M K Sanariya's blog

Selfish OR સ્વાર્થ કેવો હોય

2011-12-25T03:35:00.000-08:00

-:સ્વાર્થ કેવો હોય:-

એક ગામમાં સંતનો સત્સંગ ચાલતો હતો.સંત પણ ખુબ જ ભાવુક અને સાદિ સરળ ભાષામાં ઉપદેશ આપતા હતા અને દરેક માણસને સંતોષકારક જવાબ આપતા હતા.એવામાં ગામના એક માણસે સંતની પરીક્ષા લેવા માટે પ્રષ્ન કર્યો કે આપે કદી સ્વાર્થ જોયો છે ?ત્યારે સંતે પોતાની વાત સમજાવવા એક સત્ય વાત,વાર્તાના રૂપમાં કરી કે . . . . . . . . .

એક આધળી છોકરી હતી.તે તેની પાસે જ રહેતા એક તેના ઓળખિતા છોકરા સીવાય સૌને નફરત કરતી . તેણી તે છોકરાને હમેંશા કહેતી રહેતી કે જો ભગવાન મને આંખો આપી દે અને હું દેખતી થઈ જાવ તો હું તારી સાથે જ લગ્ન કરૂ.

એક દિવસ આંખોની હોસ્પીટલમાંથી ફોન આવ્યો કે કોઈ બે આંખોનુ દાન આપવા માગે છે તેથી તેણી હોસ્પીટલે આવી જાય.હોસ્પીટલે જવાથી ખબર પડી કે તે આંખો તેણી માટે કોઈએ દાન આપી હતી તેથી તેણી હોસ્પીટલમાં માં ભરતી થઈ ગઈ અને આંખોનું ઑપરેશન કરવામાં આવ્યુ. જ્યારે આંખોની પાટા ખોલ્યા ત્યારે તે બધું જ જોઈ શક્તિ હતી.તે છોકરાને પણ... છોકરાએ કહ્યુ: હવે તું બધું જ જોઈ શકે છે તો તુ મારી સાથે લગ્ન કરીશ ?

છોકરીએ તે છોકરા સામે જોયુ તો તે આંધળો હતો. જે જોઈને છોકરીને ખુબ આઘાત લાગ્યો અને આંખો બંધ કરી લીધી...તેણીએ આવી કલ્પના પણ નહોતી કરી...

છોકરીએ પોતાની બાકી જીંદગીનો વિચાર કરીને તે છોકરા સાથે લગ્ન કરવાની ના પાડી દીધી.

છોકરો તેણીને છોડીને જતો રહ્યો પણ તેણી માટે એક ચીઠ્ઠી મુકતો. ગયો. ”તુ તારી આંખોની ખુબ જ કાળજી રાખજે,તે આંખો તારા પહેલા મારી હતી !”

આ વાત બતાવે છે કે માણસનુ મગજ બદલતી પરિસ્થિતિ સાથે કેટલી ઝડપથી બદલે છે. જેને સ્વર્થ કહેવાય છે. .

બહુ જ થોડા માણસો યાદ રાખે છે કે તે આજે જે દરજ્જે પહોચ્યાછે તે પહેલા તે ક્યાં હતા. હમેંશા તમારી જરૂરતના કે દુ:ખના સમયે તમને જેને સાથ આપ્યો છે તેને તમારા સારા સમયે ભુલો નહી.

આ વાત સાંભળીને તે માણસના જીવનમાં પરિવર્તન આવી ગયુ તે સંત પુરૂષને વંદન કર્યાઅને સિધ્ધુ સાદુ અને સાત્વીક જીવન જીવવાનુ શરૂઆત કરી.

સોનેરી વાક્યો :-

1. આજે કોઈને પણ ખરાબ કે’તા પહેલા જે લોકો મુંગા છે તેના વિશે વિચારો.

2. તમે તમારા ખોરાકનો સ્વાદની ફરીયાદ કરતા પહેલા વિચારો કે એવા ઘણા લોકો છે જેની પાસે ખાવાનુ નથી.

3. તમે તમારા સાથીની ફરીયાદ કરતા પહેલા વિચારો કે આ દુનિયામાં એવા ઘણા લોકો છે કે જેને કોઈ સાથી નથી.

4. તમો તમારી જીંદગીની ફરીયાદ કરતા પહેલા તેના વિશે વિચારો કે તમારી સાથેના કે તમારી ઉમરના લોકો વહેલા મૃત્યુ પામ્યા છે..

5. તમે તમારા બાળકો વિશે ફરીયાદ કરતા પહેલા એવા માણસો વિશે વિચારો જેને કોઈ સંતાન નથી

6. તમો તમારા નાના કે ગંદા ઘર વિશે ફરીયાદ કરતા પહેલા એવા માણસો વિશે વિચારો જેઓ ફુટપાથ પર રહે છે

7. તમો નૌકરીના લાંબા રસ્તા પર ગાડી ચલાવાની ફરીયાદ કરતા પહેલા એવા માણસો વિશે વિચારો કે તમારા જેટલો જ રસ્તો ચાલીને નૌકરી પર જાય છે.

8. તમો જ્યારે તમારી નૌકરી વિશે ફરીયાદ કરો ત્યારે એવા લોકોને યાદ કરો જે કાં તો અપંગ છે અથવા બેરોજગાર છે અથવા જે લોકો તમારી જેવી નૌકરી માટે રાહ જોઈ રહ્યા છે

9. તમો બીજા કોઈની સામે આંગણી ચીંધતા પહેલા અને કોઈની નીંદા કરતા પહેલા એ વિચારો કે કોઈ એવો માણસ નથી કે જેમા કોઈ ખામી ન હોય.

Management Lesson 5: કોણ બઢતિ મેળવે છે ? લાયક કે નાલાયક

2011-12-11T02:14:00.000-08:00

શિયાળાના તડકામાં એક આરામપ્રીય સિંહ તડકાની મજા લેતો પોતાની ગુફાની બહાર બેઠો હતો.એવામાં ત્યાંથી એક શિયાળ આવ્યુ અને સિંહને જોઈને બોલ્યુ:-અત્યારે કેટલા વાગ્યા હશે ? મારી ઘડીયાળ બગડી ગઈ છે.

સિંહ :- અરે એમાં શું ? લાવ તારી ઘડીયાળ હમણાં જ સરખી કરી આપુ.

શિયાળ :- હ. . .હ. . . પણ મારી ઘડીયાળ બહુ જ જટીલ અને કીંમતી છે જે તમારા મોટા પંજા અને નહોર તેને ઠીક નહી કરી શકે ...અને બગડી જશે. . . . . . . .

સિંહ :- અરે નહી ! લાવ તેને હુ હમણા જ ઠીક કરી આપું !

શિયાળ:- અરે તે તો હાસ્યાસ્પદ છે ! કોઈ મુર્ખને પણ ખબર હોય કે બહુ જ જટીલ ઘડીયાલ સિંહ તેના મોટા નહોર અને પંજા થી ઠીક ન કરી શકે !

સિંહ :- હું કરી જ શકુ ! લાવ અને જો હમાણાં તેને ઠીક કરી આપુ.

એમ કરીને સિંહ શિયાળની ઘડીયાલ લઈને પોતાની ગુફામાં ગયો અને થોડી વારમાં શિયાળની ઘડીયાલ ઠીક કરીને બહાર આવ્યો અને શિયાળને આપી.

શિયાળે પોતાની ઘડીયાલ જોઈ તો તે બરાબર ચાલતી હતી જે જોઈને શિયાળ ખુબ જ ખુસ થયુ...

થોડીવાર પછી ત્યાંથી એક વરૂ નીકળ્યુ અને સિંહને આરામથી બેઠેલો જોઈને કહ્યુ:-શું હું આજે રાત્રે તમારા ઘરે આવીને ટીવી જોઈ શકું છુ ? મારૂ ટીવી બગડી ગયુ છે ....

સિંહ :- અરે એમાં શું લાવ તેને હમણાં જ સરખુ રીપેર કરી આપુ !

વરૂ :- શુ તમે મને મુર્ખ માનો છો ? તમારા આવડા મોટા પંજા અને નહોર જટીલ અને નાની સર્કીંટ વાળુ એ ટીવી ઠીક કરવા માટે યોગ્ય છે ????

સિહ:- કઈ વાધો નહી, મને એક પ્રયત્ન કરવા દે.એમ કરીને સિહ તો વરૂનુ ટીવી લઈને પોતાની ગુફામાં ગયો અને થોડીવાર પછી વરૂનુ ટીવી લઈને બહાર આવ્યો જે બરાબર ચાલતુ હતુ.....

વરૂ તો પોતાનુ ટીવી બરાબર ચાલતુ જોઈને દંગ રહી ગયુ અને સિંહને જોતુ જ રહ્યુ.

સિહની ગુફાની અંદરનુ દશ્ય :- સિહની ગુફાની અંદર નાના નાના તથા બુધ્ધિશાળી સસલા પોતાના ઓજારથી જટીલમાં જટીલ કામ કરતા હતાં અને તેની સામેના ખુણામાં એક મોટો સિહ તેની સામે બેઠો હતો.......

કથા સારાંશ:-

જો તમે જાણવા માંગતા હો કે તમારાથી ઓછા આવડતવાળા,ઓછ જાણકાર તથા આળશુ લોકો તમારા પહેલા બઢતી કેમ મેળવે છે તો તેની ટીમ કે તેની નીચે કામ કરતા માણસોને ચકાસો...........

