K-A-R-U-R-K-I-R-U-K-K-A-N

காதலை ஏற்றுக் கொள்ளும் பிங்க்

noreply@blogger.com (karurkirukkan) — Tue, 14 Feb 2012 07:34:00 +0000

காதலர் தினத்திற்கு என்று தனி சிறப்பு உண்டு. அன்றைய தினம் மனம் கவர்ந்தவரை காண சிறப்பாக ஆடை அணிந்துகொண்டு அதற்கேற்ப மேக் அப் உடன் செல்வது காதலருக்கு கூடுதல் உற்சாகத்தைத் தரும். காதலர் தினத்தன்று பிங்க் நிற உடை அணிவது காதலை ஏற்றுக்கொண்டதன் அடையாளம். பிங்க் நிறம் மிகவும் பிரசித்தி பெற்றது. காதலர்களுக்கு கூடுதல் உற்சாகத்தை தரக்கூடியது. காதலரை காண பிங்க் உடையணிந்து செல்பவர்கள் அந்த உடைக்கு மேட்சாக மேக் அப் போட்டு செல்வது காதலின் அடர்த்தியை அதிகரிக்கும்.

கண்களுக்கு குளுமை

காதல் பாஷை பேசுவதில் கண்களின் பங்கு முக்கியமானது. வார்த்தைகளால் பேசுவதை விட கண்களால் பேசுவது அதிகம் இருக்கும். எனவே கண்களுக்கு பிங்க் நிறத்தினால் ஆன மேக் அப் போடுவது காதலுக்கு சிறப்பை தரும்.

ஐ ஷேடோ நிறங்களில் பிங்க் குளுமையான நிறம். இதனை காதலர் தினத்தன்று உபயோகிப்பது கூடுதல் உற்சாகம் தரும்.

ஐ லைனர் பிங்க் கலரில் உபயோகித்துப் பாருங்கள் அது ஹைலைட் ஆக இருக்கும். லேசான பிங்க் நிறத்தில் ஐ லைனர் உபயோகிக்கலாம். இரவு நேர காதலர் தின பார்டிக்கு ஏற்றது.

கன்னக் கதுப்பழகு

கண்களைப் போல கன்னக் கதுப்பிற்கும் பிங்க் நிறம் உபயோகிப்பது காதலருக்கு கூடுதல் கவனத்தை தரும். ரூஜ் போடும் போது சிவப்பு, பிங்க், மெருன் நிறம் போடலாம். அதிக அளவு வெளிர் நிறத்தில் போடுவதை விட லேசான பிங்க் நிறத்தில் கன்னக் கதுப்பை அழகூட்டலாம்.

உதட்டழகு வர்ணம்

காதலர் தினத்தில் உதடுகளுக்கு முக்கியத்துவம் இல்லாமலா? லைட் பிங்க் நிறத்தில் கண்களுக்கு போட்டது போல டார்க் பிங்க் நிறத்தில் உதட்டிற்கு லைன் வரைந்து அவற்றை இயற்கை வர்ணத்தில் நிரப்பலாம். அப்புறம் உதட்டழகு அட்டகாசம் தான்.

தமிழ் திரையுலகமே புளகாங்கிதமடைந்து போய் நிற்கிறது!

noreply@blogger.com (karurkirukkan) — Mon, 13 Feb 2012 08:26:00 +0000

தமிழ்த் திரையுலகில் டாக்டர் சீனிவானின் 'ஆனந்தத் தொல்லை'க்கு அளவே இல்லாமல் போய் வருகிறது.

தயாரித்து, நடித்து, வசனம் பேசி அவர் செய்யும் 'சில்மிஷங்களைப்' பார்த்து தமிழ் திரையுலகமே புளகாங்கிதமடைந்து போய் நிற்கிறது!!.

லத்திகா என்ற படத்தைத் தயாரித்தார். அதில் ஹீரோவாகவும் நடித்தார். இப்போது வில்லனாகவும் ஆனந்தத் தொல்லை படத்தில் அதகளம் செய்ய வருகிறார், தான் எதைப் பேசினாலும் அதை சீரியஸாக கருதிப் பேசும் டாக்டர் சீனிவாசன். இவர் தனக்குத் தானே வைத்துக் கொண்ட பெயர் 'பவர் ஸ்டார்'.

பிரபல நடிகர்களுடன் புகைப்படம் எடுத்துக் கொள்ள ரசிகர்கள்தான் போட்டா போட்டி போடுவார்கள்.ஆனால் சீனிவாசனோ அதற்கு ஒரு படி மேலே போய் அவர்களுடன் புகைப்படம் எடுத்துக் கொள்வதோடு, விளம்பரமாகவும் பத்திரிகைகளில் பிரசுரித்து கலக்கிக் கொண்டிருக்கிறார்.

இவர் சமீபத்தில் ஒரு பத்திரிகைக்கு பேட்டி ஒன்றைக் கொடுத்துள்ளார். அதில் வரும் ஒவ்வொரு வார்த்தையும் நம்ப முடியாதது போலத்தான் தோன்றும். ஆனால் அதை நம்புபம்படி வேண்டி விரும்பிக் கேட்டுக் கொள்கிறார் சீனிவாசன்.

நீங்களும் படியுங்கள் சீனி சொன்னதை...!

என்னை பொறுத்தவரை ஏனோ தானோ என்று படம் பண்ண விருப்பம் இல்லை. நல்ல கதை தான் ரொம்ப முக்கியம்.

ஆனந்தத் தொல்லைப் படத்தைத் தொடர்ந்து அடுத்து தேசிய நெடுஞ்சாலை என்ற படத்தில் நடிக்கிறேன். இதில் சங்கவி தான் என் ஜோடி. படத்தை நானே இயக்கி நடிக்கிறேன்.

இதற்கு அடுத்து படைத்தலைவன். இந்தபடம் ஒரு போலீஸ் ஸ்டோரி. மாரி மைந்தன் இப்படத்தை இயக்குகிறார்.

கே.எஸ்.ரவிக்குமார் படத்தில் நடிக்க ஆசை உள்ளது. அதை விட ரொம்ப முக்கியம் சங்கவி மாதிரி ஒரு ஆர்ட்டிஸ்ட் கிடைத்தால் மன்மத ராசா பாட்டு மாதிரி, என்னாலையும் ஆட முடியும்.

சினிமா மட்டும் இல்ல, சொந்தமா பிசினஸ் இருக்கு, கிளினிக் இருக்கு, அதை தவிர எனக்கு கல்லூரி மாணவர்கள் ரசிகர்கள் அதிகம்.

தமிழ் சினிமாவில் நல்ல கதை உள்ள படங்கள் பண்ணி மக்கள் கிட்ட கொண்டு போய் சேர்க்க விரும்புகிறேன். நீங்க தான் அடுத்த எம்.ஜி.ஆரா என்று கேட்காதீங்க. நான் அப்படி சொல்ல வரவில்லை. அவருக்கு அடுத்து நான் தான் வருவேன். இன்னும் ரசிகைகள் மனதில் இடம் பிடிப்பேன்.

எனக்கு கூட ஒரு சமயம் பாரதிராஜா சார் படத்தில் நடிக்க வேண்டும் என்று தோணுச்சு, அப்புறம்தான் அவர்கிட்ட போய் வாய்ப்பு கேட்டு நிக்குறது பதிலா நாமலே படம் டைரக்ட் செய்யலாம் என்று முடிவு பண்ணி, படம் இயக்க தொடங்கினேன்.

இப்பகூட தினமும் பத்து கதைகள் கேட்கிறேன், ஆனால் எனக்கு செட் ஆனா மட்டும் தான் அந்த கதையில் நடிக்க ஒப்புக்கொள்கிறேன்...

இப்பவே கண்ணைக் கட்டிக்கிட்டு வருதா...???!!!

பேஸ்புக் நிறுவனம் விரும்பும்வரைதான் ஜூக்கர்பெர்க் 'சிஇஓ'!

noreply@blogger.com (karurkirukkan) — Mon, 13 Feb 2012 06:02:00 +0000

உலகின் முதன்மையான சமூக வலைதளங்களில் ஒன்றான பேஸ்புக் நிறுவனமானது அதன் தலைவர் மற்றும் தலைமைச் செயல் அதிகாரி உள்ளிட்டோரை எந்த நேரத்திலும் எந்த காரணமும் இல்லாமல் நிறுவனத்திலிருந்து நீக்கும் வகையில் அதன் விதிமுறைகள் வரையறுக்கப்பட்டுள்ளன.

ஆச்சரியமாக இருக்கிறதா? பேஸ்புக் நிறுவனர் ஜூக்கர்பெக் தமது நிறுவனத்துடன் செய்தியிருக்கும் பணிநியமன ஒப்பந்தம் இப்படித்தான் சொல்கிறது...

பேஸ்புக் நிறுவனம் விரும்பும்வரைதான் அவர் அங்கு பணிபுரிய முடியுமாம். நிறுவனம் நினைத்தால் வேலையை விட்டுவிட்டுத்தான் வரவேண்டும்.

பேஸ்புக் நிறுவனம் கடந்த மாதத்தின் பிற்பகுதியில் பணியாளர்களுக்கான நியமன ஒப்பந்தத்தை பங்குச்சந்தையில் இறங்குவதையொட்டி மறுசீரமைத்ததில் இந்த் திருத்தங்கள் கொண்டுவரப்பட்டுள்ளன.

பணியின் தன்மை, லாப நட்ட விவகாரங்கள் போன்ற தற்போதைய விதிகள் நிரந்தரமானது அல்ல.. மாற்றத்துக்குரியது. இந்த மாற்றங்களை பேஸ்புக் போர்டு எழுத்துப்பூர்வமாக அங்கீகரித்தால் மட்டுமே நடைமுறைக்கு வரும்.

இது நிறுவனர் ஜூக்கர்பெர்க்குக்கு மட்டுமல்ல.. முதன்மை செயல் அதிகாரி செண்ட்பர்க்குக்கும் இது பொருந்தும். நிதிப் பிரிவு தலைவர் டேவிட் எம்பெர்ஸ்மன் மற்றும் துணைத் தலைவர் மைக் ஸ்க்ரோபெர் ஆகியோருக்கும் பொருந்தும்,இதேபோல் பேஸ்புக் நிறுவனத்துக்கு போட்டியாக மற்றொரு நிறுவனத்தை தொடங்கும் முயற்சியில் ஜூக்கர்பெர்க் ஈடுபடக் கூடாது என்பதுடன் போட்டி நிறுவனத்துக்கு எந்த ஒரு வகையிலும் உதவியாக இருக்கவும் கூடாது என்கிறது மற்றொரு விதி. ஆனால் இது பேஸ்புக்கில் பணிபுரியும்வரை மட்டுமே.

இவர்கள் பேஸ்புக் நிறுவனத்தில் இருந்து வெளியேறிவிட்டால் அவர் என்ன செய்வார்கள் என்பது பற்றி சொல்லப்படவில்லை.நிறுவனர் ஜூக்கர்பெர்க்கு ஒரு ஆண்டுக்கான அடிப்படை சம்பளம் 5 லட்சம் டாலர். இதில் 45 சதவீதம் ஒரு ஆண்டுக்கான போனஸ் தொகை.

திருமதி செண்ட்பர்க் மற்றும் எம்பெர்சன் ஆகியோருக்கு ஆண்டுக்கான அடிப்படை சம்பளம் 3 லட்சம் டாலர். ஸ்க்ரோபெருக்கான ஒரு ஆண்டு சம்பளம் 2 லட்சத்து 75 ஆயிரம் டாலர்.
இவர்களுக்கும் இவர்களது சம்பளத்தில் 45 சதவீதம் போனஸாக கொடுக்கப்படும்.

பேஸ்புக் நிறுவனத்தில் 4 முதன்மை நிர்வாகிகளுக்கு மட்டுமே ஒரு ஆண்டுக்கு ரூ10 கோடி ஊதியமாக கொடுக்கப்படுகிறது.

உலகிலேயே ரொம்ப சந்தோஷமா இருக்கிறவங்க இந்தியர்கள்தான்!

noreply@blogger.com (karurkirukkan) — Mon, 13 Feb 2012 04:32:00 +0000

கோடி கோடியாய் பணத்தை கொட்டிக் கொடுத்தாலும் மகிழ்ச்சியை விலை கொடுத்து வாங்கமுடியாது. ஏனெனில் மகிழ்ச்சி என்பது மனதோடு தொடர்புடையது. பணக்கார நாடுகள் என்று கூறப்படும் அமெரிக்கா, இங்கிலாந்து போன்ற நாடுகளைச் சேர்ந்த மக்கள் மகிழ்ச்சியில் ஏழைகளாவே உள்ளனர். ஆனால் உலகிலேயே அதிகம் மகிழ்ச்சியுடன் இருக்கும் மக்களின் பட்டியலில் இந்தியர்கள் இடம் பிடித்துள்ளனர்.

உலக மக்களின் மகிழ்ச்சி பற்றி, இப்சஸ் குளோபல் நிறுவனம் ஒரு ஆய்வு மேற்கொண்டது. 24 நாடுகளில் 18,000 பேரிடம் மகிழ்ச்சி குறித்து கேள்வி கேட்கப்பட்டு அதனை உள்ளடக்கிய ஆய்வின் முடிவு வெளியிடப்பட்டுள்ளது.

அதில் சர்வதேச அளவில் மகிழ்ச்சியானவர்களின் எண்ணிக்கை கடந்த 4 ஆண்டுகளுக்கு முன்பு இருந்ததைவிட தற்போது அதிகரித்துள்ளது. அதாவது, ஆய்வுக்கு உட்படுத்தப்பட்ட 4ல் 3 பேர் வாழ்வில் மகிழ்ச்சியாக இருப்பதாகவும், 4ல் ஒருவர் மிகவும் மகிழ்ச்சியாக இருப்பதாகவும் கூறியுள்ளனர்.

மகிழ்ச்சியில் பணக்காரர்கள்

பொருளாதார நெருக்கடி, போர், இயற்கை பேரிடர் என பல்வேறு பிரச்னைகளுக்கு நடுவில் உலகிலேயே மிகவும் மகிழ்ச்சியாக உள்ளவர்களில் இந்தியர்கள், இந்தோனேசியர்கள் மற்றும் மெக்சிகோ நாட்டினர் முக்கிய இடம் பிடித்துள்ளனர். ஹங்கேரி, தென்கொரியா, ரஷ்யா, ஸ்பெயின் மற்றும் இத்தாலி நாட்டைச் சேர்ந்தவர்களில் மிகவும் குறைவானவர்களே மகிழ்ச்சியாக இருப்பதாக தெரிவித்தனர்

ஐரோப்பிய நாடுகளைச் சேர்ந்தவர்களில் 15 சதவீதம் பேர் மட்டுமே மகிழ்ச்சியாக இருப்பதாக தெரிவித்தனர். மண்டலவாரியாக பார்த்தால் லத்தீன் அமெரிக்காவில் அதிகம் பேர் மகிழ்ச்சியாக உள்ளனர். வட அமெரிக்கா, ஆசியா-பசிபிக், மத்திய கிழக்கு நாடுகள் மற்றும் ஆப்ரிக்கா ஆகியவை அடுத்தடுத்த இடங்கள் பிடித்தன.

