Kalaam E Raza | Islamic Naat Lyrics

Sunte Hain Ke Mehshar Mein Sirf Unki Rasaai Hai

2021-12-04T17:31:00.002+05:30

Sunte Hain Ke Mehshar Mein Sirf Unki Rasaai Hai

Gar Unki Rasaai Hai Lo Jab To Ban Aayi Hai

Machla Hai Ke Rehmat Ne Ummeed Bandhaai Hai

Kya Baat Teri Mujrim Kya Baat Banaai Hai

Sab Ne Saf E Mehshar Mein Lalkaar Diya Hum Ko

Aye Bekaso(N) Ke Aaqa Ab Teri Duhaai Hai

Yun To Sab Unhi Ka Hai Par Dil Ki Agar Poocho

Yeh Toote Hue Dil Hi Khaas Unki Kamaai Hai

Zaair Gaye Bhi Kab Ke Din Dhalne Pe Hai Pyaare

Uth Mere Akele Chal Kya Der Lagaai Hai

Baazar E Amal Mein Toh Sauda Na Bana Apna

Sarkar Karam Tujh Mein Aibee Ki Samaai Hai

Girte Huwo Ko Muzda Sajde Mein Gire Maula

Ro Ro Ke Shafa’at Ki Tamheed Uthaai Hai

Aye Dil Yeh Sulagna Kya Jalna Hai To Jal Bhi Uth

Dum Ghutne Laga Zaalim Kya Dhooni Ramaai Hai

Mujrim Ko Na Sharmao Ahbaab Kafan Dhak Do

Munh Dekh Ke Kya Hoga Parde Mein Bhalaai Hai

Ab Aap Hi Sambhalein Toh Kaam Apne Sambhal Jaayein

Humne To Kamai Sab Khelon Mein Ganwaai Hai

Aye Ishq Tere Sadqe Jalne Se Chhute Saste

Joh Aag Bujha Degi Woh Aag Lagaai Hai

Hirso Hawas E Bad Se Dil Tu Bhi Sitam Kar Le

Tu Hi Nahi Beygana Dunya Hi Paraai Hai

Hum Dil Jale Hain Kiske Hat Fitnon Ke Parkaale

Kyun Phoonk Du Ik Ufs Se Kya Aag Lagaai Hai

Taiba Na Sahi Afzal Makkah Hi Bada Zaahid

Hum Ishq Ke Bande Hain Kyun Baat Badhaai Hai

Matl'A Mein Yeh Shak Kya Tha Wallah Raza Wallah

Sirf Unki Rasaai Hai Sirf Unki Rasaai Hai

Tum Chalo Hum Chalein Sab Madine Chalein

2021-06-24T23:03:00.004+05:30

Tum Chalo Hum Chalein Sab Madine Chalein

Jaanib E Taybah Sab Ke Safeene Chalein

Maikasho! Aao Aao Madine Chalein

Baada E Khuld Ke Jaam Peene Chalein

Jee Gaye Wo Madine Mein Jo Marr Gaye

Aao Hum Bhi Wahaa(N) Mar Ke Jeene Chalein

Taahir E Jaa(N) Madine Ko Jab Udd Chalaa

Zindagi Se Kaha Zindagi Ne Chalein

Raah E Taybah Mein Jab Naatwaa(N) Reh Gaye

Dil Ko Kheenche Kaha Be Kali Ne Chalein

Khaaq E Taybah Mein Apni Jagah Ho Gayi

Khoob Muzda Sunaaya Khushi Ne Chalein

Agley Pichley Sabhi Khuld Mein Chal Diye

Rouz E Mehshar Kahaa Jab Nabi Ne Chalein

Un Ki Shaan E Karam Ki Kashish Dekhna

Kaasa Lekar Kahaa Khusrawi Ne Chalein

Akhtar E Khasta Bhi Khuld Mein Chal Diya

Jab Sadaa Di Usey Murshidi Ne Chalein

Tumhaare Dar Pe Jo Main Baryaab Ho Jaau

2021-02-25T11:42:00.003+05:30

Tumhaare Dar Pe Jo Main Baryaab Ho Jaau

Qasam Khuda Ki Shaha Kaamyaab Ho Jaau

Jo Paau Bosa E Paa E Huzoor Kya Kehna

Main Zarra Shams O Qamar Ka Jawab Ho Jaau

Meri Haqeeqat E Faani Bhi Kuch Haqeeqat Hai

Maru(n) To Aaj Khayal Aur Khwaab Ho Jaau

Jahaan Ke Qaus O Qaza Se Farayb Khaye Kyun

Main Apne Qalb O Nazar Ka Hijaab Ho Jaau

Jahaan Ki Bigdi Isi Aastane Se Banti Hai

Main Kyu Na Waqf Dar E AanJanaab Ho Jaau

Tumhara Naam Liya Hai Talatam E Ghum Mein

Main Ab To Paar Risaalat Ma-aab Ho Jaau

Ye Meri Doori Badal Jaaye Qurb Se Akhtar

Agar Woh Chahein To Mein Baryaab Ho Jaau

Hai Lab E Isa Se Jaa(n) Bakhshi Nirali Haath Mein

2020-11-14T14:29:00.001+05:30

Hai Lab E Isa Se Jaa(n) Bakhshi Nirali Haath Mein

Sang Reze Paate Hai Sheeri(n) Maqaali Haath Mein

Be Nawaaon Ki Nigaahein Hain Kahaa Tehreer E Dast

Reh Gayi Jo Paa Key Jood E Laa Yazaali Haath Mein

Kya Lakeero(n) Mein Yadullah Khat Sar O Aasa Likha

Raah Yu(n) Iss Raaz Likhne Ki Nikali Haath Mein

Jood Shah E Kousar Apne Pyaso(n) Ka Juya Hai Aap

Kya Ajab Udd Kar Jo Aap Aayein Pyaali Haath Mein

Abre Nisyaa(n) Mo'mino(n) Ko Taigh E Uriyaa(n) Kufr Par

Jam'a Hain Shaan E Jamaali O Jalaali Haath Mein

Maalik E Qounain Hai Go Paas Kuch Rakhte Nahi

Do Jahaa(n) Ki Ne'amatein Hai Unke Khaali Haath Mein

Saaya Afgan Sarr Pe Ho Parcham Ilahi Jhoom Kar

Jab Liwa Ul Hamd Le Ummat Ka Waali Haath Mein

Har Khat E Kaff Hai Yahaa(n) Ay Dast E Bayza E Kaleem

Mo'jazan Dariya E Noor Be Misaali Haath Mein

Wo Giraa Sangi E Qadr E Mas Wo Arzaani E Jood

Nauiya Badla Kiye Sang O La-Aali Haath Mein

Dastageer E Har Do Aalam Kar Diya Sibtain Ko

Ay Mein Qurbaa(n) Jaan E Jaa(n) Angusht Kya Li Haath Mein

Aah Wo Aalam Ki Aankhein Band Aur Lab Par Durood

Wakf E Sang E Dar Jabee(n) Rouze Ki Jaali Haath Mein

Jiss Ne Bai'at Ki Bahaar E Husn Par Qurbaa(n) Raha

Hain Lakeer E Naqsh E Taskheer E Jamaali Haath Mein

Kaash Ho Jau(n) Lab E Kousar Mein Yu Warafta Hosh

Le Kar Uss Jaan E Karam Ka Zail E Aali Haath Mein

Aankh Mahw E Jalwa E Deedar Dil Purjosh E Wajd

Lab Pe Shukr E Bakhshish E Saaqi Piyali Haath Mein

Hashr Mein Kya Kya Mazee Waraftagi Ke Lu Raza

Lout Jaun Paa Ke Woh Daama(n) E Aali Haath Mein

Your browser does not support the audio tag.

Nabi Ka Saani Nahi Hai Dhundhte Reh Jaoge

2020-05-02T01:01:00.003+05:30

Nabi Ka Saani Nahi Hai Dhundhte Reh Jaoge
Noor Ka Aisa Sarapa Dhundhte Reh Jaoge
Saaya Mere Mustafa Ka Dhundhte Reh Jaoge

Naat Ki Aadat Humein Jannat Talak Le Jayegi
Tum Kitabo Mein Hawala Dhundhte Reh Jaoge

Shamiyana E Muhammad Hashr Mein Dega Panah
Munkiro Uss Din Bhi Saaya Dhundhte Reh Jaoge

Sar Kataye Ghar Lutaye Ahle Bait E Mustafa
Hashr Tak Aisa Gharana Dhundhte Reh Jaoge

Jo Bhi Gustakhi Karega Ayesha Ki Shaan Mein
Iss Tarah Gaadenge Zinda Dhundhte Reh Jaoge

Hazrat E Shabbir Ne Sajdah Jo Karbal Mein Kiya
Hai Ye Daawa Aisa Sajdah Dhundhte Reh Jaoge

Mat Jalo Ghousul Wara Se Warna Phir Rouze Jaza
Muh Chupane Ka Thikana Dhundhte Reh Jaoge

Lautna Taybah Se Qaatib Aashiqon Se Poochiye
Sabz Ghumbad Ka Nazara Dhundhte Reh Jaoge

Your browser does not support the audio tag.