(જે ચોક્કસ હોશીયાર અને બુધ્ધિમાન તથા કામઢુ હશે)

2011-12-05T05:34:00.000-08:00

રવિવારે એક સંન્યાશિને સાંભળ્યા હોવાથી થોડી ધાર્મીક વાત આજે લખી છે. આશા છે આપને ગમશે ! જે સંન્યાશિની વાત કરી છે તેને સરસ વાતો કહી હતી જે પછી ક્યારેક લખીશ.

= આત્માનુ કલ્યાણ ક્યારે ? =

એક ખુબ ધનાધ્ય માણસ ને ચાર પત્ની હતી.

ચોથી પત્નિને ખુબ જ પ્રેમ કરતો હતો.તેને નવા કપડા તથા મોંઘા આભુષણોથી સણગારતો અને ખુબ જ લાડથી રાખતો અને સૌથી સારામાં સારી વસ્તુ આપતો.

ત્રીજી પત્નીને પણ ઘણો જ પ્રેમ કરતો અને તેને તેની ત્રીજી પત્ની પર હમેંશા ગર્વ હતો. વેપારી તેણીનુ હમેંશા પોતાના મીત્રો તથા બીજાને પ્રદર્શન કરતો ફરતો.પણ તેને હમેંશા બીક રહેતી કે આ પત્ની બીજા સાથે ભાગી જાશે.

બીજી પત્નીને પણ પ્રેમ કરતો હતો.તેને સમજદાર માનવામાં આવતી હતી.તેનામાં ગજબની ધીરજ હતી અને વેપારીને તેના પર અટુત વિશ્વાસ હતો.વેપારી જ્યારે પણ કોઈ મુશ્કેલીમાં હોય ત્યારે તે બીજીપત્ની પાસે જ જાય અને બીજી પત્ની તેને મુસ્કેલીમાંથી બહાર નીકળવામાં મદદ કરે તથા તેની સાથે જ રહે.

પહેલી પત્ની વેપારીની સાચ્ચી વફાદાર હતી.તેણીએ વેપારીને તેની તબીયત,ધંધો તથા ઘર સાંચવવામાં ખુબ જ મદદ કરી હતી.તેણી વેપારીને ખુબ જ અને સાચો પ્રેમ કરતી હોવા છતાં વેપારી તેણી પર બહુ ધ્યાન આપતો નહી.

એક દિવસ વેપારી બીમાર પડ્યો.તેને ખબર પડી ગઈ કે આ તો મોટી માંદગી હોવાથી હવે તે સાંજો થઈ શકે તેમ નથી અને મૃત્યુ નક્કી જ છે તેથી પોતે જીવેલી વિલાસી અને શાનદાર જીંદગી વિશે વિચારવા લાગ્યો અને પોતાની જાત સાથે જ વાત કરતાં કહ્યુ “મારે ચાર ચાર પત્ની હોવા છતાં જ્યારે હુ મૃત્યુ પામીશ ત્યારે તો મારે એકલા જ જાવુ જોઈશે.પણ જો એક પણ પત્ની સાથે આવે તો મારૂ મૃત્યુ સુધરી જાય.” તેથી તેને પોતાની ચારેય પત્નીને પુછવનુ નાક્કી કર્યુ.

સૌથી પહેલા ચોથી પત્નીને બોલાવી અને કહ્યુ ”મે તને ખુબજ પ્રેમ કર્યો છે અને ખુબજ સારા કપડા તથા આભુષણોથી સણગારેલ છે તો જ્યારે મારૂ મૃત્યુ થાય ત્યારે તુ મારી સાથે આવીશ અને મને સાથ આપીશ ?

ચોથી પત્ની “કોઈ પણ રીતે નહી.” કહીને ચાલી ગઈ પણ તેની આ વાતથી વેપારીને જાણે કે કોઈએ તેને હ્રદયમાં જોરથી છરી મારી હોય તેવો આઘાત લાગ્યો.

ઉદાસ વેપારીએ ત્રીજી પત્નીને કહ્યુ: મે તને હમેંશને માટે પ્રેમ કર્યો છે અને હવે મારૂ મૃત્યુ નજીક છે તો હુ મરૂ ત્યારે તુ મને સાથ આપવા મારી સાથે આવીશ ?

ત્રીજી પત્નીઃ “કદી નહી! મને પણ તમારી સાથે મજા આવી પણ તમે જ્યારે મરી જાશો ત્યારે મારાથી એકલા જીવાશે નહી તેથી હુ તો બીજા લગ્ન કરી લઈશ.”

આ સાંભળેને વેપારીનુ હ્રદય એક ધબકારો ચુકી ગયુ અને દર્દનો પાર ન રહ્યો.છતાં પણ તેની આશાએ તેને બીજી પત્નીને પુછવા મજબુર કર્યો

વેપારી બીજી પત્નીને:મને તે હમેંશને માટે મુશ્કેલીમાં મને મદદ કરી છે અને મારી સાથે રહી છો. આજે મારા પર સૌથી મોટી મુશ્કેલી આવી છે કે મારૂ મૃત્યુ નજીક છે તો જ્યારે હુ મરૂ ત્યારે મને સાથ આપવા તુ મારી સાથે આવીશ ?

બીજી પત્ની:હે સ્વામી, આ વખતે મને માફ કરશો આ વખતે હુ તમારી કોઈ મદદ નહી કરી શકું અને તમારી સાથે નહી આવુ, પણ હા, હુ તમને વળાવવા આપણા સ્મશાન સુધી જરૂર આવીશ.

આ વાત સાંભળીને વેપારી માથે જાણે કે વીજળી પડી હોય તેવી પીડાથી નિશાસો નંખાઈ ગયો અને તેની પીડા વધી ગઈ.....

ત્યારે રૂમના એક ખુણેથી અવાજ આવ્યો

”હે સ્વામી,તમે મુંજાવ નહી.હુ તમારી સાથે છેક સુધી આવીશ અને તમને મૃત્યુ પછી પણ સાથ આપીશ.

વેપારીએ કણસતાં અવાજ સાથે ડોક ઉંચી કરીને જોયુ તો તેની પહેલી પત્ની ઉભી હતી.તેણી પણ કુપોષણથી પીડાતી હોય તેવી પતળી દુબળી હતી.

વેપારીએ નિશાસા સાથે કહ્યુ કે મારે તારી સારશંભાળ પહેલા અને સારી રીતે કરવાની જરૂર હતી. મને તને સમજવામાં મોડુ થઈ ગયુ.

ખરેખર તો આપણે સૌને ચાર ચાર પત્ની છે.

ચૌથી પત્ની એટલે આપની કાયા કે તન જેને આપણે ખુબ સંભાળીને સારૂ સારૂ ખાઈ છીએ અને સારામાં સારા કપડા અને વિવિધ પ્રકારના આભુષણ પહેરી છીએ તથા

ત્રીજી પત્ની એટલે આપણે ભેગુ કરેલ ધનદોલત, હેશીયત,સંપતી વગેરે.જ્યાં સુધી તમે કમાવ અને તમારૂ શરીર સાથ આપે ત્યાં સુધી તમારૂ, મૃત્યુ પછી આ બધુ મુકીને જવાનુ હોય છે જે પછીથી તમારા વારસદારનુ બની જાય છે.

બીજી પત્ની એટલે આપણુ કુટુંબ અને મીત્રો. જ્યાં સુધી આપણે છીએ ત્યાં સુધી સાથ આપે પછી સ્મશાનમાં અગ્નિ સંસ્કાર કરવા માટે આવે.

પહેલી પત્ની એટલે આપણો આત્મા કલ્યાણ માટેના સારા કર્મો.

કથા સારાશ:-

આપણે જ્યારે જીવતા હોય છે અને આપણી પાસે પૈસો કે રૂપીયા,ધન દોલત,સગા સંબધી હોય ત્યાં સુધી આપણને આત્મ કલ્યાણ શુ હોય કે આત્મ કલ્યાણ માટે સમય હોતો નથી અને તે બાબત વિશે સૌથી ઓછુ વિચારીએ છીએ.

તમારી પાસે બધુ જ હોય જેમાં ધન, કુટુંબ,શાખ,હોદો વગેરે છતાં પણ આપણએ આત્માના કલ્યાણ માટે જે કરવાનુ હોય તેને ભુલવુ જોઈએ નહી નહીતર અંત સમયે કાંઈ થઈ શક્તુ નથી

2011-11-27T03:49:00.000-08:00

એક દિવસ સાથે નૌકરી કરતા ત્રણ મિત્રો પંડ્યાભાઈ, પટેલભાઈ અને ઝાલાભાઈ પોતાની કારમાં હીલ સ્ટેશન પર ફરવા ગયા અને પાછા ફરતા તેની કાર ઉંડી ખાઈમાં પડતા જ ત્રણેય મિત્રોના મુત્યુ થયુ અને પહોચી ગયા સીધ્ધા યમ રાજાના દરબારમાં ત્યાં યમરાજા ત્રણેયની રાહ જોતાં હતાં.યમરાજાએ કહ્યુ: શ્રી પટેલભાઈ અને શ્રી પડ્યાભાઈને સ્વર્ગમાં લઈ જાવ અને શ્રી ઝાલાભાઈને નર્કમાં લઈ જાઓ.

