისევე თავისუფლად მოიქცეთ, როგორც მარტო საკუთარ თავთან იქცევით, მაშინ დააფასეთ იგი როგორც ჰაერი.

4. თუკი გეტყვიან, რომ თქვენმა მატარებელმა ჩაიარა, გახსოვდეთ - არსებობენ კიდევ თვითმფრინავები და იახტები.

5. ეკლის გულში ჩადებით, მაშინაც კი, თუკი მას ბოდიშებით ამოიღებთ, მაინც დატოვებთ მასში ხვრელს, რომელიც დიდხანს განაგრძობს შეხორცებას და დატანჯავს თავის მფლობელს. ნუ ატკენთ მათ, ვისაც მთელი გულით უყვარხართ.

6. არასოდეს იმართლოთ თავი, არც მასთან ვისაც უყვარხართ და მითუმეტეს მასთან, ვისაც არ უყვარხართ. ის, ვისაც არ უყვარხართ, მაინც არასოდეს დაგიჯერებთ, ხოლო ვისაც უყვარხართ თვითონაც მოძებნის თქვენთვის გამართლებას.

7. თუკი თქვენზე ხმები დადის ე.ი. პიროვნება ხართ. გახსოვდეთ: არასოდეს განიკითხავენ და შურთ მისი, ვინც ცუდია. შურთ საუკეთესოების, განიკითხავენ საუკეთესოებს.

8. არ შეგიძლიათ ქალის გაბედნიერება? მაშინ სხვას ხელს ნუ შეუშლით.

9. შეძელით პატიება, ეს ძლიერების თვისებაა. სუსტები არასოდეს პატიობენ.

10. იბრძოლეთ, ქალი ხომ ძლიერებს, თამამებსა და მედგრებს ირჩევს და არა მათ, ვინც პატარა ჩხუბის შემდეგ ხელებს ჩამოუშვებს და მიდის.

11. ნურასოდეს იკამათებთ იდიოტებთან, ამით თქვენ მათ დონემდე დაეშვებით, სადაც ისინი დაგჯაბნიან თავისი გამოცდილებით.

12. ყოველთვის გახსოვდეთ, ადამიანები ახლობლები ხდებიან დროთა განმავლობაში, ხოლო უცხოები მომენტალურად.

13. ისწავლეთ იყოთ ბედნიერი ალკოჰოლის გარეშე, იოცნებოთ ნარკოტიკის გარეშე, იკონტაქტოთ ინტერნეტის გარეშე და ინერვიულოთ სიგარეტის გარეშე.

14. სამუშაო გულით აირჩიეთ და არც ერთი დღე მოგიწევთ მუშაობა.

15. ცხოვრებაში ძალიან ნურავის დაეყრდნობით, რადგან თქვენი აჩრდილიც კი გტოვებთ, როცა სიბნელეში ხართ.

16. არ ინანოთ თქვენი შეცდომების გამო, რადგან მათ გარეშე ვერასოდეს ისწავლით როგორ გააკეთოთ რაიმე სწორად.

17. თუ გსურთ გქონდეთ ის, რაც არასოდეს გქონიათ, მოგიწევთ გააკეთოთ ის, რაც არასოდეს გაგიკეთებიათ.

18. როცა აგებთ, უბრალოდ გაიღიმეთ. გამარჯვებული კარგავს მოგების გემოს.

19. თქვენ უნდა გქონდეთ ოცნება, აუცილებლად! რომ შეძლოთ დილაობით ადგომა.

20. თუკი დათვი ხესთან გაბამთ და ლათინურად საუბრობს, დაიძინეთ. ნებისმიერ გაურკვეველ სიტუაციაში დასაძინებლად წადით.

21. თუკი უკმაყოფილო ხართ იმ ადგილით, რომელსაც იკავებთ, შეცვალეთ იგი, თქვენ ხომ ხე არ ხართ!

22. თუ მდიდარი ხართ ნუ იფიქრებთ ამაზე, ხოლო თუ ღარიბი ხართ თქვენს სიღარიბეს სერიოზულად ნუ მიიღებთ. თუ შეგიძლიათ იცხოვროთ სამყაროში და გახსოვდეთ, რომ სამყარო მხოლოდ სპექტაკლია, თქვენ იქნებით თავისუფალი, ვერ შეგეხებათ ტანჯვა. ტანჯვა შედეგია ცხოვრებისადმი სერიოზული დამოკიდებულების, ნეტარება - თამაშის. მიიღეთ ცხოვრება როგორც თამაში, იმხიარულეთ მისით!

23. არასოდეს ისაუბროთ საკუთარ თავზე ცუდად, ყოველთვის გამოჩნდებიან ისეთები, ვინც ამას თქვენს ნაცვლად გააკეთებს.

კრეატიულობის კვლევა

noreply@blogger.com (giorgi) — Fri, 30 Jan 2015 04:32:00 -0800

კრეატიულობა ბუნებრივი და უწყვეტი პროცესია, რომელიც კაცობრიობის არსებობის მთელ მანძილზე გადარჩენისა და წარმატების ერთ-ერთი მნიშვნელოვანი ფაქტორია.

წლების მანძილზე კრეატიულობა განიხილებოდა, როგორც რაღაც ეფემერული, ინდივიდუალური ნიჭი, რომელიც ან გაქვს, ან – არა. მაგრამ დროთა განმავლობაში გაირკვა, რომ კრეატიულობა მართვადი პროცესია, რომელსაც თვისი სტრუქტურა აქვს და რომლის განხორციელებაც ჩვენგან მუდმივ ძალისხმევას და ორგანიზებას მოითხოვს.

კრეატიულობა არის ცვლიებებზე რეაგირება და, ამავე დროს, მათი მართვა. კრეატიულობას ინდივიდუალიზმი ახასიათებს. ჩვენ ვცდილობთ, მას დამოუკიდებლად, საკუთარი მეთოდით ჩავწვდეთ და, ხშირ შემთხვევაში, ბოლომდე დარწმუნებულნი არ ვართ, თუ როგორ ვახორციელებთ შემოქმედებით პროცესს. შემოქმედ ადამიანთა უმრავლესობას წარმოდგენა არ აქვს იმ სტრატეგიაზე, რომლითაც ის ქმნის ,,ახალს“. საყოველთაოდ ცნობილი ფაქტია, რომ იმას, რასაც ყველაზე კარგად ვაკეთებთ, ვაკეთებთ გაუცნობიერებლად.

კრეატიულობა შეიძლება იყოს გაუცნობიერებელი პროცესი, რომელიც შთაგონებას იწვევს. მაგრამ იგი ასევე შეიძლება იყოს გაცნობიერებული პროცესი, რომელიც დიდ ძალისხმევას და თანმიმდევრულ ნაბიჯებს ითხოვს.

ინდივიდუალური და ჯგუფური კრეატიულობის მართვა შესაძლებელი და აუცილებელია, მაგრამ განსაზღვრულ სიძნელეებთან არის დაკავშირებული:

არ არსებობს ტერმინები, რომლებიც აღწერს კრეატიულობის შინაგან ფსიქიკურ პროცესებს, ამიტომ ძნელია ამ პროცესის სხვებთან განხილვა, მსგავსი ინტელექტის მქონე ადამიანებთანაც კი.
გაცილებით ადვილია კრეატიულობის პროდუქტის აღწერა, ვიდრე კრეატიულობის პროცესის.
რთულია სხვა ადამიანების კრეატიული უნარების გადაღება.
რთულია სხვებისათვის კრეატიული უნარების გადაცემა, რომლის საშუალებითაც ისინი საკუთარი პრობლემების გადაჭრას შეძლებენ.
რთულია განსაზღვრული ამოცანის გადაჭრისათვის საჭირო კრეატიული პოტენციალის მქონე ადამიანის შერჩევა.

ნეიროლინგვისტური პროგრამირება იკვლევს კრეატიულობის სტრუქტურას და პრინციპებს, იმ მიზნით, რომ მოახდინოს ცალკეული პიროვნებების, გუნდის და ორგანიზაციის კრეატიულობის გაძლიერება და გაფართოება. ნეიროლინგვისტური პროგრამირების ქცევითი ტექნოლოგიების საშუალებით შეძლებთ:

გაამდიდროთ და გაზარდოთ საკუთარი რუკა;
გააფართოვოთ თქვენი აღქმის არეალი;
გამოავლინოთ ის დაშვებები და ვარაუდები, რომლებიც ზღუდავს თქვენს კრეატიულობას;
გახადოთ თქვენი ქცევა უფრო მოქნლი;
გააანალიზოთ საკუთარი კრეატიულობის პროცესი და მოახდინოთ მისი მოდელირება;
დააკვირდეთ სხვების კრეატიულ პროცესებს და მოახდინოთ მათი მოდელირება;
მოახდინოთ კრეატიული პროცესის ერთი კონტექსტიდან მეორეში გადატანა და მისი სხვებისათვის გადაცემა;

პროფესიულ დონეზე ამოცანები, რომლებიც კრეატიულ გადაწყვეტას ითხოვს, შეიძლება ორიენტირებული იყოს როგორც პრობლემის გადაჭრაზე, ისე გარკვეული მიზნის მიღწევაზე. ამ ტიპის ყველაზე გავრცელებულ ორგანიზაციულ ამოცანათა რიცხვში შედის:

პრობლემის მოძიება და განსაზღვრა;
მიზნის კვლევა ან დასახვა;
შესაძლებლობების ანალიზი;
სამუშაო დავალებების განაწილება;
გარემოს პროგნოზირება და სცენარების შექმნა;

თითოეულ ჩვენგანს საკუთრი მსოფლმხედველობა აქვს, რომელიც ჩვენს მიერ შექმნილ შინაგან ნეიროლინგვისტურ რუკებს ეფუძნება. სწორედ ამ რუკების საშუალებით ვახდენთ გარესამყაროს ინტერპრეტირებას, ვრეაგირებთ მასზე და აზრს ვანიჭებთ ჩვენს ქცევასა და განცდებს. ამგვარად, გვზღუდავს და ძალას გვანიჭებს არა რეალობა, არამედ ამ რეალობის ჩვენი შინაგანი რუკა. თუ შევძლებთ ჩვენი რუკების გაფართოებას, იმავე რეალობაში მეტი ალტერნატივის მოძიებას შევძლებთ.

ცნობილია, რომ ამა თუ იმ სფეროში ხშირად უფრო მეტ კრეატიულობას დილეტანტები ავლენენ, ანუ ის ადამიანები, რომლებსაც შესაბამისი სპეციელური განათლება არ გააჩნიათ.

კრეატიულობის მართვის საკვანძო ასპექტი ცვლილებების მიმართ მზაობასა და თანმიმდევრულობას შორის ოპტიმალური თანაფარდობაა. ის, ვინც თანმიმდევრულია საკუთარ სურვილში – მიზანს მიაღწიოს, მოქნილობა უნდა გამოიჩნოს მიზნის მიღწევის მეთოდებში.

კრეატიულობის განმაპირობებელი ფსიქიკური პროცესები მხოლოდ ირიბად არის დაკავშირებული იმასთან, თუ რას ვაკეთებთ მოცემულ მომენტში. ხშირად, შემოქმედებითი იდეები მაშინ გვეწვევა, როდესაც ჩვენი ამოცანისაგან სრულიად განსხვავებულ თემაზე ვფიქრობთ.ნებსმიერი შემომედებითი აქტი ნერვული სისტემის მობილიზაციას ითხოვს, რათა მოხდეს გარემოსთან ურთიერთქმედება და მასში ცვლილებების შეტანა. კრეატიულობა კრეატიულობაა იმის მიუხედავად, თუ რომელ სფეროში ვიყენებთ მას.

ნეიროლინგვისტურ პროგრამირებაში გამოყოფენ კრეატიულობის განსხვავებულ დონეებს, ამ დონეებს განსაზღვრავს ის, თუ ,,სად“, ,,როდის“, ,,როგორ“, ,,რატომ“ ხორციელდება კრეატიული პროცესი, ,,ვინ“ და ,,რას“ ახორციელებს.

გარემო – ,,სად“ და ,,როდის“ ასპექტებს გარემოს განსხვავებული ზემოქმედება განაპირობებს. ეს არის დროითი და სივრცითი შეზღუდვები.

ქცევა - ,,რა“ ასპექტი ეხება ქცევით გამოვლინებებს, რომლებიც გავლენას ახდენს კრეატიულობაზე, იმ შემთხვევაშიც კი, როდესაც გარეგანი შეზღუდვები ყველასათვის ერთნაირია, თითოეული ადამიანი მათზე თვისებურად რეაგირებს.

შესაძლებლობები და უნარები – შესაძლებლობები და უნარები შინაგანი რუკის, გეგმის ან სტრატეგიის მიხედვით ორიენტაციას აძლევს ქცევას. ისინი პასუხობენ კითხვას ,,როგორ?“

ღირებულებები – ,,რატომ“ კრეატიულობას განსაზღვრავს ადამიანის ღირებულებები. ღირებულებების დონეზე შეგვიძლია მოვახდინოთ ამა თუ იმ სტრატეგიის, გეგმის ან აზროვნების სტილის სტიმულირება, შეჩერება ან განზოგადება.

იდენტიფიკაცია – იდენტიფიკაციის დონეზე ხდება აზროვნების სტილის კონსოლიდაცია.იდენტიფიკაციის ფაქტორები განსაზღვრავს ზეამოცანას (მისიას) და ჩვენი თვითშეგნების საფუძველზე ახდენს ღირებულებების ფორმირებას. ის პასუხს სცემს კითხვაზე ,,ვინ?“

შემდეგი მტკიცებულებები თითოეული დონის შესაბამის შეზღუდვებს გამოხატავს:

იდენტიფიკაცია: ,,არ ვარ შემოქმედებითი ადამიანი“.

ღირებულება: ,,კრეატიულობა შეიძლება იყოს რთული და დამანგრეველი საქმე“.

უნარი: ,,არ ვიცი, როგორ უნდა ვიაზროვნო კრეატიულად“.

ქცევა: ,,არ ვიცი, ამ სიტუაციაში კიდევ რისი გაკეთება შემიძლია“.

გარემო: ,, ძალიან ცოტა დრო მქონდა იმისათვის, რომ რაიმე კრეატიული შემექმნა“.

dbr.ge

ძალაუფლება – უმთავრესი იარაღი ლიდერობისკენ

noreply@blogger.com (giorgi) — Fri, 30 Jan 2015 04:28:00 -0800

ეფექტური მართვის უმნიშვნელოვანესი კომპონენტი არის ძალაუფლება, რომელიც ლიდერს ესაჭიროება სხვა ადამიანების ქცევების წარსამართად, რათა მათ სწორად იმოქმედონ. არსებობს რამდენიმე სახის ძალაუფლება: კანონიერი, წახალისების, იძულების, ექსპერტის და ეტალონის. ეფექტური ლიდერები დგამენ ნაბიჟებს , რათა დარწმუნდენ , რომ მათ აქვთ საკმარისი დონე თითოეული მართვის თითოეული ფორმისათვის და რომ ისინი იყენებენ ამ ძალაუფლებას მაქსიმალურად.

კანონიერი (ლეგიტიმური) ძალა, არის ძალა, რომელიც მენეჯერს აქვს თანამდებობიდან გამომდინარე ორგანიზაციის იერარქიაში. პერსონალის მართვის სტილი ხშირად ახდენს ზეგავლენას იმაზე, როგორ იყენებს მენეჯერი კანონიერ ძალაუფლებას.

წახალისების ძალაუფლება არის მენეჯერის შესაძლებლობა, მისცეს ან არ მისცეს მატერიალური (ხელფასის გაზრდა, პრემიები, სამუშაოს არჩევანი) და არამატერიალური ჯილდოები ( სიტყვიერი შექება, დაფასება). ორგანიზაციის წევრები მოტივირებულნი არიან სამუშაოს მაღალ დონეზე შესასრულებლად ჯილდოს მოლოდინში. ეფექტური მენეჯერები იყენებნ წახალისების ძალაუფლებას ისე, რომ ხელქვეითებმა მიიღონ ეს, როგორც მინიშნება კარგად შესრულებული სამუშაოსთვის და რომ მათი ძალისხმევა ფასდება. არაეფექტური მენეჯერი იყნებენ ჯილდოებს უფრო ძალის დემონსტრირების მანერით ( როგორც სატყუარას), რაც მიანიშნებს ხელქვეითებს, ვინ არის უფროსი მენეჯერი.

იძულების ძალაუფლება არის მენეჯერის უნარი, დასაჯოს სხვები. დასჯაში შეიძლება იგულისხმებოდეს ყველაფერი – სიტყვიერი შენიშვნიდან დაწყებული ხელფასის ან სამუშაო საათების შემცირებით ან განთავისუფლებით დამთავრებული. ის მენეჯერები რომლებიც მყარად ეყრდნობოდნენ იძულების ძალას ,როგორც ლიდერები, არაეფექტურნი არიან და თავადვე დაზარალდნენ.