Audio credits: Safa Islamic

Dar E Sarkaar Pe Jaane Ki Dua Achhi Hai

2020-04-29T07:26:00.003+05:30

Dar E Sarkaar Pe Jaane Ki Dua Achhi Hai
Phir Waha Ja Ke Jo Aa Jaaye Qazaa Achhi Hai

Jis Zamee(n) Ne Tere Talwo Ke Liye Hai Bosey
Qasam ALLAH Ki Khaaq E Kaf E Paa Achhi Hai

Rouza E Paak E Payambar Se Jo Mass Ho Ke Chale
Rooh E Muztar Ke Liye Aisi Dawaa Achhi Hai

Isliye Malte They Zakhmo(n) Pe Lu-aab Hazrat Ka
Hai Sahaba Ka Aqeeda Ye Dawa Achhi Hai

Naam E Hazrat Pe Jo Sarr Apna Kataa Dete Hain
Jaan Lo Aysi Fanaa Mein Hi Baqaa Achhi Hai

Khud Khuda Aur Nabi Tujhse Hayaa Karte Hain
Mere Usmaan Teri Sharm O Hayaa Achhi Hai

Ibn Abbas Tere Rukh Ko Kabhi Maa Ko Takein
Bole Tere Rukh E Roushan Ki Ziyaa Achhi Hai

Kaash Mil Jaaye Madine Ka Mujhe Parwaana
Dil E Salmaan Yahi Harf E Dua Achhi Hai

Your browser does not support the audio tag.

Bul Hawas Sun Seem O Zar Ki Bandagi Achhi Nahi

2020-02-05T18:41:00.003+05:30

Bul Hawas Sun Seem O Zar Ki Bandagi Achhi Nahi
Unn Ke Darr Ki Bheek Achhi Sarwari Achhi Nahi

Sarwari Kya Cheez Hai Unn Ki Gadaai Ke Huzoor
Unn Ke Darr Ki Bheek Achhi Sarwari Achhi Nahi

Unn Ki Chaukhat Choom Kar Khud Keh Rahi Hai Sarwari
Unn Ke Darr Ki Bheek Achhi Sarwari Achhi Nahi

Sarwari Khud Hai Bhikaaran Bandagaan E Shah Ki
Unn Ke Darr Ki Bheek Achhi Sarwari Achhi Nahi

Sarwari Paa Kar Bhi Kehte Hain Gadayaan E Huzoor
Unn Ke Darr Ki Bheek Achhi Sarwari Achhi Nahi

Taaj Khud Raa Kaasa Karda Goyad E(n) Jaa Tajwar
Unn Ke Darr Ki Bheek Achhi Sarwari Achhi Nahi

Taaj Ko Kaasa Bana Kar Taajwar Kehte Hain Yu(n)
Unn Ke Darr Ki Bheek Achhi Sarwari Achhi Nahi

Mufti E A'azam Yakee Az Mardmaan E Mustafa
Uss Razaa'i Mustafa Se Dushmani Achhi Nahi

Hujjatul Islaam Ay Hamid E Raza Baba E Mann
Tum Ko Bin Dekhe Hamari Zindagi Achhi Nahi

Khaak E Taybah Ki Talab Main Khaak Ho Ye Zindagi
Khaak E Tibah Achhi Apni Zindagi Achhi Nahi

Aarzu Mandaan E Ghul Kaanto(n) Se Bachte Hain Kahin
Khaar E Taybah Se Teri Pehlo Tahi Achhi Nahi

Dasht E Taybah Ke Fidaayi Se Jinaa(n) Ka Tazkira
Jo Rulaa De Khun Aisi Dil Lagi Achhi Nahi

Dasht E Taybah Chor Kar Mai Sayr E Jannat Ko Chalu
Rehne Dijiye Shaykh Ji Deewangi Achhi Nahi

Jo Junoon E Khuld Mein Kawwo(n) Ko De Baithe Dharam
Ayse Andhe Shaykh Ji Ki Payrwi Achhi Nahi

Aql Cho Paayo(n) Ko De Baithey Hakeem E thanvi
Mai Na Kehta Tha Ke Sohbat Dev Ki Achhi Nahi

Yaad E Jaanaa Mein Ma'azAllah Hasti Ki Khabar
Yaad E Jaanaa Mein Kisi Se Aag'ee Achhi Nahi

Shaam E Hijraa(n) Mein Hame Hai Justuju Uss Mehr Ki
Chaudhawi Ke Chaand Teri Chaandni Achhi Nahi

Tauq E Tehzeeb E Farangi Tod Daalo Mo'mino
Teergi Anjaam Hai Ye Roushni Achi Nahi

Shaakh E Ghul Par Hi Banayenge Anaadil Aashiya(n)
Barq Se Keh Do Ke Humsee Zidd Teri Achhi Nahi

Jo Piya Mann Bhaaye Akhtar Wo Suhaana Raag Hai
Jis Se Na-Khush Ho Piya Wo Raagini Achhi Nahi

Your browser does not support the audio tag.

Tumhara Naam Musibat Mein Jab Liya Hoga Complete Lyrics

2019-11-14T14:45:00.000+05:30

Tumhara Naam Musibat Mein Jab Liya Hoga
Hamara Bigda Huwa Kaam Bann Gaya Hoga

Gunahgaar Pe Jab Lutf Aapka Hoga
Kiya Bagair Kiya Be-Kiya Kiya Hoga

Khuda Ka Lutf Huwa Hoga Dastageer Zaroor
Jo Girte Girte Tera Naam Le Liya Hoga

Dikhayi Jayegi Mehshar Mein Shaan E Mehboobi
Ke Aap Hi Ki Khushi Aapka Kaha Hoga

Khuda E Paak Ki Chahenge Agle Pichle Khushi
Khuda E Paak Khushi Unki Chahta Hoga

Kisi Ke Paanv Ki Bedi Ye Kaat-te Honge
Koyi Aseer E Gham Unko Pukarta Hoga

Kisi Taraf Se Sada Aayegi Huzoor Aao
Nahi To Damm Mein Ghareebo Ka Faysla Hoga

Kisi Ke Palle Pe Ye Honge Waqt E Wazn E Amal
Koyi Ummeed Se Muh Unnka Tak Raha Hoga

Koyi Kahega Duhayi Hai Ya RasoolAllah
To Koyi Thaam Ke Daman Machal Gaya Hoga

Kisi Ko Le Ke Chalenge Firishte Suwe Jaheem
Woh Unka Raasta Phir Phir Ke Dekhta Hoga

Shikashta Pa Hu Mere Haal Ki Khabar Kar Do
Koyi Kisi Ye Ro Ro Ke Keh Raha Hoga

Khuda Ke Waaste Jald Unse Arz E Haal Karo
Kise Khabar Hai Ke Damm Bhar Mein Haaye Kya Hoga

Pakad Ke Haath Koyi Haal E Dil Sunayega
To Ro Ke Qadmo(n) Se Koyi Lipat Gaya Hoga

Zaban Sukhi Dikha Kar Koyi Lab E Kausar
Janaab E Paak Ke Qadmo Pe Gir Gaya Hoga

Nishaan E Khushrave Di Door Ki Ghulamo Ko
Liwaye Hamd Ka Parcham Bata Raha Hoga

Koyi Qareeb E Tarazu Koyi Lab E Kausar
Koyi Siraat Se Unko Pukaarta Hoga

Ye Beqaraar Karegi Sadaa Ghareebo Ki
Muqaddas Aankhon Se Taar Ashq Ka Bandha Hoga

Wo Paak Dil Ke Nahi Jisko Apna Andesha
Hujoom E Fiqr O Taraddud Mein Ghir Gaya Hoga

Hazaar Jaan Fida Narm Narm Pau Se
Pukaar Sun Ke Aseero(n) Ki Daudta Hoga

Azeez Bachhe Ko Maa(n) Jis Tarah Talaash Kare
Khuda Gawah Wahi Haal Aapka Hoga

Khudayi Bhar Inhi Haathon Ko Dekhti Hogi
Zamana Bhar Inhi Qadmo(n) Pe Laut-ta Hoga

Bani Hai Damm Pe Duhayi Hai Taaj Waale Ki
Ye Ghul Ye Shour Ye Hungame Ja-Ba-Ja Hoga

Maqaam Faasilo(n) Par Kaam Mukhtalif Itne
Ye Din Zuhoor E Kamaal E Huzoor Ka Hoga

Kahenge Aur Nabi "Iz Habu Ila Gayri"
Mere Huzoor Ke Lab Par "Ana Laha" Hoga

Dua E Ummate Badkaar Wird E Lab Hogi
Khuda Ke Saamne Sajdeh Mein Sarr Jhuka Hoga

Ghulam Unki Inayat Se Chayn Mein Honge
Aduu Huzoor Ka Aafat Mein Mubtala Hoga

Main Unke Dar Ka Bhikari Hu Fazl E Maula Se
Hasan Faqeer Ka Jannat Mein Bistara Hoga

Your browser does not support the audio tag.