ઝાલાભાઈએ આ સાંભળતા જ તરત યમરાજા પાસે વિરોધ કર્યો અને યમરાજાને આવો ભેદભાવ શા માટે ? તેવો પ્રશ્ન કર્યો. અમે હમેંશા એક સરખું જ કાર્ય કર્યુ છે. ઓફીસ રાજકારણમાં, લોકોના કામ કરવામાં લાંચ, તથા બોસની ચમચાગીરી અને ઓફીસમાં અન્ય કાર્મચારીની બોસ પાસે ખોટી હલકી અને ખોટી કાનભંભેરણી બધું જ સરખુ કર્ય છે તો પછી અમારી સાથેનો વ્યવહાર અલગ અલગ શા માટે ? છતાં પણ તમારે નિર્ણય કરવામાં તકલીફ પડતી હોય તો પરીક્ષા લો ?

યમરાજાને પણ લાગ્યુ કે આ વાત સાચ્ચી છે પૂર્વનિયોજીત કાલ્પિક નિર્ણય લેવો સારો નહી તેથી તે પરીક્ષા લેવા તૈયાર થઈ ગયા પણ યમરાજાએ સરત મુકી કે દરેકને ફક્ત ત્રણ જ પ્રશ્ન મુછવામાં આવશે અને તેનુ જે પરીણામ આવશે તે સર્વને સ્વિકાર કરવો પડશે. ત્રણેય મિત્રો યમરાજાના નિર્ણય સાથે સહમત થયા.

સૌથી પહેલા English નો વારો

યમરાજાએ પંડ્યાભાઈને પુછ્યુ: “ઈન્ડીયા”નો સ્પેલીંગ બોલો ?

પંડ્યાભાઈ: INDIA

યમરાજા: સાચ્ચુ.

યમરાજાએ પટેલભાઈને પુછ્યુ: “ઈન્ગ્લેન્ડ”નો સ્પેલીંગ બોલો ?

પટેલભાઈ: “ ENGLAND”

યમરાજા: સાચ્ચુ.

યમરાજાએ ઝાલાભાઈને પુછ્યુ: “ઝેકોસ્લોવાકીયા”નો સ્પેલીંગ બોલો.

ઝાલાભાઈ:-યમરાજા આ તો ખોટુ કે’વાય હું તો ગુજરાતીમાં ભણેલ હોય મને અંગ્રેજી નથી આવડતુ અને તમે મને નાપાસ કરવા પેલા બન્ને ને આસાન સવાલ પુછ્યા અને મને જ અઘરો શબ્દ પુછ્યો.

યમરાજા ઝાલાભાઈની વાત સાંભળીને બીજા પ્રશ્ન રૂપે ગુજરાતીમાં લેખિત પરીક્ષા લેવા સહમત થયા.

સૌથી પહેલા આ વખતે પટેલભાઈનો વારો આવ્યો

યમરાજા : કુતરો બોલ્યો ભો ભો ભો ..

પટેલભાઈએ લખી બતાવ્યુ અને તે સાચ્ચુ પડ્યુ.

પછી પંડ્યાભાઈ નો વારો આવ્યો

યમરાજાઃ બીલ્લી બોલી મ્યાવ મ્યાવ મ્યાવ...

પંડ્યાભાઈએ પણ લખીને બતાવ્યુ અને તે પણ સાચ્ચુ પડ્યુ..

હવે વારો ઝાલાભાઈનો

યમરાજા: વાદરો બોલ્યો ગરરરરરરરરરરરરરરરરરરરરરરરરરર

બહુ અઘરૂ હતુ .ઝાલાભાઈ ફરીથી નાપાસ થયા.

ઝાલાભાઈ અત્યંત દુઃખી થઈ ગયા અને ઉદાસ ચહેરે યમરાજાને કહ્યુ હુ ઈતિહાસનો વિદ્યાર્થી હતો તેથી ઈતિહાસનો પ્રશ્ન હોવો જોઈએ.

યમરાજા કહે સારૂ હવે આ છેલ્લો પ્રશ્ન છે તે ઈતિહાસમાંથી પુછીશ પણ આ તમારો છેલ્લો પ્રશ્ન છે અને હવે કોઈ સવાલ જવાબ નહી થાય અને આખરી નિર્ણય આ પ્રશ્ન પરથી જ લેવાશે. ત્રણેય મિત્રોએ સ્વિકાર્યુ કે હવે કોઈ પ્રશ્ન નહી અને જે નિર્ણય આવે તે સ્વિકારિશુ.

પહેલા પંડ્યાભાઈનો વારો આવ્યો

યમરાજા: ભારત આઝાદ ક્યારે થયો ?

પંડ્યાભાઈ :15 ઓગસ્ટ, 1947

યમરાજા: સરસ

પછી પટેલભાઈનો વારો અવ્યો

યમરાજાઃ ભારતના સ્વતંત્ર સંગ્રામમાં કેટલા માણસો શહીદ થઈ ગ્યા ?

પટેલભાઈ થોડા મુંજાણા એટલે યમરાજએ ત્રણ વિકલ્પમાંથી સાચ્ચો જવાબ પંસદ કરવાનુ કહ્યુ (1) 100,000 (2) 200,000 (3) 300,000

પટેલને ઈશારાની ખબર પડી ગઈ એટલે કહ્યુઃ 200,000 માણસો

હવે ઝાલાભાઈનો વારો

યમરાજા: ઝાલાભાઈ ભારતના સ્વતંત્ર સંગ્રામમાં જે 200,000 માણસો શહિદ થયા હતા તેના નામ,સરનામા આપો ?

ઝાલાભાઈએ પોતાની હાર સ્વીકારી અને નર્કમાં જવા તૈયાર થયા.

કથા સાંરાશ:

જો તમારા બોસે કે નિર્ણાયક મંડળે જો તમને દબાવવા કે નૌકરીમાંથી છુટા કરવાનુ નક્કી કરી જ લીધુ હોય તો છટકવાનો કોઈ રસ્તો હોતો નથી. વ્યવસ્થાપકને તમને બઢતી ન આપવી હોય અને તમારાથી ઓછા કાબેલ માણસને બઢતી આપવી હોય તો તમારી કોઈ પણ ખાસ કુશળતા કામ આવતી નથી.

હા આપણી કુશળતા આપણને જરૂર મદદ મળે છે. મોડી મોડી પણ તેની કદર જરૂર થાય છે.

Every Sunday You get Something New HERE.

આ પણ પસાર થઈ જશે "THIS SHALL TOO PASS"

2011-11-20T04:03:00.001-08:00

એક દિવસ રાજાએ પોતાના રાજ્યમાં આવેલ સર્વ બુધ્ધિમાન તથા મહાન ઋષિમુનીઓને રાજ દરબારમાં બોલાવ્યા.સર્વને આદર સત્કાર કર્યા પછી રાજાએ પ્રશ્ન કર્યો કે “કોઈ એવો મંત્ર છે કે જીવનની કોઈપણ સંજોગો,પરીસ્થિતિ,સ્થળ કે સમયે, કામ આવે ? સુખ કે દુઃખ,હાર કે જીત કોઈ પણ પરિસ્થિતિ માટે બસ એક જ મંત્ર જે તમારી બધાની ગેરહાજરી હોય ત્યારે મને સાચ્ચી સલાહ આપે અને મારી મદદ કરે. જો કોઈ એવો મંત્ર હોય તો મને જણાવો.

રાજાનો આવો પ્રશ્ન સાંભળીને રાજસભાના બધા જ બુધ્ધિમાન તથા ઋષિમુનિઓ સ્ટબ્ધ થઈ ગયા.બહુ લાંબી ચર્ચા વિચાર્ણાને અંતે એક વૃધ્ધ માણસે એવું સૂચન કર્યું જે બધાએ માન્યુ.તે ઉભો થયો અને રાજા પાસે ગયો તેણે નાનકડા કાગળમાં કાંઈક લખેલ હતું તે રાજાને જિજ્ઞાસાને લીધે જોવુ નહીતે શરતે આપ્યું.

જ્યારે રાજા ફક્ત એકલો જ હોય અને કોઈ આત્યંતિક ભય હોય અને કોઈ રસ્તો બચતો ન હોય અને પોતાની જીંદગીનો નિર્ણાયક ક્ષણ હોયઅથવા રાજા પર જીવન કે મરણનો સવાલ હોય ત્યારે ચીઠ્ઠીને ખોલી વાંચવી.

રાજાએ પણ તે વૃધ્ધની વાત માનીને તે ચીઠ્ઠીને પોતાની હીરાની વિટીંમાં મુકી દીધી.