பொருளாதார ரீதியாக வசதியாக இருப்பவர்களிடம் மகிழ்ச்சி அதிகமாக இருக்கும் என்று கூற முடியாது. ஒருவர் மகிழ்ச்சியாக வாழ்வதற்கு பணத்தைத் தாண்டி பல்வேறு காரணங்கள் உள்ளன. குறிப்பாக, உறவுமுறைகளுக்கு முக்கியத்துவம் கொடுக்கும் கலாசாரம் உள்ள மக்கள் அதிக மகிழ்ச்சியுடன் உள்ளனர் என்று இப்சஸ் குளோபல் நிறுவனத்தின் துணைத்தலைவர் ஜான் ரைட் கூறியுள்ளார்.

5 கோடி ஆண்டுகளில் அனைத்து கண்டங்களும் இணைந்து புதிய கண்டம் உருவாகும்:

noreply@blogger.com (karurkirukkan) — Sat, 11 Feb 2012 08:43:00 +0000

உலகில் 6 கண்டங்கள் உள்ளன. அவை கடல்களால் சூழப்பட்டுள்ளன. அவை நீர் மற்றும் காற்று போக்கால் இழுத்து ஒன்றுடன் ஒன்று மோதும் சூழ்நிலை உருவாக உள்ளது. அதன் மூலம் 'அமாசியா' என்ற ஒரு மிகப்பெரிய புதிய கண்டம் உருவாகும் என புவியியல் நிபுணர்கள் எச்சரிக்கை விடுத்துள்ளனர்.

இது இன்னும் 5 கோடி முதல் 20 கோடி ஆண்டுகளுக்குள் உருவாகும் என கூறியுள்ளனர். அமெரிக்காவின் யாழ் பல்கலைக்கழகத்தின் புவியியல் நிபுணர்கள் ஒரு ஆய்வு மேற்கொண்டனர். அதில் அமெரிக்கா மற்றும் ஆசியா கண்டங்களின் வடக்கு பகுதி நீர் மற்றும் காற்றுப்போக்கினால் இணையும். இதனுடன், ஆர்டிக்கடலும், கரீபியன் கடலும் ஒன்றாக சேரும். இதன் மூலம் மிகப்பெரிய புதிய கண்டம் உருவாகும் என்று நிபுணர்கள் தெரிவித்துள்ளனர்.

மேலும், பூமியின் அடியில் உள்ள பிளேட்டுகள் தற்போது நகர்ந்த வண்ணம் உள்ளன. இதனால் ஆசியா மற்றும் ஐரோப்பா கண்டங்களின் வடக்கு முனை பூமி பிளேட்டுகள் ஒன்றுடன் ஒன்று மோதி நொறுங்கும் அபாயம் உள்ளன. அதுபோன்ற மாற்றங்களினால் ஆஸ்திரேலியா கண்டம் இந்தியாவுடன் இணையலாம். இந்த தகவல்களை ஜேர்னல் நேச்சர் என்ற பத்திரிகையில் யாழ் பல்கலைக்கழக புவியியல் நிபுணர் ரோல் மிட்செல் வெளியிட்டுள்ளார்.

ரூ.5 லட்சம் வரை வருமான வரி உச்சவரம்பு

noreply@blogger.com (karurkirukkan) — Sat, 11 Feb 2012 05:57:00 +0000

2012-13ம் நிதிநிலை அறிக்கையில் தனி நபரின் வருமான வரி உச்சவரம்பு ரூ.5 லட்சமாக உயர்த்தப்பட பரிந்துரை செய்யப்பட்டுள்ளதாக நிலைக்குழு தரப்பில் கூறப்பட்டுள்ளது.

பாஜக தலைவர் யஷ்வந்த் சின்ஹா தலைமையில் அமைக்கப்பட்டுள்ள நிதிக்கான நாடாளுமன்ற நிலைக் குழுவின் பரிந்துரையில், தனி நபர் வருமான வரி உச்சவரம்பை தற்போதுள்ள ரூ.1.80 லட்சத்தில் இருந்து ரூ.5 லட்சமாக உயர்த்த பரிந்துரைக்கப்பட்டுள்ளது.மேலும், ஆண்டுக்கு ரூ. 5 லட்சத்தில் இருந்து 8 லட்சம் வரை வருமானம் பெறுவோர் வெறும் 10 சதவீத வரியையும், 8ல் இருந்து ரூ.20 லட்சம் வரை சம்பாதிப்போர் 20 சதவீத வரியையும் செலுத்தும் வகையில் பரிந்துரையில் கூறப்பட்டுள்ளது. 30 லட்சம் சம்பாதிப்போர் 30 சதவீத வரியை செலுத்த வேண்டும் என்றும் கூறப்பட்டுள்ளது என குழு உறுப்பினர்கள் தெரிவித்துள்ளர்.

தற்போது 5 லட்சம் சம்பாதிப்போர் 10 சதவீதமும், 8 லட்ச ரூபாய் சம்பாதிப்போர் 20 லட்சமும், 8 லட்சத்திற்கு மேல் சம்பாதிப்பவர்கள் 30 சதவீதமும் வரி செலுத்துகின்றனர்.

இந்த புதிய முறை நடைமுறைக்கு வந்தால், ஒவ்வொருவரும் தாங்கள் செலுத்தும் வரித் தொகையில் பாதி அளவிற்கே வரி செலுத்த வேண்டிய நிலை ஏற்படும். மிக அதிகமாக சம்பாதிப்பவர்களுக்கு இன்னும் அதிகளவில் வரி குறையும் வாய்ப்பு ஏற்படுகிறது.

எப்போதும் போல மகளிருக்கு தனி வரி விதிப்பு முறையை கடைபிடிக்கவும், மத ரீதியான அறக்கட்டளை மற்றும் அமைப்புகளுக்கு சொத்துவரை நீக்கவும் பரிந்துரையில் கூறப்பட்டுள்ளது.

மாத்திற்கு 3,000ஆக உயர்த்தும் மஹிந்திரா

noreply@blogger.com (karurkirukkan) — Sat, 11 Feb 2012 05:42:00 +0000

எகிடுதகிடான புக்கிங் காரணமாக ஏற்பட்டுள்ள நெருக்கடியை சமாளிக்க, புதிய எஸ்யூவியின் உற்பத்தியை மாதத்திற்கு 3,000 ஆக உயர்த்த மஹிந்திரா முடிவு செய்துள்ளது.
கடந்த ஆண்டு செப்டம்பரில் குளோபல் பிளாட்பார்மில் வடிவமைக்கப்பட்ட புதிய எஸ்யூவியை மஹிந்திரா அறிமுகம் செய்தது. எக்ஸ்யூவி 500 என்ற பெயரில் வந்த இந்த புத்தம் புதிய எஸ்யூவி எதிர்பாராத அளவில் வரவேற்பை பெற்றுள்ளது.

முதல்கட்டமாக 8,000 எக்ஸ்யூவி 500 புக்கிங் செய்யப்பட்ட நிலையில், உற்பத்தி நெருக்கடியை கருத்தில்க்கொண்டு, புக்கிங்கை திடீரென நிறுத்தியது மஹிந்திரா.

முதலில் மாதத்திற்கு 600 எக்ஸ்யூவிக்கள் மட்டுமே உற்பத்தி செய்யப்பட்டு வந்தது. இந்த நிலையில், புக்கிங் நெருக்கடியை கருத்தில்க்கொண்டு உற்பத்தியை 2,000 ஆக உயர்த்த மஹிந்திரா முடிவு செய்தது.இதைத்தொடர்ந்து, கடந்த மாதம் 25ந் தேதி முதல் கடந்த 3ந் தேதி வரை 10 நாட்களுக்கு இரண்டாம் கட்ட புக்கிங் நடந்தது. மேலும், மாதத்திற்கு 2,500 எக்ஸ்யூவிக்களை புக்கிங் செய்ய மஹிந்திரா திட்டமிட்டது.

ஆனால், யாரும் எதிர்பாராத வகையில், 25,000க்கும் அதிகமான எக்ஸ்யூவி 500 புக்கிங் செய்யப்பட்டது. இதனால், திக்குமுக்காடி போயுள்ள மஹிந்திரா எக்ஸ்யூவியின் உற்பத்தியை மேலும் அதிகரிக்க முடிவு செய்துள்ளது.மாதத்திற்கு 3,000 புதிய எக்ஸ்யூவிக்களை புக்கிங் செய்ய மஹிந்திரா முடிவு செய்துள்ளது. இதன் மூலம், புதிய எக்ஸ்யூவிக்கு ஏற்பட்டுள்ள தேவையை கணிசமாக குறைக்க முடியும் என்று மஹிந்திரா கருதுகிறது.

ட்விட்டரில் தனுஷ் - சிம்பு மோதல்!

noreply@blogger.com (karurkirukkan) — Fri, 10 Feb 2012 13:04:00 +0000

தனுஷும் சிம்புவும் வெளியில் சிரித்துப் பேசி கட்டிப் பிடித்து போஸ் கொடுத்தாலும், உள்ளுக்குள் அப்படி இல்லை என்பது கோலிவுட் அறிந்த சமாச்சாரம்.

கொஞ்ச நாள் அடங்கியிருந்த இவர்களின் பகை, மீண்டும் புகைய ஆரம்பித்துள்ளது, ட்விட்டர் வழியாக.

சமீபத்தில் சச்சின் டெண்டுல்கருக்காக ஒரு பாடலை உருவாக்கியிருந்தார் தனுஷ். இந்தப் பாடல் யு ட்யூபில் வெளியானது. ஆனால் சில மணி நேரங்களில் அந்தப் பாடலை யுட்யூப் நீக்கிவிட்டது. அதற்குள் 4.5 லட்சம் பேர் அந்த வீடியோவைப் பார்த்துவிட்டிருந்தனர்.

உடனே தனுஷ், "அடுத்தவர் துன்பத்தைப் பார்த்து சிலர் சிரித்து மகிழ்கிறார்கள். மனித இனம் அன்பு செலுத்த படைக்கப்பட்டது என்ற உண்மை புரியாத அவர்களைப் பார்த்து நான் சிரிக்கிறேன்," என்று ட்வீட் செய்திருந்தார்.

உடனே சிம்பு தனது ட்விட்டரில், "காப்பி அடிக்கிறதுல சீனாவை விட பயங்கரமா இருக்காங்களே," என்று ட்வீட் பண்ணியிருந்தார்.

அடுத்த சில நிமிடங்களில் தனுஷ்: "பிரதர், அந்தப் பாட்டை சச்சினுக்காக இலவசமாதான் செய்து கொடுத்தேன். பாடல் உருவாக்கத்துக்கான செலவு மட்டும் பூஸ்ட் நிறுவனம் கொடுத்திருக்கு," என்று கூறியிருந்தார்.

உடனே பதிலுக்கு சிம்பு, "உலகில் யாரும் யாருக்கும் எதிரியில்லை. வெற்றிதான் ஒருவரை உலகுக்கு காட்டுகிறது. தோல்வியோ உலகை உனக்குக் காட்டுகிறது," என தத்துவமழை பொழிந்திருந்தார்.

"போங்கப்பா... பொழப்பை சரியா பாருங்க... இல்லன்னா உங்களை ஒருத்தனும் பார்க்க மாட்டான்" - இது குறுக்கில் புகுந்த ஒரு ரசிகரின் கமெண்ட்!

அமர்ந்து வேலை பார்ப்பது உடல் நலனிற்கு ஆபத்தை விளைவிக்கும்

noreply@blogger.com (karurkirukkan) — Fri, 10 Feb 2012 06:28:00 +0000

அதிக நேரம் ஒரே இடத்தில் அமர்ந்து வேலை பார்ப்பது உடல் நலனிற்கு ஆபத்தை விளைவிக்கும் என்று சமீபத்திய ஆய்வு ஒன்றில் தெரியவந்துள்ளது. ஒரு நாளில் பெரும்பாலான நேரம் உட்கார்ந்தே இருப்பவர்களில் 54 சதவீதம் பேருக்கு மாரடைப்பு தாக்க ஏராளமான வாய்ப்புகள் உள்ளதாக எச்சரிக்கின்றது அந்த ஆய்வு முடிவு.

ஒரே இடத்தில் உட்கார்ந்தே இருப்பவர்களுக்கு உடல் பருமன், டைப் 2 நீரிழிவு போன்ற நோய்கள் ஏற்படும் அபாயம் உள்ளது என்பது அனைவரும் அறிந்ததே. ஆனால் புதிதாக நடைபெற்ற ஆய்வில் அதிக நேரம் அமர்ந்த நிலையில் வேலை பார்ப்பது உயிருக்கே ஆபத்தாகும் என்று தெரியவந்துள்ளது. லூசியானாவிலுள்ள பென்னிங்டன் பயோ மெடிக்கல் ஆராய்ச்சி மையத்தை சேர்ந்த விஞ்ஞானிகள் தொடர்ச்சியாக 13 ஆண்டுகள் நடத்திய ஆய்வில் இது தெரியவந்துள்ளது.

ஒரே இடத்தில் நீண்ட நேரம் உட்கார்ந்தே இருப்பவர்களைப் பற்றி மருத்துவர் டேவிட் கேவன் தலைமையிலான குழு ஆய்வு நடத்தியது. ஆண், பெண் என மொத்தம் 17 ஆயிரம் பேரிடம் அவர்கள் ஆய்வு மேற்கொண்டனர். ஆய்வின் முடிவில் பல அதிர்ச்சிகரமான தகவல்கள் வெளியாகியுள்ளன.

மாரடைப்பு ஏற்படும்

ஒரு நாளில் பெரும்பாலான நேரம் உட்கார்ந்தே இருப்பவர்களில் 54 சதவீதம் பேருக்கு மாரடைப்பு தாக்க ஏராளமான வாய்ப்புகளுண்டு என்கிறது ஆய்வு. இது சிகரெட் புகைப்பதைப் போல உயிருக்கு மிகவும் அபாயகரமானது.