Muraadein Mil Rahi Hain Shaad Shaad Unka Suwali Hai

2019-11-14T14:16:00.004+05:30

Muraadein Mil Rahi Hain Shaad Shaad Unka Suwali Hai
Labo(n) Par Iltija Hai Haath Mein Rouze Ki Jaali Hai

Teri Soorat Teri Seerat Zamane Se Nirali Hai
Teri Har Har Adaa Praye Daleel E Be-Misaali Hai

Wo Hain Allah Waale Jo Tujhe Waali Kahein Apna
Ke Tu Allah Waala Hai Tera Allah Waali Hai

Faqeero(n) Be-Nawao(n) Apni Apni Jholiya(n) Bhar Lo
Ke Bara Bat Raha Hai Faiz Par Sakaar E Aali Hai

Nikala Kab Kisi Ko Bazme Faiz E Aam Se Tumne
Nikali Hai To Aane Waalo(n) Ki Hasrat Nikali Hai

Khuda Shahid Ke Rouz E Hashr Ka Khatka Nahi Rehta
Mujhe Jab Yaad Aata Hai Ke Mera Koun Waali Hai

Hasan Ka Dard O Dukh Mouquf Farma Kar Bahaali Do
Tumhare Haath Mein Dunya Ki Mouqufi Bahaali Hai

Your browser does not support the audio tag.

Mehboob Ke Dar Par Jau(n) Wo Waqt E Mubarak Aaye

2019-10-02T20:52:00.004+05:30

Mehboob Ke Dar Par Jau(n) Wo Waqt E Mubarak Aaye
Qismat Apni Chamkau Wo Waqt E Mubarak Aaye

Jab Pesh E Nazar Ho Mere Minar O Ghumbad Tere
Main Ghash Kha-kar Gir Jau(n) Wo Waqt E Mubarak Aaye

Fir Tere Ghumbad E Khazra Pe Rookar Dast-ba-dasta
Sab Haal Main Tumko Sunau Wo Waqt E Mubarak Aaye

Dilko Apne Samjhakar Deedar Ki Aas Dila Kar
Ro-Ro Kar Main So Jau(n) Wo Waqt E Mubarak Aaye

Wo Khwab ME Jalwa Dikhaye Ay Kaash Karam Farmaye
Main Qadmo Mein Gir Jau(n) Wo Waqt E Mubarak Aaye

Hai Dil Ka Ubaid Ye Armaa(n) Fir Banke Unka Mehmaa(n)
Darbaar Mein Naat Sunau Wo Waqt E Mubarak Aaye

Maangne Ka Maza Hai Dar E Yaar Par

2019-10-01T13:42:00.000+05:30

Maangne Ka Maza Hai Dar E Yaar Par
Har Talab Par Ataa Hai Dar E Yaar Par

Kaun Lab Kholta Hai Dar E Yaar Par
Be-Talab Mil Raha Hai Dar E Yaar Par

Maang Unse "Nahi" Jinke Lab Par Nahi
Jo Bhi Maanga Mila Hai Dar E Yaar Par

Bakhsh De Ya Khuda Fazl Farma Tera
Aaj Haazir Hai Gadaa Dar E Yaar Par

Kyun Na Maange Ubaid Unke Dar Par Dua
Jee Gaya Jo Maraa Hai Dar E Yaar Par

Ghous E Azam Main Gunahgaar Hu Shay'An Lillah

2019-04-18T14:59:00.002+05:30

Ghous E Azam Main Gunahgaar Hu Shay'An Lillah
Sakht Badkaaro Khatawaar Hu Shay'An Lillah

Aapke Hijr Ka Beemar Hu Shay'An Lillah
Taalib E Sharbat E Deedar Hu Shay'An Lillah

Mere Sultaan Main Nadaar Hu Shay'An Lillah
Be-kas O Be-bas O Laachaar Hu Shay'An Lillah

Ay Mere Chaand Ujala Ho Meri Jaanib Bhi
Sakht Zulmat Main Giraftaar Hu Shay'An Lillah

Aaj Kal Apne Pe Khud Baar Hu Shay'An Lillah
Aah Kis Darja Main Bekaar Hu Shay'An Lillah

Naqd Aamal Ki Punji Nahi Ratti Bhar Bhi
Phir Bhi Ye Za-am Ke Deendaar Hu Shay'An Lillah

Ek Nazar Ghazi E Be-kas Pe Ho Shah E Jeela(n)
Main Bhi Tera Sag E Darbaa Hu Shay'An Lillah

Written By : Sayyad Ghazi Rabbani Rehmatullah Alaih

Ka’abe Key Badrud-Duja Tum Pe Karoron Durood

2019-03-01T19:58:00.001+05:30

Ka’abe Key Badrud-Duja Tum Pe Karoron Durood,

Taibah Key Shamsudduha Tum Pe Karoron Durood.

Shaafa'-E-Roz-E-Jazaa Tum Pe Karoron Durood,

Daafa’-E-Jumlah Balaa Tum Pe Karoron Durood.

Jaan-O-Dil-E-Asfiya Tum Pe Karoron Durood,

Aab-O-Gil-E-Ambiya Tum Pe Karoron Durood.

Laayei(n) To Yeh Doosraa Dawsaraa Jis Ko Mila,

Kooshak-E-’Arsh-O-Danaa Tum Pe Karoron Durood.

Aur Koi Ghaib Kya Tum Sey Nihaa(n) Ho Bhala,

Jab Naa Khuda Hi Chupaa Tum Pe Karoron Durood.

Toor Pe Jo Sham'a Thaa Chaand Thaa Saa’eer Kaa,

Nayyar-E-Faaraa(n) Huwa Tum Pe Karoron Durood.

Dil Karo Thanda Mera Woh Kaf-E-Paa Chaand Saa,

Seeney Pe Rakh Do Zaraa Tum Pe Karoron Durood.

Zaat Hui Intikhaab Wasf Huwe Laajawaab,

Naam Huwa Mustafa Tum Pe Karoron Durood.

Ghaayat-O-’Illat Sabab Bahr-E-Jahaa(n) Tum Ho Sab,

Tum Sey Banaa Tum Binaa Tum Pe Karoron Durood.

Tum Sey Jahaa(n) Ki Hayaat Tum Sey Jahaa(n) Kaa Sabaat,

Asl Sey Hay Zil Bandhaa Tum Pe Karoron Durood.

Maghz Ho Tum Aur Post Aur Hain Baahir Key Dost,

Tum Ho Daroon-E-Saraa Tum Pe Karoron Durood.

Kya Hain Jo Be-Had Hain Laus Tum Toh Ho Ghais Aur Ghaus,

Cheentte Mein Hoga Bhalaa Tum Pe Karoron Durood.

Tum Ho Hafeez-O-Mughees Kya Hay Woh Dushman Khabees,

Tum Ho Toh Phir Khauf Kya Tum Pe Karoron Durood.

Woh Shab-E-Me'raj Raaj Woh Saf-E-Mehshar Ka Taaj,

Koi Bhi Aisaa Huwa Tum Pe Karoron Durood.

Nuhta Falaahal Falaah Ruhta Faraahal-Maraah,

‘Ud Liya’udal-Hanaa Tum Pe Karoron Durood.

Jaan-O-Jahaan-E-Maseeh Daad Keh Dil Hay Jareeh,

Nabzei(n) Chattin Dam Chalaa Tum Pe Karoron Durood.

Uf Woh Rah-E-Sanglaakh Aah Yeh Paa Shaakh Shaakh,

Aay Mere Mushkil Kusha Tum Pe Karoron Durood.

Tum Sey Khulaa Baab-E-Jood Tum Sey Hay Sab Kaa Wujood,

Tum Sey Hay Sab Ki Baqaa Tum Pe Karoron Durood.

Khastah Hoon Aur Tum Ma’aaz Basta Hoon Aur Tum Malaaz,

Aage Jo Shah Ki RAZA Tum Pe Karoron Durood.

Garche Hain Behad Kusoor Tum Ho ‘Afuw-O-Ghafoor,

Bakhsh Do Jurm-O-Khataa Tum Pe Karoron Durood.

Mehr-E-Khuda Noor Noor Dil Hay Siyah Din Hay Door,

Shab Mein Karo Chaandnaa Tum Pe Karoron Durood.

Tum Ho Shaheed-O-Baseer Aur Main Gunah Par Dileer,

Khol Do Chashm-E-Hayaa Tum Pe Karoron Durood.

Cheent Tumhaari Sahar Chhoot Tumhari Qamar,

Dil Mein Racha Do Ziya Tum Pe Karoron Durood.

Tum Sey Khuda Ka Zuhoor Uss Sey Tumhaara Zuhoor,

Lim Hay Yeh Woh In Huwa Tum Pe Karoron Durood.

Be-Hunar-O-Be-Tameez Kis Ko Huwe Hain ‘Azeez, Eik Tumhaare Siwaa Tum Pe Karoron Durood.

Aas Hay Koi Nah Paas Ek Tumhari Hay Aas,

Bas Hay Yahi Aasraa Tum Pe Karoron Durood.

Taa-Ram-E-Aa'la Ka Arsh Jis Kaf-E-Paa Kaa Hay Farsh, Aankhon Pe Rakh Do Zaraa Tum Pe Karoron Durood.

Kehne Ko Hain ‘Aam-O-Khaas Eik Tumhi(n) Ho Khalaas,

Band Sey Kar Do Rihaa Tum Pe Karoron Durood.

Tum Ho Shifaa-E-Maraz Khalq-E-Khuda Khud Gharaz,

Khalq Ki Haajat Bhi Kyaa Tum Pe Karoron Durood.