આ વાતને સમય થયો હશે.થોડા સમય પછી પડોશના રાજાએ આ રાજ્ય પર ચડાઈ કરી.રાજા તથા તેની વિર સેનાએ જોરદાર લડત આપી પણ રાજ યુધ્ધ હારી ગયો.રાજા પોતના ઘોડા પર ભાગી ગયો પણ દુશ્મન સેનાના સેનાપતિ તેનો પીછો કરતા હતા જે વધુ તેજીથી રાજાની નજીક આવી રહ્યા હતા. અચાનક રાજાએ જોયુ કે આગળનો રસ્તોતો બંધ છે અને બન્ને તરફ જોયુ તો પથ્થરાળ હજારો ફુટ ઉંડી ખીણો. જો રાજા તે ખીણમાં કુદે તો તરત મૃત્યુ થાય અને પાછુ ફરી શકાય તેમ નહોતુ કારણ કે સાંકડા રસ્તામાં દુશ્મન સેનાપતી સામે જ આવી રહ્યા હતા. દુશ્મન સેનાપતિના ઘોડાના પગના અવાજ તથા ઘોડાની હળહળાટીથી લાગતુ હતુ કે દુશ્મનો રાજા તરફ બહુ ઝડપથી આવી રહ્યા હતા. રાજા ચિંતાગ્રસ્ત, અસ્વસ્થ અને અશાંત થયો.અચાનક તેના ધ્યાનમાં પોતાની હીરાની વિટીં દેખાણી અને તેને ખાસ મંત્ર વિટીંમાં છુપાવેલો તે યાદ આવ્યુ.તેણે વિટીં કાઢી અને તેમાંથી તે ચીઠ્ઠી બહાર કાઢી અને મંત્ર વાંચવા લાગ્યો.મંત્ર હતો “આ પણ પસાર થઈ જશે”

રાજએ વારંવાર આ વાક્ય વાંચવા લાગ્યો . અચાનક તેના મગજમાં જબકારો થયો.ખરેખર “આ પણ પસાર થઈ જશે”.થોડા દિવસો પહેલા હું કેવો મારૂ રાજ ભોગવતો હતો.મારી ગણના સૌથી શક્તિશાળી રાજામાં થાતી.અને આજે મારૂ રાજ્ય મારી વૈભવી જીંદગી બધું જ ચાલ્યુ ગયુ. હું અહી દુશ્મનથી બચવા માટે પ્રયાસ કરૂ છુ. જેમ મારી વૈભવ વિલાસના દિવસો જતા રહ્યા તેમ મારા મુશ્કેલી તથા ભયના દિવસો પણ જતા રહેશે. આ વિચારથી રાજા સ્વસ્થ થયો તથા તેનુ મન શાંત થયુ. પોતે ત્યાં જ ઉભો રહ્યો અને જોતો રહ્યો. રાજા જ્યાં ઉભો હતો તે કુદરતિ સૌદર્યથી ભરપુર જગ્યા હતી. અને તે ખુદ નહોતો જાણતો કે આટલી સુંદર કુદરતિ જગ્યા પોતાના રાજ્યમાં આવેલી હતી. મંત્રના સાચ્ચા અર્થનુ રહસ્ય તેને સમજણુ અને તેની ખુબ જ ઉડી અસર થઈ.

તે જગ્યાએ રાજા આરામથી ઉભો રહ્યો અને કોઈ તેનો પીછો કરે છે તે ભુલી જ ગયો. થોડા સમય પછી તેને સમજમાં આવ્યુ કે ઘોડા દોડવાનો અવાજ તથા ઘોડાની હળહળાટીથી ધીમેધીમે શાંત તથા દુર જતી લાગી. રાજા બીજા ભાગમાં આવેલા પાસેના પર્વત પાસે ગયો.

રાજા ઘણો જ બહાદુર અને હોશીયાર હતો.તેને પોતાના દુશ્મનને ઓળખી લિધા હતા તેને નવેશરથી લશ્કર બનાવીને ફરીથી પોતાના રાજ્ય પર રાજ કરનાર રાજા સામે યુધ્ધ કર્યુ અને જીત્યુ પણ ખરૂ.

બધા જ ઉજવણી કરતા હતા અને રાજા પર દરેક ઘરમાંથી ફુલોનો વર્ષાદ થતો હતો સૌ કોઈ ગાતા હતા અને નાચતા હતા તે જોઈને રાજાને મનમાં થયુ કે “ હું જ સૌથી વધુ બહાદુર છુ.હું જ સૌથી વધારે બળવાન છુ.હું જ સૌથી વધુ મહાન રાજા છુ.મને હરાવવો અશક્ય છે.” વિશાળ મેદની દ્વારા સ્વાગત તથા હર્ષ ઉલાસ્સથી તેના મનમાં અભિમાન આવ્યુ.

અચાનક સુર્યના પ્રકાશથી પોતે પહેરેલી હીરાની વિટીના ચમકારાથી તેને પેલો મંત્ર “ આ પણ પસાર થઈ જશે” યાદ આવ્યો.મંત્ર યાદ આવવાથી તુરંત તેનો ચહેરાના હાવભાવ ફરી ગયા અને મન શાંત થયું અને અભિમાનની જગ્યાએ વિનમ્રતા આવી ગઈ. જો આ પણ પસાર થઈ જવાનુ હોય તો તે મારૂ નથી.

કથા સાંરાશ:-

જીવનમાં હાર પણ તમારી નથી અને જીત પણ તમારી નથી. તમે તો ફક્ત દર્શક છો જે તેની સામેથી પસાર થાય છે તેને જોવે છે.આપણે તો ફક્ત તેના સાક્ષીઓ છીએ.આપણે બધા સમજદાર છીએ.જીંદગી આવે ને જાય,સુખ આવે ને જાય અને દુઃખ આવેને જાય

આપણે આખી વાર્તા વાચી હવે શાંત મન અને આંખો બંધ કરીને તમારી જીવન વિશે વિચારો.” આ પણ પસાર થઈ જશે ! તમારી જીંદગીની જીત તથા આનંદની ક્ષણ વિશે વિચારો. તમારી જીંદગીની હાર તથા દુઃખની ક્ષણ વિશે વિચારો. શુ તે કાયમી રહે છે. હમેંશને માટે તમામ બાબત બદલતી રહે છે કાયમી રહે છે ફક્ત “બદલવાનો નિયમ.”
આપણે તો બસ આ બદલતી દુનિયાના સાક્ષી છીએ, તેનો અનુભવ કરો,તેને સમજવાની કોશીશ કરો,આજની ધડી કે ક્ષણનો આનંદ ઉઠાવો “આ પણ પસાર થઈ જશે.

Some of the uniqueness of Hindu Religion, હિન્દુ ધર્મે સાર"ધર્મલોક"

2011-11-14T18:06:00.000-08:00

(1) ચૌદ રત્ન(સમુદ્ર મંથન વખતે પ્રાપ્ત

(1) કૌસ્તુભ મણિ(2) પારિજત વૃક્ષ (3)વારુણી મદીરા (4)ધન્વન્તરી વૈદ (5)ચંદ્રમા (6)કામઘેનુ (7)ઐરાવત હાથી (8)ઉચ્ચેઃશ્રવા ઘોડો (9) અમૃત કળશ (10) અપ્શરા રંભા (11)શાડૅગ ધનુષ્ય (12) પાંચ જન્ય શંખ (13) મહાપદ્યનિધિ (14) હળાહળા વિષ

(2) આઠ માતૃકાઃ- (માતાજી)

(1) ઉમા (2)ચંડી (3)ઈશ્વરી (4)ગૌરી (5) ઋદ્વિદા (6)સિદ્રિદા (7) વરવક્ષિણિ (8)વીરભદ્રા

(3) આઠ ભૈરવ

(1) દંડપાણિ (2)વિક્રાંત (3)મહાભૈરવ (4)બટુક ભૈરવ (5)બાલક (6)બંદિ (7)પટ્પંચાશતક (8)અપરકાલભૈરવ

(4) અગીયાર રૂદ્રઃ-

(1)કપદિં (2) કપલિ (3) કલાનાથ (4) વૃષાસન (5) ત્ર્યંબક(6) શૂલપાણિ (7) ચીરવાસા

(8) દિંગબર (9) ગિરિશ (10) કામચારી (11) સર્પાણ્ભૂષણશર્વ

(5) બાર આદિત્યઃ-

(1)અરુણ (2) સૂર્ય (3) વેદાંગ (4) ભાનુ (5) ઈન્દ્ર (6) રવિ (7) અંશમાન (8) સુવર્ણરેતા

(9) અહઃકર્તા (10) મિત્ર (11) વિષ્ણુ (12) સનાતન

(6) સાત પાતાળ

(1) અનલ (2) વિતલ (3) નિતલ (4) રસાતલ (5) તલાતલ (6) સુતલ (7) પાતાલ

(7) સાત લોક

(1) ભુલોક (2) ભુવલોક (3) સ્વલોક (4) જનલોક (5) તપોલોક (6) સત્યલોક (7) મહલોક

(8) ચાર વેદ

(1) ઋગવેદ (2) સામવેદ (3) યર્જુવેદ (4) અથરવેદ

(9) અઢાર પુરાન:-

(1) અગ્ની પુરાન (2) ભાગવત પુરાન (3) ભવિષ્ય પુરાન (4) બ્રમમંદ પુરાન (5) ગરૂડ પુરાન (6) કર્મા પુરાન (7) મત્સ્ય પુરાન (8) નારદ પુરાન (9) નરસિહ્મા પુરાન (10) નારદ પુરાન (11) સ્કંદ પુરાન (12) વૈવત્ર પુરાન (13) વામન પુરાન (14) વરાહ પુરાન (15) વિષ્ણુ પુરાન (16) બ્રહ્મા પુરાન (17) લીંગા પુરાન (18) મરકંદ્યા પુરાન

(10) નવ ગજ (હાથી)

(1) ઐરાવત (2) પુંડરિક (3) મુકુંર (4) વામન (5) સુપ્રતિક(6) જનક (7) સર્વભોમ (8) વિજય (9) પુષ્યદંત

(11) નવ અશ્વઃ-

(1) ઉચ્ચૈઃશ્રવા (2) મેધપુષ્પક (3) ક્ષેમકૃત (4) રાજહંસક (5) મકરાજ્ય (6) સુલોચન (7) ભ્રમરાક્ય (8) કાલકેશ (9) સિદ્વિદયક