சிகரெட் புகைப்பதால் இருதயத்திலும், மூச்சுக் குழாயிலும் கடுமையாக பாதிப்பை ஏற்படுத்தும். இது உயிருக்கு மிக ஆபத்தானது. அதேபோல உட்கார்ந்தே இருப்பதாலும், அதே அளவுக்கு உடலில் ஆபத்து ஏற்படுமாம்.

உயிருக்கு ஆபத்து

ஒரு நாளைக்கு ஆறு மணி நேரத்திற்கும் மேல் ஒரே இடத்தில் உட்கார்ந்தே இருப்பவர்களில் 54 சதவீதம் பேரின் உயிருக்கு ஆபத்து மிக அதிகம். அவ்வாறு உட்கார்ந்தே இருக்கும் போது உடலின் செயல்பாடுகள் ஸ்தம்பித்து ஸ்டோரேஜ் தன்மையை அடைந்து விடுகிறதாம். புளி மூட்டையை தூக்கி வைத்தது போல உடல் செயலிழந்து தேக்க நிலையில் இருக்குமாம். அது செயல்படும் திறனை இழந்துவிடுகிறது. இதனால் உடலின் முக்கியமான உறுப்புகள் பாதிக்கப்பட்டுவிடும். மொத்தத்தில் உயிருக்கு ஆபத்தான சூழ்நிலையை ஏற்படுத்திவிடும் என்கிறது ஆய்வு.

அடிக்கடி நடங்க

நீண்ட நேரம் உட்கார்ந்தே வேலை பார்க்க வேண்டாம். அதையும் மீறி உட்கார வேண்டிய சூழ்நிலை ஏற்பட்டால் இடையிடையே சில நிமிடங்கள் எழுந்து நின்று கொள்ளுங்கள். சிறிது தூரம் நடக்க வேண்டும். இவ்வாறு செய்வதால் உடலில் ரத்த ஓட்டம் சீரடையும். உடலில் ரத்த ஓட்டம் ஸ்டோரேஜ் நிலையை அடையாது, உயிருக்கும் ஆபத்தில்லை என்று டிப்ஸ் தருகிறார் டாக்டர் டேவிட் கேவன்

நடிகை நயன்தாரா குடும்பத்தினர் கண்டனம் பிரபுதேவாவுக்கு

noreply@blogger.com (karurkirukkan) — Wed, 08 Feb 2012 09:37:00 +0000

நயன்தாராவும் பிரபுதேவாவும் காதல் முறிந்து பிரிந்துள்ளனர். பிரபு தேவா திருமணத்துக்கு சம்மதிக்காததால் பிளவு ஏற்பட்டதாக கூறப்படுகிறது. திருமணத்துக்காகவே நயன்தாரா சினிமாவுக்கு முழுக்கு போட்டார். இந்துவாகவும் மதம் மாறினார்.ஆனால் அவருக்கு ஏமாற்றமே மிஞ்சியது. பிரபுதேவா திருமணத்துக்கு தயாராக இல்லை என்பது அவருக்கு தாமதமாகவே தெரிந்தது.

இதையடுத்து அவரை உதறிவிட்டு மீண்டும் சினிமாவில் நடிக்க வந்துள்ளார். நாகார்ஜுனா ஜோடியாக தெலுங்கு படத்தில் ஒப்பந்தமாகியுள்ளார். அஜீத்துடனும் தமிழ் படமொன்றில் நடிக்க உள்ளார். இதற்கிடையில் நயன்தாரா குடும்பத்தினர் பிரபு தேவா மீது பரபரப்பான குற்றச்சாட்டுகளை கூறியுள்ளனர்.நயன்தாராவின் ஊரான கேரள மாநிலம் திருவல்லாவில் வசிக்கும் அவரது சித்தி, சித்தப்பா மற்றும் உறவினர்கள் கூறியதாவது:-

பிரபுதேவா எங்கள் குடும்பத்து பெண் நயன்தாராவை ஏமாற்றி விட்டார். அவள் நாங்கள் தூக்கி வளர்த்த பெண். இப்படி அவள் நிலைமை ஆகும் என்று எதிர்பார்க்கவில்லை.நயன்தாராவுக்கு பிடிவாத குணம் ஜாஸ்தி என்கின்றனர்.அது தவறு.அவள் வெகுளியானவள்.முதலில் சிம்புவிடம் ஏமாந்தாள்.இப்போது பிரபு தேவாவிடம் ஏமாந்து இருக்கிறாள்.

சிம்பு வல்லவன் படம் எடுத்த போது பண நெருக்கடி ஏற்பட்டது அப்போது அவருக்கு நயன்தாரா உதவினார்.ஆனாலும் சிம்பு ஏமாற்றி விட்டார். அவரை பிரிந்து பிரபுதேவாவிடம் வந்ததும் இனியாவது சந்தோஷமாக இருப்பாள் என்று எதிர்பார்த்தோம். இங்கும் அவள் நிலைமை பரிதாபமாகி உள்ளது. பிரபுதேவாவை நயன்தாரா ரொம்ப நம்பினாள்.

ரம்லத்தை பிரபுதேவா விவாகரத்து செய்வதற்கு பணம் தந்தது யார் என்பது அவரவர் மனசாட்சிக்கு தெரியும். பிரபுதேவா இயக்கிய எங்கேயும் காதல் படத்துக்காகவும் நயன்தாரா பணம் பறி போனது. அவர்களுக்கு பணம்தான் முக்கியமாக இருந்ததே தவிர நயன்தாராவின் பாசம் அல்ல. நயன்தாரா இனி மேல் சினிமாவில் நடிக்க மாட்டேன் என்று சொன்னதுதான் அவர்களுக்கு ஏமாற்றமாக இருந்து இருக்கும்.

எல்லா பணத்தையும் ஏமாற்றி வாங்கிவிட்டனர். இப்போது எதுவும் இல்லை என்று தெரிந்ததும் கழற்றி விட்டு விட்டார்கள். நயன்தாரா சினிமாவை விட்டு வந்தால் எங்கள் குடும்பத்திலேயே நல்ல பையனை பார்த்து திருமணம் செய்து வைக்க தயாராக இருக்கிறோம்.

சச்சினுக்காக தனுஷ் உருவாக்கி இருக்கும் 'SACHIN ANTHEM'...

noreply@blogger.com (karurkirukkan) — Wed, 08 Feb 2012 09:11:00 +0000

செல்போனில் 'சீன் படம்' பார்த்த 3 பாஜக அமைச்சர்கள்- ராஜினாமா

noreply@blogger.com (karurkirukkan) — Wed, 08 Feb 2012 05:30:00 +0000

கர்நாடக சட்டசபை கூட்டம் நடந்து கொண்டிருக்கையில் செல்போனில் 3 பாஜக அமைச்சர்கள் ஆபாச வீடியோ பார்த்துக் கொண்டிருந்ததால் பரபரப்பு ஏற்பட்டது.

கர்நாடக சட்டசபை கூட்டம் விதான சௌதாவில் நேற்று நடந்து கொண்டிருந்தது. அப்போது தூர்தர்ஷன் மற்றும் பல்வேறு தனியார் டிவி சேனல்களும் சபை நிகழ்வுகளை ஒளிப்பதிவு செய்து கொண்டிருந்தன.

அப்போது, சட்டசபையில் முன் வரிசையில் அமர்ந்திருந்த கூட்டுறவுத் துறை அமைச்சர் லக்ஷ்மன் சாவாதி தனது செல்போனில் ஆபாச வீடியோ பார்த்துக் கொண்டிருந்தார். இதை தனியார் சேனலின் கேமராமேன் அப்படியே 'ஷூம்' செய்ய, ஒரு கருப்பு சேலை அணிந்த பெண் கொஞ்சம் கொஞ்சமாக உடைகளைக் கழற்றி எறியும் காட்சிகள் வந்தன.

அதைத் தொடர்ந்து இன்னொரு வீடியோவில் ஒரு பெண்ணும் சில ஆண்களும் உடலுறவில் ஈடுபடும் காட்சிகளும் வந்தன. இதை அமைச்சர் லக்ஷ்மன் சாவாதியும் அவருக்குப் பக்கத்தில் உட்கார்ந்திருந்த பெண்கள் மற்றும் குழந்தைகள் நலத்துறை அமைச்சர் சி.சி.பாட்டில் ஆகியோரும் பார்த்து என்ஜாய் செய்கின்றனர்.மேலும் சுற்றுச் சூழல் துறை மற்றும் துறைமுகத்துறை அமைச்சர் கிருஷ்ணா பாலிமரும் இதை எட்டிப் பார்க்கிறார்.

சட்டசபை நடந்து கொண்டிருந்தபோதே கிட்டத்தட்ட 15 நிமிடங்கள் இந்த வீடியோவை அமைச்சர்கள் திரும்பத் திரும்ப பார்த்துக் கொண்டிருந்தனர்.அமைச்சர்களின் இந்த வீடியோ குஜால் காட்சிகள் நேற்றிரவு வெளியாகி பெரும் பரபரப்பை ஏற்படுத்தியது. ஏற்கனவே பிரச்சனையில் உள்ள பாஜக அரசுக்கு அமைச்சர்களின் நடவடிக்கைகள் அவப்பெயர் வாங்கிக் கொடுத்துள்ளது.

இதையடுத்து சாவாதி செய்தியாளர்களிடம் கூறுகையில், அது என்னுடைய செல்போனே அல்ல. அது அமைச்சர் பாலிமாருடையது. அது ஒன்றும் ஆபாச வீடியோ இல்லை. ஒரு வெளிநாட்டில் ஒரு பார்ட்டியில் பெண்ணை பலர் சேர்ந்து பாலியல் பலாத்காரம் செய்து கொல்லும் வீடியோவைக் காட்டினார். கர்நாடகத்திலும் அது போன்ற பார்ட்டிகள் நடப்பதும், இதனால் நமது கலாச்சாரம் கெடுவதும் குறித்து கவலைப்பட்ட நான் அந்த வீடியோவைப் பார்த்தேன். உண்மையில் அது ஆபாச வீடியோவே அல்ல என்றார்.ஆனால், அது ஒரு புளு பிலிம் வீடியோ என்பதும், ஒரு பிளாக் ஸ்பாட்டில் இருந்து டெளன்லோட் செய்யப்பட்டது என்பதையும் தொலைக்காட்சிகள் விவரமாக சுட்டிக் காட்டியுள்ளன.இந் நிலையில் அது என்னுடைய செல்போன் அல்ல என்று அமைச்சர் பாலிமார் கூறியுள்ளார்.

இந் நிலையில் இந்த விவகாரம் குறித்து பாஜக தலைவர் நிதின் கட்காரி நேற்றிரவு முதல்வர் சதானந்த கெளடா, மாநில பாஜக தலைவர் ஈஸ்வரப்பா ஆகியோருடன் தொலைபேசியில் பேசினார்.
அப்போது, இந்த மூன்று அமைச்சர்களையும் பதவி விலக வைக்காவிட்டால் உத்தரப் பிரதேசம் உள்ளிட்ட மாநிலங்களில் நடக்கும் சட்டமன்றத் தேர்தல்களில் பாஜகவுக்கு பெரும் பிரச்சனையாகிவிடும் என எச்சரித்ததாகத் தெரிகிறது.

இதைத் தொடர்ந்து 3 அமைச்சர்களும் இன்று காலை தங்களது பதவிகளை ராஜினாமா செய்துவிட்டனர்.முன்னதாக சட்டசபையில் இருந்த கேமராமேன்களில் ஒருவர் கூறியதாவது, கூட்டம் முடிவதற்கு 15 நிமிடங்கள் இருக்கையில் அமைச்சர் சாவாதி எங்கள் பக்கம் அடிக்கடி திரும்பினார். இதனால் சந்தேகம் அடைந்து அவர் இடத்தை ஜூம் செய்தபோது அவர் ஆபாச வீடியோ பார்த்துக் கொண்டிருந்தது தெரிய வந்தது என்றார்.

கோச்சடையான் தான் எனக்கு போட்டி : பவர் ஸ்டார்

noreply@blogger.com (karurkirukkan) — Wed, 08 Feb 2012 04:52:00 +0000

தமிழ் சினிமாவில் அவ்வப்போது ஒருவர் எப்படியாவது பிரபலமாகி விடுவர். அந்த வகையில் எடுப்பான பல்லும், துடிப்பான முகமும், தடிப்பான உருவமும், தலையை கோதி விடும் ஸ்டைலும், கமல் முதல் கவர்னர் சந்திப்பு என்று பவர் ஸ்டார் என்ற பட்டதோடு உலா வரும் டாக்டர்.சீனிவாசனின் சிறப்பு பேட்டி உங்களுக்காக. இதோ அவரே பேசுகிறார் கேளுங்கள்...

மதுரையில் சிம்மக்கல்லில் 10 வருடங்களாக அக்குபஞ்சர் மருத்துவம் பார்த்து வந்த என்னை நோயாளியாக வந்த ஒருவர், நீங்கள் சினிமாவில் நடித்தால் சூப்பரா இருக்கும் என்று உசுபேத்தி விட நானும் கிளம்பி கோடம்பாக்கம் வந்தேன். வந்த சில நாட்களிலேயே லத்திகா என்ற கதையை ரெடி பண்ணி, நானே இயக்கி நடித்தேன். படமும் சூப்பரா 225 நாட்கள் ஓடி சாதனை படைத்தது. அடுத்து கொஞ்ச இடைவெளியில் ஆனந்த தொல்லை படம் வெளியாக உள்ளது. இந்தபடத்தில் வில்லனாக நடிக்கிறேன். எனக்கு ஜோடியா வாணி விஸ்வநாத் நடிக்கிறாங்க.

என்னை பொறுத்த வரை ஏனோ தானோ என்று படம் பண்ண விருப்பம் இல்லை. நல்ல கதை தான் ரொம்ப முக்கியம். இந்த படத்தை அடுத்து தேசிய நெடுஞ்சாலை என்ற படத்தில் நடிக்கிறேன். இதில் சங்கவி தான் என் ஜோடி. படத்தை நானே இயக்கி நடிக்கிறேன். இதற்கு அடுத்து படைத்தலைவன். இந்தபடம் ஒரு போலீஸ் ஸ்டோரி. மாரி மைந்தன் இப்படத்தை இயகுகிறார். கே.எஸ்.ரவிக்குமார் சார் படத்தில் நடிக்க ஆசை உள்ளது. அதை விட ரொம்ப முக்கியம் சங்கவி மாதிரி ஒரு ஆர்ட்டிஸ்ட் கிடைத்தால் மன்மா ராசா பாட்டு மாதிரி, என்னாலையும் ஆட முடியும். இதற்காக இப்போ பரதம் உள்ளிட்ட நடனம் எல்லாம் கத்துக்குகிட இருக்கேன்.