Aah Woh Raah-E-Siraat Bandon Ki Kitni Bisaat,

Al Madad Aay Rehnumaa Tum Pe Karoron Durood.

Be-Adab-O-Bad-Lihaaz Kar Nah Sakaa Kuch Hifaaz,

‘Afw Pe Bhoola Raha Tum Pe Karoron Durood.

Law-Teh-E-Daaman Keh Sham'a Jhonko(n) Mein Hay Roz-E-Jam'a,

Aandhiyon Sey Hashr Utthaa Tum Pe Karoron Durood.

Seena Keh Hay Daagh Daagh Keh Do Kare Baagh Baagh,

Taibah Sey Aa Kar Sabaa Tum Pe Karoron Durood.

Gesu-O-Qad Laam Alif Kar Do Balaa Munsarif,

Laa Key Teh-E-Taigh-E-Laa Tum Pe Karoron Durood.

Tum Ney Ba-Rang-E-Falaq Jaib-E-Jahaa(n) Kar Key Shaq,

Noor Ka Tarrka Kiya Tum Pe Karoron Durood.

Nawbat-E-Dar Hain Falak Khaadim-E-Dar Hain Malak,

Tum Ho Jahaa(n) Baadshaa Tum Pe Karoron Durood.

Khilq Tumhaari Jameel Khulq Tumhaara Jaleel,

Khalq Tumhaari Gadaa Tum Pe Karoron Durood.

Taibah Key Maah-E-Tamaam Jumlah Rusul Key Imaam,

Naw Shah-E-Milk-E-Khuda Tum Pe Karoron Durood.

Tum Sey Jahaa(n) Ka Nizaam Tum Pe Karoron Salaam,

Tum Pe Karoron Sanaa Tum Pe Karoron Durood.

Tum Ho Jawaad-O-Kareem Tum Ho Rauf-O-Raheem,

Bheek Ho Daata ‘Ataa Tum Pe Karoron Durood.

Khalq Key Haakim Ho Tum Rizq Key Qaasim Ho Tum,

Tum Sey Milaa Jo Milaa Tum Pe Karoron Durood.

Naafe'-O-Daafe' Ho Tum Shaafe'-O-Raafe' Ho Tum,

Tum Sey Bas Afzoo(n) Khuda Tum Pe Karoron Durood.

Shaafi-O-Naafi Ho Tum Kaafi-O-Waafi Ho Tum,

Dard Ko Kardo Dawaa Tum Pe Karoron Durood.

Jaayein Nah Jab Tak Ghulaam Khuld Hay Sab Par Haraam,

Milk Toh Hay Aap Ka Tum Pe Karoron Durood.

Mazhar-E-Haq Ho Tumhin Muzhir-E-Haq Ho Tumhin,

Tum Mein Hay Zaahir Khuda Tum Pe Karoron Durood.

Zor Deh-E-Naarsaa(n) Takya Gahe Bekasaa(n),

Baadshah-E-Maa-Waraa Tum Pe Karoron Durood.

Barse Karam Ki Bharan Phoolein Ni'am Key Chaman,

Aisi Chaalaa Do Hawaa Tum Pe Karoron Durood.

Ik Taraf A'daa-E-Dee(n) Eik Taraf Haasidee(n),

Bandah Hay Tanhaa Shahaa Tum Pe Karoron Durood.

Kyoon Kahoon Be-Kas Hoon Main Kyoon Kahoon Be-Bas Hoon Main,

Tum Ho Mein Tum Par Fidaa Tum Pe Karoron Durood.

Gandey Nikammey Kameen Mehnge Ho(n) Koree Key Teen,

Kaun Humein Paalta Tum Pe Karoron Durood.

Baat Na Dar Key Kahi(n) Ghaat Nah Ghar Key Kahi(n),

Aise Tumhei(n) Paalna Tum Pe Karoron Durood.

Aiso(n) Ko Ne'mat Khilaao Doodh Key Sharbat Pilaao,

Aiso(n) Ko Aisi Ghizaa Tum Pe Karoron Durood.

Girne Ko Hoon Rok Lo Ghotah Lage Haath Do,

Aiso(n) Par Aisi ‘Ataa Tum Pe Karoron Durood.

Apne Khataawaaron Ko Apne Hi Daaman Mein Lo,

Kaun Kare Yeh Bhalaa Tum Pe Karoron Durood.

Kar Key Tumhaare Gunaah Maangein Tumhaari Panaah,

Tum Kaho Daaman Mein Aa Tum Pe Karoron Durood,

Kar Do 'Aduw Ko Tabaah Haasidon Ko Roo Baraah,

Ahl-E-Wilaa Ka Bhalaa Tum Pe Karoron Durood.

Hum Ne Khataa Mein Nah Ki Tum Ne ‘Ataa Mein Nah Ki,

Koi Kami Sarwaraa Tum Pe Karoron Durood.

Kaam Ghazab Key Kiye Us Peh Hay Sarkaar Sey,

Bandon Ko Chashm E Raza Tum Pe Karoron Durood.

Aankh ‘Ataa Kijiye Us Mey Ziya Dijiye,

Jalwah Qareeb Aa Gaya Tum Pe Karoron Durood.

Kaam Woh Ley Lijiye Tum Ko Jo Raazi Kare,

Theek Ho Naam-E-Raza Tum Pe Karoron Durood.

Muhammad Mazhar E Kaamil Hain Haq Ki Shaan E Izzat Ka

2019-03-01T19:41:00.002+05:30

Muhammad Mazhar E Kaamil Hain Haq Ki Shaan E Izzat Ka,
Nazar Aata Hay Is Kasrat Mein Kuch Andaaz Wahdat Ka.

Yahi Hay Asl E Aalam E Maadah Ijaad E Khalqat Ka,
Yahaan Wahdat Mein Barpa Hay Ajab Hangaama Kasrat Ka.

Gadaa Bhi Muntazir Hay Khuld Mein Nekon Ki Da’wat Ka,
Khuda Din Khair Sey Laaye Sakhi Key Ghar Ziyafat Ka.

Gunah Maghfoor, Dil Raushan, Khanak Aankhein, Jigar Thanda,
Ta’ala Allah Maah E Taiba Aalam Teri Tal’at Ka.

Na Rakhi Gul Key Josh E Husn Ne Gulshan Mein Jaa Baaqi,
Chatakta Phir Kahaan Ghuncha Koi Baagh E Risaalat Ka.

Barhaa Ye Silsila E Rahmat Ka Daur E Zulf E Waala Mein
Tasalsal Kaale Koson Reh Gaya Isiyan Ki Zulmat Ka.

Saf E Maatam Uthe Khaali Ho Zindaan Tootein Zanjeerain,
Gunahgaaro Chalo Mawla Ne Dar Khola Hay Jannat Ka.

Sikhaaya Hay Yeh Kis Gustaakh Ne Aaina Ko Yaa Rab,
Nazaarah Rooye Jaanaan Ka Bahaana Kar Key Hairat Ka.

Idhar Ummat Ki Hasrat Par Udhar Khaaliq Ki Rahmat Par,
Niraala Taur Hoga Gardish E Chashme Shafa’at Ka.

Barhein Is Darja Maujein Kasrat E Afdaal E Waala Ki,
Kinaarah Mil Gaya Is Neher Sey Daryaa E Wahdat Ka.

Kham E Zulf E Nabi Saajid Hay Mehraab E Do Abru Mein,
Ke Yaa Rab Tu Hi Waali Hay Siyah Kaaraan E Ummat Ka.

Madad Aay Joshish E Girya Baha De Kooh Aur Sehra,
Nazar Aa Jaaye Jalwah Be Hijaab Us Paak Turbat Ka.

Hue Kam Khwaabi-E-Hijraan Mein Saaton Parde Kam Khwaabi,
Tassawwur Khoob Baandha Aankhon Ne Astaar E Turbat Ka.

Yaqeen Hay Waqt E Jalwah Laghzishain Paaye Negah Paaye,
Mile Josh E Safaaye Jism Sey Paa Bos Hazrat Ka.

Yahaan Chirka Namak Waa Marham E Kafoor Haath Aaya,
Dil E Zakhmi Namak Parwardah Hay Kis Ki Malaahat Ka.

Ilaahi Muntazir Hoon Woh Khiraam E Naaz Farmaaein,
Bicha Rakha Hay Farsh Aankhon Ne Kam Khwaab E Basaarat Ka.

Na Ho Aaqa Ko Sajdah Adam O Yusuf Ko Sajdah Ho,
Magar Sad E Zaraay’ E Daab Hay Apni Shari’at Ka.

Zabaan E Khaar Kis Kis Dard Sey Un Ko Sunaati Hay,
Tarapna Dasht E Taiba Mein Jigar Afgaar Furqat Ka.

Sirhaane Un Key Bismil Key Ye Betaabi Ka Matam Hay,
Shahe Kausar Tarahham Tishnah Jaata Hay Ziyaarat Ka.

Jinhein Marqad Me Taa Hashr Ummati Keh Kar Pukaroge,
Hamain Bhi Yaad Kar Lo Un Mein Sadqa Apni Rahmat Ka.

Woh Chamke Bijliyan Yaa Rab Tajalli Haaye Jaanaan Sey,
Ke Chashm E Toor Surma Ho Dil Mushtaaq Rooyat Ka.