ექსპერტის ძალა დაფუძნებულია იმ სპეციალურ ცოდნაზე , უნარზე და გამოცდილებაზე რასაც ლიდერი ფლობს. ექსპერტის ძალა მენეჯერებს აძლევს საშუალებას მნიშვნელოვანი გავლენა იქნონიონ ხელქვეითებზე. ეფექტური ლიდერები იღებენ ზომებს, რათა დარწმუნდნენ რომ აქვთ შესაბამისი ექსპერტის ძალა თავიანთი ლიდერული როლების შესასრულებლად. გამოცდილების ძალა უფრო მეტად გაძღოლისა და წვრთნის მანერით გამოიყენება, ვიდრე ქედმაღლური მანერით.

ეტალონის ძალა გაცილებით არაფორმალურია სხვა სახის ძალაუფლებასთან შედარებით. ეტალონის ძალა ფუნქციაა ლიდერის პერსონალური მახასიათებლებისა; ესაა ძალა, რომელიც მომდინარეობს ხელქვეითების პატივისცემისდან, დაფასებიდან და ლოიალურობიდან. ლიდერები, რომლებიც თანამშრომლების პატივისცემითა და სიმპათიით სარგებლობენ სავარაუდოა, რომ ეტალონის ძალას იყენებენ.

/dbr.ge

ეფექტური გუნდის შექმნის 5 გზა

noreply@blogger.com (giorgi) — Fri, 30 Jan 2015 04:21:00 -0800

არ არის ადვილი იყო გუნდის აღმასრულებელი დირექტორი, განსაკუთრებით მაშინ, როდესაც ხშირად გაქვს მოლაპარაკებები ინვესტორებთან ოფისს გარეთ და დროის ძირითად ნაწილს ატარებ მათთან, და არა შენი გუნდის წევრებთან. გაცილებით რთულია, როდესაც სხვადასხვა ქალაქებში მომუშავე გუნდების მართვა გიწევს.

ნამდვილად არის თუ არა შესაძლებელი სხვადასხვა ადგილზე მყოფ გუნდებთან ერთდროულად მუშაობა? როგორ გადაანაწილებთ ძალებს გუნდებს შორის, ისე რომ მათთან გქონდეთ თანაბარი ურთიერთქმედება?

პასუხი არის ის, რომ შექმნათ ძლიერი გუნდი, რომელიც იმუშავებს ნაყოფიერად მაშინაც კი, როცა ხელმძღვანელი დაკავებულია. მენეჯერული სამუშაო გუნდი ჰგავს კალათბურთის ნაკრებს – ვერ მოიგებთ თუ არ ითამაშებთ ერთად, ურთიერთშეთანხმებულად.

როგორც აღმასრულებელ დირექტორს, თქვენ გმართებთ გააანალიზოთ, რომ გუნდის თითოეული წევრი თამაშობს მნიშვნელოვან როლს თქვენს კომპანიაში და ყოველი მათგანი არის ერთი მთლიანის ერთი ნაწილი. თუ გსურთ ნაყოფიერი მუშაობა გუნდში უნდა სუფევდეს ჰარმონიულობა. ამისათვის საჭიროა:

1. ნდობისა და პატივისცემის ჩამოყალიბება –

გააგრძელეთ გუნდური პრინციპით მუშაობა ნდობისა და პატივისცემის საფუძველზე,რომლის გარეშეც კომპანიაში ვერ მიიღწევა წარმატება. გუნდი გავს გემს, რომელიც მიდის გაურკვეველი მიმართულებით. კაპიტანს სჭირდება მისი გუნდის ნდობა და თანადგომა, რადგან ხალხი მიჰყვება ნდობას, რწმენას, რომელიც აძლევს მათ უნარს იმუშაონ ერთად.იციან რომ მთავარია გუნდურად მოქმედება და ერთად ყოფნა, ამიტომ არ ეშინიათ რა მოხდება მომავალში.

ასევე, თუ არ ხართ ოფისში,დარწმუნებული უნდა იყოთ, რომ გუნდის წევრები დაამყარებენ ერთმანეთთან ღია კომუნიკაციას. თუ ნდობა მყარია, ძლიერია გუნდიც და შეუძლია მართოს გემი კაპიტნის გარეშე.

შეასრულეთ ნათქვამი –

თუ მოითხოვთ მაღალ პროდუქტიულობას და მუშაობის ხარისხს, უნდა შეგეძლოთ სიტყვის პირნათლად შესრულება. თუ გადაწყვეტთ რაიმეს გაკეთებას, იყავით დარწმუნებული, რომ შეგიძლიათ მისი შესრულება. როდესაც გუნდის წევრები შეამჩნევენ რომ ხართ საიმედო პიროვნება, უფრო მეტად გენდობიან და მაგალითს აიღებენ თქვენი საქციელიდან.

შეხვედრის ორგანიზება ყველა თანამშრომლისთვის –

თუ გსურთ გააუმჯობესოთ გუნდური მუშაობა, დაეხმარეთ თანამშრომლებს რომ გაიცნონ ერთმანეთი უკეთესად. პირადად შეახვედრეთ ერთმანეთს წელიწადში ერთხელ მაინც – უფრო ხშირადაც თუ ეს შესაძლებელი იქნება. არაფორმალური საუბრები ეხმარება მათ თბილი ურთიერთობის ჩამოყალიბებაში. მაგალითად, მოიწვიე გუნდის წევრები ფეხბურთის ან კალათბურთის სათამაშოდ. მოთამაშეებს თუ სურთ მოგება, აქცენტი უნდა გააკეთონ თანამშრომლობაზე. იგივე პრინციპი წარმოჩინდება გუნდურ მუშაობაში. როგორც სპორტის გუნდი ასევე სამუშაო გუნდი, ერთდროულად გამოხატავს თავის ინდივიდუალობასა და ბუნებრივ ნიჭს. მათ სწრაფად უნდა მიიღონ გადაწყვეტილებები, ყოვრლგვარი წინასწარი მომზადების გარეშე. ეს არის სიტუაცია, რომელიც ექვემდებარება სუფთა ხასიათს და ყალიბდება რეალური ურთიერთობები.

კონფლიქტით სარგებლობა –

არ არსებობს გუნდი გაუგებრობების გარეშე. სადღაც, რატომღაც მაინც იჩენს ხოლმე კონფლიქტი თავს. როდესაც თანამშრომლებს შორის ხდება დაპირისპირება, აღმასრულებელ დირექტორს მართებს მოახდინოს შესაბამისი რეაგირება. გადაწყვეტილების მიღებისას უნდა იყოს ობიექტური. ყურადღებით მოუსმინოს ორივე მხარეს და დაელაპარაკოს კამათის მომსწრე გუნდის სხვა წევრებსაც. გააზრებული გადაწყვეტილება შეიძლება იყოს ხელსაყრელი ორივე მხარისათვის, რადგან ზოგჯერ შედეგად ვიღებთ ისეთ იდეას, რომელიც კამათის გარეშე არ დაიბადებოდა. მაგრამ ეს არ ნიშნავს, რომ დაპირისპირება კარგია. უბრალოდ ის აძლევს ხალხს საშუალებას ორი განსხვავებული მხარიდან შეხედოს არსებულ სიტუაციას, მეტი თვალსაზრისი ხომ მეტ შესაძლებლობას ნიშნავს.

გუნდის წევრების აზრის გათვალისწინება ახალი კადრების მიღებისას –

თუ გსურთ ახალი თანამშრომლის დაქირავება, განიხილეთ კანდიდატურა გუნდის წევრებთან ერთად. მიეცით ნება თავად გაესაუბრონ ახალ კანდიდატს, რადგან მომავალში მათ ერთად მუშაობა მოუწევთ. რა თამა უნდა, გამოცდილება და შესაბამისი კვალიფიკაცია მნიშვნელოვანია, მაგრამ უფრო მნიშვნელოვანია მისი პიროვნული და სოციალური თვისებები, რომლებიც შეესაბამება თქვენს გუნდს. ზემოთ აღწერილი ნდობა და პატივისცემა განუყრელია ადამიანის პიროვნულობასა და სოციალურ თვისებებთან. ყველაფერი ეს ეხმარება ადამიანს კომუნიკაციაში. ამ თვისებებს შეუძლია განსხვავებული ადამიანების ერთმანეთთან დაკავშირება, ხოლო მათთან ერთად კვალიფიკაცია გვეხმარება ამოცანის ზუსტად შესრულებაში.

წყარო : ფორბსი

გასაუბრების შეკითხვები და მათი პასუხები

noreply@blogger.com (giorgi) — Thu, 29 Jan 2015 10:24:00 -0800

გასაუბრება ყოველთვის სტრესთან არის დაკავშირებული. ყოველი გასაუბრება რთულია, თუნდაც მანამდე ათობით გასაუბრება გქონდეს გავლილი. გასაუბრებები განსხვავდება ერთმანეთისაგან კომპანიების, სფეროების, ინტერვიუერების შესაბამისად. სტერსის შემცირების საუკეთესო ხერხია წინასწარ მომზადება.

ადამიანები, რომელთაც მრავალჯერ მოუწიათ გასაუბრების გავლა, აღნიშნავენ, რომ გასაუბრების შეკითხვები სტანდარტულია. ეს იმას ნიშნავს, რომ შესაძლებელია მოსალოდნელი შეკითხვების განსაზღვრა და მათი პასუხების მომზადება. თქვენი ამოცანაა, საუკეთესო პასუხი გასცეთ ყველა შეკითხვას და ,,აჯობოთ’’ სხვა კანდიდატებს. კარგი იქნება, თუ გასაუბრებისთვის შემდეგი საფეხურების მიხედვით მოემზადებით:

- გამოიკვლიეთ კომპანიის საქმიანობის სფერო
- განსაზღვრეთ მოსალოდნელი შეკითხვები
- ჩამოაყალიბეთ საუკეთესო პასუხები
- გაირეთ ე.წ. რეპეტიცია

1. გასაუბრების წინ არსებითი მნიშვნელობა აქვს კომპანიის საქმიანობის სფეროს გაცნობას. ხშირად ვაკანსიაში არ არის აღნიშნული კომპანიის დასახელება. როდესაც კომპანიის წარმოადგენელი დაგიკავშირდებათ და გასაუბრებაზე დაგიბარებთ, არ მოგერიდოთ, გაამეორებინეთ კომპანიის სახელწოდება, მისამართი, დასვით შეკითხვები, ამაზეა დამოკიდებული თქვენი დასაქმება. იაქტიურეთ პირველივე დღიდან, მაგრამ ეს თავხედობაში არ უნდა გადაიზარდოს. მახსოვს შემთხვევა, როდესაც ერთ-ერთი აპლიკანტი თავად დაგვიკავშირდა კომპანიაში, ყურადღებით გამოგვკითხა პოზიციასთან დაკავშირებული მოვალეობები, გადაამოწმა, მივიღეთ თუ არა მისი რეზიუმე და ისაუბრა იმდენად სასიამოვნოდ, რომ ხელმძღვანელმა მაშინვე გადაწყვიტა ამ კანდიდატის აყვანა. გახსოვდეთ, რომ ზოგჯერ ისეთი დეტალები წყვეტს თქვენს მომავალს, რასაც ვერც წარმოიდგენთ.

მაშასადამე, გასაუბრებამე აუცილებელია კომპანიის კვლევა. ესტუმრეთ მის ვებ გვერდს, თუ ვებ გვერდის მისამართი არ იცით, მოძებნეთ გუგლის დახმარებით. დღეს ყველა ნორმალურ კომპანიას აქვს ვებ გვერდი და, ვინაიდან ვებ გვერდი კომპანიის სახეა ინტერნეტ სივრცეში, წარმოდგენა შეგექმნებათ, თუ სად მიდიხართ, როგორ კომპანიაში.

2. კომპანიის კვლევა დაგეხმარებათ მოსალოდნელი შეკითხვებისა და შესაძლო პასუხების ჩამოყალიბებაში. პასუხის გაცემისას გაითვალისწინეთ ძირითადი რჩევები:

    იყავით ენთუზიაზმით სავსე და თავდაჯერებული. არ იჩქაროთ, მაგრამ არც გააჭიანუროთ პასუხის გაცემა.
    მოერიდეთ უსარგებლო სიტყვებს. დაივიწყეთ უაზრო ბგერები: ააა, ეეე, ისააა და ა.შ.
    კარგი იქნება, თუ ჩამოწერთ მოსალოდნელ შეკითხვებსა და თქვენს პასუხებს. შემდეგ გადაიკითხეთ თქვენი პასუხები და შეამოკლეთ, რათა სათქმელი მოკლედ და ლაკონურად გადმოსცეთ. ხმამაღლა ივარჯიშეთ, წარმოიდგინეთ, ვითომ, გასაუბრებაზე ხართ. თუ დამხმარე გყავთ, მოაწყეთ ,,გასაუბრების სიმულაცია’’ – ასე მოსამზადებელი პროცესი საინტერესოც გახდება, სტრესიც მოგეხსნებათ და გასაუბრებაზე უფრო თავდაჯერებული იქნებით.
    შეკითხვათა უმეტესობა შეეხება თქვენს პროფესიულ უნარებს ან თქვენი პიროვნების ტიპს. შევეცადეთ, ჩამოგვეყალიბებინა საქართველოში გასაუბრებებზე ყველაზე ხშირად დასმული შეკითხვები, რჩევები მათი პასუხების მოსამზადებლად და პასუხთა მაგალითები:

1. ,,მიამბეთ თქვენ შესახებ რამდენიმე სიტყვით’’ (,,რას მეტყვით თქვენ შესახებ?“)

ამ შეკითხვაზე პასუხის გაცემისას ყურადღება გაამახვილეთ როგორც თქვენს პიროვნულ, ასევე პროფესიონალურ უნარებზე. იყავით გულწრფელი, მაგრამ ისაუბრეთ თქვენს საუკეთესო მხარეებზე, განსაკუთრებით მოცემულ პოზიციასთან დაკავშირებულ ღირსებებზე. ხაზი გაუსვით თქვენს გამოცდილებასა და დამსახურებას. მაგალითად:

ვარ პროფესიონალი თარჯიმანი წერილობითი და ზეპირი თარგმნის გამოცდილებით სხვადასხვა სფეროში. სინქრონულად ვთარგმნიდი კონფერენციებს, სემინარებსა და შეხვედრებს. ვთარგმნიდი საკონფერენციო და საპრეზენტაციო მასალებს. ვამზადებ სტატიებს სხვადასხვა ონლაინ თუ ბეჭდურ გამოცემაში როგორც ქართულ, ასევე უცხო ენაზე. საერთაშორისო სემინარებზე ვიყავი ტრენერის ასისტენტი და ფაცილიტატორი. მაქვს გუნდური თუ დამოუკიდებელი მუშაობის უნარები. ოფისის მენეჯერად მუშაობის შედეგად მივიღე კორესპონდენციის მომზადებისა და ორგანიზების გამოცდილება. ჩემი მიზანებია მაგისტრის ხარისხის აღება ბიზნესისა და მენეჯმენტის დარგში და ამ მხრივ გამოცდილების გაღრმავება.

თქვენი პასუხი კონკრეტულ პოზიციას უნდა მოარგოთ. დაკვირვებით წაიკითხეთ ვაკანსია, რათა ზუსტად იცოდეთ, რას ითხოვენ. ჩათვალეთ, რომ ეს არის რეკლამა – თქვენი თავის ,,გაყიდვის’’ ერთადერთი შანსი გასაუბრებაზე, რას იტყოდით?

2. ,,რა იყო თქვენი წინა სამუშაოდან წამოსვლის მიზეზი?’’

ეს არის ერთ-ერთი ყველაზე ხშირად დასმული შეკითხვა გასაუბრებაზე და ძალიან ბევრი გამოცდელი კანდიდატი სწორედ ამ კითხვით იჭრება. უპირველე ყოვლისა უნდა გვახსოვდეს ერთი მარტივი პრინციპი: არასოდეს თქვათ რაიმე უარყოფითი თქვენს წინა სამუშაოსა და უფროსზე. სხვა ყველაფერს რომ დავანებოთ თავი, ძალიან უსიამოვნო და ულამაზო მოსასმენია და თან, არაპროფესიონალიზმშიც ჩაგეთვლებათ. ისედაც ნათელია, რომ წინა სამსახური არ გაკმაყოფილებდათ, წინააღმდეგ შემთხვევაში არც დაიწყებდით ახალი სამსახურის ძებნას. ინტერვიუერი იფიქრებს, რომ თუ ამ პოზიციაზე აგიყვანენ და შემდეგ სამსახურიდან წახვალთ, ამ კომპანიასაც ასე ნეგატიურად დაახასიათებთ.

დაივიწყეთ საუბარი არასასიამოვნო სამუშაო პირობებზე, ცუდ გრაფიკზე, სტრესზე. თქვენი პასუხი უნდა იყოს პოზიტიური, მკაფიოდ ჩამოყალიბებული, ორიენტირებული სამომავლო გეგმებზე. მაგალითად:

ახალ გამოწვევებთან მსურს შეჭიდება და მინდა, ჩემი პროფესიული უნარები და გამოცდილება მოვსინჯო უფრო სხვა მიმართულებით, ვიდრე ამის შესაძლებლობა წინა პოზიციაზე მქონდა.