சினிமா மட்டும் இல்ல, சொந்தமா பிசினஸ் இருக்கு, கிளினிக்கு இருக்கு, அதை தவிர எனக்கு கல்லூரி மாணவர்கள் ரசிகர்கள் அதிகம். அவங்க கல்சூரல் விழாக்களுக்கு நான் கலந்துகிட சொல்லி வர்புறுத்துராங்க. நானும் போய் ‌ஜாலியா இருந்துட்டு வரேன். தமிழ் சினிமாவில் நல்ல கதை உள்ள படங்கள் பண்ணி மக்கள் கிட்ட கொண்டு போய் சேர்க்க விரும்புகிறேன். எனக்கு பெண் ரசிகர்கள் ரொம்ப இருக்காங்க. பவர் ஸ்டார் படத்தில் நல்ல கதை இருக்கும் என்று நிறைய பேர் படம் பார்க்க வர்றாங்க. அப்ப நீங்க தான் அடுத்த எம்.ஜி.ஆரா என்று கேட்காதீங்க. நான் அப்படி சொல்ல வரவில்லை. அவருக்கு அடுத்து நான் தான் வருவேன். இன்னும் ரசிகைகள் மனதில் இடம் பிடிப்பேன். அப்படின்னா உங்களுக்கு அரசியல் ஆசை இருக்குமோன்னு தோணும், சொன்ன நம்பமாட்டீங்க, எனக்கு ரசிகர் மன்றம் வைக்க கேட்டு ரசிகர்கள் ‌தொல்லை பண்றாங்க. ஆனால் நான் தான் இப்போதைக்கு மன்றம் எல்லாம் வேண்டாம் என்று முடிவு செய்துள்ளேன். என்னால் முடிஞ்ச வரைக்கும் நல்லது பண்ணிகிட்டு இருக்கேன்.

இந்த சினிமாவிற்குள் நான் வந்தது ரொம்ப பெரிய விஷயம். பொது இடங்களில் என்னை பார்த்தால் உடனே பவர் ஸ்டார்ன்னு எல்லோரும் ஓடி வராங்க. லத்திகா படத்தில் நடிச்ச காட்சியை சொல்லி நடிச்சு காட்ட சொல்றாங்க. அந்தளவிற்கு மக்கள்கிட்ட நான் ரீச் ஆகியிருக்கேன். எனக்கு கூட ஒரு சமயம் பாரதிராஜா சார் படத்தில் நடிக்க வேண்டும் என்று தோணுச்சு, அப்புறம்தான் அவர்கிட்ட போய் வாய்ப்பு கேட்டு நிக்குறது பதிலா நாமலே படம் டைரக்ட் செய்யலாம் என்று முடிவு பண்ணி, படம் இயக்க தொடங்கினேன். இப்பகூட தினமும் பத்து கதைகள் கேட்கிறேன், ஆனால் எனக்கு செட் ஆனா மட்டும் தான் அந்த கதையில் நடிக்க ஒப்புக்கொள்கிறேன்.

இப்போதைக்கு என் படங்கள் எல்லாம் நல்லா வந்திருக்கு. பவர்ஸ்டாரின் படத்துக்கு ஒரே போட்டி படம் என்றால் அது சூப்பர் ஸ்டார் ரஜினிகாந்தின் கோச்சடையான் படம் தான். சென்னையில் மட்டும் எனக்கு 5லட்சம் ரசிகர்கள் இருக்காங்க. இதுமாதிரி பல ஊர்களிலும் எனக்கு ரசிகர்கள் இருக்காங்க. என்னுடைய பலமே என் ரசிகர்கள் தான். தொடர்ந்து நல்ல கதையம்சம், நல்ல கருத்துள்ள படங்களை பண்ணுவேன் என்று சொல்லி முடித்த பவர்ஸ்டார் சீனிவாசன், சமீபத்தில் கமல்ஹாசனுடன் எடுத்துக்கொண்ட போட்டோவையும், கவர்னருடனும் எடுத்து கொண்ட போட்டோவையும் என்னால் மறக்க முடியாது என்று சொல்லி முடித்தார்.

ஆக இனி பவர் ஸ்டாரின் படங்கள் தமிழ் சினிமாவில் 200, 300 நாட்கள் ஓட வாய்பிருக்கு என்று சொல்லி வைப்போம்.

60 புதிய அப்ளிகேஷன்களை வெளியிடும் ஃபேஸ்புக்!

noreply@blogger.com (karurkirukkan) — Tue, 07 Feb 2012 15:22:00 +0000

உலகெங்கிலும் வெற்றிகரமாக உலா வந்து கொண்டிருக்கும் ஃபேஸ்புக் பற்றி ஓர் ஆச்சர்ய மூட்டும் தகவல் இங்கே. ஃபேஸ்புக்கின் டைம்லைன் ப்ரோஃபைலில் 60 புதிய அப்ளிக்கேஷன்களை வழங்கி அசத்த உள்ளது ஃபேஸ்புக். இது சற்று மூச்சு திணற வைக்கும் விஷயம் தான்.

அப்படி அந்த 60 அப்ளிக்கேஷன்களில் என்ன புதுமை என்று தெரிந்து கொள்ள ஆவலாக இருப்பவர்களுக்கு புதிய அப்ளிக்கேஷன்கள் பற்றிய சில தகவல்கள். ஆட்டோடிரேடர் என்ற இந்த அப்ளிக்கேஷன் மூலம் கார் பற்றிய தகவல்களை பகிர்ந்து கொள்ளலாம். கலை நுட்ப வேலைபாடுகளை பகிர்ந்து கொள்ள இதில் ஆர்ட்ஃபைன்டர் என்ற அப்ளிக்கேஷன் உருவாக்கப்பட்டுள்ளது.

இந்த ஆர்ட்ஃபைன்டர் ஆப்ஸ் மூலம் கேலரீஸில் இருந்து விரும்பிய புகைப்படங்களை அப்லோட் செய்யலாம். இது போல் சவுன்டுக்ளவுடு, ஃபுட்ஸ்பாட்டிங், ஃபூட்ளி, டிக்கெட்மாஸ்டர், பின்ட்ரெஸ்டு, ரோட்டன், டொமேட்டோஸ், போஸ், கோபோ, கோகோபாட், ட்ரிப் அட்வைசர் என்று வித்தியாசமான 60 புதிய அப்ளிக்கேஷன் வசதிகளை, டைம்லைன் பக்கத்திற்காக உருவாக்கி இருக்கிறது ஃபேஸ்புக்.

டிஸைன், ஷாப்பிங், ஃபேஷன் போன்றவைகளை பற்றிய தகவல்களை பகிர்ந்து கொள்ள விரும்புபவர்கள் பின்ட்ரெஸ்டு அல்லது போஸ் அப்ளிக்கேஷனையும், சமையல் பற்றிய செய்திகளை பரிமாறிக்கொள்ள ஃபூட்ளி ஆப்ஸையும் தேர்வு செய்து கொள்ளலாம். கோகோபாட் மற்றும் ட்ரிப் அட்வைஸர் அப்ளிக்கேஷன் மூலம் விருப்பமான இடம் பற்றிய தகவல்களை பகிர்ந்து கொள்ளலாம். இப்படி பல அரிய வகை அப்ளிக்கேஷன்களை டைம்லைன் பக்கத்திற்காக உருவாக்கி உள்ளது ஃபேஸ்புக்.

https://www.facebook.com/about/timeline/apps

பிரதமராகும் ஆசை எனக்கில்லை: ராகுல் காந்தி

noreply@blogger.com (karurkirukkan) — Tue, 07 Feb 2012 03:02:00 +0000

பிரதமராக வேண்டும் என்று அனைத்து அரசியல் தலைவர்களும் விரும்புகின்றனர். ஆனால் நான் விரும்பவில்லை என்று காங்கிரஸ் பொதுச் செயலாளர் ராகுல் காந்தி தெரிவித்துள்ளார்.

உத்தர பிரதேசத்தில் வரும் 8ம் தேதி முதல் மார்ச் 3ம் தேதி வரை 7 கட்டங்களாக சட்டசபை தேர்தல் நடக்கிறது. இதையொட்டி ஆளும் பகுஜன் சமாஜ் கட்சி, காங்கிரஸ், சமாஜ்வாடி கட்சி, பாஜக உள்பட பல்வேறு அரசியல் கட்சிகள் போட்டி போட்டுக்கொண்டு பிரச்சாரம் செய்து வருகின்றன. காங்கிரஸ் கட்சியின் பொதுச் செயலாளர் ராகுல் காந்தி தீவிர வாக்கு சேகரிப்பில் ஈடுபட்டுள்ளார்.

பிரச்சாரக் கூட்டம் ஒன்றில் கலந்து கொண்ட ராகுல் பேசியதாவது,

எனக்கு எதிராக கோஷங்கள் எழுப்ப பாபா ராம்தேவ் குண்டர்களை அனுப்பி வைக்கிறார். ஆனால் நான் யாருக்கும் பயப்பட மாட்டேன். உத்தர பிரதேச அரசு மக்களுக்கு மதிப்பு கொடுப்பதில்லை. அரசு தங்களை ஏமாற்றிவிட்டதாக மக்கள் என்னிடம் தெரிவிக்கின்றனர். பிரதமராக வேண்டும் என்று அனைத்து அரசியல் தலைவர்களும் விரும்புகின்றனர். ஆனால் நான் விரும்பவில்லை. கடந்த 22 ஆண்டு காலமாக அவதிப்படும் இந்த மாநில மக்களுக்கு ஒரு விடிவுகாலம் ஏற்படவே நான் பாடுபடுகிறேன்.

வெளிப்படையாக கூறுவது என்றால் தேர்தல் முடிவுகள் பற்றி எனக்கு கவலை இல்லை. கடந்த 22 ஆண்டுகளாக உத்திரபிரதேசத்தில் நடைபெற்று வருவது பெரும் குற்றமாகும். மோசமான ஆட்சியை ஏற்றுக்கொள்ளாமல் இருப்பது நமது கடமையாகும்.

மாநில மக்கள் மீது ஆட்சியாளர் விளையாட்டு நடத்தி உள்ளனர். மாநிலத்தின் மக்களின் கவுரவத்தை மீட்பதே முக்கிய நோக்கமாகும். இந்த மாநிலத்தில் மக்களின் சக்தியை நான் உணர்ந்து கொண்டுள்ளேன்.

உத்திரபிரதேசத்தை மாற்ற வேண்டும் என்பதே எனது நோக்கமாகும். 2012, 14 தேர்தல்களில் இதற்காக முயல்வேன். உத்திரபிரதேசம் மீண்டும் தனது சொந்த காலில் நிற்கும் வரை ஓயமாட்டேன்.

இதற்கிடையே, ராகுலுக்கு எதிராக தான் யாரையும் ஏவிவிடவில்லை என்று பாபா ராம்தேவ் தெரிவித்துள்ளார். ராகுல் ஏன் கருப்புப் பணத்தை பற்றி பேசவேயில்லை என்றும் அவர் கேள்வி எழுப்பியுள்ளார்.

கூகுளின் உயர் அதிகாரி டிவிட்டரில்

noreply@blogger.com (karurkirukkan) — Mon, 06 Feb 2012 07:47:00 +0000

எந்த ஒரு தகவல்களை தேடுவதாக இருந்தாலும் கூகுளில் தட்டினால் போதும், உடனே தகவல்கள் இருக்கும் இடம் தேடி வந்து குவிகின்றது. ஆயிரக்கணக்கான தகவல்களை கொடுக்கும் கூகுள் நிறுவனத்தின் ஆசியா-பசிஃபிக் ஆப்பரேஷன் மேனேஜிங் டைரக்டரான சைலேஷ் ராவ், டிவிட்டரில் இணைகிறார் என்பது இன்றைய ஹாட் நியூஸ்.

கூகுள் எந்த அளவு புகழ் பெற்ற நிறுவனமோ அந்த அளவு டிவிட்டரும் புகழ் பெற்ற சோஷியல் மீடியா. இரண்டுமே தொழில் நுட்ப உலகில் ஜொலிக்கும் நட்சத்திரங்கள். கூகுளின் மேனேஜிங் டைரக்டரான சைலேஷ் ராவ், டிவிட்டரில் இணைவதற்கு கூகுள் நிறுவனம் பெருந்தன்மையாக வாழ்த்து தெரிவித்து இருக்கிறது.

கூகுள் உயர் அதிகாரியாக இருந்த சைலேஷ் ராவின் கடுமையான உழைப்பிற்கு நன்றி சொல்லி இருக்கிறார், இந்தியாவின் கூகுள் செய்தி தொடர்பாளர். 41 வயதான சைலேஷ் ராவ் டிவிட்டரில், சர்வதேச துணைத் தலைவராக பதவி ஏற்கிறார். கடந்த சில வாரங்களாக சென்சார் டிவீட்டுகள் பற்றி காரசாரமான தகவல்கள் வெளியாகி கொண்டு இருக்கிறது. இதனால் டிவிட்டரில் சில புதிய வசதிகள் உருவாக்கப்படும் என்று எதிர் பார்க்கப்படுகிறது.

ஏனெனில் டிவீட் செய்யப்படும் கருத்துக்களில் சில விஷயங்கள், மற்ற நாடுகளுக்கு எதிரான கருத்துக்களை வெளியிடுவதாக சில தகவல்கள் வெளி வந்தது. இது போன்ற பிரச்சனைகளை தடு்க்க சென்ஸார் வசதிகளை உருவாக்க போவதாக கூறி இருந்தது டிவிட்டர். புதிதாக டிவிட்டரில் பதவி ஏற்றிருக்கும் சைலேஷ் ராவ் இது போன்ற சவால் நிறைந்த யுக்திகளை சமாளிக்க வேண்டி இருக்கிறது. கூகுளில் வெற்றிகரமாக பணியாற்றிய சைலேஷ் ராவ் டிவிட்டரிலும் பல புதிய சாதனைகளை படைப்பார் என்று நம்பப்படுகிறது.