Raza E Khasta Josh E Behr E ’Isiyaan Sey Na Ghabraana,
Kabhi To Haath Aajaayega Daaman Unki Rahmat Ka.

Al Amaan Qeher Hay Aay Ghaus Woh Teekha Teraa

2019-02-28T16:22:00.000+05:30

Al Amaan Qeher Hay Aay Ghaus Woh Teekha Teraa,
Mar Key Bhi Chain Sey Sotaa Nahin Maara Teraa.

Baadalon Sey Kahin Rukti Hay Karakti Bijlee,
Dhaalein Cheent Jaati Hain Uthta Hay Jo Tegha Teraa.

Aks Ka Dekh Key Munh Aur Biphar Jaata Hay,
Chaar Aaina Key Bal Ka Nahin Nezaa Teraa.

Koh-E-Sar Mukh Ho To Ek Waar Mein Do Par Kaale,
Haath Parta Hi Nahin Bhool Key Aucha Teraa.

Is Pey Yeh Qeher Key Ab Chand Mukhalif Tere,
Chahate Hain Key Ghata Dein Kahin Paaya Teraa.

Aql Hoti To Khuda Sey Nah Laraai Lete,
Yeh Ghataein Usey Manzoor Barhaana Teraa.

Warafa'naa Laka Zikrak Ka Hay Saaya Tujh Par,
Bol Baala Hay Tera Zikr Hay Ooncha Teraa.

Mit Gaye Mit Te Hain Mit Jaayenge Aa’daa Tere,
Na Mitaa Hay Na Mitega Kabhi Charcha Teraa.

Tu Ghataaye Sey Kisi Key Na Ghata Hay Na Ghatay,
Jab Barhaaye Tujhe Allah Ta’ala Teraa.

Samm-E-Qaatil Hay Khuda Ki Qasam Unka Inkaar,
Munkir-E-Fadl-E-Huzoor Aah Ye Likkha Teraa.

Mere Sayyaaf Key Khanjar Sey Tujhe Baak Nahin,
Cheer Kar Dekhe Koi Aah Kaleja Teraa.

Ibn-E-Zahra Sey Tere Dil Mein Hain Ye Zeher Bhare,
Bal Be Ow Munkir-E-Be Baak Yeh Zuhra Teraa.

Baaz-E-Ashhab Ki Ghulaami Sey Yeh Aankhein Phirni,
Dekh Ur Jayega Imaan Ka Tota Teraa.

Shaakh Par Baith Key Jar Kaatne Ki Fikr Mein Hain,
Kahin Neecha Na Dikhaye Tujhe Shajra Teraa.

Haq Sey Bad Ho Key Zamaane Ka Bhala Banta Hay,
Are Main Khoob Samajhta Hoon Mua’mma Teraa.

Sag-E-Dar Qeher Sey Dekhe To Bikharta Hay Abhi,
Band Band-E-Badan Aay Roobeh Duniya Teraa.

Gharz Aaqa Sey Karoon Arz Key Teri Hay Panaah,
Bandah Majboor Hay Khaatir Pe Hay Qabza Teraa.

Hukm-E-Naafiz Hay Tera Khaamah Tera Saif Teri,
Dam Main Jo Chaahe Kare Dor Hay Shahaa Teraa.

Jis Ko Lalkaar De Aata To Ultaa Phir Jaaye,
Jis Ko Chamkaar Le Har Phir Key Woh Teraa Teraa.

Kunjiyan Dil Ki Khuda Ne Tujhe Dein Aisi Kar,
Ke Yeh Seena Ho Mohabbat Ka Khazeena Teraa.

Dil Pe Kundah Ho Tera Naam Key Wo Duzd-E-Rajeem,
Ulte Hi Paaon Phire Dekh Key Tughra Teraa.

Naz’aa Mein Gor Mein Meezaan Pe Sar-E-Pul Pe Kahin,
Na Chutay Haath Say Daamaan-E-Mu’alla Teraa.

Dhoop Mahshar Ki Woh Jaan Soz Qayaamat Hay Magar,
Mutmain Hoon Key Mere Sar Pe Hay Pallaa Teraa.

Bahjat Is Sir Ki Hay Jo Bahjatul Asraar Mein Hay,
Ke Falak Waar Mureedon Pe Hay Saaya Teraa.

Aay Raza Cheest-E-Gham Ar Jumlah Jahan Dushman-E-Tust,
Kardah Am Maamane Khud Qibla-E-Haajaate Raa.

Tu Hay Woh Ghaus Key Har Ghaus Hay Shaida Teraa

2019-02-27T16:04:00.000+05:30

Tu Hay Woh Ghaus Key Har Ghaus Hay Shaida Teraa,
Tu Hay Woh Ghais Key Har Ghais Hay Pyaasa Teraa.

Sooraj Aglon Key Chamaktey Thay Chamak Kar Doobe,
Ufaq-E-Noor Pey Hay Mehr Hamesha Teraa.

Murgh Sab Boltey Hain Bol Key Chup Rehte Hain,
Haan Aseel Ek Nawa Sanj Rahega Teraa.

Jo Wali Qabl Thay Ya Ba’d Huwe Ya Hongey,
Sab Adab Rakhte Hain Dil Mein Mere Aqaa Teraa.

Baqasam Kehtey Hain Shahaan-E-Sarifeen-O-Hareem,
Key Hua Hay Nah Wali Ho Koi Hamtaa Teraa.

Tujhsey Aur Dahar Key Aqtaab Sey Nisbat Kaisi,
Qutub Khud Kaun Hay Khaadim Tera Chelaa Teraa.

Saare Aqtaab Jahaan Karte Hain Kaa’be Ka Tawaaf,
Kaa’ba Karta Hay Tawaaf-E-Dar-E-Waala Teraa.

Aur Parwaane Hain Jo Hote Hain Kaa’be Pey Nisaar,
Shama’a Ek Tu Hay Key Parwaanah Hay Kaa’ba Teraa.

Shajr-E-Sar-O-Sahee Kis Key Ugaaye Tere,
Maarifat Phool Sahi Kis Ka Khilaaya Teraa.

Tu Hay Naushaah Baraati Hay Yeh Saara Gulzaar,
Laayi Hay Fasl-E-Saman Goondh Key Sehra Teraa.

Daaliyan Jhoomti Hain Raqs-E-Khushi Josh Pey Hay,
Bulbulein Jhoolti Hain Gaati Hain Sehra Teraa.

Geet Kaliyon Ki Chatak Ghazlein Hazaaron Ki Chehek,
Baagh Key Saazon Mein Bajta Hay Taraana Teraa.

Saf-E-Har Shajrah Mein Hoti Hay Salaami Teri,
Shaakhein Jhuk-Jhuk Key Baja Laati Hain Mujra Teraa.

Kis Gulistaan Ko Nahin Fasl –-E-Bahaari Sey Niyaaz,
Kaun Sey Silsile Mein Faiz Nah Aaya Teraa.

Nahin Kis Chaand Ki Manzil Mein Tera Jalwa-E-Noor,
Nahin Kis Aaine Key Ghar Mein Ujaala Teraa.

Raaj Kis Sheher Mein Kartey Nahin Tere Khuddaam,
Baaj Kis Neher Sey Letaa Nahin Darya Teraa.

Mazr’ae Chisht-O-Bukhara-O-Iraaq-O-Ajmer,
Kaun Si Kisht Pey Barsa Nahin Jhaala Teraa.

Aur Mehboob Hain, Haan Par Sabhi Yaksaan To Nahin,
Yoon To Mehboob Hay Har Chaahne Wala Teraa.

Is Ko Sau Fard Sarapaa Ba-Faraghat Oorhein,
Tang Ho Kar Jo Utarne Ko Ho Neema Teraa.

Gardanein Jhuk Gayin Sar Bich Gaye Dil Laut Gaye,
Kashf-E-Saaq Aaj Kahaan Yeh To Qadam Tha Teraa.

Taaj-E-Farq-E-Irfaa Kis Key Qadam Ko Kahiye,
Sar Jise Baaj Dein Woh Paaon Hay Kiska Teraa.

Sukr Key Josh Mein Jo Hain Woh Tujhe Kya Jaanein,
Khidr Key Hosh Sey Pooche Koi Rutba Teraa.

Aadmi Apne Hi Ehwaal Pey Karta Hay Qiyaas,
Nashe Waalon Ney Bhula Sukr Nikaala Teraa.

Woh To Choota Hi Kaha Chahein Key Hain Zer-E-Hadeed
Aur Har Auj Sey Ooncha Hay Sitarah Teraa.

Dil-E-Aa’da Ko Raza Tez Namak Ki Dhun Hay,
Ek Zara Aur Chirakta Rahey Khaamah Teraa.

Waah Kya Martaba Aay Ghaus Hay Baala Teraa

2019-02-26T14:28:00.001+05:30

Waah Kya Martaba Aay Ghaus Hay Baala Teraa,
Oonche Oonchon Key Saron Sey Qadam Aa’laa Teraa.

Sar Bhalaa Kya Koi Jaane Key Hay Kaisa Teraa,
Auliya Malte Hain Aankhein Woh Hay Talwaa Teraa.

Kya Dabe Jis Pey Himaayat Ka Ho Panjah Teraa,
Sher Ko Khatre Me Laata Nahin Kuttaa Teraa.