3. ,,თქვენი ძლიერი მხარე’’

ეს არის საუკეთესო შესაძლებლობა, რომ ხაზი გაუსვათ თქვენს ძლიერ მხარეებს. ნუ ისაუბრებთ მხოლოდ ერთ ძლიერ უნარზე, აიღეთ სამი ან ოთხი მათგანი, როგორებიცაა მაგალითად: ლიდერობა, გუნდის მართვისა და ჯგუფური მუშაობის უნარი, ორგანიზაციული უნარები. დაფიქრდით, რომელი სიძლიერის ხაზგასმაა მნიშვნელოვანი მოცემული პოზიციისთვის. მაგ.: თუ ვაკანსია მოითხოვს პრობლემათა მართვისა და გადაწყვეტის უნარს, შეგიძლიათ შემდეგი სახის პასუხი ჩამოაყალიბოთ: ,,მაქვს ძლიერი ორგანიზაციული უნარები, შემიძლია პრიორიტეტების სწორად დასახვა და დროის ეფექტურად მართვა. მაგრამ ჩემი უძლიერესი მხარეა პრობლემათა გადაწყვეტისა და დავალების დროულად შესრულების უნარი’’.

4. ,,თქვენი სუსტი მხარე’’

ამ შეკითხვაზე პასუხის გაცემისას სიფრთხილე გმართებთ. გასაუბრების სპეციალისტები გვირჩევენ, რომ ამ შეკითხვას ,,სისუსტით შენიღბული დადებითი უნარით’’ ვუპასუხოთ, ანუ უარყოფითი მხარე, დადებითად ვაქციოთ. გახსოვდეთ, გასაუბრებაზე ორიენტირებული უნდა იყოთ მხოლოდ პოზიტიურზე.

კიდევ ერთი საფრთხე ჩნდება ამ დროს: ინტერვიუერს ათასჯერ აქვს მოსმენილი ერთი და იგივე პასუხები, მაგალითად: ,,ვარ იდეალისტი და სხვებისგანაც მაქსიმუმს მოვითხოვ”. იყავით ინდივიდუალური და ისაუბრეთ პირადი გამოცდილების მიხედვით. მაგალითად:

,,ჩემთვის რთული იყო დავალებების გადანაწილება თანამშრომლებისთვის, რადგან მეგონა, მე ყველაზე უკეთ შევასრულებდი მათ. ამან ის განაპირობა, რომ რამდენჯერმე დროულად და ხარისხიანად ვერ შევასრულე დავალება. საჭირო აღმოჩნდა მეტი ყურადღება დამეთმო დროის მენეჯმენტისა და დავალებათა სწორად გადანაწილებისთვის, შედეგმაც არ დააყოვნა და ეს სისუსტე გადავლახე. შენიშვნა: გაითვალისწინეთ, რომ სისუსტე, რომლზეც საუბრობთ, არ უნდა იყოს პოზიციისთვის არსებითი უნარი.

5. ,,როგორ უმკლავდებით სტრესულ სიტუაციას?’’

მოიყვანეთ სტრესული სიტუაციის მაგალითი, რომელთან გამკლავება წარსულში მოგიხდათ. ისაუბრეთ, თუ როგორ გამოიყენეთ დროის მენეჯმენტის, პორბლემათა გადაჭრისა და გადაწყვეტილების მიღების უნარები სტრესის შესამცირებლად. მაგალითად, თქვით, რომ ასეთ დროს ძალიან გეხმარებათ სამოქმედო გეგმის შედგენა და პრიორიტეტების დასახვა. ნუ შეგეშინდებათ, აღიაროთ, რომ დახმარებას ითხოვთ, თუ მარტო ვერ ახერხებთ პრობლემის გადაჭრას. ამ შეკითხვაზე ყოველთვის მახსენდება სიტყვები ერთ-ერთი ჩემი საყვარელი ფილმიდან: ,,მე ისეთი ადამიანი ვარ, რომ თუ შეკითვაზე პასუხი არ მეცოდინება, პირდაპირ გეტყვით. მაგრამ დამერწმუნეთ, ვიცი, როგორ ვიპოვო პასუხი და ვიპოვი კიდეც’’.

6. ,,რატომ არის ეს პოზიცია თქვენთვის საინტერესო?’’

სწორედ აქ დაგეხმარებათ კომპანიის შესახებ წინასწარ მოძიებული ინფორმაცია. აღნიშნეთ, რომ ყოველთვის გსურდათ, გემუშავათ კომპანიაში, რომელიც… ასეთ გვთვაზობს ასეთ მნიშვნელოვან მომსახურებას, ინოვაციურ პროდუქტს და ა.შ. აღნიშნეთ, კომპანიისთვის დამახასიათებელი რაიმე განსაკუთრებული დეტალი და ჩართეთ პასუხში. ისაუბრეთ, როგორ შეესაბამება კვალიფიკაციები და მიზნები კომპანიის მისიას, ხედვასა და ღირსებებს (მოიყვანეთ მაგალითებიც). აქ ნაკლებად მნიშვნელოვანია თქვენ რა გინდათ: წინა ადგილზე წამოსწიეთ კომპანიის მისია და მოხერხებულად დააკავშირეთ მასთან თქვენი მიზნები, საერთო მიზნები კი ორმაგ შედეგს იძლევა.

ეს არის ის ექვსი ძირითადი შეკითხვა, რომელსაც გასაუბრებაზე უნდა ელოდო. მოემზადე, გაითვალისწინე ჩვენი რჩევები, იყავი თავდაჯერებული, გაიღიმე და აუცილებლად მიიღებ სასურველ სამსახურს. თუ გსურს გაიგო, თუ როგორ უნდა მოიქცე გასაუბრებაზე, იხილე ჩვენი სტატია როგორ მოვემზადოთ გასაუბრებისთვის

მეღორეობა-ზოგადი ინფორმაცია

noreply@blogger.com (giorgi) — Thu, 29 Jan 2015 10:22:00 -0800

მეღორეობას დიდი სამეურნეო-სამრეწველო მნიშვნელობა აქვს, ღორის მოშენება: ხორცის, ქონის, ტყავის, ჯაგრისა და სხვა პროდუქტების მისაღებად უაღრესად მნიშვნელოვანია, როგორც ფერმერისთვის, ისე მომხმარებლისთვის.

მაღალნაყოფიერება, მაკეობის ხანმოკლე პერიოდი, მალმწიფადობა საშუალებას იძლევა ერთი ნეზვიდან წელიწადში 5 ტ-მდე ხორცი მივიღოთ, გასუქებული 6-7 თვის ბურვაკის ცოცხალი მასა 90-100 კგ აღწევს. 100 კგ ცოცხალი მასის ნაკლავი საშუალოდ 52-60%-მდე ხორცს და 38%-მდე ქონს შეიცავს.

ღორის ხორცი და ქონი მაღალყუათიანი საკვები პროდუქტებია. ღორის ხორცი კარგად კონსერვდება, დამარილებული და შებოლილი ხანგრძლივად ინახება, ამზადებენ აგრეთვე ძეხვეულს, ლორს და სხვა პროდუქტებს.

გარეული მდედრებისა და ინტენსიურად გავრცელებული ღორების საცხოვრებელი პირობები არ შეიძლება დიდად განსხვავებული იყოს. გარეული მდედრები შესაძლებელია იპოვოთ მცხოვრებთა შორის მაგრამ ძირითადათ ტყის ახლო მდებარე ტერიტორიზე ან მდინარის ხეობებთან.

განსხვავებულია სოციალური ჯგუფები. გარეული მამრები ცხოვრობენ მცირე ოჯახურ დაჯგუფებებში, რომლებიც შედგება 2-4 მდედრი ღორისა და მათი გოჭებისგან. ისინი შეიძლება გავრცობილი იყვნენ რამოდენიმე ასეული კილომეტრის მანძილზე. მოზარდებს არ ისორებენ ძუძუდან 13-17 წლამდე.

ინტენსიურ სიტემებში, გოჭები დედისგან განცალკევებით არიან 3-4 კვირის ასაკში. გოჭები სივიწროვეში იმყოფებიან სადგომებში და ამ პირობებში იმყოფებიან სანამ მზად არ იქნებიან დასაკლავად 24 კვირის შემდგომ.

მოშინარების წლების მიუხედავად, თანამედროვე ღორებს გაჩნიათ ჯერ კიდევ გააჩნიათ რიგი ქცევები, რომელიც შთამომავლობითაა გადმოცემული მათი წინაპრებისგან. ინტენსიურ სისტემებში კეთილდღეობის მრავალი პრობლემა წარმოიშობა ფაქტისგან, რომელსაც არ შეუძლია შეასრულოს მრავალი ამ ქცევათაგანი, რაგდანაც არსებობს გარკვეული შეზღუდვები გარემოსგან.

ღორებს ძირითადათ არ გააჩნიათ დასაწოლი ადგილი ან ორგანული სიმდიდრის სხვა ფორმა. ეს ზრდის დისკომფორტს და დაზიანების პრობლემებს. შესაფერისი საფუძვლის ნაკლებობა, როგორიცაა ჩალა, მარცვლეული ან მიწის ხე, გულისხმობს, რომ ისინი უძლურნი არიან გაუმკლავდნენ მათ საფურაჭე საქმიანობას, რისი დიდი მოტივაციაც გააჩნიათ.

ღორები ძალიან ჭკვიანი და მაღალ კომუნიკაბელური ცხოველები არიან. ისინი გონერი არსებები არიან; მათ შეუძლიათ გამოცადონ ტკივილი, შიში და საშიშროება და გონიერების ზოგიერთი გამოცდისას შესაძლებელია გაუტოლდნენ ძაღლებს. ღორებისადმი მიდგომა შეიცვალა. ეს შეიძლება წარმოშვა ძირითადათ საზოგადოების მიერ კეთილდღეობის საკითხების მეტად გაგებამ და ამან გამოიწვია კეთილდღეობის ახალი კანონების შექმნა ბევრ ქვეყანაში.

შინაური ღორების შესწავლამ, რომლებიც ისევ ველურ გარემოში დაბრუნდნენ გვაჩვენა რომ მათი ქცევას ახლო შესაბამისობა გააჩნია ევროპულ გარეულ ტახებთან რომელთაგანაც ისინი წარმოიშვნენ.

ღორებისთვის გავრცელების არეალი ველურ გარემოში ყოველთვის მოიცავს წყალს, საკვებ არეალს, მოსასვენებელ არეალს და გაგრილების, გამშრალებისა და გასუფთავების ადგილებს.

ღორები შესაძლებელია გავრცობილნი იყვნენ 100 ჰა-დან 2.500 ჰა-ის მანძილზე, საკვების მოპოვების შესაძლებლობიდან გამომდინარე. გარეული ღორი ძირითადათ არ განიხილება როგორც ტერიტორიული ცხოველი. სოციალური ქცევა ძალიან არის განვითარებული ღორებში.

საათების განმავლობაში, ახალდაბადებული გოჭები იწყებენ სოციალური ურთიერთობის ფორმირებას მსგავს ცხოველებთან და საბოლოოდ ყალიბდება მყარი იერარქია. მაშასადამე ჩხუბი შედარებით მცირდება გარდა იმ შემთხევვისა, როდესაც მსგავსი მოწიფების მამრები იწყებენ ერთმანეთტან ჩხუბს გამრავლების სეზონზე. აგრესია შესაძლებელია გამოვლენილი იყოს შემოდგომაზეც, როდესაც კვება კონცენტრირებული ხდება ტერიტორიებზე, მაგრამ ეს ძირითადათ რეგულირდება ქვე რანჟირებული ინდივიდების „დაქვემდებარებული“ ქცევით.

ადრეული სტრუქტურა გოჭებს შორის ხშირად გრძელდება მოზრდილ ასაკამდე, კერძოდ მდედრებს შორის. სარწმუნოა, რომ ღორებს შეუძლიათ 30-ზე მეტი სხვა ინდივიდის დამახსოვრება.
ძირითადი სოციალური ერთეული შედგება ერთი ან რამდენიმე მდედრისგან და თავისი გოჭებისგან სხვა თავისუფლად სრუქტურირებულ ინდივიდებთან ერთად. ეს სტრუქტურა რჩება მეტ-ნაკლებად სტაბილურ ერთეულად რუტინული სეზონის, კერძოდ კი ოქტომბრის დაწყებამდე, როდესაც მამრები უერთდებიან მდედრებს.

ზრდასრული მამრები ძირითადათ განმარტოვებულები არიან, მაგრამ მარტოხელეთა ჯგუფებად შეიძლება ჩამოყალიბდნენ ზაფხულის ბოლოს. მდედრები ძითითადათ მშობიარობენ გაზაფხულზე, თუმცა ცნობილია, რომ მათ შეუძლიათ მშობიარობა მთელი წლის განმავლობაში. კარგი კვების პირობებში, მდედრებს შეუძლიათ იმშობიარონ ორჯერ წლის განმავლობაში. სოციალურ ჯგუფებში განმრავლება ხშირად სინქრონიზირდება.

ფემძიმობა შინაურ ღორებში 115 დღეა. ერთი ან ორი დღით ადრე მშობიარობამდე ისინი თავისით განმარტოვდებიან ძირითადი ჯგუფისგან და მზარდად აგრესიული ხდებიან თავიანთი გოჭების მიმართ. კვლევა აჩვენებს, რომ მდედრების იზოლაციის ძებნა გოჭებისთვის იწვევს გადარჩენის შანსის გაზრდას. მდედრები ხარჯავენ მნიშვნელოვან დროს შესაფერისი ადგილის მოსაძებნად სადაც იგი შეძლებს დედობრივი სამყოფელის აგებას.

ეს შედგება სიცარიელი თხრილისგან, რომელიც ამოვსებულია ბალახებითა და ფოთლებით, ფართო ტოტებით, რომ დაიფაროს შიდა და გარე მხარეები. საშულო მოგების რაოდენობა შინაურ და გარეოლ ღორებში არის 5-6 გოჭი, იშვიათ შემთხვევაში 10-მდე. გოჭები იბადებიან დაახლოვებით 15 წუთის ინტერვალში. მდედრები დიდ დროს ატარებენ დაწოლილად თავის მხარეს და სხვა ძუძუმწოვრებისგან განსხვავებით არ ლოკავს თავის ნაშიერს ემბრიონალური გარსის მოსაშორებლად ან ეხმარება მათ ადგომაში.

ახალდაბადებული გოჭები ძალიან აქტიურები არიან და შეუძლიათ ადგომა დაბადებიდან რამოდენიმე წუთში. ისინი ამოწმებენ 14 ძუძუდან ერთერთს, რომელითაც შემდეგ იკვებებიან ძუძუმწოვრობის პერიოდში. ახალდაბადებული გოჭები ასევე მიდიან დედის დინგთან და ქშინავენ. ეს შესაძლებელია მნიშვნელოვანი იყოს შემგდომი ამოცნობისთვის.

გოჭებში საერტოდ ზომაში დაბადება რანჯირებულია და პარატა ზომის გოჭი იბადება ბოლოს. ყველაზე დიდი, პირველად დაბადებული გოჭი თავისით ეკრობა ყველაზე პროდუქტიულ ცურს, რომელსაც ისინი ენერგიულად იცავენ. ეს იმას ნიშნავს, რომ ყველაზე ძლიერი გოჭი ყველაზე მეტ საკვებს ღებულობს, მნიშვნელოვნად ზრდის საკუთარი გადარჩენის შანსს სუსტებისგან.განსხვავებით. ეს კი იმის გარანტია, რომ როდესაც საკვების სინაკლებეა, სხვა გოჭებს გადარჩენის მეტი შანსი უჩნდებათ.

გოჭები შემდგომში ანვითარებენ ალტერნატივების სიტემას ყოველ საათში კვებასა და ძილს შორის. დასაწყისში, დედები მეტ დროს ატარებენ თავის მხარეზე წოლით და ღრუტუნებენ მსუბუქად, რომ მოიზიდოს პატარები ძუძუს მოსაწოვებლად. რამოდენიმე დღის შემდეგ ახალდაბადებული გოჭები მეტად აქტიურობენ წოვაში მისვლითა, მიდიან დედა ღორთან და უმასირებენ ცურის თავებს. გოჭები სითბის ინარჩუნებენ დედა ღორის ცურთან მიტმასვნით, თავიანთი სიცოცხლის პირველ დღეების განმავლობაში, როდესაც დედა ღორები ძირითადათ არა აქტიურები არიან.ადგომამდე და დაწოლამდე დედა ღორი და გოჭები ცოორდინაციას უწევენ თავიანთ ქცევას, რომ არ მოხდეს გოჭებზე ზედ დაწოლა.

ღორები ასრულებენ რიტუალურ სვლას თავის ბუნაგში, რომ დააცილოს ახლოს მყოფი გოჭები ერთმანეთს, რომლებმაც შესაძლებელია გადაეღობოს და ხელი შეუშალოს გადაადგილებისას. ძუძუთი წოვის წინ გოჭების ერთი ჯგუფი არის დედა ღორის მხარეს განთავსებული, ხოლო მეორე ჯგუფი მისი უკანა მხარისკენ არის განლაგებული. თუ დედა ღორი გოჭზე ზემოდან წევს, მაშინ გოჭი იწყებს ჭყვიტინს მაღალ ხმაზე, ხოლო დედა ღორი იცვლის პოზიციას ან დგება და ღრუტუნებს. თუ დედა ღორისგან არ არის არანაირი რეაქცია, მაშინ ზოგჯერ გოჭს ენერგიული ძალით შეუძლია განთავისუფლდეს.