(13) નવ નાગ

(1)અનંત (2) વાસુકી (3) શેષ (4) કંબલ (5) પદ્મનાભ (6) ધુતરાષ્ટ્ર (7) શંખપાલ (8) તક્ષક (9) કાલીય

(14) આઠ દિશાના આઠ અધિપતીઃ-

(1) ઈન્દ્ર (2) અગ્નિ (3) યમ (4) નિઋતિ (5) વરૂન (6) વાયુ (7) કુબેર (8) ઈશાન

(15) નવ નાથ

(1) મત્સ્યેન્દ્રનાથ (2) ગોરખનાથ (3) ભર્તુહરિનાથ (4) ગોપીચંદનાથ (5) ગહિનીનાથ

(6) જાલંધરનાથ (7) કાનિફનાથ (8) નિવૃતિનાથ (9)

(16) શ્રી કૃષ્ણની અષ્ટ પટરાણી

(1) રૂકમણી (2) સત્યભમા (3) રોહિણી (4) જાંબવતી (5) નાંગજિતી (6) શૈલ્યા (7) માદ્રી (8) લક્ષ્મણી

(17)દસ દીશા

(1) પૂર્વ (2) પશ્ચિમ(3) ઉતર (4) દક્ષીણ (5) નૈરૂત્ય (6) ઈશાન (7) અગ્ની (8) વાયવ્ય (9) જમીન (10) આકાશ

(17) બાર મેઘ

(1) સુબુધ્ધિ (2) નંદશાલિ (3) કન્યદ (4) પૃથશ્રવા (5) વાસુકિ (6) તક્ષક (7) જલેન્દ્ર (8)વ્રજઈષ્ટુ (9) વિકર્તન (10) સર્વદ (11) હેમશાલિ (12) વિષપ્રદ

(18) અઢાવીશ વ્યાશઃ-

(1)વેદ (2) પ્રજાપતી (3) ઉશના (4) બૃહસ્પતિ (5) સવિતા (6) મૃત્યુ (7) મધવા (8) વસિષ્ટ (9) સારસ્ત (10) ત્રિધામા (11) ત્રિવૃષ (12) ભારદ્વાજ (13) અતિરથ (14) ધર્મિ (15) અરુન (16) ધનંજય (17) મેઘાતિથિ (18) વૃતિ (19) અત્રિ (20) ગૌતમ (21) ઉતમોજ (22) હર્યાત્મા (23) વેન (24) વાજસ્ત્રજાક્ષ (25) તૃણબિંદુ (26) ભાર્ગવ (27) જતુકર્ણ (28) કૃષ્ણ-દ્રૈપાયન

(19) દતાત્રેયના ચોવિસ ગુરૂઃ-

(1) પૃથ્વિ (2) પવન (3) આકાશ (4) પાની (5) અગ્નિ (6) ચંન્દ્ર (7) સુર્ય (8) કબુતર (9) અજગર (10) સમુદ્ર (11) પતંગિયુ (12) મધમાખી (13) હાથી (14) મધુઆ(મધ એકઠુ કરનાર) (15) હરન (16) માછલી (17) વેશ્યા (18) સમડી (19) બાળક (20) કન્યા (21) તીર બનાવનાર (22) સાપ (23) કરોડીયો (24) ભમરી

(20) જૈનોન ચોવિશ તીર્થંકર

(1) ઋષભદેવ (2) અજિતનાથ (3) સંભવનાથ (4) અભિનંદન (5) સુમતિનાથ (6) પદ્મપ્રભ (7) સુપાર્શ્રનાથ (8) ચન્દ્ર પ્રભ (9) પુષ્પાદંતા (10) શીતલનાથ (11) શ્રેયમ્સનાથ(12) વાસુપુજ્યા (13) વીમલનાથ (14) અનંતનાથ (15) ધર્મનાથ (16) શાંતિનાથ (17) કુંથુનાથ (18) અરનાથ (19) મલીનાથ (20) મુનિસુવ્રતા (21) નામીનાથ (22) નેમીનાથ (23) પાર્શ્વનાથ(24) મહાવીર

(21) વિષ્ણુના દશ અવતાર :-

(1)મત્સ અવતાર (2) કુર્મા (3) વરાહ (4) નરશિંહ (5) વામન (6) પરસુરામ (7) રામ (8)ક્રીષ્ના (9)બલવાન (10) કલકિ

(22) નવ ભક્તિ :-

(1)શ્રવન (2) કિર્તન (3) સ્મરણ (4) પદ્મસેવા (5)આચાર્ય (6) વંદના (7) દાસ્ય (8) સખા (9) આત્મ નિર્વાન

(23) ચાર ધામ:-

(1) દ્વારકા (2) બદ્રીનાથ (3) જગન્નાથપુરી (4) રામેશ્વર

(24) સત્યાવિશ નક્ષત્ર:-

(1)અશ્વિની (2) ભરણી (3) કૃતિકા (4) રોહીની (5) મૃગશિર્ષા (6) આદ્રા (7) પુનર્વસુ (8) પુષ્પ (9) અશ્વેખા (10) મઘા (11) પુર્વ ફલ્ગુની (12) ઉતર ફાલ્ગુની (13) હસ્ત (14) ચિત્રા (15) સ્વાતિ (16) વિસાખા (17)અનુરાધા (18) જ્યેષ્ઠ (19) મુલ (20) પુર્વ અસાઢ (21) ઉતર અસાઢ (22) શ્વાવણ (23) ધનિષ્ઠા (24) સતભિશા (25) પુર્વ ભાદ્રપદા(26) ઉતર ભાદ્રપદા(27) રેવતી

(25) સપ્તઋષિ:

(1) કશ્યપ (2) અત્રી (3) વશિષ્ટ (4) ગૌતમ (5) જમાદગ્ની (6) ભારદ્વાજ

(7) વિશ્વામિત્ર

(26) માનવ જીવનનાં હેતુ:

(1) ધર્મ (2) અર્થ (3) કામ (4) મોક્ષ

(27) જીવનનાં ચાર આશ્રમ (તબ્બકા)

(1)બ્રમચર્યાશ્રમ (2) ગૃહસ્થાશ્રમ (3) વાનપ્રસ્થાશ્રમ (4)સન્યાશ્રમ

(28) બ્રહ્માના પુત્ર

માનસ પુત્ર(10) : મારીચી, અત્રિ, અંગીરાસ, પુલસ્ત્ય, પુલાહા, ક્રાતુજ, પ્રકેતાસ,વશીષ્ઠ, ભ્રુગુ, નારદ

શરીર થી પુત્ર(10): દક્ષ, ધર્મ, કામ ,ક્રોધ, લોભ, માયા, આનંદ, મૃત્યુ, ભારત,વાસના અને

એક પુત્રી:- અંગજા

નોધ: દર રવિવારે નવો પોસ્ટ મુકાશે

Welcome to Corporate Jungle. આજનો નોકરી પ્રત્યેનો વ્યવસાયીક અભિગમ

2011-11-11T18:35:00.000-08:00

એક દિવસ બે મીત્રો જંગલમાં ફરવા ગયા હતા.જંગલમાં ફરતા ફરતા પાછળથી એક વાઘની ગર્જના સંભળાયો.બન્ને મિત્રોએ પાછુ વાળીને જોયુ તો એક વાઘ તે બન્ને મિત્રોની દિશામાં જ ઝડપથી આવતો હતો. એક મિત્રએ પોતાના ખભા પર બેગ હતુ તે સરખુ કર્યુ અને ઝડપથી પોતાના બુટની દોરી ટાઈટ બાંધવા લાગ્યો તે જોઈને તેનો મિત્રએ કહ્યુ: તને લાગે છે કે તુ વાઘ કરતા વધુ ઝડપથી દોડી શકીશ ?
બીજો મીત્ર: મારે વાઘ કરતા વધુ દોડવાની શું જરૂર છે ? મારે તો બસ તારા કરતા વધુ ઝડપથી દોડવાની જરૂર છે જેથી હુ બચી જાવુ !!!!!
આપનું સ્વાગત કરીએ છીએ આજની વ્યવસાયિક સંસ્કૃતિમાં (Professional Culture)

(welcome to corporate or Professional culture)

કથા સાંરાશ:

વિચારો તમો કેટલા તમારા મિત્રોથી આગળ દોડીને પહોચી ગયા છો. અને હજી કેટલા તમારી આગળ છે તે વિચારવામાં જ તમારી પુરી જીંદગી ખતમ થઈ જશે.અને જંગલમાં વાઘ એક જ હોતો નથી ક્યારેક સામેથી પણ આવે ? તો મીત્રોને સાથે રાખી ચાલો.

"નોધ: દર રવિવારે નવો પોસ્ટ મુકાશે"

Management Lesson 3

2011-11-06T20:04:00.000-08:00

એક પાદરી પોતાની કારમાં જાતા હતા.રસ્તામાં એક ક્રીશ્વયન સાધવી ઉભી હતી.પાદરીએ પોતાની કાર ઉભી રાખી અને તેણીને લિફ્તની ઓફર કરી આથી સાધ્વી પાદરીની કારમાં આગળની સીટમાં બેસીને ગઈ. પોતાના પગની આંટી મારી એટલે સાધવીના સુંદર પગ પર પાદરીની નજર પડી અને તેને જોતા જ રહ્યા.જેથી લગભગ અકસ્માત થાતા થાતા રહી ગયો અને પાદરીએ માંડમાંડ પોતાની ગાડી સંભાળીને પાછા કાર ચલાવવા માંડયા અને પોતાનો હાથ હળવેકથી સાધ્વીના પગ પર ફેરવ્યો.સાધ્વીએ પાદરી સામે જોયુ અને કહ્યુ "ફાધર,બાઈબલનો મંત્ર 129 યાદ રાખો" પાદરીએ પોતાનો હાથ લઈ લીધો અને થોડા ઘબરાઈને દિલથી માફી માંગી.પાછો ગીયર બદલાવવાની બહાને પાદરીએ પોતાનો હાથ હળવેકથી સાધ્વીના પગ પર પાછો ફેરવ્યો . સાધ્વીએ ફરી થી કહ્યુ "ફાધર,બાઈબલનો મંત્ર 129 યાદ રાખો" ફરીથી પાદરીએ માફી માગી અને કહ્યુ કે મારૂ મન જરા નબળુ છે.