புவியியல் படிப்பவர்களுக்கு பணி வாய்ப்புகள் காத்திருக்கின்றன

noreply@blogger.com (karurkirukkan) — Mon, 06 Feb 2012 02:44:00 +0000

புவியியல் படித்தவர்களுக்கு தற்போது நாடு முழுவதும் பல்வேறு வேலைவாய்ப்புகள் உள்ளது. அதாவது, முதலில் புவியியல் துறையில் இருக்கும் பலவிதமான படிப்புகள், அதன்வழியான பணிவாய்ப்புகள் பற்றி தெரிந்தால்தான், மாணவர்கள், இத்துறையில் தங்களுக்கான பிரிவு எது என்பதை முடிவுசெய்து, சிறப்பாக படித்து, நல்ல வேலை வாய்ப்புகளைப் பெற முடியும்,

இந்தியா முழுவதுமுள்ள பல்கலைகளில், புவியியல் படிப்பு பரவலாக வழங்கப்படுகிறது. இளநிலை புவியியல் படிப்பின் பாடத்திட்டமானது, பொதுவாக, பாறையியல், பருவநிலை, கடலியல், மனித புவியியல், வளப் புவியியல், தெற்காசிய புவியியல், Map தயாரித்தல், அளவீடு மற்றும் சர்வே தொழில்நுட்பங்கள், ரிமோட் சென்சிங் மற்றும் புவியியல் தகவல்தொடர்பு அமைப்பு(Geographic Information System - GIS) ஆகியவற்றின் விதிமுறைகளைக் கொண்டுள்ளது. புவியியல் துறையில், BA மற்றும் B.Sc ஹானர்ஸ் படிப்பில், வரலாறு, பொருளாதாரம் மற்றும் கணிதம் உள்ளிட்ட பாடங்கள், பொதுவாக, துணைநிலைப் பாடங்களாக இருக்கின்றன.

புவியியல் துறை பிரிவுகளின் ஏதேனும் ஒன்றில் ஒருவர் சிறப்புத்துவத்தை(specialisation) மேற்கொள்ள, ஒரு மாணவர் முதுநிலைப் படிப்பை மேற்கொள்ள வேண்டும். பல பல்கலைக்கழகங்கள், 2ம் வருடத்தில், ஏதேனும் ஒரு பிரிவில் சிறப்பு படிப்பை மேற்கொள்ள ஒரு மாணவரை அனுமதிக்கின்றன. புவியியல் படிப்பில் முதுநிலைப் பட்டம் பெற ஒரு கல்வி நிறுவனத்தில் சேர விரும்பும் ஒரு மாணவர், அவர் விரும்பும் பிரிவு அந்தக் கல்வி நிறுவனத்தில் இருக்கிறதா? என்பதை முதலில் தெரிந்துகொள்ள வேண்டும்.

புவியியல் படிப்பில் முதுநிலைப் பட்டம் வைத்துள்ளவர்கள், ஆராய்ச்சி படிப்புகள் உள்ளிட்ட மேல்நிலைப் படிப்புகளுக்கும் செல்லலாம் மற்றும் அதன்மூலம் ஆசிரியர் பணியிலும் ஈடுபடலாம். ஆனால், வேலை வாய்ப்பினை பெற அவர்களுக்கு சிறிது பயிற்சி தேவைப்படும். புவியியல் துறையின் பயன்பாடுகள் மற்றும் முக்கியத்துவம் பற்றி இந்தியாவில் இன்னும் சரியாகவும், முழுமையாகவும் அறியப்படவில்லை.

இந்தியா எதிர்நோக்கியிருக்கும் பொது கொள்கை வகுப்பு சவால்கள் மற்றும் சமூகப் பிரச்சினைகளில் புவியியல் பயன்படுத்தப்பட்டால்தான், இதன் முக்கியத்துவம் இந்நாட்டில் கூடும் என்று கல்வியாளர்கள் கூறுகிறார்கள்.

யுவராஜ் சிங்குக்கு கேன்சர் உறுதி

noreply@blogger.com (karurkirukkan) — Sun, 05 Feb 2012 19:32:00 +0000

இந்திய கிரிக்கெட் அணியின் ஆல்ரவுண்டர் யுவராஜ் சிங்குக்கு நுரையீரலில் கேன்சர் கட்டி இருப்பது உறுதியாகி உள்ளது. இதற்காக அவர் அமெரிக்காவில் ஹீமோதெரபி சிகிச்சை பெற்று வருகிறார். இந்திய அணியின் சிறந்த ஆல்ரவுண்டரான யுவராஜ் சிங் உலக கோப்பை தொடருக்கு பிறகு உடல் நலக்குறைவால் சர்வதேச போட்டியில் விளையாடாமல் இருந்தார். உலக கோப்பை தொடரில் அபாரமாக ஆடி தொடர் நாயகன் விருது வென்ற இவர், கேன்சர் நோயால் பாதிக்கப்பட்டிருப்பதாக கடந்த அக்டோபரில் செய்திகள் வெளியாயின.

இதனை யுவராஜ் சிங்கும், அவரது தாயாரும் மறுத்தனர். ‘நுரையீரலில் சிறிய கட்டி ஏற்பட்டுள்ளது. மருந்திலேயே அதனை குணப்படுத்திவிடலாம்‘ என்றனர்.
இந்நிலையில், யுவராஜுக்கு நுரையீரலில் கேன்சர் கட்டி இருப்பது தற்போது உறுதியாகி உள்ளது. இதற்காக அவர் கடந்த மாதம் 26ம் தேதி முதல் அமெரிக்காவின் பாஸ்டன் நகரில் உள்ள பிரபல கேன்சர் இன்ஸ்டிடியூட்டில் சிகிச்சை பெற்று வருகிறார்.

இது குறித்து அவரது பிசியோதெரபிஸ்ட் ஜடின் சவுத்ரி நிருபர்களிடம் கூறியதாவது: யுவராஜுக்கு ஏற்பட்டிருப்பது, அரிதான கேன்சர் கட்டி. ஆரம்ப கட்டத்திலேயே கண்டுபிடிக்கப்பட்டுள்ளதால் குணப்படுத்திவிட முடியும். கடந்த 26ம் தேதி முதல் யுவராஜுக்கு ஹீமோதெரபி சிகிச்சை அளிக்கப்பட்டு வருகிறது. இதன் மூலம் ரத்தத்தில் உள்ள கேன்சர் கிருமிகளை விரைவில் அழித்து விடலாம் என டாக்டர்கள் தெரிவித்துள்ளனர்.

இது 100 சதவீதம் குணப்படுத்தக் கூடிய கேன்சர்தான். அதனால் யுவராஜுக்கு எந்த ஆபத்தும் இல்லை. சிகிச்சை முடிந்து, வரும் மே மாதம் அவர் மீண்டும் கிரிக்கெட் விளையாட வந்து விடுவார். இவ்வாறு ஜடின் சவுத்திரி கூறியுள்ளார். இதற்கிடையே, யுவராஜ் விரைவில் குணமடைந்து மீண்டும் விளையாட வரவேண்டுமென அரசியல் தலைவர்களும் விளையாட்டு வீரர்களும் வாழ்த்து தெரிவித்துள்ளனர். குஜராத் முதல்வர் நரேந்திர மோடி அளித்த பேட்டியில், ‘யுவராஜுக்கு கேன்சர் உறுதியாகியிருப்பதை கேள்விப்பட்டு வருந்துகிறேன். ஆனாலும் அவர் விரைவில் குணமடைந்து மீண்டும் தனது அதிரடியான ஆட்டத்தை வெளிப்படுத்த வேண்டுமென பிரார்த்தனை செய்கிறேன்’ என்றார். டென்னிஸ் வீரர் போபண்ணா, கிரிக்கெட் வீரர் ஸ்ரீசாந்த் கூறுகையில், ‘யுவராஜ் விரைவில் குணமடைவார் என நம்புகிறோம்’ என்றனர்.

ரஜினியை கடுமையாக சாடியுள்ளார் சாரு நிவேதிதா.

noreply@blogger.com (karurkirukkan) — Sun, 05 Feb 2012 13:41:00 +0000

சினிமா நடிகர்களை வைத்து இலக்கியக் கூட்டங்களை நடத்தும் போக்கு அதிகரித்து விட்டதாக சூப்பர் ஸ்டார் ரஜினிகாந்த்தை சாடியுள்ளார் சர்ச்சை எழுத்தாளரான சாரு நிவேதிதா.

ஒரு பெண்ணிடம் சாட்டில் சாரு நிவேதிதா அநாகரீகமாக பேசினார் என்று முன்பு சர்ச்சை வெடித்தது. இதனால் அவரது ரஜினி விமர்சனம் ரசிகர்களை கோபத்தில் ஆழ்த்தியுள்ளது.

எழுத்தாளர் எஸ்.ராமகிருஷ்ணன் கனடா நாட்டின் இயல் விருது பெற்றிருக்கிறார். இதற்கான பாராட்டு விழா சென்னையில் நடந்தது. இதில் எழுத்தாளர்கள், திரை நட்சத்திரங்கள் கலந்து கொண்டனர். சிறப்பு விருந்தினராக ரஜினிகாந்த் கலந்து கொண்டார். மிகச் சிறப்பான உரையையும் அவர் கொடுத்திருந்தார்.

ஆனால் தற்போது ரஜினியை கடுமையாக சாடியுள்ளார் சாரு நிவேதிதா. அவர் எழுதிய ஒரு புத்தகத்தின் விமர்சனக் கூட்டத்தை சென்னையில் நடத்தினர்.இந்த விழாவில் நிவேதிதா பேசுகையில், ஒரு எழுத்தாளன் அதிக வாசகர்களைக் கொண்டு கூட்டம் நடத்தி விட்டார். அவரை மிஞ்சி நிற்க வேண்டும் என்ற நோக்கில், நூல் வெளியீட்டுக் கூட்டங்களையும், விமர்சனக் கூட்டங்களையும் நடத்தும் போக்கு, தமிழ் இலக்கியவாதிகள் மத்தியில் நிலவுகிறது. அதற்காக, சினிமா நடிகர்களைக் கொண்டு பாராட்டுக் கூட்டங்களை நடத்திக் கொள்கின்றனர்.தமிழ் இலக்கியங்களைப் படியுங்கள் என, சினிமா நடிகர் சொல்லும் அளவுக்கு, நிலைமையை மோசமாக்கி வருகின்றனர். இது ஆரோக்கியமான போக்கை, தமிழ் இலக்கியத்தில் ஏற்படுத்தவில்லை.

காமத்தை மையமாகக் கொண்டு நாவல்களை எழுதுவதற்கு கடும் எதிர்ப்பு கிளம்புகிறது. இன்றைய இளைஞர்கள், காமத்தால் சீரழியும் போது அதை எழுதாமல் இருக்க முடியாது.ஆங்கிலப் புனை கதைகளுக்கு இருக்கும், வரவேற்பு தமிழ் புனை கதைகளுக்கு இல்லை. இந்த நிலை மாற வேண்டும் என்று சமூகத்திற்குத் தேவையான பல கருத்துக்களைத் தெரிவித்தார் நிவேதிதா.சாரு நிவேதிதா எப்போதுமே சர்ச்சையாகப் பேசக் கூடியவர், சர்ச்சையான எழுத்துக்களை எழுதுபவர் என்பது குறிப்பிடத்தக்கது. தற்போது புதிய சர்ச்சைக்கு பிள்ளையார் சுழி போட்டுள்ளார்.

கமல் படத்தில் ஜாக்கி சான் ?

noreply@blogger.com (karurkirukkan) — Sat, 04 Feb 2012 16:22:00 +0000

ரஜினி, கமல் போன்ற முன்னணி நடிகர்களின் படங்களைப் பற்றி அவர்களே அதிகாரப்பூர்வமான தகவலை அறிவிக்கும் முன்பு அப்படங்களைப் பற்றிய ஏகப்பட்ட தகவல்கள் வெளியாவதும், அது சில நேரங்களில் சரியாகவும், பல சமயங்களில் “ஜக்கம்மா சொல்றா…” என்பது போல குறியாகவும் இருக்கும். அப்படிப்பட்ட ஒரு செய்தி தற்போது கோடம்பாக்கத்தை குஷியில் ஆழ்த்தியிருக்கிறது. (தொழிலாளர்கள், தயாரிப்பாளர்கள் பிரச்சனை ஒரு பக்கம் இருக்கட்டும். இது ரசிகர்களை குஷிப்படுத்தும் செய்தி.)

கமல், தனது விஸ்வரூபம் படத்திற்குப் பிறகு ஷங்கர் இயக்கும் படத்தில் நடிக்கப் போகிறாராம். இப்படத்திற்கான பேச்சி வார்த்தைக்கான அடித்தளத்தை போட்டுக்கொடுத்திருப்பவர் தயாரிப்பாளர் ஆஸ்கார் ரவிச்சந்திரன் தானாம். இதுவரை தமிழ்ப் படங்கள் காணாத பிரமாண்டபத்தையும், பொருட்ச்செலவையும் இப்படம் காணவேண்டும் என்ற வெறியோடு களம் இறங்கியிருக்கும் ஆஸ்கார் ரவிச்சந்திரன், இப்படத்தில் கமலுடன் ஜாக்கி சானையும் நடிக்க வைக்க வெறியோடு இருக்கிறாராம்.

ஆஸ்கார் ரவிச்சந்திரனுக்கும், ஜாக்கி சானுக்கும் உள்ள நெருக்கத்தைப் பற்றி சீனாவும், தமிழகமும் நன்கு அறியும். அதே போல தசாவதாரம் படத்தின் மூலம் கமலுக்கும் ஜாக்கி நெருக்கமாக ஆகியிருக்கிறார். இந்த நெருக்கங்களால் ஜாக்கி சானும் கமலுடன் நடிக்க ஒப்புக்கொண்டாராம்.

கமல் ரசிகர்கள் மட்டுமின்றி அத்தனை சினிமா ரசிகர்களையும் குஷியாக்கும் இந்த தகவல், ஜக்கம்மாவின் குறியாக இல்லாமல் இருந்தால் சந்தோஷம் தான்.

சூப்பர் ஸ்டார் -கடவுள் இருக்கிறாரா? விளக்கம்

noreply@blogger.com (karurkirukkan) — Sat, 04 Feb 2012 05:48:00 +0000

'கடவுள் இருக்கிறாரா... இல்லையா...' என்பது குறித்து சூப்பர் ஸ்டார் ரஜினி சொன்ன குட்டிக் கதை, அனைவரையும் கவர்ந்தது.

மேலும் கண்ணதாசன் நாத்திகராயிருந்து ஆத்திகராக மாறியது குறித்து ரஜினி சொன்ன ஒரு காரணம் இதுவரை பலருக்கும் தெரியாத விஷயம். அதை எழுத்தாளர்கள் பலரும் வியப்புடன் கேட்டனர்.