ერთი ან ორი დღის შემდეგ, დედა ღორი იწყებს საცხოვრებელის დატოვებას მოკლე პერიოდით. რამოდენიმე დღის მოგვიანებით, დედა ღორი აიძულებს გოჭებს გასდიონ მას და ისინი ახლოს მანძილზე იმყოფებიან. კვირის შემდეგ გოჭები მეტად დამოუკიდებლები ხდებიან. ამ პერიოდის განმავლობაში დედა ღორს შეუძლია გახდეს ძალიან დამცველი და წინააღმდეგობა გაუწიოს პოტენციური თავდმსხმელებს. დედა ღორი საბოლოოდ ბუნაგს ტოვებს 7-14 დღეს შორის პერიოდში, ამინდის პირობებზე დამოკიდებულებით.

ახალგაზრდა გოჭები მკვრივი საკვების გასინჯვას იწყებენ დაახლოვებით 3 კვირის ასაკში. სამოდენიმე კვირის შემდეგ დედა ღორი და მისი ნაშიერები იწყებენ რეგრუპირებას. სოციალური ურთიერთქმედება სხვადასხვა ნაშიერებს შორის იწყება ადრეული ასაკიდან. სოციალურ ჯგუფებში, დედა ღორები ჩვეულებისმებრ ახორციელებენ ძუძუთი კვების სინქრონიზაციას.

ახალგაზრდა გოჭების ძუძუდან მოშორება ხორციელდება 13-დან 17 კვირის განმავლობაში. მოზარდები რჩებიან ოჯახურ ჯგუფში შემდგომ წლამდე, სანამ დედა ღორი ისევ არ მიუახლოვდება მოგების პერიოდს. შესაფერისი ბუნაგის ძებნის დაწყებამდე დედა ღორები იცილებენ თავიანთ გოჭებს. ძალიან ხშირად, დედალი გოჭები, გარდაქმნის შემდგომ უბრუნდებიან ოჯახის გჯუფს.

საღამოს ისინი ჩვეულებისამებრ ეძებენ მოსასვენებელს, თუმცა ზოგიერთ გარეულ ღორს განვითარებული აქვს ნოქტურნული ჩვევა უფრთხოდეს ადამიაენის მიერ შეწუხებას. სოციალურ ჯგუფებში, კვებისა და დასვენების პერიოდი მიმართულია სინქრონიზაციისკენ ჯგუფის წევრებს შორის. ღორები მოსასვენებლად აშენებენ მარტივ საცხოვრებელს, განსაკუთრებით უამინდობის შემთხვევაში.

ღორები ხშირად იყენებენ ხეებს ხახუნისთვის და გორაობს დიდი რაოდენობით. ეს ქვევები კანს ინახავს კარგ მდგომარეობაში და ხელს უწყობს პარაზიტების მოცილებას. ხახუნი ასევე ხელს უწყობს ღორს სიგრილის შენარჩუნებაში ცხელ ამინდებში. ღორები განიცდიან ოფლის სინაკლებეს ჯირკვლებში, დინგის გვერდითა დისკზე. ინტენსიურად მყოფ ღორებს ხანდახან აქვთ მიდრეკილება იგორავონ საკუთარ განავალში, როდესაც სურთ გაგრილება. ღორებს უყვართ ერთმანეთთან ფიზიკური კონტაქტის ქონა. ძილისა და მოსვენების დროს, ისინი ხშირად ერთად წვანან. ეს ეხმარება მათ სითბოს დაკარგვაში.

საქმიანობის პერიოდში, დროის უმეტესი ნაწილი იხარჯება საკვების ძებნაზე. ღორები ყველაფრის მჭამელი ოპორტუნისტები არიან და თითქმის ყველაფერს ჭამენ. საკვები, რომელსაც ისინი ჭამენ ჩვეულებრივ მაღალ ვარიეტულია, უხეში და დიდი დრო სჭირდება ძებნასა და მოხმარებას. ძირითადი ფურაჟი მოიპოვება მიწის დონეზე, რომელსაც სინჯავენ ყნოსვით, შემდგომ ღეჭავენ და საბოლოოდ ჭამენ. გაზაფხულსა და ზაფხულში, ღორების ფურაჟი გაცილებით ღიაა მდელოებსა და ჭაობებში, სადაც ისინი იკვებებიან ბალახით, ფესვებით, ბოლქვებით და უხერხემლო ცხოველებით.

შემოდგომაზე მათი კვება ძირითადათ ხორციელდება ტყეებში და მის მიმდებარე ტერიტორიებზე, სადაც ისინი უხვად მოიპოვებენ რკოს, თხილსა და მარცვლოვნებს, რათა გაიტანონ ზამთრის გრძელი პერიოდი. ღორები ასევე იკვებებიან დიდი რაოდენობით უხერხემლო ცხოველებით მათ შორის, ბაყაყებით, გველებით, კუებით, ბუდის ჩიტებით ან კვერცხებით და ასევე მცირე ზომის მღრნელებით. ასევე ჭამენ ლეშს.

შეზღუდული საკვები რაციონი და ფურაჟინგის ქცევის გამოხატვის ნაკლები შესაძლებლობა მართავს „სტერეოტიპის“ განვითარებას. ეს დაკავშირებულია მოქმედების შეუცვლელ შედეგთან, რომელიც სჩანს არ ემსახურება მიზანს. ეს სტერეოტიპები ფართოდ განიხილავს „ანორმალურ“ ქცევას და კეთილდღეობის შემცირების მაჩვენებელია. მდედრებმა სადგომში შესაძლებელია წარმოაჩინონ სტერეოტიპი როგორცაა სადგომი ღრნა ან ღეჭვის სიმულაცია აქტიური დროის 22%-ზე მეტ ხანს. უვარგის გარემოში, შეზღუდულობის შედეგად მდედრი ღორები ნაკლები აქტიურები ხდებიან და „აპატეტიკურები“ ან საკუტარი გარემოსადმი ნაკლებად მოპასუზე. ეს შეიძლება შევადროთ მათ მიერ ცლინიკური დეპრესიის ნიშნის გამოხატვას.

ღორები არეგულირებენ თავიანთ ტემპერატურას ქცევის საშუალებით. ისინი გამოიყენებენ გაჯგუფებასა და დასაწოლ მასალას სითბოს შესანარჩუნებლად. ისინი მოძებნიან გრილ ადგილს ან ტალახს გასაგრილებლად. შეზრუდულ სისტემებში, მდერებისთვის რთულია კომფორტული ტემპერატურის მიღწევა თუ შენონობას აქ გააჩნია კარგი ტემპერატურული კონტროლი.

დედალი ღორების სადგომით ნაწილობრივ მიღებული იქნა დაზინების საწინააღმდეგო ზომები, რომელიც გამოწვეულია ჩხუბითა და ქცევით, როგორიცაა დარტყმა მიყენებული სასქესო ორგანოზე, რომელმაც შესაძლებელია მოხდეს არასასადგომო სისტემებში, საგომში მოთავსებული მდედრი ღორები შესაძლებელია მეტად მგრძნობიერენი იყვნენ დაავადებებისა და სხვა დაზიანებების მიმართ. შეზღუდული მდედრების განსაკუთრებულ პრობლემას წარმოადგენს შარდვის მოშლა.

ვარჯიშის სინაკლების გამო, მდედრ ღორებს გააჩნიათ გულსისხლძარღვთა დაავადებების მაღალი დონე და იტანჯებიან ძვლებისა და კუნთების სისუსტით. ვიწრო კაბინებში გამოზრდილი მდედრების 20 %-ზე მეტს კიდურების მოშლა აქვთ. სივიწროვენ ასევე შესაძლებელია გამოიწვიოს რეპრუდუქტიულობის მოშლა, როგორიცაა მაგალითად სქესობრივი მომწიფების ასაკის გვიან დადგომა.

მარწყვის მოყვანა სახლის პირობებში

noreply@blogger.com (giorgi) — Thu, 29 Jan 2015 10:17:00 -0800

უცხოეთში საკმაოდ გავრცელებული ბიზნესია მარწყვის სახლში მოყვანა. ეს საკმაოდ მარტივი გასაკეთებელია, არც საწყისი ფინანსები ესაჭიროება ბევრი და ადგილსაც მცირეს იკავებს.

არსებობს სხვადასხვა მეთოდოლოგია მარწყვის მოყვანისა. ერთ-ერთს მოკლედ გიამბობთ აქ:

პირველ რიგში, საჭიროა რამდენიმე კვადრატული მეტრი ფართი, სადაც შეძლებთ ოთახის ტემპერატურის შენარჩუნებას: ეს შეიძლება იყოს ოთახი, გარაჟი, სხვენი… განოყიერებული მიწა იყრება პოლიეთილენის სქელ პარკებში, რომლებიც პირდაპირ მიწაზე იდება კედლების გასწვრივ. ტომრებზე ჯვარედინი განლაგებით ხდება 7 სანტიმეტრის სიგრძის ჭრილობის გაკეთება, 20-25 სანტიმეტრის დაშორებით, სადაც ხდება თესლის მოთავსება. აუცილებელია მოსარწყავი სისტემის გაკეთებაც.

ერთ კვადრატულ მეტრზე შესაძლებელია საწყის ეტაპზე 10-15 კილოგრამი მარწყვის მოყვანა, სამომავლოდ კი 30-40-ისაც კი. ნაყოფს დაახლოებით 7-9 თვის შემდეგ მიიღებთ. შესაძლებელია სხვადასხვა სეზონისათვის მოიყვანოთ მარწყვი, განსაკუთრებით ძვირი ეღირება შემოდგომა-ზამთრის პერიოდში და შემოსავლებიც მეტი გექნებათ.

ეს ბიზნესი არის საკმაოდ მარტივი, ძალიან მცირე თანხები ესაჭიროება დასაწყებად, პროდუქტზეც არსებობს დიდი მოთხოვნა. თუ დაიწყებთ ამ საქმეს, კლიენტები ნამდვილად არ მოგაკლდებათ. გისურვებთ წარმატებებს.

უფრო დეტალური ინფორმაცია შეგიძლიათ მოიძიოთ შემდეგ მისამართებზე:

რუსულენოვანი:

http://yesyes.ru/news-print-23.html

მენეჯერისათვის საჭირო 11 უნარი

noreply@blogger.com (giorgi) — Thu, 29 Jan 2015 10:11:00 -0800

გიფიქრიათ რა თვისებები უნდა ჰქონდეს კარგ მენეჯერს? არ არსებობს წარმატებული მენეჯერის უნივერსალური ფორმულა. ცნობილმა ჟურნალისტმა და მწერალმა, პოლ ჰოუკენმა თქვა: ,,კარგი მენეჯმენტი ხელოვნებაა, რომლის დროსაც პრობლემები საინტერესო ხდება, მათი გადაჭრის გზები კი იმდენად კონსტრუქციული, რომ ყველას უჩნდება მუშაობისა და ამ პრობლემათა გადაწყვეტის სურვილი’’.

მაინც რა უნარებს უნდა ფლობდეს კარგი მენეჯერი? მენეჯმენტის ექსპერტის ჩარლზ გიბონის მიხედვით, კარგი მენეჯერისთის არსებითია შემდეგი 11 უნარი:

1. მიზანთა სათანადოდ დასახვა: გულდასმით შეარჩიეთ სფერო, დასახეთ პრიორიტეტები. მიყევით მიზნებს და იმოქმედეთ შესაბამისად. სწორად განსაზღვრული მიზანი, წარმატების ნახევრის ტოლფასია.

2. რესურსთა გადანაწილება პრიორიტეტების მიხედვით: უნდა შეგეძლოთ ბიუჯეტის შედგენა და მისი მართვა. რაც უფრო ნაკლები ხარჯი გექნებათ, მით უფრო მეტი მოგება დაგრჩებათ, ამის საშუალებას კი რესურსების სათანადოდ გადანაწილება მოგცემთ.

3. გადაწყვეტილებათა მიღება, განახორციელება და პასუხისმგებლობის აღება საკუთარ თავზე: გახსოვდეთ, რომ თანამშრომლებს არ უყართ მერყევი მმართველი, რომელიც მხოლოდ დააბიჯებს ოფისში და ბრძანებებს იძლევა. შეასრულეთ რთული სამუშაო და მიეცით თანამშრომლებს მაგალითი. მიიღეთ მტკიცე გადაწყვეტილება. მიღებულ გადაწყვეტილებასა ნუ შეცვლით. მერყეობა ყველაზე ცუდი თვისებაა , რაც მენეჯერს და, ზოგადად, ნებისმიერი პროფესიის ადამიანს, ხელს უშლის წინსვლაში. თუმცა ეს სულაც არ ნიშნავს იმას, რომ გადაწყვეტილების გადახედვა არ შეგიძლიათ. თანამშრომლებს დასახული მიმართულებით უნდა გაუძღვეთ და არ შეცვალოთ კურსი, ვიდრე ამის სერიოზული მიზეზი არ გექნებათ.

4. კომპრომისებზე წასვლა: გაითვალისწინეთ, რომ ეს სულაც არ ნიშნავს უკან დახევას, საკუთარ მიზნებზე უარის თქმასა და ლაჩრობას. კომპრომისი არის შეთანხმების მიღწევა კომუნიკაციითა და საზიარო პირობების დასახვით, რომელიც ხშირ შემთხვევაში მხოლოდ თავდაპირველი მიზნისა თუ სურვილის ვარიანტია. საერთო შეთანხმების არსებითი ნიშანი ის არის, რომ მოლაპარაკის მხარეები მიდიან გარკვეულ დათმობაზე, რათა სანაცვლოდ უფრო მნიშვნელოვან/სასურველ მიზანს მიაღწიონ.

5. დავალებათა გადანაწილება: გახსოვდეთ, რომ დელეგირებას, ანუ ქვეშევრდომებისთვის სამუშაოს გადაბარებას ორი უპირატესობა აქვს: მენეჯერი დროს ზოგავს, ავითარებს პერსონალის უნარებს, და შესაბამისად, მათ ღირებულებას. შეარჩიეთ შესაფერისი ადამიანი, რომელიც პასუხისმგებლობით მოეკიდება დავალებას. სათანადოდ შეაფასეთ ამ თანამშრომლის შესაძლებლობები. დაავალეთ იმაზე ოდნავ მეტი, ვიდრე გგონიათ, რომ ეს ადამიანი გაუმკლავდება. გქონდეთ მისი წარმატების იმედი და სასიამოვნო სურპრიზიც კი იქნება თქვენთვის, როცა დაინახავთ, რომ თქვენი თანამშრომლები თქვენს თვალწინ იზრდებიან და ვითარდებიან.

6. თვით–მოტივაცია და თვით–კონტროლი: ამ თვისებას ძველი ფილოსოფოსები ,,ნებისყოფას“ ან ,,თვითდისციპლინას“ უწოდებდნენ. ფროიდმა ამას ,,ეგოს ძალა’’, ,,მეს’’ ძალა“ უწოდა. თვით-მოტივირება და თვით-კონტროლი მიზნისაკენ სვლას ნიშნავს მაშინ, როცა ვითარება, ერთი შეხედვით, არასახარბიელო და უიმედოა. ეს დაგეხმარებათ დასახული მიზნების განხორციელებასა და წინსვლაში.

7. სამუშაოს ორგანიზება, დაგეგმვა და კომუნიკაცია რესურსების ეფექტური გამოყენებისათვის: ეს დაგემარებათ დროის გადანაწილებასა და წარმატების მიღწევაში.

8. კარგი ურთიერთობა თანამშრომლებთნ: კომუნიკაცია და ადამიანებთან ურთიერთობა მენეჯერის ცხოვრების ნაწილია. გახსოვდეთ, რომ მენეჯმენტი მხოლოდ დავალებების მიცემა არ არის, უნდა შეგეძლოთ მოსმენაც. ეს ერთადერთი საშუალებაა გაიგოთ, თუ რა ხდება თქვენს ორგანიზაციაში.

9. ემოციური სტაბილურობა იმედგაცრუებისა და სტრესის გადასალახად: გაითვალისწინეთ, რომ შეუძლებელია ყოველთვის ყველაფერი წარმატებით დასრულდეს. შეინარჩუნეთ სიმშვიდე და გაუმკლავდით ყოველდღიურ სირთულეებს, რაც მართლაც ძალიან ძნელია. ნუ დაკარგავთ დროს და ენერგიას სტრესსა და ნეგატიურ ემოციებზე.

10. ობიექტური თვით–შეფასება, შეცდომების აღიარება: ამით დაიმსახურებთ სხვების პატივისცემასაც და თქვენც უფრო მეტის ისწავლით. თუ საკუთარ ნაკლოვანებებს ვერ დაინახავთ, ვერასოდეს შეძლებთ მათ გამოსწორებას.

11. ნუ დაივიწყებთ, რომ სხვებიც იზრდებიან, აუმჯობესებენ თავიანთ უნარებს და ვითარდებიან. ასე შეძლებთ ენდოთ თანამშრომლებს, მათ შესაძლებლობებს, რასაც ემყარება თქვენი და თქვენი ორგანიზაციის წარმატება.

ისწავლეთ რაც შეიძლება მეტი. განივითარეთ უნარები და მიმართეთ სხვებს რჩევისა და უკუკავშირისთვის, რადგან ხშირად მხოლოდ სხვისი მითითების შემდეგ ვხედავთ საკუთარ ნაკლს.