એટલામાં સાધ્વીનો મઠ આવી ગયો અને સાધ્વી નીચે પાદરી સામે જોઈને ભાવપુર્વકનુ હસીને પોતાના મઠમાં ચાલી ગઈ.

પાદરી જડપથી કાર ચવાવીને પોતાના ચર્ચમાં આવીને હાફળા ફાફ્ળા બાઈબલ ગોતવા લાગ્યા. જેવુ બાઈબલ હાથમાં આવ્યુ એટલે મંત્ર 129 શોધવા લાગ્યા અને તેને જોયુ કે તેનો અર્થ થાય કે

"આગળ વધો,શોધો અને ફરી આગળ વધો તમને સુખ અને ગૌરવ અવશ્ય મળશે."

કથા સાંરાશ :-

હમેંશા તમારા કામ અને કાર્યની પુરી જાણકારી રાખો નહીતર ક્યારેક તમે જિંદગીની સૌથી મોટી તક ચુકી શકો છો.

Our View Point Make difference આપણો દષ્ટિકોણ

2011-11-04T10:52:00.000-07:00

ચાલો આજે માણસના દષ્ટિકોણ બદલવાથી કેટલો ફર્ક પડે તે જાણવાનો પ્રયત્ન કરી..... પાંચ આંધળા માણસો હાથીની વાર્તાતો સાંભળી હશે જ જેમાં પાંચ આંધળા માણસ હાથીના અલગ અલગ અંગોને અડીને હાથી કેવો હોય તેનુ વર્ણન કરે છે . પણ દેખતા માણસનુ શુ ? તો ચાલો આજે દેખતા માણસોની દષ્ટિકોણ સમજવાની કોશિસ કરીએ એક ગ્લાસ અડધો પાણીથી ભરેલો છે અને અડધો ખાલી છે હવે તેને વિવિધ પ્રકારના માણસો કેવી દષ્ટિથી જોવે છે તે જોઈએ. . . . . . . . . (1) આશાવાદી માણસ:- ગ્લાસ અડધો પાણીથી ભરેલો છે (2)નિરાશાવાદી :- ગ્લાસ અડધો ખાલી છે (3) વૈજ્ઞાનિક:- ગ્લાસાને જોઈને ચોક્કસ કહી શકાય નહી તેથી ગ્લાસાને પાણી જ્યાં સુધી ભરેલ છે ત્યાં નિશાની કરો અને તે પાણી તેનાથી મોટા ગ્લાસમાં ભરો. બીજી પ્રવાહી લઈને માર્ક કરેલ ગ્લાસમાં માર્ક સુધી ભરો અને હવે તેમાં પાણી નાંખો જો પ્રવાહી ગ્લાસની બહાર છલકે તો ગ્લાસ અડધાથી વધારે ભરેલ છે અને જો ન છલકે તો અડધાથી ઓછો ભરેલ છે.અને જો તે પ્રવાહી ન છલકે કે ન ગ્લાસની ધાર સુધી પહોચે તો તે અડધો ભરેલ છે અને અડધો ખાલી છે ! મુળ તમારો પ્રશ્ન શું હતો ? (4)પરિયોજના વ્યવસ્થાપક(Project Manager):- જરૂર કરતાં ગ્લાસ બમણો મોટો છે.... (5)વાંકદેખા માણસ:- અરે અડધો ગ્લાસ પાણી કોણ પી ગયુ ? (6) સલાહકાર :- ચાલો સવાલનુ પરીક્ષણ કરીએ અને તેના જવાબમાટેની વ્યુહરચના કરવી પડશે અને તે બધાનો ખર્ચે અને મારૂ મેનતાણુ થઈને .......... (7) ચિંતામણી:- અરે આ પાણી પણ સવાર સુધીમાં બાષ્પીભવન થઈ જશે ! (8) ઉદ્યોગકાર કે વેપારી :- ગ્લાસાની ક્ષમતા કરતાં તેનુ મુલ્ય અડધુ જ છે (9) તર્કશાસ્ત્રી :- જો ગ્લાસા ભરવાની પ્રક્રીયામાં હોય તો ગ્લાસ અડધો ભરેલ છે અને જો ગ્લાસ ખાલી કરવાની પ્રક્રીયામાં હોય તો અડધો ખાલી છે અને જો ભરવાની કે ખાલી કરવાની પ્રક્રીયા નક્કી ન હોય તો ગ્લાસ એવી સ્થિતીમાં છે કે જેમાં હવા અને પ્રવાહી ગ્લાસની બરોબર અધ્ધવચ્ચે આવેલ સપાટીએ ભેગા થાય છે જેમાં ગ્લાસ સમટલ જગ્યામાં રાખેલ હોય અને ગ્લાસની બાજુઓ સમાંટર હોય ....... (10) એંજીનિયર:- પાણીના જથ્થાના પ્રમાણમાં ગ્લાસ બહુ મોટો બનાવેલ છે (11) હોટેલનો નોકર :- તે હમેંશા અડધો ગ્લાસ આખા ભરેલા ગ્લાસથી બદલવા તૈયાર હોય છે અને જ્યારે તે તમારા ટેબલ પરથી લઈ જાય છે ત્યારે તેના માટે ગ્લાસ હમેંશા ખાલી જ હોય છે અને તમને આપવાં આવતા બીલમાં આખો જ લખેલ હોય છે. (12) તબીબ :- ગ્લાસ ખાલી છે જ નહી પણ તે તો અડધો પાનીથી અને અડધો હવાથી ભરેલ છે જેથી અત્યારે તે આખો ભરેલ છે તેમ કહી શકાય. . . . . . (13) સંગીતકાર:- તે સંગીતનો જલસોના આયોજકથી અસંતુષ્ટ છે કારણ કે તેમને વધુ દારૂ ન આપ્યો જેથી ગ્લાસ અડધો રાખવો પડ્યો. (14) બિન અસરકારક વ્યવસ્થાપન વાળી કંપની :- આ પ્રશ્ન અમે નિયામક મંડળ સમક્ષ મુકીશુ અને તેના જવાબ માટે એક સમિતિની રચના કરીશુ જે તેના મુળભુત કારણોની તપાસ કરશે અને તેનો રીપોર્ટ આપશે જે સમિતિ વિચાર્ણા કરીને તેનો જવાબ શોધવા પ્રયત્ન કરશે સમિતિના પગાર તથા ભથ્થા નિયામક મંડળ હવે પછીની બેઠકમાં નક્કી કરશે......

(15) વિદ્યાર્થી :- અડધો ભરેલ ગ્લાસ એતો શિક્ષકે ગોઢવેલી કોઈ ચાલાકી છે કે જેથી શિક્ષક વિદ્યાર્થીને ઠોઠ સાબીત કરી શકે અને પોતાને હોશીયાર

Management Lesson 2

2011-10-30T11:58:00.000-07:00

સુંદર માજાની શિયાળાની સવારના તળકામાં સસલુ પોતાની બખોલની બહાર તેના ટાઈપ રાઈટર પર કઈક ટાઈપ કરી રહ્યુ હતુ એવામાં ત્યાંથી શિયાળ નીકળ્યુ અને સસલાને પુછ્યુ: શુ કરે છે ?
સસલુ:- મારી શોધ નિબંધ લખી રહ્યો છુ .....
શિયાળ :- બહુ જ સરસ. પણ શેના ઉપર છે ?
સસલુ :- અરે હા ! હુ સસલાઓ શિયાળનો શિકાર કરી ,તેને ખાઈ શકે તેના વિશે શોધ નિબંધ લખુ છુ.

શિયાળ:- શું બકવાસ કરે છે ! મુર્ખ પણ જાણે છે કે સસલા કદી શિયાળનો શિકાર ન જ કરી શકે !
સસલુ: મારી જોડે આવ , તને બતાવું કે કેવી રીતે થાય !
સસલુ અને શિયાળ બન્ને સસલાની બખોલમાં ગયા અને થોડી વાર પછી સસલુ શિયાળનુ તાજુ હાડકુ મોઢામાં લઈને બહાર આવ્યુ અને પાછુ પોતાના પોતાના ટાઈપ રાઈટર પર કામ કરવા લાગ્યુ...
થોડીવાર પછી પાછુ ત્યાં એક વરૂ આવ્યુ અને સસલાને પુછ્યુ કે તે આટલી ગંભીરતાથી શું કરે છે ?સસલુ:- અરે હા ! હુ સસલાઓ વરૂનો શિકાર કરી, તેને ખાઈ શકે તેના વિશે શોધ નિબંધ લખુ છુ.
વરૂ:- અરે આવો બકવાશ કચરા જેવો શોધ નિબંધ કોણ પ્રસિધ્ધ કરશે ?
સસલુ: કોઈ વાધો નહી પણ તારે જોવુ છે શા માટે ?
સસાલુ અને વરૂ બન્ને સસલાની બખોલમાં ગયા.થોડીવાર પછી ફક્ત સસલુ જ બહાર આવ્યુ !
છેલ્લે રીંછ આવ્યુ....અને તેને સસલાને પુછ્યુ: તુ શું કરશ ?
સસલુ:-અરે રીંછ ! હું સસલાઓ રીંછનો શિકાર કરી, તેને ખાઈ શકે તેના વિશે શોધ નિબંધ લખુ છુ.
રીંછ:- શુ વાહીયાત વાતો કરે છે ! સસલા કદી રીંછનો શિકાર કરી શકે ?
સસલુ:- તમારે જોવુ છે ? તો ચાલો મારી સાથે ......