அந்தக் கதை:

"ஆண்டவன் இருக்கான்... இல்லேன்னு யுகம் யுகமா பேசிக்கிட்டிருக்காங்க. வசிஷ்டருக்கும் விஸ்வாமித்திரருக்கும் சண்டை வருது. வசிஷ்டர் வாயால நான் பிரம்ம ரிஷி பட்டம் வாங்கறேன்னு. விஸ்வாமித்திரர் ஒரு அகோரி. கடவுள் நம்பிக்ககை இல்லாதவர். வசிஷ்டர் சாஸ்துவோக்தமா... கடவுள், கைலாசம், வைகுந்தம், வேதம் அப்டி போறவரு. விஸ்வாமித்திரர் கடவுளை நம்பாதவர், பஞ்ச பூதங்களை நம்புறவர். அப்படிப்பட்ட விஸ்வாமித்திரர் வசிஷ்டரிடமிருந்து பிரம்ம ரிஷி பட்டம் வாங்கினார். ஆக அந்த காலத்திலேருந்தே கடவுள் இருக்கானா இல்லையான்னு விவாதம் நடந்துகிட்டுதானிருக்கு.

இப்ப ரீசன்டா, டிடி ரங்கராஜனோட டிஸ்கோர்ஸ் பார்த்தேன். அவர் ஒரு சம்பவம் சொல்றார். அவர் அமெரிக்காவில் ஒரு ட்ரெயின்ல ஒரு சயின்டிஸ்ட். அவருக்கு முன்னால கொஞ்சம் சின்ன வயசு... பைபிள் படிச்சிக்கிட்டிருக்கார். உடனே சயின்டிஸ்ட் அந்த இளைஞரிடம், 'என்ன பண்றீங்க'ன்னு கேக்கறார். உடனே பைபிள் படிச்சிக்கிட்டிருக்கேன்னு சொல்றார்.

'இல்ல, என்ன வேலை செய்யறீங்கன்னு' கேக்கறார். உடனே 'சயின்டிஸ்ட்' என்கிறார் இளைஞர்...
'ஓ.. சயின்டிஸ்டா, சரி என்ன படிச்சிக்கிட்டிருக்கே'...'பைபிள்'.. அப்படீன்னு இளைஞர் சொல்றார்.

உடனே, 'ஏம்பா, அறிவிருக்கா... இது சயின்டிபிக் யுகம், சயின்டிபிக் காலம், எங்கேயோ போய்க் கொண்டிருக்கிறோம்... நீயும் சயின்டிஸ்ட் என்கிறாய். இன்னும் நீ மதம், கடவுள், பைபிள், கிறைஸ்ட்டுனு படிச்சிக்கிட்டு உட்காந்திருக்கியே, நாமளே இப்படி உட்கார்ந்துட்டா, எப்படி நாடு முன்னேறும். மக்கள் என்ன ஆவறது. கொஞ்சமாவது அறிவை வளத்துக்க வேண்டாமா.. இனிமேலாவது இந்த புக்கு, பைபிளையெல்லாம் தூக்கி போடு, கடவுளு, மண்ணாங்கட்டின்னு' சொல்லிட்டார்.

'சரி'..ன்னு கேட்டுக்கிட்டார்.'நீ ப்ரீயா இருக்கும்போது என்னை வந்து பார். இந்தா என் கார்டு... பேசலாம்ட-னு சொல்றார் சயின்டிஸ்ட். ஸ்டேஷன் வந்ததும், இறங்குறாங்க. கிளம்பும்போது, 'சரி, நான் என்னை உன்கிட்ட அறிமுகப்படுத்திக்கிட்டேன். நீ உன்னை என்கிட்ட அறிமுகப்படுத்திக்கவே இல்லையே'ன்னு கேட்டார் சயின்டிஸ்ட்.

உடனே, அந்த இளைஞர் தன் கார்டை கொடுக்கிறாங்க. அதை திருப்பி பார்த்தா, அது தாமஸ் ஆல்வா எடிசன்!உடனே அந்த சயின்டிஸ்ட், 'சார் மன்னிக்கணும்... நீங்க எனக்கு அப்பாயின்ட்மெண்ட் கொடுக்கணும். உங்களைப் பார்க்கணும்னு', கேட்கிறார். 'சரி வாங்கன்னு' சொல்லி டைம் கொடுத்தார் எடிசன். அந்த டைமுக்கு தாமஸ் ஆல்வா எடிசன் லேபுக்கு இந்த சயின்டிஸ்ட் போறாங்க.

அந்த லேபுல, ஒரு பெரிய சோலார் சிஸ்டம் மாடல் ஒன்றை தாமஸ் ஆல்வா எடிசன் செஞ்சு வச்சிருக்கார். அதைப் பார்த்துவிட்ட சயின்டிஸ்ட், 'என்ன சார்.. இவ்வளவு அருமையா இருக்கு, இதை யார் செஞ்சாங்க, எத்தனை பேர் செஞ்சாங்க, பார்ட்ஸ் எங்கே கிடைச்சது'.. ன்னு கேட்டார்.
அதற்கு தாமஸ் ஆல்வா எடிசன், 'திடீர்னு ஒரு நாள் கதவைத் திறந்து பார்த்தேன். இந்த மிஷின் இருந்துச்சி'ன்னு சொல்றார்.'சார், தமாஷ் பண்ணாதீங்க. நான் சீரியஸா கேக்கறேன். இதை எப்படி செஞ்சீங்க'ன்னு கேக்கறார் சயின்டிஸ்ட்.

'இல்லப்பா.. உண்மையிலேயே நான் ஒண்ணும் பண்ணல. திடீர்னு கதவை திறந்து பார்த்தேன். இது இங்கே இருந்தது'...ன்னு எடிசன் சொன்னாங்க. 'சார்... சீரியஸாவே நான் கேக்கறேன்.. நான் தெரிஞ்சிக்க ஆசைப்படறேன்... சொல்லுங்க'ன்னு கேட்டார் சயின்டிஸ்ட்.

'ஏம்ப்பா... நீங்க சயின்டிஸ்ட்டுங்க.. திடீர்னு ஒரு நாள் காஸ்மோஸ் (பிரபஞ்சவெளி) உருவாச்சின்னு சொல்றீங்க. திடீர்னு காஸ்மோஸ் உருவாகும்போது, இது உருவாகக் கூடாதா? கிரியேஷன்... Where there is a creation there should be a creator... படைப்பு இருந்தா, படைப்பாளி இருந்துதான் ஆகணும். Without the creator there is no creation. So கடவுள் இருக்கார்!', சயின்டிஸ்ட் சைலன்ட் ஆகிட்டார்.

இதை ஏன் சொல்றேன்னா... இது வந்து நடந்ததா இல்லையா என்பது வேறு.. தாமஸ் ஆல்வா எடிசன் அங்கே இருந்தாரா இல்லையான்றது டிஃப்ரன்ட்... சொன்னவர் இதை எங்கேயாவது படிச்சிருப்பார் டெபனிட்டா...ஆனா, இதை எழுதினவர் என்ன சொல்ல விரும்பினார்... கடவுள் இருக்கார்னு சொல்றதுக்கு, இவர் இந்த சப்ஜெக்டை எடுத்துக்கிட்டார். இதுக்கு இந்த சிச்சுவேஷன் கிரியேட் பண்ணார். இதுக்கு ரெண்டு சயின்டிஸ்டை உருவாக்கினார். தாமஸ் ஆல்வா எடிசனை கொண்டு வந்தார். அவர் வாயால சொல்ல வச்சதாலதான், இது இந்த அளவு ஆழமா இது போகுது. இதான் ரைட்டருடைய வேலை. அந்த எழுத்தோட்டம் இருக்கு பாருங்க... அது ப்யூட்டிபுல்.

இந்த மாதிரி ஒரு ஓட்டத்தை நான் ராமகிருஷ்ணனிடம் பார்த்தேன். புதுசா இருக்கு. கண்டுபிடிக்கிற சிச்சுவேஷன்ஸ் டிஃபரெண்டா இருக்கு. பாத்திரங்கள் வித்தியாசமா இருக்கு. ஒண்ணொன்னும் வித்தியாசமா இருக்கு. எழுத்துங்கறது எவ்வளவு பவர்புல்னு நான் சொல்லி நீங்க தெரிஞ்சிக்க வேண்டிய நிலை இல்லை!

கம்ப ராமாயணத்தை கொளுத்த முயன்ற கண்ணதாசன்

கவிஞர் கண்ணதாசன் கொஞ்சகாலம் நாத்திகராக இருந்தார். அப்போ, கம்பராமாயணத்தை எரிக்க முயன்றார். கெரசின், தீப்பெட்டி, கையில் கம்பராமாயணம்... கொளுத்த வேண்டியதுதான் பாக்கி. ஒரு நிமிஷம் யோசிச்ச கண்ணதாசன், சரி... அப்படி என்னதான் இருக்கு இதுல. ஒருவாட்டி படிச்சுட்டு எரிச்சிடலாம்னு, படிக்க முயன்றார். பின்னர் அவர் அந்த புத்தகத்தை வைக்கவே இல்லை. முழுவதுமாக படித்து முடித்த பிறகு, அந்தப் புத்தகத்தை வைத்து அதன் முன் விழுந்து வணங்கினார். நாத்திகராக இருந்த கண்ணதாசன் ஆத்திகராக மாறிட்டார்!

122 தொலைத்தொடர்பு உரிமங்கள் ரத்து

noreply@blogger.com (karurkirukkan) — Thu, 02 Feb 2012 20:11:00 +0000

2008-ம் ஆண்டுக்குப் பிறகு முன்னாள் தொலைத்தொடர்புத் துறை அமைச்சர் ஆ.ராசா காலத்தில் வழங்கப்பட்ட 122 தொலைத்தொடர்பு உரிமங்களை உச்சநீதிமன்றம் இன்று ரத்து செய்தது. மேலும் 2ஜி ஊழலில் ப.சிதம்பரத்தின் பங்கு குறித்து விசாரிப்பதா, வேண்டாமா என்பதை சிபிஐ நீதிமன்றமே தீர்மானிக்கலாம் என்று உச்சநீதிமன்றம் தீர்ப்பளித்துள்ளது.

2ஜி ஊழலில் ப.சிதம்பரத்தையும் சேர்க்க வேண்டும் என்று கோரி ஜனதா கட்சித் தலைவர் சுப்ரமணிய சுவாமி தாக்கல் செய்த மனு மீது உச்சநீதிமன்ற நீதிபதிகள் ஏகே.கங்குலி, ஜி.எஸ்.சிங்வி ஆகியோர் இன்று தீர்ப்பளித்தனர்.

2ஜி ஊழலில் ப.சிதம்பரத்தை சேர்ப்பது குறித்து சிபிஐ நீதிமன்றத்திலும் வழக்கு நடைபெற்று வருகிறது.

ராசா காலத்தில் வழங்கப்பட்ட 122 தொலைத்தொடர்பு உரிமங்களை ரத்து செய்த உச்சநீதிமன்ற நீதிபதிகள், ப.சிதம்பரத்தை 2ஜி ஊழல் வழக்கில் சேர்ப்பது குறித்து சிபிஐ நீதிமன்றமே முடிவெடுக்கலாம் என்று தெரிவித்தனர்.

சிபிஐ விசாரணையை கண்காணிக்க சிறப்புப் புலனாய்வுக் குழு அமைக்கத் தேவையில்லை என்றும் நீதிபதிகள் தங்களது தீர்ப்பில் தெரிவித்தனர்.

மேலும் 2ஜி உரிமங்கள் ஒதுக்கீடு செய்வது தொடர்பாக புதிதாக விதிமுறைகளை உருவாக்குமாறு தொலைத்தொடர்பு ஒழுங்குமுறை ஆணையத்துக்கு உச்சநீதிமன்றம் உத்தரவிட்டது.

தொலைத்தொடர்பு உரிமங்களை ரத்து செய்யும் உச்சநீதிமன்றத் தீர்ப்பால் யுனிடெக் வயர்லெஸ், டாடா, ஏர்செல் மற்றும் ஐடியா உள்ளிட்ட பெரிய தொலைத்தொடர்பு நிறுவனங்களுக்கு பாதிப்பு ஏற்படும் என்று தகவல்கள் தெரிவிக்கின்றன.

ஜெ.வுக்கு விஜயகாந்த் கடும் எச்சரிக்கை

noreply@blogger.com (karurkirukkan) — Thu, 02 Feb 2012 09:59:00 +0000

தனது கட்சித் தலைமை அலுவலகத்தில் செய்தியாளர்களைச் சந்தித்தார் விஜயகாந்த். அப்போது தனது பாணியில் படு இயல்பாகவும், கோபமாகவும், சாந்தமாகவும், அமைதியாகவும், பல்வேறு உணர்வுகளை வெளிப்படுத்தி நீண்ட நேரம் அவர் பேசினார்.

விஜயகாந்த் பேச்சின் சில துளிகள்...

நாங்களா அதிமுகவுடன் கூட்டணிக்கு அலைந்தோம்.இவர்கள்தான் வந்தார்கள், இவர்கள்தான் கூப்பிட்டார்கள். நாங்கள் இவர்களுக்கு ஆதரவு கொடுத்ததால்தான் இவர்கள் ஜெயித்தார்கள். நாங்கள் மட்டுமில்லை, மக்கள் இவர்களுக்கு ஆதரவு கொடுத்ததால்தான் ஜெயித்தார்கள்.

எங்களைப் பார்த்து திராணி இருந்தால் என்று கேட்கிறார்.இவர் கடந்த ஆட்சியின்போது 13 இடைத்தேர்தலில் ஜெயித்தாரா. 5 தொகுதிகளில் நடந்த தேர்தலில் போட்டியிடப் பயந்து ஓடியவர் இவர்.

மதுரைக்கே மல்லிகைப் பூவா என்பார்கள், திருநெல்வேலிக்கே அல்வாவா என்பார்கள். அதுபோல தேமுதிகவுக்கே சவாலா. எங்களைப் பார்த்து சவால் விடாதீர்கள். அதுக்கெல்லாம் நாங்க பயப்பட மாட்டோம்.

தனியாக போட்டியிட தயார். நாளைக்கே நாங்க ராஜினாமா செய்கிறோம், நீங்களும் வாங்க, கவர்னர் ஆட்சியில் தேர்தலை சந்திப்போம். ரெடியா. மடியில் கனம் இருந்தால்தான் வழியில் பயம் வரும்.

சட்டசபையில் சபாநாயகர் சொன்னதும் நான் உட்கார்ந்து விட்டேன். ஆனால் எதிர்த் தரப்பிலிருந்து குரல் கொடுத்ததால்தான் நான் எழுந்து நின்றேன். நான் எழுந்து நின்றதை மட்டும் காட்டினார்களே, எதிர்த் தரப்பிலிருந்து குரல் கொடுத்ததை ஏன் காட்டவில்லை. அதையும் காட்டியிருக்க வேண்டுமல்லவா, அதுதானே நியாயம்.

நியாயத்தைப் பத்தி இவங்க பேசக் கூடாது. 13 நாளில் வாஜ்பாய் அரசைக் கவிழ்த்தியவர் இவர். இவர் நியாயம் பத்திப் பேசலாமா.