თემის ავტორი: მარი მარდალეიშვილი

რატომ არ ამართლებს გამომუშავებაზე მიბმული ანაზღაურება

noreply@blogger.com (giorgi) — Thu, 29 Jan 2015 09:59:00 -0800

ძალიან მარტივია და სამართლიანი გაყიდვებზე ან შემოსავლებზე პასუხისმგებელ პირს შემოსავლების რაღაც % მივცეთ ბონუსად. საბოლოოდ კი ეს ორგანიზაციისათვის ბევრ უარყოფითს იწვევს, კერძოდ კი:

1. თანამშრომლები იწყებენ თავიანთი ,,ბიზნესების” კეთებას. ამ დროს ისინი აგროვებენ თავიანთ ბაზებს, რომელიც კომპანიისთვის მიუწვდომელია, არ ეხმარებიან მენეჯმენტს უკეთესი შედეგების მიღწევაში, არ გამოდიან ინიციატივებით, არ არიან კოლეგიალურები, არ იცავენ მოთხოვნებს, განკარგულებებს, წესებს. მათი სახით კომპანია იღებს ერთჯერად შემოსავლებს და არა გრძელვადიან ინვესტიციას, კლიენტებთან ურთიერთობებში, მეთოდოლოგიების განვითარებაში და საქმიანობის გაუმჯობესებაში.

2. თანამშრომლები მუდმივად იმის თვლაში არიან, რამდენი გამოუვათ იმ თვის ანაზრაურება, იმის ნაცვალდ, რომ მეტი კონცენტრაცია საქმის უკეთ კეთებაზე მოახდინონ;

3. თანამშრომლებს უჩნდებათ არასტაბილურობის განცდა, თუ ფიქსირებული ანაზრაურება მთლიან შემოსავალში 50%-ზე ნაკლებია, იმატებს სტრესი და საბოლოოდ მარალია გადინება;

სწორედ ამიტომ ძალიან სახიფათოა, პირდაპირ კონკრეტულ რაოდენობრივ მაჩვენებელს მიემაგროს და აუცილებელია გარკვეული შეფასების კრიტერიუმები განსაზღვროს, რომლებზეც დამოკიდებული იქნება თანამშრომლების ანაზღაურება.

insight.ge

სამთავრობო პროგრამას "აწარმოე საქართველოში" მიკრო ბიზნესის კომპონენტი ემატება

noreply@blogger.com (giorgi) — Sat, 17 Jan 2015 03:23:00 -0800

იანვრის ბოლოს პროგრამას „აწარმოე საქართველოში" მიკრო და მცირე ბიზნესის კომპონენტი დაემატება. როგორც ეკონომიკის მინისტრის მოადგილე რადიო „კომერსანტთან" განმარტავს, მიკრო მეწარმეობის პროექტი ნიშნავს, რომ თითოეულ რეგიონში მოხდება შეღწევა და მოსახლეობას ექნება საშუალება ისარგებლოს პროგრამით. ქეთი ბოჭორიშვილის ინფორმაციითვე, პროექტი ორ კომპონენტს მოიცავს. ესენია: წვდომა განათლებაზე , უნარების გამომუშავება და ასევე თანადაფინანსება გრანტის სახით

ბოჭორიშვილის განცხადებით, გრანტის მოცულობა 5 ათასი ლარი იქნება, თუმცა სამ მეწარმეს შეეძლება გაერთიანება და 15 ათასის მიღება. მინისტრის მოადგილის განცხადებითვე , პროგრამის ფარგლებში მუდმივი მონიტორინგი განხორციელდება. რაც შეეხება „აწარმოე საქართველოს," პროგრამის ფარგლებში 50 -მდე პროექტისთვის 225 მილიონის დაფინანსებაა გაცემული, სახელმწიფო პროგრამის ფარგლებში 2500 სამუშაო ადგილის შექმნას ელოდება.

Commersant.Ge

17 ქმედება – რომელმაც შესაძლოა “ჩაძიროს” თქვენი სტარტაპი

noreply@blogger.com (giorgi) — Sat, 17 Jan 2015 03:13:00 -0800

ძალიან რთულია წამოიწყო საქმე, რომელიც თვლი რომ წარმატების მომტანი იქნება. მაგრამ კიდევ უფრო რთულია გახადო იგი მომგებიანი და შეინარჩუნო.

მეწარმეები ცდილობენ, აკეთებენ თავიანთ მაქსიმუმს საუკეთესო შედეგის მისაღწევად. მაგრამ შესაძლოა რამდენიმე ნიუანსმაც კი შეაფერხოს ბიზნესის მუშაობა და არასწორი მიმართულებით წაიყვანოს იგი.

არსებობს შეცდომა, რომლის გამოც შესაძლებელია კომპანიამ სრულყოფილად ჩამოყალიბებამდე შეწყვიტოს მუშაობა.

დიზაინერმა Anna Vital-იმ, თავი მოუყარა მსგავსი ტიპის ძირეულ შეცდომებს და შექმნა ინფოგრაფიკა, რომელიც ქვემოთ შეგიძლიათ იხილოთ და თავიდან აირიდოთ შესაძლო საფრთხე.

წყარო:Startup.ge

როგორ შევადგინო ბიზნეს-გეგმა?

noreply@blogger.com (giorgi) — Sat, 19 Apr 2014 06:39:00 -0700

 რისთვის არის საჭირო ბიზნეს-გეგმა?

 ბიზნეს-გეგმის შედგენა დაგეხმარებათ წინასწარ განსაზღვროთ თქვენი სამოქმედო გეგმა
ბიზნესის განხორციელებისთვის;
 ბიზნეს-გეგმა მოიცავს ბიზნესის დაწყებისთვის საჭირო იმ მიმართულებებსა და
პრიორიტეტებს, რომლებიც მიღწევადი უნდა იყოს მომდევნო 3-5 წლის განმავლობაში;
 ბიზნეს-გეგმის შექმნით საშუალება გეძლევათ ობიექტურად და კრიტიკულად შეხედოთ თქვენს
ბიზნესს;
 მიმდინარე ბიზნეს-გეგმა წარმოადგენს სამოქმედო ინსტრუმენტს, რომელიც გეხმარებათ
მართოთ ბიზნესი და უზრუნველყოთ მისი წარმატება;
 ბიზნეს-გეგმის მეშვეობით შესაძლებელია თქვენი იდეების წარმოჩენა, მათი სისრულეში
მოყვანა და დაფინანსების შესაძლებლობების გაზრდა.

 როგორი უნდა იყოს ბიზნეს-გეგმა?

ბიზნეს-გეგმა (სამეწარმეო საქმიანობის გეგმა), ძირითადად, მოიცავს ბაზრის კვლევასა და ანალიზს,
კონკურენტების პოზიციებს ბაზარზე და პოტენციურ მომხმარებლებს, საწარმოო პროცესს, ბაზრის
ათვისებას, მარკეტინგულ სტრატეგიასა და პროდუქციის/მომსახურების გასაღების გეგმას,
ინფორმაციას ბიზნესის მმართველი გუნდის შესახებ, ინვესტიციების მოზიდვის გზებს, ფინანსურ
გეგმას.
ბიზნეს-გეგმა უნდა იყოს მოკლე, ლაკონური და იოლად აღქმადი. ტექსტი შეიძლება
ილუსტრირებული იყოს გრაფიკული მასალითა და დიაგრამებით.
ბიზნეს-გეგმა, შეიძლება გავყოთ სამ ძირითად ნაწილად. იგი უნდა შეიცავდეს რეზიუმეს, ძირითად
ტექსტს და ფინანსურ გეგმას ფინანსურ ცხრილებთან ერთად.
განსაკუთრებული ყურადღება უნდა დაეთმოს რეზიუმეს. რეზიუმეს პირველივე გვერდზე უნდა
მოხდეს ბიზნეს-გეგმის ლაკონური აღწერა. რეზიუმე მოცულობით სამ გვერდზე ნაკლები უნდა
იყოს და უნდა ასახავდეს ბიზნეს-გეგმის იმ ძირითად საკითხებს, რომელიც განაპირობებს თქვენი
ბიზნესის წარმატებას.
მნიშვნელოვანია, განსაზღვროთ პარტნიორისა და ინვესტორის როლი (საჭიროების შემთხვევაში) და
ასევე - რას სთავაზობთ თქვენ მას. შეთავაზება უნდა იყოს მიმზიდველი. მკაფიოდ მიუთითეთ, თუ
რაში მდგომარეობს ინვესტორის სარგებელი. გახსოვდეთ, რომ ინვესტორის მოზიდვაში თქვენ
გაცილებით მეტად ხართ დაინტერესებული, ვიდრე ინვესტორი თქვენში.
ბიზნეს-გეგმაში ყველაზე მნიშვნელოვანი კი ფინანსების დაგეგმვაა. ინვესტიციების მოზიდვისა და
ფინანსური შესაძლებლობების სწორი შეფასება მნიშვნელოვნად განაპირობებს რისკების შემცირებას
და არსებული რესურსების ფარგლებში მაქსიმალური შედეგის მიღწევას.
ბიზნეს-გეგმა უნდა პასუხობდეს მთავარ კითხვას: რამდენად ეფექტიანია თქვენი პროექტი, რა
დანახარჯებთან არის დაკავშირებული, რა რისკებს შეიცავს და როგორ აისახება ისინი ფინანსურ
შედეგებზე.
36
 როგორია ბიზნეს-გეგმის ზოგადი სტრუქტურა?

არ არსებობს ბიზნეს-გეგმის შედგენის სტანდარტული ფორმატი. სხვადასხვა სიტუაციებში ბიზნეს-
გეგმა სხვადასხვანაირად შეიძლება აიგოს. ამავე დროს, არსებობს რამდენიმე ელემენტი, რომლებსაც
პრაქტიკულად ყველა ბიზნეს-გეგმა შეიცავს. ესენია:
1. რეზიუმე
2. კომპანიის აღწერა
3. ბაზრის ანალიზი
4. კონკურენტები და მათი პოზიციები
ბაზარზე
5. პროდუქციის/მომსახურების აღწერა
6. საწარმოო ციკლი
7. მარკეტინგული სტრატეგია
8. მენეჯმენტი და პერსონალი
9. ძლიერი და სუსტი მხარეების,
შესაძლებლობებისა და საფრთხეების
ანალიზი
10. ფინანსური გეგმა/პროექტის ბიუჯეტი
11. დანართები

ბიზნეს-გეგმა
1. რეზიუმე
რეზიუმე წარმოადგენს ბიზნეს-გეგმის მოკლე მიმოხილვას. რეზიუმე პირობითად ორ ნაწილად
შეიძლება დაიყოს: შესავალი და პროექტის მოკლე აღწერა.
შესავალი მოიცავს შემდეგ ინფორმაციას:
 პროექტის დასახელება;
 კომპანიის სახელწოდება და მისი ორგანიზაციულ-სამართლებრივი ფორმა;
 კომპანიის მფლობელები;
 კომპანიის კოორდინატები;
 პროექტის მომზადების თარიღი.

პროექტის მოკლე აღწერა
ეს ნაწილი მოკლედ, ანოტირებულად წარმოადგენს თქვენ ბიზნეს-გეგმას და ამდენად, ბიზნეს-
გეგმის ყველაზე მნიშვნელოვანი ნაწილია. როგორც წესი, მოკლე აღწერა იწერება სულ ბოლოს,
როდესაც დაასრულებთ ბიზნეს-გეგმაზე მუშაობას, რადგან იგი აჯამებს მთელ ბიზნეს-გეგმას და
შესაბამისად, თავშივე აწვდის მკითხველს მოკლე ინფორმაციას.
 ინფორმაცია კომპანიის შესახებ;
 მმართველი პერსონალი: რაოდენობა, კვალიფიკაცია, მონაწილეობა საწარმოს კაპიტალში
(არსებობის შემთხვევაში);
 პროდუქციის ან სერვისის აღწერილობა, მისი განსაკუთრებულობა ან/და
კონკურენტუნარიანობა;
 ბაზრის მოკლე აღწერა - ბაზრის პოტენციალი თქვენი პროდუქციის ან სერვისისთვის;
 პროექტის გრძელვადიანი და მოკლევადიანი მიზნები, მოსალოდნელი მომგებიანობა;
37
 საჭირო ინვესტიციები, დაფინანსების სავარაუდო წყაროები;
 საქმიანობისთვის საჭირო ლიცენზიები, ნებართვები;
 მოსალოდნელი რისკები და რისკებისაგან დაზღვევა;
 3 ან 5-წლიანი ფინანსური პროგნოზის მოკლე აღწერა, განსაკუთრებით გაყიდვებზე და
მოგება/ზარალზე.

2. კომპანიის აღწერა
ამ ნაწილში უნდა აისახოს კომპანიის ისტორია, მისია, მოკლევადიანი და გრძელვადიანი
მიზნები. კომპანიის მიზნები უნდა იყოს კონკრეტული და გაზომვადი.

გეგმის ეს ნაწილი უნდა განსაზღვრავდეს მმართველი გუნდის წამყვან წევრებს, მოკლედ
აღწერდეს მათ პასუხისმგებლობას და იძლეოდეს ინფორმაციას მათი გამოცდილებისა და
მიღწევების შესახებ. პროექტში ჩართული პირების გამოცდილებისა და მიღწევების უფრო
დაწვრილებითი აღწერა (რეზიუმე, CV) საჭიროა გაკეთდეს ცალკე, ბიზნეს-გეგმის
დანართის სახით.

3. ბაზრის ანალიზი, კონკურენტები
ბიზნეს-საქმიანობის დაწყებამდე აუცილებლად უნდა შევისწავლოთ ბაზარი. მნიშვნელოვანია
ვიცოდეთ, რომ ბაზარი, რომელშიც შედის კომპანია, საკმარისად დიდია ან ვითარდება და აქვს
პოტენციალი თქვენ მიერ შეთავაზებული პროდუქციის/მომსახურების მისაღებად. როგორია
ბაზარზე არსებული პროდუქციის/მომსახურების მოთხოვნის დინამიკა. ასევე, მნიშვნელოვანია,
ზუსტად განვსაზღვროთ, თუ ვინ იქნება თქვენი პროდუქციის/მომსახურების მომხმარებელი და
მომხმარებლის რა სეგმენტზეა (მომხმარებლის შემოსავლები) გათვლილი.
ასევე, მნიშვნელოვანია, სწორად განვსაზღვროთ კონკურენტები. კონკურენტები უნდა შევაფასოთ
შემდეგი მიმართულებით:
 პოტენციური კონკურენტების რაოდენობა;
 კონკურენტების პროდუქციისა თუ მომსახურების ხარისხი და ფასი;
 კონკურენტების ძლიერი და სუსტი მხარეები;
 კონკურენტების რეპუტაცია;
 ბაზრის რა მოცულობა უკავიათ კონკურენტებს;
 როგორ უწევენ რეალიზაციას საკუთარ პროდუქციას;
 რამდენად ეფექტიანები არიან.
ამდენად, შეადარეთ თქვენი პროდუქტი ან სერვისი კონკურენტებისას. რით, ან როგორ გამოირჩევა
ის მათგან? რა გახდის მას უფრო წარმატებულს?

38
4. პროდუქციის/მომსახურების აღწერა
ამ ნაწილში უნდა ჩანდეს, თუ რა სახის პროდუქციისა თუ მომსახურების შეთავაზებას აპირებთ
ბაზრისთვის. აღწერეთ თქვენი პროდუქციის ძირითადი მახასიათებლები, შეთავაზებული
საქონლის უპირატესობა კონკურენტების საქონელთან შედარებით.
მნიშვნელოვანია, ხაზი გაუსვათ თქვენი პროდუქციის ან მომსახურების უნიკალურობას,
როგორიცაა ახალი ტექნოლოგია, საქონლის ხარისხი, ან რაღაც სხვა ღირსებები, რომლებიც
მყიდველის მოთხოვნილებას დააკმაყოფილებს.
ამ ნაწილში წარმოდგენილი უნდა იქნას შემდეგი ინფორმაცია:
 პროდუქციის/მომსახურების დასახელება, დანიშნულება და გამოყენების სფერო;
 პროდუქციის/მომსახურების მოკლე აღწერა და ძირითადი მახასიათებლები;
 პროდუქციის/მომსახურების ფასი და ხარისხი;
 ბაზარზე წარმოდგენილი ანალოგიური პროდუქციის ფასი და ხარისხი;
 ხარისხის სერტიფიკატი (არსებობის შემთხვევაში);
 პროდუქციის/მომსახურების ეკოლოგიურობა და უსაფრთხოება;
 პროდუქციის/მომსახურების მიწოდების პირობები, შეფუთვა.
კარგი იქნება, თუ დანართის სახით წარმოდგენილი იქნება სურათები, ნახატები,
პროდუქციის/მომსახურების აღწერა.

5. საწარმოო ციკლი
საწარმოო გეგმაში წარმოდგენილი უნდა იყოს შემდეგი სახის ინფორმაცია:
წარმოების მოცულობა - ეს ნაწილი ძალიან მნიშვნელოვანია. უმეტესად, პროდუქციის წარმოების
მოცულობა თანდათანობით იზრდება. ბიზნეს-გეგმა, რომელშიც სრული საწარმოო სიმძლავრე
პირველივე დღეს მიიღწევა, ეჭვს ბადებს. წარმოების მოცულობა უნდა ვიანგარიშოთ საწარმოო
სიმძლავრიდან და მოთხოვნიდან გამომდინარე. საწარმოო პროცესი მოიცავს წარმოების ციკლის
სრულ ჯაჭვს, პროდუქციის წარმოებიდან მის რეალიზაციამდე.