Tu Husaini Hasani Kyoon Nah Muhiyuddin Ho,
Aay Khizar Majma’-E-Bahrain Hay Chashma Teraa.

Qasmein Dey Dey Key Khilaata Hay Pilaata Hay Tujhe,
Pyaara Allah Teraa Chaahne Waala Teraa.

Mustafa Key Tane Bey Saaye Ka Saaya Dekha,
Jis Ney Dekha Meri Jaan Jalwaa-E-Zaybaa Teraa.

Ibn-E-Zahraa Ko Mubaarak Ho ‘Aroos-E-Qudrat,
Qaadiri Paayein Tasadduq Mere Dulhaa Teraa.

Kyoon Nah Qaasim Ho Key Tu Ibn-E-Abil-Qaasim Hay,
Kyoon Nah Qaadir Ho Key Mukhtaar Hay Baaba Teraa.

Nabavi Meenh ‘Alawi Fasl Batooli Gulshan,
Hasani Phool Husaini Hay Meheknaa Teraa.

Nabavi Zil Alawi Burj Batooli Manzil,
Hasani Chaand Husaini Hay Ujaalaa Teraa.

Nabavi Khur ‘Alawi Kooh Batooli Ma’din,
Hasani La’l Husaini Hay Tajallaa Teraa.

Behr-O-Bar Sheher-O-Quraa Sehel-O-Hazan Dasht-O-Chaman,
Kaun Sey Chak Pe Pohonchtaa Nahin Da’waa Teraa.

Husn-E-Niyyat Ho Khataa Phir Kabhi Karta Hi Nahin,
Aazmaayaa Hay Yagaana Hay Dogaana Teraa.

‘Arz-E-Ahwaal Ki Pyaason Me Kahaan Taab Magar,
Aankhein Aay Abr-E-Karam Takti Hain Rastaa Teraa.

Maut Nazdeek Gunaahon Ki Tahein Mail Key Khowl,
Aa Baras Jaa Key Nahaa Dho Le Ye Pyaasa Teraa.

Aab Aamad Woh Kahe Aur Mein Tayammum Bar Khaast,
Musht Khaak Apni Ho Aur Noor Ka Ahlaa Teraa.

Jaan To Jaate Hi Jaayegi Qayaamat Ye Hay,
Ke Yahaan Marne Pe Thehra Hay Nazaarah Teraa.

Tujh Sey Dar Dar Sey Sag Aur Sag Sey Hay Mujh Ko Nisbat,
Meri Gardan Me Bhi Hay Door Ka Doraa Teraa.

Is Nishaani Key Jo Sag Hain Nahi Maare Jaate,
Hashr Tak Mere Gale Mein Rahe Patta Teraa.

Meri Qismat Ki Qasam Khaayein Sagaan-E-Baghdad,
Hind Me Bhi Hoon To Deta Rahoon Pehra Teraa.

Teri Izzat Key Nisaar Aay Mere Ghairat Waale,
Aah Sad Aah Key Yoon Khwaar Ho Barda Teraa.

Bad Sahi, Chor Sahi, Mujrim-O-Naakaarah Sahi,
Aay Woh Kaisa Hi Sahi Hay To Kareema Teraa.

Mujh Ko Ruswaa Bhi Agar Koi Kahegaa To Yoon Hi,
Ke Wohi Naa, Wo Raza Banda-E-Ruswa Teraa.

Aay Raza Yoon Na Bilak Tu Nahin Jayyid To Na Ho,
Sayyad-E-Jayyid-E-Har Dehr Hay Mawla Teraa.

Fakhr-E-Aaqa Mein Raza Aur Bhi Ik Nazm-E-Rafee’,
Chal Likha Laayein Thanaa Khwaanon Mein Chehraa Teraa.

Tooba Mein Jo Sab Sey Oonchi Naazuk Seedhi Nikli Shaakh

2019-02-09T14:33:00.002+05:30

Tooba Mein Jo Sab Sey Oonchi Naazuk Seedhi Nikli Shaakh,
Maangun Naat E Nabi Likhne Ko Rooh E Quds Se Aysi Shaakh.

Mawla Gulbun Rahmat Zahra Sibtain Uski Kaliyan Phool,
Siddique O Farooq O Usman O Haidar Har Ek Uski Shaakh.

Shaakh E Qaamat Sheh Me Zulf O Chashm O Rukhsaar O Lab Main,
Sunbul Nargis Gul Pankhariyan Qudrat Ki Kya Phooli Shaakh.

Apne In Baaghon Ka Sadqa Woh Rahmat Ka Paani De,
Jis Sey Nakhl E Dil Mein Ho Paida Pyaare Teri Wilaa Ki Shaakh.

Yaad E Rukh Mein Aahein Kar Key Ban Mein Main Roya Aayi Bahaar,
Jhoomein Naseemein Nisaan Barsa Kaliyan Chatkein Mehki Shaakh.

Zaahir O Baatin Awwal O Aakhir Zeb E Faroo’ O Zain E Usool,
Bagh E Risaalat Mein Hay Tu Hi Gul Ghuncha Jar Patti Shaakh.

Aal E Ahmad Khuzbiyadi Yaa Sayyad E Hamza Kun Madadi,
Waqt E Khazaan E Umre E Raza Ho Barg E Huda Se Na Aari Shaakh

Muhammad naam pe Qurban meri Jaan ho jaey

2019-01-08T12:34:00.001+05:30

Muhammad naam pe Qurban meri Jaan ho jaey
Isi ke Sadqay mein Kaamil mera Iman ho jaey

Mere Mushkil kusha Hasanain ka Sadqa Ata kar de
Balaen door hon Mushkil Meri Aasan ho jaey

Mere Aamal ka badla tabahi hay magar piyaray
Mein Jannat ko sidharon jo tera farmaan ho jaey

Madinay Paak ke kutton ki khidmat ka sharaf paaon
Sagaan-e-Taybah ka Khadim, meri pehchan ho jaey

Mein jaun daar-e-faani se mera Emaan Salamat ho
Teri chahat teri Ulfat mera Saman ho jaey

Mere Shafay’ sawali hun Nijaat-e-Aakhirat ka mein
Sar-e-Mehshar Shafa’at ka teri Aey’laan ho jaey

Mein hun Sunni, rahun sunni, jeeun sunni, marun sunni
Karam Aey Sayyid-e-Aalam tera Ihsaan ho jaey

Teri Naatien parrhun teri Sana mein Mast ho jaon
Paey Akhtar Nigaah-e-Hazrat-e-Hassan ho jaey

Teri Madh-o-Sana sunn kar sarray munkir karay maatam
Magar jab bhi koi Sunni sunay Farhaan ho jaey

Khurooj-o-Rafz ke Shar se mera aur meri Naslon ka
Salamat deen-o-Iman Aey Mere Sultan ho jaey

Mein Baghdad-e-Mu’alla aanay ko tayyar hun kab se
Izn bas Haazri ka az Shah e Jeelan ho jaey

Bareilly Hziri dun phr Chaloon Ajmer ko Khwajah
Raza ke Faiz se mujh par tera faizan ho jaey

Mere Ghous o Raza ka, mere Khwaja, mere Daata ka
Mere Murshid ka Mujh pe Daaimi Faizan ho jaey

Meri Naslain chalain Raah e Sunan par taa Dam e Aakhir
Meri Aulaad Aaqa Aalim-e-Quran ho jaey

Karam karna karam walay bharam rakhna bharam walay
Teri Namoos pe Qurban yeh Irfan ho jaey

Aseero Ke Mushkil Kusha Gaus e Aazam

2018-12-14T17:17:00.003+05:30

Aseero Ke Mushkil Kusha Gaus e Aazam
Faqeeron Ke Haajat Rawaa Gaus e Aazam

Ghira Hai Balaaoñ Meiñ Bandaa Tumhara
Madad Ke Liye Aao Ya Gaus E Aazam

Tere Haath Meiñ Haath Maine Diya Hai
Tere Haath Hai Laaj Ya Gaus E Azam

Mureedoñ Ko Khatra Nahiñ Behre Gam Se
Ke Bede Ke Haiñ Naakhuda Gaus E Azam

Tumheeñ Dukh Suno Apne Aafat Zadoñ Ka
Tumheeñ Dard Ki Do Dawa Gaus E Aazam

Bhañwar Meiñ Phansa Hai Hamara Safeena
Bachaa Gaus E Aazam Bachaa Gaus E Aazam

Jo Dukh Bhar Rahaa Hooñ Jo Gam Seh Rahaa Hooñ
Kahooñ Kis Se Tere Siwa Gaus E Aazam

Zamaane Ke Dukh Dard Ki Ranj O Gam Ki
Tere Haath Meiñ Hai Dawaa Gaus E Azam

Agar Sultanat Ki Hawas Ho Faqeeroñ
Kaho “Shai Al Lillah” Ya Gaus E Aazam

Nikaala Hai Pehle Tho Doobe Huwoñ Ko
Aur Ab Doobtoñ Ko Bacha Gaus E Aazam

Jise Khalq Kehti Hai Pyaara Khuda Ka
Usi Ka Hai Thu Laadla Gaus E Aazam

Phañsa Hai Tabaahi Meiñ Beda Hamaara
Sahara Lagaa Dhu Zara Ghous E Aazam

Mashaaikh Jahaañ Aaye Bahr E Gadaai
Wo Hai Teri Daulat Saraa Gaus E Aazam

Meri Mushkiloñ Ko Bhi Aasan Kijiye
Ke Haiñ Aap Mushkil Kusha Gaus E Aazam

Wahaañ Sar Jhukaate Haiñ Sab Uñche Uñche
Jahaañ Hai Tera Naqsh E Paa Gaus E Aazam