தேமுதிக சரியில்லை என்று இப்போது சொல்கிறாரே, அதை ஏன் கூட்டணி முடிவானபோது சொல்லவில்லை, தேமுதிக தொகுதிகளை அறிவித்தபோது ஏன் செய்யவில்லை.

நாங்கள் இல்லாவிட்டால் அதிமுக டெபாசிட் இழந்திருக்கும். கூட்டணி இல்லாமல் ஒருபோதாவது அதிமுக போட்டியிட்டுள்ளதா. எம்.ஜிஆர். இருந்தபோதும் கூட கூட்டணி இல்லாமல் அதிமுக போட்டியிட்டதில்லை.

ஊர் கூடித்தானே தேர் இழுத்தோம். எல்லாக் கூட்டணியும் கூடித்தானே வெற்றி பெற வைத்தோம். சட்டசபையில் நாங்கள் மக்கள் பிரச்சினைகளைத்தானே பேசப் போனோம். கூட்டணி குறித்து பேசப் போகவில்லை.

என்னைப் பார்த்தால் அறுவறுப்பாக உள்ளது என்கிறார். இவரைப் பார்த்தால் கூடத்தான் அறுவறுப்பாக உள்ளது, அசிங்கமாக இருக்கிறது. நாங்கள் பொறுத்துக் கொள்ளவில்லையா. அமைதியாக இருக்கவில்லையா.

பேசுவதை சர்வாதிகாரமாக தடுக்கிறார்கள். பேச வாய்ப்புக் கொடுத்தால்தானே தங்களைத் திருத்திக்கொள்ள வாய்ப்பு கிடைக்கும்.

தானே புயல் நிலவரம் பற்றிப் பேச விடவில்லை, பால் விலை உயர்வு, பஸ் கட்டண உயர்வு குறித்துப் பேச விடவில்லை.

இன்றைய நிலவரம் என்று போர்டு போடுவார்களே அது போல இன்றைய மந்திரிகள் என்ற நிலையில் இந்த ஆட்சி உள்ளது.

தூர்தர்ஷன் ஒரு சார்பாகவே நடக்கிறது. ஜெயா டிவியில் எடிட் செய்து தருவதை போடாதே, எல்லாவற்றையும் போடு.

நீங்க மட்டும்தான் மக்கள் பத்திப் பேசுவீங்களா, மத்தக் கட்சிக்காரன் பேச மாட்டானா. ஆணவத்தில் இருக்கிறார் ஜெயலலிதா, மமதையில் இருக்கிறார்.

எங்களுக்கு இறங்குமுகம் என்று நீங்கள் சொல்லக் கூடாது. மக்கள் சொல்ல வேண்டும். எம்.ஜி.ஆர் மட்டும்தான் தொடர்ந்து ஆட்சி புரிந்தவர். நீங்களும், மத்தக் கட்சியும் மாறி மாறித்தான் ஆள முடிந்தது. இப்போதுதானே விஜயகாந்த் வந்துள்ளான், பொறுத்திருந்து பாருங்கள் என்னை.

2005ல் கட்சி ஆரம்பித்து தொடர்ந்து தனியாகத்தானே தேர்தலை சந்தித்தேன். நான் தலை குணிந்தாலும் உங்களைத் தலை குணிய வைக்க மாட்டேன் என்று சேலத்தில் சொல்ல விட்டுத்தான், தொண்டர்களின் விருப்பத்திற்கேற்பத்தானே கூட்டு சேர்ந்தேன்.

இவங்களை பாராட்டிக்கிட்டே இருக்கனும், இதுக்குப் பெயரா ஆட்சி. பாராட்ட மட்டும் டைம் தர்றீங்கள்ள, விமர்சனம் செய்யவும் டைம் தாங்க. புள்ளி விவரம் இருந்தா பேசுங்க என்கிறார்கள். ஊரைக் கொள்ளையடிச்சதுக்கு உங்க கிட்ட புள்ளி விவரம் இருக்கா.

யார் மந்திரி, யார் ஐஏஎஸ், யார் ஐபிஎஸ் என்று இவர்களுக்கேத் தெரியாது. இவங்கதான் தகுதி இல்லாதவர்.

நான் யாருக்கும் பயப்படவில்லை. மக்கள் மனது வைத்தால்தான் யாராக இருந்தாலும். நான்தான் புலி என்றால், ஆட்சிக்கு நாளை நான் வந்தாலும் இப்படிப் பேச முடியும். அப்ப என்ன சொல்வீங்க.

ஜெயலலிதா திருந்தி விட்டார் என நினைத்தேன், இல்லை, பழைய குருடி கதவைத் திருடி கதைதான். ஜெயலலிதா திருந்தவில்லை, ஆணவத்துடன் இருக்கிறார். போன 5 வருடமாக எங்கே போனீர்கள். தேர்தலை சந்திக்கக் கூட திராணி இல்லையே உங்களுக்கு. நான் பயப்படாமல்தான் சந்தித்தேன்.

ஆவுடையப்பன் சபாநாயகராக இருந்தபோது இவரை 1 மணி நேரம் பேச விட்டார்கள். இவர் பேசலாம், நாங்க பேசக் கூடாதா.

எனக்குப் பயமெல்லாம் கிடையாது. மரியாதைக்கு மரியாதை, அன்புக்கு மட்டும்தான் கட்டுப்படுவேன். மிரட்டிப் பணிய வைக்க வைத்தால் அது முடியாது.

தகுதி இல்லை என்கிறார்கள். உங்களுக்குத்தான் தகுதி இல்லை. தகுதியில்லாத உங்களுடன் கூட்டணி வைத்ததை நினைத்து நான்தான் வெட்கப்படுகிறேன்.

நன்றி கெட்டவங்க, எப்படிக் கெஞ்சுனாங்க என்று எனக்குத் தான் தெரியும். பேச நினைத்தால் நான் நிறையப் பேசுவேன். பேசக் கூடாதென்று அமைதியாக இருக்கிறேன்.

கேவலப்பட்ட ஒரு அரசாங்கத்தின் கீழ் மக்களை உட்கார வைத்து விட்டார்கள். அந்தமக்களை தூக்கி நிறுத்தத்தான் நான் இனிமேல் போராடப் போகிறேன்.

இப்போது சொல்கிறேன், என்ன திமிராக சொல்கிறான் என்று தப்பாக நினைக்க வேண்டாம். அடுத்த முறை தேமுதிகதான் ஆட்சியைப் பிடிக்கும். பிடிக்கப் போவதைப் பாருங்கள்.

நாளை முதல் எனது கட்சி எம்.எல்.ஏக்கள் சட்டசபைக்குப் போவார்கள். நான் மக்கள் மன்றத்திற்குப் போகப் போகிறேன் என்றார் விஜயகாந்த்.

விஜயகாந்த் மீது ஜெ பாய்ச்சல்- நடந்தது என்ன ?

noreply@blogger.com (karurkirukkan) — Wed, 01 Feb 2012 16:39:00 +0000

தகுதி இல்லாதவர்களுக்கு பெரிய பதவி கிடைத்துவிட்டால் இப்படித்தான் நடந்துகொள்வார்கள் என்று இன்று எதிர்க்கட்சித் தலைவர் விஜயகாந்த்தைக் குறிப்பிட்டு சட்டமன்றத்தில் முதல்வர் ஜெயலலிதா மிகவும் காட்டமாகக் கூறினார்.

courtesy.nakkeran

இன்று அவை கூடியதும், உறுப்பினர்கள் தங்கள் தொகுதி கேள்விகளை எழுப்பிக் கொண்டிருந்தனர். அப்போது, விலைவாசி உயர்வு குறித்து பேசிக்கொண்டிருந்த தேமுதிக எம்.எல்.ஏ சந்திரகுமார், உள்ளாட்சித் தேர்தல் முடிந்த கையோடு அரசு பலவிதங்களில் விலைகளை உயர்த்தியுள்ளது. இந்த விலை உயர்த்தும் முடிவினை இந்த அரசு தைரியம் இருந்திருந்தால் உள்ளாட்சித் தேர்தலுக்கு முன்பே எடுத்திருக்க வேண்டும். அப்படி எடுத்திருந்தால், தேர்தல் முடிவுகள் வேறு விதமாக அமைந்திருக்கும் என்று பேசினார்.

அதற்கு முதல்வர் ஜெயலலிதா, இப்போது சங்கரன்கோவில் இடைத்தேர்தல் வரவிருக்கிறது. அப்போது நீங்களும் தைரியமிருந்தால் தனித்துப் போட்டியிட்டுப் பாருங்கள். யார் ஜெயிக்கிறார்கள் என்று பார்ப்போம் என்று கூறினார்.

அதற்கு விஜயகாந்த் எழுந்து, இடைத்தேர்தல்களில் ஆளும்கட்சிதான் ஜெயிக்கும். அது இயல்புதானே என்று கூறினார்.

அதற்கு முதல்வர், இப்போதே எதிர்க்கட்சித் தலைவர் தனது தோல்வியை ஒப்புக்கொள்கிறார் என்றார்.

அதற்கு பதிலளித்த விஜயகாந்த் ஏன் நீங்கள் கூடத்தான் பென்னாகரம் இடைத்தேர்தலில் தோற்றீர்களே என்றார். இதனால், இரு தரப்புக்கும் வாக்குவாதம் எழுந்தது. தேமுதிக உறுப்பினர்களும் அதிமுக உறுப்பினர்கள் சரமாரியாக குற்றச்சாட்டுகளை வைத்துக் கொண்டே போனார்கள். இருதரப்பும் என்ன பேசினார்கள் என்பது மற்ற யாருக்கும் புரியவுமில்லை. சபையில் கூச்சல் குழப்பம் அதிகரித்தது.

இந்நிலையில், சபையை அமைதி நிலைக்குக் கொண்டுவர, குழப்பம் ஏற்படுத்திய தேமுதிக உறுப்பினர்களை வெளியேற்றுமாறு சபாநாயகர் உத்தரவிட்டார்.

இதனிடையே சட்டமன்றத்தில் தேமுதிக உறுப்பினர்கள் நடந்துகொண்ட விதம் குறித்து நத்தம் விஸ்வநாதன் கேள்வி எழுப்பினார். இதனைக் கேட்ட சபாநாயகர், தேமுதிக உறுப்பினர்கள் கீழ்த்தரமாக நடந்து கொண்ட விதம் குறித்து உரிமைக்குழு விசாரிக்க பரிந்துரை செய்வதாகக் கூறினார்.

இந்நிலையில் முதல்வர் எழுந்து, சபையில் தேமுதிக எதிர்க்கட்சி உறுப்பினர்கள் நடந்துகொண்ட விதத்துக்கு அவர்களை சபையில் இருந்து சஸ்பெண்ட் செய்திருக்க வேண்டும். ஆனால் சபாநாயகர் குறைந்த பட்ச தண்டனை பரிந்துரையாக உரிமைக் குழுவுக்கு அனுப்பச் சொல்கிறார். தகுதி இல்லாதவர்களுக்கு பெரிய பதவி கிடைத்தால் எப்படி நடந்துகொள்வார்கள் என்பதை இவ்வளவு கீழ்த்தரமாக எதிர்க்கட்சியினர் நடந்துகொண்டதை வைத்து தெரிந்துகொள்ளலாம். இந்தக் கூட்டணி இருந்தாலும் இல்லாவிட்டாலும், தேர்தலில் நாங்கள்தான் பெரும் வெற்றியைப் பெற்றிருப்போம். அதிமுகவை முழு வெற்றி அடையச் செய்வது என்பது மக்கள் ஏற்கெனவே எடுத்த முடிவு. என் கட்சிக் காரர்கள் வற்புறுத்தியதால்தான் தேமுதிகவுடன் கூட்டணி வைக்க அரைகுறை மனதோடு சம்மதம் தெரிவித்தேன். இவர்களுடன் கூட்டணி வைத்ததற்காக வருத்தப்படுகிறேன். வெட்கப் படுகிறேன். வேதனைப் படுகிறேன்... இவர்கள் கூட்டணி இல்லாவிட்டால் அந்தத் தொகுதிகளிலும் அதிமுகவே வெற்றி பெற்றிருக்கும். அதிமுக தயவில் வெற்றி பெற்று சட்டமன்றத்தில் நுழைந்தவர்கள் இவர்கள்... என்று பேசினார்.

அப்போது, கம்யூனிஸ்ட் உறுப்பினர் சௌந்திரராஜன் எழுந்து, இந்த விவகாரத்தை உரிமைக்குழுவுக்கு அனுப்ப வேண்டாம் என்று கேட்டுக்கொண்டார். ஆனால் அதற்கு முதல்வர், பேரவைத் தலைவர் ஏற்கெனவே தீர்மானித்துவிட்டார். அதை யாரும் மாற்றன் முடியாது... என்று பதிலளித்தார்.

இந்தச் சம்பவங்களால் இன்று காலையில் தமிழக சட்டமன்றம் பெரும் அமளிதுமளிப்பட்டது.

******************************************************************************

நயன்தாரா-பிரபுதேவா விவகாரத்தில் என்ன தான் நடக்கிறது

ஐயா படம் மூலம் தமிழ் சினிமாவிற்கு அழகு பதுமையாக, கேரள வரவாக வந்தவர் டயானா மரியம் குரியம். படத்திற்காக நயன்தாரா என்று பெயர் மாற்றி ரசிகர்களிடம், ஒரு வார்த்தை சொல்ல ஒரு வருஷம் காத்திருந்தேன் என்று பாடி பரவசப்படுத்தினார். தொடர்ந்து பல வெற்றி படங்களில் நடித்த நயன்தாராவுக்கு சொந்த வாழ்க்கை சோகமாகி கொண்டிருக்கிறது. நட்சத்திரமாய் ஜொலிக்க வந்தவர் நட்சத்திர காதலால் நசுங்கிவிட்டார் என்றே சொல்லலாம்.

சிம்புவுடன் காதல், பிரபுதேவாவுடன் காதல், நெருக்கம் என்று சர்ச்சையில் சிக்கிய நயன்தாராவுக்கு, கல்யாணம் ஆகமாலேயே சிறந்த தம்பதிகளாக பிரபுதேவா-நயன்தாரா தேர்ந்தெடுக்கப்பட்டது தான் ரொம்ப கொடுமை. காதல் கல்யாணம் பண்ணிய முதல் மனைவி ரமலத்தை, குழந்தைகளோடு தவிக்க விட்டு விவாகரத்து கேட்டது இன்னும் பெரிய கொடுமை. இருந்தாலும் காதல் ஒரு பக்கம், பிள்ளை பாசம் ஒரு பக்கம் என்று பிரபுதேவாவிற்கு நயன்தாரா கொடுத்த தண்டனை பெரிதுதான். இதிலிருந்து தப்பிக்கத்தான் ஓடி ஓளிந்து கொண்டு இருக்கிறார் பிரபுதேவா என்கிறது அவரது நெருங்கிய வட்டாரம்.