6. მარკეტინგული გეგმა
ბიზნეს-გეგმის ამ ნაწილში, რაც შეიძლება სრულად და დეტალურად უნდა წარმოაჩინოთ კომპანიის
მარკეტინგული გეგმა და სტრატეგია. იგი დაგეხმარებათ, დაადგინოთ, თუ რა საჭიროება და
მოთხოვნილება აქვთ მყიდველებს, რა სახის პროდუქტი/მომსახურება უნდა შესთავაზოთ მათ, რა
ფასი უნდა დაადოთ თქვენს პროდუქტს/მომსახურებას, როგორ უნდა მიაწოდოთ
პროდუქტი/მომსახურება მყიდველს, როგორ აცნობებთ მათ თქვენი პროდუქტის/მომსახურების
შეთავაზებას.
მარკეტინგული გეგმა, როგორც წესი, ერთი წლის პერიოდით დგება, თუმცა, შეიძლება გათვლილი
იყოს უფრო დიდ პერიოდზე.

39

მარკეტინგული გეგმის შინაარსი
ნაწილი მიზანი
შესავალი შესავალი წარმოადგენს გეგმის მთავარი მიზნებისა და რეკომენდაციების მოკლე
შეჯამებას.
არსებული მარკეტინგული
მდგომარეობის
ანალიზი
აღწერს კომპანიის მიზნობრივ ბაზარს და ბაზარზე მის პოზიციას, მათ შორის
ინფორმაციას ბაზრის, პროდუქციის, კონკურენციისა და დისტრიბუციის შესახებ. ეს
ნაწილი შედგება შემდეგი კომპონენტებისგან:
 ბაზრის აღწერა - განსაზღვრავს ბაზარს და მის ძირითად სეგმენტებს, შემდეგ
მიმოიხილავს მყიდველის საჭიროებებს, რაც მოქმედებს შესყიდვებზე;
 პროდუქტის მიმოხილვა - ფასდება პროდუქტების გაყიდვა, ფასები და
მთლიანი მოგება;
 კონკურენცია - განსაზღვრავს ძირითად კონკურენტებს, აფასებს ბაზარზე მათ
პოზიციას და პროდუქტის ხარისხს;
 დისტრიბუცია - აფასებს გაყიდვის ტენდენციებს.
საფრთხეებისა და
შესაძლებლობების ანალიზი
ამ ნაწილში ანალიზი უკეთდება იმ ძირითად საფრთხეებსა და შესაძლებლობებს,
რომლებსაც შესაძლოა კომპანია წააწყდეს. ეს ეხმარება ხელმძღვანელობას
გაითვალისწინოს მნიშვნელოვანი დადებითი და უარყოფითი ფაქტორები.
მიზნები და ამოცანები გეგმის თანახმად, უნდა მოხდეს კომპანიის მიზნების ჩამოყალიბება და მათი
მიღწევისთვის საჭირო ძირითადი საკითხების განხილვა. მაგალითად, თუ კომპანიამ
მიზნად დაისახა მიაღწიოს 2%-იან საბაზრო წილს, გეგმის ეს ნაწილი განიხილავს, თუ
როგორ უნდა მიაღწიოს ამ მიზანს.
მარკეტინგული სტრატეგია მარკეტინგული სტრატეგიის საშუალებით კომპანია მომგებიანი ურთიერთობების
ჩამოყალიბებას იმედოვნებს. ამ პროცესის საშუალებით იგი იღებს გადაწყვეტილებას,
რომელ მყიდველს მოემსახუროს და რა შესთავაზოს მათ.
სამოქმედო პროგრამა განმარტავს მარკეტინგული სტრატეგიის სპეციალურ სამოქმედო პროგრამად
ჩამოყალიბებას, რომელიც, თავის მხრივ, შემდეგ კითხვებზე გვაძლევს პასუხს: რა
გაკეთდება? როდის გაკეთდება? ვინ არის პასუხისმგებელი შესრულებაზე? რა
ღირებულება ექნება მას?
ბიუჯეტი ამ ნაწილში ხდება მარკეტინგული ბიუჯეტის დეტალური მიმოხილვა, რაც
დაგეგმილი მოგება-ზარალის უწყისს მოიცავს. იგი გვიჩვენებს სავარაუდო წლიურ
შემოსავალს (გაყიდული ერთეულების მოსალოდნელ რაოდენობას და მათ საშუალო
ფასს) და სავარაუდო ხარჯებს (წარმოება, დისტრიბუცია და მარკეტინგი). სხვაობა
სავარაუდო შემოსავალსა და სავარაუდო ხარჯებს შორის არის დაგეგმილი მოგება.
კონტროლი უნდა შემუშავდეს საკონტროლო სისტემა, რომლის საშუალებით წარიმართება
მიღწეული შედეგების მონიტორინგი. იგი ხელმძღვანელობას დაეხმარება
მიმოიხილოს დასახული გეგმების განხორციელების შედეგები და აღმოაჩინოს
ხელისშემშლელი ფაქტორები.

40

7. მენეჯმენტი და პერსონალი
ამ ნაწილში აღწერილი უნდა იქნას საწარმოს ორგანიზაციული სტრუქტურა:
 მმართველი გუნდი და მათი ძირითადი ფუნქციები;
 პერსონალის რაოდენობა;
 დანახარჯები შრომის ანაზღაურებაზე;
 თანამშრომელთა წახალისებისა და პრემირების სისტემა.

8. ძლიერი და სუსტი მხარეების ანალიზი (SWOT ანალიზი)
ბიზნეს-გეგმის მნიშვნელოვანი კომპონენტია SWOT ანალიზი, რაც დაგეხმარებათ სწორად
შეაფასოთ თქვენი კომპანიის ძლიერი და სუსტი მხარეები, განსაზღვროთ საწარმოს
შესაძლებლობები და მოსალოდნელი საფრთხეები.
ძლიერი და სუსტი მხარეები განპირობებულია საწარმოს შიდა ფაქტორებით, ხოლო გარე
ფაქტორები წარმოშობს შესაძლებლობებსა და საფრთხეებს. SWOT ანალიზი დაგეხმარებათ, გაიგოთ
ბიზნეს გარემოში არსებული ხელისშემშლელი ფაქტორები და შესაძლებლობები, როგორიცაა
საბაზრო ცვლილება, კონკურენცია, სახელმწიფო პოლიტიკა და გარემოში მიმდინარე სხვა
ცვლილებები.

 ძლიერი მხარეები
ძლიერი მხარეები მოიცავს თქვენი ბიზნესის უპირატესობებს. ასეთი შეიძლება იყოს:
კვალიფიციური თანამშრომლები, გარკვეული ფინანსური რესურსი, ხელსაყრელი
ადგილმდებარეობა და ა.შ.

 სუსტი მხარეები
სუსტი მხარეები მოიცავს თქვენი ბიზნესის სისუსტეებს. ასეთი შეიძლება იყოს: თანამშრომელთა
არასაკმარისი კვალიფიკაცია; წარმოების მაღალი დანახარჯები; არახელსაყრელი ადგილმდებარეობა
და ა.შ. მნიშვნელოვანია, რომ სუსტი მხარეების იდენტიფიცირებისთანავე მოახდინოთ მათი
აღმოფხვრა ან მინიმუმამდე დაყვანა/შემცირება. წინააღმდეგ შემთხვევაში, შესაძლებელია,
ხელისშემშლელი ფაქტორი აღმოჩნდეს თქვენი საწარმოს შემდგომი გაფართოებისთვის.
შესაძლებელია სუსტი მხარეების უპირატესობად გადაქცევა.

 შესაძლებლობები
შესაძლებლობებში მოიაზრება ახალი მომხმარებლები, ახალი ბაზრები, ყველასაგან განსხვავებული
მომსახურების შექმნა/ინოვაციები.

 საფრთხეები
41
საფრთხეებში იდენტიფიცირებულია ისეთი ფაქტორები, რომელთაც შესაძლოა თქვენს ბიზნესზე
უარყოფითი გავლენა იქონიოს. საფრთხეები თქვენი კომპანიისათვის შესაძლებელია იყოს თქვენი
კონკურენტის ქმედებები ან ბიზნესთან დაკავშირებული ხშირი საკანონმდებლო ცვლილებები.
საფრთხეებში, ასევე, მოიაზრება პოლიტიკური, ეკონომიკური და სოციალური ფაქტორები.

კრიტერიუმები S (ძლიერი) W (სუსტი)
 აკრედიტაცია, კვალიფიკაცია, სერტიფიკაცია
 ბიზნესის მართვის უნარები - გამოცდილება და ცოდნა
 ბიზნესის ღირებულება
 ფულადი სახსრების მოძრაობა და ფინანსური ეფექტი
 კონკურენტული უპირატესობა
 ინოვაციური საშუალებები
 ადგილმდებარეობა და გეოგრაფიული საკითხები
 ლიდერული უნარ-ჩვევები
 მარკეტინგი
 ფასი
 ხარისხის კონტროლი
 რეპუტაცია
 რესურსები
 დროის მართვა და სხვა

კრიტერიუმები O (შესაძლებლობა) T (საფრთხე)
SWOT ანალიზის ნიმუში

(განსაზღვრეთ კრიტერიუმები საკუთარი SWOT მდგომარეობის მიხედვით)
42

9. ფინანსური გეგმა/პროექტის ბიუჯეტი
ბიზნეს-გეგმის მთავარი ნაწილი უნდა შეიცავდეს ფინანსური პროგნოზების მოკლე აღწერას, მათი
დეტალური გადმოცემა კი უნდა მოხდეს დანართში. აქ უნდა ასახოთ საწარმოს მოგებაზე გასვლის
ვადები, გაყიდვებისა და მოგების ზრდის ტემპები.
ფინანსური პროგნოზების დანართში საჭიროა დეტალურად აისახოს საბალანსო ანგარიში, ფულადი
სახსრების მოძრაობის პროგნოზი 3-5 წლიან პერსპექტივაში (პირველი წლის განმავლობაში -
ყოველთვიური, მომდევნო წლებში კი ყოველკვარტალური განაწილებით).
ამასთან, მნიშვნელოვანია, რომ თქვენი ფინანსური გათვლები გამყარებული იყოს ბაზრის კვლევის
მონაცემებით და მასზე დამყარებული რეალისტური პროგნოზებით. თუ თქვენ არ გაქვთ ფინანსური
ანგარიშგების შედგენისა და წარდგენის ჩვევები, უმჯობესია მიმართოთ სპეციალისტს.
ერთ-ერთი მნიშვნელოვანია პროდუქციის/მომსახურების თვითღირებულება და ფასი - აქ
აღწერილი უნდა იქნას, თუ როგორ განსაზღვრავთ ფასს თქვენ პროდუქციაზე/მომსახურებაზე.

ფასის განსაზღვრა:
1. თვითღირებულების განსაზღვრა: ჯამდება ყველა წლიური ხარჯი, შემდეგ ჯამი იყოფა
წარმოებული პროდუქციის რაოდენობაზე.
2. გასაყიდი ფასის განსაზღვრა: თვითღირებულებას ემატება გარკვეული მოგების პროცენტი.
 კონკურენტები
 ეკონომიკური ფაქტორები
 პოლიტიკური ფაქტორები
 გარემო ფაქტორები
 სოციალური ფაქტორები
 საერთაშორისო ფაქტორები
 ექსპორტ-იმპორტი
 ინფორმაცია და კვლევა
 IT უნარები
 საკანონმდებლო გარემო
 საბაზრო მოთხოვნა
 ბაზრის განვითარება
 ახალი ბაზრები
 ახალი პროდუქციის განვითარება
 ახალი ტექნოლოგიები/მომსახურება
 თანამშრომლობა/ბიზნეს პარტნიორობა/კონტრაქტები
 დისტრიბუცია/ლოჯისტიკა
 კლიმატური პირობები და სხვა

43
განსაკუთრებული ყურადღება უნდა მივაქციოთ კონკურენტების ფასებს. საწყისი ფასის
განსაზღვრის ეტაპი საკმაოდ რთულია. დროდადრო საჭიროა ფასების კორექტირება.
ფინანსური ანგარიშის შედგენისას გათვალისწინებული უნდა იქნას პროდუქციის შექმნაზე
გაწეული ხარჯები, რომელიც ორი სახის ხარჯებს მოიცავს: მუდმივ დანახარჯებსა და ცვლად
დანახარჯებს.
მუდმივი დანახარჯები: ადმინისტრაციული ხარჯები - ადმინისტრაციული პერსონალის ხელფასი,
დაზღვევა, მივლინებები, მოწყობილობის იჯარა, ტექნიკური მომსახურების ხარჯები, საწარმოს
შენახვის ხარჯები, რეკლამის ხარჯები, მატერიალურ-ტექნიკური და შენობა-ნაგებობების ცვეთა.
ცვლადი დანახარჯები: ნედლეული, მასალები, საწარმოო პერსონალის (ტექნოლოგები, მუშები,
საწყობის პერსონალი) ხელფასი, კომუნალური მომსახურება, ტრანსპორტი, შეფუთვა.

 როგორ შევადგინო პროექტის ფინანსური გეგმა?

2. მოგება-ზარალის ანგარიში
გაყიდვები A
ნედლეული, მასალები, მუშების ხელფასი, სხვა
სულ ცვლადი ხარჯები B
ადმინისტრაციული პერსონალის ხელფასი, იჯარა, დაზღვევა,
კომუნალური გადასახადები, სხვა გადასახადები, გარდა მოგებისა

სულ მუდმივი დანახარჯები C
მოგება პროცენტების და გადასახადების გადახდამდე D = A – B – C
პროცენტები კრედიტზე E
მოგების გადასახადი F
წმინდა მოგება H = D – E – F
მოგება-ზარალის ანგარიშიდან ჩანს, მიიღებს თუ არა საწარმო მოგებას.
1. პროექტის დაფინანსების წყაროები
მფლობელის მიერ ჩადებული ინვესტიცია, ლარი
მოზიდული სახსრები (სესხი, კრედიტი, გრანტი), ლარი
სულ, ლარი
44
3. სტანდარტული საბალანსო ანგარიში
აქტივები = ვალდებულებები + კაპიტალი
ძირითადი საშუალებები გრძელვადიანი ვალდებულებები
მიწა, შენობა, მანქანა-დანადგარები,
ტრანსპორტი, სხვა
გრძელვადიანი სესხი, გაუნაწილებელი მოგება,
ფასიანი ქაღალდები
სულ: ძირითადი საშუალებები სულ: გრძელვადიანი ვალდებულებები
საბრუნავი საშუალებები მიმდინარე ვალდებულებები
ნედლეული, დაუმთავრებელი წარმოება, მზა
პროდუქცია, დებიტორები, წინასწარი გადახდა,
საბანკო ანგარიშის ნაშთი
მოკლევადიანი სესხები, საგადასახადო
დავალიანება
სულ: საბრუნავი საშუალებები სულ: მიმდინარე ვალდებულებები

სულ: ვალდებულებები (გრძელვადიანს +
მიმდინარე)
კომპანიის მიერ ჩადებული კაპიტალი
სულ: აქტივები = სულ: ვალდებულებები და კაპიტალი
10. რისკების შეფასება
რისკის შეფასება დაგეხმარებათ რეალურად შეაფასოთ სიტუაცია, განჭვრიტოთ და შეამციროთ
რისკი, შეძლოთ რთული სიტუაციებიდან გამოსვლა. მცირე და საშუალო ბიზნესში მთავარია
განჭვრიტოთ რისკის ტიპები, მათი წყაროები და შეიმუშავოთ დანაკარგების მინიმიზაციის
ღონისძიებები. რისკები ბევრია, დაწყებული ხანძრითა და მიწისძვრით და დამთავრებული
სავალუტო კურსის ცვალებადობით, თუმცა, ყველა ისინი პირობითად ორ ჯგუფად იყოფა:
ტექნიკური და ფინანსური რისკები.

11. დანართები
დანართები მოიცავს დოკუმენტებს, რომელიც ადასტურებს ბიზნეს-გეგმაში მოყვანილ
ინფორმაციას. დანართების სახით შეიძლება წარმოდგენილი იყოს შემდეგი დოკუმენტები:
 საწარმოს ხელმძღვანელების ბიოგრაფია;
 მარკეტინგული კვლევების შედეგები;
 აუდიტორის დასკვნა;
 პროდუქციის ტექნიკური მახასიათებლები;
 საგარანტიო წერილები, კონტრაქტები;
 სალიცენზიო, იჯარის, ქირავნობის ხელშეკრულებები;
 სარეკომენდაციო წერილები, საგაზეთო სტატიები;
 პროდუქციის ფოტოები;
 საავტორო უფლებების, პატენტების ასლები;
 საწარმოს ადგილმდებარეობის გეგმა.