Qasam Hai Ke Mushkil Ko Mushkil Na Paaya
Kaha Hum Ne Jis Waqt Yaa Gaus E Aazam

Muje Apni Ulfat Meiñ Aisaa Guma De
Na Paaoñ Phir Apna Pataa Gaus E Aazam

Bachaale Gulaamoñ Ko Majbooriyoñ Se
Ke Tu Abd E Qaadir Hai Yaa Gaus E Aazam

Kahe Kis Se Jaakar Hasan Apne Dil Ki
Suney Kaun Tere Siwaa Gaus E Aazam

Meem E Madina Marehra Ki Qismat Hai

2018-10-26T20:42:00.000+05:30

Meem E Madina Marehra Ki Qismat Hai
Iss Ghumbad Ko Uss Ghumbad Se Nisbat Hai

Khali Jholi Le Kar Mangta Aaye Hain
Hazrat E Qasim Ki Jaanib Se Daawat Hai

Yaha Se Jo Khaali Lauta Khali Hi Raha
Han Han Aisa Saksh Bada Bad-Qismat Hai

Dekho Ye Kaisa Noorani Chehra Hai
Murshid Ka Deedar Bhi Ek Ibadat Hai

Unke Murshid Unke Upar Naaz Kare
Han Han Ye Bhi Shaan E Aala Hazrat Hai

Nazmi Tum Bhi Paanv Pakad Lo Murshid Ke
Inn Qadmon Ke Neeche Bhi To Jannat Hai

Ya Ilahee Har Jagah Teri Ataa Ka Saath Ho with English Translation

2018-10-01T21:50:00.000+05:30

Ya Ilahee Har Jagah Teri Ataa Ka Saath Ho
Jub Pade Mushkil Shahe Mushkil Kusha Ka Saath Ho

O Allah! At every juncture, may Your endless Bounty be with me!
In times of difficulty, may the King of the Destroyers of Difficulty, be with me!

Ya Ilahee Bhool JaauN Naza' Ki Takleef Ko
Shaadiye Deedar e Husn e Mustafa Ka Saath Ho

O Allah! May I forget the agony of the removal of the soul;
May the joy of seeing the beauty of the Chosen One, be with me!

Ya Ilahee Gor e Teera Ki Jab Aaye Sakht Raat
Unke Pyaare Munh Ki Subhe JaaN Fiza Ka Saath Ho

O Allah! When the difficult night in the dark grave commences;
May the life-giving, bright morning of his lovely face, be with me!

Ya Ilahee Jab Padey Mahshar MeiN Shor e Daar-o-Geer
Amn Dene Waale Pyaare Peshwa Ka Saath Ho

O Allah! In the plains of resurrection, when there is an uproar to catch and detain;
May the Bestower of Peace, the Beloved Leader, be with me!

Ya Ilahee Jub ZabaaneiN Baahar AayeiN Pyaas Se
Saahib-e-Kausar Shahe Jood-o-Ataa Ka Saath Ho

O Allah! When the tongues hang out, dry with thirst;
May the Owner of Kausar, the King of Generosity and Bestowals, be with me!

Ya Ilahee Sard-e-Mehri Par Ho Jab Khurshid-e-Hashr
Sayyad-e-Besaaya Ke Zille-e-Liwaa Ka Saath Ho

O Allah! When the sun of the Day of Resurrection, blazes without mercy;
May the shade of the Banner of the shadow-less Leader, be with me!

Ya Ilaahee Garmi-e-Mahshar Se Jub BharkeiN Badan
Daaman-e-Mahboob Ki Thandi Hawaa Ka Saath Ho

O Allah! When the bodies flare up with the heat of the plains of resurrection;
May the cool breeze from the folds of the Beloved, be with me!

Ya Ilahee Nama-e-A'maal Jub Khulne LageiN
Aib-e-Pooshe Khalq Sat'taare Khata Ka Saath Ho

O Allah! When the books of deeds are being opened for inspection;
May the Concealer of the creation’s shortcomings, the Hider of sins, be with me!

Ya Ilahee Jub BaheiN AankheiN Hisaab-e-Jurm MeiN
Un Tabassum rez-e-hontoN ki Dua ka Saath Ho

O Allah! When the eyes shed tears giving the account of sins;
May the prayers from the lips that spread smiles, be with me!

Ya Ilahee Jub Hisaabe Khanda-e-Bejaa Rulaaye
Chashme Giryaane Shafi-e-Murtaja Ka Saath Ho

O Allah! When the account of useless merriment causes me to cry;
May the tearful eyes of the Intercessor, the Giver of Hope, be with me!

Ya Ilahee Rang LaayeiN Jab Meri Be-baqiyaaN
Unki Neechi Neechi NazroN Ki Hayaa Ka Saatho Ho

O Allah! When my reckless deeds bring forth their outcome;
May the modesty of his shy low gazes, be with me!

Ya Ilahee Jub ChalooN Tareek Raahe Pul Siraat
Aftaab-e-Haashmi Noorul Huda Ka Saath Ho

O Allah! When I walk upon the dark path of the straight bridge;
May the Hashemite sun, the guiding light, be with me!

Ya Ilahee Jub Sare Shamsheer Par Chalna Pare
Rabbe Sallim Kehne Waale Ghamzudah Ka Saath Ho

O Allah! When I have to walk atop the sword-like path;
May he who says “O Allah, Safety”, the Remover of Grief, be with me!

Ya Ilahee Jo DuaeiN Nek Mein Tujh Se KarooN
QudsiyoN Ke Lub Se Aameen Rab'bana Ka Saath Ho

O Allah! For all the good supplications I beseech You with;
May the words “So be it, O our Lord” from the angels’ lips, be with me!

Ya Ilahee Jub Raza Khwaab-e-GaraaN Se Sar Uthaye
Daulat-e-Bedaar Ishk-e-Mustafa Ka Saath Ho

O Allah! When “Raza” raises his head from the deep slumber;
May the fully-awake treasure, the love of the Chosen One, be with me!

Translation by Maulana Aqib alQadri Rahimahullah

Baagh E Jannat Kay Hain Behr-E-Madh-Khwaan-E-Ahle Bayt With English Translation

2018-09-30T21:31:00.001+05:30

Baagh E Jannat Kay Hain Behr-E-Madh-Khwaan-E-Ahle Bayt
Tum ko muzhdah naar ka aay dushmanaan e Ahle Bayt

Gardens of Jannah await those who Praise the Ahle Bayt
Tidings of fire for you, O. enemies of the Ahle Bayt

Kis zabaan se ho bayaan ‘izz o shaan e Ahle Bayt
Madh goye Mustafa hain madhkhwaan e Ahle Bayt

How does one explain the magnificence of the Ahle Bayt?
The ones who praise The Most Beloved صلى الله عليه وسلم, are the ones who praise the Ahle Bayt

Unki paaki ka Khuda e Paak karta hai bayaan
Aayah e Tatheer se zahir hai shan e Ahl e Bayt

Allah Almighty mentions their purity in the Qur'aan
Its clear from the Aayah e Tatheer, the purity of the Ahle Bayt

Mustafa izzat barhanay kay liye ta’zim dein
Hai buland iqbal tera doodmaan e Ahle Bayt

The Most Beloved صلى الله عليه وسلم honours you, to increase your respect
How exalted is your status O family of the Ahle Bayt

Unkay ghar bay-ijazat Jibril aatay nahin
Qadr walay jaantay hain, qadr-o-shan e Ahle Bayt

Jibreel e Ameen does not enter their house without permission
The prestigious know the prestige and status of the Ahle Bayt

Mustafa ba’ey kharidar uss ka Allah ishtari
Khoob chaandi kar raha karwaan e Ahle Bayt

The Most Beloved صلى الله عليه وسلم is buying, The Almighty is selling
Trade is thriving in this caravan of the Ahle Bayt

Razm ka maidan bana hai jalwah gaah e husn o ‘ishq
Karbala mein ho raha hai imtehan e Ahle Bayt!

The Battlefield has become a display of love and beauty
They are being tested in Karbalaa, the Ahle Bayt

Phool zakhmon kay khilaaye hain hawaaye dost ne
Khoon say seenchaa gaya hai gulsitan e Ahle Bayt

The breeze spreads flowers of wounds
The rose-garden is watered with the blood of the Ahle Bayt

Hoorain karti hain ‘aroosan e shahadat ka singaar
Khoobru dulha bana hai har jawaan e Ahl e Bayt

The hoors adorn themselves as brides of martyrdom
As today, the grooms are the youth of the Ahle Bayt

Ho gayee tahqiq e ‘eid e deed aab e taigh se
Apne rozay kholtain hain sa’imaan e Ahle Bayt

The sighting for Eid is done, by the sight of dripping swords
They break their fasts, the fasting Ahle Bayt

Jumua’h ka din hai, kitabain zeest kii tai karke aaj
Khailtay hain jaan par shahzadgaan e Ahl e Bayt

It is Friday and with their books of life perfected
They are ready to lay down their lives, these Princes of the Ahle Bayt

Aay shabab e fasl e gul yeh chal gayee kaisee hawaa
Katt raha hai lehlehata bustan e Ahle Bayt

Oh roses of youth, what is this breeze?
That is cutting down the flourishing garden of the Ahle Bayt?