સસલાની બખોલની અંદરનુ દશ્ય :-
જેવુ રીંછ સસલાની બખોલની અંદર ગયુ તરત સસલાએ અંદર રહેલા સિંહને ઈશારો કર્યો અને .......

કથા સારાંશ:મહત્વ તમારી શોધ કે શોધ નિબંધનું નથી અને તે ગમે તેવો વાહીયાત હોય,પણ તમારા બોસ કે સાહેબને તે ગમે છે કે નહી તેનુ મહત્વ છે!

નેવુઃ દસનો નિયમ અપનાવો અને આપનુ જીવન બદલાવો.

2011-10-24T06:49:00.000-07:00

નેવુઃ દસનો નિયમ અપનાવો અને આપનુ જીવન બદલાવો.
લાખો લોકો તણાવ, તાણ તથા હદય રોગનાં શિકાર બને છે.તેઓ કદી સફળતા પ્રાપ્ત કરતાં નથી.ખરાબ દિવસો પાછળ હમેંશા ખરાબ દિવસો આવતાં રહે છે.તેઓ માથે હમેંશા કઈને કઈ આફત આવતી રહે છે.
તેઓની જીંદગીમાં હમેંશા ટુટેલા સંબધો,તણાવભરી,દુખભરી હોય છે.ચિંતા સમય બગાડે છે અને ગુસ્સો સબંધો બગાડે છે,જિંદગી કંટાળાજનક અને જીવનમાં આનંદની અનુભુતી થતી નથી.
જો તમારી સાથે કાંઈક આવુજ થતુ હોય તો નિરાસ થવાની જરૂર નથી.
તમે આવા માણસોની જિંદગી કરતાં સારી જિંદગી તથા સફળતા પ્રાપ્ત કરી અને સારા મિત્રો બનાવી શકો છો.
કેવી રીતે?????? નેવુઃદશ ના સિધ્ધાંતને સમજો તથા તેનુ પાલન કરો. જે તમારી જિંદગી બદલી નાખશે !!!!!!
આ રહ્યુ નેવુઃદશ ના સિધ્ધાંતનુ રહસ્ય.................... આપણી જિંદગીમાં આપણી સાથે જે કંઈ બને છે તેના દસ ટકા આપણા હાથમાં કે આપણા કંટ્રોલમાં હોતુ નથી.પરંતુ નેવુ ટકા આપણે તે ઘટનાનો પ્રત્યુતર કે પ્રતિક્રીય કેવી આપીશુ તેના ઉપર હોય છે.
તમને થશે આનો શુ અર્થ ?
આનો અર્થ એ કે આપણી સહુની જિંદગીમાં જે કઈ બને છે તેના દશ ટકા ઉપર આપણુ કોઈ નિયંત્રણ હોતુ નથી.આપણે મોટરમાં જતાં હોય અને મોટરની બ્રેક ફેઈલ થઈ જાય, ટ્રેઈન મોડી પડે,બસ તેના સમય કરતાં મોડી આવે, ,રસ્તામાં ટ્રાફીક જામ મળે વગેરે વગેરે.આવી દસ ટકા ઘટના ઉપર આપણુ કોઈ નિયંત્રણ હોતુ નથી. પણ પછીના 90 ટકા ઉપર આપણુ સંપૂર્ણ નિયત્રણ હોય છે.
કેવી રીતે ???????
આપણી સાથે બનતી ઘટનાને કઈ રીતે પ્રતિક્રીયા આપીએ છીએ તેના ઉપર રહે છે.લોકો આપણને મુર્ખ ગણે તે પહેલા આપણે ,આપણી પ્રતિક્રીયા આપવાની રીત સુઘારવી જોઈએ.
હવે આ 90:10 ના સિધ્ધાંતને એક ઉદાહરણ દ્વારા સમજીએ:- તમે તમારા પરીવાર સાથે સવારનો ચા-નાસ્તો કરવા ડાઈનીંગ ટેબલ પર બેઠા છો.તમારી નાની દિકરીનો હાથથી તમારી ચાના કપને ધક્કો લાગવાથી તમે પહેરેલા ઓફીસના યુનિફોર્મના શર્ટ પર પડે છે. તમારૂ આ ઘટના પર કોઈ નિયંત્રણ નથી.
પણ પછીની ઘટના,તમે શુ પ્રતિક્રીયા આપો છો તેના પર આધાર રાખે છે. પ્રતિક્રીયા 1 ઃ-
તમે ખુબ જ ગુસ્સો આવે છે.તમે તમારી નાની દિકરી ઉપર ખુબ જ ગુસ્સે થાવ છો તેને વઢો છો. તેના પછી તમે તમારી પત્નીને ચાનો કપ ટેબલની કીનારી નજીક રાખવા માટે તેના પર ગુસ્સે થાવ છો તે પણ તમારી સાથે તમને અને તમારી દિકરીને અણગમતા શબ્દો કહે છે. તમે ગુસ્સા સાથે તમારા રૂમમાં શર્ટ બદલાવવા જાવ છો. તમે શર્ટ બદલાવીને પાછા આવો છો અને જોવો છો કે તમારી દિકરી રોઈ રહી છે અને પોતાનો નાસ્તો હજી પુરો કર્યો નથી. તમે તેને જડપથી નાસ્તો પુરો કરવા કહો છો.તેનો નાસ્તો પુરો કરવામાં સ્કુલ બસ જતી રહે છે.તમારી પત્ની પરેશાની તથા ગુસ્સા સાથે નોકરી પર જાય છે. તમારી ગાડીમાં તમે તમારી દિકરીને સ્કુલે મુકવા જાવ છો તમે 60 કીલોમીટરની ઝડપની મર્યાદા વાળા રોડ પર તમારી ગાડી 80 કીલોમીટરની ઝડપે ચલાવો છો કારણ કે તમારે ઓફીસે પહોચવાંનુ મોડુ થતુ હોય છે.ટ્રાફીક પોલીશ તમને ઝડપી ગાડી ચલાવવાં માટે પકડે છે. ટ્રાફીક પોલીશ સાથે 15 મીનીટની રકઝક અને 500 રૂપીયાના દંડ સાથે તમને જવા દે છે. તમે તમારી દિકરીની સ્કુલે પહોચો છો તમારી દિકરી તમને ટાટા કે ગુડ બાય કીધા સીવાય સ્કુલ રૂમમાં જતી રહે છે. તમે તમારી ઓફીસે 25 મીનીટ મોડા પહોચો છો.તમારા ઓફીસ ટેબલ જોતા તમને યાદ આવે છે કે તમારી ઓફીસ બેગ ધમાલમાં ઘરે ભુલાઈ ગઈ છે.તમારા દિવસની શરૂઆત જ ભયંકર રીતે થઈ. જેમ જેમ દિવસ વિતતો ગયો તેમ તેમ તમારી મુસ્કેલીમાં વઘારો થતો ગયો.તમે ઘરે પાછા જવા માટે વિચારો છો. તમે જ્યારે ઘરે આવો છો ત્યારે તમારા અને તમારી પત્નીના તથા તમારી દિકરીના સંબઘોમાં ખટાસ આવેલી હોય છે.
શા માટે ??????????? આ બધું જ બન્યુ કારણ કે તમે પ્રતિક્રીયા આપવાનો જે અભિગમ અપનાવ્યો તેનાથી.
તમારો અખો દિવસ ખરાબ ગયો તેમાં વાંક કેનો
(અ) તમારી ચાનો (બ) તમારી દિકરીનો (ક) ટ્રાફીક પોલીશનો (ડ) કે તમારો પોતાનો
ખરેખરો પ્રમાણીક જવાબ છે (ડ) તમારો પોતાનો.. કારણ કે ચાના કપ સાથે શુ બનશે તે તમારા હાથમાં કે નિયત્રણમાં નથી પણ પણ તમે તેના પછીની પાંચ સેકંડમાં તેની પ્રતિક્રીયા કેવી આપશો તે તમારા નિયંત્રણમાં છે. જે તમારા ખરાબ દિવસ માટે જવાબદાર છે.