როგორ ვიშოვოთ ბევრი ფული

noreply@blogger.com (giorgi) — Wed, 2 Apr 2014 12:20:00 -0700

ყველამ იცის, რომ დიდი ფულის შოვნა არ არის მარტივი - წინააღმდეგ შემთხვევაში მილიონერები არ იქნებოდნენ დედამიწის მთელი მოსახლეობის 1%-ზე ნაკლები. სიმდიდრის მოსახვეჭად თქვენ დაგჭირდებათ საწყისი კაპიტალი და ისეთი პიროვნული თვისებები როგორიცაა მიზანმიმართულობა, თავდაჯერებულობა, შრომისმოყვარეობა, საქმის ალღო და რისკის გაწევის უნარი. და ბოლოს, რა თქმა უნდა, იღბალის გარეშე არაფერი გამოვა.

საფეხურები

1იფიქრეთ პოზიტიურად
ყოველთვის და ყველაფერში ეძებეთ დადებითი მომენტები. მაშინაც კი, თუ იმყოფებით დიდი პრობლემის წინაში, მაშინვე დაიწყეთ იმაზე ფიქრი, თუ როგორ დაძლიოთ არსებული ვითარება და წაიწიოთ წინ. გახსოვდეთ, რომ ნებისმიერი კრიზისი - ეს არის შავი ზოლი, რომელიც ადრე თუ გვიან დასრულდება, რაც ნიშნავს იმას, რომ მალე გამოჩნდება სწრაფი განვითარების საშუალო.
2გააანალიზეთ საკუთარი შეცდომები
არასდროს არ მიიღოთ შეცდომა როგორც წარუმატებლობა - მის მიმართ დამოკიდებულება შეცვალეთ ისე, რომ თითოეული მათგანი თქვენთვის იქცეს გაკვეთილად, რომელიც ცხოვრებამ ჩაგიტარათ. ის, ვისაც არ შეუძლია საკუთარ შეცდომებზე სწავლა, ვერასდროს იშოვის დიდი რაოდენობით ფულს.
3გაუფრთხილდით დახარჯულ დროს
ბრაიან კოზლოვის წიგნში "365 მეთოდი როგორ გავხდეთ მილიონერი" წერია: " მილიონერი - არის ის, ვინც ყოველთვის იღებს გადაწყვეტილებებს". ჩემი აზრით ეს ძალიან სწორი შეხედულებაა. ამიტომაც არ გაფლანგოთ საკუთარი დრო უაზროდ, მუდმივად იმოქმედეთ. გამოთქმა "არ გადადო ხვალისთვის ის, რისი გაკეთებაც დღეს შეგიძლია" უნდა იქცეს უმთავრეს პრინციპად მისთვის, ვისაც სურს დიდი კაპიტალის ფლობა.
4დაგეგმეთ ყველა მოქმედება
შეიმუშავეთ გენერალური გეგმა, რომელშიც დაწვრილებით აღწერთ მიზნისაკენ მიმავალ თითოეულ ეტაპს. რაც არ უნდა მოხდეს, ყოველთვის მიჰყევით ამ გეგმას. მისგან გადახვევა - ნიშნავს დროისა და ფულის დაკარგვას.
5იყავით თავდაჯერებული
საკუთარ თავში ეჭვის შეტანა და შეცდომის დაშვების შიში - წარუმატებელი ხალხის ხვედრია. არ შეუშინდეთ რისკის გაწევას, თუ ხედავთ, რომ ამის მიზეზი ნამდვილად ღირებულია. ვინაიდან ჯილდოს მიღების ყველაზე დიდი შანსი სწორედ იმას აქვს, ვინც რისკავს.
6სიახლე და პირველობა
ეძიეთ ფულის ინვესტირების და ინოვაციების დანერგვის ნებისმიერი შესაძლებლობა. იმარჯვებს ის, ვინც მოქმედებს ყველაზე სწრაფად. მას, ვისაც სურს მილიონერობა, არ უნდა იყოს პრობლემა ახალი წარმოების გაშვება ან პროდუქტის წარმოება - თუ გსურთ კონკურენტების უკან ჩამოტოვება, ეს ყველაფერი წინასწარ უნდა გქონდეთ დაგეგმილი და შეგეძლოთ შანსის მომენტალური გამოყენება.

თბილისის მერია ,,პანორამა თბილისის" განხილვას იწყებს

noreply@blogger.com (giorgi) — Wed, 2 Apr 2014 12:16:00 -0700

თბილისის მერია ,,პანორამა თბილისის" პროექტის განხორციელებასთან დაკავშირებით საჯარო განხილვას იწყებს. ამის შესახებ "ინტერპრესნიუსს" თბილისის მერიიდან აცნობეს. დედაქალაქის მერია მხარს უჭერს თბილისში სამშენებლო-საინვესტიციო პროექტების განხორციელებას, რაც უკავშირდება, როგორც უბნების რეაბილიტაციასა და თვისობრივ განახლებას, ასევე ახალი მშენებლობების წარმოებას, რაც დადებითად აისახება როგორც ეკონომიკის განვითარებაზე, ასევე სოციალურ და სხვა სახის მიმართულებებზე.

"მნიშვნელოვანია, რომ ე.წ. ,,პანორამა თბილისის" პროექტის განხორციელება იგეგმება თბილისის ისტორიულ ნაწილში, რომელიც ასევე მოიცავს ბუნებრივად ჩამოყალიბებული ლანდშაფტის ტერიტორიას. შესაბამისად, დედაქალაქის, ისტორიული ნაწილის განვითარების ერთ-ერთი უმთავრესი წინაპირობა უნდა იყოს მისი ისტორიულად ჩამოყალიბებული თვითმყოფადი სახის მაქსიმალურად შენარჩუნება. დედაქალაქის მერიაში ამ საკითხზე შემოსულია განაცხადი პროექტის ირგვლივ ზოგადი კონცეფციის შესაქმნელად, რაც მოცემულ ტერიტორიაზე განაშენიანების რეგულირების გეგმის დამუშავებაზე შესაბამისი დავალების გაცემას გულისხმობს", - ნათქვამია მერიის განცხადებაში.

ამასთან, მერია აცხადებს, რომ ითვალისწინებს მაღალ საზოგადოებრივ ინტერესს "პანორამა თბილისის" პროექტის განხორციელებასთან დაკავშირებით და ყველა დაინტერესებულ პირს სთავაზობს ამ პროექტის განხილვაში მონაწილეობას, რისთვისაც მათ 2014 წლის 7 აპრილს თბილისის ტერიტორიების გამოყენებისა და განაშენიანების რეგულირების საკითხთა კომისიის სხდომაზე დასასწრებად იწვევს.

სხდომაზე დასწრების მსურველებმა 4 აპრილამდე უნდა გააგზავნონ მოთხოვნა შემდეგ ელექტრონულ მისამართზე: info@tas.ge.

,,უნივერსალური" საკრედიტრო ბარათი 117 %-ად

noreply@blogger.com (giorgi) — Wed, 2 Apr 2014 12:14:00 -0700

გაზეთი „ბანკები და ფინანსები“ აგრძელებს მასალების სერიას „საბანკო პროდუქტების ბნელი მხარე,“ რომელშიც მანამდე ბანკ „რესპუბლიკასა“ და „საქართველოს ბანკის“ პროდუქტები იქნა განხილული. ამჯერად გამოცემამ „პრივატბანკის“ ეფექტური საპროცენტო განაკვეთი გამოთვალა.

გაზეთი „ბანკები და ფინანსები“ აგრძელებს მასალების სერიას „საბანკო პროდუქტების ბნელი მხარე“, რომელშიც მკითხველს კონკრეტული საბანკო პროდუქტების შესახებ იმ ინფორმაციას აწვდის, რაც როგორც წესი რეკლამებში არ ხვდება და ბანკის კლიენტები, მხოლოდ სესხის აღების მომენტში ან დამტკიცების შემდგომ ათვითცნობიერებენ.

,,უნივერსალური" საკრედიტრო ბარათი “პრივატ ბანკისგან” - სესხი 117 %-ად ბარათის შესახებ “პრივატ ბანკის” ვებ-გვერდზე ვკითხულობთ:

“უნივერსალური” ბარათი - ეს არის “პრივატ ბანკის” საგადახდო ბარათი, რომელიც საშუალებას გაძლევთ, ისარგებლოთ როგორც ბარათზე არსებული საკუთარი ფულით, ასევე ბანკის საკრედიტო სახსრებით. ამ ბარათზე ფულის ჩარიცხვა შეუძლიათ თქვენს ნათესავებს, ნაცნობებს ან პარტნიორებს. “უნივერსალური” ბარათით შეგიძლიათ აწარმოოთ ანგარიშსწორება სავაჭრო წერტილებში, გადაიხადოთ ინტერნეტში და თვითმომსახურების ტერმინალებში, ასევე მოხსნათ ნაღდი ფული მსოფლიოს ნებისმიერ წერტილში.

ბარათის გაფორმების პროცედურა მოიცავს დაახლოებით 15 წუთს. ბარათის ღირებულება - 0 ლარი. ბარათის მისაღებად საკმარისია პასპორტის ან პირადობის მოწმობის წარდგენა. სხვა საბუთები, მაგალითად ისეთი როგორიც არის ცნობა სამუშაო ადგილიდან, არ არის აუცილებელი, მაგრამ მათი არსებობა შეიძლება მნიშვნელოვანი ფაქტორი გახდეს ხელმისაწვდომი საკრედიტო სახსრების ოდენობის განსაზღვრისას.

“უნივერსალურ” ბარათზე შეგიძლიათ შეინახოთ საკუთარი ფული და მიიღოთ დამატებითი შემოსავალი წლიური 8%-ის (ლარში) ოდენობით 20 ლარი/100 აშშ დოლარზე მეტი პირად სახსრებზე არსებულ დადებით ნაშთზე. “უნივერსალური” ბარათის საკრედიტო ლიმიტი 2000 ლარამდეა.

“უნივერსალურ” ბარათს გააჩნია კრედიტით სარგებლობის საშეღავათო პერიოდი 55 დღემდე. ეს ნიშნავს იმას, რომ პროცენტების გადახდის თავიდან აცილების მიზნით, დავალიანება უნდა დაფაროთ მომდევნო თვის 25 რიცხვამდე, რომელიც მოსდევს თვეს, როდესაც ისარგებლეთ კრედიტით. მაგალითად, 1 აპრილს დახარჯეთ ბარათიდან 500 ლარი, ხოლო 15 აპრილს _ კიდევ 1500 ლარი, 25 მაისამდე უნდა დააბრუნოთ ბარათზე 2000 ლარი.

“პრივატ ბანკის” ინფორმაციით, საკრედიტო ბარათის საბაზო საპროცენტო განაკვეთი თვეში 2,5%-ია, ანუ წლიური 30%.

სავალდებულო გადასახადი - თანხა, რომელიც ყოველთვიურად უნდა შეიტანოთ “უნივერსალურ” ბარათზე კრედიტის დასაფარად შეადგენს დავალიანების თანხის 7%-ს (მაგრამ არანაკლებ 15 ლარი/6,25 აშშ დოლარისა).

ეს ამ ბარათის შესახებ ბანკის ოფიციალური ინფორმაციაა. ახლა კი განვიხილოთ “უნივერსალური” ბარათის კონკრეტული მაგალითი, რომელიც ნათლად დაგვანახებს, რეალურად რამდენ პროცენტიანი სესხით სარგებლობენ ამ ბარათის მფლობელები.

განვიხილოთ კონკრეტული მაგალითი, 120–ლარიანი საკრედიტო ბარათი, რომლის დროსაც 55 დღიანი საშეღავათო პერიოდი მოქმედებს, ხოლო კლიენტს სესხის დაფარვა ყოველთვიურად მინიმალური შენატანებით 15–15 ლარით უწევს (ყოველთვიური გადასახადი სესხის 7%, მინიმუმ 15 ლარი), საიდანაც 5 ლარი %–ის მომსახურების თანხაა, ხოლო 10 ლარით ძირი იფარება. შესაბამისად კლიენტს 12–ჯერ უწევს 15 ლარის გადახდა კრედიტის მთლიანად დასაფარად. ამასთან გათვალისწინებულია, რომ სესხის აღებისას ბანკომატის მომსახურების საფასური 4%–ია, ანუ კლიენტი ხელზე 115 ლარს იღებს. ამ შემთხვევის დათვლისას საკრედიტო ბარათის წლიური ეფექტური საპროცენტო განაკვეთი 117%–ს შეადგენს.

ამ საკრედიტო ბარათის ეფექტური საპროცენტო განაკვეთის შესახებ „ბანკებმა და ფინანსებმა“ ,,პრივატბანკის" მიმართა - ეთანხმება თუ არა ბანკი გამოცემის დათვლებს. სტატიის ავტორმა ასევე სთხოვა ბანკს, მიეწოდებინათ საკუთარი ვარიანიტი. თუმცა ,,პრივატბანკმა" აღნიშნული კითხვები უპასუხოდ დატოვა.

ცნობისთვის: დათვლები გაკეთებულია საქართველოს ეროვნული ბანკის სესხის ეფექტური საპროცენტო განაკვეთის კალკულატორის მეშვეობით.

როგორ შევაფასოთ მცირე ბიზნესის დადებითი და უარყოფითი მხარეები

noreply@blogger.com (giorgi) — Wed, 2 Apr 2014 12:11:00 -0700

საზღვარგარეთული და ადგილობრივი გამოცდილების ანალიზის შედეგად დადგენილია, რომ მცირე ბიზნესის საწარმოებს ახასიათებს როგორც დადებითი, ისე უარყოფითი მხარეები.

საფეხურები

1დადებითი მხარეებია
- ადგილობრივ პირობებთან იოლი ადაპტაცია.
- მცირე საწარმოთა მოქმედების დიდი დამოუკიდებლობა, მოქნილობა და მიღებულ გადაწყვეტილებათა მიღებასა და შესრულებაში ოპერატიულობა.
- საქმიანობის განხორციელების (განსაკუთრებით მართვის დროს) შედარებით დაბალი ხარჯები. პირველ საწყის კაპიტალზე შედარებით მცირე მოთხოვნილება და ადგილობრივი ბაზრის მოთხოვნის საპასუხოდ სწრაფი ცვლილებები პროდუქციასა და წარმოების პროცესში.
მცირე ბიზნესის მფლობელები უფრო მეტად მიილტვიან სახსრების დაზოგვისაკენ და ორიენტირებულნი არიან ინვესტირებაზე, წარმატების მიღწევაში მათ ყოველთვის პირადი მოტივაციის მაღალი დონე აქვთ, რაც დადებითად მოქმედებს საწარმოს საქმიანობაზე, მთლიანად.
მცირე ბიზნესი მსხვილ საწარმოებთან შედარებით ხელს უწყობს უმუშევარი მოსახლეობის დასაქმების ზრდას და პროფესიონალი მუშაკების მომზადებასა და პრაქტიკული ცოდნის გავრცელებას. მცირე ბიზნესს, მსხვილთან შედარებით, ცალკეულ ქვეყნებში უკავია დომინირებული მდგომარეობა, როგორც რიცხოვნობით, ისევე საქონლის (შესრულებული სამუშაოს, მომსახურების) წარმოების ხვედრითი წონის მიხედვით.
2უარყოფითი მხარეები
- რისკის უფრო მაღალი დონე, რაც განაპირობებს ბაზარზე მდგომარეობის ნაკლებ სიმყარეს.
- მსხვილ კომპანიებზე დიდი დამოკიდებულება.
- თავისი საკუთარი საქმის მართვაში დაშვებული შეცდომები.
- დამატებითი ფინანსური სახსრების სესხებაში და კრედიტების მიღებაში სიძნელეები. სამეურნეო პარტნიორების ნაკლები თვითდაჯერებულობა, ხელშეკრულებების დადებისას სიფრთხილე და სხვა.
მცირე ფირმების წარუმატებლობა ყველაზე მეტად დაკავშირებულია მათი მესაკუთრეების მენეჯერული გამოუცდელობით, ანუ პროფესიული არაკომპეტენტურობით.
მცირე ფირმების წარუმატებლობის (ბანკროტობის) სხვა მიზეზებია: ბიზნესის ხელმიშვებულობა, უყურადღებობა, აგრეთვე კატასტროფები, ხანძარი, ქურდობა, თაღლითობა და სხვ.
საზოგადოების მოთხოვნილებების მუდმივი ძიება და მათდამი უწყვეტი მორგება წარმოადგენს მცირე ბიზნესის სტრატეგიის საფუძველს. ზოგიერთი დასავლელი სპეციალისტი მცირე ბიზნესს განიხილავს, როგორც ახალი პიროვნული ურთიერთობების სკოლას, მომავალში მეწარმეობის განვითარების ორგანიზაციის მეთოდებისა და პრინციპების გამოცდის პოლიგონს.

გაფრთხილებები

მცირე ბიზნესის წარმატების შანსი იზრდება მისი მომწიფებისა და განვითარების შესაბამისად.

როგორ დავარეგისტრიროთ საკუთარი ბიზნესი

noreply@blogger.com (giorgi) — Wed, 2 Apr 2014 12:09:00 -0700

საქართველო ბიზნესის დაწყების მხრივ მსოფლიო ბანკის კვლევის მიხედვით, მსოფლიო რეიტინგში მე-8 ადგილას გავიდა. რაც ნიშნავს იმას, რომ საქართველოში ბიზნესის წამოწყება საკმაოდ გამარტივებულია და ეს ყველაფერი სულ რამდენიმე წუთში, ან დღეშია შესაძლებელი. საქართველოს მეწარმეთა კანონის თანახმად მეწარმე სუბიექტები ქვეყანაში არიან: ინდივიდუალური მეწარმე, სოლიდარული პასუხისმგებლობის საზოგადოება (სპს), კომანდიტური საზოგადოება (კს), შეზღუდული პასუხისმგებლობის საზოგადოება (შპს), სააქციო საზოგადოება (სს, კორპორაცია) და კოოპერატივი.