இதுஒருபுறம் இருக்க தெலுங்கில் நடித்த ஸ்ரீராம ராஜ்யம் படத்தோடு சினிமாவுக்கு முழுக்கு போட்டு, விரைவில் திருமணம் நடக்கும் என்று எதிர்பார்த்திருந்தார் நயன்தாரா. பிரபுதேவா வெடி படம் முடித்த பிறகு கல்யாணம், சொந்த வீடு வாங்கிட்டு கல்யாணம், அப்புறம் இந்தி படம் முடித்து கல்யாணம் என்று கணக்கு போட்டவருக்கு, நிமிஷம் எல்லாம் வருஷமாகி வாட தொடங்கினார். மும்பை, புனே, சென்னை என்று பறந்த காதல் இப்போது ஆட்டம் கண்டு போய் உள்ளது. இதனால் நயன்தாரா, தான் வாங்கிய வெளிநாட்டு காருக்கு பணம் கட்ட வேண்டும், தன் செலவுகளை பார்க்க வேண்டும். காசு புரண்ட கையாச்சே என்ன செய்வது. அதுதான் மீண்டும் நடிக்க ஆரம்பித்துவிட்டார்.

சரி நயன்தாரா மீண்டும் நடிக்க வந்து விட்டார். அவரது பெற்றோர்கள் எப்படி இருக்கிறார்கள் என்று கேட்டால் அங்கேயும் சொல்ல முடியாத சோகம் நிழலாடுகிறது. சொந்தம், பந்தம், பார்ட்டி, பிறப்பு, இறப்பு என்று எதிலும் கலந்து கொள்ள முடியாமல் குடும்பமே ஒதுக்கப்பட்டது போல் இருக்கிறதாம். பலரும் கேட்கும் கேள்விகளுக்கு பதில் சொல்ல முடியாமல் வீட்டிலேயே அடைபட்டு கிடக்கிறார்களாம். பிரபுதேவாவுடன் பிரிவு, தெலுங்கு படங்களில் பிஸி என்று நயன்தாராவை பற்றி மீடியாக்களில் பரபரப்பாக வந்தாலும், நயன்தாராவுடன் இப்போது இருப்பது பிரபுதேவாவின் நண்பர் ராஜேஷ் தானாம். ‌தனியார் வங்கியில் ‌மேலாளராக இருக்கும் ராஜேஷ் தான் இப்போது நயன்தாராவின் கால்ஷீட்டை பார்த்து கொள்கிறாராம்.

பிரபுதேவாவை ஒதுக்கி வைத்தவர் இப்போது அவரது ‌நண்பரை மட்டும் மேலாளராக வைக்க காரணம் என்ன...? என்ற கேள்வியை எழுப்புகிறது. மேலும் தெலுங்கில் நடிக்க இருக்கும் படத்திற்கு 1.5கோடி சம்பளம், அடுத்து தமிழில் அஜித்துடன் ஒரு படத்தில் நடிக்க ஒப்பந்தம் என்று நயன்தாராவை பற்றி பல தகவல்கள் வந்து கொண்டு இருக்கிறது. நடக்கும் சம்பவங்களை எல்லாம் பார்க்கும் போது, உண்மையிலேயே பிரபுதேவாவை நயன்தாரா பிரிந்து விட்டாரா...? அல்லது மக்களை நம்ப வைக்க பிரபுதேவா-நயன்தாரா நடத்தும் நாடகமாக...? என்ற குழப்பத்த‌ில் இருக்கிறது கோடம்பாக்கம்.

இன்ஷூரன்ஸ் எடுக்கும் முன் கவனிக்க வேண்டியவை!

noreply@blogger.com (karurkirukkan) — Wed, 01 Feb 2012 05:03:00 +0000

எவ்வளவுக்கு பாலிசி..?

யார் பெயரில் பாலிசி..?

லைஃப் இன்ஷூரன்ஸ் பாலிசியை பொறுத்தவரை, சம்பாதிக்கும் நபரின் பெயரில் எடுப்பதுதான் சரியானது. இன்ஷூரன்ஸ் என்பதே குடும்பத்தில் வருமானம் ஈட்டும் நபருக்கு ஏதாவது அசம்பாவிதம் ஏற்பட்டு, அவர் இல்லாத நிலையில் சமாளிப்பதற்கான ஒரு முன்னேற்பாடுதான். இது தெரியாமல், பாசத்தைக் காட்டுகிறேன் என மனைவி மற்றும் பிள்ளைகள் பெயரில் பாலிசி எடுப்பவர்கள் ஏராளம்.

மனைவி வேலைக்குச் செல்லும் பட்சத்தில் அவர் பெயரில் இன்ஷூரன்ஸ் பாலிசி எடுப்பது அவசியம்! வேலைக்குச் சென்று வருமானம் ஈட்ட வாய்ப்பில்லாதவர் எனும் பட்சத்தில் மனைவி மற்றும் பிள்ளைகள் பேரில் இன்ஷூரன்ஸ் பாலிசி எடுப்பது வீண்தான். ஒரு உதாரணத்தைப் பார்ப்போமா?

ஒரு குடும்பத் தலைவர் தன் பெயரில் 10 லட்ச ரூபாய்க்கும், தன் மனைவி பெயரில் 8 லட்ச ரூபாய்க்கும், இரு பிள்ளைகள் பெயரில் தலா 5 லட்ச ரூபாய்க்கும் இன்ஷூரன்ஸ் பாலிசி எடுத்தார். குடும்பத் தலைவர் விபத்து ஒன்றில் சட்டென போய் சேர்ந்துவிட, பத்து லட்ச ரூபாய்க்கான இழப்பீடு மட்டும் கிடைத்தது. அது, அவர் ஏற்கெனவே வாங்கி இருந்த கடனை அடைக்கவே சரியாகப் போய்விட்டது. தொடர்ந்து வந்த மாதங்களில் மனைவி மற்றும் பிள்ளைகள் பெயரில் எடுக்கப்பட்ட பாலிசி களுக்கு பிரீமியம் கட்டுவதற்கு வழியில்லாமல் அந்த பாலிசிகள் எல்லாம் வீணாகப் போனது.

இதற்குப் பதில், குடும்பத் தலைவர் பெயரில் 28 லட்ச ரூபாய்க்கு பாலிசி எடுத்து இருந்தால், இழப்பீடு தொகை அதிகமாக கிடைத்திருக்கும். கடனை அடைத்துவிட்டு, மீதமுள்ள பணத்தை அவர் களின் எதிர்கால வாழ்க்கைக்கு பயன்படுத்தி இருக்கலாம்.

காப்பீடா? முதலீடா?

கிட்டத்தட்ட 75 சதவிகிதத் துக்கும் அதிகமானவர்கள் இன்ஷூரன்ஸ் பாலிசியை முதலீடாகவே கருதுகிறார்கள். இது தவறு. இப்படி பார்க்கும்போது அந்த பாலிசி மூலம் எவ்வளவு லாபம் கிடைக்கும் என்பதைப் பார்க்க ஆரம்பித்துவிடுகிறோமே ஒழிய, ஆபத்தான காலத்தில் நம் குடும்பத்திற்கு அது எந்த வகையில் உதவியாக இருக்கும் என்பதைப் பார்க்கத் தவறி விடுகிறோம். எனவே, குழப்பத்தை தவிர்த்து, இனியாவது இன்ஷூரன்ஸை ஒரு காப்பீடாக மட்டுமே பார்ப்பது நல்லது.

கவரேஜை கவனிங்க!

அதிகபட்சம் 2 அல்லது 3 லட்ச ரூபாய் கவரேஜ் கொண்ட பாலிசிகளை மட்டுமே வைத்திருப்பவர்களே நம்மில் பலர். குறைவான கவரேஜ் கொண்ட பாலிசிகளைத் தேர்வு செய்வது நாம் செய்யக்கூடாத பெருந்தவறு.

குறைந்த பிரீமியத்தில் அதிக கவரேஜ் கொண்ட பாலிசி களையே நாம் தேர்வு செய்ய வேண்டும்.

உதாரணத்துக்கு, 40 வயதான ஒருவர் ஆண்டுக்கு 10,000 ரூபாய் பிரீமியம் கட்டுகிறார். அவர் எடுத்தது யூலிப் பாலிசியாக இருந்தால் அவருக்கு கிடைக்கும் கவரேஜ் ஒரு லட்ச ரூபாய்தான். இதுவே டேர்ம் பிளான் என்கிறபோது இந்த 10,000 ரூபாய் பிரீமியத்துக்கு சுமார் 12 லட்ச ரூபாய் கவரேஜ் கிடைக்கும். பிரீமியம் ஒன்றுதான், ஆனால் நமக்கு கிடைக்கும் கவரேஜ் அதிகம் என்பதால் இன்ஷூரன்ஸ் பாலிசி எடுக்க விரும்புகிறவர்கள் முதலில் டேர்ம் பிளானை தேர்வு செய்வதே நல்லது.

பொதுவாக ஒருவரின் ஆண்டு சம்பளத்தைப் போல 10 முதல் 12 மடங்கு தொகைக்கு பாலிசி எடுப்பது நல்லது. உதாரணமாக, ஒருவரின் மாதச் சம்பளம் 20,000 ரூபாய் என்றால், ரூ.24 லட்சம் முதல் ரூ.29 லட்சம் வரையில் பாலிசி எடுத்துக் கொள்வது நல்லது. இதற்கான பிரீமியத் தையும் உங்களால் கட்ட முடியும் என்றால் மட்டுமே அந்த தொகைக்கு பாலிசி எடுக்கலாம். இல்லை எனில், எவ்வளவு தொகைக்கு பிரீமியம் கட்ட முடியுமோ, அந்த அளவுக்கான பாலிசியை இப்போது எடுத்து விட்டு, தகுதி அதிகரித்தபிறகு கவரேஜ்-ஐ உயர்த்திக் கொள்ளலாம்.

கார் கடன், வீட்டுக் கடன் போன்றவை வாங்கியிருந்தால் அந்த தொகைக்கு இணையாக டேர்ம் பிளான் எடுத்துக் கொள்வது கட்டாயம். இந்த டேர்ம் பிளானை ஆன்லைன் மூலம் எடுக்கும்போது பிரீமியம் இன்னும் குறையும்.

பிரீமியம் கட்டும் ஆப்ஷன்..!

பிரீமியம் செலுத்துவதற்கான கால இடைவெளியை மாதத்திற்கு ஒருமுறை என்று வைத்துக் கொள்ளாமல் காலாண்டு, அரையாண்டு, ஆண்டுக்கு ஒரு முறை என வைத்திருப்பது நல்லது. மாதம்தோறும் கட்டினால் அதிகமாக பிரீமியம் செலுத்த வேண்டியிருக்கும் என்பதோடு, அதற்கான கிரேஸ் பிரீயட் 15 நாட்கள் மட்டுமே என்பதையும் மறக்கக்கூடாது.

யூலிப் பாலிசி!

காப்பீடு, முதலீடு என இரண்டையும் கலந்து செய்த கலவை இது! குறைந்த கவரேஜ் மட்டுமே இதில் கிடைக்கும். இந்த பாலிசியில் போடப்படும் பணம் பங்குச் சந்தையில் முதலீடு செய்யப் படுவதால், சந்தையின் ஏற்ற, இறக்கத்தைப் பொறுத்தே நம் லாப, நஷ்டம் அமையும் என்பதை நன்கு புரிந்து கொண்டு நீண்டகால நோக்கில் பணத்தைப் போட நினைக் கிறவர்கள் மட்டுமே இந்த பாலிசியை எடுக்கலாம்.

இதில் முதல் மூன்று ஆண்டுகளுக்கு மட்டும் பணத்தைக் கட்டிவிட்டு, மேற்கொண்டு பிரீமியம் கட்டாமல் விடுவது லாபகரமாக இருக்காது. அந்த ஆண்டுகளில் கமிஷன் மற்றும் பிரீமிய ஒதுக்கீடு கட்டணம் அதிகமாகச் சென்றிருக்கும் நான்காவது ஆண்டில் பிரீமியம் கட்டவில்லை எனில், இன்ஷூரன்ஸ் கவரேஜ் மற்றும் இதர கட்டணங்களுக்கு ஏற்கெனவே முதலீட்டிற்காக ஒதுக்கப்பட்டிருக்கும் யூனிட்களை விற்று பணம் எடுத்துக் கொள்வார்கள். எனவே, பத்து முதல் பதினைந்து ஆண்டுகளுக்குத் தொடர்ந்து பிரீமியம் கட்ட நினைக் கிறவர்கள் மட்டுமே, யூலிப் பாலிசிகளை தேர்வு செய்யலாம்.

இது யூலிப் பாலிசிகளில் ஒன்றான என்.ஏ.வி. உத்தரவாத திட்டங்களுக்கும் பொருந்தும்.

வரிச் சலுகை!

வரிச் சலுகைக்காக இன்ஷூரன்ஸ் பாலிசி எடுக்கிறவர்கள்தான் நம்மில் பலர். ஒவ்வொரு ஆண்டும் ஜனவரி முதல் மார்ச் வரை பலரும் இன்ஷூரன்ஸ் பாலிசி வாங்குவது இந்த தவறான புரிதலின் அடிப்படையில்தான்.

இன்ஷூரன்ஸ் பாலிசி எடுப்பது எல்லோருக்கும் அவசியமான ஒன்று என அரசாங்கம் நினைப்பதாலேயே தான் அதற்கு வரிச் சலுகை வழங்கி இருக்கிறதே ஒழிய, வரிச் சலுகைக்காக நாம் தேவையில்லாமல் இன்ஷூரன்ஸ் பாலிசி எடுக்க வேண்டிய அவசியமில்லை. அதிகபட்சம் ஒரு லட்ச ரூபாய் வரை இன்ஷூரன்ஸ் பிரீமியத்துக்கு வரிச் சலுகை கிடைக்கும். 10% வரியை மிச்சம் பிடிக்க நினைத்து அதற்கு மேல் இன்ஷூரன்ஸ் கம்பெனிக்கு வாரிக் கொடுத்துக் கொண்டிருக் கிறார்கள் பலர்..!

இன்ஷூரன்ஸ் பாலிசி எடுக்கும் முன் இந்த விஷயங்களை கவனித்தால் புலம்பவேண்டிய அவசியம் இருக்காது!

**************

SOURCE.VIKADAN