ખરેખર તમારી પ્રતિક્રીયા કેવી હોવી જોઈએ તથા તેનો શુ પ્રભાવ પડે ? પ્રતિક્રીયા 2 :-
તમે તમારા પરીવાર સાથે સવારનો ચા-નાસ્તો કરવા ડાઈનીંગ ટેબલ પર બેઢા છો.તમારી નાની દિકરીનો હાથથી તમારી ચાના કપને ધક્કો લાગવાથી તમે પહેરેલા ઓફીસના યુનિફોર્મના શર્ટ પર પડે છે. ઘટના તેની તે જ છે ફક્ત તમારી પ્રતિક્રીયા બદલે છે.
તમારી દિકરી તમને જોઈને દુઃખની લાગણી સાથે અફસોસની નજરે જોવે છે.તમે સહજતાથી થોડી મુસ્કારીને તમે કહો છો “ કંઈ વાંધો નહી. હુ જાણુ છું કે તારાથી ચાના કપને ધક્કો અજાણતાં જ લાગ્યો છે.” .તમે ઝડપથી ટુવાલ લો છો તથા તમારા રૂમમાં જાવ છો શર્ટ બદલાવો છે અને તમારી ઓફીસ બેગ લો છો અને પાછા આવીને બારીમાથી જોવો છો તો તમારી દિકરી સ્કુલ બસમાં ચડતી હોય છે અને પાછુ જોઈને તમને હાથ હલાવી ને “બાય બાય” કરે છે.તમે તમારી પત્નીને તેનો દિવસ ભરનો કાર્યક્રમ પુછો છો અને તે પ્રેમથી જવાબ આપે છે.અને બન્ને ઓફીસ માટે નિકળો છો.તમે પ્રફુલીત ચહેરે ઓફીસે 5 મિનિટ વહેલા પહોચો છો સ્ટાફમિત્રોને હલો બોલો છો .તમારા સાહેબ તમને આનંદીત જોઈને તમને ધન્યવાદ આપે છે.
ઘટના એની એજ છે પણ પ્રતિક્રીયા અલગ અલગ છે, તમે જ તફાવત જોવો ? બન્નેના અંતમાં કેટલો ફર્ક છે ? કારણ છે તમારી પ્રતિક્રીયાની રીત..હવે તો તમે માનો છોને કે આપણી જિંદગીમાં આપણી સાથે જે કંઈ બને છે તેના દસ ટકા આપણા હાથમાં કે આપણા કંટ્રોલમાં હોતુ નથી.પરંતુ નેવુ ટકા આપણે તે ઘટનાનો પ્રત્યુતર કે પ્રતિક્રીયા કેવી આપીશુ તેના ઉપર હોય છે.

નેવુઃ દસનો નિયમ અપનાવાના રસ્તા:- (1) જો કોઈ તમારા વિશે નકારાત્મક વાતો કરે તો તેને તમારા મન કે મગજમાં ન લો ,જેમ પાણી કાચ પર પડે અને રળી જાય તેમ નકારાત્મક વાતોને જતી કરો.
(2) કોઈ પણ વાત કે ઘટના માટે પ્રતિક્રીયા કે પ્રત્યુતર સમજી વિચારીને આપો. ખોટી કે જલ્દબાજીની પ્રતિક્રીયા કે પ્રત્યુતર તમારા જીવનમાં તણાવ, લોહીના રક્તચાપની બીમારી કે સબંધોમાં ખટાસ કે મિત્રો ગુમાવવાનો વારો આવશે.
(3) અઘટીક કે અચાનક બનતી ઘટના કે તમને ન ગમતી વાતો સાંભળીએ ત્યારે મગજ પર તથા તમારા ગુસ્સાને કાબુમાં રાખવાનો પ્રયત્ન કરો.
હવે તમને નેવુ: દસનો નિયમને ખબર છે તેથી તેને યાદ કરો અને તેનુ પાલને કરો.
હમેંશા યાદ રાખોઃ- ઘટના + પ્રતિક્રિયા = પરીણામ
(1) ખરાબ ઘટના + હકારાત્મક પ્રતિક્રિયા = સારૂ પરીણામ
(2) ખરાબ ઘટના + નકારાત્મક પ્રતિક્રિયા = નબળુ કે ખરાબ પરીણામ
(3) સારી ઘટના + નકારાત્મક પ્રતિક્રિયા = નબળુ કે ખરાબ પરીણામ
(4) સારી ઘટના + હકારાત્મક પ્રતિક્રિયા = ઉતમ પરીણામ

Management Lesson 1

2011-10-23T10:32:00.000-07:00

એક સેલ્સમેન, વહીવટી ક્લાર્ક અને તેના મેનેજર બપોરનુ ભોજન લેવા જતાં હતા ત્યાં રસ્તામાં એક જુનો ચિરાગ મલ્યો.તેને ઘસવાથી તેમાંથી એક જીન નિકળ્યો અને ત્રણેયને કહ્યુ
આમ તો હુ એકને જ ત્રણ વરદાન માંગવાનુ કહુ છુ પણ તમો ત્રણ જણા હોવાથી દરેકને એક એક વચન માંગવાનુ કહુ છુ.હજુ તો જીન બોલવાનુ પુરૂ કરે ત્યાં તો વહીવટી ક્લાર્ક "હુ સૌથી પહેલા,હુ સૌથી પહેલા" કહી માંગવા લાગ્યો કે હુ બહમાસના દરીયાકીનારે સ્પીડબોટ દરીયામાં ચલાવુ છુ અને દુનીયામાં શુ થાય છે તેની કોઈ પરવા નથી.

જીન :ઓકે અને વહીવટી ક્લાર્ક પહોચી ગયો બહમાસના દરીયા કીનારે.........
સેલ્સમેન:- હવે મારો વારો,હવે મારો વારો..હુ હવાઈ ટાપુ પર મારા અંગત માલિસ નિષ્ણાત પાસે માલીશ કરાવુ છુ અને પાસે અખુટ કોલા પીવા માટે અને જિંદગીનો આનંદ માણુ છુ...
જીન :ઓકે અને સેલ્સમેન પહોચી ગયો હવાઈ ટાપુના દરીયા કીનારે
જીન મેનેજરને કહ્યુ: શ્રીમાન હવે તમારો વારો....

મેનેજર:- તે બન્ને મારૂ ભોજન પુરૂ થાય ત્યાં સુધીમાં ઓફીસમાં હાજર થઈને કામ કરતાં હોવા જોઈએ........

કથા સાંરાશ :-
હમેંશા પહેલા બોલવા કે પોતાનુ મંતવ્ય બોસને આપવા દો

farmers Meeting on 07/01/2010

2010-01-10T04:23:00.000-08:00

ગુજરાત નર્મદા વેલિ ફર્ટીલાઈઝર્સ કં.લી. સંચાલિત નર્મદા ખેદુત સહાય કેન્દ્ર-માંગરોલ દ્રારા ધણેજ , તાલુકા માળિયા(હા) ગામે એક ખેડુત શીબિરનુ આયોજન કરવાંમાં આવ્યુ હતુ.આ શીબિરની શરૂઆત નર્મદા ખેદુત સહાય કેન્દ્ર-માંગરોલના કેન્દ્ર ઈન્ચાર્જ શ્રી એમ.કે.સનરીયાના સ્વાગત પ્રવચનથી થઈ હતી. શ્રી એમ.કે.સનરીયાએ ખેડુત વિમો,,ધઉંની વૈજ્ઞાનિક ખેતી પધ્ધતિ,વિવિધ સુક્ષ્મ પિયતપધ્ધતિઓ તથા ટિસ્યુ કલ્ચર કેળના ફાયદા,બીયારણની માવજત,જમીન તથા પાણીની ચકાસણી માટે નમુના લેવાની રીત વિશે માહિતિ આપી હતી.ખાસ આમંત્રિત જી.એન.એફ.સી.ના જુનાગઢ જીલ્લા ઈન્ચાર્જ શ્રી આર.એફ.પાંચાણીએ રાસાયણિક ખાતરની માંગ તથા પુરવઠાની સ્થિતિ,તેમાં અપાતી સબસિડિ,પાકની વિવિધા અવસ્થાએ પિયતની અગત્યતા વિશે માહિતિ આપી હતી. વિષય નિષ્ણાત પ્રાધ્યાપક શ્રી રમેશભાઈ ભીમાણી તથા શ્રી મહેશભાઈ ગજેરાએ નાળિયેરી માવજત તેમાં આવતા વિવિધ રોગ તથા તેની ઉપાય,ટકાઉ ખેતી,પાણીનો સપ્રમાણ ઉપયોગ વિશે માહિતિ આપી હતી.આ ખેડુત શિબિરના મુખ્ય મહેમાન, જી.એન.એફ.સી.ના એરિયા મેનેજર શ્રી ડી,સી, અમૃતિયા સાહેબે જંતુનાશક દવા ખરીદતી વખતે રાખવાનિ કાળજી તથા જંતુનાશક દવાના વધુ પડતા ઉપયોગથી થતા નુકશાન ,દૈનિક કૃષિ કાર્યની તથા એકમે થતો ખર્ચની નોધ,રાસાયણિક ખાતરનો સમતોલ ઉપયોગ, કૃષિ યુનિર્વસિટીની તથા કે.વી.કે.ની મુલાકાત,યુવા ખેડુતોને કૃષિ પેદાશોમાં આવનારી વૈશ્વિક હરીફાયને પહોચી વળવાં શક્ય એટલું કૃષિ જ્ઞાન ભેગુ કરવા,વૈજ્ઞાનિક ખેતી પધ્ધતિ જેવી કે ટપક-આવરણનો ઉપયોગ,બાગાયતિ પાકોમાં આંતર પાકો લઈને ખેતી ખર્ચ ઘટાડવો વગેરે વિશે માહિતિ આપી હતી.અંતમાં એગ્રો સર્વિસ સેન્ટરનાં સંચાલક શ્રી રામસીભાઈ કામરીયાએ જી.એન.એફ.સી.ની ખેડુત ઉપયોગી પ્રવૃતિની સરાહના કરી અને આભર વિધિ કરી હતી.