საფეხურები

1საქართვლოში ბიზნესის დაწყების მხრივ ყველაზე ხშირად ირჩევენ ან შეზღუდული პასუხისმგებლობის საზოგადოებას, ან ინდივიდუალურ მეწარმეს. ზოგადად მათ შორის განსხვავების დანახვა საკმაოდ მარტივია, ინდივიდუალური მეწარმის შემთხვევაში მისი დარეგისტრირება მხოლოდ 20 ლარამდე ჯდება და სავარაუდოდ სულ 30 წუთი გჭირდებათ. რეგისტრირდება მხოლოდ ერთ პირზე და ნოტარიუსის ან დამატებით იურისტის ჩართვა საჭირო არ არის, მაგრამ მომავალში რაიმე დარღვევის აღმოჩენის შემთხვევაში ინდივიდუალური მეწარმე მის საქმიანობიდან წარმოშობილი ვალდებულებისთვის კრედიტორების წინაშე პასუხს აგებს მთელი თავისი ქონებით, ანუ ყველა იმ აქტივით, რაც მასზეა დარეგისტრირებული. შპს-ს შემთხვევაში, მისი დარეგისტრირება 150 ლარამდე ჯდება თუ ჩავთვლით ნოტარიუსის ხარჯებსაც. მისი დარეგისტრირება ხდება დაახლოებით ორ დღეში. მაგრამ შპს-ს დარეგისტრირება შეუძლია არამარტო ერთს, არამედ რამდენიმე პირს. შეზღუდული პასუხისმგებლობის საზოგადოება არის საზოგადოება, სადაც მეწარმის პასუხისმგებლობა მისი კრედიტორების წინაშე შემოიფარგლება მთელი მისი ქონებით საზოგადოებაში. ანუ მომავალში დარღვევის აღმოჩენის შემთხვევაში მეწარმე პასუხს აგებს მხოლოდ იმ ქონებით, ან იმ წილით რაც მას აქვს შპს-ში.
2მეწარმის დარეგისტირება საქართველოში ხდება საჯარო რეესტრში, კერძოდ მარჯანიშვილზე (აღმაშენებლის გამზირისა და მარჯანიშვილის გადაკვეთაზე). საჯარო რეესტრში უნდა წარადგინოთ განცხადება საწარმოს რეგისტრაციის შესახებ, რომელსაც თან უნდა დაერთოს საწარმოს ყველა პარტნიორის მიერ ხელმოწერილი და სანოტარო წესით დამოწმებული წესდება (პარტნიორთა შეთანხმება, რომელიც ინდ. მეწარმის შემთხვევაში საჭირო არაა), რომელშიც უნდა მიეთითოს:
1)საწარმოს სახელწოდება;
2)საწარმოს სამართლებრივი ფორმა;
3)საწარმოს იურიდიული მისამართი;
4)საწარმოს დამფუძნებელი პარტნიორის (პარტნიორების) სახელი და გვარი, საცხოვრებელი ადგილის მისამართი და პირადი ნომერი, ხოლო თუ პარტნიორი იურიდიული პირია – მისი საფირმო სახელწოდება, სამართლებრივი ფორმა, იურიდიული მისამართი, რეგისტრაციის თარიღი, საიდენტიფიკაციო ნომერი და მონაცემები მისი წარმომადგენლების შესახებ;
5)საწარმოს მმართველობის ორგანო, გადაწყვეტილების მიღების წესი, ხოლო შეზღუდული პასუხისმგებლობის საზოგადოების შემთხვევაში – მონაცემები პარტნიორთა მიერ კომპანიის წილების გადანაწილების შესახებ.

გაფრთხილებები

როგორც ხედავთ, საქართველოში საკმაოდ მარტივია ბიზნესის დარეგისტრირება და ეს ყველა სრულწლოვან ადამიანს შეუძლია. ყველა პროცედურა საკმაოდ გამარტივებულია და საჯარო რეესტრშიც საკმაოდ კარგად მოგემსახურებიან. კომფორტული გარემო, სასიამოვნო საზოგადოება, გამარტივებული პროცედურები, ეს ყველაფერი საკმარისია იმისთვის, რომ კარგ პირობებში, სიამოვნებით შევაბიჯოთ ქართული ბიზნესის სამყაროში. შემოგვიერთდით!

11 მარტივი პრინციპი, თუ როგორ გავხდეთ უკეთესი ლიდერი

noreply@blogger.com (giorgi) — Sun, 30 Mar 2014 08:59:00 -0700

1. მოსმენა -"როცა სხვები საუბრობენ, სრული ყურადღებით მოუსმინე. ბევრ ადამიანს არ აქვს მოსმენის უნარი" - ერნესტ ჰემინგუეი.

მოსმენა ნებისმიერი კარგი ურთიერთობის საფუძველია. კარგი ლიდერები უსმენენ მომხმარებლებს, მათ სურვილებს, მოთხოვნებს და იმ გამოწვევებს, რასაც ისინი აწყდებიან. ლიდერები უსმენენ კოლეგებს და მზად არიან ახალი იდეების მისაღებად. ისინი უსმენენ აქციონერებს, ინვესტორებს და კონკურენტებს. სწორედ ამიტომაა, რომ წარმატებულ აღმასრულებელ მენეჯერებს სხვაზე მეტად შეუძლიათ მოსმენა.

2. გადმოცემა-"თანამედროვე მსოფლიოში კარგად თხრობის უნარი ყველაზე ძლიერმოქმედი საშუალებაა იდეების გადმოსაცემად" - რობერტ მაკაფი ბრაუნი.

მას შემდეგ, რაც ყურადღებით მოისმენენ, ლიდერებმა თავიანთი თხრობის უნარით უნდა გაყიდონ არა მხოლოდ პროდუქტი, არამედ უფრო მნიშნვენლოვანი რამ - იდეები. სათქმელის ეფექტურად გადმოცემის ხელოვნება აჯადოვებს ხალხს და მოქმედებისაკენ უბიძგებს. არ აქვს მნიშვნელობა, თუ რა გარემოებაში საუბრობთ დამაჯერებლად: ლანჩზე, პოტენციურ კლიენტთან, გადაჭედილ აუდიტორიაში, თუ ათასობით ადამიანთან, ონლაინ ვიდეოს მეშვეობით - სწორედ თხრობის ხელოვნება მოგაპოვებინებთ მომხმარებლებს.

3. ნამდვილობა -"რომ მცოდნოდა, რომ ჩემი უშუალობით ასეთი მდიდარი გავხდებოდი, გაცილებით ადრევე მოვიქცეოდი ასე" - ოპრა უინფრი.

კარგი ლიდერები სწორედ ისეთები არიან, როგორადაც საუკთარ თავს ახასიათებენ. ისინი გასაოცრად ნამდვილები არიან. აუთენტური ლიდერები გარშემო პოზიტიურ და მომხიბვლელ ენერგიას ქმნიან და თავმდაბლობა და მგძნობიარობა ახასიათებთ. ყველას სურს ასეთ ლიდერს წარმატების გზაზე დაეხმაროს, მომხმარებლებს, კოლეგებს და მედიასაც კი. თუ ადრე არსებობდა ზღვარი ადამიანის პირად და საზოგადო პროფილს შორის, ახლა სოციალურმა ქსელმა ეს ზღვარი თითქმის წაშალა. მომავლის ლიდერები არიან გულწრფელნი და ღია, ახერხებენ ონლაინ, პირადი და პროფესიული ცხოვრების ერთმანეთთან ინტეგრირებას.

4. გამჭირვალეობა -"თუ თქვენ მცირე ბიზნესის მფლობელი ხართ, თქვენი საუკეთესო უპირატესობა სიმართლეა" - ჯონ ვითიერი.

დღეს ვერსად დაიმალები. ნებისმიერი საიდუმლო, რომელის დამალვასაც ბიზნესმენი საზოგადოებისაგან დააპირებს, აუცილებლად გამოირკვევა. პატიოსნება და პირდაპირობა ხელს უწყობს თქვენდამი კოლექტივის, მომხმარებლებისა და კოლეგების დადებით დამოკიდებულებას. ამას გარდა, პატიოსნება დაგეხმარებათ ღამით უკეთ ძილშიც, როცა იმაზე არ ინერვიულებთ, თუ ვის რა უთხარით. მსგავსი ლიდერები გაცილებით პროდუქტიულები არიან.

5. გუნდურობა -"ინდივიდი თამაშობს, მაგრამ გუნდები ახდენენ სასწაულებს" – SEAL-ის გუნდური ფრაზა.

არ აქვს მნიშნველობა ორგანიზაცია მცირეა, თუ დიდი, კომუნიკაცია ყოველდღიური პროცესია. სხვების მხარდაჭერა, მათი ინოვაციური იდეების წახალისება, თავმდაბლობა და რიგი მსგავსი უნარ-ჩვევები დაგეხმარებათ, მოსაწონი ლიდერი გახდეთ. გუნდის ეფექტურებისათვის კი, აუცილებელია, ორგანიზაციული წარმატების კულტურა, რაც ჩარჩოს მიღმა აზროვნებას გულისხმობს.

6. ანგარიშვალდებულება -"ცხოვრებაში 10% არის ის, რაც ხდება და 90% - მომხდარზე რეაქცია" - ჩარლზ სვინდოლი.

საუკეთესო ლიდერები გრძნობენ პასუხისმგებლობას კლიენტების, თანამშრომლების, ინვესტორებისა და არსებული ვალდებულებების მიმართ. ნებისმიერი დაინეტერესებული მხარე პოტენციური ფეთქებადი ვირუსია, რომელიც ან კარგ შედეგს მოიტანს, ან ცუდს. ხოლო წარმატებული ლიდერი სწორედ ისაა, ვინც რეალობას სათანადოდ აფასებს და სხვებს პასუხისმგებლობით ეპყრობა. სამიზნე ჯგუფთან კომუნიკაცია დადებით დამოკიდებულებას იწვევს და არ აქვს მნიშნველობა კონკრეტულ ფორმას, მოხდება ეს იმეილით, ტელეფონით, თუ ტვიტერით. ამით იგრძნობა, რომ ორგანიზაციისათვის ხალხი სულ ერთი არ არის.

7. ადაპტაცია -"თუ ფიქრობთ, რომ ცვლილებები აღარ გჭირდებათ, უკვე აღარ არსებობთ" - ბენ ფრანკლინი.

არასდროს არ ყოფილა ბაზარი ისეთი ცვალებადი, როგორც დღეს. ლიდერები ცვლილებებისა და შანსების მიმართ მოქნილნი უნდა იყვნენ, რათა საჭირო მომენტის გამოყენება შეძლონ. თითქმის არც ერთი ორგანიზაცა არ მოგიწონებთ სიჯიუტეს. პირიქით, სიახლეებისადმი ადაპტაცია და მონდომებაა კარგი ლიდერის ინდიკატორად მიიჩნევა.

8. მონდომება - "ერთადერთი გზა დიდი საქმის კეთებისა, ამ საქმის სიყვარულია - სტივ ჯობსი.

ისინი, ვისაც თავინთი საქმე უყვართ, ცხოვრებაში არც ერთ დღეს არ იმუშავებენ იძულებით. ადამიანები, ვისაც შეუძლიათ, ენთუზიაზმი საქმეში გადმოიტანონ, უკვე დიდი უპირატესობა აქვთ, რადგან ენერგია კოლეგებსა და კლიენტებზე გადამდები ეფექტით მოქმედებს. საქმისადმი მონდომება და ენთუზიაზმი თქვენ შედეგებზე რეალურად სასიკეთოდ იმოქმედებს.

9. მოულოდნელობა და აღფრთოვანება - "ნამდვილ ლიდერს ყოველთვის აქვს შემონახული მოულოდნელობის ეფექტი, რომელსაც სხვები ვერასდროს წაართმევენ და რომელსაც საზოგადოება აღფრთოვანებაში მოჰყავს" - შალ დე გოლი.

ადამიანების უმეტესობას უყვარს ყოველდღიური ცხოვრების სურპრიზებით გამრავალფეროვნება. ის ლიდერები, რომელებიც ხალხის სიყვარულით სარგებლობენ, ყოველთვის ნაკლებს პირდებიან და მეტს აკეთებენ, რათა კოლეგები და მომხმარებლები სასიამოვნოდ გააოცონ. უამრავი გზა არსებობს პოზიტიური მოულოდნელობის შესაქმნელად მატერიალური დანახარჯის გარეშე, მაგალითად ღიმილი. ყველას გვიყვარს, როცა ვიღაც ჩვენ სიამოვნებაზე ზრუნავს. მოულოდნელობა და აღფრთოვანება არის ის მარკეტინგული საშუალება, რომელიც საოცარ შედეგებს აღწევს.

10. სიმარტივე -"ცოტა ბევრი არაა, მაგრამ ზუსტად საკმარისი უკვე ბევრია" - მილტონ გლეისერი.

მსოფლიო დღეს იმაზე მეტად კომპლექსურია, ვიდრე ოდესმე ყოფილა, თუმცა მომხმარებელი ყველაზე კარგად სიმარტივეზე რეაგირებს, იქნება ეს გამოხატული დიზაინში, ფორმაში, თუ ფუნქციებში. რთული პროექტების თუ იდეების მარტივ, გასაგებ დეტალებამდე დაყვანა ეხმარება მომხმარებლებს, პერსონალს და ყველა დაინტერესებულ მხარეს, უკვეთ გაიგონ და წამოყვნენ თქვენ ხედვას. ჩვენ, ყველას, სიმარტივე გვიყვარს, ამიტომ დღევანდელმა ლიდერებმა აქცენტი სწორედ სიმარტივეზე უნდა გააკეთონ.

11. მადლიერება - "გინდოდეს მადლობის გადახდა, კარგი ფიქრია, ხოლო მადლიერების გამოხატვა - ბედნიერება" - გილბერტ ჩესტერტონი.

საზოგადოებისთვის მოსაწონი ლიდერები ყოველთვის მადლიერი არიან იმ ხალხის მიმართ, ვინც მათ შანსი მისცა და მათი წარმატება განაპირობა. ლიდერები, რომლებიც გამოხატავენ მადლიერებას მენტორების, მომხმარებლების, კოლეგების და სხვათა მიმართ, თავმდაბალი ადამიანის შთაბეჭდილებას ტოვებენ და მასებისთვის მეტად მისაღები ხდებიან. თქვენც უკეთ იგრძნობთ თავს, თუ ასე მოიქცევით. კვლევამ, რომელიც დონორების მიერ დაფინანსების არჩევანს იკვლევდა, დაადგინა, რომ ხელით დაწერილი სამადლობელი წერილის მიღების შემდგომ, 38%-ით იზრდებოდა შანსი, რომ მომდევნო ჯერზეც დაეფინანსებინათ მადლიერი პირი.

ოქროს წესი და ყველაზე მნიშვნელოვანი რჩევა: მოექეცი სხვებს ისე, როგორც გინდა რომ თავადმოგექცნენ! კარგად მოპყრობით სხვებს აჩვენებთ, თუ როგორ დამოკიდებულებას ელით მათგან. ამითკი მეტ პატივისცემას მოიპოვებთ კოლეგების, თანამშრომლების და ბიზნეს პარტნიორების მხრიდან.სხვებისადმი პატივისცემით მოპყრობა, კომპანიისადმი პოზიტიურ დამოკიდებულებას შეუწყობსხელს და თქვენთან თანამშრომლობის მსურველთა რაოდენობა გაიზრდება.

ეს ყველაფერი ძალიან მარტივი ჩანს და მაინც, ბევრი ადამიანის გონება იმდენად გადართულიაფულის კეთებაზე, რომ ვერ ახერხებს ამ პრინციპების გათავისებას და პრაქტიკაში დამკვიდრებას

ღვინის ექსპორტის წლიურმა ზრდამ 320% შეადგინა

noreply@blogger.com (giorgi) — Thu, 27 Mar 2014 13:28:00 -0700

ღვინო, ამ წლის იანვარ-თებერვლის სავაჭრო სტატისტიკით, ნომერ მესამე საექსპორტო პროდუქტია.

„საქსტატის“ ოფიციალური მონაცემებით, 1 წლის განმავლობაში ღვინის ექსპორტი 320%-ით არის გაზრდილი და ამ წლის იანვარ-თებერვალში $32.044 მლნ შეადგინა.

ღვინო, იანვარ-თებერვლის მთლიან ექსპორტში 7.3% იყო, ხოლო შარშანდელ პირველ ირ თვეში - 2.1%.

ასეთი რადიკალური ცვლილებები ღვინის საექსპორტო გაყიდვებში შეიტანა რუსეთის ბაზრის გახსნამ შარშანდელი ზაფხულიდან. ამ წლის 2 თვეში მთელი ექსპორტირებული ღვინის 70% სწორედ რუსეთზე მოდის. რუსეთში იანვარ-თებერვალში $22.52 მლნ-ის ქართული ნატურალური ღვინოები გავიდა.