Kis shaqqi ki hai hukumat, haaye kya andher hai
Din dihaaray lutt raha hai kaarwaan e Ahle Bayt

Who is this oppressor? Oh what darkness
In broad daylight, the looting of the caravan of the Ahle Bayt

Khushk ho jaa khaak ho kar, khaak mein mil jaa aay Furat
Khaak tujh par dekh tu sookhi zabaan e Ahle Bayt!

Become dry, by becoming nothing, turn to dust, O. Euphrates
Shame on you, do you not see the dry tongues of the Ahle Bayt?

Khaak par Abbaas o Uthman Alambardar hain
Baikasi ab kaun uthaaye ga nishan e Ahle Bayt?

Uthman and Abbas the Flag holders are on the ground
Oh helplessness, who will now carry the flag of the Ahle Bayt?

Teri qudrat jaanwar tak aab se seraab hon
Pyaas kii shiddat mein tarpay bai-zabaan e Ahle Bayt

Even animals quench their thirst with water
But from thirst writhe, the speechless from the Ahle Bayt

Qafila salaar manzil ko chalay hain saunp kar
Waris e bay-warisan ko kaarwaan e Ahle Bayt

The commanders of the Caravan are heading for the destination leaving behind,
Heirs of the heirless, the caravan of the Ahle Bayt.

Fatima kay laadlay ka akhri deedar hai
Hashr ka hungama barpaa hai miyaan e Ahle Bayt

It is the last Sighting of Syedah Fatima's Beloved
The commotion of Judgement Day, in the middle of the Ahle Bayt

Waqt e rukhsat keh raha hai khaak mein miltaa suhaag
Lo salam e aakhri aay bewgaan e Ahle Bayt

The bridegroom announces, as he departs
“Accept my final greetings O widows of the Ahle Bayt”

Abr fauj e dushmanaan mein ay falak yoon doob jaaye
Fatima ka chand mehr e aasmaan e Ahle Bayt

May the skies fall onto the armies of the enemy
Lady Fatima’s moon is the Shining sun of the Ahle Bayt

Kis mazay kii lazzatein hain, aab e taigh e Yaar mein
Khaak o khoon mein loottay hain tishnigaan e Ahle Bayt

What joy is this that they experience, from the refreshing sword
Bloody and dusty they return, the thirstful of the Ahle Bayt

Bagh e jannat chorr kar aaye hain Mahboob e Khuda
Aay zahe qismat tumhaarii kishtgaan e Ahle Bayt

The Most Beloved صلى الله عليه وسلم himself has come, leaving the gardens of Jannah
The greatest of fortunes, Oh martyred ones from the Ahle Bayt.

Hoorain bay-pardah nikal aayii hain sar kholay hu’ay
Aaj kaisa hashr hai barpaa miyaan e Ahle Bayt

Open haired, and bare headed the Hoors have come out
Today, what a calamity befalls the Ahle Bayt

Koii kyoon pooche kissi ko, kyaa gharz aay baikassi?
Aaj kaisa hai mareez e neem jaan e Ahle Bayt

Why should anyone ask another? Who cares, O helplessness?
How is the ill one today, from amongst the Ahle Bayt?

Ghar luTana jaan dena koii tujh se seekh jaaye
Jaan e aalam ho fida aay khandan e Ahle Bayt

Sacrificing ones household and life, should be learnt from you
May the whole world be sacrificed for you, O family of the Ahle Bayt

Sar shaheedan e mohabbat kay hain naizon par buland
Aur oonchii kii Khuda ne qadr o shaan e Ahle Bayt

The heads of the martyrs of love, are aloft on spears
Allah Almighty has raised much higher the exalted status of the Ahle Bayt

Dawlat e deedar paayii paak jaanein baich kar
Karbala mein khoob chamkii dukaan e Ahle Bayt

They achieved the Blessed sight by selling their lives
How it shone in Karbalaa, this market of the Ahle Bayt

Zakhm khaanay ko to aab e taigh peenay ko diya
Khoob da’wat kii bulaa kar dushmanaan e Ahle Bayt

Wounds for food, water from swords for drinking
What a meal they served, the enemies of the Ahle Bayt

Apna sauda baich kar bazaar soona kar gaye
Kaunsee basti basaii taajiraan e Ahle Bayt

By selling their stock, they left the market empty
What a settlement they inhabited, these traders of the Ahle Bayt

Ahle Bayt e paak se gustaakhiyaan, bai-baakiyaan
La’anatullahi ‘alaykum aay dushmanaan e Ahle Bayt

The Ahle Bayt are pure, how dare you show disrespect and insolence towards them?
“May The curse of Allah be upon you all” O enemies of the Ahle Bayt

Bay adab, gustaakh firqay ko sunaa do aay Hassan
Yoon kaha karte hain Sunni, daastaan e Ahle Bayt!

O. Hassan: announce this, to the disrespectful sects
This is how the Sunnis, tell the story of the Ahle Bayt

Translated by Muhammad Shakeel Qadiri Ridawi

Muravvato ke Jameel Paykar Rafeeq E Millat Najeeb Hayder

2018-07-07T16:38:00.000+05:30

Muravvato ke Jameel Paykar
Rafeeq E Millat Najeeb Hayder
Inayaton Ke Sarapa Khu-gar
Rafeeq E Millat Najeeb Hayder

Amanato Ke Sharafato Ke
Najaabato Aur Fazeelato Ke
Luta Rahe Hain Haseen Gouhar
Rafeeq E Millat Najeeb Hayder

Isharatein Inki Pyari Pyari
Hiqayatein Inki Nyari Nyari
Balahaton Ke Daraksha(n) Akhtar
Rafeeq E Millat Najeeb Hayder

Nawazishe Inki Be-Misaali
Ye Bhar Hi Dete Hain Kaasa Khali
Hain Be-Nawao Ke Aap Yaavar
Rafeeq E Millat Najeeb Hayder

Hain Ye Shariyat Ke Durre Yakta
Hain Ye Tareeqat Ke Kohe Baala
Hamare Haadi Hamare Rehbar
Rafeeq E Millat Najeeb Hayder

Bohat Ziyada Shafeeq Hain Ye
Bohat Ziyada Khaleeq Hain Ye
Haseen Inka Har Ek Tewar
Rafeeq E Millat Najeeb Hayder

Ye Noorie Gaddi Ke Pasbaa(n) Hain
Ye Baagh E Barkat Ke Baghba(n) Hai
Hain Meharbaan Ye Hamare Dilbar
Rafeeq E Millat Najeeb Hayder

Ho Tang Nazri Ki Door Zulmat
Ho Har Su Roushan Charagh E Ulfat
Lage Hai Koshish Mein Ye Sarasar
Rafeeq E Millat Najeeb Hayder

Mere Labon Pe Yahi Dua Hain
Yahi Mushahid Ka Mudd'a Hain
Rahe Saro Par Ye Saaya Gustar
Rafeeq E Millat Najeeb Hayder

Aaya Hai Ye Tera Deewana Shayal Lillah Shayal Lillah

2018-03-01T12:49:00.000+05:30

Aaya Hai Ye Tera Deewana
Shayal Lillah Shayal Lillah
Kehta Hai Ye Har Dam Mastana
Shayal Lillah Shayal Lillah

Tu Peer Mera La-Sani Hain
Aur Ghous Mera Jeelani Hain
Main Tera Mureed Hu Deewana
Shayal Lillah Shayal Lillah

Hai Huqm Tera Huqm E Rabbi
Ik Damm Me Jo Chahe Karde Wahi
Ye Daur Tera Hai Shanana
Shayal Lillah Shayal Lillah

Main Badd Hi Sahi Main Chor Sahi
Main Mujrim Khati Kuchh Hi Sahi
Par Tera Hu Jaane Jaana
Shayal Lillah Shayal Lillah

Chahu Jo Agar Tujhko Chahu
Dekhu Jo Agar Tujhko Dekhu
Kar De Mujhe Sab Se Be-gaana
Shayal Lillah Shayal Lillah

Choote Na Kabhi Tu Aur Ahmad
Mushkil Jo Pade Ho Teri Madad
Gar Waqt E Naz'a Ho Aa Jaana
Shayal Lillah Shayal Lillah

Lete Rahe Hum Sab Naam Tera
Karte Rahe Mil Kar Kaam Tera
Baghdad Se Ho Aab O Daana
Shayal Lillah Shayal Lillah

Sab Tere Mazaar E Anwar Par
Hote Hain Nichavar Aa Aa Kar
Tu Sham'a Hai Aalam Parwana
Shayal LillahShayal Lillah

Khushtar Ko Bulaya Rouze Par
Ummeed Se Di Ne'amat Badh Kar
Ho Lutf Karam Ye Saalana
Shayal Lillah Shayal Lillah

Your browser does not support the audio tag.